محتوى القصة
فيرمة المحمدية ..
وقفات أودي 4×4 رمادية فلباركينغ ... علات رتاج عينيها مع الارجاء وهي تشوف فلامار لي كالسة حداها ...
رتاج : ها طموبيلتو هنا .... راه هنا
لامار : ( بقلق ) وعلاش لي مكايجاوبش فتيليفون .. قلبي كان غايسكت هاد الصباح ...
رتاج تنهدات و حلات لباب نزلات كانت ببويفراند دجين مع تيشورت بيضة و جاكيت خفيفة دجين معلية كمايمها ومفتوحة طويلة من لور .. وصبادرين بيضة وفولار .. و لامار غير لاحت عليها جلابة خفيفة و شال .. زادو بخطوات قلقين و ملامح كيبان عليها بزاف دالتعب ، تادخلو للفيرمة .... ، يلاه حطات رتاج الكونطاكت على الطبلة كاتشوف بعينيها وهي تم جاية عندهم خديجة كتجري وكتمسح يديها فتخميلتها ...
خديجة : لالة رتاج ؟؟؟؟ على سلامة ( سلمات عليها وشافت فلامار ) مرحبا لالة لامار ... مرحبا زيييدو
لامار : شكرا ( شافت للفوق ) واش هادو باقين ناعسين !
رتاج : فين لوؤي ؟ فين مشاو هادو !
خديجة : ( تنهدات بملامح أسف ) إوا آش غانقولييييكم ... أنا عارفة شي حاجة ؟! لا مااعااارفاش .. لي عارفة هو لي خرج فجورنالات وشافتو بنتي فتيليفون وينعل لي فهم شي حاجة !!!
رتاج : دابا فييين لوؤي ؟
خديجة : راه لفوق فبيتو .. إلى مخفت نكدب واقلة يلاه غمضهم .. حنيني الليل كامل فايق ... الفجر دوا وهو مزال ماغمضهم
لامار : ( جراتها من يديها داتها لصالون ورتاج كاتشوف للفوق من دروج ورجعات تبعاتهم و لامار كلساتها حداها ) لبارح ملي جاو ؟ تخاصمو !!! عاااودي ليا
خديحة : لا ألاااالة ..... لاااااا مااااسمعناشاي
لامار : قوليلي .. آش طرا لبارح وليوم ؟
رتاج : عاودي لينا ملي جااو تال دابا !! كيبانو ليك ؟ مهدنين ؟؟!
خديجة : بعدا ملي جاااو خلعوني ، مع ماعيط حد ماعلم حد .. جاو على غفلة ، تفافيت .... لالة قدس ماجيت فين نطلع عنهم من تحت كانت طلعات فالدروج .... وكانت باااااااينة مقلقة و طلعات ديريكت ... لوؤي تاهو ، حدو قاليا ديري ليها ماتاكل انا غادي نخرج راسي ضارني .... بقيت هنا مانا فالسما مانا فالأرض ماعارفة مانقدم ولا منوخر ، حق مولاي المعبود لا كنضور فالكوزينة كي الرقاص الخاسرة ليه الحجرة .. ندخل منهنا ونخرج من لهيه .... تما فين عيطت ليك ومجاوبتينيش ... ماعرفت اش واقع .. واش داكشي لي سمعنا بصح..وقع ليها شي مشكل .. ماااعرفناشاي .. خليت بنتي و سهيلة كايوجدو ليها ماتاكل وطلعت لعندها ... لقيتها كي الأمانة فالبالكون ، عشرة ددالدموع للعين ( لامار كاتشوف بأسف ) الوجه ديالها ولا صغيييييور بالبكا مسكينة ... نسولها حشمت ... قلت خليني لاتقول خالتي خديجة فضولية ... ( رتاج متبعة معاها ) قتليها غايطلعو ليك تاكلي شي حويجة قاتليا لا و بغات تبقى عا وحدها ... اوا ونزلت فيحالاتي ... واخا هاكاك ماعطانيش خاطري ، رجعت طلعت ليها الماكلة ولقيتها كيف خليتها .... وااالو رداتها فوجهي حدها قبطات عليا كويس دالما ....
رتاج : ولوؤي ! مادخلش عندها ؟؟
خديجة : هذاااا عليا .... هو جااااا تالييييل ... تما بنتي ورااااتني فداك المشقوف لا تزوجوووو مافهمت والووو بغيت عااااا مبهوضة .... وحشمت تانسول .. قتليه تاكل مابغاش .... حدو سولني عليها واش كلات قتليه لا ، إوا وطلع ، منعرف واش مشا عندها ولا لا ... انا فقت نصلي الفجر الله يتقبل ونا لقاه على براااا كالس ... إتنهد ويقول مااااتنهدت .... صلييييت و ساليت ومشيت درت القهوة للبشير والمختار ... وكانشوف فيه بااااااقي تماك ... عاتا شوية دخل لدار ، شوية تاني سمعتو دار امارش لطموبيل وزاد .... جا جوايه التسعود دالصباح حنيني مسيكين واقلة ماشاف نعاس ... طلع لبيتو ... بوووووحدو .. هي كالسة فبيت ديالها مااااكالسينشاي بجوج فبيت واحد لاااا الكدوب عالله حراااام ... ماهناني خاطري تااا طلعت عندو ... قتليه واش تاكل نطلع ليك تفطر قاليا بغا قهيوة .... ( لامار ورتاج كاتنهدو وهي كاتعطي التفاصيل المملة وتفاصيل ماعنهم بيها غراض ) طلعت ليه قهيوة وقتليه نعس شوية اولدي ماردشاي عليا .... المختار كل شوية يقول ليينا راه ريحة االكارو فالبالكون ... عرفناه باقي فايق .. إيلا مخفت نكدب يلاه غايكون نعس داباااا عاد .... اما لالة قدس .. ماقديتشااااي نحل عليييها ... ملي عطيت ليه قهيوة وقتليه واش نطلعو ليها للفطور قاليا حتى طلبو هي ونطلعوه ليها ماندقوش عليها ونخليوها ترتاح صافي ونا نكلس .. هي راه مخرجاتش من البيت .. شافوها البنات مرة مرة كتكلس فالبالكون .. ولكن الضو كان مطفي عندها الليل كامل واقلة نعسات .. اوا ودابا مزال مكاين حس ... حدي ملي كنت كنشطب قبيلة سمعت الما فدوش لامخفت نكدب كادوش ...
رتاج : ( تنهدات ) انا غانطلع عندو ... ( شافت فلامار ) طلعي عندها !
لامار : ( كاتفرك صبعانها ) والله ماعرفت ....مغاتبغيش تهضر معايا دابا .... طلعي لعندو شوفيه هو لايكون هضر معاها ولا قالت شي حاجة ونشوف داك ساع ....
خديجة غير كترمش بعينيها واخا قاتلها لفضول ولكن ماقداش تسول ورتاج تنهدات وناضت طلعات فدروج لبيتو .. حلات لباب ودخلات .. كان البيت مضلم منزل ليه ريدوات .. شافت لسرير بانليها خاوي وهي تشوف الفوطوي لقاتو ناعس تما كالس .. باقي بحوايجو والگاط فرجليه وراسو معوجو للجنب وطبلة عااامرة بالكاروات .... شافتو فداك الحالة وعينيها تعمرو بدموع وتحكمات فيهم ومشات كتجر ريدوات وتنور البيت وهو بقى كايرمش عينيه من الشعا لي داخل وكاينين بغضب ... وهي قربات عندو وقفات عليه ....
رتاج : لووؤاي ... لوؤاي فيق توگض شوف فيا ...
لوؤي علا عينيه فيها مصغرهم غير شافها و هو يعلي حاجبو وناض تقاد فالكلسة كايحك فعينيه وصوتو مبحبح عيااااان وعينيه حمرين ومنفوخين ...
لوؤي : آش كاين !
رتاج: آش كاين ؟ نسولك نتا آش هاد الحالة ؟؟؟؟ نسولك نتا آش كاين وشكون مات و شكون تقتل واش واقع كااااااع تاداير هاد الحالة فراسك ؟؟؟؟
لوؤي : ( بنظرة غاضبة وحاقدة على الوضع ) لا مواقع والو ... الجو زوييييين وكولشي هو هااداك .... شنو واقع كاع !!! ياك نتوما لابااااس ؟؟؟ بيخيير .. كاتحسو براسكم مزيان !!!! ماعندكم شي مشكل دابا مبرزطكم ! كان مشكل واحد راه لقيتو ليه الحل
رتاج : ( تحنات لعندو وشدات دقنو بيديها مفيكسيا وجهو معاها) راه أنا لي واااالداك من كرشي ماشي نتا باش تهضر معايا بهاااد لافاصون !!! ....( نترات وجهو وهو معلي حاجبو فيها ) قهرتوووووونا يالاطييييف .... الدنيا معكسة ونتوما معكسيييييين كتر منها ....وسط هاد المشاكيل كاملة كوونووو غي نتووووما ولاد كااتسمعو الهضرة وكاديرو آش كانقولو ليكم !!
لوؤي: علاش شكون مادارش آش كاتقولو !!!! شكون رفض شي حاجة حكمتو بيها فداك الدار !!! شكوووون قادر يقول لا بعدا !
رتاج : إلى غاتنفدوها بهاد الحالة وبهاد النفخة بناااااقص .... من الصباح وحنا كانصونيو لا نتا لا هي .. كون ماشي جود لي قالينا رااه كنتي معاه الصباح كون سكت لينا القلب ... علاااش دايير داك تيليفون ملي ديما كاتخلعنا بحال هاكا ! ... يوماين تغبر وساعة تبااان ونبقاو معلقيييين .. .قتلتيييييييني فصحتي الوووووؤي قتلتييييييني .....
لوؤي : ( تنهد وغرس راسو بين يديه كيفرك فجبهتو و هو ينوض وقف بزربة ) الوليدة .. سيرررري شوفي تانتي راجلك كيبقى من هاد المشاكيل ديالنا ووقفو مع بعضياتكم وغيشوفييو بعضياااااتكم ... وسيپووورطيو بعضياااااتكم ....مااقال ليكم حد سولو فهااد جوج ولا اجيو عندهم ولا صونيو علييييهم .... طرا مشكل ! تحملناه وخا خرجتو علينا .. وااااااااخليييييوني نعرف تانا نتجاااوزووو ونغيييشوفيهااا تاهي ..
رتاج : ( بعصبية ) آش درنااااا ليكم حنا ؟؟؟ ياك باغين بعضيااااتكم وياك مخطوبين كنتو غاتزوجو ليوم ولا غدا ؟؟؟؟؟ مااااالك دابا ؟؟؟؟؟؟؟
لوؤي : ( بعصبية كتر وضرب فالحيييط ببونية تاتهزاااات و هضر بين سنااااانو ) مااااااتقوووووليييييش لياااا ماااالك ونا النهاارررررر لي حلمت بييييه حياااااتييييي كاملة ضاااااع ليااااا ... البنت لي بغييييت حياااتي كااااااملة ماكتشوفش لوجهي وتزوجاات بيااا بزززز ... نهاار لي تسنيتو حياااتي كااااااملة جاا بهاد الطريييييقة ... تاحد فييييكم مافكر ان هاد الجوج كاع آش بييييناتهم ضاااااع .. ماقلتش ليك لقااو حل ااخر ... إلى كان غير هاد الحل لي كاين ندييييروه ولكن على الأقل عطيييييييوني شوية ديال التيييساع بلا ماتصونييييو بلااااا ماتجيييييو بلا ماتكترو الضضضضغط .... عطيييييونا شوية ديال التيسساع غير نهضرو نهضمووو هادشي حنا ماشي رووبوووياااااات رااااه تاحنا بناااادم ... ( اشار بصبعو للباب ) هادييييييك البنت لي لهييييه ملي فكرتووو فحل بحااال هادا قولوها ليها بلعقل ماااشي تجريو عليهاااا بحالا مشااااات لتما بخاطرهاااا .. ماشي تزوجوها بيا شاديناها من شعرها ونا لي ناااكل الدقة فللخر ..... ملي كاين غير هاد الحل على الأقللل ديروه بطرييييييقة زويييييينة .... گوولوووووه بطريقة زوينة ... مااااتخليوناش نحسوو بلي تااااااحد مامسووووق لينااا ولا عاااارف الوضع لي تحطيييينا فيه .....(غمض عينيه وخدا نفس وشاف فيها مخفض نبرة صوتو ) دابا عااافااااااك كاااانرغبك سيييييري منهنا .....ماتجيوش ... وخلييييييو لينا وقت فييييين نتنفسوووووو .... ياك خويتو الدار على عمي !!!! ياك معاه مرااااتو لي تسيپورطييييه باش إنقز هاد الازمة .. واخويييييو عليا انا هاد الدار وخلييييوني معاها نحاول نخليييها تاهي تنقز هاد الازمة .. حييييت راه شرفها هاداااا لي ولا االرأي العام كايعطي فيه رأيوو ويهضر فيه لي يسوا ولي مايسواش ... وقرارات حياتها هادو لي نفداتهم بزز عليها .. ملي تاحد ماراااعا ليها ولا لنفسية ديالها .. ديرو غير حاجة وحدة عطيونا غير تيسسسسساع وباراكا من الضضضضغط ..
رتاج : ياااك ؟؟؟؟ ياك اولدي !!! حنا ماشي واليدين ؟ حنا ماعندناش كبدة ؟ ( قربات عندو كتر وعينيها مدمعين ) إوا اولدي اش غنقوليك .. غاندعي معاك بحاجة وحدة .. الله يعطيييك لولاد .. تاتحس بلي كانحسوه حنا ... الله يعطيهم ليكم ....ويدوزو عليكم مادوزتوو علييينا اولدي ...
خلاتو وخرجات من البيت هبطات فدروج بزربة ولامار كانت كاتمشي وتجي ، غير شافتها وهي تعلي راسها فيها كانت نازلة من دروج ..
لامار : ( بخلعة وتوتر و اللون مخطوف من وجهها ) ياك لاااباس ؟؟؟ علاش كان كايغوت ؟؟؟؟؟
رتاج : يلاه الامار يلاه .. خلييييهم .. رااااه قادين براسهم هزي الهم لراسك .. قالك الالة سيرو بعدو مناااا .... قالك الالة هزي لهم لراااااااسك وديها فرااااااسسسسك وتهلاااي فراااسك ( زادت حداها وجراتها ) زيييدي قدامي
لامار : بلاااتي .. انطلع نشوف بنتي
رتاج : ( جراتها ) زيييدي قتليك قدامي ..... تاحنا مكنسمعوش لرجالنا ... كون كنت نسمع لعدنان كون لاباااس عليا قاالياااا راه هوما لي خصهم يسولو فيكم ماشي نتوما وانا مكنسمعش تاااجرا علياااا .... زيدي قداااامي !!!
لامار غير كاترمش وتبعاتها ورتاج معصبة وخرجو لطموبيل وخديجة غير كاترمش وضور فراسها !!! ....
ركبو فطموبيل يلاه ديماراات رتاج هو يصوني عدنان وجاوبات غير من الشاشة
رتاج : وي عدنان !
عدنان : الهضرة ماتاتسمعييييهاش !!!
رتاج : اوا اش غانيدر للكبدة نقققطعها اعدناااان نقطعها ؟؟؟؟ نحررررقها باش تبقاو نتا وياه على خااااطركم
عدنان : جرااااو عليكم ياااك ؟ ( رتاج غا ساكتة ) ويلاااااه تجمعو كركم دابااااا
لانار قلبات راسها. للزاج ورتاج تنهدات
رتاج : حدايا لامااار اعدناان
عدنان : ( بنفعال ) غااااانحشم منهااا انا .... يلااااه تاهي تبت لرررض تمشي تقابل راااجلها
رتاج : سير سيير ... تالدااار وهضر .. بلا متكمل علينا دابا ( قطعات عليه)
فالرياض ..
وقفات المرسيدس حدا باب الرياض لي كان فالمدينة القديمة ، درب ضيق طويل عامر بالسياح الاجانب ، كان تما غير مطاعم ومقاهي و متحف و فران دالحلوة قديم ...
