محتوى القصة
الحكم صفر و قصد روديغر لي كان مشا بعد .. غادي قاصدو و لعابة ماناوس غاديين معاه ضايرين بيه كيعترضو على القرار لي مزال ماتعلنش أصلا !! كارلوس حلقو خرج كيغووت من بلاصتو على الحكم ... و الحكم جبد الحمرة هزها لفووق على روديغر و صفر ... حيت كون مدارش هاكا غايخرج على خدمتو ... الضربة كانت واضحة معيقة لان خلا الكرة فالارض وتعلا ضربو براااس لراااسووو .....
المعلق: و ضررربة جزااء لأمااادوووراااا ... الثاااني .. هل يأتي ؟؟ هللل يأتييي ؟؟؟
الجمهور تهههززز مع صاافرة الحككم ... بداو الامادوريين كيحتفلو و الكرة مزال حتى ماتضربات !! انسنزو ضار يشوف فسلطان لقاه وقف صافي .. جا الهددف علاش غايبقى متكي !
كين كيزير على سنانو طلع ليه الدم كايشوف فالالعبا صحابو ووالتر كايمسح العرق بكتفو وواقف كايشوف وضار لجنب دفل بععععصبية ..... و كريستوفر كيشوف داخل الملعب بوااحد التخنزيرة ... روديغر خارج من التيران حادر راسو عارف راسو فشل االمهمة و كحل الضوصي مع المدرب ! و روديغر كيشوف فيه شوفة القتيلة ... وتايومي ليه بمنبعد منبعد ..... وسلطان متبعووو ... شافو الى دخل باش يعطبو الماتش كامل هو لااااااسقو لجنبووو كي الجن ... وكاااايتحلف عليه . واخا خداو ضربة جزاء مزال ماااتسرطاتش ليه طيحة لي دار ليه لركبتو كان غايهررررسوو ......
هو خرج من التيران .. لاعبين ماناوس كلهم مخنزرين و وااقفين اللور كيشوفو حيت غايلعبو ناقصين ... كيين واقف وسط المرمى كيتحرك يمين و شمال بشوية و داير وقفة الإستعداد هاز يديه ... الكرة محطوووطة و محمد هو و انسينزو و سلطان بثلاثة وراء الكرة كيهضرو مع بعضياتهم مزال ما قرروش شكون ينفذ الضربة ...
المعلق: من سينفذ الضربة .. واحد من الثلاثة سيفعلها ...( قرب انسينزو ) إنه انسينزوو ...
رجعو سلطان و محمد اللور مخلينها لانسينزو .. كلشي اللور بقا غير هو و كين فالشبكة و جمهور ماناوس الكبيييير لي قداامو !! هز فيهم عينيه كيشوووف فيهم ... قلبو كيزدح و مزال كينهج .. غمض عينيه خدا نفس عمييييييييق و عاود حللهم .. و شاف مباااشرة فعيون الحارس كين ...
المعلق: سلطاان كان يبحث عن ضربة جزااء .. و أماادوورااا تبحث فييك يا انسنزو عن اعتذااار .. ضييعت الكرة الثابثة الأوولى .. يريدوون الهدف الثااني من الثاانية ... لدييهم أممل ... هل يفعلها الكبيتااان ؟؟ هل يأتي الثااااني ؟؟ هل نراااهم يعووودووون ؟؟؟
صفر الحكم ... ضيق انسنزو عينيه .. عارف فين غايضرب .. سلطان وراه حاط يديه على فمو بحالا كيدعي .. العيون كللها عليه .. ودنين انسنزو كيسمع فيهم السكاااات بحالا صماااك ... تقدم بهدوء و لكن مع كل خطوة كيسرع الوتيرة ... و هز رجلو لفوووق و ضربها مبااااشرة قداامو ... كيين تلاح للجنب و الكرة هزززت الشبااااك !!!!
المعلق: گووووووووووووول ..... گووول گوووول گووووول ... ياااااااا ربااااااااااااااه ....گوووووول واججججمل كوووول من ارووووع كااابييييتاااااان ... گوووووووول
انسنزو مشا كيجريي بسرررعةةةةةة و اللعابة كلللهم تابعينو منهم سلطاان صاحبو لي تلااااح علييييه ...
كيين بقا فالأرض ساجد خاشي راسو فالگازو .. مولانو الحارس حتى هو خارج تابع اللعابة كيجريي باش يحتفل معاهم بالثااني !! الثاني لي كايعني عوووودتهم القوية ... و انسنزوو مزااال كايجريي بأقصى سرعة حتاا وقف قدااام جمهور ماناوس .. و تمااما كيفما والتر استفز جمهورو وقف بننفس الوقفة قداامهم و بنفس تربيعة ليدين و حرك الرأس ضاحك و مخرح لسااانو كيرد ليهم الصرف .. تلاح عليه سلطان على ظهر شوية مايطيحو .. و تخلطو اللعابة تماك محتفلين بالشطيح .. و جهة أمادورا تهزززززت مع الهدف !!
المعلق: سأللت هل يأتي الثااااني و أتىىى ... سألت هل يعووودووون و عااادووووو .... هي ركلة جزاااء و هو النهائييي .. (الإعادة) اللله على الهدووووء ... الله على الأعصااااب .. في وقت الشددة انسينزو كااان قددهااا .. في الدقيقة السبعييين !! انسنزوو يقووول لاااا زلنااا هناااا ... لاااااا لم ننتهييي بععددد ... بالللملعقة حملهااا .. و حطططها في الشباااك !!! ياااا رباااااااااه ..!!
اللعابة بداو كيرجعو للتيران ... و انسنزو مشا قصد الكاميرة لي حدااه تقااد معاها و بدا كيغوت بالبرتغالية لي هي لغتو و كيقول شي حاجة !
المعلق: انسنزووو يقووول "الكأس سيتبقى في البرتغاااال" ... القائد يعطي الوعوووود .. و البرتغال تصدق هذه الوعووود ... عشريين دقيييقة ... لااا يووجد عند امادورا المستحيييييل ... يستطييعوون العوودة ... يستطيييعون ......... عشىرين دقيقة التي تفصلنا على نهاية الشوط الثااااني .... هل سينتهى ونحن متعااادلووون .... ام فائزوووون ...... ام خااسرووون ......عشرووون دقيقة و نرى هل كلام القائد صحيح .. هل الكأس فعلا ستبقى في البرتغال ام انها ستسافر للبرازيييل
بعد الهدف الثاني ماناوس عرفو بلي القضية حماضت !!!!! ...... اللاعبين كانووو محتفليييين وجمهوور اماادوووراااا هتفووو بجججهد و لي فالقهاااوي غوووتووو قلبووو الحووومة والعائلة كذاااالك .... راجعين لبلايصهم ضاااحكييين و سلطان كادوز لسانو على سنانو و شاف عند لاعبين مناوس كان والتر كايشوف فيه محححقد عينيه ... شاف فالحكم بان ليه عاطي بظهرو كايهضر مع كين .... وهو يعلي ليه يدو بعلامة ( 🖕🏼 ) بحال هاديك لي عطاه على الهدف اللول ... وزاد علا اليد الثانية بالفااك تاهي (🖕🏼 ) بمعنى ها الهدف اللول وها الثااااني ...... قرب دوك جوج صبعان حدا بعضياتهم وبدا كايطلعهم ويهبطهم بطريقة استفزازية بمعنى هاهوما بجوج طلعهم معااااك دابا ....... واالللتر ولا حممرررر بالاعصاب وسلطان ماعطلوش فالصرررف كاييضحك بششر وتايق ليه واديرها فالمغررربي ..... ورجع عنق صاحبو ومشا ضاااحك وكوووولشي شاف داك اللقطة وتكرررشخووو بضحك حيت عرفوه رد ليه الفاك دقبيلة مضوووبلة ....
والتر خنززرر ماحملش راسو وضاار كايشوف فاللاعابا ديالو ...كيشوفو فبعضياتهم و كيتفاهمو غير بالعينين .... داك الثقة لي دخلو بيها بدات تتلاشى وبدا يدخلهم الاحباط كيما بداو امادورا فلول رجعو هوما ....
رجعو اللعابة كلهم للتيران وامادورا فرحانين بقات عشرين دقيقة وبقى خصهم هدف واحد ويدوزو لاشواط اضافية .....
صفر الحكم باش يكملو اللعب .. و هاد المرة ماناوس كانو ماشي كيلعبو الكورة و لكن كيتصارعو وسط التيران .. المدافعين بقااو غير حدا المرمى ديالهم مخططين بلي غايدافعو صافي مغايهجموش يحضيو غير شبكة تادوز هاد عشرين دقيقة ..... و معاهم لاعبين اخرين من خط الوسط .. مابغاوش شي هدف اخر يتزاد بغاو غير يحميو المرمى ديالهم و يكونو حريصين الماتش يسالي بهاديك النتيجة 2-3 مابغاوش يخاطرو .. بقاو غير المهاجمين لي مقاتلين على الكرة على أمل يحيبو شي هدف اخر فهادوك الدقايق لي بقاو يقتلو الماتش و يرتاحو تاني ...
أمادورا بداو كيضورو الكورة تاني .. الفرقة كللها 11 واحد فالتيران كلللهم مفااهميين غير بالعينين عارفين فين يمشيو و منين بقيادة انسنزو و حتى سلطان .. و بدااو كيمارسو الضغغط على الفريق الخصم ... خصوصا فاش حسو بثقتهم نزلات ودخل معاهم الصهد المعلق تجنن معاهم غادي يحماااق حيت الطريقة باش انسنزو مع سلطان مضورين الكرة كانت بحال الفن !! و الجمهور حتى هو علااااا صوتو و في المقابل جمهور ماناوس بداو كيتوترو و خايفين من العودة ! هاداك السيناريو خالعهم كثر من كلشي !
كارلوس ساااكت و غير كيشوف .. هادوك الدقايق كانو حااسمين بالنسبة لأمادورا ! كيقلللبو على الهدف ! و لكن حتى يوصلو للمرمى و الدفاع كيحبسهم !! لي خدا الكرة و مشا باش يحاول يسجل كيلقا راسو واقف بوحدو ضد فرقة .. سادين الطرقان و البيبان .. و لكن حتى واحد فأمادورا ماكان ناوي يستسلم و يهز الراية البيضاء .. كانو ناويين يتقااتلو مع الكرة حتال اااخر ثاانية ...
المعلق: هذه هي أمااادووراا .. و هااذا الآداء الذي يليق بالناادي .. يستحوذوون على الكرة .. يمررون .. و يسددون .. يمارسوون الضغط و يرعبون لاعبي ماناوس !! متى ينهار الدفاع ؟ متى تظهر الفرصة ؟ متى يأتي الثالث ؟؟ جمهوور ماناوس يصلي .. يتساءلوون لماذا الوقت بطييئ ؟ متى تأتي النهاااية ؟ متى نسترييح ؟؟ الدقيقة 81 ... تسع دقائق و ينتهي العمر القانوني للمباراة !! هل ستنتهي هاكذا أم أن لأمادورا رأي آخر ؟؟ تمرييرة طوييلة نحو بارك سوون .. الكووري يرااوغ .. يتقدم ... و سالا هنااك .. يقطع الكرة .. يمرر إلى والتر .. واالتر يتقدم و انسيينزوو .. الله عليك يا فناان .. يأخذ الكرة .. يمرر لمحمد .. محمد يتقدددم و پااااليييي ...
پالي من الفريق الخصم كان قرب لمحمد و دفعو بالججهد طيحو ...و حيت أعصاب الفرقتين بجوج متوترين دغيا كيتشابكو تمااك .. محمد ماتقسحش بزاف .. تحنى عليه سلطان وقفو و الحكم هز الصفرة فوجه پالي لي بقا كيعترض و صحابو كيجروه لايصدق فالحمراء و هوما ديجا لاعبين ناقصين بسبب خروج روديغر بالحمراء ..!
بعدو صاحبهم و هداو اللعب .. و الحكم تحنى كيرش بالأبيض فالأرض منين غادي تتلعب ضربة الخطأ !!!! وواحد من لاعبين مناوس ضرررب برحلو مع الارررض معععصب كلهم وجههوم ولاو حوووومرر عرقانين وعروقهم خرجو .. الثقة فالنفس لي دخلو بيها خرجات عليهم ...
المعلق: و ضرربة خطططأ !! قريبة من مربع العملياات !! هل هو الثالث آتي ؟؟ في الدقيقة الثالثة و الثمانين .. هل يعوودون ؟؟ هل نشااهد الريمونتاااداا ؟؟ هل نشااهد العودةة ؟؟ أقوول و أعيييد لا شيئ مستحيييل .. يقفون هنااك .. ربااعي الخطر .. سلطاان انسنزوو غابرييل و محمد .. من منهم سينفذها ؟؟
مشاو ماناوس كيبنيو الجدار ديال الدفاع .. كين كيقادهم من اللور و خلف الكرة واقف غابرييل و محمد و سلطان و حتى انسينزو .. بربعة كيهضرو و مغطين فامهم و كيشوفو جهة حائط الدفاع و المرمى .. كانو كيقررو شكون يلعبها و كيخططو كيفاش يلعبوها .. كيبان ليهم سلطان كيهمس فودن انسنزو .. بعد و ضربو على كتفو .. تفاهمو بالعينين و حتى محمد و غابرييل انسحبو و بقا تماك غير انسنزو هو و الكرة ..
سلطان مشا وقف حدا حائط الدفاع و غير شد بلاصتو ضارو بيه ريكاردو و بالي باش مايدير والو .. غابرييل و محمد وقفو قريب لانسينزو و كين شد بلاصتو ... الحكم گاسبا الصفارة فودنو كيشوف فكلشي واش هو هاداك .. و المدرجات كلشي يدهم على قلوبهم .. جماهير أمادورا كتصلي للتعادل .. و جماهير ماناوس تصلي تضيع !
كارلوس دار يديه وراه كيشوف فجهة المرمى و قلبو كيزدح .. و كريستوفر عرقان و صلعتو حمااارت كيمسح عليها بيديه ...
المعلق: هي لحظات التوتر و حبس الأنفاس .. هي لحظات الضغط و الإنتظار .. ليست لضعووف القلوب .. هي ضربة ثابتة قد تصنع المستحيل .. هي التي تعيدهم .. هي التي تحييهم .. و تعيد المباراة إلى نقطة الصفر ... انسنزو يستعد ... يالا يالا ...
هز انسنزو عينيه للوحة الالكترونية الكبيييرة لي معلقة فوق الفيراج ديالهم .. كانت كتشير للدقيقة 83:54 ... 2 - 3 ...
العرق نازل على جبهتو .. كيشوف فالجمهور تاني .. ودنيه تصمكو على كلشي .. كيسمع غير صوت نفس مرتفع خرج من صدرو الثقيل .. و صوت صفارة الحكم ! القلوب كللها رجعات كتضرب فالتسعييين و معاهم قلبو ..
المعلق: الكل يراهن هنا على هدف .. الفوز على المحك .. الكأس على المحك .. و انسنزو يتولى المهمة ...
كيشوف فالمرمى خلف الجدار .. تقدم كيجري و معاه كيجريو فرقتو ... و ضربها فييين كاان حااسبهاا فالزااااوية اليسرى .. الكرة مشات بحركة نصف دائرية بحالا راها طايرة بوحدها بسرعة خيااالية ...
المعلق : تسدييييييدة خطيييييرة وااا لااااااااا ..... كييييين يتصصصصدى ... كييين يقووول لااااا ...
كين الحارس نقز لليسااار و تلاااح على الكرة و ضربها بيدو .. كان باغي يشدها و لكن حيت الكرة سرييعة و قوية ماقدرش ... رجعات لمنطقة الجزاء فين سلطااان نقققز و ضربها بالرااس .. ماشي لجهة المرمى لا لجهة الجنب ...
