عروس الجحيم الجزء 86

شحال زوين الواحد يعبر ليك على احساسو اتجاهك ويكون هاد الاحساس زوين...وشحال زوين يبين ليك اهميتك عندو قداش...يعني واخا عطاها مقدار الالم الي حس بيه فاش جا ليها داك النهار ومالقاهاش...وعرف من البراني انها سافرات بدون ماتعلمو...كانت عارفة انه تعصب ديك الوقت ملي مالقاهاش..ولكن ماكانتش عارفة حجم الالم الي حس بيه ديك الوقت...حتى قالها ليها دابا...ضرها قلبها ملي ماتفكرات ديك الايام الصعبة الي دازو منها بداية من معرفة الماضي ديالو مرورا بالاج.هاض لما بعدو...

حبيبة"نزلات عينيها" : ماكانش لخاطري..

بشار"الصمت"..

تنهدات مالقات ماتقول...هو قال اش كاين وباش حس..توقف عندها الكلام وتفكيرها تبلوكا..حيث كانت صعيبة تا عليها فما بالك هو الي عارفة حجم عشقو ليها...عضات شفايفها ورجعات تخشات فيه دورات عليه ايديها حاطة راسها على صدرو وغمضات عينيها..حابسة البكية حيث بقى فيها كل مرة كايزيد يضرها خاطرها عليه وشحال داز عليه فحياته من غير مشاكيلهم..واخا حسات بان مشاكيلهم فاش تفارقو ديك الوقت كانت قاصحة عليه بزاف...نطقات بصوت منخفض وحنين...من كل قلبها...

حبيبة : سمح ليا..

بشار : ماكاين لاش..

حبيبة : علاش !!..

بشار : العيب بدا من جيهتي...

بغات تهضر وهو يزير عليها نزل باس راسها ورجع كايدوز عليها بصباعو كايمرر بيهم عليها...بصح الى جينا ندققو فالامر غادي لقاو ان المشكيل بدا منو هو...كان لقائهم غالط والغلط بدا منو هو...وكان غالط بزاااف...نطق مبدل الموضوع...

بشار : شنو درتي ف بلان gynéco ديالك...

حبيبة : عطاتني رونديفو نرجع عندها فالبدية ديال هاد لاسومين...يعني الاثنين..

بشار"كمش حجبانو متذكر بلي عندو اجتماع كبير الاثنين وعندو خدمة مايمكنش يخليها حيث هو الي عطا التعليمات وعطا هذاك التاريخ ميمكنش يتراجع حيث قاد فيه كاع المسائل لداك اليوم" : تت..

حبيبة : مالك..

ماجاوبهاش بقى ساكت تايشوف شنو يدير شي طريقة باش يوصلها واخا كان باغي يمشي معاها ويحضر لتعليمات طبيبة واش تقدر تحمل ولا لا..يعرف اش يديرو حيث هادشي مكيفهمش فيه الى بغاو يكونو حذرين من تكرار ديك التجربة السابقة بالرغم من ان طبيبة فاش جه.ضات قالت ليهم ماعندها حتى مشاكيل فقط الجنين ماكتابش ليه يكمل النمو ديالو ومزيان ملي م.ات وطاح....

عقبات عاشوها كانت صعيبة...مشاكيل دازت عليهم كانت ليهم دروس ومزال يعيشو مشاكل اخرى..هما ماشي ناس اسطوريين فحكاية من حكايات الف ليلة ولية كاتسالي بنهاية سعيدة ديما...المشاكيل ماكتخطاش البشر والدنيا هي هادي...

يوم جديد...

فمراكش نيت ولكن فالمستشفى ديال محمد السادس...حلات عينيها على ايدين مها كاتحرك فيها تفيق...من بعد تعب ديال ليلة كاملة وصباح ديال وجع حتى فك الله السراح...

فاطيمة : تي نوضي رضعي ولدك من صباح وهو كاسر دنيا...

ناضت بشوية باقي كاتحس بعضامها كايضروها ولتحت كايوزوز بالصداع بسباب الغراز...مدات ليها الولد شداتو بين ايديها وحلات صديفات بيجامة جبدات بزولتها وعطاتو يرضع...كانت عارفة شكون جالس حداها ومابغاتش دور جيهتو ابدا...زكريا كان واقف عند الباب مربع ايديه وحاضيهم...شي مرات كايحس براسو غير والدينو صافي اما بعادين عليه كونهم واليديه...ماحس تاتحطات ايد فوق كتافو ضار عندو...

حسام : يلاه نخرجو من هنا...تحرك معايا ندورو ونرجعك...

زكريا : بغيتي دير فيا خير...رجعني عماك لفيرما..بعدني من هاد جوج وخليهم ينطحو راسهم...

حسام : زيد...

زكريا : تسنى...

مشى حتى لعند مو تحنى باس رويس خوه الصغير...وضرب دورة وخرج بدون مايشوف في واليديه وخرج مع حسام خلاهم شي يشوف فشي...كانو فبيت فيه نساء والدات وكاينة الي كاتسنى الله يفكر سراحها تولد...شادة ولدها ترضع فيه وسيحمد بارك حداها من لهيه لا هو دوا ولا هي شافت فوجهو...تا كمل الولد رضاعة وعطاتو لختها دارتو حداها فالكونة...

فاطيمة"قربات عندها" : طبيبة عشية عما ربعة دوز عندك تعطيك تخرجي...غادي يخصك شي دوا تشريه...

سيحمد : عطيني اش خاصها نجيبو...

فطيمة"لاحت ليه الورقة" : هاهي..وسير تقدا ليكوش وسير مضي دراعك وجيب جوج خرفان لسبوع وسمية...

سيحمد"جالس مشتح" : جاوه ثلاثة وضروبة (ضروبة هي عجل ولا عجلة)..

ربيعة"بجقات فمها وضارت لهيه وتقول واش بغات تشوف فيه"..

ماجدة"ختها" : ولا كان غا الفم انسيبي عشرة مايحدوك فيه والفعل دراع گاضي...

سيحمد : ماجدة لجمي لغاك مالاحگك بعيب ولا بخير...

ماجدة : هاويييلي وكون غا لحگني بردك نعري عليك دراعي ونجمع ليك ركابي ونحفي ليك المشي والمجي...لا سميتك راجل حوم جهتي..

فاطيمة : ماجدة دخلي سوق جواك وسيري خرجي جيبي لختك ليكوش ليها هي..وجيبي عماك بيجامة الي وصيتك عليها يلاه تلبسها فاش الغذ ليه تمشي لدارها نشاعلاه...

ربيعة"خرجات عينيها" : اينا دار ؟!..

فاطيمة"غوبشت فيها" : دارك دار ناسك...

سيحمد : هاد ساعة خليها عدكم تانشوف شي دويرة هاو نجيبها مانحتجها ليك (مانخليهاش تحتاج ليك)..

ربيعة بغات دير صبعها فوذنيها وتغوت وتبكي على زهرها ولكن كانو ناس...اصلا صوت سيحمد داير ليها الغدايد ماكرهاتش تلاح على وجهو تاني وتندبو ليه...شد الورقة وخرج خلا مها تنوض وتگعد مابغاتش بنتها تبقى بلا راجل مابغاتهاش تطلق حيث عندهم عيب...

فاطيمة : سيري عما راجلك..فين جايا عدي انا مابقات عدي صحة نگابلك نتي ونفاسك وترابيك (ولدك)...

ربيعة"عينيها بغاو ينقزو بدموع" : ياك امي..

اذان الظهر خدام....هزات حبيبة راسها وبدات تردد الدعاء الي علمها باباها...حتى كمل وهي تطفي على طاجين...هزات تيليفونها وصوراتو ورسلاتو لماماها فرحانا بزاااف حيث رجع تواصل بيناتهم واخا كاتعطل عليها وهادشي كايخليها تحس بالحزن والغصة حيث مخبية على باها...جبدات من ثلاجة عصير الحامض ونعناع...تا وصلها ميساج من ماماها...

ناديا : مزيان...شربتي العشوب ؟!..

حبيبة : مازال...

ناديا : ايوى باش بيتي تعاوني ؟..بيتي نبداو تابعينك ونوكلو ونشربو...يهديك الله اه بعقلك زعما ولا هي نگول لا...

حبيبة : هههه هي تبعيني توحشتك...

ناديا : ايوى الله يمسخك...

حطات تيليفون كاتضحاااك...هزات طاجين حطاتو فوق طابلة وهي تسمع الباب تحل شافت ساعة كان باقي الحال على رجوعو...خرجات عندو...

حبيبة : بشار !! جيتي بكري...

بشار" تحنى باسها فشفايفها تا رجع راسها لور" : نجيب شي وراق...

حبيبة : ااه...

بشار : شربتي دواك نتي ؟!..

حبيبة : اه شربتو فاش فطرت...اجي تغذا معايا ...

بشار"شاف فالساعة" : مابانش ليا..تيسري نتي..

حبيبة : عافاك جيتي جيتي ونتا تاتبقى بجوع كاع ماتتغذا..بايضرك هادشي...عافاك...

شاف تاعيا ورجع حرك راسو...دخلات زادت كاس والما..وهو مشا ديريكت غسل ايديه ورجع لعندها حطات ليه الخبز وبداو يتغذاو كانت فرحانة جا يونسها...تغذاو وناض هو لدوش يحك سنانو ويغسل وهي جمعات داكشي...بدات كاتغسل فالماعن...حتى حسات بايديه حاوطو كرشها وتحنى لعند كتفها حط راسو كايبوس فوق كتفها بوسات خفاااف وبقى غادي طالع بفمو حتى لعنقها ودوز عليه بلسان. جابو ليها تبوريشة تا طلقات المعيلقة من ايدها كانت كتغسل فيها وطوات عنقها حيث بقى كايدوز عليه بلسانو ويعاود...

حبيبة : ايييي...

ماجاوبهاش...مع كانت يلاه مدوشة وشعرها باقي شوي فازگ...ريحة كريماتها فايحة وريحة بارفانها كذلك...لحمها كان بحال مارشميلو بالنسبة ليه..رجع كايبوس وهو طالع تال وذنها مصمصها ليها تا تاوهت بانفاس سخونة...ونزل لعنقها كايبوس فيه ويمص فيه...ويجر بسنانو احيانا..لدرجة ايديه كل فين كاتلعب...ايد بقات فوق كرشها ولاخرى نزلات لسمطة ديال شورط وتخشات تحت منو...بقى ينغش بصباعو تما وكاينزل تا خشاهم تحت كيلوط ونزل كايمرمر بيهم تما وينغش تا وصل لتحت ووقف خرجات عينيها وحناكها توردو بجهد...دفع بايدو الي تما تا تدفعات لعندو وتناها من كرشها تا تقوسات ومؤخرتها ضرباتو فحجرو...هز نفس وطلقها بجهد بحال شي واحد كان حابس ديك نفس وطلقها...

دورها بزربة لقى وجهها حمرر...سخنات غير بمداعباتو الاولية...هز ايدو وحطها على خدها كايمرر عليه بصباعو ورجع نزل..هزها لعندو وتحنى لشفايفها بقبلة خفييفة ثقيييلة...تا شدات ليه فكتافو ايديها باقي فيهم رغوة صباون كاع ماحسات عمرات ليه دراعو بصابون...مزيرة عليه متجاوبة معاه تاهي تا حسات بكرشها تقلصات عليها ورجعات...فصل القبلة وبقى وجهو قريب لوجهها كايزفر انفاس تحرق...حط صباعو على سمطة ديباردو ونزلو ليها بشويييي...