الرياض كان قديم ومحافظ على الطابع التقليدي ديالو من بيبانو الخشبيين بالدق النحاسي وزربية طويلة حمرة ممدودة لاستقبال .. الشاوش كان واقف بجلباب ابيض وسلهام وبلغة وطربوش احمر وداير يدو ورا ظهرو لاستقبال الزبناء ....
كان متكي كايتهاود مع المتعلم ديال مول الفران تالمح السيارة لي وقفات حدا باب الرياض ... غير شافها وسع عينيه وشد على طربوشو ودخل لرياااض كايجري ...
تخطى الكلوار الطويل تادخل وسط الرياض لي كان سقفو معري والشمس باينة ... متوسطاه خصة كبيييرة بالزليج البلدي و ضايرة بطوابل وكراسي و كليسات تقليديين و فالجنب كنطوار كبير دالريسيبسيون .. اما لبيوتا لي ضايرين بالرياض كانو بيبانهم دالخشب مسدودين حيت الرياض عبارة على مطعم وفندق ... والفوق تاني كاين بيوت اخرين مسدودين كايطلو على الفناء ... الرياض كان عبارة على ربعة د طوابق كلهم تايطلو على الفناء التحتاني ... لي عبارة على مطعم ضاير بالمحااابق والشجيرات والخضورة ....
غير دخل الشاوش بدا يقلب بعينيه على "نجلاء" المسؤولة تما ... شاف لجيهة الريسيبسيون كايقلب على الكاتبة الهام لقا غير بلاصتها والفيكس قالباه باش مايصوني حد وهي مكايناش ... والسربايا واقفين بصوانيهم كايضحكو والكليان كالس كايتسنى ...تابدا يعيط بصوت مرتفع
الشاوش : نجلاااااء .. نجلاااااء .. الهااالم !!!! واااافينكم ااازززعت ...
خرجات نجلاااااء من واحد لباب فليمن ، كانت بجيب وشوميز وجامعة شعرها لور ،كاتمسح فمها من الماكلة حيت كانو لداخل مجموعين كاياكلو ...
نجلاء : هاااانا ابنااااادم .. وحلتيهاا فينا تاني .... مااالك كتغوت !!!
الشاوش : ( كايندب فركابيه ) واااااااجمعووو راسسكم دغيااا راه الباااااطرووووون فلبااااب مشييينا فييييها مشينا فييييها
نجلاء : ( بخوف ) شكون ؟ .. سي المختار !
الشاوش : آشمن المخييتيير .. ورااااا سي زاكي هدا
نجلاء وسعات عينيها وبدات كتشوف مع جنابها ماعرفاااات فين تمشي والشاوش خرج بزربة وهي دخل عندهم كانو كالسيين كاياكلو مجموعيين كايضحكووو
نجلاء : ( بهلع ) تحركووووو دغيااااااا ماواتكم غااااضحك .... موسيو زااااكي فلبااااب تحررررررركو تهجرووووه ان شاء الله يعطييييييكم لوووووبا لهيييتوووووني على خدمتي ( كاتقلب مع المخاد ) فييين داك البااااادج فيييييين !!
ناضووو كايتجااراو كلهم واحد كايعتر فواحد ونجلاء كاتقلب على البادج ديالها مع مخاد الصالون الصغير لي كانو كاياكلو فيه هوما و تاسرباية ولي شيف ، تالقات البادج ديالها ودارتو فعنقها وقفات قدام مراية طويلة كاتقاد شعرها مزيان ولبساتو وحاولات تبسم وخا كللها مستريسية ... وخرجات و الموظفين لوخرين باقي كايتجاراو ويجمعو لي خصو يتجمع فدوك الثواني لي مزال مادخل فيهم ....
نزل من الطموبيل ، حيد النضاضر من عينيه كايشوف مع الأرجاء معلي حاجبو والشاوش قرب ليه داير يدو لور جامع سلهامو وكايضحك ضحكة صفرة عامرة توتر
الشاوش. : مرحبااا بسي زااكي .. نورااات فاس وقبابها ... نوراات مولاي دريس بشرفتها .... مرحباااااا وزيد لقدااااام نعاماسيدي
شاف فيه زاكي واشار براسو .. ودخل ، والمساعد تابعو والشاوش جمع ضحكتو وقاد الوقفة ديالو قدام الباب كايضور فراسو لشيفور بمعنى مشيننا فيها ..
دخل فالكلوار كايشوف مع الأرجاء وعلا واحد لعين للقنت دالسقف بانليه الگبص مقشر ... وزاد نزل عينيه للارض لي مامحكوكاش مزيان تادخل للداخل ... كانو الموظفين واقفييين لاستقبالو متقدماهم نجلاء بابتسامة عريضة ومتوترة ... ضور عينو علييهم وعلى الارجاء .. كانو مغاربة وسياح كايتغداو ، كانو زبناء قليييييل اغلب الطبالي خاويين ... وقربات عندو نجلاء بزربة
نجلاء : م . موسيو زاكي .. م مرحبا بيك ... م مفاجئة زويييينة هادي .... ( ضارت كاتشوف موراها متوترة وشافت فيه ) اا .. ال الخدمة شوية مرخوفة ليوم د داكشي علاش لقيتنا كنتغداو ... اا .. س سي المختار م مزال مجا .. هو ( بتوتر ) هو راه كايجي .. زعما غايجي غير يمكن ... يمكن شدو شي شغل و لا يكون يكون دااااز للبنكة مية فالمية ... اا ه مشى لبنكة عاد تفكرت .... داز لبنكة
زاكي هي كاتهضر و هو كايشوف فالارجاااء وأركان الفناء ...... غي سالات هضرتها تنهد وهز يدو قلب ليها البادج لي كانت لابساه بلمقلوب ... وهي سرطات ريقها وزاد جيهة السانسور شافت فالموظفين بنظرة ديال الخوف وتبعاتو بزربة ....
غير شافتو وقف قدام السانسور وهي تووووسع عينيها وشافت فالموظفين لي بداو كايولولو .... وهو ورك على الزر وبقى واقف و هي توقف حداه نجلاء تاني بتوتر
نجلاء : ا م م وسيو زاكي .. ا السانسور خ خسر لينا ( زاكي عوج راسو ببطئ ضورو شاف فيها ) ماشي. زز عما .. ماشي شحال هادي ؛.. لا لا غييير قبيييلة .. دابااا شوية.... واحد ع عشرة دقايق قبل ماتجي ... و و تيكنيسيان .. ع عيطنا ليه و ولكن مراتو ولدات ومشى ل لسبيطار .. ااه مراتو ولداات ...
تنهيدة تانية تسمعات منو ، وهاد المرة اعمق ... اتجه جهة الدروج وهي ضارت عند الموضفين وكتنفض يديها بالويل ... وتبعاتو فالدروج .... طلع حتى للطابق ليه فيه المسكن ديالو والمكتب ديالو .... كايتمشى فردهة طوييييلة على يمينو الحديد المزخرف المطل على الفناء .... هز الفيست ديالو جبد منها كلينيكس ودارو فيديه وبدا كايدوزو على الحديد المطل على اللتحت .. وكايشوف فيه شحال مغبر ... ونجلاء كتعوج راسها من موراه تشوف اش كايدير .... غادي وعينيه كايتفحصو ادق التفاصيل ، تاوصل للمكتب ديالو ووقف وهي تسبقو نجلاء دغيا حلات لباااب ... لي فالمرة لولا مابغاتش تادفعاتها شوية بيدييها عاد تحلات ... غير تحلات ضرباتها ضبابة دالغبرة تابدات تكح ومشات بزربة تحل السرااجم وكتهضر بتوتر
نجلاء : ا .. غ غير حيت كاتقول لينا اموسيو زاكي .. مايدخل حد للبيرو ديالك من غيرك ..
زاكي : ( داخل للمكتب لي بداو ريدواتو كيطلعو وحط الفيست ديالو فوق الكرسي ) والفام دميناج ...
نجلاء : ( ضارت عندو متوترة ) ااه ... تاتجي فام دميناج غير راه هاد اليوماين وصافي لي مدخلاتش هنا. .. وراك عارف .. ل لغبرة هنا ... بووجلود مورااانا راه ديما قاهرنا واخا نمسحو ليوم كيتغبروو غدا .... وحنا ماشي( قاطعها)
زاكي : لكونطابل كاين؟
نجلاء : م ماكاينش .. و ولكن نعيط ليه
زاكي : دابا ..
نجلاء حنات راسها وخرجات بزربة وزاكي علا كمام الشوميز كتر ....وبقى يشوف مع البيرو ديالو لي هو فالأصل البيرو ديال باباه ...
كان مكتب خشبي عتييييق بكرسي جلدي كبير اسود وقدامو جوج كراسا جلديين فالماروون ... مكتبة كبيييييرة عليها كتب دينية وفلسفة وكتب التاريخ .... شلال كبييير نحاسي فالبوابة للزينة .. وورا المكتب ديبلومات زاكي واسماء وشهادة الباكالوريا د ياسمين واخر شهادة خدات ففن تقديم الطعام و شهادات باباه التقديرية من المتاحف و من المخزن كواحد كان خدام فالقصر قبل تقاعدو .. من بعد الوفاة ديالو زاكي قرر يحول دارهم ورياضهم لي كبرو فيه لدار ضيافة مشهورة ولكن للاسف بسوء التدبير ديال المختار غادا وكاتراجع للور ....
قرب زاكي للبيرو وهز صورة شاف فيها ..كان فيها شخص فأوائل السبعينات بجلباب كالس على الكرسي وشاد عكازو ...كان بنفس العقدة ديال حجبانو ... تنهد وترحم عليه فخاطرو ورجع هز صورة اخرى تاني ... كانت صورة ديال الباسبور وكبروها ... كايبان فيها وجه سيدة ستينية ببشرة حنطية بحالو وعيون بنية ، واضح شبه كبييييير بينو وبينها ، تبسمو عينيه وهو كايشوف فملامحها الحناااان ، عينيها لي حبة قهوة لامعييين ، تقاسيم وجهها وتجاعيييدهم لي كانو كلهم كايوحيو على رزانتها والحكمة ديالها ..و نصائحها لي باقين لدابا فودنييييه ... تنفخ صدرو بتنهيدة خاااترة وهو كايتفكر انها كانت مصدر الحنان لي كايغطي الصرامة دباباه ... ترحم عليها تاهي فخاطروو حط الصورة وزاد بشوية للزجاج المطل على ساحة المدينة القديمة داير يدو فجياب السروال .... توحش هاد المنظر .... يشم ريحة العطرية ، ريحة العشوب لي كايتباعو للتحت ... ريحة جلود .. المشاطي ... منظر الوان البلاغي لي معلقين للتحت فالاشكال ... هدا هو المنظر التقليدي لي كان كايطل عليه ملي كان صغير ويجي يكلس مع باباه فالمكتب ديالو ... غمض عينيه كيتحسر على دوك اليام و خشا يدو فجيب السروال جبد تيليفون ... ودارو فودنيه ، ولكن عطاه انه طافي ورجع قطع وردو لجيبو ...
دخلات نجلاء كاتجري ووقفات كاتهضر وهو عاطيها بالظهر كايشوف للتحت .....
نجلاء : مووسويو زاااكي ... راه عيطت ل نبيل زعما لكونطابل وهاهو غايجي دابا ... راه غير هنا فالملاح ... داز ياخد للخليع تشهاتو مراتو تتوحم ...
زاكي : ( ضار عندها معلي حاجبو بصرامة بنظرتو المعتادة ) فين المختار ؟
نجلاء : ا .... م. مشى .. غ غايكون مشى واقلة ل .... يمكن. ااااه ... اه عاد تفكرت كانو عندنا شي ضرائب غايكون داز لدار ضريبة ...
زاكي : مابقاتش البنكة !
نجلاء : ' البنكة ! اينا بنكة ... اااااه البنكة ... و ... ( قاطعها )
زاكي : صوني عليه قولي ليه يجي ...
نجلاء : ا ... ل لا .. هو .. ط طافي تيليفون ديالو .. يمكن من شارج سالا ...راه طااافي اموسيو
زاكي : ( تقاد فوقفتو ودار يدو فجيبو كايشوف فيها ) طافي النمرة لي كانعرفوها حنا .... النمرة لي كتعرفيها غير نتي غايكون شاعلها
نجلاء : ( وسعاات عينيها مع كلامو للخر و ضربها الضو ) اا ع علاش غاتكون عندي شي نمرة غير أنا ؟ ل لا .. لاااا م .. ما ماعنديش اموسيووو ، هو راه ... راه غير طافي ليه من الشارج مية فالمية .. هو مكايخويش الرياض مسكين ديييييما خدام .. وديما واقف على كوووولشي ...
زاكي : آش كتحاولي ديري دابا ؟ شنو تترقعي من موراه ؟ ( كايقرب عندها كتر مصغر عينيه فيها وهي موسعة عينيها وقلبها كايضرب ماقادراش تشوف هاديك النظرة لي داير على وجهو ) واش دايرة راسك فواحد مالقات فيه الخير تامراتو ووبنتو ؟ .... طامعة فيه يديك ويتهلا ليك فولدك نتي ! تقتي بيه ملي قالك غايطلقها ويديك نت ؟
نجلاء وسعات عينيها هدا منين كايعرف هادشي !! ... شكون قاليه انها هي ومختار فعلاقة ؟؟؟؟؟؟ سرطااات ريقها وشافت فيه ووعينيها دمعو بالخلعة ...
نجلاء : ل ا .. لا اموسيو .. حشومة تقول هاد الهضرة .. لا حاشا .. ماادام اسماء فوق راسي و عيني م م نقدرش نخونكم لا أ موسيو ا انا محتارمة باطرون ديالي ... لاااا ... ما طامعة فتاشي واحد انا لا ...
زاكي مجاوبهاش غير كايشوف فيها و يضور فراسو ورجع تنهد ومشى جيهة المكتب و جر الكرسي وكلس .. كايحل بسوارت فمجر دالمكتب فنفس الوقت مخاطبها ..
زاكي : دوزي عند لموارد البشرية عطيهم هاد الضوسيات لي غانعطيك داباا ( طلع عينيه فيها ) يااك كايييينن ؟؟؟ ولا تاهوما عيالاتهم ولدو !
نجلاء : ل لا . لا امسويو كاييينين .. كاينين .. ياك لRH ? لا راهم كايييينين فالبيروات ديالهم ....
هي كاتهضر وهو كايجبد فالضوسيات من للمجر مصغر فيهم عينيه كايقلب .... تاجبد الضوسي ديال الموظفين و حلو ... وبدا كايجبد فالسيڤيات ديالهم .... بدا ب ليفام دميناج ... تيكنسيان ... الكاتبة لي مكانتش فلغيسيبسيون ... كونطابل لي مكاينش ... المشرفة على الديكور لي خلات داك الكبص شحال هاكاك مرداتش ليه البال ... جبدهم كاملين و نجلاء كاتشوف معاه مافاهمة والو ومدهم ليها وشداتهم .....
نجلاء : .ش شنو نقوليهم أموسيو ؟
زاكي : ياخدو حسابهم ومنشوفش كمارتهم ....
نجلاء : ( وسعات عينيها ) اا . ك كيفاش ؟؟؟ ( شافت فلوراق بزربة واش كاينة سميتها ) و ولكن كيفاش ؟
زاكي : السيفي دالجيروم هنا ماعنديش ( كايقلب فلوراق ) حيت هاداك دخل لخدمة بالعاطفة ماشي بالسيڤي .... تاهو معاهم .. ياخد حسابو ...
نجلاء بقات كاضور راسها عرفات لاجمع ليهم حب وتبن كانت عارفة مغيدوزهاش ليهم ورجعت شافت فيه
نجلاء : وو اخا اموسيو ... ت تا الجيغوم انقولها ليهم .. ( جات ماشية لباب وهي توسع عينيها وضارت عندو بصدمة ) الجيييغوم ؟؟؟؟؟ موسيو المختااار ؟؟؟؟؟
زاكي : ( علا عينو فيها ) كاين شي جيغوم اخر انا ماعارفوش ؟
نجلاء : اا .. ل لا ....
