محتوى القصة
_تقلبت للجهة الاخرى فنعاسها و فتحت عينيها ببطئ مادة يديها للتلفون من منادااتها رمشات عيونها بملل...
الام : ااااااحسناااا ! حسناااااا
حسنا : آمي ! مالكي
الام : نوضي ابنتي شوفي فرمسيان واش حل ! خاصني الدوا
حسنا : فين الفلوس امي ؟ فرمسيان رحلنا هادي سميانة يدير معنا كريدي ؟ ( تنهدت بحرقة ) عيطي على خالتي تصيفط الفلوس
_بنظرات عجز و حزن ميلت وجهها لجهة الباب تتخمم ! قلة الشي و المرض هما اكبر هموم الدنيا ، تبعاتها بعيونها تتجمع الفراش و بسرعة حطت الفطور ! براد اتاي يكفيهم بجوج بيهم وخبز الدار ملوي فميكا مع كونفيتيغ و زيت الزيتون واحد شوية الكاطو نصو مفرتت ...الصمت مخيم فأكلهم ! الام تتفكر لصحتها لي مشات و حسنا تتفكر فشنو تابعها ، نص حياتنا تتمر فالتفكير ونص لاخر كذلك تيمر فالتفكير ! جمعت الطبلة و فتحت ثلاجة اللقاتها خاوية و الفريكو فيه شوية كفتة دجاج، لبست جلابة و صاشي كبير و فتحت بزطامها تتحسب فالفلوس لقات بالضبظ الفين و ربعمية
حسنا : ( خارجة تتكلم ) امي انا مشيت للسويقة
الام : اوا سيري ابنتي
_مع الخرجة كمشت عيونها من الشمس لي ضربت فيها وزادت مع الطريق حتى دخلت السوق تتساوم الخضرة تتسمع غير :
_مية وعشرين ! مية و ستين / مية ووتسعين
حسنا : اربي السلامة كولشي غالي..
_تقضات الضروري لي يوكلهم مدة اربعيام و رجعت للدار هي تتمشى و الشمس تتضرب فيها بقوة و مع الحرارة تتحس بضهرها فزك
وقفت فجأة حاطة القفة من يديها و تتفحص اصابعها لي رجعو زورق تقطع فيهم الدم ! هزت راسها للسماء تتنفس و حركت كول الجلابة تبرد شوية حتى وقف عليها شخص فعمر اربعينات لابس سورفيط
الشخص : ( بابتسامة ) ماديريهاش مني قلة صواب بغيت نسولك
حسنا : ( طلعاتو هبطاتو ) سول
الشخص : واش ساكنة قريبة هنا ؟ نوصلك فين مابغيتي من هاد الشمس
حسنا : شكرا اخويا ! ولكن الابغيت لي يوصلني نعيط لراجلي
الشخص : (بعدم تصديق ) الله اختي ! شكون يخلي هاد زين بوحدو ، عيييييب و حرااام والله
حسنا : كلها و ضروفو اخويا ! سير الله يسهل عليك حتى انت
الشخص : بغيتي تجري عليا وصافي ( زاد تيضحك )
_هزت داك صاشي غادة تتقاتل معاه ! البكية شاداها ، تتحس بتعب شديد فصحتها و انهيار داخلها ماحساتش براسها حتى وصلات للدار حطت ديك التقضية و حولت اتصال لخالتها تتحس براسها مخنوقة
الخالة : الو وي
حسنا : نتي لي جات معاك وي ! انا خالتي راه عيييت و مرضت فصحتي ، شوفي لنا شي دار فين نتحشاو ، شوفي اخالتي شي دار فالشلوح ترجع مي تسكن مع احبابها ، نلقاو علامت نحطو راس
_خالتها حطات راسها على ذارعها غمضت عينيها تتسمع ! كانت لابسة طابلية بيضة بسروالها و صابو اخضر مع شابو فوق راس جالسة فالارض امامها شاريو فيه مواد منظفة
خالة : احسنا انا كرهت ندخل نشري دار ؟ راه تنضرب تمارة ليل ونهار باش تشري الدوا و تاكلو
حسنا : راكي فالخاريج زعما! هزي كريدي ولا شوفي شكون يسلفك ، انا براسي هنا تنتقاتل ومصاب لقى غير ماناكل انا وامي
خالة : غير صبري احسنا ! نتي غير قراي وشدي اجازتك و انا الصيف نزل نشوف الحل
حسنا : ( حست بالغصة فداخلها ) شمن قراية آخالتي ؟ انا باغة نخدم، راه لقيت الخدامي فمدينات اخرين ولكن امي كي ندير ليها ؟ واش نبقى مرمداها معايا؟
خالة : غير صبري ! دوزنا ماكفس ، مابقى والو، نجمع لي جمعتو راه نزلو المغرب، شوفي المدينة فين تخدمي تما نشريو دار ! خوي داك مكناس كاع
حسنا : ( شدات فراسها ) اودي الهضرة ساهلة ! ناس هربو لهاد المدينة العقار فيها نازل شوي و الكرا كذلك
خالة : نتي غير قراي ! نتي مزال ندخلك لاوروبا! بلاصتك احسنا ماشي تما ماشي ديال التكرفيس
حسنا : منين عقلت على راسي و انا مكرفسة ! ولفت اخالتي ...
_انتهت المكالمة ! حسنا رجعت طيب الغدا و دموعها على خدها ! تتحس براسها عايشة ماعايشاش ، الدوا ديال امها خاصو فلوس كثيرة ! و كذلك خاصهم ياكلو ، بعض الاحيان تتنعس لا هي لا امها بجوعهم ! ولكن همها الكبير و لي محطم حياتها هو شخص اسمو ياسين
حسنا : ( عضت صباعها تتكبح بكية ) يااااربي راني عيييت ! ماانا بقراية ماانا بخدمة مقادة ولي دوزت معاه سنين عمري قطع عليا بحال عمرو عرفني
_ماخرجت من الدار حتى كملت شغلها و دخلت دوش بالغدايد دوشت بالما بارد ، ماكاين دوش و الغاز زايد فالطياب ... الطريق كلها غير ساهية و تتفكر و السيارة لي تتشبها لياسين تتقول هو ولكن ماشي هو ! وصلت لمكان عملها دخلت لبست ملابس العمل و بدات الخدامة مرة مرة تكلم مع صاحبتها حتى خرجو من الخدمة بجوج و تتحس بالجوع تيقطع مصارنها وقفت تترد نفس
حسنا : إلى زدت خطوة وحدة نطيح لك هنا
ص : ( عينيها مع التلفون ) فين ناكلو ؟
حسنا : شتي بقوة الجوع ماعرفتش شنو باغة ناكل!
ص : انا إلى ماكميتش دبا كارو نبقا نسب و نعاير ! زيدي نمشيو لدارنا
حسنا : ختي قلبي طايب ! و هاربة من الدار؟ تزيدي ديني لداركم و مك تكون
ص : مسافرين اصاحبتي ( شداتها من يديها ) زيدي زيدي
_اصل شخصية حسنا ودودة و اجتماعية ! منزل صديقتها كان فالسونطر! شقة بعمارة راقية ، ركبو فالسانسور حتى امام الشقة دخلو بجوج مع الدخلة حسنا سهات فالدار و جمالها ، صالونات اخر فراش و الدار مبهجة و راقية
ص : ( بابتسامة حطت لها بانطوفة ) زيدي ! مرحبا بيك
حسنا : ( حيدت السبرديلة ديالها ) شكرا ازين
_تنهدت بحسرة من فقرهم ! حسنا من عائلة تحت الصفر ، هي من بنات جيلها ، بغاات غرفة ديالها وحدها ! بغاات ماتفكرش شنو تلبس غدا ! بغاات ماتنعسش بالجوع ! بغات دوش بما سخون اقل طلب ...
ص : ( تتحط بعض الماكولات فالطبلة ) تتاكلي ليباط ؟
حسنا : ( بخجل ) ااه ! ( تتساعدها فالحطان و دور دور تشوف فالمطبخ ) داركم واعرة تبارك الله
ص : ( بعدم اكثراث ) حتى نتي كن تشوفي الناس فين عايشين ! هاد الدار لي تتشوفي إلى دخل بابا مع خويا الحرب تتنوض تقولي بيت مع الجيران و نعيش هانية
حسنا : حمدي الله اصاحبتي ! انا من نهار عقلت على راسي عمر كانت عندنا دار ملك
ص : رحلتي لدار لي كرا ليك صاحبك؟
حسنا : ( تترجع فالبكية ) ماعنديش حل اخر ! اليوم مالقيت باش نشري الدوا لمي ، وطرا ليا واحد البلان اليوم سخفت بالبكا
ص : ( شعلت كارو تتسوط فالدخان للسقف ) اجي فاش كنتي مع ياسين ماكنتيش تديري تحتك الفلوس ؟
حسنا : ( بعدم فهم ) كفاش زعما ؟
ص : اويلي على كفاش؟ الفتيخ ابنتي ماتتعرفيهش ؟
حسنا : اودي شحال قدك تفتخي ؟ لي كنت تنشدو من عندو تيمشي فالبلاصة! شكون يشري الطحين و الزيت و بطاطا
ص : ( ميقت باسف ) سمحيلي اصاحبتي! مشيتي معاه مشيتي ، اللهما نضرب ضربتي
حسنا : انا عمرني فكرت هاكا ! يقول تتبروفيطي فيا ، تنبغيه اصاحبتي مابغيتش فلوس منو، باغاه يدير معايا حل ، هادشي لي كان تيعطيني و يشري ليا عمرني طلبت منو هو راسو
ص : هاهو زاد خلفة ! شنو صورتي ؟
حسنا : ( نزلت راسها تتبكي ) ما صورت والو! تقهرت بزاف ، تنحس العافية تتاكل فيا ، كنت تنقول ياسين عمرو نقول ليه الفراق يقولي اه !
ص : ( حركت راسها بنفي ) شوفي سوليني انا على اولاد الق_حااب ! شتي انا كنت معاه سيمانة فدارو ماتيفرقنا غير الطواليط إلى واحد فينا بغا يخرا حاشاك ، النهار التالي وصلني للدار وقالي غدا نتقاشعو ! ( ضحكت بمرارة ) غدا شد الطيارة خرج قاود لأمريكا
حسنا : ( تتمسح دموعها ) ماقالهاش ليك ؟
ص : اش يقولي؟ عام و هو دافع ! فاش خرجت ليه ، ضرب الطم فمرة ! تاطبع و شدها بين يديه و هو يجي يحو_يني بالواقفية ! فاش وصل قالي تستاهلي حسن مني انا مانسواش
حسنا : كفاش زعما؟
ص : زعما ! إلى تعايريني تقولي عليا مانسواش ؟ هانا سبقتها ليك ! صافي من تما ضربت على ولاد قح__اب كاين شي فلوس مرحبا ماكاينش يمشي يكف_ث
حسنا : دابا اي مصاحبة طالعة على النعاس ؟
ص : علاش نتي فاش حليتي رجليك ليه كنتو مزوجين؟
حسنا : عمرو هضر ليا على الزواج ! عمرو فكر فيه
ص : سمعي احسنا ! الشكل ديال ياسين صعيب عليك و ماتقديش عليه
حسنا : نقدر نكون هبيلة و مافيديش و ضحك عليا ! ولكن متاكدة منو راه تيبغيني! انا لي معاه عامين هادي
ص : ( اشارت للتلفون ) جربي صوني وقطعي عليه
حسنا : نجبد على راسي النحل
ص : واغير جربي وقولي ليه غلطت
حسنا : ( قلبها تزير ) متاكدة مليون فالمية!
_أصرت عليها صديقتها ! فعلا رنت عليه رنة وحدة فقط ! حطت التلفون تتشوف فيه وصديقتها تتحسب لها الوقت و هو يرجع يرن فالبلاصة
حسنا : اش قلت ليك ؟
ص : صافي قطعي على دلمو وطفي التلفون !