المعلق: خططططييييرة من سلطاااان رأسية .... لااا .. يضييعهااااا و محمد هنااااك يرتقييي ... كوووورة خطيرة وصصصعبة وااااااااا گوووووووووووووووووووووووول ... ياااالااااا الجنوووووون ... مباااارااااة ولا في الاحلاااااااام .. جنووووون جنووووووون
محمد من وسط اللعابة لي تماك شاف الكرة جاياه من عند سلطان .. نققز حتى هو لفووووووق و ضربها برااسو جهة المرمى فاليمين لي خاوي حيت كين طايح فاليسار ... و لكن قبلما كين ينووض باش يشدها و قبلما يستوعب شي مدافع من ماناوس الكرة كانت استقرت فالشباك !!! ووالتر تبعها تاللشبكة وررركلهااا بعصبية
المعلق: ( وقف بجنووون وهيستيرية حدا الميكرو كايغوت ) گووو گوووو گووو گووو گوووووووووول .... أمااادووورااا تعووووووود !!! أمااادوووراااااا تعووووووود !!! من قاااال الماااتش تسااالااااا ؟؟ من قااااال الأمل تساااالاااا ؟؟؟ من قاااال الحلم تسااالااا ؟؟ أنااا قلللت ... و يااا ليتني ماااا قلللت !! ياااااا الله .. ياااا الله ... مااااذااا فعلت فيييهم ياااا تووونسيي !!! ماااذااا صنننعت بهمم ياااا تووونسييي !!! بقددمك ياا انسنزووو ... بقفزتك يااااا سلطاااان ... برأسك يااااا محممممد ... صنننعع الهههدددففف !!!!
المدرج ديال أمادورا تهههزززز بالغوااات و البكاااا صووووت بحااال الرعاااد ملي وقف الهدددفو.. مامتيقينش بلي بصح التعادل !!! مامتيقينش بلي الهدف تماركا !!!
محمد كيجرييييي جهة الجماهير ديالهم ببببجنوووون و وراه الدراري كلللهم كيجريو باش يحتفلو بهااد الهددف لي رججعهم لنقطة الصففر !!!
كارلوس كينقززز و رجع لاحتيااط كيعنق اللاعبين و يبوس فيهم قريب يسخف بالفرحة ... الأطباء ينقزو و المصورين و الصحافيين لي من طرفهم يجريو .. مولانو جاي من الشبكة لعند المدرب يتعانق معاه ... و جماهير ماناوس بحالا شداتهم الساكتة !! كلشي كيشوف غير فمرمى فريقهم مصدووميين !!!!!! بحالا ماشي تعادل بحالا فوووز .. باش انهم فشووووط يتقددمووو ويتعادلو ويرجعو تلاتة داهدااافهم و يضغطو مناوس بنسبة ليهم انتصااار ....طيحوو محمد الارض وطاااحووو فوقوو فرحاااانييين وجود وقف بحمااااس فرحان ولوؤي عاد تنفس وقاد الكالسة وعائلة الاسماعيلي قسم وقدس واية و وسيم وفيصل وانس قلبو الدااار بالغوااااات تابدات بيان تبكي مخلوووعة .... العيلات جاهم دموع كااااع فرحاااانيييين ... القهاوي تقلللبووووو .... هدف كاااان كااايرجع النفس .. كااايرجع الامل ....... و كريستوفر واقف شاد بيديه على جنابووو مخنننزرررر .... و لاعبين مناوس كايشوفو فيهم محتفلييين وسنانهم كايتحكوووو ... اما المعلق مابغاش يسكت من الغوااات
المعلق : مقااابلة الاحلاااام ... مقاااابلة الجنووووون .... رأسية واااااحدة كاااانت كااااافية .... مذاااا نفعل امامك ياااا مححمد ... مححمممد سررق الفرحة من مدرررج ماناوووس و حططها بمدرج أماادوووراا ... ريمونتاااداااا للتاااريييخ .. كوومباااك كأنه حلللم !!! من 3-0 ل 3-3 ... جااااء الفرج ... ياااا رباااااه !!! ريييمووووونتدااااا الاحلااااااام .....مااا هذا الكووومباااااك الرهيييييب يا امادورا يا مجنووووووونااااا ......
محمد تفك من صحابو ورجع تاني كايجري جهة جمهور امادورا لي جالسة تما مراتو وولدو ... بالفرررحة حيد التووني كاااايجري ..... غابرييل كان طويل و صحيح .. هز محمد على كتافو راجع بيه للتيران و محمد هاز يديه لفوووق و انسينزو تابعو كيضحك هاز ليه التوني لي حيد .. محمد كيبوس فصبعوو ديال الخاتم كإشارة لأنه كيهدي الهدف لمراتو ... و الحكم كيف رجعو للتيران وقف عليهم كيصفر و كيهز الصفراء على محمد حيت حيد التوني .. و شكووون داها فشي صفرة فهاديك الساعة واخا يعطيه الحمرة يبوس ليه على الراس و يخرج .. الهدف الثاالث !!
كان بمثابة انهم يلاه بدااااو من جديد والشوط لول بحالا غا حلمووه ....
لبس محمد التيشورت ديالو و ضار شاف سلطان و مشا عنقو .. عارف بلي سلطان كان فبلاصة تسمح ليه أنه يسجل برأسية .. و لكن خاطر بكلشي و مررها ليه باش هو لي يسجل الهدف فالفينال .. كان هاداك أول عام لمحمد مع أمادورا و بغاه يزيد يدير بلاصتو بهاداك الهدف ... داكشي علاش باصا ليه الكرة بكل ثقة و أمل فالتعادل .. و محمد ماخيبوش ..
صفر الحكم باش يرجعو يكملو الماتش .. و هاد المرة الثقة كانت 1000 عند أمادورا .. الفرقة لي قبل دقايق كانت مطأطأة الرأس كتلعب بخوف و توتر دابا كتلعب بكل ثقة و مقااتلة على الفوز .. و الفرقة لي بدات الماتش بثقة دابا تالفين فالتيران و التفاهم لي كانو فيه تبخر .. ملي تماركاو عليهم 3 متابعين خسرو هاداك الإنسجام و ولاو مضاربين غير مع ريوسهم .. و لكن لي ماتبدلش هو عنفهم الكبير فاللعب ...
FCM 3 / 3 CAA -- 88 : 44
الكرة كتتحرك فالتيران .. و أمادورا ممارسين الضغط ... بتمريرات فنية بين اللعابة .. سلطان و انسينزو بمساعدة محمد و غابرييل كانو متحكمين فاللعب و عاطيين الثقة للاعبين .. كيحبطو هجمات ماناوس و كيبنيو هجمات خطيرة جهة شباك كين .. كرة قدم ماشي غير مهارات فالكرة والرياضة بل حتى العامل النفسي كايشكل فرق كبير .... و المعلق غايحماق على هاداك اللعب المسسسطي لي كيديرو فآخر دقائق الماتش !!
المعلق: انشرووهاا على الفايسبووك .. انشرووها على الوااتسااب .. انشرووهاااا على التويتر و اليوتييوووب .. بعنواان "جنوون المععلققق علللى تسديدااات سلطااان ... جنوون المعلللق على أسيستااات انسينزو .. جنوون المعللق على مرااوغااات محمد و غابريااال " .... نحن نعيش الدقائق الأخيرة من العمر القانووني للمباراة ... الكرة لدى كييتا .. يمررها إلى خورخي ... سالا يقطع الكرة لكنها تعود بسرعة إلى انسينزو ... الدقيقة 89 .. سيكون هناك وقت بدل ضائع و انسيينزو يمرر ل سلطاااااان و خطييييرة ..... خطيييييييرة
انسينزو كان راوغ أبو باكار و مرر الكرة لسلطان لي رااوغ ريكاردو و سدد من بلاصة بعيدة شوية على المرمى .. كانت كرة سريييعة و خطييرة و لكن كيين تلاح عليها شدها و طاح فالأرض معنقها ...
المعلق: كيين يصد الكرة ... لكنها كانت محاولة خطييرة كادت تقتل المباراة بهدف ... إذن الحكم يقول 9 دقائق في الوقت .. البدل .. الضائع ... هذا كله وقت بدل ضائع !!!!! انه شوط يا سيدي الحكم !!!!! 9 دقايق ليست وقت بدل ضائع بل وقت بدل ضااااااااااااااااااااائع ههه .. لا بأس لنتابع المقابلة ......
جود : (زف بالمخدة ) تحكيييييييم دال****** .. زيييدهم نتا سييييمانة كااااع ....
لوؤي : 9 دقايق !!! رجعو لديورهم وجاو ولا كيفاش !!
FCM 3 / 3 CAA -- 90 : 59 +9'
تراجعو سلطان و انسنزو لجهة أمادورا فالتيران يشدو بلايصهم ... بينما بارك سون بقا قريب لكين لي شاد الكرة فيدو و من المرمى كيشير للاعبين بيديه باش يشدو بلايصهم ... جرا ثلاثة الخطوات من بعد لاح الكرة و ضربها برجلو كرة طويييلة فاتجاه والتر لي تعرض ليها بصدرو .. حطها فالأرض و حط عليها رجلو ... كيمسح العرق بكم كتفو و كيشوف فدفاع أمادورا وأملو فهاد تسع دقائق لي تزادت .. شاف فالجنب فدييغو صاحبو و لاحها ليه .. من بعد مشا كيجريي داخل وسط الدفاع و مقرب للمرمى ...ولاعب بكل مااااافيه من روح قتااالية يرجعو فيهم النفس ....
دييغو كيباصي لپالي .. و من پالي لرافاييل .. كيضورو الكرة بيناتهم تماك و اللعابة ديال أمادورا دايرين جهدهم باش ياخدو منهم الكرة ..
كاسو خدا الكرة ... شاف فوالتر لي واقف قريب للشبكة و لاح الكرة من لفووووق ... نققز والتر باغي يضربها لراسو ...
المعلق: (شحفان) واااالتتتر يقققفز و لااااااا ..... صصصصصعععععبة خطييييييييييييييراااااااااا
مولانو الحارس شاف الكرة من بعييد و جرااا خارج من بلاصتو و تلاح عليها فالسما شدها ...
المعلق: مولااااااانوووو القناااص .. يقووول لا ... كفى ... ليس بعد الآن ياا واالتر .... شوف الإعادة ... شووووف الاعااااادة .... كانت للقائد فرصة أكبر بالتسديد .. لكنك أخطأت الحساب يا كاسو ....... بقت خمس دقائق ... و ربما نذهب إلى الأشواط الإضافية ... الاعبييين واضح عليهم من الوجوووه التعب الشديييد .. 90 دقيقة من القتاااال وااعصاااب والتوتر .... مولااانووو يبحححث عن محمد .... محمد التونسي الذي التحق جديدا بامادورا لاكنه في هده المقابلة اثبت لنا روحا قتااالية رااائعة .....وانسجام وتناغم مع ثنائي الشباك .. انسينزو الغدار و سلطان المكاااار .... كرة طوييلة في اتجاااه بارك سووون .... احححذر سااالا يا پارك ... اشتقت لسالا .. اين كنت يا بطل ... هل اطفأك دخول المكاااار ... سالا يفووز بالكرة .... هجوووم لمنطقة امادوورا ...شووف الدفاااع ..
مشى سالا كايحري بالكرة لجهة امادورااا و والتر تابعو من جنب باش يمرر ليه هو يخرج ليه سلطان من حيث لا يدري وقف قدامو حابسو بيديه يدوز وسالا كايراوغ بالكرة وكايشوف فسلطان لي قدااامو بعيوووون قاتلة .. وسلطان عين فيه وعين فالكرة .... هبطها لكرة هاد المرة يالاه سالا غاايحط فوقها رجلو كان حيدها لييييه وضربها طوييييلة لگابرييل لي كاين فالوسط بعدها على المنطقة ديالهم وسالا ضار شاف فييه محقد عينيه .....ورجعو جراو للتييران ....كابريل بدا كايراوغ تادخل معاه والتر حيدها ليه وبدا يقلب والتر لعينيه على سالا عنهم أمل فهاد الدقايق لي بقاااااو وامايدوزوش لاشواط الاضافية .... سالا غير شاف والتر شد الكرة مشى كايجري بجهة منطقة امادورااا باش يلوح ليه الكررة .....سلطان فهم اش بيناتهم وطلع تاعو كاااايجري .... يالاه والتر غايلوح الكرة .. تعلا سلطاااان و سااالا وحيت سلطان طول منو شدها بصدرو وهبطها لتحت كايجري بيها نازل جيهة ماناوس ... و سالا تااابعو فجنبو كايراااوغووو و سلطان كايلعب بيها من رجلييييه رااااشقة لييه يرد ليهم صرف الاستفزاز لي دارو ليهم ....
المعلق : شوووف الثعبااان شوووف .. رحم من سماااك الثعباااان .. آه انه انا .. نسيييييت .. معلش انا ايضا رحمني الله مع هده الفنيااااات يا مكااار ..... سالا يحاول و سلطان ييرواااااغ ....
سلطان بقى كايراوغو مرة يمين مرة شمال حتى زلق سالا وجا على فمووو وصفر الحكم وسلطان علا يديه الفوووووق بمعنى ماااااقستوووووش
المعلق : أوووووپااااا ......
الحكم جا عنهم كايجري والاعابا جاو ووسالا بالعاني كايتلوا فالارض باش يضيع الوقت ... و الحكم ماعطاش ضربة خطأ لانه ماقاسوووش وسللا مامقسحش ...،وبدا يشير بيديه لاعابا يرجعو وسلطان هبط عينيه شاف فسالا
سلطان : نوووض آماما نووووض ...
خلاه ومشا كتيجري ضاحك وسالا ناااض ... الكرة يلاه شدها والتر ... هووو يصفر الحكم كايعلن على نهاية الوقت البدل الضائع والمروور الاشواط الاظافية .....
المعلق: و انتهى الوقت الرسميي للنهائي .. و سنذهب إلى الأشواط الإضافية ... ما هي التوقعات ؟ ليست هناك توقعات .. لا أحد يدري ... هل ستبقى الكأس في البرتغال كما وعد انسينزو .. أم ستسافر إلى البرازيل كما أقسم والتر ... إنها بين القادة ... فمن منهما سَيَفِي ..؟ و من سيخون ...؟ نعود لنلتقي بعد استراحة اللاعبين .......
كل فرقة مشات لجهة المدرب ديالها .. ها لي جالس فالأرض ها لي متكي و صاحبو هاز ليه رجليه كيمددهم ولا يماصيهم ليه .. ها لي كياكل فالبنان ها لي كيشرب فالماء ...
مناوس كايبخو الدم وامادورا رغم الكومباك الا ان باقي فيهم الخوف لايمشي يتقلب الماتش تاني وتنةض ماناوس ! ...
سلطان كان واقف كيشرب من قرعة صغيرة ديال الماء .. عاقد حجبانو و مخنزر كيشوف جهة ماناوس فين واقف والتر حتى هو كيشوف فيه .. والتر فاللقاءات الصحفية قبل الماتش كانو الصحفيين كيسولوه على سلطان خصوصا و أجوبتو كانو كلهم عامرين استهزاء و استفزاز لانه دخل بوسااطة عمو ونفودو .... حتى فالماتش هو استفزو كثر من مرة ملي هز عليه الفاك .. واها ردها ليه باقا كلع ونزل فيه .... و فهاد الماتش بالظبط و هااد اللقاء سلطان ختار يجاوب بطريقة ااخرى من غييير انه حتى هو يسبو ولا يطيح عليه وسط التيران يخسر ليه وجهو ... و جوابو جا بهدف أول و ثاني و ثالث ... كلهم بدون استثناء كان سلطان جزء منهم ... اللول سجلو هو و الثاني ضربة جزاء جات بسبابو .. و الثالث هو لي عطاه لمحمد .. و لكن مزال مابردش ..
طلع القرعة كيخويها على راسو باااردة ... وشعرو كولو طاح على جبهتو ... شعرو لي كبرو مؤخرا من القدام واخا ماموالفش يكبرو ديما عندو خفيف ... بدا كاينفض راسو ويرد شعرو لور و معجبااااتوووو سخفااانييين كايتنهدووو ...
