محتوى القصة
فلحظة .... دنيا كحالت قدام عينيه ... والطرقان لي كانو قدامو كلهم تسدو ....
دماغو تلف معاش غادي يركز وهو شاد عاداك الفولون بيديه وكايشوف فيه هو لي واقف حظا طموبيل داير ضحكة مستفزة كأنه دار انجاز!!!
واش يركز مع ختو لي معاه فهاد الموقف وغاتربط ليه يديه ومايقدر يدير والو ... واش فالناس لي كايتسناوه ... ولا فشنو غايدير .....
هاداك لي نزل حط تيل فودنو كايسمع الاوامر لي كتعطى ليه وعينو على اصيل لي باقي فطموبيل .....
- متاااتهمنيش طريقة ... تايهمني هو يجي منزل الراااااس .... بيتر غاايتهلا فيكم الى درتو خدمتكم هاد المرة نيشان وجبتوه ...
- انا ملي تاندخل فشي خدمة راك عارفني قاد بيها ، تعطلت حيت كايكون بوحدو .... ليوما عاد شديناه مع ختو ، منغيرها راه ماعندي باش نربطو .... والواعرة هي شديناه فطريق الساحلي خااوي .... كون هاني .. البلان غااايتغيييز هاد الليلة ....
قطع عليه ورد تيل لجيبو و ربع يديو على طموبيل وآشار ليه بيدو ينزل وكالعب بلسانو وسط فمو كاايحرك فالكالة .....لابس سروال كحل بجيوبا وتيشورت فيها راس نمر كبير ..
سلمى كانت موسعة عينيه كاتشوف فيه وفخوووه ومفاااهمة والو
سلمى : (بهلع) اصييييل شكون هااااادا !!!!!
اصيل غير كايتنفس تاااالف وكاااااره راسو لي راها معاه ... يلاه غاتزيد تغوت عليه هو ينزل من جهة لوخرا واحد آخررر ، شعرو طويل و سنسلة فعنقووو وغليييض لابس تيشورت صماطي .... ونزل من اللور تااني واحد آخر طويييل وكايضور سلسلة فيديه وكايضحك ، .... وسلمى موسعة عينيها وشادة على قلبها مافاهمة والوووو ...
أما أصيل كان مزير على سنانوو على الفوولوووون والعصبية مشتعلة فعينيه ....
نزل تاني واحد آخر من لورر كايمضغ فالمسسسكة وجاي كااايتمايل تاهو ...
أصيل : خليك هنا ...
سلمى : ( يلاه غينزل تلاحت عليه شدااااتو بزربة كتغوووتو) فييييين غااااااااادي ؟؟؟؟ وااااش حمااااااقيتي ؟؟؟؟ وفيييين غادي ؟؟؟ شكووون هااااااادو !!!
هادوك تكاو على الطموبيل كايضضحكو ولاخر فاش شافو غاينزل طفى الكارو ديالو تحت رحليه وتگاد فالوقفة كايتسناه يجي ...
أصيل : ( شد ليها وجها ويديه تايرعشو ) ششش متخاافيش مكاين والو .. انهضر معاهم ونجي ... متخاااافيش ... را كنعرفهم ...
سلمى يديها فشلو عليها وهو نزل من طموبيل وهي كلها كتحس براسها غاتسخخخف ...
أصيل : ( جاي بجهة الشخص الاول كايحاول يهضر مكالمي خيييفان على ختو ) ماااشي وقت الهضرة دابا .... أنا غدا نجي عندك .. دابا معايا ختي ماديروش شي حماق غاندمو عليه ....
- ( جاي بجيهتو كايطلعو ويهبطو ) هااي هاااي هاي .. على سي العريييس ( غمزو) حنا مااامعرووووضينش !!! عريييس بعظا ولا غاامعرووض !!!! ( شاف فسلمى لي فطوموبيل ورجع شاف فيه ) ولا حنا ماشي قد المقااااام !!!
اصيل : ( قرب عندو كتر شدو من دراعو كايهضر بين سنانو ) هضرة زحدة را گلنااااها ابنااااادم ... سيييير دابا منهنااا غدااا غانجي عندك انا .....
بدا داك السيد كايضحك وضار عند صحابو كايشير بعينيه لفين شادو اصيل وهوما بداو كاايضحكو كولهم كانو محششين ....وأصيل كايحاول يلقى معاهم حل بالهداوة يمشيو حيت ميقدر يدير تا حاجة وختو معاه .... هي لي كانت شادة على قلبها فطوموبيل تامن دموع مابغاوش ينزلو .. عينيها نشفووووو بالخلعة وقلبها كااايزدح حسااات بكرشهاااا غاااادي تقطع عليها وشفايفها كايرعشوووو كادعي ...
الشخص : ( نتر يدو من اصيل ) داباااا نتااااا ملي حييينا هضرنا مع داك خييينا ديالك بالعقل ، قاااالينا هو ماااابقاااش غايلعب ، ولباااارح نجيبو خبااااارك لاعب عند الرووخوو !!!!! بعشرة دالملااااين !!!!!!!! ووووجه الفقر ... حناااااا تااانقوولوووليك أجي نردوووو منك ميييلياااااردير .... ونتا مااارااااضيش بييينا !!!!!!
اصيل : ( بين سنانو ) ودابا مااااشي وقت هاد لهضرة ... حييييد دابا من هناااااا غاااتخلع البنت
الشخص : (شاف فيها ورجع شاف فيه ) ومملي كاااتخاف على الخوادرية وعندك مااااتخسر .. علااااش كتسنطح مع سياااادك !!!! جيييينا لبارح عندك بالعقل ... وهضرنااا معاك ماااابغيتيش .... اش قلللنا لييييك !! ( اصيل مخنزر فيه ) غااااااااتندم ... اش قلتي نتا !!!!! ( معوج معاه راسو باستفزاز) لي فججهدكم ديييروه ....( طلق يديه ) اوا هااااحنا جييييينا .... اشنو دابا !!! ( شاف لطموبيل ) نديييرو جهدنا!!!! ولا غاااااتزيد معااااانااا بالعقل هااا !!!!! اش قلتي !!!!!
اصيل مزير على سناااانو مخنزر فييه ملي توووضح ليه اش بغاو وهو يقرب عندو كتر معلي فيه راسوو
- داير فيها ماعنظك ماتخسر !!! حساااتبتك سمية الوااانس غادوز علينا !!!! كانرضعو صبعنا لي منعرفوكش شكون نتا !!!! ابا أصيييييل ( نفض على كتفو ) الشريييييف ... حساااتبتك مغاانعرفوش شنو لي عندك خاااايف تخسرو ؟؟؟؟؟ جيييينا بخال الناس هضضضضرنا بالعقل ولكن نتا ماااارضيييتيش ... ودااابا ( اشار لصاحبو براسو يمشي ) غااااااتنزل كواريك وحدة وحدة .....وغاااتزيد معانا .....
اصيل : ( مشافش هاداك لي غادي عند ختو وقرب ليه كتر تااشد وجهو بيين يديه كاااامشو ) مااااااااتهزززززززش عليااااااا ونا كااااادوي ... بلااااا مااااتجججعر دييييينمي غاااااتقاااودو منننهنااااااا ، ( دفعو تاتلخ مع طموبيل ) هههعضررررنااااا معااااك وقلناااااا لييييييك غاااانجيو ... قاااااااووووود
- ( بالغواات )نتا مرييييگل دابا !! تااااااتريگل علييياااا !!!!
قلب راسو فاش سمع غوات سلمى حيت شافتو جاااي عندها وهو يمشي كاااايجري كان قرب عندها شدووو من حوااايجو ولتختو مع طموبيل وسلمى غوتاااات بجججهد شادة على فمها كااااتررررعد وووحها صفااااار
ضربووو بروووسية ، يلاااه غاايزيد هو يجبدو لاااخر من لوووور دفعووو ، وزادو جااو لوخرين وسلمى كاااطيييير من الكررسي وتغووووووت
- قضييييسيسو دغياااااا نقووووودو فحالنا قبل مااااايجي شي حد ... جببيببد البنت اصاااااحبي
تعااافر تحيد من يديه وهوما شااادينو ، يلاه غايحل لباااب هو يدفعهم تاااني اصيل وتلاح علييييه ببونية طييييحو يلاه غاضور هو يلقى لاخر جبد المضااااا ... كان مووس هزووو علييييه حدا وجهووو
- برربي ومااااااترييييح تاااانزوووقوووو ليك ..... ( اشااار لاخر يخرج لبنت )
اصيل كايشوف فيه وصدرو كااااامل كااانهج ، تلاح علييييه بعصبية شاااااد معاه المووووس وهاداك حل لباب على سلمى وخرجها وهي كتتتغوووت وشد ليها على فمها وحط الموس فعنقهاااا ....
--------------------
عند سلطان ...
مكسيري خايف يكون تعطل ومضارب مع الشاشة دالطموبيل علاش مابغاتش تدوز ليه أبيل .. يد فتيل وعين فطريق وفشاااشة باغي يصوني على جود واش تعطل ...
سلطان : ( كااايضرب فيها ) ششششهاااااد ال**لاوووي دابا .... دوووزي لينا لابيييييل لخرا .. لي يكلب والديك على هاد الجررررررف ...
-------------------
سلمى غير حسات ب الموس فعنقها وهي تحس براسهااا ثقاااااال بزاااااف وجااااتها الررررردة .... غيير ضااار اصيل برااسو وهوما شادينووو وشااافها بين يديه والموس فعنقها يديه فشلووووو علييييه .. وهي الرؤية ضبباات ليها كاتحس براسها غاتسخف بغات غير تهضر لسااانها طااح وجهها صفاااار ورجليها فشلوووو وهو يتنتر منو ومد يدو لجيهتو ...
اصيل : ريييح ... غاااانمشي .... ططططلق البنت .....
---------------------
عند سلطان ...
سلطان : واااااااعلى ححححبس ( كاايضرب فشاشة )
صوت من الشاشة : فيراري روما سبايدر ... ميوزيك ...
طلقات ليه الموسيقى وهو كايضرب فيها تخدم دوز ليه لابيل وهي مبلوكية .. عين عليها وعين كايشوف لطريق .. يلاه نزل راسو .. تاني و هو يرجع يطلعو مصغر عينيه فشنو كايشوف قدامو ....
نقص شوية السرعة وهو تايشوف فيهم مصغر عينيه ....
سلطان : واذافااااك !
أصيل : ( بصوت مرتجف ) طططلق منهااااا ..
- شنو دابا تسااالاو ليك أبا أصييييل !! فين هي فهامتك ( ضار أصيل شاف فيه وهو جامع يدو ورا ضهرو مقرب براسو لعندو ) اشنو دابا !!!! نطيرو ليك هاد الغزااااالة هاد الليلة !!
أصيل الدم كايغلي فعروقو بغا يشدو بين يدييييه ماااايطلقووو تااااتخرج روووحووو ولكن هي لي بين يديهم رااااابطاااه ماقدرش يدير تا شي حركة من غير مزيير على سناااانو ... خايف يجرحوها باش يخلعوووه .....
----------------
سلطان مصغر عينيه كايشوف فيهم ... وكايشزف فيه هو لي واقف بكوستار وختو لي بجلابة مشدودة وطريق لازون ! تا قال فدماغو لا مستحييييل مااااايمكنش !!!!! وهي تخدم شاشة وتسمع ليه صوت جود ...
جود : أهيا ...
سلطان : جود .. ( مصغر عينو قدامو ) جاو ولا مزال ؟
جود : مزااال .. هاحنا كالسين كنتسناو ....
سلطان بدا يرمش وتقطعات لابيل
سلطان : ألاااااا !!!! ألاااااا ماااااايمكنش !!!!! تا بربي تااااهومااا !!!! ( كايزيد يقرب وكايزيد كايبان ليه الوضع كيداير و من الزاج الخلفي ددطموبيل بان ليه الورد وتأكد مليون فالمية )
------------
الغليض لي فدوك الرباعة علا عينو لطريق هو يمشي كايجري عند لي مزعمهم
- شي حد ....
سلمى : ( كتنين تحت يديه لي مغطية فمها كاتشوف فاصيل ) ممممممممممم مممممم
اصيل كايقرب شوية بشوية لعندو هاز يدو وعينيه حمريييين
اصيل : رااااه بالرب تعاااااالى وتقييييسهااااا خبشة تااااايجمعوووكوم الصيااااادة من داك ( شاف للبحر وراهم ) اابحححر غدااا مشششتتييييين ....طللللق البنت
الشخص لي هضر معاه لغليض هز عينو شاف لطموبيل جاية بشوية. ..
- الى وقف سيييفطو بحاااالو دغيا ....
مشى كايجري لطموبيل يحبد الوراق لي هاص يوقعهم أصيل باش ماتعطلوش حيت بانليه غايدوزو طموبيلات اخرين عاد .... واخا عارفين هاد طريق خلوية فيها غير لازون بعييييدة دروكان أمنها خاص مغايتسوقش ليهم ..... اما الغليض وقف فطريق داير يدو فجيابو كايتسناه يوصل لعنهم .....
طلع سلطان حاجبو كاتسائل اش واقع ......وهو يوقف حداهم وكلهم شافو لعندو وهو معلي حاجبو ... والغليض قرب لعندو ...
سلطان : ( كيشوف معاه ومع سلمى لي ثقااااالت بحال شي وحدة غاااتغيب ) آش واقع هنا !!!
اصيل غير شااافو غمض على عينيه بفقصة. كترررر على هاد الزهر لي عندو ....عرف انه مستحييييل تصدق ليه شي حاااجة فحياااااتو ... كيييما بغات تكون .... ولا كيتمنى غييير يمشي فحاالووو .. يخرج من هادشي ويهز ختو ويغبرررررر لشي بلاااااصة بعيييدة احسن ليه ماااايتفضح انه تورط مع ناس بحال هادو ، وهاهو واحد منهم دابا شاافو !!!! حس بمووووولشس تخربق ليه هو يضرب بححححر جهدو ركلة فطموووبيل كايشوووف عند لي شاد سلمى وغووووت بعععصبية وعروووق فجبهتو خاااارجين خااااايف علييييها ماااقدش يقرب
اصيل : طططططططلق البنت
قرب الغليض عند سلطان وتحنى ليه على الزاج
- خويااا حديدتك نااااااضية .. داكشي علاااش سييير احبيبي لداركم دخل بككككري وغسل سنييناااات باش مااانفرعوووهاش لييييك ..يلااااه توكل على الله ( ضرب ليه على طموبيل ) سييير راه بابا وماما كيتسنااااوك ...
سلطان علا حجبانو بجوج بيهم فيييه .... ورجع علا عينو فأصيل لي كايبان ليه شووووية و غاااايتغركع و البنت فخطر !!
سلطان : ( رجع شتف فيه وجاوبوو ببرود ) أهاه .. ماقلتي عيييب ...
رجع شاف فيهم شوفة أخيرة و تقلب للفولون وهداك الغليض ضار رااجع تالقى راسو تجببد كامل من شعرووو لوررر ومنزل ليه راسو لعندو بالمقلووووب لللور للتحت تاااقرب يههعرس عنقووو وهو غووووت بجججهد بألم .... يلاه غايجيو لووووخرين بززربة كان حط السلاااح فوق رااااسو وهوما يوقفو فبلاصتهم واصيل يلاه غااايتلاح على لي شاد سلمى هوووو يييغض على شفتووو بمووووس تغغغررز ليه فدراااعوووو وشدو لاااخررر ملوور خاط موووس فعننقووو وسلمى داك الشوية دالوعي مع شافت دم خوووهااا مع سخفاااات كاااااملة على لي شادها.....
سلطان حل لباااب بجهد تاااقرب يتهرس ليه ظهررو عاد نزل وهو باقي شادو فيدو وحاط السلااح على راسو ولخرين واقفين كايشوفو ، مصطنعين شجاعة ولكن الخوف ضهشرهم ملي شافو طموبيلتو والسلاااح ، خيفانين يضيعو هاااادشي ويكون من لازون دروكان !!!! حيت طريقهم هادي وهوما لي فهاد المستوى دالثراء باش تكون عندو فراري سبايدر ....
دايرين موس على عنق اصيل وسسلمى وهو حاط سلاح على راس صاحبهم الغليض ...
سلطان : ططططلق البنت
لي شاد سلمى : ططططلق الولد .....وغانطلقها ...
سلطان : ( ضور سلااااح بزززربة ضربو لكتفو ورجعو دغيا لراس لغلييض ) وااااااططططلق دابااااااا
طلق سلمى لاررض وغوت شااااد على يدووو ورصاصة سسحقت عضمو كاح على طموبيلة اصيل شااااد على كتتفوو كااايغووت ، وهادوك تراااجعوووو لور بقى غير الشخص لي مزعمهم داير موس على عنق اصيل ... لي ماجا فين يستوعب تاكان اصيل شد ليه يديه ملي تطلقات ختو مابقاش عنظو منلش يخاف وقلبها لعندو هرررسها طاح منها الموس وهزو منها تالفةق نفضووو الارض على كرشووو وزطم على ظهرو وقلبو من يدو تاااهرسوووو ليه و سلطان علا حجباااانووو بااعجااااااب مسمتع ، تايموت على هاد الاجواء لي كايحيدو ليه الملل ... و اصيل مشى تايجري لعند سلمى فالارض كايضرب فوجهها ويدو كااتسيل بالدم ....
