محتوى القصة
حلات البواني وهي تلقاه بيت نعااس صغير بسرير سامبل وايزار كحل وبلاكار وباب ديال دوش صغير ومشات بشوية جهة السرجم لي بان ليها وضغطات على الزر بدا كيتحل الريدو تابان ليها المنظر لي كان كولو طبيعة وجبال وضارت موراها كان تبعها سد المجر لي كان فيه البوكسرات ديالو باش ماتشوفوش ويتحرج .....
لامار : هاد البلاصة حمقاتني .. هدوئها فشششكل ... كيرتاح فيها الواحد شبهاتلي بالهدوء لي كاين ففالفيرمة د عمك عدنان ....(جود على حجبانو على المقارنة جاتو فشكل بلاصتو الصغيرة تكون كاتشوفها فالجمال دالفيرمة دعمو ) توحشت نطل من سرجم هاكا نشوف جبال .. باباك بقا يعلي فالحيوط تامخلانا نشوفو والو من سراجم ..... ( ضارت تقادات معاه فالوقفة ) هادشي زوين اولدي والله .. بلاصة مرتاحة بزاااف بالنسبة ليك نتا ....عارفاك عزيز عليك الكالم ... وبلاصة تقدر تخرج فيها الابداااع ...
جود : ( قرب عنها وقف حداها ) حتى هاد الارض لي كتشوفي هنا ( كيوريها من سرجم وهي ضارت ) هاضي لي ضايرة كاملة .... غناخدها حيت غنحتاج فين نحط الطموبيلات .... بصح مغندير فيها والو غنضورها غير بالگرياج ولا الحيط ...
لامار : اااه .. بحال باركينغ
جود : تقدري تقولي باركينغ د لافيراي
لامار : بالتوفيق اولدي ( دارت عندو ) كولشي مزيان ... هاكا كيبدا الواحد شوية بشوووية راه كيوصل لداكشي لي بغا .... خاص غير يدير شي حاجة هو باغيها وكيعرف ليها ...
جود : ( شد ليها وجهها وباس ليها جبهتها وشاف فيها ) عطينا غير الرضا ديالك وكولشي غيدوز مزياااان ....
لامار : الله يرضي عليك احبيبي .. ( حيدات ليه نضاضرو نوغشوها وهي تعلي حاحبها من عينيه المنفوخين ) مال عينيك ؟؟؟ باقين كااايضروك ؟؟؟
جود : ( هز يدو كايحك فيهم ) ماشي بزاف ...
لامار : ياكما مناعسش ؟
حود : وصرااااحة مناعسش ... هبطت لبحر نجري شوية طلعت معطل وجيت ديريكت لهنا ...
لامار : وعلاااش ؟؟؟؟ نعاس راه مهم لصحتك اولدي
جود : عااارف .. وعارف محكوم عليا نعس 10 سوايع فنهار ولكن منهار درت هاد البلاصة ونا مكنقدش ننعس بالتفكير ... ( كايحك فوق حاجبو ) حيت ماموالفش نهز الهم دشي حاجة .. دابا هاز الهم ديال بصح فوقاش هاد البلاصة تنجح حيت كاتسانيني نبني بيها أسرة ونعيش بيعا بنت الناس ....
لامار : واشوية بشوية اولدي .. حرفتك هاهي فيديك وطريقك هاهي باينة .. وراك بررزقك ماشي ماعندكش اولدي ... انا فاهماك باغي شي حاجة ديالك ... وباغي فلوسك ديريهم نتا بيديك .... ولكن ماتكترش على راسك بزاف ... رخف اولدي راه صحتك اهم من كولشي .... راه كنشوفك شحال متقل على كتافك ... رخف اولدي شوية ربي لي كل مرة كانجيك من موت ويعطيك حياة اخرى قاااادر يقاد ليك طريقك ...
جود : ( تتنهد وجرها عنقها عندو نازلين كايلبس نضاضرو من حديد ) يكون خير ... يكون خير
لامار : ( نازلين للتحت ) وناس لي غايخدمو معاك كتعرف شي وحدين ؟
جود : سي ... قلتها ديجا للواليد .. ليكيب لي كتكون معايا فموناكو هي نفسها لي غانجيب .. خاصني غير نقاد الوراق والامور دالرخص باش ناخد طموبيلات على لافيراي ... وغنعيط ليهم يجيو باش نقاد وراقهم تاهوما حيت النص الكبير فيهم ماشي مغاربة ...
لامار : اوا شوية بشوية .... امور الوراق خليهم على باباك ونبيل ... نتا تكونسونطرا غير مع التصاميم ديالك ...
جود : داكشي لي راني داير ..
لامار : بتوفيق ... ( شافت لساعتها ) خاصني نمشي اولدي ... تعطلت باباك هاد نهار يحيح عليا عندنا واحد الكليان كيتسنى وخاصني نقاد معاه الامور ..
جود : عارف داكشي باش جبتك بكري ... شفت نهار عنظك عامر .... ( حل الباب خارج معاها يوصلها لطموبيل )
لامار : ( كتلبس نظاظرها دالشمس ) مغاتمشيش نتا !
جود : نو باقي شوية
لامار : ( حل ليها الباب الشيفور وهي شدات فيه وضارت عندو قبل ماتركب وضحكات ضحكة لعوبة ) امممممم .. فهمت هههه
جود : هههه سيري لخدمتك سيري ....
لامار : ( كضحك وكتركب فطموبيل ) متخاافش انا ماشي جداتك رقية هههه
جود : ( شد عليها الباب وطل من زاج وشيفور ديمارا ) مكتكبرييش الامار مكتكبرييييش
لامار : ههههه لي والدكم يكبر ؟ خاصو ديما يبقى صغير باش يالاه يفهمكم ههه ...
ضحك ليها ووقف وهي دارت ليه بااي بيديها ومشاو وهو قاد وقفتو دايرر يدو فجيابو متبع الطموبيل بتنهييدة وبااالووو مرتاااح لي ااخييرا كيدير شي حاجة راضيين عليها واليديه وكيشجعوه عليها ... تمنى لو لقى نفس التشجيييع فموناكو .. ولكن ديما الرياح كتجري بما لا تشتهي السفن .... وملي شاف ردة فعلها دابا وفرحتها وفخرها هي وباباه بهاد المشروع الصغييير لي بداه مااابقاش هامو الريح كيفاش كتجري .. حيت باع السفينة وقرر يعيش فالبر حدا واليديه ورضاهم ......
فالقصر ....
جناح لوؤي ...
كان ناعس على كرشو وشعرو كولو مربل ، البيت كان مظلم كيتسمع غير صوت انفاسو وهو ناعس تاكسر الصمت صوت الفيبرور ديال تيليفونو على طابل دونوي .. كعد راسو مخسر ملامحو ومد يدو بعياء لتيليفون قلبو مصغر عينيه فالشعا ديالو تاطلع ليه رقم ديال صاحبو .. وتوكض كيحك فشعرو وتكا على السرير كيتفوه وجاوب بصوت ناعس
لوؤي : ياس
نيكولاس : لوؤي ...ناعس !
لوؤي : ياك لاباس ؟ ( شاف لساعتو لي محطوطة على طابل دونوي بلي هوما يلاه عندهم الربعة ديال صبح )
نيكولاس : ( كان فطموبيل كيجغم من طاس دالقهوة ) القضية مرونة هنا ... انا و روزي منعسناش راحنا بايتين هنا فطموبيل ، العصابة ديال طموبيلات راها هنا فواشنطن و العميد بغاهم يتشدو قبل ميخرجو المدينة .. الفرصة مكتجيش ديما تالعندنا ...
لوؤي : اهاه !
نيكولاس : نتا عيطت غير باش نعلمك حيت عارف امورك معقدة فانك تجي وتمشي ... دير فبالك بلي الاجتماع بقات ليه سيمانة ونتا مزال مدرتي والو .... تحرك باش متسلب منك القضية ، حيت الى ماشديناش هاد لعصابة اليوم ومشاو منا .. غالبا غترجع ليك نتا ... وغيتحيد من يدك سلفادور ... انا غير علمتك باش تلقى شي حاجة منهنا للاجتماع لي تخليهم يخليو ليك الملف ....
لوؤي خدا نفس عميق كيدوز يدو على وجهو .. كان ماموكضش ولكن هاد الهضرة صحصحاتو بزز عليه .. هو عارفها وفاهمها وواعي بيها ، ولكن ماعندو تاحل مدام سلفادور مزال مدخلش للمغرب .... و هضر بثقالة
لوؤي : فوقاش الاجتماع !!!
نيكولاس : غالبا سيمانة جاية بحال اليوم و لا يكون قبل ... غير قاد امورك باش تجي ...
لوؤي: ماعندي كيف ندير ... هاداك خينا مزال مغايجيش لمغرب ... لبارح بليل راني طلعتوو راه فمدريد ...نتا عارفيني ماعزيزش عليا خدمة تقطار دالادلة .. بغيتو حتى يجي لهنا ونشوفو اش غايدير باش يتشد واااقف .... ونشد معاه راس لخيط حيت سلفادور مكاينش بوحدو آنيك
نيكولاس : هادشي مغايفهومهش ليك هوما ... راك عارف سياسة باش خدامين ... لي طممعهم كتر هو لي كايشد الملف .. تعطى ليك حيت الوجهة دسلفادور كانت المغرب والدار البيضاء بضبط كنت اكتر واحد برفيكت لهاد الملف حيت واضح ضحية مغربية.. ونا شفتي فالاحتماع لي فات كان غاتسلب منك ونقدك غييير انه مدرب بنت عمك والعميد عرف بنت عمك غاتعاونا .... فهاد الاحتماع خصك تعطي بروڤ اخر لي يخلي العميد يخلي ليك الملف .... ومايجيش شي واحد اخر يديه ليك .... ونا كون تجي عليا .... دير ليه شي موعد مع بنت عمك وعطي الفيديو للعميد ربما يشوفك كاتقرب وماشي شاري معاك لحوت فالما .. تتا علرف هاد لقضية شخال مهمة لينا وليه
لوؤي : اخر مرة كنتي جبدتي بنت عمي فهاد الخرا راك عاودتي زاجة ديال نضاضرك المرة الجاية غانسيفطك تركب لي لونتي ... انا عارف اش غاندير ....
قطع تيليفون و لاحو لجنب وتكا على الكادر دالسرير معلي راسو لفوق كيتنهد ويرد شعرو لور بيديه ... ملف سلفادور فلول كان بنسبة ليه بحال كاع الملفات لي فايت شد ، ولكن نهار لقاه عندو علاقة بقدس والخطر محطوط عليها هي بالذات ولات عندو قضية عمر ، خاصو ضروري يوقف عليها بيديه و مستحيل تعطى لشي واحد اخر و ميقدرش يأمنها عند تاواحد ، منهار خدم فالدورية وهو معروف عليه التأني فخدمتو ، رغم انو شخص قليل الصبر الى ان فخدمتو كيخدم بالمهل باش مكيزربش ، قضايا الاجرام كتبغي دقة دقة باش ميعيقش المجرم بلي مراقب .... وملي كاينة قدس فالقضية وانها تقدر تآدى كيزيد على الصبر ديالو و التأني فالبحث باش مايدير تاخطوة خاطئة و يعرف يتبع الدليل ... والى مشات هاد لقضية من يديه يقدر يحماق .....حس بالنعاس صافي طار عليه ونفض ليزار وناض لدوش باش يصحصح .....
عند قسم ....
وصلات قدام دار اصيل وهادي اول مرة دخل بطموبيلتها تالحدا الباب بلااا متخاف من والو ومامسوقاش للكارد لي موراها ولا حتى عيون الفضولين لي فسراجم ... حيت كتشوف بلي هذا هو الحل الاخير لي بقى بين يديها ، باركات مور طموبيلتو وخدات نفس عميق وزفراتو لبرا ....
لابيل ديال البارح وشنو سمع ريبات ليها كاع اش بنات منهار عرفاتو و كاع اش قنعات فيه باش ينسى الطبقية لي بيناتهم .... ودابا هذا اخر حل بقى بين يديها ، هزات يديها شافت سعتها و هي تغمض على عينيها بالفقصة حيت الاجتماع مابقا ليه والو وهي مزال حتى مابدلات حوايجها و نزلات بزربة من طموبيل دايراها فيد الله ومشات بجهة لباب والعيالات نازلين ها لي هازا الحليب ها لي هازة الكومير كيشوفو لطموبيل ويشوفو فيها وهي كترمش و تنزل كاسكيطتها على راسها وضارت للباب و دقات ....
سلمى كانت فكوزينة كتصايب فالفطور غير سمعات دقان عرفاتها حسنى هي لي دايرة معاها تجي عندها ... مسحات يديها فسربيتة كانت غير ببيجامة خفيفة ديال دار وشعرها جامعاه للفوق ، يلاه حلات الباب مستعدة تشوف حسنى حتى كتوسع عينيها ملي شافتها قدامها ، ماتوقعاتهاااش كااع انها تكون هي ، ثواني وهي راسمة غير ملامح الاستغراب كتستوعب عاد ضحكات ..
سلمى: ااء ! م .. مادمووزيل قسم ؟؟؟؟؟؟؟
قسم : ( تبسمات ليها فنفس الوقت متوترة ومزروبة ) سلمى .. صباح الخير .... ياكما كنتي ناعسة وفيقتك ؟
سلمى : ( مستغربة علاش جات فهاد الوقت وكتفكر واش واقعة شي حاجة ) ا لا .... بالعكس راني فايقة ....( ماعرفات كيفاش تعامل ) اا .. د دخلي . م مرحبا بيك
قسم : مزرووبة .. ( ضارت شافت لطموبيل سداتها وشافت فيها ) قولي ليا .. خوك كاين ؟؟؟؟
سلمى : ( باستغراب وقليل من الخوف ) ا اه .. ل لفوق ناعس .. و ولكن ... و واش .. طاري شي مشكل ؟؟؟؟ واش على قبل القراية ؟؟؟ متخافيش راه مخليني غير خاصني نعاود باك ليبر ...
قسم : ( بابتسامة ) لا متخافيش .. هاد المرة الموضوع بعيد عليك ( دارتها فيد الله ودخلات وشافت لدروج لي حدا لباب ) الفووق قلتي ؟
سلمى : ( مزال مافاهمة والو كتسائل هادي علاش بغاتو وقادرة طلع عندو لفوق ؟ حتى تلعثمات ليها الهضرة ) ا .... ا .. آه ...
خلاتها قسم وطلعات فدروج وسلمى بقات واقفة فبلاصتها مامستوعباش الموضوع بالمرة ... وهي تسد الباب وبقات كتشوف جهة دروج لي طلعات منهم .. قلبات راسها لجنب عاضة على شفتها كتفكر .. وهي طلع تبعهم خافت يكون الموضوع كيخصها ولا وقع شي مشكل وقسم مخبية عليها ...وإلا اشمن علاقة غتجمع قسم واصيل الى مكانش موضوع قرايتها ؟ .....
عند جود ...
جالس فالبيرو ديالو كيشرب قهوتو وكيقاد فالتصميم لخر لي ملهي معاه ديال الكاميو لي واعد باباه بيه .... كل مرة كيخدم فيه شوية وكيحاول يركز ويخدم على الحوايج لي اول مرة غينزلو للسوق و مكاينينش فالكاميوات لوخرين باش يخلق التميز للماركة ديالو ..
تاسمع حس طموبيل جايا بسبب البلاصة خاااوية ومكيجي ليها حد اي طموبيل دخلات كيسمعها من بعيد .... وناض بشوية من المكتب للشرجم لي مور ليفوتوي هو يشوف الميني كوبر ديال بيلسان لي جاية تابعة لوكاليزاسيون لي عطاها .... وتبسم ..