كمشها لاحها ونسنزو جا عندو ... وقف قدامو .. سلطان كيبان طويييل عليه و هو قصيور حداه ..
انسينزو : رجليك ماعاطياكش الصداع !!
سلطان : ( شاف لرجليه تاكلن نساها ورجع شاف فيه كايضور راسو بلا ) لا .... بيخير . ماشي شي حاااجة ....
انسينزو : ولاااد القحااااب خاص لي يعاود يقريهم التربية الريااضية ....
سلطان : يصفر داك ال*ب العوووج دگااسبااا وناخدو داك الكاااس ... ونقريوهم حتى التربية الجنسية .... هادوك لا ما**واوش مايشدة الارض ....
انسينزو : كتر من داك التربية الجنسية لي درتي ليهم فالتييرااان اصاحبي ... غير داك طيحة دسالا باركا عليهم ......
شافو المدرب كايعيط ومشاو تجمعو عليه تاني كان كايزيد يقريهم ... ولااطباء بداو يداويو جرووح لي طاحو فتيران ..
بقات دقيقة ويصفر الحكم يبداو ... وقفو كايديرو تسخينات وسلطان كايربط سيور الشورط وكايعوج عنقو يمين وشمااال مممستعد.....
الاستراحة سالات .. و كلشي مزال على أعصابهم .. المصارن كتتلوا و الأجسام كتعرق .. و القلوب كلها مزال كتصلي ...
اللعابة بداو كيدخلو للتيران يشدو بلايصهم و كل فرقة فجهتها .. غير القادة بجوج لي وقفو قدام الحكم تاني باش يشوفو شكون غادي ياخد الكرة و يبدا الماتش ...
FCM 3 / 3 CCA -- 91:00
المعلق: شوطين اظافيين ...هي ثلاثين دقيقة .. كافية لتسجيل هدف .. هدف ينهي كل المباراة ... سيكون .. جميعهم سيبكون .. بعضهم سيبكون فرحة الانتصار .. و اخرون سيبكون مرارة الخسارة ... نحن محظوظون .. لحضورنا لهذه القمة الكروية النارية ... مباراة مشتعلة .. كلا الفريقين يأبون الإستسلام .. فلمن ستكون الكلمة الأخيرة ... في الملاعب .. يكتب التاريخ بالأقدام .. فأي قدم هي التي ستكتبه هنا في لشبونة العاصمة ... و هل سيكتب باللون الأحمر أم الأزرق ؟
الحكم گاسبا هز العملة فيدو و شاف فانسينزو باش يختار جهة ...
انسينسو: الوجه ..
گاسبا: (شير بيدو لوالتر) يعني نتا الظهر ..
لاح العملة فالهواء حتى طاحت فالگازو و بثلاثة تحناو كيشوفو .. كان الوجه .. تقاد الحكم فالوقفة دار الصفارة ففمو صفر و اشار بيدو لإنسينزو .. الكرة كانت فيد والتر ... انسينزو قرب منو ماد يدو باش ياخدها .. و والتر بلاصة ما يمدها ليه بروح رياضية و بطريقة عادية شاف فانسينزو باحتقار و زف بالكرة لفوق مخلي انسينزو ماد يدو ... مشا عاطيه بالظهر كيجري بشوية لبلاصتو و كيدفل جنبو ..
و انسينزو وررك على سنانو طالع ليه الخز و ضار للكرة هزها و كمل طريقو لبلاصتو .. شاف فسلطان و سلطان غير بعينين كيقول ليه غييييير تهددن و لعب بتركيييز هادشي وقتو من بعد ...
انسنزو حتى هو جاوبو غير بإيماءة بوجهو و حط الكرة تحت رجلو .. و صفر الحكم بداية الشوط الإضافي الأول و لي غايكون طولو ربع ساعة .. 15 دقيقة ...
المعلق: و ينطلق الشوط الإضافي الأول بتمريرة لسلطان .. جبريل يحاول التدخل لكن سلطان يعيد الكرة إلى الخلف .. باتجاه سيرخيو .. سالا من جديد ...
سيرخيو كان كيدور بالكرة و سالا كيحاول ياخدها منو .. لاح سيرخيو الكرة لمحمد و محمد ضار كيجري داخل منطقة ماناوس .. و معاه مشا سلطان و غابرييل و انسينزو باش مايكونش بوحدو تماك .. دفاع ماناوس تفرق عليهم .. الفرقة كلها كتدافع على المرمى .. محمد مالقاش كيفاش يمرر الكرة ليهم و ريكاردو جاري معاه مامخليش ليه الفرصة .. كان محمد قريب للخط ضرب الكرة مع رجل ريكاردو و خرجات تماس لصالحو هو نيت ..
الحكم لي فالجنب هز واحد ااراية و الحكم لي لداخل شاف الإشارة و حتى هو صفر و أشار بيدو لجهة أمادورا زعما التماس ليهم .. ريكاردو تراجع اللور و واحد الولد مراهق لابس جيلي جا لاح كرة لمحمد و مشا كيجري يجيب الكرة لي خرجات من التيران ..
محمد كيف خدا الكرة ضار بالزربة وقف على الخط ضور عينيه بسرعة غير شاف غابرييل حداه لاحها ليه و دخل كيجري .. ماباغينش يضيعو ثاانية وحدة من الماتش .. غابرييل كيبانو ليه ثلاثة من لاعبي ماناوس قاصدينو شاف وراهم كيبانو ليه انسينزو و سلطان قراب للشبكة متوغلين وسط المدافعين .. و قبلما يوصلو ليه هادوك الثلاثة ضرب الكرة لفوووق جهة هادوك الجوج .. انسينزو عاد باغي ينقز ملي بانت ليه عالية مادارهاش .. بقاا متبعها بعينو دازت من فوقو و كتبان ليه قاصدة سلطان .. سلطان كيشووف فالكرة و كيستعد باش ينقز ... والتر شافو و حتى هو نقز معاه بالجهد باغي يسبقو للكرة حيت قدامو ...
المعلق: تمريرة عااالية باتجااه سلطاان ... سلطااان يقفز و ماااذااا حدث هنااك !!! يااا ربااااه !! أياياياياياي ...
والتر هو لي سبق للكرة ... ضربها فووق الشبكة و كين كان يحساب ليه غاتدخل نقزز حتى قيس العارضة الفوقانية و طاح كينهج ... و سلطان لي كان نقققززز لفووق ناوي يضرب الكرة صدق ضارب راس والتر .. بهاديك القووة كللها حس برااسو تزعزع .. و بجوج بيهم طاحو تماك شادين ريوسهم !! كانت ضربة قووية بزاااف ليهم بجووج ..
الحكم صففر و جا كيجريي عندهم ... اللعابة ضايرين بيهم كل واحد كيشوف فصاحبو .. حيت الضراااابي كانو خطااار .. والتصااادم كان قوووي .... وسفيان تااااتي وقف مخلوووع وكولشي شهق فالعااائلة قلبهم غايسكت غير مع ولدهم يرجع بسلامة من هاد الماتش لي مصااارعة ماشي كورة ....
انسينزو شاف فوالتر لي جلس كيسسب و شاد على راسو ... و شاف فسلطان لي مزال طايح !! تحنى عندو على ركابيه كيهضر معاه و كيغوت خصوصا ملي بان ليه الدم فجبهتو !!
انسنزو: سلطاان .. سلطااان كتسمعني ؟؟؟
سلطان كيشوف لفووق و وجهو خاالي من التعابير ... عينيه كيشوفو غير الضبابة و أضواء الستاد لي سااااطعين .. كيسمع صوت الجمهور و صوت انسينزو لي كيغووت و صفارة الحكم لي كيستدعي الأطباء .. و لكن كللهم أصوات غااارقة و بعيييدة .. كان بحاالا ترففع من الواقع و بحالا بدا كيفقد الوعي !! وعينيه كايرمشو ثقااال وسفيييااان قرررب لتلفازة مخلوووع واسد بدا يجبد تيليفووون
لامار : يااااااربي تتتحححفظوو ياااااربي تحححفظووووو
قسم : يااااااربي سللاااااامة
اية : ( هبطو دموعها مخلوعة ) خووووويااااا
المعلق: يبدو أنها إصابة خطيرة !!! و يبدوو بأن أماودورا ستكمل المباراة بدون السلطان !!! ساللاامات يا بطل
الأطباء ضارو بيه كيشوفو معاه مكيجيهم منو حتى رد .. الجمهور كللو مهزوز و معجبين سلسطان بداو كيبكيو بنات و رجال ! مابقاوش هازين غير هم الماتش ولا مرعوبين حتى أن الإصابة تكون بهاديك الخطورة كللها لي كتبان عليه و يكون فقد الوعي ولا شي حاجة كفس !! خصوصا انه الرأس .....
تامن اللاعابا دمناوس سكتو كتيشوفو جهتوو .... وانسينزو كايطل من وسط الاطباء لي ضايرين وعائلتو غاتهبل قدام التلفااازة و سفيان رااااسووو سخن كايشوف مع جنابو فين يمشي اي يديييير و جود موسع عينيه ساااكت مستعد فاي لحظة يشد طيارة ولوؤي قرب للحديد قدامو شاد فيهم مهبط راسو كايحاول يشوف فولد عمو بوجه عرقان النفس تحبسات فصدرو ! كيبان ليه متكي على ظرهو جامع رجليه و يديه مسرحين فجنابو و مكيدير حتى استجابة ولا حركة !!
و كارلوس كيشوووف جهتهم قلبو غايسكت كيتسنى إشارة من الأطباء ... شوية واحد فيهم شاف فيه و حرك راسو ب"لا" بمعنى ماغاديش يكمل .. كارلوس غمض عينيه و تنهد تنهيدة عميييقة حيت الكابوس تحقق ..!!
شد راسو و ضار كيشوف فدكة الاحتياط فين جالسين المدافعين فيليكس و تيباس ..!! و بجوج بيهم كيشوفو فيه بعيون كلها حيرة ...
الأطباء حطو الحمالة على الأرض و بداو كيهزو عليها سلطان باش يخرجوه و سائق الإسعاف جاتو مكالمة باش يستعد حيت حالة سلطان ماكانش كتبشر بالخير بغا ه يديوه للسبيطار !! و سفيان صاااافي بدا كااايوجد يخرج واخا معارف فين غايصد واسد كايهضر فتيليفون مع الگارد لي تابع سلطان وكاين مع الامن على برا كايعلموه بشنو واقع .....
كارلوس كيحس براسو غايطيح بكثرة ما متوتر مستريسي و ماعارفش شنو يدير .. ماضربش حساب اصابة مهاجم و خصوصا مهاجم قوي بحال سلطان ! الأشواك عاد بداو كيفاش يعوضو ؟
ضرب رجلو مع الأرض بعصبية كيسب و أشار بيدو لفيليكس يقرب منو باش يدير التبديل ... و كارلوس كيشوف فهادشي و ابتسم .. الفرحة بانت فعينيه .. بقا ليه غير يبدا يصفق و يضحك بالجهد !!
المعلق: (بصوت حزين واضح عليه تأثر) ما هذه المأساة !! يبدو بأن الإصابة خطيرة و سيكون هناك تغيير ! سالامات يا سلطان سالامات .. لقد قمت بالكثير .. كانو يتمنون أن تكمل للأخير .. و الان يتمنون فقط أن تكون بخير .. سالامات يا مغربي يا بطل ...
هزوه على الحمالة و خرجو من الجهة لاخرة لي قريبة ليهم ماشي الجهة لي فيها المدربين .. لؤي شد على راسو دااخ و تللف .. الرعب و العصبية بجوج تخلطو ليه كيحس بذاتو سخووونة و عينيه غير على الحمالة لي هازين عليها سلطان منشوور ماكيتحرككش !! وانسيينزو تتبعهم والبكية بين عينيه نسى الماتش كاع ... و لؤي هابط فالدروج كااايجججري
الحكم كان صفر فاللحظة لي خرج فيها سلطان من التيران باش اللعابة يكملو الماتش ... لاعبي ماناوس كلهم رجعات فيهم الروح .. حيت عارفين بلي خروج سلطان كيعني ان استقرار أمادورا تزعزع .. فرصة و وقت مناسب باش يسرقو منهم الفوز فغفلة منهم !! وبصح ... امادورا مزال مضهشرييين مخلوعين على صاحبهم ..
انسينزو عقل مع الكرة و عقل مع صاحبو لي مع الأطباء خارج التيران .. و الجمهور بحالو مرة يشوفو لداخل مرة برا يطمأنو على سلطان مزال مامستوعبينش شنو كيوقع !!..
و فيليكس كان وقف حدا كارلوس و كارلوس مضور يدو على عنقو مقربو منو كيقول ليه شنو خاصو يدير لداخل و علاش يركز ... ماكانش عندو الوقت باش يتعصب ولا يتحبط خاصو يلقا حل يعوض سلطان و مايضيعش ليهم الجهد لي بذلوه باش يوصلو لهاديك النتيجة ..
المعلق: كما قلت .. يبدو أن كاارلوس سيقوم بالتغيير .. فيليكس المدافع البرتغالي بدل سلطان المهاجم المغربي (بأسف) ضربة قوية لفرقة أمادورا ...
سلطان كان مزال كيشوف الضبابة و كيسمع الأصوات ثقيلة و مبننج فذاتو .. عقلو غاادييي و كيطفاااا بحالا باغي يفقد الوعي !! و هو قرييب يستسلم و يدووخ .. و لكن فجأة الأصوات بداو كيتداخلو فراسو .. أصوات واضحين ماشي بحال الأصوات الخارجية !!
- والتر: الكأس غاتكون برازيلية هاد المرة .. لا أمادورا لا حتى فرقة كتخلعنا ..
- آية : خوويااا ... واش بصح غاتولي بطل كبير فالكرة ؟ وملي غاتولي بطل .. غاتسناني حتى نتمشى وتعلمني نلعب ياك ؟؟؟
- اسد : ماعليش دابا مايبقاش لحال على هاد لانوط اولدي راك باقي فالبريمار ... العام الجاي غاتجيب حسن .. وتفكر ديمااا ... You can win if you want " ستنجح اذ كنت تريد "
تسمعات فودنيه صفاارة قووووووية .. ماكان حتى واحد كيصفر .. و لكن عقلو خيل ليه صفارة الحكم مجهدة بزااف ... بحالا كان ناعس و المنبه بدا كيصوني ! بلا عقل ناض قااافز من فووق الحمااالة جااالس كايشوف !! الضربة كانت سخفاااتوو ورجع لوعيو ... لوؤي كانت تابعو كايحري هزما عادين بيه لاسعاف والگارد ديالو تاهو غادي كايجري والاطباء شافو فيه فاق
كللشي تصدم !! و سلطان مزاال دايخ وهوما نزلوه بالحمالة وبدا كايحاول ويوووقف ولكن دوخة كايشوف من الحاجة جوج .... كيحاول يقاد الوقفة و كينفض فراسو يمين و شماال .. عينيه مضببين .. ودنيه مزال كيسوطو .. و رااسو فيه حريق كبييييير كيحس بيه كيتقسم على جوج !!و حاس بالتقية و بلي راه باغي يرجع شنو واكل ! ولوؤي قرب عندو واخا مانعينو ولكن الدم غغلب ....
لوؤي : سلطااااان ... سلطااان نتا بيخير !!!! شوووف لعندي
سلطان هز عينو فلوؤي واشار ليه براسو انا بيخير وعطى اشارة بيديه للگارد يتراجعو .... و الأطباء عارفين بلي راه ماشي طبيعي و بلي محتاج يرتاح و يتداوا جرح راسو .. و عارفين بلي موقفاه غير نفسو الحاارة و ممكن فأي لحظة يطيح تاني حيت جسمو ماغاديش يستحمل ...
الطبيب: (شد يد سلطان) سلطان ؟ كتسمعني ؟
سلطان هز راسو شاف مع جنابو كانو فالكلوار وصووت التييران والجمهوور قاالب الدنيااااا ...... اللعابة خدامين و الكرة ضايرة .. بدون تفكير تقدم خطوة باغي يدخل عاود و جرو الطبيب من يدو ..
