محتوى القصة
جود كيشوف فيهم بجوج ولهاد القرب الملفت لي بيناتهم ... واخا من عادتو مكيتسوقش لعلاقات الآخرين وماعندو دخل فحد ... الى ان علاقتهم جدبات انتباهو لان بيلي منهار جات وهو داخل ليه فيها الشك !! نفت الدخان بعيد عليهم وضار شاف فمروان
جود : صبااح الخير ....
بيلي : ( مخرجاها بزز مابقاتش البنت لي كانت قبيلة جريئة و مرتاحة مع مروان دغيا تقلبات متوترة وتالفة ) صبباح ن .. نور
مروان : سحابلي خرجتي ...
جود : لا مزال شوية ونخرج ( شاف فبيلي ) هااابي برذاااي .... واخا مشا الحال مي عارف السواغي اليوم ....
پيلي : اااه .. ش شكرا ... شكرا ...
قلب دغيا عينو شاف فمروان كيكمل جوانو وهي نزلات عينيخا لهاد البرود كاااامل لي صعيب عليها تتقبلو
جود : مغيجيوش خالي اسماعيل وامين عاد العام
مروان : لااااا لا محال جيت غيير انا ...
بيلي حسات فاش متسوقش ليها وانغمس فحديثو مع خالو باللخخنقة وخافت تاني تعيق حداه وهي تحل السياااج وخرجات مشااات و جود ضور راسو تبعها يعينو ومروان حاااضيه ورجع شاف مروان بغممزة والدخان معمر وجهو ...
حود: بيناتكم شي حاااجة!!!!
مروان : ( علا حجبانو) الا ....
جود : ممم .. ( تكا على السياج براحة ) جيتوووني مقربين .. شي ديسك محروق لييا تاني معاقلش عليه !!
مروان : ههههه هاديك اولد ختي .... راه بيلي عايشة معان فامريكا .... كنا فدار وحدة رراني يلاه رحلت ... داكشي علاش مقربيين .. زيادة انها كتقرا فلافاك لي انا كنخدم فيها ....
جود : اممم .. مزيان ..... ( دوز يدو على المهرة كايداعبها ) ايڤيييين .. خرجتي يضرب فيك شوية دالبررد ....
مروان : جات مولاتها خرجاتها .... غتجي لسواغي بليل !!
جود: وانا كرهت منمشيش ... راه مفرووض علينا اش غنديرو
مروان : اكووون تحششم راه بنت عمك هادي
جود : ومالي انا نكرتها .....
مروان : ههه اودي نتا بوحدك بالله ..... نخليك انا نطلع نبدل عليا ونمشي نلحق الوالدة عندها شي دوا خاصني نمشي نجيبو ليها .... تهلا ....
خلاه ومشا وجود بقى متبعو بعينو وتكا على السياج كايشوف فيه ويتفكر كيكانو .... جلستهم مكانتش عااادية !! توترهم فاش جا ؟ وحتى الطريقة لي كانت كتشوف فيه ؟ واخا يجيب ليها الله مامسوقش هو كاااان حاضيها ...حاضي ابسط حركاتها ... علاش هاد البنت كيحسها متهمة بيه ؟ دخلات لجناحو .. هزات رييحتو .... تتشوف فيه بطريقة مفروشة ؟ كتوتر مليي كيكون حداها ...العائلة كلها كانت كتوتر كلي كيجبدوها ليه ... شي حاجة ناقصة وخاصو يعرفها ...... كمل جوانو وضار عند ايڤين شاف فيها ورجع مشا خرج باتجاه الطوموبيل يمشي لكاراج ديالو .......
السابعة مساءا ...
الجو الصيفي مخلي السماء باقا زرقة ....
الاشغال ففيلا يونس كانت قائمة فالجردة .... اما العائلة كانت كلها لداخل .... العيالات مجتمعين فواحد البيت ديال الضيوف كيشوفو فليغوب لي وصلو ....كانووو كلهم تما من غير قسم لي مزال ماجات ... اما هوما كلهم بدون استثناء تا من ماجدة وسارة ... و رقية جالسة لتحت مع عمات اريج ورتاج لي يلاه وصلو ....
اريج : قدس شوفي هادي غتجيك حسسسن
قدس : والله اخالتو تااعييييت مافيا لي يلبس تاني ... صافي لي ختاريت قبيلة زوينة .....
رتاج : لبسوووو ماحدكم صغااارر لبسو .... شحال طالعين هادو معكازات
لامار : خلي هاديك لقسم عارفاها غتعجبها هاديك دوقها حافضاه ..
اريج : دوق قسم شكون ميحفضوش .. مافيهش التعقيدات تكون سامپل باركا عليها هههه سعدات لي يطيح فيها مافيها لا فشووش ولا تبعكيك هه
لامار : ( شافت فقدس ) هالي هازة ليها الهم هههههه
رتاج هوما كيهضرو وهي بالها كيمشي لليلة البارح ونظرات لوؤي وترجع تاني تنهد وتقول ميمكنش لوؤي يحس شي حاجة من جيهة قدس وميقولهاش ليا خصووصا انه عارفها غتكون من اول المشجعين وعارف الى قدس ربااات فيها النص هي فاش كانت مها مشغولة مع مرض جود .... شي لي مبرزطها هو واش داير شي حاجة فالسر !! ...
أريج : بيلي ... والله تاهادي حسن
بيلي : ماما صالفي تاختاريتها وصاوبوها قدي نبدل تاني .... عييت ...
رتاج : صافي ا اريج خليهم على دوقهم ..
اريج : مال هاد الجيل عزيز عليهم الساامبل .. اويلي راكم صغار لبسو شوية دالحجييرااات الخيووط ... ززعمو على الالواااان .. زعمو على تقاطع جداد ....
حياة : شي حد يسكت علينا هاد الستيليست ودوزي تكلسي راك كتمشي وتجي نت وداك الشراوط قلبتي ليا معدتي كتر ماهي مقلووووبة
سارة : هههه هادو دوقهم منعرفوهش بقات دابا غيير قسم تجي تختار ...
اريج : ( ورات لماجدة وحدة ) شششووفي هادي .. يابنتي شهووة منها شي وحدة تلبسها فيكم
ماجدة : تانا والله مافياااا لي بدل
اريج : يلااااه زيدك مع هادو ... بقاو هاكاك تاتلقاو راسكم شارفات بحالنا مايجيووش معاكم هادشي ولبسو داك الساع العابايات ... اويلي اويلي جننتوني بالصصغررر ...
قدس : ماما صوني على قسم تعطلات
لامار : هاديك عرفتها مغتفاكش اليوم غاجيت وقتليها سيري فصباح .. كون درت ليها خاطرها ومشات تالعشية والله ماااتفاك ... ( جبدات التيليفون كتصوني عليها ) طاااافياااه
رتاج : صوني على صفاء ..
لامار : ( بدات كتصوني ) صافاء حبيبتي لاباس.. الله يبارك فيك ابنتي ... فين قسم كنصوني ليها تيليفونها طافي .... هاكداك .. واخا صافي الله يرضي عليك ابنتي .... ( قطعات ) قاتليك راها جااااية و تيليفون يمكن طفا مارداتش ليه البال ... صافي جمعي منهنا هادشي باش مايتكمش يجيو يردوه خليو دوك تلاتة تختارر فيهم هي ...
بدات اريج كتجمع وسارة معاوناها وماجدة حسات بالملل وسطهم غير كالسة وتنش على راسها بيديها فلخر ناضت كتمشى شادة تيليفونها كتشوف واش ناشر شي حاجة وفين راه وفوقاش يجي ... غابت نهار واحد حسات براسها توحشاتو ... غادة فالكولوار تاكتلقى راسها حدا باب بيت بيلسان ..... كانت الباب مردودة طلات بعينيها وهي تبان ليها لاغوب ديالها معلقة فالوسط ... مع اكسيسوارتها ... بدات كطلعها وتهبط وكتفكر ان اليوم غتكون المجلة لي غتصور معاها والصحافة ... ضحكات ضحكة مااكرة وحلات الباب دخلات وبدات ضووور مع داك الكسوة وكتشوف موراها واش جاي شي حد .. فلخر بدات كتقيس فثوب داك الكسوة والشر فملامحها ... الحقد عما ليها عينيها وهي هازة داك الثوب بين يديها ..
ماجدة : باغا تخطفي الانظار ؟ باغيا تعاودي تجدبيه من جديد مثلا ؟ هههههه .... ( ضارت وراها بان ليها مقص كان محطوط حيت قادوها ليها على فومرتها وبقاو الادوات تما وهزاتو ) أنا غنوريك لفت الانظااارررر كيفاش كيكون ... وغنعطي للصحافة عناوييين جديدة يكتبو عليها غذاا ههههه ...
قربات للسميطات لي لاسقين فالكسوة ولي غيجيو على كتافها كانو رقااااق و ليستيليت قطعو منهم وعاودو خيطوهم على كتاف بيلي باش تجي قدها لاسقة .. قلباتهم من داخل وبدات كتمزق فداك الخيط لي مخيطين بيه السماطي مع الكسوة شوية بشوية باش تخليه دغيا يتقطططع ... خلات دوك السمطات مشدودين غييييير شووووية ..... لي يطيحو ليها فاي لحظة ..... وبعدات كتشوف ...
ماجدة : ودابا كملاااات ليك لاغووووب ا اميرة الاسماعيلي هههههه ..
حطات داك المقص وخرجات ضاحكة .....
من بعد ساعات كان الكل وجد راسو .... كلهم فحلتهم الانيقة ولكن محافظين على بساطتهم باش يخليو الرونق لبيلي صاحبة الحفل ومايخطف منها تاحد الاضواء ....
لاابسين دي غوب بتصاميم أوروبية بسيطة نظرا للحفل الشبابي لي جامعهم ...
أريج ورتاج وجنان كانو لتحت كيستقبلو فالضيوف .. اما رجال الاسماعيلي دخلو لمكتب يونس واستغلو هاد الحفل اجتماع لخدمتهم و مشاريعهم الجديدة مخليين فقط النساء والاشبال يعوضوهم ....
اياد لبس سروال دجين عادي وشوميز زرقاء طلع ليها كمامها لفوق .. ساعة جلدية و نزل فالدروج شاف غير من الزاج بانت ليه القضية عااامرة !! ... ومنصة بعيدة ديال الموسيقيين ... وبعيد فالجهة الاخرى كيتنصب الاستديو المتنقل لي غيديرو ليها فيه الشوتينغ ....
حك مور عنقو كيغايدير يصبر لهاد الحفل امتى يسالي تاااني .... من صغرو وهو بعيد على هاد النوع دالحفلات و كيلبيهم غير بسيف بحالو بحال ولاد عمامو ... البرتوكول لي دخلو ليه صارم من ناحية حضورهم فجميع الحفلات العائلية ..والا غاب شي واحد بدون مبرر كيبقى الكل طارح عليه علامة استفهام .....
اغلب الحضور كانو شباب و بعض النساء ايضا مع رجالاتهم لي واضح الواليدين ديال دوك الشباب ... الكلسة ديال الكبار كانت بوحدها عبارة على طبالي و كراسى .. اما الشباب كانو ضايرين فقط بطاولات طواال واقفين حداهم .. الناذلات كيفرقو المشروبات بلباسهم الرسمي و الزيف الاحمر المعقود فعنقهم ... البيفيه ديال لانيفيغسيغ كان مشكل بلي طاغط والحلويات و اسم بيلي مضيئ فالوسط .... والميني بار ايضا كان مشكل بانواع الشروبات ....
يالاه دار يدو فجيبو يجبد الكارو ديالو هو يسمع خطوات ديال الطالون موراه وضار براسو بانت ليه قسم جاية ببشاتها و اناقتها المعهودة وهيبتها لي سابقاها وقفات حداه تاهي كتشوف مع الزاج وشادة تيليفونها فيديها ...
قسم : جاو الناس !! ... ( شافت لساعة ماسية رقيقة فيديها ) ماشي مزال الحال !
اياد : مزيان .. باش يمشيو دغيا ... ( شاف فيها ) امتى جيتي
قسم : غير دابا شوية ... قدرت نخرج غير بزز . لي جوغناليست ولاو كيفوتو حدودهم والله ... هادشي خاصو نظام ...
اياد : صعيب تنظيمهم فالعامة ... ( كيشوف فيهم من الزاج ) تنظميهم فدارك ماشي هي فالشارع العام ....
قسم : ولازم عليك تخافظ حتى على هدوءك .. اي رد فعل بسيط منك محسوب عليك .. خصوصا اخر ما وقع مع جود وداك جوغناليست ولينا تحت التهديد .... تجاوب بزز عليك ولا ضوسي عندك يعمر ......
اياد : ( شاف فيها ) هاداك السيد اقسم المشكل ديالو ماشي جود ... راه غير جا فالطريق ...
قسم : عرفت .. ولكن الناس معارفينش هادشي فبالهم جود لي معدي .... معارفينش الا هاداك مريض فراسو ....
اياد : حطيت راسي بلاصتو هو ولوؤي .. صعيب تلقى راسك مربوووط ... فامكانك تهرس ليه راسو ولكن بروتوكول عائلتك كولو غيضيع .. كنت عارف هادشي غيوقع من نهار دخلتو فهادشي .. كنت عارف هاد البروتوكول مامناسبناش .. حنا ماشي دهادشي ... مكنعرفوش شنو هي يتعدى علينا الواحد ونضبطو اعصابنا حداه
قسم : كاع معاجبناش ولكن كان لابد ... كون مكانش هاد البروتوكول ا اياد كون ديما راحنا فالمشاكيل .. نتا عارف المجموعة كبرات دوليا وبابا وعمامنا راه مابقاوش قادرين يتحكمو فكاع الموظفين ويعرفو كل واحد اش كيدير ... كون مكانش هادشي ديما غنكونو فالازمات .... هاد البروتوكول راه داير بحال المظل لي مخبينا تحت من الشتا لي مقادرينش نتحكمو فغزارتها .... لابد علينا نصبرو .... كيما كاينين سلبيات كاينين مزايا ...
أياد : والله حتى توحشت حياتنا القديمة .... مابقيتش حامل هادشي .... كنحسو براسنا مربوطييين ....
قسم : ماشي مربوطين .. نتوما راه ولفتو المشاكييل هههه
بقاو ساكتين شحال مبسمين كيشوفو غير من الزاج والناس كيدخلو والجردة كتعمررر .. تنهدات قسم وهي تنطق
قسم : اياد ...
اساد : هم ..
قسم : قلبك من جيهة خويا ... رتاح لا مزال
اياد سمع سؤالها وتنهد .... مدة حتى ظنات مغيجاوبش و نطق
اياد : محاس بوالو من جيهتو ا قسم .. ما مقلق ... ما مرتاح ... تاحاجة
قسم :ميمكنش ...
اياد : ماعارفش ... الشوفة فيه مكنستحملهاش ... فنفس الوقت كنشوفو مامستاهلش هادشي كامل حاليا مادامو واحد معاقل على والو ..