نزل فدروج باتجاهها حل الباب لقاها يلاه باركات وكتنزل من الطموبيل وكتشوف مع الارجاء ....كانت بشورط بيض نايك لاصق حد ركابيها و تيشورت ديالو اوفر سااايز بيضة تاهي نايك وسبرديلة بيضة وشعرها مطلوق على راحتو لابسة غير نضااضر ديال الشمس فالغوز ... وكضور عينيها تا استقرو عليه وتبسمات ومشات باتجاهو تعلات على صبعانها وهو تحنى عندها عنقاتو وباستو فخدو
بيلسان : كووود مورنييينغ لوڤ ...
جود : ( كيطلعها ويهبطها وحيد ليها نضاضرها من عينيها كيعجبو يشوفهم ) صباح النور ...
بيلسان : ( كتشوف مع الارجاء حاطة يديها فوق من عينيها من شمس ) اش هاد الخلا جايبنا ليه ههههه (علا حاجبو فيها وهي شافت فيه ضاحكة ) قوووليا علاش قلتي ليا نجي عندك هنا ؟؟؟ ( كتشوف مع البناية) شنو هاد البلاصة ؟؟
جود : ( شاف موراه للبناية وشاف فيها ) داري
بيلسان : نعام ؟؟؟؟؟
جود : ( بتأكيد ) دااري ...وخدمتي ...
بيلسان : مفهمتش !!!! ( علات حجبانها ) اااااه .. واش هذا هو الكاراج ديالك ؟؟؟؟ ( جود فقط حرك راسو بآه ) اووووكاي ... حيت انا تخيلتو غيكون وسط المدينة ولا تخيلتو كبيير فهمتي داكشي باش مفهمتش فلول هههه ... ( شافت للباب ) نقدر نددخل ؟؟؟
جود : ( خوا ليها الطريق واشار ليها بيديه بمعنى تفضلي واخا ملامحو مكتبينش الرضى وانطباعها اللول ماعجبوش ) دخلي ...
ضارت بيلي سدات الطموبيل ودخلات كتشوف مع الارجاء وشافت جهة دروج وعلات راسها لفوق ورجعات تااني كتشوف مع الكاراج وضارت عندو
بيلسان : بيييرفييييكت .... واخا مكنفهمش بزاف فهادشي راك عارف ولكن هادشي كيبااان مزياااان .... ولكن صغييير شوية .. زعما يقدك لهادشي ليباغي دير !!!
جود : ( تنهد ومشا تكا على واحد الطموبيل وربع يدو كيشوف فيها ) ماعنديش محل دالميكانيك غنفصل فيه الطموبيلات .. هدا غير اطوليي ديالي صغير كنخدم فيه طموبيل وحدة وكتخرج من هنا .....
بيلسان : اااااه .... اوا انا راه مكنعرفش فهادشي ... حيت كنشوف شركات لي كيصنعو الطموبيلات تايكونو كباااااررر .... جاني هادشي صغير يعني شوف لبعيد مثلا فاش غتنجح ليك طموبيل ويبغي العالم يعرف الشركة ديالك ماجاتش توريهم غير هاد البلاصة الصغيرة !!! فهمتيني !!!
جود : ( دار ضحكة استهزاء ) بيلي ... انا مكنصنعش طموبيلات .... انا كنصمم الطموبيلات .... منهنا مغيخرج غير نمودج واحد وتصميم ديالو .... الى بغاو ياخدوه ويتبناوه و يصنعو منو شغلهم هاداك ....
بيلسان : ااااه !!!! دابا نتا مغاديرش شركة ديال صناعة السيارات ؟؟؟؟
جود : ( بدا يضور راسو بضحكة وشاف فيها ) بيلي ...حنا را فالنغرب وهاد البلاد يلاه عندها شركة وحدة دتصنيع سيارات ... وديال الدولة .... مافبها باس ديري واحد شوية دالبحث على هاد المجال تفهميه ... هاكا غاتعرفيني اش كندير خيت انا بعيد على التصنيع .. انا مصمم ..
بيلسان : ااااه اوووكاي .... ( كضور عينيها على المكان ) مهم نتا هادشي ظيالك ونتا عارف فيه .... ( شافت فيه ) دونك باغي تخدم فالخفاااء مايعرفك تاواحد ؟ .... حيت راك عارف غاتجي فشكل ولد الروووكان وهادي خدمتو وماعندوش شركة دالتصنيع ههه .. غيحسابتهم غا ماقديتيش ديرها هههه ... ونتا باباك قادر يحل ليك ربعة منهم ....
جود : ( ضور راسو لجنب كيحك فشعرووو ورجع شاف فيها ) مغتفهميش فهادشي حسن غا سكتي
بيلسان : ( جايا باتجاهو ) داااكشي .. راه انا ماعندي تا فكرة صراحة على شنوو كادير داكشي باش انا ثايقة فيك وتابعاك ولي بان ليك مزيااان ديييروو احبيبي ( عنقاتو بيديها من عنقو ) نمشيو نفطرو فشي بلاصة ؟؟؟؟
جود : ( شاف لفوق وشاف فيها ) مغطلعيش ؟
بيلسان : ( ضارت بعينيها على الكاراج وشافت فيه ) صافي شفتوو راه باااين زوين وذوقك غزااال .. غير على برا كيباان فششششكل بحالا قديم .. ولكن هنا لداخل زويين .... تالفوق غادي يكون زوين .... ولكن حيت مكنفهمش فهادشي يعني راه ماعنديش باش نفيدك واخا نشوف ....
جود : الى مكتفهميش راه تقدري تسولي وغنشرح ليك ... خدمتي انا اه ... ولكن لي ماراكباش هي ييولك شي واحد على خدمة راجلك وتقوليليه كادير التصنيع ! طايحة شوية ماتكونبش عارفاني اش كندير ! ... وهاد البلاصة مافيهاش غير خدمتي .... هنا بااارت كبييير مني انا ..... وهاد الخلا لي قلتي راه كيعني ليااا بزاف .... كاول خطوة غاندير ديالي .. بفلوسي الخاااصة ....
بيلسان : ونا قلت بلا منهرس ليك راسك بالاسئلة وصافي
جود : ( تنهد ) بالعكس ... كنت غانفرح الى ناقشتي معايا وغانجيب خشيبات ونكلس نشرح ليك ونا فرحااااان ....
بيلسان : حبيبي راه ماعنديش مشكل نسمع ليك تالغدا ... انا ننهار عرفتك كنعرفك كتموت على طموبيلات وكايعجبكم تصنعهم ... يعني انا بعيدة على هاد المجال ومكيستهوينيش باش نبحث فيه .... ( تبسمات ) اسيدي صافي تانديرو شي جلييسة وعاود ليا كوووولشي ( جراتو من يدو ) دابا يالاه نمشيو لشي بلاااااصة جاني القنط هنا .... نفطرو ... وعاود ليا ....
جود : ( تكعد قاد الوقفة وتنهد تنهيدة من اعماقو حس بالمورال لي طلعات لامار كتهبطو ليه هي ) سبقيني انا جاي ( ماشي جيهة دروج )
بيلي : واااخا .. ( كتشوف جييهتو ) نخلي طموبيلتي غير هنا ماعليش ؟؟؟؟؟ زعما الامان !
جود : ( طالع فدروج ) راه تما العساااس
بيلسان : اااااه كاااين ؟؟؟ اووووكاي ...
خرجات لبرا وهو طلع ومورالو نازل مشا لجهة البيسي اونغوجيسترا الضوسي وطفاه وهز سوارتو و نضاضرو وكاسكيطتو لبسها ونزل لقاها متكية على طموبيلتو كتسناه غير شافتو مشات جهة الباب لاخر وهو حلها ليها وطلعات ... وطلع حداها وديمارا زاد وهي تكات على كتفو فرحانة دوز معاه النهار ......
عند قسم
طلعات فالدروج وهي دايرها فيد الله .... ومشات بجهة بيتو .. بانليها مسدود .. تكات على البواني بشوية حلاتو وطلات غير براسها بشوية بانليها البيت مضلم وصوت انفاسو كيتسمعو جيهة السرير واخا ماابان ليها والو بالضلام .... وهي دخل وردات الباب موراها و سلمى معلية حاجبها فباب السطح كتقول هادي كيفاش دخلات عليه وهو ناعس بلا مادق ؟؟؟ هادو امتى ضاسرو ؟؟؟
زادت بشوية بخطواتها تاوقفات قدام باب البيت وبدات كطل شوية من الفلجة دالباب واخا ماحملاش دير هاد تصرف ولكن غاتموت بالفضول ...
قسم مشات ديريكت للسرجم حلاتو تادخلات الشمس و ضوا البيت وهي ضور براسها للسرير كان ناعس على كرشو وقالب راسو لجنب عريان من فوق غير بشورط زرق ، بدات ترمش وهي كاتشوف فظهرو العريان وشحال عامر بسيكاطريسات لي مافهماتش اش حابهم ليه وهي كاتعرفو شحال هو شخصية ثقيلة ورزينة ومكيفتعلش المبدابزات بزاف ! ... عضات على شفتها واعجباها بيه غير مكايزيد وكتحسو لاوقفات مور هاد الظهر مستحيل تآذيها شي حاجة .... انهدات نافضة من راسها هاد الافكار لي ماعنهاش وقتهم ... وشافت لطابل دونوي كاينة فجنب ..بانت ليها باكية ديال الكارو محلولة وطفاية مكمشين فيها بزاف دكاروات زادت بشوية لعندو وهي مقادراش تبعد عينيها على ظهرو العريض لي كيجيب ليها تمام وهو تحت الحوايج ، اما دابا لي عريان خلاها تنسى الاجتماع وتنسى حتى علاش جات !!!! ... قربات بشوية يلاه بغات تمد يديها جمعاتها عندها معارفاش كيفاش تفيقو ومالقات تاوسيلة من غير تعيط عليه ...
قسم : أصيييل ..... أصيييل ....
مكانش كيجاوبها وغارق فنعاسو لي اصلا ماكحل عينيه تالفجر ... هزات يديها كتشوف لساعتها مشا الحال وهي تهز قرعة دالما محطوطة حداه وبدات تخويها عليه بزررربة و سلمى لي كانت كتشوف من الباب وسعات عينيها وهو ناض مخخلووووع شعرو كولو فااازك كيقطررر وهي لاحت القرعة لجنب ووقفات مربعة يديها وهو كيحاول يفهم اش واقع وشاف لعندها هو يوسع عينيه .. هادي شكادير هنا ؟ السؤال الوحيد لي تطرح فدماغو ... وكيمسح الما على وجهو لي كيقطر على صدرو وشعرو لي نزل على حجبانو وعينيه ... وكيشوف فيها بصدمة ...
قسم : هادي هي طريقة الوحيدة لي غاتولي تفيق بيها لاابقيت كنصوني فتيليفون ومكتجاوبنيش ....
اصيل غير كيرمش مزال ممستوعبش وباقي مبوق بالنعاس ونزل عينيه شاف لصدرو وشورطو لي كولشي فااازك وشعرو لي كيقطر تاهو وعلا عينو فيها وهضر بصوت مبحبح بالنعاس ومزال مفاهمش
اصيل : واش نتي مريضة ولا مالك ؟؟؟؟ اش كاديري هنا ؟؟؟؟
قسم رخات يديها لي كانت مربعاهم وجات حداه فالسرير وجلسات كتشوف فيه وهو عينيه عليييها يلاه كيدخل لدماغو راها فدارو وفبيتووو تاخربقات ليه كولشي ببوسة طبعاتها فحنكو فوق لحيتو الفازكة و سلمى شهقات وحطات يديها على فمها
قسم : ( بعد البوسة الخفيفة قربات لودنيه بهمس ) هادي ديال صباح الخيييير ...( دازت لحنك لاخور ببوسة خفيفة اخرى و دوات تاني فوذنو ) وهادي حيت فيقتك مخلوع ...
رجعات لور مبتسمة وسلمى شادة على فمهااا مصدومة وهو كيرمش فيها ماقادر ينطق بحتى كلمة خربقات ليه كاع الوراق كيبات يخطط انه غيصبح الحال وينهي هاد العلاقة ، وغير كيصبح الحال كتجي ضرب ليه كاع تخطيطاتو عرض الحيط ....
عند بيلي وجود
بيلي : ( متكية على كتفو وهو صايك ) توحشت نفطر فريسطو ديال لوطيل لي فلازون ايه ، نتا مغتعقلش ولكن هو لي كنا كنمشيو ليه بزااااف انا وياك ... مكرهتش هاد ليام لي بقاو كلهم ندوزهم غير معااااك .... بقا ليا غير اليوم وغدا ... حيت بعد غدا غانمشي انا واياد لامريكا باش ندي وراقي والباك ديالي وحوايجي حيت صافي قررنا باش غنرجع فخطرة لكندا ...
جود : ونتي عاجبك لحال ! مرتاحة لهاد القرار
بيلسان : ماشاورني حتى حد ... وحتى كون عطيت رايي مغيدير بيه تاحد .. داكشي علاش غنتعاااايش وصافي ماعندي ماندير ....
جود : على اساس كون عطيتي رأيك كنتي غتمشي تعيشي مع جدة عند مروان مثلا !!!
بيلي : شوف ... انا بالنسبة ليا صراحة وبلا كذوب كنت غنديرها حيت مروان بنسبة ليا صديق عزيييز وكنعرفو من نهار حليت عيني ... وكيعاوني فبزاف دالحواااايج ... ولكن حيت راك عارف العاااائلة والقيل والقااال وحقا مامزوجش وكدا ... فاللهم نمشي فحالي ...
جود : اممم .. العائلة !! .... ( تنهد ) مزيااان ...
بيلسان : حتى نتا ... واااحود فهم غير راسك راه انا هاكا دايرة كنهضر صريحة مع ناس لي كنبغي راه مكنزوقش لهضرة .... حتا نتا عارفاك مباغييش .... داكشي علاش بغيت نخلي الخواطر هانية ونمشي لكندا .. اصلا كيف قال عمي اسد ... بقى غير هاد العام وناخد لاليصونص .. وغانجي هنا لمغرب لعندك ( شدات فيديو وابتسمات ) نكمل حياتي معاك ....
جود : ( قلب عينو شاف فيها ورجع شاف قدامو واخا كيحس براسو كيغلي من داااخل عليها وعلى هضرتها لي مكتناسبش ابدا مع شنو باغي يسمع ولكن مرة مرة كتلوح نويطات كيعجبوه وكيطفيوه شوية ) مباغاش تكملي الماستر !
بيلسان : خلي نخرج اول اسماعيلية بلا ماستر ههه ماشي مابغيتيش ولكن المناجمنت مادخلتش ليه بقناعة شششخصية .... انا راني كنت باغا المجال د المودلينغ ولكن بابا وخوتي نقول ليهم نجلس بلا قراية فداررر ومنقولش ليهم المودلينغ مااابغااوش بمممرة .... القراية ماداخلاش ليا بزاف لدمااااغي صراحة ... كون جات عليا غير الاشهارات راهم كاافييييني ... عقد لي راني درت مع ديور هاد لعاااام راه كااافيني .. ماعرفتش علاش زادو ليا بهاد القراية ... وانا خدامة وبيخير
جود : مكانش كيحسابتني القراية كنختارو نقراوها غير باش نخدمو !!
بيلسان : هاء ؟ وعلى علاش غنقرا !
جود : كنقراو باش نعمرو من لداخل ابيلسان ... باش راسنا يكون فيه مايدار مايبقاش خاوي .... حيت لاتبعتي قرايتك وركزتي فيها ماغاتجيش تقولي ليا فتح شركة تصنيع سيارات وانا مصمم ميكانيكي .....
بيلسان هزات راسها على كتفو كترمش فيه ...
