محتوى القصة
رقية : اراهم بعقلهم .. ياك كنت معاهم .. والله ابنتي لابعقلهم لا هي لا هو ..... مادارو والو مساكن .... خرجنا .. فوجنا ... هاو تعشينا مجموعين .. باتو ضاحكين وكلها قصد بيتو ....
اريج : واناا عاارفة هادشي كون مكنتش عارفة جود بعقلو غنصيفطها ؟...راحنا تايقين فيها واخا بنتي صغيرة عارفينو هو بعقلو .... وغيحافظ عليها ....وقلنا مابقالها والو وتمشي يكلسو شوية يهضرو ..... ماعلينا ( شافت فيها ثاني ) ماعجباتينش فاش دخلات ... ياك لاباس .. ياكما تخاصمو ولا شي حاجة
رقية : لا لااااا ... باتو ضااحكين نااااشطين .. بليمارة غسلات ليه طباسلو كاع ....
اريج : منعررف .. معجبتنيييش .. انا راه كنعرف بنتي
رقية : لا لا بااااتو ناشطين وتاصباح هو جا بكري لهنااا كانت باقا كاع مافاقت هي
اريج : العجب .... مهم راه عندها شي حاجة .... كنعرفها ملي كتبدل فيها السيفة ...
رقيو : الله واعلم انا قاتلياا غا راسها كيضرهااا ....
اريج : وعلى الله ميكونوش نوضوها ثاني .....
يلاه كيهضور هي تجي الخادمة علماتهم لغدا واجد ومشات
اريج : الحاجة دوزي نتغذاو انا وياك جابك للله تونسيني ما تاجنان وزياد سافرو .... اوا ورتاحي شوية ونمشيو عند لامار ...
رقية : نتغذاو ونمشيو دابا نيت
اريج : لا لا لامار هاد النهار خدامة .... تااالعشية عاد تجي لدارها ونمشيو .....
عند لامار ....
وصلو قدام الريسطو دلوطيل المطل على البحر ونزل جود وحل ليها لباب ونزلات تاهيا شادة فيديه ضاحكين كيف شي عشااق ماشي ام وولدها .. ودخلو مبتسمين والكاميرات كيصورو فباب الاوطيل وهوما غير كيبتاسمو ليهم ....
تاوصلو لجناحهم الخاص وجر ليها الكرسي وجلس تاهو حداها ....وهي مدات يديها شدات يديه
لامار : حبيبي رتاحيتي شوية ؟؟؟؟؟ مبقاوش عينيك كيضروك بزاف
جود : لا لا راني بخييير ....
لامار : كيدوزتو البارح
جود : واعر ....دارها زوينة الواليد ملي صيفط بيلسان وجدة وقسم .... حسن ماكون بقيت بوحدي .... فوجو عليا ...
لامار : والله يخليييهم ليك .. ويخليك ليهم ...
جود : نت لاباس ؟؟؟؟ ( مد يدو كيدوزها على عينيها ) اش هاد لي سيغن !
لامار : البارح سهرت شوية وفقت بككككري هاد النهار تسطوكيت بالخدمة ... .( شافت لساعة ) راه خاصني نرجع مع الربعة
جود : وايلي !
لامار : عندي احتماع مع ربعة ونص .. نساليه عاد نجي لدار ... راك عارف هاد النهار غتجمع لافامي
جود : شنو هي لوكازيون هاد المرة ؟؟؟
لامار : اولهم شفاء ديالك .... ثانيا هادي اخر سيمانة اولدي راحنا مجموعين فيها ... صافي سفر ديال بيلسان ووسيم وفيصل راه قرب .... ويونس واريج والولاد تاهوما غيمشيو .... قدس غتبدا القراية .... قسم غتسافر تاهيا عندها سيمانة .... وجداك هانا كنحاول نشدها شوية .... بعني لابغيت تقول .. اخر سواريا بقات فالعطلة ....
جود : غايخويو علينا الصراحة ....
لامار : فاش كيجيو كتبداو تنكرو عمرو عليكم الدار ... وفاش كيمشيو كيخليوو عليكم القنط ..... ( شدات ثاني يدو ) قوليا احبيبي ... كتفاهم شوية نتا وبيلسان ... .صافي نديرو ليكم لاكط العطلة جاية فالصيف ؟
جود : ان شاء الله ..... الى كانت القضية شوية مرخوفة وعندها شي عطلة طويلة فالربيع ... نديروه غير فافريل .. تالصيف بزاااف ....
لامار : ( ابتسمات ) هي صااافي تفاهمتو وعجباتك
جود : عاجباااني من لول الامار .....
لامار : ولفتييها ياك هههه
جود : ( تبسم ليها ) سي ... كدير بلاصتها دغيا ....
لامار : شنو كتحس من جيهتها
جود : ههههه لا نت دوخاتك الخدمة مزيان .. راه جود هذا ماشي قسم
لامار : مال جووود ميعاودليييش هههه الى معاودش لماماه لمن يعاود
جود : منعرفش نهضر فهادشي ... ( قلب شفتو لجنب كيفكر ) عااادي .... كتجيني ضرييييفة .... عصبية شوية .... زوييونة .... كتبان تاهي من لداخل صافية ... ي يعني .. ماعرفتش مكنحسهاش شي وحدة لي لداخل ديالها خايب بالعكس ... زوينة من داخل ومن برا ..... بكاية شوية ههه .. .ولكن واخا هاكاك قوية ..... ( شاف فيها ) مهم انا راه باااغيييييها .... وعاجبني الحال معاها .....
لامار : ( ضحكات ) الله يخلييييكم لبعضياتكم والله يجمعكم فالحلال ياربي .... ونشوف ولييييداتكم ....
جود : ( باس ليها يديها مبتسم فيها ) آمين ....
لامار : وبنسبة لدار شنو كتفكر .... تسكن معانا ؟
جود : ( تكا لور كاحك فشعرو ) ماعرفتش الامار ... هي باقا كاتقرا وانا لبارح ضارو فدماغي شي حوايج باغي نخدم عليهم هاد العام الى مضارش ليا البلان تاني
لامار : ( باهتمام ) اهاه
جود : غانشوف واش تبغي تنقل قرايتها لهنا .... و انا الى تمشى ليا هادشي لي باغي ندير راه بالفلوس الاولى لي غانربح غاناخد دار صغيرة .....
لامار : هاء ؟؟؟ بحالا ماعندكش
جود : هادوك فلوس الواليد ... كبرنا بيهم ... شرينا لي بغينا خدينا طموبيلات ... وكاع اش خصنا باش وصلنا لهاد الاج .. هو مسؤول يصرف على ولادو ماشي على عيلات ولادو .... هاديك مسؤول عليها انا ... داك كونط دواليد راني مخليه تما غير لدوا والطموبيلات .... ماشي باش ندير منو مستقبلي داك ساع عمرني غانحس درتو انا حيت راس المال كولو دالواليد ماشي ديالي .....
لامار : عارفة اولدي .. غا هو لي بغيت نوصل ليك باباك راه دمر هاد سنين كاملة باش نتونا تعيشو فظروف زوينة ...يعني ماتصعبش الاومور على راااسك باش ضروري تربح فلوس بزاف وتبدا من زيرو ... عاون تا بشنو عندك ....
جود : الى مزيرتش راسي عمرني غاندير شي حاجة اصلا .... عاد فهمت علاش كان كايقول الواليد ولا عمامي راه المرا هي لي كتجمع الراجل ( لامار ضحكات ) عمرني فكرت ناخد شي دار ولا نخدم .... تا فكرت نتزوج .....
لامار : انا اولدي كون تسمع ليا ماعندك لاش ، خدم بشوية علييييك ... ماتفورصيش على راسك حمد الله كولشي موجود
جود : انا مزال ما موجود عندي والو الامار ... طليت على الكونط ديالي انا لقيتو خاوي حيت منو انا كنصرف كولشي .... لي داير لينا الواليد كنسى نقيسو .. داكشي لي كان بقى ليا شوية صرفتو فالخطبة وفاالكاراج .... ( جاتو الضحكة ) فخبارك عمرني فحيااااتي الامار مشيت طليت على لكونطات ديالي نشوفهم شحال فيهم تانهار فكرت فاااستقرار .... تما فكرت نطل على طموبيلتي شحال فيها د الگازوال باش نعرف تالفين غاتوصلني و فين غايخصني نشارجي ....الكونط ديال الشركة والبروتوكول صراحة فيه باش نعيش حياتي كاااااملة بلا منخدم بلا مندير تا حركة .. حيت مكنصرفش منو وناسيه كااااااع .... ولكن كونطي انا كاع داكشي لي دخل ليه من الرالي بانليا خوا ... بقات شي حاجة قليلة غانكمل بها الاصلاحات لي كندير .. داكشي باش فكرت ضروري خصني خدمة الى مكانش الرالي راه ماعنديش منين ندخل الفلوس .....
لامار : ونتا لي بغيتي تحبس الاشهارات ... راه باقين الطلبات كايجيو ... قال ليا اسد الشهر لي فات سيفطاتليك دوتش وماقبلتيش
جود : الا حيد عليا .... مابقاش داكشي عندي معاه وداكشي مدايمش ... منقدرش نتأونكاجا مع دوتش حياتي كاملة عنهم شي كونطرات ديال العبودية... انا باغي شي حاجة ديالي ....بروجي يدخل ليا لي غايعشني انا و غايعيش هاديك البنت فالظروف لي عاشت فيها .....
لامار : ( تنهدات ) واش غانقوليك اولدي الله يسهل عليك ... قريييتو وبديبلوماتكم ..انا النهار لكبير عندي نشوفك بخدمتك مستقر. .... وفرحت لي الزواج خلاك تفكر تستقر .... ومابقيتيش خيفان من المسؤولية
جود : دابا مابقى مجال للخوف ... الخطوة راه لحناها ... نكملو وصافي ....
لامار : هي على هاد الحساب العقد نديروه فالربيع والعراسية فالصيف
جود : هههه اودي مزروووبة تززردي ( رجع لور كالعب بيديه على تكاية دكرسي كايشوف من زاج ) تاهاكا مزيان ... بينما نكون وجدت الدار .....
لامار : باغي تبني ؟
جود : هههه حسابتك انا هو الروكان ... انا راني غا واحد الشومور الامار فراس مالو يمكن 20 ولا 25 مليون ماعنديش تاباش نشري سيرفيت نت كاتقولي ليا تبني ؟ .... الى صدق ليا داك بروجي وبعتو كنفكر غير فأبارتمون صراحة .....
لامار : وتا ابارطمون مزيانة اش غاديرو بدار كبيرة ونتوما غا جوج ......
جود : ودعي معانا تيسر الخدمة ... وشوية بشوية .....
لامار : يااااااربي تسهل علييييكم ياربي ......
جا السيرفور بدا يحط ليهم الغدا لي كانو دايرين داك نهار فالموني وبداو كيتغذاو هي وجود وسط الضحك وجو دااافي بيناتهم متجبدش فيه المشكل الفايت بمرة ..... تامسحات لامار فمها بمنديل وشافت فيه
لامار : حبيبي عييت نهضر مع باباك ومكيسمعش ليا ..... هضر معاه نتا يرد ولاد عمامك
جود : كيفاش يرد ولاد عمامي ؟؟؟؟؟
لامار : على مافخباركش
جود : ( حط الكاس دالما كايشوف فيها ) نو ؟؟؟؟
لامار : على ماشي هو فاش رد خبارهم راهم فرانسا حبس ليهم ليكارط بونكيغ ديالهم ومالقاو باش يقطعو طيارة يجيو
جود : ( علا حجبانو ) وااااايلي !!!!
لامار : وايه ، قاليك بغاهم يترباو حيت سافرو ومشاوروهش .... ومكيجابوهش تافتيليفون .... بصح اياد هاد صباح قالت ليا اريج عيط ليها مسخوطة والله مابغات تقطع ليه .. سلطان تاهو عيط لباه قالت ليا حياة نكرو كاع .. وماخلاش حياة تقطع ليه اوا ورتاج تاهي راك عارفها مع عمك ... راه دايرين ليهم العقوبة تما ....
جود : ففففف ....... انا مسحابليش هاكا ... شفت نمرة دلوؤي خدمات قلت غايكون رجع ...
لامار : علاش عندو شي نمرة اخرى !
جود : ( جبد تيليفون كيشوف فيه ) لا ... غير شفت التيليفون شعل حيت كان طافي
لامار : وراه شعلو بصح مكيجاوبش عيات تصوني عليه رتاج هاد صباح .... خلاص دراري راه طافي ليهم ..... ملي سولت عليهم اسد قبيلة فاش جا مورايا .. قاليا راهم بيخيييير .... هادشي لي مطمنا عليهم ...
جود : ( حيدو من وذنو فاش لقاه طافي ) هاهو طفاه كاع .....
لامار : واييه تاهوما شدو العكس زعما
جود : انا غيبقى تيليفونو طافي هاكا حتى ليل غنشد طيارة لعندهم .... شهاد تخربيق تاني .....
لامار : لا لا منهنا لليل غانكون قنعت باباك ولا نمشي انا نتبعهم ..... يلاه نوض اويدي غايمشي عليا لحال ...
جود : ( حط بورفوار ورد تيليفون لجيبو ) كنت باغي نديك معايا لكاراج تشوفيه ملي كملو فيه الريپاراج .... ولكن خلي تالغدا حسن ....
لامار : صافي غدا نمشيو .... شافتو ييلسان ؟؟؟ ( ناضو ماشين هي وياه )
جود : نو مزال مجات الفرصة
لامار : وديها غدا هي تشوووف .. هاداك راه من تما غينطلق مستقبلك نتا وياها .... هي قربات تمشي ماعندهاش الوقت سيرو غدا شوفوه انا تالمنبعد ....
جود : نو ، نت لولا .....
لامار : وااااهي غاتمشي اولدي
جود : مزاال ...
وصلها لطموبيل وحل ليها لباب ركبات وزاد تاهو للشركة ديالها يوصلها ......
عند قسم ..
غادا فطموبيل وكل مرة تشوف لتيليفون شادة على شفتها وطالعة فلابيست لي كاتدي لبلاصة ريسطو لي ماشية ليها على الله وكتمنى تلقاه تما ..... ولا غتضطر تمشي تالدارو ولا لمرصى ...
قسم : ( مصغرة عينيها فطريق والعجاجة نايضة طالعة مكسيرية فداك العقبة ) زعما مغيجاوبنيش فتيليفون غندير يدي على حنكي ونبدا نبكي ... ولله احبيبي تااا فييينما كنتي نوقف عليك ... ( ابتسمات وهي كتفكرو ) هاد الخرا شحال توحشتو ....
بقات غادة عاضة على شفتها تاوسعات عينيها وضحكات بالفرحة ملي شافت طموبيلتو مپاركيا حدا الريسطو ....
قسم : ياااااا .. والله تارااااه هنا ( كضرب الفولون فرحانة ) .... احنا غنشوفو دابا فين غتهرب مني هههه ....
باركات مور طموبيلتو وشافت لقدام .. وهي تبان ليها كاين طموبيل اخرى ، كانت داسيا دوستر وفيها علامة ديال شي شركة ماعرفاتهاش ولكن عرفات غيكون عندو الخدمة لداخل ....
نزلات من الطموبيل ويالاه قدات تسرح وكتعوج يديها وعنقها من افران مانزلااات من طموبيل .. حاسة براسها محتاجة لراحة وعيانة ولكن شوفتو هي لولة مقدراتش تأجلها .....
