بنت السايب الجزء 56

خنساء شافت فيهاا بنص عينهاا و رجعاات تاني كاتشوف فلمراية و قالت بإجاز: شكراً

نسرين دوراتها فراسهاا...محدهاا فرحانة فا الوقت المناسب باش تطلب منهاا سماحة و تقدر تسامحهاا فيه هو هداا الى فلتااتو هزهاا الماا... خصوصاً ان وحدة بحال خنساء ماشي ديماا كاتكون على برجهاا و راشقة ليهاا....

زادت قربات بخطوات حتاا لحداها و نطقاات برجاء:الله يكمل عليك بلخيير مبرووك احبيبة...ولاهيلا فرحت ليك....

ردت عليها بنفخة مباغااش تشارك معاها اللغى نهائيا: الله يباارك فييك...

نسرين بلعات ريقهاا فلول... تشجعاات و قالت: خنساء فلحقيقة انااا...

قاطعااتها بحدة:شنووو تااني؟!!الى كان غاا على داك لبلان و تبريرات ديالك الخاوية فالله يرحم ليك الوليدين ضرݣي زلافتك علياا ماا فياا لي يجعر...

نسرين جاوباتها بنبرة مخنووقة: شحال من مرة غانقولك مادرتهااش بلعااني...و الله حتاا مكنتش كانشوف قدامي فديك اللحضة...همي كان مانبقااش نشم دوك الرواايح ..روعو لياا خااطري بلمزياان...لوحم لعب عليااا و دار معاياا خدمتو...مضرباتني الفيقة حتاا لقيت راسي لحتهم و لي عطاا الله عطااه...

خنساء فيكسات عينيها فيهاا وقالت:نسرييين رااك غااكتوحمي مااشي حمقة...

نسرين عوجات شفايفها كاتبوحط و قالت: لوحم خو لحمااق...

ردت عليها فلبلاصة بنبرة قوية: خوو الزبل...( يلاه غاتهضر و قاطعاتها بنفس النبرة) شتي هاد لهضرة لي كاتعاودي لياا فيهاا سيري خبريهاا على شي حد اخر...اناا رااه موكلاش لك معاياا...كاتدخل من لودن و تخرج من لخرى

جاوباتهاا بنفااد صبر: ناااري كنت كانقول عصاام لي قاصح و مكايرطااب حتاا كايخرج مني شييب زرق ساعة نتي قلتي ليه ماكنعرف واالو...(كملات بإلحااح)وعفاااك الله يساامح...غلطت و طلبت منك سماحة ما مرة مااجوج...واا صافي...

طلعااتهاا و نزلاتهاا ساطت و رجعت كاتشوف فلمراية و هياا كاتقول:ديريهااا قد رااسك و تجي طلبي سمااحة... من لول حركي دااك لعقل و فكري فشنو يقدر يطرى من بعد و نتي غااا مدرمة...هاد لمرة جااات فروايح كيفما كان لحال قضيتهم ساهلة...لمرة جاياا تجي فمااكتر و شي حاجة لي ماتعوضش و فكيها ديك ساااع...(كملات بجدية واضحة) كانݣولهاا لك و كاانعاودهااا خدمي دااك لعقل انسرين وخاا غير شوية(بتأكيد) خدمي عقلك...

نسرين: وصافي رااه و الله كون ما لوحم مانقيس ليك فييهم...علاه انا عمرني قربت ليك لحوايجك...و صااااافي لي غلب يعف مايكونش قلبك قاااصح...

خنساء طلعاتها و نزلتها عرفتاهاا مغاتفاكش معاها...و هياا مابقاا فيهاا لي يتخاابط فداك لموضوع دورات وجهاا بنفضة و قالت بغاات تسوسهاا : الله يسامح...

نسرين بتسماات بخفوت..لوات فمهاا بشكل طفولي و قالت:مممم...زعما من قلبك؟!!

خنساء بلغواات: من معدتي فهمتيها داباا...وااا سيري شوفي لك مااتقضي ماتبقاايش لاصقة فجناابي...

نسرين سكتاات تواني عرفاات ان صعييب تصالح معاهااا بسااهل... خصوصاً انهاا زبلاتها معاها هاد لخطرة بلمعقوول....و الى بغات تسامحهااا فضروري من شي حاجة داار على قبلهاا...

رجعت لبعض من خصلاتها ورى و دنها و قالت: احم...اناا و عصام تافقناا لباارح بليل...بلي ان شاء الله نهار لي يجي ولدي فدنياا نتي لي غا تسميه....

خنساء وسعات نضرتها من داكشي لي سمعت... دارت لجيهتها ناطقة بستفهاام: اناا؟!!

ردت عليها مبتاسمة بقناعة:هههه هاادي أقل حاجة نقدر نديرهاا معااك...من بعد ديك لفضيحة ليبغفان لي شوية و تقتليني عليهااا...

خنساء هزات حاجبهاا بتفاجئ ماتنكرش ان عجبهاا لحال ملي ختاارو يعيطو لولدهم لول و لا بنتهم بسمية لي تختار ليه هياااا....

محساتش حتاا بتاسماات برضى و قالت: اوى ملي هاكاا داباا نييت الله يسامح بلمعقوول..

طاارت عليهااا نسرين معنقاااهااا بفرحة...بعدااتهاا عليهاا خنساء و نطقاات بنرفزة: و بشوية غااتخسري لياا شعري منفختو غاا بزز...(عقدااتتهم فيهاا و كملاات) بلحق هاانتي ديري فبالك غاا نسميه لي بغييييت و لي جاااني على لݣااانة....الله يجعلني نسمييه"حديدان"..مااادوييييش....

نسرين وسعاات ضحكتهاا حتا تغمضو عينيها:هههههه اويلي باغاا تعقدي ليااا الولد...و عطيناك تسمييه تكااايسي لا تفديش فيه دقة لوحم و هو مسكين مداير لا بيدو لا برجلو...

ضحكت ليهاا خنسااء و هزات عليهاا كتفهاا بعدم اهتمام و رجعاات كااتكمل توجاد...

نسرين ضربات على كتفهاا و غمزاتها: يااختي درتي حتااا درتي و كملتي الدورة....و نتي ترجعي لحب اللول...اييييه شووف لمكتاااب...شكون كان كاايقول خنساء شي نهاار غاترجع من نصيب عبدوو و لد دربناا...لعشرة لقديمة...

خنساء: اوى الحبيبة ها هوا نهاار جاا....و متنسايش سير مع لأقداار...و لي مزوجين فسماا...مكااين لي يفارقهم فلأرض...

جاوبتهاا بإجااب:دااكشي لي كااين...الله يكمل بلخير(كملات كاضحك بطنز) و الله يجعل تكوون تالتة تاابتة هااد لمرة هههه...

ضحكاات ليهاا خنساء و قالت غامزاها بتقة: تابتة تاابتة....بجهد مولاناا غااتكوون تاابتة...

دازت لبلاكاار تختاار شنو تلبس فرجليهاا....و نسرين خرجااات من لبيت عااد رتااحت ملي صالحتهاا و رجعاات لامور عادية بيناتهم كان مسمار و طرقاتو...عاودات هبطاات لكوزينة تعااون نصيرة فلي بااقي مااوجدش و تشوف معاها لي خااص

العربي كان ݣالس بوحدو فصاالون كايتسنى فضيااف... شااف فلمݣاانة باان ليه لحاال تعطل...طل من شرجم و لحس مقطوووع باقي مجااوش...داار اديه ورى ضهرو و طلع مع درووج لعندهااا...لقاا اصلا لبااب محلول و هياا باقا قبالت لمراية كادير بعض الروتوشات لي بانو ليها خاص يدارو...

قرب لعندهاا و قال كايتساؤل: واش هاد نااس متلاوش جاايين...راه مشاا لحاال...ياك قلتي دايرين معانا و قت لغداا يجيو....

خنساء مع كاانت مشغوله مرداتش لبال لساعة...شعلات تيليفونهااا فعلا لقات لحاال تعطل شوية...

قلبهاا ضرب بخوف...بلعاات ريقهاا و قالت بتلعتم لهضرة تحبسات ليهاا : ل..لااا اباا...رااهم جاايين فطرييق...

العربي بنزعااج: اوى مالهم على هاد تعطيلة كاملة زعماا دار حداا داار؟!!مابقاا والو لعصر ابنيتي و حسهم مقطووع...

جوباتو خنساء بطمئنان وخا بدات كاتصهد: ابااا وسع خااطرك قلت لك هااهماا جييين....شوية تشوفهم قبالتك

العربي حرك ليها راسو و عاود نزل فحالو....غير تجري هزات تييل...صوناات ليه و مجاوبهااش...غير تقطع الخط و هيا تشهق ضاربة على فخضهاا بصدمة...

ندبااب على خدهاا و قالت برجفة: اويلي عنداااك يكوون رد ليااا الدقة...عنداااك يكون فداا فياا لقديم و جديد و انا كيف لحمقة على نيتي تيقتوو بااغي يرجع معاياا و بغاا لحلااال( شداات على راسهااا و ݣلسات على سرير رجليهاا مابقااوش هاازينهاا....وهيااا تكمل بنحييب) اويلييي و شوووهتي شوووهة و كيييف غاااندير نفكهااا الى مشاااا حتااا داارهااا بيااا..ناااري كحلتهااا مع داار كحلتهااا و ليووم ينحرني السااايب ليوووم يفصلني و ماا يفكوو مني حد...

باقاا كااتولول و تندب حتاا صوناا عليها... تنفساات صعدااء و جااوبااتو لاقمااه: فينك علاااش محااوبتينييش...و شنووو هاااد تعطيلة كااملة؟!!....(سكتاات كاتسمع فشنو كايقوليهاا و هيااا تخرج عينيهاا بصدمة حالة فمهاا بعدم تصديق) اويلي اعبد الله واش منيتك كاتدوي؟!! واااش هاااد مك حماااقت؟!!...

فالدار ديال عبدو كالسة حيااة وسط الصااالون مربعة بجلاابيتهااا المطروزة وفولارهااا مقندشة معاجبهاا حاال وعبدو كالس حداها لابس سروال اسود وتيشورط ابيض مع فيسط فالاسود مقاد تحسينة واللحية مطرااسية كايبان غزاال وانيق كايحاول يرطب معااهااا ... وواقفين قدامهم رانيا بكسيوتها كلاس طويلة بالكماام مجموعين ... طالقة شعرهاا على رااحتوو مسرح وسيمو جنبها مانتك ومسكسف على الحاالة ...

عبدو تنهد. :وا الواليدة يهديك الله واش الناس كايتسناو وحنا عاد غانفكرو فاالحلوة والبوكي لي باقي ماوجدوهش اصلاا عطا الله المحالات فين ناخدوهم ...

حياة باصرار : يااك اوليدي وماحشمتيش نديو داكشي سواااقي ... نولي ضحكة لنصيرة وتريكة السااايب على اخر ياامي يتحلو عليا الفااام ترضاها ليا ...

عبدو بتأفف : وا شنو بغيتينا نديرو امي راك سمعتي السيد على ودنيك... قالك طرا ليهم مشكل داكشي علاش ماقدوش يوجدو لي كوموونض ديال الناس ... و من هنا لغدا عااد يقدو يوجدوهااا حيت امشكل باقي ماتحل ... شنو بغيتي نديرووو ...