_بعدما توادعت مع صديقتها شدات طاكسي للمنزل! تتحس براسها خفاف و تهدنت حتى وقف الطاكسي نازلة حانية راسها قطعت الشارع مع الدورة تتشم ريحة خلات قلبها يضرب بقوة مزال ماهزت راسها تاسمعات صوتو
ياسين : على سلامة لالة حسنا
_حسنا : ( زيرت على صاكها تتشوف فيه ) يسلمك
_كان فقمة وسامته! ملابس ماركة من رجليه للفوق ، عطر رجولي فواح وعيون خضراء صافية
ياسين : ( اشار للسيارة ) طلعي
حسنا : امي فالدار بوحدها ! ماعندي فين نطلع
ياسين : ( بنظرة حادة ) ط ل ع ي
_ركب فالسيارة مخليها تابعاه راكبة ! فاش قالت نجبد النحل على راسي ماكذباتش ، عارفاه إلى بغاها يوصلها و يجبدها من تحت الارض
حسنا : باش عرفتيني رحلت ؟ وماكايناش فالدار ؟
ياسين : ( ديمارا الطموبيل ) قولي ليا !
حسنا : شنو !
ياسين : هاديك ختنا لي خيطي بيطي معاها ! عندها مع ماربورو ياك ؟
حسنا : ( اللون مشى فوجهها ) كيفاش ؟
ياسين : إلى نتي تتضربي التبن انا عارف زرعي منين جاي! ( بغفلة جرها من التيشورت تغوتات ) شمي غير حوايجك
حسنا : هي للي كتكمي ماشي انا
ياسين : هي لي قالت ليك صوني عليا وطفي التلفون ؟
حسنا : انا غلطت صونيت عليك ! ( تتشوف فالطريق ) فين غادي ؟
ياسين : ( خطف الشوفة فيها و شاف فالطريق ) دايك فين نقاد لمك الشغل ! فين رد ضهرك رطب من كرشك
حسنا : ياااسين بلا تفلية ! امي فالدار و مريضة
ياسين : ( بعدم اكثراث ) تما منين خرجتي من خدمتك ! قصدي داركم، ولا ضروري ضيعي الوقت ؟ وفاش نجي انا بقاي عليا امي و خالتي
حسنا : ( تنهدت ) ياسين ماعيتيش من هادشي
ياسين : ( وقف امام مطعم ) نتي عيتي ؟ ( حيد السمطة ) نزلي إلى فيك ما تحنجري
حسنا : مافياش ! ( بنبرة استهزاء ) علاه بالسلامة مالقيتي شكون يونسك ؟
ياسين : لا الحمد الله الخير موجود ! غير هو الجديد ليه جدة و البالي لا تفرط فيه
حسنا : نزل بوحدك
ياسين : منين ماتتقديش على جوابي ! سمعي الهضرة و طبقي ( اشار لوجهها ) سيمانة باش ميك عليك شوفي وجهك كي رجع
حسنا : تتشفى فيا ؟ شنو زعما مانقدرش نعيش بلا بيك ؟ راه عندي مشاكل
ياسين : كن نجي نعاود لك على مشاكلي الشيب ينوض ليك ! ولكن نتي مشكلتك زيرو بيخسوناليتي احسنا! بقاي متبعة صحاباتك تيخرجوك فحيط
حسنا : الصمت
ياسين : ( بنبرة قوية ) نزلللللللللللي ابنااادم ..
_نزلت بامر ! شادة البكية و ما راضياش تبكي امامو ! مطعم كما العادة راقي ، كان سابقها بالطولة ديالو و حاشي يديه فالجيب وقف منتظرها مخنزر فيها حتى وصلت جنبو دخلو مع بعض جلسو امام بعض وهي عينيها على الناس ! كانو ديكوبل مع بعض البنات مثل العارضات ، نزلت عيونها لملابسها كانت اكثر من عادية! وجهها اصفر بدون قطرة ماكياج
ياسين : ( مد لها الموني ) شنو تاكلي
حسنا : مابغيتش ! ( تترعد شفايفها )
ياسين : ( خرج فيها عينيه ) تبكي نوض نهرس لدلمك وجهك هنا ! ( بامر مكرر السؤال ) شنو تاكلي ؟
حسنا : ( قربت وجهها لعندو بصوت منخفض ) شوف البنات شنو لابسين وانا باش جايبني
ياسين : ( بدون نظر للبنات ) انا باغيييك هاكا ! عاجباني هاكا ! فين عندك المشكل ؟
حسنا : ( تراجعت للوراء ) الصمت
ياسين : منين كلت ليك زيرو بيخسوناليتي راه ماظلمتكش ! ( رمى داك الموني ) تهزي تق..اودي بنااقص
ما زادتش معاه الهضرة ! البنت فينا إلى كانت كارهة نفسها ولو تحط عليها تاج ماتبغيش ، ركبت معاه في السيارة راجعين للطريق منين جاو بسرعة وهي غير تتبكي حتى نهض فيها
ياسين : سكتي تقاااودي شوية من البكا ! هضرة جوج تبكي
حسنا : انا عارفة علاش تنبكي
ياسين : ( بنبرة شم.. اتة ) سمحلينا الالة ، منين عارفة علاش بكي ، الدموع غير الما
حسنا : ( جات تنزل و هي ترجع تتشوف فيه) خاصك تفهم واحد الحاجة ! إلى مادرتيش حل لهادشي لي حنا فيه ، بلا ماتبقى تحمقني معاك
ياسين : ( ابتسم جنب ) دبا نتي الالة ! قادرة تزوجي بيا لاخدمة لا ردمة ؟ قادرة تسكني معايا فدار فيها خواتاتي لي الكاس تيدابزو شكون يهزو ؟ قادرة على حداكة امي ؟ قادرة تكوني جالسة فامان الله تايجيك طاشمة الضياف بمشاكلهم ؟ اما خلي واحد خويا الصغير ماتعرفيه منين يخرج ليك ! قادرة؟
حسنا : مهم نتجمعو انا وياك
ياسين : نصحح ليك ! ماشي غير انا وياك ؟ انا وخوتي وامي و با و تريكة با و امي ، ياكما صحاب ليك هاد خيطي بيطي لي معايا فيها تبقى ؟
حسنا : مال البرطمة لي عندك؟
ياسين : راه قلت لك مشيتي غالطة ! هبطي سيري بحالك ابنتي فكري مزيان وانا معاك
_هو نسخة طبق الاصل من والده فشبابو ! نفس العيون السوداء القاتمة و الحواجب الكثيفة و النظرة الشديدة الصارمة، ماتقدرش تفرق ملامح وجهه واش فرحان او غضبان ، بخطوات سريعة تيتمشى الارض قريبة تزعزع تحت رجليه بقوة الخطوات اللي كايخطيهم، دار مع دورة الشارع حتى وصل لباب الدار
جبد الساروت من جيبو دوزو ودخل راد الباب بكل قوة وراه حتى تزعزع ، زاد كمل خطواتو فممر على جوانبو كانو اشجار الليمون و المزاح مزينين الدنيا
بنظرة خاطفة لمح الگاراج مفتوح جنب المطبخ الكبير و سمع من تما أصوات متداخلة فبعضها .. قلب اتجاهه ليه بدون مايدخل للباب المؤدي للفيلا ، حتى وقف عليهم والنفس تيطلع وينزل فيه
حمزة : تتنقي اللوز ؟
خدوج : ( حطت لي فيديها واقفة بسؤال ) مالك ؟
_شاف فالسيدة لي معاها و خرج ضارب الباب بركلة حتى مشى و جا وناضت تابعاه شادة فحكنها تتويل من دخلتو وتابعاه تتسولو حتى وقفو فالفناء بالخارج
خدوج : اش واقع ! شي نهار توقف ليا القلب
حمزة : ( بنبرة توعد ) بنتتتتتك ! هاديييك ( دور وجهو تيسب فخاطرو ) ااااه انا بسبب بنتك الشماااايت يقردنووني فالقهوى ؟
خدوج : ( تتقرب ليه تحط يديها على فمو ) ششششش ! سد عليااا ، غادي ديرو ليا الشوهة وتسمعك حنااك وراها مريضة طييح فيها
حمزة : ( هاز يديه تيشير فالهواء بتوعد و تهديد ) و بربي المعبوود حتى نگووولها للحاج و يجي خويا شاكر نگولها ليه و نشوفها نهرس لمها وجهها مايبقى فيها تا عضم صحييح
خدوج : هانا أ خويا قدااامك! هرسو ليا ؟ اش دارت هاد ختك گاع ؟
حمزة : راااكبة مع شم.. ااااتة فطموووبيل !
خدوج : ( تتضرب على شفايفها ) سكووووت من الشوووهة
حمزة: مااااساااكتش ! اناااا اختي تركب فالطموبيلات ؟ اناااا يوصلو ليا اخبارها و يشمتو فيا و يشيرو عليااا ب هدااك اللي ختو كتركب فالطموبييلااا؟
خدوج : شفتيها بعينيك؟
حمزة : گالوووها لي مايكذبووووش عليااا! جاية تجلس هنا تشوه فينا
خدوج : ختك كبر منك ! سد عليا، قتلتوني و هبلتوني
حمزة : ( بآمر) دبااااا تعيطي لها تحضر و بَّا راه جاي فالطريق اليوم نفاريها مع دلمها ، نوري انا الصغيير نربي طوااسلها
_بمرور الأيام ! خدوج جات للفيلا بسبب مرض الحاجة تعاون هي وفاطمة ، هاد الصباح الحاج و شاكر و فاطمة مشاو لخنيفرة للعزاء ! و خدوج جالسة فدار طيب و تقابل حتى دخل عليها حمزة شاعل هي تتكلم معاه و هي دخل اسمهان عاقدة حواجبها
اسمهان : مالكم؟
حمزة : ( خنزر فيها ) سوقك نتي ؟
اسمهان : ولايني راك واحد الحمار ! ويلي هكا تيجاوبو الناس
خدوج : ( بعصبية ) خرج عليا ! خرووووووج
_حمزة : ( بعناد ) بربي ماخااارج ! ( ضرب برجليه ارض ) هنا جالس تاتجي بنتك
_اسمهان غير شافتو محمر دخلت داخل حولت الاتصال لاسراء
اسراء : الو
اسمهان : ( بهمس ) شوفي خوك راه محيح شافك راكبة شي طموبيل
إسراء : ( وقفت ) اويلي!! اويلي!!!
اسمهان : سمعي مزيان شنو نقول ليك ! وخ تعرفي تشري حوايج اخرين ! بدلي شنو لابسة و بدلي شكل شعرك و اجي خرجي فيه عينيك قوليه طارت معزة ماشي انا
أسراء : شوفي إلى قالها لخويا شاكر غير قوليها ليا مانجيش
اسمهان : كاينة غير امك تحركي باش إلى دابزو اجي دابزو دبا
أسراء : ( قلبها تيضرب ) اويلي وحدي على ايامي الكحلة! الناس ماخلاو فين مشاو وانا حاضيني
اسمهان : ( تتطل براسها تشوفو واش خرج ) تنقول ليك بعدي ! واااابعدي الزمر لا نتي لا ختي تتقهواو فجناب شاكر و ياسين
اسراء : ( تتمشي بسرعة ) كن شافني ياسين يعطي لمي سلخة و نسرطها ولا يشوفني شاكر و البرهوش ! ( ركبت طاكسي ) انا ندوز عند مريم نبدل و نجي !