حبيبة"صرطات ريقها ونزلات عينيها حطات ايدها على كرشو" : بتديني ليكول ؟!..

بشار : نديك معايا...

حبيبة : واخا حسن..نمشي نبدل حوايجي...

بغات تمشي وهو يشدها ورجعها لعندو...

ماصبرش..قربها وقبلاتهم وحركاتو معاها نوضو فيه العجب الي مايخليهش يصبر...تزير...هزها تا لوات رجليها على ضهرو..بقى واقف بيها ورجع تاني كايقبل فيها من جديد...قبل عميقة على قبل...قبل خلاتها بلا ماتشعر تخشي صباعها فشعرو وهي ماحاساش اشنو كادير...اما هو فوسط القبل خشا ايديه تحت شورط والكيلوط وزير على لحم مؤخرتها وبقى نازل تا نزل ليها داكشي بقى فالنص...هز ايدو ورجع خبطها تا نقزت ليه بين ايديه ....

حبيبة : مممممم...

وشد ليها لحم زير عليه بايدو...عينيه ولاو حمرييين معسلين بجهد...اما هي ماعرفاتش اشنو داكشي كاتحس بيه معاه عاجبها معاه...بزوج قلبهم كايضرب بجهد...ماحسات تا حطها فوق البوطاجي باقي لاوية رجليها على ضهرو...فصل القبلة تا حيد تيشرت ورجع شد ليها ايديها حطهم فوق كتفو ورجع كايبوس فيها من جديد...حناكها بغاو يطرطقو...شفايفها ولات كاتحس بيهم غايمشيو مع فمو...طولو فديك القبلة بزاااف كايفصلها غير تاتاخذ نفس ويرجع تاني يبوسها...تا نزل بشفايفو لعنقها وهو غادي وكايبوس بجهالة تال صدرها خرج لسانو ونزل بيه من راس تال تحت عضات شفايفها وغمضات عينيها...حيد ليها الفوقي اصلا كانت لابساه غير بوحدو...ونزل لصدرها عطاه حقو تا ولات تحس بيه طايب رجعات راسها لور وكمشات عينيها شداتو من شعرو وزيرات...

حبيبة : ااييي...بشويييا...ففففف..

عاد طلقها...وبقى نازل بفمو يا يبوس ولا يدوز بلسانو ولا يمص تال كرشها لعب فيها كيف ما بغا وبرد شوقو بيها....يمكن هادشي يكون فشكل حيث داخل باش يجيب وراق خدمة الي كاتسنى حتى لقى راسو داخل مع مرتو فمعاشرة.. فين هو كاع ماعندو سوق فينما جات وقاليه راسو...لهلا يقلب...

مداعبات قبل...لمسات..ماحسات تا شد ليها صدرها بايدو زير عليه تا غوتات..وهو يطلقها وبقى نازل بصباعو كايمرر وفمو باقي شاد فمها...حتى وصل لتحت الي حيدو ليها بقات عريانة كلها...حتى حط صبعو لتحت تا فرقات القبلة وهي تعنقو عاضة على شفايفها...بحركات صبعو هيجاتها وشعلات العافية...بدات تاوه ماقنعهاش...بغاتو يحبس تا بغات تبكي عاد طلقها..حطات رايها على كتفو كاتنهج ديك الكوزينة ماشي غا شهدات سمعات العجب وشافت معاهم العجب....بقات معنقاه وهو حيد سروالو وكلشي...فرق ليها رجليها وهي معنقاه...تا بدات تحس بيه طالع شوي بشوي عضاتو فكتفو...وهنا كانت متعة من نوع اخر...بقات مزيرة عليه...كيف ديما ولفها ولف حركاتها ولف اشنو كادير معاه وسط العلاقة...كاتعجبو حيث ولات كل مرة كاتعلم منو وتولف على حاجة جديدة ومابقاتش كاتخاف حيث حتى لمؤخرا كانت باقي فيها الخوف شوية...لكن مع الوقت ولفاتو وولفات عليه...حيث بلاصة الالم ولات كاتحس بالمتعة معاه..كايدير معاها الخاااطر داكشي باش كسبها فالفراش...علاش هادشي حيث هي حبيبة...

تنهدات تنهيدة طويييلة وهو هز راسو الفووووق حتى تنفسو بزوج عاد هزها هكاك لاوية عليه رجليها...داها لدوش رجعات دوشات وخرجات هي لولة مشات لكوزينة جمعات الحوايج وشوهة هههه وهو بقى وراها دوش وخرج لقاها لبسات وكاتنشف...شاف فوجهها لقاها عيات...

بشار : فيك مايتحرك...

حبيبة : مافياش هي سير...

بشار : حسن...

نشف هو ولبس عليه حوايج اخرين...مشا هز شي وراق والكارو في فمو...خرج لقاها شادة تيليفون ومتكية تما...وقف عليها...

بشار : محتاجة شي حاجة ؟!..

حبيبة : اهء...تعطلتي على الخدمة والوراق !؟..

بشار : لهلا يرد مهم...

مالقاتش ربيعة جهد باش دور ف مها حيث كل شوية دور وتنگى عليها باش ترجع لراجلها ولدارها...ربيعة هي نموذج من مئات نماذج ديال المراة الي مكيعقلش عليها المجتمع الى تخانت او طلقات او وقع ليها مشكيل سبابو راجل..خاصها تصبر على قبل دراري وخاصها تسكت باش تبقى فدارها معززة مكرمة وراجل يدير ما بغى عندو الحق والمراة مايمكنش ليها دير...داكشي علاش المراة اقل حاجة تقرا تخدم دير شي حاجة تحت ايدها وتعلم تدير احتياطها...وتعلم تحمل مسؤولية وهي وحدها...نهار تاخذ قرار طلاق تكون قادة وعندها دخل ديالها منين تعيش الى واجهت هادشي...هي مجرد نصيحة وكل وحدة وكيفاش داير تفكيرها...

ماجدة ختها ماعجبهاش الحال من ناحية مها فينما تدوي تنگر...بقات فيها ختها...دارت ربيعة راسها بين ايديها وعطاتها لبكا وتلالي...داز وقت لا بأس به وهي تدخل مليكة تا وقفات عليهم وبدات تزغرت تا هزات ربيعة راسها عينيها حمرييين...عنقاتها مليكة تا بدات تبكي معاها وتلالي فرحانة ليها حيث اخيييرا من بعد سنييييين طويلة 17 عام تقريبا ما شافت الولاد...

مليكة : واااخويتي مبارك ومسعود ما تزاد عدك..واخويتي مبارك زيادة فتريكة الهاشيمي الرحماني وزيادة فالاسلام...وااخويتي فرحتيني وفرحتي خويي سيحمد...

تفارقت معاها كايمسحو تينيهم من دموع ضارت عند فاطيمة سلمات عليها وعند ختها...وهي طل على الوليد مشات ليه فرحانة حلات صاكها جبدات منو 400 درهم خشاتها ليه فليزار باش ملوي حيث مگمطينو..كان وليد زوين بزاااف واحد زين فيه فشي شكل...حجبانو باينين كحلييين وشفارو طوال وشعرو كثييير..الي شافو يقول سبحان الله...هزاتو بين ايديها باست ليه راسو...

مليكة : غااا خويي سيحمد محطووط...

ربيعة"ماجاوبتش"...

مليكة"مسحت عينيها وعاودت باستو تحنات جبدات تيليفون صونات" : با غا دخل...(قطعات وشافت فربيعة) با جا يشوفك..

حركات راسها وتقادت عطاتها مها شال رماتو عليها واخا عاقدة بزيف حياتي...تا سمعو تحنحينتو...فاللول كان يحساب ليها جايا تا عيدة ساعاك جات غا مليكة والحاج...تا دخل بجلابيتو وسلهامو والعصابة فوق راسو وعكازو يتسمع...حنحن وقال سلام عليكم بديك تغوبيشة رحمانية...

ع.القادر : على سلامتك..

ربيعة"تماطات لايدو باستها ليه ماقادراش تشوف فيه" : الله يسلمك اسيدي...

فاطيمة"دايرة زيف على فمها بحشمة عيالات زمان وحادرة راسها..ماقاداها فرحة رحماني المعروف واقف" : سلام الحاج بخير..كيدايرة الحاجة لباس...

ع.القادر"حرك راسو" : والي باس..

قربات عندو مليكة هازة الولد وعطاتو ليه هزو بين ايديه..تحنى وهو كايردد "بسم الله،، تبارك الله"..باس ليه على راسو وعاود..ومدو ل مليكة...

ع.القادر"كايهضر ويدور فالقب ديالو" : مضرا سميتوه...

ربيعة"تنهدات حادرة راسها اصلا نسات سمية بالمشاكيل" : مازال اسيدي...لا بغيتي نتا سميه كي سميتي زكريا...

ع.القادر"حرك راسو" : فين بوه ؟!...

فاطيمة : خرج يتقدا شي دوا وشي حوايج گبيييلة وراه تعطل...

حرك راسو ورجع باس الولد...شير لمليكة شدات من عندو دري وبقات واقفة تا جبد شي ضمصة ديال الفلوس حطهم ليه فليزار...

ربيعة : لهلا يخطيك اسيدي..."نزلات عينيها ونطقات" علاش ماجاتش عماك لالة...

ع.القادر"غوبش" : خليتي فيها شي زين لالاك ؟..عمرك دويتي عماها طلبتي سماحة وسلكتي العيب ؟..نهضرو فالواقيع دروك ( هي نجبدو صداع ههه)..

نزلات راسها ماقدراتش تهضر حيث كاتحشم منو وكاتخاف...شاف فمليكة غمزاتو وهو يخرج على برا يتسنى سيحمد يشوفو ويهضر معاه عاد يرجع هو ومليكة...حطات ترابي وبركات حدا ربيعة.. فاطيمة غمزات بنتها وخرجو يتقداو اش خاص...

ربيعة : شتي فين لحگ بيا الحال اخويتي (نزلو دموعها)..

مليكة : وبغايتي الحق تانتي مادرتي فيها مايليق اش لحگك لداكشي بغيتي تردي دقتك عطا الله...

ربيعة : گالت ليا مي نخرج نجي ديريكت عدكم...نجي ديريكت لدار راجلي الي شوفة مابقيت حملت نشوفها فيه...

مليكة"تنهدات وحدرات راسها" : واااخويتي غا شوفي كي ديري الفيرما موحال ترجعي راجلك براسو وراه جراو عليه منها...

ربيعة"ضارت شافت فيها مستغربة"..

مليكة : جرا عليه المسخوط صدق هو مول الملك فين باركين وحنا ماجايبين خبار...شتي فين وصلنا مع الواليدين تابعين ليا هبيل ومسخوط تا لگينا راسها باركين عندو بلا موجب شرع...

