محتوى القصة
رتاج : الله يجمع بيناتكم بالخيير ... ونتا راك وليتي واحد منا ... ( ردات لسلمى شعرها مور ودنيها بابتسامة ) نتا و هاد الكتكوتة .. مرحبا بيكم فأي وقت .... حنا ولفنا نكونو مجمووعيين أولدي ... منبغييوكمش تخرجو على جماعة ( شافت فأسد ) إلى أسد تايحسابليه غايزوج ولادو ويتهنى منهم راااه غالط .. هه ولادو غير ماغايزييدو يكبرو ليه العائلة ويزييدو الكراسا فطبلة ...
أسد : هه ... هو راه عارف هادشي وراني قلتو ليه .. إيلا بغا بنتي خصو يولي تاهو ولدي .. وولد هاد الدار .... إلى اعتبرتي هاد الدار داركم تاانتا .... راه تانا غانعتابرك ولدي داك ساع .. ولكن لاحسسبتينا براانييين هاديك حاجة أخرى ....
أصيل : حاشا .... الله اودي شرف ليا .... ( شاف لساعتو وتنهد ) اوااا ..... نخليييوكم هاد الساااعة... ( قسم نزلات شفايفها شدات فيدو كتر مساخياش بيه ) ديجا تعطل الحااال ... وكنعتدر على التعطييلة مرة اخرى ... ( وقف ووقفات تاسلمى و وقفو تاهوما ) وششكرا على حسن الضيااافة ...
لامار : مرحبااا بيك أولدي فأي وقت ( شافت فسلمى ) نتا وسلمى .. دار داركم .. ونتا راك وليتي واحد منا دابا ..
أصيل : الله يطول عمرك شكرااا ...
عدنان : راه مزااال مسالييتيش .. هاد المرة راه جيتو لهنا المرة جااية عندي إن شاء الله ...
لوؤي : ضروووري ...
أصيل : علاش لا إن شاء الله ...
يلاه كايتوادعو وسفيان وحياة وآية داخلين لي عينيهم منفوخين ملي كايسافر ويخوي عليهم ...
قدس : بلااااااتي ، مزال ماتصورتوش معاهم كااااملين ... بلااااتي وقفو نصوووركم ...
لامار : وبلاااااتي تمشي حدا نسييبي .. سيري تانتي ديري ليا داك تصاور دوسييم جابني داك نهار وجهي طويييل....
اسبرو : نااااري وديري شي فيييلتر
قدس : ههههه لااااا اويلي
مشات لامار بزرية وقفات حدا اصيل وتاهو عنقها من ظهرها وسلمى عنقات قسم واسد وقف حدا لامار حداه عدنان ورتاج وجود .. وحياااة وقفات حدا سلمى حداها سفيان واسبرو ولوؤي وحطو اية قدامهم كلهم ضااحكييين للكاميييرا وصورتاهم وهي تعطي تيليفون للمساعدة ومشات بزرية حدا لوؤي عنقها وعاودو صورة اخررى ...
عدنان : اسسيييدي بصحة واارااااحة .... العقوووبة للعراااسية ان شاء الله
اصيل : هه ان شاء الله ...
نزل عينو ليد قسم لي باقا شادة فيه مزيرة عليها مهبطة شفايفها جابت ليه الضحكة وهوما كلهم ضحكو عليها فنفس الوقت عجبهم الحااال لي كتبغيه قد هاكا وتاهو كايعاملها بلطافة وحنية ...عرفوها مسخاتش بيه يمشي ....
أصيل : ههه تمشي معايا ؟ ههه
قسم : ( شافت فأسد منزلة شفايفها ) مغاايخلييينيش بابا
أسد : لا ابنتي .... بغيتي تمشي ها ااالباااب .. فين حيدت ليك انا ... سييييري ... ( شاف فقدس ) طلعي جمعي ليها حوايجها ...
قسم : كاطنز عليا يااك هههه ..
سفيان : ماسخييناس بيكم صراحة ...
أصيل : مرة خرى إن شاء الله .... ( مد يدو ) تشششرفت بيك اسي سفيااان ... نتلاقاو فساعة الخير
سفيان : الشرف لييينا .. ونهار كبييير هادا اسيدي تعرفنا علييكم .. ومرحبا بيكم فأي وقت ....
حياة : والله ماسخييينا بيكم صرااااحة ... ( سلمات عليه وجبدات سلمى عندها عنقاتها ) اوا صافي راه غاتسناااك آية تبريبارييو بجوج ...
سلمى : ان شاء الله ( تحنات عند آية) فرررحت لي تعرفت عليك ...
آية : تااااناااا ... واخا مسخييييتش بيييك ... نهار السبت غانجي موراك ونمشيو لفين كانبريباري .. صافي ؟؟؟
سلمى : واخا إن شاء الله .... تهلاااي فراااسك ...
آية : حتى نتي ...
سلمات عليها ووقفات ودعات عدنان ورتاج وأسد ولوؤي واسبرو ، واصيل تاهو ودعهم ووصل لعند اسبرو وتبسم ليه وعلا ليه نضاضر فوق راسو
اصيل : صافي راني غادي غااريييح عينيك هههه
اسبرو : هاهوما فجيبي غااانتلاقاك لبسهم ....
اصيل ضحك ليه وتا اسبرو ودعو بعناق رجولي وزاد للباب .... أما لامار وقدس وقسم كانو غادين معاهم تاهوما للباب .. ودعوهم بابتسااامة مساخييينش بييهم وسلمى كاتشوف فيد قدس لي فلبانضة ولكن ماقداتش تقول ليها شي حاجة وخلاتها فرحانة نااااسية واخا بقات مدة مترددة كاتفكر واش نقوليها حمد الله فسلامتك ولا لا فللهر دارت راسها بحالا معارفاش باش متكملش عليها ...
ورجاء جات وهزات عليها لامار صيكان صغار لي فيهم الهدايا ديالهم لي وجداتهم لامار ولي جابوهم سفيان وعدنان واسبرو ليهم بمناسبة خطوبتهم ومداتهم لسلمى لي شداتهم بإحراااج ...كانو داصيل ودسلمى اما دقسم طلعوهم لبيتها ....
وزادو للباااب وعدنان وسفيان وأسد كالسين كايضورو فراسهم على قسم لي باقا شادة فيديه مابغاش طلق منو ...... ورتاج وحياة تاهوما كالسين كايهدرو غيير عليهم ....
أما فباب القصر واقفة قدس ولامار وقسم لتوديعهم .. ولامار قربات عندو وشدات وجهو وهو تبسم ليها ....
لامار : انا مامات قسم ... ولكن لاكنتي تتبغي بنتي ... خصك ديرني ماماك حتى نتااااا ...
أصيل : ( بنظرة حنينة داتو بورشات عليه بهاد الهضرة ) الله أودي ...
لامار : لي تقااالت عليك .. لي ضراااتك ... اجي قولها ليا .... ( شافت فسلمى ) وتا نتي ابنتي ... ديريني فمقااام مااامااك ... ملي تحسي براااسك باغا تهضري مع شي واحد ( شافت فقدس ) هاااهي بحال ختك ....
قدس : أصلا غاناخد نمرتك من عند قسسم ... (وشافت فأصيل ) سمح ليا أخويا سهيل ولكن راني لقيت معامن نبقى نخرج ... غانجي نخرجها معايا بغيتي ولا كرهتي ... انا مكنتشاااورش ومضريفاش بحال ختي نبقى نرغب فييك ...
أصيل : هههه إن شاااء الله اختي ان شاء الله ...
قدس :و تانتا غانااخذ نمررررتك ...
قسم : وعلاش ؟ اش بغيتيها !
قدس : راااجل ختي !!! وغايكون عندي غير واحد ... مغايجيوش جوج ... راه عندي غا ختي وحدة ...
أصيل : لامابغااتش تعطيها ليك أنا نعطيييها ليك غا تهناي .. غا هو راه سميتي أصيل ...
قدس : سهيل جات معاك حسن ..
قسم : وعااشرييه شوية مزال وغاتشوفي سسهيل شحال ساهل ...
أصيل : كاضيعي ليا سمعتي دابا ؟ ههه ( شاف فلامار ) خليينا لييكم الراااحة .. شكراا بزاااف اماادام على هاد الليلة ...
لامار : مرررحبا .. ومزال غانتجمعوو ومزاال يجمعونا ليلات اخرين حسن ..
قسم : أنا غانوصل معاهم لطموبيل أماما غا دخلو ...
لامار : وا وصلي معاهم غا ماتمششيش وصافي هههه
قسم : هههه مغاانمشيش غا تهناي .. أنا راااجعة هههه
لامار تبسمات ليهم ودعاتهم وهوما مشاو ضاحكيييين وهي تنهدات براااحة قلبها مرتاح وقدس شادة فيها ودخلووو ....
عدنان : عييطتي ليه بعدا ؟ راه مايلقانيش حدا راسو يبات فايق ...
رتاج : نعااااس .. هو دابا راه قرب يفيق ... أصلا أنس معروف وقتو دنعاس غير كايجيه كايحمااارو عينيه وكانعس ... راه غا فالصيف كان كايقصر وصافي ... ودابا راه كايفيق بكري ...
لوؤي : لا نعس قبيلة واتساااب ديالو طافي مجااوبنيش ...
حياة : ( شافت عند لامار لي جاييين ) صافي مشااو !
لامار : ااه مشات قسم توصل معاه لطموبييل ...
رتاج :والله ايلا عمرررني ماشفتها فرحانة وولا مرتاحة قد هاكاااا .. باااينة كايعاملها زوييين باش تعلقاات بيه بحال هااكاااا ...
عدنان :كااايبان ولد الناس وكايبان بعقلو ومسؤووول ....
سفيان : وصراحة هو دياااالها .... تاهي خصها واحد بعقلو ماعندها مادير بدوك البراااهش ...
أسد : اودي هدا راه حكااااااتو دنيا .... انا راه غير تانشوف فيه تانشوووف الصغر ديالي كااامل .. تاايتقاااتل مسكييين غا بوحدو وفيه النفس دالخدمة وباااغي يوصل .. ولكن كيف قال راه كان تالف ... الواحد راه مكاايرصاااش تاكيفكر يستقرر ...
حياة : أنا قلبي رتااااااح ليييهم لواحد درجة متتصورش ... ختو تبااارك الله باينة ربااها مزياااان .. حشومية ومأدبة ... حماااقيت علييها لسلطان ...
عدنان : ههههه صافي بانت ليكم فيه تااهووو ....
سفيان : واش سلطان ديال الزواج دابا ! راه باقي صغيييير ...
حياة : ومالي انا قلت لييك دابا .... غير دايراها بين عينينا وصافي منا عارفاه باقي صغييير ...
آية : نااااااري انااا حمااقييييت عليييها .. ياااربي يبغييي خوويااا .. والله تاا زويييينة ....
رتاج : اودي راه كولشي زوين .. خاص يتفاهموو بيناتهم .. اما حنا علاش ...
عدنان : اوا الله اجيب لي فيها خير ... نوضو تنعسو اهاد النااس.. غدا الاثنييين .... ( شاف فجود لي كايسيفط تصاور لبيلي ووسيم ) فوقاش غاتمشي نتا !
جود : ( علا راسو من تيل ) فهاد السييمانة ... تخرج غير واحد الورقة ...
عدنان : ان شاء الله .. الله يوووفقكم جميييع .... ( وقفات رتاج )
لامار : كون غي گلستو تباااتووو هناياا .. مشااا الحال
رتاج : لا لا تاني منسمحش فأنس بزاف .. كون جبتو معايا كون بتنا ....
لامار : جيبي داك لبواط ااارجااء .... ديري فيها شوية من هاد تمر .. قولي لانس راه هاد تمر ديال العرييس ...
رتاج : هههه واااخااا ... وفيصل غاايتقلق علييك ...
لامار : اوا فيصل راه مالقيييينا ليه جهد ههه
آية : خااالتي .. واش فيصل لاباس عليه ؟؟؟ شحال هادي مادوا معيا بغيت نعرف غير خبارو وواش وولف !
رتاج : لابااااس ابنتي .. وراه بسيف علييه يولف ....
آية: سسسلمي عليه بزاف وقوليه يحل انستاگرام ديالو .. أما تا نمرة واقلة بدلها !
رتاج :, لا مابدلهاش غير هو حبس ليغيزو سوصيو ، كاع ليكونط سدهم ... راه نمرتو خدامة عادية فيها كانهضرو معاه ....
آية : اااه .. صافي دابا نحاول نصوني عليه ... واخا راني حاولت ديجا ومجااوبش ... ( قالتها بأسف )
رتاج : يمكن كان قاااري ... غير ردي البال مع الساعة والفارق دالوقت... ( شافت فيهم ) يلااه تصبحو على خيييير .. ومبروووك علييكم تانتوما هههه ومبروك علينا كاملييين ....
لوؤي غمز قدس وناض تاهو كايعوج فراسو بعياء و عدنان تاهو تبع رتاج لي ضارت عند أسبرو ...
ررتاج : واصافي راه غانتسنااك غدااا ...
أسبرو : صافي دابا نجي ...
حياة : وتاحنا نوضوو ... آية بنتي أجاب مايفيقك غدا ..
آية : لا نفيييق نفييق ...
مشات عنقاتهم ودعاتهم وتاسفيان ودعهم ومشاووو .. وجود تاهو ناض ...
جود : تصبحو على خييير ...
أسد : ماتمشي فيين غدا ... راه داير مع المحامي ..
جود : لا صافي .. صباح فكرني ...
أسد : سير تنعس رتاح يلاه ...
حرك ليهم راسو وطلع مهدود فدروج ... واسبرو تاهو ناض معانق هو وقدس متكين على بعضياتهم طالعين فدروج ينعسو .... ولامار كلسات حدا أسد لي عنقها تاهو بيديه ..
لامار : ( كاتشوف مع صاالون الخاوي ) سبحان الله ... شحال صعيييب باش يعمر .. وسااااهل يخوااااا .... دقيقة تخوااا وبقينا غير انا وياك تاني ...
أسد : ( عنقها بيد وحط راسها على كتفو) باش يخويوه وهوما طالعين غير لبيوتهم ينعسو مزيان ... انا كنخاف يخواا شينهار ونا معارفهمش فين كاييييينين !
لامار : لا .. ان شاء الله ديييما يخويوه وحنا عارفيين فين هوما .... ( علات راسها فيه ) عجبني أصييل بزاااف ...
أسد : ولد الناس ...
لامار : والاهم من هادشي كامل .. هو قسم مرتاحة معاه ... كانشوف فيها كيفاش كاتشوف فيه وشحال فرحانة .... قلبي تايتقبط خايفة ضييع شي نهار فرحتها هي وياه ...
أسد : ( بتنهيدة ) ان شاء الله مايوقع وااالو .....
____________
فالخارج .....
كانت سلمى ركبات لقدام بعد ماودعاتها وأصيل تكا على طوموبيل وهي قدامو وشد وجهها عندو
أصيل : غير نسالي الإصلاحات وتحرك شوية الخدمة .... غانديرو .. لاكط ماغياج ... غالبا هاد الصيف ...
قسم : ان شاء الله ( باست يديه لي فوجهها ) عرفتيي الى شي نهار حيدتي هاد الخاتم اشغاندير ليك ؟
أصيل : ( طلع يدو شاف فيه ) ههه علاش انحيدو ؟
قسم : اوا منعرف ( كتمشط ليه على لحيتو للتحت ) عجبك الحال احبيبي ؟
اصيل : بزااف كاااع ....
قسم : ششتي .. كنت كانقولهاليك ونتا خايف على والو ... ( تنهدات ) يلاه ..... منعطلكش سييير ترتاااح تعطل الحال ...
