أشبال الأسود الجزء الثامن

اسد تابع طموبيل قسم وهو مخلي بيناتهم جوج طموبيلات باش متردش البال ... حتى بانت ليه دارت سينيال على ليمن ودخلات لواحد من لوطيلات ديالهم .. عرفها غاتفطر ... وبقى كايتسناها ما يقارب ساعة وهي مزال لداخل كتبان ليه من الزاج كتفطر وضاااحكة فرحانة ... كايشوف فعينين بنتو واحد الفرحة لي خلعاتو ...

كان عايش بيخير وهاني من جيهتها حتى جا هاد الدرب وجا معاه كلشي ....

كيضرب بيديه على الفولون وهو كولو توتر وخوف على بنتو ....

ساعة هو فطموبيل مأجل كاع شغالاتو ومقابلها .... فاش كيكون الامر كيخص ولادك او عائلتك كتأجل كاع الامور ومكيبقاش يبانلك أهم منهم ....

حتى دارت الساعة التسعود عاد بانتليه نازلة وتبعها تاني تادخلات لداك الدرب .. حطات طموبيل فين موالفة كتحطها وتاهو باركا موراها بعيد شوية على انظارها .. كايشوف كيفاش العيالات جايين من الحانوت هازين الكومير وكايسلمو عليها كأنها جارتهم .. كايشوف كيفاش دغيا دارت بلاصتها فهاد الدرب !!...

غير غبرات على انظارو ودخلات مع الحومة تبعها بطموبيل كايشوف مع الحومة ، كانت طويلة كلها ديور مقابلين مع بعضهم .. فوسط هاد الحومة كايبان محل المواد الغدائية و محل اصلاح الهواتف وروض اطفال وصالون حلاقة .... كايشوف ان الساعة تسعود والحياة مزال مابدات فهاد الحي ؟ باقي تقريبا كولشي ساد و كلشي ناعس منغير عيالات قلال لي خرجو يتقضاو غالبا ولادهم كايقراو اما الباقي السهيط ... ماشي كيف مولف هو فمجتمعو خاص السبعة يكون بدا عندهم النهار ... باش يلاه يتكافاو معاه و يبقى شوية دالوقت لولادهم ...هنا الحياة بسيطة ساهلة وروتينية ...

بانتليه غادا مع داك الدرب تاوصلات لنهايتو عاد وقفات قدام الدار جات فالشوكة ... طلعات عينيها لفوق وهي مبتسمة وكتحرك بتوتر شادة داك البوغطخي فيديها ..... واسد مراقبها مصغر عينيه يشوف هاد الشخص لي مطير عقل بنتو لهاد الدرجة ....

حتى تحلات لباب وقسم ضحكات وعلات يديها بتحية

قسم : سلاااام ...

سلمى بالفرحة لي شافتها نقزات عليها عنقاتها تاكانت غاطيحها وكتبوس فيها وقسم كضحك

سلمى : كيغاندير نشكرك كيغاندييير ... ( شافت فيها كلها فرحة ) منساااااش خيرك اختي والله

قسم : الله يودمها فررحة وان شاء الله نشوف فعينيك نفس هاد الفرحة العام جاي تكوني ناجحة وتزيدي تبيني لخوك انه خدا القرار الصحيح ...

سلمى : ان شاء الله اختي من فمك لسيدي ربي .. زيدي دخلي مرحبااا بيييك

قسم : لااا ... ( رجعات خطوة لور ) مرة اخرى ... انا واعدت خوك باش نهار نقنعو تقراي منبقاش نضور بساحتكم .... ( سلمى هبطات راسها ملي تفكرات هضرتو ) هو هنا ؟

سلمى : لا ... مشا لصيادة صباح بكري

قسم : ااه ... مهم انا جيت غير على قبل هذا ( عطاتها داك الرسمة واسد من بعيد كيقرى شفايفهم ) ماعرفتش كيفاش درت حتى رسمتها ... مهم لقيت انها ماليها تامعنى تبقى عندي حسن تمشي عند مولاها ... ( سلمى شداتها عليها كتسائل شنو يكون هادشي ) عطيها ليه ملي يجي وقولي ليه هادي بمثابة شكر على كاع الخاطر لي دار معايا ... وعلى موافقتو انه يخليك تقراي .... عارفة الامر مكيخصنيش ولكن يمكن فرحت كثر منك .. حسيت براسي درت شي حاجة مزيانة ههه وقولي ليه هانتتا تهنيتي مني ههه ...

سلمى : خييرك والله منسااه اختي حنا لي خصنا نشكروك ماشي نتي .. خليتي شغالك ومجتمعك وجيتي لعندنا وتحملتي الراس القاسح دخويا ...سندريلا عندها جنية لي لبساتها للحفل وانا عندي نتي هععه .. ( عنقاتها ) ياااربي تفرحي حتى نتي فحيااااتك ياربي

قسم : امين ، ماعلينا ... دابا دوزي تقادي امورك فالمنحة ... نهار تبغيني وتحتاجيني رقمي عندك والبيرو ديالي راكي عارفاه ...

سلمى : ( باسف ) خويا راه قبل انني نقرا و لكن رافض المنحة

قسم : مافهمتش ؟

سلمى : قال انه غايقريني من جيبو ومامحتاجينش منحة

قسم : غيقريك فشي كلية اخرى ؟

سلمى : لا الكلية نفسها

قسم : واش عارفة شحال كايخصها فالشهر ؟ ومصارفيها ؟... يعني متأكد من اشنو كايقول

سلمى : راه غايكون عارف .. هو راسو قاااسح ملي قالها راه مغايتراجعش مكرهتوش كون قبل بالمنحة ولكن قاليا لابغيتي نقبل ليك بقراييتك قولي ليها ممحتاجينش منحة وانه قاد يقريني بجيبو

قسم : غير تايخربق والله داير النفس دوالو . غايزير على راسو ... لي فخي غاليين شوية ... ولكن على خاطرو .... الحمد الله غير لي خلاك تقراي ... وحاولي معاه ياخد المنحة حيت الا بديتي العام ماعندك كيف ديري تاخديها مزال ....

سلمى : مكرهتش واش انا نبغيه يزير على راسو .... راك عارفة هو كيداير

قسم : داااكوغ .... لي بغا ( بابتسامة ) مدوزتش بزاف مع خوك ولكن تيقيني ... خصك تكوني فرحاانة بيه ... وفخورة بيه ... انه عندك راجل ماشي شماتة .... وعندو النفس والكبرياء ... حاولي تبقاي تاخدي بخاطرو ولكن ديما تشبتي فطموحك ومتخلايش بسهولة .... ( عنقاتها ) تهلاي فراسك ...

سلمى : ( بحزن)و .. واش ... واش مغتبقايش تجي ؟

قسم : لي كيجيبني لهنا ساليناه ... نشوفك نهار تخرجك طبيبة ان شاء الله ....

ابتسمات ليها ودارت يديها فجيابها ومشات متنفسة اوكسيجيييين عمييق وسلمى متبعاها بعينين دامعين ماسخاتش بييها ....

ماشية وكاتشوف مع الحي ....مبتسمة رغم ان قلبها كاتحسسسو مدبوح ... كأنها كاتفارق مع شي حاجة ولفاتها بزااااااف .. ولكن عطات وعد خصها توفي بيه ومتعيقش بزاف وتبقى فحلاوتها .... لي عليها راها دارتو ... مابقى كايربطها والو بهاد الحي مزال ....كاتشوف مع الديور ومع الدرب لي كل ركن هنا خلات فيه ذكرى زوييينة ... كاتسمع فودنيها دوك الذكريات على شكل اصوات ... اصوات عيالات داك الدرب .. صوتها وهي تابعة اصيل كتحاول تقنعو يخليها تهضر معاه ... شافت عند واحد الباب وهي تبتسم ملي تفكرات اول مرة حطات رجليها فهاد الحي وكيفاش طلعوها عليها دوك العيالات ... بقاات كتشوف فلخر تنهدات مطوووولة ومشات والغصة فقلبها ...واسد قراها بكل تفاصيلها وفهمها ملفوق ويمكن فمهما كتر من راسها... فهم احساسها كأنو تسمع ليه .. فهمها حتى فاش كتفكر وكاع اش واقع ليها .... ديمارا طموبيلتو ومشا وهو فاهم كولشي .... وتاهي ديمارات طموبيلتها وبقات شادة فالفولون وكتشوف قدامها

قسم : قسسم ... سالينا ....غاتشمي للفواياج ديالك وغاترجعي لخدمتك ... لحياتك .... لروتينك ... غاتنساي شي جاحة سميتها هاد الحومة لي ربطك بيها ساليتيه ... ميسيون طيغميني آقسم .... ( المهمة انتهت ) ....

كسيرات ومشات ....

وصلات لواحد الجرف فالطريق لي كاتمشي للمنطقة .... كان جرف على البحر ... وتقريبا عامر بالنوارس .... نزلات كتشم فالهوا وتكات على الطموبيل مربعة يديها وكاتشوف قدامها فالمواج دالبحر كتضارب فالصخور بصخب متماشي مع اصوات النوارس ...

كان جو هاااادئ عكس نفسيتها تماما ...

نفسيتها كانت ملخبطة ، كتحس بنوع من الضياع ، نوع من الغربة واخا هي فمكانها ... نوع من الحيرة .... نوع من اللخبطة ... نوع من المشاعر لي ماقادراش تحددهم ...

تنهيدة وراء اخرى كاتشوف فنقطة بعيدة وشعرها كولو كايديه الريح وهي كتذكر .....

🔙🔙🔙اصيل : حححلي يديييك

قسم : لاااااا لاا غاتحرقني

اصيل : واااحلي ماااغاتحرقكش .. حلي

قسم : لاااااااا غااااتحرق لاااا

اصيل : دابا ننتي شحال فعمرك شحال ... ححلي .. ( بغوتة) حححلي يديك ...🔙🔙🔙

🔙🔙🔙 قسم : اااه تابعاك دابا .. ولكن ... ولكن حيت مامخليش ليا فرصة نهضر .. عطيني فرصة نهضر .... سمعني شنو بغيت نقول ... من بعد ... سير .. نغيت نققول انا غانمشي.... متعاودش مزال تشوف وجهي ...

اصيل : منعاودش نتلفت نلقاك قدامي

قسم : وجججهي مغاتشوفوووش ...

اصيل : مغاتعاوديش تجي لدرب ؟

قسن : والله مااااانجي 🔙🔙🔙

عينيها تعمرو بالدموع وهي كتفكر هاد التفاصيل الصغيرة لي كانو خالقين فرق كبير فحياتها...

تنهدات و يلاه كتفيق من سهوتها .. وهي تحس بشي حد متكي معاها على طموبيل وضارت بزربة لجنب بانليها أسد ....

بقوة مكانت ساهية مرداتش ليه لبال امتى جا وامتى پاركا من موراها ...

قسم : ب بابا !!!!

كان كايشوف قدامو تاهو ونطق بصوت هادئ ....

اسد : جملة كبرتكم بيها ولكن كنضن انكم سمعتوها بزاف لدارجة ولات كتجيكم عادية ! ... مهزيتوهاش بجدية

قسم : !!

اسد : ( ضار شاف فيها ) الحاجة لي ماشي ديالنا ... مكنربيوش عليها الكبدة ...

قسم طولات فيه الشوفة و رجعات شافت قدامها وتاهو رجع كايشوف قدامو ...

قسم : الكبدة ماشي حنا لي كنختارو علامن نربيوها ابابا .... ماعندناش عليها حتى سيطرة .... حتى كنوقفو هاد الوقفة لي واقفة انا دابا وندابزو مع دماغنا يحاول غير يفسر لينا هاد الكبدة علاش تربات ! .... ( شافت فيه ) حنا بنفسنا مكنكونوش عارفين

اسد :ولكن كنعطيو المجال .....

قسم بقات غير ساكتة هو زاد هضر بجدية اكثر فكلامو ...

اسد : فالعشية كاين اجتماع مجلس الادارة وغاتحضري حتى نتي تنوبي على بلاصة خوك لي غايب ... وغدا عندك شوتينغ شحال ونتي تأجلي فيه ... وبعد غدا عندك فواياج .... عندك حياتك .. عندك مستقبلك .. عندك بزاف ديال الحوايج لي غاتلهاي فيهم ... داك الدرب نسايه ...

قسم : ماتطلبش مني نساه .. حيت ميمكنش .. لي دوزتو فيه مكيتنساش ومغايتنساش ...واخا مغانرجعش ليه ومعنديش علاش نرجع اصلا .... ولكن مكيعنيش نساه واخا انا باغا نساه ... انا لدرجة وليت نتمنى شي مرض بحال ديال جود ينسيني فتفاصيل داك الدرب ... ( اسد غير ساكت مخليها تخوي قلبها ) كانو فيه تفاصيل بساط ...ولكن خلقو ليااا فرق كببييير فحياتي .... انا دابا مضاربة مع راسي .. باش نحاول نفهم ... انا شنو كان شادني لداك الحومة بالضبط ؟ المنحة !! الجيران ... سلمى .. اصيل ... الحياة البسيطة .. هاداك المسمن لي كليت .. الخيرية لي سكنت فيها .. الموطور لي ركبت عليه ... الفرماج ! حوايج البال ؟ ... البيتزا !! ..اتاي ؟؟... كنحاول نحدد ... ماقدرتش ... كنحس بمشاعر مخلطة فلداخل ديالي كلها كتضرني .. كنحسها كضرني اباباااا .. كنحسها ماباغاش تفارق داك الحومة وانا مفارقاها بزز .. كنحاول نفهمها اننا ماعندناش بلاصة فيه .. مهمة كانت عندنا وسالات .. سالينا ... وانا عندي حياتي .. انا عندي وقت عامر لدرجة عندي ليه بنت لي كتنظمو ليا .. انا كيفاش قدرت نلقى وقت لهاد الحومة ؟ كيفاش خلقتو لنفسي .. واش كنت محتاجاه ؟ واش هاد المهمة كنت كنديرها على قبل البنت .. ولا على قبلي انا ؟ انا ضايعة ابابا .. مافاهمة والو اش واقع ليا ... مافاهماش ...