الطبيب: سلطان ... الضربة فراسك قاسحة ماغاديش تقدر تكمل الماتش ...
سلطان: (شاف فيه و خنزر) غانكملو ...
لوؤي : سلطااان سمع الهضرة .. الماتش يتعوض ونتا لاااا ......
شاف جهة لوؤي واشار ليه بعينيه انا بيخير ودخل راجع ولكن باينة فيه ديخان .... و الاطباء تابعينو و لوؤي رجع من الباب لووخرااا يطلع للمدرج ... و اية بدات تغوت فاش استقرات عليه لكاميرا داااخل عاد ا سفيان واسد لي كانو كايهضرو فتيليفون بزززربة بان ليهم واقف عاد رجعات فيهم النفس وتوني البيض ديالو حممرررر بدم ....وطبيب وقف حداه كايلوي جبهتو بالفاصمة بييضة وغطات راااسوووو كااامل ولبس ليه البااانضة كحلة ..... وسلطان عينيه غير فدكة ااحتياط بانليه كارلوس غايبدل ..
كارلوس كان مزال كيهضر مع فيليكس و كيوجد فيه .. ملي هز عينيه و شاف سلطان داااخل .... حبس الهضرة و يدو لي كانت كتتحرك و بقا غير كيشوف مافهم والو ؟؟
وسلطان هز يدو كيشير ليه بيها كيقول ليه لا راني مزال لاعب ماااتبددلش .. الطبيب كيشوف فيه مصدوم !! كيدار هدا وقف ... معارفش الى الحماس والنفس ورد الاعتبار يديرو العجااائب !! انسينزو مزال فالتيران جا كيجري لجهتو هو لي دخل للملعب و وقف كيشوف فيه و كينطق منفعل ..
انسينزو: اش كتخور نتا !! واش باغي تموت فالتيران ؟؟
سلطان: لاكنت غانخرج هاكا غانقود نموت حسن ليا ...
لؤي وصل لبلاصتو وحط يديه على لحديدات قدامو و تحنى لقدام !! كيشوف فيه بحجبان مكمشين ماعرف واش يفرح لي مزال واقف على رجليه ولا يخاف عليه يعاود يطيح حيت كيباان ليه كيفاش كيشوف لتحت و شاد راسو بيدو .. باينة فيه مزال دايخ ... وعينيه كايشوفو شمال ويمين دااايخين ....
المعلق: سلطان يعووود !!! .. ماذا يقولون هناك ؟ ماذا يحدث بجانب الملعب ؟؟
الطبيب كيعرف سلطان و عارف ايلا قال اايرجع يعني راه غايرجع .. و حتى انسينزو كذلك ... عارف بلي ماعندو مايقول ليه .. داكشي علاش رجع دخل كيكمل الماتش و هو كيسب و يلعن فخاطرو حيت بسبب سخونية دم سلطان غايخرج على راسو ...
طبيب مزال شادو مامخليهش مزال كايراقب فجرح وعطاوه يشرب .....
كارلوس: سلطان ! مسطي ....
ضرب بيدو على صدر فيليكس و نطق و عينيه مزال على سلطان ...
كارلوس: (بابتسامة جانبية) رجع رجع لبلاصتك .. الشبل ناوي يكمل شنو بدا ...
كريستوفر : ( بعصبية لاح القرعة ) ششيييييت !! هاد خييينا مكيموووتش ولا ماااالوووو ....
فيليكس حتى هو كان مصدوم من قرار سلطان ! لاعب اخر فبلاصتو ماغاديش يخاطر براسو و حياتو و يرجع يكمل الماتش .. كان غادي يخرج يشوف شنو واقع فيه و يداوي جروحو و يتكمش ! بلاما يزيد الهضرة رجع لبلاصتو فالدكة ..
المعلق: فيليكس يعود لمقعد الاحتياط ؟!!ألن يكون هناك تغيير ؟؟؟
و سلطان هاداك الماء لي بقا فالقرعة خواه على وجهو لي حاس بيه سخون .. هو أكثر واحد عاارف بلي راه ماشي بييخير حيت هو لي حاس .. و لكن راه اخر ماتش ليه مع الفرقة و الفينال ... و ماشي هاكا كان كيخطط لهاد الماتش .. باغي يساليه و هو هاز الكاس ليديه ماشي مكسل فدكة الإحتياط ولا فالإسعاف ...
رجع داخل للتيران كيجري .. و مع كل خطوة كيحس براسو كيتزير عليه ..و لكن ماناوويش يستسلم و يحط السلاح حتال اااخر دقيقة .. والحكم متبعو كايقول فنفسو مناش مصنوع هاد المخلووق .....
سفيان ملي شافو راحع لتيران سععععرررر عليييه علاش رااجع وهو مضرووب ....
المعلق: و سلطان يعود إلى الملعب .. بطبعه متهور و متمرد .. سلطان مجنون .. و جنونه يصنع المستحيل و يحقق المعجزات .. بجنونه ييسجل و بجنونه يلهب المدرجات .. اااه ماذا ستخسرين يا أمادورا ... مااذا ستخسريين ياا برتغال ..
أمادورا كلهم دايرين معاه البال .. لي عندو الكرة راه لاعبها و لي ماعندوش راه مراقب سلطان واش بيخير .. و سلطان باش يطمنهم و يخليهم يركزو غير فاللعب مكيبينش الألم كيجري معاهم و يطلب الباصات و يراوغ بحالا ماواقع ليه والو و بحالا ماعمرو طاح !
ابتسامة كارلوس و لاعبي ماناوس و حتى جماهيرهم مادامتش ملي سلطان دخل و كمل اللعب .. بالعكس عاد مازاد توترهم .. تخلعو ملي شافو واحد هاكاك مضرووب و كيجري وسطهم و ياخد منهم الكرات و مهدد المرمى ... عرفو بلي السيد ماداخلش يلعب داخل يتقاااتل باش يربح ..!! اما جماهير امادورا شابكين يديهم كايدعيو بمختلف اديانهم مايوقع ليه والو .....
رجعات المباراة للوتيرة السريعة لي كانت عليها ... هجمة من هنا هجمة من لهيه .. ضربة خطأ من هنا و ضربة مرمى من لهيه .. الكرة مكتهداش .. كلشي مزروب و مكيضيعووش الوقت نهائيا حيت أي ثانية محسوبة و كل فرقة راها باغية تسجل الهدف بالزربة فهادوك الأشواط الإضافية .. خصوصا أنهم كلهم ترهقو نفسية و جسديا ماعندهمش المورال لركلات الترجيح ...
اللعب فالأشواط الإضافية كان شاعل بزااف .. الجماهير عياااو مابقاوش قادرين يستحملو .. و المدربين بجووج بحو بالغوات .. كللشي على أعصابو ... والمحاولات الضائعة كانو كتااار .... كوولشي لعب على لهجوم باش مايدوزوش لبيلانتيات .. الكرات لي ضيع والتر وسالا كانو بلا حساب .. شي فالعارضة وشي فوق الشبكة وشي يتصدى ليه الدفاع ولا مولانو...... وامادورا تاهي فهاد الشوط عياو يحاولو ومحاولهم فاااشلة خيت مناوس قواااو الدفاع مدافعين بالراس والرجل والصدر وكووووولشي ... قتااال بمعنى الكلمة ...
الكرة كانت عند سالا فالدقيقة ال14 من الشوط الأول يعني بقات دقيقة وحدة و يسالي ... كيتقدم بيها بسرعة نحو مرمى أمادورا .. تعرضو ليه توني و خورخي و والو راوغهم .. كيبان ليه كييتا قدامو شاف جنبو لقا والتر هاز يدو .. باصاها ليه .. والتر تعرض ليه بارك سون .. كلشي عرقان و العروق منفوخة .. كيراوغ و يهرب بالكرة .. انسينزو جاي .. شافو والتر جاي لعندو و بالزربة تجاوز بارك سون و كمل طريقو كيجرييي بالكرة فاتجاه مولانو لي بوووحدو .. كمش حجبانو عينيه على الكرة و والتر لي جاي كيجري .. كيجري و كلو أمل و ثقة فالهدف ..!!
المعلق: يتقددم و محااولة خطيييييرررةةةةة كأنها بينالتي !!! والتر يسدد وااا گووووووووو.. ااااااا موووولااااااااانووووووو .. مووووووولااااااااانووووووووو !!!
سدد الكرة قريب من منطقة الجزاء .. كانت تسديدة قووية و سريييعة للجهة اليسرى من المرمى ... كارلووس شد راااسو و كريستوفر بلاما يحس وقف على الخط البيض حاضي الكرة !! ماناوس كللهم نقزوو فرحانين بالهدف قبلما يدخل .. ردة فعلهم انعكست على الجمهور لي غووت قبلما تتهز الشبكة ... و لكن فرحتهم تقطعاات بقفزة جاانبية من موولانو ضرب الكرة بصبااع يديه مبدل ليها الإتجاه مخرجها من جنب الشبكة !! و واالتر جلس على الأرض سجد و شد راسو مغطي ودنيه .. بينما كييتا بارك سوون و سيرخيو مشاو كيجرييو عند مولانو لي عاد كيوقف عنقووه كيتلاحو عليه بحاالا سجل شي هدف !!
المعلق: (كيغوت متحممس) مااااذاااا ضييعت ياااا واااالتر !! ياااا ربااااه !! فرررررصة و ضااااع الهددف !! أين كلامك ياا والتر .. أين وعودك ياا كابيتاان ؟؟ مااذا حدث !! كأنها ضربة جزاااء !! لكن موولانو يقوول لااا ... لن تهز شبااكي ياا كابيتااان .. شوووف الإعاادة ... موولانوو يقففز .. مولاانووو يطيير .. و موولااانوو يصد الكوورة ... أي سينااريوو هاااذااا !!! أي سيناريوو و أي كرة !!
وقف والتر وجهو حمممر بعصبية ... ضيع هدف بحال هاداك فهااداك الوقت بالضبط ..
المعلق: و تتحول إلى ركنية لصالح ماناوس .. هي فرصة أخرى .. الكرات الثابتة خطييرة في هذا الوقت القااتل من الماتش ... نريد الهدف .. تعبنا الإنتظاار .. اه على النهائي !! قلت و أعيد .. ليس لأصحاب القلوب الضعيفة ... من سينفذها ؟؟ نعم هو سالا ...سااالااا السرييييع ....
مشا سالا للركنية .. حط الكرة فالزاوية و تراجع خطوات اللور كيشوف بعينيه فمنطقة الجزاء فين اللعابة ديال ماناوس و أمادورا مخلطين وحدين مستعدين لهجوم وحدين مستعدين للدفاع ... شعرو نازل ليه على جبهتو فازگ كان شعر مصبووغ .. طلعو بيدو و خدا نفس عميييق ... الحكم تماك كيشوف فكلشي واش هو هاداك .. من بعد دار الصفارة ففمو ... ثواني و صفر ...
شاف سالا فالكرة و حط عينيه على دييغو لي كيتحرك و كيدير ليه إشارة بيدو من لتحت يباصي ليه .. و جا بسرعة و ضرب الكرة لفووق لعندو ... و دييغو نقزز وسطهم باش يضربها .. نقز معاه سيرخيو و حتا كييتا لي كانو حداه باغين يمنعوه يسجل ... و لكن كان طول منهم و أقوى منهم .. و ضربها براسو بالجهد لجهة الشبكة ...
المعلق: كووووورة و يااااااااا رباااااه !!! مولااانووووو ...
الحارس مولانو كان نقز حتى هو تعرض ليها عنقها و دخل وسطهم تاااااااااني ...
المعلق: الله عليك ياا موولااانوو ... سبايدرمااان ياا موولانووو ... رجل المبااارااااة يا مولاانو .. حاااارس بقيمة اربع مداافعييين ...ينقذ شباكه مرتين على التوالي !! يعلم بأنهم في وقت لا مجاال فيه للخطأ .. أي خطأ قد يكلف هدف .. و مولانو يعلم أن الأهداف قاتلة ... و هو لا يريد أن يردى قتيلا هناك .. ضربة مرمى .. طويييلة في اتجااه محمد .. ممتااز .. محمد يصد الكرة بالصدر و يمرر والصااااافرة ...... انتتتهى الشوط الأول !
صفر الحكم كيعلن نهاية الشوط الأول .. و كلللهم أمادورا مشاو ضارو بسلطان .. كيسولوه واش لاباس ؟ و هو غير كيحرك راسو كيجاوبهم بإيماءات و كيتحرك جهة المدرب باغي يشرب و يلتقط أنفاسو فهاديك خمسة الدقايق قبلما يبداو تاني ...
غير مشى لدكة الاحتياط تلاح عليه كارلوس كايسول ويعااااود وهو كاطمنو انه بيخير ومشا حلس طالق رجليه وكايشرب الما والضبابة مزال مخيمة على عينيه وصحابو واخا كايديرو تسهينات عينيهم عليييه .... خمسة دقايق كدوز بحال رنشة لعين كايحاولو يرتاحو فيها شوية ينوضو يتققااااتلو تاااني ...... وسلطان دازت حداه الكامرة وهو يومي بيدو بحركة ( 👍🏻👍🏻 ) اشارة لعائلتو لي كتفرج كايطمنهم انه بيخير عارفهم مخلوعين ....
FCM 3 / 3 CCA -- 105 : 00
سالات الإستراحة القصييرة .. و اللعابة كلهم تآنسطالاو فبلايصهم ... الكرة عند ماناوس و بالضبط عند دييغو .. و الحكم صفر و دييغو باصاها لوالتر لي حداه ... و بداو تاني اللعب ..
المعلق: الثامنة و أربعة و عشرون دقيقة ... لازلنا تعادل تلاتة تلاتة .... نبدأ الشوط الثاني والاخير من الأشواط الإضافية ... مازالو يبحثون عن الهدف .. ماناوس و أمادورا .. لازلنا لا نعلم الفوز سيكون حليف من ... الكرة مع رِيو في اليمين .. يمرر لكاسو باليسار .. كاسو يراوغ سيرخيو و يتقدم .. يمرر تمريرة طويييلة إلى دييغو و ممتااز دييغو يتلقى الكوورة بالصدر .. هاهوما مناااوس ينهظوووون في الشوط للاخير .... لا مجال للخطاأ ......
دييغو جرا بالكرة كيراوغ بارك سون و بارك سون كيحاول ياخدها منو و لكن فشل .. دييغو لاح الكرة من بعييد لوالتر والتر تلقاها و كمل كيجرييي كيقرب من المرمى ... و من بعيد تاني كيسددها بكل قووة ...
المعلق: كوورة خطيييييرة ....و الدفاااع .. تووني كان هناك ... تمريرة طويييلة و هجمة مرتدة ... كونتراطااات خطيييرة من محمد ... يمرر الكرة إلى سلطاان و سلطااان يتقدددم ... يراااوغ أبو بااكار ... يراااوغ ساالا .. مش مممممكن يا سلطاان ... مش ممكن يا مقااااتل يا مكافح ياااا مكااار يا بو سبعة اروااااح .....
سلطان كان مزاال كيتقدم جهة المرمى والفاصمة على راسو مقاتل غير ع حريقو ... كيين قارن حجبانو و مستعد للتسديدة ... قلبو كيضرب بالجهد بحال قلوب گاع الناس لي حاضرين تماك فالستاد و حتى لي خلف شاشة التلفاز فالمقاهي ... واقفين بعيون واسعة و أنفاس محبوسة كيغوتو ...
- سييير .. سيير ... سييييير ....
المعلق: واا التسدييييدة و ياااا رباااااااااااااه !!!!!
سدد سلطان بجهدو كاامل فاتجاه المرمى ... و كين نقققز جهة الكرة و لكن طاح قبلما يوصل ليها ... ماكانش محتاج يوصل أصلا .. حيت الكرة دازت من جننب العاارضة و خرجات لبار !
