محتوى القصة
بثينة : ( بابتسامة ) حتى أنا توحشتك ! مهم نخليك تفطر و تصحصح من بعد نتواصلو على السفر
تيجاني : ( تيتفوه ) تهلاي فراسك و سلمي على الواليدة ديالك
بثينة : مبلغ حتى أنت تهلا فراسك ونعس مزيان..
_نتهت مكالمة و كان فرحان بيها وبخبر سفرها ليه ! دخل واتساب يشوف أخبار العائلة بدا يدور من سطوري لسطوري ! ها لي حاط عرس لبارح ها لي حاط تصويرة موطور ها لي حاط أغنية كوريا واضح شكون صحاب ستوريات شكون من غير إسراء و حمزة و تسنيم هو يحول مكالمة فيديو لتسنيم بعد عدة رنات عاد جاوبات
تسنيم : ( بسرعة كلام ) الو خالي حنا راها مشات طبيب عينين مع خويا شاكر صباح
تيجاني : آااوّي ؟! مالها ؟!
تسنيم : راه باينة عينيها تيضروها ( نضم حمزة ليها ) كحز من حدايا
حمزة : سلام خالي صافاا
تيجاني : أنت خرجات ليك الفيزا؟
حمزة : غدا نطلع لفاس نشوف واش نشدها ولا مانشدهاش
تسنيم : ( بحزن ) صمت
حمزة : ( عنقها جنب بحب ) اسكتي ؟! هانا نخلي ليك بيسي ديالي
تسنيم : ( تدفعو ) بعد مني ! مابغيتوش
تيجاني : خليه يمشي تهناي منو ! كولي البارح كان عرس عند ولد عمك ؟
تسنيم : ( بسرعة فالرد ) اماتنعرف حتى ولد عمي
تيجاني : يلاه ديرو عقلكم ! فاش تجي الحاجة تاصلو بيا
تسنيم : ( تتقطع بدون وداع ) صمت
حمزة : وكولي ليه غير واخة
تسنيم : ( طالعة فوق ) كولها ليه أنت !
_شخصيتها صعيبة للتعامل ! سبب هو تربية لي كبرت عليها مع شاكر و حمزة والحاج ، قليل فين تسلم ولا تقول صباح الخير ولا تجاوب فتلفون تتعرف بيتها و بيسي ....مر النهار ! على مائدة لعشاء فيلا الحاج مجموعين بناتو و شاكر و حمزة و تسنيم و الحاج
فاطمة : اوا داز باش ماعطى الله ! لولد صغير ماعندو عقل
الحاج : لي ماعندو عقل تيقرب لزواج ؟!
الحاجة : اوا راه دخلو الحبس( تتمسح يديها) تسنيم كولي ابنتي
تسنيم : ( بسرعة فالكلام ) وااا كل مرة نقولك ماتنبغيش اللحم
شاكر : ( لعب بشعرها ) وعلاش ؟!
تسنيم : ( هربت رأسها طالعة لبيتها ) هكاك
_سالاو من العشا و كلها فين تكى من غير شاكر و فاطمة كما عادتهم تيجلسو فالجردة الراس فالراس
شاكر : دبا هاد فداء لي باغة تزوج هداك خينا ؟! مشاكل باها لي دوزو عليها نساتهم ؟ راه بحال بحال داك نوع تيسوط فالفلوس
فاطمة : معامن تهضر ! العرس عندي فدار و القيامة نايضة اخويا روح كانت تطيح عندي مع ياسين
شاكر : خليه يربيها! واش تيطيح الفاس فراس ؟!
فاطمة : و الخطاب لي جاو ل إسراء؟!
شاكر : ( بتفكير ) اختي إسراء راها بوالديها يشوفو معاهم! اش نقوليك أنا ؟
فاطمة : فين هاد والديها ؟! ختك قالت ليك تعطيها و باها من خطوبة تيجاني ماعاودت شفتو ! هاد البنت لاوحوها ؟!
شاكر : واش أنا قلت ليك تلاوح ؟! راه زواج هدا هي لي تعرف! وعلى ذكر خطوبة خوك مراتو شهر جاي طالعة عندو
فاطمة : الله يسخر لهم ! دبا إلا القضية فيها الخطاب راه يجيو عندي
شاكر : يكون خير ! ( جبد تلفون ديالو ) صمت
فاطمة : فين وصلتي نت ؟!
شاكر : ( قلب عينيه بعياء ) أنا من غدا واجد اختي ! ولكن نخلي سندس لوقت توجد على خاطرها بنت وحده عندهم لا زربة ! راس عام اش بقى ليه ؟ ثلث شهور؟
فاطمة : مابقى والو! عقبا مانزوج ياسين ديالي اخويا، بغيتو يثبث ويشد طريق و يديها فشغال العائلة
شاكر : ( عينيه فتلفون ) ولدك مزاال ماساخيش بزهو
فاطمة : ياودي راني نقبل ليه بلي بغاها هو! غير يدير العقل
شاكر : علاه عندو غير وحدة ؟! ( ناض تيتفوه ) نوضي ختي ترتاحي والدة تريكة معكسة
_فاطمة ! فاطمة !! اسم ابنة الرسول صلى الله عليه وسلم ! كل من سمى فاطمة تتكون هي البكرة و دعائهم من الله تكون من خيرة البنات والنسا و فاطمة كانت عند حسن الاسم جمعت بين طيبة و المسؤولية .... "بعد مرور أيام" ....كان أول دخول مدرسي لتسنيم فالثانوي خصوصي ! وهاد الأخير ليس كالعمومي تبقى غادي جايب الدراري وتسنى فالخاريج أنت وزهرك واش أستاذ يجي ولا مايجيش ومع سير و آجي و اليوم تقيد و غدا تخلص و أسبوع تقيد كتاب و عشريام عاد تقيد دفاتر تيكون الشهر نتهى بسير و آجي عكس الخصوصي نهار تسجيل نهار تيعطيوك ورقة الأدوات نهار دخل مباشرة تقرا...
تسنيم : ( تتشوف فأستاذ و حكيم تيهضر فوذنها ) صمت
نجمة : ( تتشوف فالخارج ) شووو شووو المدير شحال قصير
_دارو بجوج يشوفوه و شادين ضحكة ! ساعة من الوقت مرت وخرجوا مجموعين ، كولشي تيتغير إلا صداقة هاد ثلاثي حتى الشعبة داروها مشابهة ! صداقتهم لا تقاس بالكلام الكثير أو اللقاء الكثير صداقتهم تتقاس نهار تبغيني تلقاني ! نهار نكون تنقرا تكون معايا ونهار نكون فالأسوء تكون معايا !!
حكيم : اشنو نمشيو نقصيو ؟!
نجمة : ( حطت راسها عليه ) ناكلو طاقوس؟
حكيم : ( بتقليد مي نعيمة ) شناهوا طاقوس ؟!
تسنيم : ( بتقليد آخر ) شنو هدا؟ آش كادير أنت تما ؟
حكيم : زيدو باش نرجعو بحالنا دغيا راه الواليدة عندها ضياف( جر نجمة هو يسمع صوت تقطاع ) اش تما ؟
نجمة : ( هزت يديها بعصبية ) صندااالتي ! ( نزلت راسها تتشوف صندلة ) ويلي ويلي
تسنيم : ( نزلت تتشوف لقاتها تقطعت ) خاصها سكوتش
حكيم : ( شداتو ضحكة ) شوفي نعطيك فردة سبرديلة؟
تسنيم : ( تتحاول تفهم ) راه ماتجيش ! شوفي ؟ جريها تنوصلو
نجمة : ( شداتها فقصة ) تنقوولك ماتبقااااش تلصق فيا ؟ واااابعااااااد مني !! واااااا صندالتي
حكيم : ( هز حواجبو فيها ) زيدي نشريو ليك صندالة د ميكة
تسنيم : زيدي شوية نشوفو حومة فيها سبرديلات معلقين
نجمة : زيدووو لدلمكم تنمرو عليا ( جلست أرض شادة صندالة تتشوف ليها الحل ) شتي كن حبي كريم كان معايا؟ كن حملني على ضهرو
تسنيم : افكها يامن وحلتيها ! ( شافت فحكيم ) صيف كولو مهنية من دلمكم لا ضحكك الباسل ولا هاد اوهاني المغرب المذلولة
حكيم: دبا غير تزيد شوية نشوفو شي حل !
نجمة : هداك راه الحب ماشي ذل ! ( حطت صندالة فأرض ) كالك صندالة خاريج دلمهم الغش
تسنيم : زيدي شوية نوصلو شاريع
حكيم : هانتي نشدو طوبيس نمشيو مدينة بفلوس طاقوس نشريو ليك صندلة
تسنيم : أنا ماركباش فطوبيس
حكيم : اسكتينا امدفاكر! صافي اجمعة ؟
نجمة : ماتقولللليش جمعة ! ( تتهز ديك صندلة وترجع تحطها) طاكسي تحطنا بعاد انطلعو طوبيس
تسنيم : زيدو
_حكيم : اصبرو !! لي عندها شي تلفون ديرو فجيبها فلوس اوسي ، طوبيس راه فيه آفات
_حطو تلفونات فجيب ! و بقاو غادين معاها دقة دقة حتى وصلو سطاسيون و ركبو طوبيس حكيم خلص و كان عامر ! ها لي ولدها تيبكي ها جوج مدابزين على موضوع خارج أرض الوطن و صف لوراني فيه دراري تيغنيو ! يلاه تحرك طوبيس هما يحميو طرح و حكيم ماشي من العاكزين
مشى عندهم هما يغنيو هو يردد و نجمة ملهية مع صندالتها وتسنيم غير تتشوف حتى نزلو وبداو يدابزو
تسنيم : معانا شيخة ؟ سامح فينا وغادي تشطح ؟
حيكم : ( بإقناع) الحاال مايشاور ! ( عنق ثاني نجمة غادين هو تاني يزطم عليها مع زحام قطع لها صندالة ثانية هو يهز يديه على راسو ) سلامات سلامات
تسنيم : ( وقفت تتلوا بضحك ) وااااا اميييييييي على السخط
نجمة بقوة العصبية هزت صندالة فيديها و آخرى بقات فأرض وبقات تابعاه بالحفا باغة ضربو هو ميت بضحك وتسنيم تتلوا بضحك لي داز يضحك
حكيم : انعلي شيطان راه إلا ضربتيني بصندالة العزبة مانتزوجش
نجمة : والله لا بقات فيك
حكيم : ( تتشير عليه بيها و يشدها يلاوحها ليها ) هاكي راه ماجاتش فيا اناااااجيااااا بايووووو
تسنيم : ( سخفت بضحك هي تابعاهم شوية ضربت يديها فجيب هي طلع معاها سخانة ) الآيفون ؟!
نجمة : ( دارت يديها فجيبها ) تلفوني هاهو
حكيم : ( رجع تيلهث ) اااه ؟!
تسنيم : شتي إلا مشى تلفوني؟! بلا مارجع عند شاكر ايعلقني
نجمة : ( بأسف ) اللهم تقطع صندالة ولا تلفوني فيه تصاور كريم
حكيم : اسكتينا الله يعطيك الحبس نتي و كريم لي ماعرف دلمك واش كاينة كاع ( شاف تسنيم ) يكون طاح ليك ؟
تسنيم : ( تتفكر و تعاود تقلب ) خدموني فطوبيس! دبا فين نقولهم مشى ليا ؟ فطوبيس؟! يقولك اش داك تركبي فيه واش داك لمدينة ؟ مصيبة هادي( تتفكر ) دلمك اجمعة طريقك كحلة
حكيم : ( شاف رجليها ) شحال تتلبسي ؟
نجمة : خمسة وثلاثين
البائع : خويا !! سير شوف لها ديك طابلة فيها دياال دراري صغار هنا عندي من سبعة لفوق
تسنيم : ( تتضحك بالفقصة ) اويلي اويلي على رسوم المتحركة! لا طولة لا زطمة
نجمة : نتي عندك طولة و زطمة اش جبتي ؟
تسنيم : نجيبو من كوريا لمغرب يتقهوا معايا ويرجع
حكيم : اسكتونا الله يعطيكم موووصيبة وحدة حفيانة ولوخرى تاكل قتلة على تلفون ويهضرو على دراري !
