محتوى القصة
انطلقو بيلسان و وسيم ضاحكين .... الريح كايدي فشعرهم وهوما حرين طليقين فشوارع نيويورك لي كتسكر وتثمل الشباب المراهقين بعد منتصف الليل بالجو ديالها المنحرف ...
حتى وصلات للفيلا لي دايرين ليها فيها الانيف ... كانت الزدحة نايضة وكولشي حاضر وكاع الطموبيلات تما .... ونزلات كاتشوف مضورة عينيها على طموبيلات
بيلسان : انا مولات الحفلة وجاية انا لخرا ( عطات سوارت للعساس يباركي ليها طوموبيل )
وسيم : ( عينيه على تيلي ) باش تلفتي الانظار ... ( عطاها تيل ) هادي بنت عمي سفيان !!!
بيلسان : ( شافت كانت انسطا داية محلول على صورتها ) وي آية مالك ماعقلتيهاااش !!
وسيم : نوو تبدلات ... لي مكتمشاش ياك
بيلسان : وبنت وحدة لي عند عمي سفيان راه اية ...
دخلات بيلسان ووسيم تابعها غير دخلات على باب الجردة كولشي التفت ليها ... كانت فغاية اناقتها الجريئة كيف العادة بغوب حمراء قصيييرة كتناسب سنها وشعرها المذهب الاشقر مبوكلي ... و صباط طالون عالي اسود ...وعينيها الزورق عاطينها بريق مميز .... والكل كايغني " هابي برذاي " الكل كايبارك ليها و يهتف .... طالما هي محط الانظار والانتباه والاهتمام فالجامعة ... لجادبيتها وجمالها و اسمها و عائلتها وشهرتها وثرائها لي خلاوها تكسب اصدقاء فالجامعة كاملة وتحضى بشعبية كبيرة لا هي لا وسيم .... زادو بيها كايشطحو ويدوزو المشروبات عليهم وهي ناسية العالم كتشطح بشعرها شادة مشروبها ..
اما وسيم رغم مراهقتو الى انو هادئ بعض الشيء .. مشا لميني بار وجلس على الكرسي طلب مشروبو وكايطلع فتصاور اية فالانسطا لي تبدلات عليه ..ملي دارت ليه جادوغ فكراتو فيها كان ناسيها .... وجميع انظار المراهقات عليه لي كايتمناو منو غير كلمة و يستفدو شوية من شهرتو .. ديما كيلوحو تصاورو ويطاكيوه فلانسطا وعمرهم جاوبهم .. كايجغم من مشروبو ومرة مرة كيطلع عينيه يضور على الارجاء حتى لواحد الحظة طلع عينيه بالزربة ملي شاف شكون دخل .... هو يتلف عليييه كولشي جاتو الحكة فداتو فاش شافو .. جا فوقتو المناااااااسب ....
شاف يمين ويسار ... ورجع ناض لعندو ... كان ولد طويييل وعضلي.. داير راسطا لشعرو وكولو وشامات وواضح انه من جنوب افريقيا .... بلباس كولو هيب هوب مبعثر واكسسوارات كتيرة ... غير شافو جاي لعندو ضحك تابانو ضروسو وغمز لدراري انه غايجي ومشا بتجاه وسيم لي غادي بيه لمور الدار باش مايشوفهم حتى شي حد ..... وهادشي داز تحت انظار بيلسان لي مكتفلت حتى حاجة و وسيم امانة فعنقها قبل مايكون ولد عمها ... لي كتعرف مزيان " رايلو " الشاب لي مشا عندو اشنو كايسوى وهي تحط كاسها وتبعاتهم ...
وسيم مد يدو ليه و عطاه صفحة ديال الكينات ... ودارها فجيبو لور وزاد وهو يضرب فبيلسان لي كتشوف فيه مصغرة عينيها كترممش .. و رايلو خرج وهو يلقاها وضحك ليها وقال بصوتو الخشن
رايلو : هابي برذاي بلو آيز ...
خربق ليها فشعرها وزاد وهي متبعاه بغضب ورجعات شافت فوسيم
ييلسان : اش داكشي درتي فجيييييبك !!!!!
وسيم : اش غندير فجيبي منيتك !!!!
بيلسان : ( بصرامة ) شفتك درتي شي حاجة فجيبك
وسيم : قلبي عليا الله يرحم جدك سيد كانتسالة فلوس وقفت عليه ردهم ليا ....( جا ماشي هي تشدو )
بيلسان : وسيم .. كمينا و شربنا و شطحنا ودرنا كاع لي مكايدار .... ولكن مكنساوش حنا ولاد من وعندنا واليدين ... منعرضوش حياتنا للخطر اوسيم .... ماشي لداك الدرجة كااااااااع ...
وسيم : ( فلت يديه منها بزعفة ) بديتي تحماقي واقلة لا.!!!!! سيد تنعرفو بيناتنا حساب هضرنا الله يعاون الله يسلم .... اشمن خطر و لا *بي ..
بيلسان : وعلى الله مايكونش هادشي لي فبالي صحيح ...راه مغانوقفش معاك فهاد الامور ...كنضحكو نشطو بالحوايج لي نقدرو نلوحوهم علينا دغيا ماشي بالحوايج لي غادي يوليو عندنا ادمان .... حضي راسك اوسسيم .. مانشوفكش مع هاداك مزال ولا غانتقلب ليك
خلاها ومشا وهي تنهدات .. طيح ليها المورال ملي شافتو معاه اصلا ماعرفاتش علاش عرضو عليه ... ومشات لميني بار كلسات خسر ليها الخااطر لي شاف ليها كضحك ليه بزز ..هادو هوما الاشبال الاسماعيليين يقدرو يديرو كاع الاغلاط ولكن مكينساوش ولاد من هوما ديما كيخافو يفوتو الحدود لكبيرة كاع ....جبدات تيليفون تنسي شوية هاد الموقف وهي تضرب فراپيل لي جاتها لتييفون فيها الرالي دجود انه ليوم ... قفزات دغيا ناضت على الكرسي دخلات للموقع لقات سالاو ومشات بزربة يديها كاترعدو دخلات لصفحة لاخبار دموناكو تشوفو واش ربح وتعاود تفرج فالاعادة .... وهي تصدم بالخبر ليكاين فالفصحة الاووووولى ... الصورة ديال طوموبيل جود مضروبة فالتلة ومكتوب العنوان بالخط العريييض الفرنسي * حادثة المتسابق جود الاسماعيلي تقوده لخسارة السباق "
تيليفون طاح من يديها شادة على فمها بالخلعة ووسيم شافها جا عندها كيجري مخلوع
وسيم : بيييلي .. بيلي شوااااقع !!!!!!
نزل بالزربة للتيلي هزو هو يشوف الاخبار يديه فشلووو عليييه موسع عينيه مامصدقش كايقرا و يعاااود ....
كلينيك منطقة الروكان البحرية ...
عند قسم ..
جالسة على الكراسى لي فالكلوار مطلعة راسها للفوق ، بغات تخليه شوية بوحدو عارفة حجم الالم لي كايحس بيه دابا ... كتمنى لو كان بيديها دير شي حاجة ولكن عاجزة .... ساهية حتى قفزها التيل لي صونا وشافت لقات وسيم ...
قسم : وسيم !! هدا علاش كايعيط دابا ...( جاوباتو ) الووو
وسيم : ( بهستيرية ) حناااا تانقرااااو الاخباااار كيف البراااني يااااك ... اش واااقع لجووود
قسم : وسييييم تهدن .. تهدن بلا غوات غانهضرو
بيلي ( خطفات ليه تيليفون ونبرة البكاء فهضرتها ) قسسسم .... جووود بيخييير ياك
قسن : ( تنهدات ) بيلي بلا متخلعو راسكم راه بيخييير ... حمد الله دازت بلا اضرار
بيلسان : دوووزيييييه ليا دابا
قسم : مغايبغيش ... اصلا وصاني نخبع الامر غايحسابتو انا لي قلتها ليكم وراه ديجا معصب .. راك كتعرفيه ....
بيلسان : ( بالبكا ) ديريلي غير كاميرا نشوفو غيييير من بعيد .....
قسم : والله حتى راااااه لابااااس ... يلاااه كنت معاه .. واش كون كانت واقعة ليه شي حاجة غانكون كنهضر معاكم هاكا
وسيم : علاااش لي مكتعلموناش ؟ برانيين حنا ..راه خويا هاداااك ... نساااا كلشي عوتاني ياك؟؟؟
قسم :لااااا هاد المرة لاكسيدون ماشي هو سبابها .. مزال ماقالش لينا شنو المشكل لان طبيب قال مواقع والو لذاكرتو والامر مامتعلقش براسو كاع ... .. الحمد الله دازت بخير .. مضروب شوية فرجلو مي غايولي مزيان ..
بيلسان : تضرر يااااك ؟؟؟؟؟ ( بالشهقة دالبكا ) ديري لياااا كاميرا نشوفووو عافااااك ..
قسم : واخا يلاه مديروش الصوووت .... سكتو ...
بيلسان و وسيم بعدو لبلاصة خاوية وبيلسان كلها حمرا بالكا وقلبو الكاميرا .. كتحاول تشد فراسها بزز ... هادي هي المرة الاولى لي غاتشوفو من بعد ربع سنين دالفراق ... صوناو بالكاميرا وقسم بالشطنة لي راها فيها مارداتش لبال لفين هوما فهاد الوقت ... حلات لباب شوية عليييه والكاميرا مزال كايشوفو فيها غير ارضية الكلينيك ... وبيلسان قلبها كايضررررب بججججهد لي غاتشوفو
قسم : ( بالهمس ) جوووود
جود كان مغمض عينيه ناعس على ضهرو واضح انه غفا بسبب الادوية .... وهي توريه ليهم فالكاميرا ، بيلسان غير شافتو وبدات تسمع انفاسو وهو ناعس شدات على فمها بجوج يديها كتبكي بالحححس وحر الاشتيااااق ... كان اول ماتحل عليه عينيها هو جود .. وحنانو اهتمامو باصغر تفاصيلها .. تحديه لكولشي باش يكون معاها ... كان هو طفولتها و مراهقتها كاملة .. هوسها بييه مكانش عندو حد ... حتى لنهار لي غاينساها فيه ... فضلات تلمم راسها وتمشي للبعيد ... على انها تبقى قدام جثة باردة اتجاهها مكيعرفهاش ... بعد كل مادوزو بجوج متقدش تشوف فعينيه نظرة اابرود .....
ماقداتش مزال تشوف فيه ولاحت تيلي لوسيم ومشات كاتجري ... ووسيم شاف بأسف فقسم لي غير كتنهد وخرجات من الشومبر .....
يوم جديد ....
بدا كايحاول يستفق جود منبعد النوم العميق لي دخل فيه غصبا عليه بسبب الادوية ... راسو تايزدح عليه وخيبة الامل باقا مرسومة على ملامحو ... يلاه كايستفق كايسمع صوت انفاس حداه وقلب راسو كتبان ليه قسم جالسة على كرسي وطاوية يديها على كرشو وحاطة راسها على يديها ناعسة وشعرها مغطيها .... بدا يتبسم بأسى فنفس الوقت شداتو الندامة على الزعفة دلبارح وبدا يدوز يديه على شعرها ، عارف ان لو تجمعات الدنيا كلها ماتعطيهش ولو ربع حنان قسم ليه ... لي كايلقاها معاه فالحلوة و المرة ... وقرب راسها لعندو بهمس
جود : قسوووووم ...
قسم بدات كترمش بعينيها حتى استفاقت وهي تطلع راسها فيه بانليها مبتسم ليها ....وهي توسع الضحكة بحالا الشمس عاد شرقات عندها وناضت كتصايب شعرها بيديها وعينيها منفوخين
قسم،: صباااااح نووووور ( جبداتلو حنكو ) واااهاكا نبغيييك شوية د ضحيكة
جود : ( عنقها عندو نعسات على صدرو ) شكون داك الخايب لي زعف على ختو .. مممم
قسم : ههه اووودي ولفت .. غااا خوييي هانية ... ياربي نشوفكم غير مزيان
جود : ( باس على راسها ) الله يخليك ليا .. نعستي معدبة ياك
قسم،: من جيهتك اه ... ماديرش فبالك عافاك و ( قاطعها )
جود : غير قلبي عليا الموضوع .. نوضي تكعدي عليا نوض ...
قسم : انمشي نجيب ورقة خروجك ونجي ( بضحيكة وصوت طفلة ) نفطرووو بجوووج ؟؟؟؟؟
جود : هه ! تخلصي عليا
قسم : ياااااودي غير يلااااه ....
خلاتو وخرجات وهو ناض كيعوج فعنقو وبدا يضور فرجليه لي باقا كتحرقو مفدوعة ضايرة بالفاصمات وبانضة .... وهي تدخل قسم والطبيب .. دار ليه معاينة وعطاه لي كالمون دالحريق وبوماد دالمساج هو كايشرح وقسم مركزة معاه اما جود كيلبس حوايجو كاع ماراه تما ....
تادخلو سلطان ولوؤي كيف العجاجة والطبيب تبسم ليهم وخرج ...
سلطان : ( تلاح على الفوطاي طالق يديه ) الميكانسياااان وقف ... .
لوؤي : حنا عاد كنا اصاحبي غانجيبو داك الكرسي لي كايتجر ( شاف عند قسم ) اش سميتوو
قسم : شوف نتا لي ولد الدكتورة منعرفش حسن منك
جود : هادشي لي تمنى ليا ... هادي هي الحمد الله على سلامة
لوؤي : لا لا .. على سلامة راه كي والو .. مزال كتسناك واحد الله يحضر السلااامة فالدار ... فين تبان داك البانضة علي عندك فالرجل
سلطان : فين غاينفيه هاد المرة اولد العم ! مع البطاريق .. الكز والبرد
قسم : والله تا حرام عليكم بالله
لوؤي : دابا حنا جينا نديرو غير زيااااارة المريض ( كايشوف على ليطابل دونوي ) قرعة دالما ماعندوش .. منشربوش حنايا ، شكون جابليك الورد
جود : مك ...
