محتوى القصة
قدس : طنزك خلييييه عندك
لوؤي : آآآ بلا متشكريني ... هذا واجب ابنت عمي ...
خلاها وسد لباب وضار عند لامار كاينهج شحفاتو
لامار : علاش معذب راسك اولدي راه شييفور كايتسنى
لوؤي : مشغولة امرات عمي هاد لعشية ؟
لامار : لا !! كان عندي مؤتمر معاهم مامشيتش هانتا كاتشوف
لوؤي : ( ضحك ) مزيااااان ... تفكرت قدس عزيز عليها لباربيكيو يلاه لدار ندوزو معاها العشية ترتاح شوية منها نعرف تاشنو تحت راسها ..
لامار : لاااا اولدي منردهاش فوووجهك جود فالدار مزال تامطليييت عليه راه بالي كولو معاه تاهو ....
لوؤي : جود وصافي دابا نعيط ليه يجي لعندنا واش هو ولد صغيير .. يلاه تبدلو شوية تا الجو ديال الدار والمشاكيل ...
لامار تنهدات وشافت عند شيفور وومات لييه يمشي ورركبات معاه ...
انطقلو ولوؤي مستملح ليهم الجو كايضحك هو ولامار
قدس : لوووؤااي
لؤي : ( بفرحة كايبتسم اشنو غاتقوليه ) مممم
قدس : تيليفوني ماهتزيتهش ؟
لوؤي : ( تنهد ) لااا ...
قدس : ففف خصني تيليفون
لوؤي : واش نتي كانت شاعلة فيك العافية فجبهتك نفكر ليك انا فتيليفون !
لامار : نساااي دابا شوية داك تيليلون شكون غاايعيط عليك كاع ... ماماك هاهي حدداك باباك وخوتك غايعيطو عندي
عوجات شفايفها ودارت راسها على زاج ولوؤي كل مرة كايلوح عينو عليها من المرايا ولامار حااااطة عليه عينيها حاضية جميع تصرفاتو .... تاوصلو لفيلا دعدنان ...
قدس : هااء منشيووش لدااررر
لامار : ( بابتسامة ) لوؤي عارض عليييينا لباربيكيو
قدس : ( بضحكة ) حللللللف .... عمو سفيان لي كايشوي مكاينش شكون غايشوي !
لوؤي : انا نشوي ليك غا كولي وصحي ....
قدس : كتعرف ؟
لوؤي : لي يعرف ليك نتي كاملة مايعرفش لشواا ...
قدس شافت عند ماماها وضربات الطم حررجها تاتزنكااات ما هو تقزدير عندو فالدم ....
حلو ليهوم البيبان.... دخل للباركينغ ووقف طموبيل ... نزلات لامار كتستنشق ريحة جردتهم لي كتحمقها لان موراها كاينة الفييرمة دالفواااكه والورد ... و لوؤي فتح لقدس لباب وهزها تااااني فيدييييه ....ولامار تابعاهم كااتشوف كيفاش دغيا ضحكها ملي سمعات القضية فيها الباربيكيو ... كاتشوف انه حافض شنو كايفرح بنتها كتر منها .... كاتشوف فلوؤي انه هو الراجل لي كتمناه ليها .. كاتشوف فيه رجووولة بااااه لي عمرها نسات وقفتو معاها و كيفاش حافظ على رتاج واخا تعذبات معاه لكن ملي براااا و تبدل ... كان معاها راجل بمعنى الكلمة ... كاتشوف فعينيه اهتمام وحب صاااادق ليييها لي قليييل فين تلقاه فهاد الزمان .. من ديما كتخاف على بناتها يتزوجهم شي حد طامع غير فسميتهوم ... ملي شافت لوؤي ومعاملتو ليها تمناتو من قلبها نسيبها وراجل بنتها ولكن متقدرش تبزز عليها شي حاجة حتى تبغي هي ... هي ماعليها غير تفرش ليها الطريق حيت ثايقة فيه كل الثثثقة انه مغايدير تاشي حاجة تآدييييهااا . هو الوحيد لي قادر يهز هبالها وفشوووشها.... مكاينش من غيرو .....
دخلو للفيلا حطها على الفوطوي كاينفض يديه
لؤي : اش كتاااااكلي كاع آو ..
قدس : رزق بابا ... ماضربك حد على يدك تهززززني اصلا ...
لوؤي : ( ضار عند لامار ) هاد بنتك كتعرف تقول كولشي الا شكرا كاع مكتعرف ليها يمكن ...
قدس : بلاااا متجمل علينا
لوؤي : ( دار راسو ماسمعهاش ) تفضلي امراات عمي ....
يلاه كلسات لامار جات عندهم سهام ببشاشة " مدبرة الفيلا "
- مرحبااااا بيكم مدام لامار .... مدموزيل قدس . تشربو شي حاجة ؟
لوؤي : ارونج فخيش لقدس يلاه خرجات من اوبيراسيون ... وشوفي مولات الوووورد اش بغات ههه غانطلع ندوش ... وجدو باربيكيو على برا ... كفتة وكوطليط ( شاف عند قدس ) تبغي شي حاجة اخرى ؟
قدس : صووصيص ....
لوؤي : وجدوهم على برا ... وديرو لي باراسول ... دراري جااو !
سهام : موسيو فيصل جا خدا غداه وخرج للملعب موسيو انس مشا مع باباه ..
لوؤي :داكوغ .. مرت عمي خودي راااااحتك ....
خلاها وطلع ولامار مشاو يجيبو ليها قهوة وحيدات الفيست ديالها ورخفات الشال ديالها
لامار : تكاااي الى باقة ديخااانة
قدس : نوووو مزيااانة ... ( كاتشوف مع لارجاء ) عمي عدنان شحال عزييييييز عليه يرد الدار متحف هههه تلقاي شي فرعون كايطل علينا دابا ههههه
لامار : ( كاتشوف لتيليفون ) باباك ماشعلش تيليفونو ...غير يشعلو غاااايشعل معاه ... ياربي تحفظ
قدس : ( حزنات ملاميحها ) عنداك يحسابتو درتها بالعاني مااقااااادة على سلخة اخرى
لامار : اشمن سلخة راه غايتخلع هانا حاضياه غير يشعل تيليفونو نصوني انا لولا قبل مايخلعوه
قدس : كيبقى بعدا جود
لامار : ماشفتوووش .. خليه يتربى شوية باش يتعلم يسمع لكلام
قدس،: غاكتخخربقي فخبارك اماما ! ماشفتيهش كاااااااع منلي جا من موناكو ؟
لامار،: كااع
قدس : والله ماعادا كتروني عرفتي باش راه كايحس دابا حرام علييييك
لامار : واش انا كبدتي حجرة ؟ هوو لي مسمعش كلامي كلس اولدي حدا ميمتك ... كلس اولدي راه ملينا سبيطاراااات وريحتهم ، كرهت لكلينيكات فجرتووو هووو كرهت دوايات وكرهت الاطبااااء وكرهت التقارير ... علاش خصو يقتل راسو بيدو علاش ؟
قدس : ولكن متكملييش عليه تاني .... عيييطي علييه يجي
لامار : دابا يعيط ليه لؤاي ... صبري نصوني على قسم نشوف فين هي تاني
بدات كاتصوني لقسم لي يلاه داخلة لدار تنهيدة ورا تنهيدة كطلعها بسييييف كتجر رجليها بعياء وواضح شحاااال مقلقة وهي تسمع تيليفونها وجاوبات منهدة
قسم : آماماا
لامار،: قسوم ؟ مالكي ابنتي ؟؟ ناعسة ولا
قسم : لا غير عيانة شوية ... هانا داخلة للدار هانا جيت
لامار : مرانيش فالدار ابنتي .. جابنا لؤي لدار عمك انا وختك .... طلعي عند جود شوفيه كيبقى واجي نتي وياااه
قسم : مقداش اماما غير عفيني باغا غيييير نعس والله
لامار : اويلي مااااالكي حتى نتي
قسم : ماماااالييييش اماما ... بغيت ننعس ضرباتني الشمس على صبح .... بسلامة ..
قطعات عليها ودخلات .... ولامار بقات كي كاتشوف
لامار : قطعات عليااا
قدس : مالها ؟
لامار : منعرف .. ماعجباتنيش هضرتها . ياكما دابزات مع جود
قدس : اويلي على يدابزوو . جود زعف علينا كاملين لبارح ملي دخلنا عندو .. ياكما بقى فيها الحاال !!!
لامار : منعرف ... وهاانااااا تاني دارت ليا الهم ديالها عاود
قدس : ماديريش فبااااالك ... صافي خليها على خاطرها شي ساعة دالمكانة وصوني تاني شوفيها ....
طلعات قسم ديريكت لبيتها مقادة تشوف تاحد .. غير دخلات زدحات لباب وبقات تشوف للحوايج لي لابسة وهي تحيدهم بعصصصصبيىة كتتقطع فيهم ولاحتهم لارض كتزطم عليهم
قسم : متتتخلللللللف .. متتتتتتتخللللللف ..... حيواااااااااان ...
بدات كتقطع فداك الحوايج بعصبية ولاحتهم كتنهج .... وكلسات على سرير شادة على راسها لي غايطرطق عليها ..
عند لوؤي ...
دوش بزربة وخارج كايصفر ناشط لي غاتبقى معاه هاد نهار قدام عينيه ... دنيا ومافيها انه غير يبقى غير كايشوف فيها .... كايعتابرها حاجة غاااالية عندو بزاف بمثااابة بنتو الصصغيرررة .... بنت عموو لي منهار عقل على راسو هو تايميييل ليها ... وماتوضحو مشاعرو حتى كانت فالاعداادية ...
لبس شورط ددجين وتيشورت دنايك كحلة كلاكيط ومشا كاينشف شعرو بفوطة وكايصوني حتى جابو بصوت ناعس
سلطان: كون كنت غااا درية نقول كتوحشني شكاين
لؤي : دابا نتا شكادير بوحدك فداك دار مافهمتش ..
سلطان : كنصاوب ليهم السفنج ... ناعس شنو غاندير ...
لؤي : لحق علينا ... هنا مرات عمي لامار وقدس غانديرو باربكيو غانتجمعو هنا هاد لعشية
سلطان : ياك لاباس ؟ غا مطاح عليييك
لوؤي : قدس كانت فكلينيك قبيلة...
سلطان : ( تكعد ) وااااات ؟؟؟؟
لؤي : سير دير لبوق ...
سلطان : يااااك لابااااس ... ييلاه خرجنا خوها
لوؤي : وايه .. شربات اوفر دوز دليكالمون كون ماديتهاش اصاحبي فالوقت علم الله شنو كان طرا فيها .. مقاااادش تانفكر ....
سلطان : وااااايلييييي .... تخلعو واليديها ياك
لوؤي : عمي اسد فالمؤتمر مزال ماشعلو تيليفونات ...، ماماها هاهي معاها .. راها دابا مزيان جبتهوم لهنا كايعجبها الباربيكيو قلت نديرو خاطرها تفوج شوية
سلطان : وعلاش هي غاتشرب هاد اوفر دوز !
لؤي : وانا عرفت ... قاتليك راسها كان كايحرقها ... مهم دابا ولات مزيانة ولكن راه كلنا دوزنا من هاد المرحلة غاتمشي تسد عليها فبيتها غاتبدا تاني تبني وتريب ... اللهم نعمرو الفراااغ لي تفكر فيه فالسلبيات ....
سلطان : تعمرو ليها ابالشوا ؟ نتاا ياغي تعمر معدتها ماشي الفراغ .. تبرا من لاوفر دوز تمرض بالاسهال ....
لؤي : اللهم لاسهال ولا تمشي فيها اصاحبي انا لي شفتها كيف كانت ...
سلطان : ودابا راه منقدش ناكل اصاااحبي راني ريجيم يشوفني الكوتش كالس داير باربيكيو ينفيني من الفيفا ... خلي تايدوز الماتش ديال الجمعة ونا معاك .... نشويو تا ديناصور
لؤي : واش انا جايبك تاكل .. اجي عااااوني ابنادم لاخوور معطوب
سلطان : ايييه اولد عمي ايييييه هاكاك يكونو ولاد عم ....
لوؤي : الى هداهم الله .. تكعد دغيا متعطلش ... جيب آية
سلطان : صبر تاتسالي ليكزام ديالها قارية ليوم ( شاف لساعتو ) نص ساعة هاكاك علاما ندوش ونجيبها ....
قطع عليه وحط تيليفون يحل المجر دالكاسكيطات هو يوشوف تيل كايصوني تاني طل عليه بانتليه الخدمة هو يطفيه لاحو فالمجر ...
لبس كاسكيط ودار ساعتو دالجلد وهز نضاضرو ونزل ....
لقا لامار بعيدة كتهضر فتيليفون مع أسد ... وقدس كالسة ومتكية راسها على المخدة ساااااهية تاحساتو رد ليها شعرها لور قاس جبهتها واش سخونو و جا كلس قدامها وريحتو فااااايحة منو كضهشر الواحد
لوؤي : فيك دوخة لا ؟ طلعي تنعسي
قدس : نوووو مافياش .. كنحس براسي خاااااوية
لوؤي : راكي مواكلاش ....( شاف لعصير) كملي كاااااسك
قدس : نوووو شبعت .. دابا شهيتني بالباربيكيو .... ونووض قادو دغيا
لوؤي : واصبري يوجدوه برا بعدا .... نشوي ليك تالحوووت ؟ حسن ليك واقلة دابااا
قدس : نووو طلع ليا فراسي .. توحشنا باربيكيو بابا راك شفتي مخليه لينا غاااااامرة ففشحاال ...
لوؤي : هو لي عيط دابا !
قدس : اااه .. غير شعل تيليفونو صونات عليه ماما دغيا باش مايتخلعش ..... صوني معاك عللى جود عافاك
لوؤي : تيليفوني لفوق دابا نصوني عليه .. (طلعات الخادمة تجمع الكيسان )
الخادمة : تشرب شي حاجة موسيو لوؤي
لوؤي : نو ... جيبي ليها معاك شي حاجة تلبسها فرجليها ....