_حلف حمزة يسكت من الغوات ! خدوج تقلب راسها و خايفة من الصداع ! واسمهان فيها ماتخرج تهضر ولكن حمزة فغفلة كبر و طوال تخاف على راسها لا يفوت فيها شي ضربة حتى تسمع صونيت الباب وخرجت تتزرب تشوف لكن سبقها مع الدخلة أسراء داخلة و حمزة طار عليها جرها دفعاتو و جر صاك تتقطع
أسراء : ( تتشهد فيه خدوج ) شفتي ولدك !؟ شاااااايفة ولدك اش تيدير
_ماحدها تتغوت و تهضر و هو باغي يدوز لها شاداه خدوج و اسمهان حتى من المراة خرجت تفك و الحاجة خارجة
حمزة : اليوووووم نق.. تل دلمك ! راكبة ليا مع الدراري فالطموبيل
أسراء : مااااركبتش ! هدا بااااطل طيحوه عليا ! انا كنت خدااامة
حمزة : ( تيدفع خدوج بكل جهدو ) حيدي ! ( يخرج فيها عينيه كشاكشو خارجين ) نتي لي عاطياها الضو الاخضر ! نتي لي مضسراها
الحاجة ايطو : ( بتعب شديد ) احمزة اولدي نعل الشيطان اولدي
حمزة : ( صدرو تيطلع و ينزل ) الصمت
_حتى دخلت الحاجة و هدنت الوضع مؤقتا ! نوع حمزة إلى تعصب ماتيعقلش على راسو ، مايسمع هضرة مايدير بحساب شي احد ! اكثر عصبية وعدم التحكم فنفسو ، غير مع تسنيم هضرة جوج يشعل معاها
اسراء : ( بعتاب ) عاجبك الحال الالة كل مرة ولدك يمسح فيا رجليه ؟
خدوج : انا راه قتلتوني ! مرضتوني
اسراء : هادشي بسبابك نتي ! تتسكتي و ماتتخديش ليا حقي ! ياك هادي غير شي ايامات عيطت ليك و قلت ليك راه تشفرت؟ جيتي عندي؟ سولتي ( تتقلدها بصوت و حركة تلفون ) آ اسرااا اوا إلى مشاو يخلفهم ربي
خدوج : اش بغيتي ندير ؟ اااه ! نتي عارفة خوك جدام تيلصق ، مانركبش الطموبيلات
أسراء : ( تتضرب فخادها بجنون ) وااااش باغة تسطيني ؟ وااااا مااا ركبتش
اسمهان : خالتي واش هاد البنت عطاوها ليك فالدية ؟ قالت لك ماركباتش
_على اثر هاد الكلام دخل من جديد حمزة جوانح نيفو ايطيرو
حمزة : اسمهان!! قالها ليا بنادم لي ماااايكذبش
اسمهان : تاتيق فالبراني على ختك ؟
حمزة : ( بتاكيد ) نتيييق فيه ! ( شاف فيها بتوعد ) دوزت لك بزاف ! هادي والله تتوصل لخويا شاكر
خدوج : هانت وصلتيها لشاكر مالو يجري عليها ؟
حمزة: هو عارف اش يدير
اسراء : سير جيب ليا هدا لي شافني وجهي فوجهو
حمزة : ( باتهام ) راه نهرس لمك وجهك انا ماشي نجيب بنادم يقابلك
اسمهان : ( غمضت عينيها شدت فكرشها بوجع خارجة للخارج) ختي نعيط لياسين يجي يهضر معاه اويلي ماتيحشمش
خدوج : ( تننادي عليها ) واااا اسمهاااان ! اسمهاااان
حمزة: خليها تعيط ليه ! اليوم نفاريوها ، انا نولي نشوف هاد وقت الخدمة فهاد الصبيطار ! سيدة تخدم اربعة وعشرين ساعة
اسراء : ( شدت فراسها الدموع نازلين ) الصمت
_فهاد الأثناء الحاجة كانت مع ضيفتها لي جات من الراشيدية من عائلة الحاج كانت كدالك فالعزاء ومرت عندهم تزور الحاجة! و تسنيم كانت عاد داخلة من الدراسة ولو تسمع الصداع و الغوات ماتتهمتش الا ماكانش موضوع يخص الحاج و الحاجة و شاكر ! وراءها مباشرة دخل ياسين مع اسمهان عند اسراء
ياسين : ( عاقد حواجبو بعدم فهم ) مالك نتا مع اختك
حمزة : ختي خارجة الطريق خاص دلمها لي يجمعها ! انا جالس ماعليا مابيا وبنام جاي تيقردني فالقهوة ختك شفناها مع فيكتيم
ياسين : ( تيسرط الريق ديالو تيسمع ليه يشوف فإسراء وخدوج ) نتي معامن كنتي ؟
اسراء : ( بدموع و ضعف ) اخويا انا جيت من الخدمة نيشان ماركبت مع احد
ياسين : ( دور وجهو تيحك نيفو ) دبا نتي جاو طيحو عليك باطل ؟
حمزة : ( بصوت عالي ) تتكذبي !!
ياسين : ( بصوت اعلى عليه ) ااااااه !! اااا بنااادم نقص شوية من الصوت ! علامن تتغوت هنا ؟ ريااااح للأرض راه نوضها معاك ( خنزر فاسراء ) شتي نتي الا نقزتي من هادي ؟ مزال تشدي وتما هضرة اخرى معاك
حمزة : برب تنقولها لشاكر
ياسين : ( هز يديه عليه بتعنث ) قاااود دبا غير كولها ليه ماتسناهش حتى يجي ! ( خرج للمطبخ شرب الما ورجع لقى حمزة خرج ) خالتي !
خدوج : اولدي
ياسين: ( اخر لحظة وسكت ثواني ) ديها شوية فاولادك ! دبا هاد حمزة فين كان باش سمع هاد الهضرة ؟ تقولي ليا مع لي تيقراو معاه ؟ انا عارف النوع معامن تيقرا غير اولاد البريفي مامسوقينش لحتى خوتهم لي تيقراو معاهم راني عاشرتهم ! يكون سمعها من اولاد الحومة هنا فشي قهوة ديال الشيشة وهادوك نماذج السياحة و راس الدرب حاضين الغادي و الجاي و الجوانات
خدوج : راني آولدي عارفاه تيكمي ! لا حمزة ساهل
ياسين : ساهل ولا واعر راه مزال يتحكم ! اخر مرة منين وصلكم للكوميسارية راه تبريت فيكم منو ! والحاج وشاكر راه تيعرفو ايحطو فلوس باش يتبعوه لك راه ما مسالينش راني تربيت هنا وعارف اش كاين ..
_خرج خلا اسمهان و اسراء تيشوفو وخدوج تبعاتو الخارج
أسمهان : تفووو على تريكة من الصغير للكبير
اسراء : يعطي لدلمو كسيدة ! البرهوش لي حطو ( تلفونها تيرن ) خرا اش بغى هدا
اسمهان : زيدي نطلعو للفوق ( طلعو الفوق دخلو للغرفة وتلفون اسراء تيرن ) جاوبي الزمر
اسراء : يقاود طلع ليا فكري ( فتحت الخط ) الو
عز الدين : ( بعصبية و نبرة عالية ) والله ياااادلمك لادوزتها ليك
اسراء : ( قلبها بدا يضرب ) الصمت
عز الدين : شتي آ اسراء على هاد الخصلة لي درتي؟ داكشي لي يكون دار لك خوك ندير لك الضوبل ديالو ! رجعتي تركبي فالطموبيلات
اسراء : ( حطت يديها على حنكها ) انا ؟ راه غير كذبو على خويااااا بالله ..
عز : مااااتحلفيش ! ماااااتحلفيش ، دلمك رجعتيني بالوذنين ! ولكن غادي نشد
دلمك عندي معاك حساب دبا خليك مع خوك يدوز هو الأول! العائلة اولى ( قطع )
أسمهان: اويلي القح_بة ماشي معاه كنتي؟
اسراء : ( شداتها البكية ) اويلي اشنو ندير؟! ولد قح_بة تنديرها فالشرق ولقاها عندو هو الأول
أسمهان : ختي نتي ضبرتي فيها
_في عالمها الخاص ! بعيون هائمة فحبيبها صاحب الطول المميز هو تيتمشى نحوها هاز بلاطو الاكل فيديه مبتسم ليها حطو امامها و هي كحزات صاكها
فداء : ميغسي
انوار : افيك بليزير حبيبة ! شنو درتو فالكونجي
فداء : مزاال ماعرفت والله! نتا فين تسافر
انوار : انا هاد الساعة حداك ! فين مامشيتي نتبعك ( تيفتح لها الساشي ديال لاصوص ) امتى تاخدي الكونجي ديالك ؟
فداء : شهر ثمنية ! تتكون لافامي مجموعة خالي لي فكندا و عمتي لي فالصحرا راك عارف
انوار : ( بمرارة ) مانكذبش عليك كنت من صغري تنكره العطل ! لا عائلة مقادة لا سفر مقاد ، نتحركو بالصداع و نرجعو بالصداع من صغري عمري عقلت على النهار داز بخير ،حتى خويت فمرة
فداء : ( باسف ) اوا الصبر !
_كانو كأي كوبل متفاهم مع بعض ! لي بغاتها تيحضرها ليها ، مرة مقرب لها الماء و مرة مقرب لها العصير ! تيسال على ذوقها فالاكل و كل اهتمامو ليها ، حتى كملو وشد فيديها خارجين من المطعم راكبين السيارة حتى رن الهاتف ديالو بمجرد ما شاف المتصل و هو يسوط
فداء : مالك ؟
انوار : ام بنتي ! ( ديمارا ) تزيدي دوري معايا؟
فداء : نو خاصني نمشي للدار ! ( بفضول ) وجاوبها لاتكون بغات شي حاجة
انوار : ماعندها ماتبغي ! بنتي هضرت معاها قبيلة و راها بخير ، هادي راه وصلاتها اخبار راني قربت نتزوج و تنادم معاها الحال
فداء : ( تقرصت ) كفاش ؟! وشكون تيوصل لها الاخبار ؟
انوار : الواليدة ! باش تنقول لك راه الله يدير تاويل الخير وصافي
انوار : علاش ام بنتك طاليانية تتهضر بالعربية ؟
انوار : تتهضر بلونجلي ! و ماما راها كانت استاذة فالفرنسية و تتعرف تواصل شوية بلونجلي ، اوا الطاليانية تتقيل تشكي على الواليدة بلي خاصها تجي للمغرب و انا من اللخر مابغيتش اوا طبخت راس الواليدة و هي تلوحها ليها فالبلاصة! قالت لها اجي مرحبا بيك ولكن انوار راه دار حياة جديدة
فداء : ماماك عارفاني ؟
انوار : نو عارفة البنت لي باغي من الكاختيي لكن شكون بالضبط ماقلتش ليها
فداء : ما تقول والو عفاك! خلي دوز هاد العطلة و انا نهضر مع بابا و تما جيو خطبو
انوار : شكون يضمن ليا انا هاد العطلة مايوقع والو؟! ياك غير الخطوبة خليها هي اللولة نديروها
_التزمت الصمت خوفا من سوء فهم اخر ! لكن في نفس الوقت تتفكر فردة فعل عائلتها، تتحس انها هي و انوار متفاهمين و الحب بيناتهم ماتتخيلش تزوج بواحد اخر غيرو ! او يتفارقو، تنهدت مبتسمة
فداء : صافي قولها لمالين داركم و علمني
انوار : ( بابتسامة فرح ) شتي دبا بينتي ليا راك باغاني ! ندوز هاد الشهر نكمل فراش الدار و هاد السيمانة نشري الطموبيل لي نكتب بسميتك ومور زواجنا نبدا ليك فالمشروع ! مابقيت باغي والو غير تكوني معايا و نكون مسؤول عليك
فداء : إن شاء الله ( قربت سلمت عليه بالوجه ) يلاه نخليك
انوار : غير ترتاحي و تسالي صيفطي مساج
_نزلت بعيدة على دارهم فدرب مظلم ! الفرحة لي تتحس بيها وهي تتمشى اول مرة تحس بيها ، احساس ان انوار باغيها اليوم قبل غدا و يحقق لها كل ما فاحلامها قلبها باغي يطير بالفرحة، دخلت للدار لي دائما الأضواء شاعلين فيها
فداء : ماامااااا
حسن : ( شاد التيليكوموند ) فداء ابنتي جيتي؟
فداء : ( تتجمع الضحكة بالسيف ) فين ماما ؟
حسن : راهم عند حنينك !
