محتوى القصة
اليوم الثالث و الاخير بمرزوكة! الحاج لي سافر عليه قضاه ، تذفن فالرمال لي تتوصل حرارتها حتى لستون درجة و درجة الجو تتوصلك لسبعة وربعين درجة، هاد الحرارة هيا دواء الجسم فكل مايخص روماتيزم ، البرد و السمنة و عدة امراض ...كان الحاج كل صباح تينزل مع السيد المعرفة ديالو لي يذفنو فالرمال و يغطي ليه راسو من شمس و يجلس حداه مراقبو لايسخف او يحتاج الما او اي شيء ، مدة الذفن لا تتعدى عشرة دقايق او ربع ساعة للشباب ، و رمال تتحسها حارقة مع انتهاء الذفن تتخرج مباشرة تلوى فملاية و دخل للخيمة ترتاح و تشرب شاي صحراوي منسم بالاعشاب حتى تأقلم مع الحرارة عاد دخل للحمام وكل هاد المراحل تيكون الحاج بوحدو و ياسين عاطيها للنعاس ولكن اليوم هو اخر يوم...
الحاج بناصر: ( تيشوف فالكوفر ) مانسينا والو ؟
ياسين: داكشي لي تقضيتي راه تما ! الحوايج و التمر و داكشي الحنا
الحاج بناصر : ( سد الكوفر تيقاد ساعة و دخل يدو فالجيب متجه للسيد يودعو ) اوا سمحاس وربي عوين ( حط بيه فلوس مع التسليمة )
السيد : ( رجعها ليه بخجل و رفض ) وااا الحاج حشومة الحاج ( ذرعو بحب ) شوفتك الحاج كبيرة ليا و خيرك سابق
_مني منك ! مني منك مابغاش السيد يشد التدويرة و الحاج طلع ليه الدم ورجع عطا لياسين الفلوس قال ليه عطيه انت لكن رفض
ياسين : ( فتح باب السيارة يركب طاح ليه التلفون من يديه سمع نكير الحاج ) وااااا الحاج ما بغااش يشدها ، اش بغيتي ندير ليه نتناسب معاه ؟
الحاج : ( بنظرات سخط حاضيه يركب تيشوف فتلفون واش تهرس) لا نتوما الكلاب باغي فيكم شي واحد يتوكل عالله و يتزوج ؟
ياسين : ( بنظرة غاضبة عميقة تيشوف فالتلفون ) الحاج انا ماشي ديال الزواج ! دبا كن كنت مزوج نكسي المراة ولا نشري التلفون لي مشى ؟
الحاج: ديماري و ما تزيدش على التسعين ولا حيد خليني نصوك
ياسين: ( ديمارا تيحس بروحو تخرج ) انت لي واتاتك مرزوكة و حيدت ليك البرد وكضاتك رجعتي باغي تصوك كاع ، والله ماداك جلاخة شاكر لي موصي ومعاود يا حتى نعطيك تصوك فيها يا نموتو بجوج فيها يا نوصلو بجوج...( فتح القرعة شرب تيحس بالعرق مع ظهرو تينزل ) ااااش داني ! كنت زاهي مع ك..( قطع هضرة ) مشاكل
الحاج: ( بدا يديه النعاس ) راك شابه الكلب ديال باك آزهو و القصاير ،فلوس اللبن يديها زعطوط
ياسين: والله لاجاوبتك !
_عم الصمت ! و كانت طريق طويلة فانتظارهم ، تيصوك كل ثلاث ساعات يتوقفو ، مرة للمازوط مرة للاكل مرة للحاج يصلي! نهار كامل مر فالطريق و مزال طريق يضرب، ونفس الأسطوانة السرعة و ياسين رجع تيحس بتعب شديد
ياسين: ( تيحاول يشعل تلفونو ) لا نتا هبيل تشعل! ( خرج كارطة و هز تلفون الحاج )
الحاج بناصر: ها نتا تخسر ليا تلفون !
ياسين: الا خسر انا نشريه ليك ! خلينا نقضيو الغرض، بقات لنا ساعتين ندخلو بحالنا
الحاج: شوف شي بومبا وقف فيها نشرب اتاي
ياسين : واخا الحاج
_بعد مسافة توقفو و دخلو للقهوة طلب الحاج شاي ! و ياسين خرج يكمي الكارو و خدم تلفون الحاج بلاكارط ديالو كما كان منتظر وابل من الاتصالات و المساجات، خلاه مدة حتى توقف هو يحول الاتصال بالرقم لي استقبل من المكالمات
ياسين: ( بصوت باح ) آلو وي ( تيسمع بتدقيق ) فينك
_اتنفست بعمق شديد وزفرت شهيق طويل نطقت بصوت منخفض
: آش نقول ليك ؟! الله يعطيني غير شي موتة نتهنى منك ، اويلي من نيتك تلتيام طافي التلفون وتتقولي مع جدك ؟ تتكذب عليا آياسين
ياسين: ( بخ دخان مغمض عينيه ) كاع لاتيقي ! ونتي مشيتي مع خالتك؟
_بعناد و غضب جاوباتو: جاوبني انت الأول
ياسين: انا نجاوبك ! ولكن نجاوبك فاص آحسنا ، تما االى لقيتك زطمتي مع خالتك انقودوها بالبيان
حسناء: ( سرطت ريقها مجاوبة بسرعة ) ماامشيييتش آياسين
ياسين : عاوديها لمك دبا ! فاش نوصل تما اراي ماعندك
_الاضواء شاعلة على باب الفيلا، مرورا بالممر المؤدي للباب الداخلي و صوت الضحكات و القهقهات بالمطبخ الخارجي المفضل للحاجة ايطو ! وقت قليل على وصول الحاج اليعقوبي و ياسين ! الحاجة متعتها فاش تتعمر الفيلا و تشوف بنات بناتها ، ماتخلي ما تحط ، و ماتخلي ماتعطي ...
فاطمة: ( سدات الفران على الدجاج ) اوا شنو دارو ؟
خدوج: ما عرفت ليهم اختي ! خرجت سوقهم ، منين كرا ليا مابقيت نسمع والو
الحاجة ايطو: ( تتمسح يديها وجلست هازة النعناع تنقيه ) ماهنا بركة ابنتي ! ماهنا تيسير ، علاه اودي مُولود مابقى يدير عقلو ؟ الدار هيا التالية ماكايناش ؟ وراه خدام
خدوج: ( بنظرة حزينة ) علاه امي عاد البارح خدم؟ راه منين تزاد حمزة توظف و تيشد مانضة و بلا الرشاوي لي شي نهار يحصلوه
فاطمة: اش يحصلوه الله يهديك ! حصلو لي قبل منو ؟ من هادشي كامل الدار لي طلع و بناها وسمح فيها لمو واختو ماكانش عليك تخرجي منها
خدوج: وانا كرهت ؟ راه مرضت ، مرة نلقا داكشي مرمي عليا ، نص حوايجي تيتهزو ، اسراء و عمتها تيتشادو من الشعر ! فلوس المصروف مابقيت نشدهم ، العكوزة قالك هيا تصرف اوا هدا الله
الحاجة ايطو: بناقص ابنتي ! كرا ليك اوا صبري على اولادك عيييب ابنتي طلقي، انا نفرش لك هاد الدار و الماكلة ماتهزي لها الهم
فاطمة: اوا امي شحال قدها ؟ ( ركزت نظرها فخدوج ) ارجعي لدارك اخدوج
خدوج: هانا رجعت هانا جلست ! راه الحل والو، راه فاش كان تيبني و يطلع الدار هضر معايا شاكر قالي يكتبو ليه الفوقي راه ارض بسمية امو نهار تخطى كولشي يتفرق ! ونضت قلتها ليه ، قالي سوقي هداك ( تنهدت بحرارة ) قلت ليه شوف لينا شي سفلية ولا هاد العمارات قالك لا ! اوا راه المانضة هاكا مشات هاد العشرين عام ، النص مع البني و النص مع القرعة و الكاس
الحاجة ايطو: الله يهدي ماخلق ! زايدها بالولد مضيعو
خدوج: لا ولد لا بنت امي ! غير ول البارح الروح طيح عندي، لي دارو لهم ؟ دارو لإسراء و حمزة شي ما يحمل شي
فاطمة: اوا صافي تتيقي حتى نتي بديك الهضرة! ماكاين لا سحور لا عبو ريح، أولادك بجوج واعرين و حمزة لي يقادو معاه الحاج من هنا هو و شاكر يخسرو باه من لهيه
الحاجة ايطو: هدا الله معاهم..
_حديث الام مع بناتها لا ينتهي ! هازة همهم هما صغار و هما كبار ، الحاجة ايطو تتنفس بناتها و بناتها تيتنفسو بيها! كانت فداء اول وحدة دخلت سلمت عليهم و جلست جنب جداتها تعنق فيها و تبوس
فداء : والله حتى توحشتك احنا، مالك منين مشا الحاج ماجيتي عندنا
الحاجة ايطو: اوا ابنيتي لمن نخلي هادو لي هنا
فاطمة: دزتي للدار ؟
فداء: دزت! لقيت بابا راه ناعس و انا خارجة و كريم داخل، قلت ليه يدوز هنا
فاطمة: مايجيش راني عارفاه ! العشا ونصيفط ليه حقو مع حمادنة للحانوت
فداء : ( تترجع تبوس حنّاها ) اوا حنَّا ! اوا الزين ديالي ( تتضحك و تحشى فيها )
ايطو: نتوما زينات ديالي! ( تطبطب عليها ) اوا فين تعطلو اسراء و اسمهان ؟
فاطمة: ( هزت التلفون تتصل بأسمهان ) الو
اسمهان: آماما
فاطمة: تعطلتو ؟ معاك اسراء
اسمهان: اه معاايا ! واش وصلو ؟ ( تتشوف فإسراء ) راه الصف اماما على طاكسي غير توصلنا النوبة نركبو
فاطمة: ودغيا ابنتي! مابقى للعشا والو، خوتك يدخلو
اسمهان : وصافي! شوية ونجيو
خدوج : معااها اسراء؟
فاطمة : ( تتطل على الدجاج ) راها معاها، نطفي على الدجاج براكة
فداء: فين تسنيم ؟
فاطمة: راهااا فبيتها الفوق محشية مع افلامها
_الشلوح لي جلستهم تخوا من صينية اتاي ماشي شلوح ! و الحاجة النعناع غارساه بيديها بالما الحلو مايضر فمعدة ما يدير مرارة ! دخلو للداخل مجمعين ، هضرة تجبد هضرة حتى دخلو البنات و لقاو التحية عليهم و تحشاو بجوج حدا جداتهم يعنقو و يعاودو ! من صغرهم معجبين بزينها و لون عيونها و ابتسامتها و لي زاد حببهم فيها هو حنانها
اسمهان : ( سمعت الكلاكسون ) هاااا الحاج جا
اسراء: ( طلت من النافذة ) هدا خويا شاكر
فاطمة: نوضو جمعو الصينية عاودو شحرو آتاي
_ما زادوش الهضرة! منين تيحضر شاكر التجمعات تتفرق ولي تيضحك يجمعها و لي تيهضر يسكت! من صغرهم كابرين بهاد سيستيم معاه ! دخلو بثلاثة للمطبخ لي تتغسل ولي تتوجد اتاي من غير فداء رن هاتفها وهيا تحمار و تخضار
اسمهان : ( بنبرة أمر ) الخير لي ديري فراسك ديري ليه سيلونس وهني الشعب
فداء: داك السوووق بعيد علييك
_ملامح التعب واضحة عليه ! نزل من السيارة هاز ملفات فيديه ،كما عادتو وقف تيشوف فارجاء الفيلا من الوراء و الجوانب عاد رجع ضرب الدورة تمشى لداخل المطبخ الخارجي لمح فيه الضو ظنا انه الحاجة ..
