أشبال الأسود الجزء الخامس

بدات تشوف مع راسها .. واخا الريحة مجهدة ولكن مزيان يزيد يتيق انه ملاباسش عليها وبلي كتشري غير من البال حوايجها ... وتلعب عليه بشي سيناريو لي يخليه يتأثر ثم تقنعو بالمنحة ... زائد باش متلفتش انتباه لي كايعرفها ويقول انه تشبيه فقط ....

شافت عند مول المحل وقادات طربوش على راسها

قسم : اهاه ..... شحال الثمن

مول المحل : ( هاز الة حاسبة ) ملي نت اول كلياااانة ندير معاك بات مووووت المروة ... هانتي عندك طربووووش سرواال قاااامييييجة ( كايحسب قدامو ويقيد فالآلة ) جات الااااالة ... الفييين وربعمية ....

قسم :دااكوغ .. كتخلص ضرووري اسپيس ؟

مول المحل : ( على يدو لفوق ) وهااااادشي لي عطا الله ...

قسم : ( كتحك ورا عنقها ) ممم داكوغ .. ( ضارت براسها واشارت لواحد من الگارد يقرب عندها .. غير شافو مول المحل بقى غير يبلق وهمسات فودنيه وجبد بزطامو مد ليها فلوس وعطاتهم مول المحل ) شكراااا بزاااف ..

مول المحل : ( حال فمو فداك المبلغ ) ااا .. الا .. ا

لااا اختي لا اانسة لااا الالة .. لا .. راه غااا الفين وربعمية

قسم : ( علات حجبانها ) تانا داكشي لي عطتيك ...

مول المحل: ( تي لاااااا هادشي بزاف كايحسب عاد بدا يضحك ) تي لاااااا راه غاااا الفين وربعمية دريال ماشي درهم

قسم : ( ضارت عند الكارد ) شحال بغا !!

الكارد : دوز اوغو ( 12€) مادموزيل ...

مول المحل : ( حاط عليهم الودينة ) ااااه تاتحسبي بالاورو ... اللهم اطعمنا حلال .. باش تعرفيني راني ولد الناس .. راه واحد اخر بلاصتي يغمق عليك ويكمش هاد الخير .. غاا طناش اوروووو باااااراكا

قسم : (ضارت عندو كطلع بصبعها وتهبط على الحوايج مستغربة) هادشي كااااامل !!!!

مول المحال : واايه الحطة كااااااملة ... تي راه البال هذا ضربي المااااركة غاا على قد جيبك ، مال الدرويش مايلبسش

قسم : اااه ، شكرااا ( خدا فلوس لي بغا ورد داكشي للكارد ) شكرااا ، بسلاااامة (جات ماشية هو يحبسها )

مول المحال: المحل هانتي عرفتيه مرة مرة ضربي عندنا طليلة راه نخبي ليك كولية فتحيها بيديك كنجيب بياسات واعرين داكشي بتيكيتو وثمن مناااااااسب ( عطاها ساشية فيها حوايجها لي حيدات )

قسم،: انشاء الله اعمي شكرا ...( ردات ليه ساشية ) غير خليهم .....

خلاتو ومشات مبتسمة فنفس الوقت مستغربة لي لبسة كلها طيح بهاد الثمن ..... ومشات لطموبيلتها كتحك وتعطس عينيها كايدمعو .. الكارد بغا يتدخل ميخليهاش تلبسهم ولكن مامنحقهمش يتدخلو يديرو فقط خدمتهم لي هي الحماية ديالها ...

صاگت وطريق كلها كتفكر كيدير تاني تتعامل مع المزاج ديالو وتتشجع فنفسها و تكوغاجي

قسم:( صايكة وكتهضر وتعبر على نيتها ) هانتي اقسم ... متشوفيش فيه نت كاع ... علاش كاتشوفي فيه مافهمتش .. نت عندك غراض واحد هو تقنعيه بالمنحة توفي بوعدك وتقرا داك البنت مسكينة . .... حاولي تققققنعيه .. ديري لي فجهدك وقنعيييه ... متخافيش منو . مالو كيعض . مكيعضش .. مكيبغيش يهضر تانتي ماتهضريش ... ولكن كيغاندير نقولو على المنحة ؟ ضروري خصني نهضر . فففف ( كضرب فالفلون ) يااااربي ياربي ( اتشوووووو ) كيغاندييير انا دابا نهضر بهاد الريحة وهاد الحالة فففففف داكشي علاش رخاصين . حيت ريحتهم خااايبة . اووووف اقسم اووووف ...

وصلات للحومة ديالهم كالعادة حطات طموبيل فين كتحطها بعيد ولاو عارفينها فداك الحومة كاتجي . لي كياكل فضولهم هوما خصهم يعرفو سبب دمجيتها لهنا وديما كدخل لدار سلمى !!! الهضرة ضايرة فالدرب عليها كايشوفوها جاية وكايصقلو ويعطيوها ابتسامات صفرة ... كالعادة خلات الكارد بعاد وجات غادة وهي تفكر كايعاودو كولشي لباها ورجعات عندهم تتحك فداتها من داك حوايج وتلوا وتهضر

قسم : ماتعجبوش .. لبست هاكا باش نتأقلم مع هاد الناس ومانجيهمش بعيدة عليهم ...( الكارد مافاهمينش علاش كتشرح ليهم ممولفاش ليها وهي غير حيت عارفة كايقولو لباها كولشي) كانجي كنتعرف عليهم حيت مستقبلا باغا ندير معاهم بروجي فهاد الكارتي .....دونك داكشي علاش كنجي لهنا وعلاش لبست هاكا ... مزيان هاكا ؟؟ فهمتو !!

هما فقط حانيين راسهم ضحكات ليهم ضحكة صفرة وزادت ... للي دازت من حداه كايشوف فيها باستغراب على هاد الحالة لي لابسة ... حتى وصلات قدام دار سلمى .. وبقات واقفة كتااخد نفس وتدرب اش تقوليه

قسم : سلام .. ا انا جيت على ود ... ففف لا ماشي هاكا اقسم .. ضحكييية ضحيييكة ( غمضات عينيها وابتمسات ) سلااااااام انا جييييييت على ود

حل لباب عليها فجأة و هي باقا كتدرب دايرة ضحكة بلهاء لي بدات تجمعها شوية بشوية ملي سمعات حس لباب تحل وبدات كتحل عينيها بحال الغمزة غير شافتو هي تحل عينيها بجوج بالزربة وجمعات ضحكتها وحاولات تقاد الوقفة ديالها ، ... بدات طلعو وتهبطو واضح انه لابس خارج وريحة شومبوان فايحة من شعرو يلاه غاتجمع راسها تهضر وهي تطلق واحد العطسة فووووجهووو وزادت الثاانية خلاتو غير مصغر عينو وهز يدو بشوية مسح على وجهو

اصيل : ( كيطلعها ويهبطها كيشوف مع داك الحالة ) رحمك الله .....

قسم : ( كتحك فنيفها ) امييين امييين

اصيل : ( كايشمر بنيفو حيت ريحة الحوايج قوية كلاتو فنيفو ) بغيتي شي حاجة ؟

قسم : ( بدات دير ضحكة كتلعن بيها زهرها وضارت بشوية كتحاول تهضر ) اا .. ااه .. ك .. كاينة سلمى !!!!

اصيل : علاش ! ....

قسم : ااء . لا ... صراحة ماجيتش على قبلها ...( اتشووووووووو )

اصيل: ( مصغر عينيه كايجبد من جيبو كلينكس ) نت لاباس !!

قسم : لا لااابااااس لابااااس حمد الله ... ( شدات عليه كلينكس ) ش شكرا ....

اصبل : ( كايتنساها تهضر ) اهاه !!

قسم : ( كتحك ورا عنقها بالحساسية ) جيت على قبلك .. زعما ب بغيت نهضرو شوية ...

اصيل علا عينيه لسراجم بانوليه كلشي كيطل ويضوروا فريوسهم وتنهد وشاف عندها

اصيل : دخلي ...

قسم : اء ... لا .. لا خلينا هنا حسن ...

اصيل : ( بحدة منزعج من دوك النظارات د المتطفيلين ) ختي .. ( علات فيه عينيها ) يقدر نتووما فين عايشين عندكم عادي .. حنا لا ... عندك شي حاجة مانقضيو مرحبا باش نوقف معاك فلبيبان مكنعرفك مكتعرفيني مجاتش اولا !!! ..

قسم : ها !! ( كترمش فيه ) مافففهمتش ...!! ( ضوراتها فراسها وهي تحس بسخانة طلعات معاها وجاوبات دغيا ) اااااه ... بصح مكنعرفك مكتعرفني ولكن بيناتنا موضوع كنضن .. نهار نحلوه راه مغايجمعني بيك والو غير تهنى ...

اصيل بقى غير كايرمش فيها وهو عارفها السبب لي كايجيبها وبدا يطلعها و لي لفت انتباهو كتر هو الحوايج لي لابسة لي واضح يلاه شراتهم من البال بسبب الريحة المجهدة ....ورجع هضر كايحاول يشد بزمام الامور ميخليش الامر يتفاقم

اصيل : الموضوع لي كيجمعنا نهيناه .. ختي انا قاد بها الى بغيتها تقرا مامحتاجينش منحة ... الله يرحم باك متعاوديش تجي لهنا مزال ... وخليني كنهضر معاك مزيان .... واخا ؟

سد لباب وخرج غادي فالشارع وهي واقفة فبلاصتها حالة فمها واشارت بصبعها لراسها

قسم : قمعني لا ؟؟؟؟؟؟

تبعاتو كتجري

قسم : هيييي ... راه مكنجييش لهناااا على قببلك .... عندي هنا صحاباااااتيي .. وو .. وكنجي كانفرق بيييتزا ...وكاان ( وقف ضار لعندها هو يجي وجهو فوجها وقفات مبلوكية حابسة لهضرة) واش حنا طلبنا بيييتزا ؟؟؟؟

قؤم : لا ولكن ( اتشوووووووو )

اصيل : ( كايمسح تاني على وجهو وقال بغضب مزير على لحروف ) ررررّحمّك اللّه ...

قسم : ( بغضب تاهي مزيرة عليهم ) امّيّييّين .... زايدون انا جايا على قبل سلمى ماشي على قبلك .... اش هاد لافاااصون بحالا لااااسقة فيك

اصيل غير ساكت كايشوف فيها وهي تقول براسها اه

فسم : اااه تابعاك دابا .. ولكن ... ولكن حيت مامخليش ليا فرصة نهضر .. عطيني فرصة نهضر .... سمعني شنو بغيت نقول ... من بعد ... سير .. نغيت نققول انا غانمشي.... متعاودش مزال تشوف وجهي ...

اصيل : منعاودش نتلفت نلقاك قدامي

قسم : وجججهي مغاتشوفوووش ...

اصيل : مغاتعاوديش تجي لدرب ؟

قسن : والله مااااانجي

اصيل : اااه .. يعني مكتجيش ليه باش تفرقي فيه بيتزا ؟؟؟ !!

فسم : ها !!! لاا ... زعما ... الخدمة بوحدها..... وووو ففففف دابا مالك مالك .. هانتا اش غتخسر الى كلستي دقيقة سمع ليا اش بغيت نقوليك

اصيل : راااه غير تاتعيي فراااسك ...

قسن : لا راه ماشي كن ( اتشوووووووو )

اضبا : رررحم( قاطعتو )

قسم : وااا امييييين .. اميييين ...غير سمع ليا عاافااااك شششحفتيني وانا باقا بلا فطووور ...

اصيل بقا غير كايشوف فيها ..وضار خاشي يديه فجيبو وهي تابعاه حيدات داك طربوش كتحك فشعرها كولشي كياكلها

قسم : والله مغاندي منك كتر من جوج دقاااايق ..

اصيل : ( زاد قدامها ) عشرة هادو لي فاتو وماقلتي فيهم واللو

قسم : ماااخليتينيش ... دابا فييين غااادي وقف راه مغانبقااااش تابعاك واش انا معندي شغاااال

يلاه كتهضر هو يوقف وهي زادت تااجبدها من يديها حيت كانت الطريق والطموبيلات كايدوزو

اصيل : طرييييق طريييق شوفي قدااامك ....

نترات يدها منو دغيا باقا كتنهج بالخلعة

اصيل : معلموكش فالخيرية تعرفي تقطعي الطريق ؟

قسم : غ غير سهييييت ....

اصيل : ( شد ليها فيديها ) زيدي ..

قسم : طلق راه كنعرف نقطع بووووحدي ...

تاهو ماشي من العاكزين طلقها وقطعات طريق هوما يبانو الكارد وطموبيلتها بدات كترسط فريقها هو غير شافهم عرفهم ديالها واخا كل مرة جاي معاها نوع من اللبسة معروفين ..... وهي دارت راسها مكتعرفهمش نكراتهم .. غير قربات لعندهم بقاو يشوفو لطموبيل يحلو ليها الباب وهي تتتخنزرر فيهم مااافهمو الو واصيل ضار عندها ...

