محتوى القصة
خلاتها ومشات وياسمين تنهدات ولاحت سربيتة من يديها وبقات متكية على الكونطوار غير ساااهية ووكاتفكر فماماها ...
ضارت عند هاديك لاصوص وذااقتها بصبعها صغير وكتتبننها فلسانها مغمضة عينيها .. فلخرر علات عينيها بخيبة ودفعاتها منرفزة ... حيدات طابلية ديالها لاحتها وخرجات ...
بالهاا كولو مع هاد المذااقات كيدير تخلطهم وتلقى هاديك البنة لي كاتقلب عليها ...
دخلات لدوش ... وخشات وجهها تحت لافاپو كتغسلو بالغسول ... وعلات راسها للفوق كتنهد .... هزات من السيروم دهنات بشرتها لي تتقيل ديما حدا الفرااان والطياب ... بروصات سناانها ... ومسحات يديها وخرجات ...
يلاه غادة لبيتها و هي تشوف للجنب .. كان بيت ماماها ، وكاان وااضح من تحت الباب بلي فايقة من الأباجورة لي مشعولة ...
تنهدات لي غاتنعسها مقلقة ... وكتكره راسها علاش كضغط على ماماها بزاف ولكن ماباغاهاش تكون بحال هاكا !!! كاتعصبها ... ..
حلات لباب وطلات عليها غير براسها .. كانت مخشية فسريرها ، لابسة نظاظر .. وشادة عندها كتاب ...
ياسمين : ( بابتسامة مشاغبة ) نقدر ندخل !!!!
أسماء : ( علات فيها عينيها من نظاظر ) إلى غير غااتعصبيني تاني .. غير سيري تنعسي ...
ياسمين سدات لباب وقرباات بشوية تاطلعات حداها فالسرير ....حيدات ليها الكتاب ونعسات على رجليها .. أسماء تنهدات وبدات كتمشط ليها فشعرها كاتشوف فيها .. وياسمين هزات يديها كادوزها على حنك ماماها ..
ياسمين : علاش ماترجعيش لتعليم اماما؟ كنتي استااذة مزيييناتك ههه صحباتي كاع كانو كايبغيو يقراو عندك فالليسي ...
اسماء : مااابقاش عندي داك جهد ابنتي .... مصاب نهز غا همي ..
ياسمين : أماما الحبيبة .... مكنبغيش نعصبك .. كانبغيك غير تحلي عينييك !
أسماء : دابا نتي لي جيتي لبارح .. غاتحلي ليا عينيا أنا لي كانعرفو قبل مااتجي نت لهاد دنيا هم ؟؟؟؟ ياسمييين .. عمرك أبنتي ماجربتي تبغي شي واحد داكشي باش كاتجيك سهلة ..... باباك راه ملي كنت صغيرة بنت 15 عام ... ونا كانشوفو ملي كايجي مع باباه عند بابا .. راه كان غير لاشااااف فيا أبنتي كنسى دنيا كااااااملة ..... ماااعمرني بغيت ولا تعجبت بشي واحد من غيرو .... ( كاتشوف قدامها بابتسامة ) كان زهوااااااني بزاف .. وعاجبو راسو ومن هادي لهادي .... وواخا هاكاك بغيييتو ... واخا هاكاك قلت هادا غايكون ليا غييير أنا .... وواخا كان كبير عليا ب 16 عااام .... ولكن أبنتي فاش كايفيقو فيك مشاعر جداد عليك ... صعيييب تقاوميهم ... ( ياسمين كاتشوف فالسقف ) واخا كاتقولي ننساه .. وغير كايطفى الضو ....صورتو كااااتجي بين عينييييك ....
سهات ياسمين فالسقف وهي تتفكرو تايحاول يحل عينيه فيييها وتبسمات مع كلام ماماها بلا متحس ...
أسماء : واخا كاتقولي .. وتقنعي راسك ان هاداك ماشي ديالك ...ولكن دماغك كايبقى ينسج ليك قصة زوينة فيها نتي ويااااااه .... بجوج ... (غمضات ياسمين عينيها وهي تتفكر تفاصيل هاديك الحادثة ) فاش كايولي قلبك ... ذاكرتك .. عينيك ... كايوليو هاد التلاتة عامرين غير بصورتو هو .... راه مكتقدريش أبنتي تحلي عينيك على شي حاجة أخرى مزاااال .... ( حلات عينيها بزربة وقلبها ضرب فاش تفكراتو ملي شد يديها فاش كانت باغا تمشي ) كون كنتي مجربة أبنتي كون عدرتييييني ... مكنتيش غاتلومييني .. حيت القلب ماعليه لا حكااام .. مااعندو لجام باش نشدوه ... القلب هبيييل ... وكايهبل مولاه ... واخا دازت السنييييين ... واخا ماشفت معاه تا شينهار زوين .. مقادرااش أبنتي نكرهو ... هادشي لي عطى الله .. مقاااادراااااش ....
ياسمين : ( تنهدات وعلات عينيها فيها وهزات يديها كتمسح ليها دموعها ) ماما .... ماشي بزااف !! ماشي عطييتي بزاااف !!!! حياتك كاملة وغي نتي لي تتعطي فهاد زواج ؟ هو شنوو عطاك أماما من غير الهم والمشاكيل ؟؟؟؟
أسماء : ( بابتسامة كدوز يديها على شعرها ) عطاااااني نتي .... عطاااني أحسن وووووردة كاااينة فهاد العالم ( تحنات باااستها من جبهتها ) بااااراكا عليا غييير نتي .. واخا نعطيه مال دنيا .... مايسوا والو قدام رمشة من عينيك أبنتي ....
ياسمين : ( بغات تلطف ليها الجو ) ولاواه أماما ههه أنا راه كان بإمكانك تجيبيني تا مع شي واحد آخر .. بعدا يكون غاا راجل ... هههه
أسماء : ( ضرباتها لجبتهاا ) سسسسكتي ماتگوليش بحال هاكا ..
ياسمين : (ضارت على جنبها وعنقاتها ) ااااه اماما اااه .. اااه وشحاااال نية أماااامااا وشحال كااضعاافي لقلبك ....
أسماء : ( كاتمشط فشعرها ) تااانتي ملي غاتجربي غاتعدريني ..
ياسمين : مغااانبغيش شماتة أماما .. يا يكون راجل يا بلاااااش ...
أسماء : راه القلب .....قتليييك القلب ماعليه حكااام ..
ياسمين : قلبي مغاديش يبغي ليا شماتة غاتهناااااي ( ضارت على ظهرها تاني كاتشوف فالسقف )
أسماء : مممم ( كادوز يدييها على شعرها ) وقلبك شكون غايبغي !!! هداك لي كل ما تشوفي كسيدة تسهااااي !! هم !!!!
ياسمين : ( علات عينيها فيها ) شكوووون ؟؟
أسماء : لي سهييييتي لبارح كاتفكريه ملي دزنا حدا داك الكسيييدة ... حسابتك ماماك مكتفهمش!!!!
ياسمين : ماما ( ناضت گلسات مربعة رجليها على سرير ) هاديك كسيييدة فيها جوج دناس مجروحين ، سي نورمااال غانوقف نشووف فيهم .. وندعيو معااااهم
أسماء : مكنتييييش كاتشوفي فيهم .. كنتي سااااهية ... وكنتي كاديري شي ضحييييكات گاع ما درتيهم تا ليا أنا لي ماماك ... كون ماااافيييقتكش كون راك باقااااا تما كااااتفكري وتحمااقي غا بوحدك ...
ياسمين : ( تنهدات ورجعات لحضنها ) غي رتاحي ليك .. كنت ساهية غا مع خدمتي ....الباج انسطاغرام لي عاودت طلقتها والكومونضات ..
أسماء : ( ضحكات ضحكة مستهزأة لكدوبها المفروشين و عينيها لي لمعو بمجرد ماجبداتو ليها وبدات تمشط فشعرها بيدييها ) امممم .... وملي كاااع تتفكري فيه قد هاكا .. علاش ماقلبتييش عليه امم ؟
ياسمين : فين غانقلب عليه أماما ؟؟؟؟ واش منييتتك ؟ ماما .. راه غا واحد السيد دار كسيدة تلاقيتو فطريق .. عيطت لومبيلونص وجيت فحالي !!!! علاش غاانقلب عليه ؟؟؟ آش بيني وبينو ؟؟؟ ( شافت قدامها فالحيط و أسماء عوجات راسها مبتاسمة عليها وعلى اللمعة لي كتولي فعينيها ) اشنو عرفني واش مزوج ولا أب ولا خاطب ولا مطلق ولا أرمل ، آش عرفني فيه أنااا باش نقلب عليه .. وزاديون هانا قلبت عليه ومنبعد ؟؟؟ آش غادي نقول ليه ؟؟؟ سلام انا هي لي كانت معاك فاش درتي كسيدة ؟؟ اهاه إوا ومنبعد ؟ لا والو .. غير بقيت كااانفكر فيييك .. أهاه وعلاش ؟ وانا عرفت علااااش !!! ( سكتات مدة وأسماء كاضور فراسها وهي تهضر بصوت منخفض كاتشوف فالعدم ) ماعرفتش علاش ... م ... ماهضرناش ... م ماهضرش معايا ... مقال والو .. ما جمعنا والو ... و لكن ... ( علات عينيها لامعين فأسماء ) علاش هو مابغااااش يبعد من عينيا أماما ؟؟؟ امم !!
اسماء : حيت هدا ابنتي ، سميتو التخاطر ...كايطرا ديما بين جوج رواح ... مابغاش يبعد من قدام عينيك ، حيت تاهو ....كايفكر فيك .....
ياسمين : ههههه ربي ما سكتي اماما ( رجعات نعسات على رجليها ) علاش غاايفكر فيا ؟؟
اسماء : و إلا ... علاش ماااابعدش من دماغك ؟
∆فالقصر ....
بعد العشاء خرجو كلهم يشربو قهوة فالجردة وموضوعهم كان هو أصيل .. من غير قدس لي طلعات تنعس ... و هو ليگالس بعيد فگليسة قصبية .. على رجليه بيسي كااايكمل التصميم دالطموبيلات لي باغي يدير للطفلات البنات ... كيقاد فهاداك الجناح ديال الفراشة وعلى فمو ابتسامة ... تالقى راسو شاف فالعدم وهو كايتفكرها بصورة مضببة كتجمع فشعرها لي معنكشها للفوق بهاديك القراصة .... ..
ياسمين : ماعمر طرا ليا بحال هاكا أماما ... تلاقيت ناس بزاف جمعاتني بيهم الصدفة ودوينا گاع ... ولكن أنا كيفاش هو لي بقى فدماغي ... هوما تلاقيتهم .. وهو حسييت بحالا ... بحالا عترت فيه ... عترت وططحت .... وماعرفتش نوض ....
جبد من جيبو هاديك القراصة لي فسوارتو وبقى تايضورها فيديه وعلا عينيه للفوق كايسمع صوتها فودنييه " خووويااا كاتسسمعني ؟؟؟ خوويااا !! " ...
ياسمين : ولكن أنا علاش كالسة كنگول هادشي هو تلقاااه دابا عااايش حياتو معارفني تا شكون أنا ... أصلا كان مغيب ومكانش فكامل الوعي ديالو .... تلقاه مزوج وبولاادو و لا عندو شي وحدة فحياااتو وأنا كالسة نهضر عليه بحال هاكااا ... ( ناضت گلسات وجمعات شعرها تاني لفوق بقراصة وشافت فماماها ) ماعرفتش آش ندير يبعد من عينيا أماما .... ومنبقاش نحلم بيه بليل .. صافي هادشي لي بغيت ....
هو حيد عينيه من داك لقراصة وشاف قدامو فاش تفكر بيلسان ... وهو يرجع دوك سوارت لجيبو كايتنهد ... كايكره راااسو فهاد الموقف ... معوج شفتو للجنب... كايقول مع راسو البنت غاتكون عااايشة حياتها وبييييخير وكاع ماعاقلة عليه .. علاش هو مابغاااتش مبغااتش تخرج من ذاكرتو .. شنو هو الشيء الغرييييب لي داز بيناااااتهم تاخلاها هاكااا لاصقة لييييه فدماغو !! مكتبغيش تحيد ! بحال شي عبارة زوينة قريتيها فشي حيط ... بحال شي مذاق زوين شربتيه فشي كاس ... بحال شي أغنية لسقات فلسانك ... بلا وعي منك وبلا متحس كتلقى راسك كتررد كلماتها فالطالعة والنازلة ..... هاكاك كانت هي بالنسبة ليه ....
عند ياسمين ...
تنهدات وأسماء دارت ضحكة وهزات ليها وجهها لعندها كتشوف فيها ..
أسماء : وعلاش لي مايكونش تاهو كايفكر فيك ؟؟ علاش قلتي لا !
ياسمين : كانقوليك أماما كان مغيب ... ( شافت قدامها ) وزايدون هاهو فكر فيا وهاحنا كاع تلاقينا ... ( علات عينيها فيها ) ماما واش عارفة طموبيلتو كيكانت دايرة ؟؟ واش عارفة تيليفونو ؟ ساعتو لي فيديو .. حوايجو ؟؟؟ ماما هاد الولد كايبان من شي طبقة ارستوقرااااااطية ... راه غاطمووووبيلتو باينة ساوية للملاااااين الصحاح ... فين غانتقاد معاه أنا ؟ أنا لي فاتحة مشروع صغير ديالي فانسطاغرام مرة نخدمو مرة نسدو بالقرايا وبابا قماااار وكايصرف علينا خالي !!! ( شافت قدامها فالحيط ) يهدييييك الله أماما ....
يلاه غاتجاوبها أسماء بانفعال وهوما يسمعو الخبيط بجججهد فباب الدار للتحت تاقفففزووو من بلااصتهم شادييين على قلبهم !!!!!
أسماء : آش هاااادشي !!!!
ياسمين : أويلي شكون كايدق هاكا !!
ناضو بجوج بيهم كايتجارو للبالكون مخلوعين ... و هوما يلقاو طوموبيل كحلة وربعة دالرجاااال مگلضميين خارجين منها ووجهم خااسر كاايدقوووو بهمجية فالباب وكيعليوو عينيهم مع الدار و أسماء و ياسمين بزربة تخباو مع الحيط شادين على قلبهم ...
ياسمين : ( بهلع ) ماماا شكوووون هادوووو ؟؟؟
أسماء : ( شاداها بيديها ) شششش ماتخافيش .. ماتخافيش ...
للتحت : مختاااااااااار .. وااااالمختااااار .. واااابرررررربي تعاااالى وماااتحل هاد للبااااااااب تااااتشوووووف مصااااااررررنك مجبديييين حداك ....
أسماء شهقات وهي شادة على فمها وياسمين قلبها غادي يخرج من بلاصتو ..
الدقان فيق كاااع جيران .... حل الجاار لي تحت منهم لباااب يشوف آش واقع ضررربووو فيه وطلعو كايتجاراو فدروج وياسمين بدات تبكييي بجهددد ومها سداات عليها فالبااالكون وخرجات كتجري لكوزيينة ويدييييها كايترعدوو هزات جنوي كبييير، كللها كترعد وياسمين كاضرب فالبالكون ....
ياسمين : ماااامااااااا .. ماااااماااااا ححححححلي عليااااا... ماااااااما .. مااااما
مشات بداك جنوي أسماء لباب دار كتسمع خطاويهم فالسطااااح وواحد قرب لباااب وبدا يخبط فيييها بجججهد ....
- مختااااااار ... مختااااااااار
أسماء : ( بشجاعة مصطنعة ويديها كيترعدو هازة جنوي مورا ظهرها ) م .. مكا .. مكاااينش المختار ... ا .. اشنو بغيتو ؟؟؟
ماردش عليها وبدا يفرع فلبااااب وهي تغوووووت بجهد وياسمين غادي تخرج رووحها فالبااالكون ...
تفرعات للبااااب ودخل كايعفس بالسباط الموسخ ديالو على الزربية كايقلب فالبييييوت تاوصل لبالكون حلو .. وهي تغوووووت ياسمييين بجهد .. خلاها ومشا تاني كايقلب ورجع عند أسماء و هي تجي ياسمين كااتجري تلاحت عليها وأسماء دارتها ورا ظهررها بجوج كااايبكيو ويترعدوو و الجار لتحت ماقدرش يتدخل ...