قسم : ههه معااايركش والله تا خالتي رتاج لي جابتو ....
سلطان : مستعد للدروس الحسنية ؟ ليوما روكان يجبد ليك طاسيلة الفرااان والشاكمات وتريكة زيت الموطووور واصل الرادياطور والدين دالكسيراتور لي حطك ابلاتي عليك ..
جود : ( كيشوف لتيلي ) الى كانو مكيحسوش ببنادم يديرو لي بغاو ...
لوؤي : ( عوج فيه راسو ) واااااات ؟؟ تريييكتنا كتحس ؟؟؟ ( شاف عندهم ) قتليكم السيد مضروب فراسو كاتقولوا ليا لا
سلطان : شكوووون انااا ؟ عرفتيني ... انا ولد عمك هادي ختك وهدا ولد عمك تاهو ...
قسم : وباراكاو من الططنز زيدو نفطرو ... كنت غانخلص غا على واحد غانولي فتلاثة .. درت معاكم مستقبلي بكري .... باقين تابعيني الوليدااات
سلطان : ( ناض عنقها خارج بيها ) ياربي تلقاي غا باااااهم انا نصرف ليك عليهم ( ضار عند لوؤي ) جر نتا هاداك عنداك يطيح فاادروج
قسم : والله الى كتقلب عليييه ...
سلطان : دابا نجيب ليه الكرسي ماشي مانجيبوووش ..ولكن مكاينش لي يجرو .. كاميو دلاح
يلاه غادي هو يحس بشي حاجة جات فراسو كان رولو دالفاصمة
سلطان : تااا مال مك عصبي مااااالك ... منضحكووووش ....
مشاو مجموعين فطموبيل د لوؤي حتى للمنطقة و دخلو لريسطو طلعو لبلاصة vip لخاصة بيهم ...
لوؤي وسلطان عارفين تماما النفسية ديالو كيفاش راها كايحاولو ما امكن يضحكوه ويخلقو الجو .. وجود غير شارد ... كرسي جالس عليه وكرسي حاط عليه رجلو لي مضرورة كان مطلع عليها رجل سروال السيرفيت تالركبة وهي كولها ملوية بالبانضة ... شاد فنجالو دالقهوة وكايشوف لبحر ... وقسم كتعاود لسلطان على العرس لي مشات ليه لداك الدرب وتضحك ... وجود واخا شارد ودنيه معاها
سلطان : بلاان هدا ههه .. ماصورتيش ؟
قسم : بقى ليا انا شي عقل لشي تصاور هههه ... ولكن والله حتى شي حاجة كتجدبني لتما ... داك الدرب واخا دخلت ليه مرة وحدة كنحسو بحالا مألوف ماعرفتش .. ربما هو البلاصةلي كنت محتاجاها ومعارفاش نوصفها ، البلاصة لي نلقى فيها ناس طبيعيين مافيهمش بروتوكل الخاوي . ونقدر نتمشى و نكلس و نگول فيها اي حاجة بغيتها بلا منرد لبال .. ( بلمعة فعينيها ) بلاصة لي حسيت فيها بالحرررية ....
جود : ( شرد فيها مدة عاد تكلم ) وشنو داك لهاد البلاصة ؟
قسم : راه قلت ديجا داتني المنحة ....
جود : اهاه
قسم : البنت لي ساكنة تما طلبات منحة ... لانوط ديالها دالباك متفوقة بغات تكمل قرايتها فالطب ... خوها رافض تمام الرفض .. ونا حالفة نخليه يقبل
جود : قداش هاد خوها ؟
قسم : مممم .. ماعرفتش بالضبط
سلطان : مزوج !؟
قسم : نوو .. منضنش .. صراحة ماعنديش عليه معلومات مي كون كان مزوج كون قالتها ليا ختو . لا ... هو يجي فداك لول ديال تلاتينات يمكن ....
لوؤي : وعلاش ماباغيش ختو تقرا !
قسم : قالك خوف .. كايخاف عليها .. كون تشوفو حالة البنت مسكينة شحال بااغا تقرا وشحال فرحات نهار خدات المنحة ولات بحال شي بيبي صغير ، وهي اصلا صغيييرة يعني حرام ضيع حياتها والله ... باقا صغيرة وزوينة تمشي تزوج بشي حد يتكرفص عليها علاش ؟؟؟ ...
سلطان : هادشي خوها خصو يكون عارفو كتر منك ... بقى شي واحد دابا كايمنع البنت من لقرايا !
قسم : لي كنحاول ندير دابا هو نتحدث معاه نعرف علاش رافض قرايتها شنو المشكل .. حيت الخوف ماشي مبرر مقنع .. ونحاول نقنعو او نبدل عقليتو
جود : تبدلي نتي عقلية واحد عندو تلاتين عام صافابا ! ...هاد البنت فايتة 18 عام !
قسم : وي
جود : تمشي تقرا .... الى حبسها تعيط لبوليس ... المغرب عاطيها فالدستور حق الدراسة .. شكون هدا لي يحيدو ليها
قسم : والبنت ماباغاش توصل لهادشي راه خوها عزيز عليها .. على انا نبغي ليك لي يآديك ؟
جود : نهار نآديك آديني ... هدا راه دار ليها علاش ... عقلية د الطباشير
سلطان : داابا هنيونا ، هدا خصو غا علاش يتعصب .. تكالما اعلي الشريف تكالما راحنا غير داوين ...
لوؤي : ماعندك ماتحاولي نتي .... هاد السيد باينة عقيلتو كيف دايرة ... لي عليك درتيه منحة عطيتيها ليها بينها وبين خوها ... اش دخلك نتي
قسم : انا عارفة شكاندير متخافوش .. غاانقنعو بالمنحة والبنت غاتقرا وغانوفي بالوعد لي عطيتها .. ونتوما نوضو قدامي دابا نرجعو لدار .....
لوؤي : وي تعطلنا ( شاف لساعة ) خصني ندوز على الوالدة .. ختك نتي مقارياش ليوم !
قسم : سي قارية !! علاش
لوؤي : مامشاتش
جود : علاش مامشاتش !!!
سلطان : الويكاند كامل معاجبانيش ياك لاباس مريضة ولا !!
قسم : وي كانت عيانة شوية .... يمكن داكشي علاش
جود : باش عيانة !!
قسم : ليزيكزام راك عاف
جود : لي زيكزاام عياااوها !!! طرات شي حااجة ؟؟؟
لوؤي : واااتدخل دابا نتا حتى فالعيا دالبناات اصااحبي ؟؟ ..
جود علا حاجبو ورجع ناض متكي على عكازو يمشيو وقسم عاد تنهدات لي لوؤي نقد الوضع بهاد الحل لي فهمو جود اش قصد به حسن ما كون شك فشي حاجة ...
خرجو من الريسطو قاصدين الدار ، لوؤي غير حط جود وقسم مشا هو وسلطان ... داخلة قسم شادة فيه وهو يد فيها ويد فالعكاز ديالو ... تلاقاوه الخدم دالحديقة كايتمناو ليه اشفاء وكدلك ديال المدخل الفيلا ... لامار كات هابطة فالدروج غير شافتو داخل رجعات قلبات راسها وطلعات غضبانة مابغاتش حتى تشوف فيه ... وجود بقا غير كايرمش وقسم ماعرفاتش كيف دير تتعامل
قسم : ااا .. م .. ر راه غيير معصبة .. ماظيرش فبالك دابا تبرد
جود مجاوبهاش وطلع فالدروج عاوناتو قسم تادخل لبيتو ...
قسم : نعاونك فشي حاجة هم ؟؟؟؟ تنعس ترتاح !!
جود مكايجاوبهاش كايقلب على الشارجور و مزير على سنانو ..
قسم : نطلع ليك شي حاجة تاكلها ماكليتيش قبيلة ؟ نلعبو بلااااااي !!!! شوف من احسن ت( قاطعها)
جود : ( بعصبية ) قسسسسسم بغيت نرتااااح ..
قسم ضربات الطم ومشات لجيهة الباب وهو تنهد وتبعها جبدها عندو عنقها وهي تشهق فصدرو داك البكية لي كانت حابسة على حالو لي ماعرفات باش تخفف عليه ... وهو منعنقها عندو ومزير على راسها لي كايضرب فصدرو
جود : متقلقيش مني ... عيااان اختي اولله .. اخبار كانقرا فيهم غير لي كايكمل عليا .. جيت لدار لامار قلبات راسها علم الله الواليد .... الرالي لي كنت كنحلم به خسرتو .. الشمتة كتاكل فيا .... راه كون مكنتيش نتي والدراري غانحمق بالرب .... بالله حتى نحماق
قسم : ( مسحات دموعها ) علاش كاتقول بحال هاكا ... واش نتا غاتسخى على شي حد .. راهم غير مقلقين ... شوية وغايتهدنو .. نتا غير ديها فصحتك وماتعصبش عافاااااك .....مشا رالي غايجي رالي
جود : هه !! . غايجي رالي ؟ واش عارفة اقسم الوضع لي محطوط فيه ؟ ( بعد عليها كايرجع شعرو لور ) الرالي لي كسبت به ثقة لعائلة وتفرجو فيا ودرت بيه خطوة .. رجعت به دابا كولشي لزييييرو ... كيفاش باغاني منتعصبش ! مهامنيش خسارة الكاس ... هامني خسارة الثقة لي شوفي شحال من عام ونا كنحاول نبينها ليهم فيا ... ونحيد داك النظرة ديال جود مداير تاحاجة فحياتو ....
قسم : كوووولشي غاايتصلح .... ياك نتا ماخسرتيش الرالي بسبب الذاكرة .. ياك غير حادثة ... حاول تكلس مع بابا وشرح ليه وفهمنا حتى حنا
جود : ( تنهد ) مقادر نشرح حتى حاجة ( مشا جلس مطلع راسو لفوق ) محتاج غير لشي بلاصة بعييييدة نرتب فيها دماغي ....
قسم : لي رتاحيتي فيه ديرو . غير مضغطش على راسك تتا عارف مرضك شحال حساس والاعصاب مامزيانينش ليك ... موهيم ، نخليك ترتاح بغيتي شي حاجة عيط ليا .. ودير فبالك بلي اي حااااحة فالدنيا كتصلح .. ماحد الروح كتطلع وتهبط فيك .. .. كوووولشي غايتصلح ..
جود : ( بحنية فعينيه ) الله يخليك ليا .....
خلاتو مبتسمة بقلق و خرجات حزينة على الوضع ديالو و مشات لبيت قدس حلات عليها وهي تبان ليها مكمشة ففراشها ... قربات لعندها بانت ليها ناعسة .. قاست فجبتها كان سخونة شوية ... عرفات غاتكون بايتة تبكي .. هادي حالتها ملي كتخاصم مع باباها .... خلاتها وخرجات باش تهضر مع ماماها فلخر رجعت خطوة للواراء من الاحسن تايهضر معاهم هو بلا مدخل هي .... ومشات لجناحها لي ماحليتها لجود ولا لقدس تفكر فيهم حتى كتنسى راسها هي كاع
غير دخلات تلاحت على السرير طالقة يديها ورجليها وكتحس بواحد العياء رهيب بسبب قلة النعاس دهاد الليلة .. وهو يبدا تيل يصوني شافت لقات صفاء طفات التيل وحاولات تغمض عينيها ....
بمجرد ما غمضاتهم صورة اصيل جات قدامها وهي تحلهم على وسعهم فالسقف .. هدا علاش تمركز فيها بهاد الشكل ! علاش استعمر دماغها !!! علاش ولا معمر عقلها لهاد الدرجة ؟! ...
ناضت كتأفف حسات بالنعاس طار ... كل مكايجي لدماغها كتحاول تفكر فحاجة اخرى . فللخر ناضت لدوش كاع .... كل مكتحاربو كتلقى راسها كتفكر فيه كتر ... تحت من الرشاش عاد مكانت البيئة منااااااسبة باش يجي لقدامها باوضح صورة .... ابتسامتو المتناثرة لي كانت قليييييلة .... الكاريييزما و جادبيييتو ... هضرتو و صوتو الرخم ... كل هادشي كان فكفة ... وزرقة عينيه فكفة اخرى ... زرقة لي كانت بحال البحر جامعة بين الهدوء و الثوران ...كايبان هااادئ ولكن يقدر يثور فاي لحظة .... عيون بأمواجهم المتقلبة ... بكتر ما ان الشوفة فيهم كتهدأ الاعصاب بكتر ما مافيهمش الثقة ...
خرجات من دوش وهي مزال شاردة كدابز مع ذاكرتها ... حلات بلاكار وهي تشوف لفوق الصندوق لي كانو فيه داك الحوايج لي شرا ليها ... بلا ارادة منها تبسمات فاش تفكرات اللقطة لي عنقاتو فيها ... وهي تقلب عينيها لساعة بانت ليها الطناش ونص ... بقات واقفة شحال كتفكر فلخر جبدات داك لابواط وهزات داك الحوايج كتلبس فيهم .....
عند لوؤي ...
لوؤي وصل سلطان لدارهم و مشا لكلينيك كايتسنى فرتاج ملي شافها تعطلات جبد تيل كايصوني عليها حتى قالت ليه انه جا عدنان داها ... عرف انه مكاين نصيب يتغداو مجموعين واضح فاش كايديها هو كايبغي يكلس غير هو وياها ... وهو يضرب الضورة ورجع .. جاتو من الجنة والناس باش يمشي يشوف لي شاغالة بالو هاد الصباح كاااامل ملي مامشاتش تقرا ...
كسيرا حتى للمنطقة ... يلاه داخل وهو يشوف طموبيل قسم خارجة وهبط الزاج ديالو
لوؤي : فين شاداها
قسم : نشم غير لهوا ...