اصيل : كيعرفوك

قسم : اه ؟ ششكون ؟؟؟ ل لاااا ... لا فين كنعرفهم انا ...( كتومي ليهم غير بيعنيها يبعدو )

اصيل : مممم ( زاد قدامها ) قلت يكون دايرهوم ليك مول البيتزيريا تاهوما ...

قسم : ( تابعاه وكاضور مرة مرة عند الكارد تومي ليهم يبقاو بعاد وتاهوما فهموما ) لاااا لا ... ماشي لداك درجة ...

اصيل : اهاه ... ماقلتيش ليا فين جا المحل ...

قسن : المحل !! ل لهييييه لهييييه وصافي لهيه

اصبل،: ( دايها على قد عقلها ) فين لهيه

قسم : ها .. معندوش محل كايديرو غير فالدار وحنا كانليڤريو ....

اصيل : وعلاش ماعندوش محل

قسم : يالااااه باااادي .... عاد قال بسم الله ... يجمع شوية و ويدير محل

اصيل،: اااه .. الفيراري عندو ياش يديرها ( قسم وسعات عينيها هو دار عندها)...كيعرف يسير عندكم هاد الباطرون

قسم : ها ! ا ا .. اتشووووووووو

اصبل : ( بدا يجبد تاني كلينكس موكل امرو الله) رررااااحمك الله ....

خلاها وزاد وهي تابعاه كتعض فشفايفها وتضرب فراسها هازة داك طربوش فيديها حتى شافتو وقف قدام واحد المحل ( مقشدة كبيرة ) شعبية بامتيااااز .. فيها عيالات كيديرو مسمن وحرشة وبغرير وجوج ولاد صغار كيسربيو وراجل كبير فالكونطوار ....

قسم كتستنشق الريحة لي جاية من مسمن وحرشة وكتشوف مع الارجاء هو يدور عندها

اصيل : تكلسي هنا ولا لداخل !!

قسم : ( حلاات عينيها ) نكلسوو؟؟

اصيل: ياك مفاطراش ؟؟

قسم : اااء . اااه . ( ضحكات وشافت فالكراسى وهي تفكر يمشي يشوفها شي واحد كايعرفها ونطقات ) نكلسووو لداخل .... لداخل حسن ....

اصيل خوا ليها طريق دوز وزاد موراها هو يشوف مول المققشدة

- وصبااااااح الخييير ، وغبووورات هاادي

اصيل : ( قرب عندو لكنطوار وهي كلسات ) غير مع الخدمة ابا عروب .. كاين شي فطور

- ( شاف لقسم بداك الحالة) موجود الخير ... مال هاد البنيتة مسكييينة ؟؟

اصيل ضار تاهو شاف فيها كانت ضاحكة كاتشوف فالارجاااء ولي ضحكات ليها من العيالات كضحك ليها تاهي وتعلي يديها بالتحية بكل لبااااقة .. مدة كيشوف فيها ورجع تنهد ضار عندو

اصيل : ممالهاش .. ضبر عليها فشي فطور .. وانا قهوتي كي العادة ...

خلاه وزاد عندها للطبلة كلس معاها وهي عينيها كيلمعو نسات كاع علاش جات ثاني ..

قسم : واحد ريحة يااا سلااام كتحل النفس .. مكانش فيا جوع وتحلات ليا الشهية ... ممممممم على ريحة

اصيل : شنو تبعي تاخدي

فسن،: لي كان معنديش مشكل .. ( ضحكات ) ياك العراضة على حسااااابك بعدا

اصبل: ( اخيييييييرا بانت ضحيكة صغييييرة ) هه !!!!

قسم : ياااااااا والله تاكتعرف كيف كايديرو يضحكو

اصيل : ( قاد جلستو على الكرسي ) وعلاش منعرفش ؟

قسم : منهار عرفتك ونتا مخنزر .... طبيعي !!!

اصيل : مممم .. غايجيبو ليك فطور يعجبك

قسم : ( كاتحك فيديها ) تحلات ليا الشهية والله ....

اصيل : ( كايشوف معاها ) داك الحوايج مرتاحة فيهم ؟؟؟؟

قسم : ( شافت فراسها وشافت فيه ) ااا مم مالهم ؟؟

اصيل : ريييحة... فيهم ريحة مجهدة

قسم : اااااه .. حيت يلاه شريييتهم .. كنشري حوايج من الباااال

اصيل،: ياااك !!! .. ( قرب عندها لطبلة وقال بالحس ) غير هو .... كنصبنوهم قبل منلبسوهم

قسم بقات غير مبلقى عينيها فيه وهي تغمض عينيها تاني ولات مخرجاها من الحصلات ( اتشوووووووووو)

اصيل : ( تنهد ومد ليها كلينكس اخر يلاه غايهضر علات يديها )

قسم : أميييييين ....

بدا غير كايضور راسو كايشوف اش قال ليها عقلها .. باش يتيق كدوبها لبسات من البال بلا تصبين ..... نيفها ولا حممرررر واضح غاضرب مرضة من داكشي .... كايشوفها ماشي ديال هادشي ... كتعلق تكذب وهي مكتعرفش .... كايشوف فعينيها شحال بريييئين ونقييين ... وشحال بسييييطة وطفلة من الداااخل .. نهار على نهار كايزيد يكتاشفها كتر ... كل مكيقنع راسو يوضع للاومور حد وميخليهاش تتفاقم كايلقى راسو هو لي كاااايخليها تتفاقم بخاااطرو ..... كيحس براسو بااااغي يشوفها مباشرة .. واخا مستحيل انه يفوت معاها حدود الااعجاب لهيه ولكن باغي يشوفها مباشرة وماشي غير داك ااصورة لي حفضها بكل التفاااصيل ....باغي يشوف عينيها لي كايتوترو ملي كيقرب يحصلها فشي كدبة وحركاتها العفوية الطفولية ...

غير تقلبات شافت فيه هو يهبط راسو .. تاجا ولد صغير سربا على طبلة وحط ليها طبسيل فيه المسمن و الحرشة و زلافة دالرايب و كاس دالعصير وفرماج وحط لاصيل قهوة

الولد: ( هاز السيرو ) ندير ليك اختي !

قسم،: اشنو هذا صووص !!!!

الولد : سيرووو ..

قسم : ااء ( ماعرفاتش ) زوين ؟ ديييير ....

دار ليها سيرو حمر على الرايب ومشا واصيل كيخلط سكر قهتو وكيشوف فيها ...

قسم : كيبان هادشي لذيذ ( هزات رايب ) هذا ماعرفتوش .... مهلبية نو !!!

اصيل : راايب

قسم : مختر ؟ اااه حليب .. حليب مختر .. كايديرو ليه شي حاجة وتيتقال ياك بحال جبن ... عرفتو

اصيل : ممممم ... هو هاداك .. ( جغم من قهوتو شافها كتوشوف مع جنابها كتفرك فيديها ) خاصاك شي حاجة

قسم : اااء ..... نهز بيدي ؟

اصيسل : وباش غاتهزي ؟ اااه صبري ( شاف عند داك الولد ) شي فورشيط عافاك ....

قسم بقات كاتشوف عاد سرات معاها هي تقاد الكلسة

قسم : لاااا لاا انا مكنكلش بفوورشسط لا ... زعما غير مزال ماغسلت يدي

اصيل : ( اشار ليها بيديه لواحد مغسلة غير صغيرة تما ) راه لافابو .

تبسامات وناضت غسلات يدييها ورجعات كتعض فشفايفها حيت تا سربيتة مكيناش .. وهي تكلس وبدات كتقطع فالمسمن بيدييها والحرشة وتاكل

قسم : ممممممممم مشاء الله بحال لي كتصاوب لينا جدة مممم ( كتهضر وتلذذ وهو ساهي فيها متبع كل حرف بلا هواه ) عرفتي جدة كادير لينا واحد بالجبن .. كاتقولينا وقفو حدايا تعلمو ليه ... كتطوي وتخشيه فييه لدااااااخل

اصيل : ججبن !!

قسم : ااااه الجبن ... كتمشيه مزيان حتى كتعمر ... وكاتبقى تدلك فييه غييير بشوية

اصيل : جبن !

قسم : لا مسمن .... عرفتي ملي كايطيب وتلويييه ويسيح مع جناااب وااااو

اصيل : المسمن !

قسم : لااا جبببن .... مع كايكون محممر سخوووون وهو لداخل ساااايح كايجي بنين .....

اصيل : الجبببن !...( كايشرب من قهوتو وكل مرة يأكد )

اصيل متبع قسم وهي تتاكل وتهضر ، ماعرفاتش علاش حاسة بعفويتها خرجات بدون قيود كأنها كالسة مع واحد من افراد عائلتها ...وهو فقط شاد كاسو متبع معاها مبسم ... تا دازت للرايب كلات معلقة وهي تبان ليه علات راسها مبلوكية ....

اصيل : ياك لاباااااس ؟؟؟؟

قسم : ( سرطاتها ) ووووو ... سي بووووون ... بنييييين ...!!!!!!

اصييل : هه !! بصحة ...

عضات على شفايفها كلاتو ماكرهاتش توثق جميع هاد اللحظات وهاد الماذاقات لي داقت .. خلص وخرجو وهي تبدا تاني تفرك فيديها كيغادي تجبد معاه الموضوع وتقنعو .. خصوصا ملي بان ليها مهدن شوية .. ولكن الحكة و العطيس مديرونجينها ...غادة وتتحك تاسمعاتو ....

اصيل : عندك جوج حلول .. يا تمشي لداركم تبدلي هادشي ... يا تقلبي على اقرب بلاصة تشري منها حوايج .. ( شاف عندها تتحك ) هادشي مامسلككش ...

قسم : ( تتحك فشعرها ) م ماعارفتش . ا انا غ غير شريتهم .. و .. قلت بلا مانمشي نصبنهم فهمتي .. محسابتنيش يتصبنو ... لا زعما عاااارفة هاء انا مولفة نشري من تما ... غ غييير ( قاطعها )

اصيل : دابا بين داك لحلول بجوج لي عطيتك .... شنو لي مسلكك !!

قسم كترمش بعينيها مستحيل تقوليه الدار حيت غايبغي يوصلها وهي نسات كاع فين داتو داك المرة وفعلا ماتقدرش تبقى بحال هاكا كتحس بلحمها كامل ناض عليها وهي تحاول تبسم زعما مواقع والو

قسم : ر راه نقدر نصبر ... عاادي ماشي شي حاجة

اصيل تنهد وزاد وهي غادة معاه غير ساكتين كتلعن فراااسها واش هي خاصها تجبد موضوع المنحة ولا الحوايج .. حتى بان ليها وقف قدام واحد البوتيك دملابس النساء تماك غير فالحومة وضار عندها ..

اصيل : ( كايحك فنيفو من الريحة) دخلي ...

دخل اصيل وهي تبعاتو .. مولات البوتيك غير شافت اصيل تبسمات لان متعوداه كايتقضى لختو ... كان بوتيك عادي فيه حوايج معلقين وصبابط وصيكان متنوع من كولشي ، وكنطوار و بلاصة ديال التبدال ضايرة بالريدو ... وضار عند قسم لي باقا فلباب كتحك فدرعانها ...شافتو ضار لعندها وهي تبسم داك الابتسامة الصفرة ، وحاولات تدخل كاتشوف مع الارجاء ...وداك مولات البوتيك غير شافت فوجهها حلات فمها وشدات عليه ... قسم من عينيها فهمات بلي عرفاتها

مولات البوتييك : اااا م م ادموزيل ق٠٠٠

قسم قاطعاتها مالقاااات حتى طريقة اخرى من غير عناااقتها كتضحك قبل ماتفرشها ...

قسم : سلاااااام .. سلاااام لالابااااس ...

واصيل عايق بالبلان كايشوف فيهم

مولات البوتيك : اا ل لاباس .. م مرحبا ب بغيت نقول ( قاطعتها تاني )

قسم : هههه ( شافت عند اصيل كاتضحك قريب تبكي كاع ) ههه كاتعرفني ؟؟ اااه كاتعرررفني تخيل ؟ هههه ... حيت ديما كانجي نتقضى عليها لحواااايج راك عااارف .... كنشري منهنا بزااااف ح حيت قريييب لفين ساااكنة، .. ( ضارت عندها ) ا .. نمشيو لهيه بغيت نشوف هااديك سروال بغيت نقول هاداااك ... يلاااه ...

جراتها من يديها مبسمة لاصيل لي حركاتها مفرووووشين قدامو وهضرات فودنها تحت سنانها دايرة راسها ضاحكة

قسم : ماتقوليييش قدامووو شكووون انا .. هو مكايعرفنيش .. صافي ؟

مولات البوتيك : ها ء ولاكن مادموزيل ... زعما مرحبااا بيك شرفتيييينا ييلاااه لقيتيني شريت مجلة ديالكم عرفتي كااان( قاطعاتها كاتشوف من موراها )

قسم : شكرا .. شكرا ...اا ... صافي غير تسناني برا ... ا انا غانختار ونبدل ونجي ...

