محتوى القصة
∆فالقصر....
خرجات قسم من دوش ببينوارها وجلساات قدام الكوافوز ديالها كترطب رجليها وغير كتنهد وحدة ورا لوخرا ....
كتحس بلي هي وجود المسؤوليين على هادشي لي وقع لقدس البارح .. جود غلط ملي خلاها تتمادى و ملي عطاها فرصة تتجرأ عليهم ... وهي بسبب مشكلها مع اصيل لقات راسها نسااات كاع موضوع مهم بحال هذا تناقشو مع اسد ... وتالوقت مالقاتوش بسبب خطبة قدس .. والمؤتمر لي جا لاغذا ولكن باقي كاتلوم راسها حيت موضوع بحال هاداك كان خاص يتأجل عليه كلشي ويتقال ....
مشات باتجاه الدريسينغ لبسات حوايجها مخططة هاد النهار دوزو مع قدس طلع ليها شوية معنوياتها من الليلة دالبارح ... فنفس الوقت تهضر مع اسد يلقاو حل لماجدة تخرج من حياتهم من بعد هادشي لي دارت ماعندهاش بلاصة مزال معاهم ....
هزات تيليفونها من الشارج وخرجات من الجناح .. مشات باتجاه جناح قدس ... حلات الباب ودخلات ...
لقاتها باقا على نفس وضعيتها لي خلاتها عليها فالفجر .. مكمشة فبلاصتها ببينوارها دالحمام ... ووجهها مخنزر واخا ناعس ...
مشات بشوية سدات الباب دالبالكون ونزلات الريدو لي كان محلول ... وعلات عليها الغطا ... وقاست جبهتها لقاتها هبطات الحراارة ..حيت فالفجر كانت جبهتها سخووونة بالاعصاااب ...
شافت مع الجناح كامل تنقى .. المساعدات نقاوه صباح بكري قبل ماتفيق لامار ...
خدات نفس وهزات تيليفون تصوني على باباها تشوفو فين هو ... يلاه حلاتو وهي تلقااااه غااادي يتفركع باتصالات صفاء و اتصالات مديرة اعمال قدس وليزابيل كثاار ...
مافهمات والو !!!!! علات حاجبها وقلبها تاايضرب مفاهمة والو .... غا دخلات لمحادثة د صفاء وهي تشهههق بجهد حاطة يدييها على فمها بصصصصدمة مقادرااش ثيق داكشي لي شافففففتت ......
طاح تيلي من يديها .... رجليها فشلووو ودموع فعينيها تحجرو ... وضورات راسها بشوية لقدس وهي تحط يديها على فمهاا !!!!
تفكرات الجرائد .. باابااها وماماها !!!!
هزاات التيلي لي طاح وخرجات كتجري فدرووج نااازلة تخخخبع جورناالاااات على ماماها ...
وهي توقف فنهاااية الدرج !!!! ..... جاااامدة على الحركة .... قلبها كيضرب بجججهد تاقرب يخرج من صدرها ....
كااانت كتشوف فاسد واااقف ... والجورنال فيديه ... والعنوااان الرئيسي كان بخط عريييض وواضح " سمعة الاسماعيلي تنهاار !!! "
عييينيه كااانو شرارة من جججهنم ..... وجهو زرااااق ويدو كااااتررررعد.......
عينيها توسعوووو مبقاتش قااادرة تتحكم فالوعي ديالها من ورا ماقرات داك العنوان .....
وطاحت على وقفتها كلها للارررض سخفااااانة !!!!!!!
السادسة مساءا - مصحة المنطقة ...
على الكراسي فالكولوار ...
كانت جالسة لامار بملامحها لي تمحاو بالبكا وعينيها المنفوخين ... شعرها على جبهتها مربل وفوق منو شال حريري كحل مبعثر غير لاوياه عليها ، كاتشوف فداك الكولوار لي كرهاتو ولي سكنات فيه مع ولادها ... على كتفها حاطة قسم راسها لي غير كتنهد وحدة ورا الخرا ولونها باقي صفر بالخلعة .. شادة فيدين ماماها مرة مرة كتواسيها ...
كانو مقابلين مع شومبر بابها بيض لي مسدودة ... لوؤي فالكولوار كيمشي ويجي ويحك فشعرو ويتنهد وحدة ورا لاخرى .. ومن جهة لوخرا جالس جود معلي راسو للفوق وحداه سلطان لي مرة يشوف لتيلي مرة يحطو ويتنهد ....
مكان كيتسمع والو من غير انفاسهم المكرهة والعياااانة ... ولي كرهات هاد المصحة وأركااانها ..... كيتجمعو فيها كتر مكيتجمعو فالدار ...
تاسمعو صوت الخطاوي وكلهم شافو لنهاية الممر كان جاي عدنان وسفيان بمشيتهم الثقيلة بالهم و الخلعة .... وملامحهم المتعبة ....
لامار غير شافتهم وقفات هي وقسم وجود وسلطان ولوؤي قربو تاهوما ..
لامار : (بقلق ) آش قال ليكم طبيب ؟ ندخلو ! فااقت ؟؟؟؟
عدنان : ( تنهد ) قال حالتها مستقرة ومزيانة دابا .... ولكن من الا......
باقي ماكمل كلامو كان لوؤي حل الباب ودخل خلاه غير كيرمش ، كان كيتسنى غايسمع استقرات حالتها باش يدخل ، متتهموش شي حاجة اخرى... ورجع تنهد وشاف فلامار .....
عدنان : قال من احسن نخليوها شوية تاتحسن ... قالت ليهم قبيلة منقدرش نشوفهم وكانت كتبكي... دابا راه نعسوها ...
لامار : ( مسحات دمعتها وتنهدات ) اش قالو على يديهاا ؟
سفيان : لا لا مكاينش هرس ولكن غاتبقى بالبانضة حيث مفدوعة شوية ...
جود : مقالكمش فوقاش نخرجوها ؟
عدنان : تالغدا .. دابا غاتبات على ود النزيف ديال نيفها ... راكم كتعرفو مناعتها هي ( تنهد ومشا جلس كيدوز يدو على شعرو بعياء وشاف فلامار لي كتشمر بنيفها وتمسح دموعها ) خليها شوية ترتاح .. تاتفيق على خاطرها ويدخلو عندها خوتها ... شوية بشوية ودخلي تا نت ...
جود : ( شاف لشومبر ديالها ورجع شاف فيهم ) ماعيطش الواليد ؟
عدنان علا راسو لفوق وحركو بلا و قسم جرات لامار ورجعو جلسو حدا عدنان كيتنهدو و سفيان بعد كايهضر فتيل مع شكيب ... وجود بقا كيمشي ويجي ....
عدنان : ( معلي راسو للفوق بتهيدة ثقيلة ) اش درنا الامار .....اش درنا تانتعدبو بحال هاكا معاهم ...
لامار : ( كايطيحو دموعها على خدها ) معرفتش واش المشكل فشنو درنا ... ولا فشنو مادرتاش ... ( غمضات على عينيها ) ماعرفتش اعدنان ...
قسم شافت عند ماماها لقاتها بدات تبكي ثاني ..
قسم : واماااما .. وصاافي هانتي سمعتي حمد الله مامهرساش ... غير تفيق وندخلو عندها .... صافي حاولو ماتبقاوش تحكو على الضبرة بزااااف .... كل كبرنا الموضوع كتر .. غايزييييد يكبر تايخنقنا .... نصغروه باش يصغار ..
لامار : ( بضحكة مستهزأة ) اشنو فيه غايصغاررر ابتي ... شنو فيه ؟؟؟؟ جورنالات لي سكتناهم ولكن ناس عمرهم غاينساو ؟ ولا وججهها فلافاك ديالعا والملعب مع صحاباتها ... البرتوكول لي مزال ماعطاش كلمتو للخرا ... الغدر ديال ليوكلا طعاااني فوق من طبلتي ووسط داري ... شنو لي غايصغااار هم ؟ ( مسحات دموعها ونظفات صوتها وتقادات فالكلسة شافت فيها) سيري لدار عند باباك قوليلو راها بيخييير ... سيري راه تاهو مع داك السكر ديالو مافيهش الثقة .....
قسم : ( بعصبية ) انا ماااغاداا فين .. سيري عندو نت ... بغا يعرف مالها يجي لهنا .... اصلا هو لي وصلها لهاد الحااااالة ...
لامار : ( ضارت عندها مخنزرة ) اشنو كنت باغاه يدير ؟؟؟ يصفق لييييها !!!!
قسم : ( وقفات بعصبية وجود علا حاجبو ) ملي هو لي مربينا هو لي عارفنا اش كنسواو ... كان خاصوووو يعرف بلي بنتو مغتاخدش لالكوووول منها لخاطرها .. كان خاصو يسول قبل مايدير ليها هاد الحااااالة كااااااملة فالبنت ..... مااااشي هاكا كتكون تربية ....البنت كااانت غااااتموت
جود : ( بحدة ) قسااااام !!!!
قسم غمضات عينيها وخدات نفس ورجعات جلسات وهو شاف فلامار ....
جود : نوضي سيري عندو نتي هضري معاه وقولي ليه راها صافا ... من الاحسن هضري معاه نت وبقاي معاه .. ملي تفيق انا غنعيط ليك ....
لامار : لا لا .... انا خليني هنا حداهااا تاتفيق ....هو واش حتا نقولو ليه حنا ... باينة راه عيط لطبيب ...
جود : ودابا راها ناعسة ... سيري ماتخليهش بوحدو ... برديه شوية واجي ... الى فاقت راه قلت ليك غانعيط ليك .. كوني كتسمعي ....
سلطان : من الاحسن سيري عندو اخالتي نت .... نت لي غتعرفي تبرديه ماشي هي ...
لامار تنهدات وناضت بشوية لشومبر دقدس ... حلات الباب وهي تبان ليها ناعسة فوق السرير .. الايزار بيض عند نصها .. باقا بنفس حوايجها لي موسخين فصدرها بدم ديال نيفها .... نيفها لي كان عامر بالقطن وججها عاامر بالكدمات وبعض سيكاتريسات ديال تيليفون لي ضربها بيه ... ويديها مجموعة لصدرها ببانضة زرقة ... عينيها كانو مسدودين وغارقة فنعاسها بالمنومات لي كيدوزوها من سيروم ... ولوؤي جالس على الكرسي حداها كان شاد علا راسو تاطلعو فلامار لي حلات الباب .... لامار خدات تنهيدة من اعماقها وهي كتشوف فيها .. مسحات دمعتها ورجعات بلور وسدات الباب ومشات فالكولوار وسفيان تبعها بعينيه وهي تبان ليه تاقسم غادية .... خدا تنهيدة تاهو و تبع قسم .... حيت يلاه طمنو عليها باش يفهمو دابا اش واقع ...
عند لوؤي ...
جالس على الكرسي ... وكيشوف فيها هي لي نااعسة وكتنفس بصعوبة من فمها بسبب نيفها لي مسدود بالقطن ... هز يدو دوزها على حنكها البااااارد .... جفونها لي باقين منفوخين وكيتفكرررر وهو كيهرس فالبااااب دجناحها وقسم ولامار تايغوتو حداه ... وكيفاش دخل و حيديها من بين يديه سخفااااانة بالعصاااا واسد غااايب على الوعي بعصبيييتو ... كيفاش كان كايضرب فوجهها باش تفيق ... الخلعة لي حس بيها ودماياتها دازين بين يديه غايبة غلى الوعي واسد غايب كتر منها .... عمرو حس بيها فحيااااتو ... مكانش عارف اشنو غايدير من غير هزها بين يديه بحال شي ثوب كايجري بيها فالدروج ولامار وقسم تابعينو ... وكسيرا بيها لكلينيك ....
غمض عينيه مزير عليهم كيتنهد وحدة ورا لوخراااا وباقي كايحس بذاتو كترتجف من داك الخلعة ..... تاحس بيها كتحرك غير براسها وكتسرط فريقها وفمها لي نشف ... وقرب عندها بزربة لعندها بهمس كايدوز يدو على شعرها ...
لوؤي : قدس .... قدس كتسمعيني ؟ قدس !
قدس غير تحلو عينيها شوية وهي تنفض كاملة مخلوعة كتنهج وشدها من كتافها كيهدنها وهي فحالة هيستيرية كترعد
قدس : ماادرت وااالووووو ... ماااادرت وااالو ابابا ماااالدررررررت والووووو ( كتخبى فلوووؤي وهو كايهدنها ) مااادددرت والو ابابا عاافاااااك ... عافااااك ابابا
لوؤي : قدس ..قققدس ( شد ليها وجهها عندو محني لعندها كاهدنها ) قدددس شووووفي فيا .... مكاااين تاحد ....
قدس بدات كتنهج وهي كاتشوف فيه وترمش ... فاقت من حلمتها مفجوووعة ...واخا مكانتش حلمة كانت غير اش عاااشتو قبيلة تعاود عليها وهي ناعسة ... قلبها كااايضرب بجججهد ويديها كاترعدو وشفايفها كايرجفو كاتشوف فلؤي وهو كاهدنها بشووووية وقرب لراسها باسو بحنية وشاف فيها
لوؤي : (بهمس ) ششششش .....بشوية عليك ..... انا معاك ...
يلاه كتحس براسها كتفيق من مشاهد باباها وهو كيضربها و يلاه وعات براسها ثاني انها باقا فصبيطار لي فاقت بيه قبيلة وسط دكتور والممرضين ... وهاد المرة حداها لوؤي ماشي الطبيب .. قلبها بدا يضرب بجهد ودموع كيسيلو وشدات فيديه كتبكي ...
قدس : لوووؤي .. لووؤي والله مااااااادرت شي حاجة بخاااااطري الووؤي قولها لبابا عافاااك قوليه ماشي هي لي شربااااات عافااااااك .. ياك نتا عارف كولشي .. عافااااك قولها لبابا ... عاافااااك الوؤي .. بابا مغاااايسمحش لياااا
لوؤي : شششش ( كيرجعها تنعس ) تاحد مامقلق منك غير تهدني .... غير ولي لينااا صافاااا .... ( كيغطيها ) رررتاااحي .... ( شاف فيديها ) يدك كتحرقك ؟
قدس : ( كتشوف للفوق ودموعها كيسيلو ) مكنحس بحتى شي حاجة من غير ... ح حشمانة .. من بابا ...
لوؤي : ( تنهد ومشى بجهة الطابل دو نوي هز القطن وقرب لنيفها كايحيد ليها القطن لاخر لي عمر ليها فاش فاقت بداك طريقة .. وبدا كايدير ليها واحد اخر وهي معلية عينيها للسقف ودموع كااايسيلو .... قاظ ليها للقطن وحط يدو على جبهتها كايرد شعرها لور وتحنى لعندها ) دازت ... نسايييها دابا .. وهادي دير ليك عقلك ....
قدس : كيييفاش دازت الوؤي كيفاش ( شافت فيه كتبكي ) تششششششوهت .. كيغاندير نخرج دابا ونمشي لقرااايتي كيغاندير نبان قدام بابا وعماااامي وخوتي ( شدات تاني فيديه بزرية ) عافاااك الوؤي متخلي تاحد يدخل ... مااااقدرة نشوف تاحد ..
لوؤي : شششش .... فكري غير فراسك دابا .... كولشي غادي يتنسى وكولشي غادي يدوز ...
قدس : ( شافت ليديها لي فلبانضة وهي كتشهق بالبكا وشافت فيه ) م .. مغنقدش .. نلعب ...