مشات الخادمة وهو ضاير بعنقو كايشوف عند لامار لي كتهضر وتشرح بالخشيبات لاسد لي قالب عليها تيليفون و قدس كتشوف فلوؤي وتطلعو وتهبطو .. سمووريتو وبنيتو الجسدية المفتوولة ركااابيه ورجليه المشعرييين الرجووولييين ... وكتافو الغراض ... نقاوتو واناقتو.... وحتى اهتمامو بيها .... وهي تفكر هضرة لامار ليها .... تاسهاااااات فيه كتفكر
🔙🔙
لامار : ( تبسمات ) مممم غايكون تابعك فين مامشيتي ... وغايكون حاضيك .. غايكون خااانقك ... صبري صبري بحالا كنتي كاتشكاي ليا غير دابا من شي واحد خانقك ؟ لا !!
قدس : ( علات راسها ) لوؤااااي ؟؟؟؟؟ ( نقزات شدات ليها على فمها ) ماما سكتي ... سكتي عنداك مزااال تعاوديها على فمك ... اوييييلي نموووت ومايكونش لوؤي فحياتي ...
لامار : ( حطات يديها على فمها ) هانااا ماااقلت وااالو .. اصلاا لوؤي بحال خووك .. يعني غاتكون كاينة شي وحدة فحياااتو ديجا .....
قدس : اء ؟ للا .. لا معندوووش
لامار : ااااه ..ماعندووش ؟؟ اوا دابا تكون ... لوؤي زويييين .. ولد عائلة .. طويل ..كارييزما ... عندو كاع اش كايبغيو البنات .. ييعني من غدا يقدر يرتبط بلي بغا ... ويعطيك تقااار ..
قدس : ( كترمش ) مم ... مزيااان الله يسهل عليه ... نييت نتهنى منووو .. داير ليا الخنننقة اعباد الله
🔚🔚
ساهية تاوكضااااتها تصفييرة منو وهي تشتت نظرها شافت فيه لقاتو مبسم باستغراب...
لوؤي : ياكما نحط ليك شوية فطبسيييل تاكلي حسن
قدس : منااش ؟؟
لوؤي : مني ...
قدس : ( هرررس كاع دااااكشي كامل لي من قبيلة و هي تبني وعلات حاجبها ) وشغاااااااندير بيك مثلا اش غاناكل فيك سهييييت وصاااافي ... تدخل ليا تا فالسهياااان ديالي يااااااء
يلاه كايهضرو وهي تجي لامار
لامار : شحفني
لوؤي : متخلعش بعدا
لامار : راه صورتها ليه عاد تاق ... قاليا هاوا جاااي ... دابا دعي الله ابنتي يكون المؤتمر داز مزيان باش مايردش عليك شي حر
قدس : اويلي حححلفي !!!
لوؤي : الا على انا علاش جبتها لهنا ...
لامار : عيط اولدي لجود الله يرضي عليك شوفو كيبقى واش باقي ناعس
لوؤي : تيليفون لفوق اتجي البنت تهبطو ليا ....( طل براسو لور لجردة لقاهم كملو ) يلاااه نخرجو لبرا حسن .. هاهوما سالاو ....
جات الخادمة جايبة بالغين فالساشي ديالها لقدس لبساتها
لوؤي : طلعي جيبي ليا تيليفوني راه فالمجر وجيبي لهاد خيتي كاسكيط من الشمس ...
قدس : لاااا بلاااش غانكلس تحت المظل ....
زاد هو ولامار خرجو وهي لبسات بالغين ديالها ولحقات عليهم لبرا جلسو تحت المظل و لوؤي كايوجد فالشوايات قدامو .. كانو شوايات طوااااال بالغطا ديالهم وحطو ليه تا الساشيات ديال الفحم .... تاجات الخادمة جايبة ليه تيليفونو .. يد كتكمش الوراق لي كايدهنم بزيت باش كيشعل فيهم عافية فالفحم ويد كتصوني لجود .. وكايعطيه طااافي .... لبس نظاظرو و وضار عند لامار
لوؤي : طااااافي تيليفون جود
لامار : هااااء ؟؟؟؟؟؟ اويلي ....
لوؤي : هانا نعاود ...
لامار جبدات تيليفونها كاتصوني لقسم لي كانت كالسة فالباكو جامعة رجليها عندها وحححمرة بالبكا ردات حرها غير فالبكا ...
قسم : وي ماما ..
لامار : جووود فبييييتو ؟؟؟؟
قسم : ( جمعات لوقفة ) ها ؟ م م ماشتوووش
لامار : جري دابا ... سيري شووووفيه تيليفونو طافي ..
خرجات قسم من بيتها كتجري بالحفة حتى لبيتو حلاتو ..
قسم : ( بخووف ) مكاااينش .... ( مشات لبيت روكسي ) تا روكسي مكاينش
لامار : اويللييي .. صبري نعيط لباك صبري
قسم : متخافيش اماما يقدر يكون غير خرج يبدل الجو ...
قطعات عليها و لامار بدات تصوني لاسد لي كان جاي فطموبيل راكب مع سفيان وطموبيل دعدنان وانس موراهم ...
اسد : وي لامار ..
لامار : اسد .. واش هضرتي مع جود ليوم
اسد : نو ....علاش
لامار،: تيليفونو طافي
اسد : راه شاد طريق ( كايشوف ل GPS قدامو نقطة حمرة دطموببل دجود ) راه غادي للجنوب
لامار : بووووحدو ؟ اويلي رجللو مريضة
اسد : ديها غا فرجلييييك ومرضك نتي ... هادو مكيمرضوش هادو .. خليه يمشي يبدل شوية لجو ... تايجي وتكون الهضرة ...
لامار : ودير بالك معاه عافاااك راه باقي مريض من رجلو وصايك بوحدو
اسد : كون خليتوني داير بالي معاه كاع ماتلقايه دابا مريض فرجلو من الاساس .... واشجعوووه شجعوه
سفيان : هاواا جبدتيييييه تاني
لامار : سفيييان لاباااس .... اودي هادشي ليعطا الله ..
سفيان : وسعي خاطرك ... ها حنا قربنا ...
لامار : اسد دوز لدار مور قسم جيبها معاك عيطت عليها ماعجباتنيش
اسد : يالااااااه ... ولادي انا عزيييز عليهم الاثااارة والتشويق ...
قطع تيليفون
اسد : نشووووفو مال الكابيتين ثاني ، مالنا حنا عندنا ميدار ؟؟؟ ماعندنااش حناايااا ....
عند لامار ..
قدس : فيين مشا
لامار : سافر قاليك ..( كتكتب مسج لقسم تطمنها ماتبقاش مخلوعة ) يلااااه هدا يدير عقلو هدا
لؤي : خلييييه ... راه معمر بزاف امرات عمي الله يحسن العوان... راه صعيييييب تكون غادي فطريق تاحد مباغيها ونتا راك باااااغيها..... صعييييب .. مكتعرف واش تفرح حيت نتا ناااجح فيها ولا ماتفرحش حيت عائلتك مواقفينش معاك .. باراكا عليه غير النحس ديال المرض لي واقف ليه فطريقو علاش تزيدوه
لامار : هاد الموضوع راه شحفنا فيه واش لخاطرنا .. واش نسيفط ولدي للهلاك بيدي ؟
لوؤي : اودي الهلاك هو يبقى الواحد شاد معاك الزكير ... وهانتي جا مضروب فرجليه وباراكا غير الشمتة دالخسااااارة و راه تقصى من الفييينال... الرالي ماشي بحال الكورة .. راه داك الفينال هادي عماين هو كايلعب عليه .. وتخيلي انتي جهد عماين مشا ليه كامل .... راها صعييييبة .. وفاش يجي يلقى واليديه قالبين عليه الراس ... واحسوا تانتوما شوية
لامار : وهو ميحسش بينا ؟؟؟؟ ها !! على حنا لي شديناه ولد سبع سنين فيدينا كولو دمايات ( عينيها تعمرو بدموع ) راسو مكانش كيبان كاع بدماااااايات وهو كايقطر ويحتضر هزو بااااااه هاكا فيديه انا قلت مستحيييييييل يعبييييش آلوؤي... هزيناه هاكاك صغيير ضارو بيه الطبااااا وهو جثة صغييييييرة على السرير فالبلوك راسو كولووو سلوووووكة .. لدرجة مرضو مافهموش ليييه .. شحال د الابحاث وشحال الدراسات طراو عليه ... يدخلو يكتبو ويخرجو يكتبو .... وانا ولدي كنشوفو غير من الزاج ...وقدس فكرشي فشهرها الخامس .... كنت كنقول مغاتعيش لا هي لا هووو ...كنت كتنتسنى غير امتى طيح ليا بشي خلعة ... وربي بغاهم يعيشو ليا بجوووج .... قبل لاكسيدون ديالو بسيمانة درت انا كسيدة وهو راكب معايا وانا حاملة بيها تهرست من رجلي ربي حفضها ليا فكرشي وهو كان داير حزام الامان ... قلت ربي حفظ ليا ولادي ....وموراها بسيييمانة دارها هو ... وحفظظهم تااااني ليا الله ... عااششوو ليا بجوج بمعجزات هي فكرشي غير ماتركلينيش كايبغي قلبي يخرج وهو قدام عينيا غير لامشفتش من زاج كرشو كطلع وتهبط كايتنفس كنبغي نموت ... ... كل مرة كانقول يجيو يقولو ليا مات ولا سكت ليه دماغو ....كل مرة نتسنى هادي طيح ليا ... وعاااااشو ليا وحامدة الله .. تبغيني دابا نشوفو ماشي برجليه لمووت ؟ ولاااا ( شافت عند قدس ) ولااا نتي ديرري شي حاجة فرااااسك كتشربي ليا اوفر دوز ماعندكش والديييين يخافو عليييك .. بااااغيييين تقتلوووووني ...هاا ؟؟؟؟ قتلوووووني وتهناو ...وولدنااااكم تعدبووونااااا
لؤي شاف القضية سخنات ندم كاع لاش هضر وحط كلشي من يديه وجا عندها
لوؤي : شششش صافي تهدني .. اودي ماااقلت والو تدي علينا حنا .. غاداويين ... الله يخلييييهم لييك مزاال يعيشو وتشوفي ولااادهم وولاد ولادهم وصاااافي وااماتبكيش ( كايمسح ليها دموع) هاوا هتلر ديالك جاي يقوليا بكيتي ليا مرتي جاب مسكتو لينا ..
لامار : ( كتمسح دموعها ) اخليني صافي .... انا هاد موضوع مرررضني مررررضني .... يااااربي ياربي امتى يدير عقلو ويجلس قدامي ويخدم حدانا ياااااربي ...
ناضت غادة لحمام ولوؤي متبعها بعينو وقدس ملامحها حزان
قدس : والله مادرتها بالعاني ... واش انا نقتل راسي ؟
لوؤي شاف فيها جابت ليه الضحكة وتبسم جانبيا مكرهش يعنقها ويخربق فشعرها ورجع تمالك نفسو مايفوتش الحدود وهوما مابيناتهم والو .....
لوؤي : نوضي اجي عاونيني نوضي ..
ناضت معاه لباربكيو كان باقي كايوجد العافية اما الخادمات وجدوليه كولشي فاابواطات على طبلة ... وبداو كايطلعو المشروبات ... ولامار دخلات دوش تهدن راسها ... طايبة من داخل من موضوع ولادها خاص غير لي يجبدها ...وقدس لبسات ليكات كتوجد معاه وتكور فالكفتة ... ضار شافها تحت شمس وحيد كاسكيط ديالو دارها ليها جاتها كبيرة كطيح ليها على عينيها وكل مرة طلعها هو ضااااحك علليها ... تاجا سلطان جار آية عاد نشط ليهم الجووو ... قدس وآية مشاو تحت المظل كلسو ... ولوؤي وسلطان كيشويو شادين فبعضياتهم لقاو راحتهم ملي مكاينينش الرجال اما لامار راسها حرقها وطلعات لبيت ضياف تكات ملي جا سلطان لان فلول مابغاتش تخليهم غير بجوج .... تاسمعو طموبيلات ديالهم داخلين وسلطان لي عاض على الكارو حيدو من فمو دغيا لاحو ومشا هز كانيط الصودا كايحيد نغمة دالكارو .... دخلو سفيان وعدنان لي عينيهم مشات ديريكت لقدس كيسولو فيها اما اسد داز لعند قسم
قدس : والله مادرتها بلعاني باش بغيتوني نحلف
عدنان : آمنا بالله ... تسنى نتا تاندووشوو اصاحبي
لوؤي : غير سيير مزال
سفيان : وريييييحة طالعة .. هانتي ضربي شوا فين غاييبقى يبان ليك شي كالمون .. ها لكااالموووون هاهو ...
قدس : ههه صافي مرة اخرى يحرقني راسي نجي عند لوؤي يدير الباربكيو هههه بابا يعلقني هنههه
سفيان : اقولي ليه خليني نااكل ماحدي صغيرة .. سلطااان .... سير اولدي مور ماماك جيبها مافيا لي يشد شي طريق ....
سلطان : فين هي خدامة ؟
سفيان : عندهم شي اجتماع .. ( شاف لساعتو ) غير سير تجي معاها حساب ..
سلطان : فلافاك نيت !
سفيان : سي ... سير انا نكمل معاه ....
حيد سفيان لفيست ديالو ورخف الصدايف د قامجيتو وعلا كمامو ... و انس تاهو طلع يدوش ...
فيلا الاسماعيلي ....
وصل أسد لدار كان الصقييييل تاحد مكاين .... طلع ديريكت لجناح دقسم ... دق جوج دقات وحل لباب طل بعينيه بانتليه جالسة فالبالكو ... كانت ساهية لدرجة ماحساتش بيه كاع واش دخل ... ملامحها كايبانو مقلقين
. . وهو يعلي حاجبو وحط الفيست ديالو وقرب عندها ... غير شمات ريحتو وهي توقف
قسم : بابااا ...