نجمة : ( تحركت معاهم لطبلة ثانية تيقلبو ) شوف ليا هاديك لي فيها اصفر
حكيم : ( ببحث ) هادي ؟! خويا شحال هادي ؟
بائع : سطاش المية
حكيم : تاهادي غير ميكا ؟!
بائع : ( شاف فرجلين نجمة ) جايبها حفيانة مزاال تشاطر لبسها من البرد مسكينة لبس
_فلوس طاكوس شراو بيهم صندالة و شدو طاكسي أول ورجعو شدو طاكسي ثاني حتى حطهم فشاريع أمام منزل تسنيم ديال شرايبي وقفو مجمعين
نجمة : تسنيم واش ماتمشيش داركم ؟ تشوفي امك ؟
حكيم : ( هز يديه بوداع ) تهلاو أنا مشيت
تسنيم : الله يعاونك ( دايرة غادة ) سيري اجمعة لداركم سيري أنا ديك دارنا ماعنديش معاها
_الإنسان فين تيكبر فين تيربي ذكريات فين تيلقى راحتو تيسميه بيت العائلة! و تسنيم هاد أحاسيس تتحس بيهم فالفيلا لي حلت فيها عينيها مع جدها وجداتها و خوالها و حمزة! داخلة حانية راسها مباشرة للداخل لاقية تحية
شاكر : ( بصوت شجي) فوقاش خرجتي من ليسي ؟!
تسنيم : ( عقدت حواجبها ) علاش ؟
شاكر : دبا سؤال ديالي لجواب ديالو هو سؤال ديالك ؟
تسنيم : مع العشرة !
شاكر : ودبا لوحدة ونص ! أربعة سوايع لالة تسنيم وهي دور ! فين تلفونك ؟
تسنيم : ( بسرعة فالكلام ) طاح ليا
شاكر : عاودي اش قلتي ؟
تسنيم : دبا !! ( تتشرح ليه بيديها ) طاح ليا وقيلا
شاكر : (دوز وجهو على يديه ) فين كنتي باش يطيح ليك ؟
_عاودت ليه الواقعة! الحاجة لي متربية عليها تسنيم تتقول كولشي بدون كذب ! حتى إلا حصلت تكذب تتسكت ، ماشي من العاكزين شاكر تاصل بليسي يشوفها واش فعلا خرجت مع العشرة فليسي و تصل بحكيم و نجمة دار لهم استنطاق عبر تلفون وهي تتسمع
شاكر : هدا النهار أول فليسي وصلتي لمدينة داو ليك تلفون ؟ غدا توصلي لفاس ماترجعيش نتي كاع ! ولكن رجع لك طرونسبور
تسنيم : أنا ماركباش طرونسبور ديال مؤسسة !! واش نبقى ركب مع لبراهش ؟ صافي اركب فطرونسبور شركة ديال بابا
شاكر : ( تيأكد باصبعو ) اتركبي طرونسبور ديال مؤسسة و تلفون لي مشى؟ غادي ناخدو ليك فاش نشوفك شديتي طريق و نعرف ؟ ولا نسيق خبار خديتي تلفون من واحد فخوتك اترجعي تعاقبي بحاجة اخرى ! ( بعصبية ) مصيفطنك تقراي ولا دوري
_طلعت نفس و هبطاتها بصعوبة وطلعت بيتها ! حطت صاكها وجلست مستلقية فوق سرير بصمت ! هادي هي تربية لي مربية هنا ! عمر شاكر ضربها ولا حط عليها يديه ولكن الكلام كافي يوضح لها خطأها ! الخروج بلا خبار الأهل و ضياع إحدى للممتلكات تيبين أنه خطأها و خوف خالها عليها فمحلو!
تسنيم : ( بعصبية ) حتى نتي حنا غادة لخنيفرة اليوم خلي السبت وسيري ( بدقة فتح الباب ) نعم
_شاكر : هبطي تغداي ! اري داك لومبلوا دو طوب
تسنيم : ( فتحت صاك مداتو ليه ) هاهو
شاكر : ( قراه بتمعن ) غدا نمشي نقيدك فسونطر زيدي لغة لونجلي و الماط
تسنيم : ( نزلت راسها بنعم ) صمت
شاكر : أنا مشيت خدمة ! ( رن هاتف ديالو ) الو وي
سندس : الو حبيبة صافا عليك ؟
شاكر : حمد لله ! صونيت عليك قبيلة !
سندس : خارجين أنا وطاطا تنشوفو شي حوايج ! ماجيتيش لرباط ؟
شاكر : لا حاليا لا ! ترجع الحاجة و حمزة عندو سفر فعاد اليومين ونتلاقاو
سندس : داكوغ! يالاه نخليك نكملو شوبينغ ديالنا من بعد نهضرو ( قطعت ) رجلي ضروني اطاط
الخالة : صافي رجعو بحالنا لدار ؟ أنا براسي عيت ومالقيتش تواب لي بغيت
سندس : خاصنا نطلعو لكازا ! صاحبتي وراتني شي موديلات ديال الفريع واعرين
الخالة : ( بنبرة حازنة ) اودي فينا مانطلعو كن غير ماماك يهديها الله وترجع راه نعاس ماتنعسوش
سندس : غير سكتي اطاطا ! وبابا مسكين غير تيرد لقلبو ( جات تركب هي تخوا بيها رجل فلونكار مخبي) اااااي رجلي رجلي
خالة : بسم الله ( دارت عندها تتطمن ) تلوات ليك ؟
سندس : ( محنية تتشد فرجليها تتبان لها سبرديلة بحال تقطعت ) شوفي مغطينو بقزديرة رجلي كانت مشات ليا وسبرديلة تحردات
خالة : ركبي ركبي ! تجي فسبرديلة ماتجي فرجيلك
_ركبو سيارة و سندس حيدت فردة سبرديلة من رجليها تتشوف تقطيعة هي تبان لها تحلات
سندس : شوفي اطاطا قالك درويجين هاهيا مشات كلها( تتشوف تيكية كحلة ) شنو هادي ؟
خالة : ( وقفت فسطوب تتشوف معاها ) صافي رمي عليك ( تتشوفها هزت تيكية وهي تبث نظرها ) صمت
سندس : ويلي هادي ماشي تيكية هدا سكوتش كحل ملوي( بدات تحل ) اش هدا؟
خالة : ( بسرعة شداتو ) اويلي اش تحلي ؟ زبل !!
سندس : اوا رميه !
خالة : دبا رميه راه حنا وسط شاريع( دخلاتو تحت كمها دارت راسها رماتو و قلبها تتحس بيه يسكت ) ياااربي( بحسرة ) نزلي وصلنا نزلي
_سندس : ويلي نزل بالحفا ؟ عيطي لانترفون البنات ينزلو ليا مالبس
_نزلو لها الخدامات شنو تلبس وطلعو مجموعين ، سندس دخلت للدوش و خالتها دخلت مطبخ سدت الباب مواجهة الخدامات بجوج
خالة : زيدي افلانة جلسي هنا
خدامة أولى : ( بتوتر ) نعم الالة
خالة : ياك سندس حاسباكم بحال خواتاتها ؟ ياك عمرها نهضت فيكم ؟ ياك تمد وتعطيكم ؟
خدامات بجوج : اااه الالة ! خيرها مانعرفت باش نردوه لها
خالة : ( هزات صبعها واحد ) تردوه لها بجواب واحد ! ( خرجت داك سكوتش ملوي حلاتو حتى توضح أنه حجاب ) شكون فيكم ؟ ( تتحس براسها تسخف ) شكون لي حطت ليها
_الكبيرة عرفاتو حجاب ولكن صغيرة ماعرفاتش ! وبجوجهم حلفوا لها و أكدو لها لا علاقة ليهم بداكشي
خالة : اوا شكون معاها فدار؟ شكون حوايجها بين يديه
خدامة كبيرة : لالة سندس تبارك الله حوايجها تتجعهم و بيتها ماشي ديما تندخلو ليه ! أنا بغيت ربي يطيرني إلا نوينا نآذيوها ولكن ..
خالة : غير كولي عليك لامان
خدامة : ( ببكاء ) لالة راه هدا طرف خبزنا و سيدي راه خدام فالحبس مامعاهش لعب ! الالة بيتها تتدخل ليه غير لالة ختك اووو . ( بتفكير ) هي لي تتهز حوايج لالة سندس تتلبسهم و تتقلب كولشي فغيابها
خالة : ( جرت كرسي جلست حطات يديها على راسها ) واااا العدااااو ( حطت يديها على فمها خوفا من سندس تسمع ) واااامممممممم ...( ناضت خارجة لسيارتها ) اللهم استرنا فوق الارض ويوم العرض ( ركبت سيارة تتحل داك الحجاب تتزيد تأكد بكتابتو بصمق و بعش شعر و ملابس ورائحة عشوب ) يااااربي ( حولت اتصال لاختها ) الو
الام : الو نعم
الخالة : ( بهيستريا ) ربي مااااحشمتي ! ربي ماخفتي الله ! ربي وااااش نتي أم ؟ ( ضربت بحرارة على فولون ) إلا نتي أم الله يقطع أمهات بحالك! اويلي وحدي أستغفر الله عليها كلمة السحوووور ؟!
الام : ( ألوان دازو فوجها ) شمن سحور ؟!
الخالة : ( بتوعد ) شتي إلا غير سندس ؟ نعطي عمري عليها ! شتي غير ديك البنت؟ ( ضربت فصدرها بقوة ) نبيع كلوتي عليها و نزيد أخرى ! مايطيح عليا ليل تنعرف اش هادشي درتي ليها وتما عندنا هضرة أخرى ! وشتي إلا كنت نكون سباب طلاقك ؟ مستعدة ! مستعدة بسباب ديك البنت و اباها لي مشرباهم المرار ! (ديمارات) وجدي راسك ( قطعت عليها الخط ورن هاتفها ) الو
سندس : الو طاطا فين مشيتي بلا غدا
الخالة : الكبيدة ! راجلي تاصل بيا نمشيو لواحد الغرض ، غير تغداي بصحة احبيبة
_الدنيا تتقريك ! الدنيا تتجلسك فاص افاص مع الغذر و النفاق و الفشل و الظلم و تقريه ليك حرف بحرف ! تتقريه ليك نقطة بنقطة !! أنت وشطارتك أنت وقوتك أنت وشكون معاك ياراسك يا شخص مثل خالة سندس ! شدات طريق و تلفون فالوذن تسول وتعاود ، تسول وتعاود حتى عطاوها عنوان للراقي فإحدى الأحياء وقفت بسيارتها عندو وهاتفها تيرن من ختها لكن ماتتجاوبش ودخلت عند السيد تنتظر دورها وربي لي عالم بيها حتى دخلت لاقية تحية
الراقي : سلام عليكم ! نتي لي رسلك السيد ****
الخالة : اياه اسيدي ! الله يجازيك بخير ، بغيتك تفك ليا ولا تشرح ليا واحد الحجاب لقاتو بنت ختي فسبرديلة ديالها وهي صغيرة ماعرفتش! غير أنا لي نتبهت
الراقي : خير إنشاء الله ! ( مد لها زيف ) حطيه ليا هنا
_خداو ستيلو و ورقة بدا الكتابة كل مرة يسول سؤال
_اسم البنت ! اسم امها ! تاريخ ازدياد
الخالة : ( تتشوفو تيتفتح الحجاب ) صمت
الراقي : ( بنظرة تفاجأ ) شاكة ولا متأكدة فهاد شخص لي خدم لها لحجاب ؟
الخالة : ( بضحكة تشفي ) مليون فالمية
الراقي : لاحول ولا قوة إلا بالله العلي العظيم ! اياه الالة حرفها اوا نون و مختوم بالدال
الخالة : اياه مها نجود
الراقي : هاد لحجاب غير كلاو ليها فيه فلوسو ! هادشي للعب متشعودين صغار ، ماشي ناوية تآديها داكشي غير باش البنت تكون بينها محبة تسمع كلمة مها
الخالة : ( تنهدت ) دبا داكشي مبطول؟
الراقي : ماكان أصلا والو باش يتبطل ! هاد البنية ماشاء الله عليها حسابها مزيان والأم الله يهدي النفوس وصافي
من عند الراقي خرجت مباشرة راجعة عند سندس محولة اتصال لنجود تتكلم بنبرة تهديد وتوعد
الخالة : اسمعي ابنت ميمتي !
