محتوى القصة
قسم : بابا .. مواافق ياك زعماا ؟ موافق ليا على هاد علاقة
اسد : ( بنرفزة تاقفزها ) اشمن علاااقة اشمن علااااقة !!!! اشمن علاقة .. غاتمشي عند سيد تقولي ليه شكون نتي ... وغاااتجي لداركم وتعيطي ليه لداااركم .. يجي يشوفك فداركم .....تبرهييش منبغيييهش اقسم
قسم : ويلي على دااارنا .....
اسد : علاش ؟؟؟؟؟... دخلك لدارو ومدخليهش لداركم ! لابغيتيني نوافق على هادشي خصني نكلس معاه ويكلس مع داركم وعماماك وخوتك .. كان باغي الجدية غايطلب يديك كان باغي تفلية ماعندي بنت لتفلية ... تخربيق !!! بانليا واقلة نتي لي باغية تفلية
قسم : ابابا شمن يطلب يدي .... حنا وصلنا ليدين كاااع!!!!!
اسد : قسم .. نوضي تكككعدي ....
ناض وقف ولبس نضاضرو زاد وهي موراه كتغوت
قسم : اويلي على يطلب يدي ... خليني غااااااندخلها لدماغي بعدا ... اويلي اباباااا عالاقل عطيني وقت نتعرف عليه ... ويلي ويلي غانقوليه بغيتيني جي لدارنا ويييييلي على حااااالة
اسد : ( زاد قدامها ) واخا ابنتي ... واخا .. ..
زاد للطوموبيل وهي طريق كاملة كتهضر وهو مسايرها عارف شنو غايدير .... تاوصلو لدار ... يلاه جا ينزل وهي تشدو
قسم : بابا ماتقول والو لتاحد .. راه والله ويعرفوني معاه تااايولدوني الولاد ويدرو لينا شهر العسل وانا باقا ماقتليه تاشكون انا .... ماما راه كنعرفها زغارتها غايصلو تالعند جدة لامريكا ولا وصلات لخبار لجدة غايمشيو يخطبوه ليا .... انا عاااااارفاهم ... خليها بيني وبينك تانشوفو هادشي فين غايخرج حيت لاوصلات لجدة غااايدفگ ...
اسد شاف فيها ونزل .... وهي تابعاه ....
صداع الكورة كان كايتسمع بعيد عارفة شي ماتش جامع الدراري فالملعب ورا الدار ... دخلو كانو العيالات جالسات فصالون لاامار غير شافتهم جات عندهم مخخلوعة
لامار : اسد ؟؟؟ فييين كنتو شوشتونا عليكم .. .فين مشيتو صباح الاحد
قسم : ( بابتسامة ) منخرجوش انا و بابا؟ (شدات فدراعو ) تخرجي معاه غير نتي
لامار : اسيدي مسااامحين الله يدومها غير خلعتوني
اسد : فين لوخرين
لامار : عدنان خرج هو ولدو الصغير .. سفيان لتحت فلاصال مع بنتو ... دراري كلهم برا.. قدس وماجدة فلابيسين ....
اسد : غانطلع نعس شوية راسي مقلوب ... عطلو شوية الغدا
لامار : ديجا لفطور خديناه معطلين مغايبغيوش يتغداو دابا ... عيطتي لوسيم ! صافي كايجمع حوايجو .. قبيلة مجاوبنيش يكون باقي ناعس
اسد : راه عارف غدا عندو ال5ول ...
لامار : معاش غادي يوصل لعندنا ؟
اسد : ستة دالعشية
لامار : ياااااربي توصلو ليا على خييييير تووحشتو الفريكيس ديالي
قسم : كاع توووحشناااه.. ... غدا نحاول نخوي ستة دالعشية نمشيو عندو لمطار .... يالاه آ ماما غنطلع تانا نعس شوية دوخاتني شمس ..
باستها وطلعات هربانة حيت كانت كتهضر ومخبية عليها يديها باش ماتشوف لحنة ودير ليها استنطاق .... وتا اسد طلع وهي مشات جلسات مع العيالات
لامار : وسيم غايوصل غدا مع ستة
سارة : على سلاااامتو مسكين ... توحشناه
رتاج : وي قالتها ليا بيلي كايجمع حوايجو بسيف.. ماباغيش يجي
لامار : اختي توحشت وليدي يجي بسيف عليه ...
رتاج : الحقيقة غايييعمرو علينا توحشناهم والله
حياة : غايجيو كاملين !؟
رتاج : جاي بابا وماما رقية وخوك مروان ياك الامار
حياة : اه تاهو جاي معاهم فنفس الفول .. واريج ويونس
رتاج : وي وتا زياد و مرتو جايين .. راه قالت غدا عندهم العرس دخو جنان كلهم معروضين تا ماماك عرضوها
لامار : وايلي ! فين ؟
رتاج : خوها لي تما فنيويورك ...
لامار : على صافي راهم فامريكا دابا كلهم! حسابتني غير اريج ويونس
رتاج : الا حتى زياد .. على هوما علاش دازو تما غير على ود عرس خو جنان ... باليا شي عرس مفخم راك عارفاهم هادوك باها غادير حملة انتخابية على ظهر عرس ولدو ههههه
لامار : صكع كون غير كلس تايحضر يجيبلنااا التبركيكة
سارة : مجابهاش وسيم تجيبها بيلي هههه
حياة : سعداتهم توحشنا العراسات ....
سارة : اودي غا توحشي العراساات شوفي على العصابة لي برا شحال بيهم كل عام نسربيو واحد ههه
رتاج : خدمة لامار هادي .. و لا تقاضا ليك جهد ابنتي
لامار : اختي هاد الجيل بووحدو ... زمرهم صعيب عليا
على براا ....
كانت قدس مستلقية فرولاكس بدوبياس غوز لحمها مبرونزيا وباقي فوقها قطرات د الما عالقين ... وشابو فوق راسها من الشمس ومغمضة عينيها كترولاكسا .. وماجدة تاهي حداها بدوبياس كحلين وشعرها فازك مطلوق حداها ولابسة نظاظر دالشمس ....
الملعب كان بعيد عليهم وفارق بينهم وبينو النخل طوال .... خدات قدس راحتها لانه مغايشوفهاش جود ....
الملعب كان فيه سلطان وجود ولوؤي و فيصل لاعبين ماتش .... تامشا جود تلاح على الكازو كاينهج والعرق كتصبب معاه وفيصل جلس فبلاصتو كان هو لي فالگول ....
سلطان : زيييييد اصاحبي
جود : عيييييت .... فييين غانزيد .. حبسو علينا نرتاحو (دار يديه بجوج تحت راسو )
سلطان : فنيانين ... ( كايجونگلي بكورة )
لوؤي : ( كايحيد توني كايقطر بالعرق ) تانا عيييت .. انطلع ندوش
جود : ( صفر ليه ولوؤي ضار عندو هو يغمز ليه ) كاااين شي قصارة هاد الليلة ....
لوؤي : ( شاف عند فيصل ) اضور تقوود ... الولد جالس
جود : فيصل .. نوض اوليدي لكتوباتك
فيصل : ( خنزر فيهم ) تانا ععارف القصاااارة وشنو فيها ... حساباتكم باقي صغير ولا شنو
لوؤي : ارا نتاا داك الكووورة .... نووووض من تما غانجي لوالديك .... نوض تكعد نتا ديال القصاير ...
جود : ههههه لوؤي الاخ الصاااارم .... ووووو
لؤي : غاتفلس الخرا كامل نتا .....
خلاهم ومشا وسلطان مشا تكا حداه كايبلانيو لقصارة فين يدوزوها ....
لوؤي شعرو كايقطر بالععرق بحالا تخوا عليه سطل دالما ماشي لدار هاز تيشورت فيدو لابس غير شورط وتقاشر وسبردينة .... لحمو سسسمرة وقاسحة بالجرا مع كورة .... وصدرو كايبان مترااااسي بشعيرات خفاااااف ووشام فصدرو تاهو خفيييييف .... اختصر طريق ومشا جيهة لبيسين باش يوصل لدار دغيا .... يلاه داز من حداه هوما يبانو ليه فرولاكس ... وطلع حاجبو فقدس .. داك النعسة بدوبياس لحمها كولها كتبااااان وصدرها مدفك على برا .... علا حاجبو وقرب تاوصل عليها .. غير حسات بشي حد دار عليها الضل حلات عينيها بحال شي غمزة غير شافتو حلاتهم بجوج بانليها واقف عليها مخنزر
لوؤي : نوضي تكعدي جمعي راسك منهنا .......
قدس : ( علات الشاپو على عينيها ) صافاااپا ؟ انا فدارنا واقلة !
لوؤي : ملي تكوني بووحدك ... الدار عامرة نوضي تكككعدي جمعي راسك
ماجدة : ( سمعاتو وهبطات نضاضرها كاتشوف فيه ) لؤي طي كوا !
لوؤي : ( مشافش فيها ) نووووضي تكعدي معاك كنهضر
قدس : اويلي بببببعد مني راني فدار باابا... باابا لي تااايحكمني سوووقك نتاا .. نلبس لي بغيت
ماجدة : مي صافابا ؟ اشهاد التخلف
لوؤي : تانتي جمعي راسك من تما عايشين فالمريكان !!!! يهود حنا ... نوضوووو تكعدو منها ( شاف عند قدس ) تححرررركي
قدس : مغاانتحرررركش ماشي سووووقك
يلاه كملاتها تاكان ضرب الرولاكس ديالها برجلو جابها مكركبة فالارض تااغوتااات وماجدة شدات على فمها وهزات راسها وهربات بطرمتها كتشطح ... وهي شادة فرجلها تقسحات
قدس : مااااماااااااا .... وبببعاااااااد مني ....
لوؤي : اتكعدي ولالا
قدس : ونللبس لي بغيت نتا ماااااالك ... ااااااي ( كتبكي ) رررررجلي
لوؤي : راه غاااانجمع مع والديك تححركي قدااامي ( كيشووف موراه واش مجاي حد يشوفها فداك الحالة خصوصي سلطان مابغاهش يشوفها وهي هاكاك )
قدس ناضت بزربة كتبكي وهو تابعها ... دخلو للدار بحال العجاجة والعيالات شافو لعندهم ولامار كطلعهم وتهبطهم
لامار : امااالكم
قدس : ( جات لعندهم كتبكي ) خاااالتي رتاااج قووولي لداك ولدك يبببببعد مني .... حححسن مانقولها لبااباااا
رتاج : اويييلي مالكم اش دار ليك
لامار : ( كاتشوف معاها ) اش هاد اللبس نتي و ولاد عماماك فدااار ؟؟؟؟ واش باغا باااك ولا خوك ييهرسو فيك شي عضضم
ماجدة : تتخخحف تخخخللف ... ( خلاتهم وطلعات )
سارة : ادااااااك صويييبيصة ابلااااتي عليك تاااانتي ... تااانشدك نوريك تخخلف ... غالقيتي باك مكاينش داااايرة لي بغيتي ابلاااااتي ييييجي
لامار : مالك نتي
قدس : ماسوقوووش فيااا لبس لي بغييت
لامار : هااااااح بررررردليااا قلبي حگلووووو فيك ..... طلعي تحركي من قدامي لبسي حوايجك ...
قدس : ياااااك اماماااا
لامار : انا كون جات عليا سيري تاعريانة ورااااه باك وخوك مايخليوكش اهاد لبنت .. ولاد عمامك عزارة ولابسة هاكاك لتحت بلا حشمة .. كون شافك خوك كون قسمك على زوج .. فللخر تبداي دمعي عليا ضااالمييينك .... طلعي
قدس خلاتهم وطلعات سااااخطة كتعرج برجليها ولامار كلسات
لامار : يااااسيدي ياربي حتى كنقولو كيكبرو وغير مزااايدين ففعاايلهم .. هادو كبرو هادو ... انا ماعرفت امتى غيديرو عقلهم
يلاه كيهضرو هو يدخل لؤي طالع وهي تنوض ليه رتاج
رتاج : اجي لهنا ..اشداك لبنت عمك مبكيها تلبس لي بغاااات ..هانا خمسييين عام باااقااا نلبس دوووبياس ونعوم بييييهم مالنا اش كاين
لؤي : حدا ولاد عمامك ! كتكدبي على راسك ...
لامار : خلييييوه يعطيييها عندو الحق لاعساااك اولدي ...
رتاج : ايبعد منها يعقد البنت على صغرها .. نحمد الله ونشكرو ماولدتش شي بنت كون راه انتحرات ليا ... سير طلع باراكا من داك التعقيدات كيفك كيف باك
خلاها مافيه مايتجاوب وطلع ...
خدا دوش ديالو وخرج لبس شورط دجين وتيشورت بيضة نايك وصبادرين بيضة .. نشف شعرو غير بفوطة ورجعو لور .. هز سوارتو ونضاضرو وتيليفونو وبزطام وراقيه وخرج ماشي باتجاه لاشومبر ديالها ... دق جوج دقات شاف لا مجيب وحل لباب دخل ... لقا البيت خاوي وصوت الما فالدوش عرفها باقي كدوش ...
وبدا يقلب بعينيه على تيليفونها بانليه على الطابل دو نوي هزو هو يلقى مساج فالواتساب من عند سلفادور ودايرة حدا سميتو قلب .... لقا ديسكيسيون ممسوحة كاين غير اخر مسج كاتبو ليها مزال ماكانت حلاتو ، لقا فيه " كنتسنى جوابك بفارغ الصبر انا باغي نكمل معاك حياتي بجدية اقدس " لوؤي بدا يضور فراسو ومسح داك الميساج ورجع تاني كيقلب فواتساب ديالها كايبانليه غير البنات صحاباتها ودخل الانستكرام لقااا عرااااام تما مروبلاها نيت ... تازهوانيت ديالهم كاملة جمعاتها .. وحط داك تيليفون وخرج لبالكون ديالها كايتسناها دوش وتخرج ....
دوشات وخارجة مقندشة جامعة شعرها فطريبيش عندو الوديناات .. ودازت لبلاكار كتلبس بالنترة ورجلها باقي كاتعطيها الصداع مكتقدرش تزطم عليها مزيان لبسات دو بييس ديالها ودازت خدات سورفيت ، لبسات سروالها لي بحال كولون ولبسات جيلي ملفوق يلاه كتطلع سلسلة هو يبان ليها خارج من البلكون غوتاات تااااقفزاتو
قدس : شكااااادددير هنااااا
لوؤي : ماشي هنا .. انا كنت لهيه ( اشار لبالكون ) ماتلسقيش لينا شي مونتيف
قدس : واش حمااااقيتي .. واعطيني تيساع تابعني تالبيتي .. واش ماعنديش معاك خصوصية ولا شنو ؟ راه كنت خارجة من دووووش
لوؤي : ( كايقرب لعندها ) وهانتي خارجة من الدوش !
قدس : ( كترجع بلور ) راه مكنتش لابسة آلوؤاي
لوؤي : اوووووه .... على قبيلة حدا البيسين كنتي لابسة !!!!! ....
