محتوى القصة
نطقات قدس و نقداتو لتاااني مرة من السؤال لي ماكاايعرفش يجاوب عليه ......
قدس : أصيل أماما ... ( بضحكة خفيفة و حشمانة حداه كتعلي فحجبانها تشرح ليها غير بالنظرات ) أصييييل ...
لامار: ( ضارت عندو بدهشة ) اااه... أصيل ديال قسم !!!
هاد الجملة بالضبط خلاتو يعلي عينيه من الأرض بالزربة و يشوف فيها... ديال قسم!!! شي حاجة فشكل حس بيها طرات فالداخل ديالو ملي تقالت هاد الجملة ! هو من امتى ولا ملك شي حد ! وعلاش هاد الملكية حس بيها عجباتو ! من ايمتا ولا كيفرح ملي كيحس براسو ولا ملك شخص آخر .... علاش عمرو حس أن شي واحد كايملكو و كايقول عليه ديالي!! علاش هادشي جاه غريب ... واش فعلا هو ... ديال قسم !!! ما ديال تا وحدة أخرى !!!! ديالها هي .. تخلق باش يكون .. ديال قسم !!!! جملة عفوية خرجات من فم لامار بدهشتها باش تعبر على شكون هو بالنسبة ليهم .... و آش كايجيهم ... و لكن هو شاف فيها بزاف ديال لحوايج آخرين...
لؤي باقي كيعوج فعنقو حاس بهادشي معنكشو و مامرتاحش ليه.... و قدس حسات بيه و شدات يدو و هو شاف فيها مخنزر .. كانت واحد النظرة خلاتها تجمع ضحكتها و تقاد جلستها وتسلت يديها منو .... و هو رجع كيشوف فيهم ..
أصيل : ( بإحراج ) سمعت الخبار و سولت قسم .. قالت ليا راكم هنا فالكلينيك... ( شاف فقدس و رجع شاف فيها ) الله يشافيها ...
لامار: ( بتنهيدة ) اميييين أولدي ( شافت فقدس و رجعات شافت فيه ) إوا أولدي المكتاااب آش غانديرو ... هادشي ماكتاب علينا ...
أصيل : و نعم بالله ... ماضغطوش على راسكم بزاف راه ماشي لخاطرها ... ( شاف فقدس ) مرة أخرى دير اطونسيون كتر و ماتيق فحتى واحد....
لؤي : ( بنظرة محقق ) و نتا شكون قاليك هادشي؟؟
أصيل : حيت كنت عارف غايطرا هادشي ... غا هو الغلط ماشي ديالها... الغلط ديال قسم لي ماقالت ليكم والو ( شاف فلامار و لؤي لي معلي حاجبو باستغراب ) هي لي كان خاصكم تجبدوها هنايا ماشي هادي مسكينة ...
قدس : هه !!! راك محلف عليييها ههه ...( لوؤي رجع خنزر فيها وهي تجمع راسها وضحكتها)
لامار: قاالت لينا أولدي قالت ، غا هو كيما قلتي .. روطار ... ( تنهدات و جراتو من يدو ) أجي أجي دخل ماتبقاش واقف ..
أصيل تبعها بإحراج ، ماخلاتش ليه فين يرفض ، مشات لصالون صغير مقابل مع سرير قدس و جلسات مخلية ليه مجال تا هو جلس بإحراج جلستو المعتادة موسع رجليه و حاط مرافقو على ركابيه جامع يديه مع بعضياتهم بتوتر .... أما لؤي جر الكرسي و جلس مقرب لقدس كتر كايهضر معاها غير بينها و بينو ... كايحاول يفهم و لامار شادة اصيل بالحديث ...
لامار: كيداير اولدي... وكيدارة ختك؟؟ شنو سميتها بعدا؟ واقيلة قالتها ليا قسم ونسيت ...
أصيل : سلمى ... صافا لاباااس عليها... شكرا ....
لامار: الحمد الله... المرة الجاية جيبها معاك تا هي نشوفوها ...
قدس : ( بهمس ) راه قلت ليييك كاااايعرفها...
لؤي : ( بتخنزيرة ) فييين !! شنو بيناتهم ؟ واش صاحبها ؟
قدس : ماعرفتش فين... ماعقلتش ... واقلة كانت كاتعرف ختوو .. ااه... كانت كاتعرف ختو .... و عرفاتو تا هو... ماعرفتش واش نسميه صاحبها .. ولكن راه آش بيناتهم شوية رسمي .. حيت بابا و ماما و جود و وسيم فخبارنا كاملين و بابا ديجا تلاقاه ..
لؤي : و علاش أنا هادشي مفخباريش!!!!!
قدس : لؤي... ( شدات يدو و شافت فماماها و أصيل و رجعات شافت فيه ) أنا مسؤولة على خصوصياتي... حياتي أنا لي نعاودها ليك و نقول ليك كولشي... و لكن خصوصيات ختي مانقدرش .. تاتقولهم هي للعائلة...
لؤي : كتعاودي ليا خصووصياتك نت ؟؟؟ فين عمرها كانت ! على شنو منعسك فهاد الكلينيك من غير كتخبي عليا؟؟؟؟ ( شاف فأصيل و رجع شاف فيها ) علاش قسم كتعاود ليه شنو كيطرا عندنا و شنو طرا ليك؟؟ فين كااانعرفوه !!!!!
قدس: معاوداتش ليه أ الزمر ، هوما واقلة أصلا مخاصمين .. راه ختي فاش كانت فالباطو هاد السيمانة راه كان معاها تما ( لؤي علا حجبانو بجوج بزربة ) واااراه بخباااار بابا بلا مادير فيااا هادوك الشوفااات .. و راه ماجدة سبقات بيها هي اللولة و دارت ليها الشراب فالدرينك ديالها ... وراه هو لي فكها و صحاها و رد ليها البال سكرات و خباها على الكاميرات .. كانت باغا تشوهها تاعي ... و هو لي شد داك البنت لي دارت ليها داكشي و لقا نمرة ماجدة عندها و قالت ليه قسم هادي من العائلة ... قال هاكاك قبيلة يمكن حيت قاليها قوليها ليهم يردو بالهم منها و هي نسات ...يعني هاد البلان هو راااه فراسو حيت حاضر ليه ، ماشي هي لي عاودات ليه ....
لؤي: دابا هادا دخل فينا لهاد الدرجة و وعااارف خبارنا و حنا مكنعرفوهش !!!! عاطينو هاد الاخبار كولها علينا و حنا مكنعرفوش شكون هو ؟؟؟ ماشي تقتووو بزاااف لا !!!! ماشي تححمستو !!!!!
قدس : شششش ( زيرات على يدو ) هضر بشوية ازمرررر .... نتا لي مكتعرفوش .. بابا راه كايعرف مصااااارنو ...
لؤي : و علاش مزال ماجاش للدار ؟؟؟
قدس : بيييييناتهم ألؤي .. مزال ماتفاهموش....
لؤي : ( تحت سنانو بنرفزة ) واش كتقولي لياا كان معاها فالباطو و ماتفاهمووش ؟؟؟؟؟ واش كاتسناوهم يولدو؟ باباك فخبارو كان معاها فالباطو ؟ و خلاهم بجوح ؟؟؟
قدس : (بهمس تحت سنانها) لؤي ماشي وقت هاد الهضرة... الراجل غايسمع .... يمشي و نعاود ليك .... راه مكيتفلاش عليها غي تهنى ... دابا نتا غير كاتهضر معارف والو
لؤي شاف فيه و باقي مامرتاحش من جيهتو ... و رجع شاف فقدس مخنزر ...
لؤي : فاش خدام؟
قدس : صياد يمكن...
لؤي : ديالاش !
قدس : دالحوت ...
لؤي : كيفاش !!!!
قدس : مانعرررف ألؤي .. تاتجي قسم و سووولها....
لامار : أنا مانكدبش عليك مزااال لدابا جالسة و كنفكر هاديك الموصيبة كون دارت ليها شي حاجة فالباطو .... قراية ديال السنيييين .. قسم راه مكانتش كتعرف الراحة بنتي مسكينة .... عمرها عرفااااتها .... منهار حلات عينيها فدنيا وهي كاااتقرا باش تولي كابتن بحال باباها. ... مالعباااات بحال الناس ماانعسااات بحال الناس ... تامن حياتها نساااتها ... باش يمشي ليها داكشي كامل فالزيرو راه ماساهلاش اولدي ، كانفكر فيها كانبغي نحماق ، طون مكنتيش معاها تما اش كاااان غايطرا .... ( شافت فقدس و رجعات شافت فيه ) جات فبنتي الصغيرة ... ضهرها ديما مالح .. ولكن الحمد الله .... أنا و باباها عارفين كيفاش ربينا ولادنا ... باباها ملي كيتعصب مكيعقلش على راسو ... تعصب عليها علاش تبعاتها ومشات معاها لتما ... أما حنا عارفين بناتنا مايقربوش لداكشي .... فيهم الفضول .. كايبغيو يعرفو كولشي .. و لكن حنا عارفين شنو ربينا .... كانشوفها معاها كانقول بنت عمتها كبيرة عليها .. تنصحها ... توريها الصالح من الطالح ....حنا أولدي ماعندناش شي حاجة مقدسة من بعد الدين .... من غير العائلة .... ربينا ولادنا باش الدم ديالك ماتشربوش ، ماااتعضش فولد العائلة ، موووت معاه ... ولكن قدر الله ماشاء فعل .... خرجات من الجنب ....
أصيل: فيها خير ... ربما هادشي لي طرا نجاها من شي حوايج كبر .. فاللهم شوية دالهضرة دالصحافة لي يهضرو شوية و غايسكتو .. ولا شي حاجة لي ضر ليها مستقبلها كيف كان غايطرا لقسم .... ماديروش فبالكم ... ( شاف فقدس بابتسامة بصوت مرتفع شوية تسمعو ) إن شاء الله هادشي كامل يتنسى ...
قدس : إن شاء الله أخويا ( شافت فلؤي بهمس وضحيكة ) شتي شحال ضريييف ...
لؤي شاف فيها بزربة و باقي مخنزر قدرات تفهم ان هاد الجملة لي قالت غا مزادت عصباتو كتر ... وهي تشوف قدامها جامعة ضحكتها .... كيما معصباه دابا لامار و كيفاش واخدة راحتها وكتعاود ليه ..
لؤي كان كيشوفها سذاجة منها تيق فواحد مكيعرفوهش... أما لامار ماعرفاتش كيفاش دغيا تحيدات الغرابة بيناتهم .. جاها بحالا كتهضر مع شي واحد كاتعرفو !!!! .... أصيل كان كايشوف كمية اللطافة و الحنية لي كانت فهضرتها ... فيها شوية من قسم .... طريقة باش كاترمش ... طريقة دهضرتها ... كانت تماما بحال قسم ... فالصور مكانش كايشوف شبه كبير ... إنما و هي كتكلم حداه قدر يعرف أن واخدة شوية من ملامحها ... لطافتها كانت كبيرة و امراة جد متواضعة خلاتو بسرعة يرتاح معاها فالحديث و لكن مزال كايحس بإحراج كبير .... يالاه كايبغي يستأذن كايلقى كلامها متايسخاش يقطعو .... يلاه غايستأذن تاني ...و هو يتحل الباب ... شافو كلهم و هوما يدخلو جوج دالممرضين ... الأول مبتسم فقدس و التاني تابعو ....
الممرض : المادموزيل .. شوية ؟؟ فتنا الدوخة ديال قبيلة؟
قدس : صافا حسن من اللول ...
لؤي تنهد و ناض من على الكرسي كيعوج راسو يمين و شمال وضار لزاج كايحك فشعرو من لتحت ... فاللخر تنهد ومشا حل لباب و خرج ... يلاه غايسدها هو يبان ليه جود جاي ... شاف فيه مخنزر ... و جود علا حاجبو و قرب عندو ...
لؤي : فين كنتي؟
جود : ( معلي حاجبو بثقالتو المعهودة فالكلام ) واش عطاوني ليك مع قدس ولا كيفاش ؟
لؤي : ( شاف وراه للباب شوية و رجع شاف فيه ) علاش ماقلتيش ليا على هاد خينا لي كايعرف ختك ؟
جود : ( جمع حجبانو باستفهام ) شكون ختي ! شكون هاد خينا ؟؟؟
لؤي : قسم ....
جود : إينا خييينا !!!
لؤي : أسييدي بااان ليا كلشي كيعرفو .. قدس ملي شافتو مابغات تجمع الضحكة السيدة واكلة طرحة دالعصااا و خباراتها فالسوشيال ميديا مجوقين .. شافتو و هي ضحك لودنيها .... مرات عمي حدييث ولا حرج .... دارت ليه واحد الجرة مجلساه حداها بربي ماكتديرها ليك حتى نتا لي ولدها .. واااخدة راحتها مجمعة معاه ... ( جود معلي حاجبو ) و قالك عمي أسد تا هو فخبااارو .. و كان معاها فالباطو و مانعرف آش... ( زاد جمع حجبانو ) شكون هدا !!!! صياااد قالك ولا قناااص ولااا كراندايزر ولا مانعرف شنو....
جود : ( علا حاجبو كيشوف فيه ) جا لهنا !!!!!
لؤي : علااااش حنا مافخبارنا والو؟؟؟ نعرفوووه غي شكووون هو قبل مايدخل طول و عرض فالفاميلي .. جاااي تاال هنا ... يعني سيد رااااه دخل نييشان .. ( أشار للكارد ) و فات هادوك ... يعني راه شكيب عطا ليهم الفو فيغ... و الفو فيغ نتا عااارفو من عندمن كايجي ... وشكوون كايعطيه ....
جود : ( تنهد كايحك بإبهامو فوق حاجبو و رجع شاف فيه و شير براسو للباب ) تاهي هنا؟ جا معاها؟
لؤي : لا جا بوحدو....
جود خلاه و حل لباب دخل كان أصيل واقف كايودع لامار ....غير شافو طلعو و نزلو .. خدا عليه الانطباع اللول أنه راجل فالثلاثينات ...
لامار شافت جود و تبسماات و قدس علات حجبانها و لؤي تاهو دخل ... و جود كايشوف فيه بصرامة مع ابتسامة حادة ... و مد يدو ليه ..
جود : جود... ( بابتسامة مامرتاحاش ليه و صفرة ) خوها ...
أصيل بلبااقة مد يدو و سلم عليه و تلاقاو يديهم السمرين المعرقييين .... يد أصيل كانت أكبر نوعا ما... و حتى ذراعو و كتافو كانو أعرض من جسم جود... فالمقابل جود كان الاطول ...معاصمهم كانو قويين فيد بعضياااتهم وخريطة عروقهم كان نفسها ....
أصيل : عرفتك ... متشرفين ...
جود : ( علا حاجبو مع زاوية من شفتو بابتسامة مامعروفش واش ودودة ولا ساخرة ) و ملي تاتعرفتي ... ( بغمزة متسائلة ) علاش أنا مزال مكنعرفكش؟؟
أصيل : ( نزل عينيه ليدو لي باقا فيد جود و مزال مارخف السلام ، وغير مكايزيد يزير عليها ... و رجع علا عينو فيه ) حيت أنا تصاوري مكيخرجوش فالجورنالات و المجلات باش تعرفني....
جود طلق يدو بضحكة أخرى تسمعات فقط كتنهيدة ... خلاه و مشا للفوتوي و أصيل كايلوي شوية يدو و معصمو لي كان مزير عليهم جود بطريقة فشكل... و جود جلس على الفوتوي و لاح يدو مع الجناب ودار رجل على رجل براحة كيشوف فيه ...
