أشبال الأسود الجزء 37

جود ( تنهد وسكت مدة كايتسناع يستجمع انفاسو شوية وقال بهدوء كيشوف فالبحر ) علاش فاش درت لاكسيدون ماجيتيش !!

اياد : عندمن غنجي ! العشير مات فموناكو !!! تما غا الكسدة مجبدة .....

جود : ( شاف فيه ) علاش الكسدة ملي وقفات على رجليها مدات ليك يديها تسلم خليتيها ممدودة

اياد : كنهرب حيت مبباااغيش نعااود نفس التجربة وانا كنشوفكم غاديين تاني فنفس الطريييق .... غادي نرجعو صحاب ... غتفارقو نتا وياها .. وغنرجعو نضاربو ..... علاش هاد الدورة !!!

جود : ياك قلتي عشيرك لي مكانش صالح ليها مات فموناكو ...اش عرفك فيا انا واش نصلاح ولا لا

اياد : هو مات وهي باقا حية ( شاف فيه ) .. عرفتي شنوو كادير نتا دابا .. كادييير ننفس الحاااجة مع نفس الشخص بنفس الطريقة .. وكتنسنى نتااائج محخختلفة .... هه !! ( بدا يمشط شعرو بيديه داير ضحكة دخزيت كايضور فراسو )

جود : مكايناش نفس الطريقة ...

اياد : انا كنشوف انها نفس الطريقة نتا كبرتي وهي كبرات ولكن باقي نتا هو جود وهي بيلسان ...

جود : ( شاف فيه ) والى ندمناك !!!

اياد : ( ببقى يضور فراسو كاينزل شعرو بيديه على حبهتو كايسرحو .... ورجع شاف فيه ) اهاه !!!! نددمني نشوف ....

جود : اياد ... انا مكنتزوجش ختك حيت شفتها وعجباتني ... كنتزوووج حيت باغي نستقر .. حيت باغي اسرة ... ومكاينش لي غاتقبل على مرضي من غيرها ....

اياد : جربتيها ؟؟ سولتيها واش تاهي باغا تزوج غير باش تستقر ! ولا غا نت لي كتفكر هاكا !!!! ....سولتها واش باغا تزوج حييت باغية دير اسرة ولا باش تحقق داك التحدي لي ربع سنين وهو فراسها باغا تحنت بيه العائلة نهار تكتب داك العقد .. سولها زاش كتبلاني لشنو غايكون مور داك السنياتور ولا السيناريو لي فدماغها حد تما حابس .....

جود : كون كان غير تحدي مغتقبلش تدخل فالرسمية وماراهاش كترضع صبعها تامتعرفش زواج شنو هو .... ربع سنين ملشفتي ختك .. كلس معاها غاتكون تاهي كبرات وباقي ماسقتي ليها الخبار ... وعلى كل حال .. انا مدايهاش للعدول دابا حنا باقي عندنا الوووقت ومعالميينش الصحافة .... من هنا لفين غنقرر نعلم الصحافة ونجيبو العدول .. انا غنكون ندمتك ... ولا نتا لي ندميتني .... وانا عارفك .... باغيني ندددمك .... وباغي ختك تكون فرحانة .... نتا غير خايف .... وانا هنا باش نقوليك منعدكش مناااش نخاف ..

اياد : جود .... ( شاف فيه مصغر عينيه ) شفتي واخا تقول لي قلتي واخا يوقع لي يوقع .... مزااال مكاينش شي حاجة تبدل ليا فكرة ان نتا وياها ماشي دبعضياتكم ... ومكاينة تاحاجة تخليني نجرب نذوق القهوة بالسكر ....

جود : ( بتحدي فعينيه ) راه قلت لييك غاااندمك ... وغاااتشررربها ... ( وقف ) تكعد تمشي لخربتكم ...

خلاه ووقف غادي لطموبيل ... واياد باقي على وضعيتو كيشوف .... وتنهد وتبعو .. كان ركب جود وديمارا وحل الباب اياد وزااادو فصصصمت ... تاوصلو قدام فيلا ديونس ... وهو يفراني جود كيتسناه ينزل تااسمعوو هضر وكيشوف من الزاج فالعدم

اياد : كانت فرحانة !

جود : ( كايحك فيديه من البرد لي داخل من الزاج ) كنتي ناقصها ...

اياد : هه ! والعائلة غاتكون كانت كاتقول ليها .. خليه تايبرد .. ودابا يرجع .....(جود غير ساكت وهو كيفرك جبهتو ) حيت هادشي لي كايطرا ديما ... ملي كنتعصب ولا كيديرو ليا شي بلان .. كيقولو خليييوه تااااايبرد ونهضرو معاه .... وكننمشي نببرررد وكيجيو يهضروو معاياا وكنحني الراس ونرجعو عادي وهوما كايقولو راه طحنا ليه على الكود ... غير يبرد عاد نهضرو معاه .... هانا برررردت وهانا راجع .. غانبارك ليها ونعنقها وتقول خويا نسى .... خوها برد كيف ديما ... ولكن المشكل مابردش المشكل هزيتو وحطيتو فواحد البلاااصة عندي لدااخل وبقى تما بلا مااايييتحل ... حيت تعطلو كايتسناوني نبرد حتى برررردت حتى عليه باش نحلو ... وهوما ملي شافوني ماحكرتش فااتووه ودازو .... حتى رباو فيا بزااف دالمشاكيل ماامحلووولينش ... ( شاف فيه متكي راسو على الكوسان وهاد مرة عكس اللول كايهضر مرررخي ) عكسك نتا .... لي كاتفهمني .... كلهم لداخل ( كيشوف فالدار ) نعععسو .... مرتاااحين .. واخا انا مكنتش حاضر نعسو كايتسناوني نبرد... ولكن نتا لا .. بقيتي هنا ... وخرجتي مني داك المشششكل ....جبدتيه من داخل وخليتيني نهضر فيه .... ومخليتينيش هازو حدا خوتو لتحت .... خرجتو وخليتو محطوط فوق داك طبلة حدا كاسك دالقهوة الحلو. ... ( جود كايرمش فيه )كون كانو كايديرو ديما هاكا .... ماعمرني كنت غانطفى .... ( بدا يتبسم ابتسامة مضطربة بسبب السكرة ) وهانتا عرفتي اشنو طفااااني ...

جود : المشكل لي خليتيه على طبلة محطوط ....تحل !

اياد : متحلش ..( ضار للزاج ) ... ولكن على الاقل تنااقش ...

جود تنهد وهبط الفران باش يمشي

جود : الا كنت مزال باغي ولد عمك ... لي قلتي مكيفهمك غير هو .. راه باقي كاين ... ماتت ذاكرتو ولكن مزال القلب حي ... اجي غدا لبار دلوطيل .. مع الوحدة .... نشعلوك شوية بشوية على الله نشعلو معاك حتى حنا .... راه كلنا طفينا آولد العم ....

اياد : ( جاتو ضحكة وشاف فيه ) لبار ! ....شكون قاليك باقي كنشرب !!!!!

جود : هضرتي بزاف .. ولي كيهضر بزاف اما قريب يموت .. اما سكران ..

اياد : وعلاش لي منكونش قريب نموت

جود : حيت كنعرف ريحة الشراااب .... ( شاف فاياد) وراها عاااطية منك ....

اياد بقى كيضور راسو ونزل من طموبيل وجود بقى واقف كيتسناه يدخل هو يتكا ليه على زاج الطموبيل وشاف فيه مطول

اياد : ننندمني ...

جود : ( ابتسم ونزل راسو بايجاااب )

مشا اياد حل الباااب ودخل وجود خدا نفس عميق وساطو لبرا .. دابا عاد يمششي يييينعس وبالو نووعا ما مررررتاح من جيييهتو ....

الساعة الثامنة والنصف ....

فراس واحد الحومة شعبية ... واقفة طموبيل مرسيديس كحلة ... جاي باتجاهها الشيفور هاز فيديه جوج كيسان ديال القهوة ... حل الباب لور وعطاهم لجوج رجال كانو لور ورجع سد الباب ووقف حداها مربع يديه ....

مروان : توحشت حومتنا .... ماتبدل فيها والو

حسام : ( كايشوف فالديور لي قدامو كانت دار لي تزاد فيها حسام والدار لي تزاد فيها مروان ...) ريحة هاد البلاصة .. مكنلقاها فحتى شي قنت اخر .. ريحة الطفولة ....

مروان : ( رشف من القهوة واستنشف ريحتها وشاف فيه ) كون غير سمعتي ليا وبقيتي شوية مزال حتى تبرا ... غادي تخلع غير الوالدين ...

حسام : ( كانت باقي لابونض ملفوفة على يدو لي تحيد منها الكبص وباقي فاصمة صغيرة فوق نيفو ورشف تاهو من قهوتو وتنهد ) خاصني نرجع لخدمتي امروان ... يكفي الوقت لي ضيعت هنا فوالو ....

مروان : حسام .... نتا عارف معزتك عندي ...( شاف فيه ) مسحها فياااا ...

حسام : ( شاف لجنب الزاج كيضحك بفقصة ) مبقاتش فيا هاد الحالة .. كتر مابقا فيااا الشمتة ديال جاي برجليييا ندير الصواب معاهم ونبنيو معرفة جديدة مع الاسماعلين لي الجرائد كلها كتهضر على نخوتهم ... يجييو براااهشهم دالبارح يمرمدو بكرامتي الارض ... ويحطو وجوه والديه لي شحاال هوما كايكبرو فداك الكنية فالتراب

مروان : ( بعدم رضى قاطعو ) ماتزيدش فيه بزاف تاني !! الغلط كايوقع وغارو على ختهم .....صافي قلنا ليك مسحها فينا

حسام : ( شاف فيه ) ماااجرحنيش هاداك لي ضربني .. كتر ماجرحني ولد ختك .... ( مراون هي كيتنهد حيت عارف باش جرحو وهو سمعها ) انا ولد الزنا امروان !!! ولد الق•حبة ؟ الوالدة ديالي أشرررف مني ومنو .. وحاااجة ومعتمرة من الفووووق !!! جااا برهوش دالبارح .. ردها ليا .. ( بين سنانو والحقد فعينيه ) قققحبة .....

مروان : ( تنهد مالقى باش يرقعها ) جود راه هاكاااك داير كيهضر بلا مايغيزوني اش كايقول ... راه تلقاه ماااقصصدش .... وراه انا وتايقولها ليا الى تعصب والوالدة راه جداه

حسام : امممم .. ماقققصدددش .. غير هو امروان ... ( شاف فيه ) مزال ماتزاد هذا لي يرد ليا الوالدة ديالي .. قحبة .. ولي يردني انا ... ولد الزنا .... مزال متزادش لي يطيح ليا بواليديا وبببمي ... الى مامربيش .... خاصني نعاود ليه تربيو اولا

مروان : ( حل الباب بزعفة يننزل وحسام شدو من يدو ومروان ضار عندو بعصبية ) ودابا انا لي كنهضر معاك .. وجهي ماساوي عندك والو ! لاكانت هاديك مك هدا ولد ختي ....

حسام : ( رشف من قهوتو ورجع شاف فزاج مدة وشاف فيه ) هانا ماقلت والو. ..... راه غير على وجهك امروان .. ووجه الوالدة ديالك لي عارف معزتها عندي ووجه داك العائلة لي صلحو معايا الجرة .... ( حط القهوة فبلاصتها وشاف لساعتو ) طيارتي قربات ..... ( شاف فيه مبسم ) هاحنا غانمسحوها فيك اسيدي غاابرد وبلا متعصب لينا .....

مروان : ( تنهد ) الله يوصل على خير ....

حسام : امين

سلم عليه مروان ونزل من الطموبيل .... ومشا باتجاه طموبيلتو لي كانت مركونة جنب وانطلق وحسام كان متبعو بعينيه تامشا وهو يومي لشيفور يطلع ...

الشيفور : ( كيهضر معاه من المرايا ) الولد راه كيتسناك اسيدي ... مشيت جبتو ملي جبت القهوة كيف قلتي ليا وسي مروان مارد لبال لوالو ... وراه لهيييه قلت ليه يتنسى ...

حسام : جيبو ليا ....

الشيفور عطاه ايماءة ايجاب براسو ونزل مشا تاضار فجنب واحد الدرب كان واحد الولد تما فاواخر العشرينات جالس القرفصاااء شاد كارو ديالو كيتسنى ... غير شاف شيفور هو يسف منو اخر ما تبقى ولاحو لجنب ووقف ...

الشيفور : اجي معاياا

زاد قدامو وداك الولد تابعو فرحان عارف جا لي يضبر عليه بمصيريف ....

الولد تاهو من ولاد الحومة لي كل مكيجي مروان ولا امين ولا اسماعيل ولا حسام كيتهلااااو فيهم حيت هوما سهل علييهم الله .. وبالخصوص حسام ديما كيضور معاهم وفوق ماجا كيجي يزورهم .... الدري شاف طموبيل فرح ومشا ركب لوور كيسلم عليه وحسام تاهو مبتسم فيه

كريم : اه اه اه امااالك علييييها اخاا !!!( كايشوفو مضروب) وا شي كسيدة هادي

حسام : واييه .... ربي لطف ..

كريم : الله يشافيك .. كتجي غا فبنادم المزيان .. اوا اخا اش هاد الغبور تووححشناك توحشنا الوالدة اش خبارها مسكينة

حسام : صافااا .. كتتتعدي .. كنت ماشي وقلت ضروري ندوز نشوف دراري دالحومة ولكن بانليا كولشي باقي ناعس ... لقيتك غير نتا

كريم : وايه انا كنت ناازل نجيب الكومير لفطور راك عارف وانا نلقى الشيفور ديالك .. والله تانسيت الكومير كاع خليت الدار بلا فطور ..

حسام : ههه كيدايرة الحومة (كايشوف معاها ) صافا .. الجيييران

كريم : اشمن جيران بقاو .. وجيران ديال الصح كووولشي خوااا كولشي تغغغغغرب .. تاحد مابقااا هنايا .. بقينا غا المشووومرين .... نتوما عندنا نتا و ولاد خالتي رقية راه كتفكروونا مرة مرة .... جات لهنا داك المرة .. شي خمس شهور دابا .. بنت بنت خالتي رقية .. داك لي كتصووك الباااطو ... وعرفتي شحااال دارت داامعاونات مسكينة .. هادو هووما الجيييررااان لي يتسماو جيران .. اما لوخين غير ذاقو شوية دالفلوس قلبو عليييينا .. ونساو اصلهم ....

حسام : تانا على ود هاد الموضوع بغييييتك اكريم

كريم : انا معاااك ابا حسااام ااامررر وانا نفذ

حسام : نتا عارف راجل خالتي رقية راه مات الله يرحمو

كريم : وااييه شفناها فالتلفازة ... بغات الواليدة تمشي تعزي ولكن راك عارفة القضية عنهم مرووونة ومفشكلة متعرف منين دخل ولا منين تخرج ولا فين تمشي ولا شكون تعزي ... قالك عندهم واحد دار بحالا داخل لموروكو مول

حسام : انا كنت معاهم .... عزيتها ... راك عاف مروان راه صاحبي روح بروح وداك السيد راه كنعرفو معرفة شخصية .... وتلاقيت تا ولد فاطمزهرا ....

كريم : وانكددددب عليك .. مكنعرفش الولاد بزااف راه مكيجييوش .. كنعرف غير بنتها الكبيرة ....

حسام : هدا ولدها كبير تاهو .. سميتو جود .... هو مكيعرفش الحومة ومكيعرفش نااسها داكشي باش ووصاني انا على شي حاجات ضرووووورين .... ونتا راك عارف مابقاتش عندي معرفة بناس هنا بزاف من غيركم نتوما ... تققضي ليه هاد الغاراض

كريم : اهاه الله اوووووودي ...اش بغا!!!

حسام : ( تقلب عندو قاد جلسة ) دابا ماماه ... عندها شي عيد ميلاد واقيلا ولا منعرف ...وهو بغا يجمع ليها تصااورها القدام منين كانت صغيييرة ... ومالقاش الالببوم ديال تصاورها القدام ... ونتوما راه كنتو جيرانهم لي لاصقين ليهم راه جداتك الكبيييرة كانت قرييييبة ليهم ... زعما ماماك مايكونش عندها تصاورها لقدام ( كريم كيفكر ) خصوصا هو بغاهم .. الوقيتة لي كانت كتشطح ..... حيت هداكشي كولشي مشى ليهم .... هو بغا هااااديييييك اللحظة ... يعاود يفكرها بيها حيت ذكراياتهم ... وهي مابقات ليها تاوحدة فاش كانت كتشطح فالكباريهات .... راه كانو عندها بزاف كايتلسقو فبيبان البيران على تعقل عليهم .... ضروري مايكونو عندكم ....