اما الغليض بدا يتنتر فيد سلطان هو يضربو براس السلاح لراسو ودفعو على صحابو لي جاو هربانين لطموبيل هو يوجه جيهتهم سلاااح فاش شافو شعار البروتوكول فالماتريكيل ديالو....
سلطان : رييييييح تماااااا !!! فييييين غاااادين !!!! ماااالكم مزرووووبين !!!!!
ضارو عندو بجوجهم كانهجو .... كايشوفو فصحابهم لي واحد تهرس ظهرو وغيب فالبلاصة طايح على كرشو ولاخر كولو دمااايات من كتفووو كاتلوااا حدا الطموبيل .....
سلطان : ( هز يدو لوخرا خشاها فجيب لور جبد تيليفون آخر ووجهو جيهتهم وقال بطنز ) شي ضحيييييييكة !!! ( كانو مخلوووعين وهو صورهم وصور ماتريكيل ددطموبيل ورد تيليفون ) يلااااه قااودو دابا. ......( شاف عند لغليض لي قرب يبول بالخلعة ) وعنداك يتخلعو عليك ماما وبابا !!! انا را ضرييييف را نتا لي مكتعرفش تهضر .....
هربو تايجريو لطموبيل فاشو شافوه نزل السلاح كايفكرو اش غااايقولو ليهم دابااااا باش مايكملوش عليهم. ...وسلطان تبعهم بعينو تامشاو ومشى عند اصيل لي هز سلمى ودابا فطموبيل كايشربها الما وهاداك باقي قالب دنيا بغواتو .. قرب عنظو سلطان هو يزطم ليه فكرشوووو تاااااتقياااا الدم وغييييب عاد شاف فاصيل ملي سكتو من صداعو
سلطان : فاااقت !!!
اصيل مكايجاوبوش غير كايضرب فوجهها مخلوع
اصيل : سلمى !!!! سسسلمى ....سلمى تتسمعييييني
تسمعو طموبيلات الكارد جاااييين مصااافين وسلطان تنهد وشكيب خرج كايجري وقري عندو سلطان
سلطان : دابا عاد جاي !!
شكيب : ( بهلع كايشوف معاهم فالارض ) راه منطقة مااامراقباش هادي ، راه غاا دروون لي دازت ... اش وقع هنا !
يلاه غايجاوبو سلطان وتيليفون سمعو كايصوني
سمع سلطان تيليفون لي فطموبيل كايصوني ومشى باتحاهو هزو لقاه اسد وتنهد ودارو فودنيه
سلطان : صااافاا صاافاااا .. داااازت على خييير
اسد : اش وقع !
سلطان : ماعرفتش ... كنت جاي قطريق تالقيت قدامي روينة .. كان عنهم المضا وشادين البنت ... بانليا بحالا كان حساااب بيناتهم تايعرفوه ...
اسد : اهاه ؟؟؟؟ ماااتضضرب حد !!!
سلطان : تضربو جوج يمكن ماتو .. منعرف ... صافي ماواقع والو انا غااانجيبهم دابا ( شاف موراه ) غا هو حتى سي العريس ديالنا مضروب شوية .. ندوزوه لاكلينيك يغرز ونبدلو ليه الفيست ونجيو ... مغانتعطلوش غا عاودو سخنو اتاي ...
∆فالقصر ...
كلهم كالسين فالصالون رجل على رجل كايحركوهوم بتوتر كايتسناو .. لوؤي كالس بعيد شاد تيليفونو ، حداه جود تاهو شاد تيليفونو ...
لامار كتمشي وتجي .. أسبرو فلباب واقف كاتسنى ... وقسم فبيتها كتكمل خدمتها تايصوني عليها عاد تنزل ، لابسة نظاظرها قدام بيسي وحداها وراق كتكمل على مراقبة دالبروجي اش دارو فيه المهندسين ...
عدنان وسفيان كالسين تاهوما فالصالون بعد ماسالاو خدمتهم هاضرين ...
وأسد فالمكتب .. قطع مع سلطان وعيط على شكيب يعطيه تعليماتو بخصوص هادوك الرجال وسرية الأمر ...
حط تيليفون وخدا نفس ، والشريط ديال آش وقع باقي قدامو فبيسي بسبب كاميرة ديال الدرون لي كايطلقو فجناب المنطقة فالليل رصدات داك المشهد كامل ...
كلس على الفوطوي و كايفرك فجبهتو حيت الخلعة فشلااااتوو وباقي ماقدرش يفوتها ....
علا راسو لفوق كايحاول كايفكر انه خصو يدخل بزربة و هادشي يحبس قبل مايتفاقم ولكن قبل من كوووولشي يدوز هاد النهار على خير بعدا عاد يهضر مع اصيل مباشرة فالموضوع ...
ناض خرج عندهم بعد ماخدا حصة تنفس فيها مزيااان ... خارج كايلبس الڤيست ديالو و هي توقف عليه لامار كلهم شافو فيه ..
لامار : عيطتي ليه آش قاليك ؟؟ حيت راه تعططلو ياك لباس ! ( شافت فساعة ) راه عشرة و نص هادي !!
أسد : وقع ليه مشكل فطوموبيل ... راه عند لميكانيك راه معاه تا سلطان ...
لوؤي : إوا صافي يخليوها ويطلعو !
جود : ياك لاباس !
أسد : ( كايحك فشعرو ) شي مشكل فالفران ... تعطل معاها كتصلح ...
رتاج : وااشوووف على زهر عندو مسكين ما لقات إمتى تخسر ... !
سفيان : وفين لقاه سلطان !
اسد : تلقاو فطريق ..
سفيان : يعني راهم غا هنا فلازون ؟
اسد : اه راهم عند ميكانيك لتحت ( كلس على الفوطوي ) وا ماعلييش ليلة باقا طويلة .. غايجيو دابا ....
لامار : اوا لاباس غا ليبيخير ...
------------------------------------------
عند سلطان وأصيل ...
بدات سلمى كتحل عينيها شوية بشوية .. وأصيل محني عليها و سلطان موراه شاد الما ...
أصيل : ( كيضرب فوجها) سلمى !!!! كاتسمعيني !
سلطان : ( طل عندو ) ختي لاباااس؟؟؟؟؟ ( مد ليه القرعة ) زيد عطييها تشرب ...
سلمى بدات كتحاول تفيق ، قلبها رجع تاايضرب بجهد وبسرعة طلعات حرارتها ... وحلات عينيها فخوها ، أصيل غير شافها حلات عينيها و وهو يغمض عيييينيه يلااااه تنفس وهدا قلبو .....
فلتها من يديييها ووقف بعد عليها كااااع ....وبعد على طمووووبيل يمشي يتنفس حس برااااسو غاايحمااااق .....و سلطان كايرمش فيه مالو ! ..... وهي بدات كتكعد شادة على قلبها حاسة بالردة و بالخلعة ... وأصيل قرب حدا حافة الجرف كاااتتفس معلي راااسو لفوووق كاينهج بحال شي واحد خرج من شي حفرة غريييييقة .. ماقدر يدير والو من غير محتاج شوية دالوقت غييير يرد النفس ....ودنيه كاااايصفرو وراسو غادي يتفرگع عليه .. وقلبو تااايضرب بجهد و مورالو نزول بمرة وحس بكولشي رجع ضلام عليه تاني ....
سلطان كيشوف فيه وكايشوف فسلمى لي كتوكض مخلوعة باقا كتشوف مع جنابها وقرب عندها ...
سلطان: ختي ... بيخير !
سلمى ضورات راسها عندو هو لي واقف فباب طوموبيل و هي لي كانت كاتشوف مع لگارد مستفين وطموبيلاتهم شاعلين بضواو وشافت فيه بزربة مافاهماش اش واقع ... شكون هادا ؟ واش منهم ؟؟؟ وبدات تقلب بعينيها بزربة على خووها
سلطان : راااه لهيبيه متخافيش .... ( مد ليها القرعة معارفش كيدير يتصرف مع وحدة دايخة) تشربي !
سلمى ضورات راسها بزربة للور و هو يبان ليها اصيل من زاج خلفي د الطمووبيل واقف بعيييد على جرف كايتنفس ورجعات شافت فسلطان ... لي بداو يضربو فيه الضواو ديال البيلات دالگارد لي كايقلبو فالارض واش طايحة شي حاجة ....عاد توضحو ليها ملامحو ، حيت الليل والدوخة مكاتشوفش مزيان ... بدات كاترمش وكاتسوعب واش هو ولا شبهاتو !!!!! هدا ماشي سلطان الاسماعيلي ؟؟؟؟؟
أما سلطان كان واقف محني شوية لمستواها وشاد قرعة دالما وكايشوف فيها باستفهاام ... وهي تترمش فيه بعينيها ... كتحاول تشوف واش هو ولا كايشبه ليه ! وهو كايشوف لهادوك النظرات لي كادير فيه مصغرة عينيها بحالا كتقول فين شايفاه !!!! .. ومخليها تتذكر على خاطرها لاكانت كاتعرفو من الصور .... ورجعات تاني شافت قدامها لطموبيلات ، كانو بزاف ديال الگارد ....وطوموبيل قريبة ليهم فجنب كانت سبايدر فيراري وهي تشد على فمها حيت كاتعرفها ديالو !!!!! عارفاها أنه هداها ليه النادي لي التحق بيه مؤخرااا !!!! هي نفسها طموبيل لي كانت كاتقلب هي وحسنى على صورها يشوفو ثمنها من باب الفضول نهار هداوها ليه ..... وشافت فيه بزربة مصدومة !!! وهو تبسم حيت شافها تاشافت طوموبيل عاد عرفاتو وقال بابتسامة كايحاول يحيد ليها الخلعة ..
سلطان : ودابا طوموبيل عرفتيها وأنا لا !
سلمى سرطات ريقها وعاودات ضارت براسها كاتقلب على خوها فين هو .... مقاداش تشوف فيه ، وحسااات براسها كاايدووخ ليها تااني بقوة التفكير ، ... حسات براسها باقا مغيييبة وكتحلم مستحيل يكون هو !!! ... وهي تسمع صوت آخر هضر .. كان شكيب قرب لسلطان ...
شكييب : أ حنا نسبقوكم ...
سلطان : صافي غير سير .. انجيو دابا ...
سلمى شافت شكيب وبدات كترمش بعينيها عرفاتو تاهو وكترجع كتضور براسها كاتقلب على خوها يجي بغااااات تبكي !!!!...
سلطان : ختي ... ! غا دوي نسمعوك واش لاباس !
سلمى اللسان لي يهضر تسرط ليها وهي كاتشوف فيه محني عليها واخا ظلام كايبان ليها مزيااان بضو ديال القمر و ضو دسينيالاات دطموبيلات ... عكسها هي لي فسيارة مكتبانش مزيان .. بغات غير تقول شي كلمة ماعرفاتهاش كتحاول غير تفهم اش كايدير هنا وفوقاش جا ! واش شيواحد من هاديك العائلة ساق الخبار لاش واقع و نقدوهم فأخر لحظة !!!!!! حيت شكيب عارفاه الساعد الايمن ديالهم !! .. كترجع تاني تشوف فخوها بحال شي بنت صغيرة تحطات وسط ناس حشمااانة منهم .... و كترجع تشوف لسلطان لي مافهمش مالها ! واش جاتها صدمة !! مالها مكادويش !!!!!
سلطان : ( كايلوح بيديه حداها ) ألووو !!! ( غير كاتشوف فييه مصدومة مامستوعبااش والخلعة باقا فيها ) واش ممتفهميش لعربية ؟؟؟ واش نتي شلحة !!!! ( سلمى كترمش فيه ) أبلاس اسبانيول ؟؟ دوو يووو سبيك إنكلش !!!
مافهمش مالها متتهضرش دار جميع الحلول .. !! ورجع شاف فأصيل ، ماعرفش واش يعيط ليه ولا يخليه تايتنفس على خاطرو ....و رجع تاني يحاول معاها ... تأكد مية فالمية عندها شي صدمة مايمكنش تكون بحال هاكا جامدة بحالا مصدومة ! خشا يدو فجيب لور جبد تيليفون وشعل الپيل وضربو لوجها وهي تغمض عينيهاا بزربة مكتقدرش على الضو يتضرب فعينيها تايضروها ...
سلطان : واش مقاداش تهضري ؟؟؟؟ نمشيو لاكلينيك ؟؟؟؟ ختي قوليلي غا واااش لاباس .. ؟؟؟؟ حركي غا رااااسك قوليلي آه ...
هي مكانتش فصدمة بسبب الخلعة ، كانت فصدمة بسببو هو لي حلات عينيها لقاتو قدامها !!! .... كاع صدمات لي تجمعو فيها ليوم من حوارها مع اصيل صباح .. خرجو دابا على شكل صمت !!!! ولكن الهضرة بزاااااف فدماغها !!!!
كانت مغمضة عينيها لجنب من الضو لي ضرب فيها ... كتحس براسها خاصها تجاوبوو و لكن دمااغها ثقيييييييل ، ماقادرة تستوعب والو وهي يلاه فايقة وآخر حاجة شافتها هي موس فعنقها وخوها تضرررررب ... يلاه غاتحلهم شوية ورجعات تاني غمضاتهم فاش تفكرات جات شي طوموبيل قبل ماتغيب ! .. هي نفس الطموبيل !!! اذن هو لي كان جا ....هادي طريقهم ! اذن شافهم ووقف ....وهادو لي هنا رجالهم .....
إذن صافي هادوك مشاو !!! هوما صافي دازو منها !! خرجات على خير !!! واش هادا سلطان الإسماعيلي لي محني عليها كيسولها واش تشرب !!! هاد السؤال الاخير لي جا لدماغها كان آخرر حاجة كتستوعبها مور ماحسات بالأماااان ... وانهم مشاو وخوها لاباس وهي لاباس ....
بدات كتحاول تحل عينيها وتنين من داك الضو ومغطية بيديها .. وحلاااتهم بشوية مكمشاااهم ... كتحل تترمش .. وهو كان مركز كايفهم مالها ... تابداو كايتوضحو ليه عينيها لي مكنشاهم فالضو وكتحلهم بزز ...رمشة وراء اخرى .... والضو لي ضارب فيهم مخلي زرقتهم كاااتلمع !!!!!!! كانت شيء من المعجزات !!!!
سلطان يلاه غايهضر يسولها تاني هو يرمش جوج مرات متابعين وملامحو تغيرو !!! فلحظة سول راسو ! واش الشوفة فيهم حلال ؟؟؟ ..... حيت حس بيهم بحالا تايسكرو !!!
كانت كاترمشهم فيه باغا تحلهم مخبية بيديها من الضو .... وهو معلي حجبااانو .... الأمر كان خدا فقط ثواني قليلة ولكن بزااااف دالكلام تقال فيه لداخل ! بقاااات فيه !!! ... ماشي حيت مخلوعة لا ... وماشي حيت حطو المضا على عنقها تاسخفات .... لا ...ماشي حيت ضاعت فرحتها بخوها ....لا ! ....بقات فيه حيتاش بان ليه أنها إلى كانت شي نهار مقلقة و لامضلووومة ...تاااحد مغايتيقها !!! .... حيت لي عنها عينين بحال هادو تاحد مغايقدر يركز مع الحزن ديالها بسبب جمالهم ! حاول يثبت ....و ولكن الثبات قدام عينيها جهاد !
ولكن قاوم ....ملي تفكر الوضع ديالهم ..... سرط ريقو و شتت بصرو هنا ولهيه مبعد على خمر عينيها ..... هي بصح كانت ثواااااني ، ولكن بنسبة ليه هو كان يوم و شي ليلات .... حيت الزمان توقف عليه للحظات تانسى راسو قدام عينيها !!!!! ....
بعد هاداك البيل فاش وعا براسو راه ضرها ..ونزلو وهي عاد حلات عينيها نيشان كتحك فيهم ولي بمجرد مانزل الضو طفات زررقتهم وولاو كحلين عاكسين فيهم الضو الضلام !!!! واش هادو عيون و لا سحررر !!!!! غير من عيونها .. قدر يفهم علاش قسم قررات تفطر منبعد 29 عام ديال الصيااااام .... عاد عرف شنو لقاات فيه ! .... عينيهم معجزة !!!! خلاتو ينسى كولشي للحظات .... باقي الزورق ديالو غريييق فمحيطهم كاااانت هضرات وسمع صوتها باش تنتشلو ... صوتها كان بحوح بالغوات و حنيييين وهامس و اضح من التمتمة انه محرج !!!! اش هاد كتلة الكياتة لي كايشوف قدامو !!!! واش باقين بنات كايشوفو فالارض بحال هاكا وهو تايهضرو !!!!