لوؤي : ( شد يديها مزيرهم عندو ) قدس دابا سمعي اش كنقوليك ... ماتش غيمشي ويجي واحد اخر ....الحمد الله ماوقع والو ونت بيخير .. وباباك بيخير ... والعائلة لاباس .... ماتطراش غير شي حاجة لواحد فينا ... وكوووولشي غادي يتعوض ... ( قرب كثر وشد وجهها عندو معليه ليها عندو وعينيه عامرين بالخووووف حاطهم فعينيها الباكيين ) واش عرفتي فاش هزيتك بين يدي فداك الحالة .... كنت كانقول غادخلي فشي كومة ولا غاتوقع ليك شي شوك ... الحمد الله غير لي ماطرا ليك والو .... تاحااااجة اخرى ماعندها قيمة .... ( بخوف من شنو كان غايطرا ) من غيرك نت ... ( هز يديها لفمها وباسها مطوول بنفسو الحارة والسخونة )
قدس غمضات عينيها وهو قرب وعنقها لعندو وهي زادت خشات وجهها كتر فصدروو ودورات يديها عليه معنقاه كتبكي وهو كيدوز يدو على ظهرها بشوية وكيتنهد .... واخا هادشي لي طرا ماشي ساهل ... ولكن فاي لحظة كان غيطرا الاسوء .. اسد فعصبيتو و ازمة السكري مكاايعقل على والو ... كان ممكن يعطيها شي ضربة لي صعيبة ولي غتخليها فخطر وتخليه هو فخطر وماماها فخطر والعائلة كاملة غاتريب .... افراد الاسماعيلي مكتهمم تاحاجة فهاد دنيا كتر من شتات عائلتهم .... نقطة ضعف لوؤي واي واحد كيحمل هاد الكنية هي توقع شي حاجة تزعزع استقرار عائلتهم ..... والباااقي كامل .. ماشي مهم بنسبة ليهم وكولشي كيتنسى وكيتنقز ... وكيتعوض ....
لوؤي سرط ريقو وقرب لوذنيها كتر بهمس كيحاول يكون عتابو خفيف باش ميكملش عليها فهاد الحالة واخا فيه ماينوض دابا يكمل على ماخلاه اسد بسبب داك الفضيحة لي دارتها بقلة عقلها ... ولكن مقاااادرش ...
لوؤي : اخر مرة اقدس .. اخر مرة ديري شي حاجة بلا خبارنا .... ديما كنقوليك ... بلي كنثيق فيك .. ولكن مكنثيقش فالناس لي ضايرين بيك ( قدس غمضات عينيها كثر كتبكي ملي وقفات على هضرتو ) مكنثيق فحتى شي واحد كنيتو ماشي اسماعيلي يكون حداك .... اي واحد غادي يغذرك حيت مافيهش دمك باش يحن فيك .... ولا باش يراعي للعائلة .... مكتسمعيش اقدس ... مكتسمعيش .... ( بعد عليها شوية وحاول يردها لبلاصتها وكيجمع ليها شعرها لور ) ماتفورصيش على راسك باش يحبس النزيف ديال نيفك ....
قدس : ( شدات ليه يديه وشافت فيه ) فين بابا
لوؤي : فالدار ....
قدس : و .. وماما .. وجود .. وقسم ؟ مقلقين مني ياك ؟?؟
لوؤي : راهم برا .... تبغي تشوفيهم ن ( قاطعاتو)
قدس : لا .. لا عافاك ماقادرة نشوف تاواحد دابا .. ماعنديش الوجه لي نشوف فيهم بيه الوؤي ...
لوؤي : كولشي لي على برا .. كيحمدو الله غير لي نتي بيخير ... مابقاش كيهمهم اشنو درتي كتر مكتهمهم حالتك كيبقيتي ... اما لي درتيه راه دررررتيه .. ولي وقع وقع .. بنسبة ليهم غير ولي صاڤا ...
قدس : ( تنهدات وشافت للسقف ) لي قالوه عندهم فيه الحق الوؤي .... لي قاااالوه ...
لوؤي : ( تنهد ورجع جر الكرسي وجلس فبلاصتو كيشوف فيها ) دابا دازت ... واخا مشيتي برجليك ... الذنب حيد عليك حيت داك البنت ال**بة هي لي خدماتك ... ولكن الى عاودتيها مرة اخرى اقدس .... مغيفكك تاشي واحد . .. ومغيجي من جيهتك تاشي واحد ( قدس غمضات عينيها كتر ) هاديك الحياة لي باغا تعرفيها .. كون كانت زوينة كون خليناك .... غاتقطعي علاقتك بمرة مع دوك الرباعة دال**بااات ... الى شفتك مرة اخرى مع شي وحدة فيهم راه مغيعجبكش الحااال ... ( قدس كتمسح دموعها وتشهق وكايتسمع ليها معصب وكيبرد فهضرتو غير لي مريضة وناعسة فهاد السرير ومقادراش دافع على راسها حيت عندو الحق ) كون فالصحاب الخير ... كون راهم عندنا حتى حنا .... الوااحد مصاااحب معاك ... والى شافك غير تزادت عليك شي حاجة صغييييرة مكايناش عندو .. كيقلب كيفاش يحديها ليك .... باش تولي بحالك بحالو .... كاينين شي ناس اقدس عند بالهم باش تكون صاحبو خاصكم تكونو بحال بحال .. الا مشيتي نتا نجحتي فشي حاجة وهو لا ... مكيعجبوش الحال .... كون كانو صحاباتك ديال بصح ... مغيعرضوش على وحدة للبار وهوما عارفين بروتوكولها شحال قاسح وممنوع عليها دوك البلايص ... كون كانو صحابك كون راعاو ليك ...مااعندكش الصحاااب اقدس ... كاينة عائلتك .. ودمك ....
قدس : ( ضورات راسها بالنفي وشافت فيه بعينين دامعين ) علاش ... علاش مكاينينش الصحاب ؟ ... علاش ماما كيفاش تاكونات لينا هاد العائلة لي كادوي عليها ؟ علاش ماشي ماماك وماما وخالتي اريج كانو صحاب ؟؟؟؟؟ ها ؟؟؟ ماشي عائلتنا من الصحبة الوؤي ؟
لوؤي : ماشي ديما كتصدق ... وماشي كاع الصحاب غايكونو بحالهم ... وسيري سوليهم .. سولي ماماك .. وسولي الواليدة .. وسولي خالتي اريج ... سوليهم كاملين واش قبل من بعضياتهم كانو عندهم صحاب ؟ غيقولو ليك لا .... غيقولو ليك بلي كانو دايرين اطونسيون من كولشي .... ولكن نهار كتلقاي هادك الصاحب لي كتجيبو ليك دنيا بلا متكون داير ليه الحساب .... ولي كتحسي بيه باغي ليك الخير ... وماعندو علاش يحسدك لاتزادت عليك شي حاجة ... صاحب تاهو كيخدم على راسو ماشي فاااااشل وكيتسنى من ناس كاملين يكونو مامطفرينوش بحالو .... صاحب يكون كينبهك من الهاوية ماشي كايديك ليها .... عااااد كتحلي الباب ديالك ليه .. ماشي لاي واحد اقدس ... ماشي اي واحد جلس معاك فطاولة ديال الابتدائية ولا الليسي ولا الكوليج راه صاحبك .. ماشي اي واحد جاب ليك قهوة ودردش معاك شوية ودرتو شوية دنميمة نتي وياه راه صاحبك .. الصاحب هو لي مكيجمعكش معاه كاس دالقهوة ولا ايكول ولا لافاك .. صاحبك راه كتجمعكم غالصدفة وشوية دالضروف باش تبين ليك المعدن ديالو .... نهار تكوني كتعرفي تختاري الصحاااب مزيان ... عاد غنقوليك ديريهم .. اما دابا لا .... دابا نت محتاجة لدعم دعائلتك .. محتاجة تجلسي شوية مع راسك وتراقبي حياتك وتركزي عليها .. بعدي على التفاهات ... كاع هاداكشي لي باغا تجربيه .. كون كان مزيان كون خليناك تجربيه .... بعدي على الناس فهاد الفترة ... وقربي من راسك كثر ..... ( شد فيديها وقرب راسو لعندها ) انا معااااك .... ديريني صااااحبك .... خطيييبك ... ولد عمك ...اي واحد بغيتي .... اي بلاصة بغيتيها انا غانديك ليها ... انا نكون معاك .... انا عارفك دابا كتقولي هذا كيعقد عليا الحياة ... لا ... ( هز يديها بشوية باسها وهي طاحت دمعتها ثاني كتشوف فيه ) انا كنخاف عليك منها .....
قدس غمضات عينيها كتر ورجعات براسها لوسط المخدة وعلات عينيها فالسقف وهو كيشوف فيها حط يديها وقرب شوية لقرعة دالما خوا كاس وقرب عندها
لوؤي : تعلاي تشربي شوية ... شفايفك كيبانو ليا نشفو ....
قدس شافت فيه هو لي هاز كاس دالما ولقات فعلا فيها العطش وتعلات بشوية لعندو وشربها الكاس دالما .... حطو ورجع جالس حداها ...
لوؤي : متفكري فوالو دابا نعسي رتاحي ..
قدس ضورات راسها ببطئ لجيهتو بقات كتشوف فيه وهو تبسم ليها وهي سرحات يديها بشوية تادارتها فيديه وتبسمات ليه غير بعينها ....
مادواتش ولكن نظراتها قالو بزاف دالكلام ..... باش يبقى واقف معاها حتى فظروف بحال هادو .... ويبقى عارف معدنها وثايق فيها انها مغتديرش داكشي لي تقال عليها فالمجلة .... ويبقى مساندها وداعمها .... شي حاجة لي حساتها كبيييرة بزاف بالنسبة ليها هي ... عارفاه كيبغيها ... وعارفاه حمق بيها ... ولكن .. اول مرة كتشوفو سند ليها ... سند حقيقي ....
لدرجة كون مكانش ... معرفاتش راسها شنو ممكن يكون طرا فيها ....
غمضات عينيها والمنوم باقي كيسري فيها وباقي دايرها بيها العياء بمجرد مكتغمض عينيها كتغفى ...
تنهد لوؤي وبدا يسلت يديه منيديها باش يغطيها وهي تشدها بزرية وهضرات وهي وسط نعاسها بصوت ثقيل
قدس : خليك معايا ... عافاااك
لوؤي قرب عنها لودنيها وهمس
لوؤي : انا معاك احبيبتي ...
قدس : ( بهمس وسط نعاسها ) غاتبقى ديما معايا ياك؟
لوؤي : ( بهمس ماباغيش يفيقها ) تايسكت هاد القلب ....
فالكافيتيريا ...
جالس سفياان شاد عندو طاسو دالقهوة ... وقدامو رااس قسم محطوط كاامل على طبلة حدا فنجانها ... تنهيييدة ورا لوخرا وهو راجع بظهرو متكي على لكرسي كايتفرج فيها هي لي لاايحة راسها كاااامل على طبلة وقالباه للجنب وساااهية ...
سفيان : شحاال ناوية مزال تبقاااي هاكا ( شاف لساعة ) باش ندير بحسااابي باقين تابعيني شغالي ...
قسم : ( خدات تنهييدة خفيييفة وهزااات راسها بعياااء وتقابلات معاه ) هااانا اعمي هااانا. ...
سفيان : ( جغم من كااسو وحطو وشاف ليها ) قبيييلة قلتي ليا انا وعمك عدنان بلي مكانتش لخااطرها وبلي مااجدة السبب .... مافهمتش ؟؟؟ شنوو دااارت ليها بنت سارة ؟؟؟ ...
قسم شااافت للجنب وسهات كاتفكر راسها فاش كانت مخلوعة على قدس ملي دخلوووها بزربة لشومبر وكيفاش بقات كاتهضر بلا عقل وتبكي حدا عمامها ورجعات شااافت فيه ..
قسم : هي مشااات برجليها لتما حتى شي واااحد مغاينكر هادشي .. ولكن اعمي ماجدة لي دااارت ليهاا لالكوول فكاسها دالعصير .. ومااااجدة لي عيطات لا پريس باش تكون تما ... هي سبب هادشي كامل ....
سفيان : ( تنحنح وتقاد فالجلسة مقرب ليها كتر ) هادي هضرة شوية كبيرة آقسم .... واش متأكدة ولا غير تهيُئات !
قسم : متأكدة اعموو .. حيييت دارتها ليا انا الأولى فالباطو وماصدقاااتش ليها .... وهي دوز لختي ...
سفيان : ( بنرفزة ) قسسسم عاااودي من اللول حيت ماافهمت والو. ....
قسم تنهدات وبدات كتعاود ليه مخبية جزء اصيل وقالت بلي صفاء لي كشفاتها ....
اما لفوق كان جود وسلطان متكين على الحيط دالكلوااار جالسين وطااالقين رجليهم ... وغير كيتنهدو .. تاتحلات لباب وخرج عندهم لؤي وجود علا عينو فيه وهو جا و كلس حداهم ...
جود :فااااقت !
لوؤي : سي ... ورجعات نعسات ...
جود غي تنهد وسكت كايشوووف للفوووق و سلطااان كذلك ... ولوؤي غمض عينيه تاهو بنفس وضيعتهم .....
قبل 8 ساعات....
جناح لوؤي ..
اللون تخطف من وجهوو وهوكايشوف فباباه شاد فيديه الشارة الفيديرالية لي خدا لنييكولاس ... دماغو ترون بقوة الاعذاار لي انهالو عليه باش يختار فيهم شكون لي يقووول لباباه ... و وااش كاين شي عذر يقولو !!! اش غاايدييير !!! .... وهو محطوط امام الامر الواااقع . .. مشدود متلبس وسسسط جريمتو ... ولاول مرة غيحس باحساس تااع لمجرمين لي قال ليهم " عليو يديييكم ورميييييو السلاح " وهوما متلبسين ولا مجال لهروبهم. ....
حك فقرفااادتو وهو متررد وتااالف كيف شي واحد قدام حبل مشنقتوو وكايتمنى الارض تسرطو ....
وعدنااان كيدوووورها فيديه و علا عينيه بتخنزيرة لعند لوؤي ....
عدنان : اش باقي كااادير عندك هاادي ؟؟؟ ( لاحها فوق سرير ) واش ماغااديش تلووح عليا هاد الحديدة من هنا ...
لوؤي هزز عينوو فيه كاايرمشهم و كييشووووف فيها وفيه هو لي قااد وقفتو وداار يدوو فجياب السروال بصرامة ... ولؤي بقى كااايشووف لجنب عاض على شفتو كايستوعب ان باباه لي لقى ليه عذر ماشي هو !!! ... ورجع شاااف فيه...
لوؤي : آآ .. لا را .. لا را كنت غانلوحها ... غ غير ... بقات عندي مع شي كتوبة .. و ولبارح جبدتهم ولقيتها ...
عدنان : ( طلعووو و هبطووو ) فين بايت ؟
لؤي : ( باقي متردد من الخلعة وباقي مااامستوعبش الى صافي فاتها ) ا .. مع جوود ... ف لوطيل ...
عدنااان : وعلاش جود بات فلوووطيل !
لوؤي : ل لا غير كناا قصاارين .. وعكزنا نرجعووو لدااار ( عدنان علا فيه حجبانوو و لؤي تذخل بزربة ) تا تسطييييتي الواااليد !!!!! والله تاكنا قصااااريين غا بجووج ... ماش لدااااك الدرجة ... واالاااا الوااليد !!!!!
عدنااان كاايشووف فيييه بحدة لتصرفاتو لي عمرهم عجبوه .... وهو تيييحمد الله لي عدنااان ظنها شارتوو لي كانت عندو ملي كاان صغير ولي كان ديماا كايقول ليهم غاايجي نهااار لي تكووون عنديي وحدة دياااال بصح .... الحمد الله لي باباه ماتاقش بهااد الهضرة وماتخيلش انه غايحققهاا ديال بصح .. وتكووون ديك الشارة ... شارة ديال بصح هاد المرة ... فالوقت لي كان كايقلب على عذر ... عطاه ليه تالبين يديه ....
