محتوى القصة
ناض عندهم لوؤي ، ولامار شافت فقدس ...
لامار : علاش ماجيتيش هضرتي معايا بحال ختك ها ؟
قدس : ( شافت فرتاج وشافت فيها ) ر راه ... راه اماما مكان والو ... لوؤي راه تاوقف عليا وبغا زواج ....
لامار : ونا تيقتك ابنتي الله اودي ....
رتاج : دبصاح الامار ... هو ايه ... كانت عاجباااه من شحاااال هادي حاط عليها العين ... ولكن راه هي مكانتش باغا ... ماعرفتش كيفاش تاقنعها بالزواج وراه جينا للدار ديريكت .. تاهي مكانش فخبارها .... انا براسي يالاه هضرت معاها ....
حياة : واش نتي متأكدة من هاد لقرار ؟؟؟ دابا نهضرو دبصح ... زواج هدا ماشي لعب ....
قدس : ( دورااات عينيها شافت فلؤي لي كالس على الفوطوي كايخدم مع انس وسلطان وشافت فيهم ) ماما .... يمكن كاينين بزاف دالرجال من غير لؤي .... ويمكن مزال جايين خيارات اخرين ورجال حسن منو كاع ..... .. و نتي كنتي ديما كاتقولي ليا نختار لي يبغيني ماشي لي نبغيه ..... ونا راه مكاينش لي غيبغيني قدو هو .....
لامار : ونتي !
قدس : المرا اماما كاتبغي الاهتمام ..الى لقاتو راه كتعطيه مضوبل ....
لامار : ( تنهدات ) اوا الله يدير ليكم لي فيها الخير ......
رتاج : يلاه ندخلو عند الرجال نشوفو اش دارو .. ونسمعو رأي اسد ...
لامار : يالاااه ....
قدس : انا بلاااااش اماما غاااااخليني عافااااك .... حشمت من بابا ..
لامار : واش هادشي فيه الحشومة ؟ كانلعبو هنا
حياة : وخلييوها ماتزيروش عليها .... البنت كتحشم هاء ..
خلاوها ودخلو وهي بقات واقفة عاضة على شفتها .. كانو يلاه غايحلو لباب ورقية تابعاهم تاحلها جود خارج .... وهوما دخلو كاملين للبيرو عند اسد ... وناضو كلهم لكليسة جلدية كاينة بجنب البيرو وكلسو مجموعين وجود جا تابع قدس لي كانت هربانة طلع فدروج وشدها ....
جود : فيييين غادا كااتجريي ، كاااتحشمي زعما !!! ( قدس تقلباات عندوو مبتسمة مخلوعة ) علاااش هربانة ؟؟؟
قدس : ل.. لااا ... ك كنت طالعة غا عند قسم
جود : ( شاف فلؤي وشاف فيه ) هدا راه الزواج اقدس ماشي الضحك .... فكري مزيااان ...
قدس : عااااارفة ... ( تنهدات وقربات عندو تقابلات معاه ) جود .... انا مابغاش نتزوج دابا ..قلت على الخطوبة آه ... ولكن عفاااك عنداك باابا يبغي يزوجني دابا ... ماابغيييييتش .. على الاقل غي تاناخد الماستر ديالي وندير شي مشروع صغير هاص بيا بلا مااايتحكم فيا هو ... مكنتيقش فلوووؤي راه غدا غايقولك سيمانة جاية نديرو العقد .... والله تاااانحماق ليكم هنا
حود : وعلاش ؟؟؟ شنو السبب ! خالعك فشي حاجة ؟؟؟؟
قدس. لا بالعكس .... انا الزواج لي خالعني ماشي هو ....
جود : شنو لي خالعك ؟؟؟
قدس : انا ماشي قد لمسؤوولية .... ( شدات ليه فيديه ) مغالقاش ماحسن من ولد عمي نستقر معاه .... ولكن ماشي دابا ا جوود عافااك ماتخليهمش يزوجوني دابا .... انا باغا تانكبر شوية ونكون قد مسؤولية ... دابا مزال محتاجة نتخشى فبابا وماما ......
جود : واش انا كندخل فهادشي ؟ واش باباك لاخدا شي قرار غاندخل فيه انا ؟ انا راه مغاندخل لا فخطبتك لا فزواج
انا باغي نشوفك غا فرحانة ( شاف فلوؤي ) لؤي راه ولد الناس .... والمسؤولية لي خيفانة منها هو راه قدها ... صاحبي ماشي ولد عمي وكنعرفو اش كايسوا .... مدام دار خطوة وقصد الباب وقصد الوالدين .... راه مغايفرطش فيك ماعندك مناش تخافي ....
قدس : راه قتليك ماخييفاناش منو.. انا مابغااااش نتزوج دابا .....
جود : وعلى ما عارف راه مغايزوجوكش دابا ! وتاحد ماقال دابا .... قالو تكملي قرايتك وهو يدير مشروع ديالو خاص بيه ... ( عوج شفتو لجنب ) سمعت قاليهم تاخدي ماستر و يدير شي حاجة هو وياك و منعرف ...بيناتكم ....
قدس : ( علات حجبانها ) مقااليييش انا !!! منين جا هاد مشروع ديالي اانا وياه ؟؟؟؟
جود. : دابا نتوما موااااالفين كاتهضرو ؟؟؟
قدس : راه ولد عمي اجوووود ... ( ضارت موراها شافت فيه مشغول مع انس وشافت فجوود ) ولكن باينة غايكون قال هاكاك غير حيت مايقدرش يقول ليهم فاش خدام ومايتفضحش.....
جود : ستريه غااا نت ومغايفضحو حد ...
خلاها و مشا باتجاههم وهي عضات على شفتها معرفاتش كيفاش خرجاتها فلخر علات كتافها ملي تفكرات بلي قاليها جود فخباارو وطلعات فدروج .....
مشا جود كلس على لفوطوي مقابل مع لوؤي لي شاد كتاب وكالس حداه انس و سلطان كالس فالارض على زربية كايخدم ليه ...
لوؤي : دابااا فينااااهي القاااعدة ؟
انس : وهااااهي ابنادم ... هادي هي لي ملونة بالحمر ....هادي هي لقاعدة ....
سلطان : (علا راسو شاف فجود ) فتاة كتكتب بتاء مربوطة ولا مبسووطة !!
جود : مبسوطة واقلة حيت كتنطق ... كانطقو داك تـ .. يعني مبسوطة ....
سلطان : تا لااا ..واقلة مربوووطة يمكن ...
جود : وراه سيااارة كتكتب بمربووطة ومكتنطقش ...فارة .. سفارة ... حمارة ... كلهم مكتنطقش .. يعني فتاااااة كتنطق .. خصك تكون مبسوطة بحال اثاااث بحال شتااات ....
لوؤي : على ماشي كتكتب بالثاء !
جود : نهار نهرس ليك سنانك غااتكتب بالثااء ان شاء الله
سلطان : دابا واش مربووووطة ولا مبسوووطة
لوؤي : كتبها مبسوووطة كيما قال جود .. قنعني
سلطان : ( جا يكتب و علا راسو ) انس .. واش تانتوما فهاد الجيل متايخصكمش تخرجوو على هاد الهامش الحمر ...
انس : لااااء ماتفوتووووش....
سلطان : وراه مابقاتش بلاصة لاكتبتها مبسوطة غاتخرج لينا على الخط
لوؤي : اوا رررربط.... الفتاة خااصها تربط .....ديرها مربوطة
قسم جاية هي وقدس لعندهم ...
قسم : امالكم !!
سلطان : جابك الله اختي قسم ... فتاة بالتاء مربوووطة ولا مبسوطة ؟؟؟
قسم : مربووووطة ....
لوؤي : وشتي قلتهاليك .. ( شاف فجود ) حماااارتون قالك ...
انس : لاعساك اختي قسم ... تاحد ماااعرف ( حيد الكتاب للؤي ) هااادي هي للقرااااية ؟؟؟؟ تاااحد فيهم ماعرف يخدم معاياااا .. غدا يضحكوو عليا صحاااابي وغاانرعف شي واحد ....
قسم : ( شدات انس ) لا اولدي لا ماترعف لينا حد ، اجي نفهمك احبيبي .. تاء مربوطة كدّار فالمفرد ... فالجمع كنديرو تاء مبسوطة ... فتاة .. مربووطة .. وفتيااااات .. مبسووطة .. سيارة مربووطة .... وسيااارات مبسوطة .....هادي هي للقاعدة لي تمشي عليييها ...سنة مربوووطة وسنوااااات مبسوطة ... فهمتي !
انس : اجي ( جرهااا من يديها كلسهااا حدااه ) اجي خدمي معايا نتي هادو متااايعرفوش .. انا كانقوليهم عندي اعراب الجملة وسلطان تايقوليا نحولها للعربية .. وراااها عررررربية ....
قسم : هههه مالقيتي اولدي شكون يقرا معاك غاهادو لي كانو يجييبو ربعة فالعربية....
قدس : ( ضربات لؤي بمخدة ) واللله مااااااندي واحد كاايكتب فتاة بالتاء مبسوووطة .... تاماالك قاااري فالزحاااام !!!!
لوؤي : ( شد عليها المخدة ) و انا ييه متنعرفش كيفااااش الفتاة كتكتب ...ولكن راه كننننعرررف ليييها كيفااااش كتكسب مااااتخافيش ( شاف فجود لي مخنزر) خاااطيبتي .... دخل سوق راسك ....
فالمكتب ....
جالسين مجموعين و الخادمة لي جمعات الكيسان كانت يلاه خرجات ...
سفيان : كيف قال عدنان ... ورا الماتش ديالها ويكون خير ....
حياة : ماتقرروش بوحدكم اسفيان شاورو البنت
لامار : قدس كنظن ماتقول والو ، هي مابغاش تزوج دابا ...خطبة ماعندها ماتقول ...اصلا هدا هو الصح ... مايمكنش بلا خطوبة رسمية!!
حياة : ولكن كنظن البروتوكول غتلقاو معاه مشكل !
عدنان : فالصيف غنعلنو على خطوبتهم وخطوبة جود فخطرة وحدة ..... دابا البرتوكول عارف موسم الدراسة هذا كيحكر غير على نقطهم ولوائحهم الشرفية فالقراية ....
لامار : ( شافت فاسد ) اش بانليك !
اسد : مزياان .... ماعندي مانزيد ورا عدنان ...
رتاج : دونك ورا الماتش ديالها نديرو خطوبة صغيرة بيناتنا ويبقاو ليهم تصاورهم ذكرى ... (بفرحة) نفففرحو بيهم
اسد : ان شاء الله .. نتسناو شوية بينما دخل سعيد يكون معانا ...
رتاج : سعيد داااخل !!!
اسد : سي ، هاد الشهر !
حياة : توحشناااه الصراحة
لامار : ( شافت فيها ) مغتجيش شيماء !
حياة : لا ... جاي غير هو ... ومغيجلسش بزاف اصلا ... جاي على قبل وراق الشركة وصافي ..
لامار : اوا صافي نتسناوه تايجي .. على الله ميتعطلش بزااف قبل مايمشي ثاني جود لليابان
سفيان : وا لي دارها ربي هي لي تكون
رقية : الله يكمل كولشي بالخير والتيسير والله يجيب ليهم الربح ....