المعلق: ياا بابا ياااا باباااا يا بااابااااا ... مش معقووول .. تسديدة خطييييييرة كااانت لتكون الهدف !! يااا مرررعبهم ياااا سلطاان !! سلطان كالاسد ... حتى ان لم يقتلك افتراسا ... يقتلك رعباااا ...
سلطان تحنى شاد ركابيه كينهج و العرق كيقطر من وجهو لي حممر ... حتى عينيه كانو حمرين .. و .. الألم لي فراسو واخا بدا كينقص إلا أنه مزال مامخليهش يركز بسبب الدوخة .. داكشي علاش ماحسبهاش مزيان و سدد من بعيد شوية و الكرة خرجات .. فحالاتو الطبيعية هادا هدف مستحيل مايتسجلش .. حيت كان غير هو و الحارس ..!! و لكن الإصابة هي لي دارتها ليه ...
ناض وقف و مشا راجع لجهتهم من التيران حيت كين خاصو ينفذ ضربة مرمى .. و لاعبي أمادورا غير بعينيهم كيحاولو يواسيوه و لكن ملامحو العصبية ماتبدلاتش ...
الدقايق كيدوزو ... و بالنسبة للاعبين كاملين كانو كيدوزو ثقااال .. بحالا الوقت ماباغيش يسالي .. التونيات تصبغو بالأخضر .. و الوجوه بالأحمر ... و الماتش مابردش نهائيا .. المحاولات كتضيع حيتاش كلشي متوتر خصوصا أن الشوط قرب يسالي و مزال ماكاين حتى هدف مزال واحلين فالتعادل ... بقات غير ربعة الدقايق .. و كلشي بدا كيتجهز نفسييا لركلات الترجيح حيت هي لي غادي يدوزو ليها بعد الأشواط الإضافية ... و لا كارلوس لا كريستوفر بجوج بيهم بداو كيفكرو فكيفاش غادي يرتبو اللاعبين الخمسة لي غادي يهزو مسؤولية ركلات الجزاء الحاسمة ........
المعلق: واا ترجع الكوورة .. مرة أخرى الكوورة لدى ماناوس .. البرازيلي سالا يتقدم ... واا تووني يقطع الكوورة .. قووييي دفااع أماادورا ... كورة بعيييدة و محمد يتلقى الكرة ... التونسي يتقدم .. الكورة ملعوبة طويييلة و انسينزو .. انسينزو يبحث عن سلطاان .. سلطان في الخلف .. و تعود الكوورة إلى سلطاان ...
سلطان كان مزال فوسط الميدان بعييد على مرمى ماناوس .. صد الكرة بصدرو لاحها للأرض و حط عليها رجلو وقف كيشوف فالحارس كين و الدفاع لي كيفصلو عليه و حتى فهادوك لي جايين كيجريو لجهتو باش يسرقو منو الكرة ... و حتاا قربو منو عاد تحرك كيراوغهم ... حاااس براسو عيااا وجهدو كايتسالاااا باغي غير امتى يسالي هادشي ويلقى الكاس بين يديه ويخليه هدية وداع لاماادورا لي احترف فيها .... و انسينزو رجع قرب منو باش يعاونو عليهم .. و فعلا باصاها لانسينزو و هوما مشاو لانسينزو و سلطان جرا كيتوغل فمنطقة ماناوس ...
المعلق: الله عليك يا انسينزو .. مراواغات خطييرة .. طريقة لعب عاالمية من الفريقين ... مبارااة ناارية تأخذ العلاامة الكااملة ... دقيقتين فقط و ينتهي الشوط الثاني و نذهب إلى ركلات الترجيح ... انسينزوو يمرر لغابرييل .. الفرنسي يمرر لمحمد ... و محمد يتقدم .. سالا يقطع الكرة ... و بار سوون الكووري يعييد الكرة لأمادورا ! .... كأنهم يتقااااتلووون ......
الكاپو ديال جمهور أمادورا عطاهم الإشارة باش يطلعو ااخر تيفو كانو مقررين يطلعوه فالفينال فاااخر جوج دقايق .. و بدا كيشعل الكراكاج باللون الأحمر و الأصفر .. دخان كبير كيتوسع و يكبر مع كل ثانية و الجمهور كيغني بالجهد .... و الحبال بدات كتتشد باش يتهز التيفو وسط الكراكاج بهادوك جوج ألوان لي كيخليو المدرج يبان بحالا شاعلة فيه عافية كبيييرة ..
المعلق: شوووف فن المدرجاات !! ياااااااا الله ... كراكااج مجنووون و خيااليي .. كأن أمادوورااا فعلاا تشتعل !! (شدات الكاميرة على اللاعبين وسط التيران فين كانت الكرة عند انسنزو كيراوغ فجهة ماناوس) اخر دقيقتين و ربما سنشهد على اخر هجمة في المباراة !! وسنمر لركلات الترجيح .....
انسينزو لاح الكرة لسيرخيو ... كيقلب منين يدوز و لكن دفاع ماناوس كان خطير مامخليش ليه الفرصة ! لاحها ل غابرييل لي غير خداها و دخل بيها كيجرييي غفل أبو باكار و ريكاردو لي كانو قدامو ... باغي يسدد و كيين موجد راسو و مستقبلو بوضعية استعداد باش ينقذ شبكتو ... تافقو فستراحة اخر شوط باش يخدمو غير على دفاع واستعدو يدوزو لركلات الترجيح .....
المعلق: خطيييرة في مربع العمليااات ... إنهااا لأمااادوووورااااا ... خطييييييييييرة و سااالا هناااااك ....
سالا حتى هو كان غفل غابرييل و قبلما لاخر يفكر يسدد كان خدا ليه الكرة و مشا مبعد بيها من المرمى !!
المعلق: (بفقدان أمل و انطفاء) مع الأسف ضااعت المحااولة ... اخر دقيقة سيداتي سادتي نحن نعيش اخر لحظات المباراة ... و سنستعد جميعا من أجل ضربات الترجيح ... بدأنا المباراة بسيطرة ماناوسية دامت حتى الشوط الثاني .. توقعنا لهم الفوز ظنا منا أن أمادورا المشتعلة باتت رمادا .. لكن بدخول سلطان ولدت العنقاء من وسط الرماء لتحلق فوق ستاد لشبونة و تحرق البرتغال من جديد .. ضربات الترجيح .. السيناريو الذي لم نتوقعه سيصبح حقيقة بعد ثوان قليلة ... من منهم سوف و انسينزو ... انسينزوو يقطع الكرةة و تمريرة طويييييلة تعوووود لمنطقةة ماانااااوس و سلطااان ... سلطااان يتقققدددم يتتتقدددم ... يرااااوغ سااالا و يططييييح بريكاااردووووو و يسدد خطييييييييييييييرة ....
كانت هجووم مفاااجئ حتى واحد ما توقعو ... حيت فالوقت لي فشلات تسديدة غابرييل كلللللشي فالتيراان تأكدو أنهم داخلين لضربات الترجيح ... و فجأة بدوون ساابق إنذاار انسينزو خداا الكرة من لاعبي ماناوس و مررها لسلطان فالجهة الثاااانية .. سلطان رااوغ هادوك المداافعين و تقددم و فلحظة الدم فيها كيفووووور سدد بالجهههههد ضارب الكرة بقوتو كلللها فاتجااه مرمى كين ... كلللشي حبس النننفس و كارلوس شد على راسو .. العيون وااسعة و القلوب كتقطع بشدة ما ضربات ... و الكرة كتتقدم بسرعة كبييرة فاتجاه الشبكة فلحظاااات الاخييييرة من الشوووط الاخييير .. و كين تابعها بعينيه كتبان ليه جااية مبااشرة لعندو و لكن غاتضرب لفووق .. و نقققققززز باش يحبسها ...
المعلق: أياياياياياايايااي العاااارضة واااا سلطاااااااااااااااااان .... العاااارضة تعااااارض ...... سيناريو ركلات الترجيح يبدو وشيييييك .... ننتظر صافرة الحكم ...و سنمر الى ركلاااااااااااااااا( غوووووت بجججهد ) ااااااااااااات ....... ششششناوااااا هذاااااااااا
كانت الكرة ضربات فالعارضة الفوقانية و ارتدت بنفس القوة لي تضربات بيها راجعة جهة سلطان ... و بلاما يخلي لأي واحد الفرصة باش يلتقط أنفاسو ... ترفع كاااامل على الأرض و ضااار فالهوااء ... و فالوقت لي كين كان كيطيح فالأرض بعد القفزة لي قفز سلطان كان كينفذ تسديدة ثااانية على طريقة ضربة مقص طاااير فالهوااء ... و رجعها للمرمى حاط فيها الطاقة كللللها لي بقات فالجسم ديالو ...
جزء من الثانية .. و لكن داز بحالا راه ساعة !! الكرة طايرة فاتجااه المرمى و سلطان فاتجاه الأرض والمعلق باقي كااايغوووت ووقف بعد مكان كايعلم انهم غايدوزو لركلات الترجيح طرا مالم يكن في الحسباان ... العيون كللها على هاديك المستديرة الطائرة ... العيون و الآمال و الأحلام ديال ملايين المشجعين حول العاالم !!
فجأة ... كلللللللللللشي تهززز !!!!
المعلق: (بصراخ هستيييرييي) گوووووووووووووووووووووول !!!! مشششششش ممممكننننننن ... ممممممشششش ممممكننننننن !!!! گوووووول گوووووول گووووول گوووووووووووووووووول !!!
تهزت شبااك ماناوس !!
مع نهاية الشوط الثاني !!
اللاعبين ديال ماناوس و حتى ديال أمادورا حتى واحد ماتحرك ! كللشي غير كيشوف ! بحالا ضربهم الضو .. حتى واحد ما متيق !! الوحيد لي تحرك كان سلطان .. جلس كيشوف فالكرة دخلات للشبكة .. ضار شاف فانسينزو .. انسينزو شاف فيه ... و غوت بالجههههدد و تم جااي قاصدوو .. سلطاان ناااااض كيجريييييي خااارج من التيييرااان و اللعابة تابعييينو .... و مشاا فاتجااه الجمهور ديالهم لي كان هز التيفو الأخير و لي كان عبارة عن شبل كبييييير و تحت منو لافتة مكتوب عليها بالبرتغالي بالأزرق و الأبيض ألوان الفرقة:
(ستشتاق لك امادورا يا ثعبان الكرة )
سلطان كايجري واللعابة من موراه حتى تقاااابل مع الكاااميرا هو يخرج نيااابووو وعلا يدو بحركة شرسة كيف مخالب الاشباااال ... حركة كدل على انه شبل الاسووود .... الحرركة لي زادت هبلاااااات الجمهووورررر والمعلق فقد صوابوو ...
المعلق: ( بصوت بحوووح بالصراخ يشبه البكااااء ) ياااااا كاااااتب التااااريييخ تمممهلللل ... لاااا تغغغلق الكتااااب ... سجلل .. هو الأووول و الأخيييييير ... شبل الأسووود .. يستطيييع الزئييييييييييييييير ....
سلطان تتلاحو عليه صحااابوو حدا الكاميرا وهو عاد فرح . الهدف لول مكانش فرحان به حيت كانة باقين فالخطررر .... اخر الدقااائق لي كانت كتفصلهم على الركالات نهى ليهم المااااتش بهدف على طريقة ضربة مقص .. هدف عااالمي ..
مولانو كيجرييي و كيلوح فالليگات وسط التيران ... مشا كيجريييي كيحتفل بالفوز و تلااح على المدرب تعانق معاه و كارلوس كيبكي ... كان أول فينال يعيش معاهم و أووول فرحة من هاداك النوع و أوول صدمةة !!!
كريستوفر رجع جلس فدكة الإحتياط و غطا وجهو بيديه .. و اللاعبين ديالو كيشوفو فبضياتهم .. صافي الماتش تقتل !
المعلق:انسينزوو قااال .. الگأس لن تغااادر البرتغااال ... أنت وعدددت و صدييقك أوفى .... هكككذااااا يللعب الكباااار ... سلطااان يااا كبيييير (شدات الكاميرة على طفل صغير من جماهير ماناوس كيبكي) و يااا قسسوة هاااذاااا المصييير ... عليك يااا صغيير !!! سألت هل يعووودووون ؟؟؟ سلطاان أجاااب نعم عاائدووون .. و نحن الفائزوووون ....!! ياااا ربااااه !!
التيفو مهزوز قدام مدرج أمادورا لي مشتعلة بالدخاااخن ... و تحتو واقف سلطان كيشوف فيهم ويبوس التوووني .. فهاديك اللحظة ما بقا كيحس لا براسو لي كان ضارو لا بالحريق لي فركبتو .. كاين غير بزاف ديال الحماس و الفرحة ... و الدراري مزال ضايرين بيه كيعنقو فيه ..
المعلق: (مزال كيغوت بنفس الحماس و الشاشات كيعرضو الإعادة ديال الهدف) مبارااة للتااارييخ ... و أي مباارااة .. من أجل هذاا الهددف .. كم انتظرنااا .. أماادووراا ترقص الآن .. اللون الأزرق و الأبيض في سمااء لشبووونة ... سلطاان تسلطن عليهم ... 3-4 ... و الكأس أماادووورييية !!!
رجع سلطان لبلاصة ديالو و كيضحك .. و راجعين كللهم للتيران حيت الماتش مزاال ماسالاش ... ومناوس عنهم الامل فداك الدقيقتين لي تزادو دابا فالوقت البدل الضائع ... دخلو شدو بلايصهم و كين شاد الكورة مكررره و مخنننزر وجهو حمر .. و لاعبي ماناوس كللهم كأنهم زومبي ... موتى أحياء ... حتى هوما كانو كيتسناو الركات الترجيحية .. و هدف سلطان كان صددمة للجميع .. كريستوفر ماعاودش ناض من دكة الإحتياط جالس تمام غارس صباع يديه فشعرو ...
صفر الحكم ... كين ضرب الكرة بالجججهد من المرمى ... ماتعرض ليها حتى لاعب من ماناوس كلهم فشلو ...و مشا ليها انسينزو ... كيلعب بيها بين رجليه و حتى واحد من ماناوس ماقرب جهتو من غير والتر لي داتو نفسو كايراوغو عاد تبعوه صحابو ...
بدا اللعب تاني ولكن كلهم غير فالوسط تاحد ماهجم ...دقيقتين و صفر الحكم كيعلن على نهاية المباراة ........
انسينزو ضرب الكرة بالجهد ركلة طوييييلة لخارج المرمى لعند الجمهووور وشدها واحد فيهم كايبووس فييها ...
وسلطااان مشااا كاايجججري طالق يدييييه ....
لاعبي أمادورا كلشي كينصلو التونيات و كيجرييو و يغوتو كيحتفلو بالفوز تابعين سلطااان ...
سيرخيو مشا كيجري عند سلطان باغي يهزو على كتافو .. و لكن جاه ثقييل ماقدرش يزعزعو .. و قرب محمد و هزوه بجوج على يديهم بحالا هازينو فالعرش غادين بيه لجهة الجمهور و صحابهم غادين معاهم و كيشطحو ... بينما لاعبي ماناوس منهم لي طاح فالتيران جالس مزال كيحاول يستوعب النهاية .. و منهم لي مشا داخل للفيستيار ماباغينش يحضرو لداكشي لي كيوقع ........ وكارلوس والطاقم وكاع لي جالسين فدكة الاحتياااط دخلو لتيرااان كايحريو هااازين راية الناااادي وتلاحو عليهم كاااايتعااانقوووو .....
