محتوى القصة
بيلسان بقات غير كضحك وهو مشا جلس حدا حياة لي عنقاتووو ... اما اياد مشا بعيد لكرسي دصال امونجي وجلس كيشوف فيهم ولوؤي واقف فالدخلة دالصالون ...
لوؤي : والله تاعيقتو .. بحالا مشينا نقتلو ماكرون ....
عدنان : تييييليفون علاش دااار ؟ هممم !!!! علاااش تخترع تيليفون
لوؤي : تخترع باش دير به صلة الرحم مع طاسيلتك .... ونتا نهار كتصوني ليا فيه الوليد كتكون غير باااش تعرررق ليا لطاسيلة مي ...
عدنان : منيييين جيتي ابناادم نتا منيييين !!!!!
لوؤي : والله اوالليد كون ماكنتي الوااااليد. .. تا نقول تبنيتيني ....
عدنان : على نتاا معارفش اولدي كووون مكنتيش ولدي .. انا راه مغنتبناكش واخا تبقى غاااا نتا .. انا راه صاااابر عليك غا حييييت ولدي
رتاح : ( عنقاتو ) الله يخليييييييه ليا .... على هضرة كيدايرة
لوؤي : ( كيعوج فعقنو ) اووووودي .... ( شاف فقدس بابتسامة لعوبة ) ليييي ماعندوش زززهررر ماعندوش وصااافي .....
عدنان : دابا هادو فعايل الرجال هادو
لوؤي : ( وقفات عندو لامار سلم عليها ضاحكة ) لا فعايل النباتات
دخل كيسلم عليهم تاني تاهو وقدس تسالمو ببونيات وزاد جلس و هوما شافو عند اياد وهو علا يديه
اياد : انا فيا غاجوووع ... جيت باش ناكل ... ونمشي فحالي .... ديرو راسكم ماشفتونيش بحال مكااااااينش ...... ماندوي منتكلم ... ( رجع متكي لور كايشوف مع السقف وتريات ) الدار عنكم زوييييينة ....
اريج : هههههههه الله على ولدي الله هههه اااجي .. اجي نوض لهنا اجي ....
اياد : ( كيشير ليها ليونس وكيومي بلا )
اريج : مغااايضربكش اجي هههههه ....
يونس : ( شد على راسو ) ياااربي فوقاش غيكبرو ياااربي ... .
ناض بشوية مبتاسم تاهو وسلم عليهم وجلسو مجوعين وجود تاهو جالس على التكاية دليفوطوي ومعوج راسو مع بيلسان لي متجااهلااااه كل التجاهل وكيحاااول يتفكر ليلة البارح بكل تفاصيلها يشوف واش داير شي حاجة ماهياش وكايحس براسو ماعقلش عليها كاملة ..... وقدس عاضة على شفتها حابسة داك الفرحة تبااان واخا باينة ومفضووووحة على عينيييها وهي كتشوف فيه وغير كيهز عينيه كتنزلهم ......
اسد : اهاااه ... جلستو ؟ .....
سلطان : نوضوو ؟
اسد : لا لا حشومة ... جلسو الله اودي
سلطان : حنا راه درنا الخاطر لجود مريض وصافي ....
اسد : ااااه .. جود مريض ... اهاااه .. شكون قطع ليكم ؟
سلطان : ( شاف فلوؤي ) شكون قطع لينا ؟
لؤوي : ( شاف فايااد ) شكون ؟
اياد : ( شاف فجود ) جود ...
جود : مال جود !
لوؤي : اااه ( شاف فاسد ) جود .. جود قطع لينا
جود : انااا ؟؟؟؟؟؟ ( حمرووو فيه وقدس حابسة ضحكة هي وبيلسان وهو عاد فهم ) ااااه .. واقلة ....
عدنان : كيفاش واقلة !
جود : زعما يمكن انا ... نكون قطعت ونسيت .. عارفييني نص عقل ...
اسد : كيجاكم الهوا دفرانسا ( جاوبو بزربة )
لوؤي : واااااااعر ..... كووون تشووووف كيداير ولا ..... ( كيعوج فعقنو )
عدنان : مال عنقك ؟
لوؤي : ( كيعوج فيه ) والو .. غاملقى مايدار بغا يحرقني شوية ... ماشي حيت نعست معذب فطموبيل .. لاااااا .. غير حيت عنقي جاه الملل وصافي .....
عدنان : نوض عندي هنا نشوف .. مكتحركوش مزيان ؟؟؟
لوؤي : ( ناض واقف ) كيتحااارك الوالييد كيتحرك ... العقبة لمشاااعررركم تاهوما يتحركو شوية تحنو فينا ...... ( مشا بجهة دروج )
رتاج : فييين غادي اجي غنتعشاو
لوؤي : غندوش ونجي .....
طلع فدروج واياد شاف عند سلطان وهضر غا بيناتهم
اياد : ياك هو اللخر لي دوش فينا !!!
سلطان : وتفهم نتا حسن منو .. قال يدوش هي يدوش ...
جود : فين وسيم ؟
لامار : لفوق اولدي
جود طلع فدروج ماشي عندو حس براسو توووحشوو ملي مزال مشافوش بغا يشوفو اش كيدير ... وسلطان كيهضر مع حياة واياد عاد حنات فيه اريج كتسولو على كيفاش دوزوها .... وهي تشوف قدس وصلها ميساج وبعدات على بيلسان حلاتو بان ليها لوؤي كاتب ليها " طلعي عندي " .... علات حجبانها وشافت فبيلسان .....
قدس : بيلي .. ديري راسك طالعة
بيلسان : منيتك ؟ فين غنطلع !!!!!!
قدس : غير ديري راسك طالعة .. قولي ليهم راسك كيضرك ....
بيلسان : اويلي على راسي كيضرني
قدس : يااااك كان كيضرك ....دابا لي بغيتك تمرضي بريتي ... تي دوي اصااااحبتي قوليلهم اي حاجة ... شي حاجة لفوق
بيلسان : ( صغرات فيها عينيها ) يااااك هوو طللع يدوش .. علاش تابعاه ... نتي جيل دوش ؟؟؟ نتي شومبوان نتي
قدس : واااااش سوووووقك ....
بيلسان : سيييييري تخراااااي ..طلعي راسك ماديريش بيا سبة ينوضو يشكو فيا .. ملي جيت ونا تانقول راسي ضارني غذا تصبحني ماما على الطيست د كغوسيس ...." اختبار الحمل"
قدس : وهانتي .... نطلعو بجوج ونزلي داك ساع وخليني ... غامنتسماش طلعت بوووحدي ... ( كضربها لكتفها ) دباا نتي غا منوضاها نت وياه تحرمي عليا تا نا ....
بيلسان : ( جابت ليها ضحكة وشافت فماماها ) ماما .. غانطلع نشوف شي كينة دراس ... راسي تيضرني ...
قدس : ( نقزات فالحديث ) ااا ... راه عندي وحدة ايفيكاس ( شافت فباباها ) عرفتيها ابابا هاديك لي كناخد نمشي نعطيها ليها .....
رقية : تي هاد راس من صباح وهو يضرك ؟؟؟
يونس : ياكما خرجتي لشمس صباح بلا فطور ؟
بيلسان : ماعرفتش ... غناخد دوا ويفوتني الحال
اريج : سير ابنتي والى حسيتي براسك عيانة نعسي رتاحي غدا نشوفو طبيب ....
ناضت وقدس تبعاتها اما هوما كولشي كان ملهي فالحديث منغير انهم عطاوهم الاذن ورجعو لهضرتهم ....
بيلسان وقدس طلعو هي وياها فدروج ديريكت باتجاه جناح قدس ... دخلو وقدس سدات الباب و بيلسان مشات بشوية لجهة الكنابي وجلسات
قدس : طلعنا طلعنا .. سيري عند خويا غايكون بووحدو لا عندكم شي مشكل قادوه ...
بيلسان : ( حيدات صباطها من رجليها ) لا .... غير خليني ( تكات على داك الكنابي ودارت يديها فوق راسها ) غير سيري ... ملي تجي انا هنا ....
قدس تجمعو ملامحها ومشات بشوية عند بيلسان وتحنات عندها
قدس : بيلي ؟؟؟؟؟ ... واش تبغي نهضرو ؟ ( حطات تيليفون فوق طبلة وجلسات ) صافي مغنمشيش ... منبعد ونشوفو .... قولي ليا مالكي .... ماشي هادي بيلسان لي كنعرف
بيلسان : ( ضورات راسها وشافت فيها ) قدس .... والله ماعندي شي حااااجة .... دبصح راسي ضارني وصافي حيت خسر ليا النعاس .... ( تبسمات ليها ) سيري راه كيتسناك .. ( رجعات لبلاصتها وهي تشوفها باقا جالسة ) راه والله الا رااااااني بيخير .. غير سيري ... .يلاااااااه ...
قدس تبسمات ليها وهزات تيليفونها وخرجات من جناحها .. خدات نفس عميق وشافت مع جنابها وقصدات جناحو بزربة .... بلا مادق حلات الباب دغيا ودخلات .... سداتها موراها وضارت باليها الجناح خاوي .... وعوجات راسها جيهة دريسينغ تشوف واش مشعول تما الضو ....
قدس : لوووؤاااي ....
يلاه كملاتها بانليها خارج من البالكون وجاي باتجاهها بسرعة ... وعلات حجبانها حيت جاي بملامح جدية خلاتها تسول راسها اش داااارت ؟؟؟؟ غير قرب عندها غمضات عينيها حسابتها غيضربها تاحساتو لصقها مع البااااب وشرك شفايفهم وحاضن خصررها بيديه معنقها لعندووو مزير عليها كييمص ريييييقها لي كان كيحس براااسو عطشاااان ليه وهو بعيد عليه .....
مااعطاهاش فرصة حتى فين تنفس .. وهزات يدييها بشوية لواتها على عنقوووو شي لي خلاه يزيييد يزيرها لعندوووو ويديه كتسارا فظهرها لي كان مشدود غير بخيوط ديال كسيوة قصيرة لابساها .. فلحظة مابقاتش باغاه يفصل هاد القبلة ولو دوم لسنوااات ... كانت كتقول بلي متوحشاتوش ولكن جات هاد البوووسة ورااتها شحال هي بصح مووحشااااه .. موحشة ريحتو وانفااسوو وريقو وملمس شفايفو القاسحين ... ولسانو لي تييعرف مزيااان يعانق لسانها ...حتى واحد فيهم ماكان ساخي بهاديك القبلة تتقطع .. وحتى واحد فيهم ماكان واعي بيها .... حرارتهم ارتافعات وعينيهم تسدو وتعسلو و خدودهم توردو بالحرارة .... شوية بشوية بدا كااايقلل من وتيرة تقبيلو ليها ...شوية بشوية كيستعد يفصلها ... وهي بداو كيهداو انفاسها كتبعد راسها بشوية عاد حلات عينيها فيه وبانليها هو باقي سادهم بحالا باقي باغي يبقى فنشوة هاديك القبلة ومايفيقش .... يلاه كانت غادي تهضر ، طيح راسو على كتفها بحال القتيييييل .... كان مستسلم تمااما ليها .... وهي جاتها الضحكة وشداتو من جنبو كاتوقفو وهو حاط راسو كامل على كتفها محني عليها
قدس : هههه لوؤي .... لوؤي راك تقيل غادي تهرس ليا كتفي ....
لوؤي : ( صوت شبه ناعس بسبب التنويم لي دخل ليه وسط شفايفها ) شششش ......خاصو يولفني ..... ( علا راسو بشوية وشاف فيها ) حيت مكاينة تاحاجة فهاد دنيا .... لي غتقدر تهز ليا راسي من هنا لفوق .... منغيرو .....
قدس : ( ضارت موراها شافت فالباب وشافت فيه ) قول اش بغيتي دغيا باش نزل ... غيحسو بينا
لوؤي : ( بعد عليها شوية بدا كيطلعها ويهبطها كانت بكسوة كحلة فايتة شوية ركابيها ... مسدودة فضهرها بخيوط ومزيرة على صدرها وبطنها .. ومطلوقة من جهة الخصر منفوخة ... مع صندال سوداء طالعة بالخيوط وشعرها كان مطلوق لور ... ومد يدو زاد علاها ليها شوية من تحت وهي وسعات عينيها .. علاها تاطلعات على ركابيها وحطها ليها حد الفخاد ) كنت توصليها لهنا ..... وتخلييها .... طوييييييلة عليك .... مااكاتعتريش فيها ؟؟؟؟
.
قدس : ( كتحيدها من يديه وكطلقها لتحت ) ططططلق ... ماشي انا لي كنختار هوما لي كيجيبو لينا ...
لوؤي : اه ... بحالا انا جيت من الهند .. ماشي اسماعيلي .... معارفش الى الحوايج لي كيجيو فصباح كتختاريهم نت بليل .....
قدس : وراااه هادشي لي موالفة نلبس الوؤاي .. زايدون راه سواغي فاميليييغ وحنا بيناتنا فدار
لوؤي : هاد بيناتنا ابنت عمي راه فيها سلطان واياد
قدس : ( علات فيه حجبانها ) كتغير من ولاد عمامك ؟؟؟؟
لوؤي : ( قرب عندها كثررر وشد ليها وجهها بحنية كيشوف فعينيها ودوا مزير على الحروف مخرجهم من اعماقو بكل صدق ) انا راه بااااك وكااانغييير منوووو ملي كتنعسي على كتااافووو ..... راه خوك لي تيشد فيديك ويعنقك وانا مقااادرش .... تاااايشعلني من دااااخل مكنككرهش نضرررربو .. ولكن راااااه خووووك اش عندي ماااندير .... ( هبط يدو لعنقها وهي كتشوف معاه وكيدوزها عليه بشوية تا سدات عينيها ) انا راه غا واااحد الحححمق نهار بغا غير مازاااااد فالحماق ...... نهار شافك عاد داك شوية دالعقل لي كان عندو طييرتيه ليه ... وتقولي ليا ولاد عماماك ؟؟؟؟؟ واش باغاني نطيح شي روح نتي ..... ( طلع يدو لوجهها كيدوز صبعو عليه غارق فعينيها ) دييييلمك عندي واحد القلب تايكون تايضرب .. غاتنفكررر فراسي بلي غيشوف فيك شي واحد شي شوفة ماهياش ... مكيبقاش غير يضرب .. تايولي يييخبط راسو فصدري لداخل ......
قدس : ( حسات بمعدتها خربقها ليها بهاد الهضرة وبعدات راسها كدوز لسانها على شفتها تتضحك بدلع وتزيد تجنن اخر عرق فيه ) راه الغيرة من الشييييطان .... ( مدات يديها لقلبو ) راك مسسسكن شيطان عندك هنا وصااافي .... اما هو مكاااااين والو
لوؤي : ( شد وجهها من تحت فمها مقربو عندو تاعوج ليها شفايفها على شكل بوووسة وقرب ليهم كيدوي مغزف ) انا منهار بغيتك سكنو فيا تسعود وتسعيييين .. والشيطان المية هو انا .... ( كيقرب يبوسها هي كتبعد راسها مضحك وهو تابعها تاجنناتو ) ققدددس راه غااانصيفط مك دماااايااااات رصاااااي ......
قدس : ( فلتات منو ومشات لوسط الجناح كضحك وهو ضار لعندها معوج راسو ) قلتي ليا ططلعي حسابتني غتقول شي حاجة .. كون حسابتني هاكا منطلعش ....