شاكر : ( بصوت باح شاف فيهم وحدة وحدة) اهلا! نتوما مجمعين هنا؟ فين الحاجة؟
_ردو عليه تحية و نطقت الزعيمة فيهم
اسمهان : راها لداخل اخويا مع ماما وخالتي
شاكر : اها ! ( دار خارج حتى دخل للداخل تينادي على تسنيم في نفس الوقت لقى التحية على امو وخواتاتو جالس جنبهم ) تسنييييييم ! ( رجع واقف فدروج تيشوفها تنزل ) تسنييييييييم
_فاطمة : تكون سادة البيت اخويا عليها ، انا نطلع ليها
شاكر : مانزلاتش وقيلا ؟ جلسي انا طالع ليها
الحاجة ايطو: غير اودي اش بغيتي نجيبوه ليك ! آشاااكر
شاكر : بغيتها هيا الحاجة ، رجعت نكره معاها العطلة على هاد الخصايل
_شاكر ! الخال لي تيناديو ليه خويا ! الخال لي هز المسؤولية على الحاج و يديه ليمن ، عندو خوتاتو عزيز و غالي و فكاك الوحايل ، اما بنات خوتو من صغرهم تيحترموه ممنوع الضحك الباسل امامو ، عمرو دخل فيهم على اللباس ولا الماكياج ولا طلبو ليه الحاجة و ردها فوجهم ولكن مثل اي شخص عندو سمعة فالحي و المدينة حاسب لهم خطواتهم خوفا عليهم من القيل والقال ...
وصل بيتها دق دقة وفتح البيت ضرب فيها ناعسة على كرشها يديها تحت فك وجهها تتضحك بوحدها ماهياش فهاد العالم
شاكر : ( بنبرة عالية) ماااتسمعيش نتي؟
تسنيم: ( تفعفعات ) والله اخويا ماسمعت ( سدات البيسي واقفة فوق السرير )
شاكر: ( آشار ليها تجي ) زيدي قدامي ، كلهم لتحت جالسين ونتي محشية اتفرعي عينيك
تسنيم: ( تتحشي رجليها فصندالة حلفت لادخلت هزاتها فيديها هابطه تدردك حتى دخلت عندهم تتغزز فاصبعها ) بقاو تعلمو شوية الله يرحم الوالدين واش خويا شاكر جا و ماتعلموش
فاطمة : راه عيقتي آبنتي بداك الافلام ! راه رجلين لي يطلعو الفوق والو عندك
تسنيم: (هزت يديها تتكسل نطقت امي بلغة كورية ) اومَّاه ! اش نجلس ندير؟
الحاجة ايطو: نوضي سيقي الجردة ! يضربك الهوا ، شوفي خواتاتك
تسنيم: ونوكل الدجاج و ارنب ! ( شافت البنات داخلين ) وهادو يجلسو يشربو آتاي
_دخلو البنات حاطين صينية اتاي و شوفتهم لتسنيم تتفرحهم، طارت علييها اسمهان ببوسة قوية حتى صرخت
تسنيم: ( بغضب تتمسح حنكها ) آااا بعدي مني ازبل
فاطمة : آحشمو شوي اتسنيم
.اسمهان : ياكي لمك ؟ ما تسلميش عليا وانا توحشتك
تسنيم : راها قلت السلام ! مالي عاد حطاتني الطيارة؟
اسراء : قطعتي الكصة ثاني؟
تسنيم: ( ببرود تتغزز ضفارها اشارت لها ) بغيت نقول لك بنت خالتي بالكورية ونسيت ولكن نقول لك نونة ( اختي بالكورية ) اوا آ نونة دخلي سوق راسك ، تنمشطو حتى المشيط بقى ليا غير الكصة
_آخر العنقود ! تتعرف جدها و جداتها و خوها شاكر ! هم اعز الناس عندها ، فاهمة وعارفة ان عائلتها الصغيرة هي الام فاطمة و الاب حسن شرايبي والاخ ياسين و الاخوات فداء و اسمهان لكن للقلب ختيار اخر
فداء: راه درت لك دوموند النظاظر لي بغيتي
تسنيم : ( بفرحة ) بصح اختي؟
اسمهان: ياك اختي؟ غادة مع الجهة الرابحة ؟
تسنيم: تاترجعي مهندسة و نمشي مع جهتك! نتي داك نهار غوتي عليا على صاك هزيتو ليك
.اسمهان: انا قيسيني فعيني ماتقيسينيش فحوايجي
خدوج: ( هاتفها تيرن برقم جديد ) شوفي آ اسراء هاد النمرة ابنتي
أسراء : ( تحقق فالرقم) غير نمرة اورانج ! نتي لي صونا جاوبي مالك ياكلوك ؟
خدوج : مابغيت صداع ابنتي !
اسمهان: لي مرضك اخالتي اري نبلوكيه ليك ولا بدلي النمرة
إسراء : بداي بنمرة بًّا ، اما النمرة عندها قديمة علاش تبدلها
الحاجة ايطو: انعلو الشطيان !
إسراء : الشطيان هو بنادم ا حنّا ! عمرني نسى ولا نسى نهار بغيت نقرا لانفيغميغ شنو سمعني
فاطمة: ( تنهدت بحرقة حتى شافو فيها بناتها ) ياااا إسراء واش بغيتي امك تشرك شواري ؟
اسراء : تشركو اخالتي ! آويلي سيد موظف فالجماعة تيضرب القليلة تمنالاف درهم ( تتشير راسها ) نهار بغيت نقرا آنفيغميغ سمع ماما لي عمرها سمعاتو وانا اكثر
خدوج: ( ناضت مابقات قادة تسمع ) انا نشوف شاكر اش يشرب !
_إسراء تبعاتها بعينيها الدموع قربو ينزلو لها و البيت عمو الصمت و رجعت بيها الذاكرة للوراء تتفكر نهار سقطت فالباك مابغاتش تكمل القراية و ختارت تقرا التمريض خصوصي
🔙🔙🔙
اسراء : ( بجنون وغضب ) دبا غير كولي ليا شنو قالك !
خدوج: ( بنبرة منكسرة ) يكول لي بغى ! نوضي نمشيو عند خالتك
إسراء : ( جلست تتشوف فالارض حتى دخل عندهم مخنزر هزت عينيها متبعاه بنظرة كر_ه) الصمت
مٌولود : ( بلهجة شديدة هاز صبعو بتحذير محرك راسو ) ماتسنايش مني نخلص عليك الف درهم وصرف فديك ليكول ، سيري للهلال الاحمر بشي ميات درهم للشهر منك من الناس ، نقدر نخلصها( قلب شفايفو بتهكم ) نقدر
اسراء : ( وذنيها تيسوطو من كلامو ) كن غير ما عندكش نقولو ! ولكن راه عندك ابَّا ، فين جاتك الف درهم؟
مولود : ( جلس تيلبس صباطو ) جاتني ! ويكونو كاع عندي مانخسرهمش عليك فالخوا الخاوي ! الباك ماجبتيه و باغة تقراي بالفلوس ؟ سيري عند اليعقوبي بناصر يحطهم عليك راه غير داك خالك تيضربهم صحاح
إسراء : علاه بناصر عطاني ليك مع خدوج؟ راني بنتك واجب عليك تصرف عليا ، وخويا شاكر راه باه هداك لي عطاها لو جات معاه
مولود : ( شعل كارو ) سيري دعيني! داكشي لي درتي لعمتك و حنّاك كملي بيا تاخدي السخط وتهناي
خدوج: هادشي لي قدرك الله تقولو لبنتك ؟
مولود : ابنتك طالعة فالسماء! بنتك خاصها تزوج تزاكل من قدامي، شحال خطبوها مني و مابغاتش ؟ اوا تاكل الخبز بحال البنات المرضيات مابقى عندي فلوس ولا جهد لي نخسرو عليها
_ تتحس داخلها عشرة تيهزوها وعشرة تيحطوها ، رجعت حمرا وذنيها تيسوطو و خدوج شدات فيها تنوضها وهيا تتشوف غير فبّاها ، بصعوبة وغير بالرغيب خرجت معاااها ، غادة فالطريق، خدوج تبكي و إسراء تسب و تخرج لي فقلبها
إسراء: ( تتهضر و تاكد براسها ) سلكوووط ! راجلك؟ بزااااااف عليه الرجلة ، يعرف يخسرهم على الشايطات و يخلص عل الشما_يت بحالو ويجي عندي انا ؟ ويكول ربنا خلقتنا
خدوج: ( تتمسح وجهها ) وووواربي راه نطيح! اسكتي
إسراء : ديك اسكتي! و حشمي و راعي هيااا لي خرجت عليك وباغة تخرجي عليا ! لي تيشد الخلصة صحيحة و يقول لبنتو ماعنديش! سيري سعاي من جدك؟ ماشي تيقلب نجيبها من برا ؟
خدوج: اويلاتي اويلاتي!!
_مسافة الطريق لي ضربو وهما مشادين بالكلام و شمس حارقة تتضرب فيهم حتى وصلو لدار فاطمة هما في الباب و ياسين خارج مع فاطمة
فاطمة: ( قرأتها فوجها ) احٍي ! مالكم ؟
إسراء: ( طرطقت بالبكاء ) الله ياخد فيه الحق ! بقى ليه غير يجري عليا
ياسين: ( عقد حواجبو ) معامن نتي ؟ شكون جرا عليك؟
خدوج : مع باها آياسين! مع باها آولدي
فاطمة: ( اشارت بصبعها ) عاوتااني ؟ صبري آيْلي ! صبر صبر خلاتها حنّاك
ياسين : ( متنهد ) اوا سلاك ! الواليدة انا نخرج الطوموبيل ، دخلو من الباب اخالتي( شاف فإسراء بشفقة ) صافي ماتبكيش
_دخلو جلسو فالدروج ماقدروش يطلعو! اسراء جالسة تبكي و تعاود هضرة باها فوذنها و خدوج غير تتشوف فيها حتى نطقت
خدوج: بغات تقرا داكشي ديال الفرميلة اوا سيد قالك مايكساب مايرزاق
فاطمة: علاه هما فين عمر كان عندهم ؟ زيديه على حسن ! هضري لهم فكولشي الا الفلوس
أسراء : غير حنا اخالتي لي بواتنا عندهم وماعندهم ! اما الناس اخرين راه هازين أولادهم بالقليل ولا بالكثير
فاطمة : ( تتمسح لها وجها من دموع تعنقها ) اسكتي ابنتي ! ماتبكيش تفقصي راسك ، شوفي امك كي ولات ، حاولو عليها
اسراء : ( تنخصص هازة راسها فيها تتهضر بيديها ) لا انا كرهت اخالتي ؟ انا قراية مانزيدش نقرا ، دماغ مابقاش ليا نعاود الباك، بغيت نقرا لانفغميغ نشد ديبلومي نخرج نخدم
خدوج: ( حطت يديها على ذراعها مهبطاها حتى تحسست دمليج ذهب وسلتاتو عاطياه لفاطمة ) دوزي اختي معايا نشوف شحال بيجيب ليا
فاطمة: ( غمضت عيونها بكسرة خاطر مرجعاه لها ) شدي عليا اخدوج!
خدوج: شوفي راه زهري عارفاه! عمرني نفرح بهاد الذهب ! اللهما نحيدو عليا
ياسين: ( رجع داخل ) شنو الواليدة نمشيو ولا من بعد؟
فاطمة : ( غير تتشوف بآسف ) سير آولدي سير ! وقول لعمتك امي حتى للعشية وتجي
خدوج: غير سيري اختي ! ( مدت لها دمليج ) داكشي لي جاب اختي سلكيه ( شافت اسراء ) زيدي قدامي نشدو طاكسي لخنيفرة
ياسين: اتبعو حنّا ؟ يلاه نوصل الواليدة ونزيد معاكم حتى لتما ،نشوف حْنّا
خدوج: بلاش عليك آولدي ، طريق طويلة
فاطمة: غير خليه ! راه تسنيم نسات دواها و شاكر مسافر اوا بَّا راكي عارفاه مع صوكان مابقاش يقد ..
