محتوى القصة
داخلين فالمرر حتى وصلو لساحة الحفل وسلطان قلب عينيه للباب وهي تبان ليه داخلة مع وسيم وتبسم براحة لي جات .. والي طمنو كثر هي الضحيكة لي مرسومة على وجهها ولي واضح وسيم قال شي حاجة ضحكاتها ....
فيصل كان واقف فواحد الطبلة وحداه ولد صاحب باباه وشاد تيليفونو .. تاطلع عينيه للبوابة وهي تبان ليه داخلة وكتضحك مع وسيم لي جارها بالكرسي وهو يعلي حاجبو ! ياك قالت ليه مغنجيش ! ياك ماخلا حتى شي اسلوب دالاقناع لي دار ليها ورفضات ! علاش داخلة دابا فرحانة ؟ اولا حيت وسيم لي جابها ! اش يكون قال ليها حتى ما ترددش باش تجي ... !!!!
طفى تليفونو بعصبية .. لي مكانش سبابها حيت جات هي و وسيم ... كان سبابها انها باقية معلقة وكتعدب راسها بحب مستحييييل شي نهار يتحقق ... متعلقة بواحد ميستاهلش ضحكة وحدة منها ....حيت هو اكتر واحد عارفو شنو كيعجبو وشحال طايش فذوقو وتيفكر فسمطة لتحت وعمرو شي نهار غيتحرك ليه داك القلب خصوصا فهاد المراهقة لي كايعيش ... تعصب حيت عارف انه غيجي نهار لي غتصدم وغتدمر بمرررة .. هو عارف مزيان الصورة لي راسمة ليه فدماغها .... وعارف بلي داك الصورة غاااالطة تماما ...
تنهد وهز تيليفونو ومشا لجردة الخلفية محاملش يشوف فيهم والولد لي كان واقف معاه بقى غير متبعو بعينيه مفاهمش .... دخل لجردة الخلفية لي كانت كلها دالشبااب و صااااخبة بالزدحة والكل تما كايتمايل ويشطح وعايشين عالمهم وشبابهم عكس الجهة الامامية لي خاصة بالكبار موسيقتها هادئة و كلاص كايتسمع غير تقرقيب الكيسان و هضرة خفيفة وضحكات خفاف ....
تخطى الكل غير بابتسامات صفرييين للي كيعرفوه اما حتى واحد مكيزعم يعرضو يوقف معاهم حيت عارفينووو معندوش مع البشر بزاااف ومعزووول بلا قيااااس وجاتهم فشكل لي دخل عندهم لتما ... تمشى حتى لواحد البلاصة ورا الشجررر مضلمة وقريبة للبار .. عاد جلس على واحد الكرسي على شكل خشبة طويييييلة .. بعيدة على الانظار والاضواء وجلس طلق رجليه بجوج ومعلي راسو لفوووق مغمض عينيه تاوقف عليه الناذل وهز عليه كاسو بعياء ومشا .. وهو يجغم من كاسو وعينيه كيباانو دابلييييين .... وحجبانو الكثاااف جامعهم ... من ديما كيطرح السؤال وملقاش ليه جواب .. علاش هي من دون كاع البنات المعروضين قدامو ...اشنو هو هادشي لي كيحسو من جيهتها .. علاش ديما كيفكر غير فمشاعرها هي وكيخاف هي تآدى وحريص باش يكون معاها وميخليهاش تحس بالنقص ... حريص باش يكون اول من كيساندها واول من كيشد بيديها واول من كيفهمها ....عارف مزيان معندهاش الصحاااب وباش ماتحتاج تاشي واااحد عمرو خلاها تحس بالوحدة وديما معمر ليها الفراغ .... اول واحد كتلجئ ليه فاي حاجة كيكون هو ... فقط .... وغير كايجي وسيم ... وكيحس بصلاحيتو سالات .. وكيرجع تاني لور كيتفرج فنظراتها ليه .... !!!!
جغم تاني من كاسو و رجع راسو لور كيتنهد وكيحاول يفكر هادشي لي كيحسو من جيهتها شنو هو .... واش حب .. واش شفقة .. واش معزة ... واش شنو ! كيفاش متعلق بوحدة عارف قلبها متعلق بواحد اخر .... ومزال واااقف معاها !!! مهازش الهم لراسو كتر مهاز ليها الهم هي نهار تتصدم بحقيقة وسيم .. علاش كيدير هادشي كامل .. واش تستاهل منو هادشي ! واش كيبغيها ولا غير تتبقى فيه ؟ هدا هو السؤال لي معرفش يجاوب عليه بمرة .. مقادرش يحدد طبيعة مشاعرو تجاهها ....
" الجهة الامامية "
قدس كانت واقفة هي وماجدة وجوج بنات صحابات ماماها واخا كيبانو كيفوتوها فالسن وماعندهاش معاهم الى انها فضلاتهم هوما على تمشي فين كاينين البنات لي كيعرفوها فالجهة الخلفية ...
جاها الملل .. بقات غير كتسوط وماجدة كتهضر معاهم فمواضيع الفاشن مبغاوش يسكتو وهي كتقلللب بعينيها فين تتلهى تاقشعات جود وبيلسان فالبار ضاحكيييين .... وهي تبسم ملي لقات فيييين تتلهى !!! وعطات كاسها لماجدة لي بقات غا شاداه مافاهمة والو وغمزاتهم ومشات باتجاهم .... تادخلات وسط جود وبيلسان خلعاتهم
قدس : هااااااي .... ( شدات فدراع جود ) ياااكما ديرووونجييتكم ولا شي حااااجة ...
بيلسان : ههههه .... مرررحبا ...
قدس : ( مدات وجهها سلمات عليها ) توحشنااااك ...
بيلسان : تانا .... صافاااا .. ( شداتها من يديها ) جيتي واعرة ...
ماجدة كتشوف من بعييد مزيرة على داك الكاس تاسمعات حداها
- واش جود عندو شي علاقة ببيلسان ؟؟؟ شفتهم متقربيييين بزاف ؟؟؟؟؟
ماجدة : ( شافت فيها بزربة ) ايكسكيوزمي !!!
- جود وبيلسان .. بيناتهم شي حاجة ( كتشوف فيهم ) ياختي شحال مواااتيييين
ماجدة : هههههه ( كتهضر ضاحكة بالفقصة ) مزال مكتعرفيش جود احبيبة ... جود راه داير علاقة مع نص بنات القارة .. خليييها تحلم شوية
- لاااا .. جوپونص پا غيبغي يلعب على بنت عمو ... وقدام العائلة .. مستحيل يدوز الوقت بوحدة كنيتها اسماعيلي !!! كاينة شي حاجة وراكي مخبياها علينا
ماجدة : ( بزعفة ) قتلييك مكاين والو ... مالكم على هاد الفضول .. دخلو شوية سوق رااااسكم ....
دوك البنات ضيقو فيها عينيهم على زعفة لي دارت ليهم وهي تحط الكاس عند الناذل وهزات كسوتها ومشات لجردة لوررر محاااملاش راااسها ومحاملاااش تشوف فيهم ..... كتغدد وضرب رجليها مع الارض ... وتزيد تحقد على كنيتها لي ماشي الاسماعيلي حيت كون كانت الاسماعيلي كانت حتى هي غتكون فداك البار ويعترف بيها ويجلس ويضحك معاها ..... حيت كيف قالو لبنات ..... "مستحيل تكون اسماعيلي ويدوز بها الوقت !"
جود : ( دفعها تبعد عليه ) وقفي قدامي لهيه نشوف
قدس : ( لصقات فجنبو ) علاااااش ...
جود : وووقفي نشوف .... منشوفش اش لابسة !!!
قدس : ااء ... ل لابسة زوييييين .... علااش ؟
بيلسان : جات غزالة ... بعد من البنت ...
جود : ( دفعها وقفات قدامو وبقى يطلع ويهبط ) دابا اش هادشي ؟
قدس : عادي ( كتشوف مع راسها ) ياك راني معاكم
جود : كنتي تحيديها علاش متقلة بيها ... ( كيشوف معاها ) مزييرة رجليك بحال هاكا خايفاهم يهربو ولا !
قدس : جووود .... واش انا كندخل ليك فحوايجك
جود : وهادو حوايج داباااا
بيلسان : جوووود الناس كيشوفو ....
جود : راه مااابغيتيش نحشششمك ( بعصبية ) ما نت ديال التصرفييق
قدس : ( بغاو يدمعو عينيها ) بابا لي بابا اعباد الله ومقاليش هاكاا
جود : ( حط كاسو ووقف ) تالدار ماشي دابا ... تالدار وغنتفاهمو ....
خلاها وزاد وهي تبعاتو بعينيها وشافت فبيلسان لي باقا مصدومة منو
قدس : اش عجبك فيييه غا قولي ليااا اش عججبك ...
بيلسان : ناااري !!!! مالو ولا بحال هاكا ؟؟؟؟
قدس : مااشفتي وااالو ابنتي ( جلسات فبلاصتو ) واش حسابلك هذا هو جود لي خليتي هادي ربع سنين .. هدا راه لالقاني كنضحك غير مع صحاباتي فتيليفون ينوض القيامة ... انا منك نهز حوايجي ونهرب ....
بيلسان : ( باقا متبعاه ماشي بجيهة باه ) عنداك يمشي يضربك ولا شي حاجة فالدار .. خلعني
قدس : غنمشي لااصقة فبابا تاينسى ....
بيلسان : غيبقى يدخل فحوايجي بحال هاكا تا انا!
قدس : بحال هاكا ههههه ( تكات على الكونطوار ورجعات يديها لور متكية عليه ) جبتيلي ضحكة اصحبتي انا راه غا ختووو مناوبين عليا هو و بابا ... نت راه غتكوني معاه غاااهو ابنتي .. ندعي ليك بالصبر من دابا ....
لوؤي كان واقف كيهضر مع اياد وعينيه باقي تايقلبو عليهااا مابانتش ليه بمرة قال غتكون فالجهة لوخرا وتنهد ضار بعينيه للبار يشوف جود واش باقي تما ... مبانش ليه ورجع ضور عينو كيرشف من كاسو .. هووو يقلبهم دغيااا فاش بانتليه واقفة كضحك مع بيلسان .. وبدا يطلعها ويهبطها وهو يغمض عينيه مزييير عليهم كينهج ... وكيدعي بالصبر ... وبدا يقلب عينيه على الحضور واش كيشوف فيها شي واحد .. كيحس بعروقو كيضربو بجهد ملي كتكون كاشفة انوثتها بهاد الششكل .... تنهد وحط كاسو فصينية دالناذل لي داز حداه ومشا باتجاه البار كيشوف مع جنابو واش ماراد ليه البال حد تاوقف عليهم قدس كانت كضحك وجمعات الضحكة حيت واضح فملامحو مخنزررر .. وبيلسان شافت فيه ...
لوؤي : ( كيشوف فقدس مخاطب بيلي ) ماماك كتقلب عليك
بيلسان : ( جاتها الضحكة وحطات كاسها وقادات وقفتها ) هاانا اسيدي نمشي نشووووف ماما اش بغات هههه ...
قدس حمرات فيها تبقى وهي غمزاتها ومشات كضحك باتجاه جلسة دنساء فين جالسين ... و لوؤي اشار للبارمان بعينيه يمشي يقاد ليه كاس اخر يلاه غيضور بانتليه غتمشي هو يشدها من دراعها رجعها لبلاصتها وهي كتشوف فباباها وجود لي ملهيين ورجعات شافت فيه
قدس : طلق مني واش تسيييطيتي ...
لوؤي : ( شاف فيها ) اش هاد الحالة !
قدس : ماشي عيقتو شوية لا !!!
لؤوي : ( بحدة ) واش كديريها بلعاني مفهمتش !!
قدس : مااااتزعفش ... راه نتوما لي عقلكوم مريض ... غوب عجبتني لبستها اش فيها
لوؤي تكا على البار بدرعانو شاد راسوووو
لوؤي : ياااااربي الصصصصبر ..... ( ضار عندها وعينيه حومر بالسكرة ) قدس .... را بالله وبقيتي مزال زايدة فهاد التبرررهيش ديالك لاعقلت لا على باك لا على خوووك .... راه مغندير بوجه تاشي واحد اخررر ..( بين سنانو بتحذير وعصبية) متبقايش تلعبي بالصبررر ديالي راه ببببربي تااا تندمي ...
قدس : ( شافت مع جنابها كولشي ملهي وقربات ليه كتغوت بالحس ) واااش مريييض نتا ولا مالك ... واش مباغيش تفهم ابنادم بلي انا ونتا مابيناتنا واااالو باش دير هاد الحالة كاااااملة
لوؤي : ( شدها من دراعها مزير علييهاا وهي كنشووف مع جنابها مخلوعة وهو هضر بين سنانو ) راااااه مبغيييتش نغللللط فيك ... تقاااااودي كلسي حدااا مك قبببل مانخلطك هناايااااا ....
قدس : ( قربات راسها ليه ) الى نتا رااااجل ديييييرهااا ...
بقا كيخنزر فيها وهي نترات دراعها منو ومشات وهو متبعها بعينيه ضار عند البارمان بانليه حال فمو فيهم خنزر فيه هو يرجع دغيا لخدمتتو .. ولوؤي شد كاسو وقلب راسو واش كلسات مع ماماها مبانتليهش وبدا يقلب عليها تابانت ليه ماشية للجردة الخلفية وبيلسان ناضات موراها ....
مشات قدس بزرربة لجردة لور وجهها كولو حممررر وبيلسان تابعاها لي كانت حاضياهم من بعيد
بيلسان : قددس ... و قفي الخرااااا غانهضر .. ووقفي غيتهرس ليا الطالون ... قدس ...
قدس تابعدات عليهم ووقفات كتنهج وبيلسان وقفات حداها
بيلسان : وااش نت حمااقييييتي واش هرب ليكم ؟؟؟؟؟ كون شافكم شي واحد فين غنولييييو .... حضي راسك الخرا واش معارفاش شنو دوزت انا
قدس : مالي انا لي عيطت ليه .. هو لي غيبقى تايخرج عليا انا وياه ....
بيلسان ضارت موراها شافت الى كولشي ملهي وجراتها داخلين لجردة الخلفية وصوت الزدحة تضرب فودنيييهم وداتها لواحد الكوان وكاع لي تما شافو جيهتهم ووقفات هي وياها ...
بيلسان : مالو معاك ؟ اش درتي ليه كيبان معصب؟؟
قدس : مكاتعرفيش تريييكتنا .... قاليك اش هاد الحالة ؟! مالها كسوتي مافهمتش .....
بيلسان : شوفي آقدس .. نهضرو منطقيييا اصاحبتي ... انا ماغانكريتيكيش عليك حيت نت تنعسي وانا نغطيك فالعراا ... ولكن اصاحبتي انا راه ضعيفة فالموغفولوجي ديالي .... يعني ضعافي تانت ولبسي لي عجبك .... نت عاامرة يعني فاش كتلبسي شي حاجة مزيرة بحال هاكا راه كتبينك اتيرونط بلا قياس .... ذاتس واي يمكن غاارر ولا منعرف ....
قدس : ( كاتشرح بيديها معصبة ) وباش من حق غايغييير ابييلي واش باغين تحمقوني وراه مابيناتنا والو .... هاااادشي بالضبط لي مخليني مندخلش معاه فشي حاااجة .. هاد الحكام دالخرااا .. مبيناتنا والو لي يجي يدير ليا هاد الحالة .... ياك بابا حي ؟ حي كيتنفس كيشوف وكيسمع .. اوا بابا يحككمني مااشي سوقو ماشي سووق تاشي واحد فيا ونلبس لي بغيييييت نغلاض ولا نضعااف نلبس معري ولا مغطي عندي بابا .. يمشيييي يقوووود ..