فداء : نحط لك العشا ابابا ؟
حسن : ( طفى التلفازة وناض ) لالا انعس دبا خدام بكري !
_جبدت التلفون طالعة نازلة حتى رن وجاوبات
فداء : اماما
فاطمة : فين راكي ؟
فداء : فالدار
فاطمة : تحركي اجي لدار حنينيك اتسكتو ليا القلب ! اويلي وحدي وحدة ( قصدها اسراء ) الصباح ودبا نتي امولات العقل؟
_قلبها طاح بين رجليها ، كاع داك الضحك و الفرحة تتحس براسها هجراتو ، بملابسها وصاكها خرجت من الدار قاطعة الشارع دايزة من جنب حانوت حمادنة مكملة الطريق حتى وصلت للفيلا داخلة وجهها مافيهش نقطة الدم مباشرة لمكان تجمعهم هو المطبخ الخارجي مع الدخلة لقات اسراء حاطة يديها على حنكها و اسمهان تتهضر بهمس وغضب مع خدوج و فاطمة تتشوف فيهم
فداء : مالكم؟
فاطمة : ( بهمس ) دخلي سدي داك الباب
فداء : ( سدات الباب بقات بلاصتها تتقرب شوية بشوية ) اش واقع ؟
فاطمة : ( بعصبية شديدة ) اجي اختي اش داك لولد الغرباوي؟
فداء : ( وذنيها تصمكو مباشرة شافت فاسمهان و اسراء هما خنزرو فيها بمعني ماشي حنا لي قلنا ليها ) صمت
خدوج : مابغيتو ديرو عقلكم ؟ غير وحدة قربت طيح الروح الصباح مع خوها ونتي تتقلبي ياسين يدير شي كارثة؟
فاطمة : ( بخيبة امل ) تنقول بناتي مثقفين! بناتي مرضيات ! بناتي مايرضاوش بلي كان ، بناتي ما يهضروش معامن ماكان ؟ نتي جيتي درتيها ليا قد فمي ؟ ياك ياسين متبري فيكم؟ قالها لكم فوق الطبلة، قال انا عارف خواتاتي تيهضرو و تيخرجو ولكن نهار نحصل شي حاجة مارحم حتى وحدة فيكم
فداء : ( الدموع حبسو فعيونها ) ماما ولد الغرباوي باغيني للزواج
_اسراء و اسمهان حطو يديهم على فمهم من جرأتها وخدوج غير تتشوف و فاطمة تنهدت حتى تنهدت و رماتها ليها فوجهها
فاطمة : اش نقوليك ابنتي ! إلى عندك الصبر لي صبرت مع باكم سيري تزوجي بديك التريكة ! هادا مانقول
_عم صمت لثواني ! اسمهان تتحس بقلبها تيضرب ومزيرة على يديها وأسراء شادة فيها فوق السدراي تتبثها بغات تهضر وتجاوبها ، بغات تقولها راه امك هاديك لي تتهضر معاك و تنصحك
فداء : ( بنبرة مرعودة ) علاش اماما تتقولي هاكا ؟ الولد راه برزقو و خدمتو و باغيني ماشي تيتفلا
خدوج : اااا اسرااا ابنتي ! ااويلي وحدي ماتعلمتو منا والو ؟
فاطمة : ( حست بالسخفة جرت كرسي جالسة ) اشمن رزق واشمن خدمة ؟ وااااش انا تنقول لك الحومة كلها تتبرا فيهم و الوزين فين خدام باك مع باه معروف عليهم ما يتعاشروش ونتي تتقولي ليا باغيني ؟ شحال من واحد بغاك وخطبك ؟ ها المهندس ها لي فالخاريج و تتخرجي عينيك فباك و خوك و تتقولي لااااا ! ونجي نقولهم خليوها باغة راها بخدمتها ، خليوها مزال دير مشروعها ونتي واقفة معاايا كلمة بكلمة على ولد الغرباوي
فداء : انا غير تنشرح ليك اماما ! ( بنظرة خاطفة سمعت اسمهان تتهمس مع إسراء ) وشكون قالها ليك ؟
اسمهان : ( بسرعة فالجواب ) شوووفي الله يرحم باك ! بلا ماتشوفي فيا ؟ سيري شوفي شكون بركك بيك
فاطمة : ( ضربت ضربة مع فخدها ) اداكشي نيت لي ناقص ! وحدة تغطي على وحدة ؟ ( هزت اصابعها تتحسب امامهم ) صبرنا على الجوع و المشاكل و الذل و المرض و الهم ركبنا من ساسنا لراسنا باش فاللخر نلقا بناتي وحدة تغطي على وحدة؟ علاه ضاربين بهاد العزارة الكاغيط ؟
اسمهان : ماما مااااتجمعيش ! انا بنتك عييييت مانهضر معاها ، عيييت ما نغز فيها ، بنتك تتحسبني عدوتها ! بنتك تجي وحدة تلاقاها البارح دير بهضرتها وانا لي ختها هضرتي تاتجيها زبل
فداء : ما واقفااااش عليك تنصحيني ! وماااااا واااقفاااش عليك تهضريني و ماااتيتنغز غير الحمار و ماتيذكر الزبل غير الزبل
خدوج : آوٍي !!! حشمو شوية
فداء : ( تتشير لها بالشهود ) شفتي اخالتي ؟ ( شهدت عليها فاطمة ) شفتي بنتك ؟ ماااا كتحتارمش
اسمهان : ( تتهز يديها حتى للفوق ضرب فخادها و اسراء تتشد يديها ) وااااش غادي تسكتي ولا غادي نيت نحطو ليك كولو؟ وااااش كاين شي وحدة عندها العقل غادة تهضر مع واحد شمكار
إسراء : واااا هااا العار إلى ماسكتي ( تتشد لها يديها ) وااا سكتي
فاطمة : خليها تهضر ! ( اشارت لكاس الما مداتو لها خدوج ) اوا نيت ماشافهمش و هما تيشفرو شافهم و هما تيقسمو ( هبطت على كاس الما ) سمعي لا نتي الا هي ! ( الما لي باقي فالكاس رشات بيه اسراء حتى دهشت ) ونتي نيت معاهم
اسراء : ( تتمسح الما منزلة راسها ) صمت
فاطمة : ( هزت صبعها بتحذير ) اااخر هضرة غادي نحطها ليكم نيت هنا !! الحاج بناصر جاية اكثر من ربعين عام ( تتشير للأرض ) باش طلع هاد الفيلا ياجورة ياجورة ! زْوج لي زْوج ! قرًّا لي قْرَّا ! كبر اولادو لي بشلاغمهم و عمر تبرية وحدة جات لبابو ! ( تنهدت بحرقة تتشير لهم ) حتى كبرتو شميتو تحت بيطانكم ! أربعين عام عمر واحد فخوتي لقيناه مع بنت ! ولا دخل سكران ولا هزاتو صطافيط ولا ياااا شاكر ولا تيجاني الحاج نعسوه بالفقصة حتى نيت حْشمْنا الزمان مع اولادنا ! غير مول العقل زرق العينين هازو مع خالو و حمزة راه شاعل حتى هو الضو الاخضر مديماري ونتوما لي بنات! و الحشمة و السر يطيح عليكم؟ نوضو طيحو لنا هنا الروح ! مولات العقل طايحة ليا مع ولد الغرباوي مكناس كلها تتسالو الفلوس و امو ماخلات حد فالتيقار و لالة اسراء سنين و هي جارة ليا مع الجدارمي
اسراء : اخالتي ماشي جدارمي
فاطمة : ياك اختي هدا نيت هو المشكل لي عدنا ! الالة قاضي( قربت لوجهها ) إلى عينيك و عينو فالمعقول ضربي الحديد ماحدو سخون آاسراء و هنينا من المشاكل، ياك غير اليوم حمزة بغى يطيح الروح ؟
خدوج : عيييت مانهضر ! طبت بالهضرة
اسراء : ( دورت لسانها ففمها ) يكون خير !
فاطمة : راه مابغينا لكم غير الخير ! ونتي الالة فداء مدام عقلك ماشي معاك سيري منك لحسن و لياسين إلى عطاوك لولد الغرباوي انا مانزيدك والو
فداء : ( بدموع ) الصمت
فاطمة : اوا نيت بكي عليه ! ( شافت فاسمهان ) اوا نتسناو نوبتك ، نتسناو حقك
اسمهان : شتي انا غادي نكمل هاد العام او الله لازدت الضربة فهاد المغرب
فاطمة : منك لباك ! براكة عليا نقابل الحاج و الحاجة و ولدي كريم و تسنيم اش طلع ليا منكم نتوما الكبار؟
خدوج : براكة ا فاطمة! صافي براكة
فاطمة : الله يخليهم بالخلا ! كاع لي داز عليا مع باهم ماشافوهش ليا ، كنت نعس فالدار و نصبح عند العدول نبيع فرزقي لي خسرو على الشيخات
_فرقو الجماعة مع دخول شاكر ! حطو العشا تجمعو من غير فداء لي رجعت للدار و إسراء و اسمهان تعشاو فالغرفة ديالهم متفادين شاكر و حمزة اما حتى تسنيم ماتتجيب اخبار عالمها وحدو
إسراء : ( منزلة راسها فالتلفون تتمسح وتعاود ) ولد الق_حبة يصبح مصبح عليا
اسمهان : دبا تقولي ليه يجي يخطبك؟
إسراء : اسمهان فين يخطب اصاحبتي؟ واش السيد غارق كريدي ومشاكل و عاد ها امو ها اخوه ها الزمر المزمر
اسمهان : من الاول قطعي معاه لاش تتجرو
أسراء : ( بمرارة ) لحقاش قلبي بغاه و عقلي لا وانا مزالة تنحارب معاهم بجوج و مشاكلي هما الثالثين
اسمهان : ( دخلت بلاصتها جارة الغطا ) شتي إلى غير نتي وختي كرهتوني فالتصاحيب !
