محتوى القصة
قسم : ( ضحكات ليه تا حمارو خدودها وقربات عندو كتر واابقية كايحاولو يتشغلو بخدمتهم ) الا توحشتيه اجي جلس معاه ....ساهلة !
اصيل : ( ابتسم ليها وهي نعسات على كتفو وهو شد يديها كيشوف قدامو ) صافا ؟!
قسم حركات راسها باه كتشرح ليه شنو كادير وهادوك لي حداها ناضو خلاوها على راحتهم .... قدرو يعرفو انها على علاقة معاه غير من حركاتهم .... كانو اجانب وتا مغاربة ... وتراجعو لور حيت معندهم ميديرو دابا ... وكل واحد مشا يقلب فين يشرب قهوة
قسم : يييعني مع داك الوحدة ونص ....نكونو ففرانسا .... غانحط فمارساي .. ( كتجبد فدراعو ) يلاااه نقدر نرتاح .... البارح واخا حطيت بكري فاسبانيا ماقدتيش نخوي لاكابين كنت كنقاد خطوط مارساي حيت غيرتها فاخر لحظة .. كنا غنمشيو لنيس نورمالمون ... ودابا كاين تما بلوكاج .. وقالولنا لماريسليا .... وراها لي غنرتااح حيت خطوط جينوفا فايطاليا قادهم ليا بابا قبل ماايمشي .... غنرتاح بعدا ... والله الا عييييييت ....
اصيل : مغيشدش عليك شي كابتن اخر ؟
قسم : لا مايمكنش .. حيت هذا اول فواياج خاصني نشدها انا بوحدي فهاد ثلاثة د الدول ....ألي وروتور .... ملي كنمشي نشرب قهوة ولا ندير شي حاجة كيكونو لي سو هنا .. لي كانو جالسين حدايا ... ( تكات على واحد بوطونة قدامها وجبدات واحد المفتاح للفوق ورجعات شافت فيه ) فيتاس الباطو ههههه دابا ... طيحت شوية لافيتيس ( كتوريه فطابلو ) ملي كيطلع هاداك السهم .. كيعلمني بلي وصلت لنقطة فين نبدل السرعة .... باش ميعياش ليا الموطور لي خدامة بيه دابا .....
اصيل كيشوف معاها وهي متكية عليه وكتوريه بصبعانها ...
قسم : هاد النقط دابا ... كيقادهم ليا بابا حيت محافضاش الطريق ..... يعني ضروري كابتن بحالي مبتدئ خاص شي واحد يقاد ليه الخارطة على ميحفض الطريق ... فين المواج طالعين وفين لا ... فين خصني نمشي بشوية وفين لا ...هادشي مكيتقراش لينا ، هادشي كاييجي غير من الخبرة....
اصيل : من ورا هاد الطراجي متغاوديش ديري طراجي طويل بحال هاكا بوحدك !
قسم : لااا غير هدا .... هدا بحالا قلتي اخر امتحان لينا ...... غنرجع كيف كنت ملي كنت غير سو كابتن .. حنا خطوط ديالنا من المغرب حدهم ايطاليا. .... يعني هدا اطول طراجي فالباطوات ديال اوركا لي كنصوكهم انا ولا بابا ، دشركتنا حنا .... ماشي دالدولة ..... يعني كنركب فهاد الباطو كنوصلو لاسبانيا .... وكنزل تما نبات حتى يجي الباطو لي غيكون راجع .... وكيرتاح الكابتن وانا كنكملو للمغرب ولاغدا وهو كيتسنى ثاني هداك لي غندي انا يرجع يجي فيه .. هاكا كينقسو علينا الطريق والجهد .. وهاكا كنخدمو ... خدمتي بنهار ترتاح الليل ، خدمتي الليل ترتاح النهار ( علات عينيها فيه ) وهانا قربتك شوية من خدمتنا هههه .... ( اصيل غير مبتسم ليها ) لي خلاني اليوم عييت هي من العسكرية لهاد طراجي .. محتاجة شوية نعس نرتاح ..... ( كتجبد يديها ) عرفتي شنو تشهيييت
اصيل : امممم ....
قسم : شي بلااصة بعيييدة فوق شي جرف ويكون قدامي شلال ودار صغيرة وغير انا وياك ... ( زادت تكات على كتفو ) نشربو غير القهوة .... وملي نجوعو صيد ليا الحوت .... نشويوه فشيميني وناكلوه .... ( علات عينيها فيه ) غير نهار زاحد بحال هدا نعطي فيه كووووولشي ونعيشو
اصيل : هه! ( تكا ليها راسها على كتفو ) ان شاء الله ... تاحاجة مابعيدة ....
عند جود
المطار ... 16:30
متكي على طموبيلتو ولي فاليز ديالها محطوطين وهي كانت بعيدة كتهضر مع اياد تشوفو فين وصل .. ورجعات عندو وقفات قدامو وخدات نفس مبتسمة
بيلي : هاهو قريب ...
جود : ( جبدها من يديها لعندو وهي كترمش فيه ورد ليها قصيصتها لجنب ) واديري عقلك ... وكبريه شوية ....وجلسي مع داركم شوفيهم كيفاش كيفكرو وتقبلي شوية افكارهم .... ( باس جبهتها وهي غمضات عينيها ) انا راه بغيت مراة مرضية .. ( شاف فيها ) حيت انا منحووس تابعيني غير المصايب كون ماشي الرضا لي كيوقف معايا ... تانتي كوني مرضية يالاه نتحاماو شوية هههه ...
بيلي : ( قربات عندو كتر ) جود ... فخبارك دابا ملي غنرجع غنبقى جالسة شحال كنستوعب واش هادشي بصاح وانا وياك رجعنا مع بعضياتنا والصيف غنتزوجوو ..... واش عارف الفرق لي كتخلقو فحياتي ؟ عارف حياتي شحال طااافية .... ودابا كتر ملي مغنبقاش مع جدة وجدي ووسيم .... غنرجع لكندا ليها فيها بابا كيدخل من ليل لليل وفيها ( دموع تعمرو فعينيها ) وفيها ماما تاهي كنتشاوفو غير فالعشا بسبب خدمتها .. اياد مرة فيوماين زياد مرة فسيمانة .... ( دموع نزلو وهو كيشوف فيها ) يعني مغنلقاش هداك لي كل ما دخلت لدار لقاه جالس على الفوتوي شاد جورنال كيتسناني نجي لعب معاه شطرنج ... مغنلقاش جدة لي كتبقى تابعانا بالماكلة تالبيوتنا .. مغنلقاش وسيم لي شابعة انا وياه حماق و غنبدل الصحاب و غتبدل البلاصة هاااادشي راه صعيييييب عليا اجود ومباغاش نبين ( كتمسح دموعها ونيفها حمار ) مباغاش نبين بلي هادشي كيمرضني حيث ميمكنش نرجع لامريكا حيث جدي صافي مات .. وجدة مغتبقاش فداك دار ووسيم غيقرا فافران .. كولشي تبدل .. و حتى البكا ديالي ماعندو تتفايدة .... داكشي علاش كنبان ضاحكة ومستسلمة لهاد المصير .. اش غندير .. اتس نوت ايزي فور مي ... اييييتز سوووو هاااارد ..
جود تنهد وجبدها عندو عنقها كيدوز يدو على شعرها مزيرها فصدرو بحنية
جود : راه هادي هي الحياة ابيلسان .... كيف كيقول عمي عدنان دوام الحال من المحال ... ضروري كنفارقو ناس وكنتلاقاو ناس .. ضروري ماتبدل حياتنا ... وكنحاولو نتأضابطاو .... راه ماشي غير ليزاباراي لي كيديرو ميزاجور .. راه تا حياتنا كديرها .. وحاولي متفكريش غير فشنو تخاد منك .. تفركي تا فشنو تعطى ...
بيلي : ( زيرات عليه كثر وحاطة راسها فصدرو ) ونتا اااحسن حاجة تعطااات ليا فهاد الميزاجور الجديدة .... وفخبارك راني صابرة لهادشي كامل حيت عارفة باقي هاد العام وغنتجمعو انا وياك ونخلقو حياة اخرى ( سلتات راسها منو وعلاتو فيه ) بقوانينا حنا مايتحكم فيها تاواحد ... حيت مكاينش فهاد دنيا كلها لي يعرف يهز هبالي قدك نتا .. ( رجعات تخشات فيه كتر وعنقاتو مزيرة عليه ) اي لافييو سووو ماتش اجود .. سووووو ماتش ...
جود : ( كيمشط على شعرها ) وهي لادرتي عقلك ... وقريتي مزيااان .. مبغيتش انا مراة كسولة .. واجي داك ساعة نشوفو اش غنديرو فهاد المستقبل انا وياك .. ونشوفو هاد الاحلام ديالك فين لي خاصو يتحقق وفين لي خاصو يتنسى ..... اما هاد العام .... دوزيه كتشبعي شوية من واليديك .. لاكانو مكيتجمعوش جمعيهم نتي .... سيري عندهم للخدمة دوزي معاهم وقت ... دوزي وقت فقرايتك .... حيدي عليك تبرهيش وقوة الصحابات .. عيشي هاد العام لراسك ولعائلتك غتلقاي الفرق .. كاع دزنا من داك المرحلة وكنا غير كنرونو .... مالقينا الحياة تا شفنا لراسنا و لعائلة ... تاوليت نعطي وقت لخدمة لي بغيت و الاهداف لي باغي نوصل ليهم و للواليدين تاهوما والخوت وليت نجلس معاهم عاد حسيت بالمذاق دالحياة .. جربيه راه غيعجبك ..... ( جابها قدامو وكيمسح ليها دموعها ) وباراكا من البكا .. هاد الزروقية كاع نشفيتها ....
بيلسان : واش عارف شحال غاانتوحشك ( جود مبتسم ليها بحب ) ياك عارف واحد الاختراع سميتو التيليفون .. عنداك تنساه ؟
جود : وامنضمنش ليك ولكن غاديري زوين لافكرتيني كل صباح بشي ابيل زوينة كطلع المورال ....
بيلسان : هههه ان شاء الله .. خاصنا عاد نقادو توقيت ملي توصل لليابان ... حتى نتا بون كوغاج ليك وتوصل لكاع اش بغيتي وتحقق احلامك كلها ....
جود : ان شاء الله ...
بيلسان يلاه غتعلى عندو تبوسو وهي تشوف اياد جاي وجمعات راسها .. كان وصلو محمد صاحبو واشار ليهم غير بيدو ومشا .. وهو جاي جار لي فاليز ديالو باتجاهم .... كان بسروال كحل تيشورت كحلة وفيست فيديه ... فاليز كري فوق منها صاك اديداس ... كيشوف فجود وحجبانو مجموعين ... ورجع شاف للجنب مباغيش يشوف فيه وجود جاتو الضحكة وبيلسان كتفرك فيديها مع جنب تريكو خايفة يضاربو تاني ....
اياد : ( كيشوف فيه بجنب ورجع شاف فيها ) شهاد التعطيلة !
بيلسان : ( كتهضر متوترة حيت شافتو بحالا مقلق ) لا ... ا اصلا ... ( بضحكة رطيطيبة ) راه وصلت قبل منك اخويا ...
جود : ( جاتو الضحكة نزل راسو حبسها ورجع طلعو ) مغتقولش ليا بسلامة !
اياد : ( تنهد ) قوليها ليه دغيا فكووونا يلاه ( جار فاليزتو وماشي جيهة الباب )
جود : داوي معاااك نتاا ...
اياد : ( ضار عندو مخنزر ) اش غتزيدك بسلامة ديالي واش غتنقصك ؟
جود : ( بدا يضور فراسو جاتو الضحكة وبيلسان كتشوف معاهم وقال بشوية ) برهوووش ....
اياد يلاه ضار عندو هي تشدو بيلسان من دراعو بزربة
بيلسان : يلاه اخويا نمشيو غنتعطلو ( جرات لافاليز ديالها وكدير باي باي لجود لي متكي على طموبيلتو مبتسم ) بسلااااااامة .. انا نقولها ليك بلاصتو ههه ....
اياد زاد وبيلسان كل شوية ضور براسها تشوف فجود .... فللخر طلقات من يديه ورجعات عند جود تعلقات فيه عنقااااتو وتاهو زييير عليها .... وعلا راسو مبتسم فاياد لي ضار موراه كيشوف فيهم ... وزاد مشا جار فاليزتو وفاليزتها ..... غادي لجهة المطار ومعرفش كيفاش تشققات ابتسامة على شفايفو .. ولكن جمعها دغيا ورجع لملامحو الغاضبة ثاني ...
اما جود بقى معنقها ، كيحاول يشبع من ريحتها المميزة ... ريحة البليسان لي عارف راسو غيتحرم منها هاد العام كامل .... ، خيت كاع الورود كاتفتحو فابريل ، الى وردتو هو .... خصو يتسناها تاللصيف ......
فالباطو
الساعة : 00:15
واقف اصيل متكي على الحديد لي فجنب الباطو كايتفرج فالميناء الفرنسي لمدينة مارسيليا لي يلاه وصلو ليها وصافرة السفينة باقي كايتسمع صوتها. ...
كاينفت الدخان من الكارو ، وكايتفرج فالباطوات .....
الناس بداو كايخرجو وبقاو فقط لي غايمشيو تالايطاليا ....
اما قسم سالات وسنيات فالوراق لي جايبة ليها صفاء ... وكلها مسخسخة كتجبد عنقها بالعياء ..... لي سو كابتن كاينسحبو يمشيو ينعسو اما عمال الصيانة ليلهم طويل ....
وقعات كاع الوراق عاد تمات خارجة جارة رجليها بالعيا ، كتحيد فطربوشها و طلقات شعرها كتلوي راسها يتطلق كامل ... وصفاء تابعاها كتجري ...
صفاء: مادمووووزيل .... ولكن باقي ماساليناش خاصك تنزلي للبوغ توقعي الوراق لوخرين فالجمارك .....
قسم : تتلغدا ملي نبغي نمشي ... دابا عيانة .... فين أصيل !!
صفاء: خليتو لفوق .... غايكون باقي تما ....
قسم : مزيان .... وجدو طابلة العشا ، غانموت بالجوع .....
خلاتها وزادت طلعات فالدروج اما صفاء مشات كتجري تعلمهم ....
هي طالعة فالدروج والبنت لي كانت دايرة راسها غير كتمشى ملهية فتيل كانت كتسنط لحديثهم .... وتبعات قسم فالدروج ، وقسم طلعات للسطح هازة قبعتها فيديها وكاتقلب عليه بعينيها تابان ليها غير من ظهرو ، وهي تبتسم ومشات عندو عنقاتو ملور ناعسة على ظهرو وهو تبسم وشد فيديها لي حاوطاتو بيهم ... ولاح الكارو .....
اصيل: ساليتي ؟ ( ضار عندها وهي علات راسها فيه وبدا يدوز ابهامو على حنكها ، والبنت تحنات مخبعة ورا واحد الكرسي كاتشوف ) عيتي احبيبتي ؟
قسم : ( مهبطة شفايفها ) بزاااااف ..... قلت نشوفك قبل منزل ندوش ، عاد نمشيو تعشاو انا وياك .....
اصيل: صافي انا هنا .....
قسم تبسمات وتعلات على صبعانها باستو ففمو وهو مبتسم ليها ومشات ، و داك البنت تبعاتها بعينيها تانزلات و رجعات كاتشوف فاصيل لي رجع كيف كان .... وهي تهز تيل وبعدات من صداع كتهضر ....
- الو ..... يلاه وصلنا لفرانسا ... هدا راه البويفراند ديالها انا متأكدة من شنو كانقول اصاحبتي .... راه باستو قدااااامي
- ايهااايهاااااي على لالة قسم مولات العقل , ولكن كيفاش قدرات طلع بويفراند دياها للباطو بلا خبار باها ؟
- نزيدك حاجة اخرى.... سمعت قبيلة صفاء كتهضر مع واحد خدام هنا .. كانت كاتوصيه على الغدا باش يوجدوه ليه وبلي هو ضيف الكابتن وسي أسد ... يعني راه فخباااارو ....مدامو ضيفو ..... ( ضارت كاتشوف فيه منلبعيد ) علم الله شكوووون يكون هاد الراجل!!!!! واش القمر فسميتو والمريخ لي عندو فيه النص !!!!!