اسد : لي واقع ليك ... هو انك انغلقتي على نفسك .. حتى ولات عندك معاشرة واحد آخر شي حاجة غريبة .. كون كنتي كاتلاقاي ناس كل نهار وتخلقي علاقات لنفسك ... مكنتيش غاتضيعي دابا .. نتي اول مرة غاديري علاقات خارج نطاق عائلتك ودرتيهم فداك الدرب ... انا ماشي ضد ديري علاقات .. انا ضد تتعلقي ببلاصة ممرحبش بيك فيها ...

قسم : لي دوزتو فداك الحومة مكانش كيوحي ليا انه ممرحبش بيا فيها .. كنت كنحس انها حومتي انا .. مجتمعي انا .. مكنتش كنحسها غريبة

اسد : واش الحومة لي طلبات ماتشوفكش .. واش الجيران ؟ واش داك البنت !

قسم : لا .. بالعكس .. بغاوني ..

اسد : وشكون لي طلب مايشوفكش .. علامن قايمة هاد الكنازة ؟

قسم : ( شافت فيه) انا واعدتو ... ااني نكمل مهمتي منبانش عندهم فالدرب

اسد : كنضورو و نرجعو لنفس الشخص .. رغم ان هضرتك مكتجبديهش فيها .. ولكن المقصود ديما تايكون هو ....

قسم : ربما حيت اكتر واحد دوزت معاه وقت زوين فداك الدرب ....

اسد : وربما هو الدرب كامل لي كتهضري عليه دابا ....

قسم : ماااعرفتش ... ( شافت فباباها وخرجاتها بزز بنغمة البكاء ) حسيت من جيهتو بشي حاجة .. ما ماااعمري حسيتها من قبل ... ماعمرني حسيتها مع شي حد من قبل

اسد : حيت ماعمرك كنتي مع شي حد من قبل ... حيت هاد السيد كان هو الوحيد لي غادي تدوزي معاه شوية دالوقت من غير عائلتك ... حيث هاد السيد هو الوحيد لي عطيتيه مجال ... كون كنتي متعودة تعطي مجال لناس مختلفة مكانش غايجيك هاد الاحساس ، هدا احساس التجربة الاولى فقط

قسم : لا ابابا ( ضارت كاتشوف قدامها ) لا ... واخا كون عرفت الف منو قبل .... هو كان مختلف

اسد : شنو كان فيه مختلف

قسم : بسيط ،فنفس الوقت شهم ... عندو كبرياء ... معقول .. صريح ... ورغم انه كيبان غامض الى انه فنفس الوقت شفاااف .... ماحسيتش معاه بالغرابة محسيتش انه شخص غريب شفت فيه خصالنا .. خصال عمامي ... شفت فيه ولاد عمامي .. شفت فيه جود .. شفتك فيه ....كنت كانقول مستحيل نلقى بحالك ولا بحال عمامي فمعقولهم ورجولتهم .... حتى لقيتو هو ....

اسد : هو .... هاد هو مزال مفهمتيش انه مرابط بيناتكم والو لي تعطيه هاد المساحة كلها فالداخل ديالك ؟

قسم : نعاود نقوليك ابابا بلي هادشي مفيهش سييطرة

اسد : ( بحدة ) خصها تكون فيه .... باش متوصليش لهادشي .... خاصك دخلي لدماغك انه فقط التجربة الاولى ... ومزال غايجيو تجارب وعلاقات من موراه ...

قسن : اه غايجيو .. ولكن مغايجيوش بحالو ....

اسد : قسم .... اشنو كتحسي من جيهة هاد السيد ... من غير انه قدم ليك شوية ديال التغيير فحياتك هاد الايام ! ....

قسم : ماعارفة نحدد والو ابابا ...والله مااااعرفت .. لي عرفت هو كانكون فرحانة ملي كنكون ماشية لداك الدرب .. كنتوتر فاش كايوقف قدامي .. وفاش كنرجع لدار كيمر فذاكرتي .. وفنفس الوقت كنكتأب ملي كنعرف انه مدايمش .. وانني مغانبقاش نشوفوا فور مغاتسالي مهمتي ...

اسد بقى غير شايف فيها وسرط ريقو ... بنتو غرقات كتر مكان كيتوقع وتنهد وجبدها عندو وهي عنقاااتو بحرااااارة .. عارف ان قلبها رقيق بزاف .. وهادشي لي مخوفو ورجع همس ببعض الكلمات لي كانو كيف المرهم على جروحها

اسد : عسى ان تكرهوا شيئا وهو خير لكم .... وعسى ان تحبوا شيئا وهو شر لكم .. ونصيبك فهاد الدنيا ابنتي غادي يوصلك وخا يكون فأبعد جهة فهاد الكون .... ولي ماشي من نصيبك .. مغتاخديهش واخا يكون ساكن معاك فنفس الدار ...... ديريها فبالك ... هاد احومة لاكان عندك فيها نصيب هي لي غاتعيط عليك .... ( جابها قدامو وقاد الشعر على وجهها وشاف فيها ) كابيطين قسسسم الاسمااااعيلي

قسم : (بابتسامة وعينين فازكين ونيف حمر )... پخيزونط .....

اسد : قدامنا رحلة بحرية مدة ديالها ممحدداش .. غاتواجهك عواصف من الشمال حتال الجنوب .. خصك تكوني قبطانة متمكنة باش تفوتي نقطة العاصفة باقل الخسائر .... ومايتقاسش خيط من الشراع ديالك .... لان لو تقاس خيط واحد .. الشراع غايفقد توازنو .. والسفينة غاتفقد توازنها والكابيطين غاتغرق ... خيط واحد ماتفرطيش فيه ... كوني قوووية .. المواج مكيحنووش ابنتي .. هوما شرسين وكايبغيو لي معاهم يكون اشرس . ... واقوى منهم .. وعكس تيارهم .. متخلي تاحاجة تقيس خيط واحد من الشراع ديالك .... رحلة موفقة كااابيطييييين اسماااااعيلي ( هبط ليها راسو بتحية القبطان وطلعو مبتسم ليها مستملح ليها شوية الجو ) بوون فواياج مااا بخاااانسيس ..

ضحك ليها وضربها بجبهتو لجبتها وهي تبسمات ليه .. جا ماشي حتى استوقفاتو ...

قسم: باابا .... تبعتييني ؟

اسد بقا واقف فبلاصتو مدة ورجع ضار عندها ..

اسد : انا؟ لااا ...

قسم : كتعرف دير كولشي ..... الا تكدب ابابا ...

ابتسم ليها ومشا وهي متبعاه بعينيها محافضة على ابتسامتها .. غير ركب فطوموبيل هبطات دمعتها ... ورجعات مسحاتها وركبات تاهي فطموبيلها ... غمضات عينيها مدة شادة الفولون بيديها ... شهيق زفير ، نفس عميق .... ثم انطلااااقة ....

على كلمات باباها " عسى ان تكرهوا شيئا وهو خير لكم .... وعسى ان تحبوا شيئا وهو شر لكم .. ونصيبك فهاد الدنيا ابنتي غادي يوصلك وخا يكون فابعد جهة فهاد الكون .... ولي ماشي من نصيبك .. مغتاخديهش واخا يكون ساكن معاك فنفس الدار وهاد الحومة لاكان عندك فيها نصيب هي لي غاتعيط عليك " ، على هاد الكلماااات .....غااااتكمل طريقها وحياتها .. ولي مكتابة ليها ، غاتجيها ... غاتجيها ...

السابعة ليلا ...

سلمى فالكوزينة يلاه كتنقص لطاجين يطيب على خاطرو تاسمعات السوارت ضارو فالباب ... ديما مور هاد الصوت كيبقى قلبها يضرب مكتعرفش علاش كتخاف منو رغم انه مكيضربها ما والو .. ولكن تخاف من تقلبات مزاجو .... دخل لكوزينة وحط الحوت وعرا على الطاجين شاف شنو فيه ...ورجع ماشي حتى استوقفاتو

سلمى : ا .. اصيييل ..... ( ضار عندها وهي مخرجاها بزز ) ج ... جات قبيلة داك البنت

اصيل : ( طلع فيا حاجبو )

يلاه غايجاوب وهي تقاطعو

سلمى : رر راه قالت متعاودش تجي ... قالت انها دارت لي كان خصو يدار وغاتمشي ...ومغاتعاودش تجي لهنا مزال

اصيل بقا يشوف فيها وهبط عينو يلاه غايضور راجع مكمل طريقو للفوق وهي توقفو تاني

سلمى : صبر .... خلات ليك هدا ( ضار عندها وهي علات يديها فوق تلاجة جبدات داك الرسمة لي مابغاتش تحلها وقالت الامانة توصل كيف تبعتات ) قالك انها هدية منها على شكل شكر ....

اصيل بقى غير كيرمش بدون تاكلمة كايشوف مع داك البوغطخي فيديها وشدو عليها وزاد طلع ....غادي فدروج وهي كتعاود فمسامعو جملة ديال ختو " قالت متعاودش ترجع " .... دخل لبيتو ولاحو على السرير حيد التيشورت ديالو وسروالو دخل لدوش .....

خدا دوش خفيف وخرج غير بشورط كاينشف فشعرو وهي تمشي عينيه لدلك البوغطخي وتنهد ... معارفش واش يحلو ولا لا ! كايحارب اي حاجة فيه كاتجدبو ليها ... كايحاول يدير اي حاجة غير باش ميتعلقش بيها كتر من هاكا .. مايزيدش يولفها ...

مايتعلقش فبنت ماعارف ليها تاطريق وجميع الطرقان لي كيديو ليها مسدودين .. لا من ناحية المستوى المعيشي .. ولا من ناحية مرضو لي كايحث عليه انه مايقيم حتى شي علاقة جدية فحياتو ماحدو مزال ماتعالج ... زائد على انه اول مرة خدا تيليفونها صونا عليها " my lovely " يعني واضح انها مرتبطة او ربما مخطوبة

مضارب مع عقلو حتى فاز قلبو وهز داك البوغطخي وحلو وهو يوسع عينيه معاه .. بدا كايسرحو مزياااان كايشوف فيه .. كان وجهو طبق الاصل ! مرسوم بواحد الحرفية وواحد الدقة فشكل ! ماشي اي واحد يقدر يرسم تفاصيلك بهاد الدقة غير لي حاااافضهم ! .. تطليعة حاجبو وتخنزيرتو مرسومة بادق تفاصيل وبادق تجاعيدها ... لون عينيه !! ... كايشوف داك الرسمة وهبطات عينو للتوقيع لتحت كان QASSAM ......هي لي رسماتها !!!!!!! ...

تتنهد ولاحها من يديه وجلس على سريرو شاد على راسو لي غيطرطق عليه .. فلخر ناض خرج لبرااا ياخد الهوا حاس براسو تخنق ... كايحس بواحد الحسرة ... تمنى لو هاد البنت بانت فظروف اخرى ! ..

تمنى لو كانت من طبقتو الاجتماعية وقريبة ليه ... تمنى لو مكانش مريض ... كان غايكون فرحان بهاد الرسمة ... وكانت غاتكون انطلاقة لمرحلة زوينة فحياتو ... مكانش غايفرط ابدا فوحدة ببرائتها وطيبة قلبها .. مكانش غايفرط ف عينين الغزال ....... لكن الرياح تجري ..

بما لا تشتهي السفن .....

وصلات قسم للدار كان السهيط ، لامار مشات للخدمة و قدس مشات تقرا ، هادشي طبعا عرفاتو من رجاء ....

دوشات وطلعو ليها سيغي ديال لي كوستيم .. كايقادو عليها و هي طالقة ليهم يديها وجسمها ودماغها سااهي .... وهوما ضايرين بيها كاياخدو مقاساتها وهي كتذكر نهار كانت كتلبس حوايج البال ، ونهار كانت كتقيس السروال لي خدا ليها اصيل فداك البوتيك وتحاول طلعو بزز ... بتاسمات بذبول وهوما ضايرين بيها ...

وها قسم الاسماعيلي رجعات لروتينها . . لحياتها .. من جديد ....

لبسات كوستيم كرونة .. سروال كرونة و شوميز كحلة و وفيست كرونة .... اكسيسوارات خفاف و صباط عالي و صاك شيك ... تسريحة مناسبة للاجتماع ومكياج خفيف ايضا .... خدات غداها وتاجهات للشركة .. دخلات تحت انظار الجميع ملاقيينها بمظل من الشمس .. وهي زايدة باستقامة نحو باب الشركة ، كانها تهزات قسم العفوية ... وتحطات قسم المسؤولة ... قسم الاميرة ... لي خصها تمشى بالعبار و تهضر بالعبار وتصرف بالعبار .. ترد لبال لبروتوكولها فالمشي والجلوس و الخطوة كيفاش تلوحها ... الصحافة كتلتقط صور من بعيد تا طلعات فالمصعد للطابق ديالهم ...