اسراء : شوفي ماتقارنينيش بختك ! نتوما خالتي دمرت عليكم و باكم قراكم فأحسن المدارس وماكنتو تهزو هم لا الحوايج لا لشنو تاكلو ، انا راه عشت الحرب مع عمتي و بِّا ! كن كنت بلاصة فداء بخدمتي و تنصرف غير على راسي علاش نمشي نهضر مع واحد سايط لدلمو الريح فعقلو ؟ واليديا ما باغينوش ! انا بعدا إلى حتى تصاحبت مع بوليسي راه كان يحلص ليا مدرستي و كل عيد تيشري ليا الحوايج و الروشارج المهم هازة راسي وحتى إلى بغيت نزطم معاه فالزواج؟ قادة براسي معاه ، راه ما عنديش الواليدين لي يطاكيو عليا ولا اليد لي تهز التلفون ونقولهم اجيو راه عندي مشاكل
اسمهان : شوفي نتي بعدا قادة بشغلك عارفة فين تتحطي رجليك ! انا ختي راها نية و لي هبط لها جوج دمعات تيق بيه ، انا راني شفت بعيني وراق البنكة بسميتها خايفة لاتكون هزت ليه شي كريدي
إسراء : ( بصدمة ) اويلي؟! اجي شكون وصلها لخالتي ؟
اسمهان : اقسم بالله ! صحابك انا راني مفقوصة غير محيت تصاحبات معاه؟ هداك راه ولد غرباوي مطرق راه ختي لي غْنُو ( قادات المخدة ) تفووو على تريكة كي دايرة
اسراء : جاوبي الخرا شكون وصلها لخالتي
اسمهان : منين ماكبرش مشكل يعني وصلاتها لها شي مراة كن حصلها ياسين بربي تيدخل فيها بطيط
إسراء : نيشان ولا داك حمادنة مول الحانوت ( صبعها طاب بالمسيح ) انا خاصني جوج تلفونات هادشي ما مسلكش مع عز الدين
_مر الليل على فيلا بناصر كلها بالغرفة ديالو ! الحاج و الحاجة دائما مع بعض و اول غرفة على ليسر لشاكر لي غط فنوم عميق من شدة العمل و باقي الرواق غرفة تسنيم لي ناعسة و الدراما خدامة و حمزة لي تيبريباري للامتحانات إلى اذان الفجر لي تستيقظ عليه الحاجة و من بعد ما تبدأ روتينها
إسراء : ( دخلت للمطبخ ) حنا صباح الخير ! صبحتي شوية
الحاجة : ( بابتسامة مشرقة ) حمد الله ابنتي ( تتشير لها تجلس ) تفطري ايلي المحمصة ولا اتاي
إسراء : ( على وقفتها تتاكل التمر ) مافيا لي ياكل ( مسحت يديها وعنقات حناها تتشم ريحتها ) انا مشيت
الحاجة : ( جبدت بزطامها مدت لها مية درهم ) شدي ابنتي باش تاكلي وتركبي فالطاكسي
اسراء : شكرا احنا انا مشيت
_دعوات الحاجة ايطو تتسمعم إسراء و هي خارجة من الفيلا ! بلسم جروحها و نور عينيها هي الحاجة ايطو ! خرجت من الباب متجهة لجهة تلطاكسيات لقات النوبة واصلة لفين
إسراء : اوا زهري وعارفاه ( جبدت التلفون تتصل ) الو
عز الدين : ( بصوت حرش ) دوري لراس الدرب راني تما
إسراء : ( قطعت الخط و بدات تزرب فالمشية ) ولد الق_حبة بايت عساس عليا ! ياربي عاوتاني يضرني فراسي بالهضرة
_مع تادورة لقاتو منتظرها غير ركبت ديمارا لا سلام لا كلام تتسمع صوت انفاسو تيطلعو و ينزلو شافت فالساعة كانت مزالة لها ساعة على الخدمة هو شاد الطريق مااتيشوفش فيها حتى توقف جنب الصبيطار ديالها من الخلف حيد الصمطة تيشوف فيها بغضب جامح
عز الدين : كن صباح مالقيتيش الصف على الطاكسي ماتعيطيش ليا ؟
إسراء : شوف نقوليك! راه داك البلان مامنو والو! لي وصلو ليه الهضرة؟ راه وصولها ليه عليك ، خالتي البارح قالت ليا جيبيه يخطب! ( خرجت فيه عينيها ) نتا قادر تخطب ؟
عز الدين : ( خلاتو تيشوف ) الخطبة ااانخطب ولكن نتخبط مك مع شي حيط راه مادوزيهاش عليا ! ( تيضرب يديه مع الفولو ) معاااامن كنتي راااكبة فطموبيل؟؟؟!!!!!!
_دورت وجهها بملل و عصبية تتشوف جهة باب الكلينيك و ترجع تنزل راسها
إسراء : واش باغي تلصق ليا مونتيف و ربي كبير؟! واااا بناااادم راه وصلو ليه بلي مصاحبة معاك نتا
عز الدين : شتي انا طيبتيني بالكذوب ! الكذووب الكذووب اطيري بالكذوب ، كنتي راكبة مع واحد و الحديدة عندو برانية
إسراء : ماااااشي انا ! نهار تشوفني بعينيك نتا ؟ اجي حاسبني
عز الدين : واش انا التلفون تنشدو بيدي نقلبو و نطير و نزل تلقاك شي ماسحاه شي دايرة ليه ارشيفي وتتقولي ليا حتى تشوفني ؟ فين نشوفك
؟
اسراء : ماتحمقنيش ! دبا مالين الدار راه عرفوني معاك دير معايا الحل
عز الدين : ( شد فراسو تيحس بيه تيزدح ) خليت ليك الله ! اما انا حطيت معاك سلاحي
إسراء : ( ركزت الشوفة فيه ) لي سمعك يقول راك تتصلي على هيضورة السبع ! علاه شكون كان يمشي يضربها بسكرة و يكمل ليلة ديالو مع القحا_ب
عز الدين : ( تيهز راسو بنبرة سخرية ) ااااه !! غير انا نخوي زبلي فجهة نتي ديري شغل يديك ، سمعي الشلحة من نهار وليت نفرق معاك الخلصة ؟ تما قريت صلاة جنازة على القح€اب مانحلف مرة مرة على داك كاس الشراب ونتي تتكوني سبابي فيه
اسراء : دبا الحال تيمشي عليا و الخدمة تتسناني و تنشوف راسي نفس الهضرة تتعاود
عز الدين : شتي تنكون حالف على دلمك و تنقول نشدك و ندير و ندير ولكن إلى من عند الله مرحبا بيها وإلى من عند العبد الله ياخد الحق
إسراء : لواه الجنون ماشي العبد! هاد الهضرة نقولها ليك على السحور للي مجرب فيا ومعاود و يلاه تسرقو ليا حوايجي من الحمام ماعرفت الدقة منين جاتني! مسالية ليك نسحر ليك
عز الدين : ( حط يدو على حنكو ) اوا مانعرفت! منين قلتي بفمك باغة الخطبة انا نديرها لك قد فمك
إسراء : ( بعدم إهتمام ) دير لي بغيتي ( فتحت باب السيارة ) الله يعاونك
عز الدين : معاياش خارجة؟
إسراء : ستة ديال العشية
_بقى متبعها بعينيه حتى دخلت من الباب بقى مدة تيفكر و يعاود وديمارا متجه للمنزل ديالو ! مسافة الطريق كان داخل للدار وهالة التعب واضحة عليه مع الدخلة لقى امو و اخوه مع مراتو منوضينها
عز الدين : اش واقع؟
الاخ : ماواقع والو ! انا لي حمار نايض مزوج
عز الدين : ( شاف مرات خوه خرجت من البيت ) هنينا الله يرحم باك ! سير شوف ليك فين دمر و طلع الصرف راه مراتك قربت تولد و انت مزال فشد ليا نقطع ليك
الام : اوا الله يهديهم ( كبت ليه كاس اتاي ) فطر اولدي
عز الدين : ماعندو منين يدوز ( شاف خوه ) نوض تحرك مابقينا عارفين نهضرو فهاد الدار بخاطرنا
الاخ : ارا ليا واحد تلتيمة درهم راه الموطور صلحتو
عز الدين : ( وقف رمى ليه ميتين درهم ) هااا لي فجيبي فرقتو معاك
الام : اودي غير عطيه اولدي راه بيه باش خدام
_تنهد بحرارة زادو مية درهم عاد خرج من الدار و عز الدين بقى غير تيشوف مالقى فين يرد الراس و هو يهز كاس اتاي شرب منو جغمة
عز الدين : مّي ! راه بغيت نخطب
الام : ( الشوفة ماتتشوفش فيه ) كن درتي بريي كن راه اولادك دخلو للمدرسة اولدي
عز الدين : امي ! الزواج راه مكتاب ، حتى دبا انا ما كنرغبكش ولا تنشاورك ! انا خاطب خاطب
الام : ( فتحت زيف حياتي على راسها و عاودت عقداتو نطقت بكره ) آوالله الشلحة لا كانت ليك ! انا دخل عليا هاديك
عز الدين : على مالها امي ؟ بنت الناس! و قارية و خدامة، باغيها و باغياني ، راه جا الوقت لي نجمع راسي و نخرج نكري راه رزقي مفرق بزاف عليا
الام : مال دار باك ؟ ولا الشلحة تتحكم عليك ؟
عز الدين : واش البرهوش ولدك كل نهار عرس مع مراتو ونوض انا نزيد ندخل مراتي لهنا ؟
الأم : سييير خطب إلى عطاوها ليك بلا واليديك الله يربحكم ، انا خطبت ليك لي تصبر ليك ولي تسكن معايا ونديرها بنتي و اولادك يكبرو معايا ولكن نتا باغي الآليبة ، سير الشلحة تخرج عليك
عز الدين : الله يهديك الواليدة ! الله يهديك الواليدة!!! راه من غيرها ماناخدش ، ديك الحياة ماباغيش نعيشها
الام : انا راه مانقوليك لا ها السخط لا ها الرضى ولكن راه الشلحة تبيعك سروالك وماتحنش فيك ، بغيتي دير على كلامي زيد نخطب ليك شي بنية مزالة صغيرة من دوارنا الفم مسدود و الذراع الحامي بغيتي الشلحة انا اولدي مانمشي معاك ما ندخل فزواجك و إلى بغيتي حق باك فالدار نديرو الحل
عز الدين : شمن حق امي ؟ با راه خلا السفلي و انا لي طلعت للفوقي ! وانا لي فرشت وأنا لي رجعت هاد الدار و تتقولي ليا حقك ؟ راني كما درت لها راني ضايع
االام : اوا جيب الشلحة تسكن هنا ! انا نزل للسفلي ديالي وخوك و مراتو يطلعو للسطح نبني ليهم
عز الدين : دبا ولدك عرفتي تبني ليه ؟ وأنا امي لي باغي نجمع راسي ونخرج نكري نبعد من الصداع دايرة ليا العصا فالرويدة ؟
للام : الصمت
عز الدين : شكون هادي لي باغية تخطبي ليا وباغاني نديها ؟
الام : بنت الفقيه ! الحشمة و الزين ! تجمعك و تصونك و باغة وقابلة تعيش فالدار هنا
عز الدين : ( شاف فيها بتمعن ) دبا كلمتك شادة فيها ؟
للام : زيد شوفها و شاور راسك ! راه الشلحة ماتصلاحش ليك، كاع لي تعري الشعر و تزير على قزيبتها ماشي ديال العشرة ! علاه ماجابوش ليا خبارها ؟ وحدة ساكنة في فيلا تجي تسكن لك فهاد القفز ؟
عز الدين : ( ساط بقوة تيحس بعروق راسو تيزدحو ) يكون خير امي! انا داخل نعس
_للحظة الواحد فينا تيتأمل حياتو و السؤال لي تيطرح ؟ كيفاش حياتي تكون ؟ فين غادي نوصل؟ لكن الغيب فعلم الله و الانسان يبقى مسير فالحياة ! مرت ايام على اخر احداث لي وقعت لإسراء و فداء الاثنين تيحاولو يتجنبو اي اصطدام اخر مع العائلة ! من داخل فيلا بناصر على الساعة السابعة صباحا كان يوم مشمس ، من داخل المطبخ الحاجة ايطو تتقلب فالمسمن على المقلة عينيها على الباب حتى بانت لها خارجة واقفة تتهضر مع شاكر شادة ورقة فيديها
تسنيم : خويا راه قالو نص ساعة قبل
شاكر : ( شد منها الورقة تيقرا ) ديك بنت الاستاذ صاحبتك و ولد صاحب باك يديهم طرونسبور ولا ندوز عليهم
تسنيم : ( لحظة ادراك ) اااه ؟ ماعرفتش
شاكر : ( هز صبعو تيشير لها جهة المطبخ ) سيري عند الحاجة سلمي عليها و دوزي للطموبيل نتي صابحة مزالة ناعسة ! شتي اخرة الافلام
_تسنيم : ( عقدت حواجبها غادة عند الحاجة ) حْنّا
الحاجة : ( مسحت يديها معنقاها ) آيْلّي ايْمانو ( تبوسها و تحضنها بقوة ) غادة دوزي الامتحان
تسنيم : ( مغمضة عويناتها مستمتعة بالحضن ) اممممم
الحاجة : تفطري ابنتي
تسنيم : مافياش آحْنّا ( باست يديها )
_ركبت مع شاكر يوصلها للمدرسة فين دوز الامتحان الجهوي الموحد ! الجيل الرابع حاليا اغلبهم اولاد الأفين! الجيل لي انعدمت فيه التسرويلة بالكل و حل محلها ليكوش ! الجيل لي اول لعبة تيشدها بيديه هي الهاتف الذكي خدام فيه الويفي من رسوم لرسوم ! الجيل لي اغلبية والديه من الجيل الذهبي مختلط بين الثمانينات و السبعينات! جيل لي مفشش و عندو بيتو بوحدو ! جيل لي عارف نهار عيد ميلادو ايمتا يكون ! جيل لي عندو الإكتئاب بحال الرواح ! الجيل لي من صغرو تيقرا بريفي و تتبرزط المدرسة ديالو بقول: بغيت ولدي يجيب نقط مزيانين الله يخليك اما صحاب العمومي سويرتي مولانا مع المعلمين اصحاب الضمير لي تيأدي الرسالة او المعلمين لي تيشوف فمهنة المعلم صالير فقط...