بيلسان : وصافي دابا بررردي بررردي ... بقاو تردو البااال كترر .... راه غير كانو ملهيبيين ... حمدي الله ماتكون شداتكم شي كاميرة
قدس : ( كترد شعرها لوور بالاعصاب ) ففففف .... قلبي كان غيخرج من بلاااصصصتوو بالخلعة وهو مكيتسوق لتاشي واحد تالنهار يخرج علياااا .... ( شافت فبيلسان ) انا مزال مافاهماش باشمن حق كيدخل ..
بيلسان : انا معاااااك .... وكون كنت فبلاصتك غاندير نفس التصرف مادام باباك كاين دونك ماعند تاشي واحد الحق يتحكم .... ومدام مابيناتكم تاشي حاجة رسمية ...
قدس : ( بدات كتنهد وشافت مع جنابها تابانت لبها واحد لبلاصة خاوية وجرات بيلسان ) اجي نوقفو هنا .. فففف تخخخنقت ....
مشات معاها بيلسان وقفو كيشوفو غير بعينيهم الحظور لي تما ورجعات شافت فيها
بيلسان : ( رضات ليها شعرها مور ودنيها ) تشربي شي حاجة ؟
قدس : لا لا مابغيييتش ... ( وراتها يديها كترعد ) شوفي على الحالة كنت غنموووت بالخلعة ....
بيلسان : ( شدات دراعها كتشوف فيها وهي تبسم بشوية وعلات عينيها فيها ) فخبارك هاد الترعيدة دابا ديال يديك وهاد السطريييس ... هوما احسن شعووررر تقدري تعيشيه حياتك كامللة !!!
قدس : ( علات فيها حاجبها ) منييييتك ؟ ياكما شااااربة ؟
بيلسان : هه كنهضر معاك بصصصح ... عرفتي هاد الاحساس هدا غتولي تقلبي عليه ومتلقايهش .... عرفتي كنتمنى نعاود نعيشو .. احسن حاجة فالعلاقة هي فاش تكونو عايشينها فالسر ومخلوووعيين و مشتاقين بعضياتكم خخخخ ...وتايشدك مور الحيوط ههه ... نهار كتعلن العلاقة وكتولي ماعندك مناش تخافي كتولي مملة والله .... مكيبقاش فيييها المتعة بحال هااااكاا ... راه هادي هي حلاوة العلااااقة تيقي بيا ....
قدس : بيلسان ... واش دابا من كامل قواك العقلية كتقارني علاقتي بلؤوي .. بعلاقتك نت وجود !!! نتوما راه كنتو مصااااحبييين .. نت تتبغيه وهو تايبغييييك .. ماشي جر ليا نجر ليبيك كيفي انا وياه ...
بيلسان : مزال مكنشوفش شي فرق ؟؟ فين هو الفرق .... علاش زعما بغيتي تقولي ليا كيبغيك غا هو بوحدو ؟؟ ههههه ! آآي سويتهارت !! .... قلبي علامن ضحكي ماشي عليا انا ...
قدس : وااش منيييتك داوية ؟؟؟؟
بيلسان : اااه منيتي .. ( شدات ليها يديها ) هاااد ترعيييدة هادي مكتكونش لينا مع شي واحد مكنبغيوهش ... ومكيخلعناش هاداك لي مكنبغيوش .. حيت كون كنت مكتبغيهش فاول مرة غيجي عندك غتمشي عند باباك ولا خوك وغتقولي ليهم يهضرو معاه يبعد علييييك .... مدامك باقا ساااكتة وكترعدي هاكا غا بوحدك .. راك تتتموووتي عليه الهبيلة ... حيت خايفة عليه تفضحيه ....كتر ماخايفة على راسك نت ....
قدس : ( بقات كاترمش مدة فيها فلخر دغيا نفضات راسها وشافت فيها ) لا لا هنا عرفتك راكي شاربة ماشي هي هاديك ... راه ولد عمي ا بيلسان لا مكنتش كنبغيه راه عزيز عليا واش يسخى عليا نمشي ندير ليه مشاكل مع بابا وخويا لي بحال خووه
بيلسان : ( قربات ليها كتر وحطات عينيها فعينين قدس ) سمعي احبيبتي داك لي مكنبغيييوهش والله مكيهمنا أمرو ... نقدرو نراعيو للمعزة دالعائلة لمرة لولة تانية .... رابعة كاع .. الخامسة كنمشيو نشكيو حيت مكنستحملوهش ... اما لي كنبغييييوه هو لي كنسسكتو ..... علاقتك نت ولوؤي بلا متعاودي ليا عليها قادرة نقراها حيت كنعرفك نت مزيان وكنعرفو تاهو ... هو تيبغيك من نيييتو والا مكانش غيغير عليك .. ونت راه تاتبغيييه ولكن الخوف هو لي ماااانعك تعترفي ( قدس بدات كترمش فيها بعينيها ) نت ولوؤي وانا وجود عندنا نفس العلاقة شحال هادي غير هو انا ماشي نت .. انا مكنتش كنخااااف ... ومكنتش كنخاف من علاقة رسمية حيت جود كان كووووول ... الامر مغيغير والو فيا .. عكس لوؤي .. معققد شوية ونت هربانة من داك الحكاااام .. وهربانة من شي نهار تفضحو غيرتو قدام كولشي ونت عارفاه غيدير نفس تصرف جود وغيطلبك من واليديك ونت مبغاش زواج دابا ..... ( قدس جا ترد فلخر مالقات ماتقول وسكتات ) تانا كنت بحالك فلول ... كان عاجبني غير نعيش علاقة طااايشة معمرني فكرت نتزوج بيه ولكن نهار تفضحنا وكان جوج طرقان يا نتفرق عليه يا نتزوج بيه ... اوفكورص ختاريت زواج .... ( زادت زيرات ليها على يديها ) قدس سمعي ليا ..... تصالحي مع مشاعرك شوية .... قرايهم متبقايش تجاهليهم .. وشوفي فعلا واش كيميليو ليه ... واش عارفة شحال صعيب تلقاي علاقة لي يبغيك كيفما كتبغيه .. لوؤي باينة من عينيه شحال كاايبغيك اصاحبتي .... والى كنتي تانتي كتحسي من جهتو بشي حاجة علاش كضيعيه من يديك ؟ واش تبغي تاشي نهار يعيا ويمل وتلقاي فيدو وحدة اخرى ( قدس علات عينيها فيها ) علاش شفتي فيا هاكا ؟ حسابتك مغيديرهاش .. حسابتك مغايملش ؟؟؟؟ شحال د غايتبعك عام ؟ عامين .... شحال قدو يزيد مزال يصصبر !!!! راه شحال مابقا راه عندو كرامة .... ولوؤي كنعرفو ... شتي كون مشافش منك قد هاكا ( وراتها بصبعانها ) ديال المشاعر اتجاهو وكون مبينتيش ليه بلي تانتي باغاه ... والله ماااايتبببعك .. غيخليها بينها وبين راسو .... ولكن مدامو زعم وكيقرب ليييك وتايبوووسك .... راه عارفك باغااااه .. غير نت لي مباغاش تشوفي راسك ...
قدس : صااافي ابيلسان سكتي متكمليييش عليااا فففففف ( كتمشي وتجي )
بيلسان : دابا علاش مسطريسيا هاكا .... راه خاصك فعلا تجلسي شوية مع راسك وتفكري مزيان ...
قدس : ( ضارت عندها ) بيلساااان .. فعمري 19 عاااام .. مزال باغا نعيش ابيلسان ... منقدرش نمشي نرتبط فعلاااقة لي نخونو فييييها ...
بيلسان : وشكون قالك غتخونيه ؟ ( شداتها من يديها فيكساتها معاها بجدية ) جااوبيني وبلاااا كذووووب ... من اول نهار بااااسك ... يعني من اول نهاااررر تقررربتوو لهاد درجة .... واش قدرتي تبوووسي غيييرو ؟؟؟؟؟ همم !!!!!
قدس : انا اصلا عمرني بست غيرو .... الفورست كيس ديالي كانت معاااه .. عمر شي ولد المرا قرب لشفايفي كيف زعم هو ...
بيلسان : مازعمش .. راه نت لي عطيتيه مجااال .. ومن الدرااري كاملين لي كتعرفي المجال عطيتيه ليه غير ليه هو باش تعررررفي ششحال تتبغيييه ونت مسايقة خبار .... اما الزعامة راه كولشي زعيييم غير خاص داك الزعيم يشوف واش مرغوب بيه ولا لا ... ولوؤي بينتي ليه انه نت باغااا ....ماهو والله لاقرررب ليك غتوريني فيه ؟؟؟
قدس : صافي ابييييلي سكتي ...
بيلسان : مغنسكتش تانفكرعو هاد الرمانة ديالك ... مزال مجاوبتينيش .... واش منهار باسك .. قادرة تبغي شي واحد اخر
قدس بدات كتفكر واش دارت شي علاقة من مورا ما قرب ليها ولقات ان تاواحد مابقى كيعجبها ولي هضرات معاه كتقارنو مع لوؤي وكيجيها لاعلاقة وكتسوسو وتا من سالفادور لي كانت غتحماق على شوفة منو ساااستو ومابقاتش حاملة تمشي للملعب غير باش ماتلاقاه .. ورجعات كتنهد وضورات راسها بلا بالنفي
بيلسان : اوا مااااالك ....
قدس : ولكن راه كنهضررر .. كيعجبني نضحك ونهضر ونتمشى معامن بغيت ونخرج معامن بغيييت ... هوو راه غيحييد ليا هادشي ولي كونطاكط ديالي غيكون فيه غير هوو ... وانا منقدددرش راه غيجيني الملل غير معاه
بيلسان : ( علات حجبانها ) لا لا هنا عررررفتك الى عمرك فحياتك درتي شي علاقة ديال بصح ...
قدس : وراه عمرني اصلا ... كنضحك وصاافي علاقاتي مكيفوتوش يوميييين ...
بيلسان : ( قربات ليها راسها كتر ) شووفي .... راه ملي كتكوني مع هاداك لي كتبغي مكيبقاش مجال للملل بمرة .... خصوصا لاكنتو باقين هاكا فالسسررر ورادين الباال .. الحب لي مور البيبان متعتو بوحدو ... كتبينو لبعضياتكم شحال كل واحد فيكم خيفان على لاخررر باش ميتفرشش ... كيولي عقلك ودماغك كيفكر غير فيه تقدري تجيبي ليلة كاملة كتهضري معاه ومتملييييش .... تقدري ديري اي حاجة غير تشوفي فعينيه مباشرة ... عينيه نت غتكوني كتشوفيهم فشكل .. حيت الشوفة لي كيشوفها فيك هي لي فشكل ماشي بحال لي كيشوف لكولشي .... غتولي توحشيه الى داز نهار واحد ماشفتيييهش .. راك غير ممجرباش داكشي علاش كتهضري
قدس : ( كتنهد ) معرفتش .. معرفتش ابيلي ... انا راه ماشي بحالك ...
بيلسان : دابا بيني وبينك اااقدس .... نت هربانة من الحكام ديالو ياك ؟ على اساس دايا مكيحمكش ؟ مكايغيرش !!! شنو غيتبدل لا وليتو مع بعضياتكم ؟
قدس : ودابا علا الاقل كنلقى باش نتحداه ونهدو ...
بيلسان : وتهد ؟ مكايتهدش ... مكيهموش اصلا تكوني معاه فعلاقة كثر مكيهمو انه قرا فعينيك كتبغيه وهو كيبغيك ...
قدس : منيين جبتي دابا هاد الهضرة منيييييين .. اشمن كنبغيييه تاني
بيلسان : ( بدات كتسوط وكضوور ) اوووووه مايكوووود ( رجعات شافت فيها ) حححفيتي ليا الحجرة فخباااارك ...
يالاه كيهضرو هو يبان ليها وسيم دايز مع صاحبو وهي تعيط بجهد تاقفزات قدس
بيلسان : وسييييم ...
وسيم ضار عندها ورجع قلب راسو ومشا وهي شافت فقدس ورجعات متبعاه بعينيها ....
بيلسان : مال هذا !!!!.. نهار كامل وانا كنصوني عليه كيقطع عليا ومبلوكيني فالسوشيال ميديا
قدس : صراحة تانا كان خاصني نبلوكيك غير منعرفت ( قلبت شفتها لجنب ) نسيت واقلة
بيلسان : ( طلعاتها وهبطتها ) اوا هانا فكرتك جبدي تيليفونك وبلوكيني وقوليها لقسم تاهي وماماك وباباك ... ياك جود ممبلوكينيييش اوا خودو راحتكم آبايبي ...
خلاتها ومشات مور وسيم وقدس كضحك وبيلسان شدات وسيم وشافت فصاحبو
بيلسان : غنديه ليك واحد دقيقة محتاجاه ..
وسيم : غاتقودي عليا لا !
بيلسان : ( كتشوف لصاحبو تامشا وهي تجرو لفين واقفة قدس ) زييييد بااااراكا ... عمي اسد والد غا المعكسييين .. زيييد ...
وسيم : ررريحي ... ( وقفو حدا قدس لي باقا ضاحكة )
بيلسان : ودابا غا قوليا اش درت ليييك
وسيم : مادرتييش ... غير ماصدقتيييش
بيلسان : Really !!!!!
وسيم : علاش حنا اخر من يعلم انك نت وجود غتزوجو هم ؟؟؟ ياك كنت فارعة ليا راسي بيه .. نهار وليتو مع بعضياتكم كطلعي ليا لڤيو !!!
بيلسان : خوك خلا ليا انا شي عقل نهضر مع شي واحد اخر ...
وسيم : الله يسهل .. غامتتتقنطرييينيش انايا ...
بيلسان : والى ماقنطرتكش نتا شكون نقنطر ... جبد تيليفونك ديبلوكيني .. تانتزوج بيه وبلوكيني دابا راه باقي عندي مايدااار بيك ...
قدس : هه !!! بيييييتش !!
وسيم : والله ماااتسواااااي بالله ..
بيلسان : اوا هادشي لي جابليييكم خوكم .. اش ندير ليكم انا ...
وسيم : ضووري تقااااودي ...
كان ماشي وهي تجبدو عنقاااتوووو وحيت طويل عليها جا راسها فصدرووو
بيلسان : والله تااتوحشتك بالله ... آي ريلي مييسيو كاززن ...
وسيم : بببعديي عليا غتوسخي ليا حوايجي يداك الفاخر لي فعيييينك ...
بيلسان : تااديبلوووكيني
وسيم : شحال فيييك ديال التغباااااان ... وغااابعدي دابا نديبلوكيك بعدي ...
بيلسان : ( بعدات عليه وبدات كتشوف فيهم ) ماشي خخخبعت عليكم .. راه اصلا داكشي كان متوتر وباقي متوتر ... يعني راه مكنتش فرحانة مية فالمية لي نجي كنجري نشارك معاكم فرحتي بحال شحال هادي ...دابا الاومور مبدلة ... ولا نقولو كنحاولو نصلحو فيها .. وديجا اصلا كنا مخااصمييين راه يالاه ليوم تصالحنا ...
قدس : نتوما لحقتو تخاصمو كاع !!! ... ماعرفانكم فوقاش هضرتو ولا فوقاش بغيتو تزوجو لافوقاش تخاصمتو لافوقاش تصالحتو .. ( شافت عند وسيم ) غدا يجيو والدين كايقلبو على الحالة المدنية ( شافت فيها ) فوقاش تخاصمتو
بيلسان : ياختي طنز شكاديري ليه .. هو لي كتعرفي ليه شي حاجة اخرى خبز ربي ف ... فداكشي ديالو تنسى ليا .... ( شافت لجنب مع الحضور كتكمل كلامها ) تخاصمنا قبل منمشي لكندا .. راه داكشي علاش مشيت غاباش نبعد شوية وبان ليا نفع هاد القراار ..
قدس : ( علات حجبانها بجوج وشافت فوسيم ) داكشي علاش كان مقلق داك ليلة لي هضرنا معاه تعقل ؟ فاش مكانوش ماما وبابا
وسيم : كنت حسيييت شي حاجة ماهياش ..
