أشبال الأسود الجزء 17

∆فالقصر

مجموعين كلهم فصال امونجي كتسمع غير تقرقيب الفراشط والضحكات ديالهم .....

قدس كانت كتاكل بهدوء ومرة مرة كطلع عينيها فلوؤي .. هو تيضحك مع سلطان وهي معرفاتش علاش بدات ترسم الابتسامة على فمها !!!! تاحسات براسها وهي تجمعها واسد من بعيد كيشوف فيها معلي حاجبو !!!......

اريج كتحط قدام باباها وهو كياكل بشوية وكيشوف فيهم ويشوف فبانتو وفحفايدو .... وكيشوف هاد الهدوء لي عايشين فيه وهاد الفرحة .....

گيحس براسو ثقيييل عليه وهو كيشوفهم فرحانين خايف يخسر فرحتهم !!! كيشوف واش يقدر يخلي هاد العائلة ويمشي يكلس بوحدو تحت التراب !!!

كلهم متفائلين بحياتو الا هو .... عارف مزيان شنو عندوو.... وعارف مناش كيعاني وعارف الا مابقاش ليه بزااااف .... الكل عارفين عليه انه مكيحملش الطبيب .. معارفينش انه عندو طبيبو الخاص فامريكا ... ولي هادي عااام وهو عارف شنو عندو .....

كيشوف فيهم بحسرة ويحاول يتبسم ..... ويضور تاني يشوف فرقية ... كيشكرها غير فنفسو على الايام لي عوضاتو فيهم على وحدانيتو وكانت ليه نعم السند ونعم العشرة ...

رقية : توما عيطو على زرقة العينين تجي تاكل

اريج : مابغاتش معرفتيهاش هي مكتاكلش هادشي ... تاتجوع وتنزل بغات تنعس يمكن ضرباتها الشمس

رتاج : خليها على خاطرها .. ( اشارت لاية لي بعيييد شادة كاس دالعصير ) راها ختها قوليلها تقرب لهادشي ههههه ....

رقية : لا هو فتبراد الگلب فالماكلة ماااايبردو ليكم الگلب غا الدراااري بسلامتهم ... ما البنات غا المبعككة على ختها ...

قدس : هانا كنااااكل اجدة ماعجبتكش

رقية : نت علاااش نت تموووتي على الشواااا كي مك .... ( شافت فلامار ) هااا لي شششبهت فيك ما قويييسم غا باها تنقب بداك جوج صبعين وتقول الله يخلف ههههه

اياد : كويسم هههه

رقية : واااضحك عليا نتا .. سميااتكم ملاوطييين كيبغيتو جداتكم تقولهم ....

رقية : ( اشارت للوؤي وجود وسلطان ) هاااليبردو ليكم جنونكم فالماكلة ... حصاااد ودرااس مايعرفو يعيبو مايعرفو يگولو لا ... هادو نهار يتزوجو حسن عوان مرتهم ... ماتخرجش من الكوزينة .. ولا ياكما تانتوما ديرلوها شغل الخدامات

سلطان : طيبو حتى بناتنا بقى غا بناات الناس

∆جناح بيلي

جالسة على السرير مربعة رجليها ببينوار ديال الدوش ...وكتفكر اللقطة دقبيلة للمرة العشرين .." اهاه ! وعلاش هاد السطريس كامل ! كنضن مسولتكش كاع واش كيعرفك ! باش عرفتي عندي المشكل فهادشي !! ...."

كتسائل واش يكون بدا يعيق ؟ هي اكتر وحدة كتعرف الفطنة دجود وانه مكدوزش عليه دغيا ؟ كيدوزو عليه كدوبك غير الا كان باغي يجاريك وصافي ومافيه مايقلب ! ....وفعلا ! لو كانت بقات ومامشاتش ! كان غيكون دابا تفكرها ؟ ..... شكون غلط ؟ ... واش هو لي فضل عليها موناكو ولا هي لي مشات وخلاتو ولا هوما بجوج !!!! .....

دارت راسها بين يديها حساتو غيطيح عليها وناضت بزربة شربات مهدئ غير باش تتفادى الكارو لي كتحاول تنقص منو .... وجرات سيغي ددريسينغ المخصص لايام العيد ... شافت الا كولشي داكشي تقليدي وتقيل و مزال الحال على الامسية ... ورحعات للسرفيتات ديالها لبسات سيرفيت غوز .... وهزات كاسكيط وخرجات من الجناح باتجاه الدروج ... باغا تنزل وتهضر وتضحك حيت من غير هاد الطريقة متقدرش تنسى ولا تعيش عادي .... غيبقى طيف جود ملاحقها .....

يلاه غتنزل فالدروج وهي تقلب راسها لجناح جود ... بقات مدة كتشوف فيه ....

رجليها بزز عليها ضارو باتجاه جناجو ....تاوقفات حدا الباب .... يلاه مدات يديها تحل و هي تكمشها عندها .....

ماعرفاتش علاش لقات راسها محتااااااجة تشوف هاد الجناح لي دوزات فيه اجمل دكرياتها ..... محتاجة تشم ريحتو لي فيه !!!!! .... محتاجة تقيس السرير لي شهد على شحال من قبلة وشحال من لمسة ......

لقات يديها رغما عنها حلات لباب ..... غير تحلات تشعل ضو .... بدا يبان ليها سريرو الكبير لي متوسط الجناح بازارو الاسود ومخادو ... جناحو كان ضاير بالزاج لي كايطل على الجردة ... سينيما روم ... و طابلة دالبيلياردو .. دريسينغ ضخم و حمام و بيسين دافئ دائري صغير و كيس رملي موجود بجانب الالات الرياضية ... و بار صغير زجاجي نازلين عليه ثريات محجرين ... مكان روكسي ... وجلسة د ليفوطوي دالجلد كحلين بجانب البار ..... دخلات وسدات موراها الباب وغمضات عينيها كتستنشق عبيييييير هاد الجناح رادة معاه دكرياتها للوراء ....

بيلسان : ( داخلة مسلتة من البالكون شافت عندو هو لي حدا البار ) هااانا .. مالك منوضني فهااد الليل يشوفني عمي يعععلقني ....راني قارية غدا

جود : ( ضار عندها كيطلعها ويهبطها بشورط قصير و تيشورت قصيرة كتبين السرة ورجليها حفيانين وشرب من كاسو) مااايتوحشك حد فنصاص الليل

بيلسان : فين كنتي قبييييلة عاد بنت ليك راني داخلة مع تمنية ....

جود : ( مد ليها يدو ) أجي .....

بيلسان : ( قربات عندو ) اش بغيتي

جود : بغيتك نت .....

بيلسان : ملي باغيني علاش غتسافر غدا

جود : اول ماتش لسلطان ونخليه بوحدو ؟ مايمكنش

بيلسان : يمشي لوؤي .... بقا معياا غذا عافاااك عندي امتحان وفيا سطريس

جود : لا ميمكنش .... ولكن نواعدك مانفوتش نهار ونجي ...

ليلسان : ( عنقاتو ) غاااانتوحشششك

حود : نهاااار ابيلي ( هبط عينو لصدرها وتبسم وشاف ليها ) مزال مغاايكبرو هاد الزيتونات ههههه

بيلسان : ( ضرباتو لصدرو وبعدات ) ببببعد مني

جود : هههه ( جبدها لعندو ) ااااجي لهنااا الفارة ( عنقها عندو باسها من راسها ) كنبغييييك كيفما نت غير تهناي ههههه .... عاجباااااني بزيتوناتك هههههه

بيلسان : ماااتعاودش تقول ليا هاكا .. دابا يكبرو وندمك ..... ( عنقاتو ناعسة فحضنو وعلات راسها لعنقو كتستنشق ريحتو )

جود : ارصااااااي غانكاااالي مك مع شي حيط .... بعدي وجهك من تما

بيلسان : ( كتستنشق داك الريحة ) ممممم .. كتحمقني ريييييحتك

جود : وابعدي وجهك غانخليك غدا بلا امتحان .. بعدي ماتشعلينيش ليل هذا ...

بيلسان : ( بعدات راسها ) هانا غاانبعد .. وغانمشي اصلا نعس .... عطيني غير بارفانك رشو ليا هنا ... ونمشي

جود : واش نت عاجباك ريحتي ولا ريحة بارفاني

بيلستن : بجووج احبي .. رش ليا هنا خليني نمشي فحالي ...

جود بدا يضحك وضار لفين محطوطين روايحو وهز لي كيرش منها ديما ورش ليها فيديها وهي استنشقاتها

بيلسان : ممممممم شحال زوييييينة ......

جود : نت غاتدي ريحتي ... وانا اش غتخلي ليا ؟؟؟؟

بيلسان حلات عينيها لي كانو مسدودين مع اشتناق العطر وشافت فيه وهي تنقز عليه ببوسة لشفايفو مزيرررة عليه بحالا كتغتصبو ... باااستووو بجهد وهربات ليه للبالكون ..

بيلسان : خلييييت ليك بووووسة ههههههه ..

بدات ترجع بذاكرتها ودموع تاني نازليين على خدها ..... وتمشات بشوية تالقات راسها قدام بارفاناتو ...... هزات البارفان لي كيدير ديييما .... ورشاتها وهي كلها كتنخصص بالبكا ....

شعورر صعيب ترد ذكرياتك فمكااان كولشي فيييييه باقي كيما الماضي ... الا داك الشخص .. هو بوحدو لي مكاينش ... وكيبقاو كاع دالاشياء بلا قيمة .. فقط منبهات قاااااسيين كيفكروك بتفاصيل الماضي الجميل لي مبقاش ! ....

رشات جوج رشات وعلات لنيفها تستنشقها تابدات تنخصص بالكا .....

*لتحت ...

مسح جود فمو بسربيتة وتيليفونو كيفيبري فجيبو ديرونجاه .. جبدو غير من تحت بانت ليه داك الروسية هي لي كتصوني .....

هاد العام شادها هي بينما طلعات ليه فراسو وييدل تاني ...

شرب كاس دالما ووقف ...

جود : بصصحتكم ... غانطلع ندوش دوخاتني الشمس ...

لامار : ومتنعسش بزاف .. لاسواغي غيجيو الناس وصحافة راك عارف كون هنا

جود : معاش !

لامار : السبعة بداو تنزلو

جود : ( شاف لساعتو ) ومزاااال .... يلاه حتال العشية .. بصحتكم ...

خلاهم ومشا باتجاه الباب وكولشي يداو ينسحبو واحد وراء الاخر يطلعو يدوشو وينعسو .... وليكيب وصلات باش تجمع داكشي تاني ....

طلع جود فالدروج ديريكت لجناحو ....

بيلي كانت مزالة تما واقفة حدا الكيس الرملي شادة فيه ورادة دكراياتها نهار كتكلس على داك السرير وتتفرج فيه كايلعب البوكس ... تابدات تمسع الباب غاتحل وهي توسع عينيها !!!!!!!!!!!!!! .....

غير سمعات الباب بدات تشوف مع جنابها بزربة العقل تا لي يحط البارفان من يديها مابقاش ومشات بزربة تخبات مور السرير فواحد ليسباس بين السرير والحيط خاوية ... وقطعات الحس هو دخل سد لباب برجليه ونصل التيشورت لاحها على السرير تايدا تيليفونو يفيبري تاني .. دار ليه سبيكر وحطو ماشي بجيهة الدريسينغ وبيلي مكمشة مور السرير شادة داك البارفان وقاطعة الحس وقلبها كيضرب فالتسعين تابدات تسمع صوت انثوي رقيق كيتكلم بالانجليزي

- حبيييببي

جود : يياس ....

- سمعت ليوما عندكم شي عيد وقلت نبارك ليك ....

جود : ( حال المجورة دالبوكسرات ) شكرا ...

- توححشتك بزاف فخبارك ....

جود : باقيا فالمغرب ...

- أه دوزت هاد سيمانة فمراااكش .. كتحمقني هاد المدينة

جود : ماقاسك حد !

- لاااا ... شرطك راني باقا محافظة عليه متخافش .... غنعس غير معاك ....

جود : مزيان ... نسالي منك انا وضبري لكرك ...

- جود.... مكنحملش عندك هاد الهضرة ... كيفاش هاد تساالي !

جود : واش بغيتي ( كيجبد شورطاتو )

- بغيت نبقاو لديما اجود

جود : وا ماطلعيش ليا فراسي هانتي معايا

- متخافش ....ديما التجدييييد .... بغيت نشوفك قبل مانرجع لروسيا

جود : نتي لي بغيتي تشوفيني نتي لي خاصك تجي

- لكازا ؟ فوقاش نجي

جود : فوتي ليوما وغدا .... واجي ..

- صااافي .... بقات ليا غير سيمانة وغانمشي ....تاتبغيني ونجي

جود : واخا ... غندخل دابا ندوش ... حتال منبعد ( ماشي باتجاه التيليفون )

- ياااريتني معاك فداك الدوش احبيبي ....

يلاه كملاتها كان قطع الاتصال ولاح تيلي ودخل لدوش ..... بيلي غير سمعات لباب تسد والما تطلق علات راسها بششششوية كتشوف ... عاد وقفات نيشان ومشات كتجري للباب حلاتها وخرجات .... غير سدات لباب موراها عاد طلقات النفس كتنهج شادة على قلبها ويد شادة بيها داك البارفان ....

قربات لشباك دالدروج وتكات عليه گتشوف لباب جناحو وهضرتو مع داك الروسية متال كتسمع فودنيها وهي تنطق بأسف

پيلي : مااعمرك غااااتبدل ......ماااعمرك ....

نتهدات على حالها و مشات لجناحها .... ماشي شي حاحة جديدة عليها عارفاه من شحال كل عام مع وحدة .... عارفاه شحال زهواني ... حتى ولات شي حاجة سميتها الغيرة منعدمة عندها حيت عارفاه كيعجبو غير يدوز وقت اما المشاعر الصادقة صعيييييب يبادل بيهم شي حد وكانت هي المحظوظة وسط الكل لي بادلها بمشاعر صادقة واهتمام صادق...... ولكن فجأة كولشي داكشي مشا وتنسى ..... ورجع زير النساء لعادتو ......

الجردة فرمشة عين خوات كأن تاحد ماكان فيها

. كل افراد الاسماعيلي قصدو اجنحتهم يدوشو ويرتاحو حيت تابعاهم الامسية .....وليكيب دالعيد جمعات داكشي وبدات كتوجد للامسية ... مكان منصة و مكان البيفيه وتدخل الطوابل .....

أما الفوق ....الكل ضاربها بنعسة حيت تابعاهم القصارة طوييييلة ...... وبيلي رشات بارفانو على مخدتها ونعسات عليها دموعها فعينيها

السابعة مساءا ...

منظر الغروب مزين سماء المنطقة وضباب البحر تاهو مشارك فرونقها ..

كانو سيدات الاسماعيلي واقفات بطلات تقليدية غاية فالفخامة .... لامار بسروال اسود و شوميز ديالو مزينين صدايفها على شكل عقاد تقليدين وفوق منهم عباية مفتوووحة حتى للارض كلها لاامعة بالاحجار الصغار لي متخللين الثوب والسفيفة مع الجناب وشادة ليها حزامها ولكن مرخوف باش يبان لونسومبل لي تحت .... و طالون عاالي وشالها الاسود الحريري فوق من شعرها لي كيبان شوية تحتو ومع كبير وطويل مدلي تاعلى كتافها بجوج ومشدود فجنب بروش فاخرة ماسية ... و رتاج بعباية فخمة كلها احجار وحزام ديالها من نفس توبها وصندال عالية وشالها تاهي غير محطوط فوق شعرها تايبداو يجيو ناس عاد تصايبو مزيان .... و حياة حتى هي بعباية حمراء بحزام ذهبي وسلاسل رقاق ذهبين فكتافها وظهرها مع شال ذهبي وصندال تاهي عالية ... اريج تاهي كانت لا تقل اناقة بعباية دو بياس حمراء من تحت و سوداء من لفوق .... وشعرها مطلوق كاري ومجموع لجنب بواحد قراصية سوداء محجرة ... وحداها ايضا جنان عروستها لي بعباية مفتوحة حتى للفخد گاتبان رجلها النحيلة البيضاء .. وشعر مطلوق حتى لاسفل وهازة بنتها لي تاهي بقفطان تقليدي .... واقفات كايشوفو مع الجردة وواش كولشي واجد والمسؤوولة كل مرة تجي تخبرهم بشي حاجة وتمشي ....