قدس : واش ممكن تخرج من حيااااااتي
لوؤي : ( كيشوف فيها وقال ببساطة ) لا ... مكنفكرش فهادشي صراحة
قدس : بغيييت غير نعرف اش بغيتي عندي
يلاه كملاتها كان وصل لعندها كالاها مع الحيط وهي كطلع فريقها وتهبطو بزز مفييكسية مقاداش تحرك .. وهو حيد ليها داك طربوش وطاح شعرها الفازك على وجهها لانها كانت جامعاه القدام .... وبدا كيحدو ليها وهي قلبها غيخرج من بللااصتو تبكمات ماقداتش تهضر وهو قريب منها قد هاكاك وبهاد الجرأة كاملة .... قرب بشوية قاس فعنقها هو يضحك بجنب شفايفو حيت بانتليه لحمها تشوووكات وكولها تبورشاااات .. فرح من اعماق قلبو لان واخا علاقاتها كتيييرة وقوة الدراري الى ان واضح ماعمر قرب منها شي حد .... شد بيدو خصرها قربها لعندو وهي قربات تسسسخف عينيها حمااارو بحالا بغات تبكي .... وهبط راسو لعنقها تاتهزات للفووووق وقال بالهمس فوذنيها
لوؤي : هاد الساااعة باغيك غييير نتي ....
قدس نزلات ليها دمعة ماعرفاتهاش ديالاش بالضبط وقلبها كتحسو جمد صافي مبقاش كااينبببض ، كرشها من داخل كتحرقها تجمع عليها التوتر والخوووف والرعشة و الغضب ... وهي دير مجهوودها كامل وبعدات منو كتنهج مقادرة تنطق حتى كلمة مسكدة وهربات وهو ضار عندها غير براسو باقي فنفس وقفتو
قدس : نتاا .. نتا ... نتا ر ر راك راك م م ماعرفت .. ( بالغوات ) ببببعد مني خرررج من بيييييتي ...
تبسم غير بعينيه وضار لعندها
لوؤي : دابا انا اش درت ليك ؟ ....
قدس : ببببعد مني .. متعاودش تقرب لياااا .. غانقولها لباااباااا
لوؤي : ياااك ! ... ( كيقرب عندها تاني ) اش غاتقولي ليه
قدس : كووووولشي
لوؤي : نتي قولي ليه كولشي وانا غانقوووليه ليه كووولشي
قدس : ( كاترمش فيه ) و .. الولاد لي كنعرف !!!!
لوؤي : هه !!!! .... ( يلاه جات مبعدة هو يجرها من يديها بزربة تاتزدحات فصدرو وش.ها عندو كيدوز يديه على شعرها ) لا .... غانقوليه نت شنو تتعني ليا .. وشحال انا كنتسطى على هاد العويناات ( قدس غير كترمش وقلبها غادي غايخرج من بلاصتو ماقاداش تاتشوف فيه) وهاد البسااالة كاملة تاهي كتعجبني .. والضحيييكة .. وداك التخنزيرة تاهي .. ( كيهبط راسو لعندها هي لي مهبطاه لتحت ) غانقوليه بنتك ديالي .... ومغايديهاش شي حد من غيري ... ( قدس كتسرط ريقها بزز ) ماشي انا لي كبرات قدام عينيا ومن نهار كنا صغار وانا حاضيها يجي واحد يديها ليا دابا .. واخا نعرف نقتلو ... ( قدس طلعات عينيها فيه بزربة ) والله تاااانشرب دمو ..... برب تعالى ماتكوني لشي حد من غيري بغيتي ولا كرهتي ..... .
قدس تسلتات منو بصعوبة ورجعات لور غير كتنهج وعينيها حووومر وشفارها فازكين
قدس : و واش .. واااش نتا هبييييل هااا! واش بعقلك .. واش انا كنقوووليك مكككنحملكش .. مكنبغيييييكش .... ومغاااانديكش غير تهنى واخا تبقى غيييير نتاااااا
لوؤي : مغانبقاش غير انا .. كاين انا وهوما وكاااااع ولاد هاد الدنيا .. ومنهم كااااملين غاتديني غيير اناااا غير تهنااااي ...
قدس : واش من نيتك .. من نيتك تقد تدي وحدة مكككتحملكش !!!!! ...
لوؤي : واش لي مكتحملنيييش كتبووورش الى قستها ! واش اللي مكتحملنيييش نلقاها كاتشوف فيا ملي تلقى الغفلة !!!!
قدس : ( بصدمة اشارت بصبعها لراسها ) انا شششششفت فييييك
لوؤي : ( شاف لرجلها ) اجي لهنا نشوفو داك الرجل باراكا من تبرهيشك تاني اجي ..
قدس : ررررجلي غانديها لباااباا يشوفها .. ماشي نتا .. نديها لبابا يشوف ولد خوه اش داير فبنتو
لوؤي : ملي ديها لباباك يشوف ولد خوه اش داير فبنتو .. ياريت تقوليليه حتى بنتو شنو دايرة فولد خوه ....
تبسم ليها بحب وخلاها وخرج وهي غير سد الباب هزات مخدة وزفات بيييها بجهد على البااااب
قدس : كنننننككككررررررهك كنننررررررررهك
لوؤي هبط فدروج لقا لعيالات باقين فنفس جلستهم ووقف عليهم شاد فاليفوطوي بيديه من موراهم
لوؤي : دودودودو مكتعيااااوش ... فيمن كتقطعو تاني !
رتاج : فخبارك خو داك جنان مرات زياد عندو العرس
لوؤي : أوووپاااا .. اهاه الله يكمل عليه .. و شنو المشكل !
رتاج : والو ... كنهضرو غير عليهم وعلى العرس لي غايكونو دايرين لييه
لوؤي : ماعمركم شفتو العراس
حياة : هاد الساعة موحشيينهم .. توكلو لينا على الله
لؤي : اهاه علاش لا .... لقاو ليا عروسة وانا معاكم
حياة : لووووؤي اجي احبيبي اجييي اجي كلس حدانا احي
لوؤي : لا لا ااا انا منقدش عليييكم
حياة : ااااجي قتلييييك مالك ....
لوؤي تبسم ومشا كلس حداها داير مخدة على رجليه
لوؤي : هانا امرات عمي
حياة : ( عنقاتو من دراعو ) قووووليااا .. زعما مااعندك تاااشي وحدة فحياااتك هاا ؟؟؟؟ ( لامار غير كتشوف فيه ) زعما مكتبغي تاشي وحدة ماحاط العييين تاعلى شي وحححدة .. همممم !!!!
لوؤي : شكووون ؟؟؟؟.. انا !
حياة : ااااه نتاااا
لوؤي : مالي انا !
رتاج : اشوفي .... والله لاگر ليك واخا تباتي تغني عند راسو ..راه ولدي وتربية عمامو هاداك انا لي كنعرفو
حياة : واخااا اسيدي منحشموكش ... ولكن گوليا داك الجن عندي ... تاهو مافحياتو تاشي وحدة هم !!!
لوؤي : سلطااان !
حياة : اااه .. معندو تاشي وحدة .. مكاين مع تاشي وحدة مم !!!! ...
لوؤي : اااه .. كاين مع وحدة
حياة : ( طرطقات عينيها ) شششكووووون .. كييييدايرة وصصصفها ليا .. زوييينة !
لوؤي : كنعرف غير سميتها
لامار : شششنو سميتها كنعرفوها ؟؟؟؟
لوؤي : الفييفا ...
حياة : ( ضرباتو لكتفو ) نووووض عليا .. انا كندوي من نيتي
لوؤي : ( كيحك فضربة لي عطاتو لكتفو ) هه واش منيتتكم !!!!!
حياة : ( رجعات تاني جبداتو لعندها ) ااااجي .... قوليييا وجووود ... تاهو زعما مافحياتو تاشي وحدة
لوؤي : واخا تكون غايصبح نااسيييها امرات عمي هادشي لي عطى الله
لامار : واغيييير گر مالك ... فحياتك شي وحدة ياك !!!! زعما هاد المدة كاملة مكتعرف تاشي وحدة
لوؤي : واقلة شاربين شي حاجة !!! تقاضا ليكم كاع فاش تجمعو ... باش نجيكم من لخر حنا مكنعرفوووش غير وحدة ... مكاينش غير وحدة كاينييين بزاااف ... نهار نعرفو غير وحدة غانقولوها ليييكم نتوما لولين ... غير بردو
سارة : اويييلي على بزااااااف
لوؤي : شفتو زارا شنو خرجات !! راه بداو فحوايج الشتا من دابا ... ديرو طليلة تما شي مونطويات يعجبوكم ( ناض ) الله يععععفو عليكم داك الشيطان لهيه فداك القنيتة طالب معاكم شرع الله .... طلقوه يمشي عند ولادو
خلااهم وناض
رتاج : فييين غاااادي
لوؤي : ياك راجلك مكلفني بمتحف وا خليني نشوف شغالي
رتاج : سييييير الله يرررررضي عليييييك ....
خرج لوؤي ... اما قسم تلاحت على سرير وجبدات عليها بنعسة ماحساتش براسها .... قدس غير خرج لوؤي بقات غير جالسة فالبالكون وشاردة كتفكر ... متنكرش ان جاها احساس غريب عليها فاش قرب ليها .. ومتنكرش تاني انه عجبها داك الاحساس ! كانت كاتطلب الله يبعد فنفس الوقت كتمنى ميستاجبش لدعوتها ... كتسول راسها .... اويلي واش انا كايعجبني هدا ؟ لا ميمكنش .....
تايهة غير مع راسها مخربقة تابدات الشمس كتغيب .. سلطان وجود بدلو وخرجو يقلبو فين يقصرو ... عدنان داز على رتاج وفيصل داهم ومشاو وعمران تاهو داز على سارة وبنتو مشاو ...وسفيان تاهو هز حياة واية ومشاو ... بقات تاني غير العائلة الصغيرة .... لامار طلعات لفوق وكلسات كتنبش فاسد تافيقاتو ... وهبطات هي وياه لبحر .....
تاوصلات وقيتة العشا ... تجمعوا لامار وقسم على صال مونجي و الخدمات كيقدمو وهوما مناقشين
قسم : انا فكرت فاكاديميات للطبخ اماما .. لاباتيسيري ولاكويزين مونديال ... مكاينش لي غيعرف لهادشي بحالك .. نتي لي غاتعرفي تفاهمي مع العيالات
لامار : الا انا ماعندي عقل لهادشي تكافيت تا مع خدمتي ....كون يبغي وسيم يتكلف
قسم : صراحة هو لي تيعجبو طياب كيفهم حسن منا كاملين ولكن راه مزال مغاتسالا قرايتو ... وديجا نقولها ليه يريب عليا الدار ميرضاش ...
لامار : بالعكس اش فيها ومالو الطياب خرج غير لعيالات !.. عندو موهبة من صغرو علاش مايتمرسش فيها
قسم : وقوليها ليه تشوفي كيغايدير ليك ..
لامار : ( وسعات عينيها ودغيا هزات يد قسم ) ننننقششششتي !!!!!!
قسم : ( عضات على شفتها وغمضات عينيها مدة وحلاتهم ) اااه تشهيت ننقش ومشيت عند واحد المرا
لامار : ( طلعات فيها حاجبها ) نتي كتعرفي لعيالات لي كاينقشو !
قسم :كنت فالفوروج و بانت ليا فالمدينة القديمة ونقشت
لامار : مدينة لقديييمة !!!
قسم : اه كنت دايزة من تما
لامار : علاش فين كنتي !
قسم : ماما يهدييييك الله مشيت طليت على المرصى لي تما وصافي
لامار : ( مصغرة فيها عينيها ) باقا كتمشي لداك درب
قسم : لا ! صافي البنت غاتقرا علاش نمشي
لامار : مممممم ...وا منعرررف !!
لفوق ...
اسد خارج من جناحو كيعلي كمام البودي وهي تبان ايه قدس ماشية جيهة دروج كتعكز برجليها هو يمشي عندها بزربة
اس. : قققدس !!!! (شاف لرجلها ) مااال رجلييييك ؟؟؟ اجي عندي
قدس : لا ابابا مامالها والو ... غيييير .. غير قبيلة فلابسين جاني كلاكاج وتلوات ليا
اسد : كككلسي هناااا نشوف ( كيومي ليها تكلس فالدرجة ) كككلسي
قدس : ( كلسات ليه فدرجة كتلعب بعينيها ) م ماشي شي حااااجة ابابا ..درت ليها لابونض
اسد كلس تاهو حداها فالدرجة وحط رجليها على ركبتو حيد ليها لابونض كيشوفها زرقة
اسد :زرااقت ... معاياش ضربتيها !!
قدس : م مع لل لپيسين ابابا ....
اسد : ومكااااتشوووفيش ... هبطي نعيط لطبيب
قدس : لا اباباااا والله متحتاج
اسد : نتي مكتزطميش عليها وكتقولي متحتاجش .. غانتفخ ليك ابنتي
قدس : نووو بالعكس ضرررربة خفيفة ... هانتا الا صبحات باقا كتحرقني نشووفو طييب دابا مكاين لااااش عافاااك مكنحححملش طبييب
اسد : وقفي عليها نشوف
وقفات قدس وكتزطم عليها بزز هو يتنهد وهزها عندو كيف فاش كانت صغيرة وهي بدات كضحك عنقاتو
قدس : هههههههه رااااني كبرت اباباااا
اس. : شششش ... ( باسها فراسها ) مكتكبروش ابنتي فعينيا .... غتبقاو ديييما صغاارين ونهزكم فوق راسي
قدس : ( زيرات عليه معنقاه ) الله يخليك لييييينا يااااربي .....
دازت ليلتهم فهدوء ، ثم كل واحد قصد بيتو .. واسد تبع قدس ماصا ليها رجليها عاد نعسات .... ومشا لبيتو ... يلاه غاتنعس وهي تسمع دقة ودخلات قسم طلات غير براسها لابسة بيجامة دنعاس
قسم : ختي باقااا كتتتحرقك ولا شوووية
قدس : ( تبسمات ) لا راه مكتحرررقنيش بزاااف .... غير سيري تنعسي اختي تصبحي على خير
قسم : الى حرقاتك وعطاتك صداع صوني عليا نجي انا نديك لاكلينيك
قدس : ماشي لهااااد درجة غير ضربة خفيفة ....
قسم : الله يشافيك احبيبتي ....
خلاتها وخرجات وقدس بقات متبعة بعينيها الباب وهي تبسم داخلياااا .. وغمضات عينيها كتحمد الله على عائلتها وتحاول تلعن فدوك الافكار لي كانو يجيوها ، سمعات تيليفونها كيصوني وهي تلقاه سلفادور ... معرفااتش علاش لقات راسها قطعات عليييه .. ولاحت تيلي وتكمشات ففراشها تنعس ......
اما قسم ملي حطات راسها على المخدة وهي غير كتفكر .. هضرة باباها كثقب فراسها بقوة ... بلا متقصد هي فعلا هانتو ...باش تطول فعلاقتها مع اصيل خاصها فعلا تكون عارفة لمعنى ديالها مزيان والمعنى ديال الفرق الاجتماعي الكبير لي بينهم وتحاول تتعايش حتى يولي يبان ليها عادي ومتجرحوش بيه شي نهار بلا متحس .... هزات تيليفون شعلاتو لقات والو ماصوناش كاع وهي تحطو ..... ضارت على جنبها وغمضات عينيها كتحاول ما امكن متبقاش تفكر وتنعس ...
الاثنين 9 يوليوز
جا صباح جديد على قلعة الاسماعيلي ... كيف عادة كل الاثنين ، الكل تجهز بلباس رسمي ومشا للعمل .. قدس صابحة جابدة عليه لان الامتحانات سالاتهم ... و جود اصلا ناعس تالسبعة دصباح ...
اما قسم قدام مرايتها كتقاد الفاغاجو وتيلي فودنيها كاتصوني حتى جاوبتها
سلمى : مادمووووزيل !!!! لابااااس علييك تووحشتك والله ، فررررحت بزاف لي شفت نمرتك
قسم : ههه صباح خيييير سلمى .. كيف صبحتي صافا
سلمى : بييخير لاباس حمد الله .. توحشتك اختي والله .. نتي كيدايرة
قسم : صافا احبيبتي غير مع الخدمة ... قوليليا نسولك ، خوك فالدار !