اسد : ( عنقها عندو باس على راسها ) صاڤا ابابا
قسم : صافاا .. غ غير كالسة شوية ... جود متبعو ياك ؟
اسد : متبعو .... ( كلس على الكرسي وتاهي كلسات مقابلة كتهرب بعينيها ) مالكي !
قسم : ماماااالييييش ..
اسد : قربي عندي هنا تشوووف
قسن : ( كتحاول تضحك ) ههااء هههه مالي ... راني بخير
اسد جرها من يديها كلسها حداه كايشوف فعينيها
اسد : ومال هاد العينين بحالا باااغين يبكيو .. هم !!!!
قسم هبطات راسها كاتغزز فشفايفها .. وهي تهبط داك دمعة لي عيات تحبس فيها وتلاحت عنقاااتووو مزيرة عليه .... اسد وسع عينيه مافاهمش اش وااقع ليها .... اخر مرة بكات هاكا عليه كانت نهار مجابتش مونسيون زوينة وعاودات العام .... شنو لي مبكيها هاكا ! هي براسها معارفاش علاش كتبكي هاكا ... ياك الامر ومافيه بنت غرييييييبة عليها جاتها منحة خوها مابغاش هي اش دخلهاا .. علاش الامر حزنها تالهاد درجة .. واش حيت ولفات داك الدرب ؟ درب ولا هو ؟ ولا ولفات تفيق كل صباح تمشي ... ولا الوعد لي عطات مغاتوفيش بيه ... كتشهق فصدرو واسد معنقها مخليها تاسكت مخلووع ...
قسم : ( بالبكا و شهقة ) مابغاااش ابابا مابغااااااش .. راسوووو قصح من الححجججر
اسد : شكووون !!!!
قسم : خوووووها
اسد جبد تنهيييييدة من داااخل وخرجها كان غايسكت ليه قلبو بالخلعة ... عاد فهم ان امر المنحة تاني ....
اسد : ( بعدها عليه كايمسح دموعها ) شششش .. بشوية وعاوديلي اش وقع
قسم : ( كتهضر وتمسح دموع ) مشيت ... مشيت لعندهم ... وهاد مرة قلت غاننجح .... ديتو الجمعية لي تكلفت بتمويلها اخر مرة ....
اسد : امهات عازبات !
قسم : مممم تما تجارب ديال مطلقات وارامل .. قلت الا مشا وسمع الدرس دالكوووتش ... غيقتنع غايسمع بنات اش واقع ليهم حيت مقراوش .. غايسمع نتيجة الواليدين لي تايفضلو زواج لبنتهم على قراية .. غايشوف بعينيه .... ساعة واااااالو ( كتمسح دموعها وتبكي ) قالياااا على برا هضرة قااااااسحة .... معرفت واش يبقى فيا راسي ولا يبقى فيا هو ولا تبقى فيا البنت ... ولا يبقى فيا المجتمع ..... ق .... قال ليا ... قال ليا الفرق بين ختو واناا هو هي كاع معندها لي الكارد يتبعها ... وكاع ماعندها المجتمع لي كابرة فيه انا ... وبلي هو علماتو ماماه يحبس ختو باش يتهنى ... مافهمتش اش بغا يقصد كااااااع ....وهي كانت قاتليا بلي ماماها تخلات عليهم وهوما صغااااار .... هو رباها ... علاش زعما قاليا هاكا ...وانا قتليه انا غير بنت حي شعبي مافهمتش علاش قاليا هاكاااك ..... باش عرف عندي لكارد ... وعلاش متخخخلف بحال هاكا يحرم البنت من القراايااااااا.... زاد كملها قالي الا جيتي مرة اخرة انا غانخوي المدييييينة ...
اسد : ( رجعها لصدرو شافها كتهضر بهستيرية ) شششششش ... واش الامر عندك مهم لهاد درجة ! صافي ابنتي اش غادي نديرو ليهم ... خليه علاش شابهة فماماك عزيز عليكم دخلو فشؤوون عباد الله .. ياك نتي درتي لي عليك الوغ صايي كُونتيني طا ڤيي ....
قسم : واش حنا معروف علينا نرجعو فوعودنا ؟ واعدتها تقرا
اسد : واشنو نديرو ليه نقتلووووه ! نشدوه نربطوه ... وراه مابغاش وهي راه غاتكون مقدرة مجهودك ... الكرة فساحتو اش باغا ديري مزال .. ديجا الامر بدا كيعصبني اقسم ...
قسم : علاااااااااش متخخخلف علاااااش
اسد : ربما ماشي تخلف .. ربما شي عقدة فالصغر حنا ماعارفينهاش !!!
قسم : و ولكن انا ..... علاش يقول ليا نخوي المدييييينة
اسد : دابا نتي علاش تتبكي ! .... حيت ماقبلش بالمنحة ولا حيت غايخوي المدينة
قسم طلعات راسها فيه كتمسح دموعها
قسم : ب بجوج ... مابغبتش نكون سببب .... انا بغيت ندير غير الخييير
اسد : درتيه ووفيتي ودزتي لهيه .. صاايي ساللليينا ...
قسم : ( هبطات تاني راسها كتبكي وقالت بصوت طفولي ) ولكن .... ولكن انا ولفت داك الدددرب ( كتشهق )
اسد : ( كايرمش فيها ) ولفتي الدرب ؟
قسم : ولفتووووو .. بزاااااااااف
اسد : وشنو ولفتي فهاد الدرب ....
قسم : ( علات فيه عينيها كايقطرو بالدموع ) الدرب ... الدرب
اسد : ياك هاد خوها هو لي غايخوي المدينة ماشي الدرب لي غايتنقل من بلاصتو ؟ غايهزو معاه
قسم : لاااا ولكن هوووو فييييه .. ز زعما .... فففففف ماتفهمممش ابابا مااتفهمتش
اسد : لا والو بابا مكيييفهمش . ومغااااايفهمش .. نوضي مسحي عليا هاد الحالة دوشي ولا اش غاديري لحقي عليا يلااااااه قبل ماااانفهم و غاتولي نتي لي مفاهمة والو داك ساع .... يالاااااه ڤاااااازي .....
قسم : لا مغاااانمشي فين ابابا ... غاندوش وغانعس راسي كيحرقني
اسد : ( ضار لعندها ) واشتي شنو مكنبغيش؟ هااادشي لي مكنبغيش انا .. دابا انا يجي وااااحد منعرف منيييين نزل عليا ... يخصر ليا الجو ديالي فالداار !!!!
قسم : لا لا ابابا والله مقضية واحد ... قضية وعد ... قضية عطيت الكلمة .. بحال تحدي كان عندي ... جاني فشكل نخسرو .... مااااتسرطاتش لياااا ...
اسد :، ( كايرمش فيها بقلة حيلة ) واشنو دابا ... نحاول انا ؟
قسم : لااااااا ... يممشي يخوي لمدينة بصح
اسد : واش غانديرو ليك ؟؟؟ غاتبقاي هاكا متوحدة ليا هنا ؟ انا واقلة لاشديتو غانخلي دار بوووووه على هاد الحساب
قسم : ( علات فيه عينيها مخلوعة ) هاا !!!!!!
اسد : ربع ساااااعة متفوتيهاش نلقاك لتحت ....يالاااه ....
مشا اسد لبيتو وهي عاد سرا معاها اش من قييلة وهي تحاجي عليه وعاد فهمات فين غايكون مشا عقلو وعضات على شفايفها كاضرب فراسها
قسم : اوييييييلي انا اشنو قلت اشنووووو قلت ...
ناضت كتعتر فرجليها دخلات للدوش كتلعن فراسها ملي كاتبدا تسرسر مكتعرف راسها اش كتخرج على فمها .... اسد خدا دوشو و هز الهم دقسم تاهي تاني .... بالو مكيهداش كل مرة خارج ليه واحد ... واش بنتو تكون بصح ولفات هاد الولد !؟ مايمكنش قسم تبكي بهاد الهيستيرية غي هاكاك .. اومور حياة قسم مكيعرفش كيف يدير يتعامل فيها لانها كبراااات وصعيب يتدخل فيها او فحياتها الخاصة او يفرض عليها قرارات كتخص حياتها العاطفية ... فهاد السن لي وصلات ليه ولا بيناتهم واحد الاحراااج ... ولكن بمجرد ماكيفكر ان قسم البكر ديالو المدللة ديااالو غايديها شي حد من يديه كااايتزير ..
هو عارف انها واحد نهار غاتزوج وباااغيها تلقى نصفها التاني وغااايفرح ليها بلا قياس نهار تلقى لي يوالمها ولي تبغيه .. باغي ولادو يتزوجو عن حب بشخص يستاهلهم ويعيشو بحال كيف عاش هو ...
ولكن مباغيهومش يعيشو هاد العلاقة حتى يوليو راشدين وعارفين مامعنى علاقة ماشي تبرهيش .... وقسم السن ديالها راشد جدا وكتعرف مزيان فين تحط خطواتها بنسبة ليه ولكن هادشي مامهنيهش باقي كايخاف عليها .. باقي كيف الطفل غايغير عليها من شي حد و حبها لي كان غير ليه هو غيولي يتفرق على جوج .... قسم اقرب ولادو لييييه مايقدرش يتحمل شي حد يديها منو او يشاركهها فيه ...
نفض هاد الافكار من راسو كيلعن شيطان تايقول انه مايوقفش قدام حياتها .. هي كبرات وعارفة اش كدير حشومة يدخل فهادشي ... ولكن الحاجة لي متأكد منها حاليا هي ان مصاااارن هاد الولد خصو يعرف شنو فيهم .... حيت بانليه الكذبة فااااتت حدود المنحة ... قسم ولات كتحس بحوايج كبر من انها عطات وعد ..... مغايدوزوش عليه هاد المشاعر .. هو عارفها دابا راها مولفاه .. ولكن غير تزيد شوية اتولي تبغيه والولف هو بداية للحب .... سد الرشاااش وهو موجد راااسووو لاسوووء ... مايمكنش يسمح ليها تفوت حدود الولف لهيه حتى يتأكد منو ......
لبس السرفيت ديالو ونزل لطموبيل كل مرة كايكلاصوني عليها كايتسناها تنزل .... حتى نزلات كتجري لاحقة عليه و شعرها باقي فازك
قسم : (كتجبد حزام الامان ) ماخليتنيش ابابا تانشف شعري
اسد : راها كاسكيط ديالي لور لبسيها غيضربك البرد .....
قسم اتبسمات وشافت عندو باستو فكتفو
قسم : فييين غالقا لي يخاف عليا ابابا بحااالك فييييين
اسد : ( بنفخة صبيانية ) قوليها لراااااسك
قسم : هااا !!!!
فيلا عدنان ...
قدس شادة خبزها كتاكل كالسة حدا الشواية لي وجدات كايعطيها ليها وهوما تحت المظل جالسين مجمعين حتى جا سلطان وحياة ...
عدنان : فين تعطل هدا
لامار : هاهي قسم كتبات ليا ميساج قربو يوصلو ...
عدنان : تقل شوية يديك اولدي مزال شوية تايجي عمك
لامار : ( كتشوف فقدس كتااكل ) قدس بعدا مكتسنا حد .. رتاج ماتجيش !
عدنان : لا ليوما مشغولة .. ديجا هي ريجيم حسن غير ماتجيش ...
لامار : انا براسي ريجيم ولكن سمحلي .. شميييت الريييحة ينعل بوووووه ...
حياة : ( نازلة من الطوموبيل جاية جيتهم ) اححححححسن مادرررتي ياااااولدي لووؤاااي فحيااااااتك ... عرفتي شحال مادرنا الباربيكيو ( هزات صوصيصة كتاكل ) ممممم لذييييذة الله يعطيك صحة ( باست سفيان من لور كان كايشوي ) سالاااام ..هاادشي لذييذ
سفيان : كلسي وكولي .. بحالا قاطع عليك النعمة انا
حياة : هههه حاشااا ( فودنينه) باركا عليا غير نعمتك العمر ...
سفيان : ( بهمس ) علاش كاتقلبي دابا نتي .... سيري لوالديك تكككلسي ....
مشات كضحك نااااشطة وسلطان كمل مع لوؤي وسفيان كلس تاجات قسم واسد .... قسم غير شافت الباربيكيو نسااات الهم وماافيه وتالهضرة مع باباها كانت هدئاااتها ....
وقدس غير شافت باباها حطات الخبز من يديها كتمصص فصبعانها ومشات كتجري بجيهتو عنقاتو راسها جا فكرشو خصها ترطبو قبل مااايههضررر وتاهو عنقها عندو
اسد : (كيضحك ) عاااارفة راسك شنو داااايرة ياك البااسلة
قدس : والله اباابااااااا مابلعااااااني
اسد : ( كايدوز يدو على جبهتها) بيخير ابنتي مكتحسي بوالو دابا هم ؟ متخلعتيييش فلكليينيك
قدس : تخخخخلعت .. (هزات ليه يديها وراتو سباردرا وهدرات بالبكية ) شوووف شنوو دارو ليا
اسد : ههههه .... اوووووه ( باس يديها ) صااافي دابا تبرا .... باش تعلمي ماتعاوديش تقريبي لي كالموون ...
قسم : ( كاتصغر عينيها فيهم ) اشمن كلينيك ؟ ...واشمن كالمون !
لامار : غيير قدس كانت عيانة شوية قبيلة ...شربات لي كالمون بزاف واثرو عليها
قسم : ( بخلعة ) واااات !!! ( قربات عندها ) اويلي واش داااك نتي لشي كالمون ... شنو قال طبييب نتي بيخير !!!!!!!
قدس : رااني بييخير متخلعوش ..