لامار : اوا نوضو تعشاو الجماعة مكتساليش ... الله يسر ليهم ...
ناضو جميع خرجو من البيرو باتجاه صال مونجي وناضو تالاشبال لي كانو فالصالون الاخر كيقراو مع انس ...
تجمعو على السفرة والمساعدات بداو كيحطوليهم فطباسلهم ...
العشاء كان فاجوائهم المعتادة من الضحك والجماعة ...
تعشاو فجو مرح ... وتفرقو بعدها بالتوديعات كل واحد مشا لدارو ....
كان مغادر لوؤي داك القصر لاول مرة مرتااااح لي حقق وحدة من الحوايج لي كان كايتمناها من سنيييين ... وباقا ناقصة ليه غير يشد هاديك لعصابة بين يديه وينعس مرتاح ....
خرجو لسيارتهم بعد ماتوادعو حياة و رتاج و عدنان وسفيان وسلطان ولوؤي فالباركينغ وكلها شد طريقو
وفالقصر بدوروهم الكل قصد الجناح ديالو ... من غير لامار لي دخلات عند ماماها دوز معاها ليلتها حيت عارفاها اخر ليلة بقات ليها وغذا غيمشيو لامريكا ...حتى من قسم وقدس طار عليهم النعاس ودخلو عندهم لجناحها وتجمعو عليها فسريرها وهي كتعاود ليهم على طفولتهم كي كانت ....
اما جود ... جناحو كان مظلم وجالس فالبالكون وناعس عليه روكسي لي كيلعب فالفرو ديالو بيد ويد الاخرى كيضور فيها هاداك الفيليل ومغمض عينيه كيتذكر تفاصييييلها .... وتفاصيل هاداك الحلم لي عاشو فالواقع ومزال مقادرش يفكر فيه على اساس انه واقع .. ومباغيش يفكر فيها على اساس انها بنت كاينة فالواقع .... بغاها تبقى بنت كاينة غير فاحلامو ومخيلتو وذاكرتو .... باش ميحسش براسو انه كيخون الوعد ! ....ومايحسش بالذنب ... واخا التفكير فيها ، وهاد الفيليل لي فيديه بحد داتو ، ذنب .....
اليوم الموالي ...
الساعة 09:30 - فاس
مطبخ الفندق ...
كانت الاصوات كتييييرة و المكان مكتض بالعاملين و الطباخين والمساعدين .. الكل كان بطابليات بيضين وقبعات بلااستيكية فوق شعرهم و صابوات ديال البلاستيك .. ماكان كيفرق بينهم وبين اطباء فغرفة العمليات غير ريحة الطياب ! اما التوتر كان نفسو ...السرعة نفسها ... الدقة نفسها ... العرق لي كيتصبب على الجبين نفسو ... العيون لي كل مرة كتشوف للساعة كانت نفس عيون الممرضين وهوما كيشوفو لاجهزة لاطونسيون وضربات القلب ...
والسعادة نفسها ايضا ! فاش كتسالي هاديك الطلبية !!
العائلة لي كاتسعد بخروج الاطباء من قاعة العمليات كايبشروهم بان العملية نجحات ....
نفسها سعادة عائلة على طاولتهم كاتلذذو داك الطبق لي وجدتيه .... ولي فيه شوية من الأكل ... ولكن عاااامر بالحب .. الشغف ...و بالفن ...
هادوك الناس مكانوش كيمارسو غير الطبخ .. كانو كيمارسو الفن .. كانو كيشوفو الشيف الكبير ديالهم هو الموسيقار ... كيتعاملو مع التوابل بحال النوطات الموسيقية ... صوت النار كتاكل فزيت وتلهب هاديك الشريحة داللحم لي كاينة الوسط وتخلي المطبخ كامل يتوووهج ويتوهج معاه وجه الشيييف وهو كايقلب هاديك المقلة ... كان بالنسبة ليهم لحن كيسمعوه ...
لحن الطبخ ...
صوت التقطيع فوق من الخشبة ... الحكان ديال الثوم .. صوت المهراز ... وصوت التشحاار .. صوت الابزار كايتحك ... كانو اصوات بنسبة ليهم سمفونية كايعفزوووها .. فن كيقدموه ... لوحة كايرسموها ...
مخلطين فوصفاتهم بزاااف دالحب لهاد المهنة ...
كيقولو ... بلي الطبخ عمرو يردك غني .... الطهاة مكيختاروش مجال الطبخ باش يوليو اغنياء ... هوما كيختاوه باش يمارسو نوع من الفن ...
طلبية كتجي ليهم كتكون بمثاااابة جمهور فالمسرح ....
لو يتطلب منهم بيتزا ايطالية ... يقدمو ليك رومااا بشرائح السجق ...
لو تطلب منهم قهوة تركية ... يصبو ليك اسطنبول ففنجان ...
هو فعلا عندهم الطبخ عمل تدقيقي ، كيتحكمو فيه بالقياسات والوقت والميزان بشكل صاارم .. لكن لي كيخليه ينجح .. كتكون هي لمسة الحب ... لمسة الولع بالمطبخ ...
وهاد الولع هو لي جامعهم كلهم هنا .... لا ، مغنقولش كلهم .. كاين بصح لي جاي باش يولي غني ...
ولكن هي ....
جابهاالولع ...
كانت بطابليتها البيضة لي عاااامرة بالطبايع ... قبعتها البلاستيكية لي مغطية شعرها المجعد ... وجهها مرهق ....كتشحر فالمقلاااة ... وكل مرة تشوف للشيف ديالها لي كان بطابليتو السوداااء كيقطع فالجزز شراائح رقاااق .. كان شيف فنهاية خمسيناتو ، بطنو منتفخة وقبعة الشيف لي فوق راسو كاتبان ليها بحال تاج السلطان!! ...
كتشحر وكتشوف كيفاش كايقطع و كيجيبهم رقاق بداك الدقة بلا ماكينة ! كيفاش يديه فيهم هاد القياسات المضبوطة وبهاد السرعة !
الكل كان كايتجارا والحركة كانت كثيفة فالمطبخ والتوتر غالب .. لان هاد الصباح غلبات عليهم الخدمة بزاف بسبب الحدث لي نظمو الفندق بلا مايعلم الطهاة وخاصهم يوجدو طلبية كبيرة لمأذبة العشاء لي كاينة هاد الليلة .... من الحلو والمالح ....
الشيف الكبير كان متوتر ... ومساعدينو كانو ضايرين بيه كلهم .... ومنهم هي ...
كتتمشى معاه بتناسق وكتمد ليه اش بغا قبل مايطلبو .... بقوة مكتبغي عملها وكتحب الطبخ .. مكتمارسوش كمهنة .. كتمراسو كهواية .. كمكاان كتنغلق فيه على الواااقع ....
كانت كتحرك بسرعة وبتوتر وكل شوية يعليو عينيهم للساعة ...
مشات كتجري للفران حلاتو وخرجات صينية ولاحتها بزربة على الكونطوار كانت غاتحرق يديها وبدات تبرررردها مع رجليها كتنفضها ....
الشيف : بشششوية .... جوج حوايج غتركزي معاهم بالضوبل ديال التركيز .... الفرااان .. والموس ... ( كيقطع بسرعة وهي كتشوف ) حنا كنطيبو ليزانگغيديون .. ماشي يدينا ...
ياسمين : ( بتوتر) حا ... حاضر آشاف ...
الشيف : ( كيقطع بسرعة البصل وقاس بصبعو الصغير فلاصوص لي كتشحر ياسمين ) كثرتي لبزار ... زيدي ورقة دالرند تسف الحرورة وماتلدغش فالحلق ... ( مشات بزربة تنفد اش قال ) فهمنا بلي كايعجبك ديري التوابل بيديك ... ملي تكوني فدارك اما ملي تكوني فالخدمة ضبطي بالقياااسااات ، خدمي بالمعلقة ، الطبق بحال شي معادلة ، المكونات خاصها تكون كاتساوي التوابل .... تاحد مايكون كتر من لاخر .....
ياسمين : حاضر شيف
الشيف : ( كيخوي ليها اش قطع فلاصوص ) كيف داز سطاج !
ياسمين : صافاااا ... ماتعلمتش منهم بزاف ... ( باعجاب كتشوف فعينيه ) حيت كلهم لي تما مايبانوش قدامك نتا آشاف ....
الشيف : ( شاف فيها ورجع كيكمل خدمتو ) مقارنة فاشلة هادي .. تقارني لي شيف لي كباار وعندهم جوائز دولية مع واحد بحالي ... شرف تا مابقاش قادر يفرق الابزار من الكامون
ياسمين : لا اشااف ... الطبخ ماجاش بالشواهد .. واخا نقص ليك الشوف ولكن نتا قادر تشم ريحة البزار فلاصوص بلا ماذوق ... وقادر تشم ريحة الكامون فالمجر بلا متحلو .... الخبرة ديالك اشااف .... هي لي مالقيتهاش تما ....
شيف : خدمي وهضري .....
ياسمين : (جمعات راسها ومشات دغيا تشحر ) حااضر اشاااف ... كنت كنقوليك .. بلي هادشي لي خلاني نجي لهنا .... ملي عرفتك نتا كاين هنا .... كنت كنبقى نرغب فجدي بزاف ملي كنت صغيرة باش يجيبني لعندك نشوفك كيفاش كطيب ، كاان كايعجبني بزاف نتفرج فيك ونتا كاتقطع بالموس بزربة بحال السحر ( كاتهضر وعيونها لامعة بالشغف ) .. الا انا بغيت الطياب شي نهار راه( قاطعها )
شيف : زيدي الزززربدة غااتنشف .....
ياسمين : حااضر آشاف ( مشات بزرية كتزيدها وكتهضر ) الا شي نهار انا بغيت الطياب كان بسبابك نتا آشاف .... من نهار مشيتي من ( قاطعها )
شيف : صافي حيديها من على العاافية وطحني ....
ياسمين : حاضر آشاااف ( مشات بزربة كتجيب الميكسور وكتكمل كلامها بحماس ) منهار مشيتي من عندنا من الريااااض .. وانا كنقلب فين نلقاك .... فين نلقى الشاف لي ولعني بالطياب .... ( كتطحن ولكن كتهضر مراداش لبال لصوتها لي مكيتسمعش بالطحانة والشيف كيضور راسو على عفويتها ) فاش جيت كليت هنا واحد نهار وذقت هاديك الپيغي ديال الكرعة حمرة .... عرفتها ديالك .. مكاينش شي واحد كيصاوبها بحالك ... باش تصااوب پيغي دالكرعة حمرة بالقرفة .... جوج مذاقااااات صعاااب يتخطلو ... وصعيب يتوالمو .. ولي شيف الكبار مكيعرفوش يوازنوهم حيت بجوج بيهم مداقات قويين .. ديما يااا كتجي القرفة غالبة فالطعم .. او كتجي الكرعة الحمرة هي لي غالبة .. نتا بوحدك لي كتوااازهم .... حيت القياسات لي عندك .... كاينين غير فيديك بوحدك و( قاطعها )
شيف : باااارااكا عليييها ..... ديري فالپوش .....
