محتوى القصة
خرجات ماجدة من المنطقة بعد ماتخطات آخر حاجز كاين و آخر كارد ...
وخرجات للطريق الرئيسية .... وهي تشوف للمرايا ...
ماجدة : صاااافي طلعي راسك .... خرجناااا ....
قدس علات راسها بشوية كتقاد شعرها وشافت قدامها وهي تتبسم بحماااس وعينيها لمعو .....
قدس : ناااري مامتيقاش راسي الى درتها !!!
ماجدة : ( صايكة وكتشوف فيها من المرايا ) مرة مرة الواحد يتهور شوية ههههه صبري نحبس اجي ركبي هنا ....
قدس : غيييير خليك زيدي .. من الاحسن خليني هنا يمشي يكون شي باباراتزي ...
ماجدة : ناري ياختي حياااااتكم عذاب
قدس قربات للزاج ونزلاتووو وهي تتنفس داك النسييييم ديال الشتا وخرجات يديها كانت كتساقط رقيقة فوق يديها .. وغمضاااات عينيها مستمتعة.....
قدس : اوومااايكاااااااد ... داتس سو گوووووووود
ماجدة كانت صايكة وكتشوف فيها من المرايا و كترسم ابتسامات ماكرين ومخلطين ببزاف دالحقد ..
اما قدس كانت مغمضة عينيها مستمتعة كلياااااا بهاد النسيم الباااارد لي كيضرب فحنيكاتها ... مستمتعة بطعم الحريييية وانها غاااتخرج لحفلة بوووحدها وباللباس لي بغات هي .... فكرة لي كان كظنها مستحيييلة .. تحققات هاد الليلة ....
ماجدة شعلات الموسيقى ، وخدمات الاغنية لي كتعجبها " هاواي " ديال مالوما ... وطلقااتها بجهد وقدس ضاااحكة كااتغني معاهااااا فرحااانة ناااسية العااااالم .... باغا تعيش ليلتها كيييفمااا كانت كتمناها وتسد دماااغها على كووولشي .....
وصلو عند دار صاحبتهم ووقفات ماجدة كيتسناوها تاجات عندهم ، ركبات القدام سلمات على ماجدة ... وغير شافت قدس هي تغوت بالجهد .....
وئام : اوماايكااااااااااااد .. دااااتس يوووو ؟؟؟؟؟؟ ( عنقاااتهااا وقدس كااضحك تاهي ) آم شوووكد ! وااااات ايز ديس بييييوتي " انا مصدوومة ! اش هااااد زيييين "
قدس : (بغنج ) " اااااي يور ايڤن بريتيير " ونت الاجمل " ( شافت ليها لكسوتها ) داتس فروم ديور ؟ " هادي من ديور ! "
وئام : يااااس بااايبي .. كيجااتني !!
قدس : زويينة .. هاد ديزاين دارت ليهم الشوتينغ پيلي العام لي فات لا !
وئام : يس ... راه فداك ااشوتينغ عجباتني وخديتها ...
ماجدة : (كاتشوف فيها وفالطريق ) جات معاااك حسن منها ......
وئام : سي حيت هي كتبغي شوية البنت تكون عندها ليهونش ولاطاي زوينة ... بيلي ماجاتش معاها كاع ! مع رقيقة مجاتهاش زوينة ...
قدس : اكسكيوووزمي !!!! بيلي سبورتيڤ، ماشي رقيقة ... ولفورمة ديالها كايتسابقو عليها البراااندات تصور ليهم ... واخا ديري ريجم وسبور مية عاااام ماتقديش ترسمي تاعضلة وحدة من هادوك لي عندها فكرشها ... ليهونش لي قلتي كايبغيو لقفاطن والتكاشط والجلالب ... اما داك لاغوب ازين ديالي كتبغي وحدة بحال پيلي باش تبان كلاص وماشي vulgaire !!!
وئام : اااه ماقلناش ، طاايتها زوينة ولكن انا دويت على ليهونش وصااافي .....بحال دياولي ودياولك تانت ...
قدس : ( علات حجبانها باستهزاء ) ونتي اصلا فين عندك هاد ليهونش ! العضلة النائمة عندك دايرة النعسة داهل الكهف وكتقولي ليا ليهونش هههههه كوووومااان !!!! زايدون انا منلبسش داك لاغوب حيت ماشي ديال فورمتي وغانبان بحال **حاب شيكاغو ههههه ( رجعات لور مخرجة يديها من سرجم ووئام عللت حاجبها ) پيلي كون مشافتهااش البراند لاطاي ديالها ديال ديك ليغوب كاع مادير ليهم الشوتينغ ، حيت بانت فيها كلاااااااااص بلا قياس ...( تنهدات ضاحكة ) اييينيوايز ... جاتك زوينة تانتي ... غير خلي عليك پيلي فتيقار وصافي حيت مقارنة فاااااااشلة اصاحبتي ههههه
ماجدة : ( بحقد ) اش درتي يا وئام وشنو جبدتي عليييك .... هاديك راها مومو دعييينيهم ....
قدس : ( حسات بيها كاتقولها بامتعاض وهي تكمل ) مومو دعينينا والملقبة ب الباربي دالاسماعيلي ولي دات لقب ملكة جمال فبنات عائلات البرتوكول البريطاني ف2015 و 2019 ... والوجه الاعلاني لديور و روليكس و برادا و مرشحة لميس وورد تلات سنوات على التوالي وكترفض بسبب البروتوكول ... وجهها ديما مطلي فڤوگ كأصغر مودل ملي كانت عندها 10 سنوات ... نزيد ولا باركا !!!!!
وئام : مافهمتش علاش تقلقتي !
قدس : حيت نقصتي منها ملي قلتي ماجاتش معاها !!!! وزادت كملاتها هاديك كاتقولك جااتك احسن !!!!! كاين شي واحد بعقلو كايقول على بيلي مجاتش معاها شي كسوة ! منغير لامكانش عندك دوق...ولكن ايقووونة الجمال فعائلتنا ماتتقارتش ابايبي ....
وئام: نااااري اقدس مكتبدليش لساااانك شحال ماضي ، الالة الله يحفظهاااا ليكم وسلميييي علييييها وعندنا عزيييييزة ... غير كبرتي الموضوع
قدس : ( رجعات بظهرها لور ) اوا كبرررها تصغااار .... شوفي دابا كي صغارت عهههه
وئام وسرطات القمعة حيت مكايقدوش على خصامها فالشلة بسبب تنمرها و كتكرههم فعيشتهم بحشيان الهضرة وكليكتها كبيرة وكايموتو عليها ... وماجدة غير كضور فراسها ... الحاجة الوحيدة لي كتكرهها فيهم هي انهم كاينافقو الناس لوخرين بمحبة وصداقة زائفة وكايبغيو غير بعضياتهم ويشكرو ويمجدو غير فبعضياااتهم فقط !!!!! ......كان اي واحد مكنيتوش اسماعيلي راه مايستحقش التقدير ديالهم !!!!!
وصلو لعين دياب ... وقدس كتشوف من زاج حالة فمها فكمية البنات لي خارجين بوحدهم بلا عائلاتهم ... وكيفاش متحررين فلباسهم وتاحاجة ما فوق راسهم وبكامل حريتهم .. مابغاتش تعلق صوتيا باش ماتسمعها وئام .. مكتبغيش تبين احتياجها وضعفها قدام صحاباتها ... الحماس خلاها ناسية العالم .. ناسية كووولشي وطافية دماغها ..
وصلو قدام الكلوب نايت لي دايرة فيه صاحبتهم البارتي ... ووقفات ماجدة طموبيل وضارت عند قدس مصطنعة الاهتمام
ماجدة : انا غانزل لولا نرد البال واش مكاين تاحد هاز الكاميرا .. ونعلم ايمان ونشوف الجو الداخل ونجي نزلك ....
قدس : راني جبت نضاضر وكاشكول وغنلبس مونطو ..
ماجدة : مهم نقيو ليك الطريق انا ووئام ونجي عندك ... خليك هنا ...
نزلات ماجدة ووئام وقدس كتشوف فيهم من زاج كيفاش غاديين مرتاااحييين ومامسوقين لتا حاجة .. ونزلات شفايفها بحزن على حالتها !! ...
ماجدة دخلات وئام ورجعات خرجات وعلات عينيها فواحد البنت راكبة فواحد طموبيل .. غمزاتها غير بعينيها وداك البنت اشارت براسها .... وهزات تيليفونها ... وماجدة مشات باتجاه قدس حلات الباب .. لقاتها لابسة مونطو كحل طويل .. ودايرة كاشكول مغطي فمها ونص فنيفها ونضاضر كحلين ... ونزلات مع ماجدة ...
باب البار كانو واقفين حداه الناس مجموعات وكوپلات ... وجوج ڤيادر فالمدخل ...
مشات بزربة ورا ماجدة والصحافية كتلتقط فالصور وهي كتخبع وجهها باش مايشوفها حد .... وماجدة بلعاني وقفات قدام باب الكلوب متعمدة تقاد ليها الكاشكول وهي غير نزلاتو يبان ليها وجهها كثر ودخلو لداخل عاد قدس تنفسااات ...
صوت الزدحة كاااان مسمووووع والاضواء كادوووخ ... احمر ازرق ارجواني برتقالي ... نازلين فدروج حديدية شادة فماجدة باش ميطيحهاش الطالون وعينيها كيلمعو بالحمااااس والفرحة وتستكشف هاد لعالم لي طالما حدثها فضولها عليه ....
تادخلو لكلوب نايت لي كان كولو حماااااسي .. وكولشي كيشششطح وملهيين فكيسانهم ... تبعات ماجدة تاوصلو للكوان لي فيه حفلة ايمان لي غير شااافتها بدات تغوت وطارت عليها عنقااااتها .. وقربات ليليا تاااهيا عنقتها وصحاباتها لوخرين وهي حيدات المونطو ديالها والكاشكول ونضاضر وقادات شعرها وهوما كيتغزلو بيها وبالدريس ديالها .... وجلسات معاهم فرحاااانة وطااايرة فالسمااا .. ايمان كانت لابسة غوب بيضة على شكل شوميز دونوي ... ضهرها فيه جنحين الفراااشة و هازة فيديها قلب مكتوبة فيه I am the bride " انا العروسة" .. وشعرها جامعاه بتاج دالورد ... وعلى الطبلة بزاف من داك القلوبة مكتوبة عليهم bridesmaid "صديقة العروس " وكيسانهم وكوكتيلاتهم وتيليفوناتهم وبعض الباكيات دالكارو للي كيكميو ...
ايمان : عررررفتي يلاه حلات لياا الجلسة دابا .. كنت قلت موحال تجي ....
ليليا : راه على قبلك ماعرضناش على صوفيا ...
قدس : وعلاش ! كنتو تعرضو ليها تاخد شي نتفة اخرى ههههه
ايمان : ( شربات كاسها كامل وحطاتو ) واااش عرفتو شحااال انا فرحااااانة اليوم ؟؟؟؟؟ ناااااري مكرررهتش ديرو ليا بحال كيف كايديرو فاسبانيا وتجيبو ليا شي گااااااي يضحكني هاد الليلة ههههه ونلعب معاه شووووية هههههه
ماجدة : ( دايرة رجل على رجل وشادة كاسها ) لا نتي تحمسسستي بزاااف .....
ايمان شافت عند قدس لقاتها كتشوف فساحة الرقص وهي تنوض جراااتها وقدس كضحك ...
قدس : بلااتي غيير نتنفس ههههه
ايمان : ( بالغوات ) مكاااينش الكلااااااس .. هاد الليلة مكااااااينش الكلااااس
تبعاتها قدس وناضو البنات لاخرين ودخلو وسط ساحة الرقص .. كان الكل كااايتمااايل مع انغام dile الاسبااانية ... وايمان كتغوووت بجهد شادة فقدس كايرقصوو .. لي جاها الجو غريب وكتحرك غير فبلاصتها وكتشوف لوجوه الناس .... وترمش بعينيها باستغراااب ومزال مقادراش دخل فالجو .. ضارو بيها صحاباتها كلهم من غير ماجدة وبنات قلال لي بقاو جالسين .... ماجدة من طبعها مكترقصش بزاف من غير كتجلس بعيد وتشرب مشروبها .... كانت جالسة وكل مرة تشوف بعينيها لطابلة لي قدامها ولي كانت الصحافية كتاخد الصور من بعيد ... غير شافتها غمزاتها .. ورجعات كتفرج فقدس وترشف من كاسها .... تاجات ناذلة وحطات العصير لي طلباتو ماجدة لقدس وكاس آخر .... ومشات ، وهي شافت لجنبها صحاباتها ملهيين وهزات الكاس دالآلكول ، وخوات شوية منو فمشروب قدس .. ورجعات شارت للناذلة داتو ......وخدات كاسها رجعات تاني بظهرها لور كاتفرج فيييها ....
ضارو بيها صحاباتها كيشطحو وهي غير كتشوف مع الناس كيفاش ناشطة ... الخصور كتمااايل و الشعر كااايطييير .... الجو كااان صاااخب ماشي بحال الحفلات لي كتعرف .. هنا كولشي كاااان حر والاغلبية سكرانين ... الجو عنكشها وكضحك بزز ... وكتحاول تنسجم .... ولكن قلبها كان كيضرب ببببجهد .. وفيها الخوووف يشوفها شي واحد .. ماقداتش ترقص على خاطرها .. غير كضور مع صحاباتها وتتحرك ببطئ شديد .. وكتبغي تنسحب كايردوها و ايمان شدات فيديها كترقص معاها وهي دايرة الخاطر بزز كتلوح ابتسمااات صفريييين وايمان قربات لوذنيها بجهد ....
ايمان : شششوووفي موول داك الشوووميييز البيييضاااا كيفاش كيشوف فييييكككك
قدس هزات عينيها بشوية لعندو كان جالس شاد كاسو وهي تقلب عينيها بزربة لعند ايمان بتوتر
قدس : ماتشوفيش فيه باش مايجيش .... الى جا راه غنرجع
ايمان : علاش ؟ ماعجبكش !!!
قدس : ( قربات عندها كثر ودوات فوذنيها بالغوات باش تسمعها ) واش نتي شاربة ؟؟؟؟ اش هاد الريحة !!!
ايمان : ( بعدات كضحك ) نهاااااري هذا .. مكااااينش قواااانييييييييين تووونااااايت
طلقات منها كتشطح وتضحك وهي بقات كتشوف ونظراتو عنكشوها ... وهي تبدا تنسحب شوية بشوية .... تارجعات لطبلة جلسات حدا ماجدة ..
ماجدة : ( قربات عندها ) مالكي اصاحبتي !!! رررخفي شوية النفس وعيشي ..
قدس : ( كتشوف معاهم ) لا انا صافا ... ولكن ماانمشيش لتحت كولشي مخلط ، يمشي يعرفني شي واحد .. نبقى غير هنا ...
ماجدة : العجب ! كنعرفك كتموتي على الشطيح !!
قدس : ماشي بحال هاكا ( كتحك فدراعها وكتشوف فالوجوه كتلقى بزاف ددراري كيشوفو فيها ) عرفتي كنحس براسي فشششكل !!!! تووترت اصاحبتي
ماجدة : اويلي تسطييتي !!!! راك غير مامولفاش اساطة هههه
قدس بقات غير كترمش وصدرها بدا يضياق عليها والجو ماعجبهاش بزاف .. حساتوووو اووفر بزاااف و مكايناش الحمااااية ! بحال شي حلزون بلا قوقعتو... وهي مامولفاش تكون بحال هاكا وبدون أمن وسط هاد العيون كلها لي كتحسها كتلتهمها ! .. حسات براسها بحال شي حجلة كانت مربية فمحمية خاصة .. وخرجات للغابة وسط النسور ! ...
ماجدة شافتها متوترة وهي تمد ليها مشروبها ...
ماجدة : شدي شربي شدي
قدس : ( هزاتو وشماتو ) فريز !
ماجدة : اه راه قتليهم يجيبو ليك دالفريز ....عارفاه كايعجبك ...