أصيل : شنو عندك غدا ؟
قسم : خدمة ... داك بروجي لي قلت ليك راني خدامة عليه ... وغدا غانمشي ناقشوه شوية ... فلعشية غاندوز لعند بابا عندنا اجتماع المالية ...
أصيل : وفوقاش نشوفك انا ؟
قسم : نتغداو بجوج !
أصيل : مزيااانة ...
قسم : ( عنقاتو وباستو فحنكو ) شكرا على ليكاااضووو .. وغدا غاتقول ليا ششحال خسرتي تاني و اش وقع باش تعطلتي ( شافت فيه ) وماتقولش ليا ماتسوليش على اوموري المالية حيت ولاو اوموووري داااباااا .... وفلوووسك .. هوما فلوووسي ....
أصيل : هههه واخا الالة واخا ... سيري تنعسي دابا .. تال غدا ...
قسم : ههههه ( علات يديها شافت للخاتم ورجعت شافت فيه ) واخا ماشي بطريقة رووومانسية .. ولكن عجبني الحااال ... وكانت ليلة زويييينة ...
أصيل : ( دوز ابهامو على وجها ) زوييينة بييك ....
قسم تبسمت ليه وهو غمزها ومشا لطوموبيل وبقات كادير ليه بايباي غير بيديهااا تارجع ماارشاااريار وسلمى تاهي كادير ليها باااي بااي .... سلمى لي مدات يديها ملي كان كايدوي مع قسم وهزات هاداك العصى لي كان فيه غزل البنات لور .... ودارتو فصاكها باش تحتافض بيه كذكرى من هاد الليلة الزوينة ومن الجيست لي دار معاها سلطان وتنهدات كاتشوف فزاااج ..... اصيل كان كايحاول يصوك بيدو ولكن كانت عاطياه الصداع وسلمى كتنگر عليه خيت ماخلاهاش دوز بيرمي ....
غير غبرو .... قسم ضارت باش تمشي وهي تلاقا بعمامها غاديين وددعاتهم تاهوما لي عاودو باركو ليييها عاد دخلات للدار ... يلاه غادة بحماس طلع لبيتها تشوف النمر لي جاا ليها وهي تلقاا ماماها وباباها كالسين وتبسمات ومشات تخشات وسطهم كلسات وعنقاتهم بجوج ...
قسم : ررراه مزال مامشيناش باش تاخدو راحتكم قد هاكاااا ....
لامار : اوا ابنتي سربييو راع عيينا نتسناو ...
قسم : ههه ( شافت فيهم بجوج ) كيييجاكم أصيل
أسد : بعقلو ديري غاا نتي عقللك ...
قسم : ياااااك ابابا دابا أنا كنضرب بالحجررر
لامار : مزيااانين نتي وياه ومواتيين والله يكمل بالخير .. غا هو شوية دالصبر وشوية دالمفااهمة وماشي كلمة جوج دكري الفراق ... دابا راه الأمور بيناتكم رسمية والعائلة كاملة فرحانة ليك وكوولها ارتااحت ليييه .. شوية دالمساعفة ايلا تخااصمتو .. تفارقو شوية تفكروو مزيان .. ورجعو تاني هضرو فاالموضوع وماتناقشوووش وهو بااااقي سخون .. تاااتبرد اومووررركم عاااد هضرو فيها ...
أسد : هادي لي تتنصحك راه الشششيب طلع لياااا غا بسبابها ... دررتي نتي هادشي بعدا باش تنصحيها!
لامار : وبااااز !!! منعرف شكون صصبر معاك وعلى عصبييتك ونگيييرك .. العجب مكانش كايعجبك ...
قسم : ههههه ( شدات فيديهم بجوج ) ماما الحبيبة .. بابااا الحبيييب هادشي لي تاتقولو فيه دابا .. متحتاجوش توصيو عليه حيت انا كانشوفوو فيييكم ... وتانشوف علاقكتم .. وانا بابا حياتي كاملة ونا كنقلب شي واحد يبغيني كيما كاتبغي ماما .... متخااافوش ... نطيح و نووض معاه .... ولكن مغااانخليهش ...
لامار : ( تنهدات ) اوا الله يدير تاويل دالخييير .... نوضي أبنتي تنعسي راه مشا الحال .. ودااااك المجحووووم منشوفوش فداررر .... راه البنات لي تايخملو مااااشي كولشي عنهم القلب ديااالك ....
قسم : وصاافي ولله ما ينزل قادو ليا غا بلاصتو غاتبقى نزلو غاللجردة ...
لامار : راه دابا حاطو ليك فلبالكون ... دابا يقادو ليه شي بلاصة .... ويااااك تنزليه ...
قسم : ( شافت فباباها ) نسميه روبن أبابا ؟ بحال نمر ديالك القديم !
أسد : تاهو كااايشبه ليه .. نفس السلالة ...
قسم : صافي غانسميه روووبن .... فررحت بزااف بهاداك التصميم لي وجد ليه جود ... انا عارفاه مكانش عندو ديييجا غا مابغاش يبين بلي وجدو لبااارح على قبلو ...
لامار : جود أبنتي راه مكاينش لي غايبغي ليك الخير فالدنيا قدووو ...
قسم : ( عنقااتهم ) الله يخلييييكم ليا ...
أسد : وانوضي تنعسي نووضي .. نوضو تاحنااا عييينا .... غدا ماتنسايش الاجتماع ...
قسم : لا رااني مفكراااه ... ( باست راسو ) بابا الاجوووندا ديالنا .... ( طلقات يديها ) كيييييجاكم خااااتمي
لامار : يااااربي وماتخطب حد غااا بنتي
قسم : اااييييه تاااحد غا انااا
اسد : زويييين ابنتي زوييين ... دابا عيني تايتسدو .. تالغدا ونشوفو مزياان
ناضو كاملييين طلعو لبيوووتهم كااايتفوهوو ...
قسم سبقات بالبالكووون حلااات عليه .... غير لقاتو تحنات على رحلييها كاتبوووس فيه ... كان باقي صغير فعمرو غير 3 دالاسابيييع وباقي حركتو ثقييلة ووبطيئة فحجم قط صغير .. كتلعب معاه فررررحانة ....
اما جود غير طاح على سريرو نعس بالعيااااء ديال داك التصمييم لي وجد لأصيل لي سهر عليه .... ناعس وتيلي كايشعل فيه ضووو د ابيل دبيلسااان لي نسااا واش قاليها غانهضرو ملي يطلع ينعس ..وتاهي غير ماجاوبهاش وعرفاتو نعس وقطعات الامل تاااني ، وتخشات ففراشها مقلقة ...... قدس تاهي كانت بحالو ... شربات دواها ونعسات باش ماتفكرش بزاااف فغداااا ... وسلمى طرييق كلها وهي كاتهضرر بحماس فرحااانة وكاتعاود ليه على بييتها لي وجدووه ليها وكيفاش جاااوها ضرييفييين وشخال فرخانة ومرتاحة .... وهو غير صايك مبتسم كايسمع لييييها ....
اليوم الموالي ...
الساعة 10:50 ...
غادية لامار فالكلوار بسروال أسود فضفاض كلاص ... لابسة معاه غير صندال هيرميس فلوغونج .. و شوميز تاهي سوداء فضفاضة و فولار شيك فالأسود ولوغونج ... غادة تاوصلات لجناح قدس وحلاتو داخلة عندها ....
كانت ناعسة وسط سريرها .. شعرها كولو مربل ورجليها فوق المخدة و يديها المريضة حاطاها تاهي فوق المخدة وبدات طلع عليها الريدوات ....
لامار : ققدس .... قدس نوووضي يابنتي خلاااص .... نوووضي تمشي لشغااالك ... نوضي غاتخليني هنا بلا خدمة نوووضي ... ( مشات لعندها كتحيد شعر على وجهها ) ققدس ( بدات كتحاول تهزها بشوية كتقااادها على ظهرها وكترد ليها شعرها لي على جبهتها لور وهي تتنين وتجبد) واانووضي أبنتي خلاااااص ... ( كاتقيس ليها تحت فمها ) منييين جاتك هاد الحبوبة ! غاتجيك ليغيگل !
قدس : ( كاتجبد بصوت ناااعس ) شحااال فساعة ؟؟
لامار : وراه تقريبا الحداش ... إكرام راه عيات تصوني عليك ... فوقاش غاتلبسي فوقاش غاتوجدي .. ونوووضي أبنتي يالااااه ...
قدس : ( حطات راسها على رجليها كتكمل نعاسها ) غيير شوية أماما راه نعست معععطلة .....
لامار : أبنتي راه مغايقدكش الوقت وغاتمشي بعينيك منفوخين .. نوووضي خلااااص ها البناات غايطلعو يعاونوك ووجدي دغيا يلاااه ( باستها فجبهتها ) ويلااه أبنتي الحبيييية ... ( كتدوز يديها على وجهها ) هاد البريهيشة هادي .... ملي كتكوني باقي ناعسة بحالا باقي عندك ربع سنيين ( كتشمليها فعنقها ) تاريحتك ماتبدلاتش ...
قدس : ههههه مااااما .. كاتهريني ههههه
لامار : ( كاتزييد تلعب معاها ) فيييين هنا ؟ هممم فيييييين !!!!
قدس : ههههههه لا اماااااماااا ... صافي غانوض غانوض ههههههه ...
لامار : ههههه يلاه نووضي أحبييبتي ... وشوفي فيا ( قدس كاتحك فعينيها من نعاس وكاتشوف فيها ) ضضحكي ليييهم .. عنداك تباني مقلقة .... ضحكي ... بحالا مواااقع والو .. متاااخلي تاشي واحد يقول شي هضرة عليييك ولزميهم حدهم ومااانخاافش علييك زعما ..
قدس : متخاافيييش ... فين قسم وجود ؟
لامار : قسم فاقت بكري مشات لشغالها ماشي بحالك ... جود تاهو خرج ... بقيتي غا نتي خامرة هنايا ...
قدس : صافي أنا نوض دابا ...
تحلو البيبان دخلو لي جاييبين ليها الحوايج ولي غايعاونوها فدوش حياتهم لامار غابعينيها ... وقدس باقا مخشية ففراشها كتجبد ولامار وقفات ورجعات كاتشوف فيها .. ماعرفات علاش صبح قلبها مقبوووط وحلمات أحلاام خاايبيين ... ورجعات تاني كتنعل شيطان وتتعوذ منو ...
لامار. : اابنتي ( قدس طلعات راسها فيها ) عنداااك تجبدي صداع مع شي حد .... سيري دوزي غداك ومؤتمر ديالك واااجي ... الله يررررضي علييييك ...
قدس : وصافي اماما مالكي خيفانة أول مرة غاندير مؤتمر هاء !!!!
لامار : ( تنهدات تاني ) مهم راه باباك راه شدد عليك الحماية ... صحافة راه مكيييحشموش .... غايمشيو معاك الكارد مغايخليوكش بوحدك ... ماتبعديش عليهم باش حتى إيلا شي حد بسل عليك بشي سؤال ولا شي حاجة يلقاوهم ... ماتبعديش عليهم ....
قدس : صاافي صااافي ... غا سيري تخدمي مكااين والو ...
بدات كتحاول تنوض ولامار غير كتنهد وكتمنى تدوز الأمور على خير معارفاش علاااش قلبها ضارها حتى كتبغي تخرج وكترجع تشوف فيها هي لي كاتهضر مع المساعداات ... تبسمات بحنان كاتشوف فيهم ورجعات حلات لباااب وخرجات مشاات بزربة لحدايد شدات فيييهم كاااتنهج .... شادة على قلبها ...
لامار : يااااربي السلامة ياربي ... ياربي آش واقع ليا تاني .... ( شافت رجاء طالعة فدروج ) رررجااء ... عطيني الكاالمون ديالي عافاك ...
رجاء : نتي بيخير ؟
لامار: بيخير بخير يمكن طونسيون طاح ليا تاني ...
رجاء نزلات بزربة فدروج ولامار غمضات على عينيها شادة فدوك الحدااايد .... خايفة شي حد يبسل عليييها ولا يستغل هادشي لي واقع ليها ويتنمرو عليها وهي مرااهقة مكتصبرش لهادشي وعارفاهاااا كتخبي مشاعرها ولكن صعيب عليها تواجه المجتمع منبعد كاع آش تكتب عليها ....خايفة تجبد شي صداع مع شي حد وهي يلاااه واخدة انذار من بروتوكول....
عند لوؤي ...
ناعس فوق سرير منبعد لليلة لي دوزوها سهرااانيييين .. ماقدش يفيق .... ريدوات نازلييين .. كان بشورط رمادي معنق عندو للمخاااد غارق فنعاسو .. تابدا تيليفون تايصوووني .. جوج دلمرات و هو تايسكتو بيديه كايقطع ويتقلب لجهة لوخرا ... ولكن كايرجع يصوني و هو يحل نص عييين مغوووبش خااسر فيه النعاااس .. ولاح يديه لتيليفون دارو قدامو فاتح غانص عين وهو يلقاه نيكولاس .. ودارو فودنيه مجاوب بصوت مبحوح بالنعاس ...
لوؤي : الو ...
نيكولاس : لوؤي .... علاش مكتجاوبش اصاااحبي ؟؟
لوؤي : ناعس .. ياك لاباس !
نيكولاس : كان عندك الحق ....
لوؤي حل عينيه كاملين وناض تگعد على السرير ...
لوؤي : آش لقيتو ؟
نيكولاس : تبعتو هاد صباح .. دخل لوطيل ليه فيه الغدا الرياضي ...
لوؤي : ( طار عليه نعاس ) بوحدو ؟
نيكولاس : بوحدو ...
لوؤي : ( ناض بزربة ) خرج ليكيب .. انا جاي ..
نيكولاس : كيفاش ليكيب !!!! واش منيييتك ؟؟؟؟
لوؤي : ( بتوتر ) نيكولاس متمرضش جد مي .. خرج ليكييييب ....
نيكولاس : راه ماايممكنش أصاحبي .. ماعاططينيش العميد الموافقة ...
لوؤي : نيييك .. داااك خييينا راه ماعندوش فرصة منغير ليوم ...
نيكولاس : راااه بوووحدو.... يمكن معروض تاهو ...
لوؤي : مغاايتعرضش ليه .. أنا عندي ليست دلي معروضين ....
نيكولاس : انا راني فباب لوطيل ، لابانليا معاه شي حد ولا شي حاجة لي تخلي العميد يخرج ليا ليكيب عااااد نقدر نخرجهم أما هاكا راه مااااايمكنش ....
لوؤي قطع عليه تيليفون ومشى لتيليفون آخر بزربة غادي جهة الدريسينغ تاجاوباتو ...
قدس : لوؤي ، غاندخل للدوش نخرج ونعاود ليك ...
لوؤي : معاش غاتمشي !
قدس : فين ؟ للوطيل ! دابا شوية ...
لوؤي : ماااتمشيش بوحدك ، انجي نوصلك انا .... متتتحركييييش من بلااصتتك تااانجي ...
قدس : هاااء ؟؟؟؟؟ راه أصلا غادين معايا الگارد ..
لوؤي : ( بتوتر وعصبية ) عندك شي مشكل ايلا مشيت ؟؟؟
قدس : ( باستغراب ) مااااعنديش ... نتا لي ماعجبتينيش هاد صباح ...مالك معصب؟؟؟؟
لوؤي : أنا جاااي ....
قطع عليها .....
باب الفندق ....
تصافو 5 دسيارات رنج روفر سوداء ... عاد جات وراهم جيپ دلوؤي ....وحبس ...