- شوفي .... انا مكيهمنيش هادشي كااامل يكون عندو تا زحل ... درتي اش قلت ليك؟؟؟؟
- ماااالقيتش كيفاش اصاحبتي راه كانت خدامة ... انا قبيلة سمعتها كتهضر مع صفاء وقالت ليها يوجدو ليها عشا هي وياه ... ولكن مغانقدر ندير والو حيت غالبا غادخل لريسطو ديالهم وممنوع نمشي لتما .. داكشي علاش غانحاول نقضي الغرااض قبل العشااا ... ماتخااافيييش ....
- ايطاليا مابقى ليها والو توصلو ....وغاااتنزلي .... الى مدرتي واالو غا متورنيش كماااارتك ....
قطعات عليها والبنت تنهدات ونزلات بزربة للتحت كاتقلب فين هي صفاء تتبعها تعرف فين غايدار لعشا .. وهي تبان ليها وتقلبات بزربة لواحد الكشك فيه المجلات هزات وحدة كاتقراها وكاتسمع صفاء كتهضر بالفرنسية مع احد العاملات وهازة فيديها قرعة متوسطة ..
صفاء: مادرتيش ليها بزاف ؟ ( هزات داك القرعة كاتوشف فيها كانت قرعة صغيرة فالازرق والپينك وواضح ان فيها مشروب طاقة والسدادة ديالها ديال الزاج )
- لا .. لادوز ديال ديما ... 20 ملل.. وحيت قالت راسها كايضرها زدت ليها تالمهدئ ... وخففت كولشي بالما دكوكو ... درت منو تقريبا ربع لتر .....
صفاء : داكوغ .. سيري كملي خدمتك أنا غانطلعها ليها تشربها ....
حطاتها حداها وبدات كتجاوب تيل وتقيد فطابليط اش كايمليو عليها ، وداك البنت عينيها لسقو على داك القرعة بحالا لقااات كنز!! ... كاترمش هنا ولهيه .... ومشات بزززربة ورا ظهر صفاء وهي تخطفها غير بالخف ودارتها موراها ومشات بزربة .....
صفاء كملات اتصالها وضارت موراها للفين كانت حاطها وهي طلع حاجلها !!!
صفاء : ( باستغرااب ) فين مشات هاد القرعة !!!!!!هااااء !!!
تحنات كتقلب تحت الطبلة لاتكون طاحت وكاتشوف مع جنابها ... يلاه كتستوعب كيفاش طارت القرعة من بلاصتها وهي تسمع موراها
- مادموزيل صفاء .... هاد القرعة ديالك؟ ( ضارت عندها صفاء وهي واقفة مبتسمة) هزاتها بنت ختي الصغيرة كتلعب بيها .. حيدتها ليها ....يلاه لقيتني غانعطيها ليهم يقلبو على مولاها ونا نلقاك كاتقلبي .... قلت يمكن ديالك !!!!!
صفاء علات حاجبها فيها حيت عرفاتها .. البنت لي من لبارح وهي ترغب تتصور مع قسم وتنهدات وشداتها عليها
صفاء : امم .. ديالي
- سمحي لينا ... بنت ختي بلا عقل .... باقا صغيرة ....
صفاء : ( كطلعها وتهبطها باستغراب) ماااعليش ....
- الكابتن مسالية دابا ؟؟؟؟ نقدر ناخد فوطو معاها
صفاء : منضنش .... عندها عشاء عائلي ....
- ( بحزن مصطنع) اووو .. ماعندي زهر ... اوا ماشي مشكل تالغدا ونجرب زهري تاني ...
ضحكات ليها وعطات بظرهرها ماشية فحالها وهي تشقق على فمها ابتسامة شيطاانية وهزات تيليفون وكتبات مسج " صافي ... الغراض تقضى ..... "
خرجات قسم من الدوش ، ومشات حلات البلاكار كانو ستفو ليها حوايجها تما ... باقا غير بفوطة وشعرها طايح سارد .. كتقلب على شي حاجة مريحة دوز بيها هاد الليلة معوجة شفتها للجنب بحيرة شنو تختار .....
هزات كسيوة كحلة خفيفة فايتة شوية ركابي وسميطة رقيقة فضية ويديها قصار .... وجداتها ووجدات معاها صندال طالون عالية بالخيوط تالركبة وليزاكسيسوار وجلسات تنشف شعرها وتقادو ....
وهي تحل الباب صفاء دخلات عندها ... حطات ليها ملفات على الطبلة وجابت ليها قرعتها حطااها حداها
صفاء : هضرت مع الجمارك وقلت ليهم الكابتن باقا فالباطو غترتاح شوية .... قالوليك غيتسناوك غدا فالصباح للتوقيع ... يعني غير رتاحي دابا مادموزيل
قسم : ( ضارت شافت فيها ) صافي تانتي سيري ترتاحي ....
صفاء : وصيت على عشاكم نت وموسيو اصيل ... غتلقاي كولشي واجد ...
قسم : ( ضارت لمرايا ) صافي غير سيري
صفاء : لا منقدرش نمشي .. موسيو اسد قاليا نبقى معاك
قسم : ( ضارت عندها بنرفزة ) صفاء !!! انا ماشي بنية صغيرة غتبقاي حاضياني .. الخدمة سالات .. انا دابا بوز حتى نتي سيري ترتاحي ونعسي ولا شوفي اش غاديري ولا نزلي قلبي ليك على شي واحد تلهاي معاه ...
صفاء : ( جرات كرسي وجلسات حداها ) تاحد هنا ما من الطراز ديالي وانا مباغاش ناخد فورست كيس عابرة ... داكشي علاش غنبقى معاك حيت موسيو اسد قاليا نبقى معاك ومنخليكش بوحدك ....
قسم : ( دارت فيها ابتسامة دخزيت وكتهضر بهدوء عالنة ليها انه الهدوء ما قبل العاصفة باش تاخد احتياطاتها) صفاااء حبيية ديااالي ..... كتعرفيني فاش كنتقلب ياك؟؟؟ وحنا باقين تاموصلنا لايطاليا ... ( وقفات وكتنوضها تاهيا ) داكشي علاش ازين ديالي ... .سيري خودي ليك شي جاااكوووزي ( جاراها جيهة الباب وصفاء غير كتشوف ) ورخي ليا العظيييمات ديالك مزياااان .. وعيطي على الماسوز ديرلك شي مساج ( حلات الباب ) عمك اسد ماعندوش غير قسم .. وعمك اسد مغيحاسبكش علاش درتي مساج وخليتي قسم ....( خرجاتها لبرا كاع ووقفات فالباب بابتسامة ) داكشي علاش سيري وخلي هاد الباطو يوصل على خير .... ( علات يديها بابتسامة ) باااااايباااي .... ( جمعات ابتسامتها ) ومنشوفش وجهك ....
سدات الباب ومشات كتكمل على شعرها وصفاء فالباب كترمش معوجة شفتها
صفاء : ضبر راسها ، فلخر يتزوجو هذا يقولو نسيبي العزيز ولاخر يقوليه ولدي لعزيز وانا نبقى فالعييييب ....
خلاتها ومشات وقسم كملات المصايبة دشعرها وهي كتجغم من مشروبها لي كتشربو كلما سالات الخدمة ... فيه فيتامينات و معادن كيزيدها الطاقة .... ولكن حسات هاد المرة فيه شي ريحة فشكل ومرورة كتضر فالحلق .. بدات كتشم فيه باستغراب ورجعات ممسوقاش كتكمل الشريب .... نشفات شعرها وجمعاتو لفوق ديل حصان .. ركبات اقراط فضييين ... وجلسات كدير مكياج هادئ ليلي .... رشات بارفانها ولبسات الصندال ديالها .... هزات صاك ديور حطات فيه تيليفونها وبارفانها .... وخرجات من لاشومبر طلعات للفوق كتقلب بعينيها عليه هو يبان ليها جالس فوق واحد الكرسي حدا واحد الطبلة وحاطين قدامو قهوة شاد كارو كينفضو بشوية بجوج صبعان فالطفاية لي قدامو وكيسف منو وهو كيشوف للجنب فالميناء ..
حتى جرات الكرسي وجلسات وهو قلب راسو لعندها وهي حطات صاكها وشافت فيه
قسم : ( بابتسامة مغرية ) شفتك جالس بوحدك وقلت حرام هاد الولد مسكين يجلس بوحدو بلا وناسة ....
اصيل جاتو الضحكة ، خرجها خفييفة بين شفايفو ، وطفا الكارو فطفاية و رجع بلور متكي على الكرسي بتنهيدة كيطالعها ، اناقتها لي كتفشلو و بياض جسدها المتناسق مع سواد لاغوب ، عطاوها مظهر صعييييب يقاومو .... عينيها لي جامعين بين الجمال والبراءة .. شفايفها المغرييين و ملامحها القويين .... كان غير وجهها بوحدو مجموعين فيه كااااع الملامح لي يلقى فعشرة دالبنات ..... تنهد على حالو و على صبرو لي كيتقادا معاها و جاوبها
اصيل : ومجاش فبالك واش هاد الولد مسكين يكون كيتسنى شي حد !
قسم : ( قربات عندو لطبلة كتر كتشوف ليه فعينيه ) وهاد شي حد لي كيتسناه .... ( بغمزة على الهادئ ) غيكون حسن مني انا !!!!!
اصيل غير كيضور راسو بابتسامة كيشوف معاها و كيحس بداك شوية دالعقل طيراتو تاني .....
اما داك البنت جالسة فطبلة اخرى كتشوف فيهم وكتهضر فالكيت
- واش نصورهم ؟
- كنظن ماعند هادشي باش يفيدني مدام قلتي فخبار باباها .... نتي تأكدي غير واش شربات داكشي .... والبقية خليها غير على الامن .... الى مضربتلهاش قرايتها ديال سنييييين فالزيييرو..... راه خاص يعاودو ليا السمية ....
- وزعما يصدق هادشي لي قلتي ؟
- واش عارفة شنو هي كابتن تتشد فحالة سُكر فالباطو ؟؟؟؟ واش عارفة شنو هي كابتن تصوك باطو وهي سكراااانة !!!!!! راه الحبس ابنتي .. الحححححبس .... بلا منهضرو على دوك اوسمة الشرف هههه ااااي شحال غنفرررررح ... قسم .. البريينسسيس مولات العقل وبكر الاشبال .... غتكون هي العنوان الرئيسي دالاخبار هاد السيمانة ..... مشدودة بحالة سكر وهي خدامة ، غاضرب سمعتها و سمعة الباطو عررررض الخيط
- ولكن الباطو دابا حابس
- واخا حابس راه غيقلع صباح ... وهي على حساب لادوز لي درتيليها تما مغتسحى تالغدا مع طناش دالنهار ههههه يعني راه غيلاحظوها سكرانة فالجمارك والامن فالباطو غايلاحظها ..... واجي ابنتي تشوفي الفضييييييحة كيغتكون الى دوزوها للخبرة ودارت التحاليل هههه اي شحال غااانتفررررج وهوما كيديرو ليها داك المييينوط ..... عنداك تفوتي شي لقطة متصوريهاش بغيت نشوف كولشي... حيت صحافة مكاينينش باش انا نسرب دوك تصاور لي تتشد فيهم .....
- متخافيش ..... انا هنا حاضياها ....
- والى عاقو بيك ؟ شنو گلنااا
- متخافيش ... غانقول بلي دات ليا خطيبي ..... وكننتقم ... ولكن تانت راك عارفة شغاديري ....
- نسلتك بحال الشعرة من العجين .... واش معارفينيش بنت من وعلاش قادة ؟
عند قسم ...
اصيل : ( قرب حتى هو عندها لطبلة تاوجوههم تقاربو كتر ) منقدرش نعرف شكون حسن واش نت ولا هي ...... ( هايم فتفاصيلها بحب ) حيت فت معاها المرحلة ديال كنشوفها بعيني .....
قسم : ( جمعات ملامحها لي شتتهم ليها وقالت بنظرة كلها عشق ) والى قلت ليك شوف بقلبك .... كاين ما حسن!
اصيل : ( سارح فعينيها ) العين لي كتختار ... القلب كيعرف حاجة وحدة .... كيوحل وكيوحلني معاه
قسم : ( كتحس براسها كيثقال ولكن وجودها معاه خلاها تنسى راسها لي ضارها ووعيها لي بدا كايغيب ) يعني دابا ... كتحس براسك واحل !
اصيل : واحل واحد الوحلة ... ( هز يدو كيدوزها على حنكها ببطئ ) لي زوينة بزاااف ......
قسم : ( حطات يديها فوق يدو ) أصيل ..... ( بحب كبييير وكتحس بعقلها بدا كيترفع ) تااانبغيبييك كتر من راسي .....
اصيل تنهد وشاف مع جنابو وبانو ليه الناس ضايرين بيه وكاينين تالكاميرات ...و البنت دغيا قلبات راسها لجنب قلبها كيضرب بجهد خافت يكون عاق بيها وهو يوقف وجر قسم من يديها و قسم علات حجبانها وهزات صاكها بزربة تابعاه .. هو كيتمشى وهي كتجري بطالونها باش تلحق خطواتو .... تاحسات بيه زدحها ورا واحد الحيط مخبي على الانظار و اضائتو قليييييلة وغاااص فشفاااايفها ملبي رغبتو بكل سرعة ... رغبتو لي مكيقدرش يكبتها .... وهي طيحات صاكها للارض ...وعلات يديها شدات وجهو متحكمة معاه فالتقبيل ...
حتى حيد ليها يديها علاهم ليها للفوق و بعضة خلاتها تتتششهق زااد فوتتيرة التقبيل .. لي تخلطات بمذاق الدم لي سال من شفايفها ....صدرها كيطلع وينزززل بقوة ،وراااسها ترفع بالكاااااامل .... حسات بحرارتها طلعااات حتى ولات تحرق فيييها .. كتقرب ليه كثررر وتلصق صدرها مع صدرووو برررغبة كبيييرة تخترقووو كامل ....
تحولات قبلاتها لقبلات لسانية جااامحة ..... حتى حسات بيه ضورها تاتزدحات فالحيط بقققوة ، مفعول الثمالة يدا كيسري فجسمها ويخلي عينيها يتقلبو وقبلاتو كايسكروها كتر وكتر .... وترتسم على شفايفها ابتسااامة رااااضية بالوضع ....
علا ليها شعرها للفوق ونزل مع عنقها بقبلات مخليين طريقهم حمرر متورم ... وهي كتنهج ... بدا كيحس برااسو كيتقال وكيفقد سيطرتووو ملي حس بيديه كيفاش مغروسين فخصرها .. علاش مبعداتوووش .... علاش مخافتش !!! ...
نفض راسو بزززربة حيت طول المدة وهو متحكم فزمام الامور، وكيحاول يعيش اللحظة بمتعة بلا ميفقد سيطرتو ولكن حس براسو غيفقدها وهو يتراجع كينهج ..
وملامح العصبية فوجهو ، حيت لقا راسو مغيقدر يدير والو وهو متحكم بحال هاكا .... فاي لحظة يقدر يغيب .. كان عندو امل انه ممكن .. ولكن لقاه مستحييل الى زاد شوية غيغيب على الوعي ويدير شي حوايج مغيكونش واعي بيهم .... بعد منها كينهج وهي حلات عينيها ... مدة ساكتة كتسناه ... فلخررر ضارت بشوية وهو تشوفو عاطيها بظهرو كيرد شعرو لور .. صدرو باقي كيتعلى وينزل .. وضار عندها .. حاول يبتسم واخا ابتسامتو كانت متوترة ... وهي كترمش فيه ... وقرب لعندها
اصيل : ( بصوت هامس كايدوز ابهامو على شفتها ) جرحتك تاني ....