سلطان مزال مهزوز فيدين صحابو هاز يديه لفوق مقاد مع الجمهور و كيغني معاهم بالجهد أغنية الفوز بحالا هو الكاپو ديالو .. كيصفق و الجمهور كلللو كيصففق معاه بعيون دامعة حيت هاداك هو الوداع الأخير .... ولاحووو ليه راية لنادي هازها فيييييديه وكاين لي جاتو البكية حيت كاايودعوه ....... نصل سلطان التوني ديالو والكاميرا مركزة عليييه كان تحتو توني آخر بيض مكتوب عليه بخط اسود واضح
" YOU CAN WIN IF YOU WANT "
كيجبببدوو بيدييه و كيشير لييييه ... واسد عينيه دمعو وهو كايشوف الجيل لي تعب عطى ثمارو .... جود كالس مبسم كايشوف فتلفازة فرحاااان ...وعينيه حوووومر ... تمنى لو حتى هو يفرح شي نهار بموهبتو بهاد الشكل ويجرب هاد الفرحة ويهز شعارهم للعالم .... ولكن الامر بنسبة ليه شبه مستحيل ... وكايرجع يقول الحمد الله واحد فييينا بعدا محقق احلامو ...... وسفيان كاايعيط علل حياة فتيلبفون تنززززل و عدنان ورتاج تاهوما نزلو ... والمعلق كايهضر ......
المعلق: ابن المغرب فعلها ... سرق الفرحة من مدرجات ماناوس ... و جاء بها إلى مدرجات أماادوورا ... سيغادرها اليوم بطلااا ... بأكتاف مرفوعة و رأس في عنان السماء ... أماادورا اليوم لعبت .. أمتعت ... سجلت .. و فازت ... نهائي يليق بالقمة .. حيت يجتمع الكباار ... مبااارااة ... لن أنساها ما حييت ... ريمونتادا خيالية ... شكرا سلطاان .. شكراا انسينزوو .. شكراا محمد .. شكراا كاارلوس و شكرا أمااادووراا ........ شوووف الفرررحة فعيوونووو .... الشبل ابن لاسووود ... لا يلعب من اجل الشهههرة فهو ابن اشهر عائلة افريقية ... لا يلعب من اجل المااااال فهو ابن اغنى عائلية ببروتوكلات ملكية ... يلعب فقط حباااااا في كرة القدددم و يلعب بروووووح ريااااضية ..... يلعب من اجل ناديه ومن اجل جمهوووره ..... رقمه سبعة و قدم لنا مباراة بسبعة اروااااح .... اصاابة في ركبته و اصابة في رأسه ومازال واااقفا شاااامخا اسدااا جبلا عاااالياااا ..... ياااا خساااااارة آمااااادوراااا بيك .. و ياااا سعاااادة رونتوووس " النادي الانجليزي لي ماشي ليه " بييييييك .....اجمل بصمة واجمل ودااااع قدمته لاماادوراااا ياااا بطططل ..... واجمل مقاااابلة قدمتها لمجهووورك ... نودعك بدموووع ..... يا من انرت الشموووع .... يا من افرحت كل الربووووع ......... هنيئا لك يااااا امااادووووراااا ....... انسينزوو وعد وسلطاااان اوفى ... الكأس في البرتغااال و ستبقى في البرتغاااااال ....... وداااعاااا يا رقم سبعة ... وداعا يا ثعبان الكرة .. ثنائي الشباك سيصبح وحيييدا .... وداعا سلطاااان
الاحتفاالاااات فالتييرااان مابغاتش تسالي مننصة التتويج بدات كتوجد فالتيران ... اللاعابا نساو المااا نساااو التعب نساااو كولشي ... وقفين مقابلين مع جمهورهم وكايلوخو بالرايات دالنادي ديالهم و سلطان رابط الراية دالمغررب فعنننقوووو لي لاحوها ليه من الجمهووورر ..... لوؤي گالس كايصورو لتحت مبتسم ... وكلهم فرحاااانييين ....
على عكس لاعبين مناوس لي وجوههم كحليييين كايواسيو بعضياتهم ويصبرو فبعضياتهم .. هادي هي نتيحة الغرور الزايد على حدووو .... كييين كاااايبكي فالزاااوية ووالتر فالزاوية الاخرى وكريستوفر وجهووو حححمر بالاعصاااااب .....
∆ فالمطار ....
وصلات طموبيل پيلي ... وهي طالقة الماتش فتيليفون .. وواقفة بطموبيل حدا المطااار ....يلاه كتفرج فالاحتفالات ديالهم تابدا يصوني ليها تيليفون باتصال كاتسناه وجاوبات دغيا ....
بيلي : الو ... علاش مكتجااااوبش
- كنت خدااام ابيلي .. يلاه قريت ميساجك واش جاية ليوم
بيلي : راني باقا فالمطار ... طيارة باقي ليها ساعة ونص عاد تجي .. محتاجة طموووبيل ا كريس ....
كريس : اشمن مدينة بعدا غانتزلي
بيلي : كييف .... عندي صورة ديال واحد الفيلا انا غانرسلها ليك ...كاينة فكيف ولكن بغييت بضضضبط داك الفيلا فين كاينة ..... غاتقدر تعرف ليا !!!!! .....
كريس : رسلي ليا الصورة ....
بيلي : واخا خليك معايا .. ( دارت سبيكر وقلبات تيل عندهت كتسكريني ) انا عارفاااك بوحدك لي غتعرف تقضي ليا تما الغراض ..... هنا سيفطتها ليييك شوفها ....
كريس : ( حل الصورة وكايزومي ) اااااه معروووفة هادي ... كل مرة كاكريها شي فنان زلا اللعابا .... راه غير ديال الكرا و الاجازات .... وتاهادي لي هنا راه معروفة لا ! ماشي مانكان !!!
پيلي : مااااسوقيش انا دابا فهاد خيتي ..... بغيت لوكاليزاسيون دالفيلا .... ورسل طموبيل عاافااك ... ياك عارف ملي كتوقف عليا فاميركا كتلقاني .. واوقف معايا فبلادك
كريس : واش انا نردها فوجهك .... الى بغيتي نتلاقاك انا كاع
بيلي : لا ..رسل ليا غير طموبيل .. ورسل ليا لوكليزاسيون دهاد بلاصة غانمشي راسي
كريس : شوفي راه مكايناش فالمدينة .. راه بعيدة على لعاصمة بشي ستين كلم .... وعاد واحد عشرين پيست .. عااااد كاتلقايها وسط الجبااال .....بلاصة دالاجازة راك عارفة كيف كاتكون
بيلي : مايهمنيش عطيني غير الموقع بالضبط وغانمشي
كريس : واش شي حاااجة !!!!!شي مشكل ؟؟؟ تبغي نعااااونك
بيلي : لا .... دير غير اش قلت ليك وباااااركا عليك ....
كريس : صااافي مشات ... اااه . مبروووك لولد عمك . يلاه كنت كتتفرج
بيلي : شكراا ...
قطعات عليه ورجعات حلات الماتش حاطاه قدامها ورجليها كايفبريو بالتوتر .. بالها غير معاه .... ومهنية من جيهة دارهم واخا غايلقاو تيليفون طافي غايقولو راها فطيارة حيت طيارة لي كانت غاتمشي فيها وصلات وقلعات مشات ....ورجعات عينيها للايف .. كاتشوف الى وجدات المنصة وبداو كايستدعيو لاعبين مناوس باش يقدمو ليهم ميدالياتهم الفضية .......
∆ ليشبونة ....
منصة التتويج تمونطات .... واقفين حداها لاعيبين مناوس و الطاقم والمدرب بوجوههم الكئيبة .....
هو يجي رئيس الفيفا ضاحك ومعاه وزير الرياضة البرتغالي ورؤساء النوادي بجوج رئيس جامعة امادورا ورئيس جامعة مناوس ... لابسين كوستيمات ومعاهم بنات شقروات هازين صينيات فيهم الميداليات ....
بداو كايركبوهم للحكام .... تحت التصفيقات ....
ثم انسحبو وتقدمو مناوس .... توجوهم بميداليات فضية وهوما كايهضرو معاهم وكايحاولو يواسيوهم ويفهموهم انه هدا هو قانون اللعبة لابد من وجود رابح وخاسر .....
وانسحبو باش يتقدمووو الفائزييين لي باقين نااااشطيييين .. كل واحد معلق الشعار ديالو ها لي رابطو فعنقو هالي فراااسو .. سلطان كانت راية المغرب فعنقو وواحد الكاشكول بشعار نادي امادورا معقووود فراسو .... كلهم ضاااااحكييين وفرحانين والمدرب غايطير بالفرررحة وجمهور امادورا كااايهههتف ويحتفل ... بداو تاني كايجيبو الميداليات الذهبية وبداو كايتوجوهم ويعلقو ليهم الميداليات كلهم بداية بالمدرب .... عاااد جابو طخوفي على شكل گوضاس لاسقة فيه كورة فضي محطوط على الزجاج .. هزو الرئيس وهوما كايشوفو لمن غاتقدم لانه خاص برجل المباراة واللاعب لي كان متألق فهاد المااااتش .... شاف الرئيس فسلطااان وكولشي اللاعابا بداو يغوووتووو فرحااانيييين وتقدم ضاحك قدموه لييييه وكايهنئو على اللعب ديالو والروح القتالية لي قدم ... غير شدو علاااه لفوووووق وانسينزو تلاااح عليه هو ومحمد وخورخي وسييرخيو وبارك سون ومولانووو ... وسلطان باااسسو والصحافة كتصور هو يشوف لعند انسينزو وقدموو ليييه تادمعو عيننين انسينزو شدو عليه و عنقوووو وسلطان همس ليه فودنيه
سلطان : اعتبرو هدية وداااع ....
انسينزو زاد زير عليه وعينيه قطرو دمعة مسحها بالخف اما عينين سلطان بقاو غير حمرين ... باس انسينزو الطخوووفي تاهو ..
هوما يشوفو ... كانو جايبين الكااااس ... الكاااس لي دمرووو علييييه .... كايشوفوه داااخل وكاتفكرو راسهم كيفاش بداو الماااتش .... الكآبة و الاحبااااط .. ترسم لسلطان داك الفاك ام عينيه وترسم ليه داك الاحتفال لي دار والتر لجمهور امادورا ترسم ليه الحكم العنصري لي حيد ليه ضربة جزاء وترسم ليه اللحظة لي طاح فيها على رااسو وفقد وعيو ..... اخر دكريات كايعيشهم مع امادورا ..... هز الرئيس كأس العالم ووراه لصحافة وانسينزو تقدم حيت هو قااائد الفريييق واللاعابا موراه كايغوتو ب " هوووووووو" كايتسناو اللحظة لي يشدووو... غيررر قدمو ليه وشدو انسينزو هوما يغوتو وهزو يديهم لفوق وانسيزو علاه لفوووووق " هوووووووللللييييييييييي " ....
تعلا الكااااس لفوووق ويداو الالعاب النارية كايتفرقعو فسماااء لشبووونة وبدا كاينزلو عليهم الشرائط الملونة باللون الازرق وللابيييض احتفالاااا بييييهم ... وهوما كلهم شدو فالكااااس معلييينو لفووووق فرحاااانيييين والجمهور كايهتف اما جمهور مناوس خرررجو وانسحبووو كااااع .....
الكاس كل مرة عندمن وكل مرة شكون يتصور معاه ... كل لاعب تما ولادو فالجمهور نزلووو لتيران وكل واحد جر ولدو ولا بنتوووو ..... انسينزو مدات ليه مراتو تاهو بنتو وولدو .... وسلطان هز ليه بنتو لي مزال مكتوقفش على رجليييها وهو جار ولدو صغير من يديه .... جا واحد من الطاقم عطى تيليفون لسلطااان ... هو يلقاه غيتبلوكا بليزابيل ودوز لابيل لباباااه وهي تخطفو حياة من يد سفيان
حياة : سسسسسسلطاااان ( كتززغرررت واخا مكتعرفش ) مبرووووووك احبيبي مبروووووووك
سلطان : ( دمعو عينيه ملي سمع صوتها ) الوااااليييدة ... الله يبارررك فيييك واكيييجييييتك
حياة : رااااسك مضروووب بزاف ياااااك ... مخلانيييش باباك نتفرررج ماعيطو علياااا تاساليتيى..... واااش كيضرك ( حيد ليها سفيان تيليفون )
سفيان : سللطاان ... راسك صاڤااا !!!! اش قالو ليك تما
سلطان : صاااافا الواليد صافا والله . ..
سفيان : شوف .. طيارة وووووحدة عندي لهنا لكلينيك ......
سلطان : والله ماعندك منااااش تخااااف .. اصلا غدا انا معاك ....مافيا لي يشد طريق دابا .. باغي نرتاح ...
سفيان : وامبرووك مبرووك العقبة لنجاحات اخرى ومسيرة احترافية كبر ....
دوز ليه اية لي كتسنى حداه
اية : خووووياااا مبروووووك ....ففففرررحت فرررحت وتخخخخلعنا علييييك بزاااف
سلطان : براااانسيس .... متخااافيش انا بيخييير ...
أية : رااااك كتبان داوي معانا ( علا سلطان عينيه فلكاميرا لفوق واشار ليها بايباي ضاحك ) شششششفتك ههههه هاهي خالتو لااماار
لاماى : حبييييييبي مبروووووك عليييييكم ياربي دوووم الفرحة
سلطان : الحناااااانة ... تقاتلنا تفرررحو معانا ونفرحوكم تانتوماااا
لامار : ولكن اولدي صحيحتك هي لولا . كيف قال باباك صباح كون هنا نطمنو على داك الضربة صااافي !!!
سلطان : دااااااكووووغ
اسد : صافي ماطولوش عليه خليوه يرتاح ومنبعد هضرو معاه كاملين ....
سلطان : ههه سمعت عمي اسد .... سلمي عليه ... غير نمشي لوطيل نعيط ليكم كاملين .... ( شاف لتيليفون شي حد كيصوني اخر ) جووود كيصوووني
لامار : صافي جاوبوو اووولدي .. تمشي لوطيل عيييط لييينا
سفيان : قوليليه مايمشيش لامااادوووراا هاد اللية راه مرييييض
سلطان : لا مغنمشيش غنبقى فلوطيل غير تهنى ...
قطع عليهم وجاوب جود
جود : أووووولي أوولي أولي أووولي .... كونغراتيلايشن بروووو .....
سلطان : يتووووووب ........ صافا عليك
جود : گوووود ... كيبقات الضربة كضرك !
سلطان : ( قاس فراسو ) مااااحاس بحتى حاجة دابااا .. فيا غااانعااااس باغي نمشي نعس
جود : باغي تزاحم معانا خلي غا وااااحد ناسي القبلة كل مرة علاش تزيد حتى نتا
سلكان : هههههه وايه شفتي التنمر علاش مامزيانش ههههههه
جود : سيييير سييررر ترتاح ...منبعد نتشاوفو
سلطان : ( شاف تاني شكون كايصوني ) عمي سعيد كايصوني ...
جود : راه مشبعك سطوريات فانسطغرام .... صابغ وجهو بالازرق كايتفرج ههه
سلطان : شوية ندهل نشوف ههه ...تانمشي لوطيل ونهضر معاه فخاطري الهضرة مع عمي سعيد خصها الخاااطررر ههههه .... مزال ماراجع ناا للمغرب !!!
جود : تالانيف دقسم
سلطان : بقات ليه غير شي تلتيام يمكن .....
جود : يوماين ...
سلطان : ااااه صافي حتى نتشاوفو .....
قطع عليه وضار للجمهور كيلوح ليه لوؤي بيديه وتا سلطان وما ليه غير براسو ضاحك ورجع عند بنت اينسزو لي كتلعب فالارض وبدا ياخد معاها سيلفيااات بقوة ماعزيزة عليه ....
بداو كيعلموهم بلي الكار ديالهم واجد .. حيت تابعهم الطريق لمدينة امادورا فين غيحتافلوو ديال بصح ... هازين معاهم الكاس ... وسلطان قرب من المدرب
سلطان : غتسمحوليا ننسحب ... راسي تااايضرني وباغي نعس ... غدا نلحق عليكم
المدرب : ( ضرب فكتفو ) مااااعليش اووولدي ... سير رجع لوطيل ترتاح .... حنا كيتسناونا غنمشيو ... غدا اجي فاستقبال الرئيس ....
سلطان : صافي غدا انا معاكم ...
