محتوى القصة
داخلة رقية و قسم قربات عند بيلسان لي باقا مصدومة وعنقاتها تسالمو ورجعات شافت فيها
قسم : كتعرفي راسها قاسح .... كون غير مقلتيش ليها راكم هنا .... قلبات الدار ...
بيلسان : ( ضورات راسها كتشوف فيها كضورر فدار كتقلب بعينيها ودموع كيتجمعو ليها على زهرها وشافت فقسم ) ياربي نكون كنحلم .....
قسم : ( زمات فمها وعلات حجبانها بمعنى للاسف لا ) فين جود
بيلسان : ( تنهدات مستسلمة لزهرها المنحوس وشافت فيها ) لتحت .... زيدي ... زيدي دخلي ...
دخلات قسم وبيلسان .... ورقية حيدات الشال لي على كتفها لاحتو على الكنابي .. وتسبيحها ضاير على معصمها كتشوف مع جنابها تابان ليها جود طالع من الدورج شاف جداتو وسع ضحكة جاي باتجاهها
جود : اش هاد المفاجأة الزوينة آمت لامااااررر ....
رقية : ( كتعلي كمام قفطانها ) اممممم .... مووفاجعة لي بدلات ليكم السيييفة من وجهكم ( اشارت لبيلي ) حلات ليا لباب صفرة تقول فاطرة بزعفران ....
جود : هههه ( عنقها عندو وباس ليها راسها ) غير خلعتيها حيت متوقعاتكش ... ( كيمشط ليها شوية الشعر لي باين ليها من تحت زيف لي رجع ليها لور فطريق كانو خصلات بيضين مخلطين بحمورية الحناء ) اش هااااد زييييين جا نور لينا الدار .... ( شاف فقسم لي واقفة كتشوف فيهم وبيلسان حداها كتتغزل بالفقصة ) واخا اقسوم .. واخا .... فساعة الخير ( غمزها )
قسم : ( وسعات عينيها ) وراه هي لي بغاااات تجي .... مالي انا اش درت ....
رقية : ( كتقاد شعرها تدخلو تحت الزيف لي كتردو لقدام وزيرات ليه العقدة فعنقها ) والله ياوليدي ومتسااالني حلووووووف لا وقف عليا السبع ديال يفرن قاليااا دااابااا تجي عندي .. اوا طرييييق وحدة لهنا ليفرن ... ( ببراءة ) غااا تا تفكرت تانتوما هنا قلت لقوييييسم واااالو .. ماتجيشاي ندوزو حدا الدار وماندوزوش نشوفوكم لاتكون خاصكم شي حاجة .... لا مايعطنيش خاطري و تگوول .....
بيلسان : ( بالفقصة قربات تبكي ) جدة ..... فالقريب العاجل .. خاصك تعاودي الحج ديالك ..... ضروري ....حيت مستحيل يكون بااااقي شاد ليك ...
رقية : على لي يكونو عندو جنون بحالكم يبقى ليه شي حج .. زايدون لا تحكيش عليا سنانك ...انا جايا نشوف السبع ديفرن لي وقف عليا فالمنام وطلب ليا زيارة
جود : ( علا حجبانو) السبع ؟
رقية : اييييه داك السبع لي فالمدينة لهيييييه .... لي يتصورو حداه البعاااالك
جود : ( كيحك فوق حاجبو بصبعو صغير ) ومارديتيش البال لايكون غا الواليد هاداك ؟
رقية : تاا لاااا ... ايييه تاهو سبع .. ولكن انا لي وقف عليا السبع ديال الحجرررر ....
جود : لا راه هو نيييت اجدة ... لي صيفط ليا بيلسان وتبعك نت وقسم موراها .. راه ديال الحجر ... هاداك بنادم هاداك
رقية : لاااااا ... لانزلوش نكدبو .. ماشي هو لي صايفطني .. جيت راااسي نحيي صلة الرحم مع السبع ديفرن
جود : وحييتيها ولا مزال !
رقية : المقربووون اولى .. نشوف ولادي .... ونشوف وليدي كيبقى مسيكين هاوندوز نشوف السبع ديفرن .. مالو غيهرب ياك راه حارن تم كي صباح كي ليل كي العياد كي لعاشور ....
جود : ( هبط راسو كيضورو جابت ليه ضحكة وعنقها عندو بحنية وتاهي ضحكات ) درتيييها زوينة .....( شاف عند بيلسان بابتسامة) طلعي جيبي معاك تيليفون راه تما فشي قنت وسوارت طموبيل ( شاف فجداه ) تغديتو ولا مزال
رقية : ( كتشوف فبيلسان طالعة فدروج وكتقول هادو دغيا دخلو لبيوت وشافت فيه ) مزال اولدي ...
جود : ونخرجو نتغداو برا ...ونديك تشوفي ( حنا راسو حطو على راسها وقال بصوتها) سسبع ديفرن ...
قسم : كنشم شي ريحة دشي حاجة .. ياكما خليتي شي حاجة كطييب لتحت
جود : ( صغر عينيه ) سييييي .. نسيت .. نزلي نزلي غيكون داكشي تحرق .. نزلي طفيه ولحقو علينا لطموبيل ...
هزات شالها وجرها غادي بيها معنقها وبيلي طلعات لبيتو كتقلب تالقات تيليفون وكونطاكت طموبيل وهي تنزل فدروج درجة درجة وعقلها هايم كيفاش شاف فيها وضحك وطلب منها بابتسامة ومامقلقش منها ؟ واش لهاد درجة هو فيه زهايمر ولا فعلا نضج لدرجة مستحيل يبين خصامهم قدام العائلة ؟ يلاه غادية للباب وهي تشوف قسم طالعة
بيلسان : خرجو ؟
قسم : سي .... غير سمحو لينا .. راك عارفة جدة .. فففف حسيت بالاحراج قدام جود والله .....
بيلسان : ماشي مشكل .. ( قالتها وهي مراضياش ) تاهو باينة عجبو الحال لي جات ...
قسم : راه غير مكيبغيش يييبن مكاينش شي حد يعجببو الحال لا خسرات ليخ شي لحظة هو طيييط اطييط مع لي تايبغييه
بيلسان تنهدات وزادو كان جود متكي على طموبيلتو مربع يديه كيضحك ورقية حداه كتخبر عليه تاشاف بيلسان قربات كتمد ليه كونطاكط وتيليفون شدهم عليها وقسم جرات رقية
قسم : يلاه نمشيو فطموبيلتي .. وهوما يمشيو راسهم .. منتزاحموش
رقية : وعلااااااش ؟؟؟؟؟ علاش ضايااع دالمازوط ؟ ياكما كيطبعهم باك ؟ كيلقاهم فالواد .... طموبيل وحدة بارااكا ...
قسم : ( كتنفس وتطلب الله الصبر وكتهضر غير بيناتهم ) واااجي جلسي حدايا لووور
رقية : لاااا .. نكلس حدا وليدي .... كااندووووخ ....
قسم : دابا وليتي كاااادوخي ؟؟؟؟؟؟ راك دوخي دولة اجدة
جود بدا غير يضحك ويضور راسو وركب وهي تسبق رقية بزرية مشات جلسات حداه وبيلسان مسلمة امرها لله وراكبة ولور هي وقسم ... وجود شاف عند رقية لقاها مطلعة بديها لفوق بمعنى ديرلي حزام الامان ، ركبو ليها عاد رجع ديمارا وزاد بيهم جود ...
جود : شششنو مشهية الحوووب دياااالناااا ....
رقية : ( مخنزرة ) يقلل حياااااكم .....الله يمسخكم مسخا مسخا
جود : هههه (كايدوز يدو على وجهو ضاحك)واا نهار هدا ههه ..... راه معاااك داوي اجدة معاك نتي هههه ( جبد ليها حنكها بيدو ) معاك المغيااااارة
بيلسان شافت فقسم بمعنى غنلوح راسي من طموبيل وقسم كتهدنها
رقية : اااه اوا خياااااار ... ( شافت لزاج) حسابتني ....
جود : واا نت اجدة الحب ديالنا كاملين .... ( مد يدو لور عمدها وبيلسان ابتسمت شداتها وقربها عندو باسها ورقية مخنزرة فيه ) وهادي الحب ديالي انا .....
رقية : ( بعدات ليه يدو وهو ضاحك وبيلسان نسااات كووولشي وعضات على شفتها وقسم كتشوف لزاج باقا مفقوصة على نهار لي ضاع ليها كاع مكتشوف عنهم ) شوووووف طريق قداااامك راه مزال باغا نعيييش ماااشفت ماتشوفت
جود : ااه ماشفتي متشووفتي غاصيفطيتي جوج رجال لقبر .. اش باغا مزال ؟
رقية : ( بتهديد ) راه غاااانرج لكاااازا
جود : ( شاف فيها كيضحك ) نوصلك ؟
رقية : راه نديها تا هيا معاياا
جود : وااشتي البسالااااات
رقية : البسالاات هوما لي سايييرين ديرو
جود : دابا مالك اجدة مالك .. بغيتي سبع هاحنا داينيك عندو ....
يالاه كيهضرو هوما يسمعو تيليفون دقسم كيصوني وجود شافيها من زاج دغيا... وهي توريه ليه
قسم : باااباا .. غااا باباااااا ( دارتو فوذنيها ) وي بابا ..... لا وصلنا راحنا مع جود وبيلي .... وي خارجين .... ( بفقصة ) وااجدة قالك هي باغا تشوف سبع ديال افران هاحنا دايينها ونتغداو يمكن ورجعو ... اااه لكازا
رقية : انا مراجعاش لكاازززااا رجعي بوحدك
قسم : سمعتيها ؟ ....
اسد : ماعليش اقسم ديري ليها خاطرها ... فوجو شوية على خوك واجيو غدا كاملين ... ماماك راه موجدة العشا وغيتجمعو لافامي ... داكوغ !
قسم : اويلي على تالغدا ؟؟؟؟؟؟ بابا هاهي معاهم وغانجي انا
اسد : قسااام صافي هضرنا حشومة ماتخليهاش نت ديتيها بقاي معاها تاتجيو ديجا أجلت ليك خدمتك دهاد عشية.... جود حداك؟
قسم : اه ... هاهو .... ( داترليه سبيكر ) هاهو كيسمعك
اسد : جوووود
جود : الواليييد ....
اسد : شوية ؟
جود : ( بالفقصة) لا بييييخير ....
اسد : وهاكاك خرج جداك ضورها شوية ملي جات للمغرب ماتحركات .... غذا كونو هنا فكازا ...
جود : دابا الواليد شنو كان فيها زعما كون جبتي لامار بلاااا مها ... زعما شنو كان غايطرا ... ؟؟؟؟؟
رقية : على داك لامار شكووون وووولدهااا يا بوكتاف شكووون ؟؟؟؟
جود بدا يضحك وسمعو تالضحكة الخفيفة داسد من تيليفون
اسد : هههه ... دوزو وقيتة زوينة ... تهلا فيهم ... تالغدا ان شاء الله ....
قطع جود ورد تيلفون لقسم وقسم غير كتنهد وتشوف لتيليفون لنمرة اصيل وترجع تشوف لزاج وكتشوف غدا عندها نهار عامر خصوصي انه كاين عشا فدار ماعندها فين تحرك وهاد نهار مشا ليها .. وبدا تضرب التيليفون على رجليها بالفقصة علاش من نهار ولات مع اصيل وهي كل مرة فمصيييبة .. قبل ماتولي معاه كان قاتلها غير الملل .... كتعمر الوقت غا بكترة الخدمة لي كتجبدها بزز ... ودابا لي بغات تخوي الوقت حلف مابغا يتخوا ..... وبيلسان من جهة لوخرا تاهي كتلعن فزهرها لي كتشوف راسها قربات تمشي ومزال ماجلسات تاشوية معاه يتفاهمو كي الناس ... ومزال الحساسيات بيناتهم والمشاكل ..... كيغايديرو ليهم ورا زواج وهوما مالقاوش الوقت فين يعرفو عقليات بعضياتهم .. ورجعات كتنهد وشافت لزاج تاوقف بيهم جود فسونطر فيل قدام المعلمة دافران ... ونزلات رقية وقسم وبيلسان بقاو فطموليل وتبعها جود تكا على طموبيل وجبد تيليفون باش يصورها .. غير شعلو هو يلقاه عامر اتصالات من لوؤي وسلطان ... نساااهم كاع ومشاو من بالو ... ورجع قال نجلس فشي بلاصة بوحدي ونصوني ... وحل كاميرا كيصورها
مطعم فندق تابع لجموعة الروكان البحرية ....
كانو جالسين بيلسان وقسم ورقية لي باقا كتمسح فمها بمنديل على طبلة لي كانت فوقها مقبلات وطاجين وعصير وتحليات ... ساعة كانت كتشير لسبعة ونص ديال العشية .... الجو الصيفي مخلي السما باقا محافضة على زرقتها .. كانت طابلة معزولة فواحد الجانب خشبية بناپ بيضة مرتبة .....
رقية : ( حطات المنديل ورجعات اللور وكتشوف مع الارجاء ) اوا دابا بيييه .. دابا نشوفو افران ماشي قبيلة كايضورنني ومصارني كيزغرتو بحوع ..... ( شافت لعند بيلسان وقسم لي كل وحدة وفين قالبة راسها ) امالكم ؟ ميت ليكم الغراب !!! ملي خرجنا ونتوما جالسات حاجبات فطموبيل بحالا افران غتاكلكم .... كون ماشي وليدي مفوج عليا ... كاع عولت عليكم نتوما ... ( بدات تتقاد شالها وكتشوف من زاج ) اايه .... كانو يقولو ولدي البنت وماتخافيشاي .. البنت حنيييينة .. ساعة ماباانللللييييش فزمانكم .. الولد حن منكم ....
قسم : ( كانت شادة كاسها دالعصير عندها حطاتو وشافت فيها ) جدة ... وهاحنا دوزنا نهار هنا .. وشفتي السبع لي بغيتي وتغدينا .. ويلاااه نمشيييو .. عافاك اجدة عندي مايدار ... عافاك
رقية : ( شافت فبيلسان ) الى تمشي معانا هاد النعجة الشهبة
بيلسان : ( شافت فيها بزربة ) انا مغاداش .. عمي اسد صيفطني نجلس معاه ماشي نمشي ونخليه بوحدووو ...
رقية : ( شافت فقسم ) وااااتانا مغادااااش
قسم نزلات راسها على طبلة كتسوط بقلة حيلة ورقية كتشوف مع المنظر ديال المطعم يلاه قدرات ضور عينييها تابان ليهم جود جاي لي كان فالحمامات
جود : ماتحركوش !
رقية : لا صافي .. يلاه اولدي .. نيت العشية بدات تعاشا نعگبو لديورنا .....
جود : ( كيضحك وجبد من بزطامو البورفوار ) ههه بهاد الهضرة جابليا الله بحالا غنمشيو راكبين على العود .... ( رد البزطام لجيبو لور وقسم وبيلسان بقاو كيشوفو ) صافي شبععتي .... ماتزيديش عاد تساراي شوية ؟
رقية : لا لاا اولدي ....الله يعطييييك صححيحتك ساريييييتوووني ...باراكا غا داك القرودة باقي راسي كيحرقني منهم ... .( شدات ليه فيدو وزادو وقسم و بيلسان تابعينهم كايموتو بالفقصة لي ضاع ليهم النهار ) ياك باقيين عندك دوك تصييوراات نوريهم لخوالك ملي نرجع
جود :انا نمشي لدار ونصيفطهم ليهم غا تهناي
رقية : يااك صورتيني فاش كاان دلك القرررد فوق راسي ؟؟؟؟
جود : صووورتك .... دابا نوريهم ليك ..