كريم : ( كيفكر ) اوووودي شغنقولللييك ( شاف فيه ) ... مي لالة راه كان عندها واحد الالبوم فين ما كاين شي وجه رااااه تماااا .... لي نعرفوه ولي منعرفوهش

حسام : هانتا ركز معايا ... بنت عمتك راه كان عندها استديو ديال التصوييير .. وفاطمزهرااا داك الوقيتة انا راه واخا كنت صغير راه باقي عااقل كانت كتصور عندها باش دير داكشي دالاشهارااات وداك تخربيق .. راه ضرووري تكون باقا عندكم شي حاجة ... سير قلب ليا الله يحفضك راه طيارة عندي غتمشي

كريم : انا غاانمشي دااابااا نشوووف ... واخا منعرف .. منضمنش ليك .. نمشي نسول الوالدة .. حشومة المرا عزييزة علينا مسكييينة ولدها بغا تصاوها نجيييبوهم واخا نعرف ندوز دار دار ... تسنى هنا .... انا جااااي ...

حل البااب ومشا بزربة وحسام متبعو تابدات ترسم على ملاامحو ضحكة شر ... وشاف لزاج كيرشف من قهوتو

حسام : ودابا غانشوفو .. شكون لي ولد القح.بة فينا .... اولد الشييييخة ...

∆في القصر

الساعة التاسعة والنصف ...

بدات كتفيق قدس على صوت تيليفون وهي مكمشة ...حلات عينيها باقي فيها النعاااس مدات غير يديها كضرب حداها فالفراش حتى شداتو وشافت فيه بغمزة وهي تلقاها صاحبتها رانيا .... كمشات ملامحها وجاوبات بصوت ناعس باش مايييتخسرش فيها ...

قدس : الووو

رانيا : اويلي باقا نااعسة .... مغتجيش لتدريب ؟؟؟؟

قدس : نووو مافياش صابحة عيانة .. اش بغيتي

رانيا : ضرووووري حنا نتلاقاو ... بغينا نفهمووو داااك الكيييس ويذ يور كااازن ...

قدس : انا راه مجااايش ومافيا مانخرج .....

رانيا : تاحنا اللالة ماقلناش ليك خرجي .. فين نجيو عندك ؟؟؟ نجيو عندك لدار

قدس : واش مغتبعدوش مني

رانيا : شوفي ياقولي فين نتلاقو ... يااا نجيو عندك لدار خليناك البارح على راحتك كانت عائلتك فكل بلاصة... دابا لااااا ... مغنبقاوش راسنا ضاااارنا ...

قدس : ( تنهدات كتقول اللهم نمشي دغيا نخوي ليهم دماغهم من الافكار حسن ميطلعو الاشاعات ) واحد جوج سوايع نتلاقاو فريسطو دلوطيل ديال ديما ....

قطعات عليهم تيليفون وبقات شحال كتشوف غير فالسقف كتصحصح وهي تشوف لبلاصة قسم لقات ايزارها مطوي على الفوطوي وهي مكايناااش .... وبدات كتسعل كتحس بحلقها نااااشف وداتها بحالا واكلة العععصا ... بدات كتحيد الغطى عكزانة مافيها لي يخرج ولكن ضرووووي باش ميخرجوش عليها اشاعااات توصل لباباها ولا للصحافة .. مكثيق فتاشي واحد .. حيدات عليها الغطا ... وناضت لدوووش غسلات وجهها باش توكض وهي كتشوف فملامحها كيف صبحو صفرييين .. دارت روتينها لبشرتها وخرجات دايرة أباراي ليزر فسنانها كتقلب فدريسينغ شنو تلبس ... وتشوف شنو حطو ليها هاد صباح ... مكرهاتش تلبس حاجة مريحة حيت باقا كتحس براسها فاشلة ... ختارت غير غوب كحلة كوتشي فايتة شوية ركابي وختارت معاها جاكيت دجين وهزات سبادرين نايك كحلة وصاك طويل كحل .... لبسات كولشي وشعرها خلاتو هاكاك على كتافها مطوق دارت غير كاسكيط كحلة وهزات نضاضر يخبيو عينيها العيانين لي متقدرش تماكيهم بسبب المرض صابحين مدمعين .... حطات ليلانجيت فصاكها و قرعة دالما على عادتها من روتينات بشرتها وسر بياضتها انها كتشرب المااا بزاف لبسات تقيشرات وسبرديلتها وخرجات حيدات تيليفونها من الكابل .. ورشات برفانها وحيدات الليزر من فمها ومشات شللاتو كتشوف سنيناتها عاد خرجات نازلة فدروج كتأكد من صاكها كولشي هو هاداك وهي تلقى ماماها وباباها على طابلة فالطور ... غير شافوها تبسمو وهي باستهم وجلسات

قدس : صباح الخير

اسد : ( طلع راسو فيها ) فركوسة ! كييف صببحتي !

قدس : صااافا حسن من لبااارح ... تلتيام دلاكريب راه ولفناها هعه

لامار : الله يشافيك احبيبتي دزنا عندك بنتي لينا ناعسة مبيغيناش نفيقوك

اسد : فين غادا ؟

قدس : صوناو عليا صحاباتي .... غادي نتلاقا بيهم شوية ننسى المرض .. نيت شحال هادي ماخرجت معاهم ....

اسد: ( مسح فمو وشاف فيها ) داكوغ ... بقاي فلازون (وقف )

قدس : ( طلعات راسها معاه ) هاء ؟؟؟ علاش نبقى فلازون ؟؟؟؟ موالفين كنمشيو لكلوووب .. عندنا لي غيسطو لي كنجلسو فيهم علاش نجيبهم تالهنا ؟؟؟؟ درت معاهم فلوطيل لي فسونطر ....

اسد :ودابا انا هضرت .... بغيتي تشوفي صحاباتك مرة اخرى . يجيو عندك هوما وعطا الله ريسطوات فين تجلسي معاهم هنايا ...

قدس: ولكن علاش ؟؟؟؟

اسد: ( كيشوف فتيليفون ) حيت هاكا قاليا عقلي ... (رجعو لجيبو وهز الفيست ديالو )يلااه نهاركم مبروك ...

لامار : ( ضارت عندو ) اساااد .. انا ماعنديش خدمة اليووم كتيرة .. مافيا لي يمشي

اسد : شغلك هداك

لامار : اااجي بككري شوية بالليييل .. بغيت نتجمعو ( ضحكات ) غانطيب ليكم

اسد : هه ! داكوغ ... بسلامة ..

خلاهم ومشا ولامار رجعات كتكمل ماكلتها

قدس : غاتجي جدة ؟

لامار : واهادشي لي قالت غنبقى هنا كنتسناها ... مغنخدمش اليوم ...

قدس : فقت مالقيتش قسم ..

لامار : قسسم ملي فقت انا كانت يلاه طالعة من البحر .. خرجات شي ربعين دقيقة دابا

قدس : ( كتاكل ومزال متسطراتش ليها هضرة باباها ) اممم اكيد .. هي مكاينش لي يقوليها بقاي فلازون ... حيت عندها ماييييدااار .. ماشي بحالي

لامار : اوا حتى نت دابا تكبري وتقراااي وتتخرجي وتخدمي ... ويولي عندك مايدار

قدس : ( شاف فماماها ) واخا عارفها مشات تلاقا اصيل .. مدواش ومقالش ليها بقاي غير فخدمتك ولا دار ليها الزيار

لامار : قدس مغنرجعوش ثاني لهاد الكاسيطة ابنتي على الصباح .... ماشي كل ما يقول ليك باباك شي هضرة نوضي تاني تخرجي سمك فكولشي ...

تنهدات ومسحات فمها وناضت مشات ولامار غير متبعاها بعينيها وكتنهد ورجعات كتفطر على خاطرها حيت ماخداماااش ....

الساعة العاشرة والنصف ....

عند قسم ....

باركات طموبيل مور طموبيل داصيل ... هزات واحد الساشي كان تما فيه فطور .. عبارة على كيسان دالقهوة و كيك ... ونزلات من الطموبيل باتجاه الريسطو .... كانت بالكاجوال .. طلعات نضاضرها فوق شعرها كتشوف للباب لي بانت ليها محلولة دونك راه لداخل مدام ماسمعش صوت طموبيلتها دونك راه مشغووول ... دخلات دفعات الباب لي خلاها لي كانت مردودة ودخلات موسعة عنيها فالبلاصة .. تبدلات بزاف !! ... داك روينة كاملة مبقاتش والبلاصة نقيييية وكلها خااااااوية ومنقية ومكايناش ريحة الغبرة كيفما لول ... سدات الباب ودخلات كتقلب بعينيها مبانش ليها ونزلات فدروج قالت غيكون لتحت ... كتشوف يمين وشمال وهي تمشي جيهة البيرو لي بانت ليها الباب محلولة دخلات هو يبان ليها عاطي بالضهر قدامو ضواسا وشاد واحد كيقراااه كانو ضواسا داخر لي موڤمون دريسطو قبل الافلاس ... تبسماات وهي كتشوف فيه كان لابس فيست اخضر عسكري توبها غليض محلووولة تحت منها تيشورت كحلة وسروال كحل ومعلي كمااام الفيست .. حطات الساشي بشوووية مووراها ... عرفاتو راااه ملهي مدام مارضش البال لخطواتها .. وهو كان مركز تاعنقاتو ملور قفزاتو ....

قسم : صبااااح الخيييييير. ..

اصيل : (ضار عندها براسو غفلاتو وحط الضوسي وضار عندها كامل مبسم وهي عنقاتو من عنقووو معلية راسها فيه ) صباح نور .. شكون هاد الزين لي جا يصبح عليا .... ( عوج راسو معاها ) العزية ديالي

قسم : ( كمشات فيه ملامحها ) وصافي مغنزيدكش على عمي سفياااان ...

اصيل : ( هبط راسو لشفايفها ببوسة خفيفة ورجع شاف فيها ) وملي عرفتك ونتي فيك كولشي هو هاداك .. جات الفرصة نتنمر على شي حاجة ونفلتك ميمكنش !

قسم : استغلاالي ههه

اصيل : كيف بقات ختك ... شوية !

قسم : وي قبل مانجي بانتلي سخانتها نزلااات ... شوية ونعيط ليها نشوفها .. مرضها كيخلعنا حيت مناعتها ضعييييفة ...

اصيل : ريحة القهوة !

ضارت قسم موراها وهزات الساشي حطاتو قدامو كان ديال سطاربكس ...

قسم : وي دزت جبت قهوة نفطروو اونسومبل

اصيل : ( شد عليها الكاس حطو حدا الوراق وهي شداتو كتجغم منو ) لقيتيني كنشوف فهاد الارشيف ... القضية كانت عندها محرررركة بالجهد !

قسم : واه باينة المووقع واعر وباينة مولاها كان كيعرف ليها ( كتشوف معاه الوراق ) واربااااح نيت !!!!

اصيل : هذا ارشيف ديال عشر سنين .... من وراها طاح ليها الفليش ...

قسم : يييعني راه شحااال هادي ملي مات ليها الحوت .. متكونش تنسات زعما ؟

اصيل : هادشي لي لقيتيني كنفكر فيه .. غيخصني نعاود الماركوتينغ ملول ...

قسم : الماركوتينغ .. سبيسياليتي د خويا ... نقدر نطلب منو شي مساااعدة ... يعاونا فهادشي ..

اصيل : ان شاء الله ... دابا مزال منقدر نفكر فهاد الامور تايسالي الاصلاح ويسالي التمن دريسطو .. حيت را مستحيل نطلق الخدمة ولا ندير افتتاح وانا باقي ممكملش الخلاص هدا هو الشررط ..

قسم : وتاهوما شحال قسسسحو .... ونتا قاسح كتر منهم ( ضرباتو بالطاس لراسو ) فهاااد الراااس دالحجر ... ( كتشوف مع جنابها ) مكاينش الما

اصيل : كاين لهيه .. انجيبو ليك ...

خرج وهي جبدات التيليفون تصوني على قدس وكتسنى فيه يجي .. كترشف من كاسها متكية على المكتب كتصوني ...قدس كانت فالطموبيل يلاه نازلة لواحد من الريسطوارت فلازون وهي تبان ليها قسم فالشاشة وجاوبات ..

قدس : سيي قسم ...

قسم : قققدس ... صافا ؟ كيصبحتي

قدس : صااافااا .. حسن كاع من البارح

قسم : كنسمع طموبيل ؟

قدس : اه .. خرجت شوية نشوف صحاباتي ننسى شوية المرض

قسم : مزياااان .. ولكن ردي لبااال راك مبريتيش كومبليطمون .. عنداك من البررررد .. كنعرف لباسك

قدس : نووو متخاافيش .. فينك نت ؟ مع سهيل ؟؟؟

قسم : ههه نت راه غاتخرجي عليا ... اه ... ( رشفات من قهوتها ) كنفطرو اونسومبل

قدس : مزياااان الالة .. نت لي جات معاك ... اما انا ممنوع عليا تانخرج لازون

قسم : علاش ؟ شكون منعك

يلاه غتجاوب قدس وهي تسمعو

اصيل : معامن كتهضري ...

قسم : ( شدات عليه قرعة دالما ) مع ختي ...

قدس : هدا هووو ؟؟؟؟ ووو صوووتوو شحااال زويييييين .... وااااعررررر هههه

اصيل علا حجبانو حيت قسم دايرة سبييييكر وقسم ضحكات

قسم : ههه !!!!! سسسمعك ... هههه ...

قدس : ( فرانات بججهد ) اوووويييييلي !!!!!!! حححلفي بالله

اصيل : هههه .. صباح الخير ... صبحتي صافا ؟ سمعت مريضة ... ؟ شوية دابا ؟

قدس : ( ولات حممرة كدعي ف قسم تحت سنانها ....وحاولات تبسم متوترة خيت جاها صوتو رخم وكبير ) صباح نور .. لا لا حمد الله مزيان .. نتا اا .... نتا لاااباااس عليك ...

اصيل : صافااا .. ( شاف فقسم ) قدس ياك سميتها !

قسم : اه ..

اصيل. صافا اختي قدس ... لاصبحتي لاباس اجي فطري معانا

قدس : شششكرا على العراضة خويا س(قاطعاتها قسم بزربة )

قسم : اصييل ..

قدس : اه خويا اصيل ... .. مرة اخرى ونجي .. دابا عطيت الكلمة لصحاباااتي ... قسم معاك فيها الكفاية بحالا جالسين معاك حنا كاملين ههه ..

اصيل : ( شاف فقسم ورجع شاف فتيليون ) دااكوغ .. المرة الجايا اجي معاها ...

قدس : صااافي مشاااات .... ومممرحبااا بيك وسسطنا ااصيل .... هه

اصيل : الله يحفظك ...

قسم : يلاه احبيبتي ... نتلاقاو فالدار .. ردي بالك

قدس : بسلاااامة ...

قطعات عليها وقدس بقات غير كتنهد من داك التحشيمة ورجعات كتبسم حيت فعلا عجبها جاها ضرييييف ومصواااب ...

وقسم حطات تيلي وشافت فيه ..

قسم : اشنو غنديرو اليوووم ؟ حيت معنديش وقت بزاف ( شافت لساعتها ) بقات ليا ساعة ونص معاك وغيخصني نمشي لدار نجيب وراقي باش نمشي لاجتماع .... دونك باش غنبداو ... ؟؟؟

اصيل بقى غير كيشوف فيها وهي معلية راسها فيه كترمش بعينيها ... كيعياا ماايمنع فرااااسو ويحاول يتعامل عادي كانها بنت عادية معاه باش يبقى شاد سيطرتو حتى يبرا على الاقل ..... ولكن مكيقددرش وهو عارف هي حبييبتو لي كيموت عليها .... حيد ليها الكاس من يديها وشد وجهها وهي بقات كترمش فيه وشاف فشفايفها ...

اصيل : ( بصوت هامس ) نبداو بيك ..

قسم غير ساكتة وغير شافتو قرب وغمضات عينيها وهو كيحاول يخلي دماغو محلووول ويبقى فالوووعي ديالو كيحاول يقبل غير بشششوية ببحنية وهي شادة فالبييرو بيديها بجوج مزيرة على البيييرووو ومغمضة عينيها كتذوووق طعم شفايفووو على خاااطرررها وتحاول تحفظ طرقو فالتقبيل حيت هي ماشي البنت لي غتقبل انه يكون ديما المسسيطر ... وكتآمن ان النشوات والغرائز من صنع الطرفين وماشي ديما الانثى تكون هي لي غير جسد وهو لي شاد بزماام الاووموررر ....