ياسمين : حاضر اشاف .. ( حلات المجر بزربة كتجبد البوش ) ومن تما طلبت نسطاجي فهاد لوطيل .... باش نتحك مع الخبرة ديالك نتا اشاف .... باش تزيد تعلمني .... وو ولكن .. ( سرطات ريقها ) نتا .... نتا مابغيتيش تعل ( قاطعها )
الشيف : ها البوش عمرات ! غتبقاي تشوفي فيها !!!!
ياسمين : ( مشات كتجري تجيب طباسل ) لا غاانبدا ندريييسييي داباااا .. متخافش اشااف .. كنقدر نهضر ونخدم فنفس الوقت نتا غير سمع ليا ... ( بدات تستف طباسل على الكونطوار ) بغيتك تعلمني .. معرفتش علاش ديما كتقول ليا بلي نتا غير شيف عادي كطيب طياب تقليدي وماعندك ماتعلمني انا لي كانقرا فتكوين اكاديمي .. انا باغا تعلمني كيفاش كاتوااازن المذاقات .. كيفاش كتعرف للقياسات غير بعينيك ..( وقفات كتشوف فيه وعينيها كيلمعو ) بغيت نكون بحالك آشاف .. بغيت نولي ندير التوابل غير بصبعاني بلا منغلط فالقياس .. واخا كطلب مني ندير معلقة مغاااانديرش ... حيت الطياب بحال ساحة التزلج .. مايمكنش تولي زلاج واعر لامطحتييييش ... بغيت نغلط ونعاود ... باش نقدر نولي نعرف القياااس بصبعااني ... بحااااالك ....
الشيف مكانش كيشوف فيها ، كان كيف شي شخص مكيسمعش ليها ... كان كيطيب ومركز مع خدمتو .... وهي تنهدات حيت ديما مكيعطيهاش وقت وبدات تقطع البوش باش دريسي فالطبسيل هو يشد ليها يديها وشافت فيه....
الشيف : غاتخوي داكشي كااااامل فشي طبسيل ... وغاااتاكليه حيت النعمة مكاااضيعش .... وغاتعااااودي ديري وحدة اخرى .....
ياسمين : ( بدهشة ) هاااا !!!! وعلاش ! ماااابقاش الوقت !!!!
الشبف : ملي قتليك زيدي الرند يحيد حرورية الابزار ... نتي زدتي الريحااااان ....
ياسمين : ( بدات كترمش وشافت فيه ) م ....مارديتش الباااااال !!!!! بصاااح !!!!!؟
الشيف : باش تعلمي مااااتهضريش ملي تكووووني كتخدمي ... ( حط الموس وشاف فيها ) اووول قاعدة فالطياااب .... هي التركيييييز .....( رجع لخدمتو وتنهد ) دابا خوي داكشي وكوليه كامل .... متلوحيش النعمة ... وركزي ...ولا غاضطري تغلاضي بسبب الماكلة لي غاتخسر وتاكليها بوحدك .....
ياسمين بقات كتشوف لداك البوش لي فيديها وهي تحطها بقلة حيلة ..
وتحنات للتحت تجبد المقلة من جديد تاتحلات الباب دالمطبخ ودخلات المساعدة بلباس رسمي دالفندقة .. وبادج فعنقها وشال معقود تاهو فالاحمر ....
- يااااسمين ...
ياسمين علات راسها من تحت كترمش بعينيها ...
ياسمين : ها !!!
- ( كتقلب بعيينيها عليها ) ياسميييين !!
ياسمين : ( وقفات حيت كانت محنية لتحت وشافت فيها ) هانااااا هنا ..
- ( فوق النيف ) المدير بغاك ... سربي ...
بقات غير كترمش فبلاصتها ورجعات كتشوف فالشيف لي خدام مامسوقش والمساعدين كيشوفو فبعضياتهم ... وهي تغمض عينيها مدة مزيرة عليهم وخدات نفس عميق وشافت فالشيف ....
ياسمين : مغنتعططلش ...
الشيف : ( للمساعدين ) غااتبقاااو واقفين كتشوفو !!! سربيييوووو راه الساعة ماكتوووقفش معااااكم .... باقي تابعنا بزااف .. نتي سيري شوفي داك العجينة فين وصلات ...
ياسمين بقات كترمش محاااملاتش تاني كيفاش كاتجاهلها وماباغيش يثيق فيها وانها انسانة كتبغي هاد المهنة ماشي غير سطاجيرة ...
وجات ماشية وهي تشوف لداك الطابلية لي موسخة كلها وهي ترفع كتفها بلا مبالاة .. وخرجات لباب حيدات بزربة الصابو ديالها ولبسات سبادرين ديالها ومشات كتجري لسانسور كتكي بزربة باش طلع تسالي معاه دغيا وتشوفو اشنو بغااا تاني وترجع تعااااونهم حيت المطبخ مضغوووووط بالخدمة ....
تحل بيها السانسور فالطابق لي فيه المكتب ديالو ...
ماشية بعكز تاني تتحمل الفظاظة ديالووو وتعنابو لي ماكايسااااليش .... وهي توصل لباب ودقات تاسمعات الاذن ديالو وهي تحل لباب ..
شافها هو يعرض الضحكة ديالو وهي تبسمات ابتسامة صفرة فيها احترام لمكانتو كمديرها ... دخلات وسدات موراها الباب وبقات واقفة كتشوف فيه ...
كان فعقدو الاربعين .. ببدلة انيقة زرقاء فالجيب منديل ابيض مرتب ... شعرو فيه بعض من الصلع وبعض خصلات الشيب فالاطراف .... وجهو كان حليق وبعض علامات التجاعيد جنب عينيه وفجبهتو ... ملامحو ضاااحكة وهو كيشوف فيها ..
المدير : زيييدي دخلي علاش واقفة فالباااب ... دخلي اياسمين ...
ياسمين تبسمات وزادت بشوية تاجلسات على الكرسي كتفرك فطابلييتها مفاهماش اش بغا ....
ياسمين : وي موسيو هيثم .. بغيتيني فشي حاجة ! حيت مزروبين شوية على ود الاڤنت ... الى كان ممكن خصني ننزل دغيا ...
هيثم : ( كيشوف فطابليتها الموسخة ورجع فالكرسي بلور كيشوف فيها مبتسم ) حتى ونت فهاد الحالة .... كات ( تحنحن مابغاش يكمل كلامو وبدل الهضرة باش ماتعصبش تاني ) مهم ... عيطتليك باش نقوليك ... الا بغيتي تمشي ترتاحي غير سيري .. مامضطراش تخدمي هاد نهار كااامل بحالهم .... انا عارف عندك قرايتك وحدة اخرى وكدوزي عندي هنا سطاج ... مامضطراش تبقاي معاهم نهار كامل حتا نتي .. هاد الايفنت كيخص العمال لي رسميين معانا .... نت غير سيري ترتاحي .. خرجي فالوقيتة لي كتخرجي فيها ديما ...
ياسمين : ( كترمش فيه وكاتفكر فاعماقها لابغات ضربو شي ضربة ديال الموت فين تعطيها ليه بالضبط .... وتنهدات كتلعن الشيطان ) لا ... مكاينش لاش اموسيو ... مابغيتش نخليهم .. الخدمة شوية مزيرة .. وهاد الايفنث ماعلمتوناش بيه بكري... وكاين بزاف دالحوايج خاصهم يتقادو .. غنبقى نعااااونهم .... انا اه هنا سطاجيير .. ولكن دوك الناس لتحت راه ولاو صحااابي .. ومغنبغيش نخليهم فنهار مهم بحال هادا ....
هيثم : ( قرب لبيرو كيشوف فيها ) انا مافهمتش علاش هادشي كامل كاديريه .. يدياتك صغيورين ايااسمين ماااشي ديال تمااارة ..... ياك جيت عندك وقتليك غير رتاااحي السطاج ديالك ضربيه عليا ... وحتى داك ديبلوم لي غتولي بيه شيف ماعندك ماديري بيه اجي نخدمك عندي شييييف ورئيسة لي شييييف كاع لابغيتي بلا ديبلوم نت آمري ونت نهي ( ياسمين علات فيه حجبابها كيف ديما ملي كيقول هاد الهضرة ) لا راه ماشي على ود شي حاجة لا حاشااا .... غير حيت كنشوفك بنت مجتهدة وعزيز عليك الخدمة مامحتاجاش ديبلوم يضمنك ليا ....
ياسمين : ولكن اموسيو هيثم .. ديبلوم مابغيتش ناخدو باش نضمن راسي ليك ... بغيت باش نضمن راسي ليا .. بغيت ناخدو على قبلي ... وانا مابغيتش نكون رئيسة ديال لي شيف .. انا باغيا غير نكون وحدة لي كتعرف طيب مزيان .... ( وقفات ) موسيو الى كان صافي هذا هو الموضوع ... غير خليني نمشي باش بلا منتعطل عليهم كتر .... الدقايق فلاكويزين لتحت ساوية عندنا بزاف ....
هيثم : ( تنهد ) راااسك ديماا قااسح .. انا كنسهل عليك الحياة ونتي ديما كاااتصعبيييها
ياسمين : ( بضحكة على وجهها واخا لداخل عامرة عصبية ) كتعجبني الحياااة الصعييية اومسيو ... غير خليها ....شكرا ليك ...
خلاتو ومشات يلاه حلات البواني وهي تسمعو .....
هيثم : يااسميين
ياسمين : ( ضارت عندو ) وي موسيو
هيثم : فوقاش غايرطاب قلبك من جيهتي ! وتشوفيني كيما كانشوفك ....
ياسمين : ( بابتسامة ) شي نهار ...
هيثم : وهاد النهار باقي بعيد !
ياسمين : ماعرفتش اموسيو .. يقدر مايجيش كاع ..
حياتو براسها حلات الباب ومشات ... غير سداتها خدات نفس كتحاااول تضبط بيه اعصااابها تصبر على هاد الشااارف لي مراهقتو جاتو حتى دخل الاربعينية وصابرة غير على الشيف لي باغا تعلم منو لي كاين فهاد لوطيل ديالو ... وهو غير خرجات جلس على الكرسي مزير على يديه .... ماعرفش اشمن طريق يشد باش يعجبها .. وشنو يقدم ليها وشنو يدير ! حط دنيا كلها قدام عينيها .... حط ليهااا الفلوس مكفاوهاش ... حطليها السلطة مابغاتهاش ... حط ليها المنصب فالمهنة لي كتحلم بيها رفضاتها ....معرفش شنو خاصو يعطيها باش تبغيه !!!! وشنو يدير باش تولي ديالو .... حيت مستحيييييل يتخلى على شي حاجة هو بغاها .. مستحيل ميوصلش ليها !
نزلات للكوزينة كتجري وصلات للبيبان حلاتهم وحيدات سبرديتلها لبسات الصابو ودازت للافابو غسلات يديها وعقمات ودخلات لكوزينة بزربة شدات بلاصتها كتكمل خدمتها وتشوفهم فين وصلو ...