وسعات ربيعة عينيها ونحل ليها فمها بالصدمة...هي مليكة مشات عندها ديك المرة وعاودت ولكن ما عاوداتش ليها على اشنو طرا...بقات معاها تا قرب الوقت باش تجي طبيبة تسني ليها الخروج...كانت ام ربيعة وختها رجعو وجا معاهم تا خوها تهامي سلمات عليه....خرجات مليكة لقات باها واقف مع سيحمد..

مليكة : وااا خوييي...تا فين غابر اخويي..(عنقاتو)..

سيحمد : ساعة الله...

ع.القادر : يلاه نتي..

حركات ليه راسها وضارت عند سيحمد سلمات عليه...وتبعات باها...ركبات فالسيارة وهما يخرجو من سبيطار...يلاه شدو طريق ديال سيدي بوعثمان تا صونا لمليكة تيليفون...

مليكة : هذا المعطي...الو المعطي لباس...

المعطي : ما لباس والو...شوفي كي ديري وگطعي جي شوفي هاد الفضيحة ديال بنتك الكبيرة...

مليكة"خرجت عينيها" : هاناري مالها ؟!..

المعطي : صيفطات ليا ميساج دابا گالت ليا بابا انا تزوجت وغادي نعيش فاسبانيا...

خرجات مليكة عينيها مغوتة وهي تهز ايديها تال سما ونزلات على حنكها بطرشة وقمشة بضفارها جراتو كامل...

الطريق كلها وهي تندب وتبكي تا غوت عليها باها عاد صهطات...ولاد مليكة ملي كبرو مبقاوش كايحملو يجيو لمغرب بزاف خصوصا البنت الي تزوجات ملي كبرات ماكتبغيش تجي ليها ف كاتجي يا مع الكبير احيانا وغالبا مع البنت صغيرة وديما غير هي...

شادة راسها بزيف ديال دار وعاقداه مزيااان...عينيها حمريين ومنفوخين...دايرة ايدها على حنكها تسكت شوية وترجع تلالي...

مليكة : هااااويلي على كحلة ليام...وا ميييمتي على الخانزة مادارت بحساب لا ام لا بو...هااااويلي على شوهتي وفين نعطي راسي...هااااويلي على الكلبة...

عيدة : دروك مابقى كلام الي عطا الله عطاه...شوفي اش ديري وسيري عد راجلك شوفو اش واقع...

مليكة"بنفس الوضعية" : وراه مشاااا حسام يشوف ليا طيارة لا ما صاب ليا غذا راني مرضية...

سعيدة"دايرو ايدها على حنكها وتشوف"...

كريمة : هاكي اختي مليكة رضوان بغاك...

مليكة"شدات من عندها تيليفون وجاوبت بغير خاطر" : وااا خوييي...

رضوان : تي شهادشي گاليا المعطي راجلك...

مليكة"كاتحرك راسها بحال كاتلالي" : وااايه اااخويييي...بنت لحمارة لحگت وزادت ماحسبت حساب لا بو لا ام...هاني اخوييي تانا نبدا نلوح فسخطي على ولادي...

رضوان : نعلي شيطان على هي جابت ليك شي عيب تجوجت وليني خاص الي يهضر عماها شوفيها عمامن تزوجت...

مليكة : ومانعرف اااخوييي...(تيليفونها كايصوني) بلاتي خوييي نهضر عما المعطي...

عطات لكريمة تيليفون...وجاوبت هي على تيليفونها...مباركة واقفة عند باب الكوزينة كاتمشي تقضي اش تقضي وترجع طل عليها...عيدة سكتت وسعيدة خلاص مالاقية ماتقول من غير كاطلب فسرها الستر ويبعد عليها الشر ويحفظ ليها ولادها من هاد المشاكيل الي متشبعين بيهم بزاف ناس الي عايشين فالغربة مع ولادهم بسباب التفكير والطباع الي خذاوها من الغرب...واخا بنت مليكة مادارت حتى حاجة عيب لكن بالنسبة ليهم عيب بزاف حيث واليديها ماعرفوش وخذات هاد القرار من تلقاء نفسها مامسوقة لحد...مازال كاتفكر حتى قفزات بخبطة اخرى خبطاتها مليكة على فخادها ولاحت تيليفون وبدات تغوت...جات كريمة تجري وسعيدة نيييت ناضت هي ومباركة...واشراق تاهي جرات كاطل...طاحت ليهم فالارض وبدات تركل...

مليكة : وااربيييي على شوهتي...واااااربي على الخانزة...واا ماخرات كرشي وحطت ليا...وااااااربي على بنت لحرااااام يعطيها مصيبة طيرها عليا ونسميها مرحومة ولا شوهة الي جابت ليا...

عيدة : نعلي شيطان ياعوذ بالله منك ومن دعاك وتشحاتك...نعلي شيطان...

سعيدة : كريمة جيبي بصلة ولا ما زهر...

كايشدو فيها تا وهي عطاتها لنواح وتركال...ماعرفوش تا اش قاليها راجلها خلاها توصل لهاد الحالة.. عيدة بقات غا كتشوف ماصابت ليها جهد...جابت كريمة الما ومازهر عطاتو لسعيدة رشاتو عليها وشمماتها ما زهر والو هي كاتغوت وتركل تا سخفات ليهم فايديهم...دارو ليها مخدة تحت راسها ومشات اشراق تجري لبيت مها جابت لاباراي ديال طونسيون عبراتو ليها هي نيت لقاوه طايح...جابو ليها شوية الملحة فالما قطروه ليها بزز ورشو ليها ريحة عاد بدات تحل فعينيها وتلالي بتعب...

سعيدة : بلاصة ماتبقاي تلالي وتعدي نوضي صلي ليك جوج ركعات دعي يسر الامور وتهدني..دعا وتشحات ماعندو باش فايدك لا نتي لا بنتك...

عيدة : اش طرا تاني تا درتي هاد الحالة هوك...

مليكة"كاتنين" : واااامي البرهوشة جاوبات بوها وگالت ليه مابقى ليكم عليا حكام..ونساو واش عندكم بنت...والى جا عندي شي واحد فيكم ندعيكم...وااااشووووفي يا ميمتي فين وصلات بيا ليام...(كاتبكيي وتنخصص)...

شوية وهو يدخل عبد القادر مشات مباركة تجري لعندو..وتمو جايين تا وقف لمليكة عند راسها ضرب لارض بالعكاز وهي تنوض شادة راسها كاتشوف فيه وتبكي...

ع.القادر : راه لگا ليك حسام طيارة بعد غذا عما الفجر...نوضي جمعي قشك وشوفي اش ديري وحبسي من تعداد هذا الله عماك...

حدرت راسها وحركاتو ب واخا...بقى عبد القادر مغوبش فيها ولات كاطلع ليه الخز حيث ماعندهاش تا حاجة من غير تدعي وتشحت ولا تبكي وتعدد...شوية وهو يمشي لبيت وتبعاتو مباركة خلات كريمة واشراق غايشوفو جاهم ضحك على مباركة...

داز وقت لا بأس به....وهو يدخل حسام بالسيارة معاه زكرياء نيت...ضار هنا وهنا...

حسام : هاشم كاع ما جا والمغرب هذا...

زكريا : حسن ليه فين يجي يلقى مليكة تعد...

حسام : اش درتي نتا صباح ماشي نيت ؟!..

زكريا : دايرين دب.يحة كاين تا سيحمد بويا...نمشي نشوف لا يصدقو مشادين تم...

حسام : زعما تفك ؟...خالك تهامي يگد عليه شي حد وهو سگيطتو دير ستة مني...دوز برك خلي الخرا بيناتهم...

زكريا : وصراحة الي دارها لراسو يفكها انا مالي...بغيت نمشي غا نشوف خويا...

حسام : هاي هاي ناس ولاو عندهم خوت...

زكريا : ثلااااثة يحفظك...

حسام : تسمعك ربيعة د.بحك لسمية...

نزلو من سيارة وهو يسني ضو...ضارو لقاو هاشم الي داخل بسيارتو مازال ماعارف تا لعبة...تا نزل وصل عليهم...

هاشم : ماجاي تال دروك نتا وهاد وجه زفط...

زكريا : ههههه لهلا يوريك اش طاري...

هاشم : ياك لباس...

دغيا سرسبو ليه وبداو يعاودو ليه وهو حال فمو...

هاشم : ديك البرهوشة من اولها خفيفة لباس الي تجوجت...

حسام : باينة غاتكون تجوجت بواحد شفتو فانسطاغرام باينة عليه دوك راك عارف كلو وشام تا من وجهو.....غا سكت...

زكريا : يلاه شد البرهوشة صدقت لا دنيا لا دين.. الواليدين والرحامنة والكرة الارضية والفضائيون ساخطين عليها وانا حيث بلوكاتني واحد نهار....والمصيبة لخرا مها مليكة...

صدمة قاضية ماكانتش ولا عمرها كانت توقعها...مليكة ماضلمها حد ولكن هي ضلمات راسها...هادشي الي وقع ماهو الا نتيجة حوايج هما الي قالتهم ليها عيدة وعبد القادر بالحرف...

ع.القادر"جالس وكايشوف فيها كانو نغطينها بمانطات فعز الصيف حيث جاتها تبوريشة وغطاوها..حاطين ليها باكية دوليبران جايباها معاها من فرنسا نيت...وكيسان وقراعي الما...كل شوية تقفز وتقول المعطي عيط" : دروك هاد الحالة ماعدها لاش لاقت...يا نوضي بركي تعددي وتلالي وتبكي وتدعي...ولا طيحي وشدي الفراش وركاني...تالين ؟!...

عيدة : هاد الحالة ماوصلها ليها حد من غير راسها هي نيت...

مليكة"بصوت متعب" : ياااك امي...

عيدة : هذا مسواك..ماجابها ليك حد...هذا مسوا الي ضل مخليا ولادها فنص العام وتم جايا لهنا باركة ليا بشهور...وكل شوية مفكرة ليا خوك الله يرحمو..."خرجت عينيها" خوك نهار تكتب ليه لاجال (الاجل) راه داه الله كي واحد نعار يديني انا وبوك ونتي نييييت...فينما حفات ليك تبركي تعددي عليه...عطا راسو لتراب تهنى منكم زدتو كملتو عليه بالبكا تحرگو فيه هكاك فقبرو....هذا مسوا الي تخليهم لهيه عما بوهم وتجي ليا لهنا تحان ليا عما مرت خوها وتيتي نيني معانگين والي جا تشدو فيه الهضرة حتحت حت حت...ماخليتو فلانة ومنانة وبنات ناس وولاد ناس...اش قضيتي ؟ مخليا ولادك تا ضار عليهم العيب كون كنتي حايزاهم تحت باطك وتحت جناحك كون لباس...بقيتي تا خرجت ليك وحدة لشواري...جات فجواج ؟ لباس الي تجوجت ليك ماجابت ليك كرش العيب....حمدي الله...بلاصة تعداد سيري بركي ودوي عما راجلك الي سنين وهو صابر على هباالك...لا يجي شي نهار تاهو ينفر منك وها وذني منك تجيني مطلگة على رقبتي ورحمة الغالي فولادي الي تحت تراب تا نجري عليك مادخلي لفيرما...

مليكة"دموعها دايزيييين"...

ع.القادر : دروك كي دارت تجوجت وهي باقي صغيرة مازال تا سبعطاش العام مالحگتها...