دخلات لبيرو دباباها لقاتو تما تاهو كان بدل غير فالشركة ولبس كوستارو الرسمي .. مع عمامها وحتى سلطان و عدنان كايصوني على لوؤي .... فهاد الاجتماع خاص كولشي يكون حاضر لانهم واخا مكيمشيوش للشركة الى ان عندهم نصيب فيها وهوما الورثة الشرعيين خاصهم يحضرو على القرارات لي كتخاد.... وطبعا كايحضرو غير لي كملو تعلميهم اما لي باقي كايقرا مزال ماعندوش الحق يشد كرسي معاهم تايكمل تعليمو ...

عدنان غير كيمشي ويجي كايصوني عليه حتى حل عليهم لباب معتظر على تأخيرو ... كان تاهو بلباس رسمي مناسب للاجتماع غير شافو عدنان كان ماشي عندو باندفاعية تاشدو اسد من دراعو ووما ليه انه ماشي وقتو ... وتاهو تراجع ومشاو جميع للاجتماع ...

دخلة ديالهم للقاعة كانت كلها هبة وحضور ... اسود واشبالهم... رغم انه ناقصهم حضور جود ولكن قسم كتنوب عليه ... شدو الكراسي المخصصة واكتفوا انه يسمعو فقط لان مزال معندهمش الحق يقدمو قرارات مدامهم مزال ماعلنوش انضنام رسمي للكراسي ديالهم ...

غير سالا الاجتماع لي كان قمة فالملل بالنسبة للاشبال... لوؤي غادر القاعة هو لول بسبب الخدمة ديالو لي كتنساه والبحث لي عندو هاد العشية ... وسلطان وقسم مشاو لواحد ريسطو جنب البحر يحيدو السطريس وبقية الرجال بقاو فشركة و حتى سالاو دوامهم عاد كل واحد قصد دارو حتى كان ضلام الحال ...

عدنان غير دخل لدار يلاه كايحيد الفيست سول رتاج

عدنان : لوؤي مزال مادخل

رتاج : لا يلاه جا ... طلع ينعس

نان : مقالش فين كان ؟؟

رتاج : شفتو عيان خليتو حتى يبرد ، مكنعرفش نهضر معاه هو فهاد المزاج ... عاافاك حتى نتا خليه هاد الليلة راه باينة عندو شي حاجة شاطناه متزيدش ضغط عليه اعدنان ... عفاااك

عدنان : ( شاف فيها ) شفتي فشوووشك .. هوما لي غايخرجو عليه .... عقلي على كلامي .. العاطفة ماخداماش مع أم والدة الدراري ارتاج ....

خلاها وطلع لبيتو حتى هو ماشي فمزاج يجبد شي نقاش معاه ... ورتاج كتحاول تسايس منهنا ومن لهيه .... طلبات من الخادمة طلع ليهم العشا لبيتهم وتحاول تهدأو بطريقتها الخاصة اما ولادها لوخرين تعشاو بكري ونعسو لان عندهم قراية ....

اسد داز للشركة عند لامار لانها واحلة فالارشيف كاتقلب على شي ضواسا توضرو ليها وغرق معاها تاهو تما مشغولين ...

قسم دخلات للدار لقات غير قدس لي فوق صال امونجي كتعشى .. بتاسمات وقربات عندها دارت يديها فوق حبتها

قسم : سيستا ... كتحسي براسك صافا ليوم

قدس : نووو بيييخير .. حاسة بدوخة وصافي يمكن بسبب قراية وليكزام

قسم : تاسخانة طالعة ليك ... تعشاي وخودي دوا ... اش درتي فليكزام

قدس : ساليت ... صافي سااليينا

قسم : اوااا على السلااامة .. ان شاء اله يكونو دي بون نوط

قدس : كلسي تعشاي .. بابا عيط ليا قالي باقين معطلين

قسم : وي عرفت ... غير تعشاي كليت على برا ... غدا عندي شوتينغ ... تمشي معايا؟ ( كتحاول تقرب منها)

قدس : ياك مكتبغيش لي يمشي معاك ل لي شوتينغ دياولك

قسم : ودابا بغيت ختي الصغيورة تمشي معايا ...

قدس : ( طلعت فيها عينيها ) انا بيخير اقسم والله

قسم : عرفت .... ولكن انا ماشي بيخير ...

قدس : علااش ؟؟؟؟؟ ياك لباس

قسم : انا لي حاسة بالقنط .... بغيتك تكوني معياا وصافي

قدس : ( غير كترمش فيها ) و .. واخا ... فيقني وغانشمي معاك

قسم ابتسمات ليها وطلعات لبيتها ... وقدس كملات عشاها وطلعات تاهي ... خدات الدوا دسخانة وتكات فبلاصتها تنعس .... جبدات تيليفون كتحاول تلف فيه نعاس واتساب عندها مبلوكي بمساجات ومقادة تجاوب تا على شي واحد .. دازت عليهم مرور الكرام تالقات راسها حالة المحادثة ديال لوؤي تشوف اخر ظهور .... بانليها يلاه شي نص ساعة عاد تهدن قلبها لانه شحال هو ساد واتساب .... عاد حطات تيلي ملي عرفات انه بيخير وتقلبات على الجنب ونعسات ....

اسد ولامار دخلو روطار معشيين على برا .... هي داخلة كتطيح بالنعاس طلعها معاونها فدروج مدووووخة .... حيدات حوايحها غير بزز وتلاحت نعسسات فنفس الوقت نعستها مفشكلة لان واحد من ولادها غااايب .....

اما اسد عيا يضور مجاهش نعاس خصووصا انه كايشوف النقطة د gps دجود قربات تدخل للدار البيضاء عارفو الا راه رااجع ... وراجع كايعني غايعاودو سيناريوهات القدام من جديد تاني والمحاضارات ديال كل مرة يجي من شي سباق ... غير هاد المرة اسد مقادرش مزال يستحمل شي تهور اخر منو مقاادش بالمرة .... باغيها تكون ااااخر هضرة وتكون قطعية ....

لبس سيرفيت ديالو خرج قصد بيت قدس ... غطاها وقاس على جبهتها بان ليه حرارتها مرتفعة شوية ولكن تنفسها مقاد ... شافها خدات دوا لانه بقا محطوط على طابل دونوي خرج خلاها ترتاح ودخل تاني لبيت قسم ... حتى هي غطاها ومشط على راسها لانها بانتليه ناعسة ومزيرة ملامحها كانها كتصارع حتى فنعاسها .... خلاها وهبط فالدروج حتى وصل للفوتوي وجلس شاد على راسو .... كايتنهد على هاد الحال لي وصلو ليه ولادو ... وهاد الاومور لي مبقاش شاد بزمامها .... جابت ليه الخادمة د دالخدمة الليلية قهوة وهو يديو فتيلفون مراقب النقطة الحمرة ديال جود اللي دخل المنطقة .... وهو كايرشف من قهوتو ومستعد باش هاد ليلة يسالي عليه هادشي فمرة وحدة .....

جود غير دخل المنطقة حس بنوع من الارتياح ... السفر لي دار عاونو يزاف باش يرتب افكارو .. وباش يعرف كيف يدير يتعامل من جديد ... قرر انه يعطي الخاطر كتر ويحاول يبين انه تاحاجة موااااقعة ... ويعاود تاني من جديييييد ... وميستسلمش ....

ركن الطموبيل وخرج راسو غايطيح عليه بالنعاس كايضور سوارت فيديو وهاز الجاكيت وكايعوج عنقو من تعب السفر وروكسي طالع مع رجليه ... دخل للدار وهو طلع ديريكت لفوق كايعرف بلاصتو فين جات ... اما جود يلاه غايطلع فدروج هو يسمع ....

اسد : جووود ..

ضار كامل بانليه جالس فالصالون عند راسو اباجور شاعل وفنجال دالقهوة فيديه .. جلستو الجبروتية المعتادة ... رجل على رجل وكايشرب من فنجالو .. ومن تطلعية الحاجب واضح غايكون الحديث مطووول ....

جود رجع لعندو حط الجاكيت وهبط على راسو باسو ليه .. وكلس حداه مفرق رجليه ....

جود : مزال مانعستيش !! ( شاف ساعتو ) تعطل الحال ...

اسد : فين كنتي ....

جود : ( استغرب لانه عارفو متبعو ) هه ؟؟

اسد : مامنحقيش نعرف ولدي فين كان مسافر ؟؟؟

جود : ( تنهد وحك جبينو) ملي عرفتني كنت مسافر .. راك عارف اذن حتى فين كنت ...

اسد : ( شمر بنيفو وحط فنجالو وقاد كلستو والجدية واضحة عليه ) عارف شحال فعمرك ... ولا نفكرك ؟

جود : ( وقف ) الواليييد ماعندي گرام ديال الدماغ لشي محاظرة تاني .... تال صباح ونهضرو ...

اسد : ( شدو من يدو مزير عليه وهبطو للتحت گلسو) كلس لارض .... مزال ماساليت كلامي ...

جود : ( كتنهد موكل امرو الله ) هانا كنسمع ....

اسد : انا رااه باك آجود .. نتا راه من دمي ولحمي ..... دم جووووفي سفكتو عليكم.. ليل ونهار خدام كنوجد ليكم ونتوما مزال حتى ماجيتو لدنيا ....باش ملي يجي سيادتكم .... يلقاهااا باردة ...يقرا فاحسن المدارس ... ويتداوا فاحسن الدول ... ويكبر فاحسن الظروف .. ومايعانيش كيف عانيت انا ولا ماماه ... ومايتخصش ... ودابا ... انا راه بغييت نشوفك راجل ... رااااااجل ...

جود : و ماالي كيف جيتك انا دابا !!! ( شعل) واش الرجلة عندك هي نلبس گرافات ونزير على عنقي ونگلس على داك الكرسي فالشركة ؟؟؟؟؟ عاد غانتسمى راجل؟؟؟؟ لا بغيت نرسم لراسي طرييقي وندير اش بغييت انا ولي كنرتاح فيييه انا .... غانتسمى ولد الحرااام ؟؟؟؟؟؟

اسد : ( بالغوات كتر منو ) لي كترتااااح فيه نتا هووو تخلع واليدك وخوتك وعمامك فنصااايص لييل وراااا كل سباااق فداك الخشخااااشة ... هووو ديما نهزك بالكوبتيرات معللق الگبص ؟؟؟؟؟؟؟ هو مك يسكت ليها القلب بالخخخلعة ؟؟؟؟؟ هدا فاش كترتاح؟؟؟؟ تشووووفنا معددددبييين

يلاه كايغوت وقسم هابطة فدروج كتجري ببيجامة ديال النعاس مخلوووعة و مشات شدات فباباها كلساتو

قسم : جوود ؟؟؟؟ مااالكم ... بابا تهدددن ماتعصببش غايطلع ليك السكر تاني تهدن عفااااك .... ( شافت عند جود لي غاطس راسو بين يديه ) اش واااقع

اسد كلس وعطاتو قسم الما شرب .. وبقا كيسرط فريقو ويحاول يتنفس مزيان وكمل كلامو بهدوء

اسد : انا لاباس ابنتي غير كنهضرو .. طلعي كملي نعاسك راك فايقة بكري ...

قسم : ( خاشية يديها بين دراعو ) مابقيتش كنرضع صبعي ابابا .. خرجت نطل على قدس كيف بقات وتسمع ليا صداعكم ... ( شافت مع خوها ) جود مالك ؟؟؟؟ ياكما كايحرقك راسك تاني ؟؟ جوود

جود : ( طلع راسو فيها ) لا انا بيخير ... غانطلع ننعس .. تصبحو على خير ...

جا ماشي هو يقفو كلامو

اسد : جود ... فحيااااتي ... فحياتي مغانوافق ليك على هادشي .... ( بكل جدية ) يا إما تختار واليديك ... وعائلتك ... يا إما تختار سباقاتك والخطر لي عايش فيه .... أما بجوج عمرها غاتكون آولدي غير لا مت انا ....

قسم : ( وسعات عينيها ) بابا اش كتقول ....نتوما غير معصبيين ماتبقاوش تخربقو فالهضرة ..... هاد الهضرة ماشي ديالنا ... حنا تزادينا مجموعين وغانبقاو ديما مجموعين ....