لامار : ( كتشوف لساعة فالتيلفون ) اسد تعطل .. وناس دابا هوما وصلو ..

رتاج : ( ضارت شافت فليكيب دالملحون كتأنسطالا ) قلنا ليهم السبعة ... خاصهم يطلقو راسهم ...

حياة : هااهووما ....

ضارو هو يبان ليهم عدنان واسد .. كانو بطلاتهم الرسمية الفخمة ...اسد بكوستار اسود و عدنان فالرمادي بليكاغو ... واللمسة التقليدية مخدومة غير فجيهة الجيب الأيسر حيت بغاو يبقاو فرسميتهم ... سوايعهم الفضية مزينة معاصمهم و ملامحهم الحادة عاطياهم هبة كيف العادة .... نازل اسد فالدروج كيشوف لساعتو ...

غير شافو شكير جا باتجاهو كان بلباس اسود و سونفيل وطابليط فيديه

شكير : باقيين الباريارات فالدخلة دالمنطقة ... امتى نحيدهم اسيدي ...حيت الناس وصلو

اسد : ( شاف لساعتو ) نص ساعة حيدوهم ....

مشا شكير كيعلم فالصونفيل للحراس د مدخل المنطقة لي بعادين عليهم ب 3كلم ....

وتقدمو هما لعند النساء فين واقفين

لامار: فين يونس وسفيان ؟ واش وصلو الناس

اسد : نص ساعة مزال ... بينما تجمعو هادو

تخطاهم ومشا جلس و عدنان خدا الحبة ديالو دالدوا من يد رتاج و جاب النادل صينية فيها كاس دالما شربو وباسها فراسها ومشا جلس حدا اسد ... حتى انضم سفيان ويونس ...لي حتى هوما محافضين على رسميتهم .... مشاو جلسو حدا اسد ...

حياة : هاهوما عاقدينهم تاني ....

اريج : والله الى ... ملي ماقادينش على هادشي ومتعرفوش ليه اشداكم لشي بروتوكول ....

لامار : بسيف عليهم لابغاو مستقبل مستقر لولادهم .....

الشبلات الايناث كل وحدة كانو معاها السيدات لي كيجهزوهم فاللبس والمكياج والاظافر .... كلهم كانو بعبايات تقليدية .... على حساب ستيل دكل وحدة فيهم ... قسم سيدة اللون الازرق الملكي ... باحجار فضية .... شعر ذيل حصان و اقراط فضية .. صندال عالية و لمسات من اكسيسوات فيديها و بروش فصدرها ...وقفات بعد ما كملات ليها السيدة اظافرها ... جابو ليها مراية طويلة وبدات تشوف مع راسها ، كانت كيف العاارضة بسبب طولها الممشوق ورقبتها الطويلة وليهونش ....وملامحها مخطلين بين البراءة و الرسمية ......

هزات تيليفونها وحلات لباب نزلات ....كانت اول من التحق بالنساء ... عاد بيلسان لي كانت حتى هي بعباية مفتوحة مع الجنب .. عندها ستيل لي غوب و لكن من فوق تقليدية والحزام تقليدي محجر ... لونها بيج واحجارها مدهبة ... كان لون مفتوح لي زاد فتحها .. شعرها على عادتو مطلوق وملوي من تحت .... التسريحة لي كتناسب لونو الاشقر ... مكياج هااادئ يليق بمناسبة تقليدية فقط العكر لي كان احمر قاااتم لي واتا عينيها الزرقين ..... وصباط عالي و سلسلة رقيقة ذهبية فعنقها وخاتم على شكل افعى فسبابتها .... صونات على ماماها واش راها لتحت وتبعاتها تاهي وقفات حدا قسم ومشاو هي وياها لطاولة بعيدة وقفو والناذل حط ليهم مشروباتهم .....

كانت الحردة كلها بطبالي طوال محطوط عليهم فانوس وكارت فضية فيها رسالة معايدة للعيد اللصحى بخط اسود مموج انجليزي وعربي .... وشموع وحدة كبيرة ووحدة صغيرة .....

لحق وسيم لي هابط هو وانس تلاقاو فالدروج .. وسيم بسروال دجنيز سامبل حيت ملي كتكون الصحافة ومناسبة عائلية ممنوع عليهم السروال المستيليين او المقطعين لانه مخالف لبروتوكولهم ... وبودي اسود وجيلي طويل اسود تقليدي مخدوم بالذهبي لابس معاه صبادرين كحلة ... و انس بجبادور ازرق يليق بطفل فالسن ديالو .....

آية كذالك بعباية فالوردي لي زادت بينات الكيوتنس ديالها .. رفضات المكياج قبلات فقط بمرطب شفاه و ريسيل وشعر دوزاتو لجنبها و جروها السيدات لي معاها بالكرسي تنزل لتحت ..... قدس كانت آخر الشبلات لي توجد ناضت على كريسها ووقفات قدام المرآة كضور وتشوف مع راسها بعباية سوداء ختارت لون بحال ماماها لي طالما كايعجبها تقلدها فكولشي ، لبسها رقصها على عكس قسم لي متأثرة بباباها اكثر ... كانت العباية مفتوحة من الوسط لاكنها مجموعة بحزام شي لي خلا مؤخرتها تبزر بشكل كبير لانها اكثر الشبالات لي كتملك مؤهلات انثوية باااارزة أكثر من قسم لانها قصيرة القامة على قسم و اكثر وحدة شبهات فلاطاي ديال ماماها ... عباية كانت كلها احجار ذهبية و حتى الصندال كانت ذهبية لي كتبان بشكل واضح لان فتحة العباية كانت كبيرة .... و السدة دالعباية لفوق خلات العنق يبان على شكل v شي لي خلا صدرها يكون ظاهر بعض الشيء وكتحاول تخفيه وكل مرة تطلع العباية تغطي فلقتو ... شعرها كان مسرح نازل كولو على ظهرها وراداه مور وذنيها معرية على اقراط ذهبية ... ماكياج خفيف و عكر مارون .... كضور قدام المراية رادة لبال لكل تفصيل ... شافت فالمراية باعجاب لنفسها و هزات تيليفونها ونزلات هازاها بطرف صبيعاتها نازلة فالدروج تاتحلات لباب موراها تخطفات ماعرفاتش علاش حطات يديها على قلبها وضارت بشوية تالقاتو اياد عاد رجعات فيها النفس .... شافها وتبسم ليها ....

كان بسروال گري وشوميز كري و جيلي تقليدي كيما ملزم عليهم يلبسو هاد النهار ...فالاسود والگري .... ببارافان رجولي و تسريحة مرتبة ولحية مقادة ... قرب ليها بملامحو الهادئين كيف العادة والخاترين وشد ليها يديها عندو بطريقة جنتلمانية

اياد : ( بالانجليزي ) تسمحي لينا آانسة قدس الاسماعيلي نعاونوك تنزلي !

قدس : هههههه .... ايااااد ( طلعاتو وهبطاتو ) دييييما انيييق .....

اياد : اوفكورس ههههه ... يالاه

نزلها ضاحك معاها تالتحت لعندهم ... لامار غير شافتها جاية وبدات تغمز ليهااا تطلع العباية على صدرها باش مايرد ليها لبال باها ولا جود....

جود لي كان تاهو قدام المرايا كيلبس الفيست ديالو فوق من سروال اسود وبودي مزير اسود ..لافيست كانت زرقة موبرة ... و صباط اسود بالسيور ...علا يدو قاد شعرو بصباعو لواحد الجنب ومد يدو يهز بارفانو .. هو يرد لبال انةيدو فالهواء و البارفان مكاينش !!!!! ....كمش ملامحو وجر المجر دالبارفانات كيشوف مع كراطنهم وكيقلب بيديه !! فين مشا ؟ هاذاك هو البارفان لي كيستعمل ....

قلب شفايفو لجنب .. عارف عقلو لاروب غيكون حطو فشي قنت ونساه ودخل لدريسينغ مشا لمكان دالبارفانات وجبد واحد اخر نفس لي مشا ليه .... حلو من كارطونتو جديد ومشا رشو وهز تيليفونو ونزل ......

لامار غير شافتو حمدات الله لي نزل حيت فكل مناسبة مكيستقبلش معاهم الناس .... هاد المرة بدا يدير عقلو وقف حداها وعلا ليها يديها لفوق كيضورها هي كضحك وقرب عند ودنيها

جود : واش نتي من لبوؤات الاسماعيلي ولا من شبلاتهم !!!!

لامار: هههه ايه اييه تغزل بيا اولدي ما واحد باك داز قدامي بحال الريح

جود : هداك ميفهمش فالجمال ههه

ضحك ومشا جلس حدا باه ....ورتاج هزات عينيها وضحكات فاش شافت ولوؤي نازل معنق فيصل .... من ديما هازة الفخر لولادها فعينيها ... لوؤي كان بسروال دجين وشوميز زرقة و فيست تاهو تقليدية زرقة و ساعة فضية فيديه .. وفيصل تاهو نفس الستيل غير الفيست لي مارون وزواقها مبدل وتوبها مبدل .... تاهو كلامو لا يخلو من الغزل لنساء الاسماعيلي اما الشبلات كانو بعاااد واقفين قراب لمنصة الملحون ....

وحياة كتشوف مع الباب

حياة : فين تعطل هذا ؟ يكون رجع ينعس !!

رتاج : صوني عليه .. لامار نطلع نحاول مع الحاجة لاتبغي تنزل ؟ بابا نخليو لي يبقى معاه

لامار : لا ماشي على الحاج والله هي اصلا كتعرفيها كتنعس بكري وماعندهاش مع الهاراج راه عيت فيها مابغاتش قاتليك طل غير من لبالكون

اريح: سعداتها والله مكرهت تانا نطل غا ملفوق مافيا لي يهضر مع شي واحد ولا لي يضحك لداك الصحافة ... واقفين بزز علينا

حياة : فين مروان مابانش ليا !

لامار : ماااابغاش .. سمع امسية هرب ههه هداك ماعندوش مع هاد الاجواء قالي تايبرد عندكم الحال ونرجع .. مشا يشوف شي صحابو ...

رتاج : وناااري و نلقاو تاحنا منين نهربو .... ( شافت فالشبلات لي كيضحكو بعدا) بناتنا جاو كيسطيو مشاء الله ....

حياة : وراه هادشي لي كيجبد علينا الصداع ... عولو تانى على شهر دالخطاب والرفض ......

رتاح : هههه قسم هنا تكسر رقم القياسي ههه ...

لاامار : والله تاهازة الهم من دابا ..... ( شافت فاريج ) اللبسة د قدس درتيها ليها مزيرة بزااف اصاحبتي ....

اريج : اويلي خلي لينت تلبس وتفرح براسها باقا صغيرة .. قليل مالبسنا حنا

لامار : ماشي عليا انا ... باها وجود مكايبغيوش اتجبد على راسها شي صداع ....

حياة : والله تايعييقو ليها .. خليو لنت تعيش سنها ...

يالاه هاضرين تاحسات حياة بشي حد عنقها من لور من ريحتو عرفاتو وشدات على درعانو لي محاوطها بيهم ومحني لعندها

حياة : يلاه كنت غنصوني عليك .. قلت غتكون رجعتي تنعس

سلطان : ( ناعس على كتفها ) والله ماكرهت نعس .... الغالب الله معاكم ....

بعد عليها وغمز لرتاج واريج و لامار بضحيكة كان تاهو نفس الستيل الاخريين ولافيست ديالو موبرة سوداء وجلس معاهم متكي راسو على الفوطوي لور كيحاول يتوكض ويحل عينيه مزيان .... اياد الوحيد لي كان مركز مع حديث عمامو .. اما جود ولوؤي راس عند راس عاطيينها لطنز .. و زياد كان مع مرتو بعيد كيقاد معاها بروكرام سفرهم هاز بنتو عندو ... تاخلاها و زاد جلس حداهم

يونس : هااهو جا ....جلس هنا

زياد : ( جلس ) ياك لاباس !!

يونس : تنزل غذا لفاس ؟ ( هز عليه بيان )

زياد : علاااش ؟؟؟

يونس : ماماك و جدك خاصهم يمشيو لعند فاميلتهم تما وانا مافيا لي يمشي ... هادا مابغاش .. سير نتا ....

زياد : غدا عارضين عليا عمام جنان لي كاينين هنا فكازا للغدا و فالعشية غانسافرو مابقالناش بزاف فالكونجي .. ماعندي مندير ففاس انا ...

يونس: ( شاف فاياد ) سييير اصاحبي مالك على هاد العكس ....

اياد : الواليد هنينا .. عارفني ماعنديش مع قوة الهضرة دوك الناس مكيسكتوش .. سير نتا مع مراتك اصاحبي ونسيبك انا علاش !

يونس : ( شاف فخوتو ) يالاه ولد الولااد ....

سفيان : قالك الصح ...

يونس : نتا ماعندك مايدار ماتعگزش ابنادم سير مع ماماك وصلها

زياد : مافهمتش علاش حنا .. ياك كتعرف تسوق ؟ تمشي هي وجدي ويجيو ...

يونس : وماماك عارفها غتمشي بلا واحد فيكم ... مكتعرفهاش هي

سفيان: علاش كتهربو من عائلة مكم اهاد المساااخط

عدنان: هادو راه ولاد عمامهم هادو مكيعرفوش خوالهم ههههه ....

اياد : هاهوا لوؤي يمشي ... لوؤي عندو عزاز

لوؤي: ( علا راسو ) مال لوؤي !

زياد : تمشي توصل الوالدة و جدي للفاس

لوؤي : عند دوك صحاب ألي وأوتلك ؟؟

يونس : غتسمعك مك تنحرك ....

لوؤي : ومالكم كنبان ليكم غير فالمناااتيف ... ماشيا تالوالدة

يونس : لا غير اريج

لوؤي : ( شاف عند اياد وزياد ) مكم هاديك

... حشومة سيييرو عند عائلة مكم .... مالكم مساااااخط ....

يالاه كيهضرو شكير جا عند اسد لي غير كايشوف فيهم خاشي صبعو صغير ففمو على عاادتو كايشوف فهاد العائلة لي عطاه الله ....

شكير : ناس وصلو اسيدي .....

أسد وما ليه براسو ... وشكير عطى اشارتو للمسؤولة لي عطات اشارة للمنصة وبدا العزف دالملحون .....

الشبلات الصغارات ملي سمعو العزف بدا .... شافو لعند ابائهم بانو ليهم وقفو كيستعدو وقلبو ملامحهم بملل تاحد فيهم مكيحمل هاد الاجواء ولكن مجبورين عليهم كل عام ومجبورين على هاد الابتسامات الصفراء ......كل وحدة هزات عبايتها بطراف صبعانها وتمشاو لفين غيستقبلو الناس .... كانت تما زربية حمراء ممدودة طويلة من الخصة حتى البوابة .... اما السيارات كلهم تصافو على برا ممنوع يدخلو للقصر ....

الأسود ونسائهم كانو على اليمين والاشبال والشبلات على اليسار .....