🔚🔚🔚🔚
_وصول المسافر على خير راحة لأهل البيت ! دخلت السيارة للفيلا، تسنيم خارجة تتجري بفرحة للقاء الحاج ، و حمزة تيسد الباب الكبير منين دخلت السيارة و ياسين نازل يفتح باب السيارة للحاج و مبتسم لتسنيم لي تينادي عليها بإسم مختصر تِيني
ياسين : ( فتح الباب للحاج ) تيني اجي بوسي خوك !!!
تسنيم: ( عينيها تيخرجو القلوبة ) حْنييييني توحشتك ( قلبت عينيها على ياسين )
الحاج بناصر: ( ذرعها بحب ) يااا النْمسة
ياسين : ( فتح باب الكوفر مسلم على حمزة باليد ) هز هادشي دخلو لداخل هز ، بقى الحاج الرملة ماجابهاش
حمزة : ( تيهز ويحط ) كي درتو مع الطريق؟
ياسين : ( سد الكوفر ) كن عندي الضريرات نصبر لهم ولا الحاج ، سوطى ليا العروقة ديال الراس!!
_دخلو هازين الصيكان و اصوات الترحيب و الضحك تتعالى ، عمرهم فحياتهم شافو الحاج و الحاجة تسالمو باليد او بالوجه من غير السلام بالقول بل تكفي نظرة من كل واحد فيهم هي بألف قبلة و تحية وهدا هو الحب الخالص و العشرة بالنية ! كلهم سلمو على الحاج مقبلن ليه يديه لا بناتو لا احفادو و جلسو مجمعين مع بعضياتهم منضم ليهم شاكر و بداو يمسحو الطبلة للعشا و البنات نايضين يساعدو خدوج و الحاجة اما فاطمة ديما مجمعة مع اباها وخوتها، من غير تسنيم لي جالسة ماتهز كاس ماتحط طبسيل
الحاج بناصر: اوا مابغاش يشد مني الريال!!
فاطمة: اوا شي باس ماكان آبَّا ، بنادم لي يكون قنوع و عاقل على الخير هكا داير !!
ياسين : ( متكي على الحيط تيشوف فالتلفزة جنبو حمزة بسيف تيحل عينيه ) صمت
فاطمة: ( حطت يديها على فخدو بضربة خفيفة ) اوا ولدي !! كي دوزتي السفر ؟؟؟
الحاج بناصر: ( سبقو فالجواب ) هاد الكلب عندك معكس ، صوكان والو زيرو
_ياسين ضحك بجنب هو و حمزة دايرين راسهم متبعين التلفازة و هما ما عارفين حتى شنو تيذاع ! تكلمو على السفر و على مرزوكة و شاكر غير تيسمع و مرة مرة يشوف فالتلفون حتى تحط العشا عطاو للرجال مع فاطمة بوحدهم و الحاجة و البنات مع خدوج بوحدهم عاطينها للضحك مرة يشدو فاسمهان مرة يشدو فإسراء و خصايلهم فالصغر ، كملو العشا و حطو الديسير و طلعو لبيوتهم الفوق يكملو القصارة ويشوفو شنو جاب لهم الحاج من صحرا و بقاو الرجال فالصالون مع فاطمة و ياسين و الحاج و شاكر فقط
الحاج بناصر: كي كانت الخدمة اشاكر ؟؟
شاكر : الخدمة راها غادة الحاج ! ( مسح نيفو ) غدا دوز معايا تسني شي وراق !!!
الحاج بناصر: اينا وراق ؟ طلعتي للرباط تابع ديك الارض ؟
شاكر : ( طول هضرة ) الحاااااااج ! واش نوقفو فبلاصتنا ؟ راه الفلوس تتجيب الفلوس!!
الحاج بناصر: الفلوس تتجيب الضريبة اسي ( وقف تيحيد فالساعة ) وانت ( اشار لياسين ) عامين و نتا مضرك وجهك فديك اسبانيا جايب ليا ديبلوم ماتنوضش تخدم بيه؟
_ياسين وقف تيسوط وفاطمة رمقاتو بنظرة تتعني عرف اش تتخرج على فمك ،رجع حاني راسو خارج شاد فجنبو وفاطمة تابعاه للباب و شاكر غير تيشوف فيه مخلي الحاج تيسخط
فاطمة: آولدي ااا ياسين
ياسين : ( هز حواجبو بتعب ) الواليدة ! واش الحاج مالقى معاه سلاك حتى شاكر و نجي لقاه انا؟
فاطمة: وصلتي للعمر لي خاصك تخدم! الشركة جدك تيخدم فيها غير البراني ، وانت ما شاد حتى طريق!!! لا القهوة لي عندنا باغي تشدها ؟ اوا دير حل آولدي
ياسين : لي سمعك الواليدة يكول هاد ياسين ! راه هو ولد حليمة مرات عمي ولا داك المسخوط ديال ولد عمتي ؟ مابغاش يخدم مابغى يردم ( تيهز فيديه بشرح ) شركة الحاج ! ( كتب بصبعو فالهواء ) راه ديال بنااصر اليعقوبي وانا ياسين شراااااايبي و خوك شاكر ماغاديش نتفاهمو انا وياه ! وزيد الواليدة ديك القهوة لي عندنا!!! راه يلاه تتخلص مصاريفها واش القهوة لي فيها السرباي هو نفسو جيغون ونفسو سرباي و نفسو غسال الماعن تيدير الخدمة فخمسة فقهوة وحدة، هادي قهوة ؟؟
فاطمة: صبر باك يشد لانتريت آولدي !
ياسين : هانتي الواليدة تتبقاي ديري ليا بحال الدري الصغير ، هاد ابَّا شحال باش دفع طلب لا غوطغيط ؟ ست شهور؟ شكون جاب لنا الاخبار؟ غير داك لانجنيوغ باين صاحبي لي وصل ليا تنقنيقة ورجعنا نسايسو معاه كيفاش نوصلو ليه راه فراسنا الاخبار باش سي الشرايبي يكون آليز ؟ وتتكولي ليا فلوس لا غوطخيط ؟ اااااه راه خاصنا معاكم البنج باش ندوز هاد البلانات
فاطمة: ااايه فلوس لا غوطخيط ! مالو عندو اولاد اخرين من غيركم ؟ ولا مراة اخرى؟ فلوس لانترنيت بيها تصلح القهوة و نبني ليك طروازيام فاش تزوج و نشوف مشروع آخر ليك
ياسين: الواليدة الأحلام راه فابور ! حلمي مع راسك ، انا ( شاار نفسو ) ولد اللحظة ولد الكلمة ولد ( بعلامة باصابعه تدل على النقود ) ولد الكااش ! ياك تريكة بَّا حيدي غير عمتي لي فالصحراء وعمتي لي ماتت ! شكون فيهم وقف معانا بريال واحد نهار كان هاد ولدهم الشرايبي يخرج على راسو وعلينا؟
فاطمة: تتبقى عائلة باك ! عمرني نسد فوجهم الباب، غير هادي تلتيام تلاقيت مرات عمك مع ولدها عثمان هز لها الكارط كيشي خسر لها الحصيصة كلها
ياسين: ( ربع يديه مدور وجهو ) الالة سدي عليهم وتبراي فيهم ! داك عثمان !! انا لي تيتقهوا معايا ويعاود ليا ، عمي هو و مراتو ما يسواوش بصلة ،تيضربو حجرة يصحاب لهم ريال، راه عثمان قالي آخويا ياسين عمرك شفتي اتاي يشيط ويدار فالقرعة ويرجع للثلاجة ؟ ( شافت فيه حاطة يديها على فمها ) اوا ديك مرات عمي تديرها ! ( بنبرة ساخطة ) تريكة الحصيرة و البوطة الصغيرة و الصابو فالباب
فاطمة : آولدي كلها آش عطاه الله ! ( تكلمت بنبرة منخفضة ) باك آولدي راه لي جابو نهار يديه ليل
ياسين: ( شد بين عينيه بقوة العصب ) الواليدة شتي راه نبات انا وياك حتى لصباح هْرْي هري مانوصلو حتى حل ! لي درتوه راه درتوه نتوما ماخليتو ليا فين نخدم من لاخر ، و بَّا راه ماشي اليوم انعرفو ؟ راه من زمان يا رحمان لي جابو نهار يديه ليل، راه تنتفكر لافيغ شنو فيها تما عرفت الواليد راه كن ماكنتي نتي ! كن راه من تريكة اليوم كْصعة وغدا يسعى
_لحظة صمت عمت بينهم هما الإثنين ! تفكرت فاطمة نهار اليوم الأسود لي واجها بيه حسن فلوقيتة لي كانو فأوج بناء الدار الحالية
🔙🔙🔙🔙
_معمل الإسمنت لي خدام فيه حسن الشرايبي مسير من طرف الفرنسيين، كما سبق وشرت ان العمال و عائلاتهم متمتعين بحقوق متميزة ! مثل النقل المدرسي للأولاد و المسبح و قاعة الرياضة و المخيمات و اللعب فراس السنة مع علب شكلاط و السكن المجاني بمجمعات خاصة للعمال ! لكن مع الوقت وزيادة العمال المعمل خصص بقع ارضية للعمال بثمن رمزي و مواد البناء بثمن منخفض ما على العمال سوا البناء لهذا الحي القاطن بيه الشرايبي خاص بعمال الإسمنت و يعتبر حي راقي ...لكن رغم هاد التسهيلات كان لحسن نظر آخر
***قبل عشرون عام
فاطمة: ( تتوكل اسمهان) واش هبلتي الراجل؟ كفاش تبيع ؟
حسن : ( شعل كارو على خاطرو ) الالة لمن نبني انا هاد الدار فيها كثر من مية وخمسين متر ؟ واربعة الفرصادات ؟ انا برطمة براكة عليا نبيع وناخدو برطمة
فاطمة: ( تتحس الارض مشات وجات بيها تتطلع النفس بشوية ) فدااااااء ( تتغمض عينيها بشوية )
فداء: ( بالكرينات جاية تتجري ) آماما شنو
فاطمة: ( تتشير بيديها ) دي ختك! ديها
_البنات كانو صغار و ساكنين فدار لولى خاصة بالعمال ! الفراش ماكان فراش، و الدار ماكانت دار، قضي وعدي ،ونهار عرفت لوزين عطاهم الارض و كانت القرعة وطلعت لهم بلاصة بأربعة فرصدات وعلى الشاريع بجنب البلدية انذاك لي كانت يلاه تتبنى و البوسطى و المدرسة يعني مكان تجاري بإمتياز ! فرحت و فرحت العائلة ، و بداو لبلان و قررو يكون ريد شوسي فيه قهوة وكراجات كبار و من الجهة الأخرى و يطلعو اول طابق...
فاطمة : ( هدنت نفسها اقصى درجة ) شوف احسن الدار ! هيا لي ماتبااعش
حسن: وااامنين نجيب فلوس البني ؟ خلاص مدرسة الدراري! و المصاريف و بَّا خاصو عملية القلب و خوتي كلها منين تيجبد ، نتي باغة قهوة و ماكازات(هز يدو بسخط) راه بزاف
فاطمة: ياسين تيقريه بَّا ! وعلى البنات يجلسو من لبريفي ، انا باغة نبني دار لأولادي، اسيدي على قهوة و الماكازات ؟ خليهم بالياجور و هبط الريدو طلع الفوقي نسكن فيه بالياجورو
حسن : ( بنبرة عالية ) اناااا باغي نبيع ! شغلي هداك ( هز كتفو ميل شفايفو لتحت ) هاد البني وقوة الخدامة وها لبلومبي ها تريسيان ها مول الجبص بزاااف !