غمزاتو ومشات والكارد تابعينها وهو ماكتراثش ودخل باركا كايقلب بعينيه بانت ليه طموبيل داسد مكايناش نهار الاثنين كايكون عاامر عندو فالخدمة ... دخل لدار وهو يلقى رجاء والمساعدات كايجمعو طبلة لي دالغدا لي واضح متقاستش
رجاء : سي لوؤي مرحبا بك ... تفضل
لوؤي : شكرا .. ماهنا حد !!
رجاء : هانتا كاتشوف حتى حطينا الغدا ، مدام لامار قالت عيانة خدات الغدا ودواها لبيتها ونعسات .. سي جود تاهو خدا غداه لبيتو ونعس . موسيو اسد علمنا انه عند مؤتمر فالرباط ... مادموزيل قدس ناعسة حتى هي مفاقاتش ....ومادمويل قسم خرجات بلا غدا قالت ماجيعاناش
لوؤي : قدس متغداتش !
رجاء : لا مابغاتش ...
خلاها وطلع فالدروج حتى لاشومبر ديالها ... بدا تايدق لقاها مجاوباتش وحل لباب .... بانتليه ناعسة و تحنى على السرير قاس جبهتها هو يعلي حاجبو .... هادي راها سخوونة بزاااف !! سخانة غير مزايدة كترتفع .... وبدا كايفيق فيها بجهااالة وخوووف
لوؤي : قدس .. قددددددس !! ( كايحيد شعرها على وجهها مخلوع ) قدس كتسمعيني .. شووووففي فيا ..
عيا يزعزع فيها مابغاتش حتى مشا اللون من وجهو .. بدا كايعليها بيديه جلسها و راسها كايطيح لجنب بانتليه سخفانة هو يضرب بعينيه على طابل دونوي بانتليه قرعة دللمهدئات شربات منها بزاف والنص مزلع .... راسو تقلب عليه هو يهزها كاملة فيديه ماعرف مايدير من غيرر يجري بها دغيا لاكلينييك قبل مايفكر فاي حاااااجة .. نازل كايجري فالدروووج بيها وهي تشوفو رجاء
رجاء : ( بهلع ) مدموووزييييل قدس !!!!!
لوؤي : ششششش .. ماتخلعييهمووش سكتي ....
خرج كايجري بها تالطموبيل دارها لور و زاد ركب كسيراا بيها لكلينيك صايك وكل مرة كايضور يفيقها وهي والو .. الخلعة كتاااكل فيه وضربات قلبو كايتزادو .... مقادرش تايتخيل انه تتوقع ليها شي حاااجة !!!!
عند سلمى ...
واقفة فالكوزينة كتنصب الغدا و حُسنى حداها مونساها ....
حسنى : نصاوب ليك انا لفطور ؟ دابا هو جا يحيح عليك تاني
سلمى : ( علاتعينيها لساعة ) مزاال كايدخل تالجوج هاد نهار قاليا غايتعطلو فالبحر ...
حسنى : اوا على هاد حساب غايكون فطر
سلمى : اختي نوجدو ونحطو ... فطر هو هداك مافطرش يلقاه .... اصلا كايشرب غير قهوة فصباح .. مكيفطرش بكري ..
حسنى : اوا اختي الله يصبرك مع هاد الشروووط والله يجبليك شي راااجل يهزك ...
سلمى : ممم زعما معاه غااانطفرو .. كيف كنطيب لخويا غانطيب ليه ... اللهم فخويا بعدا ... دعي تجي هو لي تهزو نتهنى انا ...
حسنى : شفتي البنات .. موجووووودات لي يشوف فيها غير بعينيه تبعو ... بنات درب اصلا كاملين مزعوطات فيه ...ولكن راه والله لاكملات معاه شي وحدة تا سيمانة بهاد الطبع ديالو .... هداك مغايتزوجش غا تهناي
سلمى : مالكي كالسة تعيبي ليا فخويا هاكا ... اييه صعيب ولكن راه سعدات لي طيح فيه يدمر عليها ويجبها ليها من فم السبع .. نفسو حاارة ومكيرضاش بالدل ويموت ويتقاتل عليها .. فين غاتلقى بحالو ؟ اش دير بلي يجر ليها كرسي لطبلة و فاول محنة يتخلى عليها ؟
حسنى : اودي سيري .. نتي لاجاك عريس بحال خوك تقبلي ؟
سلمى : صراحة لااا ... حيت انا عيت من العصبية .. ( تكات على لكونطوار وتبسمات ) انا بغيييت شي واحد يكوون هاااااادئ وتيحل المشاكل غير بشششوية وبالعقل .. وحنييييين . وضحووووكي ... ومافيهش داك السسسعرة و الاعصااااب لي كرهتهوم مع خويا ...
حسنى : مممم سااليتي ؟ ونوووضي وجدي الفطور لخوك نوووضي ابنتي خليني نمشي نكمل الصخرة لمي .. نعاوك فشي حاجة عاد نمشي ؟
سلمى : ( تنهدات ) آوووودي ... لا غير سيري غانعمر غير اتاي والكيكة و الملاوي وجدتهم لبارح ..
حسنى : ( جبدات ليها حناكها ) غييير قوليليااااا عينين رجااال فين هوووما لي مايجييوش عند هااد الحاادكة هااادي ... سعدااات لي يطيح فيك ياختي ... ياكل شهيوات ويتمنضر فهاد العوييينات
سلمى : اببببعدي مني تخلي ليا ليطراس فوجهي يدير ليا لونكيط .. خايبة تالمعاودة .... اختي دعي معايا نقرا ... زواااج ملحوووق ...
حسنى : ااااه حقا فكرتني .. مكملتيش ليا على بنت الاسماعيلي .... اش دارت نعاه
سلمى : من داك الليلة لي قتليك مارجعات .. وابسيف اصاحبتي البنت حسابتك مساالية ليا راه عندها اختي خدمتها وشغااالها .. راه لي عطاتني داك الوقت مابحالي حد ... وخويا راه يعصب لي ميتعصب راسو حجرة .. غاتكون ملااات
حسنى : ففففف اوا اش غانقوليك ... ربي يشوف من حالك .... يلاه انا مشيييت ايخرج خوك وندوز
سلمات عليها ومشات و سلمى رجعات لكوزينة توجد ليه فطور تاسمعات دقان وبدات تمسح يديها
سلمى : اش نسااات هااادي ... هاااانا جاااياااا ...
مشات لباب حلاتها
سلمى : نسييتي شي ... اااء .. ماادموووزييييل !!!!!؟؟؟
مصحة الحياة ...
غير شافو لوؤي داخل كايجري بقدس فيديه هوما يجيبو ليه السرير المتحرك حطها فيه ودخلوها وهو تابعهم ... تادخلوها لقاعة الفحص و منعوه يدخل ... بقا تما كايمشي ويجي مخلووووع و الاطباء شافوه جاوو لعندو
- سي لووؤي يااك لااباااس ؟؟؟
لوؤي : ( بتوتر ) بنت عمي .. بنت عمي ، خدات اوفر دوز من لي كالمووون ..
- مادموزيل آية !
لوؤي : للااا ( كيحك عى جبهتو كايغزل ) بنت عمي اسد ....
- تتتهدن متخاااافش ....
دخلو لداخل هو بقى تما كايمشي ويجي صدعوه غير بالاسئلة لان كلينيك د ماماه كولشي كايعرف عائلتهم كلهم كايتسائلو اش واقع .. حتى خرج دكتور جا بجيهتو ...
- تتهدن تتتهدن متخااافش
لوؤي : شنوووو عندهاا ها ؟ فاااقت ؟؟؟؟؟
- تهدن شوية ونفهمك ماعندك علاش تخلع ... المختص راه دخل عندها ... غايدخلوها دير غسيل المعدة .. غييير مدة قصصصيرة وهاهي مزيانة .... حمد الله ماخداتش جرعة كبييييرة بزاف .. واش عندها شي مششكل ؟؟؟؟؟
لوؤي : ماااعررفتش ( كايرد شعرو لور ) ماعرفتش .... دابااا امتى غاادخلووها
- غايكونو دخلوووها .. ماعندك منااااش تخاف ... والديها فخبارهم ؟
لؤي : لا بلا مانخلعوهم حتى تفييق ..
- داكوغ .. وصل ليهم متمنياتنا بالشفاء لسي جود ، قرينا الاخبار وتأسفنا بزاف .. بنسبة لمادموزيل نص ساعة غاتكون فااشومبر ديالها .. والطبيب لي مختص يشرح ليك حسن ....
خلاه ومشا ولوؤي عاد كلس شاد على راسو ... فين غادي توصل بهاد الخفة كاملة وهاد التهور .. كتبانليه كتخرج على السيطرة بمرة ... زيير على سنانو ملي تفكر ان داك المدرب هو السباب فكولشي ... كايهزوه الجنون يمشي يقتتتلو ماباغيش يتهور ويدير لي يندم عليه لان الامر داخلة فيه حتى خدمتو دابا ...
بدا تيليفونو كايصوني غير شاف نمرة شد على راسو .. وبدا كاتحنحن يقاد صوتو وجاوب ..
لوؤي : مرات عمي
لامار : ماااااال بببنتي فييييين قدس
لوؤي : متخلعيييييش عافاك .. راها لااااباس غير سخفاات وهاهي دابا مزياااانة غي متخلعيش
لامار : اويييييييلي على سخفاااات ... فيينك نتاااا
لوؤي : راني فكلينيك ..
لامار: اششمن كلينييك
لوؤي : دالوالدة ....
قطعات عليه وهو رجع راسو لور متكيه على الحيط ...
ولامار كاتمشي وتجي وكاتقلب فجنااابها وماعارفاش علاش كتقلب بالخلعة والدهشة
رجاء : مدااام تهدني عافاك .... نفيقو موسيو جود ؟
لامار.: لااا للا لا خليه .. ماتخلعو حد تانشوف اش واقع ... فيين صااااكي
جابتو ليها واحد الخادمة : تفضلي آمدام
رجاء : نعلمو مووسيو اسد ؟
لامار: ببنتي .. بينتي ( كاتلبس شالها وترعد) ببببنتي غاتمشي ليااا بننتي .... ماااديرو والو ماتعلمو حد ...
لوات شال مبعثر وخرجات كتحري وشيفور حل ليها لباب ومشات ...
قسم علات يديها بحتية و ضحيكة واسعة
قسم :سلااااام ...
سلمى حلات فمها بالفرحة وطارت عليها عننقااااتها و قسم كانت قريبة طيح كون ماشدات بيديها
سلمى : ( رجعات كاتشوف فيها والفرحة واضحة عليها ) يلااااااه كنت كنهضر عليك انا وصاحبتي ( حزنات ملامحها ) حسااابتني مغااترجعيش مزاال ...
قسم : ( قربات عندها ودارت ليها شعرها مور ودنيها بحنية ) بنت ااسماعيلي لاعطات وعد كتوفي بيه حتى اللخر ....خووك كاين ؟
سلمى : لاااا... ولكن دابا هووو جااا .... زييدي دخلي ماتبقايش فلباب ...
جبداتها دخلو وقسم داخلة كتشمشم بنيفها ..
قسم : مممم .. اش كتوجدي
سلمى : (باحراج ) العدس .. ح حيت ... حيت ليوما كايجيب خويا معاه الحووت وكايتواتا مع العدس
قسم : ريييحتو كاتشهي ....( كلسات ) قولي ليا.. شكون علمك طيبي ؟
سلمى : صرااحة راااسي .. ملي وعيت براسي ونا لي خصني نطيب ... لي متنعرفهاش كنسول عليها . وتا خويا علمني بزاف دالحوايح
قسم : كاايعرف يطييييب ؟؟؟
سلمى : شششوية .... مسلك راسو هههه
قسم : ( قادات الجلسة ) ماجدبش معاك موضوع الدراسة
سلمى : لااا ... ( كتفرك يديها مع حوايجها ) من اخر هضرة دوينا فاش سيفطتليك الميساج ..
قسم : راااسو شحال قاااسح
سلمى : مادموووزيل والله حتى حشمانة منك بزاف ... شوفي بلا متعدبي راسك ... خويا انا عاااارفة طبعووو .... راه مغااايبغييش
قسم : ونا قتليك الاسماعليين مكيرجعوش فوعوودهم ... غاتقراااي هي غاااتقراااي ... والى كان خوك راسو قاسح انا مغانتخلاش ...غانبقى تانرطبو ليه ... عائلتي علماتني نصلح الحاجة العوجة بلاصة منلوحها ...
سلمى : ( ببصيص امل ) يقدر يقبل زعما ؟؟؟
قسم : غااايقبل ... وحتى الى ماقبلش ... غانبقى كل نهاااار دايرة ليه الضجييييج فمخو مايتهنى مني حتى يقبل ...
سلمى: والله ما عرررفت كيييفاش نشكرك على هادشي لي كاديري معااايااا
قسم : شكريني بشي نوووط زوييينة وشي مستقبل كايحمر الوجه ...
سلمى : قولي لياا شنو تششربي ها ؟ لقيتي غانوجد اتاااي لخويا .. كاتشربيه ؟
قسم : ( بطنز ) لا انا جايا من لاندوشين .. شنو هو اتاي
سلمى : ههه هاانا غااانوجدو ..
ناضت سلمى وقسم تاهي وقفات كاتشوف مع الدار دايرة يديها فجيابها وتبعاتها لكوووزينة ...
قسم : كيييف كتحسي براسك فهاد الدار اسلمى مم؟
سلمى : ممم .. عااااادي هههه .. كنحس بشوية دالحبس صراحة
قسم : بالعكس .. تخيلتيك غاتكوني كتحسي براسك ملكة هنا .. باش تكون عند دار دافية بحال هاكا وكوزينة صغيرة وغير نتي لي تتحكمي فيها .. مرتباها كيف بغيتي نتي ... وتاطيبي فيها لي بغيتي نتي .... فشكل
سلمى: ههههه نوعا ما اه .. مرتاحة حيت مكيتحكم معايا حد فيها .... ولكن راه كاين وزارة الداخلية فوق مني كيآمر هههه خصني نفد ليه الاوامير
قسم : هداك لقاك درويشة وداير مابغا ...ولكن ماشي مشكل لاكان كايتهلا فيك حتى نتي تهلاي فيه ... ( شافتها كتجبد المقراج ) اش اديري بهاداك
سلمى : غانطيب لما لاتاي .. .
