محتوى القصة
قسم بعدات راسها عليه وشافت فيه
قسم : اصيل .. انا الفلوس مباغاهمش راهم عندي .. وتا الفيلات مباغاهمش راهم عندي ... الطموبيلات تاهوما .. انا باغا منك حاجة وحدة .. بغيت راااجل ا اصيل ... بغيت نحس كاين واحد فجنبي لي نعول عليه فكولشي ونعاود ليه كولشي وعمرني نخاف وهو حدايا .. بغيت واحد لي يشد بلاصة بابا فغيابو ... بغيت واحد لي نحس براسي معاه قسم .... قسم وصافي .... مامحتاجة تاشي حاجة ا اصيل لي غتقاتل على قبلها عافاك ... مابغيتش نطيحك فالخطررر بسبابي ... ماعندك مادير بشي كريدي عافاااااك ...
اصيل : شششش ...مدخليش نتي فهاد الاومور ....الريسك خديتو على قبلي ماشي على قبلك.... خديتو باش انا لي نقدر نكون معاك ....
قسم : ( زيرات على يدو لي كانت فيديها ) واعدني ....بلي مغاديرش شي حاجة لي تحطك فالخطر ا اصيل...... عمرني ماانسمح لراسي
اصيل : ( علا يديها لي زيررات بيها عليه وباسها مطول وهو مغمض عينيه كيفكر الكومبات لي كيتسناوه ورجع شاف فيها ) كوني هانية ...
قسم بقات غير كتشوف فيه والابتسامة لي دار فيها ولي كتخلييها تموت الف مرة من الاعجااااب بيه وبملامحو الجدابيين الخشنين تاوسعات عينيها ملي شافتو كيشوف فشفايفها وتايقرب لعندها زيرات على يديها كتحس براااسها ابدااااا مامستعدااااش هي تقفز كاملة ملي سمعات تيليفون كيصوني ليها ، كان فجيب الفيست ديالها ... وهي دير تنهييييدة حمدات الله لي نقدها واصيل ضور راسو لجنب كيحك على قرفادتو لي مكرهش يهرسو فهاد اللحظة وهي طلع ليها نمرة جود ووقفات بعدات بضع خطوات هو متبعها بعينو وهي كتحاول تلتقط انفاسها .... وجاوبات ....
قسم : وي جووود ....
جود: واا فين ...
قسم : ااء .. ( ضارت شافت فاصيل وابتسمات ليه ورجعات ضارت ) غير هنا .. اا ... بغيتي شي حاجة !
جود : ( كيلبس سروالو فدريسينغ وكيشوف لشاشة التيلي لي محطوط على طاولة زجاجية حداه باستغراااب ) لا واش منيتك !!!!!
قسم : ( عااااد سرات معاها وحلات فمها شادة عليه على هاد التلفة لي دار ليها اصيل ورجعات جاوبات كضرب فجبهتها ) يييي .. مديش عليااااا .... ااحم ... اا ... و .. واش تقدر تعطيني شوية دالوقت مزال
جود : ( معلي حاجبو ) قسم ... آر يو اوكاي !!
قسم : بيخير بيخير .. ( عضات على شفتها خايفة تفضح وهي تجمع راسها وخدات نفس ) مهم .. اانا .. انا شوية وانا معاك .. ختار الريسطوووو ... ونجي لعندك
جود : ماشي هاد الميسيون كانت ديالك لا ! .. راه مكنعرفش فلي غيسطو من غير دياولنا اقسم
قسم : صااافي .. صافي يلاه غير لتما ... جاني جوع و مافيا لي نقلب ... نخليو المدينة القديمة لمرة اخرى ...
جود : نتلاقاو فلوطيل ونشوفو مالك على هاد التلفة كاملة و اش واقع ...
قسم : ( تبسمات عاضة على شفتها فرحانة من داخل ) واخا .. حتى نتلاقاو ..
قطعات عليه تيلفون وضارت عند اصيل لي كان متبعها كيشوف فيها .. غير لقاتو كيشوف فعينيها وهي تنزلهم
قسم : اا ... هدا خويا ....كنت ... كنت درت معاه نتغداو انونسوبل .. ونسيييت ....
اصيل : ( طول فيها الشوفة كان باغي يتغدا هو وياها ورجع تنهد ووقف كينفض فسروالو وماشي باتجاهها ) ماشي مشكل ... نوصلك ؟
قسم : ( باحراج ) مابغيتش يرد البال لشي حاجة قبل مانشرح ليه انا .. راك عارف .. دايرين فيا الثقة ومابغاش نخيبها ونبان مراهقة ....
اصيل : ياك باباك فخبارو ؟
قسم : ولكن خويا لا ... وبابا ماشي من النوع لي غيعاود ليهم على حياتي لامدرتهاش انا ...
اصيل : واش فخبارك مزال لدابا مادخلاتش لدماغي بلي عاودتي لباباك
قسم : شوف .. اصيل !! ( علات فبه عينيها مصغراهم فالشمس) .. شوية بشوية غتعرف على عائلتي كثر وغتفهم .. بابا راه بحالا قلتي صاحبي و داك الصدييييق لي ماعنديش انا كاع .. عندي غير هو .. بابا تايق فيا التيقة العمية .. حيت انا شفافة معاه ومكنخبع عليه وااالو .. يعني من نهار جيت لهاد الدنيا وهو ميقن انه نهار غادي نبغي شي واحد غيكون هو اول واحد غيعرفها ... شتي كون مشيت عندو وانا فعمري تمنطاش ولا تسعطاش وقتليه ابابا عندي شي واحد راه يعلقني ههههه ... بابا مكيآمنش بداك الحب ديال قبل منكون مكملة قرايتي وندير مستقبلي .. حيت كيقولك هاداك الراجل لي غاتبغي هو لي غتكملي معاه .... اما العلاقات العابرة ممنوعة علينا ... راك عارف عندنا واحد القانون ف اابروتوكول الى مشا شي واحد صورني مع شي واحد وانا باقا مراهقة وماشي انسانة راشدة راه غيتسلب مني الوسام ديالي د السلوك ....
اصيل : ( دار يديه فجيابو كيشوف فالارض ورجع علا عينيه فيها ) محتاج نسمع على عائلتك كتر
قسم : اكيد .... شنو مابغيتي تعرف سولني ....
اصيل : دابا مغاديش نعطلك على خوك .. من بعد وغتعاودي ليا كولشي ... من غير اش كنعرف فالسوشيال ميديا وشنو كاتبين عليكم الصحافة ... بغيت نعرف عائلتك الحقيقية ماشي ديال المجلات ..
قسم : راك غتجلس معانا ا اصيل وغتعرف عليهم واحد واحد مباشرة حسن مانقوليك
اصيل : هاد تجلس معانا مزال بعيدة شوية
قسم : شحال كاع !!! ( شافت للبناية ) حتى تولي هادي ديالك ...
اصيل : يُعتبر ....
قسم : ( ضحكات ) ان شاء الله .. ( تنهدات ) موهيم غيخصني نمشي ...
اصيل : سيري بشوية عليك ... انا باقي مشغول هنا مزال كنتسنى واحد السيد ...
قسم : بخصوص هاد البلاصة !!!
اصيل : لا شي حاجة اخرى
قسم : ( مبغاتش تدخّل مدام مقالش هو و ابتسمات ليه ) داكوغ .... ( شافت فالبناية ) حتى انا باغا نعرف كتر على شنو باغي دير هنا ....
اصيل : غنشوفك غدا ..
قسم : هنا نيت !
اصيل : غدا غنجبب السوارت باش نشوفها من لداخل .. وبغيتك تكوني معايا ...
قسم : اكيييد الله اودي .. ( بضحكة ) يلاااه بسلااااامة ..
عطات بظهرها جات ماشية جيهة الطموبيل وهي تحسو جبدها من دراعها ملور تاوقفات وعنقها من لور محاوط خصرها بيديه وهي حلات فمها كتحمد الله لي موراها ومغيفضحوهاش ملامحها ... واخا قلبها كيضرب بجججهد وهو هضر فودنيها محني لعندها
اصيل : اولا بسلامة مكنقولوهاش بحال هاكا .... وتانيا باقي مساليناش انا وياك .....
قسم : ( سرطات ريقها عرفات كيقصد البوووسة وكتحس براسهااا مقاداش ابدا تزعم فالفريست كيس ديالها ونطقات ببلاهة ) ها !!!!
اصيل : ( كيهضر فعنقها وهي جسمها كولو تشوك ) مزال كاينة واحد الحاجة اخرى ..... ( هز يديه لدراعها لي كانو مزيرين طلقهم ليها ) وغير رخفي على راسك راه مغانبوسكش ونت باقي كتحماري ليا بحال هاكا ....
بعد عليها رجع لور وهي عضات على شفتها كتتتتلعن فهاد الحركات الا ارادية لي كيدير جسمها قداامو فاضحينها ..... وضارت عندو بشششوية وهو كيضحكوه ملامحها فاش كتحرج بحال هاكا .. غير ضارت وهي تشوف بواط كحلة فيديه مافهمات والو
قسم : ا ... اش هادشي ؟؟
حل البواط قدامو وهي مكيبانش ليها شنو فيها حتى جا من موراها ورد شعرها لجنب قدرات تعرف بلي غيلبس ليها سنسلة .. حسات بيها باردة فعنقها وهو كيركبها ليها لور مضارب معاها .. وهي نزلات عينيها بانت ليها حجرة بيييضة صغييييرة لااامعة .... شداتها بيديها كتشوف شحال هاد السنسلة مطااااابقة للذوق ديالها .. راقية وبسييييطة و خفيييييفة ... كانت بيضة رقيقة وفيها دياموندا صغيرة لامعة ... يلاه كتسرط هاد المفاجأة تاحسات بشفايفو فعنقها لور ببوسة خفيفة خلات ذاتها كولها ترجع بحال الصبااااررر وزاد كمل فاش داز لودنيها وهمس ...
اصيل : جوايوزاني فيغسيغ لا گازيل ( الغزالة )
قسم وسعات عينيها وخشات يديها فالجيب جبدات التيليفون شعلاتو وهو يطلع ليها لاداط ورجعات ضارت عندو بضحكة
قسم : والله حتى نسييييييتو !!!!!!! ( اصيل غير مبتسم ) حتى الدار كولشي نسااااه !!
اصيل : نورمال .. راه عندكم جنازة ..... متقلقيش
قسم : لا متقلقتش ( كتشوف للسنسلة وشافت فيه ) و ولكن نتا باش عرفتي
اصيل : اول حاجة درت فاش كنت كنقلب على معلوماتك .. شفت داط دونيصونص ديالك ..
قسم : ( كتشوف فالسنسلة ) زوييييينة بزااااااف .. عرفتي ( شافت فيه ) بحالا ختاريتها انا
اصيل : غير من شوفتي اللولة ليك قدرت نعرف دوقك كيداير .....
قسم : ( عضات على شفتها كتشوف فيه مبتسمة عاد تفكراتها ) لا گازيييل !!
اصيل : علاش مكتشوفيش عينيك شحال كيشبهو ليها ..
قسم : ممممم ( كتشوف فالسنسلة فعنقها ) عااارفة كيقولوها ليااا بزاف ( علات عنييها شافت فيه ) ولكن نسمعها منك ... جات فشي فشكل ...
اصيل : علاش قالو ليك مكنعرفش نهضر
قسم : ( بضحيكة ) وصراحة كتبان خضر شوية ههههه
اصيل : هه ! لا راه مزال كاينين لوان اخرين دابا تعرفيهم هههه ...
قسم : هههه ... شكرااا بزااااف على ل ( علا راسو لفوق ملي كتبدا فالصواب بحال هاكا ) الكاااادو مكانش عليك تعذب رااااسك والله ..
اصيل : ( نزل راسو فيها ) صافي ساليتي ... واسيري شدي طريق عند خوك .... يلاه توصلي
قسم : ههه كتجري عليا .. هااانااا غادا .. وبببصحتي الكادو وجهك ماشي دالصواب
اصيل : وهاكا عجبتيني ...
خلاتو ومشات ضاحكة تاقربات للطموبيل وضارت عندو ..
قسم : تلهييينا بالهضرة ونسيت ماسولتك على سلمى كيف بقات
اصيل : لابغيتي سيري شوفيها ....نيت را توحشنا اتاي ديالك ....
قسم : اااااه توووحشتي العضاااان بان ليا هههههه ...
خلاتو وركبات فالطموبيل وهو كيتفكر نهار كان كيداوي ليها يديها من الحريق وشبعات فيه عضان .. وهي ديمارات وهو جا وتكا ليها على الزاج ... وقسم شافت فيه بالضيحكة وهي تجمعها ملي بانو ليها ملامحو جادييين
اصيل : قسم .... انا راجل تقليدي ... ولد حومة شعبية .... ديري فبالك بلي راك مع ولد الشعب .... لي مغيار ونفسو حارة .... وسيري على هاد الاساس ... ماشي تجي شي نهار تقولي ليا نتا علاش داير هاكا ...
قسم : شنو سبب هاد الهضرة ؟
اصيل : غير علمتك ....
قسم : اصيل انا لاباس عليا ايه .. ولكن ماشي مامربياش ! .... راه تانا بابا وخوتي وعمامي محافظين .... كنعرف لي ليا ولي عليا ومرانيش بنت صغيرة ....
اصيل وما ليها براسو وبعد من الزاج داير يديه فجيابو
اصيل : صوكي بشوية الطريق هنا راك شفتيها مكرفصة ...
قسم :: (بضحكة ) متخافش ... بسلااامة ...
بقا غير مبتسم ليها وهي رجعات مارشاريار تاجابت دورة وكلاكسونات عليه ومشات غادا فالطريق وكضور الهضرة لي قال فراسها .. واش قال هاكاك على ود لباسها ولا كيفاش ! ورجعات عوجات شفايفها ملي شافت السنسلة وهي ترجع ضحك ونسات كووولشي ومشات عاضة على شفايفها فرررحااااانة .....
اصيل غير مشات بقى واقف شحال وتنهد حس بلي حمل كان على ظهرو وتزاح دابا غينعس مرتاح ملي هاديك لي شغلات عقلو ولات رسميا ديالو .. باقي دابا غير يولي هاد الريسطو ديالو .... واخا حاط فيه حياتو .. كل ياجورة هنا محطوطة على انفاسو فالكومبات .... واقف كيحك فعنقو لور وكيبلاني تاكتم جايا واحد الطموبيل ضار غير براسو كيشوفها منوضة العجاج من موراها كانت Rav4 تويوتا ....كحلة وعالية وفيها رويضة لور .... غير تحطات قدامو بقى كيتسنى مولاها ينزل كانو جوج رجال ... الشيفور مول الطموبيل والسمسار حداه ... طموبيل كان واضح تغسلات وتنقات ولكن الغبار ديال لابيست وسخها شوية ....
مول السيارة : وهااانتاااا... جات تالعندك هههه
اصيل : ( ضرب ليه على كتفو ودخل فبلاصتو كيشوف فليزوبسيون ديالها ... ديجا دار بيها دورة ورجع تاني كيشوف وخرج منها كيشوف فيه وفالسمسار ) الله يجعلها معرفة دايمة ....
السمسار : شوووف على حساااااابي ... سي جمال راه والله كون مكان مزير مايفرط فيها اصاحبي .. راه نقية ...