سلمى : خويا ؟؟؟؟؟ اصيل !!!
قسن : هه ! كاين شي واحد اخر هه
سلمى : لا . غ غير .. واش كاين شي مشكل !
قسم : نوو ... ( كتلبس حلقاتها ) غير محتاجاه فشي حاجة وصافي
سلمى : متخبيش عليا .... واش كتخص قرايتي ! ترااجع؟
قسم : نوو نوو ماعندكش دخل والله . غير وجدي ليا راسك للموسم الدراسي ... محتاجاه فشي حاجة اخرى منبعد ونقول ليك ... كاين تما !
سلمى : ( باستغراب) لا .... هاد نهار عندو غايخرج لبحر ... لقيتيه يلاااه خرج دابا شوية
قسن : ( وسعات عينيها ) غاايخرج !!!! هانتي سيفطيلي دابااا فميساج فـين جات المرصى لي خدام فيها ....
قطعات عليها بزربة وناضت كتهز وراقها وصاكها وهبطات كتجري فدروج مشات لطوموبيلتها ديمارات وخرجات ... وصلها مسج فين جات المرصى ... وشدات عندو طريق ديريكت حتى وصلات ...
باركات طموبيلتها ونزلات ، ريح البحر كايدي شعرها وهي هاد المرة حاااسة براسها أليز حيت جاية بلا كذوب بحوايجها المعتادين .... لابسة سروال دجين قصير و طوب كحلة خفيفة مخشية فسرول وفيست شيك فالاخضر لغالق ... وسبادرين كحلة هازة صاكها ديور و شعرها مطلوق على راحتو مع بعض الاكسيسوارات وسويعة فيديها ... كاتشوف بعينيها وصوت النوارس مالي المكان .. الباركوات كانو بزااف والصيادة كلهم بلبستهم الزيتية كيقادو فالشباكي و القطوط فكل مكان ... يلاه اتزيد والكارد وقفها
قسم : عندي شغال نقضيهم ونجي .... بقاو هنا
خلاتهم وزادت مصغرة عينيها فباركوات و الزودياكات كتقلب عليه و لي شافها كايضرب فكتف لاخر يشوف وكولشي متبعها بعينيه وكاين لي كايتعنب بصوت مرتفع ... ماحدها كاتمشى وهي قالبة ليهم داك المرصى .. حاطة يديها فوق عينيها من الشمس وكتقلب بعينيها عليه تابان ليها فواحد الباركو بلبستو الزيتية وبوط دبلاستيك فرجليه ... كان ملهي مع شبكة كايقاد فيها كايستعدو يخرجو . . تابانو ليه الدراري لي معاه مكيطلقوش معاه الشبكة يلاه غايدوي هو يطلع عينيه فين كايشوفو ووسعهم على حجمهم ... .. ابتسماااات تابانو سنانها وعلات يديها
قسم : سلاااااااام .... الى بغيتو شي كااااابتن انا مووووجودة .... !!!!
اصيل بقا غير كايرمش ، واش يصدق عينيه ولا يكذبهم !! شاف عند دراري لي معاه بانوليه ضاحكين ليها هو يرخي داك الشبكة وزاد لعندها وهي ضااحكة فرحانة ..... تاوصل عندها عاقد حجبانو ساخط .....
اصيل : اش كاديري هنااا !!!
قسم : ( كاتشوف فعينيه فرحانة ) جييييت نشووفك ... ( طلات براسها على صيادة لي كايشوفو فيها ) الله يعاااااونكم ...
الدراري : الله يحااااافظك اختي .....
قسم : ( رجعات شافت فيه ) غاتخرج لبحر !
اصيل : علاش جيتي لهنا .. بلاصة الخدمة هادي ( ضار موراه شاف فداك دراري هوما ينزلو راسهوم ورجع شاف فيها ) سيري منهنا تانسالي وغانعيط ليك
قسم : فووقاش غاتسالي .. منقدرش ندخل نشووف
اصيل : ( بغضب ) واااش بعععقلك !؟؟؟؟ شوووفي بناااادم كيف كااايشوف سييييري منهنا نسااالي غادي نعيط ليك
قسم : معااااش غاتسااالي
اصيل : ( كايضور يشوف موراه مراقبينو ويرجع يشوف فيها ) معارفش ..
قسم : الى ماشي بزاف راه نقدر نتسناك .. بغيت نهضر معاك ضروري
اصيل : ( تنهد كايحك فراسو ) واحد ساعة دالمگانة
قسم : ( بابتسامة ) واااخااا .. اتلقاااني غييير هنا
اصيل : ابنت الناس ماتجهليناش على صباح سيري فحاااالك ملي نسالي غانعيط ليك ، خوي منهناااا ....
قسم : يااااء !!!! عجبني البحر بغيت نبقى هنا شنو فيها
اصيل : واشوف الممرررض دابااا . ....
قسم : ( ابتسمات ليه ) جببت طموبيل .. غانبقى فيها تاتساااالي
اصيل : ( طلع حاجبو ) ديالمن
قسم : ( بضحيكة ) دمووول الپيتزيرياااا
اصيل : يلااه سيري سيري دغيا .... منعاودش نشوفك مزال هنا ....
حركات راسها بالايجاب ومشات حاسة براسها دارت ليه احراج ...وهو متبعها بعينيه ومرة مرة كايشوف عند الباركوات لوخرين لي كانو يلاه خرجو من البحر ...ورجع دخل للباركو ديالهم كايقادو الشبكة يوجدو للخرجة ديالهم بليل
اما قسم دخلات لطموبيل ولقاتها فرصة تجبد لبيسي تقاد اومور خدمتها وبعض المسؤوليات لي دكساتهوم عليها صفاء فالاجوندا ، بلاصة ماتمشي لمكتبها فضلات تخدم غير من طموبيل ... جبدات من الپوش لابتوب أبل صغير دارتو على رجليها كل مرة كطلع عينيها تشوفو واش جاي .....
اصيل الدراري لي معاه فيهم الفضول يهضرو ويسولو على لبنت لي جات وهو حاااس بيهم وداير راسو مافاهمش ... فين مايلقاو الغفلة كايوشو غير كايشوف فيهم كايسكتو ..جات عجب يشوفو وحدة بداك الاناقة كاملة والمظهر واضح عليه مهلي بزاااف لا من البشرة لا من المشية لا من نبرة الصوت جات لهنا !..... مزعموش عليه غير ساكتين ... تاسالاو ودخل لداخل يبدل حوايجو وتبعو صاحبو انور
انور : اصيييل شكون داك الدرية دقبيلة !!!
اصيل : ( كايحد الكومبيليزون ) عطيو شوية راحة لدماغكم ...
انور : ( كلس على واحد الحديدة وغمز ليه ) شي حااجة تما ولا !!!!!
اصيل كايلبس حوايجو مكايردش عليه ...ماصور منو لا حق لاباطل .. غسل وجهو وهز تيليفونو وخرج من الباركو وانور تابعو باقي عندو امل يعاود ليه .... تاتلاقاه الرايس
ابرايس : فين خاارج
اصيل : ساعة دالمكانة وغانرجع ....
الرايس : وماتعطلش راه باقي مايدار ... داك الصوندا خاااسرة شوف لينا معاها نتا لي كتعرف ليها ... وملي تكون جاي سير عند حميد جيب البانضو ... ونتوكلو على الله ...
اصيل وما ليه براسو وخارج ساخط من الخدمة لي ماعندوش عليها بديل .. ايه كايبغي البحر وتيبغي الصيد وخلا ليه باه الحرفة ولكن مكرهش يكون هو الرايس دراسو مكيحملش الاوامر فوق راسو ...
غمض عينيه ومنين تفكر قالت ليه جبت طموبيل دونك غاتكون فالباركينغ .. غادي باتجااها تاوصل لباركينغ صغير تما وهي تبانليه رنج كحلة عامرة بالفيادر عرفهم ديالهاا ، طلع حاجبو ... واش هادي جاية تقوليه الحقيقة !!!! واش فعلا باغا تعترف ؟ جاية بلا ماتخبي هويتها هاد المرة ؟؟؟؟ ..... مشا باستغراب كايقلب عليها تاشاف واحد جاكوار عطاتو الفار .. علا حاجبو مصغر عينو فزاج تبانت ليه هي لي لداخل كتشير ليه بيديها ، بقى كايشوف مع الحديدة لي مختلفة على لي قبل منها .. واش فعلا هاد البنت فهاد الدرجة الثراء كاملة !!!!..... غمض عينو مدة وتاجه لعندها وربع يدو على الزاج كايشوف فيها ...
اصيل : هاد مول الپيزيريا مهلي فييك
قسم : هه.... ساليتي صافي؟
اصيل : عندي واحد الساعة .... قلتي باغا تكولي ليا شي حاجة ! هانا كنسمع ....
قسم : فوقاش غاتخرجو للبحر ؟
اصيل : تايطيح الظلام
قسم : واش مايمكنش نخرج معاكم !
اصيل : واش بععقلك !!! فين غاتخرجي مع الباركو عامر دراري
قسم : ومن بعد ! ... بغيت نخرج معاك للبحررر .. دير ليا خرجة ماسوقيش .. بغيت نشوف اصيييل الصيااااد أناا .. واش گراد فخدمتك ولا مدهشنا غير بالسمية .....
اصيل : هه !!! ... باغا دابا تخرجي للعيب ياك !
قسم : حااشااااا ....
اصيل : دابا نت باغا البحر وكان ...
قسم : ايييه ... باغا نخرج معااكم
اصيل : نزلي ...
قسم : ( وسعات عينيها ) حححلف !!!! غاتديني معاكم
اصيل : وا نزلي بعدا ونشوفو ...
ضحكات قسم وهو متأكد هاد المرة الجاية تقول ليه كولشي ، حيت ماخبات والو وواضح جاية تهضر على حقيقتها وهضرتو ضارت فدماغها ، كايحاول يستعد كيدير يسمع للحقيقة حيت تاهو متيق معاها كدوبها وعايش مع قسم البسيطة ... واش مغايتغير والو لاسمع شكون هي ! ... الحاجة الوحيدة لي مخلياه باقي معاها هو انه مصدق معاها كدبة طموبيلاتها دمول البيتزيريا وهي بنت الخيرية و غير بنت بسييييطة .....
نزلات من الطموبيل وشافها أشارت للكارد ديالها بمعنى تسناو ... وتبعاتو كتسول فيه وتعاود وهو غير ساكت تاوصل قدام زودياگات صغار تما .... وواشار بيديه لواحد كان تما كيعرفو وضحك ليه جا عندو سلم عليه وقسم موراه غير مبتسمة
اصيل : السويرتات .... ساعة دالمگانة هاهو عندك
- واايلي ابا اصييييل عاد كتشاااور ؟ ديااالك اصاحبي ( شاف فقسم لي موراه وضرب ليه على كتفو) وتهلااااا اباااا اصيييل تهلاااا ( عطاه سوارت ) راه عندو الپلان متخافش
اصيل : ( جبد من لور بزطامو هو يشد ليه يدو ) شششد اصاااحبي
- والله مناااااخد رياااال ماالنا برانين اصاحبي ... ( شاف عند قسم ) تتفضضلي اختي خوووودي راحتك ..
قسم : ( بابتسامة ) ششكرا ....
مشا و اصيل ضار عندها ووما ليها تركب وتاهي تبسمات عرفاتو غايخرجها غير فالزودياك ... وركبات كلسات على الجنب ... وتاهو طلع وداك الولد فك ليهم الحبل ... اصيل ديمارا الموطور وزادو ...مول الزودياك بقى متبعهم بعينو حتى بعدو على انظارو وهو يمشي ... وقسم فرحانة مطلعة راسها لفوق وشعرها كولو كاايطيييرر مغمضة عينيها عايشة لحظتها و اصيل كايخطف فيها الشوفة ... ورجع تاني شاف قدامو مدابز غير مع راسو ... تاشافها شافت عندو ...
قسم : وااشتي .... قولبتيني دابا ... انا باغا نشوف اصيل الصياد ، البحر راه كنعرفو
اصيل : دابا باغاني نصيد ليك ولا شنو
قسم : هههه مكرهتش ....
اصيل : هه !!
قسم : ( طولات فيه الشوفة ومع ضحكتوو الفتانة وزرقة الماء لي منعكسة فزرقة عينيه ونطقات ) اصيل .... فكرت فهضرتك بزاف .... كان عندك الحق فكل كلمة قلتيها .... انا لي بصح مفاهماش ... ولا نقولو مكنتش فاهمة ( اصيل غير كايشوف فيها ) انا مكنفكرش غير فاليوم غير تهنى ...
جملة كانت كافية ووافية وهو حرك ليها راسو بالايجاااب .. بلا مايحس براسو لقى راسو قلب ليها لهضرة ماااباغيييها تقول والو ، مابااااغي يعرف والو ....
اصيل : كايعجبك البحر !!!!
قسم : !!!! ( بقات مستغربة علاش قلب ليها الموضوع وتاهي سايراتو ) مممم... اه كااايعجبني البحر
اصيل : مزيااان ...
قسم : شوف انا ( قاطعها )
اصيل : كتعرفي تعومي بعدا الى وقف بينا هادشي ...
قسم : اصيل ..... راه باغا نهضر
اصيل : وي هضري ...الله اودي ...
قسم : بحالا مااخليتنيش
اصيل : ( مكيشوفش فيها ) انا ؟ لا
قسم : واش ماباغينيش نهضر ؟
اصيل غير ساكت .....
قسم : واخا ... وااخااا .. ياك ماشاداكش على خدمتك
اصيل : لا ... ساعة دالمكانة وغانرجع
قسم : شحال كتبقاو فالبحر ملي كتخرجو
اصيل : مممم ماعرفاش كل مرة وكيفاش على حساب الظروف .... كنديماريو مع العشرة الحداش دليل ... حيت مابين الطناش دليل وربعة دصباح هي وقيتة الخدمة .... غالبا غانرجعو غدا سبعة ولا ستة دصبح
قسم : اء ؟ صافي .... ديجا كنعرف انا الباركوات كايبقاو لسيمانة حتى لشهر فالبحر
اصيل : الباركوات الكبار خصوصا دفواكه البحر كايقولو ليهم باركوات دگامبا ..حنا الباركو ديالنا ماشي دالحوت دالبيع فسوق .. ديالنا تابع لواحد لوطيل .. مول لوطيل هو مول الباركو يعني خدامين معاه ماشي مع الدولة ولا مع راسنا ....
قسم : اااه .... صافي فهمت يعني نتوما فاي لحظة تقدرو تخرجو ماعندكومش واحد الوقت محدد .... بالنهار مكتخرجوش !! كنعرف الحوووت مكيبغيش الضو ولكن كاينين طرق ديال الصيد بالنهار .. الرايس ديالكم مكيخرجش فالنهار ؟ ...
اصيل : على حساب كل مرة وكييفاش .. مي غالبا بليل هو وقيتة دالصيادة ، بالنهار مكنخدموش بحال الليل بنهار كنجيبو داك الضورة وصافي ... راكي قلتيها الحوت مكيبغيش الضو .... وبليل لي تيبان لينا االبلايص مزيان ... هو الحوت راه عندو واحد الحاجة تايكولو اليها الشكامة هاديك هي لي كضرب ضو تحت الما يعني فالضلام الخليفة كايقد يشوف الحوت تحت الماء كايمشي كيف شي صرب ... كايرصدو بعينيه قبل من الصوندا ....