كانت فالمقدمة قسم لانها بكر الاسماعيلي .... ثم واقف حداها خوها وقدس و بيلسان و لوؤي لي غير وقف مد يدو موراهم بدون مايردو ليهم لبال لان عيونهم كلها على البوابة وجر قدس بشوية من الخلف د بيلسان .. وتاهي مبغاتش تبين وخا عيات تعافر ولكن جارها لعندو بقوة من الخلف .... رخات راسها فاللخر باش ميتفضحو غير مخنزرة ليه قربها ليه دارها بينو وبين بيلسان ... وهضرات غير تحت سنانها

قدس : واااش تسسسطيتي

لوؤي : وقفي وسكتي ...... ( كايشوف فالبوابة )

بيلسان مافهماتش قدس علاش بدلات لبلاصة لقات راسها فجنب جود !!!! ..... لي غير بمجرد ماشمات ريحتو قلبها بغا يوقف وكتسرط ريقها بزززز كتسائل واش دارتها ليها بالعاني .... وهو هبط عينيه لجنبو بانت ليه واقفة حداه .... طلعها ونزلها والاعجاااااب وااااااضح فعينيه لي ضورهم دغيا لان باه مقابل معاه ... وبيلي بقات واقفة تاني على اعصااابها ... سلطان كان حدا لوؤي عاد اياد و جنان وزياد وفيصل ... اما وسيم وانس واية مكانوش واقفين تما لعدم بلوغهم السن الرسمي لاستقبال الضيوف ....

لوؤي هبط عينو غير بالخف على قدس يشوف طلتها .... كايطلع ويهبط فداك اللبسة لي الفاضح منها كتر من المستور !! وكيحاول يتحكم فملامحو مايتحولوش لتخنزيرة لانه مفروضة عليهم الابتسامة .... وكابتها عندو بزز تايشدها فشي قنت .... اللبوؤات كانت كل وحدة شادة فدراع راجلها ...ومبتاسمات اما الاسود مكانوش كيعرفو شنو هي الابتسامة .. الجميع ملامحهم رسمية .. كانو ابتسامات خفاف و راقيين على ملامح النساء والبنات بينما الحدة والنخوة فملاكمح الاولاد والرجال .

انغام الملحون كانت مسموعة فالحديقة ...... اندفعات الصحافة فالاول لي داخلين كيجريو باش يلتطقو صور الضيوف لي داخلين ولي كانو اغلبهم مشاهيير و اغلبهم رجال اعمال كبار ..... مخلطين بين المغاربة و الاجانب ......

الصحافة تمركزات ثم الضيوف يداو يدخلو بالواحد كل واحد شادة فدراعو مرتو او عشيقتو .... كيحييوهم غير بعينيهم والابتسمات وعبارات الترحيب والمعايدة .... ثم كتومي ليهم المسؤولة يتفضلو للداخل بابتسااامتها وترشدهم للطاولتهم ......

الكل كان كيتمنى غير هاد المراسم يساليو خصوصا الاشبال واقفين على اعصابهم .... ولوؤي غير كايدخل شي واحد من الشباب كايبقى مركز معاه فنظراتو لقدس ... محاضي تاخاحة اخرى منغيرها ......

تابدا جود يكمش ملامحو هو كيشم واحد العطر لي ماغريبش عليه!!!! ... ايه عطرو .. ولكن مكينبعثش منو !!! .... بدا كاينزل راسو غير بشوية كايقربو ليها او للمصدر هاد الرائحة ..... وهي ماراداش ليه لبال كتحاول تضحك للناس وللصحافة ....واستنشقو مطوول .....لقاه فعلا انه فيها !!!!!! ....

اش جاب عطرو ليها !!! ..... عطرو لي عارف انه مكاينش عند شي حد اخر !!! ولي غير قبيلة كان مفقود ؟؟؟؟؟؟؟ .........

طول الاستقبال وهما محاولين يصبرو ويبانو مبتسمين ... جود ريحة بارفانو لي جاية من جيهة بيلسان نوغشاااتو بكل المقاييس خلات الف سؤال و سؤال يتطرح فدماغوو ! هو عارف ريحتو ! وعارف انها واخا تدوش مغتمشيش ... يعني مدايراهاش بالعاني ... غتكون مابغاتش تغسل ليها .. وماشي هبيلة تستقبل الناس وهي كتنبعث منها ريحة الرجال !!! ..... كيشم حتى بارفانها ولكن برفانو كان غاالب ! .... كولشي ممكن يكدب فيه الا حاسة شمو القوية ... وبارفانو مامنوش جوج مخدوم خصيصا ليه من شركة ماماه ! بصح السؤال لي مافهموش هو علاش راشة ريحتو ! وكيفاش دخلات لبيتو وهزاتها .... وعلااش !!!! ....

قدس واقفة على اعصابها من لوؤي لي حداها .... حتى كملو الضيوف ثم تسدات البوابة عاد رخاو النفس ودخلو لجردة .... كانت عامرة وحدا كل طبلة كاين على الاقل جوج وعلى الاكثر خمسة .....

اسد وعدنان كانو فترحيب من جهة ... و لامار وقسم من جهة اخرى .. ورتاج و اريج من جهة .. اما حياة بسبب الاضواء و الصداع و الوحام ماقداتش فقط استقبلات الناس واعتاذرات ودخلات تنعس ....ويونس وسفيان واياد من جهة اخرى ....

كان جو عاااااامر بالرسميات والبروتوكولات ... الجو لي كتحس قسم انه كيخنقها ولكن مفروض عليها تواجهو .. كل مرة واحد من صحافة يقرب ياخد ليهم الصور .. كاين لي كيعلمهم وكيتقادو وكاين لي كياخد على غفلة ... قدس وبيلسان فطاولة حاطين حداهم مشروبهم ... واية بعيدة فكرسيها وجالس حداها كيف العادة فيصل لي مكيفارقهاااش ... كيضحك معاها و كيدير جهدو كامل يقول جملة مضحكة باش يشوف ضحكتها لي كتسطيه .... وطبلة فيها جود ولوؤي وسلطان شادين كيسانهم و كيحسبو الدقايق امتى يسالي هادشي .... وطبلة اخرى كان فيها زياد ومراتو وبنتهم ....

الحفل حتى وانه بمناسبة العيد الا انه مضمونو العام كان تجارة وبزنس وصفقات .... كولو مظاهر و كولو تفاخرااات .... كان الاغلب لابس التقليدي والبعض بليغوب خصوصي الاجانب ... لامار كل مرة ترحب بوحدة ومعاها قسم لي محاولة تاهي تحافظ على داك الضحيكة و عبارات الترحيب والتهنئة ....الكل معجب بهاد الشبلة القوية لي متوفر عندها الجمااال و الثقاافة و الأدب و الوعي والشخصية .. من كل الجوانب كتبهر ! .... كتمد صبعيتها الرقاق تسلم بلباقة و ايتيكيت ... وتحاول تتجاوب معاهم بابتسامة و لامار حداها فخووورة بها .... خصوصا وانها كاتشوف فنظرات الاعجاااب لي ضايرين بها .....

كيما كاينين فالحفل لي معجبين بشخصية قسم فالوعي والثقافة والللباقة ... كاينين ايضا لي تعجبو بختها الصغيرة من ناحية الفورمة و ااثااارة !!! .....

كأن اسد ولامار مقسومين على جوج ! .... إثارة لامار وجاذبيتها فقدس .. وثقافة اسد وشخصيتو فقسم ......

كانت محط الانظار من الشباب !!!! الكل كيتحسر ويسرط فريقو ويبرد بمشروبو حيت مستحيل حتى يفكر انه يتكلم معاها وهي فعرينهم !! .....وهي وسط ااشوااااك ! ومستحيل يقدر حتى يقرب !!!! ..... ولو يطرح سؤال لااا ...

كانت كتهضر مع بيلي و تضحك ... وشعرها كانت كتطيرو الريح الموسمية لي جاية من البحر ... كانت على عكس قسم لي كتملك رقبة طويلة .. هي كتملك رقبة قصيييرة وغليضة و عنق ممتلئ شهي للتقبيل ... صدرها كيبان بعض الشيء من فتحة العباية ، مرة مرة تجر عليه العباية تخبع ملي تحس بيه ولا مكشوف ... من الوراء كانت قمة فالاثاااارة بسبب المؤخرة لي برزات تحت الحزاااام .... حركاتها وغنجها وضحكها كان مكمل الصووورة !!!!!

من ديما فاش كتلقى الغفلة ويكون قالب وجهو لجنب كتسهى فيه .. فتفاصيلو .. فحركة يديه ملي يكون كيهضر وهو كيحك لحيتو ... حركة صبعو ملي كيحك فوق حاجبو ملي يكون كيتناقش ... فضحكتو الخفيفة لي كتجي مرة مرة وتعري على داك نياب الصغااار وتشكل داك الحفرة الصغيرة جنب فمو ويتسدو عينيه .. فتطليعة حاجبو ملي يسمع شي معلومة مداخلاش لدماغو .... فنظرتو المستهزأة ملي يبغي يطنز !!!! .... كان منغمس فحديثو مع سلطان لي حداه وكتشوفو كيوريه بصبعانو على الطبلة بحالا كيرسم ليه تما بلان .. كتشوفو كيفاش منغمس فالحديت ومامسوقش لهاد العيون كلها لي حااااطة عليه ..... كيفاش كيكون كيهضر ويحك بيدو مور عنقو و يعوج راسو .... الهزة دالكاس ملي كيشرب وعينيه لي كيلعب بيهم هنا ولهيه ... نظراتو ملي كيشوف مع جنابو ويرد البال للي حاضيه ويقلب راسو كأنه مشاف والو بعدم اكتراااث .... وحتى دوك النظرات الزهوانية ديالو ملي كايتبع شي وحدة دايزة حداه .. مكانوش كايخليوها تغير بقوة مامولفاه زهواني .. كانت مترقبة كل هاد التفااااصيل بنهم كانها كتاكل شي اكلة شهية .... كتشوف مباشرة فيه وكتشكل على فمها ابتسااامة بلهااااااء .....

اما لوؤي كان فعالمو لاخور حتى هو ! جود وسلطان منغمسين فالحديث و هو شاد كاسو مزير عليه وطاااالع ليه الخزز !!! كيشوف عيون الشباب كيف محطوطين عليها وكيف كيتغاامزو عليها و كيف مراقبينهاااا وواضح الاعجاب فعينيهم .. كيشوف داك اللبسة المثييييرة لي لابسة ولاسقة عليها وكتبين كولشي مفاتنها ... طالع ليه الدم والاعصاب بانو فعينيه لي حممرررهم ....كيشرب كاس ورا كاس وملي كيهضرو معاه جود ولا سلطان كيجاوب غير براسو وعينيه علييها بغضب .. كيفكر واش يجرها من يديها يدخلها لدار يسد عليها واش ينوض يقتل كاااااع هادو لي شافو فيها واش يخرب الحفلة ولا اش يدييير ........

اما قدس مكانتش رااادة ليه البااال كاع كضور كاسها فوق الطبلة وتلعب بعينيها خصوصا ملي شافت العيون مراقباها غير مكتزيد تتصرف بغروووور و ابتسامات مثييرة ... تاقلبات عينيها لبيلسان هي تبان ليها ساااااهية فجووود .... وضارت لعند جود بان ليها كيهضر مع سلطان ... بقات تشوف فيه و فيها وضحك ....

اما جود هز كاسو شرب منو و سلطان كيهضر معاه وهو ضور عينيه للجنب وهي تبان ليه كتشوف بداك الطريقة ... حط الكاس ونزل عينيه ورجع تاني هزهم جاتو مزاااال كتشوف !!!! الطريقة كااااانت معععيقة والابتسامة البلهااء مكملة الصورة .... ابتاسم ابتسامة استغراب وبدا يضور راسو بالنفي و سلطان تاهو رد ليها لبال فاش شاف جود تبسم ... ووسع عينيه !!! هادي واش هبلت !!!!! ....

أريج ورتاج كانو واقفين فواحد الطبلة مع جوج نساء واريج كتشوف فيها وتجنن كتقول مال هاااادي ....واش نسات راسها .. شافت فاياد واش مشافهاش وحمدات الله لي مشغول فالحذيث مع واحد الضيف هو وباه ....

الكل تقريبا رد لبال لدوك النظرات وجود حتى كينزل عينيه ويرجع يهزهم وتبااان ليه باقا كتشوف فييه !!! هو حشم وهي لا ......

وشاف فسلطان والابتسامة واضحة عليه كانت ابتسامة مخلطة بين الاستغراااب والغرور ... وسلطان الهضرة تلفاتلو نسى كاع اش كان كيقول ليه بقى غير مرة يشوف فيها مرة يشوف فيه .....

وقدس ملي شافت خوها راد لبال قربات لودنيها

قدس : ابنت عمي .... الا كنتي غتقوليليه شحال كتبغيه وشحال موحشاه وبلي نتوما كنتو فعلاقة سيري دابا نيت ... الا غتبقاي غير تشوفي هاكا بحال شي هبييييلة لاااا .....

بيلسان مع هضرات مع فيقاااتها من سهوتها فوجهو و ضارت عندها بزربة كتسرط فريقها لي نشف ملي كانت حالة فمها فيه وهزات كاسها شربات حسات بالسخاااانة طلعات معاها و هو جاتو الضحكة

بيلسان : ش شفت فيه ؟؟؟ ك كنت غيييير سااااهية .... شافني ؟

قدس : شافك !! بقى شي حد مشااافكش ... هو وعاق بيك .... مفرووووشة اصاحبتي

بيلسان : ححححلفي بالله ( شدات على جبهتها حساتها سخنات ) ويلي على شووووهة كنت ساااااهية

قدس : ههههه ... عرفتي رد ليك لبال بقى يضحك هههه غايحاسبتو يلاه كتزعطي فيه ههههه

بيلسان عضات على شفتها محححشمة و السخانة طالعة معاها جاتها البكية وقدس كضحك عليها وضحكتها غير مكتزيد تجدب فالانظاار ... لوؤي عيااا يصبر كيحس راسو تجيف وتخنق هو يحط كاااسو ومشا باتجاه الدار بززربة و سلطان تبعو هو وجود بعينيهم

جود : مال هذا

سلطان : من قبيلة وهو معاجبنيش

جود :شاف شي حاجة معجباتوش !!!!

سلطان : مننعررف !!!

رتاج تبعاتو بعينيها بان ليها ماشي معصب للدار مافهمات والو !!!! ....وكترجع تضحك للسيدة لي كتهضر معاها ولكن عينيها مرااااقبينو ....

قدس كانت باقة شادة فبيلسان تاسمعات وصلها ميساج وشافت شكون لقاتو لوؤي وهي ضور راسها لطبلتو بان ليها غير سلطان وجود !!!! ورجعات حلات الميساج لقاتو كاتب ليها " دخلي لدار" .... علات حجبانها مافاهمة واالو ... وردات عليه " واش حماااقيتي !!!! " يلاه سيفطاتها قرا ورد عليها فالبلاصة " عندك جوج دقايق ...يا غدخلي .. يا غنخرج انا ندخلك ...." قدس حلات عينيها على وسعهم .. اش باغي هدا اش واقع !!! ... سرطات ريقها خافت يديرها بصح وباها كاين وجود غير موراها ..... وهي تهز تيليفونها وشافت فبيلي

قدس : انمشي للحمام ونجي

بيلسان : اتخلييني بووحدي

قدس : سيري عندو هههههه ..

خلااتها ومشات داخلة للفيلا ورتاج علات عينيها متبعاها .. علاش داخلة حتى هادي !! .....

وبيلسان اعدى حااااجة عندها هي تكون فشي مجمع وجالسة بوحدها كتحس بالحركة كاتهرب ليها وكتنسى حتى على كيفية الوقوف ! موالفة ظيما وسط لكليكات .... وهي تكتب لوسيم " ااااجي وقف معااايا " .. وسيم غير قراها ضحك و استأذن من صحابو وجا وقف حداها ....