جمال : خليت مولات الدار كتبكي عليها هههه ولفوها واخا قلت ليهم نجيبو ماحسن .... كنت مهلي فيها راك عارف انا مكنمشي بيها تالشي بلاصة ... عارف خدمة الاساتذة راحنا غير من الليسي للدار ... وتاهي راه باقا جديدة راه مضارباش بزااف وصبااااارة .. راك عارف الراف كاط ...
السمسار : وراه عارف تاهو لي كاين راه ضرب بيها ضورة وعجباتو ...
اصيل : ( جبد من جيبو لور جوا كان فيه حداش مليون مدو ليه ) حلال عليك ....
جمال : ( شدو وسلم عليه ) الله يدخلها عليك بالصحة والسلاااااامة .... الله يجييبنا فالصواب ...
اصيل : اللهم امين .... ( جبد من جيبو لور تدويرة دالسمسار مدها ليه ) ماعليكش ههه...
السمسار : وراك عارفني ابا اصييييل انا معاااك ... ضبرنا ليك فلولة وضبرنا ليك على الشاري ديالها ودابا ضبرنا ليك فهادي ... تاانضبرو فالشاري ديالها تاني هههه
جمال : ( دخل للطموبيل جبد بزطام الوراق ) هانا راه كولشي مقاد نمشيو دابا نتكاتبو .... والله يجيب ليك التيييسير اخويا ....
اصيل حل داك البزطام شاف الوراق بانت ليه الضريبة لي خاصها تخلص ورجع مشاو بجهة الطموبيل هو يرجع جمال لور بحكم الطموبيل مابقاتش ديالو وركب اصيل وحداه السمسار وزادو يمشيو يتكاتبو ....
اصيل صايك وعقلو غير مرفوع فهاد الخطوات لي دار وحدة مور الخرا واش يقدر يكمل عليهم ... فاق صباح بكري ومشا للبنكة جبد 2 دالملاين من الفلوس ديالو وزادها على العشرين لي شد ... ومشا مقصد لكلية الطب دختو خلص باش قيدها وبقا عليه مصاريف قليلة ... الكومبا الجايا عاد يكملو ليهم ... وتلاقى مع السمسار لي كان قلب ليه طموبيل قبل من الكومبا .... دار بيها ضورة عاد مشا تفاهم مع مول الريسطو و مشا باش تلاقى مع قسم ...
فاق فالصباح وهو عااازم باش يلوح خطوة لقدام واخا ملويحة على حياتو ولكن كيف سبق وقال .. بنت الاسماعيلي تساهل الريسك .... وحتى هو باغي بتبث راسو ويزيد لقدام ويدير مستقبلو لراسو كيف كيتمناه ......
فالقصر ....
جالسين نساء الاسماعيلي لي كل وحدة فين تتجبد عنقها بالعياء ... مكرهوش امتى يساليو هاد المراسم وكل وحدة تسد عليها فبيتها ويحزنو على خاطرهم ... واخا وجود الناس معاهم شوية نساهم فكربتهم .... تابدا تيليفون لامار كيصوني ولبسات نظاظرها كتشوف فالرقم هو يبان ليها مروان وناضت بعدات عليهم جاوبات ...
لامار : مروان لاباس
مروان : لاباااس نتوما كيف دايرين تما كولشي بيخير .. كيبقات الواليدة
لامار : يلاه لقيتيها سولات عليك قبيلة وصيفطت ليك ميساج
مروان : يلاه شفتو .. والله الى يلاه فايق ...
لامار : مغترجعش !
مروان : خوات الدار !!
لامار : وانقولو ... شوية باقين هنا خواتات المرحوم مي كنظن ليوما غيمشيو ....
مروان : اوكاي ... فاش يمشيو علميني فمسج ودابا نرجع ...
لامار : مافهمتكش نتا علاش متوحد بحال هاكا ههه ولادنا لي قلنا هوما لي غيهربو وصبرو ...
مروان : ماشي غير على الناس اختي ... فراق الحاج شوية صعييييب ماعنديش الخاطر نهضر مع شي واحد بغيت نبقى بعيد
لامار : فينك نتا بالضبط !
مروان : راني فتطوان .... مي غنشد طريق بليل ونجي ..
لامار : داكوووغ راه ماما كتسول عليك وقالت ليك رجع ... اجي بعدا ... فوفاش ترجع لامريكا
مروان : فهاد السيمانة .. اسماعيل محتاجني فداك البروجي لي بدينا انا وياه ....
لامار : بالتوفيق ليكم ... ماسختيش بيه هو وامين .. مجلستش حتى معاهم ..
مروان : يفوت هادشي وديري شي زيارة خفيفة
لامار : اه مع مشاكيل ولادي تبارك الله نلقى وقت انا فين نسافر ...
مروان : ياك لاباس !!!!! واقعة شي حاجة
لامار: مرونة شوية مع جود ...
مروان : مالو ؟؟ ياكما مرض تاني ؟
لامار : ( كتفرك جبهتها بعياء ) لا لا .. مهم حتى تجي ونهضرو ..
مروان : واخا اختي ....
قطعات عليه وتنهدات ورجعات جلسات مع العيالات بعد ماهضرات غير مع ماماها علماتها راه غيرجع ...
اما اسد واقف فالبالكون وكيضور تيلي فيدو وهو كيشوف فشيفور دقسم لتحت واقف مع الشاوافريا وهو عارف ان فالخرجات الرسمية كيديها الشيفور والاجتماع سالا هادي ساعتين .. وطموبيلتها مكايناش ... هو يحل تيليفونو ودخل لجيبي إس ديالها كيعطيه غادا بجهة منطقتهم .... بلا مايفكر بزاف عرفها فين غادي تكون كانت بوحدها بلا شيفور وجمع النفس فصدرو ... الى مشدش ليها الجبل بيديه كيخاف يفقد عليها السيطرة .... مامرتاحش وهي كتلاقى معاه قبل ميتعرف على العائلة ويعرفوه .... واخا عارف المعدن ديالو واصلو و مصارنو كاملين اش فيهم ولكن مامرتاحش قبل مايجلس معاه ... تابان ليه وصلو مسج كان من لامار حلو هو يلقى كاتبة ليه نزل راه الناس بغاو يمشيو وكيسولو عليك .. تنهد بعياء ودخل للجناح متجه يهز الفيست ديالو ....
اما جود كان واقف قدام مراية طويلة فدريسينغ روم ديالو كيسد فصدايف شوميز كري غالق لابسها مع سروال دجين ... وعلا ليها يديها معري على المعاصم ديالو ولبس ساعتو الجلدية لي كانت محطوطة .... وخرج لبيتو كانت محطوطة على السرير بواط كبيرة بيضة عليها لوغو دمصنعهم دالمجوهرات ... حلها كانت فيها ساعة و براسلي .. ورجع سدها ودخلها فصاك ديالها وهزها فيديه وهز سوارتو وتيليفونو وخرج ... يلاه غادي فالكولوار يد فيها داك الصاك ويد فتيلي كيكتب مسج لقسم تاسمع الباب تحلات فالكولوار لي غادي فيه وعلا عينيه كان جناح بيلي ... كانت لابسة غتخرج .. وبدا يطلعها وينزلها كانت بكولون اسود نايك وسوتيام ديالو وفوق منهم جيلي بلا يدين ساداها على ود التحذير لي خدات اخر مرة على حوايجها ...وكاسك فعنقها يلاه غضور هو يبان ليها واقف كيشوف فداك الكولون لي كون حيداتو حسن ... وهي تلمح الصاك لي فيديه وتبسمات تالمعو عنيها وقربات لعندو كتشوف فيديه
بيلسان : هذا ليا !!!!! ( عضات على شفتها ) عرفتي شحال توحشت ليكادو ديالك هههه .... واخا فاقد الذاكرة منسيتيش داك البروتوكول ديال كلما تقلقنا شوية كتجيب ليا كادو ههههه
جود نزل عينيو لصاك لي فيديه ورجع شاف فيها كيفاش فرحاااانة ماعرف مايقول تحرج ... وتنهد ومدو ليها ...
جود : آه ...
خداتو بفففرررحة طلات عليه بانت ليها بواط لداخل عرفاتها من مصنع لي بيجو بسبب اللوغو وشافت فيه بعيون لامعة ...
بيلسان : باااينة غيعجبني ذوووقك كنعرفو ...
جود : ( باحراج كيحك مور عنقو ) بصحة ...
قربات عنقاااتووو تعنيقة حنينة وتاهو بادلها ورجعات بعدات عليه ...
ببلسان : شكراااا ...
جود : ( كايشوف معاهاا ) سبور !
بيلسان : اااه ... بغيت نجري شوية حدا البحر
جود : ( كيطلعها ويهبطها ) هاد الحوايح لي لابسة غيديوك غير لاصال لي لتحت .. راه تما لي طاپي غولون وجري حتى يحرقوك رجليك ......
بيلسان نزلات عينها كتشوف مع راسها وراجعات شافت فيه
بيلسان : علاش مالهم حوايجي
جود : سوليهم يقدرو يجاوبوك ....
بيلسان : ولكن انا بغيت حدا البحر ..
جود : كلما وسعتي شوية حوايجك وطولتيهم كتر كل ما خرجوك على باب الدار .. ماحدك مزيراهم ماعندك فين تخرجي ....
بيلسان : ( جاتها الضحكة ) واش منيتتك ؟؟؟؟ كضحك معايا ؟
جود : واش بنت ليك كنضحك !!!
بيلسان : جود ... راه حوايج السبور هادو ..
جود : واايلي !!!!!
بيلسان : دابا اش هاد الطنز ...
جود : هضرة وحدة راه قلتها ....
بيلسان : ( تنهدات ) مغنبدلش سروال هدا هو لي كيعجبني للجرا .. غنبدل الجيلي .. ..
خلاتو ورجعات دخلات للجناح وهو تنهد كايفكر فكيفاش غيدير يقادها ويردها شوية مغربية ويحيد منها داك الجانب الگاوري واخا عجبو الحال لي نفدات بسهولة فرح فلداخل ديالو ... ورجع هز تيل وبدا يصوني للشركة يوجدو ليه ساعة اخرى لقسم .... ونزل فالدروج خارج ولامار غير متبعة بعينيها ...
نزل جود واسد كان فالكولوار والحديث كولو داز على مسامعو وبدا يضور فراسو وهو كيعرف ولدو مزيان وشاف فعينيه بلي قلبو مزال مغيتحل لهاد البنت .... ورجع جبد تيليفونو كتب واحد المسج وردو لجيبو ونزل فاادروج ....
بعد ساعة ....
جالسة قسم وجود فطاولة حدا الزاج كيشوفو فالبحر وقدام قسم ميلك شيك وقدامو قهوة على ميوصل غداهم .... وجود يديه غير فالتيليفون كيتسنى فوقاش يعلموه بلي جابو ليه الكادو ... وقسم كتشرب من عصيرها ومبتسمة غير بعينيها وعقلها كولو سارح ... الجثة هنا و العقل باقي فداك البلاصة مع اصيل واقف على اللحظة لي كان كيركب فيها السنسلة و ووقع القبلة باقي دافئ فعنقها ...
وجود حاضيها ومبغاش يجبد الموضوع حتى تجبدو هي .... وغير من ضحيكتها واضح غيكون الموضوع زوين !! ....جالس داير رجل على رجل ومربع يديه وخاشي صبعو الصغير ففمو وكيشوف فيها .. تاوصلو مسج بلي الليفرور ديالهم راه فالباركينغ لتحت حدا طموبيلتو كيف وصاه
جود : قسوم ... انا جاي ...
قسم : هم !! ( علات راسها حيت كانت ساهية ) فين غادي
جود : تو مينيط ...
ومات براسها وهو نزل للباركينغ لقا داك السيد تما باللباس الرسمي دمصنعهم ومد ليه الصاك لي فيه البواط ... شدها عليه وجبد داك البواط يتأكد ... حلها هو يلقى الساعة مبدلة !!!! ماشي كيييف طلب ؟؟؟؟ شكلها مبدل ومافيهاش البراسلي ! ... وطلع راسو فالليفرور قبل مايسول سبقو لكلام
الليفرور : موسيو اسد لي قال لينا نبدلو ليك الموديل ..
جود بقى غير كيرمش والليفرور ابتسم ومشا وهو مفاهم والو غير مصدوم ! باباه باش عرف .. جبد تيل وصورها ليهوكتب فوقها "علاش بدلتي المودل ).....
تاوصلو جوابو فيه :
- لاعطتي لجوج عيلات ساكنين فنفس الدار نفس الكادو مغايعجبهمش الحال ...
غمض جود عينيه مزير عليهم متكي على الطموبيل .... مغيستغربش منين سمع وهو كان كيهضر فالكولوار وباه كيعرف الندى فين كيطيح .... ولكن لي مستغرب منو هو كيفاش ديما سابقو بخطوة ! واش لهاد الدرجة هو كيتصرف بتهور .... واش لهاد درجة خاصو يولي يعرف يقاد حياتو مزيااااان .. كون شافت بيلسان نفس ساعة فيد قسم غاتعرف بلي الكادو مكانش ليها ... و رجع تنهد باش ميتعطلش على قسم وطلع لفوق لقاها باقا على نفس الحالة لي خلاها عليها وحط داك الصاك فوق الطابلة وهي وشافت فيه وشافت فجود وضحكات وجبداتو عندها بزربة حلاتو وحلات البواطة وعينيها لمعوووو
قسم : ( شافت فيه ) زوبييينة بزاااااف اخويا ...
حيدها من يديها وجبدها من بلاصتها و ركبها ليها وباس يديها ...
جود : هابي بيرذاااي سيستااا ...
قسم : ( ضحكات ليه ) بغبييييت نعنقك
جود: مافيا لي يوقف ( رجع لور متكي على الكرسي ) تانكونو نايضين وفكريني هه ..
قسم : ( ضرباتو ليدو ) مكتسواااش هههه ( شافت للساعة ) عجباتني والله ... برااافوو تفكرتي عيد ميلادي وسط هاد الظروف
جود : الله يخلف على لالارم ههههه
قسم : اسييييدي مقبووولة منك واخا الدار كاع ناسيين ... مااعليش ..
جود : منظش .. غير حيت الدار عامرة وديجا راك عارفة الضروف كيف دايرة واخا يكونو مفكرين مكاينش الخاطر ....
قسم : عااارفة تانا راه ممقلقاش بالعكس انا براسي كنت ناسياه والله ماشي وقتو .. ( كضور الساعة فيديها ) هدا تاني كادووو كييعجبني ... وااااعرررررة والله ... عجباااتني ....
جود : ( كيشرب من فنجالو بهدوء وحطو ) اهاه .. وشنو هو اول كادو الى كان هدا الثاني !!! ( قسم وسعات عينيها ملي سرات معاها اش قالت ) ! شكون لي سبقني ! ...
قسم : ( علات فيه عينيها وسرطات ريقها مكانتش باغا تخرجها بحال هاكا و بدات كتبسم ) اا. لا .... ز .. زعما ...
جود : ( قرب ضرب بجوج صبعانو على السنسلة لي فعنقها ) زوينة ....
قسم : ( وسعات عينيها كتر وحسات بقلبها بدا يضرب بالخلعة خايفة يقول ليها علاش ماقلتي ليا والو ولا يضور فيها وشداتها الحشمة حداه شافت للسنسلة ورجعات شافت فيه بحركة كتحك مور ودنها ) ب.. بصاح ! ب باش عرفتيها هي لكادو
جود : مكنتيش لابساها فالسيلفي لي صيفطتي ليا من البيرو ... ( طول فيها الشوفة وكيفاش حمارت بزربة ونطق بحنية مخلطة بالجدية ) شكون هدا ...