بيلسان : كتعايرني ولا جاب ليا الله ؟؟؟؟؟
عند قسم
قسم : ( وقفتت بزربة كاتشوف فيها ) ماعنديش الوقت بزاف واجتماعي بقات ليه نص ساعة ... غنهضر بزربة وغتحاول تفهمني و ملي نمشي فكر فكلامي مزيااااان ...( شافت لسعتها وشافت فيه هو لي باقي مصدوم كايشوف فيها ) اصيييل .... الا بقينا غاديين هاكا وغير تسمع شي حاجة تقطع عليا الهضرة ومتبقاش تجاوبني و تجي تبات كتكمي ( ومات للكارو لي فطفاية ) وغاليا غتكون بتتي كتفكر اننا خاصنا نساليو هادشي ... هاكا راه مخدامينش وعمرنا نزيدو لقدام .... المشكل لي كيكون الحل ديالو صعيب .. مكنضيعوش الوقت كنقلبو على الحل .. لا ... كنتعااايشو معاه .... انا عارفة هضرة جدة كانت قاصحة .. ولكن متنساش ان جدة جات تاهيا من درب بحال هذا .... وكون كانت باقاا فيه كانت غتهضر بديك الطريقة حيت الناس لكبار هاديك هي عقليتهم .... وحتى فهاد درب لي قدامك هنا جيرانك لاجا خطب شي واحد بنتهم غيقول نفس الهضرة وغيبغيو ليها شي واحد لباس عليه .. حيت هاكا كيفكرو هوما ناس لكبار ... ولكن جدة انا متاكدة نهار غتعرفك نتاا شخصيا شكون .... وكيفاش كتفكر ... وشخصيتك كيدايرة .... غتندم على داك الهضرة ..... اصييل انا كندير لي فجهدي نحافظ على هاد العلاقة .... ماتريبهاش ليا ....
سلمى غير كترمش فالباب مافاهمة والو علاش كتهضر تابانت ليها قربات عندو ورجعات كلسات حداه و هزات يديها شدات وجهو ودوات بحنية
قسم : اصيل .... مباغاش نفيق من هاد الحلمة .. وكندير جهههدي كامل باش هادشي لي بيناتنا ميضيعش .. نتا هاز من جهة وانا هازة من الجهة لوخرا باش نكيليبريو هاد العلاقة ... نهار بدينا فيها اول خطوة حنا كنا عارفين انها صعيبة .. مجاتش دغيا نعياو .... ( بابتسامة كتشوف فعينيه بحب ) الحوايج لي كنعيشهم معاك والفرحة لي كنحس بيها ملي كنكون حداك بنسبة ليا تستاهل ندير عليها كولشي .... ولكن .. ( نزلات يديها وتنهدات ) بوحدي منقدر ندير والو الا معاونتينيش ااصيل ... انا عارفة بلي داير جهدك كامل وخديتي هاداك الريسطو على قبلي ( سلمى وسعات عينيها ) والطموبيل .... ولكن واخا هاكاك حاسة بيك بلي هاد موضوع ديال الطبقات باقي مأثر عليك ... وباقي مادخلش لدماغك وباقي راك فالشك ... عرفتي علاش ؟ حيت مزال لحد الان غير كتسمع بيه ..... باش تتخطاه خاصك تشوفو .. وتعيش فيه شوية وتعرف بلي راه ماشي كيف كظنو ..... وداكشي علاش انا جيت عندك لهنا ( ناضت وقفات كتشوف فيه وهو متبعها بعينيه ) عندي فواياج غدا ... اول فواياج ديالي بوحدي غانكون فيه انا الكابيطين .... والباطو تحت مسؤوليتي ... غانجلس فيه سيمانة ... الى نتا عندك هاد الدرب ... انا الدرب ديالي هو الباطو .. تما حياتي كاملة .. وتما طبقتي كاملة .. وتما اي حاجة تبغي تعرفها عليا .... خدمتي واحلامي وناسي وقسم الاسماعيلي .... بغيتك تمشي معايا فهاد الفواياج ... ( يلاه غيهضر قاطعاتو ) مجاياش نسمعك بغيتك نتا تسمعني ... ماتقولش ليا الوراق انا عارفاك خدام مع شركة لي مقادة ليكم وراقكم وبااسبورك ديما غيكون جديد بلا مادير ليا السبة بيه حيت فايتلك قلتي ليا كتوصلو الحوت حتى لطريفة دونك باسبورك ديما جديد .. والفيزا ماعندك علاش تحتاجها حيت مغنزلوش من الباطو والباطو مسؤوليتي .... ماعندك حتى شي حاجة لي تخليك متجيش معايا غدا .. من غير لامبغيتيش نتا ..... ( قربات لعندو ) لمرة وحدة .. لمرة وحدة تبع هضرتي واجي قرب من حياتي اجي شوفها ومتبقاش غير كتسمع عليها .... شوووفها كيدايرة عن قرب باش تقدر تفهم بلي راها مابعيداش كيف كظنها وبلي حياة عااادية .... وتقدر تنسجم معاها تانتا .... حيت هاد الطريق الى بقينا غاديين فيها غير هاكا ..... غنبقاو ديما فالخصام .. وانا اصلا مغيكونش عندي الجهد باش ديما نجي لدرب فتسعود دصباح نخوي عليك الما .. ( نزلات راسها كاتشوف للتحت شحال ورجعات شافت فيه ) ضور هضرتي فدماغك مزيان .... غدا عندي الفواياج مع تسعود ديال الليل .... فالبوغ ديال طنجة .... الى جيتي ... غنكون فرحانة بزاف باش اول رحلة ليا تكون معاياا نتا فيها .... الا ماجيتيش غنعرف بلي حكمتي على هادشي لي بيناتنا يبقى ديما مخربق تالواحد نهار غيسالي بواحد طريقة لي غناكلو فيها الدق مزيااااان .. بجوج بينا ....
اصيل : قسم نتي را ( قاطعاتو )
قسم : راه مغنسمع والو ... هاد المرة قلت ليك انا لي جيت ندوي ... كاع اش غاتقول عارفاه ... ( شدات فيديه ) انا مقتنعة مية فالمية بشنو كاندير .. وفرحانة .... بغيت نبدا معاك من زيرو بغيت نبينو انا وياك هاداك ريسطو طوبة طوبة بغيت يكون هو الحاجة لي درتها انا .... بلا فلوس بابا ... درتها معاك ... نتا لي غانكمل معاك حياتي .... بغيت نبدا معاك كولشي من جديد ... طبقة لي خالعاك ماشي ديالي ا اصيل ... هاديك ديال عائلتي ونتا مغاترتبطش بعائلتي ... نتا مرتبط بيا انا .... و انا ماااعندي والو ..راس مالي قرايتي وشهاداتي غانهزهم معايا ... انا وياااك بحال بحااااال ااصيل .... ( شافت للفوق ) يااااااربي تفهمني شي نهار يااااااربي يتهد ليك هاد الراس القاااااسح
عند بيلي وجود
جود : لا .. انا عاطيك وجهة دالنظر ديالي .... كيفما حتى نت كاتعطيها بلا متردي لبال لشنو كاتقولي ....
بيلسان : ( تقادات فالكلسة ) القراية لي كتعمر الراس راه حدها الباك اجود ... ونا الباك عندي وبوووومسيون طخي بيان .. والى بغيت نقرا راه غانقرا .. كانهضر ستة د اللغات وكااافيني .... رغبتي هي لي مشات لموديلينغ .. كيفما نتا عندك حلم الميكانيك ... انا عندي حلم اخر ... لي الماستر ماعندو باش يفيدو
جود : مشكلتك هو انا كنهضر فشرق ونتي كتفهمي فالغرب ... الباك كيعلمك تكتبي وتقراي ويعلمك شوية دالتاريخ و كيفاش تحسبي .... اما الراس كيعمر ورا الباك .... تكوني كتحلمي بالموديلينغ ولا الرسم ولا الغناء ولا تشطحي على البوطويات فالبيران ... القراية مهمة فكاع اشنو كاديري حيت هي لي كتخليك تصطضوري لهضرة فراسك قبل ماتقوليها .. وكاتعلمك شنو تقولي .....
بيلسان : اسيدي خلي راسي خاااوي .... الى كنت غاندير خدمة نااااجحة فيها ... اش غاندير بالقراية اجود ؟ اش غاندير بهاد الماستر ..صافي ليصونص راه كافياني
جود : وهاد الخدمة لي كتهضري عليها وباغا ديريها ... دايما ليك ؟؟؟؟؟ غتبقى معاك ديما ؟ غتحسي براسك راك حرة فيها !!!
بيلسان : لا .. ولكن كندير شي حاجة كنبغيها ... وحنا كاسماعيليين اجود اخر وحدين يفكرو فخدمة دايمة حيت الصغير فينا عندو كووونط لي غيعيشو حياتو كاملة بيخير .. حتى الى مخدمناش الاوسمة ديالنا راه كدخل الفلوووس ...
جود : هادشي وجدو ليك باك ... ونتي .. اش غاتوجدي لولادك ؟؟؟ الوسام كتخصلي عليه غا نتي مغيتخلصش عليه ولدك ولا بنتك
بيلسان : ههههه طبعااا هااادوك مسؤوووولية باباهم لي هو نتا ... انا لادخل لي ههههه
جود : ( تنهد شاد طريق مركز معاها فنفس الوقت كيشوف لعندها ) هادشي لي كتقولي مخدامش .... حيت .. فلوسك ... كدير منك .. بنت الاسماعيلي ... ولكن قرايتك ... هي لي كدير منك ... بيلسان ..
اصيل : واش بنت ليك اقسم انا باغي نريب هادشي ؟؟؟؟ ( بجدية كتر ) قسم هادشي لي بيناتنا نعياو نحلقو عليه راه مااامقاااادش ... كاين الميل ... مايل لجيهتي انا ...
قسم : انا دابا مزروبة بلا قياس ... الا عندك شي حاجة تقولها ليا اجي قولها ليا غذا ... فالباطو ..... مكنتيش غاتجي ... مغتقول والو ... اصلا مغيبقى مايتقال ...
يلاه غتمشي مد يدو شدها وضارت عندو كانت الجدية طاغية على ملامحو وناض وقف وهي علات راسها معاه وعلا شعرها بيدو ردو لور وتنهد ...
اصيل : واش عارفة اش كتقولي ولا معارفاش ؟؟؟؟ باش من صفة غانمشي معاك انا فالباطو وحنا مابيناتنا تاشي حاجة رسمية اقسم ؟ اش غتقولي لعائلتك الا سولوك شكون هاداك ؟
قسم : لي غيسولوني شكون هاداك ولي كيعرفو شكون غيمشي معايا فالباطو هوما بابا وماما وخوتي .. وكيعرفوك نتا شكون ( بابتسامة ) من فوق هادشي كامل هذا ماشي اقتراح ديالي .. هذا اقتراح ماما لي عرفاتك بلي سمعتي جدة اش قالت
اصيل غمض عينيه علا راسو لفوق كيتنفس
قسم : اصيل .. انا عارفة هادشي غريب عليك .... ولكن راه هاكا انا دايرة .. تأقلم معايا اش غانديرليك ... الى كتشوف راسك مزال مغتقدرش تجي لدارنا .. على الاقل شوف المجتمع ديالي كيدار .. راه عمرك غترتاح ليه الى مشفيتهش ... ( شدات يديه وهو شاف فيها ) اصيل ... لمرة وحدة فحياتك عاافااااااك .... مضيعش هادشي لي بيناتنا .. مرة وحدة تبع هضرتي انا
اصيل : كيفاش لمرة وحدة واش منيتك نتي ؟ راه ملي عرفتك وانا دايرها فيد الله وتابعك !!!
قسم : وصافي كمل .... مالك ... ( قربات كثر عندو بملامح متأسفة شادة فيديه ومعلية راسها فيه وهو منزل عينيه عندها ) سخيتي بهادشي لي بياتنا صااافي ... علاش باغي تساليه ؟؟؟؟
اصيل : ( تنهد ) قسم .... ديما كنقوللها وغنبقى نقولها .... قيمتك عندي كبيييرة .. وبزاف كاع .. ولكن كرامتي كبر من كولشي اقسم ..... ( شد ليها يديها ) راه كنخاف شي نهار تحسي بالنقص منقدرش نوفر ليك لي كبرتي ليه ... راه غانجيف راسي حسن ليا مانتحط فهاد الموقف .. آپار الناس ... تتي كتهضري غلى واحد العيشة معارفاهاش ... شافها غير من جيهتها زوينة .. واشوعرفتي شنو هي غاتجي عندي تبداي معياا من زيرو
قسم : انا ماشي مراهقة مضعفينها نزواتها .. وماشي شي وحدة عندها خمسين عام قرب ليها سن اليأس وخصها تزوح دغيا باش تولد ... انا وحدة ... فالأوج دالبلوغ ديالي. وعاااارفة مزيان اش كاااندير ومقتنعة وعارفة معنى غانبداو من زيرو .... انا عارفاك مغاتخلينيش بالجوع ... وانا قادرة نفصل حياتي الشخصية على الميديا وصحافة ومغايتكتب عليك تاشي خبار .... فكل الاحوال كنتي ولا مكنتيش غاندير مشروعي .... اااصيل .... انا باغا نكون قسم ...... قسسسسم .... ونتا بوحدك ... لي كنكون معاك قسم .....
عند جود وبيلي
بيلي : انا بفلوسي ولا بلا فلوس .. بيلسان .. انا عمرني تصنعت لا معراسي لا مع العالم لا معاك .... الى نتا باغي نبدا من زيرو .. انا مامحكومش غليا نبدا معاك من زيرو اجود !! خدمتك اه نشجعك فيها احلامك هادوك .... ولكن ماترغمش غليا نتشاركهم معاك انا عندي حياة اخرى .... ( حود غير كتنهد وفضل انه يسكت الى يقول شي حاجة يندم عليها ) دابا نتا كا تقول ليا ان الواحد خاصو يدير شي حاااجة ديااااالو ... باش يتسمى راه نجح ! وراه العالم غيهضر عليه هو ... واخا ... ( تقلبات لجنب كتشوف فيه ) تانا نمشي بالمنطق ديالك احبيبي ...دابااا تخيل كون مكانش باباك ... كاااع .... ونتاا شريتي هاد الكاراج لي قلتي ديال طموبيلات كتصمم ولا منعرف ... واش كان غييسيق ليك شي واحد الخبار ؟؟؟؟؟ وانا طريق مالقيتها تاااشحفت و ولوكاليزاسيون شحفات معايا ... واش كان شي واحد غيعرفك اش كادير .. كان شي واحد اصلا غيشري عليك شي تصميم ملي تساليه ؟؟؟؟؟ تااااااحد ..... حنا الحمد الله تزادييينا وسط عائلة معروفة ... وهادشي مكاينش عند كاع ناس وخاصنا نستغلووووه حيت محظووظين بيه .... داكشي علاش عمرك تستهن بكنيييتك وشكون نتا ومكانك فالمجتمع ....
جود : ماعندي ماندير ابيلسان بهاد المكانة لي صنعها الواليد .... حيت ملي كندير راسي على المخدة كنلقى راسي مداير والو .... وداك المكانة ماشي انا لي دايرها لراسي .. ونهار يجيو ولادي مغيقولوش هادشي دبابا غيقولو هادشي دجدي .. ونهار يولدو ولادهم مغيقولوش هادشي دبابانا غيقولو هادشي ديال جد بااااانا .... ولاد ولادهم غيقولو ديال جد جد جد بانا .. غااااينددددثر هادشي ... ومغيبقى غير عنوااان قدييييم وتاريخ قدييييم .... الى كان باباك وعمامي والواليد دارو هادشي .. راه باش نكملوه حنا ونديرو بحالهم ونخدمو على مشاريع دياولنا حنا .. ونربيو ولادنا على نفس الطريقة .. ماشي نعيييشو متكلين على فلوسهم لي معرقناش فيهم ..... خاصني ملي نجلس مع راسي ابيلسان نعرف انا راسي شكون وشنو قدمت لهاد دنيا فهاد العبوور القصير لي عندي فيها ... وشنو غيقولو عليا حفايدي .... هادشي علاش كنقرااااو .... وكنتعلمو ... و كنخرجو نديرو حوايج دياااالنا حنا .... بعاد على السينياااتوور دالاسماعيلي .... ونا مكنهضرش عليك نتي كنهضر على رااااسي .. اما نتي تخدمي ولا متخميش كايبقى قراراك الحاحة الوحيدة لي غانضمن ليك هي واخا نعرف نمووووت .. ومغاتخصك نتي تا حاجة ....