رقية : ( نعسات ليه صدرو كتعنقو ) الله يررررررضي عليك ....
ضار براسو شافهم واش تابعينو هو تجيه الضحكة على الكآبة لي نازلة عليهم ورجع شاف قدامو وزادو لطموبيل حل ليها الباب طلعات ورجع حل الباب لوررر وبيلي شافت فيه هو ضحك وضرب ليها على نيفها
جود : هه ماعليش ماعليش ..
بيلسان تنهدات وركبات فطموبيل وهو سد الباب ومشا ركب وقسم ركبات من جهة لوخرا ... وزاد بيهم لدار وهوما ساكتين غير رقية لي كتهضر متحمسة وتعاود على القرودا تاوصلو لدااررر ... حطهم تاقرب حدا الباب وبقا مديماري كيتسناهم ينزلو ...
رقية : ( حيدات حزام السلامة وحلات الباب يلاه غتنزل هي ضور عندو ملي بانليها منازلش ) ونتا فين غادي
جود : غنباركي غير طموبيل ارقية مغنهربش ....
رقية : اوا خيااااار ... نوجد لوليدي شي طويجين ...
جود : مكاينش لاش كليت بزاف بلا متعذبي راسك
رقية : ليييل باقي طوييييل ....دابا تجوووع .. نوجدو لوليدي بالحوت كيييما كيعجبو .... وكييعجب ( ضربات بيديها لور ) لهاااد نعججججة ... غاااتااكللني هاد نهار غااااتاكلني كون لقاتني كون گددااااتني
بيلسان : ياك عارفاها بعداااا ؟
رقية : نننزلي نزلي ... يكددك سببع نشاعللااه
بيلسان : ( جاتها الضحكة وحلات الباب ضاحكة ) باركا عليا غااا ولدوووو ...
رقية : ييييقلل حيااااااك اضاسرة ... زيدي كووداامي
جود : ( شاف عند رقية ) غا دخلي اجدة خليها شوية ....
رقية : هه ؟؟؟؟ تامنكونش رقية بنت عبسلاااااام الععععبدي ...
جود : راه غاننديها فييين سييري لهيه وحضيها
قسم : ( نزلات من طموبيل ومشات بجهة رقية كتنزلها ) و صااافي ااااجددة ماتعيييقييش يالااااه
رقية : ( ضايرة براسها عند جود ) انا غاا هنااااا .. وايقووولكم عقلكم تيزيدو لشي قنت لاماتبعتكم ....
زادت بيها قسم وهي مرجعة راسها لور متبعاهم بعينيهم وجود كيضور راسو وشاف فالمرايا عند بيلسان لي تاهيا متبعاها بعينيها
جود : اجي هنا حدايا ...
بيلسان نزلات من لور وركبات بلاصة رقية ورقية مبغاتش دخل لقسم بقات واقفة فدروج مصغرة عينيها كتشوف فيهم من بعيد وقسم دخلات لدار ...
بيلسان : ( كاتشوف فيه) عارفة مغتباركيش طموبيل ... فين غادي ؟
جود : ماجيتش ندوز نهار فالدار .... على هاد الحساب كون بقيت فكازا
بيلسان : وفين غادي
جود : ( كيفرك فجبهتو ) راسي كيضرني ... واحد جوج ولا تلاتة .....دالكيسان ونرجع .... مغنتعطلش
بيلسان : ( حيدات ليه يدييه من على جبهتو وملامحها تأسفوو) كنعتدر على قبيلة ....
جود : ( شاف فيها ) مدايزاااش هاكا ....
بيلسان : جدة كتشوف ههههه واش بغيتني تنفيني
جود : هانا كانتسال ....
بيلسان : صافي ... ديرليا كريدي ههه .. ( شدات يدو من فوق الفيتاس ) ماشي انا سباب راسك لي كيضرك دابا ياك ؟ جيت نفوج عليك مكنتش قاصدة نعصبك ....
جود : لا .... ( هز يدو كيدوزها على حنكها ) ديري فبالك راه راسي قاسح وراسك قاسح وغندوزوها ديما دباز ... ولكن راك ( كيشوف فملامحها ) نت الدرية لي عندي .... ولي داير خاتمها فيدي .... هرست الكارطة وقطعت كولشي ... خارج نضرب جوج كيسااان بوحدي .... وجيت لهنا كنت عوال نبقى بوحدي .... واخا نكونو قالبين دنيا انا وياك .... انا مكنخونش ابيلسان ..... واخا منعرف اش يوقع .. ماشي طبعي هداك .... ( قرب لعند راسها وحط جبهتو على جبهتها وهي غمضات عينيها ورقية مصغرة فيهم عينيها ) حيدي منك الشك .... ملي كنعطي الكلمة .... نختار الموت .. ومنختارش نرجع فيها ....
بيلسان : ( طلعات عينيها شافت فيه وقالت والحب فعينيها ) متعطلش ....
جود : لا .. نريح شوية راسي ونجي ....
حركات ليه راسها بالايجاب ونزلات من طموبيل .... سدات الباب وشافت فرقية لي عاد رخفات نفس ونزلات براسها طلات عليه من زاج
بيلسان : كنبغيييك ... وغنبقى ديما نقوليهاليك حتى تولي .... تحسها ....
غمزاتو ومشات وهو بقى متبعها بعينيه تادخلات هي ورقية وزاد بطموبيل .... شعل تيليفون ودخل كليكا على نمرة دلوؤي حيت شاف شحال عيط عليه ملي شعل تيليفون كيصور رقية ولكن مكانش عندو كيدير يهضر .. كييعطيه داك نمرة طفات وبدا يصوني لمرة ديالو المعروفة .... صونا بزاف تاطفى ودسلطان كان طاافي كاع .... ورجع حط تيل وركز مع طريق وزاد ....
اما رقية وبيلسان دخلو لقاو قسم جالسة فصالون شادة تيليفون كانت كتفكر شي مسج تكتبو ليه .... عشرة دالميساجات لي كتبات ومسحات تابانو ليها داخلين وهي تحطو وكتأفف بعصبية حيت كتشوف الوقت مبقالهاش وقربات تسافر ....
رقية : ( جلسات على الفوطوي وبيلسان على الكنابي جابدة تيليفونها طالعة فلانسطا تشوف اخبارهم ) شعلي ابنتي اقسم داك تلفازة شششعلب ..... شعلي ديري ليا بنات لالة منااانة
قسم لتخات المخدة وطلعات مفقوصة فيها البكية ورقية تبعاتها بعينيها
رقية : الخلاااا ..... الخلا والجلا ( شافت فبيلسان ) اجي اشهيبة ديالي نت اجي .. شعلي ليا تلفااازة
بيلسان ردات تيليفون لجيبها وطلعات تابعة قسم منفنخة كتر منها ورقية متبعاههم
رقية : الواد يدييييكم نتي وياها .. نافخييين عليااا كي الجرااانات بغيتليكم حبة فالمررركد ماتوگفو ماتكعدو ... مضضضسرينكم هادوك لهيه .. غا رقيييية لي كتعرف ليكم والله تاانووريييكم الزززمبااااع فين كيتباع .... ايايهايهي ضسااااارة نافخين عليا گاشششوشهم بحالا تابعاهم بالكارابيلة ... وانا غا حاضية ليهم موااااعنهم ..... شادة طريق تاليفرن باش نحضي خرزتك لايحردهاليك مع شي حييييط .... سسسسري سري لي دايرة ليكم العز على تقاابيكم آلمهزوووزات ... للهلا باااش تشعلوووهااا ( ناضت لتيليكوموند ) صحااابتكم انا عاد حطني الكااار .... باقي الحمري فعنگي .. راه غاكبرنا بيكم ساعة نتوما ماشي دالكبراانية لا نت لا هي ....اهايهاهايهاي باغيين يشدو سمااااا بيديهم .... جيييييل دالبوووساااان و قلة الحياااا ..... ( شافت فدروج ) ورببي دار ليكم الفم باش تاااااكلو بيه النعمة يا تريكة القنب ماشي باش تقيلو تشلللقمووو متجق متجق متجق تمااااصوووو كي النااااموس .... يخلييييها سلعة ...
بدات تقلب فالطيليكوموند
رقية : منين كيتششششعل هاد العجب ، فيناهي الحمرة ؟ ...
جلسات كتقلب تابانت ليها وركات عليها وشعلات ... غير كتكي تاتحل ليها نتفلكس و هي توسع عينيها من الكوفرات دافلام لي عطاوها وشافت لدروج
رقية : ايااااااك انعجججة ياااااك .. هااااادا مكنتي باغا تفاااارجي نت وداااااك السسلوووم د الگباااصااا .... ( كتشوف فواحد كوفر ) يالاطيف يالاطيف يالاااااطيف .... ولا كولشي عاااين باااين يللااطيييييف ... حنا كنا ماااايطيح سورال تايطيح الضلام ... تايطفى ضوووو ... ياااطل يااالحاااااج طل .... طل يالحاج تشوف المسخ ولا فالنهار الگهار .... ( بدات تشوف وهي ضور راسها ) مشييييتي بكري يااالحااااج مشيتي ببببكري ..... ( حسات براسها وهي بدات تقلب منين طفي ) ياعووود بالله ...... منين يطفا هاد الحراااام كيييفكم كيييف فراااجتكم كيييف مسسسسخكم بغيييت طياااارة العشا والناس كاااتعشااااا
طفات التلفازة ونزلات لكوزينة .... وبيلسان دخلات لبيت قسم طلات عليها لقات متكية على نامسوية ودخلات عندها متأسفة ....
بيلسان : شوفي ... حسيت بيك بحالا جالسة بزز .. الا كنت مشغولة سيري هاهيا معانا ...
قسم : لا لا ... بابا مغيبغيش .... ( تنهدات ) ماعليش هانا صابرة ... فين مشا جود ؟
بيلسان : غايجيب غير شي ضورة ويجي .... غاندخل ندوش .... خودي ليك تا نت شي دوش ورتاحي
قسم : سري بصحة ... داكشي لي غاندير يمكن ...
خلاتها بيلسان ومشات لبيتها وقسم تنهدات ونعسات على سريرها مكمشة وهزات تيليفون دارتها فيد الله وبدات كتصوني ودارتو على ودنها ..... كتسنى ... ومع كل تيييت قلبها كيسكت ويعاود يحيا ..... حتى كتعطيها غير البواط فوكال وترجع تقطع .... وعاودات تاني وثالث ورابع ... بدون جواب وهي تحل الواتساب ودخلات لنمرتو ..... وسرطات ريقها وبدات كتكتب
قسم : انا بيخير .....كنت باغا نجي عندك .... ونهضرو ... حيت بصح عندنا بزاف فاش نهضرو .... ولكن كيف العادة .. مكنعررفش منين كيخرجو ليا المشاكيل .... فاقرب وقت غانلقاه غان.....
يلاه غتكمل وهي تمسحو كاااامل ولاحت تيليفون وبقات تشوف فالسقف .....
اما اصيل كان فطموبيل فنفس داك جرف شاد كارو كيكميه ودنيا عامرة بدخان .... ملي شافها صباح خارجة بطموبيلتها من المنطقة عااااد قلبو هدا وعرف راها بيييخيير وغايقدر يمشي ينعس مرتاح .... ولكن لي مبزرطو كتر هو علاش ماجاتش عندو ؟ علاش ماصوناتش ؟ علاش تالدابا عاد كاتصوني ؟ ...... واش بصح داكشي لي دار مستحيل شي بنت المرا مغيخلعهاش ؟ واش قسم تخلعات ؟ .... باش غيجاوبها فاش تسولو ؟ واش هو باغي يشوفها ولا كان باغي غير يطمن واش راها بيخير ومامستعدش يتلاقاها وماعندوش ليها أجوبة..... وكايضن انه الاحتمال الاخير هو لي كاين ... طفا الكارو فطفاية دطموبيل هو يسمع صوت ميساج دخل ليه ..... حلو وهي طلع ليه
"my long way" : Where are you ? Why don't you answer my calls? "فينك ؟ علاش مكتجاوبش على ليزابيل ديالي "
تنهد اصيل وتكا على جنب تيليفون مطول تاتطفا وديمارا وزاد ... كيشوف لكانيط لي عندو فطموبيل ويرجع ينعل شيطان ويقلب راسو لزاج ... ميمكنش انه من بعد ماقطعو لسبع سنوات غيرجع ليه تاني .. بالفقصة هزو وزف بيه لاحو من الزاج عاد رتاح ماحملش راسو علاش نزل شراه فلحظة ضعف .. وزاد كسيرا فالطريق طويلة غادا لكااااازا ومن فوق دايزين الطموبيلات للپياج ديال لوطوروت ......
افران ....
الساعة 23:30 ...
مسحات رقية يديها فسربيتة وطفات العافية على الطاجين ودازت كتقاد الكيسان فالبلاطو وجبدات الشلاضة من ثلاجة كديرها فطباسل تاحسات بشي يدين عنقوها وهي تعرفها غير من ريحتها وتبسمات
قسم : سمحيلي زعفت عليييك ......
رقية : ( ضارت عندها وقسم واقفة كتشوف فيها وعلات رقية يديها حيدات ليها قصيصة ديالها الفازكة رداتها لور ) هانتي نزلتي بشعرك فازك يضربك البرد
قسم : فين هو هاد البرد اجدة ... ( جلسات على كرسي طويل قرب الكونطوار الوسطاني ) ريحة غزالة طالعة ....
رقية : يلاه تتعشاو مزيان نت وبيلسان ماكليتو والو ...
قسم : ( بضحكة حنينة كتشوفيها ) فوجتي اليوم ؟؟؟
رقية : ( رجعات كتقاد شلاضة ) مكنتش دايرة هاد الخرجة لا فالبال لا فالنوايا ..
قسم : ( شافت فشنو كدير ) نعاونك فشي حاجة ؟
رقية : تايجي خوك وطلعو هادشي لفوق تعشاو .... ( علات راسها شافت للساعة فالحيط ) تعطططل ....
قسم : دابا هو جا ...
رقية حطات المعلقة ويلاه غادا لباب وهي تقشعها مع الباب مخبعة كيف شي قققطة كطل غير براسها كضحك
رقية : والله ينعل ترااابيكم .. كديروها قد راسكم وتجيو تبحلسو
بيلسان كانت غير بكسيوة ددجين خفيفة بسميطات وكونفريس بيضة وشعرها نشفاتو وعلاتو لفوق على شكل جوج كعكااااات عطاوها منظررر غاية فالكياتة
بيلسان : وااانت لي كتفقصييييسنا
رقية : اجي ... ااجي لهنا ياااا نعيجة ياجي .... ( شداتها من داك الكعكات ) دابا عاااااد نعععجة نيت ههههه
بيلسان : ( عنقاتها ) واخا وجودك هنا كااايعصب الصراحة هههه .. ولكن ( شافت فيها ) تراست مي گراني ... فرحت لاهتمامك بيا ... وحيت خايفة عليا ..... ( ضارت شافت فقسم بعينين حمرين ورجعات شافت فيها ) وفالوقت لي ماما مزال ماعيطاتش حتى تسول واش وصلت ولا لا ...
رقية : ( جمعات ضحكتها ) ولا ... وا لا ... نتي مك راك عارفاها كتبغيكم تعولو على رااااسكم ومكتفششكمش .... وراه كتييييق فيكم .... حيت معارفاكمش اش كتسواو ..ماشي بحالي انا لي عارفاك يا موو قروووون اش كتسوااي داكشي باش تابعاك لهنا خليها هي مقلوبة عليها القفة ( عنقاتها ) عمرك تقولي هاد الهضرة مزال ( شافت فقسم لي تاهي غير كانشوف ) اخر مرة نسسسسمعها منك .....