سلمى : أن ... أنا ... أنا بيخير ( علات عينيها فيه دمعانين وحشمانة ونزلاتهم دغيا ) ع ... عيط لخويا .. ع عافاك ...
بلاتي هي شنو قالت ! ماسمعش ! يسولها تعاود هضرتها ! غاتعيق بيه الى تلف فيها ! اش هادشي دارت ليه دابا .. علاش هوها مشى وخلاها معاه.... هاد البنت خطر .. ماخصهاش تبقى مع شي واحد بوحدها .... سحر !! عينيها سحر... مايمكنش خوها يخليها بخال هاكا مع شي حد ماعندوش تعويذتها !!!! دابا عي اش قالت ليه !! هضرات ولكن اش قالت !!!!
اه ... هو بصح ملقبينو بثعبان الكرة .... ولكن المرواغة لي دارت ليه بعينيها وصوتها فدقة وحدة ، ماقدرش عليها !!!!!! خدا تحنحينة نافض هاد الافكار لي ممنحقوش يفكر فيهم فبنت مخلوعة قدامو واخت واحد جاي يخطب بنت عمو ... حس براسو دار شي حاجة ماهياش ، البنت كتبان ماشي ديال يفكر فيها بحال هاكا ! هادي كتستحق الوقار والاحترام .... وهو يقاد الوقفة ....
ولاكن راه مزال معارفش اش قالت ليه!!!!
بقى واقف كايشوف فجنب ، نبرة صوتها كانت بحالا طلبات منو شي حاجة !!!! اااش هاد الصوت لي خلاه يترفع تاينسى اش قالت ، بنادم دابا يركز مع صوتها ولا هضرتها ! مع اخر هاد الهضرة لي قال فدماغو ... تأكد انها طلباتو على شي حاجة واخا معرفهاش غايجاوبها ب ....
سلطان : واخا (ورجع شاف فيها باش ينسيها اش طلبات ) ولكن خرجي شوية يضربك البرد بعدا تتوكضي .... ( مد يديه ) أجي خرجي ..
سلمى نزلات عينيها كاتشوف ففيديه ورجعات شافت فيه ... وسرطات ريقها !! حسات بحرارتها ارتافعات بالحشمة ! واش غاتقيسو فيديو !!!! ماتقدرش ...
سلطان حس بيها ارتبكات وجمع يدو ورجع بلور فاسح ليها طريق فاهم راسو الى هادي ماشي بحال لبنات لي كايعرف عنهم عادي يشدو فيد ولد مكايعرفوهش ... وهي تبسمات منزلة راسها ونزلات ...
سلمى : ( كاتشوف فالأرض ) شكرا ..
أصيل ضار موراه وهي تبان ليه خرجات ... غمض عينيه وخدا نفس ، وبدا دم يبرد وكايحس بالجرحة عطاتو الصداع ... زاد عندهم وهي بعدات شوية على سلطان واقفة كتشوف فيه وتتفحصو بيعينيها واش لاباس ! .... غير قرب عندهم تلاحت عليه عنقااااتوووو ... وسلطان تبسم !!! عجباتو علاقتهم ...
فصلاات العناق وشدات فيه ..
سلمى : أصييل شكون هادوك لي....
قبل متكمل كلامها وسعات عينيها فاش حسات بشي حاجة فازكة فيديهااااا وقربات يديها بشوية لعندها وهي تلقى دم !!!!!!! حلات فممهاا وششهقاااات بجججهد
واختل توازنهااا للمرة الثااانية داااخت .. رجعات للوووور .. يلاه مد أصيل دغيا يدو يشدها كان شدها سلطان موراها وهي ديخانة كتحاول توقف مزيااان بالخلعة ...
سلطان. : وااااايييني ليلة هادي ....
جبدها أصيل من يديها لعندو و هي ديخانة كتحس براسها فاقدة التوازن بسبب مرضها " فقر الدم " ... وسلطان مد تاني داك لقرعة .. حيت هي الوسيلة الوحيدة لي لقاها باش توكض !!!!
سلطان : تشششربي !
أصيل : ( شد عليه الما وبدا يغسل ليها وجهها ويديها لي فيها دم وهي تتبكي ) مكاااين وااالو .. وااااتبتي معياا شوية اسلمى .. مكااااين والو متخاافيش ( كايضرب فوجها وكايوگضها وهي كتشهق ) سسسلمى !!!
سلمى : ( كتسرط فريقها كاتقطر بالما ) انا لا ..
لاباس .. لاباس ....
أصيل : ( شدها من كتافها موقفها بجدية ) أنسااااو هادشي لي وقع ليوم مفهوم؟؟؟ مكاااين وااالو ...
سلمى : ( بدات كتبكي بالخلعة ناسية سلطان و ماقداتش تركز فأنه ولد الاسماعيلي وراها ) لا .. لا اخوياااا .. لا ماغانقدرش .. مسستحيل نقدر .... غايرجعووو ليك ياك ؟؟؟ غااايرجعوو ؟؟؟؟ نعيطو لبوووليس ؟؟؟؟
أصيل : وصاافي ماتمرضيينيش !!!( سلمى سكتات كتنخصص فاش شافتو معصب وسلطان علا حجبانو ) قلنا ليك مكااين والووو .... صافي داكشي نسااايه ماابقاااااش ... متعاااوديييش تجبديه ، وماااتفكريش فيه
سلمى : ( علات راسها فيه بخوف ) ق. .. قوليا غير شكون ؟
أصيل : منبعد وغانهضرو فهادشي .. وراه مكااااين والو صافي هضرنا معاك ...
سلطان : ختي راه تشدو تشدو .. عيطنا لبووليس وشدوهم و داوهم لحبس وحكمو عليهم بمية عام ( سلمى ضارت عندو بشوية كاترمش ) واحد الحبس بعيييييييد ...غييير تهناااي
سلمى : ( سلمى شافت فاصيل كتشمر بنيفها وتمسح دموعها ) بب بصاااح ؟ ت تشدو ؟
اصيل : ( كايمسح ليها دموعها ) وصافي هضرنا معاك ...
سلطان : ( شاف فأصيل ) راه عيط عمي أسد ... وقتليه راحنا جايييين ...
أصيل : ( علا عينيه فيه ) رجال لي جاو قبيلة نتا لي عيطتي ليهم ؟
سلطان : لا ...هادوك مكنحتاجوش نعيطو ليهم هادوك غاااتا كاينبتو معاك بحال الفگييع . .. (علا يدو لسما كايشير بكاميرا سوداء طائرة ) سجلاتكم الدرون ...
أصيل : ( علا حاجبو وقلبو ضرب بسرعة ) آش قال سي أسد !
سلطان : ( داير يديه وراه شابكهم ومحني كايلعب فالأرض برجليه) واااا شغااانقوليك قول باسم الله وتبعو لواحد البيرو ومااايكون غااالخييييير .. ( علا عينو فيه ) دابا لي وقع وقع ولي درناه راه درنااااه ... غا زيد يلاه دابا .. نمشي بوحدي راه مغااانمشيش.. موصيبة درناها بجوج نفكوها بجوج ...
أصيل : ( كايزيد يغسل لسلمى وجهها وكايضور راسو كايتنهد ) آش درتي اخويا نتا آش درتي ... بالعكس .. أنا لي دخلتك فهادشي .. كون غير زدتي و مشيتي بلا مندير ليك صداع ...
سلطان : اخوياا مدخلتيني مادخلتك انا كانت معصباني طموبيل لقيت فيمن نبرد ... ( شاف فسلمى ) شوية ؟؟؟؟ صافي نمشيو ؟ !!!
أصيل : تتبان ليا عيانة شوية .. وأصلا مشا الحال .. أنا غانعيط لسي أسد ونعتاذر ليه تال غدا اان شاء الله .. ماجاتش بحال هاكا ...
سلمى : ( بالبكا ) و .. وااااش كتسطى عليا أصيل مشغول بيا أنا ؟؟؟؟ وراااااه يدك عااااامرة بالدم أنا علااااش ؟؟؟؟؟؟؟
سلطان : إلى كنتي قادرة هو شغلو ساهل .. لكلينيك غير حداا دار جوج غرزات خفاف يقضيو لغراض ....
أصيل سمع تيليفون فطومبيل كايصوني وتنهد ومشى باتجاهو خشا غير يديه من سرجم جبدو و هو يسد عينيه فاش لقاها نمرة أسد .. وعلا عينو فسلطان وسلطان علا حجبانو ...
سلطان : غيييير جاوب متخاافش ...هو كاااع مكايهضر فتيليفون .. تااتوصل عندووو .. ( هز قرعة مدها لسمى لي بقا كتشمر بنيفها وتبكي ) تشربي !
سلمى باحراج شدات عليه لقرعة ، جاها فشكل ووهو واقف حداها ، كان مختلف بزاف على الصور وكيفاش كاتشوفو فالفيديوهات !!!!! كتعرف انه ضحوكي ومشاغب فالفيديوهات ديالو مع انسينزو صاحبو فالتيران ... ولكن متخيلاتوش هاكا تافواقعو !!! عربيتو مقاااادة وجاها مغربي قح !!! مامولفاش تسمعو كايهضر بالعربية بزاف !!!! حسات بيه انه هادا لي فالواقع واحد آخر .....لاعلاقة بيه بلي كتعرف هي !!!
مأدب و ضريف لاقصى درجة شافتها !!!!!! ....
أصيل خدا نفس وبعد شوية عليهم و دارو فودنيه ... محااااااملش راسو وماعندوش مبرر .....
أصيل : ألو ...
أسد : فين وصلتو !
أصييل : ا ... ب .. باقين بعاد شوية ...
أسد : ياك لاباس ؟ واش مضرور ؟ شي ضربة صعيبة !
أصيل : ( بقا غير كايرمش ويمشط لحيتو للتحت ) لا لا .... غير سلمى شوية مخلوووعة ... حتال ( هضر قبل مايكمل كلامو)
أسد : جيبها لدار ... بسيف تبقى مخلوعة تما. ... جيبها لدار غاترتاح ... و أجيو من تما خلاص .. يلاه .. وماتقول والو لقسم .. قتليهم هنا راه طموبيلتك خسر ليها الفران وديتوها لميكانيك ... هادشي لي غادي تقول داكوغ !!! يلاه اجيو دغيا مشا الحال ....
يلاه غايهضر و هو يقطع تيليفون وضار عند سلطان لي واقف داير يديه موراه وسلمى متكية على طومبيل وشادة قرعة د الما كتشرب ...
سلطان : مخالكش تهضر ياك ! عمي اسد راه كايعيط باش يعضر هو ...
اصيل حس براسو تلف وسلطان حس بيه وقرب عندو كايهضرو غا بيناتهم ...
سلطان : الى بصح تتحس براسك عيان ... رجع لدار تالمرة اخرى ....
اصيل : ( تكى على طموبيل من حهة لوخرا كايضور فراسو ) تلفت والله ...
سلطان : واش كاتعرفهم ؟؟؟؟ شي مشكل عندك معاهم !!! ياكما من دوك خوتنا لي ضاربتو معاهم فالكلينيك عقلو عليك ! حيت واقلة على ماعرفت هادوك تشدو !
اصيل : ( شاف فسلمى بعيدة وشاف فيه ) يمكن ....
سلطان : ( فهم انه ماباغيش يعاود ) مهم ... نتا تعرف اش يسلكك ولكن من الاحسن هادشي يتطوا بلا مانخلعو العائلة .... ونخليو هاد الليلة تكمل كولشي كايتسنى .... وعمي اسد دابا يتكلف بيهم .... ( اصيل علا عينو فيه ) حيت راه الخطر ماشي غي عليك ، متنساش عندك ختك ... ملي لواو ليك الدراع بيها قبيلة راه غايعاودوها .... ( كايشوف فيه تالف وهو يستملح ليه الجو ) الى تتفكر دابا راه شفناك مضااارب و حابدين عليك المضا و غانقولو ليك لااااا منعطيوش بنتنا لواحد كايضارب ، غااااااهني راسك ....حنا نضاااربو معاك ... ( اصيل شاف فيه ) شوف ... انا الصغير ديالهم ولكن غانقوليك اش كاين باش تحيد عليك شوية هاد التلفة ... هنا تايهمونا جوج حوايج .... طلع معانا راجل .... وتتهلى لينا فالبنت ... اما المشاكيل راه مااااخطاو تاشي واحد .... مكاينش شي واحد ماعندوش مشاكيل فحياتو...
اصيل تنهد و شد ليه على كتفو بابتسامة باااينة شحاااال عيانة ولكن كان فيها شكر لكلامو ...حيت بصح هدنووو شوية .... ولكن فنفس الوقت باقي محاملش اسد يعرف اش بغاو منو ...ولكن لاكان غايدخل وسطهم ويدي بنتهم صعيييييب باش يحافظ على سرو خصوصا مع واحد بحال أسد ! كايهتم باصغر تفاصيل ولادو ....
سلطان : ودابا خلينا نساو هادشي ... (شاف لدراعو ) يلاه تغرز هاد جرح وبدل لفيست راه كاين واحد ستيليست دغيا يفكنا ونمشيو ... وماااديرش فبالك بزاف ... نتا غير توكل على الله والطريق كاتقاد غا بوحدها .....
أصيل : ( خدا تنهيدة وشاف فيه ) سلاح لي كان عندك ... من بروتوكول !! مغايتشراش ليك شي صداع ....
سلطان : خليييينا دابا هادشي نفكرو فيه منبعد ... هداك عندي باش ندافع على راسي وراه دافعت ... يلاه نزلو لكلينيك
اصيل : غانتعطلو فالغراز .... غاناخد غير بانضة تحبس الدم ، ( شاف لدراعو ) ماااشي بزاف .. تالغدا ونغرز ...
اشار ليه سلطان براسو ومشى بزربة لطموبيلتو كايجري ... واصيل اتجه عند سلمى وهي تجي عندو بزربة ...
سلمى : خويا كاضرك ياك ؟؟؟؟؟ راه شفتو فاش ضربك حسابني قتلك ...
أصيل : ( كاينفض ليها جلابتها ) حاولي تنساااااي هادشي دابا ....هاديك العاائلة معارفة والو على هادشي وبلا مايعرفو ، الى سولوك فين تعطلنا قولي ليهم طاحت طموبيل اونبان زمشينا عند ميكانك صلحها ، داكوغ ! ... مابغيت تاحد يعرف هادشي اسلمى .... خصوصا قسم ....
سلمى : ( شافت لسلطان ليديمارا طموبيلتو جاي بجهتهم ورجعات شافت فيه ) خووويا ؟؟؟ شنوو كاااانو بغاااو منك علاااش دارو داك الحالة
أصيل : ( بعصبية مامتحكمش فراسو بسبب للتوتر مخرج حرو) ومااااتجهلييينش تانتي اسلمى الله يرررررحم باك .. صافي سمعي للهضرررة دابا مااااتكمليييش علياااا .... كووووني غاا نت صاافااا .... غااااانتي .. و مغااايوقع وااالو !!! صاااااافي بااااركا ماتسوووولي هضرنا معاك .....
سلمى : ( نزلات عينيها كاتشهق بالخلعة وصوت شبه مسموع ) ص صافي. وو اخا .. ا انا لاباس ...
سلطان حط طوموبيل جنب طريق وعيط على شي حد يجي يديها ونزل عند أصيل لي تاينفض لسلمى حوايجها ....
سلطان : عطيني الكونطاكط نصوك عليك .. ( شاف ليدييه ) باليا مغاتقدرش ...
أصيل : لا لا بلا منعدبك ... أنا لاباس ..
سلطان : ارا أ اصااحبي لهنا ..
أصيل شاف عندو الحق صعيب يكيليبري بيها و هو مقادرش يحركها مزيان وعطاه الكونطاكط .. وسلمى ركبات لور وهو ركب حداه وزادو وأصيل غير ركب علا راسو لفوق على هاد الزهر لي عندو .....
شادين طريق للازون .... وسلطان حاس بيه شحال متوتر وكايحط راسو بلاصتو لاكان ماشي يخطب وطرا ليه بحال هاكا !!!!! .... وشاف فالمرايا تاني كاتبان ليه ختو كاتشوف للزاج ساهية وملامح الحزن على وجهها و رجع شاف فالطريق كايحاول يستملح ليهم الجو .....
سلطان : دابا نتا كنتي هاني فمخك .. ارا اشغاندير .. ندخل وسط عائلة دلمنااااحس ...راه هادو هووما حناااا ... طريقنا ديما فيها المصاااايب والمضاربات ( سلمى لور جاب ليها الضحكة وسط داك توتر ولخوف واصيل تايتفكر المضاربة دللكلينيك وكايضور فراسوو ) آش داااك اخويا آش داك ... انا منك نهرب ... وتخيل معاااياااا كااع اش طااري ليك كايقوليييك هرب ونتا متتفهمش ، راهم غا اشارات باش تخوي لبلاااااد ، تهههرب حسن مادخل وسطنا .... انا نصيحة مني ... ترجع لدار .. دير واحد جوج ركيعات استخارة ... هادشي لي مارابش عليك السقف ....