لوؤي : ( ماشي باتجاهها ) دابا نتي لمك متعرفيش شنو هي بنادم موحشك ... ونت ماكاتوحشيش .. واقلة راه كنت مسافر ....متقوليش مع داك العقل ( هو كيقرب وهي راجعة بلور ) اجي نتووحشوو شوية تا انا ..... وراه عيطلييي باش يشووفني ماشي ضروري يهضر معااياا .. واش هادشي مكتعرفيش ليه ؟؟؟؟؟؟
قدس : ههههه كنعرف نديرو ..... وكنعرف نتوحش .. غاا هو مغبرتيييش بزاااف باش نتوحشك ....راه غا يوماين هادي ههههه ....
لوؤي : ( يلاه غتزيد تهرب شدها من يدييها ولصقها معاه كيشوف معاها وهي كترمش فيه ) كتبيعععي زييييينك غاااالي .....
قدس : ( علات راسها فيه ) زييييني مكيتبااااعش ....
لؤوي : كيتباااع ( كيشوف معاها ) غا هو ... عندو كليان واحد ..... ( هبط راسو على حنكها باسو ) وهو انا ..... ( رجع لحنك لاخور تاني باسو بوسة طوييييلة )
قدس : ( كتعوج راسها معاه وكتحس بكرشها كضضضرها وحابسة راسها ماتستسلمش قدامو بززز ) و .... و وميستاهلش يتباع غالي !
لؤوي : ياودي طلللبي فيه تاااحياتي غنعطيها ليك ...... ( رجع كيشوف فيها وعينيه تعمو بنظرة حنينة وكلها حب وتاهي بادلاتو نفسها وهبط بشوية على جبهتها قبلها بشوية وشاف فيها ) كان علمنا الواليد ملي كنا صغار ... ملي نساليو الماكلة ... كنقولو .. اللهم ادمها نعمة واحفظها من الزوال .... كنت كنسى نقولها ملي كنت صغير صراحة ...... ولكن دابا ( كيرد شعرها لور ) فوق مانتفكرك نت .... ( شاف فعينيها ) كنقولها ........
قدس : ( قلبها حسات بيه من دااااخل تحل فصدرها .... خرجاتها بتنهيدة وهي كتشووف فعينيه واحساس ابدا مقدارتش تخبيه وهزات يديها بشوية حطاتها على وجهو وهو هايم فعينيها ) آمييين ......
يلاه غينزل على شفايفها وهي تسلت منو مشات بجيهة البااااب وهو متبعها ملور ومؤخرتها كيفاش كتبان تحت هاديك الكسوة ورجليها العامرين لي كااايتلفوه على سميتوووو ... وضارت براسها عندو يديها فالبواني ....
قدس : انا مشيييت ...
لوؤي : ( مغغغزف عليها متبعها بعينيه ) سيييري بدلي داك الكسوة ولا والله مغيعجبك حااال .....
قدس : لااااااء ...
عطاتو بوسة فالهوا وحلات الباب ومشات وهو ماعرف يتعصب ماعرف يضحك ! بدا كيضحك و كيدوز يدو على شعرو بقوة ماكتخربببقوووو وتخليه ينسى راااسو وميعرفش الصح من الغلط كايولي بحال الحمق .... تنهد ودخل لدوش يبرد حرارتو عاد ينزل عندهم .....
اما هي مشات ديريكت لجناحها حلات لباب وهي تبان ليها بيلسان باقا فبلاصاتها شادة تيليفونها ....
بيلسان : ( شافت فيها ) شتك دغيا جيتي
قدس : ( جلسات حداها وحطات تيليفون ) شنو ... ياكما غنبقى نحاجي عليه تايحل علينا الباب جود .... ( بيلسان رجعات شافت فالتيلي ) ومغتقوليش ليا مالكي ... ؟؟؟ راه ماغنزل من هنا تانعرف
بيلسان : ( تنهدات وحطات تيليفون وناضت قادات جلستها وشافت فيها ) قدس .... ( قدس شافت فيها ) نفترضو الله يستر والله ينجيه .. دار شي اكسيدون لوؤي ... ( قدس علات حجبانها ) وفقد ذاكرتو ونساك .... شنو كنت غاديري ؟
قدس : مغنعرفش نتخيلها ابيلسان ومباغاش نتخيلها ....
بيلسان : نتي متقدرتيش تاتخيليها انا راه كنعيشها .... ( كتشوف فيها بجدية ) موراها جا يخطبك ... ونت باقا كتبغيه .. وكتعاملي معاه بطريقة لي كنت كتعاملي معاه بيها قبل مايمرض .... ولكن هو مبقاتش كتعجبو داك طريقة وبحالا كيرغم عليك تبغيه بطريقة اخرى .... ( قدس كترمش فيها ) مغنقوليكش كيفاش كنت غاتقدري .. ولكن باغا نعرف .... واش كنت غتقبلي ؟
قدس : ( شافت شحال لتحت ورجعات علات راسها فيها ) بيلسان .... مغنتحطش فهاد الموقف لي كتهضري عليه حيث عمرني غنعيشو
بيلسان : لا اقدس ... تانا كنت كنقول عمرني غنعيشو وعشتو
قدس : مكنقصدش من ناحية الاكسيدون ..... هادااك مكتاب ومادمنا فدنيا كولشي كيوقع ... لي كنقصد هو واخا يطرا هادشي ... حنا اصلا نهار دخلنا فعلاقة راحنا كبار ... يعني واخا ينساني تا ست سنين ونرجعو مع بعضياتنا .. غنلقاو راسنا فعلاقة بنفس طريقة حيت مكايناش شي حاجة اخرى ماكبر ! .... اما نتوما ابيلسان كنتو عايشين علاقة مراهقة !!! .... كتبدل ملي الواحد كيزيد شوية .....
بيلسان : علاش دابا نتوما كبترو !
قدس : كبيرة عليك نتي ديال شحال هادي ...... وتاهو كبر من جود دشحال هادي ....
بيلسان : قدس .... ( شافت شحال لتحت وشافت فيها ) كنحس بيه مكيبغينيش .....
قدس : علاش ؟؟؟؟ شنو لي دار ليك خلاك تحسي هاكا ؟
بيلسان : معرفتش ... ( ناضت كتمشي وتجي ) والله ماعرفت .. كنحس كيبزز على راسو يكون معايا ... كنحس بلي تا حاجة فيا مكتعجبو فشخصيتي .. وباغي يبدل فيا كولشي .....
قدس : وهادشي مكيعنيش مكيبغيكش ..
بيلسان : ( ضارت عندها ) لي تيبغي اقدس .. تايبغيك بعيوبك ...
قدس : ( ناضت عندها ) يعني كتعرفي بفعايلك لي باغي يبدلهم ..راهم عيوب ؟
بيلسان : ماقصدتش هاكاك .. ولكن ... فففف قدس .. مالكم اهاد ولاد عمي بحال هاكا كتفهمو الهضرة بالمقلوب وكااتعرفو تقنعونا انهااااا بببصح !!!
قدس : لا راه هادشي لي قصصصصدتي ... ( شداتها من كتافها ) انا صغر منك باش نصحك .... ولكن الى كان جود ديال دابا ... لي بغاك وقصد داركم وخطبك .. وكانت ضحكتو واصلة لوذنيه وهو كيدير الخاتم فيديك ..... ولي غير حل عينيه فالانعاش تفكرك نت لولا ... ولي كيشوفك فشي بلاصة عينيه كتجي عندك نت لولا ... ولي كايسول عليك نت لولا ... ولي على قبلك قالت ليا ماما لاول نرة فكر فالاستقرار و بغا يخدم ..... ولي ختااارك يكمل معاك حياتو وسط قشللللة دالبناااات .. مامقنعكش حبو .. اشمن حب باغا ؟ لي يشبعك غير كلام بلا افعال !!!!!! ....
بيلسان : هاهو لوؤي .. واخا ماعمرني كنت بيناتكم ولكن قادرة نفهم علاقتهم ... هاهو لوؤي مادار تاحاجة من هادشي و انا متأكدة وقتاش مكتلاقاو تيقول شحال هو كيبغيك ... مكتحسيش معاه بالسعادة ؟ مكتحسيش بالحب ديالو ليك .... ؟؟؟؟ واخا مادار واالو من هادشي
قدس : سمحيلي ولكن هادي ماشي مقارنة .. حيت هو غايدير كون انا خليتو .... انا لي مامخلياه يدير تاحاجة من هادشي والا بغيت غذا غادي نصبح لابسة الغوب بلونش ..... كاين فرق بين الهضرة وبين الهضرة الخااااوية ....
بيلسان ( بعدات كترد شعرها لرو ) مغتفهميش حيت ماشي نتي لي عايشة فبلاصتي .... جود بارد معايا اقدس ( شافت فيها ) بااااارد
قدس : شعللليه ..... نتوما عاد فلول دالعلاقة و نت لي كتعرفيه قبل ماشي هو .... اذن .... حاولي ترديه ليك .. حاولي تقربيه ليك .....
بيلسان : وعلاش هو مايدير والو على قبلي غنبقى غير انا لي كنحاول !!!!
قدس : واش هادشي كامل لي دارو متيهمك فوالو ؟؟؟؟؟ شنو درتي نتي !!!
بيلسان : نتي بنت خوووها .. وانا وياك مغنتفاهمووووش ... عاودي داك العكر ديالك ونزلي تعشاااااي بلا منعيقو كثر .....
خلاتها وحلات الباب ونزلات وقدس بقات غير كترمش وضارت لمرايا وهي تعض على شفتها فعلا كان عكرها كامل خاااسر وتنهدات ومشات لبيت دالميكآب تعاود مكياجها .....
نزلات بيلسان فدروج لقاتهم مجموعين اريج شافتها ابتسمات وكحزات باش تجلس حداها ....
اريج : شوية ؟
بيلسان : صافاااا .. حسن ....
لامار : الى باقي تايضرك شوفي طبيب ابيلسان راه باقا تابعاك طيارة ....
بيلسان : لا انا بيييييخيير ماااشي لداك درجة ....
سلطان : نوضوو نوضو عيطو لومبيلونص .. علقو ليها سيييروم ...
بيلسان : ( شافت فحياة ) واقلة اخالتو ملي كنت حاملة بيه كنت كتوحمي على السم
سلطان : وايه ... راه خلات منو شوية ملي تزاديتي رضعاتو ليك مك تا نتي ....
بيلسان ميقات فيه وهوما تايضورو فراسهم عليهم لي عمرهم يكبرو .... وهي تنزل قسسسم لي ولات حسن من بعد هضرة ماماها ومشات جلسات حدا لامار بعد ما سلمات على عمامها
قسم : ( طلات على باباها ) بابا .... راه صفاء يالاه قطعات معايا .... وقالت ليا باقي ماتحددش نهار بالضبط ديال الفواياج قلتي ليها غير تلتيام وترد عليها .... فوقاش غنمشي ؟
اسد : بعد غدا .... مع تسعود .... غاتحركي " اوركا " ( اسم باخرة )
قسم : اااه .. داااكوغ باش نجمع غدا حوايجي .... اللبسة ديالي راه وجدات .... ( شافت فالعائلة ) فرحانة لي غنلبس لبسة دالكابييطان لاول مرة ههههه تمنيتكم تشوفوها كاملين
رتاج : اجي لاابساها ملي ترجعي ... خلينا نشوفوك
اية : علاش واش ماشي بحاال ديالك ؟؟؟؟؟
قسم : ( بحماس) لا هادي مبدلة ( كتوريها جيهة كتفها ) عندها الشارات هنا ... وشابو مبدل ... ( شافت فاسد ) كتشبه للبسة ديال بابا شحال هااااادي هههه ... عجباتني ....
اريج : والله يوووفق والله يجعلو فواياج ناااااجح ومافيه حتى شي غلط وترجعي بالشارات ديالك كاملين فوق كتفك ....
قسم : تخييييلو .. غاااانبحر بكثر من 500 واحد !!!!
اية : وااااو
سلطان : مسسسساااااكن ....
اياد : تيتانيك راه كان فيها الفين واحد وغرقات !
سلطان : لا لا اصاحبي الفين واحد ثقاااال .... هي غاتهز غا خمسمية خفافيييين .. مغيغرقش الباطو ( شاف فيها ) ماااتخااافيش .. قولي بسم الله وقراي دعاء السفر
اياد : الحوت بعد غدا نص غايغلاض نص غايمرض بعسر الهضم ....
سلطان : السردين غيولي ساوي ميتين درهم للكيلو ....
قسم : ( شافت فاسد غاتبكي ) بابااااااا ...
اسد : تبارك الله على الموتيفاسيون .....
سلطان : غاااتبكي ههههه كابيطان قاليك ، تانكون حمق نركب فباطو صايكاه وحدة بحالك .....
عدنان : ( علا راسو لفوق ) واااخاااا افيصل واااخا .. واااخا ...
سلطان : شنو زعما واش حيت هو لي جابنا ؟ ( ضربو اياد لركبتو ) ششششكون قال فيصل جابنا ؟ شششكون هاد الكذاب هذاا ..... ياك جابنا جود .... بنادم يكذب ومااايعقلش ....
اريج : والله مكتحشمو ... سر لي يدير فيكم لخير. .....
سفيان : غاخليه ... غاخليه راه من قبيلة وهو تااايقلب عليااااا هادااااك ....
يلاه كيهضرو هو ينزل لوؤي بجهتهم وجلس مابين لامار و رتاج معنقهم....
لؤوي : ( شاف فاسد وعدنان ) والله انا منكم يكون عندي هاد زين كااامل والله مانبكيهم على ولادهم .. قلبكم قااااسح .. ( شاف فرتاج شد ليها وجهها ) دابا هاد الزين كامل يبكي ... هاد زين كامل ينفيو ليها ولدها ... كون شاورتيني قبل ماتزوجيه منخليكش تديه .... عطاوه الورد يشمو كلااااه .....
عدنان : ( كايشوف فيه ) توووحشتي فرنسا دغيا باليا ....
رتاج : بببعد ليا من ولدي ...
اريج : ههههههه والله تااااغنتوحش هاد الجمااااعة ....
حياة : وقلنا ليك جلسي مكتسمعيش
اريج : والخدمة كيغاندير ليها ... انا كرهت .. جوج ديفيليات راهم كيتسناو ....
حياة : او سيري قضيييهم ... ورجعي .. راه باقي تابعنا خدمة اخرى ....
اريج : وااايه .. غير نسالي ديفيليات نرجع نشوفوها تا هي ....
لوؤي : ( شاف فرتاج ) فين انس !
رتاج : ملي جينا وهو مع وسيم لفوق ....
لوؤي : ( شاف فبيلسان ) فوقاش غتمشيو نتي وياه ؟
بيلسان : ( شافت فباباها ) بعد غذا ؟
يونس : سي .. بعد غذا مع تسعود دليل قطعت ليك ....
بيلسان : غنسافرو انا وقسم فنهار واحد .... ( شافت فاسد ) ووسيم اعمي ؟؟
اسد : وسيم مزال شوية ...
اياد : غتمشي بوحدك ؟
بيلسان : هادشي لي بان ليا ( شافت فعدنان ) وفيصل ؟
عدنان : غذا بليل ولكن هو ماشي فنيويورك ابنتي ....
بيلسان : اوا صافي .... انمشي بوحدي حتى تجي جدة ....