قسم : ( علات حاجبها بنرفزة و جراتو من حوايجو قرباتو لعندها ) علاش وقفتيي ؟
اصيل : ( قرب لخدها باسو قبلة خفيفة وقرب لودنيها وهمس ) ماشي وقتو احبيبتي ...
جرها من يدييها يمشيو. .. وهي توقفو ونترات يديها منو. ....
قسم : على من امتى هادشي كان عندو وقت !!!!!
اصيل : ( ضار عندها كامل معلي حاجبو بحدة فنفس الوقت محافظ على هدوئو) علاش كااتغوتي !!؟
قسم : ( حاسة بعقلها مرفوع وعينيها حمرين كتقرب عندو وكتشرح بيدييها مغزفة ) ماااااعمر الرغبة كان عندها وقت .. كتتتتجي على غفلة مكنختاروش ليها الوقت ... الوقت كنختاروه لعراضة .. لعرس ... لاجتماع ..... ماشي للرغبة ديال بنااااادم ... هاديك كتجي بوحدها .... كتجي بحال الرعاااد .. بحال الموووت .... ( كتقرب عندو كتر وعينيها كايضعافو ) بحال كيما دخلتي نتا حيااااتي ..... هاكاك كتجي ... مكنكونوش دايرين حساااابها ..... ماعندكش الحق .. ( تزعزعات وقفتها وشدات راسها بزز معلية راسها فيه ) ماعندكش الحق تشعلها فيا وتبعد ..... مااااعندكش الحق .....
اصيل : ( صغر فيها عينيه وطلع يدو لجبهتها وهو يلقاها سخووونة وعلا حاجبو ) قسم !!! ( ترفعو حجبانو بخلعة و جبدها عندو كثر كيقيس فذاته و حرارتها مرتفعة بزاف ) واش نتي بيخيييير ؟؟؟ ( علات راسها لعندو كيدوز يدو على شعرها كيردو لور ) مالكي ؟؟؟؟
قسم : ( شداتو من الكول ديالو معلية راسها فيه مجننة عليه) مامالييييش .... نتا لي مااالك بعدتي بحال هاكاك ؟؟؟؟ وهادشي ماشي المرة لووولا ( كتهضر بنرفزة فنفس الوقت بثقااالة وراسها بدا كيغيييب وعينيها كيدبالو ) دييييما كاديررر بحال هاااكاااا .. اش وااااقع
اصيل كيرمش باستغراب ملي شاف صوتها كيفاش تبدل وثقال وتصرفاتها جريئييين كثر من لي مولف عليها ، عارفها جريئة ولكن فنفس الوقت عي حشومية شوية !!!! هاد المرة جاتو بحالا وحدة اخرى !!!! خصوصا فالتقبيل. .... بدا كيدوز لسانووو فجوف فمو كاتذوق هاداك الريق ديالها لي باقي عالق فلسانو يشوف واش فيه مذاق غريب ... ورجع قرب عندها علا ليها راسها بيديه
اصيل : ححلي فمك
قسم : ( كتنتر منو ) علااش .. طططلق مني ... علاش
اصيل : ( بحدة مزيرها من قرفادتها ) حححلي .... حححلي غير نشوف
زير ليها على فمها كيحلو ليها وهي حلاتو شوية و وهو قرب بنيفو كيشششم
اصيل : تتننفسي لعندي ..... ( شاف فيها بحدة وقال بزعاف مخلط بالخوف ) قااسااااام
قسم من زعفة ديالو تنفساااات وتبعثات داك الريحة لي مغريباش عليه .... وعلااا حجباااانوووو بصدمة وهي كترمش فيه وهو ضار موراه وشاف مع جنابو فلخر لصقها مع الحيط مجيفها بييييديه بعصبية وهي وسعات عينيها
اصيل : من امتى كتتتششششربي هاد الخراااااا همم؟؟؟؟؟؟ كم اكتى كتااااخدي لاااالكووول ؟؟؟
قسم : ( كتنتر منو ) طططلق مني ... واش تسسطيتي طلق
طلقها وهي كانت غااطيح بقوة مارجليها ثقيلة وشدها بزززبة ممعصصب .... وهي كتحاول تقاد وقفتها وهو كيفكر وشادها ... كيحاول يييفكر بالعقل ... واخا كاااع تكون كتشرب مستحيل تشرب وهي فالبااااطو!! .. هادي راه مخاالفة كتوصل حتى للحبس !! .....
قلبو بدا يضرب بجهد لخطورة الامر وهي تابعها فواياج اخر ..هز صاكها من الارض عطاه ليهااا وجرها من يديها وهي تابعاه مافاهمة والو تاوصل لدرج ونزلو كل مرة كتبغي طيح كيوقفها .... كيشوف مع جنابو ماحملش الوضع ولي داز كيشوف فيهم وهي تابعااه وكلها كتمميييييل .. تاوصل للجناح ديالو حلو ودخلها وسد البااااب وهي لتخات صاكها بالجهد فوق السرير وغوتااااات
قسم : واااش نتا حماااااقيييييييتي ....
اصيل : ( كايقرب عندها بعصبية وعرق منفوخ فجبهتو ورجع لونو احمررر ) راه نت لي غااتحمقي ديييييلمي داباااا ..... شنو شربتي ؟؟؟ ها ؟؟؟ شنوو شربتي ؟؟؟؟؟؟
قسم : ( بالغوات وعينيها حمرين ) واش مسسسسطي ؟؟؟ شنو غنشرب ؟؟؟ علاااش كتبدل الموضوع ( شداتو من حوايجو مقرباه لعندها كامشة عليه وعينيها فعينيه ) اصصلاااا دييما كااتهههرب .. قول لياا اش كااااااين ... هادشي بزاااف على واحد كيبغي الهارد كيسيييييز وصااافي!!!!!! ..... علاش كتهرب مني فكل مرة وتتعصب ؟؟؟؟؟
اصيل : ( هي كتهضر وكتزيد تنبعث ليه داك ريحة وشد ليها تحت فمها تاتعوج ليها ) سسسكتي شوية حححسك .. واش انا داباا فالهااارد كيسيييز !!!! شنو شششربتي ؟؟؟ قسم واش واعية بهادشي لي نت فيه ؟؟؟؟ ( بحدة وجدية وعروق غايطرطقو فعنقو بالخوف عليها والتوتر خصوصا انه يلاه خدا مسؤوليتها على باباها ) راك فالباااطو .. رااااك خداااامة .. راك هازة معاك هنا خمسمية دالخخخخلق .... واش عارفة شنو هي راك ألكوولي اقسم ولا معااارفاش !!!! راك شااااربة ابنت الناس
قسم : ( راسها ثقيييييل كتحس بصوتو غارق وغير شفايفو لي كااايتحركو وبدات تنتر ) اصيل بعد مني .. خررررج من هنا .. ( كدفعو ) سييييير خررررج عليااااا
اصيل : ( شدها من كتافها مفيكسيها معاه ) باااارااكا من تخربيق وسمعي ليا .... شنو شربتي ملي ساليتي ؟؟؟؟؟ عطاك شي واحد شي حاجة ؟؟؟؟ ( بالاعصاب هد عليها بظهر يديه ) شنووووو شربتي ماااااتعصصصبيييينيش رااااه غاااانصمكك ... واش عارفة فاش راااك واحلة دابا ؟؟؟؟؟ كيييغاندير ليك انايا دابا ها ؟؟؟؟ كيغانديييير ليك؟؟؟؟؟؟؟
قسم : ( كتنتر منو وتبعدو ) قتتتلييييك طلق مني وخرج عليااااا ... ملي مااامستعددش تعطيني كووولشي وداير الباريات بيني وبيييينك ومزال ممتأكدش من هادشي لي بيناتنا ....... غير سير ببببعد مني
اصيل شاف للجنب زفر النفس سخونة وجرها من يديها لدوش ... شعل رشااش بارد وهي كتنتر منو تاخشاها تحتوووو وجيفها بيديه مع الحيييط مغغغزف وماحدو كيستوعب خطورة الامر لي هوما فيه ...ماحدو كايتوتر كتر
اصيل : ككككلسي هنا ....متتتتحرررركيش
خلاها و خرج ... تا من الباب ددوش سورتو عليها من برا وخرج من الجناح بععصبية كولو حمررر وتيشورتو نصها فازك بالما درشاشة و شي زغبات فشعرو كيردهم لور وخارج كيقلب بعينيه على صفاء كولو متوتر وكيغزل ، وداك البنت نازلة فدروج غير شافتو طالع رجعات دغيا وبقات غير حاااضيااااه .... وتيلي فوذنيها
- هاهو طالع ..... كيبان ستريسي يمكن صافي سكراااات ....
- اش كيدير ؟
- ماااعرررفتش معرفتش .. كيبان ليا بحالا كيقلب على شي واحد
- مية فالمية غتكون داك صفاء ... منييييييين خرج ليا هذا ثااااني تفوووووو .... يخلييييها تخرج غاا نصورووووها ... حضيييها غير تبان ليك سكرانة خدمي الفيديو
- راه ممنوع ننزل لفين كايكونو انا واقفة غا فالدروج الى طلعو لهنا ....
- مهم نت خليك على بال
اصيل بقا كيقلب تما بعينيه وقلبو كيضرب بجهد مالقاهاش ورجع نزل يلاه راجع للجناح هو يشوفها جايا غير شافتو فداك الحالة قربات عندو بزززربة ....
صفاء : مووسيو اصيل ؟؟؟؟؟
اصيل : ( كيدوز يدو على وجهو بعياء وشاف فيها ) شنو شربات قسم ملي سالات خدمتها ؟؟؟
صفاء : ها ؟؟ ك كيفاش مافهمتش ؟؟؟؟ علاش
اصيل : ( بعععصبية وصفاء وسعات عينيها ) دابا هضررررت انا معاك ..... سووولتك جاوبيني
صفاء : ( بخلعة ) اا ... خ خدات .. خدات غ غير اينرجي درينك ديااالها وصااافي
اصيل: ( كيرد شعرو لور بتوتر ) غتمشي دابا تجيبي ليا حووووت يكون خضر مطااايبش .... لاكان شي واحد ريحتو زفرة يكون حسن ..... ( صفاء موسعة عينيها ) غتجيبي ليا دوا الراس و قهوة قااااسحة مسوسة .... وجيبي ليا تا شنوو شرباااات ...
صفاء : ( بخلعة ) و ولكن .. موسيو شنو واقع ؟؟؟ شنو وقع للمادموزيل ؟؟؟ ( جات داخلة لجناح بزربة وشدها ) خليييني غير نشوفها
اصيل : دابا سيري ديري هادشي لي قلت ليك وااااااجي بززربة
صفاء مشات كتجري وهو حل الباب دالجناح كيمشي ويجي حس براسو غادي يحماق وحيد التيشورت ديالو لاحها وحل الباب ديال الدوش دخل هو يلقاها متكية على الحيط بظهرها ساهية قدامها والما كينزل عليها حتى سردها كااااملة ... شفايفها محلولين كتنفس منهم وعينيها نااااايمييين ... ملي مشا اصيل وهي عقلها غير علاش كل مرة كيهرب منها .... كتحس براسها ثقيييييل مكتفكر فحتى حاجة من غير اصيل وهاديك البوسة لي دخلو فيها هي وياه .. وهاداك الاحساس لي جمعهم .... كتحسو بحالا غامرها من راسها لرجليها ومامخلي ليها تاشي فسحة تفكر فشي حاحة اخرى من غيرو هو .... اصيل ....
حسات برغبة كبيرة كتشعل فيها ، مختلفة على دلك الرغبة لي كتجيها ملي كتشوف تصاورو ولا تتفكر ضحكتو .... حسات هاد المرة بحالا رغبتها معندهاش حدود .. بحالا رغبتها ماعليها تاشي قانون يكبحها .. بحالا رغبتها هي لي مسيطرة عليها ماشي لعكس ...
حل اصيل الباب شاف لعندها مباشرة وهي حلات عينيها وهزاتهم فيه بشوية .... اصيل بدا كيطلعها ويهبطها ودااك لاغوب كلها لصقات عليها ملي فزكات وشعرها سارد كيطيح عليها ، منظر عينيها بحال شي واحد يلاه فايق من نعاس ولا شي واحد يالاه غايمشي ينعس ....
شاف لجنب كيتنهد ويطلب الصبر وينعل شيطان .... حيت اكثر حاجة محتاجها مع قسم ومنظرها المغري لي كيشوفها بيه كل نهار هو الصبر ...
وزاد لعندها وهي عوجات راسها بشوية معاه كتطلع وتنزل فصدرو العر*يان قدامها ... العصبية خلات عضلاتو السداسيين يتزيرو كتر فبطنو ... كتعلي عينيها لكتافو السمرين العراض ولي عامرين جروح ونذوب وسيكاطريسات .... بطنو تاهي عامرة باثار الخياطة .... قرب عندها كيحاول ميشوفش فيها بشهوة ويبقى متحكم فراسو واخا منظرها قدامو كولو كيغريه باش يعمي عينيه ....
حك لحيتو مشطها للتحت كايدعي الصبر ....و حط يدو على جبهتها وهي كتشوف معاه بعينين دابلين وحمرين وحركاتها ثقااااال والى بعدات على الحيط لي شادها احتمال طيح .....وهو شاف حرارتها انخفضات شوية بالما بارد
اصيل : بردتي بعدا شوية ....
شد ليها يديها قربها لعندو محاملش هاد الوضع لي محطوط فيه وخايف يكون شي حد لي دار ليها هادشي وهي عينيها غير عليه ....
اصيل : قسم ( كيحيد الشعر على وجهها وصوت الرشاش مالي المكان وكيهضر معاها بحنية) راك ألكولي ... شربتي شي حاجة ماهياش .... ونتي هازة مسؤوولية دابا .. ممنوع هادشي اقسم .... قرايتك كلها غاضربيها فالصفر .... واش عاقلة شنو شربتي بالضبط ؟ اينرجي درينك ديالك مكان فيه تاشي مذاق غريب ؟
قسم كان دماغها مشدود على كاع اش كيقول بحالا كيهضر بشي لغة مكتفهماش .... هزات يديها وقربات دوزاتها على لحيتو الكثيفة
قسم : ( بصوت هااادئ وفيه نوع من الاستسلام ) اصيل ... عفااااك .... ماتكذبش عليا ( اصيل كيشوف فيها ) بغيت جواب ... يقنعني .... ( عينيها كيتسدو وتاتحلهم بزز وهو شادها بين يدييه) علاش كتهرب مني ؟ واش ممقتانعش بلي انا وياك غنكملو تاللخر ؟ واش خايف تغلط معايا وفلخر منكملوش ؟ ( جات طيح لور وشدها تاني وكتهضر ثقييييلة) واش .... ( عينيها دمعو ) واش كتفكر فاحتمال انا وياك .. منكملوش
اصيل : ( حيد ليها يديها من وجهو وشد ليها وجهها بجوج يديه قربو لعندو) راك غير كتخربقي دابا هادشي مامنو والو ولا علاقة ليه ... كاين موضوع كبر دابا .... ديري بالك معايا اقسم عافاك
قسم : ( سرطات ريقها كتشوف فيه وهي بين يديه ) انا عمرني فكرت انا وياك غنساليو شي نهار .... انا نهار ( علات عينيها فعينيه وهو منزلهم عليها ) نهار شفت عينيك .... بغيت معاك نكمل حتى لخر ديال العمر ديالي ..... انا ماشي من الناس لي كيطلقو من الحاجة ... ( زادت كتقرب عندو) انا لاطلقت يديك نطلقها يوم يوماين .. سيمانة .. وتلقاني رجعت .... انا من الناس لي كنتقلق .. ونغضب .. ولكن مكنتفارقش .... انا ( كتقرب كتر وتعلات على صبعانها وهو هايم فيها ) انا هي هاديك البنت لي الى بغيتيها ، غتكون هي البطلة دقصتك ....والى مشيتي عليها ، غتبعك وتولي هي داك الشريرة ديال قصتك ....( بتملك كتر ) مغااانخليكش .. السبب لول ... حيت كنبغيك .... والسبب تاني ... عقاااب ليك حيت علقتيني بيك .. غير ديرها فبااااالك
اصيل : احبيبتي شكون قاليك انا باغي نتفارق عليك حيدي عليك هادشي من راسك .... راك غير محاساش اش كتقولي .. غتجيب دابا صفاء شي حاجة نحاول نوكضك بيها باش مايحسوش بيك على برا .. واخا هادشي لي غان.........