بيلسان : ( تنهدات وبعدات عليها وحاولات ضحك ) شششنو مووجددة ليييينا ... ( مشات حلات طاجين ورقية باقا كتشوف فقسم ) ممممممم ريحة كتشهي صرااااااحة الله يعطيييك الصحة اجدة .... ( هزات واحد زيتونة كلاتها وضارت عندها كتمص جوج صبعانها لي هزات بيهم زيتونة ) يااا مخررربة اللحظااااات
رقية : ( ضارت كتستف الفراشط ) هدا مااااخصك لا نت لا هوووو ... اما نتوما علم الله علاش كنتو ناااوين ...... لازخشمة لا وقار ....
جود : وااشحال كظظلللمي ارقية شحال كضلللمي ....
ضارت عندو شافتو نازل من دروج ملي شاف ضو فالكوزينة دخل من الباب دجردة ومشا ديريكت للطاجين حلو
جود : والله ماكان فيا شي جوووووع ... و هاد رييحة فتحات ليا الشهية .....( هز فورشيت كينقب )
رقيو : ررررصاااا ( حيدات ليه الفورشيت ) رررصا تعلمموو تحيدو منكم هاد القاااعدة .... ماتبقاش تاكل من الفورنو .. غادير العرس فالشتا
جود : ودابا نتي ماتخلينااا نااكلوو ماااتخلينا ( عنق عندو بيلسان ) نعيييييشو .. فين غالحقو حنا لهاد العرس معاك ارقية ...
رقية : ( ضرباتو بسربيتة كتجر بيلسان لبين يديها ) حيييييييد يديك ماتعرفو دين ماتعرفووو مممملة .... ملي دير عليها القااااعيييييط دير لي يعجبك ( دارتها مور ضهرها وقسم كضحك ) باغي تسسبقو ليا سبوووووع على العرس ولا كيفاش
جود : ههههه ويالاه نجمعو شغل واااحد ... مالكم عزيزة عليكم تمارة
رقية : ( مخبعاها مورا ضهرها ) ووووحرررربش قررررب ليهااا
جود يدا يضحك وهو يقرب رقية هزات المغرف فوجهو ...وهو كايقرب عندها تااااهزها فيديه هي وبيلسان لي لاسقة فظهرها و جمعهم عندو وقسم كضحك وطلع بيهم فدروج ورقية كتغوووت
رقية : ااااطلق اطلق ال**هوودي ططططلق .. واطلق جااااتني دوووخة .. طططلق هاااهوااا حراااامك هززوووو ولا حححطووو بعد مني يااااانااا اااااتااااا طلق ...
طلع بيهم فدروج وحطهم كينفض يدو ويعوج فكتافو
جود : لا لا راه كتاكلو رزقكم ... ماعندي مانقول ...
رقية : ( حيدات البلغة تابعاه ) ياا غا لي يقققسم ليك داااااك رااااس
جود : ( تخبى ليها ورا سارية ) كتر ما هو مقسووم هههه فين غاتزيديه مسكين هههه
رقية : يلاااه يتكاااااااد .... مايل من واحد جيهة ....ضربة وحدة بالبلغة نميل جيهة لوخرااااا يلاه يتگادو
جود : صافي الكونطرول جاي نديك نت وبلغتك معايا لكلينيك وعطيهم هاد الاقتراااااح .....
رقية : ( كتنهج ) الله ينعل حسسسسكم وترااابيكم سسسسخفتووووني ...
قسم : ههههه ومالك لقيتي مركوب فابوور .... ياك نت كتقولي ضارينك ركابيك ...
رقية : ( جلسات كتنش عليها ) صصصهدتوني .. تونسو وتهوسو .....
جود غمز لبيلسان غا من داك الغمزة عرفاتو مقاااااااد دماغو مزيان و طلع فالدروج ورقية تابعاه بالهضرة
رقية : الاتعطلش راه طناش دليل هاااادي نتعشاو نطلعو نرتاااحو
جود : جوج دقايق
رقية : نزلو طلعو داكشي قادو طبلة .....
بقات رقية كترتاح وقسم وبيلسان نزلو ضاحكات بعد ماقادو شوية مزاجهم مع رقية وجود لي كايبدل جو فالدار ..... وبداو يحطو فوق الطبلة يلاه غتعيط ليه رقية بانليها نازل كان بدل تيشورت باش متشمش فيه ريحة الشراب ... بسروال ديال دجيين فاتح وتيشورت كحلة وجلس على طبلة وبيلسان شافتو كيداز حداها بحال الريح غير متأكدات ان جود ملي كيشوف الطواجن والماكلة يقدر ينسى ررراسو كاامل ماشي غير هي .....
جلسو مجموعين كيتعشاو بيلي وقسم كانو جاعو حيت قبيلة بالفقصة مكلاوش ..... طياب رقية مكاينش لي يشكك فيه البنة ديالو صغيرهم وكبيرهم كيشهد عليها .. كلاو فجو هااادئ ورقية ديما منشطة الجو بقوافيها .... تاسالاو وكل واحد رجع لور كيمسح فمو فمنديلوو .... رغم انهم غير بيناتهم الى ان الاتكيت لي ترباو عليه غالب على حركاتهم ....
رقية : وهانتوما سهرتو جداتكم تالوحدة .... هذا سرر لي يتبع ولاد هاد الجيل .....
بيلسان : جدة كانت كتنعس مع تسعوووود .... تسعود تتهبط لينا ريدوات وتقولينا نعاس .. الا ليلة السبت .. لاااا هي كتكون تما قادرة تسهر تالفجر هازة بلغة وواقفة فالباب حاضياني انا ووسيم ههههه
جود : ( شاف فرقية ) كانت كتسهر ليلة السيت ياك ؟
رقية : الله وااااعلم ماااندخلشااااي بين جوووج انايا .....
جود : اوووووه !!!! سبحان الله .....
بيلسان : اه كنت كنسهر .... كنت هاديك انا دشحال هادي ... كيما نتا كاين واحد دشحال هادي ....تانا كاينة فيا وحدة دشحال هادي ....ولي ماسوقكش فيها
قسم : ( شافت فجود كتمسح فمها فمنديل ) قنعاتني الصراااااحة
بيلسان : اووفكووورص .. مالو غير هو لي تيعرف يدير القواااانييين !!!!
رقية : نوضوو ... نوضو جمعو طبلة بارااكاو من الحتبييييت نوضو .... غسلو الماعن ونقيو الكوزينة وطلعو تنعسو
بيلي : ( شافت فيها ) اكسكيوزمي ؟؟؟؟ اش نديرو ؟
قسم : هاء ؟ البنات راهم غير فالدار لهيه ....عيطي عليهم انا راه منكعرفش نغسل كضحكي علينا اجدة ...
رقية : ( حطات صبعها على حنكها كتشوفيها ) هاااويبيييييلي على ماخلات كرش كرشي .... هااااااويلي ...... على نفيقو البنات من النعاس يغسلو جوج طباسل وجوج فراشط .... حادكات غا فتخراج العينييين .... نوضو تكعدو غسلو موااااعنكم ....
قسم : ( شافت فجود ) نووووض
رقية : فيين غاينوض ؟ .... نتوما علاش عيالات .. تلااا زمان تاينوض خوكم يغسل ليكم المواعن ( جلس هو جلسة سي سيد كاااايجنن فيهم بحجبانو )
قسم : ججدة هاد الافكار ديال السبعينات مكيتمشاوش عندي انا .. يياك تاهو كلا معانا اوا يدينا بييديه
رقية : ماشكا عليك حد تغسلي ليه طبسييييلو .. تغسسلو ليه الااالة هادي لي غاتوولي مرتووووو ....
بيلسان : وااااات ؟؟؟؟؟ وهادشي مكتوب فشي قاونون انا مزال ماشفتو ؟؟؟؟
رقية : وماالك ؟ .... زواج قالولك فييييه غا تشششلقيم .....
بيلسان : اشهاد الباطل اجدة فين عمرك شفتي هادشي
رقية : جداك الحيوووط وعندها فيهم العنيين ، النملة لادازت كتعرفها فين غادا والمرگد ديالها فين .. جمعي طباااسل نتي وهيا ونزلو للكوزينة .....
بيلسان : سمحيلي اجدة مي هادشي مكينطاببقش مع حقوق المرأة .... المرأة ماشي خدامة .....
رقية : ( حناات على الببلغة هزاتها ) غااتزيدي ولا لاااااااا .. كتعايني فالولد مريض يغسل ليكم مواعنكم ......
جود : ( قرب ليها طبسيل ) غسسسلي لراجلك طبسيلو يلاه ..... كوني زوجة مطيعة
بيلسان : ( هزاتو بنفخة ) حححسب ... غييييير حسسسب .....
هزات بنفخة طباسل ونزلات وقسم تبعاتها هازة طاجين و جود باس راس جداه وطلع ورقية هزات الكاس الكبير دالعصير وتبعاتهم لكوزينة
رقية : بداو تغسلو انا نقل ليكم المواعن
قسم : ( كتشوف فلافابو ) نحطهم هنا ونخوي عليهم الما ؟
رقية : اييه ابنتي حطيهم تما وحطي ليهم سطيلة ديال الما وحلفة راهم غايغسلو راسهم براااااااسهم ويمشيو يتستقطرو ويمسحو لبعضياتهم ويرجعو لبلايصهم ....لهلا يحووووجك
بيلسان : لا اجدة حنا كبرنا على نتيقو اليس في البلاد العجائب .... را دبصح معارفنيش ....
قيم : ( نزلات عينيها كتحل فالبيان لتحت تالقات لاڤيسال ) هااا هي لاڤيييسيل...
رقية : هاويلي على تشعلو الماكيينة على جوج قششعات ؟؟؟؟؟ واش مكرووووضاااات ... توما جبدو الحلفة وديرو فيها الصابون وفركو فالمواعن وشلوهم وديروهم يستقطرو ( مشات حلات كتقلب تاجبدات البواطة لي فيها الصابون والحلافي دمواعن وجبدات ليهم قرعة فضية فيها الصابون و وبونجة وردات الباقي تحت الكونطوار ) هاااا الصابون ديروه فشي بانيو لا ضيعوووش و ديرو فيه البونجة كطلق الرررغوة وحكو المواعن .....
خلاتهم وطلعات تجيب الباقي وبيلسان قربات عند قسم حطات ليها طباسل فلافابو وقسم باقا كترمش بعينيها كتشوف
قسم : ( وركات على الانبوب ديال الصابون هو ينزل ليها فيديها وشماتو ) ريحتو زوينة .... نديرووليهم غير هادا ؟
بيلسان : وراه عطاتنا غير هدا ...
ستفات قسم دوك طباسل فلافابو وبدات تخوي عليهم فالصااابووون و بيلسان كتشوف فيها وتوريها فين تزيد
بيلسان : زيدي فهاد كاس .... هانتي باقي خاوي .....ديريليهم مزياااان باش يتنقاااااووو
قسم : ( بدات تورك ووالو مبقاش ينزل وبدات تحركها فيديها ) خووااااات !!!!
بيلسان : باقي داك جوج طباسل مافيهمش .... خلي تجي جدة تزيدنا ...... ( سمعوها داخلة هازة الطاپيات دطبلة ) ججججدة زيدينا صابون هذا صااافي ساالاااااا .......
رقية : هاااااااويلي على ساااالاااا ؟؟؟؟ مالكم شششربتووووه
مشات طلات وهي توسع عينيها لقات عمرو الكيسان وطباااسل وهي ضرررب على رااااسها
رقية : هاااااويلي وحححدي توما شسااايرين تخووورو .....واش انا قلت ليكم غسلو المواعن بصابون ولا غسلو صابون بالموااااعن ؟؟؟؟
قسم : هاء ؟!؟ ويلاه يتنقااااوو ... ونت عطيتيني غير هذاا
رقية : اييييييه .... ياااكما نزيييييدك الشاپاااان و البااندووش والتبريييييمة برمييييهم نت حسن .... نتوووووما هاد صابون لي خويتو هنا راه يغسل القشاشع دهاد الكوزينة كاملة ويشيط الخير ... رررجعو رججعو القررررعة نتوما غااااتجيبو سيزي لبواتكم ورجااااالتكم ..... توما تعععلللمو لايطيحكم سيدي رررربي فشي واحد يالاه كيحط رجلو درجة على ردجة تتسيييزيييوه ففرزقو ..... تعلمو تققتصدوووو تعععلموووو .....راه غا روكان واحد داتو بنتي ......
بيلسان : ( جالسة على كنطوار ) انا خارجة من عاد الاحتماااال اصلا ... حيت روكان ولد غا جوج ولاد واحد ديتو انا ....
قسم وسعات عينيها كتشوف فداك لافابو وكضوررر هضرة جداها وشافت فيها .....
قسم : هم ؟؟؟؟؟؟
رقية : ششنو هم ؟؟؟؟؟ مالي كذبت ... غا باكم صافي لاباس عليه غاطيحو فراجل لاباس عليه قدو ؟؟؟؟ والا طحتو فشي مزلووط ؟؟؟؟؟ .... تزيدوه الخلاااااااا على الخلااااااوات
قسم بزربة رجعات حلات داك القرعة وبدات ترجع صابون بديها لقرعة ورقية شافت معاها كيفاش تخلعات وترد داكشي دغيا وكتشوف فبيلساان وشافت فقسم
رقية : قوييييييييسم !!!!!!!!!
قسم : ( ضارت عندها باقا مخلوعة ) ها ؟؟
رقية : تي شكوووون هاد المزلوووووط لي طايحة معاااااه ااااناااااري ؟؟؟؟؟؟؟
قسم : ( علات حجبانها ورقية كتشوف فيها بشك ) ااء !! ت تاااااحد ......
رقية : يااااتي دوي ..... شكون هاد المزلوووووط ؟ ياتي صمتي تا صمتتي وباغا تفطري على ليمونة مصووووفة ؟؟؟؟ على قلة الديسير لي ضاير بيك يا صكعة ؟؟؟؟؟؟
قسم شافت فلافابو وشافت فيها وهي تعطي داك القرعة لبيلسان شداتها بزربة
قسم : ياااااك راجلك هاداك لي كلا ... وغسلي ليه طباسلو انااا مالي كاااااع فهادشي .. اصلا فيا نعاس وراسي كيحححرقني ......
خلاتهم وطلعات بزربة ورقية متبعاها بعينيها وشافت فبيلسان لي باقا مستغربة شادة قرعة دصابون
رقية : يا عليا بليمين تاشي مزلوط هدا داي ليها العععععقل
بيلسان : م .. مزلوط ؟؟ شنو هي مزلوط ؟ تايضرب زطلة ؟؟؟؟
رقية : ( ضرباتها بسربيتة ) زطلة تعرفييها يا نعجة والمزولوط لا ..... الزززلط هو لي بغيت ليكم يااااتريييكة الفشووووش .. غسسسلي المواااااعن .....