جود : و كاايبان ليا ... مابقاااش بزاف و غاتولي تبان فيهم حتى نتا... ( عوج راسو معاه ) كنتمنى تعرفنا نتا عليك ..... و مانضطروش نقراو عليك غير من عند الصحافة شكون نتا نهار تخرج ليك شي تصويرة مع قسم ....
أصيل : ( مصغر عينيه فيه ) مافهمتش !
لامار : ( هزات حجبانها ) جووود !!!
جود : ( شاف فلامار ورجع شاف فقدس و شاف فيه ) الباباراتزي مكاتعرفهمش منين كايجيو ... و كيف كاتشوف هاد العائلة مابقاش عندها فين تزيد شي سكوب آخر... ( واحد من الممرضين ضار كيشوف فجود باهتمام ) من بنتهم لاخرى ..
أصيل تنهد حيت فهم آش كايقول و مابغاش يتزايد معاه فالهضرة و هوما فهاد الظرف... و رجع تاني ضور راسو لداك الممرض لي منقبيلة معنكشو ....و شافو كيف مرككز معاهم فحديثهم عكس الاخر لي كاايبدل المصل .... و رجع شاف فلامار ...
أصيل : خليت ليكم الراحة ....
لامار شافت فيه بإحراج كتحلف فالداخل ديالها على جود .... ورافقاتو للباب ...
لامار : شكرا على الزيارة أولدي .... ماتشوف بااااس ... سلم على ختك و جيبها نشوفوها المرة الجاية....
أصيل : ( ابتسم بأدب ) إن شاء الله ...
جود : ( بابتسامة معصبة ) بسلااااامة...
ضار عندو أصيل مبتسم بزز ، قادر يلمح فيه خوف الاخ على ختو .. تصرف كيف ملا عليه قلبو وجا حيت قالت ليه انه عائلتها فخبارهم عليه ، ظن ان الامر بيناتهم فيه تفاهم ، ولكن كايلقى راسو قدام اخ وولد عم تقليدين .. شي لي عجبو كتر ما نرفزو !! ماخس بعالم غريب كيف توقعو وخدا عليه الانطباع الاول من قسم !!! هز عينيه تا فداك الممرض الثاني وهو تايتدكر فيه شافو ... نزل عينو تابع يديه لي مخشية فجيب دسروال ازرق دلبسة دالممرضين ... لنح شي حاجة تما فجيب شاعلة ! كان هاتف مشعول ... ومن الثوب الرقيق ديال داك السروال قدر يلمح انه اتصال دايز !!!! علا عينيه لودنو هو يباليه كيت بلوثوت تحت طربوش ... من امتى مسموح ليهم يلبسوهم فالعمل ! ....وعلاش كايحس براسو فايت شافو ! فين !!! ....
ورجع تبسم لقدس وودعها تاهي .... واتجه للباب مشى ...
و لامار سدات الباب بالزربة و مشات جلسات حدا جود و لؤي قرب عند قدس لي غير كاترمش مافاهماش مالهم معصبين منو كاع قد هاكا ؟ مالو اش دار !!!
لامار : ( بعصبية ) اششش داك بسللااامة قلتي ليه بحالا كااااتجري عليه ؟؟؟؟؟
جود : ( جمع حجبانو ) و شنو نقوليه ؟؟؟؟ نستوعدك و نودعك رافقتك السلامة ؟؟؟ نوض نعنقو ولا نعرض عليه يبقا حتى يشرب معايا قهوة؟؟
لؤي : ( حتى هو كان معلي حاجبو بانزعاج ) ياكما نوضو نودعووووه بالدقايقية ؟؟؟ واش نتوما كاتعرفو هاد السيد ولا واخدين معاه راحتكم قد هاكا غا هاكاك ؟؟؟؟
قدس: ورا قلنااااااا ليييييك كاتعرفو قسم ...
داك الممرض سمع سمية قسم و هو يركز كثر ... كان الممرض لاخر كايبدل المصل و هو واقف حداه ... كايحاول يدير راسو مركز مع الوراق لي فيديه كأنه كايقيد شي حاجة و لكن تركيزو كان غير معاهم .... و كلللو حمااااس باش يسرب هاد الأخبار بالصوت ديالهم الحقيقي لي كايتسجل دابا فتيليفون لي فجيبو....ولي مطلوق اتصال مع واحد من صحابو لي للتحت ، فنفس الوقت المكالمة كاتسجل فهواتفهم بجوج ، باش لاوقعات شي حاجة لتيليفونو ، يبقى تسجيل عند صاحبو لي كالس للتحت مع لوخرين ....ولي مكلفين بهاد المهمة ومغامرين على ودها ....
لامار : ( شافت فلؤي و تنهدات و شداتو من يديه ) أجي أولدي اجييي....
لؤي : دابا عاد أجي أولدي ... قبيلة كان هو لي ولدك ... عاد بنت ليك أنا دابا؟؟
لامار: ( أشارت بيدها لقدس ) راها لي تغير عليها ماشي أنا ...( جلس حداها و هي شافت فيه كطمأنو ) راحنا عارفين أولدي .. تاحنا مغانجيوش و نهضرو حداه غير هاكاك...
لؤي : علاش شكون هو بالسلااااامة؟
لامار : شكوون هو ؟ هو واحد الراجل لي ختارتو بنتي باش يكمل معاها حيااااتها ....
لؤي : صافي هادشي لي كاتعرفو عليه؟؟
عند اصيل ...
غادي فالكلوار ، كالعب بالكونطاكت دطموبيل ساهي ... معارفش بااضبط فاش يفكر .... ولكن هاداك ممرض برزطو ومخلاه يفكر فوالو .... تحل بيه الاسانسير فالطابق للتحت غادي بجهة لباب ، هز عينيه مباشرة فهادوك التلاتة لي جالسين فالمقاعد حدا ريسيبسون ...غيير شافهم وهو يتفكر الممرض !!!!! نفسو الشخص لي سول على سميتها وقال صديقها من التداريب !!!!!! كيفاش تاولا ممرض ... رجع شاف عنهم لقاهم مجموعين وواحد فيهم شاد تيل ... هو يتفكر لابيل لي كانت مطلوقة .... بززربة رجع بلور كايورك على الزر بجهد كايضرب فيه مزير على سناانو .......
فالغرفة ......
جود: لاماار .. نكونو كانعرفوه ولا لا .... هادشي راه ماهواش ! سيد راه مزال ماجاب تا طاسيلتو لدارو نعرفوهم ولا يطلب يديها و نتوما مرحبين بيه هاكا؟؟ واش حنا گور ؟ واش حنا قسم لقيناها فالطريق ؟؟؟؟ فييين تانعرفو شنو بينو و بين البنت تاااايجي لهنا... جا للدار ؟؟؟؟ خااطبها !!!! عاقد عليه؟ بيناتهم شي خاتم !!!!حنا تاااوجهو مكاانعرفوهش كيداير ؟ زيد مرحباااا بيك كلس .. شكون هدا ؟ صااااحب بنتنا ... عايشين فمنهاتن !!! اش غاقول دابا فراسو ! هادو مافدارهم رجال !
لامار : ( ضارت عندو ) ملي أحبيبي تتزوج بيلسان و تولد بنية... حكمها ... هادي بنتي أنا ... و بنت أسد .. و حنا باقين حييين كنتنفسو و (قاطعها )..
جود : هاد الكاسيطة دوالو راه غاكتخربقو بيهاااا .... يكون ولد الناس ولا لا راكم كاترخصوووها هاااكا وهادشي كاااايعصب الامااار ...... بنتك اه ....ولكن تانا رااه ختي .....
لامار : ( كمشات فيه حجبانها ) واش منيتك ؟ واش نجريو على الولد بالحجر ؟؟؟؟؟ واش الولد سمع ختك فالسبيطار دار الواجب لي مدااااروهش المقربين ... و جا يشوفها و يمشي فحالو نجري عليه بالحجر !!!! واش كتسنى قسم تقبل الزواج بواحد ماعرفاتو تانهار جا يخطبها ؟؟؟؟ عرفاتو جاات قالتها لباباها ... خداات وقت كتعرف عليه و هوما ناس بعقلهم عارفين آش كايديرو ...
جود : علاش هادشي ماقلتوهش عليا أنا و بيلسان نهار شديتونا بجوج ؟؟
لامار : حيت مكنتوش بعقلكم .... حيت كنتو كاااتفلاااااو على بعضياتكم ...
جود : أنا بلا ماتبقاي دابا تفرعي ليا رااااسي.. إما يجي بحال الرجال للدار يخطبها بحاااال الناس ... اييما يعطيها التييساع .. ماشي تبقى معاه داخلة خارجة وهو وااااخد راااحتو حيت شافكم گور ..... تايصورهم شي باباراتزي شي نهار و نوليو ففضيحة أخرى ....
لؤي : ( كيشوف فالممرض معلي حاجبو بشك) شنو كااادير نتا تما؟
كلهم شافو عند لؤي و داك الممرض علا راسو ... شاف فالممرض لاخر مخلوع و رجع شاف فلؤي ماباغيش يبين...
ممرض : اا ... ك .. ( شاف فضوسي ) كانڤيريفي !
لؤي : ( ماشي لعندو ) اش كاتڤريفي !!!! ( حيد ليه ضوسي من يدو كايقراه ) حليمة زياني ! ( شاف فيه ) بانت ليك عندنا شي حليمة هنا؟
ممرض : ( شاف فالممرض لاخر و لي ولا صفر بالخلعة خاف يفضحو و شاف فيه ) لا... هادي السيدة لي كنا عندها قبل ماندخلو عند المادموزيل ...
لؤي : ( شاف فالممرض لاخر و شاف فيه ) هو كايبدل السيروم و نتا كتفيرفي الضوسي ديال حليمة الزياني ! فوق راس قدس الاسماعيلي؟!!! مالقيتي فين تفيرفييه؟؟
لامار : صاااف ألؤي خليه... هوما عارفين خدمتهم... ( شافت فيهم بعياء ) صافي خرجو الى ساليتو ...
الممرض لاخر : حاضر أ مدام ...
جمع ماطريالو يديه كاترعدو و الشخص لاخر خاف يتفضح بلي صحافي ... و دار مغااااامرة كبيرة ماقدر يديرها تاواحد و هي يدخل لوحدة من غرف الشبلات لي نايضة عليها القربالة و جاب سكووبات جداااد ... طموح النجاح فخدمتو عمى ليه البصيرة و خلاه يدير مغامرة كبيرة.... خرجو كايزربو فالمشية و لؤي متبعهم بعينيه سدو الباب و مشاو فالكولوار...
الممرض : قتليييييك راه غااااتخرج عليا .. ينعل بوها صحبة معاك آلحبس ... تخرج ليا على خدمتي !
صحافي : ( بابتسامة نصر ) و صافي أبنادم .... متخافش .... صافي خديت آش بغيت مغانعاودش نجي ....
دازو من حدا الكارد و مشاو ضارو لجهة الاسانسير...
الممرض : ( هز يدو ) ماتكملش معايا من هنا يقدر يشوفك شي واحد لتحت يعرفك ... نزل فسانسور لاخور و حيد حوايجك فيه .... غير تنزل لوحهم ليا فالسلة لي لقيتيهم فيها و غبببببر ... سيييييفتك مانشوفهاش و آخر مرة تجي .. راه درت على وجه الوالدة و البليزير لي درتي فيا ... أما راه ماكاااينش لي يغااامر معاك فهادشي ....
الصحافي : و صافي أصاحبي آش وقع كاع؟ ماوقع وااالو... راه لطفي هادا لي معااااك ..... ( توسعات ابتسامتو الفخورة ) كنعررررف آش كااااندير .....
مشى داك الممرض كيحرك راسو للاسانسير الخاص بالممرضين دخل فيه و نزل ... و الصحافي بدا كايفسخ فخيوط هاداك الشابو من لور ماشي بجهة الاسانسير العادي ... ورك على الزر .. تحلو البيبان يلاه غايزيد يدخل و هو يشوفو متكي فالأسانسور ... مربع يديه كايشوف فيه ... الصحافي بقى كايرمش فيه مالو كايشوف فيه بهاديك الطريقة !!!!! يلاه غايرجعو يتسدو لبيبان و هو يخرج أصيل من تما و دفعو بالجهددد للحيط لي وراه تا تزدح فيه و مد يدو....
أصيل : ططططلع داكشي لي فجيبك ......
فالغرفة ...
لؤي : ( شاف فيهم مخنزر ) تووووما مالكم هاد النهار ؟؟؟ ضارباكم الشمش ؟؟؟ علاش كاااتهضرو حداااهم !!! واش كاتقلبو لينا على شي فضيحة اخرى !!!!!
جود غير مضور راسو مخنزر .. فاللخر ناض كاع خرج و لامار بقات غير كاتشوف ... نساااو كاع واش كانو شي ممرضين كونما لؤي ..
لؤي ناض تاهو خرج تبع جود ولامار شدات على راسها ، اما قدس غير سدو لباب خطفات بزربة صاك الشوكولا ، غير حلاتو وهي تحل عينييييهاااا معاااه ، كان بمداق الفريز كيف كاايعجبها ، تفصيل قالتو ليه قسم فاش كتكون كاتهضر فكاع المواضيع ومانساهش .....
اما جود ولوؤي تخطاو الكارد ماشين بجهة المصعد...
لؤي : رااااه ماكاينش لي غاايفضح جد منا قدددنا حنايا نيت...
جود : ( ضار عندو ) قسم لي دخلاتو مية فالمية ...
لؤي : و فييييناهي قسم؟
--------
عند أصيل ...
الصحافي : ( عروق جبهتو تنفخو ووجهو حمار ) آش غااانعطيك ؟؟؟؟؟ ( بغا يدفعو من صدرو و لكن أصيل ماتحركش ) تاااابعد من الطريق أصااااحبي ....
أصيل حط ليه دراااعو فعنقو ملسقو مع الحيط مفيكسيه و داك الصحافي كايتنتر ... كان فرق القوة بيناتهم واضح حيت أصيل ماكانش محتاج يدير مجهود كبير معاه...
الصحافي: ( كيحاول يدفعو ) واا طللق طلللق....
الصحافي صحابو لي لتحت بدا تايتسمع ليهم بلي تشد ... وناضو بزربة يقلبو عليه ...
أصيل : ياااا غاتجبد داك ال***وي يا غانطيحو دينمووو هاد السروال عندك نشوفو اش فيه ....
الصحاافي ركل أصيل لركبتو بالجهد مخليه يتراجع شوية... جا يهرب و لكن أصيل شدو دغيا و ردو تاني للحيط و ضربو بكروشي لكرشوووو تااااتزوااا الصحفي و تحنى شاد عليها عينيه خرجووو... النفس تقطعات فيه... أصيل عاود وقفو و شدو من ذقنو مزير عليه.... يلاه غايهضر و هو يسمع خطاوي جايين بالزربة لجهتو... ملي شاف بانو ليه لؤي و جود قاصدينو و باين من ملامحهم بلي مافاهمينش آش كيدير... لي عارفين هو مضااااربة .... ولي اختارتو قسم كيفما بغا يكون ، أولى بالدفاااع ... ومنبعد يعرفو اش واااقع ....
لؤي ملي شاف أصيل شكون شاد توسعو عينيه و دغيا فهم شنو يمكن يكون واقع....
أصيل : ( رجع شاف فيه مزير عليه و صباعو داخلين فلحمو قرب يهرس ليه فكو ) راه قلللت ليييك... ( جرو عندو و عاود خبطو مع الحيط ) ططططلع اش عننندك....