يلاه غايهضر عدنان هو يصونيي تييلي دلوؤي ... خلاه ومشا لطااابل دونوي باتجاااهو هزو هو يلقى نمرة د قسم .. علا حاااجبو وشاف فعدنااان ...
لؤي : قسم ( عدنااان ضااار عندو كاامل وهو جاااوب ) ويي قسم
قسم : ( بخوف ) لوووؤااااي..... لوؤااااي اجي دغيا جوود مكياااجااوبش .. سسسسسسربي اجي دغيا لدااار بابا غادي يقققتل قدس ..سسسسربي ماحدو مزال كايهضر مع البرتوكووول .. درت راسي سخفت حاولت نعطلو ولكن راااه ماداهش فياااا .... عييينيه معمييين الوؤي ....غايسااالي ووغايطلع عندهااا .... عفاك اجييي دغيااا بعدا واحد يكووون هنااا ..ووو سربي راااه نشرووو اخباااارها فجووورنال سسسسسربي ...
لوؤي قطع بزززربة تيليفون ومشا كالبس حوايجو ويديه كايترعدووو وعدنااان كايسواو وهو كايجاااوبو كايدخل و يخرررج فالهضرة بالخلعة ...يد كاااييقلب فتيليييفوو ويد كتلبس ... هو يلقى الاخبااار ديالهاا صااابحين مفركعين الميديا ..... وعدنااان حيد ليه تيل من يديه كااايشوف بصصصدمة ....
عند سلطان ...
خارجين من لاكلينيك هو وحياااة وفريدة ... تاقربو يوصلوو لطموبيلتو ... هو يضور عند فريدة .. وحياة باقا كاااتقرا فالبيلون ديالها الطبي ... شاف فحيااااة ورجع شاااف فيها ..
سلطان: علاش ماااقلتي لينا والو ؟؟؟؟ هادو اومور كااايتخباااو ؟؟؟ واش كايحسابتك مغانوقفوش معاك !!!
فريدة : لا اولديي حااشا لا .... (وجههااا صفر وكتهضر بعياااء ) حاشا انا عااارفة غادييرو معايا جهدكم ..ولكن اولدي انااا عارفة ماااعندي دوا ... علاش نبرزطكمم على الخاوي
حيااة : ( شافت فيها بزربة ) الخاااااوي !!!! هادشي دابا عندك خاوي افريدة ؟؟؟؟
سلطان : ( شاف لجنب شحاااال وشاف فيها وقرب عنها شد على كتافها محني لعندها ) خالتي فريدة .. نتي عارفة دواك فين كاين .وغايكون الدكتور قالها ليك ... واش عندك ولاد فشي بلاصة نمشي نقولها ليهم ؟؟؟؟ خاصك ضروري يتبرعو ليك ولادك ...
حياة : عمممرني دخلت معاك فهاد الخصوصيااات ديالك .. وعمرني سولتك لا على الماضي ديالك لا على تااا حاجة ...ولكن دابا وااااقفين عليهم افريييدة ... الى مخاصمة معاهم ولا مفارقة معاهم ..رااه مكاين تاشي واحد يشوف ماماه غاتموت ويتخلى عليها .... غي قولي لينا فين كاين ولدك ولا بنتك ..ويمشي سلطان لعندو برجليه ...
فريدة هوما كاااهضرو وهي كاتشوف فالارض .. عينيييهاا لمعو بدموع وهي كتسمع صوت غواتها فودنيها ...
فريدة : وصااافي ابنتي وصاااافي راااه الراس دياااالي غااادي يتفركع ...هاكي شدي لبيبرووووون .... سلمى ... ( هزاتها عندهااا كتراااري بييهاا باش تسكت تانزلو دموعها تاهي بالعيا دالليلة لي منعساتهاش سهرانة معاها وقااالت بزعفة ) وصااااافي سسسسسكتي ( شافت لعند اصيل لي كان كالس على سدااااري قداموو طبلة و كتوباتو كايخدم التمارين) غااااتبقى نتا كاااتفرج فيها وهي قالبة الداااااار ...نوووض اجي سسسكتها على ما نعاود نسسسخن ليها هاد الحلييييب
اصيييل : ماما راه عندي فرض فالعشية ... خليييني نحفظ
فريدة : ( بالغوااات ) رااااه قتليييك اجي لهنا سكت ختتتتك واااش مكاينش شي واحد غانبقى فيه فهاد دار ؟؟؟؟ .... فرررض قاااليك .... غااادي طلع ليا پييييلوووط ... طييييير تاتعياااا راه المرصى كتسناااااك بحالك بحال بااااك .... ( ماشية بجهة الكوووزينة ) والله الى قاااالك فرض ....
حياة : فرييييدة ( كضرب ليهااا فكتفها ) واافريييدة راااه معاك كنهضرو ...
فريدة : ( نفضاااات راسها ومسحااات دموعها لي طااااحو وشافت فيها ) ا هااانا .. هانا اختي حياة .. ( شافت فسلطان ) لا اولدي .. ماعندي تاحد ...
سلطان : ( شاف فيها مطول و قرب عنها كتر ) واش متأكدة ؟؟؟؟ شوفي . لاكنتو مفارقين ولا مخاصمين غير قوليييها ..
فريدة : علاش غانكدب عليكم .... ( بغصة فقلبها خرجاتها ) ا انا ... انا م .. ماعمرني كنت أم .... ( طاحت دمعتها ) ماااااعمرني ....
سلطان بدا غير كايرمش ... حياة غير كضور راسها باستفسار و هو تنهد وزاد حل طوموبيل وتبعوه ركبو ... طريق كلها وحياة غير متكية على زاج شادة راسها لي كايضرها بالوحم وزادت هم فريدة... و فريدة متكية على الكوسان لور ومغمضة عينيها ... و سلطان يد فلفلون ويد متكيها على زاج كايحك بيها لحيتو .. حس كلام فريدة مع نظراااتها غير كتكدب ...
وصلهم حدا باب دار ونزلو وهو حل تيليفون يصوني على لوؤي ... تالقى المنادجر ديالو مسيفط ليه الاخبار اش قالو هاد صباح على بنت عمو ...كايقرا وعييينيه كايتوسعووو .. لاح التيليفون بزززربة و كسيراااا بلااا عقل ........
---------------
عند جود ....
شاد فلفلون بجوج يديه وهو كايشوف فيهم قدامو كايتسناوه يزيد ....
خدا تنهيدة من اعماقو بعياء كبير و رجع كسيرا بجهتهم تاوقف الطموبيل حداهم ... نزل مبتسم ليهم .. وتاهوما قربو عندو سلمو عليه ...
الدركي 1 : سي الاسماعيلي ( شاف فالدركي صاحبو وشاف فيه ) سمح لينا على هاد الزيارة المفاجئة ....ولكن .... عندنا اذن بالتفتيش ...
الدركي2 : ( كايشوف مع الكاراج ) موقع مزيان هدا لي اختاريتي دير فيه گاراج ميكانيك ..بعيد على الناس باش تتفادى الشكاوي من الصداع ... ( رجع شاف فيه ) عندك شي رخصة ؟
جود : ( كايحك فوق حاجبو كايتنهد ورجع شاف فيه ) اولا هدا ماشي كاراج ميكانيك باش ناخد عليه رخصة ...هادي ورشة صغيرة .... ولا تقدر تقول داري كاع .... مكنديرش هنا التجارة باش ناخد رخصة ...
الدركي 1 : ولكن حنا على ماعرفنا هدا كاراج دالميكانيك ..
جود : غالطين ... والى عندك شي دليل د شي واحد جاب طموبيلتو هنا تصلح جيبو ليا .... هادي ورشة ديالي ... مرة مرة كنجيب وحدة من طموبيلاتي هنا نصلحها ولا نخدم على شي بروجي بعيد على الناس .. ومزال ماطلقت والو للسوق باش نعطيكم الرخصة .... باقي كنخدم غير انا وراسي. وكنضن هادشي مافيه تاشي مخالفة ... كيما الناس عندهم ورشة كايرسمو فيها مكيطلبوش ليهم الرخص كذلك انا ...
الدركي 2 : شاريه ولا كاريه ؟
جود : شاريه هو والارض وكاين العقد لابغيتيه ...
الدركي 1 : ولكن اسي الاسماعيلي لخبار لي وصلاتنا .. كاتقول بلي شريتي طمويلات مسروقين والشيفور لي جابهم ليك تالهنا قالها لينا بفمو ....
جود : ( عوج شفتو لجنب باستغراب ) طموبيلات مسروقين ؟؟؟؟ علاش على قلتهم عندي ؟ نتا ملي تخصك طموبيل اجي انا نعطيها ليك ...
الدركي 1 : دابا حنا اسي الاسماعيلي كنديرو غير خدمتنا ... عندنا اذن بالتفتيش ( خشا يدو فجيب هز ورقة بيضة مدها ليه ) هاهو قدامك قراه على خاطرك ، دابا الى كان ممكن حل لينا البيبان ...
جود : ( شاف لداك الاذن لي بين يديه وخدا تنهيدة اعمق ورجع شاف فيهم ) انا عندي هنا ورشة صغيرة ... بعييدة على الناس بعييدة على الصداع فاش كنبغي نصفي ذماغي كنجي لهنا كنرسم كواحد ديزاينر ... هادشي لي كاتقوليا ماعندي بيه تاشي علاقة ... وماعندي تاشي طموبيل مسروقة هنايا وماااعندي علاش نشريهم .. ولكن ماشي مشكل ... القانون فوق منا كاملييين .. ( زاد قدامهم والعساس كايشوف فيهم ويغزز فشفايفو ) تفضلو. ..
تبعوه وهو جبد سوارتو وحل بيبان الگاراج ... وهوما يدخلو كايشوفوو مع الارجاء وهو شعل الاضواء تاتنور الكاراج كااامل .... مشى للجنب ووقف كايشوف فيهم هوما كايشوفو مع الورشة والماطيريال و طموبيلتو لي دار بيها اكسيدو فوسطو... الدركي لاخر طلع فالدروج للفوق كايحل فلبيبان لقى غي بيت نعاس. و صالون صغير وكوزينة صغيرة وبيرو ... ورجع هبط فالدروج ... والدركي لاخر كايشوف ف طموبيلتو
جود : ( مربع يديه كايشوف فيه ) هاديك طموبيلتي لي درت بيها لاكسيدون اخر مرة ... راه جاو ليجونداغم تتقيدات الكوسطا ..رجعو ليها وتأكدو من الماتريكيل ...
الدركي : لا لا راه باقا مصورة عندنا ... ( ضار عندو ) ولكن علاش جبتيها لهنا ...
جود : لاكنتي عزيز عليك تخيط ...وتقطعو ليك حوايجك مكاين لاش تديهم عند الخياط ...تقدر تخيطهم راسك ولا لا؟ ( شاف فالدركي لاخر ) وكنضن ماشي مخالف للقانون نجيب طموبيلتي نصلحها راسي .....
الدركي : اهاه ماقلناش ..ولكن اسي جود خليك بعيد على المشاااكييل وخلييك غير فطموبيلتتك ..حيت تصلح طموبيلات بلا رخصة راك عااارف العواقب
جوود : تاحنا عارفين القانون ... لي مدايرش بالقانون هو هدا ليعاطيكم معلومات غااالطين و مضيع ليكم وقتكم ووقتي ... انا ما عندي هنا تاشي طوموبيل مسرووقة ومكنجيب حتى شي طوموبيل نصلحها هنا ماشي ديالي .... والى عندك شي دليل كايقول عكس كلامي انا معاكم فالمسطرة القانونية ديالكم باش مااااحكمات عليا ...... والا بغيت نخددم ... نتا عارف بلي اسهل حاجة بالنسبة ليا هي الرخصة .... اولا ؟ ( الدرك بقاو كايشوفو فبعضياتهم ) اما الهضرة كولشي عنظو فم كايهضر بيه .. هاد الشيفور انا مكنعرفوش ومكنعرف تاحد منغير لازون ديالي .. شوفو معاه هو واش متأكد من هضرتو وتسلمت من عندو انا شخصيا شي طموبيلات !!! الى كان شي دليل عطيوه ليا ..اما لهضرة كلنا كنعرفو نهضرو
الدركي شاف فصاحبوو ورجع شاف فيه بابتسامة
الدركي 1 : سمح لينا عل الازعااااج ... ( مد يدو لعند جود سلم عليه ) نتمناو ليك التوفيق ... بلغ تحياتنا للعائلة الكريمة .... وكنعتذرو مرة اخرى ....
جود : الله اودي .. مرحبا ...
الدركي2 : خليك قريب ...نقدرو فاي لحظة نحتاجوك .... الملف باقي محلول. ..
زاد قدامهم وهوما تبعوه تاوصلو لجيب ديالهم .. وهو واقف يدو فجيابو دسروال وهما رجعو مارشاريار ومشاووو .. تاغبرو على انظارو وهو يشوف لعند العساس لي واقف قدامو مراقهبم تاهو ....
العساس : عرفتي راه على شوووووية .....على شششوية كانو غايتلقااو مع الديباناج هنا هازهم ....
جود : خلصتيه مزيان يسكت ؟
العساس : عطيتو كاع داكشي لي قلتي ليا ...
جود : ( مشا بجهة الكراج ) قوليه بالليل يرجعهم لهنا .....
حرك راسو بالايجاب ودخل للكاراج يصوني على لي خبا عندهم دوك طموبيلات حيت هوما لي علموه بلي تشد شيفور وبيع بيهم ... وعلموه يخبي الطموبيلات دغيا .... يلاه غايصوني هو يوسع عينيه من داكشي لي كاااايششششوف .... كايطلع بزربة فالاخباار بهستييسرية ..... وعينيه على داك لعنااوين وعلى التصاااوررر لي مرفقين بيه ..... دوخة خيمات على راسسسسو .... وهو كاايشوف فليزابيل دقسسسم لي عشرين أبيل .... وقلبو ضرب بسسسرعة تا محسش براسو كيفاش خرج طاير لطموبيل بيهسيتيرية مكسيسسسري ... مخلي للعساس غير كااااييشوووف مافاهم والووو!!!! ....
فالقصر ...
وصلات سيارة لامار لساحة القصر ... ونزل الشيفور بزربة حل ليها لباب لور وهي نزلات ... وجههاا عامر باثار الشحوووب والعياء النفسي والجسدي .... عينيها منفوووخين وشفايفها باهتين ... شعرهااا كااان نازل على عنقها فوق منو شال اسود حريري ... السماء كانت ملونة بغروب الشمس وأبواق مسااجد المنطططقة كتودن بالمغرب .... دخلات للقصر كاتشوف مع الارجاااء تاقربااات عندهااا رجاء بسرعة ....
رجاااء : مدام لامااار .. كيبقاات المااادموزيل قدس ؟؟؟؟
لامار : ( شدات ف كتفها بعيااء ) لاباااس ... لااباس ا رجااء ..الحمد لله فااتتها ... ( شافت لدرووج وشافت فيهاا ) فين اسد ؟
رجاااء :فلبيررو ديالو امادام .... ملي مشيتو وحاالتوو ماهياش ... حاااولت معاه نسيفط ليه الدكتوور ومبغااش .. راه دخلت ليه دوا دياالو فالوقت متخافيش ....