فاطمة: ( حققت فيه الشوفة ) اجيني من لاخر! تدق على بَّا يبني ليك ؟
حسن : على مال مولود ولد خوه عرف يعاونو ! وانا دار عليا عين ميكا؟ ولا انا ماشي زَياني بحالهم ؟
فاطمة: بَّا راه شد فلوسو بلا ربح من مولود ! الا غير بناصر الزياني راه نيشان نيشان!
حسن : انا باغي نبيع
_ياسين آنداك كان فسن المراهقة! معظم الوقت عند دار الحاج ، نفس النهار لي حسن قال كلامو! فاطمة هزت بناتها وجاية وجها صفر ، حطت البنات لخدوج لي كانت تما جالسة و طلعت عند باها لكرااج منين بدا الحاج المشروع و معاها ياسين ! كان كراج فيه سلعة البناء و جوج خدامة وشاكر لي شاد لاكيس انداك و الحساب معاه و كاميون صغير و بيكوب جلست امامو مقهورة تتعاود بحرقة و شاكر و ياسين تيسمعو
الحاج بناصر: ( بتنهيدة ) آآآآآآه ( ضرب يديه مع لبيرو ) بن الكلب لاخر! باغي يبيع رزق اولادو ؟؟!
فاطمة: الارض ابا تعطات لينا بنص الثمن و عاونوهم فالبني اش بغى مزال ؟
الحاج : بغاها باردة! ( سكت للحظة تيفكر و يقلبها ) ياك باغي غير باش يبني ؟
شاكر : شكون ضمن لك الحاج يبني ومايعاودش يبيع ؟
الحاج: الضامن الله( شاف فياسين غير تيشوف فامو) ضامن الله آمْمِّي ! يعلم الله شكون لاعب ليه فعقلو
ياسين: ( حنى راسو تيشوف فالأرض ) صمت
فاطمة : قلبي تيتحرق على أولادي آبَّا ! رزق أولادي!!
الحاج بناصر: جنس قصيف ! مايراعي مايخاف، الحل لي عندي ابنتي هو نشري منو لقهوى ليك ، راه تقدو يكمل البني
فاطمة: غير كتبها ابَّا بسميتك ! انا وياك واحد ، منها نيت يعرف راه الزايد معاه
الحاج بناصر: ( حرك راسو بسلب ) راجلك ابنتي ذيب ! ونسى ايام زلط لي داز عليكم ونسى الفلوس لي عطينا عليه باش يترسم ، كن فيه الخير؟ يتقى الله فاولادو
فاطمة: ( طاحو دموعها ) ابا حْنيني راه لي خالعني مايحبسش هنا ! ماااا يتسالاش هادشي !!!
الحاج بناصر: خلي اولادك عند الحاجة وخودي شاكر وولدك فيديك الا قبل يكتب ليك بيع وشراء( اكد لها باصبعو ) بيع وشراء فحدود خمسطاش المليون ! كتبي معاه من هنا مايدوزو سنين تكون الدنيا تما تبدلت و خمسطاش مليون رجعت بستين مليون ، دار عقلو راه القهوة قهوة اولادك و رزقهم! مادارش عقلو راه شغلي عارفو معاه
شاكر: ( تمعن فكلام الحاج وفهم لي فهم ) صمت
_هكدا الحاج دخل ونقذ الكارثة لي تحصل ! لكن الشرايبي قالهم خمسطاش ممسلكاش ، حطو ليا عشرين مليون! رجعو جمعو من هنا و باعو شي ذهب ديال الحاجة من لهيه و شراو لبنتهم حقها من زوجها ! و طلعت الدار و مرت سنين وكبرو لولاد وخدمت القهوة لكن كان حسن غير مكثرت بالقهوة بحجة راها ديالك اش ربح فيها؟؟
🔚🔚🔚🔚
ياسين: طلعي امي عيطي ليا لفداء تعطيني سوارت الطموبيل ، راه تنتفكر هادشي تنمرض ! خلي بلان الكراجات بوحدو
فاطمة: (تتحاول تهديه)خليه يشد فلوس التقاعد ونشوفو مع شاكر يرجعهم لينا آولدي!
ياسين: سوقك هداك الواليدة نتي و خوك..( تينادي على تسنيم شافها خارجة ) تِيني
تسنيم: ( وقفت من بعيد تتكلم ) شنوو؟؟؟
ياسين: طلعي كولي لفداء تعطيك سورات طموبيل ديالي
تسنيم : واخا ...
_طلعت تتجري عندهم البيت دفعت لباب بلا مادق كلهم تهزو بقفزة
تسنيم: ( بالكورية تتعني اختي بالجمع ) اونياااات اااش تتصنعو ؟
اسراء : دقي الزمر فالباب طيرتيها مني
تسنيم: (خيبت سيفتها فيها و دارت يديها على خصرها محولة نظرها لفداء) آري نتي سورات طموبيل بغاهم ياسين
فداء: كوليه راه سوارات بقاو فدار !
تسنيم : ( ساطت بحنق ) شتي على عائلة كي دايرة ؟ العفوووو ( نزلت تتجري عندو تتهضر هيا جاية ) قالت لك راهم فدار
ياسين : ( مد لها يديه تشد فيه وجرها حاضها قدامو تتضرب بيه فكرشو ) ما تسلميش نتي ؟
فاطمة: ( تتضحك وهيا تتشوف فيها ) بعد غدا لقراية انشاء الله
تسنيم: ( تتجر تفك من ياسين ) واااطلق مني وهضر ( زاد زير عليها ) وماما هضري مع ولدك
ياسين: ( باسها بقوة فحنكها حتى ضرها بدات تغوت ) موااااح
تسنيم: وعوج ليا حنكي واااااا طلق مني تفوووو
فاطمة: اطلق منها راها على سبة
ياسين: ( بضحكة تقيلة ) اعقلي فيها! اجي نعطيك كاضوك
تسنيم: ( شادة فحنكها تتمسدو ) لاء ! ( شافت فماماها ) قالت لك حْنّا عطي ياسين العشا كريم و حمادنة
_هكدا كانت نهاية رحلة ياسين مع الحاج! هز صاكو على ظهرو و سوارت فجيبو و العشا فيديه خارج من الفيلا! كل ركن فافيلا عندو فيه ذكرياات ! شهد على بزاف و بزاف! فرح وقرح ، حتى من للحي للعب فيه و جلس فيه مع دراري فصغرو ، بين حي الحاج بناصر و حي شرايبي هو شاريع الكبير تيمتد من منزل شرايبي حتى جهة دار خدوج بطول! مع دورة وقف فالحانوت لقى حمادنة معلق راسو فالسقف و كريم جالس جنبو تيطبل
كريم : اللي مشا ماجا...
ياسين : نوض شد العشا تجيك فراس
كريم: ( بفرحة ناض شاد العشا ) على سلامة سي شرايبي ياسين
حمادنة : تبرونزيتي مع راسك الزعر
ياسين: ارا واحد كوكا الله يعفو عليكم من تبركيك لانت لاهاد معيكو لي معاك
حمادنة: وكي دير لها ؟ لحانوت فوسط شاريع الغادي جاي عليك و الغادي جاي عليك( جلس مع كريم ياكلو ) مشكلة صافي
ياسين: ( آشار بيديه ) ارانا اصاحبي كوكا ونت شفتي ربيع ماشفتي الحافة
حمادنة : ( فتح ثلاجة عطاه كوكا ) الله يخلف على امي الحاجة وصافي
ياسين: ( شد كوكا وحط كارو فمو غادي للدار ) وغير كرو بيه ..
_ماكاينش فالحي لي ماتعيرفش ياسين شرايبي ولد حسن شرايبي حفيد الحاج بناصر اليعقوبي، متميز بين الدراري ، ماهو متكبر ماهو متواضع داكشي مزاجي عندو ، مايجبدش الصداع ولكن لي قلب عليه يلقاه ! مفشش وفنفس الوقت فاهم الدنيا فين غادية ،خليط بين ابن الأغنياء و تعامل اولاد شعب ...قاطع الشاريع متجه للدار و تيشوف فالقهوة نفس السرباي تيجمع الكراسة ،دور وجهو داخل من باب الجردة فاتح الباب داخل للدار ديريكت طالع للطابق الثاني لغرفتو لي جاية فالطرف فيها بالكو ! شغل موسيقى تيشرب الموناضا ودخل للدوش مخلي الباب مفتوح وتيحس بعرق تيضرب فراسو , كل مرة يغمض عينيه و تيتصنت لداك العرق تيضرب حتى خرج لاوي فوطة عليه جهة خصرو حيدها و لبس تحتها بوكسر و سروال دجين عاري من الفوق شاعل كارو تيشرب كوكا و عقلو تيدي و يجيب مرجع كلام امو على الكاراجات و تفكر نهار اباه ضرب ليه من جديد كولشي فزيرو ...
🔙🔙🔙
فاطمة: ( تترعد بالفقصة ) اويلي وحدي آويلي يخرج علينا اويلي
فداء : ( نازلة تتجري ) مامااااا مااامااات
فاطمة: ( شدات يديها فراسها ) اش واقع ؟
فداء : تسنيم تلفااات جا خويا شاكر تيسول فالباب
فاطمة: ( تتحس لقلبها تيضرب تيضرب ) صااافي قتلوني و تهناو ! ماحيلتي للراجل لي يخرج على راسو... ماحيلتي لخوك لطيارتو ليل ماحيلتي البنت فين تلفت ..
_كانت فاطمة فداك الوقت من زمن هازة مسؤولية كثيرة ! البنات وقرايتهم و تربيتهم لي بداو يكبرو و ياسين لي امامو دراسة فالخاريج و معاناتها مع كريم لي ربات آنذاك و الكثير من المشاكل شبه يومية ! ماعقلاتش كي دارت حتى وصلت للفيلا كان الباب مفتوح و فداء معاها داخلة جلست فكرسي كان فشجرة وحمزة تيسمع صوت بكاه
فاطمة: طيري شوفي هداك مالو وشوفي شكون الداخل راه الركابي والو
فداء : ( تتطل عليه كان فالدروج جالس ) حمزة اجي مالك تتبكي ؟ شكون كاين الداخل
حمزة: ( هز راسو الفوق تيمسح الدموع ) مانعرفت ( ناض جاي سمع خالتو تتنادي عليه ) نعام
فاطمة : شكون ضربك ؟
حمزة : ضربني خويا شاكر ! ( بزعاف ) آخالتي انا ما تلفتش تسنيم هيا لي خرجت
فاطمة: ( حلقها شحف ) زيد نقلبو عليها زيد وريني فين كنتو تتلعبو
_الحاج و الحاجة كانو فالعمرة آنداك ، و خدوج فخنيفرة معاااها اسراء و اسمهان ، والوقت لي تسنيم فالفيلا مع خوالها شاكر و تيجاني وفاطمة مشات تقضي شي شغل البنت قالو تلفات ، خرجت جارة حمزة و خلات فداء ، هيا فالدورة و حمادنة فالدورة
حمادنة: خالتي فاطمة تسنيم لقاوها
فاطمة: فين آولدي لقاوها؟ مشيت لدار حاج مالقيت احد فخوتي
حمادنة: راه لقاها صاحب ياسين جاراها شي امرأة و شدها تما نيت
فاطمة: ( ضربت فحنكها ) آميمتي على بنتي !!
_ جرت حمزة لي غير تيبكي ماشي خوف علي تسنيم لكن خوف من شاكر ، رجعت من جديد للفيلا من دخلة غير شافها تيجاني دا لها كرسي و الما
تيجاني: جلسي اختي! راه لقاوها
حمادنة: ياك هانية الامور؟!