اسد خلاهم وزاد كلس حدا لامار كيتنهد حدا ولادو مكيبغيش يبين وهضر مع لامار بالهمس غير بينو وبينها
اسد : قاليا طبيب قبيلة اكتئاب .. شمن اكتئاب هذا تاني
لامار : دزتي عندو ؟ لا راه اكتئاب حيت حسابتو شرباتهم بلعاني داكشي دالانتحار زعما اما قدس لا قاتليك شربت غير باش نتكالما
اسد : شفتي الامار اش كنقوليك شفتي .. شفتي فين ولييينا بنت فسنها كاتشرب لي كالمون ... غالقا مزال شي كيييينة فدااااار غااانريبها عليكم... مفهمتش انا هاد دوا لي ولاو يشريوه بلا طبيب ..... كيدرتي ماشتيهاش كتاخد لي كالمون !!!!!
لامار : فين غانشوفها ااسد واش انا كانقلب بيتها
اسد : واش كاديري ماتقلببيييش بيتها .. كون طرات لببنت شي حاجة فين غااااانوليو .. عرفتي شنو هي اوفر دوز ديال الكالموووون ولا معرفتيييش
لامار : ( جاتها البكية ) اسد متلوحش عليا المسؤولية كاملة انا ماشي روبو ...
خلاتو وناضت مقلقة دخلات لدار وكلشي ضار كايشوف واسد كيتنهد و قدس شافت فيه
قدس : مال ماما
قسم : اش واقع
اسد : وااالو ... ( شاف عند لؤي مصغر عينيه فالشمس ) اتبارك الله على الشااف ... ضربتي ليناا القوانين عرض الحيط ...
لؤي : هههه ( كيصاوب ليه سندويتش ) ومرة مرة الواحد ينحارف شوية .. نبقاو حنا ديما جديييين ( مد ليه ) قول بسم الله وكول شنو غايرخرج من هاد الرجيييييم كاع !!!!
اسد : ( عض منو وضار كيشوف عند عدنان ) وهانتا الولد عندك قلب على حرفة ... حتى الى مصدقاتش ليك مع الجماجم ديال باك فتح شي صناك .... هانتا دابا ضووور الحركة غير معانا غاتصور نهارك
حياة كالسة على الشوك خصها غير امتى تطلع عند لامار لانهم حسو بيهم دابزو هي واسد ... سفيان وعدنان دارو راسهوم مشافو والو والولاد كانو ملهين ....
حياة : قدس ... اجي ابنتي لهنى حدايا اجي طيرتيها خلعة هاد نهار من والديك
قدس : ( كلسات حداها وحياة معنقاها ) منقربش مزال لشي كالمون والله .. بناقص
حساة : وهااكاك ابنتي ردي لبال لصحتك ... راه لي فييينا كافينا مقادين على خلايع .... انا حتى قالها ليا سلطان دابا .... ماماك مسكينة شوفي غاشنو داز عليها لبارح مع جود فين غاتزيد .....
قدس غير حنات راسها و بقات ناعسة على كتف حياة لي غيى لقات شوية دالغفلة ناضت طلعات عندها و قدس رجعات حدا سلطان ولؤي تنقب ورجال جابدين مواضيع مناقشين ...
لؤي : فين غاتزيدي نتي !
قدس : ياك الباربيكيو على قبلي
لوؤي : لا كليتي بزاف غنوليو فحاجة أخرى ثاني
قدس : غييير وحدة عفااااااك
لوؤي ( ضور راسو الحيط عاض شفتو كيسيطر على هاد عافاك لي لحناتها ) ففف .... ( رجع شاف عندنا ومد ليها ) ماتزيدش ضوووري هنا موال ..
قدس : ( كاتطل ) جاااا لذييييييذ
لوؤي : ( بنظرة حنينة ) بصحتك ....
حياة طلعات عند لامار لي شبعات عليها بكا .. هدئاتها بشوية عليها ونزلو ... حاولات متبينش خصامهم حداهم وكتعامل عادي واخا واضح شحال منرفزة .... وتاهو حاط عليها عينو ... بدات العشية كتبرد و الخادمات كايحطو ليهم القهوة ... اما قدس طلعات تنعس و آية داها سلطان لترويض ... تاسمع عدنان اسد غاينوض
عدنان : فين غادي
اسد: غانمشيو والله الى عيانين اصاحبي ...
عدنان: عيان طلع ترتاح ... غتتعشاو هنا عاد تمشيو ....
اسد : الا اعدنان والله الا عيانين مرة اخرى
عدنان : عيان سير .. خلي الولاد .. مالك معكس خليهم مبدلين الجو اش عندكم مايدار كاع .... راه لبيت لفوق طلع ترتاح ...
كلس اسد كيتنهد وكيحك فجبينو ماباغيش يخسر ليه خاطرو واخا حاس براسو عيان فلخر دخل طلع لبيت ديالو لي تما فدار عدنان .... عدنان مخصص اربع بيوت لخوتو كاملين وبيوت متفرقة للولاد ...
اما لامار و حياة كايهضرو بعيد ولوؤي وقسم تاهو بعاد .... وعدنان وسفيان فجيهة ...
لامار : والله مافهمتك علاش ماقليتهاش ليه
حياة : قلت حتى نشمي لطبيب .. مشيت صباح قاليا عندي 5 سيمانات ..
لامار : ومبرووووك .. غير قوليها ليهم ايعجبوهم لحال والله خصوصا الولد اصلا سفيان ماعقلتيش عليه شحال هادي تايقولك باغي تلانة ... صافي زيدي هدا وباركا ..
حياة : حتى نمشيو لدار ونقولها ليهم .... غير هو .. فكرت فحاجة اخرى قبيلة
لامار : فاش ؟
حياة : قلت زعما .. انا مابقى ليا وقت لتربية كتعرفي الخدمة دايا ليا نص وقتي الوقت لاخر قاسماه بين تربية دآية راكي عارفة الظروف و بين سفيان وسلطان .. قلت هاد الولد ولا هاد البنت منين نجي نولدو الا كانت ختي مازال ما سهل عليها الله نعطيه لشيماء
لامار : واامااانعرف منقدرش نقوليك شي حاجة ... لي نقوليك دعي معاها يسهل عليها الله تشد ولادها بين يديها .... اما تريكتنا راكي عارفة لي كاين مكيعطيوش ولادهم .. منعرف واش يبغي ليك
حياة : انا مغنقوليه دابا والو حيت تقدر ربي يرزقها ... حتى نقرب نولد ونقرر نيشان
لامار : مهم نتي ماطمعيها بوالو غايمشي يحرجك سفيان وشااايلاه .. سفيان غايعطي ولدو منيتك ؟ وخا شيماء واسبرو عزاز ولكن والله لاااابغا ... توريني فيهم
حياة : اختي انا لي حاملة بيه وانا لي غانتوجع بيه ماشي سوقو .. مهم حيدي عليا ... الله يرزقها ويسهل عليها منهنا لتما يحن الله يقدر يبغي ...
بقات جالسة مع حياة تاوصلها ميساج حلاتو لقاتو من اسد ...
اسد : طلعي عندي ...
شافت لامار فحياة ورجعات تنهدات ...
لامار : انا جايا ...
دخلات للدار طالعة عندو حتى وصلات لبيتهوم تما وهي تحل الباب بان ليهاا متكي فوق السرير شاد تيليفونو شافها تبسم ليها وهي باقا غضبانة..
لامار : شنو بغييتي ...
اسد طلع فيها حاجبو مبتسم على هاد الحركات الغضبانة ديالها وعاود بنفس نبرتها
اسد : ششنو بغيتي.. ،مايتوحش حد مرتو
لامار : ( شدات لباب وقربات ) منيييتك ؟؟؟؟؟؟
اسد : مالي قلت شي عيب
لامار : اهاه .. لتحت خلي دار بويا وهنا قوليا توووحشتك .... شوية لاباس لااا
اسد : لااابااااس اروحي ونتي ؟
لامار : قول اش بغيتي دغيا نهبط فحالي
اسد : واجي قربي عندي نقوليك .... اجي اشااارفة ... ماحدك كاتكبري كتزيدي تعكسي ....الزكير غايشرف معاك
لامار : الشاااارف هو نتااا ...
اسد : واجي ولا نوض لمك
تنهدات بلهلا يطريه ليها وقربات عندو جبدها لعندو لسرير و نعسها قدامو معنقها من لور وباس فراسها ...
اسد : هاد الاومور هدرنا فيهم بزاف الامار ووضحتهم ليك شحال من مرة .. نقاشنا على ولادنا ماخصوش يقلقك
لامار : هداك ماشي نقاش ا اسد ... نتا اصلا من صغرهم كاتلووح عليا المسؤوووولية كاملة وكتحملها ليا .. علاش نتا ملي دار جود لاكسيدون ماقلتش ليك علاش خليتيه فطوموبيل ؟ حيت عارفة هاداك مكتاب ونتا مغاتآديش ولدك .. علاش نتا مكاتقولش نفس لكلام ؟
اسد : ( بضحكة خاشي راسو فعنقها )وانا لامبردتش جنوني فيك فين غانبررردهم
لامار :فالحيييط ... ضرب راسك مع الحييط ... انا عالم بيا غا الله ونتا كتكككمل عليا
اسد : الاااالة انا غالط ... مسؤوليتنا بجوج وتانا صراحة كان خصني نرد للبال دارتها بينا هاد المرة ..
لامار : منلول قول بييينا وماشي بيك ... ماشي فنجاحاتهم كاتقول ولادنا وملي كدار شي حاجة خايبة كاتقوليا ولادك ... لاااوااااه ا اساااااد
اسد : ( كاهيضر فعنقها كيعيبها بصوتو البحوح ) لوااااه اساااااد .... امتى غاتحيدي منك هاد افشوش ...
لامار : مككنضحكش
اسد : توووحشتك
لامار : وراني ديما حداك
اسد : على ولادك خلاو ليا شي عقل نشوف فيك ... جهلووونا ... توحشت غا نكلس شي نهار انا وياك بوحدنا بلا مشاااكيل .. .. اشداني انا لشي ولاد كاع .... كون بقيينا غير انا وياك كون راحنا دابا فشي رحلة حول العاااالم ضاربين دنيا بركلة كنحسبوو فالشيب ديالنا على خاااااطرررررنا
لامار : كنتي غادي مزياااان ونتا تخصرها اشمن شييب اشمن شييييب
اسد : هههه لا انا لي شبت انا .... نتي باقاا صغيييرة مزال غاتبدلي السنينات ههههه
لامار : اسااااااد
اسد : شحال دابا غاديري ها .. خمسة و عشرين . ولا تمنطاش ههههه
لامار : الله يكبرنا فطاعة الله ومحمد رسول الله .... راااااضية بعمري .. ولكن مافياش شيب
اسد : لاا حاشا هاااء شكون قالك فيك الشيب ؟ لامار هي لي كاتشيب عباد الله هي مكاتشيبش ... قوليا ليا احبي ... لوؤي لي هز قدس لكيلينك ولحقتي عليه نت
لامار : اااه هو
اسد : منين هزها
لامار : من بيتها
اسد : اهاا ... امتى ولا كايدخل لبيتها وهي ناعسة هم ؟ ..
لامار بقات جامدة كترمش غير بعينيها شوية وبكل هدوء تسلات من تحتو هي عارفة راسها حصلات ...وجلسات على سرير كتحك فشعرها
لامار : اااء .... ع عرفتي نسيت ماقلتليك
اسد : ( دار يديه بجوج تحت راسو مسايرها ) اهاه ... شنو نسيتي ماقلتي ليا امولات الشي
لامار :ل ... لعيد الكبير قرب.. يونس واريج غايدوزوه معانا ياك ؟
اسد : اااه .... شي سؤال آخر
لامار : ل لا ... غاانزل ن ( جبدها من يديها )
اسد : دوك جوج شنو بيناتهم االامار .. مم !!!
لامار :م مانعرف .... لا بغيت نقول مابيناتهم والو ... لااا والله مبيناتهم شي حاجة ..و لكن ففف ( بدات كتجمع فقوتها تهضر نيشان حيت هاد تفتيفة مغاتفيدها بوالو معاه ) كيجني لؤي كايميل ليها
اسد : صباح الخير ...
لامار : ( طلعات فيه عينيها ) كنتي عارف !!
اسد : بيناتهم شي حاجة إكزاكت !
لامار: لا .... مكتعرفش بنتك ... كنضن لوؤي بوحدو لي مهتم ...هي مكايناش ليه فداك العالم
اسد : هي اش كاتقول !
لامار : جبدت معاها الهضرة داك المرة وجبدتو ليها كاتقول عليه غير خانقها وفين مامشات كاتلقاه ... باش منخبيش عليك انا عجبني الحال . لوؤي تربى قدام عيني وكنعرفو مزيااااان شنو كايسوى ... مرتاحة ليه ومكرهتوش يكون ليها .. خصوصا اهتمامو بها وكيفاش حاضيها وراد ليها لبال من صغرها ... وحدة معكسة عندي بحال قدس مايصلاح ليها غير لي تربات قدام عينو .... مكرهتوش هو حسن من شي براني ..خصوصا انه عمرو قلل عليها احترامو
اسد : كنضن دخولو لبيتها وهي ناعسة راه قللو الامار
لامار : ربما غايكون دق مجاوباتش وتخلع ... مغايجيش هو ويدخل ا اسد ... راه ولد خوك مكتعرفوش زعما ... راه كون مكانش هو تاحد مكان غايلاحظها كنا مشغولين غير بالهم ديال جود ... حمد الله لي جا
اسد : لؤي انا لي مربيه ... مقامو عندي فمقام جود مابيناتهم حتى شي فرق .... ويمكن انا قريب ليه كتر حتى من باه .. مصرااانو كنعرف لش فيهم .. كون عرفت فيه شي حاجة خايبة وشاف فبنتي راه داري مغايعتبش فيها .... من ديما كنتسناه يجي يقول ليا شنو عندو ومايديرش شغل يديه فالسر .. كيفما جود ملي كان بغا بنت يونس وهوما صغار مشا هضر مع عمو كدالك بغيتو هو يدير ...