جود بقا واقف مدة كايغلغل داك الكلام مع ضلوعو ورجع ضار عندو

جود : الروووكان ... لي كايعرفو العالم كامل ... مكانش واحد النهار غير حلم عندك آلواليد ؟؟؟؟ حاربتي على قبلو .... ووصلتي لهادشي لي واصل ليه دابا ... حيت درتي شي حاجة نتا بااااغيها ..... علاش انا تفرض عليا ندير شي حاجة لي انا ماباغيهااش ... انا ماعمرني غانكون بيزنس مااااان .. مااااعمرني .... ( عينيه حمارو ) ودابا كتخيررني بين حلم عشتو من صغري .... وبينكم !!!! مكتشوفش راسك ككضضضلمتي آلواليد همم ؟؟؟؟

اسد : ( وقف بعصبية والغوااات ) من صغرك .... هااد من صغرك هادي هي لي خرجات عليك وخرجات علينا كااااملين ... ( كاينهج ماقادش يستحمل العناد ديالو فهاد الموضوع ) 19 عااام .. 19عاام وانا وماماك و ختك مكنشوووفوش النعاس مرتاحييين بسباااابك .. نتا ملي كتخرج على داك الباب حنا راه كايكون عااالم بينا غير الله ..... الى داك الكارد لي تابعينك محاملهومش وديما هربان ليهم ... .. انا راه محاااملهووش كتررر منك .... ( بحرقة ) تانا مككررهتش يخرج ولدي للزنقة ولا يساافررر و نكون مهني ... تانا مكرهتش يخرج ولدي بلا مانسيفط موراه الكارد يحضيوه لى نسا راسو فطريييييق يجيبووووه لدار ( جود زير على عينينه وقسم شدات على فمها عارفة الى مكيحملش لي يجبد ليه هاد الهضرة واسد معصب محاسش براسو ) تانااا مكررررهتش ولدي ؤنجح فآش بغااا .... تانا مكرهتش نكوون معاااك فموناكو .... ولكن واش نديك لموت ؟؟؟؟؟؟ الا نتا كتخرج وتنششششط حنا كانكونو كندعيو ترجع لينا بسللاااامة ومااااتنساش راسك شكوووون ....ولا كيفاش دير تصوووگ.... كنتخيلوك 100 مرة فالنهار درتي اكسيدون حيت نسييييتي الفرااان فين كاين ونسيتي راسك واش كتعرف تصوگ ... بسباااااب داك الاكسيدون لي هادي 19 عااام وهي معيشااانا فالعداب .. بسبب داك الاكسيدون لي دارها لك هاد الحلم لي كتهضر عليه نتا ... نتا حلمتي وحنا كنعاانيييو ... حنا راااه ماتيقناااش راااسنا ولدنا عاااش لينا من بعد داك الاكسيدون نخليك دابا تررررجع تعاود لينا نفس الشيء ؟؟؟؟؟؟؟ هاااا !!!!!! وتزيد تقول ليا ضالمك ... كون كنت مااقاااادش على اابحر مكنتش غانتلاح ليه ومكنتش غانحلم به ... علاش تلاحيتي فمجال مقاادش عليييه اجود .. دييييررر اي حاجة بغيتي فهاد الدنيا ... غييييير ماتقولش ليا غانخليييييك تسوق طموبيل بكتر من التسعيييين ... ( يدو كترعد بالاعصاب والسكري )

جود شاف يديه و تلاح عليه گلسو هو وقسم لانه تعصب بلا فياس وواصح السكر طلع ....

جود : ( كايشربو الما مخلوع عليه ) تهدن .... صافي ... مغانمشيش تهدن عفاك .... تهدن ....نعبر ليك سكر ؟ نوض نخرجو لبرا حسن ...؟؟؟؟ قسسسسم حلب دوك البيبان ... ااواااليد نتا بيخيير ؟؟ صاافي غير تهدددن مغاننمشي فييييييين تهدن ...... عافاك ...

قسم : ( كتبكي ) بابا .. بابا عفاااك ماتعصبش ودير فراسك هاد الحالة راك عارف جود .. صافي ابابا عفاك ( كاتبوس يديه ) متععصبش

اسد : ( كاينهج ) انا لاباس ..لاباس ..... الى كنتو نتوما بيخير .... انااااا بخير .... غ . غير نشوفكم نتوما بيييخيير مغاتوقع ليا تاحاااجة فهاد دنيا ... ( شاف عند جود ) انا مضالمكش وماباغيش نضلمك .... انا غير اب ...هز ولدو وهو فعمرو 7 سنين كلو دمايات بين يديه ......انا لي ماخليت بيه تادولة يبرا ليا .... انا لي ماتيقتش راسي حتى عقل عليا ... واخا دابا ناسي النص فصغرو .... ماهمنيش .. المهم قال ليا بابا .. انا لي كنت كنصوگ غير فوق 120 دابا ولات عندي فووبيا نشوف شي حد صايك فوق التسعين .... فوبيا حتى نشووفك نتا صاااايگ .... واش أب بحال هدا غايشوف ولدو فالسبااق ويصبر ويهدا ليه قلبو ويشجعو ملفوووق ؟؟؟؟ ونقولو انا نصبر .. ماماك تصبر هم ؟؟؟ وختك !! ختك لي ماكلات ماشربات حتى فقتي نتا من الكوما .... نقولو لوخرين كانو صغار .... ونقولو انا وماماك ضالمينك .... وختك هم ؟؟؟؟؟ واش حنا كرهنا نفرحو معاك .. كاين شي اب مايفتخرش بنجاحات ولدو ؟ انا بااااغي نفرح ليك باغي نشجعك ولكن ماشي عىلى موتك .. كانقوليك تمشي لشركة حيت هي البلاصة الوحيدة لي غاتكون قداااام عينيا .. مغانىتااااحش ونتا بعييييد ... هادشي خصك تعرفو راسك ماشي حتى تعصبنا وتخرجنا على طوعنا

جود : غيررر تهدن كلامك هوو الكبير .. انا صحتك عندي اهم من كولشي ...

شاف عند قسم لي كتبكي وعنقها تاهي عندو

جود : نتوما اغلى ماعندي ...... كنعتدر الى كنعدبكم بلا خاطري ...كنعتدر حيت اختاريت نعدبكم نتوما على نتعدب انا ....

قسم : ( كتهضر بدموع ) حسابتك نتا رخيص علينا اخويا .. راحنا غير خيفانين عليك .... تا بابا وماما وانا مكرهناش نشوفك عايش حلمك و نفرحو لنجاح لي وصلتي ليه .. نهار كتكون ربحتي كولشي كان فرحان الا حنا ... ماشي حيت ماباغينش .. ولكن حيت خيفانين تديك هاد الطريق ... مكرهناااش ..

قرب ليها راسها باسو بحنية وناض وقف عينيه حوووومر ... ودرعانو يبسو وتعرررقو .. تنهد مطول ومشا باتجاه الدروج ورجع ضار

جود: غدا غانمشي معاك للشركة ..... ( حاول يتبسم ) وغالبس داك الگرافات ... نتعدب انا ومانشوفكومش نتوما كتعدبو ....

طلع فالدروج وقسم شافت عند باباها

قسم: بابا .... ( متبع بعينيه جود ) نعبر لك السكر ؟؟

اسد : ( بتنهيدة ) لا ابنتي غير طلعي تنعسي

قسم : بابا .... ماشي ... ضلمتيه شوية ؟ هو كيكره شي حاجة سميتها العالم دالبيزنس .. اه انا متافقة معاك تانا مانقدرش نشوفو فشي سباق .. ولكن على الاقل يخدم خدمة اخرى .. نتعاونو حتى نشوفو شنو غايرتاح فيه من غير هادشي ....

اسد : ( غير كايسوط ) شحال قدني ندوم ليه آقسم؟؟؟ ... بغيت نشوفو راجل وقاد بالمسؤولية ... بغيت نشوفو واصل وناجح .... الشركة غير طريق يربي فيه حس المسؤولية وننبعد يتأونكاجا فالمشروع لي يرتاح فيه .. مهم نشوف ولدي ناجح فشي حاجة

قسم : نتا راك عارفو ناجح بلا بيزنس وتصاورو فالجرائد الكبار وكولشي كايهضر عليه ... الحاجة الوحيدة لي يقدر ينجح فيها هي داكشي لي هو كايرتاح ليه ....

اسد : حس السباق مابغيتش نسمعو .....مابغيتش تفقدو خوكم و تيتمو حتى فينا لاوقعات ليه شي حاجة ....

قسم: اعوووود بالله اش هاد الكلام ابابا ..... نتا غير معصب حيت سافر بلا مايعلمك.... راك عارفو كيداير غير لي فراسو ماشي جديدة علينا .. ولكن ماتقساش عليه ابابا بزاف ... غايمشي تاني ونبقاو نقلبو ...عارفة عندو غير نقشة دالعقل ... نتا عارفو كيكره لي يجبد ليه مرضو ونتا جبدتيه ليه شتيه كيف ولا ؟؟ رخف عليه تاهو ابابا عفااااك على قبلي ...

جود طلع فالدروج وكل درجة داير فيها عااام تاوصل للخرانية وكلس فيها شاد على راسو .... مكرهش يفركع راسو بين يديه ... هاد الراس لي خالق ليه هاد المشكل كامل ... العروق فجبهتو كاينفضو ....ولا معصووررر النفس كايزفرها سخوونة... ورجع ناض وتمشى فالكلوار تاوصل قدام الجناح دوالديه ... حل لبواني غير بشووووية وطل براسو .... بانتليه نبع حنااانو نااااعسة .... تمشى تاوصل لسرير وعلا الكوفرلي غطاها .. من ملامحها باينة نعساات مقلقة .... توحشها ، قرب ليها بشووووية وباس على جبهتها ... وبقى كايشوف فيها مدة .. مايقدرش يتخيل راسو عايش بلا بيها ولا بلا عائلتو ..هز يديها لعندو وباسها مطول ... و حيد سبرديلتو ودخل حداها فالفراش بلاصة باباه ... يعيا يكبر وعيا يطوال ويعراض ... كيبقى شبل صغييور قدامها .... عنقها عندو وتاهي تخشااات فيه ضناتو اسد نيت عنهم تقريبا نفس الفورمة ... وبقا يدوز يدو على شعرها ويبوس راسها ... كأنه كايشكي عليها هاد الحلم المستحيل لي كايراودو ولي مستحيل يعيشو ولي ملزم يختار بينو وبين عائلتو .... تاغفااات عينو ....

اسد طلع هو وقسم وهي شادة فيه وناعسة على كتفو... دازو لجزاح قدس طلو عليها وعبر ليها اسد الحرااارة كانت هبطات ..

قسم : ( باست على راسها ودوات بالحس ) نزلات ... تانتا دخل ترتاح ابابا .... انا نمشي معاك نطل على ماما ماشفتهاش النهار كامل ...

مشات معاه للجناح غير حل لباب بان ليهم جود ناعس فالفراش معاها .. منظر لي خلاهم يبتاسمو بجوووج ..

قسم: هههه قد العووود بالعرض والطول وباقي ناعس حدا ماماه ...

اسد غير مبسم بعياااء .. وقرب غطاهم بجوج ...

قسم : ( قالبة شفايفها ) بابا ... راه جاتني الغيييرة ديال بصح

اسد ضار عندها ضحكاتو بزز عليه وجرها لعندو عنقها

اسد: ولد مو هدا ...

قسم فلتات من يديه وطلعات فوق السرير واسد كايحيد الجاكيت ..

قسم: ( بالحس ) جوود .. جووووود

جود: ( حل عييين مجبدين بالنعاس )

قسم،: كحز تانا توحشت ماما ....

جود ضحك وجبدها لعندو خشاها وسطهم ...

جود : مغيارة ...

عنقها ونعسو حتى غفاو اما اسد خدا فراشو للكنابي استعمروه فالسرير وولدو واخد النص لكبير .. ماعندو فين يزيد ، خلاهم هدا ماماهم لان فاهم هاد الاحساس لي وصلو ليه... لا قسم لا جود بجوجهم ضايعين ... كايقلبو على موطن ثم لقاوه فحظن ماماهم ...

الصباح الموالي ....

بدات كاتفيق لامار على شي حد مخشي فيها .... باقا فدوخة دالنعاس كاتقول اسد ماشي قد هاكا ... كتحاول تحل عينيها وترمش تاكاتبان ليها قسم لي مخشية فيها وناعسة تماما بحال النعسة ديالها وهي جنين .. مكمشة رجليها و حاطة يديها حداها وحتى صوتها مكيتسمعش نعستها هادئة بحالها ... وبدات كتضحك كدوز يديها على شعرها كاتقول هادي امتى تخشات وسطنا ؟ و تعلات باش تفيق اسد يشوفها كي ناعسة وسطهم وهي توسع عينيها ملي بان ليها ضهر جود هذا ماشي اسد ..... كان ضاير للجنب وطالق يديه و رجليه شاد ليهم الناموسية كاملة ومخدة فوق راسو ... ماتيقاااااتش واش كتحلم ولا بصح .. دورات وجهها بان ليها اسد ناااعس فوق الكنابي لاحوه ولادو لتوش .... حاولات تسلت بشوية من قسم .. وكتعلا تأكد من جود لي مامتيقاش واش رجع .... وواش ناعس حداها ....

حيدات بشوية المخدة على وجهو .. هو يبان ليها ناعس نعستو المخنزرة وشعرو مربل على وجهو وبدات كتبتسم وكدوز يديها على شعرو وهبطات على راسو باستو .... وهي ضور تشوف عند اسد كضحك على داك نعسة لي داير .... وغطات ولادها بفرحة وضحكة .. وناضت بشوية على طراف صبعانها وتخشات حداه .. غير حس بيها حل فيها نص عينو وظهرات علىى فمو واحد الابتساامة وجبدها لعندو عنقها غطاها معاه

لامار : ( بصوت ناعس) ياك مكنحلمش ....

اسد : ( مبحوح بالنعاس ) هوما هادوك اروحي ...