لامار حركات ليها راسها مع تنهييدات مقطعيين وحييدات شاالهاا لاحتوو فوق الفوتوي غادة بجهة المكتب ... حلاتو وهي تشوفو فوق ليفوتوي متكي وحااط دراعو فوق جبهتوو .... طبلة عااامرة بالكاروات مطفيين فطفااية والباكياات وبريكة وتيليفونو دالخدمة لي مسكتش ليه تاطفاه ... خدااات نفس وسدات لباب ودخلات كاتشوف فهااديك الطبلة وفريحة الكارو لي ماالية داك المكتب .. و رجعااات جلساااات حدااه كاتشووف فيه وكاااتشووف فداك طبلة .....
لامار : رجعتي ليه تاني .... ( اسسسد بقا ف نفس وضعيتو .. عينيه مسدوديين ودراااعو فوق جبهتوو ... ظهروو وراسو فوق لفوتوووي ورجلييه فالارض ... ) مغتتسولنيش كيبقات !!! ( بدوون رد ) واخا راني عارفاك .... غاتكون عرفتي خباارها قبل مانعرفها تا نا لي كنت تما .. .( بدون رد )
تنهدااات لامار و وقربات جلسات على الفوطوي مقابلة معاه
لامار : أسد .... كنهضر معاك ...
اسد : ( على نفس وضعيتو تسمع صوتو بااااح وعيان ) كنسمعك الامار .... كنسمعك ...
لامااار : مابغيتكش غير تسمعني بغييتك تنوووض تكعد تشوف فيا .... ( بدون رد وهي تنهدات ورجعات تكات لور فتكاية دفوتوي كاتشوف فيه ) صااافي؟ هم !!! صافي غلبوك ؟؟؟؟ تغلبتي ؟؟؟؟ ( بدوون رد ) تساالاو لييك !!!!
اسد حل عينييه فالسسسقف لفووق وهي ضحكااات باستهزاء وعياء كبير فملامحها ...
لامار : اعترف و علي الراية البيضة .. اعترف بلي هااد الجيل صعييييب باش ديرو تحت يديك كيما موالف دير لكولشي ..... ( بدون رد ... قرباتت عندوو كتر وشدات فيديه ) اسد .... ( اسد قللب عينو بشوية لعندها ) راك غاضور حتى تعيااا ... وغاترجع لهضرتي ... نت ديما كاتقول بلي كاتعرف الندى فين كايطيييح ... فهااامتك راه ما غاتنفعك بوالو معاهم دابا ...و غاترجع لفاهمتي انا ..... لي هي ....ربيتهم مزيياان وطلقت ... خليتهم منهمم للدنيااا .. هيا تحردهم .. هي تعلمهم كيما علماتني وعلماتك .. ولولااد واخا دير سبعة ديال لعينين ومية كارد وخمسين كاميرا .. لابغاااو يديرو شي حاااجة غايديروها ..... لاكنتي نتا حنش ... هوووما راه طول مننك ...
اسد خدا تنهييدة مغمض على عينييه فلخرر حيد يديه على رااسو ... وناااض تكعد بشوية كايعووج فعنقو تاا جلس كاايشوف لطبلة ... ولااامار مراقباه ، مد يديه لباكية دلكاارو .. جرهاا وهز كارو اخر ... داارو بين شفااايفوو وقرب لبريييكة يالاه غايشعلو و هي تنتروو ليه لامار من فمو كمشاتو فيديهااا لاحتو على طبلة ورجعااات على لفووتوي بللور كتنفض فيدييهاا و هو مزييير على عينيه ...
لامار : ياك منهار مشينا للعمرة حلفتيي مغاتحطووش ففمك ..... اش واااقع داباا ؟؟؟؟؟
اسد : ( شاف فيها بعياء ) اش واقع !!! معارفاش اش واقع ؟ لاااا .. لا مواقع والووو ( بغصة ) غير كنت شوية غانقتل بنتي ....
لامار : وماماتتش ... راها لاااباس و مازال غتبراا وغاتزيدك مصايب اخرين .... المصايب عمرهم غااايسااليو ا اسد .... داكشي علاااش ... ياا غاتلوووح هاد الكااارو فخطرة ... يااا رجع ليه فخطرة وحدة. ... حيت لاكنتي فكل مصيبة غادي تكميه .. مكاااين لاش تقطعوو ... ( قرباااات عندو كتر وشدات فيديه ) اسد .... بنتك ربيتيها ولا ماربيتيهاش ؟؟؟ كاتعرفهااا اشنو كاتسوى ولا مكتعرفش ؟؟؟؟
اسد : مابقيييت عارف والو .. مابقيت عارف والو انايا ..( بعصبية كاتخلي شفايفو يرتجفو) بنتي لي مكنعس تاتنعس هي. .... بنتي لي كنخاااااف عليها من الريح ايلا قااااسها .... نجيييب خبااارها كتشطح ليا فالبيييران سكرانة مع لي يسوى ولي مايسواااااااش ... وكايقيس فيها لي يسوااا لي مااايسواش. ... وهاااد لخباااار مين نجيبو ؟ نجييبو من جوووورنااااال ... لي غانقراه انا ويقراااوه كاااع لي كيعرفوو عائلة كنتيها الاسماعيلي .....( تحت سنااانو ) ***** تعطاااات ليهم الفررررصة يكتبووو على عائلتي انااااا وعلى سسسسمعتي ويتجرأو عليييهاا بسبب بنتي...... ماشي شي حد يراني ... بسبب بنتيي انااااا ...بنتي هي لي عطااااااتهم هاد المجال .... يكككتب عليااااا لي يسوااا ولي مااااايسواااش
لاماااار :شششششش ... ماشي ينتك لي عطاااتهم هاد المجال .... بنتك متمردة اه... مكسمعش للهدرة مرااااهقة ... انت عاااارفها من صغرهاا لا بغيتهااا مااتقربش ل شي بلاااصة فيها الخطر كنقوووليها سيري ليهاا باااش ماتمشييش .. امااا لاقلنا ليها ماتمشيييش لتما عاد كتمشي ....بنتك من صغرها نتاااا عارفها عزييز عليها تكتشف اي بلاصة ممنوووعة عليها كيدايرة ... بنتك مراااهقة عندها سوشيال ميديا فهاداك تيليفون والحياة لي مخبيينها عليها ، نتا عارف الميييديا راه كتوريها ليهم ....وشحااال مزيناااها ليهم ، ليها ولكاع المرااهقات لي بحالها ... مزينااها ليهم كيما زين الشيطااان التفاحة المحرمة لسيدنا ااادم .... ولكن فهادي بنتك تخدمات ااسد .... ( اسد شاااف فيها و هي طلقااات من يديه وكاتشوف فيه وعنيها حماروو) هااا الزمااان ضااااااار تاني ... ضاااار بينا بااش يرجعنا لنفس النقطة .. باش يرجججعك توقف على هضررررتي تاني ... تسعود وعشرين سنة ونا متبعاااك ففهاااامتك ... نشوف واش بصح عندك الحق و بناادم كايتبدل .... لقيت بصح عندك الحق .... بنادم ممكن يتبدل مع ااوقت ..... ولكن كيفما نتا حنش وولدتي ما طول منك .... تاهي حنش وولدات ما طول منها .... حنش طوااااال بزاااف تاتلوا ليا على بنااااتي .....
اسد : ( كايرمش فيها ) اش كاااتقولي ؟؟؟؟ اش كاتخربقي!
لامار : اش كانخربق ؟ هههه اصلا دييييما هادي هي هضرتك للامار ملي كاتقوليك شي حااجة ... كاتقول ليها اش كتخربقي .... وكااترجع توقف على التخربيق دياااالي ومكتعترفش بلي عندي الحق. ... حيت ولفتي ديما الحق معاك نتا ... اعترف لمرة وحدة فحياااااتك .... بلي تي حتجة كنحدرك منها .... كايكون عندي الحق ....
اسد : ( بعصبية ) واااش بانلييك وقت هاد الخرا ديااالك دابا الامار
لامااز : اااه وقتو .... الى نتايا عندك عقل كايفكر ا اسد ....( ضربااات لصدرها ) المرا عندها قلب كااايحس .... هادي تسعود وعشرين سنة فاش قتليك ... اسد .. خرجهااا من الدااار .... وماسمعتيييش ليا ... وقلتي ليا غادي تبدل ... انا لي سمعت ليك .... وسمعنا ليك كاااااملين ودخلناهااا وسط العائلة .. مااتبدلااااتش اسد .. الحاااجة لي تبدلات فيها .. هي ولات كتعرف تنافقنا كتر ..... تسعود وعشرين عام ... وهي كتعطينا ضحكة صفرة وكلنا حاااسين بيييها حنا العيااالات .... وكانقوولو معليش هي ولات وحدة من العائلة ... وعمرنااا شفنا عيبها من ورا ماتبدلاات ... عيبها بعييد ... ولكن كااااين .. كنا كنحسو بيها انها مكتبغييينااش كيما كنبغييوها .. هي غير حاااسة بالذنب وكتعوض بينا نقص العائلة لي ماعندهااش .... وكتباهى بينا قدام الناس بلي نتووماا خوووتها وحنا عيلات خووتها ... نتوما خوااال بنتها و حنااا عياالاات خواالها .... ولكن عمرررررها .... عمرررها مربااات بنتهاا باش تكون وحدة منا .... ياك حتى فااش كانو صغار ... ياك شحااال من مرة ضاااربات بنتهاا وبيلسان .. ياااك حناا كنا نخااصمو عليهم بجووج وهي كتخاااصم غير على بنتهاا وتنوض ضربهاا حدانا وشحال من مرة سمعناهاا بوذنيناا كاتقوليها بعدي عليها واش نتي منهم ... راه مغاااايجيوش من جيهتك نت غايجيو من جهة بنتهم... من لول ربات بنتهااا على اساس حنا غي العائلة ديال المناسباات والويكانداات .... ماشي ديال السراء والضراء .. فاول كناااازة اول موووت ماالقيناهاش معانا. . الضحكة الصفرة وسط النفااق نتوما كاتشوفوها الصواب ووو حنا العيالات بوووحدنا لي كانفهموو وكانطمرو .. حيت مايمكتش نخااالفو هضرة اسد نهار دخلها للعائلة وعطااها كنيتو ..... ودابا .... الحنش ولد ماا طول منو تاهو .... ( اسد كمش ملامحو وگرن حجبانو فيها ) هاد جوورنال لي قريتييه كان ممكن تقراه هادي يوماين ولا ثلث ايام وماتكونش قدس لي تما ...كانت غا تكون قسم ... ومغايكونش غير انذار من البروتوكول وصافي ... غايكون توقيف ديال بنتك من خدمتها لي ثمنية وعشرين عااام وهي كتعدب عليها .... ( اسد توسعوو ملااامحووو بصدمة ) حييييت بنت سارة .... بغااات ولدك ... وولدك مابغاهاش .. خلاها وخطب بيلسان ... الحقد لي كبرات فيها ماماها غاا مزاد ولدي بييينو ليها كتر .... ولدك يمكن فشي لحظة ... سبها حيت تملقات عليه ولا مانعرف .. وهضر ليها يمكن على سمعتها لي كايعرفوها هوما كتر منا .... وهي لقات طريقة زوييينة باش توريه بلي خواتاتو هوما لي سمعتهم خايبة مااااشي هي .... فللول بدات بقسم ... وخلصااات بنت لي دير ليها لااالكول فالاينيرجي درينك ديالها ( اسد توسعوو عينيه كتر مصدوم منشنو كايسمع ) وكون مكانش اصيل لي كان معاها تما ورد لبال بلي تما لالكول ومخلاهاش تشربو ... كون مااانعرف فيين وليييييينا دااابا ....وفاش ماتشدااتش ليها قسم ... دازت لقدس ... استغلات هاد الفضوول ديالها على عاالم الليل لي حابسيينها عليه .... ( اسد شااف فيها بصدمة مامستوعبش ) قالت ليها يمكن نخرجك بتخبية ويلاه راه الباركينغ دجووود ماافيهش لكاميرات ... ولعبات ليهااا بعقلها وداتها لتمااا حييت صاااحبتها دايرة حفلة دتوديع العزوبية تما و عرضات عليها ... ومشات تما دارت ليها لالكول فالعصير و عيطات على الصحاافة تصورهاا تما ف داااك الحاالة ...لكاميرااات ديال جوود شاافهم لؤي قبل منو ... ومشااا لعندهااا تااالتماا و جاابهااا .. وكون تاااني مكانش هو .... مكنااش دابا غير كندييرو فحص لالكول ... كنا غانديورو حتى فحص الفيرجينيطي ... حيت علم الله فيين كانو غيديوها تاني وهي فداك الحاااالة باااش تشوه ليا سمعة بناااتي ... ولكن الحمد الله ..... الحمد لله كيفما ربي حاط فطريقهم ولااد لحرااام ... حااط فطريقهم تا ولاد النااااس ... ربي سخر ليهم لي يحميهم فاش نغيبو حنا .... ( اسد ناض كيمشي و يجي)
اسد : ( دار يدو فشعرو بتوتر رادو لور ... وضار عندها ب عصبية فعينيه ) واااش عارفة راسك شنو كتقولي ؟؟؟؟؟؟ ماااجدة غاديير هادشي كااامل؟؟؟؟؟؟ واش متأكدة من هادشي ؟؟؟؟؟ ..
لامار : غاتكدبني تاني كي ديما ؟؟؟ هم !!! كدبني لابغيتي ... ولكن مكنظنش غاتكدب قسم ولوؤي و جود .... كنضن عارف مزيان بلي ولادك ممكن يدييرو كولشي .. ولكن متااايكدبوووووش ..... ( رجعااات لووور مربعة يديها ) من غييير ايلا كدبتيهم تااهوما هاديك حااجة اخرى ...
اسد وقف وشد على جبهتو بيديه كيفرك فيها بصبعاانو حاااس براسو غادي يتفرررركع
لامااار : لوؤي وجووود وقسم شافو ختهم فداك الحااالة لبارح .. ضااربات هي ولوؤي ....ولي خلاه ليها كملوو ليها جوود ... بنتك لبارح مكان حيلتها لكارثتها لي تفضحات ليها وحشمانة منها .. ولا تفهمهم بلي ماشي هي لي شربات لالكوووول. ..ولكن لغلطة ماشي ديااالها .. الغلطة ديال قسم لي مقالتش لينا اش وقع .... قالت ليا قبيلة كانت بغا تهضر معاك هاااد الصباااح .... مظنااتش غاتصرف بهاد الزربة مع قدس ...
اسد : ( ضار عندها بزربة ) اش قرررب جووود ليييييها ؟؟؟؟ هم ! اش قررررربو ليييييها؟؟؟؟؟؟؟
لامااار : تانا هضرت معاه قبيلة وقلتها ليه ...كنت غااااادي ناااااكلو بسناااااني ولد الحرااام ..... قالك هي لي كااانت لاسقاااه وشي مرة جااات عندو لفين كااايسهر و كان سكرااان و ماعاقلش على رااسو ونعس معاها .... فصباح قالك ملي لقاهااا هي ...طلب منها السناحة فنفس الوقت خااصم عليها علاااش جااات عندو وتلاااحت عليه ... من قبيلة وانا معاه وكايحلف ليا بلي ماديفييرجاهاااش وكانت مديفييرجيا و هي لي تلاااحت علييييه وقاليا بلي فصباح مشا خدااا تسجييلات دكاميرا ديال لبلاصة لي جااالس فيها حييت دااير بحسااااب شي نهار تبغي تلوح عليه لباطل .. و رااه عندو كولشي مسجل كيفاش جات لعندوو بخاااطرها عيا مايحلف بلي مكانش فوعيوو و معارفش واش هي.... ( اسد علا راسو لفوووق بعصبية كايتنفس) ومن تمااا وهي تابعاه .. تقريبااا تلت سنين ... وقاليا بلي من ديك لليلة ماقرب ليها وماعمرو عطاها شي وعد ... واخااا شااافتو خطب بيلسااان بقات هاكاااك و فااايت قاليها بلي راه مغايديش وحدة نعسات معاه ولا منعرف راك كتعرف عقليتو .... واخا كان كايهضر كان كاايفيلتيري هادشي لي فهمت منو .. وهي حقدات ودارت هادشي فخواتاتو .... قالك مشاو لبارح بليل هو لؤي ييقلبووو عليه لقااوها دارت لي دااارت وملي شااافت راسها تفضحات وشااافها لوؤي تمااا ... هربات لدااار جدااتها ..وصباح شدات طيارة لقرايتها ... كااانت عارفة راسها غادي تسااافر وتهرب دااكشي علاش دارت لي دارت .... ( ربعااات يدييهااا كاتشوف فيه) خلاوها فيديك دابا .... نتا ، حيت مايقدروش يدخلو فالاومور دالفاميليا .... هوماا قاالو هضرة وحدة ... بتلاتة بيهم .. وتا لا فاقت قدس غاتقول بحالهم تاهي ... قالو ليك لادخلات هي للدار .... هوما يخرجو منها ...
