محتوى القصة
كان كايتمشى بحذررر .... كانو كايدوزو حداه كايشوفو فيه ولكن ماكيديرو تارد فعل مدام دخل لهنا إذن راه عندو الإذن ولا تاحد مايخليه ينزل لهاد المكان ! ... كانو فقط أطباء بطابليتهم البيييييضة وممرضين .. المكان كان مستشفى صغير خاص بحالات سرية بحال هادو لي مكايمشيوش لسبيطار عادي ....
غادي فهاداك الكلوار وجود كيمشي ويجيي كايتسنى منو شي معلومة .. مزال مفاهمينش آش واقع !!!! شافو غيييير مقطع صغييير كاتبان فيه غير شوية فيييد عمييل .... ولي جود وأسد متأكدييين راه لوؤي .. مغاتخفاش عليهم البنية ديالو .... ومغايخفاش عليهم الصدمة ديالو ... كولشي كيتكلم عليهم وناضت البلبالة واش قدس ممثلة افلام اباحية ، واش اش طرا ليها مؤخرا كان بصح اذن !!!!!
كلهم متوترين معارفينش آش يديرو ! الحاجة لي شاغلاهم كتر من كولشي هي واش قدس بيخير ؟ واش دارو ليها شي حاجة !!! .... واش تكرفصو عليها !!!!!واش بصح تصور بيها شي فيلم !!!!
أصيل دخل فكلوار طويل فيه بزاف ديال الدخلات مغطيين بريدويات زرقييين ... غادي و كيحيد ريدو غير بشوية كايلقى باياصات بويض ... كاين لي عليهم الناس كاين لي خاوييين واغلبهم فارغييين .... فام دميناج كتجفف ... وريحة دالمكان مزموتة ومخنووووقة وعامرة بالمعقمات .... أصوات العجلات دالأسرة كايتسمع الصدى ديالها وصوت دالهضرة و تهافت دالمررضين كاتمشاو بزربة وحلو فلبيبان دالمختبر .... تما كان لامورغ وكان تشريح وكان حتى المعاينة د الضحايا ... الضحايا لي كايتكتاشفو فعمليات بحال هادو مكايمشيوش للمستشفى .... كايجيو لهنا فكل سرية .....
يلاه غايضور على لييسر ويرجع لكلوار آخر وهو يلمحهااا بعيييييد على واحد السرير ناعسة ... كانت بلباس طبي أزرررق رجليها كانو محطوطين على أعمدة محلولين مغطية ايزار ودكتورة على الكرسي بطابلية بيضة كاملة كاتقلبها من تحت ....والفرمليات ضايريين بييها وهي غايبة على الوعي ...
أصيل : هاهي قدامي ..
جود : صافا ؟؟؟؟ راها اا لاباس ؟؟؟؟؟؟
أصيل : ا ... ( مباغيش يخلعو ) اه ... ر راها لاباس ..... متخافش ... انا غانبقى هنا معاهااا تانطلع معاها ...
جود : اصيييل .. ماتحيييدهاش قداااام عينيك ... شوووف آش تايديرو ليها تمااااا !!! حضييييها .....راه مكاينة الثقة فحتى شي واحد واخا يكون طبيب ....
أصيل : غانقطع باش مايعيقوش بيا .... نعرف آش واقع وعلاش جابوها لهنا ... وغانكتبليك ميساج واخا؟
قطع علييه ورد تيليفون لجيبو لور وزاد بخطوات بطيئة وكايشوف فيها هي لي غايبة على الوعي قالبة راسها للجنب .. و هي طلع الدكتورة راسها فيه ...
الدكتورة : موسيو !!!!
أصيل : ( جمع ملامح الخوف باش مايعيقوش بيه وتبسم ) اا ... جيت على قبلها .... ا. أنا .... انا راه .. من عائلتها .... هي .. كاتخلع شوية بغيت نكون معاها ... ماتخافيش راه مغاديش نعرقل خدمتكم خودي رااااحتك ... غير باش ماتخلعش ...
دكتورة : كان عليهم يسيفطوك قبيلة ... حيت ماخلاااتناش نقومو ليها بالفحص وكانت متوترة وخايفة بزااااف.... اضطرينا نعطيوها واحد لادوز صغيييييرة من المنوم ..... واحد شوية وتفيق ....
أصيل : ( شاف فقدس تأسف عليها وشاف فدكتورة لي عرفها آش دارت ليها بالضبط وحرك راسو مع غمزة متسائلة ) أهاه !
دكتورة : ( بابتسامة فاهماه ) لا الحمد الله .... فيييغج " عذراء " ولوكوغ ديالها كامل قلبناه ، كامل نقي وماااتقاااسش بالمرة ...وحتى ليپيرسينغ ... كانو غير لاصقين ....ماثقبوش لحمها ...
أصيل : ( غمض عينيه حامد الله حييت هدا أكبر هم كان عندهم انهم يكونو تكرفصو عليها و ديفيرجات ) اا ... و .. وهي كي كيفاش تعاملات زعما مع الوضع ! وو اش .. بصح كانت مخدرة !
دكتورة : اه .... تعاطات لدوز كبيرة ... حنا غير وصلات دگينا ليها المنشطات ردات لوعي ديالها شوية لكن ماشي بالكامل ..مكانت فاهمة والو ، وراه ناااااسية كووولشي ...من اللخسن تخبروها بطريقة زوينة ،كون كانت ضحية اخرى كنت غانقوليكم خبيو عليها ، ولكن هادي قدس الاسماعيلي ، واخا تخبيو نتوما ... الصحافة مغاتسكتش ....داباا ملي غاتفيق غاتفيق مزيانة .. لادوز لي عطاووها قوييييية ولكن ماشي طويلة .... اومورهم كانت مضبوطة ... وعارفييين ان لادوز القوية لاكانت طويلة ممكن تقتل داكشي علاش عطاوها المدة ديالها قصيرة ودغيا كاترد وعيييها ... دابا غاناخدو عينة من دمها ديالها باش نتعرفوووو بالضبط على نوع المخدر لي تعاطات ليه .... ونكتبو التقرير ....
أصيل : ( كيحك فوق حاجبو ) و .. وفوقاش تقدر تخرج ؟
دكتورة : غير نسااليو هادشيي غاتخرج .... ( بابتسامة ) انا دابا تسالات خدمتي ... غادي نمشي وغايجي لكوليغ ديالي لي غايياخد العينة ...
أصيل : داكوغ ....
ابتسمات ليه الدكتورة ولفرمليات كانو نزلو ليها رجليها وقادوها نيشان على السرير ومشاو كامليين وردو عليها الرريدو ... وهو تنهد كايشوف فيها وفين كان مخبي ليها هادشي كامل وكيفاش غاتواجهو ! ... وجبد تيليفون كتب ميساج لجود بأنها بيخير وماتقاااس فيها والو وفيغج .... باش يتهدنووو تاهوما لفوق .... وانهم غاياخدو منها عينة دالمخدر وغايطلعو ....
جود غير قرا ميساجو شوية برررد واخا مايقدرش يبرددد تايشدها بييين يديه ويشوفها واش لاباس ! وويلقاو حل لبرائتها تاني. .. وتهضر معاه ويشوفو هادشي ويفهموه ومايبقاوش تالفين .... واخا معارفش هاد لمصايب امتى يقدرو يساليو وواش غايسالييو شي نهاار !!! شاف فعدنان و سفيان بمعنى مكاين والو. .. وهوما تنفسوووو الصعداااء ..... كانو خايفييين بزاف يكونو تكرفصو عليها حيييت مستحيل تتقدر تتجاوز نفسييييتها هادشي .... أما كولشي كايقدرو يتجاوزوه مع بعض .... واخا هاد المرة قاسحة شوية !!!! ... ورجع خل لبيرو ودخل عند اسد لي داير اجتماع فردي مع العميد ...
عند اصيل ....
كلس على كرسي حداها وعلا راسو للفوق كايتنهد ويديه كايضورو التيليفون ... ماعارفش كيفاش دار تادخل وسط هاد العائلة !! .. وعلاش كايحس بالمسؤولية تجاهم ! وعلاش هو تعصب على هادشي لي وقع لقدس !!! علاش حسهم قطعة منوو !!!! ...
ومشاكلهم من مشاكيلو !!! ... هو إيمتا ولا عندو شخص كايتقلق من جيهتو لا وقعاات ليه شي حاجة من غير ختو !!!! ....
فالاجتماع ...
كان العميد عاود كولشي لاسد لي جعرو كتر ماهدنو .....
العميد : سي اسد ....راه هادشي لي كاتقول مااااايمكنش ، راه ماشي بيدينا حنا ،ماشي حنا لي درنا القانون
اسد : ( ضرب ببونية على البيرو ) مكااااين تااااااااشي قانون .. كاااايخلييكم تحطو ليا بنتي ولا بنت اي واحد فهاد المووووقف ... مااتعلقش الشاهادات على ظهر بنتي ....
العميد : راه ماعنديش الحق اسي اسد نعلمك .... راه فوق مني هيأة و انا مأدي القسم ....
جود : ( مزير سنانو ومخلينو معاهم فالاحتماع ملي قال لاسد فخبارو انه لوؤي معاهم وقال بحدة ) لي كان هازها فيديه ... لوؤي ! ( اسد علا راسو مع هاد السؤال تاهو )
العميد : ا لا .. ه هو .. ر راه ( قاطعو بحدة )
جود : لؤي واخا تجيب ليا غير ظلو ... راه نعرفو ... ماشي غير ملتم وصافي ! ... ( بعصبية وثقة ) هاداااااك لوؤي ...
العميد : اه .... هو .. ( اسد كايوشف فيه مزير سنانو ) هو هاداك
اسد : ( تحت سنانو وعينيه حمرين ) كانت فخبااارو تاهو !!!!
العميد : ( تدخل بزرية ) لااااا .. لاااا مكانتش فخباااارو .... انا غانشرح ليكم اش وقع باش ماضلموهش ....
اسد وجود كايشوفو فيه وكاااايتمنااااو من قلبهم يكونو ضلموه ومايطلعش بصح تاهو كان عارف ومضحي بيها ....
العميد : الملف فاش وصلنا وعرفنا الضحية بنتكم .... ماقلناهاش ليه وخبينا هاد المعلومة .. حيت مايمكنش يخلينا نكملو خدمتنا ... ( اسد كايرمش فيه وكايرتاح قلبوو ولكن مزال ماقنعوش اش كان كايدير تما كقائد ومافهمش وهو عارفو مستبعد ) مكانش عااارف تيقو بيا .... الملف ديال اجون اخر نعطيكم الائحة تشوفو بعينيكم ماعنديش مشكل ... الملف باسم عميل اخر ...نتا عارف اسي اسد اخر ماطرا معاه ....والاستبعاد لي تعطاه بسبب انه خرج سلاح من دورية ، نتا براسك سوليتيني شكون بيع بيه وقلت ليك ماعنديش الحق نخرج معلومة بحال هادي. ... هو لاسف عرف ... ماعرفتش كيفاش ولكن عرف شكون .... كان هو نفسو العميل لي مكلف بهاد الملف .... وفاش سمعو عندو مداهمة فنفس لوطيل لي حا ليه مع بنت عمو .... بغا يرد ليه الدقة ... وماعرفتش كيفاش قنعو على برا باش يعطيه القياادة بتخبية .... نتوما كاتعرفوه شحال مهووس بخدمتو ومايغاش يتفرق عليها واخا مستبعد ، ظاكشي لي قال العميل لاخر مع راسو ، قال غير باش يخدم مكانش عارف كايخطط ليه لضربة ينتقم منو.... خدا القياادة منو غي باش يفصح على وجهو ويشريها ليه تاهو مع الهيأة .. ولكن الاومور مامشاتش كيف بغا فاش لقى ان الصخية بنت عمو .. داكشي علاش كيف قلت ليكم قبيلة ... تهور قبل الوقت وداهم باش يحميها .... ماخدمش عقلو تالقى راسو قدام الصحافة .. كانت غالبة عليه العاطفة ديالو وكان باقي مصدوم من انها بنت عمو ...وهاكا وصلنا لهادشي كااااامل دابا ... هوم مافخباروش تيقو بياااا ... كون كان فخبارو مكانتش المهمة غاتخسر .... ومكانش غايكون فداك الحالة!!!
اسد رجع نزل راسو بين يديه وجود تزاح عليه هم لوؤي لي كان واخد النص فرااااسو ... حيت ماتوقعهاش منو جاتو خيانة كبيرة من دمو ... ولكن هضرة العميد مقنعة ... بصح ! هو كان كايبان مصدوم وتالف !!!! واسد منهار عرف بلي راه تبيع بيه وهو كايتسناه يرد دقتو ... منظرو وهو مصوم هازها ببين يديه تالف خلاهم دغيا تيقيو هضرة لعميد لي كانت جد مقنعة ..... لي دار بالعاني بحال هاكا باش يكفر على ذنبو تجاهو ... مابغاش يخسروو حيت عندو عزيز وخا عارف من بعد هادشي لي طرا كامل عمو مستحيل يخليه معاهم فنفس الدورية مزال .... عارف بلي اسد حقد عليهم دابا .... ولكن فاش كان كايرغبو وكايقوليه نقولها لعمي مكانش كايخليه ... وواعدو باش مايوقع ليها والو ولاسف .. ماوفاش بوعدو .. وطرا هادشي كامل ليها وتشوهات سمعتها والبرتوكول غاييعاقبها .. النظرات المنكسرة لي كان داير فيه كانو كايقولو بزاااف ... مابغاهش يخسر تا عائلتو !!!!! جاه هادشي اقصى مايمكن ليه يدير على قبلو .... .
واسد شاف فيه بملامح عياانيين وعاااامرين بالحقد
اسد : غااتندمو على هاااااشي. .. غاااتندممو عليييييه ....
لاح الكرسي وناض بعصبية وجود تبعو والعميد شاد على راسو .....
الفوق ...
عدنان كالس معلي راسو مع الحيط كايشوف لفوق وسفيان كايهضر فتيلي ، شكيب كيف العادة خصهم يسكتو صحافة ولكن مواقع التواصل صعيب عليهم يسكتوهم ... اريج ويونس كالسن غير حدا تيليفون كل مرة يهضرو مع واحد فيهم .. وزياد وبيلسان واياد كانو نفس شيء ... سلطان خلا تداريب وشاد قنت كايهضر معاهم .. ووسيم تاهو مع ماماه لي مخلاتوش يجي تايعرفو اش واقع ... كلهم مقابلين غير تيليفون ومستجدات ....
عند أصيل ...
كالس على داك الكرسي كيلعب برجليه ... والممرضين ودكتور جاو خداو جرعة من دمها عن طريق الوريد ومشاو ... وهو كايلعب برجليه ومرة مرة يشوف لساعة .. وكل مرة يجاوب جود ويقوليه باقا ناعسة وباقي معاها وصورها ليه .... وخبرو أنهم خداو منها شوية دم على ود تحاليل ونوع المخدر لي تعاطات ليه ...
تابدات كاتفيق ... وهو يوقف وقرب عندها محني عليها ... قدس كان راسها ثقيل وكتحل عينيها غا بزز ... كانت بحال ايلا نايضة من شي نعاس طويييييل ....
كترمش بعينيها فأصيل لي محني عليها بابتسامة لطيفة وفيها شوية من التوتر ... وترجع تاني تغمضهم تستوعب وتعاود تحلهم ....
أصيل : قدس ؟؟؟ شوية أختي !!! كتسمعيني !