-وافييييين داااك الشمااااااااااتة ؟؟؟
- ( جاو جوج من سطح كايجريو ) مكاااينش ولد ل**٪
أسماء : ( كاترعد ) .. ر رراه ق قتليك مكاينش ( علات فيه جنوي ) خررررج منهنااا ... كانية غيير أنا وبنتي .. خرج منهنا ولا غانعيييط ليك لبووووليس ..
- ( مقرب لعندها ماسوقش للجنوي و شاف يديها كايترعدو ) اسسسسمعيي نقوليك واحد جوج كلماااات ديريهم فودنيييييكك وملي يجي قووليهاليه ... قولي لييييه راااه بالرررررب وماتحط لينا فلووووسنااااا ....( دوز يديه على عنقو ) تاااانححرررو ... جداااارة الودن نقققطعها ليه .... غدااا ... من هنا لغداااا إلى مجاااببش الفلوووس ... يمشي يييحفر قبرووو حسن ليييه .... باش يعررررف مزيان شنو هي يلعب مع سيااااااادو ....
طلعوهم وهبطوهم ونزلو فدروج وهي طيح أسمااء على وقفتها سخفاانة وياسمين غوتات بجهد ....
ياسمين : مااامااااااااااااااااااا !!!
طاحت على ركابيها كترعد وهو يطلع الجار والجيران كايجريو تامشاو لوخرين وهزوها معاها نزلوها لطومبيل طارت بيها لكلينيك.....
∆فالقصر ...
لوؤي وسلطان كايكميو بعيييد على الحديقة فين جالسين هوما ....
سلطان : تال غدا بليل عاد نمشي ...
لوؤي : غاتعطل عاد ترجع ؟؟ ..
سلطان : تانخسرو ههه
لوؤي : لا لا تربحو .. ان شاء الله .....
سلطان : ان شاء الله ( تكا ليه على كتفو ) مهم انا غانمشي نعس صافي راسي داخ .. هادو لاشدو جماعة راه مغايساليوش ...
لوؤي : سير تانا غانمشي دابا ....هادو باينين بايتين ...
غمز ليه و ولاح الكارو ديالو ومشى داز حداهم لوح ليهم غير بيدو .... أما لوؤي دخل للقصر كايعوج فعنقو تاهو من العياء .. مكرهش غير يتلاح ينعس ... ولكن مابغاش يمشي قبل مايشوفها ...
وصل لبيتها حلو ودخل .. وهي تبان ليه ففراشها مخشية والضو دتلفازة لي ضارب فالجناح مطلوق على سيري اسباني ...
سد موراه لباب وزاد بشوية لتيليكوموند نقص الصوت لي قالب الجناح ...
وشاف للسرير وهي تبانليه مكمشة وسط مخادها .. ببيجامتها الزرقاء الحريرية .. شورط قصير و ديباردور ديالو سميطات ... شعرها مربل حداها ويديها لي فيها البانضة دايراها على المخدة ...
ابتسم على نعستها الطفولية ... كان عارف بلي غاتكون نعسات .. خدات دوا ديالها ورا العشا وعرف غايكون رخاها ..
كان باغي غير يشوفها ويدي صورتها فعينيه قبل مايمشي ....تالقى راسو دابا باغي يدي ريحتها فنيفو وريقها فشفايفو ... وملمسها فيديه ....
كايدير جهدو كامل باش ما يفقدش سيطرتو شي نهار معاها .. ولكن منظرها المغري .. وصياااموو الطويييل .... مكيخليوهش ينجح فشد حبال هاديك السيطرة ...
كايشوف فيها قدامو كيف شي كيك شهي .. ولكن عارف راسو مايقدرش ياكل منو ... شي لي كايخلي الدم يزيد يدفق فضلوعو ...
زاد بشوية بخطوات بطيئة تاقرب حداها لسرير وجلس ... كانت عاطياه بظهرها ... شعرها طويل على ظهرها مربل ..
عينيه تعسلو فمنظر مؤخرتها البارزة قدامو ... كاتجيه اكثر انثى مثيرة شاف فحياتو كلها ... ، ولي منهار بغاها برد على كاع بنات لعالم ... قرب كتر ... وهو كايرتب خصلات شعرها بيديه لواحد جنب ... تاعرا على جنب عنقها الأبيض ... لي كان حلوى شهية قدامو ...
غمض عينيه وحنى راسو بشوية تايستنشق هاداك العطر ... كانت ريحتها مخلطة مع كريمات الورد ...
ماقدرش يحيد نيفو مغمض عينيه بانتشاء وصباعو كيطلعو مع دراعها بلمسات خفااااف راسمين طريقهم لكتفها ... لي هبط عليه بشوية باسو بوسة خفيفة .. كايتنغم وراها مدة ساد عينيه ... كأنه كايتلذذ هاداك المذاق ....
قرب لعنقها مرة أخرى ... وهاد المرة القبلة فيه كانت عنييييفة ... تابدات كتنييين يمين وشمال كتحرك ... وهو ماقادرش يبعد راسو .. موزع قبلات على عنقها وكتفها وظهرها ...
تاحلات عينيها فاش وعات بيه ... من ريحتو لي تسللات دغيا لنيفها عرفاتو وضارت عندو بزربة لقاتو متكي وراها ...
قدس : ( بخوف ) لووؤي !!
قبل ماتكملها كان خدا شفااايفها فقبلة بدات هادية ولكن وتيرتها ارتفعات فاش تكا بيديه وارتفع فوق منها ... حاولات تعاند وعينيها كاتشوف فلباب ... ولكن ريحتووو .. طريقة تقبيييلو ... لسااانو وهو تايداعب لسانها خلاها تترفع معاه ... رغم مشاعر الخوف لي كتحسهم خايفة يتفضحو ... ولكن مقدراتش تقااااوم .. تالقات راسها سدات عينيها ....
كان شاد وجهها بين يديه بتقبيل خلاه يترفع ... ينسى راااسو من جديد ...
غي حس بيها كادفعو بلمسات كتحاول تقويههم فصدروو ... عاد رجع لواقعو وأنه خصو يحبس حيت مايقدرش يكمل ... و هو يترخا كولو عليها وخشا راسو فكتفها كيتنهد ...
قدس. : ( سرطات ريقها ) ل ل وؤي .. ا اشنو كادير هنا ؟؟؟ لوؤي نووض ...
لوؤي : ( علا راسو كايشوف فيها وعينيه معسلين ) ديري معاياا شي حل ..
قدس : نتا راك مسطي ... شكون قااالك اجي عندي دابا ؟ راه نتا لي كتجبد راسك آش غاندير ليك !!
لوؤي : ( كايدوز يدو على وجهها متبعها بعينيه وشاف فيها ) كنتوحشك بزاف .... كنحس براسي مقادرش نصبر كتر من هاكا ..... ( بعينين حمرين بالنشوة ) مقاااادرش ..
قدس : أهاه وشنو المعمول ؟؟
لوؤي : ( هبط على شفايفها ببوسة خفيفة و شاف فيها ) تزوجي بيا ....
قدس : هه ( بدات كدفعو ) لوؤي .. لوووؤي نوض عافاااك راك ثقييييل نوض .. يدي كتحرقني .. !
حيد من فوق منها ونعس فجنبها حاط يدو تحت راسو متكي عليها ويد الخرا كايتفحص بيها يديها المريضة وعلا عينيه فيها ...
لوؤي : واش هادشي عندي غير أنا أ قدس ؟ مكتحسي والو من جيهتي فاش تانبوسك ؟ هم !
قدس : كيفاش عندك غير نتاا ؟ علاش أنا خشبة ؟
لوؤي : وعلاش نتي قادرة تصبري وأنا لا ! وريني كيفاش كاديري ... !
قدس : حيت خاص ( ضارت عندو كادوز يدها على لحيتو ) واحد فينا يكون صبار ....
لووؤي : ولااخر ياكل دق ياك ؟
قدس : منستااهلش تصبر على ودي ؟
لوؤي : ( تنهد ) أودي ... .بقاي تجنني فيا شي نهار منعقلش عليك ...
قدس : نوووض سير عليا فحااالك .. واش الدااار نعسو !
لوؤي : (كايلعب فشعرها ) مزال قصارين ...
قدس : وابغيتي تااتحل داك لباب ويدخل بابا ولا قسم ؟
لؤي : سدييتها أقدس سديييييتها غا هنينا ...
قدس : ( يلاه جات تهضر وهي تشوفو من عينيه كايلعب فشعرها وملامحو شاردين ) مالك ؟
لوؤي : ( علا عينو فيها ) هداك الغذاء الرياضي ... بانليا ماتمشيش ليه أ قدس ...
قدس : علاش !
لوؤي : هاكاك ....
قدس : ياك نتا لي شجعتيني نمشي صباح .. مالك دابا ؟
لوؤي : ماعرفتش .. ( تنهد ) جاني بلاش عليك صافي گلسي ... ياك نتي أصلا مابقيتيش باغيا تلعبي .. صافي وجدي لقرايتك هاهي غااتبدا .. وقراي سالي هاد القراية خلاص نتزوجو ...
قدس : هاء ؟ آش بدلك فدقيقة تسعين تاني !!!
لووؤي : ( كايدوز يدو على ملامحها ورجع شاف فيها ) واش عارفة شحال كنبغيييك ؟
قدس : ( كاترمش فيه ) لوؤي !
لوؤي تنهد ورجع تاني دفن شفايفو وسط من ديالها مقادرش يزيد يهضر مزااال ...هزات يديها شدات وجههو متجاوبة معاه تابعد راسو هو هاد المرة .. خلاها حمرة مزنگة و شفايفها كايلمعو بريقو ..
لوووؤي : الله يدييييير لينا معاااك تاويل دالخير أبنت عمي ( وقف غادي جهة الباب ) هادشي لييي طاااالب معاك ... ( قدس تكات على ظهرها كضحك وتشوف فيه وهو شد البواني وضار عندها ) والله تااراااني صبااااار .. عمرني ماعرفت راسيي صباااار قد هاكااا تاااعرفتك نتي ..
قدس : ههه ومزااال غاتزيد تصبر ... هههه
لوؤي : وعرفتي نهار نشدك ؟؟؟؟ كاااع هاد الصبرر غايخرج فيك مضوووبل ... غابلاااتي ....
قدس : ههههه سييير البااسل سييير هههه ...
عطاها بوسة فالهوا وغمزها وحل لباب وخرج وهي تخشات فالمخدة لي كان متكي فوق منها وعنقاتها عندها ناعسة مبتسمة ..
اليوم الموالي - الساعة 10:35
واقفة سلمى فالكوزينة كتوجد الفطور ... عصارة دالقهوة كاتعصر فواحد الفنجان و هي كاتقطع فالكيك دالتفاح لي صاوبات لبارح وتستف فالطباسل. . عارفاه ليوما الأحد غايفطر معاها ..
دازت كتصاوب ليه الأومليط لي كايعجبو ... وكاتقاد كولشي وتدي لطبلة ... كانت غير ببيجامة ديال دار خفيفة سروال بليكارو وبودي ديالو نازل شوية على كتفها ...و شعرها جامعاه للفوق ودايرة ماسك فوجها ...
يلاه هازة الصينية تديها وهي تشوفو داخل ...
كان لابس غير سروال دسيرفيت كري بسيور وتيشورت كحلة ... شعرو مرجعو لور فازك .. شافها وصغر عينيه مستغرب وهي ضحكات ..
سلمى : ههههه غير ماااسك اخويا هههه .... انحيدو دابا ههه .. كيصبحتي ؟
أصيل : صاافا ..
هز عليها داك الصينية ومشا بيها للطبلة وهي دخلات للدوش حيدات الماسك وغسلات وجها وتبعاتو بطبسيل دالكيك ..
سلمى : لبارح كاع ماحسيت بيك فاش جيتي !
أصيل : لقيتك ناعسة مابغيتش نفيقك ..
سلمى : نعست لبارح بكري كانت ضارااني الضرسة ..
أصيل : ( وقف قدامها كايشوف لسنانها ) إينا ضرسة !!! هاديك لي عمرتي داك نهار !
سلمى : اه .. لبارح كليت لوز و عضيت عليها وهرست هاديك العمارة ..
أصيل : حلي فمك نشوووف ( حلاتو ليه وهو مصغر عينيه شافها خاوية ) امممم , ولد الحراااام ...
سلمى : را أنا لي عضييييت عليها ..
أصيل : وا إيلا مكنتيش غاتعضي عليها آش غانديرو بيها ....عاطياك الصداع بزااف ؟
سلمى : لا راه شربت الدوا صبحت هادنة ..
أصيل : غاتعضي عليها غاضرك ....انفطرو ويلاه رجعو عندو يعاودها ليك ..
سلمى : ليوما الأحد أخويا ساد ....
أصيل : غدا فكريني ..
سلمى : واخا .. كلس ماحد قهوة سخونة .. نجيب ليك أملو !
أصيل : ( شاف لطبلة) بلاش ، صافي أجي تفطري ..
سلمى هزات الما فصينية و جوج كيسان دالعصير و جات كلسات حداه .. هو لي شعل تلفازة ودار بين سبورت وعلا تيليكوموند دلاكليم شعلو ..... وسلمى صغرات عينيه فيه
سلمى : أصييييل !!!
أصيل : اممم..
سلمى : ( قربات عندو كاتقيس تحت شفتو ) جررحة هادي !!!!
أصيل : اممم ، قستها بالرازوار ...
سلمى : ونتاا الرازوار طلعتيه تااالهنا ..
أصيل : وراه قتليك قستو ... عطيني الموس ..
سلمى : ( مداتو ليه كاتشوف فيه ) ولبارح فين تعطلتي ؟
أصيل : ( كايمضع و شاف فيها ) مامولفاش تسولي بحال هاكا .. ياك لاباس !
سلمى : لا .. ولكن نتا .. ( حاولات تستجمع شجاعتها قدامو ) نتا لي وليتي مؤخرا كدير تصرفات مامولفينش ليك ..
أصيل : ( شرب من قهوتو حطها كايشوف فيها باستغراب ) بحالاش !
سلمى : بحال مثلا ... ماموالفش تسافر سيييمانة وماتقولش فين .. ياك فاش كتمشيو لسبانيا ، كايكون غا نهار وإلى كترتو يوماين ...
أصيل : علاش قنطتي ؟
سلمى : ماشي قضية قنطت لا ... غير ماعرفتش فين مشيتي ( شافت فيه) وانا راه كنتشوش عليك أ أصيل ... يمكن فاش كنت صغيرة مكنتش كانفهم ومكنتش تنسولك .. ولكن دابا ... لا ... ياك كاتقوول ليا نتا بحال بابا ... و راه حتى انا بحال ماماك أ أصيل ..
أصيل : هههههه ( جبدها عنقها عندو ضحكاتو تاحطات راسها فصدرو ) اجي اماما أجي ههههه ..
سلمى : ههه ماضحكش ولكن هادي هي العبارة لي لقيت ( كتلعب ليه فالعنق دالتيشرت) حيت حنا ... حنا أخويا ما عندنا تاحد ... نتا بابا لي تتدمر عليا على برا وتجيب ليا كولشي تا لدار ... ( أصيل كيتنهد وكتحس بصدرو كيتنفخ تحت منها ) وأنا .. وأنا هي ماماك لي طيب ليك وتصبن ليييك .... ( علات عينيها فيه ) وتشوووش عليك ..
أصيل : ( بتاسم ليها بحنية وهبط على جبهتها باسها ) متخافيش أختي ... غير كنت خدام وتعطلت فالريسطو ...
سلمى : ( بعدات من صدروو مخلياه يفطر ) فين وصلتي ؟
أصيل : وايلاه بدييينا ..
سلمى : الله يسسخر ليك ... ( كتاكل وكاتشوف فيه بنص عين فاش كايكون راشقة ليه كتكون زاعمة عليه ) اصيييل ..
أصيل : اممم ..
سلمى : قوليااا .... واش ... ( شافت فيه بنص عين) واش داك الريسطو لي شريتي .. هو لي خلاك مؤخرا كتبان ليا ناااشط وراشقة ليك ... و ولا ( شافت قدامها ) شي حاجة أخرى ..