هاشم : وشكون عرف را بوها مشا يشوف اش كاين...

حسام : مع الفجر تصيبك فالمطار...هاشم يلحگك...

هاشم خرج عينيه فحسام وهو يهز ايدو وعض لسانو مالقاااااش ليه جهد اخوتي مالقااااش...بعيد عليه...دار صباعو فرقبتو كايهدد فيه بمعنى لا بقات فيك نبقى بلا صحة...حسام دار راسو كايهضر مع زكريا الي خاشي وجهو فالتيليفون...

هكا بقى الحال فالفيرما...تقولي فيها جنازة دايراها غا مليكة...الحزن خيم واخا هكاك بقات فيهم حيث صعيب واحد فولادك يدير بحال هاد تصرف بدون علم واليديه او حتى حد..يعني لاغي وجود واليديه بالمرة وممسوقش ليهم...خصوصا انه البنت باقي صغيرة...وتزوجات !!..هذا ان دل فانه يدل على انه غالبا غاتكون مشات تعيش معاه وقالت ليهم تزوجت بطريقة يفهموها هاكا...شاكييين انه متزوجاتش وانما بصح مشات تعيش معاه فدار وحدة وفعلاقة غير شرعية...هادشي الي كاتحاول مليكة تقنع راسها انه غاتكون تزوجات وفكلتا الحالتين راه دارت شي حاجة بدون علم واليديها...جربات تصوني ليها لقاتو طافي والواتساب محيد بالمرة...اييوى راها تفيق تلالي وترجع تنعس تا عطاوها فنيد شرباتو وهاديك نعستها...

صباح يوم جديد...

الساعة السابعة صباحا...دخل لبيت لاوي على نصو فوطة ولاخرى كاينشف بيها شعرو...مشط شعرو فيكساه...رش ديودرنت دالو عاد مشا لماريو جبد حوايجو...لبس ملابس داخلية عاد سروال دجين...وتيشرو فالخزي...جلس جنب ناموسية وهز تيليفونه شاف واحد الايمايل وصلو من المختبر فيه تقرير ديال ليكيب ديال الليل...قراه وعاود عاا كونفيرما ليهم باش يخرجو فين تجي ليكيب ديال صباح...مازال كايقرا حتى حس بايديتها غلى دراعو...ضار عندها...

حبيبة"بصوت مبحوح": صباح الخير...

بشار"تحنى باسها في فمها مطوول تا غمضات عينيها وتبسمات بخجل..هز راسو كايدوز على شعرها بشوية"..

حبيبة : بتمشي بكري...

بشار"حرك راسو"...

حبيبة"تگعدات بغات تنوض" : ندير ليك فطورك..

بشار"رجعها" : ريحي..ماكاين لاش..

حبيبة : لا بتمشي بلا فطور ؟..وبايخصك تشرب دواك..

بشار : تال تم..."شاف فساعتو" مزيرة عندي دعوة بجهد مانصيبش نبقى نفطر هنا ونتحرك...رجعي رتاحي نتي..نسالي واحد réunion عندي تم ونجي نديك...

حبيبة : شوف.."سكتات شحال كاتفكر"..الى مزير فالخدمة نگول لراجل عمتي يجي يديني...باتكون عميتو معاه ولا سناء...

بشار : لا...

مامعاهش نقاش فهاد الامر حيث ماكيبغيهاش تمشي فطاكسيات حتى وهو ماكاينش عساك وهو كاين...زفرات وهي ترمى على مخدتها ورجعات كاتكمع ماحساتش كاع تا تسدو عينيها...كما هو وشرب قهوته ورجع لعندها لقاها فسابع نومة...هز التيليكوموند ضبط لاكليم نقصها شوية حيث مبردة البيت بزاف...وغطاها وخرج لبس بروتكان ديالو وخرج من دار مشا لخدمة...

وصلات التسعود وهو يصوني تيليفونها...حلات عينيها شاهقة...حطات ايدها على صدرها كاتنهج تا سكت تيليفون...عاود تاني صونا وهي تهزو وردات...

بشار : مالك ؟؟...

حبيبة : ماسمعتوش كنت ناعسة...ففف..

بشار : وجدي راسك شوي ونكون عندك...

حبيبة : واخا...

بعد ما قطع معاها حطات التيليفون باقي كاتنهج..هي ماعقلاتش على الحلم ملي فاقت لكن حاسة براسها حلمات بشي حاجة ماهياش...ناضت من فراشها وجلسات تا توگضت...هزات راسها..كل مرة كاتشك فهاد تغييرات الي كاتوقع ليها..زعما تكون حاملة ؟..مايمكنش حيث صعيب الحال انها تحمل فهاد الفترة وهي باقي ليها ايام وتقفل ثلاث شهور لاخر اجه.اض..عاد ممكن تفكر تحمل فالشهور القادمة...

وصل يوم ووقت طيارة ديال مليكة...ركبات مشات فحالها تشوف مصيبتها مع بنتها...عادة البنت صغيرة كانت غاتجي معاها لكن فاش جات مليكة فالمو.ت بقات مع خوها حتى رجع باها وكانو معولين يوصلو عليها هاد سيمانة باش تسافر عندهم مليكة لكن شاءت الاقدار وتبدل البرنامج...

وهكا دازو الايام كل نهار بنهارو...مرة يجي فالصباح يديها تقرا مرة فالعشية...واليوم يوم الاثنين فاق بكري كيف العادة...حلات عينيها على تخرشيش..بدات كاتفوه وتحك فعينيها يلاه غاتنوض وهو يدخل...

حبيبة : عاوتاني فايق بكري لخدمة...

بشار"وقف مقابل معاها خاشي ايديه فجيابه" : مازال الحال...

حبيبة"تكمشو ملامح وجهها..كاتحس بوجيع خفيف فكرشها" : عرفت..بيت ندير ليك فطور...تاني ماتفطرش...

بشار"حط الوراق فوق كوافوز وقرب عندها حط ايدو على كرشها" : مالك ؟!..

حبيبة : واقيلة "صرطت ريقها وحنات رايها حشمانة وقالتها بصوت شبه مسموع"..بيريود (ليغيگل)..

بشار"خاطرو مامهنيهش حيث ديك مرة فاش كان بغا يطيح وقع ليها نفس شيء" : حبيبة !!..

حبيبة"رمسات فيه حناكها حمرين..حطات ايدها على ايدو" : ماتخافش...كون بيا شي حاجة بنحس...

بشار : لا..مابانش ليا..."شاف فساعتو" تحركي لبسي نديك نشوفو شنو هادشي...

حبيبة : خدمتك...

بشار : لهلا يقلبها عليا...مرتي فضل ليا...

تبسمات ليه ماعرفتش علاش.. فكل مرة مسبقها ودابا على اعز حاجة عندو...ماشي غريبة عشقو ليها...بقات تشوف فيه تا هز حاجبو...

بشار : تحركي...

حبيبة"تگعدات وشدات ليه ايدو زيرات عليها" : ماكاين والو...هي سير لخدمتك انا ماكدة...اصلا مايمكنش نكون (تزنگت) ح حاملة حيث گالت ليا صعييب فهاد الوقت حتى نفوت 3 شهور..الى حملت مايصبرش من لول...

بشار : ديجا مادرناش la précaution (الاحتياط)..

حبيبة"حركات راسها وعينيها غرغرو" : لا لا ماحاملاش..متأكدة ...هي سير عافاك انا نعيط ليك فاش نخرج من عند الطبيبة...عافاك دير ليا خاطري وسير خدم..مابيتش تبقى داير بالك انا عارفاك اتقلق عليا وتعصب وتجيك كخيز...اللهم تبرزط مع خدمتك هي نخرج نعيط ليك...

شافها توثرات ويمكن خايفة...ماعرفش علاش حاس باحساس فشكل.. خاف لا تكون حاملة وهاد الوجع الي فيها تاني يتعاود نفس المشكيل...غادي تحماق ليه ويتبعها...عاشو تجربة خايبة مرضو فيها بزوج...مرض فيها يمكن كثر منها...كان معول حتى تمشي عند طبيبة تعاينها وتشوف واش تقدر تحمل...وترتاح عاد تفكر فالحمل...هادشي الي قصد اصلا ف جملة «نعاودو واحد جديد»...ناهيك على تجمعهم علاقة باش يديروه...كان عارف غاترجع عندها حيث قبل قالتها ليه بلي عندها كونطرول من ورا ثلاث شهور قبل ماتكون بيناتهم جلسة طلاق...واخا تكون حاملة يقدر مايوقع والو ولكن ملي شاف الوجع جاها دابا تخلع لا يوقع شنو وقع ديك المرة...دار ايديه على وجهو وشعرو وضار لهيه كايزفر...ورجع شاف فيها...

بشار : ديري بالك مع تيليفونك...ماتجهليش ملتي عاد تجاوبي..؟؟..

حبيبة : واخا..

بقى كايشوووف فيها بشك..ماهانيش ولكن طلباتو بعينين لامعة حيث خايفة عليه...دار ليها خاطرها...وبقى حتى عيطات لعمتها تأكد غاتجي عاد خرج وخاطرو مزير...بقات شوية ففراشها كل مرة ترسل ليه اوديو راها بيخير وناضت تصايب فطورها...حتى جات عمتها مع والمفاجئة هي معاها ماماها ناديا...رسلاتها ليه فاوديو...لبسات حوايجها ومشات معاهم لعند طبيبة...الي كانت اصلا رافقتها فالاجه.اض هي نفسها...

هي : تفضلي ابنتي..كي بقى خاطرك صافا...

حبيبة"حركات راسها" : الحمد لله...

طبيبة : باش كاتحسي...

حبيبة : تانحس بالوجع كيف گلت ليك..ولكن هادي شي ربعيام مابقيت حسيت حتى ليوم فالصباح...وهادي سيمانة يمكن ولا كثر بديت تنحس باعراض ديال الحمل...نتي گلتي ليا باقي مايمكنش ليا نحمل حتى نفوت 3 mois باش نبعد نسبة الخطر ديال كوغطاج تاني...

هي : علاش شاكة مادرتيش احتياطك ؟!..

حبيبة"حركات رايها ب لا" : ماكنتش عارفة بايجي راجلي..كانو عندي مشاكيل مكنتش عارفة بينا نرجعو ح حيث كنا بنتفارقو..

ناديا"تنهدات وغمضات عينيها وحدرات راسها"...

طبيبة : شاكة فالحمل ؟..درتي تحليل منزلي (حركات حبيبة راسها ب لا)...واخا تبعي لانفيغمييغ لبلاصة الايكو انا جايا...ديك ساعة نتأكدو الى ماكانش حمل...عاد نگوليك اشنو ديري وامتى تفكري تحملي...

حركات راسها وناضت تبعات الفرملية لبيت لاخور كل شوي دور عند ماماها ولا عمتها ويهدنوها بعينيهم...

لطيفة : سيري بنتي مايكون هي الخير...