بيلسان : فيييين تخشيتي .. اجي حدايا ازمر نشم فيك غاااا ريحتو

وسيم : ياااك ! دابا دايراني انا داك طبسيل الزيتون لي تلهاي بيه علاما تحط الماكلة

بيلسان : وقف وسكت

وسيم : اش بغيتي راه خليتهم بوحدهم

بيلسان : تجي ختك وسير .... مبغيتش نوقف بوحدي وبنادم مسطريسيني شحال كيحننززو تفوو ....

قدس دخلات لدار يلاه كتقلب عليه هو يجرها بيدو لصالون تاوسعات عينيها حيت كيبان ليها فوجهو معصب وبدات تشوف معاه وكتشوف فالخدم لي داخلين خارجين للدار كيشوفو فيهم وهي تنتر منو بلا فرشة .. وحاولات تتبسم ليهم وشافت فيه

قدس : وااااش نتا تسطيتي ولا مااالك ؟؟؟؟ اش واااقع

لوؤي : ( كيطلعها ويهبطها ) واش تقاضا ليك ماتلبسي !!!!!! شهاد اللبسة هااادي

قدس : ( جاتها الضحكة ) ههههه ابسم الله علييك ؟؟؟؟؟ ( كتشوف فراسها ) كيفااااش شهاد االلبسة مالها !!!

لوؤي : غاااا حيديها حسن علاش مثقلة بها !!!! واش مكتشوفيش شحال مزيييرة !!! ولا دايراها بلعااااني

قدس : كيفاش مزيرة رااه خالتو اريج لي مصصماها ليا وعلى لاموغفولوجي ديالي كيفاش هاد مزيرة وزايدون نتا مالك

لوؤي : وهاديك خالتك ارييج خدمات ليك غيييير هادي !!!!! مالقيتي نتي غير هاااادي

قدس : هاااادي لي عجججبتني

لوؤي : مززززيرة بزاااف كاااع ( كيشوف معاها ) مممعيييقة اقدس بببدلي هاادشي ماشي دييالك

قدس : اوييييلي على بدلي اش غنبدل راه هادي لي عندي

لوؤي : دابا من داك الخوووردة كاملة لي صممات ليك كاينة غير هادي

قدس : والله تااااا غير هااادي

لوؤي : ( جرها من يديها غادي بيها لدروج والخدم كيشوفو ) اااجي نشوووفووو واش كاينة غير هاديك

قدس : لوووؤي طططلق .. طططلق وااش حماااقيييييتي والله تامريييض بالله

طلعها فالدروج كتجري من موراه ودور براسها واش شافهم شي حد حتى دخلها لجناحها وزاد بيها حتى لدريسينغ كيشوف لقا غير العلاقات دسيرفيتات وبيجامات وسيغي فيه جوج لبسات كاجوال

لوؤي : فييين حوااايجك

قدس : راااااه قتليك ابنادم غير هادي لي كاينة .. ملي ختاريت هادي دااااو لوخرين علاش غيبقااو عندي هنا ... راه مكاين مالبس تالغدا عاد غيبدلو ليا دريسينغ خلاو ليا غير حوايج الصباح

لوؤي : ( كيقلب فالمجورة وبين العلاقات ) فين جلابتك دقبيلة كانت جااااتتتك واااعرة

قدس : (بغات تنذب ) اوييييلي عللى جلااااابة اويلي على الجلااابة نلبسها فالسوااغي ومصورة بيها الصباح وااش بااااغي تخرج عليا واش بااغي ماما تعلقني

لوؤي : داكشي لي لابسة تما رااااه ماخداااامش

قدس : ( نترات ليه العلاقات من يديه ) دابا طططلق ليا من حوايجي راه مكاين وااالو هناااا ...

لوؤي : ونتي مالقيتي ماتختاري غير هاااادي ..... ( ضار كيشوف معاها ) شوووفي صدرك كولو كيبااااان

قدس : واا مااااشي سووووقك ابنادم

لوؤي : ( جرها لعندو ضورها كيشوفها من لور ) خلينا دابا من هاد الهضرة دالتبرهييش .. ففففففف مزييير هادشي ( شاف لترمتها ) لي عندددهاااا هااادشي مكتلبسش لمززيييير

قدس : ( فلتات منو ) وبببببعد مني ييياااااه على بنااااادم

لوؤي : ( كيشوف لصدرها ) سدي داكشي بشي حاجة راه داك الخرا كتنززززل .. ماحشمتيش حدا باااك ...( ضار كيشوف فين عندها فلايلها وهز فيليل مشا يسد ليها الفتحة دالعباية فالصدر ) صبري نسدها ليييك

قدس : ( بالغوااات باغا تبكي ) اوووويلي ديييير لياا فييييليل فحوايجي واش باااغي ييييضحكووو عليا راه ديال الششششعر طلللق

لوؤي : واافييين عندك لي برووووش ديالك

قدس : اويييلي على بروش .. وراه ابنادم منتبة فالصدر بالعقيق لادرت بروش غنتسمى هرگاوية مكنعرفش نلبس

لوؤي : هرگاوية حسسسن من تسلگيط ....

كيهضر ويقلب فالمجورة تالقى فين محطوطين لي بروش وجبد واحد رقيق

لوؤي : ااااجي هدا مايباااانش

قققدس : مااانديرش غنطلعها بيدي ماااشي سووووقك

لوؤي : ااااجي راااه بررررب لاهبطتي هاكاك ولا غاانسد عليك هنا ... ( جرها بزز ) ااااجي لهنااااا

قدس : ( جاتها البكية وهو كيسد ليها الفتحة دالعباية بالبروش طلعها حتال عنقها ) ووالاااا وااالااااا جات خااااايبة

لوؤي : شششش ( سدها ليها و رجع لور كيشوف واش كيبان صدرها ) ودابا مزيااااان

قدس : ( ضارت للمراية ) ويليى ويلي ردني بحالا لاااابسة بيينواااار اوييييلي على شووهتي

لوؤي : والله تااااجات زوييييينة .... راه يشوفك هاكاك باك ولا خوك مغايعجبهومش لحااال باراكا من التبرهيش .. وهادشي لي لابسة مغيتحلش ليك داك الحزام مغايطيحش ؟

قدس : ( كتشوف فالمراية وكتقاد داك البروش حيت تكمش فيها الثوب ) لاااا مشدودة بالخيط لداخل عاد الحزام

لوؤي : ( شاف لور لطرمتها حيت عاطياه بالضهر ) كييغانديرو لهاديك دابا .... رخفي الحزام

قدس : ( ضارت عندو ) اويلي على نرخف الحزام راه غتفتح ليا

لوؤي : ياااك قللتي مشدودة بالخيييط اجي نشوووف ( جرها عندو )

قدس: ططططلق والله تامشدوووودة

لوؤي : باش تعلمي تلبسي مزياان ... ( كيفسخ ليها الحزام ) رخي هاد الحزام باش توساااع نتي لي مزيراها هنااياااا

قدس : والله تااحراام عليك نجي كتبااان كي شي وحدة مكتعرفش تللبس ..

لوؤي : ( كيقاد ليها الحزام كيرخفها ملور ) لي عندها هااااد الفورمة ديالك نت مكتلبسش المزيييير

قدس : مااالها فوورمتي دابا كالس تعاااايرني بالغلض ولا كيفاش !!!

لوؤي : ( ضارها كيصايب ليها ) ياااودي مكنعيبش رااااه على هاد الفورررمة غنطييح الروح عاارفاااني عروووبي كنموت على اللحم ( رخف ليها العباية مزيان ) وداباااا ششششوية ماشي كي قبيييلة

قدس : ( كتشوف مع راسها فالمرايا ) رررديتني حااالتي

لوؤي : ياااك ! دابا العرااا حسن .... ( ضورها لعندو كيشوف ) بااقا كيف قبيلة ماتبدل وووالو غاتهناي .. شحال كايعجبكم بنادم يسيلو ريوكو ! شفتي كيف كانو يشوفو ! كانت عاجباك داك الحالة الز * وامل يتشهاوك

قدس : هاد الافكار فراااااسك غيررر نتا

لوؤي : ( كيشوف لفمها ) مسسسسحي داك العكر

قدس : اويييييييلي على مسسسسسحي العكر واااش باغي تحمقني

لوؤي : ششششش باركا من لغوات صمكتيني صوووتك مسرسر ( هز موشوار من جيبو ) اااجي لهنا

قدس : واااالا والله مغااايتمممسسسح

لوؤي : ( كيمسحو ليها مابغاش ) مال هااادشي لاسق

قدس : مغيتمسحش ابنادم فالموشوار ..... ماعنديش العكوراا لي كيتمسحو بالنااااشف

لوؤي : كيفاش هاد مكيتمسحوش بالناشف ؟؟؟؟

قدس : لااااا والله مكيمسحوووو بالناااش......

قاطعها بلاااا متحس كان جبدها لعندو بالززززربة ومص شفاايفها عندووو تاولاو كلهم داخل فموووو كايمص فيهم وحدة وحدة كامسح منهم العكر وهي علات يديها ماقداتش تا تقيييس فيييه وموسعة عييينيييها بصدمة و هو زاد شادها من وجهها وعنقها مفيكسيها عندو ويد فخصرها لوررر ملصقها معاه وكيمص فشفايفها كيمسح منهم داك العكررر وهي كيتسمع غواتها على شكل " مممممممم مممممم " كدافع معااااه و تنتررر وهو حااكمها بزززز حتى بانت ليه غتخنق عااد طلقها وبعدات كتنهج عينيها حمارو وتعمرو بالدموع و هو كيمسح فموووو من عكرها ....

لوؤي : واا قوليلنا مكيتمسحش بالنااااشف وحنا نفهمووو .....

قدس بدات كتشوف فيه والدموع كيتعمرو فعينيها وشفايفها كايتجمعو وهي تكلس على السرير وشقهات بالدموووع وبدات كتتتتبكي

قدس : علااااااش كااااادير ليا هاكااا ( كتشهق بالبكا ) هااادي هي بنت عمك الصغييرة خاصك تحافض عليييها و تصوونها .... حشوووومة عليييك .... كاين شي واحد كيلعب ببنت عمووو

لوؤي تنهد وقرب لعندها و تحنى على ركابيه وشد فيديها وهي كتتشهق وتبكي

لوؤي : قدس ... والله ماكنلعب عليك ... والله مكنتفلى عليك ..... والله تاااباااااغييييك بالله ...... راه غير نت لي مكتفهميش ... مطنگة .... ( باس يديها عندو ) نتي لي مابااغااش تحسي بيا .... برررب تااكنحماااااق على دييي*يييلمك ابنت عمي .....

قدس بدات ترمش بعينيها وسرطات ريقها تامن دموعها وشهقاتها حبسو مع كلامو حسات مصارنها رونهم ليها مع جملة " بررب تاكنحماق على ديل مك ابنت عمي " ...

سرطات ريقها و سلتات منو يدها بشوية وهو باقي مراقبها ....

لوؤي : مكنلعبش بدمي انا ... نتي عارفة كنية الاسماعيلي نحرق لي يقرب ليها .... منهار حليت عيني وانا حالهم عليك .... كنتسناك تكملي قرايتك باش يبغي عمي يعطيك ليا ... مكنتسى والو اخر ..... فاش كنقرب ليك ولا فاش كنبوسك ... فاش كنقيسك فاش كنحس بالغيرة عليك ... راااه مكنتتفلاش ..... كنشوفك ديالي اقدس ..... خاصك غير نتي تحلي عينيك شوية ......

ناض ونفض سروالو وهي الكلام سمعاتو وتا شوفة ماقداتش طلعها فيه وتبسم و مشا حل لباب ونزل باش ميزيدش يوترها كتر من هاكا ونزل فدروج مبتسم مرتاح لي خوا ولو انش بعدا من داكشي لي كيحس بيه اتجاهها ...... وخرج للجردة ورتاج علات عينيها ليه بان ليها خارج ناشط !!!! ..... مافهمات والو و الشكوك بداو يلعبو فراسها ...... ومشا رجع لطبلتو مع جود وسلطان ......

وقدس مزال فبلاصتها جالسة كتعاود هضرتو مع راسها ... وتسرط فريقها حتى نشف حلقها .... ورجعات وقفات كتمشى ببطئ حتال المراية و بدات تشوف فشفايفها حمريييييين والعكر تبعثر ...... كترمش بعينيها وتقول كيفاش نت ديالي !!! ..... ورجعات كتنفض فراسها مزيرة على يديها وهزات موشوار من لي عندها فازكين معطرين وبدات تمسح مع الجناب واخا الحمورية دالقبلة بقات باينة فمهها .. وهزات عكرها من جديد زكاااارة فيه وداارتوو و بدات تنش بيديها على عينيها لي شفارها فزكو بالدموع وجرات مجر جبدات ماليط مكياجها حلاتها و بدات تعاود تريباري شوية ماكياجها ..... وعارفة راسها غتنزل لتحت وكولشي غيكون لاحظ غيابها خاصها ماتبين والو .... وهادشي خصها تكبتو دابا ماشي وقت تفكر فيه .... تايسالي هادشي ودخل لبيتها وتفكر بعقلها .... وقفات قدام المراية يلاه بغات تحيد البروش وهي تفكر جود واسد .. تفكرات انها هي براسها مكانتش مرتاحة .... ورجعات غير قاداتها ... وهزات تيليفونها و نزلات ......

رتاج عينيها كانو على الباب غير شافتها تاهي جاية و البروش فصدرها والعباية مرخوفة ... ومبتسمة بزز و وجهها حمممررر واضح بحالا كانت كتبكي .... تاحد مايجي يكدبهم فولادهم كيعرفوهم امتى كانو يبكيو وامتى كانو ناشطين .... وجات وقفات حدا بيلسان ورتاج معلية حاجبها مافاهمة والو او بالاحرى بدات كتفهم !! .....

وقدس هزات كاس اخر منعش كثر و بدات تشرب فيه .. وسيم غير شافها جات مشا عند صحابو و بيلسان مضورة عينيها على الحضور

بيلسان : هاديك لهيه لي لابسة الازرق .... ماشي كانت صاحبتك نتي و ماجدة

قدس : وايه ... مابقاش عندي معاها علاقة بزاااف .... مخروضة شوية

بيلسان : مخروضة وسكتي ( شافتها تبسمات ليها وتاهي تبسمات بزز منها ) شحال ثقيييييييلة .. شتي كرشها خارجة !

قدس : باركا من التنمر ههههه نتي ماشتيش داك الصدر لي نص نازل نص طالع هههههه الاسهم د باها ميحتاجتش يمشي عليهم لسوق البورصة يوفهم .... كاينين غا فصدر بنتو

بيلسان : ( شافت فيها كضحك ) التنمر لي كاديريه نتي فين نعرف ليه انا ......

ضارت تاني بيلسان كتشوف فالحضور وقدس كتبسم بزز ودماغها خدام و كتعض على شفايفها كضور الكاس فيديها هي تنطق بززز مخرجاها ....

قدس : پيييلي

بيلي : امممم

قدس : بيييييييلي

بيلي : ( شافت فيها ) وااات !

قدس : دابا .... نتي كتبغي خويا ياك !

بيلي : اهاه !

قدي : وخويا ولد عمك

بيلي : واقلة !!!!

قدس : وااداوية منيتي ... دابا ابيلسان تاخويا كان كايبغيك ياااك ؟ زعما وحنا ولاد العم وعائلة وحدة .. ك كيفاش تالقيتو راسكم كتبغيو بعضياتكم ؟ لي بغيت زعما نقصد ( شربات من كاسها بللات ريقها وكملات ) يعني حيت ولاد العمام وكلنا هنا كنبغيو بعضياتنا ... حب العاااائلة .. دابا انا كنبغي سلطان واياد و لوؤي وزيااااد وفيصل وانس .. انا كنبغيهم كلهم وتانتي كتبغيهم كلهم .. ولكن كييييفاش حتى كانو مشاعرك لجود ماشي بحال مشاعر ولد العم ....