أصيل : ( تبسم وهو كايشرب من فنجانو وشاف فيها ) سلمى ! ( شافت فيه ) سوولي اشنو باغا تسولي نيييشان .. بلاش من هاد لونكيط ... أجيني نيشان ..
سلمى : ( حطات طرف دللكيك وتقادات فالكلسة قدامو وربعات رجليها فوق السداري كاتشوف فيه ) ماتكونش شي بنت لي دخلات لحيااااتك ؟؟ امم !
أصيل : ( ضار عندها تا هو ) وهادشي .. شي حاجة غاتعجبك ولا لا !
سلمى : هاااء . . وراه هاداك هو النهار الكبييير عندي .... ( بضحكة وشقاوة) نتهنى شوية من التصبين والطياااب ديالك وتجي تهزك عليا هههه ( دار فيها نظرة د"يااااك " ) ههه غير كنضحك معاك .. نطيب ليك نتا وياها ... ولكن ... تااني علا حساب ( كاتفكر قسم ) هي شكووون ... !!
أصيل : ( تنهد ومسح يدو و فمو وشاف فيها ) سلمى ... هادشي كان خصني نقولو ليك شحال هادي .. ولكن مكانتش تاشي حاجة واضحة ورسمية و لي خصني نقولها ... كان خاصني نتأكد من بزااف دالحوايج ... باش مانخليك هازة الهم دشي حاجة مزال ماقررتش فيها .... ومزيان لي جبدتي هاد الموضوع وهو نيت لي بغيت نهضر معاك فيه هاد الصباح ..
سلمى بدات كاترمش .. لقات راسها ندمات كاع لاش جبدات هاد الموضوع .... تمنات كون ماسولاتش وماهضرش كاااع وماايكونش داكشي لي شافتو وسمعات بصح وغايدوي عليه دابا ... قادات جلستها وشافت فيه بخوف وفضول فنفس الوقت ..
سلمى : ا .. ا .. الله يسمعنا خير !
أصيل : ( بدا كايدوز يدو على شعرها وشاف فيها بحنية ) أنا غانهضر ، ونتي ماتقاطعينيش ..
سلمى : ولكن را (قاطعها )
أصيل : ششش .... كاع داكشي لي غاتبغي تسولي عليه ، وكاع داكشي لي غايخلعك فهضرتي أنا عااارفو شنو هو ... داكشي علاش سمعي ليا تانسالي هضرتي ...
سلمى بدات كترمش فيه ... كانت شبه متأكدة أن الموضوع غايكون قسم ! ولكن علاش باليها بحالا الهضرة غاتكون طويلة !!! مستحيل !!! واش هادشي رسمي ! إذن السفر لي دار معاها هاد سيمانة وصلو بيه لشي حاجة غاتخليه دابا يجي يهضر معاها هضرة طويلة ! لدرجة غاتسمع ليها بزاف بلا متقاطعو ! هي عارفة مزيان أن خوها مدام مجاش هضر ليها على قسم ... إذن مكاين والو .. ماشي خوها لي غايجي يعاود ليها على آش غايدير ولا آش باغي يدير .. خوها كايجي يقوليها نهار كااايكون غاييديير ... كيفما نهار بدا فالصيادة .. وكيفما نهار باع الدار .. وكيفما نهار شرا طموبيل .. وريسطو .... ولي هاد الجوج الخرين ولات متأكدة أنه دارهم على قبلها ... ولكن لي مفاهماهش .. هو واش رافكاط طويوطا .. وريسطو بسيط كايتصلح ... واش بهادشي باش غايتقاد مع قسم الإسماعيلي !!! هاد الأفكار انهالو على دماغها فدوك الثواني لي شرب فيهم كاس دالما .. وتنحنح وقاد جلستو حداها ....
أصيل : منهار مات الواليد .... ومنهار جاو خوتو يديوك عندهم يمنو عليك بشوية ديال الفراش ومخدة ويقولو ليك ربيناك .. منهار ماخليت تاشي حد يقيس فيك وتبنيتك ..حيت نتي بنتي ماشي ختي .... من داك الساع ( سلمى كترمش فيه وجفونها حمارو ) وانا كنحاول مانخليك تخصك تاشي حااااجة ... واخا منعرف آش ندير ... مهم منخليكش تحسي بأنك يتيمة ولا مات باباك شي نهار ... كون كان بنادم كيتباع كون بعت راسي تاااهو ... مهم نتي مايخصك والو .... دابا فعمرك 20 عام و ( قاطعاتو ) ..
سلمى : غاتسمحلي ولكن هنا أنا غانقاطعك أخويا ..
أصيل : ( ربع يدو وعوج معاها راسو ) امم !
سلمى : نهار 20 فشهر 6 درت 21 عام اخويا ... ( بخيبة ) انا عارفاك متتعرفش عيد ميلادي ومتعقلش عليه وعمرك تفكرتيني فيه ... ولكن راه فعمري 21 ماشي عشرين ...
أصيل : ( ضور راسو بنفي ) 21 عام نهار تزاديتي آه ... وعندك فالوراق 20 فشهر 6 تاريخ ميلادك ... ولكن بنسبة ليا أنا ... عمرك 20 عام ... وعيد ميلادك بنسبة ليا هو نهار 15 فربعة د العام لاخر ورا متزاديتي .... ( شاف فيها بابتسامة حنينة ) وكنظن عمرني نسيتو .... غير نتي لي مكنتيش عارفة علاش كنتفكرك داك نهار وكتسوليني علاش كتخرجني وعلاش كتجيبليا كادو .. وعلاش كتشري ليا حلوة ... حيت هداك هو نهار ميلادك بنسبة ليا انا .. دااكشي علاش !
سلمى بدات كترمش فيه مفاهماش وقربات عندو كثر ..
سلمى : شنو طرا .... فهاداك نهار لي ولا عيد ميلادي بنسبة ليك ؟؟؟؟
أصيل خدا تنهيدة كبيرة محاملش يعاود ليها هادشي ولكن حس بيها أنها خصها تعرفو ... باش متبقاش غالطة فيه أنه مكيعرفش نهار ميلادها وأنه مكيهتمش بيها ... هو عارف هادشي من لول ومخليها غالطة غاباش مايقولش ليها علاش .. ولكن دابا...هو بغا يطمنها من أي خوف يمكن تحس بيه إيلا قاليها غادي نتزوج .... حيت عااارف مزيااان فاش غاتفكر ....
أصيل : نهار لي تزاديتي فيه ... تزاديتي مع الصباح ... وجابوك للدار فلعشية ... هاداك نهار الواليد عيط للبلاد يجيبو ليه حولي زوين باش يديرو ليك سبوع .. ولكن ( صدرو ضياق ) هاديك خيتي مكانتش باغا سبوع ( سلمى نزلات راسها مزيرة على يديها بغضب فاش كتسمع حسها ) وناضو ضاااربوو بزاف هي والواليد الله يرحمو .... داك نهار كان كحل بنسبة ليا .... كانت الحاجة الزوينة فيه ( ابتسم وضرب فوجها بصبعو ) أنني كنت كانشوف فيك فالكونة صغيييورة و يديك صغااااار .... ( ابتسم كتر و هي علات عينيها فيه دماعين ) ولي كان مفرحني كتر .. .هو مكنتش كنحمل لي يقول ليا عينيك بحال مامااك ... ولكن ملي شفتك نتي عينيك بحالي .... فرحت حيت غايقولو ليا عينيك بحال ختك .... ( سلمى طاحت ليها دمعة ونزلات راسها للتحت وهو علا ليها راسها كيمسحها ليها ) ماديتهاش فغواتهم بزااف حيت كنت مشغووول بيك نتي وبهاد المخلوق الجديد لي جا للدار .... داك نهار لي تزاديتي فيه .. دوزاتو علينا خايب ومخلاتناش نفرحو بيه وخلاتنا منبغيوش تانتفكروه ...داكشي علاش مكنبغيش نديرو عيد ميلادك ... ولكن .. نهار 15 افريل ... هو نهار لي مشات فيه من حيااااتنا بمرة .... بصح الوليد كان معصب .. وكان طايح عليه الضيم .. ولكن أنا كنت فرحان ( كايرد ليها شعرها ورا ودنيها ) حيت خرجات علينا من دار و مشاااات فحااالها .. وداك نهار هاداك ... عاااد حسيت بيييك تزاديتي دبصح .... داكشي علاش أنا كنتفكرك فهاد التاريخ ماشي فلااااخر .... ( سلمى علات عينيها فيه كلهم دماعيين ) غااتقولي علياااا قاسح معاك غاتقولي علياااا ممفكركش .. غاتقولي عليا متنعرفش نحتفل بعيد ميلادك .... ( شد يديها ) سلمى أنا مكنتش كنعرف شنو هي نضحك .. ولا نجي نهضر أنا وياك .. أنا مكنتش كنعرف نهضضضر ! ... أنا منهار مات الوااالييييد مابقيت عارف ندير والو .... مشاكيل كانو فوق راسي واحد فوق واحد وكنت تااالف ومعارفش آش كاندير ولا آش كنرون فحياتي .. مرة ندفع لكونطرات لبرا .. وتايخرجو ليا ومنمشييش .. مرة نزل لمرصى .. مرة نشري طوموبيل ندير طاكسي . . مرة ندفع للشركات .. يعيطو ليا ومنمشييش .... مرة نمشي نقلب منين نشري الحشيش نبرمو فجوان ونمشي حدا السكة ... مرة نقطعوووو ونحيدو ونوض نمشي لجااامع .... أنا مكنتش عارف شنووو كااندير فحياااااتي ... داكشي علاش مكنتش كنعرف نهضر معاك .. عارف حاجة وحدة هي نتي أغلى حااااااجة عندي فحياااتي .... وعايش غا على قبلك ... هادشي هو لي عمرك تنساااايه ، ولا يدخل ليك فيه الشك شي نهار
سلمى : عااارفة هادشي ا أصيل .... واش انا عمرني لمتك ؟ مكنلومكش حيت أنا عارفة اشنو كاتدوز على براااا ....عاارفة طبعك ... عارفة كولشي ... أنا بصح كنت مقلقة حيت محبوسة فدار و حيت ماخليتينيش نقرا ، ولكن أنا عارفة مزياااان كتبغيني .. وهادشي كاافيني .... ( زيرات على يديه ) أنا ماتو واليييديا آه .... بابا دفناه وهي دفنات راسها براسها فبلاصة مكنعرفوهاش .. ولكن الله شااااهد عمرني أخويا حسيت معاك بشي نقص ... وهادشي كان مغطي على طبعك معايا .... ( قربات عندو كتر ) خوويا .... أنا شفتك تبدلتي معايا هاد الليام الخرا ... منهار قبلتي باش نقرا .... و نتا واحد آخر .. واحد لي كايدخل ويضحك معايا .. ويهضر معايا ... ( بتاسمت والدموع فجفونها) يمكن كاتضن ختك مكتعرفكش ...ولكن لا ... ختك كتتتعرفك مزيااااان ا أصيل ... وكانت عارفة مزيااان ان لي خلا طبعك يتبدل بحال هاكا ... هو دخل لحياااتك شيواحد علمك تهضر ... و يمكن وراك شي طريق ومابقيتيش تالف ..... ورااه باااااين على وجهك واخا ماجيتيش قلتيها ليا ...
أصيل شاف مدة بسهوة ، خلات سلمى حايرة واش تخاف كتر ولا تتطمن ولا ترتابك ... ورجع شاف فيها ...
أصيل: امم بحال مثلا نتي .... قبل ماتبداي توجدي لهاد بااك ليبر .. وقبل ماديري فبالك أنك غاتاخديه باش تكملي قرايتك ....مكنتيش هاكا ... تبدلات نفسيتك وليت نشوفك ضاحكة فدار وفرحانة .... عكس قبل ... ديما عينيك باكيين .. الشهية والو .. ديييما ناعسة ومرخية ... مكتئبة .... ( دوز يدو على وجها ) دابا لا .. ( شاف فيها ) يعني بعد لمرات فاش كانلقاو شي طريق نتمشاو عليها ... مكنبقاوش تالفين ... داكشي لي كايخلي نفسيتنا كتحسن وكايرجع لينا شوية دالشغف فهاد الحياة لي كانت كحلة ... وباش تلقى الطريق .. ضروري كاايكون شيواحد سبب .. مستحيل تلقاها بوحدك .... يا كايكون هو لي زعمك ... يا كايكون هو ليووراها ليك .... ( سلمى تترمش فيه ) ..
سلمى كانت ساهية فملامحو وطريقة باش كايهضر .... كانت أول مرة خوها يهضر معاها قد هاكا .... هداك الحب كامل لي كيبان فعينيه هي عمرها شافتو عطاه لشي حد من غيرها .... و قربات عندو كتر كاتشوف مباشرة فيه ..
سلمى : فهمتك .... و هاد الشخص لي نتا كاتهضر عليه ....بدلنا بجوج .... زعمني أنا باش نتمشى فهاد طريق ... ونتا .. وراها ليك .... ( أصيل كايشوف فيها ) وانا كنضن .... أننا كننهضروو على نفس الشخص .. ياك ا أصيل !
أصيل : ( بابتسامة خفيفة ) قالتها ليك ؟
سلمى : ( حركات راسها بالنفي ) لا .... غير هو نتا أخويا .. كتقضى لينا الخضرة ... الحوت ... الدجاج ... عمرك تقضيتي لينا التبن باش نكون مكنفهمش ...
أصيل جابت ليه الضحكة وضار بجنب دوز لسانو على شفايفو كايضور فراسو ورجع شاف فيها ...
أصيل : وشنو باليك ؟
سلمى : أصيل .... حنا راه كندويو على قسم الاسماااعيلي .... راه مستحيييل يتقبلها لعقل .... انا دابا ... وحدة من الزوج ، لولة هي نتا معااارفش شكون هي ..... والتانية .. هي أنا معاارفاااش شنو كتعرف نتا ....
أصيل : يمكن بجوج ...
سلمى : معارفهاش شكون هي !
أصيل : فللول آه ...
سلمى : ودابا ؟
أصيل : التانية ..
سلمى : أنا معارفاش شنو عارف نتا ( أصيل حرك ليها راسو بآه وهي ربعات يديها حداه ) أصيل .... قسم واحد البنت .. لي بقوة ماااهي زوينة و ضريييفة وفيييها كاااع دوك الصفات لي مغاتلاقاش بيهم كل نهار .. و كاتمناها أي وحدة لخوها وكتمنى أي وحدة تكلس معاها شوية ... بقوة ما الأمر كاااايخلع ... أنا مغاندخلش فقرااراتك أ أصيل هاديك حياتك ... ومغانعرفش حسن منك نتا ... ولكن هادشي راه فشكل أخوياااا .... كيفاش درتو ليها راه مافهمتش !!!!
أصيل : ( معوج شفتو للجنب ) تانا مافهمتش ..
سلمى : قسم الاسماعيلي ... عائلتها ... أنا كنعرفهم كتر منك .... غادي دخل لبيتي وتحل لبلاكار و غاتلقاااه عااااامر بالمجلاااات لي تايهضرو عليهم ... انستكراااامي عامر غير بيهم .. أي حوار .. أي صورة ... أي حااااجة أنا لولا لي كنشوفها .... كنحماق على داك العائلة بمعنى الكلمة ، لواحد درجة نتا مكتصورهاش... ولكن .... كنبغييييهم غييير من بعيد .. حيت هاديك العائلة بالنسبة ليا بحال النجوم .... إلى قربت ليهم كتر .... غايبانو كبااااااار بزاف عليا ....غايوليو خالعيني كتر مكانو عاجبيني من البعيد ... داكشي علاش كانفضل نبغيهم من بعيد .... راه 6 سنين وانا كنتبعهوم .. منهار كانت عندي 15 عام ...
أصيل : كنضن اسلمى ... انك لي عرفتيه فهاد سنين من المجلات ... ( جمع جوج صبعان قداامها ) مكايساوي قد هاكاااا .. قدام آش غاتعرفيه غير فساعة دالمكانة معاهم مباشرة.....