نجود : نتي لي تسمعيني أنا مستحيل نآذي بنتي فهمتي ؟
الخالة : ا لالة أنا هبيلة ! ( عينيها على طريق وترجع تشوف فتلفون وتكلم ) أنا هو داك الوسخ بين ضفر و اللحم ؟ أنا هي الباطل لي تيطيح على الناس ! حسبيني هاكا وكوني نتي أحسن مني ! واش نتي لي فهمتي ؟
نجود : ( بدموع ) وخاصك تفهميني أنا أولى عارفاك تتبغي سندس ولكن راني امها ! راها ماتتشاورنيش، منين بنتك لي طلعتي بيها من دنيا و تنشوفها حاطة راس على باها مامسوقاش ليا اش بغيتيني ندير ؟
الخالة : تنوضي تسحري لها ؟ تنوضي تمرضيها فصحتها ؟ اويلي لي هبلني هي البنت مادات ماجابت وشدات سحور بيديها مسكينة و تتقول راها تيكيتة ؟ اوا آ مها ! اش خليتي لبراني مايدير ؟
نجود : بغيتها تقرب ليا ! بغيتها تشاورني، ماشي من حقي ؟ فاش تتشوفي راجلك مخليك فدارو على قبل بنتك ونتي زايدة ناقصة اش ديري ؟
الخالة : سمعي نقول ليك جوج كلمات ! نتي بيك الفلوس ابنت ميمتي ! مابيك لا بنت لا راجل ، بيك تباني على صحاباتك ولكن أنا نخدم معاك فهادي امرأة ونسد فمي ولكن بشرط ؟!
نجود : ماتقوليهاش لباها ! ماتقووووليهاش غير ليه
الخالة : ترجعي لدارك و ديري ماوقع والو حتى بنتك تروح لدار راجلها ولا نحلف بيماني و البزولة لي رضعنا راه نشر لك غسيلك موسخ قدام باها وفين مابغات توصل توصل معاك
نجود : ( بحقد تتنفس ) صمت
الخالة : عندك من هنا لغدا ! تزيدي ساعة حق ربي عالمين تنوصلها ليه
نجود : يجي هو وياها يرجعوني !
الخالة : الله يعطيني وجهك ! ( ضربت فولون بقوة ) الله يعطيني وجهك اختي...
_كل ماخلق الله على الأرض ليه سبب و كل سبب ليه حل وكل حل ليه قانون إلا خذلان الأمهات التي من تحتهم الجنة ليس لهم لا سبب لا حل ولا قانون ...رجعت نجود للدار و رجعت المياة لمجاريها و الخالة رجعت عاملة حماية لسندس و متبعة معاها صغيرة وكبيرة للتجهيزات للعرس و كذالك فالفيلا شاكر نتهى من تجهيزات... "بعد صلاة الفجر"
الحاجة : ( بخشوع فدعاء ) ياربي راني راضية عليهم من كبيرهم لصغيرهم ! ياربي ما تنقي طريقهم من شوك وجميع وليدات مسلمين
الحاج : ( تيلبس ساعة ) اليوم تفتلو طعام ؟
الحاجة : إنشاء الله ! (حابسة دمعة ) اوا حمزة ليل غادي يمشي
الحاج : خلي الكلب يمشي يقرا على راسو
الحاجة : ( تتطوي سجادتها ) اش ندير أنا بهاد الفيلا لي يجري فيها الخيل ؟ ولادي تيمشيو متابعين ! اش هاد الخاريج لويل لكحل
الحاج : ( بتنهيدة تيحسب لفلوس حطها لها) واش نبيعها؟ نرجعو خنيفرة ؟ راه دراري كبرو كلها تيقول راسي اراسي
الحاجة : ( بدموع حارقة ) بعتيها ولا خليتيها ماغادي ترجع ليا اولادي كاملين ! كان بيت واحد نعسو فيه وناكلو فيه و ولادي دايرين بيا ! ( تنخصص منزلة وجها ) كبر رزق و فرق ولادي ! الله اودي شهر ماشفتوش هو حدايا
الحاج : داك الكلب ولد الكلب يبكيو عليه الناس ؟! اااه !! لهلا يجيبو يبعد عليا كاع لاتساع
الحاجة : ( بعتاب ) علاش هداك ماشي ولدي ؟ ماكبرتو ماربيتو ؟ ( تتضرب بيدها على وراء كتفها ) حملتو على ظهري ياسين ديالي و يكول غير امي امي ! أنت السبب فديك لكتابة
الحاج : ( خارج من الباب متنهد ) صمت
_شد كرسي جالس تيتأمل فشمس تتشرق و الحاجة تاجهت للمطبخ توجد الفطور على ماتوصل فاطمة وخدوج و العيلات لي تيفتلو طعام! "فتيل طعام" عند المغاربة من قدم الزمن من حبة زرع لي تتحصد و تطحن خرجو الطعام و هر بر و الشعرية و الدشيشة و سميدة ! لحد الآن بعض نساء القرى و نساء المدن العتيقة ماتشريش طعام من الحانوت بل تفتلو بيديها و تفورو حتى يوجد ويتخزن للعام...
فاطمة : خدوج عكوزتك تجي العشا؟
خدوج : قالك مريضة العشية ويدوز حمزة يسلم عليهم هي وعمتو وصافي
فاطمة : مالها ماتجي تجلس معانا و العيالات هنا تيفتلو طعام ودوز نهار وتاخد حقها من طعام و تشوف الحاج و تحي صلة الرحم ولا والو
خدوج : خلي عليا زبل! ( بحزن ) ولدي براكة عليه حنينو وحناه تاهو مامسوق ليهم
_مر نص النهار والعيالات مزال يديهم فالفتيل و الكساكس بربعة تيفورو و الحاجة و خدوج فالمطبخ تيجهزو الغدا و فاطمة واقفة مع العيالات مرة تشكرهم مرة تمد لهم من براد أتاي إلى خوا تعاود تعمرو ليهم حتى وقفت عليها حليمة مرات لوسها
فاطمة : اويلي ختي مني جيتي ؟! ( مدت وجها تتسلم عليها )
حليمة : من الباب! فتحت ليا بنتك صغيرة ويلي ماتسلم ما تقول سلام( هزت يديها بتحية لعيالات ) السلام عليكم والله يعاونكم ( رجعو لها تحية )
المراة اولى : ( بمزحة ) سلامك خليه عندك احليمة! عرستي لولدك ماعرضتيش عليا؟
حليمة : اللي بغيتي تدعي عليه كولي ليه الله يعطيك زواج ولد حليمة! أنا مادرت عرس ما سيرت عرس المسخوط راه نقذناه من الحبس
فاطمة : دبا يدير عقلو مالو مسكين
المرأة ثانية: الله اختي فاطمة ما مالو والو ؟ غير هز الحجر بدا يشير على عائلة العروسة
حليمة : هما جبدوه ! فتلي فتلي زرع الحاجة تبارك الله
المراة ثانية : ماشي بحال زرع تريكة باك يابس
حليمة : اوا الحمدلله تريكة با و باك وحدة ( جرت فاطمة دخلو عند الحاجة و خدوج سلمت عليهم ) اوا ختي فاطمة الخطاب صدعوني
فاطمة : هانتي على عينيك! العيالات لفتيل طعام و الليلة حمزة غادي خاريج يكمل قراية تما كي ندير أنا لهاد خطاب يجيو ؟
حليمة : اوا السيد مزروب ! وباغي قالك يخطب باش يتفاهم هو و البنت
خدوج : المفاهمة لي كاينة هي يديها لخاريج مايخليهاش مع عائلة ديالو
حليمة : اوا على هادشي باغين يجيو ! فين هي البنت ؟
فاطمة : خدامة مسكينة ! سيري حتى ستة عاد تجي
حليمة : اوا شنو نكول لهم دبا ؟!
فاطمة: عرفتي؟! قولهم غدا مرحبا بيهم
خدوج : اوا خاص باها ؟!
فاطمة : إلا خاص باها يجي !
حليمة : خليتكم بخير ( نزلت تتقبل راس الحاجة ) امي الحاجة دوزي بخير
الحاجة : لا والو جلسي تغداي و دي حقك فيديك ديال طعام
حليمة : ( تتعاود تقبل راسها ) خيرك سابق امي الحاجة ! ولكن نتي جري عليا امي الحاجة راه كنت فداري ورجعت حتى فالعروسة وضياف عندي
الحاجة : جييهم مرحبا بيهم ! ربي مارجعي ابنتي دي الغدا لعروستك راها حاملة وتتوحم
حليمة : دبا نصيفطها مع عثمان ! دوزو بخير
_مشات حليمة وساعات مشاو العيالات هما فقمة فرحتهم لأن الحاجة تتخلصهم مزيان و طعام فيديهم و حتى من الحلوة لوليداتهم وحتى من ملابس تسنيم و البنات لي مابغاوش تعطي ليهم و طلب منهم سماحة . ماوصل المغرب حتى كانت الفيلا مجموعة مسيقة ودجاج تيتحمر و البنات وصلو و شاكر والحاج و مولود وحسن ناقص ياسين لي خرج الحاج هاز تلفون تيتصل بيه
الحاج : ( بعصبية ) ألوو الكلب !! واش رغبوك باش تجي و؟
ياسين : ( شد ضحكة بالفقصة نازل من طموبيل ) دبا واش باغيني نجي ولا مانجيش ؟!
الحاج : من عندي لهلا فين تجي !
ياسين : حتى أنا والله ماكانت الحاجة مانجي ( دفع باب فيلا داخل حمزة وراه ) الحااااج شي باس ماكاين ؟
الحاج : ( محيد تلفون من وذنو تيحقق فيه جاي ) فين كنتو ؟ تتسول الكلب وحناك تتبكي عليك
ياسين : دبا ندخلو ولا شنو ؟
الحاج : سير شوف حناك هي أولى ! ونتا فين كنتي معاه؟
حمزة : مشيت سلمت على حنا ( نزل راسو داخل لمح مولود قلب وجهو جلس جنب شاكر ) صمت
ياسين : (دخل هاز زنافرو قال سلام فوق نفس ) سلام ( رجع خرج مطبخ خاريجي ) حنا
الحاجة : ( بفرحة معنقاه ) الله اولدي وفين كانو بيك
ياسين : ( حاضنها بحب ) فين عندي نمشي ! غير تالف وصافي
الحاجة : وماتجي وماطل عليا و ماتكول حنا تتسول فيا الله اولدي حتى كصعة طعام لي تنجمعكم عليها مابقيتي تجي ليها
فاطمة : راه طال نهار غابر زعما أنا تنشوفو
خدوج : اوا ياسينو لا برية لا تلفون
ياسين : ونتي ساكنة فطاليان ؟ ( تيقبل راس الحاجة) نبقى نجي احنا ولكن الحاج راه تينوض ليا القوق فراس
الحاجة : اولدي الحاج راك عارفو !دخل اولدي تعشا
فاطمة : خليه يدي بعدا العشا لحمادنة و كريم
ياسين : اري ندي ( رجع قبل راس الحاجة ) الله يخليك لينا وصافي
_مثل العادة دا العشا لحمادنة و كريم عاد رجع نضم ليهم ! جالسين جلسة ديال بسيف ! الفيلا ديال الحاج أولى بيه أولادو اولين و مولود جاي لأن ولدو ليلة شاد طيارة و حسن جاي منشط البطولة و ياسين لأن حمزة عزيز عليه !! حوارهم كان بارد ، تيتكلمو باش يتكلمو حتى نزلو العشا و وصل وقت الذهاب.. وقف حمزة طالع الغرفة ديالو وتيحس بقلبو مزير
حمزة : ( بنظرة شاملة فالغرفة ديالو بألم واشتياق شديد ) صمت
_زاد آخر ملابس فالباليزة و بدا يحط القبيات ديالو فوق سرير و يطويهم و حط شارجور و آيبود ديالو وقف مدوز يديه على وجهو منادي عليها بصوت باح
_تسنيم.....تسنييييم ( دخل بيتها لقاها تتكتب و ليزيات فوذنها حط يديه فوق راسها ) عاد جاتك الحفاظة ؟
تسنيم : ( بقلق و حزن ) شنو بغيتي ؟!