قدس : ( خلطات الثلج وجغمات منو كتشوف فيهم كيشطحو وقربات عند ماجدة ) شفتي ايمان سكرانة ؟؟؟ اويلي شربات !!!!!
ماجدة : وشنو فيها ؟
قدس : منيتك ؟ را حرااام
ماجدة : هههههه اويلي على هاد الهويعة ههههه على الباااار حلال ؟ هههههه
قدس : تشوفي بعينيك ماشي هي تشربي ! الواحد ثاني ميخرجش ليها ديريكت .... ( كتجغم من كاسها وماجدة كضور راسها وكضحك ) والله ماحسابتني دايرين بحال هاكا .. صحاباتي من البريمااار وصدموني ههه صدقو مولفااات هاد لبلايص !
ماجدة : راه غا نت لي بقيتي فداك لازون محبوسة تاتعقدتي .. هههه راه هاكا كيعيشو الناس اصاحبتي .. رخفي فيك شوية النفس راه ماهنا تاحد كيعرفك .. كولشي ملهي بكاااااسو غير تهنااااي .. كوولشي هنا مرفوع .. هاد البلايص كيعرفو فيهم جوج حوايج ..... الشطيح .. والشراب ههههه
قدس رجعات بظهرها لور كتشرب من كاسها وماجدة كتشوف فيها وضور فراسها بضحكة مستهزأة ... وقدس بدات كدخلها ندامة علاش جات .. حساتو بحال شي مستنقع كيوسخها! ماعجبهاش وعاد عرفات علاش كانو كيمنعوها ! كتحس باللحم هنا رخيييييصة بزاف وكولشي مسموح يقيسها ومكاينش حراسة هي لي ولفات تكون محاوطة باسوارهم و سواريهم ... علات عينيها فهاداك الولد ولقاتو باقي كيشوف فيها وهي تخنزر فيه عاد جمع راسو .... وبقات غير كتنهد وتبرد بعصيرها كتفرج بعينيها ... تاجات ايمان والبناات سخفااانات بشطييييح عرقاانات ....والناذلة جابت ليهم الگاطو ... ناضو وقفو كامليييين كاايصفقووو وقدس كتبعد من عدسات السيلفيات وتاهوما فهمو وعارفينها مكدخلش فتصاور مع الناس ... بقات غير لور كتصفق ليها بيديها كتطفي شمعتها ... وهي تقرب عند ماجدة ..
قدس : صافي يلاه نمشيو !
ماجدة : اويلي فين غنمشيو .. مكاملاش تاساعة باش جييينا .. جلسي اصااحبتي ماااتندمينيش
قدس : مااااعجبنيش الجو اماجدة ... ماحسابتنيش هادشي داير بحال هاكاااا ... مامرتاحاش هنا .... هادشي vulgaire
ماجدة : وغير تسناااااي شوية ماااالكي ....
قدس : راااسي تااايضرني ....
ماجدة : يمكن بقوة الصداع ! سيري لهيه ورتااااحي ...غا شوية ونمشيو ....
مشات قدس للفوطوي وجلسات متكية بيديها على جنب وحاطة راسها على يديها كتماصي جبهتها .... كل مرة تشعل تيليفونها تشوف السااعة ومخلووووعة و مسطرييسية وكاع داك الحماس طفى بالخلعة ... المكان جاها موسخ وماشي كيف تخيلاتو !!! .... وماجدة كل مرة تشوف للباب كتسائل واش جود مزال ماشاف الكاميرات !!! ....
بقات كتفرك فيديها وهي تجي لبالها فكرة حيت فاي لحظة تقدر تبغي تمشي بحالها ويتضرب ليها كولشي فزيرو كيما وقع مع قسم لي خسرات فلوسها على بنت باتت ماصبحت وماصورات والو ، بقات ليها هاد فرصة مابغاتش ضيعها ولو تخلص الثمن معاهم، كايهمها فقط تثبت لجود ان الاسماعيليات ماشي ملائكة وتمشي تهرب لقرايتها .. ، فكرات مزيان وناضت مشات تحنات عليها ....
ماجدة : نمشي لليطواليط ونجي ..
قدس ومات ليها غير براسها لي ثقاااال عليها ... وتالاضواء زادو دوخوها ....وماجدة دازت حدا داك الصحافية وغمزاتها والصحافية تبعاتها ووقفو حدا باب ليطواليط ...
ماجدة : عندك شي نمرة مكتحتاجيهاش !!
الصحافية : ( جبداات واحد تيلي من جيبها لور ) نماري هادشي ماعندنا ههه
ماجدة : ولكن تودعيها ! بغيت نصيفط منها ميساج ونهرسها
الصحافية: خلصيني فيهااا وضبري راسك
ماجدة : ( حلات بوشيت جبداات مية درهم عطاتها ليها ) خليها ليا بتيليفون دابا نردو ليك ملي نسالي منها ....
الصحافية : ياكما باغا تصيفطتي تصاورها لشي حد !
ماجدة : وكيغاندير نجيب ليك هاد خوها لهنا الى ماصيفطتش !!! .. راه عييت نتسنى فيه يصوني عليها ماصوناش .. يعني راه مشافش الكاميرات ... وحتى كون شاف مغايعرفش فين هي .... انا غنصيفط ليه حسن ...
الصحافية : وراه غتبان داك ساعة شي حد داير ليها پياج ...
ماجدة : ماعنديش شي حل اخر .. صحاباتها مغيبغيوش يحطوها سطوري ... ويلا كان شي حد داير ليها پياج ، راه مكايناش غيير بوحدي هنا ...كاع صحاباتها هنا ، تقلب شكون فضحاتها لخوها ...
الصحافية : عنداااااك تحط شي برهوشة شي سطوري !.. مابغيت تاحد يشوف هاد الخبر قبل مااانعطيه لرئيسة التحرير ... بغيت حنااا لوليييين ولا راه غنفضح ليك هاد الخرا كاااامل
ماجدة : واصلا مغيحطوهاش غاتنهاي ، انا ضبرت ليك فهادشي ؟ اوا انا عارفة شكاندير .. كولشي هنا كيخاف على راسو .. وكولهم هنا برهوشات سالتين لواليديهم ...
الصحافية : مولات الحفلة ماشي بنت **** لي فالمكتب الشريف دالفوسفاط !!!!!
ماجدة : هي ... ( شادة تيلي كدخل نمرة ) ركزي ليا على قدس ... خلي عليك لوخرين ....
الصحافية : اختي جينا جينا نديو الربحة كااااااملة ....
ماجدة : ( قيدات نمرة دجود ودارت داك تيلي فبوشيطها ) سيري دابا لبلاصتك ... شوية وغتنوض الحيحة وغااااايحلا ليك الفيلم ههههه ..... اما ملي يجي خوووها عاد قادي الجلسة وزووومي مزيااااان هههههه ( غمزاتها ) ودييييرو غذا شي عنوااااان مفرركع هههه
خلاتها ومشات كضحك وداك الصحافية رجعات لبلاصتها وماجدة مشات لكوانهم جلسات كانت النادلة قطعات الحلوة وعطاتهم فطباسلهم ... قدس غير ذاقت وحطات الطبسيل ...
قدس : ماجدة .... صافي نمشيو !
ماجدة : وتنساي غاشوية اصاحبتي مزال ماتجمعو تا البنااااات ، رحاب باقا ماجات !.... راه يالاه بدات الباااارتي ...صبري ... حاااولتي تنسجمي شوية نساااااي عليك البشر ديييها غير فالجو
قدس : الجو برااااسو ماعجبنيش ...
ماجدة بدات كتنهد وقدس كل مرة تعوج فراسها لي ضرها... وماجدة كتفرك فيديها كتحاول تبان هادئة وهي عينيها على لبوابة باش ملي يبان ليها جود تتشفى على خاطرها ....
بعد ساعة ونصف ...
فالبار الخاص بفندق المنطقة ....
جالس جود ولوؤي .. كل واحد فين شاد كاسو ومعليين راسهم للفوق كيتنهدو ، كل واحد وهمو ..... ولوؤي رجع قاد الجلسة وحط كاسو لي سالاه فوق طبلة
لوؤي : مزااال مافهمتش .... اش فيها لاخديتي طموبيل من لافيراي .. شكون شافك اش غادير بيها ! علاش مشيتي للنوار !
جود : ( حط كاسو تاهو وقاد جلستو ) واش منيتك اصاحبي! راه وراقها مسجلين عند الدولة واخا نعاودها كاملة ... غاتبقى طموبيل ماصنعتش لپياس ديالها انا ....
لوؤي : وعلاش لي متصنعهومش نتا نيت ؟؟ علاش شريتيهم واجدين بلا وراق !
جود : غايدي مني الوقت بزاااااااف الوؤي .... انا راه غنمشي ليابان .. بغيت نكون ساليت النمودج قبل مانمشي اصاحبي باش نقدمو .... خديت طريق ساهلة وخديتو من نوار واجد .. بلاصة مانقاد داكشي كل حاجة بوحدها هاهوما بياسات عندي واجدين ... خاصني غير نعاود الهيكلة ....واش عارف لاجيت نخدم كولشي شحال غايدي مني !!
لوؤي : وهذا ماشي تزوير !
جود : تزوير كون مكنتش كنعرف نصمم ولا نصنع ...انا راه ماعنديش الوقت ، ومابغيتش نبرد على البروجي .. بحالا قلتي انا كنعرف نصااايب پاط آبيتزا ... ولكن حيت مكفانيش الوقت نوجدها ليك مشيت شريتها واجدة وقاديت ليها لاصوص و الفروماج .. وعطيتك تاكلها وقتليك راها ديالي كاملة ...هدا هو البلان ....
لوؤي : دابا لي فهمت ... دابا نتا غتقاد نموذج واحد .... وتقدمو فالمعرض ومن بعد يبداو يصنعو عليه ... ولكن دوك البياسات لي راك دايرهم تما ... راه ماشي نتا لي صانعهم .. يعني ماشي نفس هادوك لي عندك فالتصميم ...
جود : ماشي مشكل ... لي عندي فالتصميم حسن ... هادوك بحالا غير مديپاني بيهم فالنموذج اللول باش يتقدم ... الشركات دالتصنيع كايهمهم البروجي شنو فيه ماشي النموذج ....هادوك جوج طموبيلات لي غانصاوب بالپياس دالنوار ... ملي يتخاد البروجي غنمشي نشعل فيهم العافية ...
لوؤي : واااانتا تعرف شغالك، ولكن اصااااحبي تخاف غاتوحل ... وعمي اسد راه مكيتفاااااهمش فهادشي ... راه طموبيلات مسروقين هااادوك راه ماعندهمش وراق .. راه احتيال هاداك
جود : را عارف اش كاااندير ....الاحتيال هو كون كنت غنحطهم فالسوق ولا نربح موراهم بارد .... اما هادو راه غااا ديكور واخا نصنعهم تا من الفرشي ... راهم مغيركب عليهم تاشي وليد .. هادو غير باش يتقدم البروجي .... منبعد الى عجبهم راهم غيصنعو البياسات بالقياسات والتصاميم لي راسم انا .... هدوك غا شونتيو ....
لوؤي : والى كان هاكا اه ...انا حسابتني كايشوفو فطموبيل ويديرو بحال داكشي ...
جود : الا اصاحبي مالنا كنصايبو الحلوة .... راه كيمشيو على الديزاين المرسوم عندي فالپلون... هاديك غا ديكور ....انا ماعنديش وقت نقاد پياسات جداد .. شريتهم من النوار قراب شوية لهادوك لي مرسومين عندي ...
لوؤي : وكيدايرين بعدا هاد طموبيلات !! ..
جود : صبر نوريك صبر ....
جيد تيليفونو من جييو لور هو يلقى نوتيفيكاسيون دالكاميرات ديالو وحيدها بصبعو ...ومشا لاستديو الصور وجبد اخر الصور لي صور دوك طموبيلات وعطا للوؤي ..
جود: هاهوما ... راهم واخا تشوفهم كبار غنقطع الكادر .... عندي غاراض بالپياس .. والپياس ديالهم باااااقي نيو يااصااااحبي ...
لوؤي : ايليكتريك لا !
جود : وااضروري نجيبهم ايليكتريك .. حيث هوما لي قراب لديزاين ...
لوؤي : دابا نتا باغي دير طموبيلات ايليكتريك!!!
جود : وشنو نديرهم ليهم بالكازوال ! حضر معانا عقلك ..
لوؤي : انا هادشي را متاااانفهمش فيه ( كيزومي عليهم ) مزيااانين .. ( شاف فيه ) فكرتي لمن تعطي البروجي !
جود : مزال صراحة ...
لوؤي : ( دوز صورة اخرى ) هادشي لي مليوح هنا اش غادير بيه ! شناهو بعدا هدا !
جود : الكادر ... هاداك غايدوز فالليزر غيتقطع .. دومونديت عليها راه غتوصلني هاد سيمانة ....
لوؤي : ودابا راه خاصك شي ديزاااين لي يخظف ليك العين ديال دراري الصغار ..
جود : سي .... ( رجع بضهرو لور و لوؤي كيتفرج فدوك الهياكل وكيسمع ليه) اي دري صغير كيبغي طموبيلات .. كيكون كيبغي السرعة .. داك طموبيلات الصغار ديالهم مكيبردوش ليه الجنون ... كيكونو ثقااااال !!! انا براسي منقدرش يعني نصمم شي حاجة فيها سرعة كبيرة لولد صغير .... ولكن فكرت نخليه غير يإيمااجينيها .. يتخيلها فدماغو ( لوؤي عين فيه و عين فتيلي ) ملي غااايلقى راسو راكب فطموبيل صغيرة على شكل صاروخ ومخلية وراها هاداك الضو الحممر بحال العافية وداك الصوت المجهد .. غيخليه يحس بيها راها غااادة بفيتااس كبيرة و هي غادة غير بشوية .... يعني هادي الفكرة .... باش نبرد ليه داك الحماس فالسپيد بلا مايمشي يجرب فشي حاجة خطر عليه .....
لوؤي : گرييت !!! مزيااااان ... والله تاافكرة نااااضية ....
جود : غيكون اللون بين الكري والكحل ... حيت دراري صغار غيكونو ملو داك اللون الازرق والاحمر لي كيلقاو پاغتو ...
لوؤي : والبنات !
جود : البنات تيعجبهم الالوان بزااف .... ولكن صاروخ يخلعهم ...مغااايجدبهمش بزاف ، هوما كيبغيو داكشي يكون پييسفل و صوووفت ... هااادئ .... فنفس الوقت بنية لي يكون تاهي كيعجبها الطموبيلات وهي صغيرة غتكون تاهي كاااتعجبها السرعة ... غير ماتكونش داك لافيتييس لي كتخلع ...
لوؤي : يعني صاروخ مخدامش ليهم !
جود : سي .... ( شاف فيه وابتسم ) جانتي قبيلة فكرة لراسي ( لوؤي شاف فيه ) باااترفلاي ..." فراشة " ( لوؤي صغر فيه عينيه ) هاديك هي اقصى سرعة تقدر تحملها البنية الصغيرة .. هي السرعة دالفراشة .....
لوؤي : ( مضيق عينيه فيه وقال كانه كايتحقق ) باااااترفلاي !!!!!
جود : اه !
لوؤي : ( شاف لسوارت لي على طبلة وشاف فيه ) وكيفاش تافكرتي فيها !!
جود : ( معوج شفتو لجنب وحط على لحيتو ) فكرة جااات لبالي فدقيقة تسعين ....
لوؤي : اه يعني غير جات وصافي ( شاف فالفيليل ) ماشي من داكشي لي باقي معلقو فسوارتك ....
جود : ( شاف فسوارت وشاف فيه ) دابا نتا ، واحد الدرية ولا واحد بنادم لي ردك من الموت .... غتبغي تلوح شي حاجة ديالو ! مغتبغيش تبقى ليك منو ذكرى ! ميموري !!!