قسم : ( سرطات ريقها وخدات نفس عميق وشافت فيه ) س ...سميتو .... سميتو اصيل ....
جود : ( عوج شفتو لجنب ) اهاه ! ... ومن امتى !
قسم : ( تنهدات وتقادات فجلستها براحة ) من ليوم ...
جود : كنعرفوه !
قسم : ( عوجات شفتها لجنب ) شي شوية ... نتا متعقلش .. ولكن بابا كيعرفو ...
جود : فخبارو ؟
قسم : ونتا عارفني كندير شي حاجة بالتخبية !
جود : شكون عرفك عليه ؟ فين تلاقيتيه وشنو كيدير
قسم : لا اا ... ماشي بحال كيف ظنيتي .. هدا راه ما بيزنس مان ما ولد شي شريك ما تاحاجة .... وتعرفت عليه بوحدي .... ومن الصدفة طلع بابا كيعرفو شحال هادي ... او نقدرو نقولو تايعرف باباه وجدو وماشي هو ...
جود : وكتقولي ليا من اليوم ! هادشي بان ليا قديم !
قسم : ماشي بزااااف اجود ... وماتهضرش معايا بحال هااااكا مخنزر .. راه مكندير تاحاجة غلط وكولشي فخبار بابا ...
جود : ودابا انا اش قلت ! راه غير كنسول
قسم : وااالموهيم ... انا ديجا هضرت ليك على واحد البنت كنت كنمشي عندها لحومة و( قاطعها )
جود : لي مابغاهاش خوها تقرا ! ( قسم حركات راسها بالايجاب ) خوووها ؟؟؟؟ ( قسم زمات شفايفها وزادت حركات راسها بآه وهو بقى غير كيرمش ) اهاه !!! وكيدرتي ليها !! واحد مامخليش ختو تاتكمل قرايتها اش غاديري بيه نتي مافهمتش !
قسم : أالا .. راه ماشي كيف كيحسابتك ... راه القصة طويلة والله ...
جود : عاودي نسمع ...
قسم تنهدات ورجعات بالكرسي لور كتشوف لجنب ..
قسم : معارفاش واش نختصر ليك كولشي ونقوليك هو الراجل الوحيد لي قلب ختك تحل ليه !!!!!!
جود : ( عوج راسو معاها ) اخر مرة هضرتي عليه ....مكنتيش حاملة عقليتو ... كيفاش تاتطورات الامور بحال هاكا !
قسم : انا براسي معارفاش والله .... لي عارفة هو باغا نكون معاه .. ونكمل معاه حياتي ....
جود : ( عوج شفتو كيفكر ) .. انا راك عارفاني اقسم .. غنبغيك تكوني مع شي واحد كترتاحي ليه ... ولكن نرتاحو ليه حتى حنا اولا ! ...
قسم : عرفت ... راه فاقرب وقت غيجي يتعرف عليكم
جود : شحال فعمرو
قسم : غنكذب عليك الا قلت ليك عارفة بالضبط .... ولكن راه باقي صغير
جود : دابا نت عمرو ومعارفاهش ! ..
قسم : ماجابتهاش الهضرة ...
جود : ممم ..وشنو كيدير !
قسم : جود ... ( دوزات لسانها على شفايفها رجعات شافت فيه بجدية ) اش كيدير راه مكيهمنيش انا مواقفاش عليه ....
جود : ودابا انا اش قلت ! بغيت غير نسول فاش خدام... سؤال عادي جدا !
قسم : ( تنهدات ) صياد ...
جود : ومالكي تاتقوليها بحال هاكا !
قسم : لا .. ولكن .... ز زعما .. خدمة على قد حالها
جود : على قد حالها ! ( شاف لسنسلتها ) وشاري ليك سلسلة بحال هاديك ! متأكدة هاد الاخ غا صياد ! ...
قسم : ( شافت فيها وشافت فيه ) علاش شحال تكون دايرة كاع ! ..
جود : مغنعرفش مزيان فليبيجو ولكن راه كتبان ليا ديامون ....
قسم : صراحة معرفتش ... مهم هو كيفكر باش يدير ريسطو .. وراه ليا ليوم بلي غيشريه ... زوين جاي على البحر ...
جود : اهاه ! ... واش باه لاباس عليه !
قسم : نووووو .. باه ميت عندو غير ختو
جود : وهاد الصيادة اشمن نوع ! .. واش خدام مع شي شركة كتخصلو مزيان !!!
قسم : منظنش ... ولكن هاز راسو
جود : لدرجة يشري ريسطو على البحر !
قسم : ( كتنهد وتحك فشعرها ) ماعرفتش اجود .... قال بلي غيدير كريدي ...
جود : مكاينش معرفتش .. الاومور المالية غتناقشيها معاه على الطبلة .... باش تعرفي اش كيدير اخر ....
قسم : راه فيها شوية دالاحراج ... مزال ممضاسرينش لداك درجة ....
جود : متأكدة مكيديرش شي حاجة ماشي هي هاديك !!!
قسم : لا لاااا مايمكنش ... هو فشكل داير ... عندو مبادئ ومحترم راسو بزاف .... وبعقلو .... كون مكانش هاكا وكون كان كيدير شي حاجة ماشي هي هاديك كان غيكون طلعها يابا ... راه جبد ليه مصاااارنو واش مكتعرفش نتا بابا .... مهم راه جدو هو الرايس دالبحرية لي كان دوز بابا عندو العسكرية ... و باباه كان مع بابا فنفس الزودياك .. حيت العكسرية راك عارف بابا مبغاش يدوزها فالمدرسة و قال يدوزها فالبحر مع الصيادة .... وجدو راه هو لي سمى على بابا الروكان .... وقال ليا بابا واحد نهار راه داك حتى نتا صغييير لدارهم حيت باباه راه كان صاحبو ...
جود : مممم ....( حس بشوية دلاقتناع واخا قلبو تزير عليه ماطمنش لابعد حد ومابغاش يحكم ) مغنعرفش حسن من الواليد ... ولكن نشوفوه بعدا ..
قسم : متخافش ... راه غيتعرف على العائلة .. ( ابتسمات ) وتنا متأكدة غترتااااحو ليه بزاف كيف ارتاحيت ليه انا .... مهم راك عارف الهضرة راه باقا مخبية ... فخبار غير بابا ونتا .. مبغيتش يخرجو عليا شي هضرة وانا باقي مدرت والو .. خليه حتى يجي لداررر ويتعرف على كولشي عاد لابغات تخرج الهضرة غير تخرج .... راك فاهمني ...
جود : هاديك امور كتخصك نت ... غتعلني عليها نت ماشي حنا ...
قسم : وي عرفت ... والله اخويا تاغااايعجبكم وغترتاحو ليه انا متأكدة .... هو عندو تخوف ان زعما مكانتو الاجتماعية بعيدة علييينا وبلي غتجيه فشكل وهو غير ولد حومة شعبية ولكن كنحاول نحيد ليه هاد الفكرة
جود : علاش حنا مالنا كيدايرين ...مصنوعين من الكريستال ....
قسم : خلييييك مني انا دابا تالنهار يجي لدار وسولو حنا كيدايرين هههه .. قوليا نتا .. دغيا راسي ضارني ... كيف درتي تا قررتي تزوج ببيلسان ؟؟؟
جود طول فيها الشوفة وهز فنجالو ورجع لور بالكرسي .. رشف منو وشاف البحر وهي كتنساه يهضر حتى نطق
جود : حتى انا ماعرفتش كيفاش درت ليها .. لي عارف هو درتها ...
قسم : وعلاش كتهضر هاكا بجالا معاجبكش الحال ... راه كنتي كتبغيها اخويا
جود : كنت ... ( حط فنجالو وتقاد فالجلسة وشاف فيها ) ودابا كنحاااول تاني نبغيها
قسم : كنحاول ! ياك كانت عاجباك !
جود: واش عارفة شحال من وحدة كتعجبني فالنهار .... السيدة لي حطات لينا القهوة راها تاهي عجباتني .... ولكن واش نبغي ... هداكشي لي مزال شوية صعيب ...
قسم : ولكن ملي محاسش براسك غتبغيها .... علاش غتزوج ؟
جود : واخا ... نت بنت ... وغاتحطي راسك بلاصتها .... الى كنتي فموقف بيلسان ... تتبغي شي واحد ... بين ليلة ونهار نساك ... وبعدتي ربع سنين ونت مانسيتيهش وهو عايش حياتو .. وهاد السيد خطبك من عائلتك وتقدم ليك وعطى كلمة لواليديك .... ورجع يعيش حياتو عادي .. فواحد نهار غتشديه غتقولي ليه راه كنا كنبغيو بعضياتنا ... وهو غيعاودو ليه والديه بلي كان خاطبك كاع ... واش غيقدر يكمل حياتو عادي ! وهو مخلي بنت موراه معذبة ! .... راه مستحيل يديني نعاس اقسم .... شفتي كون كانت برانية نقدر نحااااول ... ولكن بنت عمي ... الكلمة تعطات لعمي ..عمي لي ديما غيضرب وجهي فوجهو ... كيغاندير نبقى نشوف فوجهو ! وفوجه خوووتها !!!!!
فسم : ( بقات غير كترمش حيرها ) ماعرفتش اجووود .. خربقتيني .. راه ماشي هاكا كتمشي الامور ... وبيلسان خاصها تكون متفهمة بلي نتا نسيتي ...
جود : ولكن دابا راه فكروني .... يعني خاصني ندير شي حاجة اولا !
قسم : علاش لي متجلسش نتا وياها وتقول ليها انك مقادرش
جود : نولي شماتة !
قسم : شماتة كون كنت عااااقل !!!!!!
جود : ( تنهد ) آپار هادشي .. غانتزوج غانتزوج واحد نهار ... وكنت هاز الهم لشكون غتبغي واحد بنفس المرض لي عندي وتصبر عليه .... راه مكاينش ماحسن من وحدة كتبغيك اقسم ....
قسم : ونتا !
جود : ندي لي تتبغيني حسن مانتجرجر مع لي كنبغيها انا وهي لا ....
قسم : ومال مرضك نتا ؟ ماشي شي حاااجة كغاف باباك كان مكيسمعش كاع وعااشوووو بيييخير هو وماما حتى برا ....
جود : هو كان كايسمع بعينيه .... انا راه ماعنديش البديل ... نقدر نفيق ناسيها .... كنحط حوايجي ومتنعرفش فين حطيتهم ... المسؤولية صعيب نهزها وانا بهاد المرض ... غير قضية نكون أب هاكدا راها صعيييبة ... فنظرك كاينة شي وحدة غتقبل .. حتى الا قبلات مغتكملش .... فكل الاحوال بيلسان هي لي صالحة ليا ... ( رجع بالكرسي لور وتنهد ) واخا صراحة فيها بزاف دالحوايج لي مكيتماشاوش معاياا انا ... عقليتها .. لباسها .. تحرررها .. كتعرفي خوك كيداير .... ماعرفتش واش غيجيها صعيب تأضابطا معايا ... حيت مولفة جود القديم .... واش غتقدر تولفني تا انا ( عوج شفتو لجنب ) ماعرفتش
قسم : جود ( شدات يديه وشاف فيها ) متزربش عااافاك ... فكر مزياااان
جود : فكرت اقسم ... فكرت وفكرت وفكرت .... بعدت كاااااع سافرت وريحت دماغي ... وشفت من كاع الجوايه .... شكون ماظيت مغايدينش نعاس وانا كنت عاطي الكلمة لوحدة اخرى وماوفيتش بيها .... بيلسان راه يتمناها اي واحد اقسم .... وحنا يلاه قلنا بسم الله راه مغنجيش ونبغيها فيوماين ... زائد الظروف لي كنعيشوها راه ماعنديش خاطر نجلس نحل ليها قلبي دابا ! يمكن ملي غنوليو تحت سقف واحد راه اكيد غنبغيها مدام مغتدخلش تاشي وحدة لحياتي من غيييرها ... نمسي عليخا ونصبح عليها ... ( قسم بدات كتشوف فيه بنظرة خوف وهو تبسم ) راها عاجباااني متخافيش .... لحد الان كولشي مزيان ....
قسم : ماعرفت مانقول ليك اخويا والله ... بابا اش كيقول فهادشي
جود : نفس هضرتك .. فكر مزيان ... .
قسم : شوف .. حنا كلنا غنكونو فرحانين .. بيلسان راه عزيزة علينا كاملين .. وملي كنتو صغاااررر كان عجبنا الحال ملي تخطبتو ... بيلسان كبربات معانا ماشي شي وحدة مكنعرفوهاش وكنعرفها مزيااان شحال كتبغيييييك .. ومكتشوف تاشي واحد من غيييرك .. وعااارفة شحال تعذبات على قبلك ... يعني انا فرحححاانة تكونو مع بعضياتكم ولكن راه بغيتك نتاا تكون فرحان .. اما عائلة الاسماعيلي كلها راه غتفرح بزواجكم ....
جود : والا كانت العائلة راضية اكيد كولشي غيكون مزيان .... فاش كنوقفو على بنت ندوزو معاها نزوة كنمشيو عند البنت لي عجباتنا ... ولكن فاش كنوقفو على الزواج .. راه كنمشيو عند لي غاااتصلاح لينا اقسم ... وعند لب يرضاو عليعا العائلة مادمت ولد عائلة كبيرة وكبنا مجموعين راه اكيد خصني رضاهم .... وانا هاد الساعة كايبان ليا بيلسان صالحة ليا .... يكفي انها باغاني ....وربع سنين مبدلاتنيش .... ملي كتكون العلاقة قوية بحال هاكا راه اي خصام واي دباز مغيضيعهاش ... فكككرت اقسم .... ولقيت هي البنت لي صالحة ليا ندير نعاها اسرة ... ولباقي راه غاتصلحو ليام ....
قسم : نتا تعرف والله .. حنا مانتمناااو ليك غير الخير .. الا كنت غتكون فرحان تاحنا فرحانين .. وبيلسان راها ضرييييفة وكتبغيك ديال بصصصح .... نتمنى كيف قلتي نتا ماتجيهاش تبدلتي .. حيت ربع سنين هادي ونتا تبدلتي بزاف على جود القديم .... وحتى لالقيتي فيها شي حاجة ماعجباتكش ... نتا عارف علاش تربينا ياك
جود : ( شرب من قوهتو وشاف فيها ) عارف ... الحاجة العوجة ماكنلوحوهاش ... كنسرحووها ....
قسم : ( بضحيكة )فوااالا
جود: يكون خيييير يكون خير ....
يلاه كيهضرو وهي تجي السيرفورة هزات داكشي وجاو جوج اخرين بداو يحطو الغدا ... سدو المواضيع العاطفية وبداو يهضرو على الكاراج واش باغي يدير فيه بالضبط ومع الطنز ديالو و الضحك ديالو كل مرة تبدا تكح كتوحل ليه وتشرب الما ..... تادارت الساعة الثمنية دالعشية عاد بدا يصوني عليها اسد .... وحطات من يدها المعلقة دالكريم كراميل وجاوبات وهي ضاحكة مع جود
قسم : باااباااا .. ..