أصيل شاد فحزام الامان جاب ليه الضحكة بانت تبسيمة خفيييفة على شفايفو مكمش ملامحو بالصداع لي عاطياه يدو .... وسلطان كايضور فراسو و سلمى لور واخا عينيها باقين خيفانين تبسمات ...
سلطان : تانهضر معاك دبصح .. أنا نكون غادي نخطب شي وحدة و يسيلو دمي داك نهار .. نهرب من داك البلااااد كااااملة ليفيها هي ، والمكتاب أصاحبي كااايسيفط ليك الاسباااااب تالعندك باش تهررررب ونتا مااابااااغيش ...نتا هو لي تقال عليه وما ظلمناهم ولكن كانوا انفسهم يظلمون .... ربي راه دار ليك طريق تهرب ونتااا مابغيتيش ...
كايشوف فأمن المنطقة جاي لعندو وهو يكلاكصوني مخرج راسو من زاج ..
سلطان : وغااا حل اصاااحبي ححححل ..
هاداك السيد غير شافو مشى كايجري عطا إشارة للي كالس فلباب زجاجي ... عاد للبااااارية طلعاات ... ودخلو للمنطقة وسلمى قلبات راسها لزاج كاتشوف ... واخا الخلعة مامخلياهاش تركز وباقين اطرافها كايرعشو ... أما اصيل هاز الهم لداك السلاح لي ضربهم بيه سلطان خايف يدخلو فالمشاكل ....
سلطان : حنا بنادم جا غير يعزي مااات ... نتا جاي تخطب كااع ودوز ليك على خييير !
اصيل : هه !! واشنو دابا دايني بيديك لعنكم وتتقولي هرب ! راه نتا لي صايك
سلطان : انا اخويا يلاه فكني غا من عمي اسد ندخل فظهرك ... ومنبعد انا نعاونك تهرب ...
اصيل : ( شاف للزاج ) متنضنش لي تلاقا معاكم ... غايهرب. ..( رجع شاف فيه ) واش نتوما كاملين بحال هاكا !!!
سلطان: ههه وهااادشي لي عطى الله ....( شاف فيه ورجع شاف فطريق ) حنا متنعرفوكش ...ولكن كنعرفو قسم ... واي واحد بغاتو قسم ... غانبغيوه كاملين .... ( علا راسو لمراية شاف فيها ) هو وختو ....
اصبل فقط حرك ليه راسو بالايجاب وتقلب للزاج .. اما سلمى كانت فعالم اخر ... كاتشوف فهادشي لي دخلو ليه شنو هو !!! واش هادي كازا ! ياك كان ظلام وامتى ضوا هادشي يحال هاكا !!!! كانو فطريق طويلة كلها فيلات مع جناب ولكن بعييييد كايبانو بزاف دالاضواء بحال شي شااارع كبير ..!!!! اول مرة تشوف هادشي !!! طريق كانت كلها فجنابها اعمدة الاضاءة ذهبية وفنهاية كل ربعة دالفيلات كايكون عساس وباركينغ ... كانت كلها مرفوعة كاتتفرج واش هادشي كامل ديالهم !!!
تابدا تيليفون أصيل تاني كايصوني وهو يهزو لقاها قسم غمض تاني على عينيييه حلس براسو مخررربق ...ورجع جاوبها ...
أصيل : وي قسم !
قسم : أصيل ! الحداش هادي !! فين تعطلتي ؟ هادا كامل ميكانيك ... خلي طموووبيل و اجي ...
أصيل ماعرف مايقول مكيعرفش يكدب بزاااف ... ولكن سلطان تسمعاااتليه ولطف ليه الجو باش مايتفضحش ...
سلطان : ( كايهضر بصوت مرتفع مقرب لتيليفون ) تي تسناااااي شوية ماااالكي .. تسنيتي تسعود وعشرين عام نص ساعة لا !
قسم : صاااااافي كملات .. صافي ملي راه معااااك نتاااا ...مشى ليااااااا الراااااجل ...
سلمى لور جابت ليها الضحكة و أصيل تبسم غير بعينيه واخا االخااااطر نااااازل ...
سلطان : زبيييديهاااا ليا ، زيديهاليا واقف ليك عليه باش مااايهههربش وجاااايبو بزز .. راه تلاقيتو فطريق كااان هااااارب ..
قسم : شحال نتخاااااطرو دابااااا ... الى راك كاتقوليه هرب فحاااالك ..
سلطان : اناااااا ؟؟؟؟؟ ( شاف فاصيل ) كيفاش كتتصبر على وحدة ضااالمة ومستبدة بحال هادي !!!!!! هادي دابا يبغيوها الناس !
قسم : اشوف عندي .. داك مرواغة ديالك خليها فالتيراااان .. جييييب ليااااا السيد لدار.... فييين تاااضوررر بيه كنسمع الطموبيل... هدا صوت طموبيلتو
سلطان : اوا راه هو لي تايضور بيااا .. تاايضيع الوقت ماباغيش يجي عندك ....
قسم : اصييييل
اصيل : هه ! انا جاي انا جاي
قسم : واااسربي كاينة شي خطبة مع طناش داليل ! انا ساندريييلا ! هاد طموبيل مالقات امتى تخسر .. اش هاد الزهر هاااداااا
اصيل : واااهادشي لي عطى الله قبلي عليه
قسم : واسربي راه واحد اسبرو مسكين يديه طاحو يواحد صينية فلباااب
اصيل : هه واخا
قسم : سلطاااان ... دوز ليا سلطان
سلطان: هانا شنو
قسم : اصيل لابس دجين ياك ؟
سلطان: ( جابتليه ضحكة) لاء لابس سلهام ومعلق سيف ....
قسم : واااادوي
سلطان: ماشفتوش الضلام ... سيري بعدي يلاه تانجيو
تقطعات لابيل لي بدلات مووراهم كولهم ... واصيل رتاحو شوية ملامحو ملي كايوشف ان الامور ماشي بالسوء لي كاتوقع ... ممكن تخرج هاد الليلة مزيان باااقي أمل ! وتاسلمى نسات كولشي فاش سمعتها كيف كايدويو هي وخوها وعلاقتهم كتبان مفاهمة !!! وحتى كيفاش كادوي هي وولد عمها ...
طريق كلها وسلمى مبهورة بالمنطقة !!!! عمرها تصورات واش كاين شي مكان بهاد الجمال و هاد البنية !
كانو دخلو فشارع كبير عامر بالمشاة السياح و لي كايقضيو الصيف ديالهم تما ... كاتشوف فالناس شحال متحررين ولباسهم شحال مكشوف !!!
كانو على يسارهم البوتيكات باسم البرندات و اليمين مقاهي و فنادق ....
سيارات كانو قلال ولكن الناس لي تيتمشاو غالب .... وأمامهم مباشرة فطريق طوييييل كورنيش صغير مطل على البحر وكايبانو يخوتا بعاد..
لقات راسها قدام مدينة مصغرة مكانتش عارفة بيها ! لي عارفة فقط أنها بريفي !!!!
بقد ماصغيرة بقد مازوينة ومنظمة وناسها كايبانو من الطبقة الراقية !!!
المنطقة كانت مخدومة للسياحة بكل مكاايحتاجو السياااح !!! ... والليل هنا عالم آخر !!
المكان مفروض أنه يكون مكتض كتر من هاكا ولكن نهاية الصيف ناس قلال لي بقاو ....
كانت مبهورة بهاد الجمال كأنها فشي دولة ساحلية أوروبية .... تا وقفات الطموبيل قدام صيدلية ، عاد شافت لعندهم ...
سلطان : واش متأكد غايحبس الدم ...
أصيل : ( كان محيد الفيست كايشوف ليدو ) هاوا را حابس ...
حل الطموبيل ونزل ... الشوميز كانت مقطعة جيهة كتفو والفيست تاهي ، حيدها فطموبيل عاد مشا ... دخل لصيدلية و سلمى غير تترمش متبعاه بعينيها ، سلطان هز تيليفونو صور الثوب دالفيست ولونها .... وخرج من طموبيل باش مايحرجهاش ... وباش خوها يبقى مرتاح حيت باليه كايهضر مع لي فالفرماسيان وكايشوف من الزاج ..
خرج وتكا على طموبيل من جهة فين كان راكب أصيل وجبد تيليفون كايكتب ليهم يجيبو فيست فداك الثوب وداك اللون والسايز ... وشوميز كحلة فنفس السايز ...
أما سلمى لي كانت كاتشوف فالمنطقة ... بمجرد ماشافت خوها هاكاك فلافارماسي وقطعو ليه الشوميز جهة يدو كايداويو ليه الجرحة هو مزير على عينيه ... تفكرات قبيلة أناقتو وشحال كان متوتر ومحمس !!!! سرطات ريقها كتسائل علاش زهر خوها داير بحال هاكا !! علاش مكتكملش الفرحة فحياتو !! علاش ديما فرحتو كتبقى فحلقو !! واش هو يستاحق هادشي !!!!
محساتش براسها تاكانو دموع كاااينزلووووو وكتمسحهم وحابسة البكية ماتسمعش .. ولكن شهيقها تسمع شوية لسلطان لي كان هاز تيلي .. علا عينيه قدامو كايسمع !
هي كانت فسرجم لي حداه .. وحيت زاج نازل سمعها .. وضار بشوية براسو لجنب بجيهتها كتبانليه كتمسح دموعها وتشمررر ...
يلاه غايلومها فالخاطر ديالو مالها متشائمة بحال هاكا .. حتى تفكر داك المضا لي كان فعنقها وشوفتها لخوها تاتيضرب قدام عينيها وهو غادي يخطب !!!! ..
و هو يحس بحجم الأمر لي كاايطلبو منها تتخطاه ....
كايشوف شحال كتبان مامولفاش بهادشي ! وشحال خوافة ! ...
شاف قدامو كايضور تيلي فيدو معارفش آش يدير يخرجها من هاد الجو ! ... أصيل جاه ممكن تخرجو قسم إلى شافها .. ولكن هي ! ...
يلا غاينزل عينو و هو يرجع طلعهم فواحد قدامو كايبيع غزل البنات للبنيتات الصغار لي واقفين حداه ...
رجع ضور راسو بجنب بانت ليه باقا كتمسح دموعها ورجع شافيه تاني ... تبسم غير بعينيه .. قال ممكن يحسن مزاجها !!! ...
دار تيلي فجيبو بعد ماعطاهم لوكاليزاسيون فين يجيبو ليه الفيست بضبط ووصا على يجيبوها داباااا وأكد ... ومشا عند داك المحل لي كان كيووسك صغير مصبوغ بالابيض والوردي عامر بروسومات غزل البنات ... ولي خدام فيه لابس طابلية بيضة مرسوم لوغو دالكيوسك فظهرو ... وشابو وبافيط على فمو ونيفو ... وليكات بيضين وطالق موسيقى أطفال ..
غير شاف سلطان تبسم ليه بتحية و سلطان هز ليه وحدة كانت واجدة فالپينك والأخضر ... وزاد لعندها لطوموبيل وتحنى على الزاج مدها ليها ...
سلمى ضورات راسها لزاج وهي تشوفها مادها ليها بابتسامة ... بقات غير تترمش !!!!!
قلبها بدا يضرب بسرعة مافهماتش .. وشافت لزاج دلافارماسي بانليها خوها مكلسينو على كرسي و كايضورو بانضة على دراعو وشافت عند سلطان وتبسمات واخا دموع فعينيها كايلمعو ... لي مافهمش علاش دابا كايبانو كحلين وفيهم غير لون برتقالي ديال الضو دالشارع منعكس عليهم ! فين مشات زرقتهم !!
مدات يديها شداتها عليه وشافت فيه بابتسامة لي يلاه شافها تاهي ... كل شوية كايلقى راسو كايستكشف آية من الآيات دالجمال ! وداباا هاد الابتسامة باش غايقاومها تاني !
سلمى : شكرااا ... علاش عدبتي راسك ؟
سلطان : ( تكا على طوموبيل مربع يديه ) تنعرف هاد للعجب كيگاد ليكم المورال نتوما البنات ...
سلمى تبسمات وجبدات منها شوية فصبعانها وكلاتها .. ومتكدبش أنه بصح كااايقادو مزيان ! ولكن ماشي غزل البنات .... لي قاد مورالها داباا .. أنو شي حد اهتم ليها ! وهدا ماشي أي واحد .. هادا سلطان الإسماعيلي لي هي من أكبر معجباتو هو وعائلتو !
باش أنك تتلاقا بشخص نتا كل نهار كتشوف تصاوروو وتتلاقاه فالواقع وتعيش معاه هادشي ! كان شيئ من الأحلام !!! صعيب أنها تصدقو ....
سلمى : ( غمضات عينيها كتنغم هاديك الحلاوة ورجعات حلاتهم تجاوبوو ) بصاح ... يمكن حيت تايفكرنا بالصغر ...
سلطان : ( ضور راسو لجنب عندها ) على نتي كبرتي !
سلمى : ( بضحيكة خفيفة كتاكل من غزل البنات ) راك كبير عليا غير بربعة د سنين ...
سلطان : ( علا حاجبو باستغراب ) على شحال فعمرك ؟
سلمى : (بصوت هامس حشمان ) 21 عام ...
سلطان : وباش عرفتي لاج ديالي انا ؟
سلمى : كنعرفو ... كنعرف حتى داط دونيصونص ديالك ( سلطان علا حجبانو وهي تدخلات بزربة ) هو صراحة ماشي غير ديالك .. ديالكم كلكم .... ( شافتو مافاهمش ) يمكن حيت انا .. فان ديالكم منين كانت عندي 15 ... ( بدموع لامعين فعينيها ) وتانبغيكم بزااف .....
علات عينيها فيه شوية شافت هاديك الشوفة المستغربة لي كايدير فيها ولي مخلطة بتبسيمة وهي تحيد شوية من غزل البنات فيديها ومداتو ليه بكياااتة ......
سلطان نزل عينو ليديها ورجع شاف فيها ... ماداها ليه بحال شي بنية صغيرة كادوقو !!!!!! آش هاد كتلة الكياتة دابا لي قدااامو !!!! واش ياكلها هي ولا هاد شوية لي مادة ليه !!!! هادشي فاش كان حيران ! .....
الكوتش مانع عليه سكريات حيت هادا الاسبوع لي فيه الماتش ديالو ....ولكن شكووون هاد الفيفيا لي غاااتخليه يردها ليها فوجهها !!!!
مد يدو بابتسامة شدها عليها وكلاها مبتسم ..ورجع تكا كيف كان قبل أما سلمى نزلت راسها وعاضة على شفتها وكرشها تلوااااات ليها من ضرافتو كااااملة !!!!
كان مربع يديه وكايشوف قدامو !! شي حاجة فشكل دارتها فيه ! معارفش شنو هي بضبط !
هو ديجا كان قرا واحد العبارة فواحد الكتاب و كايآمن بيها ... أن الإعجاب كاينقاسم لنصفين .. إعجاب الغريزة ... وإعجاب العين ...
إعجاب الغريزة جرربووو بزااااف وعاشو بزاف .. ولكن داك إعجاب العين هو لي عمرو ظن أنه غايعيشو شي نهار بقوة ما أنه شاف بنات بزااااف ووجوه بزاااف و أنواع بزاااف .. السمراء البيضاء الحنطية القمحية السوداء .... كان تايضن صعييييب عينو تتعجب بشي وحدة ! .....لدرحة كولشي ملل فيعينيه ، كووولشي كايجيه كايتشااابه وبحاال بحاال !!!! تاحاجة مكاتجيه مميزة .... شخص زهد فكولشي وتگهم من كووولشي فعمر صغييير ...
حتى شاف عينيها ليوم ... ومنبعد صوتها .. ابتسامتها ....ولطافتها !!!
جاتو فشكل تعجبو شي حاجة !!!! هو لي مل كولشي !!!!
ماعرفش علاش حركات ليه إعجاب العين وماشي الغريزة .. واش حيت بنت بحالها بجلابتها الانيقة والمستورة وشادة فيد خوها وكتنزل عينيها الأرض كتخلي الشاب يححشم يشوف فيها بشي نظرة أخرى !!!! واش لهاد الدرجة الحياااء كااايلعب دور فجمال البنت ونوع الإعجاب لي غادي يشوفو لجيهتها !!!!
إعجاب الغريزة لي كان مجرب من قبل كان كايعطي شعور زوين .. و كايدوم هاديك الليلة كلها .... تال صباح وتايطفى ..
ولكن هاد الإعجاب لي حس بيه دابا .. إعجاب العين ... هو متأكد أنه كل مافكر فيه غايحس بشعور زوين .. حياتو كاملة ...
ولكن لي محيرو دابا ... منبعد هاد البنت ...
واش هو باقي غاتباان ليه شي بنت أخرى زوينة !