لامار : امتى رجع

اسد : لبارح بليل

لامار : فررررررحت ملي شفتو معايا فالسرير .... واش نتا خليتيهم ينعسو هنا

اسد : ملي طلعت لقيت حداك غير جود .. جا معطل موحشك ونعس حداك ... قسم غارت منو ونعسات تاهي ..

لامار : ولاحوك هنا هههه ( تخشات فيه كتر ) مكرهتش شي سرير كبير يهزنا انا وياك و جود وقسم وقدس ووسيم ....

اسد : اه يعني انا مكافينيش شوفتهم فنهاري لقاهم تافاش نجي نعس ... انا ولادك راه كنتهنى منهم غا فليل ....

لامار : ههه ولكن بصح ... ماعجبكش منضرهم وهوما معانا ؟؟؟.. كتحسهم باقين صغار ( ضارت كاتشوف فيهم ) تعقل نهار كانو صغااااررين وكنخشيهم معانا بجوج ..... طفولتهم كانت زويينة قبل من داك لاكسيدون لي قلبات حياتنا ... فرحت لي عاودو حياو لياا دكرياتهم ...

اسد : شششش ... ( جبدها لعندو ) مخصنا هم ... نعسي دابا ورتاحي .. جود راه رجع ... ومكنضنش غايعاود يمشي

لامار : بصح ؟ واش هضرتو ؟

اسد : هضرنا شوية ....

لامتر : مدابزتوش يااااك

اسد : مكشوفيهش ناعس بلاصتي

لامار : ههه راه داكشي علاش فرحت فاش شفتو ....

ابتسم ليها وهبط عندها شفايفو طبع قبلة خفيفة ففمها يلاه غايزيد وهي توقفو

لامار : اويلي حماقيتي غادي يفيقو

اسد : وهاهوما فاقو ... باش يتعلمو ينعسو هنا ..

لامار : اويلي كيغاندير نشوف فجود حماااقيتي لااااا بعد ....

ماسمعش ليها وانقض على شفايفها وهي عيات دفعو خايفة يفيق شي واحد فيهم ....

اسد: ( فودنيها ) هانتي طيريتي النعاس ....

ماقدرش يتحكم فنفسو وناض وجرها من يديها وهي ميتة بالحشمة لي ولادها دابا كبرو وفنفس البيت ودخلها لبيت اخر كاين فنفس الجناح فيه جليسة وتيڤي وشوميني .. وسد الباب عاد ضار عندها

اسد : انا هادو يحرمو عليا ؟؟؟ ... ملي غايتزوجو غايعقلو عليا انا ..

لامتى : لا اسد والله حتى غااايتسمع اويييلي جووووود

اسد : ششششش .... على هو باش جا ....

لامار : انا .. ان لي خصني الددددق نايضة لعندك ونتا على سسسبة ... منا خليني غير حدا ولييداتي ....( جاتها البكية) اسسسد ننننعل شييييطاااااان

فيلا عدنان ..

على طاولة الفطور كانت رتاج وولادها انس وفيصل و المساعدة كتحط الفطور وهي كتهضر مع ولادها وتحاول تشجع فيصل لانه داخل لامتحان ... وكتشجع فانس تاهو ... تاهبط عدنان فدروج غير بانوليه مجموعين على طبلة وعنق رتاج من لور باسها و باس ولادو وجلس و الخادمة كاتخوي ليهم القهوة وحطو جورناال حداه

عدنان : فين لوؤي .. مزال مافاق ؟

رتاج : نو طلعت مالقيتوش ، قالو ليا خرج بكري

عدنان : فين مشا هدا ؟ اش عندو مايقضي هو بكري

رتاج : وانا عرفت ... نسالي فطور و نعيط عليه ... ماقلتيش ليا امتى غانسافرو باش نقاد خدمتي

عدنان : السيمانة الجاية احبيبتي قادي مسائلك.... لي بخانس ... ليكزام ليوم ؟

انس : وي بابا ..

فيصل : دعيو معانا

عدنان : بالتوفيق ... ماتسطريسيوش راسكم وديرو فبالكم انه امتحان عاااادي جدا غاتلخصو فيه اش قريتو فالعام كامل . .. مكاين علاش توترو ولا تخافو ... اِي ان شاء الله منبعد لي غيزيلطا ناخدو انا وماماكم كونجي ونديرو سفر زوين تنساو فيه سطريس القرايا ..

انس : ( بضحكة ) بغينا فينيزيا ابابا هاد العام ......

عدنان : ( كايشرب قهوتو وكايشوف فيه ) مالك اولدي مع ايطاليا ... كاتعجبك ماكلتهم .. باغي تعلم لغتهم.... كتبع افلامهم .. كتعجبك هاد دولة ولا كيفاش !!!

فيصل : ههههه هذا باينة شي ايطالية دايا ليه العقل

رتاج : ( عنقاتو ) بعدو ليا من وووولدي ... اشمن طاليانية ولا نورفيجية ... ولدي غايبقااا مع ماماه

عدنان : هاهيا ناضت تفششو ليا تاني ( جبد ليها ودنها بيدو بحركة دلوعة ) ياك تنقوليك ماتفشيش ليا لولاد

رتاح : بببعد مني خلييييني نفرح بووولدي ... اولي على نتا تعطيهم بومزوي ونا نزيدهم .. تعقد ليا ولادي شكون غايدلعهم

فيصل : هههه ... عندو الحق الواليدة كالسة تمخششي فينا واش حنا سميتنا اميمة ....

رتاج : يااااااك ... غااالبارح كنتي كتنعس عندي بحال شي قطيييييوط وتخشى .. دابا كبرتي عليا كتافك ....

باقين ضاحكين فجوهم العائلي تاسمعوه داخل وشافو لباب كان داخل وقرعة دالما فيديه بشورط وسبادرين وبيل كولوووو فازك عليه وكاسيكيط وشعرو كايقطر بالعرق واضح كان كايجري .... دخل كايضحك مع الخادمة لي كانت دايزة خربق ليها فشعرها .. وزاد عندهم بقا بعيد على صال مونجي على ود انه باقي مدوشش ...وكايبان مورالو مقاد على لبارح

لوؤي : صباح الخيييير ....

رتاج : لوووؤي !! خرجتي اولدي لسبور ؟؟ خليعتيني سحابلي فين مشيتي على صباح

لوؤي : وفين غانمشي الواليدة يهديكم الله حيدو منكم هاد القاعدة راني بلحيتي .. ( شاف عند باه عارفو قالب عليه وجهوو تاني ) الواليد .... راه بديت فداك الضوسي عندك .. عندي شي افكار نكلسو بلاتي شوف ليا واش داكشي هو هاداك

رتاج شافت عند عدنان بلفررررحة و عدنان كيشوف فيه بملامح ديال واش نتيق ولا لا !.. ورتاج ناضت كتجري لعندو

لؤي : عرقان عرررقااااان خليك ...

ماتسوقاتش ليه عنقاااتوووو وبدات كتجبد ليه فحناكو وعدنان شاد على راسو

رتاج : انا لي ولدت هاد اازيييين غير قوليا ؟؟؟؟؟؟؟؟ نتاااا حبيييبي نتااا .. و هااااكاااا نبغيييك اولدي هاكا نبغيييييييك ( عنقاتو ) وااااكنبغي انا هاد الولد كنبغيه

لؤي : تانا كنبغييييك غا بعدي راني عرقااان غانفزكك ...طلقي ههههه ....

فيصل : هاهي ناضت تفشش فيه تاهو تاني .... ماما والله الا خاصك العقل

طلقات منو فرحانة و هو طلع لبيتو ... وهي كلسات

رتاج : ششششتي هاهوا اقتنع ..... الله يكمل عليه بعقلو

عدنان : دابا هاد التحنقيز كامل حيت قبل يعاون باه فمشروع .. دار ليا انجاز ... راه كنقول ليك غاتخرجي على دراري بهاد الفشوش ... نوضي تكعدي يلاه نوصلك فطريقي ... انس دغيا اولدي راه تعطلتو

رتاج : صببر نجيب صاكي ..... فرررررحني ولدي حبيبي فرررحني .... غاااكضلمو اعدنااان

عدنان : ودابا غازيدي زيدي ...

خرجو كاملين فطريقهم اما لوؤي خدا الدوش ديالو وخرج غير بشورط للبالكون كلس شاد بيسي كايقيد شي ارقام الهواتف دارهم فالبحث هاد الصباح ... فنفس الوقت كايشوف لداك ضواسا ديال باه وهضرة اسد فدماغو ... يحاول يدير الخاطر لباباه وللعميد والى لقى راسو وفق بيناتهم بجوح يكمل على داك المنوال ... والى لقا راسو ماوفقش يحاول يختار السيد لي فرح ليه من قلبو لنجاحو واش باباه ولا العميد ... عاد تبان طريقو .... اما دابا مركز على سلفادور و مراقب جميع تحركاتو فالرقاقة لي زرع ليه تحت طموبيل لبارح بليل كايعرفو فين ماشي وفين جاي وشنو كايخطط يدير .. ولحد الان ماشاد عليه تاحاجة ماشي طبيعية . عيا يتسنى واش تبان ليه شي فريسة شادها ووالو ... باغي يعرف اش كيدير بداك البنات لي طول مكيبانو معاه كايغبر ليهم الاثر .... باغي يعرف معامن خدام بالضبط وشنو كايدير باش يربح قضيتو .... لان جميع شكاوي داختفاء البنات وخصوصا القاصرات كانو متعلقين بيه كل الاسهم مشارة ليه وانه اخر شخص شافوه قبل مايختفيو مرة كايكون مدرب مرة ناذل مرة سائق .. كترصدو كل مرة كاميرات الشارع او شي شاهد عيان ... وهاد المرة ملي جا للمغرب عرفو غايكون عندو ضحية هنا مغايجيش من فراغ وكلفو لوؤي يبحث وكايتمنى متكونش ضحيتو قدس ... لانه لحد الان معارفش اش كيدير لضحاياه باش كايختفيو .. واش كيقتلهم ؟ واش كايغتاصبهم ... وحتى لي ماختفاوش ماكيقدو يقولو فيه والو بحالا مبتزهم بشي حاجة .. وهادشي لي محير الدورية وكتحبث عليه .... وهادي قضية لوؤي لي خاصو يفكها هاد الشهر ... يحل اللغز

بدات قسم كتفيق بشوية وتكسل على سريرها وهي تشوف ظهر خوها منشور حداها وضحكااات بفرحة ..مكاينش شي خاحة لي كيموتو عليها ولاد الاسماعيلي كثر من بعضياااتهم .. ضارت لقات بلاصة ماماها خاوية وحتى ديال بابها ؟ .. ورجعات عند جود من جيهة لوخرة كتخربق ليه فشهرو و وذنو كتحاول تفيقوا وهو كيكمش ملامحو وكتبعد يديها

قسم : جووود ..... جووود نووض ... جوووود

جود : ( شد ليها يديها ) شششش نعسي

قسم : عشرة دصباح ... جود نوض عندي شوتينغ غانشميو انا وقدس يلاه نفطروو كاملين .... جووود

جود : ( بصوت ناعس ) سيري لشغالك ملي نفيق غاندوز عليكم ..

قسم : نووو مغادوزش .. فييق راحنا فبيت بابا وماما حشومة ... نوووض

جود عاد تفكر راسو ماشي فبلاصتو وناض معلي حاجبو كايشوف هنا ولهيه كيحاول يتذكر ليلة البارح حيث كيلقى صعووبة فالتذكير ملي كيكون يلاه فاق وشاف عندها مخنزرر ضايع فيه ناعس

جود : دابا نتي متحيديش منك هاد القاعدة ... خليني نعس

قسم : نوض بغيت نفطرو مجموعين

جود : ماعندي ميدار اقسم نفيق دايا ... سيري وملي نفيق والله حتى نجي عندك نتغداو ...

قسم : هاء ؟ ي ياك ... قلتي لبابا غاتمشي لشركة

جود : ( كيحك فشعرو ويتفوه ) وتالعشية .. ضروري نمشي فصبح

قسم : جود سيريوزلي !!! .. فالصباح حنا منخدموش نخدمو غير فالعشية ؟

جود : ماشي غير انا اللي كاين .. يخدم هو فصباح نرومبلاصيه انا فالعشية

قسم : نوض اوليدي نوووض ... نتا لي غاتشيب بابا نوض ... قالك يخدم قالك ..... شنو غادير فالعشية تمشي تسد موراهم البيبان حسابتك بابا عندو ديسكو ...عارف بعدا بابا فاش خدام ولا ماعرفش ....

جود : ( شاف لداك الببت مسدود ومكانش مسدود لبارح هو يشوف عندها ) الله اودي باك عندو خدمة وحدة فهاد الحياة تاتزيدي تكبري شوية مزال وتعرفيها شنو هي ..... ( لاح عليه ليزار وناض )

بقات كترمش بعينيها متبعاه فللخر ناضت لييتها حتى هي اما هو مشا يكمل نعاسو ...

دوشات قسم ولبسات حوايج خفاف لان غاتبدل فشوتينغ ... جاوبات صفاء قالت ليها جايا ... ومشات فيقات قدس تاهي بسيف باش فاقت ليها تمشي معاها .... كتحاوول تعمر جمييييييع الفراغات لي يفكروها باصيل ولا بداك الحومة ..... ماتخليش اسيباس فين تفكرو ... نهار تعمروا بقدس نهار بجود نهار بسلطان نهار لوؤي حتى تنسى وتحيد ادمانها ....