الجو متوتر وهي كل مرة تعلي عينيها للساعة ... عاودات هاديك البيغي بتركيز هاد المرة والشيف كل مرة يعلي فيها عينيه يشوف طريقة باش كتستف وكيفاش تسد عين وتحل عيني وتتحنى وتحط هاديك الورقة ديال الريحاااان فوق الطبسيييل ... كيفاش كتلووح التوابل فالمقبلات وكيفاش كذوق براس صبعها صغير وتبنن .... ورجع يكمل خدمتو وكل مرة كيلوح ليها هفوة كديرها ... سالات وبدات ضرب الحداش ونص وهي دخل عندهم وحدة من عمال النضافة لابسة وردي و سربيتة معلقة ليها فحزامها ....
- شكووون لي تييييلفونها فالشاااارج كيوصني !!! ( كولشي ملهي ) فيييه الفرااااشات فالبوشيطا ... ديالمن !
ياسمين : ( ضارت عندها ) ديالي ! كيصوني ؟؟؟
- اه راه قالب دنيا
ياسمين : ( هزات سربيتة كتمسح بزربة ) سمحوليا مغنتعطلش ...
مشات كتجري دخلات لفين كيبدلو حوايجهم هي تلقاه كيصوني يالاه مشات باتجاهو هو يقطع ... وهزاتو تاني لقاتها ماماها لي صونات تقريبا خمسة دليزابيل .. قلبها بدااا يضرب وهي كتعاود ليها حيت مامولفاش تصوني ليها ملي تعرفها خدامة ...
ياسمين : ياربي سلااامة وياربي سلاامة ... ( جاوبتها ) الووو !!!
الام : ياسمين .... ( بتوتر ) فييين كنت من قبيلة انا كنصوني
ياسمين : خدامة اماما ياك لاباااس !!!
الام : خلي كولشي من يديك .. واجي داباا لدار ندييو باباك لسبييطار سررررربي ....
ياسمين : ( رجليها فشلو ) ي ي ك كيفاش ماالو ؟؟؟؟ اش واقع هضري معايا اماما نيشان ...
الام : ماعرفتش .. راه دخخخل حالتو قالك تلاقاو ليه ضربوه سربي دغيا جيبي طموبيل نديوه راه مابغيتش نجيب طااااكسي قدام جيييران .. سسسسربي ...
قطعات عليها وبقات كتمشي وتجي خايفة ما عرفات دخل لكوزينة ولا تمشي لبلاكار دحوايجها تلفات ، وهي تحل لبيبان ودخلات بزربة لكوزينة عند الشيف شادة تيليفونها وكتهضر بزربة
ياسمين : شااف ... سمح ليااا عافااااااك .. ولكن خاصني نمشي ضروووري .. ماما ... م مااما عيطات ليا خاصني نمشي ايغجووون ( كتشوف فيهم ) سمحو ليا عافااكم راه مغاانتعطلش ... ( كلهم قلبو وجاههم كيخدمو مضغوطين والشيف معلي حاحبو ) والله مغاانتعطل
الشيف : ( حط الموس بعصبية وشاف فيها ) علاش كتقوليها ليا انا ؟ بغيتي تمشي راه الطريق .... نتي هنا سطاجيرة معانا هنا تاواحد مقاليك بقااااي بزز .... ياك المدير ديالك مفاهم معاك ؟؟؟؟ .. اوا سيري عندو وقوليها ليه راه مغيحيدش ليك ...
ياسمين بقات غير كترمش وهو رجع لخدمتو وهي تجرها وحدة من المساعدات بعيد وعينيها عامرين بدموع حيت زعف عليها
المساعدة : مدييييش عليه ( شدات وجهها ) ويلي الحمقة غتبكي .. واش مكتعرفيهش كيداير ؟ صافي سيري ومتعطليييش ... رجعي عاونينا راه هادشي مستحييل يسالي فالوقت .. مستحيييل يوجد هاد العشا فعشية وحدة !!!!
ضارت موراها شافت فالشيف لي كيخدم ويزعف عليهم يسربيو وداك المساعدة مشات كتجري وهي تنهدات ومشات لبيت تبدل وجوج مساعدات تبعوها بعينيهم تامشات وشافو بعضياتهم ...
المساعدة : دايرة فيها زعما باغا تعاونا .. وباغا تخدم .. وهي راه طلعات عندو تاني باش يقوليها ( كيعيبوه ) ريييحي ليا يديداتك الاالة ياااسمين ... حناااا نخدمو علييييك نتي بحال الملكة ... متحتاجيش ديبلوم الالة ياااااسمين
المساعدة 2 : شفتي لي كيعرفو يطيحو على الهوتات .. سطاج واحد طيحات فيها مول الشي وهاهيا مهنية ....
المساعدة 3 : ( قربات ليهم كتهضر بالحس ) السوكريطير ديالو البارح قاليك شافت جاب ليها السااااعة كاادو .. علم الله شحال سااااوية .. قالها بمنااسبة سطاااج لي دوزااات فكازا يااا لالة ....
الشيف : ( بزعفة ) لي بغا يدير نميمة يمشي يطلع لايف فتيكتوك ..
تفرقو بزربة كيخدمو بسرعة وياسمين حيدات هاديك طابلية كانت غير ببويفرند دديجن وبودي كحل ... هزات جاكيت ديال دجين لبساتها ملفوق وعلات ليها كمايمها ... جمعها شعرها بزربة مبعثر شداتو بقراسة لفوق ولبسات كاسكيط ديالها وهزات صاكها لي ديال ظهر حملاتو على كتف واحد وخرجات بزربة للباركينغ دلوطيل باتجاه طموبيلتها ... ديماراتها وشدات طريق للدار دايرة الكيت فوذنيها كتصوني ...
ياسمين : ماما ... وقوليلي غير اش كاااين .... وهانا هاانا فطرييييق ... واشكووون ضربو ؟؟؟؟؟ ( كضور فالفولون وكتغوت من زاج ) وماااااالنااا نطيييرو .. خوي نتا طريييق واش نطلع فوق منك ؟؟؟ واش ندير جنحييييين ! راه عندي طموبيل ماااشي كووبطييييير .. خراااا ( رجعات كتهضر ) وشكوووون ضربو ؟؟؟؟؟ كيفاش شفارة !!!! فييين ؟ صافي انا جاياا انا جاااياا ... ولومبوبطياج اماما واش نطيرر ؟؟؟؟
لاحت الكيت من وذنيها وشدات اقرب طريق مختصرة لدارهم ..
وصلات تاكان وجهها ولا حمرر بشمش والتوتر .... وقفات طموبيلتها قدام دار فشارع نقي .. كانت دار بتلاثة ديال طوابق ... صباغتها بيج وكري .. وبالكوناتها بالاينوكس والزاج ... وحداها اشجار الحامض و المزاح ...
نزلات من طموبيل وحلات لباب بساروت يلاه سدات الباب موراها. تتحل الباب دالبرطمة لي فالسفلي ، خرجات منها مراة فمنتصف الثلاثينات ، عاقدة زيف حياتي فراسها و بيجامة بسروال ، كانت غلييضة وملامحها رقاق وفمها صغيير ....
الجارة : ياااسميييين حبيبة !!!! كيبقى باباك مسكيييين .. عطاااااااوه هلكاااااا يعطيهم دقة !
ياسمين : ( كتنهد ودعي الصبر وجات ماشية للدروج ) عنداك طاااجيينك يتحرق راه عطااات رييييحتو ....سيري لكوزينتك اراضية سيييري
بقات الجارة لي كارية عندهم كتميق فييها وسدات بابها ودخلات، وهي طلعات بزربة فالدروج تاوصلات لبرطمتهم لقات الباب مردودة ودخلات كتحيد السبرديلة بزربة ودخلات لصالون ....
كان باباها ناعس على السداري فالصالون .. وجهو عاامر كدمااات ودماااايااات ومسهوووط كيتسمع منو غير الانييييين ...كان رجل فأوائل الخمسينة ، طويل القامة ونحيف البنية ولحيتو شايبة .... ومراتو جالسة عند راسو و الطبلة فوق منها بانيو عامر بدم و سربيتة كتمسح ليه بيها غير شافت ياسمين هي توقف ....
الام : اش هاااد تعطيلة ... اجي زيدي هزيه معاياا نهبطوه لطموبيل
ياسمين : ( كتشوف فباباها داخلة ، حطات سوارت طموبيل على طبلة وقربات عندو بدهشة ) بابا ؟؟؟؟ اش هاد الحالة شكون دار فيك هاادشي !!!!!!
الام : واش وقت الهضرة هذا اياسمين ( قاطعاتها )
ياسمين : ( كتشوف فيه ) صصصبري خليني نفهم .... شكون دار فيك هاد الحالة ؟
الاب : ( تعلا بشوية فوق المخدة كينهج ويتمسكن ) قتللللوووووني .. دگدگووووني .. هلكوووووني ابنتي .. قتلووووووني ( كاينهج وشاد على جنبو ) ماخلاو فيا تاعضم صحيح الكفرة .... شدوووني خمسة بييهم .. والساادس كيمدغ المسكة ....
ياسمين : فين وقع هادشي ؟ مكاين لا شهود لاوالو ... ؟ راه منقدش ابابا نهزك لسبيطار فهاد الحالة رته غايسولووووونا مالك ؟ اش انقوليهم سلخاتك ماما ؟؟؟ راه غيوصلوها لبوووليس .. هادي راه حالة اعتداء ( شافت فماماها بشك ورجعات شافت فيه ) بابا ! ماتكدبش عليا ، ماشي تانمشيو ونتحاشمو ....( بشك ) واش تعداو عليك ولا ضاااربتي مع شي حد !!!!
الاب : اويلي اويلي اويلي ( شاف فمراتو ) شششتي الولاد ا اسماء ؟؟ ها الولاد .. واااا ولد البنت وكبرها وراااري بيييها وقرييييها فلخر تشك فيك وتكككدبك مطرطقة فيك عينييييها ....
ياسمين : بابا ... قلتيها بفمك نتا لي كبرتيني .. يعني راه كنعرفك مزيان .. دابا قوليا شكون دار فيك هاد الحالة؟ .... راه لامشينا دابا لسبيطار غايجيبو البوليييس ويجيبدو ليك لقديم والجديد وحنا عارفبن القديم عندك شحاااال زوين .... ( بدا كيرمش بعينيه ويستوعب كلامها وخطورتو الى نشى لسبيطار ) قوليا اشنو دررررتي تادااارو فيك هاد الحالة ؟ فشنو دخلتي راااسك تاني ؟؟؟؟ .. اللهم نعرف انا ولا يعرفو البوليس ويجمعوكم كاملين .. مغيجيوش الناس يضربوك لله في سبيل الله !
اسماء : واش نتي كتشوفي فيه كيفاش دگدگوه وباقي كتسوليه ؟؟؟ ونهاك الله ابنتي .. راه الدنيا خيابت .. راه قالك الشفارة تلقاو ليه
ياسمين : ( طلعات راسها فيها ) شفارة علاش غيسلخوووه اماما ؟؟؟؟؟ واش كتسطااااو علياااا !!!! ( شافت فيه بعصبية ) بابا شنو درتي !