واش هادشي علاش المقولة فالاخير ديالها كاتقول أن إعجاب العين الحقيقي ... مستحيل يطرا معاك جوج دالمرات !!!
واش هاد البنت دابا جات باش دمر ليه مستقبلو مع الأخريات !!!!
قلب عينو بشوية لجيهتها كانت متكية على الكوسان شادة عندها غزل البنات تاتكل منو وكاتشوف للجنب ومبتاسمة .... عجبوو الحال حيت غير ليها مورالها .... جاتو كيوت بزاف على أنها تبكي وتحزن ! ورجع تاني تكى على طموبيل مربع يديه ... لقى راسو مابغاهاش تسكت .. صوتها زوين .. بغاها تهضر .. وجاه السؤال الروتيني للبال !
سلطان : فاش تتقراي هاد العام ؟ ...
سلمى : دايرة باك ليبر فدار ...
سلطان : مزيان ... واش باغا ديري موراه ؟
سلمى :ميدسين ...
سلطان : ( ضار عندها ) نتي ! لي شافت الدم وسخفات !!
تسمعات ضحكة منها لي خلاتو يجمع ضحكتو هو !!!! آية خرى اكتاشفها تاني ! حس بهاد البنت هاد الليل .. غادي تسطييه ... !!
سلمى : راه ماشي بحال هاكاك هههه مكنخافش من دم .. كنخاف على خويا ..
سلطان يلاه تقلب يجاوبها وهو يلقاها مادة ليه تاني شوية باش ياكل معاها .. ضحك وشد عليها ... تمشي لفيفا للجحيم !!! ....غاااياكل واخا تكون مادة ليه السم ....
سلطان : و أشمن تخصص بغيتي ؟؟
سلمى : قلب وشرايين ...
سلطان : ( علا حجبانو بجوج ) وعلاش !
سلمى : حيت معجبة بزاف بشخصية ديال مادام رتاج ... وبغيت نكون بحالها ملي نكبر .... تانا دكتورة قلب و شرايين ... هي لي خلاتني نبغي الميدسين
سلطان : ( شاف فيها وعلى حاجبو باستغراب ) شكون رتاج ؟
سلمى : ( علات فيه عينيها تاتعلاااو شفارها وقالت بهمس) اسماعيلي ...
سلطان : ( باستغراب ) مرات عمي ! ( سلمى حركات راسها بآه مع ابتسامة وهو ضحك ) لهاد الدرجة تتبغيينا !
سلمى حركات ليه راسها بالإيييجاب جامعة شفايفها بحزن جاتها البكييية حيت كاتهضر مع واحد منهم وحيدات تاني شوية من غزل البنات ومداتو ليه بكياتة ...
ابتسم ليها وشدو عليها تاني، ولتالت مرة ... فااااك للفيفا .....
يلاه غايرجع يتكى على طموبيل هو يبان ليه أصيل خارج وحمد الله لي جا دغيا نقدو ... دوا فيديه والشوميز جهة د الضربة مقطعة و ملفوفة ب بانضة بييضة وقرب عنهم ولاح داك خنشة د دوا من السرجم وكايضور فراسو بعياء و ضار كايشوف مع جنابو ...
أصيل : فين غالقى شي محل دالحوايج درجال !
سلطان : هاهو جاي عندك .. غا تسناه شوية ...
أصيل : ( شاف فيه ) شكون !
سلطان : باش بلا متعطل ونتا تتقلب أنا قتليهم شنو يجيبوليك ( شاف لساعتو ) راهم غا هنا واحد عشرة دقايق هاكاك ...
أصيل حرك ليه راسو حس داار فيه خييير .. حيت كايحس براسو ماعندو تاشي عرق دالخاااطر لي يقلب على شي حاجة حس براسو بحال شي ميييييت قدام غسالو .. ماعندو تا شي فكرة اشنو خصو يديرهااا .. كون ماشي سلطان لي متبت عليه وكايگيديه.... أما هو كون كان بوحدو كان غايكون مشى هرب تاااايرتاح ويدير عقلو فراسو ..
ضور راسو لسرجم عند سلمى وهي تبان ليه كتاكل فغزل البنات مبتسمة ! وهي تنطق بابتساامة ...
سلمى : شراه ل ليا ... س س سلطان ( خرجات سميتو غير بزز )
سلطان : ( شاف فيه ) قلت تبدل شوية هاد المورال وتنسى الخلعة ...
أصيل : ( بابتسامة فيها حيت شافها مبتسمة رتاح من جيهتها ) وعنداك داك ضرسة تاني تجبديها عليك ... !
سلمى : ( بكياتة ) لاء .... متناكلش عليهااا ...
أصيل : اجي نزلي عندي ( شاف عند سلطان ) داك القرعة دالما عافاك .. راه كاع وسخات حوايجها ...
نزلات سلمى من طومووبيل شادة هاداك العصي د غزل البناات لي قربات تساليه مقداتش تحطو ... وأصيل تايفزگ يديه وتيمسح ليها جلابتها من جوايه لي مغبرة فيهم أما سلطان تقلب كاع كايشوف فحوايج يتلف فيهم عينيه باش مايشوفش فيها بزااااف ... هو مولف ملي تتعجبو شي حاجة كاتبعها بعينيه ... هادي باغي يهرب منها !!!! كاحس بالشوفة فيها كاااتغرق !! لشي بلاصة غارقة مغايقدرش يطلع منها ....
سلمى : ( كاضور راسها لعندو هو لي تاينفضها ليها من جنب ) صاااافي راه ماتوسخاتش بزاف غير كاتفزززكها لييييياا ....
أصيل : بلااتي زگااااي ...
سلطان كان متكي على طوموبيل مربع يديه كايشوف قدامو مبتاسم غير فخاطرو على هاد الألفة لي عندهم !! كااايشوفو شحال حنيييين عليها وكايبان أب ! بحال شي أب مع طفلة ... واخا شافو قبيلة كيفاش غوت عليها ولكن وهو محني دابا تايمسح ليها حوايجها حس بالقشعريرة تملكاتو ...
شوية و هو يشوف السيارة ديال المصمم جايااا وسلطان لوح ليه و هو جا ووقف قدامهم وأصيل قاد وقفتو وعطا قرعة دالما لسلمى لي باقا واقفة شادة فهاداك العصي دالصوفة كتاكل منو ، ضارت للزاج تشوف وجهها باليها مقاد غير شعرها لي تعنكش شوية ... وحمدت الله على وجهها لي مدراتش ليه مكياج بزاف من غير كحل لي مضاااد للما هو والماسكارا .... اما تالبلاشر والهايلايت طااارو غير بالريح ديال طريق ....
نزل المصمم وحل لباب لور جبد علاقااات كباااررر عليهم ساشيات كوحل منقشين بالذهبي بالاسم دلامارك وحطهم على المقدمة دسيارة د أصيل كايوري ليهم ...
المصمم : بنسبة لي شوميز كوحل .. هوما تلاتة .... نفس السايز لي عطيتيني ... الفيست ها هي ( كايجبدها من الساشي ) كاينة غير وحدة لي فنفس هاد الثوب ...
أصيل باليه داكشي غايقضي غااااراض كيييما كاان غير يطلعو دغيا واخا هي شوميز كانت نفسها وتا الفيست مختلفين غير ففصالتهم اما ثوب كان نفسو دسروال هو واللون ..
حيد هاديك لاشوميز لي تقطعات وشداتها عليه سلمى و لبس وحدة من لوخرين بزربة تايخشيها تحت سروال وقاد السمطة ولبس الفيست بزربة وخا يدو كايحركها بصعوبة ولكن كايشوف راسو معطليين ، منصباح وهو كايدير جهدو باش كولشي يكون هو هاداك وكولشي تضرب ليه فزيرو بهاد الروطار دابا .. هاداك السيد هز الساشيات يلاه غايمشي و هو يشدو أصيل ...
أصيل : بلاااتي بعدا نخلصوك ...
المصمم : ( شاف فسلطان لي شاف فيه بابتسامة ) لا اسيييدي هادشي ديالكم مكنتخلصوش فيه ...
مشاا وأصيل كايرمش مستغرب باقا يدو فجيبو لور غايجبد الفلوس. ..وسلمى علات حجبانها مع آخر جملة " ديالكم ؟ " ديالمن !!! شكون هوما !!! عائلة الاسماعيلي اه .. ولاكن هوما علاش !
سلطان تنحنح وهز ساشيات لي جابو فيهم لحوايج دارهم فطموبيل ومشا ركب .. واصيل وركب تاهو وسلمى وزادووو ....
∆فالقصر ...
كانو كلهم كالسين فالصالون من غير قسم لي باقا خدامة فبيتها و جود لي خرج الاسطبل يكمي ويقاد افكارو ومورالو ....
عدنان : ماااتخلي تاااحد يسولك ، لي سولك تخطاي وزيدي ، ماااتعطي تاشي تصريييح ...
قدس : أصلا منضنش غايسول شي واحد ،المؤتمر رياااااضي أعمي ...
سفيان : وفهاد الغدا مكاينينش صحافة !!!
قدس : مكنضنش ...
حياة : شكون لي لول الغدا ولا المؤتمر ؟
قدس : الغدا هو اللول .. واقلة مع الجوج ولا الوحدة ..تانشوف مع اكرام ..والمؤتمر راه تااال ستة ...
مجات فين تجاوبها حياة تاكان أسبرو داااااخل كاااايجري
أسبرو : جااااو .. جا ...جااااو ..جاااااووو ....
حياة : ( وقفات حداه ) بششششوية بشششوية قققفزتيييينا ...
قدس : ( ضارت عندو ) ححححلف بالله ...
لامار : ( وقفات بزربة ) دخلووو لدار !!!
أسبرو : مزااال ..ولكن الكااارد حلووو لباب لول وشفت طوموبيل داااخلة ( مشا كايجري لصينية دتمر والحليب لي كان هاز و حيدوهاليه تايجيو ) مدي مددددي مدي هاديك ...
رتاج : وتااااايقربو بعدااا واش نتا تبقى شادددها بيديك تا طيييحووو .... !!!
أسبرو : ( بحماااس ) وغااا عطييييني دابا هومااا قربو للبااااب ... ونوليو نتجاااراو دااااك سااااع
عطاتها ليه مشا بيها بزربة لباب و لامار وقفات متوترة كاتشوف واش كولشي هو هاداك ووقفات حداها رتاج تاهي و حياة ...
أما رجال كانو كالسين وأسد كايضور تيليفون فيديه على هاد النسيب لي عطاه الله تاهو !!!!! مكان قدو فيل زادوه فييييلة .....
------------------------------------------
فالسيارة :
سلمى فمها كان محلول !!!!! مقدااااتش تجمعو ملي قربو لقصر وهي حالاه ودابا لي دخلو تحل كترررر !!!!! معارفاش واش تركز مع الإضاءة ديالو الخرافية ... ولا مع إطلالتو على البحر .. لا على الحراسة المشددة. .. ولا على الشسااااعة ديالو !!! ... ماحدهم داخليين بطموبيل ماحدها كتزيد تنباهر ... عكس خوها لي صدرو كاايضياق .. كل شوية دماغو كايسولو فييين غادي أ أصيل ؟؟؟ فييين !!! ..
أما هي ماكرهاتش طموبيل توقف تاتفرج على خاطرها ولكن سرعة لي كان غادي بيها سلطان خلاتها تشوف كولشي بززززربة ....
معارفاش واش تركز مع النقوووش لي فالاعمدة و لا الفسيفساء لي فالارض .... البرك المائية والخصات لي فكل بلااااصة .. الاشجاار ... كاتخيل المكان كيف غا يكون بالنهار !!!
وزادو تحلو عينيها كتر فاش شافت محطة ديال كازوال ! وفاش مشاو كتر بان مسجد تاهو .... ماحدهم زايدين ماحدها كتكتاشف كتر .. كاتشوف بعينيها لبعيد بانوليها ملاعب الباسكيط و تينيس ... ماقاداش تركز عينها ف حاجة كولشي كان كايبهر العين وكايخلييها تتوتر ....
لقات راسها مشاو فطريق طويل آخر وهو يبداو يتوضحو ليها معالم القصرررر .....
كانو الكارد مشتتين فكل مكان بالصونفيلات ديالهم ... والقصر بشوية بشوية كايقربو ليه وكايبان كتررر ....
كاان كولوو مضييء ... هي كاتشوفو فتصاور ولكن تشوفو مباشرة .. جاها بحال شي قصر فكتووري فالليل .... كولو متوهج .... ومحافض على الطابع المغربي فالفيسفاء ديالو وشااااسع بنوافذ كتيييرة وبالكووونات و قبات و سواااري ....
شافت قدامها و هوما يبانو ليها بزاااااف ديال الطموبيييلات مستفين نفس الشكل كحلين وعاليين ... وسلطان زاد كايقرب لباركينغ و هو يلقى تااااني الجيب دلوؤي قاطعة الطريق كيف العااادة مغايقدرش يقرب الطموبيل للدار ماعندو منين يدوز .... وتنهد ...
سلطان : ( شار بيدو لجيب دلوؤي ) المنظررر لي خاااصك تولفو ملي تجي عندنا هو أن هاد الطموبييل فيين ماجاب الله كتلاح ..... ( علا الفران امان واصيل كايشوف ) داكشي علاش غانخليوها هنا وغانكملو على رجلينا ... ما عندنا مانديرو لوؤي مسكين كايسحاب ليه غااا هو لي عندو طموبيل ....
أصيل تبسم وسط من توترو ... تحلو لبيبان ونزلو و سلمى بدات كتقاد شعرهاا مزيان على كتافها تاحل ليها لباب خوها ونزلات كتقاد راسها ومتوووترة .....
قرب لجهتهم الكارد بتحية ... وسلمى حلات لباب تهز هادوك لي صاك وهو يومي ليه سلطان ... وقرب عندها مامخليهاش تهز ورجعات بلور كاتشوف فيه خلعها بداك الطوووول كامل وتكلضيمة وكووولووو لابس الكحل .... هز كاع دوك لي صاك لي كانو لور فين راكبة ... وهز هرم ديال التمر و بواط كبيرة دشوكولا الخاصة بالخطبة .... أما أصيل كان واقف حدا سلطان كايهضرو ويتفقو على شنو يقولو لاسولوهم ...و هي تشوفو سلمى مقادش يهز البوكي د الورد يديه عمرو وقالت وهي خيفانة منو ...
سلمى: غ غير خلي الورد أنا نهزو ... لابغيتي ..
اشار ليها الكارد براسو ومشا بزربة ... وهي بقات كترمش خلعها !!! هزات البوكيه ... وسدات لباب وقربات عند خوها
سلمى : صافي ! ...
سلطان يلاه غايزيدو وهو يشوفها جاية من الباركييينغ .. وأصيل ضار تا هو ....
قبل مايدخل للقصر كان علمها أنه وصل لباب ديالو ونزلات من السانسور للباركينغ باش تتلاقاه .....
------------------------------------------
لداخل...
أسبرو كان واقف فلباااب فرحان هاز صينية دهبية فيها لحليب وتمرررر بغاو يحافضو على العادات وحياة كطل براسها واش يبانو جاييييين هي ورتاج ولامار و شوية جات قدس تاهي قربات عندهم ...
لامار : صاافي قرربو !!
حياة : ( كطل ) مزاال مابانووش ...
لامار : رررجاااااء .. صافي قولي لشييييف يحط كولشي فجردة .... أويلي فييين جود ( ضارت موراها ) جوووود ...
قدس : خرج قبيييلة ...
لامار : شكون غايتلااقاااهم !!! نمشي أنا !
حياة : وراه معاهم سلطان ..
لامار : اويلي لا شيحد يخرج حشووومة أول مرة غايجيو غيكونو حشماانيييين ....
لوؤي : ( قرب ) انا غانخرج ... غا خليك ...
قدس : ( تابعاه ) نمشي معااااااك ..
خرج لوؤي وتبعاتو قدس كتجري بطالونها ... ولامار ضارت موراها كان أسد وعدنان وسفيان كالسين فالصالون وآية معاهم كاتشوف بعينيها تاهي ووتسنى ورجعات شافت فرتاج وحياة واسبرو لي فلباب ...
لامار : ياك كولشي هو هاداااك ؟؟؟ نقصو الكليما ! بردات دار بزاف ...
رتاج : راه غايدخلو .. وتقوا الهضرة ويسخن الحال تاني غا خليها ...
حياة : ( ضارت موراها عندهم ) نزغرتو ملي يجيو ؟
اسبرو : اه واجي ضربي شقلاااايبة هنا فالدروووج تاهي
لامار : نزغرتو باش يجري علييينا أسدد نكملو الخطبة فالخلا .. ( ضارت عند رجاء ) رجاااء طلعي عييييطي لقسم قوليها شوية ونزلي راه وصلو ...
رجاء : حااضر ...
فالخارج ...