خلاتها وطلعات وبيلسان نزلات عينيها شافت فداك قرعة وشافت فطباسل فلافابو
بيلسان : شغاندير انا دابا ؟ ( هزات داك الصابون كتشوف فين ) گرااااااااني ..... شغاااندير بهاااد القرعة ؟؟؟؟
رقية : ( جاوباتها من دروج ) طططلعيها معااااااااك
نزلات رقية عندها تاني ووقفات كتوريها كيدير تغسل بالنگير ... تاصدقات غاسلاهم هي بقوة مافقصاتها .... وطلعو فدروج ... بيلسان يلاه غادا لبيتها وهي تجبدها من ييديها
رقية : تا لاين ؟؟؟؟
بيلسان : جدة ار يو اوكاي ؟؟؟؟؟ راني غادا لبيتي نعس واقلة لا ؟
رقية : ( اشارت براسها لجهة فين جناح رقية ) دوزي نعسي حدايا
بيلسان : وااااات ؟؟؟؟؟؟ ( بدات كضور وكضحك بالفقصة وشافت فيها ) كيفاش هاد نعسي حدايا
رقيو : اييييه ... مانعسش بوحدي .. الحاج الله يرحمو كان يبااات حدايا هنا .... مانعسش هنا بوحدي يلاه معايا
بيلسان : جدة راه باغا نعس فبيتي
رقية : ياوالله وماتزيدي كودامي لااانعستيها هاد الليلة ... حسابتك جداك كتاكل الفصة ؟
قسم : ( حلات الباب لي كانو حدا باب بيتها واقفين .. خرجات كطل عليهم ) مالكم على هاد صداع اش واقع ؟
بيلسان : قسم .. هضري معاها ....
رقية: اشوووفي عندي هاااااه .... ياااوالله مانتي ناعسة وحدك .. يا تجي معايا يا نجي عندك ... يانفرش زربية حدا بيتو .....
قسم: ( تنهدات ) جدة ... واش لابغاو يديرو شي حاجة غاتحضيهم نت لامدخلوش من البيبان غيدخلو من البالكون يهديك الله .. راهم بعقلهم ومبقاوش صغار ...
رقية : انا لي عندي را قلتو ...
بيلسان تنهدات وشافت فقسم بقلة حيلة و تا قسم ومات براسها بمعنى ساااعفي ساااعفي وهي شافت فرقية حيت عارفين مشداتش هاد طريق كاملة باش غدخل تنعس وتخليهم
بيلسان : واااخا اجدة واخا .. خليني نبدل غاابيجامتي ونجي ...
رقية : ياااالاه خمسة دقاااايق بالحساب ....
خلاتها بيلسان ومشات لبيتها و رقية تاهي حلات بيتها وكتحاول ماااا امكن متفكرش فراجلها ومتخيلوش فاش كان كيكون معاها هنا وبدات تحيد ليزار على ناموسية وتقاد بلاصتها وتنهد وترحم عليه فخاطرها ...... نفضات بلاصتها تلاتة دمرات مطبقة السنة ... ومشات كتحيد زيفها لاحتو ... وبدات تجمع شعرها تقادو لي كان خفييييف و مقطع كوب قصيرة باش ميقلالش كتر و اريج لي ديما واقفة ليها عليه بالزيووت حيت بدا يطيح .. بيض بشيب وزغيبات مصبغين بالحمر دالحناء.... جمعاتو ببانضة لور وحيدات حلاقاتها داللويزات حطاتهم فوق طابل دونوي ..
ودخلات تتوضى ....
اما بيلسان غير دخلات فكات شعرها بنترة محاملاش راسها ... وحيدات داك غوب بقات غير بدو بياس بيضين ودخلات لدوش جابدة تروستها كتمسح الميكآب وكترطب بشرتها وشفايفها ... بشرتها بيضة ولاااامعة بسبب العناية .. شفايفها تاهوما ديما مرطباهم وزهرييين ممتلئين ....غسلات وجهها مزياان وسنانها ... وخرجات كتلبس بيجامتها لي كانت شورط كحل قصصصيير من الثوب الحريري مسدود بخيط بالكرونة .. والفوقاني ديالو كان نفس التوب ولكن فالكرونة قصير فايت شووية البوط بسميطات رقاق ... بارزين تحتو حلمات صدرها لي حيدات ليهم سوتيان .... لبسات غير كلاكيط كحلة وبدات ترش فبارفانها .. من ديما مهووسة بريحتها تكون ديما بيرفكت ومظهرها يكون نقي كتر من انو انيق ... ماعندها تاحاجة اهم من بشرتها و نظارتها و ريحتها .... جلسات على السرير وهزات تيليفون مكرهاتش فهاد اللحظة كون كان عندها كيفاش تمشي عندو وتقصر حتى طلع الشمس بالهضرة و تعاود ليه كاع اش عندها يالاه غادخل تكتب ليه وهي تسمع تعياااط عليها .. غمضات عينيها مزيرة عليهم وهزات تيليفونها وخرجات كتأفف
بيلسان : انا جااااااية .. حضييييني غانهرب من السسسطح ...
مشات ساخطة لببيت رقية لقاتها موجدة ليها فراش على الفوطوي ...
رقية : يالاه ... الجوج وزيادة هادي .. ها بلاصتك تكمشي نععسي
بيلسان : ( مهبطة شفايفها ) جججدة .... غااايححرقني ظهري
رقية : ياكما باغا تننننعسي جداك تما
بيلسان : ( مشات عنقات ليها يديها ) خلييييني نعس حدااااك
رقية : والله ابنتي لاعاودتي درتيها بيا داك نهار قتلتيني فجنابي كتباتي ترررركلي وانا كلاويا على قد الحال ... نعسي هن وهنينا دابا هو صبح الحال ......
بيلسان قلبات شفتها ومشات للفوطوي كانت مفرشاه ليها وحطات ليها ايزار دارت شعرها قدامها باش ماتنعسش عليه ونعسات عل ظهرها كتشوف فسقف شادة تيليفونها عند صدرها .. ورقية مشات باتجاه لباب سورتاتها وحيدات الساروت وبيلسان علات حجبانها جابت ليها الضحكة ... حيدات قفطانها بقات غا يكولون بيض و ديباردور بيض ديالو وتخشات فبلاصتها خشات ساروت تحت مخدتها طاوية دراعها تحت راسها .... وبيلسان متبعاها بعينيها
بيلسان : والله ااااجدة تاااااعيقتي ...
رقية : ( مغمضة عنيها ) سسسسهطي .....
عند قسم ....
حيدات تاهي حوايجها ولبسات غير غوب دونوي خفيفة فالكحل ببينوارها وخرجات لبالكون وجلسات على كرسي قصبي جامعة رجليها على الكرسي ردات شعرها لواحد جنب وخدات نفس عميييييق ... وبدات تصوني عليه ....
مغمضة عينيها حيت عارفة الوقت تعطل وماشي وقت ديال تيليفون ولكن بغات تحاااااول لمرة اخرى على الله يجاوبها .. حيت عارفة راسها انه اخر مرة حدرها من هاد الغياب بلا متعلمو ... عضات على شفتها ملي باليها كيصوني ولكن بدون اجابة حتى قطع وهي تلوحو على طبلة .. وبقات غير كتنهد معلية راسها للفوق .....
جناح جود ....
عطر CREED Aventus ، النيكوتين ، التيكيلا ، شومبوان .....
كانو هوما الروايح لي ماليين جناحو لي كان مظلم .... فقط سمطة رقيقة فوق كادر السرير لي مشعولة بضوء ازرق خفييييف ..... وضوء التلفاز لي شاعل
كان كيبان غير ظهرو وهو واقف فالبالكون متكي كرشو على حدايد البالكون والدخان ديال الجوان كيبان طالع من الجنب .... كان حافي غير بسروال ديال دجين وظهرو كان عااري .. بارزين عضلاتوو و بارزين وشامتو الرقاق لي كانو فقط عبارة على جمل ... جملة فنهاية الظهر ديالو " you can win if you want " وجملة نازلة مع العمود الفقري بحروف بعاد ورقاق بحال المسامير المغروسة " family above all " ....
كانت اغنية red right hand من مسلسل peaky blinders مسموعة فالجناح وواصلة حتى لعندو منغم معاها .... وهو كيشوف لتحت كل مرة يخرج غمامة ددخان من فمو وجوانو شوية بشوية كيقصار ويتقاضا .. شعرو كان طايح عليه كولوو وباقي كيقطر بالما ... عينيه كااانو حمرين بسبب الكحول لي كتر منو فالبار و حتا فاش طلع لبيتو ....كيحس براسو مزاااال ماترفع .. مزال عقلو خدام .. مزال مقادرش يركز ويهدا ... مزال عقلو مخربق ليه بالافكار المضاربة .... لي يشوفو من بعيد يبان ليه هاااادئ ... وكيشوف فبلاصة وحدة .... اما هو عينيه كانو فكاع البلايص الا فالجردة لي كيشوف فيها لتحت ... عينيه مرة يمشيو لجناحو لي فالقصر وباباه وتتسمع فودنيه هضرتو للمرة الاف " رررتب الافكار فراسك اجود رتب حياتك .. رتب اولوياتك .... قاااااد طريقك اولدي .... عرف اش كدير وشنو باغي دير ....وعرف نتا شكووون " مرة تمشي ليه وهو صغير شاد فيدين لامار كيتألم فالكلينيك من العملية لي خرج منها .... غمض عينيه مزززير عليهم ... ورجع حلهم وهوما حممريييين وعلا راسو للفوق مقااابل مع نجوم لي كانو باااارزين فالسما .. معلي راسو لفوق كااايحاول يهدن راسو والفوضى لي طارية فيه لدااااخل .. كيحس بقلبو مززززير وكتااافو ثقاااال عليه .... كيحس براسو معارفش منين يبدا .. عينيه كانو حمريييين ومعسليييين ... تابداو ملامحو كيترخاو ملي بدا يتفكر صورة ماماه وهي داخلة عندو ملي كان فالكلينيك ووجهها شحال كان مخلوع .. وشحال مخطوف منها اللون .. نفخ صدرو بتنهيدة قوية .. كيحس براسو مشتت بلاا قياااااس ... يالاه غيرد الجوان لفمو هو يشوف بلي سالاه ... ضار موراه لطبيلة صغيرة كانت تما طفاية .. طفاه فيها وخرج كيماصي فعنقو من لور ويعوجو .... الضو ديال المسلسل بدا يضرب فوجهو مرة يبان مرة يضلام .. وصوت القرطاس مسموع فالجناح ... مشا باتجاه طبلة صغيرة زجاجية محطوطة بجانب الفوتوي .. هز من تما قطارة ديال عينيه وعلا راسو لفوق وبدا كيقطر فيهم وكمش عينيه حيت حس بداو كيحرقوه ملي كيضغط على راسو فالتفكير ... حل عينيه كااايرمشهم وهز قرعة دالما صغيرة وهبط عليها كلهاااا شربها وحط القرعة وبدا ينهج ويرد فشعرو لووور .. علا عينه فالتلفازة كان مشهد ديال قبلة ... دار ضحكة بجنب فمو مستهزأة ....وضار ماشي باتجاه الميني بار كيضور فراسو .....
وقف حداه وشاف جهة المشروبات لي كانو محطوطين ... وعينيه كتشوف لتيكيلا لي كان خوا منو ديجا قبل ميخرج للبالكون وحس بداك الشوية مدار ليه والو .... مزال مارفعوش كيف بغا هو .. ومزال عقلو خدام ومزال راسو كيحرقو ..... وعارف ان تيكيلا لا كتر منها غتصيفطو فركيز ... داكشي علاش مد يدو لبيبسي وبدا يحاول يخلط وهز كاسو وتاني الاغنية بدات تخدم .. وهو الحاجة لي الوحيدة لي كيحل عليها هاد المسلسل هي اغانيه لي كينغموه ومشا تلاح على الفوطوي كيجغم من كاسو وراد راسو لور مغمض عينيه ويدو مدلية على تكاية كيلعب بالثلج لي فالكاس ويسمع تقرقيبو .... ويتنهد وحدة ورا لوخرا كيتسنى مفعول الشراب يسري فيه ويلقى فيه شوية دالسلام من هاد العداب دالتفكير لي كيعيش .... ريدوات ديال البالكون حداه كان كيديهم الريح لي بدا يدخل من البالكون والموسيقى كانت هاااادئة .... والتيكيلا بدااات كترفعو .. شوية بشوية ...... وكلمات الاغنية لي مطلوقة { the right hand " اليد اليمنى الحمراء " } كيزيدو يرفعوووه ....
ترجمة الاغنية : { في عاصفة كبيرة .. يأتي رجل طويل وسيم ... بمعطف أسود ملطخ بالتراب ... بيد يمنى حمراء ... سوف يضمك بين ذراعيه ... وسيخبرك انك كنت فتى طيب ... سيبعث كل الاحلام التي استغرقت منك الدهر لتدميرها .. سوف يصل لعمق الحفرة .. سيعالج روحك الخجولة .. ولكن لن يكون هناك شيئا واحد يمكنك القيام به .. انه رجل ، انه شبح ، انه معلم ، انهم يهمسون باسمه من خلال هذه الارض المندثرة ، لكنه يخفي في معطفه يده اليمنى الحمراء ... لا تعرف المال ؟ سيعطيك قليلا ... ليست لديك سيارة ؟ سيعطيك واحدة ... لا تملك احترام الذات ؟ ..تشعر انك حشرة ..حسنا لا تقلق .. هاهو آتى ........ }
قاطع شروذو مع كلمات الاغنية صوت رنة مسج وصلو لتيليفونو اهتز معاه زجاج طاولة لي محطوط عليها ... طل عليه وعينيه كيحلهم غير بزز وهي طلع ليه BAYLASSAN ، تبسم بطرف شفايفو لي كانو كيلمعو بالتيكيلا .. وهز تيليفون عندو كيحلو بيد ولوخرا تايجغم بيها من الكاس .. وهو يطلع ليه " You slept? " .... " نعستي ؟ "
بانت على شفايفو ضحكة اخرى ... بطريقة اخرى ... وعلا راسو للفوق مدة مبتسم ابتسامة مرفوعة بالنشوة دالكحول... ورجع شاف لتيليفون وبدا تايكتب وصيفطو ليها وحط تيليفون وهز تيليكوموند وجهد الصوت لداك موسيقى و رجع راسو كيف كان كااايعاود معاها بشفايفو منننغم ومرفوووووع ......
اما بيلسان كانت ناعسة على ظهرها وتيليفون محطوط على صدرها وهي مبتسمة كتشوف فالسقف تاوصلها المسج وهي تحلو وعلات حجبانها كتقراه .... لي كان عبارة على " Watch out, I think I also have a red right hand "
" ردي البال ، كنضن حتى انا .... عندي يد يمنى حمراء " .....
كمشات حجبانها مافهماش تاشوية بدات تذكر فين شافت هاد العبارة و تذكرات المسلسل وهي تبتسم حيت عرفات اش كتعني ...
وشافت فرقية كطل عليها وهي تبان ليها نعسااات وصوت انفاسها كيتسمع .. عضات على شفتها حيدات عليها ليزاااار بشووووية .... وناضت على صبعان رجليها عاضة على شفتها كتمشى يششششوية ماتديرش شي صوت تاوصلات حداها وتحنات كدوز بيديها حدا عينيها بان ليها ماحلاتهمش وهي تعض على شفتها ومدات يدييييها بشوية وبببحذر شديد تحت المخدة وقلبها تايضرب خايفة تفيق ... تابانت ليها بدات كتحرك هي تجمع يديها بزربة وجمدات فبالاصتها موسعة عينيها ...وهي تبان ليها غير حنحنات وضاااارت كلها ..