اصيل غير كايشوف وخلاها على خاطرها وخرج حدا البوتيك ... وهي لي اقترحات عليها مولات البوتيك هزاتو ببلا متردد

مولات البوتيك : ولكن اش داك لهادشي تلبسيييه ؟ شكون عطاك هادشي ا مادموزيل

قسم : تااحد ( شداتت عليها داك حوايج ودخلات )

لبسات بزربة وهي كتلعن كتهضر غير مع راسها كانت على شوية غاتفرش .. لبسات سروال دجين متعافرة معاه كطلعو مولفة كاع الحوايج يتخيطو عليها دابا مضطرة تقضي بلي كان غير يدوز هاد النهار على خير ... لبسات تيشورت بيضة وصبادرين نزلات كتعقد فسيور وهي تفكر ان لاكارط ديالها وسوارتها وتيليفون كوووولشي فالطموبيل .. وهي تكلس لارض جاتها البكية على هاد الحااااالة وشعرها كايطيح فوقها و تنفخ عليه

قسم : اش هااااد الموووصيبة .... حتى لفييين اقسم حتى لفييين فففف .. نااااري على كااااااارثة ... شنو نقوليه خلص عليا نيت يتيق بلي ماعنديش فلوس ( شدات على وجها ) ايييه لفلوس والو .. تالكرامة ماتكونش ؟؟ ... نخرج نهضر معاها تسناني حتى نسيفط ليها وصافي .. ( وقفات كتنفض فحوايج ) يا على احراااااج طحت فيه ...

دوزات ريدو وخرجات هو يبان ليه اصيل واقف فالكونطوار ضار لعندها كايطلعها ويهبطها .. وهي تعض على شفايفها وحمارو حناكها بهاد الموقف لي غاتحط فيه .. حتى قشعاااات واحد المجلة على الكونطوار كتبان فيها هي .. وهي تووسع عينيها .... يلاه بان ليها غايضور مشاات كاتجري لعندو ضوراتو و وهو شاف عندها باستغراب !!!!!

ماجا فين يفهم تاكانت طارت عليه عنقاتو تاااوسع عيينيه !! وهي غير باش تلوح يديها مور ظهرو .. دغيا قلبات داك المجلة عاد فهمات مولات البوتيك وهزاتها كاع من تما خباتها .. وهو مفاهم والو مالها على هاد التعنيييقة كااااملة شوووكاااتو بقى غير مبلووكي ريقو نشف ففمو ... عاد بعدات عليه كتسلت شعرها من فوقو .. و تحاول تتبسم عارفة راسها كبتااااتها ولكن مكانش عندها حل وبدات تتععوج تخرج الهضرة وهو داير فيها نظرة واحد وقفتيه على الحركة ....

قسم : ااا . غغير ... غير لفرحة الفرحة .. زعما كون مكنتيييش كنت غانموت بالحساااسية !!!

اصيل : .... ( مبلوكي معارف مايقول كايحس بيديها باقين فوق منو وحك تحت احيتو وهضر كأنه مواقع والو واخا خلات فيه صوت تهراس لداخل ) اه .... عادي .. ( حاول ينفض راسو يستفق ) نمشيييو !!

قسم : وواخا . سبقني انا جايا .. ( هو مشا وهي ضارت عند مولات لبوتيك كتهضر،بصوت منخفض ) هيي . الكارط بونكيغ ديالي ماهزيتهاش .... غي كتبي ليا رقم حسااابك والثمن وندوزو ليك ... ماعنديش كيف ندير دابا

مولات البوتيك : لا لا امادموزيل راه اصيل خلص كولشي .. مرحبا بيك الله اودي على الراس والعين

قسم : هو خلص ؟ ز عما . بلا مان..... ( بقات مدة ساكتة فلخر تبسمات) داكوغ ميغسي ...

جات ماشية وهي تجي عندها شداتها

مولات البوتيك : نقد ندير معاك فوطو .. مالين الدار كاع كاتعجبيييهم .. مغايتيقوش لا قلت ليهم شريتي عليا الحوايج ...

قسم : ( كاتشوف للبرا واش ماكيشوفش ) ااه اكيد .. مرحبا ...

جبدات تيلفون وتصورات معاها وهي تعنقها

مولات البوتيك : فرحت بزاف ملي جييييتي وتشرفت بيك ... عرفتي وحسن من تصاااور والله مكانش يحسابني متواضعة هاكا

قسم : شششكرا هذا لطف منك ...

خلاتها وخرجات عندو دايرة يديها فجيابها كاتمشى معاه وهو بالو كولو مرفوع مع داك تعنيقة ....

قسم : هاد الكلمة قويت منها بزاف اليوم ولكن خاصني تاني نقولها .. شكرا

اصيل : بلا جميل ... ديجا حتى انا كنت مضرور معاك ... ( شمر نيفو )

قسم: ( عضات على شفايفها ) سسمح ليا ... م مكنتش عارفة ..

اصيل : اهاه ... ( وقف ) دابا خصني نمشي لخدمتي ... ( شاف لساعتو ) ضيعت الوقت بما فيه الكافية ...

عوج معاها راسو ولا عاحبو يبقى شاد فيها باش تلعب بعينيها تاني وبحمارو خدودها

اصيل : باقا عاقلة على داركم فين جات ياك !

قسم : ( كترمش بعينيها تماما النظرة علاش كان كايقلب عطاتها ليه ) اا ... اااه هاء كاين شي واحد مكيعرفش دااارو .... ولكن صبر ... راك واقلة مزال ماعطتينيش الوقت لي طلبت وجيت على قبلو

اصيل : عندي خدمة خصني نقضيها ..

قسم : ( ماعرفاتش كيف خرجاتها ) نووصلك ؟؟؟؟

اصيل : فاش ؟

قسم : فطو ... ااا ...لاااا ( مكرهاتش فهاد اللحظة تنطح راسها مع الحيط ) لااااا ..على رجلييينا ... مالها بعيدة بزااف ...نوصلك ونرجع

اصيل : ( بطنز) لا راه كانعرف الطريق ....

قسم : زعما قصدت نمشيو على رجلينا منهها نتا غادي لخدمتك منها انا نهضر ونقول آش عندي

اصيل بان ليه واحد طاكسي دايز وشار ليه بيديه وهي تضحك قسم بانتصار لي غاتمشي معااه ومشات تبعاتو لطاكسي وهو حل ليها لباب لور ركبات سدها وطل على شيفور

اصيل : وصلها فين بغات ....

قسم طرطقات عينيها وطاكسي زاد وهي باقا مصدومة واصيل متبع الطاكسي حتى غبر عليه ودار يديه فجيابو وطلع راسو للفوووق كايتنهد .....

قسم الطاكسي زاد بيها وهي مزال مامستوعباش !!!! ... حتى علات شوية عينيها بانليها الشيفور عين فالمراية وعين فيها داير ملامح بحالا كايحاول يتذكر فين شافها ...

السائق : ختي ... سمحيلي نسولك ... واش ماشي نت هاديك لي كاتسوك االباطو ؟ بنت الروكان لا ؟

قسم بقات غير كاترمش الخاطر ضااع ليها وهي تقرب لعندو

قسم : نقدر ندير أبيل من تيليفونك ...

السائق : ( ضحك ) تي راااا والله تااااا تِي.... حلفي والله تااااا تِي ؟؟؟

قسم : واش نقدر ؟؟

السايق : تي رااااه صوووووتك هدا ... تي راااه تِي ...

قسم رجعات لور شدات على راسها قربات تبكي ... معارفة فين تقوليه يوصلها وماعنظهاش فلوس وتيليفون فطموبيل تاشافتو مد ليها تيليفون

السائق : وعيييييطي خوودي رااااحتك ... لابغيتي تانطرگك لدار تشربي كاس داتاي مع الواليدة والخوادريات راهو يضلو متبعينك فداك المشقوووف ( كايضحك تالودنيه )واااانقولهاليهم دابا يرجعوني كنكدب .... و واااقلة غااااا كنكدب نيت ..... ياااك تيِ راااه تِي ؟؟؟؟؟ !!

قسم حد_ها تبسمات ليه وشدات تيليفونو دوزات اارقم دالكارد وجاوبها ...

قسم : تكلم مع هاد السيد يقوليك شي پوان نتلاقاو فيها معارفاش راسي فين انا تاني .....

عطاتو تيليفون للشيفور قاليه فين يحطها و الكارد جاو لعندها تلاقاوها وهي تنزل من الطاكسي وضارت تشكرو لقاتو سبقها فالهضرة كايشوف مع الكارد

- والله تااااااا تِي .....

قسم : ( مع ابتسامة ) شكرااا على التوصيلة .....

السائق : والله تاااالخوادريات كايحماقو عليك ااختي.... نهااار كبيير هااادا ...

قرب الكارد يخلصو وهو مابغاش يشد عليه

- تا راه والله مااانشد الريااال ... تا بنت الاسماعيلي ركبت معايا باااركا عليا ... ( كايشوف فيها ) يااااا والله تاااا تي ....

تبسمات ليه و خلاتو ومشات باتجاه طموبيلتها نزل منها الكارد عطاها ااسوارت وركبات ديمارات مدة غير كالسة وهي تبظا ضرب راسها مع الفولووون

قسم : شششدي اقسم شششدي ... شدي ...... على حاااااااالة ..... خسرت نص نهار على وااااالو ... فاللخر صدرررني .... ( علات راسها كاتشوف طموبيلات الكارد قدامها ) اش غانقول لبابا تااني الى قالوليه جابها لينا طاكسي .....

شوية وهي طرططق عينيها وهزات تيل دغيا بانتليها كتر من عشرين ابيل وهي تحل فمممهااا وقلبها بدا يشطح بالخخخلعة وهي تكسيري دغياااا ....

وصلات قسم للمنطقة .. حلو ليها البيبان دخلات وهي عاضة على شفايفها كيف غادير تسلكها تاني ... غير شافت طموبيلات عمامها ولادهم رتاحت شوية بعدا ملي كاينين .. واخا كبرات باقي كتخاف من باها ملي كايصدر قرارات بلا مايتراجع فيهم الى دارو شي خطأ ....

نزلات من طموبيل ، الساعة كانت طناش ونص .. غير دخلات للدار ضربات فالعائلة مجموعة على طابلة الفطور ... عينيها جات فعينين اسد مبااااشرة لي واضح من خلالهم بلي عندو معاها هضرة ... وهي تنوض لامار ....

لامار : قسااام فين مشيتي على صبااح !!!! شحال وانا وباباك نصونيو عليك حتى قالو لينا الكارد راك معاهم ؟ تا صفاء قلبات لينا راسنا مامشيتيش لشوتيينغ .... !!!

قسم سرطات ريقها وشافت فيهم: صباااااح الخير ... اا ..غير هنا اماما .. كنت غير هنا ... ماعنديش الخاطر للشوتينغ منبعد ونديرو ....

حياة : قسووم ياك لباس ابنتي ؟؟

ماجدة : ( كطلعها وتهبطها ) اومايكاد اش هاد الحواايج ؟؟؟ ماشي ستيلك هدا نو !!

قسم : ( شافت مع راسها ورجعات شافت فيها) لا ستيل ديالي غير مزال ماتعرفتيش عليه ..

لامار : زيدي تفطري قاتليا رجاء خرجاي بلا فطور

قسم : لااا فطرت على برا بصحتكم غاانطلع نبدل حوايجي ...

خلاتهم وطلعات واسد متبع ليها العين ...

فطرو الجميع والرجال دخلو تاني للبيرو كايلقاو غير نهار الاحد لي يحطو حساباتهم على الطاولة رغم ان كل واحد بالشركة ديالو الى ان الاساس مشاركين فيه كاملين .. لوؤي خرج واما قدس ماعندها خاطر لوالو غير سادة عليها فبيتها ... اولاد عدنان مشاو لابيسين وماجدة نهار عندها باسل ملي مكاينش جود لبسات عليها وخرجات عند صحابها ...و اية كالسة مع العيالات فالصالون شادة تيليفونها ...

على عادتها حالة الانستكرام ديالو لي كتحلو عشرين مرة فدقيقة .. كتعاود تشزف اخر الصور للمرة المئة .. كانت آخر صورة حط وهو فواحد الجسر ، داك التخنزيرة لي على وجهو ولي متبدلاتش من فاش كانو صغار .. ستيلو الشبااابي المواكب للموضى ... و شعرو القوي لي كايكبرو ولي كايحمقها فيه كتر .... منهو صغير كان عندو قوي و كيرلي ... وفاش كبر زاد ...كاتشوف عدد لايكااات وتعاليق المعجباااات بيه كتحرق من دااخل ...

بقات مدة شادة صبعها عندها فللخر قالت يكون لي يكووون غاااندير لايك تانا ... علاش ماشي ولد عمي !!! زادت حتى تعليق فيه 3 قلوب لي مكملاتش عليه دقيقة تاكانو انهالو عليه اللايكات ملي شافو آية الاسماعيلي ... وزادو دخلوها لي زابووني بكثرة حيت هي ماشي اكتيف فالانستكرام بحالهم ومكتحطش صور ليها بزاااف ... من ديما كانت عنصر مفقود فسوشيال ميديا وكولشي كايتسائل عل الانستگرام د اخت سلطان ... بقوة ما ان الجميع متبع اخبااارهم ولاو كايعرفوهم وحافضينهم كيف اشخاص مقربين ....