تيجاني: يحفظك اودي احمادنة راه جاية مع شاكر تالفنا غير فالطريق
تيجاني البنت صغيرة! ( دوز يديه على راس حمزة ) ماتبكيش اخالي ماتبكيش
حمزة: انا ماتلفتهاش ( سمع الباب تحل وشاكر داخل هازها عندو وهيا تتبكي ) هاهو جااا
شاكر: ( حطها لفاطمة ) البنت راه كانت مشات آفاطمة ختي
فاطمة: ( عنقاتها تتبكي ) آميمتي على بنتي( جات فداء تتبوسها ) فين لقيتوها
شاكر: ( حط يدو على فمو ) انا هاد ساعة تسالات ليا الهضرة
_دخلو للداخل و شاكر شد قرعة الما هبط عليها و فاطمة خرجت عند جارات حاجة تيسولو على تسنيم و حمزة شاد فجلايل فاطمة خايف من شاكر
شاكر : ( بنظرة غاضبة و نبرة عالية ) آدوي فين مشيتي؟
_تتشتهق بالبكا و خناينها دايزين مخبعة مور تيجاني جالس فوق سداري هو مدور يديه على رجليها
تسنيم: القطة ( بدات تبكي وتنوح ) قطيطة ديالي
شاكر : ( تيقرب لها و يذرعها عندو ) والله ونعاود نلقاك حليتي الباب و خرجتي للزنقة نطير لك شنايفك
تيجاني: صافي بعد منها اشاكر
_شاكر تيشوف فيها بخوف عليها ! كانت فهاد الوقت مزالة صغيرة شعرها كيرلي واحمر بلون الحنة مطلوق مخبع وجهها ،لابسة كسيوة مع ليبة بيضا و بانطوفة لي رجعت حالة بالتراب ، للحظة لي تيفكر كن زادت بيها ديك المراة و ما شافوهاش تيشدو صعر !
شاكر : ( تنهد بقوة ) بنادم قاطع يديه من اليد الرحمة
تيجاني: ( جلسها عندو تيجمع لها شعرها تيتلكم بدفئ معها ) فين كنتي غادة؟
تسنيم : ( تتنخصص ) دبا القطة ديالي ! هربو لها اولادها و مشيت نقلب عليهم
تيجاني: اجي قوليها ليا ! ولا قوليها لخوك شاكر ولا ياسين فاش يجي ، ماتخرجيش بوحدك يديك شي احد
تسنيم : ( تتسمع ليه وتعض شفايفها ) المراة ! قالت ليا نديك عند ماماك ( تتنفس بصعوبة تكمل كلامها ) قلت لها انا عندي غير حْنّا
شاكر : عرفتي كن داتك اش دير ليك؟ كانت ذب_حك
تسنيم: (، تخشات فحضن تيجاني ) نعاودش نخرج نعاودش
شاكر: لا غير عاودي ! ( وقف خارج )
فداء : اجي عندي
تسنيم: واش نتي بعدا تتسكني معانا ؟ بعدي مني كاع
تيجاني: شكون تيسكن معااك ؟
تسنيم: حْنيني وحنّا و حمزة وخويا
تيجاني: و انا ؟!
تسنيم: وانت تتمشي تقرا ! ولكن انت ( تتشوف فيه ) انت عزيز عليا
تيجاني: ( قبلها فراسها ) الفريكيسة الفلوسة على شوية يشفروك لينا
تسنيم : و قطاتي ؟
تيجاني: دبا تجي عندك راسها !
_اغلبية الأطفال فالصغر لي ماتلف راسو تيتلفوه صحابو! و تسنيم تلفاتها قطتها، بقات تابعاها حتى لقات راسها بعدت على الدار، اللحظة لي كان خارج شاكر وقفاتو فاطمة تهضر معاه ..
شاكر : اختي هاد الراجل عندك ماتيعياش ؟ ماااتيشوف لا لولادو ولا لحياتو ؟
فاطمة: اخويا راه إلى ما مت فهادي عمرني نموت ! إلى دازت عليا هادي مابقى يخلعني والو ، راه يخرج ليا على مستقبل اولادي ! راه فيها الحبس اخويا و لا حبس الخدمة مشات و أنا مزال ماقريت اولادي مازال ماوصلتهم فين بغاو ، هاا الولد يمشي يكمل فإسبانيا وخاصو مصاريف و فداء و اسمهان عندي تيقراو تبارك الله خاصهم معاونة ، إلى جراو عليه من الخدمة اش ندير ؟
شاكر: ( دوز يديه على وجهو ) الله يدير الخير ! شوفي اختي لي مسلكك وانا معاك ، فين هو بعدا ؟
فاطمة: ماخليتش ليه فالتلفون اخويا! ماخليت غير لي نسيت، راه ففاس عند امو
شاكر : شحال دبا ديال شيكات عليه ؟ شكون هاد خوتنا لي مسلف منهم
فاطمة: حاشا وجهك واحد لبارميطة ! هادي هي خدمتهم لكريدي بالمتريس ، مسلف منهم ربعة المليون راجعة ليه ب جوج ونص
شاكر : دبا هدا راجل ؟ ( تايهز فيديه ) اااه !؟ الخلصة تتوصل ليه مليون الفرنك و مزال تيقلب على الخلا ؟ ولدو راه رجع فالطولة ديالو يحشم غير على عرضو شوية ،من هادشي كامل هاد الفلوس فين تتخسر؟
_فاطمة تتحس براسها تيدور! اي كلام تيتقال ليها حاليا ماتيدخلش لراسها ولا قادرة تحللو ! تتشوف حاجة وحدة ان مستقبل اولادها يمشي ! لحد الآن تتفكر لي وقع الصباح تتبغي تشق الارض و تبلعها
🔙🔙🔙
نازلة فالدروج سمعت الصونيت الحلة لي تحل للباب ضربت فجوج عيالات لابسين الجلالب معاهم راجل ! بنظرة خاطفة عليهم ركزت على الوسطانية كانها متزعمة الفريق
فاطمة: سلام
المراة : سلام لالة فاطمة
_شافت يمين و يسار كانها تتشوف الجيران لكن سكنة فاطمة كانت بين دار ودار جردة، تكلمت بنبرة هادئة مصطنعة الصواب ، ملامحها تتبين انها شالوطية ججبان خيط و الشعر فيه جوج زغبات طالقاهم و الفم محول للون زرق بالكارو
فاطمة: عليكم السلام ورحمة الله! نعام الالة
المراة : لالة ولاللاك بنت النبي! مادقيت عليك فقعر دارك حتى شرايبي سد علينا جميع البيبان
فاطمة : ( تتحس بوذنيها تيسوطو ) الله الالة اش هاد الكلام
المراة : ( بنظرة اسف ) شحال من راجل مالقى مرأة و شحال من مرأة مالقات راجل ، وجهك ماشي ديال العيب ، راجلك ابنت الخير مسلف منا ربعة المليون! ( هزات جوج اصابع مع الكلام ) زيدي عليها جوج اخرين و نص هيا ستة المالاين ، ياااا يحضرهم ليا و مريضنا ماعندو باس ،( هزت صبعها بأمر ) يااااا الشيكات لي بسميتو يدفعو و يدخل للحبيبيس ، راجلك كلا الغلة و سب الملة
فاطمة: ( شدت فحرف الباب تتحس الأرض مشات وجات ) صمت
المراة : ( ضربت فصدرها ) او سمحي لنا على هاد المجية اما وجهك ( ضربت يد فيد ) ماديالت وجهو
فاطمة : ( تتنفس بسرعة ) الله اختي! رميتي ليا جمر فحجري وغادة ؟ وريني نشوف الشيكات
المراة: قارية بنت سيدي
فاطمة حركت راسها باه ! المراة لي بجنبها فتحت الصاك جابدة برية صفرا بحال وجهم و الراجل تكلضم و عرض الكتاف محاولة منهم يخلعوها ، شدت ثلاثة الشيكات و عطاتها واحد تقراه و فاطمة غير قراتو وذنيها بداو يسوطو ورجعاتو ليها
فاطمة: آش غنقوليك !! إلى غير الموت راها تهنيه
المراة : ( رجعت الشيك للمراة اخرى ) نتي مباركة مسعودة إلى مات ، ضربي الدار و خلصة على قلبك حلالا طيبا ، ولكن الموت تتخير و تشرط
فاطمة: نتي ماجيتي قاصداني حتى عرفتي القضية آش فيها!
المراة : ( هزت يديها فوجهها ) على وجه دوك الصبيان لي عندك ! ولكن رزقي نبغيه عندي اليوم قبل غدا ولا راه يخرج علي خدمتو القليلة يدوز فهاد الشيكات تلث شهور و هيا لي حكم بيها القانون شركات الا فوتها الباب الحباب
🔚🔚🔚🔚
فاطمة : هادا ماكان
شاكر : جلس يدور ! يدور حتى طاح مع القواد_ات !ةختي الحاج راه في العمرة وانا الريال لي نخرجو من عندو راه بالقلم
فاطمة: الحاج بَّا وانا عارفاه، الريال تيعرف فين يحطو ، هز وراقك زيد معايا للعدول نكتب ليك القهوة فسميتك وفك ليا جرة
شاكر : القهوة!!! اشمن ربح عندك ؟ خلي اختي القهوة بسميتك دوزي للكراجات
فاطمة: حتى هدا حل ! نكتب لك واحد فيهم وفك ليا الحريرة ، اما السلف اخويا نقول لك نتسلف ؟ راه نرجع مانسواش بحال راجلي ونصدق واكلاك فرزقك ، ماعندي منين نرجعها ليك
شاكر : عيطي ليه ابعدا يحضر ! راه بسميتو هو الكراجات ،و لكن راه ذيب هداك ما يتكاتبش على ستة المليون و يدير لنا مادار فالقهوة من خمسطاش لعشرين
فاطمة: الكراجات تما جوج ! نكتب لك واحد فيهم ، شحال نقدرو ليهم؟
شاكر: فالسوق ساويين ديك تمنطاش المليون !
فاطمة: وجد ليا غير عشرة والباقي خليه عليا! مابغاش الولد يسيق الاخبار وهو مسافر
شاكر : تتفقصي على الخوا الخاوي اختي! راه تيبقى باه باه
فاطمة : الا باه ! يتبعو فرِيو ، انا هادشي علامن دايراه ؟ على ودو هو و خواتاتو ، مابغيتش اولادي يضيعو ولا يضيعو قرايتهم
شاكر: الولد عندك مجهد ! ومزال ترجعي على كلامي ،هاد الملايين لي حاطة عليه باش يقرا فإسبانيا ايرجع ربنا خلقتنا ،ولدك باغي الواجد
فاطمة: غير يقرا ! غير يقرا ! غير يقرا ...