بيلي : ماااافهمتش هادشي كامل !! راه عادي مشااعر الحب بوحدهم .. ومشاعر العائلة بوحدهم على نتي مثلا ملي تزوجي غتبغي راجلك كيف كتبغي خوك ! مشاعر الحب كيكونو لداك الشخص انك متقديش تخيليه مع وحدة اخرى ... و العائلة انك تبغي تشوفيه مع شي وحدة اخرى وماسوقكش

قدس : ممممم فهمت ... ودابا .... ودابا لي بغيت نفهم هو راه ماشي سوقي وهادشي داز ولكن ... كيدرتي عرفتي راسك كتبغي خويا

بيلي : ( قلبات شفايفها لجنب ) مااعرفتش .. صراحة هو لي كان فلول تابعني ماشي انا ... الاهتمام ديالو هو لي خلاني نرد ليه لبال تاوليت كنشاركو نفس مشاعرو ... هادشي لي كاين

قدس : ااااااه . وو .. وزعما كيكانت علاقتك معاه وهو ولد عمك !!! كانت زوينة !

بيلي حطات كاسها عوجات عنقها لجنب وشافت فيها معلية حاجبها

بيلي : سلطان و لا خويا ولا لوؤي ؟؟؟؟ شكوووون همم !!!!!

قدس : ( وسعاات عينيها ) اويييلي اشمن ( كتحاول ضحك تلف ليها ) داوية عليك نتي ماشي عليا .... انا ماللي

بيلي : خويا عاااارفاه نهار غيبغي شي وحدة مغيخبيهاش يعني نحيدو من الاحتماال... سلطان ؟

قدس : الاااا اشمن سلطااان

بيلب : ولد عمي عدنااااان ؟؟؟؟؟؟ لوووؤي ؟؟؟؟؟ لوؤي اقدس !

قدس قلبات راسها لجنب وتنهدات و شربات من كاسها بززززربة بحالا فيها الموت دالعطش وضارت عندها وحركات راسها باه بحالا باغا تبكي و بيلي شدات على فمها باندهااااش

پيلي بقات غير كتشوف ذهشانة وضورات راسها بشوية لطبلتهم هو يبان ليها كايهضر مبتسم ورجعات شافت فقدس لي شادة كاسها وكتشوف قدامها حمممرة

بيلسان : من امتى هااادشي

قدس : ماااعرفتش .. ففف مهم من شحال وانا كنحسو تابعني .. خانقني ... ودابا هاد ليام لخرا جاني نييشااان

بيلسان : ونت !

قدس : ماعرفتش ابيلي .. فاش كنكون بعيدة مكنحس بوالو .. ولكن ملي كيقرب ليا كنولي نحس بشي حاجة فشكل

بيلسان : على نتوووما وصلتووو لقرب ليا !!! .. دابا فهميني واش بيناتكم شي حاااجة

قدس : راه قلت ليييك لا ... كتجيني فشكل هاد علاقة ولاد العمام داكشي علاش سولتك ... انا اصلا لوؤي مم ... مماعرفتش عمرني حتى فكرررت فيه بشي صورة اخرى من غير ولد عمي ....

بيلسان : واش جاك نيشان ! قاليك كيبغيك ؟ ( قدس حركات راسها بآه ) ونت اش قلتي ليه ؟

قدس : مكنعرف مانقول ..

بيلسان : دابا نت واش باغاه ولا لا راه مزال مفهمتش

قدس : تانفهم انا وفهمي نت .. كنقوليك ازززمر ملي مكيكونش حدايا مكنفكرش كاع فيه ... ولكن ملي كيقرب ليا ... شي حاااااجة كنحس بيها .. فهمتي

بيلسان : فهمت ( ضارت لطبلتها رشفات من كاسها ) هاديك غا الز*ملة آزين

قدس : دابا انا جاية نشكي ولا جاية تكملي عليا ...

بيلسان : دابا مدامك جيتي وهضرتي ليا عليه ... ااالا وكتفكري فيييه ابنت عمي الغزااالة

قدس : وا كنفكر ولكن كنفكر فيه وهو مزال مرسوم قدامي بحال شي موصيبة ولا كاااارثة طايحة على راسي

بيلسان : مهم راه كتفكري ... كاع بديناها هاكاك ... ( شافت فيها ) فاش كتشوفي فيه .. مكيعجبكش !!!!

قدس : عاااادي كيعجبني راه ولد عمي وانا كاع ولاد عمامي كيعجبوني ....

بيلسان : كيعجبوك كيف كيعجبك هو تماما ! مكيجيكش ديفيرينت .... ( قدس غير ساكتة وبيلي قادات معاها الخيط باش تجرو ليها ) دابا .... پور اكزامپل .... جا دخل لدار ... وقال ليكم مرحبا بيكم سيمانة جاية لخطبتي .. ( قدس علات عينيها ) مغتحسي بوالو !!!!

قدس بدات كتشوف مدة فالفراغ وكتخيل هاد الموقف حسات بغصة خفيفة فقلبها !!!! ماقدراتش تحدد مكانها ..... وهي تشوف فبيلي بملامح مبعثرة

قدس : م .. ماعرفتش صراحة ... هو مغيعجبنيش الحال حيت انا قرّب ليا .. واعترف ليا ... فلخر نسمع خطب .. غتجيني فششكل .....

بيلسان : نووووضي احنينتي راك بديتي تززعطي ههه ...( رشفات من كاسها )

قدس : ( بدات تنش على وجهها جاها الصهد ) نووو .. مامزعوطاش فيه ... اصلا ماشي دوقي وكبير عليا .... وااااصلااااا ماعندي فين ندير معاه هاه ولا هاه يشوفني جود ولا بابا ينحروووني .....

بيلسان : ونت مزال مادرتو فالطاجين ما يتقلى ولا كيف كتقولو ليها ... وبااانت عليك بقى غير ونتوما اين ريلانش شيب "فعلاقة"

قدس : ( ضارت شافت فيها بزربة ) كيفاش هاد بانت عليا نتي عاود !!!!!!

بيلسان : ( شافت فيها بضحكة لجنب فمها ) وا مسحي مسحي العكر جنب فمك ... كون كنا غاتعشيينا نقولو خسر ليك بالماكلة .... علم الله دابا باش يكون خسر ؟؟؟؟ منفهمش فهاد المواضيع انا ... غاتكوني غير مسحتيه بيدك وصافي .... ياك !

قدس : ححححللفي بالله تاباقي باااين

بيلسان : نتوما وصلتوها للبووسان كاع وقالك مكتحس بوالو .. ولاش مادة ليه شلاقمك ؟

قدس : ( يلاه غتجبد من بوشيت ديالها مراية صغيرة وهي تفكر شي حاجة وشافت فبيلي ) شوووفي آه .... والله وتمشي تخرجي شي حررف راه تااااااحد مافخبارو

بيلسان : اودي حضي راسك تقوليها غا نت .... انا مااااشي سوقي .... سيري فتحي فمك لداك ماجدة العزيزة ديالك تاني تحطك ففرونس فانط كاط واجي تغبني عليا

قدس : الا حماقيتي ...

من بعد قصارة طويلة على المشروبات ... كانت ليكيب فالجهة الاخرى كتجهز البيفيهات دالعشاء .. كانو طبالي بكراسي مذهبين مستف فوقهم طاقهم ذهبي من الطباسل والكيسان والفراشط والمناديل لي مشدودة بخواتيم ذهبية ... علمو لامار ان كولشي جاهز ... و علماتهم تاهي يتوجهو للجهة الاخرى والكل مشا بلباقة وشدو طباليهم ....

والسفرة الرئيسية الطويلة كانت خاصة بالاسود الاربعة و نسائهم وبعض من الضيوف .... وطاولة خاصة بالاشبال والشبلات .....

كان العشاء كولو مضمونو اطباق عيد الاضحى .. ولكل واحد ودوقو كيصبو ليه فالطبق ديالو ....

كيف العادة العزومات والامسيات المغربية حتى لو كانت فالعالم المخملي لا تخلو من الكرم والضيافة المغربية المتولة .....

بعد العشاء مباشرة بدات كتنتهي السهرة .... والكل بالتناوب بداو بالانصراف حتى بقاو غير مجموعات صغار مفرقين كيهضرو هنا ولهيه لي تاهوما شوية وبداو ينصرفو ..... باش يبقاو غير موالين الدار .....مبعثرين كل واحد ومعامن جالس فقنت ... كاين لي كايتفوه وجاه النعاس لان الساعة الثلاتة ونص دالصباح وكاين لي باقي قصاار .....

رتاج رغم الحديث لي ضاير حداها عينيها غير على لوؤي و نظراتو لي مرة مرة كيطلعهم فقدس .. حتى كتبغي تشك وترجعي تنفي داك الشك .. وتا كتبغي تنفيه كتجي شي نظرة منو لي تخليها ترجع تشك !!!! ....

بيلسان بسبب الاحراج لي تعرضات ليه قبيلة و حيت حتى دابا ماقدراش تتحكم فعينيها وتبعدهم عليه ، استأذنات وطلعات قالت تنعس حسن ... و اية هزها سلطان طلعها عند ماماها يمشي تاهو يطمن عليها .... وانس ناعس وحاط راسو على رجلين اريج .... لي كالسة مع لامار و رتاج وجنان وقسم ....

أريج : جنان بيان ناعسة معذبة فيديك كون غير طلعيها لكونتها

جنان : وي لقيتيني طالعة كنتنسى زياد يسالي هضرتو ....

اريج : ( ضارت عندو بان ليها كيهضر مع سفيان ) زياااد ... طلعو اولدي ترتاحو شوف البنت كيف معدبة

زياد : انا جاي ....

رتاج : أجي حقا ... فوقاش غاديرو لانيفيغسيغ لبيلي ماشي أجلتو بزاف !

اريج : والله ما عرفت .. عرفتي قلبو ليا راسي قبيلة اويلي ولاو حاضيين ليا لاداط دو نيصونص دبنتي كتر مني ! كولشي قالك واش مغاديروش لانيف ياك هذا شهرها

لامار : خاصهم فين يزردو هههه

أريج : اختي منعرض لحد ... انيفيغسبغ شبابي فكرت يكون غير صحابها .. وصحابنا حنا وصافي ....

قسم : حححسن .. باراكا غير ليوم تقلب لينا رااااسنا ....

رتاج : وامتى دابا ! باقا مأجلة

اريج : ماعرفتش .. غير فهاد لياام ماحد ولادي هنا ... ( شافت فجنان ) فوقاش غتمشيو

جنان : لكندا ؟ .... حتى للخر دالشهر

أريج : دونك بقات ليكم غير سيمانة على هاد الحساب !! .... فوقاش غتسافرو

جنان : مخططين غدا نتغداو مع عمامي وفالعشية نسافرو ... ولكن الا غاديرو لانيف نأجلو ماشي مشكل

اريج : لا لا منخسرش ليكم سفركم تاني .... والله الا تلفت ..... انا كون جات عليا ماندير والو .. بنتي كنعرفها عزاز عليها غا الكادوات ماكتسوقش لليسواغي .... ولكن تاني الا شافوني ما درت ليها والو غايردوها منججاتش ويبداو يطلعو عليها لهضرة وانا كاع لي كان يسولني وباركلي لانيف ديالها كنت نقوليه غاندير ليها لاسواغي تاتنجح و نلاقي ليها كولشي .. دابا الا مادرتش ليها غيحسابتهم منجحاااتش ... وزيد عليها داك المجلة لي كانت باغا تصور معاها شهر هادي وانا نأجل ليهم كنقوليهم تادخل للمغرب واجيو صورو معاها نهار حفلتها ...

قسم : يعني ما عندك فين تهربي ... ديجا تاني دخلات العشرينية ضروري تعلني عليها

لامار : واشنو غاديري دابا

اريج : والله ماعرفت تخربقت .... اش بالكم نديرها غدا باليل !! باش فصباح يسافر زياد بلا منضيع ليه كونجي ديالو بالتأجيل

لامار : اويلي على غدا باقين مسسسخسخين

اريج : نخلي لبعد غدا !

رتاج : وانتي الدار ومزال مامشيتيش ليها كيغادير توجد ليك هاد الحفلة فنهار واحد .. نهار خاصك غا فالتخممااال غايشدو ليك الدار ..

اريج : لا لا ماعنديش مشكل فداكشي ليكيب لي تكلفات هنا هاد العام بالعيد عجباتني ياختي تبارك الله عليكم شغلهم خفيف فساعة طلع هادشي مقاااااد دازت السواغي وااعرة شفتوهم كيفاش بقاو حالين فامهم ... غنكلف غير هادو و الشركة دالميناج تشد الدار وهما الجردة ... السبعة يكونو سالاو ......

لامار : وانتي تعرفي اللي تصلاح ليك ديريها ... والى غايظي ليك الميناج لوقت ديريها هنا

اريج : لا لا هنا غايخصكم تعرضو تاعلى صحابكم داك ساع ولا يتقلقو ... اللهم عندي ....اصلا مغانديرش شي حاجة ديجا غنعرض غير على صحاباتها لي هنا .. وصحاباتي انا وصحاب يونس .. يعني غير بيناتنا والمجلة لي غتصور معاها

قسم : حسسسن تاحنا هاد النهار تقلب لينا راسنا بالهضرة ....

اريج : لا لا انا منفوتش ثلاتين واحد

قسم : ثلاتين فيها غا حنا اخالتو يهديك الله ههههه

رتاج : اجي حقا وسارة كيغاديري ليها ؟ والله تايبقى فيها الحال تقولك عارفيني مسافرة و دارو حفلة لبيلي

اريج : اويلي على مال سارة فالسودان ؟ ياك هي غير عند راسي غدا ونعيط ليها تجي ....

لامار : هي اصلا غتجيها من الجنة والناس ماشية لتما غابسييييف ..... ديري فيها خييير دير بيك السبة و ترجع

اريج : واشنو دابا نفيكسي على غدااا

رتاج : شااااوري راجلك وولادك .. سيري شاوريها هي بعدا لاتقلب ليك هادشي كولو فالزيرو

اريج : لا لا نغلب عليها مكدخلش هي فهادشي .... حتى يونس معندوش غرض .. انا لي غدا كنت غادا لفاس .. هانا غانأجل مشيتي ... غدا جااني نهار مناسب لحفلتها حييت كولشي باقي كونجي دالعيد ... واياد واقلة غيمشي غير فهاد الايام

لامار : و حتى سلطان مسافر .... عندو نهار السبت ماتش راه معطل على التداريب عاااد .....

قسم : واييييه الفينال .. غيمشي بعد غدا .....

اريج : واعرفتو شنو .. نوض دابا نمشي نعيط لمروى " سكريتيرتها" تقاد ليا اموري تعيط على شركة دميناج تجي صباح .. وتهضر ليا مع هادو على ود الليل .... وتهضر ليا مع الشيف على الحلوة ( شافت عند انس لي ناعس على رجليها ) حبيييبي نعس مسيكين .. نوض اخالتو نوض بشوية عليك تمشي لبيتك تنعس ( كتنوضو ) نوضي شدي فولدك ديخان يمشي يطيح فدروج

رتاج : انااس نعستي اماما .. شفتي قتليك نعس قبيلة فالعشية مابغيتيش هانتا دابا دختي .. اجي ( جات تعاونو كيتمشى ديخان ) اجي اماما بشوية ... انا غانطلع نعس تصبحو على خييييير ...

أريج : احقاااا نسيت راه كيسلم عليك اسبرو هضر معانا قبيلة انا ولامار و كنتي مشغولة مع الناس ماعطيتوش تيليفون

لامار : هو يلاه ساق خبار العيد هههههه

رتاج : غنطلع ونعيط ليه ..... تصبحو على خير

اريج : حتى انا غاانطلع .... شلا مانقضي .. زياااد واباركا اجي هز البنت و طلعو ترتاااحو ....