سلمى : ( كاترمش فيه ورجليها كايلعبوو بالتوتر ومعدتها تقلصات ) واش تلاقيتيهم أ أصيل ؟ من غير قسم .. (أصيل حرك ليها راسو ب آه وهي دمعو عينيها ) وعلاش أنا مافخباريش ...
أصيل : راه غا نهار الجمعة اسلمى ... لبارح شفتيني مجيتش لداار كنت مشغول على برا ... وليوم يلاه قدرنا نهضرو ...
سلمى : ( بعيون باكية ) خطبتيها إذن ؟؟؟؟
. أصيل : ( بصدمة ) بلا بيييك !!! حماقيتي ...
سلمى ناضت بزربة كتمشي وتجي .. حساات بخوف سيطر عليها ملي بان ليها الأمر رسمي ووهو تلاقاهم كاع .. النفس حبسات فحلقها وهو تايشوف معاها علاش تبدلات دغيا هاكا .. كانت كتضن الأمر باقي فيه المشااورة ... ماشي يوصل أنه يكون رسمي قد هاكا وضارت عندو .. كدخل وتخرج فالعضرة
سلمى : . كي .. كيفاش. كيفاش بلا بيا !!! ه ه .. م .. م مادام .. مدام شحال هادي ونتا معاها وماقلتي ليا والو ... و و مدام ... مادام ققررتو .. ققررتي يمكن تزوج كاااع ... ومقلتي ليا والو ... ( فيكساات عينيها عليه ودموع كاينزلو ) غادي تديك هاديك العائلة عليا ... ياك أ أصيل ..؟
أصيل : ( جرها من يديها بزربة كلسها وبدا كيمسح ليها دموع) وااشتي لي مااابغييييناش ... آش كالس كنخبر عليك من قبيلة ! شكون عندي أنا فهاد دنيا من غيرك باش يديني عليك شي واحد واش نتي مسطية ! ( سلمى نزلات عينيها كتشهق ) ماقلتهاش ليك شحال هادي ... حيت هادي ماشي بنت الحومة لي نجي نقوليك راه عجباتني سيري هضري ليا معاهم نخطبوها .... راه قلتيها بفمك هادي قسم الاسماعيلي ... باش نلوح معاها خطوة رسمية عرفتي شحال غايخصها ديال الليلات لي نباتهم فيهم فايق كنفكر ؟؟ آش غانجي نقوليك ؟ نشوشك بشي حاجة أنا ممتأكدش منها ! واش عارفة شحال من مرة لحت الخطوة و رجعتها لور .. ولحتها تااني ورجعتها لور ... ( سلمى علات عينيها فيه ) أنا تالنهار الجمعة .. لي قررت غانلوحها فمرة وحدة .. ومغانرجعش لور .. عرفتي علاش !!! ( سلمى تتشوف فيه بتساؤل ) حيت كنت باغي غير قسم ... ليا انا .... ولكن نهار الجمعة ... أنا لقيت تا داكشي لي ماقدرتش نوووفرو ليك حيااااتك كاملة .... داكشي لي كيخليك تبكي كل عيد فالسرجم .... انا داك نهار ديال الجمعة ( بحيرة كاتشوف فعينيه ) لقيت عائلة اسلمى ....
سلمى : و .. واش عارف ا اصيل أن ديك العائلة ست سنين هادي وانا كنحلم بوحدة بحالها ؟ هاديك العائلة فاش كنحس بالشووووق لعائلتي كنمشي نتفرج فتصاورهم ؟ كنعرف عيد ميلاداتهم ككلهم ... كنعرف خداميهم واشنو كايبغيوو واشنو مكايبغييوش .... كنعرفهم بحال وحدة منهم .. ولكن أصيل أنا عمررررني تااااقدرت نحلم شي نهار غانهضر معاهم ولا غانتلاقا بيهم بقى غير ندخلوو وسطهم ؟؟؟؟ راه مغاانقدوووش عليييهم ااصيل .... راهم عائلة كبيييرة ماشي كلهم غايكونو بحال قسم ... انا وياك ولفنا غير بجوج بيييينا .... كيغانديرو وسط عائلة قد هادي ؟؟ واش عارف راسك اشنو كاديير ؟؟؟؟ واش عارف اش غايكتبو عليك فدوك المجلات لاشافوك مع قسم ؟ واش عارف شكون هي قسم ؟
أصيل : مغانحاول نقنعك بوالو حيت هادشي لي كاتقولي فيه هو لي قلتو أنا فللول ... وكاع هادشي لي غانقولو ليك باش نبدل ليك هاد الفكرة قالتو ليا قسم ومنفعااتني بواااالو ... حيت هادشي مغايتبدل ليك .. تاتشوفيهم .... ( سلمى تترمش فيه ) ملي كنتي صغيرة .. ومكنتيش كتبغي تشربي دوا .. شنو كنت كانقوليك ؟
سلمى : ( بابتسامة وسط دموع ) ك .. كنتي كاتقوليا .. غادي تجيب ليا بزاااف دالحاجات ... و و انا ندير غير حاجة وحدة ... وهي نشرب دوا ...
أصيل : وحتى دابا .. اسلمى ... حتى دابا ... غاانجييب ليك بزاااف دالحاجات .. وفالمقابل بغيت منك حاجة وحدة .. هاد المرة ماشي تشربي دوا ... هاد المرة .. بغيتك تيقي فيا ...
سلمى : أنا ديما تايقة فيك ا اصيل .. ولكن هنا انا خيفانة ... خايفة تكون بغيتي قسم وتعميتي على حاجة اخرى .... وغاتلقى مشكل فللخر .. خيفانة عليك نتا أنا علاش !!! انا هنا فدااار .... راه نتا لي غاتواجه المجتمع على برا ...
أصيل : سلمى .... أنا نهار الجمعة ... شفت واحد المراة زوينة ، يبغيها اي واحد تكون معاه فالطبلة تتغدا معاه ولا تتعشا معاه .. غي يسمعها تتهضر .. وتشوف فيه بهاداك الحنان لي واحد بحالي مكايعرفوش وممولفش شي وحدة تشوف فيا بحال هاكاك .... ولقيت تما واحد البنييتة صغيرة بحالك فرحات حيت جيت عندها ... لقيت تما دراري نفسهم حارة على عائلتهم ودغيا تايخرجو نيابهم .... أما لبارح .... لبارح كانت حاجة خرا .... لبارح أنا ( شاف فسلمى ) لقيت أب ....
سلمى : ( كترمش فيه ) ك .. كيفاش !
أصيل : أنا فلول ... لقيت غير البنت لي بدلات ليا هاديك نفسية لي شفتي. .. ولي وراتني طريق فيناهو .. ولي رداتني لراسي.... ومنبعد جاابت ليا معاها هادشي كامل ... وبغيتيني منغااامرش ؟ ( سلمى تترمش فيه ) واحد البنت لي على قبلي مستعدة تخرج من بروتوكول ... مستعدة تبدا معايا من جديد وتخلي كولشي ... عائلتها تتقول ليا ولدي .... من بعد هاد السنين كاااااملة كايجيي عندي واحد للخدمة يشوفني آش كندير وفين وصلت !!!! شي واحد كيسولني على آش باغي ندير .... شي واحد لي بغااني نتكى ... حيت حس بيا شحااال عييت بالوقوف فبلاصة مافيها تاااااشي حيط نتكى عليه ...
سلمى : أصيل را ( قاطعها )
أصيل : ولي خلاااني نزيد نغامر بعيني مسدودين ومنتسوق لتاشي حاجة أخرى ... هي أن هادشي ماشي تالدابا عاد بدا .. هادشي كاان قبل تا منتزاادو.. فاش أسد الاسماعيلي كان كايتدرب عند جدي فالبحر .... ( سلمى وسعات عينيها بصدمة ) وفاش جدي .... سمااه الروكان ....
سلمى : ( بصدمة ودهشة ) ج .. ج جدي ؟؟؟ ك كيييفاش !!!!!!
أصيل : وفاش الواليد دخلو لدار لقديمة ... أنا باااااقي عااااقل عليه ... نتي كنتي باقا صغيييرة .. جا عندنا هو و ولدو ....
سلمى : ( بصدمة كتر ) ر ... روووووكان ؟؟؟؟؟؟؟ ج جااا عندنا.. الرووكان !!!!!!!!!!!!!!!!!!
∆فالقصر
الساعة 11:15 ..
واقفة حياة ورتاج ولامار ... ورجاء قدامهم فيديها طابليط ... أما أسبرو مكمل نعاسو على ليفوطوي حيت فيقوه بكري واخا ماعارفش علاش فيقوه أصلا ..
حياة : ولكن لا أ لامار مايمكنش نوجدو الگاطو ... ويلا كان هو جاي غير يهضر ماشي يتخطبو بالخواااتم ؟
لامار : صراحة أه معارفاش بضبط ... وتا أسد ماقالياش ... واش غايجي غير يهضر ولا كاينين الخواتم باش نعرف اش ندير ...
رتاج : لامار ... الحمد للله لقضية عندهم ساهلة حيت كاين غي هو وختو ... ماشي غاايجيو بزاف دالناس .. ونو( قاطعاتها لامار )
لامار : راه حنااا .. حناا لي بزااااف أرتاج ..
رتاج : وحنااا صحاب الدار اصاحبتي ..
لامار : ( ضارت عند رجاء ) هانتي بعدا ... سربيس ديال العشا بغيتو كااااامل بيض .. باش نفايلو عليهم بالخيييير .. وبغيت كليسة على برا قادوهااا مزيااان فين غانشربو قهيييييوة ( شافت فيهم ) ..
لامار : نااااري عرفتو راني باغة نكبر بيهم ، مكرررهت ندبح الجمااال ليهم بالفرحة ديال بنتي وديالو هووو لي دخل لخاطري ..... ولكن خايفة تاني يحسوووو بحالااا كترنا عليهم ولا كنبانو عليهم ونزيدو نخلعوهم. .. ماعرفتش .... بغيت يحسو بحالا راهم عند جيرانهم فحومتهم وصافي ..
حياة : اويلي منيتك بقى شي واحد دابا معارفش الخيير .... تلقايه كاياكل حسن من بنتك لي كتنقب ليا جوج زيتووونات وجوج وريقات د الروكيط ...
لامار : بصح عندك الحق ... أنا قلت الموني للول يكون حوووت ... هو خدمتو هاديك غايكونو كايعجبهم الحوووت ...
رتاج : حيدي عليا غا داك سوشي و داكشي متايبغيوهش دراري ...
لامار : أنا أصلا فاش شفتو جاني قريب شوية لطبع دولادنا .. يعني داكشي لي كاياكلوه ولادنا وكايعجبوهم .. غايكون كايعجبو تاهو .. ولكن ختو معاارفاااش شنو كايعجبها !! كون غير تجي داك عوراجة ديال بنتي تقوليا آش كايبغيو ياكلو ( شافت فرجاء ) آش بالك ؟
رجاء : منقدرش نعرف حسن منك فهادشي أنا عارفاني امادام بعيييدة على الطياب هههه يلاه كنعرف نسلق البيض ..
حياة : عرفتي شغاديرو ...الالة غانديرو عشاااء مغربي مية فالمية حيييد عليا ... الماكلة المغربية مكاين ماااحسن منهاااا ...
لامار : نديرو لحريرة فلوول !
رتاج : أويلي على الحريرة مالنا صايميين شعبان ... لا أختي ...
لامار : إوا أشنو؟
يلاه كايهضرو و هوما يسمعو صوت طالون نازل فدروج ... شافو جيهتها وهي تباليهم نازلة .. كانت بلباس رسمي كوستيم فالبيج وطوب تحتو كحلة .. شعرها مسدول لور مجموع بنضيضرات وصاك ديور أسود وصباط طالون أسود ... هازة تيليفونها كاتشوف ليزيمييل ونازلة ولامار كطلعها وتهبطها تاوصلات عندهم ..
لامار : فييين غادا نتي ؟؟؟؟
قسم : ( باست رجاء فحنكها ) صباااحو ... ( دازت باست رتاج ) غادة لشغالي أ ماما .. صباح لخييير خالتو ..
رتاج : صباح نور أحبيبتي ...
لامار : أويلي على شغااالك ليوم ؟؟؟؟؟ ليوم الحد أصلا ... أشمن شغال ؟؟؟
قسم : ( باست حياة وضارت عندها ) ماما .. راه نهار الأحد هو الوحيد لي كانلقى باش نمشي نفض الغبرة على داك البيرو ديالي فالجمعية ... ونشوف داك بروجي ديالي لي كنت حبست على حساب العسكرية فين وصلو فيه باش نكملوه ..
حياة : واااراه ليوووم خططبتك أشمن خدمة نتي تاااني !!
قسم : خطبتي بلليل ! آش غاندير هنا ؟؟؟ ( شافت فيهم واقفين كاملين ) واش كاديرو نتوما أصلا .. ! راه غير غايجي أصيل وختو يتلاقاوكم وصافي .. ماااشي عندي عرس !
لامار : قوليلينا بعدا .. واش جاي غي يهضر ولا كاين تركاب الخواتم باش نعرف آش ندير ... !
قسم : ماعرفتش أماما( تيليفون كايصوني لقاتها صفاء ودارتو فودنيها ) أنا جاية أصفاااء .. أنا جاية ( قطعات ) ماا عرفتش .. ومنقدرش نسول بحال هاد السؤال !
لامار : اويييييلي غاطيحني بشي كريز تاااني .... آش فسها لاسوليتيييه واش كاين تركاب لخواتم ولا لا ؟؟
قسم : وا ماما غانبااان بحالاااا ملهوفة على الزواج ... ويلا مكانش ناوي على الخواتم نصدق حارجاه ...
رتاج : وانتي عرفي كيفاش تسوووليه !
قسم : ماعرفتش .. أصلا مغانصونيش عليه أنا .. إيلا عيط ليا دابا نشوف آش تحت راسو بشي طريقة ... وإلى ماعيطش ليا ماشي سوقي .. اصلا مزاااال شادة فقلبي منووو ... تايجيو و نشوف واش هادا بغاني انا ولا بابا عاااد نشوف ( جات ماشية ) خليوني نمشي لشغاالي تال لييل ..
لامار : ااااجي اداك عوووراجة .. الطووولة بلا فااايدة ... أجي ( ضارت عندها قسم ) قولي ليا ... شنو كايبغي ياكل هو وختو ؟؟
قسم : هو ماعرفتش .... هو كايبان بحالا كاياكل كولشي فنفس الوقت متايعجبو والو .. معرفت كيفاش داير ... سلمى .... سلمى كاايعجبها العدس .. واحد مرة مشيت عندهم لقيتها مطيبااه وجديه ليها ...
لامار : أوييييييلي على نوجد العدس فالعشااااا واش أبنتي بعقلك ؟؟؟؟؟
قسم : علاش !
لامار : ( شافت فيهم شادة على فمها ) أويلي هادي سمعاتهم ناس من لحومة عند بالها صافي داكشي لي كيااااكلو !!
قسم : ياك عدس پلا ! وديريه ليها فپلا ديالها... نتي سولتيني آش كايعجبها قلت لييييك يااااه ! و وراه تايعجبها تا لحوووت ... ديرو الحوت فالبلا ديالها ..
حياة : واخا واخا دابا نديرو ليها حوتة معمرة بالعدس ..سيري أبنتي لشغااالك سيري .. سيري الله يعاااون سيري ...
قسم عوجات شفتها مافهماتش مالهوم استغربو ومشاات.. و لامار شافت فيهم ..
لامار : ياااااربي شنوووو غايدي مسكين هاد الولد !! ...
رتاج : هههه مسكييينة هاد قسم حق الله ههههه .. بقوة ما نية تحسابيها كاطنز ...
رتاج : كون غا سولتي اسد يقترح شي حاجة انا حيرتيني معاك ...
لامار : اويييييلي على أسد ، اسد جمع عليه خدمة يوماين هاد النهار منقدش تاتقرب ليه فداك لببيرو ....
أسبرو : ( بصوت ناعس ناض كايحك فشعرو ) صافي غاديرو بسطيييلة ؟
لامار : مزاااال معرفناش !