قسم : واش نتا ... مامستحملش تشوف فوجه خويا ... حيت خلا ختك ... ولا حيت خلاك نتا
.. واش فعلا ااياد مكنتيش غتكون فرحان ليهم كون تزوجو ؟
اياد : يتزوجو ؟ قسم علامن كضحكي ؟ ( شاف فيها ) جود واخا خوك انا كنت اقرب واحد ليه وكنعرفو كتر منك .. نتي عارفة علاقتنا كيفاش كانت انا وياه .. انا عارف مصارنو اش فيهم .. علاقتو داك الوقت مع ختي ... عندها سمية وحدة .. وهي تبرهيييش .... داك ساعة لي كان معاها هي .. كان مع الف وحدة من غيييرها ...وهي كانت صغييييرة بزاف .. صغييرة ماشي ديال هادشي ... قدس هاهي دابا كبر منها .. تبغي ليها علاقة نتي ؟؟؟
قسم : الا كانت علاقة عقلانية علاش لا ؟ الا لقيتها مع واحد غايصونها علاش لا ... حنا مقلناش ليهم داك الوقت غيتزوجو حنا عارفينهم بجوج كانو صغار كنا باغينهم تايكبرو .. ولكن كنت بغييتهم بجوج اياد صرااحة ...
اياد : قلتيها بفمك .. واحد غيصونها .. جود مكانش غيصونها اقسم
قسم : علاش ؟ علمتي الغيب ؟
اياد : انا لي كنت عاارفو .. واش لي كيبغي كيخون ؟ جود كانت فعمرو 23 عام اقسم ... طاااايش معارفش تاشنو هي المسؤولية .... عزيز عليه غير يضحك ويعيش النهار بنهارو ... الناس الا كانو كل نهار مع وحدة هو راه كل ساعة مع وحدة وهادشي شاهدين عليه انا وياه .. باش فلخر نعرفو مع ختي .. ختي لي كانت عندها 16 عام ؟ .. واش 16 عام هادي كتعرف علاقة ؟ .... راه كانو غيخرجو على راسهم بجوج بيييهم اقسم .....
قسم : ها ....دابا نتا كتهضر ليا على لاج .. و كون هوما فهاد لاج .. يعني هي عشرينية وهو بقاتلو تلت سنين يطل على الثلاثينات .... واش كنت غتوافق ؟
اياد : وعلاش غانرفض ؟ واش نتي مكنتيش عارفة جود مكانتو عندي ؟ ( تزعزع صوتو ) كان خويا اقسم ... ماشي غير ولد عمي .... ( ضور راسو باش ميفضحوهش عينيه )
قسم : عارفة هادشي كامل .... وضرني الحال بزاف على علاقتكم لي ضااااعت ..... داكشي علاش تمنيتكم لو تصلحو هادشي وترجعو كيف كنتو
اياد : شفتي اقسم هادشي لي وقع ... موناكو لي مشا ليه .. لاكسيدون .... الداكرة لي فقد والله الا كلهم من الخييير .. واش عارفة دوك جوج كون كملو اش كان غايوقع ؟ ( شاف فيها ) انا غانقول ليك .... هادوك الجوج كانت غالبة عليهم المراهقة بجوج بيهم ... كانو كيضنو العلاقة فيها غير الضحك ... ملي حسو بالطرح سخن .. جود هضر مع الواليد ... الخبار وصل للعائلة كاملة وقررو ليهم يتزوجو ملي يساليو قرايتهم ... ياك هادشي لي كان غايوقع ؟؟؟
قسم : اهاه
اياد : ملي غيساليو قرايتهم ويكبرو اقسم .... غيكتاشفو ان لي بيناتهم كان غير مراهقة .... غير تبرهيش .... غيوقفز على المسؤولية دبصح ... ومغيحملوش بعضياتهم .. مغيكملوش ... المشكيل فهادشي كامل .. مغيقدروش يقولوها ... جود مغيبغيش يخسر مع الواليد ... هي مغتبغيش تخسر معاكم و غيصبرو حيت القضية دخلت فيها العائلة .... وغاتولي حياتهم غير مدوزينها على قبل العائلة ... هاشنو كان غاايكوووون .... ( قسم نزلات راسها ) انا مكنهضرش على جود ... راه تا ختي مكتسواش ... تاهي كطييير كتر منو .... ولكن لي ماعجبنيش هاديك اللحظة هو نلقى ولد عمي لي بحال خويا .... فمنظررر مع ختي وداك المنظر كنشوفو مرارا وتكرارا مع بنات خرين ... لي معجبنيش هو نشوف لي قلت عليه خويا كيعامل ليا ختي .. لي وحدة منا ... بطريقة لي كايعامل بيها دوك بنات لل .... حسيتو مدار قيمة لا ليا لا ليها لا لعمو ... لا لعائلة كاملة ......
قسم : عرفت .. ولكن نتا عارفو منبعد ماضاربتو وطرا دلك المشكل ومشيتي .. راه قلب عليك شحال واتصل بيك شحال ... راه كان باغي يعتاذر وعرف غلطو .... ديما كان كيقول لينا غير وصلو ليه راني كنعتذر ليه وختو غنصونها وكنبغيها .... راه غير ماعطيتيهش فرصة .. جود الا مكانش كيبغي دبصح مغيقولهاش فالعلانية .. واش داك البنات لاخرين عمرو جا وقاليك راه كيبغيهم ؟ ( اياد قلب راسو و هي تنهدات ) دابا هاد الهضرة كلها ماعندها فااااش تفيييد ..... كولشي داز وتمحى .. كيف قلتي نتا .... من الخيير
اياد : انا هاد الموضوع مرضيني .. مبقيتش باغي ندوي فيه اقسم ......
قسم : والى تفركها ؟
اياد : الى بغات تعاود نفس العذاب شغلها هاداك ...
قسم : راك كادوي على خويا ااياد .. راه مخايبش لديك الدرجة لي يعدب فبنات الناس ؟ مشا بلا خاطرو .. وحتى دابا الرالي راه حبسو .. وبدا مشروع ذاتي ديالو .... بعيد على الخطر غير على ود عائلتو هو سمح فاحلامو
اياد : بالتوفيق ليه ..... (قسم يلاه جات تهضر قاطعها ) قسم بدلي الموضوع عافاك .....
قسم : واااخا ... واخاا اسي جبران خليييل جبرران ههههه ... ( اياد تبسم جانبيا وهي عنقاتو ) فخبارك توووحشتك
اياد : ( عنقها بيدو تاهو ) تانا توحححشتك ....
قسم : قوليا ... ( شاف فيها ) مزال ماكاين تاوحدة تديك منا ؟
اياد : انا ؟ هههه نتي اخر وحدة عندك الحق تدوي علينا نتزوجو .. راحنا حالفين مانتزوجو تانصيفطوك نت .... شكون الكبيرة ؟
قسم : هااء ؟ شوف نتا قداااش وانا قداااش ؟ دابا انا كبيرة عليك !! ..
اياد : ااه فالعمر ... اما فالحجم راه نولد قدك هههه ( رجع عنقها عندو كايشوفو من الزاج ) نو مزال ....
قسم : ملقيتيش ولا مابغيتيش
اياد : مكنفكرش اساسا ... لا نلقى لا نبغي ...
قسم : وفاش كتفكر ...
اياد : ماعرفتش .... باغي مزال نقرا .. مزال نعرف .. مزال نكتشف .... كنحس بحياتي مزال فارغة .... ماندخلش ليها اسرة دابا وانا الخدمة مزال مامستقرش فيها
قسم : هاء ؟ ياك راك فالادارة
اياد : مامرتاحش اقسم .. راحنا دايرين غير الخاطر للواليد .... مكنرتاحش فداك الخدمة
قسم : كلنا غير دايرين الخاطر اولد عمي ههه وريني شي واحد فالاسماعيلي دار اش بغا هههه
اياد : وايييه .... ( شاف فيها ) ونتي ....
قسم : انا شنو ؟
اياد : غتبقاي معششة لينا هنا
قسم : هههه مالكم كاملين باغين تصدروني
اياد : بغينا شي نسيب نضوروه وسطنا نحگرو عليه شوية هه
قسم : ياك ؟ نجيب ليكم انا راجلي تحكرو عليه ..
اياد : كاين !
قسم بعدات عليه بدون ماتجاوب شافت غير فالزاج وبالها كامل كيف العادة مشا لاصيل .. الوحيييد لي دخل لحياتها والوحيد لي كاين فدماغها .. الوحيييد لي شاغل ليها بالها ومالقات ليه طريق ... مكاينش من غيرو ... وهي تسمع اياد
قسم : سميتو .... أصيل
اياد : ( تبسم ) اهاه
قسم : ( ضارت شافت فيه ) غير جمع ضحكتك راه مابيناتنا والو ( رجعات شافت قدامها ) وكنضن عمر تكون
اياد : علاش !!
قسم : تقدر تقول .. شادة فيه غير انا ...
اياد : مافهمتش .. قولي ليا بعدا ... شكون هو .... ولد من ؟ فاش خدام
قسم : ( بضحكة جانبية) اصيل .. ولد الحومة ... وخدام فالبحر .. صياد ....
اياد : ( علا حاجبو باستغراب ) نعاام !!!
قسم : ( شافت فيه ) ها علاش قلت ليك عمرنا نكونو مع بعضياتنا
اياد : فين تعرفتي عليه !!
قسم : قصة طوييييييلة .. ونكدب عليك ؟ مباغاش نهضر فهادشي ..
ايتد : مممم فهمت .... ( خربق ليها فشعرها ) ملي تبغي تهضري .. نت عارفاني ديما موجود
قسم : عااارفة ....
اياد : ( جرها من يدها ) اجي نخرجو ....( تنهد ) نتي مبغيتيش ديري حل كون تزوجتي بيا كون سالينا هادشي كااااامل ..
قسم : ( لوات يديها فدراعو غادين لجردة ) صافي .... مواقفة ... غدا جي خطبني
اياد : ( شاف ليديها ) اري نشوف قياس صبعك نقاد الخاتم على قياسو
قسم : بلاش بلاش سمحت ليك فالخاتم .. جيب غا العدول .... باغا غانعرف هاد الزواج كيداير
اياد : هانتي كاينة فكرة زوينة تزوجي نت لولا ... دوزي واحد الشهر ردي علينت .. لاكان هاد الزواج مسلك قوليها لينا نتبعوك .... مكانش مسلك خلينا ديال راسنا ... ( هبط راسو عندها بابتسامة أخادة ) اوكي ماي وايف
قسم : هههه اوووكي هاااازبند هههه
الحضور تقريبا الكل وصلو .. الساعة بدات تدير العشرة .... حياة و لامار وسارة كانو جالسين فواحد الجلسية مع بعض النساء واريج ورتاج وجنان باقين واقفين للترحيب .... قسم مشات سلمات على واحد السيدة من معارفهم و اياد واقف حدا زياد وبنتو ومعاهم صديق ديونس وولدو...
الساعة بدات كتشير للحداش ...
نزلات ماجدة تاهي فكامل اناقتها بماكياج مثيير وشعر مجموع للوراء معري على اقراطها ... دورات عينيها على الحضور .... اغلب البنات لي تما كتعرفهم لان ثانويتهم كانت نفسها ... كاع هاد الشباب قراو فنفس الثانوية لي قراو فيها الاسماعليين وبقات بيناتهم المعرفة .. لان بعد الباك كل واحد فين كمل ... واغلبهم كملو فالخارج من غير قدس وماجدة .... ميقات فيهم ماعندها كانة تهضر معاهم وهي كتقلب بعينيها غير عليه .... بان ليها مكاينش ومشات جيهة الباركينغ تشوف واش طموبيلتو كاينة ..... نزلات قدس جارة الكرسي د اية لي تاهوما أنيقات لكن محافضين على البساطة كانها شي حفلة فالشاطئ فقط .... حتى من المكياج كان هادئ و تسريحة شعر عادية .... اياد غير شافهم مشا هز اية بالكرسي ديالها لانه كاينين الدروج .. ونزلات قدس تاهي كتشوف مع الارجاء وتبسمات لدوك البنات لي كيعرفوها و الصحافة كل مانزل واحد فيهم كايخدو ليهم الصور لاطلالاتهم ... بانت ليها ختها مشات من حدا دوك الناس و مشات وقفات حداها فالطاوولة ... وبدات ضور عينيها على الارجاء كتقلب لعينيها وتمشط فشعرها المطلوق على صدرها ... تاسمعات قسم
قسم : مالكي كتقلبي على شي حد
قدس : ( جمعات راسها وقادات وقفاتها ) لا ! كانشوف غير شكون جا
قسم : كي وقع ليك مامشيتيش عند صحاباتك
قدس : طلعو ليا فراسي .. وزايدون ماشي صحاباتي .. عزيزة عليا غير رانيا ومكايناش هنايا
قسم : علاش ماجاتش
قدس : مسافرة .... مشات لايطايا دوز العطلة ... خلاها باباها تسافر بوحدها ماشي بحالي
قسم : منيتك اقدس .. و امتى بابا خلانا نسافرو بوحدنا ....
قدس : علاش نت كيخليك
قسم : ياربي هاد الموضوع غايطيبنا معاك .. خلاني حتى كبرت ... وكيخلني غير ملي كتكون الخدمة عمرك شفتيه خلاني نمشي نتسارا ؟
قدس: حيت نت عمرك طلبتيها اصلا .. طلبيها يبغي
قسم : ااااه مكنعرفش بابا .. غيقولك بغيتي تسافري نمشيو كاملين ....
قدس : دابا انا غنبقى نتسنى تانولي قدك عاد نعيش حياتي ؟ صافي داك ساع غيكون فاتني كولشي
قسم : اش فاتك ؟ هه ! قدس على كيفاش كنبان ليك ؟ فاتتني شي حاجة ؟ مالي معايشاش حياتي
قدس : دابا هادي حياة لي عايشاها نت ؟
قسم : ( داز حداها ناذل وهي تهز عليه عصير فراولة حطاتو حداها ) شربي شررربي ... من الاحسن شغلي فمك بالعصير ... حسن ماتهضري والله ....
قدس : ( خدات كاسها شربات منو وبقات تشوف للناس شحال ورجعات طلعات راسها فيها وتبسمات بشقاوة ) تقلقتي ؟
قسم : علاش غنتقلق
قدس : ( كتشرب من عصيرها وتضحك ) حيييت قتليييك شااارفة
قسم : شارفة هي نت .... رراه عندي غير تمنية وعشرين عااام ...
قظس : وغاديري تسعووود وعشرين سيمانة جاية ههههه .... وموراها تلااتيين وواحد تلاتييين وغيبان فيك الشيب هههه ( حطات كاسها وعنقات يديها حطات راسها على دراع قسم ) ولكن غاتبقاي ديما زويينينة وصغيييرة ..... غير كنضحك معاك الهبيلة
قسم : ممممم صبغيني ...( شربات من كاسها تاهي وبعد مدة نطقات ) واش بصح كبرت اقدس ....
قدس : ( شافت فيها ) اويييلي كتدي عليا راااني غير كنضحك صافاپااا ؟
قسم : ودابا انا غير سولتك
قدس : افكوورس نو .. باقاااا صغيييرة واش حماقيتي .... انا ملي قلت هاكاك قصدت زعما الا وصلت قدك خاصني صافي نهز مسؤولية ونكبر .. انا باغا مزال نعيش الحماق ونلعب ونضضحك .... فهمتي اش كنقصد ؟ السن ديالك صافي خاصك تزووجي .. والزواج كتنتهي الحياااااة .... ماعشتيهاش كاع اقسم ؟ انا بغيييت نعيشها اختي
قسم : الحياة مفيهاش غير المصاحبة والعلاقات اقدس .. فيها بزاف دالحوايج ... العائلة رافضة ليك غير العلاقات البايخة ما رافضة ليك والو ...