قدس حلات عينيها فيه وقلبها بدا كايضرب و شافت لجنب كاتفكر فاش فاقت قبيلة ولقاات رااسها هنا وشافت فيه بزربة بخوف وشدات فيديه ....
قدس : ( بهلع ) آش وااااقع؟؟؟؟ علاش جابوني لهنا ( شافت ليديها وهي تبان ليها اللسقة على مكان الإبرة لي حيدو منها عينة د الدم ) آش هاااااادشي !! شنو دارو ليااااا !!!!
أصيل : ( كايحاول يهدنها ) شششش مواقع والو تهدني .... تهدني .... ( كايرمش بتوتر كايشوف قدامو واش ماعاقلاش .. شنو عارفة بضبط ! ) ا .. نت ... م .. شنو اخر حاجة عاقلة عليها!!
قدس : ( كاترمش فيه بخوف ) ل لا .. لا .... ماعارفة والو .. ا أنا .. أنا ( كاتحاول تفكر آش تفكرات قبيلة فاش فاقت ) كناا غير فسانسور لي تبلوكا بينا .. تالقيت راسي هنا .... آش واقع ؟؟؟؟ ( كتشوف فيديها ) آش هادشي دارو لي فيدي ؟؟؟
أصيل : اا ...( قاد وقفة كايحك فشعرو ) ا .. م مليي كنتي كتغداي .. جاك تسمم ... و وجابوك لهنا ....
قدس : ( علات عينها فيه بخوف ) كيفاش تسمم ؟؟ (شافت مع جنابها ) هادا ماشي كلينيكنا !
أصيل : لا .. هنا .. هنا .. البوليس ( قدس وسعات عينيها ) ح حيت .... حالة تسمم .. خ خصها شوية ديال البحث .... باش يشوف واش بالعاني ...
حاس براسو كايدخل ويخرج فالهضرة وكيقول حوايج مكاينينش غير باش يقنعها ويهدنها .... معارفش واش خصها تعرف ولا ولا خلا المهمة لعائلتها .. هو لي عليه يهدنها ويخرجها من هنا ..
قدس : ك كيفاش تسمم ؟؟؟ منين جا هاد تسمم ! ... أنا عاقلة ... انا عاقلة تبلوكا بينا سانسوور ... أنا والغيسبونسابل ... و و كنت ديخااانة بسبب الضغط يمكن خفت .. كيفاش تسمم !
أصيل : ماعرفتش أختي .. انا هنا قالو ليا تسمم ... يمكن تجمعو عليك جوج حوايج .... ماعرفتش ، نتي بيخير ؟ كاتحسي براسك مزيان ؟؟؟؟
تكات على كادر دسرير شادة على راسها كاتهضر ثقيلة وكتنهد ...
قدس : ماعارفاش ، ماعرفتش مالي !! .. كنحس فيا الردة وراسي ثقييييييل بحالا شادة شي طريق عامرة فيراجات ..وحاسة بتلفة بحالا تركيزي مشتت... مافهمتش هادشي ( شافت فيه ) فين بابا ؟ ونتا شكون قالها ليك ؟ ب بغيت نقول زعما .... مابغيتش نعدبك معايا ...
أصيل : باباك لفوق ... .. سمعت الخبار و صافي ... مم .... من عند قسم ...
يلاه غاتجاوبو وهي تجي واحد الممرضة بابتسامة ...
الممرضة : مادموزيييل فقتيي ؟ صافا ؟ ( قدس غير كاتشوف فيها ) إلى مافيكش دوخة ... راه تقدري تخرجي عند عائلتك ...
أصيل : ( سبقها بالكلام ) لا مافيهاش ....غانخرجو ....
قدس : اه بغيت نخرررج ...( شاف فأصيل ) مغايدگوش ليا شي ابرة ياك ؟
الممرضة : هه لا لا امادموزيل ...
قدس : ( كتشوف مع راسها ) فين حوايجي ! ( شافت فيها ) وكيفاش تسمم ؟؟؟ واش كولشي لاباس ؟ ولا خصني نشوف طبيب مزال ؟؟
ممرضة : ( شافت فأصيل ) اا؟؟؟ ولكن امادموزيل ( قاطعها أصيل )
أصيل : لا صافي .. راه شافك طبيب وقال راك بيخير ( الممرضة كاتشوف فيه فهمات بلي مخبيين عليها الأمر وهو غمزها ) ... جيبي ليها حوايجها أختي ( بعد على قدس ووما ليها غير بالايشارة بمعنى التيليفون ديالها عطيه ليا انا)
الممرضة ومات بابتسامة ومشات تجيبهم .. وهو جبد تيليفون وبعد باش يصوني على جود وهي تشدو من يديه ...
قدس : فين غااااادي .. ماتخلينيش هنا بوحدي ...
أصيل : أنا غير هنا حداك غاندوي غير فتيليفون ( رجعو لجيبو فاش شافها خيفانة ) صافي أنا معاك تاتجي البنت ...
قدس : ( بابتسامة لطيفة ) شكرااا ... (بحنية ماتوقعاتش غاتقول هاد لكلمة لشي حد منغير وسيم وجود ) آخويا ...
تبسم ليها ودوز يدو على شعرها ردو ليها لور بابتسامة وهي علات عينيها فيه ...
قدس : لوؤي ؟ لوؤي فينو !! كان معايا فلوطيل !!!
أصيل : ماعرفتش ، غايكون لفوق .. جينا مخلوعين مارديتش لبال شكون كاين ...
قدس : لا راه كان معايا ، أصلا جاتني عجب كيفاش مراهش معايا هنا !!
أصيل : مشغولين لفوق يعرفو آش وقع .... هادشي علاش ...
يلاه غاتجاوبو وهي تقاطعهم ممرضة هازة حوايج قدس لي جابتهم إكرام ... وأصيل داز حداها مدات ليها تيليفون بلا متشوف قدس ومشى خلاها تبدل و دار تيلي فودنيه و هو يجاوبو جود ....
للفوق ..
سالا جود الاتصال ومشى لجيهتهم ،كانت تزادت عليهم تا قسم لي جات مخلوعة ماقداتش تبقى فالدار كاتسنى، معنقة عدنان و أسد غير كالس وحاني راسو وكايفرك فيديه وصبعانو وهو قرب عندهم ...
جود : أصيل راه قاليها لتحت جاك تسمم ... مابغاش يقوليها آش واقع ... راه شوية وغايطلعو ...
سفيان : حححسن... تال دار بالتي هي أحسن ونفهموها غير بشوية و تا تيليفون ماتعطيوهش ليها ....
أسد : ( علا راسو بتنهيدة وعينيه حمرين بالعصبية ) ملي طلع ختك ديها لدار ( شاف فقسم ) وسيري معاهم نتي .. ماتقولو ليها والو تانجي ....
ناض أسد وخلاهم حيت ماااقادش يشوفها ملي تطلع .... حاس براسو فقد تركيييزو وفااااشل واي حاجة غاتخلييه دابا يطيح على ركابيه .. معارفش يفكر فكرة وحدة .. كولشي تجمع عليه ، معارفش واش يركز مع هادشي لي طرا لبنتو .. ولا كيفاش غايكون رد فعلها .. ولا البرتوكول .. ولا مشاعرها ...ولا شرفها .. ولا سمعتها ... كولشي تجمع عليه خطرة وحدة تا السكرر ديالو دار ليه دوخة وهو غادي كاينفض فراسو وكايحاول يركز ويثبت كتر ...
سفيان حس بيه ماهواش و تبعو ... وجود غير كايمشي ويجي وكل مرة يجاوب وسيم وسلطان و إياد وبيلسان وزياد لي مسكتوش من ليزابيل ... فنفس الوقت ساد الكاطجي وماباغيش يدخل بالمرة يشوف آش كايكتبو .... غير مكيزيد يتعصب ...
تحل الاسانسور وهو يشوف لجهتو كانت قدس وحداها أصيل شادها حيت باقا فيها الدوخة غير ضارو شافوهم وقدس تسللات منو ومشات كتجري عند جود عنقاتو وتاهو عنقها وخرج تنهييييييدة قوية زفرها ... أصيل علا عينو فقسم لي تيشوف فيهاااا حزززن كبيييير .. وعينيها عامرين بدموع .. وعلاتهم فأصيل ووما ليها بعينيه تقرب وجات عندو كاتجري عنقاتو وكاتبكي واصيل كايدوز يدو على شعرها وكايهمس فودنيها
أصيل : ششش .. ماتخليهاش تحس ...
قدس تسللات من جود وشافت فعمها عدنان بابتسامة ...
قدس : رااااني لاباااس ( ضارت عند قسم لي كتشهق فصدر أصيل حيت عارفة مزيان آش كايتسنى ختها ) قسااااام .. قساااام والله تا لااابااااس ! علاش كاتبكي !!!!!
قدس هي كاتسولها وقسم غير مكتزيييد تبكي وعدنان وقف عندها وعنقها وهي معنقاه و ماافاهمة والو مالها !!
أصيل : ( بهمس ) قساااام !
قسم بدات كتبعد من صدرو وكتمسح دموعها وكتحاول تحكم فراسها وهي كاتشوف فيها وضارت عند ختها لي فحضن عدنان كاتشوف بشك مافاهماش ...
قسم : ( بصوت باكي ) غ غي .. غير تخلعت اختي ... ( حلات يديها ) اجي عندي ... (قدس علات عينها فعدنان لي ووما ليها ومشات بزربة عندها عنقاتها قسم بحنية وباستها فراسها ) حبيبة ديالي ..... ( بشهقة بكاء وجود كايخنزر فيها ) فيييين كان مخبي ليييك هادشي ؟؟؟ .... فييييييين !!!!
قدس : (تسلتات منها كاتشوف فيها ) وا قسم .. والله اختي ايلا راني لاباس .. فياا شوية دوخة وصافي ( ضارت كاتشوف فيهم ) سمحوو ليا خلعتكم ... راني لاباس ( علات عينيها فأصيل ) قوولييييهم ... قوليهم قالت ليك لتحت لانفيغمييغ صافي غير تخرج راه لاباااس .. ( ورات يديها لقسم وجود ضار . . كاع ماقدش يشوف فيها ) شوفي راه دگو ليا إبرة هنا وصافي ...(علات عينيها فأصيل ) قاليا سهيل حيدو ليا شوية ديال الدم باش يشوفو باش جاني هاد التسمم ... ( رجعات شافت فقسم ) واش جاني غير أنا ؟ ... ولي معايا لا ؟ ( قسم نزلات راسها تتبكي وهي شافت معاهم ) فييين باباا ؟ ولوؤي !
جود : ( خدا تنهيدة وضار عندها ) مشغولين شوية لداخل... يلاه نمشيو لدار ترتاحي .... ماماك مخلوعة عليك ....
قدس : بلاما نشوف باباا ولوؤي ؟ قوليا غير فينهم نمشي عندهم !!!
جود : ( ضار كايشوف فيها ) .. يلاه دابا نحيدو منهنا ...ودابا تشوفيهم فالدار .....
أصيل : ( مد ورقة لجود ) هاد دوا قالك خودوه ليها ... على قبل هاد دوخة ...
جود شد عليه الورقة ومد ليه تيليففون أسد
جود عطيه للواليد ... (شاف فقسم ) يلاه اقسم ...
عدنان ربت على كتفها و هي عنقاتو كاطمنو بلي راها لاباس وهو كايحرك ليها راسو بالايجاب بحنية ومشات تابعة خوها لي مخرجها من للباب الخلفية على ود صحافة ، واخا مزال محتاجينها للتحقيق ولكن اسد مخلاهمش دابا ... وعدنان رجع تاني كايصوني للوؤي يشوفو فين طافي تيليفون وفين مشى ودنيا مقلوبة عليهم وكولشي ساق الخبار وهو لا !!! ..... وأصيل عيط على قسم وقرب عندها ..
أصيل : ( جبد تيليفون قدس من جيبو لور ) هادا ديالها ... ماتعطيوهش ليها دابا .... ( كيشرح ليها ويدو فشعرها كايردو ليها لور ) ماديريش فبالك كولشي غااادي يتحل الموهيم صحتها لاباس وماتكرفصوش عليها دوك الكلاب .... قادو ليها نفسيتها ورفعو ليها معناوياتها تاتهضرو معاها غير بشوية ... ماتهضروش دابا .... ( شد وجهها ) داكوغ ؟
قسم : ( عنقاتوو و حطات راسها على صدرو ) شكرا .... حيت جيتي ...
أصيل : سيري دابا متعطلهيمش ... وماتبكيوش حداها ، ماتبكيش حداها بحال هاكا ....
قسم : لاكانت شي حاجة علمني ..؟ صافي !
اصيل : واخا ...
قسم حركات ليه راسها ومشات كاتمسح فدموعها لقااتهم ركبو كايتسناوها وحلات لباب حدا جود ركباات وشدو طريق المنطقة وقدس شادة على راسها قاهراها دوخة وشعور الغثيان ...
وصلو لمنطقة ونزل جود لافارماسي يشري داك دواء ليها وهو يصوني تيلي دقسم شافت فيه لقاتها ماماها .. علات عينيها فالمرايا بانتليها قدس متكية على لكوسان وسادة عينيها ... ورجعات حلات لبااب وبعدات على طوموبيل كاتهضر ...
قسم : احنا جايين اماما .. راحنا فلازون .. لا راها لاباس .. ناعسة شوية .. ديخانة مسكينة .... ماما .. ماما عافاااك بلا بكااا .. مااما راه معاك كنهضر .. ماتبكييييش حداها بحال هاكا عافاك .... راه ماقلناة ليها والو .. قلنا ليها جاك تسمم وصافي ... خلي تايجي باباا ونشوفو لؤوي فين غابر تاهو ونتجمعو و نهضرو غير بشوية .. راه نفسيتها باقي تامبرات من داكشي لي وقع .... عافااااك اماما ماتببييينيش ....( علات عينها شافت جود جاي ) مهم راه جود جاي .... احنا طالعين دابا ...
مشات ركبات فطموبيل غير سداات لباب ودخل جود تاهو وفاقت قدس بصوت البيبان ...
قدس : فين حنا ؟؟
قسم : غير فلازون أختي .. نزل جود يجيبلليك دوا ( شدات عليه ساشي )
قدس: ديالاش !!
قسم : وراك سمعتي اصيل قال ديال الدوخة ...
قدس : نسيت .... راه راسي غاييتفركع عليا واحد الحريق بزااااف كاع ....
قسم: دابا يفوتك الحال اختي .. غير صبري
ديمارا جود وغير كيتنهد وماقدرش يهضر وكارز على الفولون بيديه والعصبية باينة فحركاتو .... قسم شافت تيلفونو حدا بواط فيتاس كايصوني بنمرة سلطان ومبغاش يجاوبو ملي قدس فطموبيل وتاهو ماغايقدرش يجاوبو ....
ورجعو شدو طريق للدار ... عاونات قسم قدس تنزل وشدات فيها ودخلو من الباب الخلفية من السانسوور باش يوصلو دغيا ... تحل بيهم فباب خلفية ديال القصر ... ودخلو .. اسبرو كان فالباب كايتسنى واش يبانو ليه جايين ولامار كاتمشي و تجي .. حياة ورتاج كالسين كايتنهدو ..
تاشافوهوم داخلين من لداخل ، اسبرو غير شافهم قرب بزربة لعندهم ولامار كاتحاول تتحكمم فبكييتها وتبسمات واخا ملامحها حمريييين وفازكين بدموووع ..
قدس : ( شافت فيها وفعيالات عمامها شحال باكيات ) ماما !!!!!