حيااة واقفة ليهم عصا: اسيدي انا مغااديش نمشي عند الناس بحلوة سواااقية وورد دابل من عند ولد فطوومة ... حتى صاحبتي لي مولفة تعتقني راااه مدهية مع عرس بنتهااا ... اما كون كاعما نرفد هم هادشي الله يخليها ليا .. ونتكل عليكم حتى نولي ضحكة

عبدو بعصبية : وشنو غانديرو بالسلاااااامة ... نكلسو مانمشيوش نولييو دراري صغااار قدام عباد الله ... الله يهديك امي راحنا غير غانتكلمو مع ناس لي دخلنا فيدنا هو هاداك ... ( شاف فسيمو ): دوي مع خالتك نتاااا ...

سيمو محاول يقنعهاا : راه اخالتي باش نمشيو لسونطر فيل وحنا كانقلبو وشوف واش نلقاو شي حاجة واجدة ولا لا غايكون المغرب ادن وحنا دايرين مع الناس مع العااصر ... راه والله حتى الباتيسري لي حدانا عندهم حلوة زوينة ... غير نتي معقدااهاا

رانيا كاتحاول تاخد بخاطرها : شتي والله اخالتي كون هادو علمونا بكري بيلا مغاديش توجد الكومونض ... انا كنت نعجن ليك احسن كعب على يدي واخا عروسة ... ولايني راه مكتاب ربي كايتصرف ... نعديو دابا باشما كاان ومن بعد نعوضوهااا ...

حيااة ضربات على فخاضهاا : نهار احتاجيتك اوجهي قمشوك المشاش ... اشوف ياا غاتمشي للسونطر تجيبلي شي حلوة مقااادة تحمرالوجه هما وشااان ولا راني مغاداااش ...

عبدو سااااط طالع ليه الدم :واااا الحماااق هااداا برب حتى لحماااقبزااف هادشي الواليدة عيقتي وحق الله ..... ( قاطعوا صوت التلفون ) : الو خنساء ...

خنساء باستفسار : امضرا جااييين ... فكيتو معاها الجرة...

عبدو حك على راسو : حلفات لا تزعزات ليا من هنااا ... انا غانحمااق برب ...

خنساء بعصبية ناطقة بانفعال : دوزها ليااا ... ( بتكرار ): دوزهاا ليااااا ....

عبدو مد لحياة التلفون : خنساء بغات تدوي معاك ....

حياة خدات التلفون بسوطة : الو اخنسااء ؟؟؟ ...

خنساء محاولة تكالما : يهديك الله اخالتي حيااة ... راحنا كانتسناوكم وبا بقا ليه شوية ويبدا يعرعر عليا ... نعلي الشيطاان ...

حياة مصممة : حتى انا ماقلت ليهم عييب يحيبو ليا السخرة بللخف ويجيو والا تسنيتو شوية حتى نتوما مغايطراا والو ... مانحشمش وجهي انا قدام النساااب فاول مرة ..

خنساء طلعااات ليها الدم : شوفي الالة حياة غانقولك جوج كلمااات يااا غادي تفكي علينا هاد الجرة وتجي خلااص ... يا غانجر ليك ولدك ونطج انا وياه لشي قنت ماتعرفينا فين صديناا وتبقاي لا ديدي لا حب الملوووك .. حيت راه بزااف هادشي العكس.. وراكي عارفاني نديرها ونفوتها لهييه

حياة خرجات عينيهاا : ياااك اخنسااء ...

خنساء ساااطت بنفور : وا ها العار اخالتي حياة ... انسيبتي الغزاالة ... الكبيييدة ... الفنة دالعاالم ... ماتخليناش نبداو فعايل العكوزة والعرايسااات ... انا الالة مابغيت ورد مابغيت حلوة والا بريستيج ...جيبي غا قبطة النعناااع واجي ولا ماتجيبي واااالو كااااع ... غا طلقيناا ها عاارربي رااني شوية ونطرطق ... ركبتي فيا الفقسة وانا عرووسة حرااام عليييك

قطعات عليها الخط وخبطات التلفون معصبة كلها كاترعد : وجه الشارفة مايحفى واخاا تحكو بحلفة ... اووووف ... الغداايد مع هاد النسيبة ...

حياة طولات فيهم الشوفة ونطقاات : إلى تقادو لكتاف يعود الكبير يخاف ... زيدو قدامي الله يتبعكووم لبلااااا كاملين ... قالك تبع حرفة بوك لا يغلبوك ما جاابتو من خلا الساايبة ...( سااطت ): وااا بلية بلاني بيها الله ...

سيمو ضحك وغمز عبدو : الله يعز الحكاام ... خنساء موك وشطحااتهااا غاتحير فيك نتااا ... ليك الله اوليدي اعبد الله ...

عبدو قاد الكول : زيد نتا كاتعرف غا تهضر الا ماضريتي كاتنفع ...

رانيا نغزاتو : شفتي العياالااات كي دايريين ... ماشي بحاالك نتاا ندوي معاك تسوط فيا بحاال الرعدة ... وا غاا مني تفكات الجرة ... لاابااس ... طلقونا رااه تعطلنااا ...

فصالون لكبير كانو ݣاالسين عائلة السايب و معاه ضيافو كايدردش معاهم...عبدو كاان حداا مو و فجنبهم سيمو أماا رانيا كاانت لفووق باركة مع خنساء فبيتهاا كاتسناهم يعيطو ليهاا...

نطق العربي بتكراار فرحان بيهم: مرحباا بكم و نهاار كبيير هدا...

ردت عليه حياة بابتسامة:ربي يكبر بيك اسي العربي...

نطقاات نصيرة حتاا هياا بترحيب:حسبوو داار دااكم اختي حيااة لا نتي و لا ولدي عبد الله....خودو رااحتكم...

عبدو بتاسم بجنب و نطق ببحة رجولية: شكرا لهلا يخطيك....

حيااة دورات عينيها: اوى فين عرووستناا هههه مغاتجيش تسلم علينا؟!!

نطق العربي كايضحك: موجودة الله اودي...(كمل مرفع صوتو كايعيط) نسرييين عيطي ابنتي لخنساء ݣوليهاا تهبط لعندناا...

ديك ساعه مشاات نسرين طالعاات لعندهاا كلمااتهاا ليهم...نزلات عندهم خنساء بخطوات تقيلة و دخلات لصالون فين مجموعين حادرة راسهاا متبتبة عويناتها فلأرض...هاد سيدة كاتنافس الحرباء كل مرة فلون و موض فشكل مايفهم فيها الواحد حتا لعبة...عبدو غير دخلات ضاربة اللحطة و مزيزة على لحاالة مقادة و مصايبة كلشي فبلاصتو و هو يتبت فيهاا شوفتو مزعزعهااش فيهاا بإعجااب كبيير محس حتاا لقاا رااسو كايبتااسم بهااد كتلة الجماال لي مابقاا والو و ترجع فملكووو... مع راسو كايتغزل بيهاااا وبجمالهاااا وحلااوتهاااا وانوتتهااا لي كتاخد العقل ...

تقدماات خنساء لجهة حيااة سلماات عليهاا معنقااهاا...و طولات يديها لعند عبدو و قف و سلم عليهاا و رجع لبلاصتو...سلمات على سيمو حتاا هو...يلاه غااتݣلس و هياا تجرهاا حيااة لحدااهاا..و ݣلسااتها فلوسط مابينهاا و بين عبدوو...شي لي خلاهاا تزييد تحشم و تزنݣ مقادراش طلع راسها من لأرض حشماانة...

نطقاات حيااة موسعة ابتاسمهاا و بنبرة مسرورة: بلا شك اسي العربي عرفتي المقصود من مجيتناا عندك الليوم...ولكن مافيهاا بااس نقول لاش جيناا قدام هاد جمااعة...

العربي: اييه الالة حياة...غير الى جات على خاطرك نشركو لملحة و طعام فلول...عااد ندويو فلمعقوول...

ردت عليه بنفي: لا اسيدي نهضر بعداا فلمعقول كيفماا قلتي لي جيناا على قبلو هو لول...عااد ناكلو ديك سااع...هههه باش يكون عندي منين يدوز...

نصيرة: هههه احتاا الى معندكش منين يدوز ندوزو واالديه صحة...علااه مالناا مانقدروش...

حياة:هههه الله اودي...نصيرة كلهاا و ماتقدرش... تقد وتفووت لديك الجيه...

نصيرة: هههه داكشي لي كااين

حياة بجدية: لمهم اناا ليوم جاياا طالبا فيد بنتكم...لولدي عبد الله الى قبلتو علينااا...

العربي بتاسم وقال: مرحباا و ألف مرحباا...هداك هو نهار لكبير عندي ملي قصدتونا فيه و دقيتو بابناا....

حياة: ربي يخليك اسي لعربي و يطول عمرك

العربي: و لكن انا مانعطيكم مناخد لييكم....لبنت قدامكم هياا لي تعطي ريهاا و تقول شنو بغاات...

حيااة بتااسماات: اييه مقلتي عييب ...(شافت فخنسااء و حطاات يدها على كتفها) اوى شنو قالت بنتي...مواافقة...

خنساء رسمات بتسامة على ملاميحهااا... نطقاات بنبرة خجولة: لي بغاا باا هياا لي تكوون

العربي بتاسم بفخر...ضرب يديه بجوج وقاال: اوى اسيادنااا الله يجعل كلشي مباارك امسعوود برفااه و البنين ان شاء الله....

نصيرة طلقاات تلاتة تزغريتات متاابعين جهد لي يتسمعوو فدرب كاامل...

حيااة شاافت فعبدوو غمزاتو وفهم...دار اديه فجيبو و جبد بواطة صغيرة...مدهاا ليهاا...حلاتهاا و جبداات منها دبليج تاع دهب...شدات فيد خنساء و قالت كاتلبسو ليها: هدا الصواب تاع دخلتنا اللولة عندكم...الله يتمم الاموور على خير...

خنساء زادت قداتو فيديهاا حمقهاا شكلو... شافت فيهاا وقالت: شكرا اخالتي...

حياة عنقااتهااا و نطقاات مبتاسمة:ماتقوليليش خاالتي... من ليووم غاتعيطي لياا مي حياااة...حيت غاانديرك بحال بنتي لي معنديش...

نصيرة عوجات شفايفها برضى عاجبهاا الحاال و زادت كبراات فعينيها...

وخنسااء وسعات ابتسامتهاا رمشاات فيها وقالت: لهلا يخطيييك....

العربي خاطب عبدو و قال: سمع اولدي لبنت راك رشمتيها دابا و قريب ان شاء الله غاترجع مرتك...و اناا راه مغااديش نتشرط عليك..لا مناحيت الصداق و لا دفوعهاا و لا مصاريف العرس و دهااز داكشي بينك و بينهاا لي تفاقتو عليه تبارك الله...و حتا الى خصات شي حاجة نزيدهاا من عندي حيت ماشي خسارة فيكم...غير هو حاجة وحدة لي غانوصيك عليه هو تهلا لياا فلبنت و ديريهاا فعينيك...راها عوينة وحدة لي عندي و هياا باش كانشوف...الله يرضي عليك..هاهيا امانة عندك ديريهاا فعنقك و صونهاا..