خلاتهم وطلعات وزياد جا لعندهم هز بيان وتبعاتو جنان طلعو ينعسو تاهوما ... بقات غير قسم ناعسة على كتف ماماها كتمشط ليها فشعرها تاجا اسد گلس حداهم لاح الفيست .وبقى غير بشوميز كيرخفها

اسد : مجاكومش النعاس

لامار : فيااااا الصرااااحة ولكن الرجلين لي ينوضو يطلعو فالدروج مابقاوش

اسد : ( شاف عند قسم ) وفاش كنقول ليها شرفتي كتقلق .....

لامار : ياااااك .. هادي هي نهززززك ونطلعك ..ولا صافي تسالاو ياااامي . ..

اسد : ماااااقلتي عييييب ( وقف تحنى عليها يهزها وهي طرطقات عينيها )

لامار : اويييييلي حماقيتي غيير كننضحك اويلي حححطني كاااايشوفوووو ..

ماتسوقش ليها هزها غادي بيها للدار وقسم كضحك عليهم متبعاهم بعينيها تابدات تفوه وتكسل تاهي بالنعاااس كتعوج فعنقها .. شافت لجيهة قدس لي كالسة هي وسيم وتفكرات بيلي وحديثهم دقبيلة وعوجات شفتها للجنب ... تفكرات انها هضرات معاها بطريقة قاسحة وحسات بحالا رجعات معاها الندامة .... وناضت هازة طالونها فيديها .... طلعات ديريكت مشات لنجاح بيلي ......

دقات جوج دقات تاسمعات اذن منها هي تحل لباب .. دخلات لقاهتها كتنشف فشعرها ولاوية فوطة عليها

قسم : پيلي .. بصحة

بيلي : ( تبسمات وحطات الفوطة بقات كتخلل خصلات شعرها الفازكين غير بيديها ) الله يعطييك الصحة ...

قسم : ( جلسات على السرير ) كان يحسابتني نلقاك نعستي .. مزيان ملي باقا فايقة

پيلي : ( جمعات شعرها لفوق و جلسات على كرسي صغير عندها حدا المراية وضارت مقابلة معاها ) لااباقا فايقة .. بغيتي شي حاجة

قسم : جيت بخصوص موضوع دقبيلة ...( بيلي نزلات راسها ) نتي عارفاني شحال كتت مشجعة علاقتكم .. وشحال كنت فرحانة بيها ... وشحال بقى فيا الحال ... خصوصا اني كنشوف انكم مفارقين على واحد السبب لي ميستاهلش الفراق ؟؟؟ ... مانتوما مخاصمين مانتوما اعداء ؟ مابغيتش نشوفكم هاكا وصافي ... والا كنت خطيت الصواب ودخلت فشي حاجة بعيدة عليا .... ف انا كنعتدررر ...

بيلي : لااا متقوليييش بحال هاكا نت عارفاني مكنخبع عليك والو وكنت من لولين لي غنقوليهم بعلاقتي مع جود .... نتي بصح كان عندك الصح من واحد الناحية .. ومن ناجية اخرى لا .... انا ماشي ماواقفاش مع جود حيت مريض ولا خليتو حيت مريض .. انا حتى كون مشاو رجليه ويديه غيلقاني معاه ... ولكن منقدش نبقى معاه وهو كولووو مابقااااش .. راه ميمكنش .... راه مكيعرفنيش اقسم راني وحدة غريبة عليييه .. جديدة عليه !! مشاعرو معايا كلهم نسااااهم .. كيغاندير انا نبقى حداه ؟ نبقى نموت شوية بشوية !

قسم : علاش دابا مكتموتيش شوية بشوية ؟ حسابتك مارديتش البال للنظرات لي كنت كديري فيه هم ؟؟؟؟ ... واش مكيبانش ليك انه من حقو يعرف

بيلي : لا .. لا قسم لا .... اش غيعرف ؟ كيفاش غنديرر ليها ؟ سلام جود كنتي واحد نهار حبيبي ؟ كنتي واحد نهار فعلاقة معايا ؟؟؟؟ .... كيييغانديرر ليها و منين غنجبد هاد الهضرة ....

قسم : ماشي هاكا .. ولكن غتكون عندها طريقتها ....

پيلي : وهاهي كانت هاد الطريقة .. كيغايدير يرجع مشاعرو القدام معايا ؟ كيفاش نبقى عايشة مع واحد مكيعرفنيش كنتسنى فامل وهمي انه شي نهار يتفكرني ؟ .. كون كان تفركني منو لراسو اه .. ولكن باش نمشي انا نفرض راسي عليه لا

قسم : هضرت معاه قبيلة على قبلك .. وعلى قبل داك الشوفات لي دار فيك مع الفطور .. قاليا عجبتيه و زوييينة .. يعني باقي كيحس بنفس شي ابيلي

بيلي : خوك راه كيقول زوينة على الاخضر واليابس اقسم واش نجي نوريك فيه مكتعرفيهش ؟ .....

قسم : ( تنهدات وشدات فيها مبتسمة ) اش غادي نقوليك .... الله يطلق سراح هاد العلاقة ديالكم وصاااافي .......

بيلي : ( طلعات راسها لفوق حابسة دموعها ) مابقيت طامعة فوالو اقسم .. كنحاول فقط ننسى ... بقات ليا سيمانة ونمشي ... وهو الله يسهل عليه ....

قسم : الله يسهل عليكم بجوج وتكونو بجووووج ... من غير هاكا لا ... ( عنقاتها عندها وبيلي نزلات دموعها ) انا عارفااك الهبيلة شحال كتبغيييه .. وعارفة تاهو شحال كيبغيييك .... غير بقاي شوية قدام عينيه راه غيتفكر كولشي

بيلي : ( بعدات منها وبدات تمسح دموعها ) عرفتي مناش كنخاف اقسم .... كنخاف يتفكرني .. ولكن ميتفكرش مشاعرو القدام معايا ......

قسم : الا ماتفكرش مشاعرو القدام .. نديرو وحدين جداد ( ضحكات ) مالنا اش خاسريين ههههه ... جود راك عارفة مكانتو عندي ولدي كتر من خويا .... وعارفاه واخا كيتقلق واخا يبان ليك هاكاك را من داخل غير وليد صغييير ومكيعرفش شنو هو يغدر ولا يكذب ولا يخلوض وحتى الا بغا شي واحد كيبغيه بقلبو ... وحتى كاع الا تقلق فالبلاصة كيرجع ندمان .. من ديما قلبو بيض .. داكشي علاش منبغيش تجي شي وحدة لي متستاهلووووش ... بغيت شي وحدة تكون كتبغيه كيما كتبغيييه نتي ابيلي ...

بيلي : ( تنهدات ) كوولشي بالمكااتيييب

قسم : ( ضحكات وشدات فوجهها ) هانا على بيلي البريهيشة كبراااات وولات تعرف المكاتيب هههه ( وقفات ) نخلييك ترتاااااحي ... تابعاااك غدا سواغي اخرى

بيلي : ديالاش ؟؟؟؟

قسم : انيف ديالك دابا تعاود ليك ماماك

بيلي : حلفففي !!! نااااري ماافياااااش

قسم : كاع مافيناش ولكن ضروري .. كتعرفي راكم تحت العينين و نت كتر .... يلاااه تصبحي على خيرررر ....

خلاتها وخرجات تلاقات مع قدس تاهي طالعة لبيتها ابتسمو لبعضياتهم وكل وحدة قصدات جناحها ...

الكل تكركب لبيتووو بعد نهاررر شاااااق وطويل وعامر ... الضو تطفى فالقصر وتشعل فالاجنحة ...

البعض نعس ولكن أغلبهم باقين فايقييين ومبغاش النعاس يكحل عينيهم .....

اريج مع التيليفونات من هنا ولهيه وكتوصي فمروى تقاد ليها الامور ... بيلي مخشية ففراشها وشادة عندها تيليفونها كتشوف فتصاورهم لقدااام لي محافضة عليهم فواحد كارت ميموار قديمة وتتفرج فضحكتهم كيكانت مع بعضياتهم فاش كانوو باقييين صغاار والراس خفيف وماهازين تاهم ..... وقدس تاهي ففراشها وباقي كتشوف غير قدامها وتبني وترررريب وتحلل فهضرتو ونظراتو وتفطر كيغادير تولي تعامل معاه وتحاول تحدد مشاعرها تجاهو .....رتاج كتشوف عند عدنان لي ناعس و هي جالسة النعاس طار عليها كتفكررر فلوؤي علاش دخل بداك طريقة وتبعاتو قدس وتاني فاش خرجو خرجو بجوج وعلاش كان متبع ليها العين لاسواغي كاملة .. وكتحلول تتذكر كاع لقطاتهم لقدام وبحالا عاد كتعييق خصوصا ملي تفكرات نهار الباربيكيو ونهار هزها فالسبيطار .. هو فين عرفها سخفانة ؟ اذن دخل لبيتها !!!!

فجناح مروان تاهو شعل فيه الضو لي كان يلاه دخل ... مشا ديريكت للميني بار عمر ليه كاس دار فيه الثلج وخرج للبالكوون كيرشف منو كيفكرر فهضرة بيلي قبيلة وكان واااضح فعينيها الضعف وكيحاول يستعد فاي لحظة تقوليه رجعت ليه وتفكرني ..

اسد تاهو بدورو باقي الضو مشعول عند راسو فالمكتب ديالو .. لامار نعسات وهو كيشوف لداك التحاليل لي توصل بيهم ..... ولي كان مضمونهم ان السيد احمد الباني يعاني من سرطان الدم في مراحله المتأخرة ......

صباح جديد ... أمل جديد .... نفس جديد ... مشاكل جديدة !

الصباح كان جد هادئ وروتيني .... جامع العائلة على طاولة الفطور رغم غياب بعض الاشخاص ....

اريج ويونس واياد مشاو لدارهم باش يوقفو على الاشغال .... قسم فاقت بكري و لبسات حوايجها الرسميين لي حافضات فيهم على اللون الاسود وشال فوق كتافها اسود باش ملي توصل توصل ديرو فوق راسها لان مات واحد القبطان تابع ليهم ولازم تحضر لمراسيم العزاء نباية على عائلتها ...

غياب ايضا جنان وزياد وبنتهم مشاو لعراضتهم ..

غياب لوؤي لي مشغول كل الوقت باش ينهي داك المتحف واشغالو رغم العطلة دالعيد هو مشا لان الوقت مبقاش ليهم بزاف ومداهمهم وهو هاد المتحف دايرو تحدي لنفسو باش يوصل رسالة لباه انه قاد يقوم بكل المسؤوليات وانه انسان راشد ومسؤول .. غياب بيلي لي فطرات ولبسات لباس الخيل ومشات للساحة توحشات مهرتها ومروان واقف فالسياج كيتفرج فيها .....

قدس مبوقققة وناعسة على كتف باباها لي عاد كيشرب قهوتو ويشوف اخبار الصباح واخا الساعة عندهم الجوج ... بجانبو سفيان وعدنان ورتاج ولامار ورقية واحمد وحياة واية ... اما سلطان وجود ووسيم باقين ناعسين .. الحديث بيناتهم كان روتيني وحديث عائلي من هنا ومن هناك .. هز اسد تيليفونو يدخل لسوشيال ميديا يشوف واش ولادو اون لاين يعني فايقين غير مباغيينش ينزلو ولا ناعسين بصح .. بانليه جود وسلطان من البارح ماحلوش كاع .. ووسيم اون لاين ... وشاف عند قدس لي ناعسة على كتفو

اسد : طلعي گولي لوسيم ينزل

قدس : غيكون ناعس ابابا

اسد : فااايق

قدس : مغيبغييش .. ( بعكز ) ماافيااا لي يطلع ابابا

لامار : خليه دابا يننزل ... شوية ونطلع موراه

جناح وسيم

كالس فسريرو .... داير بانضة لشعرو فوق جبهتو ومن الفوق عريان كتبان غير سنسلة كحلة فعنقو ولابس غير شورط ... شاد تيليفونو طالع نازل معارفش بالضبط اش كايدير فيه ... غيير منسي الوقت .. او بالاحرى كيحاول ينسى داك الرغبة لي كتاكل فيه من البارح ...

ناض من الفراش ولاح التيليفون دخل لدوش كيغسل وجهو للمرة الرابعة ويعليه يشوف فالمراية .. غير كيشوف فوجهو كيحس بداك الرغبة كتزيد وخرج من الدوش رادخ موراه الباب .... كيمشي ويجي فالبيت ويحك مور عنقو ويحاول يتلهى بشي حاجة ... كيفكر اش يدير ! تاحاجة ماعندها الحللااااوة من غير داك الكيييينة ......

بان ليه الدريسينغ ديالو ... ومشا دخل بزرربة وبدا يقلب فليجاكيت ديالو لي مزال ماداوهمش الخادمات وكيقلب فالجيوبة ويلوح لعل وعسى ولو يلقى حبة !!!! غييير حبة فقققط ..

كيقلب فالحوايج ويبعثثر كولشيي حتى رون دااك دريسينغ وهو ما لاقي والو ....كيتتفس بصصعوبة وكيحس بجموح داك الرغبة كتزييييد !!!! .....

خرج من الدريسينغ وبدا تيمشى فالجناح .... بانتليه كورتو دالباسكيط وهزها كيلعب بيها ويديرها فالشبكة .. ويعاود يدخلها تاني .. لعبو كان عنييييف فلخر ضرب داك الكورة مع الارض ومشا كلس على الكنابي شاد على رااسو .. حيد داك البانضة لاحها .... وبدا يحك فشعرو وعلا عينه لفووووق .. كيحس براسو مخنوووق غيمووووت ....

فلخرر مشا للتيليفون بعد ما لقى انه مقاااادش يصبر هادشي كيتزاد ! ماشي شي حاجة خطييرة،!!!! هادا غير دوا ..... غير منشطات !!!! عااادي .... هادو هوماةالعبارات لي قنع بهم راسو و مشا للتيليفون بدا يصوني على السيد لي كيتفضى ليه حتى جاوبو بصوت ناااعس حيت باقي الصباح بتوقيت امريكا

- ووسييم !!!!

وسيم : ( كينهج ) محتاااج آرايلو

رايلو : نتا فالمغرب كيغاندير ليك اصاحبي

وسيم : شوووف كيفاش دير ...

رايلو : ماعندييييش كينديرررر .. مكنعرف حتى حد تما ... امتى غتجي

وسيم : ( كيهضر بزربة و يسرط فريقو ) مزاال ... محتاااااج اصاااحبي

رايلو : راه بصح ماعنديش كيف ندير .. عمرني حنسرتك .. ولكن دابا راه ماعنديش كيف ندير ليك ونتا فالمغرب ... راه حتى تما تلقى سلعة نقية .. غا قلب مزيان ...

وسيم : فين غنقلب !!!!

رايلو : شوف فالانترنيت .... غنعطيك واحد السيت ... دخل لتما وتسجل شوف شي تيليفون ماشي ديالك .. من الاحسن .. باش تبقى معلوماتك مخفية وقلب على لي عندو سلعة لي باغي .. وشوف شي حد عندكم تما ثقة يقضي الغرض بلاصتك ..

وسيم : سيييفط ليا داباااا ....

رايلو : وسييم راني ناااعس .. خليني غير تانفيق

وسيم : لاااا .. دابا .... ( كيشمر بنيفو ) مقادرش نصبر ....

قطع عليه تيليفون وبدا يتسنى كيمشي ويجي حتى سمع تيليفونو كيصوني هو يلقاه باه وحاول يتحكم فهضرتو وجاوب

وسيم : انا ناازل الواليد ... انا نازل ..

قطع عليه عارفو مكيبغيهمش يكلسو فالبييوت بوحدهم خصوصا فاجواء عائلية بحال هادو ... حل المجر وجبد دوا ديال الراااس باش يهدنو شوية شربو بزربة واخا مكيگرش فيه ومشا جبد تيشورتو لبسها نزل فالردوج وهو كيحاول يخفي داك الرغبة ......