أسبرو : ( كايتفوه ) من ... من السبعة .. من السبعة ونص ونتوما واقفات تما ، كي مية وعشرة ومزال ! .... ياااك قلتو البسطيلة .. اوا صااافي ديرو البسطيلة و خليييونا نعسو شكوااااا اللله تعااالى بييييييكم ... هبطووو عند الشييييف يدير آش بغااااا هو مالكم عليها !!!
لامار : نعس نعس ( شافت فيهم ) واقيلة صافي نديرو بسطيلات كبار ..
حياة : وراه غا جوج دناااااس أ لامار !
لامار : وراه قلنا ليك حنا بزاف .. واش بسطيلة وحدة ولا جوج غايلحق ليها هو وختو فاش كاايگلسو دوك الحتارف ديااالنا ... ولدي وحدة غااا ليه ...
حياة : هادوك اصلا مصالحش نكلسوهم مع ضياف ... كايشوهونا بحالا عمرهم شافو الماكلة ...
رتاج : دابا شغانديرو ؟
لامار : نديرو لحم ومعسلات ؟ لحم محمر ؟
أسبرو : ( دار مخدة فوق راسو ) الله يحمرررررر لبووووكم جناااااب ياربي ... عيشة الطويلة تلاتين عام وهي باااايرة .. وخصها تلاتين عام اخرى غااباش توجدو ليها لعشاااا .... أنا من عندي بلاش لعشاااا غا تروح تمشي فحاااالهاااا ... غاسيفطوووها دغيا ...
لامار : سسسكتنا ( شافت فيهم ) نديرو البط ؟
أسبرو : ( ناض مقندش كايشوف فيها ) ديري بلاااارج .. حطيه بالعش ديااالو .. متحتاااجييييش طبسيييل نتي كاع ( رجاء حابسة الضحكة ) ..
لامار : وبااااز اخويا .. نوضتك باش تعاوووني نفكرو .... جاي تنعس هنا وزايدهالنا بالطنز ...
أسبرو : ناااس لي عنهم مناسبة راه تايصبحو على التخمال والتوجاد ومصايبة الحلوة ، نتي فايقة مع السبعة غااااا باش تفكري ومااافكرتيييييش .... ومعيطة لينا حنا جايبانا نعاااونووك باش تفكري .... تي ديري لحم بلبرقوق ودجاج محمر وسفة بحال مغاربة كاملين ونتي باغا تختارعي شي حاجة مكاايناااش ... وراه ناعس تاربعة دصبااااح ونتي مفيقاني مع السبعة دصبح... !
لامار : ورا خطاابة بنتي وهوما أول مرة غايجيييو عندنا خصني نكبرررر بيهم !
اسبرو : وااانتي تكبري بيهم ونا يتنفخو لياا لي سيييغن !!
حياة : هانتي ... ملي يجيو .. غانديرو تقاليد مغربية ... أتاي .. حلوة ... ( قاطعتها رتاج )
رتاج : صهد على أتاي نديرو عصير !
حياة: واخا العصير الصينية ضروري فوق الطبلة .... الليل طويل ... يسربيو أتاي و العصير للعشا وعاد القهوة ..
اسبرو : و ملي تساليو فرقو عليهم الكينات د لاديااااغي ...
لامار : خليه ماديش عليه ... صافي كي قالت حياة .. الصينية ضرورية ( شافت فرجاء ) ديريها فطبلتها بوحدها لهيييه فجنب ... ديريها دالفضة وكيسان ديالها ، لي غادي يتكلف يخوي يكون لابس البلدي .. و(قاطعاتها)
رتاج : لا لا تاني ماتكتريش بزاف دبروتوكول لا ... جيبي غييير صينية عاااااادي لطبلة يخوي عدنان ولا أسد ....
لامار : والله ماعرفت تلفت ... بغيييت نكبر بيهم ولكن خفت نفوت القياس ..
حياة : شوفي ... صينية وسط طبلة .. الحلوة المغربية ... ماتحطي ماكارون ماتحطي كنافة متحطي ( اسبرو جخيرو كايتسمع ) مورانغ .... حلوة عااادي أصيلة .... نحطو معاها غير لي فخوي سيييك ....
رتاج : اه ... بنسبة لحلاوي الباردين و العصير نديرو بيفي صغيييير لي بغا شي حاجة يهزها طول لاصواااغي ....
حياة : اهاه تاهادي فكرة مزياااانة ..
لامار : قيدي قيدي ارجاء ..
رتاج : وفالعشا .... نن
يلاه غاتكمل هضرتها كان تلاح جود على الفوتوي كاييتفوووه كايشوف فيهم بعينين باقين صغار بنعاس ..
جود : مالكم على هاد الهاراج على صباح ( شاف فأسبرو) هادا مسكين نعس معاكم فالعذاااب ... !!
اسبرو : ( مغمض عينيه وكايهضرر بحالا فالأحلاام ) دييرو دجاج برقوق و لحم محمر
جود : ( كايطبطب على ظهرو) نعس نعس ... ( شاف فيهم ) مالكم !
رتاج : والو... كانفكرو شنو نديرو للعشااا ...
جود : من دابااا ! ( هز معصمو شاف لساعتو .. ) لحضاش و نص هادي ! اشمن عشا دابا ؟؟
حياة : وراه غااااكنخططو ( شافت فلامار ) فالعشااا نبداو ب بشي سوب .. كوم أونطخي ..
جود : ( شاار لصال أمونجي دالعائلة لي وراه ) غانتعشاو لهيه تاني ... !
لامار : وي ... سواغي فاميلييغ ورسمية نتعشاو هنا ..
جود : الا حيدو علينااا .. الجو زوين ... ديرو لينا باربيكيو على برا توحشنا الشوا ...
رتاج : ' أويلي على الشوا .. وراه عندنا مناسبة زعما ليوم !
جود : ومالو الباربيكيو ؟ ماشي عشا !
لامار : هادا زيديه على العدس دقسم ... ولادي .. ماعندي ماندير ولااااادي ...
حياة : واقلة جود قال الحق أ لامار .. علاش مانديروش سواغي باغبيكيو ... الجو زوين والله ....
رتاج : أويلي مجاااتش !!
حياة: علاش ! بالعكس .... يلاه غايحسوووو بهاديك اللمة دالعائلة و مغايحسوش براسهم حشمانين بزاف ماشي بحال صال أمونجي غايكونو مزييريين والموس وفورشييط والحالة .... اللهم باربيكيو على برا نتجمعو عليه كاااامليييين .. مخيرة كاع ... باش مايحسوش براسهم برانييين ولا لا ؟
لامار : ( كاتفكر ) زعما ! ماتجيش حشومة !
حياة : منضنش .... مابغيناهمش تاني يحسو ببزاف دالرررسمية ... أولا لا ! لاحظي لنفسيييتهم تا هوما ... غايكونو مرتاحين كتر هاكاك ...
رتاج : واقلة قنعتوووني ...
لامار : تانا تقنعت هههه .. وبصح باش مايحسوش براسهم مزيييرين .. ونيت الجو العائلي زوين .. أصلا تشهينا باربكيو من داك مرة عندك أرتاج مادرناه ...
جود : ( ناض مخليهم ) مهم أنا غانمشي .... تاليييل ..
لامار :ففطرررتي !!!
اشار ليها غير بالإييجاب براسو و مشا و اسبرو علا راسو معمش تابعو بعينيه ...
اسبرو : سيييير كيما فكيتي سرااااحي اللله يفكك وحاااايلك أولدي ... ( شاف فلامار ) يلااه حطي داك قزيبة ترتاح شوية وسكتو من صداع ياك لقيتو دابا اش غاديرو للعشا ؟؟؟؟ واخليوني نعااس أححجر العااافية ...
لامار : لا صافي بان لينا دابا العشا .. دابا بقى غييير ديسير شنو غايكون !
أسبرو تلاح كامل علا لمخدة ورتاج تلاحت على الفوتوي شادة على راسهاا ورجاء كل مرة تنفض فرجليها لي حرقوها بالوقفة وحياة يد على راسها ويد على كرشها كاتنهد ولامار كتشوف معاهم ...
لامار : ندييروو گلاص ! اشمن باغفيم نديرو ؟؟؟؟
فاس ...
الساعة 12:00 ..
دخلاتها لفراشها ... وغطاتها ... ، الجارة واقفة عند راسها بصينية فيها زلافة دبلبولة بالحليب ودوليبران وكاس دلما ..
ياسمين : ماما ... نعسي دابا رتاحي شوية وراك غاتفيقي بيخير ..
أسماء كانت غير مخشية فرااشها، وجهها حمر بسبب السخانة لي طلعات ليها بالخلعة والفقصة ... باتت ليلة كاملة فلكلينيك ويلاه خرجاتها هاد صباح ... باستها من جبينها وغمزات لجارة يخرجو يخليوها مرتاحة ... غير شدو عليها لباب وهي تسيل كاع دوك دموع لي كانت حابسة ليلة كاملة على المخدة .. دموع القهرة والخيبة والخذلان على سينييينها معاه ...
الجارة : كون كملات غا جوج معالق بعدا دير فيها للقوة ..
ياسمين : ( هزات عليها البلاطو وحطاتو فوق طبلة ) صافي منشدوكش بزاف راه دخلات ترتاح دابا ... شكرا ، غير سيري وجدي الغدا لولادك ...
الجارة : شنو قاليها طبييب ؟؟؟ ياكما طونسيون ولد الحرام ؟؟
ياسمين : اه .. غير هو ... ( مشات معاها جهة الباب )
الجارة : و باباك ...عليه شي خباار !!
ياسمين : راه كايعرف دار أ راضية .. بلا متهزي الهم بزاف ... رخفي على راسك ...
راضية : والله اختي لا لباال كولو معاكم ومنيين كيتسلط عليكم هادشي ...بخرو بشوية دسرغينة والعرعار راه مايخلي عار .. لعين خايبة سوليني عليهااااا وماااتساليني حلووفااات الى ( قاطعاتها )
ياسمين : عارفة لي كاين عارفة ...
راضية : اوا انا لاحتاجيتي شي حاجة عيطي ...
ياسمين حالة لباب وشادة فيه كتسناها تخرج غيرر مشات وهي تسد لباب متنهدة بعياء على الليلة لي دوزاتها واقفة مع ماماها فالكلينيك بسبب كريز دد طونسيون وزادت هضرة جيران ... ... ومشات كلسات على لفوتوي لي فكولوار ديال دار شادة على راسها ، يلاه غاتنوض لبيتها وهي تسمع سوارت تايحلو فلباااب ومشات بزربة وهو يحل لباب داخل بملامح مخلوعين ومجرتل فحالتو ...
ياسمين : فيييين غادي !!!
مختار : ياسمين ( مخلوع ) اش وقع لماماك قالت ليا راضية كانت فسبيطااار .. يااااك لابااااس ؟؟
ياسمين : (بملامح جدية ) مغااادخلش لهاد الدار .... رجع منين جيتي !!!
مختار : كيييفاش ( دفعها ) حييييدي من طريييييق بااااركا من التبنديييخ ...
دخل وهي تبعااتو ووقفات قدامو شداتو ..
ياسمين : راااااه قتلييييك ( بغضب كبير فعينيها ) مغاااااتعتبش لهاد الدار ، والى مامشيتيش دابااااا فحالك غاااانعيط للبوليييس وغانقول ليهم بابا قمااااااار و سيفط القمارا ديالوو يفرعو علييينا لبيبان ويتهجموووو علينا بلليل ....
مختار : ( بصدمة ركابيه فشلو ) ج.. ج جاو لهنا !!!
ياسمين : ( شارت بصبعها لباب ) خررررررج من هاد الداااار .... دااااااباااا ...
مختار : ( بزعفة ) يااااسمين أنا را ( قاطعاتو )
ياسمين : خسسسرت جدي بكريييز كااااردياااااك غيييير بسبااابك .. مغااانخسرش حتى ماما ومغااانسمحش ليك مزاااال تلعب ليها بععععقلها ..... خرررررررج منهنااااا ( بالغوات ) دااااااااباااااااا ( واقف كايشوف فيها ) ولا اقسسسسسم بالله تاااااانعيط دابا لخااااالي ونعاود ليه كولشي ونكوليه ان ختوووو باتت فلكلينيك بكرييييز بسبب القمااااارا ديااالك لي جاو كايهدوونا وسط داااااار .....
مختار مخلاها تاتكمل الكلام وخرج بزعفة ولتخ لباااب بجهد هابط فدروج و هي تلقاه راضية ...
راضية : لا لا لا هديو النفووس هديو النفوس ...
مختار : ططططلعي عندها .... طلعي عند اسماء ولا قاتليك فين مشى المختار قوليلها مشا يشري دوا دالفيران وغااايشربووو وغيهنيييييك منو ..بلا ماااايقلبو عليا ماايسولو عليا .. قوولي ليهاا مشااا المختار ...مشااااااااا يلوح راسو
حل لباب وخرج وراضية شدات على فمها ، وهو لتخ الباب حتى تنفضات ...
راضية : ععععع .. يعطيييييك الخلاااا .. للخلا وجلااا .. يعطيك دقااااا تخلي وراها الشقّااااااا .... يااا الفنيااااان يا بو قمااااامر .....
أما ياسمين طاحت على الفوتوي شادة على راسها كتبكي ......
عند أصيل
الساعة 12:30
باقي جالس فبلاصتو شاد على راااسو .. وهي كاتمشي وتجي بتوتر وجنوووون ..... ورجعات كلسات حداه ...
سلمى : بلااتي بلاااتيي غااانفهم .. بلاااااتي. بلااااااااااتب ..... دابا لوؤي .. لوؤي الاسماااعييييلي هاداك الطوييييل ...
خاطب قدس الاسماعيلي ؟؟؟؟؟؟؟ حلف بالله ؟؟؟؟؟؟؟ نااااري مااايمكنش .. عرفتي .. والله حتى كنت شااااااااكة ... ديييما كايوقف حداها فتصاااورر ( اصيل غير شاد على راسو خيت هادشي ساعة وهي كتعاود فيه ) بلاااتي ... سلطان .. سلطان الإسماعيلي .. هداك لي طويييل تاهوا ... معامن ؟؟؟؟؟ شكوووون لي معاه ؟؟؟؟؟ وهادااااك لي سميييتو اياد راه طوييييييل تاهو ( كتشرح بيديها وتوصف بالحمااااس ماعرفاش راسها كاتهضر مع خوها ) شششفتيه ؟؟؟؟؟
أصيل : ( علا فيها راسو لي قلباتو ليه وندم كاع لي قاليها تلاقيتهم ) مااشفتوش اسلمى ... راه لي شفت قلتو ليك ...
سلمى : وو لامار .. م مادام لامار .. مامات قسم ... واش كاتبان زوينة بحال كيف تصاور ؟؟؟؟؟؟ زوينة بحال هكاك تا فلواقع ؟؟؟؟؟ ( ناضت تاني وقفات كتمشي وتجي وشافت فيه ) ااااه .. و رتاج الاسماعيلي مهههيبة ياااك ؟؟؟ مهيبة تاا فلواااقع ديالها ياك ؟؟؟؟؟؟
أصيل : سلمى .. جوج سوايع ونت كاتسولي .... راه راااسي تتتقبتيه .... هانتي غادا عندهم وشووفيهم ....
سلمى : ( مشات تاني كلسات حداه ) خويا .. حلف بالله تا روكان كان كايسولك عليا ؟
اصيل : ( كايفرك جبهتو ) دابا واش ماغتخلينيش نوض لشغاالي .... هادشي سولتي عليه خمسين مرة وقلتليك اه !!
سلمى : د د دابا .. دابا روكان .. الروووكان صاااحب بابا الله يرحموووو ؟؟؟ ونااااااااري خصني سيمانة غير باش نتييييقها ... د دابا .. دابا حنا هاد النهار .. غا نمشيو لقصر ؟؟؟ ديااالهم !!!!! ( ناضت تاني وقفات ) ويلي ويلي مال وجهي سخن اقسم بالله تا وجهي سسسخن ... دابا جود الاسماعيلي ( ضارت عندو ) داك لي طويييل تاهو .. غايتزوج ببيلسااان ؟؟؟؟ واش عاااااارف اخويا هاديك البنت كيييدايرة ؟؟؟ راه مستحييييييييل يكون الزين ديالها طبيعي .... زيينها بحال الخيااااال ..... وناري شحال زويييينين وشحاااال مواااااتييييين ....