رقية : ييه تانا مغانتعطلشاي بزاف ....صونا عليا سماعيل لبارح قاليا نتسناه غايجي يمكن فهاد سيمانة ونمشي معاه .....
حياة : غايجي هو ولادو ؟؟؟
رقية : لا عا وحدو ...بغا يزور قبر المرحوم ..
لامار : غا واحد ليوماين لي غايكلسها ...
رقية : ايه ... هاو نمشيو .. غا هو ... ( شافت فيهم ) انا داك الدار اوليداااتي مغاانقدرشاي نرجع ليها .. مغانقدرشاي مزااال نزيد فيها والمرحوم مكاينش ... ( كلهم شافو فيها ) داري ييه على راسي وعينيا .. ها عو المرحوم غايبقى يبان ليا فين ما ضرت .. انا منقدرشاي نععيش فيها وهو مكانش تما ....
اريج : ولكن الحاجة .. هو غايعجبو الحال كتر لابقيتي فالدار. .. ماتخويهاش ... راكم دوزتو فيها عمر .... خواها هو وغاتخويها تا نت .. ( تغنغن صوتها ) عاد غانحسو داك ساع نيييشان ب بانا راه مات.
رقية : ( عينيها دمعو ) غاااا سمحوليا وكان .. انا قلبي هاكا داير .. انا غالبيت لفوق ناس ناعسة ونا نبكي كي لهبيلة ( رتاج هبطات راسها وهي هزات طرف فولارها مسحات دموعها ) .. انا راه منقدشاي ندخل لداك الدار ونعيش فيها والمرحوم يبان ليا فكلا قنت ... لا االو ...
اسد : على خاطرك الحاجة فينما رتاحيني سكني .... ناخدو ليك وحدة اخرى قريبة ليها ؟؟؟
رقية : لا لا الله ييييكتر خييييركم ... مروان مسكين منلي مات الحاج وهو كايقول ليا نمشي نسكن معاه .. راه عايش عا وحدو ... الحمد الله فينما مشيت كاينين ولادي الله يحفظهم .. جيت لهنا لمغرب هانا مع ولادي ومشيت لتما راني مع ولادي ... سماعيل وامين تاهوما يقيلو يعطيو ... ولايني نمشي عند مروان لي باقي دراسو مانصدعو عيلات مايصدعونا عيلات ...هاو نيت قريب لسكويلة فين كايقراو بيلسان ووسيم ...
لوؤي : ( قاد جلستو ) غاتعيشو مع مروان؟
رقية : اوا ماحدي تما نكلس معاه شويوش. .. اوا و رجل هنا ورجل لهيه ...نجرو هاد ليام لي بقاو ....
لوؤي : ايه راه ولدك الله اودي .... غا هو ( شاف عند بيلسان ) راه مجاتش تمشي معاك بيلسان اولا !!
رقية : ومالها اش فييييها ... راه بحال عمها ( لؤي علا حجبانو ) تربات حدا عينيه يعززها كتر مني .. ووسيم راه ولد ختو ....مالهم غايمشيو عند لبراني ....
يونس : لا الحاجة حشومة ..... السيد علاش غانزيدوه المسؤولية ....
رقية : ياودي نهاكم الله شمن مسؤولية ... راه مروان ملي كانت صغيرة هو يعز فيها .... عا لبارح هضرنا راهو شاد هاظ نهار طيارة راجع ... هو يوصي ملي تكون جاية بيلسان دوز لعندو متكلسش بوحدها فالدار تالحق عليها .....
لوؤي : لا اجدة لا ... فهادي غاااكاترونو ....
يونس : ( تحرج خاف يقول شي حاجة تحس فيها رقية بلي مابغاوهاش تمشي عند ولدها ) الله يكتر خيرو راحنا عارفين لي كاين غا هو .... بيلسان راه انا لي باها وتاتهبلني بقا غا هو نزيدوه المسؤولية لا .... دار جدها اييه ... ولكن تماا لا ....
رقية : ياودي غاتاتزيدو فيه .....شمن مسؤولية واش هي عندها سبع سنين ....
اياد : ( بالاينجليزي كايشوف فباباه ) ماعندها فين غاتمشي على هاد الحساب ... ردها لكندا ( شاف فبيلسان لي شافت فيه ) مغاتكلسيش تما بوحدك ....
بيلسان رجعات راسها كاتشوف قدامها وربعات يديها كاتنهد .... وهوما كايخططو فوق راسها لحوايج كايهموها .... كاتحس براسها ماعنهاش حتى الصلاحية تختار قرار يناسبها ... بلا شعور منهار ضحكات ضحكة مستهزأة وهي كاتسمع فإياد كايقول لباباها ترجع لكندا وكاتشوف لليام كيف كتلعب ليها بحياتها وهي مربعة يديها كاتشوف ..
لوؤي : جدة .... وسمعي بلا منبقاو نزوقو فالهضرة ... نت كاديري رادار وتهضري على التقاليد ومنعرفت شنو وباغا تسكني بنت مخطوبة مع ولد عزري ديال راسو ! واالااااا !!!
رقية : اويلي الولد بحااال عمها !!!
لوؤي : وتي شمن عمها ... هاهو نازل ملفوق وقوليهاليه وشوفي كيغايدير ليك لا نت لا هي .. وفهمو شوية .. ( شاف فبيلسان ) ونتي باغا تمشي نتي ... ؟؟؟
بيلسان : ( مربعة يديها كتشوف ) على نتوما خليتوني نهضر ؟ ديييرو لي عجبكم .... نمشي لامريكا .. نمشي لكندا نجلس هنا نخرج من القرابا ...... لي عجبكم دييييروه انا نقد نقول لا
يونس : هضرة وحدة راه قلناها بلا منزيدو نطولو فالكلام .. سيمانة جاية تمشي معانا لكندا ديريكت ...
اسد : ( شاف الجو تشحن ) مزيانة هاكا .. ( شاف فييلسان ) نيت تشعبي واليديك ... تاهوما راه توحشوك ... دوزي هاد العام تما والعام حاي ... مغنعرفوش ثاني اش غيكون ... داكوغ ؟
سفيان :الى معجبكش دوي .. عجبك تبقاي فامريكا ؟؟؟؟؟
حياة : الى ماعجبكش تبدلي جامعتك سيري عيشي مع شيماء متكونيش يوحدك .... راه تاهيا غير بوحدها هي وسعيد .. بقاي معاهم ...
رقية : ودابا تصيفطوووها عند سعيد و جداها لا ؟؟؟؟؟
لوؤي : ( كيتنهد ويحك فراسو حشم يزعف وشاف لدروج ) جووووود ... تااانزل اصاااحبي نززززل .... نزل فكني من جدة واش نتا تتتتخطب وانا نننننحضي نزززززل اصاااحبي
اريح بدات ضور راسها كتنهد شاف بدا يشعل شوية الجو تاحس بمخدة جات فيه من رقية
رقية : مكاااااين لي جبد هاد البلاااااا گدك نتا .. ماهو ماايقول والو راه خالو هاكاا
لوؤي : هاااهو نازل وجربيه ..
اياد كيشوف فيونس ويونس كيغمز ليه يسكت بمعنى صافي راه غتمشي لكندا غااتهنى ....
اريج : صافي هنيونا دابا نرجعو لدار بعدا ونشوفو الجامعات ونقررو .....
لامار : ان شاء الله .....
بيلسان : ( قربات ليونس بينها زبينو ) غنخرج نشم شوية الهوا ابابا ....
يونس شاف فيها بدا كاايقرا فملامحها بانتليه بحالا مديبريسيا ووما ليها وناضت بشوية وتقريبا كلهم تبعوها بعينيهم وخرجات لجردة برا عاااد خدات نفس عميييييق ... كتستنشق دتك الريح لي كتهب .. تحنات حيدات صباطها وزادت بالحفا ونازلة فدروج تاغرقو رجليها فالكازون وزادت بالحفا كتمشى ......
بقاو مجمعين بيناتهم تانزل جود ووسيم وانس جلسو .... وهي تبعهم تا قدس جلسات اما بيلسان جروها رجليها حتى للاسطبل وجلسات تما على كومة قش ... حطات صباطها حداها وجمعات رجليها عندها وبقات شحال كتشوف قدامها .....
جاتها فحال انها راكبة فشي قطار زايد بيها ومكيقولوش ليها الوجهة فين .... ولكن مرغوم عليها تركب فيه ... خيروها فقط فالمحطة واش تركب ولا لا .... وختارت تركب ... ولكن من بعد ماعندهاش الحق تختار فحتى حاجة اخرى .. لا المقعد .... لا الوجهة ... لا السرعة لي غادي بيها ......
غير قبل ثلث شهور كانت عااايشة فامريكا .. معاها جداها وجدها .... حياتها كانت كلها الوان رغم ان جود كان غير ذكرى ولكن على الاقل كان ذكرى زوينة ! ودابا كولشي تبدل .... هي مخطوبة ... بشخص كانت كظن كتعرفو صدقات مكتعرف عليه والو ... قرايتها كيقررو باش يبدلوها ليها وهادشي كيعني ان حتى من الصحاب غتبدلهم .. غترجع لكندا تعيش فيها .... ومغتبقاش مع جداها وجدها لي اصلا مابقاش ... عينيها تعمرو بالدموع وهي عاد كتحس بفراق جدها ديال بصح ... بشحال من حاجة فحياتها مبدلة !!! هي علاش محساتش بهادشي ملي ركبات فهاداك طران ! علاش ماحساتش بيه تاا زاد بيها !!!!! .....
الخادمات بداو كيوجدو سفرة العشاء لي كانت فالحديقة الخلفية .. كيف العادة البيفيه كان غني بكل الاصناف المغربية التقليدية وحتى الاطباق الغربية لي تايكلوها الولاد ... وهوما مزالين كيجهزو فالكيسان والطاقم لي غيتقدم فيه العشاء ..... وبما انه اخر عشاء غيجمع العائلة كلها لامار كانت مخلية فيه تذكارات غيتفرقو عليهم ... عبارة على بورتكلي فيه صورة القصر مصغرة ومكتوب عليه " family above all " ....اما هوما مناقشين على مشروع اريج ورتاج وحياة وشيماء الجديد .....
اريج : انا منقدرش نقرر فحتى حاجة حاليا تانسالي دوك ديفيليات لي فوق راسي .. موراهم غناخد واحد العطلة صغيرة نجي نديرو الافتتاح غير بيناتنا .... ونمشي ...
حياة : وهاد عاليا خت جنان .. زعما عندها كفاءة ترومبلاصيك .. كثيقي فيها ؟
اريج : انا منهار جات الفكرة فبالي فكرت فيها ... عاليا خدات الماستر ديالها فالمناجمت العام لي فات وديجا بنت العائلة يعني كنعرفوها .. معرفة ديالي ... وخت مرات ولدي .... وهي ديجا كانت كتفكر دخل للمغرب .... هي ماشي بحال جنان ... هي عزيز عليها البلاد هنا ... واجتماااعية كثر منها. ... كنظن انها غتوافق ....
حياة : اوا صافي تا هاكا مزيان ... انا كيف كتعرفو بلاصتي راه دشيماء .. غنرومبلاصيها شوية غير بينما جات .... راه تانا مع لافاك مكنساليش .....
رتاج : واش شيماء غيدخلو فخطرة لهنا ؟
حياة : وداكشي لي قالت ليا ... كيتسناو غير هاد العام يقادو كاع الوراق .. سعيد مابقاش باغي يبقى فالانتاج .... قاليك عيا وبجوج بيهم بغاو يدخلو لمغرب .... يقادو وراقهم وضارئبهم باش يبيع شركتو .....
رتاج : اوا احسن مغاايديرو تاهوما ديما مغربين وهو ماعندو عطلة لا فصيف لافشتا
حياة : اياه ... بغاو يدخلو العام جاي ...
اريج : ان شاء الله .... اوا نفتتحوو .. ويكون خير ..... ها نتي كاينة هنا .... ها رتاج كاينة .. ها عاليا غتجي تاهي .. على ما تجي شيماء وسعيد يشدو بلايصهم ...راهم هوما موالين الفكرة من لول ...
هوما كيهضرو وقسم متكية لور وكتهضر غير بينها وبين لامار ... وكايشوفو فالعائلة متبعين حديثهم تاهوما .....
قسم : تقنعيه نتي ؟
لامار : متقوليش ليه
قسم : منيتك !!!!!
لامار : واخليه يعرفها راسو .. مايجي فين يعرفها تكونو مشيتو
قسم : نت عارفة بابا غيردني من وسط البحر اماما .....
لامار : اوا صافي ... خليه عليا .. هاد الليلة .... نقنعو ليك ....
قسم : راني عارفة والله مايقول ليك لا هههه
لامار : واااعقلي على الخير .... ونتي غير باابا باباا باابا ....
قسم : وعلى الله غير يبغي هو ...
لامار : انا لي عليا .. غنقنع ديالي .. وديالك نت ... دبر راسك معاه
قسم : ( حطات راسها على كتفها ) ااااحلى ام فالدنياااااااا ، سعدااااتو بهاد النسيبة الغزالة حسدتو ...
يلاه كيهضرو وهي تجي رجاء عند لامار علماتها ان العشاء واجد .... وعلماتهم ينوضو كاملين خرجو باتجاه الجردة واريج كتصوني على بيلسان تدخل تتعشى ...
بيلسان كانت باقا جالسة فبلاصتها تابدا يصوني ليها تيليفون وشافت ليه بانت ليها ماماها وجاوباتها
بيلسان : انا جاياا ...
تنهدات وقطعات تيليفون وناضت كتنفض حوايجها ....وزادت ...
اما هوما كلهم شدو بلايصهم وسط الطنز والضحك من غير جود لي تيقلب عليها بعينيه .. تابانت ليه جاية من جهة الاخرى دالحديقة ... بدا كيطلعها ويهبطها وكيفاش كتبان طافية ... وعرف بلي ليلة البارح باقا متجاوزاتهاش .. ومفهماتهاش ..
تنهد وجر الكرسي جلس وتاهي جراتو وكيشوفها مكتشوفش لجيهتو وحتى لشي جهة غير ساكتة وشادة بلاصتها وكولشي كان حاس بيها ماهياش ومخليينها على خاطرها من غير اريج لي كتسنى حتى تنفرد بيها .....
لامار : غير كنتفكر هذا العشا اللخر وغنتفرقو تاني قلبي كيتزير عليا
رتاج : لامار ديما هاكا ... كينزل عليها ضيم قبل ماتبداو تخويو .. اما نهار تمشيو .... كيخصني معاها سيمااااانة كنطلع ليها فالمورال ساكنة معاها هنا ،كانشوف داري من ليل لليل. ...
اريج : ( جالسة حداها شداتلها يديها ) القلب الهشيييش هادي ههههه .. ولكن دبصح مغنسخاوش .....
حياة : كون جات علينا حنا منتفرقوش .. دارتها الخدمة ودارتها القراية دالولاد .....
يونس : ثلت شهور مقداتكمش ؟ ( كيشوف فاسد ) داك سيد لهيه تلقايه كيحسب ليل ونهار الامار فوقاش نخويو عليه ونتي طايح عليك الضيم
اسد : بغيت نقول ليك حشومة تقول هاد الهضرة .... ولكن عندك الحق ....
قدس : كون بقيتو غير تاتحضرو للماتش ديالي
سلطان : فوقاش عندك
قدس : باقي ليه 15 يوم .... بقاو كيأجلو على قبل دوك الاضرابات .... ودابا تحدد ....