اسد : ياكما تنسات ليكم طريق داركم ... نصيفطو ليكم لوكاليزاسيون !
قسم : ههه غير تلهينا بالهضرة .. شحال هادي ( شدات فيد جود ) ماتغديت مع خويا ... حسدوتنااا على نص نهارررر مالكم ..
اسد : اجيو لدار ...
قسم : ياك لاباس !
اسد : الدار خوات بغيت نجلس شوية مع ولادي
قسم : اااه صافي مشاو كولشي ! داكوغ هاحنا جايين ابابا ... ( قطعات عليه وشافت فجود كتمسح فمها بمنديل ) نوض نمشيو قال ليا بابا بغا يجلس معانا شوية الدار خوات
جود : ( علا راسو لفوق كيتنهد ) فااااينالي ...
قسم : اجي حقا ! وماما ماقلتيش ليا اش قالت فموضوع زواجك
جود : ( دوز لسانو على سنانو وشاف غيها ) ماقلتهاش ليها
قسم : منيتك !
جود: مزال الموضوع مكانش رسمي لداك الدرجة والاجواء فالدار ممناسبينش حشومة يالاه دفنا جدي نوض نهضر على الخطبة ... ولامار لاقلتها ليها راه مغتصبرش وتسكت حتى يفوت هادشي .... راك عارافها هي دغيا تتفرح ..
قسم : غااتقلق والله ... راه تانا مابغيتش نقولها ليها خير حيت كتسبق الاحداث .. كون هضرت ليها على اصيل وانا باقا مادايرة والو غدا غاتجيب لينا العدول .... ولكن حشومة خاصنا نخبروها ... الى عرفات قلناها لبابا وهي لا غاتقلق
جود : سي غاتقلق .. وبطن راه مدرنهاش بالعاني ..قلناها لواليد حيت كنا مزال فمرحلة التفكير والوليد منطقي ... اما لامار عاطفية غاتعطيك جواب عاطفي ... وغاتتفرح وتسبق الاحداث ولا فغااالب الاحيان غاتقول لينا تاتشوفو مع باكم .... ما انا راه نبغيها تعرف ولكن مكنتش باغيها تفرح على والو .. دابا ملي قررت وخوات الدار دابا ندير وقيتة معاها ....
قسم : وي راك عارفها دغيا تايبقى فيها الحال ....
جود : ونوضي دابا نمشيو ... دغيا فات الحال
قسم: ( ضحكات وحات شدات فدراعو بحال العاشقين وهوما غير خوت ونزلو فدروج لباركينغ كايضحكو ) وحيت كان عندنااا يزاف فاش نهضرو هههه .. رتاحيت معاك اخويا والله
مشاو باتجاه الطموبيل وركبات مع جود وطموبيلتها خلاتها تايجيبها الشيفور ومشاو لدار تاكان طاح الظلام غير دخلو للباركينغ بانو ليها كاع طموبيلات دالعائلة تما ..
دخلو هي وياه ضاحكين تاوصلو لصالون الرئيسي كانت العائلة كلها مجمووووعة عاد عرفات قسم علاش عيط باباها .... ولامار غير شافتهم هزات واحد البوكي دفلوغ بيض واصفر باتجاه قسم وجود ماعبراتوش ومداتو ليها وعنقاتهاااا
لامار : جوايوز انفيغسيغ بنتي الغزاااالة الله يطووول ليك فالعمرررر يارب ( رجعات شافت فيها وقسم مبتسمة ) راكي عارفة الاجواء كيف دايرة اما كان غايكون نهار كبير
قسم : ماما حماااقييييتي راني عارفة واش انا عندي خاطر لشي عيد ميلاد ( علات عينيها لصالون بانت ليها جداتها فالوسط بالبيض هوما يدمعو عينيها على برا كتكون ناسية غير كدخل كيتحل الجرح وهبطات دمعة مسحاتها بالخف ) تمنييييت كون كان معااااانا .....
لامار : ( زادت عنقاتها وبدات تبكي ) ششششش صاااافي ماخصنا بكا غير كنعدبوه بحال هاكاااا ....
قسم : ( بعدات عليها كتمسح فدموعها وتحاول تبتسم ونيفها حمار ) عندك الحق .. الله يرحمو ويوسع عليه ... ( شافت فالعائلة وقدس تاهي وقفات باتجاهها جات عنقاتها )
قدس : هابي برررذاااااي يا اجمل اخخخت فالدنياااا ...
قسم : هههه ( جبدات ليها حنيكاتها ) ومن بعدك نت طبعا هههههه
قدس : ( بغرور وضحك ) اوفكوووورس ...
لامار : لي كادو ديالك كلهم ابنتي فبيتك ... نتمنى يعجبوك
اريج : تمنينا ليك ليلة حسن ولكن نعوضوووها من بعد ان شاء الله
لامار شافت فجود وطلعاتو وهبطاتو وقلبات راسها لجنب وهو علا حجبانو باستغرااااب
قسم : اويلي اخالتو اريييج راه هادشي وبزااااف عليا .... عيد ميلاد راه كيجي كل عاااام ....
لوؤي : اوا اشارفة !! سولتهم قبيلة شنو اكتر حاجة باغاها قسم قالو ليا باغا تبدلي ديكور دبيتك .. واش نتي باقا مطولة معانا هنا ولا كيفاش !!!!
قسم : هههههه اييييه باقا مطولة وحتى لاتزوجت غااانجيبو تااااهو لهنايا .. والى مقداتكم وحدة يوليو جوج .. مزيااااان دابا .....
سلطان : ارسول الله
قربات قسم كتسلم عليهم واحد واحد على عمامها كيباركو ليها ولاد عمامها و سارة وعمران ... و مشات گلسات فحظن جداتها ... وجود منعكش غير مع لامار باقي واقف كيلعب بسوارتوو وكيشوف بلي مهضراتش معاه كاع ومنخلاه وكاتشوف فيه ناقص. . .
جود : لاماااار !!!!!
لامار علاات فيه عينيها بغرور وعدم رضى : نعااام !!!
جود : واش انا درت ليك شي حاجة ؟؟ هه !!!!
لامار نفضات مخدة صغيرة كانت على رجليها وناضت طلعات غضباااانة وهو معلي حجبانو مفهمش والعائلة كلها غير كتشوف ... واسد هز واحد من البوكيهات لي على طبلة من البوكيهات دقسم ومدو ليه وشدو عليه وبدا يومي ليه يعنيه بمعنى طلع حزر على قلبك طلع ....جود ضحك عرف راسو راه دار شي حاجة خاصو غير يعرفها شنو هي وهز البوكي وطلع موراها كيجري وهي غير شافتو تابعها زربات فالمشية ودخلات لجناحها وسدات لباب وقفلاتو وهو بقى كيدق ....
جود : لاماااار !!! لامار تسطيتي .. حلي لبااااب ... واش ازمر ماباغاااش تكبري ..راك بعقلك ... لامااااار .. وحلي گولي ليا غير اش درت ورجعي سديه ... ( حاط ودنيه على الباب كيمسع صوتها بعيد بسبب الحيوط العازلة للصوت )
لامار : ببببعد مني ... هانتا قلتيها انا غير لااامااااار ماشي ماماك
جود : هادا وكان ! وصافي حلي اماما ولا مامي ولا كي كيقولو ليها ! ( كيتفكر ) ااه الواليدة الوليدة ... آلحااااجة ... وااامرااات الواليد .. وحلي لبااااب نتفاهمو ..... وابنت رقية ....
لامار : هبط عند بااااااك راه والدك بووووحدو انا غير زايدة فهاد دار
جود : دابا واش مقلقلة مني ولا منو
لامار : ( بالغوات ) واااااابعد مني
جود : وعلى نت خليتيني نقرب بعدا .... وماااامي ( كايضحك تكيتسدو عينيه) هههههههه .... مااااي مااااذر هههه واااحلي آلامار هانتي غتعصبييينا ....حلي ها هو غايلوا
لامار : شنو لي غايلوا
جود :الوووورد الامار لي فيدي .... جايبين ليك بوكيييه زعما ...
لامار :اابوكيه دشركتي جاي تحزرني بيه
جود : على نت وداك الراجل عندك خليتو لينا منين نتقضاو كولشي بعتو وشريتو فيه بقى ليكم غالحشيش ..... مياكلش معاكم الواحد طرف دالخبز .....وااااحلي لباب ...ومااااامي ههههههههه واحلي حلي ...
لامار حلات الباب بجهد فوجهو تاقفزاتو وهو رسم ملامح الشقاوة على وجهو مخلطة بأسف ...
جود :دابا انا شنو درت شنو درت ؟ ( كيشوف لبوكيه ويشوف فيها ) جاي نحزر ومعارفش علاش كنحزر اصلا
لامار خلاتو ودخلات معصبة وهو سد الباب موراه بشوية وحط البوكيه ودار يديه فجيابو تابعها تادخلات لصالون الصغير وجلسات على واحد الفوتوي دايرة رجل على رجل وكتشوف فيه بجدية وهو علا حجبانو بجوج .. مموالفش يشوفها جدية بزاف ونهار كدير هاد الملامح كيعرف نهارو طويل معاها .. ومشا كلس قدامها فين ومات ليه وجلس كيشوف فيها ....
جود : ودابا غير فهميني اش واقع .. راه عييت نفكر اشنو نكون درت ليك معرفتش .....
لامار : ياااك ؟؟؟؟ ماعرفتيش ....( قربات عندو براسها ) شكوون انا اجود هم ؟؟؟؟ شكون انا
جود : وايهديييك الله .... دخلي لينا فالموضوع راك عارفة شكون نت بالنسبة ليا ...
لامار : لا راه مابقيت عارفة والو انا .. ملي ولدي يطلب بنت للزوااااج والعااائلة كلها فخبارها ... الا انا ..... ( جود رجع علا حجبانو ) اشنو بقيت كنعرف ؟؟؟؟ مابقيت كنعرف والو انا ......
لتحت ...
قسم : مافهمتش ؟؟؟ علاش ماما مقلقة من جود !!!!!!
كولشي عوج شفتو بعدم فهم حيت تاحد معارف منغير اسد ... وهي بغات تنوض هو يشدها اسد
اسد : خليهم بجوج بيهم ...
قسم رجعات جلسات مشوشة وتاحد مافاهم وهي تنطق بيلسان لي تاهي مشوشة باقي عينيها على الدروج لي طلعو منهم وقالت بعفوية بلا متحس
بيلسان : واش خالتي لامار مقلقة حيت بغينا نتزوجو ؟؟؟؟؟ مموافقاش ؟
الكل شاف لعندها من غير اياد لي علا راسو لفوق كيتنهد ويونس لي شاف لجنب واريج لي شدات على راسها
لوؤي : ( طل عليها بصدمة ) اش غاديرو ؟؟؟؟؟
سلطان : ( بصدمة اكبر من دلوؤي حط تيلي لي كان فيدو ووسع عينيه ) نت ومن غتزوجو ؟؟؟؟؟
بيلسان : ( شافت فيهم وبقات غير كترمش عاد سرات معاها حيت فكرات بصوت مرتفع وسط العائلة وهي تسرط ريقها وجاوبات ) انا وجود ...
سلطان : وشكون غاتدييييو ؟؟؟
بيلسان : ( ضارت شافت فيه ) وشكووون فنظرك ؟؟؟
لوؤي : ( شاف فرتاج ) اش كتقول هادي
رتاج: ( تنهدات حيت قالتها ليها اريج ) ماشي هاكا غيتناقش هاد الموضوع ....
لوؤي : ( بقليل من الغضب ) لا غيتناقش ... كيفاش غيتزوجو وحنا مفخبارناش ؟ شكون حنا !!! كنقيلو معاه علاش مقالهاش لينا !!!!!
رتاج : لوووؤي هنييينا ... راه مزال مكاين والو
اريج : مكاين والو اولدي .. راك عارف بيلي
بيلسان : ( حماااارت ومزيرة على صبعانها مغددة ) مااااماااا
اريح : ( بالغوات وكووولشي تلفت ) ماااالكي ... متعرفيييييش تسكتي !!!!!! هوو لي غيخبر العائلة ماشي نت
يونس : اريييج
بيلسان : ( تعمرو عينيها يدموع ) ح .. حسابتني فخبارهم ....( شافت فيها بعينين حمرين ) واش خالتي لامار مفخبارهاش ؟
اريج نزلات راسها بين يديها واياد ناض كاع خرج يضربو الهوا ويونس متبعو كايتنهد ... ما اسد غير كالس وكيلعب بصبعانو على تكاية الفوطوي وغير كيشوف ويتفرج تااايتجمعو كاااملين عاد غايفتتح الجلسة نيشان ....
وسفيان وعدنان مفاهمين والو غير كيشوفو وهي دخل رقية شوية لي كانت وصلات مع عمران و سارة وبنتهم وماماه حتى لباب ... وكلسات فالوسط كتشوف فالجو مكهرب
رقية : ياك شي باس مكاين ؟
رتاج : ( ربتات على رجليها بابتسامة ضعيفة ) مكاين والو اماما الحاجة .... احم ... غ غير .. لقيتينا كنهضرو ... الا كتاب ان شاء الله غنعاودو الخطبة لبيلي وجود ... ( رقية علات حجبانها ) ولكن مزال مكاينة تاشي حاجة ....
بيلي نزلات راسها عاد برد ليها قلبها ملي خالتها رتاج الوحيدة لي هزات زواجهم على محمل الجد .. اما ماماها حساتها بحالا مباغاش هاد الموضوع يتجبد بمرة تانطق يونس
يونس : مزال داكشي غا هضرة دراري .. مكاين والو ....
قدس : واخا ...الى ساليتو ... ممكن شي حد يفهمني ؟؟؟؟؟ راه مافاهمة والو ومن قبيلة وانا ساكتة كنشوف ... كيفاش جود غيتزوج ؟؟؟؟؟؟
بيلسان : ( طلعات راسها فيها ) بحوجنا اقدس ماسي بوحدو
قدس : انا السؤال ديالي دابا هو كيفاش حتى قرر خويا يتزوج .. اما بيمن غايتزوج راه مكيهمنيش ....
بيلسان علات حجبانها بجوج وقسم تدخلات ...
قسم : صافي مكاين علاش تحرجو البنت كتر من هاكا .. بغاو بعضياتهم الله يكمل بالخيييير
لوؤي : امتى ؟؟؟؟؟؟
رتاح : ( بتحذير ميدخلش وهو باقي مصدوم ) لوووؤااااي ...
لوؤي رجع لور مفاهم والو .. كيفاش عاد صباح كان معاه ومقال ليه والو ؟؟؟؟ سيد غيتزوج كاع !!! وهادشي فخبار الواليدن وغير من نظرات واليدين بيلسان واسد لي كايبان فخبارهم ...اذن تلامر قريب ورسمي وخطبها على هاد لحساب ؟ امتى كان باغي يقولها ليه تايعرض ليه العرس ؟
رقية : ( شافت فبيلسان ) تي شمن زواج وجدك باغي خضر فترابو ؟؟؟؟؟؟ واش عندكم شي عقل كتفكرو بيه ولا غا مدرمين ؟
اريج : ( تدخلات وبيلسان حنات راسها ) مكاين والو الحاجة اويلي واش تكون شي حاجة ومتكونش فخبار كولشي .. راه مزال مكاين والو .. واش حنا غانوضو نخطبو فكنازة .. عندنا شي خاطر
قسم : اه غير جود ساق لخبار لكاع اش طرا شحال هادي .. وقال انه غيكمل ... مزال مكاين تاشي حاجة رسمية مكاينش لاش يتقلق تاشي واحد .....