قسم : ( بدات كترمش مدة وهي تنطق ) عطييهيلي نطيبو انا
سلمى : ( حلات عينيها) كاااتعررفي !!!
قسم : ( علات راسا لفوق ) اووفكورص .. يغلبنا اتااي حنا !!!!
سلمى : هههه ... الله آودي .... الى بغيتي هاكي علاش لا
قسم : ( شدات عليها المقراج كتعمر لما ) جا زوين ديالي ... جا خايب ماشي ديالي
سلمى : هههه مشااااات الااالة ....
قسم : ( عمراتو بالما وشافت عندها ) نديرو يطيب دابا ياك ...
سلمى : ااه انا نشعل ليك البوطة
شعلات ليا سلمى وقسم حطاتو كاتشوف فالمقراج وكاتشوف فيها
قسم : دابا .. هاهو كااايطيب .. اتاي انا كنعرفو ماشي مكنعرفووش .... ولكن مافيها باس لاقلتي ليا فاش غايطيب هاد الما آش ندير ؟ مافيها باس ياااك
سلمى : هههههه ... هانتي غانعللمك ، شوفي .... البراد هاهو .. غاديري فيه اتاي جوج معالق صغار .. و السكر ... ملي يطيب لما خويه عليهم و ديريه فوق عافية مهييييييلة تايتشحر مزياااان ... منبعد غسلي نعناع وزيديه وطفي صااااافي
قسم : هادشي كااامل ! .. واخا .... اجي ماعندوش شي ماشين بحال قهوة لا !!!
سلمى : تالهنا هدا عليا ههه مزال ماتختارعات يمكن ، ولكن لعطيتيهم الفكرة تنجح هههه
قسم : طنزي طنزي ...( ضارت كاتشوف فالبراد) هنا ندير اتاي وسكر ؟....
سلمى : ااه هاهوما فبلاكار هنا حداك ...
حلات قسم البلاكار هوما يبانو ليها قراااعي كل واحدة اش فيها ... السكر عرفاتو جبداتو ولوخرين بقات مصغرة عينيها فيهم ... وسلمى كتقطع الكيك ...
اصيل حل لباب هاز فيديه الحوت و التقضية ... دخل ولاح سوارت على الطبلة و بدا كايشمشم بنيفو .. هاد البرفان ماغريبش عليه .... سمع لهضرة فكوزينة وقرب كايشوف ....
قسم : سلمى ...ماضحكيش عليه ولكن اتاي كيدااير ؟؟؟؟ غاوصفيه ليا نعرفو ...
سلمى : هههههه .. صبري نوريه ليك صبري ( قربات عندها ) هااااهو ( جبداتو) هدا هو اتااي حبوب
قسم : اااااه .. راااه كنعرف كنعرف غير مبانش ليا
سلمى : هههه ااااه مع القرعة ديالو دالزاج كااااع ماكتبينو ...
قسم : ضحكي عليا ضحكي .... نديرو فبراد ؟
سلمى : ااه ديري جوج معالق ..
قسم : صااافي دابا فهمت غيييير سييري .... راه قتليك مغايغلبنيش اتاااي ... هاد نهااار داك المفرررعن د خوووك غايشرب احححسن اتاي كاين فالدنيااا
اصيل : ( حط الميكات على الكونطوار هومااا قفزوو وخاطب قسم ) داك خوها .. سميتو اصيل
قسم وسعات عينيها وسلمى جاتها الضحكة على ملاحها كيف ولاو حابساها بزز وهو غير حط الميكات وخرج وقسم شافت فسلمى
قسم : المفرعن غايكون سمعها ياك ؟؟؟؟
سلمى : مدامو سمع داك خوها غايكون سمعها حتى هي .....
قسم : .. مزياااان ... مالها اش غايخرج منو كاع ( ضارت لقرعة دااسكر كتخووي وباالها كوولو مع هاد القفزة لي دار ليهم مادراش لبال لشحال كتحط فبراد ...) نعرف بنادم الطبيعي كاااايدير الحححس
سلمى : شششش .... غاايسمعك
قسم : على بقى مايتخبى ..( علات راسها بزربة ) من امتى وهو هنا
سلمى : غايكون عااد جا ...
قسم: ( كتخوي فالسكر مفقوصة ) كنصاوبو ليه اتاااي عااااد زايدها بالنخفة ( كتعيبو بصوت غليض) سميييتووو اصيييل ... اييييه ومننبعد تانا سميتي قسم ونتي سميييتك سلمى و جدة سميتها رقية ... عرفنا عندك سمية ومنبعد ...
سلمى : ( مخلطة ليها الضحكة و الخلعة ) الما طاب ، طاااب .. غير عمري
قسم : باش عرفتيه طاب
سلمى : وسمعي راه كايغلي
ضارت عندو قسم تهز المقراج وهي تغووووت باعلى صووووتها ... اصيل كان فبيتو كايبدل يلاه كايحيد تيشورت هو يسمع الغوتة وهبط كايجري هاكاك عريان غير بسروال ...
سلمى : ععععع ويييييلي هزيتيييه هااكاك ( شادة ليها يديها لي ولات حممممرة وقسم كتتتنقز بالحريق ) د ديري فالما ....للااا لا ماشي لما ص صبببري نجيب لييك للل
يللاه كاتهضر هو يدخل اصيل بززربة بانتليه قسم شادة على يديها وسلمى معاها كتفتف وهي مزيرة عينيها واضح كتألم .....
اصيل : اش وااااقع ... ( شد ليها يدييها كايشوف ) تحححرقااات ؟؟؟
سلمى : ( بخوف ) اااه هزات المقراج بلا حتى شي حاااجة ..
اصيل : ففففف اش داااك لشي كوزينة اش داااك .. اجي لهنا .... سلمى جيبي بوماض الحريق هاد البنت شي نهار تموت لينا هنا ..
قسم : ( بحر الحريق ) تمووووت نتاااااا نتااااااااا
اصيل : واغيي زيدي زيدي ...
داها لصالون كلسات وهو شاد ليها يديها المحروقة وهي كتبكي بالحريق
اصيل : ححلي .. حلي يديييك غير نشوووف
بدات قسم كتحل ليه يديها لانها محروقة فكفها وهي تبان ليه حمممرة ولكن ماشي شي حااجة بلييغة وعلا عينو فيها
اصيل : وصافي باركا من فشوش ... ماشي شي حااااجة
قسم : ( بالغوات) سييير دييير يدك فيييييه ووشوف
اصيل : فااش؟؟؟؟
قسم : داك العججب لي سخنت فيه لماا
اصيل : و انا قلت ليك قربي لييه ؟ واش نت بعقلك غاتهزييييه بيديك معارفاهش سخوون ؟ ...
جات سلمى كتجري هازة بومااضة
اصيل : حححلي يديييك
قسم : لاااااا لاا غاتحرقني
اصيل : واااحلي ماااغاتحرقكش .. حلي
قسم : لاااااااا غااااتحرق لاااا
اصيل : دابا ننتي شحال فعمرك شحال ... ححلي .. ( بغوتة) حححلي يديك ...
بدات كتحلهم بزز عليها كان كفها وصبعانها حوومر وهو حل لبوماضة كايدهن ليها وهي عضااات على شفتها بالحرييييق ماحساتش براسها تااااعضاات فكتفوووو بجججهد تازير على عينيييه وسلمى شدات على فمها ...
اصيل: ( بين سنانوو كايتحرق ) مجعوورة .. ططططلقي
قسم عاضة فيه بكل قوووووتها غاكير ليه الجلدة ..وهو كايدهن لييها يديها وصاااابر بزز .... تاساالا عاد بعدات منو كتننهج
قسم : ييييييييدي
اصيل : صااافي هاهي غاتبرا ( تايتحررق فكتفو ) سنااان هادوك ولا شنووو عندك تما
قسم : رااااه تخرررقني ...
سلمى : انا غااانجيب البانضة صببري هاهي غاتبرد ليييك دابا متخاافيش ...
مشات سلمى تجيب بانضة وهو باقي شاد ليها يديها عندو كايشوف معاها
اصيل : الدموووع كاااع،!!!!
قسم : ( كتمسحهم باليد الاخرى ) كاااتحرررق
اصيل: بزااااف !!!
قسم : ممممممممم ...
اصيل كايشوف لحركاتها الطفوليين ماعارفش علاش فهاد اللحظة وهاد "امممم" لي قلت بهاد الصوووت الطفولي ونيفها وعينيها اللحوومر حركو شي حاجة فلداخل ديااالو .... خصوصا ملي كايتدكر انها كانت كاتصاوب اتاي ليه ... حس برررغبة قوية انه يشدها عندو يحظنها بقققوة ومعارفش علاااش!!!! و رجع نفض راسو من هاد الافكار وحط يديييها وناض وقف بعد عليها ...
اصيل : (كايحك فشعرو بتوتر ) هاهي غاتجيب ليك سلمى البانضة شوة غاتبرا ليك ..
طلع فالدروج هااارب من الاحساس لي جاه فجأة ودخل دغيا لدوش حل الما كايررش وجهو حس براااسو تخخخنق ...فلحظة مكانش غايحس براسو وغايحضنها ... ورجع دغيا تحكم فراسو وبعععد .. جاتو واحد الرغبة لاتطاق انه يجبدها لعندو بسبب حركاتها الدلووعين ...
سلمى جابت ليها البانضة وهي نيفها تروح بالبكا .. ودارتها ليها فيديها بسيييف مع الغوات ديالها وخوفها
سلمى : ااااربي وقتااااش ماجيتي لهنا كاتعطبي .... غييير سمحي لياااا نكانش عليا نخليك تهزي المقراج
قسم : ( كتسوط عليها ) مااااعللليش صافي دازت ... ففففف
سلمى : راه هاد البوماضة مزياااانة هانتي شووووية مغاتبقايش تحسي بيها كاع .. تاسيكاطريس مغايبقاش ....انا رااااه ديما خارقة يدي مرة مع الفران مرة مع البووطة مرة مع الزيت هههه هادي هي الكوووزينة ...
قسم : ( عاد سرا معاها البلان وشافت فيها ) اويلي عضييييت خوووك !!!!!
مصحة الحياة
مكتب الدكتور
لوؤي ولامار جالسين فالبيرو مقابلين مع الدكتور ولامار غير كتبكي على هاد الحالة ... و لؤي مركز معاه
الدكتور : المراهقة راه سن صعييييب .. المراهق كايكون متهور وكياخد قرارات بدون ميكترث للعواقب... والمشاكل ديالو واخا غايبانو لينا حنا الكبار تافهين بنسبة ليه هو راه كبار .. يقدر ينتحر غير لا دار شي كوپ لشعرو وعيبوها ليه فاللييسي ... حاولو متستاهنوش بمشاكلهم ... راه بالنسبة ليهم كباااار ... حاولو توقفو معاها فهاد المرحلة من عمرها حتى دوزها بأمان واقل الاضرار ...
لامار : ( كاتمسح دموعها ) كانت عيني عليها ... غير الاكسيدون لي درات لخوها قلبات ليا المجاج ...
الدكتور : حنااااا عارفين وعارفين تالمسؤوليات لي عندكم نتي وسي اسد.... ولكن الولاد راه صعاااب فهاد السن الله يعطيكم الصبر ويزيدكم ....
لوؤي : امتى تفيق
الدكتور : واحد سااعة هاكاك ... الحمد دازت على خير ردو معاها لبال فالايام جاية ومن الاحسن هاد المرحلة يكون معاها شي حد مايفرقهاش يحاول يقلب على الحوايج لي كايعجبوها وتاترتاح فيهم ويعمر ليها جميع الفراغات لي يخليوها تفكر فحوايج قباح .... واش فايتة مرات من الاكتآب ؟
لامار : اااااالا .. بنتي حركية وحيوية ونشيطة ... وحتى دابا راه ماعندهاش اكتآب... بالعكس عايشة حياتها عادية غير شي مشاكل بساط وصافي ...
الدكتور : اخطر اكتئاب هو لي مكايبانش امادام .. كاتشوفش الشخص عايش عادي ولكن مع نفيستو راه مامزياانش ..... قلبي فين عندها الخلل وفين عندها النقص ... راه مايمكنش مراهق يوصل لهاد المرحلة انه ينهي حياتو غير هاكاك
لامار :اعود بالله من الشيييطان الرجييم ( كتنهد ) شكرا ادكتور ... طلعوها لشومبر ديالها ؟
دكتور : وي طلعوها تقدرو دخلو عندها ...
لامار : منوصيكش ادكتور على سرية الامر عافااااك ...
دكتور : متخاافيش راحنا عارفين لي كاين
يلاه غاينوضو وهي تحل الباب بزربة كانت رتاج لي غير دخلات لكلينيك قالو ليها الخبار ...
رتاج : لااامار ...يللااه سقت الخبار كيف بقاااات
لامار : (بقلة صبر تلاحت عليها عنقاتها كاتبكي ) لبارح كان غيمشي لياا ولدي ودابا كااانت غاااتمشي ليا بنتي ..غاااانحماق ارتاااج غاانحماق ...
رتاج : شششش تهدني بشششوية عليك
لؤي وما لماماه تديها تهدنها وهو خرج طلع فالسانسور حتى لطابق فين كاينة وحل عليها لباب ... كانت مستلقية بكسوة ديال الطبيب و سيروم فيديها وشعرها داروه ليها فالجنب مطلوق حداها .....