سلطان : تانا مغانكونش ....
قدس : وراني عارفة ماعندي زهر ...
قسم : من هنا خمسطاش ليوم غيكون عندي داك المزاد ولكن نأجلوه .... تايفوت ماتش ديالك
حياة : اشمن مزاد ؟؟؟؟ السنوي ؟ ياك عاد دوزتيه مكاملاش تا خمس شهور
قسم : راه عااام لي دازت قالاك خمس شهور .... غير الوقت داز بزربة ... هاد المرة اللجنة دارت فيه بزاف دليموديفيكاسيون .... انه مغيكونش غير دالحوايج المستعملة ... غيكون حتى دالحوايج لي يلاه تصنعو وفيهم فائض الانتاج .. باش مثلا الشركات لي صنعات شي حاجة بزاااف منها وماتبعاتش ... غتعطيهم حسن مايبقاو معمرين ليها السطوك ....
اريج : فففكرة زوييييينة ... منها نيييت ميبقاش بنادم يعطي غير حوايج مستعملين شحال من مرة كيكونو مكرفصين ... هي واخا صراحة عيييب نعطيو حوايج شايطين ولكن فائض الانتاج بعد مرات كيكون غير كيتلاح اللهم يتعطى ......
بيلسان : ( كتقطع ستيك فطبسيلها ودوات ) ممم بصح .... عيب نعطيو حوايج شايطين .... ووقت شايط ...( شافت لجهتو كتمضع الستيك ديالها وبلعاتو وكملات كتشوف فيه ) ومشاااعر شايطين ... ( شافت فيهم ) عيييب !!!
جود هز عينو فيها ملي حس الكلام موجه ليه ولوؤي شاف فقدس بنظرة متسائلة بمعنى مال هادي واريج شافت فيها .... وهي تبسمات باش ماتلفتش الانتباه
بيلسان : قصدت .... عيب نعطيو حوايج شايطين للناس ... ولكن لاكانو محتاااجينهم علاش لا .... حسن ميبقاو يضيعو .. والمزاد راه تيقدمهم للناس لي محتاجينهم .. العيب هو ( شافت فجود ) نعطيوهم لناس لي مامحتاجينش حوايج شااااايطين !!!!!!
اسد شاف فلامار لي تاهي فهمات وما فهمات .... و اريج كملات ...
اريج : داكشي لي قلت حتى انا .... الله يزيدها فميزان حسناتهم ..... نهار يقرب قوليهالي اقسم كاينين بزاف دماكينات ديال الخياطة حتى هاد العام نصيفطهم .. الى كانت شي وحدة غتبدا شي مقاولة
قسم : داكوغ ... غنعلمكم كاملين
بداو كيتعشاو فجو هادئ وجود كل مرة يتنهد وهو كيشوف بلي كاع داكشي لي قالو لبارح بحالا خوا الما فالرملة .. ولكن فكل الاحوال كتبقى خطيبتو خاصو يتحملها بكل عنادها وجنونها ويحاول شوية بشوية حتى متبقى تاحاجة دايرة العراقيل بيناتهم ... واخا تايحس انها الى معاوناتوش فهادشي غتجيه المهمة صعيبة غير بوحدو .. لانها كتفهم هضرتو غالطة مدام كتهضر على المشاعر الشايطة .....وهي معارفاش شنو كيحسبها فالداخل ديالو .....
تاتحط ديسير و تفرقو عليهم دوك التذكارات لي كلهم عجبوهم كيتأملو الجملة لي مكتوبة لداخل و اسوار داك القصر لي كيحسوه ان كل نقشة من نقوشو كتعبر عليهم وعلى مرحلة من حياتهم ..... حطوهم والولاد جبدو كونطاكت ديال طموبيل علقوه فيه ...
وناضوو كلهم لجليسة خشبيية كانت قريية للبيسين .... كانو مشعولين شموع والاضاءة خفيفة والخادمات كيدوزو بالقهوة ... جلسة حميمية خاصة بالعائلة ....
اية شدات عليهم كاس دقهوتها و بقات كتشوف مع وسيم .. لي منشغل بالضحك مع التيليفون ومع سلطان وشدات على الكاس دالقهوة فيديها وهي كتفكر انه كون كان فيصل هنا كان هو لي غيكون دابا كيهضر معاها ... وهو لي غايكون جالس معاها ... حسات بلاصتو كبيييييرة .. وكتفكر بلي غيسافر ومغايبقاش معاها ..... قلبها كيزيد يتزير وعضات على شفتها حابسة داك دموع ميفضحوهاش قدام العائلة ....
رقية : ( ناضت كتفوه ) انا اوليداتي منكد على قصااارتكم غنطلع ننعس راسي باقي تاايضرنني ......
لامار : زيدي معانا شوية تاحنا غنوضو نعسو
رقية : لا ياااااه .. الطناش دليل هادي ناس راه قربو يفيقو .. ( زادت ماشية ) ومتقصورش بزاف تانتوما شوية ونوضو ترتاحو ....
خلاتهم وطلعات وجود كيشوف جهة بيلسان و قدس قربات عندها
قدس : الا غتبقاي بحال هاكا ....ماحدنا مجموعين هضري وقوليهم راه مخاصمة معاه وديري البوق نت كاع ... اما راه باينة للعمى .....
بيلسان : حضيني نت حضيني ماعندك مايدار ...
قدس : نوضي نتمشاو شوية نوضي غاااطرطقي غابوحدك ...
نوضاتها ومشاو بعيد كيتمشاو ولوؤي علا عينيه فين ماشية وكيشوفها باقا كتجنن فيه بداك الكسوة مابدلاتهاش .... وتنهد ماشي جديد عليه راسها لقاسح .... وضار شاف فيهم كايكمل حديثو معاهم وهي جراتها مشاو لجهة الاخرى وحيدو صبابطهم لاحوهم لجنب وتمشاو غير بالحفا ....
قدس : (كاتعيبها) مشاعرر شااايطة نينيني ... سولاتو ماما عليك قبيلة قاليها عااجبااه وفرحااان معاك .. ونت قولي فالوسط قدام كولشي مشاعر شايطة .. والله معندك العقل .. هو يكبر بيك ونت طيحي بيه ....
بيلسان : ( شافت فيها ) كيفاش فرحان معايا !
قدس : قالتها ليا ماما ... وقال ليها باغي يستقر معاك .. وباغي يبدا مشروعو جديد وباغي يدير معاك حياة جديدة .. وباغي يتزوج بيك فاقرب وقت ... وكتعجبيه وفرحان معاك ... ونت اصاحبتي شوفي اش كتقولي فيه ؟.. علاش هو مكيهضرش عليك بالخايب واخا مخاصمين .. علاش هو مكيقولش باردة معاياا ومنعرف شنوو .....
بيلسان : وحيت انا ماابرررداش معاه
قدس : الى هادشي اختي لي درتي قدامنا كاملين غا بردي حسن
بيلسان : ( شافت فيها ) قدس .... راه هادشي مكيعنيش مغنكملوش ولا غنتفارقو ...انا راه باغاه .. ولكن اقدس مباغاش علاقة باردة ... ماكانش بارد شحال هادي ..... كان تابعني فينما مشيت اقدس ..... كان واضح معايا وشفاف ومكنتش كنحسب حساب لهضرتي قبل مانقولها حداه .... كيغاندير لهذا دابا كيغاندير ليه ....
قدس : انا مزال مفهمتش .. شنو كتقلبي الخرا ؟؟؟؟ ... اويلي وحدي غاااتسطيني .. واش كتقارني علاقة بدات بمصاحبة عاد كانت غاتكمل بزواج .. بعلاقة بدات بزواااج عاد غتصاحبو .... هادي راه عكس داكشي لي كنتو عايشينو .... وهادي حسن كاع بنسبة ليكم نتوما ..... انا معرفتش شنو بيناتكم ولكن .. واش هو قاليك مكنبغييكش ؟؟ قاليك مكمل معاك بزز ؟؟؟
بيلسان : ( بدات كتمشى وكتفكر ) لا
قدس : خانك ؟ شديتي عليه شي غدر
بيلسان : لا ...
قدس : اوا شنو بغيتي الخرا ؟؟؟؟؟
بيلسان : ( ضارت عندها ووقفات ....ووقفات تاقدس ) كنا فافران ..... وطراو بيناتنا شي بلانات ... من خلالهم حسيت بلي طريقتي معاه فالتعامل مكتعجبوش ... وقالي هاد معاملة لي كنطلب منو يعطيها ليا ممكن يعطيها ...ولكن للقحبات ... وهاد معاملة لي داوية عليها هي نفسها لي كان كايعطني شحال هادي ... يعني خوك شحال هادي كان حاسبني قحبة اقدس
قدس : انا كنحاول منتخيلش شنو هي هاد المعاملة لي طلبتي منو وقاليك ديال القحبات ... ولكن هاد الهضرة خاصها تعجبك مدامو كاايكبر بيك وقاليك ميعاملكش معاملتهم ....
بيلسان : ولكن شحال هادي عاملني معاملتهم
قدس : ودابا زكي معايا واش نت مخاصمة مع هذا ولا مع لاخر ؟
بيلسان : ( ضرباتها لكتفها وزادت ) خراااا ضوري تقاااودي سيري عليا فحاااالك
مشات بيلسان وقدس بدات تضحك وتبعاتها
قدس : هههه واصبري صبري .. واش غيجيوك ليغييكل ههههههه بيييلي تي ووقفي هههههه
بيلسان : ( ضارت عندها وقدس وقفات كضحك ) وحتى هاد بيلي قالك مبقاتش كتعجبو ....
قدس : نحيدوها مالنا اش خاسرين .. اصلا نت سمييتك بيلسان ... مقلقة على سمية ؟
بيلسان : ( تنهدات ومشات حتى قربو جهة الاسطبل وهي ضور عندها ) زعما كيبغيني ؟
قدس : و كتسوليني انا !
بيلسان : شنو بان ليك نت فخوك .... زعما !
قدس : بانليا انه ممقصر معاك فحتى شي حاجة .... داير جهدو وداير اش خاصو يدار .... خطبك من داركم .... باش ميتخلقش ليك مشكل مع عائلتك وخوتك ... بغا يكمل معاك حياتو وكيوجد لمستقبلو ...... كيعني بلي راه باغي يكون معاك ... وهادشي راه قوا من داك كنبغيك ...
بيلسان : كنخاف اقدس ... كنخاف حتى نتزوجو .... وينوض يقولك عقليتي معاجباهش ...
قدس : وهادشي علاش نتوما عندكم هاد فترة الخطوبة .. قادو فيها اموركم قبل زواج
بيلسان : على اساس انا لقيتو ولا جلست معاه .. جاتني فرصة وحدة تبعاتني جدة .... وهانا غادا فحالي نقرا
قدس : كاين واحد اختراع سميتو تيليفون
بيلسان : وكاين واحد خوك سميتو جود كينسى واش هو عندو تيليفون
قدس : صوني فيه نت ....
بيلسان : ( مشات داخلة لاسطبل ) غنبقى نصوني غير انا ؟؟؟؟؟ يقول غير ميتة عليه
قدس : وهادشي غيفرحو كنظن !
بيلسان : ( ضارت عندها براسها ) حتى دابا بداي تصوني على لوؤي غير نت وشوفي باش تحسي
قدس : مامخليش ليا فرصة اصلااا .. قبل مانفكر نصوني كيكون صوووونا
بيلسان : ( ميقات ) بببببزعطة
قدس : ( بقات واقفة شحال كضحك وتبعاتها كتجري ) كتغيييريييي مننني الشيييييخة ... نت بعدا راه حنين وشاد ليك الخاطر كون كنت انا لي قلت داك هضرة قدام كولشي وهو خاطبني وتشوفي واش مغيقلبش عليا طبلة ....
وصلات بيلسان للسياج المطل على الساحة دالخيول لي كانت خاوية ... وتكات عليه
بيلسان : مكنتش حاسة براسي اش كنت كنقول ( شافت فيهاا ) قدس انا راه مجموع عليا كولشي .. حاسة براسي معندي قوة ومافياش ومنعرف مالي ... و يمكن كيف قلتي نت حيت ليغيكل قربو ....
قدس : مكاينش شي حاجة اخرى من غيرها .. كنتي صافا .... ( تنهدات وقربات عندها ) بييلي .... خويا راه باغي معاك حياة جديدة لي عمرها كانت عندو .... جود راه كان قاطع الامل ديالو كاع من انو غيتزوج شي نهار ولا يكون اسرة .. كان كيقول مكاينش لي غتبغي تكمل معاه حياتها وهو عايش فالخطر .... ولكن جيتي نت عطيتيه داك الامل .... طاحت وحدة من العدم بينات ليه بلي كتبغيه ... هو ...كيفما هو ... كنحس بيه شحال فرحان معاك ... بيلسان خويا مكناش كنشوفوه كيصبح ناعس ويبات سهرااان على برا .. انا كنت كنتلاقاه من ثلثيام لثلثيام .. ولا تلاقينا فدروج ولا طابلة العشا ..... دابا كتحسي بيه باغي يسسستقر وباغي يدير عائلة كتخصو راه كبر مابقاش صغييير .... وختارك نتي ديري معاه هاد العائلة ... حاولي تفكرررري فحوايج كبر وخلي دوك تفاصيل الصغاااار .. داكشي كيتقاد ..... وداكشي مكيدومش ..... ها اانا واخاا لوؤي عاطيني كاع داكشي لي انا محتاجاه كأنثى وندفع عليه كبير ... ولكن مزال مزاعماش نتزوج بيه حيت متأكدة هادشي مغيبقاش مور زواج وغتكون المسؤولية كثر وانا مزااال مامستعدة لهاد المسؤولية .... كاين حوايح مااااكبر ابيلسان فكري فيهم حيت الحياة ماشي هي غير الضحك والسهير و الحب والغرام .... لا ....
بيلسان : فهمتك اقدس ... انا راه فاهمة هادشي ولكن انا ماشي بحالك .... انا مباغاش داك الحياة بحال هاكاك ... انا باغا نعييييييش مع الراجل لي كنبغي ... باغااا نديير كاع داك الحوايج لي ممنوعين عليا فالحرام نديرهم فالحلال معاه .. الحياة الزوجية لي غتجمعنا .. تكون فيها الحياااااة ببعدا .... عاد نعيش حياة زوجية .. مابغيتش داك زواج لي معقد و لي عامر غير تمارة وتفكييير و منعرف شنو .. بغيت نعيشو أليييييز اقدس ....
قدس : اوا هادشي كان عليك تدي شي واحد سميتو كريستيان ... لاتجيش ليا عند جود الاسماعيلي لي تااايفطر بأتاي والبغرير ...
بيلسان : وانا راه دااااك جود الاسماعيلي لي بغيت نعيش معاه الحياة .. مبغيتهاش مع كريستيان ولا منعرف شنو ... باغاها مع جود
قدس : وهادشي خاصكم تحطوه على طبلة ... هو يقدم ليك الحياة ... ونت قدمي ليه الزوجية ...... خاصكم غا شوية دتفاهم غتقادو هادشي ومتحكميش على علاقتك دابا حيت باقا فالبداية ....
بيلسان تهدات وضارت كتشوف قدامها تاشوية بدات تبسم وضارت عندها وقدس شافت فيها
بيلسان : امتى كبرتي الخرا امتى ؟
قدس : ههههه ومالي كيجييتيك اويلي راني بعقلي
بيلسان : ( ضرباتها لنيفها ) خاصو يتهههلا فيك .....