اريج : مزال حنا تاااا ماهضرنا فهادشي ومزااال ماوصلناش كاع للزواج .. تديو على هادي .. هادي راه غاكترگع ...
اية : ( فوذن حياة ) اماما واش بصح غيتزوجو ؟ ( بفرحة فعينيها ) علاش مقلتيش ليا!!!!
حياة : راه تانا كنسمع بحالي بحالك ( شافت فاريج ) وامتى هادشي ؟؟؟؟
اريج : وغااااا هضرة داااايزة ... هضروها بيناتهم ملي ساق لخبار ... وقال ليها غنكملو على مابدينا ... هدا مكان .... ومزال مهضرناش كاع فهادشي .... ( شافت فبيلسان بغضب بمعنى شتي المشكل لي طيحتينا فيه )
زياد : ( بالانجليزي فنفس الوقت تيسكت فبيان لي كتنوغش فوق رجليه شادة فيد ماماها لي تاهي غير ساكتة كتشوف واخا عاود ليها زياد كولشي ) حنا غير بيلي لي جمعاتنا لبارح وقالت بلي كتفكر يكملو هي وجود بحال شحال هادي ... جات غير شاورات الواليدين ومزال ماقلنا ليها والو .. راه بلسانها قالت الى مبغيتوش مغندير والو ... هادشي لي كاين لحد الساعة .... كيف قالت قسم راه مكاين تااااشي حاجة رسمية بممممرة ..... بلا ميقلق تاشي واحد عفاكم
رقية ضورات راسها عند اسد بحالا كتسنى منو تأكيد وهو غير كيتفرج وساكت كيتنسى تنزل لامار وجود عاد يجبد الموضوع ... مكيعرفش يهضر متقطع ويزوق ....
بيلسان حسات بحجم المشكل لي حطات عائلتها فيه .. فلحظة تيقات راسها وظنات صافي راه كولشي فخبارو وغدا صافي عرسها .... ورجعات غمضات عينيها ويديها مزيرة عليهم ...
لفوق
جود: اشمن زواج الامار ؟ كيفاش العائلة كاملة عارفة ؟؟؟؟؟
لامار : كوووولشي عارف .... بيلسان مرضية واليدها جمعاتهم هوما وخوتها فالبيت وجلسات وخدات بشوااااارهم وقالت ليهم انا برضاكم لي غنقرر بغيتو نتزوح ولا مبغيتوش مغانتزوجش .... وانا ولدي ؟؟؟ هز شواري ؟ جا سولني ؟ ولا باراكا عليه غير بااااه ..وختو !!!
جود : ( بدا كيفرك على جبهتو وتنهد ورجع شاف فيها وملامح الغضب تلبسو فوق وجهو ) كيفاش هاد جمعاتهم كيفاش ؟
لامار : على نتا طلبتي البنت لزواج ولالا ؟ واراه اكيد غتاخد بشوار عائلتها .. الناس لي كيعرفو قييييمة الواليدين ومكيديروش بيناتهم الفرزيات
جود : ولامار دابا هني السوق .... غنتفاهمو غير بالعقل .... نتي عارفة مؤخرا قبل ميتوفى جدي اش وقع .... وعرفت بلي كنت خاطب البنت .... موراها انا راه مررررضت فعععقلي بالبيااان .. راه مساهلاش عليا الامار .. وسافرت بعدت .. رصيت دماغي وخا مترصاش ... وملي جيت ... كنت موضر .. كنت كنقلب على طريق .. داكشي باش شاورت الواليد .... راه مامشيتش عندو وقتليه نوض خطب ليا ... راه مشيت كنخبرو بشنو كيضور ليا فعقلي .... نت عارافنا من صغرنا راه كنستاشرو معاه ملي كنتلفو على الطريق ونت لي ربيتنا على هادشي ... . كل مانجيو عندك كتقولي لينا شوفو مع باكم .... نت براسك كتمشاي بشوارو آلامار ...
لامار : وقسم تاهي شاورتيها ؟
جود : قسم لقيت ليها وقيتة لبارح واليوم جلسنا انا وياها طيط أطيط عاد قدرنا نهضرو .. نت فين لقيتك ؟ كنت كنقول غتخوا الدار غنجلسو نهضر انا وياك ونخبرك ب اش كاين وشنو القرار لي راني مرصي فيه دابا .. اما فلول راه كنت باقي موضر .. باقي باغي نعرف اش كندير .... واخا مشيت عندو وقلت ليه كنفكر نتزوج راه كنت كنقرا من الرياكشن ديالو كيفاش غنتعامل مع الوضع وهادشي لي فكرت فيه واش مخرجني ولا لا ... اما انت لامار كون جيت عندك فالوقت لي كنت موضر غتزيدي توووضريني ... وفلخر جهدك تقولي ليا شوف مع باك .. و لا لا ؟؟؟؟؟
لامار : ايه ... جمعنا بجوج ..هضر معانا بجوج دير ليا قيمة تانا ....واش تانعرفها من عند اريج اويلي وناااا راك ولدي ؟؟؟؟ حشمت تانقول ليها مافخباريش
جود : وااالاااامار .. فهميني تانتي .. واش عارفة الظرف لي راحنا فيه .. فين لقيتكم انا نجمعكم ؟
لامار : علاش هي لقات ليهم الوقت
جود : ودابا بلاش من هاد المقارنات ...كنت كنتسنى الوقت المناسب ... وكنت كنقول حتى نرصي افكاري ونجي نعلمك باش منفرحكش على والو ... راني كنعرفك كتسناي غا امتى نقوليك غنتزوج ... غتفرحي وانا باقي ممتأكدش ؟؟؟؟ قلت حتى نتأكد ونهضرو .. ونت عارفاني شحال قريب لقسم ملي لقيت وقيتة ليها ليوم جلسنا اونسومبل وهضرنا وكنت ناوي تلا لقيت الدار خاوية ومتشدينا فوالو نهضرو انا وياك .... ( شد فيديها وهي كتشوف فيه ) لاماااار والله مكااينة شي حاجة أكيدة راه مزال مدرررت والو ..... البنت ملي شفتها معقلة بيا بحال هاكاك قلت حشومة نخيبها وكملت على مابديت .... هادشي لي كااااين .... منين قلت ليها غنكلمو غتكون شاورات واليديها حيت راك عارفة من بعد كاع اش طرا ... خصوصا مع خوها راه غتكون مبغاتش تريسكي تاني واخا سبقاتني للهضرة وانا باقي مهاضرش معاهم ولكن راه واليديها من حقها .. تانا كون كنت لقيت وقيتة كون جمعتكم .. راه مكاينش غير نت باقا قدس باقي وسيم باقي عمامي باقي ولادهم الي بحال خوتي تاهوما .... والله مكاينة شي حاجة االامار
لامار : (بشك ) مااااهضرتيش مع واليديها؟؟؟؟؟
جود :وااااا يهديك الله كون لقيت كيفاش نشد واليديها نهضر معاهم وسط الكنازة كون شديتك حتى نت .... هضرت غير مع اياد ... حاولت نصلح الخصام لي كان بيناتنا وقتليه ختك راه مغنطلعش معاها شماتة وغنكمل لي بديت ...
لامار : ( غمضات عينيها مزيرة عليهم ) لا اجود اولدي .. واااالو .. تقول لي تقول .. متقنعيش بلي معطتينيش قيمة ....
ناض كيمشي ويجي وحك على راسو وشاف فيها
جود : واشتي دابا هانتي غتنيرڤينا على والو ( مشا رجع جلس حداها كيشوف فيها ) آلامار ... وردي البال للظروف لي كنا فيهم ...وخودي بعين الاعتبار راه دار كانت عامرة ومجلسناش بالمرة ... راه الواليد براسو ومزال عندي معاه جلسة نعرفو اش نديرو ...
لامار : ( بعصبية ) ديما كاديروها ليا ماشي اول مرة
جود : علاش ماشي نت لي كنا فوق ماجينا عندك نقولو ليك شي حاجة .. كتقولي شوفو مع باكم ؟؟؟؟؟؟ ومالكي دابا
لامار : نوووض خرج عليا .... كنهضر ليك على القييييمة .. القييييمة
جود : ولامار واش كنهضر بالهنغارية راه غالعربية هادي .. راه قتليك كنت موضر ... وحضري معايا العقل. .. كون جيت عندك وقتليك راه غنتزوج بيلسان .. غتنوضي تزغرتي بالفرحة .. مغاتجيش تناقشي معايا ... راه تانقوليك كنت كانقلب على طريييق ... واخا نبان بلي واخد قرار ولكن واخا هاكاك باقي موضر .... وملي علمت بيلي وقلتها تالقسم صافي راني تأكدت وكنت كنتسنى الوقت لي نجي نقولها ليك حتي نت .. راه مالقييييتكش .... دار ديما عامرة وكنطلعو مسخسخين نمشيو نعسو .. فين شفتك انا فين ....
لامار غير ساكتة وضورات راسها لجنب مبغاش تشوف فيه ومشا جلس على التكاية دالفوطوي ديالها وعنقها عندو وهي بدات تبكي بحالا كان خاصها غا السبة وهو حاط راسها فصدرو وشد عليها وهبط باس راسها
جود : وصافي الامار .... سمحي ليا ... بصح عندك الحق .... راه غير متحطيتيش فبلاصتي وصافي اما كون فهمتيني..... مدرتهاش بلعاني ... ونت راك عارفة الامار راك كولشي عندي ....
لامار : ( كتنخصص فصدرو ) صااافي .. ها ؟ صافي كبرتو .. كبرتو كتافكم ولحتوووني .. صاااافي ... فين لي كانت تسسسهر معاك ولي كاااانت تبكي معااك ولي كانت تمرض معاااك
جود : واااش انا غنفوتك الامار دايرة لينا جنازة على والو حححق ررررب .... وكون حسابتني انا بيلسان غتهضر مع واليديها مكنتش غنخليها تالنهار لي نبغيو نهضرو كامليين ... انا تفاديت نقولها ليك غير باش متهضروش قدام العائلة و واليديها يبقى فيهم الحال لي معلماتهمش .. صدقات هي لي دارتها ليا
لامار : ( علا ت راسها شافت فيه ) عنداك تمشي تقلق علييييها
جود : وشوف فين انا وفين نت .... ( شد وجهها كيمسح دموعها ) وصافي هاهو راجلك غيطلع يخلي دار عشتي لاشافني بكيتك .... ( قرب باس راسها ) وسمحي ليا .... دوزي ليا غير هادي والله منعاود ....
لامار : ( بدات تمسح دموعها ) كتعاودو اولدي كتعاودو
جود : والله متعاود .. هانا حلفت ليك .... من غير لانسيت ههههه
لامار : ( تنترات منو ) بعد مني
جود : وصاااافي ( شد وجهها تاني بيدييه ) عجباتك بيلسان لولدك آلواليدة !!!
لامار : علاش لي متعجبنيش ؟؟؟ انا معجبنيش تصرفك نتا ملي خبيتي عليا اما هي بالفرحات عليا ....
جود : ومااااخبييييتش الامااار واش نهضرو بشي لغة اخرى ....
لامار : وبببعد مني دابا
جود : زعما .... كنعطي الشابو للواليد لي كيعرف يحزرك حق الرب ....
لامار : ( وقفات وخرجات من صالون وهو تبعها وهي مشات قدام المرايا كتشوف عينيها واش منفوخين ) يالاه نزلو باش ميحسو كاينة شي حاجة .. وحسابي معاك مغاديش تسدو بجوج كلمات وجوج نوارات لاويين
جود : ودابا انا اش ذنبي الى كنت تتبيعي النوار لاوي ههه ... ( ضارت مخنزرة فيه هو مشا عندها ) رااااك زوينة وعينيك زويييينن ووااااالدة الزييييين ( ضورها للمرايا ) شوفي تباااارك الله الزيييين والطووولللة والسموووورية
لامار : ( بدلع ) انا را بيضة
جود : راه داوي عليا الامار
لامار : ( ضرباتو لكتفو ) منيييين جااااك وفين لاسق ليك هاد الزيييين
جود : سولي مراتي ههههه
لامار : مرااااتي كااااع
جود : ( تنهد ورجع شاف فيها وهضر بجدية ولامار تقلبو ملامحها ) لامار .. ( شد يديها بجوج عندو باسهم ) والله تاولدك محتاج رضاك .... محتاجو بزاااااااف ..... ومحتاج ترضي على هاد زواج باش يسهل فيه الله حيت راني دايرو فيد الله
لامار : و .. علاش كتقول هاكا
جود : ( تبسم ليها بحنية ) كان عندك الحق .. كان عليا نشاورك تانتي .. ومنشدش الموضوع غير من المنطقية .. نشوف تا الجانب العاطفي ديالو لي غنلقاه عندك ..... ولكن دابا لي درناه درناه ... وسالينا .....
لامتر : جود ؟؟؟؟ واش مباغيش البنت
جود : باااغييييها الواليدة .. البنت عاجباااااني وباغيها ... ولكن راني مخلوع من فكرة الزواج .....
لامار : ( بخوف ) مزال معارفاش انا كاع كيفاش تاقررتي هاد القرار ؟؟؟
جود : وحيت حلفت منعاودش نخبع عليك غنعاود ليك كولشي .. بصح ماشي دابا حشومة تجمعنا على ود قسم ونقلبو ليها الجو .... اليوما عرضت على ختي ... وغدا غنعرض على هاد الزيييين لي ختار لينا الواليد تولدنا ( جبد حناكها ) ونهضرو مزياان ونعاود ليك كولشي .. وتسمحي ليا ؟؟؟؟؟
لامار : غتخرجني معاك غير حيت مقلقلة ، ماشي حيت باغي ...
جود : لامار ( بجدية ) ملي كنت موضر ... كنت محتاج المنطقية باش نلقى الطريق ... ودابا ملي تلقات الطريق ... محتاج للعاطفة باش نكمل فيها ..... ( لامار كتشوف بتساؤل ) لقيت المنطقية عند الواليد .... وهاد العاطفة ... غنلقاها عندك .....
لامار بقات غير كتمرش فيه وهو شد فيديها
جود : يلاه نزلو
لامار : ( نترات يديها منو) طلق مني متشدش فيا وبعد مني ....
جود : ( زاد قدامها ) الله يصصصبرك الواليييييد ......الله يييييصبرك .....
لتحت
سفيان حاول يبدل ليهم الموضوع فاش شاف الجو تكهرب خصوصا عند رقية لي معجبهاش يهضرو فهادشي والحاج يلاه تدفن ... وعدنان لي غير كيشوف فيه .. عارفو راه بحالو حيت عندهم نفس طريقة التفكير كيتسناو تايشدو اسد بوحدو ويفهمو منو اش واقع بلا مايزيدو الطين بلة .... وديجا امر جود وبيلسان ماشي شي حاجة لي جديدة عليهم .... وبكن مغايضاربوش فالوسط ويزيدو يكهربو الجو ...
اما سلطان غير ملعي حجبانو مبغاتش دخل ليه لدماغو كاع الى جود فكر فزواج كاع بهاد السرعة ...
ولوؤي كيشوف فيهم ويشوف فبيلسان ومزال ماتسرطاااااتش ليه الصباح عاد كان معاه ومقال ليه والو ....