قسم : هاكاك ... ومن ناحية الارباح كايكون شي تقسيم عادل ولا الرايس كاياكلكم ههه كنعرف الماطيريال غايكون كايدي منكم نص داك تمارة لا !
اصيل : لا من ناحية الباركو لي فيه انا صراحة مكاينش هادشي الحمد الله .... حتى مول لوطيل لي راني معاه سامح لينا ففلوس الماطريال كيقولك باغي غير الحوت .. على حساب شحال دخّلنا حتى مثلا الى كانت خمسالاف درهم ....رايس كايدي منها الف وخمسمية ... والخليفة الف درهم و الباقي كايتقسم لينا حنا الصيادة ... مابيناش حنا بزاف كاين غير انا وربعة دراري
قسم : يعني خمسة دالصيادة بيكم ... كتبقى ليكم ستمية درهم للواحد ....ورااه مزياااانة .. الى درتو ربعة دالخرجات فالسيمانة هي الفين وربعيمة درهم فالسيمانة و وتسعالاااف وستيمية فالشهر ... راه مزياااانة بزااف !!!! ....
اصيل : تمارة دهاد الخدمة كتر من فلوسها .. هضرت ليك غير على باركو ديالنا حنا .... كاينين موالين الفلوكات راه النهار المزيان ديالهم كايصورو فيه الفين درهم ....راه ماشي كولشي واكل فيها الخبز ... وماشي غير اجي وشد بلاصتك فالمرصى .. ناس سنين وباقي كايتعدبو .. خصوصا هنا صحاب لفلوكات واااكلين الدق ( شاف فيها كايهضر معاها بارياحية ) عرفتي شنو يعني تخرج مع الطناش دليل تودع وليداتك سير واش ترجع واش لا هادشي تايتعاود كل نهار ... عرفتي شحال من واحد داه البحر ! غير فالبلاصة لي فين كاين انا كل مرة سامعين خبار شي واحد وداك الله اكبر كل مرة وعلامن كتسمعها ... راه الحياة كاتفدى فسبيل داك جوج دريال وفسبيل يوصل ليكم الحوت على الطبلة .... راه وليدات كيتيتمو اقسم .. البحر كاتحسيه كايسلف ليك ماشي كايعطيك .... واحد النهار كايديك كامل بلاصة داكشي لي عطاك ... ولكن واخا هاكاك منكروش رزقو ، كلينا بيه طرف دالخبز وكبرو بيه عائلات .... ( قسم غير متبعة معاه حمقها وهو كايعاود ليها واخا مامولفاهش كايهضر بزاف ولكن عجبها الحاال ) ولي كايعجبك كتر هو ان البحري عندو واحد القيييمة فالمجتمع ، الصراحة عمرنا تحكرنا .. حتى من البوليس لاشافوك كدابز مع شي بحري او نقصتي منو ...تايضورو فيك تايقولو ليك الى مكانش هو كيغامر بحياتو مغاتاكولش نتا الحوت .... ( تنهد ) تمااارتها والله ماقد فلوسها ولكن الحمد الله
قسم : مممم بصح عندك الحق .... قوليا ، ونتا كيدرتي شديتي بلاصتك فالمرصى و فباركو مزيان !
اصيل : الواليد سبقني لهنا و خلاها ليا ... واخا مسكين مكانش باغيني نخرج للبحر ..لكن الظروف حكمات ، منبعد ما مات الناس فالمرصى كلها رحبات بيا ... ورايس علي لي خدام معاه كان صاحبو
قسم : الله يرحمو ويوسع عليه ..... ونتا كتحس براسك مرتاح معاهم ... يعني مرتاح فخدمتك
اصيل : مانكدبش عليك لا ... الرايس الله يعمرها دار تاهو ولكن انا من الناس لي مزاجي بزاف مكنعرفش نتمشى بالاوامر .... كل مرة وكيف كنصبح صعيب نتأونگاجا فبروكرام روتيني ... ولكن حاليا مكاينش البديل ...
قسم : هو البحر زوين ( شافت للبحر ) وبالخير والبركة ديالو صراحة ... كل مابكرتي كل ماتهلا فييييك مزيان وكل مابغيتيه كل ماااا بغاك تاهو .. وكل مااااحنيتي عليه يحن عليك .. ولكن بعد المرات كالقاو راسنا ماشي ديالو ...ولا بعبارة اخرى ماشي قدو .. وكيف قلتي نتاا ( شافت عندو ) الظروف كتحكم بطريقة او باخرى كانلقاو راسنا مظطرين نواجهو مواجو حياتنا كاملة ....
اصيل : ( غير كايرمش فيها ) شنو علاقتك بالبحر آقسم ؟
قسم : ( علات راسها الفوق ) بحال علاقة الاب وبنتو ....
اصيل : كااع !
قسم : اممم .. كنحسو كايعرفني .... وكنعرفو حتى انا .... ( شافت فاصيل ) حسااابتك غير نتا لي بحري هههه ... ديني معاكم لباركو ونوري لداك الرااايس ديالكم شنو هو الصيييد هه ... الى هو كايصيد بالليل انااا غنصييد ليه بالنهار بلا مانشوف الضو دالحوت تحت المااا .... وبلا منحتاج لشبكة كبيرة لي كتهبط للاعماق فابضلام تصيد ... وبلا منحتاج للفلاما .... حيت البلاصة دالصيد فين كاين الحوت كاتبان على سطح البحر ااصيل ....
اصيل : ( باستغراب كايفكر اش عرفها فالبحر ) اهاه ! بحالاش
قسم شافت للبحر واشارت بيديها لواحد المنطقة فالبحر لونها مختلف
قسم : هاديك لبلاصة لهيه ... الى قتليك غانلوحو فيها الشبكة غاتقول ليا اه تما نلوحوها حيت لون داك البلاصة بارد على البلايص لوخرين .. يعني تما الحوت ياك !
اصيل : ( شاف لداك البلاصة ) اهاه تما كتلاح الشبكة نورمالمون
قسم :بالعكس .. داكشي لي غتطلعوا ليك الشبكة تما هو نفسو لي غاطلعوا ليك تاهنا مكاينش فرق ... للون البارد تما كايعني بلي كاين جبل صغيير لتحت قرب للسطح .... يعني تما مكاينش العمق .. اللون ماعندوش علاقة بالحوت .. الى بغينا نصيدو بالنهار ... كنعرفو البلاصة من الفقاعات لي كايكونو فوق الماء .... بحال مثلا البلاصة لي كيكونو فيها فقاعات صغار منلفوق .. تما رمي شبكة بعينيك مغمضين .... غاتصور حتى لعشرالاف درهم غير بشبكة عااادية و بانضو عادي ... لان حوت تما راه قريب وكيتنفس داكشي علاش دوك لي بابل كايبانو فوق لما ( شافت فيه ) فففهمتي .....
اصيل : ( غير كايشوف صرفقاتو ) اش فهمك فالبحر اقسم !!
قسم سكتات مدة مبتسمة فيه .... ومدات ليه يديها
قسم : معاك الكاابيتان .. قسم لايسماعلي ... بنت الكابتن الروكااان ، اسد لاسماعيلي ..
اصيل بقى غير كايشوف فيها ... ويشوف ليديها الممدودة عندو ويرجع يشوف فيها هي ، وقسم بدات كتجمع ابتسامتها من هاد الشوفات لي داير .... تنهد حتى خرجها من اعماق قلبو وتقلب للموطور دالزودياك باش يضور بيه يرجعو ... وقسم غير كترمش ...
قسم : اا .. اصيل !!!
اصيل ضار عندها
قسم : م .. مفهمتش علاش هاد رد الفعل ! ... ا اه .... انا ... ( هبطات راسها ) كننعتذر .. بلا منحس لقيت راااسي فكدبة ... تيق بيا ماموالفاش نكذب بحال هاكا .. نهار لول .... ( كتشوف غير فلارض كتهضر واصيل كيشوف قدامو كيسمع ليها ) النهار لول ... انا خفت على سلمى حيت كانت باقي ماصارحاتك بموضوع المنحة وانا لي كنت مولاتها ... وقلت انا كنفرق بيتزا ... من داك نهار وانا فكدبة ... فلخر ماشي غير على سلمى .. انا رتاحيت فهاديك الكدبة معرفتش كيفاش ولا علاش حتى لقيت راسي طولت ... ولكن الكذوب راه حبلهم قصير ... وهنا تسالا ليا الحبل ... ( شافت فيه وعينيها دمعانين ) انا فعلا كنعتذر ...
اصيل : ( بدا كيحرك راسو بالايجاب وشاف عندها
بشوفة عيانة ) نتي بنت اسد الاسماعيلي
قسم : ا .. اه ... انا هي
اصيل : مممم ..... مزيان ...مشرفين ابنت الروكان ....
قسم : كتعرفو !
اصيل : ( رد عليها فالبلاصة ) وشكون مكيعرفوش
قسم : ( كترمش فيه ) ز زعما ماقصدتش غير .. غير فالاخبار .... ا انا .. انا قصدت راك كتعرفو شخصيا
اصيل : قسم !! .. ( شافت فيه ) راه نكون كنعرفو ولا مكنعرفوش ... تاحاجة مغتغير حقيقة هاد الوضع لي انا محطوط فيه دابا ...كنخرج مع بنت واحد .. كيقولو عليه اكبر رجل اعمال فافريقيا .... مع واحد كنسمعو عليه غير من البعيد ... ااه ... انا عارفك من الاول مكتبيعيش البيتزا .. عارفك من اول نتي مولات المنحة انا ومواكلش التبن ( شاف فيها ) عاااارفك نتي ماشي بنت الحومة ... عارفك غتكوني بنت عاائلة لاباس عليها ... ولكن ماشي بنت الروكان ....
قسم : ومالها بنت الروكان !!
اصيل : انا موالف كنلبس قدي اقسم ....
قسم : شوف ... ا انا ... انا راه ماشي بحال كيف كتخيل .... بالعكس .... بحالنا بحاالكم عااادي يعني ...
اصيل : كون كنا بحالنا بحالكم مكنتيش غاتخبي حقيقتك ... حيت نتي عارفة لاعرفتك بنت من والفرق الشاسع لي بيناتنا مغاتكونيش دابا هنا ....
قسم : مكانش كيسحابلي كتآمن بالطبقات
اصيل : ( بحدة ) راااه كذوووبك بحد داتو اكبر دليل على الايمان بالطبقات !!!! علامن كضحكي عليا ولا على راسك .. واش عاارفة نتي فيييين وانا فييين !!!
قسم : اصيل انا راه دوييييت لبابا عليييك .. حنا راه ماشي كيف كتتتخيل بالعكس ..
اصيل : كيفاش هاد دويتي لباباك عليا !
قسم : ( غمضات عينيها وعاودات حلاتهم ) انا مكنخبي على بابا والو ..... و .... ونتا مكنتيش مجرد شخص عادي لي نسى منهضرش ليه عليك ..... عاودت ليه كلشي .. وهو لي نصحني منكذبش عليك ... متوهمش شي حوايج مكاينينش
اصيل : قسم غير فهميني .. نتي بنت الناس . وزوييينة و واصلة وكابيتين كيف قلتي كاع ... حاولي تختاري لراسك واحد لي بحالك ... انا ماااعندي ماااانعطيك اقسم ... انا غي صياد وولد الحوووومة !!! .... ونتي شووفي شكون
قسم : ( بغضب ) شكوووون انا شكوووون !!!! نتا اصيل الشريف وانا قسم الاسماعيلي .. فييييين هو الفرق
اصيل : غير الكنيات يجاوبوك ...
قلب راسو لزودياك لي كان وصل للشط ونزل كايحاول يتبسم بلا خاطر لمول الزودياك لي كيتسناهم عطاه سوارتو ... و قسم غير كالسة فبلاصتها متبعاه بعينيها فلخر علات راسها لفوق كتمسح دموعها ملي عطا بضهرو باش مايشوفهمش ... وهزات صاكها ومد ليها يدو نزلات من الزودياك ... هو يبان ليها زاد قدامها وتبعاتو تاوصل لطموبيل وضار عندها ... كيخرج الكلام من اعماقو وقلبو كيتمزق معاه
اصيل : ها طموبيلتك ... غاتركبي وغاتمشي منهنا ..... وتنساي كوولشي .... انا وياك مابيناتنا والو اساسا عمر تكون شي حاجة .... غير هني راسك
قسم : علاش !! ...على ماشي نتا البارح لي قلتي ليا باغي تفكر لغدا وبعدو ! ماشي غير فاليوم ! ملي فكرت انا فغدا وبعدو نتا بغيتي تحبس هنا !!!! .... ( ضور راسو ) ماعندكش علاش تقلب راااسك ولا تهرررب .... ملي ماغاتكون تاحاجة بيناتنا علاش معيط ليا !! علاش لبارح دوزناه اونسومبل ( علات يديها ) علاش ربطتي هدا فيدي
اصيل : ( ضار عندها ) حتى للبارح وانا مزال عايش فكذبتك لي تيقتها معاك .... تخيلتك لاباس عليييك .. انا اراه تخييلتك لااباااس عليك ، ولكن متخيلتكش بنت الروكان .. واش عارفة اقسم عائلتك شكون ! انا راه منقدش ندخل ليها ولو بالضحك ! ... انا وووولد بسيييييط عايش نهار بنهارو انا وخخختي ..... انا ماشي ديااالكم .... اييييه كنعرف باباك ... كنعرفو الله يعمرها سسسسلعة ... كان معرفة دالواليد .... ولكن انا منقدرش نفوت معاه حدود المعرفة ... عرفتي شنو هي تكولي ليا نتي بنتو ؟ راه راسي دااااخ ....
قسم : علاش ! .. شكون هو اسد الاسماعيلي ! ياك غا اب تاهو ... اب باغي الخير لبنتو والسعادة
اصيل : السعادة غاتشوفيها معايا انا؟
قسم : مناويش تقدمها ليا !
اصيل : واش من نيتتك !! ( ضحك ضحكة دخزيت وضار ورجع شاف فيها ) كيغاندير نقدم ليك هاد السعادة ! منييين غااانجيبها
قسم : السعادة مكتجابش .. السعادة كتحس .... ديجا اصلا هاد ليام لي دوزتهم فحومتكم انا كنت فرحانة
اصيل : قسسسم .. سمعيني مزيان اش غانقول ليك وفهمي كلامي بلا دراما بلا وااالو .. انا ماعنديش مع الهضرة العاطفية ولا حقا بحال بحال ومنعرفت اش .... انا وياك ماشي بحااال بحال وهادي راه باينة للعمى ...بعااااااد كل البعد على بعضياتنا ... السعادة ماشي هي لي غتعيشيها فسيمانة فحومة اول مرة دخلي ليها ويعجبك فيها الحال .. راه داك السعادة غتسالي فسيماناتها ملي تولفي داااك الحومة ....، فكري فشنو غايجي لغدا .. شي نهار مايبقاش باباك .. انا انقدم ليك اش قدم ليك باباك ؟ غانقدم ليك طموبيل بحال هادي ... وصاك بحال هاداك ؟ ... ولا هاد ليكارد موراك ؟ لااااا .... واش فنضرك انا غانقدر نوفر ليك سكن لي يشرفك قدام عائلتك ! ... لا .... واش بنت الروكان غتسكن معايا انا وختي فحوومة !!!!!!