قدس : ( شافت قدامها وتبسمات ) ماااشي لخاطرو .. بزز عليه ....
بيلسان بدات غير كضور راسها وقدس ضارت بشوية براسها وهي تشوف جود جاي .. تبسمات ومشات بلا مترد ليها بيلي البال بقوة مكانت ساهية قدامها وقربات لجود بضحكة غمزاتو .....ومشات ، وجود داير يديه فجياب سروالو وجاي بشوية باتجاهها ... وبيلسان يالاه قلبات راسها لجنب
بيلسان : هاء ؟ قدس !!
يلاه غاضور وهي تحس بيديه حاوطوها من لور وشد فالسياج دايرها قدامو بقات غير كترمش بعينيها ....
بيلسان : جود !
جود : ممم ... ( عوج راسو معاها تاقرب لوذنيها ... طبع قبلة خفيفة غمضات عينيها وكمل ) مكنعطيش مشاعر شايطة .... انا عمر كانو عندي شي مشاعر باش يشيطو ..... و دابا كنحاول نصنع وحدين جداد باش تاخديهم نت ....
بيلسان : ( تنهدات كتشوف قدامها ) بعد المرات .... كنحس براسي راني معاك فعلاقة صعيبة ... حيت نتا راجل جربتي البناات بزاف ... صعيب تعجبك شي وحدة ....
جود : عجبتيني نت ....
بيلسان : لا ... كنظن عاجباك غير من برا ... شخصيتي مزال ماعجباتكش ....
جود : داكشي لي معاجبنيش فيها ... داابا نبدلو .... ( زاد قرب لعندها تاكيبورشها ) حيت حنا حاجتنا العوجة مكنلوحوهاش ... كنسرحوها ....
بيلسان : هي تانا مسموح ليا ندير هادشي
جود : ديري فيا لي بغيتي ......
بيلسان : ( ضارت عندو وهو عوج راسو معاها ) بغيتك تولي واضح معاااااياا وتعاود ليا كولشي
جود : حاااضر ...
بيلسان : بغيت ... ( شافت لجنب وكتفكر وشافت فيه ) متعاودش تبكييييننني
جود : مديريش علاش
بيلسان : و .... وتنقص شوية لحيتك .... كبيرة وكتعنكشني ملي كنبغي نبوسك
جود : هه ! .... واااخا ....
بيلسان : متبقاش بارد معاايااا
جود : من الاحسن خليني بارد ..... حيت لاسخنت مغيعجبك لا نت لا باك لا خوتك لا عمك اسد ...
بيلسان : ( شافت فين كيشوف وهو باقي معنقها ملور ) مكنقصدش فداكشي
جود : وشنو
بيلسان : فهضرتك معايا ....
جود : انحاول .. وريني كيفاش نهضر .. ونولي نهضر ههه ...
بيلسان : ( جاتها ابتسامة وحبساتها ) واش بصح قلتي لماماك ..... بلي فرحان معايا ؟؟؟؟
جود : هههه ... بيلسان ( قرب ليها ) واش المشكل عندك هو شاكة واش انا فرحان معاك ولالا ؟؟؟؟؟
بيلسان : مكتقولش باش نعرف
جود : ولكن كندير ... واش نت عمية ؟؟
بيلسان : اااه .... انا بغيييت نسسسمع .... ( رجعات ضارت عندو ) جووود ... انا مكننحمممملش نقول بحال هاد الهضرة ... ومكنحملش الشفقة ولكن انا واحد البنت لي نااااااقصة بزاااف اهتمام ..... انا بنت ام مشغووولة واب كثر ..... ملي مكنلقاش اهتمام مكيعجبنيش الحاال .. ونتا بررررد من الثثثلج فهادشي ... ( كضربو لصدرو ) مااامصوابش بمممرة .....
جود : ( شد ليها يديها ) هههه ودابا غابشوية .... غابشوية عليا نتعلم ... راه مكنعرفش نتعنب هههه ....
بيلسان : لا انا بغيييت داك تعناب ..... انا هو لي كينغمني
جود : وااااخا .... هذا وكان المشكل ؟
بيلسان : مهم .. واحد منهم هذا ...
جود : ( شد وجهها عندو علاه ليها باتجاهو ) صبري معاياا شوية بشوية ... انا دبصح مكنعرفش نهضر ومكنعرفش نعبر ..... ولكن قرايني ... الا كنت كتعرفي تقرايني غااعرفي شحال انا فرحان معاك بلا مانقولها .... فرحان لي عندي وحدة كتبغيني بحالك ....
بيلسان : كااااانبغييك اجود والله حتى كاانبغييييييك ....
جود : ههههه ( عنقها عندو وهي زيرات عليه ) وكنت سكران لبارح ابيلسان .. متعاوديش تحاوري معايا وانا سكران .....
بيلسان : نتا اصلا بحال سكران بحال ساحي .. ديما خضر ...
جود : ( جابها قدامو ) ولكن ابيلسان ..... اخر مرة .... ( شافت الجدية فعينيه ) اااخر مرة ... مشكل بيني وبينك ... يبان قدام العائلة ... وااااخر مرة ..... تقولي هضرة بحال هاديك وسط العائلة ...... وهادي تخر مرة غانهضر فيها زوين .. حيت لاعاودتي بحال داك تبرهيش مرة أخرى مغانعجبكش .....
بيلسان : ( نزلات راسها ) انا ماشي بحالك اجود ... مكنعرفش نخبي ....
جود : انا مكنخبيش .. انا كنتجاااوز ... حيت فكل الاحوال نت راه ديالي .. بغيت ولا كرهت ..... درتك ديالي ..... حتى الا طرا بيني وبينك مشكل كنكون كنفكر كيفاش يتصلح ماشي كيفاش نزيد نعقدو .....
بيلسان : ( طلعات راسها فيه وتبسمات ) اوا صافي .. انا نعقد ونتا صلح ....
جود : اه حتى لشي نهار تلقايني ملصقك مع شي حيط ....
بيلسان : اممم .... بحالااااش مثثثثلا ... شنو لي غيخليك تلصقني مع الحيط
جود : ( كيفكر قبيلة فاش كان كيصوني ومجوباتوش ) بحال تخيليني كنصوني .. ومتجاوبينيش
بيلسان : ( رجعات كتشوف قدامها عطاتو بضهرها ) مكان فيا مانهضر معاك ...
جود : ( جمع شعرها بيدو لواحد جنب ودار راسو فعنقها وبعد داك زيف لي كانت رابطة فعنقها ... و عععضها تااغوتااات وداز دغيا سد ليها فمهاااا كتألم وهو مزير عليها بسنانو .. تاااكان غايطير ليها جلدة وهضر فوذنيها ) غاابقاااي تقلبي عليا نوريك مافيا لي يهضر معاك .... راه مرة اخرى نصوني متجاوبيش غنشد طيارة نهرسو ليك ونجي ...
بيلسان : ( ضارت كتحك فعنقها مخسرة ملامحها ) اااح ... ففف .... هادشي لي كتعرفو ديرو نتوما الرجال غاتهسرو تيليفونات .......
جود : ( كيشوف لعنقها وبدا يبرد ليها العضة بيديه ) لا ... كنعرفو نهرسو تا ناموسيات .....
بيلسان : ( ضرباتو لصدرو ) وتتتتعلم تهضر زويييين باش انا نعس ليك بعدا فوق دلك ناموسية لي غتهرس
جود : منهنا لتما انا عارف كيندير نديك لداك الناموسية ... غا تهناي ......
بيلسان : ( ربطات داك الشال فعنقها ) كانت كتعااود عليك خالتو لامار شحال كنتي كتتتعض ملي كنتي صغييير .. ومسحابليش باقا فيييك هاد القاعدة طيرتي ليا عنننقي ....
جود : باقي فيا بزااااف من الصغر .... مقالتش ليك كنت مغياااار بزاف ! ومكنبغيش لي ياخد ليا حاجتي ...
بيلسان : ( عوجات معاه راسها ) اهاه ... وشنووو لي غيخليك تغير
جود : ( رد ليها شعرها مور وذنها وشاف فيها ) يقوليك داك العقل ...... تمشي تعيشي مع مروان ..... راه لا نهارك لا نهارو غيطلع فيهم الضو .... تا واحد صاحبو راه تايقلب عليه يجي يونسو
بيلسان : ( علات فيه حاجبها بضحكة ) خااالك اجود !!! خالك
جود : ااه ... خالي ....
بيلسان : وشكون قال ليك هادشي .. لوؤي !
جود : قالو ليا خوك .. لي جاي يصلح اش درتو ...... اما انا واقلة كنت اخر واحد غتشاوريني فهادشي ! حتى كنت نجيب الخبار من البراني كون ماشي هو .....
بيلسان : مزال متقررش فهادشي ... غالبا غنمشي لكندا
جود : ( طل عليها حيت قصييرة عليه ) غاالبا !!!!!!! واش منيتك !!!!! راه باينة فين غاتمشي ... حسن ماتجي تقراي هنا .....
بيلسان : ( علات راسها فيه ) على مال مروان مفهمتش
جود : مروان انسان عاااازب .... وانا الفيونصي ديالي مزال ماتعلمات تغطي كوارعها ..... ومزال ماتعلمات تلبس بحال عباد الله ..... وهادشي مغيخليناش نكونو هانيين .... داكشي علاش سيري مع واليديك حسن مانصبحو عند العدول وتقراي هنا نيت .....( جرها من يديها ) يلاااه ... وضحكي شوية راك عيقتي ..... دخلي لبنادم الشك على الخوا الخاوي .....
تبعاتو عاضة على شفتها مبتمسة معارفاش كيفاش دغيا قلبها .... وهوما تزادت عليهم قدس وجلسو مجموعين كيشربو قهوة وتيذاكرو .... وقدس كل مرة تلوح عينيها للوؤي لي كيبان ليها كيعوج فعنقو .... وترجع تنزل عينيها عل تيليفونها تاجاو جود وبيلسان واسد علا عينيه فبيلسان كيفاش مبتسمة وضاحكة ورجع تبسم عرف راه كان بيناتهم شي حاجة وراه قضا الغرض .... وجلسات حدا ماماها وحدا قدس ... واريج علات فيها حاجبها حيت ضحكتها مبغاتش تجمع وقدس قربات منها
قدس : دابا نتي اما تعصبيي نييييشان .. اما ضحكي كي الهبيلة ههه تي جمعي راسك هههه
جود بقى غير يضور راسو حيت كولشي كيشوف فيها وهي جمعات ضحكتها حس بيها فرشاتو .... وجلس كيشوف شحال مكتعرفش تصنع ... ولامار شافتهم مجموعين وكانت كتسنى هاد اللحظة وهي تنهد وحطات كاس دالقهوة وشافت فجود لي علا عينو فيها وشافت فالولاد لوخرين ... ورجعات شافت فاسد ..
لامار : قلتي ليا نطوي الموضوع .... ولكن انا ماقاداش
اسد : ( علا حاجبو ) لامار !!!!
لامار : ( شافت فيهم ) اااه .... كنت ...... دانصر .... بالعربية تاعرابت ديالنا ...... كنشطح ....
يونس شاف فاريج واريج شافت فلامار ورتاج كتومي ليها تسكت وحياة كتشوف فسفيان .. هوما كلهم عارفين اش واقع ولكن ماتوقعوش لامار غتهضر على هادشي فالوسط ..... وجود شاف فيها
جود : هذا ماشي وقت هاد الهضرة .. و معندهاش هاد الهضرة وقت اصلا باش نهضرو فيها ...
لامار : لا عندها اولدي ...... انا عارفة شنو عصبك ووصلك لداك الحالة .. عصبك اننا خبينا عليك ... وخبينا على كولشي و انني مكنتش واضحة معاكم فالماضي ديالي .... ( شافت فاسد وشافت فيهم ) قررت اليوم ...... نعاود ليكم اي حاجة معارفينهاش باش متعاودوش تسمعو من البراااااني .....
جود : لااامار
لامار : انا مكنحشمش من هادشي اجود ..... ( شافت فالنساء ورجال ) حيت حنا كلنا عارفين هادشي .... نتوما لي من رغبتي معرفتوش باش متاخدوش شي نظرة ناقصة عليا .....
قسم : ماما ... كيفاس نظرة ناقصة ؟ اش فيها لا كنتي دانصر وهادشي اش دخلو فجود ؟؟؟
لامار : جود قالو ليه ماماك كانت شييخة فصغرها ( قدس علات حجبانها ) وجابو ليه تصويرة ديالي قدييييمة .... وهادشي لي عصبو ...
اسد تنهد ورد راسو لور ..... هاد الفكرة مقالتهاش ليه ومدايرش بحسابها ولكن عجباتو تدوي فيها باش هي براسها متبقاش محرجة منها ....
لوؤي : ماشي داكشي لي عصبو وماشي داكشي لي عصبنا حنا كاملين ..... حنا تعصبنا حيت قال عليك داكشي .... اما اش كنت كاديري .... كل واحد وضروفو حنا منقدروش نحكمو وحنا معارفينش
قدس : عارف شي حاجة نتا ؟( شافت فيهم ) علاش كتهضرو !!! مافهمتش .. شكون قال هادشي لجود .... وكيفاش تصاورك ... ؟ ماما واش كنتي سطاغ علاش هادشي مافخبارناش !!!! هادشي زوين علاش خبيتيه !
قسم : حنا ديجا عارفينك اماما عزيز عليك الدانص .... وحنا كاملين تعلمنا فليكول وصغرنا كامل وحنا نشطحو حدا المرايات هادشي فاش خالق مشكل .... ؟؟؟
جود : المشكل ماشي فشنو كانت كادير هي ..... المشكل فكيفاش كانو كيشفوه الناس !!! ...
لامار : ( تنهدات ) هادشي راكم عارفينو ولكن غانصحح شي حويجات معارفينهمش ....بابا مات .... ملي كانت عندي 15 عام .... خلا خوتي صغاااار ... كنت كنقرا فالسنكيام .... كملت سانكيام وسيزيام ب داك شوية دالفلوس لي كانو عندنا ... منبعد ملي وصلت للباك .... ماما خرجات تخدم ... وكانت داك وقت مريضة بسكر .... ( كلهم سكتو كيشوفو فيها من غير الاسود ونساءهم حيت عارفين هادشي اما الاشبال كلهم كيشوفو فيها بتشويق ) كانت كتمشي تخدم عند ناس ولا دير الحلوة فالدار .... باش تخلص دواها وباش تخلص مصاريف قرايتي وخوتي تاهوما ومصاريفهم .. حيث بابا كان مفششنا ... وولفنا نعيشو فظروف مادية زوينة .... ملي شفت ماما كتقاتل ... خرجت تانا نقلب على خدمة ... وراكم عارفين شنو هي تقلب على خدمة بلا معارف بلا رشوة بلا والو ..... ماخليت اش درت ...كانت قدامي طريق وحدة هي هاديك .... هي نطلع فوق سطيج ... نشطح ....فبلايص شوية .. ( تنهدات ) شوية رخاااص ...... ولكن ... ربي كيشهد اني مدرت تاحاجة من غير اني ... شطحت ... ( جود كيشوف فيها ) كانت عندي 17 ونص فاش طلعت اول مرة لستيج ..... المسرح لي كنت نطلع فوقو مول هاديك البلاصة بقى يررغب فيا باش نرجع ....حيت كنت كنمارس الرقص كهواااية ديال بصح ..... و كنت كنكون مستمتعة بيه كون ماشي دوك البلايص الرخااااص لي عيفوني فيه ..... ونظرة المجتمع ..... ولكن لحت كولشي مورا ضهري فسبيل نجيب الفلوس لدارنا ونعيش خوتي كيف كانو عااايشين .... وفسبيل ماما متبقاش تشقى لعباد الله ..... مارست هاديك الخدمة حتى وصلت ل24 عام .... ( شافت فاسد ) وتلاقيت باباكم ..... ( اسد كيشوف فيها ) ومن تما .... ( شافت فيهم ) وانا مداااام الاسماعيلي .....