شدات على فمها مصدومة وهو نزل عينو على الضوسي لي قدامو وهي خرجات بزربة كاتجري جبدات تيليفون كاتصوني على المختااار .... قبل ماتنزل لمكتب الموارد البشرية جاوبها ...
مختار : امضرااا ؟؟؟؟ خرجات اسماء من الحبس ؟؟
نجلاء : اشمن حبس اشمن حببس ..ررراه جا هاد الصباح موسويو زاااكي
مختار : وراه باينة غايجي يخرج ختو ...
نجلاء : وراه خرررررجك حتااا نتاااا يالبووهااالي .. كنت كانقولييك رد البااال باش يتهلا فيييك ودير لاباااااس تجمع فلوس الصداق تحمر ليا وجهي قدام العائلة .... هاااانتا دابا لا ديدي لا حب الملوك
مختار : اش كااتروني عليا دابا نت
نجلاء : راه جراااااا علييييييك المخيتيييير ..... جراااا عليييييك عييت نغطي ونرررقع .... جرااا علييك نتا وحجيبة و التونسية ونبيل و عمر والهااام وكوووولشي
مختار : اتاااانتي كتخلعي على والو ، حسابني غير اش واقع ... وراه ديييما ككااايهددنني ... غاخليه يبرد شوية ودابا نهضر مع اسماء مغاتفرطش فيااااا
نجلاء : اودي هاد المرة باليااا غايفرطوووو فييييك راك عيييقتي .. اويلي دخلتيها للحبس كاع
مختار : واش انا للخاطري قطعت الشييكات للسلعة دريااااض مالها ليااااا
نجلاء : 200 مليون كلها سلعة مالك اش جبتي ليييينا ؟ كوون غيير بعدا نزلتي بيها شي سلعة نسكتو بيها هاد الزمر
مختار : واهوما نصبو علياااا آش غاندير ؟؟؟؟ هوما نصبوو . .شركة نصااااابة ..... ونا نصااااااب كتاااار منهم ....والله لاداو ريال ، اسماء عااارف خوها لاباس عليه مايخليهاش تبات...
نجلاء : قطع قطع سييير غبر سيفتك تايبرد و لا تايمشي فحالو واجي ..... انا كنصحك عندااااااك تقابل معاه .... لهلا يورييييك كييييفاش داير وكيفاش دخل علينا
مختار : وهاداك ديما هاكاك معبس بحالا مكلوبين ليه البااااابر ..
نجلاء : دباا كتررررر .... غببببر سيفتك تاايمشي فحاالو راك عارفة ممكايطولش هنا بزاف ..
قطعات تيليفون ودخلات للموارد البشرية وزاكي بقى فالبيرو تادخل عليه الكونطابل لي مزال معارف راسو تطرد طلب منو التقارير المالية لقاه موجد غير النص .... حيد ليه كاع اش عندو عاد سيفطو بحالو .... وقبل مايدخلو البيرو يرغبوه ....كان خرج من البيرو ونزل اللتحت لطوموببييل ....حيد الكونطاكت لشيفور و ديماراها هو ومشى ....
∆فالقصر ...
طالعة لامارر فالدرووج بعياااء وملامحها مرخييين غير كاتنهد .. قلبها باقي محروق على قدس و زادها سفر جود لي مشى بككككري وكمل عليييها .... ماقداتش تكمل الدروج وهي تكلس على نصهم كاتنهد وكاتشوف للتحت ....
القصر كان خااااااوي .. جود مشى لليابان ... قدس مشات .. قسم مشات عند عمها مؤقتا ولكن تاهي غايجي الوقت لي تمشي .. وسيم فافران .... ربعة ديال الولاد كانت كاتقول لاسد شكون غايربيهم بربعة مغانقدش .... هاهوما كلهم تفرتكو وبقاات بوحدها كأنها عمرها ولدات ولا رباات .. كاتشوف راسها انها فللخر غاتبقى غيييير هي وياااه .... من دابا كايبداو يتشتتو وكل واحد كيقول عطيوني تيساع نحل اوموري لراسي ...
رجاء كانت للتحت وكاتشوف فيها بنظرة أسف ...بادلاتها لامار نفس النظرة ورجاء كاضور فراسها كاتقول مع دماغها ، ان الانسان يعيااااا يييطلع .. يعيا يدير لفللوس يعييييش فقصر ....الهم غايبقى تابعك تابعك واخا تكون أمير واخا تكون فقير ...
تنهدات لامار وكملات طلوعها فالدروج تاوصلات لجناحها حلات الباب ودخلات .... يلاه غاتمشي لبيت نعاس تشوف اسد واش فاق وهو يخرج من البالكون .... كان غير بسيرفيت سبور ، سروال وتيشورت وشعرو فازك مرجعو لور و ريحة الشامبو عاطية منو لي واضح يلاه خدا دوش... تحت عينيه زرقين ولحيتو منفوشة والعياء والهم باااااينين على ملامحو ...
لامار:ا .. اسد ! فقتي ؟ كبييقيتي شوية؟؟؟؟
اسد : فين كنتي ؟
لامار : ( لاحت الفولار ديالها وبدات كتخلل خصلات شعرها بيديها وتماصي فروة راسها بعياء ) اا .. خرجت . شوية ... خرجت نشم شوية دالهوا ....
اسد : ( دار يدو فجيب السروال وشاف فيها ) وداك الهوا ؟ ( لامار علات عينيها فيه ) كيبقى. ؟؟؟
لامار : ( نزلات عينيها الأرض كترمش تاتعمرو عينيها بدموع وعلاتهم فيه ) ن ناعسة .... ماشفتهاش ...
اسد حرك ليها راسو بالإيجاب ومشى الفتوي جلس معلي راسو للفوق كايتنهد ولامار عاضة على شفتها بتفكييير. .. فلخر قربات عندو جلسات مقابلة معاه على الفطوي لاخر ...
لامار : جود راه جا عندك صباح بكري سلم عليك ولكن مابغااااش يفيقك .... راه مشى ( اسد حدو كايحرك راسو بالإيجاب كايشوف قدامو ) ق قسم ... قسم مشات مع عمها عدنان .... بغاو يخليوك شوية ترتاح .... ( بضحكة كاتحاول تستملح ليه الجو ) ا اوا .. نتا لي كنتي كاتقول فوقاش يخويو عليا الدار ... ( باستملاح اسود بدموع فالعين ) هاهوما خواوها .... (اسد غير ساكت كيشوف فالسقف وهي قربات براسها كتر ) اسد ( اسد قلب عينو عندها ) البروتوكول راه تكلف بيه عدنان وتالخدمة قالوليك رتاح شوية .... الحمدالله خوتك كاييينين ... خود شوية دالراااحة .... السكر مامعاهش اللعب أ أسد و ولادك باقين صغار ومحتاجييين ليك ، وخوتك واخا كبرو تاهوا باقين محتاجين ليييك ... ( دمعو عينيها واسد كايشوف فيها ) وتانا محتااااجة لييييك .....
اسد كايشوف فيها وهو يمد يدو لعندها وناضت شدات فيه وكلسات حداه كاتمسح دموععها و هو خدا تنهيدة عميقة حط راسو على كتفها بعياااااء واستسلام وضعف كبيييير. .... وهي بقات كتمشط شعرو بيديها تاسمعااتو
اسد : كون كنت فشي ظروف اخرى ... كنت غنسسد عليا فشي جزيرة تانموت ..... حيت مابقيييتش قاد ألامار .... مابقييييتش .... ولكن .... عندي ولادي باقي مستقبلهم ضبابة ... باقي مكيعرفو والو فهاد دنيا ... عندي بزاااف دالمسؤولية ..... داكشي علاش .... ( علا عينو فيها وهي كاتشوف فيه ) شوفي كيديري ليا ..... باغي نوقف على رجلي .....
لامار تبسماات ليه بحب وحنية وعنقااااتو كاتمشط فشعرو بيديها
لانار : انا معاك احبيبي ..... وغااانوقفك على رجلييييك ... حيييت حنا بلا ليييك .. مغانعرفو نديرو تاحاجة داكشي علاش كووون قوي .... ( جابت وجهو قدامها وشداتو بيدييها كاتشوف ففيه ) اسسد ...
اسد : ( بعياء ) اممم
لامار : يلاه نمشيو لدارنا اللولة ... فلازون A ( بضحيكة ) فيين جيت عندك اول مرة وتلاقيييينا .... مكرهتش ندوز فيها شي ييومااااين .... هه نصاورب ليك شي حووتة مااااالحة .... ونهررررب ليك فالغااابة ..... ونشربو قهوة حدا البحر ؟ هم؟؟؟ نمشييييو !!!! يمكن تما ترتاح كتررررر .... هم ؟ اش باليييك
اسد : ( باستسلام طلق يديه ) انا بيييين يديك آروحي .....
لامار ضحكات وعنقااااتو وحمدات الله لي هو بعدا تناااازل وماقسحش راسو بزاف .... وعرف بلي خصو يييفوت هادشي ويرجع يوقف على رجليه .. هي عارفاه انسان مسؤوول وملي استسلم ليها بحال هاكا عرفاتو الى بصح هو عياااا ومابقاليه جهد .. عندو امل غير فيها تغييشوفيييه وترجعوو ويوقف تاني على رجليه حييت مكاينش لي غايعرف يغيشوفيه قدها هي ....
ولاية الأمن ....
زاكي متكي على طوموبيلتو وشاد عندو قهوة وياسمين تاهي متكية حداه كايشوفو فباب الكوميسارية كايتسناوها تخرج .... كان تلاقا زاكي مع وكيل الملك والمحامي وخلص عليها ودابا كايتسنااها تخرج ....
ياسمين كانو عينيها منفوخين وحمريين حييت مناعساش وشبعات بكا ، عينيها غير على باب الكوميسارية كتسناها تخرج ... وغير تنهيدة ورا الخرا لي كتخرج منها ... هو يشوف فيها زاكي بصرامة ...
زاكي : علاش كالسة كتنهدي ليا نتي دابا على صغرك ؟؟؟؟
ياسمين : كرررهت أنا ( شافت فيه ) كررررهت مانتنهدش ..باش نشوف ماما بايتة فالحبس ... كاتسايني نشطح ؟ بقاو ليها غير السوابق ؟؟؟؟
زاكي مجاوبهاش .... كيجغم من قهوتو و هي طلع عينيها فيه قالبة شفايفها وعينيها مدمعين .. نزل عينو فيها وهو يتنهد وحط داك االقهوة فوق الكابو دطموبيل وجبددها عندو وهي تعنقووو كتبكي فصدرووو ....
زاكي : بكي ولكن ماااااتفزگينيييش ... ( ياسمين بدات كضحك وسط البكا وهو تبسم ) ونا كنقوليك يلاه معايااا ونتي مابغيييتيش .. وكلسي معاها هنايا تشبعي هم ... بقاو لمك غالكوميساريااات وصلوك ليهم ...
ياسمين : ( بعدات راسها عليه كتمسح دموعها ) اودي ... هادشي والله ماعرفتو باش غايسااالي ....
يلاه غايجاوبها و هو يهز عينيه لباب وهي تبانليه هابطة مع المحااامي ، كايشوف فيها ببيجامة ديال دارررها باش هزوها ، وجهها شااااحب وعيانة ....ختو لي كانت بحال الاميرة كيف ولات !!!! بسبب راجل !!!!! راجل هو مقادش يفرقو عليها .... كايزيد صدرو يتزير ومابغاش يبين حدا ياسمين شحاااال مارضااااش ....
أسماء غير شافتو تنهدات و عينيها فالارض بأسف واحراج ... كاتقرب عندهم وياسمين جرات عندها عنقاتها
ياسمين : مااااامااا ( جابتها قدامها كاتفحصها بيديها ) متااايحرررقك والو ؟؟؟ نعستي معدبة ياااك اماما ؟؟؟؟
اسماء : انا بيخير احبيبتي بيييخير ( شافت فزاكي ) زكريااا...( رخات ملامحها بأسف وامتنان ) اش غانقوليييك اخويا ..... الله يسمح ليااااا منك وصاااافي ( مشات قرباتت عندو وعنقاتو مزيرة عليه من اشتياقها ... وهو تنهد وعنقها تاهو موكل امرو الله) الله يخلف عليييك ... ماعندي باش نردها ليك ... نردها ليك غا بالرضا ودعيوات الخير
زاكي : ( كايطبطب عليها ) مااادعيييش الالة مسامحك ... دعي غير مع راااسك ....
أسماء: ( بعدات عليه كاتشوف فيه وكادوز يديها على لحيتو) تووووحشتك .... مابغيتش نشوفك فموصيبة بحال هادي ...كنت كنتسناك تجي نتلاقاك فرحانة.....
زاكي : ( بتنهيدة ) ططلعي طلعييي ...
اسماء : غاتصوك نتا ؟ فيين حميد
زاكي : ( ماشي جيهة باب الطوموبيل ) نجييبو حميد تاااهوو يشهد على لالة اسماء خارجة من كوميسارية ؟؟؟؟ عندك شي وجه لي يرضاا ؟ انا ماااعنديششش اختي .. .
تنهدات ومشات تحل لباب تركب لقات ياسمين سبقاتها وحلاتها ركبات لقدام حداه خلاتها غير كاتشوف وضور فراسها وحلات لباب لور ودخلات
اسماء : عمرني شفت انا الضرة فخويا .... ( كادير حزام الامان ) راه حشومة البنت تركب قدام ماماها
ياسمين : ( برونشات السمطة وضارت عندها ) راه انا لي ماماك هاد ساعة لي تاااانقيييل ننصح فييييك وماتتسمعيش .. واتبعييييه ها طىريييقو فيييين كاتوصل .... ( اسماء سكتات وشافت للزاج محقدة عينيها وياسمين شافت فزاكي لي ديمارا ) فاش كنهضر معاهاا كتتتغضضضضب ....
زاكي : غاخليها ليوم الكوميسارية غدا الروضة .... هاداك طريقو باينة غا ليبغا يعمى .....
اسماء : واش ممكن تقلبو عليا هاد الهضرة ؟؟؟؟؟ ( بانفعال ) شحال ماجيتي عندي ؟؟؟؟ شحال ماشفتك ؟؟؟ هاكا جاي تنكد عليا !
زاكي : راه ملي تلاااقيييييتك وماهرستش لوالدييييك الراس فباب الكوميسارية رااااني فاااايت معاك الصبر لهيييييه ....
اسماء : مااالي انا ااش درررررت ؟؟ مزال مافهمتش اش درت تادايرين ليا هاكا لا نتا لا هي ....
زاكي : لا مدرتي والو ... غير جا ضحك عليك بجوج كلمات خرجتي ليه شيك بسميييتك عطيتيه ليه ... مااادرتي وااااالو !!!!! اش درتي !
اسماء : راه قال ليا دالخدمة باغي ينزل شي سسلعة .. طبالي د ماكلة !!! قلت ماشي مشكل ...
زاكي : طبالي ب200مليون ؟؟؟ ديالاش هاد طبالي ! دالعاج ؟؟؟؟ طبلة دمجلس الشيوووخ هادي ؟؟؟
اسماء : مااااشفتش انا شحااال كتب فداك شيك ، اش عرفني فهاد المونطون كامل !!
زاكي : عررفتي فوقاش قاليا غانزل طبالي !!! 3 سنييين هادي فاش سيفطت ليه الميزانية .... هاد طبالي واخا يكونو جاييين من الياابان ففلوووكة كون راه وصلو .....
اسماء ضورات راسها لزاج مفقوصة حيت عارفة عندهم الحق وياسمين دارت يديها فوق يد زاكي واشارت بعينيها باش يسكت حيت عارفاها غاتبقى تجنن تايديرها بيها السكر تاني ... وهو يتنهد وزادو فصمت ...
وصلو حدا باب دار اسماء ووقف طموبيل ...