دخل بشوية بدون مايصدر شي ضجيج يفيقها وجر كرسي جلس حداها ... دار يدو فجبعتها يتأكد من سخانتها ، كانت نزلات .. وبقى غير كايشوف فيها ويطالعها مطووول الشوفة فعينيها وملامحها كيفاش دابلييين .... شابة فسن الزهوررر تدبلها المراهقة لهاد الدرجة ؟... تمنى لو كانت كتحل قلبها لييه وتقوليه اش كايضرها .. تمنى لو كانت كتكى على كتفو ملي ضيق بها .. هو عارف راسو مكيعرفش يواسي و مكيعرفش يهضر زوين ومكيعرفش ييبين حناانتو .. عارف راسو حتى هو خدمتو داية ليه نص وقتو .. ولكن كون تطلبو بكلمة وحدة غايخلي كولشي ويجي لعندها يلبي ندائها ويسمع ليها حتى لصبااااح .....
هز يديها عندو بشششوية بااسها فكفها مطوووول ... وهو كااايواعدها انه مغاايبعدش عليها حتى دقيييييقة ......
عند جود ...
يالاه كايفيق من النعاس دماااغو مرون .. مولف يفيق على هاد الارتجاج بحال هاكا ... مدة كايقاد افكارو ويتفكر المدة الزمنية لي هو فيها هاد تفكر رراسو ... وناض بشوية لدوش كايعرج برجليه غسل وجهو وواضحة كمية العياء لي كاينة فملامحو ... علا راسو كاشوف فالمرايا ولحيتو كاتقطر بالما ... علاش حياتو غادة للاسوء علاش كل مكيضن كايصلحها غير مكتزيد تخرب فوق راسو .... خرج من الدوش ومشا لسرير كالس مدة شاد على راسو .. ماقدرش يرتب افكارو حاس برااسو كايتشتت بزاف ومقادر يوصل لحتى شي قرار ، خصوصا التوتر مع حالة المرض ديالو كايقضيو عليه وكايفقد التركيز بمرة ..... حاس براسو محتاج يبعد بزاااااف باش يقاد افكارو ويعرف منين يبدا هاد روييينة لي طرات ليه ..... واش يبداها من المنافس ديالو ... ولا من موناكو ليغاتكون قصاتو .. ولا من باباه و لا من ماماه .. ولا من عمامو ...
ناض لبلاكارو حلو وجبد كارطابل ديال الضهر عمر فيها تيشورتاتو وبعض لي ڤيست وشورطات وسراول كاع لي يحتاج وهزها داز لدوش يهز برودويات تاسمع دقة فالباب و تحلات ... طل من دوش يشوف شكون داخل بانتليه ماجدة حطات صاكها وجات عندو بزربة عنقاااتوو وهو تنهد بمعنى هادشي لي كان خاااصني
ماجدة : متصوووووورش شحال تخلعت فاش شششفت الاخباااار ( جات قدامو شدات فوجهو ) يااااك نتااا بيييخيرررر
جود : بييخير بيخرر ...
تخطاها وداز يحل على روكسي وهي تجي عندو تاني عنقاتو منلور
ماجدة : شنو كان غايوقع فيا لاوقعات ليك شي حاجة
جود حيد ليها يديها وضار عندها
جود : هانا واقف قدامك مواقع والو لا ليا لا ليك غير تهناي ....
ماجدة : ( شدات فوجهو هو كايهرب وجهو كتققنطو بيديها ) باااش كتحس ... تبغي شي مااساج تبغيني نخفف عليك
جود : ماجدة الله يرحم باك والله ماا وقتك وماعندديش الخاااطر ليك .. خرجي
ماجدة : هااء ؟ كيييفاش خرجي كيفاش غانخليك فهاد الحاالة بوحدك
جود : مال هاد الحااالة ( علا يديه ) اش وااااقع ...كيف بنتليييك .... سيري بدلي ساعة باخرى الله يرضي عليك
ماجدة : لا انا ماان
(قاطعها بالغوات تاقفزات )
جود : واااقااااااودي عليا وااااش بقيييتي لليااا غييير نتي .... قووودي عليا
ماجدة معاوداتش لكلام ، هزات صاكها وخرجات كاتجري خافت يجمع معاه ببشي رككلة كتعرفو ملي كايوصل لهاد الحالة ... وهو تبعها تامشات وزدخ داك الساكادو قلبات ليه المجاج ....
مشا حل على روكسي لي غير حل عليه نققز عندو طيحو للارض ... وكلس هو وياه فالارض كايمشط عليه على الفرووو ديالو ويشمشم فيه وروكسي بلفررررحة مكيزگاش
جود : ( خاشي وجهو فوجه روكسي ) مااالناا هممم ؟؟؟ باغي دااابز ... ( كايهرب وجهو ) فهمنا فهمناا تاحنا تووووحشناك ..... تمممشي معااياااا .... نمشيو نقووودو منهنااا .. غير لنا ويااااك وشي غااابة ....
روكسي غير كايتخشا فيه وهو ناض لبس الفيست ديالو وكلس على السرير كايلبس الگاط وهز الساك ديالو وسوارتو وتيليفونو ولبس كاسكيط بالمقلووب وجر روكسي مع رجليه وخرج واخا باقي كايعرج برجليه ولكن مامحتاجش بزاف للعكاز ... وصل للكاراج ديال طموبيلاتو مشا لجيپ هي لي تنفعو للبلاصة لي ماشي ليها ... ولاح روكسي لور وصاكادو ديالو وزاد مشا ....
عند قسم ....
سلمى : شوية دابا ؟ ها !!
قسم : ( كاتحرك يديها ) وووي ... مابقاتش كتحرق كيف لووول ....
سلمى : رتاااحي انا غانحط الفطور ونجي ومايبقاش فيك الحال البراد غانحطو كيف عمرتيه نتي هههه ...
ناضت سلمى لكوزينة عمرات لما فداك البراد لي عمرات قسم ودارتو فوق البوطة .... وبدات توجد فطباسل وتحط على طبلة وقسم بالها غير مع يديها مايبقاش ليها لاطراس حيت هاد المرة باباها مغايدوزهاش ليها ... مرة لولا تكريسات تانية نفخات جبهتها .. دابا غاتمشي ليه بيدها محروقة عمرها تحلم تحط رجليها هنا ....
اما أصيل دوش وبدل عليه ونزل فالدروج ..
نزل لقى سلمى حطات فطور وقسم مشغولة غير مع يديها كتطل عليها واش مكتبانش الحرقة .... وجر سلمى لكوزينة
اصيل : امتى جات
سلمى : شي ربع ساعة قبل ماتجي نتا
اصيل : مقالتش علاش جات تااني !!
سلمى : ( بخوف حركات راسها بلا )
خلاها وزاد لطبلة جلس بعيييد عليها هاد المرة وهي طلع راسها مشغولة غير مع يديها
قسم : مغااااتبقاش تبان الحرقة ياااك
سلمى : ( كتخوي اتاي ) لااااا مغاتباااانش والله ... حمد الله جاتك خفيفة ودغيا نترتي يديييك ....
قسم كتعلي داك الفاصمة وطل وسلمى خوات ليهم اتاي وجلسات متوترة فاش كايكون اصيل .... اما قسم مكايناش فداك العالم الحرقة نسااتها تاني علاش جات ....وسلمى بغات تستملح الجو
سلمى : مادموز ( رجعات سكتات باش ماتقوليها فضحتني حدا خوك ) ق قسم ... خووودي كاسك ... غاتشربي اتاي ديالك هاد المرة
قسم عاد تفكرات وطلعات راسها كاتشوف فيهم شكون لي شرب تقرا رياكشن ديالو كيف جاااه ... بانليها اصيل لي غادي يشرب غير دارو ففمو وسع عينيه ... مبغاش يسرطو .. وهي كاتشوف معاه .... بزز بااااش سرطو وحط الكاس دوووخووو ..
قسم : ( بحمااس ) زوييييييييين !!
اصيل : ( تايكح حرقو فحلقو ) ااحم ... اا .. زوين ... زوييين ... غ غيير شوية مسوووس
سلمى غير كاتشوف مفاهماش وقسم من ملامحو واااااضح انه مازوييينش
قسم : و ولكن علاش كتكح ( هزات كاسها شربات منو وهي تطرطق عينيها وسرطاتو بزز جاتها البكية )
اصيل : اااحححم .. ( كايسرح حلقو سحقو بالحلاوة ) واقلة كاع اش لقيتي دالسكر فالكوزينة درتيه ....
قسم : ( هزات كاس دالما كاتشرب وسلمى كاتشوف معاهم ) وو .. م ماعرفتش .... نااااااري كاااايسسسحق ... هدا ماشي اتاي هدا ....هذا كراااميييل
سلمى : حلو بزااااف ؟؟؟؟ .. ناااااري الغلطة ديالي انا لي كبيت لماا ومارديتش لبال شحال كان فيه داالسكر
اصيل : نوضي صاوبي واحد اخر
قسم : ( شداتها ) لااا علاش غاتعدب البنت تصاوب وااااحد اخرر
اصيل : ( ربع يدو ) وشنو غانشربو
قسم : شششرب الما ...
سلمى : اا لا ..لا غانصاوب واحد اخر مكان لا عداب لا والو اختي بالعكس ... باركا غير غاتفطري معانا ....
قسم يلاه غاتجاوب هو يصوني تيليفونها وهزاتو شافت الرقم
قسم : سمحولي واحد دقيقة ...
بعدات حتى لكولوار لي تايخرج للباب وجاوبات بالحس يلاه غاتنهال عليها صفااااء وهي تقاطعها
قسم : ششششش تاكلمة اخرى ... الرونديفو لي كتبت ليك خديتيه ليا
صفاء : اءء ؟ .. و وي مادموزيل خديتوو ..
قسم : وصيتهم على اش قتليك
صفاء : وصيتهم قتليهوم يديرو راسهم مكيعرفوكش شكون .... واش كاين شي مشكل مادموزيل... علاش هاد زيارة
قسم : مادخليييش راسك فكولشي اصفاء .. عندي شي حاجة سميتها خصوصياات ..
صفاء : وولك ...
باقي مكملات كلامها قسم قطعات تيليفون و دارتو فجيبهاا لور ودخلات كتفرنس
قسم : اااء .. خاصني نمشي عندي شغاال ضروري ( شافت عند اصيل ) ممكن توصلني ...
سلمى وسعات عينييها حيت عارفاها بطموبيلتها علاش غتطلبها منو... وهو غير كايشوف فيها ... ورجع تنهد ووقف ...
وقسم غمزات ل سسلمى لي مافهمات اش كايضور فعقلها ... هز سوارت الموطور وخرجو هي وياه ... خرج الموطور لبرا وعطاها الكاسك ركبات موراه ... هاد مرة شدات ليه غير فالفيست ...
اصيل : فيين ! للخيرية تاني
قسم : هههه لا ... خرج لطريق الرئييسي انا غانبقى نعت ليك ...
زاد بيها واخا دازت حدا طموبيلتها وطموبيلات ليكارد ولكن ماردوش ليها لبااال بالكاسك.... زايد بيها وهي كتوريييه الطرييق منين يدوز ومنين يدخل ومنين يخرج وهو مسااايرررها ... مرة مرة كايلوح عينيه فالمرايا عليها كاتبان ليه داك الابتسامة لي سحراتو نهار شافها اول مرة فالصورة ... وشعرها لي طاير تحت الكاااسك ... وعينيها الغزاااليّين اللامعييين ... وجه طفلة بكل برائتها ....
حتى وصلو للوجهة لي بغات ووقفاتو ونزلات كتحيد الكاسك وتسرح شعرها وهو علا عينيه كايقرا الپانو .... كانت جمعية دار الارامل و المطلقات والامهات العازبات ..
بقى غير مصغر عينيه هادي اش جايا دير هنا ... وهي تمد ليه الكاسك
قسم : نززل
اصيل : فيين غانزل ؟
قسم : بغيتك دخل معايا ....
اصيل : مريضة ولا مالك اش دخلني انا لهنا !!
قسم : عندي زياااارة بغيتك دخل معايا مالك ااش فيها ؟
اصيل : نو ماعندي تا علاقة بهادشي ... واش نمشي ولا عاد نتسناك هنا ! مافهمتش اش بغيتي بضبط
قسم : نوووو غاااتنزل معايا .... ( بدلع ) بغييييتك دخل معايا .... عااافااااك
اصيل : اش غااااندير هنا مافهمتش
قسم : وغيييير نزل .. زيارة خيرية وصافي .. نتا غي نزل معاياااا
اصيل موكل امرو الله حبس الموطور وجنبو لجنب .. وحيد الكاسك ودخل معاها كايسوط مفاهم والو ومقدرش يرجعها فوجهها ... لي فلباب متوترين ماعرفوش كيف يديرو يتعاملو معاها بعد ماوصاتهوم صفاء مايبينوش انها شخصية معروفة ... ابتسمات ليهم ودارو راسهم مكيعرفوهاش ودخلات ...
قسم : هانتا خسرتي شي حاجة !
اصيل : مافهمتش اش كندير هنا ... بصفتي اش غانجي لهاد البلايص ؟
قسم : هاد البلايص دارو باش نجيو ليهم ...باش نشوفو الاخطاء لي داروهم ونتعلمو منههم ... باش نشوفو عيشتهم ونحمدو الله على عيشتنا باش نعاونوهم الى لقدرنا ... باش نكونو ليهم العائلة لي معندهمش ولي مكيزوروهمش هنايا ..
اصيل :اش دخلني انا فاخطاء المطلقات و الارامل ابنت الناس !!
قسم : نتا غير جاااااي معايا .... ليوما عندهم جلسة مع واحد الكوتش بغيت نحضر ونسمع ليهم .. وجبتك معايا ...
اصيل : غيييير عفيني ... اش غانسمع انا لمشاكيل دعباد الله .. نااقصهم !!
قسم : دابا مال راسك قاسح ... طلبتك طلب ماتردوش فوووجهي ... يااالااااه
جراتو من يدو وهو غي تاتقييسو بحالا كايضربو ضو .. تابعها بلا هواه حتى دخلو لداك القاعة و و ومات بعينيها ليهم باش غير يكملو حيت كانوو بداو .. كانت كوتش دايرة كرسي فالوسط وحداها كرسي اخر .... والنساء لي داخلين فهاد الجلسة كراسى ديالهم ضايرين بيهم على شكل دائرة واللور كراسة دالمتفرجين وجرات كرسي هي واصيل جلسو ....