رجعو كلهم لفيستيير من بعد ماسالا الاحتفال ومدينة امادوراااا لي كينتمي ليها النادي كلها مشششتعلة بالالعاب الناااارية و الفرررحة وكتسنى وصول اللاعيبين باش يكملو لاحتفال .. رجعو اللعابة كيدوشو و يلبسو سورفيطاتهم وجمعو حوايجهم وخرجو للكار اما سلطان داز نيشان لطموبيل دلوؤي لي كانت محطوطة تما لاح صاكو لور وركب لقدااااام وضرب بونية فيد لووووؤي .....
لوؤي : قد الووووعد ..... كونغراتيلايشن كازن ....
سلطان : واشنو كنلعبو هنا هههههه زيد للوطيل زيد ....فيا المووووووت دالعيا ....
∆قصر الاسماعيلي ...
بعد ماقطعو مع سلطان عيطات لامار لجود و قسم كتميساجا مع سلطان و رتاج طلعات عند باباها تاني .... فرحانة معاهم ولداخل ديالها عالم بيه غير الله ....
جلسو كيناقشو الماتش اما اسد مشا لبيرو وتبعو عدنان ....
يلاه مناقشييين تابدا يتسمع صوت رتاج ملفووق كتغوووت
رتاج : عدنااااااااااان .. عدناااااااااان
ناضو كلهم مفزوعييين كيجريييو ومعليين راسهم عندها لفوق
رتاج : ( بالغواااات واابكا وللخلعة ) عييييييييطو لااااكلييبييينيك بييييوجدو الانعااااااش .... بابا كااايموووووت .....
∆كلينيك منطقة الروكان البحرية ....
فالجناح الاسماعيلي كانت العائلة كلها تما بدون استثناء .... بصغيرها وكبيرها ....
فالزاوية كان واقف اسد وعدنان والدكتور كيتكلمو ... وعلى الكراسي جالسة اريج لي كتبكي على كتف لامار لي تاهي عينيها تنفخو ... وحداهم رتاج تاهي لي كتبكي والموشوار فيديها و حداها حياة شادة دراعها كتواسي فيها واخا المأساة كلها كتخصهم ...
و رقية على الكرسي لاخور جالس حداها وسيم من جيهة و قدس من جهة الاخرى وهي شادة تسبيحها وملامحها مرخييين وكتشوف فالفراغ ..... ومقابل معاهم واقف اياد ويونس وسفيان ومروان .... وقسم و اية جالسين فالقنيتة .... وزياد ومراتو وبنتهم لي ناعسة على صدر باباها واقفين فالحيط لي مقابل معاهم .... فالسطر دالكراسي لوخرين جالسة قسم لي متكية يديها على ظهر الكرسي وحاطى راسها على يديها .... وحداها جالس فيصل وانس و اية فالمرسي المتحرك ... تاحد مابغى يكلس فالظار كووولشي تبعو جدهم ملي سمعوه كايحتضر ....
كانو فنهاية داك الكولوار جوج بيبان كبار بويض و كل باب فيها دائرة صغيرة زجاجية كل مرة كتدفعهم فرملية تخرج و اخرى تدخل .....
مور داك البيبان كاين لداخل الجناج الطبي الخاص بيهم .. كاينة غرفة كبيرة ... وحداها انعاش و الى تبعنا الممر كاين بلوك وعيادة وقاعة اجتماعات وحمامات وكافيتيريا لي خاصين بالجناح ... وفالكولوار لي جالسين كاينين كراسي و غرف مختلفة صغار ... هاداك الطابق كان خاص بيهم باش مرضهم واخبارهم الصحية و علاجهم ميسيق ليه تاحد الخبار كيفما خبار احمد لي دابا فالانعاش مضموس غير بيناتهم ....
كلهم جابووه مخطوفين ومخلووعين .... والاطباء تجمعو عليه فالانعاش مامخلينيش رتاج تدخل باش متغلب عليها العاطفة ... الكل مخلوع والكل متوتر .... رقية غير كتشوف وعارفة هاد المصير ... كانت كتسنى هاد لليوم منهار لي دبال فيه ولات عارفة ورقتو طايحة .... والحاسة من اليوم مايزيدش ... و احساسها عمرو خيبها .. ماشي الموت لولا هادي لي كتعيشها فايتة فقدات باباها وماماها و حتى راجلها الاول .... مستعدة وراضية بقدر الله .. صعيب عليها فرااااقو .. صعيب تفرق لي عطى لحياتها معنى وقيمة وكبر ولادها ... وعاش معاها عشرة طويييييييلة بحلوتها ومرتها ... جالسة وقدس على كتفها ووسيم جالس كيشوف لفوق بعينين حمرييييين مساخيش بجدو ... جالسة وعقلها كيديها للنهار لي تلاقاتو اول مرة .. الابتسامة ترسمات صغيرة على فمها وهي كتفكر فاش كان غلط فيها وبداو يدابزو ! ... بدات تتنهد وكتدعي الله يخفف عليه واخا قلبها من داخل كيتقطع ....
رتاج حتى هي واخا هاكاك مكتبكيش بحال اريج ... صاااابرة وكابتاها فقلبها حيت بكاااات ونوحات نهار عرفات النتيجة د تحاليل اما دابا ولا فقط انين صااااامت كتخرجوو بحرقة .... عارفة باباها شنو عندو وعارفاه كيصارع ايامو الاخيرة وكتسائل ! كيفاش غنقدر نصبر على فراقو ؟ كيفاش غنتقبل صدمة داك الخبر ديال سد عينو للابد ! ومنعاودش نشوفو مزال !!!!! ... بابا لي رباني وكبرني وقرااااني وعاش معايا كل مراحل حياتي هز ولادي صغار فيديه .. كبرهم ... حاضر فتفاصيلي كلها .. يمشي للابد تحت التراب !!!!!! ..
رجعات حطات وجهها بين يديها وكتبكي بالحس اما اريج صوت بكاها مسموع .. الحرقة واحدة ولكن كل واحد وكيفاش كايعبر عليها .... قلبها محروق على باباها لي مزال معارفاش مالو علاش دخل للانعاش .... قلبات عينيها كتشوف لعند اسد وعدنان لي هضرو مع الدكتور ودخل وهما بوحدهم كيهضرو من ملامحهم بدات كتقراهم ! ماشي اشخاص لي عاد تعرفات عليهم عاد لبارح .. هادو عائلتها لي عايشة معاهم .. ملامحهم كتقراهم واش فيهم خبار الخيير ولا لا !! وناضت بشوية عندهم بملامح منفوووووخين وكولشي تبعها بعينيه تاوقفات حداهم ونبرة البكية والشهقة فصوتها
اريج : ( دموعها كيسيلو ) اشنووو عند بابا .. هم !!!!!!!!! متكدبوووووش عليااااا
عدنان شاف عند اسد وتنهدو و يونس جا لعندها لي تاهو فخبااارو وقالوها ليه هو وسفيان فاش جابوه ...
يونس : ارييييج ... تبتي شوية راه هادي هي الدنيا .. ماشي كلشي غيبقى صحيح ودايم
اريج : ( ضارت شافت فيه كتبكي ) بابا غاااايمووووت ( تنخصصات ) يااااك ايووونس .. ( شافت فاسد وعدنان ) عندو شي حااااجة خطيييييرة يااااك ؟؟؟؟؟
رتاج هبطات يديها كتبكي كتررر وحياة كتربت على ضهرها ولامار كتشوف معاهم ووسيم قرب عندهم تاهو هو وقدس كيسمعووو .. اما اياد وزياد قالها ليهم باباهم ... ومروان تاهو وقسم غير حاطة راسها على الحيط حيت تاهي قالها ليها مروان .....
وسيم : بابا ... واش قالو ليكم شنو عند جدي !!!!
اسد : ( بتنهيدة ) جدك اولدي عيان .... والاعمار بيد الله ماشي بيدنا .. الى كان عمرو طويل راه غيبرا ويرجع لينا ..
أريج : ( بالبكا والغوات ) بابااااااااا
يونس : اريييييج ( جرها عندو وهي كتبكي فصدرو ) شووووو مااااشي هاكا اريييج .. سسسسكتي ديري عععقلك
اريج : بابا غااايمشي ليا ايونس بابا الحبيييييب غااااايمشي .. شكوووون غييييسول فيا ايونس شكوووون غيبقى ليا .. شكوووون ... شكووووون من غيييييرو فهاد دنيااااااا
يونس : ششششش ماتقوليش هاد الهضرة يبرا يبرا ان شاااء الله
اريج : نتوووما مخبيين عليا انا عاااايقة بيكم ... لاكانت شي حاجة قولو لياااااا ماتخليييونش نتصدم
يونس : ( جابها قدامو وهي كتنخصص ) اريييج .. راك بعقلك ودابا غير فكري واش باباك حالتو لي تأزمات مؤخرا واش مزال غيبرا فنضرك ؟ راه كبر ااريج ... وحنا مدايمينش فهاد الدنيا ....( كتنخصص وتبكي ) الحمد الله عاش نصييبو وكبر ولااادو وشاااف حفاااايدو .. وحفاااايد ولااادو تاهوما ... بالعكس خاصك تفرحي لي متعدبش فحياتو باش يمرض .... هو دابا راه لداخل فالانعاش حنا مغنفايلوش عليه هنايا بالموت باش تقولي هاكا .... ان شاء الله غايتحسن ومزال يطول معانا واخا نوكلوه بالمعلقة ... ولكن متقوليش مزال غيرجع ليك واقف على رجليه باش متصدميش فلخر ! ....
اريج : ( كضور راسها بالنفي ) لا ايونس لاااا ... بابا كايمرض ولكن عمرو طاح هاكا ...... مشاا بابا ايووونس .. انا لي شفتووو انا لي شفتو كيفااااش كان فاش خرجناه .. مكيشوفش فيييينا ..
يونس : وعادي راه كان مغييب .... غير سخف وراك سمعتي الطبيب قبيلة قاليك راه فاق دابا وهضر معاهم .. وخليوه دابا يرتاح وشوية دخلي عندو ... ( جرها ماشي بيها ) اجي معايا ترتاحي اجي ... فكري فصحتك راك تانتي مريضة .... بششوية عليك ( جلسها وشاف عند قدس ) واحد القرعة دالما ابنتي الله يرضي عليك
ناضت قدس بزربة مشات لقنت داك الكولوار كانت فريجيدر صغيرة خاصة بيهم هزات القرعة ومشات عندو كيشرب اريج ... ولامار ناضت بشوية عند اسد وقفات حداه وكتمسح دموعها
لامار : اسد ... شنو قاليكم الطبيب وبلا متحاول تخبي عليا
عدنان شاف عند رتاج لي بدات تاهي كتبكي كتر ملي شافت ختها فداك لحالة ومشا لعندها واسد جر لامار ومشاو جلسو بعاد ...
اسد : عندو سرطان الدم
لامار : ( شهقات وحطات يديها على فمها ) حلللف بالله .. فوقاش عرفتي هادشي
اسد : ماشي بزاف ... ليلة العيد
لامار : وعلاااش ماقلتيييش ليا
اسد : مابغيناش توصل ليه ... بغيناه يعيش اخر مابقى ليه وهو مرتاح ماشي مخلوع
لامار : كيفاش اخر متبقى ليه ااسد !!!!!
اسد : واش دابا نت عاد ناوياه غينوض .. راه مسكين هدا فين لحق جهدو .... قال الطبيب بلي قلبو ضعاف بزاف ودم مكتدفقش باش يضخو القلب ...
لامار (كتشوف فيه دموع كيسيلو وكتمسحهم وقالت بصوت محروق ) يعني .... يعني كيمووووت !!!!!
اسد تنهد وحرك ليها راسو بآه وهي تنفجر بالبكا وعنقااااتوو كتششهق وهو شدها عندو ....
واخا ماشي باباها البيلوجي ولكن لقات فيه اب الثاني .. كتحس براسها مقادراش تخسر اب اخر وتعاود المآساة .... كان ليهم نعم الاب .... الشخص الحنييين لي اللمة بلا بيه مكتكملش .. الشخص لي رد السعادة لماماها و عطاها قييمة ووقف معاها فجميع مراحل حياااتهاااا ... لي كبر خوتها فالحنااان كانو باهم .... ولي رسمو معه دكريات كتيرة ....
مروان تاهو كان واقف على الحيط معلي راسو لفوق وعينييييه حمريييين .. تاهو مسااخيش بيه .. كان باغيه مزال يطول يعوضو ولو الربع دداكشي لي قدم ليه هو وخوتو ...ولكن مقدرش يلحق ..... مغمض عينيه مزير عليهم وقلبو كيتحرق عليه . ..
فقدانو جاهم صدفة ! صدفة مكانوش دايرين بحسابها .. هاكا حتى وقعااات !!!!! ....عمرهم ضنو ان هاد الايام غيفقدو فيها الاب و الجد ... لي كان نعم الجد للعائلة ككككلللها من الصغير للكبير .... واحد من ركائز الاسماعليين غادي يطيح .....
وسيم تضهشر واقف وكيمشي ويجي مزال مامتيقش هادشي لي كيوقع .. كيقول مزال غيخرج ويبرا ونرجعو لامريكا !!!! مكيتخيلش داك الدار بلا بيه ! كان هو لي كيفرق عليهم رقية ملي كتبغي ضربهم بالبلغة ويتخبعو مور ضهررو ... كان هو لي كيفششهم ويدير ليهم الخاطر ويسول على احوالهم ويفرح لنجاحاتهم ... كان هو لي كيعاود ليهم القصص ويحفزهم ويعطيهم طاقة ايجابية باش يقراو ويوصلو .... مكيتخيلش غيفقدوووه !!! ومزال ماستووعبش .. كيقول غاايبرا .. غير مرضة عادية وتفوتو عادي !!! ...
رتاج كان نوضها عدنان تخرج شوية لبرا يضربها الهوا وفعلا كانت محتاجة .. كانت مخنوووووقة وباغا غير تتنفس .... وعدنان مصبرها وتاهي حاطة راسها على دراعو هو كيتمشى بها فحديقة الكلينيك ... كان حاس بيها وعارف المها حتى هو جربو فجداتو ... عارف الم داك الفراق ... جاهم الامر غريب حيت اول احتضار غيوقع فالعائلة ! اول واحد فالاسماعيلبين غيحسو براسهم غيفقدوه واول جنازة غايشييعوها .. هو فعلا باقي فالحياة ولكن موتو كتبان قريبة رغم الاعمار بيد الله لكن تشخيص الاطباء وضح ان جسمو فعلا كيحتضر ..... ومايحتاج تاشي علاج وتاشي تدخل .... فقط يبقى فالانعاش يتسناو الروح تقبض .....
رتاج : ( بصوت مغنغن ومبحوح وعيان ) عدنان ... عيط لولدك ... قوليه يرجع .. يتسامح مع جدو ماعرفنا اش غيوقع ... الى ماشافوش ولا مالحقش عليه راه غايبقى فيه الحال ... عيط عليه عافاك
عدنان : واخا اجي جلسي هنا انا غنعيط عليه ... بشوية عليك احبيبتي ... ماديريش فراسك هاد الحالة راه هادي هي الدنيا .. وكنعرفك قوية زعما ارتاج ( مسح دموعها وباس على راسها وهي غمضات عينيها ) جلسي ترتاحي انا غنعيط ليه .....
تنهدات رتاج ومشات جلساات على واحد الكرسي تما وعنقات الكاب ديالها عندها و عدنان جبد التيليفون يعيط على لوؤي ...
كان لوؤي فالبالكون ديال لوطيل ... حاط كاس دالقهوة على الحيط القصير وشاد تيليفونو عندو وسلطان لداخل مشندر على السرير ناااعس غير بشورط والبانضة باقيا فراسو ....