اسماء : ( يلاه غاتتنزل شافت عندو ) مااغتنزلش !
زاكي : لا غا نزلي!
اسماء : حراااااام أخوويا واش كترجع للطرييق .. حراااااااام
حلات لباب ونزلات ... وياسمين جات نازلة هو يشدها
زاكي : بقاي نتي .... يلاه ونسيني
ياسمين : واخا ( اسماء حلات باب دار و ضارت براسها كاتعيط ليها وهي تخرج راسها من طوموبيل ) انمشي مع حبيبي .... غيييير دخلي دابا نجي .....
ديمارا زاكي وزااد واسماء تنهدات ودخلات لدار .... وجيران فالبيبان كايشوفو ...
- اوا لااااباااااس ملي جا عندها خوها فكهاااا خرررجها لعدا ، وجهها ماشي دالحباسات الزغبية
- اويييلي على خررر يامها ولات تجرجر فكوميساريات اويلي على شوهة وكيفاش تلااات بيها اليااااام ....
- كولشي من دااااك خانز السربوب الله يعطيييه شحطة ...
- خوها شتو مانزلش ؟
- على ماشي هو ملي باعت ڤيلتها وشرات هاد دار بلا خبارو حلف بالله مايحط فيها رجليه ...ورااااه باااقي ماحنت ... قاااالها وقد بيهااااا ...
- وشحاال قدو هاد زكريا يهز مسكين ..... مالو هو مغيتزوج مغايدير ولااااد غيبقى تابع غا مشاكل اسماء والمختار وداك البنت مخلينها وسطهم كي اليتيمة وهوما فالحياة ... يالاطيف يالاطييييف الله يدير ليها تاااوييييل دالخيير ياااااربي ....راضية غااااتدي ماتعاود ..
فالريسطو ...
وصلات پورش قسم لباب ريسطو لي كان مزال عامر بالإصلاحات والخدامة والسلعة على برا وصوت الاشغال ..
سكتاات الطموبيل وشافت لجنب الكوسان هزات صاك بيض فيه الغدا ديالها هي واصيل .... وهزات تليفونها ونزلات من الطموبييل داخلة لريسطو ..
قسم : الله يعااااوزكم ...
العمال : اميييين اختي الله يحفظك ...
طلعات فدروج بزربة تادخلات لريسطو كاتشوف مع الأرجاء كانو غا الخداما ، انور صاحب أصيل لي كايجي يعاونهم تما ويطلع نهارو هو الوحيد لي عارف اش بين اصيل وقسم ... غير شافها نضف يديه وقرب عندها ....
انور : ختي قسم .. مرحبااا بيييك ، نعيط على اصيل ؟
قسم : لا غير خليك .. راه لتحت !
انور : اه اختي لتحت .. نهز عليك ؟
قسم : لا شكرااا منعدبكش ..
خلاتو ونزلات فدروج كاتقلب عليه تاسمعااتو تخرشيشو فلبيرو وهي تدخل .... كان مركز كايجمع الفاكتورات ، لابس غير تيشورت كري كولو مغببببررر وسروال كذالك وكاسكيطة مرجعها لور
قسم : سلاااااام ...
أصيل : ( خلعاتو وضار وهو بتبسم ) قسسسم !
قسم حطات داك الغدا وقربات عندو عنقاااتو وباسسستو وهو تكا على البيرو معنقها عندو ....
اصيل : كيبقيييتي شوية ( كايدوز يدو على عينيها ) كيبقاووو هاد العويييينات
قسم : صافاااا ( هزات يدو لي فيها الخاتم وضحكات ) جااااك زوييييين هههه
أصيل : ههه .. ( قرب لشفتها بقبلة كايقطعها دغيا وشاف فيها ) كيصبحو موالين الداار !
قسم : ماشفتهمش يلاه هضرت مع ماما فتيليفون ... قاتلي غايخرجو هي وبابا وراا لغدا غايمشيو لدار لقديمة لي كانت دبابا قبل مايتزوج بماما ... يرتاحو تما بعيد على الصداع ....
أصيل : ( كايرد ليها قصيصتها ووورا ودنيها ) وختك ؟
قسم : ماشفتهاش تاهي وماداتش تيليفون معاها ....تلاقيت غي لوؤي صباح فالمطار كان مع جود وصلناه فاش كان ماشي ... قاليا راها مهدنة خلاها ناعسة ....
اصيل : كولشي دابا يتصلح .. مسألة وقت وصافي ...
قسم : اودي هادشي معععكل بزاااااف ااصيل .... ختي انا كنعرفها معكسة .. مكترجعش للطريق دغياااا وتاهي راه ماساهلاش عليها ... ها انا وياك مخطوبييين وكنبغييييك .. ولكن يطرا ليا بحالها ونضطر نتزوجك بززز غادي نتعصب حيييتاش بنادم ملي تايكون كايبغي شي واحد وكايتسنى غير داك نهار لي يتجمعو فيه مايبغيهش يكون بداك الطريييييقة وبززز وبلااااا فرحة بلا وااالو .. .خصوصا انه هي ماباغااااش تزوج دابا وكل مرة كتأكد علينا وعليه .... الصباح لا انا لا جود ... قلنا للوؤي كولشي فيدييييك دابا .. باابا دابا مصاب يوقف غير على رجليييه .... تالوؤي قالينا ماغايخلي حد اصلا يقرب ليها ... ملي بابا غاتغيشوفيه ماما ... قدس يغيشوفيها هو
أصيل : وهو ؟ شكون غايهدنو !
قسم : كيما ماما ملي يتهدن بابا غاتهدن تاهي .. كدالك هو لاتهدنات قدس .. اوطوماتيكمون غايتهدن تاهو ... ( علات عينيها فيه ) هداا مكااان ... مرحبااااا بييييك فمشاكيل عائلتنا لي مكايساليييووش
أصيل: هههه اودي هادشي عندكم قاااااسح ..
خلاها وزاد كايحل فداك الصاك ...
اصيل : والله الى جيتي فوقتك .... غانطيييح بالجوع ومالقيتش الوقت ...
قسم : الفوق تغداو ؟
أصيل : مشا انور قبيلة جابو ليهم .. هوما راه كايبداو الخدمة بكري راه تغداو مع طناش
قسم : ( شافت لساعة كانت تلاتة ونص ) ناااااري طار النهار ..... ( بدات تجبد معاه وتحط على طبلة ) تشششهيت بسطيلة ديال الدجاج .. هي لي جبت ...
اصيل : مزيانة واخا ماعنديش مع الحلاوة
قسم : دررررت بحسابها وجبت وحدة اخرى دالحوت هههه .. .
اصيل : ( عنقها بيديه باس. ليها راسها ) اودي الله اخليييك ليا ...
حطو فوق طبلة فالمكتب ديالو وعطاتو كانييط ديالو و منديل وكلسو كاييتغداو ويهضرووو
قسم : غانسافر .. غير تلتيام ونرررجع ... تانا محتاجة نخرج نخدم شوية نسى هادشي ... راسي غادي يتفرگع ...
أصيل : مغاتعاوديش شي فواياج اخر ! هادا صافي !
قسم : لااا صاااافيي .. غير هادا
أصيل : انا كون جات عليا شغلي وقتك وكبري الكاريار ديالك بعدا منهنا للصيف الجاي وحبسي داك الساع فخطرة ..
قسم : علاش منهنا للصيف ؟
أصيل : ( شرب الما وحط القرعة ) حيت منهنا للصيف غايكون هاد الريسطو وجد .. علاش انزيدو نتجرجرو ...
قسم : الصيف هادا؟؟؟؟
اصبل : اممم ... هادا ...
قسم تبسمات ولكن دغيا جمعاتها مابغاتش تبين لاطارت بالفرحة من داخل ، شعور زوييين غمرها و تاهو حس بيها واها خباتها ...و رجعات كتاكل وشافت فيه ....
قسم : احقااا ... هاد الوقيتة لي نسافر ..كون غي مرة مرة تصوني على بابا ، نتا عندو عزيز لاسمع صوتك غايتفاجا شوية
أصيل : لااااا أحبيبتي لا ... تال باباك منقدش عليه خلي تاااااااتبردو ماماك على خاااااطرها ... عاد نعرف نهضر معاه ... انا زعفة ديال البارح باقا لدابا فودني .... لاااا ، اش داااني ..
قسم : ههههه دابا نتا عندك هاديك زعفة ؟ إوا راك ماشفتي والووووو من عصبية بابا هههه
أصيل : داكشي لي شفت لبارح باركا عليا ، انا نهز هاد الدرية ديالي ونمشي فحالي نشوفووو غااااا مرة فالعام ....
قسم : ههههه حرام عليك ...هههه واخا هاكاك بابا ضريف
اصيل : ضرييف اه ولكن ملي كايتعصب خليييي ليه غير مرااتو تعرف ليييه تااااتردو ضريييف تاني ويكون خييير .... (قسم كتضحك وهو مسح فمو ) جود خوك شحال غايبقى تما ؟ الصيف غايكون هنا ؟
قسم : لا غايييكون ... الصيف غايسالي اصلا .. .هو راه واخا يمشي يقدر يجي فالويكاندات الى كان مرخوف ... قالينا قبيللة يقدر يجي فراس العام ومنعرف .. اما فالصيف راه تاهو واقلة مقرر يتزوج ....
أصيل : اوا صافي قلبو لوسيم خوك تاهو شي بنت ...وتزوجو كاملين فالصيف وغاتشوفي باباك غااايبرا وغايرجع عشرين عام لور مغايبقى فيه لا سكر لا قهوة ...
بقات قسسسم كضضضحك ... كلاو مااكلتهم فهدووء واخا قلبها عااامر وعيااان ولكن كايحاولو يلقاو فييين ينسييو شوية همهم ومشاكيييلهم ....
فالرياض - شقة زاكي ...
حل لباب ودخل ... بسببب دخولو المفاجئ قبيلة طلعو لي فام دميناج سيقوها وعقموها بزربة باش يحن فيهم ويردهم ... حط سوارت وعلق الفيست ديالو بعد مانفضها بيديه باش متجعدش ليه ...
دخل وياسمين تابعاه ... كانت شقتو وسط رياض عبارة على صالون صغير و تلفاز و بار صغير ... بيتو دنعاس ، كوزينة مفتوحة و حمامات و مكان للرياضة ...
ياسمين : ( ماشية لجهة الكوزينة ) تشرب قهوة !
زاكي : ( كايحيد صداف الفيست ) أتاي ..
ياسمين : ( ضارت عندو ) نزيد ليك فيه لابديان وغانسمو ليييك بشششوية ديال ( قاطعها)
زاكي : اتااااي اياسمين اتاااااي ... اتاي بالنعناع .. ابداعاااتك خليييهم فمدررستك ....
ياسمين : ( هبطات شفايفها ) نااااري على أحااااذي الذووووق
زاكي : غااخليني ااحااادي الذووووق صاوبيلي أتااااي عااااادي بلا إبداعات ...( جا ماشي وهو يرجع ) عقمي البراد
ياسمين : ( غادا لكوزينة ) واااخاا
زاكي : وداك كيسان غسلييييهم مزياااان
ياسمين : واااخا ( علات راسها بانفعال ) وااااخا
خلاها ودخل لبيت نعاسو وهي بدات كتوجد اتاي وفنفس لوقت كل مرة كاتصوني على بابااها وكايعطيها باقي طافي بقات غير كتنهد ...، حلات التلاجة كاتقلب واش جابو ليه نعناع وهي تلقاه فبواطة ... حلاتها ومشاات بيه كاتغسلو وهي تسمع تيلييفونها .. مسحات يديها ومشات باتجاهو غير طلات على النمرة وهي تتنهد تاتقلبوو عينيها ماحاملااش تسمع صوتو .. فللخررر خدات نفس وتبسمات وجاوبات
ياسمين : وييي موسيو هيثم ..
هيثم : ياسمين ... واش هادشي لي سمعت بصح .. ماماك تشدات على شيكات ؟؟؟؟؟؟
ياسمين : كان غير غلط راها تطلقات .. داكشي علاش ماجيتش وقلت لسوكريطير تعلمك ... غدا ان شاء الله غااانجي .. وكنعتددرر .. كان ضروري نكون مع ماما
هيثم : خوودي راحتك .. واش تبغيني نجي ؟؟؟ الى كانت شي حاجة نقدر نديرها ....
ياسمين : لا شكرااا ... حلييينا المشكل .. ( يلاه غايهضر وهي تسبقو بالكلام ) بسلامة موسيو ... نهارك مبروك ...
قطعات تيلي قبل ما يهضر ولاحتو على الكونطوار ومشات كتكمل توجاد صينيتها .... داتها للطبيلة وحطاتها وهزات التيليكوموند حلات الريدوات وشعلات تلفازة يلاه تحنات تحط تيليكوموند و هو يحل باب بيتو ... كان غير بسرفيت خفيفة ... سروال وتيشورت نايك ... فالكحل والگري .. وشعرو فااازك ولحيتو تاهي ... وياسمين كاطلعو وتهبطو حيت قلييييل فين كاتشوفو بالسبور وجا كلس وهز تيليكوموند كايقلب على قناة البورصة آش دايرين ليوم فالأسهم وسكون طالع وشكون نازل .... و هي كلسات حداه كتخوي ليه اتاي
ياسمين : حبيبي زاااااكي
زاكي : ( عينيه فتلفازة ) هممممم
ياسمين : كون مكنتش كنخاف الله ... كون تزعطت فيك
زاكي : ( جابتليه الضحكة بانت خفيفة على شفتو ولي مكاتبان لتاشي حد منغيرها هي وشاف فيها ) إوا خافي الله .... خااافييييه فكووولشي .... ماشي غير فخالك ...
ياسمين : باركا ماتلوح فالهضرة راني خايفاااه ... مامزعوطة لا فييك لا فواحد اخر غا تهنى
زاكي : ( رجع كايشوف لتلفازة ) اوا منعرف .... لاتكوني كتخافيه غير فيا ...
ياسمين : ( عطاتو كاسو دأتاي ) شد شد .. نتا ماخصكش لي يشكرك ، دغيا كاتحل ... شوف شحال تاتجي زوين بحال هاكا و نتا ديما مزيرررر فدوك لي شومييز كاتجيب ليا القنطة ... بدل شوية ...
زاكي : ( هز الكاس كايضورو فيديه كايشوفو واش نقي مزيان و قربو لنيفو شمو .. عاد شرب كايشوف فتلفازة ) واخا ...
ياسمين : شو كيف دايني على قد عقلي .. كيجااااك كاسي ؟
زاكي : زويين .. مابيهش
ياسمين : اويييييلي على ماابيييهش ... حبيييييبي ( ضار شاف فيها ) مااااالك داير هاكا مااااالك !!!
زاكي : هه ! شنووو !
ياسمين : واا الشيف ديالي لي جججلدة ومكيتفاهمش وملي تايدوق شي حاجة صوبتها كاايشكر ويقول بييييرفكت .. واش نتا مكاين شي حاجة فهاد الدنيا ممكن تقول عليها بيرفييييكت !!!! عمرني فحياااتي سمعتك قلتي على شي حاجة انها برررفيكت .. ديما قالب علينا شفااايفففك ... ياااا على بناااادم
زاكي : هههه الالة كاس زوين ... شكرا ... كنشكروك على هاد الكرم ديالك صاوبتي لينا كاس داتااااي ... ( ضرب بصبعو على نيفها ) وملي نشوف شي نهاار شي حاجة لي برفيكت راه غانقولها ... ماقلتهاش حيت عمرني شفتها ....
ياسمين : لاااااا .. كاييينين بزاف دالحوايج برفيييكت فهاد الدنييا غير نتا مكتشوفش مزيان
زاكي : بالعكس .... يمكن حيت انا لي كانشوووف مزيان .... ( رجع كايتفرج فتلفازة ) راجل مك مكايجاوبش !!!
ياسمين : مكاايجاوبش ... حيييت عارف راسو آش داير ...
زاكي : اودي تانتي معكسة كالسة هنايا معاهم ... ياك تانگوليك يلاه معايا ...