وهي باقا جامدة تابانت ليها رجعاات نعسات وهي ترجع بديها بشوية سلتات السوارت ... غير شداتهم فيديها عاااد فرحات وضحكات ومشات بزربة لباب حلاتها بشوية غادة على صبعانها تاتحلات ليها وخرجات تاني بالهدووووء على صبعان رجليها الحفيااانين وسداتها موراها بالساااروت وخلاتو تما حابسة ضحكتها دالانتصار ومشات بزززربة و بيديها كتقاد فشعرها على كتافها تاوصلاات حدا باب جناااااحو حلاتها بزربة بحالا جاريين عليها ودخلات وتكات عليها كتنهج مغمضة عينيهااااا ... وهو حل عينيه بالغمزة ملي سمع الباب تحلات وعلا رااسو بششششوية وبثقاااااالة لجيهتها غير شافها عوج راسو لجنب بنظرة لعوووووبة وغاااية فالاثارة .. وهي حلات عينيها مباشرة فعينيه وظهرها ويديها باقين لاصقين على الباب وهو كان كيطلعها من رجليها الحفااينيييين لبيجامتها الحريرية القصيرررة ... لملامحها الطبيييعييين ... ودوز لسانو على شفتو باثارة حيت جمعات كاع نقط ضعفو ..... وهز عندو الكاس جغم كاع داكشي لي باقى فيه تاخسر سيفتو من المرارة لي لسعاتو فحلقو و حطو على طبلة الزجاجية ورجع بظهرو تكا على الفوتوووي كامل و غمز ليها بمعنى " قربي " ....
بدات تشوف فداك المنظر لي قدامها ولي عاد استوووعبااااااتوو ....... كان طالق رجليييه الحفيانين لي نازل عليهم السروال .... عر•يان من لفوق والسمطة محلوووولة و البوكسر كحل كيبااان .. صدرو كان كيلمع بحبيبات العرق بسبب الحر لي طلعاتو ليه التيكيلا ...كانو عضلاتو باااارزييين سسسمرين .. صدر خشن و فولادي .. رقبتو كانت كل مرة تهز بريقو لي كيسرط ووتهز معاها تفاحتو البارزة ...
عينيه كااانو ناااايميييين وحمرييييين وشفارو طاايحييين .... النظرات العبثية لي كيدير فيها كيزييييدو يعسلوهم ... عضات على شفتها بلا متحس من الادرينالين لي دفقو ليها فراسها ومن الوخز لي حسات بيه فبطنها .... شكون قال جسد المراة فقط هو المثير ؟؟؟ قربات بشوية وبضحكتها المثيرة .... وهو مبسم فيها كيتسناها تاوصلات لعندو وطلعات بشوية تاجلسات على رجليييييه وهو كيعوج معاها راسو .. لي لا التيكيلا . لا الموسيقى .. لا اليد الحمراء .. قدرات تنغمو .. كيفما نغمااااتو دابا ضحكتهاااا ... جلسات على رجليه و عضات على شفتها كتشوف فيدو اليمنى وهزاتها عندها شبكات صبعانهم مدة كتشوف فيها وعلات عينيها فيه بنظرة كلها مثيرة وقالت بصوت هامس مغري خلاه يجمع ابتسامتو وقلبو يضرب ....
بيلسان : I came to check on by myself of your right hand if it’s red ?? Or just you over drank ??
" جيت نتأكد براسي ... واش بصح يدك حمرا ... ولا غير كترتي فالشراب ......."
كان كيشوف فيها بحال الشخص النايم .... ملامحو كانو شبه حادين وهو كيطالعها ... ملامح كيترجمو الضمير ديالو لي كيتخاصم معاه فالداخل ديالو باش ميتهورش .... قربات كتر وعلات يديها ردات ليه شعرو لور بحركات حنان وشافت فيه ...
بيلسان : كنحس بيك مقلق بزاف .... الى مبغيتيش تعاود ليا .... ماعنديش مشكل ... ( قربات عندو كثر وشدات وجهو ) ولكن خاصك تخليني ندير شي حاجة نخرجك من هاد المورال اجود ....
جود : ( تنهد وهو كيطالع ملامحها ورجع ضهرو لور براحة وهز يدو كيدوزها على وجهها وعينيها وكيهضر بصوت مرفوع ومنتشي ) كيفاش .... جمعتي فيك .. كاع داك الحوايج لي كيعجبوني .... وجيتي ( كيطالع ملامحها باعجاب ) بنتي فحياتي ..... هاكا ... بلا مندير حساب ....
بيلسان : ( ضحكات تاتغمضو عينيها كتحسس يديه لي فحنكها ) ماجيتش صدفة .... ماجيتش بلا حساب ... المجية ديالي ربع سنين وهي تايتخطط ليها .... ( قادات جلستها على رجليه وهو شدها من خصرها بيديه كيشوف فيها ) ربع سنين وانا كنتخيل كيفاش غنلقاك تاني .. واش غتعرفني واش لا ... تخيلت كولشي ..... الى نعاود نعجبك من جديد .....
جود : متنحملش المراة الساهلة .... ( تيهضر وكيطلعها ويهبطها ) لي كتقول غير اه .... كنحس ماعندهاش شخصية .... ( شاف فيها ) عجبتيني .... ملي ماسمعتي لتاحد وطلعتي تنعسي ..... ( بيلسان تبسمات وهي كتفكر نهار لول لي جات وكتسائل فين شافها وهو هز يدو مطلعها مع دراعها بلمسات خفاف ) فنفس الوقت .. ماعنديش مع لي كتقول لا بزاف ... كنحس باغا تصنع لراسها شخصية ماعندهاش ....
بيلسان : ( عوجات راسها معاه ) اهاه .. وشنو خصها تقول ...
جود : يمكن .... خاصها تقول .... يمكن ...
بيلسان : مفهمتش ؟
جود : يمكن نكون معاك ... يمكن نبغيك .... يمكن نكملو ... يمكن نتزوجو .... يمكن تبغيني ..
بيلسان : ( باستغراب ) ولكن انا مكنقولهاش ...
جود : واخا ماقلتيهاش .... هاد العلاقة لي بيني وينك هي لي كتقولها .... وهادشي لي منغمني معاك وعاجبني ..... ( علا عينو فيها ) الراجل متيعجبوش يكون متأكد من الحاجة حيت كيملها .... خاصو ديما يبقى فالشك ويحس بالخطر ..... فوق ماتجي نتي لبالي .... كيتسمع عندي داك يمكن .... يمكن نكونو ... يمكن منكونوش ..... يمكن نكملو .. ( كيشوف فعينيها ) يمكن منكملوش ..... ( كيدوز يدو على وجهها متبعها بعينيه ) كل واحد وطريقتو فالعلاقات ... ولكن انا .. ( شاف فيها ) هادي اكثر طريقة ..... كتنغمني ....
بيلسان : ( غير ساكتة عجبها الحال لي هاد المرة هو لي كيهضر واخا عارفاه سكران ولكن الفرصة مكتجيش ديما وعوجات راسها معاه ) علاااش ؟
جود : ( كيقاد الصميطات ديال بيجامتها فوق كتافها وعينيه ثقااااال ) حيت .... انا هاكا داير .... كنمل دغيا .... فكولشي ... فالحوايح .... فالخدمة ... وحتى فالبنات ..
بيلسان : يعني .... كاينة احتمالية .... شي نهار ... ( زيرات عليها ) يمكن .... تملني ...
جود : وكاينة حداها ... يمكن .... ( باعجاب ) مانملكش ....
بيلسان : ( ابتسمات بشوية ) مممم .. وهادشي لي غيخليك عمرك تمل ... ( حاوطات عنقو ) ... جود .... ( كيشوف فيها ) واش عارف علاش ... واخا عارفاك شحال زهواني ... واخا عارفاك الى قلت ليك حسب ليا علاقاتك ماااغاتقدرش ..... ومع ذلك .... انا باغاك .... ؟ ( عوج راسو بجنب بمعنى كملي ) حيت ..... عجبني لي كاينة انا .... وسطهم كاملين .... خاتمها فيديك .....
بقا غير كيشوف فيها وضار براسوو للكاس ديالو وعطاه ليها
جود : خلطيييه ...
تبسمات ليه وهزاتو وناضت عليه بشوية وهو متبعها من لور ... جسمها كان غاية فالرشااقة ورجيلاتها صغاااررر ومؤخرتها متوسطة ومشدووودة بالسبور ..... تاوصلات لميني بار وبانت ليها قرعة دتيكيلا حيت هي لي شمات فالكاس .... وبانتليها كانيط ديال الپيپسي محلولة وبدات تخلط ليه وهو راجع بضهرو لور وداير يديه مور عنقو كيشوف فيها بحالا كيتفرج فشي لوحة ..... هزات الكاس ومشات باتجاهو مبتسمة ومداتو ليه وهو شدو عليها وكيشوف فيها وكيجغم منو .... وهي هبطات براسها بشوية وشدات بيديها على تكايات دالفوطوي وهو بعد الكاس على فمو ...تكات بشفايفها مصات كاااع بقايا التيكييييلا العاقلة فيييهم مغمضة عينيها ... بلا ميحس حط الكاس بزربة على الطابل لي فجنبو وهزها من خصرها تاجلسها علييه وخشا يديه من تحت ديباردور محاوط ظهرها وهي كتحس بالقبلة معاه غادا وكتشراااس ... كان صدرو تينهج وقسااااح .... شششهقات بببجهد ملي شافتو انتقل لعنقها بسسرعة كانه كيلتهم فشي حلوة لذييييذة مقادرش يتوقف عليها ... شدات بيديها فالفوطوي من موراه وهو مزيرها لعندو من ظهرها تايلتهم فعنقها ببقوووة ماحاسش براااسو اش كايدير دماغو طافي ... تاحسات بدييه غاديين جهة صدرها وهي تحل عينيها بزززربة ملي شافت باش غيكمل هادشي وحسات براسها اش راهم كاديرو ، الى هو سكران هي راه فوعيها ... وبعدتت بشوية عليييه كتنهج وهو كان بحال شي واحد غيباتو على الوعي وبدات تردو ليه ...
بدات تحاول تبعد وهي كتفكر فالغلطة لي دارو من قبل ... والوعد لي عطات لواليديها .. قلبها بدا يضرب بسرعة وهي مكرهاتوش يكمل .. حسات بجسمها سسسخن بلا قياااااس والحرارة طلعات معاها والرحم ديالها تقلص .... وشدات وجهو وهو عينيه نااايميييين وقربات عندو بالهمس كتنهج
بيلسان : واش عاااارف شحال توووحشتك ..... مزال مامتيقاش راسي .... الى جود ... رجعت انا وياه ..... ( عنقاتتووو وهو كيتنهد وتيحمد الله لي وقفاتو تاحس بقبلة خفيفة فعنقو وقالت بصوت طفولي مخلط بصوت البكية ) ماايغييييتش نرجع لامريكا ..
جود : ( ابتسم بشوية تاتسمعات ضحيكتو ) ههه .... ماتمشيش ...
بيلسان : ( فصلات العناق وشافت فيه ودوزات يديها على عنقها ) بابا غيذبحني ...
جود : ههه ... ( ضور راسو كيضحك هز كاسو جغم منو وشاف فيها ) من امتى كتعرفي .... تخلطي الشرااااب ( كيشوف فيها و وااضح النظرات لي فعينيه ماشي بحال ديال قبيلة وعاود جغم منو وكيحقق معاها ) هم ؟
بقات كتشوف فيه وترمش .. كيفاش كادوز قدامو الحاجة مكيقول والو حتى مكتعرفش واش عجباتو ولا لا عاد كيبدا يحقق معاها .... كيخليها مكاتبقاش تعرف كاع شنو لي عاجبو وشنو لي لا .. وشافت فيه
بيلسان : منهار عرفتك ... تعلمت لكلشي ..... نتا لي علمتيني ..
جود : ( كيرمش فيها وملامحو مرخيين وثملين ) كنتي مصاحبة مع زااا** مل ...
بيلسان : ( علات حجبانها ) كيفاش ؟؟؟؟
جود : ( علا الكاس بيديه كيشير بصبعو ) الاكس ديالك لي علمك تخلطي الشراب .... غا زاا** مل .... كون غا درتيه صاااحبتك ... وهنيتي الوقت ..
بيلسان : ... ( كترمش فيه ) ولكن علاش انا دابا .... قلتي ليا عمريلي كاس وخلطيه ....
جود : كون ماقلتهاش .. باش غنعرفك كتعرفي تعمري الكاس وتخلطيه ..... ؟
بيلسان : ( تنهدات وقربات لعندو وشداتو من كتفو ) جود ....انا ماشي ملاك الرحمان ..... وانا ماشي بنت تقليدية جات من شي حي شعبي ... فنفس الوقت انا ماشي قحبة .....
جود : كون كنت قحبة كاع متكوني دابا ( شدها من خصرها ) جالسة عندي .... وكون كنت ملاك الرحمان .... مكنتش غانكون انا هو لي غانديك ... كان غيديك شي واحد تااهواا ملاك الرحمان بحالك ...
بيلسان : وشنو انا
جود : نت وحدة تكرفص عليها الاكس ديالها ..... ( كيرد شعرها مور وذنيها ) وجيت انا نصلح .....
بيلسان : ماتهضرش عليه بهاد طريقة حيت هو ماتكرفصش عليا ..... ( كتشوف فيه وعينيها كلهم حب ) حيت هو .. عشت معاه احسن عااااام فحياتي .... هو لي علمني بزاااف دالحوايج ... كون مكانش هو معمرني نكون هاد بيلسان القوية لي كتشوف قدامك ..... ( عينيها بداو يحمارو وصوتها كيثقال وهو كيشوف فيها ) نتا معارفش شحال انا كنت ضعييييفة ..... انا كبرت بوحدي حيث خوتي كانو كيقراو .. وماما مشغولة بزاااااااف ... نتا ( كدوز يديها على لحيتو ودمعة تساقطات ) نتا بوحدك .... لي كان عندك الوقت ليا ..... معاك عشت حوايج عمرني عششستهم ... عشت الحماق .. عشت الهبااال عششت الحياة ديال بصصصح .. دخلتي ليا الشغف لحياااااتي .... دخلتي ليها الالوان ... اه بصح .. جاتني غريبة نشوفك دابا فالبيض والكحل ... ولكن شحال هادي نتا كنتي عامر بالالوااان .. عامر بالحياااة .. بالمووسيييقى ... الهبال .. كولشي كان فييييك .. هاداك الحماااق واش عرفتي شحال كان كيعجبني .... مكنتش كنبغي يجي صباح غير باش منرجعوش لدار ... حيت كلشي عشتتو معاك كان باللييييل .. ( كتشوف فعينيه وهو ساهي مع هضرتها ) معااااك تعللللمت السهيييير ... معاااك نتاا عرفت الليل شحال زوين .... معاك نتا انا كنكررره الصباح .... ( نزلات راسها لتحت كتفكر ) مكناش قادرين داك الوقيتة .. بسباب لاج وبسباب انك كنت باقي كتقرا ... نديرو سقف يجمعنا تحتو ... ولكن .... السما المضملة الكحلة بوحدها لي كانت كتقدر تجمعنا ..... ( قربات عندو كتر وشدات وجهو بجوج يديها وكملات والانكسار واضح فصوتها وهو متبعها مرااااضييش ) جود نتا كنتي كوولشي .... كولشي زوين فحياتي .. كنتي نتا ...
جود : ( ملي شافها سكتات لاحظ دمعتها لي ضرب فيها الضو دالتلفازة وهز يدو بشوية مع تنهيدة كيمسحها ليها وهي علات عينيها الزريقين فيه ) داكشي غير لعب الدراري وداز ... متبقايش تفكري فيه بزاف .....
بيلسان : علااااش كتقول عليه بحال هاكااا؟؟؟؟؟
جود : حيت هو بحال هاكاك .... لعب الدراري هو لي تايكون فالظلام .... لعب الراجل ابيلي تايكون فالضو قدام الناس .....
بيلسان : ولكن انا كان عاجبني .....
جود : الى كان عاجبك هاداك ..... هذا منضنش يعجبك ....
بيلسان : ( علات حجبانها ) راك كدوي على نفس الشخص لي راني معاه ... كيفما ضار راه غانضور معاه .....