_التزم شاكر الصمت للحظات ! وطلب منها تحضر حسن و هو مشى للبنك يسحب الفلوس ، كان تما شاكر بدا يحصد أرباح البيع وشرا !! شحال من عائلة خرج عليها رب البيت او الام ، شحال من رب البيت تبع لالة و مالي و تقرقيب سواني و ضيع رزقو و راس مالو و شحال من ام تبعت زواق و قوة الكريديات حتى شتت عائلة ، مع آذان العصر كانت فاطمة مزالة بجلابتها وجها اصفر فيديها وراق الملكية وحسن جنبها كارو مور كارو فانتظار شاكر
فاطمة: انا على اخر آيامي يجيو خانزات ديال الخلا يدقو عليا؟
حسن : مالي كنت مقصر معاهم؟ راه خدمتهم هاديك
فاطمة: جوابك على نابك ، الله ياخد فيك الحق هدا من نقول ، يلاه هادي عشر سنين بيعتينا القهوة
حسن : مالي بعتها للبراني ؟ راها بسميتك و بفلوسها كملتي الدار
فاطمة: دابا عندك ديك الدار راها كاملة ؟ فين فراشها ؟ الكرااجات مزال الياجور و السطح مزال تجي شتا و يقطر عليا، لي شافها من برا يقول هادي هيا الدار! وحنا إلى جات الشتا فينا جا البرد فينا
حسن : ( رمى كارو ) نتي لي بغيتي دار كبيرة! اما برطمة فاتني لهيه
فاطمة: باش تصبح الغد ليه بايعها و اولادي فالزنفة ،الله يدير ليا شي تاويل الخير
حسن : داك الشلح ديال راجل ختك باني ليه فاابور ! و انا جالس كل مرة ياخد مني طرف
_ماجاوباتوش ! آش تجاوب واش تخلي ؟ المراة الطيبة ذات الاصل و المفصل تتصبر حتى الصبر براسو ينتهي ، تصبر على الجوع و البرد و الصهد و قلة شي ،ولكن ولادها ياكلو و يشربو و يلبسو و يقراو ! هدا هدف فاطمة، ياسين و اسمهان و فدااء و تسنيم و كريم يلقاو قبر الحياة يستقرو فيه! حربها الوحيدة كانت هيا حربها مع حسن ، هيا تبني و هو يريب ! هي تخيط و هو يقطع ! هيا تجمع و هو يشتت ! تباعت القهوة وكملت الدار و اليوم يتباع الكراج باش يشد فخدمتو و ربي العالم شنو جايبة الليام و السنين ! لان إلى قطعت الشواري بمصطلحنا العامي و طلبت الطلاق حتى واحد فيهم ماهو فخير، بيساطة يدخل يضرب الحبس و يخرج يسوط فالدار بالبيع وها الخدمة مشات و الدار مشات و الاولاد شحال قد الحاج يقري ويكبر اللهما تحارب حسن وضحي هيا ...
شاكر : ( ماحملس يشوف وجه حسن ) آشنو اختي؟
فاطمة: صافي اخويا نبيعو ب سبعطاش المليون
حسن: ( ماتيشوف لا فيها لا فيه ) صمت
_دخلو لعند العدول وبدا يخطط للبيع و يسول هدا وهدا حتى حط شاكر لاكارط و هو حسن يقلب وجهو بغضب
حسن : ياك الكاراج بسميت الحاج بناصر
شاكر : بان لك شي بناصر هنا ؟
فاطمة : بحال الحاج بحال خويا ! ( شافت فالعدول ) بايعة لشاكر اليعقوبي اسيدي
حسن : ( سخط سخطة وحدة ) صمت
_هكدا تم البيع و في نفس النهار فاطمة هيا وشاكر مشاو للسيدة حطو لها فلوسها و شدو الشيكات وتبرات فيها فاطمة ماتعاودش تسلفو
المراة: راه خدمتنا ابنت سيدي هادي! ( حطت يديها على صدرها ) انا تربيت مع ليهو_د فالملاح ، هدا ماعرفت نخدم فالدنيا
فاطمة: ( تنهدت بقوة ) ياك نهار قصدتيني قلت ليا على وجه وليداتي ؟ والله القسم ولدي الكبير اليوم طيارة عندو يمشي يقرا وكن سمع هادشي راه ما انا فخير
المراة: ربي عوينو ! ( بنبرة منخفضة ) ولكن راكي بنت الخير وربي شاهد إلى بقيتي فيا ( هزت صبعها للاعلى ) لوجه الله انخوي ليك المزيودة ! راجلك راه ماشادو عندنا قصاير ، راجلك جمعو بينا فلوس ولي تيخسر عليها راها واكلة طعامك و لابسة حوايجك و داخلة لدارك
فاطمة: ( حست برجلها خواو شدها شاكر ) ااااربي
شاكر: فاطمة شدي فراسك ( شاف فالمراة ) رزقك عندك؟ الله يهنيك
_ركبها فالسيارة و عطاها قرعة الما و تتحس براسها فشلات و تمنات الموت!
فاطمة: شوووف ليك الفاسد ! شوووف لي مابغى يحشم و ولدو وصل لطولتو
شاكر : ( قطع دوك الشيكات حط يدو على فمو تيشوف ) لاحول ولا قوة إلا بالله! شكون هاد الموسخة ؟
فاطمة: ( مسحت وجها بتعب ) هي ماكاين غيرها ! وصلو ليا اخبارو و قلت هضرة وكلام ( ضربت فخادها ) ديري الخير افاطمة ديري ! بغيت طعامي يوقف ليها فالركابي ، غير البارح جبتها من العروبية رجليها مزال فيهم الغيس
شاكر: واش بنت عمة باك !
فاطمة : هيا!!!
_احذر من عدوك مرة ومن صديقك مئة مرة! بنت عمة باها من بعيد لبعيد ، وقع لها مشكل فصغرها ودخلت المدينة تخدم وقفت معاها فاطمة ، مرة دور معاها مرة تعطيها حوايج مرة تخدمها عندها حتى ضبرت لها فخدمة فالقهوة من تما قطعت الرجل
فاطمة: هادشي اخويا خليه بيني و بينك !
شاكر: شتي ديك الكلبة إلى ماخويتهاش المدينة راني ماشي ولد الزياني
فاطمة: خليها راه ذنوبي يشدوها
🔚🔚🔚🔚
_مع آخر جغمة من كوكا لي العشق ديالو شعل التلفزة تيتفرج حتى داتو عينو و ضربت فيه الشمس من البالكو ! نهض بصعوبة داخل يغسل وجهو ولبس بيل و سبادريل نازل للدار تحت مع الدخلة لقى حسن شرايبي تيفطر وحدو
حسن : آعلى سلامة!
ياسين : (بثقل فالكلام ) يسلمك آسيدي ! ( بنظرة شاملة على المكان ودار خارج ) ..
حسن : نزل شوف القهوة التحت راه شي قادوس تيدوز الما تما
ياسين : ( وقف تيسوط ) الواليد ! اسي حسن ! اااا شريف ، راه هضرة وحدة قلتها ! القهوة خاصها اصلاح ، خرج ضرب ليك دويرة فقهاوي الناس وشوف الفرق !
حسن : اوا تسناو لانترنيت باش نصلح ليكم ! القهوة راها ديال مك من اللخر
ياسين : امي !؟ راها مراتك ، ولي تنعرف رزق امي هو رزقك! هااد فلوس القهوة لي شرا الحاج منك لبنتو فين مشات ؟
حسن : منين نتا فاهم الفيلم؟ سير تحشى مع داك صعصع دخوك و طلع الصرف معاه ، ياك الحاج باغيك تخدم تما ؟
ياسين: كما الحاج دار لولدو فين يخدم !؟ حتى انا بغيت ابًّا يدير ليا
حسن: كي باك كي بَّا ...
ياسين : عليها حتى انا شومور غير انا حالف مانولد ...( نازل فدروج تيسخط ) القلا__وي صباح الله
_ديما نفس الكاسيطة مع باه ! شد ليا نقطع ليك، حسن شرايبي باغي يكرهم فتريكة الحاج و آولاد فاطمة تيموتو على تريكة الحاج، خرج السيارة من الكراج لي شراوها ليه هاد العام ،ضرب دورة حتى وقف بالسيارة امام القهوة نزل ما حاملش راسو ، عقلية ياسين عندو مايقول فالتجارة لكن خاصو الفلوس ! لي مطير عليه نعاس هو تقاعد شرايبي لي قليلة ايضرب فيها واحد سبعين مليون، ولكن مع ماضي شرايبي يقدر يبات مايفتح
ياسين : ( دخل للداخل تيشوف جهة مطبخ القهوة ) ااااا عبدو ( السرباي ) منين تيسيل هاد الويل الكحل ؟
عبدو : ( قرع فراس وقصير ) اسي ياسين بخير
ياسين: ( دار طلعو و هبطو وهز شاور باصابعو ) داخلت عليك بالله واش بنت لك انا بخير ؟
عبدو: ( تيضحك ) هانت شوف ! ها منين الفويت جاي راه من الحمام عندكم الفوق
ياسين : ( مصغر عينيه تيشوف ) اااه قولي هكاك ، فويت من الفوق
عبدو : اياه !
ياسين : ( طل على صندوق المواناضا هز كوكا ) فاش يجي فلان البلومبي كوليه يدوز عندي
عبدو : ( تيحط فراسو ) نعيط ليه دبا؟
ياسين: صافي قلنا ليك تيدوز ! نصبح انا على القوادس
_بطولتو المعهودة ركب السيارة وطالق الماسق تيشرب فكوكا ، غير تيعطي فالكلاكسون للمعارف ولاد الحومة حتى توقف امام محل هواتف و نزل
ياسين : صباح الخير
البائع ( معرفة ديالو ) : ولد شرايبي! شي آيفون؟
ياسين : ( تيشوف فسلعة ) شتي الضسارة ؟! مال آيفون كي جاك؟.
البائع : انا بعيد عليا اخويا، نتوما الناس لي شايفين الخاريج و عندكم الطوموبيل و تتضربو الحطات يجي معاكم
ياسين : ( آشار لهاتف ) ارا يلعدلمممك فهاد صباح جالس تقوس عليا ..
_ شدو منو تيشوف مسائلو دار فيه كارطة حاني راسو مركز و البائع كل مرة يشوف الكليان اش بغى
ياسين : شحال هدا؟
البائع : مليون!
ياسين : ( بنظرة سخرية ) وخ نعرفو بالليل يرجع امرأة
بائع : مالك اصاحبي راك خانز فلوس
ياسين: ( هز تحت ابطو تيشم ) وصلاتك الريحة؟ ( ضرب يديه مع الكوفر ) شحال هاد النم ؟
البائع : ثلتلاف درهم ( حط ليه شارجور ) بالصحة
ياسين : هاهو عندي تلفون، جيت ديريكت مادزتش للبانكة
بائع : صافي سير بالصحة
_خرج تيضحك فعقلو راكب السيارة محول الخط لحسن تيهضر
ياسين: ها نتا ماتعرف كرك مكرد ماتعرف كرك مريش (سمع صوتها: الو ) فينك؟
حسنا : ( بهمس ) فلافاك !
ياسين : تتقراي ؟! ( تتتضحك بانفاسها ) ربع ساعة لقاك برا ( قطع ) والو آبنتي شي قراية ماتقراي
حسناء ! حبيبة ياسين لمدة عامين و هما فعلاقة غرامية ، كانت تلميذة داخلية فالثانوية بالمدينة القاطن بيها ياسين والآن طالبة فالكلية و تتقطن بالحي الجامعي على حسب الدولة ! لان اصل مدينتها مْريرت مدينة صغيرة لاتوجد بيها كليات و التخصص آداب انجليزي لهدا غادرت مدينتها ، بمجرد
ما استقبلت المكالمة خرجت من القاعة و مشات لجهة بعيدة رشت الریحة و دارت كلوص لشفايفها ، اغلبية الدراري ديال لافاك معجبين بحسنا لجمالها و جسمها الجميل
وشعرها الذهبي الطبيعي الطويل ،لكن من نهار
تعرفت على ياسين بإحدى اعياد الميلاد لصديق ليه تقامت بإحدى النوادي الليلية تعرفت على ياسين و ارتبطو مع بعض، تولدت بيناتهم مشاعر قوية لي فاتو كل الحدود، رجعت تتعرف فقط ياسين حتى من امها لي فمريرت قليل فين تتطلع عندها ..
ياسين: ( وقف السيارة منزل راسو تيشوف واش وصلت)
هادشي غير وصيتها..
حسنا : ( بفرحة تتزرب فتحت السيارة راكبة ترمات حاضناه )
وااااع توحشتك
ياسين : ( تحرك بالسيارة معنقها بيد ) عاوديها نسمعها
حسنا : ( تعلقت فيه قبلاتو فعنقو بكل حب
هايمة فيه ) توحشتتتتتك
ياسين : ( بإعجاب تيشوف فيها ) صافا ؟
حسنا: وي حبيبي صافا
( شافتو شاد طريق لوتوروت ) فين نمشيو ؟
ياسين : ( شاف فيها بشوق) نمشيو للبرطمة عندي نجلسو شوية
حسنا : ( شدات فيديه ميلة راسها بدلع) شوية شوية
ياسين : ( حقق فيها الشوفة ) قربي نشوف
حسنا: ( تفافات وتراجعات تتمسح فمها تتضحك)
صافي مسحتووو
ياسين: ودبا قربي غير نشوف
حسنا : ( بقبلة فالهواء ليه ) ليك اعمري
ياسين: ( وقف فالسطوب شاف كانت الدنيا خاوية
قربها عندو بقوة بقبلة وحدة كلا لها الكلوص )
هاهو کلیتو...