كان لابس نضاضر مخبي عينيه المنفوخين ، ومزال الكاس دالقهوة فيديه كايصحصح... وحداه قدس لي تاهي بنظاظر دالشمس فالوردي ... وكسيوة خفيفة فالبيض و الوردي لابسة معاها غير صندال پلا ... كاتشوف من الزاج لباب الفندق ....
وبسبب الغداء الرياضي لي مستاظف الفندق ، صحافة كانو فلباااب بعداستهم المستعدة ... وغير لمحو سيارات الكارد و لمحوها وراهم بداو عدسات الكاميرا كايلتاقطو الصور وهي كاتلوح غير بيديها بابتسامة ورجعات شافت فلوؤي ...
قدس : غادخل معايا ( شادة فيد لباب باش تنزل )
لوؤي : اممم ( شاف ليديها ) ريحي .. تاااايقرب الوقت ونزلو ( شاف فساعتو ) مزال نص سااااعة ...
قدس : راه خصني نبببدل ....
لوؤي : ( كايشوف بعينيه مع الأرجاء ) مزال لحال تسناي شوية ( شاف لكاس دالقهوة ديالو ) صبري نسالي غا قهوتي ...
رجعات قدس كاتشوف من الزاج .. حاسة بقلبها مززير ، ماحاملااش تنزل لهاد الغدا ... واخا كاتبين ليهم كاملين بلي مامسوقاش و لكن كتحس كاع هاد الناس كايهضرو فيها .. و كاين حتى لي متيييق داكشي لي تكتب عليها ...ودابا النص ديال الناس هنا كايظنوها بصح بحال هاكاك !!! لوؤي شاف لعندها ركابيها تايتحركو بتوتر وشد يديييها ماقادرش يدير شي حركة أخرى وصحافة قدامهم ...
لوؤي : شششش ( قدس شافت فيه ) متخااافيش ...
قدس : مم .. ماخيفاش .. غ غير .. هاد الغدا مجاش فوقتو
لوؤي : ماشي مشكل .. متتحرقكش يدك ؟
قدس : ( شافت ليديها لي باقا فالبانضة ) اودي شكون تسوق لشي يد دابا !
علا عينو قدامو يلاه غايهضر و هو يلمح واحد الگارافان بيض محطوط حدا باب لوطيل و بيبانو اللورانيين محلولين و دراري كاينزلو ويدخلو لوطيل ركز بعينيه بانليه ماطريال التصوير ... كاميرات .. أضواء .. ميكروهات .. عازل الضوء ...
شد بيديه بجوج فالفولووون متبعهم وعينيه كايضورو يمين وشمال عليهم بسرعة متبع حركتهم ... وخرج يديه من السرجم بإيماءة للكارد باش ينزلو ... وشاف عند قدس ..
لوؤي : نززلي أنا جاااي ...
قدس شافت للكارد نزلو من طموبيلات ودارو صف قدام باب لوطيل باش مايقربوش ليها صحافة ... بقات تغزز فشفايفها بتوتر .... فللخر حلات الباااب و نزلات .. ولوؤي كايشوف فيهم ويشوف فداك لماطيريال لي كاينزلو ويدخلوه لوووطييل كان حتى كرسي دالمخرج ! بقى غير كاايرمش بعينيه !!! أما قدس واقفة مبتسمة حدا طومبيل وعدسات الصحافة كاتصورها ....
فلخر زادت ، كل شوية تنفس كتحاول متبانش مسطريسية ... واخا هي ماقاداش تعلي عينيها فالناس .... أما لوؤي هز تيليفونو وصور داكشي لي قدامو وسيفط ميساج لنيكولاس مع صورة ....
لوؤي : دااابا عندك باش تخرج ليكيپ ... ماتعطلش ...
نزل لوؤي من طوموبيل كايشوف فجنابو كان بسروال فالاخضر العسكري الغااامق بجيوب و السيور ومشدود ب لاستيك من تحت .. لابس معاه گاط كحل و شوميز كحلة معلي ليها كمامها لدرعان وكاسكيط كحلة ...
قدس وصلات لمدخل الفندق وكارد دايرين ليها طريق و حابسينهم والفلاشات كايضربو فيها .....
- مادمووووزيل قددس .. مادموزيييل سمعنااا تعرررضتي لپيييج من صحاباتك .. واش يمكن تقولي لينا الوجه لي كان مغطي شكووون ؟؟
- ماموزيل ممكن نعرفووو شكون لي دارت ليك لالكوول فالكااس ؟؟؟؟؟
- مادموووزييييل .. واش الحادثة كانت بسبب أنه كنتي سكرانة او بسبب العائلة ديالك حييييت مكانت حتى شي أثر دشي حادثة طرات داك الليييلة ..!!!! ماااامووووزيييييل
قدس غاادة ومنزلة راسها فلأرض مبتاسمة وسناانها مزيرة عليهم وعلى فمها و قبضتها تاهي .....قلبها كايضرب بجهد وهوما منهاليين عليها بالاسئلة واخا حابسينهم الكارد تاحسات بيييدو تحطاات على ظهررها وقرب لودنيها
لوؤي : شششش .. ماتسمعييش ليهم ... ( قدس ماقادراش تركز مع الطريق .. المشية تخربقات عليها وجها ولا حمرر وهو غير ليها الموضوع باش تركز معاه وتناسهم ) ملي غانساليييو منهنا .. ومن المؤتمر ....غا نسول قسم على بلاصة فين كاين الريسطو داصيل نمشيو عندو داكوغ ؟
قدس : ( طلعات عينيها فيه بزربة نساهاا فكوولشي ) بصصصح ؟؟؟ حلف بالله
لوؤي : عمرني واعدتك بشي حاجة وماوفيتش بيها ؟
داها بزربة ملهيها بهضرتوو تا غبرات على الصحافة ودخلو لوطييل
قدس : ولكن غانسالي معطلة !
لوؤي : ماشي مشكل غانعييط لييه يتسنانا
قدس : ( بضحكة عجباتها الفكرة ) صااافي واخا
لوؤي : ( جبد ليها حنكها ) تششهيت فيك واحد البوسة دابا تاتقطع نفسك ....
قدس : ( حيدات ليه يديه كاتشوف مع جنابها ) اااه زييييد كمل دااكشي لي باقي خصني مع الصحافة
.لوؤي : ( كايشوف بعينيه مع الأرجاء ) فيين غاتغداو ؟
قدس : ( كاتشوف تاهي ) ماعرفتش ..
يلاه غايهضر وهي تجي المسؤولة على الغداء الرياضي .. بجيپ كحلة وشوميز فالمارون وعندها شارة فصدرها ديال إسمها .. بلباقة مبتسمة ليهم ...
- مادموزييل قدس مرحبا بيك فلوطيل ديالنا .... تفضلي معايا ...
قدس : رااني مزال ماواجداش ( كتقلب بعينيها على المنادجر ديالها ) مزال غانلبس .....
- اه داكووغ ..
حياتها براسها ومشات وهي تجي إكرام كاتجري .. كانت بسروال ديال دجين وسبادرين و پيل كحلة مغطية بڤيست دجييين الكييت فودنها وواحد الخيط دالكيت مدلي على صدرها وشعرها اورونج مبوكلي ووجهاا منمش و وقفات حداهم ..
إكرام : صافي ! نطلعو ! حيييت تعطلتي شوية .. كلهم جااو
قدس : دغيا غالبس ( ضارت عند لؤي ) غاتبقى هنا ؟ غيير سير راه نسالي نصوني عليك ( شافت الكارد لي فكل مكان ) اصلا راهم كلهم هنا مغايقرب حد ....
لوؤي : لا غانبقى ( شاف فإكرام ) فين غاتبدل حوايجها؟
إكرام : فلاشومبغ ديالها اموسيو
لوؤي : حجزتيها نتي ولا لوطيل !
إكرام : نو .. الجامعة الرياضية ...
لوؤي : عندك دوبل دالكارط ؟
إكرام : ماعنديش ولكن نجيبو ليك ( شافت فقدس وفيه ) واش كاين شي مشكيل ؟
قدس : ( ضارت عندو لوووؤي ) ... صافابا ! راه غير لاشووومبغ غانبدل ! غايدخلو لعندي لتما !!!
لوؤي : متنتيقش أنا فدوك ولاد الكلااب غايمشي يدخل عندك شيواحد ( شاف فإكرام ) عطيني الكارط ديالك وسيري خرجي وحدة أخرى ...
إكرام باستفهام خشات يديها فجيبها لور مداتها ليه وهو يقرب لودن قدس لي كاتشوف باستغراب
لوؤي : انا غييير هنا حداك إيلا ديرونجاك شيواحد صوني عليا ... متسطريسايش ... علي راااسك للسما .... نت بنت الاسمااااعيلي ....
قدس تبسمات بتوتر ... وهو غمزها بعينو وزاد وهي تبعات إكرام ... وهو ضور هاديك الكارطة فيديه ودارها فجييو لور وتنهد ... وزاد كايشوف مع الأرجاء تاسمع تيليفون كايفيبري فجيبو هزو لقاه نيكولاس ... هاضر معاه وداخل لوطيل
نيكولاس : والى كان شي تصويير آخر !!!
لوؤي : مزااال ماخرجتي ليكيب !!!!! واش باغي تحمق ديلمي هااد الصباااح !!!! خرررج ليييكيپ اصااحبي مالك !! غاااتخلصهم من جييبك !!!!
نيكولاس : راه يلاه هضرت مع العميد ... فينك نتا ؟
لوؤي : راني فلوطيل لداخل
نيكولاس : انا على برا ..
لوؤي : دخل عندي لحمامات ... انا تانتسنى ...
قطع عليه وزاد كايقلب بعينيه يلاه ماشي لكلوار لي كايدي للحمامات وهو يشوف لجنب كان بار مفتوووح وسلفادور متكي على الكونطوار كايشرب من كاسو .. كان بسروال دجين وشوميز بيضة وسبادرين ببضة شعرو الأشقر مرجعو لور كايباان هااادئ ومرتااح ...
شاف لوؤي للكلوار قدامو ورجع شاف فيه كايضور تيل فيديه .. وهو يمشي باتجاهو ووقف حدااه ..... سلفادور غير شافو عرفو .. ودار راسو ماتايعرفوش ومعلاش عينيه فيه .. ولوؤي كان كايشوف فيه مباشرة واقف عليه .....وسلفادور علا عينيه عندو ...
سلفادور : كنتعارفو ! ( طلعو وهبطو ) حيت ماعرفتكش !
لوؤي : ( بدون مقدمات ) قدس الاسماعيلي ...
سلفادور علا حجبانو وللون تبدل من وجهو وولكن مابغاش يبببين ، .... وشاف فيه بتساؤل !!!
سلفادور : پيردون !!
لوؤي : قدس الاسماعيلي .. كاتعرفها ؟
سلفادور : ( بهدوء ) سي ... لاعبة عندي .... أنا كوتش ديالها ... كاين شي مشكل ؟
لوؤي : كاتعرف شكون هي ! بنت من ؟
سلفادور : ( باستغراب محافظ على تركيزو وهدءو هدا علاش كايسولو عليها بحال هاكا واش تشكات منو لعائلتها ؟ ) بنت روكان . ... شكون مكيعرفش الفاميلي اسماعيلي !
لوؤي : كتعرفهم كلهم إذن !!!
سلفادور : ( بهدوء ) ممم ...
لوؤي : وعلاش درتي راسك ماعرفتينيش !!!!
سلفادور علا حجبانو وزاد قرب عندو كتر علا نضاضرو على جبهتو. وحط عينيه فوسط عينيه ... وضربليه بطرف صبعاانو على الكاس مع غمزة ......
لوؤي : دابا نزييييدو نتعاارفووو ..
خلاه ومشا ... غير من وجهو لي تغيير ملي سمع سميتها فجأة .... عرفو غايدير شيحاجة ليوم مأكد واخا هو كان متأكد ..ولكن دابا تيقن ...... وسلفادور خلاه وراه مستغرب مافاهم والو !!!!! حيت مستحيل يكون شي حد عايق بيه !!!! ولكن حس براسو غير دابا هضع لاقصر تحقيق شافو فحياتو !!!
وهو يحط صبعو على الكيت لي فودنو وتكلم
سلفادور : ماتركزوش غير على الكارد ديالها .....ركزو حتى على ولد عمها ، ردو منو البال ....
لوؤي مشى باتجاه الحمامات ودخل قدام لافابو طلق الما كايغسل يديه تاتحلات الباب ودخل نيكولاس ولؤي نتر الكاغيط كاينشف يديه .....
لوؤي : خرجتي ليكيب !
نيكولاس : خرجتها ... راها فطريق .. والعميد داير اجتماع طارئ مع المدير ديال لوطيل ، اكاشفنا بلي كاين تصوير ديال اشهار ملابس داخلية ، الشيفور ديال داك الكارفان كاين فلليست دالسوابق ... العميد بعد هاد المعلومات حتى هو شك ....
لوؤي : شك ؟ هادشي خصكم تكونو متأكدين منو ... ايڤنت واحد لي كاين ليوم فهاد لوطيل هو الغداء الرياضي ومافيهش تصوير ... مكاين تاشي حاجة أخرى غاتحتاج لداكشي ... من غيرهم أكيد ... ( شاف للباب ورجع شاف فيه ) تلاقيت معاه ....
نيكولاس : ماتقولياااش هضرتي معاه !!!!! عنداك تكشف راااسك
لوؤي : هضرت .. واخا انا متأكد بغيت نتاأكد كتر بلي هادشي غايدار ليوم .....
نيكولاس : اهاه !
لوؤي : كون كانت الضحية ليوم ماشي بنت عمي مكانش غايدير راسو مكيعرفنيش ! ... علاش ينكرني ! مكاين تاشي سبب يخليه يدير راسو معارفنيش ...منغير لاكان ناوي على شي حاجة عندها علاقة بييينا ، ببنت عمي .... ( شد ليه فدراعو ) سمعني ... ليوم .. وفهاد لوطيل غااايصورو .. ليوم هو آخر نهار غايتلاقاها حيت غدا خصو يمشي فحالو وغايسالي العقد ديالو ... و الماطيريال راه دخل ....يعني .... ليوم غاينفد العملية ديالو .....
نيكولاس : تقدر تكون ضحية بنت اخرى ماشي بضروري بنت عمك
لوؤي : حتى هادشي فاش شكييت ... قدس كاينة عليها الحراااسة وماعندو منين غايدوز ليها ... ومابقاش مؤخرا بيناتهم تواصل باش يستدرجها بالهضرة وعطاها تيساع ، شكيت واش يكون لقى ضحية جديدة ملي ماتشداتش ليه قدس .... هو عارف ان ليوم لگارد مغايخليوش شي حد يقرب ليها ..... ولكن راه ليوووم غايديرو شي حاجة ...داكشي علاش ليكيب خصها تخرج ... ( عطاه الكونطاكت دطوموبيلتو ونيكولاس شدو مفاهمش ) حط ليا الشارة ديالك ولكارت و اللبسة فطموبيل وسير عند ليكيب ....
نيكولاس : ( وسع عينيه ) لوووؤي .... منقدرررش نغامر فحال هاكا ... كوولشي غامرت معاك فيه ولكن هادشي راه مااايمكنش ... هضرت معااااك فهادشي وقلت لييييك كانغااامرو .....