لامار : جود كان متوافق هو بيلي داكشي باش تكلم مع باباها ... اما لوؤي راه قدس كاتقطر ليه غير العسل منداك اللسان السليط ديالها ... راه مابيناتهم والو لي يجي يهضر معاك فيها
اسد : ماحدو محترمها هانا مبعد مغانحرجهومش وانا اول من غنفرح ليهم ... نشوفو خرق الحدود غادي ندخل ... قدس باقا صغيرة على هادشي .. يحترمها حتى تكبر هو هداك .. يدير ليا بحال جود داك المرة راه غاندير ليه تانا كتر مادرت لجود ... كون دابا خليناهم فهواهم وهاهو صبح ناسيها فين غانوليو ؟ شوية دالرقابة مزيانة وهاد الجيل كايطير ......
لامار : عندك الحق ... اصلا مرتاحة للوؤي حيت كايبان ليا بعقلو .. اوا الله يصلحهم ...
اسد : عينيك مااتبعدش عليييها .. وماتعطيهمش مجال ببقاو فشي بلاصة غير بوحدهم
لامار : اويلي فين غانشوفهم انا
اسد : نتي كنتي كااتحضي الحوووت فالما ... دابا ولادك غلبوك ....
لامار : وعاوتاني راه غنحشم ندخل بزاااف آو . الولد كتافو قداش وبنتي طول مني لا احقا اش كاديرو .. وماجاتش
اسد : واش هادو دعلاقة؟ اابنت باقا كاتقرا الولد مزال ما بنى مستقبلو؟ شحال غايبقاو فهاد العلاقة ؟؟ زواج ماديالهمش دابا .... وداك تبرهيش ماعندي مندير بيه ... كنعرف علاقة مطووولش كتر من ست شهور يتعرف فيها الواحد ... الله يخلف الله يجعل اباركة ...
كملو اسد ولامار هضرتهم غير على ولادهم العشية كاملة حتى بدات تغرب الشمس ....وكلهم تجمعو تاني فالجردة ... قسم وحياة ولامار وآية فواحد الجهة شادين عصيرات كيتسناو رتاج تجي ... وفيجهة الاخرى الرجال كالسين وسلطان ولوؤي وخوتو ...
لوؤي كايضور تيل فيديه وكل مرة يشوف للباب واش مغاتنزلش فللخر غفلهم ودخل عندها .... ..
يلاه داخل لدار وهي تبان ليه ناازلة.. جرها من يديها وداها لباب لورانية لي كتخرج لجردة من جيهة اوخرا مور الدار..
قدس : صصبر ....ايييه .. وصصصبر فيين غادي ...
بقى جارها من يديها حتى خرجو وداها لجيهة لابييسين ووقف وهي كاترمش فيه مافاهماش اش باغي او بالأحرى كاتبغي تغابى ومتفهمتش تصرفاتو واخا عاااارفاااه عينو عليها
لوؤي : شوية دابا رتاحيتي .... ( جر ليها كرسي من واحد طبلة حدا لابيسين ) جلسي
قدس : ( جلسات وجلس تاهو ) صافا .. ياك لاباس ؟ علاش جينا لهنا
لوؤي : بغيت نهضرو شوية
قدس : اهاه !
لوؤي : قدس نتي عارفة معزتك عندي .. نتي پلوس كو بنت عمي وصافي ... كتعني ليا كتر ( قدس غير كتشوف فيه ) امرك تايهمني ... كون مكانش كايهمني مكنتيش غاتلقايني ديما حداك ... دابا بغيتك تجيني للصراحة .. شكون كايلعب ليك بعقلك هم ؟ شكون كايدخل ليك افكار خايبين لراسك ... شكون خلاك تاخدي اوفر دوز دليكالمون ... ( قدس غير كاتشوف فيه ) راكِ عارفة هضرتك مغاتخرج من هاد النطاق لي كالس فيه انا وياك .... انا بغيت غير نعرف اش واقع ليك ... شنو بدلك .. عارف سن المراهقة وبنادم كايتغيرو فيه بزاف دالحوايج خصوصا نتي كأنثى هورموناتك بداو يتخربقو ولكن لي معارفش هو علاش فهاد الاسبوع لخر دباليتي بحال هاكا ؟؟؟؟؟....( قدس غير كاتلعب بعينيها قاس ليها الجرح ) نتقبل منك كولشي الى تقولي ليا داك المدرب هو السبب
قدس : تااااحد ما السباب الؤي ... انا غير مليت ماتسميوني ديما قدس الطاايشة .. صعيب انك تعيش وعائلتك خايفين منك تجيب ليهم شي فضيحة حدا الصحافة .. كنحس خايفين من سمتعهم كتر ما خايفين عليا ..... مدرب كان غير ورقة لي فضحات بزاف دالوايج .... وا زايدون اش فيها لا تغرمت ها ؟
لوري : تغرمتي ؟ ( جاتوو ضحكة دخزيت وبدا يحك تحت دقنو ) زوينة هادي ... شتي علاش كانگول ليك نقصي من النيتفليكس ؟؟ تغررمت گاااليك ....تيطانيييك ...
قدس : اه اش فيها .. ياك فعمري 19 عام ... سن الرشد درتو هادي عااام ... ممنحقيش نتعجب بشي حد ؟ علاش دررتو عليه داك روينة كاملة بحالا ماعرفت اش درت معاه
لوؤي: ( كايرمش فيها ) دابا ... دابا مفهمتش ... واش هاد للمدرب هدا .... كتهضري بصح انه معمر ليك عقلك ؟ بجدية يعني !
قدس : ماعععرفتش .... والله ماعرفت ... ماعرفتش شنو معنى هادشي .. رتاحيييت ليييه عجبني .... و( قاطعها كايأكد عليها )
لوؤي : عجبك ؟
قدس : ماعرفتشششش الوؤااي ففف ... ماعرفتش ... شي حاجة فيه جدباااتني ... انا مواااصلاش معاه لدرجة نفسر اش كنحس من جيهتو يلاه راني فالبدية ... ايييه عاجباني يعني باغا نخرج معاه ... باغا نتعرف عليه كتر .. شخصيتو هضرتو .. وجهو .. جدبوني
لوؤي شاد يدو بزز ماينوض يخلطها ولكن خصو يوصل لمبتغاه بلا متخاف ويعرف كاع شنو تحت راسها هو لول عارف طييييشها و موالفها من هدا لهدا بصح عارفها مراهقة تايعجبها غير تهضر نهار وتنسى غدا .... كايحاول ما امكن يبقى شاد فصبرو و مايفقدش اعصابو يضيع كولشي ومتبقاش تعاود ليه
لوؤي : قدس ... سمعي ليا نهضر معاك .. هداك راجل وحتى انا راجل ... الدراري لي كاتقيلي تضحكي معاهم راهم غير ولاد تسعطاش والعشرين الكبيييييير ديالهم راه باقي تحت الرعاية دوالديه .... باقين كاتغطيهم ماماهم بليل... يعني البراااااهش .. هادوك لي مولفة نتي ... تشوفيه كايحماقو عليه البنات فلاكلاس ديالك ضد فيهم تنوضي تخرجي معاه نهار باش تفقصيهم وغدا تقولي ليه آذيوس .... هادشي انا راه ولفتوووو فيك .... اما هدا لي تتهضري عليه دابا راه راجل تلاثيني .. الخرجة لولا الخرجة الثانية ... الثااالثة كاع الى طوول راه غايبغي الفرااااش آقدس .... يعني فكري فين راك كاتزطمي ..... مابقاش الامر فيه الضحك وغانوليو فحوايج كبار
قدس : ( طرطقات عينيها ) صافابااا
لؤي : صافاااا وي .... اشنو كتنساي من واحد يهودي اصلا ! ....هادشي خصك تكوني عارفاه وكتسناااايه .... كنحاول غير نفهمك اش واقع ... وفوق هادشي مكتعرفي عليه والو ... منغير انه شبعك جوج كليمات معسلين فريييسطو راه كنت كانشوف فيكم .... فين كتعرفي نتي اصلو وشكون هو وطباعو و سوابيقو ؟؟؟ وهادي هي ثقالة اققدس هم ؟ الريح لي جا يديك .... وتاتقولي علاش والديا تايخافو عليا !
قدس : ( بقات كترمش فللخر تنهدات وشافت عندو ) لؤي ... من الاحسن خليينا زوينين متدخلش فحياتي
لوؤي : حياتي قاليك ! الهضرة دشيخات لي كتبعي فالانسطا ... نتي راك بنت الاسماعيلي راه لادرتي هاه ولا هاه باك وخوك يدفنوك ...
قدس : اهاه ... يدفنوني غير انا ؟ علاش قسم كنسمعهم من ديما كايقولو امتى تلقى لي يناسبها ولا هي مسموح ليها تعيش قصة حب وأنا لا ؟
لوؤي : حيت هي سالاااااات قرايتها وخدمااات وشربااات عقلها ... وعندها السيغڤو لي تعرف تفرق بين الصالح والطالح ولي يصللح ولي مايصلاحش ...ماشي بحالك نتي واحد قاليك جوج كليمات سييييحك .... نتي باقا لاعبة عليك المراهقة مايبغيوش يطلقوك ... نهار تولي قدها وتوصلي لاش وصلات عاد هضري .... ( بدات كاتشعلو وبدا يفقد صبرو )
قدس : هاد المقاارنات الخاوووية طلعو ليا فرااااسي فخبارك .. وشنو دابا انا خصني نحبس راسي فشي جزيرة تانولي قد قسم عاد نعيش ! والى بغيت انا نعيش صغيرة مامنحقيش ؟
لؤي : ( شعلاتو بهاد الزكير ) المقارنات نتي لي كاتبداي بيييهم ... انا كلست معاك وهضرنا هاد جوج كلماااات ولكن مغااتغركش هضرتي ... راه قسسسسسما بالله ومزاال لقيييت ديييلمك معاه ولا فشي قققنت .. بربي تانخلللللطك نت وياااه بلااااا متشششعليني خليني زوين معاك .. داك المراهقة دالخرااا ديالك شي نهار غااااطلع ليا فكككر*ي غاانلسق والديك مع الحيييط ...
قدس : ( وقفات مطرطقة فيه عينيها ) واااقلة مريييض لا،؟؟؟؟؟ واقلة مشييتي بعيييد اش بيني وبييييينك انا كااع .. نبغييي لي بغيت و نخرج مع لي بغييييت واش نتا بابا ؟ نتا خويا عطيناك وقت وهضرنا معاك مكيعنيش عندك الححححق دخل لييياااا فحياتي
لؤي بقا كالس هي كتهضر هو كايحك فسنانو فلاخير ناض لعندها شدها من فكها تابقا قلببها يضضرب
لؤي : قققدددس خلييييني زويييين .... غااااتقابلي قراااايتك و تجججمعي رااااسك ... الملعب سيفطك بااااك باش تلعبي .. وقرايتك سيفطك باااك تقرااااي فيها .... ماشي شي حاجة اخرى .. نهار تسااالي هادشي ووتهزي ديبلوووماااتك وشهاداتك وتخرجي ... ارااااا ماااتمعععشقي ... وباش نييييت نفضييو هاد تبرهييييش ديالك منطولوش فالهضرةة.. دخلي لدمااغك راه كاين رااااجل واحد فهاد الدنيا لي غاايكوووون فحياااتك بلا متفكري فواحد اخور من غيرو راااااه هوو انا .. .. مافهمتيهاش بالعررربيية نططرجمها ليييك .... مكاينش لي غايديك من غيري .. طيييري دابا ولا نزلي كيف بغيتي نهار لي نكون كنحكمك انا غاندير شرع يدي ....
قدس : ( فلتت منو ) ونتي دير،فبااالك بلي مااعمرني غانديك
لوؤي : انا لي غاندييييك ماشي نتي
قدس : ( طلعات فيه صبعها ) شششتي وااااخااا تنطااااابق السمااا مع الارض .. مغاااانقبلش بيك نتا وللللد عمي وبحال خويا ومكككنحس بتاشي حاجة من جيهتك ددددخلها البااااالك وببببعد مني عطيني تيييييقااااار .. حسن ليك ماتفوتش معايا حدوود بنت وولد عمها ولا غااانقوووولها ابابااا
لوؤي : هووبااااا !!!!! .. انا للي مربية قدااام عيييينياا ودمك من دمي كاتقوليلي منفوتش الحدود ... وال*اااااامل لاخورر عاطياااه مجال .. واش عندك شي عقل كتفكري بيييه ولا غير متقل ليك تما داك راس .....
قدس : اوولاا متخسسسرش الهضضضضرة حدايا ... تانياااا حياااتي وندير بيها لي بغيت نفتح الحدود للي بغيت ونسسسدهم علاامن مااابغييييييت
لوؤي : ودابا تانا گتليك گولي لي بغيتي طيري ولا نزلي .... ماحد ماشي فيدي الهضرة ماشي دابا ..
قدس : انا ملول عايقة بيك وتندير راسي مافاهماااش دير فييييك شوووية دنفففسس و بعععد مني
جات ماشيا هو يجرها من شعرها بغات تغوت وشداتها بززز باش مايسمعوهاش وهو مزير عليها منلور مغززززف كايهضر فوذنيها داك شوية دصبر انفجر ليه
لؤي : هضرتي الى مدخلاتش ليك للعقل نشقوووه وندخلوها بزز .... الوحيييييد لي غاتكملي معاه حياتك هو انا .... يااا انا .... يااا تاااااحد ... غير ديرها فباااااالك .... راه ماحدي عاااايش برررب تعااالى لاققرب لاساااحتك شي واحد غيري .. وبررررب تعالى لاقاس لحمك سي واحد منغيري .... الى قصااار عليه عمرو يقرب والى سخا بيك شي بني ادم قربيه ليك .. وداك المدرب لي فاارعة ليا بيييه ككككري ... دابا نوريييه لمك شكووون هووو ..... وفين غانسيفط ال*بة دمووو ... وغايتبعو اي واااحد جا فبلاصتو ... قدس الاسماعيلي دلوؤي الاسماعيلي وسدينا الدفتار .... ديري عععععقلك بااااش منصصدمكش بشي وجه اخررر راه الگراام دالصبر لي عندي ساليتييه ....
نترها من يديه ومشا ...
