محتوى القصة
وسيم : اش واقع !
رتاج : ( شادة على قلبها ويدها كترعد كاتشوف فطريق جود وعينيها موسعين وكاتخاطب لامار ) لامار .. لامار هدا موضوع كبير هدا ..... ( شافت فيها بخلعة اكبر ) لامار اش واااااقع
لامار : ( مصدومة باقا متبعة الاثر لجود لي طلع طريقو ) مم .. ما .. مابقيت عارفة والو انا .....
اريج : ( وجهها صفار بالخلعة وزدحة دالباب ) هادي شي حاجة اخرى طاااارية .... جود مامعصبش منك نت ....
رتاج بزربة مشات كتجري للبيرو وحلات عليهم الباب بجهدها وقلبها غيخرج من بلاصتو و اسد كان دافن راسو بين يدييه على البييرو وزياد كيمشي ويجي وعدنان شاد على راسو معليه تاوقفات عليه رتاج كترعد
رتاج : عدنااااان فييين وووولدي ... فييين الولاد آعدددناااااان
عدنان طلع معاها عينو وهي قلب الام كلااها عرفات شي حاجة متعلقة بدراري
رتاج : ( كترعد وهوما كاع تبعوها ) شي وااااااحد فيكم يييهضر .. فين الدراااري .... شي حاجة واقعة ياااااك اعدنااااان ( شافت فاسد ) اااسد .. نتوماا مغدخلوش هنا تسدو عليكم فالبييرو ومعارفينش ولادكم فين هوما .. عييينا بالصببرررررر .. ( شافت فعدنان ) فيييين ولدددددي
عدنان : ( دوز يدو على وجهوو وراااسو سخن بالاععصاب لي كيحاولو يكبتوها ووقف ) اسد ... ( اسد شاف فيه ) رررد لباااال .... ( جر رتاج ) يلااااه
لامار : ( بعينين مافاهمين والو ) فييين غاتمشيو ....
عدنان : غنفرقو شوية هاد المجمع باش مانصدقو فمصااايب اخرين ....
جر عدنان رتاج وخرج واريج دخلات كتشوف فزياد ويونس
اريج : اش واقع هنايا ؟ ها ( كتشوف فيهم كاملين ) واش غا نتوما لي والدين راحنا امهات هناااا ساكتييين وكنشوفو ولادنا مكاييينش وماباغينش نكملو عليكم وكابتينها عندنا ... الولد خرررج معععصب ونتوما من قبيلة هنا ... طارية شي حاجة حنا معارفينهاش ؟؟؟؟ قولو شي حاجة ... هضرو ششششرحو لييييينا
حياة : ( شافت فسفيان والخلعة فعينيها ) سسسفياااان اش واااقع .. فييين سلطان ؟؟؟؟؟؟؟
سفيان : ( وقف ) عدنان عندو الحق ... هاد المجمع خاصو يتفرق شوية .... ( شاف فوسيم لي واقف تاهو مخلوع ) طلع عند خوك بقى معاه متغفلوش عليه .. ( جر حياة ) يلاه ... ( شاف فلامار ) مايكون غير الخير ...
جر سفيان حياة لي داز على اية ورقية كتشوف معاه مافاهمة والو يديها على قبلها ويونس وقف وشاف لساعتو وغمز لاسد بمعنى نسكتو العيالاااات ونتلاقاو منبعد .. حيت حسو بيهم عياو بالصبر ولكن صافي الخطر حسو بيه دابا ومستحيل يييسكتوهم الا مفهموش وميقدروش يهضرو حدا لامار تفاديا لاحراج .... ويونس تاهو جر اريج وزياد تاهو تنهد وتبعهم مشا عند رقية بعد ما هز بيان على جنان لي واقفة تاهي مخلوعة ...
زياد : ( بالانجليزي ) جدة .. يالاه تمشي ترتاحي غدا ونرجعو
رقية : ها !
يونس : قالك تمشي ترتاحي الحاجة .... تاهوما نخليوهم يرتاحوو شوية .... ( شاف فبيلسان لي واقفة مخلوعة بمعنى يلاه ) غدا ونرجعو ويكون جود ولاا صافا داابا راه خاصو ينعس ...
رقية : ( وجهها مخطوف) اوووولدي . . اش واقع اولدي راه ررركابيا فشلووو عليااااا
يونس : غير اسد تعصب شوية على جود لي خرج من الكلينيييك ... خليهم بيناتهم يقادو شوية الخواطر راهم عيانيين الله يحسن العوااان .. يااله تمشي معانااا
رقية : ( جلسات ) لا لا لا اولدي انا عا خلنيي .... خليني مع بنتي راه تمشي طيح ولا توقع ليها شي حاجة راه واقفة غا على الريشة
يونس وما ليها براسو ويالاه غيمشي وهي تشدو قسم
قسم : عمي ( بجدية مخلطة بالخلعة ) واقعة شي حاجة ياك !
يونس : ( هز يدو وحطها على يدها ) مغيكون غير الخييير ...
خلاها ومشا وبيلسان عين فدروج لي طلع منهم جود وعين فقسم وقدس لي واقفات مافاهمات والو وهي تبع باباها لي عاود عيط عليها ومشاو .... وقسم دخلات لبيييرو وتبعاتها قدس ورقية عاد نايضة ماشية موراهم بشوية ... كان اسد على الكرسي معلي راسو لفوق ولامار واقفة عليييييه ودموع فعينيها ووسيم تاهو واقف
لامار : اسااااد .. شي واحد يهضر .... راه صافي ( فمها نشف ) انا راه مااابقيييتش قادرة نووووقف مزاااااال .. هضرو قولو لينا اش كاين ... فييين دراري ا اسد .... فيين مروان ... فينهم ؟؟؟؟ ااااش وااااقع .... مال جووود خرج هاكاك ... راه غنتسطا ...
عينيها بداو يتسدو ليها وهي تمشي قسم بزززرزبة شادتها وشافت فباباها بعصبية
قسم : اااش وااااقع .. هضضرو قولو اش كايننن واش حنا مصنوووعيين من البلااستيييك واش مغنتهنااااااااوش حنا ..... شي واحد يرد بالو شوووية لينا حتى حناااا لي ماعارفين والو .....
اسد خدا نفففس عميييق وناض ولامار غير كتنهج كتحس بقلبها غادي يسكت الجهد باش تغوت مبقااااش واسد جاي بجيهتها وضور عينو عليهم كاملين ورقية لي موراهم ...
اسد : الدراري كيصفيو الخواطر مع مروان ... وجود تقلقنا شوية انا وياه
قسم : ( معلية حاجبها بعدم اقتناع) كيصفيو الخواطر ؟ باشمن طريقة ؟
اسد : كيهضرو اقسم .. كيهضرو ( شد عليها لامار لي نترات يديها منو ) ططلعي ختك سيرو ترتاحو وترتاح تا جداتكم ( شاف فوسيم ) طلع عند خوك بقى معاه ....
رقية : اووولدي .. ياك لاباس ... راه قلبنا وقف لينا بالخلعة ..
اسد : والو باس الحاجة الدراري راك عارفاهم .. هدا حالهم ....ماشي شي حاجة جديدة مشاكلهم ولفناهم ( شاف فقسم لي باقا واقفة ) هضرت واقلة ابنتي لا !
قسم : لا مغنمشيو فين .. هادشي مدخلييش انا لدماغي ..
اسد : ( بهدوء ) قسم ... طلعي ختك
قسم : لا انا مغن ( قاطعها بالغوات تااتهزو حيت بان هدوءو شحال مصطنع )
اسد : قاااساااااااااااااام
قسم وسعات عينيها وقدس شدات على قلبها وطلعو بزززربة ... ورقية ضربات الطم من داك الغوتة .... وجرها وسيم وخرجو ... وهو سد الباب دالبيرو وجر لامار للفوطوي
اسد : جلللسي ....
لامار براسها تخلعات من الغوتة لي دار وجلسات غير كتشوف قدامها ماقداراش تاتسمع ليه صوت شهيقها .. كتنخصص بالحس .....
وهو مشا للبيرو هز كاس دالما وعطاه ليها وشداتو ويديها كيترعدو كتشرب منو وجلس على الفوطوي المقااابل معاها كاااايتنههد ....
رقية داها وسيم للجناح ديالها لي داخلة وغير كضور راسها عارفة شي موصيية طااارية ولكن مكتبغيش تحكر عليهم كاتشوف لي فيهم كافيهم ومزال كاتحشم من اسد وخوتو وكتوقرهم ... وصلها وخلااها وخرج .. و هي دخلات لدوش تتوضا واخا ركابيها فاشلين عليها ... وقسم ديريكت مشات لجناحها غير سدات الباااب مشات لفوطوي تلاحت عليه شادة على راسها لي كتحسو خاصو شوية ويتفررركع والغوتة دباباها باقااا كتسمع فوذنييييها وقلبها كيضرب بجهد من الخلعة تاحسات بالاوكسجيين بدااا ييينقص ليها وكتشكل العقدة فصدرها لي كتمنعها من التنفس وناضت بزربة كتنهج لدرجة صوت انفاسها كيتسمع فااجناح كامل ....شهقة وراء اخرى ...
كتحل فالمجروووة وكتحاول تنفس تالقات لبواطة دنظاظرها لي دايرة فيها الرابوز وحبداتو بزربة كاتروزي ففمها وتحاااول تنفسسس تاتلاحت على الفوطوي معلية راسها لفوق وصدرها كااايطلع ويييييهبط .....
اما قدس منين دخلات لجناحها وهي كتمشي وووتجي وكل مرة تشوف لتيليفون وتعاود تصوني على الله يشعلوووو وقلبها كيضرب بببجهد فيين غيكون مشى وشنو واقع .... وجلسات على السرير كتشوف للعدم وخايفة يكون واقعة شي حاجة مخبيينها عليهم ردات راسها لور وشدات على راسها كتحس بيه غادي يطرطق ليييها بالخلعة واول مرة تجرب هاد الاحساس ديال غتخلع على شي واحد كاع قد هاكاااا !!!! ....
اما وسيم دق فالباب من بعد حلها بان ليه غير روكسي لي كيتسارا فالجناح وصوت الما فالحمام وتحنى على ركبتو كيدعابو وهو كيتلوا فيديه ويشم فعنقوو ... تاتحلات الباب وخرج جود من دوش لابس غير شورط بسيور و فوطة صغيرة كيمسح صدرو لي باقي فازك وشعرو كان ناشف مقاسش راسو بالما .... وشاف عند وسيم وملامحو باقي واضحة عليهم العصبية ....
وسيم. جود ... ( وقف كاينفض راسو من شعر روكسي ) شوية
جود حرك ليه راسو بآه وداز لديريسينغ لاح الفوطة ومشا لجهة سيري فيه تيشورتات بويض بحال بحال هز وحدة لبسها وخارج من دريسينغ كينزلها وشاف عند وسيم
جود : انا بيخير غير سير تنعس .....
وسيم : ( كايشرف فروكسي ويلعب معاه برجليه ) لا غير خليني معاك هاد الليلة تمشي تحتاج شي حاجة ....
جود : ( ماشي بجهة البار ) سير تنعس هضرت معاك ...
وسيم : ( شاف جهة الفوطوي ومشا ) غانعس هنا .....بابا گاليا بقا معاه ....
جود كيشرب الما وحط القرعة وضار براسو بانليه وسيم طلع تيشورت حيدو لاحو ... بقى عريان غير بسورال دسيرفيت بسيور ومشى جهة الفوتوي تلاح عليه ومد يدو لطبيلة صغيرة حدا الفطوي هز طيليكوموند وشعل التلفازة لي قدامو وطلق نتفلكس ...
جود غير كيضور فراسو بانليه راه مغيمشيش بلا مايصدع راسو معاه و ماااعندو جهد للهضرة ....
ونعس فوق السرير على ضهرو طاوي يدو فوق جبهتو كيشوف فالسقف وعينيه حممريييين صدرو كيطلع وينزل ووسيم ماتجرأش يقول تاكلمة حيت عارف الجو شحال مكرهب طلق السيري ديالو وروكسي جا عندو للفوطوي عنقو عندو كيداعب الفرو ديالو كيفرج مرة فالتلفاوة مرة فتيليفونو .... وجود غير ساكت تابدا تيليفونو كيفيبري فوق من طابل دونوي وقلب راس بعياء وهي طلع ليه " BAYLASAN " حس براسو مقادرش يههضر وضور راسو ورجع كيشوف لفوق وتيليفون كيصوني بوووحدو تابداو عينيه كيتغمضو .....
عدنان طريق كلها وهوما ساكتين غير وصلو لدار ولقاو طموبيل دفيصل تما.... دخلو لقاوه هو وانس كيتسناو ... غير شافهم مقلقين ومقادرنيش يهضرو بدلو ساعة باخرى وفيصل مطلع حاجبو بالو غير مع لوؤي فين غبر ! ومقادرش يسول وهو كيشوف حالة باباه وكل واحد قصد بيتو فجو مممكهرررب .... نفس الجو لي دخلو فيه حياة وسفيان واية لي تاهي غير ضاربة الطم غير وصلو سفيان اتجه لبيتو وحياة طلعاتها لبيتها وكلهم كيتصرفو ثثثقال .... يلاه جات حياة تخرج بعد ماغطاتها فسريرها وهي تشدها
اية : ماما .... فييين سلطان؟؟؟؟؟
حياة ضارت شافت فيها وتنهدات من قلبها وزادت غطاتها مزيان وخرجات بدون جواب عند سفيان .....
اما اريج ويونس وبيلي تاهوما وصلو في صمت وبيلي قصدات بيتها كتصوني على جود بدون رد فللخر لاحت تيليفون ودخلات تدوش .. وزياد قصد ييتو واريج ويونس تاهوما .....
ملي انفرد كل واحد بمرتو ... عاااد جلسو .. وقدرو يهضرو يقولو اش كاين .... وفين هوما الولاد .....
فالبيرو
اسد جالس على الفوطوي حاط درعانو على جنابو كيشوف فلامار لي كتحاول تقاد انفاسها والحبة ديال الكالمون لي جابت ليها الخادمة كتسري فيها وتهدنها ... وهز معصمو شاف لساعتو لقاها 23h وشاف عند لامار
اسد : شوية دابا !
لامار : ( كانت كتشوف لجنب غير هضر شافت فيه بعينيها الحمرين ) كتهمك حالتي !
اسد : ( كيشوف فيها) اش باليك ؟
لامار : ( قربات بظهرها لعندو ) الا كتهمك ..... هضر .... قول ليا اش كاين وريحني .... مال جود معصب ؟ .. وفين دراري ؟ ... اش واقع اسد ؟ ... علاش نتا جالس هنا مهني ودراري مكاينينش ... عارفهم فين مشاو ياك ؟ ( يالاه غيهضر علات يديها ) شششش الهضرة ديال كيصفيو الخواطر مع مروان مغدوزش عليا ..... مغيصفيوش هوما الخواطر فنهااااررر كامل دالهضرة .... فين هوما ؟؟؟؟
اسد : ( مباشرة ) ففرنسا
لامار : ( علات حجبانها بدهشة ) نعام ! علااااش
اسد : ( تنهد تاتنفخ صدرو محاملش راسو فهاد اللحظة ولكن مضطر وهز يدو وتكعد شوية و خشاها فجيبو دسروال وجبد داك الصورة وحطها على الطبلة الصغيرة لي بينو وبينها ) ... ها علاش .....
لامار نزلات عبنيها لداك الصورة وهي توووسع عينيها على ووووسعهم .....كاتشوف فيها مافاهماش وهزاتها فيديها كاتشوف فيها وتشوف فاسد
لامار : ( بصدمة مخلطة بعدم الفهم وقلبها بدا يزدح) اسد ؟؟ ش شنو كايعني هادشي !! ش شنو دخل هادشي فالموضوع ومنين جبتي هادي ؟
اسد : ( كايشوف فيها ) ماشي بسبب خصامك عليه وصل الانعاش الامار .... وصل بسبب هاد الصورة ....