الاب : كيفاش اش درت ؟؟؟؟ غاانوض ندير داباا لا مغبرتيش عليا كماارتك .. بناقص كاع من هاد الخرشاااشة ديالك مااخصنيش الاالة .. سمحيلينا الالة يااااسمييين عذبناك ( رجع نعس كيشوف فالسقف وهي كتنهد واسماء كتشوف فيهم ) راه قاتليك ماماك الشفارة ( شاف فيها ) داو ليا تاتييييليفون ( كيحل ليها جياب دسروال ) هانتي قلبيني ... كاع اش عندي داوه ليا .... ( كالعب بعينيه ) ت .... تا ....تافلوووس الشيكات ( شافو فيه بزربة ) ل ... لي كنت غادي نخلصهم ..... د داوهم ليااااا ...( ضور راسو لجنب)
اسماء : ( وسعات عينيها ) كييييييفاش !!!!!
ياسمين : ( شافت فماماها وشافت فيه ) كي ... كيفاش داوليك فلوس الشيكااات ؟؟؟ وملي داو ليك الفلوس وتيليفون ...علاش غيسلخوك ؟ ( بعصبية والغوااات ) باباااااا .... قمممرتي بفلوووس الشيييكات ؟؟؟؟؟؟؟؟؟
اسماء : ( بالغوات ) المختااااااار !!!!!!
مختار : (وسع عينيه بخوف) واش حمااقيتي كاااتيقيها ؟؟؟؟ هاااادي راه غاكتخربق .... كون قمرت بيهم علاش غاانجي مضرووووب !!! كون رااااني زااااهي ( وقفات ياسمين كتمشي وتجي وترجع شعرها لور بتوتر والفقصة وهو كايشوف معاهم ) راه قتليييكم سرقوووني مالكم مكاتييقوش ... راه والله تااشحاااااااال هادي ماحطيييت يدي فالقمار
ياسمين : ( ضارت عندو ) هاد الشحااااال هادي راها غا سيمانة هادي ملي جمعتك من تما سكران ابابا ..... باراكا من الكذوب ومتحلفش على الكذوووووب ... ( مشات عندو مغزفة ) عشرة دالمليون ابابا .. عشرة دالمليووون !!!!! منيييين غنجيبوها حنا داباا منيييييين ؟؟؟؟؟
مختار : ورااااه سرقوووني اش غااانديررر ؟؟؟؟؟ نخليهم يقتلوني باش نخلي الفلوس !!!
ياسمين : بابا عااااافاك لاماسكت غااااااسكت
مختار : ( كيشوف فيهم بجوجات ) وغتخليوني دابا ندخل للحبس !!!!
ياسمين : ( ضارت عندو ) لاااا ... غانوضو نبيعو هاد الدار لي بقات لينا تاااني ...ولا عرفتي شنو ... نبيعو حق ماما فالريااااض ..... ( بعصبية ) ولااا يااااكما نبيعو ذهبها ؟؟ الى خلييييتي بيها مايتاباع ...ولا ياكما نوض نبيع رااااسي ؟؟؟؟؟
مختار : ( هلا فيها حاجبو) ياااااك! كاتجيو تالعندي والفلوووس مكايبقاوش .... على نت منين كايجيوكم فلوس المازوط ؟؟؟؟ ماماك لي ديما فالحمامات والكوافورات منين كايجيوكم الفلوس !!! ولا داك خاااالك كاتجيه غالية غا غلى المختار ... عليكم نتومااا يعطي تا تمانين مليون يخرج ليك خرخاشة ضوري بيها فزناااقي ... فين غانبان عشرة دالمليون قدام اش كايخلص عليييك نت فداك قراية ؟؟؟؟ ومالي زعما غاانديها .... راه غيررر سلف باش نكعد راسي ... مالي كنخدم على شي دار اخرى ... راه غاا ختوووو .... ونتوما الفلوس كاضيعوها غافلخاوي
ناضت ياسمين بعصبية ومشات واسماء كتشوف ....
اسماء : ياسميين ... ياااسميين فين غادا ؟؟؟ ياسمييين
ياسمين : ( كتلبس سبرديلتها معصبة ) اااخررر مرة تجيبيني من الخدمة باااااش نسسسسسمع هاااد الهبااااااال .... مرة اخرى لي بغا يسلخو يكمل على خيييرو ويييقتلووووو ويهنيييييناااا
لتخات الباب خرجات واسماء شافت فيه مخنزرة .... وهو تبعها بعينيه .... وهضر يجهد كايسمع ليها
مختار : ايااااااه!!!! الله يرررررضي عليك ابنتي .. الله يكوووون منك الزرع والزرييييييعة .... ( شاف فاسماء ) سمعتيها اش قالت ؟!!! سمعتيها !!!!
حلات لباب ولتخاتها موراها وخرجات لطموبيل ركبات بعصبية والدموع فجفونها وكسيرات مشات ...
وهي تحل الجارة لباب وشافت للجارة لي فالدار اونفاس لي حلات تاهي لباب ، وهي تحل جارة اخرى حداهم لباب كايشوفو فبعضياتهم ...
الجارة 1 : قالت لمها مرة اخرى ماتجبينيش من الخدمة لي ضريو يقتلو ... علم الله معامن طاح عاوتاااني
الجارة 2 : الله يكون فعوااان اسماء
الجارة 3: خليييها .. هاكا كايطرا للي نافخ ريييشو ويتمشى فالحومة بحالا غا هو لي كااااين .. تابنادم اختي طغى .. هي وبنتها حاسبين فراسهم مانعرفت شنو ... هاهو ديما مطيح ليهم وجهم اوا يتكبرو دابا على العباد
الجارة 1 : اشمن تكبر .. ولا تمشى مطيحة الراس .. تلاقيتها غااسطح ولات حااااالتها .. فييين هي داك اسماااء وداك الساااالف لي كان ... ياك قطعاتو كاامل بالفقصة
الجارة 2 : علييييها ولات دير الزيف !!! وتاني دوي علينا وجي علينا .... راه تاهي طلعات بنت الناس وفنات حياتها معاه ... اما هي راه والديها كان عنهم لي تحرق مايتم .... وباعت رزقها كامل عليه .....
الجارة 1 : ( باست يديها من الكف ومن الظهر ) الحمدووووووالله يااااربي الحمد الله على راااجلي .... سبحاااان الله ... العز دالمرا من الراجل .. والدل ديالها من الراااااجل
الجارة 3 : واياااااه ياحبيبتي الحمد الله عليهم .... اما غا هاد نص رويجل لي جا فسعد اسماء تعيا ماتحلق عليه راه كولشي ولا عارف خبارهم ... كيكانت بالصحة والعلض والللباااش والجلااااابة المخيرة كتلبسها هي والقميييص الوااااعر كايتفصل ليها هي والتواااااب المخزنييين كايجيو لبابها .... ايييييه يا العز لي كان داير ليها باها .... وهاهي تلات معاه كلاها وكلا ليها رزققهااا .. طيح ليها نفاااختها قدام كووولشي ...
الجارة 2 : والله يخرجنا من دار العيب بلا عيب ( بدا الاذان ) على قولة الله اكبر .. دخلو دخلو تصليو ماخصنا دنوب ....
----------------
لفوق ...
اسماء : ( جلسات كاملة كتشوف فيه ركابيها فاشلين ) ششششوف فياااا وماااتكذبش ( شاف فيها كيلعب بعينيه ) قمرتي بييييهم ؟؟؟؟ داكشي علاش البارح مادخلتي تالفجر ؟؟؟
مختار : ( نااض جلس ) واش حماقيتي ياهاد المرا ؟ كتجي كتلعب ليك على عقلك بجوج كلمات وكثييقيها ؟ انا هاديك راه ماعرفتش واش بنتي ولااا ربيييبتي ... والله كوون كانت ربيبتي ماادير ليا هاكدا .... بقيت تالفجر سهرااان كنخدم فرياااض لي خلاه ليا خوك فعنقي .... كنبااات خدااااام باش نعلي ليكم رااااسكم ونديرو مستقبل لهاديك البنت ... ونتي شوف اش كتقولي ليااا ؟؟؟؟؟
اسماء : دابا اش غااانديروو ! ها ؟؟؟؟ شغااانديروووو !!!
مختار : ( بقى يلعب بعينيه وفلخر شاف فيها ) عيطي لخوك ...
اسماء : ( طرطقات عينيها ) خوووياااا ثاااااني ؟؟؟ ( بالغوات ) واش مكتتحشمششش !!!!!
مختار : واش غاندير انا !!!! نمووووت ؟؟؟ ندخل لحبس باش تتهناو ؟؟؟ وراه جمعت فلوس بليل وونهار كنخدم وندمر ليكم فرزقكم .....كنت غااادي للبنكة باش نخلص وشدوني ششفروووني .. اش غااااندير ليهم ؟ راه واحد شدني من هنا ( من عنقو ) ولاخرررر من هنا ( شد يديه ) ولاااخر بدا كيركل فيا .. وجا واحد اخر عطاني بووونية لعينيا لهنا ... لاخر خشا فيا راسو تا هرس سناني كاملين ( حل فمو لي باقي كيسيل بدمايات ) شوووفي على حاااالة .. وداااو ليا تاااتيليييفون .. اش غاندير ليهم انا ؟؟؟؟؟ كون كانو رجال دبصح كون جابو ليا وااااحد فيهم وتشوفي واش مغانسيفطوش للروضة ... وهوما تعرمو عليا وتعاونو عليا شمايت داو ليا فلوسي وتيليفوني ... اش غاندير ؟؟؟؟ ( كاتمسكن ) الله شاااااهد لا كنخدم ونتحمل الدل ديال خووووك والزعاااف ديالو وكيفاش كااايعايريني قدام الخدامة وميطيح ليا قيمتي غاااا على ودكم نت وياسمين... غا على ودكم نجمعو فلوس ونديرو مشروع ديالنا ومنبقاوش تحت يديه يدير فيا مابغى ... راه الله لاشااااهد ملي كايسيفط ليكم الفلوس من برااااا تاااكنبغي نجيف راسي .... مكنرضاااااش ااسماء مكنرضاااااش ... راه تانا عندي غرووور .. ولكن اش غانيدر ... هانتي كاتشوفي زهري.... منين ماجيت ليها كتعواج .....
اسماء : ( كتنهد شادة على وجهها ) صافي صافي غاانعس نعس باش مايرجع دم لحقلك نعس ... ( رجع نعس وهي كتشوف معاه بشفقة لحالتو ) نعيط على طاكسي نديك لطبيب ... ملي مبغاتش ياسمين
مختار : ( تفكر فاش قاتليه وبلي غايعيطو للبوليس ) غاا خلييييك ... جيبي غا پيطاادين واجي .... خليها على خااااطرها .. مابغاتنيش نبرا خليها ... خليني نموت نيت وتتهنى مني .. نهار نموووووت ودفنووووني وتلبسي البيض غتهنى داك نهار وتعيييش مرتااااحة .... الى كان غا بنتك ترتاح ... الله يعطيني المووووووت ونتهنى .....
اسماء : سسسكت من هاد الهضرة ياعوذ بالله سكت .... ( جات نايضة هو يشدها )
مختار : اسمائتي ... سماييا ونجوووومي .... عماااارت داري .... ( اسماء كدور راسها وجلسات وهو ناض كيشوف فيهاا ) زييين دالعااالااااام .... زييين دالاداااارسة عطاوه ليا .... مولاات العويييينات الفنيييين ....