شاكر : ( شاف الساعة ) الطناش نكون عندك هنا ! ركزي مع الأسئلة
تسنيم : واخة !!
شاكر : ( بتأكيد ) ماتيضرك والو؟
تسنيم : ( للحظة تتفكر ) انا ؟ لا والو ! بسلامة خويا
_جيل مرفوع! جيل إلى مافيقتيه للمدرسة مايفيقش ! جيل إلى مافكرتيهش يغسل سنانو مايغسلهمش ! جيل تتحارب معاه ياكل اكل صحي جيل جل تفكيرهم يدير الفلوس
تسنيم : ( شيرت لحكيم ) فين جمعة ؟
حيكم : ( اشار لها براسو ) راها موراك جاية
_نجمة : جيتو فطرونسبور؟
تسنيم : الا ! ( تيتمشاو داخلين للقاعات )
حكيم: وصلني الواليد صبح مدابز مع ماما
نجمة : ( الستريس شادها ) زعما واليدينا حنا ماتيدابزوش ! ناري شدني الوجع
حكيم : هانتي نْومْ هي كنتيك و بخينو هي سميتك ! عنداك تلفي تكتبي لهم نجمة
نجمة : ( فتحت ليه يدها ) كاتبة سميتي فيدي !
تسنيم : صافي سكتونا من الهضرة! راه غير موحد هدا مالو باك !
جمعة : موحال واش نوصل للباك ! هادشي غادي و تيصعاب
حكيم : خوك حمزة كي دوز الباك؟
تسنيم : مانعرفت ليه ! الليل كولو و داك خالي لي فميريكان تيخدم معاه
نجمة : تيخدم معاه بالميريكانية ؟
حكيم : لانتي مافخباركش ؟
نجمة : ( بدهشة وخوف ) لا !
حكيم : صافي تنخرجو و نگول لك
تسنيم : ( دخلو للقسم ) جيت فالطاولة الثالثة
حكيم : ( تيبحث على رالقم ديالو ) جيت انا اللخر
_للحظة دارو تيشوفو فيها واقفة تتشوف ! للحظة بدات تقلب على رقمها مالقاتوش فالقاعة و هي تبدا تبكي و ترعد
نجمة : ( شادة فقلبها ) ماتكولوش ليا حطوني فشي قسم اخر
حكيم : ( باسف ) صافي ساعة دغيا دوز
نجمة : ( بالدموع لي داخل تيشوف فيها ) دوز عليك نتا ! ( تتشهق ) انا نسقط صافي بااينة
تسنيم : ( دارت تتقلب ) دوزي الله يعطي لدلمك الشوهة ها رقمك فالطاولة الاولى! هادي رقمها و قلباتو باغة دوز امتحان
نجمة : ( جلست تتمسح دموعها ) بركة عليا نحفظ سميتي مقادة نزيدها بالرقم !
_بدا الإمتحان ! تسنيم و حكيم خدمو في أريحية و نجمة تتخدم و تحبس لأن الستريس غالب عليها هاكا مر اليوم الاول و اليوم الثاني و انتهى معاه موسم دراسي في إنتظار النقط اما النجاح فهم واثقين منو
شاكر : ( دخل للدار تينادي بصوت عالي ) تسنييييييييم
تسنيم : ( هبطت تتجري فالدورج ) نعم
شاكر : قربي لهنا اجي
حمزة : ( داخل وراه تيضحك ) هاااا الأفلام فين خرجو عليك
_بدات تصفار فوجهها وهي تتقرب لشاكر غير شدها و هو يحضنها بقوة باغي انه يطيحها كنوع من المزاح داخلين للصالون لي فيه فاطمة و اسمهان و حسن شرايبي و الحاج مجموعين على الغدا بما انه اليوم الجمعة دخلو جلسو معاهم
الحاج : ( بصوت عيان ) اطلق من ديك الفلوسة تهرسها
حسن : شنو خرجو النقط؟
شاكر : ( جلسها حداه تيقرص فحناكها ) ديالاش خمسطاش ؟ ديالاش ؟
تسنيم : ( عقدت حواجبها قاعدة فيها ) فالقسم ولا الموحد؟ ( شافت فحمزة غيهضر وهي تسبقو تتهضر وتشرح ليهم بيديها ) انا !! دبا انا تنحيد عليا العين
حسن : ماشي نقطة مشرفة ! ها ختك اسمهان فتاسعة جات هي الاولى فالقسم
تسنيم : ( قلبت شفايقها زدات عاقدة حواجبها ) بصحتها ! اصلا هاد ختي اسمهان باغة تحرگ لخاريج
اسمهان : اربي السلامة ! نمشي بقرايتي اختي
الحاج : ( فتح ذراعو لتسنيم حاضنها ) بعدو من بنتي ! هي الصغيورة براكة عليها داكشي لي جابت مزيان
حسن : ( نزل راسو تيشوف فالتلفون ) هي غير نقطة الحاج ! راه الشعبة لي ختارت ما مسلكاش
فاطمة : خليها تبع لي بغات ! مهم تتقرا النقط ماشي معيار ديما
شاكر : ( مركز مع التلفون إلى هضر يخسرها ) الصمت
حسن : دبا حمزة شحال ضرب فالباك ؟
حمزة : سطاش اعمي حسن !
حسن : سطاش و سيونس فيزيك ! وكان فالكوليج تيجي هو الأول؟ لالة تسنيم بهاد المعدل إلى نجحت ليك بمقبول راه الحفلة نديروها
شاكر : بشوية عليها ! اهم حاجة تزيد تقرا في ليسي بريفي و مؤسسة فالمستوى مع المتابعة تاخد الباك بنقطة مزيانة ان شاء الله
تسنيم : دبا عندي الحق ندير لاكارط و بيرمي اخويا ؟
شاكر : بيرمي مزال شوية ! ( طبطب على ظهرها )
حسن : غير تكبر بنتي ندوز لها البيرمي
الحاج : ( تقاد فالجلسة غير مهتم لكلام حسن ) اوا نوضو شوفو هاد كسكسو مزال تيطيب
_إلى توضحت المعنى لا فائدة في التكرار مع الحاج ! تقسمو الرجال مع بعض من غير فاطمة معاهم و الحاجة مع البنات و خدوج حتى فرقو المجمع كما العادة، نهار الجمعة كامل عند الحاجة العشاء بالحريرة بقوامها هاد المرة كانو الأحفاد كاملين فالجردة مجموعين ناشطين مع بعض من غير كريم مع حمادنة و الداخل كان شاكر مع فاطمة و الحاج تيخبرهم بالقرار لي عندو
فاطمة : ( بصوت هادئ ) اوا الله يسهل اخويا ! صافي نتوكلو عالله
الحاج : ( منزل راسو تيشوف فاصابع رجليه ) صمت
شاكر : آشنو الحاج؟!
الحاج : اودي غير طلقنا ! انا من نهار حق عليكم صيام حلفت ماندخل فزواجكم ، ربي راه فرق بين الحيوان و الانسان غير بالعقل
شاكر : ( دور وجهو هاربة ليه الضحكة ) اش وصلنا لهاد الكلام الحاج
الحاج : ( تنهد ) اااااااه !! دبا تجرب وتعرف ، لي نوصيك دير البنات الناس فين يديرو ليك الناس لخواتاتاك و بنات خواتاتك
شاكر : ( نزل راسو بجدية رجع شاف في فاطمة ) نشوفو هاد السيمانة ؟
فاطمة : مقاد امورك ؟
شاكر : ( غمزها محرك ليها راسو ) مقاد ! شوفو نتوما اش تاخدو معاكم
الحاجة : ( داخلة سمعت هضرتو ) آمْمّي ( اولدي ) شوف الناس اش تيطلبو واش باغين ، الشلوح ماشي هما العرب
فاطمة: اودي امي راه كلشي رجع بحال بحال ، جبدي غير الفلوس
شاكر : ( التلفون تيرن و شاشة فيها اسم سندس ) وي ( وقف خارج للخارج ) صافا؟ ( تتجاوبو ) صافي هضرتي معاهم؟ ( تتجاوبو ) صافي السبت الجاي ( دور وجهو شاف اولاد خوتو تيشوفو فيه عرفهم سمعوه) من بعد نتصل بيك
ياسين : ( نزل راسو مخبع الضحكة ) اوا كاين شي عيد ميلاد ؟ شي عراسية هاد الصيف ولا والو
تسنيم : مالك نتا صغير ؟ نوض تزوج دير جوج عراسات كاع
ياسين : خاصني جوج عيالات باش ندير جوج عراسات
إسراء : العيالات امزلعين اخويا ياسين ! الزعرا و السمرا و الكروازية اعزل و تخير
اسمهان : ( تتكلم بهمس ) ويلي ويلي سمعكم خويا شاكر
تسنيم : السيد ناوي المعقول و نتوما تضحكو
ياسين : ( غفلها شدها بقوة جارها لعندو ) شكون عزيز عليك انا ولا هو
حمزة : ( جرها من شعرها بالضحك ) عزيز عليها الصينين
تسنيم : (حامية الروعة تتغوت ) ودخلوو سوق راسكم( تتجار مع ياسين و هو حاكمها ) ووواماامااااا و طلقني
فداء : ( غير شادة فراسها تتنهد ) طلقها آياسين ضراتني فراسي
تسنيم : ( بسرعة فالجواب ) نوضي سيري لداركم( تتدفع فياسين ) طلقني و الله تنغوت لخويا شاكر
ياسين : ( الحب ديالو يعصبها ) غوتي نشوف ( زاد زيرها ) نوض آحمزة لاوحوها فداك لابسين
_واك واك والروح تطيح و ياسين و حمزة فاقصينها ما طلقوها حتى خرجت لهم فاطمة تتخاصم ! من صغرهم مولفين يتجمعو على الضحك ، من صغرهم مولفين شد فيا نشد فيك و المغامرات فاش كانو يدوزو العطل فالعروبية مايخليو كرموص مايخليو دجاج مايخليو ورد! ديما الحاج تيصبن فيهم و الحاجة تحامي عليهم !