لامار : ( بحركة لا إرادية هزات يديها حطاتها على قلبها لي بدا يضرب بجهد كاتشوف فاسد ) ك كيفاش .. كيفاش اسد .. م منين جابها ؟؟؟ ( صوتها تغنغ وعينيها مصدومين ومخلوعين وقلبها دقاتو كايييضرروووها وراسها سخن ) مم منين جاتو ... و واش ... واش ما.... (قاطعها ااسد )
اسد : قلبيها ... قراي شنو مكتوب ....
لامار نزلات عينيها لي دموع نزلو منهم وقلباتها وهي تزيييد توسع عينيها مع كل حرف وقلبها بدا تايييضرب بجهد .... واسد ناض وجا كلس حداها وحيدها من يديها وعنقها عندو وهي كلها كاااتهز بالصدمة حالة فمممهاااا
اسد : ششششش .... طوال زمان ولاقصار ... كنا غانعاودو ليهم كولشي الامار وهادشي كان بارادتك ... قلتي بغيتي ولادك حتى يكبرو باش يكونو قادين يفهموك ...وغاتعاودي ليهم ..... سبقنا ولد القح.بة ولكن قادرين نصلحو كولشي ..... تتتتهدددني .....
لامار : ( كاترجف فيديه وصوت انفاسها كايسمعهم وهي كتهضر بصدمة ) ا ا ساد ... و ولدي ... و ولدي ... ك ك ... ول ولدي شافني .. ه هاكا اسد ... ( دموع كاينزلو ) ولدي شافني ل لابسة هادشي ..... ولدي لكبير .... و .. ولدي ...
اسد : شششش هاداك الماضي ... وانا ماحشمانش منو وحتى نتي مغاتحشميش منو .... حيت مادرتي فيه حتى شي حاجة لي كتحشم من غير انك مارستي واحد الفن فبلااااصة مكانتش نقية باش تجيبي لقمة العيش لخوتك ..... حتى قدس دارت الدانص وهي صغيرة .. وحتى قسم ... الفرق هو المجتمع ونوع المسرح لي طلعو فوق منو .. ووولدك ممعصبش عليييك ... ولدك انا عارف مالو .... تهدني وماديري فبالك والو حيت مزال ماخلاق لي غاينقص ليا من مرتي .....
لامار : ( بدات كتنخصص طلقات البكية كترعد فكتافو كلها كتهز وهو كيطبطب على ظهرها ) لا لا اسد لا .... و واش عارف باش كنحس .. ا اساااد و ولدي علم الله اشمن شوفة شاف فيا ..... ووولدي قالو ليه مك شيخة ... ا اسد ق ق لبي كايتقطع اااسد .. كايتقطع ( كاتنخصص كلها فصدرو كاتحسو كاينشق بالاحراج على جوج وشراينها كايتقطعو بالاحراج من ماضيها وبمجرد التفكير انه جود شاف هاد الصورة )
اسد : ششششش. ..... هادشيي طال زمان ولا قصار كنا غانگولوه ليهم .. جا الوقت ... وتيقي بيا ..... هدا لي دار ليك هادشي ....حتى باش نقوليك غادي يندم ... مغايزيدش يعيييش شي نهار اخر لي عاد غايندم فيه ..... كاااالم ... قلت هادشي باش ماتبقايش محملة راسك الذنب .... ( جابها قدامو هي كتخصص هو كايمسح دموعها ) غير يرتاح جود .. وغانجلسو مع ولادنا كاااامليييين .... وغانعاودو ليهم كولشي ... ( كايدوز يدو على دموعها وكايشوف فيها ) ماماهم ششحال كانت نقية وسط عالم كولو وسخ ... ماماهم لي حافظات على راسها وعمرها باعت لحمها ..... ماماهم لي الخدمة الوحيدة لي لقاتها داك الوقت بسبب قلة المعارف هي هاديك ... ومارساااتها وهي محافضة على لحمها .... ماماهم لي نهار تزوجات وقررات دير اسرة دارت جهدها كامل باش تكون ام مزيانة ..... وتربيهم مزياااان .... على كاع الحوايج الزوينيين ومتخليهم يحتاجو لوالو .... ماماهم القطة لي كاتخرج نيابها على ولادها .... والى خدمات شي نهار داك الخدمة ... كانت غير باش خوتها الصغار مايحتاجو والو ..... انا متأكد ... غايفتخرو بيك احبييبتي حيت عارفين ماماهم اشنو كاتسوى ماشي حتى غايجي برهوش ديال الخلا يوريها ليهم ( قرب بشوية لجيهتها باسها وهي رمشات عينيها كتنخصصص ورجع شاف فيها ) ماشي منبعد سنييين كااااملين غانوضو رجعو للماضي و نهضرو فيه .... مشكل جود مع داك السيد لي هضر عليك بداك الطريقة ماشي معاك .... ( شد وجهها وقرب ليها جبهتو ) ياك كنتي متحمسة طيبي ليهم وتجمعي بيهم ... تادابا مامشاااش الحال .... نخليوه هاد نهار يرتاح انا براسي مغاندخلش عندو ومغاندويش معاه .. وغدا هضري معاه بشوية .....راه مقلق غير حيت خبينا عليه تاعرفها بداك طريقة لي شوكاتو ..... وكاينين تلاثة دالاولاد خرين مزاال لي مغانعاودوش معاهم نفس الخطأ وغانقولو كولشي ( شد وجهها وطل عليها ) صافي احببيتي ؟
لامار : ( شاف لجنب عاضة على شفايفها ودموع كاينزلو وشافت فيه ) حششمانة ا اسد .... حشمااااانة
اسد : وااااشتي دابا .... راه قلت ليك ماعندك مناش تحححشمي .... وملي كانقول مزال ماتزاد لي يطييح بمرتي راه داوي حتى على ولادي .... مااااتفكريش بزاف ... وديري فبالك بلي صحتك اااهم عند ولادك من كولشي والى كنتي غاتلامي على شي حاجة غاتلامي حيت فرطتي فصحتك تاوقعاتليك شي كارثة وخليتهم وهوما مزال محتاجين ليك .. اما الماضي ديالك ... مكيسوا والو قدام صحتك الامار عندهم .....
لامار بدات كاتشوف فيه ودموع كايطيحو وهي تتخشى فصدرو عنقاتو لي كان ولا يزاااال الملاااذ ديالها و الحامي والحصن المنيع لي تتخبى فيه من كاع مصاعب الحياة والى تقلبات دنيا كلها ضددها هو دييييما لي كايكون فجنبها ...... وهو تايدوز يدو على شعرها
اسد : عرفتي اش غانديرو دابا ؟ ( جابها قدامو ) دابا غانطلعو وغادخلي تدوشي .... وغاترتااااااحي .. غاااتنعسي .... وغدا ... كولشي غااايتلصصصح .....
لامار : ( باقا كتبكي ) ا اسد .... مامتيقاش هادشي لي كايوقع .. اش درت انا اش درت ....اش درت تانتجازا بهاشدي كامل علاش هاد الماضي غاايبقى تاااابعني قد هاكا علاااااااش ... ( بعدات منو وطلعات راسها فيه كتسمح دموعها ) و علاش قلتي دراري ففرنسا ؟ ها ؟؟؟؟ ياكما مشاو عندو ؟؟
اسد : دراري جابو الخبار ..قبل مانقد نتحكم فيهم ونشدهم الارض .... كانو شدو طريق ..
لامار : ( شدات على فمها وعينيه الحومر توسعو ) اويييلي اااسد غاايمشييييو يديرو شي حاااااجة ...
اسد : انا عارف اش كاندير غير تهناي ... ماغايوقع والو .. ( شدها من كتافها ) لاامار كاتيقي فيا !( لامار طولات فيه شوفة ووحركات راسها بالايجاب )غدا ... كووولشي غاايتصلح وغانتجمعو .... وغانهضرو كاااااملين ....
لامار : ( رجعات تاني تخشات فصدرو كاتبكي ) اشمن ووووجه غانشوف فيهم .. اشمن وجه
اسد : بوووجهك ..... حيت نتي اشىررررررف وانقى انسااااانة عررررفتها بغاو ولا كرووووهو .....
عند يونس ...
كالس على الفوطوي و اريج كاتمشي وتجي وترد شعرها لور
اريج : ووووووولد الحرام ...... ررررررعدني البرهووووش .... وعلاش هاد المساخط هادو خدامين فداك البيرو الى مايققلبوش هادشي ؟؟؟؟ .....
يونس : فاش كايكونو اومور خاصة راه ممنحقهومش .... حتى يشوفوهم المنادجر هو لي سمع غير صورة خاصة ديال ماماه باغيها جود .... گاليهم اه ... هادشي لي گالينا وكايحلف انه مگالوش ليه شنو مكتوب لور وماردش البال
اريج : ( واقفة كاتفكر ورجعات بزربة كلسات حداه ) واياد متأكد راه تما ؟؟؟؟؟؟
بونس : راه مية فالمية ا اريج ... اسد گال ل مروان كووولشي ... ومن داك ساعة لي جا مروان اياد غبر وحتى هو .... يعني غايكون گالها لاياد ومشاو . ... اما لوؤي وسلطان شافهم اسد ملي كانو بجوج فطموبيل. .. راهم بربعة تما .... غايكون مروان لي غيوريهم فين ساكن
اريج : ( رجعات تاني وقفات قلبها كايضرب بالخلعة وكتمشي وتجي ) غااايديرو شي كاارثة ملي تجمعو صافي .. تجمعو غا المساخط واحد مغايعرف يرد العقل للاخور ..... هادو غايديرو شي موصيبة ولا راه دااااروها .....
بونس : راه الكارد كايقلبو عليهم .. وتاهوووما دياااب طفاو تليفووونات لي غانتبعوهم بيهم .... وماداوش طموبيلاااات ومكيخدموش لاكارط .... جنوووون ... وغايسطيونا ( رجع وقف ) انا باش ماكان غانعلمك غانرجع لبيرو نشوف فين وصصلو حتى نلقاااااوهم ...
اريج : رااه غايكون وصلو ليه ولي داروه داروه
يونس : ممنضنش .... الكارد براسو لي عاااامر وسائل التعقيب ومالقاهش يلقاوه هوما لي تابعين غير نعت مروان .. واش منتيك هو غايبقى فدارو ! ....
عند عدنان
رتاج غارسة راسها بين يديها كالسة على فوتوي قصبي فالبابكون وعدنان واقف متكي على زاج ...
رتاج : ( طلعات راسها لي غايتشق ليها ) عدناااان ... قلبي غايخرج من بلاصتو صافي ... لوؤي كايعرف يدير كولشي الا يدير العقل ..... خصوصا ملي راه عارف هو لي بدا هادشي غايبغي يساليييه ....... عدناااان كارثة غاطرا اعدنان
عدنان : ( عدنان ضار عندها متوتر) رتااااااج مناااقصش انا .. مغايطرا والو راهم تابعيييينهم .. وشوية و غيلقاوووهم ....
رتاج : كييييفاش هاد شوية وغايلقاوهم ( بانفاعلية وقفات ) وراه نهار كااااامل هوما غابرين راه لي داروه صافي دااااااااروه
عدنان : كون دارو شي حاجة كون راه شعلو تيليفوناتهم .... واش نوريك فولدك ؟ ولدك قبل مايدير لموصيبة مكيعلمكش باش ماتنوضش تحطو فالسخط و تخليه يتراجع .. حتى كاااايساليها عاد كايجي يگوليك راه لي درت درتو وانا راه ولدك ... خااايب مزيااااان ولدك .... ماعنديش العقل ووولدك .... درت مووووصيبة .. ووولدك ..... ونوووووضي نتي ططرطقي وضربي راسك لحيط ...
عند سفيان
سفيان : كون دارو شوية دالعقل وجاو هضرو معانا قبل مايديرو لي فراسهم .... كون تصرفنا راسنا ... ولكن هوما علاش هوما خصهم كولشي يقضيييوه بيدهم ( حيد الكارو ساط دخان )
حياة : (كاتمشي وتجي حداه ) انا غانتسطا انا صافي غانتسطااااا .... علم الله حالة لامار كيغاتكون داباااا .......
سفيان : ( كايشوف لبعيد شاد الكارو فيديه وكولو مخنزر) غير بلاتي عليه يجي غير بلاتي ونشوفو هاد الباسبورت واش غايبقى عندو ... غير بلاتي ...... ( لاح الكارو لطفاية وشاف فيها ) ....الباسبوووورت غاايبقى عندي تاانكون عااارف فين غايمشي ... هاد البسالة انا راه ماعنديش معاااها ......( مشا هز لفيست ديالو ) انا غانمشي لبيرو .. ملي غاتكون شي حاجة غانعلمك ..... رتاحي شوية وردي لبال راه كاين واحد البيبي اخووررر كاتعدبيه معاك ....
ربت على كتفها ومشا خرج .....
اسد تاهو خلا لامار وخرج .... خلاها كتمشي وتجي وتطرطق فصبعانها .... وطلع فدروج ديريكت لجناح جود ...حلو بشوية ودخل كايطل عليهم ... كانو بجوجهم ناعسين عررف الى العيا راه واصل بيهم للافان ...جود بسبب الادوية ووسيم بقلة النعاس .... حيد طيليكوموند لوسيم طفى ليه تلفازة ومشى دخل روكسي لبلاصتو سد عليه ....ورجع كايقلب فالجناح على البلاصة ليها فيها الاغطية تالقا واحد الخزنة فديريسينغ لداخل ... وجبد غطاء صوفي غطى وسيم حيت كان عريان مم الفوق والكليما شاعلة ... وداز عند جود بان ليه ناعس على ظهرو ويد فوق من جبهتو طاويها .... ومن نعستو بتينة التخنزيرة .. زاد علا عليه الغطى ... وشاف لتيليفونو هزو .... حلو حيت عارف ولدو اخر حاجة كايديرها عي كود دتيليفون حيت كايخاف ينساه .... ومشى لاخر الاتصالات وهي تبان ليه مكتوب عليها louay2 ... وبانليه بلي دواو فيها مدة دقيقة
قيدها عندو وحط تيل فين كان وخرج من الجناح ..... نزل نيشان فالدروج مشى لبرا باتجاه سيارتو و علم الكارد باش مايخليوش جود يخرج من القصر الى فاق ....
وشد طريق للبيرو .....غير دخل عنهم لواحد القاعة كبييييييرة كانت عامرة بالبيروات والشاشات .... لقا خوتو تما و يونس دقائق والتحق بيهم تاهو وزاد لحق عليهم تازياد ..... وشدو الكرساااا قدام البيسيات لي عامرين غير بلي بالاشارات ديال كل حاااجة متعقبينها .....وخريطة فرنسا كلها قدامها بطرقانها وشوارعها وفكل بلاصة جوج نقطات حمرين ديال طموبيلاات لكارد ديالهم لي تما .... وتيليفونات مكيسكتوش وشكيب ماشي جااااي ... وواحد سيد حدا اسد كايقاد النمرة دلوؤي فلبروغرام باش يتم منها اتصال يجاوب فيها باش يطلعو معلومات تيليفون .....جابو ليهم قهاوي وكالسين على اعصابهم كايتسنااااوه يجاوب ....
عدنان : انا مافهمتش هاد نمرة علاش كاينة غير عند جود !!!! اش هاد العصاااابة دايرين هاد الولاد بيناتهم !!!!
اسد : ودابا على الله غير يجاوب ...
المسؤوول : ( داير كاسك فودنيه ومراقب من البيسيلي كايبان خارح اتصال وشاف فيه ) الرقم محمي اسيدي ....وهو راه مكيجاوبناش ...