لامار : ( كاتحاول تبسم واخا دموع كايسيلو بلا هواها ) بنتيييي ... بنتي الصغيورة ديالي ( حلات يديها ) اجججي عندي ... أجي عندي ابنتي ...
قدس غير كاترمش تاني ومشات باستغراب عنقااتها ولامار زيراات عليها وقسم كلسات فلي فوطوي حدا عيالات عمامها لي كيشوفو فيها بحزن واسبروو تاهو واقف بملامح حزييينة وجود خلاهم وطلع يبدل ويرجع عند باباه لدورية ... فنفس الوقت كايصوني تاهو على لوؤي .. عارفو مزيان راه هرب ومشى حيت حاس بذنب ملي صوراتو الصحافة .. عارف هادشي لي نايض وشايفو. .. وغايكون خازن راسو فشي قنت حيت ماعندوش الوجه .....
امار : ( جابتها قدامها كادوز يديها على وجهها وشعرها والدموع كايسيلو ومبتسمة فيها بحنية ماباغاش تبين ) حمد الله على سلااامتك ابنتيي .. خلعتيييني علييييك
قدس : انا لاباس اماما شحال غانقولها ليكم ...( شافت فيهم) مافهمتش هاد التسمم منييين جا .... كنا صافا تادخلت فداك السانسور ...( مشات عند عيالات عمامها تاهوما سلمات عليهم وكلسات باستغراب ولامار كاتمسح دموعها و تحكم فراسها وقربات تاهي عندها ) فاش فقت ولقيت راسي تما فداك سبيطار مافهمت والو ... وكانت داك ساعة واحد دكتورة تما ... بديت غير كنغوت .. نتوما عارفيني ماعنديش مع سبيطار ( لامار كاتضور راسها و كاتبكي ) انا قلت غا نكون سخفت فالسانسور ولا نقص ليا الاوكسيجين وجابوني ولكن ملي رجعت فقت ولقيت سهيل وقالياا جاني تسمم .. مافهمت والو !!!!
رتاج : ( عينيها حمرين بالبكا تبسمات ليها وكترد ليها شعرها لور ) ماديري فبالك ولو دابا احبيبتي .... صافي كولشي فاااات .... دابا غاتاكلي و تعوضي شوية داك دم لي حيدو ليك .... و غاطلعي ترتاحي .. فيك دوخة ياك ؟ ( قدس حركات راسها باه ) عاااادي ... غير غاتنعسي وغاتفيقي صافا ....
حياة : ( شادة يديها ) خلعتيييينا عليييك .. ماماك مسكينة كانت غاتحماااااق .... اولادي ردو لبال .. ردو لياااال راه غاااتقتلووونا والله تا غاتقتلووووناااا
قدس : (نزلات شفايفها بحزن ) والله ماعرفت كيفاش وقع اخالتو ...
أسبرو : صافي دابا ماوقع والو مغنبقاوش نخننو هنايا .. شنو بغيتي تاااكلي ها ! نسااي ريجييييم تشهاااااي لي حبات خاطرك تطلع ...
قدس : ههه , على هاد الحساب خصني دييييما نمرض هههه ( شافت فماماها وهي تجمع ضحكتها ) ماما !!!!! وراه قلتليك راني لاباس ...
لامار ماقدراتش تحكم فراسها وناضت كااااع مشاات من تما تبكي على خاطرها حيت عارفاها فدار غفلون مافاهمة والو .... وكتزيد تقطع فاش كتشوفها مطمنة وماعارفة والو آش تابعها .... وقدس بقات غير كترمش ...
رتاج : ماديش عليها ... راه غير تخلعات عليك عارفة ماماك .. سمعنا تسمم وتخلعنا ... وسعيد عندو الحق الالة ليوما تشهاااي لي بغيتي ...
قدس : صراحة ماعندي لونڤي لوالو ... مكرهتش غير شي حاجة فخيييش نحيد بيها دوخة .....
قسم : صالاد !
قدس : تكون فخوي
قسم : وااخا احبيبتي ( مدات دوا لرتاج ) خرجو ليها هاد دوا ( ناضت ) ... انمشي نقولها لرجاء ...
خلاتهم ومشات باتجاه الفيكس كاتهضر معاها و رتاج كاتشوف فداك الكينات ... كانو غير جوج كينات وحدة ماغنيزيوم وكايخرجوها باش تنعس ، وحدة لدوخة وحريق الراس والغثيان .... والماغنزيوم بضبط لقات رتاج أنها محتاجاه .. تاكل تشربو باش تنعس ترتاح وتفوت هادشي وتكون مستعدة فاش تسمع آش وقع ليها بضبط ....
كاتشوف فقدس فنفس الوقت عقلها غايب غير مع لوؤي فين صبح غابر وهادشي كامل وقع وهو ماباينش مستحيييل يسمع هادشي على قدس و يغبر !!!... بالها مامهنيهاااش بالمرة ...
تاجات عندهم قسم ...
قسم : هههه هاهوما ايطلعوها ليك ولكن قلت ليها فبيتك ... غانطلع معاك تاخدي دوش .. وتبدلي حوايجك وتاكلي تما وتشربي دواك باش ترتاحي ... يفوتك الحال ....
قدس : فيين تيليفوني احقا كاع ماعطاوهليا .. لا هو لا صاكي ..
قسم : صاكك غايكون عند اكرام .. تيليفون يمكن راه عند بابا ...
قدس حركات راسها بعيااااااء وطلعات معاها قسم .... ورتاج وحياة بقاو كايتنهدو ورتاج كل مرة تصوني على لوؤي وقلبها كايتقطع بالخلعة والتوتر عليه ...
خدات قدس دوش طويييل رتاحت فيه .. حسات بحالا عضاااااامها ثقاااال عليها ... وقسم غا كالسة شادة على راسها .. هي براسها ماقاداش دخل تشوف الاخبااااار والبلبالة لي غاتكون نايضة عليها دابا وواضحة غير من الصحافة لي كانت فبااب la DST ..
دوشات قدس وخرجات ... نشفات ليها قسم شعرها وهي كاتحاول ما تمكن تهدن راسها ومتبينش وتخلي الاومور فيد الله .. وفيد باباها وفيد المكتاب اش غايدير ، وكتجاهل اسئلة قدس على لوؤي فين هو وعلاش ماتاصلش و هو كان مخلوع ومامخليهاش بوحدها قبيلة ! ... طلعو ليها صالاد وكلات وخدات دواها .. لي زاااد رخاها بقات قسم حداها تابانتليها نعساااات عاد خلاتها ونزلات للتحت كتنهد وكل مرة تصوني على اصيل ، قدرات تعرف ان أسد وجود مرونين ليهم داك الدورية .....
فالمساء - الساعة 23:00
القصر كان كولو كئيب ، كان بحال الجو الجنازة .. واخا بنسبة ليهم راها جنازة لشباب قدس لي كايضيع على يد عناوين الصحافة و مؤامرات الناس ... وكل واحد منين كايضرب فسمعتها ....
الصالون كان فيه لامار لي حاطة مخدة على رجليها و ساااهية فالعدم ملامحها بهاتو بالبكا ، رتاج وحياة كانو بحالها ، وأسبرو تاهو گالس وغير كايتنهد .... تانزلات عندهم قسم لي كانت كتمشى ثقيييييلة وتنهيدة وراا لوخرا وجات تلاحت على ليفوطوي بعياء حداهم ورتاج علات فيها راسها بثقالة ...
رتاج : نعسات ؟
قسم : امم .. رجعات نعسات ... باقي راسها تيضرها فاقت قبيلة غي كلات وخرجنا گلسنا شوية فلبالكون ... شربتها دوا تاني ونعسات .... دوا دغيا نعسها
حياة : من الاحسن ليها غير تنعس ... بينما نييييت هادو لي هنا بردو ووصلو لشي حل ...
لامار : ( شافت بعياء فرتاج ) مكاين خبار على لوؤي ؟؟؟
رتاج : والو اختي .... مصارني تلوااو علياا ..عيييت نصوني وتيليفونو طافي ....
حياة : راه ديما كايدييرها ارتاج واش ممتعرفيهش غايكون مسافر وطفى تيليفون ومشافش آش واقع ...
رتاج : مايمكمش يجيب نهار كامل مايهضرش مع قدس !
حياة : يقدرو يكونو مخاصمين ...
قسم : قالت ليا راه كان معاها فلوطيل .. مافهمت والوو انا !!!! راه هو لي وصلها. .. وقالتيا قاليها ملي تخرجي انا هنا ....
حياة : مايكونش شاف هادشي وتعصب ومشى لشي بلاصة يبرد !
رتاج : اختي زعما هووو مغايهربش من هادشي .. غادي يبغي يوقف معاها ويشوف آش واقع .... انا والله مافهمت شي حاجة تلففففت .. تا باباه عيا يصوني وفيصل ماهضرش معاه .. راه أسد قالينا لا مابانش منهنا لغدا غايصيفط موراه يقلبو عليه ...
حياة : اوا الله يسسسمعنا خبااااار للخير ياربي ...
فالمكتب ...
گالس أسد على الكرسي ديالو ، حاط مرافقو على البيرو ومتكي راسو عليهم بعياااء ....
قدامو جود وعدنان وسفيان وأصيل .... كلهم فحالة اكتئاب ... من هادشي لي سمعوه من للبرتوكول ، واخا تاني سكتو الصحافة ولكن البرتوكول ماتساهلش هاد المرة ....
أصيل تنهد وناض وقف ...
أصيل : مهم ... انا غايخصي نمشي .... ان شاء الله غايكون غير الخيير .. الظلم مامزيانش وهي مسكينة مادارت والو .... ربي مغايضيعهاش ....
عدنان : ( تنهد تاهو وشاف فيه ) داكشي لي كاين اولدي .... وسمحلينا شقيناك معانا اليوم ..
أصيل : الله اوووودي اسي عدنان .. ( مد يدو سلم عليه وعلى سفيان وجود وقرب عند أسد لي غارس راسو بين يديه ) ماديرش فبالك أسي أسد والله تااا الطريييق غاتسرح غابوووحدها .. ماتهزش كتر من الطاقة ....
أسد : ( تنهد وعلا راسو فيه ) على الله ... على الله تسرح هاد طريق .. واخا كتبان ليا كلها مسدوودة ...
أصيل : خليها فيد الله ... والوليييدات فاش كايكونو واليديهم راضيين عليهم .. راه تايسلكو .... ربي تايسلكهم ..
أسد : ( تنهد )آمنا بالله .... سير ترتاح تانتا .... مكاين والو صافي نساو هادشي ...
أصيل : الله يسمعكم خبار الخير على لوؤي تاهو .... الى كانت شي حاجة نعاون بيها عيطو ليا تيليفوني غايبقى شاعل ....
أسد : غير سير ترتاح ...
جود : يلاه نوصل معاك ...
اصيل : لا غييير خليييك ... تصبحو على خير ...
وما ليهم براسو .. وتاهوما وماو ليه بابتسااامة عياااااانة وجمعوها دغيا فور ماعطى بظهرو بعياء وخرج من المكتب يلاه غادي لباب وهو يدوز حدا الصالون لي فيه العيالات وتبسمو ليه بعياء تاهوما .....
لامار : ( شافت فيه ) أصيل ولدي صافي غااتمشي !!! ... كلس تعشى...
اصيل : مرة اخرى .... ( شاف فيهم ) مايكون غير الخير ...... الحمد الله على سلامتها ....
لامار : شكرا أولدي ماتشوف باااااس .... عدبناك ليوم
اصيل : هدا واجب ...
رتاج : (شافت فقسم ) وصلي معاه اقسم ... سلم على سلمى ونتشاوفو فساعة الخير أولدي ، سمح لينا على التعديبة والله !..
اصيل : الله اودي ماتقوليش بحال هاكا .....راها فمقام ختي ( بابتسامة ) تصبحو على خير ...
ودعهم وخرج وقسم تابعاه ... وهوما غاديين سااااكتين كاتسمعو غير تنهيداتهم .... تاوصلو لطموبيلتو و هو يتكى عليها وهي وقفات حداه وجبدها عندو كايدوز يدو على ووجها العيان ...
أصيل : خودي شي دوش احبيبتي ورتاحي ... لي دارها الله هي لي غتكون
قسم : داكشي لي كاين ... قوليا ... اشنو قال البرتوكول ؟؟ .. عطى كلمتو للخرا ! ماقديتش ندخل نسول بابا ...
أصيل : سحبو منها داك الوسام ....
قسم : نوووو !!!! ( بملامح مخلوعين ) مكاين استئناف !
اصيل : قالك خاصها إعادة اثبات الشرف .. انا متنفهمش فهادشي بحالكم ولكن لي فهمت .... يمكن خاصها تزوج !
قسم : هاء! باش تثبت العذرية ! راه قادين نثبتوها بشهادة !
أصيل : ماهامهمش العذرية كنضن ... كيهمهم تسكت الهضرة ديال الناس وتنقذ السمعة ديالها ....
قسم : ختي راه باقا صغييرة على زواج واش هادو حماقو ؟؟؟
أصيل : يمكن غايلقى باباك شي حل آخر أنا ماعارفاش .. هادشي لي عارف ... مزال هادشي يولي غير تعاويد .. ماديريش فبالك بزاف وماتقلقيش راسك .... راه المكتاب غايتصرف غايتصرف ...
قسم : ( دمعو عينيها ) ختي باقا صغيرة على هادشي أ أصيل .. وماباغاش تزوج دابا ...
اصيل : ياك هي مخطوبة بولد عمك ... وباينة تايبغيو بعضياتهم ... يعني القضية عندها سهل من أنها تكون مكتعرف حد وتمشي تزرف مع شي واحد على ود هادشي ....
قسم : أنا راه كنعرف عقليتها كيدايرة راه واخا تتبغي لوؤي هي ماباغاش تزوج ... هي مزال باغا تعيش حياتها قالك ...
اصيل : منبعد هادشي لي طرا منضنش غايبانليها شي حاجة كتر من سمعتها ... ويقدر باباك يلقى معاهم شي حل آخر ... حيت راه ماقبلش بهاد لحل وتاهو قاليهم البنت صغيرة على زواج وماباغيش يزوجها بهاد الطريقة ...
قسم : ففففففف ( كتفرك فجبهتها ) انا ولله مابقيت عارفة منين كااااايجينا هادشي والله .. عيييييييت أ أصيل والله تاعيييييت ....
أصيل : ( عنقها عندو ) كوووولشي غايفوووووت ( باسها فراسها ) ماتقلقيش راسك ..... ( ردها قدامو باغي يخفف عليها الجو وتبسم ) نهزك ونهربو ؟
قسم : ( جابلها الضحكة بزز ) ههه هدا غير نهارك للول وبغيتي تهرب هههه
اصيل: هادشي عندكم صعيب ههه
قسم : اوا شتي ... عاود فكر مزيان ..
اصيل : ( دوز يدو على شعرها وقال بجدية) مايكونش صعب منشي حياة مافيهاش نت !
قسم تنهدات وتخشاات فصدرو معنقاه ..
فالمكتب ...
أسد على نفس جلستو غير ساكت وكايتنفس وعدنان كايمشي ويجي وباقي كايصوني على لوؤي ، منغير جود وأسد لي عارفين مزيان علاش هارب ، عارفينو أيكون حشمان حيت بسباب تهورو هي تفضحات مع الصحافة وهي فيديه ..... واخا كايشوفو ان هادشي ماشي تصرف يخليهم فظروف بحال هادي كتخص خطيبتو !!! ....
وجود علا راسو فأسد لي كايفرك جبهتو ويتنهد
جود : الواليد .... اشنوو باليك دابا !!! اش غانديرو !