عبدو: كوون هااني اسي لعربي...راك بحالا كاتوصيني على رااسي...عتابر من دابا خنساء تهزات من عينيك و تحطاات فعينيا بجووج...غير تهناا من هاد الناحية....

العربي: الله يرضي عليك عارف لي كاين..راك كبرتي قدام عيني الله يرحم سي حسن خلا راجل ديال الزماان لي نعطيه بنتي و نعس مرتااح من جيهتهاا....نطلبو من ربي يسعدكم و يكمل كلشي بلخيير....( مد كفوفو قبالتو) دابا مابقا غير نقرااو الفاتحة..بسم الله

قراو الفاتحة بتأني بيناتهم و هما فرحاانين بلخصوص عبدو و خنساء لي مبقا ليهم والو و ينقزو بلفرحة كل واحد فيهم عينيه كايلمعو بسعادة كتر من لاخر...دااعين من المولى عز وجل باش يتمم فرحتهم و يجعل شملهم ديماا مجمووع...كلااو و سالاو و تافقو من بعد على لأمور الاخرى فيماا كايخص العقد و الصدااق و العرس...

نهار جدييد طلع مشرق بشميسة خفييفة مطلة على المدينة على الصباح بكري وشوية البرد كايسوط ... فجنب البحر غادة خنساء وعبدو كايتمشاااو محيدين صبابطهم فيدهم ... ومشاادين فكفوف بعضياااتهم ... كل وااحد فيهم فرحان كتر من لااخر .. وعينيهم كايلمعووو بالسعاادة والفرحة مرسومة على وجهوهم ...

عبدو شاف فيهااا : واخا بارد الحال شوية على الصباح ولكن الجو زوين ...

خنساء : وراه قلتها ليك البارح مني قلتيلي نفطرو هنا ... عرفت غاتكون مهدية باردة على النبوري ... شوف حناكي ونيفي ولاو حمرين فالبرد ... وليت حالتي ...

عبدو جبد ليها حنكها : وراااك غزالة قاالاااك ...

ابتاسماات ليه : بصح الحيبااااان ...

عبدو بايجااب : غزالة تبارك الله خاصك غا الگرون ...

ميقاات فيه : زعماااا نتا غير لي بغااا يدوي معااك واحق ربي المعبووود ... هادشي ماسويت عندك ...

عبدو زير على يدها : وا غا كانضحك معااك وسعي قشاابتك ابنت الساايب واايلي ...انا راه كانموت عليك ... راه بربي حتى ميساج منك كا يفرحني و كلمة منك كا تريحني اما النظرة من عينيك كتسوى عمري ...

خنساء وسعات ابتسامتها : هههههه ناس ولاو يتغزلو بجهد... فين كنتي مخبي هادشي...

عبدو ؛ واااايلي راااه غير موهبة ضائعة اما كون درت راسي فشعر ...كون خديت جائزة احسن ديوان شعري فالعالم العربي ههههه ...

خنساء : هاي هاي ومشيتي بعيد اودي اعبدو .. ولكن واخا هكاك مايتساالكش راك تم ...( شاطت مدبلة عينيها ): هازة الهم غير لهاد الشهروة لي باقين ... ماماك غا بغاات تعقدها علينا وصافي.. اناا كنت عوالة غير على شي حاجة خفيفة بيناتنااا ... صدقنا فعرس وخمس شهور ديال التوجااد لييه

عبدو تنهد : وا خنساء راك عارفة الواليدة .... داك النهار بزز باش قنعتها باش مانديروش شي خطبة كبيرة حيت باباك مابغاش يديرهااا ... مابغيتش صراحة نحرمها حتى من العرس... وعاد عائلتها فبرا بغاتهم يحضرو معااهااا العطلة دصيف لي غاتناسبهاا .. ( غمزها ): صبرنا اعوام مافيها والو الا زدنا فالصبر ...

خنساء بعجرفة : صبرتي نتا اعوام اما انا كنت عايشة لافيدا الله يخليك هههههههه ... راه حتى انا بزز باش قنعت بابا ببلان العرس ومابغاش يخصر ليا ... اما هو هاد التطوال معاجبوش ...

عبدو غمزها : شوية من عندك وشوية من عندي وكلشي غايكون مزيان ازين ...

خنساء : هاد شوية شوية غير فلول مني نتزوجو يولي كلشي عليااا ... نتوما الرجاال مافيكم تقة ....

عبدو ضحك : الله اودي علاه انا شحال عندي منك ... يدي بيدك الحبيبة متخميش أنا كنعرف نطيب ونعجن ... وحتا الدراري كنعرف نخرقهم ...

خنساء بلا حول : هههههههه راك خبرة على هاد الحسااب ... ايوا الله يعطينا وجهك .. زيد زيد نمشيو انا راه صمكني البرد هنااا ... وخاصني ندوز لدار راه قلت ليهم غادة غير نقضي واحد الغرض ... عاد تابعني نحل المحاال ... وعرس رانيا بعد غداااا وباقي مااوجدت وااالو ... شتي نتا برب خلايطك مكايربحو وانا تابعاااك فهباالك واش وقت الخرووج هادا ...

عبدو ضحك : ههههههه وا العفو العفو الالة كاتقلبي بحااال الحنش ... مانعرف منين نشدك ...

خنساء بطنز : اماتشدني مانشدك الله يرحم بيها الواليدين ... الشداان اوهووو ... اوهووو اووهوووو .. هههههههه

عبدو هز يدو : شتي نتي عقلك ملاقي مع الوااد الحااار بربي ... غا لي بغا يدير فيك الرااس .. زيدي قداامي ...

بعد مرور ستة أشهر

طلات الشمس على الصباااح بحياائها... ناشرة اشعتها الدهبية على المدينة ... كاتعلن على بداية نهار جديد بامل جديد وتفاؤل ... فكل صبااح حكاية يومية كاتبدا فموعد مع الشمس لي منورة الارض وكاتطرد النعااس والنوم ... بحال الا كاتفيق الاشجار والورود والفراشات باش تبدا نهارها الطويل... فالصباح حكاية عشق زوينة واعلان على بدايات سعيدة بعيدا على الماضي لي تدفن معاه الالام لي دازت والاهااات وكل مامضى وفااات ... زوين ولا خاايب ... مشاااا وخليناه ورااناااا ... حنا ولاد اليوم ... همنا الحاضر و المستقبل لي ممكن يتغير اما لي مشااا عمرو يكون ليه رجوع ... حتى واحد فينا مامعصوم من الخطأ وكلنا لينا عيوب ماشي مهم اننا نخفيوها المهم هو نعتارفو بيها ونصلحووهااا ... اي واحد عندو نقطة سودااء فحيااتوو مباغيش يتفكرهااا ماكرهش يفقد الدااكرة باش ينسااهااا ولا يدفنها ويحط عليها الترااب ولكن القوي فينا كياخدهاا عبرة باش عمرو يطيح فنفس الخطأ مرة اخرى ... مانحشموش من اغلاطناااا وانما نتعايشوو معاهااا وتكون درس لينااا ...

خنساء واقفة فالمحل ديال النكااافة كاتخير فالكساوي ديال العرس ... ومعاهااا حيااة لي حتى هي مشاركااها الراي وكاتختار معاها وطبعاا نسرين واقفة ويدها على ضهرها كرشها لفمهااا جاتها الحمالة زوينة مع الغلض والوزن لي تزاادت عطاااهاا وجه مورد ... ورانيا حتى هي حداهااا كريشتها متوسطة يلاااه بدات كاتنفخ وباينة مغاديش تكبر ليها بزاااف بحكم فالاصل ماعندهااش الكرش ....

خنسااء لابسة قبالتهم تكشييطة غزاالة منبتة بعقيق خفيف جهة الصدر داخلين فيها بزاف الالوااان ومطروزة بالاسود واقفة قدام المراايااا كاتبووزااا حدااهم عجبااتها بلاا قيااس : نااري شحاال فنة هاادي حبييتهااا غزااالة ... كيف جاتكم نتوماا ؟!...

رانيا باعجااب : كااتسطي عرفتي هااد الموديل طوندونس دااباااا ... جاتك واااعرة... شي حاجة هااربة واحق الله ...

نسرين مشاطراها الراي : حتى انا حبيتها همااوية وعاااد راااه جاتك بومبااا ...

خنساء وسعاات ابتسامتهاا : ولاهيللا ( خاطبات حياة لي كانت كاتقلب فشي تكاشط اخرين ):مي حيااة كيف جاتك ؟؟ ..

دارت عندها غير شافتها خرجات عينيهاا: اويلي وحدي ومالكي على. هاد قوس قزح دالالوااان ... وعاد الكحل باش مطروزة ... لا لا مافيها مايتشااف حالتهاا ...

خنساء : الله يهديك ... وااش عارفة بيلا هادي راه طوندونس دابااا كلشي كايحمااق على هاد الموضيل ... غير ديال الدواااقة ... وعاد جاتني فنى ...

حياة بنفي : ما جات معاك لا شوية لا بزاف ... وعاد العرايسات كياخدو لوان لي تنور حياتهم ماشي الكحل ... ماهو فاال ولدي لي تلبسي ليه لكحل نهار العرس بااين العربون من دابا الا برزتي بيهااا ...

خنساء بالحاح : وازدتي فيه امي حياااة راااه والله حتى كاتحمق ...

حياة مصرة : والله يابنيتي لا طاحت فوق كتفك ... حتى لسبوع ان شاء الله ولبسي حتى عباية كحلة نتي كاااع مكاين لي يقولك لااا فالعرس كغانبداوش بهااد الفااال المسود ... حيدي عليا داكشي ...

يلااه غاتدوي وهي تقاطعها نسرين : صافي اخنساء غير شوفي شي وحدة اخرى ... ( بهمس ): غا سايسي وبردي السوق ديري ليها الخاطر ها العار ...

خنساء بتأفف : ندير ليها الخاطر ونبقى انا بلااااااش ... ( كاتنكر ):,. اللله يعفو عليا وخلاااص ...

قاطعها صوت نسرين لي جاها مغص خفيف فكرشهاا : اي اي ... اربي

رانيا شداات فيهاا بخوف : ياك لاباس انسرين ...

تنفسات بعمق كاترخف : لا لا ماتخافوش غير وجع خفييف. . مرة مرة كايزورني ... عادي شهري هادا

خنساء بطنز : هههههه ايوا على سلامتك... نتي واااقلة غاتبلزي ليا هادشي لي فكرشك نهار عرسي ...

حياة خرجات عينيها مقاطعااهااا : اهيا ربي السللاامة الله يحفظ ... فمك لاحسو جرووو مالكي على هاد الفال ابنيتي ... لهلا يديرهااا

نسرين ضحكاات : هههههه كاعما تخافي الطبيبة قالتلي مغايوصل وقت الولادة حتاااال اخر الشهر غا تهناو ...

حياة : ايوا الله يفكك على خير ان شاء الله ياربي وتهزيه بين يديك وتفرحي بيه ...