حمزة : ( ضحك ليها بحب تيشوف فيها تسنيم صغيرة ) تهلاي فراسك وقراي مزيان
تسنيم : ( بامتناع عن البكاء حركت راسها ) وراه كنقرا مالي اش كندير
حمزة : ( نزل باسها على راسها ) ختي الغزالة ( خرج تيتنهد بحرارة منزل باليزات)
_وقت الوداع مثل مخاض الولادة بين الاشتياق و الوداع تيتولد إحساس اسمه الحنين ! سلم على فداء و إسراء مودعهم وخالتو فاطمة و خدوج و حسن ومولود والحاج لي قبل راسو و يديه مرارا وتكرارا حتى وصل الحاجة و نهارت دموعو لي عمر شافهم شي احد فحمزة ...عنقها بشدة تيقبل راسها ويشم ريحتها
حمزة : ماتبكيش احنا نبقى نعيط ليك كل نهار
الحاجة : ااامْمٍي ( ولدي ) ااامممي الصغير ديالي وشكون يسخى بيك اممي وقرا ااممي ونجح اولدي
حمزة : إنشاء الله احنا !
_ولا ألف حضن وألف قبلة تطفي نار الوداع ! حمزة لي ديما معصب و منوض الصداع فالفيلا ولكن كل كانت عندو نقطة ضعف مثل أيها الناس هي الحاجة ايطو لي تيقول لها بحب و ود حْنّا .....ركب سيارة ياسين ومودع آخر شخص هو شاكر لي حضنو بقوة لآخر موصيه على قراية ديالو و والمستقبل ديالو وركب سيارة لاقي آخر نظرة على الفيلا و وجوه عائلة ديالو وتسنيم تتطل من غرفة شاكر تتشير ليه باي باي وركب سيارة شاد طريق المطار..
ياسين : ( تيسوووط ) الصبر اولدي الصبر! عامين ولا ثلث سنين دغيا دوز
حمزة : (تييمسح وجهو ) بيا غير حنا مسكينة وختي وخويا وحنيني أما حتى ابا بربي مبقيت عقلت عليه
ياسين : باك راه باك احمزة واش تبدلو
؟
حمزة : أنا لي عارف واش بّا ! نيت بّا !! ماعندي مانبدل فيه ، مشيت سلمت على حنا لقيتو مطلع البني ومفرش وأنا مخلي حنيني يخلص عليا كولشي ! غير بضحك يقولي ارا نخلص ليك غير لبيي طيارة
ياسين : راه تتبدا هاكا اسي حمزة ! علاه هو غير تنحقدو على البشار فابور ؟! راه كلها تيجر ليه ولي مسلكو و لمصلحة ديالو
حمزة : راني عارف علامن انحقد ! ( بعلامة اكس فالهوااء ) مولود...
_وصلو المطار و نتظرو حتى دفع الباكاج و كانت أمورو مظبوطة وبقات ساعة لركوب طائرة ودعو راجع بحالو و شاعل كارو وكوكا تيشرب منها وكما العادة عقلو تيفكر ويفكر ويفكر حتى رجعت طاحت ليه فالبال و دوز الخط ليها لكن ماتتجاوبش
ياسين : عند مك الزهر ليل هدا أما نخلط عليك نوريك ماتجاوبيش صحابك غير اجي وتفارق
_حسابيا نص العائلات المغربيات عندهم شخص مغرب أو شخصين ! صبح هدوء خاص فالفيلا من غير الحاجة لي تتفيق مع الفجر تبدا روتينها ودموعها على خدها من احر ذهاب حمزة وهي تتقضي من هنا ومن لهيه حتى حطت طبلة الفطور و جلست شادة تسبيحها منتظرة الحاج يجي يفطر
تسنيم : حنا أنا مشيت
الحاجة : اجلسي تفطري ايلي
تسنيم : ( تتلبس سبرديلة ) مافياش
_خارجة من باب فيلا دايرة مع شاريع تتصبح على حمادنة و كريم معاه تيحط ليه الباكيط و هزت ليهم غير راسها مافيها لي يهضر مرت من أمام منزل شرايبي و طلعت سطاسيون فين تيوقف طرونسبور شركة باها وهي تحس بيد شاداها من قبية
حكيم : هاي هاي هاي ستون هدا ؟
تسنيم : ( تجرت منو ) شد يديك عندك يلعدمك الصباح هدا ( تتقاد فالقبية ) خلاها ليا خويا راها دوريجين خلا ليا خمسة
حكيم : ( بدل صوت ونبرة ) لالة بنت سيدي! الله يعطيك و يزيدك شي قبية لهاد ليتيم
تسنيم : ( طلعت سبقاه جلست لور وهو حداها ) سير سير اش نعطيك
حكيم : ( على صباح تيغمز بنات لي راكبين ) العاطي الله ! صافي خوك مشى ؟
تسنيم : ( حطت راسها على زجاج ) مشا
حكيم : الله يدير تاويل الخير ! لي شد الباك مشا لخاريج و هانية الوقت خايف نوصلو حنا لباك يقوليك سير تقرا فدربكم
تسنيم : ( بتفكير ) تاااا بربي تنخوي المغرب ! مالي أنا ماعلياش الله !
_هكدا مرت الحصص صباحية ! بريفي ماكاينش أستاذ ماجاش !! ماكاينش طباشير تسالا ولا درس من بعد ورجعو ليه !! كاين برنامج أطري تيتمشاو بيه و أنت وضميرك دراسي لي تيخلصو عليك باااك كل شهر ! رجعت فيلا مالقات حتى واحد بقات دور من بيتها لبيت حمزة حتى رن الفيكس نزلت تتجري تجاوب
تسنيم : الو
شااكر : تسنيم سيري عند ماماك فاطمة راه الحاجة تما ماتبقايش بوحدك أنا مزال معطل
تنسيم : واش عندهم ضياف ؟! وفين حنيني ؟
شاكر : كاينين شي ناس ولكن دخلي بيت خواتاتك حتى نجي ونجيبك معايا و حنينك راه طلع راشيدية لعند شي ناس
تسنيم : واخة ...
_طلعت هزت بيسي ديالها و دارتو فصاك اضو
_تتحس بخطواتها تقال وهي قاطعة شاريع آدخل لدارهم مع الباب لقات حسن و إسراء و فاطمة لقات تحية وطلعت تتقلب على حناها مخلياهم تيهضرو
حسن : دبا صافي تسوخري نتي أنا انعيط المولود
إسراء : ( نزلت راسها تتشوف فأرض ) خالتي نجيب بلاطو واحد ؟
فاطمة : جيبي جوح ! وجيبي معاك زيوفة و واحد رولو ديال نكهة الخوج
إسراء : واخة ! ياك هادشي للعشا ؟
فاطمة : إلا كتاب ( نتظرتها حتى مشات هو يوقف عليهم فاكتور تيسول على) اياااه هي أنا اليعقوبي فاطمة
فاكتور : سني ليا هنا الالة
فاطمة : ( شدات ستيلو تمضي ) ديالاش هادي اسيدي ؟
فاكتور : ضريبة لالة ! الله يعاون الالة
حسن : اوا جبديهم الالة فاطمة
فاطمة : ( حلت روقة تتقرا ) منين نجبدهم ؟
حسن : اوا بيعي ليا حوايجي فوق مني ! راه من صيف لهنا مشات الالة خمسة مليون ؟ سفر بنتك و تصيفة ديال تطوان و زيد طلعة إسبانيا راه مابقاش
فاطمة : ( تطوي ورقة وتهضر ) قهوة ولو بسميتي راه ربح كلو عليكم
حسن : ( تيشوف فيها و فالورقة ) شتي هاد طروازيام إيطاج و طاج ينطح طاج و لقهوة راه غير حريق راس ! ياك دراري كبرو ؟ الآلة كلها يعيط يجبد ! فداء بخدمتها و اسمهان راها حالفة ماترجع تستقر هنا ! و زرق عينين ولدك دبا يتزوج ويزيد خلفة والصغيرة راها قدام عينيك سلام من بعيد قالتها هاديك بنت خالها !! ( بتشجيع ) زيدي نبعيو الويل لكحل و ناخدو برطمة على قدنا و نتي لي بغى يتزوج يجي عند فاطمة لي بغى يخطب يجي عند فاطمة
فاطمة : ( ضربت فصدرها بامتنان ) مرحبااا بيهم ! شكون جا قصدني ؟ غير الأحباب والعزاز الله يعطيني مناش نعطي ! و يزيدني مناش نزيد !! أما كن جات عليك أنت؟ راه اليوم كصعة وغدا نسعى !! حمدو لله اربي بنيت وعليت لاولادي ! سمعتي ؟!
حسن : أنا صمك ! ( رن هاتف ديالو تيشوف اسم ) اش بغى هدا ؟
فاطمة : شكون ؟!
حسن : داك وجه النحس ديال غرباوي لي ولدو باغي بنتك
فاطمة : ماتجاوبوش ! خلي زبل يصوني الله يبعدهم علينا ويهدي بنتي
_جالسة تتحسب الفلوس وترجعها لبزطام وهزت راسها بسهو أمامها مريم تتعكر مع لمراية و تلفون هوت باغلوغ مطلوق تتكلم مع سلمى
سلمى : شوفو أنا قربت ليكم ! خرجو لراس درب
إسراء: غادي نتعطلو اسلمى والله
سلمى: ياك الخطاب جايين حتى العشا ؟ راه مزال الحال
...وصلت سلمى بسيارتها وركبت إسراء جنبها أمام ومريم وراء متجهين لمخبزة حلويات تيتكلمو
سلمى : نتي سلام عليكم جاييني الخطاب ؟
إسراء : واش أنا ظنيت القضية تشد من شوفة أولى ؟! راكي عارفة عينيا تيدورو فراسي ، سيد الشوفة وحدة شد و ولد القح_بة لي معاه ربع سنين سامح فيا غادي يخطب
مريم : هدا هو درس لي خاص تفهموه! من عامك أول ولا ست شهور أولى مابانش ليك عربون اقلب و شقلب
سلمى : نتي ونصائحك ديال عطارة اخليهم عندك ! تسنى هيا عاد عام ولا ست شهور ؟ راه فنهار أول ولا سيمانا أولى مابينش ليا شي عراضة فيها طبون الفلوس ولا شي كاضو ولا شي تسافيرة مقاودة يمشي يقاود ! ولكن تتموتو على الحب و الحب تيجيب ازلط
إسراء : لا نتي هاد دكتور لي معاه ماتتبغيهش ؟
سلمى : شوفي تنبغيه فجهة ؟ و يصرف عليا فجهة !! هو عارف راسو ااا ماصرفش عليا و سد ليا جوايه خاويين بالفلوس راه نسمح فيه ! علاش نتصاحب مع واحد مزوج ولدو الكبير قدي إلا مانصورش من عندو ملايين ؟
مريم : نتي راكي أكبر بنت القاف! بعدي من البنت خليها تزوج
إسراء : ( بغصة فالقلب ) نكذب عليك ؟ باغة نغبر كمارتي! باغة شي لعبة لي تنسيني فولد الكلبة قبل مانشوفو مزوج
سلمى : ( ماركات سطوب تتحقق فالمراية ) ولد الكلبة راه تابعنا...