قسم : وعلاس نتا لي متسكنش معايا !!!!! اشنو فيها كاع ! ضروري الراجل هو لي يوفر السكن ؟
اصيل جاتو الضحكة وبدا يضحك بببحزن ضحكة عيااانة ورجع شاف فيها كايحاول يجمعها وهي كتشوف فيه
اصيل : كيف كنبااان ليك اقسم غير قولي ليا ؟ كنبان ليك من نوع رجال لي يقبل بهادشي ؟ انا نسكن مع مرتي !!!!! ( بدا يضور كايحك على لحيتو ويضحك ) ههههه .... ( حط عينيه فعينيها هي غير كتشوف ) قسم .... انا ماعندي فهاد دنيا تاواحد وتاحاجة ... لا فلوس لا ديور لا طوموبيلات ... لا والدين تاااااهوما ... انا عندي حاجة وحدة ... هي كرامتي .... مغانقدرش ندخل لعائلة لي نفقد وسطهم كرامتي ... وتتهان رجولتي ..... غير سمحيلي ابنت الناس ..
جا ماشي وهي شدات ليه يديه وضار عندها ، كتشوف ف عينيه لي ولاو حوووومر وتبسمات بحنية بقى غير كيشوووف ساهي فيها كايتحسر ...
قسم : انا فااهماك ... مكاينش لي جاذبني ليك كثر من رجولتك .... ماعمر عائلتي غاتهين رجولتك ... ماعمر الرجولة كتقاس بالماديات .... تيق بيا حنا والله ماماديين .. بابا كون بغا يزوجني لواحد لاباس عليه لي يوفر ليا طوموبيلات والكارد ... مكانش غايقريني ، مكانش غايتعب على مستقبلي .... كان غيخليني نتسنى داك مصباح علاء الدين يجي يحقق ليا ما بغيت ... انا كون بغيت نتزوج بواحد بحال هاكا .... كون راني دابا عندي الولاد ...كون ديييييتو شحال هادي .... راه من 15 عام وانا كنتخطب ....انا ماباغاش لي يدير ليا شيفور ... انا باغا لي هووو يصوگ بيا ... ماباغاش لي يدير ليا لي شيف باغا لي هوووو يطيب ليا .. ماباغاش حتى لي يدير ليا ديور ويخليني كالسة فيهم بوحدي !!! .... انا بنت واحد الراجل لي قدم ليا الحب كتر من الفلوس .. منقدرش نرضى بواحد يقدم ليا غير الفلوس !! .. 28 عام وانا كنقلب على لي نقول هادا لي بغيت .. مايمكنش حتى قلتها وتجي تقول ليا حنا بعاد !!! ..... المكتاب لي جابني حتى لحومتكم كاع مجاتو الطريق بعيدة .....
اصيل : ( سها فيها شحاااال كايتحسر عليها وتنهد ) انا عارفك اقسم معقولة ... وحتى انا معقول .... عارفك مكتقلبيش على الضحك و التفلية وحتى انا متنقلبش عليهم ... اما لاشديت فيديك دابا ... غنتسمى غير كنضحك عليك ... حيت خطوة معاك فالمعقول مقادرش عليها ....
قسم : علاش !
اصيل : حيت انا مستحيل تقول ليا مرتي بغات شي حاجة ومنفدهاش ليها .. وطلباتك نتي كبنت الاسماعيلي .... انا منقدرش نفدهم .....
قسم : علاش ؟ بحالاش هاد الطلبات ؟ انا رااااني كابيطان ااصيل .. عندي ساليييري ... انا قادرة نصرف على راسي !!!!! اصلا مكنقلبش على راجل يصرف عليا .....
اصيل : ( كيضور راسو بلا ) مغااتفهميييش ... نتي مغاتفهميش ......
قسم : نتا لي مفاااهمش .... ( قربات عندو ) ياك انا جيت لحومتك .. دخلت لدارك .. شفت العالم ديالك .. جيت معاااك تالهنا للخدمتك .. شفتها شفت كوولشي ...وهانا كنقولك عالمك عااجبني .... اجي حتى نتااااا لمنطقتي .... دخل لدارنا .. شوف عائلتي ... شوووف خدمتي .. يمكن ترتاح !!!!! ... اما دابا راك غير داير واحد الصورة فعقلك لي مكاااايناش ....
اصيل غمض عينيه مدة ورجع حلهم فيها
اصيل : مامولفش نرغب شي حد ... كنننغربك ابببنت النااااس سيري منهنا ...... انا اصلا مااباااغيييش نتزوج .. ومغااانتزوجش ومبااغي تاااحاجة .....اناااا مااشي دزوواج ...طريقي معاك مسدودة من كاع لبلايص .. والتفلية انا ماشي قدها .... انا منصلاااحش ليييك بهاد العبااااارة .. غير سيري منهنا الله يررررحم باك
قسم : ( هبطات راسها مدة ورجعات شافت فيه ) اهاه .... بغيتي نمشي غاانمشي ..... ربما كيف قلتي نتا متصلاحش ليا ( شاف فيها ) حيت انا الراجل لي كنقلب عليه هو لي قادر يدير لي فجهدو باش يكون معايا ...ماشي الراجل لي كااايهرب .... هررب سييييير .. غير هرب .. حنا كنعضو البشاااار .... بابا تياكل بنادم ... والى دخلتي عندنا ، عائلتي غاتشوف لماركة ديال صباطك و توب سروالك و طموبيلتك برا .. مغاتشوفش شكون نتا وكيفاش كتعامل بنتهم ... مايصلاحش ليا واحد كيحكم على الامور قبل ميشوفها ..... وواحد طلق من يدي قبل حتى مانمدها ليه ..... بسلااامة ....
خلاتو وضارت حلات طموبيل وطلعات وهو غير متبعها بعينيه .... ديمارات مكتشوفش فيه ورجعات مارشااارياااار ومشات ... هو غمض عينيه شحال كااااايتنهد ....... اما قسم غير بعدات بدات كضرب فالفولون دموعها مبغاوش يحبسوووو ....
قسم : هرررررب .. هرررررب سييير .. وهرررررب حنا كناااكلو البشاااار حنا ... هرررررب .... خواااااااف .....
اصيل تكا تما على واحد طوموبيل شاد راسو وكلامها كيتعاود فوذنيه .. رغم انه هو اول من طلب ينساو هادشي الى ان هو اكثر واحد ميقدرش ينسى .. هو لي حبها غير من صورة فتيليفون .... حسها مشات ودات قلبو معاها .. واخا ماشي بزاف باش عرفها ابتسامة عينيها و ضحكتها ولاو عندو إدمان .. كره راسو و كرره زهرو ... مكانش كيظن زهرو عوج لهاد درجة لي يطيح ف بنت أغنى واحد فالبلاد!!! واش هو غايقد على عائلة كتمشى ببروتوكول ملكي ! علاش لي متكونش قسم بنت عاااااادية بحالها بحالو كان غيكون دابا اسعد واحد فهاد دنيا ....قلبو لي ماتحل لحتى واحد تحل اخيرا لاصصصصصعب وحدة كاينة فالوجود ديالو .....كيغايدير دابا يخرجها من دماغو وينساها ...
∆فلقصر
الساعة 14h
واقفة لامار ورجاء والخادمات موراها هازين لي طابليت وهي كتشرح
لامار : شوفي عافاك ديرو ليه جوهرة كتعجبو .... غايكون توحشها ... ااااه ولازاااانيا تاهي كتعجبو .. ونوعو ليه من الماكلة لي بين الحلو والمالح
رجاء : ولكن ماشي كثير ! نخافوه ماياكلش هادشي وحنا كنعرفو الموسيو الصغير شهيتو كيف دايرة
لامار : نتوما غير وجدو ولي بغاها ياكلها ... ولدي حبيبي عااااام ماجا لدارهم ... بيييتو تصاوب ياك !
رجاء : تصاوب امادااام بدلنا الفراش وجاو المصممين حطو ليه حوايجو ومشاو .... كولشي تمااام ....
لامار : مزيااان .. ديرو بحساب العائلة كولها غتعشى هنا ليوم .....
رجاء : حاضر امادام .. والله يجيبو لينا على خير ...
خلاوها ومشاو وهي واقفة شادة على لكرسي دصال مونجي كتفكر واش نسات شي حاجة
لامار : اااااه البووووكييي البووووكي ...
مشات كتجري لتيليفونها صونات يوجدو ليها لبوكي دالورد .... تاسمعاش شي حد نازل فدروج .... ضارت بانلليها جود نازل غير بشورط وملفوق عريان كيحك فشعرو واضح يلاه فايق ... باسها فراسها وتلاح على الفوطوي
لامار : دابا عاد فقييييتي !!!!
جود : ( كيتفوه ) صباااح الخيييير ....
لامار : ( شافت لساعتها ) خوك مابقى ليه والو ويوصل ..... ( كلست ) نووض دوش وفطر باش نمشيو لمطار
جود : ( حط راسو على كتفها ) انا عندي شغاال غانخرج ليهم ونلحق عليكم...
لامار : اشمن شغال
جود : شفت شي كاميوات جداد دخلوهم لافيراي غانمشيو نشوفوهم
لامار : ياااااربي يااااربي تعفو عليك من هاد القزااااادررر .... شوف عندي اه .. خوك شحال هادي ماجا ماشي نهار لول تنوضوو ضااااربو ليا
جود : يااااك الاماررر ياك .. تقلبتي عليا وهو باقي ماااوصل
لامار : نووض اشاااارف عليا نوض .... وسيييم ديالي تووحشتووو المغووووفل ديااالي
جود : ( ناض تيحك فشعرو ) آودي لينا الله .....
لامار : حقا راه حتى جداتك وعمك يونس وولادو وخالك مروان جايين نهار الخميس
جود : كككلهم !!!!!!
لامار : ومالك تخلعتي غتهزهم فوق كتافك ...غاايجيو كلللهم عمك يونس وزياد ومراتو ... ما تا اياد ماااانعرف ....و جداتك وجدك وخالك مروان راه غانعيدو كاملين
جود : الله واكبر .. ( علا راسو لفوق ) دابا انا فين غااانرحل
لامار : يااااااك !!!! كتهرب من عائلتك
جود : وداك مك لي كتفيقني انا بالبلغة على تمنية دصباااااح مغااانرحلش منها
لامار : ياااك ( وسعات فيه عينيها ) شووووووف ليك كيف كيهضر ليا على ماما ( قرساتو تااااشد عليها ) هي لي كااااتعبر عليك هي لي كتعرف ليك
جود : ااااطلقي الامارررر عندك ضفااار .. ( شاف لكتفو حمراتو ) ودابا شغاااانقولو ليها اش غانقولو
لامار : لللمن !
جود : هادي لي خارجين عندها تقول ليا منين جاتك هاد الحمورية
لامار : والله مااااابقيتي كتتتتحشم
جود : ( جبد ليها حناكها ) نحشم انا من اللللحب دياااااالي .....
لامار : ( شافتو كيضحك هي تشد ليه يديه وبدات تبسم ) جااادوووودي
جود : وهااااحنا غااانخسروو
لامار : جووود ..... قوليا .... كتعقل على ولد عمك اياااد !
جود : حاليا ! لا ... منغير فاش كنا صغار اه
لامار : يعني مور داك لاكسيدون متفكرتيييهش كاااع .. راه كنتو صحاااب اولدي فاش كان كيجي لهنا مكنتوش كتفارقو
جود : واشتي دابا باغا تمرضينا على صباح .. هادشي ديالكم مازال مابغا يسالي واش كتجيكم صعيبة تفهمو راه معااااقلش ....
لامار : واااخا صااافي متتعصبش ... شوف دابا الى جا .. حاول تعامل عادي راك عارف .. كنتو عزاز على بعضياااتكم .... و وتا ... وتا بنت عمك بيلي تاهي راه كنتي قريييب ليها بزاااف .. راه غير هي واياد لي مجاوش منهار درتي لكسيدة داكشي باش كيبانو ليك غرباء شوية عليك .. راه دغيا غااتووولفهم كيف ولفتي سلطان ولوؤي دغيا ...
جود : ودابا انا قلت شي حاجة ! راك كتخبري غا بوحدك ... مرحبا بيهم مالي غنجري عليهم بالحجر ولا
لامار : اييييه فهمتك .. غير لي بغيت نقصد اولدي كانو قرااااب ليك خصوصا بيلسان .. كنتو ف فشكل .. زز عما .. قرااااب مجاتش دابا فاش تجي تسلم عليها بحال شي غريبة .. ضحك ليييها وبين بحالا كتعرفها من زمان ... جبر الخواطر وصافي ..
جود : مالهم معارفينش اش واقع ليا ! وانا مناسيش لخاطري ؟
لامار : عاااارفين اولدي عاارفين كووولشي ... غير هو نتا تعامل عااادي وصافي ...
جود : ( تنهد ) نوض نبدل ساااعة باخرى .... ( ناض ) غانطلع ندوش ونحرج .. تاانتلاقاو فالمطار ....
لامار : واخا اولدي تبغي شي حاجة يوجدوها ليك ؟
ماردش عليها وطلع فدروج وهي بقات تما جامعة شفايفها عرفات راسها قندشاتو وهو مكيحملش لي يجبد ليه موضوع ذاكرتو .... تاسمعات قدس نازلة فدروج كانت لابسة سالوبيط دجين وتيشورت بيضة وسبردينة بيضة وكلسات حدا ماماها
لامار : ( كتمشط فشعرها ) عاد فقتي حتى نتي ... ليوما ماعندكش الملعب ؟
قدس : سي عندي ... غير مافيا مانمشي ديجا غانسالي معطلة مغايقدنيش الوقت للمطار ...
لامار : مزيان لي خويتي ليوم .... يلاه لقيتيني كنهضر مع خوك .. راه العائلة جايين نهار الخميس وغايكلسو معانا هنا
قدس : شكون كاع
لامار : جداتك وجدك .. عمك يونس وولادو وخالك مروان
قدس : ( وسعات عينيها ) بييبلي واياااد جااايين ؟؟؟؟؟؟؟
لامار : ماااانعرف منضنش ولكن بيلي ضروري تجي مايقدوش يخليوها بوحدها تعيد تما واياد كنضن تاهو غايجي .. راه كلهم ايجيو دابا يعيدو هنا
قدس : ناااري زعما مغايبينوش حدا جود ؟ مافينا لي يجبد داك صداعات القدام
لامار : يلاه لقيتيني كنهضر معاه .. وقتليه حقا كنتي نتا واياد صحاب .. حيت انا عارفة طبع اياد كيداير .. وهدا عندي تاهو هاز خنافرو غيدير ليه شي سلام ناقص لاخور على سبة وحنا باغيين ندوزو هاد ليفاكونص على خير
قدس : ومالو ححمق معارفوش الى راه ناسي كولشي ومغايكونش اصلا عاقل على دبازهم
لامار : ورااااه عاارف .. ولكن غير لوفي ديالها سنين ملي مجاش عرفي راه باقي هاز فقلبو ...
قدس :تاهو زاد فيها كلنا كنا موافقيين على علاقتهم .. مالو هو خرج من الجنب ...
لامار :هو ابنتي شافهم بعينيه مارضاش .. كون كان خوك يشوفك مع ولد عمك ابنتي فشي لقطة ماشي هي هاديك عمرو غايبغيه ....
قدس : ( بدات كترمش ) ك كيفاش ! .. ش شكون ولد عمي كيفاش ولد عمي
لامار : مالك كقفقفي عليا عطيتك غير مثال
قدس : اء .. ااااه اااه ... بببصح عندك الحق ... ماعلينا ... مرررحبا بيهم .. توحشت خالتو اريج ..( وقفات) انا مزال مفطرتش اماما قوليلهم يطلعو ليا لفوق ...