كان كيقرا الايمايلات ديال تقارير كاع الاجتماعات لي حضر ليهم فهاد السفر ... فلول قال لعائلتو غادي عند جود الاوكرانيا وهو مشا لامريكا باش قدر يحضرهم ... ومنبعد تاني دار سبة بسلطان انه معاه وهو كان باقي مشغول تما حتى لنهار الماتش لي خاف يتفضح انه مكاينش معاه ورجع لليشبونة ... يلا كيقراهم هو يطلع ليه لابيل ديال باباه قلبو تهز !!!! كيخلعوه اتصالات الليل بحال هاكا والساعة كانت الطناش وخمسة وربعين دقيقة ... بتوقيت لشبونة .... وجاوب
لوؤي : وي الواليد !!!
عدنان : لوؤي ! ياكما فيقتك
لوؤي : لا باقي فايق ... ياك لاباس !
عدنان : سلطان كيبقى !
لوؤي : صافا ( طل عليه من لباب ) راه ناعس راسو كيحرقو شوية ونعس ....
عدنان : وشوف اولدي ... بشوية بلا متخلعو بلا حتى حاجة .... نوض ولد عمك ولكن عنداااااك تخلعو .... راه مريض وشدو طريق ديريكت تكونو عندنا هنا جدك عيان ...
لوؤي : ( قلبو بدا يضرب ) شوااااقع ااواليييد متخلعنييش
عدنان : لووووؤي دير عقلك .. قتليك مكاين والو جدكم عيان شوية اجي نتا وسلطان هذا مكان
لوؤي : كيفاش هاد عيان ! كيفاش داااايرة عندك عيان !! حيت حنا اصلا خليناه عيان !! يعني ماشي شي حاجة جديدة لي تبغينا نجيو عليها
عدنان : لا اولدي .... جبناه للانعاش دابا
لوؤي : ( قلبو غيسكت ) وااااات !!!!!
عدنان : راه قتليك ماتخلع ماوالو .. غتشدو الطريق بشووية عليكم وغتجيييو .. بلا متخلع ولد عمك ... وتبت عقلك ...
لوؤي قطع عليه تيليفون دخل بززززربة للبيت شعل الضووو
لوؤي : سسسسلطااااااااان
سلطان : ( ناض مفزوع كيشوف يمين وشمال كيقلب عليه منين كيعيط تابان ليه حدا البلاكار كيجمع الحوايج بزربة فالفاليز ) ااااش كايييين
لوؤي : نوووض تكككعد نووووض جدي عيااان نوض
سلطان : ( كيشوف مبوووق ) كيفاش عيان
لوؤي : تانووووض اصاااحبي ونهضرو نوض ....
سلطان ناض كيحك فشعرو مافاهم والو باقي مبوق وشافو اش كيجمع
سلطان : ( حيد ليه ليزار من يدو ) تااا طلق اصاحبي هدا لييزار دلوووطيييل .... ماااشي ديااالي .. جامع حب وتبن ... اش واقع مالك !!!! خللللعيتني
لوؤي : ( بفزع ) كنقووووووليك جدي عياااان ابنادم عيط ليا الواليد قاليا دخلوه للانعاااش
سلطان : ( وسع عينيه ) وووااااااايلي !!!!!!
لاح عليه ليزار وناض بززربة كيلبس تيشرووت ديالو ولوؤي بزربة كيجمع داك الحوايج فالفاليز ومشا سلطان كيجري كيجمع خيوطو وشارجوراتو واي حاجة بانت ليهم وخرجوووو بزربة لساسنووررر وهو يشوف لوؤي معاه جاي بشورط
لوؤي : لبس غااسروالك اصاحبي
سلطان : ( معلي رجلو كيعقد سيور السبرديلة ) بقى ليا انا شي عقل لشي سروااااال .. واش شي حاجة خطييييرة !!!!!!
لوؤي : ( كيضرب بيدو بزربة على الازرار ) مااااعرررفتش .. كون مكانتش خطيرة مغيعيطش ليا يقول ليا داباااا نمشيييو ..... شي حاجة واااقعة ...
تحل بيهم السانسور ودازو لريسيبسيون حطو الكارطة ديال الشومبر وخرجو بززززربة لطموبيل حطو الحوايج وطلع لوؤي يصوك وسلطان ركب حداه وكسيراو
سلطان : صصبر بعدا راحنا فلييشبونة .. واش غيصيفطولنا طيارة !!! وصلات بعدا!! اشمن مطار
لوؤي : صبررر نشوف ... تخربقت ماسولتش ( يدا كيدوز لابيل لباه من طموبيل ) ...
عدنان كان جالس حدا رتاج فجردة تابدا يصوني ليه وبعد يهضر
عدنان : آولدي ...
لوؤي : الواااليد .. راحنا فطموبيل .. ولكن فاش غنجيو واش صيفطتو طيارة !!!!
عدنان : ( كيحك فشعرو نسى امر الطيارة ) ففففففف
لوؤي : وراه والله ماعندنا الجنحين الواليد ....
عدنان : صبر واحد دقيقة صبر ....
دوز لابيل لاسد حتى جاوبو من لداخل ......
اسد : وي عدنان
عدنان : اسد ... صيفط طيارة لمطار ليشبونة يجيو لوؤي وسلطان نسيتهم كاع فاش غايجيو ... راه غاديين للمطار
اسد : جود خلا ليا انا شي طيارة !!!! راها فاوكرانيا ....
عدنان : واااايلي !!!!! ودابا كيغندير ليهم راهم جايين
اسد : حتى باش نعيط دابا للبيلوط راه مغيوصلش عندهم هاد الليلة .. علاش خلعتيهم فهاد للليل ..
عدنان : انشوف واش يلقاو شي ڤول ...
اسد : الى ملقاوش عيط ليا نكريها ليهم ....
عدنان قطع وعيط للوؤي
عدنان : طيارة راها فاوكرانيا عند جود ... واش نكريو ليكم شي وحدة تسناوها توصل !
سلطان : ( سمعو فالبلوتوت ) صافي اعمي مكاين لاش انا غنهضر مع امادورا يصيفطوها ليا ...
عدنان : داكوغ .. اجيو بشوية عليييكم ومتخلعو من والو
سلطان : واش واقعة شي حاجة كغاف اعمي !!! متخبيش علينا
عدنان : دخلناه دابا للانعاش .... وحنا كنتسناو هنايا ...
لوؤي : واش عياااان بزااااف ياك الواليد !!!!!
عدنان : ( تنهد ) عيان اولدي عيااان ..
لوؤي : الوالدة بيخير !!!
عدنان : ( ضار شاف فيها ورجع ) تعيا تصبر ... كايبقى باباها ....
لوؤي : هاحنااا جاايين ....
قطعو عليه وسلطان دوز لابيل لرئيس لنادي و طلبهم يصيفطو طيارة عندو مشية عاجلة لمغرب ... ومشاو للمطارر بزربة فين محطوطين الطائرات دالجامعة .... نزلو وعطاو سوارت طموبيل تما للسيد لي غيحطها فباركينغ وهزو حوايجهم دخلو للمطار الخاص بقاو يتسناو تما البيلوووط يجي .... وهما على اعصابهم واحد يمشي واحد يجي ....
الخامسة صباحا ....
الحال فالكلينيك مزال كيفما هو ... مرة يجلسو مرة ينووضو ... اريج ورتاج كانو معاه فالانعاش ... والباقي جالسين بعيووون ذابلة كل واحد يتنهد من جيهة يرد عليه لاخور من جيهة لاخرى ....
اريج ورتاج كانو بالباس الطبي ولابسين كمامات و صابويات و معاه فالشومبر ...
كان عاري ملفوق وصدرو كولو خيوط وجهاز الااكسيجين فنيفو ... وصوت الاجهزة قالب المكان ... وجهو شااااااحب وصفرررر بزااااف .. الدم فيديه مبقاش كيبان .... يديه المجعدين المطلوقين على طراف السرير لي عامرين اسلاك ...... هزات رتاج واحد اليد وبدات تبوسها ودموع سخاااان كينزلو ... واريج تاهي كتبكي وحابساها بزز باش ميسمعش لان مرة مرة كيحل عينيه ويسمعهم ويصدر انين خافت ....
اريج : ( واقفة عند راسو حاطة يديها على جبهتو الباردة ) بابا حبيبي ..... الله يششاااافيييك ابابا .. الله يخفف عليك والله يكون معاك .. مساخييينيش ببييييك ابابا ( كتبكي بجهددد )
رتاج : ( تاهي ماشي اقل منها وحزن ولكن اكثرها ثبات .. ودوات بالحس ) اريج ششششش راه كيسمع ...
اريج : ( هبطات باستو فجبهتو ) الله يشافيك لينا .. حنا كلنا معاك هنا .. وحفايدك كاملييين ... قوي راسك ابابا ورجع لينا عافاااك .. شكون يسسسخى بييك ابابا شكون .....
رتاج ( باست يديه ) بابا ... بابا الى كتسمعنا جاوبني غير بعينيك ... حلهم وسدهم ....
احمد بدا كيحاول يرمش بعينيه وهي تبسمات
رتاج : بابا واش كتحرقك شي حاجة ؟؟؟؟
احمد مجاوبهم بحتى حاجة عرفات الى مكيحرقو والو وبدات ضور راسها ورجعات تاني باست يدو كتحكم فراسها تابدا كاينين
اريج : بشوية عليييك ابابا ... بشششوية واش نعطيييك تشرب ها !!!!! رتاج نعطييه !!!
رتاج : لااا عندو السيروم .... ماتحيديش ليه لابغاي .... بابا نتا بخييير متفورصيش على راسك ...
احمد : ( كينيييين بشوية ) ف ... فين ...
اريج : بشوووية علييك ابابا
احكد : فين .. و ... لا ... دكم
رتاج : ولادنا !!!! برا كلهم ابابا والله ... كولناااا هنا معاك ... لوؤي وسلطان دابا هوما وصلووو راه حطاتهم طيارة .... و بيلي وجود تاهوما كنتاصلو بيهم وراهم غيجيو .... غير رتاح عافاك ...
احمد غير سكت مجاوبش واريج شافت فيها
اريج : واش ندخلوهم عندو ؟ يمكن بغا يشوفهم
رتاج : مغيبغيوش ااريج راه الانعاش هدا مخصناش نقويو عليه ....
يلاه كيهضرو تحلات الباب شوية ودخل مروان تاهو كولو مغلف لي غير شافوه زادو بكاو كتر وهو حمارو عينيه وسد الباب بشوية ودخل .... ومشا باتجاهو وشد يدو لي كانت شادة رتاج
مروان : الحاج ( باس يدو ) الحاج كتسمعني ...
اريج : كيسمع كايسمع ..راه تجاوب معانا غير معندوش القوة مسكين ...
مروان : قوي راسك الحاج ورجع لينا راحنا مساخيينش بييييك ( تغنغن صوتو ) نتا راك الواليد لي ماعنديش .. الواليد ديالي مات وانا مكنعرفوش وراه نت هو الواليد ديالي لي كبرت معاه ....
رتاج عنقات مروان وبدات تبكي بببصصصمت واريج تاهي فالجنب لاخر كتشوف فيه و هو عينيه حومر
احمد : ( كينين بتعب ) ا .. مي ن ... و س م .. ا ...عييل
مروان : عيييطت ليييهم .. راه جايين بجوج بيهم ....نتا عارف طريق بعيدة .... داكشي باش معطلين غدااا تلقاهم معاك ....
احمد سرط ريقو ... وحس بالخاطر خاسرة فيه باغي ولادو كاملين وحفاااايدو ... وكيحس براسو ميقدرش يصبر حتى يشوفهم كامليين .. مكيحسبش بلي عندو غير جوج بنات وصافي هو حاسب عائلة الاسماعيلي كلها ولادو .... وخايف يمشي بلا مايتوادع معاهم كلهم ... مساااخيش بيهم ولكن حاس براسو جسمو كايصااارعو.... الطنين فودنو و العالم كحل بيين عينيه الاصوات كيسمعهم غااااارقييين بزااف وداتو لداخل مبقاش كيحس بيها ...
مروان : شد فراسك الحاج ... ان شاء الله غاااااتبرا وغترجع لينا وترجع لدارك ونتجمعو على كسكسو دالوالدة تاني ..... شد فراسك ...
رتاج : قول لماما رقية الى بغات تدخل ماحدو مستقرة حالتو ...
مروان : مابغاتش راه عيييت فيها راه كتعرفيها هي
اريج : راها واخا تبان ليكم هاكاك راها ماصابرة والو مغااتبغيييش تشوفو هنا ...
رتاج : وشكون لي صبار ااريج شكون ..... ( كتبكي ) شكوون لي غيصبر على فرااااقو
احمد : ت .. تت ..
مروان : شنو الحاج !!!!! غير بششششوية .. شنوو بغيتي تقول
اريح : بابا ماتفورصيش على راسك . حنا عااارفيييين كاع داكشي لي باغي تقول
احمد : ت . هلاو ... ف .. ر . ق . قية
اريج : لا لا ابابا لا . مزال تبرا وتهلا فيها نتا رااااسك ....
احمد : ت . ه لاو . ف ب عضيات ..... كم ....
اريج : ششش صافي .. متهضرش بزاف صافي رتاااح .. رتاح ... مكاين والو مزال غتبرا متقولش بحال هاكا ...
يلاه هاضرين معاه هو يحل عليهم الباب الدكتور
دكتور : دكتروة رتاج .. .راك عارفة حسن مني ... خليوه يرتاح ...
رتاج : دكتور راه بابا باغي ولادو وحفادو ..... خلينا حداه
دكتور: حالتو واخا تبان ليك مستقررة تقدر تدهور والانفاس ديالكم خطر عليه .. خليوو حتى تستقر حالتو بالكامل وتفضلو عندو .... عافاكم ...
اريج تنهدات وشدات يدو باستها ورتاج تاهي وخرجو كيحطو داك الحوايج قلبهم عالم بيه غير الله غير شافووهم جاين كلشي كيسول فيهم اش قال و اش لا .... ورتاج مشات عند رقية
رتاج : الحاجة ( هبطاات على رجليها وشدات يديها عندها) انا راه كنعرفك كيفاش دايرة ولكن غير باش متبقاش فقلبك ... دخلي شوفيه ...
رقية : ( بملامح كئيبين ) لا ابنتي لا .. .منقدرش .... واااالو ابنتي منقدرش نشوفو ناعس تما .. نشوفو ففراااشووو وبغطااااه ومنشوفوش هاكاك .. منصربش ابنتي غاخليني ...
رتاج : ( باست يديها ) ميحسابتكش راه جامع بيناتنا غا بابا .. ربي لي شاهد راك فمقام ماما الله يرحمها
رقية عنقاتها عندها وهبطو دوك الدموع لي كتفاداااهم ولامار كتشوف فيهم عاضة على شفتها ودموعها كايسيلو .... تاااسمعو الخطاوي جايين لعندهم كان لوؤي وسلطان وصللوو جاييين كيللهتو سلمو على الجميع ووقفو كيشوفو فالبيبان ولوؤي شاف عند ماماه وسلطان باقين كايشوفو للضربة ديالو
لوؤي : الواليدة فين هو ؟ لداخل !!!! بغيينا نشوفوه يلاه وريني فيين راه ...
رتاج : مغيبغيوش دابا راه يلاه خرجنا من عندو تسناو شوية يرتاح
لوؤي : تي شمن يررررتااح راحناااا شديييينا طرييق وراسنا باقي دااايخ فلخر تقوليلي ماتشوفوهش .... حلووو لينا هاد البيبان ندخخلووو باراكا من التخربيق ... راه جدي هداك ... توقع ليه شي حاجة بلا منشوفوووو برربي لاعلقت على شي واحد ....
اياد : ( مشا عندو ) بشششوية راه حتا حنا هنا مزال مشفناهش .. كيدخلو عندو غير شوية بشوية ... تسنى يرد صحتووو .. ومتخاافش راه حالتو مستقرة ...
سلطان : حنا مغندييرو الو غادخلوونا نشوفوه غاابعينييينا ... واقدرو شوية راه سيمانة وحنا غابرييين .. راه خليناه على الكرسي جينا لقيناه فالانعاش ......
يتبع...
التعليقات
لا توجد تعليقات بعد، كن أول من يعلق.