اسماء : قصررر امختاار قصررر
مختار : عيطي لخووك .. عيطي ليه أبيل فيديو وريييه حالتي وقوليليه شوف اش دارو فيه الشفارة مسكين .... قوليليه راه مهلووك .. وداو ليه فلوس الشيك ... غير يدييباانيني تاندير ... غااايديبانيني وصافي ماشي يعطيني ... وراه الرياض ديالو مااالو ديالي ؟ ... غايديباانينيي ... غا باش نخلص دوك شيكات ... و ... وناخد شي تيليفون كيمااا كان باش نبقى نخدم .... و ونصايب ( كيوريها سنانو ) وهاد جوج سنات لي هرسو ليا ... قولييه غا تانديير ونننن .... ( بتسكين ) وعيطي عيطي
اسماء : والله مكتحشم المختااار والله ماعندك الوجه لي تحشم عليه ....
مختار : او اش غانديرو تبغي نمشي لحبس ها ! على خر يامي يديرو ليا لمينوط ويديوني وضحكي فينا جيران ؟ تبغي يقولو راجل اسماء لي ( قاطعاتو )
اسماء : وصاافي هنيناا .. هنييينا صافي ... سكت شوية خلاص ....
مختار : ( رجع نعس ) وانا غانتتكى وصوونييي ليه .. قوليليه راه متيقدش يهضر ( كتشوف فيه شوفة دمنيتك وهو كيغمزها ) وغاباااش نبقى فيه ... يلاه بداي تصوني .. صوني ....
اسماء تنهدات وهزات تيليفونها من فوق طبلة وبدات كتصوني عليه ابيل فيديو وكتنهد ... تاجاوبها وهي تضحك فاش شافتو
اسماء : زااكي ، حبيبي لاباس عليك ؟ راك صايك ياكما مديرونجياك !!!
زاكي : لاباس الحمد الله ... كنت غنعيطليك كنتسى غير نوصل لدار
اسماء : ااه ... نخليك تاتوصل !
زاكي : هانا وقفت اختي ...
اسماء : نتا لاباس ؟ كيداير مع الخدمة
زاكي : الحمد الله ... ( كيسمع صوت مختار كاينين ) شكون كاايموت تما حداك !
اسماء : ( تنهدات وقلبات ليه الكاميرا ) شووف اخويا على حالة دارو فالمختاار مسكيين شوووف ... مكنتش باغا نعيط نبرزطك ولكن اخويا راه طرات لينا كاارثة غاااااا سكت ....
زاكي : وفوقاش نتوما ماطراتش ليكم كارثة .... قلبي الكاميرا وريني وجهك نشوف ختي .....
اسماء : ( المختار وسع عينيه وهي قلبات الكاميرا ليها ) هانا هناا اخويا هنا ... وجهي اش بقا فيه مايتشاف
زاكي : انا عارف علاش معيطة عليا ... فلوس مغاايشوف ريال ... باش مرة اخرى ملي يقمر يتعلم يربح ولايشد لارض ... مايجيش يخسر ليا فلوس جدودي على الطبالي ... ( المختار ناض بزربة جلس بخوف)
اسماء : لا لا .... لا اخويا لا .. راه قالك ماشي قمار راه شدوه الشفارة قالك قبيلة فاش كان خارج من رياض باش يمشي لبنكة وسرقوه راه داو ليه تاتيليفون تاااهو .... هرسو ليه سنانو عرفتي واحد الحالة جا فيها لهلا يوريك ....
زاكي : اه .. هاد الشفارة غيوقفو عليه قدام باب رياض ب التوارغ و الپورش ( المختار وسع عينيه ) قوليه ملي يبغي يكذب يطفي الكاميرات دباب الرياض .... ( المختار كيسرط ريقو واسماء وسعات عينيها ) وتيليفون مداوهش ، هرسوووه ليه وراه باقي نشقف فالباب يمشي يجمعو يصلحو .... هاد المرة قوليه يمشييي يدوز الحبس كي سيادو انا مخلاوهش ليا فالورث باش نصرف عليه .. نتي وبنتك فوق رااااسي ... هو يتحمل مسؤوووليتو .... انا مغنربيش راجل راسو شاااايب .... نعاود ليه ترابي ...
اسماء : ( كتسرط ريقها باحراج وعينيها تعمرو بالدموع والفقصة والشمتة ) ص صافي .. صافي اخويا ... ص ص افي ... ع ع عندك الحق ... صافي اخويا ( شافت فالمختار مخنننزرة ) يدووووز الحبس كي سيااااادو ...
زاكي : وسيري بيعي عليه تاني حتى داك الدار لي بقات ليك ... وهاد المرة داك البنت غانجيبها لعندي وسيري دوزي معاه الحبس تانتي .... يلاه الله يعاون ....( قطع )
قطع عليها وهي مخنزرة فيه ودموع عامرين فعينيها بالاحراج قدام خوها والوجه لي ديما مطيحو ليها قدام العاااائلة يالاه غيهضر وهي تلوح تيليفون فالارض ووققات مخنزرة.....
اسماء : سسسسسكت .. سسسسكت تاكلمة مانسمعها سسسسسكت ( المختار نزل راسو ) الله ياااااااخد فيك الحق .. الله يااااااااااخد فيك الحق المختار الله ياااخد فيك الحق ..... وزاااايدها بالكدووووب وانا كيالحمااااااارة كنسمع ليك ( دموعها كينزلو ) وجهي مرمدتييييه مع كوولشي ماااخليتي لياااا تاحاجة .. تاحاااجة نغطي بيها عليك .. منهار عرفتك ونتا قمااااااار .... خرجتي على رااااااسك ... بعتي لاجوووونص لي دار ليك با الله يررحموووو غاباش تخلص دوك قمااارة ديالك لي كيسالوك .... قلنا ماعليييييش جا خوووياا خدمك فالرياااض ..... قلتي مكييعاملنيش مزياااان .. بعت عليييك دددهبي وڤييييلتي لي خلااا ليا پااااا باش ندير ليك مشرووع .. مشيتي طبييييتي فالفلوس وخلصناهم غا شيكااات .... خدا ليااا خويا هاد دوييرة مخبعة فيها كتسناني نبيعها تاهيا ؟؟؟؟؟؟؟ اشنو باغي مني مزااال اشنووووو !!!!!! واش نلوووح راسي ؟؟؟؟ فلووووسي كلها خسسرتها عليييك تاوليت مطيحة راسي قدام العائلة ... تاوليت ساكنة مع لي سوا ولي مايسواااااااش ....نكري للناس وندخل لبرااني للداري باااش نتعااااون ونقص شوووية على خووويا ... وليييت نتمشى فالسوووق منزلة راااااسي بسباااابك .... بنتي ولااااات تهز الهم للرياااال واش تخسرو ولا توفرووو باش دير مشروعها وتهز رااااسها حيت عارفة ماعندهاااش باها .. عندها عيييييفة الرجاااااال ( مختار منزل راسو ) عندها الشماااااااتة لي يقمر ليها برررزقها والرزق لي خلاوه ليها جدووووودها .. سييييير الله ياخد فيك الحق كيفما رزيتيني فصحتي ورزقي الله ياااااااخد فييييك الحق ......
ضربات الطبلة بركلة ومشاااات وهو بقى فبلاصتو حاااني رااااسو ....
∆فالقصر ...
الساعة 15:30 ...
جالسة لامار ورقية و اريج و قدس من بعد ما خداو غداء عائلي انصرفت فيه قسم لخدمتها و يونس دخل مع اسد للبيرو ...وجود خمسة دقايق تاهو باش خرج بعد ماودعهم ...
اريج : والله مااااقالتها ليا ، ولكن غااااابلاتي عليها ...
لامار : هههه راه غالبارح اصاااحبتي ... زايدون هادشي كيتقال فالوجه ماشي فتيليفون .... خليناك تاتجي
اريج : وانا كون حسااابتني هاكا منبقاش ففاس (شدات فيد قدس ) نبقى هناااا بعدا ... فالزرود كتنساوني وفالمشاكيل انا لولا !
لامار : هههه اشمن زرود يهديك الله ..راه غاهضرة .. تالخطوبة ان شاء الله ونعلمك على بكري وأجي ... سيري قضي دابا شغالك وواحد شهر هاكاك ورجعو حضرو معانا ...
اريج : اويلي على انا نفلتها هههه نيت يجيو تا دراري ...
لامار : ان شاء الله يااااربي ... ( شافت فرقية ) ياك مانسيتي والو !
رقية : واهانتي على عينيك كوولشي جمعناه ... زايدون لي نسيتو هاهو فداري مالو عند البراني !
قدس : ( شافت لساعتها وشافت فيهم ) ناااااااري والله ماسخيت بيكم ولكن تااابعيني التداريب .... ( حطات راسها على اريج ) صااااافي غانرجع غنلقاك مشيييتي !!!!
اريج : ( ضارت عندها وشدات وجهها ) فالخطوبة ديالك ان شاء الله غانرجع ....حنا براسنا شوية ويخرج يونس باش نمشيو راه تعطلنا ... ( باستها ) سيري احبيبتي لليشوفمون ديالك ووجدي مزياان للماتش ديالك باااش تربحيه وتفقصي لييينا العدياااااان ثاني هههه يالاه جيبي شي ميدالية اخرى نفرحو بيك نجمعوها هي والخاتم هههه
لامار : نيت فكرتيني بالخاتم .... رتاج عطاتني الخاتم لي خداه ليها فاش كانت غادية البارح ( قدس علات حجبانها ) قاتلي نخليه عندي تالنهار الخطبة .. باش بلا مايشوفوه عندها كتعرفي ديالنا كيفاش كيحكرو ..... غزاااال تبارك الله ....وسميتها يالالة منقووشة فيييه هههه
اريج : بصصصصحتها والله يدومها عليهم ياربي....
قدس : ( بحشمة ) شافو بابا ؟
لامار : لااا ماوريتوش ليه .... غايبقى يحكر وانا مافيا مايسمع صداعو ...تالخطوبة ونقوليه شراوه ...بلا منحشمك
رقية : مممم باينا الحشمة على وجه الطراااح
اريج : هههه ...اوا الله يجعل كولشي مبارك ومسعود
قدس عنقات اريج بحرارة و رجعات عند جداتها تاني معنقاها تاانزلو دموعها ...
قدس : بقاااااي معااانا عااافاااااك اجدة .. غانتوحش هضووراتك
رقية : داابا نرجع اكبيدتي داااباااا نرجع ( كينزلو دموعها ) وشكوووون يسخااا بيييييكم يابنيتي شكوووون
قدس : ( بصوت باكي ) واااانتي هربااااانة منااااا وباغا تمشي
رقية : اوا ابنتي شغااانديرو الكبدة مقسومة على جوج نص هنا ونص لهيييه ...وثاني باااالي مع ولادي لهيييه كيراهم ...
قدس : ( بعدات عليها كتمسح دموعها وبدات تمسح تادموع جداتها وكتقاد ليها الفولار ) رجعي معاهم فالخطوووبة
رقية : ان شاء الله ...