اسد يلاه غايهضر وهو ويصوني ليه تيليفونو الشخصي .. اما العملي طفااه بقوة ليزاييل ... قرب ليه هو يلقااه سفيان ... وجاوب بزربة خااف تكون شي حاجة من لكلينيك ....
اسد : وي سفيان
سفيااان : (بعصبية كايهضر بالحس فلكافيتريا ) ششششتي اش دارت ديك بنت ال****بة ....
اسد : ( شاف فلامار وهضر فقمة عصبيتو ) شفت
سفيااان : تمشي ولا نمشي ....
اسد : خليييك تما .... انا لي غانمشي ...
قططع عليه تيليفون ودارو فجيبوو ومشا بجهة الفيست ديالوو ولاماار شافت فيه ...
لاماار : اسد ..... ( اسد ضاار لعندهاا ) سارة مرحبا بيها على رااسنا و عينينا ... ولكن بنتها ..... ماادخلش لداري ....
اسد ضور راسو للفيست وجبهتو برز فيها عرق كااينفض بالعصبية .... لبست الفيست وخرج بزربة من البيروو و تيلي فدييه كايصوني على قسم تتلاقاه لباب لكلينيك .....
و لامااار تنهدااات وطلعاات لبيتها بدلاات حوايجها ومشات لبيت قدس هزات ليها حوايجها و هي كتسمح دموعها و كتخيل الاسوء لي كان غادي يطرااا ... و ان البروتوكول مزال ما عطاااش كلمتوو الاخيرة .... ولكن كتهمها حياااة بنتها واستقرار عاائلتهااا كتر منوو ....هزات صاااك دارت فيه حوايج قدس ونزلات ترجع لكلينيك .....
فالكافيتيريا ...
طلع سفيان للفوق ... اما قسم بقات فبلاصتها شادة فنجالها دالقهوة وساااهية ... الناس كانو قلال تما ... كلينيك المنطقة هو خاص بالناس لي فالمنطقة .. لي نازلين فالفنادق او لي ساكنين فالفيلات لي تما او لي عندهم رودنيفوات مع الاطباء لي تما ... داكشي باش مكانش مكتض بزاف بحال المصحات الاخرى او السبيطارات ... نظرا لغلاء ثمنو ...
كتجغم من قهوتها وتنهد وخا عارفة ناس كاملين لي فهاد الكافيتيريا كايشوفو فيها وعاااارفاهم فاش كايفكرو دابا ...لي مشافش الاخبار راه قالها ليه لي شافو ... وكتحاول تتجاهل .. واخا الاخبار كلهم تمسحو بأمر من شكيب فنص ساعة لولة ديالهم لي تنشرو فيها وترفهات دعوة على الجريدة .. ولكن الميديا مكيسكتوش دغيا .. خصوصا فمنصة تويتر لي معروفين فيها كتر ... الاخبار بين التكديب و بين التصديق وكاين لي كيقول اشاعات وكاين لي كايقول ذكاء اصطناعي بحكم انهم عمرهم سمعو شي حاجة خايبة على هاد العائلة....
تنهدات وناضت هزات الفيست ديالها لي كانت على الكرسي لبساتها وتوجهات للباب مشات لسانسور طلعات للايطاج ديالهم باتجاه شومبر دقدس ... لقات غير جود وسلطان لي كالسين تما ...
قسم: مزال مافاقتش ..
جود : فاقت ورجعات نعسات ...
قسم: لوؤي لداخل ؟
جود : لا ...نزل يصلي ...
خلاتهم وحلات لباب بشوية ودخلات ... قدس غير حسات بحركة خلات عينيها ...رغم كاع داك دوايات عقلها الباطني باقي مفزوع وباقي كتفيق على أقل صوت ....حلات عينيها بزربة مع شهقة خفيفة و قسم قربات عندها بزربة ...
قسم : غييير انا اختي متخااافيش ( شدات يديها ) متخافيش
قدس : ( دمعو عينيها ) قسم ...
قسم : انا معاااك اختي ... ( باست يديها ) ماااتفكري فوالو
قدس : شنو كتبو عليا ؟ هم !! وريني عافاك
قسم : دااااكشي كولو تمسح .... سلطان وراني شي صفحات فتويتر هاضرين عليك ..وكولشي شاك بلي داكشي مفبرك .... كولشي تااايق فنقاوتك اختي .... مااتفكريش فداكشي دابا ... غاتصحي وغاتخرجي منهنا ...غاترتاحي شوية وغاترجعي لقرااايتك و للملعب ديالك كأن شيئا لم يكن ...ماتخلي تاااحد يهرررسك ... الدعاية الوااااعرة لي غادي ديري للماتش ددالتنس بين المغرب و روسيا واخا مغاتلعبيش فيه .. غاايخلي كولشي ينسى داكشي ( بابتسامة ) ويركزو غييير على ختي الزوييييينة كيفاش روجات للتظاهرة الرياضية ....وكيفاش جاااات تتحمق فالتصااااور ... وكيفاش غاتخلي كووولشي يركز على الماتشات واخا يكون مكايتبعوش التنس ....يدك مفدوعة مغاتلعبيش ...ولكن نت حااااضرة ....نت وجه اعلااااني ...نجاح ديال الدعاية غايخلي كوووولشي ينسى هادشي غير ماااتحبطيش راسك ... ( قدس تبسمات ليها بحزن وقسم كادوز يظيها على شعرها ) غااانرتااااحو شوية .... وغااانرجعو نوقفو على رجلييينا
قدس : قبيلة ملي فقت بين يدين الطبيب ... وبقيت كنحاول نفهم ونرد السينتة لور ... حمد الله على حاجة وحدة ( قسم كاتشوف فيها ) لي جات فيا ومجاتش فيك ...
قسم : ودابا هادي هضرة ؟
قدس : لا اختي .... انا جاتني غير فربعة ديال الماتشات ديال التنس مغالعبهمش ... نت كانت غاتمشي ليك الكااااريار ديالك كاااااملة اختي .... كون مكانش سهيل هاديك ال**** دماجدة كانت غانخرج عليك
قسم : دابا نساي عليا هادشي و( قاطعتها)
قدس : كيييييفاش غانسى واش حماقيتو ( زيرات على ملامحها بألم تاني من يديها ) ففف ... مغاااندرش ننسى اش دارتو فيا ... ماحدي مزااال مارجعتوش ليها ... مغانقدرش ننسى ( شافن فقسم بعينين عامرين بالحقد ) غااااانشوهها اقسم ... غااااانشوهها ....
قسم : حنا كبر من هادشي اقدس ... تاهي كتبقى وحدة من الفاميليا ... شوهتها من شوهتنا .... كاع ملي كنتعصبو كانبغيو نديرو كولشي ...ولكن ملي كنفكرو شوية كنكبرو عقلنا ... بابا لي غايتكلف بيها ....نت غير برااااي وصحي ....
قدس علات راسها للفوق كتنهد وقسم تفكرات تيليفونها وجبداتو من جبها للور ومشات باتجاه البريز دارتو يتشارجا ورجعات عندها ...
قسم : مكاضركش يدك بزاف ؟
قدس : شوية اختي شوية ...
قسم : ( شدات يديها ) انا عاااارفاك احبيبتي كنتي باغا غا تكون عندك صاحبتك لي تعطيها اسرارك وتاخدي اسرارها ....لي تكوني معاها على طبيعتك وتعطيها نيتك ... مغانقوليكش كاينة انا ....حيت انا بعيييييدة على عقليتك ومغانفهمش بزاف فالعالم ديالك ... درتيها صاحبتك ...ودرتي دوك المنافقات تاهوما صحابتك ...ولكن هادوك ماشي صحابات اقدس ... صاحبتك لي تديك لاي خاجة فيها غضب دالوالدين ولا غضب الله بعدي عليييييها .... ( كادوز يديها على دراعها ) عندك ماماك... عندك ختك ...خوتك ... عندك لوؤي كااايموت عليك ... تيقي فينا غير حنا .... ربي نهار يبغي يعطيك صحابات غااايجيبهم ليييك بلا ماتكوني دايرة حساااابهم .. غايعطيوك تاهوما نيتهم بحالك ... غايكون قلبهم زوين بحالك ... مغايكونوش منافقات ... مغايديوكش لشي حاجة خايبة بالعكس غايخافو عليييك .. غاينصحوك ...غايوقفو معاك فهمك ...و غايضحكو معاك فضحكك ... سولات فيك شي وحدة من صحاباتك فهاد المحنة ؟؟؟ تاااااوحدة ...داكشي علااش غاااتفرقي عليهم كاااااملين ....حتى يجيو صحابات لي يستاهلوك احبيبتي ....
قدس : ( تنهدات ) هي محنة مانتمناها لتاشي واحد .... حسيت فيها اختي بالشمتة ... حسيت فيها بالاحرااااج قدام عائلتي ... انك ضربي شي واحد فسمعتو اقبح حاجة ممكن تطراااا ... خصوصا ضربي بنت فشرفها .... ماتعرفي واش تهزي لهم لصورتك مع عائلتك ... ولا لصورتك مع المجتمع ... ولكن واخا هادشي كااااامل ... ربي وراني حقيقة الناس لي ضايرين بيااا ( علات عينيها فيها ) ربي ورااااني شحال انا محظووووظة بعائلة بحال هادي .... ( مسحات دمعتها ) كنت سولتيني شحال هادي واش كنبغي لوؤي ومجاوبتكش .... ( بشهقة بكاااء ) كنبغييييه اختي ... كنبغييييييه .... (قسم تبسمات وقربات عنها وعنقاتها ) اشنو غايبغي الواحد كتر من انو يكون عندو انسان يبقى معاه ويتيق فيه حتى وسط ظروف يحال هاااادو .... ومايتخلاش عليا .... باش الواحد يتيق فيك انك مغاتشرببش لالكول وكاينة شي حاجة تما .... ويكون كايعرف المعدن ديالك ... شي حااااجة كبيرة اختي وسط هاد المنااافقين كاااااملين لي فينما نضورو لقاوهم ... ( علات راسها فيها ) شدي فسهيل اختي .... شدي فيه مزياااااان .. حيت انا ليوم ملي شفت لؤي كيفاش واقف معايا .. حسيت باشنو غاتكوني حسيتيه تانت ملي وقف معاك ....
قسم تنهدات وطلقات منها ومشات لكرسي وجلسات ...
قسم : ماعرفتش.... ماعرفتش اختي .... انا واصيل ... علاقتنا صعيبة ... بقد ماكاتبان ليك ساهلة .. بقدر ماهي معقدة .... طبعو وطبعي صعييييي يتافهمو ... ( علات عينيها فيها ) ماعرفتش اشمن صدفة غاتجمعنا مزال .... ولكن كنحس بلي مزااال غانشوفو ....
قدس : ( بقات تضحكها وسط هاداك الهم واخا هي اكثر وحدة محتاجة تضحك ) يقدر يشوف الخبار ديالي ويديرني سبة ويصوني ليييك ... ( شدات على يديها كتألم ) ااااي ... ففف ... ماتعرفي نفعك فشب حاجة هههه
قسم : ( ضحكاتها وسط همها ) ههههه .... مكنضنش ... اصيل ماشي من نوع لي غايقلب على السبة .. كون بغا يهضر كون هضر ... ( تنهدات ووقفات ) رتاااحي .. انا راني مزال لا مغرب لا عشا .... ننزل نصلي ... نجيبليك تيممي ؟
قدس : لا راه قادرة نوض ... ملي تسالي اجي عاونيني نوض لدوش ...
قسم : داكوغ ...
مشات لجهة تيليفونها واخا ماتشارجاش مزيان هزاتو وغمزااها وخرجات وقدس رجعات تكات وسدات عينيها بعياااااء للالم لي فيديها ...
جود علا عينو فقسم .. بانتليه كاتشعل تيل ...
جود : فاقت !
قسم : سي غير دخل را فايقة ....
حل لباب جود وتبعو سلطان لي كان حداه ولوؤي جاي تاهو فالكولوار فيديه قهوة غير شاف قسم غمز ليها وتبعهم دخل ... اما هي غادة فالكلوار كتركب الكود للتيل ديالها ...
فغرفة قدس ...
غير سمعات تاني صوت الباب تحل ، حلات عينيها وهي تشوفهم ... عينيها غير مزادو دمعو وملاحها مخسرين بالالم ... وجود قرب عندها بزربة كايدوز يدو على شعرها ، ولوؤي سد لباب وقرب تاهو ...
جود : فيك الحريق ؟؟ شنو تايضرك !!!
قدس هزات يديها بشوية جيهتو وهو تبسم وتحنا عنها وعنقااااتووو مزيرة عليه كتبكي ولؤي كايجغم من قهوتو و كايشوف فيها ... وجود تسلت منها وبدا يمسح ليها دموعها ..
جود : ششش صافي مكاين والو ... مكاين وااالو ... نساااي كولشي دابا وبراي ...
قدس : ( كاشوف فيه حشمانة ) و .. الله اخويا .. والله مابغيت يطرا هادشي كامل ...
يلاه ايجاوبها كان قرب سلطان وتحنى لعندها شد يدييها ..
سلطان : نساي كولشي اختي دابا .. ديها فصحتك ... كولشي غادي يفوت ... كاع دزنا من هاد قلة العقل ...
جود : ( علا عينو فيه ) علاش زعما فتيها دابا ، درتي عقلك؟
سلطان : تاتفوتها نتا لي كبيرنا ، ونفوتها انا
قدس : ( علات عينها فلؤي لي متبسم فيها بحنية وشافت فيهم وتبسمات ) دابا وحدة فبلاصتي هاد المحنة درس الوحيد لي غاتعلمها فيها .. هي مادير تاحاجة بلاشوار عائلتها مزال ...
جود : الى بغيتي ...
قدس : انا لا..... هاد المحنة علماتني ( علات عينيها فلؤي ورجعات ف جود وسلطان ) بلي عائلتي هي احسن عائلة فالكون ....
جود : والى عرفتي بلي عائلتك احسن عائلة فالكون .. اي خطوة غادي ديري تفكري فيها هادشي ... وماادريش شي حاجة ضر هاد العائلة ... ونبقاو مجموعين .... حيت راه لا تضرر واحد فينا ... العائلة كاملة كتاكل معاه الدق .... عرفي فين كتلوحي خطاويك .. وديما تفكري بنت من نتي ...
سلطان : مدار ليك تاشي واحد شي حاجة وتما ولا قلل عليك الاحترام !!!!
قدس : ( ضورات راسها بالنفي ) لا ... انا لي قللتو على راسي اولدي عمي .... انا ..