قبل مايكمل كلامو كانت غااصت وسط شفايفو وهو غمض عينيه ومقدرش يفصل هاديك البوسة فنفس الوقت راد البال مع الباب فوقاش تجي صفاء ومخلي دماغو واعي .. واخا مرة مرة كيحسها كتجرفو معاها وكايرجع دغيا لوعيو ....
فصل القبلة بهدوء وهي عينيها زادوو ذبالووو فييييه تادمعو .....
اصيل : خليك تحت الما ، اجي ( جراها من يديها تحت الرشاش ) خليك هنا ، غااانجي دابا ....
قسم : ( شداتو من يديه قرباتو عندها ) علاش كتهرب مني ؟
اصيل : ( شاف لجنب بتنهيدة عميقة وضار عندها دار يديه موراها فالحيط والما كيسيل عليهم وكايهضر وعينيه الشرسين فعينيها الريميين ) حمممدي الله حيت كنهرب .. راه الى مشيت تاشدييتك اقسم والرب العالي لافكك مني شي واحد ... كنهرب حيييت عارف راسي مزيااان لاشديتك اش غاندير فيييييك
قسم : ( علات راسها فيه ولسقات جسمها مع صدرو ) بغييييييت .....
اصيل : ( شد وجهها بيديه ) تانا بغيييييييت .. ولكن لااااا ... ماشي وقتو .. وماشي هااااكا ....
قسم : ( بتمرد ) علااااش ماشي وقتووو
اصيل : حيت انا مباغيش غير ن****ك وصافي !!!!! .... باغي منك بزاف دالحوايج اخرين خاصك تكوني فايقة ليهم ..... باغي نهضر تفهميني اش كنقول .... تهضري نعرفك اش كتقولي .... ماشي بحال هاكا اقسم .... راك غتسحاي وغتفهميني ... دابا خليني نفك هاد الكارثة لي طيحتي فيها راسك ونشوفو شي لاخر ( شاف موراه بتوتر ) فين تعطلااااات هادي تاهيا
قسم : ( حاوطات عنقو د بيديها وسرطات ريقها ) اصييييييل
اصيل سد عينيه زير عليهم من هاد التعيييطة لي زادت فشلاتو وصدروو قساااااح من تعنيقة لي بورشاتوو.....وحل عينو فيها
اصيل : اممم
قسم : ( كتشوف فصدرو ) كتعجبني ريحتك ..... ( اصيل كيتنهد ) فشكل ( علات عينيها فيه ) فيها شوية من الحروشية ديال الخشب فاش كيكون كايتحرق .... و شوية من داك الدفا لي كاين فريحة الفجر .... ريحتك بوحدها كتقول ليا بلي نتا واحد الحياة لي مسموح ليا نعيش فيها بوحدي .... فيها الليل وفيها الصباح .... فيها الظلام وفيها الضو .... ( عنقاااتووو وحطات راسها فصدرو وهو كيدوز يديه على شعرها ) بقى ديما معااياا عافاك .... فاش كتهرب مني بحال هاكاك كنخاف ... كنخااف بزاف .. كنخاف تكون متتأكدش من علاقتنا ..... كنخاف تكون باقي شاك واش غنكملو ....بغييييييت نكملو ا اصيل .... بغيت يا الكمالة يا الموت .. بغيتك تبغيني بهاد الطريقة .. حيت بيها انا كنبغيك ..... وعرفتي علاش بغيتك هاكا ؟ ( اصيل غير ساكت وهي كتهضر ثقيلة بالسكرة ومعارفاش راسها اشنو كتقول من غير كتعاود ليه اش كاين فقلبها ) حيت المراهقة ديالي دااااازت بااااردة ، مافيهاش داك الحماق ديالها ، عمرني بغيت فيها شي واحد ....عمرر قاسني شي واحد .. عمرني قست فشي واحد ... عمرني فحياااتي حتى عجبني شي واحد .... داكشي علاش ، نهار عرفتك نتا ..... وبغيتك نتاا ..... بغيتك بواحد طريقة حمقة ... بغيت نعيش معاك حقي لي ماعشتوش فداك مرحلة .... بغيت نعيش معاك حقي فالهبال د المراهقة .. وحقي فالبلوغ .. وحقي تافاش نشيب .. بغيت نعيش معاااك نتاا كواشي .....
اصيل : ( حط راسو على راسها ) اودي شكون غيخلييك ياهاد البنت .. غا الله يخرجها على خير ..... رااااني معاااك غا توكضي هاااا لعااااار
قسم : ( فصلات العناق وشافت فيه ) اذن علاش كتهرب مني ؟
اصيل بقى غير كيشوف فيها وهي تسمع ليهم الباب كدق وحيدها منو وهي غمضات عينيها بعصبية مزيرة عليهم ومزيرة على يديها وخرج تاني سد عليها الباب فدوش باش متخرجش .... وهز فوطة من على الفوتوي كينشف فشعرو وحل الباب وصفاء كانت جايبة فيديها اش قال ليها وهي تسرط ريقها ... تلفات ليها الهضرة فاش شافت صدرو عاري ويد كيمسح بيها شعرو بالفوطة .....
اصيل: جبتي اش قلت ليك
صفاء : ا . ا موسيو ا .. ا اصي .. اصيل ... ه هاهو ك كولشي
اصيل : ( شد عليها داك البلاطو وحطو على الكوافوز حدا الباب و هز داك القرعة كيشوف فيها ) هادشي هو لي شربات ؟
صفاء : اه هي ( كتشوف فالجنب باش متشوفش فيه ) هي هاديك
اصيل : ( خداها لاح الغلاقة وقربها لنيفو كيشمها ورجع غمض على عينيه مزيرهم وشاف فصفاء ) اش هادشي؟ شكون دار ليها لالكول هنا ؟؟؟؟ هم !!!
صفاء : اء ؟؟ ( بصدمة ) لالكووووول ؟؟؟؟؟؟ شرباتو ؟؟؟؟؟؟
اصيل : ششكون صاوب هادشي ؟ نتي ؟
صفاء : لا .... ص صاوبوه ليها ( تلفات ) و ولكن لا ... تاحد مغيدير ليها لالكول مايمكنش ... اينرجي درينك ديالها راه ديما كتاخدو .. لا ميمكنش يكون فيه لالكووول ....
اصيل : هي فايتة شربات ؟؟؟؟؟
صفاء : لاا موووسيووو عمرررررها ... عمرررها خدات لالكول ..... كيييفاش طرا هادشي ؟؟؟؟!
اصيل : داباا ماعنديش الوقت نحلل معاك ... غتمشي تقلبي شكون دار هادشي فالقرعة ، شوفي الكاميرات شوفي لي بانليك انا ماتيهمنييييش ... انا غاااانحاول نفييقها قبل من الصباح ... باش هاد تمارة ديالها ماتمشيش ليها فالزيرو ......وملي تفيق نشوفو شكون دار هادشي ..... عندااك يقوليك راسك تخلعي شي واحد ولا تقوليها لباباها .. هادشي غيبقى هنا بيني وبينك ..... سيري الى لقيتي شكون اجي عندي هنا ردي عليا
صفاء : صعيب نجيب لوطوريزاسيون دالكاميرات اموسيو .. خاصها هي توقع ليا .....
اصيل : تصحى ونشوفو .....
سد الباب ودخل وصفاء مصدومة واقفة يلاه كتستوعب خطورة الامر ... اما اصيل حط داك القرعة وبقى يشوف لدلك الحوت وقهوة والدوا لي تما .... وزاد دخل عندها لدوش هاد المرة كانت عاطية بظهرها شادة بيديها بجوج فالحيط ومنزلة راسها .. الما البارد كيهبط فوق جسدها وكيسخن دغيا بقوة ما حرارتها مرتفعة .. غير سمعات الباب تحلات ضارت بزربة ومشات لعندو بسرررعة بدون ماتخلي ليه فرصة ....كانت تلاحت عليه بقبل هاد المرة جامحة تالقى راسو راجع بللور ، شد غير بيديه فالحيط كيحاول يبعد وماااقددددش ... جسدها الفازك لي كولو لاصق مع صدرو .... درجة حرارتها .. ريحة انفاسها .... عطرها ... غير كونها قسم لي قلبو كادق ليها ... د مقدرش كاع يقاوم .... وجبدها عندو بيديه ، لقى راسو هاد المرة هو لي سكران فيها ..... وقرب لوذنيها بتوسل
اصيل : قسسسم ( كينهج ) ببعدي ..... راك ماشي هي هادييييك وانا راه مغنصبرش بزااااف
قسم : ( دموع نزلو بنشوة ) شكوووون قاليك صبرررر
اصيل : حيت انا لي هنا دابا بعقلي ... مانخليش هاد الشوية دالعقل يطير تاهو نديرو شي حوايج ندمو عليهم .. راه شاد راسي غاااابززز حيت واعدت باباك ... وحيت نتي مواعياش بشنو كاديري دابا .. غتسحاااي وغااتندمي ..... ببببعدي باش ماندمو بجوج اقسم راك غاااكتعدبي فيااا هاااكااا ..... تقاااي الله فياااا شوية ....
جرها من يديها وخرجها من دوش وهي كلها كتنهج وكلها فازكة وجلسها على الفوتوي وهي كيف مادار ليها كتميل معاه وجلس على ركبتو هبط لمستواها كيمسح ليها وجهها وشعرها بالفوطة وهي عينيها كيتسدو غير راسهم
اصيل : حااولي غير تسسمعي شنو كنقول متفكريش غير فشنو كيقول ليك راسك ( ضور ليها وجهها عندو ) ديري بالك شوية معايا وشنو كنقوليك انااااا .....
تنهد ومشى لكوافوز هز طبسيل ليه فيه الحوت خضر و بدا كيحل فيه بالموس ومشا لعندها بداك طبسيل
اصيل : حلي فمك اقسم
قسم : ( كتشوف فداك الحوت وكاتشوف فيه ، وهضرات ثقيل ) اصيييييل شن ... شنووو هاد شي ؟؟؟؟؟؟
اصيل : ( خدا شوية بالفورشيت دارو ليها ففمها وهي تغيييلفات ) كوووليه ...كوووليه باااش تررردي .. كوووولي ( بغات تردو من فمها وشدو ليها بعصبية ) كوولي اقسسسم متعصبيييينيش .... كوولي خليني متاقي فيك الله على هاد الخراااا لي درتي .... لي عطاااوك تحلي فمك تشرررربيه ، ماااتعرفييش تشششمي ؟؟؟؟؟ بببلعي
بدا كيبزز عليها ويخشي ففمها بزز وهي قلبها كايطلع ... تاوكلها جوج دغمات بسييييف .... وهو يحس بيها صافي غترد وناض بيها لدوش دغيااااا جلسات فالارض قدام لاشااس كترد وهو كيجمع ليها فشعرهااا لور .... هي كتبغي تنوض وهو كيردها تزيد ترررد
اصيل : زيييييدي .... خوي معدتك كاملة ..... ررردي كووولشي .....
ردات حتى بقات غير كتنهج ، ونوضها غسل ليها وجهها وردها ثاني كيوكل فيها وهي كتنتر معاه بعصبية ... تاضربها بتسرفيقة لي واخا كانت خفيفة ولكن كانت كافية باش تثثبت ... شادها من عنقها وكيوكلها بزز حتى كتجيها ردة ويديها ثاني ترد ... ويعاود تاني يوكلها .... تاحس بمعدتها كاملة خوااااات عاد غسل ليها وجهها وخرجها .. كلها كتنهج وصفااارت .. عينيها حمرين بحال الدم ونايميييين ..... جا حداها كيمسح ليها وجهها بفوطة ...
اصيل : ملي نقوليك ديري شي حاجة متبقاااايش تعععكسي .. واش مطييبحة راسك فبلااان قد رااسك وكتقولي ليااا لاااااا
قسم : ( ضرباتو ليدو ) تقييييسني مزاااااال والله حتى غاااااندمك
اصيل : راه لاماصحييتيش قبل من صباح نت لي غاااتندمي .... ( مد ليها قهوة ) حلي فمك ....
قسم : ماابغييييتش بعد مني
هز معصمو شاف ساعتو ، اما هي فلتات منو ناضت كتمشى وكتميل شادة غا فالحيوط والاثاث وهو كالس فالارض على ركبتو شاد على راسو كيغايدير يسحيها قبل من السبعة دصبح ....
تنهد وناض لقاها غادية جهة البالكون ومشا شدها مرة كتعصبو مرة كتبقى فيه حيت حس بلي شي حد لي دارلها هادشي ميمكنش يكون غير غلط .....
اصيل : اجي فين غادا اجي راسك سارد غيضربك البرد ( شد داك الباب دالبالكون وضورها عندو كيحيد ليها شعرها على وجهها ويمسح ليها فوجهها لي كولو رجع عرقان ) حبيبتي ضربتك حيت مخلوع عليك ومكسمعينييش .... راه باغي غير نصححيك .. معرفتش شكون دار ليك هادشي ولكن غاانعرف ..... ( هبط ببوسة خفيفة فشفايفها ) اجي دابا جلسي شربي قهوة وشربي دوا باش دماغك يتحل شوية ، معدتك دابا راه خويناها من لاكول لي غايزيد يطلع لدماغ ... ( كيدوز يدو على وجهها حيت دغيا طبعو صباعو وباسها تما ) والى عرفت شكون دار ليك هادشي برررربي لافلت منها اقسم ....
قسم عينيها بداو كيتسدو وهو يجرها من يدييها بشوية دايها للسرير وتكاها عليه وهي شاداه فيديه مابغاتش طلق كتشوف فيه
قسم : اصيل
اصيل : احبيبتي
قسم : غاتبقى معاياا ديما ياك
اصيل : ( بابتسامة ) ديما ....
قسم : ( عينيها تعمرو بدموع وصوتها ثقيل ) انا كنموت على عائلتي .. ولكن طريقة باش عايشيين كتخنقني .. بغيت نعيش غير انا وياك ا اصيل .... غير انا وياك .... بغيت ندير انا وياك قانون اخر نمشيو عليه .. حياة اخرى .... ماشي هادي لي كبرت فيها
اصيل : ( كيدوز يدو على جبهتها كيتسنى الحرارة تنزل ) ان شاء الله اقسم .....ان شاء الله
قسم : لا .... من هضرة بابا باين بلي نتا لي غتجي لحياتي .... بانليا باغيك دخل وسط العائلة ..... انا مابغيييييتش ااصيل .. مبغيييتش... انا هتاريتك نتا باش نهرب من بروتوكل ونعيش حرة .. ماشي باش نتا لي دددخل لعندي ونعيشو بجوج محبوسين
اصيل : هادشي مغنهضروش فيها داباا .... رتاحي .. غنعطيك قهوة غتشربيها كاملة واخا ؟
قسم : وغتبقى معايا ؟
اصيل تنهد وناض هز داك فنجان وكعدها شوية وعطاها وهي كتخسر ملامحها
اصيل : شششربي .... ( بعصبية) كووولها اقسم ولا غنضرب مكك عاااود... ومتعصبينيش ثااااني
قسم نزلات عينيها فداك القهوة لي زادت روعات ليها قلبها ....
اصيل : تردي ؟
قسم غير ضورات راسها بلا وهو كيشوف فيها كتشرب مخسرة سيفتها وكيتنهد ..... فاش مبغاتش مزال تزيد دار الكينة دراس وعطاها شرباتها تاني غابزز ورجعها لفراش ، وهي مبغاتش طلق من يديه ....