ياسمين : منقدش نخلي ماما واش حماقيتي .. انا معاها وشوف اش داير فيها علم الله لاخليتها غانجي لقاها فدار العجزة على تمنية وتلاتين عام ...
زاكي : هي لي بغات ... ملي كانهضر معاها مكتسمعش ....مرة اخرة و الله لاباقي تدخلت .... تمشي تموت هي وياه ... ( جبد حنك ياسمين ) تبقى ليا غيييير هاد الفركوووسة لي تاتكول ليا حبيبي زااااكي .. وتصاوب ليا اتاي و تقلق حيت مكنقولش عليه برفيييكت
ياسمين : ( قلبات شفايفها ) باقاااا مقلقة .. قولها لياااا باش نتصالحو
زاكي : لاااا .. منكدبش .. زيدي اجتهدي شوية مزال
ياسمين : ف اتاااي ؟
زاكي : اه ... اتاي راه السهل الممتنع .... عرفتي شحال خصو دالقراية !
ياسمين : غاااتبقى تتكبر لياا على ماكلتي دابا يجي لي نطيب ليه ويقول على ماكلتي بررفيييكت ونتا نخلييييك ....
زاكي : اووودي شكون غايديك اهاد المشعككة لقيتني قااابل على طيااابك ... وكناااكل وندير ليك خاطرك ... كاين شي واحد يدي مشععكة عندها عشرين عاام وباقا ( شد ليها شفتها قالباها ) وتقلب هاد الشنييفات بحالا عندها خمس سسنين !!!! خوافة كاتصوك بعشرييين ...
ياسمين : ( بعدات ليه يدو ) ببببعد مني شوووف نتا شكون تدبيييك يا الموسوس .. يالي خصووو يشرب قرعة دالمعقم عاد يرتاح .. هادي لي غادي تديك خص والديها يكونو داروها فشي قرررعة مكايقيسهاش الهوااا ومكايشوفوهاش الجراثيم وملي يجيبوهاليك يكمشوها ليك فالالمنيوووم تااايييحلها سيااااادتكم .... ( كاطلعو وتهبطو بملامح عايبة وهو كيضحك عليها ) البعكااااك ...
يلاه داويين وهي تتحل الباب .... داخلة اسماء باستغراب ، كانت يلاه خدات دوش ... شعرها غير نشفاتو وجمعاتو بقراصة صغيرة و لابسة غير جلابة خفيفة وسبادرين ...داخلة ومستغربة ....
اسماء: زااكي ...خويا مال الرياض خاوي و مسدود ؟؟؟
ياسمين شافت فيها وشافت فزاكي معلية حجبانها ... وزاكي شاف فيها
زاكي : الرياض ديما خاوي ا اسماء ... اللهم يتسد
أسماء : ( داخلة عندو معلية حاجبها ) مافهمتش ؟ علاش سديتيه ؟؟؟
زاكي : ( حط كاس داتاي وتنهد ) غايتعاود ..
اسماء : ( كلسات حدا ياسمين كترد ليها شعرها ورا ودنيها و كاتهضر معاه ) غادير شي إصلاحات !
زاكي : اممم
أسماء : جمعي أبنتي هاد الشعر ماقنطكش ؟ قنطت فبلاااصتك الصصصهد ... ( شافت فزاكي ) اذن غاتبقى معانا شوية ؟ قاليا حميد جبتي غير فاليز صغيرة ؟ مناويش تبقى ؟؟؟
زاكي : انا كنت جاي تال راس العام ا أسماء .. جابني غير هاد المشكيل ... باقي عندي بزاف مايدار غانرجع غدا .. تال راس العام ونجي نشوف هاد الرياض آش خاصو ...
اسماء : وغايبقى مسدود ؟؟؟
زاكي : اممم .. ماعندو علاش يبقى محلول يلعبو ليا فيه الكياااضر ...
أسماء : انا راك عاارفني ماعنديش العقل دهاشدي .. انا راه مكنجي لهاد الرياض تاكتجي نتا .. صافي خليييت المختار مكلف
زاكي : لا مكللف تبارك الله ... مكاااالف ماخلاش من جهدو ...
أسماء : ( قلبات الهضرة ) واادوز اخويا لدار .. ندير لخويا غدييييوة غايكون توحش طياااابي .. ونشوفك شوية ونتحدثو شوية .. شحال هادي ماشفتك
زاكي : ( اشار بصبعو .. لكوزينة وراه ) را لكوزينة وطيبي ...
اسماء : والله تاعييييييقتي بالله ... ( تنهدات وقربات براسها كتر عندو ) زاكي ... نتا عارف اخويا مافراس مالي والو .. فراس مالي غا هاد البنية هادي ... وداك 200 مليون لي خلصتي اخويا راه قاااااسحة عليك .... فكرت مع راسي ... وقلت نكتب ليك داري ( ياسمين شافت فيها بزربة و زاكي علا حجبانو ) .. نيت غاتبقى تما وصافي تايجي شي نهار يدير شي موصيية نبيعها عليه .. اللهم فخويا ... واخا ماعرفتش واش غاتجيب ميتين مليون ولكن كنضن تجيبها .... راني خديتها ب 150 داك الوقت ...
زاكي : ( تنهد ... وقلب وجهو لعندها مربع يديه كايشوف فيها ) صافي دابا نتي هادشي لي همك من هادشي كاااااامل لي طرا ليك ... هو ميتين مليون كيديري ترديها لخوك .... بحالا انا كنتسناها منك ا أسماء .. لامرديتيش ليا هاد جوج دلمليون ددالدرهم انا ماعندي باش نعيش !!! واش نتي خليتك تگلاصااااي باش ديري عقلك فراسك وتعرفي راسك آش كادييري و داك خييينا لي متبعاه فهبالو فين زايد بيك ...ونتي همك فيا انا ؟؟؟؟؟
اسماء : زكاااريا .. خويا ... نتا خويا على راسي وعينيا واخا انا كبر منك كنحترمك بحال كيما كنت كنحترم بابا الله يرحمو.... اوموري الخاصة عافاك بعد منهااااا
ياسمين : ( شافت فزاكي ) شششفتي كيكااادير .. هنا فييييين كنموووت ونتعصصصب
أسماء : اسيدي خايب ؟ راجلي .... مااايسواش ؟ راجلي ... نتوما تاتشوفو الحوايج الخايبين أنا كنشوف عشرتي معاه .. بلاه ربي بالقمار كندعي معاااه بالهداية مابغااش نفرقوووو ونتخلا عليه وهو ماااعندو حد ، فين غايمشي هاد راجل للزنقة ؟؟؟ .. نهار نشوف صافي مابقات معاه عيشة مانتسناكش نتا ولا هادي تقولوها ليا .... باقي كندعي معاه بالهداية كنتسنى ربي يهز عليه هاد القمااار ويرجع للطريق ويرجع كيييكان .... راااجلي وولد عمي هانا مسلكة معاه ... تاهو دوزت الحرررر فالسرطااان داك المرة وصبر معايا ووقف معايااا ( زاكي كيضور فراسو ) .. تانا ياما داز عليا ولقيتو معايا .. منجيش داباا نتخلا عليه .. هداك عشرة عمري ... كان كايوقف فوجه مووو وخواتاااتوو ويجي من جيهتي .... اسييييدي بيني وبينو سوقناا خرجوه
زاكي. : ( جا يهضر فلخر سكت ملي شافو راسو غير غايحفي لحجرة.. وهز تيليكوموند جهد لتلفازة واشار بيها الباب ) رااه الجاايحة نتي وياه .... سيري كولي معاه الحجر ... ( شاف فيها بصرامة ) غييييير ماتجيش تشكااااي عليا ..... رااااه الخلاااا تمرمردي نتي وياه وكولو الربيع وعيشو الحب دالمعاز ...ماتخدمو ماتردمو ،زاكي كاين يفوورني عليكم ( خلاها ورجع كايتفرج فتلفازة مصغر عينيه فالاسهم )
أسماء : خليك دابا مني انا .. انا جااية نشوف خويا
موحشاه وموحشة نهضر معاااك ... بغيتي اخويا تانرد ليك فلوسك ماعنديش مشكيل .... واصلا خيرك سابق عليا الله يكتررررر خييرك باراكا راك مقري ليا بنتي ومكلف بيها ( ياسمين نزلات عينيها) ولكن صافي اخويا خليني على خاطري والقلب وما يريد ...
زاكي مجاوبهاش كاع حيت عارف راسو غاينوض يضااارب لابغا يهضر ... وياسمين تنهدات وشافت فماماها ...
ياسمين : ماما ... ملي بصح القلب و ما يريد ... وملي بصح تادعي معاه بالهداية ... وملي بصح تتبغي بابا... اوا بدليه ماشي زيدي معاه فالهبال ديالو وملي يحتاج الفلوس كتعطيه .. علااااش تخرجي ليه شيك بسمييييتك علاش ؟؟؟؟ علاش ترغبي عليه حبيبي يخدمو هنا فالرياض ... علاش كادافعي عليه .. بالعكس ديييري فيه النفس ينوض يخدم على راسو ... خليه يشوف عواقب اغلااااطو .. نتي دابا لي كتزيدي تخسريييه .... المدمن مكنحنوش فيه ونعطيوه الكوكايين كانقطعوه عليه يضارب اليوم وغدا ويرجع للطريق .... دابا تاني غايرجع يتبحلس عليك بجوج كلمات وغانعاودو من اللول .. واااجري عليه يقلب على خدمة .. إلى بيناتكم بصح العشرة واخلييه .... قولي ليه تااا تلقى خدمة ويخدم بحال النااااس عاد اجي عندي نسمح ليك .. وشوفيه واش يخدم على قبلك ولا لا ... ولا غير نتي كتموتي هنا بوحدك وكالسة ضحي على واحد مامسوقش ليك .. راه تانا بابا ومكرهتش نشووفوو راجل مزيان ...
أسماء : أشمن خدمة يقللب عليها ؟ هاااهو خدام ... علاش غاينوض يقلب على خدمة ...
ياسمين : مخداااامش اماما .. اللهم يضيع واحد ولا يضيعو جوج .. اش دار ليك هاد خوك تاتجيبو ليه الخسارة بحال هاكا ونتي عارفة راجلك ماافييييدوش .. منغير لا ماباغااااش .. فااااس كاملة عارفاه مخرووويض .... هو لي رد هاد الرياااض فالقااااع ... منهار حيد حبيبي الجيروم القديم ودارو هو والكريديات غير مكبويين تاحيدات ليه البنكة دفتر دالشيكات وجا يتباكاا عليييييك خرجتيه ليه نتي .... سيري يوريك وراق الكونطابل تشوفي الكريديااات ، وراهم ليا قبيلة فطريق تصدمت ... اش غيبقى يدير هنا ؟ خرجتي عليه وتخرجي تا على خوك ؟؟؟؟؟
اسماء : ( كاتشوف فيها وكاتشوف فزاكي ) واش ماغيبقاش خدام هنا ازاكي ؟
زاكي : ( عينو فتلفازة ) لا
اسماء : كيفاش لا ؟ وفييين غيمشي هاد الراااجل ؟؟؟؟؟
زاكي : ( ببرود ) للخلا ...
أسماء : ( بعصبية وقفات ) زكريياااااا .. لاكنتي غاتاخد قرارات شاورني .. راه الرياااض ديالنا بجوج ماشي ديالك بوووووحدك
زاكي : ( قلب راسو لعندها معلي حاجبو وياسمين قلبها بدا يضرب خايفة يتصادعو ) اهاه ديالنا بجوج الله اودي .. اوا ملي ديالنا بجوج الالة اسماء ... حطي النص ديالك ففلوس الكريديات ... حطي النص ديالك فخلاص الخدامة ... حطي النص ديالك لي غانصلح بيه دابا الرياااض .. حطي النص ديالك فالضرائب ... ديالنا بجوج غابالفم ؟
أسماء : آش غااانحط .. هادشي تااايدخلو الرياض وتايخلص هو على رااااسو من ارباحو .
زاكي : ( بدا كاينفاعل ) هادشي كان كايدخلو الرياااض قبل مايبدا يجيريه داك القمااار ديالك .. قبل مايدخل ليا فالربح وراس المال ... لاجينا نهضرو دابا على المحاسبة و باغا تحااااسبي .. غانحط دابا هاد الرياض العامر كريديات فالبيييييع بالمضاااااربة باش غايجيب واحد 400 مليون ... إيوا ميتين ديالك هاهي خلصناااها عليك باش خرجناااك من الحبااااسات ...مكتساااليني مكنسالك دابا ... إلى بغيتيي نجيو لللمحاااسبة نجييو ليها .. الله اودي .. الواليد نهار لي خلا الرياض كايجيك نتي فيه التلت ... ونا عطيييييتك النص ... ونهار ولا هاد خيناا كايجيريه عطييييتو ليكم كاااامل كاااع .... غاااخدمو وعيشو منو .. وماااشفت لا ربح لا راس مال .. فيين عمرني انا ربحت ورا هاد الرياااض ؟؟؟ فييين عمرني شفت شي ربح !!! .. كنجي من عام لعام نتحاااسب معاه باش نخرجو العشووورر ....فين الربح تايقولك صلح التريات ريب دروج عاود صلح سسسقف وشي تخربيق كايألفو بحالا انا واكل الفصة ....ونا مساااااايس معاه على وجهك ووجه هاد البنت .. ولكن ملي وليتي نتي مكتشوفيش لوجهنااااا .. سيييييري نتي وياااااه راه الخلاا سيروو ترعااااااو .. الريااض غايتسد وغانصلحوووو وغانجيب لي يجيريييه .. ماش نتي لحتي رزقك نلوحو تانا .. آش يكون هاد المختار لي داير فينا هادشي كامل ؟ شكووون يكوووون ؟؟؟ مالقى لي يحدو ولا ؟
ياسمين : ( ناضت عندو ) حبيبي لاااا عافااك صافي تهدنووو .. نهضرو بشوية .. لاا ماشي هاكاا عافاااك
زاكي : حيييدي نتي .... باش من وجه جاية تحاااسبي معايا دابا ؟ شنو عندك هنا ؟؟؟؟ إلى داك النص راه داااه داك خييينا ديالك بضووووبل ودخل فالنص لاخرررر ... حمممدي الله عمرررني تحاااسبت معاااك وعمرني حگرتك .... تجي دابا نتي تحاسبي معايا !!!!! علاش نتشااور معاك؟ فييين عمرك نتي تسوقتي لشنو كايطرااا هنايا باش نجي نتشاور معاك ؟؟؟؟؟ نتي عمرك قلتي نمشي نطلل على رزق خويا ورزقي كايلعبو فيه الكيااااضر ؟؟؟ .. كاتخليني انا جاااي من سبااانيا نشوف ونتي لي غاا خلفة ديال الطريق عمرك تسوقتي .... جايا دابا تحاااااسبي معاااايا !! شكون لي خصو يتحاسب انا ولا نتي ؟؟؟؟؟
أسماء : ( معلية فيه حجبانها ودموعها سايييلين ) يااااااك ؟ دابا ولينا فهاد الهضرة !!! نتا قلبك. باليااااا أصلا طاااايب .. إوا عرفتي شنوووو غييجيك مليييح .. مااااتعطيني مانعطييييك وتاهاد الرياااض غا ربح بييييه ماخصني لا نص لاربع لا تلت ..والريااااال البيض ديالك عمرووو يدخل علياااا وداك دار نبيعها ونعطيييك فلوسك ومابيني ولا بييييني ملي ولينا فهادشي ... اخرررر مرة اخوويا ماتسيفط ليا مانسيفطليك ملي وليتي تمن عليااااااا بجوج درياال ديالك ...
خلاتو ومشات حلات لباب وسداتها بالردخة تاتخطفات وياسمين شافت فخالها
زاكي : ( تبعها مدة بعينيه هو ينطق بفقصة ) جووج دريال قالك .. لي يخلي ديلمها تكلاصااااااا ....