بيلسان : راك غير كتعقد الحياة احبيبي والله ... حيت حنا عندنا كنية واملاك ولي كيتوارتو عبر الاجياااال .... ماشي ضروري تنوض دير وحدين جداد ...
جود : نفهم من كلامك ... هادشي لي كندير معاجبكش
بيلسان : مقلتش هاكا .. بالعكس هاديك هوايتك غاديرها فاوقات فراغك مافيهاش شي حاجة
جود : هادي خددمتي ابيلسان .. ماشي هواية .. وباااش نحطك فالصووورة مزيااان .... هاديك هي الخدمة لي غتعيشي منها .. معايا .. مغتعيشيش من املاك شركة الروكان البحرية ... غتعيشي من هاداك الكااارااج .... ومن خدددمتي انا .. لابغا تعيشي بأمالك لواليد تزوووجي بيه هو ماشي بيا
بيلسان : هههه واش اجود من نيتك ؟؟ واش عمي اسد غيخلي ولدوو يعيش من كاراج ؟ و واش انا عندي كونط غيتفركع غنتسناك تصرف عليا ؟؟؟؟ ونتا نيييت غتخلي كونطك كيتسطوكا وتعيش غير بكاراج .. جود حل دماغك شششوية ؟؟! الفلوس الناس مالقاتهاش ونتا باغي تلوحها ...
عند قسم واصيل
اصيل : وهااادشي لي مخخليني اقسم درت كااااع هاد الخطاوي الحمقين للقدام بلا منفكر .... ولكن كرامتي اقسم راه فوق من كووولشي .... راه مغانقبلش بعلاقة غانحس فيها بالدل ...
قسم : مغنخلي تاشي واحد يقيس كرااامتك ااصيل .. مكاين تاشي واحد غايقييسها ... شرحت ليك بلي جدة مراة كبيرة عادي تخرج بحال داك الهضرة ... واش دابا غتخلي تسعود وتسعين خلق فعائلتي وتدي على هضرة ديال واحد ...
اصيل : هاد الواحد راه جداتك اقسم ....
قسم : وهي هاااكاك كااادوي .... راك غير مكتعرفهاش ... وتاهي مكتعرفكش هادشي كولو طاري حيييت مزال مادخلتيش لعائلتي ومزال مشفتيش مجتمعي داكشي علاش كنقوليك على الاقل يلاه معاياا فهاد الفوااياااج على الاقل .. بعدا دير واحد الخطوة .....
اصيل : اشمن فواياج اقسم راك كتهضري على سيمانة واش انا غنخوي سيمانة راه عندي خدمتي وريسطو عامر خدمة خاصها تقضى وسلمى راه مكنخليهاش بوحدها واش تسطيتي !
قسم : ( نزلات عينيها للارض مدة قليلة ورجعات شافت فيه بعيون متأسفة ) داكوغ .... فهمت .... ( تنهدات ) ماشي مشكل .....
طلقات من يديه وجات ماشية وهو تنهد بقوة وتبعها شدها وسلمى دازت بزربة حدا الحيط وقفات باش متبانش ليهم
اصيل : دابا مالكي ! قلبتيها عليا !
قسم : ( ضارت عندو ) كنشوفك ماباغي دير تاخطوة نزيدو لقدام
اصيل : تا خطوة !!!!
قسم : كاع اش درتيه هرستيه البارح ملي طفيتي عليا تيليفون
اصيل : كنت محتااج نجلس مع راسي ونفكر ..
قسم : وهانتا فكرتي .. باش خرجتي فلخر .. نساليو هادشي ؟؟؟
اصيل نزل راسو ساكت وهي تبسمات باستهزاء
قسم : داكوغ ..... ساليه ..... ساليه باش تهنى .... وباش نتهنى حتى انا .....
نترات يديها منو ومشات بزربة حلات الباب وقصدات دروج والرؤية مضببة ليها بالدموع وهو خرج النفس بزفرة قوية وجلس فوق سرير كيرد فشعروو لور ويسوط .... وسلمى واقفة فالباب موسعة عينيها مافاهمة والو حاسة بحالا تكب عليها سطل دالما باااااارد ...
هبطات قسم بالجرا فدروج كتمسح دموعها وقفات حدا الباب وبقات شحال كتنفس .. مسحات دموعها بزربة ... وخرجات لطموبيلتها ديمارات وهي كتشوف لساعة فيديها بلي مشا الحال والشركة باقا بعيدة على الدرب ... كسيرات بالطموبيل ومشات والكارد ديمارا تبعها وتيليفونها كيصوني صفاء قالبة دنيا وهي تقطع ليه الصوت وخلاتو .... طريق كلها غير ساهية ودموعها تاينزلو بلا ماتشعر .... ملول عارفة هادشي لي بينها وبينو صعيب ومن لول وهي عندها الارادة تحدى كولشي ولكن هو مكتشوفش عندو نفس الارادة ... كتشوفو دغيا كيستسلم وكيعيا وكيمل .... من الاحسن يساليوها هنا الى كملو فكل مشكل غيخصها هي تحزر وتلقى الحلول .. زادت كسيرااات كتر وكولشي لي دايزين كيشوفو لهاد طموبيل لي ماشية بهاد سرعة كاملة وكيبعدو ليها من طريق تادخلات للطريق الرئيسي وغير مزادت عاد كسيرااات والكارد تابعها بحال خيالها ... تاوصلات للجمعية ديالها و طلعات بزربة وصفاء تابعاها كتجري وتغوت بلي كولشي فلاصال كيتسناها وهي معطلة ... صفاء كلها مسطريسية اما قسم غير سااااهية وكتفكر انها تخلي كولشي وتمشي لشي بلاصة بعيييدة تجلس تما شهر ولا عام ولا عامين غيير بووووحدها تتنفس وترتاح ....
عند جود وبيلي
جود : شحال قد هاد كونط ديالك يدخل ليك مم ؟؟؟؟
بيلسان :حيااااتي كاملة !!!
جود : هادشي الى متزوجتيش .....
بيلسان : كيفاش الى متزوجتيش ؟؟؟؟ راه كيبقى ديما وهانا تزوجت ومنبعد ؟ راه كيبقى تامور الزواج
جود : كيبقى مور زواج الى ديتي شي واحد اخر من غيري انا
بيلسان : مافهمتش؟ واش بروتوكول غيحرمني من اوسمة لا ديتك نتا ...
جود : انا لي غانوقفو ليك ماشي البروتوكول .....
بيلسان : ههههه ؟ وباشمن حق !!!!
جود : بحق واحد الراجل قادر بيك و بمصاريفك .... وماعندك ماديري بفلوس باباك وعمامك !!! وبواحد راجل مغايرضاش ياخد مراة باقي كايصرف عليها باها .....ولا الواليد
بيلسان : واش باغي تقطع رزقك على زرق باباك وبابا ؟؟؟؟؟؟
جود : فلوس البرتوكول .... والاوسمة وداكشي كامل .... غيبقى ففففقط لشي حاجة سميتها الطبييب والخطر ..... اما من غير هادشي مغتاخدي منهم حتى ريال لا انا لا نتي ..... انا باغي نبني اسرة وولاد .... من عرقي انا .. ماشي من عرق الواليد .....فلوس لي ماشي ديالنا غاتبقى غير للخطر و الازمات ...
بيلسان : هاء ؟؟؟؟ راه عمي اسد لاسمع هاد الهضرة مغيبغيش عاساك انا ؟؟؟؟؟ واش باغينا نعيشو فالفقر ؟
جود : ( ضار عندها بزربة ) وشكون قاليك غنعيشك فالفقر ؟؟؟؟ واش نتي شوية لاباس ؟؟؟؟؟
بيلسان : ( بانفعال ) رااااك ماااخداامش اجووود ؟؟؟؟؟؟
جود : ( بانفاعل كتر ) وهادشي لي ديتك ليه شنو هو ؟؟؟كنلعب تما البلاي !!!!!!
بيلسان : ( بعصبية والغوات ) وااااااش من نييتك انا غااانعيش من كاارااااج قد بيتي فالخلااااا ؟؟؟؟؟؟ واش هرب ليك ولا مالك ؟؟؟؟؟
جود بقى غير كيرمش فيها هو يقلب الطموبيل ببببقوة تاااتقلبات كون ماشي سانتير لي شاداها ....ضاااايررر راجع من طريق لي جابتو بسسرعة وهي وسعات عينيها وشدات على السانتير
بيلسان : جوووود بشووووية ... جوووود صووووك بشووووية
جود تكا على الكسيييراتور وكااايحس بعروقو كاايزدحووو ليه فصدرووو والضباب حس بيييه فعينيه مابقى قادر يشوف والو بقوة ماعصباتو هضرتها .. وهي شادة على السانتير مخلوعة من السرعة ومخلوعة حتى من هاد المصير لي كيهضر عليه ولي صرفقها بيه ولي مستحيل تقد عليه .... تاكان وقف بفرااان قوووي حدا الكارااااج فين محطوطة طموبيلتها وهي عاد ردات نفس
جود : نزلي
بيلسان : جود شوف انا ( قاطعها بالغوات تاتخلعات )
جود : نننننزلي
خرجات بزززربة مجات فين ضور تاكان كسيرااا ومشا وهي بقات متبعاه باقي قلببهااا كاااايضضضضرب وعينيها دغيا تعمرو بدموووع ......
فالقصر ....
ساعة 13:00 ...
طالع وسيم فالدروج شعرو فازك والبيل ديالو معلقة غير فعنقو لابس غير شورط وهاز تيليفونو فيديه والكاميرا ديالو واضح كان فالبحر طالع كايشوف تصاور اللخرين لي صور للبحر بحكم ثاني هواية ديالو هي التصوير ... تاوصل لبيتو حلو .. هو يعلي معاه حجبانو ملي شاف باباه واقف حدا الشراجم الطوال داير يديه فجيابو .... وعلى السرير كانت محطوطة لافاليز ديالو محلولة لي بدا يجمع فيها الصباح اشيائوو وخلاها تايرجع ويكمل عليها ...
وسيم : بابا !
اسد ضار لعندو كيشوف معاه وتبسم ليه ....
اسد : صباح لخير .... كنتي فالبحر !
وسيم : اه ... كنحاول نشبع منو ، الصيف مشا .. ( مشا بجهة الشارجور وحط عليه تيليفونو يتشارجا ) راه سيفطو ليا من لينيفرسيتي ... بقات عشر يام ونبداو ... داكشي باش بديت نجمع حوايجي ... حتى بيلسان راه غتمشي بعد غذا هي واياد ... قلت نمشيو فطيارة وحدة .... اش باليك ابابا ؟
اسد غير ساكت وزاد لعندو كيشوف فداك لافاليز ورجع شاف فيه ولاح ليه على لافاليز ورقة كبيرة مطوية بحال جوغنال .... وسيم شاف فيه وشاف لعندها وهزها كيشوف فيها كانت لافيش ديال جامعة الاخوين , بقى تيشوف مفاهمش هو يشوف فباباه
اسد : غاتبدا منهنا خمسة وعشرين يوم ..... ماشي عشر يام ...
وسيم : ( حط لافيش فبلاصتها وملامح الخوف والغضب تمزوجو فوجهو ) .. م .. مافهمتش ؟؟؟؟
اسد : سميتك تقيدات ف AUI (جامعة الاخوين) ، وتمحات من NYU ( جامعة نيويورك ) ... داكشي علاش ... غير رد هاد الحوايج لي بلاصتهم وشبع من البحر بشوية عليك ....
وسيم : اء ؟؟؟؟؟ ول ولكن .. صبر .. كيفاش تمسحات سميتي ( قلبو بدا يضرب ) بابا واش علا ود جدة غتعيش مع خالي مروان مبغيتينيش نمشي ؟؟؟؟ راه قادر نعيش فدار بوحدي عاااادي ؟؟؟ واخا تمشي بيلسان لكندا ماعنديش مشكل ....
اسد : ( بصرامة ) انا هو لي عندو المشكل
وسيم : وللللكن علاش ؟؟؟؟؟ ( جاتو البكية ) واش انا عمرني بقيت فدار بوحدي ؟ يهديك الله ابابا راه ماعنديش طناش لعام .... فييين كاين المشكل لابقيت بووووحدي ؟؟؟؟
اسد : ( دخل يدو فجيبو وجبد الساشي لي لقاه عندو فالمجر وسط الاجوندا وراهليه ووسيم وسع عينيه ) المشكل .... كاين هنا .....
وسيم : ا ... اء ....ا ... ( حس بالهضرة تبكمات ومبغاتش تخرج وراسو سسسسخن وودنيه صفرو وقلبو تايضررب بجهد تاضرو فصدرو بغا يسرط غير ريقو حس بحلقو نشف ) ا .... ش ..اش .. ه هادي .. ش شنو هدا ؟
اسد : ( بصرامة كيشوف فيه ) هادشي انا لي خاصني نسولو ليك .... شنو هذا ؟؟؟؟؟
وسيم : م .... ( داتو كلها ولات كترعد ) م .. معرفتش ... م ماشي ديالي
اسد : ماشي ديالك ؟؟؟؟؟ ( كيدوي بهدوء ) متأكد ماشي ديالك ؟
وسيم : ا اه ( كيحرك راسو بالايجاب بزربة ) ااه .. م مادياليش
اسد : ( بالغوااات مزير على سنااانو و وسيم وسع عينيه مخلوع ) ملي ماااااشي ديالك اش كاااايدير فالمحجججر عندك ؟؟؟ هم ؟؟؟؟؟
وسيم : ( راجع بلور مخلوع ) غ .. غي .. غير ديال دري صاااحبي ....
مجا فين يزيد يرجع تاكان جبدو من البيل المعلق فعنقو لعندو بقوة كيشوف فيه
اسد : اش قال ليك داك العقل ؟؟؟ ها ؟؟؟ غير راني بعيد ندير لي بغيت مغيجيبش خباري ؟؟؟؟؟ مغيعرفنيش اش كندير ؟؟؟ اش هااادشي اوسيم ؟؟؟ هادي هي الثقة لي درتها فيك ؟؟؟؟ .... ثييق فياا ابابا ومتخاافش ...غاخليني اماما نمشي ... ( كيوريه داك ساشي ) هادي هي ثيييقو فيا ؟؟؟؟؟؟؟ صييفطتك تقرا ولا تشششمكر ؟؟؟؟ فييين عمر هادشي كان عندنا حناايااا تاترمااا ليه نتا ؟؟؟؟؟
وسيم : غ .. غ غ انفهمك ابابا ( كيترعد ) ش ش شوف ر راه ماشي شي حاجة .. راه غا ( قاطعو )
اسد : مغنتسناكش تاتقول شنو كاين فهاد الساشي .. عااارف مزياااان شنو فيه .... وعارف حتى من امتى بديتي هادشي ..... متشوفنيش ساكت يحسابتك معارف والو .... ملي كنسكت ... راه كنكون كنتسنى نتوووما اش غاديرو ....
وسيم : و .. و الله ابابا ماشي شي حاجة خطيرة ..
ر راه ماوصلتش لشي ادمان .. غ غير ك كانو غير .. منشطات وصافي .. و و معرفتش تاولاو كيعجبوني .. ولكن صافي .. صااااافي والله منعاود ناخدهم .. صافي غير خليني نمشي نكمل قرايتي ابابا راني ولفت تما ... صافي والله منااااخد هادشي ( شدليه يدو كيرغبو كايبوسها ليه ) عفاااك ابابا منقدرش نقرا هنا .. عاافااااااك ...مسسسستحيييل ....والله مااااا ادمان
اسد : ( كمش داك ساشي فيدو ورجعو لجيبو وقاد وقفنو كيشوف فيه ووسيم كولو كيترعد ونيفو ولا حمررررر ) هادشي واش ادمان ولا ماشي ادمان ... ماشي نتا لي غاتقول ليا ... هادشي غنعرفو راسي ....