اسد : عاااود .. غير عاااود صوني ... مكاين نعاس هاد الليلة
المسؤوول : ( كايصوني تاني ورجع شاف فيه ) بلوكا نمرتنا .....
عدنان : ( مغزف عليه ) وااالدو فالحلااال باش يكبر يدير ليا فعايل ولاد الحراااام
سفيان : ياكنا صونيتي عليه بنمرة دلبيرو
المسؤوول : لا اكتيفيت نمرة اخرى غير دابا لا علاقة ليها بينا وكاتطلع على انها من المانيا كاع ..
يونس : جرب بنماري لخرين شحال قدو يبلوكي ...
اسد : هانا غانباتو .... شوف واش كاين شي طريقة طلع ليا البوزسيون دتيليفون من غير لابيل هذا راه مغايجاوبش لاماعرفش نمرة
المسؤوول : كاينة ولكن غاتعطل شوية
اسد : غا زيييد نتا من جهة وهوما من جهة من تما تانعرفو بلاصتهم ....
زياد : والى تلقى داك خييينا غايسهال الشغل ...
اسد : هاداك فيدي ... خصني هادو مايوصلوش ليه ....
زياد : الى فيديك جيبو لهنا
اسد : الغراض خصو يتقضى تما ماشي عندي هنا ...... وماشي على يدي انا .....
زياد : كيفاش !!!
يونس : ماماك فاش كايوصل لعيد الكبير اولدي .. كاتقولينا يلاه للمغرب ند**بحو تما باش مترون دنيا هنا بالدم ..... هوما عنهم بلاصة ديال الدب**يح وحنا لا ...ن***دبحو فبلاااااصة ديال الدبي****ييح ......وبهاد الفلسفة ديال ماماك هاحنا مااشيييييين .....
زياد علا حاجبو عاد بدا يفهم واسد وسفيان مركزين فاببيسيات مع المسؤووولين .... مكاين نعاس هاد الليلة !
فرنسا - Saint-Victor - باريس
الساعة : 00h14min
وصلات طاكسي باغيزيان لي كانت عبارة على فاغگونيط سوداء ميرسيدس قدام اقامة سكنية راقية ...تجرات لباب الخلفية تحلات ... ونزل مروان وموراه اياد لي معلي راسو كايشوف مع العمارة وكايرد بزطامو فجيب دسروال لور بعد ما خلص .... كان الشارع رغم انه منتصف الليل الا انه صاخب بالسيارات وبعض المحلات لي باقين حاليين .... الاقامة كانت ممدودة منها زربية حمراااء طويييلة وعلى الجوانب شجيرات فمزهريات كبااار ... وواقف فيها الحارس ديالها بلباسو الرسمي .... ومروان شاف لساعتو فيدو وزاد داخل واياد تابعو .... هدا هو الوقت لي قدرو يوصلو فيه بسبب الڤول لي لقاوه معطل لباريس ومكانش عندهم كيف يديرو يقطعو ليغجونص حيت مابغاوش يخدمو حساباتهم البنكية وفضلو الخلاص يكون كاش فالوكالة وتسناو بحال جميع الناس .... وصلو للمصعد وضغط عليه مروان لي صدرو كايطلع وييينزل ووجهو كامل باين معصور بالاعصاب والذنب لي كايحس بيه ....واياد غير ساكت ملامحو مكايبانش عليه والو من ديما اياد صعيييب يتقرا من على برا و ردود افعالو مكتوقعش ..... حتى تحل بيهم السانسور فالطابق التالث ... وزادو فالكولوار واياد يد فجيبو دسروال ويد الاخرى كايحك بيها على لحيتو تاوقف مروان قدام الباب دواحد الشقة جاية هي الاخيرة فداك الممر .... كانت عليها رقم 21 ... يلاه غايدق مروان هو يسمع ...
- مكاينش .....
ضار مروان براسو بزربة بجهة الصوت ... واياد تاهو ضار .. كانو كالسين فالدروج كايكميو .. لؤي طالق رجلييييه وسلطان متكي على شباك دروج كايتكيف واخا كايبان المظهر هااادئ. الا انهم غير من التحريكة درجليهم و العضة فالكارو وكريقة لي كاينفتو بها الدخان كاتبين شحاال كيغزلووو بالاعصاب والفقصة ... اياد علا حجباااانو ولوؤي كايشوف فيه وفمروان كايطلعو وبهبطو ...اما سلكان غاشافو ضور راسو حس بالتبويقة كارت ليه دابا واخا يكمي الماريخوانا مغاتگرش فيه يتهدن ..... وهوما كايتسائلو كيدارو هادو لقاو دارو !!! ....
اياد : فوقاش جيتو
لوؤي : ( ساط دخان ) قبيلة ( كايطلع ويهبط فمروان )
اياد : وشنو كاتسناو هنا ملي مكاينش !
سلطان : ( وقف كاينفض سروالووو وكايشوف فمروااان معلي حاجبوو فالاخير رمش قالب راسو لجنب كيتاااقي الله وشاف فاياد ) كانتسناو شي خبار ....
اياد : باش عرفتو داروو نتوما ؟
سلطان : ( ضار براسو شاف فلؤي لي كايكمي وعينيه على مروان بااشوفة ديال غاينوض يخلط والديه وشاف فاياد ) واحد صاحب لؤي ....
اياد : اشمن صااحب هدا !
لؤي : ( تنهد كاينعل شيطان ومكايشوفش فمروان بزاف باش مايلوحوش من الدروج وشاف فاياد ) هادا ماشي موضوعنا دابا آ اياد ...( جبد تيليفون كيشوف فيه ورجع شاف فاياد ) السيد قدر يجيب لينا لادريس من الصورة لي حاط هاد ولد القح.بة فالانسطغرام... اما تا الكيلينيك دييييلمو ماحاطش عندهم لادريس .... ( رجع سف من الكارو وشاف فيه مكمل كلامو الانجليزي لي كايخاطبو بها اياد ) ملي مالقيتوش راه دابا السيد كايقلب يطلع ليا ارقام لي كارط ديالو ...
مروان : واش هاد سيد من البوليس !
لؤي 🙁 شاف فيه مطول مخنزر وسلطان ضار عطاه بضهرو كايتبت فراسو ولوؤي علا فيه حاححبو ورجع شاف فإياد متجاهلو ) كيبقى جود !
اياد : صافا .. وهاد سيد دابا فوقاش يعطيك هادشي !
لؤي : ( حل تيليفون تاني طل عليه ورجع طفاه ) هانا كانتسنى ..... مابغيناش نتحركو لشي قهوة قلنا نبقاو هنا الى جا شي واحد ولا هو نيت ....
اياد : ( مشا تكا على الحيط مربع يديه ومروان تكا على لباب دلابارطومون مزير على قبضة يدو ولؤي رجع تكا فدروج واياد ساف فيه ) مجاوش الكارد لهنا .... !!
لؤي : ( ساط دخان مغمض عينيه كايتنغم جوانو وكايهضر منتشي وققيل عكس الاعصاب لي شاعلين فلداخل ديالو ) جاو قبيلة ومشاو ....
اياد : مشافوكمش !!!
لؤي : لا .... كنا فطموبيل .... هضرو غير مع السيد لي على برا ومشاو .....
اياد : على هاد الحساب راه غايلقاوه قبل منا !!!
لؤي : كلها وطريقو .... لي لقاه هو هاداك ... ( شاف فمروان) مهم هو هاد ووووولد ( مزير عليها ) الققققح.بة تصفى ليه ....
مروان : ( شاف فلؤي وقاد وقفتو ) لؤي ماعنديش خااطر ليك دابا ..... وملي راني هنا .... تانا عارفو ولد القح.بة ماشي غير نتا
سلطان : ( ضار عندو بزربة ) اووووو .. صباح الخير ( شاف لساعتو ) صباح الخير مع طناااش ديييييال الليييل..... فااايق معاطططل بزاااف اوليدي .... !!!!! خسر ليك الريڤاي !
مروان : كان صاحبي .... ( ضور راسو لجنب كايقولها مغزف ) حتى تقاس الشرف ....
لؤي : ( جاي جيهتو و اياد تكعد ) على نتا عاااااد تقاااس عندك الشررررف !!!!! كاااتعرف نتا الشرف ؟؟؟؟؟ ( شاف فياد ) واش مشا دار شي فورماسيون فالكرامة ورجع !
مروان : ( كايقرب تاهو مخنزر فيه ) كننننعرف الشرف .... وهادشي لي طرا دابا ...هو لمن تايقولوراه تقاااس الشرف ديااال بصصصح ... اما داكشي لي درتي نتا راه اوووفر رياااااكشن وداكشي لي قال مكانش كايستاهل داكشي كامل لي درتي ليه .... وكون ماشي تتسسرعك ... ماكناش غانوقعو فهادشي كامل ومككانتش غاتقااااس خخختي .....
لؤي يالاه غاااايضرب يخرج فيه عصبيتو هو يششدوو ايااد اما سلطان متكي على دروج كايتكيف وتيفررررج مااامسسوااقش مكرهش يخلطو ....
اياد: لؤاااي ( كايبعدو ) مااااشي وووقتو
لؤي : اقوووووود عليااا منها ...... علاش جاااااي هناا علاش جاي ؟؟؟؟؟ .. قوووود سير تبببيعو .... سير گوليه ييييهرب ... المرة لولا طلقتو وبغا يدير فيها راه عندو النفس .... هاد المرة حيت لابقيت حتى شديتو بيييين يدي داااك النفس هي اللخرا مغايلقاش منييين يطلعها .....
اياد : لوووؤاااااي
لؤي : ( كايفلت من اياد هو مزير عليه ) الى راااك بااااقي واااقف قدااامي ومزااال مااابدلتش ليك ديكووور وجهك راه على ووود ختتتك ومك .... مانتا برررربي تانعااااوووود عليك الشهااااادة ....
مروان : هااادشي لي كتعرف ليه غير تتتتقلب الدنيااااا ..... كوون هضرتي بالعقل وجيتي عندي وقلتي داك صاحبك ميعاودش يجي حيت قلل احترامو على البنت .... مكانش غايولي يزززطم ..... ولكن اش غادير !!!!! ..... سعاااادتتتكم موووولف يييرييب دنياااا
لؤي : هي لاااقووودتي عليااا باش مااتريب فوووق ررررراسك ....
مروان : مغانمشي لتاشي بلاصة ( كاايشير بسباابتو معصب ) لي تقاست ختي ولي تقاس ولد ختي ... وهادا راه صاااحبي .... والى كان شي واحد غيقطع ليه نفسو من هاد دنيا .. هووو هادااااك لي جاااابو ..... دييير عععقلك وخلييينا حتى حنا داايييرين عععقلنا
لؤي : (كايشوف فاياد كايهضر بشوية وكولو اعصاب ) غااانقتلو اياد .. دييه عليا منها ... راه غاانقتلو .....
اياد : (دفعو بعدو ) شششش ... كككلس اصاااااحبي هنيييينا ديييرو عقلكم ( ضار شاف فمروان وسلطان كايتكيف ويتفرج طلعو ليه النغمة دجوان )وسسسد فمك نتا خلييييونا نعرفو اش غانديروووو ... واش حنا فالمقاتلة ديالكم دابا ! ديييرو عقلكم ...
لوؤ يالاه غايهضر بدا يصوني تيليفونو هو يتنتر من اياد وبعد يجاوب و سلطان وقف
لؤي : ياس فرانك ...( علا حجبانو ودوز لسانو على شفايفو ) اوكاي . ... اوكاي ...
قطع تيليفون عليه بزربة ودخل لميساجات هو يلقى مسيفط ليه كاع الارقام لي بغا ومشا بزربة لسانسور وهوما يتبعوه ... نزلو خرجو من العمارة ومشا لجهة الطموبيل للي كان جاب ليه صاحبو وركب ... وركب سلطان حداه حيت عارف لاجا لور حدا مروان يقدر يجيييفو بلا مايحس ... وركب اياد ومروان لور .... واياد مزال مافهمش هادا منين جاب طوموبيل بماتريكول فرنساوي وشكون هاد صاحبو لي تايعاونو قد هاكا ولكن مابغاش يحكر حيت الموضوع لي عندهم اهم من هادشي .... حل لؤي الپوش لي حدا سلطان جيد بيسي صغير وحلو على ركابيه
اياد : ( مقرب عندو ) اش قال ليك !!!!!
لؤي : ( شاعل للبيسي كايعضر ومركز ) لقا الكودات ديال ليكاغط بونكيغ ديالو و لاكارط ناسيونال ..... انشوفو اخر مرة نشطات فيه الكارط فينا بلاصة ....
مروان مرجع راسو لور على الكوسان معليه الفوق ويديه كااايترعدو بالاعصاب و اياد كايشوف مع لؤي و سلطان تاهو... اياد علا حاجبو ملي بانتليه الصفحة لي تحلات مكتوبة عليه شارة كبيرة د ل " FBI " وبان ليه كايدخل الباسوورد يحل الكونت ديالو ....
اياد : اش هادشي!
لؤي : ديها فراسك دابا .....
اياد : ( معلي حاجبو ) شكون عطاك الحق تادخل لهنا نتا !!!!
سلطان : ( باغي يسد الموضوع دغيا حيت عارف شنو كاين ) صاحبو لي عطاه ليه ...
اياد: راه سميتو هاديك .... ( شاف الكونت ملي تحل مية لوؤي بانت لفوق )
سلطان : واش حنا فهادشي دابا .... ( شاف فلؤي ) واش طلع ليك ؟؟؟؟
اياد قلب راسو لجنب ورجع شاف فيهم بمعنى نفكو هاد الموضوع ونشوف هادشي لي كايدير لؤي ....
لؤي بدا يقلب ويدخل فليكود دليكارت حتا بداو يتستفو ليه فواحد لاليست اخر بلايص نشطات فيهم لاكارط .... صغر عينيه فاخر بلاصة كتبان ليه كانت محطة د الكازوال وهو يسد البيسي ولاحو على سلطان وديمارا ...
لؤي : طلع ليا سطاسيون كازوال طوطال انيغجي لي بين بياغ و سانت لورس ...
سلطان. هنا فباريس !
لوؤي : اورليان .. ولد القحبة هرب لاورلياااان ... ( ضار رومبوان راد البال مع البلايك باش يخرج من باريس ) منييين غانخرج لداك لوتوووروت دالحبببس تاني .....
اياد : خرج منهنا بعدا وغايبان الطريق ....
لوؤي عين على طريق وعين فالبوزيسيون لي قدامو فطموبيل لي كايتبع فيها فين يخرج لوطوروت . ... و سلطان كايقلب فتيليفون ديالو على هاد سطاسيون كازوال لي قال ليه يطلع البوزسيون ...
لوؤي : هررربااان .. هادي هي الرجلة ؟ لاااا كووون سبع وكووولني ... مسيفط ميساج ونتسنا نجابووك اولد القحبة حنا مكنعرفوش نطلعو ل ڤيو ... لا لا ... هدا راه ماشي ولد القحبة... هدا راه القحححبة اون بيييرسووون ( كايهضر ويضرب فالفولون ويشوف لسلطان وفاياد من مراية ) داك القحبة لي كاتحمل منك وتجي تهددك تفضحك ! ملي كاتجمعها معاها بسرفيقة لرررض كاتمشي تسميها فولد الجيران ... ( شاف فمروان من مرايا ) من ليوما صحيبك غااتولي سمييييتو القحبة .... نهار لي ينوض ليك .. سير جرب فيه راسك ....
سلطان حبس ضحكتو وشاف فزاج ومروان مغمض عينيه داير راسو مكيسمعش واياد تاهو قلب راسو لزاج كاايضورو
مروان : غاتسكت تشد طريق هانين ولا بيك غانبدا ...