سفيان : ( علا راسو شاف فيه) انا داك لهضرة لي قال داك محامي ووثيقة شرف تتحط للعلن ماعجبنيييييش هاد الخرا كامل ..... يمشييييو يقوووودووو كلهم ..... هادشي لي بقى خصناااا ... لي بغا يهضر يشرگ فمو
عدنان : ماخصش يتحيد ليها الوسام ديالها اسفيان .... والله تاتحماق لينا هنايا راه حياتها وسمعتها هادي لي كاتبقى عليها بولة حمرا .... البنت خصها تبرأ من هادشي باش ترجع تعيش حياتها عاااادي ....
جوده: هاد اثبات الشرف انا راه متفهمليش ! واش زواج !!!
سفيان : وراه باينة اجود ...
جود : ( شاف فأسد ) هادشي ممنوش ياك ؟ كاين شي حل آخر .... مغاتزوجهاش !!!!!
أسد : ( خدا تنهيدة عمييييييقة وعلا راسو شاف فيهم وشاف فيه ونطق بعياء ) غانزوجها ......( بحدة بين سنانو ) غااانزوجها اجود ....
اليوم الموالي - 09:30
بدا كايحل فعينيه .... جفونو ثقاااال و راسو أثقل .... حلهم وكمشهم فالشعا دالشمس لي ضاربة فيه ....
كان نااعس على الكازون وراسو متكي على حدايد رولاكس دالبيسين ... على جنبو كانيطات د لالكول مليوحين و كاروات مطفين و بريكة .... تيليفونات بجوج مليوحين حداه و بزاف دكلينيكس فيه الدم وباكية دالكينات وقرعة تاهي فيها الدوا ....
كان ناعس فنفس الفيرمة ونفس البلاصة لي خطب فيها قدس و رعطاها تما الخاتم ، فهادي بالضبط بضبط كانو كالسين ...
راسو ثقيييل وحل عينيه غابزز وحاول يتكعد ... باقي بنفس لباسو والگاط فرجليه .... بدا كايحنحن صوتو يسرح حلقو وكايعوج فراسو يمين وشمال .... عينيه منفوخين و عليه آثار الكئابة و الاستسلام للضياع ... شعرو منفوش طايح على جبهتو ... ملامحو مرهقييين لأقصى درجة وكمل بالثمالة دلبارح ...
دوز يدو على وجهو كايتنهد ورجع تكا راسو على رولاكس كايمسد فيه بيديه وكايتمنى يكون هادشي لي داز لبارح غير كان كايحلم بيه ....
شاف بثقالة للجنب .... لعند تيليفونات بجوج لي مليوحين تما ... وبقى تايرمش بعينيه ....
ماقادر يشعل تاواحد فيهم .. ماقادرش يشوف الكارثة لي غاتكون واقعة دابا ليها بسبابو .. حاس براسو مزال خاصو مية عام غا باش ياخد قوة أخرى باش يواجه مسؤولية الغلط ديالو ...
سرط ريقو مرة ثانية ومد يدو بثقالة لتيليفون دالخدمة ... تيليفون العائلة ماقدرش يشعلو ... فنفس الوقت فايق إحساس خايب فلداخل ديالو ... متأكد غاتكون وقعات شيحاجة مامزياناش لعائلتو ... واخا مامستاعدش يعرفها .. خصو يعرفها ....
شعل تيلي دالخدمة .... وهو يلقاه مبلوكي بالاتصالات ديال العميد وجود ... ملي مالقاش الاتصالات دنيكولاس عرفو غايكون تشد ... حيت هادو بتلاتة لي عندهم هاد الرقم ....
يلاه غايرجع يطفيه فاش لقى راسو مامستاعدش مزال يسمع شي حاجة لي تطيحو بشي كريز .... وهو يشوف كاين ميساج كتابي من العميد وسط ميساجات البواط فوكال .... مشى ليه حلو و هو يلقاه تايقول ليه خاصك ضروري تجاوبني الأمر مهم وكايخص عائلتك ... خصك ضروري تهضر معايا قبل منهم ....
قلبو بدا يضرب بجهد .... تأكد بلي شي موصيبة وقعاات ، وأبدا مامستاعدش يعرفها .... يقدر يموت !!!! ....
ولكن واخا هاكاك لا إراديا يدو دغيا صونات على العميد ودار تيلي فودنيه .... غير ثانية لي صونا فيها العميد كان جاوب وانهال عليه بالهضرة مامخليهش تايقول ألو ... و لوؤي مع كل كلمة كايتحلو عينيه كثر و كايتفرقو حجبانو !!!!!
∆فالقصر ...
رتاج واقفة كاتحاول تهدن لامار وعدنان كالس شاد على راسو ، وسفيان ملي سمع الصداع يلاه نازل فدروج بزربة حيت بايتين تما .... و لامار واقفة وأسد كالس و هي تتغوت ... وقسم كاتشوف مخلوعة ...
لامار : عطى الله الحلوووول ... مكااااااينش غير هاد الحل أ أسد ... أنا مغاااانزوووجش بنتي بهاد الطريقة واخا منعرف شنووو يطراااا .. واش حمااااقيتي ولا مالك ؟؟؟؟؟؟؟ وااش أنا حياتي كاملة وانا كنتسنى النهار لي نشوف بناااتي عروسات بالبيض فرحااانااات نوض نزوج ببنتي بهاد الطريقة !!!!!
أسد : ( علا راسو فيها بعياااء ) عطيني واحد من هاد الحلول امم !!! عطيني نشوف ....
لامار : ( ساعرة ) أسد ... مكاااايهمنيييش واخا نعرف نخرجو من هاد البروتووووكول كاااااامل .....
أسد : ( وقف عندها ساااعرررر كترررر وسفيان قرب خاف يضربها) اهااااه .. نخرجووووو .. الله أودي نخرجوووو .... نحط للبروتوكول 75 فالمية من أملاااكي لي فنيييييت فيهم عمري أنا وخووووتي .. وشوفي داك السساع هاد البيطاااليين دولااااادنااا كيف غاييديرو لهاد المستقبل ومنييين غايبدااااوه .... باش لالة لاماار تشوف بنتها لابسة لاغووب البييييضة وتزغررررت لييييييها ... (كايقرب ليها كترر و كايغووووت .. ولامار كاترمش ورتاج خايفة شادة على قلبها ) هضرة وحدة لي عندي راني گللللتها ..
سفيان : أسسسد .. هنيوناا دابا هضرو غير بشوية بالعقل بلا دباااز .. هادشي كايتحل بالعقل ....
أسد : ( كايشوف فلامارر ) كووون كان شي حل اخرر مانتسناكش تجي توريييه لياااا .... ( شاف فقسم ) طلعي نتي هضري مع ختك ....
قسم وسعات عينيها .. و خلاهم وزاااد خارج ولامار متبعاه بعينيها لباكيييين وملامحها المعصبييين وهو هز الفيست ديالو وخرج وعدنان شاف فسفيان ...
عدنان : سير تبعو ماتخليهش بوحدو ...
سفيان تنهد وخرج تاهو تابعو على الاقل بعدا مايخليهش يصوگ حيت كلهم لاحظو يدو شحال كانت كترعد بالسكر ... ولامار طاحت كاملة على الفوطوي كاتبكي و رتاج كلسات حداها كتهدنهااا ...
رتاج: لاااامار ... أختي راه هادشي لي كتاب علينا واش حناااا كررررهنا ؟؟؟؟ ولكن هادشي ماكتاب ماعندنا مانديرو .. الحمد الله راه مغاتزوجش عند البرااااني ....
لامار : ( شافت فرتاج بعينيها الباكيين ) مغاااااتبغيش ارتاج .. غااانزوجها بزز .... مااايعطينييش خاطري ارتاج تضييع فرحتي بيها هي وياه .... ونزوجوهم بزز بهاد الطريقة المزروبة ...
عدنان : واحمدي الله أ لامار لي خرجات غييرر هاكا .. لي خرجات غير بزواج .. واخا كولنا ماباغيينش بهاد الطريقة ولكن ماعندنا مانديرو .... علاش هو باليك باغي؟ هضرنا مع المحامي وحط لينا كاع الحلول على الطبلة ولكن راه تاواحد مامسلك ... كلهم كانرخصو فيهم بنتنا .. حنا مامضطرينش أ لامار نبداو نثبتو شرف هاد البنت لعبااد الله ... فنفس الوقت منقدروش نخرجو من البروتوكول .... أسد راه لاحيدو ليه الوسام لبنتو راه مغااايرضاش أ لامار ... واش هو غايرضى يبقى معاهم وواحد من ولادو حگروه ! إلى بغا يخرج واش عارفة هادشي شحال غايكلفو ! قالو أنها غاتبقى مسحوبة الوسام تال نهار تتزوج بطريقة رسمية .... وعلاش غانتسناو ! ليوووم كاع .. مالنا ... ( شاف فقسم ) سمعتي باباك آش قاليك .. طلعي أبنتي هضري معاها وعاودي ليها غير بشوية ماتخلعيييهااش ... قوليلها راه مامقلق منها تاحد ....
قسم : عمي علاش لحتو علياا هاد المسؤولية كيغاندير نقولها ليها أنا !!!!!
رتاج : وشكون أقسم ؟ ماكتشوفيش ماماك وباباك كي مسطريسيين !!!!
قسم : ... فف .. يهضر معاها جود
رتاج : فييين لقينا حنا شي جود ! .. جود خرررررج قبيلة .... لوووؤي راه تاخباااررر ماعلييييه .... حدي لقيتوو دابا شوية حل الميديا ديالو ورجع سدها .... عاد رجعات فيا شوية الروح ...
قسم : ( كتنهد ) فففففف ... كيغااااندييير نقولها ليها أنا دابا كييغاندييير .. والله حتا حرام عليييكم ... غاااتكرهني ...
خلاتهم وناضت وعدنان تنهد وناض خرج .... ورتاج بقاات كاتهدن فلاماررر .. وقسم يلاه طلعات لقاات حياة يلاه غاتنزل .. قاتليها أشنو وقع للتحت ونزلات بزربة عند لامار تهدنها ... وقسم واقفة قدام بيت قدس ماعارفة كااااع كيفاش تقولها ليها وكيفاش غاتخرجهاااا .....
خدات نفس عميق وحلات لباب بشوية ورداتها وراها ودخلات كاتفرك فيديها .... شافت للسرير بانليها خاوي ، وهي تهز عينيها للزاج دالبالكون .. كانت كتبان ليها شوية من الريدوات لي كايديهم الريح بلي كالسة فالبالكون .... خدات نفس عميييق ومشات بشوية تا وقفات عليها كاتحاول تبان مبتسمة ... كانت كالسة على كرسي وجامعة رجليها عندها .. وملامحها باقيين باهتين بالنعاس ... علات عينيها فاش حسات بشي حد واقف عليها وهي تبتاسم ..
قدس : صباح الخيييير ..
قسم حاولات تبتاسم وجات گلسات فالكرسي مقابل معاها .. ملامحها متوترين وكاتوزع ابتسامات مرتبكة ...
قدس : ( خذات تنهيدة كاتشوف فوراق النخل لي كايتحركو بالريح ) هاد الصباح لي فقت ومالقيتش تيليفوني حدايا نتشغل فيه .... كلست شوية بوحدي هنا .... ولقيت راسي بزاااف دالحوايج كايكونو زوينين فالصباح مكنردش ليهم البال .... بحال الجو مثلا !
قسم: ( بابتسامة حنينة فيها وعينيها دمعانين ) حياتك كووولها زوينة أحبيبتي .... ماشي غير صباحها ...
قدس. : اممم بصاح ( شافت فيها ) عندي بزاف دالحوايج زوينين فحياتي .... عندي نتوما .... لؤي ... ( بابتسامة وقسم ضحكات ) سهيل هه ... بزاف دالناس ... ( شافت لجنبها ) وهاد البالكون الزوين .. وهاد الاطلالة لي صبحت عليهاا ليوم .. عطاتني واحد الشعور زوييين وانا كانشوف وكنحس بهاد الريح ديال سبتمبر .. فاش تنغمتو لقيتو كايفكرني بموسم جديد غانبدا فيه فقرايتي ... ديما فهاد الوقيتة كايكون ماعاجبنيش الحال حيت تايتسالا الصيف وغانمشيو نقراو تاني ... هاد العام لا ( شافت فيها وقسم كتحكم فدموعها بزز ) هاد العام عاجبني نبدا موسم جديد ونمشي نقرا ... بزاف دالحوايج تبدلو فحياتي هاد الصيف وعرررفت بلي مكاينش شي حاجة أخرى غاتهمني فديك لافاك من غير قرايتي .... كنت كانهتم لحوايج تافهييين وكنراطي بزاف د ليموديل ... ولكن راه دوك لي نوط هوما لي غالقى فللخر .. لاصحاباات .. لا دوك الكراشاات لا داك الهبال كامل ... ( جاتها الضحكة ) ماعرفتش واش شرفت أولا آش واقع ليا .... ولكن وليت كانشوف راسي .. ب بلي .. بلي حياتك نتي لي كنت كانقول مستحيل نقدر عليها .... أنها حسن من داك الفراغ لي كنت عايشة فيه انا .... على الأقل نتي عندك طريق وطموحات ... ( نزلات رجليها علا الكرسي بحماس وشافت فيها ) قسم .. عمرني عرفت راسي شنو بغيت نولي .. ودابا ملي گلست شوية مع راسي ... لقيت راسي بغيت نكون حتا انا .... مشغولة .. حتى أنا نفيق على ود شي حاجة فصباح .... وننعس بليل مهدودة وعيانة بنهار طويل !!!! ... عاد عرفت علاش كنت كنحس بالاكتئاب ! حيت مكانتش عندي طريق ..... ( تبسمات ) ودابا عندي .... غانديها فقرااايتي .... بحالك .... وغانوصل لداكشي لي بغييييت .... وغانتزوج أنا ولوؤي و غانولدو وليدات زوييينيين ... نووولد خمسة دالولااااااد ههههه ( بابتسامة كتشوف لجنب وقسم غمضات عينيها ) فخبارك !!! ( شافت فيها بضحكة وقسم كتحكم فراسها ) مهضرش معايا غير هاد الصباح ... وتوحشتو !!!
قسم : اا ... اد ... ت ...( ارتبكات ) .... تيليفونك ر راه . را اره لتحت .. ن نسيت ... ما طلعتو ليك ...
قدس : ( كمشات فيها ملامحها ) قسم ؟ مالكي !
قسم : ا . لا ... م ماماليش (كاتحاول تضحك ) غ غير .... منعستش مزيان ....
قدس : علاش ! ياكما بقيتو هازين همي تاني .. حقا ( قربات عندها كتر ) مسولتكش ... واش ماقالو والو البروتوكول حيت ماحضرتش المؤتمر !!! واش التسمم جاني غير أنا !!! عندي بزاف دالحوايج مافاهماهمش وقلت تانزل ونهضر معاكم .... لبارح كنت بحالا مضروبة بشي فردي خاوي .. ناري شحال كنت دييييخانة ....طحت كااااااو فالنعاس ماحسيتش براسي تالصباح
قسم : ( سرطات ريقها ماحاملااش راسها علاش هي لي غاتقولها ليها ) ا ..اء .. ع على هادشي جيت نهضر معاك ... ا أنا .. نفهمك شنو وقع تما ...
قدس : ولكن قبل جيبيلي تيليفوني بعدا .. نهضر غير مع لوؤي .. ونشوف آش واقع واش هضرو عليا ملي ماحضرتش المؤتمر ...