وسيم : ( كايترعد ) ي ياك ... ياك ... ياك قلتي ليا لاجبتي نوط مزيانين غتبقى فامريييييكا ... د درت جهدي كااامل ابابا .. درتو كامل .. كنبقى سهراااان كنبريباري ... وهانا جبببت مزيان علاش باغي ترججحعني ؟؟؟؟؟؟
اسد : نتا لي رجعتي راسك بيديك .... ( جبدو من دراعو مزير عليه تاقرب يهرسها ليه ) حححل وذنيييك معاياا ماشي ديما غنهضر مبرد معاك هااكا ....مااابغيييتش نضررربك حيت مزال داير بين عيني راك ولد مراهق ومتوقع منك كولشي ومزاال داير بين عيني بلي بديتيه غير منشطات .... ومبررررد معاك حيت كون جيت عندك نهار لول لي عرفت هادشي كنتي غتكون حدا جدك دابا ..... انا راه داير معاك الخاطر داباا اوسيم و كنتعاااامل بعقلااانية فهاد الموضوووع ... حيت عارف لا الضرب لا السبان مغينفع معااااك .. .( زاااد جرووو تاني كيقرب ليه ووسيم مغمض عينيه وهو كيهضر فوذنو ) هااادشي غااايبقى بيييناتنا .... والعام جاي ... غنخليك ترجع للامريكا ... بششرط .... تبين ليا هاد العام بلي مقربتيش لهادشي ... وماعندكش ادمان .... وماشي تسمعني مسيفطك لافران غايحسابتك دير لي بغيتي ... راه عينيا غانسيفطهم معاك ....وفاي لحظة غاتلقااااني حداك الكوبطير كاتتسنى غا علاش تحرك اولدي ... ( وسيم كيحررك راسو بالايجاب بزربة ) وحتى داك صاحبك هنا لي جاب ليك هادشي تفاااااااهمت انا وياه مزيااااان .. وبيتك غيتقلب كككككل صباح .... والكارد غيتبعك بحال ظللللك منين تفيق حتى تتتتنعس ... هاد الححبس نتاا لي قلبتي عليييه ... واخد لوطوريزاسيون من الاهوين باش لكارد ديالك يدخل معاك بحااااال ظلك ..... ( وسيم غمض عينيه ) شششفتي لاسسسمعت طططلبتيه مزال ولا دددقتيه ..... مغتبقاش غير فافران ومغانجيبكش لدار .... غتمشي للمصحلة اولدي ... ( وسم حل عينيه على وسعهم ) مكنقولهاش باش نهددك .. بررررربي اولدي تاندخلك للمصلحة بيييييدي ..... وغاضيع حيااااتك .... باش نعللللمك شنو هو التشمكييير .... ( زايد زيرو تاني ) دابا انا مااداويش ... وهااانااا ساااااكت ... ..و هانا دوووزتها ليك وحمد الله لي غير جبتك تقرا هنا فالفافران وماربطتكش فالدار ومبغيتش نضيعليك القراية دهاد لعام .... ولكن اولدي نششششم ريييييحتك قربتي لهادشي ... غتشوف فاص اخر دباباك ..... عممممرك شفتيه .....
طلق منو وخلاه ماشي لباب هو يسمعو موراه بنبرة تتترجي ودموع تعمرو فعينو
وسيم : ط هادشي لي قلتي كووولو فوق راسي قاااابل بيه وصيفط معايا لكارد ....ولكن خليني نمشي لامرييييكا عاااافاااااك .. تما وووولفت متخلييينيش هنااا .... ماااباااغيش نقرااا هنا
اسد : هضرة وحدة راني قلتها .... فينما راك غادي تقرا ... بين ليا هاد لعام بلي راك ماشي مدمن .. وانا غنسى هادشي لي شفت .. ونديرو بحالا عمرو كان وغنخليك تمشي تكمل العام جاي .... اما دابا .... غا رد داك لافاليز لبلاصتها .....
خلاه وسد الباب ومشا ووسيم بقا فبلاصتو يدو كتتترعد ليه وقلبو تيضرررب بججحهد كيحس بالخنقة بمجرد مكيفكر غيبقى هنا هو غير ثلت شهور دازت عليه كحلة بلا مايحس بدا يهرررس اي حاجة قدااااموو مجنن عليهم ومعععصب وشتت لافاليز ديالو وشد داك لافيش دالجامعة كيقققطعها بسنانو تاارجع لوونووو ززززرق وطاح للارض كينهج ....
عند سلمى ...
كتمشي وتجي فالكوزينة وكتغزز فشفايفها مافاااهمة والو !!!! مزال هادشي لي شافت وسمعات ماقدرش يدخل لدماغها ولا تستوعبو ؟ قسم واصيل ؟؟؟ غير كذكر سمياتهم حدا بعضياتهم كتنفض فراسها وتقول اعوذ بالله من الشيطان الرجيم ! حيت فكرة مكدخلش حتى لدماغها فما عساك تتقبلها ؟ كيفاش وامتى طرا هادشي !!!!!
باقا فافكارها تاسمعات الحليب كيفيض وهي تمشي بزززربة طفات على البوطة وبقات كتشوف فيه فايض وساطت النفس ومشات خدات سربيتة تمسح البوطة ودماغها كولوو ساااارح فالتفكييير ... امتى هادشي تطور حتى لهاد درجة ؟ كيفاش على قبلها شرا الريسطو ؟ واش هوما غيقدو على عائلة الاسماعيلي ؟؟؟؟ واش هوما ديالهم ؟ .....
يلاه غارقة فافكارها سمعات تحنحينة ديالو فالصالون وصوت لاكليم تشعل وهي تجمع راسها باش متبينش حداه وبدات كتقاد الفطور تاشمات ريحتو وضارت كتحاول تتبسم واخا دماغها مشقلب كان مدوش ولابس تيشورت زرقة وسروال دجين وكيقلب على القهوة تالقاها حاطاها ليه وبدا يخوي فالكاس
اصيل : ( بصوت ناعس ) صباح الخير ...
سلمى : ( سرطات ريقها حيث غير نبرة باش دوا كتبين بلي راه ماهواش فدماغو وضارت للافابو كتغسل السربيتة ) صباح نور .... هاهو الفطور واجد غنحطو دابا
اصيل : ( جبد تيليفون وكيجغم من قهوتو ) لا مافياااش غير فطري ...
خلاها وخرج وهي بقات كترمش وديجا الحوار لي سمعات راه باين كيفاش غاينزل عندها .... بقات واقفة فبلاصتها كتشوف خوها شحال كيبان معلق بيها ؟ اذن هدا هو التفسير الوحيد للتغير ديالو مؤخرا فمورالو لي مكانتش فاهماه .... باقا واقفة كتشوف فبلاصتها تاسمعات تعيطتو ومشات باتجاهو كان جالس على درجة كيلبس سبرديلتو ووقفات حداه
اصيل : ماخاص والو !
سلمى : اا . ... ( كتفكر حسات دماغها مكاينش فبلاصتو كتحاول تركز ) اا .. البصلة .. و .... و فلفلة ... و فرماج .... و ( قاطعها )
اصيل : كتبي داكشي فميساج .. مغنجيش انا ( وقف كامل ) غيجيب ليك السيد التقضية تاتشوفيه من الشرجم مشا عاد حلي الباب دخليها ... ماتحليش وهو باقي هنا .. ( عطاها الفنجال وضار حل الباب )
سلمى : اا .. خويا .. واش عندك صيادة اليوم ؟ غاتجي معطل بليل ؟ نتسناك للعشا !
اصيل : عندي ... غير نعسي وحيدي الساروت من الباب ....
سلمى : واخا اخويا الله يديكم على خييير .... راه غاتجي عندي حسنى تتغدا معايا ماعليش
اصيل : ماعليش ... غير ماتخرجوش ...راه فلوس فالمجر لفوق لاكانات باقا خاصة شي حاجة اخرى تخرج تجيبها ليك
سلمى : وااااخا اخويا شششكرا ..
خلاها ومشا وهي واقفة فبلاصتها كتشوف لداك الفنجال وكتشوف لباب ... فلخر تنهدات ودخلات للكوزينة حطاتو وبقات تشوف فالكونطوار محطوط الفطور .. وبدات تهز وترد فيه للثلاجة حيت تاهي حسات براسها مشات ليها الشهية بهادشي لي عرفات ....وهزات تيل كتكتب ليه مسج شنو خاص فالتقضية .... تاسمعات الباب كدق عرفاتها حسنى حيت لي غيتقضى مغيجيش بهاد زربة وطموبيلة خوها يالاه سمعاتها تحركات ....ومشات بزربة حلات ليها الباب وحسنى دخلات هازة شي ساشيات فيديها ودخلو
حسنى : امااالكي مدخلاني هاكا بحالا مهرباني على الشفااارة ؟؟؟
سلمى : ( حيدات ليها ساشيات من يديها وكلسو ) الخرا مكتعرفيش درب عندنا ... غينوضو يوصلو لخويا رلك كتجيبي ليا الحوايج يااااكلني انا ويااااك
حسنى : ياك موالفة نجيب ليك سقاطة و كتوبة هوما باش عرفو شنو عندي تما( كتنش على وجهها وجلسات تحت لكليم ) الله على بروووووودة .. شمش على برااا كتاكل بنااادم ياختي .... واشوفي شوفي كيييجاوك .... داكشي لي وريتيني فتصاااور هو لي جبتليك غير داك البيضة راه ملقيتهاش فغوز بيبي وجبت ليك البيض
حلات السلمى داك الساشي وبدات تشوف فدوك الحوايج ... كانو الحوايج لي كتشهى تلبس ومغيبغيش يشريهم ليها خوها .... وكتصيفط ليهم حسنى تجيبهم ليها واخا تلبسهم غا فدار وتخبيهم حيت من ديما عندها داك القناعة انها غتزووج شي نهار وتكون موجدة الحوايج لي تلبس فدارها .... كتشوف فدوك الشورطات و دومي فونطخ ولكن واخا هاكاك دماغها سارح فلخر جمعاات داكشي كامل بالنترة ولاحتو فوق طبلة
سلمى : اااففففف ماعنديش دماغ نشوف هادشي دابا ..... رااااسي غيتفركع عليا
حسنى : امااالكي اصاحبتي وجهك مخطوووف ؟؟؟
سلمى : اودي غير سكتي احسنى .. لي عرفت اليوووووم .. ماشي غير كيخطف اللون من الوجه راه كيخخخطف الروووح
حسنى : ياربي سلااااامة !!! اشنو تاني
سلمى : فطرتي بعدا
حسنى : فففطرت راه جوج هادي .. غا طلقيييينا قولي ؟؟؟؟ ياك عاد خليتك ناشطة فرحااانة بريسطورا دخوووك و قرايتك و طموبيل .. ومالكي دابااا !!!!
سلمى : عرفتي احسنى ...( بقات شحال كتشوف لتحت وكتغزز فشفايفها وشافت فيها ) مابغيتش نقول هاد الهضرة .. ولكن هادشي لي جا وحدة مور وحدة ... تصرفاتو معاياا وخلاني نقرا .. وطموبيل ... وريسطورا ..... راهم عندهم سبب علاش جاو هاكا دغيا وفخطرة .... مدايرهمش على قبل رااااسو ولا على قبلي ...
حسنى : وعلى قبل من ؟؟؟ اويلي ونتي عارفة خوك عايش غا على قبلك
سلمى : لا احسنى .. تعقلي فاش كنت كنعاود ليك بلي خويا تبدل بزاف وولا كيدخل ناشط بعد المرات ... كيخرجني ... ولا موافق على قرايتي كنتي قلتي ليا ماتكون غاشي مراة فحياتو لي بدلاتو بحال هاكا وخرجاتو من داك الكئابة لي كان عايش فيها تعقلي ؟؟؟
حسنى : اييه عاقلة .. وااانتي كاانقوليلي السيد ولا يدخل عندك كوزينة كيعاونك ضاااحك ويخرجك تعشاي على براااا مابقاش كيزعف عليك بزاف حيت كيدخل راشقة ليه ومبقاش كيتعصب بزاف .. وهادشي ابنتي راه كيديرو غا الحب هههههه لااااا ماتقوليليش بصح اصيل ولا كيحب ؟؟؟ هههه ناري اصيل والحب ؟ مستحيييل يتجمعو
سلمى : راه انا مكرهتوووش يكون كيبغي شي وحدة ... مصااااب هداك هو النهار الكبير عندي .. ولكن راه خويا مطايحش مع اي وحدة احسنى .... هو طايح مع ..... ( نزلات راسها قلبها ضرها ) فففففف مقاداااش حتى نخرجها على فمي ( شافت فيها ) هو طايح مع قسم الاسماااعيلي ا حسنى ....
حسنى : ( بصدمة ) اويييييييلي ؟؟؟؟؟ بنت رووووكان ؟؟؟؟ ديك لي كااتصوك الباااطو ؟؟؟
سلمى : هي .. هي احسنى ... البنت لي عاوناتي نقرا وقنعاااااتو ..... راه يمكن .. فداك الوقيتة لي... فففففففف والله مقاااادرة تانفكر فيها احسنى ...
حسنى : شنو زعما داك الوقيتة تعارفو ؟ وباش عرفتيها نتي ؟؟؟
سلمى : جات عندو ليوم ... حليت ليها لباب فرحت حيت شفتها صراحة ... راك عارفة شحال كنعز هاديك السيدة وخيرها مغنقدرش نساه ... انا حسابتي جاية على قبلي .. ساعة هي جات على قبلو سولاتني عليه واش كاين قتليها اه .. وهي طلع عندو لفوق لبيتو وهو كان ناعس
حسنى : ( باستغراب ) اوييييلي ! دخلات و طلعات عندو ؟
سلمى : وايه .. وزاااعمة عليه بالمعقول انا لي خويا راه منقدرش نديرليه هاكااااك .. خوات عليه الما و
وفيقاتووو .. والبووووسااان والحاااالة ( بدات كتفرك فصبعانها بخوف وتوتر) ناااااري راه مقاداش حتى نثيق هادشي لي شفت
حسنى : البوووساااان ؟؟؟؟؟ واش داوية من نيتك ولا جالسة مطلعاها عليا
سلمى : واش بانت ليك حالتي ديال تطلاع احسنى ؟؟؟؟ قلت ليك بااااستو وبداو كيهضروو ولي فهمت من هضرتهم بلي جداها هي قالت شي هضرة لاصيل لي معجباتووووش داكشي باش اصيل البااارح كااان ماهواش فاش قتليك غير بلا متجي ... لي غاااايصطيني هو اصيل فيين كايعرف عائلتها ؟ فين كايعرف عائلة الاسماعيلي !!!!! .... اوا هي قالت ليه خاصك تولف على المجتمع ديالي وخاصك تمشي معايا فالباطو ولا منعرف .... فلخر ناضو كيتناقشو هي وياه وقاليها كيفاش نمشي معاك فالباطو واليديك اش غيقولو وهي تقوليه راه وليديا فخبارهم .... تخيلي احسنى تخيلي ؟؟؟؟ واليديها كايعرفو اصيل راه غا نتسطى
حسنى :كيفاش ؟؟؟ ( باقا فصدمة ) لا .. لاصبري صبببري ( قادات الجلسة ) صبري نفهم ... دابا ... الروكان ... و .. ومراتو .. كيعرفو خوك ؟؟؟ وجدات قسم .. كتعرف خوك لدرجة هضرو وقالت ليه شي حاجة ماهياش ؟
سلمى : راه هادشي لي مابغاش يدخل ليا لدماغي ... وتخيلي قالتليه انا عارفاك شريتي رييسطو على قبلي وكدااا .. وهو قاليها نتي عارفة بلي قييييمتك عندي كبييرة ( حسنى علات حجبانها بصدمة ) ولكن كرامتي فووق كولشي ... مهم هضرررة بزاف كتبين بلي بيناتهم شي حاجة كبييييرة اصاااحبتي
حسنى : ( كترمش بعنينها ) انا مابقيت فاهمة تاوزة
سلمى : اوا اجي عندي انا نفهمك ....انا براسي راه تلفت ( رجعات لور متكية وكتغزز فضفارها ) عععرفتي راااه دماغي تقلب ليا .. مابقيت عارفة شنو ندير كنضور فكوزينة كيف الحححمقة ... نهز السكر ونحط الملح ... ونهز المقراج ومانعرف ماندير بيه ....تتتتلفت ....