هزات يديها شوية لضضهروو وهو حل عييينيه حيت اصصغر لممسة منهاااا غيضعاااف وهضرة الطبيييب بدات تعاود ليه فدماغو " ماحد الشخص كتبغيييه بحب كبير ماااحد العنف غايكون اكككبرر " ... يالاه كيحاول يقنع دماغو انه فاايق وواااعي ومغيغيبش على وعيو ومغيخليش سااديييتو تتحكم فيه هو يشوووف شي واااحد كيطل من السرجم الفووقااني بحالا كايقلب على شي حاجة تاستقرو عينيه عليهم .. ووسعهم فاش شاف اصيل كايشوف فيه معلي عينيه عندو .... وبعد بزربة من تما هرب ..

وواصيل بعد على قسم ببززززربة طلع خرررج كيجري من لباب الخلفي دالمكتب كايتسائل ذكون هدا لي كايطل عليه وكايضور هنا فريسطو .... وقسم واقفة فبلاصتها مفاهمة والو و كتشوف فالشرجم موراها لي كان عااااالي قريب للسقف وكتشوف لاصيل لي خرج كيجري بحالا شاف شي حاجة تما .. وخرجات دغيا تبعاتو ....

اصيل خرج برا مشااا بززربة جيهة فين كاين الشرجم لي كيطل على البييرو ..البيرو كان فلاكاف والسرجم ديالو كان مستطييل طويييل فالحيط من الجهة الاخرى ... كيقلب بعيييينيه فين غيكون مشااا .. وهو يبان ليه شخص غادي بعيييد كيجججري ..... مشا موراه كيجججررري وقسم يالاه وصلات كتشوف بعينيها فينهو بانليها تابع واااحد و الارض كانت قدامهم كبيييييرة و خااااوية .....

بقات موسعة عينيها مفااهمة والووو تابان ليها شسششدو مع واحد الششجرة مكمشو من حوايجو حيت ملي هرب دخل ليه الشك ... ومشات بززبة كتتجري لعندهم .. وهو شانقو من حوايجو معليييه مع داك الشجرة ورجليه تيلعبو فالهوا وكيشوف فيه مغزززف

اصيل : شششكون نتاااا

- طط. لق ط ط لق .. ا ا نا راه مكنعرفكش

اصيل حطو تاتلتخ وبدا يقلب واش عندو شي كاميرا حيت خاف يكون من الصحافة وهو عارف خطورة الامر بالنسبة لقسم ... لقا عندو غيير تيليفون وحلو ليه مشا ديريكت للكااميرررااا بانليه مكاين والو هو يلوحو عليه تاكانت وصلات عندهم قسم كتلهت

قسم : اش وااااقع

اصيل : ااش جاابك تا لهنااا ؟؟؟؟ شكادير هنا ....

- ر ر.. راه كنت غير دااييززز ...

اصيل : فيييين دايز ؟ ( كايشوف مع الارجاء ) بانت ليك شي بللاصة هنا كايجيو ليها ؟؟؟؟ ....

- تيييق بيا ... والله تاكنت غير دايز .. ك كتتمشى ( كايشوف فيه وقسم بملامح باينة عليهم الخلعة )

اصيل : علاش كنت كطل ؟؟؟؟ ( رجع شدو من حوايجو) اش بغييييتي ..

- اا . غ غير دايز والله ....

اصيل دخل ليه الفضول مع الدماغ حيت ملي شافو طريقة لي كان كيشوف بيها فالمكان ويقلب بعينيه مكانش ديال واحد غير دايز وتا حوايجو كانو نقييين ماشي ديال واحد لي دايز فهاد الخلا ...

قسم : ااصيييل اش واااقع .. ماال هداا ؟؟؟

- و الله مكنعرفك اخويا ... وو ومكنعرفكش تانتي اختي انا غا كنت دايز وطليت نشوف وصافي ملي شفتكم مشيت ....

اصيل : وعلاااش هررربتي ؟؟؟؟؟

- اا . خ خف .. خفتك تفهمني غالااااط ... والله مكننعرفكم بالله ....

طلقو اصيل وداك السيد غير كيشوف ورجع شدو من وجهو مقربو لعندو مخنزر فيه زهو غايبول بالخلعة

اصيل : شتي بربي وتكون فكرشك العجينة .... غااانوسعها ليك ( قسم وسهات عينيه وهو نترو من يدو ) قود منهنا ....

مشا داك الولد كايجيري وكايشوف موراه واصيل متبعو بعينيه ومتأكد كان ناوي على شي حاجة حيت ريسطو بعيد وضروري طموبيل حيت طريق لي كتنزل للبحر وتدي لبلايص اخرى مقطوعة بالاصلاحات طريق وحدة لي كانة هي طريق السيار ...وداك بلاصة فيها غير هاد الريسطو لي جا هنا كايطون مقصد لريسطو .... حتى من طريق لي كتنزل البحر مقطوعة كتصلح تاهي .... واايلاصة كاملة عامرة بالكيوسكات دالمهندسين وعمال اللوجستيك .... مابغاش يبين بزاف واخا متأكد شي حاجة تما وكان ناوي يصور ومالحقش ....مابغاش باش مايشوشها وجر قسسسم ورجع ومرة مرة كيضور براسو .... ورجعو لريسطو ... وداك الولد بقى كايجري تاوصل مور واحد الشجرة عاد وقف كايلهت وهو يرخي عينيه بضحكة شرييييرة وشاف لتيليفون كيصوني وجاوبو

- على شوووية اصاحبي كنت غنتفففضح ... ارااا شافني ... جا شنق عليا ....وااايه .... لا لا متخافش قتليييه مكنعرفكش وكدا . .. راه بانليا تييق .... لااا كانت معاه واحد البنت .... منعرررف اصاحبي ولكن راه باينة الساطة ديالو .. لا لا مكتبانش حاالتها دالقحاااب .. نقيييية فحالتها .... قلتييك الساطة ديالو اصاحبي راه شفتهم كااايفلورطيييو .... وايييييه نيييتفليييكس اصاااحبي .... تا معنديش كيندير نزيد نصور اصااحبي ... راه حاااضي جنااابووو بالبيااااان ملقيت كندير ماجيت فين نشوفهم تاكان قشعني ... انا غنبقى قااااارق هناياااا تايكونو خارجين ونشوف كيندير ( كايوشف مع جنابو ) وحلت فخاد الجايحة الكحلة طموبيل خليتها فطريق لتحت ماعندي كندير ندوز ليها غايشوفني تاني ... ونا بااااش عرفت هنا الاصلاحات ....زهري مقود .... وصافي كون هاني واش غتوريني فخدمتي .... بغا التصاور نجيبو ليه تصاور .. واش خنا صورنا سياسين وسط البحر نحير فهادو .... غا جعبتي تحط كاش ماتخممش .... تلاح...

دخلو اصيل وقسم لداخل وقسم باقا كتسول وهو عاقد غووباااشتو ... مزال مبغاتش تسرط ليه .. الطريقة باش كيهضر و التوتر ديالو والطريقة باش كان كيطططل تيليفونو لي كاان غااالي ... دخلو ليه الشك ! ماشي اي واحد غيجي لهاد البلاااصة بالصدفة ولا يتسمى غير دايز .. لي جا هنا كيجي مممقصصصصصد ... وهي توقف قدامو حيت بان ليها كتهضر مع الخيط ...

قسم : وووشرررح ليا اش كاين غتخليني كنننهضرررر بوحدي

اصيل : ( شاف فيها كاحك مور عنقو ) كان كيطل من سرجم لتحت .. خفت شي واحد يكون من الصحافة ولا شي حاااجة

قسم : ( وسعات عينيها ) نوووو ؟؟؟؟؟؟

اصيل : بانليا ماصور والوووو ... ومغيصوور مني تااا حااااجة الا مااامشاش يقوووود من سااااحتي نوريه الفضووول شنو هو ....

قسم : حالتو بانتلي فشكل .. مسكين بصح غير داايز ولا شي حاجة

اصيل : اشمن داايز اققسم .. ! اش غيدوز يدير هنا ... يسرح البگر ؟

قسم : ومدام ماصور والو دونك مكاين والو ..... علاش دابا معصب ؟؟؟؟؟

اصيل : حيت كون مشفتوش كان غيصووورر ... واااحفضوو الله مالقيتش عندو شي تصوويرة ... كووون مشاا بلا * لااويه لداارهم هاد نهار ...

خلاها وزاد هبط وهي موسعة عينيها معلية حجبانها اول مرة تشوفو كيخسر الهضرة قد هاكا .. صدق هدا طينة وحدة مع تريكتها .. ونزلات عندو لقاتو فالبيرو كيشرب الما وكيشوف فداك الشررجم

قسم : وصااافي اصييل ودابا غنخصرو نهار على والو !!!! ( اصيل غير ساكت باقي كينهج من داك الجرا لي جاه ) اصيييييل .. وصاااافي ...

اصيل : ( شاف فيه باقي معصب ) قسم تعلمي واحد الحاجة معايا ... مكنشعلش دغيا ومكنطفاش دغيا بلا ماتبقاي تزني فوق راسي دابا طلعي بدلي ساعة باخرى انا جاي ....

ضار عطاها بظهرو وهي واقفة كاترمش وهو عينينه فداك شرجم من ديما هادي هي طبيعتو غير غير شي حاجة شوشات ليه دماغو كتيتقلب ليه المود فمرة .... تاحس بيديها الصغار تايدوز تحت درعانو عنقاتو وحطات راسها على هضرو كاتهضر بشوية ...

قسم : مغانطلعش .... مغانبدلش ساعة باخررى .. نبدلو بجوجنا هاد الساعة لي ضيع لينا هاد خينا ... مخليا عرام دتخربيق مورايا باغا ندوز معاك صباح زوين يضيع ليا !!! ....

عند قدس ...

جالسة فالريسطو د الاوطيل دلازون ... جالسة فالطابق الفوقاني شادة عندها ميلك شيك كتشوف من الزاج فالمواج وكتسنى صحاباتها يجيييو ...

مزال مفهماتش علاش باباها ماخلاهاش تخرج لازون ؟؟؟ اخر مرة شافتو هضر معاها بالزعاف !!! واش لهاد درجة فقد فيها الثقة ! كدبة وحدة دغيا مابقاش كيثيق فيها ؟ علاش خوتها عمرهم كذبوو !! وسيم حياتو كاملة كدووووب علاش ميمنعووش على امرييييكا ؟؟؟

واش غير على ود كذبات ؟ ولا كتاشف عليها شي حاجة اخرى !! اه هي فعلا كتخرج مع دراري ولكن عمرها دارت شي حاجة خاااايبة لي بسبابها يحبسها فلازون !

باقا فافكارهااا لي ديما كتحس ان كاين الفرزيااات فتربيتهم وانها ديما واكلة الدقة الكبيرة تاكيبانو ليها صحاباتها جايين وهي تخرج من افكارها وحطات الكاس لي كانت هازاه عندها وهوما جرو الكراسا جلسو وهي مدات ليهم غير بونية كتسلم عليهم حيث مريضة ...

رانيا : يااصاحبتي على تمارة درتي لينا .. اجي عندنا نتيييي مالنا تانشدو هاد طرييييق كاملة

ايمان : وهاد الخرية مكتعرفش تصووك قلبات ليااا معععددتي يا صاحبتي .... نت صافا كيبقيني ؟

قدس : حمد الله ... ( شارت لناذلة جات )

ايمان : ايس كوفي ..

رانيا : كابوتشينو ...

اشارت ليها الناذلة بالايجاب ومشات وهوما شافو فقدس

رانيا : اهاه ؟؟؟؟ ... داك البوسة لهاد درجة مرضاتك ؟؟؟؟

ايمان : حنااا الا غير شربنا الما كنعيطو ليك كنقولو ليك شربنا الما .. ونت ... دايرة رولاسيون مع ولد عمك .... ومخبعة عليييينا وناكرة ملفوووق

رانيا : والله الا .. انا غير لا شي واحد دارلي فولو فانسطا كنوريه ليها

قدس : وااانتوما دايرين هاكا...علاش تانا نكون هاكا !!!سانيا معاكم شي كونطرا ندير اش كاديرو نتوما ؟؟؟انا ماشي مرايا ..... زايدون انا ولؤوي مابيناتنا والو .. غير بقات فيا الشششمتة ديال صوووفيا ... وبغيت نوووريها وصافي

رانيا : اهاااا .. وباش متبقاش فيك الشمتة ... بببستي ولد عمك !!!!! بسسستييييه .. ( كتشير لفمها ) من فموووو

قدس : ( شافت لزاج) اعتذرررت ليييه ...

ايمان : وبغيتينا نثيقو ..

قدس : هاداك سوقكم ...

رانيا : ( شافت فايمان ورجعات شافت فيها )هو اش قال

قدس : ( كاتشوف من الزاج ) نسيييت !! اصلا نسيت هادشي كامل ... ( شافت فيهم ) مالقيتش شي طريقة اخرى نعصبها بها من غير نحقق امنيتها قداااامها ... هدا مكااااااان

رانيا : نااااااااااري على شيييييطانة نت

ايمان : والله مكتسواي اصاحبتي استغلتي ولد عمك ... على ود تفقصيها .... شييييييطانة ......

يلاه غتهضر رانيا هو يبدا يصوني تيليفون قدس ... حلات صاكها لي معلق مور الكرسي وجبدات تيليفون هو يبان ليها اسم لوؤي وشافت فالبنات وشافت فتيلي

قدس. : انا جايا ...تسناو ....

ناضت بعدات ورانيا كتشوف فايمان ويشوفو فيها

قدس : عرفتي نتاا اش غادير .... بقا تجي لباااب دار وعيييط قدااام كووولشي ... ماخليتي معامن فضحتيني ...

لوؤي : صباح نور .. انا صافا ونت !

قدس : لووووؤاي ... كانقول ليك متبقاش تصوني بحال هاااكا

لوؤي : اهاه .. وبحالاش نولي نصوني !

قدس : ماتصووونيييش

لوؤي : اهاه .. وشنو نولي ندير ملي نتوحشك

قدس : ساهلة متوحشنيش

لوؤي : منقدرش ....

قدس : دابا اش بغيتي

لوؤي : كنت باغي نشوف كيف صبحتي .. بنتي ليا صبحتي صافا .. كنسمع الهضرة فينك !

قدس : جالسة مع صحاباتي فرييسطو

لوؤي : اهاااااه .. وفين جا هاد ريسطو

قدس : راااني غير فلازوون ديالنا غير تهنا .... ( تنهدات ) بابا مبغانيش نخرج لازون

لوؤي : عبر عليك ....

قدس : هاهاهاها ( مميقة ) تشششفى جات معاك الشفااااية ... هادي جاتك فجنبك .. فينك نتا ...

لؤوي : فقلبك ...

قدس : حاااااامض ....عررفتي ... غتبقى هاكا غانقطططع ...

لوؤي : هههه .. دابا ديري معانا اش حل ابنت عمي .... كيفاش منبقاش نصوني اش ندير .. نصييفط ليك مع الحمام

قدس : مادير والو

لوؤي : وملي توحشيني نت اش ديري !

قدس : مكنتوحشششكش انا .... بببببعد مني

قطعات عليه التيليفون ومشات عندهم جرات الكرسي وجلسات

قدس : غير خويا

ايمان : خوك مولفة تهضري معاه حدانا

قدس : ( قشعات معاهم ) دابا نتوما جايين نجلسو نبدلو شوية الجو ولا جايين ديرو ليا استنطاق ... لوؤي مبيناتنااا والو كون كااانت كانت غتكون فخباركم حيت ماغيبقى تاشي صحافي مغيكتبببش عليييها ....

رانيا : اااه على دكر الصحافة .. مخفيتيش صوفيا تفضحك

قدس : كانت سكرانة . . تديو نتوما على وحدة كتخيييل وهي سكرانة !!!

ايمان : ههههه عرفتي .. نتي راكي شيطانة

قدس : خليييكم مني ... داك سلفاادور

رانيا : داك البوووكوووص الكاوري ؟

قدس : باقي كيدربنا !

رانيا : باااقي .. غير هو دابا مكاينش كاين غير الرومپلاصمون ديالو .. تايقرب الماتش عاد يجي .. يمكن الاثنين يجي على ماقالو ..

ايمان : اه حيت تقريبا شهر ونص وهو غابر .. قالو كان مسافر يمكن مشا لبلادو

قدس : فففف ..

ايمان : مالكي !! توحشتيه

قدس : ( هزات كاسها ) راه غانشير عليك ......( تنهدات ) مبقيتش حاملة داك السطاد منو هو .. ولا مققجر عليا .. تخيلو قااليك زواج كااااع !!!

رانيا : واااااات !!!!!

قدس : مبقيتش كنجي بسبابو صافي طلع ليا فراسي .. اه كان كيعجبني ولكن من بعيد .. ملي قرب بانلي مهرهر وفشكل شخصيتوو مازويبييناش .. كنبان حداه انا المسيطرة وهو مهبط راااس ... وانا هاكا مكيعجبنيش ... بقالو غايتحنى ويقول لي مووووولاتي ....جنتلمان دالخرا .....