وقدس مافاهمة والو كاااع تاتم نازل وسيم لي صيفط ليه ميساج اسد ينزل يجلس معاهم .. جا لقى الموضوع تبدل ... اية غير شافتو تقلب ليها الجو ولات متوترة وكترد البال لطريقة لي جالسة بيها وشنو لابسة وشعرها واش مصايب مزيان .... تاتمات جايا رجاء وقفات عليهم واسد علا فيها عينيه
رجاء : بون سواغ .. موسيو مروان فالباركينغ وكيعلمكم بلي معاه واحد الضيف ....
اسد : (علا حجبانو بجوج ) شكون !
رجاء : ماقالش شكون معاه اموسيو ...
وما ليها بمعنى غير يدخل ومشات والعائلة قادات جلستها وحياة قادات الشال ديالها مزيان فوق راسها حيت كترخفو ملي كيكونو غير هوما ....
رقية : شكون جاي معاه ؟؟؟؟؟
وسيم : غيكون حسام صاحبو .. شفت شي سطوريات قبيلة كان مصور معاه فاش كانو شادين الطريق
رقية : ااااه الحووسين داك الطبيييب ...
وسيم :حساااام اجدة حساام....
حياة : شكون هذا
اريج : داك صاحبو لي كيكون معاه ... راه تلاقيناه فسوطنونس ديالو وشحال من مرة كايكون معاه
حياة : والله ماعقلت عليه .... واش ولد أمينة ! كبير شوية ...
اية :شكون هذا
رقية : ماكبيرشاي بزاف ... قد مروان ولدي .... هذا ابنتي راه هو و ولدي مروان الروح بالروح ... كي شتي ملي كنا ساكنين فالحومة .. كان ولد الجيران وكانو فالروض وهو مروان مكانوش كيتفارقو كي الحلاقم .. هاو ملي بدلنا السكنة وهو هزاتو مو مشاو للخاريج .. واخا هاكاك كبرو سولو فبعضياتهم .. هاو كيتلاقاو تبارك الله العشرة الدايمة هو راه ولا طبيب ففرانسا ... ملي كيجيو للمغرب راه كيجيو بجوج .. الله يعمر ليه الدار مسكين حتى واليديه الله يعمرها سلعة عيطو مساكن عزاوني وجابهم واحد نهار لعندنا شفتهم .... ونعم الجورة والعشرة ....
يلاه كيهضرو وهي تنزل لامار و اسد طلع معاها عينو بانو ليه عينيها منفوخين عرف الحديث كان طويل ... جود جلس حدا اية و هي دار ليها اسد بلاصة جلسات ووما ليها طلع الشال فوق راسها
لامار : جاي شي حد ! ( كتصاوبو فوق راسها )
رقية : يلاه لقيتينا داويين .. حسام ولد امينة جارتنا الا تعقلي
لامار : صاااحب مروان ! اااه كنعرفو الله اودي
رقية : راه واقلة هو لي جاي مع خوك
جود : ( هز اية من الكرسي حطها على الفوطوي ) اجي جلسي حدايا مكتعيااايش على هاد الكرسي
اية : هههه ولفت اخويا ...
جود : ( كيطل معاها على التيليفون ) اش كديري
اية : والو غير متلفة الوقت ....
جود : مزيان ( شاف فيهم ) داك حسام لي طبيب ولا معرفت اش كيدير لا !!
رقية : هااااداك ...
بيلسان غير ساكتة وكتشوف خصوصي ملي سمعات جاي حسام ومروان قالت غنلقى شوية علامن نشكي ... حيت حسام كيعرفها تاهي ملي كتكون مع مروان ديما .... وعارف تابعلاقتها مع جود وشحال من مرة شكات عليه ....
تاشوية بانو ليهم داخلين وهي توقف رقية تستقبلو كان فاواخر التلاتين قد مروان .. شعرو اسود كيتخللوه بعض خصلات الشيب الخفاف من جناب.. كان بسروال اسود وشوميز و جيلي دالفيست لي هاز فيديه ... بشوش الملامح والضحيكة مرسومة على وجهو لي كان حليق اللحية وحجبانو كوحل غلاض وعينيه كوحل ...تلاقاتو رقية هي لولا وعنقها
حسام : البركة فراااااسكم الحاااجة .... الله يرحمو ويوسع عليه والله يرزقكم الصبر والثبات
رقية : اللهم امين اولدي ( شافت فيه ) كيخليتي الواليدين كولشي بيخير امينة و الحاج ..
حسام : كيوصلو ليكم السلااام ومكرهوش كون جاو حتى هوووما ...
وقفات باتجاهو لامار لي سلم عليها تاهي عنقها بمواساة بحكم عقليتو الاوروبية العزاء كيكون بالعناق كنوع من المواساة ...
حسام : الله يحرمو اختي ويصبركم ....
لامار : اللهم امين .. مرحبا احسام .... تفضل ... ( شافت عند مروان عنقاتو تاهو ) غبرررتي علينا
مروان ابتسم ليها كان تاهو بسروال دجين و تيشورت بيضة وسبادرين بيضة وباس على راسها
مروان : وهانا جيت ههه ...
زاد حسام والعائلة كيف العادة وقفو وسلم على الجميييع الرجال لي كانو فالمقدمة عاد قربات عندو بيلسااان لي كتعرفو وملامحها كانو باقين كئيبين بسبب الجلسة لي كانت مكهربة ومبتسمة بزز وعنقهااا عندو وجود علا حجبانو بجوج !! كيشوف فيهم
حسام : ( بالانجيليزي ) البركة فراسك پيلي ... ماقدرتش منجيش ...
بيلسان : شكرا احسااام ...
طلقات منو وشافت عند مروان وعينيها تعمرو بدموع وهو يعنقها عندو وجود غير كيرمش وكيضور تيليفونو فيدو وكيتفرج بحالا كيشوف فشي مهزلة .... واريج كتشوف فيه عرفات ملول مغيعجبوش الحال عارفاه عندو عقلية عمامو ....
وقف زياد لي كيعرفو تاهو سلم عليه يلاه عنقو كانت قدس من موراه واقفة تاهي وصغر فيها عينيه كيشوف فيها وهي كتشوف لجنب كتسنى فوقاش يطلق راسو يسلم خلاص ترجع تجلس ...
كان كيعزي زياد وعينيه عليييها ... وفلت من زياد وبدا كيقرب عندها وهي تمد غير صبيعات يديها ... وهو مد يدو سلم عليها وبغا يجرها من يديها باش يعنقها ماد وجهو يسلم بلابيز يلاه غايضرب فوجهها ... تاكيحس بوجهو ضرب فوحه اخر ماشي وجه قدس .. كان لوؤي لي وقف ودخل بيناتهم دغيا سلت حسام يديه من يديها ورجع كيسلم على لوؤي لي مخلاهش تايقول عبارة العزاء لقدس .. وكملها للوؤي ...
حسام : البركة فرااااسكم ...لوؤي ياك ...
لوؤي : امين .. هو هدا ..
سلم على سلطان و على جود وعليهم كاملين واحد واحد عاد جلس ... وكيحس بعينيه كيمشيو غير لعععندها .... ورتاج لي شافت اللقطة بدات تحمد الله لي مارد ليها تاواحد الباااال كانت مفرووووشة كيفاش حيدها من يديه .. كاتشوف هاد ااولد غيرتو حارة بزاف شحال مابقى غايفضح راسو وهي جدابة بلا قياس ....
تا حسام براسو ماردش البال قال غير بغا يسلم يمكن .... حيت عند بالو ان السلام بلابيز فالجنائز شي حاجة مفروضة بالنسبة لتربيتو الفرنسية ......
جلسو جميع كيهضرو ورقية كتسولو على العائلة وكتعاود ليه تفاصيل موت الحاج ...
وجود غير كايتفرج فبيلسان كيفاش مقربة من مروان وجالسة حداه كتعاود ليه ... دايشوف و جامع حجبااانو ماعاجبوش داك القرب كامل..
أما لوؤي عينيه غير على حسااام كيفاش حاااضيها ... كيهضر ويمشي بعينيه لعندها لي مقابلة معاه ... كانت دايرة رجل على رجل وكتلعب برجليها الفوقانية وكتشوف لجنب باقي مركزة مع زواج خوها لي كتسنى تنفرد بيه باش تسولو مزيان ..... ولوؤي كايغزز سنانو ملي كايشوفو كايطلعها وينزلها بحال هاكاك ...
الملل بدا يدخل وسطهم والعياااء تاكانو قالو غيجلسو جميع ويهضرو فمضوع جود ولانيف دقسم ... وصدق جا ضيف تاني ...
حسام : سمحي ليا اختي قسسسم مجبتش الكاادو ..راه معارفش مروان ماقال ليا والو
مروان : انا براسي نسيت ههه نخلصو الحق اقسم غدا ههه
قسم : نووو هانية ماشي مناسبتو ....
حسام : نعوضوها العام الجاي .... ( شاف عند قدس ) قدس هاادي ياك ( شاف عند لامار ولوؤي مزير على واحد المخدة فجنبو كاينتفها ) بنتك الصغيرة ؟ واسد معوج راسو كايتفرج ماعندوش تالخاطر دالهضرة .....
لامار : ايييه هي هادي
حسام : ااااه كانت باقاا صغييرة بزااف اخر مرة شفتها فالسوتنونص د مروان .. كانت دايرة الگرينات ( كيشوف فيها وهي عاطياه ضحكة صفرة ) كبراااات تباارك الله ... ( شاف عند قسم ) كتبان كبر منك
قسم : ماعرفتش واش ناخدها إطراء ولا استهزاء هههه ...
حسام : حااشاا غير حيت راك بيبي فيس غتبقاي ديما صغيورة مكتكبريش هههه قدس والله ماااااعقلتها هي واية تبدلو عليا .....
لوي : ( معصب ، مع سلطان ) مال هدا واخد راحتو بحالا مكتوب معانا فالحالة المدنية ..
سلطان : وراه صاحب العائلة اصاحبي نورمال ...
لوؤي : مانورمال والو جاني متملق ملي جا هو يعنق، يجمع راسو شوية ....
سلطان : راك غاكتخرج فيه حر جود ههه
لوؤي غير ساكت كيشوف فيه و هو من ناس الاجتماعية لي كيهضرو بزاااف ... ولكن عينيه مبغاوش يتهزو على قدس بمرة
حسام : دايرة شي كلية ا اقدس !
قدس : ( كتجاوب فوق النيف ) اه ...
حسام : الله يوفقك ...
لوؤي غير كيسوط مكرهش ينوض يخشي ليه وجهو فداك السارية لي موراه من هاد اللصقة لي دار عليها هو يجبد التيليفون كتب ميساج تاڤيبرا فيد قدس وحلاتو غير شافت السمية علات عينيها فيه لقاتو كيشوف فيها وهي تحل الميساج
لوؤي : طلعي تقاودي ....
قدس : ( معلية حاجبها ردات عليه فميساج ) صافابا !
لوؤي : هضرت معاك ... نوضي تهزي قبل ماهو لي غايتهز
قدس بقات غير كترمش فعلا حسات بيه لصقها وكيشوف فيها فشكل ولكن مبغاتش طلع باش ميحسش براسو راه مسيطر عليها واخا كانت باغا طلع جاها نعاس ولكن ملي قالها ليها هو دارت بناقص ...
ولوؤي غير كايضغظ على سنانو ملي شافها حطات تيلي وجالسة ماتسواقتش .....
محاملش الشوفات لي كيدير فيها حاس بالتيشووورت كتزززير عليه كيتخخنق و والعافية كتحرق فيه من داخل ملي كيشوف شي حد كيضور بيها بحال هاكا وعينيه عليها وعلى تفاصيلها لي كيحسهم كيخصوه بوووحدو ...
اما جود غير جالس وداير صبعو الصغير ففمو وكيتفرج فبيلي كيفاش واخدة راحتها ومرة تحط راسها على كتفو مرة تلعب فيديه وهو كيمشط على شعرها ... هادي كاملة صداقة !!!!!
حسام دخل مع العائلة فالمواضيع خصوصي مع الرجال واخا كيجاوبوه بعياااء ولكن عاطينو صوابو كيف مولفين ... وهو كل مكيكون كيهضر كيديوه عينيه لعندها لي دايرة رجل على رجل ولابسة سروال كحل لي واخا واسع ثوبو نيلو ولاااسق عليها وكيبانو فخااادها كبااار فيه مع صنيديلة كحلة و لابسة طوب كحل فيه خيوط جيهة العنق مربوطين وشعرها طالقاه لجنب على راحتو .... كانت كلها كتنبض بالانووووثة كتخليييه معارفش يركز فهضرتو .. ماضنش ابدا واش البنت الصغيرة ولات قد هاكا وفاش كتهضر معاها اية وتجاوبها بابتسامة كيبقى ساهي فداك الابتسامة ولوؤي مزير على التيليفون قرب يطرطقو فيييدييييه ماقدرش يصبر مزال هو ينطق بغضب واضح فصوتو مخاطب مروان
لوؤي : مروان .. نوض خرج صاحبك يضرب فيه شوية دالريح ... ولا هبطو للبحر .. ( رتاج وسعات عينيها وعدنان شاف فيه كيجري عليه بالعلالي حممرر رفيه مخنزر .. وقدس عضات على شفتها ولات حمرررة منزلة راسها ) حشومة شد هاد الطريق باش يهضر فالبيزنس !! .... خرج ضورو شوية .. غاتعحبو لازون هنايا ...
مروان : ( كان مشغول بالهضرة مع بيلي لي كتعاود ليه على العزو وكيفاش داز وعلا راسو فحسام) واش قنطتي !
حسام ماعرف مايقول والعائلة كلها تحرجات وجاوبو هو معوج شفتو
حسام : واخا .. نخرجو شوية .....
لامار :: ( بغات تصلح ) اا ... ب ... بلاتي تاتعشااااو .. غاتحط رجاء العشا .. ماعندك فين تمشي جلس معانا
لوؤي عوج راسو لجنب ورتاج كاتغزز فيديها مكرهاتش كون كان كالس حداها تلزغو بشي قررررصة
سلطان : امالك اصاحبي !
لوؤي : مااااتسرطططش ليا لقحبة دموووو ..
سلطان : ششش .. تسطيتي ولا مالك اش دار ليك !
لوؤي مجاوبوش غير مزير على تيليفونو كيعوجو فيديه كيحيد فيه السطريس و رجاء علماتهم ان العشاء واجد ومشاو كاملين لطبلة وهو بلا مايرد ليه لبال شيحد ... زير على دراع قدس وكلسها فالكرسي لي جر ليها حيت شافو غيكلس لفوق جر ليها كرسي لتحت فنفس الصف ديالو باش ماعندوش كيدير يشوف فيها ...
ومشا هو للكرسي فالصف لاخر مقاااابل معاااه ... وقدس غير كتشووف وكتخاف يدير شي حاجة تفضحهم .. ندمات كاع لي مطلعاتش كون تعشات فبيتها وهنات السوق ...تعشاو فجو هادئ لي كل افراد الاسرة المورال طايح عندهم .. العزاء والعياء زائد موضوع جود لي خربقهم ....
العشا داز ساااااهط وحسام جاه ناقص ملي مكتبانش ليه ....غير كلاو وحطو المساعدات الديسير .... وهو يوقف مروان باش يخرج حسام عند بالو راه هو لي بغا .... حسام بدورو سلم على العائلة عرف راه مشا الحال وغيبغيو يطلعو يرتاحو
رقية : لا اوليدي رجع بات هنا علاش غتمشي لوطيل ..