لوؤي : علاش باش غتفيدني ! تفكرني راه كنت غانموت ؟؟؟؟ .... ذكرى ديالو هاهيا فعقلي لاتلاقيتو شي نهار نشكرو .... ونبينا عليه السلام
جود : ( هز كاسو ورجع بلور ) وي آر ذا سيم اولد عمي " راحنا نفس الشئ " ... غا الفرق هو نتا غا تهز الذكرى فعقلك ...وانا واحد كااينسى .... هازها فالسوارت .... كل واحد وطريقتو فالميموريز ....
لوؤي بقى غير كيضور فراسو ويتنهد يلاه غيخرج من استوديو الصور هو يشوف ميساجات داخلين ليه للواتساب من نمرة غريية ... يلاه غيعطيه تيليفونو يشوفهم ... هو يتقرا ليه من الفوق مكتوب Watch your sister's scandal before everyone else
"شوف فضيحة ختك .. قبل الجميع"
لوؤي وسع عينيه وشاف لجهة جود لي هاز كاسو فيديه ومعلي راسو لفوق ... ودخل بزربة لداك نمرة وقلبو تايضرب بجهد ودماغو وقف. .....
هو يلقى فيديو وبزاف دتصاور ... غير لمحها فتصاور سرط ريقو وبعد شوية على جود وزاد تأكد من شنو كااايشوف !!!! عينيه تحلو بالصدمة وسرط ريقو غابزز !!! ماقدش تااايحل الفيديو ... مسح داكشي بزربة وبلوكا هاديك النمرة ومسحها ومن تيليفون وعطاه تيلي وناض بزربة ....
لوؤي : عندي شي شغال ... تاالغذاااا
جود : ( حل عينيه بزربة شاف فيه ) فيييين غاااادي !!!
لوؤي : تفكرت شي حاجة نسيييتها للواليدة ...
خرج بزربة وجود مكمش ملامحو مفهمش !!! مال هذا ناض بهاد الزربة !!!
خرج بسرعة وجهو حمااار ....مشى كايجري لطموبيل ، ركب ولتخ الباب .... وحل الپوش جبد تيلي اخر ديالو وطلع GPS ديالها ودارو قدامو هو يوسع عينيه فاش شاف فين هي ... عروق دراسو تنفخو عليه .... تامن طريقة التنفس تنسات عليه ، خس بالاكسيحين حبس ليه فالرية ...
وكسيراااا بسررررعة مزييير على سناااااانو والعمى مغطي عينيه مكااايشوف والو مخلي وراه غااالكلامصووون !!!!.....مزال ماامتيقش ....مزال كااايقول يكون كدوب و غير لبارسلي ديالها لي داوه لتما و هادوك تصاور فتوشوپ !!!!
وصلات طموبيلتو قدام البار لي عاطياه الاشاارة انها فيه ... كيشوف للاطراف مصغر عينيه ومزير على سنانو وسط فمو ...
كيعوج فعنقو يمين وشمال وهز تيليفونو وخدا نفس عمييييق وبدا يصوني عليها وكيتمنى تجاوبوو ويكون غير شي غلط ....
لداخل ...
فحلبة الرقص كانت قدس كتشششطح ناسية العااالم وضحكتها كانت لوذنيها كتمااايل بشعرهاااا وخخخصرها والبنات ضايرين بيها كااايشطحو وهي كضحك وتعلي شعرها بيديها لفوق كتمايل مع الموسيقى وعينيها مقلوبين بالثمالة ....
اما ماجدة كانت جالسة فبلاصتها شادة كاااسها كتفرج فيها والصحافية من بعيد كااتصور ... وهي دايرة ضحكة انتصااار على وجهها مخلطة ببزاف دالغضب والحقد لهادشي لي وصلها ليه جود انها ديرو .. ماباغا والو من غير تثبت ليه ان ماشي غير لي كنتيها اسماعيلي راها شريفة!!! ممكن تكون ختو و دير لي دارتو هي ... بغاتو ياخد درس لي رفضها وهانها وقاليها انها مامربياش غا حيت معندهاش كنيتهم .... بغات توقف قدام وجهووو وتشوفو مطيح راسو وتشفي غليلها من داك الهضرة لي مزقااااتها من داخل ...رفضو ليها كان جاها منطقي حيت ربما شخصية جود صعيب يبغي او يدخل فعلاقة .... ولكن باش تشوفو دار علاقة اخرى مع بيلسان ورفضها هي بسبب انها نعسات معاه وكدخل للبيران .... مااابغاتش تتسىط ليها خصوصي انها كتعرف بيلسان انها متحررة كتر منها ...
كلامو للخر باقا كتسمعو كل نهار فودنيها وماباغيش يتنسى ليهاااا حيت توقف قداااامو وتثبت ليه ان حتى ختو و ممكن يدّار فيها اش دار ليها ...
قلبات عينيها لطابلة فاش شافت تيلي دقدس شعل وهي تقرب ليه طلات عليه لقاتو لوؤي لي كيصوني ... علات عينيها لعندها كترقص ... ودارت ضحكة مستهزأة وهي تقطع داك تيليفون ورجعات بظهرها لور كتشوف لساعة فيديها مستغربة علاش مصوني عليها فهاد الوقت !
شوية وسعات عينيها فاش جات فكرة مرعبة لراسها ! عنداك جود يكون شاف داكشي ووقعات ليه شي حاجة !!!!؟
بقات فأفكارها تاشافت شي حد تحنى على الطبلة وهز داك تيليفون وهز صاك والمونطو دقدس وعلا عينيه فيها وهي تشوفهم شوية تحت الكاااسكيط والكاشششول لي لابس ...
هاديك النظرة لي كان داير فيها .... كانت كفيلة تخليها تترعد ويطيح الكاس من يديها .. كانت نظرة كتشبه لمختل عقلي قريب يرتكب جريمة !!! كايطل عليها تحت من كاسكيطتو بححححقد كبيييير ......وغضب أكبر ...
ترعدات فاش شافتوو هو !! حيت متوقعاتوش يجي هو !!! فين جووود ؟؟؟ ...
حاولات تحافظ على ثباتها و هو بدورو هز داكشي ومشا بدون مايلفت انتباه تاشي واحد جالس حداها تما ... مشا بخطوات هاااادئة وثقيييلة تاوصل لحلبة الرقص ... الكل كانو ملهيين مع الشطيييح والثمالة وهو كيتصرف باتزان كتر باش ميلفت الانتباه ديالهم ويردو ليها لبال .... والصحافية كتصور ولكن وجهو مكتشوفوش حيت منزل الكاسكيط على عينيه والكاشكول لي فعنقو طالع تالنيفو ..
ضور قدس بهدووووء تامن صحاباتها لي كااايشطحووو ماحسوش بالمرة ... وحط يدو على فمها بقوة حيت غاتغوت ....وجرها كتمشى تكاتقرب طيييح وكايوقفها ... وهي كتنتر وهو غادي بيها بقوة يد على فمها ويد حاطها موراها ودافعها تتمشى قدامو ...
وماجدة وقفات كتشوف وقلبها كيضرب بجهد وكتسرط فريقها وهو غير خرج من حلبة الرقص طلق ليها فمها تاعطاتها للغوات بالسكرة معارفاهش شكون ... وهو يغطيها كاملة بالمونطو ديالها وجرهااا بقوة وهي كتمشى ، دايرها قدامو كتعتر ف خطواتو المزروبين لي مووراها .... الصحافية وقفات تابعاهم كتصور وماجدة كتشوف فيها ولكن مقدراتش بالمرة تشد وجهو فشي صورة وركزات غير عليها ...
كان كيتمشى بهدوووء وثباااات كيحاول مااااا امكن مايشوف عندهم تاواحد تايخرج منهنا ... طلعها فالدرج وهي كتنتر وهو كيدفعها بقووة وساااااكت وعينيه فقط لي كتبان فيهم هاديك الشراارة دالعصبية ....
قدس : ووااااطلاااقني بعد مني شكووووون نتااااا ... ططلااااااق
لوؤي : ( قرب لوذنيها وهضر بحدة ) نخرجو من هنا وغتعرفي شكووون انا مزيان .... غااا زيدي دابا ...
دفعها طلعات فدروج وهي كترمش بعينيها كذكر فين سمعات هاد الصوت !!! وراااسها ثقييييل ومعارفاش اش كادير ... تاخرجها لبرا هو يحني ليها راسها لتحت تاطاح شعرها كامل خباا وجهها ...
ومشاا بيها بنفس هدوءو ، مخبيها ومباغيش يلفت الانتباه، توصل اطموبيلتو حل الباب يطلعها وهي كتنتر ، وطلعها بزز ....ولتخ عليها لباب ومشا لجهة الاخرى بزربة وابصحافية من بعيد كتاخد الصور ديال طموبيلتو وهي كتبان من الزاج كتعافر مع الباب تحلها وتضرب فالزاج ...
ركب بزربة وبدون كلام .. وديمارا طموبيل يبعد من تما .. وقلبو تاايضرب بجهد وشرارتو كتحاول تهدن شوية من جهة انه تطوا هادشي وماشافها حد و مجاب خبارها حد فالعائلة وماوقعات تاكارثة وهاهي حداه .... وملي شاف وجه ماجدة لداخل عرف مزيان دوك الميساجات من عندمن ، كان خايف تكون صحافة ....
تاسمعها كاتنتر حداه وراسها ثقييييل كتحركو بزز ... كيزير على الڤولون بيديه وكلما قاستو كيدفع ليها يدييها ....
قدس : ( بصوت ثقيل ) واااااااطلقني .... ونزلنيييييي .. راه غااا حفلة .. بااااارتي ديال ايييييمان .. و وراه بابا مسااافر ( كتهضر ثقيييلة ومعارفاش اش كتقول وحتى لمن كتقول .. لي واعية بيه هو حصلات فقط ) را غاا البناااااات
لوؤي مكانش كيجاوبها غير كيزير على الفولون وقلبو مهني فقط لي راها معاه ومواقع والو من دوك الوساويس لي جا كيتخيل فيهم فطريق !! كانت غاتجيه جلطة غير من التخيلات ....صايك بسرعة هستيرية وهي كتميييل وشادة غا فالباااب وعينيها كيتسدووو ....
قدش : بشووووووية واش باغي تقتلني ... بششششوية واش طايرين ؟؟؟؟؟؟؟ والله حتتى نقووولها لبااابااا .. ووقف .. وقف هاااد طموبييل ننزل ( كضرب فطابلو قدامها ) .... وووقف ولا راه مغاااايعجبك حاااال
هي كتهضر وهو غير مكيزيد فسرعتو ملي كيسمع صوتها ثقيل والريحة لي كتنبعث منها كايزيد يتعصب ... غادي بسرعة وهي عينيها كيتشدو بدوووخة والسكرة والاضواء تاحسات بمعدتها تقلبات .....
قدس : ب بغيت .. بغييييت نتقياااا ... حبااااس .. حبااااااس ...
لوؤي مشا جنب طريق ووقف وهي حلات البااااب بزربة وخرجات راسها كتررررد ... وهو تكا على الكرسي لور وعلا راسو للفوق .. وفاتح فمو كيتنفس .... غمض على عينيه كيحاول ما امكن يهدأ ويتصرف بالعقل ومايقتلهاش هاد الليلة ....
نزل من الطموبيل .... ومشا بجيهتها وجبدها من يديها خرجها وهي باقا كترد ... بعدها وجلس فبلاصتها حل البوش وبدا يقلب تالقى الكينة ... وهز قرعة دالما ومشا باتجاهها وطموبيلات كانو كيدوزو حداهم طايرين والشتا كتصب خفيفة ...
مشا عندها وقف عليها تاحسها سالات التقيا ديالها وشدها من شعرها علا ليها راسها للفوق تااغوتاااات من حر الشدة لي داير ليها فشعرها .. وهو كيخوي عليها الما كيغسل ليها وجهها بعنف وهي كتتننررر وهو مزير على سنانو ماكايدويش .. وعينيه حاااقديييين .... وجهها كاامل فزك وشعرها لصق على حناكها وجبهتها ... وهي كضرب فصدرو تتفك وهو شادها ... علا ليها وجهها وحل ليها فمها بيديه وخشا كينة تحت لساااانها وزير ليها فمها وقربها لعندو مغزف عليها ....
لوؤي : تلوووحيها من فمك نلوووح مك ووووسط هاد الطرييييق
قدس : ( معلية راسها معاه ) اش هاااادشي .. شنو هادشي عطيتيني وبعددد مني ... ططللق مني .... ك.... كنا غير البنااااات .. تا ماااجدة
لوؤي خشاها فطموبيل وسد الباب باللتخة تاتنفضات وهاديك الكينة دغيا دابت تحت لسانها ولا فمها عبارة على رغاوي كانت بنكهة السوريييز ولكن فيها لذغة دالصودا حااامضة ... تادمعو ليها عينيها وهزات قرعة دالما كتشرب وهو مدابز كايدير ليها حزام الامان بنترة وزاد ... وهي مضاربة غير مع داك المذاق لي ففمها وراسها دييييخان ، وكتحس براسها فشي بلاصة غريييقة معارفاش فين هي ولا اش واقع ... بحال كاينة فشي حلمة مكايبانش ليها وجه لي معاها شكون هو ... واش واقع .... غير افكار باطنية من خوفها انها تحصل مشات لبار وتتفضح هوما لي كيخدمو فعقلها دابا .... عينيها تايتشدو وضبابة وقوة الالوان ... والزدحة المجهدة د الكلوب باقا فوذنيهااا لي كااايصفروووو بجهد .... زادت طموبيل كسييييراااات بلي فيها من جهد وهي راسها مرة كيمشي يمين مرة شماااال ....
كانت بحال شي ثووووب كيديه رييح وكتسرط ريقها بزز ...
خرج من المدينة وشد طريق الساحلية دالمنطقة ... باقصى سسررررعة .... العصبية ديالو كاملة مخرجها فالسرعة دطموبيل، اما منظرو كان نوعا ما هادئ من غير سنانو لي مزيييرين وعينيه الحمرييين لي الشرارة دالغضب واااضحة فيهم ....
تابدات ثاني كااادوخ وشدات على فمها بسبب السرعة .....
قدس : نن نتقيااا .. نتقيااااااا
لوؤي لقا راسو قدام جرف مطل على البحر .... ودخل لليسار بزربة ووقف ليها وهي ثاني حلات البااب وحنات راسها لبراا كترد والريح دخل قووووي لطموبيل ... وهو نزل راسو على الفولوووون كااايصوط ويصبر فراااسو يضبط اعصااابو ...
خدا تنهيدة قوية ونزل من الطموبيل ومشا تالمقدمة ديالها وتكا عليها مطلع راسو لفوق كيتنفس والشتا كاتساقط على وجهو ...
كايسمعها كتترررد وتكحب وتنهج ومرة مرة كتمتم وتبرر اش. كانت كدير تما ...
وهو معلي راسو لفوق كيفكر شنو كان غيوقع كون صورها شي واحد ولا كون خوها لي شاف داكشي !!! كيتفكر كذوبها وهي كتقوليه بغيت نعس ماتصونيش عليا وكيحس بالعصبية غير مكتزيد تشعل فيه ....
حيدات السانتير ونزلات من طموبيل غادة بجهة الجرف تاوصلات لنهايتو عاد علات راسها كتنفس ...كتحس بالخخخنقة والدوووخة ومعدتها مگلوووووبة وعينيها كيتحلو غير بزز ...
كان مضاد الثمالة لي عطاها تحت لسانها بدا كيسري فيها وبدا كيصحيها شوية بشوية وكترجع لعقلها ... وهو تكا على طموبيلتو كيشوف فيها ومربع يديه كيتسناها تصحى باش يردها للدار..
وهي هزات يديها كتحك فعينيها وتتنفس ...
رجليها مابقاوش هازينها وهي طيح كاملة جلسات فالارض كتنهج ...وكتشوف قدامها وهو واقف موراها كيشوف فيها .....وكل مرة يدوز يدو على وجهو كيتخيل كون فهاد المدة لي غفل عليها تما خطفها سالفادور!!!!!! مقااااااادرش تايفكر فيها ! هو كيفاش غفل ومعاقش ملي قالت ليه غتنعس بكري !!! وكون ماشي تيلي دجود لي جا فيدو فالوقت المناسب ... شكون كان غيتهز لكلينيك ؟ هي ! هو !!!... اسد ؟ لامار ....