قسم : خليك من تيليفون دابا ... نهضرو شوية انا وياك ومنبعد نزلوو .. وأصلا لوؤي دابا يجي ...
قدس : ( شافت فيها جامعة حجبانها ) قسم ؟؟؟؟؟ ماعجبتينيش !!!! ياكما تخاصمتي نت وسهيل تاني !!!!!
قسم : لا لا ... م ماتخاصمناش .. غير ...( شافت للفوق كتمنى شوية دالقوة وشافت فيها ) غير بغيت نهضر انا وياك شوية ..ولكن تواعديني ... تخليني نساالي هضرتي و ماااتخلعيش ....
قدس : ( علات حجبانها وتقادات كلسات ) مافهمتش !!!!
قسم علات عينيها للفوق مدة كتنهد ... فللخر دارتها فييييد الله وشافت فيها ...... وبدات كتعاود ليها ....
فاس - الساعة 11:30 ...
ريحة القهوة كانت عاطية فالدار , وريحة الفانيليا من كيك كايطيب ... كانت أسماء بگنيضيرة خفيفة قصيرة بيدين قصار ... واقفة فكوزينة و جامعة شعرها القصير بقراصية وكتقاد فالفطور و راديو مشعول عند راسها بأنغام أم كلثوم .....
أما ياسمين فبيتها ، ببويفراند كحل قصير وسبادرين بيضة و تيشورت بيضة كتفها طايح ... شعرها جامعاه للفوق و بعض الخصلات الكيرلي نازلين على وجها ...كتقاد فشي وريقات ديالها خاصين بتسجيلها فالجامعة لهاد الموسم الدراسي الجديد ... بيتها كانت جمعاتو وشمشاتو حالة سراجمو ... وخرجات عند ماماها لكوزينة ..... حطات الصاكادو ديالها فوق الطبلة و مشات عنقاتها باستها و بقات معنقاها كاتشوف فداك الكيك لي كاتقطع فطبسيل ...
ياسمين : نعيييييا نقراا على المذاقااات ونعياا نجرب فليگو ديال دنيا وديييين ... الكييييك ديالك هاداك ديال البيض والزيييت والفاني .... مكاااااينش بحالو ...
أسماء : ( باستها فحنكها ) إوا شتي .. باش ماتقولي ماما ماتهلاتش فيا فأول نهار عندي فلافاك ...
ياسمين : ( خدات طريف كتبننوو وتكات على الكونطوار ) لااااا ماعندي مانگول .... توحشت لافاك والله ....
أسماء : إوا أبنتي لي كايتوحش القراية كايكون كالس ..... نتي فين عمرك كلستي ياك الصيف كامل ونتي كااتقرااااي !!!
ياسمين :إيوا لاكويزين قراية .. ولافاك قراية أخرى تاني هههه ( هزات الطبسيل ومها هزات الصينية وغاديين جهة الصال أ مونجي كاينة فالصالون ) خلييييني نقرا اماما خليني نقرا على راسي .. حيت عندي بزااااف د الحوايج باغا نوصل ليهم وإلى ماقريتش ماعندي كيفاش .. حيت للأسسف .. عندي غير رااااسي ... وماما الحبيييبة مااابغاااتش تخدم وكالسة عاطياهاا للهم والغم فدار ....
أسماء. : راه عارفاك علاش كادقي هاد الصباح تاااني .... داك التعليم راه ماراجعاش ليه ومابقى ليا جهد للخدمة ... خدمي غا نتي ...
خلاتها وزادت لكوزينة وياسمين تبعاتها
ياسمين : اماما ... راه خاصك تشغلي وقتك .... رااك شششرفتي بلا وقت ...
أسماء : ( هزات بلاطو تاني غادة بيه وياسمين هزات الخبز تابعاها ) خليييييني الالة نشرف بقاي غير نتي صغييييرة ... كلسي تفطري غايمشي عليك الحاال ...
ياسمين : ناااااري راسك شحال قاااااسح ... ( جرات الكرسي وكلسات و أسماء كلسات تاهي ) شحال هادا ماخرجتي مع صحاباتك ؟
أسماء : ( كاتخوي ليها قهوة ) ماعندي ماندير بيييهم ، غالمنافيقات
ياسمين : سيري بعدا غير للسبوع ديال سعيدة ... فوجي شوية
أسماء : ( عطاتها فنجانها ) دابا نشوف ...
ياسمين : أنا غانتشغل عليك هاد الليام راك عارفة غاتبدا القراية .. و ملي كاتلاقا لياااا مع القراية لوخرا والخدمة راه مغااايبقا ليا فين نحك راسي.... غاتببقاي بوحدك ... كون غير شغلتي راسك بعدا غير فالريااااض
اسماء : الرياض فيه باباك فين غانداحسو بجوج !
ياسمين : اممممم لا تبارك الله ( حطات فنجانها بعد مارشفات منو ) لا فيييييه تبارك الله ... كايمشي ليه ساعة فالسيمانة يضحك مع البنات لي تما ويرجع ...
اسماء : ياااسمين .. خليي هاد الصباح يدوز زوين أبنتي ونصيفطك لقرايتك ناشطة .... شحال كتحكي على الضبرة أبنتي وشحاااال مكتبغييش دخلي سووق رااسك .. الالة بيييني وبينو ...
ياسمين : ( ميقات فيها ) طليييييه ... انا كالسة ندير فيك النفس باش تزيااااانييي وترجعي لحيااااتك .. انا مادا بيا كاع طلقيه يمشي علينا فحالو ونقلب لماما (بضحكة ) على شي بوووكووووووص غزاااااال تساراي نتي وياه العااالم ويدلعك بحال شي أمييييرة هههه
اسماء : ( هزات تيليكوموند دالكليما ) غاتسكتي ولا غانعطيك بهادي للراااااس ... كاينة شي بنت كاتقول على باباها هاكا !!! هادي هي تربيتي !!!!!
ياسمين : اممم على زين الأبوة لي عاطيني ... ( تنهدات وناضت ) خليييني ساكتة اماما خليني ساكتة ....
اسماء : كلسي كملي كاسك اش هاد القاعدة فيك كاتخلي ديما الماكلة فالنص !
يااسمين : شششبعت .... انغسل سناني ونخرج... دايرة مع صاحبتي ( شافت لسمارت واتش ليفييدها ) تعطلت
خلاتها ومشات باتجاه الحمام .. يلا غاتدخل وهي تسمع الخبيط فاالباااب .. علات حاجبها واسماء ناضت على طبلة تاني وقلبها ضرب ... وجات بزربة شدات ياسمين .....
أسماء : ( بالحس وبخوف ) ماااتحلييييش
ياسمين : شكوووون تااني !
صوت وراء الباب مع الدقان : حلو الباااب ... البووووليس ...
ياسمين شافت فماماها و اسماء بالخلعة قربات لباب حلاتها وهي تلقى بوليسي سيفيل عندو البانضة الحمراء فكتفو بكويرة كحلة وكاسكييط .. ومعاه جوج بوليسيين باللبسة ... و الجارة لتحت لي دخلاتهم كاتشوف من الدروج ....وياسمين كاتشوف مخلوعة و اسماء قلبها كايضرب !!!!!!
اسماء : ا ... ياك لاباس اسيدي؟؟؟؟
الشرطي : ( بصرامة ) نتي هي اسماء الإدريسي ؟؟؟؟
اسماء : اه ... اه ... هي أنا ؟؟ كاين شي مشكل !!!!
الشرطي وما للشرطي لاخر وهو قرب عندها وجبد المينوط وياسمين وسعات عينيها ووقفات قظااامها واسماء مافاهمة والو والجارة حلات فمها وشدات عليه بزربة بشهقة ...
ياسمين: آش كااااادير بعد ..... لهييييه واش حماااقيييتو مالها آش دارت ؟؟؟حيييييد يدييييييك على ماماااااا
الشرطي : بعدي ابنتي الله يرضي علييييك ...
ياسمين : تاااااحد مغاااايقيس ليااااااا ماما .... كيفاش كلمة جوج تجبد المينوط هضر بعدا قول آش واقع !! باراكا ماتخدمو هاد السلطة ديياالللللكم بهاد طريقة ... شرحووو لنااااس
أسماء : ( بخوف ) آش واقع اسيدي راني مفاهمة والو
الشرطي : ملي كنتي كاتقطعي فالشيكات بدون رصيد مكنتيش عارفة شنو غايوقع ؟؟؟ شكون غايخلصهم ليك دابا هممم!!!
أسماء : ك .... كيفاش ؟؟؟؟ ( شافت فياسمين لي مصدومة وشافت فيهم ) اييينا شيييييكات ؟؟؟؟؟؟؟
الشرطي : ( بصرامة ) هزوووها ....
ياسمين : ( شدات فيها ) لااااااا ....تااااااحد مغاااايقييييسسسهااااااا ( كاتبعد الشرطي ) طلاااااااااق ....
∆ فالقصر
رتاج ولامار و حياة وقسم بربعة بيهم عند بااب قدس كايدقوووو بخوووف وهي مكتجاوبش ...
قسم : قققدس .. قدددس حلي هاد لباااااب .. قققققدس .... قدس غييير جاوبيني عااافاااااك ....
لامار : (وهي كتبكي ) أبنتي .. قدددس .. حلي أبنتي عافاك .. حلي ماتخلعيناااش الله يرضي علييييك أبنتي .. قدددددس !!!
رتاج : ققدس ... قدس ماتخلعيييييييناش
قسم : ( بتوتر) آش غانديرو دابا ؟؟ عنداك تمشي دير فراسها شي حاجة .. واش نعيط لبابا ؟؟؟؟؟
لامار كلسات فالأرض كتبكي وحياة قربات عند قسم
رتاج : للااا راك شفتيييه كيداير غيجي يكمل عليها
حياة : ماتعيطيش تا لخوك هاداك كيتخلع دغيا ... يمشي توقع ليه شي حاجة فطريق قبل منها .. موصيبة تا من سعييييد راه مع شكيب كاااايفكو هاد الحريرة ..... ( كااادق فلباب ) قققققدس ، خلي ابنتي هاد الباااب الله يهديييييك
قسم خلاتهم ومشات بزربة لبيتها وهوما كايدقو على قدس كايتسناوها غير تحل لباب يشوفوها لاباس ....
وقسم مشات لتيليفونها بزربة بدات كاتصوني عليه تاجاوبها
أصيل : قسم !
قسم : اصيييييل .. فييينك ؟؟؟
أصيل : فالمرصى .. علاش !
قسم : اصيل ... اجي عفاااااك لدااررر
أصيل : ( بخلعة ) آش واقع !
قسم : ق .. قالو ليا نقول لقدس آش وقع .. وعاودت ليها و .. وكانت مهدنة كاتسمعني .. واخا كانت كاتبانليا تصدمااات ...ولكن والله تاكانت عااااااادية متبعة نعايا وكنوريها اش وقع فتيليفون وكووولشي باااااانتلي مهدنة داااكشي عللااش ..... فلخر خلااتني تاساالييييت ومشات معايا تال لباااب خلاتني تا خرجت وهي تسد عليا البااااب ... ودابا راه متتجاوبناش حااابسة راسها فبيتها .. وعيييينا ندقو ومباغاش تحل وخفنا تكون واقعة ليها شي حاجة .... مابغيتش نقولها لبااباا ومابغيتش نقولها لجود خفت توقع ليه شي حاجة .. عافااك اجي يمكن لاسمعات صوتك نتا تقدر تحشم منك ... عافااااك قبل مايجي باباا
أصيل: أنا جاي ...
قطع عليها تاهو بزربة وهي مشات كايحاولو تاااني بدقاااااان ....
مقهى احدى الفنادق ...
كالس العميد قدامو قهوة ... وجيهة الاخرى لوؤي مطيح راسو على طبلة باستسلام لهاد المصير لي ماعرف كيدار ترون عليه و العميد كايحاول معاه ...وهو غارس راسو فطبلة ماعندو جهد يعليه .....
العميد: اولاي …... كاينين شي كذباات .. دارو باش يكونو كذبات عمرهم يتفرشو .... خصهم يكونو كدوب ... ماخصهمش يتعرفو ... الكدبة لي إيلا تعرفات ممكن تغير مصير حياة ديال بنادم حسن ليها متعرفش ... كل واحد عندو كدبة ديالو كاتموت معاه ..... ونتا هادي هي كدبتك ... حنا ماكناش باغين الاومور توصل لهادشي ... الاومور خرجات على يدينا ومغانلومكش غي نتا ... كانلووووم راسي حتى هو لي ماوفيتش بوعدي ولكن أولدي راه تانا هيئة فوق مني ....ماااعندي كندير نحميييها ....
لوؤي : ( علا فيه عينيه عيانين ) قلتي ليا .... مغاديروهاش كبش فداء .... علاش ملي عطيتي الأوامر قلتي نص ساعة عاد نهجمو .... كنسمع وكنحس بالغدر حيت كون مكنتش انا وكان نيكولاس القائد ونتا عطيتيه دوك الأوامر .... بصح كنتو غاديروها كبش فداء ...... واخا واعدتيني ...واخا عارف بلي انا ماااباغيش هادشي ... طولت البحث غير باش نشدو قبل مااايدير ليها شي حاجة ومابغيتش نزرب غير باش منطيحش فهادشي ... فللخر طحت فيه .. وكاتجي دابا تتقوليا راه كدبت على عمك .... ( جاتو ضحكة ساخرة ) شنو نشكرك ؟؟؟؟ علاش ماقلتيهاش ليه نيشان علاش كدبتي ؟ نتا راك ماحميتينيش أنا .. نتا حميتي راسك .. علاش ماقلتيش ليه هو مكانش باغي يضحي بيها وانا ضحيت !!!! ....
العميد : ( شاف لساعتو ورجع شاف فيه ) طيارتي مابقى ليها والو بقيت هاد الليلة على ودك نتا نهضر معاك .... ماتكدبنيش قدامو .... انا هادشي درتو على ودك نتاااا ... باش نحميييك وسط عائلتك .... والملف ديال سلفادور ... غايكمل غايكمل ... وغااااانشدوه
لوؤي : ( شاف فيه بخيبة ) اش درتو معاهم ؟
العميد : ( تنهد ) هو تبرأ ... ماباعوهش .. قالو غير كان تما على ود الغداء .. وهوما مكيعرفوهش ... حيت راك شفتي .. هجمتو قبل مايدخل ... وهوما قالك لبارح فالبحث راه خدات المخدر بخاطرها ... مكان تاشي دليل كايبين بلي عطاوه ليها غصبا ... داك خيتي لي معاها قالك هي لي قاتليها خرجيني من تما ... و عمك حابس لونكيط مع البنت ومانعهم يحققو معاهم وزادت ترونت القضية ومكنضنش غايتشدو بزاف ... حيت تا السكوت دقدس وماعطاتش اقوالها عطاهم الحق ....
لوؤي : ( كايرجع شعرو لور بيديه وتنهد ) انا عارف ماعندكش هاد الصلاحية .... ولكن شوف كيف دير وهاد الملف يتسد .... تانرجع انا ونحلو .... هاداك خينا ..... ( مغزف ) انا الي غاااانتكلف بيه ..... كانت مكتفااني بنت عمي .... دابا مكاينش شي حاجة غاتكتفني ... نرجع الخدمة ... وبيه غانبدا ... وكنقسم ليك بالله تاااااانشدهم واحد واااااحد
العميد : مغانقدش نقرر فهادشي بوحدي .. ولكن راه ملف سلفادور مكاينش لي غايشدو دابا حيت ملف حساااااش دابا منبعد مافشل .... ونتا بعد على المشاكيل وبااااركا من الصداعات والتهورر باش يرجعوك دغيااااا ...