قدس : وتما داك خدمتي عندو كيف قلتو ؟
اسد : ( تنهد وقرب حيث عارف لامار لاجات تكذب تزبلها ) سي .... شفتها تما .... وجبتها تخدم عندي .. كان لغرض ( شاف فيها ) باش نتعرف عليها كثر ونعرف طبيعتها واش فعلاااا ... فاطمزهرا ... ولا لامار كيف سماوها ......
اية : واااو ..... شحال بقات معاك وتزوجتو ؟
اسد : ( عوج شفتو كيتفكر ) ش .. شهر ... ولا شهرين هاكاك ياك ؟
لامار : يوماين ولا ثلثيام ومشينا لميكسيك يمكن !
قسم : وااااات ؟؟؟؟؟؟؟ ميكسيك ؟
لامار : ( شافت فيها ) اه .... ميييكسيك هههه
قسم : ( شافت فباباها ) ف يووووماااين ؟؟ صااافي ... !!!!
اسد : نوو تليتام يمكن
قسم : تلتيام ؟؟؟ تلتياام بزاااااف .. كلستو بزاااف .. وفين كانت جدة فهادشي كامل ؟؟؟؟؟؟
بيلسان : ااااه ... فين كانت ؟؟؟؟؟؟ فييين
لامار : ههه جداكم قلت ليها عندي خدمة بعيدة ... اصلا انا ماشاورنيش تالقيت راسي فاليخت
قدس : مشيتو تا لميكسيك فيخت .... ونتي تعرفتي على واحد غا ثلتيام مشيتي معاه لمييييكسيك ؟؟؟؟؟؟
لامار : دابا مالكي ؟ مالكي ......منعرف .. معارفاش كيفاش درت ليها ... مهم مشييييينا .. ووتزوجنا وولدنااكم ...
قدس : ( شافت فرتاج ) كتقوليلي كتشبهي لماماك ... انا كاع فيا هاد الطيران ؟ ( لوؤي تايضحك عليها كيفاش مصدومة فماماها)
لامار : حيدي عليا داك زمان ماكانش بحال دابا ... كنا معقلين ...
قدس : اممممم قادرة نشوف شحال كنتو معععقلييين قاااادرة ....
وسيم : اوا .... ومنبعد اش طرا فهاد الميكسيك علاش مشيتو ؟
لامار : باباك كانت عندو خدمة تما .. وداني معاه .... بقينا شوية ... و ... وكنا تخاصمنا صراحة ( شافت فيه ) ياك !
قسم : ( شادة على حنكها ) يوماين .. مشيتو للميكسيك ... تخااصمتو ..... كنتو مزال مولدتونيش ؟
لامار : ( ضرباتها لكتفها ) تاااااتزوجنا ..... موراها ... جيت للمغرب .... وجا خطبني من ماما
وسيم : بشااااخ !!!!! مكنتيش سااااهلة .... دغيا دغيا
لامار : ( شافت فاسد كضحك وكتفكر دوك ليام ) اااشنووو ... نخليه تيضور بيا زناقي ؟؟؟
اسد : لا اولدي ... مكانش فخبارها كاع كنت جاي نخطبها وعمر ماجبداتليا حس زواج وكون جات عليها كون راحنا باقيين لدابا مامزووجييينش ....
يونس : هههه ماماكم اصلا نهار الخطبة لقيناها ناعسة ههههه ....
لامار : ههه كانت طالعة ليا سخانة .... فقت من النعاس لقيت دار عامرة بناس واسد جاي يخطب هههه ...
قسم : اومايكاااد ....
لوؤي : ماقالك حد اعمي تسناها تاتكمل قرايتها، ؟؟؟؟؟ ... ( شاف لجنب وقدس حمرات فيه ) سعداتك ...
اسد : ( كيضور راسو عارفو علامن كايمعني ) لا .... تاتزوجتها عاد ديتها تقرا ....
لوؤي : واااايه القراية فالزواج مزياااااانة ...... حسن كاااع ....
لامار : موراها بشي شوية .... مشينا للجزيرة .. وجينا ديريكت تزوجنا ...
بيلسان : انا بغيت غا نفهم جدة واش شحال هادي كانت مسااافرة تا تزادينا حنا عاد جات ولا كيفاش !!
لامار : اودي واش الولاد كيتحضاو ... تا دابا واش تحضيكم ....؟ راه كانت تقيل توصي ... ولكن تاحنا ( شافت فاسد ) كنا قد الوصااااية ....
سلطان : ااااه .. نتوما فالبلدان دالله كاملة بانتلييكم غا لميكسيك وبغيتو تحفضو فيه الوصاية دررقية ههه لا تباااارك الله
حياة: ( ضرباتو ) سسسسكت المققزدر ...
لامار : يعني .... هادشي لي كااااين ... منبعد .... تعرفت على اريج ... قبل كاع متعرف بيونس .... كانت صاحبتي حيت سكنات قريبة لينا ..... ملي بقات تمشي وتجي عندي بزاف شافها يونس وتزوجو .. .يونس كان ساكن معانا ....
بيلسان : ( شافت فباباها ) ياك نتا كنتي فكندا نتا وعمي سفيان
يونس : قبل مانمشي لكندا كنت عايش مع عمكم اسد ... فاش مات جدكم .... جيت عشت معاه ... وتزوجت هنا ... حتى تطلقت عاد مشيت لكندا ( اريج زطمات عليه عاد حس بشنو قاال )
بيلسان : طططلقتي ؟؟؟؟؟؟
قدس : فوقاش طلقتي ؟ اشمن طلاق
اياد : اشمن طلاق !
يونس : ( بدا يحك فوق حاجبو ولامار وسعات عينيها ورتاج شدات على راسها وسفيان جاتو الضحكة ) اا .. م مكانتش شي حاجة مهمة باش نقولها ... و .. ولكن .. انا ... كنت مزوج قبل من ماماكم ... شي شوية وصافي. ....
بيلسان : شي شوية ؟؟؟؟؟؟ كيفاش شي شوية ؟
اريج : داابااا باباك قبل مايتعرف عليا انا .... كان مزوج بواحد خيتي ....
بيلسان : يااك قلتي بلي نتوما تعرفتو ملي كنتو كتقراو فليسي ...
اريح : وااانسااااااني
بيلسان : تاااا نتتتي ( شافت فجود ) وانا كنقول زهري لمن طالع !!!!
اريج : ماشي بحالك .... ولكن. .. مهم .... هو مابقاش عاقل عليا ومشا تزوج وسكن مع اسد ....
اياد : علاش ! ودار جدي ؟ ياك قلتو كان لاباس عليه !
اريج : تباااااعت مور ما مات جدك
وسيم : ماقلتوش لينا ... باش كان مات !
رتاج : ( بزربة ) سكتة قلبية .... سكت ليه قلبو ومات ...
وسيم : ااااه ( شاف عند اسد ) وجدنا حنا
رتاج : تاهو سكتة قلبية ...
وسيم : ( شاف فيها ) سبحااان الله ... تاااهو ؟؟
رتاج : ايه ....
بيلسان : وشحال بقيتي ونتا مزوج
يونس : مكاملاش عام هاكاك ( شاف فاريج ) ياك ؟ شي عام هاكاك وجهضات ( عدنان علا حجبانو وسفيان ضرب فراسو )
بيلسان : ججحهضاااااات ؟؟؟؟؟؟ كانت حاملة ؟؟؟؟
اريج : نتا غاسكت .. سكت ( ضارت عند بيلسان ) انا نعاود ليك .... خليه عليك هو .... ااه راه كانو مزوجين نورمممال تحمل ..... ولكن مات موراها طلقو
آية : طلقو حيت مات البيبي ؟
اريج : شي حاااجة بحال هاكااك مهم مااات
قدس : وعلاش مات
رتاج : حيييت ماااات هاء .... مااات ... ندخلو فيه حنا علاش مات ... سكت ليه قلببوووو
وسيم : تااااهو
اريج : تاهو ... موراها سكنت حداهم ... عاد تعرفنا انا ويونس من جديد وحنا كبار ماشي ولا ليسي .... وتزوجنا .....
بيلسان : سكنتي حداهم زعما مكنتيش عارفاه ساكن تما ممممممم ؟؟؟؟
اريج : كنت عاااارفة .....
اياد : تبارك الله .... تبارك الله .... وامتى تزوجتو ....
اريح : مور ماجا من كندا ....
بيلسان : اه يعني تعرفتو مووور ماجا من كندا
اريج : لا قببببل ( حياة كتومي ليها تقول اه وهي مفهماتهاش )
بيلسان : هاااء .. ياك هو قال طلق عاد مشا لكندا .. تعرفتي عليه وهو مزووووج ؟؟؟؟؟ اويلي اماامااا
اريج : ( نزلات راسها بين يديها ) منك لله الامار منك لله ...
لامار : انا نفهمكم انا نفهمكم .... باباكم ملي كان مزوج بداك سيدة ... داك سيدة كانت شوية فدماغها .... وحيت ماماكم كانت باقااا كتبغيه .... جات قربات سكنات حدايا وشافت مرتو شحال مكتستاااهلوووش ... حيت داك خيتي كانت ماااهياش داك ساااااع ....( كتهضر وتشوف فرتاج وحياة واش زكلات شي حاجة كتحس براسها غادا على القنابل خايفة تفضح شي حاجة ) وواحد نهار اكتشفنا .. ب بلي ... كتعاطا للمخدرات ..... المخدرات نيييييت .... و و هي كانت حاملة .... و وداكشي لي قتل ليها البيبي .... موراها تطالقو هي وباباكم حيت مكتستاهلوش .. ومابقاوش كايتفاهمو..... وهي اصلا .. كانت ... كانت كتبغي واحد اخر ...
قدس : شكون
رتاج : منعرف .. فين عرفناه حنا ..... موراها طلقو مشا لكندا جا تزوجو ... صااافي هذا مكان ....
بيلسان : فشي شكل هادشي .. وفين هي هاد سيدة دابا ؟
رتاج : مااااتت
بيلسان : ببباش
رتاج : سكت ليها القلب
وسيم : سبحان الله !!!!!! كولشي تافقو يسكت ليهم القلب .....
لوؤي : هه ! كانت واقلة الوليدة باقا ما تخصصاتش فامراض القلب مالقاو لي يداويهم .....
رتاج : بحال داااكشي ....
بيلسان : ونت اخالتو رتاااج .... كيدرتي تلاقيتي مع عمو عدنان
رتاح : ورا بانية ... راه خو يونس .. ويونس مزوج ختي ... شفتو وتزوجتو
قدس : ولاااا لاااا الغش لا .. هوما عاودو عاودي حتى نتي .....
رتاج : ( تنهدات ) شافني فطيارة ..... اول مرة ... مكنتش عارفاه لا هو خو يونس وهو معرفنيش خت اريج
اية : اوووووو .. الصدف !
رتاج : ( شافت عند عدنان كتبسم ) جلس حدايا فكرسي .. وكان كيهضر مع شي واحد فتيليفون ( عدنان علا حاجبو ) كان كيهضر بالداريجة ومكيييييسحابليهش انا مغربية ( لامار دارت فيها شوفة دمنيتك واريج كضور راسها وحياة كضحك ) وقال لصاحبو جالسة حدايا بنت زوييييييييينة بزااف ..... حسابتو مكنفهمش دارجة .....
آية : سوووووو كيوووووت
عدنان : ااااانا قلت هادشي ؟؟؟؟؟؟؟؟
رتاج : اااه مالك نسيتي ؟؟؟؟؟ نسيتي ملي قلت ليك راني كندوي بالداريجة كفاش تخطف فيك اللون وحشمتي
انس : هههه بابا حشم ؟؟؟؟ هههههههه
رتاج : سسسكتت نتاا ... داك الوقيتة كان كيحشم ماشي بحال دابا مكيحشمش ...
عدنان : اودي راه مكاين لي مكيححشمش قدك نت هاد ساعة ....
لوؤي : منعرف علاش حسيت حطيتي عليه الباطل
رتاج : هاهو قدامكم قولو ليه ينكر ......( شافت فيه ) عجبتك ولا معجبتكش
عدنان : ( كيشوف فيها وتبسم ليها ) كنتي ااححسن حاجة شفت ......
قدس وقسم واية وبيلسان : اووووووووووو ......هههههه
بيلسان : خالتي رتاج باقا لدابا كتحمق علم الله كيف كانت فصغرها
اريج : كااااااانت فنة ... اصلا راها خخخختي .. غير ( دوزات شعرها لجنب ) انااا نعطيكم الخباااار ....
رتاج :ههه وباز .. وباقين فنات مالنا ..( كتشوف مع الولاد ) شوفي الزييييين لي ولدنا هههه .. ( عنقات انس عندها بيدها ) شي واحد واالد بحال هااااد الزيييييين
بيلسان : منبعد طيارة .. باش عرفتيه هو خو بابا ؟
رتاج : اااا .... ( كتحك فشعرها تاجاوبات اريج )
اريج : كان عيد ميلاد .... اا .. عيد ميلادها .. و .... وو عرضاات عليه ... وجا .. وتلاقا باباك تما....
بيلسان : تلاقا بابا ؟؟؟؟ على هو مكانش كيعرف بابا
اريح : لااااا .. زعما .... تلاقا .. ب ...
لامار : تلاقااا برررتاااج .....
قدس : ياك عرضات ليه
لامار : ارييييح ليعرضات عليه .... اريج ... حيت كانو مخاصمين هي وياه ..
قسم : دغيا لحقوو يتخاصمو ؟ من طيارة للارض تخاصمو
لامار : داكشي عندنا كان دغيا دغيا ماسقوكمش فيه ... عرضاتو لانيفرسير ...و جا ... لقا لانيفيرسير فدار مرات خوه ....
بيلسان : ااه لانيييف كان ملي كانت ماما مزوجة بابا يعني .. ؟ وخالتو رتاج دارت لانيف فدارنا
لامار : ايييييه ....
بيلسان : يعني خالتو رتاج تعرفات على عمو عدنان تاكانو بابا و ماما مزوجين
لامار : لا و ولكن كانو قريب .....
بيلسان : ومشافتوش فالعرس ؟
لامار : ماحضرش
بيلسان : علاش ؟
وسيم : ياكما تاهو كان سكت ليه القلب ورجع حيا
حياة : بحااال داكشي .. غا هو منبعد ......
رتاج : مور لانيف .... صافي ... جا خطبني نهار كان كيخطب جدكم جداكم
لؤوي : نعام ؟ كييفاش !
رتاج : اااه ...كانت تزادت قسم ..... كان لانيف ديالها ديال عام .. باقا عاقلة ...
قدس : دابا قسم كان عندها عام فاش نتي خطبك عمي عدنان ؟
اريج : ايه وملي تزوجنا انا ويونس ...كانت حاملة بيها .....