الصحافي : ماااا.... ( كيهضر بزز ماقادرش حتى يتنفس ) مااا عععندي وااااالو ...
أصيل : ( زاد زير ليه راسو مع الحيط و قرب ليه مخنزر فيه بحدة تاعينيه ولاو كحلين بلاصة ما كانو زرقين بالفقصة ظيال دخل وسطهم وسمع كولشي عليه هو وقسم ) شكووووون نتا؟؟؟؟
جود : ( قرب شد فذراع أصيل كيجرو ) اش وااقع .. مالك معاه؟؟؟
أصيل طلق من الصحفي... و ملي بغا يهرب شدو هاد المرة لؤي و كلاه تاني مع الحيط...
لوؤي : ريييييح مزال ماساليناش...
جود : ( بتخنزيرة فأصيل ) مالك معاه؟؟؟
أصيل : ( مخنز فالصحفي ) يطلع داكشي لي فجيبو و نشوفو مالنا معاه ...
لؤي هز حاجبو و شاف فالصحفي و بدا كيتأكد من الشك ديالو... حيت ملي شافو شك فيه تحت راسو شي حاجة...
لؤي: ( بغمزة ) تطلع داكشي لي عندك ولا نطلعو انا؟
الصحافي: ( توتر و العرق كيقطر من جبهتو ) وا راه ماعندي وااالو مانعرف مالو هو لي موسوس.... ااااش غايكون عندي؟؟؟؟ طلق مني اخويا خليني نمشي لخدمتي....
لؤي: ( كيحرك فراسو ) آش غايكون عندك؟؟؟ ( رخى عليه ) واخا ... دابا نتا ماعندك والو؟؟؟
الصحفي: واالو....
لؤي بدا كيقلب فيه و الصحفي بدا كيتنتر....
الصحفي: ( كيدفعو ) تا حييد عليااا يديك....
لؤي: ( ضرپو بروسية حتى تخبط الصحافي مع الحيط و مشا و جا فبلاصتو دايخ و دمو هبط من نيفو ) را قللت لييك ريييح....مااتصعرناش
فهاد الأثناء تحل السانسور و هوما يخرجو ثلاثة ديال الرجال.... غير شافوهم ضايرين بصاحبهم و هو فجييييو تيليفون لي فيه حيااااتهم المهنية كلها على المحك .... تذكرتهم الذهبية نحو النجاح.... إما نجاتهم ولا خسارتهم الى عاقو بيهم الاسماعيليين ... كانو مستعدين يتقاتلو على قبل هاداك التسجيل... أصلا كانو متوقعين هادشي غايوقع داكشي علاش كانو مستعدين لهاد الموقف و هادشي علاش جاو معاه أصلا ...
.....
جر أصيل ذراعو من جود و قرب من الصحفي باغي يقلب مع لؤي... و لكن ماعرفتش كيفاش تلاح عليه واحد من اللور شدو و دفعو كالاه مع الحيط.... لؤي و جود شافو حولهم كيبانو ليهم هادوك الربعة لي يالاه جاو... جود بلاما يفكر شد الراجل لي مكالي أصيل و زف بيه بالجهد لواحد الحيط خبطو معاه.... و لؤي جا فطريق واحد كان باغي يغفل جود و عطاه كروشي طيحو للأرض....
لؤي: ( كيحيد فالجاكيطة و شاف فأصيل ) كتعرفهم؟؟؟
أصيل كايشوف معاهم بهدوء و حرك راسو بلا ....
لؤي شد واحد فيهم كيضربو و جود شد واحد آخر... هوما ماكانو فاهمين والو و ماعارفينش شكون هادوك و لكن هجمو عليهم و هوما كيدافعو على ريوسهم... خلاو حتى لمن بعد ملي يساليو عاد يفهمو اش واقع....وواش كايعرفو اصيل ... ولكن لوؤي كان شاك فداك ممرض تكون موراه قصة اكتشفها اصيل برا ....
الصحافي كان باغي يهرب و لكن شدو أصيل ردخووو مع الحيط و خشا يدو فجياب السروال كيقلب و الصحفي كيتنتر.... الراجل لي زف بيه جود للحيط مشا هز واحد الحديدة كانت تماك و رجع لجود.... أصيل هز عينو ملي شافو غادي ليه طلق من الصحفي و مشا ليه من اللور شد ليه الحديدة و ركلو برجلو طيحو على ركابيه و عطاه بهاديك الحديدة للجنب خلاه مكمش فالأرض كيتحرق .. ضار بان ليه الصحفي كيجري للاسانسير... زف عليه بالحديدة لرجليه طيحو كيغوت... و مشا ليه.... جرو من رجليه مرجعو لفين هوما و تكا عليه كيقلب فيه....
أصيل: راك ماغاتمشي من هنا تا تحط اش عندك غا ريح ....
جود كان مكالي واحد مع الحيط و كيعطيه فالبونيات.... و لؤي كان واحد شانق عليه هزو حتى للفوق و خبطو مع الأرض من بعد بدا كيركلو....
كانو دايرين جهدهم كامل مايعطوهمش شي ضربة لي تقتلهم ... خصوصا اصيل متحكم بزاف فالضرابي ديالو ... ماكانوش كيتقاتلو ... كانو غير كايبعدوهم من الطريق باش يركزو مع اصيل والشخص الاخر يفهمو علاش مضاربين واش واقع وشنو مخبي عندو ..
الرجال بربعة طاحو للأرض كيتألمو و كل واحد شاد بلاصة كيتحرق... لؤي و جود واقفين عليهم وجود كاينفض سروالو من الجنب .. شافو فأصيل لي مزال كيحاول يقلب الصحفي و الصحفي مزااال مقاتل معاه و مامخليهش... واصيل مااابغاش يكون عنيف كتر من هاكا حيت عارف راسو كايترفع .....
لؤي خنزر و مشا ليه... هز رجلو و عطاه ركلة لكرشو خلات فمو يزراق... تحنى عليه شد ليه يديه بجوج لواهم وطيحو لرض وزطم على ظهرو بالكاط ديالو ... وشاف فأصيل بمعنى ( قلب دابا )....
أصيل دار يديه فالجياب كيقلب حتى لقا واحد التيليفون جبدو كيقلبو....
لؤي: كااايسجل ولد ل****؟؟؟
اصيل: ... مدوز آبيل لتيليفون آخر ... ( شاف فجود) راه عندك واحد من هادو ... قلب ...
خنزر جود كايشوف فهادوك لي كيحاولو ينوضو من الأرض وناض لؤي تاهو مشا لهادوك الربعة...بداو كيقلبو فيهم و حيت كاملين مضروبين ماقدروش يقاوموه... حتى لقا جود التيليفون لي معاه لابيل ... و خبطو بالجهد مع الحيط هرسو.... اما اصيل شاد لاخر مايهربش شانقو بيدو مع الخيط واليد لوخرا كايقلب بيها فداك تيليفون ... وصحفي مطلع راسو للفوق كاينهج ودمايات من نيفو دااايزين ....
طفى جود لابيل كينهج و حتى هو زف بيه للأرض حتى تشخشخ و زاد ضربو برجلو بحالا ضرب شي كرة مع الحيط بالفقصة لي دخل وسطهم وبسبب تشتتهم باصيل ماردوش لبال لكاااارثة كانت غاتوقع ......
الصحفي رخاه اصيل ملي ضرو فيديو طاح للرض .... بدا كايزحف من بعد ناض كيعرج هارب .... و قبلما يوصل للاسانسير كان شدو لؤي و خبطو مع الحيط....
لؤي : صحااافي أولد الق*٪ية !!!!! صحفي !!!!!
الصحفي : ( دم كايسيل ليه من نيفو ) طللق مني ... أنا كنديييير غير خددمتتتتي و مااامن حققككش تعررررقلهااااا .... ( كيشوف فيهم بثلاثة ) شكوووون تكووونو فملك الله .. هدا راه تتتتهجم ...
أصيل : تههجم ؟؟؟ و هادشي لي درتي نتا آش كيتسممى !! عندك شي ررخصة دالتسجييل !!!!
الصحفي : ( بتهدييد واعصاب دالحگرة ) التيليفووون هرستووووه .... وااا شوفو دابا كيفاااش غاتسكتو ليا فمي !!!!
لؤي: ( مفقوس ) غانهرسووووو موو حتى هو....
أصيل جر الصحافي من حوايجو لعندو هزو تابقاو رجليه كايلعبو فالهوا....
أصيل : واااش مااباغييش تحششم؟؟؟؟
تحل الأسانسيير و خرج منو واحد الشخص بابتسامة على وجهو.... و بدات ابتسامتو كتنقص و هو كيشوف فالرجال طايحين كيتوجعو فالأرض و الصحفي مهزوز كينزف من وجهو و لاخرين ضايرين بيه بحال الذياب الجاعرة... و حل عينيه على وسعهم و طاح من يديه بوكيه دالورد ودبدوب وردي ... ملي شاف اصيييل زاااف بهاداك السيد كااااااامل لجججهتو ..... ماخلاش ليه الفرصة يهرب ولا يتحرك يتفادى الراجل..... غمض عيني مزير عليهم و ماحس غير براااااسو طنطن ليه مع البيبان ديال السانسور لي وراه .... و هوما بثلاثة شافو لجييييهتو و أصيل كمش ملامحو من داك الضربة لي وقعات لي داك السيد....وصحافي فوق منووو بجغو مع الارض ....
لؤي و جود وسعو عينيهم ملي شافو السروال الغوز لي تحت من الصحفي ...وشكون هادا لي كلا هاد الدقة فراااسو !!!!!! ... مشا لؤي بخطوات واسعين كيطل على الراجل لي طايح تحت الصحفي... و ملي شاف وجهو وسع عينيه كثر....وهزهم شاف فجوود مصدوووم .... ورجع شاف فيه هو لي غيب بداك ضربة حال فمووو ......
لؤي: ااااسبرووووو!!!!!
فالغرفة ..
الجناح الخاص بالإسماعيليين ...
كان مجبد فوق السرير .. صبادرين بيضة ، سروال پينك ، بودي بينك و ڤيست فنفس ثوب السروال ولونو محطوطة حداه ، حليق اللحية و بعض التجاعيد جنب عينيه وفجبهتو ، نحيف البنية ، فالعقد 47 ديالو ... شعرو بني فاتح وليميش مصبوغين بالأشقر يتلفو خصلات الشيب ...
وفالأذن اليسرى ديالو طانگة سوداء ...
بدا كيحاول يحل عينيه ... كايحس براسو ثقييييل وودنو فيهم الصفيير ...
كايرد الوعي ديالو شوية بشوية ...
مع كيحاول يحل عينيه ... بدا كايتسلل ليه نور الغرفة للبصر ديالو .. حلهم المرة لولة وبانت ليه غير الضبابة ورجع سدهوم ... وعاود حلهم للمرة الثانية و بانت ليه الصورة بدات كتوووضح .. علا البؤبؤ ديالو وهو كااايشوف فيهم ...
كانو جوج ريوس كاايطلو عليه بترقب بعينيهم .. وعاود سد عينيه وعاود حلهوم .. بدات الضبابة كتلاشا وملامحهم كايبانو ليه كتر وكايوضاحو ..... كان وجه لامار .. ووجه رتاااج ...
لامار : هاااهو فاااق .....سعيييد كااتسمعني!!!
غير قالتها تزادو جوج ريوس آخرين كايطلو عليه من لفوق ... كان وجه لوؤي ووجه جود ...
غير شافهم وورد الوعي ديالو ... وهو يقفززز كااامل مخلوع ناااض لاااصق فلكااادر ديال السرييير جامع عندو رجلييييه .. وغوووت عليهم ....
أسبرو : ببببعدوووو مني .. شكووووون نتوووووماااا ؟؟؟... مااااتقربوووووش ليا ، اش باااااااغين عندي .... كريييييميناااالز "مجرمييين "
أصيل لي كان تما كايمشي ويجي فاش سمعو فاق ضااار يشوف تا هو ، هو يعلي حاجبو باستغراب منو !!!!
لامار : أسبرووو !!!!! .... أويلي ماعرفتينااااش !!!!
رتاج : سعيييييد !!!!
لوؤي : ( طلع جوج صبعان قدامو ) شحال هادو ؟ !!!
جود : شنو ليوم ؟؟؟
أسبرو كايشوف فيهم ويضور عليهم عينيه باقي جامع راااسو ومزير على يديه ورجليه عند بطنو .. ومخنزر فيهم .....
لامار : ( كاتقرب عندو ) بااش كتحححس ؟ قالو لينا سخفتي ؟؟؟؟ اش وقع ليك !!!!
أسبرو : ( جمع راسو عندو كثر ) ببببعدي مني .. ببببعدي مني ماااتقييييسيييينيش ماااتمسيييينييش ..
لامار : تاااا إمتى جييييتي .. علاااااش ماكتعلممممش ؟ !!! علاااااش كااااتـ... ( ضارت بجنب راسها بانليها اصيل وهي تشد فراسها ماتغوتش قدامو وعاودت لطفات ملامحها بعد مكانت قربات تشبعو قريص ) صافا ؟؟؟ بيييخير دابا ؟؟؟ كتحس براسك مزيان ؟
أسبرو : صاڤا ؟؟؟؟ صاڤاا معااك نت وتريييييكتك ؟؟؟
رتاج : رااه نتا لي ديما مجبد البلااا ، اش غانديرو لييك
اسبرو : يااااك آلبلا ؟؟؟ ياااا وجوووه البلااااا ، ياترييييكة البلاااا ... الووووو لامار ، رااااحنا فالبحر اسبرو كنضربو لوونگوووست ... الوووو رتاج ... راااحناااا دايرين باااربيكو ... الو ارييييج ... راااحنا فخطوووبة جود و بيلسااان سمع دقايقة ....وملي كاااانقطع نجي ، عااد كاايبانوليكم ديييسكواااااات وااشرااااب و الفضااايح ول ( تلاحت عليه لامار شدات ليه على فمو حشمات يقول شي حاجة حدا اصيل وهو نتر يديها بتخنزيرة فيها ) ططططلقي مني ....بغييييت نديرها ليك زعما مفاااجأة أووووجه المفاااجآت .... ( ضرب وجهو ) أناا أنااا لي نستاااهل .. أناااا لي مكنتعلمممش ... أنا لي ماكانتوووبش .. ( اصيل مصغر فيه عينو منين جاب هاد الجهد فالهضرة) منهااااار عرفتك وأنا فوقما نبغي نفاجأك أنا لي كنتفاااجأ .... هدا هو الحلييييب والتمرررر ؟؟؟؟ هادو هوما دقايقة لي تستقبليني بيهم ، مسيفطة ولادك طنطنو لياااا راااااسي ( كاتغمز ليه يسسسسكت ) غييير اجي اسبرووو وندير ليييييك طوااااجن والبساااااطل ... تخررررگيييييييهم .... تخرگيييهم ان شاء الله .....
رتاج : دابا سكت شووووية سكت .... بسيييف ماتسخف .... فهمنا غير اااش وقع ليييييك !! كيييفاش تاااسخفتي ؟؟؟؟
أسبرو : ( شاف فيها بزربة مخنزر ) حااااااامل .... جاااتني دوخة فسانسور وسخفت ( شاف فجود ولوؤي لي كايخنزرو فيييه ورجع شاف فيهم ) سخخخفت قاليك !!!! وراااااا هاااادو ضضضضربوووني .. هلكوووني ، تتكرفصووو علياااا .... ( رجع شاف فلوؤي وجود لي وسعو عينيهم فيه ) ولااااادكم ... اااه .. هااااادو ولااادكم ....ضضضضربوووني ...اشمن سخفت ....سسسخفي نتي .... اما انا كوووولي فيتااامينات ...( شاف فجود ) هاد ولد عيشة ( شاف فلؤي ) وهاد ولد مليكة مع شتهم مع شفت النجوووووم .... ولاد البروتوكل قالك ... هادو راه ولاااااد علي .....