ايمان : اويلي سكتي مضيعيش لينا الزعطة

قدس : يمشي يقود ... غنجي غير ليشوفمون دالماتش ونلعب و نمشي منبقاش كل مرة معمرة تما باش يفهم راسو

رانيا : قبل ميخرج كان كيسولنا عليك

قدس : هاد المرة الا سول عليا .. قولو ليه تخطبااااات ..و هنيو السوق

ايمان : هه !! واااخا الالة .....

رجعات قدس لور كتشرب وهوما كيعاودو ليها كاااع شنو فاتها مسكتوش من الهضرة والضحك تادازا ساعة ونص بلا مايشعرو ....

علات عينيها للبباب ددطابق وهي كترد شعرها لور ..... وهي توووسع عينيها على قدددهم ملي شافتو داااخل كيحيد فنضاضرو وكيشوف مع جنابو كيقلب عليييها .. حلات فمها مامتيقاااش هدا غيفضحها .. كان بدجييين كري وشوميز كحلة مطلوووقة معلي ليها يديها لدراعو وهوما شافوها مصدومة وضارو يشوفو فين كتشوف وهوما يلقاوه داخل ووسعو عينيهم كيشوفو فيه ... لمحها فين .... وتم جاي بجهتها وتبسم ليهم وهوما غير كيشوفو وكيحاولول يبيتسمو ليه

لوؤي : صباح الخيييررر ( عوج راسو كايطل عليهم ) لاااباااس ؟؟؟

ايمان : ( شافت فرانيا وشافت فيييه كلها حمرة حداااه ورييحتو دوخاتها ماعرفات توقف ولا تبقى جالسة ) ل لا باااس .. ح .. اا . حنا ... حنا .. لابااس ..

لوؤي : ( شاف فقدس لي باقا مصدومة وشاف فيهم ) شفتو صاحبتكم ؟؟؟؟

ايمان : اا ... ا اه ( شافت فقدس مغمضة عينيها كطلب الصبر وشافت فيه ) ش شفناها

لوؤي : ( مد يديه لعندها ينوضها وهي موسعة عينيها ) يلاه غنديها ليكم شووووية ..

رانيا : ( كتشوف فايمان بمعنى ها اش قتليك وشافت فيه ) اا ..ها .... خ خ ود راحتك ..

لوؤي جررها وهي نترات صاكها من الكرسي وتبعاتو كاتجري تتقاد مع خطواتو وكاتهضر بين سنانها

قدس : تدييييييك الموت ...... الللللمووووووت تديك ......ومن قبيلة ونا نرررررقع ...

اصيل تنهد وشد يديها حيدهم وضورها عندو متكي على البيرو كايشوف فيها ملي حس براسو تعصب عليها وهي مدايرة والو

اصيل : ديرونجاني اقسم والله .. ماديش عليا ...

قسم : ( دوزتت يديها على وجهو وهو كايتحكم فراسو بزز ) ماعليييش ... عادي كتوقع

علات حجبانها ملي بان ليها بعد وجهو مافهماش كانقول واش هادي كاملة عصبية ! وهو بعد عليها كايقاد الفيست ديالو ملي شاف راسو سخناتو الرغبة فحتظانها تاني ....

اصيل : يلاااه لهيه نوريك الحيط لي بغيت نهرس ...

زاد قامها لكوزينة وهي بقات واقفة فبلاصتها كاشوف التهرب لي دار ... ورجعات تبعاتو كاتحاول ماتعمقش بزاف فالتفاصيل وتعيش اللحظة واخا داك القطة ماعجباتهاش ....

اصيل شاف موراه لقاها جات ويدا يوري ليها وهو غير كايحاول يشتت راسو مايقربش ليها ....

اصيل : هو لي غايتهرس كااامل باش توسع هاد البلاصة .... غاتبنا واحد صغير منها اوبسطاكل منو يدارو فيه بلاكارت ...

كايشرح ومرة مرة كاتديه عنييه لعندها هي لي متبعو معاه وكتحيد شعرها على وجهها كاتردو لور وتعري عنقها وتماصيه بيديييه ساهة معاه كاتشوف وهو كايهضر وكايسرط فريقو .... وكايحاول يشوف فبلاصة اخرى ويبدل الموضوع ولكن عينيه بزز عليه كايمشيو لعندها غير شافها عضات على شفتها كاتفكر مابقاش قادر وانسحب كاع هارب جيهة البيرو كاتحكم فراسو

اصيل : صبري هنا انا جاي ...

مشا دغيا البيرو جبد الكينة من جييو وجبد حبة شربها بزربة معلي القرعة دالما كايشرب بحال شي عطشان وكولو كاااينهج وداتو سخنات عليه .... كيقلب على شي منفذ يهرب منو من الوحش لي ساكنو .... يلاه غايضور هو يلقاها جاية بملامح مشوشة مافاهمة والو علاش انسحب بداك طريقة وعلاش دغيا تبدل ؟؟؟؟ الرؤية كانت مضببة ليه فعينيه وبحالا غايغيب على الوعي وكاينفض فراسو ويحاول يبان عادي ...

قسم: اصيل ؟؟؟؟ واقعة شي حاجة ( كاتقرب عندو هو كايسرط فريقو وعينو على شفايفها كايتحكرو وهي تهز يديها حطاتها على صدرو ) نتا لاباس .. قلبك تايضرب بجهد؟؟؟ اصيل وا........

مكاملاتش هضررتها تاكان بزززربة جرها من يديها لاحها فوق البيرو وتكا عليها بيديييه خاشي رااسوو فعنقها كأنه كاااالتهمها .....وهي وووسعات عييينيها بشششهقة يالاه غتعلي يديها تقاااوم هووو يشششدهم ليها طالقهم فوق طبللة البييرووو مززيرهم ييدييه وطلع ل شفااايفها بققوة وهي كتتسمع نهييييجوو كانو شي واحد كيفتتترس فيها ماشي كيببوووسها .. كانت طريقة عنيييفة لدرجة غمضات عينيها من الالم لي كتحسو فشفايفها بدات كتجر يديها تفك من يدييييه وووالوو وكتعوج راسها يمين وشمال ولكن كان قوااا منها .. كلها كاااترررعد بالخخخلعة ومفااهمة والو ..... بغاات تغوت مالقاتش كيفاااش حسات بنفس تخخنقااات فيها فصصدرهاااا وهو كيقبل بطرييقة جنوووونية كانو كيضااارب .. طلق من يديها وشد فففعنننقها مزير عليه معلي ليها رااااسها .... وهي طلقات يديها شداتو من شعرو كتحاول تبعدووو .. ونزلات شداا فوووجهو كاتبعد ليه راسو ...... زيييرااات على وجججهو بين يديييها و كفوفها غطسو فلحيتو ..... هو يحل عينيه على وسسعهم ملي حس بلمساتها فووجهووو وشاف فيها وهي كترجاه بعينيها دمعاانييين يحبس وبدا يبعد شفايفهم شوية بشوية كيينهج ..... عاق براسو انه كان غايب على الوعي وجمع القبضة ديالو زيررر علييها هو يضررربها بككككل قووووووتو ببببجهد فالبيروووو تاااتققققبو ..... وهي قفزات ودغيا هزات ييييديهاا غطات وجهها وغوتااات ..... وهو مشا خرج معصمو كيجرييي بالدددم ظممعصب من رااااسو كااايوسع فعنق التيشرت لي خخخنقوو تاااقطططعو ... ..

بدات كتنوض بشووية من على داك البيرو لي لاحها عليه وضارت براسها شافت فداك الثثثقب لي ضرربو بيديبه .. موسعة عينيها مافااااهمة واالووو !!!!!! غيير كاااترمش بحال الهبيلة ؟؟؟؟؟؟؟؟.....

ونااضت بزربة كتجري فالدروووج كتقلب عليه تاخرجات لبرا يلاه غتمشي وهو يكسيييري مشااا خلا موراه غير العجاااج وهي واقفة فالباب شادة على قلبها ودم مججخطن ففمهاااا كايسيل من شفاااايفها وعنقها كووولووو حممررر ....

قسم: ( بعد استيعاب ) اا ... ا .. اش واااااااقع ؟؟؟؟؟؟؟؟؟

∆ فالقصر ...

دوزات لامار صباحها فالصونا لي فجناحها الخاص وجات عندها الماسوز ، لقات راسها محتاجة واحد الشوية دالوقت لراسها بسبب مشاكل الخدمة والدراري لقات راسها تلهات بزاف على راسها ... دوزات حصتها ولبسات كسوة خفيفة محتاجة دوز نهار غير فالدار ، رغم ان الاومور كلها صافا .. كتحس براسها انها صبحات مديموغاليزيا ... جلسات قدام مرايتها كترطب بشرتها ... بسبب سن اليأس لي بدات توصل ليه بداو الهرمونات ديالها كيتخربقو بمرة ... شي لي كيخليها متوترة ... كتحاول ما امكن توفر جو هادئ تهرب ليه مع اسرتها الصغيرة لربما تفوت هاد المرحلة بسلااام وتا من اسد داير معاها الخاطر بزاف فنقاشاتهم حيت عارف حساسية السن لي راها فيه ملي كتكون باغا تمشي ليغيكل كترجع المراة بحال الطفلة الصغييرة لي دغيا تتقلق ... ومع دلك ابتسماات لمراايااا كتحاول تعالج راسها براسها .. وتقول هاد النهار غااايدوز زويييين وغنجلس مع ولادي ونشبع منهم ونفرحو جميييع بانهم كبرو وبداو يلقاو شركاء حياتهم ...

نزلات من الدروج كانت الساعة تقريبا الجوج ... نزلات مباشرة للمطبخ ... غير دخلات لقات كولشي منهمك فشغلو الخادمات كيقادو الطباسل فوق العربات لي كيطلعو فيهم ... ولي شيف كيدريسيو ... غير شافوها هما يحبسو مبتسمين ليها ورجاء قربات عندها لي كانت واقفة عليهم

رجاء : بغيتي شي حاجة مدام لامار نوجدوها ليك ؟؟؟

لامار : لا ... الى ساليتو غداكم ... غير خليوه هنا وسيرو ترتاحو .. اليوما انا غنتكلف ...

الشيف : ( قرب ) اا .. ولكن ... ق قولي لينا اش بغيتي حنا نوجدوه ليك ...

لامار : لا ... بغيت نطيب بيدي ... تقدرو تمشيو ترتاحو ...

رجاء : داكوغ مادام ... غيبقاو البنات حتى يجمعو .... ويمشيو

لامار : داكووغ ... عطلو شوية الغدا ..

خلاتهم وطلعات مشات بجهة الصالون ... كانت رشقات ليها تخرج لبرا ولكن صبحات شميسة قاسحة ... هزات كتابها تكمل قرايتو لابسة نضاراتها ومرة مرة كتقلب عينيها لزاج كتشوف فاشعة الشمس والجو الهااااادي لي كتسمع منو غير خرير الماء من الخصات لي علا برا ... وكتلقى راسها توحشات داك الجو المغيييم والسماء الرمادية وصوت الشتاء ... فنفس الوقت كتكره داك الجو حيت العائلة مكتجمعش فيه بزاف والولاد كيكونو مشغولين بامتحاناتهم وقرايتهم ووسيم مكيكونش فالمغرب ... ونهار كيكون قصير .. عكس الصيف لي كيتجمعو بزاف ..

تنهدات ورجعات تكمل كتابها كتحاول تطرد هاد السلبيات لي صبحو عليها هاد الصباح وهاد المورال المقلوووب ... كل مكتبغي تلهى وتخلق جو كتلقى قلبها كيتقبط وكيمشي لافكار سلبية .... رغم ان كوووولشي صافا!!! الجو زوين .. ولادها مجموعين وفرحانين .... تعصبااات وهي تلوح داك الكتاب وبقات دايرة رجل على رجل كتلعب بيه وتشوف قدامها .. معصبة غير مع راسها ..... هزات يديها للسارية لي موراها وبدات تورك على واحد بوطونة تاطلعات عندها رجاء ..

لامار : جيبي ليا دوا دراس ..

رجاء : مادام ؟؟؟؟ واش نت بيخير

لامار : ( بنرفزة ) رجااااء قلت ليك جيبي لياااا دوا واقلة لا !!!!

رجاء بقات غير كترمش ونزلات بزربة ولامار بقات غير جالسة كتحاول تنفس تاجات عندها ببلاطو فيه كاس دالما وطبسيل صغير فيه حبة دمهدئها .. خداتها وشربات الما وشافت فرجاء وحاولات تبسم

لامار : مديش عليا ... متوترة شوية ....

رجاء : ماعليش امادام .. غير الى كان شي مشكل نساعدك

لامار : لا تقدري نمشي انا صافا .... غير مديموراليزيا شوية ...

ومات ليها رجاء ومشات ولامار بقات متكية ومعلية راسها لفوق وشادة عليه بجوج يديها كتحاول ترولاكسا والمهدئ كيدير المفعول ديالو ... وهي تسمع صوت البوابة الكبيرة كتحل وضورات راسها للحيط الزجاجي مصغرة عينيها لبعيييد ديالمن داك طموبيل لي داخلة ولكن كانت بعيييييدة مكتبانش ليها مزيان فلخر رجعات لنفس جلستها عارفاه غيكون واحد من ولادها ... ولا وسيم لي قال ليها اسد انه نزل لصال دسبوغ مع تلاتة دصبح وموراها خرج لوطيل مع خمسة دصبح ومزاال مارجعش ... ومكاينش بوحدو معاه نفس البنت لي باتت معاه ليلة قبل ... مافهماتش علاش دخل لعالم الجنس وهو باقي صغير ...فنفس الوقت مترش تناقشو فهاد موضوع ....

بقات على نفس وضعيتها مدة .. تاسمعات الخطوات داخلين وهي تقاد راسها غير شافتو هزات حاجبها ووقفات .....

لامار : مروااان !!!

عند لوؤي وقدس ....

نزل بيها لدوزيام ايطاج فين كاين جناحهم الخاص ومشا لواحد الجلسة وجر ليها الكرسي بلباقة كيضحك

لوؤي : سييت داون مااايي لوووف ... ( جلسي احبيبتي )

قدس تنهدات ومشات جلسات وهو دفع بيها الكرسي ومشا لبلاصتو جلس ... حط نضاضرو فوق الطبلة وسوارتو كيشوف فيها وهي مخنزرة فيه وهو مبتسم فرحاان راشقة ليه

لوؤي : ونتي قلتي ليا مانصونيش ... آلوغ ... ( رجع لور مربع يديه كايوشف فيها ) غانولييي نجي

قدس : ( قريات لطبلة ) واش بااغي تتتفضحني

لوؤي : علاش ؟

قدس : اش غييقولو دابا عليا داك جوج لفوق لي صباح كامل ونا نرقع ؟؟؟؟؟

لوؤي : دابا انا نهز الهم لجوج بريهشاات صغييورات اش غيقولو عليا !! صافابا ولا

قدس : هاد البريهشات راهم قدي

لوؤي : وتانتي بريهيشة ديالي ... ( بقات غير كترمش فيه وهو مد يدو لجبهتها تحسسها ... ورجع تكا لور ) متعذبتيش البارح بزاف مع سخانة !

قدس : ( شافت لسرجم مدة وشافت فيه ) قسم عاقت بينا

لوؤي : ( علا حجبانو ) وايلي !

قدس : قرات ميساجك ودارت ليا تحقيق ...

لوؤي : واش قلتي ليها

قدس : مكذبتش ..

لوؤي : ودابا دخلنا عليك بالله ....الى ختك عارفة باباك عارف .. الوالدة عارفة ... اش كنتسنى انا دابا !

قدس : ( كترمش فيه ) نعام ؟؟؟ شكوون قلتي ... ( بصدمة ) . خالتي رتاااج عااااررفة ؟؟؟؟؟؟

لؤي : ( علا حجبانو كيفكر ورجع شاف فيها كايحك فلحيتو مصغر عينيه ) علاش مقلتهاش ليك !

قدس : ( شدات على راسها معلياه الفوق ) لا صافي شووية وغتجيب ليا كريييز نتا .... ( رجعات كتشوف فيه ) وشكوون اخر؟؟؟؟؟؟

لوؤي : ( كيقولها وخايف تجيه شي دقة فراس ) بيلي

قدس : ( كترمش فيه وهي تتزفر النفس ) عرفتي اش يجيك مليح .. نوض نتا جيب دقة مراكشية بحال هاديك دالبارح واجي وسط داارنا وغنيييها ليهم كااامليييين .....

لوؤي : هههه غايبقاي تحمقي فديلمي وتشوفي واش مانديرهاش ..... ( قدس كتشوف فيه وهو يقرب عندها لطبلة ) راه هادشي لي صبرتو شحاال وانا ساكت راه فات الجهد ..... مكنعرفش نخبع بزاف اقدس ..نت راك كاتباني على وجهي على عييييني .. راه باغيك ديال بصح اهاد البگرة !!!