نزل وسيم لعندهم ... اسد طلع فيه عينيه هو بيان ليه مبوق على غير عادتو !! ملامحو معجبوهش ؟ وبحالا كيهههرب عينيه ؟ بحال الا باغي يخبي شي حاجة !!! ابتسم ليهم ولي واضحة ابتسامة دبزز ..... وجلس على الطبلة ولامار كتصب ليه قهوتو ورقية فكامل نشاطها للنهار لي مكلفة بالكوزينة وبالطياب مدام الخدامات تلتيام مغيكونوش .... ومغتبقاش غير جالسة كتشوف فالحيوط قنطوها ....

لامار : مالك فايق خااسسررر

وسيم : انا ؟ ( شرب من قهوتو ) لا

لامار : لا راك خاسر اولدي ... ماتكدبش عين الواليدين ....

وسيم : غير قنطت وصاافي ..

لامار : واخرج ليك شوية ... نتا لي مكتخرجش اش نديرو ليك ...

وسيم : ( شد عليها فنجالو ) غانخرج ... غانخرج دابا شوية ....

اسد غير جالس معنق عندو قدس لي ناعسة عليه وكيشوف فيه ....

هو شاف ان ملامحو ماعجبوهش ولكن الحاجة الوحيدة لي طاحت فبالو انه باغي يرجع لامريكا حيت اخر مرة دار نفس هاد الملامح فاش قنط وبغى يمشي ... اقصى مافكر فيه اسد هو هادشي ...

اسد لي تاحاجة ماتقدر دوز من قدام عينييه وميكشفهاش .. الا انه ولدو وسيم يكون مدمن ... مستحيل ولو يقولوها ليه مغيتيقهاش ! الحاجة لي مستبعدها كككلها وعمرو حتى فكررر فيها ... مستحيل انه غيفكر فيه .. يقدر يفكر فكولشي... للا ان وسيم حداه محتاج للحبوب المنشطة محتاج للادروگ.....

طول ماهو كياخاد فطورو وعين اسد عليه .... فطر ومسح فمو بمنديل واستأذن انه يخرج شوية يبدل جو .... سمحوليه كاملين حيت باليهم فعلا قنطان ولكن تاحد ماقدر يعرف شنو عندو لداخل ديالو !!!!! .....

اما اسد كمل قهوتو وخرجو هو وعدنان يلحقو على لوؤي للمتحف ....

وسفيان هبط مع بنتو لاصال و احمد هز عكازو وبدا يعكز بيه بشوية باغي يطلق رجليه ويتمشى فالجردة شحال هدا ماتمشى وعيا من داك لكرسي .... ثم بقاو غير النساء من جديد لنميمتهم واحداثيهم ....

حياة : اش غنلبسو دابا تاني رااني صافي حرت تقضاو ليا

لامار : اريج قاتليك ضربو كولشي على حسابي هاد المرة هي لي موجدة

حياة : نمشيو دابا نعاونوها ؟

لامار : غنشميو انا ورتاج اش غتعاونيها نت نسوطو عليك طيحي ... رديتي هاد الصباح تاني

حياة : غااااسكتي بايتة فطواليط كرّهت سفياااان مسكين هاد الليلة ..

رتاج : ( شافت فقدس لي مزال مرخية بالنعاس ) تتي الا مخديتيش شي دوش غتبقاي هاكا مدوخة نووضي تكعدي

قدس : ( بصوت ناعس ) هانا نايضة .. غنمشي لاپيسين

حياة : هاداك هو لي لي يوكضك سيري ...

لامار : والبسي ليا تاني تما جوج خيوط لاما خنقتك بيهم

رقية : ( شادة كاسها داتاي لفوق منغمة معاه ) أممم عيب يا الغربال الشبكة وقول ليها يا مو عيون كباااار .....

لامار : واانت ماعرفتيييش تربي تانا منعرفش نررربي !!

رقية : وليتي تردي على مك الله يقلل حياك ... صافي كبرتي وكبرتي الولاد حسابتك مغنوضش نقرّصك .. راه الياااجورة لي كنتي تكلسي عليها فسطح وتهضري مع راجلك باقاااا تمااااا ...

لامار : ( شدات على راسها ) ييياا ربي يااا ربي ( شافت فرتاج ) نوضي عبري ليها السكر نوضي

رقية : ماعندي سكر ماعندي ملحة بصحيييحتي تبااارك الله ندك وندردك ونربيك تي وولادك وحفاااادك .... ( شافت فقدس ) قالك عرفت نربي .. وحدة تلبس ليك سروال لامشات تاعطات باللور العببااااد يعاودو لوضو ... واحد شعرو كي المقارونية المجعبة كيضور كولو سلاسل كي بغلة القبوووورر .. واحد طران واگف طراااان نيت البلاااايص كلهم عامرين خدام ليل ونهار هاداك .... ووحدة لييي طلع فيها الضو حيت رباها باااهااا لي الله يححفضووو لياااا ... ( لامار دايرة فيها داك نظرة دياااااك) ولاهيلا قاتلك عرفت نربي ... ربيتي تاراااااسك ....

قدس : هههههه والله اجدة الا عالام .. علاش متشوفيش ليك مع الراپ ... مشروع راپورة من داكشي ههههههه .. هضرتك ملي تساليها خاصنا نكتبو تحتها من انتاج روتانا ... ههههه

رقية : ( شافت فيها وشافت فلامار ) شتي هادي .. يااابنتي يافاطيمزهراااا وهانا هااااانتي .... لامخرجاتش فيك الشيب لي خرجتيه فيااااا ها وجهي .. هااااهي الفواطوپووكي ديالك ولا اش يگولو ليه ... هادي شتي هادي .. راه عطاهالك سيدي ربي غاباش تققولي الله يسمح ليا من رقيية .... ( شافت فرتاج وحياة ) تشششبه ليها فكولشي .... فالطيييران .. فداك الهردوووسيااا .. وفداك اللسان ... فكووووولشي

قدس : هههههه ( عنقات لامار ) ورااااه لياا الشرف لاشبهت فماما حبيييبتي

رقية : يااااا صوبيصة ياالصوبيصة واش غيخرج منك ..... ( قربت عندها مضيقة عينيها ) قوليلي بعدا .... حاااااضية البرقووووق ولا لي جا يدوووق ( حياة تكركبات على رتاج بالضحك )

قدس : ( شافت فماماها مافهماش غير ضاحكة ) كيفاش البرقوق

لتمار : سوليها هي انا ماابقيييت نعرف

رقية : عيييين الشق .... تعرفييي عين الشق ( كتومي ليها لتحت )

قدس : ( علات حجبانها فهمات ) اوماااايكاد هههههههه ... كيفاش برقووووق ( شافت فماماها ) بغات تقولي عندي كحل ؟ ( شافت فرقية ) على باش كيشبه للبرقوق مافهمتش اجدة والله تابيض من وجهي حق الله

رقية : ياودي راه غا فالحلاوة يشبه ليه تعرفوووش نتوما الجيل د دابا فالمعاني .... خليكم مع داك تيكتاك ديالكم

قدس : ههههه واعرة عندك هادي اجدة والله

.. برقوق قاليك ههههه

حياة : لا والو اخالتي غتعاودي الحج هههههه

رقية : امممممم انا حجي راه ضيعتو نهار الصاابوحي لي وصلت فيه لدار ولقيت هاد مو طعااارررج لا فاخر لا مجمر .. عاد نضيعيو انا ؟ لي يتعاشر معاكم يبقى ليه شي حج

لامار (عنقات قدس ) اجي ابنتي اجي ... اجي قاتليك جداك نتي لي كتشبهي ليا

حياة : لاواه كاع ولادها كايشبهو فيها .... داو منها العينين داو منها كولشي

رقية :ومنييين ؟ قويسم عينيها تباركالله كيشوفو تالموورر الحيييط كبار كي كيسان العنبة ... وسيم عييينيه صغار الحبيب ديالي ييضحك مايبقاوش يبانو ليه .... جود راه غا عينين بااااه محطوطوييين منسوطييين ... كي حبيبات القهووة .....

قدس : لااااا لون عينين جود ماشي بحال بابا . بابا عينه مارون غالق وجود فاتحييين شوفيه فالشمس كايبانو فاااااتحين

رقية : ياااااودي غااا هنينا خوك عينيه ما فاتحين ما غالقيين ...

قدس : وشنو ؟

رقيية : زاااايغييييين ......

قدس : ( تكركبات البضحك ) ههههههه وااناري ويسمعك اجدة ..... غنمشي نقولهالييييه

رقية : تتتي هنينا باراكا من التفنطييييزززز ( غطات فمها بزيفها ) ديييو عليا انا را غاشارفة جيب افم وگول

قدس : ههههه كتخافي من جود اجدة ههههههه

لامار : جا لي يرد لياااا الاعتببااررر ....

رقية : ياودي رانا غاضااااحكة نفوجو شوية على هاد الگلب ...الله يحفضكم والله يتاااويكم والله يعطيكم شي سعد حسن من وجوهكم ... يا بينتي ياقدس وشي عريييس نعام اسيدي يدخل بشي دهاااززز فيه جوووج صفوووفااا د الخدم هازيييين طياافرر دالذهووبات و الجوووهررر

قدس : ههه شهاد الدهااز دفيفي عبدو اجدة هههه

رقيو : شتو كي كضحك عليا شتو .. هادي يدعي معاها الواحد بالزهر والسعد

قدس : تي شمن سعد اجدة ... ياك غا ولاد الاسماعيلي واخا تقطري لييينا الما زهررر .. الما يدوز والزهر لااااا ...

رقية : گلبتو ليا مصارني الله يكلبگم نوض نتبع زماااني لي يدوم ليااااا .. ما نتوما لحتوووني للضس ( ناضت ) اااااياا رسوووول الله الحبيييب .... الله يرضي عليييكم ....

ااكل : اميييين

مشات باتجاه احمد وقدس قادات الوقفة

قدس : والله الى گادات ليا جدة المورال ... ماما انا تال ليل ونلحق عليكم صافي ؟

رتاج : لااا ابنتي وشنو غتلبسي ؟ اريج غتجيب ليغوب لدارها

قدس : ختارو ليا نتومااا بغيت نخرج شوية مع البنات

لامارو: كلسي للارض عطلة دالعيد هادي ودوزيها مع عائلتك

قدي : اش هاد الفرزيات دااباا وسيييم خليتوه يخرج وانا لا

لامار : وسيم نازل غير للبحر زايدون هاادك شوية وتبدا ليه قرايتو يمشي فحالو نتي داك البنات كتشوفيهم على دوار العام ... دوزي للابيسين عومي ولا اش غديري ولبسي حوايجك لحقي علينا .... الخمسة دالعششية لقااااك حدايا .....

قدس عوجات شفتها لجنب ومشات و لامار حطات كاسها

لامار : ويلاه نوضو تكعدو تعطلنا عاد ...

حياة : سارة قلتوها ليها

رتاج : قالتها ليها الصباح غتكون فالطريق ..هادشي الى مالقيناهاش سبقاتنا ورراها تما ....

حياة : فكرتو فالكادوات انا راه حررت سفيان خلاها عليا

لامار : انا من نهار لانيف ديالها وجدت ليها واحد لپاك پاغفييم من ورد البيلسان على ود سميتها راها وااااجدة ...

رتاج : نت كادواتك غير حداك ههههه انا وعدنان فاش كنا فالمانيا ختارينا واحد اونسوبل كارتيي زوين موديغن يعجبها ....

حياة : انا والله ماعرفت .. عرفتو اش غديرو سيرو نتوما سبقوني انا غنزل عند سفيان واية عاد نشوووف ...سلطان شفتو دوموندا ليها گيطاغ ....

رتاح : عرفتي .. شفتها هاد الايام حاطة على واحد النمر ... وحاطة تاعلا واحد نوع دالكلاب .... نمر دابا مشا عليه الحااال .... غاشوفي ليها داك الهاسكي غيعحبها

حياو : عنداااك تكون خداتو

رتاح : لاااا مزااال والله على حسابي

حياة : ( جبدات ليها حناكها ) تخطااايني نتي نموووت

رتاج : ولكن تعياو تجيبو فالكادوات ... دقسم وااااعرررر صراحة غيحمقها

لامار : وايييه شيطانة هاديك ...

حياة : شنو خدات ليها ؟

تاج : تعقلي على دوك اليخوت الصغااااارين لي كانت وراتنا انهم خرجوهم جداد ... دوك بالغوووززز كيبانو بحال دباربي هههه

حياة : ااه دوك الصغااارين .. نااااري غزااال يلاه يقدها هي وصحاباتها ههه بحال دالالعاب هههه

رتج : قسم عندها الافكار ....

حياة : تسناوني فطموبيل نقولها لسفيان لتحت يقلب ليها ... سفطيلي تصويرررتو عندي ونلحق عليكم

رتاح : سيري انا نلقب عليه ونصيفطو ليك ...

مشات حياة نزلات ورتاج جبدات التليفون تصيفطو ليها ولامار كتعيط لاسد تاجاوبها

لامار : اساد لبغاسلي لي وصاتك عليه قدس توجدو لبيلي قلتيلهم يوجدوه ليها ؟ دااكووغ ومتنساااهش ...

قطعات عليه وشافت فرتاج

رتاج : الحفلة جاتنا على غفففلة .... اسد براسو لبارح صدمتو ... هو ملي كتوحل ليه كيفكر فطوموبيل

رتاج : تاطموبيل تنفعها هادي لي عندها راه غدوز بيها غير العطلة .... نوضي يلاه غنتعطلو ..

ناضو كلهم لطموبيل و لحقات عليهم حيياة ومشاو ...اما رقية تسارات هي واحمد تاحرقوهم رجليهم وبدا احمد كايعيا ... يلاه غايرجعو بداو يسمعو تيليفونو كايصوني ...

احمد : ( مبعدو على عينيه ) ارييج هادي .... (دارو فودنيه ) ابنتي

اريج : بابا صباااح الخييررر .. باقين عند اسد

احمد : باااقين هنا

اريج : واججيييو راه سالاو المييناج بيتكم واجد ابابا .... اجيو غنتغداو هنا ....

احمد : راه كنا جاييين ابنتي ..... ها حنا جااين ....

قطع عليها وزاد لطموبيل حل ليهم الشيفوررر ركب ماقدرش يطلع يبدل طلعات غير رقية لبسات عليها وهزات صاك ددواه وحوايجو ونزلات مشاو ..... دغيا كان لحق عليهم سفيان واية خارج وكيصوني لسلطان ...

سلطان : (بصوت ناااعس ) الواليييد

سفيان : واا تتتكعد اصاااحبي راه تلاتة هادي

سلطان : ( مدوخ بالنعاس ) راك فالدار

سفيان : خارج غنمشي انا وختك نشوفو سي حاجة لبنت عمك .... امتى نتا طيارتك شتك ناعس ؟

سلطان : الا مغنمشيش ليوم حشومة البنت حفلتها ... الرربعة دصباح دابا نركب ....

سفيان : غيصيفطوليك هوما طيارة !

سلطان : اااه هوما ...

سفيان : اوا صافي ( كيركب اية ) حسابتني مسافر ليوم داكشي باش فيقتك ... نعس نعس ....

سلطان : ههه اودي مامنكش جوج آراجل مي ههههه

ضحك سفيان وقطع عليه وركب فطموييل ديمارا طالق للاية ديسك لي كييعجبها خارج من المنطقة مبتسمة ... فالأسود الاربعة .. سفيان هو احن أب ... وعلاقتو استثناااائية مع ولادو .. مربيهم بطريقة عصرية على انهم اصدقاء ماشي مجرب اب و اولادو .... كيحط فيهم كاع داك الحرمان العاااطفيي لي كان مشتاق ليه .. خصوصا فالابوة لي عمرو حس بيها ....فوق مكان قدامو ولدو ولا بنتو كيحط صورة عزيز ومعاملة عزيز ليه .... وكيلقى راسو حاضن ولادو عندو .....