_دارو كلهم تيحققو ! كان بسيارة ديالو ورائهم ببعد مترين نازل من سيارة واقف تيشوف فيهم
سلمى : ياك فرقتي جرة معاه؟
إسراء : خصايلو راني عارفاهم ، دبا تلقايه تبعنا من راس درب بحال صباح شوافة
مريم : قلتي ليه جاينك الخطاب ؟
إسراء : يمشي يقاود اش نكوليه ولا يكولي ! ( فتحت الباب ) سلمى زيدي معايا
سلمى : أنا إلا نزلت نحو__يه بالهضرة ! ( تتفكر ) شوفي تبثي راسك ونزلي فتخي دلمو إلا فيه مايتفتخ ! كوليه عيد ميلاد سلمى وتشري ليا حلوة دواز أتاي كاضو
إسراء : مايخلص عليا مانخلص عليه
سلمى : ( نزلت راسها تلفون ) وااانزلي اتقاااودي فقصتوني
_تكذب إلا تقول على راسها مزال شوفة ديالو ماتقوليش قلبها يدق ليه ؟ نزلت من سيارة دايرة راسها ماشافتوش تتحاول تبت المشية ، بثواني كان بجنبها تيلقي تحية
إسراء : ( بنظرة غضب ) ماغاديش تعطيني تساع ؟ شنو زعما تابعني من راس الدرب لهنا ؟
عز الدين : باش بغيتني نهضر معاك ؟ ماخليتي ليا حتى حل ! آخر مرة طرتي من قدامي
إسراء : آخر مرة كن شافني ولد خالتي كن قتلني بمسبتك ، زايدون مابقات عندنا هضرة ( دخلت مخبزة تتشوف الحلوة ) صمت
عز الدين : اشنو غادي تشري ؟
إسراء : ( مبتسمة لبنت تتكلم ) ختي صاوبلي ليا بلاطو لوز وبلاطو صابلي بريستيج
عز الدين : راه هضرت معاك
إسراء : عيد ميلاد سلمى و نشري لها الحلوة كاضو
عز الدين : فين ديروه ؟
إسراء : غير فدار ( حلت بزطام باش تخلص ) شحال اختي ؟
بنت : ميتين و ستين درهم
_كما خططو سبق وخلصها عز وهزت هي بلاطو واحد وعز الدين بلاطو آخر متجهين لسياره فتحت الباب مداتهم لمريم وسدات الباب دايرة عندو
إسراء : الله يعاونك
عز الدين : مزال ماكملنا هضرتنا
إسراء : واش باغي شي واحد يشوفني نتشوه ثاني ؟ سير حل مشاكلك عاد اجي نهضرو
عز الدين : راه الواليدة غير تتخربق ! واش نسمح فيك أنا ؟ شكون كان فارع لآخر راسو على زواج ؟
إسراء : على ماشفت ؟ امك اخويا عارفة اش تتدير !! ولا فرعتي ليا راسي على زواج راه الهضرة ماتشري خضرة ! دبا أنا غادة مع صحاباتي ندوز واحد ساعة نشاط مااتمرضنيش
عز الدين : سيري فرحي مانشدكش ! ( جبد بزطامو وحسب خمسيمة درهم وحطها بخطفة فيديها ) حيدي ليا البلوك سيري دبا
إسراء : ( بقات تتشوف فديك فلوس وتشوف فيه غادي لسيارة وركبت سيارة) فقسم حط ليا سطاش الفريال
سلمى : هدا درس ثاني ابنتي ! كل ما كنت بنت القاف كلما شدو معاك طريق
مريم : مخلص صواب لخطيب صاحبتو ( بضحكة شداتها ) ديري ليه خاطرو وبداي تشدي منو الفلوس تتجهزي راسك وسيري عند راجلك
إسراء : داكشي ماخصهم ! عرفتي تنحس بقلبي برد غير دبا عليه ! عاد فهمت فاش تتحشيها لشي واحد دار فيك الخايب قلبك تيبرد عليه
سلمى : هانتي واللهم بنت القاف يبكي هو ولا بنت الناس يبكيك نتي ! أما هو راه غادي غادي
إسراء : شتي إلا غير عز الدين ؟ وخ ترجع مو تخطبني بالغياطة مانتزوجوش ! زلط ماقاداش عليه ، يمشي ياخد لي طيح عليه بعشرين الفريال أنا عيني كبيرة
_كلام بين بنات حواء تيفهمو مغزاه غير هما ! بل تاخد قرارات تيفهموها غير هما ! وصلوها لدار خالتها ونزلت مودعاهم هازة بلاطوات داخلة ورجعت جلست معاهم تتفكر وتعاود فهاد الخطبة وتتسمع حديثهم حتى دخلت حليمة كي لاراف بجلابتها لاقية تحية
حليمة: افاطمة ختي راه الناس خليتهم جايين ! (تتشوف فإسراء ) بنيتي نوضي حيدي عليك الكحل
إسراء : ( تتحس بروحها تخرج وقلبها تيضرب شافت خالتها و هضرت تحت سنانها ) مانحيدوش
حليمة : ( عقدت حواجبها رجعت نطقت ) نوضي حيدي لكحل ابنت ! خدوج هضري مع بنتك ، لكحل هادي عمرها كانت فقبيلتنا ! زعما نتوما شلوح زين اللبسة
خدوج : ( ببرود ) راه تهضري حتى صباح راسها قاصح
_صالونات كلهم شاعلين فيهم أضواء ! الحاجة جالسة مع تسنيم فبيت تلفزة وخدوج ناضت مطبخ معاها حليمة تيتكلمو و حسن فالكراج تحت مع خوه و مولود تيشربو قهوة وفاطمة طلعت غرفة عند البنات
فاطمة : ماغاديش تبدلي عليك لكحل ؟
إسراء : خالتي مرت لوسك دخل سوق راسها شوية!
فاطمة : سمعي إلا ماعينك فزواج؟ دبا نيت قوليها ليا نعرف شنو نقول للناس !
إسراء : علاش هادي خطبة الكبيرة ؟ نعرفو يعرفني !
فاطمة : واخة لالة! ( شافت فداء ) نتي اختي ؟ هداك ولد غرباوي لي باه مصدع لينا راسنا ؟ واش باغة خوك يطيح عليك روح، ؟
فداء : ( بنبرة حزينة ) ماعارفة أنا والو
فاطمة : دبا تعرفي ابنتي !
_نزلت فاطمة تشرف على العشا ، للحظات و تسمع صوت الهضرة تحت و حسن تيرحب بيهم حتى دخل هو أول ورائه ثلاثة نساء و جوج رجال هازين صواب الخطبة فيديهم ومولود لقاو تحية دخلو مباشرة الصالون رحبت بيهم فاطمة حطت ليهم صينية أتاي مع بلاطو حلويات لي خلصو عز الدين، متبادلين حوار تعارف حتى نضم ليهم عثمان ومراتو و البنات الفوق مرة مرة تيطلو من دروج هما يناديو لعثمان
إسراء : جا الخطيب ؟ شكون جا معاه ؟
عثمان : ( واقف أمام لمراية تيصاوب شعرو ) جا ! داك الباك رشيوي مع راسو فديك الجماعة فين خدام
إسراء : هضرو على زواج ؟
عثمان : امزاال تيتعشاو ! ( شاف فداء ساكتة ) مالك ابنت عمي مالك ؟
فداء : أنت جاي بوجهك أحمر جالس مع خالت مراتك لي شيرتي عليها بالحجر ؟
عثمان : عادي تانتي هادشي تيطرا فأحسن عائلات ! ( تيسمع مراتو تتنادي عليه ) كولوها راه خرج
إسراء : اجي فاش خدام هاد خال مراتك ؟
عثمان : واقيلا خدام فشي شركة شكلاط فبلجيكا ! قضية عندك حلوة
إسراء : الله يمسخك ! سير نزل لا نوضو نتشايرو بالحجر تاني
_بعد العشاء ! تفتح حوار مباشرة الخطبة على إسراء و السيد اللي اسمه عزيز
عزيز : أنا إنشاء الله راجع غدا صباح عندي واحد رونديفو الخدمة ولكن إنشاء الله ارجع من هنا لشهر !
مولود : شحال فعمرك اولدي ؟
عزيز : تمنية وعشرين عام !،
مولود : الله يسهل اولدي ! دبا هاد أولاد اليوم تيشوفو لي مسلكهم
أخت عزيز بضبط لي شير عليها عثمان بالحجر : ولو يكونو أولاد اليوم الشريف مزال نسيروهم إلا بغى الله
فاطمة : اوا ضروري الحاجة يسخرو فيها الكبار ! نتوما شوفو شروطكم و بنتنا شروطها
أخت عزيز : أنا خويا مادايز فيه لازواج لا خطبة ! ماكرهناش ليه بنت الناس لي تعمر عليه ويدير وليدات
فاطمة : داكشي مانتمناو لأولادنا كاملين إنشاء الله
عزيز : داكشي لي كاين الآلة!
أخت عزيز : فين هي البنت ؟ إسراء ياك ؟
فاطمة : أياه إسراء ( غمزت عثمان ) غوت لفداء تجيب إسراء
عثمان : ( ناض شاد ضحكة مع دورة لقى تسنيم تتسنط مع إسراء هو يرفع نبرة صوتو) فداااااااء ! ااا فدااااااء ( تسنيم هربت وإسراء تتطوا بضحك ) عيطي لإسراء تنزل
إسراء :ويلي ويلي ضحكة تشدني
عثمان : دخلي سي عزيز بغى يشوفك ضروري و مؤكد
_للحظات دخلت بلبستها شبه كسوة سوداء ! لقت تحية وجلست جنب جدتها منزلة راسها تتحس بخجل شديد
حسن : لالة إسراء إلا كتاب ( أشار لعزيز ) هاد ولد الناس طالب يديك ونتمناو تفاهمو، ياك ماعندك شروط
إسراء : ( بخجل ) شوف مع والديا اعمي حسن
أخت عزيز : ( تتعبرها وتشوف فخوها و هي تغمزو ) هضر
عزيز : أنا كما قلت لوالديك غدا راجع لبلجيكا ولكن من هنا شهر ارجع إلا كتاب تكون الخطبة كبيرة ونعقدو بموافقة الواليدين على مايخرجو ليك وراقك تجي عندي
إسراء : ( منزلة راسها تتحس بضغظ وخجل ) إنشاء الله ! غير هو أنا حاليا خدامة ونبقى خدامة حتى نتجمعو
أخت عزيز : فاش خدامة ؟
إسراء: فرملية بريفي
أخت عزيز : اوا منين ماشي مع دولة عادي تجلسي ..
_دورت إسراء عينيها و نزلت راسها ! واضح ان شخصيتها بين عائلتها ماتتقدرش تجاوب ولو عندها ما يتقال وهنا حسن خدا الكلمة
حسن : ( ببرود و نبرة هادئة و ابتسامة ) اوا ماشي اجي و جلس الشريفة! ( شاف ليها فعينها مباشرة ) تمارة القراية و سير واجي و المصاريف ما ساهلينش !
أخت عزيز : فعلا تمارة! ولكن راه تجلس تجلس، عزيز باغي لي تعمر عليه ! المراة اش ليها من غير راجلها و وليداتها الخدمة راها غير تمارة و حريق الراس و الماكلة بايتة و خبز الزنقة
حسن : سمحيلي ما متافقش معاك ! ( حط يديه على صدرو ) عندي ثلاثة البنيات نتي مولات الخير و اسراء راه بنتنا حتى هي ! ثلاثة البنات من صغرهم نقري فيهم بالفلوس وبلا فلوس وبالسوايع وبلا سوايع ولي مافهموها اولادي تنجلس معاهم للأرض بالورقة و الستيلو باش وصلتهم ( بفخر ) هدا من غير الولد الحمد الله لي لا نقاش فالقراية ديالو ! راه تبارك الله قرأ فاسبانيا و شد ديبلوماتو ! يعني الشريفة البنت عندنا تقرا ودير هدف فحياتها عاد تشوف الزواج ! الزواج والموت هم لايفوت
اخت عزيز : اوا كلها تيشوف من المنطلق لي مسلكو ! بنياتك الله يخليهم ليك !! و سؤال الولد علاش رجع من اسبانيا ؟
حسن : اش يجلس يدير ؟ يخدم بالسوايع بحال العطاش ؟ أوروبا تنصيفطو ليها وليداتنا فقط لقيمة الديبلومات، ولدي ماشي اول واحد ، راه ختو فاسبانيا و خو إسراء راه البارح مشى يكمل القراية في فرنسا وان شاء الله يرجعو لبلادهم يديرو مشاريعهم اما البنت الكبيرة عندي بمنصبها خدامة
اخت عزيز : اوا تبارك الله ! الله يحفظهم ليكم
عزيز : فعلا الخاريج مابقى فيه فرق مع المغرب شوية الفلوس و الحقوق صافي! ولكن الدول بحال بلجيكا و المانيا و الدول الأمريكية مزال تيبان لك الفرق مع اسبانيا و فرنسا و إيطاليا لي عامرين بالمغاربة
حسن : اوا راه نسيبي خال البنات راه مشى لأمريكا فبداية الأفية!