قدس : شنو هوما هاد الحوايج ؟؟؟ كولشي عندنا .. انا بغيت اختي نعيييش الححب نعيش الرومانسييية .. نضحك مع هدا وهداااك
قسم : اهاه ؟ وغتبقاي غير نتي لي كضحكي .. متخافيش هما لي غيضحكو عليك
قدس : مالنا واكلين ضبع ...
قسم : سكتي ازهوانية سكتي يسمعك شي حد .... را كاع داكشي لي غدوزيه مغايبانش قدام نهار تزوجي بشي واحد لي شخص صحيح فحياتك ....عاد غتعيشي الحب دبصح ... الحب لي بعقلو .. ولي تكوني متأكدة منو ماشي داك الحب لي مخلوعة منو ... عنداك يكون غير كيضحك عنداك منكملوش .. بزاف الاسئلة ..
قدس : لا لا زواج ماشي دابا .. نتزوج دابا نموت هههه زواج راه ححححبس اصاحبتي تخيلي تفيقي غير على واحد كل نهار .. كمارتو غير هو .. مايمكنليك تشوفي فحتى واحد اخر .... والدنيا عاااااااامرة ولاد زوينين ونتي خاصك غا داك بنادم تشوفي فيه ... يلبسك على دوقو تاكلي على دوقو .... ناااااري العذاااب .....
قسم : هه !!! نت مابالياش فيك نت
قدس : نتزوج ماشي منتزوجش اي وحدة راه غتبغي اسرة وولاد .. ولكن راه مانصبر على بنادم واحد حتى نشبع لوخرييييين
قسم : منقدرش نتقبل هاد التفكير انا .. كيعيفني
قدس : داكشي علاش انا وياك مكنتفاهموووووش
قسم : ( شربات من كاسها ) يمكن ....
آية لقات بعض من صديقاتها لي كيقراو معاها وجلسات معاهم ....عاد بدات تهضر وتدردش ملي لقات شوية من معارفها لي كيتشاركو مواضيع كتهمهم وكان اغلبهم ستيلاتهم بحالها ... انيقات و واضح عليهم دكيااااات .. مواضعينش مكايج فقط مكتافين بكسيوات كيووت و البعض لابسين نظارات طبية ...
اما فالخارج وصلات طموبيل لوؤي لي نازل مسخسخ بسبب النهار كامل دالخدمة فالمتحف .. داز للدار دوش وبدل كان بطلة انييييقة سروال دجين و تيشورت بيضة وسبادرين راد شعرو كولو لور كل ماطاح ليه على جبهتو كيرجعو تاني بيديه .. جبد من الكوفر واحد صاك كبير كان عبارة على لباس ركوب الخيل موقع من طرف واحد من ابطال هاد الرياضة ولي بيلسان فان ديالو ...... عطاه للي مكلف باش يحطوه فبيتها يلاه داخل وهي تباركي من موراه طموبيل جود وراكب حداه سلطان ...ورجع وقف متكي على الجيب ديالو تسناهم حتى وصلو ... ونزل سلطان تاهو بطلتو الانيقة .. سروال ابيض و شوميز زرقة .... عطا الكيتار لي شرا ليها للمكلف و هز من تما واحد صاك صغير كان مشا هو وجود لفين عندهم المجهورات ختارو ليها ساعة ببغاسلي ديالها سيني بسميتها ... عطاهم للمساعد وسلطان تقدم عند لوؤي سلم عليه
سلطان : اغبرتي ليوم اصاحبي
لوؤي : قلت مغنلقاكش ... مسافرتيش ؟
سلطان : شوية و نشد طريق
لوؤي : ( كيشوف لجود لي هاضر فتيليفون ) مغينزلش
سلطان : مزال داوي .. يلاه تايلحق علييينا
لوؤي : ( تمشاو داخلين ) منعرف معامن شادها ثاني
سلطان : شي روسية ولا منعرف
دخلو لوؤي وسلطان .. سلطان غير داخل هما يهجمو عليه عاشقات كرة القدم بسيلفيااات .. والصحافة كتصور من بعيد كيضربو فملامحهم الفلاشات اما لوؤي كان واضح علامن كيقلب .... غير بانت ليه واقفة حدا قسم هو يمشي لعندهم سلم عليهم ووقف حداهم اما سلطان طوقوه بيناتهم بسيلفيات ... ولوؤي شد على الناذلة مشروب ديالو وشاف عند قسم حك فوق حاجبو ونطق
لوؤي : بغاك جود يمكن ... سمعتو قبيلة كيسول عليك .... ( قدس طرطقات عينيها )
قسم : بصح فين هو
لوؤي : فالباركينغ ....
قسم : هانا نمشي نشوفو ....
لوؤي غير مشات قسم قرب عند قدس ... هي فهمات اش دار يالاه بغات تمشي هربانة هو يشدها من تحت الطبلة من يديها
لوؤي: وقفي ... فين غاااديا
قدس : مكيقلبش عليييها .. نتا غير صدرتيها
لوؤي : ( عوج معاها راسو وكيطلع فيها ويهبط فداك الكسوة لي حد ركابيها ) كون غا زدتي طلعتيها شوية لفوق .. ناااااازلة بزاف
قدس : ( شافت فيه ) والله مااازال ما عارفة باشمن صفة كدخل ليا هاكا فحوايجي
لوؤي : ( كيشرب من كاسو ويضور عينيه على الحضور ) ولد عمك
قدس : راه عندي عرام دولاد عمامي اخرين .. راه غا نتا لي كتدخل
لوؤي : كلنا ولاد عمامك .. ولكن انا ( نزل راسها لعندو وقالها بالحس وضحيكة جداااابة ) بوحدي هنا لي كانغيير عليك ....
قدس غير سمعات اش قال تبورشات لحمها كلها وسرطات ريقها وقلبات راسها دغيا وشربات من كاسها تابدات تكح العصير وحل ليها
لوؤي : هه .... عنداك تجيفي لينا هنايا باقين محتاجينك هههه ( مد ليها كلينيكس )
قدس : ( شدات عليه كتمسح فمها) بعد مني غير نتا ومغيوقع ليا والو ..
لوؤي : ( شاف فرتاج لي كانت كتشوف فيهم مراقباهم غير هو شاف فيها هي تقلب عينيها ) واحد االواليدة شفتها حاااااطة علينا .. اشنو ... نفركعو هادشي !
قدس : ( حلات فمها بالخلعة ) وااااش حماااااقتي رااااه نققققتلك ... عرررفتي الا مشيتي تاگلتي شي حاجة
لوؤي: علاش ! راه غانگول غانگول واحد نهار ....
قدس : وعلااااش ؟ واش انا عاطياك شي فو فيغ !
لوؤي : ( عض على شفتو ) فففففف ماعنديش دابا كيندير ليك خساااارة كاينين الناس .. ما انا غاانوريك الفو فيغ غين كتعطيه ليا ....
قدس: نتا رااااك ضسرتي ...
لوؤي : وااارربيني هههه
قلبات راسها كتأفف ... فلخر بانو ليها شي بنات كيعيطو ليها وهي تجيها من الجنة والناس وهربات لعندهم وهو بقى كيضحك ..... تانضم ليه سلطان ومشاو بجوج بيهم لطبلة اياد وزياد ....
قسم تمشات بشوية باتجاه الباركينغ وكل مرة شكون يوقفها تسلم عليه وتعطيه صوابو وتسلت منو تاني ويشدها واحد خور .....
اما جود كان فطموبيل سالا لابيل ديالو و كيشوف تصاور ديال الدار لي خدات فاوكرانيا و كتسيفط ليه أنه يدوزو فيها واحد الويكاند .. رجل فطموبيل ورجل على برا باغي ينزل وكيتسنى تصاور يساليو و ڤوكالاتها ووكايتأفف .. ديما خاصو يلقى شي حاجة متعجبوش فشي وحدة .. من ناحية الشكل والجنس لقى فيها كولشي ولاكن الهضرة بزااااف تاني ماحملهاش وملي كيلقاها سكوتية شوية مكتعجبوش شكلا ... وهو غادي من هادي لهاديك .... باقين عينيه على التيليفون تاسمع شي طالون جاي باتجاهو و بارفان دالنساء ضربو لنيفو .... وطلع عينو هي تبان ليه ماجدة جايا و ضاحكة بكسوتها القصيرة و لي فيها فتحات مع الجناب وفخادها كلهم مكشوووفييييين .. بلا سابق انذار دخلات معاه فالطموبيل وعلات الفولون للفوق و كلسات على رجليه معنقاه وهو كيشوف معاها معلي حاجبو ..
بلا ماتعطيه فرصة فين يهضر نزلت على شفاهو بقبلة خفيفة لانه مامجاوبش معاه ... فقط رامقها بنظرة حادة ... وبقات كتشوف فيه ودوز لسانها على شفايفها ...
ماجدة : تووووحشتك ......
قسم ماقالت حتى تفكات من الناس و وصلات للباركينغ ... يلاه كتقلب على طموبيلتو وهي تشوفها شاعلة الضو ... زادت بشوية باتجاهها تابدا يبان ليها المنظر !!!!!!!! ماجدة كالسة على رجليييه و باستو بداك طريقة !!!!! كتشوف فيهم من زاج دطموبيل لي فارقاهم . .. وبدات كتمشى بشوووية وقلبها كااايضرررب بجهد من هاد المنظر لي عمرها تووقعاتو ؟؟؟؟؟ و بدات تشوف فيهم من بين الطموبيلات وتحاول تسمع اش كيقولو حتى تسربات لودنيها عبارة توحشتك لي اكدات ليها ان هادو فشي علاقة .....
ماجدة : ( معنقاه بيد من عنقو واليد الاخرى كتلعب فشعررو ) علاش مكتسووولش فيا ... ومكتجاوبنيييش
جود : ( تنهد وقال ببرود ) نزلي
ماجدة : مغااانزلش ... ماتبقاش ديما بحال هاكا كتقمع فيا .... حاول تعطيني فرصة غير نهار مالك ؟ فين غادي تلقى لي تهز هبالك بحالي .. ولي تفهمك بحالي ....
جود : ( هز يدو حيد ليها يديها من عنقو ) غتنزلي ولا انا لي غنلوحك .....
ماحدة : جوووود ... فخبارك راك كترفض اكتر وحدة كتبغيك فهاد الدنيا
جود : ( مزال محافض على برودو ) دابا غاااااتنزلي ولا لا ....
ماجدة تنهدات يلاه غتهضر تاكان وقف ولاحها تاجات فالارض و قسم تخطفات من داك طيحة لي داااارت وهو نزل من طموبيل وسد لباب لتخها بجهد بعصبية وهي شادة على ركبتها لي تجرحات ليها .... ورجعات طلعات راسها فيه
ماجدة : حشوووومة عليك والله ... فاش آذيتك انا ؟
جود نزل عندها جالس حط يدو على ركابيه المثنين كيشوف فيها
جود : واش ماباغااش تفهمي .. واش ماباغاش دخلي لدماااااغك انا ونتي راه مابيناتنا والو ؟ ... واش هادي صعيية تفهميها ؟ كيفاش هاد فاش آديتك ! راه هادشي لي كديري ببحد داتوو فااارع ليا كري ... راه متاقي فيك الله على وجه واليييديك والعائلة لي جامعانا نت عارفاني كون مكانتش العائلة كان غيكون تصرف اخر ... الا باقي شاد راسي معاك راه على ود ماماك ... تا نتي ديري بوجها وبوجه باك ونوضي تكعدي من هنا وعطييني انا شبر دااالتيساااع .... ( طلعها وهبطها وهي عينيها دايزين بدموع ) راه كتبقاااي فيا يا هاد البنت ... نوضي جمعي راسك شوية ....
رجع تاني وقف جا ماشي وهي توقف ومسحات دموعها وشافت فيه
ماجدة : علاااش ؟ علاااش هادشي كامل ... حيت انا ماشي بنت الاسماااعيلي هم ؟؟؟؟؟؟؟
جود : ( ضار شاف فيها ) وهانتي كنت بنت الاسماعيلي ؟ شنو كان غايتبدل ؟
ماجدة : مكنتيش غتعاملني هاكا
جود : ... وعرفتي علاش !
ماجدة : علاش ؟
جود : حيت بنات الاسماعيلي .. عاطين قيمة لراسهم .... واخا تكون كنتييك الاسماعيلي ودرتي معايا بحال هاكا راه غنشطب بيك الارض .. مبقاتش فكنيتك شكون ... بقات ف نتي شكون ....
ماجدة : ( شافت مدة فالارض وطلعات راسها ) علاش مباغيش تعطيني فرصة
جود رجع ضار عندها كامل وماشي بجهيتها وهي خلعها بدات كترجع بلور
جود : بحالاش هاد الفرررصة ؟ هممم !!!!!!
ماجدة : غ غير فرصة .... ك كي .. كيف عاطيها لوخرين لي تايكونو معاك
جود : باغا تولي وحدة من القحبات ديالي ؟ ( قسم طرطقات عينيها وماجدة غير ساكتة) منبغيييهاش ليك .... على وجهك والديك .... راه منبغيهاش ليك داكشي باش متاقي فيك الله .. تلاقيتي معايا داك نهار سكرااااان .... وندمت ... سيري فوووتيني علييك الله يرحم باك ...هاد المرة راه هضرت معاك بالعقل .. المرة الجاية حححق الرررررب تانصيفطك للسبيطاااار .... وبقااااي تقلبي عليااااا .....
خلاها وزاد مشا وماجدة بقات متبعاه بعينيها وبدات تبكي فلخر دخلات لدار كتجري من الباب الخلفية ... وقسم وقفات حيت كانت محنية بين طموبيلات وبدات متبعاها وهي شادة على قلبها من هادشي لي سمعات !!! هادشي لي مابغاااااش كاع يدخل لدماغهاااا بمرة ...... وزادت تمشات وملامح الغضب واضحييين فعينيها تاوصلات عليه هو لي كان داخل لجردة
قسم : جوووود ....
جود ضار عندها براسو وعلا حاجبو
جود : قسسسوم !!!! ( شافها معصبة وواضح اللون مخطوف فيها ) واتس رونغ ( مالكي )
قسم زادت عندو بزربة وقفات حداه وملامح الغضب واااضضضحين وعينيها حمرين وهو علا عينو شاف لباركينغ تفكر اش ضار تما ورجع تنهد عرف البلان اش غيكون فيه وشاف فيها ماحاملش راسو ومحرج قدامها
جود : غييييير تخربيق اقسم والله .. ماتعمريش راسك
قسم : اش هادشي اجوود .... ( بغضب كتر ) اش هااادشي
جود : ررراه تانا محاملش هادشي .... اش غندير لييييها
قسم : مايمكنش تجي البنت وتلاح عليك غير هاكاك ... عطييييييتيها فرصة
جود : عمرني عطيتها شي فرصة ملي كنا صغار وانا كنشوفها بنت الفاميلة هي لي فيها لاڤونص .. تلاقات معايا سكران اش غندير ليها
قسم : ( كضور راسها ) واش عارف راسك اش درررتي ... واش عااارف هادشي الا وصل لبابا ولا لواليديها ؟
جود : انا مالي انا ؟؟؟؟ واش غير انا لي كاين سيري قلبي فحياتها شحال من واحد من غيري .... جات فالطريق و كنت سكراااان .. وحتا الا بغات دوي شومبر دلوطيييل عندي كلها كاميييرات راها باينة للعمى هي لي تلاحت انا ماجبت جد .... وكنت سكراان هي سطاااش وهادي ثلت سنييين وانا كنإيڤيطيها ... ثلت سنين على وجه داك لفاميلة ديالها .. اش بغيتي كتر ...