مقادرش يتخيل حجم الكارثة لي كانت غتوقع .... هاداك اللبس الممنوع فالبروتوكوول .... الكلوب ناايت ؟ سكراااانة !!! خارجة بتخيبة !!!
شوية هو يصغر عينيه ملي تفكر شنو كان مكتوب فداك الميساج " شوف فضيحة ختك قبل من كولشي " شكون هاد كولشي !!!! ماجدة تكون فيها هاد زعامة ولا غير تهديد !!! مستحيل تقدر !
غمض على عينيه كيفكر فقط فانه يديها لدار بأمان وصااااحية ..... عاد يمشي ديكريت عند ماجدة .....
قدس بدات كتوضح ليها الرؤية شوية بشوية واخا راسها باااقي ثقييييل ووذنيها كاايصفرو وباقي الصدى دالموسيقى كيتعاود فوذنيها .... والصور رجعات كتبان قدام عينيها ....وكايتوضحو ليها .. ولكن وعيها باقي ثقييييل فالايستيعاب !!! بحالا فايقة من شي تخدير !!!
ضارت برررراسها بشوووية وهي تشوفو متكي على الطموبيل وقلبها بدا كيضرب بجهد وضارت قدامها بزرية مقاداش تتيق انه بصح هو وماشي تخيلاتو !!!! .... مقادراش تصدق الى لوؤي هداك لي موراها !!! هي تفضحات !!! ...
ربع ساعة وهوما على داك الحااااالة ..... كيتسناها ترد وعيييها ... تابدات كتنهج وقلبها غادي يسكت بالخلعة وبدات كتحاااول تنوض غير بشوية وهي كتميل بالطالون ..وقفات كاملة كتسرط فريقها .... وضارت عندو بعيون عامرة بالاحراااااج والاسف ... وصوتها باااقي ثقيييل فقط الوعي لي رداتو شوية بشوية ...
قدس : ل ... لوؤي !
لوؤي تنهد وحيد الكاسكيط لاحها فطموبيل ورد شعرو لي رقد ليه تحت الكاسكيط بيديه لور وقرب عندها شوية بشوية كيشوف فيها والهدوووء على وجهووو ...
لوؤي : اشنو ؟؟؟؟ ( كااايطلعها ويهبطها بداك الكسوة وهي واقفة قدامو ) اشنو غتقولي !
قدس : ( شافت مدة للجنب كتسرط ريقها وشافت فيه ) ر ... راه شربت .. غير عصير والله ... ( عينيها دمعو ) وحق الله تااغييييير عصيييير .. نحلف باش ما بغيتي ....
لوؤي : ( شابك يديه موراه وقرب براسو عندها ) اهاه .... وملي شربتي غير العصير ... علاش لقيتك سكرانة!
قدس : ( كتسرط فريقها ) لا .. غير .. يمكن ك كانو كيشربوه حدايا .. هانتا سول ماجدة لاماثيقتينيش ، مااااعرفاش والله تا غاعصييير ...يمكن داروه ليا فيه تما ومشاتهمش والله ماااااابلعاني الؤي نقسم لييييك كاع لابغيتي ، سووول ماااجظة وتشوف
لوؤي : اممم .... ماجدة !
قدس : اه والله تاكنا بجوج ؟ ش .. شكون قالها ليك نتا ؟؟؟؟ ( عينيها دمعو وكترعد بالخوف ) .. مافخبار تاحد ياك؟؟؟؟؟؟؟
لوؤي تنهد وبداا كيقرب ليها وهي كترمش وبدا كيقاد ليها شعرها على كتافها وعلا ليها وجههااا كيرجع ليها لافرونش ديالها لور وكيشوف معاها وهي نزلات دمعتها من حينيتو .....
قدس : والله مااااااشربت الوؤي .... معرفتش شنو هادشي ؟ كان عصصصيير .. انا مكنعرفش لالكول .... و .. و تا .. هاديك غير حفلة ديال ايمان ... غتزوج و دارت بارتي عرضات علينا .. م مشيت غير نحححضر ....راه غالبنااااات وحق الله
لوؤي : ( كيعلي ليها المونطو على عنقها من البرد ) اممم ...
قدس : نتا .. نتا باش عرفتيني كنت تـ.......
ماجات فين تكملها تاكان دفعها كووولها لوور تاطاحت على الجرف .... وشدها بزربة من يدييها وهي كللها مدلية على الجرف كتغووووووت بججججهدددد وهو شادها من يديها مزززير على سنااااانوووو متكي على ركبتووووو كيشوف فيها وهي كتغوووت وترجف ......
قدس : ل .. لوو .. لوؤااااي .. ع عع فااا . .ااك
الهضرة تقطعات لييييها بالخلعة وهو مزير على سنانو بالغواااات
بوؤي : البيراااااان آل*حبة ها ؟؟؟ نجمعك سكراااانة من البيييراااان !!!!!!!! كتشطحي ليا وسط *واااااامل !!!!! تخرجي للبيرااااان فنصايص ليل وتقولي ليا انا غنعس متصونيش عليا ؟؟؟؟؟؟ بقى ليا غاااانجمعك من وسط ل*حاااب !!!!
قدس : ( الهضرة كتقطع وكتحس براسها غاااتغيب بالخلعة ) عع .. ع عافاك .. ع عافاك .. ع ع .. عاافااااك ... غ غانطيح .. غاااانطييييح ( شافت لتحت فالبحر شافت فيه عيتيها كايتقلبو ) ع ع ع افاك .. عافااااااك ..
دقات قلبها كانو هايجين و جسمها كامل تغطى بالعرق... فازگة بالما و الشتا كتطيح... كلها كترعد بالبرد و الخوف... مزيرة على يد لؤي و يدها لاخرة شادة بيها على الجرف... كتحس بالأرض باردة تحت صباعها و يد لؤي سخوونة... عينيها عامرين بالدموع مغطيين عليها الرؤية و لسانها ثقال مابقاتش قادرة تهضر... مابقاش عندها الجهد باش تغوت و صوتها كيخرج منخفض و عياااان و متقطع...كاتشوف للتحت وتشوف فيه
قدس: لؤ..ي... ل..لؤي... عافاك... عافاك....
لؤي: ( كيهضر مغزف و عروق جبهتو بارزين والجنون زاضح فعينيه ) مزاال تعااااودي تخرجي تسسسسههري؟؟؟ هممم !!!!!! مزاااااال !!!!! كييييجاتك السهرة ؟؟؟؟؟
كتشهق بالبكا و كتحرك راسلا بلا بالزربة...وهو مزير على الحروف وعينيه حاااقدييين معارفش اش كايدير
لؤي: مزاااال تعاودي تخخخخرحي تتت**حبني ؟؟؟؟
قدس: ( كاااترعد وحروف كاتقكعو مغمضة عينيها مقاداش تشوف للتحت ) لا... لا.... لؤي عافاك... راه بصح غا...غانطيح...
لؤي: غااانعاود مزال نشوووفك مع ديك ال*حبة؟؟؟ غااااانعاود نسمع حسسسها معاك؟؟؟؟؟؟ ( قدس كتضور راسها غير بلاااا وصوت مابقاش قادر يخرج من حلقها المجروح) غااااتعااااودي تخرجي بلا خباااااارنا !!!!!!!! شوووووووفي فيااااا ( علات عينيها بشوية فيه غايتسدو بالخلعة ) راه قسمااااااا بالله .... وبااااقي عااودتيييها حتى يصلييييو جنااااازنك ....
قدس غمضات عينيها و هبطات راسها مابقاتش باغية تشوف... حركات راسها بلا بشوية حيت مابقاش عندها حتى الجهد باش تتحرك... حتى يدها مابقاتش مزيرة على يدو و طلقات من الجرف... بحالا فقدات الوعي... ماكانتش قادرة تستوعب الوضع لي هي فيه!! هي مدلية من الجرف و تحتها الصخر و البحر و إيلا طاحت بصح غاتموت... و فهاديك اللحظة الرعب لي راكبها ماكانش مخليها تفكر مزيان... ماكانتش كتشوفو لؤي لي تايقة فيه كيبغيها و مايمكنش يآذيها... كان كيبان ليها ولد عمها و خطيبها المعصب و لي يمكن يعميه الشيطان و يخليه يلوحها بلاما يفكر...
زير لؤي على سنانو و جرها طلعها... لاحها فالأرض و ضار عطاها بالظهر شاد على راسو كيسب... مامتيقش شنو دار و شنو كان ممكن يدير... فلحظة غضب كان غادي يغطي مشكلة بكارثة...
ضار كيشوف فيها كانت جالسة على ركابيها يديها على صدرها و كتنفس بالجهد و كتشهق و كلللها كترعد بقوة...
قرب منها جلس القرفصاء قدامها و شد على ذقنها معلي ليها راسها مقابلها معاه... بلع ريقو و زاد تنادم معاه الحال ملي شاف كيفاش وجها مخطوف منو اللون... كمية رعب كبيرة فعينيها لي موسعاهم فيه بصدمة... شفايفها كيرعشو بالجهد و كيتحركو و لكن مكيسمعش صوتها...
لؤي: ( تنهد بعمق و شدها من ذراعها وقفها ) تحررررركي نوضي ترجعي فحاااالك
قدس: طلق مني... ( غوتات ببحة ) طللللققق....
ملي وقفات نترات ذراعها من يدو و غير طلقها اختل توازنها و عاود طاحت و بدات تاني فالبكا ... وركابيها ماقادرينش مزال يهزوها...
لؤي: ( مورك على الحروف ) قددددس .... ( تحنى عاود شدها من ذرعانها بجوج و وقفها ) ماتزيديش تمرضي دينمي فهااد الليل ... غنوصللك لداااركم و نقوود فحااالي حتى لغدا و نتفاهمو على هادشي لي درتي... دابااااا ماشي ديال الهضرة .....حسن ماندير شي موصيبة نندم عليها أنا وياك
قدس: ( نترات ليه يديه و دفعاتو من صدرو و لكن هو بقا فبلاصتو و هي لي تراجعات اللور كتهضر بصوت منخفض بسبب قوتها لي تلاشات ليها ) ماتشددش فيااا ... بعععددد مننننيييي ...
سرطات ريقها وحاولات توقف مزيااان .. وتتنفس ...
لوؤي كيشوف فيها ...وهي علات عينيها فيه ، كانو حمرييييين وعامرين بالضعف ومخلطين بالذنب و الخوف منو ...
قدس : ك .... كنتي .... غتقتلني ! ... ( دوزات لسانها على شفايفها لي نشفو ليها ) وكو ... وكون طحت ؟
لوؤي : ( قرب ليها وجبدها من كسوتها ) نت لي كنتي غااتقتلي باك وخوك ... كووون شافوك ( بدا كيضرب بصبعو فراسها وهي كتشوف فيه بصدمة وخيبة منو ) واش عارفة شنو درتي ولا معارفاش ؟ واش وااااعية بهادشي ؟؟؟ واش مامشيتيش ليه برجليك وبكاااااامل قواك العقلية ؟؟؟؟
قدس: ( بصوت منخفض وعيان ) ممكن تخرج من حياتي !!!!! ممكن تخليني مني لبابا ! ها ؟ واش ممكن ! ( نبرتها بدات كاتعلا ) واااااش ممكن تخرجوووو من حيااااتي ( بالغوات ) كاااااااااااااااملين ( طاحت دمعة من عينيها ) اشمن خوووف جااااي كتمثل علياااا دابا ونتا كنتي غاااااتقتلني !!!! ( علات راسها فيه وسرطات ريقها ) انا ..... انا لبست هادشي ( وراتو حوايجها ) بكااااااامل قواي العقلية ... ومشيييييت لهاداك لبار .. بخاااااااطري مااااداني حد بزز ... ( بعياااء ) تانا كنخااااف على راسي وراااقبت مزيااااان واش كاينين كاميرات ودخلت مخبية وخدييييت احتياااطاتي ودرت ججججهدي .... ( قربات عندو كتر وعلات راسها فيه ) انا غير بنت باغا تجرب بزااااف دالحوايج قبل مادخل فزواج مع واحد معقد بحالك .... انا مريييييضة فراسي ... اه عارفة داك طريق كتخافو عليا منها .... بغيت نمشي نشوفها كيدايرة ..... ونجي فحالي ... ماباااغا لا نقتل بابا ... لا خويا .. ( عينيها كيتسدو وكتحلهم بزز والشتاء كطيح عليهم خفيفة ) ببببببعد مني ..... بعد مني الوؤي عافاااااك .... انا منصلاااااحش ليك ... ومستحييييل نعيييش مع واحد بحالك .... فرمشة عين لاحني للموت ..... كووون غاخليتيني نموت .... كون غاااخلتيني ....ولا تحكم عليا نعيش معاك .. مع واحد ديما غنبقى خيفانة على حياتي معاه ....
خلاتو ومشات بشوية كتميل لجيپ ديالو ... حلات الباب وطلعات ، سداتها وتكات على زاج ... وهو غمض عينيه وعلا راسو للفوق كاااتنهد ... ورجع مشى تاهو .... حل لباب وطلع .... ديمارا وزاد .....
الصمت عم فداك السيارة مدة طويلة ....كايتسمع غا انفاسها وتنهيداتو وصوت الشتاء .... ضور عينو لعندها ... كانت مغمضة عينيها متكية على الزاج وواضح من انفاسها بلي باقا فايقة ...
لؤي : كون نعرف الى خرجت من حياتك غادي تعيشي مزيان وماتطرا ليك تاشي حاجة خايبة ( قدس حلات عينيها ) .... كون خرجت .... كون مااادخلتهاش اصلا .... ولكن عارف الى خليتك نهار واحد ... بلا منتبعك من وراك .... مغتكونيش صاڤا ... داكشي علاش استحمليني .... غنبقى هاكا تابعك ... ( عوج شفتو لجنب ) حسبيني ظل مخبي عليك طريق ... حسبيني عكاز كيعكلك فالمشي ... حسبيني ضبابة مغطية عليك الشمس ... لي بغيتي حسبيني .... ( شاف فيها هي لي كتشوف قدامها ) ولكن نهار ديري عقلك وتولي تعرفي فين كتلوحي الخطوة .. وتولي تشوفي الحفاري لي قدامك وطريق لي غادا فيها فين كتدي .. وتقولي ليا داك ساعة خرج من حياتي .... غانخرج مرتاااااح ، والله تااااااغانخرج بالله .... ( شاف قدامو وتنهد ) حيت .. بصح .. نتي ماخصكش واحد بحالي .... نت خاصك واحد لي يعطيك الحياة لي باغا تعيشيها .... لي مايطفيش عليك الضو باش تقبلي دغيا تزوجي بيه ... ولي ميلوحكش على الجرف ملي يلقاك سكرانة .... ( قدس غمضات عينيها مزيرة عليهم ) انا مغنعرفش نعطيك الحياة .. انا ماعنديش داك الحياة اصلا لي نعطيك ! ... انا عندي غا حيااااتي المعكسة لي من كاع جوايه .. والا بغيتيها هاكي خوديها .... ( شاف فيها ) ولكن ابنت عمي .... مدام باقي كنشوفك غادا للحافة .. غنبقى موراك ... بغيتي ولا كرهتي ...جري عليا ولا تيري فيا .... مغنخليكش ضيعي حياتك واخا طحني ليا داك الكبرياء دينمو فكل مرة وتقوليلي خرج من حياتي ومغنخرجش منها .... غاااانبقى تابعك .... اللهم نبكيك ...ولا نبكي عليك ...
قدس : هه ! ( شافت فيه ) ضيع حياتي !!! على شكون دابا لي شوية كان غيضيعها ليا فرمشة عين ! كون تطلقت شوية من يديك وطحت !!!! شكون كان غيضيع ليا حياااااتي من غيرك !!!! هم!!!!
لوؤي : يمكن نتي جاتك قبيلة بحالا غرقتك فالبحر وكنت غنقتلك ! .... ولكن انا ( شاف فيها ) كنت كنعلمك غا تعومي .... مغرقتكش ! را طلعتك ..