عزيز : خدمة تاهو مشى ؟
حسن : ( بفخر ) لالا نسيبي الله يبارك ليه كان جاب اول نقطة على صعيد الإقليم إلى كان عقلي ينفعني ! ياك ا فاطمة ؟
فاطمة : وقيلا ! المهم الثانوية فاش قرا كان هو الأول على الدفعة ديالو
حسن : اوا فاش دفع للمدارس هنا فالدولة قالو ليه النيفو ديالك طالع هما كانو طالبين قل من داك المعدل
عزيز : عليها تنهضرو ما تيقدروش الأدمغة
حسن : ومن الخير ! دفع لأمريكا و شدوه بعشرة اليدين دبا راه عالم تبارك الله خدمتو كلها بين كندا و امريكا والجابون! أنا براسي راه شديت البكالوريا ديالي و مشيت كملت في فرنسا و رجعت لبلادي خدمت و مرة مرة كانو كايصيفطوني لفرنسا على حسب الفورماسيون وعمرني فكرت نستقر تما ! الحمد لله بداري و مشروعي القهوة و اولادي كولشي تيقرا لي سالا راه تيوجد لمشروعو
اخت عزيز : ( تدور فعينيها ) تبارك الله اسيدي
فاطمة : اوا الله يسهل على وليداتنا كاملين ! ماكرهناش كن خويا خدم فبلادو ولكن المكتاب
آخت عزيز : صعيبة شوية ! حتى حنا عندنا هاد الوليد هو الوسطاني بيناتنا، كان مشى خدمة لبلجيكا وطلع وراقو ودبا بغينا نفرحو بيه
فاطمة : الله يجيبنا في الصواب..
_كان ختام الخطبة وداع! اسراء عطات لأختو رقمها طلبو منها عزيز و توادعو وبقات العائلة مجتمعة من غير الحاجة و تسنيم وخدوج لي شاكر داهم و حليمة لي مشات مع عروستها و مولود كدلك ! و بقاو فالصالون غير إسراء و عثمان و فاطمة وحسن وياسين لي داخل وكريم وراه حطات لهم فاطمة العشا
ياسين : فين الخطاب مشاو ؟
إسراء : مشاو !
حسن : هادي هي ديالتك نتي ؟! جايبة زماكري باغي يتزوج لي تعجن ليه الخبز؟
ياسين : ( شداتو ضحكة ) وايلي قالها ليها هاكا ؟
فاطمة : بديتي تاني نتا و ولدك ؟ ( تتدفع لكريم الدجاج ) كول اولدي
كريم : خاصني نتعشى مع حمادنة
ياسين : كول لدلمك كوووول ( رجع شاف فحسن ) اوا فوقاش العرس ؟
حسن : على داك الشوارج لي عمرت عليهم باينة العرس على حسب الحاج
ياسين : ياك ؟ بقيتي عليهم الخاريج موفيز آفيغ ؟ وحنا الخاريج تندوزو غير الكونجي فيه و اولادنا قراو تما ورجعو يديرو المشاريع
حسن : ( ضرب يد بيد ) ميييرد فلتاات ليا قضية الكونجي ( شاف كريم تيدفع بالسيف ) نوض اولدي سير عند باك حمادنة ( تيحل الخبز يدير فيه دجاج ) نوووض سير
ياسين : ( تيشوف فعثمان تيضحك مع التلفون مرفوع ) هدا واش نساوه ؟
حسن : ( شد عثمان من يدو) نوووض اولدي سير لداركم نوووووض
فاطمة : ( بحشمة ) اويلي بعد من الدراري
إسراء : ( تتضحك من المشهد ) اوا ا عمي حسن دبا كولي شنو بان ليك ؟
حسن : تبعي الكذاب حتى لباب الدار ! هادشي الى وصلتو للباب
ياسين : خليها اسيدي تزوج ! اش تبقى دير ؟
حسن : واش تزوج واحد باغي ياكل و ينعس؟! راه الدوام هدا ، راه الهضرة اللولة قالها جلسي من الخدمة
عثمان : ( واقف تيلبس السبرديلة ) راه ديك ختو لي تتحرشو ! اما هو ضريف بزاف
حسن : شتي منين زوجوك بنتهم لاقراية لا عبو الريح راه باين العربون
ياسين : لا نتا ولد حليمة اش بغيتيه ياخد؟
حسن : يعطيني التيساع ياخد لي بغى ( شاف في إسراء ) شوفي الى ما بانش لك فيه نتي غمزي ليا وانا نبالي لا بيه لا بختو لا بلجيكا ديالهم
_بنفس حي الشرايبي ! عن بعد حي ، كان منزل الغرباوي فصباح منزلين الفطور على طاولة ، دائما تنسمعو بنصابة و قلال أصل و تنتسائلو كفاش عايشين ؟ ببساطة تيعيشو أحسن من الناس المعقولين و صحاب رزق الحلال ! لي هدا تلقا طاولتهم عامرة ماتيعرفو لا آخر شهر ولا أول شهر! ولابسين أحسن لباس و فراشهم آخر ماكاين ! كولشي كريدي شي تيتخلص وشي تينزلو عليه والحياة غادية
أم أنوار : اوا كفاش دبا ؟
الأب : واش باغة تصيفطيني الحبس ياهاد المرأة ؟
أم أنوار : خاااصني خدامة اسيدي! قوة الفراشات و البيوتة و ولدك تدواش ليل ونهار و بنتك تاتجي وبنتك خاصها خدامة بوحدها ومرات ولدك جاية شهر جاي
الأب : نتي خدامة وبنتك خدامة و عروستك خدامة و أنا خدامة و ولدك خدامة ! أنا شندير نفتح شركة ! سيري ضبري عليها راسك ؟ البنت جبتها ليك من جبل بقوة تمارة هربت ليك ؟ اش بغيتي نجيبها بزز ؟
الأم : والو ضبرلي فخدامة ! ( تتشرب قهوتها و تمشط شعرها بأصابعها) ويلي حتى هما كبر ليهم شان ! لكاورية جاية شكون يطيب ليها ؟
الأب : أنا ( شعل كارو )
_أبوين أنوار ولاد سبعينات ! الأم ماتعطيهاش خمسين عام !! لاطاي و طولة و شعر سالف بلميش وظفران فاليد و الوشام ففيديها صغير والأب شبه لأنوار طولة و شعر مزال قوي !! لحظة لي سالا كارو ديالو هو يخرج أنوار من غرفة ديالو تيتفوه
الأم : حبيبي بونجورنو
أنوار : ( حرك ليها راسو وأشار لها لقهوة تكب ليه ) احمممم ( تينظف حلقو) شفتي ليا داكشي لي قلت ليك ؟
الأب : مالقيتش !
الأم : اش بيناتكم ؟
أنوار : ماما ماشي ضروري تعرفي كولشي ( هز لباه كارو من قدامو شعلو ) صمت
الأم : اهاه؟! اوا راه مراتك جاية شهر جاي هي و بنتك ؟
أنوار : ( بتفكير عميق ) دبا كل مرة نبقى نعاود فالهضرة ؟ ديك ختنا صافي خرجت ليا من دماغ!! مشية ديالها لهنا تخربق ليا وراقي
الأم : مزاال تتسنى ليا بنت شرايبي ؟!
الأب : بعد من بنت شرايبي !!
أنوار : مالو ايخلعني ؟ البنت باغاني !! وأنا باغيها
الأم : واش تسطيتي ؟! لا قولي واش تسطيتي ؟! اتسمح فالكاورية لي فلوسها تتشير و تبع ليا بنت شلحة ؟ لا همة لا شان ! لا بوسط فالخدمة تيهضر لا زين فارع الطرح ! سمحلي ماشي لوجونغ ديالنا
أنوار : ( ساط دخان فالهوا ) بلاصة ماتشوفي منين دخلي لمرات شرايبي شي دخلة و راجلك يشد شرايبي بالهضرة يعطيوني البنت جالسين تتدوروني بيناتكم؟
الأب : نوض الله يجيبك على خير ! أنا راه ضروسي طاحو مع شرايبي ! راه سربيس عشرين عام الخدمة راه فاسي وأجرك عالله! نجي أنا ندخلو دخلة كناوة ؟ داكشي خدام مع لخدامات لي تنجيب لمك من جبل ترس عليهم وتصيفطهم لا ريال لا جوج أما شرايبي اشوف لك جهة اخرى
الأم : أنا بغيت نعرف لاش هي بذات ؟! سيدة ماجات لا بقايض لا برباعتو ؟! اش فملكهم ؟ دار وقهوة!! ولا داك جدها لي فراس مالو فيلا وكراج سيما ؟ اون بليس مها بلدية!
أنوار : ( ببرود ) هي لي غاندي ! بربي تانديها ! مابقيت باغي فلوس ، باغي نستقر أنا
الأب : منك ليهم اسيدي ! إلا تفكيتي مع باها ماتفك مع ولدو ! راكم ولاد حومة وحدة و قريتو مجموعين وحتى أوروبا مشيتو ليها جملة! تعرفو ويعرفك
أنوار : مالو منو لجاك شيراك ؟! إلا ختو بغاتني يعاودها لمخير فقبيلتو
الأم : شتي من هادشي كامل؟! أنا تنسنى لانترينت باك نبيع هاد دار ونزيد خلفة لشي مدينة أخرى ولا بلاد أخرى ! شلا ديزافيغ نبداهم ! ( ضربت فطبلة ) بغيتي تزيد نجيبو كرمومة مرحبا بغيتي بنت شرايبي الله يطليك بيها
أنوار : ( وقف راجع غرفة ديالو بدل وخرج وقف عند امو ) طلعي واحد ألفين درهم تصيفط كاروية ورجع ليك
الأم : ( ناضت جابتها ليه ) شد و عقل
أنوار : نعقل لي شديتي منها ؟ قفطان ألف درهم تتبيعيه لها خمسالاف درهم ؟
الأم : سير سير ! علمناك و وحلنا فيك
_بخلاصة نصابة هادي عيشتهم! هبط عليا نهبط عليك ، أولويتهم هي شنو ربح معاك ؟ شمن مصلحة عندي فيك !؟ وحلاوة لسان ولاكلاص لي تضرب على الشعى وتخلي بنات الناس تيقولو لقيت فارس أحلام ديالي وهو غير نصاب الكوابيس بروماكس ...مسافة طريق كان فالبرطمة لي راهن باسم فداء دوز ساروت وفتح الباب لقاها أمامو حضنها بقوة ساد الباب تيقبل فراسها بقوة
أنوار : توحشتك ( تيحضنها بقوة ) توحشتك
فداء : ( بحب ) توحشتك حتى أنا ( شدت وجهو بين يديها ) بابا شاف باباك ؟
أنوار : شافو ! ولكن هضرو على خدمة وصافي ، باباك لمح لبابا بلي مستحيل نتزوجو
فداء : ( بدموع ) كولشي بسبب ياسين
أنوار : الحل لي عدنا هو دفعي فيزا و نهربو بجوج نتزوجو فالخاريج
فداء : ( بتفكير ) ماخلاوش لينا حل ! ولكن ياسين حاضيني؟
أنوار : ندفعو لشركة الفيزا تكلف لينا! تخرج فنهارها نمشيو بحالنا
_فداء : ( بتوتر ) خايفة بزاف والله مابغيتش هادشي
أنوار : ( شاد يديها تيقبلها ) حبيبة !! إلا بقينا هنا غير نمرضو راسنا و تكون أخرتنا الفراق ! ( بنظرات آسرة ) باغية نتفارقو ؟! باغية يمشيو يزوجوك لشي واحد آخر من غيري ؟!