قسم : ( كترد شعرها لور ) هادشي لي درتي ررراه مكيدخلش لعقل .. واخا سكرااان مكانش علييييك .. راه ماجدة هادي بنت عمتنا .. واش حماقيتي
جود : ( بحدة ) واش انا جبتها بزز ؟ واش اغتصبتها انا ؟؟؟؟ واش انا لي تابعها .... تانقول ليك ثلت سنييييين و هي فارعة لياااا راسي .. سيري هضرتي معاها هي تقود عليا انا مالي ....
قسم : ( بغضب ) مكانش عليييك تعطيها فررررصة من لوووول
جود : قلنا لييييك كنت سكرااان ....
قسم : ( كتمشي ونجي ) مووووصيبة كحلة دابا
جود : علاش ؟ الا عندها الوجه تمشي تهضر .. انا مخايف من والو حيت ما داير والو .. غتقوليلي ديفيغجيتها ؟ ( قسم تزنكاااات ملي طير البلاكة ) ماديفيغجيتهاش السييدة بوراااقها انا علاش ؟ شغلها هاداك يتحاسبو مع بنتهم .....
خلاها ومشا دخل وقسم بقات متبعاه وكتشوف .... كتفكر هضرتها دقبيلة وقلبها كيطلع واش كاين فعلا شي وحدة فهاد الدرجة دالدل ؟ من لول مكترتاحش لماجدة .. ولكن ماشي لدرجة تشوفها مع خوها فهاد الحالة ؟ ماقدارش تلوم جود حيت شافتو كيتفداها .. فنفس الوقت مقدراتش تبرأو حيت عطاها فرصة ..... باقا مدوخة ومشغولة فالتفكير وهي تسمع التصفييييقات ... كانت بيلي لي خارجة من باب الدار والصحافة كتصور وهي واقفة ... قسم تنهدات وشافت لفوق وبدات تنش على راسها تبان طبيعية من بعد هاد الصدمة وحاولات تتبسم وزادت للجردة كتصفق كتشوف فيها
كانت بلاغوب ديالها لي باللون الذهبي .. بسميطات رقاق فوق كتاف وصدر شوية محلول لان صدرها صغييير ومكتبانش معيقة ... كانت طويييلة لكن فيها فتحة فالوسط لي بينات رجليها الطوال وصندال ذهبية مع اكسسوارات خفاف وشعرها مبلاكي طويل پلا ودايراه مور وذنيها معرية على اقراطها .... ماكياجها كيناسب بشرتها وملامحها الشقراء .. عكر احمر و ايلاينر فرنسي ... وهايلايت زاد نور وجهها .... جات كتبان تماما بحال شي ممثلة او عارضة على سجاد هوليود .... ولي مكيعرفهاش بنت الاسماعيلي مستحيل يقول عليها عربية بسبب ملامحها الشقراء وعينيها الزرقين الفااااتحين ... و واقفة كتحييهم غير بيديها وهما كياخدو ليها الصور واريج كتصفق تاهي فرحانة وفخورة ببنتها وزادت هزات كسوتها ونزلات مشات لاستديو فين غادي دير الشوتينغ وتبعاتها اريج ..وجنان .. و وبدات المجلة كتاخد ليهم الصور وكيديرو معاهم المقابلة اما الاخرين انغمسو فحفلتهم على ما يساليو الشوتينغ ..... قسم جات لطاولة بوحدها ووقفات حاسة براسها محتاجة وقت تستوعب هادشي بوحدها ... اما هو بحالا ماطرا والو كاع مامسوقش حيت عارف راسو مداير والو واقف فطاولة لوؤي وسلطان وزياد واياد ... اياد غير شافو دخل خوا ليهم الطبلة ومشا لقنت اخر وجود مرادش ليه البال كاع ديما من طبعو مكيتسوق لتاحد ... وما كيرد لبال لحد ... شاد تيليفونو و مشروبو ملهي معاه وهما كيهضرو كيجاوبهم غير ب اممممم كيتسنى هادشي يسالي يمشي بحالو ... اغلب حديثهم كان غير على ماتش سلطان المصيري و انتقالو من النوادي الاوروبية للنوادي الانجليزية .....
قدس غير شافت ختها جات تفكات من داك البنات لي وقفات معاهم بزز غير باش ميجيش عندها لوؤي معارفاش الى عول عليها غيحيدها من وسطهم .... ومشات وقفات حدا ختها ... اما قسم كانت غييير ساااااهية ومكايناش فداك العاااالم .... وهي تصفر حداها قدس وشافت فيها
قدس : افين مشيتي
قسم : ( تنهدات ) غير هنا .....
قدس : بغيت نشطح
قسم : شكون حيد بيك ....
قدس : معامن ! تاحد ماعجبني هنا
قسم : لا غي فكري شطحي مع شي واحد وخوك موراك ...
قدس : ( ضارت براسها بان ليها واقف ) امتى جا ....
قسم : قدس .... ( تكات على الطبلة و نزلات راسها عندها حيت قصيرة عليها ) نتي كتعرفي ماجدة مزيااااان ... عمرها عاودات ليك واش عندها شي حد فحياتها
قدس : لا ! ماجدة كتر مني عزيز عليها التنويع ... علاش ؟؟؟
قسم : كيفاش هاد كتر منك !!!! على نتي بحالها
قدس : كيفاش بحالها ؟
قسم : هاف يو ايفر هاد سيكس !!!!!!! ( واش فايت مارستي السيكس من قبل !! )
قدس : واااات !!!! لاااا ..... طبعااا لا ماشي لداك الدرجة .. علاش هي فايتة نننن !!!!! لااااااا
قسم : وراك مكتعرفيهاش على هاد الحساب
قدس : ( صغرات فيها عينيها ) اشنو تماااا
قسم : ( رجعات كاتشوف قدامها ) واالو . . غير سمعتها كتدوي مع شي واحد فتيليفون ... واضح فايتة نعسات معاه . .. ( شافت فيها ) بقاي تعطيها التيقار متصلاحش ليك .. عنداك تمشي تجرك لشي حاجة و لا تعاديك بعقليتها .....
قدس : اش غتجرني حماقيتي ؟ نت عارفاني عزيز عليا غير نضحك ونشط داكشي راه منعرفش حتى منين نبداه وقاتلني غير الخوووف ... ماتوصلش بينا لداك الدرجة حماقيتي
قسم : نتى عارفة اقدس عقليتي كيدايرة .. منقدرش ندخل فحياتك لاكان دخل ليها شي واحد موفق شغلك هذاك ... عارفاني ماتقليدياش فعقلي وماعنديش ديك الافكار ديال نتزوج عاد نعس ... ولكن ماشي معاااامن ماكان وفهاد لاج ديالك...... ملي تكبري ويدخل راجل موفق لحياتك وتكون بيناتكم علاقة رسمية و ترتاحي ليه خودي راحتك ... راه العذرية ماشي دوك القطاري ددم ... لاكان واحد وصلتي معاه للبوسان غير كملي .... ولكن مااااشي دااابا ... كنحاول نقوليك هادشي دابا باش تفهمي ومتأثر عليك تاشي وحدة بشي هضرة تمشي تنعسي مع شي وحد مكنعرفوهش ... ولا شي نزوة عابرة تمشب تستسلمي ليها وتخلي اي واحد يقيسك ... جسدنا تخلق لواحد ماشي لعشرة ....
قدس : اويلي حماااقيتي راه واخا نكونو كنعرفوه بابا يعقلني ....
قسم : بيااان سيغ حييت باقا صغيرة وماشي دالمسؤووولية
قدس : هاء دابا نت مثلا فهاد لاج ... تقدري تمارسي مع شي حد ونتوما مامزوجينش ؟
قسم : اه ! ماعنديش مشكل ... ولكن واحد ماشي عشرين ... وداك الواحد تانكون متأكدة منو بلي غنكمل معاه حياتي .... الى كنت غنوصل معاه انني نبوسو .. اش بقا ؟ جوج قطاري ديال الدم مكيعنيوش العذرية بالنسبة ليا انا ... العذرية كنفقدها نهار كنبوسو اقدس .. ماحدي مزاالا مقاصني تاشي واحد لا فيدي لا فحتى حاجة .... عاد كنقول على راسي عذراء .. اما لا وصل انه باسني .. راه ما بقى والو ......
قدس : لا لا لا ... هاديك عقليتك ... أنا رباتني جدة ... كنعرف داك حوج قطاري ددم لي كتقولي ماينزلو تانسني على لاكط ماغياج ... انا اختي مسلمة ...
قسم : انا يهودية ؟ كاع مسلمين .. ولكن واش الاسلام حلل ليك تنفردي بشي واحد !
قدس : لا
قسم : دونك انا وياك نفس شي .. كيف تنفادري بيه كيف تمارسي معاه ....
قدس : لا ماعندهاش حلاوة .. حتى نتزوج
قسم : مهم هادشي راه كيبقى غير اختلاف عقليات كيصبو فواد واحد ...مهم الفكرة راه وصلاتك .... تنعسي مع هادا وهاك وديفيغجاي على يد من والا .... اطووونسيون
قدس : دابا سمعتيني باغا نعيش حياتي حسابتك راه غااانعطي زكي ؟؟؟؟؟
قسم : مننعرف !
قدس : مكانش كيسحابلي گاورية فعقلك .. صدقت انا لي عروبية هنايا ... وتايقولك قسم الرزينة
قسم : علاش اش باليك كندير ؟ اه تانا فييغج بحالي بحااالك ... ولكن وانا فهاد لاج هذا ونلقى لي نرتاح ليه ونسلم ليه راسي بلا منندم ويكون بخبااارر عائلتي وعلاقتي بيه رسمية ... وهرست معاه قوانين عذريتي لي هوما يقيس فيدي ولا يبوووسني .... ماعنديش مشكل فشي لاخور ! وااااحد ماشي عشرة ... هاد الهضرة قلتها ليك غير باش متغركش داك السيدة تمشي ديري شي مصيبة فراسك مع شي حد ونت فهاد لاج .....
قدس : لا لا اختي انا عزيز عليا نضحك ونشط ونهضر و نطيح فيا هادوك لي مكيطيحو فتاشي حد نلعب بيهم سيمانة ونلوحهم ... داكشي ديالك انا منعرفش ليه .. انا بالزواج وشوف تشوف اختي
قسم : لاڤي سيكسيال اقدس معندهاش قوانين .. وبنسبة ليا كاضيع حلاوتها نهار كايتحدد ليها موعد ... العلاقة الجنسية ماعندهاش موعد .. مكنقولش هادشي حلال ... ولكن الا كنت غتسمحي ليه انو يبوسك .. راه مابقات عندك عذرية .... تتحرك فيك غريزتك بحال مارستي معاه بجوج كايحتاجو دوش .... والرجل لي غيشوف ليا العذرية ديالي فغشاء البكارة ما عندي مندير بيه حيت بالنسبة ليا عذررتي فقدتها نهار سمحت لييه يقيسني ....
قدس : وعلى هاد الحساب سيري ديه كاوري المجتمع ديالنا من خوتك وولاد عمامك وجبد ... كيعرفو داك الغشا ....
قسم : نت عارفاني داك المجمتع مامعتارفاش بيه ...المجتمع لي يحلل للمراة تتباس و تمارس من الخلف و وتمارس من براا وماتخلي مادير وتبقى كتسمى عذراء راه مجتمع منااافق !!!!!
قدس : ماشي قضية هادشي ولكن لنفترض حنا كاع هاهي مارسات هاد البنت ... والا حملات !
قسم : اولا البنت راه تقدر تحمل غير من برا .. وتانيا هادشي علاش هاضرة معاك انا اصلا ... ماخاسش تنعسي مع واحد من طرف ... الشخص لي غتعطي ليه راسك خاصك تكوني متأكدة انه قد المسؤولية ....
قدس : وباش غنعرف انا واش قد المسؤولية
قسم : هادشي علاش قلت ليك هاد لاج ديالك ماشي دهادشي .... العمر ديالك مكيسحمش تميزي بين الرجال .... حتى تشربي شوية عقلك ...
قدس : الالة الى غنشرب عقلي ونخليه ينعس معايا بلا زواج غاسيري تزمري نتي وهاد العقل ( شربات من كاسها ) اختي انا بنت ررررقية كتوصيني نحضي تقابياااا
قسم : مكتوصيكش تحضي حتى شفايفك لا !
قدس : ( شافت فيها بزربة ولات كتخاف من كولشي ) اشمن شفااااايف
قسم : غييير قلت .... حيت انا لاتعطانتي فرصة جداتك انني نربيك ونوصيك راه غنوصيك متعطيش تايديك لشي حد يقيسها ....
قدس : سيري بعدي مني .... السيكس قالك يسمعنا بابا يعقلنا ... ( شافت فيها ) اجي بعدا .. علاش جبدتي هادشي كامل وجاتك ماجدة لبال ! امتى وليتي كتسوقي ليها معامن تصاحبت ولا معامن نعسات
قسم : جابتها الهضرة سولتك ...
قدس : ناري عرفتي انا وياك ... واخا تنطبق السما على الارض عمرنا نتفااااااهمو ... فرق كببييير فالعقليات .....
قسم : اوا ربي خلق وفوق .. مكيهمش واش نتافهمو ولا منتفاهموش .. لي كيهم هو حنا خواتات ... وتاتبغيني وتنبغيك .....
قدس : اه متصوريش شحال كنبغيك لدرجة نهار نسمعك مع شي واحد غنمشي نوصلها سخونة لبابا نقوليه نعسات معاه
قسم : علاش عمرك قتليها ليه من قبل
قدس : حييت عمرني مسمعتك مع شي حد
قسم :وهادي هي لي كيقولو ليها بنت فيغج .... ونهار نولي مع شي واحد بلا متحتاجي تقوليها لبابا حيت غتكون فخبارو
قدس : اه دابا نتي بحال هاداك لي عاش حياتو كلها كيشوف مزيان ... ونهار يبغي شي حد يتعمى كاع !!!!!
قسم : الا كان كيستاهل نتعمى على قبلو علاش منتعماش !! انا هاكا ... الا بغيت واحد غنبغيه حياتي كاملة
قدس : والا ماصدقش .....