قسم خدات دوشها وغسلات شعررها مزياااان ، كون ماخدات هاد دوش كانت غاتموت بالحكة .. خرجات كتقلب ماتلبس هوما يبانو ليها الحوايج لي حيدات محطوطين على ناموسية و تبسمات وهي كاتشوف فيهم ..... مشات طواتهم وجبدات واحد الصندوق عندها فالدريسينغ حطاتهم فيه وخباتو تما باش مايديوهمش مع حوايجها لان كل اسبوع كايبدلو ليها حوايجها لي فبلاكار .... لبسات سيرفيت وكلسات قدام مرايا كتنشف شعرها وكاتفكر تاااني اش غادير هاد المرة باش تحبد معاه الكلام .... دارتو فراسها مغاتفااك حتى يقبل ...

نشفات شعرها شداتو ذيل حصان وهزات تيليفونها كاتصوني لجود....

جود : ماي شوگر سيستر ....

قسم : ماي شوووگر برااذر ... اي ميس يو ..

جود : ممم غدا هانا معاك ...

قسم : فين وصلتي مابقى ليك والو لرالي ....كاين شي تداريب ، فينك دابا ؟

جود : انا فلوطيل آلحوب كنفطرو نا و يأجوج " سلطان " .. عاد غانمشي لتدريب

قسم : سلم عليييه خليتو بلاصتكم لبارح .... جود شفتي طبيب ياك

جزد : وااا مغاااتملوش من هاد السؤاال !! صافي هضرنا معاكم ....

قسم : دابا معاش بالضبط يتطلق لايف فداك السيت ؟

جود : مع السبعة ديالكم تما ...

قسم : واش بلليل ! ياك الرالي دالرملة ؟ ...

جود : وي .. غايكون هاد المرة بلليل

قسم : آه سووپر ... ال ذا بييست ماي هيرو ، هاد المرة غاانقنع كولشي يتفرج .. راحنا مجمووعين كلنا غانشجعوك ونفرحو معاك ( بابتسامة ) عبيييش حلمك اخويااا ... حس بيه مزيااااان واستمتع

جود : ( علا راسو للفوق وتتفس معمق ) بغيت نوصل لداك النهار لي ندخل فيه لطموبيل وتكونو مع الجمهور اقسم .. بربي تا كنحلم بداك النهار كتر مكنحلم اني نربح .... الى نتوما قبلتو ليا بهادشي و ودرتو بالرضى دالوالدين هداك هو الرباح عندي ....

قسم : راه غير الخوف عليك اجود نتا عارف لي كاين ( ضحكات ) مهم انا وااااقفة معاك فكاااع اش بغيتي دير .. بشرط تواعدني ماتعاودش تعيشنا فشي كوشماغ تاني .... نتا معارفش المعناة ديال يقولك طبيب دخل وقف قدامو وشوف واش يتعرف عليك ... عااافاك تأكد من الطبيب عاد ركب عاااافاك

جود : ودابا نقولها ليكم بشي لغة اخرى ؟؟ .. صافي راه هضرنا وااامتفرعوش ليا راسي تاني .. .

قسم : صاااافي هانا ساكتة ...نتنساك تجي ، عندي بزاااف ماانعاود ليك ....

جود : اوكاي برانسيس ... يلاه بسلامة نسالي تدريب ونعيط ليكم

قسم : صافي مشاااات .. ااه جود متنسااااش (تبسمات ) you can win if you want " غانتنجح الى نتا بغيتي "

جود تبسم ملي تفكر هاد الجملة لي كان كايقولها ليهم باباهم طيلة مسارهم الدراسي وجاوبها

جود : I win if you want " انا غانجح الى بغيتو نتوما " ..

ثم قطع الاتصال ..

قطعات معاه الاتصال ونزلات لعندهم لتحت لقاتهم محدثين وهي تعنق ماماها من اللور باستها كتشوف فيهم وباقا معنقاها واضح انها فالمود

قسم : شي نميمة هادي مجموعين علييييها عيلات الاسماعيلي همممم ؟

رتاج : لاااا لاا هادا ماخصنا غا النميمة ... حنا ابنتي نهار كنبغيو نديرو نميمة يالاه يقدنا الوقت نهضرو فبعضياتنا ومشاكلنا وحريرتنا ....

حياة : والله الى

قسم : متنساوش المينوي دهاد النهار ... عيد ميلاد پيلي ....

سارة : صبرو .. مينوي ديالها ولا ديالنا ؟

قسم : ديالها اخالتو .. خمسة دصبح ديالنا.....

سارة : الله يااااااربي شكون غايفيق

قسم : انا غانفيق بكري ديجا عندي سبوغ ... ونتوما لي مقداتش تفسق تبروكرامي ليها ميساج يوصلها فداك الوقت يلاه غادخل للعشرينية خاص تلقى لافامي معاها ...

لامار : انا غدا خدامة غانفيق بكري ... ديجا حتى هي عمرها نسات ليزانفيغسيغ ديالنا ....

رتاج : بيلي راه مغاديش عليكم عارفة خمسة دصباح ديالنا مفايقينش فيها .. عااادي تاانتي

حياة : الله يصلحها ويحجبها لا هي لا وسيييم وكاع الولاد ...

آية : مغاديرش انيييف !!!

رتاج : نوووو احبيبتي مكنضنش ماقالت ليا والو ... مي اريج قالت ليا قريب العطلة و الى جابت دي بون نوط غايجمعو ليها بلانيفيغسيغ بالنجاح ان شاء الله هنايا ...

اية : اااه صاافي دونك مؤكد غادي يجيو

قسم : خالتو اريج وعمي يونس مأكدين .. وسيم تاهو غايجي ..بيلي ماانعرف رااااكم عارفين مغاتبغيش تجي

اية : واخا اياد مغايجيش ؟؟؟... زياد يمكن هو ومرتو غايجيو ؟ ..

رتاج : وغير إلى بغاااو يزيييدو فيه .. صافي لي طرا طرا والصفحة طويناها مكانش عندهم العقل .... حتى اياد شحال معكس مكاينش لي رجعو للطريق تقول ياختي توحمات ليا على عدنان

قسم : بيلي واخا كتبان هاكداك ضاحكة وضاربة الدنيا راها باقا مقسحة والله منسااااات انا لي حاافضاها ...

حياة : باقا صغيييرة والحياة قدامها ماعرفتي اش مخبية ليها

سارة : وراااه صعيييبة .. باش يضيع كولشي فنهار ولييلة قاسحة شوية

لامار : يااعوووودو بالله على موضوع جبدتو ليا وهاد نهار !!!!!! راه عندو السبااااق بلا منجبدو داك النهار دالززفت وماباغاااش يتعاود عليا ....

قسم : الله يحفظووو ... لا هاد المرة هضرت معاه كنحس بيه مرتاااح .. داك المرة مشا ب الهم ديال بابا لي دابز معاه ... دابا راه طمنتو بلي كلنا غانتفرجو وراه فرحاااان ... ماتكونش شي حاجة توترو او تعصبو وصافي ..

اية : دابا هو معاارفش هاد نهار عيد ميلادها ؟

قسم : هو معاقلش عليها تاهي بقى غير لانيييف حماقيتي ..

اية : فففففف ... كان حااافض حتى وقت فياقها ونعاستها ... نااااااري على زهر عندها مسكينة

لامار : ودابا ماغتقلبوش عليا هاد الموضوع .. تمرضونا عاوتاني ماقلنا حتى نسيييينا شوية

رتاج : صاااافي هنييييونا ... اجي نتي بعدا فين كنتي هاد صباح ؟

قسم : انا ؟ فالكاغتيي

لامار : هاد الكاغتيي ابنتي ماشي كثرتي فيه المشي والمجي

قسم: عادي .. كتتعرف على داك العيالات ولا كيعجبني نهضر معاهم ونكلس معاهم .. ياك نتوما لي قلتو ليا ديري صحابات اوا هاااانا درتهم

حياة : ههههه والله الى جديدة هادي هههه.....

قسم : بابا قبيلة دار فيا شي شوفات ماشفتهم منو منهار كانت عندي خمسطاش عام ... فينو هو ؟

لامار : راهم فالبيرو ...

قسم : انمشي عاندهم ..

يلاه غاتمشي هي تبان ليها الباب تحلات خارج عدنان يشرب دواه بقا سفيان لداخل واسد ... اما عمران نهار الاحد كيمشي لعند الام ديالو اما حتى الاب توفى ليه .... سفيان كان ضاحك هو واسد على شي موضوع .. غير شافتهم قسم ضاحكين تاهي تبسماااات ليهم ... سفيان هز ملفو وخرج تاهو بعد ماخربق ليها فشعرها هي دخلات عند اسد لي شافها وصايب الكرسي داير رجل على رجل ومشات كلسات حداه كاتشوف فيه و هو كايشوف فيها حابسة ضحكتها زعما راني عارفة اش دايرة ....

قسم : بااااباااا

اسد : مم !!

قسم : أبيييي

اسد : هممممممم

قسم : پااااپاااا

اسد : والله ابنتي وتعيطي ليا حتى بالشينوية ....

قسم : والله ابابا حتى خليتوا فطوموبيل .. واش انا موالفة منجاوبكش ...

اسد : اساسا هادشي لي معصبني انا ... وليتي ديري شي حوايج لي انا ماموالفهمش فيك

قسم : تيق بيا ابابا والله مكندير شي حاجة متعجبكش ... ( عضات على شفايفها ) انا براسي لقيت راسي كندير شي حوايج لي مامولفاهمش فراااسي نيت .. ( شافت فيه ) سمح لياااا

اسد : واش باغاني دابا نتبعك بحال ختك الصغيرة ولا كيفاش !! قسم حتى كبرتها وحيدت همها كطل ليا على الثلاتينات مراة راشدة نوض نتبعها انا !! باغا ترديني نتبعك ... غتحرجيني وتحرجي راسك ...( بجدية) ماتحطينااايش فشي موقف لي نتحرجو فيه بجوج اقسم ....

قسم : حااااشااا ابابا عمرني حطيتك فيه ولا غانحطك ... وراك كتعرفني كتر من راسي من دسما كتاب محلول حداك مكنعرف تاحد نقوليه شنو فقلبي منغيرك نتا وجود.....الامر ومافيه ان داك البنت معمرة ليا راسي بالمنحة ديالها ... وكتعرفني فاش كندير شي حاجة فراسي خصني نوصل ليها ... حلفت حتى نقنع خوها و غااانقنعوو

اسد : خووها !!!

قسم : ااه خوها

اسد : هو معامن كنتي هاد الصباح ؟

قسن : اااه

اسد : ( مصغر فيها عينيه وتكى لور بالكرسي ربع يديه ) واش الامر فيه غير المنحة ؟

قسم : ( كتلعب بعينيها هنا و هنا ) هه هاااء !! وشنو غااايكوووون ؟؟؟؟

اسد : انا لي كنسولك

قسم : حماقيتي ابابا ( زنگها ) اش هاد السؤال .. اكيييد لا ... نهار نقدر نقنعوو اش غيبقى رابطني بيهم

اسد : وعلاش كنتي لابسة داك الحوايج

قسم : بغيت ندخل لكاغتيي بحالي بحالهم

اسد : على شنو فارق بيناتكم ؟

قسم : الحوايج خالقين فرق ... كايبينوني ديفيغونط

اسد : الحوايج عمرهم كيفرقوا بنادم اقسم ...

قسم : سي ابابا ... بنادم النمطي لي غيشوفني اول مرة راه غايخلقو معاه فرق ...

اسد : لهاد الدرجة مهتمة لهاد المنحة !!

قسم : وكتر ....

اسد : ملي هاكا يجي هاد السيد لعندنا حنا نقنوه مالك على هاد الصعوبات كاملة !!

قسم : عطاني وقت تانهضر معاه بقا غير نقنعو ؟....انا راه مزال فمحاولة اقناعو باش يخليتي نققنعو ... ملي يخليني نقنعو عاااد نحاول تاني نقنعو ( اسد غير مصغر فيها عينيه داير صبعو الصغير ففمو متبع معاها وهي جبدات تيليفون وعطاتو ميساج د سلمى لي كانت كتبات ليها ) فوالا .. ( كيقراه ) شفتي مسكينة ....

اسد : شنو سبب رفضو ؟

قسم : ماعرفتش السبب بالضبط ... مي كنضن كيخاف عليها ...

اسد : ماشي سبب مقنع هدا

قسم : حتى انا داكشي لي قلت .. كون عطاني غير شوية دالوقت نهضر معاه نفهم كولشي ....