سلطان واخا حاول يرجع لقى نعاس طار عليه بقى طالع نازل فالسوشيال ميديا كيفكر فالماتش دالفينال لي كيتسنااه .. الماتش لي غيودع من خلالو النادي لي كيلعب فيه لانو اااخررر ماتش عندو حيت تباااع لنادي اخر وطلب منهم حتى يدوز الفيينال عاد يمشي .. باغي يتقاتل ويدير كل ماعليه باش هوما لي يربحوو ويمشي من داك النادي هو مخلي ليهم ذكرى زوينة .. وكيفكر واش غيقدر ينساجم فالنادي الانجليزي بعد ما ولف النادي االاوروبي .... نفض دوك الافكار وناض لدوش كيجبد فعنقو ... كان عريان ملفوق غير صدرو لمفتوول لي باين وسلسلتو الفضية ... جبد درعانو كيتكسل وعضلاتو فضهرورووو كيتجبدو ... كايتجمعو ويترخاااووو .. يدو كانت كلها عروووق بارزيييين كيحك بيها على لحيتو كيشوف للمرايا واش يقادها ولا بلاش صابح عكزان .... فلخر دار بناقص ودخل يدوش .... خدا دوش ولبس سبوررر وخرج من الجناح يقلب فين يدوز العشية يلاه نازل سمع الباب تحلات خرج جود لي تاهو باقي كيعوج عنقو شعرو مربل فوق وجهو لابس غير سروال دسيرفيت كحل بسيور وبيل كحلة سماطي هاز فيديه نضاضرو وتيليفونو وكونطاكط الطموبيل

سلطان : واااش آلميكانيسيااان

جود : (عينيه مغمضين بالنعاس داز حداه ضربو غير بكتفو ونزلو فالدروج ) صباح الخير

سلطان : كنفكر فين ندوز العشية

جود : مكاينش ماحسن من تمشي تعاون ولد عمك فالكارااج

سلطان : بغينا فين ندوزو عشية ماشي فين نتكرفصو

جود : باش تمشي للبرتغااال نااااضي متحتاجش تدرب ....

نزلو لتحت كيقلب جود بعينيه

سلطان : وا يلاه دابا نيييت

جود : صبر نشرب غير قهوتي اصاحبي راه كيبانو ليا منك جوج .... فين مشاو هادو

سلطان : راه مكاين حد .... هاد الزهااايييمر ديالك نتا منساليوش منو .. صباح العيييد هدا

جود : ( دوز يدو علة راسو نسى واش مكاينينش الخادمات ) ففففففف ...

سلطان : هبط تعصر ققققهوتك بيديك .... عاقل بعدا على الكوزينة فين جات ...

نزل جود للكوزينة هو وسلطان فالدروج تاوصلو ليها مع دخلو مع ضرباتهم ريحت الحرشة والمسمن والزعتترررر والقرفة

جود : ريحة جدة فهاد الكوزينة

سلطان : ( عرا على واحد الطبق بان ليه المسمن مغطي ) هاااا ششششتي السسسعااادة ... كتعرف دير اتاي ؟

جود : لا ( كيقلب واش كااين ) جدة ماتكونش دارتو مايمكنش ..

سلطان : يكونو شربوه .. يتفكرنا حنا شي حد .... كيعرفونا حنا غييير ف ( بصوت رقيق مستهزء ) لي كخووواصون ... ( عض من وحدة ) هانتا اصااحبي دير الما ودير فيه اتاي ويطيب ... وسكر واقلة ...

جود : اتاي كتعرفو كيداير ؟ ( كيشوف فلاماشين دالقهوة ) فين نحطو

سلطان : منعرف انصدقو مصاوبين هنا شي رروج ... عرفتي شغادير ... عصر القهوة .... عصرر ... كيكادير لهاد التريپ نتا بلا اتاااي بغيت انفهم

جود : تريب كيخصو قهوة باش تبقى موگض .. اتاي مفايدك فوالو من غير غيضيع ليك الوقت فالطواليط ....

خدم لاماشين دالقهوة فطرو هو سلطان وهزو كيسانهم تاني طلعو لفوق جلسو فواحد الجليسة قصبية مضللين تحت الشجررر

سلطان : ( شاف لعندو ) مزال منتحركو

جود : صبر اصحابي تخدم غير هاد القهوة فدماغي راه مزال ماعرافش الكسيراتور فين جااا

سلطان : ابااااارررد قلبك اصاحبي .... راه دابا غيضلام الحااال ...

حود : عندك مايدار !!

سلطان : لااا لا والله الا خصصصك الدوا نتا بالله .. منضربكش بشي مقلة للراس لعل وعسى تصح ؟ راه عندنا سواغي بليييل اصاحبي

جود : ( حط كاسو وقاد الجلسة ) واشتي الحمااااق دابا .... هذا سميتو الحماق ... ياك السواغي دازت لبارح ولا حلمت بيها ؟

سلطان : وااشد ! ابن عمي .... راه لانيف دبيلي هاد النهار

جود : غتسطيوني نتوما فهاد الفاميلة حق الررب .. على ماشي هاد لانيف ديالها داز نهار كنت فالكلينيك ...

سلطان : اييييه .. وأجلوه ليها تاااا نجحات وجات للمغرب وجمعو كولشي وجا ليوم

جود : نتوما راه بنادم يكون بعععققلو يجي لعندكم يحماق عاساااك واحد عندو نقشة فلعقل كيغايدير يشد هادشي كامل ..... ياك لانيف دالبنات اش دانا حنا

سلطان : الا مادايراش داكشي دالبنات .... قاليك سواغي فامييلييغ حيت البنت دخلت للعشرينية ....

جود : البروتوكول تااني

سلطان : واييه غاتوووسم الشهر الجاي وجامعين ليها كولشي .. يعني راك غتحضر غتحضر بزز على والدين والديك .....

جود رشف من كاسو ورجع لووور كيدوز يدو على شعرو هبطو كامل على جبهتو

جود : انا هاد البلانات د ليزانيفيغسيغ كايتقضاو ليا فيهم الكادوات .. كاع الافكار لي عندي سالاوهم خواتاتي ....شغانديو لهادي دابا

سلطان : ههههه يا ودي نتا راه مشيييتك اكبر كادو ... انا لي عارف شكاين هههههه

جود : ( شاف فيه ) اش كاين

سلطان : ( تحنحن ) وكاين شي ماحسن من سعاااادة جووود يحضر ... باراكا غا وجهك

جود : داوي من نيتي ونتا كطنز ...

سلطان : البنات فاش تحير معاهم شوف شي حاجة دليزاكسيسواغ ....

جود : غانعيط للامار تفكني ....

سلطان : ها قهوتك شربتيها الكسيراتور دابا راك عارفو فين جااا ..يلاه نوض تكعد

حود : والقهوة شربناها وعرفنا الكسيراتور فين جا ... بافي خاصني جوااان باش نعرف البباااب منين كتحل .....

سلطان : برب لاكلست معاك هنا ماشي مسالي راااااسي .... عندي كوموند غتجي لدار نمشي نشوفها واش وصلات هي هادييك

حو د: هههههه سييير سبقني نتا شوف الكوموند ديالك ولحق عليا ... انا غنكمي ونمشي ....

ناض سلطان مشا وجود جبد جوانو برمو ... ومشا هاز تاقهوتو معاه بجهة الاسطبل يتكيفو على خاطرو ...

عند وسيم ....

جالس على واحد الكرسي حوايجو محيدين حداه لابس غير شورط فازك بالما وشعرو تاهو فازك ... شاد تيليفونو عندو عينيه مفيكسييين مع السيت لي عطاه صاحبو ... اخييرا لقا نفس لادروك لي بغا ... خدا رقم السيد سلجو عندو وخرج من داك السيت ... وناض مسح شعرو نشفو بفوطة و لبس حوايجو وطلع من البحر للطوموبيل لي كتسناه الشيفور شافو جاي هو يخرج حل ليه الباب جلس على الكرسي وبدا ينفض رجليه من الرملة ولبس سبرديلتو عاد دخل كامل فالطوموبيل .... حيد الكارط من داك التيل لي دخل منو لداك السيت .... وبدا يفورطاميييه و الشيفور زاد بيه ...

الشيفور : موسيو وسيم ... فين غنمشيو

وسيم : كلوب ****

الشيفور : حاضر

عينيه على التيليفون فورماطاه وحل الزاج لاحو ...

رقم داك السيد كان سجلو فالكارت مغيمشيش ليه ... تاوصل قدام الكلوب لي قاليه يوصلو ليه ونزل .. كان صاحبو لي داير معاه كيتسنى تما جالس غير شافو توسعات ابتسامتو مشا باتجاهو عنقو

ايوب : عاااااش من شااااافك اصااحبي ....

وسيم : ( سلم عليه تاهو ) وافيييين ( زير ليه على كتفو ) والله تا توحشتك بالله هههه ...

جلسو بداو حديثهم غير بشنو دارو فهاد العام لي متشاوفوش .. ايوب من اقرب اصدقاء وسيم ولي كيعاونو فكولشي ومخبيين على بعضياتهم كوشلي .. كان تاهو ابن واحد رجل اعمال معروووف .... تبادلو اطراف الحديث حتى وصل وقت الهضرة على الغرض ليبغاه

ايوب : واشنو بلانلك ا وسيم .. قول اصاحبي واش حنا بيناتنا ...

وسيم : ( جبد لاكارط ) مهم عندي غير هادي ....لحت تيليفون قبيلة دخلت بيه لواحد السيت كيهاكيو المعلومات دالتيليفون .. ماعلينا كاينة هادي راني مقيد هنا نمرة واحد السيد .... نتا تيليفونك مامراقبش ... انا نخاف يمشي يعرف الواليد راط عارف سونطر دليزابيل ديالنا بوحدو .... بغيتك تقضي لي واحد العرض

ايوب : لادروووك تاني اصاحبي ياك !

وسيم : جيت لهنا اصاحبي تتتتحنسرت ... رررراني غاانمرض بالله راسي ثقييييل عليا .. فمي اصاحبي كيشحف شوف كيفاش دير ليا

ايوب :قلنا زعما تجي للمغرب هادي هي الفرصة فين تقطعو ..... ففففف ارا داك لاكارط ارا ....

عطاها ليه دخلها لتيليفونو وبدا يطلع فالنوامر .. ايوب كان شاب فلاج ديالو تاهو جذاب ومهلي فحالتو غير هو كان بملامح سوووداء قاتمة .... بدا يقلب تاطلعات ليه ...ووسيم كيحكي ليه البلان من لول دهاد السيد

ايوب : هو هدا ...

وسيم : هاداك ... هضر معاه شوف كيفاش يوصل لينا الامانة

ايوب : هادو راه كيبغيو تمشي لعندهم ميجيوش لعندك كايخافو على راسهم .. ونا ماعنديش كندير ...نتا عارفني ماعندي فين نتزعزع ....

وسيم : داااك صاحبك لي كان كيقلب لينا فالحشيش ميقضيش ليا الغراااض ..

ايوب: وماااانعرف ..... الحشيش اصاحبي ساهل هادشي ليكتگول نتا راه موصيبة كحلة .. ماعرفتش كيدرتي طحتي فهادشي بالله .. اتخرج على راسك

وسيم : ودابا هاد الهضرة الخاوية راه ماعندي ماندير بيها قلب لينا فالخرا .. نشرب غير هادي ومنعاااودش .... الا مشربتهاش غانفضح كري مع الدااار راني غير الصباااح صبحت مبووق كيديرو فيا شي شوفات قلت دابا ينوضوها معاياا ...

ايوب : ماعلينا ( رد ليه الكارط ديااو ) هانا دابا قيدت النمرة عندي .. نتواصل معاه ونرد عليك

وسيم : منساهااش ليك اخويا ايووووب .....

∆فالقصر

نزلات بيلي على المهرة وبقات غادة بيها جاراها جيهة مروان لي واقف خارج السياج كيتفرج فيها .. وصلات لعندو وطلقاتها حيدات الكاسك ديالها علقاتو فالسياج وبدات كتطلق شعرها وتمشطو بيديها ... ومروان كان مفتوووون بيها وبكل انش فيها .... هاد اللبسة دالخيييل لي واتاتها .... ليبوط كانو طالعيين حتال الركبة مع هي من نوع لي طويل ونحيل بحال شي عااارضة و الشعر دهبي مطلوووق كتخللو بصبعانها لي تحت الشمس كيزيييد يلمع ويضاهيها فلونها ... مروان غير كيشوف فيها شاد الگارو ديالو ... وهي تكات على السياج من الجهة ديال الداخل عاطية بضهرها وهو من الجهة دييال الخارج كيشوف فيها ....

يلي : ( مدات يديها هزات ليه الكارو ديالو ... سفات منو وساطت الدخان ورداتو ليه ) شحال هادي ماحسيت براسي ناشطة بحال اليوم ....

مران : و ا النهار راه نهارك غير الا مبغيتيش تنشطي ...

بيلي : توحشت الخييل ...

مروان : تاهوما توحشوك .... (شدات ليه كارو ديالو تاني سفات منو) طلقي ياهاد البنت ... نت راه غتخرجي على راسك .. طلقي

بيلي :ومالي دابا كنكمي .. غا كندوق معاك ...

مروان : فوقاش ترجعي

بيلي : ماعرفتش .... ندوزو بعدا هاد سواغي ويكون خير .... غالبا حتى يمشيو بابا و ماما راك عارف ....

مروان : انا سييمانة جايا غنمشي .. الخدمة غتبدا

بيلي : ( ضارت عندو ) اتخليني هنا بوحدي

مروان : هه ! ياك عندك هنا جود ... اش بغيتي ...

پيلي : عندي اناا الريييح ... جود فايق ليا غير انا ، راه مضبررر علييييها روسية ..... ( كتمشط على شعر المهرة ) مال إيڤين مابغاتش تخليك تركب فوقها قبيلة هههه

مروام : تايقولك الانثى دالخيل الا محساتش بالهيمنة ديالك متعطيكش فرصة تركبها يمكن داكشي علاش هه

بيلي : هااادييييك .... بحالها بحالنا حنا .. الا محسيناش بالهيمنة ديال هاداك لي معانا مكنعطيوهش فرصة يكون معانا

مروان : يياك ؟ وبحالاش هاد الهيمنة

بيلي : ماعرفتش ... خاصو يكون مهيمن علينا .. كيخلينا نتصرفو بشي حوايج بزز علينا بلا منحسو ... بحال مثلا نتوحششوه ! نشوفو فيه ... نخلقو الاعذار باش نهضرو معاه .. هادي هي الهيمنة .....

مروانم : لي كيعدبكم بغيتي نقولي ...

بيلي ضارت شافت فيه وضحكات ودوزات يديها على شعرو

بياي : ااااه امروااان .... بالله تامكاينش لي كيفهمني ققدك ... تخطاني نتا نهار نتلف ....

مروان بقى مبسسم و نزل عينيه لتحت وهي يديها باقا فشعرو ابتسامتو كان فيها ححححزن كبييييرر .. كان فيها ضعف ... كان فيها استسلاام للواقع ... تنهد وعلا راسو يلاه غايحيد ليها يديها وهو يشوفها شافت لموراه مفيكسيا عينيها ... ضور راسو بشوية بانليه جود جاي بجيهتهم كيشوف فيهم عاض على جوانو ومعلي حاجبو فداك القرررب كااامل .... بيلي حيدات يديها بززربة و بدات تسرط فريقها مارعفات تتبسم وتقول ليه صباح الخير ولا ضور دير راسها مشافتوش ومروان تبسم ليه ....

مروان : صبااااح الخييير ....

يتبع...