قسم : مغنبغيهش من الاساس هاداك لي فيه الدغل . وهاديك لي نكون معاه فعلاقة ونا رادة لبال لايصدق ولا مايصدقش راه ماشي علاقة هاااديك .... الا مكنتش قريت فعينيه الصفا .. وقريت فعينيه الصدق ... وشفت معاه مستقبلي مسسسسرحة طريقو وماعندناش مشكل .... غنمشي معاه بعيني مغمضين
قدس : والا مات
قسم : نعيش على ذكرياتو حياتي كاملة
قدس : ناري اختي حياتك شحال رمادية
قسم : خلييييت ليك الالوان ... بغيت غالون واحد انا .... واخا يكون رمادي مكيهمنيش
بقاو ساكتين ملي سالا حديثهم غير مضورين عينيهم على الحضور لي كان اغلبهم كيرقصو و الموسيقى مطلوقة من المنصة .. اما وسيم كان حدا الميني بار شاد تيليفونو وغير كيشوف من بعيد كيتسنى صاحبو يرد عليه على اش دار ليه فداكشي ... مكاينش دابا شي حاجة اخرى شاغلة بالو من غير يحط داك الكينة فوق لسانو و يتقاد دماغو ويتهز لعالم ثاني .... غير بانليه البار بدا يعمر والبنات لي قدو ولي قراو معاه بداو يتغامزو حداه خلا ليهم داك البلاصة وانسحب خلاهم غير كيشوفو ومشا كلس بوحدو بعيد ..... واية كانت حاضياه بعينيها .. شافت حتى الانسحاب لي دار من وسطهم وكمشات ملامحها !! مامولفاش ليه يكون بحال هاكا ... مولفة تشوفو ديما ضاحك ! وسيم لي كتعرف كون ضحكو ليه داك البنات كان غيكون ضحك تاهو ؟؟؟؟؟ ..... اعتاذرات من دوك البنات وتكات على البوطونة ومشات باتجاهو كان كالس على واحد الكرسي بعيد قرب الاستدويو دشوتينغ .. تما لي لقى الهدوء .. ومشات تاوقفات حداه وهو علا فيها عينيه ورجع نزلهم
اية : ( بصوت رقيق بريئ ) وسييم !!!! ..... واش عندك شي مشكل
وسيم ماطلعش راسو اكتفى فقط انه يحركو بالنفي
اية : ش ...شفتك شفتك بحالا م مقلق ! نقدر نعاونك ! ( مكيجاوبهاش ) واش ... شي حاجة لي ( قاطعها بحدة )
وسيم : اية راه مافي لي يهضر اختي .... غير خليني عليك هاد الساعة .....
اية بدات كترمش بعينيها وقلبها ضرب بالجهد !!!! مامولفاش شي حد يززعف عليها لدرجة عينيها تعمرو بدموع وحمارو وهو ناض كاع من تما ومشا بقات متبعاه غير بعينيها .. ماضرهاش خاطرها انه زعف عليها ... لي ضرها هو مااالو !!!!! علاش كتحس بيه مقلق بزاف و عندو مشكل !!!!!! .... ورجعات حنات راسها وقلبات كرسيها من البوطونة و مشات ..... يلاه راجعة عند البنات وهي تحس شي حد شد الكرسي من لور فراناه برجلو وضارت وهي تبسم
اية : فييييصل .. فيييين كنتي ....
فيصل: كنت واقف لهيه .. شفتك مع صحاباتك مابغيتش نصدعك ( حيد رجلو على الفران وزاد بيها جارها ) مالك مع وسيم .... شفتو بحالا زعف عليك !!!!!
اية : لااااا .. مازعفش
فيصل : شفتو ا اية ....
اية : غ غير .. بان ليا مقلق .. وملي سولتو و عيقت عليه شوية قاليا مامالي والو ومشا ... عادي كان معصب
فيصل : وعلاش ماشية عندو نت كاع .. عطيه تييييقار ...
اية : راه ولد عمي افيصل بحالك بحالو ....
فيصل : تانا كتت مقلق لهيه علاش مارديتيش ليا البال !!
اية : ( ضورات راسها عندو ) بصح ؟؟؟؟؟ ماااالك
فيصل : مقلق حيت زعف عليك ....
اية : ( ضورات راسها ) راه قتليك مازعفش عليا افيصل .... ديني عند دينا و مرام كنا كنهضرو ومكملناش هضرتنا
فيصا : متجلسيش معايا شوية !
اية : نكلسو علاش لا ... نسالي معاهم ونجي عندك
فيصى : واخا انا غير هنا ....
داها باتجاه صحاباتها وخلاها مشا كلس بعيد كيف العادة بوحدو هو وكاسو لي كيضورو فيديو ...... كان بملامح سمراء كيف بقية الاسماعيلين .. ملامح عدنان ولوؤي واخدهم حتى هو .. شرس وفنفس الوقت حنييييين والبراءة فملامحو زايدة عليهم نغزة ... لحية كانت زرقة فوجهو بسبب انه كيحيدها مزال مامولفهاش تكون فوجهو ... واخا خفيييفة ويلاه كتكبر ... حجبانو كبار و غلاض مبعثرين وبنيتو ريااااضية .. عينيه مكتيحيدوش عليها .. مكرهش يهز عينيها معاه فكل تفاصيل حياتو ..... كيتنهد بقوة حيت عارفها كتميل لوسيم فنفس الوقت عارف وسيم ميستاهلهاش ومغيبغيهاش بحالو ......
بيلي سالات الشوتينغ ... و دخلو لحفل كتقلب بعينيها فين مروان واش مزال مجاش حيت هو لي كترتاح ليه فالهضرة تاكتلقى عينيها تحطو على شكون غااانسيها فمروان و فالراحة وفكوولشي ..... كان منهمك كيشوف فالتيليفون بطلة سوداء ... غاية فالاناقة .....مفرحاتش لمجيتو حيت عارفة بززو عليه يجي ولكن الاهم هو انه هنا و معاها فحفلتها .... يلاه لقات راسها تاني غتسهى فيه وهي تجمع راسها لاتفضح بحال البارح وتمشات جيهة قسم و قدس و قفات حداهم وهزات مشروبها على الناذلة ....
بيلي : فففف فااااينلي عواج ليا عنقي ....
قسم: اوا هانتي حيدتي همك .... مرحبا فالعشرينية احبيبتي
بيلي : ثانكيو .. عقبة لقدس بطوووول العمر .... فففف كنتسنى غير امتى يسالي هاااادشي نطلع نشوف لي كادو هههه ... شنوو جبتو ليااااا
قدس : نوووو تاطلعي وتشووووفي .....
بيلي : حطوهم فبيت ماما قبيلة مبغاوش يجيبوهم لبيتي قالو ليا تانخرج هههه ....
قسم : بصحتك ...عارفينك كتموتي على الكادويات
بيلي : احقا .. تانتي راه مابقى ليك والو
قسم : سيمانة جاية .. وغنهضر معاهم من دااابا نعلمهم بلي ماباغا والو
بيلي : علاااش !! ماحدنا هنا اصاحبتي نشطو شوية
قسم : ماعييتوووش من لي سواغي ههههه غانديروها غير بيناتنا انا ماباغا والو .....
يلاه كيهضرو وهي تم جايا ماجدة لي طلعات عاودات مكياجها و لملمات شظايا كرامتها وجات لعندهم بملامح واااااثقة غير فوق نيفها قسم غيير شافتها قلبات عينيها مزال مابغاش يتمسح ليها المووووقف من قدام عينييييها .... ووقفات حداهم هزات تاهي مشربوها على الناذلة ...
ماجدة : ( طلعات بيلي وهبطاتها كتشوف ليها فدوك السماطي ) مزال مغديريش الشوتيغ !
بيلي : ( كتجاوب فوق النيف ) ساااالييييتو
ماجدة طلعات حجبانها .. كانت ناوية لاغوب طيح ليها فالشوتينغ . ورجعات تبسمات قالت هنا حسن حدا الناس ومع الصحافة لي كضور و تبسمات
ماجدة : مزيان .... اوا كل عام ونت بالف خير
پيلي : ( كاتشرب من كاسها ) ثانكيو .....
ضورات راسها كتفرج وكلهم سكتو .... لوؤي كان حاضي قدس كيف العادة من عيون الجميع .. غير كيشوف شي حد كيشوف فيها مكيكرهش يهزها ويسد عليها فالدار ولكن كيحس براسو مزال ماعمدوش الحق عليها وكيصبر راسو انه نهار تولي ديالو داك الساع يدير لي بغا .. كيحاول ما امكن يكبت داك الغيرة الجامحة لي شاعلة فقلبو ... اما جود حط التيليفون وشاف لطبلة البنات هو يبانليه تيلي د بيلي محطوط على الطبلة .... بدا كيمص فشفتو من داخل ويعوج فنعنقو .... واخا ماشي من عادتو ياخد خصوصيات لوخرين ولكن حس براسو محتاج يعرف كتر على هاد البنت .. كيسحها كتلة من الاسراااار !!!!! كايحس عندها شي حاجة متعلقة به ...... ربما تيليفونها يعاونو ! ربما يكون فيه جواب ....بدا يدوز يدو على لحيتو وعينيه غير على تيليفونها ..... واياد من بعيد حاااضيه مزير على كاسو..حيت شافو كيشوف لطبلتهم ......
كانو واقفين ضايرين بالطبلة و بيلي شادة كاسها وكتضور عينيها على الحضور وشادة النميمة خصوصا فلي كوبل لي ناضو يشطحو ملي تطلق العزف .... وشافت عندهم ...
بيلي : شوفو الناس كيف تايشطحو مع الكوبل ديالهم عاااادي جدا ... وحنا دياولنا مايشطحش حتى فدارو بقى غير فالوسط ... مالها اش فيها ! خاص الواحد يكون مطلوق شوية ...
قدس : اه تسناي بابا يجي يجر ماما ولا عمي يونس يشطحو ليك فالوسط هوما كايتسناو غا امتى يسالي هادشي
بيلي : وعلاش كيأوغكانيزيو هادشي الا محاملينش !
ماجدة : ( كضور كاسها فيديها ) ياااختي باز لوجهك .. هاد الحفلة كاملة داروها على ودك ومزال معاجبك حال
بيلي : ( علات فيها حاجبها) اكسكيووووزمي !!!!!!!
قسم : ( كانت ملهية مع تيليفونها وتسرب ليها الحديث وجاوبات وعينيها على تيلي ) ربع سنين مجات لمغرب ... وجات وهي جايبة نوط زوينة وعاد كيف دخلات للعشرينية سينوغمااال واليديها يفرحو بيها .... ( علات عينيها فيها محاملاهش من آخر جيست دارت ) فين عندك المشكل ؟؟
ماجدة قلبات عينيها كاتشوف لجنب معفرة مجاوبتهمش واخا محاملاش راسها ولكن غير كتفكر الاحراج لي اتعرض ليه بيلي من دابا شوية كتبرد وتبسم وتشرب كاسها بهدوء .....
الكل كان ثنائيات كايرقصو على انغام البيانو بلحن جد رومنسي و اضاءة خفيفة فالوسط .... نساء الاسماعيلي منهمكات فالحديث وعينيهم على ولادهم و رجال الاسماعيلي ماخرجوش من الفيلا .... اشبال الاسماعيلي حتى هوما واقفين غير بزز كل واحد كايشوف لساعتو امتى يسالي هادشي و كل عيون البنات عليهم شكون لي يحسن ليها الشرف يجي واحد من ولاد الاسماعيلي يدعيها للرقص .. ولكن لا حياة لمن تنادي حتى واحد فيهم ما مهتم اصلا بهاد الامور .... و الشبلات كايتفرجو بعينيهم ويبتسمو للي كايبتسم ليهم مصنطعين الوجه الضاحك حيت الصحافة كضور وكل مرة فين كتاخد الصور باش الحفل يكون واجهة غلاف المجلات فهاد الاسبوع .. بعنوان " دخول شبلة الاسماعيلي الشقراء للعشرينية "
اما ماجدة كل مرة عينيها على السماطي ديال الغوب د بيلي .... وتتخيل المنظر فنفسها و تضحك كاتشرب من كاسها بشر ....
شافت بيلي لكاسها بانليها عصيرها تسالا ضورات عينيها على الارجاء بانتليها الناذلة بعيدة عليها .. وهزات كاسها ومشات باتجاه الميني بار
بيلي : كووكتيل ...
ابتسمات ليها لي مكلفة تما وبدات توجدو ليها و بيلي متكية على الكونطوار وكتشوف ... بداو كايهربو عينيها لجيهتو ..... و من قبيلة وهي كتعافر مع راسها ماتشوفش لعندو ...كيبان ليها منزعج ... وواقف غير بزز ملهي بتيليفونو .. كاتشوف الانظار داابنات كيفاش كاملين كيشوفو مركزين على داك الطاولة مكرهاتش تطفي ليهم الضو وتقوليهم ديوركم .... خدات راحتها كاتشوف ملي مهبط راسو مغايتلاقاوش عيونهم تاني ... اناقتو وتجريدتو مابدلاتهمش السنين ... من ديما كاتسطى على الكاريزما ديالو و الوقفة ديالو وحركات ملامحو وحجبانو ... واصغر تفاصيلو .. الحلة السوداء كانت مواتياه رغم انه لون مظلم الا ان قلبها كايشوفو هو المشرق وسط هاد الحفل ... ساهية فيه حتى بان ليها هضر مع سلطان وهو ضحك ليه .. داك الضحكة الخفيفة لي دار خلاتها حتى هي تضحك بالا متحس حتى سمعات ...
- الكوكتيل ماااادموزيل ..
فيقاتها من سهوتها وبلاهتها وجمعات ضحكتها وضارت عندها ابتسمات ليها غير مشات وبيلي بدات كتلعن فراسها علاش سهات فيه تاني ... هي دابا خصها تكون نساتو هو محاسش حتى بوجودها ... علاش لي ترجع تعذب راسها تاااني ...
بيلسان : نساااايه ابيلييي نسااايه ... هو ناسيييك نسااااايه .. متشوفييييش عندو ... نسااايه ....
هزات كاسها ومشات هاربة من داك الميني بار لي مقابل معاه وهوما يوقفوها بعض اصدقاء ماماها من الثانوية لي كانو يلاه دخلو كياباركو ليها وهي متجاوبة معاهم ضاحكة ضحكة صفرة ...
حتى لواحد اللحظة بسرعة وبحركة عنيفة شي حد جبدها لعندو بقوة ضمها لصدرو بحركة كانو كايرقص معاها ومزير صدرها عند صدرو ....
لامار كانت منهمكة مع الحديث تاطلعات عينيها وهي توسعهم ... واريج حتى هي شهقات ...كلهم شافو مفاهمين والو
رتاج : اش كيدير هذا
حياة : تفككرها ؟؟؟؟؟؟؟؟؟
لامار : واااش مريييض هدا ولا مالو ..
طابلة دالاشبال كلهم شافو المنظر واياد مزير على الكاس فيديه قرب يطرطق و لوؤي قلبىعينيه دغيا لعندو حاضي معاه باش ميرنوش هادشي و الصحافة كاينة .....
كذلك طابلة د الشبلات لي كلهم شادين على فمهم مفاهمنيش وماجدة ولات حمممررررة بالاعصاااب ونفضات كاسها فالارض تاتزلع ومشااات ....
بيلسان : ( كتحاول تهضر ضاحكة باش متبينش وهي قربات تبكي ) جووود ... اريوو كراااايزي ... وات ار يو دووين !!!!!!!... طططلق ...( كاتشوف فيه بين سنانها ) جوووود ...
جود كان معلي راسو وواضح تاهو غير مصطنع داك الابتسامة حدا الحضور لي فاش شافهم كولشي كيصفق والصحافة كلها كتصووور .. لحظة تاريخية ليهم .... وهو غادي بيها لجنب كل مرة كاتزطم فرجليه متتتوترة معارفة اش كاين وعلاش هاد الحركة واش هو عمرو رقص معاها تافاش كانو فعلاقة بقى غير دابا لي ماعرفهاش شكون ؟ حتى من الكوكتيل طاح فالارض .... العائلة كلها خيفانة ومفاهمين والو واريج عينها غير على اياااد لي كاتشوفو كيفاش ولا .... وكتظعي الله يدير عقلو ....