لامار : ( شافت فجود ولؤي وشافت فيه ) اويلي على ضربوووك !!!! نهاااك الله
اسبرو : اااااااايه ...ولي راااجل فيهم يكدبني .... كاااانت معاهم الحمية .... كل واحد منيييين كان كايضربني .. ( لامار ورتاج لي كانو محنيين عليه قادو الوقفة كايشوفو فيه مصغرين عينيهم ) واحد قااال ليا غااانهرس لييك سنااانك ... وواحد قاليااا غانتقب ليك عييينيك .... فلخر .. فلخر ...فللخررر كاااع ( كايمص فشفايفو ويهضر ) جاااابو واااحد صعصع داير بحال هادوك لي كايلعبو ف دااابليو دااابليو اااي ... عينيه زرگيييين كي هاديك لي كايعلقو تواركا فلبيبان تشد عليهم العين ( أصيل علا فيه حجبانو ) و ... ووو .. وكووولو وشااامااات ووجهوو خااااسر وضاااارب حاااجبو ومقطع لسااااانو فالنص ... ( أشار لنيفو ) ومركب طااانگة هنااا ( أشار لصدرو ) وواشم هنا تمسااااح وكوولو سلاااااسل .... ( شاف فجود لي كايرمش فيه ) هااادا عطااه الإشارة بعينيه .... وهو يهز وااااحد من الأااارض تاااااالفووووووگ ... وشييييررر عليااا بييييه ...لاااا .. شييييير بيااا عليه ..... شييير عليييه بياااا ولا منعرف اش دار .... مهم جا فياااا .... ( شاف فلامار ورتاج ) صافي و مابقيت عاقل على والو تاشتكم تاطلو عليا ، وصلة د العجين كااتشووفوني واش خمرت ؟؟؟ طبيبة ياا خسرة وماااتفيقينبش ! كاالسة طلي عليا واش طلقت الصوفة ؟؟؟؟
رتاج: كيييفاش هاد ضربوك نتتا عاود...واش دييييخان ؟
اسبرو : حمق انا دابا حمق ؟ لا حمقوووني وتهناو ...رااااه قتليييك ضربووووني هووووما وفللخر عطااااو الاشارة لداك شمهااروش زرگ العيييينين لي مشرط حاجبو يعطيني ل(قاطعو)
أصيل : واش انا !!!
أسبرو ضور راسو لجنب لمصدر الصوت .. غير شاافو وهو يوووسع عييينيه و قفزززز من سرييير و تلاح على لوووؤي لي شدو بين يديه بحااال لكميييشة ..
أسبرو : ( بهلع ) هوو هاااادااا هوووو هاااادااا .... هووو لي ضرررربني .... خرجوووه عليااااا ولاااااا ندييييه فين إترباااا ..... (كايشوف للباب دشومبرر مكيقدرش يشوف فأصيل وكاايغوووووت ) سي أساااااد ... سي أسااااااااد ....
لاماار : وااااسعيد يهديك الله راه غير كاااتخيل ... نززل شرب غيرر الدوااا ديالك وغاتصح...
اسبرو : ( شاف فلامار ) ياااااك ألامار ياااك وليييتو تجيبو الفيااااادر يضربووووووني ، لي خليتييييه فياااا يكملووووه ولادك ( علا عيينو فلوؤي لي باقي هازو فيديه وهو يتنتر منو ونزل من يديه رجع للسريير ) طططططلق نتا منييي ماتقيييييسنييش .. هااد ولد ملييييكة هداااا ....
لوؤي : وادابا غااا بشوية غاا بشوية .....
جود : ( تحنا عليه شاد على ركابيه) حنا ضربنااااك ؟؟؟؟؟ ماااحشمتيش !!
أسبرو : ( مجابه معاه ) اااااه ضربتووووني .. بليييمااارااا نتا عضيتيني من ووودني ....
لامار مشات بشوية جيهة أصيل لي معلي حجباااانو بدهشة مافاهمش !
لامار : ماتديش عليه أولدي ماتديش عليه ( شافت فيه ورجعات شافت فأصيل ) آش ووووقع ليه ؟!!
أصيل : ( علا عينو فيهم ورجع شاف فيها ) انا براسي مزال معارفش اش وقع ....
لامار : كيفاش تا سخف ! فين لقيتيه نتا باش هزيتيه لهنا ؟
اصيل : ( كايشوف فيه ) دابا مالو ؟ واش ديما هاكا ولا ضربة رداتو هاكا مافهمتش !!
لامار : لا لا هو هاااكاا داااير ... ( ضارت عندو تحت سنانها ) سسسعييييييد ..
أسبرو : ( شاف فيها ) تعييييس هدا .. نااااحيييس .... صااااگيييييع ..... سعيييد قالك ... فيييين عمرني شفت شي سعد منهااار عرررررفتك .... لا نتي لا تريييييكتك ... والداااهم غير باش إتحاماو عليا ياااك ؟؟؟؟ هدااا خيييييري .... نقل فكراااطن دالكوووفيتير ، رجااالكم ناااعسين ونا لي تووحماااات فيكم تنوضني فنصايص الليل نقلب عللى رجلين النمل مقلييين فالزيييت ومغمسيييين فالقطرااان .....فلللخرررر تجيبو ترييييكتكم تخلي داااار بوياااا ....
لامار : ( بإحراج حدا أصيل ) سسسسعيييد .. من بعد ونهضروو ... ( كاتغمزو يسكت وهو شاف فأصيل )
أسبرو : ( كايطلعو ويهبطو وشاف فيهم ) شكون هاادااا ؟؟؟
رتاج : ( تحنات عليه ) خليك من هادشي وقوول ليااا راسك واش لاباس ؟ واش مافيكش دوخة ؟
أسبرو : ( بدا يرمش وشاف فيها) وااااافياااا ... كنشوف منك جووج ( شاف قدامو ) ودابا شكون هاديك لي لهييه ( شاف فيها ) ولا نتي هادي ... راه كنشوف منك جوج ... تا لامار كانشوف منها جوج .... ( شاف فلوؤي وجود ) هادو ربعة ياك ؟؟؟؟ ( شاف فاصيل ) هاداك كانشوف منو واحد وعشرين ( شاف فرتاج ) أنا مررررييييض ( تكا مزيان على سرير ) جيبو ليا الفرملياااات .... وعيطوو لپوليسطايشن نعطي أقوااااالي ..... تعرضت للضرب والجرح والتشتت .....
لوؤي : تا إينا تشتت !!!!
أسبرو : هاداك النواااار لي جبت للالة بنت سيدي وشتتووه ليااا ماشفتووهش ؟؟؟ هااا !! هاداك ماشي تشتت .... دبدوبي فيييناهو ؟؟؟؟؟ فين درتوووه المجرمين ( شار لراسو فين تضرب ) هاادا ماشي ضضضضرب ؟؟؟ تكدب الطباااا والتقاارييير والراديوات ليغادي نمشي ندير دااابا ؟؟ ( شاف فجود لي باقي غامربع يديه كايشوف فيه)
اسبرو : باقي نتا عندك من داك دوا ؟؟؟؟؟ ( جود عوج فيه راسو هو يرجع تكا ) اه واخا ماكاينش جرح باين ولكن تجرحوو مشااااعييري .... ماسااالش دم ولكن سااالو دموووعي علييييكم .. وعلى شحال راااريت بيييكم وشحااال ربيييت فيكم فلللخر تجييبو ( شاف بنص عيين عند أصيل ) ڤييييدووور من گايييم أوف طرووونز يخلي دااار بووويااااا ....
أصيل : ( كايقرب عندو ) خويا .... راه ماشفتكش ... تانعتاذر و إيلا كانت شي حاجة نديرها على قبلك قولها ليا قبل ما نمشي ... ندوزو نديرو راديو ؟! ها ؟
أسبرو : ( كايبعد ملي قرب ليه وتخشاا فجود لي واقف من الجهة لوخرا مخبي فصدرو وكايجاوبو غير بنص عين فيه ) ماتديني مانديييك بعد مني .....يدييييك الوااد .... كاين شي واحد سمر عينيه زرگين وشعرو كحل ؟؟؟؟ نتا ملاااامحك ومامتفاااقش معاااهم وبغيتي نتاااافق انا وياااك ؟؟؟؟
أصيل : ( هز عينو فرتاج ) واش متأكدين بلي صافا !!!
رتاج : سعييييد ... جااوبنا دبصح بلا داك طنز ديالك .....
أسبرو : ماصاااڤاااش .. فيا الحرييق ودوخة وتقيا .... وكنحس براااسي خااااوي من لداخل بحال البطبوط ... بغيت فرملياات وبغيت أنسبيكتور يجي ياااخذ أقواااالي ( شاف فأصيل ) نتا را مزااال ماتتعرفش شكووون أناا ... ( شاف ل لامار ) نقووووليه شكووون أنااااا ؟؟؟؟
أصيل : ( محني عليه شاد فركابيه ودار ابتسامة مستغربة) قول ليا ...
أسبرو : ( مخبع فصدر جود وكايهضر ) معاااك الإس دي ... أككككبر منتج فييييك ياااا نيوووويورك ... والباااايبي سيييييتر ديال كاااااع ولاد الروووكاااان .... والمستشااار العاااطفي دالفااااميلي ....
لامار : ( جرات أصيل لي كايبتاسم ليه جاه ضريف وكيوت واخا داير فيها معصب ولامار جاراه باش مايزيد يفضحهم) أجي أولدي أجي .... أجي راه دابا يفوتو الحااااال ....
بعدات هي وياه شوية ورتاج قربات منو ..
رتاج : علللمنا أبناااادم علللمنااااا ... علمنا راك جااااي ..... ونقولو ليك بدل ساعة باخرى ...وااش نتا كااااع اش دوزناه زوييين مكتجي غيير فالمصااايب !!!!!
أسبرو : كوون علمتك كنتي غاتلاقايني بالحليب والتمررر لباب المطار ؟؟؟؟ بغييييت نفاااااجئكم يااا وجووه الويييييل ، بغيييت نخفف على لالة بنت سييييدي ...... بعععععدي مني ماااتقيييييصييينيش ( حس براسو راه فصدر جود وهو يدفعو عليه ورجع تكا فسرير ) بببعد لهيييييه تانتاا .. باغين طيييحوني والله مااااانطيييح ... انا اصلااااا ديما ( دار يدو تحت راسو ) متكي بحااال الملووووك
جود : والله تاااا مشيييير باللله
أسبرو : دييييوني لسكااااانييير وديرو ليا سيرتيييفيييكا ندي بووووهوم كلهم للحبس .... كلللللهم نديهم فين يترباااااو
عند لامار وأصيل
لامار : دابا انا غير قوليا شنو واقع مافهمنا والو .. ؟ !
أصيل : (شاف فجود ولؤي لي علاو فيه حجبانهم بتحذير ، ورجع شاف فيها ) سخف .... لقيناه سخفان ...
لامار : وقااااليك ضربوني ...
أصيل : وعلاش غانضربوه اش دار .. راه يمكن غير حيت باقي دييخان .....( كايلعب بعينيه مكايعرفش يكدب )
فالأسفل .....
طابلة فالكافيتيريا ... جالس سلطان شاد تيلي ديالو أما قسم بعدما صلات خدات قهوة تاني ... وتاهي شادة تيليفونها و غير ساكتة .... فلخر تنهدات ودارتو فجيبها ....
قسم : أنطلع نشوف قدس ..
سلطان : ( جغم من قهوتو عينو فتيلي ) سيري .. أنا نخرج نشم شوية الهوا وندخل نشوف دراري...
خلاتو قسم وطلعات كتعوج فعنقها بعياء ... كتمشى فالكولوار دجناحهم مرخية راسها كتحس بيه غادي يطيح .... تاوصلات لشومبر قدس .... حلاتها ودخلات ... وهي تلقاها بوحدها ، تلفازة مشعولة حداها وهي كتاكل من شكلاط لي جاب ليها أصيل ... علات قسم حجبانها ملي خلاوها بوحدها وقربات عندها ...
قسم : فين ماما ؟؟ دراري ماكاين حد على برا فين مشاو وخلاوك !! ( شافت للشوكولا ) شكون جابليك داكشي ...
قدس : ( بابتسامة ) وفنظرك ؟؟؟ شكون جا عندنااااا ؟؟ شكوووون هدا لي غايجي عندي مامسوقش للريجيم ديالي باش يجيب ليا شكلاط فنظرك همممم !!!!
قسم : ( علات حجبانهاا كتر وباستغراب كاتقرب لعندها .. طلات على البواط وشافت فيها ) جات خالتو حياة !!!
قدس : ( كتبنن هاديك شوكولا وشافت فيييها)لاااااء ..
قسم : اييية ! ( ضورات راسها بلاا) عمتي سارة ( قدس شافت فيها بشوفة دمنييتك ) ووشكووون ؟ دويييي أزمرر واش باليك عندي عقل الألغااااز ؟؟!
قدس : (شافت فتلفازة وكتبننها ) سسسسهيل ..
قسم : ( وسعات عينيها على حجمهم وقربات بشوية عندها جلست حداها ) أصييييل !!! ( قدس كتحرك راسها مبتسمة وكتمصص فيديها ) تاااضحكي معاياااا ؟ !!!!
قدس : علاش غانضحك عليك ؟؟؟؟ بليمارا كان لابس سروال ديال دجين وتيشورت كحلة ولابس جاكيطة كحلة .... سسمر وعينيه زرقين وحجبانو كبار ولحيتو كحلة .... وصوتو غليض بحال عمي عدنان ... ( شافت لكتافها ) وعندو هادو كبااار وو (وقاطعاتها )
قسم : حححلفي والله تاجا!!!!!
قدس : إيواا انا باش غانعرفو باش نوصفو ليك كون ماشفتووووش ؟؟؟؟ والله اختيتو يلا جاا و جابليا شكلااااط قاليا عارف كااايعجبني ....
قسم : ( بعدم تصديق) وفيييناهو داابا ؟؟؟؟
قدس : ( رجعات كتااكل شكلاط وتشوف فتلفازة )جراو عليه جود ولوؤي ...
قسم : ( وسعات عينيها ) أوييييييلي !!!
قدس : (شافت فيها ) غاكنضحك أ زمر ولكن راه كانو قربو يجريو عليه ....
قسم : ( ناضت وقفات ) كييييفاش؟؟؟؟ واش فاش جا تلاقااوووه !
قدس : تي راه ماما قربات كااااع تقوليه يلاه تباات معانا ( قسم وسعاات عينيها كتحس براسها كتحلم ) لوؤي فرع ليا راسي بالأسئلة ... وشوية جا جود ... صافي وهو يمشي ... يلاااااه دابا شي نص ساعة ....
قسم : ( بقات كتمشي وتجي تحاول تصدق هادشي وشافت فيها ) وفييين دراري دابا !
قدس : غيير خرج هو وتبعوه بجوج ... وماما كانت معايااا هنااا شوية عيطو ليها مشات تاهي ...
قسم : كيييفاش غير مشى و تبعووووه !!!
قدس : تبعوووه منعرف .... ( علات عينيها فيها بلحظة إدرااك ) أوييييييلي !!!!
قسم بلا ماتزيد تسول كاع خرجات كاتجبد فتييلي كاتصونيي تاجاوباتها ...