حسنى : واختي صرااااحة هادشي يتلف لي مايتلف ... انا راه مزال ماقديتش نتيق ؟؟ اويلي اصيل كنت نقول دنيا كااااملة تتزوج و تصاااحب الا هووو .. ونهار طاح ... طاح مع بنت الروكان ؟؟؟؟ فايتاه بسنوات ضوئية اصاحبتي واش عارفة هاديك الصاك لي كتهز شحال ساوي ؟؟؟؟ ثمن بببرطمة ....
سلمى : وراااه داكشي لي متلفني احسنى ... انا راه مااخيفاناش على ودها هي .. هي بنت مزيانة عرفتها غير مدة قصييييرة راه اي وحدة تمناها لخووها ... ضريييفة وحنييينة ومتواضعة .. ولكن اصاحبتي راه ماشي شي وحدة لي غير لاباس عليها ... راه اصاحبتي هادو راه خاااااااانزين فلوس ومشهووورين ... راه عندهم بروتوووكول ملكي ... عنهم طيااارة غا ديااالهم .. كوووبطير اصاحبتي عنهم فسطح دقصرهم .... قسم راه كيقولولها فالجورنالات الاميييرة ... باها راه ملياردير افرييقيا ماشي تالمغرب .. حنا ماشي دياااالهم ...هانتي غير الطموبيل و الريسطو لي دار ولي باين على قبلها علم الله منين جاب فلوسهم ولا اش داررر ... ياك عقلتي قلت ليك ملي سولتووو مجاااوبنيش .... وعلم الله اش غيدير مزال نتي عارفاه مكيرضااااش .. راه واخا مااانعرف شنو يدير ميتقااادش معاهم اصاحبتي تا فصفر فاااااصلة صفر صفر واحد ....
حسنى : وااايه فهمتك .... صعيبة صراااااحة .... وهو من داكشي لي كتعاودي وكيفاش تبدل .. راه باييينة تااايبغيها دببببصح اصاحبتي
سلمى : انا لي شفت قبيلة كيفاش كان كيشوف فيها .... طااايح فيها ديال بصح .... ولي غيقتلني هي قالت ليه واليديا فخبارهم وهووو عمرووو قال ليا شي حااااجة .... داني لريسطو وماااقااال ليا والو .....
حسنى : ويمكن مزال راه فالشك داكشي باش مابغاش يبرزطك ... ( كتماسي ليها كتافها و تهدنها ) ماعندك ماديري ابنتي .. اشنو غتهضري معاه !! تقدري نتي بعدا تجبدي الموضوع !!
سلمى : اويلي تسطيتي .. نحشم
حسنى : اوا سكتي ولبديها راه كبير وبعقلو وعارف اشنو كيدير
سلمى : ( كتشوف للارض عاضة على شفتها مدة وحسنى غير ساكتة كتستوعب تا علات راسها فيها وعينيها مدمعين ) حسنى .... خايفة هاد العائلة تدي مني خويا ..... ..هووو لي عندي احسنى .... غير هو
حسنى : اويلي ؟ كيفاش غيديوه ليك
سلمى : ( ناضت كتمشي وتجي ) منعرف .. منعرف تتتتلفت ... متعرفي يقولو ليه يخدم معاهم ولا شي حاجة بحال هاكاااا وهوما مااانعرف كيفاش عاايشيين ميبقاش يلقى ليا الوقت انا ويخليني بوحدي هنا وينسيوه فيا .... انا وياه راحنا غا جوج ... وهوما راهم كتااااار راهم معائلة .... ( شاافت فيها ) مادام قالت قسم فخبارهم .... غيبغيو يتحكمو فيه ولا شي حاجة وانا اصيل كنعرف الى تعلق بيها راه غيبغي يدير اي حاجة ..... ( بالبكية ) غيديو مني خووويا احسسنى ...
حسنى : ودابا مالكي مالكي باغا تتتبكي .. راه مزال مكاين والو .. خوك كون بغا يخدم معاهم مغياخدش الريسطو
سلمى : ومتعرفي يكونو هوما لي عطاوه فلووووسو ؟؟؟ ولا عاونوه
حسنى : ونتي عارفة خوك غيشد لفلوس ؟؟؟؟؟ هو فلوووسك لي فلووس باه وشحاال من مرة كتقولي ليه ياخدهم يعاون بيهم فاش جللس فكورونا و مكانش كااايبغي ياخدهم .... عساك فلوس البراني
سلمى : والله تاااخايفة احسنى .. خايفة دبصح ...
حسنى : وصاحبتي ديريها فيد الله يقدر يكون هادشي غا دايز
سلمى : ( مشات جلسات ) معرفتش .. قلبي مزززيير ديال بصصصاح ... انا لي كنعرف داك العائلة وكنقيل نقرااا عليهم .. راهم حياااتهم فشي شكل .. بقوة ما زوينة بقوة ما كتخلع .... واش انا وياه غنقدو عليهم ؟؟؟؟ عااايشين فقصر ... قصر احسنى .. عنهم قصر هنا فكازا وفافران و مراكش و طنجة وبرا المغرب حديث ولا حرج .... والعالم تيضرب ليهم الحسااااب .... نجيو معاهم حنا ؟؟؟؟؟ ولاد حسن الشريف ؟؟؟؟؟ وهانتي سمعتي بلي جداها قالت ليه شي هضرة لي باينة على ود الفلوس حيت قاليها كرامتي وكانو كيقولو شي تخربيق باينة جرحاتو ... هانتي هادي غا بدية ......
حسنى : ويقدر يسالي هادشي ماتعرفي ميقبلوش عائلتها ؟
سلمى : ( تكات تاني لور كتنهد ) اخر حاجة قالوها باينة تخاصمو وقاتليه سالي هادشي لي بيناتنا .. ولكن ماانعرف يقدرو يرجعو واش هو دار هادشي كامل على قبلها وهي غير من هضرتها ماتصووووريش شحال كتبغيه .... غيساليو ؟ منيتك
حسنى : ويقدر غير خايفة على الخاوي .... متعرفي خوك يبقى هو هو فخدمتو وريسطورا ديالو مغيمشيش عندهم غيدي غير بنتهم
سلمى : وبببنتتهم غيقد عليها ونتي قلتيها براسك غير صاكها ساوي برطمة ؟؟؟؟ وهوما زعما غيعطيو بنتهم لخويا لي عندو غير ريسطو يلاه كاييييبنيييه ؟؟؟ صحافة غتولي تهضر ليا على خويا احسنى ؟؟؟؟؟ راه غيولي واحد من عائلة الاسماعييييلي
حسنى : وصااااارحة مغاايخليوش بنتهم .. وهي ديما فالصفحة لوووولا وديما دوك جورنالات دالبزنس هاضرة عليهم ... صراحة صراااااحة رااه باينة غيدخل معاها ... كيف قلتي نتي تا صحافة مغيخليوهش ... راها مشهوورة ... تاراجلها غيولي مشهور
سلمى : ( ناضت تاني كتمشي وتجي ) اويلي على راجلها .. هادي زوجاتهم ليا كاااااع ...
حسنى : واش غنقوليك اصاحبتي .. صاحبها ؟؟؟؟ لا هي لا هو راهم كبااار ماشي ديال تبرهيييش .. واش خوك عاد ديال المصاحبة ؟؟؟؟ ( كتشوف فيها كتمشي وتجي وهي تكات لور ) انا بغيت غا نعرف خوك فين كاااان عقلو .. ياك نتي قلتي ليا كيقوليك مادويش معاها .. واش حلال عليه وحرام عليك
سلمى : ارربي ماسكتيني خليني نفكررر
حسنى : غااتفكري زعما غتلقاي الحل؟؟؟ واش نتي موالفة دخلي فيه .. غاتربعي يديك وتهزي مع موجة كيف هزاتك ابنتي وريحي للارض ... وحدة فبلاصتك خاصها تكون كاطير باىفررررحة لي خوها غايديها للعائلة د احلامها لي كتقيل تهترف بيهم ... ولكن اش غنديرو ( مدات يديها لبواطة دشوكولا فوق طبلة محطوطة هزات وحدة ) عندنا واحد سلمى معقلة بلاااااا قياس
سلمى: ( ضارت شافت فيها مطووول وبنظرة خوف مخلطة باليقين ) حسنى ... قلت ليك هاد العائلة غاتدي مني خوووويا .....هي غااااااتدي مني خووووويا ....
عند بيلسان
رجعات لدار وحجبانها معقودين صايكة بعصبية مفقوووصة .. باركات ونزلات ديريكت طلعات لبيتها كتلتخ رجليها مع الارض تا من المدبرة ديالها هضرات معاها ومتسوقاتش ليها اش كتقول تادخلات لبيتها وردخات الباب وجلسات على سريرها شادة راسها بين يديها ..
كتحس براسها سخن ليها وباغا تغوت وتخرج اعصابها فشي واحد .... غير كتفكر هضرتو وطريقة تفكيرو وشنو باغي يعيشها معاه وفمرة ان كولشي ناض يقرر فحياتها بلا مايخدو رأيها كتبغي تسطى ....
وناضت بزربة لدريسينغ دخلات جيهة حوايجها كتربل فيه وتقلب فين حاطة البواطة ديالها ... وعينيها حتى للي مفاهمش الموضوع غايكتشف شحال هي معصبة ... تالقات البواطة وهزاتها ومشات بزربة للبالكون حلاتها وهي كتنهج ... وبدات تقاد جوان كتحس الى مكماتوش مغتهدنش .... برماتو بزربة وشعلاتو ودارتو ففمها سفات منو وساطت دخان عاد رجعات براسها على كرسي لور كتنفس بشووووية وكتهدن .... وتاخد نفس باش ميتفركع ليها شي عرق ... من لول كتعصبها طريقة تفكيرو الجديدة وكتحاول تتأقلم ...ولكن هادي حساتها زادت على حدها ..
كتكمي سادة عينيها كتبخ دخااان ورادا راسها لور على الكرسي وكل وماتنفت دخان كتنفت معاه جزء من عصبيتها حيت مكاينش لي غيعرف يهدنها من غيرو ....
هي واعداتو باش عمرها ترجع ليه .. ولكن هو لي رجعها ليه بيديو ... وهادي هي الفكرة لي فراسها حاليا ... حيت مكاينش شي حاجة اخرى من غيرو كانت غتهدنها ... وغتهدن عصبيتها وطفيها .. جمعات قرار واليديها فقرايتها وقرارو هوما فحياتهم وكتحس بيامها ماجايبة ليها تاحاجة من داكشي لي خططات هي ليه ...
حسات بالجوان بدا كيبنجها ويرفعها لعالم بعييييد على الاعصاب ، لعالم كيخليك تشوف مشاكلك كلهم صغااار وساااهلين وكاايفرض عليك تولي لا مبالية بينما نشوة الحشيش تمشي من دماغك ... هي عارفة ان نشوتو قصيرة ولكن فضلات هاديك النشوة الصغيرة وتنسى كولشي على انها تفركع ....
رادة راسها لور ومغمضة عينيها وكتكمي بشوية عليها تاسمعات تيليفون كيصوني ... ناضت بعكز جارة رجليها وشادة جوان بين صبعانها وهزات تيليفون من فوق سرير وهي تلقاها نمرة ديال صاحبتها وتنهدات ورجعات لبلاصتها لبالكون جاوباتها ....
بيلسان : كود مورنيغ ...
- زعما هادوك الميساجات فأنسطا متشوفيش من حالهم ؟
بيلسان : رباب .. راسي مقلوب ... والله .. ماديش عليا راه قليل فاش كندخل ... هو ار يو ؟
رباب : لاباس اصاحبتي .. حرام عليك ملي دخلتي لمغرب ماقلتي تسولي فينا .. حتى فالكلوب عيينا نتسناوك ماجيتيش ... غتمشي بلا متشوفينا ؟
بيلسان تنهدات كتحك على راسها وكتسوط دخان كتحس بصح هاد العطلة ماحساتهاش كيفاش دازت ومدارت فيها تاحاجة زوينة دازت غير ستريس ومشاكل هي ممولفاش على الحياة بحال هاكا هي حياتها كلها صااااخبة وكلها نشاااط واضواء ..
بيلسان : ماديوش عليا ارباب راك عارفة تلاقات ليا العطلة مع الموت ديال جدي الله يرحمو ... وديجا كنت مشيت لكندا واحد شهر ... مالقيتش الوقت ... اينيواي ... نتوما فينكم دابا ؟
رباب : حنا جمعنا الكليكة كاين واحد الپارتي زاااااهية فمراكش ... غنشدو طريق مع الستة دالعشية ... يلاه اصاحبتي معانا بعدا نشوفوك غير ليلة وحدة قبل متمشي فحالك .... تنساي شوية الهم كنعرفك كديبريساي منين كتجي لمغرب ... بغينا ندوزو اخر بارتي حيت كلنا غنرجعو هاد سيمانة لقرايا وانا غاانرجع لداك البرد د روسيا ثاني ...
بيلسان : معرفتش .. مااعرفتش ارباب صراحة ....( كتمسد جبهتها وكارو بين صبعانها ) ماعنديش دابا كانة ديال السفر ولا دشي پارتي ...
رباب : وناااري شحال كنحس بصوتك عيان ... هادي هي پييييلي ؟؟؟؟؟ كووووومان بيتش ماشي هاكا كنعرفوك ... نتي لي كتضوري لينا الحركة ... وي ميس يو سو مااااااش
بيلسان : مي توو .. ( تنهدات )
رباب : يلاه معانا اصاحبتي .. راه غندوزو غا ليلة زوينة نودعو بيها السامر هوليداي ... غدا غتصبحي فداركم ناعسة ...
بيلسان رجعات راسها لور وخرجات غمامة ددخان من فمها و صاحبتها باقا فودنيها كترغب وتحكي ليها الاجواء كيف غاتكون وشكون غيكون وهي صوت كتحسو غرييييييق و دماغها مخلط ليها صووت جود وهو كيغوت عليها فطموبيل تنزل وصوووتو هو كيشرح ليها فالكاراج و صوت الدييسكو فامريكا وهي كتشطح معلابااالهاااش و صحابها و اخر عيد ميلاد دوزاااتو وصوت جود القديم لي كانت تخرج هي وياه فليل مجهدين الموسيقى فطموبيل وصايك بسرعة وهي مطلعة راسها من سقف كتغوت ... راسها كااتحس بيه كااايضور وبحال دوخة غاطيحها .. وكتسمع صوت رباب ثقيييييل كيعيط بسميييتها " آلووو .. بيلي ... بيلي واش كتسمعيني ... هلااااو !!!!!! " نفضااات راسها وهي كتحاول ترجع وعيها و طفات جوان لي تسالا و قطعات تيليفون بلا حتى شي كلمة ووقفات شادة فالحديدة مغمضة عينيها كتنفس وترد وعيها مزيان فنفس الوقت كاتلوم فراسها علاش ولات بحال هاكا ثلث شهور مدوزها غا فالبكا والعذاب واش غا هادشي لي كتجنيه من جود ؟؟؟ ... علات راسها لفوووق حالة عينيها كتشوف فالسما وحالة فمها كتنفس حسات بالخخخنقة .... وبزربة مشات لتيليفون وهي كتنهج كتحس براسها غادي تموت ايلا بقات بحال هاكا ودخلات لانسطا بزربة عند رباب وبدات تكتب ميساج وصبعانها تيزرربو فالكلافي : I'm coming " انا غانجي " ....