جود : ( كيطالع وجهها وبدا يدوز يدو بشوية على حنكها لي مسخاش يبعد يدو عليه وقرب شوية لعنقها وهي عضات على شفتها مخليااااه ... مدة هو كيستنشق فعنقها ورجع شاف فيها ) شي ريحة هنا .. فشكل .... ديالك بوحدك .... زوينة بزاف .....
بيلسان : ( نزلات راسها عندو ) هاديك ريحة ... قالو ليا ... هي لي سماني عليها باباك ... بيلسان ....
جود : ( علا راسو كيشوف فيها كيهضر بالهمس ) سميتك زوينة ... علاش كيعيطو ليك پيلي
بيلسان : جود ...ههه حبيبي شحال من مرة غنقول ليك راه نتا لي سميتيني بيلي وولفو تاهوما يقولوها ليا معاك
جود : ( بعد مكانو عينيه عالقين على صدرها طلعهم فعينيها ) مابقاتش عاجباني ... ( نزل تاني عينيه وتنهد ورجع طلعهم فيها بزرية ويديه زيرات على خصرها وعينيه بداو يحمارو ) اش بانلك .... نصبحو عند العدول ... ومترجعيش .....
بيلسان : هههه .. ( تحنات عنقاتو وكتشوف الرغبة كيفاش مشتعلة فعينيه ) حبيبي راك غير سكران هه .... وانا اكثر وحدة كتعرف السكرة ديالك كيدايرة .. دير فيها كولشي .. الا تاخد القرارات ....
جود علا راسو لفوق مغمض عينيه تاحساتو قرب لوذنيها وريييحتها كتزيييد تخليه يترفع ويتنشوى ...
بيلسان : جووود ...
جود : ( بقلة صبر ) امممم ....
بيلسان : واقيلا خاصني نمشي .....
جود : ( بزربة) اه ... ( حل فيها عينيه وقال بحدة ) مكنضش غانزيد نصبر كتر من هاكا .....
بيلسان : ( بقات كتطالع وجهو وهزات يديها كتمشط فشعرو لور لي ديما كيطيح على جبهتو ) كنحس بيك مقلق ....
جود : ( قلب عينو لكاس هز وشرب منو ) انا بيخير ....
بيلسان : ( كتمشط شعرو بيديها) شعرك كبر بزاف ..... ( بابتسامة ) جا معاك زوين ..... ( شافت فيه ) شحال هادي كنت كنعرف مزيان .... نطفيك الا كنت شاعل ..... ودابا حيت نتا واحد جديد عليا معرفتش كيفاش نتعامل معاك اجود ... معرفتش شنو كيعجبك .... معرفتش كيفاش ندير نخرجك من هاد المورال ... بغيتك غدا تصبح مزيان .... النهار كامل وانا حاسة بيك شحال نتا مقلق ...... جود شنو المشكل ؟
جود : ( حط الكاس وشد خصرها قربنا ليه كيحاول يحل عينيه مزيان ) مكاين تامشكل من غير انني مخربق شوية ... محتاج نرتاح .... وغنفيق صافا .. ( حط جبهتو على جبهتها ) متخافيش .....
بيلسان : ( علات راسها وتاهو علاه معاها ) معرفتش شنو بدلك لهاد درجة وردك واحد رمادي بحال هاكا .... ولكن غاندير جهدي كامل نرجعك كيف كنت فلول .. بداك الطاقة . .... كنتي كتقول ليا .. جوج حوايج .... تاتحس فيهم انك نتا .... على طبيعتك ....فاش كتكون ف موناكو ... وفاش كتكون معايا ..... ( شدات وجهو وكتقرب عندو) موناكو مبقاتش .... ولكن انا كاينة .....
نزلات على شفايفو بقبل هاااااادئة كيترجمو المواساة لي باغا تقدم ليه .... الهدوء باش كتقبل نغمو وخلاه يترفع ويديه محاااوطييينها ومتكي راسو على الفوطوي وهي متكية عليه كيتسمعو غير انفاااسهم وعينيهم المسدودين ..... كيقولو ان اضعف قبلة ... هي لي كيتسدو فيها العينين .. لان تاواحد ماكيبغي لاخر يشوفو شحال هو ضعيف قدام هاديك القبلة .... كانت طوييييلة .... وهاااادئة وعامرة بالرغبة ..... كترجم احتياجها ليه .. وكترجم عياااءو .... وكترجم درجة ثمااالتوو ... حسات بيه شحال عيان غير من طريقة التقبيل ... وبعدات راسها بشوية عليه وشعرها باقي عالقين خصلاتو على صدرو .. وهو باقي مغمض عينيه متكي بلاصتوووو والعياء واضح عليه .. وحطات يديها على صدرو لي كينهج بهدووء ...
بيلسان : جود .... نتا دبصح عياااان ..... ( جود غير مغمض عينيه ) مغنقدش نمشي ونتا فهاد الحالة ..... ( بابتسامة ) عمرني شي نهار جيت عندك ولقيتك مقلق وخليتك مقلق طااافي .... مكنعرفش ننعس حتى نشعلك ...
جود : ( تنهد وعلا يديه طواهم تحت راسو وحل عينيه كيطل عليها ) اش كنت كديري ....
بيلسان بدات كتفكر وعضات على شفتها وشافت فيه بضحكة ماكرة وهو كيشوف بملامح مستغربين مخلطين مع ابتسامة هاااااادئة وعيااااانة ... تابانت ليه خدات نفس وقربات لعندو طبعات قبلة خفيفة و يديها كانو قربو لصدافة ديال سروالو اما حتى صمطة كانت محلولة ... وبدات تبعد راسها كضحك وشافت جيهة سروالو لي اصلا كان نصف منتصب .... وهو شاف لعندها ....تابانت ليه حلات صدافة دسروال وعلا حاجبو مفاهمش ...
جود : اش كاديري !
بيلسان : ( علات فيه عينيها مبتسمة ) هادي الحاجة الوحيدة لي كانت كتعلي ليك مورالك اجود .....
جود : ( حيدلييييها يديها من صدافة دسروالو وطلعهم لجيهة صدرو مقربها عندو كيشوف فيها بصدمة ) فايت ح* ويتك ؟
بيلسان : ( جابلها الضحكة ) هه !!!! لاماشي هادشي لي بغيت ندير غير تهنى .....
جود : ( علا حاجبو كتر شاد يديها عندو بحالا حابسها ماتنوضش تايكمل هضرتو ) بلو جوب ؟؟؟؟
بيلسان : ( حركات راسها بالايجاب ) امممممم ....
جود : ( كيرمش تاطلق يديها كيشوف فيها حس بالثمالة طارت ليه ) واش منييتك ؟
بيلسان : كوماااان جود ... هادي راه ماشي شي حاجة جديدة عليا !!!
جود : ( علا حجبانو بجوج ) ياااك ! ... معامن ؟
بيلسان : معاااااك
جود : وشكون اخر
بيلسان : ( جمعات ابتسامتها وقالت بعصبية) معااااك بوحدك اجود ... نتا علمتيها ليا ..... ونتا لي فوق ماتكون مقلق هي لي كانت كتعجبك .....فاش كنتي كتقلق مكنتيش كتهضر مكنتي كتقول والو .. كنت كتقول ليا باغي غير تحس ....
جود : ( كيشوف مصدوم ) انا علمتك ديري البلو جوب ؟؟؟؟؟؟
بيلسان بقات كترمش ملي بانو ليها ملامحو شحال جدييين وشحال كيبانو ممثيقييينش ...
بيلسان : جود .... انا وياك ماكان بيناتنا حتى شي حدود ... كنا شفافين مع بعضيااااتنا ..... راه داكشي باش كنقوليك مكاينش لي كتعرفك قدي
جود : ( كيحس بقلبو بدا يضرب بجهد وعروقوووو تزيرو فيه تحت جلللدو ومعدتو حرقاتو بالاعصااااب تامن راسو حس بيه عطاه الصداع وباقي متحكم فراسو كيشوف فيها ) فايت نعسنا ؟؟؟ ديفيرجيتك ؟؟؟؟
بيلسان : لا اجود لا ...... ماوصلناهاش ....
جود : ( دار ضحكة مستهزأة ) وشنو كان بقى ! .....
بيلسان : ماعرفتش علاش حسيتك تعصبتني دابا ... هادي كانت اكتر حاجة كتعجبك ...
جود : ( بنبرة اعلى ) وباااقااا كتعجببنني .. وباقي ملي كنتقللق .. كنقلب على لي ديرها ....
بيلسان : وعلاش مقلتيش ليا نديرها ؟؟؟
جود : ( بحدة وصوت اعلى مبحوح ) حيييت نتي ماشي قققحبة ابيلساااان .... حييييت حاشا واش نجيب خطييبببتي وانا مقلق دير ليا البلو جوووب ...
بيلسان بقات غير كترمش فيه وحسات بالسخانة طلعات معاها وناضت بشوية عليييه رجعات لور تاوقفات بعيدة عليه وهو غرس راسو بين يدي كيدوز يدو على وجهو محاملش راااااسو وكان من اااقبح الحوايج لي تقالت ليييه على الماضي ديالو ... كيتخيل راسو كيعلم بنت 16 سنة البلو جوب كيبغي يحماق .. تاسمعها نطقات بصوت شبه مصدوم
بيلسان : د ا ... دابا ..... ن .. نتا شحال هادي ..... كنت .... معتبرني .... قحبة ؟؟؟؟؟؟؟
جود غمض عينيه مزير عليهم تيحس براسو كيغلي من داخل وناض وقف عندها محافض على هدووءوو ...
جود : متتييهمنيش شنو كان كيعتبرك داك خينا دشحال هادي .. لي كيهمني هو انا ( تحنا شدها من كتافها مهبط راسو فيها ) عاااطيك قييييمة كبرر من هااااادي .... عمررررك ... عمررررك طيييحيها لرااااسك .... لا كان هو مرررخصك .... انا مغلييييك .....
دفعاتو بجهد وبدات تغووت بفقدان صبببررر
بيلسان : بببببعد مني .. نتا اكتررررررر واحد بااغي طيح ليا قيييمتي .. عمرني حسييت معاه هوووو بانني وحدة رخيصة ... نتا معاااارفش القيييمة لي كان عاطيني .. لي ماعطيتينيش منها نتا حتى الرررربع .... هوووو لي كان مغليني ماشي نتا لي نهار ومطال كتمررررمد فيااااا
بلا ماااايحس مشا بزربة قجها من عنقها وهي وسعات عينيها وباقي غادي ييها تالحيييط مزير على عنقهاااا كيينهههج ولوونو رجع حممررررر
جود : دابا واحد مطيييحك على ركااابييييك كاااتمصي ز. بوووو ماااخاااطبك مامزووووج بييييك ماعااااقد عليك عاطيك قيييييمة ؟؟؟؟؟؟؟ وااااحد علمك تخلطي الشراااب عاطييييك قييييمة واااحد خلاك تبكي ربع سنيين عااااطيك قييييمة ؟؟؟؟؟؟ ( هز يدو كيضرب ليها لدماغها وهي كتشهق وهو مزااال كيترعد بالاعصاااب ) هاديييك امريكا فورماطاتك تاماابقيتي كتعرفي فيها الغلاااا من الررررخص .. القيمة عندك هي كان كيضحك عليك بجوج كلمااات معسلللللين ..... تانا نقولهم ليك من دابا ونحو ي فيييك صبااااح عشششية ونسا راك بنت عمي وبنت الاسماعيلي وملي نملك غنلوووحك ونمشي نجيب لي مغاااتعطييييينيش راااسها بالرخص ونعقد عليها ونشححف باش نقييييسها ... هادي هي القيمة ؟؟؟؟؟ هادي لي بغيييييتي ؟؟؟؟؟؟
دفعاتو من صدرو غاتمشي هو يجرها من يديها وردها لحيييط تاتلتخات
جود : جللللسي للارررض باقي بزاااااف مايتقاال .. باااقي مساليييتش وباقي خاصني نعرف هاد العقل عندك مناش مصنووووع ... ( بدات تشهق بالكا وهو شد ليها وجهها وبقا كيشوف فيها كيهضر وينهج) بييلساااان ... انا معااقلش على شحال هادي ..... ولكن ماأكد .. مليوووون فالمية بلي عمرني بغييييتك ..... انا تكرررفصت عليك .. انا شديت بنت عمي مراااهقة خررجت عليها وعلى تررربيتها .. وتبعاتني فهبالي .. ماشي هاكاااااك كيتعامل لي كيبغي .. لي كيبغي كااايحافظ .. كيخااااف على هادييييك لي فقلبو .. مغيعلمهاش تخلط الشراب ... مغيكميوش هي وياه الجوانات ... انا راه مبغيتكش تشمي تاااريحتتتتهم ... لي كيبغي .... كيعطي قييممة
بيلسان : ( طلعات فيه عينيها حمرين كيقطرو بدموع وقلبها كتحسو كيتغرسو فيه الخناجر ) بحال هادي لي عاطيني دابا هم ؟؟؟؟؟؟
جود : ااااه .... كون تعرفي نت كيف حاطك فراسي .... وكيفاش كنشوفك .. ميبقاش هاذاك فعقلك ... وعمرك تجبدي داك ولد القحبة دالمااااضي على فمك ... كون تعرفي ملي كنتفكر بلي درت هادشي كامل فييييك قلبي تيبغي يخرج من بلااصتو بالاعصااااب والفقصة ومكنكرهش هاد انا دشحال هادي كون كان بناااادم اخر نمشي دابا نننقتلوووو تايخرجو مصاااارنو ... راه هادي المرة المليوووون لي كنقوليييك متخلطيييينيش مع الماضي نسااااي الماااااضي ... نساااي هاد خينا دشحال هادي .. كبري عقلك ... انا نهار شفتتتك عجبتيني ... ضسرت عليك ؟؟؟؟ طيحت من قيمتك ؟؟؟؟ جيت هضرت معاك ؟؟؟؟؟ بقييتي هاكاك عاجباااني فدماااغي .. حيت كون كنتي ماشي بنت الاسماعيلي وماشي بنت عمي ودمي .. كنت غانجي ندوز وقييييتة ولكن نتي كبر من اني ندوز بييييك وقيتة .. وملي عرفت كاع داكشي لي طرا ... اول حاجة فكرت فيها هي الزوااااج ( علات عينيها كتشوف فيه ) اااه فلول بغيت غير باش نصحح اش درت .. ومن بعد بان ليا اني خاصني نتزوج بالبنت لي تتبغيني وغتصبر على مرضي .. ولكن من بعد كاااع ابيلسان وانا جالس مع دماغي .... لقيت راسي بااغي نتزوج بيك .. حيييت باااااغي .. حيت عاااجباااني .... حيت كنشوف فيييك كاع داكشي لي انا بااااغي .... ( بدا ينهج وعلا راااسها لعندو بيديه كيتنهد وبصوت منخفض اكثر هضر ) بيلسااان ..... لاكان هو كان حاسبك سلعة كيدوز بيها الوقت انا لا .. انا باغي ندير معاك عائلة .. لا كان هو عاطيك ثمن رخيص .. انا مغنعطييك تاشي حاجة حيت نت ماعندكش ثمن ... نتي بيلسان الاسماعيييلي
جرها من يديها وقفها قدام مرايا علا ليها راسها وهي كتقطر بدموع
جود : نتي كبررر من هاااادشي .. شوفي راااسك شحااال زوييييينة ... عييينيك ماشي ديال البكااااا علااااش كل مرة غاتخليني نبكيييك علاش ... علاش مكتبغييش تفهمي .. ( ضورها لعندو بزربة ) باغي منك حاجة وحدة .. نسااااااي داكشي لي فات نساااي داك بنادم ومتبقايش تقارنيني بيه .. الى بغيتي نكونو مزيان ( كيمسح ليها دموعها وهي كتشوف مصدومة ) ومايبقاوش هاد العينيين يبكيو بحال هاكاااا راه كاااتسعيريني ونندم فلخر ....