قسم : نعس حدايا
اصيل غير كيسوط عارف راسو صبرو قليييل وبحالا كيحط راسو فالمشنقة دالتعذيب ملي قريب ليها قد هاكا و مقادر يدير والو .... دخل حداها فالبلاصة لي خوات ليه وهي حطات راسها على صدرو وهو مستسلم غير كيدوز يديه كيمشط فشعرها وهي كدوز يديها على السيكاطريسات بطنو .....
قسم : كاع ماقلتي ليا .... منين جاك هادشي؟؟ ضاربتي مع شي حد ؟
اصيل : ملي تفيقي غذا عاودي سوليني وغانجاوبك ....
قسم : ( عينيها كيتسدو ) اصيل
اصيل : اممم
قسم : عمرك بغيتي شي وحدة قبل مني
اصيل : لا ...
قسم : علاش ؟
اصيل : حيت ماجات تاشي هبيلة قبل منك تبيع لبيتزا فالحومة ديالنا .....
قسم : وماعمرك غتبغي شي وحدة من غيري ؟
اصيل : لا
قسم : علاش ؟
اصيل : حيت الروكان ولد غير قسم وحدة .....
قسم : وكون ولد جوج مني ؟
اصيل : كنت غنديك نتي ...
فسم : علاش
اصيل : حيت مكانتش غتبغيني كيفما باغاني نتِ ....
قسم : علاش كتهرب مني ؟
اصيل : بغيتها تجي فوقتها
قسم : بحالاش هاد الوقت
اصبل: تكوني صاحية ..... وعارفة راسك شنو كديري .. ومعامن نتي ....
قسم : عارفة شنو كندير .... وعارفة بلي نتا اصيل ... واش رديتيني حمقة
اصيل : فالفراش انا ماشي اصيل ... انا واحد الراجل خااااايب بزاف .... واحد راجل لي خاصك تكوني عاااارفاه شكون .... وماحدك مزال معارفاهش .... مزال ماشي وقتو ....
قسم : ( كيديها النعاس بسبب الدوا ) كيفاش خايب .. اش كاايدير ؟
اصيل: ( كيتفكر اخر اومبيلونص شاف واخر بنت نعس معاها، وغمض عينيه مزير عليهم ويديه كتمشط فشعرها .. تنهد وجاوب ) كيڨتل .....
الساعة 06:30
قسم بدات كتحل عينيها على صوت الخبيط فالباب .... بدات كتحاول تستفق وراسها ثقييييييل .... كتحاول ترمش غير فبلاصتها وتحيد ضبابة من عينيها تستوعب اش واقع .....
عاد تحلو عينيها فجناح اصيل ... ووعات بلي الباب هادي لي تااتدق ... شافت لجنبها هو ييان ليها اصيل ناعس على كرشو ومضور راسو لجنب لاخر ، وظهرو كامل عريااااان .... بقات غير كترمش مافاهمة والو وبدات كتشوف لحوايجها لقات راسها بحوايج البارررح ... وشعرها كولو مشعكك طايح معاها .. علات عينيها لباب وناضت بشوية ودوخة كتقلب فيها كتبغي طيح وكتشد راسها بزز تاوصلات لباب .. جامعة عينيها بتساؤل وعدم استيعااب للاومور ... غير حلات وهي تلقى صفاء واقفة كتنهج غير شافتها بدات كتحمد الله
صفاء : مااادموووزيييييل ...الحححمد الله .. الحمد الله حليتو هاد الباب .... ( كتنهج غادي تسخف شادة لجنب الباب كترد انفاسها ) مادموزيل عيييت نصوني عليك .. راه بقاااات نص ساعة .. كان باقي شوية ونهرسو البااااب ..
قسم : ( كترمش فيها بعدم فهم ) صفاء ؟ .... ( ضارت موراها كترمش بعينيها ورجعات شافت فيها ) اش كندير هنا ؟
صفاء : دابا مغنقووولووو والو وماتسوليني على. وااالو .. غادي تمشي بزربة بدلي حوايجك وتمشي للجمارك تسني على الوراق ..... عاد اجي نفكرك ونفهمو بجوج اش واقع .... ( قسم كترمش فيها ) نتي دابا مزيان ياك ؟؟؟؟ البارح جيت ولكن كنتي ناعسة و موسيو اصيل قاليا تقدري تصبحي مزيان حيت رديتي بزاف .... ( قسم كترمش فيها مفاهمة والو ) كتحسي براسك مزيان يااااك؟؟؟ مافيكش دوخة .. كتشوفي مزيان ( كدير جوج صبعان حدا عينيها ) شحاااال هادو ؟؟؟؟؟
قسم غير كاتشوووف بعدم فهم ...وهي تجرها صفاء داتها لجناحها وهي غير تابعاها بالحفة .... ودخلاتها وسدات لباب وضارت عندها
قسم : صفااااء قولي اش كاين اويلي اش واااقع ؟؟؟؟؟ فهموووني غير اش كاين ؟؟؟؟ مافهمت والو. .. اش كندير انا عند اصيل ؟؟؟؟؟
صفاء : البارح ... معرفتش شنو شربتي .. و راااك سكرتي .. ( قسم وسعات عينيها ) دابا الحمد الله ، و كيف قال موسيو اصيل ووصاني لبارح .. عند الجمارك تعااملي عاااادي .... عنداك تبيني بلي كيحرقك راسك ولا شي حاجة باش ميشكوش فيك ويديرو ليك تحااااليييل ... قاليك موسيو اصيل ديري پافيط وقولي ليهم بلي صبحات فيك لاگريب ودرتيها احتياط ، غييير باش ميشموش فيك شي ريحة ..... سني وراقك ورجعي دغيااااا للباطو ....
قسم : ( موسعة عينيها بصدمة ) كييييفاش سسسكرت ؟؟؟؟؟؟؟ ( بعصبية ) واش عارفة اش كتقولي نتي ؟؟؟؟؟؟؟ اش كتتتتخربقي عليا ؟؟؟
صفاء : اااه اه امادموزيل .. منعرف شكون لي زاد ليك لالكول فالاينرجي درينك ديالك ..... دابا مغنهضروش فهادشي ماعندكش الوقت .. سربي دغيا تمشي للجمارك .... ( مشات بزربة لبلاكارها كتجبد اللبسة ديالها لي لبارح تصبنات وتصلحات) غتسني وراقك وغتهضري معاهم من بعيد قولي ليهم فيك لاگريب .. ورجعي لباطو كملي خدمتك عادي متفكري فوااالو ... ملي تسالي انا نجي عندك للكابين نفهمك كوولشي
قسم : ( جات ماشية لباب ) غنمشي عند اصيل ...
صفاء : ( مشات كتجري شداتها ) فيييين غاااتمشي فييين ..... راها ستة وخمسين دقيقة داااابااا .... راك معطلة بزااااااف .. موسيو اصيييل الليل كامل وهو فايق مستحيل يفيق ليك دابا باش يشرح ليك... شوفي ( شداتها من يديها ) ثيييقي فيا ... لبسي حوايجك ونساي هادشي لي قلت ليك كامل بحالا مكاينش... الى بغيتي اليوم يدوووز على خييير ..... هبطي لجمارك سني وراقك .... واجي طلقي هاد البااااطو يمشي فحالو مع الثمنية ونص .. تبتي ليه الخط .. وغااانجي عندك نشررررح ليييك كوووولشي .... وحتى شكون دار ليك هاد الفعلة تاهو غانوريييه ليك ... غااااسيري دابااا ديري لي هو مهم ... الحمد لله غير لي صحيتي شوية .... اما كون كنا غنطيحو فواحد الكاااارثة قد الخلاااااا .. ومكاااااينش لي يخرجك منها .. الحمد الله كااااين موسيو اصيييل عتقك لبااارح .....
قسم غير استوعبات شوية الاومور مشات بزربة كتلبس وصفاء بزربة معاوناها دخلات السيدة تاهي بزربة قادات ليها شعرها لور اما حتى الميكاب اكتفات انها غسلات وجهها ، لقاات راسها معندهاش وقتو وصونفيل دصفاء ماطفاش بالجمارك لي كيتسناوها .. لبسات البافيط كيف وصا اصيل صفاء دير ليها ، ولبسات نظاظر كحلين .... ونزلو بزربة للجمارك ....
قسم عقلها مووضرر ولكن كتحاول تنتبه معاهم باش ميشكوش فشي حاجة ... كارثة قد هادي كانت غتديها للهلاااااك ومزال معارفاش حتى كيفاش طرا هادشي ... كتسني على الوراق وعقلها مرفوع فالتفكير ...
طلعات للباطو بزربة متجهة لاكبين ديالها وصفاء زادت تبعاتها بقهوة ثاني ودوا دالراس ..
بداو كيقترحو عليها يبدلو الكابيطان مدام فيها لاكريب وكترفض بحكم باقا قادة ومبغاتش ضيع هاد طراجي لي بداتو ... اللهم تكمل حسن مايبقى تابعها ....
طلقات الصاافرة دالباطو .. وزادت ....
اما اصيل بات عند راسها فايق مرة يعيط لصفاء ويوصيها ويأكد عليها .... مرة يفيق فقسم يشوفها واش كترد وعيها .. حتى لخمسة ونص دصباح عاد طاح فخطرة وحدة مهدود فالنعاس ..
اما قسم حتى خدات القهوة وبدات ترد راسها ووعيها شوية بشوية وهي قدام البحر عاد بدا الحريق كايهدا شوية ....
وكل مرة السوو كابتين كينبهها لشي غلطة وشي حاجة نساتها وهي غير كتبسم وتبين بلي غير نعاس لي منعساتش مزيان .... اما هي راه تالفة بسبب عدم الاستيعاب ....
بعد ساعتين عاد بداو كيتسرسبو ليها كاع الاحداث لي طراو بليل بحال شي حلمة خااااايبة كتفكرها شوية بشوية بشكل مضبب .. رادة راسها على الكرسي لور وكتمسد فجبهتها وشدات وكل مرة توسع عينيه فالسقف بصدمة منشنو كاتفكر ..
وصفاء واقفة تما فالزاوية مراقباها ، عرفاتها الا راها عاد كتفكررر كي كانت لبارح ..وواضح غاتكون دارت شي هبال حدا اصيل لي غتكون دابا حشمااانة علييه كيما باين على وجهها وملامحها لي بحالا سمعو شي خبار مازويناش ....
08:00 بتوقيت واشنطن .....
قدام مراية طويلة وسط بيت النعاس ديالو كيلبس السمطة لسروال كحل ددجين .... لبس تيشورت كحلة تاهي ، نزلها على بطنو المشدودة حتى جات لاسقة على عضلاتو ....
هز سمطة مارون دالكوير ديال السلاح ديالو علقها فصدرو وكتفو الايسر ... عاد لبس فوق منها كويرة كحلة ... قاد شعرو بيديه لور و تيلي على طبلة حداه سپيكر كايصوني تاجاوباتو
قدس : لوؤي ..
لوؤي : كتردي عليا فتيليفون بحالا معيط نتسلف عليك ولا باغي نتبراااا ..... واش ابنادم مغتفهميش واحد النهار راك حبيبتي ، يعني شوية دالكلام زوين على صباح مغايدي منك والو !!!! ولا لا ....
قدس : صبعاني باقي مافيهم تاشي خاتم .... وناموسيتي كنعس عليها بوحدي .... ومصروفي كامل من رزق بابا .... دونك مزال مامفروض عليا تاشي حاجة معاك اولد عمي ....
لوؤي : على خليتينا حنا نديرو معاك شي حاجة .... !! ولكن غا بلاتي على مك ... غا جمعيهم .. مزال نصرفهم وحدة وحدة .... كاع هاد التمرميد لي كدوزيه عليا دابا ... غيدوز عليك بالضوبل ..
قدس : مزيان درتيها فبالي باش نعاود نفكر ....
لوؤي : على نت فكرتي بعدا بقى غا تعاودي ( كيتنهد كيركب ساعتو ) اودي الله يعطيني معاك غالصبر
قدس : دابا شنو بغيتي ؟
لوؤي : بغيت نعرفك فينك ؟ اش كاديري .. ناعسة فايقة ... شنو غاديري اليوم ؟
قدس : هه! ياك زعما على اساس كتعرف كولشي راسك و الاجوندا ديالي عندك ...علاش كتسولني
لوؤي: لاجوندا عندك فيها غير لاصال ليوم راه دوزتيه .. نهار كيبان ليا خاوي غادوزيه غير فدار ؟
قدس : نو ... غنخرج مع ماما وبابا ... غنمشيو شوية للبحر حيت هوما غاديين لافران غذا مع وسيم وبغينا ندوزو نهار اونسومبل ....
لوؤي : مزيان ... خرجة فاميلياغ ادن
قدس : وي مي غير انا ، وسيم مشى ... بغا يقول بسلامة لصحابو ... خرج قبيلة ....
لوؤي : ( شاف لساعتو لي مخليها على توقيت المغرب لقاها عندهم الجوج ) تغذيتي آلحب ؟
قدس : ( محطوط حداها فالبالكون ) هاهو حدايا ومافياااااش ... ولا الى جيتك للصراحة .. فيا ولكن هادشي لي قدامي مكايشهييش ....
لوؤي : شي جوج معدنوسات لاويين تاني !!!
قدس : وايييه .... عرفتي تشهييييت لي نيييم ....
لوؤي : انجي عند حبيبتي ونجيبهم ليك ....
قدس : ( بفرحة ) حححلف ؟؟؟؟
لوؤي : والله تانجيبهم ليك .... يقتلوك ليا انا بجوع .. مالنا اش واقع ....
قدس : ولكن راه دبصح الوؤي غلااضيييت وانا راه لاعبة ديال التنس .. راه لا علاقة وليت .... راه مغيبغيوش
لوؤي : وماايبغيوش و منبعد؟ ياك انا باغيك ! .. اوا باركة عليك ....
قدس : قوليا بعدا .. نتا اش درتي ؟ وصلتي لواشنطن !!!
لوؤي : وصلت ... دوشت نعست .. ونضت دابا نمشي نشوف اش واقع .. يدوز الاجتماع ونعيط لحبيية ديالي
قدس : نو ، غنكون برا ....
لوؤي : داكوغ حتى نشوف عندك الليل ... ونصوني ليك ...
قدس : واخا غنتسناك
لوؤي : يلاه تانعيط ليك ...
قدس : صبر بعدا .... فوقاش غاتجي ؟
لوؤي : ماعرفتش صراحة ... علاش ؟
قدس : ( بضحيكة خفيفة) توحششت ... لي نييم ...
لوؤي : ( جابت ليه الضحكة وقال بحب ) حتى لينيم توحشوك .... ولكن خاصهم يخدمو ..
قدس : امممم .... داكوغ ... الله يعاونهم ...
لوؤي: يلاه احبييتي تالليل ...تهلاي فراسك ..
قدس : تا نتا ....
قطع تيليفون ولبس كاسكيط كحلة وهز سوارتو ومشا باتجاه المطبخ عندو محلول على الصالون ، صغير وانيق ...هز قهوتو من البريسة شربها وخرج من الشقة ديالو لي كانت صغيييرة فعمارة نقية وسط المدينة وقربة للدورية ...
هبط فالاسنسنور ديريكت لباركينغ ومشا باتجاه الجيب ديالو لي كايخليها تما للخدمة .... ركب فيها , حل البواطآگون هز الشارة ديالو دراها فجيبو وشد الطريق للدورية .....
وصل حدا باب الدورية ... پاركا ولبس نضاضرو ونزل كيلعب بسورات فيديه ، طلع فدروج بزربة و الامن لي فالباب عطاه التحية رد عليها غير براسو ... ودخل كيعلق فعنقو السنسلة لي فيها الشارة ديالو ... داخل فقاعة كبيرة عامرة بيروات صغار مفتوحين على بعضهم ، كيضرب غير بيديه فالكفوف د صحابو لي خدامين تما و لي بعيد كيبعث ليه غير اماءة ولا غمزة ...