قدس : ( شافت لزاج مدة ساكتة وجاوباتو ) البلان هنا الوؤي .. ماشي هو غرقت وطلعت ... البلان هو واش غتبقى علاقتك مع البحر هي هاديك ؟؟ ( شافت فيه ) واش غترجع مزال ليه !!!! واش غادوز مزال من حداه !!! واش مغتكرهوش وتولي تخاف منو !!!!
لوؤي : لي تايبغي البحر .... ديال بصح ... واخا يغرقو كل مرة .... كااايرجع ليه .... لي تايهرب منو فاول غرقة .... متيكونش كيبغيه .. كايكون جايبو غير الصهد دالصيف وشوية دالمتعة ! ..... ( شاف فيها ) لي تايبغي البحر .. يبغيه بمواجو العاليين والنازلين .. يبغيه بلونو الزرق الزوين ويبغيه تابلونو الكحل فالليل ... يبغيه وهو هايج وهو هادي ... لاكان غرقو المرة لولا .. مرة جايا كيتعلم يعوم فيه باش مايعاودش يغرق .... البحر واخا تايخلع ... هو كيعلمك تكون كابابل ... البحر الى بغاك و درتي شي حركة فيه ماهياش .... كااايغرقك ...ولكن متيخليكش تموت، تايلوحك للشط تعاود تتنفس .... هاكاك هو كااايعبر على عصبيتو ! ... اما الى كرهك ! وكان دبصح باغي يقتلك .... مغاااطلعيش اقدس .... ماكنتيش غااااطلعي .... مكنتيش غاتكوني حية ......
قدس غير سكتات وضورات راسها لزاااج ساكتة وكتشمر بنييفها .... وهو مكمل كلامو فهدوء ...
لوؤي : خدماتك .... ونت تابعاها .... ( قدس شافت فيه وتاهو شاف فيها ونظرة الخوف فعينيه) كون مكانش تيليفون فيدي اقدس فين كنا غنوصلو !
قدس : ( كترمش فيه بعياء وتشمر بنيفها من البرد لي ضربها ) مافهمتش !
لوؤي : ( بتنهيدة ) واش لي غاااتخرجك بتخيبة على داركم تديك لبلاصة رخيصة بحال هاديك .... غتبغي ليك الخير ؟ هممم !!!!!!
قدس : ( بعدم فهم ) ماخرجاتنيش الوؤي ... انا لي بغيت نخرج .. وانا لي بغيت نجرب ليلة وحدة على برا مع صحاباتي كيف غاتكون ...
لوؤي : ( كيعليو ليه الباريات دالمنطقة وهو داخل ) وكيجاتك ؟
قدس : ( ضارت للزاج ) زوينة ولا خايبة ... مهم اكتشفتها ... وحيدت منها نفسي ...
لوؤي : وفاش باقا نفسك ؟ هم !!!! فاش مزال ؟ شنو مزال مادرتيهش !!
قدس : لوؤي .... راسي تايضرني ...ومباغاش نتناقش معاك فهادشي ...
لوؤي : ( بعصبية وضرب فالفولووون وهي سدات عينيها ) وهاداااالك بناااااااااادم لي وصلو ليه فيديواااتك كون ماشي تيليفون كان فيدي ... رااااه ولد عمي .. راه خوووويااااااا ... راه اعززز ماااااعندي .. كون وقعات ليه شي حاجة بسبب تبرهييييشك فييييين غنولييييييو !!!!!!!! ( كيضرب فالفولون بعصبية ومكسيري وقدس شدات على فمها وقلبها كيضرب ) راااااه هاديك لي لقيتها فالبااااار فنصايص ليييل كتشطح وسط القحاااب وزوامل كيتفرجو فلحمها راااه غااااتولي مرررررررررتيي يااااااا حسرة ...... رااااه هاداك لي كان غايموت بسكتة قلبية كون خرج ليك شي فيديو بهاد الحوايج فداك الوقت وفدااااك البلاصة سكراااانة رراه عمي .. راااه الواليييييد الثاااني دياااالي ( ضرب ثاني فالفولون تاغوتات شادة على قلبها ومخلوعة ) رااااه العائلة لي كانت غااااتقلب بسباااااااابك عااااااائلتي ...... واااااااش كتسناي مني نصصصفق لييييييك ؟؟؟؟؟؟؟؟ واش كتسناي مني نهزك ونعيط لباك ونقوليه ها اش دارت بنتك باش انا منديرش يدي فيييك ونخليك منك ليه ؟؟؟؟؟ وااااش كتسناي مني نننقتللللك ونتهناو بجوووج ؟؟؟؟؟؟؟؟؟ ققحححبة وجااات خدماااتك حييييت حووواااااها خواك ولااااااحهاااا تبعتييييييها ... صووورااااااتك وصيفطاتك ليييييه باش تقولييه بلي تااختو رداااتها قحبة بحااااااالها ( قدس موسعة عينيها حالة فمها ) ونتي تااابعاااااهااااااا ..... ( مد يدو شدها من شعرها دفعها للزاج وهي كتغوووت ) خدماااااااتك .... خدماااااتك حيت خووووك دا بنت عمووو و مداهااااش هي .... استغلااااتك ونتي تابعاها باغا دخلي للبيران ... شنووو لقيتي ها ؟؟؟؟ كيفرقو اللويز ؟؟؟؟؟ ياااااك غا العععععفن !!!! غا الق•حاااب والزوااا•مل والطااااسة ... شنو لقيتي ؟؟؟؟؟؟؟ شنو استفدتي ؟؟؟؟؟ شنو تزااااااد عليك ( قدس كتبكي بجهد وتشهق ) مااشية بلاااا عقل تاابعة قححححبة كضضحك علييييك ... كون مامسحتش داك شوهة من التيليفون دجود قبل مايشوفها ؟؟؟ غاااااتبقاي حية ؟؟؟؟ كون صورك شي حد وشافك باك خرجتي بلا خباارو بهاد الحالة فبار رخيييص غاتبقاااي حية ؟؟؟؟؟؟؟؟ فلخر تجي تقولي ليا خرج من حياتي! بعد مني ...... واش عارفة لا نهار وووااااااحد ماتبعتكش راك غاااااااتموووووتي .. غاااااتتتغرررررقي ومكاين لي يطططططلعك ... ماشي كولشي غايمد يدو يشدك .... راه لي كيدفعك مع الحافة .... كيدفعك وخليك منك للحجررر ويرهب ..... راه ماشي كوولشي غاايشد يدييييييك ..... هاديك الحافة لي شفتيها قبيييلة هي لي كنتي غاطيحي فيها دببصصصصح كون مكنتش اناااااااا .....
قدس : ( عينيها واسعين وكتشوف فيه ) .. اش كتقووول .. ك كيفاش صورتااني !!!
لوؤي : ( عين فطريق وعين فيهاا وجهو حمر بالعصاب والغوات ) على انا فين شششفتك تاجيت ؟؟؟؟؟ شششكون قاليا راك فالبار ؟؟ كون ماشي تيليفون جود لي فيدي وشفت الفيديوات لي صيفطات ليه .... واش لي حوااااها خوك وهو سكرااااان ولاحها ودا بنت عمو غاااتحن فيك ؟ غتبغي ليك الخير ! راه غتخدم فييييك باش ترد ليه ضربة وتقحبن ليه ختووووو حيت ماداهاش هي .....
قدس بقات غير حالة فمها وعينيها جمدو مقادراش تستوعب واش ماجدة دارت فيها هادشي ! مزال ماقادراش تفهم .. وهو غير كينهج بعصبية كيشوف فيها وكيشوف فطريق وهي كتحاول ترد السينتا لوررر .. وشافت فيه بصدمة ..
قدس : هي.... هي لي شرباتني !!!!
لوؤي بدا غير كيضور فراسو وهي كتشوف فالعدم !!!! كتفكرها وهي كتعطيها كاسها ! كتفكرها وهي كتدفعها تنوض مع البنات تشطح وهي سكرااااانة .. كتعقل شوية على البنات ضايرين بيهم وهي كتشطح وووسطهم .... كتفكر فاش قالت ليها الكاميرات طافين وشافت بزربة للوؤي تاني
قدس. ك .. كاميرات جود ... لي فالباركينغ ديالو ... طافين ! يااك؟؟؟؟؟ (برجفة فشفايفها ) قووووولياااا طاااافين عافاك !!!
لوؤي : ( شاف فيها بزربة ) ركبتي من لباركينغ ديالو ؟؟؟؟؟
قدس : ( بلعات ريقها وصوت مشا ليها وقالت بهمس وخوف ) ه .. هي لي قالت ليا كاميرات طافين تما
لوؤي وقف طموبيل وغمض على عينو وحط راسو عل الفولون وهي كترمش .....
قدس : ( دموع نازلين وعينيهاااا جامدين ) خداااامييييين !!!!!
لوؤي : ( ضور راسو عندها ببطئ وقلة حيييلة واستسلام لاي حاجة غاتجي من بعد واي موصيبة جايا ) واش اقدس ... خوك لي كينسى حوايجو .... باش كيعرف اشمن طموبيل هو محرك .. واشمن طموبيل جاب البارح .. واشمن طموبيل خارجة وفين لي داخلة .... كون ماشي الكاميرات ديالو لي داير كيشوفوهم فتيليفون ! واش نت مكخلة لهاد درجة اقدس ! لهاد درجة !! ( بعيااااء ) شفتي والله ويشوف داكشي مغتبقاي فيا ... شفتي كاع هادشي لي درتييييه تستاههههلي تدفني حية .. والله مغاااتبقاي فياااااااا .. ولكن هوووو ... هوو مريض ... مريييييض الحمااارة مريييييييض .... اما نتي سيري تقحبني ... سيري للبيراااااااان ..... سيري تشوووفي العفن كييييداير ( غمضات عينيها ) سيري عند مااااجدة تسارا بيك فالبيراااان وتعلمك تخلطي الكيييسااااان . .سيري تلوااااي على القواااااااادس .. سيييييييري تمووووووتي ..... نت باغا العفن وتقحبين .. سيري ليه .. ولكن تقتلي خوووك ؟؟؟؟؟ ... تقتلي عائلتك ؟ تقتلي بااااك .... ؟؟؟؟
خدا نفس من ريييتووو وخرجوو لبرا وديمارا طموبيل وزاد وقدس شدات على رااااسهاااا مزاال مقاداش ثيق الى ماجدة لي دارت فيها هادشي !!!!!!!! ......
∆ فالقصر ...
وصلات الجيب ديال لوؤي للباركينغ ديال جود...
وقف طموبيل وشاف عندها هي لي غير كاتشوف فالعدم وكلها خيفانة ...
لوؤي: دابا غاطلعي تنعسي ...راه غايشوفني جبتك دابا ... انا غانهضر معاه بلي كنت فانفيرسير ديالها ولا شي لعبة ... ماااتقوليش كنت فكلوب نااايت. .. ماتنطقيهاش الى مابغيتيش تموتي ...
قدس : ( مسحات دموعها وشافت فيه ) مايمكنش ، كلنا كانعرفو الانيف دماجدة فوقاش ....
لوؤي : دشي وحدة من صحاباتكم ...مهم سولك .. راه كنت غافدااار ...
قدس : ( بدات كتشهق بالبكا ) رااا واخا هاكاااااك غااااايضربني الؤي ... (شافت فيه) ونتا براسك قلتي صوراتنني ...راه غايصوني ليها غاتقوليه كانت معايا فالبار ...
لوؤي : انا غانحطك ونمشي نقلب على القحبة دمها ....نتي دابا طلعي تنعسي وهااادي دير ليك العقل ... نزلي ...ماتباااانيش فالكاميرات تتبكي ...
قدس : نزل معايا ( لوؤي شاف فيها ) رااااه قلت ليك نزل معاااايا .....( بخوف خفضات نبرة صوتها ) عافااااك ... راه نقدر نتلاقاه فالدروج
لوؤي تنهد وحل باب الحيپ وتاهي نزلات وحاولتت تبااان عااادي و انها مكتبكيش .....تابعة لوؤي تاطلعو فالاسانسير وهي كتسرط فريقها ولوؤي خاشي يدو فجياب كويرتو وساكت ، ولكن عينيه كانو عاااااااامرين بالعصبية لي كاااايسكتها فيه باش مايديرش شي حاجة يندم عليها ، لا فيها لا فماجدة ....
تحل بيهم السانسور وهي غادا ومزال اطرافها كيترعدو بالخوف .... وكل مرة ضور موراها تشوفو واش موراها ، غادا بزربة لجناحها ، خايفة تلاقاه فايق ، واخا شافت فلباركينغ طموبيل باباها مزال مادخلاتش , ولكن جود ممتأكداش ..... ماباغا والو من غير توصل لبيتها تندب على خاطرها وتسرط هاد الشمتة فخاطرها وتفكر لش تقول لخوووها ، وتتحلف فماجدة باش مااادوزهاش ليها ...وتندمها على نهار لي فكرات تكذب عليها .... يلاه وصلات لجناحها بانليها غادي باش ينزل من دروج وهي شداتو وضار عندها مخنزر ..
قدس : ل لوؤي .... ( قربات عندو كتنهد ) نحلف باشما بغيتي .... والله تاكنت باغا غانعيش ليلة وحدة مع صحاباتي بلا بروتوكول ... ماكنت باغا تاحاجة اخرى لي تمس شرفي ولا شرف العائلة .....
لوؤي : ( قرب عندها ) قدس ! انا مامعصب لا على الشراب .. لا على داك السكرة لا على البار الرخيص لي مشيتي ليه .. حيت عارف هادو حوايج گدموك فيهم وماعندكش فيهم خبرة ومكتعرفيش البار كيداير من داخل باش تعرفي راسك فين غادا .. ومغتفرقيش لالكول من العصير .... ولكن ( شاف مع حوايجها وشاف فيها ) هادشي لي لابساه ... وهادشي لي صابغاه فوجهك ( قدس نزلات عينيها ) وقراااارك باش تخرجي بلا خبارنا ..وكيفاش كذبتي عليا .... هوما الحواااايج لي مغاااندوزهمش ليك ....دااابا سيري تنعسي ....منبعد وتكون الهضرة .....
قدس : ( بعصبية ) علااااش ؟؟؟؟ اش فيها لابغيت واحد نهااااار نعيش بحال البناات حتى انا !!!!!
لوؤي : بحال القحاااب ... بغيتي تقولي !!!
قدس: لووووؤي عرف اش كااتخرج على فمك ...
خلاها وضار ماشي بجهة دروج وهي ضارت بزربة للباب حلاتها يلاه غادخل تاشهقات بببجهد شادة على قلبها ولوؤي ضور رااااسو بزربة معاها !! ...
علات عينيها فيه وهي تلقاه جالس على الفوتوي رجل على رجل وكيضور تيلي فيديو وكاااايتسنى فيها ..... توازنها اختل ومااعرفاتش اش دير من غير ضارت بزربة كتستنجد بلوؤي تاكااان ناض بزربة شدها من شعرها دخلها ولوؤي جااا بزربة حل الباب كاملة هو يشوفو شادها ومشا بزربة كيحيدها من يديه وهو شادها من شعرها وهي كتغووووت وهو شادها مغززف عليهاااا ....
جود : على سلااااااااااامة ... جيييييتي بببكري !!!!!! ( شاف فلوؤي ) ولا حيت جاااابوووك !!! اما سيييييييير وقتاش كنا غااانشوفوووك
قدس مكانتش كتقدر تهضر و لوؤي كااايبعد يديه وهو كارز عليها
لوؤي : طططططلق ... ططططططلق يدييييك اصااااااحبي
لتخها من يدييييه تاطاحت للتحت ولوؤي راااسو حمر وعرررق منفووخ فعنقوووو بقى وهي طايحة فالارض كاااتبكي ولوؤي ددفعوووو .....
لوؤي : رااا غااااتقيييسهااا مزااااااال بررررب تاااانقوووودووووها انا وياك ( كيقرب عندو ) يلاااه نخرررجو من هنا ... ( كيشوف فيه مخلوع عليه ) جووووود راه كنهضر معاك اصااااحبي .....