لوؤي : غاااتمشي تهضر مع العميد بوجهك .. وغاتقوليه ليكيب غااادخل ، وغاترجع تحط ليا حوايجك فطموبيلتي .....وغاتمشي تلبس حوايج ليكيب ....وانا لي غانرومبلاصيك فالقيادة ، العميد منين غايعرف شكون ؟؟؟؟ ... نيييك هاااااد العملية ... ديااااالي ... ومغااايگيديييها تاشي واحد ... حيت لاكانت ضحية بنت عمي .... تاااحد فيكم مغايفكر فيها كتر مغاتفكرو فيهم يتشدو ، مغايهموكمش واش ديروها كبش فدااااء ... ( بتوتر كايهضر تحت سنانو ) نيكولاس !!! غادير داكشي ليقلت ليك ولاااا راه راني قادر نعترف ليهم شكون عاوني ففرانسااا .... ومانتستبعدش بووحدي ... ( قرب كتر تحت سنانو ) دييير آش كانقووولييييك ....ولا هااااادشي كااااااامل غانقلبو فوق راااااسك .... الى خسرت هادشي .... ماغايبقى ليا تاحاااجة اخرى نخااااف نخسرها مزاال
خلاه وحل لباب وخرج ونيكولاس بالاعصاااب ضرب لپوبيل برجليه ساخط عاد خرج ....
____________
فمكتب مدير الفندق ....
كالس المدير دالفندق فالكرسي ديالو وقدامو العميد دالفيدرالية ... و رئيس قسم المخابرات المغربية ( DST ) .... والمدير التنفيذي دالفندق تاهو واقف ... الاجتماع كان سري ...
مدير الفندق و المدير التنفيذي الجبهة ديالهم كانت متعرررقة ... وراخفيين الكرافاطات من عنقهم وكلهم متوترين
مدير الفندق : انا الرخصة الوحيدة لي خداوها من عندي هي هادي ( ورا ليهم الورقة ) خداو رخصة ديال .. ( تيهضر وينهج بالخلعة ) ديال التصوير دشي .. ماركة دالملابس الداخلية ... خلصو جناح ربعة وعشرين ساعة الوكالة عندها تصوير غي رربعة دساعات .... انا ماعندي حتى شي دخل فهادشي .. لوطيل ديالنا معرووف .. وكايستاضف تظاهرات كبار مع ناس محترميييين .. هادشي عمرو وقع عندنا وماعندنا فيه تا شي يد وتاشي دخل
العميد : ( قرا الرخصة ورجع عطاها لرئيس القسم وشاف فيه ) اممم ... داابا باش منطولش فالهضرة و نضيعو الوقت مزال .... هاد الناس مكيصوروش إشهار ... هاد الناااس كيف قلتليك كايصورو أفلام إباحية ( المدير بدا كيرخف كرافاطتو وكترر وجهو حمار ... ) راس الحربة حنا ماعارفينش فين كاااين دابا .... لمساعدة الوحيدة لي تقدر تقدم لينا نتا ولوطيل ديالك.... هي تخوي منافذ الإغاثة ... وتحاول متبييينش للنزلاء هنا بأنه واقعة شي حاجة ولا الأجهزة ديالنا كاااينة هناااا ....
المدير التنفيدي : ( بتوتر) ولكن سمحولي بغيت نفهم واحد الحاجة .. واش تصوير افلام اباحية .. ( شاف فيهم حيت مخابرات على قدها قدامو حااس بالامر خطير ) ممنوع لهاد درجة !
مدير القسم : ( بالدارجة ) ماشي التصوير لي ممنوع .... الابتزاز لي ممنوع و تشكيل خلية اجرااامية فالعالم ، ياخدو بنات من عائلات معروفة و مشهورة ... يخدروهم ... ولا يستدرجوهم ويصورو بيهم فيلم اباحي ويبتزوهم بييه منبعد هو لي ممنوع .... عارف شحال من بنت انتحرااات بسبب هادشي ! وياريت كون كانو كاايطلبو غير فلوس كايطلبو مستندااات .. أسهم ... معلووومات .... وكيبتتزوهم بأنهم لاماجابو ليهم داكشي لفيديو ديالهم غايتحيد ليه الفلو حيت من فوق هاد الابتزاز الفيديو كايتلاااح فلموااقع ومخلصييين فيه ... ولكن كايديرو الفلو على الوجه والى مدارتش الضحية داكشي لي بغاو كايهددوها يحيدو الفلو .... ويشوهوها فالپريس .... يعني رابحين مع الفيديو لي منشور بالفلو ... ورابحين مع ضحية تاهي بالابتزااز .....
المدير : ( بتوتر وخلعة) ل ليوم كاين .. كاين هنا غداء رياااضي وفيه واحد اللاعبة معروفة شوية فالبلاد وكاين تالحرس ديالها .... نتمناو تكون ماشي هي ... حيت إيلا كانت هي هاديك كارتة كبيرة ... لبنت تابعة لبروتوكول بريطاني ..
العميد : حنا معارفينش الضحية شكون ... حنا عندنا هنا شخص مشتبه به فهاد العمليات .. مدخل ماطريال تصوير لفندق ديالك ، شيفور دكارفان ديالهم اجنبي ، اغلبيتهم اجااانب ماشي من بلادكم ، المارك مامععروفاش باش يصوروها ففندق غالي بحال هادا ...الشيفور عنظو سوابق فالابتزاز والنصب والاحتيال .... هادشي إيلا ربطناه مع بعضياتو كايعطينا بلي ليوم غايتم تصوير فيلم اباحي هنا مع شي ضحية .... وهادي هي الفرصة ديالنا فين لقيو عليهم القبض متلبسين مع الضحية المخدرة .... باش ننفككوو هاد الخلية .. واحد غايوصلنا لواحد .....( شاف لرئيس للقسم ) وهاد الرخصة غاتنفعنا مزيان ... حيت ملي غانداهموهم غايبان بلي مكينش تصوير ملابس داخلية ... ومكاينش رخصة ديال تصوير فيلم اباحي .. وهادي تهمة كافية باش لقيوو عليهم القبض يدوزو لتحقيق ..... حيت صعيب نشدوهم متلبسين فتهمة الابتزاز منغير لاعترفات الضحية...او الضحيات السابقات تعرفو عليهم ....
المدير التنفيذي : ( كاترعد بالخلعة ) حنا مع الدولة شنو مادارت حنا معاها ... مااعندنا تاشي علاقة بهادشي ... الرخصة هاهي قدامكم هي لي وقعنا عليها .... ماافيهاش كاع حس فيلم اباحي ! ماااعندنااا تاشي علاقة ....
عند لوؤي ...
تحل بيه السانسور فالايطاج فين كاين الجناح لي كاتلبس فيه ... ماشي فالكلوار وكايشوف فالگارد تما جوج فباب الجناح واقفين ، ... حل بالكارطة ودخل ....
كانت كالسة عل الكرسي وضايرين بيها كايقادو ليها الميكآب وشعرها ولافرونش ديالها مجموعة فالبوكلور ... غير شافتو علات حاجبها والبنات لي كانو محنيات عليها وقفو ....
قدس : لوؤي !!!!
لوؤي طلعها وهبطها كانت بلباس التنس ... جيپ بيضة و تيشورت ديالها فالشيبي و الابيض .... وتقاشر بيضين وسبادرين ...
لوؤي : جيت غير نشوفك .. صافي واجدة ؟
قدس : ( باستغراب لخوفو الزايد ولكن عارفة بسبب اش طرا فقد الثقة فكولشي ) واجدة غايساليو غير شعري !
لوؤي حرك ليها راسو بالإيجااب وخرج وهي بقات غير كاترمش ! جاها متوتر كتر !!!! .. والبنات تحناو عليها مكملين ليها اما هو خرج لبرا وقرب عند الكارد .....
لوؤي : متبعدوش منهنا ... ومايدخل عندها تاشي حد ....
مشا بشوية تال حديدات لي كايطلو على استقبال الفندق وشد فيهم كيتنهد هو عارف هادشي لي كايدير مخالف لخدمتو وخصو مايعرقلش هادشي وخاصها لاكانت الضحية يخليهم يديوها باش يشدوهم متلبسين ... ولكن هو مقااااادرش ، الأمن ديالها بنسبة ليه أهم من العملية ديالهم.... بغا ياخد القيادة من نيكولاص فقط باش يعرقل هادشي ...حيت عارفهم الى كانت هي الضخية مغايبغيو يهجمو تاااايكونو عراوها و بداو التصوير وهاظشي هو مستحيل حتى يفكر فيه .... داكشي باش خدا لقيادة باش يداهم قبل ماااتدخل عنهم كااع ، يدااااهم ملي يدخل سلفادور معاهم ... مقادرش يخاطر بيها وهو عارف لاگيدا نيكولاس هاد العملية غايخليهم حتى يدخلوها ......داكشي علاش مخططاتو مختلفة !!!
مشى بزربة باتجاه المصعد .. حركاتو كلها متوترة .. عمرو ماحس براسو هاكا موتر فشي عملية ولكن دابا خايف توقع شيحاجة تتآدى فيها واخا مضورة بالحرس وعينيه عليها ومغاتمشي لتاشي بلاصة هو مغيشوفهاش، واخا هاكاك مقادرش يرتاح تااايتشد سلفادور وسط منهم كمساعد مدرب تنس فتصوير فيلم اباحي !!! ويتم التحقيق معاه على سبب وجودو تما ... عارف هادشي لي كايدير مامأمنش ونتيجة ديالو مامضموناش حيت يمكن يتبرأ ....ولكن يشدو على ظهر قدس تتآذى واخا تخسر العملية .. لي كايهمو هو يفرتك ليهم هادشي ، واخا يخرجو براءة منها مكيهموش .... يقلبو على ضحية خرى وينوض يعاود كولشي من لول أسهل ليه ماايتكشفو على ظهرها هي لي تايقة فيه وجاية شادة فيديه ... أسهل من أنه يتواجه مع عمو أسد ... أسهل ليه من أنو يفضل خدمتو على عائلتو ....
تحل بيه السانسور ومشى باتجاه باب الخروج وسلفادور لي كان كايشرب فالبار المفتوح باقي متكي على الكونطوار ومتبعو بعيينه هاااادئ مرتاااح .....كانه جاي فقط يستمتع بالكوكتيل ديالهم !!!
خرج لوؤي لطموبيل حلها وهو يلقى الشارة تما الكارطة ولبسة دنيكولاس عاااد رتاح !!!
_____________
جيپات كحلين من ( DST ) وصلو للباب الخلفي دالفندق ، كانو عشرة ديال الجيپات ... وكلهم عامرين بعملاء الفيدرالية الأمريكية مخلطين مع عملاء المخابرات المغربية ..... كانو كلهم ملتمين بالاسود ولابسين الواقي فصدرهم وركابيهم وكاسك اسود فراسهم .. حتى عينيهم مكيبانوش باش تااااحد ماااايتعرررف عليهم .... حتى بعضياتهم ماتيتعارفوش بحكم أنهم ناس كيعيشو وسط المجتمع عادي وممنوع يكشفو هويتهم ... كان نيكولاس من بينهم تاهو لابس بحاالهم بعد ماخلا لبسة دالقائد دالفريق للوؤي ... هازين سلاااحهم على صدرهم وكايتسناو الإشارة دالقائد ....
________
خرج لوؤي من طموبيل رجع دخل لوطيل ... ماعطاهش خاطرو يمشي حتى يشوفها دخلات لغذاء بيخير وعلى خير ... بقى كايتسنى تما فالريسيبسيون تاتحل سانسور وبانتليه جاية والكارد سابقها ... غير شافها مشى عندها وهي وقفات كاتسناه تاوصل عندها ...
قدس : لووؤي ... صافي راه غادي نمشي علاش غاتبقى هنا .. هانتا كاتشوف الصحافة كايينين غير برا ماهنا تاااحد سير ترتاح راه غانتعطل ... شوف عينيك كيف منفوخين سيييير تنعس
لوؤي : ( رد ليها قصيصتها ورا ودنيها اما شعرها كان مجموع كوتشوفال مبوكلي ) غادخلي أحبيبتي تتغداي ... وملي تجي خارجة صوني عليا داكوغ ؟ انا هناااا مغانتحركش
قدس : ( تنهدات عارفة راسو قاسح ) صافي واخا ... غيييير سير .. راه مغايخليوكش دخل
لؤوي : عارف .. ( شاف فاكرام ) خليي تيليفونها عندك ...
إكرام : راه عندي أصلا ...
لوؤي قرب لجبهتها باسها خلاها موسعة عينيها كاتشوف مع جنابها واش كاين شيحد من غير إكرام والگارد .... حمرات فيه و زادت وهو واقف داير يديه فجيابو كايتفرج فيها تاتلاقاتهم المسؤولة على تنظيم الغذاء فباااب المطعم ....
المسؤولة : لمادموزيل غادخل بوحدها .... بروتوكول الغذاااء ..
إكرام : راحنا عارفيين ... ولكن غاندخل معاها نشوفها فين غاتكلس عاد نخرج ( ضارت شافت فالكارد وشافت فيها ) ونشوف واش مكايييننش الصحافة ...
هاديك السيدة أشارت بالإيجاب و فسحات ليهم طريق ...دخلات قدس هي لولا هوما تابعينها .. المطعم كان خاوي محجوز غير لطاولة مستديرة فالوسط كانو كالسين عليها كلهم ... المدرب الخااص ديالها و ديال جوج بنات لوخرين لي غايلعبو .... المدرب الخاص بالاعبين الخصوم لي جاو من البرازيل ... ومدير الجامعة الرياضية ومدير النادي لي غايتلعبو فيه الماتشات ... كانو البانوات ديال التظاهرة الرياضية فكل مكاااان و الصور ديال الدعاية لي كانت فيهم هي هازة مضررب و مكتوب فوق منها تاريخ الماتش ومعلومات التظاهرة ... الكونطوار كان طوييل وعليه أصناف الطعام ونادلين واقفيين جامعين يدييهم وراهم بلباسهم الرسمي وابتسامتهم .. المكلفة سبقاااتها توريها مكانها وهوما شافوها ووقفو لاستقبالها و إكرام وقفات بعيدة هي والكارد .. سلمات عليهم بلطافة كتحاول ما أمكن تتجرد من دوك الافكار ديال كولشي واخد عليا نظرة خايبة وتحاول تركز غير على هاد الغذاء ، جرات ليها المكلفة الكرسي وكلسات تاهي .... أما إكرام غير تأكدات راها وسط منهم انسحبات و
هي و لكارد لبرا القاعة لي ممنوع يدخل ليها شيحد منغير لي عندهم الغداء ....
كلسات قدس على الطاولة معاهم بابتسامة لطيفة ... وهوما كانو كلهم مشغولين بموضوع الحكم الجديد... طاولة كان عليها غير الما وبعض المقبلات ... الموسيقى كانت هادئة وريحة المكان كانت زوينة وتا الإطلالة على المسبح كانت كتفتح النفس ....
قدس كانت كل مرة تتجاوب مع اللاعبات لي كاتعرف
أما لي جاو من برازيل مزال ماتم التعارف .... فنفس الوقت كانت كاتفادى تشوف فعينيهم كايجيب ليها الله كولشي واخد عليها نظرة البنت السكيرة لي شدوها الباباراتزي فالبار وكتحاول ما أمكن تتخطى هادشي وماقدااااش تركز معاهم غير منزلة راسها ومرة مرة تشرب من الما ديالها تبلل ريقها لي كاينشف ....
____________
فالخارج .....
الجيپات كانو مزال مستفين .... وهوما فيهم لداخل كايتسناو التعليمات ، حتى كايباليهم العميد و مدير القسم خارجين ... بقاو غير كايشوفو بعينيهم وهوما واقفين كاايهضرو ... تاشافو كلهم للقائد لي جاي .... كايعرفوه غير من لبستو ... لبستو مختلفة عليهم ... لبستو عسكرية .. وعلم الفدرالية فكتفو والشارة معلقة فعنقو ، قناع اسود مغطي وجهو وكاسك أسود فراسو ... هاز بندقيتو حدا صدرو وفرجليه كاط كحل كبير طاالع بسيور .... ووقف حدا العميد ورئيس القسم وعطاهم التحية حل باب جيپ وجبد طابليط الفيدرالية وقرب عندهم حيت ممنوع عليه حتى يتكلم بصوتو ويتعرف عليه رئيس القسم ...