لامار : نعام أ قسم !
قسم : فييييينك ؟؟؟
لامار : راحنا معاه فالشومبر ابنتي....
قسم : أوييييييلي !!!! شووووومبر !!!! مااااالوو ؟؟؟
لامار : وقالك ألالة ضربوه .. دراري قالك سخف رااااسو ... ماعرفنا شكون نتيقو دابا ...
قسم قطعات تيليفون بزربة وخرجات كاااتجري وتقلب تاتصاطحات مع الفرملية ...
قسم : أ أصيل .. أصيل الشريف فاشمن شومبر حطوه ؟؟؟
الممرضة : ماعرفتوش أمادموزيل شكون هو ؟؟ !
قسم : تاحد ماامحطوط فالسويت ديالنا من غير ختي ؟ !!!!
الممرضة : ااااه راه فشومبغ ربعة فسويت ديالكم أمادموزيل ....
خلاتها ورجعات كاتجري تاوصلات للشومبرر وحلاتهااا مفجووووعة و هو يبان ليها سريير خاوي وتلاحت على جود ولؤوي لي بانو ليها واقفين ....
قسم : علاااااااش ضربتووووووه ؟؟؟ وااش مراااااض فعققققلكم ؟؟؟!
لوؤي : تي أش غاااانضربو واش مريييضة ؟ !!!! راااه سخف رااااسو ...
قسم : سير كدب على شيواحد اخر ماشي أنا .... جاا يشوف ختي ماااااالكم معاااااه .... ومااااادخلوش ليااا فحياااااااتي أبناااادم ...
جود : حياتك ؟؟؟؟؟؟؟
قسم : ( ضارت عندو ) اااه حياااتي ، أصيل ختااريتوووو أناااا . وجبتووو انااااا .... ووواناااااا لي مسؤووولة على علاااااقتي معاه ... مامنحق تاشي واحد يدخل فيييييييكم ..... فين هو دابا ؟ آاش درتوو ليه ؟؟؟!!!! علاااااش ضربتوه !!!! والله وتوووووووقع لاصيل شي حاااااجة مغاااااندوزها لييييييكم
جود : تي شمن اصيل !!!! واش ختك شربات ونت سكرتي !!!!
أصيل : بلاتي ... واش كاتهضري عليا !!!!
قسم وسعات عينيها فاش سمعات صوتوو .. كاتضور بلور ببطئ ، هو يبان ليها واقف وراها ، حداه لامار ورتاج ..... كترمش فيه ورجعات كاتشوف فلوؤي لي معلي فيها حاجبو .. وهي تتحل باب الحمام خارج كايمسح يديه فكلينيكس ومطلع نيفو لسمااااا ....
أسبرو : دااباا غا تمشيو تجمعو دااك نوار ولي فرتتوه نوارة نوااااارة .... وتجييبو ليا دبدووووب ديااااالي ، نلقى فيه خخخبشة وحدة نحاااااسبكم .... تصااااوب خصيييصااااااا للالة بنت سيدي
قسم : ( بصدمة) أسبرووووو !!!!
أسبرو : (شاف فيها ... غير لمحها قلب شفايفو وبغاو بنزلو دموعو ...هو يمشي عندها كااايجري ) ضضضضضربووووووني ضربووووني أبنت سيييدي ضربووووووني ( تلاح عليها عنقهاااا وهي عنقااتو مافاهمة والو ) سسسسسلخوني .....
قسم : ( بعدم فهم ) شكووون ضرببببك ؟؟؟!!!
أسبرو : (فصل العناق وباقي كايهضر بنبرة البكااء ) خووووك .. خوك وولد عمك ودااااك زرگ العيينيييين ( ضارت قسم عند أصيل لي معلي حجبانو وورجعاات شافت فيه ) تحامااو عليااا وضربووووووني وانا جيت غيييير نفااااااجئكم ... شتي علااااش ديما كنت كانگووول ليهم ولدو غي لبناااات علاش ولدتو تا هاد لحتاااااارف علااااش ؟ !!!
قسم بقات غير كاترمش كتحاول غير تستوعب .... وتركز ....ورجعات تاني ضارت عند اصيل جاب ليها الله كتحلم، اسبرو قدامها؟؟؟؟ واش ناعسة ولا سخفانة ولا اش واقع ؟ واش هادي حقيقة !!!!
واصيل تنهد داير راسو ماسمعش اش كانت كاتقول ، وناض منعلى داك الحيط لي كان متكي عليه ...
اصيل : مهم مايكون بااااس .. إيلا حتاجييتو شي حاجة انا كاين و( قاطعو )
أسبرو : متخويييش البلااااد حيت فأي لحظة يفكرو نعيطو لييييييك ، ورد لبال مع الفاكتور توصلك لاستدعاء وماتجيش.. حسااابتك غاندوزها ليييييك ؟؟؟؟ غاااااندييك فين تترباااااا ... !!
أصيل : واخا واخا ... صح وولي لابااااس .... ويكون خير ..
أشار رليهم براسو وشاف فدراري هاز حجبانو وخرج و هوما شافو بعضياتهم وتبعوه ورتاج خلات اسبرو كايتخنن على قسم لي باقا مصدومة و مشات عند لامار ...
رتاج : و دااااابا. .. غاتهضري وتقووولي ليا شكون هاد السيد ؟؟؟؟؟؟
لامار : ( مشات لكرسي وكلسات ) انا .. انا لي خاصني الفرمليات دابا .. انا لي وجدي ليا شي سريييير ( شادة على راسها ) راااااسي غايتفركع ..شوفي كيفاش تسرسبووو وتبعوووووه ... شي كااااارثة هادي مجموعين عليها ومية فالمية كاااانو كاايضاربوو معاه و هااداا جااااهم فطريق وجات فيه شي ركلة قلباتو على القبلة ماااااعندك ماتقولي لياااا ...
رتاج : علاااااش غايضاربو معاه شكوووون هو !!!!!!
لامار : دابا نت فين لقيتي اسبرو ؟
رتاج : لقيتو هنا جابوه لشومبر وعيطو ليا .....كانو معاه بثلاثة .....
فالخارج ...
أصيل : فهمت ... ولكن واش ديك البنت لي كانت معاهم غاتسكت !
لوؤي : دابا نتا فنظرك علاش ملي سمعو صداع ناضو طلعو تبعوه وماهربوش بداك تسجيل لي عندهم ...حيت عارفين إيلا مشا تا تشد وشدينا تيليفون راه مشاو فيهاا هوما وجريدتهم ...
راه طلعو غا باش يسلكوه مايتفضحوش لآش من جريدة تابعين .... يعني دابا لي تشدو وعرفهم عمي أسد شكون راه غايعطي إنذار ، واخا تهضر الجريدة مغاتقدر تنشر والو ، هادشي لادار المزيان ومادعاهمش ...إيلا كنتي خايف على ود آش تقال عليك نتا وقسم قدامهم ...كون هااااني غاسير تنعس .... هادشي راه تايهمنا حنا كتر منك ...
جود : ونتا ملي شفتيه فاللول علاش مهضرتيش ؟؟؟
اصيل : را قتليك شفتو غير فريسيبسيون ماشي كلست و تعشيت معاه باش نعقل عليه ، كان غي بنادم داز حدا عيني .. ( شاف ف لوؤي ) ماتنهضرش على ودي .. انا ماتيعرفني حد ... تانهضر على ودها هي وعلى ود بروتوكول لي فوق منها .. عارف شوية من القانون ديالكم وقالت ليا عليه ...داكشي باش كنسولكم واش هادشي تسد باش نعرف ننعس ....
لوؤي : مغانعرفوش حسن من عمي ... قال تسد ...راه تسد ...
اصيل : داكوغ ....
اشار ليهم براسو ومشى وجود ولوؤي تنهدو ورجليهم مشات بيهم لجردة الخلفية فين يكميو ...
خرج اصيل من السانسور .. غادي وراسو مرفوع مع هادشي لي وقع ! واش هاد العائلة لهااد ددرجة المصايب كاينزلو عليهاااا ؟ !!!! واش مكايتهنااوش تا دقيقة !!!! واش صحافة لهاد درجة كتتهجم على الخصوصيات ديال الناس !!!
يلاه غايمشي جهة ريسيبسيون هو ييان ليه اسد جاااي ووقف ، كان شافو قبيلة فاش عيطو ليه وقالو ليه اش وقع ... وهو تكلف بدوك الرجال ... ودابا خلا معاهم عدنان وجا على ود يشوف سعيد واش فاق و هو يتلاقا مع اصيل ..
اسد : غادي !
أصيل : محتاجيني فشي حاجة ؟
اسد : لا ... غير سير ترتاح ... وكيف قتليك قبيلة .. هادشي خصو يتنسى.. و قسم ماتعرفوش ...
اصيل : واخا اسي اسد ولكن ... السيد لي تضرب قبيلة يقدر يعاود ليهم ، حيت شاف كولشي ...
اسد : فاق بعدا !
اصيل : فاق ... وكيدخل و يخرج فالهضرة بزاف ...
اسد : ( تنهد كايدوز يديه على حاجبو وشاف فيه) دابا اولدي .... ملي شفتيه زعما شنو كنتي غاتخسر لو عيطتي ليا بلاصة ماااتهلكوو الناس فعضااامهم !!!! تاااسلختوهم عاد معيطين ليا !
اصيل : واقلت يمكن انقدر نحيد ليه تيليفون بلا منبرزطك
اسد : عرفتي شنو موصلني لهاد كوارث كاملة ! هو ولادي كايبغيو يديرو كولشي لراسهم .. على الاقل .... ماتخرجش لياااا بحااالهم تانتا ... شي واااحد يجيني فيه الضوو ...
اصيل : ( تنهد وشاف فيه ) هادشي لي عطا الله اسي أسد ....
اسد : ( شد ليه على كتفو ) سير تنعس سيييير .. ماااكدبتييش ، لي عطا الله هوووو هااااداا ...... تصبح على خيرر ....
خلاه وتخطاه غادي عيان و هو يوقفو ..
اصيل : سي اساد ...
اسد : ( ضار عندو ) مم !
اصيل : بغيت نهضر معاك فشي حاجة ... !
اسد : دابا !
اصيل : نخليوها تالغدا فصباح الى كنتي مسالي ...
طول فيه اسد الشوفة ، ورجع حرك ليه راسو بالإيجاب ومشا ... واصيل كمل طريقو تاخرج من الكلينيك .... ييلاه غايحل الباب ددطموبيل ديالو يمشي ... هو يسمع وراه ..
قسم : أصيل ..
أصيل بقى شحال كايشوف قدامو ... وهو يضور عندها بشوية ... كانت واقفة بعيدة عليه ببضع سنتيميترات ... عينيها ماعرفش واش يقرا فيهم ملامح شكر ولا ملامح غضب ولا ملامح فرحة .. عينيها كانو كايغيرو نظراتهم فكل ثانية من مشاعر لأخرى ...
معارفاش بضبط شنو تحس من جيهتو ... واش تمشي تعنقو لي متخلاش عليها .. ولا تصرفقو لي كالس كايلعب بيها ... واش تقول ليه شكرا حيت جيتي ولا تقوليه علاش جيتي ؟؟ ..... ماحدداتش فدماغها كلمات وعبارات باش تواجهو ... هي فقط جات ... وعيطات عليه ...ووقفات حداه ... وخلات الهضرة تبدا كيما بغات ....
قسم : بغيت .... ( شافت للارض شحال ورجعات علات عينيها فيه ) نقوليك غير شكرا على زيارة .... مكانش عليك تعدب راسك ....
اصيل : عادي ... على وجه باباك .....
قسم : ( علات عينيها فيه بزربة على هاد الجواب ، وحاولات تسرطو) امم .. مزيان ... ( سكتات شحال وهو كيتسناها اش تقول ) و .. واسبرو مالو ، بغيت نقول عمي سعيد ؟ اش وقع ليه ؟؟؟؟ واش ضاربتو نتا وخوتي ؟؟!!!!!
اصيل : ( علا حاجبو ) وعلاش غانضاربو ؟؟ !
قسم : ماعرفتش ! هو تايقول ضربوني ... يعني مية فالمية جا فشي مضاربة !
اصيل : لا .... لقيناه سخفان ..
قسم : لقيناه !! ياك نتا خرجتي من عند ختي بوحدك .. فين تلاقيتي بخوتي تالقيتوه كاملين !
اصيل : ( عوج راسو للنتحت كايطل عليها جامع حجبانو ) واش هادا أونكيط ؟ !
قسم : اه .. ( سرطان ريقها من نظراتو ) حيت بغيت نعرف اش وقع لداخل مع خوتي ...
اصيل : ( تفكرها قبيلة ودار ابتسامة بجنب شفايفو ) باش تمشي تشنقي عليهم تاني !
قسم : ( علات راسها للفوق وسرطات ريقها ، محملاتش داك الموقف لي تحطات فيه قدامو ودابا زاد فكرها ) عادي ... مانبغيييهمش يتعداو على البراااني .... ( طلعاتتو ونزلاتو ) لي ماكاييجينا والو ....
اصيل دار تنهيدة اخرى مع ابتسامة مستهزأة واشار ليها براسو بتوديع ...
ورجع ضار لطموبيل وهي كاتشوف فيه مربعة بيديها وتخنزيرة على وجهها لي ماقال تاشي حاجة زوينة ! كيفاش على جا وجه باباهاا ؟؟ !!!
ديمارا طوموبيل ونزل الزاج وعلا عينو فيها ...
اصيل : كنت قلت ليك .... بلي المجتمع ديالك متايعجبنيش وعمرو غايعجبني ....وعمرني غنبغي نكون وسط منو... !
قسم : ( علات حجبانها ) اهاه !
اصيل : ( شاف لكلينيك ورجع شاف فيها ) كان عليك توريني هادا .... ماشي لاخر ....
قسم كمشات ملامحها باستفهام وهو شاف قدامو ، وزاد ...وهي بقات كاترمش فبلاصتها كتحاول تفهم اش كايقصد ورجعات تبعات اثر طموبيل بعينيها تامشااات ... واش كايقصد عائلتها ؟؟ !!!!!
هزات يديها كاتمسد جبهتها كتحس براسها ماباقيش ليها بلاصة فين تزيد تعمرها بالتفكير ..و لكن شوية قلبها خفاف ملي شافتو وسط عائلتها ... ولكن مزال هازة الهم على شنو غايكون ضار بينو وبين خوتها...
وهي ترجع تدخل ...
__________
فالحديقة الخلفية ...
سلطان : تا هااادشي كااامل وااااقع ونا كااالس قنطااان للتحت !! قتل جدمي الملل .....علااااش ماتعيطوش لياااا ....
جود : شكون تفكر شي تيليفون اصاحبي ... راه ملي ططلعت لقيتو تما ....
سلطان : دابا هاد السيد واش تايعرفو عمي اسد نيييشان ؟؟؟ واش كاتعرفو عائلتو ؟؟؟ !
جود : ( ساط دخان من الكارو كايشوف قدامو ) انا ماتنعرف حد .. ومغاانتدخل فحد ... بيييناتهم .... الى طرات شي حاجة يتحملو مسؤوليتها ...
سلطان : اش غايطرا ؟ واش كاتسنى من قسم تبقى حداك ديما بوحدها ! راه عادي كانت باينة واحد نهار غاتعرف على شي واحد يدخل وسط منا .....
جود : هادا راه دخل بلا حتاااا مايجي لدار اصااااحبي ! واش انا قلت ليك ماتزوجش !!! ولكن ماشي بحال هاكا ...