قدس : ( رجعات عنقاتها ) واش عاارفة شحااااال غانتووووحشك .... ونتوحش هضرتك وجماعتك غااااتخليها علينا خااااوية اجدة
رقية : داباااا نرجع اكبيدتي .. وااااسيري لشغلك لاااتبكينيييشااااي راني على سبة
قدس : ( كتمسح دموعها ) صاااافي هانا .... ( رجعات عنقات اريج ولامار ضارت للجنب مسحات دمعتها ) بسلامة اخالتو ... طريق سلاااامة ... وسلمي بزاف على زياد واياد وبيلساااان ... واجيو كاااملين فالخطوبة عنداك ينقص شي وااااحد
اريج : لا احبيبتي نجيو كااااااملين .. شحال عندنا من قدس ولوؤي ؟ والله ابنتي لا انا لا يوووونس تاااافرحنا واحد فرحة كتر من دجود وبيلسان هههههه
لامار : ولاواه لاواه هههههه
اريج : والله تااااافرحت كثر ... ياك واخا بنتي .. ولكن ماتفجأتش حيت كلنااا عارفينهم وعارفين اش واقع بلااااا منهضر راكم عارفين ... ولكن نتوما جيتوووووني فشكل تفااااجئت وفرررررحت ... ( كتمسح دموعها ) مواااااتيييييين مع بعضيااااتكم الله يسعدكم ويكمل علييييكم بعقلكم ...
قدس : امييين اخالتو ( شافت فرقية ) قولي لخالي سماعيل وخالي اميين واخا فييييكم ... نسااااو المغرب فخطرة وحدة ... ياك كانو غيجيو يزورو جدي فالقبر علاش مجاوش ؟
رقية : وااابنيتي واش هادوك كايساااليو ! هادوك داااااتهم الميريكاان وولادهم والمسؤولية .. مزال شوية باقي الضو فمروان ...
قدس : مهم سلمي عليييهم ....
رقية : موبلاغ احبيبتي ... اسيري اكبيدتي ماتعطليش سيري ... الله يووفقك ويغلبك على من عاااداك ... الله بنقي الشووك من طريقك ابنتي ... سيري راااااني راااااضية علييييك
مشات كدير ليهم بايباي وتمسح فدموعها و رقية جلسات كتنهد ....وشافت فلامار لي تاهي عينيها حمرين
رقية : اوا شنو ؟ نتفرق على جوج .. نص نصيفطو ونص نخليه هنا معاكم ؟ توما قولو ليا كييييغاندير ابنتي
لامار : ( ربتات ليها على رجليها ) ماعلييش اماما .. تاهوما سيري شوفيهم شوية وثاني ماطوليش .. زيدي شوية وقوليها ليا نصيفطوليك تجي .... ياك دراري لي كانو شادينك بقرايتهم مابقاوش معاك .. غاااتقنطي تما اجي ...
رقية : ان شااااء الله ان شااااء الله .... راني هنا جالسة معاااكم واكلين شاربين ضاحكين ولكن ابنتي البال ديالي كاااااامل معاهم تما ... بالفرحات عليا الا لقيتكم مجموعين فبلاصة وحدة نرتاح ... نتوما تفرقتو على جوج كل نص فبلااااد اوا كيغاندير ؟ نتقسم ؟ نمشي لتم يبقى بالي مع حفااايدي هنا .... نجي هنا يبقى بالي ثاني مع داك البخاخش الصغار ولاد اسماعيل وولاد اميييين ... باالي ثاني كولو مع مرواااان لي عاايش داااايع لااا مراة لا ولااااد .... ( هزات يديها ) اوا هادااا الله ...
اريج : دابا نمشيو نحطوك عندهم شوفيهم وحيدي منهم ثاني الشوق ديالك .. ونرجعو حنا لكندا واحد الشهر ملي تقرب الخطوبة دقدس نجيو نجيبوك ثاني ... ونرجعو كاملين ... ويجيو تاهوما .. قوليلهم هاد الخدمة هادي ماتساااليش !!! ماتوقفش شوية ؟
لامار : التيليفووزن ا اريج التيليفووون ومكيساليوش يعيطو .. امين تانصيفط ليه ميساج ليوم يجاوب تالغذا .... اسماعيل خلاااااص ... كيجاوبوني عيالاتهم وهوما لا ... تهضري معاه يقولك الخدمة الخدمة الخدمة ....بحالا حنا دايرين رجل على رجل
اريج : اوا خليهم يخدمو على راسهم ( شافت لساعتها ) تعطلنا .... ( بصوت مرتفع ) يوووووونس .. اوااااا !!!!!!! نبقاو هناااا
لامار : ومزاال يالاه ثلاتة اصاحبتي
اريج : مزال غاندوز تالعند رتاج ... حياة دزت عندها بعدا هي لولا شفناها هي وسفيان ودراري ، جيت نيييت مع سفيان خاىج هو وآية غايمشيو لفرانسا يشوفو داك طبيب شنو يقول ليهم ...
لامار : قالتها ليا حياة لبارح ... مجاتش آية قاتلي دوزات نهار كولو ناعسة .. مكتحملش تمشي
اريج : وتاهي الله يهديها قطعات الامل بمرة .. هوما مساكن كاتشبتو بأقل أمل فانها تبرا وتنجح عمليتها هي لا . راه تانفسيتها مغاتساعدهاش ....
رقية : اودي الله يحسن العوااااان ....راها عيااااات مسكينة شحال قدها ...منلي حلات غينيها فهاد دنبا وهي فالطبا ودوايات ....
لامار : اوا الله يسمعهم خبار الخير فهاد المشية ... اية كاتفكرني باسد شحال هادي فاش كان مريض من ودنيه... كان تكره من العمليات ... كان كايمشي بزز ...ولكن فللخر جاب ربي الفرج ... الواحد مايقطعش الامل ديالو فالله
اريج : ونعم بالله ... ( شافت للبيرو بلي مجايش يونس وشافت فرقية ) ماما الحاجة (رقية شافت فيها) تعقلي على بنت عمتي زهور الله يرحمها !
رقية : ( مصغرة عينيها ) واااهدااااي عليا.. زهور الله يرحمها كانعرفها ... قبل ماتموت راه جاو عندنا تالميريكان .. ولكن ولادها لاااا
اريج : راني وريتها ليك فالسبوع دبيان غير نسيتي ... داك لي راجلها اخواني ...
رقية : اااااه .. داك لي عندها زبيبة حدا نيفها ؟ راجلها امام دالجاامع ولا منعرف
اريج : هااااااديك ... راجلها راه دابا مستشار المجلس التنفيدي فالاوقاف ... كاان امام شحااال هادي
رقية : اياااااه ...مالها ؟
اريج : تلاقيتها لبارح عند عمتي ... ( شافت فلامار ) كبرات ليها بنتها تباركالله .... عندها البنت فنة غزاااالة ...
رقية: نعقل عليييها واااقلة فعرس داك ولد عمك ... كانت كاترضعها
اريج : وكبرااااات تباركالله والحجااااب ....والادب والصواب ....
لامار : ( مصغرة عينيها فيها) اييييوا !!!
اريج : ( تنهدات ) وانت عارفة البير وغطاه الامار .. منهار تزوج زياد بجنان وانا كنسمع فحشيان دالهضرة .. ها الحاجة تقوليك اش سمعت فسبوعو ...واش سمعت فكنازة بابا الله يرحمو ... راك عارفة كايقولو خلات بنات عائلتها ودات لبراني ...
لامار: اويلي ا اريج واش باقي شي حد دابا كايزوج الولاد !!! راهم هوما لي كايجيبوهم لينا .... واش اياد غايبغي تزوجيه نتي !
اريج : بالعكس الامار .. اياد فينما نجبد معاه موضوع الزواج مايقول ليا ماعندو تاوحدة ومكايفكر فتاوحدة وكايقول ليا نشوف ليه انا شي وحدة مناسبة ... هو ماشي بحال زياد .. اياد راه كايعرف غا الدار والخدمة و بلدي ... والله تاتقولي جبتو من تلات الحوز ماشي من أوطاوا هههههه تايقوليا ملي نلقى ليها شي وحدة مناسبة و بنت دارهم وتليق للعائلة ...راك عارفانا خنا كيدايرين نتوكل على الله ...
رقية : اوا هدا هو الكلام ...
لامار : واشوفي نت واش تعجب لولدك ! راه واخا يقولك هاكا راه لاماعجباتوش غايحاشمك ...
اريج : وانكدب عليك ...هو دوقو فشكل ( شافت لباب لبيرو وشافت فيها بهمس مايسمعهاش يونس ) هو راه ماعندوش مع جنان بزاف .. كايحترمها كمرات خوه وصافي ولكن راه كايقيل يعيب فيها .... يعني فاش شفت هاد البنت جاتني دوقو ... اياد كاتعجبو بنت الدار لي تكون شعبية وماعزيزش عليها التبوزيق .... وانا فاش شفت هاد البنية جاتني مزيانة ... هو اصلا غاتعجبو البنت بالحجاب راه كان يضل يقول لييلسان ديريه هههه وهو تايقولك انا لامكنتش كادير الحجاب مدخلش لداري
لامار : هدا طلع لعمو سفيااان نيشان هههه اويلي الحجاب دارتو تا مو هههه
اريج : اوا ملي كانقولها ليه كايقوليك نت مسؤولية الواليد انا مالي فيك هههه
رقية : والي يشوفو بداك العضرة الملاوطة و هاردك فاردك ضارضك ماااايقول هادشي
اريج : اويلي اياد ولدي راه ناقصاه غالعربية هههه راه هداك هو لي خرج ليا فولادي مغربي قح ههههه
لامار : اوا شغانقوليك ... نت تعرفي شنو يصلاح لولدك ...ملي شفتيه عزيز عليه البلدي ... ختاري ليه بنت تكون تاهي مولفة العائلة باش ماتحسش بالغرابة ملي تجي لهنا بحال جنان
اريج : وراه داكشي لي كايقول هو ....هو بغاها بنت تنسجم مع العائلة ...ماعندوش مع داك التحرر الزايد ....
لامار : انا صراحة فالكنازة ... عجبتااااتني داك خت صاحبو ... شتي كيكانت كاتقلب عليه ... انا قلت واااقلة بيناتهم شي حاجة
اريج : لا لا ، كون كانت شي حاجة كون قالها ليا ....دابا غانمشي ... ونجبد معاه الهضرة ... نحطهم ليهم بجوج ..خت صاحبو ..وهاد حفيدة عمتي .... وهو يختاااار ....
لامار : عندك بعدا شي صورة ديالها!
اريج : قالت ليا بنت عمي غاتسيفطها ليا عندها شي وحدة ....انا راه حشمت اختي نصورها لبارح ، الصالة كانت عااامرة ....
رقية : اوا وهو باغي بعدا يتزوج ؟
اريج : الحاجة يبغي ولا مايبغيش فييين غايزيد !!! هاهوما صغر منو وباغين يتزوجو .... الى رخفت ليه هاداك مغايتفكر زواج تالربعين عام ... وانا مغانرتاح تايستقرو كاملين بيهم ....
رقية : اياااااااه عندك الحق ... على انا شنو قاتلني منغير الهم دمرووان
يلاه غاتجاوبها تحل باب المكتب وخرج اسد ويونس وهوما يبدلو الموضوع ... واريج وقفات ورقية تاهيا لي كانت لابسة جلابيتها ولي فاليز ديالهم محطوطين ...
اسد : صافي دراري مشاو !
لامار : جود مشا قبيلة .. قدس يلاه خرجات ...