بدون سابق انذار كان ضرررربها برركلة تاغوتااات ولوؤي مشا دفعوووو
لوؤي : ( بالغوات ) وهضرناااااا معااااااك ال**لااااااااوي .... راااااه مابااااغيش نضررررربك ابناااام ماتجهلنييييش( ضارف شاف فقدس ) ددددددخلي نت تقااااااودي لهييييييه ( كايششير لدريسنغ )
جود : ( دفعو ) خررررج تقااااااا•ود فحااااالك ...
لوؤي : ( مشا شدو فاش شافو راجع ليها وهي ناضت كتبعد وتبكي وضور راسها بالنفي ) جووود رااااك مريض مغااديرش شي حاجة ندمو علييييها .. تالغدا وتهضر معاها داباااا يلاااااه معايااااااا .. انا غااانفهمك على برااااا .. طلق منها هي .....
لتحت ...
كانو أسد وقسم داخلين عياااانين ...فيدهم ملفاتهم ولي كارطابل دالوراق ... وقسم هازا الفيست فيديها وجايا كتميل ناعسة على كتف باباها ...
قسم : نااااري راه ميمكنش مزال نحيد حوايجي عاد نعس .. غااانعس هاكاااا بيييهم ...العضم لي يبدل ماعنديش
اسد : غذا ماعندك والو !
قسم : واخا عندي مستحيل نقدر نوض ....
اسد : ورتاحي فالصباح ، تالعشية ....
قسم: ( وصلو لاخر درج فالطابق داجنحتهم ودوزات يديها على لحيتو ) متنساش تشرب دواك عاد تنعس .. ( باستو فحنكو ) رتاح تانتا ابابا .. ماما غاتكون نعساااااات
اسد : قبل ماتنعسي سيري طلي على ختك واش نعسات وشوفي جود واش راه هنا ....
قسم : متخافش انا نطل عليهم غير سير ترتاح ....( جا ماشي وهي توقفو ) بابا ! ( ضار عندها ) غذا نفطر انا وياك ؟
اسد : ياك ماباغش تفيقي بكري !
قسم : سي .. زعما خود شي حاجة خفيفة تانفيق ونفطرو انا وياك
اسد : غير طاح حبك عليا ؟ هههه ولا شي حاجة عندك !
قسم : هههه وصراحة بغيت نهضر معاك فشي حاجة .. ملي جيت من الفواياج كنت مقلقة ومعصبة بموضوع اصيل .. ونسيت ماقلت ليك واحد حاجة طرات ليا تما ....
اسد : ( علا حاجبو ) ياك لاباس !
قسم : دابا عيانين .. غدا نهضرو ....
اسد : انا غذا غانخدم غير من هنا ... بصح متعطليش فالنعاس بزاف .. طناش راه غنخرج ...
قسم : لا لا طناش بزاف ...داك العشرة كاع نفيق ...( عطاتو بوسة فالهوا ) گووود ناااايت
عطاها ليها تاهو ومشا باتجاه جناحو ... وهي مشات فالكولوار عيانة كتعوج عنقها تالجناحها ... حطات وراقها و الفيست ديالها .. وخرجات كتحك فعينيها تالجناح جود .....حلاتو وشعلات ضو ... وهي تعلي حاجبها ملي بانليها خاوي ! هذا فين مقصر ثاني !! ....
ورجعات تنهدات وسدات الباب ومشااات لجناح قدس ... حلاتو يلاه داخلة هي توووسع عينيها من حجم صووووت الصداع والبكا وبزربة سدااااات الباب ودخلات مصدووووومة ....
كانت قدس لاصقة فالحيط مغطية وجهها وجود موراااها مععصب و لوؤي شااااادو .....
جود : علااااااااش كتبكي دابا علااااااش ( كيتنتر منو ) طططططلااااااق ابنااااااادم مغااااندير ليها والو طلااااااق .. علاش دابا كااادمعي عليا ؟؟؟؟؟؟ كااااتخرجي ليا مع ماجدة فنصاااايص اللييييل !!!!! فين غاديك ؟ تصلي فالجاااامع !!!!! راه غاااتديك تقوووووود بييييييك
لوؤي : وصاااااافي اصاحبي صاااافي ( ضار عند قسم ) قساااااام جيبي لكاااالموووون ديااااالوو سسسسربي
قسم بالخلعة مشات تلاحت عليه وهو وجهو كووولوووو حمررر وعرق دعنقووو كينفض وباااارز تحت وذنيه وقدس مشات كتجري تخبات ورا ضهر لوؤي كتشهق بالبكااااا
قسم : جووووود ...جوووود دييير عقلللك واش حماااقيتي جوود راك مرييييض واش باااااغي تققققتلناااااا عاااوتاني ... ( كتشد وجهو ) جووووود شوف فيااااا !!!!
جود كان كيقلب عليها بعينيه وجا ماشي لعندها وقسم كتشد فيه
جود : يااا غاتجي عندي لهنا يااا غاااندفن ديلمك ليوووم حييية
قسم : ( شداتو ) خوويا عفاااك ( كتشوف فلوؤي بالغواات ) اش وااااااقع !!!!!!!
لؤي : ( شادها مورا ظهرو زهي غاتسخف بالكا ) ريييح اجود ولا راه غااانساااليوها فالكيلييينك ....رييييح !!!!!! راه غاااتقيسها مزاال برررربي لاااعقلت عليييييك
جود دفع قسم تاطاحت على الكنابي وقدس مشات كتجري لجهة الباب هوو يشدها بزززربة ووصررفقها بقووووة تااااسال دم من نييييفها ولوؤي تلاح دغيا شدووو وقسم مشات كتجري عند قدس .... وهاد المرة لوؤؤؤي مااتسوقش لمررضوو وشدو بزززز ودفعوو تاطاح على الكناااابي ....
لوؤي : اشنوووو ؟؟؟؟ غااااتقلتهاااا ؟؟؟ ( ضار عند قسم ) جبيييهاليه يقتلها .. هاااانتاا لوووحها من البالكون ( جود كينهج ) لووووحها من تما وتهنى .... ( شدو من حوايجو ) مننن لول عطي لدااااك القحححبة علاش كتقلب ومتخليييهاش ضور بخواتاااتك دابا غاااااااريح ووووجلس ......
قسم : ( كتشوف فيهم وفيها لي كترعد فيديها ودم دايز من نيفها كتشهق ) اش دررررتي ؟؟؟؟ اش واقع !!!!!!
لوؤي : ( مشا بزربة لطابل دونوي هز قرعة دالما وجود معلي راسو لفوق وبدا كيخوي عليه وقسم طلقات دغيا منها ومشات كتجري لعندو وقدس كترمش بعينيها ) جوووود!!!!
قسم : ( شدات يدو ) جوووود .. حضر عقلك معانا جوووود ...
لوؤي كيغسل ليه وجهو وقسم مشات كتجري كتحل السرجم لي موراه وقدس حاولات تنوض بشوية كلها كتشهق وكتمسح دم لي كيسيل من نيفها من التصرفيقة ولوؤي شدو من دراعو وقفو وجود كيحاول يحل عينيه مزيان وتينفض فراسو تبعد منو دوخة .....
لوؤي : ( شادو من كتافو موقفو ) تاا هضضضضضر اصاااااحبي .. غاااااطيحني واااقف .. هضضر !!!!
جود : ( حيد ليه قرعة دالما ودفعو ) سيرر فحالك نتا من هنا ( علا راسو كيشرب ويعاود يرد النفس كينهج كامل ولاح القرعة دالما كيشوف فيها هي لي كتنخصص وتبكي وكيهضر كينهج ) ولييييتي تخرجي ليا فنصااااايص لييييل ؟؟؟؟؟ باغا تجييبي لباااك آخخرتووو !!!! ( كيشوف فيها باشمئزاز ) اش داك الحوااااايج خااارحة بيهم سااااالتة فنص الليل !!!! فيييين كنتي غااااادة ؟؟؟؟؟؟ هاااا !!! تابعة ليا دااااااك الشمكاااااارة دماجدة ؟؟؟؟؟؟ فيييين دااااتك ؟؟؟؟؟ فيييين مشييييتي ؟؟؟؟؟ ( شاف فلوؤي ) منيييين جمعتيييها تاااجاايبها فهاد الوقت ؟؟؟؟
قسم : ( شافت فيها بزربة ) كيفاش ماجدة ( مشات عندها بزربة ) اش دااااارت لييييييك ؟؟؟؟ ( يلاه ردات ليها البال شنو لابسة ) اش هاد الحاااالة ؟؟؟؟؟؟؟
جود بقا كينهج وطاح جلس على الكنابي صدرو طالع نااازل والعرق كتصب معاه وكيتنفس بزز وعينيه كيتسدو بالدوخة ... ولوؤي قرب عندو
لوؤي : نووض ... نوض يلاه نخرجو من هنا .... كون حسابتني هاكا والله لاجبتها بالله .... نوض اجي معاياا نهضرو برااا ....
جود علا عينو كيشوف فيه ودوا تحت سنانو
جود : فييييين لقيتيها !!!!!
لوؤي : مكانت فتاشي بلاصة ... غاااعندهم شي حفلة دصاحبتهم ... بيناتهم البنات راه مكان حد ، غاافالداررر... غلطات ملي مقالتهاش وصافي .... دابا يلاه نخرجوووو من هنايا داااباااا ...
جود خلاه ومشا بجيهتها وهي تخبيها قسم عندها وقدس كترعد
جود : فيييناهي داك خييتي ؟؟ هممم !!!! ( عينيه كانو حممرييين وحااقدين و هو كيسول وهي شفايفها كيترعدو وقسم شافت فيه )
قسم : جوووود ... الى كانت ماجدة لي دارت شي حاجة .. ماشي نتا لي غتحاسب معاها .. راه بابا .... والغلطة ديالي انا لي تلهيييت ونسيييتها .. ( شافت فقدس ) اش دارت ليك ؟؟؟؟ ( شافت فلوؤي ) شرباتها شي حاجة؟
لوؤي : ( كيومي ليها لجود ) لا .... راه يلاه كانت غادا معاها وجينا .... راه ماهليتهاش تاتحضر ، غاوصلات وعيطات ليا نجييبها ....مكاين والو ....
جود مشا بزرية لباب حلها ولوؤي تبعو كيجري و مخاطب قسم
لؤوي : خلييييك معاها
خرج كيجري موراه نازل كيجري فدروج وهو خااارج صااااعررر
لوؤي : وصببار .. اصببااررر اصاااحبي ..... صبببببر فييين غادي دابا فيين بهاد الحالة !!!!
جود : يمكن ننتا جاااتك مشات لحفلة دصاحبتها فنصايص لليل عااادي ..ولكن انا عاااارف مزياااان دالقحبة دماجدة اشننو بغااااتني نفهم ......
قسم نوضات قدس بشوية لدوش كتغسل ليها وجهها ويديها باقين كيترعدو بالخلعة وشوميز ديالها رجعات كلها طبايع ددم لي كيسيل من نيف قدس لي رعفها ..
قسم : ( كتغسل ليها وقدس كتشهق ) اش دااااارت ليك ؟؟؟؟؟ اش هاد الحوايج لاابسة ثااني اش هاد الحوااايج ؟؟؟؟
قدس علات راسها من لافابو كتشوف فيها فالمرايا
قدس : ( بحقد كتهضر بين سنانها ) عرررررفتي .. عرفتي نشدها اقسم ... عرررفتي ونشدها !!!!
قسم تنهدات وجراتها من يدييها لبرا وقدس كاع خوفها وبكاها تقلب لعصبية ودفعات بيديها كاع اش كاين على الكوافوز ديالها شخشخاتو فالارض وشيرات بالفااايوز مع الحيييييط وجلسات كتنهههج .....
قسم : قققدس ... دييييري عقلك ..... فهميني غيييير اش وااااااقع !!!!!
قدس : ( علات عينيها فيها كتعضر كووولها كاترعد بالاعصاب ) مواقع وااالو .... صاحبتي عندها بارتي فواحد بلاصة ... مكنتش غااانمشي بلا خبار بابا ... ولكن ماجدة قاتليااا غااانخبيييك ( كتهضر معصبة ومفقوصة ) ثقت فيها قلت نمشي نحضر ولو مرة وحدة فحياتي شي حفلة ( قسم ضربات على راسها مغمضة عينيها بالشمتة ) نااااضت هي دارتليا الشراااااب فالعصيير تاسكرت وصوراتني وصيفطاااتني لجووووود ......
قسم : اوييييييييلي !!!!!!! ( ضارت موراها ) اش هااااااد الكاااااااااارثة ... ( ضارت عندها ) ونتي فيييين كان عقلك ( بالغوات كتقرب عندها ) فيييييين كان عقلك تاخرجتي معاهاااا بلا خبااااارنا
قدس : واش انا باقا مييينور ؟؟؟؟؟؟ واش بابا غايخليني ؟؟؟؟؟ فين عمر بابا خلاني نحضر لشي بااااارتي فيها صحاباتي بليل ... بغيييييت غير نششط شوية ومنبقاش نتفقص بالسطوووريات ..... قلت ماعلييش بنت الفاااميلي .. الدم دياااااللللنا راني خارجة معاها غتغطي عليا ونغطي عليها ... وااااصلا ( وقفات ) واصلا مكانش عجبني الجو وكنت باغا نرجع هي لي مااابغاااتش ..... مشات دارت ليا الشرااب بنت القححححبة .. عرفتي الا مشيت تاشديتها والله حتى غااااااانطلع روووووحها اقسم .. والله حتى غاندير فيها شي مووووووصيية .. والله ونشدهااااا اقسم بالله مغااااايفكها مني تاشي وااااااحد ....
قسم : ( شداتها ) دابااا بردي .. بردي .. نتي لي درتيها بيديك شكون قاليك سيري معاها !!! وداباا جلسي لارض ( دفعاتها على الكانابي ) وشووفي على حالة خارجة بيها ! كون دابا تصيفطات شي حاجة للبروتوكول بهاد الحوايج لفين كنا غنوصلو ؟ مغيعيطوش لبابا ؟ مغيسولوش فين كنتي !!!!
قدس : ( شدات على راسها ) قوولي لي عجبك دابا .. لي عجبك قوليه .. عندك الحق انا لي حمااااارة ( كضرب فوجهها ) انا لي حمااااارة داروها بيا دوك القحباات ولكن غيييير بلاتي .. غير بلاتي ( شافت فيها ) ششفتي الى خليتها مزال عتتباااات باب هاد الدار انا ماسميتيش قدس .. لاهيا لاا بااها لا مها لااا تاااااااااحد مكنعرف تااااااحد انا .... غذا ( وقفات غادا جايا ) غذا انمشي عند مها لدار .. وحق الله تااانعاود ليهاا كولشي كيفاش لاصقة فخويا وكيفاش مشات عندو هو سكرااااان نعسات معاه ... وبلي بنتها ماشي فيررررررجن ( قسم كتشوف معاها شادة على خصرها ) والله حتى غاانقوووول كاع هادشي ..... ولكن الغلطة ديالو هو لي جاي يغوت عليا لا هو لا لاخورررر ... هوما ملي كيشوفو ماجدة صاحبتي اوااااا يجييييو يقولو لياا راه خووويااااا نعس معااااها وهو سكرااااان .. باش يوريوها ليا على حقيقتها ونديييير احتياااااطاتي .. انا حدايا كتبااان بعععقلهااا وبنت بحالي عزيز عليها غير تعيش ... معارفاش انا مااااجدة قققحبة !!!!! ماااعااااارفااااش
قسم : وعرفتيها دابا ؟؟! واشدي لارض ومتوليييش بحااالها .. ومااتصرفيش بلا عقلك حيت هادشي لي كتقولي فيه غيضر غير السمعة دخوووك .. الى نتي مغتسكتيش تاهيا مغتسكتش حاجة وحدة لي غادي ديريها هي تعطيها التيساع ، اما لامشيتي عند مها تاهي غاتجي عندك باك تقوليه اش دار خوووك ..... وغذا انا غنهضر مع بابا باش متعتبش لهاد الدار، نتي سسسسسكتي وماتقولي واااالو ... حيت هادشي ماطراش غير ليك .. هادشي طرا ليا تانا فالباطو كون ماشي معاياا اصيل .. صيفطات ليااا واحد لبرهوووشة بحالها خوات ليا لالكول فالدرينك ديالي باش نتشد سكرااانة فخدمتي ... ( قدس وسعات عينيها ) كانت غطيحني فكااارثة قد الخلاااااا كون ماشي اصيل لي صحااااني .. ودازت على خير .. ولكن الغلطة ديالي لي تلهييت ومقلتهاش لبابا .. وهادي دير ليك العقل ونقصي من طيران .. واش نتي يالاه البارح خطبك عمي صاابحة ليا فبارتي بهاد الشرااااااوط ديال البووورنو !!!!