ردات شعرها لور بيديها وطلعات نظاظرها فوق راسها جمعات بيهم شعرها ... ودخلات ، يلاه غتشوف لداخل هو يبان ليها اصيل جالس على ركابيه وشاد الميترو مع واحد اخر كيعبر معاه ..... كان عاطيها بالظهررر داير ستيلو لي كايقيد بيه مور ودنووو ... كويرة ديالو كانت مليوحة فوق الكونطوار لابس غير تيشورت كحلة كلها تغبرات ليه .... بقات كتشوف فيه .. كانو منهمكين لدرجة تاواحد مارد ليها لباب وواحد اخر كيعبر جهة ديال الشراجم ... دارت حركة تافهة ماعرفاتش علاش دارتها هي بدات كاتقارنو مع هادوك لي معاه وكاتشوف شحال كايبان مهيب وسطهم واخا كاتشوف غير ظهرو .. ماعرفاتش واش حيت كاتبغيه داكشي باش كايبان ليها احسن واحد وسط كولشس ، ولا هو بصح احسن واحد ، ضربات فراسها ملي حسات براسها كتفكر بسذاجة ....
وخلاتهم مبغاتش يتبزطووو معاها ، ونزات فدروج ديريكت لجهة المكتب ديالو ... بانليها جابد كاع ليزارشيف تاني حيت كل مرة كيقاد حاجة .... مشات جهة الكرسي ديالو جراتو وجلسات وهي تشوف طاس ديال قهوة والجهة لي كيشرب منها واضحة من اثار القهوة وهزاتها وبدات دوز عليها لسانها ضاااحكة وجغمات منها وحطات الطاس كتمص شفايفها وهي فرحااانة لي راها معاه فبلاصة وحدة وقادرة تشم ريحتو فكل بلاصة .... وغتشوفو قبل متسافر ..
هزات داك ليزارشيف كتشوف فيهم وكتشوف فالبيسي لي قدامها محلول شنو كيقيد فيه بانليها كيقيد تواريخ ديال الضرائب لي تخلصو ... شافت اخر تاريخ راه واقف فيه وبدات تقارنو مع ضوسي لي فيديها تاعرفاتو فين حابس وبدات تكمل عليه تقياااااد .. على مايسالي لفوق ....
هو كانو معاه الناس ديال الباركي دالارض والناس لي غيقادو شراجم جداد ... بقوة ماا انو ماعندوش خبرة فالمجال ومعارفش ، جاب شركة تكلف .... يلاه سالاو.... ووقف كينفض فيديه من الغبرة ووقف حدا الكونطوار كيقيد معاهم فالفاتورات والعبارات تابدا تيليفونو كيصوني .... هزو من جيبو لور وهو باقي كيهضر مع السيد شاف نمرة بانتليه قسم وجع تاني قطع ودارو فجيبو وكمل معاهم ...
وقسم لتحت كانت سالات دوك ضواسا لي بقاو وجالسة كتبرزطو فتيليفون راشقة ليها عليه عاضة على لسانها ..... رجع ثاني كيهضر هو يصوني وتنهد وجبدو من جيبو وقطع عليها وحطو حداه
السيد : غير جاوب اصاحبي ماشي مشكل
اصيل : لا ماشي شي حاجة مهمة .... دير هنا ربعطاش .... زيد ربعة سنتيم .. اللهم زيادة ولا نقصان
السيد : داكشي لي قلت .... باش نيت نعطيو حق المنشار .....
اصيل : وشوف هنا ( بدا ثاني تيليفون كيصوني وطل عليه وحيت عرف مغتحبسش و هو مغيطفيهش حيت مشغول بيه جاوبها ) انا شوية نعاود ليك ..... ( باقي ماسمع كاع اش تقول قطع وحطو ) لفوق كيف قلنا .... كولشي خليه سامبل .. لابغيت شي حاجة نديرها من بعد .. دابا ماباين ليا والو ..
السيد : مغيبانش ليك والبلان مزال ماطلع .... ( سد داك الاجوندا وشاف فيه ) مهم .... عطيني هاد سيمانة ونصيفط ليك البلان واجد شوفو كيغيجيك .... باش نبداو فيه الخدمة .... شهراين هاكاك ولا شهر ونص غيكون مفيني ....
اصيل : صافي هو هاداك ... ( زاد معاهم لباب ) سمحلنا على العذاب ...
السيد : الله اودي خدمتنا هادي ... (سلم عليه ) لهلا يحشمنا .....
سلم عليهم اصيل مبتاسم ليهم ومشاو وهو سد الباب من الريح لي تيزيد يحرك الغبرة لداخل ودخل كينفض فالكويرة ديالو هز منها كارو شعلو دارو بين شفايفو ونزل عينو على لاجوندا لي كاتبقى عندو كيشوف العبارات لي تخادو لفوق واش هوما هادوك ....
اما قسم كانت كتشوف من شرجم لفوقاني كيبانو ليها مشاو وهي تبدا تصوني تاني ..... سمع تيليفون هو يتنهد وجبدو شاف نمرتها كايلعب بالكارو ففمو بين سنانو ... شحال قدو يهرب ... وجاوبها ....
اصيل : مكتعيااايش ...
قسم : علاش مكتجاوبنيش .... ؟؟؟؟
اصيل : هاد السؤال ماشي مفروض انا لي خاصني نگولو ليك .....
قسم : لا انا .. حيث انا لي كتقطع عليا ، انا قطعت عليك ؟؟
اصيل : ( حيد الكارو من فمو ساط دخان كيشوف لاجوندا ) اناااا كرهت تقطعي عليا ؟ انا راه من سعداااتي نصوني وتقطعي تيليفون نعرفك حية .. حسن ب الف درجة من انك طفيه فخطرة اقسم ....
قسم : وزعما مجاتش فبالك بلي غتكون تاني شي حاجة مهمة بزاف لي شداتني
اصيل : غاتجي .. ولكن كاينة حاجة اخرى كتجي حداها ....
قسم : امممم ... زعما هاد الحاجة لوخرا هي .... غنكون تقلقت حيت تعصبتي وهرستي البيرو ونطفي عليك تيليفون هههه راك باقي متعرفنيش ا اصيل ......
اصيل : وعلاش طفيتيه ؟
قسم : نجي عندك نهضرو ؟
اصيل : ( تنهد ومشا نازل جهة دروج ) لا ...
قسم : زعما مبغيتيش نجي ؟
اصيل : (ساط دخان) لا
قسم : ممم زعما متوحشتينييش ...
اصيل : ( غادي جهة المكتب ) لا .....
قسم سمعات خطواتو كيقربو لبيرو هي تعض على شفتها واقفة مور البيرو وشادة تيليفونها فوذنها مبتسمة و واضح شحال فرحانة .... غير شافتو دخل للمكتب ...علا فيها عينيه هو يوقف فبلاصتوووو جامد كيشوف فيها شاد كارو ديالو بين صبعانو واليد لوخرا شاد بيها تيليفون على ودنو مصدوم فيها .....وهي تزيد تبتسم وقالت فتيليفون
قسم : نمشي فحالي !
اصيل : ( كيشوف فيها مامتيقش راها تما وقال بلا مايحس) لا ....
قسم : ( حيدات تيليفون من وجهها بشوية حطاتو فوق البيرو كضحك وكتشوف فيه باقي مصدوم وتيليفون على وذنيه ) هههه .... لي بغيتي ههه ....
اصيل كيرمش فيها متووقعهاش كاع تكون لتحت وبدا يرد تيليفون لجيبو ومييينكررش انه قلبو من لداخل فرررح واخا ملامحو تايبانو حادين .. وهي زادت لعندو بخطوات بطيئة تادخلات وسط ذراعو عننقاتوووو وهو خدا تنهييييدة من اعماقوو وحاوطها بيديه منزل راسو على راسها ...
قسم : انا بعدا توحشتك ....
اصيل : ( سرط ريقو وتنهد وبعدها عليه كيشوف فيها ) ملي جيتي لهنا را فيك جوج دلحوايج ....
قسم : ( علات راسها فيه مستعدة لاي حاجة يقولها) شنو هوما
اصيل : مكتحشميييش .... ومكتخااافيييش ....
قسم : ههههه صراحة اه ... ( خلاتو ومشات لكرسي ديالو مور المكتب وجلسات وهو واقف فبلاصتو كيشوف فيها ) مكنحشمش حيت مدايرة حتى حاجة نحشم منها وتيليفون ماطفيتوش .. طفاا بسبب الظروف لي كنت فيها ... ومكنخافش حيت نتا مداير ليا تاحاجة لي تخليني نخاف منك ..... ( ربعات يديها ) داكشي علاش انا قادرة نجي لهنا ونمشي لدارك ونجي عندك للمرصى .. ومكاينش شي بلاصة فالدنيا غتقدر تهرب ليها من بنت الاسماعيلي .....
اصيل تنهد ومشا بشوية تاوصل لبيرو وتحنا عليه شاد بيديه بجوج كيشوف فيها
اصيل : بنت الاسماعيلي مكنهربش منها لدنيا ..... هي لي كنهرب ليها من دنيا .... ( ابتسمات بحب فعينيه) شنو هاد ظروف لي طفيتي فيهم تيليفون .. ( وقف وقال بضجر ) تااااااني .... ( جلس على الكرسي حدا البيرو ونفت الدخان لجنب كاخر نترة وحيدو من فمو كمشو فالطفاية حداه )
قسم : ( تنهدات وقالت بحزن ) خويا جاتو كريز ..... ودخلناه ديريكت لانعاش ....
اصيل : ( علا حجبانو بزربة وقال بخوف ) وااايلي ؟؟؟؟؟؟ تاتهضري بصح !!!!! ( قسم حركات راسها بالايجاب ) شكون فيهم
قسم : جود
اصيل : راه دابا صافا ؟؟؟؟؟
قسم : سي .... خرج ولبارح ولكن مشا لافران ... كنت غنجي عندك البارح بصح خرجو ليا تاني شي ضروف حتمو عليا نتبعو لافران .... مشيت انا وجدة (تيفكر فاش شافها دايزة فطموبيل مع مراة كبيرة ) حاولت نعيط ليك ونتا مكنتيش كتجاوب( ربعات يديها وشافت لجنب بدلال ) .. اش نديرليك
اصيل : وشنو سباب هاد الكريز ؟؟؟؟
قسم : غير تعصب شوية ... وهو راك عارف ديجا مريض .... ( كتفكر داك نهار وملامحها تأسفو ) متصورش داك نهار لي لقيتو فطموبيل مغييييب ... متصورش حالتي وحالة بابا .... ( عينيها تعمرو بدموع ) داك نهار عائلتنا كلها كانت حالتها خايبة .. مكنتش قادرة نعرف تيليفوني فين حطيتوووو .....
اصيل كيشوف فيها غير شافها غتبكي قلبو ضرو وناض بشوية لجيهتها وضورها بالكرسي لعندو وهي وقفات وعنقها عندو كيدوز يدو على شعرها وباسها من راسها
اصيل : ششش .... ياك دابا راه مزيان ؟ اش قال ليه طبيب ....
قسم : ( سرطات ريقها وداك دمعة لي كانت نازلة نزلات تاني فصدرو بهاد تعنيقة ) قال طبيب بلي مزيان ولكن خاصو يرد لبال كثر .. اصلا هو خرج من لكلينيك غير هربان .... ولكن اخر مرة شفتو لبارح راه صافا .. هو كيبغي يكون قوي فكل حالة .... متقدرش تعرفو كيداير من داخل ... مكيبينش ....
اصيل : الله يشافيه ... وان شاء الله اخر الاحزان ...
قسم : ( بعدات عليه وطلعات راسها فيه وهو يديه باقين معنقينها ) اصيل ...ماكاينة تاحاجة لي تخليني نطفي عليك تيليفون من غير ظروف فوق من طاقتي بحال هادي ...
اصيل : انا ممقلقش حيت طفيتيه ... كنتقلق حيت عارف كطفيه غير فهاد فالظروف وكنتخلع ديال بصح .... كون مشفتش طموبيلتك البارح فصباح ... كان باقي ليا شوية ونمشي عند باباك صراحة .....
قسم : ( علات حجبانها ) فين شفتي طموبيلتي
اصيل : راه ملي غبرتي وانا شاد العسة فداك الجرف حدا فين ساكنين ... كنقول تقدري دوزي نشوفك غير واش لاباس ....
قسم : ( عنقاتو تاني ) وعلاش ملي صونيت مكنتيش كتجاوب ....
اصيل : معرفتش ... يمكن حيت كان هامني غير نشوفك لاباس .... وكنت شفتك ....
قسم : ( طلعات راسها فيه ) صافي يعني دابا غير نمشي فحالي ؟
اصيل طول فيها الشوفة وهز يدييه بشوية حيد ليها داك نظاظر فوق من راسها حطهم موراه فوق لبيرو ورد ليها شعرها لور كيشوف لوجهها لي تووووحشوو ولي ولا مدمن عليه بشكل مكيتصدقش .... وقال والجدية مخلطة مع الحنية فصوتو
اصيل : كنعتدر على داكشي لي وقع داك نهار ... معرفتش كيفاش وقع ولا كي( قاطعاتو )
قسم : ماتيهمنيش داكشي .. داكشي فات ... ومخلقش ليا مشكل غير تهنى ..... ( بعدات عليه كتنهد ووقفات كترد فشعرها مور ودنيها ) انا عارفاك دابا اش كتقول فلداخل ديالك وبلي مغيعجبهاش لحال حيت تعاملت معاها بالقوة وخلعتها وبزاااف دالافكار فراسك دابا ...( شافت فيه وهو قاد الوقفة داير يديه فجيابو مميل راسو لجنب ) انا الحاجة الوحيدة لي مغتعجبنيش هي نحس براسي ماعنديش قيمة .... انك مباغينيش ....تما فين غاااانمشي فخطرة .... حيت منقدش نكلس فبلاصة مامرغوباش فيها ، اما بلاصة باغيني فيها مولاها ... نتحااارب على قبلها آ اصيل. .. الطريقة باش تبغيني بيها والله مكتتتتتهمني .. بغيني بالهداوة .... بالقوة ... بالحماق .... ( بضحكة ) ماعنديش مششكل .... طريقتك فالتعبير على شنو عندك لداخل متايهمنيش كيدايرة كثر مكايهمنني انك كتعبر ....... ( ميلات تاهي راسها معاه كتعض فشفتها لتحت وهو كيتجنن معاها ) يييعني .... لي بغيت نقول .. هو مكيهمنيش كيييفاش بستيني ..... كثر مكيهني ... انك .... ( بابتسامة ) بستيني ...
اصيل تنهد ومشا بشوية لعندها وهي طلعات راسها وحط يديه على حنكها كايمشي عليه صبعانو .....
اصيل : قسم .. هاديك البوسة كون زادت طولات شوية كانت غاتخرج بشي كارثة ...
قسم : ( هايمة فعينيه ) الكواريث لي يجيو معاك نتا .. غا مرحبا بيهم ههه
اصيل : ( عض عل شفتو كييتتحلف عليها حس بيها كاتجنن فيه من داخل وزير على وجهها فيدو وقال مجنن ) اااشمن نوووووع دالبنات نتي غاقولي ليا
قسم : ( قربات عندو وعلات يديها لعنقو عنقاتو ) البنت لي كتعرف ( دوزات لسانها على شفايفها وقالت ضاحكة ) تتتجننك ..... و تخرجك على طووووووعك ....
اصيل : ( هبط عينو لشفايفها ورجع طلعهم بزربة ودفعها وبعد لور وهي كضحك ) لا لا اقسم لا لا .. سيري فحالك .. لاااا
قسم : هههههه ... راني مخايفاش منك ااصيل......
اصيل : سيري راك معارفة والو ياهاد البنت .....
قسم : ( مشات لعندو ضوراتو ) شنو نعرف ؟؟؟؟ راه قلت ليك داك نهار .... مكيهمنيش تكون من عشاق الهااارد كيسيز ... وحتى من الناس دالهارد سيكس ....مكيهمنيش .....