بيلسان : قاليكم علاش ضاربنا ؟
قدس : هو مقالش لينا حتى واش ضاربتو بقى غا علاش ... هاداك راه متعرفيش شنو عندو خصوصا خصوصيات بحال هادو راه والله متسمعيهم منو ...
وسيم : وعلاش ضاربتو ؟
بيلسان : هو مقالش وانا بغيتيني نسرسر ليك ؟ اريو كرايزي مان !!!!
قدس : هادي راه حاضية حوايجها كتر منو ههه
بيلسان : مهم داكشي فات ... وكنظن من هنا لفوق العلاقة غتصلح حيت هو عرف اش باغي وانا عارفة اش باغية ... مهم ... ( تنهدات كاتشوف فيهم ) مغنكذبش عليكم انا خيفانة شوية .. من جيهة عقليتو الجديدة معارفاش كيفاش غنتعامل معاها واش نقدر نستحملها .. ومن جيهة تاني اياد... مزال رااافض كل الرفض فاش كنا فكندا كنحاول مرة مرة نجبد معاه الموضوع اما كيقلبو ليا ولا كيتعصب ... وانا مباغاش نخسر خويا مرة اخرى ...
وسيم : ياك هو عارف غتخطبو غدا ... مقالش ليك شي حاجة ولا قاليك ختاري انا ولا هو بحال شحال هادي !
بيلسان : لا لا مقال والو كاع ومعطاش رأيو
قدس : دونك دابا المشكل ماشي معاك نتي .. المشكل عندو مع جود وصافي نتي صلح معاك الامور وغيبغي يشوفك فرحانة ....
بيلسان : معرفتش ..صراحة تمنيتو تاهو يكون فرحان ليا .... كنحس بهاد العلاقة ديالي انا وجود مبززة على العائلة كاملة .. دايرين لينا الخاطر وصافي
قدس : مسألة وقت ... هوما ماشي دايرين ليكم الخاطر هوما خيفانين بحال كيف خايفة نتي .. حيت فارق العقليات بينك وبينو كبيييييير .. راه قلتها وغنعاودها ليك .. جود تبدل بلا قيااااااس ... يعني غا وجدي تأضبطاي معاه
بيلسان : نو حبيبتي .. غيوجد راسو يتأضبطا معايا هو .. الزواج ماشي غير واحد لي ياكل فيه دق خاص يكون التوازن ... نتنازل شوية انا ويتنازل شوية هو .... ..
وسيم : والله يخرج هاد الهيت ديالكم على خيييير .... ( ديبلوكاها وراها تيليفون ) هاانا ديبلوكيتيك يلاه خليني نمشي ...
بيلسان : ( ضارت براسها لجنب وهو يبانليها صاحبو واقف مع الكليكة لي ماشي لعندهم وسيم وشافت فيه ) مجاتش ؟
وسيم : غتجي دابا
قدس : شكون هادي ...
وسيم بلا ميجاوب مشا وبيلسان شافت فيها
بيلسان : واحد صحيييبتووو العام لي فات كانت شهر وهي مهبلاااااني علييييه .. عاد حن عليها الله و تصاحبو ملي كان فامريكا ..
قدس : كتقرا معاه تما ؟
بيلسان : اه .. ولكن باها راه هو داك لي شارك معاهم فداك اوطيل ديال افران .. عرفتيه ؟
قدس : لوطيل عرفتو .. لي شاركين معاهم منكعرفهمش ....
بيلسان : راه مكانتش غتجي للمغرب .. وملي سمعات هاد الافتتاح وغتلاقاه هنا راه جات الصباح عيطات ليا ....
قدس : علاش زعما من غير الافتتاح مغيتلاقاوش
بيلسان : هدا فامريكا ومكانش كيتلاقاها بقا غا هنا
قدس : هاء !
بيلسان : نت راه عارفة خوتك مغنوريكش فيهم راه كيبغيها من طناش دليل لفوق
قدس : ( بصدمة ) اوييلي وسيييييم ؟؟؟؟
بيلسان : ومالك وسيم سهلتيه !
قدس : اوييييلي راه باقي صغيييير
بيلسان : صغييرة نت ...
قدس : ( كتشوف فيهم شاد كاسو كيهضر مع صاحبو ) ويلي وييييلي على ولد الحراااااام ... شوفي ليك كولهم عايشين حياتهم جاو تالقدس وقالك يحححكمووو
بيلسان : والدراري ماشي بحالنا حنا ....حيت هوما لي تايديرو ماشي هوما لي كيدار ليهم راكي فاهمة ... وشحال ما طلعنا ونزلنا كيبقاو عائلتنا مغااربة وهاد التفكير الذكوري راه تابعنااااا .... انا غاجيت و هربت من اياد فكندا وجيت لهنا نكمل قرايتي .. فضلت هنا ولا الحبس لي كان دايرلي هو وزياد تما ....
يلاه كيهضرو وهي تسمع قدس تعييطة موراها وضارت براسها وهي تلقاهم صحاباتها جاو عندخم وسلمات عليهم وواضح فوق النييييف وجاو سلمو على بيلسان ووقفو جميع
رانيا : بيييلي غبوووراااات اصاحبتي .... غبررتي تاتبدلتي علينااا ... ( بغمزة ) غادا وتاتزياني ... ماسماو عليك باربي تااا باااربي نيت .....
ايمان : والله تابقاااات بلاااصتك فالكلوووب ...
بيلسان : هانا ررررجعت ... دابا ندير شي ضورة تانا توحشت الكليكة تما ...
رانيا : غتبقاي هنا بزاف ولا غير العطلة ؟
بيلسان : لا لا غير العطلة وغنرجع ....
ايمان : ( ضارت عند قدس ) قدس ؟؟؟؟ ونتي فييين غبرتي واش عرفتي شحال صونينا وشحال من ميساج خلينا ليك ؟؟؟
رانيا : قدس .. الى درتي بحال هاكا على صوفيا راه ماعندنا تاشي علاقة بيييها
قدس : ( شافت فيها ) نعام ؟ على قبل من ؟؟؟
ايمان : صوفيا
قدس : شكون هادي ؟
رانيا : صافي خليييك منها .... والله تاتوحشتك علاش مكتجيش للملعب واش عرفتي شحال من حاجة فاااااتك ... اسماعيييل خططب وحدة لباااارح وسط الملللعب طاح على ركككبتوو وكولشي كااايصور دوزنا عشية واااعرة كنت ناقصة غير نت ...
بيلي سمعات وصلها ميساج وهي تشوف لتيليفونها لقاتو جود .. وحلاتو لقاتو كاتب ليها " Come here ... I want you near to me " " أجي لهنا ... بقاي قدام عيني " .... تبسمات غير بعينيها ورجعات شافت فيهم
بيلسان : انا غنخليييكم .. ماما بغاتني .... تانتشاوفو فالكلوووب ...( غمزات قدس وهزات كسوتها ومشات )
ايمان : ( شداتها ) اجي بعدا قبل متمشي ... واش نت وجود خو قدس بيناتكم شي حاجة ..
بيلسان : اه ..
ابتسمات ومزادت تا حاجة مور هاد جوج حروف ومشات خارجة للجردة الامامية وهي تلاقى بماجدة داخلة .. ماجدة بقات غير كتشوف فيها مخنزرة و بيلسان ميقات فيها وزادت ... غير دخلات لجردة جود قلب عينو كان واقف مع باباه والرجال اشارت ليه براسها وهو غمزها وضار كيهضر و هي بقات تقلب بعينيها تابان ليها فالبار باقي واقف تما بوحدو ومشات باتجاهو ..... وماجدة دخلات كتقلب على قدس لي باقين شادينها صحاباتها بالاسئلة ...
ايمان : واش شي حاجة رسمية بيناااتهم ؟؟؟؟ راها باينة من داك الاستقبال اختي لي دار ليها سعداتها ....
رانيا : هي صااافي تيييييتييييز مشاااااا ...
قدس : علاش زعما كون ماداهاش كان غيديك نت
رانيا : ومالك اختي على هاد تطياح المعنويات
قدس : ( شافت فيها وطلعاتها وهبطاتها ورجعات تنهدات ) غنخليكم غنمشي ...
رانيا : ( جات ماشية وجراتها ) وصاااافي اصااحبتي مالكي كديري بحال هاكا .... والله ماقلبنا عليك على قبلها ....
ايمان : راه كنا كنجلسو مع بعضياتنا اه .. ولكن نهار عرفناك مباغاهاش ومعندكش معاها بعدنا .. راه نت لي قلبتي علينا ماشي حنا .. مالكي مؤخرا غبرتي كاع قد هاكا .. هاد العطلة مشفناكش جينا فجنازة جدك عيينا نتسناوك منزلتيش ومشينا ....
قدس : ( شافت قدامها بانت ليها صاحبتهم تالتة واقفة مع صوفيا فكليكتها ورجعات شافت فيهم ) سييرو تجمعو مع صاااحبتكم .... انا راه ملي كنلوح الحاجة مكنتحناش نهزها .... ( بابتسامة صفرة ) كايحرقني ظهري بعيد عليكم
ايمان : واش غنبقاو نرغبو فيك وصااافي اصاحبتي ... والله تاتوحشناك وتوحشنا تنمرررك وضحكك ونشدو النمييييمة فالكلوب وفالمعلب ناقصة لينا بلا بيييييك
رانيا : واش دابا حنا غاتجي وحدة غا البارح تفارقنا وحنا صحابات من الاعدادي .... وصافي اقدس اعتذرنا ....
قدس : ودابا انا اش قلت ...
يلاه كتكمل كلامها وهي تجي ماجدة
ماجدة : نتوما هنا وانا تنقلب .... مالكم مخبعييين هنا ...
رانيا : تبعنا قدس فين واففة .... سبحان مبدل الاحوال من وحدة كتجلس غا وسط الكليكات ولات كتخبى مور الشجر ههه
ايمان : من قبيلة وحنا نحزرو بناقص كاع من شي صوووفيااا
ماجدة : هههه اش جاب مايردها ليكم للطريق .... تقلييييقتها صعيييبة
قدس : غتسكتي نت لا
ماجدة : ههههه حشومة اقدس والله تاتوحشوك ديما كيسولوني عليك وراه قلبو على صوفيا غير على قبلك
رانيا : بغيت غا نعرف مالك معاها .. حنا لاقلبنا عليها قلبنا على ودك نت ... نت مالك
قدس : مامالي حتا حاجة مكتسرطش لياااا ماعنديش مع بنادم تيحساب ليه الى راه الاضواء عليه ... داك الثقة فالنفس الزايدة على اللازم كتجيب ليا التقية .. ماعنديش معاها هذا مكان ... وماشي وحدة لي غنبغيها تكون فكليكتي .. يا انا يا هي ...
ايمان : الالة نت نت .... تاحنا الصراحة مستحملناهاش بزاف
قدس : تاطلعات ليكم فراسكم عاد جاييين عندي
ماجدة : وصافي باراكا عليهم هاهوما اعتذرو ليك و جاو عندك اش بغيتي قلبو تا على ليليا حيت بقات معاها ...
قدس بقات غير كتشوف منننفخة مكتجاوبش وماجدة بقات كتشوف فيهم ورجعات شافت فقدس
ماجدة : اصلا يالاه جاية نعاود ليك اخر الاخبار ....ياك مزال ماقلتو ليها والو
رانيا : مزاال .... تبدااي ولا نبدااااو ههه
ايمان : فمييييكتها يا بنتي يا قدس
قدس : اش كاين ؟
ماجدة : هضرة وحدة لي ضايرة فهاد الكوان دابا غير عليها هي ....
رانيا : كنت جاية نقولهاليك وبانتلي بيلسان ومبغيتش نهضر حيت بيلسان مقررربة من ولد عمك بزاف خفت تمشي تقولها ليه ولا شي حاجة ... خلي الهضرة هنا بيييناتنا حنا غير نقولو ليك اش طاري
قدس : اشمن ولد عمي فيهم ؟؟؟؟؟
ماجدة : لوؤي
قدس : ( شافت فيها ) مالو لوؤي
ماجدة : اوا الالة جا باش يلهي لينا هاد الليلة صوفيا ههه ... انا غير جابو ليا الهضرة هاد الجوجات اما انا مامشيتش عندها ...
قدس : ( بنرفزة ودم بدا يسخن ) ودابا طلقيييينا لهضرة ... مال لوؤي ؟؟؟؟؟
ماجدة : هادي شي شهر ملي كراشات عليه فالانسطاااا ....قالك ديما كتصيفطليه ومكيجاوبهاش مرة وحدة لي دار ليها شي ايموجي ولا منعرف ... وقرررات فهاد الحفلة تفركع الرمانة
قدس : مزال مافهمتش !!!!!! اشمن رمانة عندها مع لوؤي ؟؟؟؟؟
رانيا : قاليك ملي تسالي الحفلة ويكون خارج غتشدو على برا وتعترف ليه بكولشي وبلي كتكراشي عليه
قدس : ( حلات عينيها بجوج ) كييفاااش !!!!!!
رانيا : سسسسكتو داك الخرية جايا متقولو والو عاينو تاتمشي ...
قدس شافت جاية واحد البنت اخرى و عينيها حمارو بالفقصة وعطاتها غير ابتسامة صفرة كتسناها فوقاش تمشي يكملو ليها الموضوع وكتطرطق فيديييهاااا وكتشوف فيها هي لي كضضضحك واضح سكراااانة .... وكتحرك فبلاصتها وتنش على وجهها لي دغيا حمااار
فالجهة الامامية " البار "
بيلسان : ( وقفات حداه كتشوف فيه وهو كيشرب واضح من عينيه مقلق ) باقي خاصك قد هاكا ( جمعات صبعانها وهو كيشوف فيها ) ودير لينا فضيحة
لوؤي : ( كيجغم من كاسو وكيهضر ببرود ) اشمن فضيحة
بيلسان : رد البال شوية الوؤي واش باغي طيح البنت فشي مشكل ...! لي دوزتو منتمناه لتاشي وحدة
لوؤي : هي لي خاصها تولي ترد لبااال ..
بيلسان : ( كتشوف فعينيه) شوووف فيا ( شاف فيها ) سكرتي !
لوؤي : ( قلب عينيه كيشوف قدامو ) اش باغا نت دابا اش باغا ...
بيلسان : باغااااك تررررد البااال لداك البنت كتررر .... خوها صعيب باباها صعيييب ... البنت كتموت بالخلعة ... عرف راسك اش كدير واش حماقييييتي ولا مالك ...
لوؤي : معامن خليتيها !
بيلسان :. مع البنات .... وتا هاد السؤال ماخصكش طرحو ... حيت خاصك تولي ثيييق شوية فيييها ....
لوؤي : قدس نقدر ندير فيها كولشي الا الثقة. ..
بيلسان : وراه خصك تعلم ديرها
لوؤي : خاصها هي تعلم تكسبها ...
بيلسان : ماشي هاكا كتمشي الامور الوؤي ... البنت راه مابينك وبينها والو باش تكسب ثقتك .... عرف تقاد العلاقة لاباغيها تزيد القدام ومتبقاش علاقة طاايشة بحال هاديك لي كانت عندي وكانت على شوية تقلب عائلة على قدها ... كون مكنتش عايشة نفس التجربة وكون مكنتوش عزازين عليا نتا وياها مكنتش غندخل
لوؤي : ( جعم من كاسو كيشوف قدامو عينيه حمرين ) هي لي عاودات ليك
بيلسان : ههه ! واش فنظرك حتى غتعاود ليا عاد غنفهم .. واش غاديروها بيا انا !
لوؤي : سيري وقفي معاها متخليهاش تما بوحدها مع داك بنات القحاب ..
بيلسان : ( ضارت هزات كاسها وتقلبات تكات على الكونطوار بحالو وبدات كتشوف فجود وجغمات من كاسها كتبسم وتجنن فيه ) خطييييبي قااليااا بقاي قدااام عيييينيا ....