قدس : وااااش تفكرها ولا شنووو
قسم : مافهمت وااالووو انا ...
بيليسان : جود طططلق باركا ... كولشي كيشوف فينا ... مافهمتش اش كادير
جود : ( هبط راسو شاف فيها ) ششششش ...
طلعات عينيها فيه وهو يحيي فيها كاع دكرياتها .. هاد القرب ماغريبش عليها هاد القرب هي مولفاه عينيه الحادرين عندها كانت الا مشفاتهمش شي نهار كاتبغي تسطى .... هي هاد تفاصيل كلها كانت عندها ادمان وتقطع عليها ادمانها لمدة اربع سنوات .. جود لي كان كايتسطا على صوتها وشعرها وريحتها مات فداك الحادثة ومزاال ماعاااااش .... غادي بيها كايبعد كأنو كيرقص باش مايلفتش الانظار .... حتى وصل للحائط لي مور الدار ولي بعيد على الناس و العدسات دالكاميرا ... واياد تبعهم مغزززف .... والكل متوتر ....
يلاه غاتهضر بيلي هو يطلقها وقلب راسو تاطاحت الكسوووة كلها من جيهة الصدر وتعرا صدرها شداتو غير بيديها حالة فمها مصدووومة واياد شاف المنظر ......
اياد : شششيييت !!!!
هزات كسوتها دغيا غطات صدرها ولات حمرررررة وجود ضار لعندها
جود : بنت الاسماعيلي !...مااخصنا فضايح ...
خلاها ومشا وهي فمها محلووول تسعيين درجة وحممرة مزنكة بالاحراج شادة كسوتها بيديها على صدرها حيت سمااطي تقطعووو.....
غرفة بيلسان ....
واقفة قدام مرايتها وشادة بيديها فوق جناب الكوافوز ... لابسة بينوار حريري بيض قصير وكسوتها مليوحة حداها وهي كتشوف فالمرايا بعينين حووومر باكيين ... مزال مصدومة وممستوعباش آخر ما طرا !! ...
تحلات الباب ودخلات اريج مخلوعة هازة تيليفونها باقي محلول على المسج دبيلي لي طلبات منها تطلع عندها ... خصوصا انها كتبات ليها من الرقم الاحتياطي ماشي من ديالها .... لانها مالقاتتش تيليفونها ...
اريج : بيلي .... اش وااااقع ؟؟؟؟ واش تفكرك !!!!
بيلي قلبات راسها لعند ماماها وخيبة كبيرة فعينيها وهي تشهق بكيتها تانزلو دموعها ومشات كتجري عندها عنقاتها كتبكي بججهد و اريج كطبطب على ظهرها مافاهمة والو ......
أريج : شششش ... پيلي حبسي من البكا ابنتي وقولي ليا اش واقع ؟؟؟؟ دار ليك شي حاااجة .. فين مشيتو ...
بيلي : ( كتبكي فحضنها وتشهق وهضرات بصوت كقطع بالبكا ) كنت غنننمشي فيييها اماما ... كنت غااانتشوووه
بدات كتبكي تاني وأريج كتحاول تفهم و تبعاتهم رتاج لي حلات لباب ودخلات كتشوف فيهم وكتسول اريج بعينيها اش واقع .... و اريج داتها بشوية لسريرها جلساتها كتسمح دموعها ورتاج كاتشوف مع كسوتها فالارض ... ورجعات شافت فيها تفهم اش واقع
أريج : دابا هضري معانا غير بالعقل !! .... كيفاش غتشوهي ؟؟؟؟ علاش شدك بحال هاكاك
رتاج : اش قاليك ؟؟؟ فين داك ... واش تفكرك ؟ حنا كنعرفو جود راه مغيشطحش فالوسط !!!!!
بيلي : ( مهبطة راسها فازكة بالدموع ومكياجها كولو فسد ) ... حتى انا ... حتى انا لدرجة حسابتني كنحلم .... جود يشدني ونشطحو ف وسط الحفلة مايمكنش حتى نتخيلها .... كولشي تكب عليا .. حسابتني تفكرني ....... تخلعععت ....
أريح : وشنوووو !!!!!
بيلي : ( شافت للكسوة ) لاغوب ... لاغوب تقطعو السماطي .... وهو شدني قبل ماتطيح ...... واش عارفييين شنو كان غااايطرااا فيااا اماما ؟؟؟؟؟ كنت غاااانتشووووووه ... ( كتبكي ) كنت غااانتشوه اماما قداااام كووولشي ... الصحافة الضياف ولاد عمامي .. كووولشي
رتاج : شنوووو ؟؟؟؟؟؟
مشات بزربة لكسوة هزاتها وهي يبانو ليها سماطي مقطعين ...
رتاج : اويلي الستيليست فين كان عقلها لي ماخيطاتهمش مزيااان !!!!
أريج : ( شدات الكسوة كاتشوف ) ميييمكنش .. كنت واقعة عند راسها انا متأكدة خيطاتهم مزياااان !!!! ( كتقلب دوك السماطي ) اويلي كيفاش طرا هادشي
پيلي : جود باش ينقد الموقف شدني عندو ... وملي داني ورا الدار .... طلقني وهي تنزل لاغوب كاااملة ... واش عرررفتي على احراااج تحطييييت فيه ( كتمسح دموعها ) مااانقدرش دابا حتى نننزل
رتاج : ( جلسات حداها ) وهو باش عرفها غطيييح ؟ متأكدة غير على قبل لاغوب !
اريج : ميمكنش على قبل لاغوب ابنتي .. كان كيبان كايشطح معاااك !!!!!!
بيلي : واش جود كيشطح فالوسط اماما يهديك الله .....ماعرفتش كيفاش عررف ... ولكن ملي داني ورا الدار ... ( تفكراتها وهي تحمار تاني بالبكا ) قالي بلا فضااايح ابنت الاسماعيلي..... طون لقيت الارض تشق وندخل فيييها ولا داك الاحراااج .....
أريج علات عينيها فرتاج بمعنى ان اش ظنينا غالط ورجعات شافت فيها
اريج : اشمن فضيحة مالك قطعتيهم راسك ؟ هاد الستيليست هادي مزال غنتحاسب معاها ....
رتاج : صافي دابا ماوقع والو .. لتحت كولشي تنواو ... علم الله العنوانين غدا كيف غيكونو .... كان عليه يجي يقولهاليك وصافي بلا داك اللقطة راه دخلات تناوي لكولشي
اريج : نوضي مسحي هاد دموع وقادي مكياجك هانا غنصيفط ليك غوب اخرى ولبسييها و نهضرو منبعد ....
رتاج : ( جلسات حداها عنقاتها ) وصاااافي الحمد لله ماطرا والوو تنقد الموقف .... صافي مسحي هاد دموع .. حنا دايرين هادشي تفرحي ماشي تخسر ليلتك ....
بيلي : كنت غااانتشوووه اخالتي .... واش عاارفة كون طاحت ليا الكسوة وانا فوسط الحفلة ؟؟؟؟؟ نقتل راسي ومنبانش قدام الناس
رتاج : اعود بالله .. داب ماطرا والو .... نوضي ديري اش قاتليك ماماك ... آلي ڤااازي ...
نزلات بيلي راسها وناضت للدوش و اريج شافت عند رتاج
اريج : كانت غاطرا فضيحة للبنت
رتاج : داك اللقطة راه مغاتنساش ليا ...عنداك يكون تفركها ومابغاش يقول
اريج : ماشي ديال جود هادي ...
رتاج : داكشي لي كنشوف .... مافهمتش والله .... كنضن كون غير على لاغوب كون قالها ليها
اريج : عتق البنت وصافي ... يمكن فداك اللحظة مالقاش شي طريقة اخرى وفعلا مكانتش ... حتى كون قالها ليها كانت غاتشد كسواتها بيديها وكولشي غيلاحظ .... وبنتي انا كنعرفها كون شافتها تقطعات مغتعرفش تعتق راسها .... وبنادم خاصو غير علاش يهضر كون دارو حالة دابا على غوب تقطعو ليها سماطي ...
رتاج : ( واقفة وحاطة يد على قلبها ويد على خصرها كتفكر ) الحمد الله دابا ماوقع والو ... والله تاحسابتني تفكرها ..... قلت اجاب مايفكنا تاني ......
اريج : اش غايتفكر يهديك الله ... داكشي هصو يتمحى فخطرة حتى من عندنا حنا
رتاج :زيدي يلاه زيدي لامار تلاقايها على اعصابها
أريج : نزلي نت سبقيني انا نجيب ليها غوب اخرى ونجي .... حمد الله خليت سوكور كنت عارفة شي وحدة فيهم الغوب ديالها تتوسخ ولا شيي حاجة ...
خرجو من غرفتها ، اريج اتجهات لبيتها ورتاج نزلات فدروج باتجاه الحفلة ....
لامار كانت كالسة على اعصابها كتسناهم ينزلو يعطيوها شي خبار حيت مابغاوش يطلعو كاملين ويعيقو ... خصزصا من بعد الرقصة ديال جود وبيلي لفتو الانتباه كااااامل ...... لاامار غير بانت ليها رتاج جاية وهي تقاد الكلسة كتسنى و حياة وسارة تاهوما استأذنو من واحد السيدة وقربو .... وقسم وقدس تاهوما غير شافو رتاج نزلات مشاو كولهم تجمعو عليها وكايحاولو يتبسمو للناس باش مايعيقوش .... ورتاج كتعاود ليهم آش طرا .....
أما فالطاولة الاخرى كان سلطان و لوؤي و زياد مافاهمين والو .... زياد غير معلي حاجبو و سلطان ولوؤي ماقدرين يقولو والو حداه ودايرين راسهم بحالا ماوقع والو ... واخا الفضول كياكلهم يعرفو اش واقع واش تفكرها !! ...
اما اياد من بعد لي طرا رجع للحفلة بهدوء شاد كاسو والمنظر مبغاش يحيد من حدا عينيه ....
عند جود .....
گالس ورا الدار على جنب واحد الرولاكس مقابل مع لابيسين ..... شاعل كارو كيكمي وحجبانو مرة يطلعو مرة ينزلو مرة يتجمعو ...
كايتفكر اللحظة لي كان كايشوف فيها من بعيد .... اللحظة لي ضحكات مع دوك النساء .... هاديك الضحكة بالضبط هو كايعرفها .....
هاديك الضحكة هو شافها قدامو وهي لابسة بيجامة حمراء دالنوم و تعلات ودوزات يديها وراء عنقو .. بنفس هاديك الضحكة تماما ونفس الملامح الشقراء ..... هي نفسها .....
ميمكنش يكون كايتخايل !!!! .... كيفاش يتخايل بنت عمو كاتعنقو !! بطريقة حميمية !!!! .... أشكون هاد البنت !!!!! ......
كره راسو ملي منظر الكسوة لي كانت غاطيح قاطع ذكرياتو ومخلاش الصورة تكمل ويتفكر المشهد بالكامل ... حيت فداك اللحظة هو بانو ليه السماطي د الكسوة تعلاو و بقاو مشدودين غير لخيييط رقيييييق لدرجة كايبان انه تاهو قرب يتسل !! .... ماحسش براسو تالقاها فحظنو ... مكانش عندو شب خيار آخر ... وكيف كان متوقع ... غير جبدها عندو شاف داك السماطي ترخاو وطاحو ورا كتافها و بقى شاد غير صدر الكسوة مع صدرو .....
كره راسو علاش ماكملش ليه المشهد .... من قبيلة هو جالس كايعصر فدماغو وداك المشهد مابغاش يكمل بالمرة !!!! ....
بحال الحلم ! بحال الخيال !!!! ... ضحكتها هاديك و يديها لي هزاتهم ودوزاتهم مور عنقو ... بيحامة حمراء و شعرها كان أقصر من هاكا و مضفور لجنب ... و المشهد بقى مصغر عينيه باش قدر يميز انه كان فبيتو !!! موراها كايبان باب الباكون ديالو ...... مستحيل يكون غير كايتخيل !!!!! .. هاد البنت أكيد كتربطو بها شي حاجة ......
الشوفات لي كادير فيه ماشي عاديين .... ريحتو لي اختفت من بيتو وشمها فيها .... وحتى وهي فحظنو كان كايحس بداك القرب مألوف بنسبة ليه !!! صوتها حتى هو .....
من لول هو كايحسها مألوفة ...وكايقول ربما حيت بنت عمي ... وكنعرفها اكيد غاتكون مألوفة ... ولكن الفلاش لي داز دابا قدام عينيه ... ماشي ديال علاقة عادية !!!! .... هاد البنت مكتعنيش ليه فقط بنت عمو .....
حس بدماغو غادي بطرطق بالتفكير لدرجة نسى الكارو فيديه ماكماش منو حتى حرق صبعانو ..... ولاحو من يديه وبدا يدوز يدو على شعرو وغرس راسو بين يديه بجوج حانيه لتحت كايضرب فيه .... محتاج يتفككر وماقاداش داك المشهد حبس تما .... فداك اللحظة كان محطوط قدام خيارين .... يا إما يكمل على المشهد فدماغو يتفكرو ... يا إما ينقدها من الفضيحة ... وطبعا التانية غلبات الأولى .....
بعد نص ساعة ...
الحضور كان كولو كايسول على بيلي و اريج كتقول ليهم فقط بغات تبدل الزي باش تقطع الحلوة ..
الكاطو دخل جارينو جوج دالمساعدين فالطاولة ديالو ... كان كيك كبيييير طاغي عليه اللون الارجواني ... فوقو مجسمات ديال مساحيق للتجميل و علامة شانيل واسمها ايضا ..... وحطوه بجانب البيفيه ....
الكل كايتسنى امتى تنزل تقطعو باش تفرتك الجقلة ويطلعو ينعسو ... الساعة كانت جوج دالليل وكولشي بدا يعيا ...
موضوع رقص جود وبيلي تقريبا تناسى فالوسط عند الحضور لكن الصحافة مستحيل تنساه وهو لي غايكون الغلاف !!!! ....
شوية بانت ليهم پيلي نازلة فالدروج هازة مسوتها الحمراء لي بدلات و كتحاول تبان طبيعية واخا عينيها منفوخين .... بداو يصفقو تاني بحظورها والصحافة تجمعات تصور اطلالتها الثانية ....والمدبرة هضرات فودنيها باش تتجه للبيفيه لان الكاطو وصل ...
تبسمات ليهم ومشات و هوما تبعوها مبتسمين كولهم كايحاولو مايبينو والو .... وسلطان ولوؤي عاد زفرو النفس .....
اياد تنهد وحط كاسو وتاهو مابغاش يبين حداها باركا غير الاحراج لي كانت غاتعرض ليه .... ومشى لبيفيه هو وزياد وتجمعات اسرتها الصغيرة باش تقطع الكاطو .... وقفات حداها اريج من جنب و جنان من جنب لاخر و خوتها تاهوما ... وهي تهز بيان عندها باش تشد معاها الموس تقطع ... الكل ضاير بيها كايصفقو والموسيقى مطلوقة ... بيلي عينيها مع الفلاش كايلمعو . واخا مبززة عليهم يضحكو ولكن واااااضح عليهم شحال مخنوقين وباغيين يبكيو ..... واضح شحاال عيااانيييين ..... قسم كاتشوف فيها من بعيد .. وكاتشوف فداك اللمعة لي فزروقية عينيها ... وعارفاها اش كاتعني ... قرات فيها الخيبة ....واخا مغاتقولهاش بيلسان ... ولكن واضح غاتكون خدات أمل ! واخا هي كاتقول ماباغاش يتفكرها .... ولكن عينيها فهاد اللحظة كايقولو حاجة اخرى .. خاب داك الامل !! كاتصفق ليها وهي شفقانة على حالها ...... والكل تما غير مدوز باش ماكان .....