اصيل : حد هنا وصلتي ! ....مكاينش شي حاجة فوق من هادشي ؟
قسم : الا كانت شي حاجة فوق من هادشي .. غاتكون مرض ..
اصيل : ( جمع حجبانو ) وكتقوليها ضاحكة ؟
قسم : وعلاش لي نتقلق ؟ المرض رااااه تايداوا ... كيفما كان هاد مرض راه غيدااوا واحد نهار ... لي مكيداواش ..... ( علات يديها لوجهو كتلعب بلحيتو وتشوف فيه مبتسمة ) هو متبقاش نتا فحياتي .....( علا عينيه فيها ) شي لاخور كوولشي يداوا ......
بلا ماتحس هزها وحطها على البيرو وجا قدامها وسط رجليها لي فرقاتهم ضاحكة وغاص وسط شفاااايفها كيمص منهم رييييقها وهي عنقااتتووو من ظهرووو غير حساتووو عضها غرزات فيه ظفااااارها فظهرووو بشششهقة خلاتو يزيييييد فوتيييرتووو وصدرو كيطلع وينززل وهي تبسمات وسط شفايفو ونزلات لشفتو عضاااااتها بكل قووووتها بسبب الحرارة لي طلع ليها معاه وهو غير حس بداك العضة غير مزادت صعراتو .. تاهبط لعنقهااا وهي علات راسها لفوق مبتاسمة كتحاول تعود على هاد القوة .. كارزة بييديها موراها فالبيرو وعاضة على شفايفها كتبرد فيهم الحريق لي كتحسو معاه حلووووو ... حس بقلبو بدا يضرب بجهد وبحالا كيغيب على الوعي ... هي حساتو غايغيب غير من طريقتو فالنهيييييج لي زادت وتيييرتها ..... وهزات يديها بزربة حطاتهم على وجهو بحنية كتقرب لوذنيه هامسة بصوت حنييييين .....
قسم : اصييييييل ...... اصييييل باراكا ..... اصيل ....
حل عينيه بزربة وهو كيحس بيديها الحنان فوجهوو و طلع راسو فييييها وكولو كينهج وشفايفو تيقطرو بريقها وعينيه الزرقين تييييزيدو يلمعو وزرقتهم كتغماااااق وتتميل لاسود ....
اصيل : ( تينهج كولو ) ضريييتك ياك .... ( هبط عينو لعنقها لي كولووو حمرررررر ومطراسي ) ضرييييتك تاااني ....
قسم : ( شدات وجهو عندها وعلات راسها فيه ) لا ..... ( قربات لشفايفو باستو بوسة خفيفة وبعدات راسها ) اكتشفت واحد الحاجة ... ( كيشوف فيها وصدرو كيطلع ويهبط وهي تبسم ) كنعرف نشعلك .. وكنعرف نطفيييييك ....
غمزاااتو بالهداوة وبعداتو عليها دفاعتو بيديها ونزلات على البيرو
قسم : ساليت ليك دوك ليزارشيف ( شاف بعينيه لببسي ) يالاه ورييني شنو درتو لفوق مقديتش نبررزطك قبيلة معاهم ( ضارت عندو بانليها واقف فبلاصتو ) يااالاه .... ( وصلات لباب وتفكرات وضارت عندو تاني ) اااه حقا .... ( شافت لببيرو لي بدلو ) بصحة لبيييرو
ضحكات ليه وطلعات فدروج وهو باقي واقف مخلياه جامد عند ديك الغمزة لي عطاتو .... وبدا يفكر فكلامها ... بصح ! هي دغيا رداتو لوعيو .... ولكن كيفاش ؟ ... خدا نفس عميق وشاف لتحت هو ينانليه منتصب تحت سورال
اصيل : شيييييت !!!! ( شاف جييهة الباب ) اش كاادييري فيا اهاد الموووووصيبة .....
مشا لحمامات لي تما ودخل كيشوف كيف يدير ....وحل الما وبدا يغسل ووجهو بزربة ويرش على عنقو وعلا عينيه فالمرايا .. علاش هادي اول مرة كيحس براسو مندمانش !! .... واش لهاد درجة قدرات تبين ليه بلي مرضو مخطيرش لدرجة لي كيتصوورها هو ... ولا هي لي مزال معارفاش مدى الخطورة !!!! .....
عند جود .....
وصل لامار للشركة .... وخلاها ومشا .... اما اسد دوز غداه مع قدس فريسطو دالمنطقة ووصلها عند صحاباتها ومشا تاهو لشركة بحكم انه نهار بلان بالخدمة .....
كمل طريقو جود وهو كل مرة يحاول يصوني لواحد من دراري بدون جدوى تيليفونات كاع طااافييين .. مفاهمش اش واقع وبدا يزيد معاه الزايد ....
وصل قدام الكاراج ديالو .... باركا طموبيل جنب ونزل والتيليفون باقي فيديه كيحاول يتصل فكاع الارقام ويشوف واش كونطااتهم فالميديا محلولين .. ماتيلقى والو .... حيد السوارت وبدا كيحل الباب دالكاراج حيت هي منين كيدخل دابا الخلفية باقي ماتصلحات .... دخل وسد موراه الباب .... كاااان الكارج بارد من لداخل عكس الحرارة لي كاينة على برا ... مد يدو شعل ضو حيت كان مضضضضلم .... شعل غير ضو خفيف وزاد وعينيه على تيليفون تاوقف فبلاصتو جامد ملي شاف الكنابي الكبير لي تما فوق منو شي واحد مغطي .....
قلبو تزير عليه تايقول شكون غيجي لهنا ! ضار من موراه كانت واحد الحديدة كبيرة دواحد ريدو مزال ماركبو هزها فيديه ومشا باتجاهو كيتمنى يضربو يلقاه بنادم متكونش شي حاجة خارقة لطبيعة حيت ميمكنش بنادم يدخل لهنا .. بقا كيقرب بشوية هو يبان ليه الجسد لي تحت المانطة كيطلع ويهبط بحالا كيتنفس ....
حط داك الحديدة بشوية ومد غير يديه قاس تحت المانطة لي ملوي بيها كامل بانليه بنادم ... حيديها عليه بزززززربة يشوف هو يبان ليه سلطان ناعس على كرررشو بالفقصة والخلعة عطاه ركلة تاقلبو على الكنابي وخلاه طايح وطلع فدروج ... وسلطان فاق مضهشر تيرمش بعينيه مافاهم والو !!!! كيشوف مع جنابو ..شكون ضربو ؟؟؟؟
جود غير شافو عررفهم را باقين لوخرين لفوق حيت عطا سوارت مؤخرا لوؤي .... يلاه غيحل بيت نعاسو وهو يطل على الصالون لي من جهة لوخرا بانليه اياد لي ناعس تما وطبلة فوقها تيليفون وسواارتو وكارو ومگانتو وهو ناعس على ظهرو حاط يدو فوق راسو بقى غير كيشوف ومشا حل بييت نعاسو هو يلقى لوؤي مكسل فوق السرير ناعس على كرشووو عريان من لفوق غير بسروال ديال الدجين .. ملي وصلو لمغرب وهوما ناعسين حاسين براسهم خاصهم مزال سيمانة دنعاس يلاه يحيدو داك العيا .....
جود : الاستعماااااررر هدا ... ( مشا هز قرعة دالما كانت على الطبلة وخواها عليه وهو ينوض بششهقة ) اسبححان الله اشريييييييف
لوؤي كيرمش بعينو والما كيتخوى عليه وشعرو هبط على عينيه حال فمو .. كلو مبوق وعينيه منفووخييين وعلا راسو شاف فجود
لوؤي : ووولد القحبببببة ( ضربو بممخدة لراسو ) ضضضووور تقوووود خرج علياااا دابا عاااد جاي
جود : ( بقا غير كيرمش ونزل لعندو حاط يدو على ركابيه ) نعااام ماسمعتش مزياان ؟؟؟؟ شنو ندير !!!!
لوؤي : اش كدييير هنا دابا .. غاسيير رجع فين كنتي مدفون ....
جود : الا لا اولدي عمي ... رااااه انا لي خاص تقولي اش كديرو هنا ...
لوؤي : ( ضار لجنب لاخر كايكمل نعاسو ) ببززعطة ..... كاراج فالخلا تاهووووو تبان علينا بييييه ....
جود : ( وقف كيشوف فيه داير يدو فجيابو دسروال ) فوقاش جيتو ؟؟؟؟؟
لوؤي : ( تنهد وضار عندو براسو وباااقي عينيه منفوخين بنعاس ودوا بصوت ناعس ساد عينيه ) مانعرف ، صباح يمكن ولا لبارح .. شحال ساعة ؟؟؟؟
جد : ( تحنى عندو كيشوف فوجهو لي تيبان ليه بحالا راه نعس غيبوبة ماشي غير ساعات قلال ) واش نقوليك شحال فالساعة ولا شحال فالشهر ؟؟؟؟
لوؤي : ( علا عينه فيه بغمزة باقي فيه النعاس ) ياك جينا الصباح ؟؟؟
جود : كاتسناني نقوليك انا فوقاش جيتي ... انا عارف ؟
لوؤي : ( مصغر عينيه كايفكر ورجع شاف فيه ) فوقاش هضرت انا وياك
جود : البارح فصباح ....
لوؤي : ( غمض عينيه رحع ينعس ) اوا صافي راه جينا شوية ورا داك لابيل .....
جود : ملبارح ونتوما ناعسين هنا !
لوؤي : ( مخشي فالمخدة غيديه نعاس ثاني ) امممم ....مهم خينا راه مات
جود : انا بانلي مكاين الميت قدكم دابا ... لي ناعسين يوماين ... ( ضربو بمخدة ) نوووووض تكككككعد ....
لوؤي : ( ضار على ظهرو كيتنهد ورد شعرو لور ) اش بغيتي دابا اش بغيتي
جود : شكون قتلو ؟
لوؤي : ( ضار لجنب تاني براسو شد عينيه فيه نعاس ) عزرايل
جود : لوؤي يا تكعد يا غنقلب بيك هاد الناموسية ... تكعد هضر معايا قوليا اشكاين ورجع تنعس الله يجعلك ماتفيق تالراس لعام ....
لوؤي تنهد ثاني وناض متكي على السرير كيتفوه وشاف فيه
لؤوي : ودابا نتا هذاك وجه عندك هاداك ... مسيفطنا لوالديييك نجييبو ليك الدم ... نوووض نتا طفي علينا تيليييفون ....
يلاه غيجاوبو جود شاف اياد وقف فباب الشومبر ديالو كيتفوه وصدرو عريان ومخنزر جامع حجبانو الغلااااض وتيحك بيديو فلحييييتو ....
اياد : مالنا على هاد الصداع
جود : ( كيطلعو وكيهبطو ) توما اشمن طيارة لاحتكم ( شاف فلوؤي ) هاداك لتحت ناعس بحالا ضاربينو بالنووي ... صابحين بحال اهل الكهف ... كاع هادي تسخسيخة سخسخكم زااامل ؟؟؟؟؟
ماحس براسو تاكان شنقو مع الحيييط من حواايجووو
اياد : باااقي عند جد والدييك الفم باش تههههضر .... صيييفط ليك برية .... ششددها وسير قصدو وخشيها لمووو لوووررر وسعهاااا لييييه مزيان .. ماشي نتا تقراها وتسوووطاااا وحنا تصيييفطنا يطرشنا البرد دفرررنسا ...... وطاافييييي تيييليفوون من لفوق
لؤوي : ( مد يدو لجاكيطتوو لي مليوحة حداه كيقلب فيها على الكارو ) عطيييييييه .. عطيييي لمو ....
جود : (اياد قاجو وملصقو مع الحيط وهو جاياه ضحكة ) ودابا ريح ريح .....ابررد ...ابشوية عليك ( شاف عند لوؤي ) عطيييه كااارووو
اياد : ( طلقو كينفض فيديه ) عائلة دالخرراااااا .... راه هذا سميتو الصيف ..سمييتتها عطلة .. جاي ندوز عطلة مجايش ندخل وسط القرررطاس ونتشرد فباااريس ...... ( شاف فجود ) سيير جيبلينا مناكلو غااااانخراو بجوع
جود : ( مد ديو لصدرو كيشوف فيه ) واش انا .. انا .. صيفطتكم لفرانسا ؟؟؟؟ قلت ليكم سيييييرو .....
اياد : ( ضربو ببونية لكرشو تازواه وشد عليها محني كاايتألم ) الدم دالخراااااا ... الدم ال**لاااااااوي ..... انا ماااولد عم حد ... انا بعدو مني ....
خلاه ومشا وجود محني شاد على كرشو مزير على عينيه ولوؤي مضارب مع البريكة كينفض فيها وكارو ففمو عاض عليه
لوؤي : بررداااات !!!
جود : العقووبة للل*بك تاااهووو يبرد ( جلس على السرير كيتألم ) باش متكاتروش ومتولدوش لينا كمامر بحاااالكم .... ( شاف لباب منين خرج ) لوااا ليااا مصااارني ولد القققحبة ..
عند قسم ...
واقفة قدام الكونطوار كتشوف فداك الاجوندا العبارات لي خداو وشنو مكتوب تما تاحساتو عنقها من لور وحط راسو بين كتفها وودنها وهي كتشوف معاه ومد يدو كيوريها
اصيل : هنا ديال لفوق ... هنا فين غاندير البيسين لي قلتي .. راه خداو ليه العبارات ديالو .... فيه خدمة كثيرة .. حيت الضالة شوية رقيقة .... غيعاودو يخدمو السطح كامل ....
قسن. ولكن راه غايجي واعر ....
اصيل : ( باسها تحت ودنها ) اقتارحاتو قسم ومغيجيش زوين ...
قسم : ههه ( كتحس بمعدتها تقلصات بلمسات شعرو لي تايهرها فعنقها وماباغاش تبين ) ... وهنا ديالاش
اصيل : الباركي هاداك .... الارض جاتني شوية واكلة الدقة ومامحكوكش هاد الرخام مزيان .... قلت هنا نديرو الباركي حسن .. بغيت داك الطيم يكون دالخشب والزاج ....
قسم : تجي واعرة .. بحال داك طيم ديال الباطوات دشحال هادي وزيد فديكوراسيون شي اونكخ " مرساة" وداكشي لي كيوحي للباطوات القدام .. غيجي زوين مع ريسطو دالحوت ....
اصيل : داكشي فاش فكرت ..
قسم : ( ضارت عندو وحاوطات عنقو عندها وهو هزها جلسات على الكونطوار باش تقاد معاه ) بحار وبحارة .. مغيجمعهم غير باطو هههه
اصيل : ( حط نيفو على نيفها ) امممم .... ( نزل عينو كيشوف فشفايفها وحط فوقها شفايفو كيدوزهم بدون تقبيل وهي غمضات عينيها ) واش عارفة اهاد البحارة اش كاديري فيا ؟؟؟؟
قسم : ( منتشية مع حركاتوو وصوتو الهامس ) اممم ... معارفاش .... قول ليا
اصيل : ( علا عينيه كيشوف فعينيها ) دااباا نتي واش ولدك الروكان باش تجي تكرفصي عليا لديلمك ولا كيفاش .....
قسم : هههه ... لا .... ( نزلات معاه راسها ) ولدني باش نجي نلقاك ... وتلقاني .... ( كيشوف فيها ) صراحة لقيتيني ..... كنت موضرة شوية ... كنت معاارفاش فين هي قسم ... وشكون غايقدر يجبدها مني كون ماشي نتا ..... ( كتشوف فعينيه وهزات يديها كتخلل خصلات شعرو الاسود الكثيف ) وحتى انا راه لقيتك ...
اصيل : ( هبط عينو لعندها وهبط بشوية لعنقها باسها بوسة خفيفة تاعضات على شفتها وسرطات ريقها وبقا طالع حتى لجهة وذنها ببوسات خفاف خلاوها تزير على يديها ) كان كيبان ليا طريق معاك طويييييييل ( عضها فشحمة اذنها تاشهقات مبتسمة ) شوية بشوية كتقصريه ...