اسد : مابغيتش هاد الامر يطول اقسم ... مكاينش لي يجرجر ليا بنتي هاكدا ... مابغاش الله يعاون .. كون مكاتبانيش ليا بعقلك مغادوزش ليك هاكا اقسم .. عارفة ياك !!

قسم : كوووون هاني ابابا راني عارفة اش كااندير ... ( عطاها تيليفونها ) دابا خليك مني ... جيت على موضوع واحد اخر

اسد : اهاه

قسم : ليوم الرالي دجود .. نتا غتفرج معانا ياك ابابا ؟؟؟

اسد تنهد وحل البيسي ديالو مجاوبهاش ...

قسم : بابااا .... نتا غيير ( قاطعها بحدة حتى صقلات )

اسد :قسسااام

قسن : ص .. صافي .. هانا ساكتة ....

صقلها بكلمة وحدة وناضت لباب حلاتها ورجعات ضارت عندو جامعة شجاعتها

قسم : انا غاااانتفرج وغاااانشجعو .. وتا ماما غتفرج وعمامي وعيلاتهم وكووولشي ....

اسد : ( عينيه على البيسي ) تحملو مسؤولية تشجيعكم ليه ( طلع فيها عينيه ) ملي توقع شي حاجة متجيش عندي تقولي ليا بابا عتق جود ولا دير شي حاجة .....

قسم : دابا علاش متشائم هاكا ؟ مكنعرفكش ابابا بهاد التشاؤم ونتا لي علمتينا القوة والتفاؤل

اسد : حيت انا لي عارف حالة خوك ...

قسم : غنشجعوووه هاد المرة .... ربما كان محتاج غير تشجيعنا

اسد : تحملو مسؤوليتكم .....

هبط راسو كيخدم وهي تنهدات وخرجات .... مشات تاهي جبدات بيسي تراجع خدمتها والاسهم لي داير ليها باباها .. حتى جا وقت الغدا وتجمعو على طابلة الغداء مجموعين مع الضحك وتقشاب .. الرجال دغيا كملو غداهم هبطو للبحر بقاو غير العيالات لي ماكلتهم تقييلة بالهضرة والضحك وقسم غير شادة فورشيت ديالها وسااااااهية كتفكر ففطور الصباح وواحد الابتسامة مرسووومة على فمها كتبان مُشعة ...

" قسم : اااء ..... نهز بيدي ؟

اصيل : وباش غاتهزي ؟ اااه صبري ( شاف عند داك الولد ) شي فورشيط عافاك ....

قسم : لاااا لاا انا مكنكلش بفوورشيط لا ... زعما غير مزال ماغسلت يدي " ....

كتفكر وتبتسم غير بوحدها والذاكرة مشات ليها لفاش تلاحت عليه عنقاتو والريحة لي انبعثات من شعرو .... اما العيلات كيشوفو فيييها مستغربين لهاد الابتسامة لي دايرة وكل وحدة كتشوف فوحدة وهي تنطق لامار باستغراب

لامار : قسسسوومي !!!!

قسم : ( علات راسها بزربة جمعت داك الضحكة ) هااا !!!!

لامار : ضحكييينا معاك !!!!

قسم : ها ؟؟ ل لا .. والو ( شافت مع الطبلة خاوية ) فين مشاو ؟؟

رتاج : بسم الله عليييييك ابنتي ...خرجو قدام عينيك

حياة : نتي في عار الله

قسم : ااه ااه نسييت ... ( حطات فورشيت وجبدات سربيتة كتمسح فمها ) غانطلع نعس شوية على ما يحي وقت الرالي ....

خلاتهم وناضت مبتسمة لرجاء لي مطلعة لغدا لقدس لي مابغاتش تنزل .... و لامار غير متبعاها كتشوف

حياة : شوفو ياااه ....( جرات الكاس فوق طبلة كتبصم به ) ماعندكم ماتقولو ليا هاد النظرات انا لي كنعرفهم .. البنت كتتحب مكاين ماولاكن

لامار : ( علات يديها لفوق) من ففففففمك لسيدي ربي .. ياااااااااربي مصاااااب ياااااربي .... كيفما بغاا يكوووون يكون غير نتأكد ونحيد الشك ان بنتي راها نورمال وكتبغي الرجال ماشي شي حاجة اخرى ..... ياااااربي يااااربي يتحيد عليا همي ..... ياااربي غير نعرف بنتي راها نووورمال كتبغي الرجال راه الوقت تخلطااات

السابعة مساءا ....

العيالات كاملين مجموعين على واحد الكنابي طويل ... وقسم كتقاد السيت لي غايطلقو فيه اللايف دالرالي فالتلفازة .. وهي تهبط قدس فالدروج كاتجري واضح يلاه فايقة من نعاس

قدس : بداااو ؟؟؟؟؟؟ نااااري داني نعاس كون ماشي لالاغم ...

لامار : مزااال ختك عاد كتصايب .. تاهو مزال ماعيطش قالينا غايعيط ملي يقرب يبدا ...

اية : ( فيديها تيل ) هانا كنهضر مع سلطان قاليا راه كالس مع الجمهور وجود كايوجد راسو ....

رتاج : شاااااف طبيب.. سووووليييه دغيا

اية : شاافو قاليا شافو غير قبيلة وعطاه الفو فيغ

لامار : يااااربي يااااربي تسسسسسسترررر يااااااربي .....

حياة : لاااامار يهديك الله .. تفااائلي

سارة : نساااوه اليوم واش مريض ... خصنا نساو ...

سفيان كان داخل من برا كايقلب عليهم حتى لقاهم فين كالسين وجلس حدا حياة

سفيان : بداو ؟

حياة : ( ضارت عندو عنقاتو فرحانة لانها هي لي طلباتها منو فالتيليفون وفرحات منين غايتفرج ) هااااكاااااا نبغييييييك .....

رتاج : عدناااان مغايتفرجش ؟؟؟؟ همم !!

سفيان : ( شاف عند لامار وقسم لي طلعات هي راسها وقال بابتسامة مصطنعة ) سي ... بغا .. ولكن مشغوووول شوية

رتاج : ممممم مشغول .. داكوغ ...

سفيان : ودابا مالكم كهربتو لينا الجو ... عادي ولد خوووه كايخاف عليه ..

قسم : ونتا مكتخافش عليه ؟ اذن علاش اتشجعو .. اش فييها الا شجعوووه ؟؟؟

سفيان : ودابا هنييييونا .. طلقينا نتي خلاص راحنا على اعصااابنا ....

لوؤي حتى هو دخل بانتليه قسم مضاربة مع داكشي ومشا خدا عليها الطيليكوموند يصايب السيت مكاملش ربعة ثواني كان تطلق ..

لوؤي : باطو تاتحركيه وسيت معرفتيش طلقيه

قسم: بلا جمييييل بلا جميييل .....

مشا تاهو جلس وهي تلتحق حتى ماجدة لي جاية كتجري وتلهت

ماجدة : بدااااااو ؟؟؟؟؟؟

سارة: بسسسسم الله عليك .. اجي كلسي مزال ..

كلسات حتى ماجدة وتبعوها ولاد عدنان لي كملو تمارينهم بزربة غير باش يتفرجو ... وبدا يبان ليهم فقط الجمهور و المعلقين كايقدمو ويهضرو على الرالي .. كان الحال غادي للظلام الاضواء كلها مشعولة فالهضبات الرملية لي غايتسابقو فيهم .... كان الرالي كله فالرمااال بحال الصحراء والجماهييير مجمهرة والصحااافة وكولشي كايهتف .... وهوما جالسين مررركزيييين و على اعصااابهم كايتسنااااو فيه يبان ... ومايكدبوش انهم كلهم شااااادهم الخوووف والتوتر ...

الثامنة مساءا بتوقيت موناكو ....

الصخب فالخااارج لا يطاااق ... اصوات ديال دق الطبوول والالعاب النارية واصوات المعلقين فالابواق واصوات الجماهير ... جو صاخخخب كايوحي بانه كاين مضمار للسباق عالمي على ارض موناكو متنافسين فيه امهر المتتسابقييين وأسرعهم ....

جود كان فالفيستييار طلع سلسلة دجاكيت ديالو .. لي كانت مزركشة بالعلامات التجارية د المساندين الرسميين ديال هاد الرالي ولي على قائمتهم شركة " ريدبول " .... و "ميرسديس " و "كوكا كولا" .... شاف لعند الكاسك ديالو هو يتفكر انه اخر مرة لبس داك الكاسك فاخر رالي دارو هادي تلات سنوات ... ماعقلش شنو طرا من بعدو ونسى فيها 13 سنة من حياتو كلهاااا .. الحاجة الوحيدة لي بقات فداكرتو من هاد 13 سنة كاملة لي تمحات هي داك الدقيقة لي لبس فيها الكاسك وجاه اتصال من باه كايهددو بالسخط الى ركب فالطموبيل .. اما الباقي تمحى من داكرتو كأنها داك السنين عمرها كانت ..... فاق ابن 27 عام جسديا .... ولكن داكرتو ديال ابن 14 سنة فقط ..... وطبيب اصر وعاود على انه الى عاود شي حادثة اخرى .. يقدر الامر يديه لفقدان الذاكرة الكلي او حتى السكتة الدماغية كاع .... لانه قام بحادثة هو طفل صغييييير تسببات ليه فارتجاج لي مسبب ليه دائما النسيان وصعوبة فالتركيز و الاستيعاب ... ثم كمل باخر حادثة لي طرات ليه هادي تلات سنوات ... وكل التحدييييرات كاتقول ممنووع عليه يدخل فشي توتر والرالي هو من اكتر الشياء لي غاتجيب ليه التوتر .... خصوصا انه رالي مهم لهاد درجة وكايتنافسوا فيه دول .....

حاول ينفض هاد الافكار من راسو .... وهز الكاسك ديالو وخرج كايقلب فالتيليفون يصوني على لامار حتى كتوقفوا الصحااافة بالفلاشات ديال الكاميرات ...بقى غير مصغر عينيه فالضو ديال الفلاشات وكااايحاول يبتسم ..

اما فالجنب كان واحد المتسابق كايشوف فيه محقد فيه عينيه ماحاملوش يكون على هاد المضمار .... لانه اخر سباق هادي ست اشهر ربحو فيه بجدارة واخا كان هو سيد داك المضمار وحود غابر تلت سنوات ، رغم انه كان متأكد من الفوز ماعرفش منين خرج ليه ... واتهم المنظمين على انهم دارو الفرز بيناتهم فخط الوصول ... كايشوف فيه من بعيد كيفاش حتى صحافة مهتمة بيه لهاد درجة ديما خالق الجدل فموناكو .. لانه طلع معاهم جديد وطلع طلعة وحدة هبّط بيها بزاف دالمتسابقين من الخط التصاعدي ... هو يجبد تيليفونو يكمل قراية المقال لي قلب عليه قبيلة .. كان اخر مقال كتبو واحد الصحافي مولوع بعائلة الاسماعيلي ... ولي معارفينوش واش معجب ولا عدو .. بسبب وقاحة المقالات لي كيحط عليهم ... اخر مقال كان تكلم فيه انه الاب ديالو غير فخور بيه وانه كايمارس هوايتو فالسر بعيدا على الاب ديالو لي بسبب عدم موافقتو والتوتر ، تعرض لاخر حادثة .. وامنيتو يلقى شي حد معاه يشجعو .... كان مقال استفز جود بزاف و ريب عليهم الجريدة حتى وافق رئيس التحرير انه يتمسح ... لكن ماتمسحش من حائط الصحفي فالسوشل ميديا ... بقا كايقرا ودار ابتسامة متسهزأة على فمو وجود كايجاوب على اسئلة الصحافة .. وتجاهل البعض منها لي دخلو فشؤوون عائلتو ... وتخطاهم وزاد عند الميكانيكي ديالو لي كايجيبو معاه من المغرب .. وقف حدا الطوموبيل كايضرب فالروايض ويتفقد معاه مسائل السيارة بينما بدا السباق .....

الميكانيكي : الامور على مااا يرااااام ... غاطير ليك حتى فالسما ...

جود : الله يحفظاااااك ابا هيتم .. واحد دقيييقة ...

خلاه ومشا بعد يلاه غايصوني على ماماه هو يلقى نمرة اخرى كاتصوني وابتاسم وجاووب

جود : المُحتضر ..

عدنان : هاد الساعة بان ليا نتا لي كتعاند معايا فالاحتضار

جود : واييهديك الله اعمي ... والله مغاتوقع شي حاجة وشفت طبيب ...

عدنان : حتى المرة الي فاتت هاكا قلتي لينا اجود ... عارف مسؤولية الامر لي حاط فيه راسك ياك ؟

جود : عارف راني ولد الرالي اعمي ... ولي عارف كتر هو داك الكريز كتجيني غير الى توترت .. انا مامسطريسيش انا بيييييخيررر اصاحبي ....

عدنان : ( بقا ساكت مدة ونطق ) مادريش شي حاجة اجود لي تخسر بيها واليديك .. الله يرضي عليك

جود : واااااايلي اعمي .. دابا باغي توترني صحة ياك ؟؟؟؟

عدنان : كنحاول نقول ليك غير اش كاين ....ماعلينا ( بغا يلطف ليه الجو حيت عارف غايدير لي فراسو ) سيفط ليا السيت ....