دوشو ولبسو هي وقدس وخرجو ... اما جود طلق عندو روكسي فوق سرير كمل نعاسو حداه معنقو ....

وصلو قدس وقسم لبلاصة الشوتينغ وقدس باقي فيها النعاس ... طلبو لتما فطور ...

قسم على الكرسي كيصايبوا ليها لميكآب و قدس شادة تيليفونها على واحد الفوطوي حداها متكية ... حتى شوية كتنفض على نعستها وهي كاتقرا واحد الميساج من سلفادور .. يلا طلعات ليه الفي بدا كايصوني شافت عند قسم الى ماراداش ليها البال وخرجات لبرا

قدس : الو

سلفادور : قدس لاباس عليك ... لبارح ماقدرتش نهضر معاك فالملعب خفت باباك يجيب الخبار تاني ويدير ليك شي مشكل .... متأسف لشنو وقع لخوك .. عاد قريت الجرائد

قدس : ج جرائد ؟ اشمن جرائد

سلفادور : جرائد ديال اليوم ...

قدس : كتبو على خويا ؟

سلفادور : اهاه ... مقال على خسارتو .. كنتأسف على لي وقع ....

قدس : ااء .. ( كتحك شعرها ) ششكرا

سلفادور : منقدوش نتشاوفو .. متخافيش عندي بلايص لي مايشوفك فيهم تاشي حد .... عنداك يمشي بالك بعيد كنقصد غير قهاوي ...

قدس : ااء ماعرفتش ... بابا حاليا حاط عليا العين .... حنا مغاربة راك عارف .. و ولكن دابا نشوف كيف ندير

سلفادور : غانبقى كنتسناك منقدرش نتحمل غيابك عليا فالملعب وحتى على برا .. لبارح قلبي كان كيتقطع وانا كنشوف فيك وماقادرش نهضر معاك ..... ديري لينا شي حل

قدس : اا ففف ... م مم اعرفتش

سلفدور : قدسس ..... انا فعلا كنحس براسي ...... معجب بيك يزاف ...

قدس : ( عضات على شفايفها قلبها كيضرب ) ااء ..... ش شكرا

سلفادور : نتشاوفو هاد العشية ؟

قدس : ن نشوف .. نشوف ونرد عليك

سلفادور : يلاه مانطولش عليك .... تهلاي ليا فراسك بزاف ....

قطعات عليه و بقات شادة تيلي عاضة على شفتها ويد على قلبها كاتحسو غايخرج من بلاصتو .. الكراش اعترف باعجابو ؟ ولكن كيغادير لهاد العلاقة !!!! باباها غااايقتلها ..... ورجعات غمضات عينيها ودخلات .....

لوؤي كمل البحث ديالو وناض لبس تيشورت كحل و سروال دجين وسبادرين . لاح كاسكيط فوق راسو بالمقلوب ولحيتو مشطها غير بيديه وهز سوارتو ونزل ... يلاه غادي هو يلمح صورة جود فالجورنال لي محطوط حدا البلاصة لي كان كالس فيها عدنان واضح حطوه ليه يقراه ومنتبهش حيت باقي مطوي ... مشا لجيهتو هزوا هو يعلي حاحبو مع داك العنوان ...

شبل الاسماعيلي و مرضه الذي يقوده لخسارات متتالية ....

غير شاف اسم الصحافي بدا يزفر النفس بغضب كيقرى فامقال .. كان كولووو مستفز وبعض الجمل كتجيب الاعصااااب " مدلل الاسماعيلي لا يكف عن تهوراته " ... وصورة ديالو فالتريپ ليدار للجنوب مصورينها ليه من بعيد كاتبين عليها " هروبه من المسؤولية " .. واختموها ب " صبيانته وتهوره سيقود بها عائلته و سمتعها و اسم الاسماعيلي الى الهلاك " ... " لم يكن ابدا عند حسن ظن والده الذي يتمناه رجلا يخلفه في اعماله " ...

لاح لوؤي داك الجورنال على الطابلة مزير عينيه وخرج كيفور مشا لطوموبيلتو وكسييرااا بججججهد شاد الطريق لهاد الجرييدة هاد المرة ناوي يهرس ليه شي عضم فخطرة وحدة ...... لان هاد الصحفي زاد فيه وبزاف ....

في الجريدة ..

جالس داك الصحفي فالمكتب ديالو كايقرا فتعاليق داك المقال لانو تحط حتى فالسيت ديالهم و كايضحك بشر ... حتى تحلا الباب ثم علا عينو كان رئيس التحرير ...

رئيس التحرير : مزال ماباغيش تبعد على هاد العائلة ... المقال مستفز ا عصام

عصام : حتى انا بغيتو يكون مستفز ... ( عوج معاه راسو ) مكرهتش نشووفهم كل ما خرجت مقال من مقالاتي كايتحرقو بالاعصاب ، غندمهم على النهار لي حگروني فييييه ...

رئيس التحرير : ماباغيش شي شوهة اخرى لجريدتي ومنقدش عليهم اعصام عندك شي حساب معاهم فكو على برا .... ماباغيش و مقاد على شي صداع اخر وديما نفكوك من يديهم .. ماتستهنش بيهم راه واخا ساكتين ليك نهار غايفقدو صبرهم غاتندم على عيشتك

عصام : مغتكونش كتعرفهم كثر مني ... انا مكنخاف من حد ... عادي كتبت مقال عاااادي جدا وانا صحافي والدولة عاطياني حق التعبييير .. نقدر نكتب لي بغييييت وعلامن مابغيت . تاحد مايمنعني ... وزايدون نتا خصك تكون فرحان ياك ماقالاتي هوما لي جابو ليك الازدهار و الشهرة لهاد الجريدة .. نتا عارف شحال كييموتو على خبارات هاد العائلة خصووصا فضااااايحهم

رئيس الترحير : انااا راني هضرت ..،ماعندي ماندير بالازهار لي يجيني موراه النحل مع هاد العائلة ... انا منقدش عليهم اعصااام .. راه هادوك قادين يسدو لينا هاد الجريدة بلي فيها .. ماتماادااش بزاف ... شفتي داك المرة اش وقع ... راه رديتك للخدمة غير على ود معرفة دالاب ديالك .... اما انا راه متعتبش هنا مزال ...

عصام : خاصهم بعدا يعرفو انه واخا يسدو الجريدة غانكتب فصفحتي ... وواخا يسدو صفحتي نكتب فالحيووووط ... مغااااانهدااااش ....

رئيس التحرير: تحمل مسؤوليتك ....

خلاه وخرج وهو رجع كيشوف لبيسي فصورهم وكايدوز فيهم وحدة وحدة حتى طاح فصورة قسسسم .. وبقا كايشووف فيييها مطووول .....

عصام : اش فيها كون قبلتي بيا هم ؟ ... اش فيها كون قبلو يزوجوك ليا .... اشنو كان غايخصك معايا ؟ .... كاي واحد هزيت الورد وقصدت بابكم .. ولكن انا ماشي من مستواكم!!! .. علاش الحكرة .... ودابا قااااسيو ... غانبقى تابع فضايحكم وحدة وحدة ونوريكم هاد السلطة لي حكرتويني بيها كيفاش غانمرمد بها الارض ...... نوريكم الصحفي اللي حكرتوه اشنو كايسوى .. غلطتي الوحيدة انني بغيتك .... تغرمت بيييك ... علاش يحيدوك ليا ؟ ..... كتبينو التواضع للناس ونتوما كلكم غروووور و تميييز و عنصرية .... انا لي غانخصر وجهكم غير بلاتي ....

تفتحات الباب بسسرعة ودخل واحد سيد وهو يشد البيسي وشاف فيه

عصام: اش وقع

- ( كاينهج ) و وواحد .. واحد من ولاد الاسماعيلي د. واحد من الاسماعيلي جااااا ...

باقي ماكمل كلمتو كان لؤي دفعو ودخل .... يلاه غايهضر معاه .. تامعرفووووش منين خرج لييييه من موراه تتلااااح عليه تكاه على البيرو كيكروشي فيه وهز كيحيدوا عليه

لوؤي : جوووود ... جوووود حيييييد .. جووووود ......جووود نهضضضرو بالعقل حيييييد غاااتقتلووو ....

جود تججن عليه بالمعقول غير فاق شاف داك الخبار معرف راسو كيف دار وصل .... كيضرب فيه بالكروشيات على البيرو وكولشي دخل كيشهق شادين على فمهم ورئيس التحرير كيمسح بكرفاتو العرق على وجهو مخلوووووع وبداوو يتاصلوا بالبووووليس .. وجوود لسسسسسق علييه تاااجبدو لووووؤي بكل قوتو بعدو ولاخر وجهو كولو دماااياااات كيكح غير دم وجود صدرو كليطلع وييينززل كووولوو كينهج

جود : انا غااااااانورييييك دابا التبرهيييييش شنو هو اولد الق***ببببة ...

لوؤي : جوووود ( كايهضر بيناتعهم ) جود رااك مريض مااخصنا خلعة ... علاش جيييتي نتا علاش ..

يالاه كيكمل كان طااار علييييه ثاني هاد المرة لوؤي مالقى ليه جهد بقا غير كيتفرج نيت برد ليه جنون وجود كايييسلخ فيييييه حتى شافو لوؤي غادي يقتلو هو يبعدو علييييه

الخامسة والنصف صباحا بتوقيت

امريكا / نيويورك

كان الجو يلاه كايصبح ، نسيم زوييييين كايهب ... كالسة على واحد الكرسي فواحد الحديقة .. طالقة رجليها كتلهت ، لابسة سبادرين و شورط د النايك قصييير بالخيوط ولاسق على فخاضها ، رجيلاتها الرقاق البيضين وركيباتها محمرين بالجرا ... سرتها كاتبان لابسة غير بغاسياغ سبوغ " سوتيان سبوغ " تاهو نايك بحال الشورط ، معلقة كاسك رقيق ابيض فعنقها و هازة قريعة الصغيرة ديال الما ، كالسة كتسترح من الجرا وكرشها كلها كتقطر بالعرق ومطراسيا بالسبوغ .. شادة شعرها ذيل حصان و كتشوف للفوق كتنهج ...

هاد الليلة مابغاش يدوز عليها النعاس بممرة ، فلخر ناضت لبسات وخرجات تجري باش تعيا وتنعس ، .. منهار عرفات غترجع للمغرب و راغمين عليها تمشي وهي نعاس طاير من عينيها ....

كتخايل راسها كيفاش غاترجع لديك الدار وتعيش فيها بطريقة اخرى وهي ولفات تعيش تما على قبلو ....كل ركن فيها غايبان ليها معاها فيه ... كيفاش غاتصبر ! كيفاش غاتمثل التجاهل والقوة والنسيان ؟ ....

كتشوف للسما لفوق كتشرق فيها ااشمس كايبانو غير خيوطها .... و الطموبيلات كيدوزو حداها قلال غالبا كيكونو راجعين من البيران ... وعاطية منهم ريحة الكارو لي كتنبعث ليها ، حسات برغبة للكارو واخا كتحدى راسها تقطعو لان فاش كايقرب وقت العطلة وتنزل للمغرب ماخصش يعرفوها كتكمي وتاحد مكيخليها على راحتها كل مرة غايكون معاها شي حد كتخاف تتفضح خصوصا حدا خوتها ...

شوية بدات كترسم على فمها واحد الابتسامة خائبة و منكسرة حتى عينيها دمعو ..وواضح تفكرات دكرى عندها مع الكارو ... ومشات بيها ذاكرتها لقبل اربع سنوات ...

🔙 جود : حححلي فففمك

بيلي : جووود ... م .. ماكميتش

جود: ححححللي .. ( بدا كيحلو ليها بزز وكايشم ) كككميييتي

بيلي : ماااكميتش

جود : كمييييتي

بيلي : غ غيييير شوية ... غير جربت

جود: انا شحال من مرة هضرت معاك على هاد الخرااا هداااا ... واش باغا تهلكي صحتك من دابا .. واش نتي قدو ؟

بيلي : متغووتش .. انا غير جربت ، زايدون ونتا علاش كتكمي

جود : ودابا دااايرة راسك فيا انا ! .... ( جبدها عندو كايحيد شعرها على وجهها هي قالبة شفايفها كيف شي قطة ) بيلي ...هادشي ماشي ديالك متهلكيش صحتك (كايدوز يديه على شفايفها) وهاد الشنيفات الزوينين علاش تزرگيهم... مابقاوش فيك هم !

بيلي : ( كاتشوف فيه بين شفارها وضحكات كتجبد ) كايعجبوووك شفايفي !

جود : هذا سؤال دابا ! شكون تاياكلهم ليك !!!! .... شنو درنا فداك الكااااروو

بيلي: منعاودش

جود : ديما كنسمع هاد منعاودش .. شفتي لابقيت مزال شفت داك الخرا ففمك والله لاهضرت معاك بحال ليوم ... برررب تااااتاكي سسسلخة ... هاانا فين قلتها ليك

بيلي: ( عنقاتو ودارت راسها على صدرو ) كون معايا ديما .. حضيني ... ضربني لاداتني نفسي لشي حاجة تآديني ، بقى معايا .... نتا بوحدك لي كترد لبال لتفاصيلي ...