العميد : منافذ الإغاثة محلولين .... الشومبر لي على ليسر ولي على ليمن دالجناح ديالهم فارغييين ليكم ... منافذ البالكونات حتى هوما ...
القائد ( كيكتب فطابليط وعطاه يقرا والعميد كايقرا بصوت مرتفع يسمع رئيس القسم )
العميد : "القائد ديالهم سلفادور ... بعد التحريات الأخيرة تكتاشف أنه اسمو الحقيقي فريديريك خريج الدراسات السينمائية والانتاج .... ( العميد كيقرا معلي حجبانو حيت هاد المعلومة كان عرفها لوؤي ومانقشهاش فالاجتماع بسبب آش طرا ) هادشي علاش احتماال كبير غايكون هو مخرج هاد الفيلم .. الأبواب الأربعة دالفندق غاتكون فيهم الحراسة سيفيل، عملاء متنكرين .... وحتى الباركينغ ... العملاء غايطلعو من المنافذ دالاغاثة وغايشكلو أعمدة عرضية على طول لكولوارات وراء الساريات .... غانطوقو باب الجناح ... ملي يدخل المشتبه بيه حيت غالبا مغايتمش التصوير ايلا هو مكااااينش .. غانداهمو المكان" ( العميد علا عينيه فالقائد لي هو عند بالو نيكولاس ) هادشي مزياااان ولكن المداهمة حتى دخل الضحية ( كتب ليه فطابليط وقرا ) "ممكن تكون دخلاااات فهاد الوقت ( العميد شاف فيه ) ولكن الضحية هي قدس الاسماعيلي ، وقدس اسماعيلي كاينة فالغذاء ( جاوبو تاني وقرا جوابو )"وإيلا مكانتش هي ؟ " ( العميد علا عينو ليه ) ايلا مكانتش هي غاتسنااااو نص ساااعة من بعد الدخول ديالو عااااد تداهمو الجناح .. المداهمة خصها فوقت التصوير ماداهموووش فور الدخول ديااالو ... غاااتسناو نص ساعة باش تشدوهم متلبسين ... سواء هي الضحية او بنت اخرى مكيهمش ...لي مايهم هو المداهمة نص ساعة بعد الدخول ديالو ...
لوؤي حرك ليهم راسو بالايجاب مع تحية ... هو ينزل من جيپ حتى لقا قائد دفدرالية لي جا البارح ولوؤوي عطاه تحية تاهو ...
وقف لوؤي قدام الجيپات وعطاهم إشارة بيديه باش ينزلو ...
العميد والقائد ورئيس القسم وااقفين بكوستاراتهم السوداء والعملاء نزلوو بنظام مشكلين مجموعات. ... وكلهم ضربو فالأرض بتحية للقائد ... نيكولاس قلبووو كان تيضرب بجهد وجبهتو تعرقات تحت من القناع لي مضور على وجهههم وخايف هادشي يتفضح ويشوفو لوؤي هو القائد ... طلعو سلاحهم للفوق وعاودو ضموه لصدرهم باش يتأكد القائد انهم كلهم جاهزيين طلع يدييه أشار لمجموعة دالعملاء يجيو ورا ظهروو... وتمشاو بخطوات منتظمة وشاف فالعميد بمعنى ان هادو لي غاينزلو لحراسة الابواااب ويتنكرووو .... والعميد فهمو وعطاهم تعليماتوو يرجعو للور .. وشاف ليكيب لي قدامو لي غاتمشي معاه و شار ليهم بيدو يتبعوه .....
دخل هو لول من منفذ الإغاثة وهوما تابعييينو .... الحياة فالفندق كانت غااادة طبيعية تاحد معرف ان سرب اسود من العملاء كايختارق منافد الإغاثة وكايطوق الفندق ...
وتاحد معارف ان فيلم اباحي غيتم تصويرو مع اشهررر بنت فلبلاد ...
سلفادور كان باقي فبلاصتو ماتحركش .... هز ساعتو ووشاف ان هادا هو الوقت لي يتبت للناس فحالة ما طرات شي حاجة مامتوقعينهاش سبب وجودو فهاد الفندق ....
ناض ماشي مبتسم بهدوء داير يدو فجيبو ... تاوصل لقاعة المطعم.ــ واكرام والكارد لي واقفين فالزاوية شافو فيه اكرام عرفاتو الكوتش دقدس اما الكارد فقط مراقبين ـ ـ ـ ـ يالاه غايحل لباب يدخل وهي توقفو المسؤولة ـ ـ ـ ـ مخاطباه بآنجليزي فاش شافتو اجنبي
المسؤولة: لا .. متقدرش تدخل ... الغداء خاص اسيدي ..
سلفادور : اء !!! ( بعصبية تمثيلية ) ولكن انا راه كوووتش !!!.. دخلي عطيهم اسمي مايمكنش مايكونش فلاليست ديالكم!
ريسبونسابل : لا اسيدي كاع الناس لي خصهم يكونو راهم لداخل تاحد مغايب .. يعني سيادتكم اكييد مكاينش !
سلفادور : ولكن ميمكنش ( كايشوف فالمكلفين بالأمن ) انا راه كوووتش !!!
رجال الأمن مجاوبوهش مافهموش و شرحات ليهم ريسبونسابل ..
سلفادور : غير دخلي عطيهم سميتي اكيد كاين شي غلط .. سلفادور دومينغيز ...
ريسبونسابل : واخا تسنى هنا ...
حلات لباب ودخلات وهو علا راسو كايشوف فرجال الأمن بابتسامة وشاف تافلكارد لي مخنزرين ... يكفي أنه يتوثق وجودو على انه جا على قبل كان كاضن انه معروض للغداء ... وهي تخرج عندو منزلة راسها
الريسبونسابل :للأسف قالو ليا من لداخل انه الغذاء خاص باللاعبات و المدربين الخاصين ... مكايينش المدربين المساعدين ... كنعتدر اسيدي ...
حرك ليها راسو بالايجاب بأسف وشاف فيها
سلفادور : واخا .. ماشي مشكل واخا هادي راها اهانة ولكن ماشي مشكل ... ممكن توريني أقرب حمام ؟
ريسبونسابل : اكيد ... تفضل معايا
مشات قدامو ووقفات قدام الحمامات لي قراب للمطعم
المكلفة : هو هادا أسيدي
ابتسم ليها وعطاتو بالضهر وهو يجبدها من شعرها !!! وشد ليها على فمها ودخلها لدوك الحمامات .... كانت تما مرأة أخرى و جوج رجال .... واحد منهم خرج وعلق بلاكة ديال الصيانة باش تاحد مايدخل لحمام ... وسلفادور لوا ليها عنقها طيحها للارض جثة هامدة.. والرجال الخرين كايحيدو ليها حوايج بزربة وكاتلبسهم البنت لخرا... وسلفادور غير دخلها ليهم خرج مرتآآح داير يديه فجيآبوو كايضور براحة داخل الفندق وكل شوية يشوف لساعتووووو .....
العملاء تبعو اشارات وتعليمات القائد ... الجناح لي على ليمن والجناح لي على ليسر كلهم دخلو ليهم وخلاو باب الجناح لي غايتم فيه التصوير فالوسط ... فريق تخشا تحت من السدة ديال الدروج هو و الأسلحة ديالو ناعسين عليها متأهبين .... وفريق مراقب الباااب لي قدااامهم .... نيكولاس كان مخبي فنهاية الكولوار ورا الساريات حدا منافذ الإغاثة هو ولفريق ديالو ... و لوؤي مقابل معاه فمنفذ الإغاثة دالجهة الاخرى من الكلوار ..... وفريق مستعد يهجمو علا البالكون ...
عند قدس ...
بداو كيهزو المقبلات وكايحطو ليهم الموني لي دايرين ليهم للغذاء الشاف واقف كايشرح ليهم شنو كاين فالغذاء ... وقدس كاتهضر مع الكوتش الخاص ديالها ....
قدس : معنديش مشكيل ... بالعكس نحضر .. وتا عائلتي ماعندها تاشي مشكل غير تهنى ... كنخافو لاكنا مذنبين ! اما دلييل برائتي كولشي شافو !! علاش غانخاف ولا نحشم ؟
الكوتش : انا قلت من بعد اشنو طرا مغاتبغيش تحضري للمؤتمر غير تفاديا للقيل والقال .. ولكن عمك قال ليا بلي غاتحضري ... وكاانهنيييك على شجاعتك ... غادي تعطيهم الضربة القاااضية باش تسكتي الشائعات ... ولكن خساااارة ( شاف ليديها ) خسارة دوك التداريب ..
قدس: ماشي مشكيل .. الماتش جاي ان شاء الله ...
الكوتش : ادن مغاديش تحبسي كيف سمعنا ؟
قدس : صراحة مزال ماخدييتش شي قرار فهادشي ... يفوت هاد الماتش ونرد عليك ... خصني ضروري تانتشاور مع العائلة ويوجهوني لشنو صالح ليا ...
كوتش حرك ليها راسو وشاف عند الشيف لي مبتسم فيهم ، رجع لور وبداو النادلاات كايحطو ليييهم الغدا والبرازيليين كيحركو ريوسهم بإعجااااب ....
إكرام كانت عللى برا .. كتمشي وتجي والكارد ديال أسد تاهوما مزلعييين تما وفكل ناحية من الفندق ...
هو يصوني ليها تيليفون ديال قدس .. شافت اسم لوؤي وجاوبات ...
إكرام : وي موسويو لؤوي ...
لوؤي : كاينة لداخل !
إكرام : وي موسيو .... انا راني فلباااب ...
لوؤي : ملي يسااليوو الغدا عيطي ليا .... وخرجيها قداااام عينيك ... ماااتفلتش من حداك .. ويلا شفتي شيحد باغي ادخل أو اقرب لييييها يعضر معاها ماتخليهش و علميني ...
إكرام : متخافش اموسيو راه هنا الكارد ...
لوؤي : خلييني من الكارد دابا ... ديري هادشي لي قلت ليك ..
قطع عليها ورجع تاني كايشوف بعينيه فبااب داك لجناح كانت كل مرة كاتحل وكيدخل شيواحد .... كانو ولاد بزاف وبنات بزاف شي داخل شي خارج ... وكلهم كايتم تصويرهم من طرف الفريق لي كايصور باش يحطو وجووهم فالملف والمشتبهين ....
عند قدس ...
كاتاكل من طبق ديالها مبتسمة ليهم ولحديثهم ومرة مرة كضحك واخا خاطرها ناازل .. حيت كاتشوف
كيفاش كايشوفو فيييها .. كاتحس براسها بحالا عريانة قدامهم ومفضووحة .... اقبح حاجة ممكن طرا لانسان هو يتقاس فسمعتووو .... وكتصطنع قدااامهم القوة .... كتحاول ما أمكن أنها تمثل اللا مبالاااة .. واخا باين التوتر على حركاتها .... ، البارمان لي بعيد كان كايشوف فيها وهي تتشرب من مشروبها .... وضار بعيد وهضر فالمايك ... ورجع تاني لشغالو ..
سلفادور رجع لبلاصتو فميني بار متكي على كنطوار كايشرب من كاسو ... نزل تيليفونو من ودنو لي علمو فيه البارمان انها دارت اول رشفة ، هو يحل الكرونو فتيليفونو كايشوف فيه ....
بعد خمس دقايق .... حط يدو على الكيت لي فودنو وتكلم ...
سلفادور : دخلي ....
تحلات الباب الخلفية دالمطعم ودخلات الريسبونسابل المزيفة وقربات عندهم لطاولة حياتهم .... وتكلمات بابتسامة ....
المكلفة : مادمووزيل قدس الاسماعيلي. غايخصك تمشي حيت تعليمات ديال الكارد ديالك هوما هادو ...
قدس : ( علات فيها عينيها بإستغراب وشافت فيهم ورجعات شافت فيها ) مافهمتش !
الريسبوناسبل : ( شافت فيها وشافت فيهم هوما لي مستغربين فيها ) بسبب اخر ماطرا ... الحراسة مشددة على المادموزيل بسبب الصحافة ... والكارد ديالها سامح ليها بوقت قليل .. تعلييمات العائلة الرسمية ديالها .... علمونا دابا بلي صافي خصها تتمشي ... حيت الصحافة خالقين ضجة عليها على برا .....
قدس : ( شافت مع جنابها ) ولكن مكاينش هنا الصحافة .. ( شافت فشيف وشافت فيها ) يلاه بدينا نتغداو !
المسؤولة : انا كنطبق غير تعليمات لي عندي امادموزيل
الكوتش : عندها لحق ضروري مايخاافو عليك ابنتي ... ماشي مشكيل .. نتلاقاو فالمؤتمر ... الراحة ديال عائلتك أولى ...
قدس تنهدات ... ماحملاااتش هاد المووقف ... حسات براسها رجعات تااااني لداك زياااار والتحكم ديال باباها ... حطات المنديل واستئذنات منهم ... وهوما كلهم مبتسمين ليها وفلداخل ديالهم أسف على حالتها ... وكاين لي شامت ! ... ووقفات عند المسؤولة لي مبتسمة ليها ...
المسؤولة : غانمشيو من هاد لباب باش نتتفاداو العدسات ديالهم ....
قدس حركات ليها راسها بالايجاب وزادت معاها وهوما مستغلييين هاد النقطة ديال اخرر فضيحة طرات ليها لصاااالحهم .. دارسين خطة محكمة غير باش يفوتو الكارد ديالها معارفيينش واش كاين اسطول ااااخرررر مراااقب من الفيدرالية .... هوما فقط هاربين من گارد اسد ...ومن خسن حظهم حات هاد الحادثة. ...
خرجو من لباب الخلفية وتمشاو فكلوار خاص بالعاملييين فالفندق ...
مسؤولة : غانطلعك الجناح ديالك .. باش تبدلي ... المنادجر ديالك كتسناك تما ....
قدس : ( بخاطر خاسر ) ماشي مشكل ..
المسؤولة : غانمشيو فالسانسور الخاص بينا حنا العاملين هنا ... باش منتلاقاوش شيحد يبرزطك بالاسئلة ... انا موصية على حمااايتك ا مادموزيل ...
قدس حركات ليها راسها بالإيجاب وتنهدات وطلعات معاها فالسانسور ...
غير تسدات الباب عطات إشارة لسالفادور بساعة لي فيديها انهم طلعو فالمصعد ....
سلفادور وصلاتو لتيلفونو الإشارة ودار يدو على الكيت حسب حد تلاتة فخاطروو ونطق .....
سلفادور : بلوكييي ...
فالمصعد
قدس : ماشي نتي لي كنتي قبيلة لا !
المسؤولة : ( بابتسامة لطيفة ) لا انا وحدة أخرى ...
قدس : اممم .. داكوغ ...
يلاه غاتهضر وهو يحبس بيهم المصعد وقدس شدات فجناب كترمش و المسؤولة قربات عندها ....
المسؤولة : متخاافيييش متخاافيييش أمادموزيل انا غانعيييط ليهم دابا متخافيش ( قدس غير كاترمش بعيينيها ) ياك ماعندكش فوبيا من لأاماكن ضيييقة ؟ ماعندكش شي مشكيل تنفسي !
قدس : مااايطفاااش غييير ضووو ... انا بيييخير ... غ غير .. غير ماايتعطلوووش ...
المسؤولة : (بدات كتورك على الازرار بتمثيل ودارت راسها تتاصل فليكيت ) دغيياااا عافاكم .. معايا لمادموزيل الاسماعيلييي ... دغياااا ....