بيلسان : ( خدات نفس وهزات يديها كتمسح تاهيا دموعها وعلات فيه راسها ) هادشي كامل لي قلتي .. ساهل .. قادرة نمحي الماضي ... ولكن اجود ... واش تقدر تعطيني السعادة لي عطاني هو ؟؟؟ هم ؟ عععععمرك تقدر ......
جود : هاد السعادة لي عطاها ليك هو ... دامت ليك غير عااام وبكاتك ربع سنين .... انا باغي نبغيك عام .. ونسعدك كااااع عمرك لي بقى .....
بيلسان طولات فيه الشوفة بانكسار كضور فراسها عاضة على شفتتها ودمعتها نزلات كتقطر وخلاتو وضارت ماشية للباب يالاه غتحل البواني وهي تحسو عنقها من لور كاملة ظ... تاطلقات شههقة وهو حط راسو على كتفها كيهمس حدا وذنها ...
جود : هاحنا انا وياك ... بحال بحال دابا .. انا كنحاول نبغيك ... وحتى نتي راك كتحاولي تبغيني حيت هاداك لي كتبغي ديال الماضي ماشي انا ... حاااس بيك شحال انا مزاال معااجبكش ومامستوعبانيش .... عاجبك غا وجه هاداك خيينا لي علمك ديري البلو جوب ونتي عندك 16 عام ... هاحنا دابا مقادين .... ولكن راه دبصح طاااايح فيك ابنت عمي ..... وباااغييك وباااغي نكمل معاك حياتي ... متصعبيهاش علينا ابيليسان ( باسها بوسة خفيفة فعنقها وقرب لوذنها همس ) .....ديري عقلك ....خلي هادشي لي بيناتنا يكبر .. والفرحة دالوالدين تكمل. .....( تنهد وباسها بعمق فعنقها وهي مزيرة على عينيها وقال فودنيها ) بغيت .... وليدات زعرين .... وعنيهم زرقين
غضمات عينيها مزيرة عليهم وخلاتو وحلات الباب ومشات وهو علا راااسو لفووووق مطوووول ماحسش براااسو وججممع قبضتو وضربها بكل قووووتوو فالحييييط تاتخطفات فالكولوار وزادت فالبكاااااا ومشات كتجري لبيتها حلاتو وسدات الباب كتنهج .. بقات فالظلااام صدرها تيطلع وينزل مقاداتش تشعل حتى الضوو ... ومشات بزربة لسرير تلاحت فوق ضهرها كتبكي شادة على فمها وهضرتو كتعاود ليها فوذنيها " فايت نعسنا ؟؟؟؟ ديفيرجيتك ؟؟؟؟ انا علمتك ديري البلو جوب ؟؟؟؟؟؟ حيييت نتي ماشي قققحبة ابيلسااان "
علات راسها لفوق تاني كتفكر وهوما ناعسين على كومة القش فالاسطبل كيشوفو فالسما ..
بيلسان : جود شحال كتبغيني ؟
جود : قد السما
بيلسان : اممممم .. حيت عااامرة نجوووم ... مافيهاش غير بيلسان
جود : ( ضار عندها على جنبو ) ولكن نت القمر ....
تسمعات شهقتها تاني شادة على فمها وعاضة فقبضة يديها كتحس بقلبها كااايتققطع .. اول مرة غاتحس فعلا جود ماااات ..... مابقاااااش بالمرة .... شوية هدات شهقتها ملي بدات تفكر ...... " ولكن راه دبصح طاااايح فيك ابنت عمي ..... وباااغيك وباغي نكمل معاك حياتي .. مضيعيهاش علينا ابيلسان "
غمضات عينيها كتحاول تهدأ راسها وتهدا داك الحريق لي كتحس بيه كيعصر ليها قلبها وتحاول تقنع راسها انها مخطوبة لشخص جديد كيشبه فوجهو لهاداك القديم .. فوجهو فقط ..... علات يديها بشوية كتشوف لخاتمها فيديها لي كترعد ليها وشفايفها مفلجيين كتنفس منهم وعلات راسها لفووووق ...كتحاول تنفس كتحس بالاختناق .... ناضت بزربة لدوش شعلات ضوو وبقات تشوف لوجهها وهبطو عينيها لطبايع حمرين فعنقها وعضات على شفتها مدة وجهها كان كولو حمررر وعينيها منفوخين .. حلات الما ويديها كترعد وبدات ترش على وجهها وعلى عنقها الما بارد ومع كل رشة كتشهق حيت وجهها سخووووون .... علات راسها كتشوف فالمرايا وخصلاتها الزعريين لاصقين فوق وجههاااا بالمااا بقات مدة كتشوف فالمراياااا وهضرتو كتسمع فوذنيها تاني " دابا واحد مطيييحك على ركااابييييك كاااتمصي ز. بوووو ماااخاااطبك مامزووووج بييييك ماعااااقد عليك عاطيك قيييييمة ؟؟؟؟؟؟؟ وااااحد علمك تخلطي الشراااب عاطييييك قيييمة واااحد خلاك تبكي ربع سنيين عااااطيك قييييمة ؟؟؟؟؟؟ "
بدات تنهح ثاني كتشوف وجهها فالمرايا وعينيها بداو يمشيو يمين ويسار وكتفكر فهاد الهضرة .. واش هي فعلا كانت عايشة الوهم ؟ واش كان معيشها غير الاحلام ... ودابا عاد جا لي يحققهم ؟ واش بصح مكانش كيبغيها ؟ واش داك العام لي عاشت كان غير وهم ؟ ضارت متكية على لفابو وشدات فيه بيديها وقلبها كيضرب وكتحسو شوية بشوية كيهدا ..... شوية بشوية والهضرة دجود كتغلغل ليها فدماغها .. " لي كيبغي ... كيعطي قييمة " ....
خدات نفس عمييييق وضارت لفوطة هزاتها وبدات تمسح فوجهها وعنقها وكتحس بذاتها شاعلة فيها العافية وسخووونة من لداخل ومشحونة .... حطات الفوطة كتنهج ومشات تلاحت على الفوطوي والريدو دالبالكون كان كيمشي ويجي والريح الباردة الليلية كضرب فذاتها السخووونة ..... علات راسها الفوق كتنهج تالقات راسها مكتفكر فحتى حاجة اخرى من غيييرها ..... هي بوحدها لي قادة تهدأها .. كل واحد وادمانو .... كل واحد وشنو كيرفعو .... كل واحد والطريقة لي كيلقى باش يخرج من مشاكلو .... كاين لي كيخرجهم بالمخدرات .. كاين لي كيخرجهم فالتيكيلاااا و ريد رايت هاند .... كاين لي فالموسيقى .... وكاين .... لي بطريقة اخرى .... بطريقة اكثر هدووووء ، وامثر سرية ( كانت غادة بيديها جيهة الشورط ) سرها لي غيتدفن معاها ولي مستحيل يلاحظو عليها شي واحد ... ( خشات يديها تحت الشورط وشهقات بفمها ) طريقة لي كتحسها ادمان لي مكيبانش على الوجه .... الكوكاين الى تقطع كيبان .. الشراب كيبان .. الكارو كيبان .... ولكن هي .... عمرها تبان .. عمرها تفضحها .... وعمر تقدر تقطعها .... ادمان مكيخلي موراه لا ريخة ، لا عينين حمرين ، لا حكة فالذات .....( علات راسها لفوق كتنهج ودموع تيسيلو ويديها تيتحركو بزربة تحت الشورط ) الطريقة لي كتفرغها من داخل وتخليها تنسى راسها والمشااكييل .... تنسى جود تنسى عام الوهم .. تنسى ربع سنين ددموع .... ( انفاسها بداو يتسارعووو ويديها كتزيد فالسرعة ) السعادة المؤقتة ... لي كدوم فقط ..... دقائق قليلة .. ( بداو انفاسها كيهداو ويديها كترخف ) ولا ثواني قلال ( غمضات عينيها مرتااحة ) ومن بعد ( غمضات عينيها مزيرة عليهم ) كيجي موراها قنطاااار د الندااااامة ....... ( حيدات يديها وناضت بزربة لدوش ) ككل ادمان ..... كانت العادة السرية .. رغم سريتها ... الى انها ادمان .... وحيت بيلسان من الناس لي ختارو السعادة المؤقتة .... باع ليها جود المراهق الوهم ... وباعت ليها العادة السرية الوهم .... سعادة وهمية كدوووم لحظات قلااااال ..... كانت كظن حبها الوهمي مع جود عمرو يتفضح ... وتفضح ... وادمانها ثاني ... غادوم سريتو ؟؟؟ غيتفضح شي نهار ......؟
الصباح الموالي ...
نازلة قسم من دروج لي واضح من ملامحها شحال منعساتش مزيان .... شعرها مطلووق على كتاافها على راحتو بنفس اللبسة لي جات بيها البارح حيت ماهزاتش الحوايج ومعلماتهمش يجيبو ليها حوايج لهنا ... شمات ريحة القهوة معطرة عرفات رقية فاقت .. ونزلات فدروج الكوزينة وهي تلقى الفطور كولو محطوط على الكونطوار .... ابتسمات ومشات عندها عنقاتها تاقفزاها كانت ملهية مع الكوزينة ...
قسم : صبااااح الخييير ...
رقية : ققققفزتييني .. ( ضارت عندها ) صباح التييسير والرضى .. جلسي جلسي تفطري ها الحسوة غتوجد ...
قسم : هههه عرفتي شحال توحشتها .. درتيها بالزعتر ؟
رقية : دررررتها
قسم : ( جرات الكرسي غير تما وجلسات ) ياك مدرتيش فيها البصلة
رقية : عارفاها مكتعجبكش ... هانا كنطيب ديالك بوحدها .... خوك درتهاليه بالبصلة جات مزينااتها كلاااها ومشا ...
قسم : جووود ؟ فين مشا ( علات الساعة فيديها شافتها العشرة ونص )
رقية : صليت الفجر ونزلت هنا عجنت دوك المسيمنات غاتا شتو دخل من برا .. كان يجري ولا منعرف ... ماعرفت ليه فوقاش نعس ولا فوقاش فاق ....
قسم : اااه .... واش كلا وطلع ينعس ولا كيفاش ؟
رقية : ( كتغرف ليها فزلافة طينية ) الا ياه .... طلع بدل حالتو وهز صاكو ونزل فطر ومشا لكازا .... قاليا انا تاتفيقي نت وبيلسان ونمشي معاكم ... هو راه سبقنا ( حطاتها ليها قدامها )
قسم : ااااه ... او اصبري نصوني على بيلسان نفيقها باش نمشيو .....
رقية : خخخلي البنت تفيق على خاطرهاا مالكي مزروووبة ياااهاااااد المووووري .. دايرة كي الموري دالمگانة ديما خاصك تمشي بالتحقيق
قسم : ( كتشرب من حسوتها وتجبد التيليفون ) راه العشرة ونص راحنا ديجا معطلين ( بدات كتصوني عليها تاقرب يقطع عاد جاوباتها بصوت ناعس ) پيلي
بيلسان :اممممم
قسم : وفيقي فيقي يلاه باش نمشيو ...
بيلسان : ( بصوت ناعس ديخان ) فين
قسم : كازا .. سربي راحنا لتحت كنفطرو ( قطعات وحطات تيليفون كتكمل فطورها فرحانة غيرجعو بكري )
رقية : الصكعة البارح طيراتها مني خلعة ... ضرباتني الفيقة مع داك الربعة دصباح .... ها وانا نلقا غااا موضعها ..... قلت صافي .... البوووشونة مشاااات
قسم : ( بدات كتكح تااوحلات ليها البلبولة ) الله اجدة الله راه كنننفطروووو
رقية : ( جلسات حداها كتشرب اتاي ) صكعة سورتات عليا الباااب ومشات ... وخرجت على سعدي ووعدي من البالكون .. كنقلب البيوت ... غااا مزادو ركابيا فشلو ملي لقيت البالكو دالبيت دخوك مسدود ومسوووررت ساعة هو كان خرج يمكن .... ها وشديها تالبيت ديالها .. تااا لقيييتها ناعسة تم فوق الفوتايات كي لامانة .... هزيتها بشوية كنمشيها على رجليها تنوض لناموسيتها وهي تمخشش فيا كي لبعلوكة د ربع سنين ... كاتمشى على رجليها وباقا كتحلم هههه رجعتها فوق ناموسيتها يا عاد جيت بقيت نسبح تاوذن الفجر ....
قسم : وراه دارت ليك خاطرك وصافي .. راه تاحد مكيرتاح ينعس فبيت غير بيتو ..
رقية : كون حسابتني طيرها مني بداك الخلعة كون مشيت نعست معاها تم .. وهي باتت معذبة فوق داك الفوتايات والبرد كيدخل من البالكون ... وهي لا غطا لا والو ..... حسابتك كبرات ؟ باااااقااا كي درية دسبع سنين .. كنت نضل تابعاها بالغطا تبات كاتعرا ... ونضل تابعاها تفطر .... باقا صغيورة بنيتي .... ( تنهدات ) وكيغادير لهاد زواج ومنين غتبداه و زواج صغيب و مسؤولية صعيبة
قسم : ربي يسهل .... تاهي مامشياش عند لبراني راه غاعمها ومرت عمها .....
رقية : اوا الحمد الله غا لي خرجات هاد الليلة بي سلاااااام .....
قسم : راه قلتهاليك غا مكتسمعيش قلت ليكم راهم كبرو وبعقلهم ... حتى الى كانت بيلي باقا صغيرة هو راه كبر
رقية : واخا كبر .. ابنتي شيطان راه كيحضر هوما مزيييناتهم ييشهييييو ...
قسم : ههههه والله تاكضحكيني اجدة ههه ( كاتشرب حسوتها ) قالك كيشهييو هههه
نزلات راسها كتاكل وبيلسان فيقاتها قسم عاد بدات تجبد فوق السرير لي معرفاتش راسها فوقاش طلعات نعسات فوقو .. بدات تعوج فعنقها ولاحت عليها الغطا ومشااات لكاغطابل ديالها حلاتها حيدات حوايجها ودخلات ديريكت لدوش .... خدات دوش خفيف وراسها كتحسو كيقطعها بالحريييق بالبكا دليلة البارح ..... ومورالها طااااايح .... خرجات غير بفوطة ونشفات شعرها غير بسوشوار وجمعاتو كعكة لفوق خلات غير قصيصتها فوق جبهتها ... لبسات سروال دجين قصير فيه تقطيعات على الركابي وتيشورت كحلة فيها فراشة بيضة صغيرة جهة الصدر وظهرها مسدود بالخيوط .... لبسات سبادرين ... وخلات نضاضر كحلين فيديها وهزات الكارطابل ديالها وتيليفونها ونزلات فدروج ماااحاملاش تشوف وجهو كتحس براسها مزال مقاداش تجاوز ليلة البارح .. نازلة كتلوح رجليها فدروج بعيااااء .. سمعات الهضرة لتحت عاد نزلات لكوزينة لقاتهم كيفطرو ويضحكو ...
بيلسان : صباخ الخير ....
رقية : (حطات الكاس ) صباااح للخيبير يالهرااااابة ...
قسم : بيلي .... ماناعساش مزيان ؟
بيلسان : ( جلسات ووجهها كان كولو منفوخ ) لا صافا ... ( نزلات قسم عينيها لعنقها بانو ليها طبايع خفاف ورجعات علات راسها كتفطر ) غنمشيو دابا !