فداء : ( تتحرك راسها برفض ) مانقدرش نتصور راسي مزوجة شي احد من غيرك ! ( حضناتو بقوة ) شنو نديرو فدار وطموبيل لي بسميتي؟
أنوار : ( تراجع براحة مخليها فحضنو ) كولشي ليه الحل! مهم جيبي ليا ضوسي ديال فيزا ندفعو ليك وأنا نجمع وراقي نشوف ندفع برتغال أما إسبانيا مايعطيونيش
فداء : إلا ماعطاوكش حتى فإسبانيا ؟
أنوار : يبقى ليا حل واحد وندخل حارك
فداء : ( ناضت من حضنو بخوف ) اويلي فالبحر ؟
أنوار : شمن بحر احبيبة! راه تيحركو راكبين جالسين باسبورات دياال ناس اخرين خاص غير طيحي فشي حراك حرايفي! خاص نمشيو قبل مايدخل شهر جاي
فداء : علاش زعما ؟!
أنوار : طليقتي جاية هي و بنتي وباغة تشدني من اليد لي تضرني
فداء : ( بغيرة ) كفاش تشدك ؟! ياك قلتي طلاق قرب يخرج؟ كي نديرو نتزوجو ونت مزال مزوج أصلا ؟ وكفاش فاش نوصلو الخاريج نعيشو راه نكونو بجوج بينا حاركين؟! ( بغات توقف هو يجرها لحضنو بحب تيبوسها بحب ) أنوااار
أنوار : تيقي فيا حبيبة ونساي كاع هادشي لي فراسك ! نتزوجو فالقنصلية مغربية تتعطي تتعدد زواج و الكاورية فاش تعرفني تزوجت تما بسيف عليها توافق على طلاق ! و أوراقنا فإسبانيا ساهل نطلعهم ( شد وجها بيديه ) تنبغيك و تنموووت عليك ماقادرش نزيد نفكر فحياتي بلا بيك ( حط جبهتو على جبهتها ) نحرك كاع فلوسي عليك مهم نكونو مع بعضياتنا
فداء : ( مغمضة عينيها تتسمع ليه ) خااايفة ا أنوار !
أنوار : نتي معايا ماعندك مناش تخافي ( شاف ساعة ) فوقاش خاصك ترجعي ؟
فداء : دبا ( تتقاد شعرها هازة صاكها ) ماتخرجش معايا دبا تنمشي بواحد ساعة
أنوار : ( كحضن آخير ) فوقاش نشوفك ؟
فداء : ماعرفتش ! حاول ماتجيش جهة دارنا ولا فالخدمة عندي ، خايفة من ياسين بزاف
أنوار : ماعندك مناش تخافي!! ( باسها فيديها ) توصلي خدمة رسلي ليا مساج
_نازلة مع دروج والخوف راكبها أول طاكسي دازت من حداها وقفت ليها وركبت موصلاها لخدمتها داخلة تلقي تحية ولبست طابليتها وجلست تتشوف الخدمة لي عندها !! حتى هزت راسها بتسمت لرؤية الشخص داخل معاه سيدة كبيرة فالعمر لابسة جلابة بزيف
فداء : ( خرجت عندو من بيرو ) سلام خويا
شاكر : ( حط يديه على كتفها مسلم عليها بالوجه ) لباس؟
فداء : حمد لله ( سلمت على سيدة ) سلام خالتي لباس عليك
السيدة : وني بيك و يا مرحبتي يا بنيتي ( أشارت لها فداء تجلس )
شاكر : هادي الأم ديال صديق ديالي! شوفي لها نظاظر الشوف
فداء : ( بابتسامة ) مرحبا !!
_فخدمتها تعتبر محترفة ! بدات تتشوف لها القياس و تتسول نوع لي بغات ديال زجاج و الكادر لي يجي معاها ، و شاكر كل مرة يرن تلفون يخرج يتكلم ويدخل عندهم حتى سالات ليها
السيدة : اينتا يوجدو يا بنيتي ؟!
فداء : نوجدهم ليك هاد العشية إنشاء الله
السيدة : الله يرضي عليك يابنتي الا عويناتي واجعيني وراني نضور شور بصاصير ! ݣولي ليا بكم يا بنتي ثمنهم ؟
شاكر : ( طبطب على كتفها ) يلاه الحاجة نوصلك الحساب على حسب ولدك فاش يجي
السيدة : الله يرضي عليكم ! ( بتحية ) مشكورةا يابنتي الله يرضي عليك و سلمي لي على الحاجة ايطو و گولي لها صيدة الصحراوي سعيدة سلمت عليك ݣبالة
فداء : مبلغ الحاجة ! مرحبا بيك فأي وقت
_شاكر : يلاه فداء بسلامة ! تترسلي ليا لافكتور فواتساب
فداء : يوجدو نظيظرات ونرسلها ليك معاهم
_تنفست صعداء مدخلة الخدمة فيديها تصاوب نظاظر وفكرة تديها فكرة تجيبها حتى رن هاتف ديالها و جاوبات
فداء : وي
أنوار : تسنيتك تصيطفي ليا مساج !
فداء : ( بنبرة تعب ) دخلت مع الخدمة خويا جا عندي
أنوار : ياسين ؟
فداء : لاء ! خالي الكبير تنقولو ليه خويا !! راني وصلت حمد لله
أنوار : مهم راني غادي نطلع لمراكش غدا عندي شي آفيغ مع صحابي ديال بيه وشرا
فداء : فوقاش ترجع ؟
أنوار : شي ربعيام ! طموبيل راه مانديهاش نخليها إلا بغيتيها
فداء : لالا غير ديها ا أنوار !
أنوار : شنو بغيت نقول ليك ؟! لاكارط ديالي تسالات اووو خاصني رجع بانكة لي فالرباط تما فتحت كونط ! ممكن دوزي ليا واحد خمسالاف درهم تنرجعها ليك لكونط ديالك ؟
فداء : ( بتقة تامة ) اوك نقطع لابيل ندوزها ليك من تلفون دبا
أنوار : ميغسي حبيبة! يلاه بيزو نخليك دبا تنتصل بيك بليل
_الساعة تشير الى الثانية ظهرا ! دار فاطمة ريحة سانيكروا و جافيل تتعطي من باب الجردة وزيد للداخل، زليج تيشعل من دروج و الحيوط نقيين مرورا بالبيوت كولشي ملمط و تيشعل و الغدا واجد تيتسمع صوت تلفاز مشعول وهي جالسة تتكلم مساجات واتساب مع اسمهان حتى تتسمع صوت الآنترفون ناضت تجاوب
فاطمة : شكون ؟
عبد الله سرباي : لالة فاطمة عيطي ليا لياسين
فاطمة : ياك والو باس ؟!
عبد الله : القادوس ثاني طرطق علينا
فاطمة : الله ياربي ! صبر اولدي نعيط ليه ( تجهت لدروج تتنادي ياسين اايااسين عاد سمعها و نزل)
ياسين : ( الما تيقطر من شعرو ) مالكي ؟
فاطمة : عبد الله سرباي صونا ! قاللك قادوس ثاني طرطق
ياسين : ( بنبرة غاضبة ) رااااه انا لي غادي نطرطق؟! ( تيشير لراسو ) انا !؟ انا لي نجهل على بنادم !! راه الهضرة فاش تنبقى نعاودها ونعاااود نعااودها تتمرضني فراسي الواليدة ، تتمرضيني الواليدة
فاطمة : ( بتنهيدة حارة ) دبا نزل شوف اش كاين !
ياسين : اش نزل نشوف ؟ خاصني نجيب معلم عاوتاني ! ويبقى واحد ثلتيام غادي جاي و سيري واحد شهرين ولا ثلث شهور ورجعو من زيرو ! لحل راه باين الواليدة ، خاص إصلاح لكولشي و انسطالاسيون جديدة و حتى الكراج ديالنا لي شادو خوك ضد ؟ ينوض يصلح
فاطمة : هادشي اياسين خاصو فلوس ؟ والانتريت ديال باك مزاال عليه الحال ؟ ونوض نسد انا قهوة داك عبد الله اش ياكل مسكين ؟ وغير بارح جات ضريبة خاصها تخلص؟ واش انا ماحيلتي ليكم ؟ ماحيلتي لختك ومصاريفها فاسبانيا ؟ وباك راك عارفو تنزيرو تيقول لك بيعي كولشي! واش اياسين انا عضيت فصبر وشاب راسي قبل وقت مع باك باش نضيع رزقكم؟
ياسين : ( نزل راسو بتفكير رجع شاف فيها ) الواليدة راه حليت عيني على هاد المشاكل ! واش انا بَّا ماعارفوش ؟! راني عارف وفاهم ! وراني عاض فالصبر معاك و حاضي معاه و لكن انا مانوضش نصلح صليح ناقص ! هضري مع خوك يصلح ولا يخليني نصلح بلاصتو
فاطمة : صافي صلح كولشي !
ياسين : ( بنظرة تابثة ) هادي قادة عليها ؟ عرفتي اش ديري ؟! رمضان بقى ليه شهر ؟! الالة نسد من دبا وانا نخلص عبد الله فشهرين وفاش نجي نصلح ويبدا يتفهم عليا تما اجي شديني
فاطمة : آولدي ! راه العيب..
ياسين : ( هز يديه فالهواء ) الواليدة ديك الهضرة ديال العيب والدم ماتتاكلش معايا، براكة داير بوجهك وبوجه الحاجة اما كن خرجنا انا وياه فجورنال...
_نزل للقهوة وهو معصب ، مع دخلة بان ليه عبد الله تيهز فسطولة و قرب يشوف قادوس
ياسين : هداك المعلم دلمو تيدير خدمة ناقصة ؟
عبد الله : راه واحد خونا كان هنا مقهوي ؟! قالك داكشي من سطح عندكم
ياسين : دبا فين ماكاين شي فهايمي تيهضر ! عبد الله شوف تقطع الما وتجيب شي مرا تسيق هادشي وخويو القهوة من الحاجة لي تخسر و طفيو ماكينات و تلاجات وسد عطي لواليدة سوراات ( جبد تلفون داخل ابليكاسيون البنكة ) ارا ليا رقم حسابك ندوز لك شهرين ديالك وسير جلس حدا أولادك ارتاح
عبد الله : سي ياسين نتخلص مانخدم ؟!
ياسين : كون القهوة ديالي نخليك هنا وخ تبيع فيها زريعة ولكن منين ديال لالة فاطمة ماقادين على ذنوب
عبد الله : الله يعطيها شي حجة فقبر النبي لالة الشريفة العلوية ! قيد اسي ياسين قيد ( ملى عليه الرقم ) اما كون كانت ديال شرايبي كن مشات على عيني ضبابة
ياسين : تتشوف فيها ( رن الهاتف ديالو برقم غريب ) الووو
حسنا : ( بصوت باكي ) الووو ياسين ؟
ياسين : ( بعدم استعاب ) ديالمن هاد النمرة؟ فين راكي ؟
حسنا : راني فلابريكاد بمريرت ( تتبكي ) تكريسيت مابقى عندي درهم باش رجع
ياسين : ( خرج بسرعة قاصد الطموبيل راكب ) دبا لاش تتبكي ؟ عطيني نعث بضبظ انا جاي عندك
حسنا : ( بألم فيديها ) ضربني فيدي( بدموع ) راني فلابريكاد **** كاينة ***
ياسين : راني شاد الطريق لعندك ( بمرارة ) دلمك محلولة ! كريساوني كالك...