لوؤي : لاااا منصلاااحش ليك انا اولد جدة ... ( هز قهوة محطوطة كايجغم منها ) ماعنديش السوفل لي عندو هو ... خووونا عاااامر سوووفل .. خونا تقال ليه غا ولد زنا شوف اش دار .... كون قلت ليه قحبة كون جاب ليا الواليد كايحوي شي مومياء وسط التابوت واخا يعرف يخدمها بالفوتوشوب ....( دار ضحكة مفقوصة ومروان ساكت عارفو غاكايخرج اعصابو ) هه !!!! معاامن جا يدير النفس! مع عائلة كتخدم بالطااااقة الريحية .... ( رجع شافف فيه فاامراية) حكيلنا احساسك ونتا كتكتشف ان صاحبك طلع قحبة .. !!!!!
سلطان : ( حابس الضحكة بزز ) هنيييينا الوؤي ... ديها فطريقك اصاحبي ....
لوؤي : لا بغيت نعرف احساسوو! تخيل تدافع على كرامة صاحبك وتقلب دنيا فلخر يخورك ويطلع قحبة ! قحبة عامرة بالنفس بحال الكوكوط ...مخزوون فيها لداخل حيت ماعندهاش منين تخرررجو ....فمها مشغوول كاتعنب بيه على بنات الناس ... كاع مكيخرج النفس كايخرج غااا التقحبين .... تاباش يخرجو من لور داك الثقبة تلقاها بقوة ماتحردات ليها براااات صافي تتسدااات ... ( رجع شاف فمروان ) شفتي انا كون حسايتني هاد صاحبك غاا قحبة والله مندير هاد روينة كنت غانقول مااعليييش بنات بيناتهم اش دددخلني انا !
اياد : ( بزعفةو) لووووؤاي
لوؤي : هاااهووو ساكت .... ( شاف ففمروان فاامراية ) غا هو صاحبك را قحبة .....
الدار البيضاء - المغرب
واقفة سيارة اسعاف حمراء وصوتها قالب داك الحومة فنصايص دالليل ... غير ريوس دالفضولين لي كايبانو من سراجم كيطلو ... تحلات الباب لور وخرجو منها المسعفين جارين سرير تايجريو حتى لباب داك العمارة ... وكانو حتى سيارات ديال الشرطة رادة الحومة كاملة لونها فالازرق والاحمر بالضوء ديالها .... كايستجوبو فالكونسياج وبعض الجيران على برا واقفين لي كلهم كيسولوهم .... ماهي الا دقايق خرجو المسعفين بسرير فوق منو بنت لي باقي صدرها كيطلع ويهبط كانها كتلفظ الانفاس .. يديها طاحت على جنب سرير لي عامرة دمايات وشعرها تيبااان كولووو معععلك بالدم وهوما مغطيينها بليزار وشادين جهاز الاوكسيجين وطلعوها بزربة للاسعاف والجيران واقفين دايرين يديهم على فمهم ولي فسراجم كيتسمع منهم غير " ويلي ويلي ويلي " زادت الاسعاااف بسسرعة خارجة من الحومة وتبعوها سيارات الامن الوطني ..... ربع ساعة كان رجع السكوووون لداك الحومة وكل واحد دخل لدارو وتقطع الحس ..
من غير طموبيل لي ديمارات .. وزادت باقصى سرعتها ... صايك فطريق بلا عععقل والرؤية كتضبب ليه بسباب تركيز لي مشتت .... ويدو لي كترعد .... كتسمع انفاااسووو عنيييفة كتخرج من فمو ونيفو كيزفرها ويرجع يلتقطها ....
خرج على المدينة وغير مزاد كسيرا ملي طريق خاوية كايصوك بجنون كايترجم كاع شنو فالداخل ديالو والهضرة فودنيه باقا كتسمع " ماعرفتش اسيدي حنا كنا ناعسيييين تاسمعنا الغوات ". " لا اسيدي انا لي عيطت ليكم .. هاديك دار كانت ساكنة فيها غير واحد المراة ودابا مشات للخارج وكل مرة كيجي ليها شي واحد ... داك البنت مكنعرفوهاش وغريبة على الحومة اسيدي " " لا اسيدي ماسمعنا تاشي هضرة دشي واحد كان غوات غير ديال البنت كتغوت لربي لي خخخلقها ماقديناش نصبرو عيطنا ليكم " " ايه اسيدي انا هو الكونسياج " " البنت جات لهنا مع الستة دالعشية بوحدها اسيدي .. لا لااا مكان باين عليها حالة داكشي لااا كانت بنت هازة تقدية ودخلات للدار دالحاجة .. انا قلت غا من عائلتها " " لا اسيدي عمارتنا نقية ومامعروفاش بهادشي ... تلاقيت البنت فسانسور كانت بوحدها ماشفنا معاها تاشي واحد .. الى جا شي واحد من بعد راه جا بليل كنا نعسنا " " اسيدي انا راه مكنحيدش من الباب راه الكرسي ديالي .. نضت مرة وحدة مشيت تسخرت لمليكة لي فدوزيام جبت ليها ليكوش لولدها .. مع داك الحداش لاروب اسيدي " " اودي اشمن كاميرات اشاف واش كضحك علينا حنا و الجيران باقين مضاربين على ربعمية دمولات الميناج اشمن كاميرات " " واش ماتت اشاف ماتت ؟ " " حيييدو خوييييو طريق دوز لومبيلونص تعاونو معانا... حيييدو البنت تتموووت خوييييو طريق "
وصل لداك الجرف لي عاصر فيه هادي يومين وحبس طموبيل مدة غير ساكت كيلتقط انفاسو عاد دفن راسو فالفولون صدرو كيطلع ويهبط .... معرفش راسو كيفاش دار تاصونا عليها تلاقاه تما وتضبر على بلاصة نقية فحومة بعيدة عليه .. عارف هاديك خدمتها وكانت من البنات لي نقيين فجسدهم من هادوك كاملين لي فمجال الدعارة .... كان باغي يجرب راسو للمرة الاخيرة قبل ماااايدير خطوة مرة اخرى مع قسم ... غير يجرب واش الدوا لي بدا ياخد قادر يتحكم فيه شوية وكاين تحسن .... حتى لقا راسو غاب على الوعي كون ماشي تلفازة لي دفعاتها بيديها طاحت تشقفات فالارض فييييقاااتو كون ماتت بين يديه قبل مايجيو الاسعاف ... حاس براسو انسان كيستحق الاعدام ماشي قلب قسم .... مقادرش مزال يحط شي بنت فالخطر على قبل رغباتو .... وشخص بحالو خاصو يمشي يدير عملية لي ماتخليهش مزال ينتصب واخا يعيش حياتو كاملة نصف رجل ... نهار على نهار كيزيد يتأكد ان الطريق مع قسم مستحيييلة من جميييع الجهات والى بقا تابع قلبو ... غايديه للهاوية .....
علا راسو بشوية كولو تينهج وكيشوف قدامو فلخر تكا راسو على الكوسان معليه لفوق كيرمش فسقف الطموبيل وقلبو تايزدح .... شاف جنب الكوسان بانليه تيليفون هزو فيديه بحركة معارفش علاش دارها وحلو على صورتها كيشوف فيها قلبو بداا يزييييد يييضرب كتر وكتر... كيتتررررجاهاااا وطالب الله باش تكون فعلا خافت وغبرات ومغتزيدش تبان قدامو مزاااال باش يقدر ينساها ... حيت حتى كايقول درت عقلي فراسي غانتعامل بالعقل ... غير كيشوف عينييييهااا عقلو كيتوقف على التفكيييير .... وكاياخد بلاصتو القلب !
مدخل مدينة Orléans - فرنسا
ساعة : 02h03min
اياد راد راسو لوورر مغمض عينيه وهو تيتفكر جود حال عينيه فالانعاش تيطلب منو الماااا وفلحظة او اخرى كان غيكون فحالة اخطررر دابا كون مامشيئة الله وتشبتو بالحياة .... بسبب واحد دخل لحياتهم ليلة وحدة خربها ...و مروان كيشوف من زاج وعقلو كامل مع حسام لي كان واضع فيه الثقة لي مدايرهاش فخوتو كان كايقول الدقة تجيني من كولشي الا هوووو .. رغم استفزاز لوؤي الا انه لقى راسو مقادرش يهضر حيت فكل كلمة موااافقو ويستاهل نعت كفس من هاداااا .....وكاتفكر عضرة اسد وهو تايق ليه كايبغيو بعضياتهم حيت كايتيقو فبعضيااااتهم .....
سلطان حال البيسي تابع طريق المحطة دالكازوال لي اخر نشاط للكارط البنيكة ديالو كانت تما ولؤي تابع النعت لي كيعطيه سلطان فنفس الوقت راد لبال مع الشوارع لي قدامو فشاشة دطموبيل وطرقان لي ممكن يدوز منها وطرقان لي ممنوعين حيت محافضش طريق ... المدينة بدات كتبان قدامهم وسلطان علا عينيه
سلطان : 3km لي بقات ....سطاسيون كاينة غير هنا .... على ليسر
لؤي وما ليه غير براسو وزاد ..... تاكيشوف الباراج ديال البوليس كيعطيه الاشارة يوووقف على جنب ولؤي تنهد
سلطان : الق++لااااااااوي...
مروان : راه داك لافيتيس لي غادي بيها غاتديك غير عندهم قبل من السطاسيون ....
لؤي : نتا حاول غير تسكت ...
سلطان : يلاه ... ها روكان غايعرف فين پوانتاو ليك ....
لؤي : مغيجي فين يعرف تانكونو قضينا الغراااااض .....
شد لؤي ليمن ديالو كيعوج فعننقو وكيحاول مااا امكن ميتصرفش بتهور هو يقرب عندهم رجل الشرطة بلباسو الازرق الغامق وطل عليه
الشرطي : Bonsoir.... point de contrôle, les papiers s'il vous plaît monsieur ..! " مساء الخير .. نقطة التفتيش .. الاوراق من فضلك اسيدي ....!
لؤي تنهد وسلطان كيجبد ليه بوشيت كحلة منقوش عليها لوغو ديال بروتوكولهم والاسم ديالو و كنيتهم باللون الذهبي و حيد منها غير وراقو مد الهوية والباسبورت دلوؤي باش يشوف غير الهوية ويطلقهم مقادين على تضياع الوقت فنفس الوقت موجد الوراق لوخرين فيدو الى طلبهم ... ولؤوي مدها ليه ومد يدو لور حط ليه اياد ومروان هوياتهم تاهوما و كارط البروتوكل وديال سلطان ومدهم ليه .. وهو غير شافهم علا الكاسكيط ديالو وعلا معاها حجبانووو وضحك ومدها ليه ولوؤي بدا يرجع ليهم الكارتات ...
الشرطي : ( طل عليهم كاملين وهوما غير وماو ليه براسهم ) Bienvenue les messieurs a Orléans " مرحبا بيكم ف اورليان "
لوؤي : Merci ...
الشرطي : essayez monsieur louay de réduire votre vitesse... juste pour votre propre sécurité... Bonne route " حاول تنقص من السرعة ديالك لسلامتكم ...طريق السلامة ....
لوؤي : ( كايدماري وكاقلب الفولون يخرج ) وصااافي غاااقود ...( ابتسم ليه ) ميييغسي ....( زاد ) فرونسي دالخرا ......
زادو وسلطان كيرد الوراق لبوشيت وهو زاد داخل كيقلب بعينه على هاد سطاسيون واياد تكعد قرب داير يديه على لكوسان دلوؤي .... كانت مدينة حركتها قليلة عكس باريس لي خلاوها صاخبة .... بان ليهم لوغو د TotalEnergies وهو يضور لوؤي بطموبيل بزززربة دخل لداك سطاسيون ووقفها وشاف عند سلطان غمزوو بلا مايردو لبال وسلطان فهم و هضر
سلطان : سير غير نتا مغنزلوش كااملييين ... باش مايردو الباال ......
اياد : (يلاه غينزل لؤي شدو من كتفو ) اجي لهنا .... دابا نتاا غادخل غاتسول على هاد سيد واش جا لهنا .. وهوما غيقولو مرحبا ها ليزانفو ديالو !!!! عايشيين فلابوااط امييغفاي حنايا !
لوؤي : ( تنهد عارف غيفلت من كولشي الا من اياد لي متيزكل والو وباينة فيه راه شك غير مالقاش الوقت فين يستجوب ) نزل نتا ... غا نزل .... ( شاف فسلطان ) الى بانوليك الكارد ديماري وهرب ... ماتشوفش لينا حنا ... هررررب ليهم دابا نتبعوك ....
نزل من طموبيل ونزل معاه اياد كيشوف مع داك سطاسيون لي مكانتش عامرة بزاف غير جوج طموبيلات لي تما كيشارجيو و طموبيلات الاخرين حدا الكافي وسوبر مارشي وزاد هو واياد تادخلو لسوبر مارشي الصغير ووقف لوؤي شاد اياد لي كان زايد ورجع شاف فيه و جبد من جيبو بزطام صغير ديال الشارة ديال الفي بي اي وبزطام اخر فيه الشارة دالدورية المركزية لي تابع ليها
لؤي : باش بلاما تبقى تزن على راسي بزاف مكنثيقش فشي واحد فهاد دنيا كتر ما كنتيق فولاد عمامي .... ( وراهم ليه) مااابغيت تاشي وااحد يعرف انا خدام معاهم .... بالاخص مروان
اياد : ( حيد ليه داك الشارة كيشوف فيها ورجع شاف فيه مخنزررر ) وووولد القققققحبة ( ضربو لصدرو ) باااغي تقتل باااااك نتا ولا ماااالك
لؤي : ( حيدها ليه ودارها فجيبو لور ) ررريح ... غااضرررب الطم حتى نبغيي العائلة تعرف غنقولها انا ... دابا غااااتقطع حسك وخلينا نساليو هاد الليلة ....
اياد : واش عارف اش كااادير ؟؟؟؟؟؟؟ واش عارف عمي عدنان لي كان كايسمعك غير باغي دير البوليس كاتجيه كرييز ... يعرفك فال اف بي اي ( كايتفكر الشارة ) اجووون !!!! واش باغي تتتقتلو
لؤي غير تنهد وزاد واياد كيضور فرااسو كيحس بالاعصاب تايغليييو فيه تا وقف لوؤي على وحدة كاينة فلاكيس
لؤي : bonsoir.. je cherche un bureau de quelque responsable ici ... ou je peux le trouver !!!! " كنقلب على شي بيرو دشي مسؤوول هنا .. فين نلقاه ؟
البنت : aah ..! tu cherches le responsable ? (بدات كتومي ليه بيديها من الزااج لي موراها ) Voyez-vous ce petit bâtiment là-bas? " اااه كتقلب على المسؤول ؟ ( كتومي ليه بدييها من زاج لي موراها ) كتشوف داك البناااية الصغيرة لهيه ؟
لؤي : ( مصغر عينو ) oú ? Il y a deux " فين ؟ راه تما جوج "
البنت : ( كتوريه وتشوف فيه ) Celui à côté du Salle de lubrification ... " لي حدا قاعة التشحيم ( لؤي علا عينيه بمعنى شفتها وهي تكمل كلامها ) Vous trouverez son bureau a votre gauche ... Bienvenue monsieur dans notre station " غادي تلقاها على يسارك ( بابتسامة ) مرحبا بيك فمحطتنا اسيدي ...
خلاها لؤي وخرج واياد تابعو
لؤي : پوانتا هنا فالعشرة ديال الليل ... سولت عليه فالعمارة قال الكونسياج خرج منها مع التمنية دالعشية .... هاز فاليز وشاد طريق بمرسيديس ( جبد تيلفون وعطاه صورتو خارج من باركينغ ديال الاقامة لي صورها من الكاميرات لي حلوهم ليه ) قدرت نزومي على گولشي الا الماتريكل مبانش ... كانت مخبياه هاد طموبيل لي هناياا قدامو .... ( كايرد تيل لجيب ) بغيت الماتريكيل ... هنا غادي يعطيوه ليا ...