لوؤي تكعد ناض بملامح باااهتييييين ولبس نضاضرو و هو ينطق العميد
العميد : نيكولاس عندو محاكمة نهار الجمعة .... غالبا غايتطرد ..
لوؤي مجاوبووش وخرج اما العميد بقى غير كاايتنهد ....
∆فالقصر ...
قسم ولامار وحياة ورتاج كانو باقين عند بابها مخلوعييين .... تاجا أصيل لي ماعرفش كيفاش طير هاديك طوموبيل .... طلع ورا رجاء بزربة غير شافتو قسم وهي تنوض من الأرض بزربة وجات عندو كتبكي وهو شدها وكايشوف فلامار ورتاج وحياة لي قربو عندو ....
قسم : وااالووووو ماحلاااتش أ أصيل .... خلعاااااتنااااا .. عنداك توقع ليها شي حاجة !!!
لامار : ( كاتبكي ) غييير سمح لينا أولدي عدبناك تاني .. راه واالو مابغاتش تحل لينا
أصيل : واخا غيير تهدنو .. تهدنو .. ان شاء الله ماواقع ليها والو
تاهو توتر كتر منهم وزاد بشوية لباب وهوما واقفييين وراه وبدا تايدق
أصيل. قدس .... قدس كتسمعيني ! قدس ...
كانو كلهم كايشوفو وهو تايدق عليها .... يلاه غايبدا يفرع لباب وهوما يسمعو الباب تحلات ووسعو عينيهم ... وضار شاف فيهم يلاه غادخل لامار وهي تشدها قسم ....
قسم : شششش .. كلسي اماما ... خليه يهدنها بعدا ...
زاد اصيل دخل ، اما هي حلات ليه لباب وبقاات واقفة ....شاف فيها وسد لباب وراه .... وهي كاتشوف فيه بعينين حمرين بدون دموع .... ملامحها باقين مصدومين كايبان صدرها كايطلع ويهبط بخوف ....
قدس : ( بعينين حمرين ) نتا ماشي اسماعيلي يااااك ؟؟؟ ( أصيل كايشوف فيها ) نتا مكتعرفنيييش من صغري !!!ممتعرفنيش شكون انا .... ( قربات عندو كتر معلية راسها فيه ) اشنو النظرة لي واخد عليا دابا ورا ماسمعتي هادشي هم ؟؟؟ كيفاش كنبااان ليك ... ماتنافقنييييش ..... كانبان ليك وحدة موسخة ياك ! هممم !!!! ماااتكدبش عليا ..
أصيل : ( ابتسم بعياء ومد يدو مسح ليها دمعة نزلات وشاف فيها ) كتباني ليا واحد البنووتة زوييينة بزاااف ....
قدس : ( طاحت ليها دمعة اخرى وقالت بنبرة دالبكاء ) قتلييييييك ماتنافقنيييييش .... بغيت نعرف كيفاش كايشوفني دابا اي واحد ماشي اسماعيلي ....
أصيل : ( تنهد وجرها من يدييها داخل بيها لداخل ) اااجي ..... اجي نقوليك كيفاش كاتباني للي ماشي اسماعيلي .....
تبعاااتوو وهو زاد بيها كايشوف بعينيه فين يگلسو. . و هو يبانليه صالون صغير اونفاس مع سريرها وكلسها وهي كاتشوف ففيه .... ماباغا تاشي حاجة فهاد الساعة من غير تعرف هي كيف كتباااان دابا .. باغا المراااااية .... باغااا تعرف صووورتها كي ولاااات .. واصيل كلس حداها ....
أصيل : حتى انا ماتاخديش رأيي بعين الاعتبار .... حيت نتي خت واحد البنت لي أنا تانبغيها واخا ماعرفت كيفاش تكوني غانعزك من المعزة ديالها هي .... ولكن انا انقوليييك كيفاش كاتباني للناس لي مااعندهم تاعلاقة بيك .... ( قدس كاترمش فيه ) كاتبانيي ليهم واحد النجمة كبيييييرة .. وبعيييييدة .. و صعيييييب شيحد إوصل ليييييك .. ولا شيحد يقرب ليك .. ولا شيحد يولي بحالك شي نهار .... داكشي علاااش .. بلااصة مايحاولوو يوليو بحالك ومغايقدروش .. كايحاولو هوما ... لي يردوك بحالهم ......
قدس كاترمش فيه وهو كايشوف فعينيها وكايدوي معاها بجدية
أصيل : مكاندويش على كاع الناس .. كندوي غير على الناس لي كالسين يسبو فيك دابا .... هادوك بضبط عندهم عقد نفسية كايشوفو بيها ان اي واحد ممكن يدير داكشي حيت هوما ممكن يديروه .. داكشي علاش هوما باغين يردوك بحالهم .... نتي واحد البنت .. لي تستاغلاااات ... حيت غادا بنيتها مع الناس ... وهادشي لي طرا ليك ....راااه غير كااايحميك من حوايج اخرييين كبر كانو ممكن يطراو كون بقيتي بداك نيييية ديالك .....وماجمعتيش راسك
قدس : ( بعياااء ) وشنووو كاين عاد كبر من هادشي هم !!!
اصيل : على شنو واقع دابا ؟؟؟ مواقع والو .. تعرضتي لجريمة .. نتي حاليا فالجورلانات سميتك ضحية .... نت ضحية دواحد الناس غايتشدو وغايتحاااسبو على شنو دارو ليك .... والحمد الله ماداارو والو .... الفيديرالية نقداتك فاخر لحظة .... ( قدس غمضات عينيها ملي تفكراتت الصورة لي وراتها قسم وعرفات شكون كان هازها ) مواااااقع والو ... هادشي غادي يتطوا كيفما تطوا آش دار ليك فللول ... و غات (قاطعاتو )
قدس : ماااااتقولش ليا غاتعيشي حيااااتك حيييييت مسسسستحييييل ( ناضت كتبكي ) مسسسسستحيييل نخررررج لبرااا مزااااال .... علاش انا من دون الناس علاش ؟؟؟؟؟ ( ضارت عندو كتبكي ) عمرررني اذييييت شي حد عمرني حفرت لشي واحد ... علاش كيديرو ليا بحال هاكا ؟؟؟؟ اش درت ليييييييهم !!!!!!
أصيل : هادشي طرا لبزاف دلبنات ماشي غير نتي ...ولكن راه غيييير نتي بووووحدك لي فلتي منها، شوفيها منهاد المنظور .. لبنات مساكن راه تكرفصو عليهم وابتزووووهم .... و خذاو منهم فلوس صحييييحة .... ( ناض عندها ) مواااااقع والو ... هادشي غااادي يتنسى فأول إشاعة غاتلهي الناس تاني ...
قدس : (كاتشوف فيه بعينيها حمرين ) اش قال البروتوكول ؟ همم !
اصيل : ماعرفتش صراحة .... داكشي تاتهضري فيه مع باباك
قدس: ( غمضات عينيها مدة مزيرة عليهم وحلاتهم فيه و قالت بين سنانها ) فييين لوؤي ؟؟؟؟؟ ..
أصيل : تاهو ماعرفتش .... مبانش من لبارح .....
قدس : ( قالت باستهزااء ) همم ! هرررب ! ههه ... خليييه يهرررررب ...
اصيل : تاحد ماهربان منك اقدس ... عائلتك مخلوووعة عليييك ... وواقفة معاك .. كلنا واقفييين معاك .. هادشي غادي تنقزييييه تاهو .... نتي مادرتي والو .... نتي نصبو عليك ....
قدس : هه ! بنادم دابا تلقاه كايقول اووو ناصبييين عليهااا دييييما ... فللول ودابا !!!! كووولشي غايكون تيييق انا درت داكشي بخاطري ...وغايرحعو يتيييقو تا انا لي سكرت بخاطري فاداك البار
اصيل : لي بغاا يتيييق يتيييق لاش أتسوقي ليييهم ! تسوقي لعائلتك لي مخلوعة عليييييك ...
قدس : ( كلست على الفوطوي كاين تما) هادشي راه ساهل عندكم غير بالهضرة ( طلعات عينيها فيه ) راااني غيير بنت .. راه صعيييب بعليا هادشي كااااامل نتحملووووو .. راه سمعتي وشرفي هاداااااا ... شرفي لي ولا كولشي كاااايهضر فييييييه ... ونا كنقول علاش ماعاطيينيش تييليفون !!!! علم الله شنو راه تيتكتب داااااباااا علم الله كيفاش كنباااان للناااااس .... كييييفاش كتقولي ماتسوقييييش كيييغانديييررررررر ...
أصيل : ( تنهد ومشا كلس على ركابيه نازل لمستواها ) ملي كنتي لبارح عندهم فالخبرة ... خداو منك الدم ... وفالتحاليل بان انك تعاطيتيي لمخدر سميتو ليكسطا .... هاداك مخدر كايخليك تبان انسانة طبيعية ولكن تصرفاتك خارج عقلك .... وهادشي كامل المحامي ديالكم كتبو تقرير وتقدم للبروتوكول ديالكم وتقدم حتى للرأي العام ... الصحافة لي بعقلها راها خدامة معاكم وكتحاول تنفي دوك الاشاعات وتحط الاخبار الصحيحة .... ماتسوقييش للبراهش آش كايقولوو .. راه ماعندهم مايدار ليوم يهضرو فيك غدا فواحد اخر ... نتي .. ضحية ... والاشاعات شحال ما طوالو .. كايبقاو غير إشاااعااات ... الحقيقة كتباااان .. هادو دايرين بحال دبان كايبغيو غير علاش يتجمعوووو .... عطيهم خبار آخر .. وغاينساوليك هادشي ... ربما لادرتي شي حاجة اخرى لي تشد انتباهم كتررر غايدويو عليها تاني وينساو هادشي كاااع و تاحد مايجبدو ....
قدس : بحالاش هاد الحاجة ! شوهة اخرى !
اصيل : اه .. ولكن تكون شوهة زوينة .... ممكن انا مكنفهمش فهادشي ديالكم .. ولكن كانعرف عقلية دوك الناس كيدايرة .. راهم عندهم الفراغ ومقابليييين هادشي .... ماتسوقيش ليهم .... باباك مريض بالسكر و مامااك عندها طونسيون ...وعمك عندو القلب ...وخوك عارفة حالتو .... ختك تاهي عياااات مسكينة .... خافي على صحتهم وخليهم يطمنو عليك وماتخلعيش العائلة ديالك .... هضرة دناس ماعندها فاش تنفعك ....باااني قوية وقوييهم معاك ....راه الهم الكبير ديالهم دابا هي نفسيتك نت ....
قدس : ( علات راسها لفوق كتنهد ) مية فالمية البروتوكول غايكون قال شيحاجة لبابا ماهياااااش هاد المرة ...
اصيل : يجي باباك .. ونزلي هضري معاه بيني ليه بنتووو قوية وكبييرة وناضجة وبعقلها وهااازة مسؤوليتها ...
قدس غير ساكتة ووهو وقف داير يدو فجيابو كايتنهد
اصيل : ماديريش فبالك .. المعدن فاش كايكون صافي واخا كاايصبغوه باشما بغاو .. كايبان كايلمع .... واخا منعرف شنو اديرو ليك ... ( بابتسامة خفيفة شفقان عليها ) غاتبقاي ديما كاااتلمعي ....
قدس علات عينيها فيه عامرين بدموع وهو تبسم ليها بحنية وهي وقفات بشوية وعنقاااتووو تاتحط راسها على صدرو وهو تبسم وعنقها تاهو كيدوز يدو على شعرها وحاضنها ...
∆فاس - ولاية الأمن ....
كالسة ياسمين على أحد الكراسي فالكلوار كاتسنى ماماها لي فلبيرو كايحققو معاها .... ومعلية راسها للفوق كتبكي ..... وتيليفون فيديها وصلات عشرين ابيل لي دارت لباباها ومكايجاوبش ... المحامي دجدها كان واقف كايهضر مع واحد البوليسي ..... و هي كاتشوف فالسقف وعينيها دااابلين تاقرب عندها المحامي لي جبهتو عرقانة ...
المحامي : ياسمين .. عييييطي ابنتي لخالك ..... لقضية مععكلة بزاف .... شيكات راه بسميتها ....ماعندنا كيفاش نديرو ليهاااا
ياسمين : ( مسحات دموعها ووقفات عندو ) نخلصوووهم
المحامي : وراه خااااصنا نخلصوهم باش تخرج مكاينش شي حل اخر ... داكشي علاش كانقوليك عيطي لسي زاكي ....
ياسمين : ( شافت فالمكتب لي كايحققو معاها فيه وشافت فيه ) شحال فيهم اعمي !
المحامي : ( تنهد ) 200 مليون سنتيم ...
ياسمين وسعات عينيها وشدات على فمها و المحامي كمل كلامو
المحامي : عيطي لسي زاكي يفك هادشي ... الى كان عندو كيفاش يخلص يخرجها ... أما الحبس راه متقدش عليه .... وانا ماااااااعندي ماندير ليها ، القانون لا يحمي المغفلين علاش تخرج ليه الشيكااات بسمييييتها ... هاهو دار دابا لي بغا بيهم ووحلها هي ... ( تنهد ) مهم انا نمشي نشوف لداخل واش يخليوني ندخل .. غاتكون مخلوعة و نتي عيطي ليه دغياا الله يرضي عليك ... ماتخلعييييش ابنتي مايكون غا لخييييير
مشى وهي باقا مصدومة من هاداك المبلغ لي سمعات وتلاحت كاملة على الكرسي كاترمش ... غمضات عينيها مدة كاتنفس وتحاول تقوي راسها وهزات تيليفون ... خدات نفس وبدات كاتصوني ليه .... ثواني وجاوبها ...
زاكي : خالو ! ...
ياسمين : ( بصوت باكي ) خ ... خالي ..
زاكي : ياسمين ؟؟؟؟ ياك لاباس !!!
ياسمين : خ خااالي .... م ماما .. ماما شدوها البوليس اخالي
زاكي : كيفاش شدوها لبوليييس ؟؟؟؟؟ اش كاتقولللي ؟؟؟؟؟
ياسمين : .. المحامي قاليا نعيط ليك ... ت ت دفعو شيكات بسميتها .... 200 مليون اخالي .... ( كتبكي )
زاكي : تدفعو شيكات بسميتها !!! لمن عطات شيكات هي بسميتها !!!! اشمن شيييييكات سنياااات !!!!
ياسمين : راه باينة باباا اخالي راها بااينة .. غايكون ضحك عليها بجوج كلمات تاني و عطاتو شيكات خاوييين ومشى دار بيهم مابغا اما ماما راه ماحمقاش باش تسني ميتيين مليون دشيكات وهي ماعندهاش فالبنكة ...
زاكي : فيييينكم دابا ؟؟؟؟ .
ياسمين : فالكوميسارية .. دخلوها كااايسولوها وانا الى برا .. بابا كنصووني عليه مكيجاوبكش ... اجي عااافاااااك .. مبغيتش ماما تبات هنا ...
زاكي : سيري فحالك لدار خلي معاها المحامي .... خليييها تبااات تتم باش مرة أخرى تتعلم تسمع الهضرة ملي نهههضر معاها .....
ياسمين : ل الا لا اخالي عفااااك والله ماااااااتقد ماما .. عافاااك اخالي اجي خرجها
.زاكي : ( بعصبية ) والله للاااا جييييت أ ياسمين ..... خليييها تعلم حيت عيييت بالهضرة .. خلييها تشوووف فين وصلللها يلاه تجبدد ودنيييييها وتگلاصاااا هاد الليلة ......