رقية : ( ناضت تعمر ليها زلافتها ) ايييه ....
بيلسان : لا لا اجدة ماافيااااش ... مباغاش ... بغيت قهوة ...
رقية : اويلي على قهوة وحنا غنشدو طريق يضرك مصراانك
بيلسان : صافي مااافياش والله .. عطيني غييير قهوة ... تالكازا ودابا نفطر ...
رقية : وعلللى خاطرك ... ( مشات كتخوي ليها قهوة )
قسم : جود مشا بكري .... وحنا نمشيو دابا
بيلسان : ( شافت فيها ) كيفاش مشا بكري ! فين
قسم : مشا لكازا ..
بيلسان : ( بقات مدة غير كترمش وهي تهند كضورر فراسها ) مزيان .....
حطات ليها قهوة شرباتها بزز تحل دماغها .... وقسم طلعات تجيب سوارتها وتيليفونها وبيلسان جمعات مع رقية هي كتغسل وبيلي كتجيب ليها .... تانزلات قسم ووجدو راسهم ومشاو لطموبيل ..... ركبو وبيلسان غير ركبات لور لبسات نضاضرها ودارت الكيت فوذنيها طالقة موسيقى وسدات عينيييها ماحاملة تفكر فحتى شي حاجة اخرى .. كتحس دماغها طافي .....
الدار البيضاء ...
مدخل المنطقة \ سيارة اسد ....
كان اسد صايك ولامار جالسة حداه متكية راسها لور ومغمضة عينيها من العيا لي من ثمنية دالصباح وهي فالخدمة ... الساعة كانت كتشير للوحدة ونص والجو فمدخل المنطقة كااااان هاااادئ ومشمش كتسمع غير صوت الطيور والنوارس ديال البحر .... واسد صايك مرة يشوف الطريق مرة يشوف لعندها ...
اسد : هذا كامل عيا
لامار : ( كتجاوب مغمضة عينيها وشالها هبطاتو على كتاافها ) اممممممم ...
اسد : شرفتي الامار شرفتي ....
لامار : ( حلات عينيها بزربة وشافت فيه ) مكاين لي شرف قدك ...
اسد : هههه شكون لي سخفات ليا لبارح فلاصال ...
لامار : ( قلبات راسها لزاج مربعة يديها ) مااااكنتش فاطرة مزيان ....
اسد جاتو ضحكة وهز يديها باسها و بقى شادها عندو وهي شافت فيه ...
لامار : صونيت لقسم راهم قربو يدخلو لكازا ... واش جود مابانش ؟ قالت ليا ماما خرج بكري .....
اسد : مزال مشفتوش راك شفتيني كنت معاك من صبح .. ماهزيتش تيليفون ....
لامار : نوصلو لدار وشوووفو.... يمكن فاش شاف ماما وقسم جاو خلاوهم ومشا لشي بلاصة اخرى
اسد : منظنش .. البارح قلت ليه كاين عشا و كاينة لافامي ...
لامار : تا ماما قالت ليا زعما باتو ضاحكين .. وكان كيبان صافا ....
اسد : متبقايش هازة الهم بزاف .. جود راه دغيا كيتعصب ودغيا تينسى ...
لامار : وقسم ... اش بالك فيها هي وداك السيد ... حاليا يعني ؟ شنو كتفكر
اسد : قسم مغتمشيش عندو تقوليه يلاه لدار تعرف على عائلتي .. قيمتها كبر من هادشي .... ولكن انا .. ( شاف فلامار ) نقدر نمشي
لامار: عندووو ؟؟؟؟
اسد : ( شاف قدامو ) اه ...
لامار : عنداك تمشي تقلق قسم
اسد : علاش غتقلق ؟ .... انا عاارف السبب لي مخليها كتأجل لا هو لا هي .... هذااك الولد على ما لاحظت عليه .. شوية بنفسو .. جاتو فشكل يجي يطلب بنت الاسماعيلي هو باقي غير صياد .... لاح راسو فبزاااااف ديال تخربيق و شرا واحد ريسطو .... باغي تايكملها عاد يجي يخطبها على اساس اوم دافيغ .....
لامار : ولكن حنا راه ماتيهمناش صياد ولا اوم دافيغ .. كتر متيهمنا ان قسم مرتاحة ليه .. قسم لي 28 عام وحنا كنتسناو لمن ترتاح ...
اسد : هادشي عارفاه نت وانا .. ماشي هو ... داكشي علاش قلت خليه ياخد راحتو باش مييحس بالنقص .... وهانا تابعو موراه كنشوف اش كييدير .... واش باغي يوصل ليه ....
لامار : ياك مكييديييرش شي حاجة خايبة ا اسد ؟؟؟
اسد : ( تنهد ) مكاينش شي حاجة تخليك تشري ريسطو فسيمانة .... ومتكونش خايبة
لامار : اويلي ؟؟؟؟؟
اسد : داكش انا لي غنتكلف بيه ....
لامار : اسد ياكما الغبرة ولا شي حاجة ؟ لاكان بحال هاكااا لاااااا مستحيل نقبل
اسد : بعيد على داكشي .... ( شاف فلامار ) كيدير كومبات غير قانونين ... مقاتلة د نوار ....
لامار : شنووو ؟؟؟؟؟؟ كي كيفاش
اسد : يعني داك الولد للامار .. باش يجي يخطب بنتك ... راه مشا سنا على حياتو ودخل فكومبات ..... ربح فيهم الفلوس .... وشرا داك الريسطو .. بان ليا باقي باغي يلعب ... حيت الريسطو باقي محتاج لمصاريف .... وعلى مكيبان ليا .... غتكون قسم بغات تعاونو مبغاش .... حيت اسهل طريق باش يجي يخطبها دغيا هي تعاونو قسم ... ولكن حيت قلت ليك هو شوية بنفسو ... ختار الطريق الصعيبة .. ( لامار غير كتشوف فيه حاطة يديها على قلبها ) داكشي علاش انا مامحكرش عليهم بزاف .. وممحكرش باش يجي لدار .. ولكن انا ... غنمشي نشوفو ....
لامار : اسااااد هادشي خطر ... قسم طيح فشي مشكل ولا ... لا ا اسد ..... كيفاش مقاتلة غير قانونية كيفاش النوار ؟؟؟؟؟ ولا قتلووه شي نهاار ولا شي حاجة
اسد : هادشي راني عارفو .... واحد فبلاصتي مغايعطيش بنتو لواحد كيجيب فلوسو من كومبات كيسني فيهم على حياتو ... ولكن انا واحد ( شاف فلامار وابتسم) جربت نبغي ... وجربت ندير اي حاجة باش هاديك لي معااياا تبقى معايا ... ميمكنش نحيد بنتي لواحد سنا عليها بحياتو الامار
لامار : و ولكن باش عرفتيه غير على قبلها .. راه داير ريسطو لراسو
اسد : كون كانت لراسو الامار كون دارها شحال هادي ... هو وختو راه كانت معيشاهم الصيادة وعلاما عرفت راه كان عايش مزيان ... ولكن باش يدخل وسط الاسماعيلي شاف الصيادة ممسلكاهش .....
لامار : نااااري ا اسد تمشي توقع ليه شي حاجة قسم راه غتحماق لينا ....
اسد : ربي اختارهم لبعض ... ربي غايحضيهم .....
لامار يلاه غتهضر وهي تغووووت بجججهد من الفرااااان لي داررر اسد واسد فرانا بجههد مخلوووووع من الطموبييييل لي قطعات عليه طرييييق بقووووة ......
يلاه كيسسستووووعب من بعد الفران ولامار كتحل عينيها هو يهبط زاج ضااااحك بمكررررر ....
جود : اصووووك مزيااان اسي رووووكان .... راه كيضورو شي وحدين حمقيييين مكيعرفوش يصوكو ....
اسد : ( كيشوف فيه مصغر عينيه بمعنى نخرج ندددفنك ولامار يلاه كترد النفس ) والله مكتتححشششششم ...
جود : هههه ( ضحك ونزل من طموبيل وجا جيهة الباب دلامار حلها عليها ومد جوج صبعانو على شكل فردي جهة اسد ) تحرك تمووووت .... ( شاف لامار ) نزلي باش منفركع راس راجلك ...
لامار : ( جابلها الضحكة وسط الخلعة ) مسامحاك اويلي مسامحااااااك غااا متسكتش لييا قلبي بالخلعة
اسد : ( طل عليه ) هاكا كيطلبو السماحة امسخووط الواليدين
جود : ( ماد يديو جهتو على شكل فردي ) سسسسكت راه غاانضضضرب .. دير يدييك فوق راسك وودع هاد الزويييينة ....
اسد : ( شد يد لامار لي كانت نازلة ردها كتشوف فيه ) و الى ماابغييييتش ؟
جود : راااااه مغنعجبكش اسي روووكان .....
اسد : بلاتي دابا نكونو ديبلوماسيين ونخدمو العقل .. ضور سلاحك لهيه ..... وناقشو الامور بالهداوة
جود : ( رد يدو لجيب محني على الطموبيل ) هانا معاااااك ...
اسد : ( شاف فلامار ) تمشي معاه ولا تجلسي معايا ..
لاماى : ها ؟ ( علات عينيها فجود لي مبتاسم فيها ورجعات شافت فيه) ت .. توحشتو ...
اسد : ملي كيبكيك شكون كتلقاي ؟
جود : وملي كيبكييك هو شكون كتلقاااااي ؟؟؟؟؟ ..
لامار : و ... ( كتشوف فيهم بجوج ) ولا و لا .. ماشي هاكا .... ( شافت فاسد ) نتا راجلي .. وبات ولادي ... ونموت معااااك ... ( بملامح متأسفة ) ولكن راه توحشت ولدي ....
خلاتو ونزلات من طموبيل وعنقات جووووود وهو عنقها وهي مخلطة الضحكة والبكية وهو كيدوز يدو على شعرها وتحنا شوية شاف فاسد لي كيشوف فيهم مخلط الفقصة والفرحة ...
جود : عندك مااا ضيف ولا نسدو هاد المحضر اسي ديبلوماسي ديالنا ؟؟؟؟؟
اسد : انا مصيفط ليك ديالك نتا لافران ... ونتا محيد ليا ديالي من طموبيل .. ؟؟؟؟ هادي هي شكرا
جود : شكرا كون ماصيفطتيش مورها داك نسييييبتك
لامار : ( ضرباتو لضهرو باقا معنقاه ) جداااااك هاديك ...
اسد : هههه فين غاديين ؟
جود : ( عنقها لجنبو ) بيني وبينها
اسد : وديوني معاكم .... ( بصوت كيرغب ) شغنبقى ندير فالدار بوحدي ؟
جود : لا لا مباغي حد يشركني فيها ( سد عليه الباب ) سير الله يعاااااون ....
اسد : اواخااا الاماااار واااخااااا
مشات لامار ضاحكة وجود حل ليها باب الطموبيل وهو غمز لباباه بمعنى بسلامة وركب ومشا .. واسد بقا كيتنهد تارجعات ليه ضحكة وحيد تيليفون كيصوني تاجاوباتو ...
قدس : بابا ...
اسد : فيين وسيم
قدس : هبط لبحر مع صحابو .. علاش ؟
اسد : اش كديري
قدس : كنت فلاصال ودابا طلعت دوشت وغنخرج مع صحاباتي ...
اسد : تخرجي ابنتي تغذاي معايا ..
قدس : سمحات فيك ماما ههههه
اسد : داها جود ...
قدس : هههه هي لولة ابابا العزيييييز ... نلقى ماحسن منك نتغدا معاه .....
اسد : انا جاي موراك ..
ففيلا يونس واريج ....
وصلات طموبيل قسم وبداو كيحلو الحرس الباب .. ودخلات مبتسمة فيهم وبيلسان تنهدات وتكعدات كتقاد جلستها باش تنزل
قسم : كون غير مشيتي معانا ابيلي ، ياك فكل الاحوال غنتجمعو هاد الليلة ....
بيلسان : راسي تااايضرني والله .. نعس شوية ونجيو
باركات قسم قريب لباب وبقات مديمارية ورقية تاهي حيدات حزام الامان
قسم : فين غادا تا نت
رقية : نزل نشوف شوية اريج .. الليل ونجيو مع عمك ....
قسم : ومتعطلوش بليل ...
علات بيلسان نضاضرها فوق شعرها ونزلات وهي تحل ليها الكوفر هزات منو كارطابل دييالها وزادت .... و رقية تابعاها وقسم رجعات مارشاريار خارجة .....
اريج سمعات طموبيل ونزلات فدروج بزربة كانت بميني جيب كحلة و شوميز خضراء و طاالون اسود .... غير شافتهم تبسمات ومشات عنقات بيلسان ....
اريج : كتخلللي بلاااصتك .. غانهار وتوحشناك ابنتي .... ( جابتها قدامها كتشوف فيها ) حبيية ديالي ( شافت فرقية ) البارح مبغاش يتغدا باباها كان على شوية يجي موراكم يجيبها هههه ....
رقية : ( كتسلم عليها تاهيا ) اوا هاهي جاااات ...
بيلسان : انا غنطلع نعس اماما راسي ضرني بالطريق .....
رجعات باستها فراسها وطلعات لبيتها ورقية جلسات واريج متبعة بيلسان بعينيها كترمش وتبعات رقية جلسات حداها
اريج : كيدووزتووو سفركم
رقية : لااباااااس ابنتي ... ( ردات راسها لور ) باقي راسي كااايضرررني .... قسم جات كتجري .... تقول ماعرت اش تابعها
اريج : ماتسناتش تانسلم عليها جنية .. باينة مشغولة .....
رقية : كيداير يونس .... كاين شي خباااررر على الصكع
اريج : هههه صونا عليا البارح وقتليه عبرو عليكم هههه شوية وغيرجعهم اسد .... خليهم يترابو هو لي كيعرف ليهم ... ويونس راه خرج مشا يرومبلاصي اسد على مايتغذا .... كنقوليه الخدمة لهيه وهنا ..... مكيعرفش شنو هي يرتاح ... لهههيه راه فالخدمة كيجي هنا كيمشي ليها
رقية : اوا خليه ... الدار دالعيالات ماشي دالرجالا ....
اريج : ( شافت لدروج ورجعات شافت فيها كتهضر غير بالحس ) زياااااد البارح شديتو غير بزز مايجيش موراها .. صونا عليها يمكن فاش كانت فطريق ولقا تيليفونها طافي وبقى يحيح .... وتانا صونيت وكان طافي .... عرفتها راها فطريق وريزوو هنا مكفس ..
رقية : اويلي قوليه حنا ماقلنا سكتنا لاخر نوض نتا
اريج : مبغاش ... نوضها هو ويونس البارح مع الغدا .... قاليه علاش تخليها تمشي غير بيناتهم كون ماشي لامار لي قالت ليا راك معاها نتي وقسم لي طفيت شوية عافيتو قلت ليه راها معاها جداتها وقسم عاااد جلس .... يونس براسو مكانش بغا غير مابغاش يخسر الخاطر لاسد ....
رقية : يلاطيف يلاطيف شهاد الولاد .... عنداك ينوض يزعف عليها تاني ترجعو لداك المدابزات ديالهم دالصغر
اريج : لا لا مايهضرش معاها هي .. راك عارفة دابا كبرات راه كيحشمو من بعضياتهم ولكن مابغاش يميشو غير بجوج لافران .. راه كون ماقتليهش معاهم نتيا كان جاي ... جنان كتشد وانا كنشد وهو واش بغا يجلس لارض ....
يتبع...
التعليقات
لا توجد تعليقات بعد، كن أول من يعلق.