غادية وقلبها كايضرررب...تكات فين قالت ليها هبطات سروال شوي باش خشات ليها مشوار حتى جات طبيبة خوات ليها جيل تما وبدات الايكو كل شوي تشوف وتأكد...وحبيبة دايرة صبعها في فمها وتقفقف...اما بشار وسط الاجتماع الي زعما قالت ليه حبيبة راه غادي تدها مع الخدمة وماتبقاش مقلق من جيهتي صدق مقلق اضعاف...كل شوية يهز تيليفون يشوف واش رسلات..ويرجع لخدمتو...تا داز وقت نييييت وهو ينوض حرك ليهم بايدو كملو نتوما هاني جاي ومشا لمكتب ديالو جلس فالكرسي يلاه غايدوز ليها الخط وهي تصوني ليه جاوب فالبلاصة بلاصة مكان تايدوز عام عاد يجاوب...

بشار : هانيا الوقت ؟؟..

حبيبة : هانيا...هي رتاح...

بشار : شنو نفهم...

حبيبة"خلات مها ولطيفة سابقينها لطوموبيل وبقات هي تهضر معاه" : انا بيخير گالت ليا كلشي مزيان..ماتخافش عليا..

وبكلامها اكدات ليه انها ماحاملاش...مع الاسف...

كل يوم هو فرصة جديدة لنبدأ من جديد، لنبني أحلامنا ونرسم مساراتنا. الحياة ليست فقط بما نملك، بل بما نمنحه للآخرين من حب وأمل، فهي تتجلى في التفاصيل الصغيرة والبسيطة التي تمنحها معنى وجمالاً...

قطعات معاه وتبعاتهم لسيارة الي سايقها ايوب حاليا هو الي كايمشي ويجي مع ناديا الى تاحت الفرصة وكان ماخدامش بعض الاحيان كايخلي خدمتو غير باش يدير الخاطر لناديا...يمكن هو اكثر واحد عارف علاقة حبيبة بواليديها تربى عندهم وكبر مع حبيبة...بالنسبة ليه ناديا الام الي رباتو وسهرات عليه كأنه ولدها من د.مها...ماكايخسرش ليها خاطرها وكاتم سرها ديال زيارتها لبنتها بالخبية...

لطيفة : صافي دويتي معاه...

حبيبة : ممم...

لطيفة : تمشي لدار ياك...

حبيبة : ماكرهتش نمشيو لشي كافي...بيت نبقى معاكم ومع ماما...

ناديا : ههههه ايه زيدي ابنتي تاتوصل نوبتي مع باباك وبايجري عليا...

حبيبة : الى جرا عليك جي عندي تعيشي معايا حتى يتنفس...

لطيفة : داري فالسمارة موجودة...نيت لقى الونيس مع سناء باتبقى هنا تقرا عندكم...

ايوب : ماعندك ماعندها "شاف فيها من مرايا وغمزها" ناديوش دارك احبي فالسعادة مفرشة ومسدودة هي لا مابيتيش...

سناء : انا نبقى مع خالي اويلي بغيتو تخليوه يتيم...

ناديا"تنهدات" : كاينة معاه انا مانخليهش هي تهناي...

لطيفة : اسيري اهيا رتاحي ليك...

حبيبة"نزلات عينيها بحزن تنهدات وهي دور جيهة شرجم كاتشوف فطريق مابقات دوات...وحتى هما عاقو بيها الى تبد ليها المود حيث هادشي كايضرها فخاطرها جايا عندها امها بالتخبية قاصحة عليها واخا تعيا تخبي...وصلو قدام العمارة...

سناء : تسناي نطلع معاك حتى دخلي...

حبيبة"وقفاتها" : ماشي مشكيل هي سيري ماتعطلوش ماعرفتي يجي بابا يسول عليكم...

ناديا : عندك الميكات كثار هي خليها طلع معاك دغيا دقيقة مادات ماجابت...

شافت تا عيات وهي تنزل ومعاها سناء تا وصلات معاها لدار دخلات حطات لبها ساشيات فيهم مقدية مقدياها ليها ناديا فيها كراطن حلوة وبسيطلات صغار ومسمن وحريشات...وشي مقدية ديال دار نيت...تسالمت معاها ونزلات عاد مشاو....

الرحامنة...

نزلات كريمة لابسة جلابة فالبيج وشال فالبني على راسها عاقداه مزيان ودايرة البوني بيج لتحت باش مايبانش شعرها بالمرة...دايرة صويك صغير فدراعها بني...مكحلة عينيها وكاتدلك فايديها بكريم ديال نيفيا صوفت...نازلة بشوية بحكم لابسة صبيبط طالون صغير...

سعيدة : دخلي عند لالة خرجيها معاك...

كريمة : ماغادياش اختي سعيدة...

سعيدة : لا..غا سيرو نتوما فيكم الخير ابنتي...

وضارت لكوزينة دخلت..خلات كريمة كاتشوف فالاخير عوجات فمها وهي تدخل لبيت عند عيدة لقاتها لابسة جلابيتها وجالسة كاتبقشش فواحد صاك...

كريمة : لالة نمشيو...

عيدة"حركت راسها بلا ماتجاوب بقات تبقشش وتجبد وكريمة رامية عينيها تشوف اش داكشي تا بانت ليها جبدات واحد ضمصة ديال فلوس...دارتهم فصاك لاخور كاتهزو كبيير كادير فيه دويان ديالها...دوا ضغط ودوا راس وبومادة ديال برد...فيه تيليفونها وشارجور..مهم مستلزماتها...عاد ضارت عندها"...

عيدة : يلاه ابنيتي...

وقفات عليها وشدتها من دراعها معاوناها تا وقفات عطاتها صابو لبساتو فرجليها عاد شدتها وخرجو من البيت لقاو عبد القادر واقف بعيد مع حسام...وصلو عندو ووقفو تحنى حسام باس ليها راسها...

حسام : زين الفتان محل العيان (العينين)...مامجوج غا عبد القادر...

ع.القادر"ضربو بعكازو جنب رجلو تا نقز" : الله يوطيك اقليل الحيا...

حسام : تا مالك ياكما غا خاطبها...راك عاقد عليها هاويلي ياك هاشم الي شهد ليكم فالعقد...

خلا جدو كايرمش وكريمة حابسة ضحكة...تا نغزتها عيدة وحركت ليها راسها عاد حل حسام الطوموبيل من بعيد وداتها...كان واقف عبد القادر كايتسنى ف مباركة حيث تاهي بغات تمشي...ركبات عيدة وكريمة وهو يدور عبد القادر جيهة باب دار...

ع.القادر : مباركة طلگينا خلاص...

مباركة"من البيت" : هاني جايا الحاج...

حرك راسو وهو يمشي تاهو لسيارة ركب القدام حيث حسام الي غايسوق بيهم يوصلهم ويرجع...ولا حسام حتى هو مشا ركب...ماكاملاش خمسة دقايق حتى تمات خارجة لابسة جلابة فالحمر فاااقع...وشال فنفس اللون...مع صويك فالكحل وصندالة ديال طالون كحلة طالونها عالي...صابغة صباع رجليها وايديها فالحمر...محلة العينين تال زدگ لگ...لابسة براسليات ديالها وخاتم زواج وسلسلة فيها مصحف صغير ديال دهب...وجايا بشويا عليها حلات الباب وهي تعطيهم ريحة بارفانها مجهدة هو بارفان ديال البرد دارتو فالصيف...حسام هبط زاج تالاخر وهبط زاج الي عند جدو...

مباركة : سمحو ليا تعطلت وكان...

ماجاوبها حد من غير راجلها قال ماكاين باس...ديمارا حسام الطوموبيل...وهي تجبد من صاكها مرايا وعكر...قابلتها مع وجهها وهي تبدا تعكر تا ولا الفم حمرررر كتر من جلابة...حسام قهراتو ريحة وهو يحل عليهم شراجم كلهم ولا البرد مغمص ليهم العينين هههههه...تا طلات عليه...

مباركة : واحسام...

حسام : اانعاام...

مباركة : طلق لينا مشجالة...

حسام"كمش عينيه" : هاو ؟!..

كريمة : مسجالة هههه...

حسام : اش بغيتي تسجلي اناري..

مباركة : وتا طلق نسمعو شي اغنية...طلق شي شيرين لا عندك ههه...

حسام : لا ماكايناش عندي...ماعنديش مع المدلولات (على شيرين)...موسجالة (عيبها) خسرات ليا..غا جوج خطوات وهاحنا واصلين مالك غاديا لداخلة...

خرجات من طواليط موضية ودازت ديريكت لبيت نعاس...لبسات عبايتها وفرشات سجادتها...و وبدات كاتصلي حتى كملات صلاة الظهر...هزات كفوفها وبدات كاتردد فالدعاء مطوولة كل ماكتدعي كاتحس بتبورييشة كاتسري معاها...عاد وقفات جمعات صلايتها وحيدات عبايتها...مشات لكوزينة تغذات وشربات دواها...ورجعات لبيت تخشات ففراشها...هزات تيليفونها لقات سناء مخلية ليها ميساج...بقات كاتبقشش فتيليفونها مرة فانسطا مرة كقرا فالكوغ الي عطاوها فمدرسة سياقة تراجعو...حتى بدات كاتحس بالعيا...مؤخرا ملي تصابت بفقر د.م ولات كاتحس بهاد الاعراض بزاااف...كايجيها نعاس بزاف...ماحسات كاع تا مشاات بيها عينها...ماكاملاش نص ساعة باش نعسات تحل باب دار وهو يدخل جاي على عينيه ماهانيش بقى مبرزط واخا دوات معاه حس بيها عيانة...تا مابقاش صبر وجا...حط سوارت ودخل كايقلب عليها حتى دخل لبيت ولقاها نااعسة تشخر...جلس جنبها هز تيليفون من بين ايديها لقاه خدام على واحد فيديو..خرج من يوتيب وطفا تيليفون حطو فوق طابل دونوي ورجع مقابل معاها...كايشوف فوجهها..كاتبان ليه عيانة..اصلا ملي رجع من المانيا وهي كاتبان ليه عيانة...حط ايدو على حنكها كايمرر عليه بلطف حتى بدات تكمش فعينيها ونزل لدراعها...منزل عينيه تما تا شد ليها ايدها...وهو يسمع اسمو بصوتها..وبجملتها المعتادة والي ولفها منها..

حبيبة : بشار...جيتي..

بشار"خذا حنكها بكف ايدو" : شوية...

حبيبة"تبسمات وبقات كاتشوووف فيه حتى نزلات عينيها وحركات راسها"...

بشار : درت الفالطة ماتحركتش معاك تما...

حبيبة"باقي محافظة على ابتسامتها دافية" : ماشي مشكيل..مابيتش تبرزط معايا ونتا مزير فالخدمة...

بشار : تبرزطات دعوة عندي كثر...

حبيبة : مشات معايا ماما وعميتو..وسناء...مامشيتش بوحدي...

بشار"ماجاوبش بقا غير كايشوف فيها"..

حبيبة : اصلا بايخصني نرجع عندها سيمانة جايا...وتمشي معايا...

بشار : دوك les analyses ؟...

حبيبة : على قبل فقر د.م الي عندي...باتشوف فين وصل..اصلا كان خاصني نديرهم هاد سيمانة نيت عند طبيبة لاخرى...منعاتني نشرب العشوب الي عطاتني خالتي سعيدة والي جابت ليا ماما...

بشار : ؟؟..