قطع عليها تيليفون وهي طاحت كاملة على الكرسي كتبكي وكتنخصص وناس كايدوزو وكايشوفو فيهااا
∆فالقصر ....
كولهم كالسين فالصالون بملامح عيااانة .. لامار شادة على رااااسهاااا لي يلاه قطعات مع جود وقالت ليه قرار باه وشنو كايدير .... ورتاج و حياة تاهوما كالسين و قسم كانت بعيدة كتهضر مع اصيل واقفين فباب الجردة الخلفية .... وعدنان وسفيان دخلو وهي توقف رتاج عند عدنان
رتاج : عدنااان راه لوؤي عيط ....قاليا راه جاي .....
عدنان مجاوبهاش حيت محاملش يسمع سميتو من هاد لفعلة لي دار ملي غبر بلا مايعلم ... ومشى كلس وسفيان تاهو كالس كايتنهد وحياة كتدوز يديها على شعرو كاتحاول تواسيه فهاد المشاكيل ...
تاشوية باليهم أسد داخل ومعاه واحد جوج دالرجال بكوستيمات كحلين وشنطات فيديهم .. تلاقاتهم رجاء بتحية وهوما كلهم كايشوفو فيهم ...داتهم رجاء للمكتب و أسد زاد عندهم لصالون.. و أصيل وقسم قربو ... اسد كانو عينيه ماكايشوفو تااحد .. كايشوف غير قدامو معصصصب لاقصى دررررجة وغير من ملامحو باين بلي ماتقدريش تهضري معاه .... وكايقلب بعينيه تاتبانليه قسم .....
اسد : فيين ختك نت ؟
قسم : ( شافت لفوق ورجعات شافت فيه) فبيتها ... ا اتنزل دابا
أسد : طلعي نزلييها ...
قسم ضارت شافت فأصيل لي حرك ليها راسو بالايجاب بمعنى ديري اش قاليك وشافت فيهم وهي تنهد وطلعات مافاهماش ... وتاحد ماقدر يهضر معاه وكلس .... سفيان شاف للزاج هو يبانليه جود جاي وكايبااان سااعرررر وهو ينوض بزربة ومشى لباب .. يلاه داخل وهو يشدووو من صدرووو ....
سفيان. : لا اجوووود لااا ....
جود : واااااحيييدو علييينا هاد الحبببببس يمشييييو يقااااااودووووو .... علاااااش انا غاااااانزوج ختي بزز .... لهااااااد درجة كاااايييتحكمو فييييينا ولااااا !!!!!!! لي بغا يتييييق يتييييق لي ماااابغاااااش يقااااوووووود
أسد سمع الصداع و هو يطلع عينو فاصيل بحدة و بعصبية ....
اسد: خررررج سكت هاااااادااااك بلااااا ماااانووووض
أصيل علا حجبانووو من نبرتووو الصارمة و لامار شافت فيه بعينيها المخلوعين وخرج بزربة كان سفيان دفعو لبرااا
أصيل : جووود ... ماشي وقت الأعصاب ديرو عقلكم وتهدنوووو ....
جود : ( بجنون ) واااااااش شفتييييه آش كااااايدييير علاااش غاااانزوجوو البنت بهاد الطريقة ؟؟؟؟ واش باااااغي يكمل علييييها !!!!!!!
سفيان : مالها غاتمشي عند البراني أصاحبي راه غا ولد عمها .. وراه مخطوووبيييين كاع !!!
جود : زواج ديال بزز بحال هاكا غاتشوف فيييه ؟؟؟؟؟ عاااااد غايبقى يباااان ليها شي ولد عمها ؟؟؟؟؟ ... كون جات فلبراني ححححسن .. علاش يكرهها فلووودد عمها علاش !!!!! علاش يكرههووم ... كانووو فرحاانيييييين مساااكن ... علااااش يقلب عليهم هادشي ...... يمشيو يقوودووو الناس ....... لي بغا يهضر يشرگ فمووووو .. ماخصناش حناااااا هاد لبروتوكول نحبسوو ديلمو كااااع ...
اصيل : ودابا راه غي تتزيدو تعقدو الاوموررر .... كولشي الداخل مكهرررب ....هي ملي غاتشوفكم بحال هاكا غير ماغااتزيدو تأزموها .. راه غا ولد عمها .... واحد نهار كانو غايتزوجو غايتزوجو .... يفوت هادشي وتهدا عليها الهضرة وفرحو بيهم كيف بغيييييتو ....
جود : وراااااه باقااا صغييييرة باقااا كاتقرااااا اشمن زواااااج هاداااااا
اصيل : علاش فنظرك فهاد ظروف هي غاتقدر على شي قراية وسط هاد الهضرة لي عليها !!!!!
سفيان : عندو الحق !!!! كيغادي لهاد القرااااية !!!!! اللهم تسكت عليها الفاااام ونشوفو القراية داك الساااااع .... راه وسام على قدو تسحب اجود واش هاد البنت ماتصوك طموبيل ماتخرج برا البلاااااد ماااايعاونوووها فمشاااريييع .. اتبقى عااايشة منبووووذة !! كتبين لناس بلي بصاااااح هي دارت شي حاجة .. وهي مدارت والو !!!!! ....خليييييها تبرأ راااسها ... الحمد الله غتجي غي فزواج بولد عمها ....
جود تنتر من سفيان ومشى كاع ماقدش يدخل عارف غايتشااااد مع باه ... واصيل بقى غير كايتنهد وسفيان شاف فيه
سفيان : ( بتنهيدة عميقة ) هااااااادشي مغااايسااااليش
أصيل غير ساااكت وزادو دخلو ، كان أسد كالس وشاد بيدو على راسو وعدنان غير كايتنهد .... تانزلات قسم وقدس ....
قدس غير شافتهم فداك الكئابة غير مزادت تأزمات وهزات عينيها لأصيل بانليها كاين ..ولات كتحس انه كايقدم ليها الامان ومايقدروش يضربوها ولا يزعفو عليها ..... ولات كتحس بيه على الاقل انه فصفها ومعاها وغايحامي عليها بسبب هضرتو معاها ووقفتو معاها فهاد الازمة .... ورجعات شافت فباباها وسرطات ريقها .....
قدس : ب ... بابا !
أسد : ( تنهد وعلا راسو بشوية فيها وهضر بصوت بحوح وعيان ) نزلتي معاك كارط ناسيونال ديالك !
قدس : ( علاات حجبانها باستغراب وشافت فيهم هوما لي منزلين راسهم ماقدوش يشوفو فيها وشافت فيه ) ل لا! ع ع..... علاااش !
أسد : ( خنزر فقسم علاش ماقالتهاش ليها تاعلى الزواج .....وقسم نزلات راسها وشاف فيها بحدة ) طلعي نزليييها نتي .... سسسسربي
قسم ماقدراتش تزيد معاه لكلام ومشات وقدس متبعاها بعينيها ورجعات شافت فباباها ...
قس : بابا ؟ ع .. علاش لاكارط ! ( شافت فيهم ورجعات شافت فيه) و . واش ... واش شي حاجة ...خ خصني نديرها !
أسد مكيجاوبهاش غير حاط يدو على تكاية دالفوطوي وكايمسد فجبهتو وهي توقف عندها رتاج ..
رتاج : اجي ابنتي ... اجي تكلسي ... مابقاتش فيك دوخة ؟؟؟ راسك شوية ؟
قدس : ( باقا كاتشوف باستغراب ) ا لا .. انا لاباس. غ غير قولولي اش واقع تاني ؟؟؟؟؟ حاسة بحالا كاينة شي حاجة كبر من هادشي لي سمعت ...
رتاج : مكااااااين وااو ابنتي. . كوووولشي غايتحل باذن اللله ... وحقك يااااخدو ليك ربي العالمين فيهم وفاي وااااحد آذااااك .... دابااا يجيييك العوض ابنتي على كاع هاد دموع ... و راه عسى ان تكرهوا شيئا وهو خير لكم ....
قدس: ( كاتشوف فيهم بعدم فهم ورجعات شافت فأسد ) بابا هضر معايااااا .... علاش لاكارط !
أسد : ( كايمسد جبهتو وعلا عينو فيها بصرامة ) شنو ؟؟؟؟؟
قدس غي كاترمش مالو جاوب بهاد زعفة وهي تهبط قسم فدروج وجات باتجاه باباها ومداتها ليه و عينيها متأسفين لختها
قسم : هاهي
اسد : عطيهاليها (قسم مداتها لقدس و قدس شداتها باستغراب) سيري لداك البيرو سني دغيا .....سربي .....
قدس : مافهمتش
قسم : ( جراتها ) ااااجي انا نفهمك غير اجي ...
جراتها وضارت براسها عند اصيل بمعنى تبعني .. واصيل أشار ليها براسو بالنفي حييت تااالداكشي ومايقدرش ... وقسم فهماتو وعرفات راه بقاات تاني ففم المدفع ....
حلو باب المكتب وهوما يشوفو العدول جالسين وقدس شافت فقسم
قدس : شكوون هادو !!!! واش واقع شي مشكيل اختي؟؟؟؟ ( بخوف كتر ونبرة مرتفعة ) وومااديرولييش بحال هاكاااااا .. ماتخلعونييييش قووولو اش واقع
قسم : ( تنهدات ) قدس .... البروتوكول سحب منك وسام الشرف .... ( قدس وسعات عينيييييها وقسم شداتها بزربة ) ولكن ماتخافيش لقييينا حل ماتخافيييش ..... البرتوكول قال غادي يرجعو ليك الى نت تزوجتي. .... ( شافت لعدول وشافت فيها ) وهادو هنا باش يزوجوك بلوؤي ليوم ....
فالصالون ..
كلهم جالسين ولامار دموع مابغاوش يحبسو كأنها فجنازة ... تاشافو كلهم لباب فاش بانليهم داخل .....
كان داز لدار بدل حوايجو وملامحو باقين عيااااانيييييين ... خصوصا ملي سمع من رتاج بلي تسحب منها وسام الشرف ... أسد علا عينو فيه ولوؤي داك نظرة فشلااتووو .. كايتمشى بتوتر .... عينيه حمريييين ومنفوخييييين .... ووجهو صفررر وعيااااان .....
وصل لعندهم يلاه غايهضر كان سبقو أسد لكلام بصرامة
أسد: جبتي الكارط ناسيونال ؟ ....
لوؤي : نعام ؟
اسد: لااااكارط ....
لوؤي : ك كيفاش ؟؟؟ ( شاف فيهم وفأصيل و رجع شاف فيه ) مافهمتش
اسد : ( بصرامة ) لاكارط ناسيونال ؟ شنو ماافهمتيهش !!!!!
لوؤي : ( خشا يدو لور جبد بزطام صغير جبدها منو باستغراب مافهمش مادها ليه ) ا .... هاهي ، ولكن علاش !
مجا فين يجاوبوو تاكانو سمعو غوااات قدددس لي خرجات كااتجري لعند باباها حمررررة بالعصبية ...
قدس : واللله حتى غانممموووووت .. و الله حتى غاااندييييير فراسي شي حااااااااااجة .... منييييييييتك نتزوج بيييييه ؟؟؟؟؟؟؟؟ واش تسطيييييييتوووووو ( شافت فلوؤي بعصبية وحححقد وغواااات ) مستحييييييييييل ندي واااااحد هو لي وصلني لهادشي ... وجاااي دااباااا بوجهوو حمرررر يتزووووج بياااااااا ( شدات فيد عدنان ) عمي عدناان ( طاحت فالارض عند رحليه كا تطلب وعدنان وقف مخلوع عليها ) نبوووووس رجليييك أعمي عدناان مابغييييبيتش نتزوووج اعمي .. ماابغييييبييتش اعمي عااافاااااااااااااااك
لوؤي علا عينو فأسظ مصدوم وكايضور راسو بالنفي !!!!!! ورجع شاف فقدس .....
قدس : عععميييي عافااااااك دير شي حااااااااجة عافااااااك اعمي ... ماااابغييييييييييييتش نتزوج بيييييييه
عدنان تحنى كايوققففها ممحني عليها
عدنان : ابنتي الله يهديييك .... راه بحال باك بحال عمك ... ياك نتي ولوؤي ختاريتو بعضياااااتكم .... ياك ماشي شي حد مكتعرفييييهش
قدس : وماااابغييييييييتوش وعللاااااااش مكتفهووووومنيييييييش ماااابغييييييييتووووووش ( لوؤي كايشوف فيها ) وااعافااااااك آعمي
يلاه غايهضر حسات بقبضة قوية جبداتها من شعرها ولامار غوتااات وقسم شهقات وأصيل قرررررب بزززربة وسفيان داخل من برا كايجري ... وحياة كتبكي شادة على فمهاااا ورتاج شدات فعدناان
شدها أسد من شعرها بعصبية وضورها لعندو
أسد : منيييين جات هاد ماابغييييتوش ؛؛!!!!! تمعشقي ليااا معاه وراااا لبيياااااان ماعليش .... زوااااااج لاا؟؟؟؟؟؟؟؟ منييييين جات هاد مابغيييييتوش ؟؟؟؟؟؟؟ نكلسو نتسناو فضيحة اخرى ديااالك نت وياااااااه ؟؟؟؟؟؟؟,
قدس : ( بالغوات ) عاااافااااااك ابابا نبووس رجليييييييك ابابا مااااتزوجيييييينيش عااافاااااك .. ماشي بهااد الطريييييقة ابابا ..انا مدررررررت واااااااالو ... يااااااك انا مدرررررررت والو علاش تعاقبوني بحال هاكااااا .. ياك ماشي لخاغااااطري !!!!
أسد : نهااااااار تبعتي ليااا داك خايييتيي مشيتي بخااااطررررك تاجبتي الانذااااار االووول لي مااااشافوووش لجيهتك دابا ملي وقع هادشي .... وا دابا تحملي هاد الطيران ديالللك و دوزي سسسني سكتي عليا لفام .. ماااااشي غااااانحط رزقي كامل و تماااااارتي ليييييهم باااااردة ويگلسو ولااادي غلى الضس باش نتي تبقاي على خااطرررك وتخرررررررجي دييعي لياا على خاااطررررررك .. نت من دووووون كاع لبنات جاو عندك داااروووو لوااالدييييك هاد الكاااااارثة حييييت عارفيييينك كتطيري ......حيييييت مباغااش تشدي الأرض ...... ودابا غااااتشدييييييييها نييييييشاااان وتهنييييني من مشااااكليبييييييك لي مابغاااوش يساااليييييييييو
أصيل : ( كيحيدها من يدو ) صافي .. صافي غادي تسني غييير طلقها عافاك اسي أسد صاافيييي غير طلقها
لوؤي كايشوف فباه بصدمة مقااااادرش يتحرك ..... وعدنان هبط راسو وهو يشوف فيه اسد بغووتة .....واصيل جر قدس عندو معنقها كاتبكي
أسد : . ددددخل نتا سسسسسسسني دغيا سالييييييو عليا هااااااد الحبببس
لوؤي نزل راسو ومشى لبيروووو .... وقدس كتبكي بجهدددد فصدر اصيييييل وضارت عندو كاتشوف فيه
قدس : يااك أ باباا ياااك ؟؟؟ صاافي سسسسسسخيت علييييك يااك ؟؟؟؟؟؟؟؟؟
أسد : ( كيقرب عندها واصيل كايديرها ورا ظهرو ) اش درت ليييك ؟؟؟ قتلتك ؟؟؟ جييييفتك ؟؟ قطعت ليك راااسك ؟؟ يااااك زووووجتك بواااااحد ضلي داااااايعة نت وياااااه .... ولا تما مان عااااحبك .... دابا لااااا!!!!!!! كاطيرو وتجيو تقولو بابا سخييينا عليك ؟؟ انا سسسسخيت علييييكم قربتوو طييييحوني وااااقف ؟؟؟؟؟؟؟؟؟
لامار طاحت على الفوطوي كاتبكي وحياة كتواسييييها .... وقدس كاتشوف فيه بحقد و غضضضضب
قدس : الى مشيييييييت تاسنييت على هاد لوراااق عمرررررررررك غاااتشووووووف وجهي
اسد : ( بعصبية ) ماااااتوريييييييييهش ليااااااا ... ( أشار بيدو لباب ) راااااااا لبااااااااااااب
قدس تنترات من يدين أصيل ومشات كتبكي بزربة للبيروووو وخدات ستيلو من لعدول وسينات بزربة وضارت عند لوؤي ... لي ملامحو كانو جااااامدييييييين كايشوف فالعدم
قدس: ديييييني دابا. ...( بالغواات ) دااااااااااباااااااااااا . بغيييييتي الزواج؟؟؟؟؟ وصلللتي لاش بغيييييييتي ....وااايللااااااااه نوريك الزواااااااج معاااياااااا كيييييداير .....