سلطان : دابا غاتنسااااي هادشي ... بحالا عمرو ماكان .. صفحة وغاانطويوها وكيف قال جود ... هانتي الدرس خرجتي بيه ... منعاودوش مزال نسمعو عليك شي حاجة بحال هاكا .... وااخر مرة تخرجي من دار بلا خبار واليديك ... خصوصا بالليل ... الليل كولو شبوهات وماعند وحدة بحالك مادير بيه ( شد يديها كايشوف فيها بمواساة ) نتي بنت الإسماعيلي .... البرااانسيس الصغيرة ... ماخصكش تحركي بلا الگارد ديالك ... حيت على برا كاين بزااف ديال الذياب باغين يوصلو لهاد البرانسيس واخا غير ضحكي فوجههم .. .( علا راسو فلؤي ) بلا منزيد نقول اش مكرهوش اخر .... ( شاف فيها ) مابغيتش نعلق سيروم بلاصتك ...
قدس : ( ضحكات وسط ألمها كتنين ) اممم هههه فففف .. .سلطان .. كنحاول ناخد هضرتك بجدية ولكن الغالب للله ههه ضروري ضحكني فللخر وماقاداش نضحك ههههه
جود : شنو كايضرك ؟
قدس : يدي اخويا .. .( علات ديها جهة عنقها ) وشوية هنا .... ياك يدي مامهرساش ؟
جود : واهانتي كتحركيها ... را غير مفدوعة
لؤي : ماتحركيهاااش بزاف .. خلي عليها البانضة وعطيها الراحة .. حركي يديك لوخرا ...
يلاه كايهضرو معاها تحلات الباب وهي تدخل عندهم بابتسامة عريضة ملي شافت قدس فايقة
رتاج : حبيييييبتي فاااقت .. ( قدس تبسمات ليها ) الى فقتي على هاااد العصااابة برييييتي بكري
قدس : هههه ( زيرات على يد سلطان ) بالعكس ...
رتاج : ( قربات عندها وحطات يديها على جبهتها وهزات ليها يديها لي فالبانضة كتحيدها ليها ) انشوف هاد ليديدة كيبقات .... ( شافت فجود) فين لامار؟
جود : مشات قبيلة عند الواليد ... انا شوية ونعيط ليها ... تيليفون واقلة خليتو فطموبيل
لؤي : عيطت ليا قبيلة راها جاية ... وجيب تيليفونك راه بيلسان نهار كامل وهي كاتصوني عليك ( شاف فقدس ) صونات قبيلة تهضر معاك وكنت بعيد عليك ...شوية وندوزها ليك
قدس : هي صافي كولشي ساق الخبار ؟
رتاج : وهاكشي ابنتي مكايتخباش ... دخلت عندك قبيلة كنت ناعسة شافوك فابيل فيديو عمك يونس واريج وجداتك ... راه قتليهم تاااترتاحي وتهضري معاهم كاملين ... صوناو تا خوالك .... وماديريش فبالك حيت كولشي مخلوعين عليك نت ومامسوقينش لشنو تكتب ... حيت عائلتك كتعرفك ابنتي شنو كاتسواي ... خصك غير تعرفي تانت بقيمتها ( كتحرك يد قدس وهي كتنين ) كضرك هنا ؟
قدس : ففففففف ا اي ... ل ل ا تما تما ... عرفت اخالتي رتاج ... عرفت بلي عندي عائلة مكتعوضش .... وزدت حشمت من راسي .. اااااي فففف كتتتتحرقني
رتاج : نتي خوااافة وزدتي كملتي هههه ... هانا غانرد ليك البانضة ... مرة مرة حيدي البانضة وحركيها غييير بشوية ... خاص دم يضور فيها ... متخليهاش غير جامدة ( كترجع تلبسها ليها ) وهادشي كاااامل غايدوز ...
قدس : صافي راني لاباس اخالتي .. نمشيو ؟
رتاج : لا احبيتي مزال غاتبقاي هاد اليلة ( شافت لنيفها ) تاتحبس لايموغاجي ...
قدس : الخنقة هنا
رتاج : اوا لهلا يردنا مزااال احبيبتي والله يهديييييكم ( كترد ليها البناصة وهي كتألم ) الله ياربي الله العروسة زينة وزادها نور الحمام ... راه غا فدعة صغيرة ابنتي غاصبري ....
قدس : عطيني شي مرايا ولا تيليفون ( كتقيس فوجها) وجهي يمكن حالتو ياك !!
رتاج : باااقي فن وغزااااال ... تبعي غير كريماتك كولشي غاايبرا ... ( تلفتات لسيروم وحبساتو ) دابا ماعندك ماديري بهادا ... تالليل والى كان عندك حريق بزاف نعاودو ندكو ليك الكالمون وشوية دالماغنيزيوم تترخاي تنعسي ...
تحلات تاني لباب وهي دخل لامار هازة فيديها صاك صغير شافتها وضحكات وقربات عندها وقدس قلبات شفايفها
لامار : حبيييييبة دياااالي ...
تنهد جود وناض خلا المجال لامار وتسلطان ناض من حداها وقف حدا لوؤي ..
قدس : ( باسف ) مااامااا
لامار : ( قربات عندها عنقاتها ) هااانا اابنتي هااااناااا ....
قدس : ( عنقاتها وخاشية راسها فبطنها ولامار محاوطاها بيديها ) سمحيلي اماما عافاااااك .. سمحو لياااااا .. والله مكنت باغا نوصلو لهادشي
لامار : ششش .. صافي ... الى كنتي كتبغي ماماك وباباك دابا ... صحي ولي لاباااس نسااااي عليا هادشي كاااامل وكوني ليااا واحد البنت لي تسكت لياا الفااااام لي تحلوو عليها قراي لياا ونجحي لياااا ولي لياااا مراة ناااااجحة بحال ختك ولا كتر كاع ....
جود ولوؤي وسلطان خرجو ولامار كلسات حداها كادوز يديها على شعرها ورتاج كتعمر لابرة حيت خاص ضربها ليها على ود النزيف داكشي باش جات تتوكل هي هاد المهمة حيت عارفة مغااتخليش الممرضات يدكوها ليها ...
قدس : بابا مقلق مني بزاف ياك ؟
لامار : نعياو نتقلقو ابنتي .. كاتهمنا صحة ولادنا كتر من كولشي .... دابا يجي عندك
قدس : ( عنقاتها ) فخبارك ماعنديش الوجه لي نشوف فيه
لامار : ( تنهدات ) مكتاب للله .. ماعندنا ماااانديرو ..... كلها يخلصو الله.. الله يخلص اي واحد باغي يشتت لياااا عائلتي ويقرب ليا لبناااااتي ... الله يخلصو
قدس : (علات راسها فيها ) عاودو ليك ؟
لامار : عااااودو ليا ابنتي عاودو ليا ...
رتاج : قلتيها لاسد ؟؟؟؟
لامار : قلتها ليه .... قال غايتكلف
رتاج : ( كتقرب للورك دقدس بلا متبين ) هاديك خاااصها شي طرحة دللعصااااا مزياااااانة يلاه توكض .. هاد القباااااحة كاملة ؟؟؟؟؟ اويلي انا ماااابغاتش دخل لدماغي هرج منها هادشي كااامل .... كنعرفو سارة واخا فيها شوية دتحارميات وضحكة الصفرة ولكن بعدا عيييبها بعيييد .... مكتآذيييش ...اما هادي راه جن مااااشي بنت .....اويلي ربااااو غا الخلاااا ... وعمران زعما الله بعمرها سلعة ..اختي فششووها بزاااااف
قدس : ( بغضب فعينيها ) كون غير بقات .. ماااشي دير فعلتها وتهرب .. كون كانت مراااا كون بقااات توااااجهني ( غوتات) ااااااح اااييييييي ( قاصت دغيا فوركها كانت رتاج سلتات لبرا ) حراااااام عليك اخااالتي
رتاج. : صافي سااااليت ساااليت ( كتسمح ليها بالقطن )
قدس : غييير علميني
رتاج : اه باش تقلبي عليا هاد لكلينيك ( دارت ليها سبارادرا ) هادي على ود النزيف ... يلاه تقلبي رتاحي دابا وبدلو علينا هاد الموضوع ... نفسيتك ابنتي محتاجة الراحة .. حالتك الجسدية لاباااس ولكن نفسيتك محتاجة ترتاحي ....
قدس : كيغاندير ؟؟؟؟ كيغاندير ننسى ؟؟؟؟ كيغاندير نخرج مزاااال ؟؟؟؟
رتاج: دابا غاتفكري غير كيغاديري تخرجي من هاد الشومبر ... خصك تبراي .. وملي تخرجي منها ونرجعو للدار كولشي غادي يتصلح ... المعدن ابنتي راه باين الذهب من النحااااس .... المخير فلي غايهضر فيك تاهو عندو ولادو .. وتاهو عاش ماكفس ... نتي تدارت بيك .... ومغاااتعاودش .... صافي رتاحي وهنينا ...درتيها لراسك مادارها ليك حد ... هنينا داباااا .....
قدس : ( شافت فلامار بخوف ) البروتوكول اشنو قال ؟
لامار : مزال ماعطاوش الكلمة لخرا ....
يلاه غاتهضر وهي تحل الباب تاني دخل عدنان وسفيان عندها، غير شافتهم وبدات كاتغزز فشفايفها باحراج وتاهوووما حاولو مايبينو والووو وقربو عندها باسووها وطمنو عليهااا ... وحاولو مايجبدوش ليها الموضوع وتاهي ماتجرأتش تهضر فيه ... كلسو على ليفيطوي وهي كاتشوف معاهم وفرحااانة بعائلتها لي كلها معاها وكلها مسااااندها ....
لامار : راه غاااادي تشك .. لا نتا لا سلطان من الصباح مابنتو ليها ...
سفيان : دباا نمشي للدار ونقولها ليها .. كون قلتها ليها قبيلة بشي طريقة ماهياش كون راحنا فشي كارثة اخرى .. حمد الله غاليماخداماش ليوم ومكتهزش تيليفون بزاف تشوف الميديا .. وملهية مع فريدة مريضة هازة غا همها
لامار : ياك لابااااس ؟؟؟
سفيان : اودي خليها على الله .. قصة اخرى هاديك
لامار : انا راه قبيلة قلت لسلطان واياك تقولها لماماك دابا ... هي على سبة وحمالتها شادة غا بزز مع هاد المصايب كاااملة .... كون غير تمشي دابا نيت عندها طمنها باش متبقاش مشوشة ...وباش متجيبش الخبار منشي بلاصة اخرى ....تاسعيد شفتو مايعيطش ، يمكن مافخباروش هو وشيماء باش يقولوها ليها ....
سفيان : الله واعلم ... اية صونات ليا قبيلة .. هضرات معاك ؟ كانت لقات تيليفونك طافي نت وقسم وجود
لامار : لا هضرت معاها فطريق ... ماخليتهاش تجي خليها تركز مع قرايتها ... قتليها مكاين والو ...وقتليها ماتقولش لماماها ... ها عدنان دابا هنا سير نتا لعند حياة كون راها مخلوعة ...
سفيان : ( ناض وقف ومشا بجهة قدس ) وهااااكاااك كوني قوية ... مكاين حنا لي يطيحنا ... طرا لغلط نصلحوه ومنعاودوش نديروه .. داكوغ !!!
قدس : (باحراج) داكوغ اعمو ...
سفيان : ( باس جبهتها ) انا شوية ونجي .... رتاحي ومتفكري فوالو ....
خلاهم واستأذن ومشا ... وعدنان داير رجل على رجل كايشوف فيها
قدس : عمي ..
عدنان : مكاين بو عمي ...
قدس : ( شافت للفوق كتمسح دموعها ورجعات شافت فيه ) والله منعاااااود ... والله اعمي مااادرت شي حاجة بخاطري ... صاحبتي عندها حفلة وانا عارفة بابا ماغايخلينيش .... كانشوف كاع صحاباتي غايمشيو وكولشي فرحان وناشط ... قلت نمشي ندوز غير وقيتة معاهم .. والله اعمي فاش دخلت لداك البلاصة ماعجبني الحااااال ... بغيت نرجع دغيا فحااالي وهاديك خيتي مخلااااتنيش ..... تاشوف فين وصللاتني دابا .....
عدنان : مشيتي برجليك ... ماداك حد بزز .... كون مكنتيش كتخرجي بلا شوار ماعندها منين دوز ليك ..
رتاج : عدناااان صافي ماشي وقتو البنت لي فيها كافيها صافي كلنا كانلغطو الله يسامح
قدس : ( كاتمسح دموعها ) عندو الحق ..... عندو الحق فاي حاجة قالها ...
عدنان تنهد وناض لعندها وبدا كيدوز يدو على حنكها كايمسح ليها دموع
عدنان : صافي مكيان والو نساي عليا دابا هاشي وصحي دغيا يالاه .... صافي شديييينا هاد الموضوع ....
قدس غير كتشهق وهو تنهد وخرج كاع مابغاش يشوفها فداك الحالة وباقية فيه فقصة ماجدة كطلع فيه وتهبط .... ورتاج فاش شافتها هاكاك تاني طلبت من الممرضات يجيبو الدوا .... ولامار غير كالسة وكتنهد ..... سلطان وجود هبطو لكافيتيريا يشربو قهوة ويصليو و لؤي بقى غير تما فالكولوار ديال الشومبر ديالها شاد تيليفون كايشوف اش كايقولو على الاخبار ديالها فالميديا ....
عند قسم ....
جالسة على فالجردة دالمصحة على احد الكراسي .... شادة تيل فيديها كاتشوف فاتصالاتو العشرين .... لابواط فوكال لي عامرة بسميتو وكتفكر واش تعاود ليه ولا تكتب غير مسج ولا دير راسها مشافتش الاتصال ... مابغاتش تكون ختها سبة باش يعيط ... تمنات كون عيييط بلااا هادشي!!!!!
تافقها من سهوتها صوتو ...
سفيان : قسم .. شكاديري هنا !!!
قسم: كنتسنى بابا ... لقيتو مخلي ليا ميساج فوكال قالي تسنايني فلباب ....
سفيان : ااه .... واتسنايه ...( ماشي بجهة طموبيلتو )
قسم : ماااشي !
سفيان : غانمشي غير لدار ونجي. ..
نزلات تاني راسها وعمها ديمارا ومشى ... يلاه غاتشعل تيل هو يشعا راسو بأبيل داااخلة منو ... عضات على شفتها وعلات راسها لفوق ماعارفاش اش غاتقول ولا باش غاتبدا الحديث معاه ...منبعد داكشي كامل لي دوزوه ....وسالاوه !!! اشمن حديث غايجمعهم دابااا !!!!
وهي تجاوبو باش تبرد غير شوقها ليه .. وتبرد وحشها لصوتو .... تاجاوبها بصوت متوتر فيه نبرة غضب والنرفزة ....
اصيل : ( راكب فطوموبيل والحاجز د المنطقة كايترفع ليه يدوز) مغاتحيديش منك نتي هاد القاعدة ديال طفي تيليفون ؟؟؟؟
قسم : ( كتحاول تهدر ببرود فنفس الوقت فرحانة فلداخل ديالها لي سول فيها فظروف بحال هادو ) طفى من الشارج ا اصيل ...
اصيل : من الصباح ونا كنصووني تاماخليتي ليا تاشي حل من غير نجي لدااركم ....
قسم : ( علات حجبانها ) مشيتي لدارنا ؟
اصيل : راني فالطريق ...