حبيبة : راك عارف تايكونو سخان على قبل "حكات جبينها بتوثر وحرج" على L'utérus (الرحم)..وانا باقي مابريتش مزيان..

بقات تلولب فعينيها وهو حاضي ملامحها...حشمات باش تشرح ليه حيث فاش كاتذكر ليه شي حاجة متعلقة بليغيگل رحم وداكشي بحال تاتحشم..وهو بقى حاضيها كايشوف فيها كاتدوي ومزنگة..صغر عينيه وهو كايشوف فيها..حتى شداتو من ايدو وشابكات صباع ايديها مع صباعو..وحطات راسها على دراعو...

حبيبة : راجع ؟!..

بشار"بقى ساكت شحال ماجاوبش حتى هزات راسها شافت فيه لقاتو كايشوف ثدامو مغوبش..شوي وهو ينزل عينيه وحرك راسو"..

حبيبة : انا بيخير والله..تغذيت وشربت دوايا...باقي شي دوا حتى نرجع هاد سيمانة فاش ندي ليها ليزاناليز...

بشار : صباح تحركي ديريهم...

حبيبة : اه را صباح نديرهم...

شاف تا عيا وهو يدور ايديه عليها وعنقها عندو...تنخششات فيه وزيرات عليه حتى سمع تنهيدتها..تحنى باس ليها راسها...بقى معاها شوية وهو ينوض...جبد الكارو من جيبو دارو في فمو..ومشا لبالكون حتى كما..شوية صونا ليه تيليفونو...بقات حاضياه كايهضر وخاشي ايد فجيبو غير كايدوي مكايشالي ماكيحرك ايد..تا كمل ودخل عندها خاشي ايديه فجيابو...بقى واقف شحال بدون كلام...حتى شاف فيها متكية معنقة وسادتو...

بشار : صبري معايا deux jours بلا كوغ...

حبيبة : ماشي مشكيل عندي الكوغ فالبيسي وتيليفون تنراجع..يقدر منبقاش نمشي نراجع هي هنا..نمشي هي لا بيت نتعلم نسوگ...

بشار : تعلميه معايا حسن...

حبيبة"حركات راسها" : مزيرة خدمة بزاف...

بشار"حرك راسو مغوبش" : لويكاند الي فات كنت داير بحساب يوسف...تزيرات الوقت عندي...درت بلان هاد الويكاند خرج ليا شي زعت مانصيبش مانكونش فيه...

حبيبة : اشنو...

بشار : ديجا مشيتي معايا لداك l'hôtel..

حبيبة : oberoi ؟ (حرك راسو)..فين كانت ديك الحفلة..الي وقع فيها داك المشكيل (غوبش فيها وهي تضحك) هههه..مايممكنش نسا ههه...واش كاينة حفلة اخرى...

بشار : Une réunion très importante..نوگف عليه باش نگاد البلانات هنا بالبيان..الى مشينا فحالنا لهيه نكون هاني..خدمتي مانصيبش نزيگزاكي فيها...

حبيبة : اشنو المشكيل...

بشار : البلان تكخييا لويكاند..Je pense تكوني معايا تم..

حبيبة : اه نمشي معاك...ويوسف ماشي ضروري لويكاند..خليه يجي بلا ويكاند..يبقى معايا انا غادي نطلب خالتو سعيدة تجي حتى هي..تبقى معانا فاش تجي من خدمة تلقاه..

بقى كايشوف..ماعرفش علاش هاد الاجتماع مبرزط ليه دماغ.. حيث كان معول يجيب يوسف وكل مرة تلغا ليه المجية..لكن هضرة حبيبة ريحاتو...باسها فشفايفها ورجع خرج تاني لخدمتو...

الرحامنة...

وقف حسام سيارة لداخل..كانت دنيا شبه عامرة ناس داخلة ناس خارجة عيالات رجال...كمش حسام حجبانو وهو كايشوف فيه واقف بعيد..غا شافهم وهو يتم جاي..مابقى حملو ماقبلو..كايشوفو كايطلع ليه الخز على فعايلو...نزل عبد القادر ومباركة وكريمة بقات غا عيدة وحسام لداخل...سلم على باه ومرت باه ومرت خوه..وهو يدور راسو ناحية عيدة شاف فباه وحدر راسو وهو يتم جاي تا حل عليها الباب...

سيحمد : مي عيدة..باقي هازة مني...

عيدة : مادرتيها فيا زينة...

حسام فخاطرو قاليه حووو فيك...ولات عيدة كاتبرد ليه الغدايد فعصابة الرداء الاسود كيف سماها هو وزكريا ههه....حدر راسو وعينيه فالارض...

عيدة : الى جيت راني جيت فشرد بوك..وفشرد ولدك زكريا...وفشرد داك ترابي...اما نتا ومرتك لحگتو عمايا لعيب وفوتو فالقياس...

سيحمد"تحنى بغا يشد ليها يبوسها وهي تخطفها ليه"...

عيدة : ياعوذ بالله...

سبحمد : سمحي ليا مي عيدة..

عيدة : كريمة..

جات كريمة تجري تحنات شدت ليها فايدها من بعد ماحيد سيحمد...باه غا كيشوف عارف عيدة الى هزات منو بزاف...شوية وهي تخرج فاطيمة ام ربيعة تشالي وترحب بيهم ماقاداها فرحة وتبعوها بناتها تاهما سلمو عليها فرحانين بمجيتها....كانت الدب.يحة اليوم ديال سمية وجايبين طلبة عاد من بعد يديرو سبوع...مشا سيحمد جاب عجلة وزوج خرفان..ومقدي دجاج وكاع الي يخص وشرا لربيعة بيجامات وعطا لمها فلوس تقدا ليها حوايج جداد..وهي تقول واش بغات تشوف فيه...مشاو مع عيدة ومباركة وكريمة تال واحد البيت عزلوه غا ليهم فيه نيت ربيعة ناعسة...غا سمعات عيدة وهي تگعد وعينيها فالارض...تا جلسات تما حداها...قربات شدات ليها ايدها بغات تبوسها وهي تبعدها...هزات فيها عينيها لقاتها مغوبشة...

ربيعة : لالة فرحتيني بمجيتك..

عيدة : جيت فشرد الوليد...خو زكريا الغالي عليا..

عزيز عليها زكريا بزااف...مازال يلاه قالتها وهو يدخل زكريا...

زكريا"تحنى باسها" : هاهو زكريا بشحيمو ولحيمو..

عيدة : فين غبرتي..خليتك يامس فدار صبحتي غابر...

زكريا : وجيت لدب.يحة...(مشا هز خوه بين ايديه وتحنى يبوس فيه ويشد ليه فصبيعاتو ويزير ليه على صبعو)..

عيدة : اراه ليا...

حرك راسو وناض حتى حطو ليها بين دراعها...كاتسمي الله وتصلي على النبي...بقات تشوف فيه وكريمة ومباركة يشوفو فيه زويون بزااف مشعار وداك شعر قويييي...تحنات باستو فرويسو وهو يحل فمو وسدو...ضارت عند كريمة حركت ليها راسها وهي تنوض حلات صاك عيدة جبدات منو واحد جوا..حطاتو لولد وسط ليزار...

كريمة : تبارك الله زوييين...(تحنات باستو وحطات ليه تاهي زرورة)...

ربيعة : يعطيك الخير(كاتبغي تشوف فعيدة وتنزل عينيها)..

مباركة"تاهي تحنات باستو فايدو وحطات زرورتها" : زيادة فالاسلام نشاعلاه...

ربيعة تبسمات ليها...بقات عيدة شادة داك الوليد بين دراعها..دخل ليها لخاطرها بزاف فينما تنزل عينيها تقول ماشاء الله.. تا شوية بدا يبكي عطاتو لربيعة بدات ترضعو...شوية جابو ليهم صينيات اتاي...الدار مكانتش عامرة بالبراني حيث غير دب.يحة سمية كانت غير العاىلة..خواتات ربيعة وخوتها...عائلة سيحمد..جا عندو هاشم صباح سلم عليه وزررو واخا المشاكيل كايبقى خوه...رضوان رسل ليه تاهو من لهيه...مليكة عيطات مرة وصافي مدهية مع بنتها الي باقي مالقاهاش باها وكل شوي تعيط وتبكي...توريا ما صولاتهاش كاع ولا عيطات...

رضعاتو وحطاتو بلاصتو ناعس.. جلس حداه زكريا كل شوية يشد ليه فايدو يبوسها ماخلات كيدارت معاه مو يبسع منو يخليه ينعس مابغاش يتفرق عليه...من الي تزاد وهو متعلق بيه...كاع دخل ليهم لخاطرهم بزاااف...جا عبد القادر من بعد ناعلمو ربيعة تستر...جلس تاهو حداهم حيث البيت فيه غا هما...عطاوه ليه واخا وذن ليه خالو ملي تزاد عاود وذن ليه عبد القادر...

سيحمد : با گلتي بغايتي تسميه...را گلت لگ.زار سمية ملي د.بح ضروبة والخرفان...(حرك عبد القادر راسو وتحنى وذن ليه وهو يختم باعلان اسمو)...

ع.القادر : مرحبا ب سي عبد الله...

تبسمات عيدة..وهي تنغزو ضحك وعطاه ليها..شداتو فحضنها...

عيدة : بسم الله مرحبا بسي عبد الله..

ربيعة : من گبيلة وهو يبكي يلاه سكت...

كلهم كايشوفو فيه فرحانين...حتى شوية وهو يبدا الوليد كايبكي...شداتو ربيعة من عندها بدات تراري بيه وهو والو كايبكي...حل فمو وعطاها لبكا...

مباركة : بغا يرضع...

لاحت ليها ختها الغطا غطات رايها وجبدات تدييها كاترضع فيه...طلق البزولة مابغاهاش...تا شوية وهو يطلق واحد زگية صمكات ليهم الوذنين...ماعرفوش مالو..كايبكي شي بكا فشكل...بحال الى غايتخنق...

عيدة : وجيعة هادي عطيه ليا...

حطاتو ليها ربيعة بين ايديها...دورات عيدة ايدها ورا ضهرو بدات كاتدلك ليه اسفل ضهرو وهو يبدا يتهدن...شوية عاود رجع كلق نفس البكية كثر وكثر...تا ولا الولد وجهو زرق ناض زكريا وقف..كايشوفو فالولد بحال الى واحلة ليه شي حاجة وهي را ماواحل والو...بقا يغوت والوجه غادي ويتجيف كثر...

ربيعة : اويلي مالو...

مباركة : ديوه عد طبيب...

فاطيمة : نعيط لسي عطية الفرملي راه عما رجال...

بقات عيدة تدلك ليه وتقوليه بسم الله عليك...تا عواج ليه رويسو على صدرها...و سكت سكتة وحدة وعينيه تبلوكاو بحال الغميزة...حساب ليهم راه سكت لكن عينيه كانو فشكل..

عيدة : بسم الله الرحمن الرحيم..

زكريا : علاش عينيه هكاك دايرين...

ربيعة ماعرفتش اش وقع ليها وهي تنوض وهزاتو بجهد..كاتحرك فيه شي حاجة لداخل كاتقوليها راه الوليد ماهواش...

ربيعة : مالك اوليدي...فيق بسم الله عليك...