قدس : ( شافت لارض غير كترمش ورجعات شافت فيه ) ياك واعدتيني بهادشي يبقى بيناتنا تانكبر .. .مالك دابا .....

لوؤي : ( تنهد و رجع لور كيشوف فيها وربع يدييه ) غااانحاول .. غااانحاااول ..

قدس : ( ضرباتو دراعو ) و انا مااااشي بگرة .... غااانضعاااف وتشوووف واش ت(قاطعها )

لوؤي : لا لااااا لا .. انا ماعندي مانشوف الى ضعاااافتي .... بقاااي هاااكا ( كايطلعها وكايهبطها ) انا هااااكا كاااانشووووف مزيااان ... كاين بعدا فين نشوف ...

قدس : والله مكككتحشم .... ( تبسمات بشوية ليه وقالت منفخة ) مسولتكش كيف صبحتي

لوؤي : اوووووو ... عاد تفكرتيني !

قدس : واانتاا كااتعصصصبني .. دابا كيغاندير انا نشوف فخالتي رتاااج .. ماخلتي ليا وجه مع تاشي حد ... وكملتيها مع صحاباتي .. عععلمني نخرج عندك انا ....

لوؤي : دابا تعصبتي حيت جيت عندك .. وكون ماجيتش وماكبرتوش لوالديك اش كنت غاديري ...

قدس بقات غير ساكتة كتخيل كون ماصوناش عليها كاع ومداهاش فيها كانت غتموت بالوسواس وهي تبان تبسيمة صغيرة وضورات راسها كضحك وهو عض على شفتو كيتنهد ..

لوؤي : اااببببنت اللذذييييينة (جبد شوميز ديالو مجنن عليها ) راه غاالوووح معاااك حواااايجي ...

يالاه كضحك وهو يوقف عليهم الناذل طلب لوؤي كانيط دلالكول وهي طلبات قهوووة قااااسحة ...

لوؤي : ومالك عليها !

قدس : ومالك نتا لي لالكول على الصباح !

لوؤي : يلاه نحل عيني ونتوكض

قدس : بلااااكووول ؟ لاالكول كيوكض ؟؟؟؟؟

لوؤي : اااه ...

قدس : وهانتا مووكض .. شنو مضهشرك !!!

لؤوي : ( كايطلعها ويهبطها وقال بغمزة )ودابا هدا سؤاااال ......

قدس ولات حمرة حابسة ضحكتها وقلبات راسها للزاج وهو تبسم وجبد من جيبو جهاز صغيور شعلو وبانت نقطة حمرة كتسجل وردو لجيبو .... وقرب لطبلة شد يديها وهي قلبات راسها كاتشوف فيديهم وشافت فيه وهو كايداعب صبعانها وعلا عينو فيها ....

لوؤي : ... شوفي فيا مزيان وجاااوبيني ... وبلا دخول وخروج فالهضرة

قدس : ( كترمش بعينيها ملي شافت عينيه تقلبو جديين ) اا .. اه ؟ شنو بغيتي ؟

لوري : داك الكوتش ديالكم .. سلفادور ولا اش سميتو .. شحال هادي مشفتيه !!!!

قدس : ا اء علاش ..

لوؤي : ودابا انا كنسولك .. شحال هادي مشفتيه .. ماصونا عليك ماصيفطليك ليك ميساج ؟؟ شحال !!!

قدس : اا .. ( كتفكر باستغراب ) ششحااال هادي صرااحة .. انا اصلا مابقيتش حاملة نمشي للملعب غير منو ... وفالتيليفون راني مبلوكياه ...

لوؤي : اهاه ... علاش اش دار ليك ؟ شنو قال ليك ؟؟؟

قدس : كاايقجر وصااافي .... طلع ليا فراسي

لوؤي : اهاه .. اخر مرة هضرتي عليه كان عاجبك !!!!

قدس : كان عاجبني قبل مايقجر ودابا معاجبنيش ومحاملاااااهش ...

لوؤي : ( علا حاجبو ) لا غييير يعجبك ..

قدس : ودابا علاش كتسول

لوؤي : انس غيتنقل لسطاد فين نت .. ومبغيتش نتلاقا مع خليقتو ملي نوصل خويا .. داكشي علاش بغيت نعرف واش مزالو تما ديما ولا كيمشي !! كايغبر بزاف ! ( مصغر فيها عينو كيجبد منها معلومات لي وحل فيهم )

قدس : البنات عاد دابا جبدوه ليا قالو بلي راه خاارج كونجي ولكن غيرجع ...

لوؤي : ماقالوش فوقاش ؟

قدس : قالو ملي غيدار لي شوفمون دالماتش ديالنا مع جنوب افريقيا راه قرب .. غيجي .. يعني غاليا حتال الاثنين

لوؤي : هاااااكداك ( رجع لور كيفكر ورجع شاف فيها ) وغتمشي نت لهاد ليشوفمون ؟

قدش : تالخررر ديالهم ...

لوؤي : عمرك بانت ليك فيه شي حاجة غريبة اقدددس ! شي حاجة دخلات ليك التناوي !!! بحالا مثلا كتكونو فالتداريب و كايصوني تيليفون وكايبعد عاد يهضر ... ولا كايجي عندو شي واحد لسطاد ....

قدس : لاااا علاش ؟؟؟؟؟؟ مفهمتش علاش كتسول قد هاكا عليه

لوري : ( رجع لور كايحك بابهامو فوق حاجبو ) حيت انا مدخل ليا التناوي وصافي .. ( شاف فيها ) ملي تمشي ليشوفمون ديالك انا غانديك وانا لي غاانجيييبك ...وغانبقى معاااك تما .. غاتقولي لا ... غااااتجبدي على راسك غير الصداع

قدس : ( وسعات فيه عينيها ) تسسسطيتي لاااا

يلاه غيجاوبها جا الناذل حط ليهم طلبياتهم .... حل الكانيط لوؤي يلا غيشرب وهي تحيدها ليه من يدييه بقا كيرمش فيها ومداتها لشرجم لي محلول حداهم وبدات كتخوييييها وهو موسع عيييينيه .. تاخواتها كاااملة عاد حطات الكانيط على الطبلة ومدات ليه القهوة

قدس : شششد ... طلبتها ليك ماشي ليا ...

لوؤي : ههه !! علاش

قدس : هاكداك ... حيت الجلسة معاك ونتا بعققلك حسن من فاش كتتسكررر ..

لوؤي : هههه خايفة من شي تقنيييتة مع الحيييط هههه ... هانا معاك صااحي وكون مكانش هاد بنادم هنا ( الناس لي جالسين تما بعاد على جناجهم ولاكن باينين ) كنت غانديرها آلحب ... ( جغم من القهوة كيضحك ) داكشي مكيدوش الشراب ... كاديريه نت ..

قدس : ماشي سوقي مهم ملي تكون معايااا مبغيييتكش تكون سكران مكنعرفش تصرفاتك ونتا بعقلك من واااش سكرااان كتخليني تالفة

لوؤي : تي شمن شكران اشمن ... نت راه غا كنشوووفك كنت سكران كنصحى كنت صاحي كنسكر .. فييين يبان معااك لالكول ابنت عمي ( كيضحك وقرب عندها لطبلة هز يديه كيدوزهم على شفايفها وهي بعدات راسها فنفس الوقت مبتسمة فيه ) دييييلمهم شحال حلوييييييين ... ( عوج راسو معاها وقالها بصوت خفيف ) نمووووت فيييك. ..

قدس : ( كتشوف مع جنابها فالناس وشافت فيه ) صافي ...

لؤوي : ههههه موالف نشوف ديلمك غير بالليل .. بالنهار بنتيلي كتحمااري هههه كتحشمي احبيييبتي ؟؟؟ هههه

قدس : ( ضرباتو ليدو ) لووووؤي ..

لوؤي : ( علا راسو لفوق كايضحك ) اااااه آآاقلللللبي انا على هاد لوووؤاي ... حياتي كاملة وانا معنديش مع سميتي غير قلتيها نتي ولات عاااجباني هههه ...

عند قسم ....

متكية على الطموبيل كاتشوف فالبحر من فوق الجرف لي قريب لمنطقتهم .... وشادة طاس دالقهوة .... شفايفها كانت دواتهم ولكن باينين شحال معضوضين و مجروحين ....كاتشوف ساهية فالمواج وكايتعاود المشهد قدام عينيها للمرة للمليون ... كايتعاود قلبها يتسارع فنبظاتو ... علاش هرب ! علاش مافسرش !!!! .....ضارت براسها لتيليفونها لي محطوط على طموبيل ولي باقي محلول على موضوع العنف الجنسي ... بدات كاتكمل قراية دالمقال لي مالقات تاحاجة كاتشبه ليه ... العنف الجنسي مرتبط بعلاقة جنسية .. ماشي قُبل مبعثرة !! ...

رجعات لاحت تيل فوق طموبيل وبدات تتنهد ..... مافاهمة واااالو ..... علاش هرب بداك طريقة .... علاش ملي حل عينيه شاف فيها بطريقة كأنه يالاه رجع للوعي !!! هي ماشس شي وحدة غبية دوز عليها وكاتقرا ملامح الشخص مزياااان ....كان خايف ... كان مخلوع ... كان مخبي شي حاجة ...

كملات داك الطاس دالقهوة كامل حطاتو ورجعات هزات تيل وات تصوني عليه .. بقى ...حتى قطع .. عاودات ... بدون جدوى ....

قسم : ( كاتجنن ) اهاه ... ماااتجااااوبش ( ماشية بجهة الطموبيل ) دارك راه كانعرفها .. ...

ركبتت فطموبيل يلاه ديمارات بدا يصوني تيليفونها .. هزااااتو بزربة وهي تلقاها غير صفاء وتنهدات جاوبات ....

قسم : نعام اصفاء

صفاء : الاجتماااع امادموزيل الاجتماااع ....والمؤتمر راه واجد

قسم : ( هزات يديها كاتشوف فساعة ورجعات تنهدات ) انا جاية ...

قطعات عليها ولاحت تيل وضربات فالفولون وشدات طريق لمنطقة تجيب وراقها تمشي لشغالها لي الى ماحضراتش ليهم باباها يفتح تحقيق تاني .......

عند لوؤي وقدس

كاترشف من ايس كوفي لي عااودات طلباتها لراسها وهو شاد قهوتو كايشوف فيها ...

قدس : ( حطات كاسها وشافت فيه ) اهاه ... وشنو قالت خالتي رتاج ؟

لوؤي : هه! قالت ليا واش قربتي ليها

قدس : ( علات حجبانها مخلوعة ) وشنو قققلتي لييييها !!!

لوؤؤي : قلتيها لا ...

قدس : ( مميقة فيها وضورات راسها لزاج ) يا على كداااااب ...

لوؤي : كيفاش كداب ؟ ( شد دقنها ضور وجهها لعندو ) على انا فوقاش قربت ليييك ؟؟؟؟ تنزلي علينا شي بااااطل

قدس : ( ضرباتو ليدو ) واااش بااااغي تتتسطيني نتااا ... وداكشي لي كاااتجي ديروو كل ليلة عندي فالبيت شنو هو ؟؟؟؟؟

لوؤي علا فيها حجبانو وبدا يضحك بشوية كايضور فراسو عينيه مغمضييين مع الضحكة ورجع شاف فيها كايجمعها شوية بشوية

لؤي:دابا هاديك عندك راه قرربت ؟؟؟؟ هه !!!!! اودي عزيز عليك الضحك نت ههه ...

قدس : ( وسعات فيه عينيها ) على شششنو مزال !!!

لوؤي : ( كضور فراسو بضحكة دالفقصة ) شربي قهوتك .. شربي ابنتي ... شربي الثلج آ الثلج .... آلقطب الشمالي ....

قدش بقات شحال كاتفكر فيه وكاتسرا معاها وهي تخشي وجهها فقهوتا كاتشرب تاجا الناذل هاز صينية فوقها بواطة كحلة وقدس هزات عينيها فيه وهو تبسم وحطها قدامها ومشا وهي بقات تشوف فيها وشتفت فلوؤي لي مربع يدو كايشوف فيها ورجعات شافت فيها لقات منقوشة فوقها QDS وشافت فيه

قدس : اء ! ف فيها حروف سميتي ! لا ؟؟ ...

لوؤي قرب لطبلة وهز البواطة حلها وهو يبان براسلي خفييييف عامر بحلقات صغاررر خاوين ووحدة فجنب لي معلقة فيها الماسة صغييييرة متلألأة .... شافت معاها مستغربة وحيدها من بواط حلها بصبعانو وهز يديها لعندو وهي كاتشوف لجمالها ... طبع ليها الساعة لفوق وركبو ليها وقرب يديها لعندو باسها وهي قربات يديها لعنها كاتوشفها ... وكاتقيس فداك الماسة الوحيييدة المعلقة فالحلقة ولوخرين خاوين ... تاسمعاتو ...

لوؤي : هاديك .... دارت تما ليلة لي وليتي فيها ديالي .... والعام جاي غاتعلق وحدة اخرى ... والعام لي موراه تاهو ... حتى يعمرو هادوووك كاااااملين .... كلما طالت العشرة ... غايزيد يعمر داك البراسلي ... ( علات عينيها كاتشوف فيه لي ولاو حمريييين ) كل عام غايدوز معاك يحال دياموند بنسبة ليا ..

قدس : ( طولات فيه الشوفة ونزلاتها لبراسلي كاتوشف فيه وتقيس فدوك الحلقات ) وشحال هنا ...

لوؤي : تمانين ....

قدس : ههههه غانعيشو تمانين عام مزال هههه علاش مدرتيش كتر ههههه

لوؤي : اودي نت لاعشت معاك غا عشر سنين بلا ماتسيفطيني بشي كريز كاردياك راه انا المرضي ...

قدس : هههههه يا شحاااال فيك هههه ... ( كاتشوف ايه وتحركو فيديها ) عععججبني .....

لوؤي : ( وقف وشدها من يديها كايوقفها ) يلاه نتحركو .....

∆فالقصر

مروان كان داخل مممخنززر .. ماشافش كاع فجيهتها ماشي ديريكت لجهة الدروج وهي كتغوت من موراه

لامار : مررروان .. مروان راه معاك كنهضررر ... مروااااان ...

مداهاش فيها وطلع فدروج بززربة قاصد جناحو ولامار غير كترمش مافاهمة والو

لامار : مال هذا !!!! اويلي غبر تا غبر وجا قالب وجهو ....

طلعات تبعاتو فالدروج تاوصلات قدام جناحو بدات كدق مسمعاتش منو اجابة وهي تحل الباااب ودخلات ... غير دخلات بانتليها فاليزتو فوق السرير وهو كيجمع فيها الحواايج بعصبية بقات غير كترمش فالحوايج وفيه

لامار : مروان شواااقع ... ( شافتو مجاوبهاش ومشات عندو شداتو وهو شاف فيها مخنزر ) وملي نكوووون كنهضر معاك جااااووووبني .. ( خنزر فيها ونتر يدو ورجع لدريسينغ كيجمع حوايجو ) اش واقع ؟؟ فييين ماشي ؟؟؟؟

مروان : ( سد الفاليززز بنترة وشاف فيها ) فييين مااااشي ؟؟؟؟؟؟ ... ( بالغوات ) سوووولي ولدك انا فين ماشي ... سولي دااك ولددد عدناااان لي دااير هوو و ولدك مااافيا .. سوليييهم .. خوك فين ماشي

لامار : ( شداتو من ذراعو مزيرة عليه ) عدناااان حررفية اقليييل ترااااابي عدناااان حرررفية .....

مروان : ( نتر منها يدو وهبط راسو كيشير ليها لخصلات الشيب الخفاف لي فشعرو ) شششبت الامار شششبت كككبررت مابقيييتش مرواااان لي كتتتربي فيييه ....

لامار : ( بدات كضررب فيه ) دابا جووووج شيباااات غاايضسروووك عليا ولا كييييفاش .... باااااقي نررررربي فييييك ونزييييد نسسسسلخك عااااد .. ايهاهايهااااي كبببرووو الكتااااف ....

مروان : الى باقي فيك شي جهد للتربية .. ربي غاا ولااادك لي قربو يااكلو بنااادم وهوو واااااقف ( مشا بجيهة لي طابل دو نوي كيهز اش بقى ليه تما ولامار واقفة مخنزرة فيه )

لامار : غااااتقول ليا اش واااقع ولاا باااغي تححححمقني هاد نهار ... اش دار ليك ولدي ؟؟؟؟؟؟ لي كانت البارح خطباتو ونتا بحال البرااااااني ..... واقف ليا مع صححححيبك لي مكيجينا والو ومخلي ولد ختك فنهارو ... اش دااار ليك كااااع ؟؟؟؟؟ قططع ليك الراس....