لوؤي ضور راسو شاف فيها شوفة ديال " ياااا على !!! " .. ميييق بشفايفو ورجع شاف قدامو وهي بدات كتبسم ...
بيلسان : مالك هههه غا نتا لي كتعرف تغير ...
لؤوي : دابا هاديك لبسة هاديك
بيلسان : غزااالة مالها .... جاتها وااعرة
لؤوي : راه غنجمعك نت وياها ..
بيلسان : اودي نتا مامعاك سلاك .. الحمد الله على نعمة جود
لوؤي : ( عوج شفتو بضضضحكة باااااهتة ) تتعرفي تقولي النكت ....
بيلسان : ( ضارت شافت فيه بزربة ) داير بحالك ؟
لوؤي : هه! ( عوج فيها راسو بغمزة متسائلة ) اشنو ابنت عمي !!!! وليتي نت لي كتسولي دابا على طبعو كيداير !! ياك يا حسرة نت لي كنت تقولي لينا مكاينش لي كيعرفووو قدك نت ... اش وقع دابا هم ؟
بيلسان : ااه قبل منعرف هاد النسخة لي قداااامي .. ولي كتشبه لجود لي كنعرف انا غير فالوجه ....
لوؤي : بيلسان ... ( شافت فيه ملي سمعات نبرة جدية ) انا مموالفش ندخل فعلاقاتو .. ولكن علاقتك نت وياه رسمية ... مغنعطيكش رأي ولكن غنعطيك نوع من النصيحة .... الى كنت غير غتعذبيييه ... رجعي لووور ....
بيلسان : نعذبو ؟ لوؤي من نيتك ؟؟؟ انا لي غنعذبو ؟؟؟؟؟
لوؤي : اه..... حيت مستحيييل هو لي غيعذبك ... جود لي كتعرفي نت مات فموناكو .. ودابا سمعي نعاود ليك على هاد جود لي كنعرف انا .... عرفتي هداك ( كيشير ليه بعينيه ليه وهو كيهضر ) راه لا تعميتي غيقسم معاك عينيه .... راه مغيفكرش فراسو قبلك ... ديما غيحطك نت لولا .... غيسبق سعادتك على سعادتو ... غيعطيييك كاع اش قادر يعطيييه ... وغيدير جهدو كامل باش تعيشي معاه فرحانة ( بيلسان كتشوف فيه ) غيكون ليك راجل بالف معنى ... فالمرة تلقايه فالحلوة تلقايه .... واخا ديري لي دييييري .. مغيتخلاش عليك حيت عطاك كلمة ومكيرجعش فيها .... ( كيهضر تقييييل بالسكككرة وبيلسان كتشوف فجود ) ولكن لاكنت غاتمرضني عليه ... وغاديري عليه داك الفيمينيست ديال الخرا ... ودوك الافكار دالامم المتحدة واليونسيف... لا وانا عندي حريتي لا انا ندير لي بغيت لا مسوقكش دخل فيا ... ولا تلقاي راسك مقادراش على طبعو القاسح وتبغي ترجعي لور وتبقاي محررة عليه العيشة باش هو لي يسالي هادشي .. غا رجعي لور من دابا الله يرحم باك ... داك الولد راه ليفيييييه كاااافييييييه .... اكتر حاجة كان كيموت عليها هي موناكو تخلى عليه على قبل باه .. باراكا مايزيد يضحي مزال بحوايج اخرين لي كيعطيوه الحياة .. باراكا مايزيد يقتل فراسو على ود وحدين اخرين ... يا شدي فيه وخليه يحس بلي حتى الى سعدك راه غتسعديه ... يا بعدي وخليييييه .....
بيلسان : ( شافت فلوؤي ) لوؤي راه تانبغيييييه .....
لوؤي : ( رجع كايرشف من كاسو بهدوء ) كتبغي القديم ....
بيلسان : راه جود .... نفسو .. مكاين لا قديم لا جديد تبدل الطبع ولكن مزال نفسو .. انا راه تانبغي جود ... علاش غنعذبو ؟ واش لهاد درجة طبعو صعيب
لوؤي : ( حط الكاس وشاففيها ) مكاينش غير طبعو ابيلسان .. بزاف دالحوايج فيييه خاصك تأضبطاي معاهم وعلى راسهم مرررضو .... واش عارفة هاد النقطة شحال حساسة فحياتو لا معرفتيش تعاملي معاها ... واش عارفة لاحسستيه شي نهار وفكرتيه بمرضو راك غتقتليييه من لداخل ! نساي داك المرض لول لي فاش كنت معاه ... دابا راه مرضو تضوبل .... راه كنكونو جالسييين كامليين وكينسى تاعلاش جالسين شحال من مرة .. ومخصناش نبينو ليه انه نسا وكنمشيو معاه فالهيت ديالو .... ( بيلسان كمشات ملامحها ) ملي كتكون شي حاجة شاغلة ليه بالو بزاف وتشغل معاها بلا متسناي يعيط ليك ولا تقولي علاش مسولش فيا ... راه كينسى كاااع بمرة حوايج اخرين .... وتكلسي تلوميه حيت نساك ... وهو عارف ماشي لخاطرو ...بلا متحداي العصصبية ديالو ...... الى تغاوتو غير شوية غيمشي فيها لا طرطق ليه داك العرق .. ملي يتعصب برررديه .... الى مكنتيش قادرة تكوني معاه بحال هاكا غير عطيه التيساع ..
بيلسان : ( بقاا غير كترمش فيه فلاخر تنهدات وشافت قدامعا مدة فجود ) معرفتش واش نتقلق منك الوؤي على هاد الهضرة ولا نشكرك على اهتمامك .. ولكن غنتقلق كتر ....
لؤوي : انا قلت لي عندي ( شاف فيها ) نت بنت عمي .. وهو خويا .... رررراااه بررربي ابيلسااااااان وديري ليها شي حااااجة لي تعذبوووو ... ولا شي حاجة لي تديييه علينا ونرجعو للي كوشماغ دالانعاش .... بررربي لاشفت فوجهك مزال ... .
بيلسان : اهاه ...( ضارت عندو ) يعني الا قلقني ماشي مشكل !
لوؤي : هاد المقارنات بااضبط خاصك تحيديها حيت ماشي كولشي خصو يتقارن ... الى كنت غنحذر شي واحد ميقلقكش راه مغنقولهاش ليك نتي .. غنقولها ليه هو ....
بيلسان : مغنديش عليك حيت بنتي ليا سكران ومعارفش راسك اش كتقول .... ولكن ملي غتسحى غنكملو هاد الموضوع .... تاواحد ماعندو الحق يشك فالحب ديالي لجود وسالينا .....
الجهة الخلفية ...
قدس مكتسمعش كاع لحديثهم جاها ممل وهي كتسناها فوقاش تفهم راسها تمشي يكملو ليها وكل مرة كتشوف براسها لعند صوفيا لي كتمايل مع الموسيقى واضحة سكرانة ديال بصح وضايرة بيها كليكة ديال الولاد والبنات .... فلخررر شافت فداك البنت فاش شافتها مطولة
قدس : ختي ... تسمحي لينا شي شوية !!!!
البنت : انا ؟ علاش
قدس : بغينا نهضرو شششوية ... لاكان ممكن !!!!!
داك البنت بقات كتشوف فيهم هوما لي موسعييين عينيهم كيفاش حطاتها بوجهها وهي استئذنات ومشات مقموعة وهي تضور قدس ماجدة بزربة لي كانت متبعاها بعينيها
قدس : كككملي هضضصرتك دغييييا
ماجدة : اويلي بشووية عليك مالكي درتي ليها هاكا غيبقى فيها الحال !!!!!
قدس : تعاود لكرها ... هضري دغيا ...
رانيا : اويلي مسحابلناش غتعصبي بحال هاكا بناقص كاع ... عنداك تمشي تقوليهاليه اصاحبتي ماخصنا مشاكيل
ايمان : مالكي تعصبتي هاكا ؟؟؟؟
ماجدة : قدس ؟؟؟؟؟
قدس : ( بعصبية وحدة وصوت مرتفع ) دابااا غاتهضروووو ولا لا
ماجدة : وصاافي غير بشوووية .. ياختي بنااقص كاع .... قاليييك ملي يسالي هادشي وملي يكون خارج غتمشي تلاقاه وتقوليه نتا كتعجبني صافي هادشي لي كاين
قدس : ( بعصبية ) واش من نيتها هاد القققحبة !!!!! كاع هذا دددل !!! ياك زعما نافخة ريييشها ودنيا تهدي ما في أدي !!! اش واقع دابا !!
رانيا : قالوها ليها .. قالو ليها غاتولي مدلولة حداه قالت ليهم بالعكس الرجال كيعجبهم البنت لي كتعترف ليهم ... وقاتليييهم بوسة وحدة منها قاضية الغراض يبقى تااابعهاااا العمر كامل .... راه كانت كالسة تخيل ليهم فمداق الويسكي مع ريقو...
قدس : ( قلبها ولا يضرب بججهد ) نعاااام ؟؟؟؟؟ البوسان كاااااع !!!!
ماجدة : ونت عارفاها كتشحم ؟؟؟؟ صافي حطات عليه العيييين .... راها تاتهترف بيه ...قالك شهررر وهي كتصبح وتمسي على تصاور ولات تعرف مصااارنووو اش فيهم
قدس : ( كتشوف فيها وعينيها حمارو مزيرة على يدييها وقلت بين سنانها ) ببببنت القحبببببة
ايمان : الللدل في ابهى حلله ههه كلنا كراشينا على ولاد الاسماعيلي ولكن اختي ماشي لهاد درجة .... هادي خرجات ليها نييشان ... خلاتها قدس ثقتها فنفسها كبييييرة !!!
رانيا : تخيلي يقمعها !
ايمان : حيدي عليا اشمن يقمعها .. لامشات تاشلقمااااتو راه غيكاالييييها ... وهي هادشي لي باغية اصلااااا
قدس شافت فيهم مخنزرة وهوما جمعو ضحكتهم مفهموش مالها تابانت ليهم غادا باتجاهها وهي تووسع ماجدة عينيه وتبعوها كيجريو كانو خايفين من بيلشان صدقات هي كتر وكتر
ماجدة : ققققدس .. قددددس حماقيتي .. قددددس وقققفي .. قدددس الصحااافة ... قددددس
قدس مشات بزربة تاوصلات لكليكة ديالها والبنات تابعينها كيغوتووو ندمو كاع علاش قالوها ليها محسابتهمش غتعصب قد هاكا وهي ضور صوفيا مع ضااااررررت جمعات معاها بتصرفييقة تاكلشي ششششهق وطارت ليها على شششعرهااااا وماجدة تدخلات بزربة دفعاتها بيييها بصووفيااا لجججنب بييعدوو على الانظار و بسبب الموسيقى متلفتش الانتباه بزاف من غير الكليكة لي واقفة فيها صوفياااا بقاو غير كايشوفو مصدومين
ماجدة : ( كدفعها مورا الحيط بيديها ) سيييييري لهييييه وضاربي .. كاينة الصحاافففة واش باغا باباك يععلقك .... .سيييري لهيييييه وكوليها نت كااع .....
دفعاتهم ماجدة مور الحيط والبنات تبعوهم كيفكوووو وهي كتنتف فيها وصووفييا كتغوووووت وضرب بيديها وماجدة كتجبد قدس وقدس كدفعها
قدس : يبببببعدي مني .. .( رجعات شداتها من شعرها ) ( كاتشوف عند بنات وشاداها من شعرها ) صصصصفقو على المددلووولة .. ( كتنتف فيها ) شكووون بغاا الدددل نعطييييكم منها ششششوية ..... ( رجعات كاتشوف فيها شادها من شعرها ) ششششكووون باغا تبوووسي ها ؟؟؟؟ شكوووووون .... ( صرفقاتها تاني ) حالة فيااا فمك سكرانة ؟؟؟ انا غااانصحييييييك غابشوية عليييييييك
صوفيا : ططططططلقي مناااااااي ... مررررررريااام .. طططلقي منيييييي قققققحبة ططططلقي
بدات كدخل صاحبة صوفيا كتفرررق والو لصقات ليها على شششعرها وايمان كتكتب ميساج لبيلسان عارفاها هي لي كتقد عليها ...
الجهة الامامية
لوؤي : ( تكا ساكت وكيشوف قدامو وهيا كتجغم من كاسها حداه ) اياد اش كيقول ؟ ..
بيلسان : مكيقول والو .... وهادشي لي مصعب عليا مصاب كون كان كيقول شي حاجة .. متيهضرش فالموضوع بمرة .. واضح راه باقي رافض ...
لوؤي : واش غاديرو معاه
بيلسان : معرفتش .. قلت مور الخطبة .. يقدر يتصالحو هو وياه ... اصلا جود منظنش يخليه بلا ميهضرو ... ( سمعات ميساج وصل وهزات تيليفوها على الكنوطوار ... حلات الميساج وهي توسع عينيها ) واااااااات !!!
لوؤي : ( ضور راسو عندها ) اش اقع !
بيلسان : ( حطات الكاس والتيليفون بزربة ) قدس كضااارب ...
مشات كتجري بيلسان من الجهة الاخرى باش مايرد ليها لبال تاحد ولوؤي حط تاهو كاسو تبعها كيعوج فرااسو اشمن مشكل دارت تااااني وبيلسان دخلات من الجهة الخلفية هي تشوفهم بعيييد مور الشششجر مضاربين وقدس شانقة علييييها وكولشي كيفففرق ومشات تلاحت دغيا على قدس ولوؤي وسع عينيه ومشا بزربة ..
بيلسان : ققققدس دديري علقك طططلقي من البنت قددددس ( جراتها وهي كترطاااا )
قدس : ططططلقي مني .. خليني نوريييها البووووسان شحااال سااااااوي ...
لوؤي : ( حيد بيلسان وشدها بزربة حكمهاا وصوفيا عاد ناضت من الارض كتنهج ) ششششششش ( بحدة شادها من لور ) قققققدس راه غننصصصصصمكك وقفيييي
قدس : وطططلق مني ممممددددخلش ننتااااا
لوؤي : ( شددها وحكمها من دراعها وهي وققات كتنهج وهو مرواها ) ششششش صاااافي بببشوووية
صوفيا : هههههمججججية .. بقات فالبرووتووكووول وتصااورور والجوورناالااااات ... وحدة همجية بحااالك متستاهلش تكون كنتيييييها الاسماعيلي
قدس : ( بدات كطير و ترطا فيييديه ) ياااكما الققققحبة باااغااا تكوني نت !!!!!! دوووووماج ماااعدناش الدل فهاد الكنية ما كون شفنا كنديرو ليييك .....
صووفيا : بااارررركا عليااا غيير كنيتي .. صفرييييوي وعمري بيها فففمك .....و بابا منحتااااجش ندوي عليييه
قدس : اااه لا بااااينة عندو معاااارف كباااار لي حطك فالحالة المدينة بنت ونت كلبة .....
جرها لوؤي بزززربة بعدها عليهم مرة يهزها ملي كايشوفها ماباغاش تمشى مرة يحطها دافعها وهي سسعراااتها مابقات عاقلة على تاحد ...ولوخرا كتسسسب وبيلسان وماجدة وايمان ورانيا تبعوهم وبعدها وصوفيا بعدوها صحابها عاد وقفها كتنهج وهي كلها كتررعد بالاعصااااب
قدس : دييييييلمها .. المدللوووولة .... بقاات ليا غييييير هاد القحححبة تاهي ( كتشوف فيها وصحابها كيعاونوها )
لوؤي : ( شد فكها وضور وجهها لعندو فيكساه ) اااش واااقع تادرتي هاد الحالة كاااملة ! مكتشوفيش الصحااافة .. ناقصين حنا فضااااايح
قدس : ( نترات وجهها من يديه ) ططلق مني .. ( دفعاتو من صدرو كتغوت وكلها كترعد ) زايدووووون نتا علاااش جاااااي .. علاااش جاي عننندددي .. نتا موووول هادشي كاااااامل ( لوؤي كيشوف فيها مفاهمش ) مرة اخرى اخويا بقا تجاااوب القحاااب فالانسطاااغرااااام باااش منننبقااااوش حنااا نضااربو ونديييرو ليك الفضاااااايح ...