ياسمين : ( كاتشوف فلباب وشافت فيه منزلة شفايفها ) حبيبي ... مغاديرش هادشيي لي قالت ماما ياك !!!!
زاكي خنزر فيها تاهي ... ومشى كلس متكي راسو لفووق كايسوط وياسمين بقات تغزز فشفتها من داخل ومشات كلسات حداه كتدوز يديها على شعرو وتحاول تهدنو ...
ياسمين : حبيبي زاكي ... ماديش على ماما نتا عاارفها كاتبقى تهضر بلا فرانات وراه غاااتندم وترجع عندك ....
زاكي : نوضي بعدي مني تانتي تبعييييها ....
ياسمين : وانا اشنوو درت ليييك .. من قبيلة و نتا تسب ليا فبابا ووساكتة ومستحملة ... وجريتي ليا عليه من الخدمة كاع وماقلت والو
زاكي ضور راسو دغيا عندها بتخنزيييرة وهي تطلق الضحكة باغا تفوج عليه ...
ياسمين : هههه غا كنضحك معاك ازمررر ... احسن قرار خديتي هو هاداك خليه دابا يمشي يقمررر ببب .. ب ( جمعاتها ) بيديييه ...
زاكي : ( شاف فيها ) لا غااااقوليها . .قوليها نيييت ... حيت كون قمر بيهم كاع منشوف خلييقتك دابا قداااامي ... عاطيني ربي بنت مامزوج ماااشااايفووو ...
ياسمين : هههههه وشكون بحالك فين غاتلقى بنت بحالي .. مكطلبش ليك بزاف .. طلبت غا أودي وايباد وايفون اش طلبت ليك انا ؟؟؟ ههههه
زاكي رجع راسو لور حاط يدو على جبهتو كايتنهد
ياسمين : ( كاتماصي ليه كتافو ) حبييييبي زااااكي ... واش جاك الزهاااايمر ( شاف فيها مخنزر ) كيفاش مامزوج مشايفو ؟ وداك زواج اللول بهند علامن عارو ؟
زاكي : غاتنوضي تغبري عليا ولا لا ؟؟؟
ياسمين : هاااهي نايضة ... غا خفت عليييك زعما لايقيسك شي زهايمر وتنسى هههه حيت راك بيديتي كتشرف راه كولشي متوقع احبيبي ممكن يجيك الزهايمر ( كتماصي ليه كتافو وتهدنو ) تخيل كون كنتي بصح فيك زهاايمر تخيل ؟ تقوليا نصاوب ليك اتاي ملي نحطو تقول ليا شكون قالها ليك هههه ولا تاااتشربووو وتقوليا فيين اتاي لي قتليك هههههه واااااو ممتع هههههه تخيل نتلاقا مع شي واحد مزهمر نهار الزواج خاص العدول كل مرة يجي ييقول ليه واش قابل !!! هههههههه
زاكي : صافي هادشي لي كان خاص ... غا مك جابتو قمار ونتي جيبيه فيه زهااايمر وخرجو عليا وطرطقو ليا هاد العرق لي بقى ... نوووووضي سسيري علييا فحااااالك
ياسمين : ههههه هاهي نااايضة .. ( وقفات كتجمع شعرها ) شوية ونرجع عندك ( تحنات و باستو فحنكو ) بسلااااااامة
زاكي : .. صاوبي ليا معاك شي حاجة حلوة
ياسمين : ياك قلتيلي سيري فحالك
زاكي : صاوبيها وسيري ....
ياسمين : يااا على خضر .. اش بغيتي !
زاكي : لي صاوبتي هو هاداك ...
ياسمين : ( مشات بجهة لكوزينة ) وعلى حساب اش غالقى عندك هنا .... نصاوب ليك غير شي عصير ؟
زاكي : لي باليك حلو ديريه ... مك قلباااتليا راااااسي ...
ياسمين : تقلب ليك راسك ماما .. انا نردو لبلاصتو متخاااافش
زاكي : اودي راه غا على ودك باقي كنشوف شوية جهة هاد المغرب .. أما ماماك ديال نخليييييها تعوم بحرها تااااتغرق مزياااان عاد الواحد يجبدها وشوف تشوف
ياسمين : والله احبيبي لا غانتوحشك فاش غانتمشي .. كاتجي كتعمر علييينا .. دوز معانا هاد السيمانة عافاااك ..
زاكي : مكرهتش اياسمين .. ليليا بوحدها ... تال راس للعام غايجي باها يعاونها فالخدمة وندخل
ياسمين : كون غي جات معاك تاهي ... توحشناها تاهي عماين ماجاات ...
زاكي : دابا تجي .... ولكن منضنش فهاد راس العام .... يمكن تالصيف ...
ياسمين : دابا نصوني عليها نشوف واش تقدر تخطف شي سمانة معاك فراس العام ، والله تاتوحشتها ...
فيرمة المحمدية ...
الساعة 19:30
وصلات الجيپ دلوؤي ... يلاه غاينزل و هو يتلاقاه يوسف لي هو ولد السيد لي مقابل ليهم هو و مراتو ... كان الكوفر عامر غير بالحوايج لي خدا ليها حيت مابغاتش تجيب من دارهم وتيليفون وكاع آش غاتحتااج خداه ليها ... بدا كينزل يوسف داكشي ... وهو زاد بعياااء كيضور غير الكونطاكت ديااالو فيديه ... يلاه غايدخل لدار و هو يرجع خطوة لور وشاف للجنب .... كانت كالسة على كرسي فالجردة ... دايرة على كتافها شال واضح ديال خديجة وشادة فنجان دالقهوة وسااااهية كاتشوف قدامها فالغروب ....
خدا تنهيدة متأسفة على هاد الحالة لي وصلات ليها .... وزاد بشوية تاوصل عندها .. وهي ماقلباتش راسها بالمرة لعندو .. جر كرسي وكلس .. حط الكونطاكت على طبلة كايشوف فيها .... شحوب وجهها واسوداد جفونها كايحرقوه من داخل وماباغيش يبين .... ونطق وعينيه فعينيها ونظرة حب مالياهم ....
لوؤي. : هاد القهوة بردات ولا مزال ... باش نشربوها ..!
قدس غير ساكتة .. عارفاه قاصدها هي واش بردات باش يدوي معاها .... عارفاه راه ساكت ومبعد منها غير حيت كايتسناها تبرد واخا عارفة راسها عمرها غاتبرد ... وهي تحط فنجانها وشافت فيه
قدس : واخا القهوة تبرد أولد عمي ... الكاس تهرس .. نتا غاتقرب ليه و هووو غاايجرحك ...
لوري : الحلاوة دالقهوة مغاتخلينيش نتسوق لشي جرح .... غييير خليه .... مكنقدرش نبقى بلا قهوة .. راسي كايضرني .. .
قدس : كنصحك تاخد كاس اخر وتشربها .... مالك على العداب ؟
لوؤي : تقدري تقولي عليا پوڤري ماعنديش باش .... باركا عليا غا كاااسي ... قوليلي غير شحال خصو باش يبرد .... ( قدس شافت فيه ) نهار ؟ سيمانة ؟؟؟ ... جوج سيمانات ( قدس قلبات رااسها مخنزرة ومزيرة على سنانها ) شهر ؟؟؟ ..... ولا شهراين !!!؟؟؟! ....
بعد مرور شهرين ....
29 نوفمبر ....
الشتا هاديك الليلة كانت مجهدة مرافقة بالبرق ... الساعة كانت السبعة وربع دالعشية ، و الظلام كان خيم و السما ملبدة بالغيوم ....
الفيرمة كان كايتسمع منها غير صوت الشتا والريح .. تااتسمع معاهم صوت الجيپ دلوؤي داااخلة و الضو ديالها ضوا ضبابة المكان ...
ركن السيارة ونزل بعد مادار القب ديال الجاكيت لي لابس فوق راسو ... وحاول يتمشى بزربة تال لباب باش مافزگش .. حلها ودخل عاد لفحاتو السخونة دالمكيفات .. كان نهار بارد بزاف على برا .. ونهار داز عندو ثقيل مقابل البنايا لي كايبنيو فالشركة ديال ماماه وخالتو و حياة ...
حيد جاكيت ديالو لاحها على الفوتوي .. كان غير بسروال كحل وبودي كحل صوفي خفيف و كاط ، لحيتو كانت مامرتباش و مخربقة وشعرو تاهو و ملامحو كايبان عليهم كآبة و عياء كبير ... يلاه غايتجه للدروج وهي تخرج خديجة من الكوزينة كتمسح يديها فسربيتة ...
خديجة : ولدي على السلاااامة ...
لوؤي : ( تراجع للور من درجة لي كان طالعها وتبسم ليها بعياء ) الله يسلمك .. باقا هنا ؟
خديجة : كنت كنتسناك أولدي .. تسنيييتك تاقبيلة للغدا و ماجيتيش ...
لؤوي : كنت مشغول شوية فكازا ... ( شاف للفوق وشاف فيها ) تغدات مزيان ؟
خديجة : لا تغدااات أولدي ... ( شافت تاهي للفوق وشافت فيه بالحس ) بانليا هاد ليامات عندها شوية الخاطر ... كلات بلا مانبزز عليها ... وتا سهيلة ملي طلعات عندها تشوف واش كاين شي يتصبن لقاتها كاتفرج فتلفازة وضاحكة شوية ... والله أولدي ملي قالتها ليا تااافرررررحت ... ياااااربي تفاجيييها عليها ... أما معايا رااك عارف مكتهضرش غا لااا سولتهاااا ... طلبات شي حوايج لسهيلة راه خرجات جابتهم ليها و جات ....
لوؤي أشار براسو يلاه طالع و هو يسمعها تاني ....
خديجة : العشااا هاهو وجد أوليدي ... أنا غادي نمشي ...
لوؤي : غييير سيري .. تصبحو على خير ...
خديجة : إغسل ليك البشير طموبيل غدا ؟
لوؤي : بلااش راه غسلاتها الشتا ...
خلاها وطلع فدروج كايعلي فكمام البودي ديالو لدرعانو تاوصل لبيتها وحلو دخل ... غير حل لباب شافت لجيهتو .. كانت مربعة رجليها فوق السرير فيديها طاس دلگلاص كتاكل منو وتلفازة مشعولة قدامها وقلبها ضرب بجهد علاش نسات ماسورتاتش لباب ....
تنهد ومشا بغضب حيد ليها الكلاص من يديها حطو على طابل دونوي معلي فيها حجبانو ...
لوؤي : شكون جابليك هادشي ؟؟؟؟ هادا ديال هاد لوقت !!!! ماغاتساليش من هادشي ؟؟؟
قدس : ( هزات يديها مسحات فمها كاتشوف فيه بهدوء ) ونتا ؟ ... سوقك !
لوؤي : ( تنهد ) قدس .... والله ماجااي تاني نتشادو... راسي ضاارني .... نوضي خلاص ونعلي شيطان لبسي حوايجك يلاه راهم كايتسناونا ....
قدس : ( علات حاجبها فيه ببرود ) شكون كايتسنانا !
لوؤي : قدس .... ماتعيييقيش ... نوضي يللااه ...
قدس : ( نزلات من علا السرير جاية لجهتو بجدية ) لا بلاتي .. واش منييييييتك كاتسايني نوض دابا نلبس حوايجي نمشي لداك الدار ؟؟؟؟؟ هه !!!!!!
لوؤي : ( بعياااء وغضب ) اااااه منيتي .. هاديك الدار راه دااااركم .... وهادي شهراااين وكل سبت كايتسناوك وكندير ليك الخاطر وتانقوليهم خليوها ترتاااح ...ولكن راااه عيييقتي .... راه والديك هادوك لي شادة معاهم الزكيييير ماشي صحاباتك .. شحاااال من مرة كتجي ماماك ماااكتبغيش تشوفيها ... ختك ماااتتبغيش تشووفيهاا ... تاانقووول مااااعلللييييش سيدة خصها تولف لي دازت منووو مساااهلش ...ولكن راه كوووولنا دابا كنحاولو نتأقلمو وماشي بوحدك لي تزوجتي ....راه تانا تزوجت ....
قدس : هه !!!! اوووووو ههههه بلااااتي نضضضحك ( كايشوف فيها بغضب وهو كيتنفس وهي كضحك بالفقصة ) نتا امسكييين تزوجتيي بيا ! مسكيييييين !!!! .....بحالا مكنتيش باااغي هااااادشي !
لوؤي : بهاد الطريقة لا ! وعمرني بغيتو وعمرني غانبغييييه .... كون كنتي كتحسي بناس شوية وماكاتشوفيش غير لجيهتك كون راحنا لاباس دابا ... كون راه فهاد شهراين لي دوزتيها فهاد البيت مكتشوفيش الشمش .. فكرتي من جهة باباك .. ومن جهة ماماك ومن جيهتي ... ماشي غير من جهتك نتي ... كون رااحنا داباااا مزيااااان ....
قدس : ( غمضات عينيها مزيرة عليها مباغاش تتعصب وتمرض رااسها تاني و حلات عينيها فيه ) لوؤي .... سير منهناااااا عافاك ... خرج عليا .... كنحاول نداوي راسي براسي ماتجيش ضيع لياااا اش كنحاول ندير ...
لوؤي : ( بعصبية ) وووانا كوووون كان عند ديييلمي كيفاش راااااا غانخرج بلا ررررررجعة .... غانخلي الخرااا كامل ونقوود فحااالي .... بحالااا انا گااالس معاااااك هناااا مرتاااااح كانشووووفك تتقطعي حيييت مزوجة بيااااا .. ملي لهااااد الدررررجة ابنت النااااس مااااعندكش معاايااااا ماااااتخطبييييييش من لوووول لياااا ومكنااااش كاع غانوصلو لهادشي ومكان حد غايبزز عليك تتزوجي بيااااا .. ملي لهااااد درجة نتي ماااحااااااملانيش عطي لكرررري تييييساااااع ماااتلعببييييش بياااا !!!!! كون كنتي ماامخطوبة لتاااشي واااحد مكان حد غايزوجك ... ماتجيش دابا تخليني نحس راني بناااادم فارض راسو عليك
قدس : ( ضرباااتو بججهد لصدروو غوتات عليه ) وشششسشكون قااااااليك انا كنت كنلعب بيييك وولا مكنتش حااملااااك ؟؟؟؟؟؟
لوؤي : هااادشي لي كاالسة ديري فيه دابا ماشي ديااال وحدة باغاااني .. طرااا مشكيل ... ماعندنااا مااااانديرووو ... تعاقبنااا كاااامليييين ماشي غيييييير نتي ... الحمد الله كان الحل على الأقل سااهل ... بنسبة ليااااا كان ساااهل كون جا عندي عمي وقال ليا الحل هو تزوجها .. امتى هاد الحل جاني صعيييب .. جااااني ملي شفنااااك عند رجليين الواليد كطلبيييه مايزوجكش بياااا قداااامهم كلللهم كاايشوفووو ... هادشي غادييرو وحدة باغا شي وااااحد ؟؟؟؟؟؟؟ باغاااني ؟؟؟؟؟؟
قدس : ( بالغواات ) نتا عارفني من لووووول ماباغاش نتزوج .. الأمر ماعندو علاقة لا بيييك لا بواحد ااخررر
لوؤي : علاااااااش ؟؟؟؟ واش عمرك گلستي مع راسك وسوولتي راااسك علااااااش ماباغااااش تزوووجي ؟؟؟؟؟ حيييت مزال باغا تعيشي حياااتك ؟ ايييييينا حيااااة بقااااات نهار غايسحبو منك داك الوسااااام ؟؟؟؟؟؟ كنتي غاتعيشي عادي وسط داكشي ؟؟؟؟؟؟
قدس : ( ضربات تاني لصدرو وكاتغوت بعصبية كتجنن وتغوت ) هاااادشي گولووو لراااااااسك نهاااار وصلتييييني نتا لهادشي .. إلى أنا مابقااااتش عندي حياة نعيييييشها حيييييت بسباااااااابك نتااااا ... ( كاضربو لصدروو ) حيييييت نتااا لي باش ترررضي خدددمتتتتككك وداك الخراااا ديالك حطيييييتيني أنا فداااااك الووووووسخ .. وتجي تهضر لياااا على شكوون باغي لااااخر ؟؟؟ منييييييتك ؟؟؟؟؟؟؟
لوؤي : ونتي منييييييتك غانبغي نحطك وسط دااااكشي ؟؟؟؟ نتي لي حجرة مااتاااتفهمييييش .. جييييت عندك كل لييييلة كنشرررح ليييك بالخشيييييباااااات .... انا مكنتش عااااارفك فداك الشومبر وملي عررررفتك دخلت .... إلى سكت راه سسسكت على ود القسم لي أدييييت وعلى ود كنت متأكد أنا لي شاد داك لقضية ومغانخلي تا شي واحد يديرك كبش فداااء .. وحتى ملي استبعدووووني .. جييييت ودررررت المستحيييل باش نگييييدي وها عارف ايزيدو يستبعدوني عااام اخر ... ششششرحت ليك واخا العميد كدب على بااااك مابغيتش نكدب عليييك نتي .. مكنعرفش نكدب على شي واحد فوجهو وماعندي علاش غااانكدب .... الاوموررررر واضحة من غير لابغيتي نتي تبقاااي حااااقدة .. منغير لابغيتي نتي ديري شك و ماعارفاش هاد بنادم شحال باااغييك وشحاال قادر يغامر على قبلك .... ششهرااااين وأنا هاز بخااااطررررك .. شهراااين ونا كنحاول و نتي حييييط .. حجرة قداااامي .... لهاد درجة ؟؟؟ لهاااد درجة ماعجبكش تكوني معايا فدار وحدة ولا تزوجي بيا !! اذن شنو كنتي ناوية نهار تخطبتي ليا ؟ دوزي بيا شوية دلوقت وتقولي نتفارقو ؟؟؟؟؟ الى كنتي ناوية معايا الدوام راه هو هادا.. جا معطل و لا بكري هاحنا فيه ..... ماشي دييييما كناخدو غير آش بغيييينا بالطريقة لي بغيييينا .. اماااا تاخذ اشنو مابغيتيش بالطريقة لي بغيتي .. ولا تاخذ لي بغيتي بطريقة لي مابغيييتيهاش .. هادي هي الدنيا ....