أصيل شاد على راسو بالحماس نسات واش كاتهضر مع خووووها ورجعات تاني عندو جلسات حداه ...
سلمى : اصيييل .. د دابا .. دابا فاش غاتزوج بقسم .. غاتعيش نتا وياها تما ؟؟؟؟ ف فهاداك لقصر لكببيير ؟؟؟؟؟؟
أصيل : زوااج باقي بعيد اسلمى .... باقي بعييييد
سلمى : نااااااري أصيل ( عينيها دمعو ) حلف والله مكااانحلم ؟؟؟؟؟؟؟؟
أصيل : ( ناض ) أنا غاانمشي لشغااالي ، ونتي سيري حلمي على خااطرك ... شنو بغيتي نجيب ليك تلبسي !
سلمى : ( وقفات متوترة كتغزز فشفايفها ) معععرفاش ، معرفاش ا أصيل ضهشرتيييييني دابا ....
اصيل : واااسربي دغيا باقي تابعني مايدار !!
سلمى : هاناا ... ( كاتغزز فضفارها ) هادي ....هادي نورمالمون مناسبة .. مكاين ماحسن من تامغرابيت ....كنشوفهم فتصاورهم العائليين فالمناسبات كايلبسو جلالب .. دونك جلابة غاتكون حسن .. ولكن اخويا خصني نختار ... خرجني معاك !! عافاك ..... مغاتعرفش اش غااايعجبني ....
أصيل : إلى مغاتعطلينيييش !
سلمى : غاانهز غير هاد الماعن لكوزينة وننلبس بززززززربة ونا معااااك ...
أصيل : راه كنعرف داك اللباس دبزربة ديالك ، فيه ساعتااااين ...
سلمى : لا لا والله الى غالبس غير كسوة دغيا ..
أصيل : سربي انا غانجمع ليك هادشي ... غا سربي ..
تلاحت عليه باستووو فحنكو ومشاات كتجري لبيتها خلاتو غير كايضور فراسو ... وهو بدا كيجمع داكشي ويتنهد ... دار جهدو كولو كيدير ليها لخاطر ويشرح ليها كولشي باش تحيد خوووفها وترتاح ومايخسرش خاطرها ليوم ... هي دخلات لبيت وحلات للبلاكار كتختار فالكساوي ماتلبس ... كاع داك الخوف لي كان عندها حيدو ليها فاش فهمهاااا وجاوب على كاع أسئلتها ورتاحت لي قسم لي غاتجي لعندهم ماشي هوما لي غايمشيو عندها لمجتمعها الصعيب ... فرحات فاش عاود ليها عليييهم وعلى أنه الروكان كايعرف بااباها و كايسول عليها ... حسات بحماس كتر من خوف وانه مدام هاكا غايكون مرحب بيهم وسط العائلة !!!!! ، ورتاحت حيت طمنها انهم ناس متواضعين وماشي كيف كتخيل .. باقي شوية د التوتر فيها ولكن الحماس غااالب .... ولي مخليها فرحانة كتر ... هو الثقة ليدايرة فاصيل عارفة مزيااااان الى مغايديرش شي حاجة ضرهم ..... كاع مخاوفها بردهم ليها ...
لبسات بزربة ومشطات شعرها ضفرااتو لور .. هزات غير صاك دارتو على عنقها وتحت يديها .. وسبادرين بيضة وهزات نضاضرها دشمس لي هي وياه مكايقدروش يخرجو بلا بيهم بسبب طفرة عينيهم .. لقاتو خمل ليها داكشي .. و غسل لمواعن خارج كايمسح فيديه بفوطة ..
أصيل : صافي ( كيطلعها ويهبطها)
سلمى : صااافي أنا واجدة ..
أصيل : انطلع نجيب سوارت ونجي ..
سلمى : وهاانتا شفتي صصصصدقتي نتا ليمعطل ...
أصيل : ( طلع فدروج ) عطلاتني كووزينتك ....
سلمى : احقااا اصيييييل ( تبعاتو للدروج تتجري ) واش فكرتي فشنو ناخذو لقسم ؟؟؟؟
أصيل : ماعرفتش صراحة ... نخرجو ونشوفو ..
سلمى : خواتم بعدا هوما لولييين ...
أصيل : دابا ؟؟؟؟
سلمى : وعلاش امتى ؟ ياك قلتي لباباها بلي غاتمشيو تخطبوها ؟؟؟؟ اولا !
أصيل : ( رجع هبط عندها جوج درجات كيحك فشعرو ) سلمى راه مكنفهمش فهادشي .. واش ضروري الخواتم دابا !
سلمى : زعما جيتي عندي انا لي تاانفهم؟ عييييط ليها هي سولهااا ...
أصيل : بصح ....
خلاها وطلع فدروج كايجبد تيليفونو ..
تاوصل لبيتو وهي تجاوب ...
قسم : خطيييب بابا صباح الخير ...
أصيل : هه ! صباح نور .. فينك ؟
قسم : فالبيرو ... فالجمعية ..
أصيل : داكوغ .. كيف صبحات ختك ؟ برات شوية !
قسم : صافاااا ... فيزيكمون مزيان .. موغالمون مزال خصها شوية دالوقت ...
اصيل : دابا تفوتها ان شاء الله....قولي ليا اقسم ... انا راه مكنعرفش فهادشي ... واش نوغمالمون خصني نجيب خاتم لا !
قسم : لبابا ؟؟؟؟
أصيل : ههه ( كيضور فراسوو) قسم راني داوي دبصح !
قسم تراقب الملف لي حداها وتتوقع ... وضاحكة راشقة ليها ....
قسم : ماعرفتش .. عيط لبابا سولوو ...
اصيل : غاتبقاي شادة فيها دابا ؟
قسم : اه .. حيت لاكان الخاتم على ودي ... كان عليك تاخدو وتجي لشي بلاصة فيها غير انا وياك ووتتقدم ليااااا ... وندوزو ليلة زوينة انا وياك عاد نشوفو بابا ولا لا !
أصيل : وانا ابنتي باسبوري خضر ... ناسيوناليتي ديالي مغربية ... ونتي علا ما عارف مغربية وعائلتك مغاربة ... انا كنعرف كانقصدو الدار .... هي اللولا ... على ماشي هادا هو الصواب ولا لا !
قسم : هادا الصواب .. اه .. ولكن الرومانسية فين خليتيها ؟ حيت بالصواب راك كترضي غير بابا .. اما باش ترضيني انا خصني رومانسية ...
أصيل : ( كايفرك جبهتو ) لاااا الاه الا الله ...
قسم : انا هادشي لي كنعرف... ونتا ضبر راسك على حساب شكون جاي تخطب ... واش أنا ولا بابا .. قلب على وسيلة لي خصك دير .. واش الصوااب ولا الرووومانس ...
أصيل : على ماشي هي كانت عنداك تغير من بابا ... امتى ولااات عنداك تغيري من باباك ؟
قسم : نهار وليتي كتهضر مع بابا كتر مني .. ونهار ولا بابا كايعرفك كتر مني .. ونهار ولا بابا تايهمك كتر مني ... ونهار وليتي بغيتي تزوج تاعرفتي بابا ...
أصيل : باباك عرفتو فالباطو ... زواج قررتو تال جمعة .. اذن راه ماشي باباك لي زعمني على نجي نخطبك ... ربما تكون ماماك ؟ ختك ؟ خوك ... ولد عمك ... هاداك السيد لي كان لابس الغوز !!!
قسم : ااه صافي جيب عشرين خاتم وخطبهم كامليييين ....
أصيل : هههه نفهم من كلامك أنه كايخص خاتم !
قسم : ( بجدية ) أصيل ... راه باركا غير غاتجي نتا وختك عندنا وندوزو سواغي فاميلييغ تعرف فيها على عائلتي ... وختك تاهي تعرف عليهم ويتعرفو عليكم .... والصلاة على نبي .... هدا هو المهم ... داكشي لاخر راه غاااا شكليات اصيل ... لي تايهم هو نتفاهمو وربي يكمل هاكشي بالخير
أصيل : ( من قلبو ) اميييييين ...
قسم : ( كاتجنن فيه ) معاش غاتجي بلييل باش نمشي لدار بكري ! نخاف نتلهى مع الخدمة وننساك ....
أصيل : آش بالك نتي ماتجييش كاع ! ياك باباك غايكون ؟ اواصافي ....
قسم :اصييييييل
اصيل : ههه سيري راني مشغول سيري .. يلاه تاليييل .. ههه
قطع عليها كيضور فراسو .. من كلامها فهم أنه يمكن خصو يجيب خواتم غير هي مابغاتش تكتر عليه .. حل البلاكار هز فيست ديالو .. وسوارت طوموبيل ونضاضرو ونزل عند سلمى لي كانت فدروج كتسنى ...
أصيل : ( كلس على درجة كايلبس سربدينتو ) يلاه ..
سلمى : ( كاتشوف فيه كايلبس ) .. اصييل أنا ماعارفاش لبيدجي ديالك اخويا .. ولكن واش ماشي من الصواب أول مرة نمشيو عندهم ناخدو ليهم كادوات صغار !!! لختها بعدا ...صاحبتي حسنى داك مرة حضرات خطبة دواحد ناس لاباس عليهم قالت ليا العريس جاب كادوات لمامات عروسة وخواتاتها ...
أصيل : ( هز راسو فيها ) عنداك تقولي شي حاجة لداك صاحبتك من هادشي لي قتليك ولا تقولي ليها بيني وبين قسم شي حاجة اطووونسيون اسلمى شي حاجة تخرج ! ..
سلمى : ( بقاات كترمش ) اا .. ع ع لاش !
أصيل : كيفاش علاش ! هادي راه خصوصية ..وماخصهمش يتسربليهم شي خبار بلا مايكونو هوما الي علنو عليه ...
سلمى : ( كاتفكر راسهاا قالتها لحسنى داك مرة ) اااع . لا اا لاصافي صافي مغانقول والو متخافش ...
حلو لباب وخرجووو ....
-------------
∆فالقصر ....
المساء ...
واقفة لامار بعباية سوداء حريرية طويلة كلها أحجار ويديها طوال مشبكين وفيها تطراز وعقادي داللمسة التقليدية المغربية ... صندال طالون سوداء ... شال أسود حريري فوق من شعرها لي باين شوية تحت منو ... مجوهرات خفاف مذهبين وساعة رقيقة ... مكياج كان خفيف مناسب لعمرها ... هازة تيليفون كاتهضر مع أريج وبيلسان وتعاود ليهم كاع آش وجدو ... أما على ليفوطوي كانت جالسة رتاج سروال أخضر كلاص قصير وفوقية ذهبية من ثوب جوهرة حد ركابي و محزمة بمجدول ، كانت من تصميم ختها ... مع طالون وفولار اخضر معقود فعنقها وشعرها باين منتحت ونضيضراتها الطبيين الرقاق ... دايرة رجل على رجل شادة تيليفون ... وحداها حياة لي كانت بقميص بلو سيال مخزاني يديه طوووال ومطرز بالوردي و الذهبي... وطالون ذهبي واكسيسواراتها وفولار وردي فاتح ... وزنها كان زاد هاد الشهر بشكل واااضح بسبب الحمالة شي لي خلا وجها مطبز كتر ، حاولات ترخف الشال جيهة العنق باش متزيدش تبينو غليض .... وحداها أية جالسة فكرسيها وشادة طابليطها لي كانت بكسيوة كحلة بسماطي .. وجاكيت دجين محيداها محطوطة حداها .. كسيوة كانت حد ركابي ولابسة معاها صبادريين بيضة فرجليها .. شعرها كان مطلوق ومجموعين غير خصلات أمامية للور بقراصة رقيقة ... أسبرو كان واقف فلباب ... ببذلة رسمية فالازرق الفاتح .. كلها مخططة والشوميز تحتانية حال ليها صدايف تال النص صدر كاتبان سلسلة ماسية فعنقو .. وساعة فيديه تاهي كبيرة ماسية صباط طويل كحل لااامع وفجيب الفوقاني دالكوستيم خاشي منديل أسود وبروش ماااسية على شكل شعار المملكة المغربية ... ماشط شعرو لور مزيااان و كايتسنى فلباااب ... فوقاش يجيييو ..
الرجال كانو كلهم فدااار ، حيت خدمتهم كلها لي تشغلو عليها بسبب حادثة قدس جابوها للبيرو د أسد وعشية كاملة و هوما تما خدامين عليها .... البيفي كان عليه مختلف أصناف الحلويات الباردة والعصااائر ... صينية داتاي محطوطة وحاطين ديزاين كولو مغربي ، سربييتاات مطرووزيين طرز رباطي حر .. كيسان البلاااار .. وطباسل الطاوس الحر محطوطين فيهم الحلوة .. كان طرب أندلسي مطلوق فأبواق القصر بصوت نااااقص بالكاد كيتسمع قليل وسط طقطقات الكيسان ليي كايستفوهم المساعدات والطالونات دالنساء ....
نزلات قدس لي كانت بغوب شيك ديور ڤيولي غامق ودونتيل ديالها أسود ... يديها تالأسفل مشبكين دونتييل .. وفالخصر حزام ديور لامع ... كانت فايتة شوية ركابي وصدرها مجموع ... كتواتي سهرة عائلية ... طالون أسود ... واكسيسوارات كان ستايلها اشبه بستايل ماماها فبزااف دالتفااصيييل خصوصا حبهم للمجوهرات وللون الاسود ... شعرها كان مطلوق كولو بوكلي ومكياج خفيف كايليق بسهرة .. مركزة فقط على شفايفها...
شافت مع جنابها واش كولشي كااين .. وقربات عند ماماها لي كانت داوية فتيليفون ...
قدس : ماما .. مزال ماجات قسم ( شافت لساعة ) راه سبعة ونص هادي !
لامار : ( شافت فيها وتيل فودنيها ) راه يلاه هضرت معاها هاهي دخلات لازون ... قتلييك أ أريج صافي تاكنا ناوييين على عشا هنا فدار .. ملي جا جود قلب لينا كولشي ....وييييييه ، ولكن فللخر قنعناااا
قدس : مامااا .. وااامااااما ...
لامار : ( ضارت عندها تاني ) اشنوووو .. بلاااتي أ أريج ..
قدس : نتي عارفة أنني كانموت على الباااربيكيو .. عنداك تقولي ليا راه ضيااف وكولي بشششوية ... ماشي سوقي ياك غايولي راجل ختي ؟ إوا علاش غاانتصنعووووو ...نتعشاو كيف ما كااانكونو بيناتنا .. راك عارفاااني كنكره يكونو عندنا ضيااااف غا بهادشي ... خليييه يولفنا كيما حنااا علاش غاانتصنعوو....
لامار : سييري تاااكلي راااسك غابعدي مني اويلي تقولي هادو عمرهم شافو الماااااكلة .... قتليك أ أريج صافي قررت الباربيكيو ... اوا راه وجد الشيف واحد لاماغاييناا( ضارت شافت قدس لي غادة ومؤخرتها بااارزة لور ) رررررخفي داك الحزاااام ... خررجججيها نتي لبراااا كاع وحطيها فوق طبلة يتفرجو فيهاااا ....
قدس : ( ضورات راسها موراها كاتشوف واش باينة بزاف ) وراااه مامزيررش بزاف غاتجي لاغووب مخنشة .. ديييها فضيييااافك وبعدي مني ...( كلسات حدا رتاج وحياة وآية ) أويلي سبعة ونص هادي وباقي مجااااو دراري !!
حياة : تجي بعدا غا لالة لعروووسة. .. ماعرفت فوقاااش غاتلبس ..
رتاج : جبيل ديال دابا كاااع مااامسوق ..
حياة : ههههه انا راه كنتفكر خطاااابتي .. كتحرقني كرشي ههههه ...
رتاج : اويلي نتي غير سكتي هههه ولكن راه احسن خطابة دوزنااا صراااحة عمرها تعااااود ...
يلاه هاضرين وهي تدخل قسم .. كانت بلباس سبور كولون كحل وصبادرين وهودي بلا يديين دايرة ليها لقب وهازة كارطابل فظهرها وهو يشدها أسبرو ...