طلعات قدس يلاه غاتنوض لامار تاهي وهي تسمع شي حد داخل ضارت موراها وتبسمات
لامار : قسوووومي ...
قسم تبسمات بسييف ومشات باستها وتكات على جنب لفوتوي
قسم : سلااام ماما ....
لامار : فين مشات حبيبيتي على صباح
قسم : شي شغال وصافي .... بابا جا
لامار : لا باباك عندو خدمة كتيرة هاد نهار يلاه يجي مع ستة للمطار و يرجع ديريكت
قسم : شنو كاين !
لامار : ماعرفاش .. شي خدمة جديدة جاتهم على غفلة خصو يقاد كاع امورها وصافي . .
قسم : ( شافت لساعتها كانت جوج ونص ) مزال الحال .... حاسة براسي عيانة شوية غانطلع ننعس
لامار : مال حبيبتي !!! هاد ليام معاجبانيش اقسم ؟؟؟ مخبية عليا شي حاجة
قسم : اش غانخبي اماما يهديك الله .. غير عيانة وصافي ...
لامار : فخبارك لافامي جايين
قسم : سي ... الخميس قالت ليا خالتو اريج .... راه هضرت مع كابتن شهيد غايعوضني هاد السيمانة ومغانخدمش ... حشومة هوما جايين شحال هذا مشفناهم نوض انا نسافر نهار لي يجيو
لامار : احسن ماردتي ترتاحي تانتي شوية .. غدا عندك شوتينغ عنداك تنسايه
قسم : صفاء تخليني نسى ... يلاه انا طلعت ، غاتمشي نتي مع بابا ولا معانا
لامار : لا غانمشي مع واحد فيكم باباك غايلحق علينا .. تاجود واقلة غايلحق علينا .. دينا نتي ولا نصوك انا صوكان ختك راكي عارفاه باقي متفتف
قسم : داكوغ ... نرتاح شوية ونمشيو .. دومونضيت ليه دي كادو ملي يجيبوهم اماما حطيهوم ليه فبيييتو ....
خلاتها وطلعات لبيتها جارة رجليها فدروج مقالت حتى وصلات تلاحت على ناموسيتها كتشوف للسقف وعينيها منفوخين
∆ فالمطار " النزول الخاص "
وصلات طموبيل قسم لي راكبة حداها ماماها هازة فيديها بوكيه دالورد و قدس راكبة لور .... حبسات فواحد الساحة بعيدة على فين غانتزل طيارة يلاه كطلع لفران امان سمعات لامار
لامار : وااازيييدي دخلي ... نضربوها على رجلينا ولا !
قسم : ماما هانتي شوفي راه عاد الخمسة ونص مغايخليوناش ندخلو وطيارة باقي منزلات ... حتى تنزل وغاندخلو ... قتليك راه باقي لحال نتي مفيقاني مع ربعة
لامار : فففففف هاد السااااعة شحال تقاااالت ....توووووحشت وووولدي اعباد الله
قسم : وصافي هاااانتي بقات ليك نص ساعة وغاتشوفيه .....
قدس : ( قربات عندهم ) ماما ماشي تشووووفيه تقلبي علينا .. نعلمك من هنناااااا
قسم : هههههه ررجعي لور المغيااارة رجعي ...
لامار : واش انا نفرق بين ولااادي ....سكتو خالتكم رتاج كاتصوني ( دارت تيلي فودنها ) الو ... لا مزال يلاه وصلنا لمطار .... اوا الى مدارتش شي روطار ستة يكون هنا ... سبعة هاحنا فدار .. صااافي لقاوكم تما .. لا بلا متعدبي رااسك هو راه غير مجيتكم عندو اكبر كادو ...يلااااه حتى نجيو ....
يلاه قطعات لابيل كدخل طموبيل داسد وباركا تاهو موراهم ونزل باتجااهم وقسم هبطات زاج هو ربع يديه على زاج
اسد : راس مالي كامل مجموع هنايا ....
قسم : الله اووودي راس مالنا هو نتا ... نصوني على جود تعطل !
اسد : مزال الحااال ...( شاف لتيليفون متبع اشارة الطائرة ) وسيم يحلق فوق الاراضي المغربية
قدس : حلللف !!!! صافي دخل
اسد : وصل ...شوية ويبان ليك ... نزلو يضربكم البرد نزلو ....
نزلو من طموبيل متكيين عليها ولامار معنقها اسد تحت دراعو .. تاوصلات طموبيل جود داز حداهم وهبط زاج باقي مضيماري وهبط نضاضر صفر عليهم
جود : ( شاف لعند اسد ) وااااعندك الزييييين اسي الروكااااان
اسد غير مبسم فيه وباركا ونزل لعندهم سلم عليهم وتكا على طموبيل حداهم معنق قدس من جيهة وقسم من جيهة ....
جود : مزال ماوصل .. راه تقريبا ستة هادي
لامار : هااحنا كنتسنااااو ....
اسد : فين كنتي
جود : شفت شي كاميوات فلافيراي .. الهيكل باقي صحيح .. غانخدم وحدة على داك الهيكل تشوفها عاد نزيد
اسد : صافي اتبدا
قسم : اش اتبدا
اسد : باش تكون فخباركم .. جود قرر يخدم رسمي معانا
قسم : نوووووو ... ( طلعات راسها فجود بضحكة ) سي فغي !!
جود : على هتلر ديالكم الا دار شي حاجة فراسو يحيدها ليه شي حد
لامار : واااش بصااااح !!!!!!
اسد : قال غايفتح خط بري ... وهو لي يهيكل الكاميوات دالتصدير ومنقتاصروش غير على الباطوات ....ومنها بغا مارك ديالو
قدس : اومايكاد
قسم : غااتفتحو خط بببري !!!
اسد : هادشي لي قال .. وهاحنا كتسناوه يقد بيه ....نتبعوه فهبالو اش خاسرين
لامار ضحكات و طلقات من اسد
لامار : ااااجي عندي ااااجي ( جا جود عنقاتو بعبارة اخرى هو لي عنقها وهي راسها فصدرو ) امممتى كببببرررتو اااامتى ..... ( شافت عند اسد والدموع فعينيها ) ولااااادنا كبروووو دغيا
اسد : هاهيا غاتبدا دمع علينا تاني
قدس : ( عنقاتها من لور ) مابغيناش نبكيو اماما غايجي وسيم يلقى عينيك منفوخين
قسم : ( عنقاتهم تاهي ) .... كلنا كبرنا نتي بوحدك لي رجعتي تصغااري مافهمناش شنوو السرررر
لامار : الله يخلليييكم ليااا ونفرح بيكم وبولااااادكم ....
يلاه كايهضرو هما يسمعو صوت قوي وكلهم طلعو عينيهم للسما .. كانت طيارة كحلة صغييييرة قربات تنزل فالمطار ..
قدس : وسييييييييم ... هااااااهوووو جااااا ....
مشات بزربة لطموبيل و تاقسم ركبات .. ركبو فطموبيلاتهم وزادو يدخلو للمطار باش يجيو مع طيارة نيشاااان .... يلاه داخلين هوما يوقفوهم الامن بالباريارات حتى يتم النزول .....
طيارة بدات كتنزل فالمطار الخاص والعجاجة ضايرة بيها وصوتها قاااااالب داك المنْزل ...
غير توازنات فالارض ، الامن حيدو الباريارات ودخلو الطموبيلات د اسد تاتبعاها دقسم وجود ... وتستفو بثلاثة نزلو ولامار هازة بوكي ديالها .... ووقفو يتسناوه ينزل ......
تحلات باب طيارة نزلات لتحت على شكل دروج لان الطائرة من الحجم الصغير جدا ... نزلو جوج مضيفات مبتسمات للعائلة لي كتسنا لتحت .... كانت لامار شادة يديها بجوج حدا فمها ودموع كاينزلو .. وحداها قدس تاهي ضاحكة كاتسناه وقسم لي هازة البوكيه على ماماها .. وجود لي واقف تاهو مبتسم ... واسد لي كايتسنى شوفتو على احر من الجمر ... الصغير ديالو المدلل دالاسرة واخر العنقود ....
وسيم غير وصل لباب دطائرة غمض عينيه كيستنشق الريح .. كان بسيرفيت كحلة و كاغطابل فضهرو وكاسكيطة مرجعها لور .... شاف لعندهم لتحت هما يبانو ليه مستفين وضحك حتى بانو نيااابو ونزل بزربة فدروج ولامار غير شافتو طلقات البكية ومشااااات كتتتجري لعنندووو وهو لي نقققز فحضنها ممممعنقها بجججهد .... وهي كتتتشهق بالبكاااا حتى بكاتوووو مززززيرة عليه واخا كان فاايتها فالطوولة باقي عندها ولدها الصغييير و المدلل ديالها ...
لامار : توووووحشششششتك تووووحششتك .. توووحشتك احبيبي ( كتبوس فيه )
وسيم : تانا اماماااا تووحشششتك .... ( علا راسو شاف فيهم عينيه كيلمعو )
قسم : وااااطلقييييه لينا اماما صاااااافيي وااااااه عييييقتيوهما كيبوسو فيه
قسم : اللله شحااااال توحشت انااا هاد الريييييحة ... الصغيييييورررر دياااالنا تااااهو طواااال ..
قدس : ههههه شووووفي اللحية هههههه
وسيم : هنييييينا
شاف عند باباه وتبسم ونقز عليه دغيااا معننقوووو و اسد مزيييرر عليييه .. وتاهو معنقو بنفس الحرارة ، شحااال تاقرب يبكيييه بقوة مكان قريب ليه بزاااف واخا صارم معاه .. ورجع طلع راسو تاتي فجوود وضحك ليه وجود فتح ليه يديه وجا لعندو عنقو تاهو بحراااارة وجود كيطبطب عليييه . .. رغم خصامهم رغم ديما كيدابزو الا انه كيبقى خوه الصغير لي كيخاف عليه من الشعرة تآذيييه .. ورجعات ثاني لامار لعندو لي مابغاتش طلق منو
لامار : يااااك اوسييم ياك هادي هي ماما ... تمشي وتغطس عاااام مااااشفتك عااام
وسيم : ونتي ماجيتيش مع بابا ... توحشتكم والله ....
قسم : تاحنا توووحشنااك وبيتك توحشك وداركم توحشاتك
جود : ها حنا لقينا فيمن نتلاهاووو تاني
وسيم : مااامااا هاهو بدااا
لامار : هههه غا كايضحك معاك (عطاتو البوكيه ) هااااناااا من عند ماماااك
وسيم : الله ييييخليك ليااااا
لامار : زيدو يالاه نمشششييو عماماك راهم كيتسناوك فدار
زادو كلهم لطموبيل لامار ركبات حدا اسد ووسيم لور وركبو حداهم قسم و قدس داروه فالوسط ..
و الكارد صاك طموبيل قسم ... وجود تاهو ركب فطموبيلتو تبعهم ....
طريق كلها هوما نميمة مع وسييم لي توحشوووه .... حتى وصلو لدار كانت تمنية دالعشية .. جو ضلاااام وكلهم خرجو لبرا يتلاقاوه رتاج وانس و فيصل و لوؤي وعدنان وحياة و سفيان وسلطان وآية ، كلللهم فلباب ..... وصل بطموبيل ونزل تاني نهار غير فالتعنااااق .... فرحان بهاد العائلة لي كلها متشبتة ببعضها رغم انه ممرتاحش فالمغرب بزاف ولكن للمة دالعائلة مكاينش بحالها ... وقليل جدا لي كيتوفر عليها وكايعتبر راسو محظوظ ..... دخل وسط ترحيبات دالعائلة وكلشي فرحان بيه جلسوه الوسط و ضارو بيه ... وهو يجاوب هذا ويعاود لهداك ورجاء والخادمات كيحطو ليهم القهوة ...
وسيم : لا بالللعكس هاد العام سهل من العام لي فاات ... فاليديت كوولشي .. بيلي لي خرجو ليها جوج ليموديل غاتعاودهم
رتاج : نووو !!!!! هي مغاتجيش نهار الخميس
وسيم : لا راه غاتكون كتقرا ....تتسالي
حياة : غاتجي بعدا
وسيم : ماعرفتش بالضبط والله .. ولكن جدة غاتجي راها كتجمع من دابا هههه
قسم : توحشنااهم وتوحشناكم كاملييين ....
رتاج : واريج خليتيها فالدار
وسيم : اه هي وعمي يونس ... زياد ومراتو كاينين عند عائلتها
رتاج : هاااكداك راه عندهم العرس ... بيااان كبراات !!!!
وسيم : ياااااس ولات تتمشى ....
سفيان : ياودي خليو هاد الولد يرتاح نوض اولدي طلع دوش ونزل تاكل هادو مغايحبسوش عليك ... خليوه يرتاااااح ويعاود ليكم
وسيم : هه نوو بروبليم بالعكس .. تووحشتهم ههههه ...
لامار : عندو الصح اولدي طلع دوش ورتاااح ونزل داك ساع تتعشاو بين مايكون جا باباك
سفيان : انا غانلحق عليه دكساااات علينا الخدمة نيشان هاد اليوماين ...
رتاح : تاعدنان راه مشا دابا عاد ... الله يعااااونكم .... متعطلوش بزاف
حياة : نوضو تكعدو نوضو سيرو عاونوووهم
سلطان : الواليدة الى فيك شي وحم ماتجيبييييهش عليا الله يرحم بيها الواليدين اش غنعاونوهم حنااياا !!!
لوؤي : ( وراها الملف دالمتحف ) انا ديجا مشغووووول
جود : تانا مامساليييش ( كايحك مور عنقو )
سفيان مشا كيضور راسو ... ووسيم باقيين شادينو بالهضرة وهو ابتسامتو ماتجمعاتش على فمو ، هو الوحيد لي شابه فاسد من ناحية نياب واقرب ليه فالملامح كتر من خوتو ..... كان كيضحك مع الجميع واية مراقباه من بعيد ضاااحكة لضحكتو... وفرحاااانة وكتحس راسها طاااايرة وهي كاتشوف فيه قريب وماشي غير فتصاور .... واخا معطاهاش اهتمام بزااااف الى ان الفرحة غالبة عليها ... غير كتشوف فيه من بعيد حتى ناض طلع لبيتو .. جلس ساعة غير مع ليكادو كيشوفهم ... عاد دخل لدوش خدا دوش ولبس غير شورط بيض و تيشورط ... خربق شعرو غير بيدو ديجا عندو كيرلي كيتلوا ليه وديما طايح فوق جبهتو ... لبس كلاكيطتو وخرج للبالكون كيطل على الجردة لتحت ، بيتو كيطل على بلاصة طموبيلات ... كيشوف فطموبيلاتهم و الكارد ديالهم ودارهم ... كيحس براسو انه يمشي فينما مشا كيبقى الملاذ ديالو هو هذا .. عرين الاسد فين مخبيين الاشبال .. لي يتيهو فادغال الغابة فين ماتاهو .. لعووودة ديالهم للعرييين ديالهم ...
استتشق داك الهوا الصيفي لي محمل بريحة البحر و نزل لتحت كانو كلهم كالسين فصالون اية غير شافتو هزات راسها من تيليفون دغيا وابتسمات ببراءة ... جات عينيه فعينيها تبسم ليها تاهو وجلس حدا ماماه
وسيم : مزال ماجاو
لامار : مزال .. شعل اولدي تيليفونك يلاه عيطات جداتك تخلعات ملي مجاوبتيهاش
وسيم : حطيتو يتشارجا ونزلت هضرتي معاهاا
لامار : قتليها راه وصل بيخير ، بقا بالها معاك ...قاتلي خليتي عليهم القنط
وسيم : وايه .. وهاهوما تاهوما جااايين ..