قسم : ( شافت للفوق كتنهد ) ماراحناش فالدار
اصيل : اش واقع ؟؟؟ اشنو داك الخباار شفت ؟؟؟؟ عندو علاقة بداكشي لي وقع ليك فالباطو ياك ؟؟؟؟
قسم : ( شافت لجنب شحال وجاوبات ) اممم .. عندو علاقة
اصيل : علاش ملي وصلتي ماقلتي ليهم والو يردو لباال ؟؟؟ اش وقع لختك دابا ؟ نتوما صافا ؟
قسم : ماعرفتش اصيل .. ماعرفتش ....
اصيل : قسم !
قسم : ( مسحات دموعها لي نزلو وكملات كلامها ) ختي مشات برجليها لتما ... ولكن لالكول دارتو ليها داك ( تنهدات حابسة راسها متسبش ) داك لي بنت عمتنا يا حسرة ... وعيطات على الصحافة صوراتها ....
اصيل : اهاه ؟؟
قسم : بابا ملي شاف الخبار تعصب ... طلع ليه السكر وضربها ... ضربها بزااف ...
اصيل : وايلي !
قسم : ممم .. حنا معاها فالكيلينيك دابا
اصيل : كلينيك كاع !!!!!
قسم : امممم ...
اصيل : اينا كلينيك ؟
قسم : ديال لازون نيت لي ساكنين فيها ... ( شافت للجنب بانت ليها طموبيل باباها جاية ) بابا جا .. خصني نمشي عندو معرفتش فاش محتاجني .... يمكن بغا يسول على ختي ولا يمكن بغا ي(قاطعها)
اصيل : قسم
قسم : ( بقات ساكتة شحال كتعاود صدى سميتها ملي نطق بيه فودنها وجاوبات بضعف ) سي
اصيل : نت .. نت لاباس !
قسم دارت ضحكة مستهزأة بشهقة نزلات معاها دمعة، فهاد اللحظة هي مكرهاتش تنعقو .. وتبكي فصدرو وتقوليه شحال عيانة ... مجاوباتوش وقطعات تيليفون ودارتو فجيبها لور وناضت بزربة كتمسح دموعها بكمايمها ...
باباها وقف ...وهي مشات بجهة طوموبيل وحلات لباب وطلعات لقدام وشافت فيه
قسم : باباا ..ياك لاباس ؟
مجاوبهاش ديمارا وزاد ....
دخلو الفرمليات عند قدس جددو ليها السيروم وعاوناتها رتاج ولامار مشات للحمام ... خرجات صلات غير فبلاصتها ولامار بدلات ليها تريكو ديالها ولبساتها هودي غوز سامبل ... عيطو على رتاج من كلينيك لي خدامة فيه ... وخلاتهم ومشات .....
اما لامار بقات عند راسها كاتدوز يديها على شعرها وكل مرة نحاوب واحد من عائلة لي كاطمنو عليها ، كتوريها ليهم غير فابيل فيديو ... جود على برا كمل هضرتو مع بيلسان ودخل تاهو عندها ... طمن عليها وخرج يمشي للدار يبدل خوايجو ويرجع ... سلطان نزل للجردة يكمي ولوؤي وعدنان كالسين فكولوار كايشربو قهوة ...
ففيلا سارة وعمران ....
جالس اسد على الفوتوي يدو مطلوقة غلى الكناپي وراسو معليه للفوق كايتنهد ... قسم كالسة حداه دايرة رجل على رجل معصبة كاتشوف لجنب وسارة كاتشوف فهاديك الورقة لي محطوطة غلى طبلة وستيلو ... ولي مفادها هو انسحاب بنتها من حماية البروتوكول .... رغم انها مكانوش عندها نفس امتيازات الامراء لي هوما الاشبال الاسماعلين .. الى انها كيفها كيف ولاد خوت لامار .. عندها حقوقها كوحدة قريبة من العائلة الملكية بنسية للبرووتوكول ... اعفاء من المصاريف الصحية ... اعفاء من المصاريف الدراسية .. التأمينات مدى الحياة... تمويلات المشاريع المستقبلية ... وبزااااف ديال الامتيازات ....
التيليفون لي محلول على الفيديو دالكاميرات لي سجل جود ولي جابهم منعند مدير اعمالو محطوط تاهو حداها ...
منزلة راسها تتبكي ... ، شافت مزيان فداك الورقة وعلات عينيها فاسد ...
سارة : واش حسابتك ااسد انا معارفاش بنتي اش كادير ؟؟ حتى تجي نتا توريني ؟ ( الغضب بدا كايبان فعينيها ) بنتي ماادارت والو من غير بغات ولدك ... ولدك لي فكل مرة كااايقمعها حيت هي ماشي بنت الاسماعيلي.... ( قسم موسعة فيها عينيها واسد معلي راسو للفوق ) عرفتي شحاا مرة جات عندي تتبكي ؟؟؟؟؟ شخال من مرة شفت بنتي كتعدب وماااابينت لتاشي وااااحد .... منلي كااانت صغيرة وهي تتبغيه ... ولكن هو مستخيل يوشف فبنتي انا .... يخلي بنت عمو ويشوف فبنتي ؟ مالو حماااااق !
قسم : عمتي واش عارفة راسك اش كاتقولي ؟؟؟؟ واش داك الفيديو عجبك ؟؟؟ الى شافو باباها غايقول بحال كلامك ؟؟؟؟؟
سارة: صافي ... تاباباها بغيتو تخسرو ليها علاقتها معاه ؟؟؟؟؟ زعما نتوما ملائكة رحمان غير بنتي لي كتغلط ؟ لي نفترض حنا ااااه داتها لتما .. ولكن واش داتها بزز ؟؟ لااااا .... لنفترض ( شافت فاسد ) هاد الغلطة دارتها بيلسان .. لا اية ... مع بنتك .... كنتي غاتصرف بحال هاكا ولا كنتي ( ضحكات باستهزاء) كيف دييييما غاتقول مشااااكلنا يبقاااو فداااارنا ومايسيق ليهم تاشي واحد الخباااااار .... وتطوي الموضوع كيما كاطويه ديما على ولادك.. وكيما طويتيه نهار هرس ولدك ظهر ولد خوووك ... وولد خوك هرس نيف ولدك .... ولا تما مااااعليييييش هادوك الاسماعيلين بيييييناتهم ....
اسد تنهد وناض وقف وقسم تاهي وقفات معاه وشاف فيها
اسد : ملي حتى نت كاتفكري بحال هاكا .... حتى نتي ماااتعتبيش باب داري ....
خلاها وزاد وهي وقفات بغصبية وغوااااات
سارة : ممملي بحااااال هاااااكااا .. متوااعدييينش هادي تمنية وعشرين سنة بعااااائلة .... ماتعطينيش كنية الاسماعيلي وماتقولش لياااا غااانعطيك عائلة ... ملي مغاااتحسبنيش وحدة من العااااائلة مادخلينيش ليها ....
قسم : ( بحدة ) اشنو درنا ليك باش ماحسبتيش راسك وحدة من العائلة هم ؟ شنو درنا ليك ؟؟؟؟
سارة : بنادم راه كايحس ماشي ضروري يشوف ....
اسد : هاد الهضرا دالخيال خليها عندك .. عطيني شي حاجة ملموسة نشدها بين يدي ... عطيني شي حاجة منطقية .. اما لا جينا على هاد الخيال لي داوية بيه .. كون تبعنا عيالاتنا فيه كون عمرك خديتي هاد الكنية ولا كبرو ولادنا حداك ....
سارة : صافي اسد .. هم ؟؟؟ صافي .... فاول غلطة لحتينا ! اغلاط ولادك كاتقول عليهم مراهقة وقلة العقل وكتوقف معاهم ... وبنتي لا !
اسد : بنت فاااااتت المراهقة اسارة ... كون بنتي لي درت غلكة بحال هادي لبنتك كون نفيتها ماتشووفنيش حيااااتها كاملة ..... بنتك نت عندها باها يربيها ماشي انا ... بنتك ماعنديش عليها السلطة حيت نت وراجلك مغاااتعطيوهاش ليا .. وكون كانت عندي مغانوصلوش لهادشي .... حدودي كتعرفيهم من هادي تسعود وعشرين عااام ... ( بحدة طلع صبعو ) الاااا ولااااادي اسارة .... الا العااااائلة .....
قسم : تسنيت منك اعمتي على الاقل تسولي على اختي اش واقع فيها وكيبقات منبعد الكارثة ليدارت ليها بنتك .... كاتقولي على راسك محاسبينكش من العائلة ... ونت حاسبانا ؟؟؟ تشوشتي عليها ؟ سسسولتي عليها هي لولا بعدا واش راها صافا ولا لا !!!! ( كاتقرب عنها بعصبية وعينيها حمااارو ) بسبب يبييييييينتك بايا كان غااااايقتل خخخختي ... بسبب ينتك سنين قرايتي كوووووولها كانت غاااتمشي فزيييييرو .... بسبب بنتك اااصغررر برهوووووش عندو تييييليفووون كااايعطي رأي دياااالو ويعلق فالمنشووورات ديال ففضيييييحتناااا .....حنا ااااه مااااشي ملاااائكة الرحماااان .... ولكن كانعرفو حدوووودنا .... بنتك مكتعرفهمش ... بنتك كووون كانت كاتعرف اففاميلياا ...كووون خاااافت عليها ومتجيييبش الصحااااافة وماااتجرأش ....وماانجيش تقولي ليا بغات خوووك .. بعييييينيك هانتي شفتي كيييفاش تلاحت عليك وهاا الفيديو سيفطناه ليك تفررررجي فيه تاااتشبعي ... بنتك كووون كانت بنت الاصل مااااااتلاااااحش على واااحد ماااعمرو عطاها وجه .... كون كانت عندها النفس ماتلسقش فوااااحد متاااايبغييييهاش .... بنتك كنا نسمعو علييييها الكلام فالكلوووبات ونضاااربو على قبببلها خيت تاااااحد ماعندو الحق يديوي على بنت عمتنا ...اما هي النهااار الكبير عندنا لاحبدو فينا للنميمة حدااااها .....
اسد : قساااام
قسم : بنتك مااااامربيااااااش وعمرها كانت مربية ... لي تجي لكناااازة جدنااا بالماااكيااااج و الميني جيييييب وتمشي لجردة طاااالقة الموسيقى وتهضر مع صحاااابها وتضحك .... لي تتمشى معلية راااااسهاااا وتحگر فاااااي واحد قدااامها وتقوليه هي رااااا بنت للاسمااعيييلي و تتستغل فهاد الكنية باس تتكبر على عباااااد الله مامربيااااش ....دافعي عليها ولا كلسي كاتبقى بنتك ...وبلااصة مادفعي عليها سيري رررربيييييها .... سيري ديري ليها عقلها باش مااااتجيب ليك كارثة مااااكبر ..... غير هو هاد المرة ( شافت للورقة ديال الفصل ديالها) كووووراثها بغييناهم بعاااااد عليييينا ....
هزات الفيست ديالها بنترة وخرجات و سارة شافت فاسد والدموع فعينيها ....
سارة : انا لي حاسة ببنتي ....الحب كاااايخليك دير كولشي ...
اسد : ( صفق ليها ) مزيااااان صفقي لييييها نتي كااااع ... شجعييييها تكمل فهاد الطريق راها غااادة مزيااااان ... ( طلعها وهبطها ) دابا نت أم نت ؟
سارة : اسد ...( قربات عندو كتر ) انا غانهضر معاها. ... ماااابغيتش هادشي يوصل لباباها عاااافاك ...
اسد : ( باشمئزاز ) بيناتكم ...( جا ماشي للباب وهي تسوقفو بالبكا )
سارة : اسد حييد هاد الورقة منهنا ....انا غامجيبها تعتدر وماتخرجهاش من البروتوكول ...
اسد : ( ضار عندها براسو متحكم فغضبو ) مااااابغيتش نسمع حسك فداري .....لا نت لا هي .....
خلاها ومشى وهي طاحت على الفوتوي عاضة على شفتها زكااااتبكي وناضت بزربة مكمشة داااك الورقة ومجننة عليها بسناااانها كتتتنهج ....
فالمصحة ...
وصلات الطمووبيل داصيل للكلينيك ... سكتها وهو كايشوف من الزاج ... كانت لافتة كبيرة حروفها شاعلين باضواء زرقاء مكتوب عليها Hôpital privé (Zone « C ») ..
كانو جوج سيارت اسعاف وباب د المستعجلات و باب د مختبر التحليلات و باب د امراض الكلي والعيون .. عاد كايبان ليه بيباان كبار زجاجين رئيسيين قدامهم دروج .... ممرضين بلباسهم ابيض والوردي والازرق كل مرة كايبانو ليه مهبطيين شي مريض فكرسي متحرك ، وهو كالس شاد فالفولون كايشوف واااش يبان ليه شي وااحد منهم ... فالجنب بانو ليه بزاف د السيارااات الفاخرة ، فيراري ، بورش ، جيپ ، اودي ...
ولكن مقادرش يتوقع واش ديالهم حيت هو فزون بريڤي وكاع الناس لي هنا سواء سياحة او سكن غايكونو فاحشين الثراء ماشي بضروري يكونو سيارتهم هوما بالضبط....
خدا تنهيدة .. هو وصل تالهنا مايمكنش يتراجع ... هو كلس معاه فطبلة وحدة وتبادل معاه الحديث والهموم ..مايمكنش هاديك المواساة كاملة لي خدا منو ... ومايكونش معاه تاهو فموصيبة بحال هادي !!! وقسم !!! صوتها كااااان عيااان خصوصا الطريقة باش قطعات وبكاها لي سمعو .... حس براسو خصو يجي ... على الاقل يطمن على ختها اش واقع فيها ويمشي فحالو ... بااينة غاتكون نفسيتها فالحضيض منبعد داكشي لي وقع ولي شمتوها فيه كيما كانت غاتشمت ختها ..خصوصا هو كايتفكر كلام اسد على ولادو وبلي الحياة صعيبة عليهم وماعارفينش بحقها حيت كبرهم فالامان ....
نزل من الطموبيل وحل لباب لور هز صاك ورقي اببض صغييير عليه اللوغو ديال محل الشوكولاته و يديه مربوطة فيهم سينتة بنية ....
سد لباب ومشى باتجاه الباب الرئيسي ، تحلو ليه البيبان ودخل كايشوف فالارجاء تابانت ليه الريسيبسيون قدامو فيها جوج بنات ... ومشا باتجاههم بابتسامة يلاه غايهضر هو يسبقو شاب اخر داخل بزربة ، بشوميز زرقة مطلع كمامها وكاسيكطة بيضة ...
- ختي .. الشووومبر ديال قدس الاسماااعيلي فين جات؟؟؟
الكاتبة : وشكون نتا اسيدي ...
- ( ضور رااسو شاف فربعة دصحابو لي كل واحد فيهم فين مشى يكلس ورجع شاف فيها كايحك على لحيتو ) اا .... لا انا ... انا ... انا كنكون معاها فالتداريب ... فالتنس ...
الكاتبة : المدموزيل قدس كاينة فالسويت غوايال الخاص بلافاامي إسماعيلي ....
- فينا جهة عافاك .. جينا غير نطلو علييها ...
الكاتبة : ليطااج الرابع راه كولو ديالهم ... دقيقة عافاك ....
نزلات عينيها لبيسي واصيل كايشووف فيه .. كيباان كبير شوية على انه يكون كايلعب معاها ! من غير ايلا مخلطين الفئات العمرية ! كاان فنهاية عشرينيتو ... شافو كايتلفت بزااف للوراء وضور عينيه مقدرش يعرف فيمن كايشوف حيت ناس بزاف كالسين فرسيبسيون وهو يسمع الكاتبة ....
الكاتبة : حااطينها فجناح 5 ... لاكارط ناسيونال ديالك معاك ؟
الشاب : ( كايرمش بعينيه ورجع شاف فيها ) اه علاش !