حسنا : ( بألم ) ااااااي اياسين ( تتحسس شفايفها ) تتعيق
ياسين : ( مراقب الطريق ) شوية ونشوفو شكون عيق بزاف ..
_الشقة كانت بإحدى العمارات الاقتصادية ، باركا السيارة فالمكان المعتاد ،نزل هو وياها تابعاه فالمشية طالعين الدروج للسانكيام إيطاج ،مرة توقف ليه مرة يدفعها مرة يجرها حتى دخلو للداخل
حسنا : ( تلاحت على فوطوي ) ناري على هاد سانكيام ، الموت
_ياسين دخل ضرب دورة فبيت النعاس و الحمام جنبو و المطبخ ، شقة من السكن الاقتصادي ،ثمن كرائها هو الف وتلتمية درهم داخل فيها الضو و الما ، بيها اثاث قليل و مطبخ بيه فقط الضروريات ببساطة هادي هيا دار الزوفري او بالمصطلح العامي البرتوش
ياسين: نكري للكبيدة ديالي فالغوت شوزي ؟ ( حيدت تيشورط جلس حداها جارها عندو )
حسنا : ( جلست فوق حجرو متعمدة تحرك مؤ.. خرتها ) مانستاهلش ؟
ياسين : ( عض على شفايفه من حركتها منزل راسو لمؤ.. خرتها ) لا موحشاني وبزاااااف
_بدون كلام او إنتظار جواب رجعها لتحت وبين ذراعو القوين تيفحصها بنظرات رجوليه نارية ! كل مافيها تيناديه ،عيونها الخضراء و بشرتها البيضلء و شفايفها مثل الكرز ،كان اول شخص يتملك قلبها و جسدها ،اي حدود ترسم بينهم ذوبوها بقبلاتهم اللزجة و مداعبتهم الساخنة و ممارستهم العالية مثل موج البحر .. كان هائج الى قليل الهيجان هو تيمص لها ثذ. يها واصوات اهاتها فآذانو
حسنا : اممممم ياسين
ياسين: ( نوضها جالسة على حجرو بضبظ عضوه لي قيم تحت سروال ) شششش ! راكي سخونة خاصك تبردي
_حسنا : ( دوزت يديها على رقبتو بالضبظ شعرو تتماصيه تحست يديه تتفتح لها عقدة السروال ) نحيدو لحبيبي
ياسين : ( غمزها تهزها عندو جار السروال وهيا هزات يديها حيدت تيشورط بقات بدوبياس ) شفتك تتغلاضي غير من الصدر ؟
حسنا : ( ذايبة فعينيه ) شكون كبرهم ليا من غيرك ؟
ياسين: ( فتح فمو كلو هاجم على ثذيها من جديد ) بوان فيبل ديالك كلها فيه
حسنا : ( تتعوج بنش. وة و آلام ) بششووووية
ياسين: ( تهز منزل سروالو ) واش دلمك نتي ديال بشوية؟ ( زير عليها من خصرها بقوة داها وجابها على عضوه حتى حست بالعافية شاعلة تحتها ) نتي ديالت شركْ قطعْ
حسنا : ( بدون ادراك اش تتقول وبياضها اكتسى حمرة ) ياسين تنبغييييك ( عينيها تقلبو ) تنبغيييك
ياسين: ( فلتت ليه الضحكة هو عاجبو عذابه ليها ) هادي هي ديالك؟ جبتي الأول دغيا؟
_سرطت ريقها و قطرات العرق نازلين منها وهيا مرمية على صدرو تتنهج و في نفس الوقت الهاتف كان تيرن ! تحنى جبدو من الجيب وجبد معاه بروطيكس
ياسين : الو وي
*** : انت صاحبي مغيب ؟ راه السيد وصل
ياسين : ( تيدوز يديه على شعر حسنا هزت راسها تتشوف فيه ) اش واقع؟
*** : السلعة وصلت
ياسين : صافي يخليها فالبلاصة المعلومة انا نتكلف ( حط لها بروطيكس ففمها بدات تقطعو بسنانها)
**** : الفلوس راها دازت فالحساب
ياسين : ( حط البروطيكس ونزل بوجهو لشفايفها عاضهم وهيا حابسة صرخت الم ) صافي داكشي لي بغيت نسمع، الفلوس دخلت ( قطع عليه )
حسنا : اااااح ، طيرتي ليا شنايفي ( تراجعت للوراء على حجرو)
ياسين : ( لبس بروطيكس لعضوه و غمزها ) طلعي توحوحي بالمعقول و نغميني راه الفلوس دخلت
حسنا : ( شدت عضوه بيديها كان واقف ضارب التحية و بدات تجلس دقة دقة وقربت تتهمس فوذنو بصوت انثوي ساحر منشوي متقصدة ) اااااااح
ياسين : ( هز راسو للأعلى تيضحك ) شتي القحووب الاعور ؟
( ضحكت جاوباتو : شفتو ) دبا تشوفي ز_بي الاعور لي تيطحن....
_كانت علاقة متكاملة من كل النواحي ! تيخليها بين يديه فازكة تتعرق ! مباشرة ناض شعل كارو و هز كوكا من الثلاجة ، هنا فالشقة الثلاجة عامرة بكوكا عكس فدارهم فاطمة محرماها عليه يشربها بزاف خوفا عليه ، كمل كاروه و دخل دوش وخرج لبس حوايجو جايب ليزار غطا حسنا و هز تيليفونو و خرج ساد عليها الباب ركب سيارتو
ياسين : ( الهاتف على اذنو ) الو ! راك تما ؟
*** : راه كنتسنى اسي ياسين
ياسين: شوف ! ماتسناني مانتسناك ، اتهز نص السلعة تديها لخونا لي فالبلاصة المعلومة
*** : نفس البلاصة ؟
ياسين: نفسها ( بتكرار ) شووووف ! مانوصيكش ماتحرك من عندو حتى يحسبهم ،راه هداك واحد ولد القح_بة
*** : راني عارف ! ونص لاخر ؟
ياسين : ( وقف سطوب تيشوف وجهو فالمراية تينطق ببرود ) هو الحقيقة كلكم ولاد القح_اب ، وأنت اصاحبي مضبرين ليك على بريكول وتتكولي النص لاخر ؟ ( اقطع عليه متنهد ) ازعما ، لي يبقى يجندخ فالبشار
_ياسين شرايبي ! فالمجتمع المغربي او العربي عامة ،تتشوف نماذج الشباب انواع ، النوع لي واضح صريح وحياة صفحة واضحة، تيقرا من بعد تيخدم و من بعد تيكون اسرة ، و كاين النوع تيقرا تيقرا و تيقرا ولكن تيطلع لا خدمة لا اسرة مع ذلك متقاتل مع الزمان ، وكاين نوع ياسين ماتتفهم فيه والو، و هاد النوع كثر فالمجتمع، والديه ميسورين و جدو ميسور! وهو ابن الميسورين، لابس واكل راكب سيارة متخرج من اوروبا ، شنو تيخدم! منين تيضبر على المصاريف اليومية تيبقى لغز ! منين تجيه آطابل بأسئلة ! علاش ماخدمتيش مع جدك؟ علاش ماتخدمش بقرايتك ؟ علاش ماديرش مشروعك؟ يجاوبك باقصر الأجوبة
_الحاج ماتفاهم حتى مع شاكر لي هاز الحمل عاد نتفاهم معاه انا
_فين نخدم ؟ نتخلص بجوج دريال ديال السميك ؟
_المشاريع خاصهم فلوس صحيحة..
_وصل للمكان كان قاعة رياضية ! دخل مباشرة للداخل لقى نفس الولد الاول لي تكلم معاه فالهاتف ،لقى التحية و فتح اول كارطونة فيها لي بواط ديال البروتين للجسم فتحهم خرج علب أدوية مكتوب عليها ارتوتيك
ياسين: ( رجعها بلاصتها ) زيد حط معايا هادشي فالطموبيل
الولد: تفرقو كولو؟ واحد مول الفرمسيان موصيني
ياسين: ( حرك راسو بالسلب ) لا تقة فاولاد عتيقة ! يمشي يضبر عليه من جهة اخرى، انا خاصني نفك الجرة فالبلاصة ماشي نبقى نبيع حبة حبة تيشدونا صحاب الحال
الولد: دبا علاش حابسين هاد دوا فالمغرب؟
ياسين : ( ركب السيارة ) باش يتلهاو مع صحاب الحشيش ! فنظرك علاش؟ خاص صحاب الفلوس يبيعوه بيناتهم، باش انت تمنع هاد الدوا ديال الإجهاض؟ حرم العلاقات بعدا ، ماشي العالم تيحو_ي ليل نهار و الخيريات عامرين وتقولي دوا الكروطاج ممنوع ..
الولد : نيشان اولد شرايبي ! مهم نتشاوفو
ياسين : اش بيني وبينك؟ سير الله يعرضك سلامة تفرعش ليا كري ..
_كان اول عمل للحاج بناصر اليعقوبي هو التجارة ! تاجر فالسنين للي كانو فخنيفرة فالبقر و المواشي ، لكن الرزق نادا عليه بمدينة أخرى ومنها الدراري يقراو فمدارس بالمدينة ، بناصر ماعندو فالدنيا مااعز من اولادو و بناتو ! بدا بالبيع و الشرا حتى دخل لبيع الاسمنت و الحديد فكراج صغير ومع سنين تيكبر و تيزيد الخدامة حتى للكراج رجع ديبو و ارض شاسعة خاصة بالياجور و الاسمنت و الحديد ! منين شاكر كبر شد الخدمة مع باه سنين قصيرة وبعقلو و ذكاؤو اسس شركة بناصر للبناء و الديبو رجع فيه مكاتب مكتب خاص بيه هو المسير و لتحت كاين جوج محاسبات و الأرض لي امام الشركة دورها بالحيوط و نصها تغطات للسعلة ! ولي دخل مداخيل كثيرة هيا بيع وشرا الاراضي !
شاكر : ( حط يدو على فمو تيقرا ) صمت
_كانت واقفة امامو لابسة ملابس رسمية بالحجاب دايرة نظارت، شابة قمقتبل العمر تتعمل عندهم هادي ثلاث سنوات محاسبة اسمها وفاء والبنت اخرى جديدة
شاكر : ( دور بستيلو على الورقة الأولى و الثانية ) تاكدي ليا من الفاكتورات بجوج ! و من هنا للفوق الفاكتورة لي وصلاتك دخل بالتاريخ و الساعة و الدقيقة
وفاء: مسيو شاكر راه هادشي لي غادين بيه ! الغلط وقع فالحساب ديال مسيو ***
_شاكر : (سد ملف عاطيه ليها واقف تيلبس لافيست ) تما ديكلاري ( هز ملف فيديه ) انا الف مطرقة فراسي واش خدمتكم نديرها بلاصتكم ؟
وفاء : داكوغ مسيو شاكر ! نعاود الحساب كولو
_خرجت هو تيشوف شنو نسى وخرج ساد المكتب ماتيشوفش جهة المحاسبات راكب السيارة ديالو متجه للفيلا
البنت الجديدة: ( بهمس ) اختي ديما معصب
وفاء : ( تنهدت ببطئ ) هضرتو هكاك راه مامعصب والو
البنت : مزوج ؟
وفاء: ( شافت فيها بنظرة ملل ) ديها فخدمتك ! هاهو مامزوجش يديك نتي ؟ اختي انا راه زمان خدامة معاه مزال نشوفو يخلعني
البنت: ايه اختي تيخلع ! حسن عوان لي مزوج بيها
_الفضول حاجة اكثر من عادية فمكان العمل ! لكن شاكر من العساس لحتى المحااسبات قاطع ليهم اللعب ! وصل للفيلا كما العادة تينزل يفتح الباب و يدخل السيارة! من تقاليد الحاج بناصر البراني مايدخلش للدار ، لا عساس لا خدامة ولو انه قادر يخلصهم ولكن ديما تيحسب نفسو من طبقة المتوسطة
الحاج: ( بغضب ) اااه ! وقفتي على هضرتي ؟
شاكر : ( نزل راسو ورجع شاف فيه ) الحاج ! واش الدولة قالت لك عشرين مليون ضريبة تحطها لها دبا ولا الحبس ؟
الحاج: ( جلس تيسوط ) لا غادي ناكلهم فيها؟ عطيهم زمرهم
الحاجة ايطو: ( دخلت سمعت هضرتهم ) ولدي نحط لك الغدا؟
شاكر : لا الواليدة تغديت فالخدمة ! تسنيم فينها ؟
الحاجة ايطو: بيتها اولدي ، جلس آولدي ارتاح
الحاج: غدا سير عندهم حط لهم رزقهم !