مروان : ننننزل ليا الراس ... مااااقطعوش .... اش دارررلي قاااالك ( كيقرب عندها ) مادار والو .. غير جمع المافيا دولاااد عماامو جا يخلي دار بووو خاااااالو .... لدرجة وليت انااااا .. داااخل وسط الدم قاااليك ... وليت انا دخيييييل .... وللللدك الالة جااالس كااااايطيح ليا فالهضضضرة قدااام ولاد عمااااموو وكاااايضررررب وبااااه كاااايشوووف ( لامار كترمش ) كااايتفررج فيه كااايدددفع ف خاااالو .... ولييييت اناااا خخخاص نخوي هاد دار علاش ؟؟ سي ايااااد قاليييك هوما هناااا عاااااائلة وانا؟؟؟ انا ... انا برااااااني .... وولد ختي لي غايجججي يييرد اعتبار خاااالووو ... جااا لصقو مع الحييييط كيبان عليه بكتاااافو وانا كنت نهززوووو بااااقي يالاه كااايتعلم يوقف ... ووولدك جااا كيقلب علينا الكلييينيييك .. الولد لي شد طرييييق جاي كيعزي ونت عارفااااه ااصلا منين جاي مرممد بكرامتو الاررض وسب لييييه موووو وررردهاااا كااااتززززني ... ووولدك بقى غير يجري عليييا بالحجر هو وولااااد عمااامو لي تزاااادو البارح .... ولدك وقف مع ولاد عموووو ضضدي .... ضضضضد خاااااالو

لامار: ( قلبها بدا يضرب بجهد ) م مروان د دابا اش كتتتتخربق راك غي ( قاطعها )

مروان : اششنو ؟؟؟؟ واخا نكون منعررررف كيفاش .... خاصني ننفرررض احترااامي الامار وسط البراهش لي تزاااادو لبااارح وبغاو يتفرعنو علينا .. انا عمرني قللت الاحترام على شي واحد من خوت راااجلك ؟؟؟؟؟؟ علاش انا لي نتمرررمد فيدين ولاااادهم وولد ختي كيشوف وكاااايسبني ملفووووق ...كااااايسب خاااالو .... ( كيشد السلسلة دلافليز بنترة ولامار كتشدو ) وبااااه كاااايشوف ..

لامار : مررررواااان .. مروان حط هاااادشي ...

مروان : ( وقف الفاليز ) لامااار .. نهار تبغي خوك .. عارفة دارو شدي طيارة واجي تشوفيه ... دااارك اختي كيتحكمو فيها ولاد خو راجلك .... واياد بالعبارة الصريحة جرااا عليااااا ... وكولهم تحاااماو ... ولدك هو لخر مرمد بكرامتي الارض وهادشي قدااام راجلك لي مكلفش راسو حتى يقوليه يعتذر مني على قبل الشيب لي فراااسي والفرق لي بيني وبينو .... البلاصة لي تهان فيييها كراااامتي .... وكراااامة ضيااافي ماعندي مندير فيها ...... كون كان هاد ضيف جابو يونس ولا سفياااان ولا عدناان ... كنتو غتهزووه على كفوف الراحة ولكن حيت جا من طررررفي انا وحيت كان ولد الحوووومة ... مااارضااوش بيه ومرمدووووه فالارض غير حيت عجباتو بنتك وهضر مع خااالها بغاها لحلااال .....مدارو لا بوجهي لا بوجهك لا بوجه الوااالدة .... هاد الولاد الامار راه مكيحملو تاواحد .. تفرعنو بلا قيااااس كيحسابتهم غير هوما لي عايشين فوق هاد الاااااررض .... وهاد تفرررعين راه غاايخرج علييييهم .... حيت ترااابيهم زيييييروووو ... كااتربيييو وحووووش ماشي ولاااد ...

دفعها وزاد وهي واقفة فبلاصتها كترمش فلخرر تبعاتو كتجري

لامار : مروااان .. مروان وووقف اخويا .....مروااان ...

تبعاتو كتجري تاشداتو قرب للباب كتنهج موراه

لامار : مروان هادي راه داااررر ختك راه مكاينش لي يجري عليك منها واش تسطيييتي ...

مروان : لا كاين اختي وسميتو اياد كاع .... وكاين واحد اخخرر ردني مرااجلش سميييتو لوؤي .. وكاين واحد لتخني مع الحيييط وسب ليا الملة سسسميتووو ولدك جووود .... وكاين واحد كان كااايشوف سميتو راجلك .... اشمن دار كتهضري عليها .. ماعندك حتى شي دار .... ملي نت كتحترمي العائلة ديالهم وهوما مكيحترموش ديالك .. راه ماعندك تاشي دار الاماااااررر لي تعرضي فيها لخوتك ... والواليدة راه غاندير ليها خاطرها تجلس شوية وغنصييفط اميين يجيبها ....

خلاها ومشا وهي واقفة فالبااب مزيرة على كف يديها وعييينيها حوومررر .. كتشوف قداامها تااابان ليها ديييمارا ومشاااا .... وقلبها كيتقطع على خوها الصغير لي كيجي عندها من صيف لصيف مشا بهاد الحالة .... كرزاات على سنانها وطلعات فالدروج بععععصبية

جود كان فالدريسينغ ديالو كيلبس ساعتو .. كان بسروال دجين وتيشورت ... صابح فالمووود كاايصصفررر ... لبس ساعتو هو يشوف الخاتم فيديه وتبسم بجنب شفاهو ..ورحع مشا كيصفر جيهة السرير كيقلب على تيليفونو فين لاحووو يصوني عليها يفطرو اونسومبل ... وكيف العادة عارف خاصو نص ساعة يلااااه يلقاه فيين حطو .... تااكااايسمع الباااب تححل بججهد وضار برااااسسسسو ...... وهي دخخل مععععصبة وملامحها كلهم معععصبين وعينيها حمرييين

لامار : ( بالغوات ) لا تباااارررك الله .. نتا لي فيييق ليااا ناااشط مع رااااسك شكووون بحاااالك...

جود : ( قاد وقفتو حيت كان محني على السرير كيقلب وشاف فيها معلي حاجبو خلعاتو ) لامار ! اش واقع ؟؟؟؟؟

لامار : ( كتقرب عندو ممغزززفة مزيرة على سنانها ) هاادشي علاش انا ربيييتك ها ؟؟؟؟؟؟؟؟ ررربييييتك تسسسب لي كبرررر منك ؟؟؟؟؟ عند بالك صافي كككبرتي ؟؟؟؟؟؟ ماعندكش الححححق تعلي حتى صوووتك على خالك ..

جود : ( علا حجبانو بجوج ملي فهم الموضوع فين غادي ) هاااااكدااااااك ...

لامار : ( بالغوات دفعاتووو ) فييين غادي ليا بهاد تفرعييين ها ؟؟؟ فيييين غادي لييييا .... هااداااك راااه خاااالك الحمااارررر

جود : ( بتخنزيرة دغيا تقلبو ملامحو ) لاااماااااااار .....

لامار : اشششنو ؟؟ ييياكما غاااضرربني حتى انا ؟؟؟؟؟ ها ؟؟؟ ياكما غتسبني تا انا كيفما سبيتي ليا خوويا .... ( كضربو لصدرو ) عمااااامك كتحني قداامهم الرااااس مكتقدرش حتى طلللعو ... وخويااا انا ... جففتتتتي بييييه الارررررررض .... علاااش ها ؟؟؟ حيييييت هداك غيرررر خووو لاااااماااار ... ماشي خوو اااسد ... حيييت هاداااك مكنيييتوش الاسمااااعييلي آلللعنننصري .. ....

جود : ( شدها ) واااش نت مريييضة فرااااسك ولا مالك صباااااحاتو الله .. راك غير كتتروووني فهااااد الصباااح واش باغا تسسسسطني ولا مالك ..... واش عارفة اش كتگولي ؟؟؟ عارفة بعدا اش وااقع ولا غييير كتتتهضضضري ....

لامار : ييوووقع لييي يوووووقع .... مااااعندكش الحق تججري ليااا على خوووويييياااا

جود : وااااشكووون جرا لييييك علييييه

لامار : هااااهووو مشااااا ...هزز حواااايجو ومشاا ... يلااااه تهنى داااابا

اسد كان طالع فالدروج هو يسمع الغوات من جناح جود لي خلات الباب محلولة ومشا بزززرربة كايجري دفع عليهم الباااب

جود : وااايمممممشي يييقاااااااود كاااااع لاابغااااا

يلاه كملها ججمعات معاه ب تصصصصرفيقة وعطاتها ليه لوجهو تاااضووورااتو ليه .... واسد وووسع عيييينه وجاا بززربة بعدها مافهم والو وجود عمض عينيه مزير علييييهم وزير على كفوووو وسنانو ......

اسد : اااش واقع ؟؟؟؟ ( شاف فلامار مخلوع ) واااش حماقيتي نت ولا مااالك الولللد مررييض

لامار : ( بالغوات ودفعاتوو كتبكي ) انا لييي مريييييضة .. انااااا لي غاااتمرضوووووني فهاد الداااار ... نتا بعدا لي كتتتهضضضضضر ... نتا اب نتاا ... نتا دابا مقرب لهاد الوووولاد ؟؟؟؟؟؟

اسد : ( شاف فجود ) مال هادي ؟؟؟ ( شاف فيها ) واش عاد سقتي الخبار بلي انا باهم ؟؟؟؟؟؟

لامار : ملي باااااهم .. دير واجبك كأب وعلمهم يحترموووو لي كككبرر منهم .. ماشي كتشوفو كيييسب فخااالو وسااااالكت ...

اسد : ( شاف فجود لي مخنزر فيييها وكارز على سنااانو ورجع شاف فيها ) اش كتروني على هاد الصباح الامار ؟؟؟ اش كتروني .....

لامار : ( وقفات حداه معلية راسها فيه ) ضضضضرب خالو وسبو حداااك ولا ماسبوووش . هم ؟؟؟؟ ششششفتيه ولا ماشفتيييهش ..كنتي حاااضر ولالا !!! ..

جود : لاماار متهضريش ونتي معارفة والو

لامار : نتاا سسسسسكت .. قققطع عليا حححسك مننسمعووووش .... ( شافت فاسد ) كنت حااااااضر .. مغاايكذبش عليا .. كنت حاااضر .. وقدامك خليييتيييه يمرمد كرااامة خوويا حدا ولاد عمااااامو ... خليتي ولاد خوووتك يجريو ليا على خوووياا من الدااررررر ا اساااد ... اشنو غندير باحترامك نتا وعائلتك ليااا لا مكنتوش غتحترمووو ليااا تاااا عاائلتي

اسد : دابا ولينا فعائلتك وعائلتي ؟؟؟ امتى تقسم هادشي ؟؟؟؟؟ تلاتين عام ديال زواج ؟؟؟؟ عاد غتقسمي العائلة نت ؟؟؟

لامار : قسسسسمتها نهاررر حسسسيت بالفرزياااات .... نهار تهااان خوويا فدااااري ... .

اسد : هداااااك خوك لي كتدوي عليه راه واقييلا انا لي كبرتوو وقريتو لا ؟؟؟؟؟

لامار : ربيتييه وقرريتيه باش يكبر ويجيو ولادك وولاد خواتك يهييينوووه ... واش عمرررني هنت ليك خوووتك .... واش عمرني نقصت من شي واحد فهاد دار .. هاد دار ديال كوووولشي ....

اسد : ( بالغوات معاها جهلاتو ) وششششكون هااان ليك خووووتك الخرااااا واش باغا تسسسطيني فهاد الصباااااح .... صااابح فيك شي هبال سيري ضربي راااسك مع الحييط حيت انا راااااسي راه منفووووخ بالمششاااكييل ماعندي فييين نحط هاد تخريبيق على الصباح ... داك خوك ملي عاودليك يعاود ليك كوولشي ولا يشد فمووو .... ووولللدي للللي وووولدي ضررربتوووو مع الحييييط وهو مريييييض غير حيييت قلل عليه احترااامو .... واااخا يستاااااهلو حيت هووو لي قبل يجي البرااني يقلل احترامو علللى بنننتتتك .... الدراااري مادارو تاحاجة من غير ردو الاعتباااارررر لبنتك لي خااالها خلا الضيف ديالو يضضضسر عليييها .... ولاد خوووتي وولادك نتي عارفة مكاينش شي حاجة عندهم فهاد الحياة غلاا من دمممهم .... وعاارفة ترربييييتهم مااشي تالدابا عاد يجي شي واحد يقول ليك تربيتهم كييدايرة .. تربيت يديييك ويدي هاااادي ... ونت الريح لي جااا يدييييك ....

لامار : ( بالغوات ) وبااااقي كدااااااافع ... يوقع لي يوقع مااعندكوووومش الحححق تهييييينو ليا خوووويا .... ييييتحححترررموووووه .. يحتاارموووه لي صغرر منووو ... كون كانو مرربييين مغادييينش يخسرو الهضرة قدام لي كككبررر منهم .... والا كنتي جبتينا من الحوووومة باش ملي نكبرو نتهانو على يديييين ولادك كوووون خليتينا فدااااارنا بكرااااامتنا ...

خلاتو ومشات واسد شد راسو بيديه كيمشي ويجي وينهج وجود غير واقف مخنزرر كيفكككر فمروااان كون يشدو اش يدييير ليه ...

فلخرر ضررررب فالحيط ببونية تاقفز اسد حسابتو هو لي طااح ... وخرج بزززربة واسد كلس على سريرو كيرخف فصدايف الشوميز وكيتنهد ... لامار دازت بجهالة لجناحها هزات صاكها وسوارتها ونزلات كتتبررركم وتمسح فدموووعها تاوصلات لباركينغ .. الشيفور شاف فيها مستغرب يالاه غيحل ليها الباب تخطاتو فهمها بلي هي لي غتصوك ورجع لور ..

كسيرات بكل جهدها وخرجات .. ماقدامها غير الفيرمة درتاج تمشي تصفي دماغها حيت هي ليعارفاها خاوية ومغطيحش على بال اسد يجي لعندها تما ...

اسد ناض كيسوط ويطلب الصبر نازل فالدروج ... قسم كانت يلاه وصلات بطموبيلتها وتقدم ليها الكارد حل البااب وهي باقا راكبة شادة الفولون بيديها وحاطة راسها على الفولون فلخر طلعات راسها .. جات ساهية كتفكر معرفاتش راسها تاكيدارت وصلات لدار ... علات عينيها لمرايا وهي تشوف فشفايفها كاع مجروحييين وتورمووو وحمرين ... وهي تنهد كيغادير دخل لدار بهاد الحالة .. فلخر حلات البوش ديال الطموبيل وجبدات روج حممرر وبدات كتطبقوو على شفايفها باش يبان الروج لي حمر ماشي شفايفها ...

عاد نزلات من الطموبيل وبالها باااقي مرفوووع معاه .. ..فلخر نفضات راسها تااايتهدن شوية وتاهي تهدن ويتلاقاو يهضرو بالعقل ..

دخلات لدار يلاه غاطلع هو يبان ليها باباها نازل فالدروج كيتنهد .. .غير شافها وحاول يرخي ملامحو ويبسم ليها بلا خاطر ....وهي علات حجبانها فيه

قسم : بابا ؟؟؟ ( دغيا عرفاتو ) مالك !!!

اسد : ( نزل عندها غير كيزفر النفس ودار يديه فجياب السروال ) والو .. غير ماماك تناقشات شوية مع جود وقلبات لينا راسنا

قسم : هاء ؟؟؟ اش دار

اسد : ( كايعاود ليها ويماصي عنقو مم لور ) خالك جا عاوك لماماك اش وقع ... هو وجود تناقشو شوية فكلينيك ونت كتعرفي خوك شحال كيعرف يهضر .... طلع فيه الحال وجا مانعرف اش قال لامار حيت بانليا شي كاين وشي زاد فيه شوية ..

قسم : ففففف !!! تا هاد خالي هدا .. وزعما مريضة وهاد العام شادين ليها الخاطر غابزز .... على اااقل حاجة كتعصب وييقى فيها الحال ...

اسد : ( تنهد وشاف عندها ) علاش جيتي نت ! راه عندك اجتماع

قسم : راه جيت على ود الوراق خرجت الصباح ونسيتهم ..غنطلع نجيبهم ونمشي بزربة راه باقي كتسناني ستيليست تما ...

اسد : نزلي بزربة تانا خارج نديك معايا

قسم : اووكي دااد ( تعلات لعندو وهو حدر راسو باستو فحنكو ) مدييييرش فباااااالك

اسد : ( علا راسو كيمسح روج من حنكو ) سسربي راااسك ... شهااااد الصباااغة كاااملة غاادااا ليا لسيييرك

قسم : وغااا جرربتو ....

طلعات قسم كتجري فالدروج وهو مشا لصالون جالس كيتنساها شاد تيليفون ...