قدس : ( بالغوات ) وراااه قتلييييييييك خرج عليااااااا.. بسباااابك حياااتي كللللها ضااااعت بسبابك وتجي دااباااااا دير فيييها نتا لي عندك الحق؟؟؟؟؟؟
لوؤي : ( شدها من دراعها مزير عليها بعصبية كايهضر بين سنانو ) ااااش ضااااع ؟؟؟؟ آش ضيييعت لييييك أنا ؟؟؟؟؟؟ ياك وسااامك رجع ليييييك ... ياك الاومور كلها مزيان وتاحد مابقى تايهضر علييك وكولشي تشغل غير بزوااااجك وقرايتك فوقاش تبدااايها وتباني للناس كاتقرااي ... تاااحد مابقى فككر فداكشي وكولشي كدبو ، واخا عيااااان وطالع لديلمي لخرااا لراااس طلعت لمؤؤؤتمىررر كنبببرأ ونبين ليهم شحال تزوجنا فرحاااااانين .... اش ضاااااع !!! وحنا درنا هاد الخرا كااااامل باش نتي ماضيعيش ..نضيييعو حنا ونتي لا .....، ( جاتو الضحكة بالفقصة ) ههه !!! ( بقا كايضور بالفقصة كايرد شعرو لور ) اش كااااالس كنخور انا دابا ... واش نتي مابقااوش فيك
تا واليديك لي ديما كايتسناو فيييك تجي والماكلة ماتتدوزش ليهم !! نبقى فيك انا ؟؟؟؟ ..
قدس : ( نترات يديها منو ) وااااا طططلقني ... الى اسيدي ماااحنيتش فييييك ططلقني.... الى بصح باغيني مانضيعش سيير عند بابا وعطييني ححريييتي طللللقني ... ملي كولشي تنسى وناس نسناو صاااااافي ططططلللقني .... لاش باااقي معايا ...
لوؤي : كررررهت ؟؟؟؟ كنقسم لييييك بالله كون هاد الحل يمكن ندييرو .. والله مغااانخليييك نهار هنا معايا ... أنا راه متااايهمنيييش تكوني حداايا كتر مكيهمنييي نشوفك مرتاحة فشي بلاصة .. ملي نتي هنا معدبة والله كوووون كانت إمكانية الطلااااااق مانتردد حتى نهااار .. نهاااررررر واااحد مغنتعطلووووش .. ونردك فين كنتي ... كون كنت عارف يمكلي نطلقك دابا ومايوقع والو ... مغانتسناكش تقوليها ....دييييري عقلك شوية و كبرييييه ... بلاصة ماتبقااتي تكبري غير فالأوموور ... ككككبري عقلك ...
خلاها وخرج زدددخ لباااااب وهي غوتااات بحرر جهدهاااا كتهرس فأي حاجة قدااامها بالأعصاااااب وتشير بيها للباب كتسب ...
∆فالقصر
كانو كلهم مجموعين فالصالون .. حياة شادة كتاب مع أنس كتخدم معاه تمارينو .. كانت بدجين أسود وتريكو صوفي كحل كايوصل لركابي ومونطوها محطوط حداها وكرشها كانت باينة بعض الشيء حداها سلمى تاهي شادة دفتر وستيلو آخر كاتخدم معاهم ، كانت تاهي بسروال دجين أزرق وبودي فيولي بالعنق خفيف .. حداهم سفيان لي كايهضر مع أسد وعدنان شاد كاسو داتاي فيديه ... لامار كالسة دايرة رجل على رجل باونصومبل بني من الصوف وحداها رتاج لي بسروال دجين بويفراند واسع و تريكو بالصداف طويل سبور و أسبرو كان رجع لأمريكا ... على طبلة كان أتاي والقهوة وبعض الحلويات .. و المكسراات والتمر ... رغم جلوسهم مجموعين وأنهم كايتجمعو إلا أنه واضح عليييهم العياء وواضح أنهم ماعاجبهمش الجو ... غياب قدس ولوؤي على المجمع ديالهم خلا فيهم بزااااف دالفراغ ... واخا أسد مقللق منهااا لي ماتتجيش فالتجمعات العائلية ومراجعاتش راسها ورجعات عند واليديها تعتذر وباقا معفرة وقاطعة صلة الرحم إلا ان العائلة مجموعة وهي غايبة كايخليه بلا خاطر وتوحشها بلا قياس ... خصوصا أن البرتوكول باقي ماعطى كلمتو الأخيرة بسبب أنه باقي ما تأكد زواجهم بشهادة فقدان العذرية .. لامار كل مرة تشوف لساعتها كتسنى قسم توصل ومركزة مع رتاج فالحديث ..
رتاج : وراه تاهو قالها ليهم .... قالوليه مايمكنش هاد التأقلم ياخد كتر من شهراين .. إلا لا كانت مزوجة بزز
لامار : ( علات حجبانها ) أوييييييلي !
رتاج : واييييه قالك إلى تعطلات مزال هاد الشهر وماكانش الزواج الرسمي الإسلامي ... غايفتحو تحقيق مع بابااها واش زوجها بزز ... حيت مزال مكاين تاشي رد منها .... راه بسيف غايشكو وهي مامشاتش تقرا ومابانتش فسوشيال ميديا ... راه لوؤي اتصلو بيه داك مرة غاباش يتأكدو انها لاباس. ... دابا بهاد الهروب ديالها وقطعات لحس ، كتزيد تأكد ليهم ..
لامار : ( تنهدات ) عرفتي اسد لاسمع هادشي تاني .. والله تايحماق ليا ونا مااااقلت تا ردييتو شوية لطريق راك شفتينيي عشريام وانا نراري ...
رتاج : هو متايسولكش عليها !
لامار : لا .. زعما على داك الامورر ؟ لاا لا .. تايسولني غير واش لاباس وصافي .. وواش هضرت معاها ... اما على داكشي عمرو سولني .. صافي ملي تكلف عدنان هو خرج من داكشي ... هادشي إيلا مكانش كايسول عدنان منعرف ...
رتاج : ودابا عدنان غايكون قالها ليه .. راه صباااح هضرو معاه وعطاوه الانذار ...والله ماتغدى بالهم .. خلا الغدا فوق الطبلة ....
لامار : فففف .. . حيدنا هادشي لأسد حيت ديابيتيك .. عطيناااه للي عندو حجرة فالقلب ..
رتاج : أودي هادشي صراحة ديال سفيان هو لي عندو جهد ديالهم وديبلوووماسي ... ولكن هوما مغايقبلوش الصغير غايخصهم الكبار ..
لامار : نمشيو غدا عندهم ؟
رتاج : ااااختي مانمشي عند حد .... يمشي يجري عليا تاني ... أصلا مغايخلينيش عدنان ...ضبرررر راسهم ...
لامار : ولكن خاص لي يعلمهم بهادشي
رتاج: دابا نهضر معاه نقولهاليه غا فتيليفون ، مغادا عند حد هوما لي خصهم يجيو ... هضر معاه بابااه قبيلة قاليه اجيو تعشاو معانا وباركا من لفشوش .. قاليه عليها هي أما هو ما حاقد على حد وماعندوش مشكل ... مابغاش يبزز عليها
لامار : بنتي كانعرفها رااااسها قااااااسح والله ماااتبغي تجي ... خصها حنا نمشيو نحزرووو
رتاج : إوا راك عييتي تمشي و مكتنزلش عندك
لامار : هي خصها باباها أنا لاش ...
رتاج : إوا لا تاااااني ... تانتي هازة همها .. انا ماعاجبنيش هاد التصرف لي دارت حيت ماحترماتناش كلنا .... ومابغيتش نضغط عليها ولكن نهار دير عقلها وتجي نهضرو .. غاااانحطهم ليهااااا مزيااااان وتدي ماتعاود ...
لامار : هااانتي هاهي انا ششششهماااتني .... ماااابقى عندي جهد ... كاتبقى فيا داكشي علاش كنمشي ماهي وجهها ديال لي يسمح فيييها
رتاج : اووودي راه داك الكبدة هي لي كاديرها بيييينا .... ( تنهدات ) الله يصاوب وصافي ...
لامار : مانعرف بعدا هوما كييدايريين واش تصالحو واش لا .. ماكيقولش ليك لوؤي !
رتاج : اووويلي على لوؤي يقووولي .. لؤوي مصاب غايجاوبني فتيليفون بحال ناس ... كايخليني تانوصل لعشرة دليزابييل عاد يقول ليا مالكي آش واقع .... كاتعاود ليا خديجة قالك ماتايهضرووش .. ومرة مرة كايدخل عندها هو البيت يهضرو غير شوية .. وكايرجع لبيتو
لامار : فففففف .. وهادو كيغايديرو ينعسو وكيغايديرو لهاد إثبات الشرف ..... قولي لعدنان غييييير شوف كيدير تلهي البروتوكول .. بنتي راه كنعرفها معكسة ...
رتاج : والله تااحرررت بالله .. مرضوونا والله إيلا شهراين ونا كنعس مهموووومة .. ضربني للفيقة فنصايص ليل ونشوف فالسقف ونتنهد .... لقييينا الخير فأصيل وختو كايجيو يعمرو علينا كل سبت ينسيونا شوية .. ولاا فولااادنا
لامار : أصيل قال لقسم داك نهار باش نهار الاحد مكايخدمش .. يمشي هو عندها هاد المرة يمكن تحشم منو ... غدا غايمشي يمكن
رتاج : تانا جييييت نقولها ليييك ... كوون غير يدّخل هو لعل و عسى يدير ليها عقلها شوية ...
لامار : هو مسكين قال لقسم بغييت ندخل شحااال هادي ولكن بغاها تااتبرد شوية وقال يخلي ليهم مساحة هي وراجلها ربما يتصالحو ولكن ملي والو قاليها الحد نمشي عندها .. كاتعرفي هو شدو داك الاصلااااح مكيساليش كايرتاح غا نهار الحد ...
رتاج : سالا بعدا ولا مزال ؟
لامار : لا صافي سالا باقي ليه شي روتوشات على برا وصافي .. داكشي صراحة طلع وااعر .. مشينا نهار الخميس لتما انا وأسد ... زعما دااااكشي طلع معتبررررر ...
رتاج : دابا فوقاش غيتحل يبدا الخدمة ؟
لامار : مزالل ماكملش طريطات ديالو عاد كايخلص بشوية .. تاايكمل عااااد يحل ... حتا نتي عارفة واخا نبغيوو ندخلوو نعاونوه هووو مايبغييش ... قسم كاتقول لينا ماتحاوللوش تاتقولوها ليه ..
رتاج : إوا شوية بشوية ... ملي ماكايبغيش خليوه على خاطرو ...
لامار : داكشي لي قلنا تاحنا ...
رتاج : ( شافت لباب وضحكات ) عمرهم طوييييل ههههه
كلهم ضورو راسهم جهة الباب ملي شافوهم داخلين ... كانت قسم غير بكسوة حد راكابيها مع ليباموس وليبوط طالعين تال ركابييها ومونطو كحل طويييل محلول وكاااشكول و أصيل بسروال ديال دجين وتريكو ومونطو قصير و جار فاليز صغيرة ديالها .. تلاقاتهم مساعدة بزربة حيدتها من يديه ودخلو بجوج بعد ماسلمو على الحميييع .. كان أصيل لي طلع هاد المرة جابها من طنجة فغياب جود .. ولوؤي لي مشغول مع البناء وسلطان لي مزال مارجع .... وكلسو بعياء ديال الطريق .. أصيل باقي كايعوج فعنقو وقسم عينيها كايتسدو بالنعاس من العياء د الفواياج ...
أسد : ( شاف لساعة ) وراك ماتعطلتيش بزاف .. جيتي تاتجري واقلة !
أصيل : ماوقفناش داكشي علاش ... الطريق شوية صعيبة بالشتا خفت تمشي تزيد تجهاد ... داكشي باش شديناها نيشان
سفيان : وايييه الكليساج واللييل خطر ...
قسم : وسبحان الله فسبانيا شششمش بحال شهر سبعة ...
عدنان : اه .. اراه فاش شفت هاد الشتا الي صبحات ليووووم البال ديالي كولو كان معاك تشدك شي حاجة وسط البحر تاقال ليا اسد السما عندك صافية ....
قسم : الا لا كانت صاااااحية فاش جيييت .. تاااقرربت لطنجة عاااد بانليا شوية دالغيام ولكن البرررررد فاش قربت .....
أصيل : طنجة ماطاحتش كاع نهار كامل غير مغيمة ... الشتا بدات تادخلنا القنيطرة ... ولكن را السم دالبررررد تما .. الريح تايدي بنادم ...
سفيان : هنا راه واخا صبات الشتااا راه بعدا مكاينش البرد بحال الشمال .... طنجة باردة
قسم : انا غانزززلت لپور صبعاني طاااارو واحد البررررد داخل قااااسح هاد لعام .. الرييييح كان مجهد .... والله ماشديتي فالحدايد تاطييير ...
لامار :اييوا هدا وقتو .... لي جا كايغلبنا ....
قسم : وااايه يلله كنا نتشكاو من الصهد ( شافت عند حياة ) آش كادييرو ؟ الإعراب تاني هههه ....
سلمى : هههه لا عندو فرونسي ...
حياة : وشحاال كايعمروهم بالتمااارين .... انا وعيييت ... أنا شادة ليه هنا الرياضيات و سلمى شدات ليه فرونسي
قسم : ولكن راه خصو هو يفهم
سلمى : هاهو مرة معايا مرة معاها هههه .. فيييه نعاس مسكييين هههه
عدنان : هدا كاتوصل وقيتو كايغييييب ... واش باقي ليك بزاف اولدي ؟
أنس : باقي غير هاد صفحة
رتاج : خلي تالغدا .. باااقي الحد
أنس : واخا لحد مغتكونش خالتو حياة وخالتو سلمى
سلمى : ماعليش نكملو معاه وينعس مرتاح
حياة : وااركز .. هادشي كامل هنا راه غايحطوهلك فالموحد ..