الكوتش: مزيان دابا سمعنا لحبيبة .... دابا الدور ديال اسماء .. اسمااااء تفضلي .....
جات اسماء للكرسي لي قدامها وجلسات ...
الكوتش : حالتك الاجتماعية هنا فالدار اا اسماء
اسماء : مطلقة ...
الكوتش : عندك وليدات
اسماء : جوح بينات .. مربين هنا نييييت الله يكتر خير هاد الجمعية ....
الكوتش : شنو مستواك التعليمي
اسماء : غير حد السااادس الالة .. دارنا مبغاونيش ندخل الاعدادية
اصيل فهم قسم اش كادير هو ينووض وشدااتو من يديييه كاترجاه بعينيها يكلس ... وهو مزير على سنانو بعنى اش هاادشي !!!!!! ....
قسم : ( بالحس ) كنواااااعدك .... من هاد النهار مغاتعاود تشوفني مزال قدامك غيييير گلس وسمع ...
اصيل : ( هبط راسو عندها بعصبية وبالحس ) فييين كنعرفك اناااا ...... فين كنعرفك تادخلي راسك فحياتي لهاد الدرجة ؟
قسم : طلبت منك غير تكلس .... وعد مني منبعد مانخرجو منهنا القرار لي بغيتيه انا معاااااك فيه .. وعد منعاودش مزااااال نجبد ليك هاد الموضوووع .. ( بترجي فعينيها ) كلس .. مخاسر والو ...
الكل تلفت ليهم فاش سمعو هضرتهم لي بالحس ولي واضح اصيل معاجبوش الحال .. شاف كولشي كايشوف فييه وهو يتنهد وجلس محرج ...وقسم تبسمات وومات ليهم يكملو ... واصيل بحالا كاااالس على الجمر ... فامكانو ينوض دابا يخرج .... ولكن ماعرفش علاش ماقدرش يرفض ليها طلبها و ترجيها ليه ... فنفس الوقت كايقنع راسو انه هادشي فصالحو باش متعاودش تبان قدامو مزال ...... والحديث ديال الكوتش والضيفة ديالها كايتسمع بسبب الهدووء لي فالقاعة ...
الكوتش : اهاه .. مادرتي حتى شي تكوين منبعد ؟
- لا حتى شي حاجة ... كبرنا على داك الهضرة ديال البنت مايجمعها غير الزواج ودارها وراجلها ... عيب عندنا البنت تخرج تخدم ...
ضيفة اخرى : وتدل فدار الراجل ماشي عيب ! اقصى مايمكن يقدمو الوالدين لبنات لي ماقراوهمش على الاقل يختارو ليهم زوج بعناية
- حنا دارنا الراجل لول لي دق الباب قالو بسم الله ...واخا كان كبير عليا .. قالو ليا الراجل عيبو جيبو ... وسيد لاباس عليه ومايخصك خير ....
الكوتش : اغلب العائلات لاسف كضن ان الفقر كاين غيرر فالمال ...شحال كان فعمرك وهو شحال كان فعمرو
- كانت عندي 19 عام ...وهو تسعود وثلاتين .
الكوتش : يعني ملي جيتي نتي لدنيا هو كان فعمرو 20 عام ؟ كان سالا مراهقتو ونتي يالاه غوتي فالدنيا ؟ ... ونت ابنتي مكنتيش واعية بهاد فارق السن وانه الاجيال ديالكم مختلفة وطرق التفكير حتى هي مختلفة بزاف !!! علاش كاترضاو لراسكم بعاد المصير اولا فكرة ااشوگر دادي ؟ اولا داك الجملة ديال راه شارب عقلو ؟ ..... معارفينيش ان فارق السن يساوي فارق الافكار !!! يساوي انك غاتدفني فئة عمرية ديالك وتحبدي توصلي قدو ! هو دوزها ونتي خصك تنقزيها ؟
- مكانش عندي خيار !!!! ... تحطيت امام امر الواقع .. الوالدين تفاهمو انا ماعليا غير نحدر االراس ..
الكوتش :ومنبعد
- تزوجنا .... حتى داك فترة الخطوبة لي كايتعرفو فيها و نرتاح ليه و يرتاح ليا ونولفو مكانوش كايخليوني نخرج معاه بحكم عييييب و الهضرة دالناس و حتى تمشي لدارو وديري لي بغيتي ... ملي تزوجنا ... لقيت راسي مكنتفاهمش معاه حتى فالالوان .. ماعدنا تاشي حاجة كاتشااااابه .. انا كنت باقا صغيرة ( كتسمح دموعها ) وكنتسنى راجل يكون رومنسي .. نعيش معاه مراهقتي .. وكاع داكشي اي شفت فالافلام .... كنتصدم براجل كبييير دوووز مراهقتو وسالا وكايتسنى مني الزوجة العاقلة وانا عندي 19 عام ... باقي ماشبعت حتى اللعب .. العائلة كاتسنى مني نغلاض ونبان مرا ونلبس جلالب والقفاطن ... وهو كايتنسى مني مسؤوليات كبار عليا ... نلبي ليه كاع اوامرو بلا منتشرط .... عرفتي علاش ؟ حيت كاااايصرف عليا .. كلمة جوج .. انا موكلك ومشربك وكاسيك ... اش بغيتي ؟ ..... مكان عليا غير نحدر الراس حيت عندو الحق ....هو لي خدام .. هو لي فلوسو فجيبو .. هو مول الاوامر والقارارات .. انا عليا غير نفد ....
الكوتش : يوكلك ويشربك ويكسيك راهم واجبات ديالو ابنتي .. ماشي خير و أجر دايرو فيك .... مدامو بغاك زوجة راه خاصو يكون موجد راسو لهادشي
- واخا هاكاك .. مجتمعنا مكايعرفش يعطي بلاا ما يدي ... مزال ماوصلناش لداك الوعي لي يفهم فيه بنادم معنى عقد النكاح .... مزال ادكتورة الناس كتعتبر زواج هو طياب وتخمال و تربية دراري ..... حتى فاش كتكوني باقا متزوجتي وكتشوفي تجارب منجحاتش قدامك كاتقولي انا راجلي غانختارو مزياااان ومغايكونش هاكا .. ولكن ( هبطات راسها ) كايبقى المكتاب .... تعياي ماتختاري
الكوتش : ( شافت لعندهم ) الاختيار الوحيد لي خصنا نقومو بيه .. هو نختارو شخصيتنا حنا ... من الاول نبني شخصيتي ... ونقوييها ...
وباش تقوا شخصية البنت .. المحيط لي ضاير،بها هو لي خصو يقويها ... يقريييها .... يثقفها .. يعلمها رياضة ... يدخلها تعلم فنون الدفاع عن النفس .. يدخلها لمتاحف .. لجمعيات .. لنشاطات .... لمخيمات ... حتى الى مخدماتش غاتكون مهيئة لمواجهة كل شرائح المجتمع .. .. لانها شخص جال وضار وشااف ..... كتثقف .. كتفقه .. كتقواا ... مكتخليش الطرف الاخر يضحك عليها حيت عارفها قارية وواعية و تقدر تسكتو بكلمة ..... انا مكنطلبش من الوالدين يعطيو لولادهم شي مساار دراسي كبير ومكلف .. لا .. غير تكويييين .. غير البنت تدير ديبلوم علاش ترجع .... سواء احتاجتو فالزواج او فالطلاق ... غاينفعها ... شي حاجة ديالها هي .. دارتها هي .... علاش كتربيو بناتكم على ان الزواج هو مصلحتهم ؟ اييييه ماااقلناش ....ايييه الزواج رابط مقدس ... ولكن تبني شخصيتك أَقْدَس .. القراية الوعاية غاتفيدك حتى فالزواج لي هو مشروع بحال كاع المشاريع .. غاتفيدك فتربية الاولاد .. غاتفيدك فكيفية التعامل مع الزوج ... غاتفيدك فاش تكلسي وسط المجتمع ديالو و تهبطي ليهوم الراس بثقافتك ... سمعوني الامهات .. الزواج مكيتطلبش من بنتك غير تكون كتعرف تعجن .. و تطيب و تشقى ...وتبدل ليكوش ... لااااا .. مجتمعنا تغير ..كايتطلب من البنت تكون مثقفة .. قااارية.... بديبلوماتها ..... حتى الى جاب الله ليها زوج صااااالح لي يقد بها ..هاد الزوج يقدر يموت !!! يقدر يدير فايييت !! .. يقدر يمرض ..... مغانعرفوش الدنياااا اش تجيب ؟ ..... اولا !!!
- بصح ادكتورة ... هانا دابا طلقت بجوج وليدات .. ضاع معاه شبابي وصغري كامل ....هو فالشهر تزوج بصغر مني .. وانا ؟ حتى دارنا مقدوش على مصروفي انا وولادي كون مالقيت هاد الجمعية .. .. با لي كان كايصرف مات ... والتقاعد يلاه كافي مي و خواتاتي .... كون مكانت هاد الدار كون تلاااحيت لزنقة انا وولادي ... هانا بفضل الجمعية رجعت نقراا .. وكنتعلمو الخياطة والحلوة ونحاولو نوقفو على رجلينا .. كون درت هادشي من لول وقريت ودرت مستقبلي ومعولتش على االراجل كاع منوصل لهادشي ....
قسم تلفتات عند اصيل كاتشوف فيه لي بان ليها واخا عاند فلول الى انه فالاخر ررركز مع حديثهم مربع يديه وكايتفرج ويسمع ورجعات تبسمات حيت شافت خطتها عطات نتيجة ورجعات كتسمع
الكوتش : 2021 ... الدنيا تبدلاااااات .. مفهوم الزواج مابقى حتى حد كايطبقو بالاوصاف ديالو لي قدسها الدين ديالنا والدستور ... المراة فهاد الزمان بالضبط ... الى مكانتش متعلمة ... بديبلوماتها لي يسخنو كتافها ... غاتعيش ديما حانية رااسها وكتسمع للجملة لي قالت لينا السيدة " موكلك مشربك اش خااااصك " .... الى كان اختيار الزوج المناسب صعييييييييب ... فاختيار شخصيتك مصعيبش ... هضرتي للوالدين بالخصوص ... بنيو ولادكم... هيؤوهم للمجتمع عاد طلقوهم ليه ... الزواج ملحوووق .. والمستقبل هو لي كايجري .. كنعرف والدين كايبيعو حوايجهم و لي قدامهم ولي وراهم باش يقريو ولادهم ويشوفوهم حسن منهم ... حيت عارفين مزيان المجتمع شحال صعيب ومكيرحمش .. تمشي غير لطبيب تدوز .. غاتحتاج الفرنسية .. البنك .. غايحتاجك تكون قاري .... الاجهزة فدارك محتاجينك تكون قاري باش تخدمهم ... حنا فعصر متقدم .. البنت بحال الولد .. بجوح خاصهم يحضاو بتعلييييم و بعمل .... و بالحق فاختيااار مسار حيااااتهم .... باش متندموش منبعد و يكون فات الفوت ... متضيعوووش ولادكم فزهرة شبابهم ... ماضيعوش بناتكم فأوج عطائهم .... الزوواج بدون تهيئ .... دماااار
- ( وحدة اخرى من المتفرجين ) سمحيلي ندخل ادكتورة ... انا حمد الله ماشي فالجمعية و لكن جيت نسمع ونعطي رأي ديالي فهاد الموضوع .... حتى انا تزوجت بدون مستوى تعليمي عاااالي كنت قريت غير حد السابع ... قلت صافي زواج حسن ليا وصراحة تزوجت باختيااااااري هاربة من داك النعت ديال باااايرة وهاربة من القنك فالدار وبزاف دالحوايج .. زوااج زوين اييه .. ولكن كيف قلتي خصو الواحد يكون واجد ليه من كل النواحي ..... ملي تزوجت ... لقيت بنات قدي فعائلة راجلي كايقراو .. وكايبنيو فمستقبلهم ... عام على عام حتى ولاو فمناصب كببيييرة ... وانا ؟ باقا فبلاصتي مكنتحركش لي كانديرو ليوم كنعاودو غدا حتى ذباليت مع شغاال الدار ....ولادي كايجيبو تمارين ومكنعرفش نخدم معاهم كنحشم نقوليه ولدي ماعرفتش .... راجلي كان قاري وكنتحرج حتى نعطيه يشرح ليا الموني ديال ريسطورا لي كالسين فيها.. مهلي فيا ومخصنااا خير .. ولكن مع نفسي نااااقصة بزاف كانحس بااحرااج وبنات قدي دارو مستقبلهم وفلوس فبزطامهم متستقلين بييها .. وانا بقيت فبلاصتي .. هادي لي كنعاودليك تجربة ديال زواج موفق براجل موفق الله يعمرها دار .. وواخا هاكاااك حتاجيت نكون بمستوى عالي ... ةاخا هاكاك كتت كنحشم ملي كايسولوني حداش قارية ..... فلخر ، هزيت عزيمتي و ارادتي والتحقت نكمل قرايتي .... درت تاسعة حرة ... ودوزت باك حر وهانا دابا فلافاك وولدي لكبير فعمرو سبعطاش العام ...ماهتميتش لكلام الناس .. شارفة وكتقرا ..اييييه نقراااا و نموووووت ونا كانقرا .... صحيح قراية مكايفوتش عليها العمر .. ولكن تمنيت لو قريت وانا صغييييرة فاش كان راسي خاااوي وديال راسي .... كنطلب من كااااع الواليدين لي معانا ومن البنات ... قراااااو .. قرااااو حتى تشييييبو ... مووووتو مع القراية .. غير تعياي من حفاضة تفكري انك خصك تمدي يدك لواحد يعطيك فلوس دالحمام ... ورجعي تحححفضي .. تملي تاني تفكري انك غاتحطي فمجتمع يسولك حداش قريتي وتتحرجي تجاوبي حيت عيب فهاد زمان تكوني ماقارياش ....ورررجعي تحفضي موتي ونتي كاتقراي .... ديرو مستقبلكم متعولوش على زواج ... راه ماشي هو كولشي ..... موتوو ونتوووما كاتقراااااو
بداو كايصفقو عليها وقسم تاهي بدات كاتصفق مبتسمة وشافت عند اصيل لي مداير حتى ردة فعل .. ورجعات شافت فيهم
الكوتش : تماما ... مووتو ونتوما كاتقراو ... جميييل... نتمنى هاد الدرس يفيدكم .... شفتو تجارب قدامكم ... تجارب حية من المجتمع ديالنا ... شفتو ارامل ..مطلقات .. امهات عازبات وحتى المتزوجات كاع .... كلهم متافقين على نقطة وحدة .. التعليييم هو الافضل للمرأة فمجتمعنا الحااااالي .....