حسنا : ماتعطلش عليا عفاك
ياسين : لا راه جاي فطيارة ! ماتخرجيش من لابريكاد احسنا نجي لقاك تما و ماتعطي وجه لاحد تما
_كان على بعد نعث لي عطاتو حسنا بمسافة قليلة ، مرة شاعل كارو مرة تيفتح كانيطة كوكا لي مبلي بيها حتى وصل لابيركاد مبلاصي فجهة آخرى ونزل مكمل على رجليه هو في الباب وهي خارجة تتمسح بكمها عيونها حتى وقفها
ياسين : مزاال ماساليتي من هاد البكا ؟
حسنا : ( بنبرة قهر و ظلم ) الله ياخد فيه الحق ولد الحرام ( شدات فيديها بألم ) ماحيلتي للصاك ولا التلفون ولا وراقي ولا يدي لي ضربني فيها ؟
ياسين : ( ساط بحنق طبطب عليها ) صافي كون نعرف دلمو شكون هدا نعاود ليه الختانة ! ( مد الكونطاكط ليها ) سيري ركبي ندخل نشوف شنو دايرين ليك
حسنا : ( بمنع ) زيد زيد نمشيو راه إلى بقيت هنا يشدوني الجنون
_تمشاو بجوج للطموبيل ركبت الأمام و هو ركب فمكانو ماد لها قرعة الما و تيفحصها بعيونو، كانت عيونها الخضراء احمرت لدرجة قربو يتسدو ، و شفايفها تنفخو كانهم عبوتين من الدم وجهها احمر بشدة و كتنخصص و هي تتكلم
حسنا : كون غير مت وتهنيت! من بين هاد البشار ديال الناس انا للي تيوقع ليا هادشي كولو
ياسين : ( نزل راسو تيسمع ليها و تيشوف امامو ) دبا علاش تتبكي ؟ مشى اانلفون نشري ليك تلفون ! مشات الفلوس راه يتعوضو ! مشاو الوراق نعاودهم ! لاش تتمرضي فراسك؟
حسنا : ( تتنخصص و تنوح بشدة ) تنبكي على راااااسي ! تنبكي على وعدي وسعدي و حياتي لي ضايعة ! عيييييت !! بغييت نعس ونحل عينيا لقى راسي فشي قنت ماتنعرف احد ما تيعرفني احد
ياسين : ( ببرود ) مالك عليك الكريديات ؟ دافعة الشيكات ؟ راه لي مكتاب ادوزيه
حسنا : نتا زيدك على ولاد الحرام ديال الجدارمية ! ( تتشكي بظلم ) ما داوها حتى فيا ولا سمعو ليا ، غير واحد البنت لي عطاتني التلفون نهضر معاك
ياسين : زوينة هاد البنت لي طلعات ليا نمرتها فتلفوني ؟
_للحظة سكتت ! تتشوف فيه باستغراب، بين العجب والغضب و الدهشة ودموعها لي تينزلو قالها راسها نزلي بحالك راه هدا تيضحك عليك لكن قرا افكارها قبل منها كما العادة وجرها لحضنو بحنان و مواساة
ياسين : صافي ماتبكيش ! ( قبلها من فمها ) توحشت دلمك ولكن إلى كانو غير المصايب لي تيجبوني ليك قابل بيهم
حسنا : ياسين عارف راسك اش تتقول
ياسين : ( بنظرة مريحاها ) لا ولكن عارف اش تندير ! ( ديمارا السيارة شاد الطريق ) كولي ليا ! عاودي ليا شنو وقع فهاد الشهرين؟
_مسحت دموعها !! بدات تحكي ، و كأن حكايتها بين السطور تتقول ليه :
_حياتي كحلة بلا بيك ! نتا الروح لي تتخرج من روحي و نتا بعيد عليا !! نتا قلبي لي تيخاصم عقلي فاش تتخاصمني
ياسين : دبا امك رجعت لمريرت ؟
حسنا : واحد السيدة من العائلة تقابلها تخلصها خالتي ويعيشو مع بعض
ياسين: ونتي فين ترجعي تسكني ؟
حسنا : نكري مع البنات نبقى نزل فالعطل! مابغاتش تسكن ليا فمكناس وانا عيت بوحدي
ياسين : نتي ماشي بوحدك احسنا ! انا معاك، ولكن نتي ما باغاش تشدي الطريق معايا
حسنا : ياسين لي فيا كافيني ماتزيدنيش
ياسين : ( شد فيديها جارها لحضنو ) فين نديك نغذيك ؟
حسنا : ماعرفتش
ياسين : نديك تاكلي الشوا ؟ باش فليل تعشاي بالكوا
حسنا : ( بانزعاج ) بعد مني.
ياسين : نديرو حفلة عودة الاحباء
حسنا : ( بنفس طويل تنهدت ) ياسين شنو خاصك باش تزوجني ؟
ياسين : ( بغى يجاوبها و هو يرن تلهاتف ديالو باسم باه ) الشرايبي !!
حسن : اياه حافية ! دبا فين ت
نرجع نتقهوا ؟
ياسين : ( عض شفايفو بكبح للغضب ) على هاد القبال بلاصة الناس ما يبقاو يبنيو الديور لي يسكنو فيهم يوليو يديرو قهاوي يتقهواو فيهم
حسن : اسيدي العالم يعطيه الغرق المهم انا
ياسين : راه انا لي تنغرق نيت مع القوادس ! راه خاص الإصلاح و تعاود الأنسطلاسيون اسي حسن
حسن : شوف هادشي عاودو للرباط!! ياك عبد الله مخلص فشهرين؟ انا قهوتي كل عشية تحلو نشربها تما
ياسين : واخة كلامك هو الكبير ، سير راني شاد الطريق ( قطع ) المرض ( شاف فيها ) شفتي اش ناقصني ؟ ناقصني بزااااف، المشكلة بيني وبينك هي نتي تتفكري للغد ليه ؟ و أنا تنفكر من هنا لعشر سنين
حسنا : ( تتحس بعينيها تيتغمضو ) ديني للدار غير نعس !
ياسين : نعسي على ما نوصل ! ( تنهد ) قالك شنو خاصك ؟ ( بكلام داخل نفسو ) ناقصني مليار و القليلة إلى بغيت نوصل فين بغيت، صحابها غير عندي الطموبيل و برطمة كاريها صافي راه الحياة السعيدة، هو غير ختي فشهر تنخسرو عليها ميات الف ريال و فاطمة تتخسر علاين مليون فين نجيب مراتي يصرفو عليها ؟
_دخلو للبرطمة لي كانت مغبرة شوية، حط ياسين الماكلة لي شرا فالطريق و هي هزاتها تحطها فالطباسل اما هو شعل كارو شاد التلفون طالع نازل تيسمع صوت الما
ياسين : احسناااا حطي لنا نحنجرو وسيقي من بعد أنا شوية ونخرج
حسنا : ( سدات الروبيني تتسمع فيه ) كولشي مغبر ! ما ناكلش انا فالغبرة
ياسين : ( هز سوارتو ) شوفي امي لي والداني عمرها سيقت فوق راسي ولا سبقت الشغل على القص ( بانزعاج ) انا خارج سيقى عاد كولي
_تبعاتو بنظرة حتى خرج من الباب و رجعت جلست تتشوف جهة الكوزينة ورجعت تتشوف فجنابها بسهو في الأخير ناضت تسيق و تمسح الغبرة و دارت شي حوايج للتصبين عاد جلست تاكل و الهدوء مخيم على المكان ، لا تلفون لا تلفزة، تتفكر غير امها كي تكون حالتها تتفكر ان الأرقام مشاو لها فالتلفون ، حافظة فقط رقم ياسين و خالتها ، جمعت فين كلات و غسلت و رجعت لمكانها بقات تشوف فالسقف حتى نعست ما فاقت غير على صوت السوارت فالباب وياسين داخل و معاه ميكاات فيهم كوكا و السقاطة و شاسي فيه هاتف حطو لها فوق الطبلة
ياسين : نعستي ؟
حسنا : اممممم ( فتحت الشاسي تتشوف التلفون احدث موديل من لي كان عندها ) شحال خديتي هدا ؟
ياسين : تخلصيه ؟ غدا نديك للكوميسارية تدفعي لاكارط باش تخرجي بيها و وراقك و التلفون فيه نمرة جديدة قضي بيها تتخرجي نمرتك
حسنا : ( قربت عنقاتو وباستو من فمه ) تانيكو بيبي
ياسين : ( بابتسامة ساحرة ) صافي غير بوسة ؟
_ ناضت تتضحك وخرجت للبالكو تتركب رقم خالتها تتصل بيها
حسنا : الو خالتي
خالة : احسناا لباس! بخير ، عيطت لك قبيلة والو التلفون طافي
حسنا : راه شفرني واحد ولد الحرام بغا يديني بالسيف ومنين مابغيتش جر ليا الصاك خلاني تنطير ونزل
خالة : ( بفزع ) اويلي حي ؟ مشيتي للبوليس
حسنا : شمن بوليس؟ راه كنت فمريرت جاية نشد طاكسي راجعة بحالي لمكناس ومشيت عند الجدارمية ولكن والو قالك سيري تنشدوه
خالة : علاش راجعة لمكناس؟! اش عندك فيه ؟ لافاك ماقريتي حتى العام لي داز ؟ تقراي هاد العام ؟
حسنا : علاه لي مارجع ؟ علاه نبقى انا تما بين الحيوط ؟ عندي صحاباتي فمكناس ونخدم القراية راه مابقات قراية
خالة : تنصيفط لك فلوس باش تقراي احسنا ، إلى لقيت شي كونطرا نجيبك عندي ولا شي فيزا على حسب القراية ونتي تابعة ليا البنات ؟ انا داك مكناس قلت ليكم خويوه
حسنا : نخويه بالعامر ! المهم راني رجعت هدا ما كان ، نتي امتى تنزلي للمغرب ؟
خالة : صحابك الفلوس تنجمعهم بالبالة ؟ راه تنصيفط ليكم شوي ونصرف شوي و نجمع شوي باش نشري دار
حسنا : يالله نخليك ( قطعت..دخلت جالسة تتسوط ) صمت
ياسين : نتوما هاد الفيلم عندكم طويل شوية ؟
حسنا : عييت و كرهت والله
ياسين : نتوما عائلة الشلوح بحال ديال الواليدة تيكونو كبار زعما !؟
حسنا : نهار حليت عيني حليتها فمي و خالتي و الجيران ! كنسمع بشي عائلة عندنا ريحة الشحمة فالشاقور في الخميسات و آزرو و لكن ماعمرهم جاو عندنا ولا مشينا عندهم
ياسين : ( حل الموناضا تيشرب ) تهنيتو ! ( مد لها يديه ناضت جلست جنبو ) شنو ما توحشتينيش؟
حسنا : (بدلع) و نتا ؟
ياسين هاجمها بقبلة ساخنة لشفافيها و أصابع يديه غرسهم فرقبتها و هو تياكل فشفايفها بكل رجولة و استلم باليد اخرى ثديها مخليها تسيح بين يديه و تتآوه في فمو و تتقرب منو كأنها تتطلب المزيد
حسنا : ( جرت فمها تتنفس وهمست فأذنو ) توحشتك بزاف
_ابتسم بإنتصار من همسها و جلسها فوق حجرو بكل قوة بادي طقوس ليلتهم و تبعوها ليالي عدة، تيجي عندها كل ليلة لمدة اسبوع عايشين الحب و الرومانسية ناسين العالم "بعد" اسبوع
حسنا : ( رشها بالما ) وااااا عيقتي اياسين ( طاحت لها لاكارط ميموار ديال التلفون ) كون مشات دابا ؟
ياسين : ( هز لاكارط من الأرض) اش تمشي مالها ابرة ؟ ( حطها فالتلفون ديالو تيشوف التصاور ) اااو جامعة كاع تصاورنا هنا ؟
حسنا : خليها عندك مخبعة انا خفت تلف ليا !
ياسين : نخبعوها ليك الالة ( شاف فيها ) تخرجي تعشاي برا ؟ ( رن الهاتف برقم الفيكس ديال الفيلا ) الو
تسنيم : الو ياسين
ياسين : ( بملامح محبة ) اهلا تيني زين دخوها
تسنيم : ماتبقاش تقولي ليا تيني ! ياااه ؟ شوف قالت ليك حنا اجي دبا للدار راه مرات تيجاني خاص شكون يوصلها غدا للمطار و خالي تيجاني قالها شوفي مع ياسين
ياسين : ( عقد حواجبو ) انا سوقي ؟ فين تنعرف هاد مرات تيجاني انا ؟
تسنيم : اجي قولها لحناك راها تتسناك
ياسين : فين شاكر ؟
تسنيم : ( بخنق ) مانعرفت!
ياسين : ( هز سوارت ) انا مشيت سدي الباب بالساروت مورايا ( ماخلاش لها فرصة تتحدث )
حسنا : ( سدت الباب ) مالي كنت تنتسنى يديني معاه عند حناه ؟ ختو غير هضرت معاه فالتلفون تبدل صوتو كما العادة معاهم..
يتبع..
التعليقات
لا توجد تعليقات بعد، كن أول من يعلق.