فطاولة سلطان ولوؤي كانو يلاه رخفو النفس فاش مشا زياد لي قدرو يتسائلو على خاطرهم وخا اسئلتهم ماعندهاش جواب ...
اما جود جا للحردة بان ليه تقريبا الكل مجموع على البيفيه ... لاح عينيه على طاولة فين كانو واقفين كان باقي محطوط تما تيليفونها ... داز حداه وبالخف هزو دارو فجيبو لور وزاد لطبلة لوؤي وسلطان .....
لوؤي : ماعرفتش اصاحبي .... ماركباتش انا هادي فدماغي ....
سلطان : وايه ... يتفكرها راه يقلب دنيا ...ماشي غاينوض يشطح
لوؤي : ( شافو جاي ) شش .. قلب الموضوع ..
جا جود باتجاهم ووقف حداهم ودازت حداه الناذلة هز عليها كاس ... شرب منو وشاف فيهم .... هو كايعرف مصاااارنهم اش فيهم .... وكايعرف هاد الشوفات اش كايعنيو ... وعوج شفتو لجنب كايضور راسو باستهزاء على هاد الفضول لي غايكلهم ومقادينش يهضرو ....
جود : ( كايرشف من كاسو ) كسوتها كانت غاطيح .... شديتها ليها ... هدا مكان ....
سلطان : وات !
لوؤي : كيفاش هاد شديتها ليها ! ..
سلطان : دابا نتا واش تفكرتيها ولا كيفااااش!
لوؤي مع سمع سؤال سلطان مع ضار عندو بزربة موسع فيه عينيه وسلطان عاد سرات معاه اش قاااال .... وجود بقى يشوف قدامو مدة كايتنغم هاد السؤال .....و ضور راسو ببطئ لعندو ولةؤي شد على راسو وسلطان بقى غير كايحك فشعرو عرف راسو قودها .....
جود : عاود اش قلتي!!!
سلطان : انا !
جود : اه ...عاود اش قلتي دابا !!
سلطان : ( شاف فلوؤي وسرط ريقو ورجع شاف فيه ) ق قلتت .. دابا نتا ! ...
جود : لا لوخرا ..
سلطان : ولا كيفاش ؟
جود : لوخرا
سلطان : واش ؟
جود : تفكرتيييها !!!!! شكون غانتفكر
لوؤي : ( شاف فسلطان بمعنى غاليشدك يعلقك ورجع شاف فجود ) الاخواااان ..... هدا هوو... تصبحو على خيييير ....
خلاهم وانسحب دغيا مشا جيهة البيفيه عطى اشارة لبيلي بمعنى انا مشيت ... و مشا لباركينغ ....و جود تبعو بعينيه ورجع شتف فسلطان لي تاهو قاد وقفتو وتحنحن وجود متبع ليه العين تاهو ببرود ...
سلطان : اا حححم .... ( شاف لسعتو ) اوووووو .. مشى عليا الحال ... وقت طيارتي هذا ....... الله يعاااااون ....
خلاه وزاد مشا تاهو قرب لبيفيه دار اشارة تشاو لبيلي ومشى .... وجود غير متبعهم بعينيه والفكرة كتزيد توضح فدماغو ... وكايضور كاسو فيديه ..... قلب عينيه لبيفيه .... كانت ضاحكة كتقطع فالكيك وتوكلهم و كولشي كايصور .....
تنهد بعمق زجبد تيليفونها من جيبو شعلو ....
يلاه غايبغي يشوف واش كاين الكود وهي تطلع ليه صورتو !!!! .....
كمش ملامحو باستغراب واليد لي كان شاد بيها الكاس حطو و شد تيليفون بجوج يديه !!!!! .....
صورتو هادي .. هدا هو،!!!!! واخا هنا كايبان صغييير ...... كان بشعر كثيف ولحية خفييييييفة .. تييشورت كري و درعانو كانو باقين صغار على دابا ....
حس بالدنيا ضارت به !!!
شنو كاتعني ليه هاد البنت ... او بالاحرى .. اش كايعني ليها !!!!!
للتيليفون لي قال نقلبو غير بالصدفة واش نلقى شي خيط يوصلني للحقيقة كايلقى لي يصدمو ......
هز داك تيلبفون وانسحب من تما فخططرة .... فبلاصة هادئة لي يقدر يستوعب اش طاري ......
أما فالبيفيه كملات بيلي تقطاع الحلوى وبدات كاتقبل مباركات الجميع ... و لامار كاتمسح يديها بواحد المنديل ورقي وعلات عينيها كاتقلب عليه ... وهي تكمشمهم ! عاد كان واقف فطبلتو .... فين مشى !!!! .......
حتى حسات ببيلي قربات ليها
بيلي : خالتو لامار ... فين مروان !!!
لامار : ( شافت فيها ) نت عارفاه ماعندوش مع الحفلات لي فيهم صحافة ... يمكن داكشي علاش ماجاش ....
بيلي : ااااه .. داكوغ .... صافي غير نساليو هادشي ... تانا عييت
لامار : وي راه غايبداو يمشيو ...
بيلي : ( شدات يديها ) خالتو لامار ... مكاين علاش ديري فبالك .... غير عتقني من الفضيحة وصافي ....
لامار : ( طولات فيها الشوفة بأسف ) عارفة .. قالتها ليا ماماك ورتاج .. ماشي وقت هاد الهضرة تالغدا ان شاء الله .....
پيلي حركات راسها بواخا ومشات عند ماماها هضرات فودنها
بيلي : ماما .. حاسة براسي عياااانة ... صافي غانطلع ننعس
أريج : وليكادو !!
بيلي : غدا ونحلوهم مجموعين ... راسي ضرني بزااف ...
أريج : سيري ماااشي مشكل ..
پيلي انسحبات معتدرة من الجميع ... وتاقسم و قدس انسحبو كولشي عياو .... والناس تلهوما بداو يمشيو واريج كتودعهم .....
بيلي مشات باتجاه الطبلة كتقلب على تيليفونها وهي تطلع حاجبها كتسائل فين مشى !! وكاتشوف تحت طبلة واش يكون طاح ! فلخر قالت انها يمكن طلعاتوو معاها لفوق .... واخا متأكدة ماهزاتوش ... وهي تطلع لغرفتها ....
حلات لباب و لاحت طالون من رجليها وسداتها يالاه غاضور تقلب على تيليفونها وهي تقفزز للفوووق وشدات على قلبهااا مخلوووعة ومصدووومة من شنو كاتشوف .....
وهو واقف بابتسامة غرييبة !! ابتسامة مخلط فيها نوع من الغضب .... ونوع من الاستغراب ..... وشاف فيها ....
جود : بحالا شي حاجة ديالي هنا لا ....
بيلي بقات غير كترمش وكتقول اش كايقصد !! تا علا يديه لي هاز فيها البارفان ديالو لي خداات ... وهي توسع عينيها تسعيييين درجة ......
أش نقول ؟ أش ندير ؟ نكدب ! نصارح ؟ ... نهرب ؟ .. نعنقو ؟ ...
اسئلة كيطرحهم قلبها على عقلها وهي واقفة بعينين خيفانين كتشوف فجود لي قدامها ...
فلحظة وراقها كلهم تخربقو ليها .... حساباتها ترونو حتى هوما وهو شاد داك البارفان .. وهي قدامو بحال السارق لي تشد متلبس ....
تقوليه ماشي ديالو .. ميمكنش وهو ريحتو كتخدم ليه ... تقول لي لقيتها فبلاصة اخرى ميمكنش ..... تقوليه كنشم فيها ريحتك حيت كنت كنتسطى عليها تاهي ميمكنش وماايمكنش ......
كتسرط فريقها والهضرة تلفات ليها ووجها حماااررر وهو مبرررد وعاطيها كل الوقت تتصارع مع افكارها وتقلب على مبرر .. مكرهش حتى هو يلقاه معاها هاد المبرر .. ميكرهش تقول ليه شي حاجة اخرى من غير داكشي لي فبالو .. وخا تكون ماشي منطقية بحال كذبة انه قتل خيل اياد ... واخا تقول ليه لي فصورة ماشي نتا و البارفان ماشي ديالك يتيق .... غير متقولش ليه انها غتزاد ماجدة اخرى فحياتو .... او الاحتمال الاخر لي هربان منو ... هو تقول ليه ان الماضي كان جامعهم ! ....
بدا كيسمع تحنحينها وبدات كترد فشعرها لور وكتحاول تتحكم فراسها وتتحط امام الامر الواقع وتحاول تسكت داك الضجيج لي واقع فالداخل ديالها باش تقدر تركز .... .
بيلي : ااححم .... شووف .. دابا ... اه فعلا ... فعلا ... البارفان دييالك .... وو .. ولكن .... ( جود عوج راسو معاها كيسمع ) ولكن .... د دابا .. فففففف ..... ( طلعات راسها شافت فيه وعينيها بداو يحمارو ) دابا شي حوايج كانو فالماضي .. نن نتا معاقلش عليهم ( جود تجمعو ملامحو لي كان راخيهم ) داكشي باش جاك .. اني خديت بارفانك .. وو دخلت لبيتك .. شي حاجة غريبة ....
جود علا حاجبو مع كلامها لخر باستغراب !!! رجع علاهم بجوج وبدا يزيد عندها وهي كتشوف مع جنابها فين تهرب ... كتسرط فريقها وتكمش فكسوتها وتحاول تبان عادية ... بيلي مكيخلعها حد وجريئة بلا قياس ولكن فهاد اللحظة بالذات مكرهاتش تحل الارض وتبلعها .... هاهو واقف قدامها .. الشخص لي مطير النعاس عليها ... الشخص لي عايشة غير على طيفو وذكرياتو ... هاهو واقف قدامها شاد مشاعرها متلبسين .... محطوطة فمفترق الطرق وحيرانة بين تلبي رغبة قلبها وتعنقوو و تحيد شوقها منو وتقوليه شحال كتبغيه وتعاود ليه ماضيهم ... وبين تتراجع لور و تسمع لدماغها لي كيقول ليها منعاودش عدابك جوج دالمرات وتقوليه شي كدبة ... الكدبة لي مزال ماقداتش تلقاها .... تاشافتو قرب ليها كتر وهبط راسو معاها كيشوف فيها .. كانو نظراتو بحال شي واحد شبهك فشي بلاصة !! كان كيحاول يركز ولكن كيلقى فلاش واحد لي مفكرو عليها هو ديال قبييلة ..... الطريقة لي كتعنقو بيها والضضحكة لي فوجهها كانت كتعني انها كانت فرحااانة !!!! ....
جود : شنو كان فهاد الماضي ! .... شنو لي كان مخلي هادشي ميجينيش غريب ! ...
بيلي سرطات ريقها هاد السؤال بالضبط من اصعب الاسئلة لي تطرحو عليها فحياتها كاملة ... قلبها بدا يضضضضرب بجججهد وعينيها دمعوو .. حسات بالخخنقة وحسات براسها حصلااااات .. باغا تقول وماقاداش باغا تهرب و معارفاش فين .. باغا تكدب وملاقياش كذبة .... صدرها بدا يطلع وييهبططط بتوتررر .... مخلوعة .. مباغاش تققول فنفس الوقت راه شدها .. وماعندها فين تهرب .... لاحظ جود كيفاش ولات ! بحال شي شفار صغيير شديتيه سارق فرماجة ؟ ... كلها ولات ترعش ورييقها كتسسرطو بزز كاع نشف فحلقها وهاد الحركات كيزيدو يخلعوه انه شي حاجة كبيرة متعلقة بيها فالماضي ناسيها ! مالها ولات بحال هاكا !
جود : نت بيخير !
پيلي : ( علات فيه عينيها ) و واش .. واش .. ض ضروري تعرف ! .. ز زعما ..... ماشي.... ماشي شي حاجة مهمة ....
جود سد عينيه وزير على سنااانووو ... اصلا من قبيلة و هو على اعصاااابببو ورجع شاف فيها
جود : كاين شي حاجة ماخصنيش نعرفها ؟ اش واقع ! ....
پيلي : ( شافتو انفعل فالهضرة وكتعرفو فاش كيتعصب ) ش شوف راه ماشي ( قاطعها بحدة كتر من لول مزير على سنانو وعينيه حمارو )
جود : ملي جيتي ونت كتشوفي فيا دخلتي لديلمي التناوي ... رروكسي لي مكيمشي عند تاشي حد ... كيعرفك .... ( جبد من جيبو تيليفونها شعلو وهي تحل عينيها على وسعهم ) تصوريتي عندك فليكخون ... بارفان ديالي دخلتي لبيتي وخديتيه .... (كيهضر بانفعال وهي قربات تسخف ليه ) كنسولك دابا هانتي جالسة ترعدي عليا ... اش واقع ؟؟؟؟؟ ااااه انا داير اكسيدون ناسي ديييسك ديال سنين من حياتي نتي براسك عاقل عليك عندك ست سنين .... .ونتوما عارفين هادشي .. يعني راه الا نسيت شي حاجة خاصكم تقولوها ليا او لا ! ....
بيلي : ( كتسرط فريقها وتحاول تقول شي كلمة تهدنو حيت مع كل كلمة كيزيد يشعل .. كتهضر وعينيها على تيليفونها لي فيديه ) ششوف .. راه والله ماشي كيف ( قاطعها تاني و عينيه فعينيها )
جود : واش كانت بيناتنا شي حاجة انا وياك معاقلش عليها !!!
پيلي كانو عينيها فتيليفونها وعقلها كيحاول يلقى شي جملة تهدنو .... حتى سمعات السؤال اللخر وهي تعليهم فيه حتى من عقلها حبس على التفكير ؟ الطريقة الباردة باش قالها ! كاع داكشي لي دوزو مع بعضياتهم اختصرو فهاد السؤال البارد ؟ واش كانت بيني وبينك شي حاجة ؟ على هي غير حاجة .. او غير شي حاجة ؟ معارفش الا لي كان بينها وبينو كان بالنسبة ليها كووولشي وماشي غير شي حااااجة ..... هبطات راسها كتلعن حظها وزهرها .... ورجعات علاتو فيه كارهة راسها وكارهة حبها وكارها الاكسيدون وكارهة كولشي وقالت بنبرة فيها انفعااال .....
بيلي : باشمن حق كتاخد ليا تيليفوني ... خصوصيتي هاداك
جود : بيتي ماشي خصوصيتي ! علاش دخلتي ليه !
بيلي : ( حمار وجهها تاني ) ا انا را ( قاطعها )
جود : مكنحاسبكش ... على الاقل انا خديت تيليفونك وجيت قصدتك ( عطاه ليها ) ورديتو ليك ... نتي ماكنتي ناوية تگولي والو ... ( بيلي غير نزلات راسها وهو كيشوف معاها ) بيلسان .....
پيلي سمعات سميتها كيفاش نطقها وهي تزير على عينيها كترررر .... معرفاتش علاش تعمرو بالدموع رغما عنها وهي كتسمع سميتها كينطقها بداك النبرة ..... سميتها لي ماسمعاتهاش من صوتو هاد ربع سنين .. وكان كياكلها الشووووق ليها ..... وطلعات راسها بشوية وعينيها باكيين و قالت بصوت بالسيف باش كيتسمع
بيلي : مممم ....