سفيان : هههه دابا تا أنس اهز الهم فالامتحان تاهو ههههه
أنس : ومال السادس ساهل ؟
أصيل : ههه لا والو تاحاجة ماساهلة ... لاعساااك زير راسك
أسد كان غير كايشوف فيهم ومبتسم بعياء ... وهو كايتفكر قدس لي مزال مابدات قرايتها وقلبو كايتزييرر ...
لامار : ويلاه سالي أولدي باش نتجمعو نتعشااااو ... بالي واقية مغايجي حد
عدنان : ( تنهد ) غا حطو ... هادو راه ماجايينش ..
قسم : نعيط ليها ؟
لامار : زعما غتجاوبك ... لوؤي مسكيين غير تعدب وخدا ليها داك تيلييفون ....
سفيان : والله ما بغيتو تفهمو ليا بالله .. ياك البنت فدار ساكتة بيخييير .. خليييوها عليكم شوية تهضم هادشي و دابا هي تررجع .. واش قدس مكنعرفوهاش ولا !!!! صافي خليييوها شوية ماااضغطوش على بنادم .. راه ماحدكم كاتعيطو ليها .. ماحدها كاتشد الضد كتر
حياة : هوما راه تايخافو على نفسيتها أ سفيان راها جالسة فدارر وصافا وعارفينها بيخييير ولكن لا تاني ... راه مابغاتش تقرا !!!
أسد : ( بصرامة ) قلبو عليا هاد الموضوع لي بغا يجي راه كايعرف الداار وهادوك راه مامحتاجينش نعرض علييهم ... بغات تجي راه كتعرف الدار مابغاتش هاهي تما ....
كلهم سكتو مزادو تا شي كلمة ولامار غير كتنهد وأصيل شاف فقسم معلي حجبانو بمعنى هاهو شعل تاني ....
بداو الخدامات كيحطو العشا ورتاج فباب الجردة كاتصوني فتيليفون ....
عند لوؤي ...
خرج من دوش ، يلاه كايلبس السيرفيت ديالو و هو يسمع تيليفون فالشارج كايصوني ... سد السيور ديال السروال ومشا كاينشف شعرو غير بيديه من لما لي كايقطر عليه وجاوبها
لوؤي : آلواليدة ..
رتاج : لوؤي ؟ أولدي مغاتجيوش ؟
لوؤي : ( تنهد ) آلاااا صافي غا تعشاو .. مرة اخرى ان شاء الله
رتاج : واش مابغاتش ؟
لوؤي : ماقلتهاش ليها لقيتها ناعسة مابغيتش نفيقها
رتاج : إوا ماعلييش .. راها صافا ؟ كتاكل بعدا ! قاتليا خديجة راه مابقاتش قاطعة الماكلة ..
لوؤي : وملي تاتقوليك خديجة لاش كاتسوليني انا !
رتاج : ونعرف تااا من جهتك نتا ...
لوؤي : ماااعندي مانعرف ليك انا آلواليدة .. احنا صابرين تايدير الله تاويل د الخيير ....
رتاج : اللهم امييين .. ياكما قربتي الغبرة بزااف سمعت صوتك تبحبح تاني !!!!
لوؤي : لا لا كنت بعيييد ..
رتاج : فين وصلو ؟
لوؤي : وراه صافي طلعو الطبلة ... غايبداو غدا فالپيليات ...
رتاج : وغاصببر أولدي عافاك .. انا عاارفة داك الحساسية عندك صعيبة مع الغبرة .. ولكن غاصبر .. هاوا سعييد غايجي فراس العام ويقابل عليك شوية ...
لؤي : ان شاء الله ...
رتاج : شوف .. راه أصيل واقلة غايجي عندكم غدا .. باش تكون فبالك ..
لوؤي : قالها ليا قبيلة ... مرحبا ليه ...
رتاج : هو كاتحشم منو و عزيز عليها .. ياك شفتي مابغات تهضر مع تاحد وملي عيط ليها هو جاوباتو .... يعني غاتبغي تهضر معاه
لوؤي : انا قاليا غايجي يحاول معاها يخرجها شوية .. حيت انا راه مابغاتش تخرج ليا .. يمكن تبغي معاه هو ووختو يضربها شوية دالهوا غملات فهاد الدار ....
رتاج : نتا راه شادة معاك العكس بحالنا .. هو غاتحشم منو غا خليه يجرررب ....
لوؤي : اوا يكون خييير ....
رتاج : ان شاء الله أولدي ... اوا منطولش عليك راهم غايحطو لعشا ....
لوؤي : عمي كيداير ؟
رتاج : صاافااا .. وراك عرفو هو راه متاتكملش ليهم بلا بيييكم ....
لوؤي : دابا يكووون خير ماتخافيش ... كولشي دابا يتصلح
رتاج : ان شاء الله أولدي .. يلاه تصبح على خير ... وغدا رتاح ليك شوية ملي مكاينش البني ... و راهو غايجي أصيل غايبدل ليكم شوية الجو
لوؤي : إن شاء الله
رتاج : شوووف حقا .. لوؤي ... سمع نكوليك شي حاجة بعدا قبل ماتقطع
لوؤي : ياك لاباس !!
رتاج : لوؤي ...نتا عارفني ماباغاش ندخل فهادشي وكون لقينا ماندخلوش حيت ماشي من حقنا .. ولكن راك عارف الظروف ...
لوؤي : ( تنهد حيت فاهمها ) الواليدة .. انا راه ماعندي ماندير .. ومنقدش نغتاصب الدرية باش البرتوكول يبقى على خاطرو ... .واش نشدها بزز ؟؟؟ كيغانديير ليها !!!!
رتاج : ( بإحراج ) لا لا ..حشومة ... لاااا ماشي بزز .. غا هو اولدي راك عارف را باغين يححقو مع أسد ... وإلى عرفوه بزز عليها راه فيها الحبس أولدي ... واش حسابتك المشكل سالا ؟
لوؤي : وراااني عارف واش ماعارفش؟؟؟ ... الانذارات لي كايوصلو الواليد كايوصلوني .. ولكن آش غاندير ؟؟؟ أنا راه مغااانغتصبهااااش باش يبقاو ليا على خاطرهم .. يزييدو يصبرو هو هاداك مابغاوش شغلهم هاداك ... تزوج بزز ايييه ماقلناش .. ولكن داكشي الوليدة مافيهش بزز ..
رتاج : إوا موهيم أولدي مدام رااك عارف .... اا .. ( ما عرفات ماتقول) تاترد علينا و صافي .... غ غيررر بالخاطررر ..
قطع عليها ولاح تيليفون كلس على السرير كايتنهد ويفرك فجبهتو ... حل المجر جبد قرعة دالكينات ديااو .. شرب حبة بالما وحل عينيه فلمراية قدامو .. كانو حمرييييين وعيانين وجفونو زرقييين ... وهز تيليكوموند طفى الضواو تا الشهية دالعشااا ماعندووش بغا غير ينعس ... ماباغي يفكرر فوالو كايحس ببزاف دالحوايج على ظهرو مقادش عليييييهم .... وفيه عياااء رهيب ديال باغي يخلي كووووولشي و يييهرب ....
وصلات الحداش د الليل وتفرقو لي فالقصر بعد العشا كل واحد قصد دارو يرتاحو .... أصيل وسلمى ولا عندهم روتين انو كل اسبوع يتجمعو معاهم ... كان احساس فشكل المرة اللولة ومنبعد ولفووو وعاد ولاو يحسو براسهم أنهم وسط عائلة و تضوات الحياة فعينيهم ... تامن سلمى بان النور فوجهها وبانت سعادتها على ملامحها لي زيااانو وتبهجو كتر .....
قدس بقات غا فلبالكون كاتفرج فالشتا مغطية بكاب اسود وتحت منو غير بيجامة كرونة سخيخنة ... حسات بجوع سخفها ماكلاتش من الغدا وكلات غير سقاطة لي ولات هي لي كتاكل فهاد الشهرااين لي لقات فيهم الغفلة من الحميات والرجيم ....وهي بوحدها لي كتحسن شوية من مزاجها ....
ماقداتش تصبر لجوع ... و حلات لباب .. يلاه غتنزل فدروج وهي تشوف جيهة بيتو بانليها الضو مطفي ... بقات غير كاضور عينيها وتحسدو على نعاااسووو كااع مامسوق وعندو الخاطر ينعس ...
نزلات فالدرووج دخلات لكوزينة كي العادة ديما كاتلقى خديجة مخلية ليها لماكلة ... مشات لطبلة لقات جوج كيسان وجوج فراشط ... باقي نقيين عرفاتو تاهو مزال مااااكلا ... حركات كتفها بعدم اهتمام وهزات هاداك الكغااتان دارتو فلفران لي شهر وهي تتعلم كيدير تشعلو .... وبقات متكية على الكونطوار كاتفرج فالشتا من الباب الزجاجية دالجردة و عقلها هاااايم .... دخل مع السبعة ومزال ماكلاش ؟ هدا هو السؤال لي جاها لبالها وسط هاد الهم كااامل ... وفلخر هزات كتافها بلا مبالاة مدام غايكون نعس اذن ماجيييعانش .... صونا لفران قاطع سهوتها ومشات باتجاهو بزربة حلاتو ... دخلات يدييها تجبد لااطااا وهي تتتقققفززز للسمااا بغووووتة ملي تحرقاااات !!!!! ...
بقات كتغوووت ويديها تحرررقو ولاو حمريييين .. لوؤي تنفض من السرير فاش سمع غوااتها ونزل دغيا كايججري فالدروووج مخلوووع للكوزينة لقاهاا كاتتتبكي شادة يدييهاااا
لوؤي : قددددس ؟؟؟ ( مشا كايجري عندها كيحل فيديها ) اااش وقاع ؟؟؟؟ قسستي الفرااااان ؟؟؟؟
قدس : ( كتتتبكيي ) ي ي يدي . .ييييدي . .يييييدي
لوؤي : بلاتي بلاتي نجييب الثلج ..... واش عععمية مكااتشووفيش قدامك !!! ( كيحل الثلاجة ) ماشية بيديييك للفرااان سخووون حماااقيتي ولا ماااالك ؟؟؟؟؟ ( هز الثلج ونزل عندها) ططلقي يدييييك
قدس : لاااااا لا كضضضضضضرني
لوؤي : طللقي ولا ندييييك لطبيييب
غا سمعاات الطبيب وهي طلق يديها بزربة كايدير ليها ثلج وهي كتحرق وكتبكي وترررعد مع يدييييها وهو باقي مضهشر بنعاس لي فاق منو مفجوووع شاد يدييها وهي كتبكيي ....
جر الكرسي و جرها من يديها يكلسها ..
لوؤي: ااجي كلسي ااااجي ... شي نهار ديري شي كارثة نتي .... ( كايكلسها وهي تتبكي ) هادشي غاسخنتي الماكلة أما كون طيبتيها منعرف آش غاديري ....
قدس : ( كتنتر يديها منو وتشهق تاتبكي ) صااااافي غاااطلق مني .. ندير ليها الثلللج راسي بعد مني ..
لوؤي : ( هبط على ركابيه لمستواها كايحل ليها يديها ) بلاااتي نشوف واش محروقة بزااف بلااتي ....
قدس : ( نترات يديها ) وااااقتليييييك بعد مني ...
لوؤي : ( أشار بيدو جهة وجهها ) رصااااي غاااانصليييييها مع والديك ... ( حنا راسو كيطلق ليها يديها وكايشوف وهي تتشهق شادة فالثلج وهو تايدوز يدو على كفوفها الحمرين ) ماااشي بزاف ماشي بزاف .... بقاي شادة فالثلج هاكا ..
قدس : وا غااااا بعد مني صافي سييير طلع تكمل نعاااسك طلق مني ...
لوؤي : نتي منوضااااني من نعاس بالغوات وكاتقوليلي دابا طلع !!!!
قدس : ( كاتشهق بالبكا ) اسييييدي كنعتااادرررر فيقنا سيادتكم من ... ( كاتشهق بالدموع ) من نعاااااس ...
لوؤي وقف شاد بيدو على جنابو كايشوف فيها بملامح ديال غامتاقي فيك الله ...وشاف جهة الفران و هو يبان ليه باقي مشعول .. هز سربيتة وحيد هاداك الكراتان من تما وسدو ... وعلا عينو للساعة لي فالحيط وشاف فيها
لوؤي : وهادي وقيتة يتعشاو فيها الناس ؟ مالكي قلبتي نعاسك وماكلتك بحال هاكا .. كاتقلبي على شي مرضة تاني !!!!
قدس : ( بالغواات بحر الحرقة ) وااااش سووووقك ابنادم سووووقك ؟؟؟؟
لوؤي كايطلعها و يهبطها ويتنهد و هز داك الپلا من كونطوار وحطو فوق طبلة وهي كتبرد فيديها و تهزهز رجليها بالحريق ...ولوؤي غير حطو وخرج .....
وهي متبعاه بعينيها ... و نطقات بين سنانها مغددة غير بالحس ...
قدس: تفووووو عليك الكلب ... انااااا لي كتت حماااااارة متيقة هضررتك لي كووولها كدوب ، .. يا الأناااااني .. فيك غالهضرة ....
بقات كتتجنن لي مشى وخلاها و كترعد ... كتبكي بالحريق والهم وكولشي تجمع عليها .... كتحس بحگرة كبيرة لي كاينة معاه محروقة فيديها كاع ماتسوق ليها طلع ينعس .. باباها و ماماها مضاربين معاها وبعاااد عليها ...عمها ومراتو ... كولشي لي كانت كظنهم مغايتخلااوش عليها كولشي تخلا ... كولشي دغيا فررررط فيها ... بدات تتتبكي بحررررقة و زادت كملاات ملي سمعات طموبيلتو تحركات ... ناضت بزربة شادة الثلج فيديها ووقفات قدام الزاج بانتليها طوموبيلتو خرجات وزادت تاني كتبكي ...
خديجة طلات من شرجم بيتها كاتشوف ملي سمعات حس طموبيل ديمارات .. دارها كانت مفروقة على دارهم .. كانت غير دار صغيرة قريية ليهم ... شافت لطموبيلتو خارجة فهاد الليل وفهاد البرد والشتا ... وهي تلبس عليها تريكو صوفي من لفوق وخرجات لباب الدار شافت جيهة الدار ديالهم وهو يباانليها الضو مشعول فلكوزينة من الباب دالجردة ... عينيها مصغراهم بالنعاس مافاهمة والو آش واقع بيناتهم ! .. علات عينيها للساعة بانتليها الوحدة دالليل ... ورجعات كاتشوف لدار وخاطرها مامهنيهاش يكونو ضاربو وخرج خلا الدار .. ورتاج موصياها ترد لبال ...
لبسااات بانطوفتها وهزات مضل وخرجات بزررربة كاتجري باش ماتفزگش تاوصلات لباب الجردة لي كدخل لكوزينة و حلاتها .. .قدس كانت فوق الكرسي كتبكي شادة فالثلج غير شافت خديجة و ضورات عينيها تمسحهم من دموع .... وخديجة علات حجبانها ...
خديجة : الله ياربي الله .. الله أبنتي ... شوااااقع لييييكم !!!
دخلات بزربة عندها وقدس كتبكي بجهد وتشششهق جامعة كاع للبكا لي مابكاتوش هاد الشهرااين كاتشوف ليها فساشي دالثلج فيديها كايدوب فوق رجليييها ....
خديجة : الله أبنتي شوف كيف فزگتي حوايجك غايضربك البرد .. آش واقع ؟؟؟ يااك لاباس ؟؟؟؟
قدس :, ( كاتشهق باابكا طلقات يديها قدامها لي تحرقات ) حرررقت يدي .. و . و هو .. ووهو مشا و خلاااني ..
يتبع...
التعليقات
لا توجد تعليقات بعد، كن أول من يعلق.