لامار : اية بنت عمك سفيان عقلتي عليييها ولا تبدلت عليك هههه
وسيم : ( شاف ف اية لي ولات حممرة ) الله اوووودي ... عقققلت عليها واخا لعام لي فات جيت مكانتش هنا واقلة
حياة : لا فاش جيتي نتا حنا كنا مسافرين لكندا داكشي علاش
وسيم : وي تبدلاااات عليا كبرات هههه
اية : ( هبطات راسها بالهمس بسيف باش كتسمع هضرتها ) ششكرا
وسيم : حشووومية كاع مكتشبه فسلطان هههه
حياة : لا لا هادي حشووومية عندي مع كولشي
وسيم : كيف غادا مع ترويض صافا ؟؟
اية : ( كتخرج الهضرة بزز حشمانة ) اا ص صافا صاافااا
وسيم : الله يشافيك ... فين دراري برا !
لامار : ( شداتو حيت كان نايض ) ككككلس لرررررض معانا شووووية مالك راني موووحشااااك ....
رتاج : كلس عاود لينا غير على العراضة لي دارو ليكم دار جنان
وسيم : مشيت ماعجبنيش الحال صراحة ... مصنعيييين بزااااااف
لامار : بصاااح !! ( شافت فرتاج ) عقلتي فعرسهم ماماها كي كتشوف السمااا
رتاج : وااااايه وهي عندها لونگلي دالهنوود
وسيم : اهاد المتنمراااات مدخلونيش انا فهاادشي ... اودي مزيااانييين ورحبو بينا مزيااااان ابعدو مني ماقلت والو
حياة : هههه هذا مباغي مشاكل ... فين جلسوكم لداخل ولا برا
وسيم : بجوج ... ودابااااا بعدو مني واش انا فطاسيلة جنان خليوني نخرج توحشت لخيول نشوفهم و نجي
لامار : ههههه سير سييييير ... الله على اريج الله مالقات معامن تناسب
رتاج : علا زياد نهار شاف جنان كلا الخبز بسيف عليها مسكينة تمشي تخطب
حياة : انا هاديك والله مكنثيق فيها ماماها كتبان لفعة يكونو ساحرين ليه
لامار : هههههه جديدة هادي ، شحال هدا ماسمعت هاد ساحرين ليه ههههه ..
رتاج : اجي حقا ... اياد الا جا عنداك ينوضوها لينا هو وجود يااااختي والله مابقينا قادين على شي صداع
لامار : اويلي علاش ! مالو عاقل عليه
حياة : معاقلش عليه باش يدابزوو من غير اياد الا صغر راسو
لامار : اياد راه شارب عقلو تلقايه نسى كاع وراه عارفو تاهو نسى كولشي
رتاح : غير الله يخرجها على خير وياربي ميتعاودش لينا داك العاااام ... ففففف منساش داك نهار والله ...
لامار : لا لا ودابا كبرو شوية وتعقلو ... جود راه معاقل لا عليه لا على بيلي راكم عارفينو .... ان شاء الله ميوقع والو
حياة : انا داك نهار صافي كنت كنقول شي روح غاطيح .... فففففف منسااااش داك دباز والله ....
رتاج : انا كنت خايفة يدابزو الرجال
حياة : الا نتي مالهم حماقو لعب البراهش علاش يدابزو عليه الكبار ... بيناتهم ..
رتاح : دابا الله يهديهم وصافي .. والله يدوز هاد ليفاكونص على خير ...
وسيم مشا باتجاه اسطبل الخيول ودخل كيقلب على الحصان ديالو حتى لقاه كلس كايمشط فشعرو ويحيد منو اشتياقو .... ورجع خرج عند دراري لقاهم على برا كلس معاهم تاهوما شاااادييين فيه فكل المواضيع تادخلوا طموبيلات الرجال ودخلو كاملين للدار ... الخادمات بداو كيحطو العشا وكلهم شدو بلايصهم فجو ضحوكي مرح فرحانين بوجود وسيم ولامار واسد فرحتهم كبر لي ولادهم كاع مجموعين .... الكل تعشا فجو زوين واية عينيها غير على وسييم لي كتحس بقلبها ايخرج مع ضحكتو ... خداو ديسيرهم .... وسفيان وعدنان وفقو عيانين بقوة النعاس والعيا
... وودعوهم ومشاو .... وتا لوؤي وسلطان الكل غادر .... بقات غير العائلة الصغيرة على الطبلة ووسيم كيعاود ليهم على التفاصيل الصغار دقرايتو وكولشي بدا يتفوه كانت ساعة الوحدة دليل ...
قدس : وسيييييم فين كااادوياا
وسيم : لفوق والله ماحليت ليفاليز مزاال هههه طلعي تشوفيهم
قسم : وانا ..
وسيم : وانا نسا سفيرة النوايا الحسنة هههه
وقف وسيم وتبعوه قدس و قسم ... وجود كان كيشوف فتيلي وراه لباه داك الكاميون
اسد : مزيااان ... باين هنا صغير ..
جود : غير فالصورة .. تشوفو مباشرة راه كبير . . الكاراج لي كنت خديت الواليد فيه غنخدم .. حيت دابا غنصاوب غير واحد .. حتى تشوفو وعاد الا بغيتي نحل بلاصة كبيرة فين يخدمو الناس
اسد : ان شاء الله ...( كيعوج عنقو بعياء ) انا غنطلع نعس تمااارة هاد نهار وباقي قدامي غدا .. تصبحو على لخير ...
طلع اسد لفوق وجود بقا مع لامار لتحت .. يلاه كان دايز لبيتو هو يسمع الضحك وسيم مع خواتاتو .. وفتح عليهم لباب بشوية بانو ليه كالسين على السرير وهو فاتح لي فالييز ديالو .. توحش يشوف هاد البيت مشعول فيه الضو .... وتبسم لمنظرهم مكاينش لي كيتمناه قد يشوف ولادو كلهم مجموعين ومنسجمين وشادين فيد بعضياااتهم . .رضا عليهم فالداخل ديالو وتاجه لبيييتو ... اما جود كمل القصارة مع ماماه تابانت ليه غادي تنعس على كتفو عاد نوضها طلعت لبيتها وداز لبيت وسيم دخل تلاح معاهم على سرير كيقلب على كادوياتو تاهو و ينبش فوسييم ويريشو من ششعروو تووحش ييديروونجيه .... تادازت ليلتهم كلها نشاط ماتفارقو من بيت وسيم تاقرب الفجر عاد كل واحد قصد بيتو .....وكلهم طاحو كاو فالنعاس من غير قسم لي غير دخلات لبيتها جا اصيل لدماغها و نعاس مابغااش يكحل عينيها .... نفسو هو لي فالباركو ناعس على ظهرو كيشوف فالسما بلبسة ديال الصياااادة و كيتفكر كلامهم ..... تافيقو صوت الخليفة يعلمهم يطلعو ااشبكة ......عاد فاق من احلامو ورجع لواقعو
الثلاثاء 10 يوليوز
صبحات العائلة كلها مجموعة على صال مونجي فالجردة كياخدو فطورهم مجموعين ولامار مقاداها فرحة بوسيم لي توحشاتو وتوحشات تكلس مع ولادها كاملين ورجاء واقفة عليهم بابتسامة ، من ديما كاتفرح لافراحهم وتحزن لاحزانهم ... هي ماشي غير مساعدة فهاد الدار انما شاهدة على جميع لحظاتهم من شبابهم لمشيبهم .... اسد كمل فطورو ومشا لخدمتو بحكم الخدمة لي مزيرة عليه هاد الايام ... وجود هبط لاصال بقاو غير البنات ولامار ووسيم
قدس : ( مسحات فمها ) انا شبعت ... غانتعطل على الملعب
وسيم : فوقاش الماتش !
قدس : سيمانة الجاية .... مزيان لي راك هنا غاتحضر
قسم : نوصلك ! تانا خارجة
لامار : فين غادا حتى نتي
قسم : شوتينغ اماما نسيتيه ....
لامار : ااه اوا الله يعاونكم منتغداوش مجموعين !
قدس : ديجا راها الحداش اماما انا مغانسالي حتى للخمسة ..
لامار : نخليوها للعشا ..... ( عنقات وسيم ) يتغدا معايا ولييييدي حبيبي هاااهو جااا لي كايعطي الوقت لماماه ماشي بحالكم ( باااستو وهو غير كايضحك )
قدس : الاااالة بصصحتك بيييه هااهو ... يلاه اقسم يلااه ...
زادت قسم لطوموبيل ركبات حداها قدس .. كيف العادة الحديث بيناتهم كيكون سطحي بحكم كل وحدة فيهم بعييييدة على العالم ديال الثانية .... تاوصلاتها للملعب وخلاتها وتاجهات لوجهتها ....
قدس نزلات من طوموبيل هازة محفظة المضرب فوق كتافها بجيب بيضة و ديباردور بيض نايك تاهو وسبادرين وجاكيت بسنسلة فوق من ديباردور وشعرها هازاه ديل حصان ...يلاه داخلة هوما يتلاقاوها صحاباتها فالباب ....
ليليا : قدس فييين غبرتي اصااحبتي تخلعنا عليك ومكتجاوبيناش
ايمان : واش كان عندك شي مشكل !
رانيا : تسنيناك اصاحبتي لانيفيغسيغ ماجيتيش بقاااات بلاصتك .....
قدس : نو مواقع والو ، غير مكانش عندي المورال وصافي ....
ايمان : كاينة شي حاجة مخبياها علينا اجنية يااااك ... غا كري كري
قدس : اش مخبية انا !!!!!!
ليليا : اهااا مامخبية والو !!!! شوفي مزيان
رانيا : بخصوص ... المدرب سالفااادوور
قدس : (كترمش فيهم ) معرفتش ! مافهمتش اش بغيتو تقولو !!!
ليليا : تلتيام هادي وهو كيسول عليك .. وقال لينا مكتجاوبيهش .... هي عطيتيييه نمرة بيغسونيل يااااك !!! تطورتو لهاد درجة وحنا مفاخبارناش .. ولاو بيناتنا الاسرار حنا كنخبيو عليك شي حاجة؟
ايمان : هضري واش بيناتكم شي حاجة !!!! غير قبيييلة سول عليك واش غاتجي
قدس : واش حماقيتو اش غايكون ... ماعندوش نمرتي يمكن كيقصد سوشيال ميديا مابيني وبينو والو غير تتنواو ... يلاه ندخلو راحنا معطلين .....
زادو دخلو لفيستيار حيدو لي جاكيط ديالهم وبداو يوجدو راسهم ينزلو ليشوفمون ... ضاحكين وملهيين بمواضيعهم الشبابية ، الولاد والموضى الماكياج ، النوادي ... الطوموبيلات ... لي فاكونص ... حتى دخلات واحد البنت معاها
- قدس .. تكلمي على برا...
قدس بقات غير كتشوف وصحاباتها كايشوفو فيها وهي تنوض سولاتها غير بعينيها وداك البنت اشارت ليها لبرا ... وهي تشوف برا بانليها سالفادور ... تنهدات ماعرفاتش علاش حاسة مابقاش كيعجبها !!! واش حيت صافي طيحاتو مابقاش كايعجبها ؟ ملي كان بعيد لي كان كيبان زوين وملي قرب بسال ! .... ونزلات فدروج لعندو وصحاباتها فالباب حاضيينها كيضورو راسهم
قدس : سلاام
سلفادور : نتي بيخير ؟ عارفة شحال تخلعت عليك ؟ علاش مكتجاوبنيش
قدس : غير تلهيت شوية وصافي
سلفادور : انا عارف راسي مخاطر بخدمتي وكنهضر معاك دابا وباباك يقدر يخرج عليا فأي لحظة .. ولكن ماقدرتش نحبس راسي ملي مابقيتيش تجاوبيني .. تخلعت عليك ! ..واش نتي مقلقة من شي حاجة ؟ واش انا درت معاك شي حاجة ماشي هي هاديك !
قدس : لا لا .. ولكن .... شوف ( طلعات عينيها فيه ) انا نكون واضحة معاك ..بابا راه مستحيل يوافق ليا على شي علاقة خصوصا الزواج فهاد السن ... زيد عليها انه منقدرش نبقى نتلاقى معاك هاكا فالسر ومخلوعة نحصلو ! مخلوعة عليك كتر مابغيتكش تفقد خدمتك بسبابي انا ..( تبسمات ليه بزز ) من الاحسن خلينا مدرب و تلميذتو ... صافي !!!!
تبسمات ليه تاتجبدو عينيها وخلاتو ومشات للفيستيير وهو بقى متبع ليها العين كيجمع دوك الملامح الحنان تاولاو معصبين و تيلي كايفيبري ليه فالجيب ، هزو شاف نمرة هو يبعد يجاوب
سلفادور : آلو
- اشنو ! قضيتي الغرض ولا مزال
سلفادور : ( ضحكة دخزيت ) يلاه كانت حدايا .... هادشي راه باقي غايطول
- واش من نيتك !!! واش حنا عندنا الوقت لي نضيعوه ! شهرين ونتا تما بلا نتيجة ... كاع هادشي صعيب لهاد درجة !
سلفادور : هانا كندير مجهودي واش نموووت !
- قلتي ليها بغيتي زواج ! والاسلام وداكشي !
سلفادور : رفضات .. منين مادزت والو .. نتا عارفها بنت من ، ماشي غير اجي ودير شرع يديك ...
- حيت عارفينها بنت من حنا صيفطناك .... واش عارف البلان دهاديك شحال غايدخل لينا ! عارف سمعتها شحال غتكون كتسوى !!!! عارف عائلاتها شحال تقدر تخلص على ودها !!!!؟؟؟؟
سلفادور : انا بان ليا هادشي ديال العلاقة و جنتلمان وداكشي مواكلش غانجيبها غير فكري لاشدني باها ، راسها قاسح و هي حافضة سواريها ... انا انزيد معاها مزال شوية ، الا مرطابتش ... غااانديرو لي كانديييرو ديما ....
- مهم ضبط شغلك ، نتا عارف داكشي خاصو ضروري يكون مورالها مزيان ومتكونش مخلوعة باش يگر فيها وتبان طبيعية ..... ركز مزياااان عليها راه هاديك غانجمعو موراها لي نجمعوه فخمسين بنت .. عائلتها يقدرو يعطيو عليها الملااااير على ود سمعتها والشرف وداك تخربيق ديالهم ... دير خدمتك مزيان وسربينا راه بلانات اخرين كيتسناو ، طرق هاد المسمااار دغيا هرب بحالك....
سلفادور : دابا راه عطلة ، والماتش قرب صعيب نشدها مور الماتش ... انا غاااانحاول انا غانحاول عطيوني شوية دالوقت مزال .....
قطع عليه تيليفون ورجع تنفس مزيان ودخل للملعب .... قدس جا وقت ينزلو ونزلات كتحاول تنغمس فالتدريبات ديالها أليز ومتكترش لوجودو واخا عينيها كيديوها ليه ، كان كيشد مع واحد البنت المضرب وضاحك معاها وتاهي ضاحكة ليه وهي مصغرة فيهم عينيها ... طلع عينو بشوية يشوف واش ثار غيرتها وهي تنزل عينيها وكملات على تداريبها وحركاتها لي كتوريها الكوتش ......
عند جود ....
وصل بطموبيل قدام واحد الكاراج كبير كاين فواحد البناية خارجة شوية على المدينة ، البيبان ديالو كان باين فيهم الصدأ ... وكبااار واضح انه من لداخل اسباس كبير .....