اياد : اذن هرب غير هاد النهار ! شكون جابليه الخبار بلي غنقلبو عليه حنا هاد النهار ؟ ميكونش مروان ؟
لؤي : الا اصاحبي ماشي لهاد الدرجة كاملة راه واخا هاكاك غا نية و مگدم لعب بيه ولد القحبة ...... ( سكت مدة عاض على شفتو وشاف فيه ) داك الولد لي جاب الجوا راه شدو عمي اسد .... ورجع طلقو .... وراه باينة هو لي قالها ليه حيت غيكون عيط ليه فجوج ديال الحالات ... ايما غيكون ولد الحرام مقطر وغيقوليه هرب راهم تيقلبو عليك ..... اما غايطلع ولد الناس وغيكون عيط ليه غير باش يسب ليه الملة على المشكل لي طيحو فيه ... فكل الاحوال من عندو غايكون جاب الخبار ...
اياد : واااابلا بيه هو راه غايكون عرف راسو شنو داير ...علاش زعما جود مكانش متوقعو غيتبعو !!!
لؤي : موضووع حساس بحال هاداك غيتوقع يتبعو غير جود ..حيت جود مغايوريش هادشي للعائلة وغاتكون حات فبالو انه غايخاف تخرج داك صورة .... كان توقع غايتبعو جود بوحدو ... يعني مكاينش الخطر بزاف لي يخوي لمدينة ... يبقى غير فدارو قادر يتحكم فواحد حيت معارفش هو جود كيداير .. اما ليوم . هدا عرف بلي العائلة كلها ساقت الخبار والولد مشا فيها للانعاش .... داكشي باش كان خارج زربان انا لي شفت فالكاميرات طريقة باش ركب وكيهضر فتيليفون .... غالبا كان كيهضر مع شي واحد غيمشي عندو ..... هدا عارف الكارد كامل غيتحرك غيتبعو داكشي علاش هرب بداك الخلعة كاملة ...
اياد غير ساكت وكيرمش بعينيه وكيشوف هضرتو منطقية كيزيد يتأكد الى راه بصح واقف حداه بوليسي ماشي غير بالشارة !!! ....
سالات هضرة لؤي تاكانو وصلو قدام النعت لي عطاتهم البنت هو يلقى البيرو كانت فيه الحراسة الليلية ... تحنى وطل براسو من الزاج ودوا بالفرنسية
لؤي : نقدرو نهضرو شوية !
المسؤول : ( علا فيه عينيه ) تفضل ...
داز لؤي للباب حلها وتبعو اياد دخلو وداك المسؤول كايشوف فيهم .... ووما ليهم يجلسو و لؤي جبد شارة البوليس حيت ميقدرش يجبد دالاف بي اي ... ووراها ليه وداك السيد غير شاف الشارة ... ابتسم بمعنى مرحبا ... لؤي شعل تيليفون على الصورة دحسام لي فانسطاغرام ووراها ليه
لؤي : هاد السيد بوانتا عندكم هنا مع العشرة و خمسة وربعين دقيقة هاد النهار .... ميرسيدس كلاص كحلة ... ( دوز ليه لصورة اخرى لي كان صورها دالمعلومات دالكارط من البيسي) خلص بهاد لاكارط هاهو الرقم ديالها لتحت ... (داك المسؤول كيشوف ولؤي حط تيلفون على البيرو حداه ) بغيت الماتريكيل ديال الطموبيل ديالو وتسجيل الكاميرات فهاد الوقت لي شارجا فيه الكازوال ....
المسؤول : اهاه واخا اسيدي ( حل البيسي ) عطيني واحد دقيقة .... ( هز الفيكس هضر مع التيكنيسيان دالكاميرات يجيب التسجيلات ويجي عندو ورجع حطو وشاف فيهم ) واش واقع شي مشكل ؟
لوؤي : عندك نتا لا ....
المسؤول فهم بلي ماخصوش يدخل وفعلا يديه بداو يرجفو على الكلافي حيت اي حاجة مضرة بسمعة السطاسيون كواحد من المسؤولين عليها ....كضرهم كاملين وكضر بلاصتو وخدمتو .... خايف يكون شي ارهابي ولا شي حاجة كبيرة حيت الشارات دالدورية الامريكية قليل فين كيجيو لفرانسا ...
واياد تايقول مع راسو كون مكانش لؤي مستحيل كان يقدر يلقاه بلا نفود الشارة دالبوليس لي يقدر يبحت بخاطرو .... بقاو كيتسناو والمسؤول طلب منهم شنو يشربو باش غير يهدن التوتر ولكن مبغاو تاحاجة .. تاجا تيكنيسيان لي واضح فيقوه من نعاس هاز فيديه كلي يو اس بي دكاع التسجيلات دهاد النهار كاملين ودخلوه فالبيسي
التيكنيسيان : قلتي العشرة و خمسة وربعين دقيقة !
لؤي : بدا نتا من العشرة ونص ... حتى تبان ليك طموبيل لي قلت ليك
المسؤول : ميرسيديس كلاص كحلة ..
بدا التيكنيسيان كيقلب تاوصل لعشرة و خمسة وتلاتين وهي دخل طموبيل ولؤي ضور عندو البيسي دغيا ... بدا كيشوف طموبيل داخلة للمحطة مصغر فيها عينيه واياد كيشوف معاه والمسؤول كيشوف عند التيكنيسيان بمعنى الله يخرج هاد الطرح على خير ... بان ليهم خرج من طموبيل وهاد المرة كاع مامتوتر ...ماشي بحال كيف كان فالباركينغ داز شارجا طموبيلتو وسدها ودخل لسوبر مارشي ولؤي كيزومي على الماتريكيل حتى بانليه وبدا يقيد فورقة وستيلو كانو محطوطين تما على البيرو ودارها فجيبو وبقى متبعو تابان ليه خرج هاز الساشيات فيديه فتح لباب لور دارهم وركب وزاد
لوؤي : تقدية ؟ هادا ملي مقضي ... راه غادي لدار ... ماشي لاوطيل ....
بقاو مصغرين عينيهم ولوؤي اكتيفا الكاميرا الفوقانية دالجهة الخلفية هو يبان ليه خارج وانحرف على ليمن وحد تما كتحبس الكاميرا حيت بعد عليها ....وشاف عند المسؤول
لؤي : كاينة شي طريق على ليمن !!!!!
المسؤول : اه كدخل لارياف الغربية ... كاينة شوية دلاپيست
لؤي : ششحال كاع !
لؤي : تماك بزاف دالارياف ولكن اقرب ريف كايبعد ب 56 كلمتر و 30 كلم ديال لابيست ....
لؤي بقى تيفكر مدة وناض وقف
المسؤول : واش مزال تحتاجو شي حاجة أخرى ؟ اسيدي حنا ماعمر تبوانتات هنا شي جريمة ولا شي حاجة ممزياناش السمعة دهاد المحطة مزيانة وكلها امن ....
لوؤي اشار غير براسو وخرج كيخشي الشارة وتيليفون فجيبو وكيهضر
لؤي : اذن هذا راه غير هنا كيضور .. الكارطة مارجعاتش نشطات اخر مرة هي هنا ... هذا عندو شي دار اخرى هنا .....
اياد : وبلا مضيع داك الساعة الوقت فالماتريكيل مدام قاليك دخل للارياف يعني بلاصة ماشي حضارية باش يجببدو ليك الطموبيل .. يلاه نمشيو حنا نقلبو تاتبان لينا .. ياك راه غير هنا ....
لوؤي : هادشي لي غانديرو .... الليل كولو قدامنا حنا عندنا مايدار !...
وصلو لطموبيل طلعو ومروان وسلطان كيشوفو فيهم
سلطان : شششنو درتو
لؤي : ( كيديماري ) راه غير هنا كيضوور .. حنا غنتبعو طريق لي مشا منها تاتبان لينا طموبيلتو .... شد هاد ليمن وقاليك هاد طريق غير حضارية .. نتبعوها تاتبان لينا شي حاجة ....
سلطان : ماجبتيش ماتريكيل ! قلب بيه ....
لؤي : غاايعطلني ... وماعندو باش ينفعني دابا ...خينا تقضى ليه ...غادي لدارو ماشي اوطيل .. يعني شي دار هنا فاورليان .... فشي ريف هنايا ....
مروان : ( مدة كيشوف هو يعلي حجبانو قرب لكوسان ) صصبر .... صصبر .... كنعرف انا واحد صاحبو كاين هنايا
لؤي : (ضار عندو هو وسلطان واياد شاف فيه ) اشمن صاحبو
مروان : ولكن راه فكرت فكولشي الا يجي عند هذا ..
دسلطان : تاااا قول اصاحبي .. شكون هذا !!! كتعرف دارو
مروان : مرة وحدة جيت معاه لهنايا كان قال عندو شي خدمة تما .... وبلي هدا صاحبو كيتنقل عندو للدار يدير العمليات ....
لوؤي : النوار !
مروان : هادشي لي بان ليا فاش جيت معاه .. واخا خلاني فطموبيل ... الديكور ديال دار من علا برا وداك قوة الرجال ماعجبونيش .... وديك العملية لي كان جا دار قال ليا غيحيد رصاصة ... وفالعملية مات ليه السيد .. ملي كنا راجعين قال ليا مات حيت مكاينش انعاش والماطيريال الكافي باش ينقذو . .قلت ليه علاش مامشاش الكلينيك ! قاليا هاد الناس شوية عايشين فالظلام ومزادش شرح ومازدتش سولت حدي قلت ليه بعد راسك من المشاكيل قال ليا هادي اللخرة ....
لوؤي : ( لوؤي غير كيرمش بعينيه وسلطان كيشوف لاياد ورجع شاف فيه ) قلتي تماك الرجال !
مروان : اااه راه مستتفييين حدا البااااب مكاينش دخول راه ملي جينا داك المرة مخلاوناش ندخلو ملي كنت معاه وبقيت على برااااااا .... دخلوه بوحدو بلا طموبيل .... تما دخلني الشك
اياد : ( ضضرب بونية الكوسان بالععصاب ) لللقاااا فيييين يتخبا الزااااامل ( شاف فمروان ) .. هاد الزامل ديال صاااحبك ... خدام مع المافيااااا ....هادا صاحب هذا ؟؟؟؟ هدا لي فارع لينا بيه كررررنا تتشكر فيه كتر من مك ؟!!!
مروان غير ساكت وسلطان كيضرب براسوو مع الكوسان
سلطان : كيغانديروو ليهم حنا دابا .... السلاح هو اللخر ماعندناش ....
لوؤي غير كيفكر ويدوز لسانو على شفايفو فالاخير علا عينيه لمرايا هو يشوف واحد طموبيل داخلة وبزربة ديييمارااا وكسييراااا ومشا على ليييمن بجهة داك الارياف كيشوف موراه واش تابعينوووو ودراري كيشوفو لور
سلطان : واش الكااااارد ؟؟؟؟؟؟
لؤي مكيردش غير مكسييري فداك طريق لي كانت خاااوية والانارة فيها قليييلة وكايشوف لمرايا واش تاابعيييينو ... تازاد شي كلمتر عاد وقف طموبيل بعد متأكد مشافوهمش ومنتبهوش .... عاد تنهد ...
اياد : (كايشوف موراه وشاف فيه ) مااردوش البال .....
لؤي نزل من الطموبيل بعد عليهم ..... وبدا يصوني فتيليفون ودراري كيشوفو فيه وكيبان ليهم كيهضر ويحك فشعرو ويضوور متوتر وكااايشرح بيدييه مرة يتعصب مرة يبان ليهم بحالا كيرطب تاني الهضرة .... شوية بان ليهم قطع وكيشوف لتيليفون هو كان شاعل البوزيسيون باغي يعرف طريق لي قدامو كيدايرة هي تبان ليه مععكككلة ولابيست صعييبة وضار براسو شاف لطموبيل بانت ليه حادرة بزاف من تحت ....هادي اخرتها تخليه اونبان فالدخلة دلابيست .... ورجع عيط تاني فتيليفون كيهضرررر
مروان: ( شاف فياد ) كيدرتو عرفتوه جا منهنا ... ؟؟؟ غير جاو وقالو ليكم !! هادشي را مدخليش لعقلي ؟
سلطان : ( تدخل حيت عارف اياد لاكدب غايفرشهم حيت مكيعرفش ... و ملي عيط ليه لوؤي غيكون قالها ليه وشاف فيه من مرايا ) البوليسيي وخلانة ندوزو ملي شاف البروتوكول .... عادي ياخد معلومات بلا مايتعدب ...
مروان : على هو قال سميتو عادي ! راه غاتوصل للعائلة !
سلطان : راه تا البوانتاج عطينا فيه سميتنا ..... حنا دايرين فيد الله لي وصل هو هداك ....
مروان : ومعامن كيهضر دابا !!!!!
سلطان : (كاتنهد ) تشكاو عليه لداخل وراه كيهضر مع ماكرون ينقص ليهم ف الثمن دالكازوال .....
مروان : مكنطنزش اسلطان
سلطان : لااا راك كطنننزززز ... فين شفتو انا معامن كيهضر اصاااحبي ... واش انا كنسمع ونتا لا ! شفتيه دا معاه ودنيا مثلا!!!!!!!
مروان غير ضور راسو وسكت وسلطان كيشوف فلوؤي .. تابان ليه قطع تاني تيليفون وجا لعندهم دخل لطموبيل ديماراها ومشا لجنب مبعد من طريق وسكتها ودار يديه مور راسو متكي عليهم فالكوسان
لؤي : لي فيه نعاس ينعس .... نتساو واحد شوية ....
اياد : اش درتي
لؤي : ضبرت فالسلاح .... وطموبيل .. هادي مغدخليش لتما
مروان : ( بدهشة تكعد ) كيفاش سلاح !!!!
لوؤي : قلتي السيد مخبي عند واحد من المافيا .. باش بغيتيني ندافع على راسي ! نسلخهم بالسمطة دالسروال !
مروان : راه باك غينحرك الوؤي
لؤي : منين يتنحر داك صاحبتك ... غاينحر الا بغا داك ساعة .....
سلطان : ( قالب شفتو لجنب وربع يدو ومغمض عينيه كيهضر مسترخي وباعصاااب بااااااردة ) والله تاجات فوقتها .... كان قاتل جدمي المللل .. .مرة مرة حركو لينا شوية دالاكشن اولاد العم .. الله يخلف على جود
اياد : سلاح لي ضبرتي فيه ماقانونيش !
لوؤي : شي شوية ....
مروان : تا كيفاش شي شوية ؟ ( شد على وجهو ) اش هاد مساااااخط الواليييدين جاي معاهم انا
لؤي : ( شاف فيه من المرايا ) ماقالك حد تبعنا ياكما نحطك ترجع فحالك !
مروان غير تنهد وقلب راسو لزاج مربع يديه واياد تاهو قاد جلستو كيعوج فراسو كايقلب على وضعية تريحو فالنعاس .... تالقا راحتو مفرق رجليه مغمض عينيه ولؤي متكي على الكرسي وكايضرب بيديه فالفييييتاس ......
المغرب ...
بيرو دالامن ...
مصغرين عينيهم تابعين واحد النقطة حمرة على اعصاااابهم تاجا شكيب وقف عليهم لي باقي كينهج بطلوع وهبوط
شكيب : موسيو اسد .... بوانتاو دراري فبوان دكونطخول اورليان ... المدخل الغربي ...
اسد غير سمعها علا حجبانو وسفيان ضرب واحد الكرسي قدامو وناض كيمشي و يجي وعدنان شد على راسو ويونس شاف فزياد كيكبت اعصابو ....