أصيل ضور راسو لعندها هي لي جاية باتجاهم بابتساممتها لي كتسحرووو ، غير شافها نسى كاااع اش دوز هاد الليلة ... اما هي غير شافتو بهاداك الكوستار علات حجبانها بإعجااااب ... وبحركة لا ارادية عضات على شفتها مبتسمة !! ... مامصدقاش كيفاش كايبان بالكلاص !!!! ... وحاولات تجزم على أن هادي غاتكون آخر مرة يلبس هاد الستااايل ... مايمكنش تشوفو شي وحدة بحال هاكا وتثبت فبلاصتها وتقاومو !!! مستحيل تخليه بحااال هاكا بووووحدو !!!!! اخر مرة غااايلبس كوووستار ..... قابلة عليه بالدجين ديالو وتيشورتاتو الكحلين !! .... تاعين مااشتشوفو بحال هاكا منغير عينيها مزال ....
سلمى شافتها وابتاسمات برقة بقوة ما عزيزة عليها ... أما سلطان عينو كانت عليها هي .... لي فكل غفلة عينو كتمشي لعندها ..... وهي هازة هاداك البوكيي دالورد لي مغطي نصف وجهها .. كايبانو غير عينيها ، عينيها لي مخصهمش يبانو ليه ... باينيين !!!
تقدمات قسم لعند أصيل وتعلات ببوسة خفيفة لحنكو خلات سلطان يعلي حجبااانو !!!! آش هاد الضصارة كاملة مضاصرة هي وياه !!!
وخلاتو وتقلبات عند سلمى ..
قسم : مرررحبااا بسلمى .... ( سلمى بعدات عليها البوكي وقربات عنقاتها ) على سلاااامتكم ...
سلمى : ( بعيون فرحانين ) شكرا ... ( طلعاتها وهبطاتها ) جيييتي زوينة ...
قسم : مااانكونش حسن ممنك نتي ( شافت فيها ) هاد الأناقة كااااملة علياااا !!! ( قادات ليها شعرها ) توووحشتك فخبارك !!
سلمى : نت مابقيتيتش كاتجي ( شافت فاصيل ) صافي داك خويا .. نسيتيني انا
قسم : ههههه لا بالعكس ... على انا شكون بغيت اللول نت ولا هو ؟ هههه
سلمى نزلات راسها ضاحكة ... وهو يبان ليهم لؤوي وقدس جااييين .. وقدس لي جاية كتزرب ورا خطوات لوؤي فرحاانة و ضاااحكة ومتحمسة... وسلمى غير شافتهم سرطات ريييقها وقلبها بدا يضرررب بجهد وقسم معنقاااها .... لوؤي شاف قسم تما وعلا حجبانو ! هادي امتى نزلات ! منين نزلات ! علا عينو وشاف فأصيل وقرب عندو مد يدو سلم عليه ...
لوؤي : على سلااامتكم ..
أصيل : الله يسلمك ...
لوؤي : ( شاف لطوموبيل واخا عارف الأمر ماعندوش علاقة بطموبيل ) صلحتووها !
سلطان : سي تصلحات .. واايلاه مغانبقاوش واقفييين ...
أصيل : ( مد يدو سلم على قدس تاهي لي واقفة ضاحكة متخبية ) كيبقيتي شوية !
قدس : لا بيييخييير ... الحمد الله ...مرررحباااا بيكم
اصيل : الله يكبر بيك اختي ...
ضارت بعينيها كاتقلب على سلمى كانت حدا قسم معنقاها وهي تعوج معاها براسها ....
قدس : اااه هاديي هي سلمى !! سلااااام !!!! ...
سلمى عينيها لمعوو .... سرطات ريقها كاتقول واش هي هادي قدس ! واش هي زوينة قد هاكا مباشرة !!!! واش هو هادا لؤوي !! ... حسات براسهااا تلفات ولوؤي تاهو تقلب يشوف فيها و هو يعلي حجبانو بجوج بيهم بإاعجاااب !!!!
سلمى : ( بإحراج ) ا .. اه أنا ...
قدس : ( قربات وسلمات عليها بلابيز معنقاها ) مرحباا بيك اسلمى ... انا قدس ...
.سلمى : ع عرفتك ( بضحكة كتحس براسها بغات طييير ومابغااش تبين ) م .. متشرفين ...
لوؤي : ( مد يدو ) مرحبا بيك ..
سلمى حسات بإحراااج كبيير ومدات يديها بشوية وسلطان علا حجبانو !!! كيفاش هو مدات ليه يديها تسلم ! علاش ملي مدها ليها هو قاليها تنزل من طوموبيل مشداتش فيه !!! كتشد غافيمن بغات !!! ... سلمات عليه بزربة وخطفات يديها محرجة ولوؤي كايشوف فيها ! ورجع بلور .. حيت عارف الشوفة الأولى ليه ... والتانية خصو يجمع راسو ...
سلمى : ( مدات لبوكي لقسم ) هدا ديالك ...
قسم : اوووو شكككرااااا زوين بحاااالك .... ( عطاتو لقدس ) دخلو نتومااا احنا جاييييين ...
قدس : ( علات فيها حجبانها وقالت بضحكة بين سناانها) كيفاش احنا جاييين ؟؟
قسم : مغانتعطلووش .. غا سيرو قدامنا ...
لوؤي شاف فسلطان لي وما ليه يمشيو ماايحكرش ... هادي راه مكتحشمش تجمعهم حب وتبن ... وقدس عنقات سلمى شادة البوكي ...
قدس : يلااه زيدي مرررحبا بييييك .... ( شافت فيها زايدين وسلطان ولوؤي فالقدام ) جلااابتك زويييينة !
سلمى : ( باحراج وفرحة لي صدقات تاهي ضريفة بحال هاكا ) ششكرا ربي خليك ...
لوؤي : . ايوا .. شنو فللتنا علييينا هاد المرة ؟!
سلطان : اشنو نبقى غير انا لي كنفلت .. هاهي الزردة المهووورة كانت كتسناااني ....
لوؤي : اهاه !
سلطان : ماكاين ما اهاه دابا ...راني باقي ديخان .. نشربو قهوة ويكون خير ...
لوؤي : اجي ! مال هاد ختو على هاد زين كامل ! ( علا سلطان حجبانو يلاه غايضور عند قدس هو يشدو بزربة كايضحك ) رييح أصااحبي ههه ...
سلطان :والله ماكاتحشم ....
________________
عند أصيل وقسم ...
غير هوما مشاو وهي دارت يديها ورا ظهرها و ضارت عندو
قسم : اوا هااانتا جيييتي اش ووقع !!!!
اصيل مبتسم فيها وهي معوجة راسها معاه ... شاف للجنب واش مشاو وجبدها من دراعها لعندو تاتزدحات فصدرو .... ضحكات وعنقاتو بيديها جيهة عنقو وعلات راسها فيه ...وهو حيد الشعر على وجهها ردو لور كايشوف فملامحها ..
أصيل : توحشتك ...
قسم : ( زادت عنقاتو وحطات راسها على صدرو ) تا انا .... ( رجعت علات راسها فيه ) علااش راسسك قاسسح علاااش .. علاااش مكاتناقش بحال ناس !! دغيااا تاتخااااصم ..و دغيا تاتعصصصب.. بقا تعطيني وقت نششرح تانا ... !!
أصيل بتاسم ليها كايدوز يدو على وجهها توحشها ، وتايحس بيييها كتهدئو من هاد الليلة الصعيبة لي دوز واحسن مادارت هي جات هي لولا عندو قبل مايدخل .. هي لي غاااتغييير ليه المورال وترد ليه الثقة فراسو ... وترد ليه الثقة فقراااارو ... ويزيييد يحااارب ..
أصيل : وخاصك تعرفي انو لي دغييا تايتعصب ... دغيا تايبرد ... خليه يبرد وناقشيه .. وماتناقشيهش وهو معصب ...
قسم : ( تبسمات ليه كاتشوف فعينيه ) كون حساابتني تايجي معاك الكوستار بحال هاكا .. أنا لي منخليكش تلبسو فالباطو ماشي نتا .. كون كاع منوضنا هاد الصداع ...
أصيل : هههه .. علاش الكوستار ليكان سبب الصداع بيني و بينك فنظرك ؟
قسم : عاارفة ماشي الكوستااار .... ولكن ( قاطعها )
أصيل : نساو هاادشي دابا .... غانطويوه .. ومغايتعاودش يتجبد ... واخا !
قسم : ( حركات راسها بالإيجاب هايمة فتفاصيلو بحب ) قوليا متنحلمش !
أصيل : هه ... ياك قتليك كتستاهلي الريسك ! اوا هانا ريسكيت وجيت ..
قسم : وهانتا جيتي آش وقع هههه تقطعات ليك شي يد ولا رجل ؟ ههه غا كنتي خايف على والو ...
اصيل: ( تايدوز صبعانو تحت جفونها ) مال عينيك عيانين !
قسم : راه من داك الليلة للكحلة لي دازت عليها مع قدس ملشفت النعاس .. ( شافت فيه بحب وعنقاتو من عنقو) دابا عاااد غانرتاااح وننعس شوية ....
اصيل : بببعدي راسك ماباغيش نبوسك
قسم : ههههه ( قربات بشوية لشفايفو ببوسة خفيفة دغيا رجعات لور باش مايشدهاش وهو غمض عينيه ) انا نبوسك متخاافش ههه
أصيل : هههه نتي راه كاااتقلبي عليا ( شاف قدامو ورجع شاف فيها ) يلاه ..راني معطل بلا منزيد عاد هنا ...
قسم : هههه ( جراتو من يدو وزادو وضارت عندو براسها) مسسستعد !
أصيل : بقاي غير حدايا .. عنداك تنوضي ...
قسم : ههههه ياك باراكا عليك غير باباا ! ولا لا!!
أصيل : دابا غير ماتفكرينييش فبااباااك راني مرونها معاه
قسم : حيت تعطلتي زعما !
أصيل : اممم ...
قسم : ههه متخافش ....
اصيل : ( علا ليها يديها لفوق ) اش هاااد الزييين !
قسم : ههه عاد بنت ليك هههه
اصيل : ( دارها تحت يديه ) عحبتني فالمؤتمر ديالك لبارح ....
قسم : بصااااح ( شادة يديه لي على كتفها معلية راسها فيه ) ععجبك الرد
اصيل : سي .... ماعندي مااايتسالك .... ( باسها من خدها ) ...
تبسمات ليه وزادو ضاحكين وهو كل مرة يتنهد برااااحة ....
فباب القصر ..
واقف أسبرو ببلاطو وضاحك تاالضرووسو وموراه حياة ورتاج ولامار وآية لي قربات ليهم تاهي بالكرسي ....
أسبرو : ( كايهضر وهو ضااحك بعينيه وفمو وكووولشي ) هاهوما جااااااو ... جاااو
رتاج : ( طلات براسها على الكارد لي مدخل اش جاب اصيل ) تباااررررك الله ...
حياة: واااهانتي مااقصرررش من جهدو مسكييين .... تمر هاداك ؟؟؟؟؟؟
الكارد دخل هو اللول مدخل داكشي وهوما تايشوفو معاه معليين راسهم بإعجاب ورجاء وجهاتو يحطو تمر وشوكولا فوق طبلة وهزات عليه لي صاك للداخل ورجع خرج .... ولوخرين يلاه جايين ...
رتاج : ختووو هادييييك !!! ..
مع قالتها مع طلات دغيااا حياة ولامار ...
لامار: مشااااااء الله ...
حياة : يااااااختتيييي شحال فنة ......
أسبرو : ( معاهم ضاحك كايشوف فيها) توماا فيييين للعريييس أصصصكعااات هادي شتها جاية بوووحدها !!
رتاج : يمكن يكون موراهم ...
أسبرو : ( ضاحك ضحكة واااسعة ) مااموراااهم تاحد .. ههيهيهي .. مرحبااااااا مرحباااااا ... ضرربووو الفگد فيييين العرييييس هادو شتهم جايين بوحدهم ...
سلمى علات راسها لباب لقصر وهو يبانليها اسبرو بالصينية واقف وموراه لعيالاات ضاحكات ليها ... عمرها ماحسات بهاد الحماس كامل ... بحالا تهزاااات من سريرها ودخلات وسط هادوك المجلات .. كل مرة كاتقول هادي حلمة وغاتفيق منها مستحيل هادشي يكون حقيقي .. ولكن يد قدس لي فوق من كتفها ... ضحكة سلطان .. بارفان لوؤي .. كاانو كتررر من حقيقيين ... عينيها كايلمعوووو فرتاج وحياة ولاماررر مقادرتش تخبي الإعجااب وكتحاول تتحكم فالرجفة ديال اطراافهااا .. وطلعات بشوية فدروج .. وسلطان ولؤوي وقفو قدام أسبرو ...
سلطان : ليينا هادشي !
أسبرو : ( بالهمس كايحلف ) غاتقييس شي حاجة غانهرسك ( رجع شاف فسلمى ضاحك ) مرحبااااا ..مرحباااا ...
رتاج : زييدي يابنتي زيدي مرحبااا بيك ...
حياة : ياختي يااختي ياااختي شحال فنييونة ...
آية : بغييييت نشوووووف ...
جراتها لامار للقدام تاهي ووضحكات فاش شافتها .. جاتهم الأجواء غريبة حيت أول مرة يجي شي ضيف خااااص بيهم لهاد درجة ... وغايدخل وسط منهم وخصهم يتعرفو عليه حيت غايولي واحد منهم ...
سلمى وقفات قدام أسبرو وكاتشوف فالنساء بعيون كاتلمع وكاتشوف قدامها ف صينية حشمانة وقدس حداها ضااحكة
أسبرو : زييدي أختي هزي ...
سلمى هزات يديها بششوية لكاس دالحليب ولكن يدييها كانت كترررعش وحياة شدات على فمها من هاد البنت شحال كتبان حشومية و رتاج مبتاسمة بحنان هي ولامااار وسلمى ماقاداش تتحكم فيديها بالفرحة والخلعة والحماااااس .. يلاه قاست الكاس بدا الحليب كايتزعزع فيه بسبب رعشة يديها وحيدو ليها سلطان ...
سلطان : بلاتي بلاتي غاتزلعي هادشي ... نتي ماباغاش تحيدي منك هاد لخلعة خلاص !!
حياة : علاش مخلووووعة أحبيبتي !
سلطان مجاوبهاش وشد داك الكاس دالحليب وقربو ليها
سلطان : هاكي نعاونك ...
سلمى علات عينيها فيه وهو يضرب فيهم ضو وبانت زرقتهم تاني خلاتو يتلبك من جديد ... مقرب ليها الحليب ... وبإحراج قدامهم هوما لي ضاحكين كايتسناوها قربات عندو و شربااات غييير بطراف شفاييفها .. كتحس براسهاااا بغات تبقى بوحدها غييير تننننققققز وتغوت ... عاد ترجع عندهم ... ولكن متحكمة فهادشي فلداخل ديالها ... وحياة كاتشوف فيه كايشربها الحليب وضارت عند لامار كتغمززز ليهم ضاااحكة ولوؤي كيضور فراااسووو كايعرفووه ملي تتعجبو شي حااااجة ....
يلاه كاتبعد راسها بمعنى باراكا ... وكايزيييدها وحشمااات تبعد وبدات كتشرب واسبرو حس بيها كتشرب بززز حشمانة منو ....
أسبرو : وا صافي راه ماشي عطات الدم ... غاتقيييها .. عطيها تمرة ...
سلمى : ( هزات يديها شادة على فمها كضحك من هضرة أسبرو ) هههه ش ... شكرا ...
سلطان خدا تمرة ومدها ليها وهي مزيرة على يديها لتحت ومالت عندو بشوية عضاااتها ولامار مربعة يديها كاتشوف فيه آش كايدير !!!.. ونظرات لي تايدير فيها .. !!!!
بعدما عضات شوية بعدات راسها مبتاسمة بشوية وهو بقات فيديه هاديك تمرة ... شاف فيها ولاحها كاملة ففمو تاياكلها ... وقدس شدات على فمها وشافت فلوووؤي بمعنى شووووف كااضحك ....
حياة : ( بعدات اسبرو وقربات عندها ) اجي ابنتي زيدي دخلي ( سلمات عليها بلابييز معنقاها وسلمى كرشها تلوااان من هاد الحظن الحنين لي دارت ليها ، وبعداتها شداتها من كتاافها كتشوف فيها ) لااباااس ! وصلتو مزيااان ؟
سلمى : ( باحراج وحماس و عينين كايلمعو ) لل لا لاباس .. ح حمد الله ...
رتاج : ( تقدمات تااهي ووعلات عينيها سلمى فيها وحسات براسها غاتسخف قدام أكتر مرأة معجبة بيها ) سلااام ( عنقااتها ) على سلاااامتكم أبنتي ...
سلمى عنقاتها وماقدرتش تفصل العناق ومكرهاتش تبقى بحال هاااكاك معنقاااهاا كتحس براااسها كتحلللم ... والى فصلات العناق غتتفيييق ... ورجعات بعدات باشما تعيق ووجها ولاا حمررررر وسخون ووحناكها حمااارووو ..