مرت ايام قليلة على هاد المجمع في حين مجمع اخر تيتوجد ليه خطوبة شاكر و سندس لي هاد الاخيرة كانت واقفة على شغلها
سندس : ( جالسة على الفوطوي جنب الاب ديالها ) اوا لا بابا قولي عفاك ! بغيت ذوقك انت
الاب : ( بحنان ) لي درتيه ابنتي هو هداك ! مهم نكبرو بهاد الناس ، انا لي بغاتها بنتي بغيتها
الخالة : ( مبتسمة تتشوف فختها داخلة حاطة صينية اتاي ) الصمت
الام : ( تتكب اتاي كلها تتقطر بالماكياج و روايح تتعطعط منها ) اول حاجة قبل ما تفكرو فالبوفي للضياف خاصني ديكورات جداد
سندس : ( تترمش بعيونها ) ماما ماشي ضروي ! هادي غير خطبة صغيرة التعارف و صافي ، نخليو الديكور وا الفراش حتى من بعد
الام : نو سمحيلي! انتي تتشوفي مصلحتك ؟ الوغ بغيت الديكور يتبدل
الاب : ( صرط الكية ) الالة ! جات فالديكور ؟ نبدلوه ، مهم عندي الامور دوز بخير
الام : لالا الحمد الله ادوز الامور بخير ! ياك سولتي على السيد ؟
الاب : انا تنطلب من الله يكون معدن ديالو صافي و ولد الناس ! اما تسوال راه ماكافيش
الام : اوا لله يسخر ( مدت ليه كاس اتاي ) خود لك كويس( حطت لختها ) شربي اتاي
الخالة : شكرا ! ( شافت سندس باطمئنان ) صافي هانتوما متافقين
سندس : صافي ابابا قول طريطور يوجد العشاء و لونطخي و دواز اتاي ويجيو بكري يقادو لي طابل بهاد السربيس لي ختاريت
الاب : داكوغ ( شاف فالام ) شي زيادة آمدام؟
الام : لالا داكشي لي ختارت متول ! انا خلي ليا واحد شيك باش نشوف أموري
_اب سندس دايرة قضية دير الما منين يدوز ! عارف الام جلاخة و تتنوض الصداع وعلى خاطر بنتو تيسلك الامور الرجال ماشي كلهم بحال بحال، كاين لي كلمة ديالو ماطيحش الارض وكاين لي محايد وكاين لي طبلي ولا غني لي فراسو راه فراسو ! سندس ختارت طريطور ينظم لها العشا ، هادشي رجع متداول ، بمجرد اتصال تختاري ماكولات لي بغيتي حتى من الطبالي و الكراسة يحضرهم ليك كولي ونوضي غسلي يديك بحال حتى نتي معروضة ماتغسلي دجاج ما تهزي هم ليه ...
سندس : الو شاكر صاافا
شاكر : ( بصوت جوهري ) وي صافا ! فين وصلتي؟
سندس : سي بون ! امور مزيانة ، سي كونفيغمي ليلة السبت ان شاء الله ! وشوف عفاك جيب لافامي كاملة مرحبا بيها
شاكر : ياك الالة ! شكون بغيتي نجيب
سندس : اوا هدا عليا مزال ماحفظتهم ! خلاص واليديك وخواتاتك و أولادهم بليز مرحبا بيهم كلهم
شاكر : ( بنبرة مرتاحة ) الله يزيد فضلك آمدام ! قولي ليا شنو باغة وشنو خاصك؟
سندس : انا ؟ ماخاصني والو الحمد لله ! تنطلب من الله هادشي يتيسر لنا اما داك الثانويات راه دايزة
شاكر : ( عض شنافتو ) شوف اسندس ! راني عارف لي كاين وعارفك كفاش تتفكري ، دبا خلي كولشي ابار وقولي ليا شنو فخاطرك شنو الحاجة لي تحسي بيها كبرت بيك قدام والديك، انا تنبقى راجل وعمرني تزوجت ولو نعرف ماشي لدرجة نعرفك شنو بغيتي نتي ! تفاهمنا ؟
سندس : ( بخجل ) ماعرفت مانقول ليك ! انا نتشاور مع طاطا
شاكر : الا حشمتي نتي دوزي ليا خالتك
سندس : ( قطعت النفس بالخجل ) اااه !! لالا ماحشمتش والله( سكتت شوية ) شوف انا راه مانقدر نقول لك جيب جيب عفيني عفاك لي جبتيه راه عاجبني مدام منك انت
شاكر : صافي الالة انا جايك طويل! تقبلي بيا
سندس : الا قبلتي بيا انت وباغيني كما انا راه نقبل بيك حاجة عادية
شاكر : ( دخلت عندو محاسبة ) يلاه من بعد نتكلمو بيزو ( شاف فالبنت ) وي
محاسية : مسيو شاكر هدا الحساب الشامل لي طلبتي من نهار فتحنا الشركة
شاكر : ( شد الاوراق تيفحصهم ) شكرا ! (خرجت رجع رن الهاتف ديالو) الو
تيجاني : ( بصوت ثقيل وهادئ ) اسي شاكر ! راني فاس
شاكر : بركة اصاحبي من الضحك !
تيجاني: حل واتساب دوز كاميرا ههه جيب ليا الفلوسة وحمزة اجي للمطار راه على مايدوز باگاج نكون خارج
تسنيم : واااااا حنينننيييي وااااا حنااااااااا ( قربت تسخف من الغوات ) صافي اخويا حمزة عمرني ندخل لبيتك
حمزة : ( تيحس بيها تتقمشو ) هداااي البرهوشة اححح ااااي ( طلقها )
تسنيم : ( مشات تتجري راجعة هازة الكراطة ) والله يا مك اليوم نفلقك ( تتهز تهدد عليه ) انا تنتفني
حمزة : ( حاضي معاها ) ياك ؟ هازة الكراطة ( سمع صوت طموبيل شاكر و هو يشدها بجرية داخل للداخل ) فكي حرريتك معاه
_الدورة لي جات دور تهرب و هي تخرج فيه وجهها احمر و شعرها طالع و الكراطة فيديها مهزوزة
شاكر : ( بنظرة تساؤل ) مالكي ؟ مدابزين عاوتاني؟
تسنيم : ( تتشوف ورائها ) لا !! ( حطت الكراطة ) كنت تندير الرياضة
شاكر : طلعي لبسي حوايجك وقولي لحمزة يلبس نمشيو لفاس
تسنيم : ( تتفكر الحلقة لي خلات ) اسيرو انا مافياش
شاكر : (بصوت حاد ) تسنييييييم !
_هبطت راسها طالعة تتجري دخلت عند حمزة قالتها ليه ، للحظات نزلو متابعين تيتبادلو نظرات الأعداء و شاكر تيتكلم مع الحاجة فالمطبخ اما الحاج كان فالكراج و حرك السيارة خارج محتفظ على المفاجأة عن الكل من غير الجوج لي معاه للحظة لي شافوه داخل لطريق المطار و هما يبداو يشكو
تسنيم : شكون جاي؟
حمزة : ( بشك ) خالي ؟! وااايلي حتى خالي
شاكر : ( بابتسامة ) هوووواااا
_دائما عندنا فالعائلة واحد الشخص مجرد تسمع اسمو او صوتو او الحديث عليه قلبك تيفرح وغالبا تيكون عمك او خالك او خوك الكبير او ختك الكبيرة او خالتك بالمهجر ! بفرحة عارمة داخلين للمطار وعيونهم تتبحث عليه ! مشتاقين ليه ، جالية أمريكا ماتتدخلش كل سنة للمغرب مثل جالية اوروبا او الخليج، بحكم البعد و غلاء التذاكر و انشغالهم الكثير تما اي دولة من اللخر تقولهم نوض تخدم ولا ماتلقى ماتاكل ماشي بحال اوروبا إلى ماخدمتيش نوكلوك و نسكنوك
تسنيم : ( حاطة يديها على كمها تتكلم فهمس ) حمزة شوف واحد الكوري
حمزة: ( تتبغي تخرج ليه العقل ) سيري قولي ليه انا راه تنبغيكم
تسنيم : والا ماشي لديك الدرجة ! اصلا هو اجاشي( عمي )
شاكر : هاهو خرج ..
_جالية امريكا نقية بحال لونجلي ديالها ! فقمة الاناقة ، مامعلق ساكوش ماداير كاسكيطة مقلوبة و جار مية باليزة ! جاي بكل اناقة وبساطة جار باليزة كبيرة واخرى صغيرة و صاك ديال الحاسوب على كتفو حتى لمحهم بابتسامة عريضة مبينة اسنانو البيضين مستفين و هو محتضن تسنيم لي جات تتجري عندو بخالي خالي
تيجاني : ( حاضنها بحب مقبل راسها ) اهلا اهلا فلوسة خالها ( خلاها تحت ذارعو تيسلم على شاكر و حمزة ) اهلا بالناس العزاز
شاكر : على سلامه اسي تيجاني( شد منو باليزة و حمزة باليزة اخرى ) كي كان الفول ؟
تيجاني : ( بنبرة فرحة طبطب على ضهر حمزة ) حمد الله ! سي حمزة مبروك النجاح
حمزة :الله يبارك فيك أخالي
تيجاني : ( تيشوف فتسنيم خلاها صغيرة فالسادس ) تبارك الله كبرتو ! حمزة رجع راجل
شاكر : دفعو دفعة وحدة ( فتح الكوفر تيحط الباكاج ركبو فالطموبيل ) مرحبا بيك فالمغرب
تيجاني : ( حرك ليه راسو بشكر ) تمشي فين تمشي مرجوعك لبلادك ! الحمد الله المغرب زوين ، الوحش ديال الواليدين و البلاد و الحباب تيبان لنا فحياتنا لهيه ما تيبقى عندك طعم لوالو
تسنيم : خالي جبتي ليا داكشي لي وصيتك عليه فاش مشيتي لليابان ؟
تيجاني : ( بهدوء تيجاوب ) اوا قالو ليا جبتي ناقص فالمعدل
تسنيم : ( تتخنزر فحمزة ) كي اربعطاش كي سطاش
شاكر : اوا شتي ! وصاتك على دوك مجبدين العينين؟
حمزة : ( فلتت ليه الضحكة ) هاد البنت راها تسطات
تسنيم : هداك راه تنوع فالثقافة ! ( بتودد ) خالي ! توحشتك بزاااف والله ااخالي
تيجاني : ( بضحكة مشرقة ) تتهلاي فالحاجة ياك ؟
تسنيم : ضروري ! ( ستريس شدها ) الحاج حتى هو
تيجاني : الله يرضي عليك! نوصلو نعطي للغزالة الكاضو ديالها
تسنيم : ( تراجعت جالسة نزلت راسها تنقز بالفرحة ) خاصني نقولها لجمعة واواووو على اخبار
حمزة : هي جبتي ليا آيفون؟
تيجاني : لا تستاهل
شاكر : ( تيشوف رقم سندس تيرن عليه دار وضع صامت ) صمت
تيجاني : إلى شي مكالمة مهمة وقف جاوب
شاكر : وهي مهمة ولكن من بعد ! نزربو لعند الواليدة مسكينة
تيجاني : اوا الله يسمح لينا منهم! تخاصم عليا شوية ، تتبغي توجد و تلقاني فالمطار ولكن راها عيات شوية
شاكر : مزال الحاجة هي الحاجة الفياق مع الفجر و توجد جوج فطورات و الغدا فالوقت و تنعس مع العشا ، مزالة على السيستيم ديال عيشة العروبية
تيجاني : احسن عيشة ! الفياق بكري راه مزيان ولكن خاصها ترتاح شوية ، الله يطول فعمرها ، تنكون خدام تتطيح ليا فبالي ماتتبقى تبالي خدمة
شاكر : اوا الصبر ! راه البنات معمرين عليها، اسراء راها عايشة معانا دبا
تيجاني : توحشتهم كاملين ! الله يسهل عليهم، واحد ياسين ؟
شاكر : راك عارف مولاي رشيد ديالنا! لي فراسو راه فراسو
_منزلة وجهها من الشمس لي رجعاتها شديدة اللاحمرار ، هزت راسها تتنهد تتسمح جبينها حتى خوات الكيشي امامها وقفت تتدخل لاكارط ديالها، دارت الكود هو يعطيها غلط ! قلبها ضرب جوج ضربات وبداو اصابعها تيترعدو وجربت الكود لي عقلها تيقولها هو الصحيح للمرة الثانية تيعلن انه خطأ ! بدات تصرط ريقها عقل تيقولها خرجي لاكارط وعقل تيقولها جربي الكود وهي طرح تساؤول على نفسها
حسنا : قالبين نوامر فلكيشي؟
_حطت يديها على راسها مغمضة عينيها تتعصر بتفكير! رجعت تتركب الرقم بكل ثقة لي متاكدة منو ولمجرد ضغظت على زر اخضر كارطة تسرطت وهي تفتح فمها بالصدمة وتتشوف باب البانكة مسدود لانه تسالا وقت العمل
حسنا : ( تحركت شادة على عينيها البكية شادها ) صافي العقل لي عندي مشى ليا ! منين نجيب الفلوس؟ شهر ديال تمارة و انا تنتسنى نتخلص
_تيقولو لي تلف يشد الارض ! جلست فدريجات ديال العمارة جنب البنكة جبدت التلفون طالعة نازلة وهي تتصل بيه ! تتصل بحبها لي تتفكر فيه طول الوقت ! تتصل بشريكها فعلاقة كلها سلبيات! تتصل بشخص لي ديما معولة عليه و تتلقاه
حسنا : الو
ياسين : ( بصوت خشن ) اممم
حسنا : ( بصوت حزين ورقيق ) يااااسيييين !