قسم : بالعكس ( كتهضر وكلها مشتتة مع البوسات لي باقي كيوزع فعنقها ) .. انا مادرت .. ( حسات بعضة خفيفة وضحك موراها ) ييي اصيييييل .... انا مادرت والو باش نقررب .. ( كمشات عينيها ملي حسات بعضة اخرى وعلات ليه راسو بيديها شاف فيها ) نتا مخليتيني نعاونك فوالو باش يقصار هاد طريق .....
اصيل : ( هز يدو بشوية قربها ليها لوذنها جبدها لعندو ) ماتعاااوديش تقاطعيني ملي نكون كنبوسك ..... كنسمع بوذني ماشي بفممي ..... ( قسم بقات كضحك ورجعات شافت فيه ) نتي غير تبيني ليا بلي راك معايا .... وباغاني كيفما انا .... وبلي غنكونو ان وياك غدا وبعدو وبعدو ..... هادشي كافي يقصر عليا الطريق بلا ماديري والو .... ( شد وجهها بيديه بجوج مقربو ليه ) خلييييني انا نديرو اهاد البنت ... خليني انا نديييييير .....
قسم : ( حسات بذاتها كلها طالعة معاها الحرارة وهي كتشوف فيه ضاحكة ) ومنعاااونكش كااااع ؟؟؟؟
اصيل : ( هبط على شفايفها تايمص شفتها السفلية وهي غمضات عينيها وكايحاول يخلي القبل قصار باش ميفقدش فيهم وعيو وداز لحنكها ببوسات خفاف كيهضر معاها ) عاونيييني بلسانك ملي نكون كنبوس ... عاونيني ملي نحيد ليك حوايجك .... ( قسم وسعات عينيها ) عاونيني نهار نكون نركب ليك شي سنسلة وهزي شعرك ... عاونيني فداك باك نهار نتلاقاه .... ( شاف فيها وهي حلات عينها ) شي لاخر قاد بيه بوحدي .....
قسم : ( كانت معنقاه من عنقو وزادت جبداتو لعندها وعضات على شفتها ) بغيتي غير تمارة .. خووووود تمارة ... عنداك شي نهار تقول ليا عييتي ...
اصيل : هو صراحة .. طريقك طويييييل ... ( تنهد كيشوف معاها ) ولكن مكيعييييش .... وحدة لقات اصيل ورداتو ليا .... تستاهل نضرب عليها تمارة حياتي كاملة ....
قسم : (بدات تنفض ليه شوية دالغبرة كانت على كتفو وشافت فيه ) وتا هي مستعدة تمشي معاك فهاد طريق ..... حتى لافان .....
اصيل : ( كايلعب ليها بشعرها ) كنت كنآمن انه مكاينش شي واحد غايشد معاك طريق كلها شي نهار ... لي عارف انا هو الطريق صالح غير لواحد .... ولكن مسموح ليك مرة مرة يدخل عندك شي واحد اخر يتمشى معاك شوية تايعيا ويمشي فحالو ....دوك الناس العابرين ...را حياتي كاملة وانا مآمن انه مكاين حتى شي بنادم لي غيشد معاك الطريق حتى للخر .... داك لي قال عليه دوستويفسكي " رفيق الطريق " ..
قسم : عمرك حاولتي تقلب عليه ؟
اصيل : لا ... كان كيجيني غاخرافة هاد بنادم ...
قسم : وانا ؟ مامآمنش انني غنكمل معاك طريق حتى للخر ؟ تا انا غا خرافة ؟؟؟ مكتنطابقش عليا هاد المقولة د دوستويفسكي ؟ رفيق الطريق !
اصيل : لا .. مكتنطابقش عليك .... ( علات فيه حاجبها وهو شاف فيها وبابتسامة ثقيلة كمل ) حيت نتي ماشي رفيق الطريق. ....نت .. الرفيق ... والطريق .... بجوج بيهم ...( ضرب ليها على نيفها )
قسم : ههه ... الله يوصلنا على خييير هههه
اصيل : ( كيدوز يدو على حنكها ) منعرفت كيوقع هاد النهار ماجيعاناش
قسم : هههه حيت فطرت مزيان ....
اصيل : نتحركو شوية ؟
قسم : اممممم .. ماعنديش مشكل يلاه ....
اصيل : فين باغا تمشي ؟
قسم : بغيت البحرررر .... راشقة ليا عليه بزاف ....
اصيل هزها من على الكونطوار حطها فالارض وهي كتنفض حوايجها وهو هز الفيست ديالو وعنقها لجنبو زادو لباب سدها موراه بالسوارت ونزلو غاديين جيهة طموبيلتو
قسم : اليوم ماعندكش صيادة
اصيل : كااانت ... ولكن حيت كنت داير مع هادو مكانش عندي كيفاش ندير نخليهم .. وخرج واحد سيد بلاصتي تالغدا ونخرج بلاصتو انا ....
قسم : نهار كامل ؟؟؟
اصيل : اه ( حل ليها لباب وطلعات وهو مشا من الجهة الاخرى ركب وديمارا ) اش جاك على البحر ...
قسم : معرفتش .... توحشت نعوم ....
اصيل : الى العومان يلاه نديك لواحد بلاصة حسن من البحر .....
قسم : ( كتركب حزام الامان ) صااافي .. غير متكونش بعيدة حيت خاصني نرجع هاد نهار كاينة سواغي مع لافامي ...
اصيل : مابعيداش بزاف ( ديمارا ورجع ماشاريار ) ها طموبيلتك هنا تانرجعك ليها .....
قسم : اه حقااا ... اصييييل ....
اصيل : احبيييبتي ....
قسم : ( عضاات على شفتها نسات كاع اش باغا تقول وضارت لزاج ) ا .....ااص ... صافي والو ....
اصيل : ( شاف لجيهتها وجبدها من شعرها) كاتحشمي هههه !!!!! آ دوي ... شحال غاتزنگي عليا ....
قسم : ( كتعض فشفايفها كتفكر اش كانت باغا تقول تا علات حجبانها ملي تفكرات وشافت فيه ) ااه حقا ... راه غنسافر
اصيل : ( شاف فيها وشاف فطريق ) ثااااني !!!!!
قسم : وراه غانبدا الخدمة .... وعندي غنسافر بوحدي هاد المرة فالباطو يعني غانكون انا الكابيطان ماشي غير سووو ....
اصيل : اهاه
قسم : عندي سيمانة ....
اصيل : ( كمش حجبانو ) كلها ؟
قسم : امممم .. ضرورري حيت اول خرجة ليا .. خاصني مندير تاغلطة باش صافي يعطيوني الشارات ديالي كاملين ....
اصيل : ( تنهد كيدوز يدو على لحيتو كيمشطها لتحت وشاف فيها ) الى كانت على ود الكاغيييغ ديالك نصبرو ماعندنا مانديرو .... ( لبس نضاضرو كحلين من الشمس وهي هبطات شفايفها )
قسم : ( حيداتهم ليه ) لااااااا ... كاتعجبني هاكاك ... حيدهم
اصيل : ( شاف فيها مصغر عينيه ) راه غاندير بيك شي كسيدة .. مكنشوفش فشمش مزيان ....
قسم : هاء ؟ علاش ؟؟؟؟
اصيل : ( شاف قدامو ) حيت هادشي لي عطا الله ...
قسم: لا قول دبصح ا اصيل .. ديما كنبغي نسولك .... لون عينيك كيجيني فشكل ... حتى انا عندي بنت عمي عينيها زرقين ولكن هي زعرة كووولها ... نت وسلمى وكتجيوني فشكل حيت حروفكم كحليييين ونتا سسمر .. ولكن عينيكم زرقين ( كتشوف معاه وهو مصغر عينيه قدامو فشمش ) داك زروقية فشيشكل وفالشمس عاد كتبان علاش لداخل كيبانو عينيك كحلين ؟؟؟ عمرني شفت هاد اللون عند شي حد
اصيل : متنفهمش فهاد تخربيق بزاف .. ولكن ملي كنت صغير كان كيديني الواليد لطبيب دالعينين حيت مكنشوفش مزيان فالشمس ولا الضو .... وتا سلمى راه ديما متبع ليها .... ماكينش شي مرض ولا نقص فالبصر ، ولكن الشمس شوية كتفرعنا ....منقدرش نشوف فيها مزيان هي والضو .... ( مد يدو لبواطة صغيرة ونظاظر كاينة عندو حدا لفيتيس ) داكشي علاش ديما هادو عندي هنا ..
قسم : كنعرف هاد نوع ديال الطفرات دالعين كيكونو فشكل ... عمرني سمعت عليهم بلي كاينين تا فالزرقين ولكن كنعرف ان هاد نوع كيكون الغشا دالقرنية ديالهم رقييييق .... وكيكونو قلاااالين يعني لي عندو هاد نوع دالعينين ضروري خاصو يكون وارثهم على شي حد ... واش باباك كانو عينيه بحالكم ؟
اصيل : لا ...
قسم غير من داك لا لي قال عرفات ان ماماهم لي عينيها هاكاك وهي تسكت ومدات ليه نضاضرو
قسم : اسيدي ملي القضية هاكا هاك لبسهم ....
اصيل : ( مد يدو شدهم عليها لبسهم فعينيه عاد تحلو ليه عينيه مزيان فطريق ) نتغداو هو لول ولا تمشي تعومي
قسم : نديوه معانا لتما ...
اصيل : ( علا عينه لمرايا قدامو كيشوف لطموبيل لي موراه دخلات ليه تناوي حيت ملي خرج للطريق رئيسي ديمارات موراه ) اهاه تاهاكا حسن كاع ....
لوؤي : ( شعل الكارو وساط دخان كيضحك عليه وشدو بين صبعانو ) ويلااااه يرد ليك الفققصة دربع سنين هههه غابلاتي وتشوف
جود : ( ضار عندو ) الواليد فخبارو راكم هنا
لؤوي : وغنكدب عليك لا قلت ليك لا ..... انا راه مقالتهاش ليه .. ولكن هاداك باك ونتا كتعرفو ..... هاذاك غيكون عارفنا هنا قبل حتى منويو نجيو لهنا ....
يلاه غيرد عليه هوما يشوفوه وقف فالباب كيرمش واشار بيديه موراه للتحت
سلطان : شكون ضربني ؟؟؟؟؟؟
جود : ( طلعو وهبطو ) اجي اولدي اجي ... اجي تكممل نعاسك اجي ... نحاجي ليك ؟؟؟؟
سلطان : ( مصغر فيه عينيه فيه النعاس ) مالك عاد جاي ... عاد طفاو ليك لالارم ....
جود : ( ضرب لوؤي لكتفو تاكان غايهرسو ) دابا دووييييو دغيا طلقونا .... اش درتو مع داك خينا .. شكون قتلو ؟؟؟؟
سلطان: ( تلاح على فوطوي اسود جلدي ) مواليه
جود : ( شاف فسلطان ) كيفاش
سلطان : قوليه يعطيني كارو ونعاود ليك .. سالات ليا باكيتي ومبغاوش يشريولي باكية
جود : ( شد راسو بيديه ) فييين تلات بولد عمي مسكين .. ( شاف فسلطان وجبد الباكية من جيبو مدها ليه ) شد .. شد .... كتقطع فالقلب .... ( لاحها عليه وسلطان شدها كانت بواطة معدنية فيها بريكة صغيرة لداخل )
لوؤي : ايااااااد .... ايااااد جيب معاك داك تييشورت منعرف فين حطها هاد المكلوب ( شاف فسلطان) فين حطيتي داك الخرا
سلطان : ( كيشعل الكارو ) منعرف انا راه وصلت ونعست شوف اياد .....
اياد دخل عندهم صدرو فازك بالما كيقطر من شعرو لي غسلو غير فلافابو دالكوزينة ولاحها على جود
اياد : شد ..
جود : ( شدها وبدا يشوف داك البيل كان فيه قطاري ديال دم وبدا يصغر فيهم عينيه وشاف فيهم ) اش هادشي ؟؟؟؟ واش انا قلت ليكم جيببو دمو وللا جيبولي صباح دليلة الدخلة ؟؟؟؟
لوؤي : بغيييتي دم ها دم ... انا ماشي فرملي غنمشي ندير ليه الدياليز .....
جود : وجيبو دم نيت ...
سلطان : وهاداك شنااهوو .... ياكما كنت باغي نعمرو قرعة داليطرو ؟ مالك غادير ليه تحاليل دالسل ؟؟؟؟ بغيتي دم ها دم
اياد : واش نتا فامببير اصاحبي ؟
جود : ( كيشوف فداك تيشورت ) مااافنعنيش هاد الشوية .. ( شاف فلوؤي ) مضربتوهش نييشاان ..يمكن دغيا صييفطتوه ....
سلطان : ( تنهد كيجبد تيليفون وخدم الفيديو ومدو ليه) شششششد .... شد ، مكاين لي غيدينا لجهنم قدك ....
جود شد عليه تيليفون وخدم داك الفيديو واياد تلاح على السرير من الجهة الاخرى كيكمل نعاسو والبيت عامر بريحة الكارو و الدخان ... ولوؤي شاد تيليفونو كيطالع على الايمايلات باقي مدوخ وكولهم باقين كيتفوهووو ..... غير بداو يسمعو صوت داك الفيديو كلهم تبدل ليهم الخاطر ومبغاوش يسمعوو ..... وجود كيتفرج فيه وملامح دالاعصاااب بداو يترسمو على وجهوووو وصدرو كيطلع ويهبط هو كيشوف فيه هاكاك واخا هاكاك كايحس برااسو مزاااال ماااابررردد .... وهو كيسمع فييييهم ومكاين تاحاجة غاتقدر تبردو ودراري بداو يشوفو فبعضياتهم خايفينو يشعل تاني .....
الفيديو
اياد : شششكون هي الشيييخة ؟؟!!!! ... دددوي ششششكون هي الشيخة
لؤي : قول انا ... قول ليه انااا اصاحبي .... انا
حسام :.. ا انا
اياد : .... ماسمعتش ؟؟؟ هضر بجهد
حسام : ا اا اااناااا ....
اياد : شششنو غتقول لجوودد ؟
حسام : سس .. سس سمحللللي
اياد : مااااااسمعتش
حسام : س سم .. يسمح .. يسمحليا ...
سلا الفيديو هو يلوح تيليفون على السرير معصب ......
لؤوي : ( شاف فيه ) وهنييينا حنا وريناه ليك باش تبرد خاطرك ..... ماشي تنوض تشعل عليا هنا تاني ( جود كيدوز يدو على وجهو وكيتنهد تنهيدات من اعماقو كيخرجهم ) صافي ييييموت يييقود لهلا يرحم فيه شي عضضم ...... بحالكنت نتا بحالا كنا حنا
جود : ( كيضور راسو غارسو بين يديه ) لا لا .. لا ماشي بحال بحال ..... كنت غاانجبد حلاااقمووو فيدي ولد الق'' حبة
لوؤي : واسمحلي اخويا انا قلببي هشيششش
تسمعات ضحكة خفيفة من اياد جابوليه ضحكة شاف فيه لوؤي بمعنى سكت وهو يطلقها سلطان بضحككة منغم بالكاررو وصوت مبحوح بالنعاس
سلطان :هههه انا تفكرت غا ملي بال فسروالو ههههههه
لؤي : ( شاف فجود ) عرفتي الواعرة فهادشي كامل ... هي مخبياه مافيا وولاد الاسماعيلي السلاح الوحيد لي هازين معاهم هي سمطة دسروال. ..
جود : واايلي !!!!!!!