بقااو كايقيسو ويحيدو حتى اختاارو كاااع اللبسات ولي اكسيسوار والامور لي غاتخص العرس... لي حطاات عليها يدها حيااة مكاتستخسرهاس فيها واخا كايتغاوتو دايرة معاها فوق الجهد ... سالاو وقادو مع السيدة الامور وخرجو كاايضحكو ... مع عتبو البااب وهو يبان ليهم عبدو واقف بحلة سبور وكاسكيط فوق راسو ... لحية كتيفة شوية مقاادة بشكل زويين .... على موطور زويين فحال شكل لي عند سيموو غير الموديل لي جديد شراااه باش مايبقااش متقل على محمد واخا هو عمرو قاليه لا ولكن من بعد ماتزوج بغا يخلييه مرتااح فموطورو مع مرااتو ومايصدعووش كل مرة ومنها حتى هو يرتااح ويتهنى من هاد الناااحية ...

حياة شافتو وهزات حاجبها :, اش كادير نتا هنا يااك خليتك فالمحل اش جابك ..

عبدو سلم عليها : اهلا الواليدة لاباس عليك ... قضيتو الغرض ..

حياة بايجاب :, اييه ونتااا بالسلاامة لاش تابعنا ماعندك مايدار ولا شنوو ...

عبدو شاف فخنسااء: فصراحة الواليدة جيت غير باش ندي معاياا خنسااء ... نشريو شي حاجة ونجيو ..

حياة قرماات حجبانها : شناهو ... فين غاتديهاا هبلتي لاااا ... حتى تعقد عليها وديها فين بغيتي ولاهيلا زوينة هادي ... وعاد ماشي مزيان تشوف العروسة قبل العرس خاااص تجمع زينهاااا .... بغيتهاا تمسخ فنهار فرحهااا ...

عبدو بطلب : ومغانتعطلوش الواليدة .... ساعة المكانة ونرجعوااا ..

حيااة : مااعندك فين تمشي سير قضي ليك شي شغل الا عندك ... خليني نمشي نكري الحمام الصغير لي لتحت لغدا ... عرسكم بعد غدااا اراا ماتشاوفو ديك الساعة...

خنساء غمزاااتو وهو فهمهاا ركب على موطورو ... شافت فحيااة لي حناة راسها على السااك كاتحسب الفلوس لي بقاو ليها باش تكري الحمام وهي تغفلهاا راكبة فلموطور ورااه ونطقاات بالجهد شادة فيه وهو كسيراا : والله مانتعطلو امي حيااااة ( سيفطات ليها بوسة فالهوااا ): مواااح عليك ...

حياة خرجات عينيها مجات فين تهضرك حتى لقاات غير العجااط وراااهااا .. حركات راسها بلاا حول : شيب الزرق غايخرجوه فيا هاد جوج .. لي خلا عبد اله غاتكملو ليا مرتووو ...

رانيا ضحكات : ههههههههه ايوا ماعليك غير بالصبر اخالتي حياااة .... انا غايخصني نمشي محمد خليتو منو للمحلاات بجوج وعيط ليا شحال من مرااا راكي عارفاه ماعندوش مع البيع والشرا دالعيااالااات .. اجا ماسكتووو ...

حياة بايجاب : سيري عند راجلك ابنتي ... راه دمو حاامي ... غا كابري ... وبشوية عليك فالطريق راكي متقلة

رانيا ابتاسماات ليها وودعاتهم وزادت هي ونسرين يكملواا شغاالهم فخاطرهم ...

فليل...طلعاات نسرين حاطة يد على كرشهاا و يد شادة بيها جنبها...بخطوات تقيلة كاتخرج نفسها بصوت مسموع..مؤخرا تقالت بزااف و لات كادير غا مجهود خفيف كايضياق تنفسهاا و تبداا تنهج...لابسة كسوة صيفية فايتة الركبة سامبل فلموڤ..و شعرهاا جامعاه لفوق على شكل كعكة راخفاه مخلية بعض من خصلاتو الناعمة هابطين على وجهاا...حنيكاتهاا مزينݣين و منفوخين لحمالة خلات وجهاا يتنور بلخصوص ملي دخلات لشهرها.

وصلات لبيتهاا فين كاان عصاام حاني على ركابيه كايقااد فسرير تاع لبيبي لي مابقا ليه غير ايام معدودة و يشرفهم...كان يلاه خدااه...

قرباات و هزاات حاجبهاا كاتساؤل بستفهام: اويلي علاش حطيتيه فجيهتك؟!! راه خااص يتحط من جيهتي اناا...

نااض وقف و رد عليها: و شنوو فيهاا..فينماا تحط...و زايدون راه هناا واسع جيهت بلاصتك مضيقة...

نسرين: نوو ماايمكنش تخليه هناا..ضروري ترجعو لبلاصتي...اويلي الى غير فاق لبيبي بليل شكون لي غايكوون بيه... مستحيل يبقى هنا نقولك...

جاوبها بتفسير: غانفيق و نهزو نعطيه ليك... ماالك عزيز عليك تعقدي لأمور...

وسعاااات فيه نضراتها: علا فيااقك زين اعصاام...نتااا ملي كاتنعس راك كاتموت..نجيبو طبالة و لغياطة و محال تفيق...دري غاايسخف مسكين بلبكاا عااد توصلو...شوفو يا غادير سرير من جيهتي...ياا غاتعطيني بلاصتك نعس فيهاا...من غير هاادشي مكااينش...

عصام وقف لتوااني كايفكر...و ملقااش حل اخر الى يرجعووو لجيهتها...

نسرين شافتو غايهزو و قربات بزربة: ضهرك احبيبة بلااتي نعااونك رااه تقيل..

طول يدو حاابسهاا بامتنااع: غاا ريحي و بعدي نتي و كرشك شغلي قااد بييه...

عااود فكو و هزو داايرو لجيهتهاا مقاادو فيهاا...

نسرين قربات بخطوة لعندو...كاتراقب السرير بعينيها

عصاام بتاسم و حط يدو على بطنها البارز و قال: شتي ماماك شحاال كااتشرط علياا ماتعجبهاا الحاجة حتاا تشحف باباك...

نسرين: هههه شنو غاتبدا تعمر عليا ولدي من دابا...

قاس على خدها بحنان و قال: و على انا نقدر؟!

نسرين حطات يديهاا فوق يدو و قالت: هههه شتك شااد معايا الخط ليوم تاني..اشجرى؟!

عصام هبط انضارو لكسوة لي لابسة حمقاتو فيهاا و قال متنهد معسل فيها عينو:هاااح...جهد من لمووڤ مااشي منك...

ضحكت حاطة يديها على عنقوو تلاصقات معاه طبعات قبلة على شفايفو بتلدد و قالت: ياااك اسي...مااشي مني؟!!

عصام عاود باس جنب شفايفهاا و نطق مبتاسم: واا نكدب..هاد اللون كاايجيك خطيير...اصلا اي حاجه و ليتي كاتلبسيهاا ولات كاتواتيك..لغلض صرعك العفريتة...

نسرين فرنساات عاجبها الحال ونطقاات بنبرة مطولة:يااااه على هضرة شحال غزالة و كاتفتح النفس بحال مولاهاا..هيا عاجبك غلضي وانا لي يسحاب لي ملي تقلت وليت كانبان بحال شي ݣرعة كيف لور كيف لقدام؟!

عصام:بلعكس ولله جاك نااضي....ولكن عنداك يقولك راسك ضعاافي ملي تولدي...

نسرين وسعاات ضحكتهاا و قالت: الله قداش قلتيهاا احبيبي...هالوجع هاالولادة ها رضاعة هاا تريبية حتا هياا...هاادشي كاامل كايتسنااني و نبقاا غليضة...ضروري نقص فشهورة اللولة حتاا نولف...ولكن ماتخاافش..على ودك ناكل بلا جوع باش نرجع نغلاض...وخاا نعرف نجيب بومبة نفخ بيها رااسي هههه

عصام : هههه بومبة ݣاااع (رجع هبط يديه لكرشهاا كايتحسسها نطق بابتسامة) مابقاا واالو و نشفووه...

ردت عليه كاتحرك فراسها: على مقالت طبيبة لخر تشهر... ولكن هااد لأياام و لا لوقت كاامل كايركل و يتقلب فكرشي مكايحبسش مامولفاش ليه

عصام: صاافي حتاا هو عياا بغاا يخرج...

نسرين: (عوجاات شفايفهاا بإحباط) كون غير خليتيني نعرف شنو عندي....كنا علأقل درناا سرير فلون لي غايتماشا مع لبيبي...ماشي فلبيض...

عصام: يااك غانعرفو غانعرفو...مالناا على زرباا...مكاين ماحسن من تخلي لأمور مامعروفاش...حتاا نهاار لولادة و تكون لفرحة فرحتين...

بتاسمات ليه و حدراات راسهاا مخرجة تنهيدة مسموعة من اعماقها و هيا متوترة

عصام حط يدو على دقنها مطلع ليهاا راسهاا و نطق باهتمام: خايفة ؟!!

نسرين: محد لوقت كايقرب و الخلعة كاتشدني...سي نوغمال نخاف ولا لا؟!! (بتااسماات ليه و كملات متبتة فيه شوفتها) ولكن ملي كانكون معااك خوفي كايقل قول كايمشي كولو...غير شوفة فعينيك كاتنسيني كلشي..

عصام ضحك بطنز و قال: هههه هانا تاني على تعناااب و شحال كاتعطيه قتلة...

غوبشات بملاميحهاا و قالت: نااري شحاال خضر..وااش مانقدروش انا ويااك نعيشو شوية تاع رومانسلوݣية بلا ماتعلق..والو زعماا؟!! عزيز عليك غاا ملي كانقربلوهاا و نوضوها تشطح...

عصام: هههه و شكون لي كايخلينا نوضوها و نقربلوها من غيرك البرينسيسة ديالي...اناا راه نهار لي كايدوز و ماكديريش فيه دييك وااااااااع كانحس بشي حاجة ناقصة فيه...تݣهمت بصداعك حتاا ولفتو و ولا منغمني...

نسرين: مممم كاتحشي ليا فلهضرة و لا كدبت....

زااد الضحك حتاا تغمضو عينو و قال: ههههه كانتخاايل راسي غير جبتي ليا شي بنت بحالك عقلها يكون حتا هو نابت فوق شعرهاا كيف غايكون بياا...كنت فهبيلة وحدة غانولي فجووج..

زادت عقداتهم فيه حابسة ضحكتها و ضربات على كتفو و نطقاات: لاا حشياان لهضرة بلعلالي داكشي طاي طااي عندك...اناا نيت هبيلة بصح ݣالسة كانتعاود معااك و نتا كاتسرصط فياا بلفن...(تماات غادة دافعة على كرشهاا خارجة من لبيت و هيا كاتقول) سير سير حيد عليااا...

الصباااح صباح ماليه الملحة والسر عليه ... صباح ديال الحمااام دااز كلو فييه ... مشاو البناات المقرباات مع العروسة والعزبااات لي دوشو ليهاااا وعاونووهااا فحمامهااا واخا هي كانت مهلية فراسها فهاد الشهورة الاخيرة بااش تطلع قرطااسة فالعرس ولكن دارو معاهااا الفااال ودن الظهر عااد رجعوا للدار بسطولااتهم كاايغنيو ويطبللواااا الطريق كااملة كلشي ساق الخباار لبنت السايب غاتضربها بتزويجة التااالتة... غادين حاميين السووق حتى وصلو للدار باش يوجدو للحفلة الحنة لي غاتكون فالعشية ...