ياسين : ماتحشميش كولي كولي
حسنا : تسرطت ليا لاكارط كيشي
ياسين : ( غمض عينيه ضاحك ) اودي اودي ! فين راكي دبا ؟
حسنا : ( تتشوف جنابها ) جهة *** ، كنت باغة ندوز لمرجان
ياسين : راني قريب ليك ، نلقاك فالباب تما مرجان ، واش تقضاي ؟
حسنا : لاء بغيت غير شي تويشيات ، كي ندير نتقضى مع الثقل
ياسين : ديال العصا ابابا عجينة ! ولكن غزا فدلمك تستاهلي
_مسافة الطريق كان متوقف بالسيارة فباركينك المارشي ! من نهار دخلت قلبو و معزتها تتزاد عمرو رفض لها ولا خوا بيها ! لكن الكمال مستحيل فكل العلاقات الغير شرعية لانها بالأساس غالطة ! شافتو تيقرب ليها وهي تضحك
ياسين : ( بادلها الضحكة جارها عندو مقبلها فحنكها ) شتي نيتك ناقصة ؟
حسنا : ( مدات يديها معنقاه تتشم الريحة لي تتهبلها ) توحشتتتتتك
ياسين : ( طلع حاجب نزل حاجب فيها ) آمالنا على هاد الهضرة؟ ياك شربني مرار هاد الايام
حسنا : ( شادة فذراعو داخلين تتشوف المنتوجات ) ساعة الله ! اما انت الربح ، غادي مسافر مع لقح_اب
ياسين : ( دار راسو ماسمعهاش ) صبري نجيب شاريو
حسنا : بلاش اياسين ناخد غير لي بغيت
_جر شاريو وهي جنبو تتشوف لي خاصها ! من بعيد مثل اي كوبل مزوجين ، متواتين فالجمال و المشية و الابتسامة ، لي حطت عليها يديها تيهزها ! جميع اساسيات الاكل خداتهم من تظيف كل مايخص التقضية خداتها فالاخير توجهت جهة منتوجات التجميل
حسنا : هاد شامبوان زوين
ياسين : ( عينه مع التلفون ) زوين ديه
حسنا : ( تههز وتحط دازت للكريمات ) ناخد هادو؟
ياسين : ( بدون نظر ) خوديه ! طلقي راسك الشريفة راه امي وعمرني مشيت معاها لهاد مرجان
حسنا : تزوجني نبقى نمشي انا وياها
ياسين : ( وذن ميكا ) ندوزو لاكيس ؟!
حسنا : سير ! ها انا ها انت تنشوفو فين تخرج
ياسين : ( وقف فلاكيس تيحط المواد و تيجاوبها ) تخرج فشوف تيفي ! كن كنت عارف فين تخرج كاع مانهز الهم للايام
_خلص اسبيس و جار شاريو وهي جنبو تخرج للباركينك حطو التقضية فالسيارة وركبو شادين الطريق
ياسين : تمشي للدار ؟
حسنا : ( منزلة مراية تتشوف وجها ) اممم
ياسين : ( بصوت ساحر رجولي ) دا'رنا ؟
حسنا : اممممم
ياسين : ( ضحك من غبائها ) سير عالله
حسنا : ( عاد فهمت ) لالااااا امي تتسناني الزمر
ياسين : اسكتي لانزلك هنا لانتي لا بيودة الزيت ديالك! نمشيو نطفيو هاد الوحش لي بينا و رجعك الدار
حسنا : ( تنكر تقول مابغاتش ) ولا ياسييين ولااااا
ياسين : (تيقلدها ) واااايه واااايه اياااسين
_مرة تيكونو قراب للنهاية ومرة تيكونو كانهم فالبداية !! المشاعر تتحكم فيهم ، وصلو للنقطة للي نفسهم واحد و فراشهم واحد ، شنو مزال يزيدو يشركو باش يختمو علاقتهم للابد ؟ وهل اصلا هناك علاقة تمتد للابد غير شرعية؟ فخضم هاد الاسئلة كان بجوج عراة فوق السرير تتسمع من حسنا اهات مسحوبة بانفاس حارة هو تيذاعب فرجها مزير على فخادها ماتجمعهش
حسنا : بركة
ياسين : ( بنبرة عقاب و تحدي ) شوووو ! شكون قالي لله يعاونك ؟
حسنا : ( تتلهث محتاجة لرجولتو تبردها ) ماشي انا ااااا...
ياسين : ( فقمة اوج النشوة قاليه عقلو حبس ) بركة عليك ! حلاوتها هنا باش تعرفي بحقي
_رجعت حمرا تتقطر بالعرق وهي تتشوف جسمو الرياضي، واقف بإبتسامة ماكرة مرسومة على وجهو ماحسات براسها حتى شداتو بقوة من يديه مرجعاه امامها بنبرة تهديد وشعرها مزلع على وجهها
حسنا : تكمل خدمتك يااا نشوهك مع السبليونيات
ياسين : ( تيبعد وجهو عليها حس بيها باغة طير عليه ) عارفة اش تتكولي؟
حسنا : ( كأنه شربت زجاجات النبيذ تتحس بالسخونية طالعة معاها) مالي؟ ( قربت لشفايفو تتقبلو وتجرهم بكل قوتها و هو تيبعد ) كمل خدمتك
ياسين : ( تيعشق هاد النسخة الجريئة منها ) نكملها ونزيدك عليها خدمات هما ...( تيقلدها ) ولااااا ياسين ولاااا
حسنا : ( فقمة السعادة تتحس بيها طايرة ) واااايه وااايه ( تتسمع رنة الهاتف ديالو ) ماتجاوبش عفاك
ياسين : ( عض على شفايفو بقوة ) نجاوبك نتي الأولى! ( دخلو بقوة تا صرخت ) يالله بوجي جاوبيه
حسنا : ( تتسرط ريقها ) فكني يعطيك الغرق
ياسين : كثر من هاد الغرق؟ ( قلبها فوقو ) هاااا شنو بغيتي نتي تركبي عليه الزبدة ديالي
_المعاشرة انواع ! كاين لي تتأذي الواجب و كاين لي فوق نفسها كاين لي مستمتعة وتعطي اي حاجة مقابل هاد اللحظة ! الجيل الحالي فاهم وعارف فكولشي فين ما جيتيه باغي الطوب ديال الطوب ! وحسنا طاحت فلي يبردها و معيشها فوق السحاب، ممكن يكون تيصرف عليها وممكن تكون تتبغيه لكن هادشي لي تتعيش فهاد اللحظة تينسيها راسها....
ياسين : ( لابس الشورط من بعد ما دوش وهاز كوكا فيديه ) الو وي
حمزة : خويا ياسين راه خالي تيجاني وصل ! عياو مايعيطو ليك
ياسين : ( شعل كارو تيخرج الدخان من فمو ) على سلامتو ! صافي كولشي سلم عليه ؟
حمزة : لاصافي كولشي سلم شبعو بكا و نحيط
ياسين : اوا صافي هانا جاي ! ( تيسمع صوت تسنيم ) دوزها ليا ( تينتظر يسمع صوتها ) الو
تسنيم : واش نتا ماتجيش تسلم على خالك ؟
ياسين : هانا جاي ! ندير الجناوح ونطير ! يالله تهلاي
تسنيم : ( تتشوف امامها العائلة كلها مجموعة بالضحك و المعاودة ) انا مهلية ! حنا و حنيني و خالي وخويا شاكر معانا
ياسين : دبا نوري لمك خوك شاكر ( قطع متنهد ) حسنااااا ! نمشيو
حسنا : ( الحوار كلو داز على اذانها و هي تتسمع ) خالك وصل ؟
ياسين : اممم ! الفيلا دبا ماكاين غير الضياف جاين غادين
حسنا : اوا العائة شي حاجة مهمة
ياسين : كلها كي جاتو ! نتي حتى كنبغي نسولك و كنسى فين خوتك الدراري؟
حسنا : مانعرف ! واحد منين كنت صغيرة تنسمع غير سميتو شحال هادي خوا البلاد و الصغير ماعرفناه ميت ولا حي خمس سنين هادي زاد خلفة ! و خالتي هي لي عندنا
ياسين : لا عمامك لا خوالك ! ناشفة القضية ؟
حسنا : ( نزلت راسها بحزن ) مكحطة ماشي غير ناشفة ! صافي مانسيت والو؟
ياسين : لي نسيتيه راه يبقى هنا
_خرجو كما دخلو! وصلها للحي فين ساكنة و حط لها التقضية و عطاها تلتمية درهم على ماتخرج لاكارط ديالها وكمل الطريق متجه للفيلا عند الحاج ! علاقة ياسين مع تيجاني نفسها مع شاكر كبر معاهم ، كانو يسافرو مجموعين و يساعدوه فالدارسة كما دايرين مع حمزة الفرق ان العلاقة مع تيجاني بقات كما هي و العلاقة مع شاكر توثرت فين ؟ و امتى؟ تيبقى يفكر ياسين تلقاه لا هو عندو معاه لا لاخر عندو معاه ! حط السيارة فدارهم و كمل على رجليه قاطع الشارع هو يبان ليه كريم جالس شاد واحد الكرسي تيطبل و حمادنة حال فمو فالتلفزة
ياسين : الله يعاون الشباب
حمادنة : الله يعاون كاينة و الشباب فيناهوا
كريم : راه حارك فالفلوكات
ياسين : ياك المعلم؟! وزيد قدامي زيد
كريم : فين ؟
ياسين : زيد تسلم على تيجاني جا
حمادنة: على سلامة الجالية الأمريكية! الجالية المثقفة !
ياسين : نتا ا صاحبي نهار فتي باب داركم جيتي لهاد الحانوت وتتهضر على الميريكان
كريم : تيفهم حتى فالهنود
ياسين : نوض زيد تكعد زيد ( جرو من قردفاتو بقوة )
حمادنة : ( مخرج راسو تيطل ) احاول عليه راه عندو سوء التغذية مع سوء التربية لا صحة لاصواب
كريم : ( غادي تيجاوبو ) إلى عاودت جبت لك شي طاجين راني ماشي ولد فاطمة
ياسين : ( تيجرو بحال تيجر الحولي ) زيد تحرك زيييد هاداك مالك راه قالك لي كاين
كريم : ( بمجرد فتحو الباب داخلين تيحس بوجهو احمر وذنيه يطيرو بالخجل ) غوت ليه نسلم عليه هنا
ياسين : ( من الدخلة تيسمع الهضرة و الضحك ) زيد قدامي جهلتي دلمي ! مالك اصاحبي تسلم على عزرايل
كريم : ( بعصبية ) غير يجي هاد عزرايل
ياسين : زيد اصاحبي غير للكوزينة عند الحاجة مادخلش نتا الداخل
كريم : ( بقبول ) ااه امي الحاجة ندخل عندها ! مرحبا
يتبع...
التعليقات
لا توجد تعليقات بعد، كن أول من يعلق.