لامار : مرحبا بيك .... مكاين لاش لوطيل ( لوؤي غير كيحك فراسو وكيسوط )
رقية : صافي هضرنا معاك .. اجي بات معانا وغذا صباح يكون خير اما دابا متشدش طريق فهاد الليل ومتمشيش لوطيل حشومة الله اودي ...
يونس : عندهم الحق .. مرحبا بيك حسب راسك فداركم ....
حسام : حرجتوني .. شكرا ... انا غندير ضورة مع مروان ونجي ...
وما ليهم وخرج هو ومروان نيت باغي غير ينفرد بيه دغيا وهوما كل واحد قصد بيتو كيحسو بلي خاصهم غير فوقاش ينفردو ببعضياتهم خصوصي عدنان لي كيتسنى شرح طويل ومفصل من رتاج لي باينة ليه فخبارها و مقالت ليه والو .....
اما مروان خرج هو وحسام ولوؤي لي فيه ماهناه تاكان طالع ورجع تبعهم يكلس فالجردة مغينعس ويرتاح تايشوفو دخل وسد عليه فين غينعس ...
واخا يعرف يبات عساس عند بابها ....
ماعجبوهش شوفاتو بمرة ومرتاحش ليه .....وهو يدير بناقص ومشا تبعهم خارج كيجبد باكية دالكارو ديالو هز واحد دايرو بين سنانو وهوما يبانو ليه غادين جيهة البوابة بقا بعيييد كيتفرج تابان ليه حسام وقف مروان والحديث بدا كيتسلل ليه ...
يلاه كان مروان غادي بيه جيهة البوابة باش ينزلو لبحر هو يشدو حسام ووقفو ....
حسام : صصصبر اصاحبي صبرر ... ماااشي حشووووومة عليييك والله مكتسواااا نتا ... مصدقتيييش امروان ...
مروان : علاش اش درت ؟
حسام : زعما كتشوفني مقجرين عليا الوليدين وكنقلب نتزوج وعندك اصاحبي بنت ختك بحال هاكداااا وماتوريهاش ليا
مروان : زعما نتا مكتعرفش قسم ؟ تانوريهاليك انا
حسام : مكنهضرش على قسم واش قسم غتقبل بيا انا وهي كابيطان قد الخلا .... راه كندوي على ختها الصغيرة
مروان : واش منتيك ؟؟؟؟ واش عارف شحال بيناتكم فلااج ؟
حسام : علاش نتا بشحال فايت بيلسان ؟؟؟؟ ومالك كتسطى عليها ( لوؤي علا حجبانو بجوج )
مروان :دييير البوق نتا وغوت حسن ..
حسام : ودابا انا قلت العيب ..راه هضرت على الحلال ونقصد الدار من بابها .. عااارف منوصلش لمقامهم ولكن نجرب ...
مروان : هنيييينا اصاحبي .. قدس راه والله مايزوجوها ليك دابا .. لا ليك لا غيرك .. باقا كاتقرا ... بعد على البنت ..
حسام : ماعندي مانبعد داتلي عقلي اصاحبي تلفاااتني .. ماعقلتش كاع اش كنقول والله ماقادر نتيق واش داك البنت الصغييرة لي كانت باقا لاصقة فماماها فالسوتنونس ديالك ولات قد هاكا تبارك الله مشااااء الله اصاحبي كتخلخل بالزين
مروان: زوينة لواليديها .... جمع راسك ....
حسام : ماعندي مانجمع لي كاين هو هذا .. البنت عجباااااتني خلخلاتني اصاحبي ...
سمعو موراهم شي خطوات يلاه غيضورو كان لوؤي جمع بروسية مع حسام طييحو كاوو بالدمايات من نيييفو فالاااااارض ومروان تلاح دغيا شدو
مروان : لووؤاااي ....
لوؤي : طططططلق مني .. خلييييه دابا ييجمع راسو مزيااااان من الارررض ... اولد القققحبة حشم على الشيييب لي فراااااسك ...نوووض قوووووود عليا من هنااااااا
مروان : لووووؤاااي دير عععقلك راه غير كيدوي ..... لوووؤي سكت ماخصنا شووووهة
لوؤي : ( دفع مروان بجهد تاكان غيطيحو ) ططططلق مني نتاااا .... واش قالوليك عندنا حنا دار الدعاارة جايب صاااحبك يتقضى لييييييه ...
حسام : ( فالارض شاد على نيفو وشاف الدم فيديه وشاف فيه ) اااحتررررم راسسسك اشريف وعرف اش كتخرج على فمك
لوؤي : غااااتجمع راسك تخخخخرج تقووووود عليا مننهنا حححسن مااااييجمعوووك بالپياااس
اياد : ( جاي كيجري ملي سمع صداااع كان فالاسطبل )اش وااااقع .....حساام ؟؟؟؟؟؟
لفوق
اسد كان كيحيد الفيست وكايجبد فعنقو باش يدخل ففراشو تعاود ليه لامار مالها مع حود وفين خرجوها .... وهو يصغر عينيه من الصداع لي ببدا يتسمع ليه من الفلجة دزاج دالبالكون .... ومشا بزرية د حلو ولامار بدا يتسمع ليها الصداع مجهد ملي تحل البالكون ومشات تاهي موراه غير شافت المنظر شهقات شادة على فمها واسد خرج بززززربة كيجري فدرووووج .. يلاه نازل ولامار موراها كاتجري ... تحل الباب دبيت جود تاهو خارج كيجري ملي شافو من البالكووون والقصر كامل شششعل الضوووو ... حيت الصهد وكولشي حال البالكونات ....
حسام : ( كيحاول يوقف ) نتاا راااه مرييييض شوية فعقلك ..
يلاه جا مروان يشدو تاني هو يتلااح عليه بزربة ضربو بركلة لكرشو طيحو وجا فوقو كيضرب فالبوووونيات وايااااد كيجبد فيه ومروااان تاهو وماقدوش عليه ... وهو مغغززززف عليييه كاايضرب بكل جهدو مخرج كااااع داك الاستفزاز لي دار ليه ملي جا ....
لوؤي : هاانا غانوري لزاااامل بوك لمرررض كييييداااايرررر .. عندنا حنا هنا دار القحاااب جاااي تخيييييير ..... ( كيطلق من اياد لي كيجرو ) طططلق منننني نتا ..... برررب ماعند شيواحد فيكم النفس ... ( طلع راسو فمروان ) الى مجاتكش النفس على بنت ختك غااااتبعو تقوووود تانتا.
مروان : لوووؤاي طلق منو راه معااارفش راسك اش كادير .. ططلق
ماقدرش يزعزعو تاتلاح عليه جود لي وصل بزززربة جرووو حكموو فيدييييه ووقفو وهو كيترطا ...
ولاخووور كيكح الدم شادو مروان وهو كينقز فيدين جوود مزال باغي يزيد ... تاجا اسد كايشوف مفاهم والو .... وقدس خرجات تاهي كتجري ملي سمعات الصداع ...ولامار كاتغووت علييه .. وعدنان ورتاج تاهوما مخلووعين نازلين فالدروج خااارجين . والدار كلها ساقت الخبار وكولشي نزل
جود : لوووؤااااااي .. دييير عععقلك ... ( حاااااكمو بزز) لوووووؤاي ....
لوؤي : ( مغزف عليه باغي يفلت من جود لي مزير عليه ) .ط دااااخل لدارنا نزززززل عينيك وحتاااارم بناااااات هاد الدار ولاا خرررررج تقاااود علييينا ....... بناااتنا حنا كااايتحتااارمو .... مشااايطنيش تجي نتا تسارى عليهم بعينيك
قدس شهقات شادة على فمها وجود كيحاول يشدو بزززز وهو كااايفلت منو ومروان كينوض فحسام لي دوخو بالبونيات ... باغي يوقفو ورجليه كايخونوه .... والحرس وليكارد جاو كيجريو كايوقفوه ..... ولوؤي حمممررررر مععصب الععروق فعنقوو ودرعاااانوو بااارزيييين ....
عدنان قرب لعنهم بزززربة ومشا حيد لوؤي من يد جود شدو من دراعو مخلوع
عدنان : اش وااااقع ؟؟؟؟؟ ( كاشوف لوجهو واش مامضروبش ) ماااالك ؟
لوؤي : ( كايتنتر منووو معععصب تاتقطع تيشورت ديالو من كتفو ...وكولشي تجمع فالجردة كايفكو ) هاا لللل ( شدها عندو ) لاااا احترااام لا ررررجلة ... داااخل تعزي هبط عنييييك الارض .. هاد الدااار راه عندها حرمتها ....
نتر يدو من باه ومشا بزربة لطومويل ملي شاف العائلة كلها تجوقات ... و عدنان وما لجود دغيا يتبعو ... وسلطان متبعهم بعينيه مافاهم والو تاسوارت طوموبيل مانزلهمش معاه وهبط عينيه كان سفيان ومروان كايحاولو يوقفوه .... واسد كايشوف فعدنان بنظرات ديال كارثة هادي .. حيت مضروب فوسط دارهم ... وواخد لوؤي انذار من الهيئة العليا للاوسمة بسبب اخر اعتداء وقع على الصحافي .. الى تزاد هاد الاعتداء غايتحرم من جميع الاوسمة لي عندو ....
حاول مروان هو وسفيان يدخلوه بشوية وهو ماقدرش يتمشى شاد على كرشو ودمايات كتسيل من فمو لي واضح شي سنة تهرسات ومن نيفو ولامار غير شادة على فمها والعيلات كاع مافاهمين والو من غير رقية لي كان سادة باب البالكون دغيا داها نعاس ماسمعات والو اما لبقية كولشي شاف لخبار ...
رتاج :اويييييلي على كااااارثة اويييييلي
اريج :داابا غاااسكتي نشوفو فين غايخرج
تبعو لامار دخلو كاملين لداخل ... وهو كلسوه فصالون كايقطر بدمايات ... ورجاء جات كاتجري علموها تجيب الاسعات وتعيط على الممرضين دااكلينيك الخاص بالقصر ....
وحسام غير كلس عطاه سلطان كيلينيكس ... عرفو راه غايرد الدم ملي كلس ... وبصح غير كلس رد الدمايات من فمو وعدنان غير كايحك فشعرو ويمشي ويجي ويونس قرب عند اسد لي كايصوني فتيليفون على لوؤي.
يونس : اش هاد المووووصيية دابا
اسد : مايخرجش هدا مهنا تايدوا ولا راه غاطرا كارتة ....( كايشوف لتيل بلي مجاوبش وكايعاود يصوني )
سفيان : ( قرب عندهم كايشوف لحسام وكاينهج ملي كان هازو مع مروان ) بغيت نعرف غا شنو وقع
يونس : غايكون گاليه شي حاجة ... ولا قال شي حاجة على لبنات ...
سفيان :, على هاد الحساب خصو قتلة اخرى
يونس : سولو نروان نفهمو اش واقع
سفيان : دابا غاالبدو وسكتو .. هادي راها كارثة.... عيطو الى لوؤي باش مايتسماش هربان
اسد : ( كابشوف للتيل ) مكيجاوبش
ضار اسد بعينو عند عدنان هو يبان ليه شاد على صدرو وقرب ليه مخلوع
اسد: عدنااان .. (بتحذير ) صصصحتك اعدنان ..
عدنان : (كايلتقط انفاسو ) لاباااس لاباس
رتاج : ( قربات عندو بزربة شدات يدو كاتقيس النبض) عدنااان نتا بيييخير ( شافت عند بيلسان لي حداها ) داك لكاس دالما ابنتي ....
اسد : (شدو عليها شربو و جرو بشوية كلس ولاملر شافتو جات عنهم ) كلس رتاح وتتفس مزيان
لامار : عدنان صحتك هي لولا ... نتا عارف الدراري .....
زياد نتزل فدروج كايجري واياد واقف عند راس حسام كايشوف واش ماعمدوش شي حاجة كغاف ومروان جالس حداه كايمسح ليه بالقطن الدمايات ..... والعيلات غير واقفات مصدومين وقدس غاتبول بالخلعة ...
اياد : حاول تنزل راسك باش ينزل كاع دم لي فنيفك ....
عدنان : ( كايشوف فيه ) واش تقدر تهضر نفهمو منك اش واقع
حسام : ( ببحة وكولو مدعدع ) هاداك الولد خصكم تعاودو ليها التربية ...
عدنان : ( طلع راسو عند اسد لي واقف حداه ) هدا غااانكمل عليه بانليا ....
حسام تكا راسو لور كولو كايتأنن بألم كايحس بضلوعو كايحرقروه .. ومروان غير ضارب الطم كايداويه .... ولامار قربات عند اسد
لامار : اش غانيدرو دابا فهادشي
اسد : كايبانو ليا غير ضرابي مامهرسش من شي بلاصة ...
لامار : مشات ليه شي ضرسة واقلة .. فمو كايجري بدم بزاف
اسد : يتعالج ....
لامار : انا باغا نعرف غير اشواقع. .. حراااام واش كايعرفو يشدو يديهم عنهم ... اويلي على مووووصيبة اوييييلي
اسد : غانعيط على الكلينيك تعطلو ....
بعد اسد صونا عليهم و رجع كايصوني على جود لي كان فالطموبيل كاقلب ....
اسد : راك معاه ؟؟؟؟
جود : لا ... ماعرفتوش فيين مشا كاع .. ماجيت نطلع طموبيل من الباركينغ لتحت تاكان سبقني وكاع ماعرفت اشمن طريق شد ملي خرج لازون .... راني دخلت لكازا غانمشي لوطيل لي كنريحو فيه
اسد : رد عليا الى لقيتيه .... وقوليه يجي يصلح هادشي ... مور داكشي لي وقع مع داك الصحافي ... والله لاترحمتو مزال ....
قطع عليه وبقى غير غير كايمشي ويجي ... تادخل الطاقم الطبي لي جا من ليزيرجونص وجلسوه فوق كرسي دخلوه لواحد البيت تما وهو باقي كايكحب الدم .... دخلوه يفحصوه وهوما بقاو على برا كاتغددو ميتين بالسطريس ....
رتاح: ايولي اوييييلي على بغا يخرج على راااسوووو اويييييييلي
عدنان : ( لمروان ) اش وقع تاوصلو لهاد الحالة نتا كنت معاهم فهمووونا اشكاين ...
مروان : ( كايحك فشعرو ماعرف مايكول ) ماعرفتش .... كنت بعيد ماردتيش لبال ....
اياد غير ساكت كايشوف وكاتفك فاش قاليه مجاتكش نفس غلى بنت ختك اذن غايكون شافو ضسر اما على قسم ولا قدس .. قدس صغيرة عليه دونك رشح قسم ... داكشي لي فهم ....
رتاج : مية فاامية قاليه شي حاجة ولدي راه كنعرفو مايجيش هو ويضرب غير هاكاك ... شي حاجة عصباااتووو ...
اسد غير كايسوط وشاك فحاجة وحدة كتزنزن لبه فالراس ... وقرب عند قدس لي كانت حدا قسم كلها كترعد وهضر بينوو وبينها
اسد : قالك شي حاجة هاد خينا لي داخل؟؟؟؟؟
قدس : ( كترمش وقلبها غايسكت ) ااء ! ل لا ...لا مقال ليا والو ..علااش !! ...