وهي بقات فبلاصتها كتجنن وضررب فرجليها مع الارض
قدس : نموووت نموووت ومنتزوجش واحد مريييض ومعقد بحاااالك .. تفووووووو على زهرررر تفوووو ..... تققررررررررب ليا مزااال نقوولها ابابا وخوويااا ... هههههمجي تفووووو
عند العائلة ..
جالسين تاسمعو شي طموبيل تحركات خارجة كلهم شافو لتما بانت ليهم طموبيل لوؤي .
سلطان: فين ماشي هادا ..
عدنان غير ساكت وكيتنهد مل من هاد الخرجات ديالو لي على غفلة واسد عينو تبعات طموبيل د لوؤي ورجع شاف لباب لي خرج منها يتسناها واش تبان يتأكدو ليه شكوكو حتى بانتليه بصح خارجة وتاهي واضح عليها منرفزة كتر،من داك الكسيراتور لي دار و مشات جلسات حدا ماماها وهي مراقب وداير،راسو مفاهم والو مكمل معاهم الحديث ....
حتى دخلات طموبيل رتاج .. نزلات جاية بجيهتهم ضاحكة وجلسات حدا عدنان لي عنقها بيديه
رتاج : فين مشا لؤي ! تلاقيت معاه خارج ( شافت عند عدنان ) ياكما تناقشتو ثاني .. جاني خارج مقلق ؟
عدنان : ولدك راك عارفة تقلباتو ....
سفيان : غايكون خرج عند صحابو ولا عندو شي شغل ...شحاال كتحكرو تانتوما ..
قلب ليهم سفيان المود بالهضرة تاصونا يونس لي ديما هاد الوقيتة خصو يدير معاكم الكاميرا .... و كلسو مجمعين كاملين ....
اما جوود وصل بالطموبيييل ديالو للبلاصة لي بغا ... نازل كايتكسل ويجبد فيديه وعنقو البعيااااء ديال الطريق ... ذرعانو كايحرقوه بالصوووكان .... غادي باتجاه واحد البللاصة فداك الغاابة لي كيرتااح فيها ملي كايبغي يتريپي ...
كانت تلة .. لتحت كاتطل الى الجبال والواد لتحت ... فداك التلة كاتبان ليه الحيااة شحااال بسييييطة و تاااااافهة بمجرد ماكايطل من تما وتيتخيل راسو تلاااح .... كااتبان ليه تفاهة الحياة وبلي مكتسوا والو وانو بقفزة بسيطة يقدر ينهيها بحالا عمرها كانت .....
استنشششق دلك الهواء البارد والنقي مزيان .. ومشا لطموبيل طلق روكسي لي كايوليو فيه عشرة فالغااابة ....
هو يجي لجيتو حارس الغابة " گارد فوريستيك" لي ولا حافظو ملي كايجي انه كايبغي يرتاح فالعزلة و كايعطيوه راحتو .....
عطاه سوارت واحد بيت خشبي كاين تما كاينعس فيه ملي كايجي وكايخلصو فيه ....خدا عليه سوارت وشكرو ودخل لداك البيت حلو وحط حوايجو ... وحط لروكسي ماكلتو لي خداها فطريق و ستف التقضية لي شرا يدوز بيها هاد ليام لي كالس هنا .... وجد ليه كاس دالقهوة وخرج هو وروكسي لداك التلة وجلس كايستنشق داك الهوااء ويتمنظر فجو الغروب ... هنا بالضبط فين كاااايرتب افكاارو وفين كااايرتاح وفين كايعاود وريقاااتو من جديد وهنا فيييين كايجيب قوووة جديدة ......
عند اصيل ...
جالس فالصالون والتلفازة مشعولة حداه وهو عقلو غاااايب .... عينيه فيها ودماغو مسافر
سلمى كاتحط العشا فوق الطبلة وكل مرة تتطل عليه كتسائل : مالو ؟ واش تكون قسم هي سبب ؟ .... حيت من قبيلة كتسناه يدخل تعرف شي خبار وواش قسم قدات تقنعو .... ولكن من هاد تغوبيشة لي داخل بها قطعات الامل بمرة ..
اما اصيل غير تنهيدة وراء الاخرى و عينيه فالمجهول ما واضحة تاحاجة عليه من برا ، ولكن من داخل راه كايبني ويريب ويهرس ويصلح ... تاسمع سلمى
سلمى : خوويا .... زيييد ، العشا غايبرد ...
فيقاتو من سهتو وشاف لطبلة بانليه طاجين دجاج بصلة و زييب وشلايض ... عض على شفتو كايشوف لداكشي ... فيناهي الشهية ! ... مقادرش حتى ياكل ... خلا طبلة هاكاك وناض طلع وهي بقات غير كاتشوف متبعاه ...
سلمى : اويلي مال هدا !
رجعات كاتشوف لداك طابلة ... وقطعات الخبر تاكل .. حطات دغمة ففمها وبقات كتمضغها كيف التراب بسبب الجو المكهرب لي خلق ليها فالدار والطاقة السليبة لي عطاها.... وهي تلوح الخبز وسدات طاجين ورداتو لكوزينة بالزعفة ..
سلمى : تفووو على حيااااة تفوو ..... ( رجعات تكات على الكونطوار كتفكر ) واش نعيط لسيدة نشوف شنو واقع !!!!؟ و الا كان الموضوع مكيخصهاش ؟؟ ويكون معصب على شي حاجة اخرى !!! ف5 غانحماق بالفضول ... اويلي لا حشوما نعيط ليها فهاد الوقت اصلا عذبتها معاياا كتر من لقياس .. لا لاااا منضسرش عليها بزاف
تقلبات كتغسل المواعن لي كانو تما ...
واصيل طلع لبيتو هز كارو وخرج للسطح واقف علا راسور كايشوف فالاضواء ديال الدار البيضاء وكايكمي ويخرج همو دخان .... هضرة دوك العيلات فالجمعية ماابغاااااتش تخرج من بالو بمرة .. يلاه كايبغي ينساها ، كاتجي هضرتو لي قال لقسم فالباب ... وملامحها كيفاش كانو كايبنو والخيبة لي كانت فنظراتها وهو كايغوت عليها .... عيا يسوط عيا يحك فراسو والا هادشي بغا يبعد منو ... كارو مور كارو غايييتسطى ..... هضرة العيالات لي فالجمعية بحالا وراتو الطريق لي غادي فيها فين كاي
توصل... عمرو فكر فالمستقبل ديما،
كايفكر غير فالنهار بنهارو .... هاهو كايحميها او غدا ؟ ويلا مكانش معاها ؟ ....
رجع تتنهد شاد على راسو كايكمي تاسمع شي رجلين طالعين .... وقربات عندو جامعة شجاعتها
سلمى : خووويا .. ياك لاباس كاعما تعشيتي ..... واش كاين شي مشككككل ؟؟؟
اصيل حدو ضور ليها راسو بلا وتاهي بقات غير واقفة حداه كاتشوف من سطح حتى سمعاتو نطق
اصيل : سلمى ..
سلمى : نعام اخويا
اصيل : الى شي نهار ...مابقيتش معاك انا .. باش غاتسلكي راسك
سلمى : هاااء !!! أعوذ بالله من الشيطان الرجيم اش هاااد السؤال لله يححححفظك ....علاش مغتبقاش معايا ؟؟؟
اصيل : دنيا مكنعرفوش اش كتجيب ، لنفترض مبقيتش انا معاك ..... اش غاديري
سلمى : ك كيفاش اش غندير .... انا راه عندي غير نتا .. ر راه لاخطيتني غانحماق
اصيل : علاش !
سلمى : كيغاندير فهاد الحياة بوحدي ونتا عارفني خرجت الدرب مرة وحدة هي فاش طلعتيني للشمال .... مكنعرف تاااحد منغير صاحبتي حسنى ... ماعندي باش نسلك راسي
اصيل : عندك دارك ، عندك فلوسك .... علاش ماعندك باش تسلكي راسك !
سلمى : شحال كاع عندي فالبنكة ... داك سبعين ؟ شحال غاتبقى ليا شحال غادوم كاع ..مالها مغتتساليش .. زايدون ماشي غير فلوس ... انا منقدرش نعيش بلا بيك .... ماتعاودش تقول هاد الكلام
اصيل : كون كنتي خدامة مثثلا .... وانا مكاينش ... شنو كان غايفرق
سلمى : ك كان غايفرق فقط انه مغاديش ندل راسي عند شي حد وغانصرف على راسي وعلى الاقل منتخصش من ناحية المصروف .. و ولكن واخا هاكاك منقدرش نعيش ونتاا مكاينش ..... مغانقدرش نعييش بوووحدي ... عندي غير نتا فهاد دنيا .. تخطاني نتا مكنعرف نقطع تا شاريع بوحدي ... ماعندي تااحجة مسخنة كتافي راه غايضربني الخلا ....
اصيل تننهد مطول وسلمى عاد سرا معاها الموضوع وبدات تفهم فين غادي بهضرتو ... عاد فهمات ان قسم واقلة لي دخلات ليه هادشي للراس ورجعات عاد حلات عينيها و بدات كتهضر
سلمى : ااه .. ص صاارحة .... صراحة صعيب تواجه الحياة بلا تاحد فنفس الوقت بلا حتى ديبلوم .. بلا تاخدمة بلا تا إنجاز حققتي فحياتك ... شحال غاتدوم ليا الفلوس ... داك فلوس لاتزوجت شي واحد من غدا غايمشي يهرف ليا عليها ويخليني ..
اصيل : واكلة التبن نتي كاااع لهاااد الدرررجة متعرفيش تسكلي راسك ... اش هي الخدمة كاع
سلمى : الخدمة هي كولشي كون مكنتيش خدام باش كنا غانسلكو راسنا دابا ؟ ها ؟ ... شكون غايصرف علينا ؟ عماماتنا ولا خواالنا لي عمرهوم باركو لينا تاللعيد ؟ شكون غايععععقل علينا .... كون مكنتيش خدام انا ملي نمرض فين غالقا تا دوا لي نشرييو ... الخدمة هي كولشي اخويا .... مكتخليش الواحد غشيم ... كتخليه كاپابل ومايقدر تاحد يديرها به حيت كايتلاقى ناس و كياخد تجارب ماشي بحالي انا غير الدار و الكوزينة وزيدها تخطاني نتا ؟ راااه الموووت بعيينييها ....
اصيل بقى غير ساكت وكايشوف لسما فنقطة بعيييييييدة حتى لواحد اللحظة هضر بحسرة وانكسار ...
اصيل : الوالييد الله يرحمو ... كان باغيك تقراي
سلمى طلعات فيه عينيها كترمش ، اول مرة تسمع منو هاد الهضرة واول مرة يهضر على واحد فوالديهم ...
سلمى : ب .. بابا الله يرحمو ( سرطات ريقها وقالتها بشبه ضحكة انها اول مرة تعرف شي حاجة على باباها ) ك كان ... كان باغيني نقرا ؟؟؟؟
اصيل : ( شاف لعندها ) شكون مايبغيش ولادو يقراو ....
سلمى : ون . نتا علاش .. ما( قاطعها )
اصيل : حيت كان كايوصيني نرد ليك لبال كتر مكايوصني على قرايتك .... امينتو تبقاي حداه ماطاري ليك والو كانت اهم من امنيتو تقراي .....
سلمى : و ولكن .. اش فيها لاحققنا ليه امانيه بجوج ؟؟
اصيل تنهد ورجع كايشوف لسما ساكت وهي كاتنسى جواب ....
اصيل : علاش الطب بالضبط ...
سلمى : ( بضحكة بلهاء وهي كتذكر) اول سؤال تطرح عليا فالابتدائية شنو بغيت نولي فاش نكبر ، توترت حدا المعلمة وماعرفت مانقول ... وانا نقول بغيت نكون طبيبة .... من داك الوقت وانا باغا نكون طبيبة ..
اصيل : ( ضار لعندها ) قاد نقريك من جيبي ... هضري مع داك البنت وقولي ليها حنا مامحتاجينهاش ... لا هي لا المنحة ديالها ... والكلية الواعرة .. نقريك فيها بجيبي ..... ومنعاودش نشوفك معاها ولا نشوفها هنا مزال ...
خلاها ودخل وسلمى واقفة فبلاصتها مصدومة حالة فمها مامتيقااااش شنو سمعات ... كضور ببطئ تتبع اثرو وباقين ملامحها مصدومين ... واش غي كاتخيااال !!!! واش قال غايقريهاا؟؟؟ فلحظة ماقداراتش تمالك نفسها وغوتااات بججججهد تابعاه كتجري بالفرحة
سلمى : اصييييييييل ....
عند العائلة
كالسين كلهم مجموووعين من غير قدس لي واضح شي حاجة مبرزطاها كل مرة تطرطق فصبعانها ومحتاحة لتيليفون فيديها بحال شي مخدر مدمنة عليه ... وقسم فبلاصتها غير ساهية وشااااردة ماعندهاش الخاطر وهضرة اصيل الجارحة كل مرة تتعاود فمسامعها .. كتعيا ماتطرد الصوت وكايرجع تاني ....
اما آية شادة تيليفون وعينيها كايلمعو تاهي كاتطلع وتهبط فالانستكرام د وسيم وتشوف سطورياتو وتعاود تصاورو للمرة الالف .. والإبتسامات لي كايترسمو عليها مخلطين بالحسرة تجاه ولد عمها لي عمرو غايشوف لعندها بسبب إعاقتها .. اما سلطان جاتو الجلسة ناقصة بلا جود وبلا لوؤي غير جالس وكايضور تيل فيديه بملل ....
و لامار كل مرة تنغز لحياة تتشجع تهضر و ان هادي هي الفرصة وهي مترردة ومخلوعة ...وكتهضر مع لامار بالحس
حياة : خلي تالدار ونهضر معاه
لامار : ماتبقايش تأجلي عارفاك مغاتهضريش ... واش حماقيتي ولا مالك .. الحمالة دسلطان واية طرتي بالفرحة باش تقوليها ليه وهادا ساكتة بحالا حملك فالحرام
حياة : ماشي هاكاك ... قلت زعما يقول كبرنا ... زعما مكنفكروش فالولاد دابا ، دابا كنفكروا نزوجو ولادنا ماشي نولدوهم
لامار : ودابا سيري قوووليها ليه وشوفي كيف غايدير الى فررح هاذا مابغيينا .. الى شتيه بحالا تقلق ومابغاش قوليليه غانعطيه لختي ... واصلا الاختيار الثاني غير نسااااايه ...