تعاشات العشية فدار العربي و ريحة البخور والحنة فايحة من الصاالون ... صوت قهقهااات واحاديت فتيااات كاتعااالى وكل وحدة مقاادة احسن من الاخرى .. كاع بنات الدرب مجموعين وحتى بنات العاائلة كايتبادلوا اطرااف الحديت وجوج نقاشاات مسااعدااات كاايحنيوو ليهم عاااد وااقفة المعلمة كااتقااد البرزة ديال العروسة ديال الحنة فالوسط ديال الصاالون وكادير عليها اخر اللمساات ...

وقفات عليها نسرين بلباقة : جا غزال هادشي الله يعطيك الصحة ... ولاهيلا خنسااء عبرات مني بدلاات اللون ديال البرزة دالحنة ... البيض والدهبي جااا واااعر حسن من الاخضر ...

النقاشة : ايوا هاد الوقت العرايسات ولا عزيز عليهم التجديد وشي مايشبه لشي كل وحدة كاتبغي تفرح براسهاا على طريقهاا ...

نسرين : واييييه ... بما انك ساليتي واقلة نقول لعروسة تهبط ...

النقاشة : اييه عافاااك ... يلاااه يلاااه نجيو مع الوقت هما هادوك ...

نسرين استاجبااات ليهااا و اتاجهات باغااا تعيط ليها وهي تسمع مع الدروج جوج بناات من الدرب كايهضرواا بيناتهم

_ هاانتي يااختي السعد ولمن عطااه الله ... شي مالقا حتى واااحد وشي غاايدير التاااالت ... ولاهيلا هاد بنت السايب فقيها صحييح ... مكايدور عليها العام حتى كاتضربها بتزويجة اخرى ...

_ردات عليها : وماشي اي تزويجة الالة مطلقة جوج مرااات فلخر دات واحد عزري عمرو فات فيه الزوااااج .... تقول غا هي لي كاينة فبنات الدرب ... حياة جن لي فيها مكان يحملهااا ومامشات حتى جابت ليها التمااام وطيرات ليها الولد وهي كاتحنزز.... ودايرة ليهاااا الشاان والمرشااان تقول عزبة

نسرين حركات راسها بلا حول وزادت من حدااهم دايرة فيهم شوفات كاطلعهم وتهبطهم ونطقات مسمعااهاا ليهم : ياااربي تستر ياااربي ... قل اعود برب الفلق...

طلعاات ديريكت للبيت عند خنسااء حلااات عليهااا كاانت كاالسة قدام مرايتهاا لاابسة قفطاااان مهيب بالغوز بيبي مطرووز بالدووغي من الفوق كاامل ومن التحت سااامبل ... ماركية لاطااي ديالهااا بسميطة خفيييفة على الخصر ... جامعة شعرهاااا البني بمشيطة انييقة من اللور ماطلقاااتوووش .... ميكياااج تراابي وااعر دارتو غير راسهااا ... بادية بكريم على وجهها كااامل وعنقهااا ... كونسيلر حول عينيها ... فونديشن لبشرتهاااا باش توحد اللون ... كونتوور مخدوم بطريقة احترافية بارز ملااامهحهااا وشكل وجهها .. مخلية حجبانهاااا على طبيعتهم .. مركزة على عينيها لي خادمااهم بالوااان باااردة برزو نظرتهاااا وايلاينر وماسكاارااا عطااوهاااا شوفة قتااالة ... مكتااافية غير بهايلااايت خفييف وروج تراااابي بارزة بييه شفاايفهااا وحمرة على خدودهااا الموردة ... مزينة ودنيهاااا بحلقاات كبااار وباك ديال الماريااج فصبعهاااا مامكتراش بااش تاخد راااحتها فالكلسة بلاا تورزييز ... جااات بومباااا تقول عروسة لاول مرة وعمرها تزوجات ولا برزاات ... محاولة تخرج على المألوف واللبسة الخضرة اختارت تكون اطلالتهااا بوووحدهاااا بعيدة على المعتااااد ...

نسرين شافت فيهااا : ياااختي على الزيين .... جيتي فنيونة مااشاء الله ...

خنساء وسعات ابتسامتهااا وقربات حاطة يدها على كرشهااا : حتى نتي جيتي غزااالة .... وااتاااتك الكريشة بللااا قياااس ..

نسرين: ربي يخليك احبيييبة ... يللااه هبطي رااه النقااشة كااتسنى ...

خنساء بايجاب : اه وااخااا انا نلبس سباااطي ونجي ... يااك ماشي مشكل الا هبطت بووحدي ...

نسرين ضحكات : ههههههه خودي راحتك مكاين حد اصلاا غا البناات بينااتنااا ... يلاااه انا سبقتك ماتعطليش ..

خنساء حركات راسهاا بايجااب شافت راسهاا فالمراااياااا باان ليهاا كلشي هو هااداااك ... لبسااات صبااط فالغووز مزوق بالعقيق فالابيض كاايهبل ... جا مع اللبسة هو هاادااك ... يلااه غاتخرج وهي تسمع التلفون كاايصووني ... شاافت نمرتووو ورسمات ابتسامة وااسعة على ملامحهااا ... جاوبااات بصوت عدب : عاااش من سمع صووتك اسي العريس ...

عبدو ضحك : الله على الصوت الرناااان .... توحشتك ازينة البناات ....

خنساء رمشات : ههههههه يتوحشك الخيير ... غير هو الحبيب هادا ماشي وقت الوحش ... راه عندنا الحنااا وخاصني نهبط نقش ... احتافض بهاد الكليمات حتااال لمن بعد وارااا ماتفتي فيهم. ..

عبدو بنفي : لا الحيباااان انااا بغيت نشوفك داابااا ... طلعي لسطح انا كانتسنااك ..

خنساء خرجاات عينيهاا : اويلي على سطااح اش كادير تماااا ... ومنين طلعتي انااري ...

عبدو ضحك : هههههههه وا طلعي ونقوولك ... اش باان ليك تجي نتي ولا نهبط اناااا عندك حتى للبيت ...

خنساء غمضاات عينيها بتأفف : اوووف اعبد الله اووووف ... صافي بلاماا تهبط هاني جااية .

قطعاات علييه وهزات على جلايلهاا طاالعة فالدروج كااتسلت بااش مايشووفهااا حد ... سمع صوت صبااطهااا كاان عاطي وجهو للزنقة ... دار عندهاا غير لمحهاااا رمش بتتقال من جماالهاااا... للحظة تشووكااا غير كايشوف ويمتع عينيه بهاااد التحفة الفنية لي قداامو ... كل حااجة فبلااصتهاااا منااقصهاا واالو ... طلعااات قووقة لي شاافهااا يسهى فجمااالهااا وبلاا شعوور يباارك للرحماان فخلقو وابدااعو ...

فيقااتو من سهوتو: عاار ربي اعبد الله وااش هادا وقت هااد التبرهيش ... ماخفتيش يشوفك شي حد ...

عبدو جااوبها: ونتي مااخفتييش نموووت قبل مانشووف هااد الجماال ... وهااد الزيين ... هااد النعمة لي عطااني الله نضيعهااا ...

ضحكاات بخجل : لله ينجيك يموت عدوك ولي ماايبغييك ... علااه شحال عندي منك ...

هز يدهاا بحنااان ورقة متحسسهاا وقربهااا لشفاايفوو طاابع قبلة عليهم وناطق بصوت بااح : جيتي امييرة ... نتي مني كان كايتفرق الزين هرفتي على الدريات كاااملين وخليتي لييهم الربع مقاسمينوو بينااتهم ...

خنسااء سبلات فيه عينيهاا : هههههههه وماخفتيش نتمسخ كيف قالت ماماك ومانطلعش زويينة ... يااك العروسة خااص تجمع زينهااا وعاد الحنة مكايشوفهااش العرييس ولا نتااا زرباان فكلشي ...

عبدو ضحك : هههههههه وعلاه انا لخاطري قالو لياااا ممنوع تشوفها اليووم ... بقيت غادي جاي غادي جااي كانخيط فدار واالو ماصبرتش وانااا ندير شرع يدي باش نشوف زين دياالي ...

خنساء : عار ربي كيف درتي ليهااا ... منين طلعتي ...

عبدو :خههههههه وا حتى نكون طلعت بعدا ... انا نقزت وجيت طااير لعند لالة البنااات .... ( غمزهاا ): طلعت من عند توفييق صاحبي لسطح لي ورااكم وجيت لهنااا ...

خنساء ضحكاات : هههههههههه ياا خويااا رااك نزق ...

عبدو :ومالي هبييل نفلت هاااد الجمااال ... رزق عطااه ليا الله باغين يحرمووني منو ماشي حشوومة ... كاين شي حد كايتكبر على النعمة .... مجاااتش ههههه ...

خنساء حركات راسهااا بلا حول: واااخاا اسيدي ... ايواا هاانتااا شفتي النعمة ... سير خليني نهبط راااه كايتسنااوني ...

عبدو :وهاد النعمة حنا نبقاو غا نشوفو فيها ماندوقوهاااش ...

خنساء ميقااات فييه : زرباااان ... ايواا اسيدي الصبر الصبر رااه مفتااح الفرج ...

عبدو : وغاااا بووسة ... فالحنك اللالة كاااع ... رااه صبر كايدبر ... ونتي دوزتي عليا السرااط ... وماخديت من عندك حتى بااش نصبر راسي هاد الشهوورة ...

خنساء بطنز : ههههههههههه ايوااااا باااش النعمة تجي بحلاوتهااا وماتبساالش خاااص تكال فوقتهاااا ... ( بعجرفة ): وراه مااغاتدي مني هاد السااعة حتى بااش تنقي سناااانك الحيباااان غير ارتااح ...

عبدو طول فيها الشوفة : الالة غير النظرة فدوك العوينااات تروي عطشي تلاااتين يوم متتالية ...( غمزهااا ): سيري قبل مانصدق مخليك بلا حناااا ...

خنساء ضحكاات : هههههههه ايواا لااباااس مني فهمتي راسك بعدا ... يلااه تهلاااا نتشاوفوو غدااا ...

عبدو : افليل صوني عليا ابيل فيديو قالاك غداااا ... ( بتاكيد ): ماتكتريش الحنة الله يحفظك ...

خنساء بايجاب : كووون هاني ههههههههه ... يلاااه تهلااا وا رجع منين جيتي..

ابتاسماات ليه مشيرة لييه ببوسة فالهوا وهي غاادة كاتفرنس وقلبهاا كافرفر بالفرحة ... وغير كااتشوفو كاايولي يضرب فالتسعيين بلااامااا تحس .... من نهاار تخطبو والضحكة مافارقاتش وجهها حاسة براسهاا فرحاانة لواحد الدرجة مكاتصورش .... عبدو خشا يدو فجيبووو متبع ليها العييين كاايبتااسم حتى مشاااات ورجع نقز رااجع فحااالووو من الطريق لي جااا منهااا ..