لوؤي : وااييه ااصاحبي ... قلبت فرنسا كاملة على السلاح هههه كون ماشي واحد السيد كنعرفو عتقنا .. وشحال درويينة ولابسيين جيييليااااات وسلطان مهبط الزنااااد .... فلخر لقينا سي روكان نقااا طريق وقاليهم ملي يدوزو حلو ليهم الباااااب ... وجيبو لحليب وتمر .. ولكن مرييييييگل ... داك لقضية ديال حليت ليك لباب دخل ..... وملي تدخل قلب منين تخرج .... سوقو هو !
سلطان : انا قتلات جد مي غالفقصة .. ماتيرينا ماضربنا ماقتلنا ..... مشينا شربنا قهوة مع الفجر وجينا .... تيراو فيه هوما قتلوه غابيناتهم .. قتل جد مي غالملل ....
لوؤي : الاكشن بدا تااالقينا لاااكارط محببسة ههههههه ... ( شاف فاياد ) وتخاااايل معااياا نتااا با ايااااد غيتناوب على قهوة مع سلطان ههههه
تكا لوؤي على الكادر كيضحك وسلطان واياد تانوما منغمين كايضحكو على ضحكة لوؤي .... وجود كيشوفو معاهم عارف داك الضحك ديالاش .. هاد الضحك ديال دوزو لييييييلة كحلة .... ورجعات معاهم بالضحك .... كيشوف فيهم وكل مرة يحمد الله على ولاد عمامو وعلى المحبة الصادقة لي جامعاهم .. وعلى الدم لي كيتدفق فعروقهم . مكيعرفوش يقولو شكرا لبعضياتهم ولكن النظرات لي كايشوف بيهم دابا كانو مترجمين كولشي .... ورجع تنهد و وقف ...
جود : وداك مروان فين هو شفتو معاكم فالفيديو ؟
سلطان : هذاك تاوصلنا باش غنرجعو بحالنا قالك هو يمشي يتكلف بكنازتو ويقولها لواليديه ..
جود تنهد ومشا بجهة الباب : نوضو تكعدو منهنا ... ( ضار شاف فيهم ) واكلين شي حاجة بعدا ولا والو ؟
سلطان : اودي شتي غير ملي نعسنا راه مزياااان ... كان فينا الخرا دنعاس ..
جود : نووضوو دوشو انصيفطليكم باش تقضيييو تااليييل ...
اياد : كيييبقيتي نتا بعدا ؟ ..
جود : ( تنهد ) صافااا صافا .. ماقلتوش ليا شكون جابكم؟
سلطان : فيصل لي قطع لينا ....
جود : مهم تكعدو راه واقيلة كولشي مجموع فالدار هاد الليلة ....
خلاهم وخرج مشا باتجاه الثلاجة حلها بانت ليه خاوية ونزل لتحت حل الباب كيقلب بعينيه تابان ليه السيد لي كيخلصو يعس على داك البلاصة ومشا باتجاهو
العساس : سي جود .... مشيت غا دغيا نتغدا جييت لقيت طموبيل ديالك ... والله الى جوج دقايق
جود : ماشي مشكل
العساس : راه ولاد عمامك لداخل ... راني ديت ليهم طموبيل اهيييه ورا لكاراج للضل .....
جود : شفتهم شفتهم .... غايجي واحد ليفروور لهنا غيجيب شي حوايج والماكلة دخلهم ليهم لداخل ( ضرب على كتفو ) صافي !
العساس : صافي هو هاداااك ...
خلاه ومشا لطموبيل وبدا يكوموندي ليهم سيرفيتات وشيتات دسنان وماكلة والما وهوما كل واحد قلب على البريز يشارجيو تيليفوناتهم لي طفاو ومزال حاسين براسهم محتاجين لنعاس باقي كل واحد فين مليوح شادين نوبة على دوش لي سبق ليه سلطان كيدوش ....
عند قسم
قسم : سلمى لاباس عليها ؟ بدات توجد لقراية راها قربات
اصيل : لا مغتقراش هاد العام ...
قسم : هاااء ؟؟؟ علااااش ؟؟؟
اصيل : وراه باينة علاش اقسم .. راه فات الكونكور ... انا فاش مشيت سجلتها لقيت فات عليها الكونكور و لقيت بلي الباكالوريا ديالها كاملة ماتت حيت فات عليها عامين .... غير واحد السيد تما معرفة ديالي لي توسط ليها باش نقيدها للعام الجاي وخلصت لي فري من دابا باش العام جاي دوز الكونكور ديريكت .... تقبلت هو هاداك ماتقبلت راه غايردو ليها لفلوس. ..
قسم : والباك ؟
اصيل : غادوزو هاد العام حر .... جبت ليها مقررات راها بدات البريباراسيون .. راها ملهية دابا ....
قسم : فففف انا نسيييت كاع الباك .. حيت نهار دفعات عندي المنحة هضرنا تا مرديتش البال كاع لباك ديالها فات عليه الحال ....
اصيل : ( كيهضر وعينيه فالمرايا كيشوف فداك طموبيل لي بناتليه فينما ضار كضور معاه ) انا مكنتش عارف صراحة اشمن كايطلبو بضبط .... مهم راه سميتها تما راها مقيدة تاخد باكالوريا ودوز كونكور ديريكت
قسم : غتكون دابا متحمسة .... باينة عليها كتموت على ااقراية .... وباينة فرحاااانة حيت خووها نعاونها ( شدات ليه دراعو ) ااااحسن مادرتي وغاااتكون فخور بها بزااااف ....( تكات راسها على كتفو و شافت للمراية وصغرات عينيها وشافت فيه ) اصييييل ماشي داك الفورد عيقات شوية ؟ راه ملي خرحنا لطريق .. تحركات مورانا ....
اصيل : ( كيشوف فالمرايا وكيشوف فطريق ) شفتها ...
قسم : منعرف جاني بحالا شي واحد كيعرفك لا ؟
اصيل : ( مصغر عيينو كيشوف ) مكنعرف حد عندو هاد طموبيل ....
قسم : ويمكن غير دايز وصااافيي ( جبدات تيليفونها كاتشوف فتيليفونها ) متسوقش ليه ..
اصيل : ( مزال عين فالمراياا وعين فطريق ) كيف دوزتي البارح فافران ... ؟
قسم : صاافاااا .... كان تما خويا وخطيبتو ... جدة ناض فيها السعر هنا مبغاتهمش يبقاو بوحدهم ومشينا عندهم
اصيل : مزياان ...
حساتو كيجاوب ومبرزط بحالا ماسمعهاش تابانليها ضار على الرومبوان ودخل فمنعطف اخر وهي تشوف لمراية بانليها تاداك طموبيل ضارت معاهم
قسم : هاء ؟؟؟؟ مال هذا ؟؟؟؟
اصيل بقا غير ساكت كيشوف فيه كانت طريق طويلة هو يزيد فسرعة وحس تاداك طموبيل بدات تتزيد تاهي فسرعة هو يتنهد ... كارز على الفولون كيتجنن حيت ميقدرش يشد ليمن يوقف يشوف اش بغا منو حيت معاه قسم ميقدرش يغااااامر بيها .....وهو يضور من جهة اخرى ورجع لطريق لي كان فيها فللول وبان ليه تاني تبعو فنفس الضورة
قسم : هذا والله تاتابعنا ( زاد معاها الزايد ) اويلي شكووووون هذا ؟؟؟؟ ( مصغرة عينيها فالمرايا ) لابس نضاضر لا ؟؟؟؟؟
اصيل بقى غير كيشوف قدامو تايفكر هو يدير سينيال ديال ليمن بحالا غيوقف وبدا يقلقل السرعة
قسم : اويلي غااااتوقف ؟؟؟؟؟؟ لا لا زيييييد
اصيل قلل السرعة باش يشوفو واش غيوقف موراه ولكن بان لييييه زاااد مشاااا واصيل وقف فجنب طريق فدخلة دكازا كيشوف فيه مشاااا وقسم متبعاه
قسم : هااااء ؟؟؟؟؟؟ ولكن را والله تاكان تابعنا ..طموبيلتو راه كانت فجنب طريق فاش نزلنا من ريسطو شفتها ...
اصيل : ( كيشوف قدامو ) ماعرفتوش انا .. ( عوج شفتو لجنب ) مفهمتش !!!
قسم : واش متأكد مكتعرف حد يقدر زعما يتبعك ولا شي حاجة
اصيل : ( فكر مطول وشاف فيها ) قسم .... حبيبتي غتسمحي ليا نخليو هاد الخرجة لمرة احرى .... ماعجبنيش هاد بنادم ونت مسؤوولية هازها معايا مانغامرش بيك ....
قسم : اصيل واش حماقتيني .. واش هاماني انا دابا الخرجة .... انا منمشيش ونخليك بوحدك
اصيل : ( جاتو الصخكة ) ههه اقسم ... اناا رااه منخافش بوحدي انا نخاف لاكنت نت معايا ... خليني نوصلك لداركم بعدا نحيد الهم ديالك ... ونشوف هاد خينا شكون هو ... لاكانت نيتو فشي حاجة راه دابا يرجع ....
قسم : لا لا لا لا هي لي متكونش ( شدات يدو ) انا مغادا فين خليني معاك ....اويلي والا كان شي قتال ولا شي حاجة
اصيل : قتال كاااااع !!! ههههه ( ربل ليها شعرها ) خرج عليك نتفلكس ... هدا عندك واحد من جوج .. يا شي صحافي رد ليك البال معايا ... يا شي واحد حاضي ريسطو حيت باقي مكملت الخلاص ....
قسم : منعرف ... مهم خليني معاك
اصيل : لا هاد المرة انا غنجري عليك ههه .. ( ديمارا ماشي بجهة منطقتهم ) منقدرش نخليك معايا وانا حاس بشي حاجة ماهياش .. سيري نعرفك فداركم ... وداك ساع غنعرف نتكلف ....( شد يدها عندو باسها ) ومتساافرييييش بعيييد بدوك الافكار .... خلي النتفلكس فجيه وحطي الواقع فجيه ....
قسم : لاااا .. تخلعت والله ... مايعطينيش خاطري
اصيل : واشنو المعمول ( شاف فيها ) راه مغنخليكش معااياا دابا .....
قسم : اوا نمشي لدار باش نبقى انا هازة الهم كنتسنى كيلهبيلة ...
اصيل : اشمن هم اقسم يهديك الله .... واش عايشين فالميريكان ههه ... ( شاف فيها مغتقتنعش وقلبات راسها غضبانة ) هاانتي ندير معاك حل زوين ... غنطلق ليك لابيييل الالة تا نرجع لدار ... صافي ؟
قسم : ( شافت فيه ) ومااتقطعش كاااع؟؟؟؟... تخليني هاكا كنسمع لاتوقع شي حاجة ...
اصيل : والله منقطع صافي ..
قسم : ( هبطات شفايفها ) ماااعنديش الكيييت ماهازاهمش
اصيل : حلي داك البوش اتلقاي تما شي وحدين ...
قسم : ( حلات البوش وهي تلقى وحدين كحلين هزاتهم ) شحال بيني وبينهم
اصيل : شوفي واش يخدمو ليك ... هانتي درتي لينا تمارة ...
قسم : ماشي سوقي .. يا نديك فوذني يا نبقى معاك
اصيل : ديني غير فوودنك وبعدي مني ....
قسم (ميقات فيه) : مشواااقة فيك .... (ركباتهم فتيليفونها وطلقات فيديو وشافت فيه ) لا لا كنسمع بيهم مزيان .. صافي
اصيل تبسم ليها وعقلو باقي هايم كيفكر ...
شكون غيتبعو بداك طريقة واش باغي ... وكايربطو مع داك الولد لي شافو فالريسطو وكيربطو مع كاع اللقطات لي حس فيهم شي حد تابعو ومابغاش يبين حداها تاوصلو قدام المنطقة
اصيل : مابعيداش داركم بزاف ؟؟؟؟
قسم : ( تنهدات كتحيد حزام السلامة ) وهي بعيدة ولكن نديرو شوية دلامارش ماشي مشكل ...
اصيل : ( حيد تيليفون ) غادخلي لداركم حاولي مادويش باش منخلق شي مشكل مع باباك ولا خوك ...
قسم : انا خلليك غير فوذني نسمعك نتا اش واقع عندك اسيدي مندويش
اصيل : غيتفركعو القنابل
قسم : ( شافت فيه ) شوووف دابا على الهضرة شووووووف .. واش ماشفتيش تابعك
اصيل : واخا تابعني ياك غا راجل بحالي بحالو اش غايدير ليا
قسم : والا كان مسلح
اصيل : ههههه راه قلت ليك خرجات عليك نتفلكس ( بدا يصوني ليها ) هاهو كيصوني
قسم : ( جاوباتو دارت الكيت فودنيها ) داااباااا مزيان ( تسمعات كلها فطموبيل )
اصيل : ( نقص ليها الصوت باش يقدر يسمعها هي ) يلاااه نزلي عليا ...
قسم : اهاه جري عليا جري ...
اصيل : ( جبدها من يديها قرب شفايفها لعندو بااااسهم وشاف فيها ) كنت بغيت ندوز معاك نهار واخا عندي فيه مايدار ... ولكن ماكتابش ..... نخليوه تاترجعي من السفر ..
قسم : ماشي مشكل .. انا براسي ضيع ليا داك خينا المورال ... شوف رجع لداااارر مادير والو
اصيل : واخا غنمشي نسد عليا ونعس باش خينا يبقى على خاطرو
قسم : اصييييييل
اصيل : ياك طلقت ليك لابيل واااهنييينا .. ( قرب عندها ) زيديني بوسة اخرى عاد سيري .. ماشبعتش ديييييلمك ..... ( جبدها من حنكها لعنظو تااعوج فمها مجنن عليها ) ماللللك حلوة هاكااا مااااااالك
قسم : عهههه طلق غيشوفنا شي واحد .... ( كتشوف من زاج )
اصيل : هههه سيري يلااااه .... طموبيلتك تالعشية وغانجيبها ليك لهنا وخرجي عندها ....
قسم : نو بلا ماتعذب غا خليها تما تالغدا واجي نتا جيبني من هنا
اصيل : غذا عندي صيادة ياهاد البنت خليني نجيبليك طموبيلتك غيسولوك عليها
قسم : نوو مغيعرفونيش شنو حركت ... صافي خليها تما بلا متعدب ... ( حلات لباب ) سلم على سلمى ...
اصيل : ( كايشوف فيها نازلة ) سيري تنعسي شوية راه كنشوف عينيك كيييدارين ....
قسم : وي داكشي لي غاندير مكاين مايدار اصلا هاد نهار .... ( شدات لباب وبدات تخشي تيليفونها فسروال مخلية غير الكيت فوذنيها ) بسلاااامة .... رررد باااالك وياااااك تمشي تنزززل عندو
اصيل : ( جهد عليها من طموبيل يسمع اش كتقول ) وصافي هضضرنا ... راه شفتيه مشا فحالو ..
قسم : ( غادية جهة الدخلة ظالمنطققة والكارد بداو يحلو البيبان ) ناري ويقولك عععقللببك تمشي تقطع لاببيييل والله تانرجع موراك فينما كنتي
اصيل : ههههه .... قسام ..
قسم : ( ضارت عندو كتشوف فيه من بعيد ) شنو
اصيل : ( بحب كيشوف فيها ) كنبغيك .....
قسم بدات غير كترمش وهي كاتشوف فيه وهو راجع مارشايار مبتسم ... حسات بجسمها كولو سسسخن وقلبها بدا يضرب بجهدد .. ووخز خفيف كتحسو كيسري فمعدتها وبطنها وبتلقائية دارت يديها فوق قلبها .. بدون شششعور قالت بحالا كتشكا من شنو دار فيها بهاد الكلمة الصغيرة بهمس ....
قسم : ووولد لذييييينة
تاسمعاتو فوذنيها وهو زايد فالطريق ...