سلكان : راه ماشي كولشي كايفكر بحالنا ابنادم ... يمكن باغي يتعرفو اللول ويتفاهمو عاد يجي للدار ، كاين لي كاايخافومن الزواج .. مدام قالوها لعمي اسد وتلاقاه راه بحالا جا لدار .... وباش عرفتي نتا بلي ختك هي لي مزال ماخلاتوش يجي ؟؟ ! يعني منقدروش نحكمو ... معارفينش علاش مزال ماجاش وشنو مانعو ....
جود : انا حاجة وحدة لي عارف ... ( كاينفض لكارو بصبعانو ويشوف لبعييد ) السيد يمكن خدمتو على قد الحال وباقي تايكون فراسو و قسم جاتو يعيييدة عليه .. داكشي باش مزال ماتفاهمو .... وانا راه ماشي هادشي لي مقلقني ... لي عصب جد مي اليوم .. هو كيفاش جاا هاكا وسط منا مرتااااح بحالا عارف جااي عند ناس عنهم عاااااادي بنتهم تصااااحب !!!!!
سلطان : تاني مجاتش جا يدير زيارة لوحدة فالكلينيك ينوضو يجريو عليييه !!! راه مجاش يشرب معانا قهوة ... راه سمع خباااار و البنت فالكلينيك ناعسة دار الواجب ديالو كواحد كايعرفها .... راه اصاحبي الفرق غا فطريقة التفكير .... غااا برد السوق...
جود : وا صاااافي قلب عليا دابااااا هادشي بيييناتهم .... انا هادشي مزااال ماريحنيييش .... عندهم فيه بزااااف دالمشاااكيل ...
سلطان :واابيناااتهم اصاحبي ، بالعكس انا عجبني هاد السيد واخا ماشفتوش كاع ... واحد بنادم لي واخا مزال مادار معاها فطاجين مايتحرق ... سمع ختها فالكلينيك ... وماشي داخلة تحيد الحلاقم راه خبااراتها مفركعين سوشيال ميديا ....واحد اخر فبلاصتو يقولك اش هاد العائلة ! .... ماغانديش انا وحدة ختها شدوها فالبيران سكرانة .... ولكن هو جا.... وكون كان شي واحد اخر غايتسوق لشي صحافي ؟ .. غايقولك ضبر راسهم انا مالي علاش ندخل راسي فالمشاكييل .... انا جاني هاد السيد كون مكانش باغي ختك نيشان مغايديرش هادشي والله واعلم ...
جود غير ساكت وكايتنهد ، كايحس براسو ماشي هدا هو المشكل لي عندو معاه، .. كايحس براسو بحالا غير لقاه سبة ! اما الحقيقة .... شي حاجة داخل ديالو مامطمنااااهش لعلاقتو هو وقسم .. كايحس باحساس خايب من جيهتهم .... بحالا كايحس بيهم بعاااااد على بعضياتهم وغايعيشو غير المشاكيل وهو ماباغيش ختو تبكي مزال، ماااامرتاااخش لزواجهم ولانهم يكونو بجوج ... ولكن لي تايزيد يعصبو هو لحد الان مزال ماسمعش عليه شي حاجة خايبة لي ياخد موقف منها ويحلف عليها ماتديه !!!! .... كايشوفو بدا يتسلل لوسط العائلة , ومافيهش شي عيب لي غايترفض على ودو !!! ... ولكن علاش هاد لغصة فقلبو !!!! منين جات......!!!!!!
سلطان : ( لاح الكارو وشاف فيه ) مهم انا غانشمي لدار ... ملي صافي غايخرجوها دابا ، نمشي نبدل حوايجي ونجي لدار عندكم ديريكت ...
جود وما ليه بالايجاب ومشا ... وهو وبقى تماك غير كايتنهد ...
لفوق ...
فغرفة قدس ...
قدس : ولكن فوووووقاش ؟؟؟؟ علاااش ماقالها لتاواحد ؟؟
لامار : قالك بغاا يفاجأنا الصگع ...
قدس : دابا فيناااهوا ؟؟
لامار : راه لسق فرتاج قاليها ما نتحرك تايديرو ليا سكانيير ...وتقلبو ليا على الورد ومنعرفت شنو ... جابو ليك وطاح ليه ملي سخف .... راها غاتمشي تلاهيييه بشي حاجة وتردو راه ماعندو والو غا تبوحيط ديالو..
قدس : عموووو مسكييييين ......ولكن كيفاش هاد تاسخف ؟؟ !!!!
لامار : ونا عارفة !!!! قالك الاااالة لقاوه سخفان .. وهو وتايقول ضربووووني .. وعاقل على جود ولوؤي واصيل كانو بتلاااتة .... يعني راه مية فالمية جود ولوؤي ليكانو مضاربين مع اصيل وجات فيه شي ضربة ...
قدس : اويلي ااماماا ؟؟؟؟ مالهم حمااااقو ؟؟؟
لامار : انا مافهمت والو ابنتي .... لاكانت شي حاجة تا يقولها لقسم وهي غاتفهمنا .... ( تنهدات ) مهم ابنتي راه غادي يخرجوك ... مافهمتش انا علاااش ... فللول قالك غاتباتي ودابا عيط ليا باباك قاليا شوية نخرجوها ...
قدس : ( بخوف) واش بابا هنا ؟؟؟ مغايجيش عندي ؟
لامار : خليه يبرد شوية ودابا يجي انا غانمشي لدار نوجد ليك فراشك لتحت .. راه باينة عماماك غايبغيو يكلسو معاك شوية بلا ماطلعي لبيتك .. غانقاد ليك فراشك حداهم ... ونمشي نوقف عليهم يقادو بيت اسبرو ... ونتي غايجيبك باباك صافيي !
قدس : حلفي والله تا بابا ؟؟؟؟
لامار : وهاهو هنا لا ماجابك هو راه هنا عمك عدنان ... راه هنا لوؤي .. راه هنا خوتك ...
قدس : ( مهبطة عينيها للتحت ورجعات علاتهم ) مزاااال ماسمحش ليا ياك ؟ !!!!!
لامار : ابنتي واش مكتعرفيش باباك ؟؟؟؟ كايتعصب دغيا وكايطفى دغيا .... ( كتحيد ليها الشعر على وجهها وباست جبهتها) بنتي الحبيبة ... انا غانمشي نشوف سعيد و نجي نعاونك تلبسي عاد نمشي لدار .. صافي !
قدس اشارت براسها بآه بابتسامة وناضت لامار خرجات .. تاهي رجعات تكات على الكادر دالسرير ، غير كاتفكر باباها مورالها كامل كايطيح .... كاع هاد الكدمات ويديها لي فيها لبااانضة ولي عاطياها صداع ..تاحاجة ماهاماها كتر من نظرة باباها ليها .. بغات غير تشوفو واش مسامح ليها؟؟ .. واش فاهمها ؟؟.. واش عاذرها ؟؟؟ ...
تحلات لباب وهي شافت بزربة واش جا ..... لقاتو لوؤي وتنهدات بابتسامة فوجهو .....
لوؤي : الزوينة ديالي ! ( كايقرب عندها ) شوية ! مابقاش فيك الحريق بزاف ؟ !
قدس : ( متبعاه بعينيها وكتحرك راسها بالنفي ) لا .... تاكنحركها عاد كاضرني ...
لوؤي : دابا تبرا ( هزها ليها وباسها وشاف فيها ) غانخرجوك احبيبتي ...
قدس : اه راه قالتها ليا ماما ... ( علات عينيها فيه ) لوؤي ...ماتكدبش عليا ... اش وقع مع سهيل ؟؟
لوؤي : شكون هاد سهيل لي من قبيلة ونتي تعيطي عليه !!!!
قدء : وا .. هاداك هاداك لي كان قبييييلة .. سميتو مكتبغيش تحفظ ليا ...
لوؤي. : ( جر كرسي و جلس حداها و شد يديها عندو ) واشنو غايكون وقع معاه ؟ ماواقع والو ...
قدس : ماما قالت ليا غاتكونو ضاربتو وشافكوم اسبرو ...
لؤي : و دابا منيتك ا قدس نشدو حنا السيد نضربوه حيت جا يشوفك ؟؟؟؟ عايشين فزرييبة !!!
قدس : ايوا آش واقع ؟؟؟ ( علات فيه صبعها ) وبلااا كدوووب .... !!!
لوؤي : لي وقع هو ملي خرجنا تلاقيناه فالكولوار ... هضرنا شوية و حنا لقاو اسبرو سخفان .. دابا راه تايدخل ويخرج فالهضرة ملي يفيق نيشان دابا يقوليكوم راه غير كان كيتخيل ....
قدس : ( بشك ) زعمااا ماكاينة تاشي حاجة اخرى !!!
لوؤي : ( كايدوز يدو على وجهها ) لا .... ( نزل راسو لعنها كترر ) توحشت بوسة .... ( شاف لشفايفها) عطيني وحدة ... ( بضحيكة ) باش تبراااي ...
قدس : ( بعدات راسها ) سير بعد مني ... يحل شي واحد لباب .. نتا راه كاتقلب ليا على سلخة اخرى ...
_____________
فغرفة اسبرو ..
اسبرو : وااااشدو فيا مزيااااااان ...
بداو كايتنهدو على العقوبة لي داير ليهم ، لامار شاداه من يد ورتاج من يدي و قسم من ظهرو وغادين بيه ...
اسبرو : راه بااااقي دييييخاان .. راه غاااانطيح .....
رتاج : وغاااازيد زبييييد .. نتا واش جاي تخفف علينا ولا تزيد لينا تمارة .. واش ناقصين حنا معطووووبين !!!
اسبرو : ولااااادكم لي عطبوني ، ماجيتش انا هاكا ... ( شاف فلاامار ) فيييين نواري ؟؟؟؟
لامار : دابا زييييد تشوف البنت قبل مانخرجوها ونقلب ليك على النوار ...
قسم : وااازيييد ااسبررو راه حرقوني يدي !!!
اسبرو : واااادفعي .. راه منقدرش نتمشى ... راه زعما عندكم تجربة مع جود ياك تايقولك طبييب ماخصوش اتزعزع ..راه تا انا عندي ضربة فراسي ....
قسم غير كتنهد .. وجارينو تاوصلو لكولوار لي فيه الشومبر ديالها و هو يوقف ..
اسبرو : صافي طلقوو مني كلسو هنا بغيت ندخل عندها بووووحدي نفاااااجأها ... ( طلقو منو وقف كايقاد البودي ديالو من جيهة عنقو ودار عند قسم وعلا فيها صبعو ) عنداك يحسابك نسيييت داك زرگ العينين ... غانرجع من عند ختك وغاتعاودي ليا بالتفاصيل فين عرفتيه ....
قسم : وا غيير سير دابا سير ...
مشات قسم كلسات حدا ماماها ورتاج .. وهو قاد الوقفة وقاد الكوستيم ديالو ... علاو لامار ورتاج و قسم عينيهم فاش بانليهم غادي كايتكسول بشوية عليه للشومبر دقدس ... كايضورو فراسهم على لي يلاه مكانش قاد يتمشى ...
وقف قدام الباب ودارابتسامة عريييييضة ... وحل لباب بزربة ..
اسبرو : سوربراااااااااااايـ.........
باقي حال فموووو ...لي مابغاش يتجمع ومابغاش يكمل ليه الكلام .. عينيه تووووسعوووو وهو كايشوف .. وقدس دغيا بعدات على شفايف لوؤي ووهو لي محني عليهاا وقف ... حلات عينيها على وسعهم فاسبروو ... اما لوؤي غمض عينيه كايضور راسو ..
اسبروو وحلاات فيه الهضرة كايشوفيهم ويضور يشوف للامار ورتاج وقسم ويرجع يشوف ليهم ... ولوؤي حط صبعوو علا شفايفو بمعنى "شششش".. وقدس كترجاه بعينيها يسكت ...
اسبروو : ( بصدمة وعدم استيييعاب ) هاا !!!!! .....
حمرو فيه بجوج بيهم يسكت وهو ضار عند لامار ورتاج وبداو ملامح الخيبة كايترسمو على وجهو وقسم بدات كاتفهم مالو و تأكدات من شنو غاااايكون شاف ... وهو يسد داك الباب بزربة على قدس ومشى غادي فالكولوار ...
اسبرو : تفووووو .. ( تابعاه قسم ورتاج وولامار كالسين كايشوفو فيهم مافااهمينش ) الله ينننننعلها تريييييييييكة ...ترييييكة المكاااابييييت كيييفهم كيف ولااااادهم ... ( شداتو قسم وضار عندها يلاه غاااتهضر و هو يغوووت علياااا بالفصحى الملاوطة خلاها غا حالة عينيها فيه مكترمشش ) قُتل مكبوووووت في القرية ، فتهنت القرية من آذاااه .... خلّف ولدا . .. فاااااااات في الكبت أبااااااااه .....
قسم : ها !
اسبرو : ببببببعدي منني ..... ماجاااااي عند حد انا .. الخييير نديرو فرااااااسي .... المكاااااااابيييييت ( ضار عندها تاني ) وااااش راااااضعييييين لڤياكراا ياهاد ولاااااد الاسماعيلي ؟ راه المولى اسماااعييييل كون عرف غااااطلعوووو ليه بحاااال هاكاااا كون حرق مكنااااس بلي فيييييها ...
قسم : ورااااه مخطوبيين ابناااادم مخطووبييين ..... ( اسبرو كايرمش فيها ) راااه تخطبووووو واش مقالوهاش ليك ؟؟؟؟؟؟؟
اسبرو : (بصدمة) ق .. ق .. قدس ؟؟؟؟؟ قدس ولؤي !!!! ( هز عينيه بحقد فلامار ) نااااااااري كووووووون ماجاااااتني مك
حديقة المستشفى ..
كالسين اسد وعدنان ... كايتبادلو التنهيدات وكيسان دالقهوة فيديهم ... علا اسد راسو للفوق بتنهيدة اقوى .. كادل على بزاااف دالعياااااء .. . بزاااف ديال الهم والمشاكيل .. بزاااف دالتفكير ... ولكن كاملين يهونو فسبيل يشوف كاع ولادو بيخير ومجموعين ومكايضرهم والو ومغاايضرهم والو ... هادشي لي كايحس براسو عايش على قبلو .... عايش غير على قبلهم هوما ....
اسد : ( كايشوف للفوق ) كنتي تاتقول ليا ... دابا يكبرو ونتهناو ... كبرو ( شاف فعدنان ) ومزال ماتهنييناا ...
عدنان : ( رشف من قهوتو ودار ضحكة مستهزأة ) فييين كبرو أ أسد فين !!! باااااقين صغااار ...باقيين حاضنين عليهم فالغار .. مزال ماجربووش يخرجو يصيدو ....
اسد : ( شاف فيه ) واش لغلط لي درنا ... هو معلمناهومش الصيد اعدنان ؟؟ معلمناهومش الغابة كيدايرة على برا !!!!
عدنان : تانگولها مع راسي ... تانگول يمكن حيت خفنا عليييهم بزااااف .. يمكن حيت مابغيناهمش يدوزو من داكشي لي دزنا منو حنا .. يمكن حيت دمرنا حياتنا كاملة باش هوما مايتعدبوش .. ولكن الحياة بلا ماتجرب عداابها وبلا ما دوز من مصايبها راه عمرك غاتكبر فيها ....غاتبقى ديما صغييير ...
اسد خدا تنهيدة أخيرة ... وحط كاس دالقهوة وشد على كتف عدنان بقوة .. وعدنان حرك راسو بالإيجاب وناض بتثااااقل باتجاه الكلينيك وعدنان متبعو بعينيه ...