قدس : ( قلبها بدا تيضرب ) و و اش .. واش غايتعطلو !
المسؤولة : قالوليا غايطلقوه دابا ... غير صبررري .... حاولي ماتفكريش فيه ...راه كايصلحوه .....
قدس كانت غير كاتشوف وتملكاتها الخلعة ولكن شوية بشوية كاتجيها دوخة وكتنفض راسها وتتوكض ....وشدات فالمسؤولة ..
قدس : فيااا دوخة ...
المسؤولة : غ غ غير .. غير بسبب الضغط لي منخفض هنا ...حاااولي تفكري فحوايج زوويينين ا مادموزيل ( حطات صبعها على الكيت ) سربييييونا عافاكم المادموزييييل مخلووووعة ....
طاحت قدس كلسات فالارض كتنهج .. مكانش بسبب سانسور كان السبب المخدر لي كايسري فذاتها .. المسؤولة واقفة كاتشوف فيها ... وسلفادور كايشوف فالكرونو فتيليفون ديالو لي كتحسب الدقائق والثواني ....
قدس بدات الضبابة كتخيم على عينيها وعقلها كايتفرغ من اي حاجة كتعرفها .... المخدر كان سريع فمفعولو ... والمسؤولة واقفة كاتشوف فيها .... وهي فلول بدات غير بأنها ديخانة وشوية بشوية كاتعلي راسها وكتهضر بصوت طبيعي ولكن كضحك مرة مرة وسط هضرتها بطريقة مريبة ..
قدس : هه ! واش مزااال ؟؟؟ نبقااااو هنا دابا !!
المسؤولة : دابا .. دابا وهوما جاو امادموزيل ... ( هبطات شدات فيديها ) شدي فيا حاولي توقفي ...
شدات فيها قدس كضحك وووقفات شايفة وجهها فلمراية
قدس : اوووو ! هادي انا ههههه حتى نتي كتبااااني ...
المسؤولة بدات كضور فراسها وتشوف فسانسور وترجع تشوف فيها ...
سلفادور طفى ليه الكرونو و هو يضحك بشر ... وحط صبعو على ودنو تكلم ...
سلفادور : طلقوه ! ...
تطلق السانسور .. غادة مع المسؤولة وكاتضحك والمسؤولة شادة فيها ودخلاتها بسرعة وديريكت لبييت التنظيف .... وخرجات غبرات من تما فمرة ... كانو لي تما كاتسناوها ...كايخدمو بسرعة و تركيييز .... لسقو شريط اسود لاسق على شفايفها ولبسهوها ايزار بيض عندو خييوط عقدوهم لور ... يديها ورجليها تاهوما تعقدو .... وجمعوها وضعية جنين وحطوها فوق واحد طبيلة صغيرة عندها الروايض .. وغطاااووهااا بصندووق عامر بمواد التنظيف والسطولة والشطابات .. وقربات لفام دميناج لي كانت غليضة بلباس التنظيف وجرات هاداك الشاريو لي كانت تحت منو قدس مكووومة بداك ليزار باش ماتحركش و شريط فوق فمها .. وغبرووو تاني خرجو من تما ..... ومشات غادة بيها فالكوولواارر .... تعليمات لي عندها اانها دخل لأجنحة اخرين باش مالفتش الانتباه انها غادة مقصدة لداك للجناح. .. لي هوما فارغيين من الأساااس غير غادخل وتخرج. ...
العملاء كانو كايشوفو فيها كدخل لأجنحة تبقى شوية وتخرج .. تا وصلات للجناح المعلوم وهوما ركزو اما لوؤي كان بعيد كايصوني على اكرام تاني .... دقات الفام دميناج الباب وحل ليها واحد فيهم كايسولها ... كايديرو راسهم ماكايعرفوهاش باش مايشكوش فيهم يسبب كاميرات المراقبة ومايخليو وراهم تا اثر ... خبراتهم انها خصها دخل للتنظيف .. وحلو لباب دخلات ... حطات ليهم قدس بزربة .. ومشات .....
لوؤي تأكد تاني من إكرام انها باقا فالغذاء ورجع لبلاصتو كايشوف بعينيه ...
نيكولاس شك ففام دميناج ولكن ماقدرش يتحرك حس بيها دارت شي حاجة ماهياش ! حيت دخلات وخرجات بزربة ....ولكن القيادة كاينة عند لوؤي ومايقدرش يمشي لعندو .... و ماعندوش كيف يدير يتواصل معاه حيت الفريق لي حدا لوؤي غايسمع صوتو وتالابغا يهضر معاه بالاشارات ديالهم بعيد عليه مغايشوفوش .... وعطا إشارة فقط من العملاء لي قراب للمصعد باش يشدو لفام دميناج يديوها للكاراڤان دالعميد لي كاينة للتحت ... ولي كالسين كايراقبو فيها تاهوما من الكاميييرات وكاتسناو اي تحرك .......
فلداخل ..
كانو كايخدمو بزربة ... الجناح كان كولو مبدل بديكور ديال الفيلم لي باغين يصوروه .. مفرشينو بفراش أسود واحمر .. كراسي فكل مكان لمختلف الوضعيات الجنسية ...طاولة تعقيم وادوات والعاب. .... مركبين الكاميرات واعمدة دالاضاءة والمايكروفونات .. الموسيقى مطلوقة خفيفة ... كرسي المخرج كان فارغ حداه الأجهزة ديالو ...
طاقم تصوير كانو كلهم اجنبين مشغولين كايقادو الكاميرات ....والاسلاك .. ووحدة كاتقاد الديكور دالسرير ....
قدس كانت كالسة على الكرسي مافاهمة والو غير كتبتسم ليهم وتجاوب لي سولها بالضحك ..حيدو ليها حوايجها كاملين لابسة غير سترينغ ... وبداو كايقادو بيرسينغ لاسق فصدرها .... وبنات ضايرين بيها كايديرو ليها الميكآب ....
كانو كايخدمو بسرعة وبدقة ..... وكولشي مشغول وكل واحد وشنو كايدير و كلهم عارفين بوسطاتهم ومهماتهم .....
المودل لي غايلعب معاها البطولة فالتصوير كان كالس على الفوطوي بسروال دجين ملفوق عريان وبالحفة طالق رجليه فالارض ....شاد تيليفونو ملهي فيه كايتسناها توجد ويكلع المخرج ....
سلفادور كان باقب فبلاااصتو .... مااايشرب من مشرووبو براحة كواحد محترررف هادشي و عااارف اش كاااايدير وعقل مدبر .....
سالاو ليها ورسلو ليه الاشارة .. كان مرتاااح كايرتشف من كااسو حيت عارف امورو كلها مقااادة ومضبوطة والحظ ديما واقف معاااه ....
كان حظو بصح واقف معاه هاد المرة اكتر من اي مرة ، حيت استدراج قدس كانت اصعب ضحية كتبان ليه بسبب الحراسة المشددة ... ولكن ... عرف يدرس خطتو وحول داك الحراسة نقطة قوة ليه .... وعاود الخطة لبارح من جديد كلها مع الفريق ديالو .....
شد كاسو جغم آخر ماااتبقى فكاسو .... ووقف ... قاد الكول دالشوميز ديالو وغمز للناذلة خلاها تاضحك ...وسامتو من ديما مساااعداه فالتخفي ... وعدم اثارة الشبوهات ، حيت ديما الانسان الجميل فالوجع صعيب نربطو بيه جرائم قباح ..
لوؤي غيرر كايتنهد بقلة صبر ... كولو متوتر وكايغزل. . رجع تاني للجنب مبعد على لفريق وجبد تيليفون باش يشوف اكرام .... عمرو مكان بهاد الخوف والتلفة فخدمتو ... موالف بخدم مرتاح ومكاينش شي قضية كاتغلبو ... ولكن هاد المرة ماشي اي قضية ... هادي بنت عمو .... وخطيبتو ولي غاتولي مرتو وحب حياااااتو .... محطوطة وجها لوجه مع خدمتو و مهنة أحلااامو ......وهو على حافة انه غايخسر وحدة فيهم ليوم ....
يلاه غايصوني على اكرام هو يقرب منو واحد من للعملاء بإشارة باش يشوف لعند العميل لاخر لي هو نيكولاس .. و بسرعة شاف فيه ولاخر وما ليه للكيت عرفو راه نيكولاس بغا يهضر معاه ، هو يدوز ليه لاپيل ....
لوؤي : شنو !
نيكولاس : الفام دميناح ليخرجات .. شكيت فيها
لوؤي : خرجات ! شكون ؟
نيكولاس : دخلات فاام دميناج آصاحبي . . مكملاتش حتى دقيقة ... 15 ثانية دخلات وخرجات .. الميناج مكايتقضاش فهاد المدة ....
لوؤي : شدوها تنزل لكارافان للتحقيق دابا ....
نيكولاس : تشدات .. وراه غايدوزوها للتحقيق ...
لؤوي قطع عليه ورجع شاف الجناح ودار تيليفون فودنيه كايغلي بالتوتر عليها ... وهي تجاوبو إكرام ..
إكرام : راه مزاال كيتغداو اموسيو ..
لوؤي : دخلي لداخل وشوفيها بعينييينيك ...
إكرام : ماايخليونيش اموسيو
لوؤي : ( بغضب ) متااايهمنيش أ إكرام شوفي كيف ديري ... شوفيها ليا واش راها كالسة !! بعييييينيك ......
إكرام تنهدات وقربات عند رجال الأمن كتحاول تشرح الوضع وهوما ايحلو ليها لبيباان ...
عينيه حماااارو وكايتسنى فاكرام ترد عليه .... الفرق مستعدة لاي اشارة منو ....
تحل السانسوررر ... وكلهم شافو ليه مصوبين اسلحتهم .... غير تحلو بيبانو بانليهم سالفادور لي داير يدو فجيبو برااااحة .... لوؤي غير لمحووو .....و صوت اكرااام هضر فالكيييت دياالو ...
إكرام : ( بخلعة ) مكاااينااااااش !!!!!!!!
لوؤي مع آخر ما سمع منها ... أطرافو بردو .... ريقو سرطو بشوية ... المكان كااامل بنسبة ليه سكت .. صوت ريقو هو الوحيد لي سمعو تبلع فحلقو ... وهو كايشوف فيه جااي فالكلوار داير يدو فجيااابو ... حاجة وحدة لي صدحات فراسو بصوت قوي ... أنها ررراها لداخل بشي طريقة هو ماعرفهااااااش !!!!!! .....
عينيه تفيكساو فخطوات سلفادور لي جاي .. دموووو كاايغلي ... أول مرة يحس براسو مشلوووول ..... فكرة وحدة لي فدماغو .. وصورة وحدة أنها راها لداخل فداك البيت .. معرية .. وكايديرو فيها لي بغاااو .... فاش كايحاول يستوعب شكون هي هاد البنت لي كايتخيل عليها هادشي .. كيلقاها قدس ..
الاستيعاب نقص ... حس بصدروو كايرررجف .. كان شعور أشبه بالجاثوم !!!!!! ...
فلحظة نسى شكون هو ... وعلاش هو هنا .. وانداااافع بكل سرعة جاراه عاااطفتوووو لي متححكمش فيها ودمو لي كاايغلييي .. خرررج للهجوم .....
سلفادور وسع عينيه فاش شافو واحد بلباس العملاء جاي جيهتو ..... وهو يرجع بلور بزربة هربان ووخرج ليه فريق آخرررر شدوه باش ماايييهربش وهو كاتنتر منهم ....
نيكوولاااس وسع عينيه وهضر بلا ماااايحس بغغضب
" آش كايييدييير هاداااااا !!!!!!!! "
العميد لي فالكرافان مراقب من كاميراااات ناض بزربة واااقف كايغوووت والنائب حتى هووو ناااض تاتزدخ الكرسي .... مفاهمينش علاش القائد هجم قبل مايدخل سلفادور للجنااااح !!!!! .. آش كايدير نيييكولاس !!!!!
الفريق كامل مافاهمش ... الكل مصدوووم من غير أنهم خصهم يهجمو مادام هجم القااائد ...
سلفادور تشد وهو مافاهم والو منين جاااو هادو!!!!!! ..... ونيكوولاس ضرب ببونية فالحييييط تاازعزعووو حيت غايطلقوه مكايناش تهمة تابتة عليه واخا تشد .... عررف الى لوؤي لعبات عليه لعااااطفة واندفع بسرعة يحميها قبل مايدخل للمخرج ويبداو التصوير ... حس براااااسو تشمت ودارها بيه .....
لوؤي وصل للجناح وحل لبااااب بجهالة مابغاتش تحل و ررركلها بكككل قوووتوووو .... والفريق موراه هازييين سلاحهم مافاهميينش علاش هاجم دابا ولكن خصهم ينفذووو ... وللعميييد كايضرب فدوك الأجهزة فالكراافان ويغووووت .... ونيكولاس ركابيه فشلو وكلس فالارض شاد على راسو مقادرش تايشوف هاد المهزلة لي دااار !!!!!! ...
حل لوؤي لباااب ... وكل ما فيه هدااا ... جمد .... !!!!
الفريق دخل كايجري وكايلقيو القبض علييهم ... وهو عينيه عليها .... هي !
سلاحو طااح من يديه للارض ! ... عينيه ماكيقدروش يرمشو وقلبو حس بيه كاتباطئ فالنبض .... كأنه طاح فشي بئر غارق ... مابقاش كايسمع الأصواااات .. كااايشوف غير فيها هي ... وفمنظرهاااا !!!!!!! ...
العملاء كايتدافعو للداخل ولوخرين دخلو من البالكون طقو والمكان ..... وكايدفعو فيه وهو لي كيف ما حركوه كايتحرك !!! ... واقف جاااااامد كيف شي تمثال ... كولشي فيه فاشل وركابيه خصهم غير لفحة ريييح ويطيييحو الأرض ... عينيه غير عليييييها .... وعلى هاداك المنظررر لي قدااااامو !!!!!!! ولي ماااامتيقوش !!!!!!!! .....
دخل نيكولاس بزربة للشومبر وهو يشوفها ووقف فبلاااصتووو مدة كاايشوف!!! .... وضور راسو عند لوؤي لي واقف بدون حركة !!!....
بصرو كان مصوب لجيهتها ..... هي لي كانت ناعسة فوق سرير بشوميز دو نوي بستايل سانتا كلاوز فالأحمر و ريشها بالأبيض .. ليباموس بسماطي شادين فالسترينغ ... شعرها مطلوق و يديها مربوطين فالسرير بسلاسل وهي مبتسمة كاتشوف فيهم وتضحك وعينيها كايبانو حمرين وناااايمين ....
نيكولاس بدا يشوف فيها ويشوف فيه .... والعملاء كايلقيو القبض وكايخرجو واحد بواااحد ....ويرجع يشوف فيه هو لي واقف مصدوم .... رغم وجهو المغلف بالقناع ... إلا أن وقفتو كاتخليك تتوقع حااالتو بلا ماتشوف ملامحو .... حالتو كانت كيف الشخص لي كايتمنى يكون غير كايحلم ! كيف الشخص لي توقف شوية باش يستوعب ! يستوعب الصدمة ! ...كان بحال شعور داك الشخص لي جرا بزاااااف فلخر لقى راسو وصل هو اللخررر !!!!
الصحافة فلبااب حسات بلي واقعة شيحاجة لداخل ملي واحد فيهم رد لبال للسيارات دالمخابرات لي فلباب الخلفية ...و بداو كايندافعو بسرعة ويتجاراااو يصورو اش واقع و الحرس شاديييينهم وهوما كاتسلتو ليهم .... أما الكارد من بعد ماعلماتهم إكرام أن قدس مكايناش فالغداء كلهم هجمو على الأجنحة والغرف والمصاعد ....