اصيل : راني باقي كنسمعك ....
قسم عضات على شفتها وبدات تنقز فبلاصتها ملي شافتو مشا عاد قدرات تعبر على فرررحتها كيف الحمقة ..... كلمة وحدة قدرات تردها لسن المراهقة لي معاشتووش وعيشاتو ليها من جديد فلحظة .... غمضات على عينيها وزادت غادا فرحااانة والكارد كيعطيوها السلام وهي كتجاوب غير براسها
قسم : مممم .. زعما شنو كان غيوقع كون قلتيها ليا ملي كنا فطموبيل
اصيل : هه ! كانو غيوقعو شي حوايج مغيعجبوكش ..
قسم : وشكون قالها ليك !!! ...
اصيل : حيت انا لي عارفهم ....
بدات كضحك وزادت فطريق وجبدات من جيبها لور التيليفون دالخدمة وبدات تصوني على الشيفور يتلاقاها بطموبيل لانه المسافة بين مدخل المنطقة والدار كانت 15 كلمتر .. وصعيب عليها تتمشااها كاملة ... تلاقاها الشيفووور بطموبيل حل ليها الباب لور وركبات وزادت .... طريق كاملة وهي شاداها هضرة وضحك مع اصيل لي كيبغي غير ينزل يقضي شغالو مكتخليهش تايديها معاه .. معرفاتش علاش حاسة بهاد الخوف كامل عليه .... كتحس براسها من بعد هاد السنين كاملة لي لقاتو فيها متقدرش تتخيل فراقو ولو للحظة .. الشخص لي قادر فثانية وحدة يقلبها من انثى للطفلة ومن طفلة لانثى .....
وصلات الطموبيل للباركينغ دالقصر ونزلات قسم وهي غير ساكتة كتسمع هضرتو مع السيد لي تلاقاه وداير ليها خاطرها مخليلها تيليفون شاعل الشي اللي كيخليها متوقفش على الابتسامة حيت ماخسرش ليها خاطرها ....
الساعة كانت كتشير للسابعة ونص وهي داخلة لدار والجو كان قريب الغروب .... يلاه داخلة هي تسمع الهضرة فالصالون ومشات باتجاهها لقات رقية واريج ولامار وقدس جالسات .... لامار غير شافتها وقفات وقسم مشات عندهااااا
قسم : تووووحشتك .....
لانار : ( كتعنقها ) تانا احبيبتي ..... تعطلتي ؟؟؟
قسم : واهانا جييييت ... ( شافت فقدس لي وقفات تاهي عنقاتها ) اش هادشي سمعت مممم!!!!! شي ناس بداو السبور مع الكوتش البارح ( شداتها من يديها كتشوف معاها ) اووو شحااال ضعااافيتي ..صافي باراكاو عليها .. ضعاااافت ...
قدس : ههههه كطنزززي عليا .. راه باقي ليك شوية وتولي بحالي .... ( ضرباتها لكتفها بنظرة شريييرة ) فيييييين كنتي
قسم : راااك تاديري ( ضرباتها لنيفها ) غيييير ماغيرجع ليك ....
تخطاتها ومشات سلمات على اريج ...
قسم : ااااي شكون غيسخى بيك تمشي تااااني .. ( جلسات حداها ) قربتو ياك ؟
اريج : سيمانة جاية احبيبتي غنمشيو .....
قسم : ففففف .. مغنشوفكمش ؟
اريج : فوقاش فواياج ديالك
قسم : نورمالمون كان غدا ... صونات ليا صفاء البارح وقالت ليا بابا أجلو ليا ثلثيام تاني .. شافني يمكن مزال مرتاحيت مور مرض جود .... غانجي لقاكم مشيتو
لامار : ودارها مزيانة يلاه ترتاحي ....
قسم : ماما فيا الموت دجوع .. راه من الفطور ماكليت .... قوليلهم يطلعو ليا شي حاجة ( وقفات ) غانطلع نبدل عليا باقا بحوايج البارح ....
لامار : شنو بغيتي , شي حاجة خفيفة ؟
قسم : كيفما كااااانت .. ( مشات طالعة )
رقية : اااجي تي بعدا لهنا اااااجي ..
قسم : ( ضارت براسها راجعة ) شنو اجدة ؟؟؟
رقية : فييين كونتي ؟ جابتنا من يييفرن كنطيييروو بحالا تابعيينها الببكر تعلفيييهم .... لاحتنا كي المعيييز هااااو ضورات الطااااموبيل ، انا قلت غاااا عيانة جايا لدارهم ترتاح ... ساعة جيت مالقيتكشاي .... فاين مشيتي هاكاك طايرة ؟؟؟؟؟
قدس : ( شادة تيليفونها كضحك ) جات نوبتك هههههه
اريج : يهديك الله الحاجة البنت راه عندها شغالها حسابتك مسالية بحالنا ... هادي راه معندهاش تافين تحك راسها مسكينة
رقية : لاااااا يااااه ... هادو ماشي حوايج الخدمة .. زايدون باباها لي الله يخليه ليها لبارح سمعتو بوذني قاليها مكاين موشكيل ...
قسم : اجدة واش ساليتي من جود و بنتيليك انا ثاني فالبلان ! .... راه كنت مشغولة وصافي
رقية : ( شافت فلامار ) تي وااااش غا حالة فمك ولي جا يديرها بيك .... علياا بلييييمين ( ضربت فطبلة ) نننببصم عليها ... تا الصكعة طايحة مع شي واحد ( قسم وسعات عينيها )
اريح : اوا مسعددداااتنا ... هداك هوووو النهار الكبيير لي تلقى فيه قسم شي واااحد لي يجي على كانتها ... . نزغرت ونعااااااود ......
لامار : هههه .. وياك نت العام لي يجي كتقولي ليها فوقاش تزوجي .. قراناتك تزوجو ونتي لا ... ودابا مالكي ؟؟؟؟
رقية : اواااا نعرفوووه .. نعرفو اصلو وفصلو .. ومنين واشنو كيديير ..ومو وبااه .. نشوفو عائلتوووو واش همة وشااااان ... نشوووفوو معامن غاطيييح ببببنتنا .. مالها شايطة علينااو ؟
قسم : ( ضارت كاملة ومشات قربات عندها ناسية كاع واش اصيل فوذنيها ) اااهاه .. وفاش تاتهم عائلتو ؟؟؟ مالي غاندي عائلتو انا ؟؟؟؟؟؟ ...
اصيل كان كيدوي مع المحامي ديال العائلة ل كيشري عليهم الريسطو تابدا يتسلل ليه الحديث لي خلاه يفقد التركيز فالهضرة مع المحامي لي كان معاه فقهوة ...
رقية : لا ياه ... منين داك الجدع من داك الشجرة .. يااااا والله ومكانت الشششجرة مفرررعة وجدورها مغروسين و فروعها نااازلين وزريييعة كاينة .....لاا عمر ليا العيييين
لامار : هااااء ؟؟؟؟ ... على اسد نهار جا يخطبني اشمن شجرة كانت عندو ؟ ماكنتيش كطيري وتنزلي عليه؟؟؟؟
رقية : نسييبي كان هوو الشششجرة .. نسيبي كاااان بررزززقو .... ( شافت فقسم ) انا هادي نحلف عليها بلييييمين تاطايحة ليا مع شي مزلووووط ...
اصيل علا حجبانو فداك السيد بحالا هو لي دوا معاه .... وهاداك السيد مافهم والو علاش ملامحو تقلبو .. بقا غير كيرمش بعينيه وحاجبو طلع ...
قسم : منين كتجيبي هاد الهضرة !!!!!!
رقية : اوا كذبي جداتك ..... ( شافت فلامار و اريج ) غاا البارح شكككيت فيها .. هضرت ليهم هي وبنت عمها على الاقتصاد لاطاحو فالراجل مافحالوشاي هااااو قلشات ودنيها .... ياااا ونننبصم علييييها تاطاايحة مع شي واااحد غرررها غاا بزيييين وجيابو خاوين ....
لامار : اوا ومنبعد ؟ ياك بغاتو ؟ بغاها .... الله يكمل بالخير
رقية : اييييييه .. هاهوما تبااغااااو .. اوا ... والمااكلة .. شغايااكلوو؟ البغو ؟؟؟؟
لامار : هاداك سوووقهم ...
رقية : ياانوضي يالمنونخة .. باها وعمامها همة وشان تنوض تجييب ليهم عريس يحشم ؟؟؟؟؟
لامار : ولاااااوااه اماما لاااواااه
قسم : جدة ؟ اش كتخربقي دابا اش كتخربقي ؟؟؟؟
قدس : هه ! اول مرة نعرف جدة مادية ههههه
رقية : جداااك حقااانية معندهاشاي مع التخربيق ... عزيز عليييها الهههمة ورجال يحمرو الوجه ....
اريج : ومالك دابا نت عرفتيها هادا لي غاطيح فيه كيداير ؟ زايدون كاين شي واحد مغيقدش عليها غيجي عندها ؟ لي غايجي عندها راه قاد عليها ....
رقية : واش هي كاتصررف گيمة بارطممماااا غا فداك نوااضر لي فعينيها تقوليلي اناااا البغو ؟
قسم : ( حسات براسها تنيرفات وقدس لاحظاتها ) جدة حسابتني كضحكي .. ولاكن كيبان ليا كتهضري بصح وهضرتك راه معجباتنييش .....
لامار : ( غمرتها تبرد حيت بانتليها زعفات ) ققسم ....
قدس : جدة غااا تاضضحك مادييش عليها .. ( تقلبات عندها كتقلب لموضوع ) عاودي ليا اجدة كيدوزتو النهار فافرااااان ..
رقية : ( كتشوف فقسم ) ماالكي نت كتحمري فيا !
قسم قربات واريج وسعات عينيها ولامار شدات فقدس وقسم تحنات لمستوى رقية وحطات يديها على طبلة محنية ....
قسم : هذا لي غانديه انا .. ولي غاانختاارو انا .. مغنتسناهش يعمر ليك العين نت ولا للناس .. غانديه حيت عمر ليا العيييين انا ... وحيت مقتنعة بيه اناااا ... وبابا عمروووو مغيحشم بيه واحد ختاريتو .. انااااا ... و نت جدة ... فوق راسي وعيييينيا ... ولكن تدخلي فهاد الامور لي كتخصني .. اناااااا ..... لا .... ( وقفات )
خلاتها ومشاات ورقية بقات غير كتشوف .. حيت كتكون ديما ضريفة ولكن ملي كتعلي حجبانها كتبرد ليهم الما فركااابي وكتقلب دغيا لنسخة اسد المصغرة ورقية شاافت فلامار .....
لامار : وااانت جبدتيها
اريج : ودابا هاديك هضرة الحاجة .. كيفاش نسيب يحشم .... حشوماااا هاد الهضرة تقال ..
رقية : مالي قلت شي عييييب ؟؟؟؟؟ على باها غيقبل ليها بشي مزلوط ؟؟؟
لامار : وفييين شفتي نتي باها .... وعلاش لي ميقبللش عليه ؟ مالي انا اش كنت فمملك الله .. اش كنا حناا ؟؟؟
رقية : تي مرا .. هو راا رااجل ... نت هو لي صرف عليك .. هاداك لي غاتجيب قسم هي لي غتصرف عليه ؟؟؟؟
لامار : ونتي فييين عرفتيه كاع تاتقولي عليه هاد الهضرة .... هاهو ووولدي كاااع انا وملي جلست معاه وتناقشششنا و يلاه تاهو غايبدا من زييرو وتاهووو راس مالو قليييل ومعندوش حيث فلوس باه هاديك ماشي فلوسو ... صافي تاولدي مامناسبش يدي بيلسان حيت باها لباس عليه ؟؟؟؟؟ ماما واش كتفكري من شي بلاصة اخرى ...
اريج : ودابا صاافي برددو .. بررردو ... هاد الراجل ماجاش كاع ونتوما منوضين عليه روينة ... تااايبان ويكون خير ....
قدس : وفي حااالة ما بااان .. وكان فعلا مافحالوش .. عنداك اجدة مزال تعاودي هاد الضهرة حيت كتجرح شوية ..
رقية : ( هزات كاس داتاي ديالها كان على طبلة وربعات يديها وجغمات منو ) هاا رقية سااااااااكتة ..... ارا معندكم اسيدي ..... ضضضرتو عليا كي الضبوعا متبغييوش بنادم يكون حقاااني .... عزيز عليكم زواق وهضرة البغو .... واااها البغوووو ، كووولوه .....
مشات قسم طالعة فدروج طالع ليها الخز من هاد الهضرة لي مكانتش متوقعاها ااابداااا وكتخيل لو سمعها اصيل .... حتى كتوقف فنص درجة وقلبها بغا يسكت ملي تفكرات الكيت فوذنيها .. بدات كتهز يديها ببببشوية مشات لودنها وهي تحل فمها وشهقات فاش قاست لكيت ... بقات شحال ساكتة كتستوعب ولكن مكانت كتسمع واااالو وهزات تيليفونها بزربة بانتليها لابيل قطعات ... وطلعات كتجري فدروووج كتتتلعن فزهههرهاااا لي مكيكملش ليها الفرحة حتى سااااعة دالمكانة .....
اصيل كان ماقداش يوفق بين حديث المحامي وشنو كيتسمع ليه فوذنو ... لدرجة ركز معاه كامل حتى ولا كايحس بداك الهضرة كذبحو من لداخل ... فلخر قطع هاديك لابيل مابقاش قادر يسمع مزال من اخر حاجة قالتها قسسسم وكيفاش زعفات عليها .... واستأذن من المحامي لي مفهموش علاش تبدل وهز سوارتو وخرج .... غير وصل لطموبيلتو .. يلاه حل الباب يركب هو يضربها تاتزدحااات وبقا شاد بيديه على طموبيل محني عليها كيشوف لتحت كيتنننفس ..... اصلا هادي الحقييقة لي عيات كتزوقها ليه وتبعها تاهو فهبالها .... مكايناش شي حقيقة اخرى من غير هااادي والمرا ماقالت حتى عيييييب .. وهادي هي الهضرة لي غيفيق بيها وينعس بيها لادخل وسط هاد العائلة واخا منعرف اش يدير ... ولي ماقالهاش غايكون غير شفق عليه .....
علا راسو لفوق كيتننفس ولي داز حداه كيشوف فيه شحال كيبان علييييه معصب .... رد البال الى راه فمكان عمومي هو يركب فطموبيل وديمارا وزاد محااملش رااااسو كيشوف جيهة الفيتاس , بانتليه كتصوني قطع تيليفون بعصبية ولاحو على لكرسي ....ماحاسش براسو كاع اش كيدير طريق كلها هو تيضرب فالفولووون تادار وواحد الفراااااان قوووووي ووقف كيشهق ملي حس براسو كان على شوووووية غيضرب واحد السيد قاطع طريق ... وقف كينهج وغطس راسو فالفولون شاد عليه .....
اما قسم كانت كتمشي وتجي فالبيت كتحاول تصوني كيعطيها طافي ولاحتو على السرير معصبة ....
قسم : اووووف على زززززززهر ...
باقا كتمشي وتجي وترد فشعرها لور وهي تسمع دقة فالباب ..شافت جيهتها وهي تبان ليها تحلات وطلات عليها لامار
لامار : نقدر ندخل ؟
قسم : ( تنهدات وحاولات تبتاسم واشارت بالايجاب ) دخلي اماما دخلي .....