تاقربات عندو ليزا لي كانت جاية فطريقو ، امراة فالاربعينيات ، سمراء البشرة طوييلة و كتافها كبار .. بكوستيم كحل و شعرها راسطا جامعاه للور ، شارتها معلقة فصدرها الكبير وملامحها ناعمة فنفس الوقت مخلطين بالجدية و المروءة ...هازة فيديها جوج كيسان دالقهوة و مدات ليه واحد
ليزا : كنت غادة بيه لعند پول ... ولكن باليا نتا محتاجو كتر ( علات ليه النضاضر على عينيه ورجعات نزلاتهم ) نعستي شوية ؟ قال ليا نيكولاس شديتيها من اوروبا على ود الاجتماع ...
لوؤي : ( حيد نضاضرو ورشف من الكاس لي مدات ليه ) نعست شوية .. ( غمزة ) شكرا على القهوة ....
زاد غادي هو يسمعها
ليزا : أووولاي ! .... ( ضار عندها ) واحد الگيفت كايتسناك فالمكتب دالتحقيقات ....
ضحكات ومشات وهو ضور راسو لجنب ، عارف غيكون صباح ثقيل ثاني .... وزاد غادي جيهة البيرو ديالو و حجبانو مقرونين كيف عادتو فخدمتو ... حياتو الخاصة و العائلية فالمغرب مختلفة بزاف على وهو فالدورية .... مكيديرش صداقات بزاف من غير نيكولاس والعميد ، مخلي بزاااف دالمساحة بينو وبين الناس ، مواضيعو مكيتعداوش معاهم الخدمة .. مكيعرفش يخرج شخصيتو الحقيقة فهاد البلاصة .. هنا كتخرج غير شخصيتو العملية ولي صعيييب تشبه لشخصيتو مع عائلتو ولي ناس لي كايبغي ...
وصل لبيرو ديالو حط القهوة وهز الاجوندا ديالو ، وهو يوقف عليه شاب طويل فاواخر العشرينات .. سروال دجين وكوستيم مارون وحط ليه واحد ضوسي على البيرو ديالو ..
ارثر : صباح خير أولاي ....
لوؤي : صباح الخير .... ( شاف لضوسي لي حط ليه وهزو ) شهادشي
ارثر : تحاليل د خينا لي للداخل .. قلت يمكن تحتاجهم قبل مادخل عندو ....
لوؤي : ( كيحل فضوسي ) وهاد خينا هذا غنفطر انا بيه ! مكاين تاحد هنا من غيري !
ارثر : قسم الجنايات فهاد الدورية فيها غير نتا ونيكولاس ... نيك مزال ماجاش .. اذن راه كيتسناك نتا ....
لوؤي هز عينيه لصورتو لي فضوسي عرفو انه واحد من قطاع الطرق لي كانو شدوهم هادي ربع شهور وهو فالحبس وتحقيق باقي قائم معاه يعترف بالعصابة لي داعماه ... تنهد وشاف فيه ....
لوؤي : فوقاش خدا هاد لادوز ؟
ارثر : قالت جيسي بلي تخادت فقل من ربعة وعشرين ساعة .. يعني نقولو لبارح...
لوؤي : ياك كان فالانفرادي !
ارثر : هادي يوماين فاش تحول .. قلبنا الدانجن" الزنزانة" كاملة و مكاين فيها والو .. لي دگ ليه لادوز .. دگها ليه من برا
لوؤي : مكانتش عندو زيارة ؟؟
ارثر : لا ... حققنا ، دخل غير الگارديان ....
لوؤي : جمع كاع لي شدو الگارد لبارح شوف شكون ناقص فيهم
ارثر : وعلاش لي ناقص !
لوؤي : لي ناقص فيهم ... ( كيحيد فالكويرة ديالو ) هو لي غيكون دگ ليه لادوز
ارثر : وعلاش غيكون ناقص ؟ يقدر يجي عادي !!!
لوؤي : ( خرج من البيرو ديالو وجا حداه ) النحلة فاش كتقرص اش كدير ؟
ارثر : ( باستغراب ) كتموت
لوؤي : علاش فنظرك !
ارثر : ( معوج شفتو للجنب ) معرفتش !!
لوؤي : حيت عارفة مزياااان لامشيتي تاشديتيها من بعد داكشي لي دارت ليك ... غتقتلها .. داكشي علاش كتفضل تموت بكرامتها
ارثر : ( جاتو الضحكة ) هه !!! زعما واحد گارديان ديال الحبس دخل دوز ديال لادروگ لمحابسي .. غيخاف من البوليس يشدوه ؟؟؟؟؟؟ هههه !!! كوووومااااان !!!! ...
لوؤي : وشكون قاليك هربان من البوليس !
ارثر : ههه ؟؟؟؟؟ ومن شكون !!!
لوؤي : غيكون هربان حيت غيكون ساق لخبار بلي خينا باقي عايش ، و الى مشاو تاساقو الخبار هادوك لي صيفطوه باش يصفيها ليه الى راه مادار والو وجبد عليهم النحل دابا فمكتب التحقيقات ، غيديرو فيه ماكنتي غادير فداك نحلة لي قرصاااتك ( رد ليه ضوسي لصدرو و ارثر شدو ) فاللهم يهرب ويقلب فين يمووووت على خاطرو حسن مايقتلوه هوما لاشدوه حيت ماقتلوش ، ولا يشدو هو حيت عرفو باغي يقتلو ..... حيت لادوز لي عطاه هنايا ديال الموووت ...وكون متعتقش دغيا فالسببطار ... مكنتش غنصبح عليه انا هاد صباح نفرع كري على الريق ..... كون راها هننانا منو .....
ارثر : ( وسع عينيه ) واش كااان باغي يقتلوووو !!!!!! ماشي غير عطاه لادروك ؟؟؟
لوؤي بقا يضور راسو ومشا و ارثر رجع كيشوف فضوسي ولادوز لي خدا .. كتبان ليه بصح دوز مميييتة ...هو علاش ماردش لبال لهاد التفصيل !!!! وكلهم مشى بالهم غير انه مجرم خلص شي واحد يعطيه لادروك ....
لوؤي مشا تاوصل لمكتب التحقيقات هو يلقى الرقيب جالس على الكرسي قدام الكاميرا والكاسك فوذنيه .. وقف بتحية لبعضياتهم ... و رجع جلس و لوؤي كيشوف من الزاج ، كان السجين رجل عضلي ، لابس غير بيل بيضة و كومبيليزون صفرة ديال الحبس مخلي فيها غير سروال اما سماطي مطلوقين للتحت ... كتافو كلللهم وشاامات زورق و طالعين لعنقو ... نيفو ووذنيه كلهم تقابي لي واضح كانو فيهم حلقات قبل ميشدوه ويحيدوهم ليه .. جالس على الكرسي ويديه فيهم المينوط مربوطين بسلسلة طويلة فالحديدة ديال الطبلة الفولادية لي حداه ....
الرقيب : مكااالمي و مكيدير والو ... ومكنظش ناوي يهضر .. دخلات عندو ليزا .. حاولات ولكن غير ساكت ....
لوؤي : فوقاش وقع هادشي بضبط !
الرقيب : البارح مع داك السبعة دالعشية .. المحابسية بلغو بيه بلي طايح فالدوش وكانت الكشكوشة خارجة من فمو، غاتكون فخبارك راه وصلوك التقارير لبارح ...حولوه لسبيطار و الخبرة تكلفات بيها جيسيكا .. كنظن التحاليل تاهوما غيكونو وصلوك ... العميد دابا بغا يعرف شكون هدا لي دخل ليه لادروك حتى للدانجن ...
لوؤي : العميد شاك هو لي طلب لادروگ ؟
الرقيب : اكيد ... هادي حاجة واضحة ....
لوؤي : واضحة ليكم نتوما .. ماشي ليا انا ....
خلاه وحل الباب ودخل .... السجين غير سمع صوت الكاط ديالو جاي وسط صمت هاديك الغرفة الخانق .. والبرد ديالها .... علا راسو فيه وعينيه زرررقييين كبااااررر .. لحيتو كبييرة تاهي كلها زعرة ... وراسو قرع ...
جر لوؤي الكرسي وجلس قدامو .. والسجين بقا كيشوف ليه لسمطة السلاح لي معلقة فصدرو .. ولوؤي علا حاجبو فين كيشوف وشاف فيه
لوؤي : عجباتك ؟
هداك السجين غير كيشوف ولوؤي نصلها ومشا عندو ولبسها ليه والرقيب وسع عينيه
لوؤي : ( واقف موراه كيسد ليه حزامها فظهرو ) هاهيا عندك ..... ( حيد الشارة من عنقو وعلقها ليه ) وزيدك تاهادي كاااااع
هداك السجين غير كيشوف معاه بدون رد ... ولوؤي رجع جلس فالكرسي ديالو ... وقلب الكاسكيطة بيديه ردها لور وربع بيديه تاهو راجع بظهرو لور متكي على الكرسي
لوؤي : دابا غنقلبو شوية الادوار ..... نتا لي غتحقق معايا .... وانا لي محبوس ....
السجين خدا تنهيدة قوية وشاف فيه وتكلم بصوتو الغليض ، والرقيب كان متأكد غادي يهضر ، حيت مستحيل يدخل لؤي بحقق ومايستفزكش تهضر ....
- ماااعمرني نبغي نجلس فهاد البلاصة ... حيت انا ماشي منافق .... ( لوؤي عوج معاه راسوو ) ياا اما .. نكون بوليييسي نيشان ونحمي البلاد .. يا اما نخرج ليها ديريييكت ونهلك البلااااد .... ( قرب كتر عندو للطبلة ) اما باش نعلق سلاح فصدري ونلبس الشارة دالبوليس ولكن لاطفى ضو ندير لي بغييييت ... لاااااا .... ( رجع لور ويديه ممدودين فالمينوط مربوطين فالحديدة بسنسلة ) مجرم اه .... منافق لااااا
لوؤي : ( عوج شفايفو ليمن وليسر ورجع تنهد وقرب عندو لطبلة ) يعني ..... كنتي عارفو باغي يقتلك ... ( الرقيب وسع عينيه وزاد قرب كتر كيزيد يورك على الكاسك فوذنيه يسمع مزيان )
طول الشوفة فلوؤي ورجع كيشوف للجنب ساااكت ولوؤي عوج معاه راسو
لوؤي : اشنو ؟؟؟؟ كتقول مع راسك دابا .. خليني ساكت وخليه عايش على برا تانخرج من هنا وندير فيه شرع يدي .. البوليس مغيديرو ليه والو .. والى كاع مشاو حتى شدوه غير غيحبسوه ..... ونتوما كتعرفو تخلصو غير بالدم ( شاف ليديه ) هادشي دالمينوط والسلاسل كاع مكيقنعكم ... هاكا ياك ؟
السجين : ( شاف فيه ) انا معرفتكش علاش كاتهضر ... مكنعترفش بهادشي
لوؤي : اووكاي .... اووكاي آدووولف ....
السجين : ( بحدة ) سميتي رونالد ....
لوؤي : لي حارق لينا ستة دالكازينوات برواحهم .... راه ادولف هتلررر وقليلة فحقو .....
السجين : ( بحدة كتر ) روونااالد كااافياني ....
لوؤي : اوكااي رونالد .... نتا واحد .. ساكت على واحد اخر حاول يقتلو وماباغيش يعترف به ....اذن كاينين جوج احتمالات .... يا كتفكر تهرب من هنا ونتا لي تحاسبو ... يا غتصيفط ليه شي واحد من هادوك لي مباغيش تعترف بيهم تاهوما يمشيو هوما يتحاسبو معاه ....
السجين : قلت ليك انا هادشي مكنعرفوش ومكنعترفش بيه
لوؤي : نقولو داير فبالك احتمال غتخرج نتا تتحاسب معاه ... نتا القليلة نهار دوز محاكمتك غيعطيوك المؤبد .... والى كتقول راك باغي تهرب .... ( قرب كتر لعندو ) يعني راك معول على هادوك لي كتحميهم على برا ومباغيش دكر سمياتهم ومباغيش تبيعهم .. هوما لي يهربوك .. حيت البلان ديال تحفر بالمعلقة تحت الارض كايصدق غافالافلام .....
السجين : ( غير ساكت كيشوف فيه )
لوؤي : و واحد سميتو رونالد مغيكونش حمق يحفر بمعلقة ... اذن نتا معول على الناس لي على برا يهربوك.... ( السجين غير كيشوف فيه ولوؤي تنهد وربع يديه ورجع بلور ) والا قلت ليك .. الناس لي علا برا .... هوما لي صيفطوه يقتلك .... ( السجين جمع ملامحو والرقيب وسع عينيه ثاني كيقول اش كيدير هذا ) غتنعس مرتاح ؟؟؟؟ هم !!!!
السجين : ( بقى محني شحال هو يطلق ضحكة ) هههه ... واش حسابتك كولشي خونة بحالكم ؟؟؟؟؟ ( غزف سنانو كيشوف فيه ) ناسي لي علا برا مايبيييعووونيش واخا يطيرو ريوسهم ( الرقييييب وقف بقوة الصدمة )
لوؤي : ( ضرب فالطبلة بجهد ) اوووووپااااااا ... ( قاد جلستو ودار رجل على رجل براحة والسجين كيشوف معاه ) ييييعني ..... كاييييينين ناس على برا ... ونتا ماشي بوحدك كيفما قلتي لنيييكولاس فالتحقيييق لي فاااات ..... كتعترف دابا بلي كاينة عصاااابة موراك ....
السجين : ( جمع ملامحو بالشمتة وخنزر ) انااا مااااقلتش هااااادشي
لوؤي : ( جمع ضحكتو وقال بتخنزيرة ) قلتيه ( شار بيديه للزاج قدامهم لي فيه الكاميرا كتسجل ) وراه مسسسجل
السجين : ( شاف لكاميرا وشاف فيه ) انا اصلا مكنعرفكش ... وماشي نتا لي كتحقق معايا ...
لوؤي : ( ناض وقف ومشا تالعندو ووقف موراه ورك على كتافوو ) امريكا عاطياك حق الاختيار فالماكلة .. ففيين تسكن .. شنو تفرج فتلفازة .... فميولك الجنسي .... ولكن معطاتوش ليك فشكون غاايحقق معاك .... مكاينش نيكولاس ... كاين لوؤااي ...
خلاه ومشا رجع لكرسي ديالو جلس مقابل معاه تاني ورجع بابتسامة مد يديه
لوؤي : بالمناسبة سميتي لوؤي ... ( ماد يديه يسلم عليه ولكن دغيا جمعها عندو ) اه نسييييت .. يديك مربوطين .....
السجين غير كيطحن سنانو وسط فمو بالاستفزاز لي كيدير ليه ولوؤي تنهد وقرب ثاني الكرسي للطبلة عندو يكمل تحقيقو بعد ماخداو اول اعتراف كايجريو موراه ربع شهور ....
لوؤي : نرجعو لهاديك اللعبة لولا لي قلت ليك عليها ..عاجباني ... بغيت نجرب نكون مجرم وتكون منافق ....( هبط راسو مدة ساكت ورجع طلعو فيه محزن ملامحو ) انا أشاف حتاجيت غااا شوية ديال لادروگ .... عيطت علييييه قلت ليه ( قاطعو بحدة )
السجين : معيييطتش عليه ....
الرقيب قربات عندو ليزا هو يسكتها دغيا بيديه مركز مع الحديث وتاهيا دارت الكاسك
لوؤي : لاااا .. عييييييطت عليه .... حيت حتاجيت لادروك
السجين : ( مزير على سنانو بعصبية ) قتليييك معيطتش علييييه
لوؤي : عيييطت اشاف ... قلت ليه نخلصك ونعطيك شحال مابغيتي غير دگليا شوية راني محتاجها ...