خلاتو وخرجات من البيرو ورجاء كاتشوف مخلوعة وقدس فحالة جنون ......
قدس: هاااااااااهي غااااادية فحااااالها هاهي غاتهنيكم من مشاكليها ( شافت فرجاء ) بلا متجمعي الحوااااايج ... غاااااااانمشي هااااكاااا ، بخوااااايحي دالنعااااس ..... باش سي رووووووكان يشوووف بنتوووو كيييييفااااش خرجات عروووووسة من داااااار باااااهااااااا .....
خلاتهم و خرجات بزربة ولامار جات تابعاها كتبكي و هو يشدها عدنان
عدنان : ششششش خليها فخاطرها تااتبرد .. الهضرة ماشي دابا
أصيل تاهو بدورو شد قسم ماتبعهاش .... ولوؤي خرج من البيرو كيف شي جثة كاتمشى ثقييييييل ..... شاف فيهم بعياااااء واستسلام .... وشاف فأسد لي كولو كايتتترعددددد ووجهو حماااار ...وهضر بصوت بحوح عيااااااان
لوؤي : واخا كرهتيها فيا بهاد الزواج .... ولكن متخافش. ... مغانخليهاش تكرهك ....
شافهم شوفة اخيرة وخلاهم وزاد ...... غير هو خرج من باب القصر أسد طااااح كامل على الفوطووووي و كولشي غوووووت وتجمعووو عليه .......
بعد ساعة ونصف ....
وصلات جيپ لوؤي لفيرمة دالمحمدية ..... حلو ليه البيبان ودخل ... الجو كان صامت فطموبيل .. منغير انفاس قدس المسموعة ... لي ضفارها ترسمو فيديها بقوة مامجننة عليهم ، وجها حممممرررر وكتغزل بالعصبية .. اما هو كان عكسها ...... وجهو باااااااارد و خااالي من اي تعابير.. عينيه عيييااااانيييييين وطاااافي بكل ما في الكلمة من معنى .. ولداخل ديالوو ماقدرش يرتب حتى فكرة مقادة وحاس براسو فااااااااشل .....
سكت طموبيل .. وشاف جيهتها .... وهي حلات لباب و
نزلات .. وهو تنهد بعمق ونزل تاهو تابعها وهي داخلة للدار .....
مادوات ماتكلمات مشات بزربة فدروج طالعة لبيتها لي تما وهو شاف فخديجة لي جاية بسرعة باتجاهو
خديجة: ولدي !!!!! مااااعلمتينيييييش ؟؟؟ اش هاد المفاجأة ( شافت فقدس لي طلعات بزربة ورجعات شافت فيه ) ياك لاباس
لوؤي : خالتي ..... راسي غادي يتفرگع ... غادي نخرج نتنفس شوية .. واحد شوية وطلعي ليها تاكل خليها تحت عينيك راه معصبة شوية ..
خلاها و خرج عارف راسو مستحيل يقدر يهضر معاها ولا يناقشها فهاد الجو .... خاص تتبرد شوية النفووس هو براسو مقادر يقول والو وماباغي يقول والو تاااايستوعب هادشي ....
__________________
∆فالقصر
كانو كلهم كالسين فجناح أسد فصالون صغير حدا البالكون ..... وهو يخرج عدنان من بيت أسد و معاه الدكاترة ديالو ... ولامار بقات معاه لداخل ..... وقسم وجود بزربة ناضو وقفو هوما وأصيل وسفيان .... قربو عندو و لوخرين مشاو وبقى غير دكتورو الخاص
الدكتور : متخافوش الحمد الله الكريز دازت خفيفة وجينا فالوقت المناسب ... غير هو عافاااااااكم ردو معاه البااااال بزااااف فهاد الوقت .. السكر ديالو طاااااالع بزاااااف ... وراه فاي لحظة يقدر يتسبب ليه فشي شلل لا قدر الله ..... ردو معاااااه البال وماتخليوهش يتحمل كتر من طاقتو ... السكر مامعاهش اللعب .... راكم كاتعاملو مع انسان ديااااابيتييييك بعدوه من الضغط .... الى كان هو ماهاماهش صحتو .... تهمكم نتوما ...
جود : ( مخلوع ) داباا كيبقى ادكتور !
دكتور : الحمد الله ... خليوه دابا يرتاح شوية وينعس ، نقصو عليه الهضرة ومن الاحسن ياخد فترة راحة يغيشوفي راسو من هاد الضغوطاااات .... والله يفرررررجها عليكم ....
زاد معاه عدنان تال لباب وهبطاتو رجاء وهوما بقاو كايتنهدو ....
رتاج : هااااادشي راه مافيهش اللعب ..... راه لابقى هاكا شي نهار غايطيح فخطرة وحدة بشي شلل الله يستر .... واش عرفتو تااالفيييين طلع ليه السكار !!!!
يلاه غايجاوبها سفيان وهي تحل لامار لباب بملامح عيانين وسداتو كتنهد ....والدموع باقين فعينيها كااايسيلوووو .....
لامار : انا غير كولوو ليااا اش هادشي كايتسلااااط علينا وشنو درنااا كااااع فملك الله ( بشهقة ) اش هااااادشي
عدنان : نعس !
لامار : ( نزلات راسها كتمسح دموعها ) اممم ..... غا بالدوا ...
عدنان : لامار ... خليك حداه ..هاداك البروتوكوووول نقسم عليها بالله مغايعاود يهضر معاهم ... .صافي سالييينا انا غانتكلف بيهم وبهادشي لي طاري مع قدس ... يعطي الراحة لراسو .. يمكن نتوما كتشوفو غا اش كايطرا ليه فدار. .... راه تالخدمة مزيررررة وكولشي فيه الضغط .... خليه يرتاح انا وسفيان كاييييينين واخا نعرفو نعيطو ليونس كاع لاصعاب علينا الحال .... البروتوكول راه مغايعاودش يهضر معاه وماتخليهش يقرب لتاشي حاجة ضغطو ....... بعدييييه على المشاكيل ...
سفيان : شوفي ... ها قسم تمشي معانا انا ولا عدنان .... جود اصلا غادي مسافر غدا ... انخويو شوية هاد االداررر وكلسي معااه بجوج بيكم وغيشوفيه شوية، هو راه محتاج لشوية دالراحة هاد العام راااه دازت عليه لا فالخدمة لا فالدار .... هدنييييه شوية و ديسيتريييسيييه .... بعديييه على الستريس دباا ..... تايتقاد داك سكااار ، راه منهار اش وقع ليها المرة لووولاا وهو طالع ليييه وحنا محاسيييينش بيه .. ماخصنا كوارث مزال أ لامار بقاااي معاه وهدنييه بشوية بشوية ماتخليهش يجي للخدمة .. والبروتوكول هاهو هزو عليه عدنان ......غير يرتااااح
عدنان : انا غانهضر معاهم مايتاصلوش معاه .... كي قال سفيان انخويو شوية دارررر ... الى حتاجيتي شي حاجة عيطي عليييينا . سافرو ولا بقاو غا هنا مهم شوفي كيديري ديسترييسيييه شوية وهدنيييييه راه نت لي تعرفي ليه خسن منا ... راه هاد الضربة دقدس مساهلاش عليه يزوج بنتو بهاد الطريقة ...راه الله يحسن العوان
قسم غير كتبكي فحظن اصيل وهو كايدوز يديه على جبهتو أما جود خلاهم وخرج كايحس براسو غادي يتفررررركع عليه .... و عدنان ضار عند قسم ......
عدنان : جمعي ابنتي حويجاتك يللاااااه معايا. ... نخويو شوية هاد دار نخليييييو سيد يتنفس ( شاف فلامار ) حيدي ليه جورنالات .. كون تجي عليا ديه لشي بلاصة بعدييييييه كاع منهنا مافيها لا ريزو لا واااالو .....سيد غااادي يموت لينا واقف .... راه غا بنااااادم هاداك ..... شحااال قدو
لامار كتحرك راسها ببطئ بالايجاب .....هوما خرجو بشوية بعد ماوصاها ، وسدو باب الجناح و رتاج شافت فقسم ......
رتاج : متنساوش ملي يحط البروتوكول الخبار الرسمي دزواج تحطوهم عندكم فالميديا ... باش ماتخدوش شي انذار دالاعتراض ... لي عندو تيليفون قدس ينشرووو ..... انا دابا نعيط للوؤي باش ماينساش .... غايقولو تاتي زوجناهم بزز ، ولا عندنا اعتراض .... خليو الأمور تبان طببعية .....
قسم : (بعياء) تيلفونها عندي. .. دابا نشرو
رتاج: انا غانعلم لوخرين تاااهوما ... صافي خليو هنا السيد يرتاح من المشاكيل لا هو لا مراتو ....وتاااهي راه دابا ترتاح راه معاها لوؤي .... وغاااا يكووووون خييييير ان شاء الله... يلااااه ...
كلهم تنهدو وقسم مشات لبيتها تهزز حوايجها ..... أصيل نزل معاهم لتحت ودعهم تاهو ومشى ..... وهوما كايشوفو فيه بافتخااار متبغينو خارج بالطموبيل لي واقف معاهم فظروف بحال هادي كانه كايعرفهم من زمان ..... قسم جمعات حوايجها كتبكي ، باغا تبقى مع باباها ولكن عندهم الحق ، خصو يبقى بوحدو غي مع لامار يمكن هي تعرف ليه حسن لاكانو بجوج بيهم .... أما تا جود غدا عندو طيارة لليابان ....
نزلات عندهم لقات أصيل مشى .. ومشات مع عدنان تاشدو طريق ..... وهي باقة على اتصال بلامار لي ناعسة عند راسو كتنهد ...... وكل مرة تمسح فدموعهااااا وتوصي فلوووؤي يشد بخاطر قدس ويهدنها ......
لوؤي لي تاضلام الحال عاد رجع لدار ، قاتليه خديجة انها مابغاتش تاكل وطلع عندها لبيتها ....حل لباب بشوية لقاها نعسات مكمشة فوق السرير .... مشى بشوية غطاها .. طفى عليها الكليما وسد البااكون ... وتنهد خرج لبيتوووو ....... غير وصل لبيت ولاح على لكانابي شاد على راسو لي غادي يتفركع ليه ..حاس براسو باغي يسد عينيه يغيب مااااقدش ابدا يفكر فشي حاجة ......
اليوم الموالي .....
الساعة 12:15 .. مطار فاس سايس .....
الشمس كانت قاسحة مشتعلة فزاج ديال طاكسيات وطموبيلات لي مستفين حدا باب المطاررر .. العائلات كلهم كايتسنااااو حبابهم يخرجو ... بيبان المطار تحلو وبدااو المسافرين كايخرجو ....كايتسمع غير صوت عجلاااااات الفاليزاااات و تا شاريوات وصوت الندااءاااات بالفرحة دالاشتياق و العناااااق ..
وسط هاداك الحشد لي كايخرج .... كايبانو خطوات بسباط أسود كلاص لامع .. خطوات منظميييين ووطوال ... فاليز صغيرة مجرورة حداه جارها المساعد ....
خطوات كانو ديال رجل فأوساط ثلاثينياتو .... بكوستار فالازرق الغاامق .. كلاااص وفخم ... الشوميز كانت كحلة ومزيرة على كتافو العراض وفوق منها جيلي فنفس ثوب السروال فالازرق الغاامق .. والفيست كانت فيديه ..... كمام الشوميز كانو مطوييين للفوق ومعريين على درعااانو السمريييين لي مزينهم شعر رجولي خفيييييف ... وساعة فضييية فمعصمو الأيسر ...
غادي معلي حاجبو لي كايبان فوق النظاظر د الشمس لي لابس ... لحيتووو مقااااادة بشكل مرررتب بزاااف .... وشعرو حتى هو تسريحتو مررتبة ومرجعو للور .. كان شعر كثيف فاللون البني .... بشرتو كانت حنطية كبشرة البرازيليين .. ملامحو صاااارمة وجدية .. بسبب الكاريزما الطااااغية كانو ناس كايشوفو فيه وكايدوزو للجنب فاسحين ليه الطريق .... وهو غااادي داير يد فجيب سروال ويد شاد بيها الفيست ديالو .... بارفاااانو كان كايخليه مورااه فكل خطوة كايهضر عليه وعلى اناقتو وفخامتو .....
الناس كاتشوف فيه وكاتلعب بحجباااانها باعجااااب وتتسائل شكون ممكن يكون !! ... كان كايبان شخص مرررررتب بشكل جنوووني و بعنااااااية تامة ... سمطة مقااااادة و صدايف الشوميز وصدايف الجييييلي كأنو تسدو بالمسطرة .... الشوميز محلولة غير جوج صدايف للفوق معريين على رقبتو العريييضة وتفاحة آدم البارزة فييييه ..... كان شخص طويييييل وعضلي ... باينة غير من بطنو المسطحة وصدرو المنفوخ ....
خرج لبرااا وتضربات فيه الشمس الفاسية .. وزادت بشرتو الحنطية لمعاتو كانه حجر كريم هزوه للمكان لي جا منو وتوهج فيه ...
زايد بكل ثقة كأن الأرض ملكو .. والمساعد ديالو حداه جار فاليز صغيرة وتااابعووو بخطوات سريعة ... تاوصل قدام ميرسيدييس بابها لورااني مفتوووح وشيفور منزل راسو بتحية ...
الشيفور : على سلاااامتك موسيو زكرياء ...
زاكي أشار ليه براسو وطلع لور ... والشيفور سد الباب بسرعة وزاد بارتبااك حيت زيارتو مفااجئة ... تخلعو ملي جاهم اتصال انه دخل للمغرب .... كايخافو من زياراتو المفاجئة لي ماعارفينش شنو سبابها ! .. المساعد دار لفاليز فالكوفر بزربة باش مايتعطلوش عليه وركب لقدام ....
حيد نظاظر من عنيه لي مصغرهم فااشعاا .. بؤبؤهم فالبني ورموشو كثاااف وحجبانو قااارررنهم ... والشيفور شاف فيه فالمرايا
الشيفور : فين نمشيو موسيو زكرياء ؟
زاكي : ( بصوت رخم ) سير للرياض .....
يتبع...
التعليقات
لا توجد تعليقات بعد، كن أول من يعلق.