حياة : ففففف.. ماعرفاش علاش مخلوعة هاكا
لامار : حيت حمقة .. يلاااه سيري جريه دغياااا
.
حياة : لا لااا .... غير خليني ... صافي تالدار
لامار عيات تشوف وهي تجرها من يديها وناضو وقفو .. ورجال متبعينهم بعينيهم وهي جراتها لبعيييد ووقفات بيها
حياة : اويلي ماااالكي ...
بامار : ( بصوت مرتفع كاتشوف فيها ) سفيااااااان ...
حياة : لاااااامار .. حمااقيتي كايشوفو فينا اويلي على شوووووهة اويلي
سفيان ناض لعندهم مافاهمش وعدنان واسد كايشوفو
سفيان : اش واقع مالكم
لامار : غير الخييير... مراتك بغات تقوليك شي حاجة ....
ضحكات ليه وشافت عند حياة لي كتحلف فيها غمزاتها ومشات وسفيان شاف لعند حياة
سفيان : اش كاين ؟ ياك لاباس
حياة : (كتغزز فشفايفها .. وكتشوف لعندهم واش باقين كايشوفو لعندها لقاتهوم ضورو راسهم وشافت فسفيان ) اااء . غ غير لامار ... فففف
سفيان : هضري خلعتيني .. واقعة شي حاجة ؟؟؟؟ ... واا فكينا
حياة : س س.. سفيان . د دابا ... انا صباح مشيت لطبيب
سفيان : (قاد وقفتو ) اهاه ؟ علاااش كضرك شي حاجة ؟؟؟؟؟؟
حياة : اه . آه . بغيت نقول لااا
سفيان : حياااة متجهليش ديلمي دابا تهضري طلقييينا شواقع بلا ما( قاطعاتو )
حياة : انا حااااااملة ( قالتها مغمضة على عينيها بحال شي قنبولة غاتنفاجر )
سفيان بقى واقف بنفس وضعيتو كايرمش فيها ويعاود .. ورجع قاد وقفتو وملامحو وحك تحت لحيتو وشاف فيها
سفيان : نعام !!!!
حياة : ح .. حاااملة ...
سفيان : كي ( جاتو الضحكة ) كيفاش حاملة
حياة : سفيان منيتك ؟؟؟
سفيان : ياك كنتي كتاخدي لي پيليل ... داكشي علاش كنسول كيفاش ...
حياة : حتى انا ماعرفتش ... مدرتش بحسابو كاع
سفيان : ( تبسم بغرابة ) واااايلي .... خبار جديد هذا ...... فوقاش عرفتيها
حياة : صباح مشيت طبيب
سفيان : طبيب كاااع .. بلا بيا ؟
حياة : كنت باغا حتى نتأكد ... ( قادات وقفتها ) شوووف ... حتى لاا مكنتيش باغيه ولا ( قاطعها )
سفيان : واش نتي مريضة فكرك ولا مالك... كاين شي واحد مكيبغيش ولادو ؟ استغربت حيت مدايرينش بحسابو كنشوفك كتاخدي الپيليل ... وماباين عليك والو حتى صرفقتيني دابا ....
حياة : وراه تانا تصرفقت .... تعطلو عليا ليغيكل ملي درت طيست طلع بوزيتيف
سفيان : ومافهمتكش علاش ساااكتة .... قلتيها لامار !
حياة : اااه فخبارها هي ورتاج ... و .. واش زعما .. نقدرو على التربية ؟ زعما .. ( قاطعها )
سفيان : وعلاش لي منقدوش ؟ بنتليك كنتمشى على العكاز ولا .... ولدي هدا ومزال أبنتي تولدي واحد اخر غاهني مخك .... ( جاتو ضحكة ) والله تاافشكل ههه .. قلتيها لدراري ؟
حياة : لا ... قلت تانقولها ليك
سفيان : سلطان غايططنز بالمعقول ... ( شاف لكرشها ) مرحباا بيييك اولدي .... داير لينا سوربرايييز ولا كييييفاش ... ( شاف فيها ) شحال عندك !!!
حياة : باقي يلاه خمسة دسيمانات
سفيان : ( جبدها لعندو معنقها ) أجي عندي اجي .... والله تاخبااار زوييين ... مكنتش داير بحسابو ...
حياة : ( طلعات راسها ) كان يحسابتني مغايعجبكش لحال
سفيان : علااااش !!!
حياة : حيت ولادنا كبرو ... و ...فف ماعرفتش كيف ندير نشرح ليك
سفيان : يياك انا وياك نهار تزوجنا خططنا باش نديررو إسباس بين هدا وهدا .... وكل واحد ياخد حقو فالتربية ،بالعكس كنشوفو جا فوقتو المناسب .... عمرك تفكري بهاد الطريقة ، هدا ولدك وخصك تفرحي بيه وتسنايه كيف تسنيتي سلطان و آية ... ( بضحكة ) نشوفو تاني هاد الخنييفيييش كيف غايخرج تاهو ....
حياة : ( ابتسمات ) فرحت حيت عجبك الحال ...
سفيان : ها باش قتليك مرييييضة فراسك ... واش انا نكره تولدي ليا تا عشرة ! ( دوز صبعو على حنكها ) راك مكتبريش فعينيا يا هاد المخلوقة ... مزال كنشوفك عمو الصغيورة ديالي .... مدخليش هاد اافكار لراسك ( باس راسها ) ... زيدي يلاه نمشيو غايحسابتهم غير اش واقع ..
شدها من يديها و لامار كانت كتهضر مع رتاج عاودات ليها غير شافتهم جاين ضاحكين عرفات الامور مشات مزيااان وهوما يضضحكو ليهم و جلسو ...
لامار كتتشوف فيهم وتشوف فحياة بمعنى ها لي قتليك وكتشوف عند اسد ضااااحكة
لامار : اساااااد
حياة : ( تحت سنانها ) لااااامار
كتومي ليها بمعنى تهضري غاندبحك وسفيان ضاحك عليهم ...
اسد : ممم !!!
لامار : نگووووول ...
حياة : ( تحت سنانها ) لاماررر الدراري ...
لامار : ( ضارت موراها ) ااااه نسيييييتهم .. اجي اولدي اجي ... جر ختك واجي ...
سفيان : اودي مايقد عليك غير لي خلقك ....
عدنان : اش واقع ؟؟؟؟
رتاج : خسارة مكنعرفش نززززغرت .... هاد الخبار خصو الحاجة تكون هنا ....
اسد وعدنان غير كالسين باستغراب و سلطان جر كرسي دآية وقربو لعندهم وتاقدس علات راسها تشوف شنو الموضوع وحياة شادة على راسسسها ....
لامار : آلوووووغ ..... ( شافت عند سلطان واية ) واش مستعدين تقسمو محبتكم مع واحد خييينا آخوور
اسد غير شاد كاسو دالقهوة مستغرب و عدنان دغيا طيرها وشاف عند حياة هي لي ولات كي مطيييييشة بالحشمة
سلطان : نعاام !!
آية : كيفاش آمرات عمو ؟ هههه مافهمتش
لامار : ( شافت فالعائلة ) جااااينا بيبي جديييييد فطرييييق
اسد بزززق دالقهوة كااااملة من فمو وعلا فيها عينيه بصصصصدمة وسفيان كايضرب ليه على ضضهرو
سفيان : ابببسم الله .. ماشي نتااا ابنادم مااااشي نتاااا ... اناا لي جاايني فالطريق ماشي نتاااا غير بشوية عليك ...
اسد : ( شاف فيه و رجع شاف فيها كيتأكد) ياااك ماشي نتي ؟؟؟؟؟؟
لامار : اويييلي وحدي ... وهانا اسيدي كاااع مالها شنو فيها
اسد : انا نگولهاليييك من دابا ... شتي غير نتي تزيدي ... انا نزييييد ....
لامار : فين غاتزيد !
اسد : مع الطرييق ...
سلطان : اصصبرو دابا صبرو .... دابا هدا ولد من
رتاج : ولد الجيران .. اويلي على ولد من ... ولللد بااااك
سلطان : ( شاف عند سفيان ) ومعااامن ؟؟؟؟
حياة : سسلطاااااان ... ( جاتها البكية ) أويييلي
اية : ممم .. م .. ممماافهمتش ... شكون ليي حااامل ؟ ...
لامار : ياااربي على كلاخ نزل عليهوم هاد نهار ابنتي ماماك .. لي حاااملة
اية : وعلاااش ؟
لامار : وايااالاااااه ...
رتاج : واشنو مافرحاناش حيت جاياك فطريق ختك ولا خوك
اؤة : اييه يعني صاافي دابا حملاااااات ..
لامار : ( شدات على راسها ) لااا حول ولا قوة الا بالله ....
سلطان : دابا كيدرتو ليها .... ( حمر فيه سفيان هو يفهم راسو ) آلاااا ياااااه . . زعما كيدرتو ليها راني عارفها .. لي ماعارفش هي كيييفاش غاتاجيييتووو سلاااام مك حاملة .... ماكانش فخبارنا كتخططو لشي حححمل .... دابا من لخر الله يجعل كولشي مبارك ومسعود اسيدي واخا ماشاورتوناش ماشي مشكيل .... بنت ولد ولد بعدا
لامار : طوووبة ... تشاورك علاش غاتشاااورك ؟ نتا غاتشاوررها نهار تبغي تولد
سلطان : ( طانز عليهم ) على انا لي غانولد ...
لامار : نوووض تكععد عليا ... بنادم كايقول مبروك كايييفرح . هادو قالك كيفاش وعلاش .... بحالا مقراوكمش كثافة النسل شنو هي ...
سلطان : لا قراوها لينا امرات عمي .. غا هو النسل ديالنا ديجا البولة الحمرة ديال السطوكاج ديالو شعلاااات ماعندو فين يتأنسطالا شي برهوش اخر عاد .. خصنا تانمسحو شي حد عاد يدخل هو ...
لامار : ونبداو بيك نتا نيت .. منين كاديزانسطالا هدا ...
سلطان : لقاي ليه الفيروس ديالو مايضورش قدامك .....
لامار : واش مك يلاه غاتولد نتا باغي تجيب ليها لعروسة !
سلطان :مالها اش فيها تربيهم بجوج ....
اية وسط داك الطنز كااامل عاد هي نزلات عليها الهيييستيرييية ديال الضحك جاها الامر غريب غيولي عندها خوها صغيير
اية : هههههههه دباا غاتولي ماما عندها فنكوشة صغييرة ولا فنييييكيش يفيقنا بالصداع فالداااار يييغوت نشريو ليه لي جوي ههههههه وتكبر ليها كريييشة ههههه وااااو آيلااايكيييت ....
قدس قربات لوذن ماماها كانت جالسة وراها
قدس : ماما ... واش خالتو حياة حاملة ؟؟؟؟؟؟
لامار : ( ضارت عندها ) نشرح ليييك حتى نتي بالخشيييبات .. اويلي شنو جاكوم غريب فالامر ( ضارت عندهم ) مرا حاااملة ... نووووغمال مالكم على هاد الاستغراب كامل
عدنان : ممبرووك عليكم .... ان شاء الله يكون ذرية صالحة
اسد : اااه ... راه مناقصينش حنا المعكسين ...( ضربو عدنان ) مبروك مبرووك ...
قسم كانت فالدار لداخل عاد جاية بانو ليها مجموعين ضاحكين وجات متسائلة بملامحها
قسم : مااالكم !!!
اية : جاااي خوووويا فطريق
قسم : ( شافت عند سلطان ) وهداك شكووون ؟؟؟؟
اية : الااااا ماشي هدا واحد خويااا اخر جاي
قسم : ( شافت عند سفيان ) اويييييييلي ..... فوقاش غاايجي ؟
لامار : عندو الطيارة مع الستة ... لؤي شوا ليكم الكلاخ فهاد البارببيكيو يمكن ....نتي مولات العقل زعما
قسم : ( جلسات ) كيييفاااش ؟؟؟؟؟
رتاج : حيااااة جايها بيبي فطريق ... سيطاديغ حياة اونسانت
قسم : ( ضارت عندها ) حححححلفي ... يااااااااي .. ( عنقاتها) ألللللف مبرووك وااو على خباااااار .. مرحبا بالإسمااعيلي الصغييييور
لامار : ( شافت عند سلطان وقدس واية ) تعلمو الصوااااب تعلموووو
قسم : ( علات فيها راسها ) ولكن كيييفاااش !!! سوبرايز زوينة زعما كيدرتو ليها ...
سلطان : ( شاف عند لامار ) تلگاااي
سلطان رغم الطنز ديالو الى ان فنظراتو واضحة فرحة غريييبة ماعارفش يبينها وسفيان حتى هو ... تبدل ليهم الجو ديال الجلسة .. واستملحوه بالضحك والحديث حتى حاولو يقلبو الموضوع ملي شافو حرجو حياة لي عاد ارتاحت ملي شافت كولشي فرحان وتاحد ما اكترررث ان ولادهم كبار .. بالعكس هي وسط محيط مكيهتمش بهاد التفاصيل ولي ريحها كتر ان سفيان وولادها فرحو فنفس الوقت مزيرة كيفاش غاتقول هاد الخبار لختها و فرحتها ديماااا ناااقصة كتخاف تجرحها واخا ماشي بيديها هااادشي لان نفسية شيماء تجاه هاد الموضوع ولات حساسة بزااف واي حاجة كتبكيها .... ورجعات نفضات هاد الأفكار من راسها وكملو الحديث ...
بداو الخادمات كايحطو العشا وعدنان كل مرة يشوف للساعة والباب كايبان ليه لؤي باقي ماجاش ... تابانت ليه رتاج بعيد كاتصوني ومقلقة عرف راه كتصوني عليه ومابغى يبين والو حداهم ....