السجين : قلت لييييك معيطتتتش عليه ومكناخدش لادرووووك .. شحااال هادي باش قططعتها
لوؤي : ولكن لبارح احتاااجيييييتها
السجين : ماحتاجييييتهاش .... هو لي قال ليا دك لادروك
لوؤي : ( كيرمش فيه والرقيب وليزا موسعين عينيهم ) لااا مقالش ليا بحال هاكاااا .. هووو شنو مصلحتو يدك ليا لادروووك؟ انا لي طلبتها منووو
السجين : ( بعصبية ) راااه قللت ليك هوو لي جااا عننننديييي
لؤوي : ( بالغوات تاهو ) مااااعندوووووش مصلحة
السجين : عندوووووو .... كان خاصني ضروووري نمشي لسبييييطار
لوؤي : باش نهرب ؟
السجين : مكنتش عارف ... هو لي قال ليا غندكلك لادروك وغنبلغو بيك باش يديوك دير تحالييييل ومن السبيطار غادي يهربوك ( ليزا شدات على فمها ولوؤي رجع بظهرو على الكرسي والسجين بقوة ما ماستفزو مكيحسش براسو اش كيقول ) مقالش ليااا غاانسخف .. مقالش ليا غنغيب .. مقالش ليا غندخل لانعاش نبات فيه .... مقاالش ليا مغنلقى تاواحد باغي يهررربني ..... ووولد ال***بة كان باغي غييير يتهنى منييييييي ونا تقت بيه
لوؤي : هه!!! ( دار ضحكة ديال خزيت كيشوف فيه ) ونتا غير قال ليك هادشي ثقتي فيه ... باش عرفتي بلي ناسك بصح لي صيفيطوه ؟
السجين : ( شاف لجنب ) قاليا سمياتهم
لوؤي : ( وسع عينيه وشاف جهة الكاميرا وقاد الجلسة وشاف فيه ) اهاه ! .. يعني هو كااايعرفهم؟
السجين : معرفتش .. يمكن غير قالها ليه شي واحد .... ناسي مسسسستحيل يبيعووووووني
لؤوي : باعوووووك .... ( بحدة ) باااعوووك باوفر دوز ديال لادروووك ماساوية حتى عشرة دولاااار .. والا هو منيين غيجيب سمياااتهم الحمار !!!!!! ....
السجين : ( وقف بحدة ) واخااااا تحرضني عليهم حيااااتك كاملة عمرني نقول ليك شكون هوما ..... هادي مغتكون غير كذبة دورتوها بيناتكم باش نعترف ليكم بشكون هوما ..... كيفما خرجتي مني دابا الهضرة غير بالفن .....
لوؤي : ( طلع راسو فيه هو لي واقف ) هاد الفن لي كتهضر عليه .. قريت فيه تاحفاااااو عينيا ..... ( بحدة ) رجع لبلاااصتك
السجين : ( واقف ) مباغيش نهضر وماشي بزز عليا ... ردوني فحالي ....
لوؤي تنهد وهز معصمو شاف لساعتو وبلي العشرة مابقى ليها والو ووقت الاجتماع هذا .... وتنهد وناض وقف ماشي جيهتو وبدا كيفسخ ليه داك السمطة والسجين مغمض على عينيه بعصبية حيت دخل ليه الشك مع العضام
لوؤي : كون حنا لي سيفطناه يضحك عليه باش تبيع ناسك .... غانكونو حنا لي قلنا ليهم سميات ناسك .... وكون حنا عارفين سمياتهم ..... ( زير ليه على درااعو لووور تاقرب يهرسو) علااااااش غانحفيييو معاك كررررنا ربع شهووور آلكااااالااااااخ ..... ( رحع طلقو والسجين غير كايلعب بعينيه ولؤي طلق تنهيدة وكمل ) قبيلة نتا مجرم و عطيتيني درس على البوليس .... هانا دابا فالبوليس و غنعطيك درس فالاجرام ( ركب سمطتو دالسلاح وبدا يحيد ليه تاالشارة من عنقو ) باش تكون مجرم .... يا خرج لييييها ديرررريكت ومااتحن فتاواحد وماثيييق فتااا واااااحد واخا تكون مك لي ولداتك .... ( ورك ليه على كتافو هبطو بقوة تازدحو على الكرسي ) يااااااا كككككلس لررررررض ( تحنى قرب لوذنو ) حيت المجرم لي كيكون عندو مباااادئ .... مكيعيييشش بزااااف .....
وقف وعلق الشارة ديالو مشا قدامو وهاداك السجين كيشوف لتحت
لوؤي :اوفر دوز هانتا فلتي منها .....ولكن اش غيطرا ليك اخر ملي ترجع لداك البيت ..... منقدرش نضمنو ليك لابقيتي ساكت عليهم وماعترفتيش بشكون هوما ....
خلاه وخرج ....مشا لجهة الرقيب وليزا لي حيدو الكاسكات كيشوفو فيه بضحكة كيفاش دار خدمة ديال ربع شهور و فربع ساعة
لؤوي : عندي اجتماع مع العميد دابا .. قلبو على الگارديان .... هو لي غيعطينا سمياتهم .. راكم سمعتوه اش قال .... خليكم من هداك دابا راه مغيعيشش بزاف .. قلبو على الكارديان هو لي غايكمل ليكم هاد الحجاية ... وااااخر مرة تعطيوني خدمة ماشي ديالي ....
خلاهم ومشا كيعوج فعنقو .. داز لبيرو ديالو هز الفيست ومشا بجهة السانسور طلع للطابق الفوقاني فين كاين مكتب العميد وقاعة الاجتماعات ...
تحلو بيه البيبان نيشان فوجه نيكولاس لي متكي على لاماشين دالقهوة كيتسنى كاسو يوجد فنفس الوقت كيتسناه يطلع ولوؤي تنهد وخرج من الاسنسور كيرجع كاسكيطتو للقدام ... سلم عليه وطلع يدو شدو من قرفادتو ....
لؤوي : مرة اخر متبقاش تخبى هنا وتخليني واحل فخدمتك لي كتخليها فالنص ....
نيكولاس : هههههه ( شرب من قهوتو ) فهادي غير ضلمتيني .... راني يالاه جيت ... كنت جاي لعندو وقالو ليا راك معاه ....
لؤوي : ( شاف جهة باب القاعة دالاجتماعات وشاف فيه ) جا العميد !
نيكولاس : مزال .. هانا واقف كنتسنى فيكم شكون غيشرف لول ....
لوؤي : ( حك فلحيتو كيشوف لداك الباب ورجع شاف فيه ) معارفش زعما هاد الاجتماع لي ايييغخون شنو سباابو
نيكولاس : معارفش شي حاجة مؤكدة ولكن راه باينة خدا العميد شي تحذير .... تهاااونا بزاف اصااحبي
لوؤي : انا هضرتي قلتها لعميد شحال هادي .... هاد السيستيم ديال ناخدو قضية وحدة ماخدامش .... خاصنا على الاقل ناخدو ربعة ولا خمسة نخدمو عليهم .... الا كانت غير وحدة وطوااالت راه كيضيع الوقت .. هاد الوقت لي كنقلب فيه على سلفادور كون كانت عندي شي قضية اخرى كنت غنكون حليتيها ودزت لوحدة اخرا ....
نيكولاس : مغنفهموش حسن منهم ... تاني راه كيعطي فرصة لكولشي ..... مايمكنش يعطي كاع الملفات ليك ولا ليا
تحلو بيبان سانسور تاني ضورو ريوسهم هو يخرج رجل فبداية الاربعينات .. شعرو اشقر خفييييييف .. حليق اللحية .. سروال انييق وشوميز وفيست .. شارة ديالو معلقة والسمطة دالسلاح كتبان من الشوميز ....بعض ضواسا فيديه ...شافهم تبسم باستفزاز خصوصا للوؤي لي غير شافو وضور راسو لاماشين كيخدم قهوة اخرى .....وهو قرب عنهم
ادريان : فاش كطولو الغيبة كنتوحشووووكم ...
لوؤي : ( عاطيه بظهرو كيبرك على الازرار دلاماشين ) حاول تانتاا طول شوية باش نجربو هاد الاحساس الزوين ونتوحشوك تاحنا .. ( ضار عندو )
ادريان : ( بنزرة استفزازية ) انني نخوي ليك الساحة .. هادي الحاجة الوحيدة لي غتبقى تشوفها غير فاحلاااامك .... ( بغمزة ) brigadier's pet " آآ مدلل العميد "
خلاهم بضحكة مستفزة ومشى جهة القاعة و لوؤي ونيكولاس متبعينو بعينين ديال وحدين باغين يشدوه فشي قنت يطلعو روحو ..... ولوؤي غير كيضور راسو تاني كيفاش غيدوز هاد الاجتماع لي غيكون فيه تاهو حاضر ........ ونيكولاس كيتمنى دوز على خيييير مينوضوش تاني هو ولوؤي يقلبو الدورية سفاها على علاها .......
فالباطو ....
بدا كيحل أصيل عينيه ولكن دغيا سدهم من الشعا لي داخل من باب البالكون , وبدا كينين غير فبلاصتو و يجبد يديه .... ناض بشوية كايعوج فعنقو مصغر عينيه ، وضار لجنبو بانت ليه بلاصتها خاوية .. ورجع علا عينيه للساعة لي معلقة فالحيط قدامو .... وبدا كيتفوه و يخربق فشعرو كيمسد فروة راسو وناض ، راسو كيحس بيه كيضرو بسهير وعنقو تاهو كيضرو ... وخرج ديريكت للبالكون .. عينيه باقين مكمشييين بالنعاس وملامحو منفوخين ومرة مرة كيسرح حلقو ... شد فالحديدات دالبالكون وعلا راسو للفوق مغمض عينيه كيتنفس داك النسيم دالبحر .. عاد رجع دخل كيتفوه فنفس الوقت كيصوني على ختو ، طمن عليها عاد حط تيلي يتشارجا ودخل لدوش نصل شورطو ودخل نيشان تحت الرشاش .... غير قاسو الما و نزل ليه شعرو على عينيه بدا يتفكر ليلة البارح ، بلا مايحس تشققت ضحكة صغيرة على شفايفو ... واخا كانت ليلة لبارح صعيييبة .... ولكن ملي تفكرها دابا ... حس بيها بحال شي حاجة زوينة دازت فحياتو ! شي حاجة خلات قسم تخرج وتتحرر من داك الحشمة ديالها قدامو وتقول كولشي !!!! ..... وخا بطريقة كااااارثية لي محملهاااش وماحملش علاش دخل لالكول لجوفها ..... ولكن غير كايفكر بلي كون ماجاش معاها فهاد الفواياج كانت مسيرتها الدراسية كلها غاتضرب عرض الحيييط كايحمد الله .......
كمل دوش ديالو ، خرج دغيا لبس حوايجو ، لقى راسو لامشربش قهوة دغيا راسو غيتفركع ... مقادش تايفكر مزيان ..... و لي مخليه هاني هو نعس و تيليفونو ماصوناش حيت قال لصفاء لاوقعات شي حاجة فالجمارك تصوني عليه ... مدام ماصوناتش اذن دازت الامور على خير ..... لبس بزربة سبرديلتو و هز كاسيكطتو ونضاضرو وخرج ... غادي فالكولوار جهة الكافي ... فنفس الوقت كيقلب بعينيه واش تبان ليه صفاء ... تاوصل وجلس على كرسي طويل حدا الكونطوار و طلب ليه قهوة ... وهو يجي عندو سيرفور اخر .....
- موسيو اصيل ... طبلتك واجدة
اصيل : ( كيشوف لتيلي كيصوني على صفاء ) لا غناخد غير قهوة ، شكرا ....
حنا راسو ومشا.... ولاخر حط قدامو فنجالو و هو كيصوني تاجاوباتو
صفاء : وي مووووسيو اصيل ....
قسم غير سمعات سميتو ضارت عندها بزربة
صفاء : آآآ ( كتشوف فقسم ) ا .. م مادموزيل قساام ؟؟ ( قسم كضور ليها راسها بلا ) ه ه هاهيا فلاكابين ... ا اه اموسيو كتخدم .... ل الا ... لا ( بعدات عليهم وخرجات من لاكابين وقسم بقات كتشوف فدوك لي سو كابتن لي جالسين حداها فلخر حطات الكاسك وناضت تبعاتها لكولوار ) لا الامور دازت على خير ماحسو بوالو .... لا لا دارت البافيت كيف قلتي ليا ( ضارت موراها عند قسم ) اا .. لا هي لاباس ... صبحات مزيااااان ... ح حرقها راسها شوية ولكن دابا حسن ... ااا .. ف فوقاش عندها الپوز؟ ( قسم كضور ليها راسها بلااااا ) م ماعندهاش .. مم معندهاااش اموسيو .. م معندهاش كااااع ...آآ .. اا .. غ غانوووصلو يمكن تا الليل .... ( شافت فقسم ) ياك امادموزيل ؟ ( قسم ضربات فراسها و صفاء غير كترمش ) آآ و و اش . .. واش راها حدايا ؟؟؟ ( قسم ضارت موراها كتنفس باش ماتلوحهاش للبحر ) آه .. و ولكن خدامة ..... ن ... ندوزها ليك ؟؟؟ ( قسم ضارت عندها بزربة كتقول ليها لا لاااا ) ااا لا .. ز عما مايمكنش ... ح حيت ( قسم كتشير ليها للاكابين وكتومي ليها بيديها بمعنى كنصوگ ) ح حيت مشغولة كتخدم .. متقدرش نهضر ... ا اه .... و .ووو .... واخا اموسيو واخا ... ا انا نجي دابا ....
قطعات تيليفون وكتشوف فقسم
صفاء : ( بخوف ) درت شي حاجة ماهياش ياك امادمووووزيل؟؟؟
قسم : ( تنهدات ) اش بان ليك ؟
صفاء : و .. واش نتي هاربة منو ولا جاب ليا الله !!!!!
قسم : وعلاش غانهرب منو ؟؟؟؟ غييير ( شافت للجنب ) ماافيا لي نتلاقاه دابا ......( شافت فيها) مهم .... اش قاليك؟
صفاء : قاليا نمشي عندو لكافيتيريا ...
قسم : سيري .. وقولي ليه مغتساليش اليوم .. مشغوووولة ( غادة جيهة لاكابين )
صفاء : ووولكن ... الا سوول فوقاش تسالي ؟؟؟ شنو نقوليه
قسم : ( غادا جيهة لاكابين ) قوليه مغتساليش .. عمرها غتسالي وهاد الباطو مغيحبسش ....غاااايبقى هااااكاااا غاااادي
صفاء : اوكي امادموزيل ( ماشية جيهة الكافيتيريا كاتجري) علم الله اشمن هبااااال دارت لبااارح غاااتخرجو غيا دابا غاا سطريييس .... اش غاانقولييه دابا ؟؟؟؟ الباطو مغايحبسش حيييت الكاابيتبن كتقلب تكتشف شي قااااارة اخرى !!!!!!
وصلات كتجري عندو لكافيتيريا لقاتو كيشرب قهوتو وقفات حداه كتقاد شعرها وكتلهت ......
صفاء : وي موسيو ...
اصيل : قلتي ليها على داك لبنت دلبارح ؟
صفاء : لا اموسيو ياك قلتي ليا حتى تهضر معاها نتا .....
اصيل : ( رشف من قهوتو ) اممم ... نتي ماتقولي والو ... و ملي نوصلو تبعيها شوفيها فين غتمشي
صفاء : ولكن .. ولكن غيخصني اموسيو نبقى مع المادموزيل
اصيل : انا كاين هنا معاها غير سيري شوفيها فين غتمشي
صفاء حركات راسها بالايجاب صونا تيليفونها وبعدات كتهضر واصيل بقى كيشرب من قهوتو تاحس بدماغو شوية تقاد ..... عاد خرج من الكافيتيريا وطلع للفوق .....
فالفيديرالية ....