الفندق فرمشة عيين تحول لكااارثة !!! مدير الفندق بطنووو كايحس بيها كتقطع عليه بالتوتر حيت وصاوه باش ينفدو الاومور فسرية ولكن اندفاع لوؤي بلا وقت وعدم التزامو بالخطة والهاراج دالصحافة والكارد دقدس فشلو هاديك السرية وتحول الأمررر لضجة كبيييييرة كولشي ساق ليها الخبار !!!!!! ....
النزلاء كايتسائلو آش واقع !!!! والفدراليييين تدخلو باش يفرغو المكان .... تطوق الفندق باش مايهرب تاحد فيهم وبداو كايخرجو فيهم ....
نيكولاس قرب عندو كتررر وضربووو لوجهووو ولوؤي تهز صدرووو كأنه راااجع لوعيو وبدا يشوف يمييين وشمااال فالارجااااء .... ونيكولاس كان غي ضربو و مشا كايفك فيديهاااا بزربة يهربوها قبل مايشوفها شي حد وتوصل لباها والصحافة ... لوؤي ضار موراه كايشوف الفندق كيفاش تحووول للروينة وهوما يبانو ليه الكارد دأسسد جااييين ورجع تاني شاف فيها .. عييينيه توسعووو ... معرفش كاع فاش خصو يفكر ومناش خصو يخاف داباا ! من العائلة .. من الكارد .. من الصحافة .. عليها ! ... كيفاش هاااادشي فرنشة عين تحول لكاااارثة !!!!!!
ولكن الخيار اللخر هو لي كان طاغي ، فييييها هي ! .. مكانت كتهمو تاحاجة كتر من غير هي تكون بيخيييير ....
تلاح عليييها بععد مافك نيكولاس يديها وجررر ايزاار السرير ولواه عليها وهي مفاهمة والو غي كتسائل اش واقع ومرة مرة تبسم وتضحك.... هزها بييين يديه وخرج كاااايجري بيها باتجاه منافذ الاغاااثة مزيرها لصدروووو بقوة ناااازل لباب الخلفية .... كان صدرو كولو كاينهج .... و قدس فيديه بحال شي ثووووب مرخي ... يديها مدليية وراسها وشعرها تاااهووو وتاااضحك وتقول كلام مامفهووومش ....
يلاه غيخطي الخطوة ديالو فدررج دمنافذ الإغاثة و هووو يوقف !!..... وتوقف كل مافيه !!! ....
عدسات الصحاافة لقاااهم اماااامووو مباشرة !!!! ..... بداااو كاايصورووو و الفلاش كايتضرب فيييه .... وهي بين يديه ...
كانت الخطة أنه هوما لي يتشدو متلبسين ... لكن .. هو لي واقف دابا مشدود متلبس !!!! وهي فيدييييه ....قدام الصحافة !!!! قدام العااالم !!!!
الصحافة كاتلتاقط فالصور وفلاشاتهم كتتسمع ..... وقفات الهضرة فودنيه تامابقا يتسمع والو كانه غررررق فشي بييير تاااني ..... كانو غير 3 ثوااااني ووهومااا يبعدووهم الفريييق ....
كانت غير تلاتة د الثوااااني فقط ، ولكن بنسبة ليه بحالا وقف بزااااف قدااامهم !!!!! العميييل حس بشي حاااجة ماهيااش فالقائد !! ومراهش مزياااان .... و هو يحيييدها من يديييه ونزل بيييها مخبينهااا ومخبييينو الفريق من عدسااات الصحافة ... كانو كلهم مخربقين وكايخدمو بطريقة عمرهم خدمو بيها خيت القائد خرج على الخطة و ترونات دنيااااا .. كلهم غير كايجريييووو بدوون خطة !!!!! بدووون قيادة !!!! القائد فاااقد وعيو ... فاقد حبو .... فاقد حياتو !!!
باقي واقف فنفس بلاصتو .. بنفس وقفتو ... ونفس الصدمة !!!!!!
كان تماما بحال داك الجراح الناااااجح لي ماعمرو خسر شي جراحة ... ونهار تحط أغلى شخص عندو على سرير البلوك ... خسر هاديك العملية !!!!! ومات بين يديه ..
معارفش واش يلقي اللوم عليه .. ولا على ثقتو فنفسو .. ولا على الحظ ...
الصحافة هرسو ليهم الفيدرالية الكاميرات بسبب تهجمهم وتدااافعهم و جراو عليهم بقووووة فالدروج ، كاين لي طاح كاين لي تجرح وكاين لي هرب ... تعاملو معاهم بعنف بسبب التوتر. ...اما هو غييير واقف كايشوف جااامد !!!!
العملاء كلهم حاسين ان القائد واقعة ليه شي حاجة ...كان كيف شي واحد فشي بير غاااااارق ومعارفش كيفاش يطلع واخا كايحاول يتسلق كايزلق ويرجع لبلاصتو ....
تاحس بشي يد بعيدة دفعاتووو لحييط وقربات عندو
نيكولاس : لووووؤااي .. لوووووؤاي ديييير عقلك فيييييق أصااحبي فيييييييق (ضربووو لوجهو ببونية تاااتقلب للجنب ودم سال من نيفو ) وااااش عااااارف راسك اشش درتي ؟؟؟ واش عااااارف راااسك فااااااش حطيييييتيني ليووووم !!! واااااش درتييييييها بالعااااني؟؟؟؟؟؟؟؟ واش هاادي كااااااملة اناااانية فييييك ؟؟؟؟؟ تتتقتت فيييييك ...حسااااابتني رااااااجل ..... خدمتي ... نتا عااااارف خدمتي مناش عاااااايش .....
لوؤي غواتو كان غاااااارق بنسبة ليه .. مكانش قادر يوعى ولا تايسمعو اش كايقول ... كان باغي غير يهرب ... يمشي لبلاصة بعيدة .... كان باغي غيير يفيق من داك الكابوس .... يفك هادوك الأصفااااد لي شادينوو من يديه ورجلييه ... يخرج هاديك الكرة لي فحلقو ولي مانعاه يتكلم و يتنفس ....
بعد عليه نيكوولاس لي كولو أعصااااااب كااايغلي ... وهو زاد كايتمشى بشوية كيف شي واحد يلاه كاييتعلم يمشي ...
مكانش عارف فين غاااادي .... حال فمو كايتنفس منووو وكايبان القناع كايدخل ففمو ويخرج بسبب التنفس ... رجليه كول مرة يخونوه والعملاء كايتدافعووو ويتجاراو يلقيو القبض عليهم كلهم ...
قدس خرجوها بسرعة ديريكت للإسعاف لي فلبااااب وزادت بسرررعة مكسيرية للمديرية فالرباط الخاصة بهاد الحالات ....وسياارات الگارد تبعوها .... و إكرام كانت كتمشي وتجي مرة طلع فدروج مرة تنزل معارفاش كاع آش دير فهادشي !!!! منييين جااا هادشي وشكون هادو لي دارو فيها هاد الحالة ...
كانت فقط 10 دقائق ديال الضجة وكوووولشي تهدن ... سيارات العملاء تبعو الإسعاف و تبعو الكاميو لي تهزو فيه المشتبهين ... بعد ماتأكدو أنه لقاو عليهم القبض عليهم بالكامل...
وفريق بقا فالفندق من اجل التحقيق ومسح البصمات و تتبع الآثار .. منهم العميد و رئيس القسم وقائد الدورية .. الفندق بدا كايخويوه من النزلاء باش يتسد للتحقيق .... القضية كبراااااات وتحولات لكارثة بتدخل الصحافة والرأي العام !!!!!
والعميد طلع بزربة مزير على فموو كااايحك فسنااانو بالاعصااااي كايقلب على نيييكولاس فييين هوو .... والقائد ددورية تابعو تاهو فاقصى اعصااااابوووو يفهم سبب هاد الغلطة الفااااادحة لي وقعاااات .....
نيكولاس متكي على الحيط مطلع راسو لفوق كاااينهج ..... مصيير خدمتو كلها دابا على المحك .. آش غايدير وبااش يببررر هادشي ! ..... باش يبرر هاد الهجوم لي دار لوؤي بالشارة ديالو !! .....هو لي عطاها ليه بيدييييه .....
أما لوؤوي قصد أول حماااام بانليه حل لباااب وتلاح على لافابو شاد فيه بجوج يديييين كينهج .... بدا كايفسخ فهاداك القناع لي كان ثوب رقيق أسود ضاير على وجهو ولاحو الارض بزربة يتنفس .... وهوما يبانو ملامحو .... كان وجهوو حمرررر معصوووررر ولونو أقرب للأزرق بالاعصااااب والخنقة وضيق التنفس .. عروق فجبهتو وتحت ودنيييه باارزييين كانهم غادي يخرجو من الجلد .... شاد بيدييه بجوج فلابووو ... وكاااينهج ...
نول رااسوو فلافابو كاايكحب بقوة ووصدروو تجرح ليييه .... كايحس بيه كايتدبح وسط منو .... قطرات صغار من الدم بداو كايخرجو من فموو مع داك السعال الناشف وكايلونو لافابو البيض تااشوية بداوو كايكترووو حتى ولا نزييييف دموي نااازل من فمووو وهو كاايسعل... كااايكحب ونفس كاتقطع فيييه وعينيه كااايتقلبووو ... والدم كااايسيييل
العميد وصل حدا الحمامات مابانليه حد يلاه غايمشي لجهة الاخرى وهو يسمع هاديك الكحبة المجهدة وقرب للباب ....
عينيه توسعووو وقلبو ارتاجف !!!! هو عااارف مزيااان هاديك الكحة ديالمن .... وهادوك النوبااات الصدرية ديالمن !!! عارف مزياااان شكون فعملاااائو لي مريض بالالتهاب الرئوي الحاااد ! هو يقول مصدوم !!!!!!!
العميد : اولااااي !!!!!!!
لوؤي علا عينيه فالمراية والدم كايسيل من فمو ... عينيه تنفخو وعامرين عروق رقاق حمريييين ... مدمعييين ونيييفو حمررر تاهو ...
الدم كان كيسيييل من نيفو من فمو ... مسحوو بكمووو حتى وسخ ليه وجهو .. حل فمو كايتنفس ورجع تاني كايييكحب بجهد وحل الما كاييضرب فوجهو وييغسل ....
ويرجع تاني يعلي راسو كيكحب ويحاول يتنفس مزياااان ....
نيكولاس كان كايقلب عليه فالكلوار مزير على يديه بالأعصاااب.... يلاه غايقرب للحمامات و هو يشوف العميد واقف مصدوم !!!!! ...
العميد ضور عينيه لعندو ببطئ ....و هو يشوف واحد من العملاء واقف قدامو .. غير العميد علا فيه عينيه و هو يشوف ليميينو بتوتر ..... وزاد مااشي كأنه هااارب باضطراااب و هو ينطق العميد
العميد : و وقف !!!!!
وقف نيكولاس عاطي بظهر كايسرط فريقو و العميد كاايشوف فيه .... بنيتو الجسدية مغاديش تخفى عليه .... نيكولاس غمض على عينيييه والعميد كايقرب عندو .... عملائو ، ادريان ، لوؤي ، ستيفان ، نيكولاس ماريسا .. ولادو .. ماشي غير مجرد عملاء عندو .. هو لي مكلف بيهم وهو لي كايحتك بيهم .. وهو لي كايعرفهم مزيااااان .. مايخفاش عليه سعااال لوؤي .... ومايخفاش عليه ظهر نيكولاس وطولتو وكتافو ... وتوترو ... وشوفات لليمن ديالو ملي كايبغي يتهرب .....
هو ملي سمع صوت لوؤي فالحمام كايكحب ... عرف بلي نيكولاس لي دار ليه طريق اذن هو ... هو القائد لي دار هاد الروينة !!!!!!
لوؤي علا عينيه فلافابو وجهو كولوو فاازك كايحاول يرد غير وعيو ....
عينيه كايتسدو ولافابو عامر بدم وطلق الماااا وهو شاد فجناااب وكايشوف فوجهو ....
نزل عينيه بشوية للأرض شاف هاداك القناع لي على شكل بانضة طويلة مليوح فالأرض .. وتحنى بشوية و هو كايلويه على وجهو باش يخرج ....
حركاتو ثقااااال .... بحال شي واحد يلاه فقد روحو دابا شوية .....
الندم كايقطع فيه ...... خدمتو هي حلم حياتو .. هي المتنفس ديالو .. هي لي دار أي حااااجة على قبلها ... وتحدى باباه ... وتحدى الفاميلي .... وتحدى الخطر ديالها .... ولكن ... إيلا كانت بسبابها غايتآذى شي حد عزيز عليه ..... مابقاش باغييييها .....
حس بحلمو ... دمر ليه حبو .....
كايلوي البانضة على وجهو .... وصوت جود كايتعاود فودنيه من واحد لليلة كانو سكرانييين فالباااررر ..
جود : ماااعمرررك غاااتمووت فرجن ... تاحد مكايموت فرجن .. الحياة كات**وينا كااااملييييين .... حنا ولاد الاسماعيلي ...تخلقنا باش نحققو احلام الواليدين ......ماتخلقناش باش نحلمو ..... حتى الى بغيتي تحلم .. خصك تحلم على قد خوفهم ... حلم بحال سلطان .... لعب غير كورة .... ماتحلمش بحوايج اخرين .. حيت حنا غانبقااااو ديما .... ولادهم .. معمرنا غانتسماو رجال ..... ماحدهم هوما خايفين علينا ..... حنا غير ولادهم ..، غانبقااااو ديييييما غير ولللادهم ..... آه كااااانقسحو راسنا .... كاندييروو لي فراسنا ... وكانوصلو لهاداكشي لي بغييينااا .. ولكن نهارررر كاتشوف راسك غاتربح الميدالياااات وغاتخسر عائلتك ... غاتخسر بنادم تاتبغييييه .... ماتايبقاش يبان هاد الحلم قدام الفاميلي ..... حنا اه .... كنحلمو .... ولكن ... كانبغيو كتر .... تعلمنا ملي كنا صغار بلي you can win if you want " غاتربح لانتا بغيتي " ، ولكن ملي كبرنا فهمنا بلي You want, you win... but, you have to stop... because winning your family... is more important than winning what you want... " هانتا بغيتي ... هانتا ربحتي ... ولكن خاصك تحبس ... حيت انك تربح عائلتك اهم بزااااف من انك تربح اش بغيتي .....
لبس لكاسك فوق راسو بعد ماغطى وجهو .... خدا اخررررر زفرة نفس ... وضار حل لباااب .. يلاه غيخطي الخطوة و هو يهز راسو فيهم ! .... هوما لي واقفين مقابلين مع بعضياتهم ... وباين يلاه كان غااايهضر العميد ...وقاطعهم بحلة الباب ...
شافو فيه بجوج بيهم وهو شاد فاالبواني د البااااب .... كان الممر بحال طريق عامرة ألغام ... ونتا دزتي منهم كامليييين ... وتاقلتي صافي سالاو غانمشي نكلس فشي بلاصة نلتاقط أنفاسي ونشوف شنو فيا تكسر وشنو فيا تجرح وشنو فيا خصو البتر .. وشنو فيا خصو يداوا .... كاتلقى راسك بااااقيي ألغام اخرين ... مزال مسالااااوش .. مزاااال غاينفجرو فيك وحدين اخرين وكلهم تجمعو عليك فدقة .....واستسلمتي ليهم وزدتي كتمشى عاااااادي ، حيت اللغم الاول هو لي قتل ليك أهم حاااااجة عندك ... ماتبقى مكااايهمش !!!!!