فالقصر ..
خرج لوؤي من الدوش وحاس بعنقو باقي مشنج ليه كيعوجو يمين وشمال ومخسر ملامحو معاه ... مشا لطابل دو نوي هز سوارتو وتيليفونو وخرج من الجناح .. كان القصر شبه خاوي ... مشا بجهة بيتها حل لباب ودخل كاقلب عليها لقى الجناح خاوي منغير تيليفونها لي محطوط فوق لاشارج .... مشا بتجاهو وهزو ... مابغاش يتحل ليه وجبد تيليفونو دالخدمة حل لبروغرام ديال للشيفرات .. سكاناه وتحل ليه ... ودخل نيشان لواتساب بدا يطلع كايطلعو ليها غاصحاباتها وعلا حاجبو!!!!! هادا كامل وفاء فيها ؟؟؟ زعما محات كاع دراري من واتساب ؟؟؟؟؟ هو عارف تايتبغيه ولكن كان متوقع تكون باقا مخلية صحابها .. تبسم حيت مامضطرش يهرس هاد تيليفون على صباح ... وخرج مشا للنسطا دخل لقا بزاااااااف ديال دراري تما زلكن ميساجاتهم مكتحلمهش .... دخل تاني لغوشيغش ... تبسم بمجرد ما لقى سميتو هي لولا ... بدا يضور فراسو وسدو ورجعو ليها فوق لشاارج .... كان جاي متوقع يتعصب ... ولكن انها تفهم راسها براسها متوقعهاش .. كايشوفها طايشة وكاطير .. عمرو ظن غادير خطوة ناضجة بحال هادي وتكون وفية للجب كيالو واخا باقي فالضلام ومكتبينوش ليه بمرة ... كان كايضن غا هو لي كايتقاتل فحبو ليها وهي مكادير على ودو والو .. ولكن غير هاد الخطوة كانت كافية بنسبة ليه وهو لي عارف مزيان واتساب ديالها كيف كان فاش كايبغي يقلبو .....
خرج من بيتها و نزل فدروج تالقى رجاء فنهاية درج واقفة على الخدم شافتو وخوات طريق وتبسمات
رجاء: صباح الخير موسيو لوؤي ... الفطور واجد ...
لوؤي : ( كيعوج فعنقو ) مكاين حد !
رجاء : مدام رقية و مدام اريج كاينين على برا كنظن مع الخيل .. موسيو اياد وموسيو وسيم منزلوش والمادموزيل قدس مع الكوتش فلاصال .. البقية كولشي خرج اموسيو ...
لوؤي وما ليها براسو وكمل النزيل فدروج للتحت فاش سمعها كاينة فلاصال وهو عليها كان كايقلب .... نزل لتحت وتمشا فكولوار طويل حتى وصل لاصال لي كانت مسموعة منو موسيقى خاااافتة .... كانت الكوتش بلباس رياضي رمادي ... مراة اربعينية طويييلة وطايتها سبورتيف شادة مع قدس الاثقال كتعاونها فالرفع ديالهم كانت بكولون اسود رياضي و ديباردور ديالو فالازرق وشعرها جامعاه للفوق كانت مركزة مع الثقل كاع مشافت لوؤي لي واقف فالباب متكي عليه مربع يديه كيتفرج فيها ويطلعها ويهبطها ولداخل ديالو كايزيد يتحرق ليها كانه اول مرة كايشوفها ... كل تفصيل صغير ولا كبير فيها كايعشقو لابعظ حد .... معارفش علاش هاد الفورمة لي كولشي كيحاربها ليها بالريجيم هي لي كتجيب ليه التمام ... والكوتش علات عينيها قادات الوقفة وهي تشوفو وغمز ليها تخرج ... اشارت براسها وخرجات وقدس مشغولة غا مع دوك الاثقال وكلها كتنهج بالعيا وصدرها عرقان كامل ولوؤي دخل تاوقف موراها ومد يديو هزهم معاها كيف كتعاونها الكوتش وهي غير شمات ريحتو تخطفات كلها من بلاصتها حتى رخاتهم كون ماشي هو لي شادهم
لوؤي : عمرك ترخي من ليپوا ونتي هازاهم حيت غتهرسي رجليك .... ( قرب لودنيها من لور ) وكون ماكنتش شادهم ليك دابا هم !
قدس : ( بعصبية ) واش انا ماعنديش شي بلاصة نهرب فيها منك
لوؤي : لا .... شدي بيديك .... شدي راه غنرخي ( هزات يديها شداتهم معاه ) طلعي حد كتفك دابا وغير بشوية تعلمي ترفعي يديك بلا متحسي بالثقل دليپوا ...
قدس : غييير سييير .. الكوتش تخدم معايا ...
لوؤي : الكوتش مشات .... ( قددس قلبها بدا يضرب كتحمد الله لي باباها وماماها وجود خارجين تاحسات ببوسة فحنكها نسااها كاع الخوف ) صباح الخير ....
قدس : اش من خييييير غنشوف معاك غير قوووول ليا ...
لوؤي : ( كيعاونها طلع الاثقال وتنزلهم ) جيت نقول ليك بسلامة .... غانطول شوية هاد المرة .... داكشي باش بغيت نخرجك ... نشبعك شوية قبل مانسافر ...
قدس : ( علات حاجبها وهي ترخي دوك الاثقال فخطرة تاشدهم بززززربة وضارت عندووو وسط يديه لي محاوطينها وشادين الاثقال ) فين غادي تاني ؟؟؟؟
لوؤي : ( علا دوك الاثقال تالفوق وخرجات من بين بيديه وحطهم موراه وضار عندها هي باقا واقفة كتسنى الجواب وهو تبسم ) مزال كنحاول نولف هاد الحكام الجديد عليا !!
قدس : كننندوي دبصح الوؤي فين غادي تاني ؟؟؟ ولا ممنحقيش نعرف .... هي انا وياك فهادشي ديالنا غا كنخربقو ....
لوؤي : ( طول فيها شوية قرب عندها وهي كتشوف فيه وهو حيد خصلة كانت طايحة على عينيها ردها لور ) شنو بيناتنا .. مكيتقالش عليه " هادشي " .... وفين غنسافر و علاش غنسافر ...وحتى فين كنسافر ديما .... نخرجو من هنا ... وندويو على خاطرنا .... حتى انا مباغيش نبقى مخبي عليك ...
قدس : ( كترمش فيه ) و .. ولكن نتاا ... ماكتقول لحتى شي واحد ... علاش انا بضبط ؟
لوؤي : ( ابتسم ليها ومشا جهة لباب كيهضر وكيلبس فنظاظرو ) غنتسناك فطموبيل ... متعطليش
قدس : ( ضارت متبعاه غادي ) واش حماقتي والله حتى غيشكوو فييينا ... ماانعيقوووووش ( مكيجاوبهاش ) لوووؤااااي ....
مشا وخلاها واققة فبلاصتها كتغزز فشفايفها فلخخخر خرجات تاهي طلعات لبيتها ....
عند لوؤي وقدس
غادين فطموبيل ولوؤي عين على الطريق وعين عليها هي لي راكبة حداه ومنزلة المرايا كتقاد الماسكارا و على رجليها المكياج ديالها بقوة ما زرب عليها ماخلاش ليها الوقت تقاد فالدار .... مرة يشوف لطريق مرة يشوف لحركاتها ... تاجبدات عكر غوز خفيف ماط وبدات طبقو على شفايفها وهو كيضور فراسو مخليها على خاطرها حيت عارف مغيشوفها حد اليوم من غيرو ....
يلاه غترد داك المرايا لبلاصتها حسات بيديه من فوق شفايفها وهي تبعد راسها
قدس : حييييييد يديك .... غتخسرو لياااا
لوؤي : ( هز يدو لعندو كيشوف واش لاصق فيها العكر ) ياك مكيلصقش هادشي !!!!!
قدس : مكيلللصقش غير طلق ...
لوؤي : ( كيشوفها كتجمع ماكياجها ) غير كتعيي فراسك .. انا راه تتعجبيني تا ونتي فايقة مشعكة .... كاع ماتمرضي راسك مع هادشي ...
قدس : وشكون قال ليك اصلا انا كنقاد هادشي ليك باش يعجبك ولالا ؟
لوؤي : ولمن ! .... ( هز قهوتو كيجغم منها ) راه غانكونو غابجوج اليوم ...
قدس : لرااااسي .... باااش انا ... نعجب راااسي ... ( شافت فيه عاد سرات معاها ) كيفاش غانكونو غير بجوج ؟ على فين غادين ( شافت قدامها لطريق بلي بعد على الطريق لي كتخرج من المنطقة ودخل فجيهة ليسرية دلازون ) مغتخرجش من لازون ؟ علاش دزتي من هنا ؟؟
لوؤي : باباك مكيبغيكش تخرجي من لازون ... خلينا غير هنا ...
قدس : بصااح حسن ...
تقلبات للزاج متبعة الطريق تاحسات بيديه هزات ليها يديها ضارت شافت فيه لقاتو مركز مع طريق ومشبك صبعانها وسط صبعانو ورجعات كتشوف من زاج تاحسات بيه قرب يديها لفمو وباسها من كفها مطول وهي غمضات عينيها ... حساتها من احن القبل لي كيعطيها ...
لوؤي : ريححتك زوينة ..
قدس : ( شافت فيه وقالت بكيوتنس ) بصح ! عجباتك ؟
لوؤي : امممم
قدس تبسمات وضارت لزاج والابتسامة مرسومة على شفايفها وهو شافها كيفاش عجبها الحال وبدا يضور راسو وعيبها بصوتها
لوؤي : باغا نععجب لرااااااااسي
قدس : ( علات حاجبها و نترات يديها منو ) لوووؤي
لوؤي : ههههه ( هز قهوتو جغم منها ومدها ليها ) شدي تشريي قهوة شدي ...
قدس : نووو دقتها قبيلة مسووووسة .. مالك على هاد المرورية كاملة دير بعدا غا شوية دسكر
لوؤي : ( كيجغم منها ) طبيب قاليا شربها مسوسة
قدس : ( شافت فيه بزربة ) اينا طبيب ؟؟؟؟ على شنو عندك ؟؟؟؟
لوؤي : قاليا عندك قدس .....
قدس : ( بقات كترمش عاد فهمات وضرباتو لكتفو هو تيضحك ) ياااااا على حااااامض
لوؤي : وانقصي منك لحلاوة نقصي ....هههه غانولي ندك معاك لانسولين نت لامطاعتيهش ليا بحلاوتك كاطلعيه ليا بالاعصاب
قدس : وباااااز بحالا منعرفت اش كندير ليك ..
لوؤي : مكاديريش ليا .. كاديري فيا ....
قدس قلبات راسها لزاج تاسمعات تيليفونو كيصوني وشافت فيه من ديما فاش كتكون معاه كتكون مخلوعة .. بان ليها هزو شاف نمرة وقطع وردو لجيبو وهي علات حاجبها
قدس : شكون صوونا ؟؟؟؟
لوؤي : غير واحد صاحبي .. منبعد ونعاود ليه
قدس : (علات حاجبها) كيفاش منبعد ونعاود ليه ... وعلاش ماهضرتيش معاه حدايا؟؟؟؟؟
لوؤي : واااحبيبتي دابا كاين انا وياك مباغي نهضر مع حد ... منبعد وندوي
قدس بقات كتشوف فيه فلخر مدات يديها لجيب سروال كتجبد ليه تيليفون
لوؤي : ررصاااااي .. قدس رصااااي راني صاااااايك ...
مسمعاتش ليه حتى جبداتو وحلاتو ومشات بلاصة ليزابيل هي طلع ليها نمرة امريكية مقيد عليها Nicolas وشافت فيه
قدس : شكون هدا ؟؟؟
لوؤي : ( حيد ليها تيليفون من يدها ردو لجيبو ) راه قلت ليك صااحبي .. غانكذب عليك ولا !
قدس : ونتاااا لي كدخل لبنادم الشك .. علاش زعما ماتجاوبش حدايا
لوؤي : مغنجاوبش حداك حيت ملي تنكون معاك مكنبغيش شي حاجة اخرى تعمر ليا راسي ....
قدس : على اش غيقولك مثلا ؟
لوؤي : هاد الاسئلة ديالك نوطيهم عندك منبعد ونجاوب ليك عليهم ... خليني دابا نتنغم قهوتي ونحل دماغي و هانا معاك ...
ضارت لزاج وهو لي كيزيد يحمقو فيها هي غيرتها عليه لي مكتعترفش بيها ولكن مكتقدرش تخبيها و لي مجننو كتر هو انها كتسمع الكلام الى عطاها شي أمر ومكتحكرش قال منبعد ويعاود هي منبعد ... تصرفاتها بنسبة ليه كيجيوه كلهم كيوووت وعقلاتين رغم صغر سنها .....
وصلو بطموبيل قدام ميناء صغير ديالهم خاص بيخوت العائلة وباركا الطموبيل وهي علات حجبانها ...
قدس : اء ؟؟؟ غنخرجو فاليخت !
لوؤي : سي .... نزلي
نزل لوؤي وحلات هي الباب كتشوف مع جنابها ... كانت بكسيوة خضراء فايتة شوية ركابيها و سميطة كحلة د كوتشي و فالكتاف غير خيوط معقودين .. وصندال كحلة وطالعة بخيوط تالركابيها .. وهازة فيديها صاك صغير كوتشي كحل ... وشعرها مطلوق على راحتو ... بقات تشوف فاليخوت وضارت عندو كترد بيديها شعرها لي كيطير مع ريح ....ولوؤي تاهو نزل جاي بجيهتها
قدس : ( بخوف ) لووووؤي ... بابا غادي يجيب خبارنا واش حماااقيتي .. لاااا ؟؟؟؟؟؟ راك باغي تصفيها لينا
لوؤي : ( شد ليها يديها وجرها معاه وهي تابعاه مخلوعة ) باباك غايجيب خبارك كون مشيتي برا لازون ... اش كيوقع فلازون ديالو مكيسولش فيه ومكيتشوش عليه ومكاااايتسوقش ليه .... راني عارف اش كاندير ... الا كان هو روكان .. ( قرب وجهو لوجهها ضاحك ) انا را لوووؤي ... ( جرها ثاني من يديها زاد فالممر الطويل واليخوت على جنابهم ) زيدي وتيقي فيا شووووية .....
قدس : راه غيقولو ليه اش كااانديرو واش حماقيتي ...
لوؤي : باباك كيقولو ليه اش كنديرو منين كنخرجو لازون ... حتى انا داكشي باش بغيت نبقى هنا .... حيت هادي البلاصة الوحيدة لي مكيتكتبوش فيها التقارير .... ومغايشكش فيها باباك حيت مايمكتش ولادو يكونو حميق لدرجة يديرو شي حاجة ممنوعة عليهم وسط لازوون !!!!! فبعد مرات خصنا نديرو خدمة الحماااق لي ماطيحش على بالو. ....
قدس : عرفتي راني بحالا تابعاك فالظلام زاطمة على العافيو وكتقول ليا غا زيدي متخافيش
لوؤي : ( وقف قدام اليخت ديالو وضار شاف فيها مباشرة فعينيها وهي بدات ترمش وقال بصوت حنين ) ومنستاهلش منك تزطمي على قبلي شوية فالعافية !!!!!
قدس : ( قلبها بدا تيضرب وهي كتشوف فعينيه كيفاش كيشوفو فيها ولمساتو فيديها وريحتو وغمضات عينيها مزيرة عليهم ورجعات شافت فيه ) هاااحنا غنشوفو غين غنوصل معاك فهاد الظلاااام اسييدي....