سلطان مد يدو لداك صينية هز داك الكاس لي شربات منو زاد دخل هو ولوؤي وهو كاايشرب منو تااسالاه حطو للناذل فالصينية وزاد ...
لوؤي : كنتي تجيب خاتمك وكمل خطبها وصافي ، اش خليتي !
سلطان : واحضيييني انا ماعندك مايداااار !!!
سلمى علات عينيها فلاماررر لي ضحكات ليها ومدات يديها تجي عندها ومشات ولامار عنقاااتها ....
لامار : مرحباااا بيييك أبنتي ( معنقاها ) غزااااالة .. تبارك الله ....
سلمى فحضنها حسااااات ببززااف دالحنان لدرجة عينيها دمعو ... فاحضانهم كاملين كان واحد دفئ ولكن ديال لامار كان خااااص ورجعات علات راسها فيها ولامار دوزات يدييها على وجهها وشعرها ...
لامار : ماشاء الله بحالك بحال خوك الله يحفظظظظكم ....
شافت آية فالكرسي وهي تعلي حجبانها .. من ديييما كاتموت عليها ومكتلقاش تصاورها بزااااف وعزيزة عليها غير من تصااوررر وتحناات لعندها على ركابييها وعنقاااتها وآية تاهي عنقاتها ملي شافتها ضاحكة وضريييفة و متواضعة ونزلات لعندها ....
اية : سلااااام ( معنقاها وسلمى بعدات ) مرحبااا بيييك .. أنا أية ...
سلمى : ( بفرحة) عرفتك ( كتقاد ليها قصيصة لي على جبهتها) زويييينة بزاف بحال التصااااور .. مامتييقاش كانشوفك قداااامي ....
آية علات عينيها فمااماها بضحكة واش عندها معجبة بحال هاكا ! وسلمى وقفات كاتشوف فيهم والفرحة فعينيها وفمها مابقاش تجمع بضضحكة مامتخيلاش راسها واقفة قدامهم واسبرو باقي واقف شاد هاداك بلاطووو كاتسناااهم ..
رتاج : فيين خوك احبيبتي !
رجاء : (تقدمات عندهم بسرعة ) مرررحبااا مادموزيييل ... ( سلمى شافت فيها تبسمات ليها حيت ماعرفاتهاش ورجعات شافت فرتاج تجاوبها ) المادموزيل قسم ماكيناش فبيتها أمادام ...
سلمى : ( ل رتاج ) ب برا .. مع قسم ...
لامار : هههههههههه ( بدات كتضحك بالفقصة ) اااه هوما علا برا ؟؟ ههههههههه ماعلييش .. ههه ( شافت فرتاج غاتفركع بالاعصاب ) منييين دازت كاع مشتهااا ؟؟ اااه. اوا ماعليييش ...... ماعلييش .. تلاقاتكوم هي برااا ؟ هههههههه بنتي مسكييينة ههه فرحانة ...
رتاج ضارت شادة على راسها وحياة جاتها السخفة ...
اسبرو : ( بالفقصة خرج للضحكة كون شدها كون نتفها) هههههه بنت لااامار ... الله يييحجبببها .... كاتوقف على شغلها بيديييها ... الله يححححفظهاااا
رتاج : ههههه ماااعليش ...ماعليش ..( شادة فقصة غابزز ) غ غايتعطلو ابنتي !
قدس : شوية غايجيو اشمن غايتعطلو راه غااسلمااات عليه ...
أسبرو : ( بضحكة ) هااااهووومااااا ...
قدس : ( جرات سلمى) أجي ندخلو ماتبقااايش فلباب ...
جرات سلمى والبوكي فيديها تادخلو لداخل وهي ماقاداش تشوف مع اركان القصر باش متعيق واخا كتحس براسها كاتزطم على رخام خرااافي وإضااااءة خيالية ... غي هزات عينيها ...وشافت شكون لي واقف قدامها .... وقفتها تزعزعااات ونسات على كيفية المشي .. ومابغااش تبين .. مامتيقاش بلي واقفة قداامو .. هو لي تبسم بحنية فيييها فجنبوو عدنان وسفيان تاهوما .. سرطات ريقها جوج دلمرات .... كاتحس ببزاف ديال الهييبة قداامها فتلاتة درجااال ... قلبها زاااد كايييضرب وشافت فأسد وهي تقرب عندو وقدس حطات البوكي على الطبلة وشافت فيها ...
قدس : هادااا بابا ... هادا عمي عدنااان .. وهدا عمي سفياااااان ( شافت فيهم ) سسميتها سلمى ...
سلمى : ( بدون شعور وبرجفة ) ك ك نعرفهم .. كنعرفهم ...
قربات لعند أسد ماعرفااااتش واش تبوس يديه احتراما للعمر ديالو ... ولا غير تسلم ولا اش دير !! تاكان جبدها لصدرو عنقها خلاهااا مووسعة عيييينيها و معدتهااا تقلصاات تاجاتها الرررردة بالتووتررر وهو حاس بيها شحال كترعد وترعش ...
أسد : على سلامة أبنتي .. مرحباا بيك ...
مكانتش قادرة تاتهز يديها تحضنوو بالحششمة والاحترام ليه وهي بعدات وعلات راسها فيه غادي تبكي وهو شد وججها ...
أسد : لاباس عليك ؟؟
سلمى علات عينيها فيه بشوية ... كان منزل راسو لعندها .... قرات فعينيه بزاااف دالحنان .. يديها كايترعدو وتوازنها اختل وهي تتشوف فيه كيفاش حاضنها ... " لاباس عليك " بدات تعاود فودنيها بها داك الصوت لحنين .. حسات بصح كايسولها واش لاباس ؟ ماشي غير تحية .. عاااد فهمات علاش اصيل قاليها لقيت أب!!!! واش هدا هو شعور يكون عندك أب !!!!! كل حظن فهاد الدار ظعفااات ليه... هي .. كوحدة مكتعىفش الاحظااان .....
طاحت دمعة بلا متحس واخا شفايفها ضاحكيين .. و أسد شاف فعدنان لي علا حجبانو بقات فيه ! ورجع عنقها عندو كايتنهد ماهضرش كيطبطب فقط على ظهرها وعدنان شاف فسفيان وهي مع حضنها مع نزلو دموعها كتر.. ماعارفاش علاش دارت هاد الحركة ... علاش نزلو وحشموووها بحال هاكا وقدس شافت فيها بحزن ... وسلطان ولوؤي من بعيد مفاهمينش علاش رجع حظنها واش تتبكي ! ... وهي تبعد بشوية باش متعيق كتمسح فدموعها ولي أسد حااس بيها .... وحاس بضعفها تجاه العاطفة....
سلمى : .. ل لا باس .. حح حمد الله ..
عدنان : ( مد يدو لعندها ) هاد البكاية الصغيرة هادي ههه فرحانة لخوووك ؟ ههه ( عنقها عندو )
ضحكات وهي فصدرو .. ماقادراش أبدا تتحمل كمية الللطااافة و الحنية لي كاينة فأحضااانهم .. ورجعات تاني شافت لعند سفيان لي ضحك ليها وقربات عندو وهو عنقها ...
سفيان : ( جابها قدامو وبدا تيمسح ليها دموع ) مجاوش معاك هاد دميعات ..
سلمى : ( كتمسحهم بزربة متوترة ) غ غي .. غي راه حيت .. تت تشرفت بيكم ...
عدنان :الله أودي أبنتي ..
بقات منزلة راسها وكلسات فاس شافتهم كلسو وقدس كلسات حداها مبتسمة فيها وهي ماقاداش تعلي عينيها من الأرض .... عارفة حاجة وحدة ... انها مكرهااااتش ماااتخرجش من هاد الدار وتبقى معاهم لآخرررر عمرررها .... كمية الدفئ والحب لي شافتها غير فاستقبالهم هزااات كياااانها من داااااخل .....
فالباب ....
كان جاي أصيل وقسم شادة فدراعو ولامار مغددة علييها بغات تعض فيديها وضاحكة غابزز مفقوصة .... ورتاج وحياة جاتهم الضحكة وأسبرو كايضور فراسو ...
حياة : ( بين سنانها ) تبااااااارك الله وصلاة على نبي اش هادشي ؟؟؟؟ حگلها مسكينة مااتسطى حگلهاااا ..
رتاج : ( تحت سنانها بضحيكة فيهم ) أنا بغيييت نعررررفها غااا كيدارت خرجااااات ..ياك من قبيلة و حنا هنا.. تكون خرجات قبل ؟
أسبرو : ( ضاحك تال ودنيه كايهضر بين سنانو ) من لعااااصر وانا هنا .... هادي نقزات من الباااالكون ... شافتو ولات باااطمان .. فيييينك أرقية فيييينك .. شوف كييي شادة فيه .. هو حشم وهي لا ...
لامار: هاديك غاا بلاااتي عليها غاابلااتي ( كاتشوف فيه ) شووفووو شووفووو كيجاااااااكم نسسيييبي .. شووفووووو الزين والقلدة وطووولة والتجريدة و التگديييرة ..
رتاج : لا لا دابا عااااد ركزت فيه .. مشاااءء اللله ...
حياة : لقيييييت علامن نتوووحم ...
أسبرو : ( قربو عندو وهو يضحك ) مرحححبا مرررحبااااا بحفييد راااايس سييييدي ....
أصيل : ( علا حجبانو مفاهموش طالع فدروج وكايبعد شوية من قسم لي محشماناش وعندها عاااادي وهو تايحيد ليها يديها ) بارك الله وفيك ... ( قرب عندو ) هههه هادشي ليا !
أسبرو : على حنا شحااال عندنا من نسييييب راه غااا واحد ...
رتاج: ( ضرباتو لراسو ) ووولدي أناااا فين خليتيييه !!
أصيل : هههه ( علا عينو شاف فيهم هوما لي ضاحكات ليه وبااان مزاااجو زوييين لي صلحاتو قسم وكمل ليه دابا بهاد الاستقبال الزوين ورجع شاف فيه هاز داك الكاس دالحليب ) كيبقيتي نتا شووووية !!
أسبرو : لااااا ينقصنا إلا النظر في وجهك العزييييززز ...
قسم : اووو !!!!!!!
أصيل : هههه ( شاف فيهم كايقرب الحليب لفمو ) غييير نشرب !!
رتاج : هههههه غير شرب أولدي والله مادايرين ليك شي حاجة ههههه
ضحك بعينيه وحياة ضارت عند لامار كتهضر غير بالحس على جمال ضحكتوو وقسم شادة فدراعو كاتشوف فيه فرحاااانة ..
حط الكاس وأشار ليه أسبرو لتمر وعض منها و عطاها لقسم و حياة كضحك ...
حياة : الله يككككمل ياااااربي عليييييكم مواااتيييين غزااالين ....
قسم : ههه آمين .. هادي مرات عمي سفيان حياة .. مرات عمي عدنان رتاج ديجا تلاقيتيها و ماما .. وهادي الفنكوشة الغزالة بنت عمي سفيااان ...
أصيل : ( مد يدو سلم على حياة ) مشششرفين اختي ..
مد يدو لرتاج تاهي كايشير براسو بتحية وعاود مد يدو لامار لي جبداتو عندها عنقاااتووو و تاهو عنقها وباس على راسها ...
لامار : مرحححباااا بيك أووولدي .... ( بحنية فعينيها ) فدااركم الثانية ...
أصيل فهاد اللحظة مكرهش يعاود يعنقها ... مرأة كتخليك تحس بحالا كتعرفها من سنيييين !!!! ....
وتحنى لعند آية ...
أصيل : سلاااام !!! لاباس ( كيلعب فشعرها )
آية : ( بحماس كاتشوف كيفاش نزل عندها تعطاوها اهتمام هو وختو ، عكس المجتمع لي كتعرف ولي مكايردش ليها لباااال منغير عائلتها ) لااابااااس ... ( كاتشوف فيهم فرحانة ) جيييتي نتا وقسسسم زويييينين ...
أصيل : هههه شكرا ... ( مد ليها يدو ) سميتي أصيل ..
آية : ( سلمات عليه ) أنا أية ...
ضرب على نيفها بحنية ووقف وهي كاتعلي عينيها لماماها فرحاااانة وبانت فعينيها شحااال عجبهاااا وبغاااتووو ..
لامار : زيييد اولدي .... راهم لداخل ...
زاد أصيل اما لامار مشات جرات قسم من لور تبعد منو لي كتومي ليها غير براسها بشنو !!!! .. وهو ضار براسو كايقلب عليها ... وهي ضحك ليه لامار باش تبعد دوك ملامح لي كانت دايرة فيها .... ورتاج وحياة تابعينهم واسبرو من لور هاز الصينية وجاي كاايتكسول موراهم معلي راسو لفوق حيت هو لي استقبلهوووم وفكرة صينية دتمر والحليب فكرتو ....
أسد وعدنان وسفيان غير شافوهم ناضو وقفو .. وأصيل غير شاف أسد تبسم وقرب عندو سلم عليه بالكتاااف .... وبالوجه .... وأسد ربت ليه على كتفو و داز عند عدنان كذالك و سفيان لي الشوفة لولا فيه ارتاااحو ليه وبان ليهم شحال بعقلو ومرزن ...
وزاد جلس حداهم فاسحين ليه المجال .. اسبرو تاهو حط الصينية وكلس هو داير رجل على رجل معلي راسو للفوق .. وقسم كلسات حدى سلمى .. منبعد ما طبطباات على ظهرها بلطافة ...
عدنان : نهار كبير هدا تعرفنا فيه عليييكم ...
أصيل : الله يكبر بيك شكرااا ...
نزل اصيل راسو باحراج وقسم كاتشوف فعيالات عمامها فرحانة وترجع تشوف فيه هو لي كالس وسط عمامها كييييف تمنااااتو !!!!!!
تقدمو المساعدات مقدمين ليهم ضيافة ... ولامار مقاداها فرحة غير كاضور وتضحك .. قدس كانت بحالها .. عينيها غير على أصيل وسلمى ... ، اصيل كان كالس برزانتو المعتادة وابتسامة خفيفة لبقة على شفايفو .. وسلمى وجهها حمررر ومبتسمة ابتسامة كتبان على عينيها منزلة راسها لارض كتطلعو بشوية لادوا معاها شي حد ....
حياة كانت حاطة يديها على وجها وكاااتشوف فيها باعحااااب ... هو يرد ليها لبال اسبرو ورجع بظهرو لور كايهضر معاها ...
اسبرو : غااااتوكلي على الله ...
حياة : ( مصغرة عينيها فيها كاطلعها وتنزلها باعجاب ) زعمماااا !
رتاج : ( رجعات تاهي بلور ) سربي ... راه لاجات اريج وشافتها والله لاخلاتها ليك ...
حياة: ( علات حاحبها ) والله لاااادااااتها .... هااادي دولدي ...
اسبرو : هو راه شررربها الحليب وتمر ... بقى ليكم غا لعدول ...
حياة : نخاف مايبغيش عليا
رتاج : اويلي وهو عينيه قبيلة كانو غايخرجو ونتي تاتقولي مايبغيش
اسبرو : عنظها الحق ولادكم جلايخ ... تااااكايحردوهم عاد كايفكرو فالمعقول ... سيير دابا شحال من حيط غايكاليها معاه وشحال من دموع غاتبكي عليه وشحال دصداع الراااس عاد يثولك نتزوجو .... تريكتكم كنعرفها ....
لامار: ( قربات عنهم تاهي ) داك البنت حمقاااااتني .... كون كانت صغيرة شوية كون خليتيها لوسيم ديالي
رتاج : ها لي قلنا ....
حياة : ديتي الولد الله يخلف ... ( كطلعها وتهبطها ) شوفو شوفووو .. بالله مغانيدر شي وحدة ش يعروسة حسن مني لاداك الجحش دار عقلو ...
رتاج : تبتيه قولي ليه غا الخطبة راه يطيرو بيها وتلقى يديك وريح فين غالقاااااو ليك بنت ناس بحال هاكاااا ...
لامار : وااااهي دسلطااااان صراحة وباينة عجبااااتو الصكع ...
رتاج : اوا نوضو نجمعوهم خطرة وحدة وصافي ....
اسبرو : شووو الحشمة تبارك الله شوف .. غا ديال الماااكلة تشييز كيك بالفرومبواز .... ( شاف فلامار ) ماشي كي بنتك ....
لامار: اخويا لاجابت ليا واحد بحال هدا غاااا خلييييها .... ( كاتشوف فيه ) ذوقها يحال ماماها تبغي الحروشية الجنية ...
سلطان هز على الناذلة ضيافة لي مادة .. حطها قدامو وهز عينيو تاني فيها ولوؤي كايضور الكاس فيدو .. كايشوف فيه ويرجع يضور فراسو ...
سفيان : ودابا صافي راه الوقت كااامل غادي يديه ليك الإصلاح ... راه تبني وماااتصلحش ..
أصيل : سي .. خصوصا أنا ماعنديش تجربة بزاف .. مكانش تايحسابني هادشي فيه قد هاكا د تمارة !