اما جود فالباركينغ ديالو لتحت كيضرب بيديه فالفولون وكيفكر فين غيلقى مروان .... تاقال راه غيكون عند جداه ... وهو يكسيري طالع للجردة لفوووق يلاه غايمشي للبوابة هو يوقفو الكارد جاي باتجاهو .. علا حاجبو ونزل ليه الزاج ...

جود : اش كاين ؟

الكارد : موسيو جود .. ( مد ليه واحد الجوا ) واحد السيد جا لمكتب هاد الصباح حط هاد الجوا وقال ضرووووي يوصل ليك ليديك ... واش تبغيه ولا نلوحوه !

جود : شششكون هذا ؟؟؟ ..

الكارد : معرفتش .. راه عطا لاكارط ناسيونال ديالو وكولشي يعني لابغينا نعرفو معلوماتو من بعد .. هو قال انه شي حاجة كتخصك نتا وضروري توصل ليك .. وتكلفت انا باش نجيبو حتال يديك ...قال تايخصك نتا بوحدك وتاحد ماخصو يشوفو من غيرك .....

جود : ( شاف لداك الجوا البيض وشدو عليه ) داكوغ .. انا غنشوف ..

وما ليه الكارد ومشا وجود تنهد وعلا زاج وعلا تالفران ... وتكا براحة على الكرسي كيقلب فداك الجوا بانليه مكاين تاحاجة مكتوبة ... هو يحلو طل عليه لقا فيه غير صورة ...

جبدها ....و لاح الجوا وشد داك الصورة لي كانت بقد حجم الجوا ... مصغر فيها عينيه كانت فيها امراة شابة فالعشرين من عمرها ... لابسة لباااس الرقص المكشووووف على احد المسااارررح والغرامة معلقة فصدرررها وموراها فرقة مووسيقية وهي ضاااحكة للجميع وجبهتها متعرررقة ... الصورة كانت مكتبانش مزيان بسبب انه قديييييمة ... علا حاجبو باستغراب تايقول باش غيفيدني هادشي وشكون هاد المرا ؟؟؟؟ .. مصغر فيها عينيه كيشوف ملامحها بحالا مؤلووفيين !!! بحالا كيعرفهم ... هو قلب داك التصويرة كيقلب عاد بانليه مكتوبة شي حاجة لور ... قرا لفوق بانليه مكتوب بخط برتقالي قديييم " الراقصة المثيييرة لمااااار " علااا حجبااانو بجوووج وهبط بعينيه كييكمل القراية لي كتبان مكتوبة جديدة ....

" ملي كيكون بيتك من الزاج .. مكنضربوش بيوت لوخرين بالحجررر .... نعتيني بولد القحبة وانا مي اشرف وحدة على وجه هاد الارض ... اشرف منك ... ومن مك ... والا كان شي واحد خاصو يتنعت بولد القحبة .. فهووو نتاااا ... اووولد ااشيخة ... الرااااقصة دالكاااباريهات ... لااااامار ..... "

عينيه جمدوو !!!!!! ..... لدرجة ماقدرش حتى يرررمشهم وعرق برززز فجججبهتو كااايضررب ..

قققلب تصويرة بجهالة ممتتققيش هادشي هو يقرب عينيه ليييها كيشوف ... هادي بصح لامار !!! ... رجع قلب ثااني داك الورقة وهو كيشوف فداك ولد الشيخة لي مكتوبة لتحت وكيفاش تنعتااات مووو ... بدا يسرط فريقو وينهج تا ولا يتسمع صوت انفاسو مجههههد والضبااابة كتتغطي عينيه وهو تيكمش فداك الصوورة يييين يديييه وعلا راسو لفوق مغمض عيييينييه ملي حححس بحريييق داز بحال صصصعقة الكهرباااء وسسط راسو ..تا ولاو صعقااات متتااالية لدرجة غممض عينييه وداك جججملة بااااقيا كاتعاااود ليييه .... كاتحط لامار قداااامو وكلمة شيييخة ... حس بالاعصاااب بداو كايغليو غييييه كتتتر ملي قال هاد الهضرة فجوا وماشي بببفمو كووون قتتتتلو وبرد جنونووو .... داك تصويرة كمشها بققققوة فيديه تاااتضربعو ضفااارو فكككفووو ...... راااسو بداااا يثقاااال كاااحس بالاكسيييجين حبس عليه .... تلاحت الورقة من يديييه مكمشة .....وحاول يهز يديه يحل الطمووووبيل ومبغاتش تهززلو يديه بمممرررة ... مققدرش يتححكم فيدييييه وحل فمووو يتننننفس مااااقدش ...

كيحاول يييحل عينيه كاايحس بدماغو مكيعطي تا اشارااة .. بحال شي واحد محطوط وسط الجاااثوووم ... الحريييق ماقدرش حتى ييصصدرر صوت .. وكيييحس براسو بحالا غيتغمى علييييه .......

......

اسد كان شاد تيليفون كيشوف اخر الايمايلات لي داخلين فالبواط شخصية ديالو تاكيحس بواحد النغصة فقلبو شداااتو وحط تيليفون شد على قلبو وناض وقف كيتنفس

اسد : اعوذ بالله من شيطااان الرجييييم

مشا بشوية جيهة البيفيييه هز قرعة دالزاج خوا الما فالكاس ووقف كيشرب وهو يسمع خطوات قسم نازلين بزربة فدروج هازة صاك دالوراق وحاسوبها

قسم : بابااااا .. انا واجدة يلااااه ...

اسد حط داك الكاس وخدا نفس كايماصي جهة قلبو ... وضار عندها وهي عوجات راسها معاه .

قسم : بابا .. واااااصااااافي .. ماما راك عارفها .. ماتبقاش هاكا مقلق .. شوف وجهك كيفاش تخطف ...

اسد ماردش عليها حيت النغصة ليه فيه كتحرقو معرفش سبابها .. ومشا هز تيليفونو وزاد هو وياها ماشي باتجاه الباركينغ

قسم : والله الا طلع ححمق فراسو .. بينو وبين جود شي مشكل يحلو معاه علاش كيدخل ماما فهادشي ...

اسد مكيجاوبهاش بالو غيو سارح وخااطرو ضيققة ومزيرة .. جاتو لامار لبالو هو يجبد تيليفون كيصوني عليها

قسم : علامن كتصوني ؟

اسد : ماماك ...

قسم : هههههه لي فييك مامهنيييك هههه ... قوليا واش ضاربات هي وجود بزاف ؟؟؟

اسد : ( مكتجاوبوش وتنهد ) ضرباتو

قسم : ( وسعات عينيها ) اوييييييلي

اسد : راه قلت ليك عصبها مزياااان ..

قسم : وجود فين مشا ؟؟؟

اسد : منعرف .. نزل ... غيكون خرج

قسم : كون ماخلتييهش ابابا يخرج بوحدو راااك عارفو ...

اسد : كيغاندير نشدوو انا !

قسم : ( مصغرة عينيه لبعيد ) بابا !!! هاديك ماشي طموووبييلة جود ؟؟؟؟؟؟

اسد : ( علا عنيو مصغرهم فالشمس كانت الطموبيل قريية للبوابة ) سي ... طموبيلتو ..

قسم : علاش مخليها تما .... راه غيكون هو تما .. ما كون ردوها ليه لبلاصتها

اسد : ( مصغر عينيه كيشوف ) راه تما .. راه كيبان راسو . .

قسم : ( مدات لباباها صاك دالوراق وحاسوبها ) ششد ابابا نمشي عندو .. نحاااول نضضحكو شوية هههه .. باش مكاااااان ... نقلقو العريس فصباحو حشوووومة كاع وحنا ماقلنا تافرحنا بيه شوووية ......

اسد شد عليها وهي ماشية مببتسمة كتجري باتجاه الطموبيل .... وصلات حداه يالاه غتحل عليه الباب وهي تبدا تجمع ليها ضضضحكتها وووسعات عينيها كاتشوف فيه كان راوسو راجع لور فوق الكرسي ورغووة بييضة ففمووو و يديه مطلوقين بحال شي ججثة .... حححسات قسم بقللبها بحالا تشششق وخرج من بلاصصتو .. كان نفس حححجم لاالم ....... وهي تغوووووت يججججهد باااعلى صوووتها تااابحاااات ......

قسم : جووووووووووود

اسد بالصدمة طاحت من يديه كارطابل ووراق قسم فالارض حتى الجهد باش يخطي الخطوة لعندهم مشى ليه والصدمة شلااااتووو .....

قسم : ( كاااتغوت ) جووووووووووود ( بدات كضرب فالباب كتحاول تحلها ) جووووووود

الكارد سمعو الغوات وضارو براسهم بزربة واسد وقف فبلاااصتو .... قسم بدات كااضور بهيستيرية عند باباهااا كتنستنجد بيه وترجع ضرب فالزاج وتحاول تحل الباب لي مكتحلش من برا

قسم : ( بهستيرية والغوات وكلها كترعد ) جوووود .. ححل عينييك شوف فيا .. جوووووود .. جوووووود حل عليا هاد البااااااب ... جووووووود

اسد غير استفق من صددمتووو من غواتها مشى كااايججري بجنون للطموووبيل طل عليه من زاج و صدرووو كا يطلع وينززززل وصووووت انفاسوو كاايتسمعوو والكارد غير واقفين مخلوعييين مقادرينش يدخلو ...بدا كيضرب فالزاج بجهااالة بقبضة يدو بلاما يفكر .. الدم سخون كيجري بين صباعو و هو ماحاسش بيه .. باغي غير يحل هاداك الباب لي كيفصل بينو و بين جود .. قسم كتجري على البيبان لاخرين كتحاول تحل شي واحد فيهم و والو .. الزاج تشقق و أسد بعد و طلع رجلو كيركلو حتى تسمع صوتو كيتهرس .. حل الباب و قسم جات كتجري مادة يديها باغية تقيس جود و لكن أسد دفعها و غوت بعصبية مجنن ..

أسد: ماتقييسيييهششش ...

قسم جمعات يديها عند صدرها بالزربة كتبكي بالجهد و رجعات اللور .. شكيب اللور كيشوف فيهم مصدوم و فيدو التيليفون باغي يصوني على عمام جود و ولاد عمامو يعلمهم و لكن يدو كتترعد .. مقادرش يطابي الأرقام ولا الأسماء .. لي كارد حداه كلشي واقف و كيشوف و حتى واحد ماعندو الجرأة باش يقرب من أسد و يسولو ولا يهضر معاه و هو فهاديك الحالة الهستيرية مع الخوف و العصبية .. و بكاء قسم غير مكيتجههد و هي كتشوف فخوها هاكاك ..وغير كاتشوفو وتستوعب انها مكتحملش طتتتغوووت بجججهد وضرررب فراااسها

دخل أسد محني عند جود .. ماقادرش يقيس راسو و يديه كيترعدو ماعارف ما يدير مصدوم و عقلو ماقادرش يخدمو مزيان باش يقرر شنو يدير .. هو يعيا يكون قوي كايبقى غير أب كبدتو فالخطر قدامو .....ولكن مكاين تاشي بديل من غير انه خصو يتبت ويييركز فحالة بحال ديالو ... كل فقدان سيطرة من اسد يقدر يعرض جود للخطر ....

هز ليه يدو بشوية و قاس المعصم ديالو اليسار ملطخو بالدم لي مزال كيسيل من يدو .. كيقلب على النبض .. و حيت قلبو هو كيضرب بالجهد ماعارفش واش نبضو هاداك ولا نبض جود كلشي تخربق عليه فهاديك اللحظة ..

قسم: ( واقفة عليه و كتغوت بهستيرية ) بااابااا .. قلبوو كاايضرب ياك ؟؟ هو عااايش ؟؟ بااباااا خوويااا عااايش يااك ؟؟؟

أسد طلق من يد جود و زيير على قبضتو مزيااان باغي يتبث راسو .. ذاتو كلها كترعد و عينيه مضببين .. زير على سنانو و خدا نفس عميييق خرجو كيرعش من بعد حط صبعو تحت نيف جود بلاما يقيسو .. ركز مزيان و عاود شد المعصم ديالو و حس بالنبض .. ماعارفش واش بصح حس بيه ولا غير تخيل ليه .. شاف فقسم و غوت ..

أسد: شددديي ليييه راااسوو ...

قسم: ( رجعات خطوة اللور كتحرك راسها بلا بالزربة ) لااااا أ بااابااا لاااا .. مايمكنننش .. ماتحركوووش ...

أسد: ( زاد غوت ) قاااسااااااااام ...

تخطفات قسم من الغوتة و زادت فالبكا .. قربات منهم بشوية و مدات يديها لي كيرعشو و شدات ليه راسو .. و أسد حاول يهزو و يخرجو و لكن قوتو كلللها مشات مع الخلعة لي حاس بيها ماقدرش حتى يحركو من بلاصتو ..

شكيب كان يالاه كمل الاتصال مع عدنان و علم الإسعاف حتى هوما حيت عارف ميمكنش يركبو جود فالطوموبيل بسبب حالتو وليكريز ديالو ماخاصش راسو يتحرك بزاف ... دار التيليفون فجيبو و قرب بالجرا منهم كيعاونهم حتى خرجوه و سرحوه فالأرض .. أسد حيد قسم و شد ليه هو راسو و قسم مشات على ركابيها حتى وصلات لرجلين جود و جلسات .. شادة فيهم و كتبكي .. أسد منهار و لكن كيحاول يكون متبت باش مايغلطش .. الحالة ديال جود صعيبة و حساسة و أي حركة غلط تقدر تتسبب فأن العروق ديال راسو يطرطقو .. جمع ليه يديه حدا صدرو و جلس فالأرض شاد راس جود باش مايتحركش .. شادو بشوية بحالا خايف يهرسو ..

أسد: وللدي .. ووووللللديييي .. شكييب ( كيشوف فشكيب و يرجع لجود ) عييط ..آ شكيييب عيييط ( أنفاسو مخربقين و حتى دقات قلبو المجهدين و العرق كيقطر منو ) باغي تقتلني أجوود يااك ؟؟ باغي تقتلني أوولدي .. بااغي تقتللنيي ( شاف فشكيب وهضر بصوت خافت مابقاش ليه الجهد ) شكيييب عيييط ....

شكيب: ( عرفو كيقصد الاسعاف ) عيطت ليهم أسيدي راهم جايين فالطريق .. ماتخافش .. إن شااء الله غايولي بييخير .. غير كريز و تفووت إن شاء الله ...

قسم: جوووووووود ( حاسة بشي صخرة على صدرها و كتحاول تبعدها بالغوات و لكن كتفشل .. وقفات كتغوت بعصبية كبيرة ماحاساش براسها ) و الله مااانسمممح ليييكممم أبااااباااا ايلاا وقعاات لخووويااا شيي حااجة ... علااااش تخليييه بوووحدو ؟؟؟ علاااااش تهضرووو معاااه و تغوووتووو عليييه ؟؟؟ يتتتحرررق هااااد مرواااان يمممشييي يمووووت بعععدوووو لياااا من خووويااا .. عجباااتكم هاااد الحااالة دااابااا ؟؟؟ ( رجعات طاحت على ركابيها و شدات فرجل جود بشوية ) جوووووود .. حل عينييك أخوياااا عااافااااك .. جووود غانحمااق .. و الله حتى نموووت موراااك ...

أسد شادو مفيكسيه و دموعو كيسيلو و يغرقو فلحيتو الخفيفة .. قلبو كيتقطع على ولادو بجوج لي قدامو .. جود ممدد قدامو بحال شي جثة شفايفو بيضين و قسم لي قالبة الدنيا بالغوات غاتحماق .. شكيب تحنى كيحاول يشدها و لكن هي كتتنتر منو .. مشات عند باباها جلسات حداه و شدات وجهو بين يديها و ضوراتو عندها كاتشوف فيه بأمل ..

قسم: باابا .. غايعيش يااك ؟؟ غايفيق ؟؟ خويا غاييحلل عينيه ياااك ؟؟ ( كتحرك راسها بلا بالزربة ) أ بابا راه مانعييييشش بلااا جووود ..

أسد مكيجاوبهاش غير كيشوف فيها و كيحس براسو غارق فشي بير عميييق و صوتها كيوصل ليه ثقييل ..

وصلات الإسعاف و صوت الصفارات ديالها مجهدين .. قسم كتمشي و تجي بحال شي حمقة .. وقفات حداهم و تحلات البوابة .. كانت اومبيلونص حمراء مجهزة لحالة جود خصيصا .. نزلو منها المسعفين كيجريو جارين معاهم السرير و حطوه حدا جود و أسد باقي شاد ليه راسو مغمي عليه كتر من جووود ..

قربو منو الرجال كيبعدوه .. كيتحرك معاهم و لكن ماواعيش بشنو كيوقع بحالا راه فاقد الوعي واخا حال عينيه و كيسمع شنو ضاير بيه ..