بيلسان : يعني راه عام والصرف هادي عاد خطبك عمو عدنان ..... اشنو كنتو كاديرو فداك العام ...
رتاج : كنا كنلعبو لاستيك .... سوقك ....
سلطان : وااجرجرتيييها اعمي ...
رتاج : كوووون تشووووف اش دار لي ....
وسيم : ولكن كيفاش قضية نهار جدي كان كيخطب جدة
رتاج : داك الساعة جدكم جا يخطب جداكم من عدنان وعدنان كيخطبني انا .....
وسيم : شكون تزوج فيكم اللول
حياة : يا ركزو مع التواريخ راه تيطيحوكم فيهم فالفخ
رتاج : ودابا واش متيقتوناش ولا مالكم
جود : ( متكي مربع يدو داير صبعو صغير فقمو ) الله اودي نتوما يكدبكوم شي واحد ..... غا كملو كملو ...
رتاج : صافي تزوجنا وجبت لوؤي .. موراه فيصل وانس والله يجعل البركة .....
آية : ونتا اباباا
سفيان : شفتها خطبتها تزوجنا ولدتك نت وداك الحتروف ..... هذا مكان ... نوضو تنعسوو ....
اية : االاااا عاودو لينا نييييييشان ....
حياة : ياك عارفيني انا ولامار بنات الخالة جيت نشوف لامار ... تلاقيتو عندها ... تزوجنا
اية : كانت خالتو رتاج واريج مزوجين
حياة : خالتك اريج اه غامكانتش عارفة .... خالتك رتاج مزال .... درنا عرس انا وياها نهار واحد
اية : ااااه .... وكيفاش مكانتش عارفة
اريج : هضروووو على راااسكم بعدوووو مني انا
بيلسان : بانليا ماما قصتك فيها بزااااف مايدار .. كيفاش مزوجة ومفخباركش ....
اريج : ( كتشوف فيونس ) قوولهم .. قوليهم كيفاش
يونس : وونا عرفت .... سولو عمكم اسد انا نسيت
اسد : ( علا ححبانو ) تانا نسيييييت ....
وسيم : تاااانتا نسيييتي
اريج : كاع نسييينا .. مهم راه تزوجنا وولدناكم بااارااكااا
اية : ونتا ابابا ملي تعرفتي على ماما .. كنتي جيتي من كندا ؟
سفيان : ايه .... تلاقينا نهار حفلة دالتخرج ديالي
اية : ااااه ... يعني كنت باااقي صغييير ....
سفيان : ماشي صغيير ولكن كنت كانعاود بزاف فالقراية..... مكنتش مجتهد بحالكم ..... كنت خداااام وكنت كنقرا بجوج
اية : واش جدي مكانش كيضيفط ليك فلوس
حياة : ياااك ديجا قاليكم مشا لكندا مور ما مات باباااااه ...
اية : ااااه .... ومكانش خلا ليه فلوس؟
حياة : مور ما مات باباه مشااطش بزاف دفلوس حيت كان عندو ضرااائب وكريديات وفلوسو تخسرات على داكشي ...
اية : وباش مشا لكندا
سفيان يالااه غيجاوب كان يونس تكررشخ بضضضضحك واريج كضربو يييسسسكت ورتاج شدات على راسها
سفيان : ( كيحمر فيونس ) مشييييت كووونطرا ... كونطرا ابنتي .. يوووونس ... هنيييينااااا
سلطان : وهاد الكونطرا لقيتيها فابور ؟
سفيان : لقيتها طايحة فالارض نفضتها وهزيتها ومشيت ...... وانا اصلا مبقيتش عااااقل .....طوييييو علينا هادشي نوضووو تنعسو
اية : وماقلتوووش لينا ...خالتو سارة وعمو عمران كيفاش تلاقااااو ؟؟
اريج : ياااااا والله حتى تنوضو تنعسو ... نتوما مصالحش الواحد يضحك معاكم ( ناضت ) يالااه تتتكعدو ...... تحررركوووو ..
ناضت اريج وكلهم كيشوفو فيها كيضحكو كيفاش نهات الموضوع ... البنات اقتنعو اما الولاد حسو بلي فيلتراو ليهم وماحكروش .....وبداو كينوضو كل واحد كيقصد بيتو والساعة كانت الوحدة ونص دالليل .......
دغيا قصدو اجنحتهم كلهم واريج مشات باتجاه جناح بيلسان .... وحلات الباب لقاتها يالاه كتحيد الفيليلات لي فشعرها مع جناب ...
اريج : شوية راسك ؟؟؟؟؟
بيلسان : ( كتهضر معاها من مرايا ) لاااا انا بيييخير ( بضحكة وضارت عندها ) متخااافيش فاتني الحال
اريج : ( ابتسمات شادة فالباب ) كنتو مخاصمين ؟؟؟؟؟
بيلسان : ( عوجات شفتها شحال لجنب وابتسمات و شافت فيها ) ماشي شييي حاااجة ... مهم راه تصالحنا ....
اريج : الله يدوم فرحتكم .... .مابغيتش ندخل بزاف ونسولك علاش حيت هاديك خصوصيتكم ولكن ابنتي حاولي مشاكلكم ماتبينيهمش على برا .... متخيلي تاواحد يحس بلي طاريا شي حاجة ... ه.ا اةل درس خصك تعرفيه قبل زواج ...
بيلسان : ( ضارت عندها كاملة بجسمها ) ماما ..... ( اريج كتشوف فيها وهي بقات ساكتة شحال ودوات ) انا راه كنتعرف على جود واحد اخر ..... جديد عليا .... ( تبسمات كثر ) وحتى هذا كنظن .... غيخليني نبغيه ...
اريج : ( تبسمات ليها تاهي بفرحة ) جود راه تربية اسد .... وتربية لامار .. مغيديرش شي حاجة ضرك ابنتي .... غير تفاهمو وتافقو بيناتكم وكبري عقلك نتي وياه .. وغيكون غير الخير ..
بيلسان : (كتشوف لتحت ) فشكل ...... زوين .. من داخل تاااتما زوين ..... ومكيشدش فخاطرو بزاف ( علات راسها فيها ) خصامو مكيدومش تا ساعة دالمكانة ..... ومكيعرفش يحزززرر ...... يعني خصني نمرض بحالو ونولى ننسى ... حيت هاكا كايتحلو معاه المشاكيل ..... حيت لا طولت لخصام هوما مكايطولوش .. والى بقيت نتسنى تحزار ... مكيعرفش ليه ... ( ضحكات و الحب باين فعينيها ) اذن الحل هو حتى انا .... نمرض بحالو ....
اريج : ههه رراه جود من ديما هاكاك داير .... هو مكيعرفش شنو هي يحقد ولا يهز فقلبو .. طااالقها تسرح ..... عايش أليز ... شوية بشوية راكم غاتافهمو كترر
بيلسان : عجبني الحال ملي شفتو بحال هاكا ...... واخا شس حوايج معاجبنيش ... ولكن كاينين خرين عاجبيني
اريج : هههه الله يتاويكم ... نعسي رتاحي قادي نعاسك لي راكي مخرباه راه لقرايا قربات ...... وغدا نمشيو لدار ونهضرو بشوية فامور قرايتك وشنو غنديرو ...... يلاه احبيبتي ( غمزاتها ) كود نايت .....
خلاتها ومشات وبيلسان تقلبات للمرايا حيدات داك فولار لي كان فعنقها باقين فيه طبايع بداو يبهاتو .... وعوجات راسها لجنب بانت ليها حمروية دالعضة وضحكااات .....
مشات لتيليفونها وكتبات ميساج بالخف كتبتسام فرحانة " I think I started liking the new joud" ( كنظن بدا يعجبني هاد جود الجديد )
وصل لجود وهو كيبروصي سنانو فدوش ... خلا لبروص ففمو وهز تيلي من جيبو لي ڤيبرا ليه وهي طلع ليه بيلسان .... حل الميساج ديالها وهو يبتسم .. رسل ليها قلب ... ورد تيليفون كمل غسيل سنانو ومشا لدريسينغ لبس شورط كحل وتيشورت كحلة ... وهز الكاسك ديالو فكتافو ومشا لميني بار هز قرعة صغيرة دالما وخرج نزل فدروج نازل للبحر يجري ...... اما هي بقات تشوف فداك القلب وضور فراسها .... وهادي حااااجة اخرى خصها تتعود عليها ... وهي انه يجاوب على لكلام زوين .....
اما الباقي كلهم فاجنحتهم كيستعدو لنوم ... من غير قدس لي كتمشي وتجي فالجناح .. كانت لابسة كسيوتها دنعاس .... كحلة موبرة بسميطات وقصيرة .. وعندها بابيون جهة الصدر .. كتمشي وتجي وهي كتفكر كيفاش كان كيعوج فعنقوووو قبيلة .... وكيتألم معاه كل مرة يشد عليه .. وكتقول واش تصوني ليه تسولو كيبقى .. عضات على شفتها مبغاتش تصوني وخرجات للبالكون كتشم الهوا .. وتيليفونها باقي كضورو فيديها مزعماتش هي لي تصوني .. تاتخطفات كلها ملي سمعاات الفيبرور دالتيليفون وقلبها بدا يضرب غير شافت لشاشة وهي تبان ليها " louay " ووسعات عينيها ... كاتسول راسها واش هاد التخااااطر كامل جامعهم !! حمدات الله لي هو لي صونا ... وخدات نفس عميييق وجاوبات ....
قدس : كنت غنعس .... اش بغيتي ؟؟؟؟
لوؤي : مكاينش تصبح على خير ( واقف فالبالكون كيكمي )
قدس : دابا نبدا نتعلم نقولها ليك ....
لوؤي : غتنعسي !
قدس : سي ... لقيتيني فبلاصتي غنعس اصلا
لوؤي : داكوغ ... رتاحي ...
قدس : كنتي باغي شي حاجة ؟؟؟
لوؤي : كنت باغي نشوفك قبل مانعس ....
قدس : ( كتمشي وتجي وسط الجناح وهو جاي من الكولوار ديال البالكونات ) لا ... انا اصلا دخلت لبلاصتي وتغطييييت .. فيا نعااااس .....
لوؤي : اااه .. او اصافي نعسي .... تغطاي مزيان ......
قطع عليها تيليفون وهي يالاه بغات تهضر تالقاتو قطع .... وشدات التيليفون كتشوف فالشاشة عاضة على شفتها ففلخر حزننات ملامحها ...
قدس : خراااا ... بغيت غا نقوليه كيييبقى عععنقك ...... يكووون باقي كااايضرو ؟؟؟؟؟ ( سمعاتو من الخلف )
لوؤي : باااقي ضاااارني صراااحة ......
قدس : ( وسعات عينيها كتشوفو داخل من البالكون يد شاد بيها تيليفون على وذنو ولوخرا فيها الكارو ) لووووؤي ( شافت موراها الباب وشافت فيه ) لاا صافي .. نتا باااغي تحكم علينا بالاعدااااام ....
لوؤي : ( رد تيليفون لجيبو وقرب ليها ) على انا جيت وقلت ليك كنموت عليك ..... راه مقمر معاك بالمووووت ( كيشوف معاها ) الححب .... شفتك منعستيش !
قدس : شاارب ثاني !
لوؤي : قهوة ... ( بعد عليها سف من الكارو وقلب راسو نفت الدخان وشاف فيها ) صاااااحي ..... ماتخافيش ....
قدس : اش بغييييتي ... سييير راه غايشوفنا ثاني شي حد راهم باقين فايقين
لؤوي : عنقي تايضرني ...
قدس : ( حزنات ملامحها كاتشوف فعنقو فلخر جمعاتهم دغيا ) وناااا مااااااالي
لوؤي : ( هو ليها يدها وحطها فعنقو ) بغيت مساج من يديك نتي ...
قدس : ( قلبها كايضرب وهي كتحسس بيديها جلد عنقو لي مشوك باللحية لي نازلة مع عنقو وهي تخطف يديها بزربة بعدات عليها ) انا ماشي ماسوز ... وماقرياش الكييييني باش نفيدك .....
لوؤي : ( كايقرب لعندها وهي كترمش بعينيها وحااضية مع لباب للخوف مامخليهاش تستمتع بلحظاتها معاه عكسو هو لي مهدن ) انا وخوك ملي كنا نديرو تريپ تعلمنا باش لاعضاتنا شي عقرب .... نشدوها هي نيت ... تانطحنوها مزيان بين الحجر و تانديروها لبلاصة العضة ...حيت العقرب ... هي المرض ... وهي الدوا .....
قدس : ( كترمش بعينيها تشوف مغزى كلامو ) بغيتي تقول .... انا عقرب !!!! بان ليك فيا شي سسم انا ؟؟؟؟
لؤي : ( نفت دخان وعض على لسانو كايشوف فيها ويتجنن ) اااااااح ... كون كنتي تشوفيني كيف كنبات كل ليلة مبي كتجي ليا لبالي وغاتعرفي سمك شحال صعيييب .....
قدس: ( كتحاول ما امكن ماطيحش قدام هاد الحركات وتعابير لي داير بوجعو فيها وعضة لي دار للسانو وبدات تقرب لعندو ) ولنفترض بصح انا عقرب ... وغانداويك ... ولكن ... راه ماشي انا لي مررضتك .....
لوؤي : نعست فطموبيل عوج ....داكشي باش ضارني عنقي
قدس : ومالي انا قلت ليك بات فطموبيل ؟
لوؤي : كان فامكاني نبات فشي بلاصة اخرى ونعس مرتاح فوق المخدة .... ولكن باباك مكانش غايبغي ... ضضطريت نبات فطموبيل باش باباك مايتقلقش عليا
قدس : مزال مافهمتش .... انا شدخلني فموضوع
لوؤي : حاجة وحدة لي تخيليني منبغيهش يتقلق عليا .... هي نت ... كنقاااد بلاااصتي باش يعطيك ليا ....( نتهد وكلس على لفطوي وساط دخان ) ودابا آهاد العقرب .... تماسي ليا عنقي ولا لا !
قدس : (مشات بززربة وشدات فيدو كتجرو ) للااا .... نووووض سييير فحااالك غايدخل شي واحد ... نوووض
لوؤي : ( ماد ليها يدو كتجبد فيها وهي مبتسم كايشوف فيها وجسمو مكيزعزعش غير يدو لي كالسة تجبد فيها بكل قوة ) غليضة على الخوا ..... يلاه جبدي نشوووف ... ورينا هاد القوة فيناهي .....
قدس : ( رخات من يدو وحزنات ملامحها وعينيها بداو يلمعو بحالا بغات تبكي وشافت فيه وهو جمع ابتسامتو ودوات بصوت رقيق وتايرغب ) عفاااااك الوؤاي .... راه غايدخل شي واحد راني مخلوعة ....
لوؤي : ( كايييىمش فيها هو يوقف ) فاااااااك !!!!!! ( كايشوف فعينيها لي مبدلاهم غا سمعاتو اش قال وهي تبدلت نظرتهم للنظرة لولا وتبسمات بشر ) ديييييييلمك !!!!!!!!
قدس : ونتا قلتي ليا ورييييني قوووتك فينااهي ... وهانا نوضتك ....
لوؤي : ( شد ليها دقنها مزير عليها تاتجمعو شفايفها وهي باغا تفلت هو مجنن عليها مقرب وجها لعندو بااااسها ففمها بوووسة طويلة عاد رخاها ) غااايبقاي تسسسعري فيا تايسمعو غواااتك من بنسليييمان
قدس : ( بدات كضحك وكدفعو جهة البالكون ) سيييييير فحاااالك ....