لوؤي : دابا اش كتررررروني اش ؟؟؟؟؟؟
بيلسان كتشوف فرانيا وايمان كتسولهم بعينيها اش واقع وهوما كيوميو ليها بمنعرف مبغاوش يقولو وهي تغمز ليهم بمعنى يالاه نخليوهم بوحدهم وبعداتهم وماجدة تاهي تبعاتهم وقفو بعيد وقدس كتنهج كتحاول تبرد شوية ولوؤي مافهم والو كيشوف معاها وهز يديها عندو كانت كولها مخبوششة
لوري : شششتي على هااد الحاللة داااباااا ... ( كيشوف فصوفيا بعيد ورجع شاف فيها ) شوووفي يديييك
قدس : خخخليييني نرجع نننقتلهااا ( جات ماشية هو يجبددها تاني لعندو)
لوؤي : اااااجججي راه غااانننضررربك .. وقفي ... ( وقفات كتنهج ) اااش واقع ؟؟؟؟؟ ششنو دارت ليييك .. قولي ليا غانففففهم ؟؟؟؟ واش نت موالفة ضاااربي بحال هاكا ؟؟؟؟
قدس : مدارت ليا والو غييير بعددد مني
لوؤي : دابا بششششوية بببشوية ( كيقاد ليها شعرها لي تعنكش ) هانتي غتخليعي واليديك على والو .. واش قالت ليييك شي حاجة معجباتكش ؟؟؟؟؟؟ راه مافهمت تاشي حاجة من شنو تتخربقي ....
عند بيلسان
بيلسان : و دابا تقدر تهضر شي وحدة فيكم ... اش واقع ؟؟؟؟
رانيا : مواقع والو .. راك عارفاها هي من لول ماعندهاش معاها وتستفزات شوية بالهضرة وضاربو ...
بيلسان: وعلاش قالت للوؤي جاوب فالانسطا ؟
ايمان : مانعرف تاحنا مافهمناش
ماجدة : ( تنهدات وكتهضر منفخة معاها ) هاد خيتي هادي مكراشية على لوؤي ... قدس سمعاتها تعصبات لي معرفتش انا اصلا علاش تعصبات قد هاكا
بيلسان : ( حلات فمها ) هااااااكدااااك !!!!!! ....
ماجدة : عارفة شي حاجة نتي !!!!!
بيلسان : ( مجاوبتهاش وشافت فرانيا ) اش قالت ليها عليه
رانيا : ولكن عنداك تقوووليها اصاحبتي والله تاندمنا كاع ... قالييك بغات ملي يخرجو تمشي تعترف ليه
بيلسان : هاء ؟؟؟ شهاد البسااالة هادي !!! اش هاد الدل كامل وتمشي تلصقي فواحد معارفكش تاشكون نت معارفاهش لا واش مرتبط واش لاااا
رانيا : وايه اصاحبتي قالك باركا هي تتبغيه
بيلسان : هذا راه تقققحبيييين هذا ....
ماجدة كانت مهبببطة عينيها لي حمارو ليييها فلخر خلاتهم ومشات بزززربة وبيلسان تبعاتها بعينيها وماكتارثاتش ورجعات كتشوف فقدس ولوؤي لي كيهضرو بعادين ولوؤي مهبط راسو لعندها كيهدنها
لوؤي : زيدي يلاه
قدش : مغاانمشيششش خليني
لوؤي : غنخليك مورايا هنا ؟ باش تمشي تسلخيييها تاني ....
قدس : مغنقربش ليها غير خليني هنا مع البنات
لوؤي : ( جرها ) لا ... يالاااه حدايا لهييييه وجلسي حدا مك .... نت مخاصكش يتغفل عليييك ..
قدس : ( وقفات ونترات دراعها ) مااابغييييتش .. صافي مغنرجعش ليها غير خليييني
بدا لوؤي كيتنهد بنفاذ صبر لعنادها وصوفيا ضارت كتشوف فيها وهي تشوف فيها تا قددس ... بدات كتطلعها وتهببببطها بحححقد وقدس باقي كتشوف فيها بغضب كتحس بالنار باقا مطفاااتش فيها وهي كتعاود فودنيها راها بغات تبوووسووو ملي يكونو خارجين وكتخيل المشهد فدماغها كتحس بالدم كيغلي فيها وهي تقلب عينيها لعند لوؤي ولوخرا شافت فيها .. يالاه غيجرررها بسييف يمشييييو وهي تعلات على صبعاانهاااا وحطات يديها مور عننقوووو وشركات شفايفهم وهو واقف مصدوووووم وبيلسان وسعات عينيها وحطات يديها على فمممهااا وراانيا تسعقاات وايمان واقفة مصدوومة وصوفيا حلات فممهااااا والكاس دالما لي عطاوها طاح من يديها والكليكة ديالها مصدوووميييين ...
صوفيا كانت غطيح كون ماتلتخات مع الشجججرة ... وهو هز يديه شدها من خصرها كايحاول يبعدها حيت ديرونجا قدام الناس فنفس الوقت مابغاش يقطع ليها اول قبلة كاتبادر فيها هي .... لي مزال معارفش اشنو سباابها ولكن السكرة خلاااتوو مكيضربش الحساااب بزااااف وتقييييل فردود افعاااالووو .... وهي تبعد ملي حساتو كايبعدها ...وبيلسان جاتها الضحكة على هاد الغيرة كاملة لي بينات ليها شحال كتسطى علييييه اما البنات باااقين مصدووومين !!! .. وقدس ضارت بشوية براسها شافت فصوووفياااا بضحكة شيطااانية قالت ليها من خلالها بلي هو ديالي بووووحدي .... ورجعات شافت فييييه يلاه غاتنطق جررها مشاو تاوصلو لممر لي كاديري للجهة الخلفة حسااتو لسقها مع الحيط كان واحد القنت خاوي فالجنب داابناية ...
لوؤي : ( باقي مصدوم كايشوف فيها ) شهااادشي دابا !!!
قدس : ( سرطات ريقها كترمش فيها ) ماعرفتش .....
كايتسارا بعينو على ملامحها الموضرين ووقع داك القبلة لي هزاتو من داااخل باقي كايسري فيه ونزل عينو لشفايفها ولدا يدوز عليهم ابهامو ....
لوؤي : ( بانتشاء وثقاااالة داتو على العالم ) شي واحد فيكم دار ليا شي حاجة ... يا نتِ ... ياالكاس لي شربت ....
قدس: ماتفكرش بزاف .... بغيتهم غير يعرفو ... بلي بوحدي لي عندي الحق ... ندوق الويسكي من ريقك .... ( جراتو ) ودابا يلاه
جراتو وهو تابعها مافهم والو بحال شي واحد تحط فشي عالم مكيعرفوش والسكرة مكملة علييييه ... بقات غادا بييه من تاحساتو تاني وووقفها رجعها متكية على الحيط وحط يدو موراها ولاخرا شدها من خخخصرهاااا وغاااص فشفااايففها مغمض عينيه وهيا معارفاش علاش ساااايراااتو فداك الللحظة وعلاش رغبتها فيه كانت جاااامحة لدرجة هزات يديها حطاتها فعنقو لي معوجو عندها شي لي خلاه يزيد يزير على خخخصرها .... تاشوية حسات براسها غااتخنق وهي تبعدو علييييها كتنننهج وشفايفها حمرييين وهو حححل عيييينو لي ولااااووو معسسسسلييييين ... ودفعاااتوو علييها وهو كان وزن رييييشة كيتحرك كيف بغااات ...
قدس : غيشوفنا شي حد .. نتا راه كتقلب ليا على المشاكييييل .. يلااااااه ....
خلاتو ومشات هربانة وهو باقي واقف فنفس وضعييتو كيرمش بعينيه !!!! ولمسات يديها باقين فعنقو سخاااان .... كان كيف شي حااجة توقف البث ديالها ... بقى غير واقف كيحاول غير يستوعب واش كيحلم .. واش السكرة كتخليه يتخيل ولا هادشي وقع ديال بصح وباستو فوسط الجميع !!!!!!
اما قدس مشات بزربة جهة لي طواليط من جهة الخرا غير دخلات شدات فلافابوو وبقات كتشوف فالمراايااا وشفايفها حمريييييين وشعرها باقي مشننتف من المضاااربة ... فلخر غمضات عينيها مزيرة عليهم وكضرب بيديها فلافااابوووو علاش ضعااافت ليييه وعلاش متحكماتش فغيييرتها ورغببتها ... وهضرة بيلسااان لي وعاتها كتررر بحجم حبها ليه وخلاتها تأكد من مشاعرها ... وزادت على مابييييها وبدات كتسوط وفكات شعرها وعاودت من لول قاداتو وهي كتأفف وتلعن فضعفها .... قاااداااات شعرها وقادات حالتها وخرجات لجردة الامامية وهي يديها اليمنى كلها مخبوشة ماشية ودايراها موراها باش متبانش تاوقفات حدا جود وباباها وجرات شوية جود لجنب وجود نزل راسو لعندها كتهضر فودنييه
قدس : جووود .. جااني البررررد فيديا .... عطيني فييست دياااالك
جود مجااوبهاش وحيدها ولبسها ليها فوق كتافها ورجع كيهضر وهي تخشي يديها فيدين الفيست معنقاها عندها كتستنشقها كتعجبها ريحة خوها .... وزاااادت لطبلة فين كاينة لامار والعيالات وجلسات حدا ماماهاا بعد ماتبسمات ليهم وتنهدات جامعة يديها عندها وكتفكككرررر ... تاشوية هزات عينيها ملي بان ليها تاهو جاي ومن نفس الجهة لي جات منها وبقات متبعااااه تاوقف قدام الباااار وهي تبسم غير بشوية بلا متعيق براسها .. وغير عاقت جمعاتها بزززربة ورجعات مخنززرة من بلاهتها ....
بيلسان خرجات تاهي قلبات بعينيها عليهم بانليها جود حدا عمامها ماعندهاش كيدير تهضر معاه ومشات باتجاه لوؤي وقفات حداه
بيلسان : بايبي .... شحال تعطيني للفيديو ولا نشرو للعائلة فسينيما روم ....
لوؤي : ( شاف فيها ) شنو قالت ليها داك البنت
بيلسان : صرااااحة مكاينش لي يجي مع مغيار بحالك غير مغيااارة بحااالها هي هههههه واتاها واتاها هههه ( شافت فيه مخنزر وهي تجمع ضحكتها وتحنحنات ) قالك اسيدي داك البنت لي ضاربات معاها ....كتعجبها نتا وكانت ناوية ملي تكونو خارجين تجي تبوسك ولا منعرف
لوؤي : ( شاف فيها بنظرة اشمئزاز ) سيريوزلي !!!! " منيتك "
بيلسان : وااايييييه هههههه .. وهاديك ديالك سمعاتها وجن جنونها
لوؤي رجع شاف فيها كالسة حدا ماماها غير كيرمش بعييينيه مفاهم والو .... وهي علات شوية عينيها فيه وغير من شوفة لي داير فيها وضحكة دبيلسان عرفات الى خوات ليه كولشي وقلبات عينيها كتأفف وهو ابتسم غير بجنب شفتو وقال مخرجها من قققلبووووو كايشوف فيها .....
لوؤي : دييييييييلمها !!!!!!
بيلسان : ههه غا الله يخرج الديسك ديالكم على خييير .. الحمد الله كنتوووو مخبيييين ... ما حتى دوك لي شافوك غابراهش سكرانين تاحد مغيعقل هههههه .... ولوخرين راه غيسكتو بزز عليهم ....
لوؤي : تتغير من برهوشة !
بيلسان : الغيرة راه مكتعرف لا برهوشة لا مراة بولادها ....
قلب راسو كيضورو وميكذبش انه بكتر ما ماعجبوش الحال تضارب هاكاك فالوسط وتبوسو غير على ود تجنن وحدة اخرى بكثر ما فرح لهاد الغيرة ديالها وبهاد المشاعر لي ولاو يتحركوو .... تبسمات ليه بيلسان وقفات قدامو وضربات على كتافو
بيلسان : تههلا تهلاا ....
خلاتو ومشات وهو بقى غير كيشوف وكيضور فراسو .. عجباتو لي جلسات حدا ماماها .... كيشوف فيها هاايم فتفاصيلها المعصبيين ولونها لي مخلط بين الابيض والزهري .... كان مييقن وزاد تأكد انها كتبغيه كيف كيبغييها غير مسألة غرور وخووف .. وكيزيد كل مرة يحمد الله على اختيااااروو ..... تاوقف حداه سلطان
سلطان : غنمشي ... مليييت ...
لوؤي : ( ضار عند كاس دالما هبط عليه كولو وحطو وشاف فيها ) يالاه نمشيو بجوج ...
سلطان : ( شاف لساعتو ) ديجا راه قربو يساليو .. ( شاف عند لوؤي ) نكملو السهرة فشي قنت اخر !
لوؤي : ( بعياء كيماصي جبهتو ) شربت بزاف غنمشي نعس ..
سلطان : علاش كتكتر اصاااحبي راه غتفرع راسك ... صحى بعدا عاد نعس راك غتفيق واكلها ...
لوؤي : ( تنهد وقاد وقفتو وبدا يقلب فجياب السروال واش تيليفونو سوارتو كولشي كاين ) يلاه انا عارف باش كنصحى ...
زادو مشاو ورتاج متبعاهم بعينيها وشافت فحياة
رتاج : صافي الطاقة الاستيعابية ديالهم تا لهنا وصلات ..
تبعاتو قدس بعينيها كتشوف بلي ماشيين عاد تتفسااات وحمدات الله وتقدر تجلس فخاطرها
حياة : اودي لاباس غير لي جاو ...
رتاج : ( شافت لساعتها ديالها ) بقات نص ساعة ونساليو عدنان مبغاش سهرة طويلة ...
حياة : احسن مادار راسنا تقلب بداك الموسيقى عند هادوك لهيه ..
رتاج : الشبااااب احبيبتي عايشين الحياة باقي فيهم ميسمع الموسيقى ... ( كتقلب بعينيها ) جود باقي هنا ... تا اياد باقي .. مشاو غير ولدي وولدك ...
حياة : شوية غتشوفيهم كايتاابعو ... ..
اية : ( جالسة وكتقلب بعينيها وشافت عند رتاج ) خالتو ... فين فيصل من قبيلة وانا كنقلب عليه
رتاج : ( كتقلب بعينيها ) والله ابنتي مشفتو من قبيلة ... راه كان هنا ... يقدر يكون فالجهة لوخرا شفتي تما !
اية : مشفتش ولكن عارفاه مكيعجبوش الهاراج ...
رتاج : اوا منعرف كون مشى كون بان ليا ... راه باقي هنا ...
اية : انا غنمشي لتما نقلب عليه
حياة : ردي لبااال ...
اية حيدات الفران للكرسي ديالها ووركات على الزر ومشات للجهة الخلفية كتقلب بعينيها عليييه مهبطة شفافيها علاش مجاش عندها ...
فيصل كان متكي فالكوان لي جلس فيه فاللول وبقى كاس مورا كاس تاحمااارو عينيه شاد تيليفونو ملهي فيه تاسمع صوت الكرسي ديالها حداه وقلب راسو لجنب بانتليه دايزة من حداه كتقلب ... معارفش علامن كتقلب ولكن متأكد كتقلب على وسيم و ماشفتوش هو لي غير تما ... دازت من حداه ودخلات لفين واقفين الشباااب وهو متبعها بعينيه .. كضور راسها وتقلب ... فلخر تنهدات ونزلات عينيها لرجليها تهز تيليفونها تصوني عليه وهي تلقى غير البوشيط .. حلاتها بزربة كتقلب مبانش ليها تيليفونها وهي تقلب عينيها لارض وبدات ضور بالكرسي كاااتقلب .... وفيصل غير جالس فبلاصتو وكيتفرج فيها وكايضور كاسو فيديه ....