فقاعة افراح جات وسط المدينة كايتسمع صوت الجووق مصدع الشااريع كاامل والهاراااج كايدل على العرااسية ديال بنت الساايب لي مقامة تماا والداخل والخاارج فالقااعة لي مبلووكية بالنااس ... فالبيت الخاااص بالتبداال كالسة خنساء كادير اخر اللمسات بتكشيطة هماااوية فالبلو غوااا مزوقة بالعقيق فالدوغي من جهة الصدر مطروزة بطريقة رااقية و مقادة على حقها وطريقهاا على راسها تااج متسوط فلون الطرز مزين بعقيقات خفاف فالازرق ملكي مزين شعرهااا والشدة لي دايرة جامعة خصلااتو بطريقة فخمة واكسيسوارات فنفس اللون .. كوليي عاامر فعنقهاا كايبري وحلقااات مزينين ودنييهاااا .... مضوي هادشي بوجهها لي كايبااان رااائع بميكاااب سموكي احترااافي من انامل الميكاب ارتيست الشهيرة غزلاان بورزيزة لي جات من سلا تحت طلب خنسااء لي اكداات انهااا هي لي تقاد ليها نهار فرحهااا .... دايرة ليها ماكيااج رائع مركزة ليها على العينين بطريقة لي بارزااهم بطريقة كايبااانو كباار ونظرتهم وااسعة بشكل غرييب ... من خلاال الالوان الغاامقة لي معتاامدااهااا جامعة مابين القهوي مغلووق على جفنهاااا وغادة وكاتفتح لبراااا ... بدرجاات نيود فوق عينيها .. بارزة ليها شكل وجهها بطريقة كاتخلي اي وااحد يفهااا فيهااا ... ميكاب صاروخي عاطيها جادبية خاصة واطلالة فخمة ... مكملو احمر الشفاااه لي بالقهوي الغااامق على شفاايفهااا المنحوتين ...

خنساء شافت راسها فالمرااايااا ونطقاات مخاطبة غزلاان باعجاب : ياااختي يدييك كاايخرجو الدهب ... هادشي كاايحمق ...

غزلان بابتسامة ووجه بشووش حتى هي لاابسة تكشيطة غزاالة فالغوووز مزيراها بسميطة دهبية على خصرهااا طالقة شعرهاا الاسود على رااحتو ودايرة ميكااب انيق على وجهها كاتبان كيووت ....جاوبااتها : نتي لي فنة ولي درتيها كاتجي معااك .. مشااء الله علييك ... طلعتي غزالة ...

خنساء : يخليك ليلي اغيزو ... لهلا يخطييك ... وشكراا بزااف حيت جيتي تالهنا وماحشمتسنيش ...

غزلاان كاتقاد ليها الفواال على راسها : الله اودي ... على الراس والعين احبيبة ... الله يكمل عليك بالخير ( غمزااتها ): العمااا لهاد الرجاالة لي مكانوش يشوفو هاد الزين كاامل ...

خنساء ضحكات : ههههههههه ... لا احبيبة هاادي راه التزويجة التاالتة ... دعي معايا غاتكون تاابتة ههههه ...

غزلان ضحكات : هههههههههههه اللهم بااارك ... الالة ماعندي مايتسااالك .... لا لا ان شاء الله هادي تااابتة ماتخمميش ... غانكون فال خير عليك غااتهنااي ...

خنساء.: مافيهااش شك هاادي ... الله يعطيك الصحة ( شافت فراسها بابتسامة ): ولاهيلا حبيتني ...

بقاو كايتحتووويديرو لمسااتهم الاخيرة للعروسة باش تكون وااجدة

نصيرة كانت كاضور كاترحب بالضيااف بقفطاانهاااا دايرة فولار خفيف على رااسهااا وتبتاسم ليهم ... شافت فالسااعة الوقت وهي دور عينيها لنسرين لي كاانت وااقفة مع نجااة كايهضرو لابسة تكشيطة غزاالة فالمووف بااارد ... منبتة كلها بالعقيقي ملون ... طالقة شعرهاا مبوكلي متبتة عليه حجيرات فالابيض ودايرة ميكاااب سموكي تقييل عطاها طلة اخرى وملامح مغايرة على المعتااد حاطة يدها على كرشهااا ... شيراات ليها نصييرة واتاجهات لعندهااا ...

نصيرة : هْل العريس مابقا ليهم والو ويوصلو طلعي الله يرضي عليك عيطي لخنساااء باش توجد وتهبط ...

نسرين : واخاااا انا نطلع ... غير هو راكي عارفاني متقلة دقة دقة عليا فدوك الدروج عاد نوصل عندها ...

نصيرة : واخا غير قضي قضي انا غانمشي نشوف العربي فين هو باش يتلقى للنااس ... )حركات ليها راسها بايجااب وطلعااات تدير لي قاالت ليهاا ... (

حلاات الباب لقاات خنسااء كاتصور هي وغزلاااان باش يخليوهم للذكرى وضحكاات ليهم: ابصحة ههههههه ... ( شافت فخنساء ): تبارك الله مشااء الله طلعتي فنة .... ( مخاطبة غزال ): الله يعطيك الصحة وتبارك الله على يديداتك ...

غزلان بلباقة : الله يكبر بييك ... شكرااا لهلا يخطيك...

خنساء بابتسامة : ياااك بعدااا طلعت ... مكاتجااملوونيش ...

غزلاااان : فنة فنة الله يحجبك .... قبل ماتهبطي قرااي المعودتين ... راه ناس كتااار التحت ...

نسرين : ايوااا هي الا قريتيهم دااباا نيت ... راااه نصيرة قالت ليك خاصك تهبطووو ... النااس قربو يجيو ...

خنساء بايجاب : وااخااا غير تجي النكاافة رااه مشاات للحمااام ونهبطو ....

عاد هبطات بالزغااريت والصلا والسلاام على النبي ... كلسات فالبرزة لي مقادة على حقها وطريقهاا بالابيض والدهبي لي مزوق القاعة كاااملة بشكل رااائع وبسيط فنفس الوقت ... دايرو ابتسامة عريضة وكاتبادل النااس الضحكة وتحرك راسها بلباقة للي بارك ليهاا. .. العائلة كلها حااضرة وعائلة العريس حتى هماااا... كلشي فرحااان ونااشط ... نااس الحوومة لي قرااب والجيراان والصحااب ... كايشوفو فعروستهاا خنسااء فحاال شي اميرة ... مضوية الحفلة باطلاالتهاا...

تسمع صوت عيسااوة لي جااين مع العريس وعائلتو جايبيين الدفوع فوق الطيااافر الدهبية كل واحد بااش عاامر ... ها التوااب ديال الجلالب الملونة وشراابل انيقين بموديلات عصرية ... وكسيوااات طوااال ديال الفتيااات وصبااابط عااالين مستفيين بطريقة زوينة ... و بواطااات انيقين ديااال لي شوميز دونوي مستفيين مع الرواايح والمييكااااب والشااانطااات حتى هماااا بحجم مختاالف ... وصوااني عاامرة بالدهب لي جابوهم ليهااا وكموساات دياال الحنة والتمر معمر .. دفوع كامل وكموول على حقو وطريقو منااقصو واالو ... تقدمو للقاعة وتوقف الديدجي وعيساوة دارو خدمتهم منشطين الجو دايرين وسطهم العريس لي كااان انيق بجلاااابة مغربية منخوية ... مطرااسي لحيتو ومقادهااا بطريقة كلاااس ... راسم ابتساامة وااسعة على شفايفو فرحااااان بلا قياااس وكاايشطح هو وسييمو لي مكانش كايقل علييه انااقة طبعااااا والحضور كلو وقف كاايصفق ويشطح مع عيساوة

مولاي صلي على محمد وعلى سادتنا اله وصحبه الكرامي...

مولاي صلي على محمد وعلى سادتنا اله وصحبه الكرامي...

الله الله الله... الله الله الله

مولاااي خووود بيدي

الله الله الله

سيدي ياربي وكون بي

الله الله الله

ياوعبيدك لاتخيبوو...

الله الله الله

يااسيدي سعدو بيك سعدوو بياا

شييخ مايفرط فيااا

عاري عليك لعاار على لجواااد ايا باااباا

يااسيدي سعدو بيك سعدوو بياا

شييخ مايفرط فيااا

عاري عليك لعاار على لجواااد ايا بااابا

طلعاات عروستنا هي والعريس بالصلاااا والسلااام على النبي شادين فيدين بعضياااتهم ... دخلو لبلاصة المخصصة ديال التبدااال لي كاانت مستفة فيها النكاافة كاااع الماطيرييل ديااالهاا والتكااشط لي غاتلبس خنسااء... وحتى البدلاات ديال عبدو معلقااهم تمااا ...

خنسااء ابتاسماات ليه حاطة يدها على كتفو كاتقاد لييه الجابادور لي لاابس : هههههه جا معااك البلدي ... اول مرة نشووفك لااابسو ...

عبدو ضحك ليهاا شاد فيدهااا : حيت اول مرة نلبسو اصلا هههههه ... ونتي طلعتي قرطااااسة ... بوومباااا ... عيااو الدرياات يتقاادو بااش يحيدو عليك الاضواء ساااعة بربي حتى حنتييهم كاااملين ...

خنساء بطنز : ونتاااا كيفاش حتى عرفتيهم مقادين ... ولااا كنتي حااضيهم ...

عبدو بلا حول : هههههههههه واش لي عندو هاد الزين غايشوف فشي حد اخر ... راه مكايناش بنت المرااا لي تعمر ليا عيني ولا قلبي من غيرك...

خنساء شافت فالنكاافة والمساعدة لي معاها كاتبتاسم ... كايقادو ليها لتكشيطة لي غاتلبس ونطقات بهمس: معانا الزاايد ... ههههههه حتى نكونو الراس فالراااء وارااا ماتعبر. ...

عبدو شاف فيهم فاهمها : ههههههه ايمتاااا يساالي هاادشي بفففف... ( غمزهااا ) : انا غاندخل نبدل ...

حركات راسها بايجاب ضاحكة فوجهو ... وهو خدا شنو غايلبس من عند النكااافة ودخل لبلاصة فين غايبدل ... اما خنسااء كلساات كادير ليها غزلان روتوش خفيف للميكاب ديااالهاا... عااد لبساااتهاا النكاافة اللبسة ديال الضورة العمااارية ... كانت تكشييطة عاامرة عقييق من جهة الصدر وهابطة منبتة حتى للتحت ... فالشييبي باارد ومطروزة بالاخضر مغلووووق... مزيرااها بمضمة فلون العقييق كااايبري جهة الخصر متوسطة فالحجم ... تااج عرااائسي خفيف نازل منو خييط رقيق على جبهتهااا حلقااات كباار بنفس الشكل كولي فعنقهااا ... ميكاب صااروخي بارز ملاامحهاااا بشكل مبهر ... دايرين لييهااا شدة ساامبل فشعرها لي خلاوه على طبيعتووو...