شكيب : عندهم بي ام ... ماتريكيل فرنسي من مدينة نيس ... وماشي ديااال لكرا ....
عدنان : ( طلع راسو فيه ) هادو منين جابو طموبيل !
اسد : ( شد على راسو حيت عارف نفود لوؤي من ناحية الشارة لي عندو لي قدر يلقى فيها حسام قبل مايطلع الصباح ودار جهدو كامل باش يلقاه قبل منو ..... وقال مغززززف بلا مايحس براسو ) معاهم ولدك مابغييتييش يجيبو طموووويييل ....
عدنان : ( شاف فيه ) على ولدي مني عارف منين يجيب طموبيل ؟
اسد : ولدك كيعرف مني يجيب الطموبيل والاعصاب و السكر والطووونسيون وكريز كاردياك .. كيعرف منييين يجيب هاااادو كااااامليييين ... ( شاف فشكيييب ) وقفو ليهم فطريق
شكيب : مزال مالقاااوهمش.. جا الخبار دبوانتاج من الباراج قلبو تما فليسطاسيون لي قراب مالقاوهمش
اسد : ( بنرفزة فنفس الوقت متحكم فاعصابو ميريبش هاد البيرو ) راه باااينة فيييين غاااادييين اشكيب راه مامشاوش لاورليااان يتقضاااو التفاح .... راه غادين عندو .. وقفو ليهم فطريق ... بلا ماتقلبو عليهم .... وقفو ليهم فطريق وهوما راه غايجيو حتى لعندكم ....
شكيب : نحبسوهم
اسد : مغيتحبسوش ليكم واخا يعرفو يبداو الحرب معاكم غاتوريني فولادي ! ... شدوهم وعطيوهم تيليفون .... خليهم يبردو د هاد الحرقة تما ....بلا مايجيو يديرو ليا شي كارثة هنايا الى جبتهم خاوين .....
سفيان : ( ضار معصب ) وييديروها تما
اسد : (كيشوف فالبيسي ) مغيديروووش ..
شكيب وما براسو ومشا واسد شاد على راسو كايسوط ....
∆فرنسا ...
دازت ساعة ونص وهوما على نفس وضعيتهم فطموبييل مرة ينعسو مرة يهضرو مرة يفيقو تا تسمع صوت ديال جوج طموبيلات جااايين وهو يحل لؤي عينيه وشاف من المرايا بانو ليه طالعين وخرج من طموبيل وهوما غير كيشوفو معاه ومروان مافاهم والو .... كانت رنج كحلة وجيب تاهيا كحلة من الجيبات الحربيين .... ونزل منهم راجل تلاثيني حليق اللحية طوييييل ببنية رياضية ... ولابس سيرفيت كحلة .. وسلم على لوؤي بيدو وضربو ضربة لكتفو ....
لؤي : ( شاف مع الجيب نفس الطراز لي بغا ) نتا راااااك كااااين ....
فرانك : انا كاين ونتا بانليا باغي تنحينا كاااملين من الوجود مغيبقى تاشي واحد كاين ...
لؤي : ( جابليه الضحكة واخا ماعندوش الخاطر كيحك على لحيتو وتنهد كيشوف تحت لجيب واش غاطلع ليه فداك لابسيت ) لا لا ناضية ..( شاف فيه ) فين سلاح !
فرانك : ( شدو ) لوؤي .... واش عارف راسك شكادير ؟
لؤي : وصافي اصاااحبي ... هضرنا معاك .. عارف اش كاندير و مغااايجيبوش الخبار .... السلاح والجيب كانو خارجين هاد اللية ... مغايعرفةش فين خارجين بالضبط . .... و نيكولاس راه غيعرف يقلب داكشي فالدورية ....
فرانك : يلااه قطع معاياا هو براسو خايف ومگدم معاك فهادشي ..... داك الولد شي نهار غاتسكت ليه نتا القلب بشي خلعة
لوؤي : ( ماشي بجهة الجيب وسلم على هاداك لي صايكها ) مغاايووووقع والو .. وهضرت معاكم ... الى مشى حتى بان هادشي وعرفو طموبيل وسلاح خرجو لبلاصة اخرى ..... انا كنتحمل مسؤولية قول ليهم لوؤي ورجع لور .... ماحيتش طلبت طموبيل وسلاح ددورية .. ياك بالعاني طلبت ليك د الف بي اي حيت مغايحكروش معانا فالقرطاس ..... فاش كانقوليك عارف اش كاندير .... رجع لور
فرانك : نتا ماعندكش شي خدمة اخرى من غير انك تجيب الاعصاااااب للعميد ....
لوؤي حل الكوفر لور ديال الجيب وفرانك تبعو لي هو اجون معاه وعندو مهمة حاليا ففرانسا ... جبد صاك كحل كبير كيحلو وكايهضرو
لوؤي : القضية راه قلت ليك فتيليفون كبرات هادو را مافيا .. تا الى تفرش قضية سلاح عارف باش نسلك راسي .... غنقول تبعت هاد مافيا .. بانت ليا هنا شي حاجة كدار ماقانونياش ... مغايعرف حد الى هادي مصلحة شخصية
فرانك : تابع مافيا ونتا ماعندككش ضوسي ديالها ؟ دورية ديال باك !!!
لؤي : بانوليا فطريق تبعتهم نتسنى انا تايعطيوني ضوسي ؟؟؟؟ ... الشرطة في خدمة الشعب ... انا سهران على أمن وامان الكرة الارضية ( فرانك جاب ليه الضحكة )
حل داك الصاك هوما يبانو جيليات واقية الرصاص ولكن مكتوبة فيهم لور الاف بي اي كبيييرة بالبيض وبدا تيتنهد كيغايدير ليها مع مروان .... وكان سلاح لتحت فداك الصاك .. مسدسات و بعض البندقيات الحجم الصغير وسماطي درصاص ... لاسلكيات .. وكاع اش غيقدر يحتاج .... ورجع شاف ففرانك
لوؤي : مااعلييييكش ....
فرانك : درت ليك اش بغيتي ....ضوسي جاي ديال منهااااتن .. نعول علييييك !!!!
لوؤي : حححسبوو ديالك .... صافي راه قتليك مغنشدوووش ... ديه نتا ..واخا كنت عاصر عليه ..... متعرفوش للفابور ... ضروري هاك و آرا ...
فرانك غمزو ومشا لطموبيل كسيرا ووما لدراري غير بكلاكسون و مشا .... ولوؤي مشا بجهة الطموبيل حيد منها الكونطاكط وعطاه لهاداك لي جاب الجيب وسلطان عرف راه غيبدلو طموبيل وهز تا الوراق وكاع مسائلهم ونزل ... وهاداك السيد صاك داك طموبيل لي جاو فيها ومشا ... وهوما مشاو باتجاه جيب كيشوفو معاها ...
مروان : شكون هادو ؟
لوؤي : ( حس براسو مابقاش قادر يستحمل اسئلتو كلها وضار عندو ) واش باغي دخل للجنة نتا ؟ ( مروان غير كيشوف ) حااول تسكت غادي دخل مع الصحااابة .... انا نعطيك كاااع داك الحسنات لي جامع ... غا سكت ... ( مشا بجهة طموبيل ورجع ضار عندو ) مااااادير تاحاجة من غير .. تسكت .....
خلاه ومشا ركب وركبو كااامليين ... وهو ينطق سلطان
سلطان : واش طريق صعيبة لهاد درجة لي تحتاج جيب ؟؟؟؟
لوؤي : ( يد فالفولون ويد فالتيليفون على المابس ) منين غنخرجو من طريق غندخلو فلابيست واحد عشرين كيلومتر كتصعاب الطريق ... ديلمهم هاد المافيات كيعرفو فين يسكنو .... عزيز عليهم يتخشاو وسط جبال بحال المعيز ....
اياد : ( شاف فمروان ) نتا عاقل على طريق الدار ؟
مروان : اه عاقل كاين واحد الفيلاج صغيييير ... ومنو عاقل على الطريق لي كتدي لداك البلاصة .. ولكن آ الدراري رررردو البااال .... راه هادشي لي كاديرو فيه خطر ... واش عارفين بعدا ولا غير غاديين
كلهم غير سكتو حيت بصح راه عندو الحق ولكن هوما دم لي تيجري فيهم كيبقى يييغلي يغلي حتى يردو حقهم عاد كيبرد ..... واحد تجرأ داك الجرأة كاملة وقلب دنيا فوق راسهم مستحيل يدوزها ليه ...
وصلو لداك الفيلاج تاكانت الساعة كتشير لتلاتة وخمسة وربعين ديال صباح بدا ينعت ليه مروان وهوما كيتمناو يكون بصح مشا لداك البلاصة ماشي شي بلاصة اخرى ومشاو على داك طريق لي كان منعرج على لييسسسر .. مافيهش الانارة غير الفار ديال الطموووبيل لي شاعل .. شوية هوما يلقاو راسهم فالاپيست وسط الغابة .....الجو كان بدا يبرد شوية فداك الريف ... لدرجة زاج دجيب تضبب ليهم وطلق لوؤي الفونتيلاتور ومصغرين عينيهم قدامهم وجيب كلها كتزعزع بيهم بسبب الطريق الصعيبة
سلطان : واش مزااال !
مروان : ( كيشوف مصغر عينيه ) مزال شوية .. ملي دخلنا للبيست عقلت بقينا فييييها شحال .. شي عشرين دقيقة .... ملي تخرج من هاد الغابة .. شد على يدك ليمن .... تما كاينين ديور واقلة ... وزيد طلع معاهم ....
غاديين متبعين النعت ديالو كيتسمع غير انفاسهم وصوت ديال المحرك دجيب وتقرقيب ديال السلاح فالكوفر ... وصلو فين قاليهم ودازو على ليمن وطلعو فطواالة طويييلة بحال العقبة هي لي احتاجو فيها الجييب حيت مستحيل طموبيل حادرة تطلع منها ....شي لي خلا لوؤي بكون اكيد انه خلا ميرسيديس ديالو فالفيلاج وبدل طموبيل تاهو ماشي غبي يحتفظ بنفس طموبيل ديالو وهو هربان !!!! ....
مروان : صافي ... دابا غير سيييييير نيشان غايبان قدامك واحد الحييييط طويل ....راه هاديك هي الدار .....
سلطان : والا مكانش هو تما باش غنعرفو ؟
مروان : نسولو هادوك لي على برا ؟؟؟؟
سلطان : واش منيتك كتقول لينا مافيا ونسولو على برا ؟ غنسولو على محطة الكيران فين جات ... سلام سلام واش عندكم واحد ولد القحبة سميتو حسام مخبينو لداخل .. غيقولو لينا اه كاين تفضلو تشربو قهوة وديوه ! جاي مور ولدك لاكخيش !
مروان: انا براسي مگدم معاكم .. انا عارف اش كاديروو؟
لوؤي : ( كيشوف قدامو جامع حجبانو ) بالهدنة بالتفاهم بالحرب بالسلاح بدم .. هاداك الحيط غندخلو ..... يكونو مافيا ولا يكونو لي بغاو يكونو ...
اياد : طموبيل غتبان ليهم ديالمن آلوؤي !
لؤوي : ( فهمو اش قصد حيت لاشمو ريحة البوليس غاتقلب دنيا دبصح ) لا . . مغيعرفوش ...
اياد : حنا غانبغيوه يخرجوه على برا ماعندنا تا مشكل معاهم .. كاع هادي محبة!!!! غيخبيو واحد تايدير ليهم العمليات ؟ عطا الله الاطبااااء .. خرجو ليااا ولد القحبة نجيب ليكم خمسة بلاصتو ....
مروان : يعني باغيين تفاهمو معاهم بالعقل؟
اياد : ( شاف فيه ) دابا مالك ماالك تترعد عليا هنايا .... لاخايف بقى فطمووووبيل .... راه واحد الووولد ديال ختك كون ماجمدووه فالثلج بحال الموووتى كان غتكون هاد نهار جنازتو .... راه واحد ختك تقالت عليييها شييييخة ... وهاديك ختك راه مرت عمي ... شششمن حححق عندو يجي يقول عليها شييخة ؟؟؟؟؟ شكوون يكووون و منييين جاب هاد الزعامة كاملة ؟ نسكتو ليه ولا ! برررربي تايكره حياتو ونهار لي بغا يلعب لعب البراااااهش ...
سلطان : انا بغيت غا نعرف فين كان عععقلو ؟؟؟؟؟ شششنو تايحسب فراسو هذا ؟؟؟؟؟؟ انا راه مجابنيش هنا غير حيت جود دخل للانعاش ولا الهضرة لي قال .. والله هادشي كامل ما عصبني قد ماااعصبتني هاد الزعااامة كلها وانا راه نستحمل كولشي الى بنااااادم تيحسب فراسو منعرف شنو .. النيف لي تجي طلع عليا غاانرعفو لوالديك مع الااااارض .. هااادشي كااامل دارو حيت سايسو معاه العمام وداوه لكلييينيك ( شاف فمروان من المرايا ) وككبرو ليييك بيه .... ضضضضسر حسابلو صافي غير كاين البروتوكول راه مغنقدروش نتحركو ويدير لي بغا ولد القحححبة ....
لوؤي : راه مكاين لي مضسر علينا بنادم قد داك البروتوكول .. عارفينا منقدروش نترحكو ... تقيس ليا دمي تقووود نتا والبروتوووكول ....
مروان غير كيتنهد وكيشوف ... عارفهم فيهم الغنان و العكككس .. جايين لهنا باش يطييحو ليه نفاختو كتر من الانتقام ... ..
شوية هو يرجع مروان كاااااامل لقدام بوااحد الفرااان دارو لووؤي !! .... واياد شاف بزربة قدامو وسلطان قلب راسو لجنب كيسوط ملي شافهم ... ولوؤي تيشوف فيهم ... كانو ربعة ديال الطموبيلات من نوع لاند روفر قاطعين طريق والكارد مستفييييين كيتسناوهم ولوؤي ضرب فالفولووون ....
لوؤي : فااااااااااك
سلطان : وغا لي وصلنا لهنا وماتبعوناش ... راه طرات معجزة ...
لوؤي : علاش غيتبعوك .. هاهوما كيتسناوك كاع !
نزل من الطموبيل مغزف وزدح الباب ونزل موراه سلطان اياد ومروان ومشاو باتجاهم ولؤوي وقف داير يدو فجيابوو والكارد قرب ليهم ....
لوؤي : مغنديرو والو غير فتح طريق .....
هاداك الكارد ماهضرش غير مد ليه تيليفون ولوؤي غمض على عينيه مزير عليهم اما سلطان تكا على مقدمة الجيب كيشعل كارو اخر واياد كيمشي ويجي ومروان كيشوف فلوؤي
لوؤي : ( بعد تنهيدة قوية نطق ) ماااازاال مادرنا والو ..
اسد : ومااغاااديرش ...
لوؤي : غااندير .... ونتا عارفني غاندير اهمي .. موصلتش تالهنا باش نرجع خاوي والا مافتحوش لينا طريق مغنرجعوش.... شفتي واخا تقتلو ودفنو نتا ... غنجبدو من قبرو نفصلو طراف عاد نرجعو ومغااانبردش ...... مغاتبردني غير شوووفتوو مهبط الراااس كايطلب السماااحة لي مغاااتعطاش ليه اصلا ....
اسد : ( بحدة ) لووووؤاي ..... ( لوؤي سكت ) غااادخلو .. غاتحاسبو معاه ... غتبرد قلبكم .. ضرب .. هرس ... ديرو لي عجبكم .. ولاااااااكن.. الروح ... ماااطيييحش ...