وسيم كان واقف مع كليكيتو وقلب عينيه وهي تبان ليه تما وكتقلب فجنابها ... واستأذن منهم ومشا باتجاهها
وسيم. اية !
اية : ( كانت كتقلب بعينيها وعلات راسها فيه وملامحها باقين متسائلين على تيلي فين مشى ) تيليفوني طاح ليا ...
وسيم : وايلي !! ( قلب عينو كيقلب فالارض ) مارديتيش لبال فين !
اية : لا ... معرفتش ..
وسيم : صبري نصوني عليك ردي لبال فين غيشعل لاكان طايح فالارض ... الضلام دغيا غايبان ليك
جبد وسيم تيليفونو وبدا يصوني وهي كتقلب بعينيها ... فيصل كان جالس منغم بكاسو وعينيه حمرين كيتفرح فيهم تاشاف ضو شعل حداه .. طيحاتو ملي دازت حداه وعوج راسو معاه وتحنى غير بشوية مد يدو هزو .. هو يطلع ليه كيصوني بسمية " my love " ... تجمعو ملامحو وتكرنو حجبانو وعلا عينو كيشوف فيهم وتيلي كيصوني فيديه ... محسش فبراسو تالتخو فالارض تاتشخش ورجع لبلاصتو جالس نفس جلستو كيشرب من كاسو ..
اية كتشوف فالارض ورجعات شافت فوسيم
وسيم : والو ... ؟ نعاود نصوني ! ( بدا كيعاود هو يعوج فمو ) طفى !
اية : هاء ؟؟؟ كان مشارجي
وسيم : معرفتش ( رد تيلي لجيبو ) صافي تايسالي هادشي وهضري مع عمي عدنان راه غيكون طايح غير فشي قنت ....
اية : العجب ... ( رجعات كتشوف فيه ) مشفتيش فيصل ؟
وسيم : لااا ... علاش جا ؟
اية : ( كتقلب بعينيها بين الحضور ) سي .... معرفتش فين غبر ... موالف ديما كيكون معايا... ( رجعات شافت فوسيم وتبسمات ) صافي ماعليش ... كاين نتا ....
وسيم : ( عوج معاها راسو ) لهاد الدرجة كتخافي تبقاي بوحدك
اية : ( عوجات شفتها ) معرفتش ... هو لي ولفني هاد القاعدة ديما كيكون معايا ...
وسيم : ( قاد وقفتو كيشرب من كاسو ) مزيان ...
اية علات عينيها فيه مبسمة نسات كاع امر تيليفونها ملي وعات انه خلا صحابو وجا وقف معاها .. بدات غير كتغزز فشفايفها كتحس براسها منتاصرة وسط الجميع ملي اختارها بين كولشي ووقف معاها .... يلاه غتنطق تهضر وهي تسمع موراها ...
- وسييييم !!! ....
علا وسيم راسو كيشوف مباشرة قدامو .. واية بدات كضور راسها بشوية باتجاه هاد الصوت الانثوي تاتحطو عينيها عليها .. كانت بنت مراهقة ملامح وجهها كيوحيو ل 18 عام .. ولكن لبسها ومكياجها ابدا مكيوحيوش لهاد السن ... غوووب كاشفة كتر ما ساترة ... وصدرها كولو مكشوف وشعر طوييييل مصايب ومطلوق موراها كيضرب فمؤخرتها وطالون عالي واكسيسوارات وروج احمر ... بقات اية كطلعها وتهبطها وضارت براسها لعند وسيم لي بان ليها مبتسم ليها ... وفيصل كيجغم من كاسو وكيتفرج وابتسامة باهتة على شفايفو ...
وسيم : گود إيڤنينغ ...
تبسمات ليه تاتحولات لضيحكة خفيفة وقربات لعندو سلمات عليه بلابيييز حاطة يديها على صدرو واية موسعة عينها لي ولاو حمريييييين ... وهي قربات لودنو همسات بكلمات خلاوه يبتسم ... واية مفاهمة والو غير كتشوف والدم فشرايينها كيغلي .... تابان ليها اشار ليها براسو بالايجاب وكطلع معاه وتهبط بنظرات مغرية وجرها من يديها ومشاو واية غير كترمش بعينييييها وقلبها كيضضرب بجهد وهي كتشوف غاديين بجهة الششجر الخلفييين وصدرها بدا يتعلا ويييينزل شادة على جناب الكرسي .... واش مفكرش حتى يقول بسلامة ؟؟؟؟؟ .... واش كانت فعلا هي لي دابا شوية كانت كظن خلا صحابو وجا عندها ؟؟؟؟
ماحساتش كيفاش الدمعة نزلات لييييها علة خدها بصصصدمة وخيية أمل بعدما ما بناتو هاد الليلة .... وفيصل معوج راسو كيشوف فيها مقادرش حتى يتشفى بقوة مكتببقى فيه .... وهي ضور كرسيها بعصبية وتكات على الزر زادت ليه السرررعة تمشي دغيا من تما حسات بالخخخنقة والفشلة .. وانا اضعف انسانة فهاد الكون .. وايشع وحدة فهاد الحفلة لي عااامرة بالبنات غير هي وسطهم لي طفلة .. قللببيها بدا يتعصر وهي كتفكر منظرهم بجوووج لي حساات بحال شي خنجر تغرش فيها ....
الضورة السريعة لي ضارت بالكرسي ماااحسااانش تاااززحت بيييها فلابيسين لي كان موراها والكل تلفففت والموسيقى حبساااات وهي غير يديها لي كايخبطو فالما لي باااينيييين ...تابداو يغرقو لتحت وكريسها هبببط .... كولشي شد على فمممو .وبداو يييتغاااوتوو ..
فرمشة عييين اتلااااح كااااامل فالماااا بلا حتى مااايفكر فحتى حاجة وكولشي كيشوف كيتسناوه يطلعها .... تلاح فالما حال عينيه كاقلب عليها تابانت نازلة لبتحت مستسلمة حيت الرجلين باش تقاوم خانوها !! ..قرب مخلوووع هزها بين يديه كيف شي ريشة من قاع البيسيين طالع بيها تاوصل لسطح عاد حل فمو تنفس وهوما كولشي كايشوفو وعاونوه تاخرجها حطها على جنااب المسبح وتحنى عليها كولو كانهج بالخلعة وشعرو طايقطر عليها كايضرب فوجهها
فيصل : آية ... آييية ...
يلا مايتردد سد نيفها بيديه وخشا فمو ففمها كيعطيها من السوووفل ديالو وينفخ ففمها وواحد مشا كايجري يعلم خوها ولا باها ... حيد فمو ملي بانت ليه بدات ترد المااا وتشهق وهو محني عليها كيضرب فصدرها وشد وجهها عندو مخلوع
فيصل : اااية ... اااايييية .. اية كتسمعييني اااية ... ( بانت ليه بدات كتحل عينيها هو ييضضضحك بفرحة وكعدها عندو ععنقققهااا حيت كان غايموت بالخلعة ) اللللحمد الله
بدات كتحاول تحل عينيها بشوية وكلها كتنهج مزالا فحظنو مواعياش ... غير ريحتو لي محاوطتها ...ولكن مزال مقادرة تشوف قدامها عينيها بااضبابة ديال الخلعة والاكسسجين لي تحبس على ريتها ... وشفايفها دغيا بياضو وبدات تحركهم بشششوية بصوت هاامس وبدون وعي ... لان اللا وعي ديالها باقي فيه صورتو وهو غادي جار داك البنت من يديها ....
اية : و .. وس .. وسيم .... و .. وسيم ....
فيصل جمع ضحكتو شوية بشوية ويدا يجيبها قدامووو وهو مامشتوعبش لابقى كاتعيط بسميتو ... تعيطة لي فيييقاتووو ورادتو للواقع يعد ماخرج منو ملي شافها طاحت فلابيسين ....
بدا يبعد عليها ببطئ وهي شدوها عليه كاردوها فالارض وهو كيسمعها كتردد سميتو بين شفايفها فلاا وعي مابغاتش تحبس وكتيشوف دموع كاينزلوو ليييها ... كيفاش هادي باقا كاتقول سميييتو ... شاف سفيان جاي كيججري مخلوع تلاح على رجليييه لعندها كتيضرب فيها
سفيان : اااية ... اااايييية ...
زياد : ( جا تاهو بزززربة حيت كان حداه ) اااش واااقع شكوون دفففعهاااا
فيصل كتيشوف بحال الخائب .. نفس الاحساس لي عيشها فيه وسيم دابا شوية .. عيشاتو دابا لفيصل .... مكيسمع تاحد من غير قوة الهضرة كتوصل غااارقة وشفيان اي كاايوكضها مخلوووع وزياد لي كاييسول
وهو بعد بشووووية كيف شي جثة كيحركها الرييييح راااجع غير بشوية لووور .... وكولو سااااارررد كيقطرو حوايحو بالما وشعرو كيقطرر عليييه .... هز يدو بشوية كيمسح بيديه الما لي كيطقر على وجهو من شعرو وهو يضور بزززربة لجهة الخلفية وخرج من تما بسسسرعة تاوصل لفين كاينين طموبييييلات والفلاشات بداو كيضربو فيه وهو خارج وااضح معصب وكولو سارد كيقطررر بالما تاوصل قدام طموبيلتو يلاه الشيفور غيحل ليه الباب وهو ينتر منو السوارت وركب وخبط البااب والشيفور بقى غير كيشوف والصحافة كيصورو وضور يديه مور الكوسان كيرجع راسو لور كيشوف واش موراه شي طموبيل رااجع مارشاااريار تاخرج من تما ومشا مكسيري مخلي موراه غير الحكة دالروايض .. صايك بيد ويد كتقلب فالبوش ددطموبيل تالقى الكااانييييط حححلها بيييدو وهبط عليييها كووولها كيشرب وصايك وكيضضرب فالفوولووون محاااملش رااسو ومحاملهاش هي كثثرررر ....وووشرگ الشووميييز لي عنكشاتو لسقاات عليها لاااحهااا وعضلاااتووو بااارزييين يالعصبية وكولو معععرق وصدرو كايطلع ويهبط ...
سفيان هز اية عندو ملي ردات وعيها كايشوف فيها ويتأكد
اية : ب . بابا
سفيان : اااية؟ ( شادها كايتفحصها وكايرد شعرها لور ) ينتي شوية ؟؟؟ كتنفسي مزياااان ؟؟؟؟؟
اية : ( كاتشوف مع جنابها كولشي مجوق محملاتش راسها وتخبات فصدروو ) انا لابااس .. يلاه نمشيو منهنا
زياد : اية ؟؟؟؟ لاباااس تشوفي طبيي حسن ؟؟؟
اية : اا لا .. لاباااس ...
هزها سفيان فيديه واف فزياد هايهضرز غير بيناتهم
سفيان : شوف ليااا شكوون دفعها ... ماتقووول لتاواحد شي حاااجة .. لاسولات حياة قوليها اية عيات وداها تنعس ....
خرجها بيها من الباااب الخلفي والكارد منعو الصحافة وداها للطموبيل كيهضر معاها ويتأكد انها صافا وزياد بدا يسول عاودو ليه انها طاحت بوحدها واشار لسيرفور يهز الكرسي ديالها لبيرو دعدنان وعاد خرج وحياة بحالا علمها الله غير شافت سفيان غبر عليها قلبها ضرها
حياة : فين سفيان
زياد : يلاه كنت معاه ... اية جاها الملل ونعاس وداها لدار .. خليك تانوصلك سلطان بان ليا مشا
حياة : هاديك راه غير مالقاتش فيصل ملات ... غير سير اولدي بلا منعدبك تالعندي راه غايجي شيفور
زياد : لااا خليك تانوصلك مكاين عداب ...
خلاها ومشا وحياة بدات تصوني لسفيان تزيد تتأكد وهو كان صايك ويلاه كاتفوتو الخلعة ملي بدات تهضر معاه وعرفها صافا
حياة : سفيان .. علاش مشيتو يلا ماتقولو ليا والو
سفيان : كنت غانعيط ليك احبييتي ... هاحنت سبقناك لدار ( غمز لاية تهضر معاها )
اية : ماما ... سمحي ليا ماقلت ليك والو .. غ غير .. غير عيت ...
حياة : داااكوغ .. سسفط ليا شيفور نجي دابا تا نا عيت ...
سفيان : داكوغ ....
قطع اليها وزاد فطريق كيأكد على اية واش بيخير زهي كتحاول تسطنع الضحكة غير حيت مافيها مايمشي للطبيب واخا فلبها مقسوووم على زوووج !!!
عند النساء
حياة : ( قطعات ومشات عنهم ) تانا غانمشي عرفتو فيا الموت دنعاس .... العطلة قربات تشالي ونرجعو لقراية والله ماحسينا بيها مارتاحينا فيها ...
رتاج : كاع عيينا ... نت بعدا عندك واحد شهراين كاترتاحيها ...( وقفات ) غنمشي نعلمهم باش يبداو يجمعو علينا نساليو .. صافي راسي ححرقني ...
اريج : وي .. ديجا جانا نعاس .. علمي راجلك بعدا
رتاج : تاهو راه خاصو ياخد دواه ينعس ...
ناضت رتاح علمات المسؤولين لي كيتكلفو باش يعطيو للضيوف التذكارات ديال الافتتاح حيت بيهم كيختمو ... وجلسو كيتسناوهم يساليو التفراق ... وطلع عدنان دار الكلمة الاخيرة وشكرهم على الحظور وانسحب دخل للمتحف لداخل باتجاه المكتب هو واسد ويونس وزياد ماخلاش حياة تتسنى شيفور بحكم تاهوا غادي ومشا اما العيلات ... تبعو رجالهم لداخل تاخوا كولشي ... ولامار كتشوف من السرجم دالبيرو ف قدس لي جالسة هي وبيلسان على برا وشافت فالعيالات
لامار : بقاو غالبنات .. لوخرين مشاو !
اريج : ( شادة تيليفونها وكتهضر ) منعرف .. ولادي انا زياد مشا فحالو ... اياد خليتو راه برا ... جود واقلة بانليا خرج مشا ...لوخرين هدا عليا
لامار : بنت سارة مشات !
اريج : والله ماشفتها .... يمكن مشات ....
لامار : واش نمشيو غدا نشوفوها .. راك سمعتي قالت ماما مريضة .. جا غا عمران وهي لا .. حشومة تاني ....
اريج : انا ماماشيا عند حد .. بعدي مني
لامار : ياختي قلبك قاصح ....
اريج : مالها فاتحة على المصران .. ياك قاتليك فيها لاكغيپ .... عادي كلنا كنمرضو بيها .. ياه !
رتاج : حنا اختي وجهنا كيغلبنا .. نت الوجه لي يغلبك ماعندكش
اريج : الالة خليتو ليك اش قضيتي بيه ... ( دارت رجل على رجل وقلبات راسها لجنب ) انا ماغادا عند حد .. ( شافت فلامار ) زايدوون ياك غدا الخطابة ديال الولاد فين غتلقاي الوقت ..
لامار : نمشيو فصباح .... حشووومة تاني ... لاااا ... تالمرض الواحد ماخصوش ينسى لاخر ...
اريج : وراه قاليك ضاربها البرد .. يعني ترويحة عادية عيطي ليها غير فالتيليفون ...
لامار : لا لا مايعطينيش خاطري نمشي نطل عليها ..( شافت عند رتاج ) يلاه معايا ..
رتاج : وتالغذا ويكون خير
اسد: ( كان محني على البيسي كيشوف مع عدنان هو يطلع راسو فيها ) فين غادا ؟
لامار : راك سمعتي سارة مريضة قالك فيها لاكغيپ مقاداش تهز الراس .. حشومة نمشيو نطلو عليها .... ولاكانت محتاجة شي حاجة
اسد : لاكغيب فهاد الوقت كنعيطو فتيليفون .... كاينة واحد الحاجة سميتها الفيروسات .. سيري جيبي واحد فيهم واجي شدي لارض ....