نزلووها بالصلاا والسللاام يدها فيد عبدو لي كاان لابس جلابية هماااوية ديال العرسااان فالبيج مطروزة بالاخضر حتى هي بليغة تقليدية فرجليه وابتساامة مامفارقااتش وجهو بالمرة وعينيه كايلمعوااا بالفرحة ... كاانت العماارية محطووطة كاتسنى العروسة بيضااء مزينة بورووود فالغووز بااارد والابيض كااتبري حايطين بيهاا ربعة ديال الرجااال لي غايهزوها بلباسهم التقليدي ... كلساات خنساء كاتبتتاسم فوجه العربي لي جا بااس على راسها بحب راضي عليها هي وعبدو ... عاااد خدم الديدجي موسيقى الدورة العمااارية لي تهزات وسط القااااعة وعبدو قدااامهاا مابغااش يركب فالعمارية وفضل يتمشى قبالتهاا ...

تعالاات الأغنية وخنسااء كاضحك وتشير بيدهااا للحضوور فرحاانة مقاادااها فرحة ...

ألف هنية وهنية ويالالة

لالة خنساء فلعمااارية

ويالالة

الف هنية وهنية وبالالة

خنساء فالعمارية ويا لالة

تمر فطبق هدية ويالالة

لالة خنساء فلعماارية مبروك ألالة

ألف هنية وهنية ويالالة

لعروسة فلعمااارية

ويالالة

هنية وألف هنية

عروستنا زينت سمية

مبرووك ألالة

ألف هنية وهنية ويالالة

لالة فلعمااارية

ويالالة

لالة وردة محضية

عروسة عاالية ترية

فلعمارية

ألالة وزيدي دوري

مبروك علييك مولاي سلطاان

سيدي عبد الله زين السمية وياالالة

سالاو الضورة دالعمااارية وطلعات العروسة تبدل عليهااا وتطلق الشعبي والبنااات والولاد نااضوو محيحين وسط القاااعة كل وااحد مخلاش من جهدو كاع الهواايش خرجووهم ... تطلقاات موسيقى هاادية هابطة على مسامعهاا العروسة العريس بتكشيطة اخرى همااوية بالابيض مطروزة ومنبتة بالدهبي داخلين فيه الواان خفيفة بالعقيق عاطيااه منظر راااائع بميكاب هاد المرة كلاسيكي اكتر فخامة ورقي ... خادمة ليها العينين بطريقة مختالفة ومتميزة قريبة لميكاب الستيناات .. ايلاينر بخط سميك وواضح بشكل كبير فوق عينيهااا ... مع ضل خفيف بلون بيج فاتح ... ماسكااراااا مكتفة بيها رمووشهااا وبلانشر وردي هاادئ واحمر شفااه بلون احمر غاامق باارز شفايفهاا بشكل جداااب .. مكتفة الحواااجب بلون قريب للطبيعي مكايباانوش مصاايبين ... راسمة ابتسامة عدبااء على شفاايفهاا وكاتمشى وسط الحضوور كاترحب بييهم بطريقة لبقة هي وعبد الله لي لبس جبادوور كري هاد المرة جااا مهيب بييه .... عاطيين لكل وااحد صوااابو وكلشي كايبتااسمو لييه .... خنساء طااح عليهاا السر بشكل مبهر خلااا لي دوز من حدااه يفها فيها عيااالااات ورجااال ويتعجب من جماالهااا وواش بصح معرسة جوج مرااات قبل وطلعاات بهاد القبوول والملح والسر ... وهي وعريسهاا جاو موااتيين تقول مخلوقين لبعضياالتهم بااش يكونو كوبل

تقدمو من بعد للطبلة المخصصة للعرسااان ولي كانت فيها غير العاائلة المقربة لعربي ونصيرة وعصاام ونسرين وحتى حيااة وسيمو وزايدة معاهم راانيا بحكم انها اقرب صديقة لخنسااء ... كلسو مجمموعين ورانيا ابتاسماات ليها بحلتهاا الانيقة لاابسة اونسوبل خطير فالابيض منبت بالعقيق وميكاب اوفر مبين ملامح وجهها وبشرتها السمرااء واكسيسوارات ساامبل بحكم اللبسة مزوقة ... طلعاات قرطاااسة وعاد الكريشة الصغيرة لي زادتهااا حلااوة ...

كلسو مجموعين كيااكلو ونسرين حاسة براسها مزيرة العرق كايهبط من جبهتها حاسة بمغص خفيف فكرشهااا كاتبلع ريقها وتاكل بصعوبة ...

عصام بكوستيمو الاسود ولحيتو المطراسية شااف فيها ونطق مخاطبها بشوية حاط يدو على رجلهاا : يااك لاباس انسرين ... كاضرك شي حاجة ...

نسرين بلعاات ريقها مابااغااش تخلعوا وتشوشو معاها فنهار فحال هادة: لالة غير وجع خفيف دابا يفووتني ... ر

مرة مرة كايجي ...

عصام طول فيها الشوفة : متأكدة ... كاتباني ليا مزيرة ؟؟. .

ابتاسمات ليه بزز : ماتخاافش ابب راه بدا كايفوت غير هني بالك .. .(.حرك راسو بايجاب كمل مااكلتووو فهدوء )..

رانيا قربات لودن خنساء : ماابقا وااالو ويتسد عليكم البااب بجوج .. ياكماا شادااك الخلعة ..

خنساء جاوباتها بطنز : ايوااا لاااواااه. .. علاش غاتشدني الخلعة بالسلااامة ...

رانيا ضحكات مجاوباها : هههههههه انا لي هبيلة كانسولك نتي رااه خبرة فهااد المواااضيع ههههههه ..

خنساء غمزااتها: خافي على خوك عبدو مني اما اناااا بروفيسيوونيل ههههههههه ...

كملو ماكلتهم كاايضحكو نااشطييين فرحااانين ... كل مرة يجبدوو موضوع فشكل منشطين بيه الجو .. ونصيرة والعربي فرحانين بلاا قيااس لبنتهم وهاد المرة حاسين برااحة كبييرة .. كيفما كان الحاال عبد الله انسان كايعرفوه مزيان ... ترباا قداامهم ... حاسين هاد المرة الامور كلها غاتم مزيااان ...وبنتهم معااه غاتكون اسعد وحدة فالدنيااا ...

سالااو الماااكلة وخنساء كرعااتهااا مزيااان ماحشمااتش ولا دارت البريستيج ديال لعرايسااات كاانت مرتااحة بين نااسهااا وواخدة رااحتهااا فالمااكلة ... عزيزة عليها من ديما الماكلة دالعراس وماكاتقدش تقاومهااا .... وحيااة كل مرة تشوف فيها وتباارك فجمااالها هي عارفاها زوينة ولكن طلعاات عروسة غزاالة فرحااانة باختياار ولدهاااا حيت دا الزيين والهمة والشااان كل مرة تقرا عليهاااا اية الكرسي باش مايضربوهااش بالعين ...

عصام طلع لشومبغ الفوق لي فين حاطة النݣافة مسائلهاا و كاتلبس فيها خنساء...كان لباب غير مردود مسادينوش..واقفة خنساء بكامل اناقتهاا بقفطان منخوي الشوفة فيه هماوية... فلبلون كاصي مخيط بدهبي...مطرووز من جيهت الصدر كاامل و منبت بلحجر ...مع مضمة تااعو فخمة رقيقة محزمة بيهااا...مبدلة المشطة تاع شعر بشدة شيييك متماشية مع اللقفطان متبتة فجنبو اكسيسوار كاملو محجر فلبيض اللامع على شكل ريشة....الميكاب بقا نفسو غيرات ليهاا غير لون العكر فقط...دارتو ليها ماط غادي مع لون شفايفهاا الموردة....

تقدم عصام لجيهتهاا...غير شافتو بتاسماات...قرب لعندهاا و طبع قبلة على جبينها بحنان و قال: تباارك الله...راك الخوادرية خطفتي الاضواء من الݣمرة هاد اليلة ...

زادت بتاسمات ليه بخجل و نطقات بمجاملة: عويناتك اخوياا الله يحفظك لياا يااربي...

باقين كايهضرو حتاا دخل عندهم عبدو...لي يلاه بدل عليه حتاا هو...بكوستيم كلاص فلبلوغوى و قاميجة انيقة مزيرة على عضلات صدرو فنواغ بلاكرافاط حال جوج من صدايفهاا لللولين مع سروال فنفس اللون...

قرب لعندهم و قال: نسيبي العزيز..نتاا هناا...

عصام ضحك ليه بإعحاب:هاناا تااني على لحطة...وراكم ضاريبينا على شعاا فهااد الليلة نتاا و لمداام...هههه اشهادشي؟! تكاايسوو عليناا اخوياا تكاايسوو...

عبدو قرب لعند خنساء شاد فيها وقال كاايضحك:ههه قول اسيدي تكايسي لهااد الانسة لي زينهاا قرب يغطي على كلشي مخلاات حد فلقاعة يباان قداامهااا...اماا انا داكشي ديالي على قدي طلب الله نجي قد مقاامهاا...

عصام دور راسو بطنز و قال:هههه ااااه على قدك...كاترض على راسك العين...تباارك عليكم بجوج راكم مواتيين فنهاركم...

فلتحت ...لحيحة و لجووق خداام ناس كاتشطح و تردح...لي مكلفين قاادو طبلة فواحد من لبيوت لي مجهزة على شكل صالون مغربي للعدول لي وصل و ݣلس كايتسنى فلعرساان يهبطو يتكااتبو....

طلعاات نسرين بخطواات تقيلة و بشوية عليهاا دايرة يديها ورى ضهرهاا كاتنهج كرشهاا لفمهاا بااش تعيط ليهم...

وقفاات لتواني كاتسترجع انفاسهاا....حلات لباااب لقااتهم باقين مجموعين و قالت:سربييو نزلو راه لعدوول وصل...

عبدو رسم ابتسامة على وجهوو تحنى لعند ودن عروستو و نطق بهمس: لحااجة لي كانتسنااهاا من شحااال هادي مابقا ليهاا والو و نشوفهاا قداام عيني...

بدلاتو خنساء بتساامة عدباااء كاتباان قمر مضوي ليلة عرسهاا و قاالت بخفووت:حتااا انااا بحالك...

قرب عندهم عصام وقال:الله اكمل عليكم بلخييير...ويجعل كلشي مبارك و مسعود

رد عليه بسرور: الله يبارك فيك اخوويااا لعزيز....

قلبهااا بدااا كايفرفر بلفرحة...شدات فيديه شابكاات صباعها مع صبااعو و تمااو ناازلين بشوية و بصلاة على نبي و زغااريت النݣافاات....

مع فااتو لباااب و همااا يسمعووو لغوااات مجهد وراااهم...حبسو خطااويهم ...مع دورة كاتباان ليهم نسريين شاادة على كرشهاا و طايحة فلأرض كااتوجع بألم حاااد:عتق اعصاام عتااااااق..... اميمتييي اشهاااااد شييي؟ااااااااييي....اربيييييي....

خنساء شهقااات بصوت مسمووع و خرجاااتت عينيهااا بصدمة....ضربااات على فخضهااااا و قالت:اوووويلي....عنداااك تقولي لياااا غاادي ديريهااا ليوووم و تولدي نهااار عرسي...عفاااااااك لااا.....لااااااااا....