لؤوؤي : ( بعصبية ووجهو حمار) غاااطييح اعمي غااطييييييح .... ماجايش انا تالهنااا باش منطيحهاش
اسد : هضرة وحدة راني قلتها .. الروح .. ماطيحش .. الى مشيتي تا طيحتيها ... مغدخلش لداري لا نت الا داك المافيا لي معاك .... غير بقى تما ففرانسا وقلبو على شكون يتبناكم ...... . ( بتأكيد وصرامة وحدة ) لوؤي ... الروح ... ماطيحش ....
حيد تيليفون من ودنو ملي سمعو قطع ومدو للكااارد مكره والكارد ركبو فطموبيلاتهم ومشاو وسلطان واياد ومروان كيشوفو معاهم مفاهمينش هادو علاش مشاو وخواو ليهم الطريق ؟؟؟؟؟ ولوؤي خدا نفس عميق وشاف قدامو عاد بانت الطريق لي كانو مخبينها الكارد وبان حيييط طويييييييل وعالي بعض الشيئ وكل درع منو واقف واحد من البوديغارد بسلااااحو .... ورجع ضار عند دراري
سلطان : اش قال ليك ؟
لؤوي : ( بتنهيدة ) الروح ماطيحش ...
سلطان : ( علا عينيه لدوك الرجال قدامهم ) هه ! كيغانديرو ليها اولد العم ؟ كيغانديرو حنا ندخلو بلا ماطيح روح ! راحنا مشادينش معاهم رونديفو ... راه غاندخلو صحة !
اياد : علاش الكارد وصلتو تالهنا ومدخلوش !
لوؤي : ( كيشوف لجنب ) هادو جايين عندنا ماشي عندهم ... لقاوه وبغاونا حنا لي نتحاسبو معاه حيت عارفينا مغنرجعوش خاويين الى مابردناش ( مشا بجهة الكوفر )
اياد : ( ضار موراه ) مانطيحوش روح فهمناها ... ولكن هادو لي قدامنا هنا كيغانديرو ليهم باش ندخلو ! ندگ ليهم البنج !
لوؤي : ( كيحل داك الصاك ) عمك قال ماطيحش الروح ( علا راسو شاف فداك الرجال ) ماااشي الرواااااح .... ( مروان وسع فيه عينيه وهو كيحيد فالتيشورت ديالو ) انا اصلا مكنتش ناوي طيح غا روح وحدة .....
سلطان : ( كيشوف معاه ) غااانتنفاااااو ديييييييلمك
لوؤي : ديجا محتاحين لكونجي ......
حل لوؤي هاداك الصاك ومروان كايشوف قدامو فدوك الرجال لي مزال بعاااد عليهم ولكن كايبانو ليهم .... ورجع شاف عند دراري لي اياد مشا عند لؤي لكوفر و سلطان زطم على الكارو ديالو ومشا باتجااههم ... لؤي كان كايقلب الجيليات دواقي الرصاص بزربة ويرد العلامة د الف بي اي للداخل باش مايشوفها مروان .... لي التحق بيهم وشاف داك الصاك باش عامر وسع عينيه
مروان : لؤي ! منين جبتي هادشي ! هادشي را بزااااف !!!!!
لؤي : ( طلع راسو فيه) ملي نسالي من صاحبتك ... جيب ورقة وستيييلو واجي سول على خاااطرك ( لاح ليه ليگات كوحل ) لبس هااادو ...
هز ليكات خرين مدهم لسطان واياد وهوما تنهدو وبداو يلبسو فيهم ومرة مرة كيطلعو العين على داك الحيط لي قدامهم ولي بعيد غير بامتار .... مكيفكرو فحتى حاااجة اخرى من غير غايدخلو من داك الباااب يشدوه بين يديهم ويجففو بكرامتو لارض .... لبس اياد ليگات و لبس تاسلطان باش مايبقاوش البصمات على السلاح .... عاد بدا يمد ليهم جيليات مقلوبين وحيدو تيشورتاتهم كيلبسوهم على صدرهم ... وتامروان تاهو خلا امرو فيد الله وتبعهم .... غير شاف الجليات دواقي الرصاص والسلاح قدامو تشجع واخا مزال حاس بالخطر حيت عارفها مافيا كبيرة وهوما غي ربعة بيهم .... فنفس الوقت كايفكر انه ارجع خاوي بلا مايتحاسب معاه كايبغي يحماق .... بدا معاهم غايكمل معاهم ....
لبسو تيشورتاهم فوق جيليات لي عرضات صدروهم كتر ما هو عريض ..... وبدا لؤي كيشارجي السلاح واياد غمض عينيه كايسمع لداك الصوت ... كان كايضن عمرو غايعاود يسمعو مزال ... كانت هادي عماين باش تيرا فواحد ضارب معاه فالبار تيرا فكتفو و البروتوكول عاقبو بغرامة مالية و حيدو منو رخصة السلاح للابد ....شدو كايدوز عليه يديه وخدا تنهيدة قوووية .... ودارو مور سروالو كايزيد يقاد فليكات ديالو بسمطتهم وتخطاهم مشا ركب فطموبيل ولؤي باقي كايشارجي كل سلاح ويتأكد منو ويمد ليهم ... وشاف لؤي فمروان
لؤي : لاكنتي هاز سلاحك حييييدو .... خدم بهدا
مروان : ماهزيتش ...( كايشوف مع سلاح ) جيت بلا عقل ....
لؤي مد حتى لسلطان ... ورجع سد هاداك الصاك وهو كايخرج النفس سخووونة ... مشاو ركبو فطموبيل وهو سد الكوفر وبقى شاد عليه بيديه مغمض عينيه وهضرة جود كتعاود فودنيه " بغيييت دمووو" ...صورة لامار والرسالة لي مكتوبة بانو قدام عينيه تاتسمع صوتو وهو كاايتغزل بقدس .... شي لي خلاه يفقد سييييطرة بالمرة .... ورجع دخل الطموبيل ودماراها وشد على الفولون مزير عليه بجوج يديه كايشوف قدامو ... ومروان تنهد وهضر
مروان : واش متأكدين من هادشي لي كاديروه !
تاحد مجاوبوو كانو عينيهم غير قدامهم على داك الحيط تازاد لؤي بشوووية ... شوية بشوية السرعة كاااتزيييييد .... عينيهم ولاو حمرييييين ملي كايحسو براسهم قربو منو ... ولوؤي سنانو تايتحكو وسط فمو .... دوك الرجال غير سمعو صوت طموبيل طالعة لعندهم دارو يديهم على سلاااحهم و احد فيه من البعيد دار يديه على ودنو كااايهضر .....
لؤي كانو عيينه فالحيط والرجال لي قداااامو مررركز عليهم و سلطان سلاح فيديه مستعد ... واياد تاهووو مزير على سلاحو ومروان ضغط على الزناد مستعدين لاي حاجة ... هوما وصلو حتى لهنا ..... ربعة ديال صباح هادي .... مابقا كايفصل بينهم وبينو غير امتار .... مغايرجعوش طوال !! ... مكاينش لي غايخلعهم ولا خليهم يتراااجعو .... حرب دمهم ... حرب فداء لولد عمهم و كرااامة مرات عمهم ..... حححرب عبرة لاي واحد قدر يتجرأ على عائلتهم ومااايعاملهاش باحترااام ...
لؤي زايد مكسيري ودوك الرجال جبدو سلاحهم حيت السرعة باش جاي خلاتهم يتخدو الحذر ..... ولؤي بدات هضرة عمو كاتسمع ليه فوودنيه وهو تايقوليه الطيح روح مايدخلش لدارو مزال ... عااد حس بداك الهضرة سرااات معاه هو يفراااني تااا تهزو الدراااري ووقف كاينهج وشاف فسلطان ورجع هز عينو فالمرايا كايشوف فيهم لور وعينيه حمرين .. كايحس بعقلو شوية بشوية كايرجع لراسو ...
لؤي : تايجبدو سلاحهم عاد جبدو سلاحكم نتوما ..... تيريو ليدين .. ولا رجلين .... ماتقتلوهمش ... ( زاد ديماراا هو يدوي سلطان كايضغط على زناد وعينيه عليهم )
سلطان : منضمنش ليك ....
لؤي : ( كايشوف قدامو ) انا راه هضرت .... ( شاف فسطان وسلطان تا هو شاف فيه ) قادر ندخل لاي حرب بلا منخاف .. الحرب الوحييييدة لي مغانقدرش عليها ... هي الحرب مع العائلة ..... الحرب الوحيدة لي ضروووري تطلع فيها الخاااسر ....
ضور راسو مركز مع طريق وسلطان عوج عنقو لجنب بمعنى على الله ماتكبر الكارثة كثر وكتر باش ماتتسناهم حرب تافالمغرب ... ومروان عاد غمض عينيه لي بان ليه لؤي بدا يدير عقلو فراسو ... واياد تاهو ضغط على زناد ومصغر عينو قدامو وفيهم .... كان هو قلييلهم فالهضرة ولكن اكثر واحد فاهم الوضع لي هوما فيه ! عارف هادي حرب مگدمين فيها بلا خطة ! بلا تدبير .. بلا تفكير بلا عقل .... عارف بلي الدم فاش كايتقاس كايتهز العقل .... العاطفة كلها كاتسيطر عليك ....وعارف مدام اسد فتح المجال .. الا وباغيهم هوما لي يتحاسبو معاه حيت عارف اسد ديما كايحاول يلقى الحل الوسط لي مكيخسرش فيه من حتى شي جهة .... ولقاه .... غير هو شرطو كان صعيب ! كان على شكل ... انهم مطلوب منهم يقتلوه بلا مايموت ! .... باش يدير لخاطر ليه لبرتوكول ....وليهم .....مطلوب ..... يقتلوه بلا مايموت !
زاد لؤي وهو مخفض من سرعة الجيب باش مايعلنش ليهم على الحرب تايبداوها هوما .. وكيحاول ما امكن يتحكم فعصبيتو وجموحو باش يقدر يوصل لآش بغا بلا خسائر مع عائلتو ....
مكايخاف من والو متهور فكولشي ولكن ملي الامر كيرتبط ليه بمستقبلو مع قدس .... لقا راسو مقادرش يدخل فحرب مع اسد .... حرب يتعاقب فيها مدى حياتو بحرمانو منها ..... محاول ما امكن يخدم عقلو هاد المرة كتر من العاطفة باركا غير هاد سلسلة التهورات لي مر منها باش وصل تالهنا .... منها استخدام الشارة فمصالح شخصية و هاد طموبيل والسلاح وكاع هاد المخاطرات ! ....
زايدين مركزين قدامهم ....وهوما يصغرو كاملين عينيهم فواحد الشخص كايقرب من طريق... مكايبانش بمرة بسبب الظلام وخا ضارب ليه الضو دالفاررر مكيتفرزش ! فيديه مصباح يدوي كبير وبدا يضرب بيه يمين وشمال .....
سلطان : اش كايدير هدا !
ماحدهم كايقربو هوما كايبانليهم شخص طويييييل وعريض لابس كوستيم كحل وكيضرب بهاداك البيل مرة يمين ومرة شمال تابدا لؤي كايزيد يخفض من سرعة طموبيل ل 20 كلم .... فاهم هاديك الحركة شنو كاتعني ... حيت خدمتو كلها مع المافيات كايعرف كاع الكودات ديالهم ....
لؤي : ماباغيش المقاتلة ....
اياد : ( قرب عندو ) باش عرفونا جاين نتقاتلو !
لؤي : ( كايشوف قدامو وكايقرا هاد الجو ) هادو كايتسناونا ....
سلطان : ( كايشوف مع مول الپيل تنحى للجانب ) كايخوي ليك الطريق ! اش وااقع !
مروان : ( كايشوف معاهم ) جوج احتمالات ... يا شي بلان هدا من بلاناتهم ... يا عمي اسد نقى طريق .....
الاحتمال تاني كان اكثر منطقية ليهم
لؤي : نزلو السلاح ....
شافو راسهم قربو ليه و كلهم ردو سلاح مور سراولهم فنفس الوقت باقين دايرين شوية د الحذر ... ووقف لؤي حداه وداك الشخص واقف فبلاصتو كايشوف فيهم .. غير بانت ليه جيپ وقفات حدا رجليه طفا البيل وزاد قرب عندهم ولؤي هبط الزاج كيشوف فيه ... كان شخص من ذوي البشرة السوداء.. ضارب راسطة قصيرة ... تحنى للزاج دوز عينيه عليهم وشاف فلوؤي ...
الرجل : لاعندكم شي سلاح نزلوه .... الحرب ما فصالحنا ما فصالحكم ....
لؤي : ( علا حجبانو ) علاش !
الرجل : ( كان محني على الطموبيل و رجع وقف كايحك فلحيتو وظفرانو مصبغين بالكحل ) لي كاتقلبو عليه راه لداخل .... ساليو حسابكم وماتعرفونا مانعرفوكم .....
قال كلامو وتنحى لجنب خاوي ليه طريق ولؤي شاف قدامو رجال ماشين بجهة البوابة. .... فهمو كولهم ان اسد نقى طريق ....
البوابة بدات كتحل قدامهم وهوما زادو ... فنفس الوقت ماحاطينش تيقتهم كاملة مزال كايتسناو اي انقلاب ضدهم فاي لحظة .... ولا يكون هادشي غير فخ !!!
فالداخل ....
كان حدا باب الفيلا شخص فبداية الاربعينات .. عنقو كولو طالع بالوشامات .. .شعرو اسود قوي كيتخللو بعض خصلات البيضاء مرجعو للخلف .... لابس لباس عسكري فالاسود والازرق مع كاط عالي والسلاح مور السروال وعنقو عامر بالسلال دالعقيق وخواتم فيديه .... والهدرة كتوصل ليه للكيت لي فودينه من الشخص لي على برا
جيف : راهم داخلين
دافيد : شحال بيهم ؟؟؟
جيف : ربعة ....
دافيد جبد تيليفون وبدا يصوني حاطو على الودن لوخرا حتى جاوبو
دافيد : را تفتحات ليهم الباب ...
الشخص : ماديرو تاا حاجة خليوهم بينهم وبيييينو ... ماتخليهمش بوحدهم لداخل .... حضي مع البيرو ...
دافيد : كون جات عليا كون خرجناه لييييهم لبراااا يديرو بيه لي بغاو علاش ندخلوهم لدار!
الشخص : مغاايقتلوووهش ...
دافيد : وعلاش جايين ؟
الشخص : عندهم تعليميات مايتقتلش .... جايين غير يتحاسبو
دافيد : ومن بعد !
الشخص : ملي يساليو .... قتلوه نتوما . ... مابغيتش نجي نشوف كمارتو تما ..... ناقص انا مشاكل يجبدهم ليا مع البروتوكل ! باغي يشريها ليا !
دافيد : اوكي بوس ....
قطع عليه ودار يدر فجيبوو كايتسنى طموبيل تبان ليه حيت كايسمع صوتها بعيد .. ولكن مزال ماقربات للفيلا ....
لؤي مكانش مكسيري كان صايك غير بشوية مهبط زاج وتايشوف مع جنابو ويعلي عينه للكاميرات وينزلهم للجوانب ديال هاد المدخل .... هو يورك على واحد الزر فطموبيل اكتيفا الكاميرا ديال الجيب كايصور المدخل لي جاي فيه والرجال ووجوههم ... كواحد خدمتو فالفدرالية اي بلاصة مشبوهة مشى ليها كايخد معلومات باش يطرحها ويشد ملفها ... ميمكنش يجي تالدار المافيا وميخرج بوالو ! ....
فالداخل ....