دخلات لامار لي كتشوف معاها ولي ملي شافتها طلعات هاكاك عرفاتها غاتكون معصبة ومشات جلسات على الفوطوي وقسم تبعاتها بعينيها ولامار اشارت ليها تجي تجلس حداها
قسم : ماما ... الا غتقولي علاش زعفتي على جداتك .. كنعتذررر .. ماقدرتش ..تعصبت .. ووو ... ففففف ( كضور وترد فشعرها لور متوترة )
لامار : اااه غنقولها .. وهاد الاعتذار غتعتاذريه ليها ماشي ليا .. ولكن ماشي هادشي علاش طلعت عندك .. اجي هنا
قسم : ( تنهدات ومشات جلسات حداها ) هانا اماما .. هااانا
لامار : ملي نتي مقتانعة بهاد السيد .... علاش تعصبتي ؟
قسن : ماما ... ( بعصبية كثر ) كيييفاش منتععصببش ؟ واش سمعيتها كيفاش كانت كتهضر وعلى عععقلية .. ماما عارفاني شحال كاايعصبوني هاد العقليات .... ملي قالت دابا هاكا .. فاش غيجي اصيل اش غتقوليه ؟ ها ؟ غتسولو على عائلتو .. على الفلوس .. غاااتحرجو اماما ... اااه جداتي فوق راسي .. ولكن تاولد الناس اماما راه بقيمتو تاهو ... وراه ختاريتو باش نكمل معاه حياااتي .....
لامار : واش انا قلت ليك مادافعيش عليه ؟ انا قلت ليك ماعندك علاش تعصبي مدامك نت مقتنعة بيه .. ماما مغنخليوهاش تدوي وغاانوصيوها وغاتسكت .. ولكن الناس راه عمرها غاتسكت ابنتي وهاد العقلية د ماما راه منها عدااااد .... يعني ابنتي مدام نتي قبلتي بهاد الخطوة وهو قبل .... هادشي مخصوش يعصبكم ... او لا ؟
قسم : لا امااما .. كاااايعصب
لامار : ( شدات يديها ) بنتي .... انا ... لي كيعيطو ليا دابا .. مدااام الاسماعيلللي .. من صغري ومنهار وتزوجت بااباك .. وانا كنلقى غير الاحتراااام فوجهي .. مدام الاسمااعيلي جات مدام الاسمااعيلي مشات ... لدرجة عمر شي واحد ماعيط ليا بسميتي انا ... ولكن ابنتي غير كنعطي بظهري ... كنبدا نسمع .... شوووفي ناس لي عنهم الزهر ... جابها غير من درررب ... شووووفي لي كيعرفو يطيحو على رجاااال ... ومكنتش كنتسوق .. اه هي فعلا كنت شوية كنتصعب فلول .. ولكن منبعد مكنتش كنتسوق .. حيت انا هادشي كنت متوقعاااه وعارفة راسي غنعيشو .. وحيت انا عارفة راسي شنو كنعني عند بااباك .... كان كيهمني باباك كيفاش كايشوفني مكانش كيهمني المجتمع كيفاش كيشووووفني ..... عقلية الناس مغنقدروش نبدلوها ... ولكن عقليتيك نت .. خاصها تبدل .. وخاصك ماتبقايش تعصبي على ود هادشي حيت مزال غتشوفيهم ومغنقدروش نسكتو كاااااع الفام ..... والا تعصبتي ابنتي نت ملي تقال هاد الهضرة قدامو ... هادشي غيزيييد يجرحو ... ولكن كل مابينتي انك نتي مامسوقااااش .. تاهو مغيتسوقش حيت كتهميه نت .... حيت انا نهار كنت كنسمع داك الهضرة فضهري .... مكنتش كنتسوق حيت عاارفة اسد مكتعصبووووش .. انا كون عرفت اسد غاتكون كتعصبو .... كنت غاااانتجرح ديال بصح حيت اسد كيتسوق للمجتمع ومكيتسوقش ليا ..... راه اكبر. واحد غايجرحو هو نتي الى تعصبتي ، كتر من هاداك لي دوا ..... فهمتيني اقسم ياك ؟
قسم تنهدات ونزلات راسها وهضرة ماماها كاتحسها بحال شي بلسسسم هااادئ نزل عليها وعلات راسها فيها ودموع فعينيها
قسم : كان كيمسع اماما
لامار : ( علات حجبانها ) كييييفاش ؟؟؟؟
قسم : فففففف ( ردات شعرها لور ) م .. موهيم .... ملي كنا ... ملي كنا بجوج واحد طموبيل كانت تابعاه ( لامار زادت علات حجبانها ) ماعرفناش شكون ولكن شكينا فالصحافة ..... وقف باش يعرف ولكن داك الطموبيل تخطاتنا ومشات .. وهو قاليا ويوصلني لدار ومانكملوش الخرجة حيت خاف وانا معاه .... وانا مقدرتش نخليه بوحدو حيت بصح تخلعت اماما .. قتليه بقا معاياا فلابيل نسمع شنو عندك ....
لامار : كيفاش طموبيل ؟؟؟؟؟؟ ( بخلعة ) شكون كان تابعكم اقسم ؟؟؟؟ هادشي خوصو يتقال لباااااك
قسم : لااااا .. يعرفني تلاقيتو يززعف ثاااني .. لا اماما ... تا الا تعاودات نقولها ليه .... مهم راه قبيلة كان فوذني ملي كانت كتهضر جدة .....
لامار : ( بعصبية ) اوا داااك السااع ققققطعي ملي شفتيها كتهضر واش تكككلختي ولا مالك
قسم : ونسسيت والله تاانسيت راه فوووذني كااااااع .. تاطلعت عاد تفكككرت ولقيتو قققطع .. ( وقفات كتمشي وتجي وفيها البكية ) غاايكوون تجرح انا عارفااااه كيدااير فففففففف .. اجااااا تاني مايردو لاطريق
لامار : واااسسرك .. سرررك نت دااخلة وسط عائلتك و طالقة لابيييييل
قسم : والله تانسييت ...انا اصلا كنت طاالعة فحالي حيث عارفاه فوذني ... ووولكن ملي هضرات هاكاك نسااااتني كاااع وهو كان كيهضر مع شي واحد اخر نقصت ليه الفوليم حتى نسيييييتو واش فوذني .....
لامار : ( تنهدات وتكات راسها لور ) كاديري غير المصااايب اقسم .... جداك كتعرفيها حال وعقل هاهو غياخد عليها شي نظرة فششششكل دابا ....
قسم : ( شافت فيها ) حتى يجاوبني بعدا ولا يرجع معااياا .. واش انا قنعتو غااااابزز ... وداباا ملي سمع هاد الهضرة والله لااااااارجع ليا ....
لامار : سيييري رغبييييه ... سيييري دي السكاااار نتي تاني ....طيحي ليه عند رجليه .....تخربيق ... يرجع ولا لهلا يرجعها لبوه ( جراتها من يديها نزلاتها جلساتها حداها ) شوفي عندي .... هاد الهضرة هي لي غتسمعو ... وهادشي خاصكم تستعدو ليه والى كان هو بعقلو هادشي ماخصووش يأثر عليه وهاديك مراة كبيرة .... ( قسم بداو كيهبطو دموعها وبدات تمسح ليها ) بناااقص كاع الى كان كل مرة غيبقى خاااالعك بحال هاكاااا غا بناقص... اش غاديري ابنتي مع واحد ديما شاكة فيه غيمشي ويخليك
قسم : ماما راه علاقتنا بااقااا متوترة ... باقي هو مخلووووع من الطبقة ديالي انا ...... وباقي مامقتنعش بيها وكنحس بيه داير جهدو غير حيت باغيني ....
لامار : والا كان باغيك غايزيد يدير جهدو .....
قسم : ( تنهدات ونزلات راسها شداتو بيديها ولامار طلعات ليها راسها تاني ) والله تااحرااام هادشي والله تاحرااام
لامار : ( كتشوف معاها ) وصااااااافي .. متنزليش عليا الضيم تانا
قسم : ماما ... ( عنقاتها كتبكي ) ق قبيلة ..... قبيلة اول مرة ..... غيقوليا .. بلي ... كااايبغيييييني .. ماما فررررحتي ماكملااااااتش
لامار : ( تنهدات وكطبطب ليها على ظهرها ) والا كان كيبغيك بصح مغيمشيش ويخليك ...
قسم : ( شافت فيها كتمسح دموعها وتشمر ) اصيل اماما راه كرامتو كبر من كولشي .. كبر مني تا انااااا ...
لامار : ( كتمسح ليها دموع وتقاد ليها شعرها ) خليه ليوم يبرد .. حيت لاكان سمع داكشي غيكون تعصب .... وغذا هضرو .... وقادو هادشي وقوليليه جدة غير كاتهضر ماقاصداش ..... والا شافتو جداك غيعجبها انا متأكدة ... كيفما عجبني وعجب لباباك .. جداك كتهضر حيت معارفاش الا باباك عاجبو .... هي هضرات اون جينيغال على شي واحد مكااينش .. هي معارفاش بلي كاين هاد الولد .. حاولي تشرحي ليه باللتي هي احسن ....
قسم : فففف . .صعيب اماما .. والله ... هو كان خايف من هادشي .. وانا قنعتو فاش قلت ليه بلي بابا باغيه وحتى نتي وهضرات معاه ديجا قدس .... يعني ... يعني بديت كندخل ليه فكرة انه مكاين تاواحد فعائلتي لي غيعلق ليه على الطبقة ديالو وعلى عائلتو .... وتاني دابا راب ليا كولشي
لامار. ( هي كتشرح ليها ولامار بقات كتشوف شحال لجنب ورجعات شافت فيها ) نتي فوقاش عندك الفواياج ؟
قسم : قالت ليا صفاء من هنا ثلثيام .....
لامار : امممم ... ( كتفكر )
قسم : شنو ؟
لامار : اش بانليك ..... ( شافت فيها نيشان بجدية ) يمشي معاك
قسم : شنوووو ؟؟؟؟
لامار : ااه .. يمشي معاك ... هو خالعو المجتمع ديالك ؟ خليه يجربو .... خالعو حيت مزال مكيعرفوش .... والى جربو .. وشافو عن قرب .... يمكن مغيبقاش كيخلعو ..... اما تاباش نقوليك جيبيه لعندنا .. هادشي ميمكنش دابا وباباك هضرت انا وياه قبيلة وفهمت بلي مخاصنيش نبقى نضغط كتر عليك باش يجي لدار .... نخاف يمشي يكلف على راسو بزاااف ويدير شي حاجة ضرو ( بدات كتفكر بلي اسد وصاها ماتقول لقسم والو على الكومبات ديالو حيت تقدر تكون مافخبارهاش ) داكشي علاش ... يمشي معاك لايطاليا ..... نت اصلا مااغتنزليش من لباطو دونك مغيحتاجش الفييزا .. خليه يشوفك حتى نت .. فالمجال ديااك ..... يشوف قسم الاسماعيلي .. ماشي قسم لي كيعرف ... وتما .. يقدر يقرر .. واش قادر ... ولا لا ......
قسم بقات غير ساكتة كتشوف فالارض ورجعات شافت فيها
قسم : منظنش يبغي
لامار : الا باغي يزيد القدام .... والا باغيك .... خاصو يبغي .. وخاصو يدير جميع الحلول لي تسهل ليه الطريق معاك ..... خاصو يشوف مجتمعك حتى نت .. ويشوف واش قادر عليه ولا لا واش غيقدر يولفو ولا لا ....واش كيف كيتخيلو ولا لا .... داك الساعة ..... عاااد يقرر ... حيت كاين امور كبر من هضرة ماما اقسم ... كاين مجتمع على قدو .......
تنهدات ووقفات وقسم كتشوف فالارض
لامار : ضوريها فعقلك وقتارحيها عليه ...... خلي الكرة فملعبو .... يضحي تاهو شوية متبقايش غير نت لي كتقلبي كيفاش تقنعيه .....
خلاتها ومشات باتجاه الباب حلاتها وضارت بعينيها شافت فيها بانت ليها منزلة راسها كتفكر .. تبسمات وهي كتشوف فدرجة الحب لي طايحة فيها قسم لي عجباتها فنفس الوقت خلعاتها ... وسدات الباب ومشات .......
قسم بقات جالسة فبلاصتها كتفكر مصغرة عينيها تاشوية بدات تشقق ابتسامة على شفايفها وهي كضور الفكرة دماماها فراسها من كل جوايه ...... يالاه كتكتاشف الفكرة شحال مناااااسبة !!!!!! عضات على شفتها تخيلاتو معاها فالباطو .... وسط مجتمعها هي .... وسط عااالمها هي .... هي شافت العالم ديالو ... ولكن هو مزال .... وكيف قالت لامار ... يجي لدار باقي معطل .... ولكن العالم ديالها يقدر يشوفوووو ..... وداك ساع عاد يمكن يرررتاح ..... وعاد توسعات ابتسامة لي رجعات بعثات فيها الامل من جديد وناضت بزربة لدوش ......
التاسعة ليلا ...
بدا الصالون كيعمر وكل مرة شكون يجي ... جا فلول اسد وطلع يبدل ... تبعاتو حياة و آية .... و تبعاتهم رتاج و أنس ... عااد دخلو سفيان ويونس وعدنان لي دازو ديريكت للمكتب مخليينهم يهضرو فخاطرهم ... من غير قدس لي كتسمع للحديث لي ضاير دابا وخاشية وجهها فتيليفون دايرة راسها راه مكيهمهاش ...
لامار : انا هاد الليلة نهضر معاه يردهم ... ولا نمشي غدا برجلي.
رتاج : جاوبني قبيلة قاليا جوج كلماات بالحساب .. قاليا راني بيخير ....وقطع عليا ماخلاني تانكمل هضرتي
حياة : ونت بعدا جاوبك انا خلا ليا ميييساااج ..
اريج : راه غادايرين عليكم فيها مقلقين زعما .... واش اسد غيجلس لا سمعهم فشي مشكل ؟؟؟ ... راه باينة شادين شي اوطيل عاطيينها لنعاس
حياة : داكشي لي قلت تانا .. زعما باواتهم مغيخليوهمش فالخطر ..انا غاملي سمعت بلي حيدو ليهم فلوس لي تزاد معايا زايد
اريج : وباااااااز ....انا والله الا كنعطيكم باز لي هازين لهم لحلالف قدهم ؟ اويلي هزو لهم لراسكم ياهاد المنونخات .. نهز الهم انا لاياد كتافو يديرو مني ربعة ؟ نهز لهم انا لوحدين من نهار تزادو وابليس جالس بلا خدمة ؟؟؟؟ هااادوك انا راه نخاف على فرانسا منهم ....
حياة : يا ختي باز ليك نت على هاد لقلب وما قاسح
اريج : انا اختي خفت عليهم ملي كانت عندهم عام .. ملي كانت عندهم عامين .. ملي كانو يلاه كيتمشاو .. عنداك يطيحو .. عنداك ياكلو شي حاجة ماهياش .... اما ملي فاتو باهم فطول اش نخاف ( شافت فرتاج ) دابا داخلنا عليك بالله واش لوؤي يخافو عليه ؟؟؟؟؟ واش نتي حمقة ... ( شافت فحياة ) ولا نت .. سلطان هااداك يخافو عليه ؟؟؟ واش نسيتو ولادكم راهم بلحيتهم ولا نفكركم ؟؟؟؟
رتاج : وحناا ماقلناش خايفين عليهم يقطعو الطريق .. حنا جاتنا فشكل قطعو عليهم الما والضو اصاحبتي ... لاكارط حبسوها عليهم .. غيموتو غابجوع ....
رقية : ( حطات تسبيحها وشافت فيهم ) والله مكتعجبني فيكم غاااا هادي ( ضربات على ضهر اريج ) اما نتوما وااالو تقول واكلين الكبادي دالدجاج ...
يلاه كيهضرو هوما يسمعو خطواتو داخل وضارو براسهم وقدس علات عينيها من التيليفون بانليهم جاي ابتسم ليهم ملي شافهم كلهم ضارو لعندو وعنق اية من لور كانت منهمكة مع تيليفون تااققزها
جود : الفرااشة .. ..