_____________
فغرفة قدس ...
رتاج : واااش حنا لقينا فين نحكو راسنا اسعيد ؟؟! واش كضحك عليييينا ... راه من هادي لهادي ...
اسبرو : وااااكتبو ليا غاااا ميساااج ... غااااا ايمووجي فيه خاااتم وخوخة و دنجااالة
قدس : مسسسحها فيا اعمو ... انااا ....انا لي كان خاصني نقولهاليك ...
اسبرو : ( شاف فقسم ) ونتي !!!!
قسم : شنوو أنااا ؟؟؟؟
رتاج : اه نتي ....( شافت فلامار ) هادي هي لاااااا مكاين واااالو غااا قسم عاودات ليا على قدس ولؤي .... !
لامار : اااختي انا كوووون لقيت كون داك نهار نجي عندك كانجري غابلفرحة ...راه هاد خيتي تاا هي لي قاتلك مزال مااااادرنا والووو .. !!!
قسم : وبااااقين مادرنا والو ...تا دابا ...
رتاج : ( شافت فيها ) دابااااا عاودي ليااا ...فين عرفتيه ؟؟؟
قسم : والله هادشي تاااااطويل اخالتي ... خلي دابا نخرجو قدس و منين نمشيو لدار انا غانعاود ليكم ...وللللكن راه ماكاااين والو وما غايكوون والوو وحنا أصلا مفاااارقين ... !
رتاج : ( محنية كتسد سيور دسبردينة دقدس ) ايه ايه فهممناااا .. فهمناااا ...
قدس :شكراا ( باست ليها راسهاا) صافي انخرج دابا ؟ ..
رتاج : ( وقفات ) وتايجي شي حد بعدا ...
لامار : مهم انا غانمشي نوجد فراش وبيت سعيد ... هاهي معاك قسم ... يلاه ارتاج ونعاود ليك فطريق ..
رتاج : ( باستها ) ويلاه أحبيبتي تايجيو يجيبووك ...
خلاتها واسبرو تا هو تابعهم باقي معلي حاجبو غضباان .. وقسم قادات القب ديال الهودي لي لابساه قدس وخرجات ليها شعرها لي تحت منو كاتقادو ليها على كتافها وكتقيس فالنذب لي فوجهها ....
قسم : ماغاديش يتنفخو ان شاء الله .. تبعي غير داك طريطمون لي عطاوك...
قدس : ياك ماباينينش بزاف ؟؟ ( هزات تيلي كاتشوف فكاميرا القدامية و كتقيس فيهم ) نااااري والله تابااينيين ....!
قسم : قبيلة كنت كنهضر مع مانادجر ديالك لقات تيليفونك طافي وصونات ليا ... قاتليك عندكم شي غذاء رياضي نهار الاثنين .. يعني نهار قبل الماتش ..
قدس : (شافت ليديها بحزن وشافت فيها ) مغنمشيش أقسم انا اصلا صافي ماغاالعبش ... كيغانديير لعب بحال هاكا ؟؟؟ وعلاش غانمشي لهاد الغدا ... بلا معنى
قسم : واراه واخا ماغاتلعبيش راك الوجه الإعلاني ، الحمد الله لي حملات تصويير درتيهم شحال هادي ماغاتحتاجيهمش دابا ولكن متنسايس كاينة ندوة وكاين جوج بررامج يعني راه ضروري غاتباني ... الضربات ديال وجهك ماشي مشكل غايتعالجو ويدك دابا تبرا ..
قدس : ( علات عينيها فيها ) واش منيتك أقسم كتهضري بهاد البرود ؟؟ واش عارفة اشن كاتقولي ؟؟!! واش انا نقد دابا نخرج بين الناس وسط هادشي كاااامل ؟؟؟ ...
قسم : اشنو ؟ اتبقاي محبوسة وتعطيهم الحق فداكشي لي قالو عليك ؟؟؟ خاصك تخرجي وتوريهم بلي عااائلتك فصفك ونتي ماجبتي لا عار لا والو لعاااائلتك. ... وبلي ماواقع وااااالوو ... و نسيهم بالندوة و البرامج لي غايديرو معاك ونسااي هادشي باش الناس ينساوه .... !
قدس : ( علات يديها كتماصي جبهتها وردات شعرها لوور ومورالها طاح بعد مافوج عليها اسبرو ) صاااافي غاقلبي عليا هاد الموضوووع ماباغاش نفكر فيه واللله ....
قسم : ( هزات ليها تيليفون ) وعطييييني تاهاداا ... تاهادا مايبقاش عندك ( دارتو فجيبها لور )
قدس : يلاه جابتو ليا ماما نهضر مع خالتي حياة ... وماقستووش اصلاااا وماباغاش نشوف داكشي غاتهناي ...!
قسم بقات كاتشوف معاها كيفاش مورالها طاح تاااااني وكيفاش اكتأبو ملامحها من جديد ... واخا جا أصيل وبدل ليها الجو .. و فااش شافت اسبرو تاهو ... خوتها ، عمامها ولؤي و ماماها ورتاج ومساندتهم.....ولكن تاحاجة ما قادرة تشفيها من لداخل من غير باباها .. حتى من سميتها والمجتمع ورأي العاااالم ماامسوقاش ليه كتر مامسوقة لنظرة باباها كيغاتكون ليها ...
كاتشوف فيها و حااسة بيها وعارفاها فاش كتفكر دابا ، وعااارفة ماساهلاش عليها ، ولكن كايحاولو ما امكن يبسطو الحااالة قدامها باش مااادخلش فشي ديبريسيون و ماتسوءش حالتها كثرر .. وباش يحسسوها أن هادشي غير صغير وبسيط ودابا يفوت .. واخا هوما كاااملين عارفين مزياااان هادشي صعيييييب باش يفووت .. والرأي العام مكاينساش بزربة وهي مضطرة تخرج تواجهو ، يمكن ظابا بالها غير باباها وعائلتها ، ولكن ملي غاتخرج للمجتمع وتمشي للملعب ولا لافاك وتسمع التوشويش فهضرتها عاد غاتحس بهاديك الصعوبة ، خصوصا مع البروتوكول وصرااامتو فيما يخص الشرف ...
قسم : ( تنهدات وشافت فيها هربانة ماتشوفش فملامحها باش متبكيش ) انا غانمشي نشوف فيناهوما نخرجو خلاص منهنا ..
مشات لجهة الباب يلاه غاتحلها وهي تتحل ! .... هزات عينيها شافت شكون .... وهي تعلي حجبانهاا وقادات وقفتهاا ...
قسم : بابا !
اسد شاف فيها وعلا عينيه لقدس لي سمعات سميتو وهي تعلي عينيها بزربة فيه ، عينيها كان فيهم بزااااف دالخوف مخلط مع بزاااف دالاحراج ...
حس بكبدتو تقلصات على حالتها !!! كدمات وجهها والبانضة لي فيديها ، قلبو تعصر عليه و ضلوعو حس بيهم زيرو عليه ... ولكن مظهرو باااقي ثاااابت ..
قسم ضارت براسها عند قدس ورجعات خرجات و خلاتهم ... واسد سد الباب جاي بشوية باتجاهها ... اما هي نزلات راسها مقداتش طلعو فيه ...
اسد : ( وقف عند راسها قريب ليها ) تتحرقك يدك ؟
قدس فقط حركات راسها بلا ودموع تجمعو فعينيها مضببين ليها الرؤية فهاديك الارض لي كتشوف فيها ... واسد قرب يدو هزها ليها شافها ورجع تنهد ... ومشا باتجاه الكرسي وهي دارت شهقة صامتة وهزات يديها بزربة مسحات دموع لي نزلو قبل مايضور .. وهو سااامعها وحاس بيها ... ولكن خاصهاا تتربى ...
جر هاداك الكرسي حداها وجلس مقابل معاها كيشوف فيها وهي منزلة راسها ووجهها حمررررر وفازك ...
اسد : هزي راسك ..
قدس سرطات ريقها وهزاتو بشوية فيه ... عينيها كااايلمعو مع اول رمشة مع طاااحو الدموع وهزات يديها كتمسحهم ، كانت ثاانية وحدة لي شافت فيه وقلبات راسها للجنب ثاني حشمانة ...
اسد : واش تعديت عليييك ؟؟؟ هم !! ( قدس كتبكي وكضور راسها بالنفي ) ظلمتك ؟؟؟ ( قدس ضورات راسها بلا ) اذن علاش كتبكي !
مقداتش تجاوبو او بالاحرى معرفاتش اش تقول ....
اسد : ملي كنتي كاتقولي ليا علاااااش ابابا مكتخلينيش نخرج مع صحاباتي ونسافر معاهم اش كنت كنقول ليك ! ( تسمعات منها شهقة ) مااااتبكيييش دابا جااوبيني .. هضري مادمعيش ...
قدس : ( كتهضر بزز وبصوت متقطع بالبكاء ) م .. مم معقلتش ..
اسد : كنت كنقوليك .. غنبكيك قبل ماتبكيني .... ولكن ابنتي ... نتي اليوم ... بكيتينا بجوج .... ( قدس نزلات راسها كتبكي كثر ) عرفتي علاش ! ... حيت ملي شفتك فتي تمنطاش لعام وشفت بنتي هاد الصيف رجعات للدار كثر ورجعات اكتيف معانا .. رجعات كتعاود لينا كيف كايدوز نهارها .... قلت بنتي بدات تكبر ... وبديت نثيق فيك ... وعطيتك شوية دالحرية ... شهر ... يالاه شهر لي قررت نعطيهاليك .... شوفي اش درتي ..
قدس : ( علات عينيها فيه دمعانين ) ب با .. بابا ... والله .. والله ماااااالخاطري (قاطعها بحدة )
اسد : بخاااااطرك ... مشيتي بخاطرك ... ( قدس نزلات عينيها ) اش وقع ليك تما متااايهمنيش .. لي تايهمني هو خرجتي بليل بلا خبار داركم .... وهادو جوج حوايج مكنديروهمش باش نمشيو نديرو حاجة زوينة ... هادو باينين اش غايجي وراهم ... يعني من الاساااااس نتي مامضلوماش فهادشي .... ( قدس كتحرك راسها بالايجاب موافقة كلامو كتشوف فالارض عاضة على شفتها وكتمسح دموعها ) الحااجة الوحييييدة لي نتي مضلومة فيها .... هي كثيقي فالناس وتايحساب ليك كاع لي ضحكو ليك راهم تايبغيوك ... كنت كنشوفك نتي هي القافزة فولاااادي ونتي هي لي كتعطي قيمة لراسك كثر ومسبقة راسك على كولشي ... كنت كنخاف على قسم ملي كانت صغيرة .. كنقول اي واحد يدير عليها شوية ديال الدراما غاثيق فيه وتحيد حاجتها وتعطيها ليه وهو غير غينصب عليها ... كنت مكنثيقش فجود لي كثر منها .. لي طيح حداه شوية ديال الدموع يبكي معاه .... ولكن نت ووسيم .. مكنعرفكمش بحال هاكا .. نتي بالخصوص ... ولكن طلعتي اكتر وحدة هبيلة فولادي ... ( قدس كتشهق ) انا مغنقولش ليك ردي البال من الناس ولا بعدي من الناس راه اي واحد يغذرك لا ... انا غانقوليك حاجة وحدة ... صاااحبك هو لي كتشوفيه متااايديرش حوايج خايبين .... اما لي تايديرهم .. غايخليك تانتي ديريهم واحد النهار .... حيت الصحبة بحال لاگريب ... كتعادي ... الى عطس حداك اليوم وغدا ... غاتمرضي تانتي .... ونتي عارفاها مزيان تصرفاتها كيدايرين ... علاش عااشرتيها ؟ علاش درتيها صاحبتك
قدس : ( كتشهق ) مكانتش .. ص صاحبتي .. انا .. انا ماعنديش صحابات ابابا .. انا ماعمرهم كانو عندي ( شافت فيه ) ك كولهم غ غير كنفوج معاهم وصافي
اسد : كيجاك التفواج دابا هم ؟؟؟ هوما معامن كنت كتفاهمي كيجيوك على گانتك وحنا لا .. مكناش كنفهموك بحالهم ومكنهضروش بنفس اللغة .... باش خرجتي دابا ؟ شكون لقيتي معاك دابا !!! واش لي طيحك فالحفرة ولا لي ماد يدو يخرجك ؟
قدس : ( بترجي فعينيها ) س .. سمحللليا
اسد : علاش غانسمح ليك انا ؟ اش درتي ليا ؟؟؟ ماضريتيني بوالو .. انا لاباس ( هز يديه ) بييييخير .... ساليت قرايتي خدمت درت داري .. خوتي حدايا .. مراااتي حدايا .. ولدت ولادي .. انا مخير كاااع .... شووووفي حياتك نتي اش كتروني فيها ... طلبي السماحة من عمرك لي كتدوزيه فالتفاهات .... طلبي السماحة من هاد سن الشبااااب وهاد الطااقة لي كااضيييعيها فالخوا الخاوي .... طلبي السماحة من حياتك لي مهازاش ليها الهم ومكتوجديش ليها ولمستقبلها .... اما انا علاش !!!! انا نتي بنتي .. وفعنقي ... وتحت مسؤوليتي .. وربطني الله بيك بالكبدة .... الواجب ديالي هو ملي نشوفك بديتي تنحرفي على طريق نردك .... والواجب ديالي راه كنديرو .. بالهضرة بالضرب باللي كان .. راه غانديرو ..... اما انا ماعندك مناش تحشمي مني ومكاضرني فوالو .... حشمي من راااسك لي تاضريه .....ماشي انا ...
باقي ماكمل كلامو نقزات عليه عنقاااتوو كتبكي فحضنووو بجججهد حاطة راسها على كتفو كتنخصص .. وهو تنهد تاحمارو عينيه وهز يديه عنقها من ضهرها كيطبطب عليها وهي كتبكي بالشهيق ....
قدس : و و الله منعاود ابابا ..... و .. و نتا .. تانتا خاصك ت تسمحليا .. ح حيت ديما .. ك كنخيب ثقتك ... سسسسسمحليااا عافاااااك ..
اسد : شششش ... صافي ماطرا والو .. صافي
قدس : والله ابابا ... والله ابابا تاااااكنت باغا غير .. غير نجرب هاديك الحياة ( بعدات عليه كتشوف فيه كلها كتنخصص وفازكة بدموع ) هاديك الحياة لي ديما كيبارطاجيوها وكيبانو فيها فرحاانيييين بغيت نجرب المتعة لي كيلقاوها تما .. ا انا عمرني عرفت دوك البلايص .. ماحسابتنيش خايبين بحال هاااكاك ... م .. مكنتش عارفا صحاباتي كياخدو لالكول .... والله ابابا ماكنت عارفة هادشي .. مشيت غير لبارتي دصاحبتي ... م ماقلتهاش ليك حيت عارفة مغتخلينيش وغنبقى نتعصب فالظار ملي نشوف تصاورهم .... وزادت كمل عليا خطبتي مع لوؤي لي بغيت نعيش شوية داكشي لي مغنعيشوش لاتزوجت بيه ...