شاكر : الحاج ! انا راه لا إلاه الا الله معاك ! ياك الضريبة جات بسمية الشركة ؟ خليني مني ليهم ، مزال فين ندفع حسابي نشوف اش يشيط ليا ونهار تتعول تخلص؟ راك تتجلس معاهم اطابل ، إلى تخلص كلها تينقصو ليك و إلى ماقادش تخلصها كلها راه دقة دقة ،مهم يشدو منك وربي كبير
الحاج : انا إلى مت غدا ؟ نديها فوق ظهري
شاكر : اسيدي الشركة انا لي مسيرها ! مني للدولة ، هادي عامين قلت لك حط السوارت وارتاح
الحاج : ( سكت تيشوف و شاف فالحاجة ) اوا الحاجة ايطو !
الحاجة: ( بنظرة توحي لا دخل لي ) انا اش فهمني آودي فهادشي ؟
شاكر : ( دار خارج ورجع شاف فالحاج ) الحاج تتحك على الضبرة ! لقيت هاد بنت الناس ماتزوجتش ؟ كل مرة نهضرو حنا فهاد الموضوع
الحاج بناصر: انا امك ابن الكلب ماشفتها كاع ! انت ماخليتي بلاد ماخليتي قرينة ! مابانت لك عائلة مابانت لك هاد المراة؟
الحاجة ايطو: اوا امْمِّي شوف من زيان عائلة باك !
شاكر : صمت
الحاج بناصر: ( اشار بيده للحاجة ) شوف من كْرْوان ديال امك
شاكر : الحاج ماشي لي بداتو اختي خدوج مع ولد خوك نكملو انا ؟ ( هز يديه بقطع وشاف فالحاجة ) وانتي الحاجة إلى بانت لك شي بنت الناس سيري خطبي ( اشار بيديه للباب ) سيري
الحاجة ايطو : ( بنفي قاطع ) لالا آولدي ! كولشي بشوار ، راه الزواج هدا
الحاج بناصر : ( حط يد على يد ) الولد قرب لأربعين عام و مزاال ماشفنا اولادو !
الحاجة ايطو : فاش يكتاب ! وخلي تجي فاطمة
_ طالع و هو تيسمع كلامهم ! دخل للغرفة ديالو راسو تيحس بيه تيدور بالاعصاب! كانت الهضرة على الزواج مرة مرة ! و مؤخرا كثرت ، فاهم وعارف انه دخل على الأربعينات وخاصو يتزوج و يدير اولاد ولكن افكار شاكر خاصة بيه! الكل فالمجتمع تيشوف شخص خدام بدارو تيقول لك مالو ماتزوج ولكن شاكر حسابو فراسو ! هز التلفون ديالو طالع نازل و هو يشوف سطورياتها بقى يدوز وحدة وحدة ، من خلالهم واضح انها مسافرة بالذات لمدينة فاس وبقى تيشوف ويعاود حتى رسل لها مساج
شاكر : 📨 ااطريق لي جابتك لفاس دوزك لمكناس
_انتظر جوابها لكن ماشافتش الميساج من اصلو ! حيد لافيست ورجع طل على الميساج و هو يتصل بيها حتى تفتح الخط
سندس : ( بصوتها الهادئ ) الو
شاكر : ماشفتيش الميساج ديالي ؟
سندس : ( بصدق ) نو مزاال !
شاكر : معامن مسافرة !
سندس : مع طاتي !
شاكر : شكون تيصوك فيكم ؟
سندس: حتى وحدة! الشيفور صيفطو معانا بابا ...
_سندس رحالي ! بنت عُبيد رحالي مدير السجن بمدينة سلا ! الاب ديالها كان خدام مع وزارة العدل لي تابعة لإدارة السجون لكن من بعد وزارة العدل انفصلت على إدارة السجون و بقات تابعة للوزراة الداخلية ! هيا الإبنة الوحيدة لسي رحالي من الزوجة الثانية لي هي ام سندس ولها اخت غير شقيقة من الزوجة الأولى للأب ديالها ! سندس بنت كبرت فالخناث و الفشوش ، دراستها من صغرها و هيا تتقرا فمدارس خصوصية ، تتلبس ماحبت و ما اشتهت ، الشيفور يديها و يجيبها و فبيتها بلاصة الخدامة كاين جوج ! مع ذالك هي شخصية تتلمس فيها البساطة و الهدوء...
شاكر : ( لوا لسانو فامو ) جايين عند العائلة؟
سندس: لا غير ونست طاتي ! عرسها قريب وبغات تقضى الذهب من فاس
شاكر : هي مانشوفكش ؟
سندس : ( بنبرة ضاحكة) شنو تتعرضني فمكناس؟
شاكر : مرحبا بيك ! مي مانعذبكش انا نجي لعندك
سندس : مهم ! نكمل مع طاتي شغلها ونشوفو اوطيل فين نزلو ونرجع نتصل بيك
شاكر : ( سكت للحظة تيفكر ) ماتنزليش فأوطيل ! انا نتصل بصديق ديالي عندو رياض تينزلو فيه غير لافامي
سندس: مايكونش بعيد؟
شاكر : ( بحدة ) هاهو بعيد !؟ فين المشكل ؟
سندس : ( تتدور فعينها رجعت حمرا ) شاكر خاصك تفهم ! انا مع طاتي ماشي راسي بوحدي
شاكر : و طلعتي تتفهمي وتراعي! وعلاش ماقلتيش ليا راك جاية لفاس!؟
سندس : ( تتحس بقلبها تيضرب ) فنفس الوقت ماخبعتش عليك، ماتغوتش عليا انا ماغلطتش
شاكر : ( صغر عينيه بشك ) اوا انا راني فاس ! عليها تنسول
سندس : بصح؟!
شاكر : هانتي نسالي واحد الغرض صغير ! ونتصل بيك
سندس : اوك ! انا نرد البال للتلفون ،باي
خالتها: باباك هدا ؟
سندس : ( بخجل ) لا هدا داك الصديق لي قلت ليك عليه ! راه بالصدفة هو فاس
خالتها: ( بتفاخر ) الالة على الصديق !! عندك يكون شي طالب مسالي راسو ، ماتخليش تقة باباك تمشي فالخوا
سندس : ( بصدق ) لا خالتي ماشي طالب ! وانا تنفكر نعاود لبابا كولشي ، عرفتي اخالتي التقة لي داير فيا بابا مانخونهاش ، بابا مخليني نلبس لي بغيت نمشي فين بغيت و لكن راني فاهمة وعارفة الحدود ديالي اخالتي !
خالتها: اوا هكاك الله يرضي عليك ! باباك مانقصك من والو، الذهب هو الأخير بقوة مالبستيه فصغرك طلع لك فالراس ! البيرمي دوزو ليك السيارة يشريها ليك ، لي حليتي عليها فمك تتكون بين يديك، يعني لي غادي يضحك عليك و يحسر قلب باباك عليك؟ ماعندك ماديري بيه
سندي : راني عارفة اطاتي ! هو هانتي تشوفيه، تيبان صعيب وهضرتو غير طنز ولكن المدة لي عرفتو فيها عمرني حسيت براسي زايدة عليه ولا تيضحك عليا ، مهم ! السيد من دار للخدمة و كل مرة تلاقينا هو تيجي عندي من مدينة ديالو
خالتها : اوا كتاب نشوفو! قلتي لماماك هادشي؟
سندس : ماتتبغيش تسمع ليا ولا تناقش معايا! مهم تتبقى ماما وخ عقليتها فشكل
خالتها : هانتي قلتيها راها ماماك ! ( دخلو للقيسارية بدات تشوف المحلات ) فاس خطار فهاد الزواقات البلدية
_الوقت لي هما فالقيسارية ! كان شاكر خدا دوش بسرعة ولبس ملابسو وشد الطريق لفاس بسرعة ! الطريق كلها و هو تيفكر ويعاود !! تيفكر ان العلاقة مزالة فاولها ، هو الى اقترح الزواج عليها واش تقبل تزوج وتسكن معاه فالفيلا ...
شاكر : آودي اودي ! السيدة كاس الما ماتتهزوش من الطبلة و تحطها مع الحاج بناصر لي تينكر صباح وعشية ! ماتصلاح ليا غير شي شلحة ديالنا وصافي...( دوز الخط ) الو
سندس : وي شاكر !
شاكر : ساليتو !؟
سندس: ويلي مزال ! واش ماعليش تسنى ؟
شاكر : هضرتي مع خالتك نشوف داك رياض؟
سندس : قلتها ليها ! وقالت ليا حتى رياض زوين
شاكر : اوك ! انا نشوف ليكم ، منين تسالي تصلي بيا
سندس : ميغسي بزاف
_قطع الخط و في نفس اللحظة اتصل بالصديق ديالو و ريزيرفا فالرياض ! ولو انه يتلاقى خالتها عارف انها ماتتخبع والو عليها هيا بمثابة خالتها وصديقتها و النهار الاول فهم ان سندس ولو تخرج معاك للعشا او قهوة او ممكن تسافر الا انها تترسم حدود و تتصرف بلباقة وصواب ، انها بنت راقية مااتنتظرش منك الماديات فقط الاحترام ....مرت ساعتين وشاكر تينتظرها حتى اتصلت بيه و جات بالسيارة لي صايكها الشيفور ونزلت عندو بفرحة سلمت عليه بالوجه و هو كما عادة طلعها وهبطها
شاكر: ( حقق فيها الشوفة ) صافا؟
سندس : ( بعيون براقة ) صافا ! تعطلت عليك ( زادت معاه خطوات لسيارتهم حتى نزلت خالتها و قدمتها ليه ) هادي طاتي ( بحب ) طاتي الوحيدة
شاكر: ( بلباقة مد يديه ) متشرفين لالة
خالة : الله يبارك فيك...
شاكر : ( شاف فسندس حط يديه على ظهرها زاد بيها خطوة ) شنو تمشي معايا ؟
سندس: نوصلو خالتي للرياض ترتاح !
شاكر : ( بآمر ) ركبي معايا وخلي الشيفور يتبعني
سندس : اوك
_طبقت لي قالها بالحرف ! تكلمت مع خالتها ركبت مع الشيفور و هي ركبت معاه حتى وصلو للرياض ونزلو مع خالتها حتى شدات السوارت وشاكر تيتكلم مع المسؤول و يوصيه ورجع خرج مع سندس ركبو فالسيارة
سندي: انا فيا الجوع
شاكر : ( حرك لها راسو ) شنو تبغي تاكلي؟!
يتبع...
التعليقات
لا توجد تعليقات بعد، كن أول من يعلق.