واقفين لوؤي و نيكولاس كيشربو قهوتهم تاتحل السانسور ثاني هوما يقادو وقفتهم بجوج ... كان شخص فنهاية الخمسينات ... طويل وجسمو ممتلئ ، راسو صلع وملامحو زعرين .... كوستار كحل انيق و فالكول بروش صغير فيه علم دولة امريكا و تحت منو بروش صغييير فيه شارة الفيديرالية ... غير شافوه رخاو ملامحهم بابتسامة وحطو كيسانهم دالقهوة موراهم وهو شاف فيهم وتنهد وزاد باتجاههم عطاوه التحية و سلمو عليه وهو كيشوف معاهم
العميد : اش واقفين كديرو هنا ؟ ( اشار بيديه لقاعة الاجتماعات ) راها القاعة فين خاصكم تسناو ..
نيكولاس : ( شاف فلوؤي وشاف فيه بابتسامة ودودة ) قلنا غير نشربو قهوة بينما جيتي
لوؤي : ( شاف فماكينة القهوة وشاف فيه ) حيت راك عارف مزيان شحال غنحتاجوووو هاد القهوة قبل مندخلو ...
العميد : ( بتحذيير ) اووولاي .... نيييكوولاس ... ( هز صبعو ) باقي ليا عام ونتقاااعد ... عااااام ..... مغيجيش شي عميد اخر يهز هبالكم ... تعلمو ديرو شوية عقلكم ...
خلاهم وزاد وهوما تبعوه كيضورو فريوسهم ويدعيو ثاني يدوز هاد الاجتماع على خير ، تحلات باب قاعة الاجتماعات وكل من كان جالس على داك الكراسي وقف باحترام ... لوؤي و نيكولاس جرو الكراسا ديالهم وجلسو .... و العميد مشا لرأس الطاولة جر ليه المساعد الكرسي وجلس و المساعد بدا كيحط ليهم قراعي ديال الما وخرج ....
كانو عملاء قلال لي وصلهم لايمايل فقط دورهم فدورية قسم الجنايات ، كان العميل ادريان و العميلة ماريسا و العميل ستيفان و نيكولاس و لوؤي ....
العميد بدا كيقاد الوراق لي حداه وكيشوف فيهم والصمت مخيم على القاعة كيتسمعو غير تحنحينات خفاف وصوت الوراق ولا شي قرعة دالما كتحل .... شي كيشوف فشي و منافسة كبييييرة كتبان فالعينين ... خصوصا عينين ادريان وهو كيشوف فلوؤي .. اما لوؤي كيضور بالكرسي ديالو يمين وشمال كيتسنى هاد الاجتماع يبدا خلاص .. و نيكولاس كيضرب بصبعانو على الطاولة بملل ... تاتحنحن العميد مقرب للطاولة ....
العميد : اولا صباح الخييير .... ( كيشوف فيهم ) كاين لي شفتو غير البارح .. وكاين لي شهور مشافناهمش .. كنرحب بالجميع ... ( الكل حنا راسو بود مبتسمين ليه وهو تنهد وحط الوراق على جنب و شبك صبعانو فوق طاولة الاجتماعات ) مهم ... غتكونو دابا كتسائلو هاد الاجتماع علاش طارئ هاد الصباح وعلاش جمعتكم هاكا ... وكاين لي جبتو من بعيد .... ( رجع بظهرو لور على الكرسي والتعب واضح فصوتو ) هادي اسبوع وانا فالاجتماعات مع الهيئة العليا .. جا وفد من روسيا ... و كيختارو دوريات لي غيحطو فيهم المحققين ديالهم و العملاء ..... ( الكل شاف فيه باهتمام ) دااافعت .. و درت جهدي كامل باش مايعطيونا تاواحد ......
ستيفان : ولكن علاش اسيادة العميد ؟ بالعكس غيعاون الدورية كتر ...
العميد : ( علا عينيه شاف فيه ) المجيئ ديال محقق جديد للدورية .... كيعني ... واحد من القدام خاصو يتقصى .... ( الكل وسع عينيه ) حيت عدد المحققين فكل دورية راه محدد ..... وانا مساخيش بتاشي واحد فيكم .... ولكن ..... ماشي انا لي كنقرر ......( رجع ثاني تنهد وقرب لطبلة ) هوما لي كيقررو ... او بالاحرى نتوما لي غتقررو .. حيت معندناش بلاصة للفاشلين ... ايما تحركو وبينو بلي كتنفعو الفدرالية .. اما راه غيتخلاو عليكم ويصيفطوكم لدوريات صغار ويجيبو بلاصتكم رواسا ....
نيكولاس : ( قرب لطبلة ) ولكن اسيادة العميد نتا عارف بلي دايرين جهدنا كامل .. وميمكنش يضربو ريپيرطوار كبيرة وشحال من جريمة تحلات هنا ... على ود قضية وحدة تعطلات !
العميد : ماشي غير قضية وحدة هادي لي تعطلات اولدي ... هادو ربعة دالقضايا لي واقفين ... واقفة قضيتك نتا .... واقفة قضية ستيفان ... واقفة قضية الطلبة المختفيين د ادريان ... واقفة قضية سلفادور ورباعتو ... كووولهم واقفين اولدي ... القضية الوحيدة لي تحلات لعدا وخلاتني نلقى باش ندافع عليكم هي قضية ماريسا ...
لوؤي : انا متافق مع نيكولاس ... بزاف دالقضايا لي تحلو هنا ..ولكن هاد الملفات بربعة لي قلتي واقفين وموقفينا حتا حنا .... را حيت معطيتوناش حق نحلو ملفات اخرين نخدمو عليهم ....
ادريان : هه ! وهادو فين غايمشيو ؟؟؟
لوؤي : ( شاف فيه ) مغاايمشيو فين ... فكل الاحوال راهم واقفين والمشي فيهم ثقيييييل ... نخدمو وحدين اخرين وهوما على جنب بينما تحلو .... منبقاوش مربعين يدينا ... انا قادر نشد حتى ربعة دالملفات خطرة وحدة ماعنديش مشكل ! ....
ادريان : ( شاف فالعميد ) سيادة العميد .... القضايا ماشي خاصهم يتحطو على جنب ... القضايا خاص يتبدلو مواليهم كنظن ( لوؤي عوج فيه راسو بالعصبية لي بدات كتبان فعينيه ) يمكن كل واحد فينا شد قضية ماشي ديالو .. يمكن الى تبادلنا .. نقدرو نحلوهم ون ( قاطعو )
لوؤي : حنا كندويو على قضاياا امستر تايلور آدريان .... مكندويوش على جاكيطات !!!
العميد : ( كيشير بيدو للوؤي ) خلييييه يكمل كلامو
ادريان : ( خدا نفس ونزلو ) شششكرا سيادة العميد .... قلت بلي .. يمكن كل واحد فينا تعطات ليه قضية ماشي من الستيل ديالو ( لوؤي كيشوف فنيكولاس بمعنى اش كيخربق هذا ) ماشي داكشي لي كيعرف يدير .... يمكن لا تبدلات القضية ... نقدرو نحلوها دغيا
نيكولاس : هاد المرة سمحلي اسيادة العميد ولكن غنقاطعو..... ( شاف فادريان ) العميل ماعندوش ستايل ... حنا ماشي مغنييين ولا ممثلين .. حنا عملاء .... كنقدرو نحلو كاع القضايا .. الا كنت نتا كتشوف راسك عميييل عندو ستايل ديالو .. سير دفع لشي برنامج دالمواهب حسن ليك ... ولا جرررب ترررسم ....
ادريان : انا هضرت مع العميد ....و( شاف فالعميد ) وكنظن غيكون فهم كلامي
العميد : أدريان عندو الحق ( لوؤي وسع فيه عينيه ) القضايا بعد المرات كايستعصاو على واحد .. ولكن كايتحلو عند واحد آخر .. ولكن مامتافقش معاه فقضية الستايل ، حيت كيف قال نيكولاس ، العميل الناجح مكايكونش عندو طراز ....العميل الناجح هو لي كاايحل كاع القضايا ... كيفما كان نوعها
لوؤي : ( شاف للتحت مدة كايكبح عصبيتو عاد علا راسو) وملي العميل خصو يحل كولشي .... علاش قضيتو تتعطى لواحد آخر ييحلها !!!!
العميد : ( قرب لطبلة وخنزز فيه وهضر بصوت قاسح ) حييت كاييين شي عملااااء .... بداو كايدخلو حياااتهم الشخصية فهاااديك القضية ..... ( لوؤي علا حجبانو وشاف فنيكولاس ورجع شاف فيه ) داااكشي علاااش ..... القضية عمرها غاااتحل .. الى دخل العميل العاااطفة ديالو فيها ...
لوؤي علا عينيه تاني فنيكولاس وأدريان نزل راسو وبدا كايضورو بضحكة مستهزاة ، ولوؤي شاف فالعميد ...
لوؤي : ولكن نتا عارف بلي القضية تعطلات غير حيت هو سااافر ومزاااال مارجعش باش نكمل ....
العميد : ولكن .... شحااااال وهو كااااااين ..... وماااادرتي والو !!!! ......
لوؤي غمض على عينيه ويديه مزيرة فستييلو والعميد رجع قاد جلستو وشاف فيهم كاملين ...
العميد : نيكولاس ....
نيكولاس : ( قاد جلستو ) سيادة العميد ....بنسبة لقضيتي ، انا مگالسش وخدام فيها لليل ونهار .... هضرت مع شي جيران ديالو البارح ... حاولت نشوف السلوك كيف كان عندو فالحي ديالو قبل مايتشد .. مكايقولو عليه تاشي حاجة لي كتوحي بلي هاداك السيد مجرم!!
لوؤي : حيت معاه .... هاد النوع ديال المجرمين .... الحي كامل راه معاهم ... اشنو كتسنى منهم !! راه فاي لحظة غيلوحو واحد منهم على رجليك يعترف بكاع اش دار ، ولاخور غنطلقوه ويدينا فوق راسنا .. هادو راه راس مالهم هو داك الولاااء ، كابرين ومكبرين عليه ولادهم .... الولاء للمافيا لي كاياكلو معاها طرف دالخبز ....
ستيفان : خبارو ديال بصح مغتجيبهاش من عند الجيران لي خرجو لعندك ودواو .. خبارو دبصح غتجيبها من عند هادوك لي تخباو ملي سمعو سونفيل ديالك ... سدو عليهم باش متحققوش معاهم حيت لاكذبو غيفضحهم خوفهم ....
نيكولاس : ( شاف فالعميد ) داكشي لي توقعت حتى انا ملي تاحد فيهم ماقال عليه انه كايدير شي حاجة غير قانونية ..... وهو حارق كاع دوك الكازينوات !!! .. ولكن راه مكانت حتى دار مدخلناش ليها ..حققنا معاهم كلهم وشفناهم .... الى كانو شي وحدين مغاايهضروش مغيكونوش باقين ساكنين تما ....
ماريسا : والى كان هاد الحي كامل كايحميه .. علاش مزال تاحد مدار خطووة يخرجو !! حتى المحامي ماجا تاحد خلصو ليه !
لوؤي : يمكن مكيحميوهش هو ..... كيحميو لي فوق منو ....
ماريسا : ولكن الى كانو مكيحميوهش هو .. غيهضرو علاش خباو عليه !!!
لوؤي : لاهضرو غاتوصل ليه بلي باعوه .. وغيبيع تاهو لوخرين !! هوما في غنى على هادشي !!! ( شاف فالعميد ) كنت معاه فالتحقيق قبيلة ....كنقترح لامكانش عند نيكولاس مشكل ( شاف فيه ونيكولاس وما ليه يكمل ) يتحط فالانفرادي ... والا الصندوق ديال جثتو قريب غيخرج من الدانجن .....
العميد : ( كيحك تحت لحيتو ) يعني حاولو من قبل !!!
لوؤي : لادوز لي خدا مكانتش دوز ديال يترفع فجوج سوايع ولا ثلاتة ... كانت ديال يترفع لديييما .....
العميلة : كانو غيقتلوه !!!!
لوؤي : ( شاف فيها ) واضحة .... راه غير تنقد فالوقت المناسب ....
العميد : ( شاف فنيكولاس ) حطو فالانفرادي .. خصص ليه داوود و ليان لي غايحرسوه .... ممنوع يدخل عندو واحد اخر من غيرهم .. تانشوفو هادشي فين غيخرج ....
لوؤي : الكارديان لي عطاه لادوز مختفي .... ليزا غتكلف بيه ... ونيكولاس غيكمل التحقيق .. حيت بان بلي حتى الكارديان عارف بزاااف دالحوايج
نيكولاس : غنحطو فالانفرادي .... وملي يتشد الكارديان غنتكلف بيه .... والتقرير فاسبوع غيكون عندك ماتخافش .... مغنزيدوش نعطلو هاد القضية مزال ... غاندير جهدي كامل
العميد : ستيييفان !
ستيف : ( قرب لطبلة ) ياس ماي بريگدير ... القضية واقفة عندي شوية حيت الخيط الوحيد لي شديتو ... هو مراتو .... ولكن قتلها هادي يوماين فاش لقيناها فالبينوار ... الجريمة كانت غتستنتج على اساس انها انتحار ... ولكن نتائج التشريح .. قالت فيهم جيسيكا بلي الجثة ديالها تعرضات لاختناق ربعة وعشرين ساعة قبل منلقاوها فالبينوار ..... ودابا تبعثرو ليا كاع الوراق وخاصني نقلب على خيط اخر ....
العميد : هادشي طويل استيف .... يت شهور هادي هاد الخيط مزال مالقيتيهش !!! حتى قضيتك لولة طولات وخديت على قبلك انذارات بزاف !!!
ستيف : غير هاد الشهر .... غير هاد الشهر ماي بريگادير .... وغنجيب شي حاجة جديدة .. مغتبقاش القضية واققة ....
العميد : ( شاف فلوؤي لي كيلعب بستييلو وساهي فيه ، وتنهد مخليه حتى لخر حيت عارف قضيتو معكلة ورجع شاف فادريان ) أدريان ...
أدريان : انا عندي خبار مزيان .... على الاقل فهاد السيمانة لخرا ماختفى حتى شي تلميذ مزال .... شي لي كيوحي بلي حسو بالخطر وجمعو يديهم ( لوؤي كيضور راسو جاتو الضحكة وسط هاداك الهم وادريان شاف فيه) قلت شي حاجة كضحك !!!
لوؤي : ( علا عينو فيه ) لا !! .. شكون ضحك ! ( شاف عند نيكولاس ) ضحكتي نتا ؟
نيكولاس : ( شاد ضحكتو تاهو ) لا !!
العميد : ( مسد جبهتو ) اوووولاي !!!!!
لوؤي نزل راسو وادريان تنهد وكمل
ادريان : كيف قتليك اماي بريگادير ... كنظن حسو بالخطر ....
العميد : هادشي مكينفع بوالو ا ادريان .. خاصنا شي حاجة ملموسة خاصنا شي واحد من الطلبة يتطلق .. خاصنا وسيلة نتواصلو بيها معاهم ونوصلو لشي حاجة ....اش غاينفعني لا حسو بالخطر ولا لا!!!!
ادريان : راه كنحاااول ... كنقلبو فكاع الكاميرات لي كاينين حدا كاع المدارس ولكن كلهم كيكونو ملتمين ووجوهم مباينينش
لوؤي : اه حيت هوما جاااين باش يخطفو تلاميذ من المدراس ديالهم فأماكن عامة عامرة كاميرات .... كتسناو يجيو بوجههم عريان !!!!
ادريان : قلت نقدر نلقى شي تفصيل .. كنقلبو فكاااااع التفاصيل الصغااار ا آجوون اولاي !!! اولا لا ؟
لوؤي : اه كنقلبو فالتفاصيل الصغار .. ماشي التفاصيل التااافهين ...
ادريان : ( شاف عند العميد ) نقدر نكمل كلااااامي !!!!
العميد : ( خنزر فلوؤي ورجع شاف فيه ) كمل ...
يتبع...
التعليقات
لا توجد تعليقات بعد، كن أول من يعلق.