جود : واكوليني بهاد جوج كلمات ... الكااارو منعااااودش نشمو فيك ... نتي ماشي دهاد شي ....

بيلي : ( طلعات راسها فيه مبتسمة ) اوووكاي اووكاي تفاهمنا ... دابا انا بغييييت بحال دااااك البوووووسة لي كتعطيني ملي كتبغي كتمشي تنعس .... تشهيييتها

جود ابتستم ليها وجرها تالحيط شادها مكمشها من حوايجها وهي كضحك

جود : تاااتقلبي علياااا نتي .. تااااااتقلبي عليا ماي بلو آيزز .....

بيلي : ااااااااي شحال كتعجني ملي تاقولها ليا نتا ..... ( شدات وجهو ) ايلووووف يو سووووووو مااااتش ....

رجعات بذاكرتها للحاضر وهي عاضة على شفتها ... مغمضة عينيها بحسرة و خلاتهم سالو بدمووووع سخان وصبغو عينيها بالحمر تابدات كتشهق بججهد وشدات على فمها كتتتبكككي ... توحشاتو لدرجة قلبها كايتمزق كلما تفكراتو دارت من موراه مية علاااااقة باش تنسى وماقدراتش ... بدات كتبكي كأن شي حد عزيز عليها مات وفعلا .. من نهار فاق ناسي علاقتو بيها ..... مات .....

∆ولاية الأمن الوطني الدار البيضاء ...

الصحافة كتزااااحم تصووور واحد كايدفع فلاخر و ومواطرهم مستفين .. صحافة كلهم طالقين اللايفات وكل واحد من اشمن بلاصة كيهضر فالمايك ديالو .... كايصورو تقريبا غير سياراتهم واسطولهم لي محطوط تما اما هوما مابانوش ليهم منين دخلو... الاخبار كلها تقلبات ب بعنوان " تم القاء القبض على شبلي الاسماعيلي .. ابن السيد اسد والسيد عدنان الاسماعيلي صبيحة اليوم بسبب الاعتداء على صحافي اثناء مزاولته لعمله "

القربالة نايضة على براا و اسد وعدنان وسفيان لداخل .... اما الصحافة مشاو كايجريو لواحد لومبرجيني زرقاء كانت سيارة سلطان يلاه وصلات الكل مشا كايجري ليها وهو واضح وازن تسعين .... طموبيل مابقاتش كاتبان بصحافة والكاميرات مالقى منين ينزل غير كاااايسب ، بقا غير كايشوف فيهم و يدور لسانو على شفايفو بمعنى كارثة هادي ويحاول يصبر تاجمع اابونية ضربها فالفولون وهادا ما قبح فسلطان انه ديما ضاحك ولكن سريع الغضب ومكتحكمش فغضبو ...

تاجاو الكارد بداو كيبعدوهم عاد قدر ينزل كايطلع ليهم عير يديه انه ميقد يقول والو والأسئلة منهالة عليييه ودارو ليه طريق دخل للولاية ..... اللايفات دصحافة البعض وصل لمليون مشاهدة ومواقع التواصل الاجتماعي مقلوبة بالخبر وكاع معجبات جود ولوؤي دايرين حملة ......

للداخل ..

- سي الاسماعيلي راكم على راسنا وعينينا طبعا .. ولكن القانون راك عارفو خاص ياخد مجراه ... نتوما راه خاصكم تاخدو الحذر ديالكم فتصرفات ولادكم الامر راه غايضركم نتوما كعائلة خدات اوسمة ملكية و حماية ملكية ودخلات فالبتوكول الدولي .. راه فلخر يقدر يتسلب منكم كولشي اسيدي ... كنعتذر كو جات بيدي انطلقهم دابا ....

اسد: مجايش على ود نطلق ولادي بصفة غير قانونية تاحنا كنعرفو لقانون ..

سفيان : اولا الولاد متعداوش... داك المقال كلشي قريناه ، كولشي شفناه انه مسستفز .... هو قلب عليييهم مجاوش ليه غير هاكاك

- واخا هاكاك اسي سفيان كاين قانون فالبلاد كيمنع تاخد شرع يديك بنفسك ... نتوما حاليا منهار توسمتو كعائلة الاسماعيلي وخديتو البروتوكول راه حنا لي عندنا الحق نحميوكم وناخدو ليكم حقكم مابقاش عندكم حق تديرو شرع يديكم كيما السابق ..... منهار تسلبات ليكم رخصة السلاح وتعلنتو عائلة كتمشى على قانون المغرب ... راه ولادكم اولى يجيو لهنا يقدمو شكاية على انه مقال مستفز ماشي يهلكو السيد وسط المكتب ديالو ....

عدنان : دابا من هااااااادشي كاااامل .. حنا مجاييينش نطلبوك تخرجهم ولادنا يخرجو بقااانونهم ... حنا باااغين مايدخلوووش لتحققيق .... عندنا واحد فيهم راه مرييض فهمونا .... واش انا غاتصاعب عليا نخرجهم ولا !!! راه لا بغيييت دابا مايزيدش دقيقة هنا وتبعو حتاا نتا كااااع ....

سفيان : (كايومي ليه يتحكم فراسو لان ماشي فصالحهم ) عدنااان ...

عدنان : خلييني نهضر .. حنا عارفين لي علينا ، وداك الرخصة دالسلاح ماتسلباتش .... حنا لينا لي سلمناها .... حنا لي فضلنا نكونو عائلة كتحترم القانون على ود ولادنا اولا يطلعو عارفين حقوقهم ومايطغاوش ... وعلى ود النهار لي خرجنا للعلن والصحافة و الناس لي كتبعنا .. بغيناها تشوفنا كنمشيو بمساطر القانون لي كتمشي عليها حتى هي ...... الرخصة عمرها تحيدات لينا والا بغيا نرجعوها نرجعها من صباح وداك خينا غانقطعو حسو .... حنا نهار خدينا البروتوكول بغينا نمشيو على مسطرة البلاد غير تهنى .... شواهدنا وغانشدو عليهم ااصف .... دابا انا بغيت حاجة وحدة ، ولادي مايدخلوش لتحقيق ولا يتعرضو لشي توتر خصووووووصي جود.....

- اسي عدنان دابا انا لاش! وهانتا كاتشوف راه ميمكنش حاليا ضرووووري التحقيق ، واش كتشوف الروبالة لي على برا ، القضية راها رأي عام وبنادم خصو غير منين يدوز ليكم .... ضروووري التحقيق

اسد : ( بعصبية ضرب فللبيرو ) واش نقووولها ليييك بشييينوية ؟؟؟؟؟؟ ووولددددي مرييييض ماااايييييتحطش قدام التحقييييق ..... راااااعيو اننا جييييينا بحال جمييييييع الخلق نهضرو بالعقل في حيين انه بامكاااني نررريب عليك هادشي كامل .... راعي انه تالمحامي مغانديروش حيت ولادي مامطييحينش الرووووح .... جااي كنهضر معاك دابا بعقلي تانقووليك وولااااادي مايدخلوش للتحقيق تااااايجي داك خييييينا يتنازل ...... سااااعة دالمكانة .... سااااعة لي عطيتو وراه غيجي .. منبغيش ولادي يدخلو لتحقيق .... خليني كنهضر معاك زوين

- ا... االى كا كان غايتنازل ليهم معندي مانقول .. انا غنشوف كيندير مايدوزوش للتحقيق

اسد : راه قسسسما بالله وتوقع لولدي شي حاجة تاااانريب عليكم هاد الحيوط ...

سفيان : واصاحبي زعما جينا كنهضرو معاكم بالعقل مبغيانش نديرو شرع يدينا .. اساسا وكيل الملك ديالكم يالاه قطع علينا وانه الولاد غايباتو فالدار ، حنا مابغيانش هادشي صحافة على برا كتلقط الخطوة قبل من لوحوها الامر ولا قضية رأي عام مابغيانش نتسماو مخرجيين الولاد غصبا على القانون ... وحنا فامكاننا اولا!!

- فهمت فهمت اسي سفيان ، حتى نتا بديتي كاتفهمني ، القضية ولات رأي عام ... مايمكنش دابا نتاخدو شي خطوة وحنا محاصرين بالصحافة .. ونتوما راكم نتوما المضررين نظرا لانكم رجال اعمال ومقبلين على السياسية ....

سفيان: هاحنا دابا مفااااهمين ...الولاد ميدخلوش للتحقيق .... جود مريض وخايفين عليه ، السيد لي رافع دعوة راه غايتنااازل .. حنا كنتسناو طبيب يعطي الموافقة بخروجو من الكلينيك و غايجي يتنازل فهاد الفترة هادي بغينا الولاد ميدخلوش للتحقيق .... واش هادشي مفهووووم !!!

- م مفهوم مفهوم ....ولكن نخرجهم راه ( قاطعو )

سفيان : وااااااااايلي تانتا منين كتفهم اصاحبي .. واش انا قلت ليك خرجهم ابنادم !!!!

دخل سلطان عليهم للبيرو كيشوف بعينيه اسد كان جالس كايشوف لسقف كيثور و عدنان شاد على راسو وسفيان لي كيحاول بيرد شوية حيث لوخرين شاعلين

سلطان : سلام وعليكم .... مزال ماخرجو !!

- وعليكم اللسلام الاعب ديالنا .... مايمكنش اولدي يخرجو

سلطان : اش دااايرين كااااع اسي !!! خلاو دار بوه ! هو الوحيد لي غايتخلا دار بووه ؟؟؟؟ .. عارف شحال من وحدة كتكريسا فالنهار شحال من واحد كايتعداو عليه برا .. شحال من واحد كيتضرب بطموبيل و يهربو ويخليوه مليوح ... متابعينش هادوك .... تابعين جود ولوؤي حيث كنيتهم الاسماعيلي ...روييييينة على براااا بحالا مطيحين الروح

- ورااه كانو غيطيحوها

سلطان تلاح عليه يبرد فيه فقصتو شانق على حوايحجو

سلطان :ورااااه لامخرجتييييهمش من هاد الخراااا نتا لي غاطيح ليييك الرووح هاد النهااار .. اش وااااااقع كااااااع يتخلاااا داررر بوه حيت دار علااااش ...

سفيان : ( جبدو ) سلطااااااان ... ( دفعو يبعد عليه ) حنا راه مجايينش نتصاعدو .... بناليك مكنعرفوش نغوتو ولا ؟؟؟ ... خرج عليا لبرااا .....

سلطان: نتصاااادعووو حنا مالهاااا اشنو اخررتهاا كاع ... ( بالغوات ) وااااااطللللقهم ابنادم نقودو منهنا ... الشوووهة وسكووووندال على وااالووو حااارقييين جااامع ... ولد *ببببة كلااااا ملللللخة يهني الششششعب ....

جرو سفيان على برااا خرجو عارفو ملي كيتصعب مكيعرفش اش كايقول ىدرجة خسر لهضرة حدا عمامو .... تعصب حيت مكيرضاوش الى شي حد فيهم تقالت عليه شي حاجة وداك الشوهة على برا و اللايفاااات ششعلووووه ...

∆في احد الزنزانات المؤقتة داخل الولاية ...

ناعس لوؤي على واحد الحيط قصير بسيمة بااارد دايرينو للجلوس ، ناعس عليه بالطول ، وجود ناعس على واحد اخر من جيهة الاخرى بالعرض ... كل واحد فين طالق رجليه وكيتكيفو مامسوقيييييينش لداك الهيلالة على برا و جوان واحد مقاسمينو

لوؤي: ( تنغم الجوان وطلع معااااه لدماغ وبدا يدندن بصوتو الخشن ) ممممم همممم مممم .. ل لييلة ياااااا ليلى ...

جود : (شد عليه الجوان و ساط الدخان وجاوبو بصوت مدعدع كتاار منو كاياكل النص فالكلمات كايدندنو خاااااالقين سعادة ) خلييني نعييييش آياااا لييييلى ....

لوؤي : ههههه .. ملي نتفكر ليلى شندير...

جود : ( كايتنغم جوان والتبويقة طلعات ) واش ندوي لا ولاباقي باقي صغيرر

لوؤي : غزااالة ليلى ههههه

جود : الليلة لييييييييل آمااااااان ... ننننن مممم خلييني ( كينفت دخان وعطاه ثاني جوان ) خلييييني نعييش آياا ممممممم ...

لوؤي : ( جبد منو ) لا زهر لا صدر حنين غزااالة ليييييلى. ههههههه واااااااالياااااام المقووووودة امتى غااااااضحكي ( صاط دخان )

تسمع ليهم واحد من زنزانة لوخرا كايبان ليهم بين الحدايد

- وشنو اعشران !؟؟ طلعات ليكم تبويقة ولا نزيدكم واحد آخر

لوؤي : ( علا يديو وعينيه حووومررر ) وا سلعتك نقيااااا مايتاسااالكش ( صاط دخان ) غااااتزيدنا اخويا غاهو تانكونو خارجين .. ايتسناونا شي ناس على برا ، خاصك تكون كامي معاهم كتاااامة ب الباشاااوية ديالها يلااه يلااااه تكالما معاهم

جود : هادوك اولد العم واخا تبرم ليهم اندريس مانويل " رئيس الميكسيك " براااسو وسط جوان ... بررربي تاايطيرو ليك النغمة ...