أسبرو : تي واااااش عندك خطاابة ولا ماااتش ديال الريگبي .. هادا وقت لاصاااال ؟؟؟
قسم : مكانش عندي الوقت فصباح ( جبدات ليه حنكو ) خلي لياااا اللبييييسة خلي ليااا الأنااااقة ههههه ملي واجد نتا بحالا واجدة أنا الحب ...
أسبرو : البناااات لي غيتخطبو هاد لوقيتة راهم مع الميكااب ارتييست وستيييلييست ونتي فلاصال ؟؟؟ علي كلااااي نتي ؟ بدر هاري !!! غاضاااربي !!!!
مشات كضحك ولامار شافت فيها وهي تكحل بالعمااا ...
لامار : أويلي شهاااااد الحالة !!!!! جاااااية عرقاااانة !!!
قسم : دوووش خفيف وهانا واجدة ماااالكم ( ضارت عند رتاج وختها وحياة وآية غمزاتهم ورجعات كاتشوف فماماهاا وتنقب من الحلوة من البيفي ) أصيل أصلا باااااقي معطل مع واحد طريسيان يلاه سااالا ...
لامار : اويلي على يلاه سالا على فوقااش ناوي يجي ؟ مع الفجر ؟؟؟
قسم : انا قلت ليه ماتجي تالعشرة عاد كايتجمعو دارنا كامليييييين ..
لامار : بلااتي بلااااتي .... بلاتي آ أريج راه غايسكت ليا القلب بلااتي ( حطات تيليفون ) وعلااااااش كاتقولي لييه فوقاااش يجي !!! .. يجي فوق ماابغا واش كاين شي وحدة كتقول لواحد غايخطب أجي الوقت لفلان فلاني واش داير معاك اجتماع ؟؟؟؟؟؟ واش نتي مريييضة ؟؟؟
قسم : اوا الى جا بكري ولقانا مزال ماتجمعنا هاء ؟ خاص يكون كولشي هنا واش نتي ماكتعرفيش هاد لولاد عندنا تبارك لله فوقاش كايتجمعو !!!
لامار : أويلي يتجمعو بلهلااا يطرييه ليييهم .. دابا وهوما دخلووو .. باباك عماماك هنا ... هوما لاااش ؟؟؟؟ ( شارت بصبعها لدروج بالغوات ) طلعي طططلعي دغيا غبررري عليااااا سييييييفتك مااانشوفففكش ....
طلعات كاتجري ملي شافتها تعصبات وقدس كضحك وتشرب أتاي ...
لامار : حطي نتي دااااط الكاااس تاايجيو .. اوييييييلي على ولاد عندي !! مااااعمركم شفتتتتووووو اتااااااي
رتاج : ( حيدات ليها لكاس حطاتو ) صافي هاهو هاهو .. صافي ..... صاااافي بررردي ....
لامار : ( كلسات على الكرسي كتنهج ) غاااتسسسطيوني .... اويلي قااالك قلت ليه اجي تااالعشرة .. داااايرة معاه رووووندييفو !!!
حياة : دابا نتي علاش كاتقتلي فراااسك ... صافي يمكن هوما مفاهمين ويكون سولها معاش يجي ... صاففي نيت بحرا يكونو كلهم تجمعو ...
أية : خالتو لامار مسطريسية كتر من قسم ههههه .. صراحة انا شوقتوني نشوفو كيفاش داير ...
قدس : ( هزات يديها سدات ودنين رتاج ) كاااااايحمق ...
اية : ههههههه زعما ماسمعاتكش هههه انقولهاليه انا هههه
قدس : ومااااالي نكدب ... والله تازويييين ( شافت فرتاج ) ولكن يعيااااااا ..... ماايكونش ( علات ليهم تيليفون وشعلاتو على صورة لوؤي ) حسن من دياالي ...
اية : هههه هاكاك صلحيها ههه .... وختو كيداايرة ضريفة ؟ شحال فعمرها !!! ياكما تكون مكبرة !!!
قدس : والله ماعرفت ... ماشفتهاش ولكن قالت ليا قسم واقلة قدي منعرف ..كتضن ضريفة راه قسم تتقول عليها حلوة وزوينة ..
اية : ايوا على الله ... ماناقصناش مبععككين ومتصنعين ومنفاااافين فهاد العائلة ....
قدس علات حجبانها وتنهددات عرفاتها يكون قصدات .... يللاه هاضرين و هو يدخل لؤي كايصفر ... كان غير بسروال دجين زرق فاتح وبودي بيض مطلع ليه يديه للمرفق مع ساعة جلدية وصبادرين بيضة ... داخل كايشوف مع القصر كيفاش تبدلات اطلالتو والموسيقى لي مطلوقة .. والمساعدات لي مبدلين الزي وكولشي لابسين تقليدي ....
لوؤي : ايهااااي هاااااايهاااي !!!!!!..... هادشي كااااامل درتوه !! هاااادشي كامل اخاااالتي لامار !!!!
قدس ناضت بزربة وقفات شافت فيه ...
قدس : شششتي ..... شفتيهوووم ااشنو داااارو على قبلو وشنوو تايوجدو ليييييه .. ونتاا دارو ليك هادشي !!!!
لوؤي : ( قرب باسها فحنكها تازنكها حداهم وزاد ) انا مصاااب غا عطاوك ليا ومجراوش عليا بالحجر .. ( شاف فلامار ) آش هاااد الفرزييات امادام الاسماعيلي ها!!!! شنو زعما هو اصيل وأنا رديئ !!!!! ساااافل !!!! لقيتوني فطااارو !!!
لامار : ( شدات على راسها جابليها الضحكة ) لاا صاافي هادشي ليكان ناقص ( طلعات عينيها فيه ) يفوت غا هادشي على خيبير ونعاود لولدي ليلة اخرى نجيب ليك فيها أحيييدوس ....
لوؤي : لا لا لا ... هادشي ماهواااش ( شاف موراه فاسبرو لي فلباب ) وشوووف سعييد كيف واقف كايتسنااااه دزتوحداه والله ماشاف فيا !!!! ( ضار شاف فقدس ) انووضي جمعي حوايجك وتبعيني هادو راه تالعرس مغايديروهش لينا ....
قدس : دافع على حقك ... ( كلسات دايرة رجل على رجل ) داك نهار نتا جدة مبغااااتش قاااتليك دي الكبيرة .. ودابا قالتها ليها ماما بدات تزززغررت ....
لوؤي : هاااداك راه سخسخ ليهم البنت بسيييف دايرين ليه هاد الهاراج كاااامل ..... انا علاش ... انا غااااا درويش ....
لامار : يااااودي راه كل واااحد و معزتووو يا هاد الولد ...
اية : ( بضحكة خفيفة ) بقيتي فيا أ لوؤي ههههه
لوؤي : ههه واضحكي نتي ( ضربها لنيفها ) تووحشتك ...
اية : تااانااا .. وغاتزيييد توحشني حيت مغاتشوفوني تاناخد لبااااك هههه
لوؤي : ان شاء الله وبمونسيون زوينة .. ( عنق قدس ) ونتي امتى نشوفووووك ...؟
قدس : ( حيدات ليه يديه ) حيييييد بابا لداخل حماقيتي !!!
رتاج : نوض أولدي لهيييه نوض ... نوض وقققرناااا شوية وقرناااا ...!
يلاه غايجاوبها واحد القبضة قوية جراتو من دراعو نوضاتو ولاوحاااتو لفوتوي لاااخر ...
جود : هااا فيييين تايكلسو الناااااس ....
لوؤي : هههههه ( تكا على المخاد كايشوف فيه ) واداباا نشوووووف واش غادير هاكاا تالهادا لي جاااي تاهو ..... ولا حاگرييين غا عليا انايا لقيتوووني دروييش
قدس حمااارت ملي شافت جود ولامار شافت فيه وهي تصدم تاني ! ووسعات عينيها!!!!!!
لامار : أويلي ويلي ويلي آش داك لاگرييييسس جايني بييييه ؟؟؟؟؟؟ اويييلي على يدييييين !!!
جود : هاانا طالع ندوش بلا ماتبدااااي تاني ... هاناااا طالع
حياة : ههههه مسسسكين هاد اصيل ههههه... معامن غايتناااسب ... هههه
مشا جود كايضور فراسو طالع لدوش لوؤي كايضحك متكي غلى المخاد كاينقب فالكاجو ...
لوؤي : وصراحة اخالتي لامار طلع ليك الزهر فالنساااب ( غمز قدس )
لامار : ماطلعش ليا الزهررر غا فلوولاد .. وحدة جاياانيي كلها عروقات ولاخرر كولو كحل بلاگريس .. هاديك لعييييه معلقة ليااا يديها فالبااانضة .. لاخر قالك لامصوروتوش ليا كوولشي غانبلوووكيكم من حيااااتي ... ومنعرفت واش نقابل دار ولا تيليفون نصور ليه ولا اش ندير ؟؟؟
اسبرو : ( ضار عنهم بإستغراب) هادو شفتو ماجااااش !!!! ياكما هررررب !!!!
لامار : ( ضرباتوووو بشمعة شيرات بيها جات فلباب ) زييييييد كمل عليااااا زيييييييد .... بنت ليك نااااقصة
قدس : يكونو غامعرفوش الدار !!!!!
اسبرو : لالة بنت سيدي الصغيرة .... هادا راه قصر .... كاينين غاااا جوج هنا ....واحد هو هدا ... ولاخر البرانسيس ديالو بااقااا قاااااصر ..... مغااايزوجوهاش دابا .....
قدس: ها !!
اسبرو : ( ضار كايشوف من زاج ) ررربي ماااسكتينا .. ليزادو ليك ربي فالزين نقصو ليك من لعقل كي مك .... مايعرفش الدار قالك ...عندنا برطمة فالعرفاااان .....
عند سلمى...
واقفة فبيتها قدام مراية كاينة فباب بلاكارها ... كانت فكامل اناقتها ... جلابة مخزنية فالازرق غامق ومطرزة بنفس اللون ، تضراس خفييف نازل مع العقاد بحكم دوقها لي كايميل ديما للبساطة ...و بسبب طايتها ومعالمها الانثوين البارزين خلاو الجلابة تتلبس عليها كتر ....
كلسات على السرير و هزات بواط من كوتشي ، لي حمقها الصباط ولكن مزال مافهمتتش خوها منين جاب هاد لفلوس كاملة !!!!! حاجة وحدة لي تأكدات منها انه كان جامع .. ودابا بغا ختو تكون فمقامهم بلباس كولو براندات سينيي .... ومتحسش حداهم بالنقص .. وهادشي لي زاد خلعها كتر .. هو انه اللقاء معاهم ماغايكونش غير ليوم !!! هدا راه دوام ... إذن هوما كيفاش ديما غايكونو مقادين معاهم وواش ديما هو غايكون عندو مبلغ بحال هادا ! هي عارفة انه كايصلح فريسطو لي غاتزيد من مستواهم المادي ولكن ماشي لداك الدرجة !! عمرها تدخلات فشؤونو المادية ولا منين كايجيب لفلوس ولكن ليوم حسات بشوية دالخوف ... رجعات تنهدات حيت تايقة فيه وعارفاه انه ماشي متهور وكايعرف اش كايدير ...
حلات هاديك البواط لي كان فيها صباط أسود لامع وفالامام علامة الكوتشي بالذهبي ... والصاك ديالو لي كان اسود صغير لامع وسلسلة واكسيسوارات ذهبيين ...
الإبتسامة على فمها وهي كتحلهم وتفكهم من لي صاك ديالهم واللسقات ديالهم ... وعينيها كايلمعو .... بحكم هي وحدة لي كتعشق البراااندااات وكل ما هو فاااخر .....
لبسات هاداك الصباط ورجعات وقفات قدام مرايا ...كان شعرها الأسود مقاداه ليس ، ومن لتحت مبوكلياه .... مكياجها كان خفيف واخا كتموت عليه وعندها بلاكار عااامر بجميع أنواع الميكاب ولكن حدا خوها مكتقدرش تعيق ... دارت غير كحل حدد عينيها لي مكاتواتيهم تاحاجة من غير الكحل ، وأي ضل عيون دارت ... كيغطي عليه لون عينيها الباااارز والواااضح .... وكادير منو بناقص ... مشطات حجبانها الكحلين لي كتحاول انها متقيسهم بحتى حاااجة باش يبقاو طبيعييين ... وگلوص بني فاتح فشفايفها المنتفخين ... بشرتها كااانت بيضاء و صافية بنسبة لبنت مكتخرجش للبرا و مكتقيسهاش الشمس .. مكتافية فيها فقط ب بلاشر و هايلايت غوز خفيف ... تبسمات بحماااس لنفسها ...كانت أول مرة تجهز راسها على ود شي مناسبة و أوووول مناسبة بنسبة ليهم منغير عيد ميلادات صاحبتها حسنى ....
حلات بلاكارها وهزات صامصونيط صغيرة ذهبية .. كانو فيها بعض الاكسسوارات ديال الذهب الخفاف لي كل مرة تياخد ليها كهدية ... خدات اونسومبل كان جابو ليها نهار خدات الباك وراضاها بيه ملي بكاها حيت مخلاهاش تكمل ... كان كورميت رقيق مع خاتم ديالو خفيف و الحلقات ديالو وسلسلة حجرتها جات فوق الحنجرة ديالها .. زادت مع كورميت ساعة ذهبية رقيقة وزادت فصبعها السبابة خاتم آخر رقيق ....
رجعات للمرايا والحماااس كايقلص فمعدتها وماقادراااش تاتصدق انه ليوم غادخل لقصر الاسماعيلي وتشوفهم مباااااشرة!!!!!! تقيسهم وتسمع صووتهم ...
توتر كبير مخيم عليها كيفاش غايكون طبعهم ...وواش هاد الحماس مايخيبش وواش هادشي غايكمل !!!! واش هاد الحلمة مغاتساليش! وواش هاد العالم الكبييير لي تلاحو ليه يقدرو عليه !!!! واش الشخصيات لي حفظاتهم من المجلات غايكونو بنفس هاداك الطبع!!
علات راسها لفوق وخدات نفس وحاولات ما أمكن أنها تاخد وتحاول ما أمكن تيق فيه .. وتيق فالله لي لاقاهوم ....
هزات ساعتها بانتليها قريبة تسعود .. يلاه غاتكمش ملامحها تشوف هادا فين معطل قد هاكا فنهار بحال هادا وهي تسمع للباب تحلات ... مشات بزربة تلاقاتو و هي معلية حجبانها فاش باليها داخل شعرو بيض بالغبرة و كولو مغغبر .. داخل كايلوي فعنقو .. وهي تشد على فمها مصدومة !!
سلمى : اوييييلي شهااااد الحااالة ؟؟؟؟ اويلي هادي هي الحالة ديال واحد غادي يخطب ؟؟؟؟؟؟
اصيل : ( طلعها ونزلها ) صافي واجدة .. تسناي هنا دقيقة أنا غانزل ...
سلمى : ( متبعاه طالع فدروج مصدومة ) اويلي على دقيقة !!!!!!!!! .... ( بصوت مرتفع) اصيييل راه تمنية هااااادي ...
سمعاتو سد باب بيتو وهي تنهد ومشات لصالون كلسات كاتلعب برجليها بتوتر .. ودماغها ماااباغيش يحبس على تفكير ...
∆فالقصر ...
كالسة قسم على السرير ... بسروال ابيض كلاص وطوب بيضاء لامعة وفوق منهم كيمونو طويل تقليدي فالبلو سيال والذهبي ... صندال ذهبية بخيوط رقاق ... مكياج كان خفيف مناسب لسهرة عائلية وشعرها مطلوق ليس ...و اكسسوارات خفااااف ...
كتلبس ومعارفاش بضبط واش هادشي بصح !!! واش ليوم صافي هو غايتلاقا مع عائلتها هادشي غايولي رسمي ! بحال شي واحد حلم شي حلمة وتيقها !!! ...
عائلتها كلها مجموعة كاتسناه وواضح شحال فرحانين !!! .. كلهم تايقين معاها فهاداك الحلم !!
الولد لي كان غير فقلبها هي ، ولا فقلبهم كاملين !!! والاهم واليديها ....