لوؤي تبسم وضار لعنها وبانت شوية دالجدية على عينيه حيت قبل مايمشي خصو يعرف المعلومات لي جاي غلى قبلها فهاد الليل ....
لوؤي : قولي ليا بعدا .... هاد الماتش لي باقي ليه خمسطاش ليوم .. امتى غتبداي ليه ليشوفمون ؟
قدس : ليشوفمون راه بداو... ( مشات تاجلسات على الكنابي وشافت للارض مهبطة شفايفها ) انا كنديرهم بوحدي هنا مع كوتش
لوؤي : علاش !
قدس : غلاضيت بزاف ( شافت فيه ) خايفة يتنمرو عليا ....
لوؤي : ( بقا كيشوف فيها مدة تاجابت ليه الضحكة حيت عجبوو الحال ملي مغتلاقاش بداك المدرب بزاف واخا هو محتاجها تتتلاقاه ) وصرااحة من لول كيعجبني الغلض ديالك .. ودابا زاااااد عجبني ..... ملي تبتك للارض ...
قدس : ( ميقات فيه وكملات لهضرة ) ليشوفمون لاخرين دابا نمشي ليهم .. اما دابا لا .....
لوؤي : شحال باقي ليهم كاع ؟
قدس : شي طناش ليوم هاكاك .. غير واحد ثلثيام قبل ماتش
لوؤي : مممم ... صافي غنكون هنا ... انا نديك ....
قدس : وعلاش ؟؟؟ قولها بالعلالي داك الساع للناس .. اويلي تسطيتي ؟؟؟؟؟؟
لوؤي : على اول مرة غانديك انا ليشوفمون !.... راه ولد عمك واقلة لا ! ....
قدس : ( كتشوف معاه ) هادشي علاش جيتي كتسول ؟
لوؤي : هادشي علاش ....
قدس : كنتي تسول فتيليفون
لوؤي : ( سف ثاني من الكارو كيشوف فيها كيطلعها ويهبطها ) بغيت نشوفك .. كااتهضري ... كنتجنن ملي غير كنسمع .....
قدس : ( كتحاول تخلي فرحتتها وجنونها بيه ) شششفتيني ؟؟؟ واااسيييييييير .....
لوؤي تبسم ومشا للبالكون طفا الكارو ديالو ورجع عندها كيطلعها ويهبطها وهي شافت كيفاش كيشوف فيها ومشات بزربة كتقلب على البينوار وهزاتو لبساتو وهو كيضور فراسو ويضحك ...
لوؤي : كتتتحشمي زعما !!!!
قدس : قلت ليك سييير
لوؤي : ( قرب عندها شدها باش متههرب كيشوف معاها ويتجنن ) يا دييييييلمك نهار نشدك ... خاصني نديك لشي جزيرة فيها غير انا وياك باش مايسمع حد غوااتك .... بربي فيك مانحن على هادشي لي مدوزاه عليا ......
قدس : ( وسعات عينيها ) لووووؤاي ...
لوؤي : ( كيطلعها ويهبطها وهي بقلبو كايزدح فصدرووو على منظرها لي عاد رد ليه لبال .... وعض على شفتوووو ) شييييييييت ... ( شاف فيها ) منين جايبة لمك هاد الانوثة كاملة منيييييييين ... راه شاد يدي غااا بززز .....
قدس : لوؤي .. نتا والله حتى غتفضحنا سييير فحالك
لوؤي : ( علا راسو لسما كيخاطب راسو مجنن كايتشكى ) فااااااك !!!!!! واقفة قدامي بميليم دالتوب وكتقول ليا سير ... ( شدها من دراعها رادها لعندو كيشوف فيها ) تي فيييين غنمشي فين !!!!!!!
قدس : ( جاتها البكية ) وصاااافي عافااااك .... نتا غتسكت ليا قلبي نتاااا ..
قربها عندو نزل على شفايفها بقبل حناان وهي الخلعة ماخلاتهاش تنسسجم ولكن رييييحتو كانت مسيطرة عليها وشوية بشوية كتجرررفها ..... وداز بشوية لوذنها بالهمس ....
لوؤي : مابقيت متمني تاحاجة اخرى من غير يدوز الوقت دغيا وتكوني معاياا فالحلال ... ماعرفت شحال غايقدني دالصبر مزال ......
قدس : هي لاخرجتي عليا حيت لاشافك شي واحد هنا عمرك تحلم بيها
لوؤي : ( شاف فيها ) والله واخا تنطاابق ( عوج عنقو ) سسسما على الارض مكاينش لي يفرررقك عليا غااتهنااااااي .....
قدس :: ( كتشوف معاه ) كيضرك عنقك بزاااف ؟؟؟
لوؤي : ( كيدوز يدو ملور ) واااايه ......
قدس : وسييير تنعس باش يبرا .... انا مكنعرفش نماصي
لوؤي : ( عزج شفتو لجنب ومسا بجهة بالكون ) داكوغ هاهو غادي ... وصباح نقلبو على لي تماسيه لينا ( كايمسايه بيدو من لور وهي متبعاه ) خصو مساج ضروري .....
قدس : ( بلا متحس قالتها بغضب ) داك سااااع غااااتهررس ليك بمرة وسير جمعو بالكككبص ....
لوؤي : ( غادي وكايضحك تاوصل لباب دبالكون وضار عندها واشار براسو لباب جناحها موراها) كان فامكاني نمشي نسدو بساروت ونهضرو مرتاحين ... ولكن هاد الخوف وهاد الرجفة ديالك .... هوما الحلاااااوة ..... الحاجة الساهلة .... باسلة .....
غغمزها ومشا وهي متبعاه بعينيها تاغبر ومشات بزربة لباب دالبالكون وسداتها بساروت وضارت متكية عليها بظهرها وبدات تتبسم شوية بشوووية وعضات على شفايفها
قدس : شي نهاااار غاااايسكت ليا قققلبي .....
الصباح الموالي ...
الساعة 8:40 دقيقة ...
راكبة فطموبيل مسموع فيها صوت تيليفون كيصوني على شي حد ... حتى جاوبات بصوتها المزروب كيف ديما ...
صفاء : مادموزيل قسم ...صباح الخير
قسم : معاش عندي الميتينغ !!
صفاء : مع العشرة وتلاتين دقيقة
قسم : ( هزات عينيها لساعة فطابلو ديال طموبيل ) واخا ... نحاول مع العشرة نكون تما
صفاء : غتحاولي ؟ لا راه العشرة خاصك تكوني هنا حيت هاد الميتينغ ثالث مرة وحنا كنأجلوه ... وماعندي فين نزيد نجرو .... نيت غنساليو مع الحداش ... طناش غتبدلي فيها و تغداي فيها الوحدة خاصك تكوني فالشوتينغ لي المرة العاشرة هادي وهو كيتأجل باش الربعة تمشي للتوقيع ديال وراق خروج الباطو وتسلمي الشارات ديالك و السبعة تحضري لمؤتمر و العشرة عند الجيم .... ومغنأجل حتى حاجة امادموزيل حيت الوقت مكاينش وأجلنا بما فيه الكفاااااية ومغاااتقدر حتى حاجة تأجل مزال ومغاااااندير تاااااحاجة اخرى
قسم : مااااديري والو .. حاولي ديري حاجة وحدة تشربي قهوة وتمشي ديري تحاليل دالسكر حيت هاد الضهرة هاكا بزربة والغوات أنوغمااال اصفاء ....
صفاء : انا الا مشيت حللت امدموزيل قسم مغنلقاش غير السكر غنلقى السكر والملح واتاي وكوووولشي .... حيت انا خدامة مع واحد البنت كتخليني تانقاد الامور وتعيطلي فدقيقة تسعييين وتقوليا لغي ..... ولي غيزيد يحمقني ان هادشي مكانش فيك شحال هادي .. كون حسابتني هاكا كون طلبت نكون المنادجر دسي جود كنت غنشبع غير راحة .... العشرة اقسم .... هي العشرة .....
قسم قطعات تيليفون حيت كون خلاتو غاتكون باقا كتهضر ومستحيل تسكت .... وكملات طريق لوجهتها وهي كل مرة تطل على الساعة ومكسيرية ... كانت بلباس عادي كاجوال كيناسب الصباح ..... غادا بجهة الريسطو كتمنى يكون وبلعاني جات فهاد الوقت حيت عارفاه غيخرج للصيد .... وصلات لريسطو وباركات حدا الباب مأسفة ملامحها حيت مكايناش طموبيلتو ... والباب مسدودة ... بقات كضرب فالفولون وتفكر وهي كتعوج فشفايفها .. واش تمشي لدار ؟
واخا ولفاتو ومضاسرة معاه ولكن باقا كتجيها فشكل تمشي لدارو خصوصا ان سلمى مفخبارها والو ، هي بصح ولفات داك دار ولكن فاش كانت كتمشي على قبل سلمى ... باش تمشي على قبلو هو ... جاتها فشكل .... غمضات عينيها ورجعات راسها لور وهي كتفكر البروغرام شحال عندها عامر اليوم وغدا صافي غتسافر .... خاصها ضروري تهضر معاه دابا قبل ميخرج للصيد .... خدات نفس وديمارات وبدات راجعة مارشاريار تمشي للدرب .....
وصلات ميرسيديس دلامار حدا الكاراج .... وباركا الشيفور وجود كان واقف تما لاستقبالها بسرفيت سبور وكاسكيط ونضاضر فعينيه ...
تقدم مشا حل ليها الباااب وهي نزلات بابتسامة وقربات لعندو باستو فخدو وجبداتو ليه بيديها
لامار : نتا وباباك خاصني نولي نستغل هاد الفرص لي كتكونو فيهم ضريفيييين وكتحلو ليا باب طموبيل ونطلب لي بغيييت هههه
عنقها ضاحك وزادو لباب الكاراج ...
جود : اودي كولشي ديالك الامار .... فوقاش طلبتي ومنفدناش ...
لامار : ( كتشوف مع الارجاء ) بلاصة هاااادية ... كاين الكالم ...
جود : ( قرب للباب كيحل الكاراج ) سي ... داكشي باش ختاريتها هنا بالضبط .. نخدم على خاطري ( حل الباب وشار ليها بيديه وهي ضحكات ) شرررفيني يا اجمل مراة كاينة فالكوون
ضحكات ليه ودخلات كتشوف مع الارجاء وهو شعل الاضاءة لي كاينة ضايرة بالكاراج حيت لتحت كولو مظلم وكاينين شراجم قلال و عاااالين مستطيلات بزاجة كتميل للتحت كايحلهم ملي كايكون تما ...
بدات كضور عينيها مع الكاراج لي كان ضاير بليموبل بالمجورا دزاج حاط فيهم كاع الماطيريال لي كيخدم بيه والباقي كلشي معلق .. قدرات تفهم ان ولدها بغا كولشي يبقى قدام عينيه باش ميتوضر ليه والو ويبقى يقلب فين حطو ...كان ثقب كببببير مستطيل فالوسط هابط بدروج لي كتحط عليه طموبيل باش يخدمها من جزئها السفلي .... وكاين فالقدام حاملات الالواح كبااارين و صبورة الكترونية فين كيعلق تصاميمو ... وشافت عندو معوجة شفتها باعجاب
لامار : هااادشي زوين ..... ماعمر عجبني هاد مجال ديال الميكانيك تاشفت هادشي دابا ( ضحكات كتشوف فيه ) واش عرفتي شحال راني فخوووورة بيك اولدي ؟؟؟؟
جود هضرتها خلاتو ينسى كاااااع احلامو لي تخلى عليهم على ود رضاهم ... ابتسم ليها بحب ومشا عندها عنقها كيف فاش كان كيعنقها وهو صغير .. رغم ان جثتو كبيرة الى انه باقي كيبان شبل صغير قدامها وحط راسو على كتفها محني عليه
جود : غير نسمع هادشي منك كنحس براسي صافي وصلت ....
لامار : ( كضرب على ظهرو ) مزااال طريق طويلة اولدي ومزااال غتوصل لكاع داكشي لي بغيتي .. غير حاجة حااااجة ...
جود فصل العناق وتمشى جيهة دروج وهي ضارت متبعاه
جود : تبعيني باقي الفوق ...
طلع فدروج هارب من الضعف لي ديما كيضعافو على كتافها و هي مسحات دمعتها بالخف لي كانت عامرة بالفخر والشكر لله لي كيعطيه كل مرة حياة جديدة .... ومشات تبعاتو ضاحكة طالعة فدروج وكتشوف مع الارجاء واللوحات لي معلقين و الفولونات القداااام العتيقين لي معقلهم فالحيوط ودروج لي عليهم علامات ديال رالي دموناكاو وفآخر درجة كاينة ل finish ، ديكور كامل دهاد البلاصة خلاها تحس بلي موناكو عايش فيه واخا بعيد عليه تابعو فكولشي فاذواقو فتهورو فثقتو بنفسو فكووولشي..
وماتكذبش ان موناكو هو لي بنا جود حتى وصل لهاد الشخصية ديالو .... ولكن كتبقى حياتو اهم من كولشي .. واي حاجة فيها الخطر متبغيهش يكون فيها .... طلعات لفوق وهي تعلي حاجبها ملي شافت الطابق شبه شقة صغيرة ... كان قدامها مباشرة فنهاية الدرج صالون طويل لي كان فالجهة اليمنى كنابيات وطابلة خشيبة ومن جهة اليسرى المكتب ديالو وفالوسط كوزينة صغيرة محلولة وعلامات سباق السيارات كلهم معلقين فثلاجة ... ولي لفت انتباهها هو صورهم لي كاينين فوق المكتب ديالو ولي مشات ليهم بشوية وابتسامة هزات كادر ديال تصويرتها هي و اسد ... بقات كتشوف فيها وهزات كادر اخر فيه قسم معنقة قدس كان فعيد ميلاد قدس ديال طناش لعام ... و واحد اخر فيه هو معنق وسيم نهار الحفل ديالو ملي خدا الباكالوريا .. وعلات عينيها فوق الكرسي وزادت وسعات ابتسامتها فاش لقات اخر صورة خداوها فالعيد مجموووعين حولها على شكل رسم وعلقها مور الكرسي ديالو فالحيط واخدة الحيط كامل ... وضارت عندو مبتسمة كان جالس على تكاية دالكنابي مربع يديه كيتسناها تكمل جولتها على خاطرها
جود : كيف جاتك داري !!!
لامار : ( ابتسمات ومشات باتجاهو وباقا كضور بعينيها ) انا حاجة وحدة لي عاجباني فهادشي كاااامل ( غمزها بتساؤل ) هي .... لقيت فين نولي نغضب من باباك ( جود علا حجبانو وهي نزلات عينيها لي كانو فواحد طابلو وشافت فيه ) اخييرا غنولي قادرة نهز حوايجي يقولي فين غادا نهز راسي لفوق ونقول غاادا لداااار ووووولدي
جود : ( بقا كيشوف فيها تاااضحك وبدا يضور فراسو ) الى كان بحال هاكا راه مغنعطيكش سوارت ....
لامار : ( خلاتو ومشاات باتجاه البيت لي بان ليها ) على هي بخااااطرك ....
يتبع...
التعليقات
لا توجد تعليقات بعد، كن أول من يعلق.