عدنان : صلحنا حنا واحد ديبو كرهنناا فريحة الإصلاح .. تاباش تقول هوما مكلفين بنادم يمشي يرتاح تاتجي مرة مرة يطل عليهم مايمكنش .... مغاتلقاش داكشي كيف بغيتي لاموقفتيش عليييهم ...
أصيل : ومغايساليوش تا فالوقت ... شحال من مرة متانكونش ولا تانجي على غفلة كالقاهم گالسين ..
سفيان : لا ضروري توقف على شغالك بيدك لابغيتي يطلعو شي حاجة مزيانة ...
أسد : لا لا طالع داكشي مزياااان ... تا الموقع هالكاه غير داك طريق .. إلى تصلحات راه مخير كاع ...
لوؤي : هي صافي لقينا فين ناكلو الحوت فابور !
أصيل : ( شاف فيه بابتسامة ) ههه الله أودي ..
سلطان : مامحتاجش شي گارصون !!!
أصيل : ههه صافي خلي كورة وأجي تسربي ...
قسم : قاااليك ابابا شنو قلت ليه يدير فالطيراس !!!
اسد : سي قال ليا ... فكرة مزيانة ....
اسبرو : ( قرب بظهرو ) اااحم ... مررررحبا بسي أصيل ...
اصيل : ( تبسم ليه ) الله يكبر بيك. ..
اسبرو : ( كايهضر معلي راسو للفوق ) ماااتعرفناش مزيان فاللول ( اصيل شاف للارض مبتسم كاتفكر ) ولكن انا راه الاب الرووووحاني ديال قسم ( قسم دارت مخدة على رحليها كاتشوف فيه ) راه تزاااادت بيييين يدياااا ... كااانت مها ديييما ليلة السبت تجي تلوحها عليا نعسسسها ليها انا ( لامار وسعات عينيها وقدس بدات تكحب. واسد كايضور فراسو واصيل حابس الضحكة ) وكااااانت صعيييييييبة وااااخا هي راه باقا صعيبة .. ولكن فصغرها كااااانت مكاايقد عليها غا ليخخخلقها ..... ( قسم موسعة عينيها فيه وهو شار لضربة فجبهتو ) هادي لي كاتشوف هنا واحد نهار زغبني الله ومشيت نفيقها من نعاس تمشي للمدرسة شيرات عليا بالفايوز هاهو باااااقي معلم ليا فحبهتي لداااباا .... ( اصيل نزل راسو تايضحك ) سوووودااانية .. الهرييييسة ماشي البنت ... وماحدها تاتكبر وماحدها تااااتزيييد .... هي راه واخا عصبية شوووية ( اصيل هز حجبااانو بابتسامة ) ولكن رااااه قلبهااااا بيض .... ( قسم شدات على راسها ) بحال دابا مثلااااا فاش كتعصب كاتهرس شووووية دالحوايج ... نتا تفاااداااا دير شي حاجة د الزاج فالدار وصااافي ... للسلاااامة دياااالكم ....
قسم : اش باليك تجري عليه نيشات وصافي ؟؟ ..
لوؤي : ههههه راااه جاي يخطب اسعيد مجاايش يتبرا ههههه
اسبرو : اوا نككدبووو ؟؟؟ ( شاف فيه ) وفخبارك لابغيتي تعشى معاها خصك رونديفو مع واحد المنادجر ديالها كاتهضر سرع من الضو ... مكتعرفش طيب ... كاتفيق بكري بحال الديك ... ولكن ضريييييفة ضرييييفة ... قلبهااا بيض ...
لامار: صاافي اسعيييد صااافي قنعتيه ...
قسم : الله يجازيك بالخير اعمي .. شكراااا
اسبرو : ولو .... انا نقول لي كااااين ...
سلطان: راه قتلييك قبيييلة خصك تهرب ومكتسمعش ليا
اصيل : ( شاف فقسم بضحكة خفيفة ورجع شاف فيه محرج) لا لا حشومة ...
عدنان: ابعدو من البنت ... هادي راه هي الحنينة ديال الدار لااعسااااك ...
قسم : رد ليا حقي اعمي رد ليا ... شوهو ليا سمعتي
قدس : ههههه ... دارو ليك ما دارو لجود هههه
اسد : ( شاف فلامار لي ضاحكة ) فيناهو بعدا كاع مابان ليا !
لامار : خرج لبرا .. راه من جهة لوخرا ... ( شاف فلوؤي ) صوني عليه اولدي ...
يلاه غايصوني هو يدخل .... كلهم شافو لجيهتو هو لي تبسم ابتسامة خفيفة ولكن كايبان مورالو طااايح ... أصيل شافو ووقف .. وهو قرب عندو أما سلمى علات عينيها بشوية بانليها وهي تهبطهم بإحراج ..
جود : ( سلم عليه ماد يديه ) مرحبا ..
أصيل : بارك الله وفيك ... كولشي مزيان !
جود : الحمد الله ...
شاف لعند سلمى لي كالسة وهي علات راسها بشوية ومد يدو وتاهي مداتها حشمانة وقلبها كاايضرب ملي ماشافت واحد آخر منهم واكثر واحد عارفاه شحال حاسب فراسو .. سلم عليها ... وشاف لعند قسم لي كانت مبتسمة وباينة الفرحة فوجهها وتبسمليها فرحان ليها وضرب ليها على نيييفها ... عارف إحساسها شحال غايكون زوين دابا .... تمنى لو يكون تاهو مبادلها نفسو ! ولكن قلبو مزير مقاااادرش يرتاح ...
وداز كلس حدا دراري لي فصالون اخر ولكن قريييب ليهم فاصلاهم غير طاولة زجاجية ...
لوؤي : ( غير بيناتهم )فين كنتي ؟
جود : خرجت نكمي !
سلطان : مالك !
جود : ماماليش !! ... ( دار مخدة على رجليه ) فوقاش جيتو !
سلطان : ماشي بزاف ..
جود : الفران لي خسر ولا شي حاجة أخرى أسلطان !
سلطان : بحالاش هاد الحاجة لوخرا !
جود : أنا لي كنسولك !
سلطان : انا تنعرف الفران كان مبلوكي .. شي حاجة خرى الله وأعلم ...
جود غير سكت وهوما مكملين حذيثهم ...
لامار : راه تا هي عندها الباك بحالك أ آية
آية : ( حلات عينيها بفرحة ) هاا !! حلفي تانتي !
سلمى : ( بابتسامة ) آه ، ليبر
آية : شنو دايرة ؟؟؟ ليطخ ؟
سلمى : لا ، صيونتيفيك
اية : ( بحماس ) تااا اناااا .. نبريباااريو بجوج !!!
سلمى : ( بابتسامة للطافتها ) هه ... و واخا ...
آية : أنا أصلا كنبريباري غير بووحدي .... نتافقو نتلاقاو فسبت والاحد متنقراش ونخدمو بجوج صافي !!!!!
سلمى : ( نزلات راسها بضحكة) إن شاء الله
شافت آية فماماها فرحانة وسلمى مامتيقاش واش بنت الاسماعيلي لي كاتقوليها نحفضو بجوج !!! واش لهاد درجة ضحكات ليهم الحياااة !
حياة : هااادي راه قليييييل فين كاترتاح لشي واحد
سفيان : داكش يلي لقيتني تانشوف ... عجباتك ابنتي !
اية : ههه اه ضرييييفة ... وزويييينة ههه ...
سلمى باخراح نزلات راسها واصيل كايشوف فيها مفتخر بيها
حياة : اوا صافي فالسبت والحد مرة سيري عندها مرة تجي عندك ... وملي تنجحو ان شاء الله نيدرو ليييكم زردة وحدة
قسم : ان شاااء الله ... ( عنقات سلمى ) سلمى باغا دير الميدسين بحاااالك اخالتو رتاج
رتاج : مزياااان ... بالتوفييق كولشي عند الله قريب
سلطان: ( كايشوف لساعتو ) تاواحد طيارة عندي را قريية .. وانا راه مامحرك منها تانتعشى. .. نوضو نتعشاو ... ونشوف قسم تخطبات باش نشمي فحالي ....
لامار يلاه غاتجاوبو وهي تسمع تيليفون وشافتو ووراتو لاسد
لامار : هاهو تقووول حس بيهم
قسم : هههه وسيم ؟ عطيييه ليا ههه ( شدات عليه تيليفون وجاوباتو ) وسيييم
وسيم : ( كان كالس فجردة ) علاش مورياني كمارتك نتي را كنعرفها .... وريييني هو فيناااهووو
قسم : هههه مالكم هاد النهار معايا ؟ تأكدت الى صافي باغين نتهناو مني نيشان
وسيم : على تاليوم عاد تأكدتي ؟؟؟ انا نهار سمعتك باغا تبدلي ريدوات دبيتك قطعت منك الامل ... ولكن الحمد الله جا هاد مرضي الواليدين يفكنا منك
قسم : ( شدات على وجها ) يااااااك ؟؟؟؟ ( شافت فباباها ) سممعتي ابابا ؟؟؟؟؟ ( اسد تبسم ليها وهي ضور تيليفون عند اصيل ) هاااك امرضي الواليدين هااااك
اصيل : هه ( شد عليها تيليفون ) وسيم لاباس عليك ؟ كولشي مزيان !
وسيم : سلام وعلييييكم .... الحمد الله نتوما بيخير ؟؟؟ سمعت طموبيل سخسخاتك شوية ... نتمنى تكون تصلحات
اصيل : لا لا تقاادات ... ولكن كون لقيناك حتى نتا هناا ...
وسيم: مرة اخرررى .... ان شاء الله ... الله يكمل بالخير .. تهلا لينا فداك شوية د الحنااانة لي عندنا ....
اصيل : ( شاف فقسم بابتسامة ورجع شاف فيه) الله اودي ...
وسيم : نتا راه نقووولك مبروك عليك ... لاخر لي نقوليه البركة فراسك
قدس : راا كنسسسسمعك ...
وسيم : هههه .. يلاه منطولش عليكم ... امسية سعيدة ....
اصيل تبسم ليه وقطع عطاه لقسم ...
قسم : والله الى كوولشي ناوي يشريها ليا ليوم ... ( شاف فاصيل ) اشنو تهرب ؟
اصيل : ههه اودي فين عندي نهرب ههه
الكل كان كايشوف فيهم فرحااانييين .. لمعة عينين قسم كانت كتقول كووولشي... وحتى طريقة لي كايشوفها بيها هو ... كتبين شحال مفاهمين وغايكونو كوووبل زوين ...
كملو الرجال حديثهم مع أصيل لي كان روتيني وسطحي فقط على الخدمة ... كان كايهضر معاهم أصيل وماقدرش يفهم كمية هاد الاهتمام لي عاطينو لخدمتو كانها شي حاجة كبيييييرة !!! وهي مكتبان فوالو قدااام مشاريعهم .. شي حوايج كان مستحيل انه يتيقهم كون قالهم ليه شي حد قبل .. كيفاش رجال أعمال بحال هادو مهتمين بريسطو صغير كيفاش كايتصلح وشنو غايدار فيه بحالا كايهدرو على مشروع كبير .. واش لهاد درجة كايقدمو الدعم لبعضياتهم بهاد الشكل ... وهو فقط واحد السيد خطب منهم بنتهم ... لهاد درجة عزيزة عليهم بنتهم !!! ماحسش بالغرابة وسطهم .... ودغيا انسجم فالحديث ديالهم ...ومحتاجش فيه بزاف دالرسمية ...
وحتى سلمى لقات راسها وسط منهم بحال بنتهم ... لامار كل شوية ترحب بيها وتمد ليها الحلوة ... رتاج كانت كيف كتصورها فدماغها بهاداك التواضع ... كل شوية تشوف فيها بعينين كايلمعوووو .. كانت هادئة وثقيييلة كيف كاتشوفها فالمؤتمرات الطبية ... حياة كانت كاتشوفها هي ولامار فيهم كمية ديال الحنان واللطافة لي ماقداتش تستحملها .. كياتة قدس وآية .... عاد عرفات علاش خوها قاليها حتى تلاقايهم عاد تعرفيهم ... كانو مختلفين بزااااف على كيفاش كاتعرفهم ... وعاد عرفت قسم منين جايبة ضرافتها ....
كل شوية كانو عينيها كايدمعو ... ماقاداش ابدا تستوعب هاد الدفئ لي كالسة وسط منو .... واما اسبرو كان كالس حدا سفيان رجل على رجل ومعلي راسو ومرة مرة كايحركو مع حديثهم وعينيه جدييين داير فييها الاب الروحي دالعروس ... دراري كانو كالسين بتلاتة تاهوما .. لوؤي كان كايتفحص أصيل وكل تفصيل فيه .... جود كان غير كايضور كاسو فيدو وساهي ... ومرة مرة كايعلي عينيه فقسم ... كاتبان ليه فرحانة ومتحمسة كتشوف فأصيل بافتخار وغرور !!! كايشوف شحال تتبغيه ! فرحان ليها فنفس الوقت خيفان ... مقادرش يرتاح مكرهش .. كل شوية كايعلي عينو فأصيل يسمع حديثو معاهم ... تاايلقى مافيه حتى شي حاجة لي تخليه مايرتاحش ليه ولكن علاش قلبووو مامرتاحش !!! كيضور عينو لختو شحال كتبان بريئة ودرويشة و غير تتضحك وتبتاسم وزوينة ... وتايفكر آش كيعرف عليهم من ناحية وحدانتيهم وماعنهمش عائلة .. أول حاجة لي بانت ليه فيها هي حرمانها للعاطفة دالعائلة والوالدين بااااين بزااف على عينيها .. رغم ابتسامتها عينيها كايبانو ضعاااف ودامعين فاي لحظة يبكيو !! ... كايتصور الحياة كيكانت عندهم غير هي وياه بلا عائلة هو لي مقادش حتى يتخيل راسو شي نهار بلا عائلة ....
أما سلطان ... حاول يبعد عينيه فاماكن مختلفة ولكن كايلقى راسو سارح عينو فيها ... هي لي مرة مرة كطلع عينيها فيه وتايتلاقاو مع بعضياتهم وتتبسم ليه بلطافة .. مكانش كايبادلها الابتسامة كان فقط كااايشوف !!!! علاش دايرة بحال هاكا !!! علاش جداااابة بحال هاكا !!!! .... علاش تتعطيه رغبة يجرها من يديها لشي بلاصة فيها غير هوما بجوج ويبقى غير يشوف فيها وهي تتعاود وتهضر وهو غير يسمع ويتفرج .... علاش مكتهضرش بزاف علاش غير ساكتة .. علاش كتجاوب غير بجملة .. علاش حشووومية قد هاكا وكاتشوف فالأرض .. علاش عينيها زوييينين قد هاكا ... علاش كتعض على شفتها فاش كتحشم ! علاش كاايحمارو حناكها ! علاش هي زوينة قد هاكا !!!! ...
لامار : ( شافت عند اسد)واقلة نوضو نتعشاااو .... بلا ما نعطلو سلطان كتر ....
عدنان : اهاه نوضوو ... ( ربت على رجل أصييل بابتسامة ) مرررحبا بأصيل معانا هاد لييلة ..
أصيل : هه الله يكبر بيك أسي عدنان
ناضو كاملين وقفو وسلمى محرجة تا عنقاتها قدس باش تحسسها بالألفة ومتحشمش بزاف حيت حسو بيها شحال مزيرة .. وزادو غادين لباب الاخرى
لامار : لووؤي ... العشااا دياااالك هاد ليلة اولدي ( الباربكيو ) نتا لي غااتعشييينا
لوؤي : الله اوودي ...
سفيان : هي شي باربكيو هادااا
حياة : هووو هاداك
عدنان : ليوما زردة دقدس ماااشي دقسم
قسم : انا را دييييما حاگريني اعمي ....
أسد : أصيل ..
أصيل ضار عندو وضارو كاملين وسلطان علا حجبانو وأسد مبتسم
أسد : اجي اولدي واحد الدقيقة ونلحقو عليهم ..
سلطان : ( قرب عند اصيل ) شوف .. نتا غا گول بسم الله مايكون غا الخييير .. ماااتلفش بزاف ... وماتحاااولش تكدب ... قرا شي دعاء كيما كان وتبعو ....
لوؤي : آش درتي !
أصيل شاف فدراري لي كلهم واقفين محسفييين بحالا عارفين شنو غايطرا فداك البيرو وجود علا حجبانو بجوج بقى فيه .....
جود : الله معاك ... لي گالها ليك گوليه آه
أصيل جابو ليه ضحكة ومشى عند أسد لي زاد للبيرو وهو تابعو وقسم قربت شوية عندهم اما لوخرين خرجو
قسم : اش بغااااه ؟؟؟؟
لوؤي : وااانتي لي كالسة عليه البارح يجي يخطبك نتا ..اوا راه داه يدير معاه الرؤية الشرعية ...
يتبع...
التعليقات
لا توجد تعليقات بعد، كن أول من يعلق.