اسد : واش عارفة المتعة لي كيلقاها المنتحر وهو كيتلاح من عمارة فيها ثلاثين طبقة للتحت ؟؟؟؟ كتكون واحد المتعة وااااااااعرة تايحس بيها .... تجربيها ؟؟؟؟ ( قدس كترمش فيه ) عارفة المتعة لي كاينة فلادروگ ؟ تجربيها تاهيا قبل ماتزوجي ؟؟؟؟! عارفة المتعة لي كاينة فالسرقة نتي هاربة وهوما تابعينك ؟؟؟؟ تجربيها تاهيا شي نهار ؟ عارفة المتعة لي كاينة فالقتيلة .. فالنصب ... فالكذوب .... فالتهراس .... ( شد فكتافها مهبط راسو عندها ) اي حاااااااجة ممنوعة راه فيها متعة ابنتي ... و اي حاجة ممنوعة ... خاااايبة .... واي متعة ممنوعة كتكون متعة صغيييييييرة ومنبعدها قنطااااااار ديال المشاكيل ... علاش غاتبيعي حياتك كلللللها وعمرك كامل لمتعة قصيييرة ؟؟؟؟ غاتسالا دغيا .... شفتي لي تبع الشهوات ... بحال لي ربي عطاه يعيش مية عام .... وهو فضل يعيش غير دوك تلاثة الثواني لي غيتمتع فيهم فهاديك الحاجة ومنبعد يعيش مية عام كللللللها فالمشاكيل .... ( قدس نزلات راسها كتشهق ) هادي وقيتة الشبااااب واحسن عمر كاين فحياتك .. الاينيرجي لي عندك دابا باقي ليك غير واحد عشرين عام وغاتبداي تفقديها ... وعشرين عام لي عندك راها قصييييرة بزاااااف ويااااااربي تقدك فكاااااع داكشي لي خاصك ديريه .... عرفتي شحال خاصك ديري فيها ؟ ( كيحسب بصبعانو ) تقرااااي الكوليج كااااملة ... تقراااي الليسي ... تبريباري للباك .. تقاااتلي معاه يجي بمونسيون .. تمشي للدراسات الجامعية .. تتقاتلي مع كل موديل يتفاليدا .. تاخدي ليصونص .. تاااخدي ثاني الماااستر .... تبداي تفكري فالخدمة .. تقاتلي فيها باش تكبريها ... هادي متصدقش وهادي تصدق .. مشروع يفشل ومشروع ينجح .... تتزوجي و تبداي حياتك مع راجلك وتقادي اولوياااتك .... وفهاد الفترة كاملة مطلوب منك فالفراغ ديالك تكوني تهليتي فصحتك برياضة .. وتضاربتي مع الامراض ... تكوني تهليتي فعقلك بالكتوبة ورصيدك الثقافي يكبر .. باش يالاه تلقاك فربعينية ملي يتقاااضااا الجهد .... ترتاااحي شوية وتفرررغي للمشاكيل ديال ولادك .... الحياة راه مافيهاش بزاف دالوقت ابنتي وكيتسالا الجهد .... كون كنت كنلعب بحالك .. غنلقى راسي دابا خاصني نوفر ليكم دار وماتاكلو .. وانا ماعنديش جهد دالخدمة دابا انا عيييييييت .... وحمدت الله لي شبابي مادوزتوش فالخوا الخاوي ... دوزتو عاااااامر ورتاحيت دابا من ناحية المستقبل المادي ودرت ليكم حياة زوينة باش مضربوش بزاااااف دالجهد ..... خليت ليكم غيييير شوية دالجهد ومع ذلك مدرتوووهش اولادي ... هاد العمر ماشي ديال النزوات ابنتي .. اي حاجة او نزوة فهاد العمر المتعة ديالها صغيرة والى عانديتها مشات حيااااااتك كلها فسبيل داك النزوة .. ايما تكون على شكل شي برهوش يفسدها ... اما على شكل صاااحبة تفسدها ولا شي بلية تخرج عليك ... الاينيرجي ديالك عطييييها فقرايتك ومستقبلك .... عطيها فرياضة .. عطيها فالكتوبة وقراااي .. عطيها لعائلتك وبروووفيتي منهم ودوزي اكثر وقت معاهم .... انتسغرام غييير وهم ... يمكن صحاباتك لي فيه حقيقيات والمؤثرين فيه حقيقين .. ولكن داكشي لي كيصوروه ليك ماشي حقيقي .... المتعة لي شفتيها عند صحاباتك وهوما فالبيران ماشي حقيقية .... الحاجة الحقيقية الوحيدة لي فحياتك .... هي قرايتك ... وعائلتك .... هادو جوج حوايج الى عطيتيهم الاينيرجي ديالك كاملة مغاضيعش فالفراغ ، قراية غاديري بيها المستقبل ، وعائلتك غايعطيوك الرضا باش غاينجح داك المستقبل .... نهار دخلي للربعينية غتحمدي الله لي مانجرفتيش بحال لوخرين لي دابا راهم واحلين فحياتهم معارفين منين يبداوها ومنين يساليوها .. بحال هاداك لي نعس بزاااااف وملي فاق معطل لقا كاع خدمة النهااار تجمعات عليه وهو مدكدك بالنعاااس ومافيهش الجهد ... اما لي فاق بكري .... وشم الهوا دصباح وشرب قهوة وصحصح .... خدم وسالا وراااه كايدير لاسييست على شي رولاكس تحت الشمس
قرب عندها كثر كيمسح دموعها بابهامو شاد وجهها بيديه كيشوف فيها
اسد : هاد عشرين عام لي عندك .... هي لي غتحدد مصيرك وشكون تكوني ..... دابا نتي بنت الروكان .... وملي يمشي الروكان .... شكون غاتكوني ؟؟؟؟ ( شافت فعينيه بعينين خيفاانيييين وعامرين بالادراك ) عندك غير عشرين عام ... الوقت كااايطييير والايام كاتسلت تحت رجلينا بحال الزربية .... مكاينش مجال للتعطال ولا ضيعي الوقت فتفاهات ... تخيلي معايا .. عندك غير نص ساعة ... وطلبو منك تصاوبي ليهم بروجي ديال شي حاجة فقرايتك .... واش غيبقى ليك وقت فين تفكري تشعلي الموسيقى ولا تنوضي تهضري مع صاحبتك ولا ديري شي حاجة ؟ غاتكوني مسطريسية ومزروبة مع الوقت كتجاراي توجديييه دغيااااا قبل مايمشي عليه الحال ... كذلك شبابك .. داير بحال داك نص ساعة واخا تشوووفيه بزااف .. راه فرررمشة عييين ابنتي .. وغايذق الكرووونووو .. وغتلقايك كاطلي على ربعين عااااام ..... والحياة واقفة عند راسك كتسولك واش بروجي حياتك واجد .... ! ولا غتعاودي واحد اخر .... ونتي الجهد لي غتعاودي بيه بروجي مغيكونش عندك فداك العمر ..... داكشي علاااش ... مكاااينش مجااال للتفلية ... مكااااينش مجاااال للتفاهات ... مكاينش مجااال للخوا الخاوي ..... ( قدس كترمش فيه وكترسم ابتسامة زوينة على شفايفها كلها فخر بيه انه باباها ) تعاملي مع الاشخاص والاحداث فحياتك بحال التجارة والاستثمار .. اي حاجة مغاااانربح وراها والو منديرهاش ..... اي شخص مغيفيدني بوالو .. مغاانجلسش معاه .. واي علااااقة طوكسيك فحياتي .. خاصني نقطع ليها الراس .. حيت اللفاعي .. مكنقدموش ليهم المجاملااااات ....
قدس كمشات حجبانها كتبكي وتلاحت ثاني عندووووو مزيرة علييييه .... وهي كتشهق فحضنو وتبكي وتاهو زير عليها هاد المرة كثر فتعنيييقة وكيدوز يدو على شعرهااا
قدس : ش ش شكرا ... حيت نتا بابا ...
اسد : ( جابها قدامو وبدا يمسح دموعها ) خليني تانا واحد النهار نشوف فيك ونقوليك شكرا حيت نتي بنتي ...
قدس حركات راسها بواخا وعاودات عنقااااتو
تحلات عليهم الباااب وقدس ماسخاتش تبعد من حضنو وأسد شاف للجنب و هو يبان ليه عدنان جايب كرسي ... غير شافهم تبسم ودخل ...
عدنان : واهاكاك عنقييييه مزيااان توادعي معاه .. راه قربت نديييك ليييه ... ( كايقرب عندهم و أسد تبسم وقدس ضحكات فحضنو ) هو دا ليا ولدي ... وانا غاندي ليه بنتو ....
قدس بعدات من حضنو كتقاد شعرها لي تخربق وتمسح فدموعها وتشمر بنيفها ...
عدنان : ( كايشوف لداك كرسي ) عطاوني هاد العجب قالك تمشي فيه على حساب الدوخة ...
أسد : آحيد عليا تمشي على رجلييييها ...نوضي اجي شدي فيا ....
قدس : غانتمشى اعمي مافياش دوخة ...
عدنان : تقدر تجيييك ملي تمشاااي ...
قدس : لا لا ، لاجاتني نشد فيكم
ماجات فين تكملها تا كان زاد عدنان بخطواات كبار وهزها فيدو غاااادي بيها ....
عدنان : وماااااالنا حنااا عليييييها كاااااع ...
قدس : هههههه ( شادة فيه ) راه غااانتمشى اااعمي هههه
عدنان : تقااااليتي ياالبرهوشة .... يلاه كنت كنهززززك كيف الخشة .... شكلاط الكليان ديالي باااان عليك
ضحكات وعنقاتو من عنقو حاطة راسها على كتفو واسد هز تيليفونها وشنو محطوط على طابل دونوي وتبعهم ... وهي يلاه قدراااات تضحك من قلبها وحساات براااسها خفييفة وتزاااح هم باباها من على كتاااافها وأثراات فيها هضرتو بزااااف وخلاتها تشوف الحياة شحاااال تاااافهة و هي كانت عااطية قيمة لتفاهاتها ...درس صعيييب خدااااتو ولكن الاهم هو فهماااااتو .....
بعد ساعة ونصف ....
∆فالقصر..
كتقاد ليها حياة المخدة تحت راسها ، كانت لامار فرشات ليها ايزار بيض على الفوطوي حداهم فالصالون لي مجموعين فيه كلهم... قادتها ليها وغطاتها بيزار اخر ...
كالسة اية عند راسها ... لامار و ورتاج ، اسبرو كان بعيد كايهضر فالتيلي ..وجات تا حياة كلسات حداهم .... اما لؤي وسلطان وجود فالجردة ... وعدنان و اسد وقسم وسفيان فالبيرو. ...
لامار : كوون غير يتجمعو دغيا نتعشاااو ..والله تا جاني الجوع ...
رتاج : وابسييف واقلة نهار كامل بلا ماكلة ... !
حياة : يااااختي حمدت الله على حاااجة وحدة .. انني ماحليتش داك تيليفون هاد النهار بالخدمة وطلوع والهبوط مع هادي فداك الليسي على وراق السبور ... اما كووون سمعتها من تيليفون قبل مايقولها ليا سفياااان كون ولدت بلااااا وقت ...
لامار: تانا داكشي علاش قلت ليه سيييير عندها باش ماتشوفيهاش من بلاصة اخرى ..
رتاج : اصللااا كولشي تمسح ... بقاو دي بااج صغار راه كايتكلفو بيهم .. قاليا لوؤي ماتجي فين ضرب طناش دالليل مايبقى وااالو ...
قدس سمعات تيلفونها و هي تمدو ليها اية ودارتو فودنيها ..
قدس : آوسيم ...( اية شافت فيها ) لا راه جينا لدار ...شي ... شي ساعة هاكاك ... فوقاش ! دابا ؟ يمكن كنت لفوق ماسمعتوش .. يلاه نزلت دابا .. صافا صاافا ماكتحرقنيش .. راهم كولهم هنا ... تااااهوما كايسلمو عليك ....
اية تنهدات وشافت قدامها كتحاول ماتبقاش تسمع سميتووو وتترعد ...كتحاول تتعود عليه انو ماشي ديالها كيف كتحلم كل لليلة وانه ماشي هو داك البطل لي كتتخيل قصتها معاه كل ليلة .... وان الواقع حاجة خرااا ...
قدس : واخا ...صافي واخا يلاه ... ماافيا لي يتصور دابا أ وسييم راه وجهي ممضروبش بزاف ...صافي تانطلع ونهضرو فيديو ...هااك ها ماما ...
عطاتها تيليفون ... كتحس براسها ثقييييل وباغا غير تنعس وهضرات بزاف ملي دخلات ،من اريج يونس ولاد عماماها شيماء منادجر ديالها جداتها خوالها ... جهد تقاضا ليها ولات باغا غير تنعس ، واخا كتبغي تبان ان المضووع مامأثرش فيها ولكن بمجرد مكايجبدوه كتحس بقلبها كايتقلص ..
لامار : وسييم .. اوولدي ..
مشات بعيد تهضر وقدس شافت فاية ..
قدس : اشنو دارو معاك احقا فداكشي !
اية : راه ماما من قبيلة وهي معاهم .... ماعرفتش اش هاد السبور لي بغاو يديرو ليا ؟
رتاج : كيفاش ؟
حياة : قالك اختي دوز امتحان دالسبور فالباك ... ولكن سبور ديال الحالة ديالها ومنعرفت اش .... انا البنت عندي اي موڤمون خصو يكون بخبار الطبيبة ديالها ... معرفتش علاش قالك دخل للحصص سبور والا غايتعتابر غياب !!!
رتاج : واديري ليها شهادة !
حياة : وااااهي عندها ديما دالحالة ديالها ، ولكن هاد العام قالك تماك فالليسي ديالهم عندهم سبور خاااااص بالحالة ديالها ... يعني شهااادة مابقاتش نافعة .... قالك عنهم االحل .. نهار كامل وانا تما .. درت اجتماع معاهم ..خديت دابا بروغرام ديالهم ديال هاد السبور ... وغدا غانصبح مع طبيبة ديالها تشوف ليا داكشي واش مناسبها ! ...
قدس : ( شافت فاية ) الى كان غايناسبك و مغاايضركش ..ديريه بلعكس سبور راه مزيان ليك ..
حياة : ومعاااامن تهضري ، راه ماااابغاتش !
اية : خليييييني اماما .. مااابغييييتش اش غاندير فهاد السبور فوق الكرسي .. كااايضحكو علينا ...كولشي كايجري برجليييه و حنا يعطيونا لعبو كنتجاراو بالكراساا !!!! ... مامااا انا هاادشي ماتيعجبنيش ومغانديروش ومغالفتش الانتباااااه ديالهم ...
حياة : ( شدات علا راسها ) يااااربي الصبر يياااااربي
قدس : ( شافتها تعصبات وزيرات على يديها ) صاااافي اختي ..ديري لي يريييحك نتي .....
اية : ( تنهدات كتحس براسها كتعصب فهاد الموضوع واخا نهار كامل و هي معصبة فاش ماماها بغات تاخد رأي طبيبة ماشي رأيها هي ) مهم انا راه خصني نمشي ، حمد الله لي شفتك صافا ...
قدس : سيري سيري ، راني عارفاااك خشيتي راسك مع البريباراسيون ....مزياااان يلاه يقدك الوقت .... كلنا العام دالباك اعتكفنا ....
اية : وايييه ، كنحس بجبل باقي قدامي داكشي لي كانقراه فاللليسي كنحس بيه غييييير شوية مقارنة مع داكشي لي خصني نقراه ....
رتاج : درتي سيونص ماط !
اية : اه ...
حياة : عنداك تنعسي بلااا عشا ، فريدة راها عيانة شوية ماااتسهريهاش بزاف ، كولي هو اللول عاد قراي ، وماتسهريش غدا فايقة بكري ...( شافت للجنب ) سلطاااان ... سلطاااااان ... ( جبدات تيلي ) صبري نعيط ليه يوصلك هادو واقلة خرجو ...
يتبع...
التعليقات
لا توجد تعليقات بعد، كن أول من يعلق.