اسد غير علا ححبانو بجوج وخلاها وزاد رجع عندهم لان المشكل دابا كبر من شنو هو السبب ، المشكل هو لاوقعات ليه شي حاجة هنا ولا تكوانسا فيه شي عضم اش غايديرو ... اما لاكان اش كاضور فراسو بصح وفعلا غايكو قال شي حاجة على بناتهم ولا قدس بالخصوص حيت بوحدها لي غاينفاعل عليها بحال هاكا وهو عارفو باغيها ....
..راه هولي غايسيفطو عاد المرة حتى للانعاش ماشي غير ليزيرجونص .... ومابغاش يتسرع تايفهم من لوؤي ....
طود ماخلا فين قلب عليه ماخلا حت شي بلاصة مدخلش ليها ... كايصوني عليه مكيجاااوبش فالخر طفى تيليفون .... ربعة دسوايع هو كايضور بطوموبيل مالقاهش .... وراجع مستسلم عيان للقصر ... باركا طموبيل عطى سوارت لمساعد ينزلها لباركينغ ديالو ....يلاه داخل وهي تجي بلسان نازلة فدروج كاتجري
بيلسان : لقيييتيه ؟
كود : لا ... وقعات لسيد شي حاجة ؟ مالكي كتجري
بيلسان : لا غير جيت نشوفو حسابتني جبتيه معاك ... حسام طلعوه لواحد لبيت ودارو ليه سيروم سيد راه واكلها دبصح .... خرجو دم بزااف و خيطو ليه اللثة دسنانو ... ولوؤي را وضربو بجهد لمعدتو قالك غدا خصو يدخل ليكلينيك ....
جود غي سد عينيه وعلا راسو لفوق كايمشط غلى شعرو لور
بيلسان : واش عارف علاش ضربو ؟؟؟؟ ( جود غير كايحرك راسو بلا) عمي عدنان معصب بلا قياس فاش قالو لينا اش وقع ليه وشخصو حالتو بلي عندو ضربة صعيبة فصدرو .... جاتو كريز وطلع لبيتو ... داكش باش جيت كنجري نشوفو واش جا .. لاشافو عمي عدنان يقدر يطمن شوية ...
جود : مالقيتوش كاع عيت نقلب .... واش عيان بزاااف ؟
بيلسان : مااقدرتش ندخل قلت غايكون بغا يرتاح راه معاه خالتو رتاج .... وباباك علم باش غدا يوجدو سرير فااكيلينيك لحسام يدير سكانير .. عرفتي راه كارتة لامشا حتى دعاه مور داكشي لي طرا ... الاوسمة ديااو كاملة غاتحيد ليه بسبب هاد لاعتداءات ...
جود : راه دار ليه شي حاجة ... مغايجيش هو ويخلي عشتو غير هاكاك ..ششوووف اش دار ليه ....
بيلسان : انا تلفت مابقيت عرفت والو .... حسام راه كنعرفو ربع سنين هادي ..مكسخليش ضربتوو ومغنااان بلا قياس ومكيرضاش ... نخاف يمشي يدير شي حاجة ...
جود : آيييمشي يقوووود .. لادار علاش يستاااهل ... يقوودو هاد الاوسمة .... راحنا غير دايرين الخاطر فهاد البتوركول دالخرا على مايتقادو اومورو البزنس دالعائلة ... لاكان هو مغنان ... حنا العكس من عندنا كايتوزع ...
خلاها ودخل وتبعاتو
دخل جود وهي تابعاه ...القصر كانت لتحت خاوي يلاه وسيم لي كان يلاه طالع فدروج وطلعو كاملين ... وجود مشى ديريكت لبيت عدنان دق جوج دقات تاسمع رد رتاج عاد حل لباب ودخل لقى غير رتاج لي ماشيا جايا وعدنان نعساتو داك الابرة لي دكات ليه ...
جود : نعس ؟ راه صافا ؟؟؟؟؟
رتاح : ( مخلوعة) لقيتيييه !!!! جا؟؟؟
جود : لا ... خليه غايكون بغا يكلس شوية بوحدو راه دابا يبان ... ( شاف عند عدنان ) ياكما شي حاجة كغاف ؟؟؟؟
رتاح: لاصااافااا خدا الابرة ديالو .. كريز كيف ديما ... غدا غايصبح صافا ... معارفينش علاش ضاربو بالضبط ؟؟؟
جود : معارف تاشي حاجة بحالي بحالكم .... لي عارف هو راه ماضربو بحال هاكا الا ودار ليه علاش ....
رتاج : ( غير كتنهد حيت عارفة ومتأكدة على الشوفات لي كان كادير فقدس ... وهي يبانو ليها بيلسان و سيم لي معاه ) غير سير تنعسو اولادي راه بييخير .. راه ربعة دصبح هادي سيرو ترتاحو ...
وماو ليها بالايجاب ومشاو .... وبيلسان مشات لطناحها ووسيم تاهو ... وجود يلاه غايدخل لجناحو عيط عليه اسد وجاوبو داخل لبيتو ...
جود : راني فالدار الواليد .. مالقيتوووش ....
اسد : الى عيط ليك علمني ... عنداك يمشي يسافر لشي قنت و هدا يدير شي دعوة يستغل هروبو ....
حود : واهضرو معاه مايرفعش دعوة سيد راحنا قايمين معاه بااواجب وغايدخل لكلينيك كاااع .. اون پيليس راه غايكون دار علاش تخلا دار عشتو ... سير تنعس الولليد ترتاح ... يكون خير .. لؤي ماشس من نوع لي غايهرب ...غايكون بغا غير يبرد ويرجع ....
قطع عليه تيل وجود دخل مايعوج فعنقو ... وتلاح غلى كرشو ديريكت فوق السرير بالعياا تامن روكسي لي مولفو ينعس حداه ماقدش يمشي يحل عليه ....
لامار غير كتولول ماشية جاية واسد بالكشايف باش هدنها داها تنعس .... واريج ويونس ففراشهم كايناقشو هادشي ويحللو ... وسفيان كايشوف فحياة لي كان سد عليها لبالكون غير باش متسمعش ... مع حاملة خاف تخلع وتزيدو همها ... وكل مرة يوصني على لوؤي كايلقاه طافي ..
قسم تاهي دخلات ففراشها شدات تيليفونها لقات مسج من عند اصيل سيفطو هادي ربعة دساعات كاتب فيه " قسم واقعة شي حاجة ؟ " وقبل من هاد لمسج كاينين سبعة دليزابيل ... عضات على شفتها حيت ملي دخلات مع جود ماهزات تيليفون .... وحابواتو " عارفة تعطل الوقت وغاتكون نعستي .. والله ما شديت تيليفون كان عندنا واحد المشكل فالدار داشكي علاش ... " ... حطات تيليفون وغمضات عينيها حاولات نعس اما قدس غير كتمشي وتجي مخلوعة وقلبها كاييضررررب بجحجهد ومروان مع حسام لي رخاوه ونعسوه ليباري وسيروم فيديه وعامر فاصمات والعين ليسرية زراقت وتنفخااات .. . غي كالس و كايتنهد بمعنى هانتا جبتيها فراسك .. ولي مخربقو كتر هو مدام لؤوي سمع داك الهضرة على قدس اذن راه مسعو تافاش قال كاتبيغي بيلسان ... غير كالس وكيفرك فصبعانو ويطرطقهم بالتوتر .....
اما لوؤي كان مشا لواحد الجرف بعيد على المنطقة ... طريق المحمدية ... وقف الطموبيل وهز الكانيطة دياالو دلالكول وخرج كلس على الحجر مايبرد حرقتو بلالكول وتجنن ويضرب فالحجرر البونيات تطيطرقو يديه بالدم فاش كايتفكر داك الهضصرة وكيفاش كان كاتغزل بيها .... ويرجع يبرد ويشرب من كانيطتو ويدوز بالجوانات ....ويديه عامرين دمايات ....
بدا كاببرد اعصابو شوية بشوية تاكان بدا يصبح الحاااال ... حس برااسو تقاااال وخاف يكتر مزال فالشراب ومايبقاش قادر يصوك ... عييينيييه حمااارو وحركاتو تقالو ...وهو كايفكر غير فشنو غايقول للعائلة ... بدا كايحاول ينوض من على داك الحجر و ربعة دالكانيطات مطمشين تما ووحدة فييديه قربات طيح من بين صبعانو بقوة ماترخا ...
كايحل عينيه بزز وراسو تقيييييل ... كايتمشى بشوية و كايتسمع غير صوت الخطوات دسبردينتو فوق الحشائش ديال داك البلاصة .. وصوت النوارس داابحر .. والسما بدات تزراق باش يصبح الحال ....
خشا يدو فجيب الشورط ددحين لي لابس وجبد تيليونو صغر فيه عينيه عطاتو ستة دصبح .. يلاه بغا يحيد المود آڤيون ورجع تجاهلها وردو لجيبو مقادر يهضر مع حد تايصحصح ...
زاد لطموبيل بشوية و ديمارا وهو مخفض السرعة باشيبقى مركز مع تأثير الكحول .... حمد الله لي كانت الطريق خااااوية وصاگ تاوصل لمنطقة ...
حلو ليه الكارد ودخل ...
حل الباب و نزل بشوية كايرد شعرو لور ويسرط فريقو باش يبلل حلقو لي كايحسو نشف ليه بالشراب ..
شاف للجردة فين كان كايضربو وهو يغمض عينيه فاش تفكر وجمع قبضة يديه بونية تاقساح دراعو وتشكلو فيه العرووووق ...
ومشى بشوية تادخل لقصر ... ماعرفش علاش تعماو ليه العينين حتى دار طريق وحدة لجناح فدس يطمن واش راها ناعسة بوحدها وماقربش ليها ....
حل لبواني بزرية ودخل .... وقدس كانت فالدوش ملي مابغاش يجيها نعاس دخلات كاترش وجهها بااما بارد توگض شوية وتحيد منها الخلعة والسطريس ...
شاف بلاصتها مرونة ولاشعة دالصباح لي كدخل من الخوامي دالبالكونات لي محلولين ....
وشاف بعينه لدوش بانتليه الباب مردودة ... والضو مشعول وزاد بشوية كايتسع ليه الما مطلوق فلافابو.... لاح سوارتو على سريرها وزاد ..
هي كانت خارجة كتمسح وجههاا تاكتتققفزز ببجهد وشهقااات ملي شافتو جاااي بجيهتها ورجعات لور تاتضربات فالحيييط لي وراها ...
كانو ملامحو مععصبين ونظراتو حاادين و حجبانو مجموعيييين و عينيه نااايمييين حوووممررر وريحت لالكول مخلطة ببرفاانو وبالجوانات لي كماااا كاتعطي منو شي لي خلاها تزيد تخلع حيت سكران .... كتسرط فرقيها مخلوعة وخيفانة ....
وهو هز صبعو وبدا يضررب بيه على جبهتها بالثقاالة ونطق بصوت مبحوح ومدعدع ....
لؤي : قققلنا .... قلنا لييييك .. طلعي تقووودي ... هي طلعي تقاااودي ... علاااش ... ( كايضرب بصبعو فجبهتها و هي كتسد عينيها ) كاتعكسي ..علااااش عزيز هلى ديلمك تشدي معايا الزكاااارة !!!!
قدس : ( كتسرط فريقها مخلوعة ) لؤي راك ماشي هو هاداك .... سيير منهنا عفاك غايشوفنا شي واحد غانوليو فكارتة كبر ....سر منهنا ( بداو كايدمعو عينيها ) راني مخلوووعة عافاااااك راه والله تاكرشي كضرني بالخلعة .. سيير منهنااا راه بابا غايقتلني هو وجود ...
لوؤي : ( هز يدو وشد وجهها من ذقنها تاتعوج فمها) مكتسمعييش لهضرة ... باغاني تانقتل شي واحد عاد تهناي .... واش حسابتك مغانقتلش همم ؟حسابتك مغانديرهاش . .. بررررب تااااانقتتتتل اي واااحد يطلع فيك الشوفة و لي ماحتارمكش ... برررب تاطيح روحو ... ( نزل يديه مع كرشها وهي مغضمة عينيها كتتهز بالخلعة تاوصل لليهونش وزير عليهم ) لللحمك دياااالي .. مااايتفرررج فييييه تاشي ولد القححبة .. مااايتشهااااه تاشي وااااحد .....( قرب ليها راسو مغزف مع لحروف )ديااااااالي
قدس : ( هبطو دموعها ) لؤااي عافاااااك ....
علا يدو بزربة ودار صبعو على فمو بمعنى سكتب
لوؤي : شششششش قطعي حسك ...
شافت قدس لقبضة يديه لي كلها دمايات و يبسو عليها وهي توسع عينيها وشدات يديه بزززربة كاتشوف فيها ...
قدس : شوووووف يديييك .... غاانتفخ ليييك ...علاش ضربتييييها هاكا ؟؟؟؟؟
لوؤي نزل عينيه ليديها الصغار البيضين لي شادين فالقبضة ديالو السمراء ... وعلا عينيه المعسلين فيها بشوية كايشوف هاد نظرات الخلعة اي بانو عليها ... اما هي شافتو ساكت كاع مارد عليها وعلات عينيها بشوية تالقاتو كاايشووف فيها .. يلاه غاتعضر .. كان تلاح علييها شارك شفايفهم مع بعض ... ويد حاطها على خصرها شادها منو ... ويد الاخرى شد بيها يديها بجوج مورا ظهرها .... كايققبل بشراااااسة وحب واندفاع كبيييير .... وهي غااتسسسخف بالخلعة ونزل لعنقهاااا دفن رااسو فيه تاتمنى يوقف عليع الزمان ومايطلعوش..... كايبوس و يعص بسنانو تكتغووت و يتسنشق فريييحتها .... وهي كتحاول دفع فيه بصصدرها تابدات تبكي وبداو يتسمعو ليه شهقاتها وهو يطلع راسو فيها كولو كاينهج وشفايفو حووومررر .... وعينيه مممعسلين غايتشدو ... لقاها كتبكي مخلوووعة هو يطلق يديها وعنقها عندو مزيرها فصدرو ...
لوؤي : ششششش . ... متخافيش .... مغانيدييررش لي يضرك ...شششش قدس. .. راني ساد لباااب عارف اش كندير .... ( علا ليها راسها لعندو ) مااتبككيييش ... راه ماااقدرتش احبيبتي .... ( كاينهج ) والله ماكنقدر نتحكم .. راني داير معاك مت الصصصصبر ... هادشي لي قدرت عليييييه. .. صافي متبكييش ( كايمسح ليها دموعهاا ) منعاااودش .. ( قرب لبجهتها باسها مطول ورجع نزل راسو لعندها شاد وجهها بين يديه ) شتي كون تعرفي غييييير شوية .. غييير شوية اش كتعني ليا ... وشحال كنبغيييك .... معامرك غاتنزلي هاد دموع .... وماعمرك غاتخااافي .... ( قرب لشفايفها ببوسة حنينة وبعد ) راه نموووت ومانشوفش شي واحد كايتشهاك قدامي ....
... ..دفعاتوو بعصبية تااخرجاااتو من الدوووش وكلها كتنخصص وتبكي ...
قدس : خرررج.... هرررج منهنا ... سسسسسربي ... خرررررج....
يتبع...
التعليقات
لا توجد تعليقات بعد، كن أول من يعلق.