جود : ( ضحك ) غاتفرج ؟

عدنان : ماتقولهاش لبااااك ..

جود : هه تامالو هاااد الروكاااان يخلعنا ههههه

عدنان : حضي راسك اجووود الله يرضي على ولدي

جود : اكوون هاني ..

عدنان : الى جبتي الكاس هاد المرة غاتحطو عندي ؟

جود : هههههه ياودي غير قبلو ليا هادشي لكندير نجيب ليكم حتى صينيتو هههه ...هانا غانسيفط ليك السيت اعمي ...

عدنان : ال ذا ببيست ...

قطع عليه وسيفطو ليه و هو ضاااحك لي بعدا عدنان غايتفرج ... عارف ان هاد الرالي الا ربحو غايربح حتى الثقة ديال باباه فالسباقات ويبدل نظرتهم ... هو يصوني للامار لي جاوباتو فالبلاااصة

لامار : جوووووود

جود : مغانطوولش الامااار فالهضرة حيت غانبداو غير غانعلمك وصافي طلقو السيت

لامار : طاالقينو طالقينو اولدي هاحنا كانشوفو ( كتهضر بحماس ) بان لينا قبيلة سلطاااان مع الجمهور

جود : هههه .. بان قبل مني ههه ... دعيييو معايا

الامار : الله ييييربببحك ... الله ييييسبقك

حود : ههههه الله ييسسسبقني ههه

لامار : الله يخليك ليا ديما ضااااااحك ... شوف اولدي راحنا كااااااملين قدام تلفازة حتى عمك سفيان ... ولوؤي تاهو هنايا خواتاتك اية ماجدة عيالات عمامك وسارة ... راحنا كاملين ...

جود : الواليد ؟

لامار : واخلاص تانتا ماقديناكش حنا

جود : ماااشي مشكل ماشي مشكل .. يلاه الامار غانخرج ...

قطع عليها وهي باقا كدعي وركب فالطوموبيل بزربة شاف راسو ضيع الوقت وخرج للطريق لي غايبدا منها الرالي ...وهوما يشوفوه فالتلفازة وكلهم غووووتووو وتاهو ضحك لكاميرا عارف كايشوفو فيه ... كان الصف دطوموبيلات تما كيستناو الانطلاقة لي باااقي عليها الحال بسبب الاسئلة دالصحافة واللقاءات مع المنظمين .. كاع المتسابقين ركبو فالطوموبيلات كايتسناو و جود ركب تاهو شاد تيلفون وكانيط دريدبول عندو فالطموبيل كايجغم منها ركب الخيط دالكيت لي غايوصلو بالميكانيكي ديالو والمسؤولين فودنيه ... فنفس الوقت كايشوف لتيل هو يعلي راسو لجنب ورجع هبطها ورجع علاها تاني شاف شكون وقف حداه ... كان المنافس ديالو لي كان كيشوف فيه من بعيد ...داير فيه ضحكة استفزازية وحتى جود ماشي من العاكزين كايطلعو ويهبطو بنظراتو الباردين لي فيهم نوع من الغرور تجاه هاد الانواع دالمنافسين....

- المنافس : ( باستفزاز ) All the best ... winner " بالتوفيق ، ايها الفائز "

-جود : ( بابتسامة قتالة ) Thanks loser " شكرا ايها الخاسر "

- ( كايشوف ليه مع طموبيل ) اوووه ... طموبيل جديدة !! اااااه نسيت .. لوخرا فقديتيها فداك الاكسيدون ....

جود قلب عينيه مابغاش يجاوبو هبطهم على تيلي ماباغي تاحاجة تخسر ليه المورال هو يسمع

- وفقدتي معاها بزاف دالحوايج ( دلا يديه على السرجم ) قريت انه فقدتي حتى ذاكرتك ... ماتكونش نسيتي واليديك ؟ حيت كاع ماشفتهم معاك فالجمهور !!؟؟؟

جود علا عينيه الحادين فيه بواحد تخنزييييرة على شكل جواب

- اوووه .. لا لا ماتشوفش فيا هاكاك .. مجرد سؤااااال يعني !!!! ... ماخصش هاد الامر يعصبك .. واخا انك تفيق تلقى راسك ناسي كولشي .. مممممم صعيبة !!!! قالو ليا نسيتي حتى المتسابقين لي كانو معاك فداك الرالي .. زعما لاوقعات شي حاجة دابا فهاد الرالي غاتنساني حتى انا ؟ اووووووه مؤسف بالنسبة ليا

جود : علاش كتقلب ... هم ؟....

- بغيت غير نعرف احساس عائلتك ؟ ... قالو ليا كتنحدر من عائلة ملكية فافريقيا ... لا ؟ .. مايكونش باباك يدو ممدودة هنا فموناكو وعاطي فلوس باش تربح كاع داك الالقاب ؟؟؟؟ ااااااه لا نسيت ( كيضرب فراسو ) ماحسابتنيش نوبة النسيان كتعادي .. نسييت الى باباك ماموافقش اصلا ....

جود فتح الباب دطموبيل بجهااالة يخرج لعندو مزير على سنانو والقبضة ديالو هو يسمع دقة دالاجراس كتوحي بان السباق غيبدا خصهم يركبو الكاسك ورجع تاني لتخ الباب مزير على سنانو هز الكاسك ديالو ... ولاخر تاهو كايركبو فراسو ضاحك لي قدر يعصبو ...

- لتذكير فقط ... لومبرياج على شمالك .. والكيسراتور فليمن .. فران هو لي فالوسط ... الفيتاس هو هاداك لهيه .. عاااقل عليهم ياك ؟ كون غير كتبتيهم فشي ورقة قدامك !!!!!

جود كايحاول يحط فراسو عشرة ديال الصبااااارين ومايردش عليه ويتعامل بعقلو ... باش مايضيعش الرالي ديالو ... مزير على سنانو محااااملش راااسو ... وهي تدق تاني دقة فالجرس يديماريو الطموبيلات ... والعائلة قدام التلفازة وكولشي شاااااد على قلبو خصوصا مافهموش علاش حل الباب وسدها ..... ركب الكاسك وهبط الزاجة على عينيه الحادين ديمارا الطوموبيل لي غير صوت الديماراج ديالها كايقلب الدنيا و مصصمة على يدييه وكولشي غاير من تصميمها .... وبداو كايجربو الكسيراتورات برجليهم والعجاجة نايضة موراهم ...هو مححححقد عينيه قدامو الهضرة لي قاال ليه زعزعاتو من داخل ونقطة ضعفو هي مرضو يستهزئ ليه به شي واحد ... حتى كااايسمعوا الدقة الثاااالثة لي غاينطلقو فيها ... هو يسمع ...

-حنا متعودين فاش كنربحو .. كايقولو لينا لمن كتقدمو هاد النجاح .. وكنبداو بالوالدين ... نتا لمن كتقدمو ؟؟؟؟ والديك ؟ .... واخا ماموافقينش ؟ اااه ولا ياكما غاتنساهم ؟

قلب عينيه جود فيه ولاخور بلعاااني كيستفزوو حيت قرا المقال بالتفصييل وعارف ان التوتر كيسبب ليه هادشي وجود مصصصصبر راسو بزز لواحد درجة فوووق طاقتو باش يثبت لباه ان الراااالي مكيضروووش ... ان الرالي ماشي خطير .... وعارف عائلتو كتفررج ...

جود : قادر نخليك حتى نتا تنسى حياتك كولها ... ماتجبدنيش عليك حسن ليك وليا ...

- ( هبط الزاج على عينيه وضحك ) ال ذااااا بييييست ( حط يديه على الفولون عاض على لسانو )

تدقات الدقة الثاالثة وانطلقو مخليين موراهم غير الدخاااخن وجود مزير على سنانو حطو هدف قدامو كتر من نقطة الوصوول ، انه مستحيل يخليه يزيد ولو سنتمتر قدامو .. طريق كولها هو مزيييرو لجججنب وهاداك تاهو ماشي من العاكزين ...... والعائلة قدام التلفازة كيشجعو ويغووتوووو ....

سفيان : لا جوووووود لاااا .... ببببعددد منوووو

قدس : ماااافهمتش علاش لاااسق فييه

لامار : يااربي ياااااربي يااااربي

لوؤي : وااااش تتتسطى هدا ولا مالو ..

رتاج وسارة وحياة وماجدة : آلي جووووود آآلي جووود آلي جووووود

الفووضى ناضت فالدار بالغوات والصوت دالسيت مجهدين ليه .. اسد نازل فالدروج كايسمع فهاد الهاراج .... زاد بشوية طل غييير من بعيد هو يبان ليه الرالي دجوود وكولشي كاايغوت وييييشجع وفرحااانين ... بقى واقف مدة كايشوف فالتلفازة ، عيا يبعد راسو تجدب بحال شي مغناطيس .... عرف طوموبيل ولدو غير من تصميمها .. وجر بلا هواه كرسي دصال مونجي موراهم لوووور وكلس بصمت كااايشووووف .... ومايكدبش انه فالداخل ديالو شي حاجو كاااااتهتف ليه بخفت " يلاااااه جوووود ياااااالاه جووود "

جود كان مزير عل سناااانو وعينيه على الطريق فنفس الوقت طموبيل هاداك المنافس لي دارو فراااسو ....و مكسيري ومؤشر السرعة كايطلع وكل مرة كايزيرو للجنب والمعلق كايحذرو من هاد الحركات ... والمنافس ديالو تاهو مزير على لفولون فيديه وكايحاول يطلع الطوموبيل للوسط ولكن مزيرو جود خارج طريق لجنب

المنافس : ( بصرااااخ ) ....فااااااااك يووووووو

جود غير مزاايد مزييييرو ... حيت حافض هاد المضمار قنت بقنت وعارف شنو كيتسناه فنهاية هاد جنب لي مزيرو فيه .. حتى تقلب المنافس فواحد الفوسي صغيييير عاد خلاه ومشاااا مكسيييري ... وكولشي شششهق و لامار حلات فمها عاد فهمو علاش دار ليه هاكاك ... ولكن دغيا طلع منها ومشا مكسيري تابع وجود لي فالمققققدمة و المعلق كايهتف باعلى صوت باسموو .. كايتسمع فالمضمار كامل اسم " جود الاسماااعيلي سيارة رقم سبعة " ......

السباق باقي ليه جوج ضورات ويساليو ... العائلة كلها كتشاهد بحماس .. وكلهم اول مرة يحسو بهاد الاحساس حيت عمرهم عطاوه فرصة يتفرجو فيه ...

واسد تاهو من بعيد مراقب مصغر عينو وقلبو كايتخطف فكل ضورة كايدير و فكل تنزقيزة على شي هضبة ..

اما جود شاد على الفولون وكارز عليه ... حتى علا عينيه لمراية بان ليه وصل عليه .... هو يزيد يحقد عينيه كلامو مابغااااش يبعد من ودنيه ... و بدا تايتفكر اخر كلام كان سمعو من عند باباه نهار فاق من الغيبوبة لي دخل فيها فآخر سباق ونسى سنين من حياتو .. كان كلااام قاااسح بزاااف و مسؤولية حطها على كتافو وتحذير انه مايبكي حتى شي واحد من العائلة او يغير ليهم الجو بسبب هاد السباقات ... وواحد اللحظة حل عينيه موسعهم ملي حس بالشقيقة فراسو وبدا ينهج شاد على الفولون ..

جود : لا لااا اجوود لا .. لا مااااشي وقتو .. كود فكر فالراالي شووف الطريق شوووف الطريق .. جوود .. نتاا جود للسماعيلي ... ودابا راك فالرااالي ... نتا جود الاسماعيلي وراااك فالراااالي ...

بدا كاااينهج والتوتر ولا غالب عليه كتر وهو يوصل عليه المناافس ديالو .... وجود كسيييرااا تاني والدوخة بدات كاتلعب عليه ..... تاحس بالطموبيل كاتبومبا ليه وبدا يهضر فالكيت مع الميكانييكي

جود : رواااااااايض....

ميكانيكي : باقي 15 متر على يدك ليمن لعندي ....

جود ضرب فالفولون بقوة حيت التبدال غايضيع ليه الوقت .... والمنافس ديالو غير شافو خرج المضمار هضر فالكيت

المناافس : هاهو غاااايبدل ..... دير خدمتك ...

مشا بزربة فرانا حدا ميكاني بدل ليه رواايض وواحد تتسلت وتخشا دغيا تحت طموبيل د جود ... ماجا فين يكمل تبداال تاكان سالا ومشا ... و رجع تاني جود دخل للمضمار .. دغيا لقا راسو مع المتسابيقين ....العائلة كلها ما هدا قلبها حتى شافت طموبيلتو رجعات .... مترقبين بعينين وكلهم حمااس وتوتر حتى من حبيبات لعرق كايتصببو على جبينهم ...واسد مزير على يديه

اسد : ياالاااا جود .. يلاااا اولدي ...