قدس شادة على راسها منزلاه لتحت كتنهج وقسم كتمشي وتجي حداها متوترة
قسم : اش هاد الكارثة تاااني .. دعي الله غيرر مااايمشيش جود يقتلها فهاد الليل ..
قدس : خلييييه يقتلها .... حيت الا مقتلهاش هو غنقتلها انا
قسم : ( ضارت عندها بزربة ) ماشي حنا لي غندخلو فهادشي .. هادي امور عائلية غيفكها بابا .. حنا غنرجعو لور باش منجيبوهاش فراااسنا مع بابا .... ونتي كون شديتي لررررض ومامشيتيش طيييررري خارجة معاها بلا خبارنا كاع ما كنا نوصلو لهادشي ..
قدس : ( وقفات شافت فيها ) ونتوماااااا كون مكنننتووش حاابسيني مااانعيييين عليا لوكسسييجين مكنتش غااااانخرج .... مكنتتتش غاندييييير هادشي .....
قسم : باقا مابغيتيش تحشمي ؟؟؟؟؟؟؟
قدس : خرررررجي علياااااا
قسم : راه غااانهرس ليييك داك الفم اقققدس ..
قدس : وراه قتليك خرجي علياا واش مكتسمعيييش .. خرجي خليني بووووووووحدي
قسم تنهدات ومشات لباب بزربة ولتخاتها عليها ومشات لبيتها معصبة وقدس طاحت على السرير مفقوصة فلخرررر ناضت كتهرس لي بان قدامها بالعصبية وتغووووت وتقطع فكسووتها علييييها ....
عند جود ولوؤي ....
جالسين فطموبيل .... لوؤي شاد فالفولون وجود حداه .. كانو واقفين حدا فيلا دعمران كيشوفو من بعيد ....
لوؤي : راه قلت ليك غاتكون نعسات واش نمشيو نفيقوهم فالدار نديرو الشوهة !! حنا باغين نسترو هاد الخرا ولا نزيدو نفضحوه ؟ راه لاعرفها عمي أسد مغايخليهاش تخرج على لباب. .. صافي كون تسمع الهضرة ويلاه نمشيو تالغدا و نجيبهاليك تااابين يديك ...
جود : ( مغغغزف ) مغااايدينيش نعااااس لامسيييلتش دمهاااا هاد الليلة ...
لوؤي : وراه غاديير غا المشااااكييييل اصاااحبي !!!!! فكر بعقلك وخلي لعصبية على جنب .. راه واليديها فدار واش غيخليوك تقيسها !!!! فكر شوية .... اش غيطرا كاع ! راه غتلصق ليك شي مونتيييييف ونتا حاااوي بنت عمتك اش كاتسنى ! يصفقو ليك ؟؟ .... كلس مع عمي اسد ، وقوليه كاتشوف عليها شي حوايج ماهوماش ... وقوليه مابغيتيهاش تعتب للدار وهاظشي كافي ، كون جات برانية نسيلو دمها ... هادي بنت الفاميلا ... راه غايبقى العيب فينا .. هي غاتقولك انا خرجت انا وياها باش عرفتها مقالتهاش لباها !!! انا مالي ! ( تنهد) مهم ...زيد يالاه نمشيو لوطيل نعسو .... راه مغااااانديكش لدار ومغنخليكش ترجع عندها ..... يلاه نعسو وغذاااا ... غذا يكون خير ... وبعد عليها من احسن ، متهضر معاها ماتهضر معاااك ... خلي باك يقضي غاراضها .... رجع لور باش ماتبقى نتا ففم المدفع وتصدق مزوج جوج بنات، وحدة مواعدها وحدة حا•ويها .....
جود شاد على راسو ولوؤي ديمارا طموبيل ورجع مارشاريار .. غادي وكيمسد بيدو على وجهو كولو مخربق ومعارفش ماجدة علاش ناوية وفين غيسالي هادشي .... وصل للاوطيل وجود نزل معاه .. كيحمد الله لي معاه لوؤي اما هو غيتسناها تما تايقتلها ولا يقتل ختو لارجع لدار ..
طلعو فالسانسور ومشا معاه تالجناح ديالو ...
جود : صافي غير سسييير .. راني بخير
لوؤي : مغنمشي لتاشي بلاصة .. انا هناااا غااانبااااات ... ( شاف للكنابي ) راه فيييين غنعس ...
جود : راه قتليييييك راني بخير .....
لوؤي : لا راه كنعرف داك بيخير ديالك ..... ( كيحيد الفيست ) سييير تنعس ...
جود خلاه ومشا لميني بار وجبد كاس ولوؤي جلس شاد على راسو لي غيتفركع عليه .. كيتسناه ينعس باش يمشي يقلب على ماجدة قبل منو ....
اما هي كانت خرجات من تما فور ما دا لوؤي قدس و مشات لدارهم هزات باليزتها وشدات طريق عند جداتها حيت عارفة غا يجيو ليها لدار ويفضحوها قدام باباها. ...بانت ليها غا دار جداتها عارفة باباها مغيقول ليها والو لالقاها مشات لتما وهوما كانو مخططين تمشي تودعها قبل ماتسافر تمشي تقرا ..... باش غير يوصل موعد طيارتها تمشي من تما .... وقلبها مهني غير على انه مستحيل لوؤي ولا قدس ولا جود يقولوها لباباها حيت تا جود غيتفضح وكاملين غيخافو على راسهم .... ولكن فنفس الوقت مخلوعة طرا شي حاجة كبر ملي يخرج الخبر من صحافية... حيت دابا غايشكو فيها هي لولا سربات الصور !!! ....
جااابت الطريق كلها وهي كتصوني على الصحافية باش متنشرش داكشي وتتراجع فاش حسات بخطورة الامر .. ولكن صحافية مكانتش كتجاوبها حيت خدات اش بغات .. غادا فطريق وكضررررب فالفوووولون وتغزز فيه مجننة لي تاحاجة مكتمشي كيف بغاتها ..... وبنات الروكان بجوج بيهم طلع عندهم لي حااااميهم ولي كايعرقل ليها كولشي .....
اليوم الموالي ...
الساعة 08:30 ...
متكي لوؤي على الجيپ ديالو فجنب الطريق .. فيديو طاس دالقهوة البخار طالع منو ... السما كانت مغيمة والارض صبحات فاااازكة .... شعرو كان كيديه الريح دالصباح وعينيه صبحو منفوخين بالنعاس لي طار عليه هاد الليلة بالتفكير والبحث على ماجدة، تاجاب خبارها هربات عند جداتها ...
كان نيكولاس متكي تاهوا حداه كيرتشف من قهوتو نيفو حمررر و يلاه كيولف الجو دالمغرب ....
نيكولاس : هادشي لي كتقول فيه الوؤي راه ميمكنش ... اصاحبي راه خدمتي هادي .. وراه هي لي كتوكلني انا طرف الخبز .... ماشي بحالك نتا دايرها فوق الشبعة .. راه منقدرش نخاطر بحالك هاكا!
لوؤي : ( رشف من قهوتو كيشوف فالبحر قدامو ) مكاينش شي حاجة سميتها فوق الشبعة انيك .. الى نتا كتاكل منها طرف دالخبز .. انا هاديك الخدمة هي باش كنتنفس .. ماشي تشوفني مكنتسوقش لفلوسها تقول هذا راه ماعندو بيها غراض ! ... لا ... خدمتي هي حيااااتي .... وانا عارف اش كااااندير ... وكون بغيتك تحط فالخطر كون حطيتك ملي استبعدوني .... كون راه تستبعدنا دابا انا وياك ...
نيكولاس : وراه ماشي ديما كتسلم الوؤي الجرة ... كيفاش غتمشي لاجتماع بلاصتي ( ضار عندو ) واش مكثيقش فيا ؟ قتليك غااانقوليك كاع اش تافقنا عليه تما ... نتا غير خليك كتسنى فطموبيل ...
لوؤي : ( حط الطاس على سقف الجيب وشاف فيه ) انا بغيييييت نحضر ... انا بغيييت نسق الفريق .. انا لي نختار شحال يخرجو معايا .... بغيت نكوووون تما .....
نيكولاس : غيكون العميد تاهو وملي غنخرجو راه غتعري وجهك وغيشوفك وغانصدقو مكبتينها .....
لوؤي : نتا غاتخليك فطموبيل .. غانخرج انا لول .. وغنجي نعطيك الكارط والشارة ديالك وسير داك ساع عند العميد .... انا غانحضر غير لداخل ....
نيكولاس : ( بتردد ) ماااايمكنش الوؤي
لوؤي : ( ضار عندو بنرفزة ) علاش لي ماااايمكنش !!!!!! ( كيضرب على الطموبيل ) نتا عاااارف هاد القضية شحاال مهمة بالنسبة لياااا ... عاااارف شنو كتعني ليا .. راه المستحييييل غااانديرو على قبلها ...
نيكولاس : وانا باش غنعرف اش قلتي لداخل معاهم !
لوؤي : كااع اش غانكون كنكتب فداك الطابليط ليهم .... غااايتصيفط لييييك بالحرف ملي تكون فطموبيل بحالا راك تما...
نيكولاس : ( كيمرر يدو على لحيتو ) غاايعيييييقو بينا وغانمشي فييييها .. نتا عندك عمك حااااميك .. انا ماعندي حد
لوؤي : ودابا راه مغنطلقش منك غا طلع داك الكارت وداك الشارة وسير تنعس ... مع الربعة غاندوز عليك .. غاتبقى فطموبيل غاندخل انا بلاصتك وملي نخرجو سييير رجع عند العميد معري وجهك ... ارا داك الكاااارت باش ندخل بسمييتك ... حيييت راه برررب لي كاااانعبدووو انيك وتمشي تااتخسر هاد القضية ويهرب ولا طرا شي حاجة لبنت عمي .... مغاانعلقش علييييييك ومغااانخبييش عليك كااااع داك الحوايج لي خبييييتهم شحال هادي .... راااه غاااااندمك لاوقعات ليها شي حاجة بسبباك ....
نيكولاس بقا غير كيتنهد عارف راسو راه مكاينش سلاك معاه .. وخاف يديرها بصح وهو شاد عليه بزاف .... ودخل يدو فجيبو جبد الشارة والبطاقة الفدرالية ديالو ومدهم ليه ....
نيكولاس : وحتى انا لاوقعات شي حاجة وتفضحت وخرجت من خدمتي غااااندمك .....
لوؤي : ( شدهم فيديه وخشاهم فجيب دخلاني دالكويرة ) راه قتليك ( بثقة ) عااااارف اش كاندير ....
خلاه ودخل فطموبيل ورجع مارشاريار ومشا .... ونيكولاس متبعو وتنهد ومشا لطموبيلتو وركب وحط راسو على الفولون ...
كاين اجتماع فالربعة دالعشية على المداهمة دمكان الغداء الرياضي ... الاجتماعات لي كيكونو فالدوريات الاجنبية ... ولي من غير الفيديرالية كيكونو العملاء السريين ملتمين وجههم وجلدهم بالكاااامل تامتقدرش تعرف لون بشرتهم ولون عينيهم ... وتايتكملو غير بالكتابة فالطابليط ... الشارة و البطاقة هوما الحوايج الوحيدين لي كيحتاجو فالسكانيار .... بنسبة للوؤي كانت مهمة ساااهلة بنسبة ليه انه يدخل لهاد الاجتماع حيت مغيبانش بوجهو .. العميد ديالهم هو الوحيد لي كيعرفهم ومن حقهم يعريو وجههم حداه ... وهادشي خلاه انه يخرج بزربة ويرجع يدخل صاحبو بلاصتو للمكتب لي عطاو للعميد هنا فهاد المهمة ....
فيلا سفيان ...
جناح سلطان ...
كانو ريدوات نازلين وهو وسط سريرو ناعس على كرشو ومغطي نصو بليزار ....
التونيات دالنوادي لي لعب فيهم كانو فوق الكادر دسرير شاعلين بالضو وهوما لي مضويين داك الجناح المظلم ...
تحلات باب جناحو ... وتمات داخلة بطالونها ولباسها الرسمي المعتاد .... شافت لسريرو كضور راسها .. ومشات لتيليكوموند وبدات تعلي ريدوات وهو غير ضرب فيه شوية الشعا وبدا يخشي راسو وسط المخاد ....
وهي حطات التيليكوموند ومشات بجيهتو ...
فريدة : سلطااان !!! ... سلطااان !!!!
سلطان : ( من وسط الفراش ) امممممم
فريدة : اولدي راه التسعود دصباح هادي ... ماماك راها كتسنى لتحت ...
سلطان كمش على عينيه وتقلب تكا على ضهرو كيتكككسل وهي كتفكرو انه دار مع حياة يمشي معاها دوز شي تحاليل ديالها وتفطر هي وياه حيت سفيان مكاينش ... بدا كيتكسل ففراشو وفريدة دازت لريدوات لوخرين كتحلهم وكتجمع فحوايجو لي مشتتين وهو متكي على الكادر كيكمل نعاسو ...
فريدة : حتى البيت ديال الكتكوت الصغير ديالنا راه خواوه وماماك فالعشية بغاتك تكون باش تختار معاها ديزاين لي غاديرو لبيت البيبي ...
سلطان غير كيتفوه وكيرد دماغو شوية بشوية وهي كتحرك وتجمع ليه حوايجو ...
سلطان : بغيييت قهوة
فريدة : يطلعوها ليك لهنا
سلطان : ( كيتجبد ) اممم ..
فريدة : هي لولا اولدي ..
حطات حوايجو فالسلة .. وجات ماشية وهي تحس بدوخة تاكانت غاطيح بسبب طالون وشدات فالحيط بزربة ويد شادة على راسها وسلطان حل عينيه .... حيد عليه الغطا بزربة وناض عندهااا ....
سلطان : (بخلعة) خااالتي فرييييدة !!!!ماااالكي ؟؟؟؟؟
فريدة حاولات توقف مزيان وتبسمات ليه
فريدة : انا لاااباس لاباس .... غير دوخة دصباح
سلطان : ممشيتيش داك المرة لطبيب !!!! راه ديييما كدوخي بحال هاكا ؟ ( يدو فيديها ) شووفي شحال ضعاااافيتي !!!!
فريدة : ( بابتسامة وهزات يديها دوزاتها على لحيتو ) انا لااااباس اولدي .... ( عينيها دمعو وتنهدات وعنقاتو ) لابااااس ...
سلطان : ( بقا غير كيرمش وفصل العناق كيشوف فيها وكيقيس على جبهتها ) لا نتي ماشي لاباس ! ( خلاها ومشا بجيهة دريسينغ ) انا غنلبس ووجدي راسك تانتي تمشي معانا لاكلينيك، ديري تانتي ليزاناليز شوفي اش عندك ....
فريدة : ( سرطات ريقها شادة على راسها لي زيرها بالدوخة وتقال عليها ) را .. را قتليك اولدي .. رااني بخير .. م مكاين لا.......
ماجات فين تكملها تاسمع سلطان شي حاجة طاحت وحط التيشورت وخرج بزربة هو يلقاها طايحة فالارض ومشا بزربة طاح على ركابيه عندها كيضرب فوجهها
سلطان : خاااالتي فريييييدة !!!!!!! كتسمعيني !!!!! خالتي فرييييييدة
عند لوؤي. ....