كان صالون كبييير غالب عليه اللون الترابي والارضية خشبية ... دروج كانو دهبيين مفتوحين على الصالون ... لي نازل منهم حسام وكايشوف لتيليفون معلي حاجبو .... لابس غير بينوار ديال النعاس حيت عارف مغايخرجش من اسوار هاد الفيلا ...وقع فيها على صفقة باش يخدم ليهم كاع العمليات فالمجاان فالمقابل يتخبى هنا فهاد الحصن المحمي حتى يسكت عليه الصداع .. باغي هاد الليلة غير يرتاح ويريح اعصابو .. عارف الدار خاوية كاينين غير الرجال والخادمات ومتسحيل يوصل ليه شي واحد لهنا ...
نازل كايشوف لتيليفون واش محطوش فالاخبار شي حاجة عليهم ... ولكن مكانت تاحاجة .... كل مرة يعلي حاجبو كيتسائل ياكما يكون كدب عليه ! ولكن طريقة العصبية والمتوترة باش كان كايهضر معاه الولد كاتوحي بلي عذبووووه و بلي راه تايقبلو عليه وبلي كارثة من موراه ... كان كايلوم فيه علاش طيحو فمشكل مع الاسماعليين وباش عمرو يجي يسول عليه ومابقاش يجي عندهم .. رغم كمية سبان لي سمع منو هو شد من هضرتو غير ان الاسماعليين وصلاتهم الخبار وكايقلبو عليه كاملين ماشي غير جود .... مكانش حاسب جود غايقولها لعائلتو ! حرب مع الاسماعيليين مستحيل يقدر عليها .... وهو غير دكتور بدون حماية .....
مشا باتجاه الصالون وتكا على واحد من الفوطويييات قدام حيط زجااجي كايطل على الحديييقة ..... مد يدو هز تيليكوموند ضغط على واحد الزر وخدمات موسيقى كلاااسيكيية وسد عينه مسترخي على الفوطوي ويدو لي
فيها التيليكومند كايدوزها يمين وشمال مع انغااام المووسيقى دالبيانوووو كايحاول يترخى ويحيد عليه التوتر ...والخادمة جات حطات قدامو شاي الاعشاب ومشات ....
تاشوية حل عينيه على ووووسعهم ملي حس ب واحد ضو ديال الفار ديال الطموبيل ضاارب فالزاج ... حل عينه وتكعد من على الفوطوي كايشوف شكون داك طموبيل لي جاية باتجاه الفيلا !!!!! ياك البوس خارج البلاد !!!
دافيد على برا غير شاف طموبيل جاية تنهد وقاد سلستو على عنقو ومشا بشوية باتجاه الباب الخشيية الكبيرة دالفيلا باش يحلها ليهم ....
لؤي كان جاي فممر طويييييل على جنابو اعمدة الانارة وقدامو واجهة الفيلا الزجاااجية .... مصصغرر عينيه فيييه لي كايبان ليه متكي فالصااالون .... وسلطان ودراري كايشوفو فهاد الشخص لي ماشي باش يحل ليهم الباب كاع ماردو لبال لحسام لي كايبان من زاج متكي ! ولؤي كايزيييد فالسرعة تابدا كايتسمع صوت داك الكسيراتور فكاع انحاء داك الجردة وكاع لي كارد لي تما ضارو كايشوفو ولؤي كيضغط الكسيراااتووور بكل جهدو ودراري قلبو عينيهم عند لوؤي .. عين فيه وعين فالحائط الزجاجي لي قدامهم ...
سلطان : وااا ولد العم ..... واقلة وووصلنا !!!! تااا وقف
اياد : وقققف آلؤي
مروان : لوووؤااااااي !!!!!
سلطان : ( بالغوات كاايشوفو مككككسيري ) وال**لاااااااااوي ... لؤووووواااااااي وووقف اصااااحبي
شوية ووسعو عينهم على جهدهم والكارد بعدو من لباب كايشوفو ... وسلطان غمض عينه واياد كايحاول يجي قدامو يحيد ليه الفولون و حسام غير شاف بلي طموبيل جاااية بجهة الزاج ناض كاااايجرري تاتقلب على الفوتوي ومشى كايرجع باللور والخادمات كااغووتووو ... وهو كيقلب فين ييهرررب وقلبو كاايضرب بجهد ... ومروان غطاا راااسووو تاكاان لؤي دخل فداااك الزاااج بالجيييب ففشششرخو وتسمع الصوت قووووي ديال اصدااامهم والكااارد كولوهم جاو كايجريو ودافيد واقف مصدوم شاد على البواني ديال الباب موسع عينيه !!!!!!! والصوت كايلتاقطو من فودنيه من جيف ...
جيف : دخلتيهم !
دافيد : ( كايشوف قدامو فالزاج لي مفركع وصوت الجيب لداخل ) متسناونيش !
دخلات الجيب مكسيرية وحسام هرررب لكووزينة هو يحبس لؤي فالصالون والارضية كلها تشقات تحت من روايض الجيپ ... وسلطان طل براسو من واالزاج على مدخل الكوزينة لي هرب ليها وسط الخدمات لي واقفات كايشوفو ... ونزل ..... نزلو تاودراري ...ولؤي شاد على الفولون وحال عينو بغمزة كايسمع لهاد الموسيقى لي مطلوقة !! لهاد درجة كان مستمتع ومسترخي !!!!!!!! .... وهوما يوماين ماداقوش النعاس !!!!!!
بداو الكارد كايدخلو من داك الزاج المسحوق فالارض وكايشوفو مع الفيييلا ومع الديكورات المهرسين لي دخل فيهم ومع الارضية لي تشقااات .... وهي تحل للباب دالفيلللا الخشبية ودخل دافيد .... غير شافهم دار ابتسامة بااااردة شبه آلية كتوحي شحال هالي من المشاعر .. وسد داك الباب وضار عنهم داير يدو فجيبو .....ووتم ماشي بجهتهم ..... ولؤي ضار عندو ... ودراري تاهما كاشوفو فيه ... اما حسام استغل اللحظة لي ضارو فيها عند دافيد وخرج من كوزينة كايجري وطلع فدروج وسلطان ضور راسو كايشوف فيه ببرووود متبعو !!!!!! ومروان مخنزررر فيه !!! متوقعش يكون بهاد الجبن كامل ! ... ورجعو شاف فدافيد لي جاي قاصد لؤي. .. من غير مروان لي عينيه بقاو على دروج ...
دافيد : ( ضار موراه كايشوف فالباب الرئيسي وكيشوف فلؤي ) كندخلو من لهيه ... الى ماكنتوش عارفين !
لوؤي : ( كيطلعو و يهبطو ) نهار لي سبنا فيه ( نهار الرسالة) ... ماجاش من للباب .... تاحنا ماغانجيوهش من الباب ....
دافيد : ( تنهد وهو كايشوف فيهم وعلا عينو لدروج ورجع شافيهم ) راه قدامكم .... ساليو هادشي دغيا ... ( كايشوف مع الدار لي كولشي مشخشخ من جهة لي دخلو ) تابعينا الاصلاحات ....
لؤي ضار بعينه كايشوف فداك الخراب لي دار و تنهد ورجع شاف فيه
لؤي : ( شاف فداكشي ورجع شاف فيه ) ضريبة صغيرة ديال تخبعوه عندكم !
دافيد : ( عوج شفتو لتحت ورجع شاف فيه ) تشربو شي حاجة !
سلطان : كيفاش واش تشربو شي حاجة ( شاف للسلاحو وشاف فيه )
دافيد : ... ( ببرود كايهضر كانه جماد ) نتوما ضياف وحنا معروف علينا حسن الاستقبال ...
سلطان تنهد محاملش راسو رجع ليه الملل ... ومشا تكا على الفوطوي موسع رجليه وماد على الجناب ...
سلطان : يلاه جيب شي قهوة !
لؤي ضور راسو بان ليه مروان طلع فدروج ؟... ورجع شاف عند اياد لي كيرد سلاحو لور ...
اياد : خليونا نساليو علينا هادشي دغيا نقودو ....
طلع لؤي فدروج تابع مروان واياد كايمشي ويجي تما تحت الدروج وسلطان داق من داك الكاس داتاي ديالو وخيب ملامحو
سلطان : طبيب وتايشرب قد هاكا دالسكار ! ونا تانقول منين جاوه الحناش !
لؤي طلع فدروج لطابق الثاني لي هو الطابق الوحيد لي تما مكاينينش دروج مزال ..... زايد غادي فالكولوار كايشوف مع كاع الجوانب ويعبر فهاد دار ويشوف مع كاميراتها وبدا يحل البيوت واحد بواحد كيطل عليهم ..... كانو غير بيوت ديال النعاس ووحدين مكيتحلوش ... تابان ليه مروان خارج من واحد البيت ...
مروان : مكاينش ! ..
لؤي خلاه ودخل لداك البيت لي خرج منو كان هو لي بقا فداك الممر دخل ليه هو يبان ليه السرجم محلول والريدو كايمشي ويجي ...ومشى طل منو للتحت .. شاف ماعندوش كيييدير ينقز ! ورجع علا راسو لفوق هو يبانليه طالع فوق السقف ديال الفيلا المتلث كاترعد بالخلعة ..... جابليه الضحكة
لؤي : هه ! ( صفر عليه هو يضور حسام راسو بجنون وكولو كاينهج ومعرق ) سباديرمان ! فين غادي اولدي فين ؟؟؟؟
رجع هرب كايجري على الحافة باتجاه واحد القادوس ... ولؤي دخل لبيت بشوية كايعوج فعنقوو كيقلب على كاروو فجيبو و شاف فمروان
لؤي : نزل نزل تلقى ليه لتحت... نزل ....
مروان مشا خرج من البيت ولؤي شعل كارو ونفت دخان وشاف مع جنابو فداك بيت نعاس وعينيه كايتمركزو على الطابلويات مصغر عينيه فيهم ولكن مايقدرش يقرب لان الكاميرات فوق منو .. ورجع خرج من البيت كايكمي نازل فدروج وكايهضر مع دافيد لي واقف فنهاية دروج داير يديه فجيابو ...
لؤي : عجبني ديكور ديال الدار
دافيد : كان حسن قبل ماتدخل بالجيب تالهنا ! ... ( شار ليه للجنب الباب زجاجي لي تخرب ) كا ن تما واحد تمثااال كايرجع للقرن التامن عشر ....
سلطان : ( اشار بيدو لي فيها لكارو للؤي مخاطب دافيد ) باه عندو متحف... ملي نساليو هادشي نسيفطوليك شي كلاكيط د رمسيس الاول كان كايتوضى بها .....
مروان فجردة على برا ومعلي راسو كايشوف للفوق ..... وحسام هابط على داك القادوس ... كولو كااايييينهج ماعارفش فين يمشي وشنو خصو يدير باغي يخرج من داك الفييييلا يقلب على طموبيل لي حس تامن الكارد تقلبو عليه ! .. نقزز للارض ومشا كايجري باتجاه الباركينغ والكارد دالجردة كايتفرجو فيه هو يوقف ملي سمع ...
مروان : حسااام ....
حسام وقف فبلاصتو فاش سمع صوتو.. هو من الوقت لي شاف فيه الطموبيل جاية بداك السرعة واختارقات الزاج عرفهم الاسسماعليين .. ولكن كانت اخر حاجة يتوقعها هي يكون معاهم مروان وضار عندو بشوية كاتمنى يكون ماسمعش مزيان ..... لقاه واقف كايشوف فيه وعينيه مخلطة فيهم الخيبة والاعصاااب والفقصة و حسام بدا ينهج وقرب عندو بزربة كانه شاف حبل نجاة
حسام : مرواااان ... والله ماابغييييت نوووصلوها لهنا امروان ... نتا عاارافني بعييد على المشاااكييييل راه جبدووو مّي امرواااان ( مروان غير داير يديه فالجيب دسروال وكيشوف فيه ) قال لمي قققحبة امرواان راه مابردااااتش لياااااا حط راسك بلاصتي ... ا .. انا راه مابغيتش كاع نوصلو لهاد المواصل. .. كون بغيت شي حاجة قبيحة لختك كون فضحتها فالصحافة ( كايهضر بزززرزبة باغي غير يييفلت براسو ) انا بغيت غير هو يتربى ومايبقاش يعاااير الناس .... تعمات ليا البصيرة امروااان ....
مروان بلا مااايحس كان ضربو بببونية تاقلب عليه الحنك وسال دغيا الدم من فموو يلاه غايهضر كان شدو من البينواارر مفيكسييه معاه كايهضر مزير على سنانو
مروان : خختي؟؟؟؟ ختي اووولدي الققققحبة ....
حسام : ( كايهضر ودم تايسيل من سنانو ) مروااان دييير عقلك واش يجيو يعمرو ليك راسك عليا ... عشررتك انا امروان
ضربو بروووسية تاطيحو الارررض ورجع تحنا عليه هزو تاني كولووو كااينهج هو عارف مزيان مروان شحال مسااااالم فنفس الوقت عارف عصصبييتوووو ملي كاينوض .....
مروان : اش كتحاااول دير دابا ؟ اش كاااااديير ؟؟؟؟؟ كتدافع على راسك ( زاد ليه وحدة اخرى ) كنت داايررك خوويا ازامل .. خووووويا .... ( رجع ضرربو تاني تاتتعوج راسو ) تتغدررني مورا ضضضهري .... ( رحع تاني شدو مفيكسيه معاه ) بببختي !!!! ختي لي ضاااربت معاهت على قققبلك ..... رووونت الدينا على قبلك ازاااامل ... ( ضضربو تاني ) اااشمااااتة..... مابقااش فيا اش درتي كتر مابقا فيا تقت فييك وقلتي ليا راه غااانسى .... كون قلتي ليا باقي حااقد بررربي مغاااتحرقني كيما تححرحقت دابا ونا كنت تايق فيك ( ضربو بكروشي تايطيح ليه الراس ) عشششرتك انا ؟ هاكا ناس كايجازيو العشرة !!! نقول لعشيري ختك شيخة !!!!! ( رجع هزو كولو كاينهج وحسام كولو دمايات ) واش جود مشا بققش ليك فمّك ؟ مشا قلّب ليك فتصاور ديالك داك القحححبة دختك لي كتنشوفها بعيني اش كدير فداك الامااارات !!!!!! جود مشى قلللب ليك على باااك لي كايبات عاطيها لللطااسة فبييرااان شاااابع خيااانة فمك .... جووود مامشااااش جاب ليك تصاااورهم اولدي ققححجحية حتى تجيبهم نتا ... وديالاش ؟؟ ... ديال قبل حتى مااتوولدو .. ديال سنيييين هادي .... اما وسخك نتا لابغيت غانجبدو غير ديال لباااارح نوريك الشرف شنو هو .... سكت حييت عشيري مانعايركش بطاسيلتك ... تجيني انا من ختي ؟؟؟؟؟؟ ... ختي نقى منك ومن طااسليييييتك كلها ازامل .... ( شدو تاني من حوايجو كايفيكسيه معاه وهو راسو كايح فالارض بالكروشيات لي كلا ) اشنو ؟ شفتك سسكتي ...نتقاضاو ليك ؟؟
حسام : ( كايشوف فيه بترجي ) ط ط .. طلق مني ... ك ك ...نتا معصب. .... تا عااارف بلاصتك عندي ... نهار ض ضااربتي مع خوتك لقيتني غي انا .... ه هاكا .. ت تجازيني
مروان : ( رجع ضربو بروسية ) وانا هااااكا تجااازيني آ ولد القحبة لي نهار كتحنسر فالشيكات شكون لي تايفكك ويفك مصاااايبك ؟؟؟؟؟؟ كتحااااسب دابا اشماتة
حسام : م مروان .. لميييمة ... لميمة ( باس لي كتفو ) بوجه خالتي رقية طططلقني نمشي فحاالي والله ماتشوفو كمارتي ب ... بغيتو تانطلب سمااخة نطلبها غير بببعدو مني ... هاااالعاااار
يتبع...
التعليقات
لا توجد تعليقات بعد، كن أول من يعلق.