لامار : شنو زعما كورونا ؟ لا كون كانت هي كون قالتها البنت
اسد : غاتشدي لارض لا ! نسيتي اش دوزتي عليا ..
لامار : وااحشووومة تاني ...
اسد : كاين واحد الاختراع زوين سميتو التيليفيييون .. صوني فيه ....
رتاج : صافي غير خليك .. انمشي انا
عدنان : ونت عندك المناعة دالكلاب !
اريج : قالو ليكم الحق .. ماعرفنا اش كاين صونيو فالتيليفون ... واخا هي مكتصونيش فيه ومكتسولش فيكم المدلاولات يا غريييبات البهلة .... ( كتشوف فرتاج ) يا داك المارشميلو هاداك لي ماااات ماشي باباك .... ( شافت فلامار ) صونيو فتلييييون ملي هدا كامل صواب فيكم ... ( رجعات لور تاني ) الله يعطيني برودية قلوبكم ...
اسد : ( ناض كيلبس لافيست ديالو ) نوضو تكعدو لديوركم ... ( وقفات لامار كتقاد صاكها )
لامار : تانا نيت فيا النعاس .... ( شافت فيهم ) تصبحو على خييير ... عدنان افتتاح مبارك .. ان شاء الله يرجع بالخييير ....
عدنان : بارك الله وفيك ... تصبحو على خير .. امسية سعيدة ....
ابتسمات ليهم وخرجات مع اسد وهوما يشوفوهم قدس وبيلسان ووقفو وبيلسان ابتسمات وجات باتجاه اسد عنقاتو ... وتاهو عنقها عندو
بيلسان : ايييمسيو ااانكل ....
اسد : ( دوز يدو على شعرها وجابها قدامو ) صافا ! حيدتي شوية شوقك من كندا ...
بيلسان : هههه والله الا غير شهر وطلعات ليا فراسي هههه ... ( شافت فلامار وشدات فيديها ) البلاد شحال ما كانت زوينة لامكانوش فيها العائلة وهاد المناسبات كتولي مملة ....
لامار : هااانتي الالة اراك لمغرب واراك للعائلة ... نفيقك مع ستة دصبح تعجني المسمن ....
قدس : هههههه اتشوفي ماما بحال هاكا .. راها عكوزة صعيية ههههه وخويا كيبغي يفطر ببببكري بالمسمن والحرشة وداك البغرييير ولا ماعرت اش سميتو
بيلسان : ههههه صافي هي نعاود نفكر مزيان واقلة هههه
لامار : هههه ( دوزات يديها على شعرها بحنية ) الله يكمل بالخيير ...
اسد : يلاه سيري تانتي ترتاحي ... تابعكم نهار طويل ....
ببلسان : داكووغ انشوف ماما ... تصبحو على خير ..
تبسمات ليهم ومشات وقدس تخشات فباباها من البرد ومشاو لطموبيل ..... بيلسان دخلات لقات حتى اريج ويونس ناضو غيمشيو سلمات على عدنان وباركات ليه و مشاو جميييع تفرقو كل واحد شد طريق لدارو .. من غير وسيم لي مكمل سهرتو فلوطيل ...
وصلات طموبيل اسد لباركنيغ ديال قصر وباركا اسد طموبيل كاشوف مع الباركنيغ
اسد : ماجاش وسيم !!
لامار : صوني عليه شوفو فين معطل ...
اسد : ( شاف فشكيب لي واقف تما فباركينغ ووما ليه يقرب وجا عندو لزاج ) فين وسيم ؟؟؟
شكيب : ( شعل الطابليط وشاف فيه وهو يعلي راسو فاسد ) فلوطيل دلازون B
اسد : بوحدو !
شكيب : ( باحراج ) منضنش ...
وما ليه اسد براسو ومشا شكيب وهو تنهد كايحيد السانتير
اسد : اييي ڤوالا .... ها وحد اخر دخل للاسلااام ... ( كايهز تيليفوناتو ويتنهد ) الله يقبل اولدي الله يقبل ... ( وسعات فيه لامار عينيها بمعنى لبنت لور ) نزلي نزززلي تنعسي نززلي .. انا باركا عليا نخاف غا الى هاد حوج كتكوتات لي عطاني الله .. ماهادوك غي كنغفل شوية كالقى الكتاف وساعو ...... ماعندي مانحضي فيهم ..... ( قدس غيير شادة الضحككة دايرة راسها مافاهماش ) نزلي ابنتي نززلي ....
نزلو من الطموبيل يلاه غيمشيو هوما يسمعو البوابة دالقصر تحلات وضارو بانتليهم طموبيل دجود لي داخلة ... داز حداهم وهبط زاج باقي مديماري ...
لامار : جوود ! فين كنتي ؟
جود : دزت للكاراج خفت لانكون نسيت شي حاجة شاااعلة ولا شي حاجة محلولة .. تأكدت وجيت ...
لامار : واطلع اولدي ترتاح طلع ...
جود : ( ابتسم وشاف فيهم ) تصبحو على خير ...
زاد مشا باتجاه الباركنيغ ديالو بعد مامد يدو من زاج ضرب فيد شكيب ونزل لتحت .... فين كيباركي .... ولامار واسد وقدس طلعو كل واحد قصد جناحو ... وقدس عاد غادا بشوية عليها فالكولوار شادة تيليفون كتشوف تصاورهم لي محطوطييين وشنو كاتبين عليهم تاوصلات قدام جناحها حلات الباب ودخلات عينيها فتيليفونها .. كتحيد فصباطها وتلوح يلاه غتزيد باش تشعل الضو وهي تلمح شخص واقف من الضو ديال القمر لي داخل من لبالكون .... قققزااااات تا طاح ليها تيليفون من يدها يلاه غاتغوت هو يشد ليها على فمهااااا ..... بدات غير كتنهج كتشوف فيه وعينيها موسعيييين .. تابانت ليه هدات عاد بدا يحيد يدو بشوووية داير صبعو على فمو ..
لوؤي : شششش ....
قدس : ( ضارت تأكدات من الباب واش مسدودة ومشات بزربة ضورات الساروت ورجعات عندو كتغوت ) واااااش حماقيتي ولااا مالللك ككنت غانننسخف بالللخلعة حسااابتني غييير شكوووون ....
لؤي : ( كيهضر ثقيييل ومنتشي بالسكرة ) شششكون كاع عندو هاد الصلاحية يدخل لهنا من غيري !!!!
قدس : ( ضرباتو لصدرو كتهضر بين سناانها ) راه نتا برااااسك وماعندكش هاد الصلااااحية
لوري : ( لوا ليها يدها لي ضربات بيها فصدرو مور ضهرها ورجعها عندو حاط عينيه فعينيها وقال بصوت خافت ) متأكدة ! ...
قدس بقات كتشوف فيه معلية راسها فيه وعينيهم متقابلين وصدرها كايطلع وينننزززل باقي الخلعة شادة فيها ... بدات كتسرط فريقها وهو كايبان ليها غييير شوووية بالضو لي داخل من الجرردة ... ريحتو لي مخلطة بين الكارو والكيسان لي شرررب حاوطاتها تاولات معجبة ب ريحتو كتر منو ... هبط عينو لشفاايفها لي كايترعدووو بالتوتر والخلعة .... وكايتفكر قبيييلة كيييفاش لاوول مرة فحيااتو كتقبلو هي ووتتلاح عليه هي .. وهي لي كتغفلو !.... تاخلاتو كيف شي واحد اول مرة فحياتو غايقبل ... الطريقة دالتقبيل تنسااااات عليه بداك الغفلة ......يلاه غاينزل راسو تاني و هو يصوني ليه تيليفون وقدس بعدات منو بزربة شادة على قلبها كتمشي و تجي فالبيت ترد انفاسها وترتب افكارها لي كايبعثثثرهم بالقرب ديالو وريحتو ... تامن ضو مابغاتش تشعلو بالخوووف .......
لؤوي : جود !
قدس : ( ضارت عندو بزربة موسعة عينها ولات كتخلع من خيالها ونطقات بهمس ) جود !
لؤي : ( شعل الضو الخفيف فحائط سريرها وبدا يحك فشعرو ) اه ... راني هنا فالدار ....
جود : وعلاش مباركي طموبيلتك هنا لتحت ! خايف يضربوها ليك بالعين !!
لوؤي : مابغيتش يشوفها عمي اسد ...
جود : خايف يدير ليك الصلح الاجباري هه ! بحالاا شكيب غايخبي عليه شكون جا ...
لوؤي : مغيسولش فنص الليل عليا ...
جود : دابا نتا فوق ما تخاصم مع باك دير عندنا اللجوء السياسي ( ماشي بجهة الاسانسير )
لوؤي : غدا عطيني سوارت الكاراج ....
جود : استعمرتيني فالباركنيغ غااتستعمرني حتى فااكاراج ... شنو غاتزيد تاخد مزال ..
لوؤي : ( ضار براسو لعند قدس لي باقا واقفة مخلوعة كتشوف فيه خيفانة جود يعيق بيه وهو تبسم وطول فيها الشوفة وتنهد ) غير طول بالك .... مزال مايتخاد ليك ....
جود : سسير تصبح سير .... ونعس .. غدا عندي بيك مايدار ... ...
لوؤي : انا معاك اولد العم ...
قطع عليه تيليفون وضار عندها
قدس : ( قربات عندو كدفعو جيهة الباب ) سيييير منهنا نتاا راه بااااغي طيييحنا فشي كااارتة ... سيييير
لوؤي : ( ضار لعندها ) ششش ... ( شد يديها ) مغنمشي منهنا تانفهم اش واقع ....
قدس : ( غير كتنفس ومخلوووعة وهي تقرب عندو بعينين كيترجاو ) عااافاك آلوؤي .. راني مخلوووعة سيييير منهنا .. عافااااااك
لوؤي : ( شد ليها يديها لي كيترعدو عندو حطهم ف صدرو ) شششش ... داكشي لي فبالك حيديه .. تاحد مغيجي غير تهناي .... ماشي بوحدك لي تتخافي على راسك .. تانا كنخاااف عليييك
قدس : ( طولات فيه الشوفة تاعينيها دمعو ) الى كتخاف عليا بصح ... سير منهنا
لوؤي : راه قتليك مغانمشيش منهنا قبل مانفهم
زاد جبدها لعندو وطلع يدو لي كان شاد بيها يديها وبدا يرد شعرها مور ودنيها وكيدوز ابهامو على حنكها وهي ساااهية فيه والسكرة لاعبة عليه وهي كتسرط فريقها ودوز لسانها على شفايفها لي نشفو ليها بالخلعة وعلا عينيه بشوية فعينيها .. كيشوف كيفاش ساااهية فيه .... ونظراااتو خلاوها ذوب تاني .. فللحظة ! احساس معرفاتوش شنو هو غمرها من راسها لرجليها كيطلب منها تخشى فصدرووو .... واحساس اخر تاني جاها خلاها تتمنى ينزل يعاود وحدة من دوك القبلات ديالو ... للحظة دماغها تسد على العالم وعلى فين هي وشكون غايدق داك الباب ويحصصلهم ...
ماعرفاتش علاش ثارها لها ددرجة ... واش هو اول مرة كايثيرها ؟ ولا غير حيت هادي اول مرة كتعترف لراسها انه ثااارها .... وهي تنطق بصوت مقطع ومبعثر بهاد المشاعر المتضاربة المخلطة بالخوف ....
قدس : ل لوؤي. .. م . ل .. الليل دابا ... و ونتا سكران ... اا خلي تا لغدا .... وو نفهمك ...
لوؤي : ( كيدوز يدو على حنكها ساهي فيها ) منهار كنت صغير ... وانا هاز الهم لذوقي فين غايمشي ... كواحد ولد دكتورة دالقلب ... وباه باحث فالاثار .... واش .... لشي طبيبة بحال الوالدة ... ولا لشي وحدة فالمجال دالواليد .... ونهار بغيتك نت .... حسيت بلي جمعتيهم ليا بجوج .... ( قدس غير كترمش فيه وهو زاد جبدها ملي بعدات وهبط راسو حطو على كتافها كيستنشق ريحتها وهي جمدات فبلاصتها مزيرة على كفها لي مطلوق اما لاخور ضامو لصدرو شابكو بين صبعانو وكتحس بثقل راسو فوق كتفها وشعرو دغدغ عنقها ) اه ... نت ماشي طبيية دالقلب .... ولكن نت ... دواه .... ومكتبحثيش فالااااثار .... نت هي الاثر بنفسو ... االتحفة لي خاصها تكون فداك المتحف مكتوب عليها .... انجازاتها .... لي منهم .... ( طلع راسو فيها كيشوف فيها وهي عينيها كيلمعو ) انك مرررضتيني فعققلي اقدس ..... مااابقيتش عااارف معاك طريييق فين غادا ... وعاااجبني نزيد نتمشى .... مابقيتش عارفك اش كديري واش كاتلعبي بياا .. ولا باغاني ... ومزاال معاك .... مزال ( طلع يدو لعنقها بتجييفة خفيييفة رافع راسها لعندو هي كترمش ونطق بصوت عياااااان كأنه اخر عبارات حياتو ) كنموووووت عليك ......
قدس : ( طلعاات بشوية يديها حطاتها فوق يدو كتبعدها من عنقها ) غير سمع مني وسير عافاك .. راك ماشي هو هاداك
لوؤي : ( بنرفزة) انا هو هاداك .... نت لي ماشي هي هاديك اقدس ... انا هو لوؤي ديال دييييما .... نت لي اش واقع ليك ...( حيد يدو بالخف من عنقها وشد يدييها ) اش هاد ترعيدة كاملة ! هادي ماشي دالخوف اقدس ....
قدس : ( بتوتر ) لا د .. دالخوووف
لوؤي : ماشي دالخووووف
قدس : و و ديالاش ؟
لوؤي : هادشي لي عليه انا هنا .... باغي نعرفو ....
قدس : ر راه .. ق قلت ليك غ غير......
لوؤي : غيير اش !!! غرتي ؟ رضيتي غروروك ؟
قدس : م ماشي هاكاك .. نتا ولد عمي اه ... ( بدا كينزل يدو من عنقها ) و كيفك ... كيف كاع ولاد عمامي .. يعني م ماعجبنيش نسمع بحال هاكاك على ( قااطعها بعععصبية كايحاول يخفص من صوتو )
لوؤي : واااش باااغااااا تمممممممرضي ديييييلمي فهاد الللليل ..... ( قدس وسعات عينيها كيفاش تقلب يلاه كان هادئ ) كييييفاش بحال كاع ولاااد عماااامي ؟؟؟؟؟؟ ( شدها بزربة تاني من عنقها غادي بيها تالصقها مع الحيييط وهي وسعاااات عيييينيها وكرشها بدات ضضرها بالخلعة ) بببحاال كاع ولاد عماماك قلتي ياااك ؟؟؟؟؟؟ كككنتي غاتبوووسي سلطان ؟؟؟؟؟ اياااد ؟؟؟؟؟ ها ؟؟؟؟؟؟ كنتي غاتبووووسيهم ؟؟؟؟؟ غاااتقددددري ؟؟؟ ( قدس غير مخلوعة كتششهق ودمعة نزلاات من عينيها وهو زاد زير على عنقها وهضر بين سنانو ) هضضري .. كنت غاااتقدددري ؟؟؟؟
قدس : ( كتسرط فريقها وكتحرك راسها بلاا ) لا لا لا
لوؤي : ااااذذذذن شنووو ؟؟؟ شنووو اقدس ... شششنو
قدس : ط ط ط ل طلق .. ط طلق عنقي ححرقني .. طططلق .. لووووؤااااي
لوؤي غير كيشوف فيها وهي كتخنق فيدييه عاد بدا يرخف شوية بشوية وهي صدرها كيطلع وينزل ودغيا شدات على عنقها كتنفس لي ولااا حممررر بصبعانو وهو واقف كايشوف فيها ...