كمل لوؤي طريقو ، عين فطريق وعين فتيلي تاجاوب ...
جود : ماعرفتك خاطب ختي ولا خاطبني انا ...
لوؤي : هه .. باقي فلوطيل !
جود : (صااايگ ) لا ... غادي للكاراج ...
لوؤي : ياك خليتك ناعس اصاحبي .. ميغفلش عليك الواحد ...
جود : داك بنت القحححبة هربات
لوؤي : ( تنهد عرفو غيصبح عليها ولكن كان سبقو ) وزعما هضرت معاك لبارح !!
جود : غاااتمشي تقود ... انا مكاااانتخبااااش ، كنت سكران تلاحيتي عليا فبار حويتك ... اش كنتي كديري فيه ؟ قيام الليل! ...
لوؤي : جود .. قلت ليك خرج هاد السوق ، كون جات برانية نقول ليك دير شغل يديك ، ولكن نتا كتعرف موقف الفاميلي ، وكيحترمو باها عندهم عزيز ... الهضرة غتكون مع عمي اسد باش متعاودش تعتب داك الدار وتعطينا التيساع ....
جود : بعمك اسد ولا بلا بيه .. الدار لي فيها انا مغتعمرهاش ... ... هدا هو بنادم فاش كتصبر عليييه بزاف .. تايحسابت راسو راه ماعندك مادير ليه ....
لوؤي : جود .. طوي الموضوع ، خلي ختك تركز فالماتش ديالها و بدية دالقراية ... صافي لي داز عليها البارح كافي يدير ليها العقل ... ماااتزيدش عليها وهي راه فيها غا غرام ونص دالروح كفس منك ... هادي دازت .. وغادير ليها العقل .. وهاديك خيتي راه غنتكلف بيها انا ماشي نتا ....
جود : سير عطيني تييييساع سير ...
قطع عليه تيليفون ولوؤي تنهد وشد طريق تالدارهم .. عاد وقف طموبيل وبدا كيصوني تاجاوباتو بصوت ناعس ....
قسم : وي لوؤي صباح الخير
لوؤي : ( هز الشارة والبطاقة دارهم فجاكيطتو وهز سوارتو وخرج ) صباح الخير ... فيقتك واقلة !!
قسم : واييه .. عرفتي راه مابغاش يديني نعاس .. ماشفتو حتى صليت الفجر ( كترد شعرها لور وتتكسل فالفراش )
لوؤي : ماشفتيش قدس هاد صباح ؟ كي صبحات
قسم : دزت لبيتها مع الفجر ... كانت ناعسة ولكن صبح بيتها حالتو حالة ... هضرت مع رجاء باش يخملوه بلا مايقولو والو لماما ... قلت ليهم غا خصام بيني وبينها ...
لوؤي : حسن ... ملي تفيقي شوفيها .. متغفليش عليها راك عارفاها غا نص عقل ...
قسم : انا ناخد دوش وندوز نفيقها
لوؤي : ماتجبديش ليها الموضوع ... نسيها شوية ...
قطع عليها ودخل لدار لي كانت خااااوية بسبب رتاج لي صبحات ناعسة وعدنان لي يلاه كايستعد يمشي لخدمتو وانس قاري ... وطلع نيييشان لبيتو ياخد دووش حاس براااسو خصو شي حاجة يسترخى فيها ...
فالمصحة....
جالسة حياة وسلطان على الكراسي كيلعبو برجليهم بتوتر وكيشوفو فالباب دشومبر لي دخلوها ليها ...
حياة : قالت لياااا جااات وقاليها طبيب غير الارهاق، داكشي علاش محكرتش .. واش انا غنسمح فيها ؟
سلطان : وبزااااف على الارهااااق !!! آو ! ... سيدة شفيتها كيفاش ضعافت وصفرة ....
حياة : اوا يااااربي ماتكون تاحاجة خطيرة .. متستاهلش مسكينة ...
بقاو كيتسناو متوترين تاتحل الباب وخرج طبيب مبتسم ليهم وقرب عندهم ...
دكتور : صباح الخير مدام حياة ! ( شاف فسلطان ) موسيو سلطان .... سي سفيان لاباس عليه ! الصغيرة تاهيا لاباس عليها !!
حياة : كولشي لاباس ادكتور شكرا ....
دكتور : السيدة كتجيكم !
حياة : سي ... هي المربية دولادي ... وعايشة معايا ...
دكتور : داكوغ .. تتفضلو معايا شوية للبيرو !
حياة شافت فسلطان وتبسمو ليه باضطراب وتبعوه لبيور ديالو وهو تنهد وجر الكرسي وجلس
حياة : دكتور ... راه كانت فايتة جات عندك ... كانت جاتها الدوخة بحال هادي وصيفطتها لعندك ... كنت قلتي ليها الارهاق ...
سلطان : مكرهناش ادكتور تعاود ليها تحاليل الى ممكن دفقر الدم حيت الپوا ديالها طاح شوية مؤخرا ..
دكتور : ( خدا تنهيدة اخرى ) اكزاكطومون ... جاااات عندي ... وقمنا بالتحاليل ديالها ودرنا البيلون ... ولكن انا مقلتش عندها ارهاق ( حياة حلات عينيها وسلطان هز راسو كيشوف فيه ) يمكن السيدة خبات عليكم مرضها .. ولكن مادامها عايشة معاك .. اذن كنظن راكم مسؤولين عليها !
حياة : اااه ادكتور .... راه تاوراق خدمتها كلشي مقاد وتأمينها كولشي مصايب الى كان غير على هاد الحساب ! حنا لي مسؤولين عليها ...
دكتور : انا عارف لي كاين امدام الاسماعيلي الله اودي ... السيدة فريدة فاش جات عندنا اخر مرة ... انا شكيت وقمت بالتحاليل وللاسف ... اكتشفنا انها عندها اللوكيميا ( حياة وسلطان وسعو عينيهم ) سرطان الدم للاسف ....
حياة : ( شدات على فمها ) ماايممكنش !! كيييفاش !!!!!!
سلطان : ( سرط ريقو بخوف ) واش متأكد ادكتور !!! وهادشي قلتيه ليها !!! هاااادشي كاايتعالج ياااك ؟؟؟؟؟
حياة : (عينيها تعمرو بالدموع) واش يلاه هادشي بااادي !!
دكتور : صارحنا المريضة وخبرناها ببروتوكول العلاج وقلنا ليها انها خاصها تخضع لعلاج كميائي .. باش ميتفاقمش الامر ومنقدوش نحاربوه .... ولكن السيدة راه مجاتش من داك النهار .... كنت كنتسنى غير الاجتماع دمجلس الادارة وغنطرحو الحالة ديالها بحكم انها ترسلات من بيت الاسماعيلي ...
حياة : ولكن ... ( شادة على قلبها لون وشا من وجهها وسلطان باقي مامستوعبش باقي فالصدمة ) ولكن ادكتور كاين علاج ياك ؟؟؟؟ غاتبرا !
دكتور : ديما كاين أمل فالله ... دابا غنبداو حصص الشيميو ... ولكن خاصنا حاجة اخرى باش نسهلووو طريق العلاج ويكون فرص الشفااااء اكثر .... لان الشيميو بوحدو مكنتفائلوش بيه بزاف فعلاج سرطان الدم ...
سلطان : ( دوز يدو على وجهو لي مشا منو اللون وشاف فيه بقلة حيلة ) شنو هو ادكتور !
دكتور : سيدة عندها شي وليدات ! خوت ! خواتات
حياة : ( شافت فسلطان وشافت فيه ) لي كنعرف عليها ان معندهاش عائلة ...
دكتور : واش ماعندهاش ولا بيناتهم مشاكل ؟ واش سيدة معندهاش ولاد ؟ الا كان عندها شي ولد ولا شي بنية .... هادشي غايعاونا بزاف حيت غناخدو من عندو الخلايا الجدعية من النخاع الشوكي ... وغااايسهل علينا طريق بزاااف ... انا سبق وشرحت ليها هادشي .... وقدرت نفهم من ردة فعلها ... ان عندها ولاد ولكن هي رافضة هاد التبرع ... حيت ملي سولتها واش عندك ولادك هي مقالتش لا .... بقات ساكتة
حياة : م .. ماعرفت مانقوليك داكتور .. حيث حنا عمرنا دخلنا فحياتها الخااااصة .. وعمرها دوات لينا عليها ... لي عارفة هو واليديها ميتين وهي بعيدة بزاف على خوتها ومكتعرف عليهم والو ... اما واش عندها ولاد ... ماعرفتش .... راك عارف ادكتور حنا مكندخلوش فالحياة الخاصة دالموظفين لي عندنا ... يكفينا الشهادة و الحسن السيرة والسلوك ...
دكتور : حاولو معاها غا بشوية .. حيت هادشي كايخص حياتها والروح عزيزة عند الله .. هادي مسألة حياة او موت .... الى كان عندها شي ولد ولا شي بنية .... دويو معاهم باش يتبرعو ليها وينقدو حياتها .. حيت الشيميو بوحدو منتفألوش بيه امدام ....
سلطان ناض كيمشي ويجي و حياة غير كتشوف مزال ماستوعباتش هادشي وسلطان ضار شاف فيها
سلطان : ( شاف فحياة ) خاصك تهضري معاها ضروري هادشي مافيهش اللعب ... الى عندها ولاد .... نمشي نقلب عليهم واخا يكونو تحت لرض نطلعهم ..... ( شاف فدكتور ) تاحد مغيبغي مو تموت وهو بيدو ينقذها واخا يكونو مفااارقين !!! ....تاحد مغايقدر يخلي مو تموت .....
عند جود ....
طريق كلها هو بالو مرفوع مع ماجدة .... ومع الجرأة ديالها !!! اشنو ممكن دير مزال الى ماوقفاتش عند حدها !!!!
عين فطريق وعين فتيلي لي باقي كيصوني عليييها ...
باااغي غير يشدها بين يديه ... غيييير تجاااوبو ....
كان عارف ، وكان لوؤي عندو الحق ... ملي شافتو راها باينة غاتهرب ... غلط لي مجابهمش بجوج ، هي وياها ... ولكن عاذرو ... هو ماعندو تاشي مسؤولية على بنت الناس !!! كيحس براسو الغلطة كلها ديالو لي خلاها توصل لهاد الحد ولي موقفهاش عند حدها فاول جرأة ديالها ....
استهن بيها وقال غير كاااتهضر !!!!
وصل لفين كاين الكاراج ديالو وشد ليمن يطلع فلاپيست القصيرة لي بين الكاراج وطريق الرئيسية وعينيه على تيلي ... علاهم شوية يشوف طريق ورجع نزلهم على تيلي يصوني لقسم هو يوسعهم كيرمش بعينيه كانه شاف شي حاجة قدامو و مقدرش يعاود يطلع راسو تاني !!!!
ورجع علا بشوية راسو و ببطئ شديد .... تاااااجات عينيه على شنو قدامو مباشرة !!!!! فباب الكااراااج بالضبط !!!!
فراناااا تاتسمعو صوت روايض وهوما يضورو بثلاتة بيهم ....
كانت قدامو جيپ ديال الدرك الملكي بأضوائها الزرقاء لي كاااضرب فوجهووو .... ورجال الدرك بثلاثة بيهم .. واحد كيتكلم مع العساس لي كيشير ليه لطموبيل بمعنى هاهوا جا .. وواحد حدا باب الكاراج كيشوف بعينيه فالبناية ولاخر كيشوف مباشرة لعندو ....
غمض على عينيه مزير عليهم .... ورجع راسو لووور فالكوسااان متتتكييبه وهز يدو كيدوزها على وجهو .... صافي .. لي كان خاصو .... هاهو كمل !!!!!!!!
عند لوؤي .....
كمل الدوش ديالو وسلت بيديه فوطة كحلة ضورها عليه وداز للمرايا كاايررجع شعرو لور وعلا عنقو كيقاد لحيتو ....
عقلو كاااامل مع الاحداث الاخيرة .... ماجدة لي كانت ناقصاه غير هي ! هاد الاجتماع لي غيخاطر فيه ويدخل ليه ملتم بسمية نيكولاس .... هاديك العصابة .. قدس لي فالخطر .... كيغايدير يحميها وهي كدير فعايل بحال هادوك دالبارح ! كيغايدير يثيق فيها مع ليام ويحيد ليها GPS! واش غيعيش ديما مراقبها ! ايمتى غتقدر تكسب ثقتو ! .... كايحسن ودماغو مرفوع كيديه ويجيبو .....
------------
فالخارج ...
عدنان غادي فالكولوار هو ورتاج لي كتجمع وراقها فالكارطابل ديالها ...
رتاج : وصافي اش فيها الى تغذيتي بوحدك ! هاهو لوؤي كاين يتغدى معاك ....
عدنان : وتغداي معاهم واجي عاودي تغداي معايا ...
رتاج : نتغذا انا جوج دمرات حماقيتي ! صافي درت نتلاقاو انا ولامار وحياة .. سير تغذا نتا مع ولدك هاااء !! نهار واحد تبعني عليه ....
عدنان : فين هو بعدا ! راه مبااااتش هنا لمعلوماتك ..
رتاج : ( وقفات قدامو كتنهد ) فخباااااري .. وتانا كنشوف ولادي واش فبيوتهم قبل مانمشي نعس ماشي غا نتا .. وصونيت ليه وكان بايت مع جود فلوطيل ....
عدنان : واش كانو كيديرو فلوطيل ! ( رتاج عوجات راسها فيه بنظرة دمنيتك ؟ ) اااه .. اش عندهم يديرو فلوطيل يباتو تما ماعندهم ديور ؟ اش كااايديرو فلوطيل فنصاايص ليل وهوما بجوج خاااطبين !!!!!
رتاج : وسير سولو .. خليني دغيا نمشي نشوف واحد المريضة كتسنى ونجي نقاد الغدا .... ( تعلات لحنكو باستو ومشات ) وحيد منك الوسوااااس .....
عدنان تنهد وشاف بعينو لجناح لوؤي .. وقاد الفيست ديالو ماشي باتجاهو ، حيت قالت ليه الخادمة راه جا ..
دق دقة خفيفة ماسمعش وراها الاذن .. ورجع حل الباب مصغر عينيه كيشوف مع جناحو الخاوي ... ودخل هو يبانو ليه حوايجو مليوحين عرفو راه كيدوش ...
كمش على عينيه بشك ! باقي مافهمش علاش بات فلوطيل وجا كياخد دوش دابا ؟؟؟؟!!!! ..
دماغو بدا كيمشي بيه لافكار مازوينينش !!!! وخايف يكون بصح !!!
شاف للدوش ...و هو يمشي باتجاه سروالو لي كان مليوح هزو كيقلب فجياااابو وخايف يلقى شي بريزيرفاتيف ولا شي حاجة ماهياش !!!! مزال مقادرش يثييييق فالانضباط ديالو واخا خطب قدس وهادشي غير مزاد خلعو يحشمو مع خوه ....
لاح السروال ومشا للجاكيط ديالو هزها وبدا يقلب فجيابها هو يكمش عينيه ملي قاس شي حاجة بيديه باردة !!!!! ...
بقى كيرمش وكيعلي يديه بشوية يخرجها من جيب ولاح الجاكيت كيشوف فداكشي لي فيديه !!!!!! عينيه تحلوووو وحجباااانو طلعوووو وهو شادها كيضورها فيديه ...
تحل الباب من موراه .... كان خارج لوؤي من دوش .... وعدنان ضااار بششششوية لعندو ... لوؤي غير شاااف هاديك الشارة دالفيدرااالية لي فيييديه .. دنيااااا كلها ضاااااارت بييييه واللون مشا من وجهو .... بغا غير يخرج حرررف ... ولكن تالحرووووف خاااانوه وعدنان واقف مصدوم شادها فيديه وكيشوف فيه بصدمة !!!!!!!!!!!!!!
يتبع...
التعليقات
لا توجد تعليقات بعد، كن أول من يعلق.