بداو تيصفقو عليها وهي تشوف قسم اصيل جر الكرسي ومشا .. بقات متبعاه بعينيها وكاتشوف فيهم فللخر ناضت تاهي تابعاه ... وهو خارج بحال مخنووووق كايقلب فين يتتتنفس .... تاوصل للمطور ديالو وضار عندها بحدة وعصبيييية وعينيه حومر ......
اصيل : هانا كلست ودرت ليك خاطرك ... داباا واش ممكن مانشوفكش قدامي
قسم : ( مصغرة عينيها فالشمس ) مغااتشووفنيش غير تهنى ... ولكن بغيت نسولك. ... اشنو المشكل لي خالقة ليك انا !! تاماباغيش تبقى تشوفني !؟؟ !!!!
اصيل : ( كايقرب عندها مغزززف بين سنانو كيهضر ) شكوووون نتي .. هممم !!!! شكووووون نتي !!!!!!
قسم بقات غير كترمش واقفة .... خلعها بهاد النبرة ماقداتش حتى ترد
اصيل : ( فقمة عصبيتو كاينهج ) اش بيني وبينك ؟؟؟؟ فييييين كنننعرفك ؟؟؟ ديريلي الطيااااارة كل صباااح ؟؟؟ مدخلة راسك فامور حياتي الشخصية .... اش دخخخخخلك فيها ؟؟؟! نقري ختي ولا منقرييييهاش .. نتي ماااالك ؟؟؟؟ نتي قااارية قرايتك درتي مستقبل .. مزيااااان الله يوفق .... هاديك ختي وانا عارف مصلاحتها .. ( ضربها بصبعو لكتفها ) نتي شكوووووون اش دخلك
قسم : ( عينيها حمارو ملي كيزعف عليها شي حد وشادها بزز هضرات ونبرة دصوتها واضحة مغنغنة ) انا غير وحدة جاتها النفس على ختتتك كتر منك .... انا وحدة .. بحالي بحالها عارفة المجتمع اش كيسوا ... الفرق بيني وبينها ... انا والديا علموووني مزيااااان شنو هو المجتمع . وهي مالقات تاااااحد يعلمو لييييها ...... الفرق لي بيني وبينها واليديا وجدوووني باش نوقف هاكا قدامك ونتحداك ونوصل لاش بغيت وهي وجدتيها غي باش لي يغوت عليها تسكت وتحني الراااااس ... الفرق بيني وبينها اني بنت مراااا علماااتني نقرا بحالي بحال الرجال باش نتهنى .. وهي لااااا ... الفرق بيني وب ( قاطعها )
اصيل : ( بالغوات كولشي كايشوف فيهم ) الفرررررق بينك وبيينها ان هي خووها تعب عليها وقاااسااااا وششرب دمووو باااش يكبرررها ونت لقيتيها واجدة .... الفرق لي بينك ويينها انها هي مااعندهاش العساااسااا موراها لي غاتبعوها ملي تمشي تقراااا ويحضيوها ونتي لاااا ... الفرق بييينك وبينها ان هي بنت طبقة كتتتعبد البكاااارة كتتررر من القرااااية ونتي لا ... الفرق بينك وبينها اني وجدتها لمممجتمع لي غاتعيششش فيييه ماشي المجتمع لي عاااايشة فيه نتي ... اذا كنتي نتي بنت مرااا علماتك انك خصك تقرااااي بحالك بحاال الولاااد باااش تهناااااي .. انا ولد مراا علماااتني نحبس ختى على الرجال باش اناااااا نتهنى ....
بدا كينهج وهي كاتشوف معاه بحركة لا ارادية شدات على قلبها لي كيضرب بجججهد وهو هدا صوتو وهضر معاها بحدة كبيرة فيعينه
اصيل : اااخررر مرة ... نشووووفك قدامي مزااااال ... ... اانااااا مواعيش ...انا الاااالة متتتتخخخخلف انا مقااااارييييييش ومغانقررييييش ختي ....خخخخرجييي من حياااااتي ولا اناااا لي غانخلي ليك ديك الدااررر وغانمشي .... راس مالي ختي ماعنديييش غلا منها .... منشوووفكش مزال معاها ولااا بررررب حتى غااانخوي المدييينة فمسبتك ...( بالغوات تاغمضات عينيها) خرررررجتي حياااتنا ابنت النااااااااس
ركب فالمطووور بجهااالة وعصبية محسش براسو حتى اش كان كايقول .. زااد وهي باقا واقفة غير فبلاصتها شادة على قلبها ....
مصحة الحياة ....
كافيتيريا ...
رتاج : شوووية دابا ؟
لامار : ( شادة على راسها ) ششوية
رتاج : خليني نعبر ليك طونسيون مالكي معكسة
لامار : وهااانتي عبرتي اش غتستافدي ارتاج .... حياة ولاااادي تخربقاااات وتخربقات حياتي معاهم ... تصوري انا واسد مابقاتش هضرتنا على راسنا ولات غير على ولادنا !! مابقيت عارفة كيفاش انتصصرف ... ححححرت معاهم محدهوم كايكبرو ماحدهوم كيصعابو
رتاج : كتشرحي ليا زعما مكنعرفش راه كلنا فبير وااااحد .. مكتشوفش حالتي مع عدنان و لؤي ؟ راه هادو هوما لولاد الامار وخاص الواحد يوسع خاطرو
لمار : ايييه ..ولكن هذا الخطر ارتاج الخطر .. كون وقعات شي حاجة دابا ؟ حضرتي عليه بعينيك وشفتي كولشي فالرالي .. وحسابتك غايتوب ؟ غاتبرا رجليه غايصبح تما .. اتشديه نتي ولا انا ؟ قدس هانتي كاتشوفي لبارح كانت مزيانة تفرجات معانا لرااالي دخوووها كانت حدا عيني فكلينيك ليل كامل قاتليا ماما نمشي ننعس داها شيفور ... فصباح قلت نخليها على خاطرها هضرت مع مدرستها على ليزكزام ... هانتي شتي اش وقع ... علاش غاتخد قدس اوفر دوز دليكالمون ؟ راه ميمككنش قدس تنتاحر راه الحماااااق هدا
رتاج : تانا مافهمت وااالو .. دابا تفيق ونفهمو منها كولشي .... هي ماشي من النوع لي غانتحر ...
لامار : ( شادة على راسها ) انا والله حتى غانرططق ... ماحيلتي لخددمة لي تزيرات هاد العام .. ماحيلتي لمرض جود والله اختي رتااااج مكنعس بلييييل ... دابا تزادتني قدس بالهم ديالها .. وسيم باه قاليك مابقاش عاجبو علم الله اش راه كايدير تما ماما كاتقول عليهم عا جنووون وهو بنت يونس .. انا عيييييت ...
رتاج : دابا اسد فين هو ؟
لامار : حمدت الله وشكرتو لي عندو مؤتمر هاد نهار هو وسفيان ...
رتاج : واييييه نسييت راه عدنان حطني ومشا لعندو ...
لامار : غايشعل تيليفونو غايسيق لخبار ( شاافت لسعتها ) باقي ليهم ساعة ....
رتاج : غاتقوليليه خدات اوفردوز
لامار : وهانا زعما ماقلتهاش مغايسيقش الخبار ؟
رتاج : وااييييه ...
لامار : ملي كانو صغار .. شديه عنداك يطيح .. علاش مرض ... خدمي معاه تمارينو.... ختاري ليه الانشطة لي تعمري ليه بيهم طفولتو ... فكري فمستقبلو ... هاهو طلعاتلو سخانة .... هااو طاح تهرس .. ها المعلمة كتشكى .... قسم عقلتي علييها فالصغر شفت معاهااا القطرااااان .. غا بدات كتعقل مررض لياا جود الماكلة رااك شفتني مكنتش كناكلها .... كنخاف كل صباح يفيق يقوليا شكون نتي .. ياك شفتني كنا من دولة لدولة من كلينيك لكلينيك من بلوك لبلوك .. الولد من صغرو وهو راسو عامر سلوووكة ... يلاه فرحت بالعملية لخرااا نجحات وتلهيت مع ختو وخوه .. مشااا ليا لداك مووونااااكووو دالمررررررررض ... هو وسيم كل نهار كانو مقاتلين عندي فدار ....ماتهنينا تامشا وسيم لعند جداه ... قدس لي كنت مهنية عليها هانتي خرج اش ليا منها .... دابا انا منحماااااقش غير كولي ليااا
رتاج : وصراحة الله يحححسن العوااان ...
لامار : دابا غانمشي نهضر مع اسد يدير مديرة اخرى نكلس نحضي ولاااادي اش غااااندير ... كون كانو باقين صغار وصالحين للعضاان وولعصااا اييييه كلنا تربينا بالتيو نشدهم نرطب كرشهم ... كبرو ياختي والبناات طول مني والاولاد قد بااااهم عاد تهضري معاهم هادو ؟؟؟ تفرعنو ياختي رتاج تفرعنووو
رتاج : ياودي خلي داك جمل رااااكد اااخلييييه ...،انا غا وااااحد دابا مشيبني ما لوخرين علم الله اش غايخرج منهوم ...
لامار : وهانتي جربي من راسك .. هاوا غالوؤي لاتخاصم مع باه يطير عليك نعاس اوا شغانقول انا لي ربعة ... اش غانقول
رتاج : إوا الرجا فالله .. الله يصلحهم ويكون معاهم .... دابا يتعقلو دابا يتعقلو .. كملي كااسك دالقهوة نطلعو دابا وهي فاقت ... كملي وعطي شوية راحة لداك دماغ راك باقا محتاجاه غا طووووليي بالك ابنتي باقين جاين ليك لزواج عاد .. اجي فكيها مع العرايس والنساب ..
لامار : اوا لي خلاوه عمامهم يكملوووووه ...
رتاج : فيها كاتشوفي يابنتي ... انا هازة لهم لولدي النهاااررر لي غيبغي يتزوج ما دابااا كندوزها بجغيمة دالمااا ... المشكل هو نهار يعطب لييا شي بنت الناس فالداار واجي طلي على ختك ...
لامار : ماشفتي نتي لاولدوه ولاحوه عليك .. هادو غيربيو الولاد هادو ؟...رباو تاراسهم
رتاج : اودي شربي شربي هادو راه يربيو ولاد ووريبونا تاحنا معاهم ...
فالفغرفة دقدس ..
لوؤي شاد تييليفون كايقرا شي معطيات تسيفطو ليه من الدورية ويديه لوخرا شادة فقدس باش الى طلعات حرارتها يحس بها ... تاحس بيها كتحرك فيديه وطفاه حطو .. و قرب لعندها دغيا كايحيد شعرها على وجهها وهي كتخسر فملامحها
لوؤي : قدس ؟؟؟ .. قدس بششوية علييك ...
قدس بدات كتحاول تحل عينيها وهي كتحس بالحرقة فعقلها ومعدتها ...كتصدر انيين خاااافت وكتحاول تحرك راسها
قدس : انننننن .... ما.. ماما ...
لؤوي : ققدس .... حاووولي تحلي عينيك ... متخاافييش ...
بدات كتحل قدس عينيها وهي تشوف فيه مباشرة غير شافت فييه تبببسم برااااااحة وكايدوز يدو على جبينها وشعرها
لوؤي : على سلااااامة هاد العوييينات ....
قدس غير كترمش فيه مافاهمة والو .. وبدات كدوز بعينها على الارجاء واخا باقا فيها دوخة كتشوف من الحاجة جوج .... عرفات راسها فسبيطار وشافت فيه
قدس: ا اش وااقع ؟
لؤي : وااالو .. غير واحد البرنسيسا نعسات بزاف حتى توحشناها .. جبتها لهنا نفيقوها
ياللاه حاولت تنوض وهو معاونها
لوؤي : شششش بشششوية
قدس : ك كيفاش ؟ واش وااااقع ليا !!!!! اش كندير هنا
لوؤي : مواقع لييييك واالو .. كتحسي بشي حريق
قدس : راااسي تقيييل
لوؤي : ( بابتسامة حنينة ) واحيت قااااااسح بزاف .. سينوغمال ....
قدس : لوووؤاي !!
لوؤي : ( بابتسامة ) مممممم ....مالو لوؤاااي
قدس : قوليا اش كنديير هنا ؟؟؟؟
لوؤي : طلعات ليك السخااانة .. جبنااك
قدس : نتا ومن
لوؤي .. انا .... و وماماك .. راها مع الواليدة لتحت اتجي دابا ...
قدس : و ولكن علاش طلعات هاد سخانة
لوؤي : علاش طلعات !!! ( شد يديها ) حيت هاد اليدين دارو شوية دالبيتيييز
قدس : ( نترات بديها ) ااش كتتخربق
لوؤي : ( تنهد ووهضر بصوت حنين معاها كدوز يدو على شعرها ) اش داك لشي كالمون اقدس .. بعقلك تشربي دااااكشي كامل ! اش كنتي باغا ديري ؟
قدس سمعات ليكالمون وبدات كتفكر مزيرة على عينيها
.. عاد تفكرات انها ملي جات من لكنينييك جات راسها كايحرقها بزاف بالتفكير .. وتفكرات هضرة باباها والعصا لي عطاها مع الخلعة ديال حادث خوها لي كاانو غايفقدوه وهي طيح على ديك ليكالمون دقة وحدة باش يهدنوها دغيا وتنعس ... ورجعات شافت فيه
قدس : مااااشربتش بزااف ... وحدة مكدير ليا والو
لوؤي :ماشي بزااااااف .. غير اووفر دوز ....