قدس : ح .. حماقيتي نتا ... والله تاحماااقيتي ..
لوؤي : ( بانت على وجهو ضضضحكة مجنونة كلها عصبية كانه غاييفقد عقلو ) هه !!!! ... حمااقيت !!! هه !!!!
ضار كيمشي ويجي و جبد من جيبو بواطة دالكارو وجبد البريكة شعلو .. كتبان ليها الشعلة ديالو وسط الضلام ... سف منوو مطووول .. كاااايتغلغل ليه فدماغ ورجع ضار عندها معوجو لجنب فمو عاض عليه ....
لوؤي : اول مرة كنشوف الحماق ...( كايشير ليها بيديه ) واقف قدامك .... كايعترف ليييك بشنو دار ليك .... وكيحااااسبك ملفوق ....
قدس : نتا ررراك ححمق من الاسااااس بيا ولا بلا بيااااا
لوؤي : ( حيد الكارو من فمو ساط دخان فجنب وشاف فيها ) وشكون قال ليك عجبي لواحد حمق ؟؟؟
قدس : ( علات فيه عينيها وقربات شوية ) لوووؤي هاد المرة راه كنررررغبك .. عمرني طلبتك .. ككنطلبك تخخخخرج .. راه مقاداش على المشاااكيل آ لوؤي
لوؤي : ( قرب ليها تارجعات ب اللور داك الخطوة لي زادت تاتلتخات تاني فالحيط وهو يحط يدو على الحيط ولوخرا شد بيها كارو ) المشاااكيل ؟؟؟؟ هاد المشااكيل كتشوفيهم غير نت ؟؟ راه تانا كنشوفهم .... تانا كانشوف دابا داك البااب غايتحل وغايدخل عمي ولا خوك .. تانا كنشوف روح غاااطيبييح .... تانا كانشوف كوووولشي ماشي غييير نت ... ولكن لي كايجبدني لييييك ... كايعمي ليا العينييين اقدس ....بحاللا واقف على داك ( اشار ليها بيدو لي فيها الكارو لبالكون ) الحااافة باغي نتلااااح .... عقلي تايقول ليا راااااك غاااتمووووت ... وقلبي تايقول ليا .. لاااا .. راه تقدددر طيييير ..... هاااكااااك كانشوفك نت ... ..
قدس : م م .. ما .. ( هزات ديها بشوية مسحات دمعهتها وهي كاتشوف ففيه ) مابغيتش علاقة بحال هاكا آالؤي
لوؤي : تانا مابغيتهاش .... هادشي لي كنحسو من جيهتك مختاريتوش .... مكنقررش فيه ... مابديتوش ومغانعرفش نساليه .....
قدس : ( علات فيه عينيها الباكين ) د د ابا ... دابا اش بااغي ... اش باااااااغي
لوؤي : باااغي نعرف حاجة وحدة وغانمشي فحاااالي
قدس. : ( سرطات ريقها وشافت فيه ) شنووو
لوؤي : شنو انا بنسبة ليك ؟
قدس : ( شافت لجنب كاتغزز شفايفها وجاوبات ) و. .. ولد عمي
لؤي : شششوفي فيا ....
قلبات عينيها بشوية وشافت فعينيه المعسلين فييييها وبدات تسرط فريقها وعينيها كيدمعو لي معارفاش علاش .... بقات كتشوف فيعينيه والضوء القمر ضارب فيهم ... وهو تاني كيشوف فقلب عيييينيييها ... تابان ليها هبط عينيه لشفايفها باستسلام منهاا أبدا ماقدراتش تمنعووو .. نزل على شفااايفهاااا بقبلة حنييييييينة .. هااااادئة .. ابدا مكتشبهش للقبل ديالو لي دازو ..... كانت كلها مشااعررر .. كانت هااادئة بحال ملامحو السكراااانين ... كانت حتى هي بوسة عامرة بالثماااالة ... وبطييييئة .....
بعد عليه بشششوية مخلي فمها عاامررر بريحتو و ريقو كااايلمع فشفايفها... وعلا عينيو فيييها وهي مخخخخدددرة كانه سسكرها معاه .... بالهدااوة .... وعاود نفس السؤال بنبرة اخفض ....
لوؤي : شنو انا ..... بنسبة ليك .....!!!!!
قدس علات عينيها بششوية فييه تاتقابلو ... باقي فمها على نفس وضضعيتو كتخرج منو النفس سخووونة ... صدرها كان هادئ حيت القبلة كانت هادئة .. كانت عاااامرة مشاعر ... كانت بحال شي مخدر .... اولا بالاصح .. بحال كاس الويسكي .... خلاتها تتترفع .. تنسى فين هي .. تنسى المنطق والعالم .... تشوفو غير هو ... لي تأكدات وقطعات الشك باليقين .... انها معحبة بيه .... لا واكتر من دالك ... هي منجدبة ليه بحالو او اكتر .... وانها مكرهاتش كون كان فظروف اخرى كانت غاتكون بين احضانو بلا مترردد .....
السؤال ديالو بقى بدون جواب صوتي ... لكن ! .... قررات دير ليه جواب من نوع اخر ...
تعلات على صبعان رجليها .... وبسرعة حاوطات عنقو بيديها ورجعات لشفايفوو تاااني .... وهاد المرة قبلتها كانت اسرع بقليل من القبلة لولا .. شي لي خلاه يحاوط خصرها بيدو لي مافيهاش الكارو تالصقها معاه وغااااص فعمممق ثثغررها غرييق .....مغمضين عينوهم ومخليين السنتهم وشفايفهم يتحاورو .... فلحظة هبط لععنقها وهي علات راسها لفووق بششهقة شادة فالحييييط تاطلع لودنها كاينهج وهضر بصوت متقطع ....
لوؤي : علاش كاديري فيا هاااكاااا ..... علااش هاد العذاب ...
قدس : ( هزات يدها بشوية وشدات يدو لي مزيرة فخصرها باش يرخفها ) .... خااايفة ..... آلوؤي
لوؤي : ( غمض عيييينيه مدة ورجع حلهم ممعسسسلين ونطق حدا ودنها تا خلا جسمها كامل يقشعر ) منااااش آرووح لوؤي ؟؟؟؟
قدس : م .. منك ... م .. من بابا .. من خويا .... من كولشي .....
لوؤي : ( فرمشة عين قلبها قدماااامووو وحاوط كرشها بيديه ونطق فودنها من لور وهي مغمضة عينيها ) كتيقي فيا !
قدس : ( غمضات عينيها وجاوبات ) م .. ماعرفتش ....
لوؤي : خاصك تولي تيقي ..... باش متبقايش تخافي ..... ( رجع لودنها لوخرا تاني كااايستنشق ريحة نحرها وكمل كلامو ) حيت ملي تانقوليك كانبغيك ... مكنكدبش .... ولي كايبغي ... كايحمي .....
قدس : ت .. تا جود ... ب بغا بيلسان .. و وراك شفتي اش وقع
لوؤي : متعاوديش تقارنيني بشي واحد ... ( زاد زير عليها كايهضر فعنقها ) كون بغاها كيفما بغيتك انا ... كان غاحميها كيما حميتك حتى انا ....
قدس : هه !! اشمن حماية كدوي عليها ... كون فتح علينا شي واحد الباب دابا ... كون يشوفنا جود .. مغطيحش الروح ؟؟ ...
لوؤي : مغيتدخلش جود فلي بيناتنا .... حيت سبقتو بواحد الدْرجة .....
قدس : ( بقات غير كاترمش ) مافهمتش ...
لوؤي : هاضر مع باباك اقدس ....
قدس وسعات عينيها وضارت عندو بببزربة
قدس : ششششنو ؟؟؟؟؟؟؟؟
طول فيها الشوفة مع ابتسامة وزاد للبالكون وهي تابعاه مفهاماش .... طفا الكارو فالحديدة .... وتجنب للجانب لي مغطى مكيبانش لجردة و قف متكي ....
قدس : كييييفاش ؟؟؟؟؟ كيفاش هاضر مع بابا ؟؟؟؟؟
لوؤي: جوج دالحوايج خلاوني نطلبك منو بلاا منفكر .... لول .. هو داير بحسابي باش منطيحش فالغلاط دخوك .... التاني ... هو مستحيل نقدر نشوفك فيد واحد اخر من غيري واخا نعرف نحرق كنية الاسماعيلي بلي فيها ....
قدس : ( كاتقرب عندو مصدومة حالة فمها ) واش عارف اش كاتقووول ؟؟؟؟؟ وهااادشي انا مفخباريييش ؟؟؟ وكانشوف فبااباا فوجهو ؟؟؟؟؟؟ فووقاش هضرتي معاه ؟؟؟؟؟
لوؤي : ( ربع يدو معوج راسو كايتفرج فيها كينغموه حركاتها ) اشمن سؤال نجاوب عليه للول !!!
قدس : ( زيرات قبضتها مغمضة عينيها كتكبت غضبها باش ماضربو بشي حديدة لراس ورجعات حلات عينيها فيه ) فوووقاش هضرتي مع بابااا ....
لوؤي : ( بهدوء كايشوف فيها مبتسم ) شحال هادي
قدس : واشنو قال
لؤيي : نتسناك تكبري ... ( عوج معاها راسو ) عمرني قلت ليك شفايفك واعرين !!! ...
قدس : ( غمضات تاني عينيها ورجعات حلاتهم دايرة راسها ماسمعاتوش هو لي كتلس يستفز وهي غارقة فهاد الخبار لي صدمها بها ) وعطاااني لييييييك ؟؟؟؟
لوؤي : ويلقى حسن مني !
قدس : لووووؤااااي ( قلبات عينيها لجنب كتحكم فراسها متغوتش وشافت فيه ) كككنهضر دددبصح
لوؤي : قال حتى تكبري ويقرر ....
قدس اهاه ؟؟؟
لوؤي : يعني باباك عارف انا شحاااال كنمووووت عليك .....
قدس : ( شدات على جبهتها كاتمشي وتجي وهو كايتفرج فيها وشافت فيه ) ومعامن تشاورتي ؟؟؟؟؟
لوؤي : مع قلبي !
قدس : واااتشااااور معاياااا ( كاتغوت بالحس ) معيااااا اناااا
لوؤي : ونت وياه راكم واحد .... علاش نبرزط راسي نعاود المشاورة جوج دمرات ...
قدس : لوووؤاي ... راه غانحس بالاحراااج دباا وانا كنشوف فبابا
لوؤي : كيف شفتي فيه لبارح وليوم .. شوفي فيه تاغدا ....
قدس : واش بابا حسابتو بيناتنا شي حاجة ؟؟؟؟؟
لؤي : لااا ... قتليه كنبغيك غير انا بوحدي ....غير تهناي ...
قدس : ( تنفسااات وخرجاتها بعفوية حيت رتاحت ملي قال هاكا ) فففف اول مرة بعدا كدوووبك ينفعو فشي حااااجة ...
خلاتو وجات ماشية هو يجبدها لعندو بزربة وضارت كاتشوف فملامحو لي بحالا سامعين شي حاجة صدماتهم
لوؤي : علاااش هادي ككدبة ؟؟؟؟
قدس : ( كترمش بعينيها مزال مامستوعباش ) م ماافهمممتش ؟
لؤي : كنبغيك غير بوحدي ... كدبة ؟؟؟؟؟؟
قدس : ( بقات غير كترمش تا سرا معاها البلان ونترات يديها منووو محرجة ) اا .. لا ... ق قصدت .... ( قاطعها )
لوؤي : وااااش هادي ككددبة اااقدس ؟؟؟؟؟؟؟
قدس : لوووؤي صووتنا غاايتسمع
جرها من يديها بززربة دخلها للبيت وسد الباب دالبالكون وجابها قدامو
لوؤي : كنبغيك غير انا يوحدي .. كذبة !!!!! ... يعني هادشي مكاااييييينش ..... يعني ماشي غييير بوحدي اقدس ؟؟؟؟؟
قدس : ( كاتسرط فريقها كاتقلب فين ترقعها ) لا .. م ماشي هاكاك قصدت
لوؤي : قدس راه انا لي سكران ماشي نت .....
قدس : ( طلعات فيه عينيها ) قصدت ز ... زعما الكدبة .. ه هي ... ا انك كتبغيني
لوؤي بقى غير كيرمش وقرب عندها وهي كتشوف فيه بحال شي قطة دايرة شي مشكل ...
لوؤي : تششكي فهذا واش الليل ولا الصباح وماتشكيش فهادي اقدس .... ( عوج راسو معاها ) من فوقاش ونت تاتبغيني !
قدس : م . م مكنبغيكش هاااء !!!! نبغيك صحة
لؤي : غير مؤخرا !!! ولا من شحااال هادي
قدس : ق قلت ليك مكنبغيييكش
لوؤي : من قبل ماتعرفي بلي كنبغيك ؟
قدس : ( بلا متحس بسبب اسئلتو المسرعة ) لااا اشمن من قبل تاا ل مؤخرا عاااد لل..... ففففف ( ضرباتو لصدرو بعداتو ومشات كضور فالبيت وهو كيضور راسو ويضحك بضحكة كلها فرحة ) نتا راااك بوووليسي نتا .. واقف معاياا محقق .... عاااد فهمت علاش باااغي دير البوووليييس ... صراحة هو لي يليق كون غييير درتيه ... ونااااااري ... ممححقق والله تا محقق ....
لوؤي باقي عاطي بضهرو مبتسم كيشوف فالارض وعلا يدو مشط تحت لحيتو وضار عندها كايقرب
لوري : ... اهاه .... لابغيتني نت نولي بوليسي .. غانولي بوليسي .... نطلع لfbi كاع ..... ( قدس غير كتشوفيه ) ...... موخرا قلتي ....شحال كاع ؟ سيمانة .. شهر !! ... علاش ماقليتهاش ليا ؟ هم ؟ علاش معدباني موراك ...
قدس نزلات راسها ورجعات علاتو فيه
قدس :حيت مامستعداش آلوؤي
لوؤي : ( قرب عندها وشد يديها ) علاش ؟؟؟ شنو لي خالعك
قدس : المسؤووولية
لوؤي : ديالاااش ؟؟؟؟
قدس : ماباغااش نتزوج
لوؤي : ماتزوجيش !!! .. ديجا باباك مغيزوجكش فهاد اللاج وخا منعرفت اش ندير .. غير ماتخلينيش معلق من هنا لفين تسالي قرايتك .... راك تتعدبني هاكاك ...
قدس: و .. ونتا تبغي تسنى .. ح حتى نبغي ؟؟؟
لوؤي : نتسناك تاتديني المووت ..
طولات فيه الشوفة ولنظرات الحب لي كيشوف فيها بيهم ولي لاول مرة كتشوف راسها شحال محظوظة بهاد الحب كامل من شخص بحالو .....
قدس : خ خايفة نتفضحو آلوؤي
لوؤي. : تيييقي فيا ..... راه واخا نعرف نموت .. ومنخليش شي حاجة طيح سمعتك وسط العائلة غير تهناي ....
قدس : ( علات فيه عينيه غير بوشوية ) تواعدني ؟
لؤي طول فيها الشوفة هو يجبدها لصدرو وعنقها عندو وهي راسها محطوط على صدرو عاضة على شفتها لي شوية بشوية بدات كتوسع لابتسااامة خفييييفة وعينيها لمعو ..مامتيقاش الى زعمااات وتبعات طريق قلبها وسكتات دمغاها شوية ..
هزات يديها بشوية وعنقاتو من ظهرو وهو غمممض عينيه بمعنى " فاااااينااالي " وهبط على راسها باسو بوسة مممطولة...
لوؤي : واش عارفة شحال كنبغيك ولا خصني نزيد نبين
يتبع...
التعليقات
لا توجد تعليقات بعد، كن أول من يعلق.