سيحمد : يلاه نديوه لطبيب...

شوية جا واحد الفرملي فمستوصف عيطات ليه من الرجال الي عيطو ليهم لصدقة...دخل عندهم بغاو يعرفو مالو حيث غواتو كان فشكل..شدو وبدا يقلب فيه ولا كي جليدة غا شاف وجهو ماطمنش...عرا ليه صدرو حط صبعو كايقيس ويقلب تا حدر راسو باسف...

الفرملي"مالقى مايقول براسو تصدم" : لا حول ولا قوة الا بالله..

سيحمد غا سمع ديك لا حول ولا قوة إلا بالله..ولا يسمع طننن فوذنيه قلبو تهز وتكمش عليه...ربيعة دايرة ايدها على حنكها وكاتشوف فالفرملي كايقلب فالوليد ووجهو مخطوف..طبعا مارداتش البال لهادشي وماجاش فبالها راه واقعة ليه شي حاجة...

حط زوج صباع فوق صدرو نيشان عالقلب وبدا كايدير فماساج وشاد ليه معصم ايدو كايتحسس واخا راه عرف انه ماكاينش نبض بتاتا...كلشي واقف وكايشوف الا عيدة الي حادرة راسها وعينيها حساات بيه وعرفات اش كاين...

ع.القادر : اش كاين ياك لباس اسي عطية...

ربيعة: م مالو ؟..علاش لا حول ولا قوة إلا بالله...

ماجاوبهاش او بالاحرى ماسمعهاش واخا عارف ومالقاش نبض تاهو بحال ماثيقش...شاف تا عيا ووقف ضار عند سيحمد...

الفرملي"باسف" : سيحمد...(نقزات عيدة)..

عيدة : عطية..(ضار عندها) يديوه لسبيتار...خلي الگلب يشبع ولا يتشوى ويگول كون وكون...

بقى يشووف فيها فهمها وفهم انه الى قاليهم اش كاين ماغايتيقوش...وغايبغيو يديوه لسبيطار...واخا يأكد ليهم مع المدة غايقولو كون ديناه كانو يعتقوه...حرك راسو باسف وهو يشوف فسيحمد...

عطية : نوض دروك طير بيه لسبيتار...

سيحمد"عينيه صغارو حلقو نشف" : نديوه ؟..علاش ؟!..

عطية"شاف فعيدة وشاف فعبد القادر الي غير شوفة من عيدة وكلامها فهم المعنى..جمع حجبانو باسف وحزن نزل عليه بصدمة لجماتو وضرباتو لقوة" : و غا ديه يشوفو مناش هاد الوجع...ديه دروك يعطيوك ورقة ولا شي حاجة با شتديه عند طبيب دراري صغار...وغا ديه وتما تعرف...كون مع الله يكون معاك...دابا يكون سخف من الوجع جاه قاصح وصافي...

ربيعة"وسعات عينيها" : هااا...هاويلي على سخف...هاويلي على ولدي...اراه لهنا گالا سخف راه باقي صغير فين يعرف شي سخفة...ارا ليا ولدي...اريه امباركة الله يحفظك اخويتي...

عيدة : ربيعة خليهم يديو دريري الله يرضي عليك...

ربيعة"غرغرو عينيها" : لاش الالة...باقي صغير فين صادين بيه...

هما لحد ساعة باقي ماعارفينش اش كاين بالضبط...الفرملي الي عارف وحتى عيدة...لاخرين مافهمو والو ...زكريا تاهو كايشوف...ماعرفووش اش كاين عند بالهم غير نعس وصافي...كريمة بقات مفيكسية الشوفة فولدها الي كان معري ليه صدرو تا رجع ليه حويجاتو وغطاه وهي باقي كاتشوف...اماربيعة حركاتها مها شافت فيها...

فاطيمة : توگضي عمانا هاويلي...

ربيعة"رمشات فيها وهي دور جيهة ولدها بان ليها سيحمد هزو بين ايده وهي توقف شادة على صدرها" : فين غادي بيه...

سيحمد : بركي تم...يلاه شي حد عمايا...

ع.القادر : زكريا صوني على حسام يجيب طوموبيل دروك يكون باقي فطريگ...

حرك راسو وجبد تيليفون عيط لحسام اما سيحمد تبعاتو ماجدة اخت ربيعة حيث ربيعة ماتقدرش تحرك باقي نافسة ودايرة الغراز صعيب الحال...والفرملي كايقوليهم ديوه واخا عارف اش كاين ماقدرش يقوليهم...ماعرفش علاش بغاهم يعرفو من المشفى...الدار كانو فيها المقربين عارضين عليهم لصدقة ديال زيادة وسمية...دااو الوليد هكاك هزوه قدام عينين مو ملوي فايزار...ومشاو بيه طايرين عيطو لخوها تهامي نيت وواحد الولد عندو طوموبيل حيث خرجات مهم وقالت ليهم اش كاين...عند بالهم راه سخف او شي مزگي فعقلو راه اما الوضع كان باين ان شي حاجة فوق هادشي كبيييرة...زكريا فطريقو مشا مع باه وخوالو صونا لحسام رجع من طريق...

ع.القادر : ها حسام جاي يديكم لفيرما وانا لحگ عليهم لسبيتار...

عيدة : الحاج...(نزل عينيه ليها..وهي تشير براسها ناحية ربيعة) تبعهم ربيعة ديها عماك...

ربيعة : واه نمشي اسيدي ديني ماهانياش على وليدي خليتهم داوه بلا بيا...اري ليا ديك سكاتة ديالو...

عيدة : فاطيمة لبسي بنتك وسيري عماها...وكوني عماها وشدي فيها ونقصي منك اللغا بلا فايدة...وقفي فالحزة وبعدي النگير...

فاطيمة"قلبها طاح فهمات من عيدة ان الولد بيه شي حاجة دارت شال على فمها وعينيها وساعو " : يااا الحاجة راني فهمت ولا...

عيدة : كوني مع الله يكون معاكم...

كريمة شافت فمباركة الي عضات شفايفها بحزن...الفرملي الي قاليهم اش كاين خرج مع سيحمد ودراري شرح لتهامي اش كاين صيفطو مصدوم...حيث ماكانوش متوقعين هادشي وليدي صغير !؟...جات وحدة من خواتات ربيعة عاونوها تا لبسات جلابيتها وشالها فهاد الاثناء جا حسام وصونا لجدو...ناضو مع ربيعة وخرجوها تالطوموبيل حسام مافهم والو حدو قاليه زكريا راه دينا خويا لسبيطار...ركبوها فالسيارة وركب معاها عبد القادر ومها وختها...

مسافة طريق غادي سيحمد شادو بين ايديه مرة مرة كايحدر راسو يشوف فيه يتحنى يبوسو ويهز راسو يشوف فالطريق..عند بالو را غا ناعس..تا وصلوه لسبيطار ديال الفيلاج...دخلوه ديريكت..جبد تهامي خالو فلوس دور مع واحد فرملي تما دغيا دخلو لعند طبيب زعما حالة مستعجلة...حطو فوق البياص تما...دار سماعة فوذنيه وعرا ليه صدرو...حطها جيهة القلب...والرئتين...كمش طبيب حجبانو...بزربة قلبو على جنبو وحطها كايحاول يقلب على نبض ويتأكد...حطها ليه على كرشو...هز راسو وشاف ف سيحمد...

الطبيب : كان مريض بشي مرض مشخص ملي كان فالكرش ؟!

سيحمد : لا ماكان فيه تاحاجة...غا دروك شدو شي وجع دلكات ليه مرت با...وسمعت المراة گالت صباح كان فيه وجع تاني ومشا...

الطبيب حرك راسو ورجع تاني كايقلب ويعاود...فالاخير حيد سماعة وغطا دري شاف فسيحمد...

الطبيب : اجركم الله...

سيحمد"حس بشعر راسو وقف"...

التهامي : الله اكبر...

سيحمد : كيفاش...

طبيب"باسف" : جبتوه معاكم ميت...الله يعوضكم...

الى قلنا صدمة صعيبة...راه صدمة بمعناها ديال بصح...بشعورها..باحساسها كيفاش كايكون...العينين كايوساعو...القلب كايوليو دقاتو ثقااال حتى كاتولي تحس بيه كايضرب ليك وسط راسك ودوك ضربات كايضروك حتى هما...كاتحس بسطل الما بارد تكب عليك...كاتحس برجليك ايديك كلشي فيك فشل وبردو عليك اطرافك...كاتحس بالدنيا مشات وجات بيك...بحال الى طرشك شي حد وذنيك تصمكو...شوي بشوي قلبك كايرجعو دقاتو من ثقولية تدريجيا كايرجعو لطبيعتهم شوي كايخرجو على طبيعة وكايولي خفقان سريع حتى نفس كاتقلال عندك وكاتخنق...يمكن تجيكم غريبة لكن هادشي باش حس سيحمد...يمكن يبان راه انسان مهمل فحق ولادو...لكن راه كايبقى أب...وخصوصا هاد الولد ملي هزو بين ايديه حس بيه فشكل...دخل ليه لخاطرو بزااف دونا عن باقي ولادو...كان عندو مميز...لدرجة دابا قاليه طبيب راه جبتوه مي.ت...اجركم الله...الله يعوضكم..هي جمل زوينة فوقت الحزة ولكن راها كاتكون قاصحة على الي تلقاها...اش كاتوضح ليك انك فقدتي وعشتي شعور الفقد...خصوصا الى كان فالكبدة...

غطاو عبد الله..اسم على مسمى...تسمى عبد الله وداه الله.. ماشي خسارة فرب العالمين...حنا كلنا امانات الله سبحانه..

جالس قفازي داير ايديه على راسو...مادوا ماتكلم ملي قاليه طبيب اش كاين...زكريا مابغاش يخرج من عند الولد بزز باش خلاوه تا هضر معاهم خالو عاد خلاوه حداه...مادرف حتى دمعة جالس فوق واحد الكرسي حداه مخرج ليه ايديتو وشاد فيها تا دور ليه ايدو على صبعو كيف كان كايشدو ليه فاش كان يلاه تزاد وديك ربعيام كلها...بغا يحس بيه مزير عليه ولف فيه هاد القضية...

زكريا : جيتي غا باش تخليني نولفك وتزيد تخليني وحدي...غا بقى نهز عليك دق غا بقى على رقبتي مانخلي حد يهز ايدو عليك...مالك اصحبي مزروب...

فهاد الاثناء...وصلات ربيعة هي ومها وختها...شافتها ماجدة الي كانت كاتبكي وتلالي بصوت متخفض حيث ضار فيها خوها...شافتها ربيعة جايا شادة تحت كرشها باقي عيانة...

ربيعة : مضرا اخويتي اش گاليكم طبيب...

ماجدة"بغات تهضر وهي تهز عينيها فخوها الي غوبش وضار لهيه ماقدرش يشوف ف ربيعة...يلاه بغات تهضر وهي تهز فاطيمة ايديها لفوق وطلقتها بغوتة"...

فاطيمة : الله هاااااا ربيي الله...

ونزلتهم بخبطة حارة لفخادها تا قفزت ربيعة وهي دور عند مها ورجعات شافت فختها الي حدرت راسها وبدات تنخصص...وشافت فسيحمد اول مرة من بعد مدة ديال الجفاء...قربات لعندو بشويا شادة تحت كرشها وكاتنهج...وهي طل عليه محيدة ليه ايد باش تشوف وجهو...