جود تقدم و المعلق كايعلق بسميتو بدهشة على انه دغيا تقدم لعند المتسابقين اللولين وجا للامااام .. الدووخة لاااعبة عليه بشكل لااا يطااااق .... وكااايحاول ماااا امكن انه مافكر فحتى شي حاجة خايبة لي تضيع عليه هادشي ... ووهو باغي يربح هاد السباق فقط باش يثبت لعائلتو انه قادر يخوض رالي بلا ميخافو عليه ويتيقو فيه ..... هدا هو الهدف ديالو كتر من اللقب ....وبدا كايدير جهدو كامل يبقى مركز و مايتوترش ...

سالاو الضورة و بقات ليهم ضورة وحدة ... وصل جود على جوج متسابقين لي كانو لقدام ولي منهم المنافس ديالو .. داير لي فجهدو يسبقهم ويرجع لبلاصتو لي كان فيها ... حتى كاااينسحب واحد يبدل الرواايض و بقا غير هو والمنافس ديالو لي مراقبو من المرايا بلي راه موراه .... والمعلق كايهتف ان السيارة رقم سبعة على وشك الوصول على سيارة رقم جوج ... و انه يقدر الفووز مضمون لجود لانه سيارة رقم جوج مزال مابدلاتش الروايض و غاتنسحب ملي تقرب لخط الوصول وغايبقى غير جود ....

اما للمنافس رأي اخر حيت عارف راسو واخا ينسحب يبدل ..... مغايربحش جود .... وهو يبتسم باش يقدم ليه اكبر توتر يقدر يعيشو فحياتو .... بدا يخفض فالسرعة وجود صغر عينيه هدا اش كايحاول يدير !! ... حتى وصل عليه جود وهو يقلب طموبيل كلها لقدامو باش كجود يزطم على الفران .. داك الحركة خلات جود بزززربة يضغط على الفران ...و هو بوسع عيييينيه ملي لقا ان الفران ماخدااامش !!!! .... عيا يضرب برجليه و والو وقلبو بدا يضرب فالتسسعين والمنافس ضحك عاد خرج طريق يمشي يبدل روايض ... وجود موسع عينيييه ومكسيري .... العرق كتصبب معاه وهو كايزطم على لفرااان بببببجهد ....

جود : ( كايضرب فافولون قرب يحماق ) فاااااااااك فاااااااااااك ..... لاااااااا لاااا

بدا كايضرب ووالو مابغاش يخدم ... عندو حل واااحد وماشي جوج .. هو يدا يقلل من السرعة حتى يوصل لعشرين باش يقلب الفيتاس لبروميار ويطلع افران آمان توقف الطموبيل ...ولكن وهاكا غااايخسر ... والى فضل انه يربح الموت اكيد كتسناه .. اما يموت اما يخسر .... لانه طريق كلها هضبااااات كايحتاج فيهم اللفران .... حاول ما امكن يقوي فرااالسو ومايفقدش داكرتو على الاقل فهاد اللحظة الصعيييبة ...

لوؤي : شي حاحة واقعة !!!!

ماجدة : هااااااء ؟؟؟؟ اويلي علاش رجع لووووور !!!!!!

قدس : علاش خلاهم يفوتوه ؟؟ اش كاايديييير

لامار : ( شدلت على قلبها ) ووووووولدييييي ...

اسد كاايشوف مصغر عينيه كايحاول يفهم ... وجود كاينقص فالسسسرعة شوية بشوووية باش يوصل لبروميار ... حتى باننتليه قدامو هضبة كبييرة دالكثبان الرملية هو يووووسع عييييينيه وطلق من الفولووون وشد على الرااااسو ...... حتى تلتخاااات طوموبيل مع داك الهضبة وتلاحت لجنب ومشات كتتتقلب والعااائلة كلها شششسهقااات البنات غوتو بجججهد واسد وقف ...

لامار : ( بالغوات ) جووووووووووووووووود

بعد 8 ساعات ...

كلينيك منطقة الروكان البحرية

طالعة قسم فالدروج هازة طاس دالقهوة و تيليفونها فيديها وملامحها شااااحبين حتى وصلات لواحد الكولوار ... كانت تما لامار جالسة على واحد الكرسي لاوية عليها شال ديالها وشعرها طايح من تحتو كتمسح فيه دموع عينيها لي ولاو صغااااارين بالبكا ونيفها حمرر

قسم : واااااماما والله حتى ززدتي فيه بالله ..

لامار : بببعدي مني ...

قسم : مافهمتش علاش هاد الكنازة كاااملة .. ياك سمعتي طبيب بودنيك ماواقع ليه والو .... غدا ان شاء الله غايخرج

لامار : ( بالبكا ) كااااان غااايووقع... كان غايوقع كون ماحفظ الله .. كااان غايوقع ..

قسم : ودابا الله يعطييييك الستر سكتينا من البكا هاهو غايسمعك باراكا مسكين غا خسارتو ... نتي ماشفتيهش انا لي دخلت عندو شحال مقلق

لامار : خلييييه .. خلييه يتقلق ... نيت ينسى عليا هاد السباااقاااات دالمرض .. انا لي حمقة ومااسمعتش لكلااام اسسد انااااا ... شنو ماقااال ليا دابا غانحني راسك ونسكت ... عندوو الحق يبقى هو كل مرة هازو من كوبطيير لكوبطير

قسم : وراااك سمعتي الطبيب قال مواقع والو لذاكرتو ومانسى تاحاجة .. راه ماشي سبب هو مرضو ... كلنا شفنا كيفاش دخل فداك الجبل .. يهدييييك الله .. يااااربي على زهررر عندو ياربي

لامار: على هو الجبل ماعندوش عليه الفراان هاااا ؟؟؟

قسم : ومنعرف .. تايصح شوية ونشوفو اش واقع ... وصافي اماما عافاك ... دخلي عندو شوية حشومة ملي جبناه تاواحد فيكم مابغى يدخل عندو ... كتزيدو عليه بحال هاكا ... دخلي غير خففي عليها راه حاااالتو مسكين

لامار: مادااااخلاش وماااانشووفش كمارتو ( وقفات ) ملي يفيق قوليليه قاتلك ماماك مااااتبانش قدامها ... يمشي يبعد عليا يرجع لموناكو ويمشي لدوك سباقات ديالو لي مفضلهم عليييينا .... كون كان ولدي كون كلس معااااايا ....

خلاتها وناضت مشات وقسم بقات كتنهد جالسة فبلاصتها كاتشوف فداك القهوة فللخر جغمات منها هي نيت كتهزز فكتافها بمعنى ضبر راسهم نقتل راسي انا ! ... الليلة كلها وهي تحزر هدا وهذا وحرام واش واحد بغا يرجع ليها للطريق ..... العائلة كلها مشات حيت طلب منهم ينعس شوية وتاهوما خلاوه على خاطرو ... اما اسد وعدنان ولامار مدخلوش عندو دخل غير سفيان ... وهادشي لي زاد عصبو كتر ما هو مفقوص .... واسد كتر ماباغي يقول حتى كلمة فقط هضر مع الاطباء على حالتو ومشا وخلاه ..كانه قال ليهم واجبي كأب درتو والله يعاون ....

اما جود مقسح غير فرجليه ... ولكن الخسااارة جاتو صعييييبة يتقبلها ... فيه الفققصة ديال يبرا دغيا ويمشي يقلب عليه يقتلو .. حيت متأكد انه هو لي قطع ليه لفران

فتحات قسم عليه الشومبر غير بشوية باش ماتفيقوش الى كان نعس .. بانليها باقي فايق كايشوف فالسقف ... وشداتها قربات لعندو

قسم : مزال منعستيييش ؟ ياك قلتي غاتنعس

جود : ( بدون رد )

قسم : جوود ... عافاك متقلقش ...( كلسات شدات على يدو ! يمشي رالي ويجي راالي ، الحمد الله غاا لي بقيتي لينااا ...

جود مكيجاوبهاش كايشوف غير فالسقف حتى وصلات رنة لتيلي د قسم وجبداتو وهي تلقى الغاپيل ديال المينوي بتوقيت امريكا

قسم : اووووف .. نسيييييت لانيف د پيلي ... غانكتب ليها مسج .. اما تالهضرة ماقااااداش

جود : ( شاف عندها وقال بصوت عيان ) ماتقولي حتى شي حاجة .. بلا متوصل لجدة وعمي يونس ... يتخلعو على والو ..

قسم : متخااافش غانبارك ليها وصافي حتى بابا مخبي على وسيم .. ديجا راه مواقع والو الحمد الله مكاين لاش يتخلعو ..

كتبات ليها ميساج وشافت عندو عاضة على شفايفها

قسم : جووود .. نتا ماتباركش ليها ؟؟؟

جود غير سااااكت فقط دار واحد ضحكة دخزيت فمهات منها انه ماشي فحالة يبارك لشي واحد

قسم : غ غير قلت زعما .. راها بنت عمنا ... واخا ماعقلتيش عليها ولكن كنتو مقربين بزاف ملي كنتو صغار و( قاطعها بالغوات )

جوود : واااااااش مريضة نتي ولااا ماااالك .. واش بنتليك انا عندي المورال تجي تعاودي ليا شكون تفكرت وشكووووون نسييييت !!! عندي موغال نبارك لانييييف لشي حد اقسم !!!!!!! ( كايشوف فيها وقسم موسعة عينيها ماموالفاش كايزعف عليها هاكا وبقات غير كترمش بعينيها وهو رجع تكا كاينهج ) خرجي عليا باغي نبقى بوحدي ......

أمريكا .. 23:58 بتوقيت الولايات المتحدة

كالسة قدام مرايتها وجابدة ماليط ديال ماكياجها كامل قدامها وطالقة موسيقى كتمايل معاها وتدندن .... كانت بكلمات " She is my best friend ... She’s a real bad bitch ...Got her own money... she don't need no nig' ( هاديك صاحبتي المقربة ، هي اكبر عاهرة ، عندها فلوسها ومامحتاجة لحتى شي عزي ) "

جامعة شعرها للور ببانضة فيها ودينات ميكي ... كدندن مع اغنيتها وعااايشة الحياة ، وبالخصوص عايشة هاد الليلة .... ليلة عيد ميلادها العشرين ... فرحانة بدخولها للعشرينية وانها تزيد تبان شابة بااالغة ... عويناتها الزرقين مبهجين فالمرايا وزرقتهم خفييفة عامرة تفاؤل وحياة ... وزادتهم بالمكياج والمساكرا .. شفيفات صغاار وممتالئين موردين وناسبهم الروج لي دارتو ... ثم دازت لفاغاجو وملي تتضحك للمرايا كايتشكلو ثقيبااات الزييين فحناكها وتزيد تعض على شفايفها فرحانة برااسها .... حتى سمعات تيليفون كايصوني ... حبسات لموسيقى وشافت لنمرة كانت مكتوبة "mama" ، عضات على شفايفها مدة و نعسات صوتها وبدات تفوه باش تبان انها كانت ناعسة عاد جاوبات

بيلسان : آلووو ( كتفوه ) ماما

أريج : ( ام بيلسان ) هاااااپي برذاااااي ماي برااانسييييس .. مااي بلو آيز ..

بيلسان : اوووه ثانكيو موووم ... ( بصوت طفولي ) اي مييييسيوووو ...

اريج : ميسيو توو بايبي ..

يونس : هاااابي برذاااي پيلي .. بطول العمر برانسيسا

بيلسان : ثااانكيو سو ماتش دادي ... اوووف شحال توحشتكم ... طول عمري ونتوما معايا

زياد : مااي سوييتي ... هاااپي برذاااااي ...

بيلسان : ( بصوت قرب يبكي ) زياااااد ايي ميييسيووو .. اوووف غاتبكيوني فهاد الليل ....

اريج : مااابقا والو للعطلة ونتلاقاو ونحتفلو بعيد ميلادك ... مرحبا بك فالعشرينية ابنتي ....

يونس : ياكما كنت ناعسة فيقناك ؟ جدة مدايراش ليك كيك هههه

بيلسان : ماطيحش على بالك اش دايرة ليا فماي برذاي

اريج : هههه آش ...

بيلسان : لحريييرة امااماا .. لحريييرة ... فشهر سبعة

يونس : وشكووون بحالك هههه ... وسيم لاباااس عليه

بيلسان : لااباااس عليه ابابا .. نعس لقيتينا نعسنا .. كبرت على نتسنى المينوي ههه

زياد : هايهاي على كبررررت ... والكادو تاهو بلاش !! كبرتي

بيلسان : نوووو شكون قال كبرت على لكادو ؟؟؟ ....تسنى ...اياد مسمعتوش ؟؟ ( حزن صوتها ) مزال ماباغيش يدوي معايا ...

اريج : ااء .. لا .. لا يدوي معاك غير ... غير مكاينش .. باباك سيفطو لواحد لخدمة .... ياك ايونس

يونس : ياس .... مكاينش كون كان كون هضر معاك

بيلسان : ممممم .. كيفما هضر معايا فعيد ميلادي د ناينتين و آييتين و سڤنتيين يير ...ياك !!!.... مااعليييش نووو پرووبليم ... الى جا سلمو عليه وقولو ليه توحشتو ....توحشتو بزااف ..