قدس : مكنضحكش الوؤاي .. عيطلي لماما
لوؤي : هاااهي جايا ... اش داك ليكالمون نتي على صغرك ؟
قدس : ماشي سووووقك..
لوؤي: اهاه باش غانشدها بليمين ولا بلييسر
قدي : شنو هي
لوؤي : هاد القمعة ....
قدس : فيين ماااماا
لؤوي : ( كايقلدها بصوت اطفال ) فييين ماماااا غاتجي تررررضعك !!
قدس : وبابا ؟
لوؤي :حمدي الله باك فمؤتمر ما كون فقتي على وجهو يسيفطك غيبوبة غاتفيقي مع العيد الصغير دالعام جاي نييييشان
قدس : ( كتشير لحلقها ) شنو دارو ليا هنا كايحرقني
لؤي : مادارو ليك والو كايحرقك غير بنعاس .. هبطو ليك الحرارة وهانتي فقتي تفرعني علينا تاني ......
يلاه كايهضرو وهي تحل الباب ... لمار غير شافتها فايفة قربات عندها بززربة ولؤوي بعد دغيا حيت كانت يدو على جبينها ..
لامار : قققددددس ... حبيبة ديالي ( هزات يديها باستهاا ) كتححسي براسك مزياانة ؟؟؟ هااا !!! شنو تاايحرقك اماما
قدس : انا لابااس متخلعيييش .. ماعرفتش كيفاش وقع هادشي
لامار : ( تعمرو عينيها بدموع ودوات بنبرة البكاء ) علاااش ابنتي كديري فينا وفراااسك هادشي علاش
قدس،: والله اماما مدرت شي حاجة ... خديت لي كالمون باش نعس .... راسي كان كايحرقني بزااااف وصافي محسبتنييش غايضروني
رتاج : ( كلسات فجنبها) يعني ابنتي نتي مكنتييش باغا تآدي راسك
لوؤي : دابا الوالدة هضرة هادي ... مالها حمقة تكون بهاد التبرهيييييش كامل تخلع والديها على الخوااا .. لا لا ماديرهااااش
لامار كااتشوف فيه عارفاه كايبغي يدير ليها عقلها....
قدس : لا اخالتوو والله تاشربت غير باش نعس كنت معصبة ومعارفاش راسي اش كنديير ...
لامار : اش يعصبك ابنتي اش يعصبك ونتي باقا صغيييرة والحيااااة قداااامك اش غااايعصبك ...
قدس : راه البيبي فكرش مو اماما وكاايتعصب ...
لوؤي : دابا ماشي وقت هاد الهضرة ... اش قالكم طبيب
رتاج : مزيااانة يكمل سيرومها وتخرج
لوؤي : ( طل عليه ) هاهو غايكمل باااركا عليه اش غايدير ليها هاد سيروم كاع .. تكعدو نمشيو واش لكلينيك كايبرا فيه الواحد
رتاج : خلي اويلي سيييرووووم يكمل للبنت
لوؤي :تمشي تاكل تعمر معدتها اشمن سيروم .. جي حيدي هاااادشي منعرفش ...
لامار : نخرجو حسن ابنتي ؟
قدس : ااااه نخرج
رتاج : حاولي توقفي نشوف واش مافيكش دوخة .. ( شافت عند لوؤي ) واش البنت عاد خارجة من االبنج ( لؤوي كايغمز ليها تسكت ) ونتا باغي تنووضها
قدس : اشمن بنننج !!!
لوؤي : ( جا جبّد الحناك د ماماه كانو كايدلعها ) الوالييدة اشهاااد الجماااال .. هاد النهاار .. و اش هاد الغباااااء تاهو هاا ؟؟؟؟ ... ( باسها فراسهاا ) الله يخليييك لييااا وخلاااااص ... ( وقف بمعنى راكي زبلتيزها ) انا كنتسنااكم فطمووبيييييل متعطلووش ....
خرج لؤوي مشا ولامار تاهي كانت فاهمة خصهم يخبعو عليها العملية لان عندها فووووبي من شي حاجة سمييتها البلووك والدم و العمليات ... ورتاج نسات عاد عضات على شفتها قفرااااتها ....
لامار : متخلعييش احبيبتي .. غير شربتي ليكالمون بزاف وشطبوهم ليك ... دغيا دغيااا داكشي
قدس : ( بفزززع كتغوت) ددرررت عمممملية .... هاااااا ؟؟؟
لامار : ششششسش تههدددني حماقتي ولا مالك اشمن عملية .. داكشي غير من فمممك ... نقاو غير معدتك ... متخعليييش باسم الله عليك
قدس : حلفوووو تادرت عملية ؟؟؟؟؟ ماقاسووونيش بمقص ؟؟؟؟
رتاج : الاااا رجوع الله اشمن مقص مالكي مقطعة من شي بلاصة هانتي مزياااانة ... هي كتسمى عميلة وصااافي ماااشي شي حاااااااجة .... وهانتي داباا مزياااانة كتحسي بشي حاجة !!!! ...
قدس : ( شدات فيد لامار كاتبكي ) علاااش خلييتيييهم اماما .... دخلوووووني لبلووووووك يااااك
رتاج : لاا لااااا ماش فاابلووك غير هنا هنا .. مادرو ليييييك واااالو .. شدو واحد تيو صغييييور قد لاپاي داروه فمك شوية طلعوووه صااااااافي ....
لامار : ( شدات على راسها ) اويلي على لي غااااتولد ليااااا اويلي اووويييلي
قدس : مااامااااااااا
لامار : هااانااا ....هانا سااااكتة .... نوضي بشوية علييك اجي وقفي
بدات كتحاول لامار توقفها ورتاج كتفحص فيها واش فيها دوخة ... عبرات ليها طونسيون ... وجات الحررررررب ديال تحيد السيروم
لامار : قدددس والله مغاااتحسي ابنتي .. بحال داك مرة فاش كنتي طحتي فالملعب عقلتي ؟ دغيااا غاتحيدها
قدس : لاااا لاااااا ( كطير ليهم فوق السرير ) لاااا عاااافاااااك لاااااا
رتاج : وشنو نخليوه فيدك تديه معاك سوفونير .. ابنتي راه مغانقسحكش واش مكتيقيش فيا؟؟؟،
قدس : ععععع لا اخاالتووو لااا عافااك صافي مابغيييييتش نمممشي .... انبقى هنا ( نعسات ) انبقى هنااااا ( كتغطي راسها بليزار )
لامار : اه نعسي هنا ....شووفي ياه يا تعطيها يدك ولا نعيط لباك يجي هو لي كايفهم ليك ... هانتي شوووفي لعندي كاع ماتشوفيش فيها حتى تلققايها حيدااااتوووو ..
يلاه جات تهز يديها رتاج وهي تههربها منها
قدس : لااااااااااا غايحرحححقني لااااااا
لامار : اويييييييلي كااتبكي كاع ؟؟؟ ... وماغايحرقكش ... مالكي معكسة وانبقاو هنا !!! ... سييروووم دابا غلبك ؟ ... كيغاديري يابنتي نهار تزوجي كيغاديري
قدس : ومغاااانتزوجش مغانتزوووجش .... و مال الزواج فيييه ليباااااري ؟؟؟؟؟؟
لامار : ااه مغاتحملي مغااتوووولدي ( كتلهييها فالهضرة بالعاني )
قدس : مالي غانحمل باللييبااري... وغااانولد فدار منمشييش طبييب
لامار : اااه وشكون غاايحملللللك ....ماصبرتي حتى لليبراا صغيرة بقااا غير ليبراا لكبيييراااا
قدس : ماااماااااااااااا
لامار : هاااانا ماقلت وااااالو .. خايبة تالمعاودة علاش مابغاتش تزوج بنتي خايفة من لببرااا .... حسن عوانو مسكين هدا لي غادا طيحي فيه خصو صبر ايووب معاك ... ( ضرباتهاا ليهونش) مانعرف لمن كالسة تربي ليا هادشي الى غاتخلييه مسكين غير يشووووف
قدس : داكشي ماشي بحال ليبرااا
لامار : وداكشي راه تاابعااااه ليبراااا ... فييك فيييك
رتاج : هوووبااااا هاحنا سااالييينا يلاه نوضو
قدس ضارت شافت ليها وهي تهز يديها دغيا لي ماشفتهاش كيفاش سلتااتو ليها كاتشوف ليها
قدس : ها ؟؟ حيييدتيييييه
رتاج : ضرييييتك ؟ ...
قدس : ( طلقات البكية ) حرقاااااااااتني هاهي كاتحرق دابا هااااااهي كتتتحررق
رتاج : يااااربي الصبر ليا ولمك ولباك واللي غايديك .... انا عاطية الصبر لمو تاهي ومن دابا ... نووووضي ...
بدات كتنوضها عينيها حومر بالبكا ونييفها كتشهق ... ولامار كتبلسها حوايجها غاشافت الكسوة الطبية لي لباسة جمعات خناينها
قدس : اويلي هاد الكسوة معرية من لور كاملة ماشااافنيييش لوووؤاي ياك ؟
لاماار : هاد الكسوة ابنتي راه مستورة على لي دوبيس لي كتعومي بييهم حداه ... نتي تتحشمي نتي ؟ كون شافك باك داك نهار كون سلخك
قدس : وباش يغيتيني نعوم بجلاااابة
رتاح : هههههه يابنتي و يالاماااار كاع مادردكاتو المعززة فراس الجبل غاتخلصو عند دار دبااغ .... هادي هي ديالك داباا نتي مع ولادك هههههه .... جاو لي يساليو ليك فهاماتك ههه ... بعدي من البنت عندها الحق باش بغيتيها تعوم .. هوما لي خصهم يهبطو عينيهم البنت باقا صغيرة
لامار : شمن صغييرة وهي طرمتها كثر من ديالي .
كاتبان كتر من ختها ... يا على جييييل ... علي يدييييك لفوق لبس ليك
قدس : لبس بوحدي امامااا اويلي
لامار : ( خشات فيها تيشورت) للبسي .... فين سووتياماتك
قدس : واقلة جيت بلا بييهم .. مكنتش لابساهم .. شكون حيد لي حوايجي بعدا ...
لامار : فين شفتك انا
رتاج : حيدوهوم ليها الفرمليات
قدس : على ماشي انتي لي جبتيني
لامار : جابك لوؤي ... عاد جيت انا ملي علماتني رجاء
قدس :ولوؤي فين شافني سخفانة
لامار : ملي تهبطي سوليه ... كون مكان هوو علم الله اش كان غاوقع ... شوف اش كايدير عليها مسكين وهي ( ضرباات ففخاادها ) تقييل تعطيييه فبووومزوي
رتاج : ( كاتقرا فضوسي ديالها وتحاليلها توقع وكتهضر ) مااااهو سوووويهل ... خلييييها تعطيه ...
قدس : اويلي و اش بغيتني نيدير لييه نبوس ليه يديه !!!
لامار : صااوبي غاا فمك وهضرتك .. فين بانطوفتك .. جابك بالحفا ؟
رتاج : لا مهناش يمكن هزها هاكااك ( تيليفونها كايوصني جبداتو ) هااهووو كايصوووني .. ( جاوبات ) هااهووما نازليييين ...
لوؤي : نتي مانازلاش
رتاج : اويلي عاد جيت لي پاصيون كايتستناو .... صبر شوية نقلبو لقدس صابو ماتلبس جبتييها بالحفة
قطعات عليه وصونات على الفرمليات يجيو ولامار كتضفر لقدس شعرها ....
لاظار : شوفي كيف خرجتي عليه بالصبااايغ ... لقاك مزال صابغا هاد جوج زغباااات نقرعهوم ليييك .. شوفي شعر ختك لي مهلية فيييه شحال زوين وقوي .. ونتي هلكييييه ....
قدس : كل وحدة ودوقها انا كنمل من لوون واحد
لامار : نتي لي مامليتيش منا منعرف اش وقع ...
قدس : هههه ( باست يديها ) نمل انا من هاد زيييين ...
لامار : سلعة وحدة يابنتي ...غاكتشوفو راسكم زبلتوها عاد تبداو تملسووو ..
الفرملية : ( دخلات ) وي دكتورة
رتاج : شي صابو لقدس مجابتش صباطها ...
مشات فرملية يلاه خرجات حل لباب لوؤي
لوؤي : باااتووو حسن ....
رتاج : تسسسنى غير يجييبو لييها صباااط مالك كيييفك كيييف باااااك مكتعرفوش تنساو
مشا بجهتها هو يهزها فيديه تاغوتااات
لوؤي : تسناو نتوما فصبااااط يجي معندنا ماااايدر ....
مشا بها و رتاج بقات شادة على حنكها
رتاج : اويييلي شنوووو خليييت اويلي
لامار : ( هزات صاكها كضحك ) دعي بالصبر دعي ... ملي كنتي كتوحمي على ريحة ليصوونص كنت عاااارفة العربووون كيف غيخرج ... قالك العرايسات والنساب تكافينا تا مع طاسيلتنا فين نزيدو شي برااااني .... يلاااه بسلاااامة بسلااااامة ...
خرجات لامار تبعاتهم وهو هبطها لطوموبيل حطاها لور كايقادها ويدير ليها سمطة ولامار كاتشوف فيهم وغير سااااكتة مبتسمة .
قدس : بببشوووية ابنادم يدي كتحرقني ( وراتها ليه فيها سپارادرا ) شوووف راها مجروووحة
لؤي : اوووووه ... سمحيلي لينا لالة سسمحي لينااا ...ياكما نديك فلومبيلونص حسن تمشي ناعسة ؟ راه متقدريش توقفي ونتي مجرووحة هاد الجررحة كااااااملة ....
يتبع...
التعليقات
لا توجد تعليقات بعد، كن أول من يعلق.