بداو كاينزلو العشاء فالسفرة لي فجردة واسد كل مرة يطلع عينو فقسم كتبان ليه شحال مكتئبة وطااااالع ليها الخز للراس ....
ناضو كلهم لطابلة وكل واحد شد الكرسي ديالو والخادمات كايخويو ليهم لاسوپ قدامهم ... العيالات عاطينها لضحك فرحانين بحياة ..والرجال فمواضيعهم لي ملاهين بها الوقت اما كل واحد عقلو فين غايب مع ولادو ... وقدس كتاكل و عينيها على الباب كتسائل فين غايكون مشا ؟ حداش دليل هادي علاش ماجاش ..... فلخر كتنفض راسها وتشوف قدامها تاكل وتصطنع انها مامسوقاش .... وسلطان ديريكت حط صورة ماماه فاانستگرام كايعبر على فرحتو بالبيبي الجديد لي جاي فطريق ولاايكات انهالو عليه والمباراكات
اما قسم غير كضور بملعقتها بشهية مسدوووووودة حتى كولشي رد ليها لباال .. كل مرة يسولها واحد مالكي وهي كتجاوب غير بابتسامة صفرة ....
كتحاول تاكل بزز باش متلفتش الأنظار بزااااف حتى كتسمع صوت الڤيپ فجيبها وحطات الملعقة مسحات فمها بمنديل وهزات تيل لقات ميساج من سلمى .. تنهدات حيت تخيلات محتوى الميساج كيغايكون حيت ماقداتش توفي بوعدها ... وحلاتو وهي توسع عينيها مع كل كلمة كتقراها كتزييييد تحلهم ... الميساج كان كلو عبارة على شكر على مجهوداتها لي قدرات تقنعو يخليها تقرا وانه وااافق على قرايتها وقريب غايبدا فوثائق تسجيييلها و هي تغووت بجججججهد تاقلبااات ليهوم طبلة كلللهم تخلعووو
قسم : اوووووماايكااااااااااد ....
لامار : اش واااااقع
رتاج : بااااسم الله علييك ابنتي .. ياااك لاااباس
سفيان : قسوووم !!!!
قسم : وااااو مااااامتيقااااااش .... ( طارت من الكرسي مشات عنقات باباها لي حال عينو ماافهم والو ) وااااافق ابابااااا وااااافق .. وااااافق يخليييييها تقرااااا ماااامتيقاااااش غااااانطير بالفررررحة
اسد : ( كايبعدها عليه بشوية و هو كيرمش فييييهااا ) شششششش .. بشوووية عليك ( عطاها الما ) شششربي ....
قسم : ( كتتتشررب وغاطير بالفرحة كتضحك تقلب ليها المورال فثاانية ) كنت عاارفاها كنت عارفة داك الهضرة مغاااادوزش عليه بالساااااهل
عدنان : شكون هدا ... فهمونا أش واقع
قسم : اااحم ... ( قادات وقفتها عاد ردات لبااال لراسها الى غوتات فالوسط بدون شعور منها بسبب لفرحة ) اا غير ... فرررحانة بزاف و ماارديييتش لبال ..... فففف سمحوووليا خللعتكم .. ( رجعات للكرسي ديالها) كككملو كملو ماكلتكم مديوش عليا
سفيان : وا فرحينا معاك
قسم : لا دابا غير واحد البنيتة كانت طلبات منحة دراسية ... وخوها كان رافض وانا تكلفت نقنعو يخليها تقرا و من بعد بزاف دالمحاولات وافق
عدنان : هادشي وكااان ؟؟؟
قسم : ااه .. موهيم يقدر يجيكم الأمر عادي ولكن انا كيعني ليا بزااااف
اسد غير كايشوف فيها وسلطان كايضور راسو ولامار حالة فمها فيها كيفاش تبدلات البنت تسعين درجة ....
قسم : كملو كملو ماكلتكم ماديوش عليا هههه .... ( بدات تاكل ) مممم بنينة هاد لاسوووووپ ..... ( شافت عند الخادمات ) كولو للشاف الله يعطييييك الصحة ....
قدس : دابا عاد بانت ليك لاسوب تاقربنا نساليوها
قسم : عاد تبننتها ههه
كتاككل ضاااحكة مكرهاتش تنققز من فوق الكرسي واسد حس بالخنقة تقلب ليه الجو كامل كيدير جهدو كولو مايبانش عليه التوتر قدام خوتو والعائلة يكمل هاد العشا دون ماينفجرر .... ولامار غير مستغغررربة وسلطان دغيا طير الامر مغايدوزش عليه هاد الاعجاب لي باين للعمى...
حتى ساالاااو عشاااهم وناضو يستأذنوو يمشيييو ..... ودعوهم وكل واحد ركب فطموبيلتو ... وشدو طريق ... غير هوما خرجو وعدنان شاف عند رتاج
عدنان : مكيجاااوبش ياك
رتاج : طافيه ... مافهمتش أش واقع؟ واش تناقشتو ؟
عدنان : هنا باش تعرفي بلي العُقد لي عند ولدك ماشي ديما سبابها انا ..... كاتقولي ليا نتا لي كتتتعصبو حتى كايمشي ... هانا دابا مابيني وبينو والو .. يلاه فين مشا هم ؟؟؟
رتاج : صااافي أعدنان متكملش عليا ...( كترد شعرها لور بتوتر) ففففف .... مااافهمتش علاش تيدير هاكا والله مافهمت اش فيها لاقال مع راسو عندي والدين تيتخلعو عليا .. غير يععععلمني فييين ماااشي كاع لايجيييش ...
عدنان : نهار كامل وهو صافا ضاحك ناشط ... تبدل ليه المود فدقيقة وحدة ... اش واقع الله واعلم والكااارثة لي مرضااااني انا فراسي أنو ولدي معاااارف عليه والو.. ولدي انا لي قريتو وكبرتوو ...منعرفش اش كيدير .....
لتخ لفيست ديالو ودخل ورتاج شافت عندو و عند ولادها وتنهدات
رتاج : دخلو اولادي دخلو.... دخلو خودو دوش ونعسو داباااا يجي ..
فيصل : نحاول اماما نعيط ليه انا !
رتاج : صافي غيييير خليوه ... دابا يرجع ونفهمو اش واقع ...
دخلاتهم للدار ....
اما فسيارة اسد قدس غير زادت بيها الطموبيل غفاااات .. هاد نهار دوزاتو غير نعاس .. اما قسم كتهز بالفرحة الإبتسامة مابغاتش تحيد على فمهااا واسد مراقبها من المراية ومرة مرة كيشوف للشاشة لي قداموو فيها gps دجود .. بان ليه من قبيلة باقي واقف فنفس النقطة وواضح تما غايبات .. وضار شاف فلامار لي كتشوف من الزاج ... ديما منظرها الهااادئ وخصلات شعرها لي كايطيرهم الريح لي داخل كايقضضيو عليه ويجيبو ليه تمامو.. وهز يدها عندو باسها تاشافت فيه مبتسمة وخلاها فيديه ..... وعينيه كل مرة تطلع تشوف فقسم بعد ماكان راد لبال غير لوحدة ولا راد لبال لخمسة ...
اما سفيان طريق كلها شاد فحياة هو وسلطان واية كدافع عليها وفرحااانة بالبيبي ......
وصلو لديورهم سفيان و حياة طلعو ديريكت لبيتهم مخليين اية هاد المرة لسلطان مكلف بها دخلها لبيتها كلسها على سرير كايحيد ليها فالكونفيرس تادخلات المساعدة ديالهم
مريم : بونسواغ موسيو سلطان مادموزيل آية .... محتاحين شي حاجة قبل منعس
اية: لا اخالتي غير نعسي تاحنا غانعسو
سلطان : ( بابتسامة) شكرا غير تصبحي على خير ..
مشات وسلطان شاف عند اية
سلطان : هدا غير مزال ماتزاد...وسمحو فيك ابنتي ... ملي يتزاد منعرفت اش ... ( كيحيد ليها تقاشر ) اوودي راه مايدوم ليك غييييير خووووك ...انا نبدلك ب ببيبي انا ؟؟؟؟
اية : ( عنقاااتو ) اللله يخلبيييييك ليااااا ( شافت فيه ) زعما نتا مافرحااانش ..
سلطان : ( خربق ليها فشعرها ) لاكانت شي فنكوشة بحالك علاش لي منفرحش ...
باسها فراسها وداز لبلاكار كايوريها تختار بيجامات لي تلبس جبد ليها كاع اش تحتاج وحطهم ليها على السرير وخرج البالكون مخليها تلبس على خاطرها ... لبسات عاد عيطات عليه .... مشط ليها شعرها الحريري لور وقادها فبلاصتها ....
سلطان : ( باسها ) كود نايت ماي برانسيس ....
طفا عليها الضو وخرج ..
وسيارة اسد يلاه وصلات للمنطقتو حلو ليه الابواب وباركا فبلاصتو .. نزلات لامار كتكسل وتفوه اما قسم كلها نشاط وحيوية طلعات بزربة للدار ... و أسد حل الباب لور على قدس هزها عندو فيديه وشد الباب برجليه مدخلها ناعسة عندو ولامار تابعاه ... حطها فبيتها يلاه بغا يتلفت لبيت قسم فلخر تنهد .. اش غايقول ليها كاع !! ...
الهضرة ماشي معاها .. خاص يعرف هاد السيد شكون واش يطمن من جيهتو ولا لا .. وتبع لامار لجناحهم ...
اما هي كدوش وتغني تحت الرشاش وترقص فررررحانة ... خرجات بفوطة على نصها و شعرها فاززك كاضور فالبيت و تشطح بيديها ممتيقاش الى نجحااات و أثرات عليه .. حسات براسها دارت انجااز كبيييير انها قنعات واحد بحااااالو ينحرف على قرارو لي كان مفيييكسيه فرااااسو ... والاهم فهادشي كاااامل هو انه مدامو وافق وسمع لهضرتها اذن كاتعني ليييه ....تلاحت على سرير ناعسة على ظهرها وطالقة يديها كاتشوف فالسقف ضااااحكة فلحظة نسات كولشي ونسات اي حاجة قالها ليها قبيلة .. فكرة انه وافق كانت اكبر من كولشي ... سهات وهي كتخيلووو كيفاش كان كايشوف فدوك العيالات فالجمعية فاش كانو كيهضرو كيفاش كانو عينيه متأثريييين معاهم .. دوك العينين تخيلاتهوم بكل تفاااصيلهم .. تلون قدام عينيها داك اللون الاززززرق الجميييييل ... لي فداك اللحظة كان كايشبه للزرقة ديال البحر الصاااااافي منعكسة عليه زرقة السمااااء لي بداااات كتظلااام شوية ... وسعات عينيها فاش تخيلات درجة داك اللون فدماغها وهي تنووض بزززززربة لاطولي ديال الررسم وجبدات لباليط لي كتخلط فيها الالوان وبدات تجبد فصبايغ وتحاول توصل لداك الدرجة دلاالون لي تخيلاتوم فدماغها حتى لقات راسها حصلات عليها وهي تببببتسسسسم عاضة على شفتها وحطات داكشي ومشات ل داك اللوحة لي كان ناقصها تفصيييييل واحد وتكمل ..وهو لون العينييين .... علات عليها الورقة البيضاء وبانت للوحة لي كان فيها وجه أصيل بالتعبيسة و التخنزييرة دييييالو .. كأنو مصور ماشي مررسوم ... كانت حايرة فقط فلللون العينين .. ربما كان خاصها فقط فررررحة تجاهو ... رغبة تجاااهو باش تتخيلو بصورة اوووضح لدماغها ويبان ليها مزياااان قدام عينيها كيف بان دابا كانو واقف حداها .... بدات كتلون فعينيه بداك اللون لي حصلات عليه ولي كان طبق الاصل للون عينيه .... وهي وعاضة على شفتها كتحاول تلونهوم بعناية .... وتحاول تضيف فيهم لمعااان كيف اللمعان لي فعينيه .... بلا شعور منها رسمات هاد اللوحة وبلا شعور منها خطات هاد الوجه .... مولفة ملي كتحط يديها على ريشة وتمررها فوق الورق كتلغي استخدام عقلها و كتخلي قلبها يحرك يديها ... لي قال ليها قلبها كترسمو .. هو لي كايحرك الريشة فوق القماش الابيض .... حتى تفاجآت فاللوحة انه ترسم وجه اصصيل بكل تفاصيلو .. ثم كملات عليه تاولات لوووحة متااااااكملة .... طبق الاصل ......
جا صباااح جديد ... قسم اول واااحد غاييييفيق ... كانت الخمسة ديال الصباح او بالاحرى ماقداتش تنعس ... بدات كتحسب الدقائق امتى يصبح عليها الحااال وتمشي لعندو
بغات تسمع داك الموافقة وهي واقفة حدااه .... فاقت مع الخمسة دصباح لبسات سيرفيت وخدات قررعة دالما ومشااات كتجري على جنب البببحر حتى قربات السبعة دصباح عاد رجعات للدار .....
خدات دوش و لبسات ملابس رياضية مريييحة ... شعرها مطلوق لواحد الجنب على راحتو مع الكاسكيط ... وهزات داك القماش لي راسمة فيه وجهو ولواتو على شكل اسطوانة طوييلة و شداتو بخيط أحمر .... هزات سوارتها وتيليفونها ونظاظرها وخرجات من الدار للطموبيل .. يلاه كتركب واسد فالبالكون مربع يديه على الحديدة وكايشوف فيها مصغر عينيه فشنو هازة فيديها .... هو يتنهد وخرج من البالكون هز لفيست ديالو وسوارتو .. لامار كانت باااقااا ناعسة ماحساتش بيه وخرج موراها .. غير هي خرجات من البوابة وهو عطا الإشارة للكارد بيديه بمعنى متبعوهاش ... وركب هو فطموبيل وتبعها ......
يتبع...
التعليقات
لا توجد تعليقات بعد، كن أول من يعلق.