اريج : پيلي كتعرفي اياد كيف داير ... ماحدك بعيدة عليه منساش لي وقع ... مي نهار تلاقاو وتشاوفو غاينسى كووولشي ويعنقك راكي عارفة شحال عندو عزيزة ....نورمال راه 4 سنين هادي ماتشاوفتوش

زياد : بيلي عيد ميلادك هدا ماشي وقت هاد المواضيع ...

بيلسان : مممم اوكاي ... جنان و بيان مكاينينش ؟

زياد : نو ختليتهم فالدار .. عندي خدمة هنا مع الواليد ....

يونس : يلا ابنتي رجعي تنعسي .... حتى لغدا ... سلمي على وسيم وجداك وجدك و ماتمحنوهمش معاكم

بيلسان : اوكااي داد .. كود نايت .... ( قبلة ) حتى انا لقيتوني صافي غاننعس ... تعطل لحال وغدا عندي اخر اكزام ....

اريج : بالتوفيق .. غدا دابا نعيط ليك .....

قطعات عليهم عاضة على شفتها كاتشوف فالمرايا وهي تطلق ضحكة لي معاقوش بيها غاتخرج ... يلاه غاتنوض للبلاكار حيت سالات مكياجها وهي تسمع دقة فالباب ورجع دفعها ودخل تلاح على السرير .....

كان شاب مرااهق فسن 17 ... بسروال ابيض فيه شي تقطيعات على الركابي و تيشورت زرقة و شعرو البني القوي و المموج ولي كله منفوش وكيرلي ... جمال هااادئ فنفس الوقت حااااد وعينين آخادين رغم صغر سنهم ... كيف ولا وهو صغير اشبال اسد الاسماعيلي و آخر العنقود .. يديه طاويهم تحت راسو كايشوف معاها ...

وسيم : يو ار كرايزي .. يو نووو !!!! ( فخبارك راكي حمقة ؟ )

بيلسان : ( كاتشوف فالفساتين ودوز بيديها ) آينااو كازن آيناو ... ( عارفة اولد عمي عارفة )

وسيم : راك غير كتعذبي فراسك ... مغاتخليناش نخرجو فهاد الوقت .. وغير غاتوصلها سخونة لهتلر لي فالمغرب يخليك تندمي على نهار لي دخلتي فيه للعشرينية

بيلسان : جداك احبيبي غاتكون دابا ملهية مع جدك ... وغالبا مغاتسوقش لينا هاد الليلة كاملة و تنسى حتى واش عندها سبعين عام ...

وسيم : علاااش !!!!

بيلسان : الوقت لي غانكون فيه كنلبس لاغوب ديالي .... والا حشمتي على عراضك راه خصك تخرج ... هو لي غاتنزل فيه لعندهم لتحت وشوف اش واقع ليهم ... ( ضارت عندو ) واجي طلب مني التسلليم اباايبي .....

وسيم : ( ناض تكعد ) اش دررررتي ابنت اللذينة

بيلسان : غاندير معاهم غير الاجر .... غملو مساكن .....

وسيم : اصلا غير شفتك نتي لي كاتصخري على الطبلة فالعشا عرفت كاديري شي حاجة ؟؟ درتي ليهم شي حااااجة فالماكلة !!!

بيلسان : وانا صحابي مساااكن شحال هوما يوجدو ليا فهاد الحفلة مانمشيييش ؟؟ اوو عيد ميلادي نتعشى بالحريرة و نعس .... هبط تبع ليا الفيلم ملي يطلعو لبيتهم بدل عليك وتبعني راه الكليكة كاملة حااااضرة

وسيم : اودي عمي يونس ربا الخلا ....

بيلسان : لا عمي اسد لي ربااا تباااااركالله .. نوض نوض راحنا دم واحد

وسيم ناض هبط خلاها تبدل ... نزل لعندهم لقا رقية و احمد كالسين ... احمد كايديه نعااس ورقية شادة العسة عارفة ليلة الحد ديما كيغفلوها وكايخرجو ... غا شافت وسيم جا تلاح معاهم لكنابي طلعات فيه حاجبها

رقية : يااااك شي بااس مكاين ... غدا السكويييلة لاش باقي فايق

وسيم : انا مافهمتش هاد سكويلة منين جبتيها ...بالعربية .. مَدرستون .. بالفرنسية ايكول .... بالانجليزية سكول .. بالاسبانية ايسكويلا .. ااااااااه هي من هنا جبتيها ( تكى على الفوطوي كايضحك) ومحسااابتنيش اجدة كتدوي بسباانيوولا .. ( غمزها بشقاوة) آوووولا سينيوووورا ...

رقية : ايييييه ومالك راه جداك ساابقاك لسبانيولية ولاااانگلي ولفرانسيسيي .... غا نتوما هاد الجيل تعلمتو جوج كليمات حسابتكم شديتو السما بيديكم .. ياودي ياااااودي

وسيم : ( شاف عند احمد ) جدي بيييخير !!

احمد : ( حاط يديه على مخدة محطوطة فوق رجليه و عينيه كيديوه بالنعاس ) لابااس اولدي لاااباس ...

رقية : انوض تنعس ياهاد الولد نمشيو نرگدو تاحنا ..

وسيم : ( كايحك فشعرو ) و .. ونتوما ماتنعسوش ؟

رقيية : عليا بلييييمين وباااااش كاييحلفو العيالات الحرات من دكااااالة تااالنيويارك مانرگد مااانغمض العين يا تانسمع شخيركم نتا وداك الجرااانة لفوگ ... ديرووووها برقية ؟؟؟ ... انا هنااا شادة لعسة ...

وسيم : وايييلي فين غانمشيو فهاد الليل تانتي !!

رقية : تا داك نييييبا هاكا درتو ليا ... انا درت هووك مشيت نعس ... نتوما ديرو هوووووك سلتو فنصايص الليل تقول غا تسرقو البگر .... انا اولدي راه مك لي كانت كاتقول للطير طييير ولا نطيير حضيييتها بقبتي ليا غا نتا

وسيم : مااااحضيتي واالو اجدة .. كون حضيتيها كاع مانكون حداك انا دابا ... ماعلينا ماااعلييينا غانوضي تنعسي جدي عيان

.. حنا راه غدا عندنا امتحان ماعندنا فين نمشيو

رقية : والله عليا لاااا دختي .. دوخ على موك ماشي عليا

وسيم كايشوف بنص عين فجدو بانليه بحالا علا حجبانو .. بحالا شي حاجة ماشي هي هاديك كايحس بيها ...

اما رقيية ساكتة كاتفرج فتلفازة ووسيم جبد تيليفونو ملاهي بيه الوقت مرة يشوف لتيل مرة لعندهم .. واحمد كل مرة يتوسعو ليه عيييينيه وبدا يررررمش كيحس بشي حاجة ماشي هي هاديك .... تا ردات ليه لبال رقية

رقية : لحااج ؟؟؟؟ ياك لاباس اخوويي

احمد : ها ؟؟؟ ( شاف عندها ) اا . ل لا لاباس لابااااس ..

تقلب تاني ... وعينيه كايبانو بحلا كاقلب على شي حاجة فالداخل ديالو يتأكد منها تاشوية وسيم بانليه زير على المخدة .. بقى مصغر فيه عينيه تابان ليه زير على حجرو بالمخدة وجمع رجليه لعندو هو يحل فمو وسيييم مصدووم وهضر بين سنانو بالحس

وسيم : بييييييييتش!!!!!

واحمد التزنيكة طلعات معاااااه ودنيه حماااارو كايشوف فوسيم ويدير راسو راه نورمال زعما مكاين والو وقرب بشوية لعند رقية لي عينيها فالتلفازة وقال فودنيها بالحس

احمد : رررقية ...

رقية : هممممممم

احمد : نن ناض ارقية .. ناض الحرامي ...ناض الراگد ناض

رقية ضارت عندو بزربة وقالت بجججهد

رقية : احاااااااا

احمد قلب ملامحو كيف شي ولد صغير دار پيپي فالفراش وهي كاتشوف فيه وتشوف فوسيم تالاحت المخدة وناضت

رقية : نوض نوض جمع النوضة .... نووض . ( شافت عند وسيم ) جدك عيا ... نوض عليا نتا طلع تسهط حراااام واش كاتعرفو النعاس دالليل ... طلع تسهط وقول لداك الجرانة عليا بليمين ونسمع حسكم تايصبح خباركم عند وليدي لي الله يحححفظو ليااااا

وسيم عيا مايرد الموقف جدي ولكن الضحك غالبو مزير على فمو بسيف وناض طلع كايجري وهي متبعاه بعينيها وشافت عند احمد وضربات فخادها

رقية : تاااكيييفاش نااااض

احمد : ناااض .. ناض شغاندير ليه انا

رقية : ( مصغرة فيه عينيها ) عاااا تاجا وناااض ؟؟!

احمد : وانا عرفت ... هانا كالس حداك كنتفرج ( عرا ليها المخدة وهي تشوف داكشي منفوخ )

رقية : هاااااويلي وحدي ... تاهادا كيييداااار ناااااض .. انا نعرف خصو لي يشد فيه باش ينووض مايجيش وينوض راسو ونتا عندك شحااااااال هدا باش گلس لارض

احمد : واااانوضي اررررقية انا منبقاش هاكا

رقية : تاافييين غااتنوض رقية فين ؟؟؟ هاد ساعة نايض عا نتا ما نا ديالي الله واعلم واقلة مابقى حتى كاايتحححل ....تا نوض باركا من قلة الحيا ستغفر مولاك قول اعود بالله من شيطان رجيم ونوض تنعس ... نوض نشد فيك طلع نووض

.... هاااويلي الراجل مايقد يطلع تادروج قالك ناض .. مايجي فين يجي هاداك اسميتو عليه تانكون انا جبت جوج دالطلبة يقراو عليك.... عاهو عايجي نتا غتمشي عند مولاك ..

احمد : دابا كتعايري فيا ... حسابتك شرفت .. باقي قاد ندك وندركرك

رقية : ياودي دك ودردك غااااا فوتني انا عليك مقادة لا ندركرك لا ندك ... زيد نوض قدامي نشوفو شغانديرو ليك

احمد : ديار واحد لي كاين راكي كاتعرفيه

رقية : اش كنعرف انا اااش كنعرف ونا الصغير دولادي لحيتو قد شطابة ...

بدات كتنوضو من يدو مطلعاه فالدروج كتنكر حتى دخلاتو لبيتو وسدات لباب و هي طل بيلسان غير بشوية ووسيم موراها

بيليسان : ( بالحس ) فااااااينااااالي .. تبعني

وسيم : خلي حتى ينعسو

بيلسان : هادو غاينعسو هاد ليلة منيتك ( خرجات هازة صباطها فيديها ) كوووومان ..

هبطات بيلسان كتجري فدروج بالحفة ووسيم تابعها تاخرجو لبرا تلاحو فطوموبيل بلا مايحلو لبيبان كانت اودي ديكابوطابل ديال بيلسان ... ديمارات و زادو ...... اما رقية كتمشي وتجي و احمد كالس على الناموسية

احمد : هادشي عا متايتمجهد ااااارقية ، راسي سخن عليا

رقية : يااااااوطليتو خضر بنتي قربات دير الحفاد عاد راجل قالك نااااض ليه ... لا نتا ناض ليك انا راه ماعندو فاين يتكى نكولها ليك من هنا .....قشاوشي هدا شحااااال ماطليت عليهم ماعرفت تاواش باقين فبلاصتهم ... عوينة وحدة لي بقات يلاه كاتقضي لينا الغاراض فطواليط .... ياويلي حشم غا على حفاادك عزارا معانا فدار ....

احمد : تي هادشي فيه الحشومة ، هادي راه الطبيعة البيولجية

رقية : انا مكنعرف لا طبيعة لا هاد بولاجية لي قلتي .. كنعرف هاد ساعة غا هاد بوجنيبة لي سنين هو ناااعس تا طلقت انا النباتة و التقبة براااات ليا وتسدات عاد قالك هو ينوض ... فين غاااينووووض فين ....لخلا دار بوه !! داك لقيمرون عندك تاهو ولا ينوووض !! واش نتا كامل ماتنوض تانشد فيك ونجيب الكالة نكاليك .. هاداك ناض قلش عا راسو ؟ و زعما ها جا ونااااض ها !! رااااسووو مادرتيه ليه والو ؟ شهاد قلة الاحطرام

احمد : ( شد على راسو) ياهاد المراة شمن قيمرون ولا سردين فكينا دغيا راه راسي سخن عليا

رقية : راسك سخن عليك ؟ ياكما نلبس ليك سوميج ؟؟! ( وقفاتو جاراه لدوش بزعفة ) زيييد گودامي الراجل باقي ليه شيبرون للقيبرون قاليك ناض ليه القيمرون ....

يتبع...