جود : ( ملي شاف دموعها نسى كاع اش كان باغي يقول ) دابا نتي علاش كتبكي ! ....
بيلي : ( كتمسح دموعها ) واالو ..... م مكنبكيش ... غير ( بدات كتهضر بالزربة والدموع كيسييييلو بغزارة ) ر راه .. راه نتا لي جيتي دابا لبيتي كتحاسب فييييا على بارفان هاكا خوووودو صافي خووودووو .. غير خودو ... انا ماشي سراقة .. ومدخلتش لببييتك باش نسرق ولا شي حاجة انا غير .... ( رجعات كتبكي تاني بجهد )
جود كيسمع ليها وداير على وجهو نظرة خزيييييت وبدا يضور كيرد شعرو لور جاتو الضحكة .. واحد الضضضحكة كلها عصبيية وشاف فيها
جود : وااااشتي المرض دابا ... هدا هو المممرض .. هدا هو الطونسيون ....واش انا جاي كنسول فالشرق كتجاوبيني فالغرب ! ....
پيلي : و ونتا .. ونتا لي تتگول ليا علاش دخلتي لبيييتي
جود : انا مباغيش نعرف علاش دخلتي لبيتي .... ومباغيتش نعرف راكي خديتي البارفان ... انا باغي نعرف شنوووو لي خلاك تاخديها ..... باغي نعرف ششنووو تايربطني بييييك ابنت عمي !!!!!
پليي نزلات راسها كتفرك فداك الكسوة لي قربات تقطعها .... معارفاش كاع اش تقول ولا كيفاش تخرج راسها من هاد الحصلة وهو كيشوف فيها كيتسنى جواب ... وحواجبو مرة يطلعهم ومرة ينزلهم وتيحك فيهم .... خصوصا دابا وهي كتبكي بهاد الطريقة غير مكتزيد تخليه يتأكد ان الموضووع اكبر كاع ملي فبالو هو ....
جود : دابا علاش هاد الدموع والله مافهمت ..... ( بدات كتمسحهم ) شوفي ابيلسان ... انا معارفش واش كتعرفيني ولا لا .. ولكن راه عندي نيشان نيشان .. كنعرف نسول ناخد جواب ... سولني شي حد نجاوبو .. هادشي لي كنعرف ... هاد الضوران لي كديري ليا دابا ودخلي منهنا وتخرجي منلهيه مواكلش معايا ..... ( نقص شوية من نبرة صوتو بقات فيه ملي كتبكي ) دابا انا سولتك سؤال عااااادي جدا ... ناخد جوابي نمشي فحالي نعس .... واش انا ونتي .... كانت بيناتنا شي حاجة !!!!!! ( بيلي غير ساكتة كتشوف فالارض وتغزز فشفايفها كتمنى لو تقيم الساااعة دابا غير تهرب من هاد الموقف ) والله ماغنحرجك ولا نطلب منك تبريرات لكاع هادشي لي كنشوفو بارفاني وصورتي و الشوفات ديالك ... والله مغنسولك عليهم ... غير جاوبي ونمشي فحالي ..... راني معاقلش عليك ... شي حاجة صغييييرة ف دماغي بحالا شافتك .... ( بيلي علات عينيها فيه ) ماعرفتش و مقدرتش نحدد .... انا براسي راه مرضني الموضوع .. شي حاجة ماشي هي هاديييك فيك نتي ... عطيني جوابي نمشي فحالي بلا متلسقي فحوايج اخرين .....
بيلي غير كتشوف فيه والدموع مبغاوش يوقفو قلبها فاض .... الطريقة باش كيهضر نبرتو المنخفضة شوفاتو الحنان لي داير فيها ملي شافها كتبكي ومبغاش يتعصب عليها كتر واخا عارفاه فهاد اللحظة يقدر يهد الدنيا .... العافية شعلات فيها لداخل انها تطير وتعنقوووو وتقوليه على كولشي ويرجعو كيف كانو .... ولكن غير كتفكر انه ناسي كولشي وماعرفهاش شكون وحتى الا تفكر يقدر تاني شي نهار يصبح نااااسي ..... كتتراجع وهي تهبط راسها لارض وبدات كضورو بالنفي كارهة راسها
بيلي : لا .....
جود : ( علا حاجبو ) شنو لي لا !
پيلي : م ... م مكان .. ( شافت فيه ) مكان بيناتنا والو
جود : ( معلي حاجبو بشك ) اهاه !
پيلي : ( كتحرك راسها بآه ونظرة الانكسار فعينيها ) آه !
جود نزل عينيه واخا جوابها ماقنعوش بالمرة .... غير مزاد اكد ليه انه كانت بيناتهم شي حاجة .... وهو يضور راسو للجنب حتى تسمعات طرطقة فعنقو .... ورجع علا عينو الفوق كيتنهد وحط داك البارفان فوق الكوافوز ديالها وشاف معاها مطول وهي مهبطة راسها كتبكي وزاد للباب يلاه حط يدة على البواني هو يسمعها
بيلي : ج جود .....
ضار براسو عندها كانت واقفة كتشوف فيه كلها بااااكييية وحممرررة .... مزال حتى مكمل الضورة كانت تلااااحت علييييه شدات وجهووو بيدييهااا وحطات شفايفها على شفايفوووو كتقبلووو بقوة حتى وسع عينيه وشد فالباب بجوج يديه ممستوووعبش هادشي وهي كتبوسوووو بقوووة وكتبكي ومزيرة بيديها على وجهوووو ........ قلبو ضرررب وملمس شفايفها السخاااان كيقبلو فشفايفوووو بعنف ! عنف اشتياااق السنييين ... كان ريقها ممزوج بملوحة دمووعها ....
توقفات على التقبيييل مخلية شفايفها محطوطين على شفايفو كتنننهج عاطية استراحة لنفسها تشرح لدماغها اش دارت .. وعاطياه تاهو استراااحة يييفهم اش واقع .... وبدات تعلي عينيها الزرقين بشششوية فييييه لقاتو كيشوف فيها باستغراب وبصدمة .... صدرها كان كيطلع ويييهبط بقوة .....
مقدراتش ابدا تتحكم فراسسسها .. مقدارتش تتحكم فشووقها وفحبها .. لبات رغبة قلبببها بلاااا متميز العوااقب .. فقط تلاااحت .....
رجعات تاني هبطات عينيها لشفايفو كتحس بعطشها مزال ماتروى .... وتعلات تاني كتقرب وهاد المرة تاهو هز يدو شدها من خصصصرها وباشرها فالتقبيل بلا مااايييحس قلبها جيييهة الباب وعلا ليها يديها مع الباب شادهم ....هو براسو معارفش اش واقع ليه .. معارفش علاش شفايفها حسهم حلوين ... وعلاش حسهم مألوفين !!!! ... حتى هو سد دماغو على كولشي ومابغى يفكر فوالو ... الا كانت حبيبتو فالماااااضي الامررر مغيخلقش ليه مشكل وهي اصلا عاجباه .. والا مكانتش ..... تولي دابا حبيبتو .. اش خاسرين !
پيلي ترفعات لعالم ثاني ... لداك العالم لي كان حبس على الدوران هادي ربع سنين .... نسات داك ربع سنين كلها ونسات الا فاقد الذاكرة فقط كتسمع لنبض قلبها وقلبو .... لانفاسها وانفاسو .... لريقها وريقو ... علات راسها بشوية ملي حسات براسو فعنقهاااا ... حلات عينيها بلا متحس وصدرها كيتعلى وهو كيقبل فيها بجنون ... جنون داك الاعجاب لي كان كيكن ليها ... جنون هاد النحر لي كان كيشوفو من بعيد وييغض عليه بصرو .... ورجع طلع لمور ودنيها وهي عاضة على شفتها باش ميتسعموش شهقاتها .... كارزة على يديه لي شادين فيديها ومعلييينهم لفووووق .... حتى رجع لشفايفها تااااني ..... معارفش الى هاد الشفايف كان مولفهم !!!! ... معارفش الى هاد التقبيييل كان عندو عادة كل نهار ! ملي يفيق وملي يبغي ينعس وحتى وسط النهار وفاي خلوة ....
فلحظة بجوج بيهم ترفعو ... بجوج بيهم معارفينش اش كيديرو ... هي غلب عليها اشتياق السنين .. وهو غلب عليه اعجباااووو ..... سلتات يديها من يديه وضوراتهم على عنقوووو تاني متجاوبة معاه فالتقبيل وطريقتها وفنياتها واتقانها للتقبيل ولسانها لي كتلعب بيه كيف بغات كتزيييد من جنووونو ....
تابدات كطلق منو شوية بشوووية وانفاسهم كتررررخف وهو عينيه باقيين مسدودين وهي كتنهج ..... حلهم مبااااشششرة فعينيها ... كانو حوومررر ومعسليييين ..... ريقها باقي فشفايفو وهي كلها حمرررة وعنقهااا حمرررر ..... بدا كيرمش فييها وعينيه نايمييييين ... وقال بصووت هاااامس ...
جود : شششكون نتي ....
پيلي سرطات ريقها وعينيها نايمين بحالو كتشوف فيه .. وقالت بجرعة أمل
پيلي : مااعرفتنييش !
جود : كنحاول ..... كنحاول نعرفك
پيلي : حااااول ( بداو تاني عينيها كيدمعو ومصات شفايفها ) عافاك .... حاول ....
جود : ( كينهج وكيشوف فشفايفها ورجع شاف فيها ) وضروري نكون كنعرفك !
پيلي : ( ضورات راسها بلا حابسة البكية ) م ماشي ضروووري
جود : ( بدات كتشقق ابتسامة صغيييرة فجناب شفاهوووو ) جود ..... سميتي جود الاسماعيلي ...
پيلي : ( تشققات تاهي ابتسامة خفيفة و كلها سعادة على وجهها وجاوباتو ) بيلسان ... الاسماعيلي ..... وكيعيطو ليا ... پيييلي ( نزلات دمعة )
جود: ( كيشوف فهاديك الدمعة لي نزلات رجع شاف فيها كيطلع ملامحها وكيشوف شحال زوينة !!!!! ) مشرفيين .... آپيلي .....
پيلي نزلات راسها معرفاتش علاش كتبكي .... محاملاش راسها شنو دارت فنفس الوقت عاجبها ! .... عاد سمعات لقلبها وطفات دماغها .. هي كتشوف لتحت هو كيتأملها ... كيتأمل هاد الملامح لي واخا مألوفين دماغو كيحس براسو كيتعجب بيهم لاول مرة ! .. ورجعات علات عينيها فيه بانت ليها الطريقة لي كيشوف فيها بييها ... من ديما كانت كتشوف هاد النظرات فعينيه .. توحشاتهم .. توحشات فاش كان كيشوف فيها هاكا .... وهي تبدا تبسم بلا خاطرها ..... حتى جمعاتها ملي حسات بصبعو كيدوزو على شفايفهاااا ...
جود : ضحكتك زوينة ( شاف فيها ) زوينة بزاف .....
پيلي : ( بصوت باكي فنفس الوقت مبتسمة ) جود ... ن نتا مكتعرفنيش .. ولكن انا كنعرفك .. وعارفة هاد الجملة قلتيها لمية وحدة من غيري .....
جود بانت ضحكة اخرى فجنب فمو وعوج معاها راسو
جود : على هاد الحساب راك كتعرفيني مزيان .....
پيلي : ( بحب كبيييير ) كنعرفك كتر من رااااسك ......
جود بقى كيشوف فيها .... فلخر تنهد وبعد منها وبدا كيرد شعرو لوررر عطاها بالظهر مدة وهي كتشوف معاه ورجع شاف فيها
جود : فخبارك معارفش راسي اش كندير هنا ... معارفش راسي علاش قربت ليك .... وحتى علاش بستك .... ومعارفش علاش نتي لي بديتي .... معارفش واش كانت بيناتنا شي حاجة .... معارفكش حتى نتي شكون ... ومعارفش حتى علاش انا راضي ! عاجبني الحال !!! مكذبتيش .... هاد الهضرة قلتها بزاف ... وحتى هاد الوقفة .. الكييس ... كولشي .... ولكن معارفش حتى علاش حسيت هاد المرة ديفرنت ! واش حيت بنت عمي !
بيلي نزلات عينيها مدة ومشات عندو
بيلي : لا ..... حيت عمرك بغيتي شي وحدة كيف بغييتيني انا ...... وحيت مكاينش شي وحدة كتعرفك كيف كنعرفك انا ....
جود : كانت بيناتنا شي حاجة ؟
بيلي : شي حاجة ! هه ! ( بانكسار ) كان بيناتنا كولشي ......
جود بدا غير كيشوف فيها ونظراتها وكلامها لي كانو كلهم مشاعر ! ....
هو علاش ما حاس بوالو .. مكيحسش كاينين مشاعر قدام ! مدام كتهضر بهاد طريقة .. ادن كانو كيبغيو بعضياتهم ! ولكن علاش ما حاس بوالو .. حاس فقط باعجاب ! اعجاب بيها من نهار جات .... ولكن مشاعر الحب مكاينينش مستحيل يكونو هو يلاه عرفها ! جمع حجبانووو ! يلاه بدا يتأكد ليه داك الفلاش لي تفكر .... ورجع شاف فيها ونظرتو جدية
جود : كانت شي حاجة رسمية ! ( بيلي حركات راسها بآه مهبطاه للتحت ) كان فخبارهم ! ( حركات راسها تاني بآه بأسف )
جود :يعني .... بغيتيي تقولي ... كنا مخطوبين !
پيلي : شوف جود هادشي راه مابقاش دابا كا( قاطعها بججهد )
جود : كيفاس مابقاااش ؟ كان كولشي فخبارو .... كنا مخطوووبين على هاد الحساااب ! علاش شحال كان فعمرك ؟ شحال كان عندي انا !!!!
پيلي : شوف غير بشششوية .... كنا صغار كنا صغاررر بزاف .. و العائلة كان فخبارهم ولكن كانو مخططين لزواجنا حتى نكبرو ...
جود : ( معلي حاجبو لفوق ) الامر كان بهاد الجدية كاملة !
پيلي : ( تنهدات ) آه
جود : اهاه ! .. وهادشي علاش انا معارفوش
بيلي : حيت ... ببساطة راك ناسيه !
جود : انا ناسي كولشي مناسيكش غير نت !! ... علاش الحوايج لخرين قلتوهم ليا وحاجة بحال هادي لا !
بيلي : جود هادشي راه مابقى فايد بوالو ..... بلا متعمر راسك كنا صغار .. و
مخلاهاش تكمل كلامها تاكان داز حداها بحال الريح حل الباب مشا وهي تباعتو كتجري ...
بيلي : جووود ... حووود صبرررر ....
نزل فالدروج وداز حدا اريج بحال الريح بقات غير كتشوف معاه وطلعات بزربة عند بيلي وهو خرج ديمارا طموبيلتو كسيرا ومشى .....
واريج طلعات عند بيلي لقات عينيها حوومررر كتشوف لتحت وشافت فيها
اريج : اش واقع
پيلي نزلات راسها عاضة على شفايفها وتنهدات ودخلات للبيت واريج تبعاتها مخلووووعة .....
يتبع...
التعليقات
لا توجد تعليقات بعد، كن أول من يعلق.