نسرييين كاانت طاايحة فلأرض كاتوجع حاطة يديها بجوج على كرشهاا و كااتغوت لربي لي خاالقهاا: اربيييي ااااااااه كرشييي... ايييييي ااييييي...ميميتي كااااااانمووووت ااااااااي...

عصام معرف بااش تبلى ركاابيه تحشو و هو كايشوفها فدااك الحاال تحناا لعندهااا وجهو تسقط من دم و نطق مخلوووع عليهاا: نسريييين وااااش غاااتولدي دااابااا يااااك قلتي طبيبة داارت معاك لخر تشهر ؟!!

هياا زاااادت غوتاات على حر جهدهااا لعرووقة تبرزوو فجبهتهاااا: واااااش هاداا وقت لأسئلة......(زاادت غمضاات عينيهاا بشدة) اربييييي كاااانتقطع....اااااي كرشي اعصااااام كرشي مااابقيتش كااانحس بيهااااا....ياااااااربي كووون معاااايااا ايييييييي...

خنساء عرفاات صوتهااا غاايوصل لتحت...مبااان ليهاا غاواحد الشاال ديال وحدة من نݣافااات طااارت عليه هزاااتو و قربات لعندهاا: هااااكي عضي فييييه...وصبري شوية عفااااك اما صبري...

نسرين لاااحتوو و نطقاات كلهاا كاترجف و كااتبكي: اهى اهئ ... مااااانقرش مااانقدرش...دااتي كلهاااا عااطيااني لحرييييق اهى اهئ.... (شنقااات على عصااام من كتفوو كاتمخض فييه)اربييييييييي....تااااااا دييير شي حااجة غاااانمووووت....

خنساء ضرباات على فخضهاا ناطقة بنبرة مخنووقة: اويلي وااش نندب لفوق و لا لتحت.....انااااري على زهر و على وحلة...مصيبة صاافي

سيمو و رانياا كانو فلكلواار لي قريب من لاشومبغ...سمعو لغوات و نݣافات واقفين عند البااب قربو بخطواات سريعة لعندهم و حتاا هماا تصدموو من لمنضر لي قداامهم....

رانيا داارت يديها على فمهاا بااش تكتم شهقتهاا قربات لعند خنساء ناطقة كاتساؤل:اويلي غاتولد داااباا؟!!!

خنساء مجاوباتهااش و خاطباات سيمو بنبرة امرة باغا غا تعتق الموقف لايصدق العرس مرون: جري اسمحمد الله يعطيك الستر....سييير قووول لجووق مايحبسش يزيييد يعلي عندااااك يسكت...سربي سربي...

سيمو حرك ليهاا رااسو و مشاا كايجري نازل عند الجووق....

عصاام نطق كايحاول يضبط رااسو وخاا كان متوتر بزاف:تنفسي..دخلي النفس من نيفك و فمك....حاااولي تنفسييي مزياااان و ترخااي...

نسريين كااتنهج بحدة كبيرة: اوووف اوووف مااانقدرش لااا..واالو ....ماانقدرش.....كرشي تزيراااات عليااا بزاااف..غاااطرطق...

عصام بعصبية: غاطرطق ولات نفااخة...تبتي معايا رااسك يااااانسرين...

عبدو دار يديه فجيبو جابد التيل: غاصبري اختي وماتخاافيش...داباا غاانعيط ليهم يجيو...

عصام بصراخ مخرج فيه عينو: تااا اشكاادير ؟!!

رد عليه مرتابك: نعيط اللومبيلونص تجي..

عصام: وااش تصطيتي غااتجيب لومبيلونص للقااعة و نااس كااينين؟!

نسريين بلغوااات و لعرق هابط شلااال على جبهتهاااا كاتغوت و تلهت: اااااااااااه اربييييي...غاااااينزل غاااينزل....و الله حتاااا غاااااااينزل..... غااااا......ااااااااي اهئ اهئ....

عصااام نااض حيد لاڤييست تااعو راميهاا فلأرض...بزربة حل صداايف تاع كمام قااميجتوو...ݣفض عليهم و تحنااا لعندهااا هااازهااا مستحمل تقلهااا مخرجهااا من لباب لاخر لي كايخرج من لقاعة من لوور...بلا ماايرد ليه حتاا واحد الباال...

تبعووو عبدوو من لوور غادي معااه..و خنسااء بلا ماتشعر لقات راسهاا تابعااهم حتاا هياا بقفطاانهااا جاب الله

شدااتهاا راانياا من دراعهاا مرجعاها: اجي لهنااا فين غااادة تابعااهم؟!!

خنساء ضرباات على جبهتها: التلفة و ماادير... تخلطوو علياا لعراارم... اويلي معااا تكاتيبة مع خرج لي هااد لبلان من جنب...بزاااف على نحس بزاااف....

رانيا و سعاات ضحكتهاا و قاالت: ههههه عليك بلفااسوخ الصاااحيبة...هادشي عندك ماشي عااادي...

خنساء خرجاات عينيهاا و ضرباات حنكهاا: لعاااار ارااانياا سيري عيطي على عبدوو لا يديير فيهاا الصواااب و يمشي معااه لكلينيك و يخلي لعدول كايتسناا منشور و يصدق مخلينااا بلا تكااتيب... لميمة لامااا جري...

مشاات رانيا بعفطة و حدة تبعاتهم... لقاات عصام ركب نسرين حداه و هيا مزالة كاتوجع وتغووت بلحرييق...ومشا يركب فجيهة لاخرى...

عبدو كايعيط ليه: باشما كاان علمناا فتيليفون...الله يفكهاا على خيير...

عصاام رد عليه كايحل فلوطو: ياربي اميين...

عبدو بقااا وااقف متبتبع ليه العين حتااا ديماارة مكسيري غادي مخلي موراه غالعحااج..و نطق بتنهد:اييييه الله يسمح لينا من الحق الواليدين...

رانيا ضرباتو فكتفو كاتضحك: هههه ويلااه اسي لعرييس خفف رجلك راه لعدوول كايتسنى...

حرك ليهاا راسو و بخطواات سريعة توجه للقااعة راجع عند عروستو كايطلب من الله يدوز كلشي مزيان فسبيطاار و ماطرااش شي مصيبة ليهم...

عصام كاان غاادي بلا عقل بسرعة خيالية متخطي اشارات المرور مهامينووش شااد فيديهاا محااول يهدنهاا: غااا صبري احبيبتي...قربناا نوصلو..

ردت عليه بنبرة بكااء بصعوبة باش كاتدوي و طلع نفس... ناطقة بشوية جهد لي بقاا عندهاا: اهئ اهئ لحرييق اعصاام لحرييق اهئ اهئ...تحتي كلوو ماابقيتش كانحس بييه...

عصاام زير على قبضة يدو و جبد تيل من جيبو مدوز نمرة لطبيبة وخا كان وقت متأخر فليل و لكن كانت عالماهم باش الى وقع شي طارئ يعيطو ليهاا...

دقائق حتاا جوبااتو مفيقهاا من نعااس و نطق هاتف بهدوء محاول يضبط اعصابوو: وي دكتوغ الخالدي...و غااا قولي لياا واش لحسااب عندك مرااجل المرضية؟!! واايه لمدام عندي جاها لوجع غاتولد ليوم قالاك اخر تشهر...اشمن كلينيك هداا؟! واااافين جااا؟!! ااه عرفتو قبل مادخل لصونطر ڤيل يااك....صافي هاحناا جااين دااباااا....

قطع عليهاا ضارب بتيل بنرفزة:يخخ طبا تاع اخر زمااان قاارية فزحاااام...

مادازش وقت بزااف حتاا لقاا رااسو قبالت لكلينيك...دغياا دخل كاايعيط ليهم و خرجو لعندوو بكرسي متحرك...قاادوهاا فيه و داوهااا كاايتجارااو بيهااا لبلوووك نييشااان...دخلووها و حبسووه عند الباب سادينو علييه...مخلينوو متوتر بلاقياااس بحاال لحنش لي مقطووع ليه الرااس...غادي جاي فلكلواار كاايتسنى على جمرة....

فالببيت لي موجدين لكتااب العقد كالسين العاائلة والمقربيين ومعاهم سيمو لي غايكون شاهد فبلاصة عصاام لي مشا للكلينيك مع نسرين والعدوول حاطين الكتاااب فين غيزممو ليهم العقد ...

خنسااء حادرة راااسهااا كاترمش وتسبل فعينيها وعبدو مبتااسم حدااهااا باغي غير ايمتااا يسني على العقد وتولي مراااتو خااايف لا تمشي تطرا شي حاجة اخرى لي تعرقل ليهم هاادشي تاااني...

العدول نطق بللبااقة : سي العربي ... ممكن البطااقة دياال البنية ...

العربي بايجاب :بطبيعة الحااال ... ( جبدها من جيبو ومدهاا لييه ): تفضل اسيدي ...

عبدو حتى هو مد ليه البطااقة الوطنية .... سجل المعلوومااات لي محتااج وعااد نطق باستفساار : اييوا نسولو العرساان دياالناا .... خنساء بنت العربي ... واش نتي قاابلة تزوجي بسي عبد الله على سنة الله ورسولو ...

خنساء هزاات راسهااا عاضة على شناايفهااا كادور عينيها فيهم ... وشافت فعبدو لي كايتسنى بفارغ الصبر جواابهااا كايشوف فيها بترقب ... نطقاات بصوت خاافت : موااافقة ....

عبدو ضحك فوجهااااا متنفس الصعدااااء بحاال شي حجرة وكاانت على قلبو وانزاااحت ... العدول سولو حتى هو ودلا بالموااافقة وهو فرحااان بعدما تأكد انه مكاين حتى شروط بينهم وحتى الصداق خداتو كاامل ... خدا توقيههم هما والشهوود وهزو يديهم مجموعين كايقرااو الفااتحة ويبااركو هااد الزواج ويدعيو يكون مباارك ..

العربي خرج مع العدوول ورانيا غمزات سيمو ونصيرة وحيااةلي خرجو حتى همااا بقاا عبدو وخنسااء ... هزات فيه عينيهااا ونطقاات ضاحكة : مبروك علينااا ...

عبدو حط يدو على درعاانهاا وقرب طابع قبلة على جبهتها بحب : واخييراااا ... ماتصوريش شحاال فرحااان بهااد النهااار ... حاس براسي كانحلم وحق الله

خنسااء عاضة على شنايفها : مكاتحلمش اراجلي العزييز ... انا ويااك ولينا مزوجين على سنة الله ورسولو ...

عبدو جبد ليها حنكهااا : الله يخليك ليا الحبيييبة ...( نطق غامزهاا ): ماتجهديش رااسك بزاااف رااه باقي تابعنااا الليل طويل ....

ضحكاات فاهمااه وجاوباتو بجراة : وجد غير السوووفل هههههههه اناااا ماتخاافش عليااااا ...

عبدو ضحك جارها من شعرها بطنز : مكاتحشميييش ههههه ... وجهك قزديرا ابنت الساايب

خنساء بجدية : عنداك تنسى ماتعيطش لعصاام وتسولو على نسرين ... انا دابا غايخصني نخرج نوجد راسي ...

عبدو بايجاب : راااه غايكونو باقين مبرزطين شوية ونصوني لييهم ... غير تهنااي ...

يتبع...