مكيتجاوبش معاهم نهائيا غير كيشوف .. كلو مزال كيترعد و دموعو محجرين فعينيه .. قسم مشات شدات فيه مكالية بيه و مكالياه هو بيها باش مايطيحش .. مغطية فمها بيدها و كتشوف فالمسعفين كيفاش جوج شدو ليه راسو و ثلاثة هزوه حطوه فوق السرير ... شدوه بالسماطي و فيكساو ليه راسو بالحديد و السماطي حتى مابقاش كيبان وجهو گاع و رجعو كيجريو بيه للإسعاف لداخل ..

قسم جرات معاها أسد لي مرخي ممكن فأي لحظة يطيح .. طلعو معاه للإسعاف و قسم مزال كتبكي بالجهد شادة فيديو لي كل مرة يحيدوها ليها ملي يبغيو يركبو شي حاجة ... انطلقو من تماك بسرعة فاللحظة لي تسدو فيها البيبان .. و شكيب هو و الكارد لاخرين تبعوهم من اللور .. شكيب كان مزال كيصوني على كلشي باش يعلمهم حيت خدمتو هادي .. كيصوني على لامار و يعاود حتى طفات عليه التيليفون ! و حتى الحراس لي مكلفين بيها و لي ممكن يوصلو ليها الخبار ولا يقولو ليهم فين هي جرات عليهم قبلما تمشي !! واسد كالس فلومبيلونص كايشوف كيفاش جسد ولدو محطوط بحال شي الة قدامهم ... قطعو عليه حوايجو وبداو فاسعافاتهم .... وخشااو تييو ففمو ... وكلهم كاتعاملو بزربة فنفس الوقت بالتدقييييق .... واسد كايشوف معاه بلا حول ولا قوووة منغير دموع لي كاينزلو بوحدهم على خدو قهرا على حالة ولدو لي كتخليه ديما يربع يديه ومايلقا مايدير من غير يدعي يفووووتها تاني ......

قرب واحد حيد ليه الساعة و البراسلي و الخاتم عطاهم لقسم لي خداتهم منو بيد كترعش و كمشات عليهم فيديها كتبكي بالجهد .. كتشوف فخاتم خطوبتو تحيد من يدو للمرة الثانية .. بدات كتضرب راسها مع الإسعاف اللور و كتبكي بحرقة أكبر .. وكتهضر بدون شعوووور .. بحال شي حمقة

قسم: علااااش اجووود .. علاااش اخووويا مامكتاباش ليك الفرحة لهاد درجة .. علاااااش اخووويا علاااااش ....

اما اسد لي غير كيشوف فيه ويشوف فيهم اش كيديرو ليه ... ولدو هاداك .. لي هزو نهار خرج من كرش ماماه كبر بين يديه .. و خطواتو لي هو لي عاونو فيهم تا خطاهم ... وكيفاش كان كيلوح خطواتو الصغيرة ويضور يشوف فباباه يتأكد واش راه موراه حيت عارفو مستحيل يخليه يطيح ....

جامع قبضتو على شكل بونية حدا فمو وعينيه حمريييين وهو كيتفكرو طططفل صغير وضحكاتو مسموعين فوذنيه كيعيط ليه باابااا وكيمد ليه يدييه يشد فيه ... وفاش كيطيح لاارض وينوض ينفض فيديه وينفض رجليه ويرجع يضحك .. من ديما وهو كيطيح وينووض راااسو ومكيبكيش و مكيتهزمش ..

بداو كيسعفوه وهو هز يدو لي كانت مطلوقة شدها عندو ونزل راسو ببضضضعف وحطو على يديييه وشفاروو كااايرجفوووو وقسم كاتزيييد تبكي ملي كتشوف باباها لي كيلقى الحل لكولشي مقادرش يلقاه لمرض جود ....

من بعد مسافة الطريق وقفات الإسعاف قدام الكلينيك .. قدام الباب كان الطاقم لي مكلف بيه كاامل كيتسناو بعدما وصلاتهم لخبار .. نزل أسد و قسم و المسعفين نزلو جود بالزربة و فنفس الوقت كيحاولو ميحركوهش بزاف ... يالاه داخلين بيه لكلينيك وصلات الطموبيل ديال عدنان لي معاه سفيان .. فرانا بالجهد كيشوف من الزاج فالمسعفين هازين جود و أسد و قسم وراهم بهاديك الحالة الهستيرية .. انهيار أسد لهاديك الدرجة و الدموع لي فوجهو كانو كيلمحو لحجم الكارثة ..

حل عدنان الباب و نزل و الدموع كيتجمعو فعينيه .. شاف فجود لي فهاديك الحالة على السرير و فقد السيطرة على رجليه .. فشلو عليه و طاح على ركابيه وسط الطريق... سفيان كان عاد كيستوعب الوضع وغير شاف عدنان هاكاك حل الباب لي حداه و خرج بالجرا ضار عند خوه شدو كيحاول ينوضو ..

سفيان : عدنااان .. نووض أصاحبي نووض شد فرااسك ..نوووض

عدنان: ( عينيه على باب الكلينيك لي دخل منو جود ) جوود !! ! ( شاف فسفيان ) ولددي مشاااا ا سفياان .. الولد مشااااا ... ( علا عينو فيه بضعف ) كسييدة ياك .. كسيدة ... كسييييدة تاني .. الله يححححححححرق جد الطمووووووبيلات ... الله ييييييحررررقهم ....

سفيان: ( شاد فدراعو كيحاول يوقفو ) عدناان شدد فراااسك أصااحبي .. نووض نشووفو اش كااين .. نوض رااه غايكون غيرر سخفاااان ..

شد عدنان فيه باغي يوقف و لكن كيحس بذاتو ثقيلة .. أفكارو ثقال .. أنفاسو و حتى دقات قلبو ... كيشوف فباب الكلينيك و ذاتو بدات كتترعد عليييه واسوء الافكار جاو ليه ...

دخلو جود و أسد و قسم تابعينو فالاسانسير لاخر وهو طلعوه من جهة اخرى ... أسد كان بحال شي ورقة كتحركها الريح .. الأصوات غارقين فودنيه و الصورة مضببة بالدموع .. و قسم كثر منو كلها كتترعد بالخلعة و حاسة براسها غادي تتقيا ..

دخلو المسعفين و معاهم جود و سدو وراهم باب معدني مزدوج كبييير مخليين أسد و قسم لي يلاه تحل بيهم السانسور كيجريو موراهم تاتسد عليهم الباب .. أسد حط يديه على هاداك الباب و هبط راسو لتحت .. قسم بقات راجعة باللور حتى حبسها الحيط .. بقات نازلة معاه حتى جلسات للأرض جامعة عندها رجليها و كتبكي و تشهق .. وتهضر بششششوية

قسم : جوودد ... مشاااا جوووود ...

سمعو صوت خطوات سريعة و مبعثرة .. شافت للجنب بان ليها عمها عدنان داخل مع سفيان .. وقفات بالزربة و مشات عندو ملي شافت حااالتووو وهي عارفاه شحال كيتخخخلع .... مشات كتجري شداتو من كتافو و هو عينيه غير على أسد لي واقف حدا الباب و عاطيه بالظهر ..

قسم: ع..عمي .. عمي شوف فيا ( مدات يدها و ضورات وجهو لعندها .. كان غير كيشوف مصدووم و مزال ما متيقش هادشي لي كيوقع ) غايولي لاباس ( دموعها نازلين كتهضر مع عمها و لكن كتحاول تقنع راسها هي اللولة بهاد الهضرة ) غايفوووتها .. جوود خوياا مااشي هادي هي اللولة لييه .. كيعررف كيفاش يخرررج مننها .. رججع ليينا مرررة و غيعااود يرججع تااني .. ماتخاافش ( كتحرك راسها بالزربة ) ماتخاااافش ..

سفيان: ( كيشوف فيها و حتى هو باينة فيه التلفة و الخلعة والتوترر واللون مشا من وجهووو ) اااش وااقع ؟؟

عدنان: ( شاف فيه و رجع شاف فيها شفايفو كيرجفو بزز قدر يخرج هاديك الكلمة ) كسيدة ؟؟؟

قسم: ( كتافها كيتهزو مع بكاها ) ماعرفتش .. مااعاارفة واالو ( كتمسح فدموعها و كتشوف فصدر عمها بحالا كتسترجع هاديك اللحظة باش تشرحها ليهم ) كان فالطوموبيل .. و لكن .. و لكن الطوموبيل كانت .. كانت واقفة ... ماعرفتش .. ماعرفتش اش وقع ليه ! ماعرررفش اعمي .. ماعرفتش اش هادشي منين كاايسلاااط علييينا

سفيان خلاهم و مشا عند أسد .. شدو من كتفو و أسد ضار عندو و بقوة الصدمة لي داخل فيها للحظة ماعرفش خوه ! ثواني بقا غير كيشوف فيه عاد ترخاو ملامحو و نطق بصوت منخفض .. ضعيف بزاف و كيرعش بحال يديه ..

أسد : سدو عليا البيبان تاني .. نهار كيطيح ليا ولدي كيتسدو عليا گااع البيبان اسفيان ....

سفيان: ( ورك ليه على كتفو ) أسسد .. كلنا عارفين الولد مريض و هادشي حنا ديما واجدين باش نعيشووه ..

أسد : ( كيحرك راسو بلا ) لا .. لا أسفيان .. ماكانتش كريز عادية ... ولدي كاان مغييب ..

سفيان : غيير صببر .. صببر مايكوون غيير الخيير ( كيهضر و هو براسو يدو كتترعد و قلبو مزير عليه ) ماجابوش ليكم الله لهاد دنيا باش يضيعو ... صبببر هاا هوما شوية و غايخرجو يقولو ليينا راه فااق .. غيير صببر ..

أسد شاف فعدنان لي باقي مع قسم كتشرح ليه .. و لكن حتى هو شاف فيه .. نظراتهم كانو مرعوبين كيرعشو .. جوج آباء قلوبهم محروقين كيشوفو فبعضياتهم .. نظرات فيها بزاف ديال الهضرة و المخاوف .. كاع خوتو كانو اعمام لجود ... الا عدنان ... الاب الثاااااني ....

رجع أسد للباب شاد فيه مقادرش يكمل الشوفة فعدنان لي فشلاتو كتر من ولدو .... و سفيان تكا على الحيط حداه .. عدنان جراتو قسم جلساتو على الكرسي و مشات بالجرا جابت ليه الما كتحاول تصبر الناس وهي اكتر وحدة محتاجة لي يصبرها ... خوها وصديقها واقرب واحد ليها واغلى مكتملللك فثانية واخرى تقدر تفففقدووو .. الامر كيجيب الجنون بالنسبة ليها .... عطات الما لعدنان كتشربو بسيييف باش مايصدقو فجوج خسائر ... ومشات وقفات ورا باباها .. مربعة يديها عندها كتحس بالبررد... أطرافها جمدو عليها واخا الجو سخون .. ونزلات راسها كاتبكككي .....

تابدا اسد يبان ليه ظل شي واحد جاي من كولوار وراء البييان المعدنين لي شفافين بعض الشيء .... هو يبعد بعيون مترقبة تاحل الدكتوروك البيبان وعدنان دغيا لاح القرعة لي كانت فيديع ووقف وتجمعو عليه كان بقبعة خضراء مربوطة لور و لباس اخضر طبي وهبط الكمامة ...كان الدكتور الخاص بحالة جود..

الدكتور : تتتهههدنو تتتهدنو ....( كايهضر بزربة و العرق فجبهتو ) ندو نزيف داخلي على مستوى الشق الايمن ... والامر شوية باقي صعيب علينا بنسبة لحالتو .. كون كانت حالة اخرى غانخليو حتى تنقص نسبة جريان الدم عاد نقومو بالعملية نوقفو النزيف ... ولكن هو ماعندناش الوقت لي نتسناو حيت كيما عارفين فاي لحظة يطرا مشكل فالعروق ديالو والدم كااايجري عندو بواحد طريقة خيالية فالجسم ديالو لي صعبات النبض ... غانضضطرو ندخلوه للثلج اغجووونص باش يتجمد الدم شوية فراسو .... عاد نقدرو نردوه للبلوك .... بغيت توقيعك اسي اسد باش نهبطوه للاگلاص ...

اسد غير راجع بلور وقلبو كايضرب بجهد و قسم قربات وشفايفها بداو طايترعدو عاد نطقات بصوت بسيف باش كايتسمع

قسم :ل .. لاگلاص ! .. ل .. لامورغ ؟؟؟؟؟؟؟؟

الدكتور :ماشي بداك طريقة متخلعوش ساعة ونص فقط وغانخرجوه ... خصنا ضروووري يتجمد الدم ....متخلعوووش غانوقفو النزيف واخا نعرفو ندير حاجة تبقى لينا وغااايفيق .... ليوووم نرجعليك خوك ابنتي .... عطيوني غير التوقيع ..

قسم ضارت براسها بان ليها اسد راجع بلور حتى كلس على الكرسي مصدوم و عدنان غير كايشوف كتر منو هو يقرب سفيان ..

سفيان : انا غاانسني ليك ... زيييد .....

تبعو سفيان للبيرو مشاو بزربة و قسم ضارت بعينيها عند باباها و زيرات عليهم كتتتبكككي و مشات عندو كلسات على ركابيها وشدات يدو ...

قسم : س.. سمعتيه ...قال ليوم يرجع ليا خويا .. غايرجع جود .... جود مغايسخاس بينا ابابا هو كاااايموووت علينا .... غااايبرا ...غااايبرا .....

أسد نزل عينو فقسم و اشار ليها بالايجاب بحركة بطييييييئة ودوز يدو على راسها .... ورجع تكا راسو لور كايتنهد وهي شافت فعدنان ومشات عنقاتو .... طبطب ليها على ظهرها ومشاو كلسو موكلين امرهم الله ..... مكاين تاحل اخر من غير يثيقو فالاطقم الطبية ...

غير شوية و بانو ليهم يونس و زياد داخلين كيجرييو ويونس وجهو كااااامل حمر كيقلب بعيييينيييه ... علات قسم عينيها لي مكيحبسوش من البكا ويونس غير شافها فداك الحاااالة قرب عنها كايجري عنقققها وهي تتتنهاااررر فكتفو لي اخييييرا شي كتف تمد ليييها .... وزياد كيسول بهسيتيرية فسفيان لي كان يلاه جاااي من البيرو ددكتور اش واااقع ..... ودكتور خلاهم وحل دوك البيبان ودخل بزربة سدهم من موراه واسد متبعو بعينيه كيف شي واحد تقاضات حيييلتو ..... لا هي راه تاقااااضات ......

فيلا يونس .....

فطابلة الفطور كانت بيلسان جالسة عاااد كتفطر بالعكز والنعاس مع رقية و أريج لي كيتهاودو لي كانو فطرو وتغداو .....

رقية : شوف ليك التمساس ... تي كووولي عمري جنااابك نيشان ونت غتبقاي ليا هاكا كي السكوووليط مايجيش عليك تالقفطان نهار دالعرس ....

بيلسان : دابااا مالكم على هاد التجنيييد لي صبحتو عليا بيه .. خليوني نعس سيييرو شريييو راسكم بعدو مني

اريج : غااااتمشي نتي نشوف تواب كيغيجيييو على وجهك

بيلسان : والله الى غير كاتزيدو فيه ... حنا اصلا مغنديروش لاكط ماغياج دابا ... علاش كتوجدو هادشي

اريج : حيت انا مغارجعش للمغرب وخدمة المعلم عندي غير هنا ندفع ليه اش بغيت باش ملي نرجع لقا كولشي واجد ......

بيلسان : باقي عااااام اماما عااااام .... وداكشي لي غتخيطي اصلا انا مغنلبسوووش ليك ....

اريج : ودابا نشوووفوووو ....

بيلسان : ( بملل ) وهاد توابات مكيتختاروش غدا ضروري اليوووووم راه باقي فيا النعاس

رقية : ( حطات كاس داتاي بزعفة قلبات ليها راسها ) ونت مغااااتسكتييشااااي شوية من الههضرة ... سمعي كلااام مك وباراكا من العوكوووسات ...

بيلسان كتأفف بملل وهزات تيليييفون ودارتو فوذنها فنفس الوقت كتفطر

اريج : علامن كتصوني

بيلسان : جود .... يمشي معانا .. منختارش بوحدي ....

رقية : ( خطفات ليها تيلفيون من ودنها ) ططلطقي المشقوووف لهننااااا .... هووو ملي مشا يشري الخاتم ... كبرووو لوالدييييك ؟؟؟؟؟

بيلسان : جدة طططلقي تيليفووون .. تي طللقي راه كيصوني قططعي بعددداا راه غيسمعك

رقية : ( بدات تورك بصبعانها بعشوائية ) منييين تاايطفى هااااد العجججججب

يتبع...