ربيعة : فين عبد الله...

حسام قرب عند تهامي هو وعبد القادر وطبطبو عليه سول على زكريا قاليه راه لداخل مع الوليد...كلهم واقفين فواحد البلاصة...كان مستوصف عامر اليوم الاثنين عيالات دوار كايجيو لهاد المرافق صحية فاول سيمانة بكثرة وكاين الي كاتجي تجلب...داوه دخلوه لواحد البيت مكيدخل ليه غير الفراملية واطباء...

ربيعة : واا سبحمد تا فين ولدك...علاش مي خبطت فخادها...مالها بغات تفايل ليا عليه ياربي سلامة...(وقفات وضارت عندها) تي لجمي فمك امي وتي تفايلي عليه...ياناري من نهار هزيتو فكرشي وهو تابعو لغط...ياناري راني ماشتو تة تشوگت فالولاد...ماجدة لاش تبكي تانتي دعيتك الله.. تفولي ليا على ولدي...فين عبد الله خالني ندخل عندو...

حسام : وگضها اتهامي...

تهامي : هءا الله...انا وضرني خاطري عليه عساك مو...تا كي نديرو ليها...

حسام : با...

ع.القادر"خاطرو مهرس تاهو" : نوض اسيحمد دخلها عدو تشوفو...

تهامي : ملي خرجنا من عندو گالها لينا طبيب وهو هكاك...ديها نتا الحاج راك موگض ووگضها عماك...

تنهد بحزن وهو يدور عندها شدها من كتفها وهي تهز فيه راسها...شير ليها براسو بمعنى يلاه...حركات راسها بهيستيريا وهي تمشي معاه دارت زيفها على فمها...لداخل راه روينة نايضة لكن برا كاتقول لا...هازة سكاتة ديالو ديال زيادة فايدها..ودخلات مع عبد القادر الي لقى زكريا شاد فايد خوه حاط عليها راسو وكايتنخصص بغا يسخف..كاع داكشي الي صبر تا صبرو قاداه...وقفات حداه حط ايدو على كتفو وحركو تا هز راسو ونفس محبوسة فيه وجهو كلو يقطر بدموع...بلاه مايهضر ترمى على جدو وعنقو كايبكييي...اما ربيعة...حالها وحدوو...حال ام يلاه غاتعرف راه ولدها بصح ما.ت...زيادة الي مازال كاع ماكملت سبعيام وما.تت ليها...كاتشوف فيه مغطينو بايزار وضارت عند زكريا...

ربيعة : هاويلي لاش مغطي ليه وجهو البغل...

زكريا زير على جدو الي بدوره كايطبطب عليه وعاقد غوباشتو بحزن شدييد..كايشوف فربيعة الي مدات ايدها وحيدات عليه ليزار وهي تلقاه باقي بنفس التغميضة باش توفى...تحنات عندو وهي تهزو بين ايديها وبقات كاتشوف فيه...

ربيعة : ناعس مسكين...شوف الحاج صورتو كي تبدلت سبحان الله...تگولي راجل بشلاغمو ههه...

ع.القادر"تنهد وشافها بغات تهبل وهو يحط ايدو على كتفها وزير عليها" : كوني مع الله يكون معاك ابنيتي...ماكاين مايتخبى الله يصبرك..

وسعات عينيها وقلبها سكت...اه كانت حاسة وعارفة راه ما.ت ماكانش يحتاج يقولو ليها بتمهيد..فاهمة وغير غوات مها اكد ليها..بحال ماكانوش متقبلين ومصدقين...دارت ليه سكاتة في فمو وماتشدتش ليه كاطيح...شهقت بشوية وهي تهزو اكثر خاشية ليه راسو فعنقها..وهي دور عند الحاج...

ربيعة : وااا سيدي راه 17 عام وانا نداوي..ونطلب ونزاوگ..وترزيت فيه...

كانو برا ماسمعوش غواتها...استغربو انها مادارت حتى ردة فعل...لكن كاين الي عرف انه هزات دقة قاصحة...وماتبانش عليها دابا حتى تستوعب وتقبل ان الي بين ايديها دابا هو جسد بدون ؤوح...خرج عبد القادر بوجه حزين...نزل عينيه ووجه كلامو لامها...

ع.القادر : بركي عماها لداخل...

حركات راسها ودخلات تجري ... شوية جا حسام وقف قدامو...

حسام : گاليك شوي وتجي نقل الاموا.ت باش تديه لمحمد سادس..

ع.القادر"هز ايدو" : لاش...

حسام : ضروري من تشريح حيث جابوه ميت..ماغاديش يتعطل صباح يعطيوه ليهم باش يدفنوه...خاصهم يعرفو اش وقع ليه ابا...(حرك راسو) هاشم هاهو جاي...

مازال كايهضرو حتى بان ليهم نيت جاي بلبستو ديال الخدمة...جاي مدهشر تاهو مصدوم كاع ماتوقع هادشي...بان ليه سيحمد مشا لعندو وتحنى حط ايدو على كتفو وحركو تا هز راسو شاف فيه...

هاشم : كون مع الله يكون معاك اخويا...

بقى كايشوووف فيه ماشعرش كاع بدمعة الي نزلات كاتجريي..حرك ليه راسو مثقل ورجع نزل راسو..تنهد هاشم وهو يوقف فهاد اللحظة بقى فيه...مشا عند خو ربيعة سلم عليه ووقف مع باه وحسام كايهضرو سول على زكريا قالو ليه راه لداخل...داز وقت لابأس به...الاخبار داعت فالدوار وصلات لفيرما...سيارة نقل الاموا.ت وصلات...دخل تهامي هو وام ربيعة لعندها لقاوها جالسة فوق البياص وشادة ولدها بين ايديها معنقاه...طيحات منهم نص بقات فيهم وامها غير مازادت فحدة البكاء...بزز بالكشيفة باش قنعوها تنوض..

ربيعة : فين غادين بيه !؟..نمشي عما ولدي فين ماشيين بيه وحدو...

هاشم : ربيعة ختي..عطيه ليهم يديرو خدمتهم ماعندك ماديري تالغذا صباح ونجيبوك لعندو...

ربيعة : لا مانصيبش نخليه وحدو...

تهامي : ماشي وحدو..عماه ناس تما..حنا نيت تابعينو تال سبيتار تايدخلوه ونگادو شي وراق...

ع.القادر : خليهم ابنيتي يديوه وصباح جي ديه...

بقات مزيرة عليه..كاتحس بقطعة من روحها كاتجبد منها بالم...ماساخياش تحيدو من حضنها...حسات بيه دفا بيها ودفات بيه...بدات كاتنهج وتحرك فراسها بلا...خليوه ليا راني ماساخياش بكبيدتي...خلييو ليا ولدي راني ماسخياااش اعباد الله...

شحال وهي مزيرة عليه بزز باش قدر خوها يشدو من عندها...حطو فين موجدين ليه...وقفات حداه كاتشوف فيه بعينيها كان مافيه والو...جسد صغييور قد الدراع...حطات ايدها على صدرها لقاتو منفوخ...كأنه باغي يرضع زيرات على ايدها وهي تقرب لكن فيقتها التغطية الي غطاو ليه وجهو كاامل...سدات ليها على اخر شوفة فداك الجمال الرباني داك الولد الي رزقو ليها الله من بعد سنوات...بدات كلها كاترعدد وتزير على راسها الي بدا كايتحرك غا وحدو...وبدات تمتم وتلالي بشوية...هزوه قدام عينيها وداوه...بقات تابعاه بعينيها...كاااع داكشي الي تجمع عليها بان دقة وحدة...غوتات غوتة وحدة خلات كاع الي فالمستوصف يدورو ناس الي تما...اما الي حداها طبل ودنيهم مشاو وجا...هزات راسها لفوووق بشهقة وهي طيح ليهم مغيبة....

مراكش...

حلات عينيها على اذان العصر...بقات كاتشوف ناحية البالكون وكاتسمع فالاذان حتى كمل..وهو يصوني تيليفونها هزات راسها كاتحك فعينيها وتفوه وهي تهز تيليفون لقاتها سعيدة...

حبيبة : خالتي سعيدة...

سعيدة"بحرزن" : بنيتي لباس عليك..ياكما ناعسة...

حبيبة : لا لا فقت مع الاذان...هانيا...

سعيدة : وا نگولوو لباس وصافي...انا فطريق جايا لمراكش عما هاشم وحسام...

حبيبة"بفرحة" : بتجيو عندنا...

سعيدة : والله ماعرفت ابنيتي...مادواش عماك بشار ماعلمك بوالي...

حبيبة"تگعدات مخلوعة" : بشار..لا مالو...

سعيدة : لا إله إلا الله وصافي...ربيعة داك الولد الي ولدات..داه الله...

وسعات حبيبة عينيها وقلبها ضرب...دارت ايدها على حنكها بحركة عفوية عضات شفايفها...نسات اش وقع بينها وبين ربيعة وراجلها...دغيا عينيها غرغرو وهي تقول "الله مسكيينة"...بقات كاتهضر معاها ودارت معاها الى تعطلو تقدر دوز عندها يباتو تال صباح...

من بعد ما رجعوها لدوار حطوها بلاصتها فين كانت...هكاك باقي ليكوش حداها..باقي كموسة الي عند راسو ومصحف صغير..كانو سادين عليها فبيت مايدخل عندها حد وكانو جالسين ماجاو تالاش وقت من الليل...كلشي جالس تا من عيدة بقات ملي داو ربيعة مامشاتش لفيرما رجعاتوغير مباركة اما كريمة بقات تقابل عيدة...القرآن مطلوق والعيالات كايتسخرو...شوية تا سمعو غواتها وهما ينقزو اغلبهم طار لعندها...لقاوها هازة ايزار ديالو وجامعاه عند صدرها الي جابداه باش ترضعو...وهازة راسها لسما وتبكي وتعدد...

ربيعة : وااربي ديتيه عدك وشويتيني...واااربي رزيتيني فيه وعاقبتيني...واااربي راني تشويييت فكبيدتي...وااربي راني تشوگت وعطشت ورويتيني وعطشتيني تاني..وامن فرحتي سميتو عبد الله عليك..وااارب (كاتنخصص حتى كاتهز نفس بزز )..رجعو ليا راني ولفتو منصيبشاااي عليه...واربي رجعو ليا...واربي سمح ليا نتا لول ورجع ليا عبد الله..(هزات ايدها حطتها على فمها بترجي ولايد لاخرى طلقات داكشي وبدات تحك بيها على صدرها تطفي العافية الي تم) عاافاك اسيدي ربي رجع ليه روح وعيشو ليا...خليني نغطيه بايزارو بلاصة تراب...

عيات وهي تناجي وطلب..كاع الي تم بداو يبكيو وشي نزل راسو باسف...شوي حتى نزلت راسها لتحت بحرقة تقهر..ونطقات بنبرة أنين..

ربيعة :وا ذنووووبك ياولد نور الدين نتا ومرتك خرجو فيا...وا ذنووبك اليتيم يتموني فكبدتي...

يتبع...