اية لاحت تيليفون بالفرحة وضارت عندو بزربة بالكرسي وهو تحنا على ركابيه معنقهاا ومزيرة عليه
اية : من قبييييييلة وانا كنتسنى فييييك تبااان ..... واش عرفتي شحال تتتتخلعت عليك ؟؟؟؟؟؟
جود : ( ردها قدامو كيرد ليها شعرها لور كايقادو ) وماتعرفيش تجي تقلبي عليا ؟
اية : هههه كضحك عليا .. كون كنت نعرف فين كتكون والله تانجي هههه ... كنت كنتسناك تخرج من الكلينيك وملي خرجتي مشيتي لافران ماشفتكش كاع
جود : وهانا جيييييت .... ( شاف فيهم ) تجمعتو على نميمة تاني ....
حياة : ( وقفات تسلم عليه وتاهو وقف عنقها ) و الله اولدي ماخلاو لينا ولادنا شي عقل نهضرو فشي حد......
رتاج : ( وقفات تاهيا وسلمات عليه ) جوود كيبقيتي اولدي ..
جود : لااابااااس بيخير ... مالهم هاد الولاد مالهم ( ماشيي بجهة اريج لي وقفات تاهيا عنقاتو )
اريج : ( فصلات عناقها شدات وجهو ) كيييبقيتي ؟؟؟
جود : هههه راني لاباااس اهاد النااااس ... ( جلس حدا اية لاح يدو عليها معنقها ) مالهم الولاد ..،؟
رقية : هاد المنونخات هادو .. جالسين هازين الهم لدوك الحلالف
جود : ماعندهم مايدار ... ( شاف فقدس لي قالبة عليه وجهها ملهية مع تيليفون وصفر ليها وهي تعلي فيه عينيها ) امالنا
قدس : ببببععد مني ...
جود : هههه .. واش درت ليك شي حاجة معاقلش عليها ؟؟؟
قدس : مشيتي لافران نتا وبيلسان وجدة وقسم .... وانا ؟ علاش مادينيش معاك
جود : على انا ديييتهم بخااااطري !!
لامار : هههه على هو لي داهم
قدس : وانت قلتي ليا مشاو مجموعين
لامار : لااا .. قلت ليك قسم وجداك لي مشاو مجموعين ....
قدس : واموهيم .. مشاو وعارفيني شحال كنموت على افراااان وماداونيش معاهم ....
جود : ( نزل معاها شفايفو لداك العتاب الكيوت ) وييييييينو البگرة ديالي تقلقات .. اجي .. اجي عندي وغدا نصبححك فافرااان .. مالي شحال عندي انا من بگرة ....
قدس : ( ميقات فيه ) امممممم .. ضحك عليا انا ..... تاتجي بيلسااان وقوليا شحال عندك من بكرة داك ساع
جود : ومالها هي بگرة ؟
قدس : ( شافت فماماها ) ماااامااااااا
جود : ههه واجي بلا ماانوض نهزك من رجليك تاني ...
لامار : نوضي سلمي على خوووووك ....
قدس حطات تيليفونها بنفخة واخا تاهيا توحشاتو لي مشافتوش البارح ومشات عندو جلسات حداه من جيهة اخرى وعنقها تاهي عندو باس راسها ... وعنقاتو من صدرو نعسات عليه ....
قدس : مابقاش راسك كيضرك بزاف ياك ؟؟؟؟؟
جود : لا .... ( هبط على وذنيها ودوا بالحس ) فين بيلسان مجاتش ؟
قدس : ( علات راسها فيه كتضهر بينها وبينو ) نووو قالت خالتي اريج شوية غتلحق عليها ....
جود : امم .. داكوغ .. يالاه نووضي تكعدي علللياااا .....
قدس : ( ناضت من على صدرو ) يااااك !!! ديتي اش بغيييتي .....
جود : ( وقف ) لامار .. قهوة .. للفوق عافاك ....
لامار : تاكل بعدا شي حاجة ؟ طلعو لقسم قبيلة تاكل .. يطلعو ليك تانتاا
جود : لا لا كلييييت ...
خلاهم وطلع وفدروج وهوما مكملين قصارتهم وانس كان طلع عند وسيم لبيتو لاعب معاه بلاي .... تاشمات اريج ريحة بارفانها داخلة .... كانت غير بسروال كحل وشوميز دالكوتشي فالكحل والذهبي وصوندال ذهبية عالية وصاك كوتشي دهبي .. وشعرها الاشقر مخلياه مبلوكلي غليييض راحع لور كامل .. مع حلاقات فالاسود . ومكياجها خفيف يليق بهاد السهرة عائلية لي كالبسو ليها الكلاص ... رابطة فولار اسود انيق فعنقها مخبي ليها اثاررر قبلات البارحة ....
دخلات عندهم ضاحكة واخا باين مورالها طايح ... سلمات عليهم كاملين وجلسات حدا قدس .. .
لامار : تعطلتي ابنتي .. يلاه كنت غنصوني عليك
بيلسان : والله تاطحت فنعاس ماحسيتش يراااااسي ....
رتاج : خالتو .. .( علات فيها راسها ) مال عويناتك منفوخين ؟
بيلسان : نوووو ... غير حيت نعست بزاف ( نزلات راسها )
رتاج بقات غير كتشوف حسات بيها ماهياش حيت بيلسان ديما كدخل بصداعها وكدير لومبيونص ..... تانطقات اية
اية : واش خالتو سارة مغتجيش ؟؟؟؟ واش ما فخبارها والو على جود ؟
رتاج : خالتك سارة ابنتي راه فيها كورونا
اية : نوووو ؟؟؟؟ صدقات كورونا بصح ؟
رتاج : سي .. هضرت معاها صباح التيست خرج ليها بوزيتيف ... وراها كترتاح .. راها صافا هاد ليام ....
لامار : تانا هضرت معاها قبيلة ولات حسن من الاول ... مبغيتش نقول ليها والو على جود تاتبرا ....
حياة : وكون عيطتو بعدا غا على راجلها وبنتها .. حشومة تاني يقولك مجموعين وماعيطوش لينا
لامار : وراني هضرت معاها على ودهم ..... قالت ليا بلي ماجدة مسافرة مع صحاباتها رااها فماليزيا ... وعمران راه ففاس عندهم شي مؤتمر طبي ....
حياة : اوا مزيان بعدا لي قلتيها ليها
لامار : وايه قلت زعما نتجمعو راه مابقا والو وغتفرقنا القراية ونودعو وليداتنا تاني ...
قدس علات عينيها فبيلسان لي جالسة حداها
قدس : واتس رونغ ! " مالكي ! "
بيلسان: ( كانت ساهية وشافت فيها ) نوثينغ .. واي ؟ " والو علاش ؟ "
قدس : غير سولت ... معجبتينيش ...
بيلسان : لا لا .. غير راسي كيضرني ...
قدس : جود راه كاين .. يلاه دخل سول عليك وطلع
بيلسان : اممم .. شميت فيك ريحتو ...
قدس : اوووو .. هاادشي مممجهد عندكم ههههه
بيلسان : اممم ( هزات تليفونها يلاه كتشعلو ) كووون تشوفي شحال مجهد ...
قدس : ( حطات تيليفون وشافت فيها ) والله حتى تقولي ليا مالك .. واش مخاصمين ؟
بيلسان : شوية ..
قدس : كيفاش شوية ؟
بيلسان : منبعد ونهضرو غيردو لينا البال ...
قدس : يلاااااه نطلعو دابا قولي لياااا غاتخلي فيا الفضول ...
بيلسان : لاااا غيحسو بينا راه يلاه جيت ... خلي شوية ونطلعو ....
عند جود ...
خارج من دريسينغ كيلبس فتيشورت كحلة فوق من سروال دجين فاتح .... ماشي بجهة تيليفونو لي كيصوني .... هزو من فوق سرير وهي تبان ليه نمرة سلطان ودارو سبيكر وحطو على المجورا لي حالهم كيقلب فالسوايع
جود : منيين كيشعل ضو تاني ولا فين حاط تيليكوموند .. شنووو تاني !
سلطان : تا لا اصاحبي .. راحنا حدا الدار .... نزززل ...
جود : مكتعرفوش طريق ؟
سلطان : تاااانزل دددخلنا اصااااحبي ....
جود : كيفاش هاد نزل دخلنا ؟ واش حشماانين !!!!!
سلطان : نزل ..... نتا مريض نتخباو فييك .... واش بغيتي نوقفو على عمي سد هاد المرة ينفينا لصومال ...
جود : بحالا كاتستغلو مرضي لا ؟؟؟
سلطان : وبعدا نفع فشي حاااجة ....
جود : انا جاي اناا جااااي .... الله يعفو عليا ......جوج قطرات ددم تخرجوهم منا ....
شاف فالمرايا كيرد شعروو لور ومشط لحيتو لتتحت ونزل فدروج بيلسان غير شمات ريحتو هزات عينيهااا .. غير شافتو نازل ردات شعرها لورر ونزلات عينيها على تيليفون فقدس لي كانت كتوريها الصيكان لي غيوصلو غذا .... وجود نزل فدروج شاف جيهة الصالون وهي تبان ليه .. ماعلاتش راسها فيه كاع .. بدا غير يضور فراسو وخرج ديريكت تاسمع لامار
لامار : فيييين غادي !!!!
جود : اناا جاااااي .....
لامار بقات متبعاه بعينيها تاسمعات الرجال خارجين من البيرو كيهضرو وجاو كلهم جالسو .. ورجاء طلعات هي والخادمات كيجمعو طبلة لي كان فوقها اتاي وحلوة وعصير ... ويونس جلس حدا بيلسان عنقها
يونس : فركوسة ديالي .. شبعتي نعاااس
بيلسان : ( حطات راسها على كتفو ) وايييه .. كلنا محتاجين للنعاس صراحة ...
سفيان : فين قسم .. فين وسيم .... فين جود ... ( كيشوف مع الصالون ) فييين فيصل .. فين انس .. بزاف ديال بنادم ناقص ..
حياة : اممم ... شوف وكااااان .... شوف شكون ناقص اخر !!!!!!
سفيان : وانا هاااادشي لي بان ليا دااابااا ..
لامار : هههه ... جود دابا عاد خرج منعرف فين مشا .. قسم الفوق .. وسيم وانس تاهوما لفوق وفيصل مسافر
سفيان : ( شاف فرتاج ) فين مشا
رتاج : عندو امتحان فرباط ....
سفيان : ااااه .. كيجاه اليوم لول ؟
عدنان : اوا قال ليا صافااا ... خليتو يبات تما وجيت تالغدا نرجع عندو ....
اية غير سمعات سميتو حسات بغصة فصدرها وهي كاتفكر اخر لقاء معاه كيفاش كان والهضرة ديالو لي مزال لدابا كتحفر فيييها فعقلها وقلبها ودماغها .....
سفيان : وفين واحد زياد ؟
اريج : تاهو سافر اخويا .... تالغذا فصباح واقلة عاد غايجي باش يهزو حوايجهم راه عندهم طيارة مع سبعة دالعشية ...
عدنان : صافي بديتو تخويو ....
يونس : صاااافي ...الله يجعل شي بركة ....
علا اسد عينيه للباب وعلا معاها حاجبو وعدنان تاهو علا عينيه .... ويونس شافهم فين كيشوفو وضار براسو .. وسفيان تاهو ضاااررر وكلهم شافو للباب دقة ......
كيبان ليهم جود داخل وهوما مورا ضهرو داخلين مخبين بيه وكل واحد فين كيشوف دايرين راسهم ساهيين .... و رتاج وسعات عينيهاااا بفرحة
رتااج : لووؤاااااااي ...
قدس بزززربة علاااات عينيها من تيليفون كتشوف مع جنابها فين هو لوؤي تاعلات عينيها بانليها داخل مور جود هو وسلطان واياد .... وحياة تاهيا وقفات وضربات فرجل سفياااان لي كانت قاطعة عليها طريق بزززربة خلاتو غير كيشوف وزادت عندو عنقااتووووو
سلطان : اابعددي مني دابا غااا بعددددي
حياة : ( شداتو من وجهو كتشوف فيه ) والله تااااتوحشتك احبيبي ... .( عنقاتو )
جود : ( كيشوف مع رتاج تاهي ناضت عنقاتو) جيبو جيبو ليهم الحليب وتمر ... جاااو من الحححج !!!!! .....
اريج : ( كتشوف فاياد ) اودي راه مايقد عليكم غير لي خلقكم .....
زادو داخلين ورجال كيشوفو فيهم حيت كانو عارفينهم جاو وقالها ليهم اسد فالبيرو .. تاسمعو تزغريتة درقية لي خلات اسد يغمض عينيه فبلاااصتوووو ..... ووقفات
رقية : يااو على سلااااااااامتكم وعلى سلامة رجال البلاااااد لي طلقووووووكم ...
لوؤي : ( كيشوف فعدنان و شاف فاسد ) ياك قلتي ماعندكش مشكل ندخل لدارك ..... بغيتي غير نلقى كيفاش نجي .... وهانا جييييييت ( كيزيد بشوية الخطوة ومعلي يدو لفوق ) غاندخل ! مااعليييش ؟؟؟؟؟
سلطان : الواليييييد ( شاف فيه سفيان وبدا يشير بصبعانو لراسو كيبتسم كانو كيعرفو براسو ) سسلطاااان .. انا هو سلطان لي هضرت معاك البارح عقلتي عليا ؟؟؟؟
اياد: ( شاف فيونس لي محمر فيه ) والله مادررررنا شي حاجة .... شربنا قهوة وجيييينا ....
اسد : وازيدو ... زيدو ... جيتو جيتو .... غا دخلو دابا ...
لوؤي : ( معلي يديه باقي خيفان ) مغاضرب ما والو ؟ ( شاف فعدنان ) زعما كبرنا الواليد ... لا ؟ داك السمطة .. مكاين لاااش دابا
عدنان : زييييييد ... دخل ....
سلطان : وغا على وجه جود مريض مسكيييييين .....( جود ضار عندو بزربة ) شوف مسكين كيف مشا اللون من وجهو ... تعصبوه ؟؟؟؟ والاا ... ( زاد وباس راس سفيان ) الواليييييد .. ان شاء الله الاومور لاباااااس .... ( شاف فآية لي ضاحكة مد يديه خربق شعرها وغمزها بمعنى انا راجع ليك وداز كيسلم على عيالات عمامو لي واقفات ضاحكات ليه وشاف عند عدنان ) عطيييييه اعمي عطييييه .. انا قلت ليييه خلينا مانمشيو فين هو قالك باغي يذوق الكرواصة دالفرانسيس ..... ماااربيتي والوو اااعمي .... ( هبط باس ليه راسووو وعدنان كيشوف فسفيان بمعنى لي يشدهم يطويهم وشاف عند اسد ) باطرون ديالنا ..... فرنسا تتسلم عليك ... وتتقوليك ديرو بوجه العلاقات الاقتصادية ودوزها لييييينا .... ( هبط على راسو باسو وداز حدا يونس وهبط تاهو على راسو باسو ) تانتا والووو اعمي مارببتي والو ... ولدك مسموم .. مضارب معايا على قهوة ...... ومابغاش يشري ليا باكية د الك ... دالمسكة ( داز حدا بيلسان لي وقفات سلمات عليه ) ونتي غاشوفي كيديري تقسمي معانا داك البركة لي غيعطيك هاداك خينا فالصداق راه كنسالو فييييها ، حيت هاديك مخلصك فيها على السراء والضراء .. السراء راك ديتيه وضراء راه كانهزوه عليكم غا حنا ابنت عمي ..... ( داز عنق السارية دالقصر وباسها) الحمد الله على نعمة الداااار ... الفقررر صعييييب ....
يتبع...
التعليقات
لا توجد تعليقات بعد، كن أول من يعلق.