ترسمات ابتسامة خفيفة على فمها .... كان حلم صغير حلماتو وظناتو مستحيييييل .. شوية بشوية تشاركاتو هي وياه ... وشوية آمنات بيهم العائلة كاملة وباركات ليهم !!! ...
واش هاكا كايلعب القدر اللعبة ديالو !!! ...
واخا تعيا تقلب شي وصف للفرحة لي كتحس بيها حاليا ماقاداش تلقاه ... لدرجة الفرحة ترجمات كلها دلع وفشوش عليه فاش تيقنات من حبو ليها لهاد ددرجة ....
نهار كامل وهي فالخدمة غير ساهية وتتضحك مع اي واحد ... فنفس الوقت باغا مزااال تعدبوو وتشوفو كايحاول على قبلها ... واخا سالات أسطوانة " المجتمع " ملي هو جا دابا لدارهم ... ولكن ماسخاتش بهادوك المحاولات لي كايدير على قبلها ولقات أسطوانة جديدة ... " باباها " ...
تبسمات بطراف شفافيها ووقفات كاتشوف فالمراية .. وهي تشوف بالجنب لتيليفون .. وتقدمات بخطوات بطيئة .... وبداات كتتاصل ...
أصيل كان يلاه خرج من دوش ... لابس غير شورط وفوطة كايمسح بيها شعرو الفازك ولحيتو .... علا سريرو كان محطوط الطقم ديالو الازرق الغامق .. والبواط ديال الصباط والساعة .... وليبواط ديال خواتمهم هي وياه اما لي البقية بقاو فطموبيل ...
يلاه غايدوز لبلاكار وهو يسمع تيلي فشارج كايصوني .. ومشى بجهتو هو يلقاها وتبسم ... دارو فالسبيكر وجبد البيل كايلبسها ...
أصيل : خايفة مانجيش !
قسم : وأنا علاش نخاف ... يخاف بابا ...
أصيل : هههه والله تاحسابني راني مع شي بنت بعقلها ...
قسم : وناا شغادير بيا مهم بابا بعقلوووو ( سمعاتو ضحك وضحكات ) فين وصلتي !
أصيل : يلاه دخلت لدار ... انلبس ونخرج ..
قسم : اصيل ... نااااري وتشوفك ماما بشي دجين ولا بشي تييشوررررت حتى توووريك شكون هي لامار الاسماعيلي .. غاتخرجك فجورنال .. عنداك تجي بدجين ..
أصيل : هههه .. علاش مالو دجين ؟؟
قسم : راني تنعرفك والله حتى نااكلك ... راك جاي تخطب زعما ... فيييناهي سلمى دوز ليااا سلمى نوصيها ...
أصيل : ههههه ... ( كايلبس سروال ويضحك ) علاش غاتوصيها ... !
قسم : باش متخليكش تجي بحالا جاااي للخدمة ...
أصيل : وكان عليك تعلميني قبل .. دابا ليطرا طرا ... منقدش مزال نبدل دابا مشى الحال ...
قسم : وصافي غا اااجي ... زهري راه كنعرفو معاك ... مهم انا غادي نزل .. بابا راه ساد عليه فالبيت حشمااااان ..
أصيل : ههههه والله ماتفهمتي ليا نتي ليوم بالله هههههه ...
قسم : ههه أنا كنوصيك باش تعجبو وصافي ههه ...
أصيل : ( كايسد صدايف شوميز و دار قدام المرايا ) قسم ..
قسم : اممم ..
أصيل : مكاينش شي واحد فعائلتك لي غادي يريكلامي حيت ماعنديش فاميلا ! جاي غي أنا وختي !
قسم : واش منيتك أ أصيل ! أصلا أي واحد فعائلتي لي كتعرف راه عااارف مزيان معنى ماتكونش عندك عائلة ... غير تهنى ... ( بابتسامة ) كولشي فرحانين كايتسناوكم ...
أصيل : ( بابتسامة مرتاحة ) ونتي ! ..
قسم : ههه وراه باااينة غاانفرح لبابا .. شكووون هادي لي تكره شي واحد بحااالك لباباها ...
أصيل : هههه غانشوفها من منظور نسيب ...
قسم : ههه يلاه ماتعطلش ... انا كنتسناك ، فاش توصل لدار قولها ليا ، داكوغ !
اصيل : داكوغ ...
قطعات عليه وهو هز الفيست دلكوستار الازرق ، لبسها فوق من شوميز الكحلة .. وكلس فوق السرسر لبس صباط أسود كلاص بسيور... ورجع تاني وقف كايقاد الفيست ... قاد شعرو غير بيديه للور كاينشف ليه دغيا ... لحيتو كانت مقااادة وممشوطة مزيان للتحت ومخففة ... رش بارفااانو ... ولبس ساعتو ... كانت أول مرة غايلبس إطلالة كلاص بحال هادي ... وملي لبسها بان كأنه كتافو متعودة عليها سنين !!! ... داوا جرحة لي تحت شفتو ...
وداز لدوك لبواط لي فوق من السرير ... كان صاك كحل عليه علامة bijouterie excellence ... جبد منها جوج بواطات تاهوما كحلين .. اللولة كان منقوش عليها بالذهبي Mrs.Qassam ... كان بداخلها خاتم ديامون بحجرة لامعة ... والآخر كان منقوش عليه Mr.Mouhamed-Assil ...
وبطاقة سوداء منقوش عليها " بارك الله لكما وبارك عليكما " ...
تأكد من كولشي .. وهز تيليفونو من شارج وسوارت طوموبيل ووراقو ووراق سلمى على حساب نقطة تفتيش .. حتى كايخرج لباب بيت ويرجع يضور موراه واش نسى شي حاجة .. واش شي حاجة مادارهاش فلحساااب .. واش كولشي هو هاداك .. كايبقى يضور غير فبلاصتو بتوتر ....
نزل فالدروج عندها لقاها حدا الباب كتمشي وتجي ...
سلمى : على سلامتنا .... (بتذمر) راه تعطلنا ...
أصيل : صافي واجدة ؟ كولشي هو هاداك ...
سلمى : راه كولشي فطوموبيل .. الورد غايكوون دبل ..
أصيل : ( ضار موراه لدار ) ماخليتي تا شيي ضو مشعول ...
سلمى : تاحااااجة غير يلاه ...
أصيل : بلااااتي ( كيقلب فجياب ) السوااارت ... !!
سلمى : اينا سوارت !
أصيل : كونطاكط !!
سلمى : هاهو فييييديك اخويا ..
أصيل : (كايقلب فبزطام كحل صغير دالوراق ) لاكاررط ناسيونال ديالك هنا ياك ؟؟؟ .. هاهي .. كاررررط كريز ! ...
سلمى مشات بزربة وشدات ليه يديه لي كتقلب فالوراق وهو شاف فيها ...
سلمى. : أصييل ... كوووولشي غاااايدوز مزيااااان ... ماااتستريساااش ... كووووولشي هو هاداك ... ( علات يديها لوجهو ) وخووويااااا احسن عريييييس فالدنياااااا
أصيل علا راسو للفوق بتنهيييدة عميييقة وخدا نفس وهي كاتشوفيه شحال متوتر .. حتا هي بحاالو ولكن مغااتكونش قدو !!! ... نهار كامل وهو تااالف ... هي تتهضر معاه و هو عقلو غايب .. واخا كايبغيي يبين ليها بلي كولشي تمام .. ولكن الدهشة و التوتر غااالب على حركاتو .... زاد خدا شهيق وزفير أخير وتقدم لباب حلها وسلمى تبسمات كاتشوف فيه بهاديك الاطلالة .... ماعرفاتش علاش دموووع تجمعو فعييينيها ، كانت كنضن نهار غاتشوف خوها بطقم الخطبة غايكون نهار بعييييييد !!!! ختى جا فجأة وبدوووون سااابق انذاااار !!! وهاهو قدامها بطاقم ازرق فخم و كولو توتر !!!! توتر لاول مرة غاااتشوفو فيه هو لي متبت فاي حاجة كايدير ....
قسم الاسماعيلي !!! البنت لي دخلات لدارهم تليڤري البيتزا وقلباتها كلها !!!! البنت لي جابت ليهم قدر جديد دخل مع الباااب فاش دخلات ...قدر جا كيف شي رشاش سحري ترش عليهم بجوج وبدل حياااتهم ... هي لقات حلم حياتها ، وهو لقى حب حياااتو .... هاديك المشاكسة لي حضرات عرس فحومة وحرقات يديها بأتاي و لبسات من الخردة و كلات ألذ مسمن بالجبن ... مكانتش غير بنت وصافي !! هي كانت بمثابة قدر جديييد كايترسم ليهم ....
الى كانت الشمس كتحيي الورود الدابلة ... دبولهم هوما حياتو قسم الاسماعيلي ...
الطريق كلها وهوما غير ساكتين .. أصيل كايردد تنهيدة وراء أخرى وسلمى غير كاتشوف فيه وفطريق ... مزيرة على يديها تحبس هاد التوتر لي كتحس بيه كااايقلص أمعااائها .. وكتسد عينيها مرة مرة تدعي معاه وتدعي تخرج الاومور على خير ...
وعاودات حلاتهم قدامها كاتشوف براسها خارجين على كازا لطريق الساحلي .... كاتقول مع راسها أن قسم بداك ضرافة كاملة أكييييد تا عائلتها بحالها .. أكيد ختها مغااتكونش متكبرة كيف كتبان فالتصاور .. أكيد جود ماغايكونش متعجرف كيفما كايبان فاللقاءات ... أكيد لؤي مغايكونش مغرور كيما كايبان مع الصحافة.. أكيد سلطان مغايكونش وقح كيما كايبان فتصريحاتو .... هو قاليها لاماررر سولات فيها ... وقاتليه جيبها المرة جاية .. قاليها بلي هوما ناااس شعبييين بحالهم .... اذن ماهصهاش تتوتر !!! ولكن ماااقاداااش .....
كتحس براسها غاتموت وتعرف كيفاش غايعاملوهوم وكيفاش داير الجو فالقصر ديالهم .. عنداك دير شي حركة خااااطئة .. واش غاتعرف لبريستيجهم واتيكيتهم !!! ... بدات كتستحضر كاااع دوك الحركات لي من قبيلة وهي كتفرج فيهم فالفيديوات ديال البروتوكول والاتيكيت د المشي والكلام والطعام ....
كيفاش غايكون قصرهم !!! ... هضرتهم ..... تعاملهم ...
كتحس براسها باغا غير توصل تعرف دغيا فنفس الوقت باغا هاد طريق تطوااااااال وماتوصلش كاع ...
ولكن للأسف لقات راسها فطريق ساحلي ولي عارفة أن قصرهم كاين غير فهاد الجوايه وتنهدااات ..
اما اصيل كان صايگ ، بالتوتر شاد الفولون بجوج يديه ... ومرة مرة كايعلي عينيه للمرايا يشوف فيه هو لي گالس لور ..
يمكن سلمى كانت مشغولة فالواقع ... هو كان مشغول فعالم اخر .... كايشوف فابتسامة باباه لي كااايحس بيه غاادي معاه فرحان ..
لي متأكد كون كان عااايش كان غايفرح بزاااف لهاد الخطبة حيت هو عاااقل شحال كان عزيز عليه اسد ...
عاقل على جملة باباه وهو كايودع اسد فلباب وبدات كتعاود فودنيه ... " المرة الجاااية جيب حتى البنيتة " وكان رد أسد " البنت عندي صعيبة شوية راه متتكلسش غاتصدعكم وصافي " و كان رد باباه الاخير " لا متخاافش .. اصيل غااايدير ليها الخاااطر " ....
هه ! هادي هي الضحكة لي بانت على شفتو ... ولي سمعاتها سلمى وعلات عينينها فيه ولكن وسعاتهم بحزن ملي شافت ات هاد ضحكة مرافقاها دمعة صغيرة تحت عينيه ، لي هز يدو بزرية مشحها وشمر بنيفو وخنز ملامحو باش يتلفها ...وسلمى بقات غير كترمش !!!! حسات بقلبها تمزق حيت عااارفاه علاش طيحها ....
ولاا شكون هدا لي يكره يكونو معاه واليديه وهو غادي يخطب... خدااات نفس وتبسماااات وحاولات تلطف ليه الجو وتنسيه ..
سلمى : قربنا !!! ( شافت ساعة ) ويلي راه التسعود هادي !!
أصيل : سي ... واحد 10 كيلمتر هاكاك غاندخلو فلازون ديالهم ...
سلمى : واش القصر ديالهم غايبان على برا ؟؟؟ يبان لينا من طريق ؟؟؟؟
أصيل : لا ماباينش ...
سلمى: ( عضات على شفتها ) هههه ... ( شافت فيه ) عرفتي هادشي غريييب والله .... واش عرفتي قصرهم فاش كنشوفو فتصاور قداش كايباااان !!!!!
أصيل مجاوبهاش حيت لي فيه كان مكفيه ... وهي عضات على شفتها كاتشوف قدامها ...
كانو فطريق طويلة على اليسر ديالهم البحر ... ماحدهم كايقربو لازون ماحد طريق كتولي خاااوية ...
أصيل كان مزير عل الفولون بيديه .. مزال كايسول راسو أنا اشنو كندير ! لأول مرة فحياتو ماخططش بزاااف لشي حاجة .. غير جا ... وتلاح ... حيت لقى الحاجة لي مستحيييييل يهرب منها .... لقى أحضان مفتوحين .... وهو كواحد لي ما تفتح ليه تا شي حضن .. مستحيل يهرب من حضن تفتح ليه ....
قسم بالنسبة ليه كانت حلم .... ولكن معاملة عائلتها ليه .. خلاتو يتحقق ....
كل شوية ينزل عينو لساعة باش يوصل فالعشرة كيييف واعدها ... مكسيري وكل شوية يتنفس ....
وباغي يوفي بوعد باباه لي عطى لاسد " اصيل غايدير ليها الخاطر " هو مااايحشمش باباه ... وغااايتهلا فيها ....
يلاه غاينزل عينو تاني للساعة و هو يلمح طوموبيل وراه ، ولي من الخرجة ديال دارهم فكازا وهو ملاحظها .. ولكن واش باقا وراه !!! كانو قدامها طموبيلات آخرين مكانوش مخلينها تبان ... ولكن دابا تكشفات ... كاينة غير بوحدها فهاد طريق .. تاهي غادية لازون !!!!!
حاول مايعطيش الأمر اهتمام وكمل طريقو .. ولكن باقا عينو كل مرة تشوف للمرايا ....
سلمى : أصييييل ..
أصيل : اممم ...
سلمى : دابا لاتزوجتي نتا وقسم .... عرسكم غاايكون فيه صحاااافة !!!
أصيل : شكرا على هاااد الرااااحة لي عطيتيني دابا أختي ... ! شكرااا ....
سلمى : هههههه غير ماااازدت عليك ياك ههه ولكن دبصح عرفتي شحال من سؤال عندي فدماغي !!!! حيت أنا عارفة آش كايكتبو عليهم ... وهانتا شفتي مسكينة ختها قلتي غييير دارو ليها پييج ولكن راه لهلا يوريك دااااكشي لي شفت وشنو خرجووو عليها وشحااااال ديال الهضرة .... يعني راه باينة تانتا وقسم مغايخليوكمش الباباراتزي مرتااااحين ... عرررفتي كون.........
باقي مكملات هضرتها تاشهقااات بججهد من الفرااااان لي دار أصيل وشدات عل قلبها مخلوووعة حامدة الله لي كانت لابسة حزام السلاااامة .. وشافت قدامها وهي تلقى طموبيل قطعات ليهم الطرييييق فالنص.. شاعلة السينيالات ديالها كاملين وشاافت بزربة فأصيل مخلووعة ..
سلمى : و .. واش .. واش كسيييدة !!!
أصيل كان كايشوف قدامو كايرمش .... وهو يخرج واحد من القدام وأصيل غمض على عينيه وسلمى مافاهمة والو .. تاتشوف فطموبيل قدامها ووجها صفار بالخلعة ...
سلمى : أصييييييل ... آش واااااقع ..
يتبع...
التعليقات
لا توجد تعليقات بعد، كن أول من يعلق.