القائد د دورية تاهو كان غادي بزربة كايقلب بعصبية على قائد الفريق و هو يشوفهم ووقف. . العميد تاهو ضور راسو هو و نيكولاس لعندو .. كانو مشكلين معين ... لوؤي فالمقدمة .... نيك و العميد قدامو بجوج ... والقائد فرااس الآخر .... القائد كانو عينيه على لوؤي وهضر بعصبية
القائد : نييييييكولاس !!!!!!
نيكولاس نزل راسو كايتنفس مزير على يديه ولوؤي هز راسو كايشوف فيه وهو يجي بزربة قااااصدووو والعميد شدو من صدرو
القائد : ( كايشوف فلوؤي ) واااااش عارف راسك آش درتي ( العميد شادو مزيرو هو مجنن عليييه ) وااااش عارررف الموووووقف لي حطيييتينا فييييييه ؟؟؟؟ اش قاااااااالييييييك داااااك الرااااااس ... بعتييييينا ؟؟؟؟ شحااااال عطااااااوك
لوؤي شاف بعينيه بثقااالة حيييت كل مافيه كان طاااااافي ..... اشنو غايخسر مزال .. خسرها هي !!!!! خسرها هي كاملة ... آش باقي مزال !!!!
ترسمات ابتسامة على شفايفو حمقة !!! .... قدس .... تخدمات .... عراوها .. ولبسوها حوايج ايباحيين وعلم الله اش داروو آخرر فوحدة لي غير لاداز الريح من حداها كااايخااف عليها تتقاس ...... شاف بعيينيه فنيكووولاس لي كايشوف فالأرض و العميد كايهدن فالقائد ....
بثقالة لوؤي هز يديه وحيد الكاسك لاحو الارض .. نيكولاس غير سمع الكاسك تلااح علا راسو بزربة كايرمش بخوووف والقائد والعميد كايوشوفو فيه والعميد وسع عينيه ف لوؤي كايفسخ فالبانضاااات .... قلب نيكوولاس بدا كايضرب ببجهد وباين النهييج على صدرو والعميد كايشوف فيييه وفنيكولاس ولقائد مصغر عينيه .....شوية وهو يووووسعهم ملي باااان وجه لووووؤي !!!!!!! ......
نيكولاس غمض عينيه وتراجع للور تاتضرب فلحيييط والعميد طلق من للقائد وعلا راسو لفوق كايتنفس .... عرفو الى عاق بنيمووولاس هو لي بيع بيه مدار دار هاد حركة قدااام القائد !!!!!! اذن هووو عااااارف !!!!!!
لوؤي كانو ملامحو باااهتيين طافييييين .. مييييتين .... وضحكة مضطربة على شفايفو .... ولبانضة فيديه ...
كايضور بعينييه والقائد مصدوم !!!!!!
القائد : او ....ا اجون .. اولاي !!!!!!
نيكولاس مغمض عينيه ... ودار واحد ضحكة بااااهتة على الشمتة لي حس بيها ..... لحظة إدراك جات متأخرة ..... لحظة ادراك انه تخدم ...... داااارها بيه ..... شمتووو ....
لوؤي ضور عينو لعند نيكولاس كايشوف فيه .... ونيكولاس تاهو حل عينيه ..... واخا مكانوش عينيهم ملاقين بسبب قناع نيكولاس ولكن تكلمو النظرااااات ....
نيكولاس زير على قبضة يديه ..... كايضور فراسو ....
ولوؤي كايشوف فيه بنظرة ديال .. مزيان دابا ؟ ....
عينيه كانو نايميين ومترجمييييين شوية من انتقامهم .... واخا هو ماكرهش ينتاقم من هادشي كامل ... ونيكولاس رجع غمض عينيه وعلا راسو للفوق ....
مطاحتش فبااالو .... مطاحتش فبااالو لوؤي عاق بيه .. مطاحتش فبالو أنه غايرد الدقة ديالو بهاد الششششكل !!!!! ..ويخرج ليه على خدمتو بصفة نهااااااائية !!!!!! هو خدا استبعاد ولكن نيكولاس ... غاياخد الطررررد !!!!! ....
دار ضحكة متستهزأةبالوضع حيت عارف مزياااان انتقاااام لوؤي كيييفاش داير .... كايرد ديما الصاااع بعشرة صيييعان ... واخا يكون فأكفس حالاتو .... غايرررد دقتوووو .... وردها. ... ردها مزيااااااااان !!!!!!!
ضور تاني عينيه لعند العميد كايشوف فيه ... بمجرد ماتحطو عينين لوؤي فعينين العميد طاحت ليه دمعة على خدو والعميد كايشوف فيه ، لوؤي لي ماعمر شي حد شاف دمعتو ، ولي كايقولة عليه انه مكاينش شي حاجة لي تهرسو وتبكيه ... بكاه الزهر ديالو ليوم ...
كان حامل بزااااااف دالخذلان فعينيه .. بلا مايهضر العمييييد غير من ملامحو قرا السؤال لي طرح علييييه وهو كايضور فراسو بالنفي ببطئ ودموع نازلين من عينيه ... " علاااااش ماخليتينيش نگولها لعمي " ...... هدا هو السؤال لي قالوه عينيه الباااااكيييين بحسرة وندم فالعميد ....
العميد بالنسبة ليه دار غلط كبير بسبب اندفاعو ..... دار خطأ كبييييير ... رون كوووولشي بالعاطفة ديالو لي غلبات عليه وضيع ليهم العملية كلها ..... وتا السرية ديالها ومامشاتش الاومور كيف كان مخطط ليها ....
هو مفاهمش علاش لؤوي دار هاديك ردة الفعل كاااملة !!!!!! علاش ووجهو بهاد الشحووب ! علاش ردة فعلو بحال انه لقاها مقطعة طراف !!!! .. ياك آش بغاه وصل ليه .. ياك هجم قبل ماتقاس بنت عمو ورون الخدمة كاملة وحماها منهم ... هو علاش ردة فعلو بحال هاكا !! علاش كايبان بحالا لقاها مقتولة ! حيت العميد ... مكانش عارف شعور الرجل الشرقي وهو كايشوف خطييبتو بداك الشكل مطعونة فشرفها ... معارفش الى هاداك المنظر بنسبة للرجل العربي أصعب بعشر درجات من انه يلقااها مقتلووولة ! .....
لاح هاديك البانضة من يديه وحيد الشارة من عنقو ببهدوووء وحركات ثقاااال .. وجبد الكارت دالفيدرالية ديال نيكولاس ... وقرب عندو .... هز ليه يديه وحطها ليه فييييها .... ودار نظرة أخيرة فييه ... كان كااايتيق فيه .. مكانش كايقول صاحبي حيت عارف ان كولشي يقدر يغدرو ... ولكن نيكولاس كان كايشوفو راااجل ، مختلف ... فللخر خااف على خدمتو و باش يضمنها ، خرب ليه هو حلمو كامل باستبعاد لمدة سنة غاحيت تدخل عمو اما كان غايكون كتر ، و استبعاد فاكثر مرحلة حساااسة بنسبة ليه و سحبو من ملف سلفادور لي عارفو شحال مهم بنسبة ليه ... منهار الاجتماع عرفو غايكون هو ، توتر لي كان باين عليه ، وحتى انه تااااحد معارف بهادشي منغيرو وتاااحد ماعندو السلطة يهضر مع الهيأة منغيرو .....
رد ليه دقتو .....ومشا بخطوات بطيئة كيف شي واحد هازو غي الرييح ...... والقائد مقاد يقول تاكلمة !!!! ..... وشاف فنيكولاس لي شاد هاديك الكارط والشارة فيديه وقرب بزربة نترررر ليه البانضات من وجهو و هوما يبانو ملامحو كايشوف الأرض والعميد شد على راااااسو .... ونيكولاس مسلم أمرو .....
هو كييفاش ماااحسش بلي لوؤي عاق بيه ! ... كيييفاش فلت عليه ان لوؤي نمرود و كايوجد ضربتو غير بشوية !!!!! .... ظن ... أنه يستحق كل مغايدييرو فيه ...
بسبب خوفو على خدمتو هو مشى بيع بييييه باش مايتستبعدش معاه .... وباش يستبعدوه ومايزعجوش مزال فخدمتو ..... ولكن هو تسبب دابا بالطرد بالمرة ... هادشي إلى مكانوش عقوبااات اكثر صرامة فحقو غاتصدرهوم الهيئة مزال !
لوؤي مكانش مستمتع بانتقامو ..... كان كيحس ان هو لي انتقمات منو الدنيا بسب انه ختار حلمو وتشبت بيه ..... انتقمات منو وحيدات ليه قدس من بيين يديه ..... شكون مزال داباا غااايخليييه يتجمع بيها ! .. وهو واش قادر مزال يشوف فوجها ويقول ليها تيقي فيا !!!!
________________________
المديرية العامة لمراقبة التراب الوطني ( DST ) ..
الرباط ...
بالقرب منها كانو سيارات الصحافة مستفييين بجميع لوغويات ديالهم ... الصحافة التلفيزيونية والصحافة الإلكترونية ناقلة الحدث ....
ظهور خلية عصابة لتصوير الأفلام الإباحية و ابتزاز الضحايا .... الضحية المغربية قدس الاسماعيلي نجلة رجل الأعمال الاسماعيلي التابعة للبرتوكول البريطاني .... هل تم الابتزاز ؟ أم ان نجلة الاسماعيلي ممثلة إباحية صاعدة تم القبض عليها بفندق **** في الدار البيضاء ... بتعاون الفرقة المغربية لمراقبة التراب الوطني مع الفدرالية الامريكية لالقاء القبض .... قدوم السيد أسد الاسماعيلي الى المديرية قبل لحظات في حالة هستيرية ...هل سيتم القبض على نجلة الاسماعيلي بتهمة تصوير الافلام الاباحيه ! .... هل ستتساهل قوانين لبروتوكول البريطاني في هذه الحادثة ؟ .... هل هناك ضحايا آخرين ؟؟ ...
كانت هادي شوية من العناوييين والعباارات لي كاتقال كل مرة قدام شي ميكرو من هادو لي موزعيين فباب المديرية ....
بدا كايتم ترحيل المشتبهين فشاحنات كبار باتجاه الفدرالية الأمريكية لمتابعة التحقيقات فالمقر دواشنطن ... فالمديرية تم فقط التعاون للقبض ، تحقيق خصو يكون فالدورية .... نصف الفررق لي جاو مشاو مع الشاحنات و النص الاخر باقي فالفندق .... كاتحراو على البقية وكايجمعو الدلائل واخا منعدمة .....
العميد و رئيس القسم و القائد التحقو بالمديرية .... قدس كانت لداخل فالطابق السفلي وممنوعة زيارتها كتخضع للفحوصات الطبية و كايحيدو ليها الحمض لي فالمعدة باش يدخلوه للتشريح يعرفو شنو خدات وباش تخدرات ....
العميد هو لي ترأس العملية فغياب نيكولاس لي مشى بأصفادو لأمريكا يتم التحقيق معاه فالهيأة ... . لوؤي غبر من الوجود هو وارقامو دتيليفون وكولشي طفاه ومابقاش بان !! ....
أسد وجود وعدنان وسفيان وأصيل كانو لداخل فحااالة هسترية .... العميد كان كايحاااول يهدن فأسد لي كان أشبه بالثوورر المشتعلل .. وجهوو حمرر و ويديه كاايترعدووو بالاعصاااااب ...
أسد : ( تحت سنانو بالغواااات ) فيييييييييين بنننننننتي !!!
تجمعو عليه كايحاااولو يهدنوووه ... وهو كان جاااعررر وصدرووو كايتعلا وينزل وفاااشل بالخلعة ....
- تهدن اسي الاسماعيلييي ... كلس ...غييير تهدن
أسد : ( شدو من حوااايجو ساعررر تحت سنانو ) فييييين .. بننتييييييي ؟؟؟
- راااه ماااايمكنش دخلو لعندها داباا .. كتخضع غير لفحوصاااات بسااااط .. راها بيييخير .... غااااطلع دابا
العميد : ( داخل من الكلوار بجيهتهم بسرعة ) مستررر اسسسسد .... شوية ديال الصبببررر .. مواااقع لييييها ووالو... تيييق بيااا ....
أسد : ( تلاح عليه شنقو وجود وسفيان كايفكووه أما عدنان غير واقف وكولو كايترعد واصيل غير كايشوف ) اااش درتووو ليااا لبنتي ؟؟ .. كااانقسسسسسسم ليكم يمييييييناااااااا ( شاف فيهم كامليييين لي واقفييين كايشوفو فيه وهو سااااعرررر ) حتى نحرررررررررررقكم كااااامليييييين وتكووون تقااااسسسسست ششششعرة من بنتي ( ضرررب بكل قوتوو فالحييييط ) كنننحلللف بيميييييييين الله وتكون واقعة شيحااااااااجة لبببببنتي غااااااتندموووو كوووووووووولكم .....
العميد : ( كايحاول يهدنو والبقية كلشي ساكت كايشوفو ) تتهددن حاااوووول تهدن ..... حااول تهدن راااه ما واقع ليييها والو .. غيير يساليو الفحوصات ويييطلعوها ....
جود: ( قرب عندو ساعر ) وماااااااتخربقوووش دييييلمنااااااا بالهضرة الرسسسمية قووول ليييييا آش وقع !!! ... آش داررروو ليييها ؟؟؟؟؟؟ اشمن فوحووصاااات !!!!!! واش واقع لييها هضر معاناااا نيييييشان !!!!! ....
العميد : إلى قدرتو تهدنو شوية انا غادي نهضرررر ....
سفيان : اسسسد .. أسسسد تهدن أصاحبي نفهمو آش واقع !
العميد : تهدنو شوية يلاه لبيرو نهضرو ....
أسد : مغاااانتحرررك معاك لتاشي قققنت تاااااطلعوووو ليااااا بنتي لهنااااا !!!
أصيل ضور عينو لبيبان لي تحلووو وخرجو منهم بعض ممرضات لي باين كاين بلاصة لتحت دالفحوصات ... وشاف فيهم هوما لي كلهم كايشوفو فأسسد مشغولين ... وتسسسلت من بييييينهم ودخل قبل مااايسدوووها وجود ضور راسو شافوووو .. وأسد تاهو علا عينيه شافو الا راه سلت في غفلة منهم ودخل .... ورجع شاف فالعميد ...
سفيان مشا عند عدنان كايعطيه يشرب .. عدنان غير شاد على صدروو وكاينهج ....
خرج رئيس القسم تابع أسد كايحاول ما أمكن يوصلو معاه الاجتماع مقنع ويشرحوو ليه الامررر بالتي هي احسن ....باش مايخليش البروتوكول يتدخل لانه غايحقق وغايعاقبهم حيت استاغلو وحدة تحت حمايتووو فاومورهم .... واخا هو خدمتهم هادي ولكن كايكونو بعض العقوبات والتعويضات والغرامات ....
أسد ملي شاف اصيل دخل تهدن شوية على لاقل غايجيب شي حد خبارها ... وهوما مشاو قدامو وهو جبد تيليفون وطلع نمرة ديالو وعطاه لجود وتبعهم يفهم اش وااقع .... وعدنان وسفيان تبعوه بزربة ...
جود غير عطاه تيليفون على نمرة د أصيل فهمو ... وبدا كايصوني عليه كيمشي ويجي ويرد شعرو لور بتوتر كاااايغزل بالفقصة ..
أصيل : ( كيهضر بشوية ) ألو ..
جود : لقيتيها !
أصيل : مزاال ... خليك معايا ...
يتبع...
التعليقات
لا توجد تعليقات بعد، كن أول من يعلق.