الكاتبة : غايطلبوها ليك لفوق باش دخل للجناح دلافامي ...
الشاب : اا ... ( حيد الكاسكيطة كايحك فشعرو ) واش ضروري ! ححيت واقلة نسيتها ..
الكاتبة : ضرووري ا موسيو ...الى كنتي واحد من صحاااباها تقدر تعيط على اي واحد فيهم ولا عليها هي ... وغايدخلوك بزربة حسن ماتبقى كاتسنى تأكيد هويتك ... ضروري لمراقبة .. المادموزيل ماكيسمحو لتاشي وواحد يشووفها من غير معارفهم اموسيو ... خصوصا فهاد الظروف ....
داك الشااب بقى غير كيشوف و اشار براسو بابتسامة صفرة ومشا واصيل تبعو بعينه هو يشوف لداك الكااتبة كاتشوف فيه .... وما ليها بمعنى والو ، حيت كان باغي يعرف غي فين كاينة وصافي عرف ...
زاد ولكن كايضور كل مرة براسو يتبعو حيت جاه فشكل !! .. بان ليه تحلو البيبااان وخرج لبرا ... شوية ناضو تبعوه التلاثة اخرين ومعاهم بنت تاهي لي كانو جالسين ... كايبانو كبتر عليها فالعنر ومكايبانوش من نفس طبقتها ، لبساهم مبعثر و البنت هازة شكارة فظهرها .... بانو ليه على برا كايهضرو متوترين ....
عوج شفتو لجنب باستغراب ورجع مشى جهة الاسانسوور وطاپا الايطاج الراابع .... تحل ليه الاسانسوور ... خرج فكولوار طويل كيشووف مع الارجااء ... هوما يباانو ليه فاخر داك الممررر الگارد .... بقى كايلعب بلسانو على شفتو وو فلاخر قرب لعندهم وواحد من للكارد قرب عندو كتر بصرامة ....
الكارد : ممنوع اسيدي .. هدا جناح خاص ...
اصيل : عارف .. ( كايضور سوارت طموبيل فيدو ) جيت نشوف قدس ... قدس الاسماعيلي
الكارد : بصفتك شكون موسيو ؟
اصيل : ( ضار لجنب عاض على شفتو ورجع شاف فيه ) من معارف ختها ...
الكاارد : البطاااقة الوطنية ديالك عافاك ...
خشاا يدو فجييبو لور جبد بزطااام حلو ومدها ليه ، قرب الكارد الاخر صكاناها عندو وردها اصيل للبزطام ...
الكارد : دقيقة اسيدي ...
بعد هاداك الكارد كايصوني فتيليفون والكاارد لاخر كيشوف فيه وهو غيير واقف كايخمم وشي عقل كيقوليه يرجع ... صونا الكاررد على شكيب ورجع عندو
الكارد : غاتسنى واحد شوية امسيوو ...
اصيل تنهد وحرك راسو بالايجاب وضار كايشوف فهاداك المصعد واش يورك عليه يرجع ... واش عندو الحق يجي ! واش ماشي حشومة يسمع هاد الخبر و ميجيش يطل عليها !! كيف ما كان الحال هو شرب قهوة مع اسد لي بلا قسم هو صاحب باباه ! ... حس براسو غايكون ولد الحرام واخا فصل علاقتهم هو وقسم ... ولكن حس براسو مدين لاسد بزاف ..
للتحت ...
وصلات طموبيل اسد قدام الكلينييك ونزلات قسم .. مزيرة غادة جيهة ليطواليط .. فنفس الوقت خاصها تصلي المغرب والعشا لي جامعااهم عليها من قبيييلة ... امااا اسد يلاه ناازل هو يصوووني ليه تيلييفون لقاه شكيب ....
اسد : وي شكيييب
شكييب : موسيو اسد ... واحد السيد فالكيلينك قال بغا يشوف المادموزيل قدس ....
اسد : شكون هذا !
شكيب : سميتو محمد اصيل الشريف ... لاكاارط ديالو هاهي قدامي فالسيستيم ....
اسد : ( عوج شفتو للجنب باستغراب وحرك راسو بالايحاب ) خليه يدخل ...
شكيييب : دااكوغ موسيوو ..
قطع عليه واسد رجع راسو على لكوسااان لور هو يديير ضحكة بااااهتة على وجهوو ... تخيل كولشي الا اصيل يجي !!! المجية ديالو ليوم باش يطل على قدس فهاد الكارثة لي سمع .. ولي واحد اخر فبلاصتو غير ما غيزيد يقول الحمد الله لي تهنييت من عائلة بحال هادي فيها الشبوهات .. ولكن لمجية ديالو بينات لاسد بلي هو مامسوقش لهادشي وجا يدير الواجب ديالو ويوقف مع العائلة ، فنفس الوقت المراة لي عطاها كنيتو ولي ولادو تايقولو ليها عمتي ماكلفاتش راسها تسول على حالتها ... واخا هو قاليه فتيليفون بليي غايعطي استراحة لعلاقتو مع قسم يفكرو كتر... ولكن بهاد التصرف باليه دخل العائة رسميا دابا .....
عند اصيل ...
كايمشي ويجي كايشوف فلارض تاسمع الكاارد .....
كارد : سي محمد اصيل .. تقدر تتفضل ... مرحبا ...
تنهد اصيل وضار عندو ، هو يعلي حاجبو من هاديك الابتسامة وكيفاش دغيا تحول لشخص لبق !!! ...وزااد غادي وهو يوقفو الكارد لاخر تاني باتسامة لبقة وباحترام
- غير بروتوكول خفيييف اسيدي .... سمح لينا
اصيل تنهد وعلا يدو وهو دوز جهااز السكانير عليه كامل وعلى الصاك الصغيور لي فيديه ...
هاداك السيد تبسم ليه معتذر ، وهو نزل يديه وزاد كاايشوف كيفاش دغيا تحوولو نظراتهم لاحترام وكيفاش دغيا هبطووو ريوسهم !!! واش لهاد الدرجة المكانة ديالك كتخلق ليك الاحترام بحال هاكا !!! ميمكنش يكون عندك زعما بلا مكانة !!!! شكون لي غايكونو اتصلو بيه !!!!!
بالو مشا تاني لهاد الولد لي سول عليها فريسيبسيون وهادوك لي معااه ماعرفش علاش مارتاااحش ليهم ولكن تهنى ملي شاف هاد الاجراءاات كااملة باش يدخل الواحد لدااخل ... يعني مستحييل يدخل شي حد غريب ! ولكن بلاتي .. راااه تاهو واحد غرييب !!
فكرة خلاتو وقف فبلاصتو !!!! هو رااه سمحووو ليه يدخل !! معامن تكلموو وشكون عطى هاد الاذن لي خلاااهم يحترموه بداك طريقة وينزلو ريوسهم ويتوترو بعد مكانو كايهضرو ويشوفو فيه شااامخين ....
رجع بعد وحاول يركز على فكرة وحدة انه جاي يشوف واحد البنت لي تدااارت بيها وخلاوها تشرب لالكول و خرجو ليها على مستقبلها وسمعتها وزاد باباها عطااها العصا لي وصلاتها لكيلينك .. وهادي ماشي اي بنت ... هادي خت وحدة عندها قييييمة كبيييرة عندو .... وحدة غير كايشوف صورتها الدنيا كتنور قدام عينيه ... وحدة مكيقدش ينعس بلا مايفكر فيها ....وحدة زاخا كايقول غاانساها ... قلبو تايقوليه شوف مع عقلك ...وعقلو تايقوليه شوف مع قلبك ....
لقى راسو قدام الجناح خمسة كيف قالت الكاتبة .... كايشوف فيه ويرجع يضور براسو لور فداك الكولوار الطويل .. و يشوووف قدامو لي مكاين والو غا حيط فيه الزاج مطل على للتحت ...
تقابل مع الباب .. وخدا نفس عميق ودق جوج دقات خفاف ... موراهم حط يدو على البواني حل لباب ... وكيتسنى تكون تا هي مع ختها باش يمطن عليها تاهي..... حل لباب هو يبان ليه السرير قدامووو ... عليه قدس ناعسة وكرسي كان جالس عليه لؤي شاد تيليفون ومسرح رجليه حاطهم على الحدايد ديال السرير ديالها .. غير شافو حط تيليفون كايطلعو ويهبطو كايتسائل شكون هدا ؟؟؟؟ واصيل ابتسم ليه وسد لباب ودخل بلبااقة كايشوف فيها وفيه ... ولؤي رامقو نظرة مستغربة معلي حاااجبو !!!
اصيل : السلام وعليكم ... ( شاف فقدس ) كيبقات شوية !
لؤي : وعليكم السلام !!!! ( ناض وقف ) شكون نتا ؟؟
اصيل : آ آ ( هز يدو حك ورا شعروو هدا هو السؤال الوحيد لي ماكايعرفش يجاوب عليه ) ا ... ا ا نا من
يلاه غايجااوب كانت قدس بدات كتحل عينيها ملي سمعااات الهضرة حيت كانت غير فغفوة خفيفة ... شافتو وهي مكمشة ملامحها فيه ...
اصييل : قدس .. صافا ؟؟؟ كيبقيتي ؟؟؟ الحمد لله على سلامة .. ان شاء الله اخر الاحزان ... ( حط هاد الصاك الصغير عند راسها ) قالو ليا كتعجبك الشوكولا ....
قدس : ( شافت فلوؤي لي مخنزر فيه بغضب تايقول كيفاش دخل وسكون عطاه الاذن وفين كايعرفها ...ورجعات شااافت فيه ) ا شكرااا .. و ولكن سمح ليا ماعرفتكش !!
لوؤي : راه سولتك شكون نتاااا !
اصيل : ا . انا .. مكنعرفكمش صراااحة .... و ولكن كنعرف قسم ...
قدس : ( وسعات عينيها وضحكات شااادة على فمها ) سهييل ؟؟؟؟؟؟؟
لوؤي : شكون سهيل ؟
اصيل : ( علا حجبانو مع ابتسامة مستغربة محرجة ) شششكون.... شكوون سهييل ؟ هه!!!!!!
قدس تلبكات فكلامها ملي تفكرات بلي ماسميتوش سهيل و تقادات فكلستها كتحااول تتكى... فعز ملامحها العيانين بانت ضحكة خفيفة على وجهها ، فعز مشكلتها... غير شافت أنه جا رتاحت ... الأخت كتكون تربات فنفس الرحم ديال لاخرى..... و رضعات نفس الحليب ديال نفس الأم... فيها نفس دم و جينات الأخت ديالها ... داكشي علاش فرحتهم كاتكون وحدة ... واخا هو كايخص قسم .. و لكن الفرحة على وجه قدس !! شافت الضياع لي كان فعينين ختها ملي كانت كتهضر عليه... شافت النرفزة لي جات بيها من الفواياج و فهمات أنهم تخاصمو... وجودو دابا واقف قدامها فأصعب أوقاتهم و جا و ماكترثش أنه علاقتو مع قسم متوترة ، خلاها تفرح لختها بواحد بحالو ... لي متخلاش عليها فظروف بحال هادو واخا مخاصمين ... حيت أكيد ... بهاد الجيست لي دار راه كتعني ليه بزاااف ، وكايعني بلي مغايتفارقوش .... و بهاد الجيست ... نسات شوية من همها .... و تبسمات ليه...
قدس : لا ... لا ( شافت فلؤي لي باقي معلي حاجبو و شافت فيه ) ماشي سهيل... س..سميتك وحدة أخرى .. المهم راه عرفتك... س..سميييتك أو.. ( مصغرة عينيها كتفكر ) اا ....اص ...صلااااان؟؟
أصيل : ( بابتسامة خفيفة ) أصيل ...
قدس : ااااه هه .. أصيييل ههه سمحلي كاتنسى ليا سميتك واخا كتعيا تصححها ليا قسم ....( شافت لشوكولا ) علاااش معدب راااسك... باراكا غير مجيتك ..
أصيل: لا مكاين تا عداب ... شوية دابا؟ ( كايشوف ليديها ) ماعندكش شي حاجة كغاف؟
لؤي : ( شاف فيها عاقد حجبانو ) شكون هادا؟
قدس : ( مبتسمة فأصيل ) لا الحمد الله صافا... ( علات عينيها فلؤي و دوات بهمس بلباقة ) كايعرف قسم أ لؤي ... ( شافت فأصيل ) هدا لؤي .. ولد عمي .. زعما .. ولد عمنا أنا و قسم ... ( علات عينيها فيه هو لي باقي مخنز ) ولكن ... بنسبة ليا .... ماي فيونصي ... ز زعما... م..مخطوبين... انا وياه ....
تنفسات حسات براسها قالت جملة طويلة من طبعها فاش كتحشم حدا شي واحد .... كدخل و تخرج فالهضرة بزاف ..
أصيل : سي راني عرفتو ... و الله يكمل بالخير ...
لؤي : ( علا عينيه فيه باقي مقادرش ينزل حاجبو ) فين كتعرف قسم؟
أصيل يلاه غايهضر و هي تتدخل قدس...
قدس : ( تحت لسانها ) هاديييك أوموورهم أ لؤي ...
لوؤي : ( نزل عينو شاف فيها و رجع شاف فيه بحدة ) شكرا على الزيارة ... بارك الله وفيك ...
قدس وسعات عينيها على الطريقة باش قالها كأنه كايجري عليه !!!!! كاتشوف معاه مالو مخنزر فيه بحال هاكاك !!! بحالا لقا معاه قسم فشي درب! و هي تشوف فأصيل لي غير مبتسم برزانة كبيرة...
أصيل : خليت ليكم الراحة ...
قدس : ( جا ماشي و هي تقاطعو ) بلاتي حتى تجي قسم ... شفتيها؟
أصيل : ( ضار عندها بلباقة و ابتسامة لطيفة ) هاد المرة جيت نشوفك نتي .... هي المرة الجاية ان شاء الله ....
يلاه قدس غادي تهضر تزيد تشدو باش تشوفو قسم جا و هو يتحل الباب ... شافو كلهم لجهتو ... كانت داخلة لامار فيديها طاس دالقهوة ومسبحتها الالكترونية. .. داخلة كتشوف باستغراب فأصيل لي جاي تا هو لجهة الباب .. أصيل غير شافها حس بالإرتبااااك .... ماعرفش واش من الرقي الطاغي ديالها.... ولا من جمالها... ولا من حضورها... ولا غير حيت أم قسم!...
بقا غير كايرمش بعينيه هنا و لهيه مخبي ورا هاديك الابتسامة الودودة بزاااف دالإرتباك و التوتر و الاحراااج ... لؤي باقي مخنز داير يديه فجيابو و واقف عند راس قدس كايطلع فيه و يهبط كيحاول يقراه و يعرفو... كيسول فراسو كيفاش كايعرف قسم ؟ فين كيعرفها؟ كيفاش تجرأ يعرفها ؟ شنو بيناتهم؟؟ شكون هو أصلا؟ ولد من؟؟ منين جا؟ فين كيسكن و معامن و شكون عائلتو و صحابو؟؟ علاش قدس ماقالت ليه والو عليه !!!!! علاش تاواحد ماهضر عليه؟ ياكما يكون كايتفلى عليها؟!!!! كاع هاد الأسئلة لي كايضورو فدماغو كايترجمو على شكل تخنزيرة مرسومة على وجهو...
حطات لامار الطاس دالقهوة على الطابلة و هي ماشية ليه باستغراب و لطافة فنفس الوقت ...
لامار: سمحلي أولدي ماعرفتكش!
يتبع...
التعليقات
لا توجد تعليقات بعد، كن أول من يعلق.