لوؤي :: ( ساط دخان كايشوف لفوق ) لييييلا ليلااا يااااليلى ......

تسمع ليهم من واحد زنازنة مقابلة معاهم كانو واحد رباعة تشدو فواحد الحانة لليلة ، كانت بنت لابسة واحد كسوة كاع دلات عليها والكحول سايح وقنانفها زركين ولابسة طالون واحد وشعرها مشنتف ...من قبيلة وهي تهلل عليهم هوما مراهومش تما ، كاع داك لعصبية وتهراس لي دخلو بيه تقلب ليهم ضحك على هاد كترة لهم.....

- وااااتووووووت .. توووومااا قسمووو معاناااا

- ( جاوبها لاخر ) انا لي عاطيهم جوانات ...

- وكووولهم .... انا باغية يقسمو معايا حااااجة اخرى

- شنو هي !

- وااا الزيييييييين اولد العبد ....

*فالدورية ...

اسد جالس مطلع راسو لفوق وعدنان كايهضر فتيليفون و سفيان فجيهة اخرى كايهضر وسلطان ماشي جاي ... تاتم داااخل داك الصحااافي وجهووو كولو فاصمات وزززرق بالضرابي ... مخنزر فييهم ... سلطان غير شافو بحال شي تور شاف اللون الاحمر .. يلاه غايمشي لعندو حس بواحد القبضة قووووية شدااتو وضار لعندو لقاها يد عمو اسد ... ووما ليه بعينيه بمعنى ماااتحركش .... وداك الضابط وقف فاش شاف الصحافي دااخل ومعاه الاب ديالو لي كان تاهو مدير جريدة مشهورة سابقا ... ومعاهم رئيس التحرير .... غير دخل تبعاتو الهيأة لعليا كاملة كت

كايحاولو يضحكو و يستملحو ليهم الجو باش ماطراش شي كارتة ...

- مرحبا ... مرحباا بالاسماعليين .. واشششيطااااان كايحضر ماشي مششششكل .. ان شاء الله اخر الاحزاان ( مد يدو لضابط لي كان معاهم ) سي مُنيييب آرا داك المحضر الله يرضي عليك ( مدو ليه وقطعو ) هانتوما . ها المحضر تقطع مكاينش لي غايعرف انهم كانو فالحراسة المؤقتة .... ( شاف عند الكاتب لي مع الضابط ) كتبي نتا اولدي تنازل ننهيو هادشي ... اش وصلنا كاع لهاد سكوندال ، شيطان كايحضر صافي ماطرا باس ( زير على كتف الصحافي ) سي عصااااام راه انسان سموح

عدنان قطع تيل قرب لعندهم وسفيان كايشوف فيهم غير من بعيد باقي هاضر و اسد فبلاصتو مناضش باينة فيه الى خصو نقشة ويشعل .... وداك صحافي غير مخنزر مطيح راسو حاقد .... وباه تقدم لعند عدنان لي واقف

- سي الاسماعيلي ... مسسسحها فيا .... راااه شششهمني ....

عدنان مجاوبوش غير كايسوط بمعنى ساليو علينا هادشي و هو محقد فيهم عينيه ولوخرين كايسرطو ريقهم ومرة مرة كايشوفو لعند اسد لي غير ساكت كتيضور عليهم فعينيه وواحد من الهيأة تكلم يرطب شوية ويحاولو يبقاو ما امكن فديبلوماسيتهم

- سيرو جيبو داك الولاد صافي ماااوقع والو .... السيد راه سمح ليهم ...( ضار عندهم ) الجييل ديال دابا راه صعييب ماعندنا مانديىو ، فيهم شوية دلاڤونص معارفينش العواقب .....

هوما غير كاتنهدو وكايشوفو وسفيان قطع تيليفون وقرب كايشوف للكاتب شكايدير بانليه كايكتب التنازل وبقى كايشوف فيهم حابسين راسهم بزز يحافظو على الهدوء ..... تاتحلات لباب ودخلو جود ولؤي ، جود غير شاف الصحافي هو ينقز يمشي لعندو وشدوه كلهم تاسمع صوت باه بعصبية ....

اسد : جوووووووود ...

جود رجع لور كايزفر النفس مغزف عليه وداك الصحافي حطو قدامو التنازل وطلع راسو شاف فباه لي وما ليه يسني ، هو يوقعو بزز تاكان غايتقب الورقة وخرج لتخ لباب وباه شاف عند اسد

- مغااتعاودش .. مغايرجعش لجريدة مزال .... غير حيدوه من عقلكم

سفيان : كون كنا دايرونو فعقلنا .... كون شحال هدا نشفنا ليه المداد باش كيكتب .....

- و .. وااا هادشي لي عطا الله .. ماخصنا صداعات كانهربو براسنا .. وهو كتابتو خارجة عليه ...

لوؤي : سمع اشريف .. كون كان ولدك كيكتب شي حاحة بعقلها .. غايتضايف فالدار معانا كيف كنضايفو صحافة كاااااملين ويدير تصوير و ياخدو المقالات على خاطرهم وضيافة على ليمن ديالهم .... حنا عمرنا حگرنا شي صحافي وطيحنا بخدمتو ... على راسنا وعينينا ... مرحبا به .... اما ولدك كايكتب مقااالااات لي كيبغي يجبد بيهم صداع ... وبالعرررربية تاعرابت حرررقة البنت لي مبغاتش تزوجو باقا كطلع فيه وتهبط ... ولدك باغي ينتقم ، ملي نديرو شي حاجة فيه ماتگولش تعدينا عليه ....

- لا لا والله ماافباااالو داكشي بالعكس بنتكم راه نتوما الحق عندكم تختارو لمن تعطيوها ولمن لا ... لا لا غير هو هاكاك داير جريئ فمقالاتو وصافي

سلطان : الجرأة ماش هي الكدوب .. كون جريئ وحط شي حاااجة كاااااينة .. يلاه ! ماتحطش تخربييييق .... شكون قاليه جود هرب ؟ فين شافوا هرب .. صافي لي يسافر هرب .. شهاد المقالات دخبارات السوق ( شاف عند رئيس التحرير ) انا منك نخاف على السمعة دالجريدة .... هدا صحافي ديال الكيلو يصلاح ليه غير يكتب فدوك صفحات دللاسنتغرام اش داه للجرائد !! مزال ماوصل لمستواهم .. الصحافة راه أدب قبل ماتكون مهنة

نطق واحد من الهيأة : دابا الحمد الله دازت بسلام هو غلط والولاد غلطو وراه تعلمو كاملين ... صافي لا نتوما من صالحكم لا حنا من صالحنا هادشي يكبر .. صافي صغروها تصغار تنازل راه توقع وكيف واعدتكم ضوسي عندكم غايبقى نقي ... طرا مشكل فضيييناه وسلنا الشوكة بلا دم ... و الصحافة قلنا ليهم غير سوء فهم طرا والولاد راه ماتشدوش ، ..... ماعطيناش التفاصيل ...

عند قسم

∆فالسيارة ..

صايكة بيد ويد فيها جورنال كتهضر معصبة

قسم : والله تاااااامرييييييض فعقلوووو بالله ... مافهمتش اش باغي عندنا هذا

قدس : على الله جود ميكونش تعصب وصافي ....

قسم : ففففف ... مشاااكيل والله ... دخلي لسوشيال ميديا شوفي واش الاخبار تشرع بزاف

قدس يلاه غاتحل تيل وهي تلقى ميساج فالواتساب من سلفادور فيه سيلفي ديالو .. و الوكاليزاسيون دواحد الكافي كيتسناها فيه .. وهي تسرط ريقها

قدس : ل لا .. مكاين والو .... آ ، قسم ... فين ماشيا

قسم : لداار .. بالي مشغوووول هانتي شتي مكيجاوبوش ( حيدات الكيت ) غانمشي نشوف غايكونو معصبين ...

قدس : ااااه .... تقدري تحطيني ف **** غانتلاقى شي بنات توحشت نكلس معاهم شوية

قسم : بعيييد تالتما !! غانضربوا دورة كبييييرة اقدس .... غانتعطل

قدس : صافي هانتي حطيني غير فهاد لوطيل ، ندخل لريسطو وتجي عندي رانيا بطموبيل

قسن : غاتلاقاي برانيا

قدس : اا .. اه رانيا ولكليكة راكي عارفة ... غير حطيني ناخد شي حاجة باردة علاما تجي

قسم : منخليكش بوحدك ( دارت سينيال ليمن ) اندخلو بجوج نبقى معاك تاتجي صاحبتك ..

قدس : ها؟؟؟؟ مكااااينش لاش ... غاتعطلي على دار ... ووو

قسم : ( باركات كتحيد سانتير ) غايبقى بالي معاك ... نزلي ....

نزلات هزات صاكها ودارت نضاضرها .. وقدس كتنفس بغضب ماصدقاتش ليها ... وهي تكتب ليه ميساج انو يجي لعندها لتما هو وملي يوصل يباركي بعيد على زاج وغاتخرج عندو ... ولبسات نضاضرها وخرجات ...

دخلو هي و ختها مع ترحيب بيهم والبعض خدا معاهم تما سيلفيات ومشاو لطابلتهم جلسو ولي شاف عندهم كيبتاسموا ليه فقط ، وفين مايشوفو شي تيلي كاتصورهم كايبتسمو ... خداو ميلك شيك و قسم غير كتحرك رجليها بتوتر خايفة لايكون شي مشكل فاادار على ود هاد المقال

....تا وصل لقدس ميساج وهي تقفز

قدس : اااه صااافي ها رانيااا جاااات ..

قسم : هادي كاملة معزززة برانيا ... مزيان الالة

قدس : يالااه قولي لدار راني مع رانيا فاش نسالي غانعيط لشيفور ... بسلامة اختي

مشات قدس وقسم كملات كاسها وخرجات ديريكت لدار ... راكبة فطموبيل ومرة مرة كاتشوف فتيل اش واقع فسوشيال ميديا وهي توسع عينيها من تصاور ولايفات ديالهم فالدورية ماااتيقاااش !!! .... ...

باركات طموبيل على ليمن بالخعة قلبببها كاااااايضرب ودموع كاينزلوا مخلوووعة كاتصوني فتيليفون تاجاوبها

قسوم : باباااا

اسد :قسوووم ، كالم طوا ماتخلعيش ...مكاااين والو ...

قسم : بابااااا اش واااقع ، وااااش بصاااااح هادشي لي كنشوف ، جوووود ولوؤي شدوووهم ؟؟؟؟؟؟

اسد : حنا فطموبيل جايبن لدار ، خوك هاهو معايا ، لوؤي تاهو راه مورانا ... مكاين والو ... غير تخربيق

قسم : بابا اش كتقول كيفاش تخربيق .. الكارد ديالنا هاداك لي كانشوف .. اش واققع . فين جوود ( عطاه تيلي )

جود : هاانا اقسم ....مكاين والو متخلعيش ...

قسم : مال صوتك .. واش تشديتو دبصح .. ضربتوووه ياك

جود : صافي هنينا ... هاحنا قربنا لدار ...

قطعات وديمارات دغيا كسيرااات ....

وصلو للمنطقة هوما لولين ... غير دخلو تلاحت لامار على جود كاااتبكي وتعنق فيه وتاهو كايهدنها وحتا رتاج كانت تما كانو كلهم مجموعين فاش طرا هادشي .. كاتسنى بعينيها تشوف طوموبيل دعدنان حتى دخلو تاهوما موراهم طوموبيل سفيان .. غير شافت لؤي مشات عندو كاتجري كتحسس وجهو وتشوف فيه واش مطاري ليه والو هو كيهدن فيها .. ورجال واضح هازين الجبال على ظهرهم ومكيبنوش ... والعيالات عاطيينها للبكا ..

لامار : ( بالبكا ) علاااش اولدي علاش .. علااااااش ماتهنى تاااتقتلني بشي خلعة علااااش

جود : والله الا زدتي فيه بالله .. اش وقع كاع ... بالعكس خاصك تفرحي لهاد خينا كلا خلا داااررر بوه باش يتبت شوية للارررض

لامار : لا اخوووياااااا انا ماااخصني لي يدخل ليا ولادي لحباسات واش حنا دهادشي .. وكون قتلتييييه ...

رتاج : نتا و ولدي الا مدرتوش لينا شي كاررررثة شي نهار مغاتهناووووش ...

سفيان : ودابا جمعوو وطوييو ماتحكوش على الضبرة بزااااف ... صافي ماوووقع والو سيد تنازل ضوسي تطوا الحمد الله ضوسي عندهم بقى نقي ... صافي طويو علينا هاااادشي .... ( جود طلع فحالو ولوؤي مشا كلس حدا اسد )

لامار : ( شافت لعند لوؤي ) عمرررركم اولدي مزال تعاودو بحال هادشي .. مااااضربوو حد كاين القانون فالبلاد

عدنان : يضربووه علاش ميضربوش .... خليييييهم يعطيوه علاش كاااايقلب .... هاداك كان كايقلب على شي سلخة هاهو خداها ...يلاه يرصا دابا

رتاج : ايه ويلا زاد شد الزكير ؟

عدنان : ياخد سلخة خرا ... مالنا عندنا مايدار حنا !.... برهوش يطلع لينا فوق راسنا ، بنااقص منها ديبلوماسية ..

يتبع...