نزل من طموبيل ودار يديه فجيابو كيشوف معاه .... تبسم بلا مايبين ، تماما كيف بغاه ، فضااااء بعييييد و معزول ، بسيط و خاص به ... يبدع فيه كيف بغا ....
خدا نفس عمييييق وزاد كيجبد من جيبو سوارت ... وحل القفولا هو يحلو غير صوت البيبان خالق الضجيج ... بسبب خلو المكان صوت الزطامي ديالو كيتعاودو .... دخل مصغر عينو كان كولو مضبب بسبب الشعا لي داخل من الفلجات .. هبط عينيه شاف لارض كانت سيمة و بعض الربيع طالع مع جناب بسبب انه شحال وهو منسي .... كان كببييييييير وفالزاوية كاينين دروج عريانين بحال السلوم كيطلعو لطابق الفوقاني ، النص ديالو مفتوح على الكراج ... طلع فداك الدروج لي كلهم خيوط العنكبوت و الغبرة .. الحيوط كولشي مقققشر وقديم والطوب كايبان .... طلع فدروج تاوصل للطابق الفوقاني ... كان تاهو كبير بصح صغر من اللتحت بحكم واخد غير نص المساحة لانه نص لاخور كيطل على الكاراج ... ضور عينو مزيان كانو السراجم مسدودين غير بالخشب و الميكات .. علا عينو للسقف بانو ليه اعشاش الطيور لي ماعرفهم منين دخلو كاع ... بانتليه مدخنة قدييييييمة فالزاوية تاهي واضح مصاوبة لشيميني ، القوادس كيقطرو و روبينيات تما عشوائيين .... عجباتو البلاصة وضور عينو على كل ركن فيها وهو كيتخيل شنو غايدير تما وكيفاش غايبني هادشي ...
نزل فالدروج للكراج لتحت لي كولو خاااوي مفتوح وسراجمو صغار وعاااالين ... داير يدو فجيابو وعلا راسو لفوووووق مغمض عينيه ، اخييييييرا لقا الفضاء لي غيرتاح فيه ويخدم فيه على خاطرو ..... المكان لي غيدير منو الخطوة الاولى فتحقيق حلمو ويخرج منهنا طموبيل مهيكلة كلها على يدو ، ماشي على يد شركة اخرى كيف موالف يدفع ليهم التصاميم ، حلمو هو يصنعها بيديه ..... خرج على برا وعلا عينو بانو ليه البوطويات ديال الضو و الريزو كولشي كاين... المكان زوين ومعزول وبعيد على الضجيج .... موراه غير اراضي الزراعة والديور بعاااااد بزاف ... يلاه غيرجع يدخل هو يسمع طموبيل وصلات وضار موراه بانتليه طموبيل اسد .. تبسم حيت قال غايكون مشغول بخدمتو الكثيرة موحال يلقى وقت يجي لعندو ، خلا ليه الميساج غير على الله .. حتى جا ..
نزل اسد من الطوموبيل كيعلي فكمام الشوميز معلي عينيه مع البناية وجا باتجاهو و جود تبسم وشاف تاهو مع البناية فين كيشوف اسد ورجع شاف فيه
طود : مرحباااا بيك فعاااااالمي الصغييير .....
اسد : ( كايشوف مع البيبان ) فييه الخدمة مزااال
جود : ( داير يدو فجيابو وشاف قدامو فالبناية ) نتا لي علمتنيا منرضاوش بالحاجة الساهلة .....
اسد شاف فيه وتبسم ليه ورجع دخل وجود تبعو
عند قسم ...
واقفة بلباس راقي وتسريحة مرتبة وماكياج هادئ ...وموراها ايزار اخضر والكاميرات والاضواء و مروحة كطير شعرها وهي كتحاول تقاد واخا دماغها مكاينش تما وصفاء شادة طابليط وكتشوف فيها
- : ( عين فالكاميرا وعين فيها ) مادموزيل شوفي لهنا عافاااك
قسم علات عينيها لفوق بملل ورجعات شافت فيه كتحاول تتبسم
- : يدك على خصصصرك امادموووزيل وشوفي فداك جيهة ورسمي ابتسامة صغيرة
قسم دارت اش قال ولكن والو ماقادارش تنسجم ...ومول الكاميرا تنهد وشاف عند المكلفين بالمجلة لي كتصور ليهم
- اا .. واقلة المادموزيل عياانة شوية ... نخبيو ل....
يلاه كيهضر شافها نزلات من مسرح التصوير وماشية بجيهة غرفة التبديل وصفاء تبعاتها كتجري ، يلاه غادخل عندها كانت سدات الباب فوجهها ودخلات لداخل شدات بيديها على واحد الكوافوز كتنهج بحالا كانت كتجري ... ورجعات طلعات راسها فالمرايا لي فيها بولات شاعلين فجناب كترمش فراسها وهي بداك الكوستيم الفخم و المكياج والمجلة لي كتصور معاها وشحال غايدوز ليها للبنكة بسبب هاد اللقاء ... وكتفكر كلام اصيل لي كان كيشرح ليها مدخولهم شحال ..... المدخول لي كدخلو هي فدقيقة زحدة ، هو كايعرض حياتو كلها للخطر باش ياخدو ، بدات كتحيد فالاقراط ديالها بعصبية لاحتهم تما وحيدات الفيست وحيدات كاع داك الحوايج وبدات تلبس حوايجها لي جات بيهم .. صفاء عيات بالدقان فلخر دارتها فيد الله وحلات عليها الباب لقاتها كالسة على الفوطوي كتلبس فسبردينتها وواضح انها مخننززرة دازت للكوافوز كتجمع شعرها للفوق
صفاء : اء ؟ مامدوزيييل !!! واش ماشية راه باقي ماتخدات حتى صورة لي ن( قاطعاتها )
قسم : ياربي تقطعي عليا شوية حسك .....
مشات لعلاقة هزات صاكها ودازت حداها وصفاء تابعها كتجري وهي كتلبس نضاضرها
صفاء : مادمووووزيييل اش غانقووول ليييهم الشوتييينغ خليتيه فالنص ، المقال باشمن صورة غيرافقوه
قسم : راه الانستجرام ياخدو لي بغاو ولا يبعدو مني مااخصني وااالوووو حبسي عليا هادشي كاااااع متتتصدعيييينيش ....
زادت خرجات لطموبيل و صفاء غير واقفة شادة طابليطها كترمش بعينيها ، وهي تجيها البكييية كيغادير تاني تشرح للمجلة و تقاد ليها صورتها وهي تتبسم بزز ودخلات عندهم بابتسامة صفرة كتحاول تصلح الوضع للمسؤولين لي شافوها خارجة هاكاك بلا تبرير
صفاء : ااء .. س سمحو لينا ... سمحوو لينا عافاااكم .. اا ع عندها واحد الغرض طاااارئ ... غناخدو من الصور ديالها لي ديجا كاينين ختارو لي تناسبكم .... وان شاء الله يطلع الغلااااف واعر .....
دوك المسؤولين بقاو يشوفو فبعضياتهم وصفاء غير كتنش على راسها جاها الصهد من هاد الموقف لي خلاتها حاصلة فيه ...
ركبات قسم فطموبيلتها وزادت كسيرات وهي عينيها على الطريق ودماغها كولو معاه .. مكيخرج منو حتى تانية .. حتى كاتقول صافي انا خاصني ننساه وترجع تلقى راسها كاتفكر غير فيه .... كاتعيا تقلب باش تشغل راسها كتلقى ذاكرتها رغما عليها مشات لعندو .... حطات عينيها على داك الخيط الحمر لي فيديها وهي صايكة وهي تغمض عينيها تاحسات بطوموبيل غاتهرب ليها و الكلاكسون مجهد موراها ... وهي تحل عينيها بزربة وضورات الفولوون بقوة ترجع للطريق موسعة عينيها وشدات ليمن ديالها بزربة باركات جنب الطريق وبقات شادة على قلبها مدة كترتب انفاسها كانت على شوووووية غادير كسيييدة ويمشيو معاها تا الناس لي فطريق .... وهي تطيح راسها على الفولون كتنهج
قسم : قااساااام قااساااام دييييري عقلك فراااسك اقاااسام .. ديييري عقلك فرااااسك ... فففففف اش هاد الحااااالة ولييتي فيييها ...
رجعات طلعات راسها كتشوف قدامها كتحس براسها باغا تغوووت بجهد باغا تبكي باغا تهضر متسكتش .... شفايفها كتحس بيهم نشفو وحلقها ناشف وقلبها كيضرب بجججهد ....شوية بدات تحس بالحكة فحلقها والتنفس بدا يقلال ليها وودنيها غرق ليهم الصوت ، كتحس بدوخة وهي توسع عينيها دغيا داركات الموقف ورجعات لور كتقلب بزربة على صاكها وحلات واحد جيب صغير جبدات الرابوز ديالها و بدات كاتروووزي ففمها وهبطات الزاج كتنفس وطلعات راسها لفوووووق كتحاول تنفس تاشافات فالمرايا الكارد جاي عندها وهي تلوح دغيا الرابوز فالصاك وبدات تشمر بنيفها ... هو طل عليها من زاج
الكارد : مادموزيل نتي بيخيير .. كنتي بعيدة علينا وشفنا اش وقع يالاه لحقنا ! تبغي تمشي معانا ؟ عندك شي مشكل فطموبيل
قسم : لا انا بخير بييخير .. بخير غانكمل طريق .... غير داني شوية نعاس ....
الكارد وما ليها بمعنى واخا ورجع لطوموبيلتو وهي هزات قرعة دالما كاتشرب وعينيها حووومر ... بدات كتحاول ترتب انفاسها وملامحها ونبضاتها ... تتفساااات مزياااان وهي ترجع سانتيير وديمارات زاددت فطريق المنطقة ..... كانت قربات توصل لمنطقتهم وهي تحس براسها مقااااداش تدخل لدااار مزال باغا تبقى بووحدها ... وشدات ليمن ودخلات لواحد الجرف كايطل على البحر ومنطقتهم كتبان ليها لتحت ..... باركات طموبيل ونزلات متكية عليها والكارد بقا بعيد ...... ربعات يدها كتشوف فمنطقتهم لتحت واخا مكتبانش دارهم بسبب ااشجر العالي لي ضاير بيها وريزويات واسلاك الحماية ولكن كيبانو رجالهم ومرافقهم .... طولات الشوووفة لتحت فمنطقتهم لي كاتبان كبر من المرصى لي خدام فيها اصيل ... هااد الافكار غير مكيزيدو يوتروها وكلاموا كيطرق فراسها
- قسسسم .. سمعيني مزيان اش غانقول ليك وفهمي كلامي بلا دراما بلا وااالو .. انا ماعنديش مع الهضرة العاطفية ولا حقا بحال بحال ومنعرف اش .... انا وياك ماشي بحااال بحال وهادي راه باينة للعمى ...بعااااااد كل البعد على بعضياتنا ... السعادة ماشي هي لي غتعيشيها فسيمانة فحومة اول مرة دخلي ليها ويعجبك فيها الحال .. راه داك السعادة غتسالي فسيمانتها ملي تولفي داااك الحومة ....، فكري فشنو غايجي لغدا .. شي نهار مايبقاش باباك .. انا انقدم ليك اش قدم ليك باباك ؟ غانقدم ليك طموبيل بحال هادي ... وصاك بحال هاداك ؟ ... ولا هاد ليكارد موراك ؟ لااااا .... واش فنضرك انا غانقدر نوفر ليك سكن لي يشرفك قدام عائلتك ! ... لا .... واش بنت الروكان غتسكن معايا انا وختي فحوومة !!!!!!
ماحساتش بدموعها تالقاتهم كينزلو على خدها .. علاش الشخص الوحيد لي مالت ليه فهاد دنيا يكون بعيد عليها قد هاكا ! عمرها كانت كضن ان الطبقات كيخلقو مشكل بحال هاكا ؟ واش فعلا اصيل غادي يتهان وسط عائلتها ! واش فعلا غايحس براسو صغير .... كاتفكر هضرتو وهو كايترجاها تبعد منو .. كتفكر نبرة صووتو .. كتفكر الخيبة لي كان هاز والنظرات لي كان هاز .. كتفكر تاضحكتو و ابتسماتو لي سطاوها كتفكر عينيه .. هي مقادراش تبعد مغاتقدش تنسى ......
عند اسد وجود
اسد : كاينة هنا حتى لاميديطي بان ليا
جود : هادشي عندو الحل ... ( كايوريه بيديه ) فوالا هادا كامل بغيتو يكون للهيكلة .. مابغيت حتى شي تصميم محدد ليه بغيتو يكون عشواااائي ... فوضوي بحالي بغيتو يكون كيشبه ليا ....
جود ماشي وكيوريه واسد مربع يدو متبع ليه العين كيسمع لحديثو جملة بجملة حرف بحححرف
جود : بغيتو يكون فضاااء مرتاح منحسش براسي فيه مقيد ولا مربوط ... نتحرك فيه كيف بغيت ... نحط لهيه الصباغة ونساها الصباح فين حطيتها نضرب غير بعيني تبان ليا مابغيت لا طاجيرات لا صنادق لا حتى حاجة لي نخبي فيها وننسى ، غنخلي ليا الماطريال كوولشي يبقى قداااامي كنشوف فيه .. ولفوق تما فين غيكون البيرو .. تما فين غندخل نرسم على خاطري .. داك البلاصة بغيت نصبغها بلون يكون كااااالم نقاد فيها جليسة مرتاحة لي نقدر نبدع فيها كيف بغيييت ... ولتحت التطبيق .....
اسد : مزيان .. كولشي هادشي مزيان .. ليكيب فكرتي فيها
جود : نقاد بعدا البلاصة وغانجيب ليكيب .. كنعرف واحد جماعة ديال الدراري تاهوما موهوبين ومالاقيينش الدعم باقيين صغار وعندهم مايقولو فالهيكلة شفت غير تصاور لي كيصيفطو ليا .... رسوماتهم زوينة وكنحس غايخرجو سي حاجة زويييينة فالواقع ، وعندي ليكيب ديالي فالراالي غانجيبها ...
اسد : يعني غيكون عمل شبابي .. غير الهواة !
جود : حنا كاع هواة ، مكنضنش واش شي واحد فيهم قاري هادشي
اسد : نتا غاتقرا ... الوقيتة لي غايوجد ليك فيها هاد الكراج و تبدا الخدمة اوفيسيالمون ونقادو الرخص ... غاتكون كتقرا الهيكلة .. قرا وخدم .. التكوين راه مزيان باش تبارطاجي معاهم اش قريتي وتخيلي ليكيب تتكون عندك .....
جود : ان شاء الله .... ( شاف ليه مبتسم ) كيف جااتك اابلاااصة
اسد : مزيانة كبداية ....نتا ختار فين غاترتااح حيت نتا لي غاترسم ونتا لي غاتصمم ونتا لي غتهيكل ... ولكن هادشي بغيتو يتطور ماتبقاش حابس هنا .. بغيت نشوف مارك معروفة فااسوق
حود : انا موجووود ...
اسد : مزيااااان .... ( شاف فيه ) مزيان لي فكرتي فشي حاجة غدوم ليك .... و تستقر ففكرة وحدة ....راك باقي صغير خود وقتك الكاااافي .. وخدم على مشرووعك وخرج لي غيفجرر لينا السوووق
جود : ههه كووون هاني .... السبع راه مكيولد ( علا شنافتو على نيابو لي وارثينهم منو بحركة شرسة ) غير ماا شرس منو ....
يتبع...
التعليقات
لا توجد تعليقات بعد، كن أول من يعلق.