لوؤي : ( عنقها لصدرو وباسها من جبهتها ) بغيتك ديري فبالك حاجة وحدة .. تانخاف عليك كتر ما كنخاف على راسي ومغندير تاحاجة لي غتخاصمك مع باباك وتنحسب حساباتي لشنو كاندير ... كون خرجت لازون الكارد غيقولو لباباك بلي خرجنا وغيبغي يعرف فين مشينا وشنو درنا مدامنا غير فلازون وباباك مقوي فيها الحراسة .. مكاايقولش ليهم قولولي اش كيديرو ولادي فيها حيت عارفهم محميين يا راهم فلبحر ياراهم فشي ريسطو ... وهادي ماشي لي غانخرج انا وياك فلازون ... وانا باش منحركش الشك ديالو .. قادر ناخدك لبلايص لي مايظنش هو غانديك ليهم ... لي هي لازون ديالو نيت ! ... وحيت انا عاااارف مزيان بلي هنا مكيكتبوش تقارير ... جايبك وانا مرتاااح .... داكشي علاش .. رتااااحي حتى نتي ...
قدس : ( كتشوف فعينيه ) هانا تابعاك ... ولكن لاوقعات شي حاجة تحمل مسؤوليتك ....
لوؤي : ( طلع فاليخت ديالو ومد ليها يديه ) اووودي كون بغيتي نتي كون راحححنا متحملييينها شحااال هادي .. عطيني ييييدك عطيني ....
قدس : ( مدات يديها شدات فيه وهو عاونها تاطلعات حداه) تححمل مسؤولية اغلاااطك ماشي مسؤوليتي انا
لوؤي : ( كيشوف معاها ) معارفش فاش كنكون كنبوسك فين كيكون عقلي مكنتفكرش هاد اللسان عندك شنو تايقول ونعض مووو تاااانقطعو .... ولكن الغالب اللله .. العقل تاااايترررفع .....
جرها من يديها ودخلو لداخل هو يخرج من المطبخ الصغير المدبر ديال اليخت ديالو لي علمو يجي يقادو ليه ينظفو ويحط فيه الغدا وفطور .. تبسم ليهم ومشا طلق ليهم الحبل
ولوؤي اتجه لبلاصة القيادة وحرك اليخت وهي شادة فالحديد من موراه كتفرج فالبحر ومرة مرة كضور بعينيها كتشوف فيه صايك وكترجع تشوف قدامها .. رغم الخووف الا انها قلبها كتحسو عمرو حس بشي سعادة كتر من هادي لي كتحسها وهي معاااه ... ورغم الخوووف قادر يحسسها باالامان .... حرك اليخت تابعد على الميناء و بروغراماه فين يوقف ... وضار لعندها كيقلب عليها بعينيه تابانت ليه شادة فالحدايد كتفرج فالبحر وشعرها كامل كاايطير مع الهوا .. ومشا باتجاهها ووقف موراها ماد يديه شاد الحدايد دايرها قدامو ... وحط راسو حدا راسها محنى لعندها ....
لوؤي : ( باسها فحنكها ) عارف مكاين تاحاجة لي تريح بنت الروكان من غير البحر ... داكشي علاش جبتك لهنا ....
قدس : ههه ... صراحة هو الحاجة الوحيدة لي كتريحنا ...
لوؤي : الوحيدة !
قدس : ( ضارت لعندو وهو عوج راسو معاها مبتاسم وهي كتشوف فيه مطوولة وقالت متبعة قلبها بلا متحس) علاش كنحس بالراحة وانا معاك ؟؟؟؟؟ رغم انني خاصني نكون خييييفاانة ومسطيريسة يحصلنا شي واحد ... ولكن ديما كتعرف تخليني نرتاح ...
لوؤي : حيت دبصح ... مكاينش تاحاجة لي تخوفك ونت معايا ( كيرد شعرها لور ) الى هزيت مسؤوليتك راني قاد بيها ...
قدس : ( شافت لجنب فالبحر ورجعات شافت فيه ) كون قلتي ليا يخت كنت نجيب بعدا حوايجي باش نعوم .. تشهيت البحررر دابا
لوؤي : لا لا لا ابنت عمي .... ححححسن تبقااااي هاكا ( كيشوف معاها ) بهاد الكسيوووة زوينة وخلينا مثاااقييين فيك الله ماتزيديناش العذاب على العذاااااب ... ملي تكوني بوحدك عومي ..... حدايا انا حاولي ما ااااامكن ماتحركيش بزاااف ....
قدس : ناااااري دماغك شحال موسخ .. شنو فيها لادوزنا نهار بلا متفكر فشي حاجة اخرى ...
لوؤي : خاصني نكون زااا_ _مل ....
قدس : ( ضرباتو لكتفو وزادت كتهضر ) داك الكوووتش خرجات ليا واحد ريجيم ديال الخررررا فطروووني بديطوكس ديال الخيار ... فيا الموووووت ديال الجوع
لوؤي : ( تبعها كيضحك وهي دخلات للكوزينة ) هوووما يضضعفو فيك ويجي لوؤي ييييغلضك ماااتخافيش .... شششنو بغات الحب تفططر ...؟
قدس : ( شافت فيه ) تششهيت شي حاجة ححلووة
لوؤي : السقاااااطة غا نسااايها .. تغلاضي ايه .. تمرضي لا ...
قدس : ( حلات ثلااجة وهو يبان ليها تيراميسو ) ييييييي .... ( هزاتو وهو ضار شافها شنو هزات ) كووون غا طلبت شي حاجة اخرى ( مشات بيه جهة الكونطوار )
لوؤي : منيتك !!!! تفطري بداكشي غتفرعي راااسك ...
قدس : ديييجا فااطرة ... ( حلات المجر كتقلب تالقات المعالق وهزات وحدة ومشات وقفات حدا الكونطوار وداقت اول معلقة ) امممممممم ... شحال لذييييذ ...
لوؤي : راه هاد تخربيق لي خارج عليك مطلعة صحتك على الخوا ونتي لا مناعة لا والو ....
قدس : هادشي كيطلع الادرينااالين فدم .... كاااايجيب السعادة ( كتاكل )
لؤوي مربع يدو متكي على الكونطوار كيتفرج فيها وهي منغمة بداك تيراميسو نساتو كاع واش كاين بكثرة مامحرومين بزاف من سقاطة ومسموحة ليهم غير يوم السبت وهي دابا تمنعات عليها كليا ...
الحركات لي كادير بشفايفها وتمصهم والانين ديال التبنان خلاوه ينسى بلي راه كان باغي يصاوب قهوة اخرى ... وزاد عندها تاوقف من مورها وهي غير حسات بيه حبسات على المضيغ وزيرات على المعلقة فيديها تاحسات بيديه نازلة كتسارا ببطئ مع دراعها خلاتها كلها تقشعر ... تاوصل لداك المعلقة لي حيدها من يديها وضورها لعندو وهي ماعرفاتش كيفاش دير تعامل وفاشمن نقطة تشوف ... رغم ان ولفها حركاتو و القبل ديالو الى انها فكل مرة كتفشل باش تبان عادية وكاتفشل تقاوم بلا مايبان الضعف على عينيها لي دغيا كايدبالو .. وفكل مرة كاينجح يهزها لعالم اخر بعيد على الارض لي واقفة عليها ... غمضات عينيها ملي حسات بشفايفو على شفايفها كيدوز لسانو على بقايا الشوكولا العالق عليهم برفق وببطئ خلاوها متقدرش تهز حتى يديها تبعدو ... حاجة وحيدة لي عرفات دير هي تغمض عينيها ... بعد ماخلا ليها شفايفها كيلمعو داز لوذنيها وهمس ..
لوؤي : كاين حوايج اخرين كيطلعو الادرينالين فالدم .... خاصك تولي تعرفيهم ...
زيرات بيديها على الكونطوار لي موراها تابعد راسو من ودنيها وحلات عينيها فيه لقاتو كيشوف فيها وهايم فتفاصيلها وحط يديه على حنكها كيداعبو برفق ....
لؤوي : مرضك نتي وصل عندي لداخل ... لداك درجة لي كيقول فيها الطييب ديو المريض لدارو يموت على خاطرو ...
قدس : ( هزات يديها بشوية سرحات خصلات شعرو لي خربقهم الريح وشافت فيه هو لي عينيه على شفايفها ) علاش ديما كتسميني مرض ...
لوؤي : حيت الله اذا حب عبدا ابتلاه .... ومكاينش شي ابتلاء حسن منك نتي ....
يلاه غتجاوبو بدا كيتسمع صوت من غرفة القيادة عرفو دياال البروغراماسيون ومشا بجيهتها وهي ضارت لعند تيراميسو كتشوف فيه عاضة على شفتها و معدتها خربقها ليها بهاد القبلة لي خلاتها تكتشف انه كاين ما حلا من تيراميسو .... كاينين شفايفو ! ...
حطات المعلقة ومشات باتجاهو كان مشغول مع بروغراماسيون وتايقاد ليه طريق وتكات على واحد حديدة كتفرج فيه وفحركاتو ...وهو كل مرة كيعوج فعنقو وهي كتزير حجبانها معاه .. وهز يدو كيماصيه من الخلف .... بقات ساهية فحركاتو تامحساتش برجليها كيفاش داوها وتبعات قلبها وسدات عقلها بالمرة تاوقفات موراه وحطات يديها على عنقو من الخلف وبدات كتماصيه ليه .....
وهو غمض عينيه وعلا راسو لفوق كيستشعر لمساتها .... وهي كتماسي برفق بلاصة لي كتبانليها مشنج فيها وهو كيحس بقلبو تايتزير ليه كتر ماتزيرات عليه سلسلة دسروالو وحس بجسمو كامل سخن بمجرد ماقاست فعنننقووو .... يلاه كيحاول يقاومها ويقاوم هاد الرعشة لي خلاتها تسري فجسمو كاااامل بحال صعقة دالضو تاكانت قربات لودنو ....والهمس باش دوات ريب ليه كاع سقف تحملو ...
قدس : شوية دابا !
🚨تنبيه جرأة زايدة 🚨
مجات فين تكملها تاكان ضار عندها بزربة هزها فيديه ومشا بيها بسرعة تادخل ليخت لداخل ولاحها على واحد من ليفوطوي وجا من فوق منها وهي وسعات عينيها تاكان غاص وسط نحرها بقبل جنونية ...تسمعات منها شهقة مزيرة يديها على جناب الكنابي وهو طلع لشفايفها لي ماعرفاتش كيفاش خلاها دغيا تهز يديها تشد ليه فشعرو وتتجاوب معاه بنفس درجة جنونو .. تاحسات بصدرها تاايتعصر بين يديه وقلبها بدا يضرررب بجهد وكتحس بحرارتها ارتفعات كتر من قياسها كرششها كتحسها كتلوااا ... ورحمها كااايتقلص وهو تايقبلها بجنون وجموح وصدرو كولو تتننننفخ ونزل تاني لعننقها تاكتحس بالدم غاادي يسييل منو بسبب قوة تقبييلو .....نول بشفايفو لصدرها وهو تهز يديها حطاتها على فمها ماقادرة توقفو مقادرة تتجاوب فهاد اللحظة ... غاص وسطهم طافي عقلو بمرة .... تاااغووتاااات بعضة حساتها فثديها من فوق. ... وشداتو من شعرو
قدس : لووووؤي ... لوو ....
يالاه غتكملها كان توقف وعلا راسو شاف فيها وهي بسرعة حناكها ولاو حمريييييين وشفايفها تيقطرو بريقو وهو عينيه معععععسلين قرب لعندها وشد وجهها بيديه كيدوي وكينهج والجدية مخلطة بالرجاء فيعينيه .....
لوؤي : تزوجي بيا ..... تزوجي بيا اقدس ...
قدس : ( كترمش فيه وهزات يديها شدات وجهو تاهو وقربات راسها لعندو ) خليها حتى تجي بوقتها .... وغنتزوجو ....
لوؤي بدا كينهج فلخر طاح عليها كامل بحال القتيل .... ناعس فوق منها وخاشي راسو فجنبها وسط مخاد ليفوطوي .. وهي تبسمات بشوووية وهزات يديها بدات كداعب خصلات شعرو ...
لوؤي : ( بعتاااب) بببعدي يديييك .. .بعدي مني ...
قدس : ههههه دابا انا اش درت ليك هههه
لوؤي : ( علا راسو كيشوف فيها ) عجبك هاد العذاب دابا عجبك ؟
قدس : ههه اينا عذاب ؟؟؟
طلعها وهبطها وناض معصب وهي متبعاه كضحك ودخل لبيتو وردخ الباب موراه
قدس : هههههه يا على برهوش ههههه ...
بقات كدوز لسانها على شفايفها وناضت كضحك وهو دخل لبيتو ومشا ديريكت لدوش طلق الما بارد كيغسل وجهوو تاكيشهق وكيحس بلي مكاينة تاحاجة غتقدر دابا طفي هاد العافية ولا ترخف ليه سلسلة دالسروال ...
سد الما وخرج من بيتو وهي كانت فالكوزينة كتكمل على تيراميسو وعوجات راسها كتشوفو فين غادي والمعلقة باقا ففمها .. وتبعاتو بعينيها تاخرج من اليخت وسمعاتو تلاح فالبحر وضحكات ... وحطات المعلقة ومشات كطل عليه وتمضغ تيراميسو لي ففمها .. بانليها تايعوم وتيشورت ديالو مليوحة حدا رجليها ...
قدس : لوووؤاااي ...( لوؤي علا راسو فيها من تحت وهي دوات مهبطة شفايفها ) بغييييت نعوووم ...
لوؤي : ( حيد شعرو على وجهو كيشوف فيها) نننزلي عندي ...
قدس : غااانفزززك حوايجي
لوؤي : دابا ينشفو ....غير اجي ...
ضحكات حيدات السميطة واكسيسواراتها وتلاحت لعندو غير علات راسها لفوق تتنفس و تحيد شعر على وجهها تالقاتو قرب لعندها
لوؤي : تابعااااني الموصيبة تالهنا ( جرها لعندو معنقها وسط الما )
قدس : ( بغغغنج ) ونتاااا شششهيتيني فالعوومان .. ميمكنش نشوف البحر ومنعومش ....
لوؤي : وتانا راه مايمكنش نشوفك ومانح _ وييش ( قدس وسعات فيه عينيها ) نججججيك من للللخررر
قدس : ( بدات كضربو لكتفو ) نتا .. نتا راااااا ضسسرتي ضضضضسرررتي
لوؤي بدا يضحك وهي كضرب فكتفاو تاجرها لعندو وهي ملي صدرو عريان ماقدراتش تقيس بيديها و نزل راسو هاد المرة بححححنية باس شفايفها وعنقها عندو مزير عليها وهي عاد طلعات يديها بشوية مع ظهرو وشوية بشوية كتحاول تقيسو باش تبادلو لعناااق تااقاست لحمو وعضات على شفاايفها ملمسو الخشن والقااااسح بين يديها خلاااا معدتها تزيد تتتقلص ... وسمعاتو حدا ودنيها ....
لوؤي : والله تاباقي ليااااا شرطة ابنت عمي وتقتليني .... ( باسها من حنكها ) رااااه تاااانموت عليك انا ... برررربي تاكنمووووووت ....
قدس عضات على شفتها ضاحكة لي قادرة تعبر على فرحتها باش مايشوفهاش واخا حاس بيها وزادت زيرات عليه وبلا متتتتحس قالت بهههمس ....
قدس : حتى انا ......
يلاه غتكملها كان جرها للما للتحت تاغوتاااااات ملي غرررقها وطلعات راسها بعد ماشربها نص داك البحر ولقاتو هرب عليها وتبعاتو كتححححلف فيييييه ....
يتبع...
التعليقات
لا توجد تعليقات بعد، كن أول من يعلق.