اسد : اوا مانعطلوهمش بزاف مزال غاديين عند عدنان ... ( مد يدو لاريج ) طريييق سلااامة ... ( قرب عنق رقية وتاهيا عنقاتو وباس راسها ) وماتطوليييش علينا الغيبة .. دراري هنا كاايتوحشوك
رقية : والله ياولدي تاكبدتي كوولها غنخليها مورايا .... راهم عندي عز من ولادي ... راه كيقولو ليهم الكبدة المعاودة ... جود مسكين يعنق ويعاود .. هاو قسم كبيدة ديالي مشات بدموعها فعينيها لا هي لا ختها ... ولكن مالقيت جهدي نتفرق على جوج اوليدي .... الله يييحفففظكم الله يييفحظكم
اسد : ماااعليش الحاجة .. غامطوليش الغيبة ...
لامار : ( عينيها حمرين ) داكشي لي قلت ليها .... تقنطي اجي ...
اريج : وصافي لاتصيفطوش المرا راسها كيضرها
لامار : لا لا ( حابسة دموعها حداها ) راه فخطابة قدس ولوؤي غاترجع ... خليها دابا تشوف الدراري باش يتهنى بالها .. ( مدات يديها ليونس ) طريق سلاااامة يونس ... وسمحو لينا جيتو غا على المشااااكييييل والصداعات ....
يونس : على هاد المشاكيل ديالمن ماشي د ولادنا ؟ حنا راه ولفنا هادشي اختي من زمااااان .. فين عمرهم خلاونا نعقلو على شي عطلة .... اوا الله يصلحهم ويهديهم .. والله يكمل على قدس ولوؤي بالخير والتييسيير ... والعقوبة لقسم تاااهي ...
لامار : ان شاء الله ياااااربي
اريج : اوا قوليلها ديري النفس فيك .. هاا ختك توكلات على الله هههه اوا فرحينا تا نتي ...
رقية : ( هزات يديها ) ياااااربي وهااداك هو النهااااار الكبير .... نزغرت ونقول مازغرت ....
لامار : ههههه وغادعيو معاها ان شاء الله يكون خير ... ( شافت فماماها وحبسات دموعها بزز وعنقاتها والخدامات كيخرجو ليفاليز ) طريييق سلااامة امامااا .. ( صوتها تغنغن ) س سلمي .. على الدراري ... وقوليلهم توووحشتهم بزاااااف ....
رقية : تااهوما ابنتي توحشوك ... وراهم ديما كيقولو ليا راك فبااالهم غاييديرو وقيتة ويجيو احبيبتي ( عنقاتها مزيرة عليها ) واااطولي بالك مع ولااادك وصبري .. راه هادو هوما الولاد ابنتي .. راه صعاااااب .. من نهار يتزااادو حتى يدي مول الامانة امانتو .. راه المشاكيل مكيساااليوش .. هاااانا كبرتكم وزوجتكم وباااااقية هازة الهم لولاااادكم تاهوما .... البال داك كاااااامل عاود مع المشعكك ديالي مسكين ماشفتوووش
لامار : تاترجعي ان شاء الله وتلقايه هناياا فخطابة ختو ... ( حابسة دموع بزز حداها ) يلاه باش منعطلوكمش بزاف .. انا دابا نصوني على رتاج نعلمها باش لاكانت فالكلينيك تجي لدار
اريج : كنت باغا نقولهاليك .. انا تيليفوني طافي ... قولي ليها تجي لدار حسن مانبقاو نتسناوها ماعندناش الوقت .... يلاااه اماما الحاجة ....
اسد : ( سلم على يونس بعناق رجولي وجر عندو لامار عنقها لجنبو حيث عارفها غاتنهار بالبكا ) طريييق سلاااامة ... توصلو علمونا ....
يونس : ان شااء لله ..... ( شاف فلامار بضحكة حيث عارفها غادير ليه جنازة ملي يمشيو ) وا ديري عقلك راك شرفتي هههه ... يالاه خليناكم على خيييير ....
لامار تبسمات ليه وعينيها حمرين ... وهوما مشاو واريج معنقة رقية وكل مرة يضورو ورقية تاهيا حابسة دموعها غير بززز ... غير هبطو فدروج ومشاو لامار طلقات داك البكا واسد عنقها عندو مخليها تبكي على خاطرها ....
اسد : شششش .. صافي الامار ماشي كل مرة غاديري جنازة .. وصااافي احبيبتي ....
لامار : ( بشهيق والبكا فصدرو ) ك .. كتخلي عليا بلاصتها .. ب بلاصتها .. خاااوية اااسد
اسد : دابا ترجع احبيبتي دابا ترجع .. اوا سسسسكتي هانتي غايطيح ليك داك طونسيون ثاني غاتجيبيها غا فعينيك
لامار : بغيتها تجلس معاياا هنايا هوما يجيييييو يشوفوها علاش تمشي هي
اسد : وغاتحيدي ليها ولادها ؟ نت تبغي تمشي عند ولادك وتفرقيهم وتجلسي عند واحد ؟ اوا بغات تمشي عندهم تاهي لديورهم .... ماتجييهمش ضياف لهنا ..
لامار : واش انا داري لي كبرو فيها غايجيو ليها ضياف ؟
اسد : يمكن نتي عندك بحال هاكا ولكن هوما لا ... دابا كبرو وعندهم عيالاتهم وولادهم وخدمهتم ومسؤولياتهم .. نتي تقدري تخلي كولشي وتمشي تجلسي معاهم ؟ ياك نت و كتشوفيهم غاااا مرة فالعام لي كتمشي لتما .. ماتفكريش بحال هاكا .. راك تانتي ام ... وعندك ولاد ... ميمكنش تجلسي مثلا غا عند قسم وتخلي لوخرين .. اولا !
لامار : انا مغاانمشيش .. مااانمشيش عندهم نبقى فداري و لي بغاني يجي عندي ....
اسد : هههه واخا احبيبتي كلامك هو الكبير ... ( كيهز ليها راسها ويمسح ليها دموعها ) وصااااافي ... نتي عارفاني مكنحملش نشوفك كتبكي
لامار : عرفتي اسد ( علات فيه عينيها ) نعياااااو نكبرو .. نكبرو نشرفو ويشيب شعرنا ويكبرو ولادنا ويتزوجو تاهوما .... ديما كنبقاو محتاجييين لوالييييدنا ... مزااال محتااااجة ماما ... مزال باغا نعس حدااااها
اسد : ههه ( عنقها عندو ) اجي البريهيشة ديالي اجي ...يالي مابغاتش تكبر هههه مال النعسة حدايا فاش قصرات معاك امادام امم !
لامار : مامقصرة فوالو ... غير النعسة حدا ماما كتخليني نحس براسي باقا بنية صغيرة
اسد : ( طل عليها براسو ) ياك ؟ وانا كانشرفك ؟
لامار : نتا غير كنشوفك كنتفكر الولاااد والمشاكيل ورااااحنا كبرنا وشبنا ...
اسد : ياااااك !!!! كتشوفيني كتشوفي غالمشاكيل ؟
لامار : ( تخشااات فصدرو معنقاه ) اااه
اسد : ( هزها فيديه تاغوتات ) ويالااه نوريك واحد المشاكييييل شحال هادي ماشفتيهم
لامار : لا لا اسد لا عافاك ... راك مساااافرررر وقسم دباا هي جات باش تمشيو ....
اسد : ( غادي بيها لدروج هازها ) مزااال الحال ....
لامار: عههه واتسنا نعيط غير لرتااااج بعدا
هزها كايضحك تاوصلو لجناح وهي تنزل من يديه هربات منو لتيليفون وهو حيد الفيست ديالو وداز لديريسينغ وهي كتمسح دموعها وضحك تاجاوبتها رتاج
رتاج : نسيبة ولدي ...لابااااااس ؟؟؟
لامار : هههههه وااازوينة هادي هههه ... فينك ؟
رتاج : فالدار ، راني يالاه كنتغدى
لامار : اوا صافي ، راه جايين عندك اريج ويونس وماما ...
رتاج : بصاااح ؟ راه عييييت نصوني عليها تيليفونها طافي.. واش كانو عندك ؟
لامار: وي راه جاو صباح ...يمكن فطرو مع حياة ..وتغداو معايا ( اسد جا عنقها من لور كايبوس فعنقها وهي كتلوى بين يديه تهضر ) وو ... ودابا راهم جاين عندك
رتاج : داااكوغ ....اجي بعدا نتي ... شي خاجة فعقلي كتزنزن من لباااارح ( لامار كتبعد اسد تسمع )
لامار : ااحم ( ضارت عندو بهمس ) تسنااااا ..( رجعات لتيل ) شنو هي!!!
رتاج : لبارح انا وحياة سمعناك قلتي لقدس واحد حاجة مافهمناهاش ومالقيناش الوقت نهضرو معاك لبارح .. ماقالت ليك حياة والو!
لامار : ( عاضة على شفتها واسد كايفسخ ليها فكسوتها من لور ) ل .. لا ... لاااااا
رتاج : قلتي لقدس علاش ماجيتيش وقلتي ليا كولشي بحال ختك .... على شنو قالت ليك قسم ومخبياه علينا ؟ هم !!!!!!
لامار : (طرطقات عينيها وتعنكشات ماحليتها لاسد ولا لهاد سؤال وهي تسرط ريقها وعضات على شفتها من قبلاتو لي فظهرها ) اا ...ر .. ااااه .. لا راه غير زعما قسم جات عاودات ليا على قدس ولوؤي ... زعنا فاش عرفات.. ب ... ب بغاها للزواج ... جات قالتها ليا. ...( ضارت عند اسد كتحلف فيه وهو كايضحك وقربها لعندو كتر )
رتاج : اااااااه اوا انا حساااابتني انا وحياة غير شي حاجة ... هي قوليلي فرحنا على واااالو ؟؟؟؟؟
لامار : ع .. عرفتي شنو ارتاج ؟؟ خ خلي تااانتلاقاو ونهضرو .. ح ح ...حح ( كتجمع راسها) احم ... نهضرو حسن .....
رتاج : مالكي !!
لامار: ل لا .. غ غير شداتني .... لح .. لحساسية ( اسد كايضحك ومزوع قبلاتو على صدرها ) غدا ... غدا نتلاقاو و نهضرو حسن ... ر راك عارفني ... م مكنبخيش عليكم
رتاج : هي كااااينة شي حاجة !!!!
لامار : تاالغدا ... تالغدا ونهضرو ...
رتاج : اوا عرفتي شنو ( لامار كتبعد تيليفون تتنفس من مداعبتو لي دمعات ليها عينيها) غدا اجي نتي وحياة تغداو معايااااا ... انا نتسناااكم للغدا صافي !
لامار : ص صااافي واخا... ت تالغدا ...
قطعات تيل بزربة يالاه غاتبدا تعاتبو تكان لاحها فوق للسرير ......
عند جود ...
لابس كومبيليزون ازرق .. لابس غير السروال ... اما يديه كانو نازلين وعاقدهم جيهة السمطة .. من الفوق لابس غير بيل بيضة سماطي وكولها عااامر بلاكريس ... ضلوعو السداسيين كانو متعرقين تافزگو الپيل ... وهو ناعس تحت من واحد طموبيل كايبانو غير رجليه ....
الكاراج كان مربل بدوك الهيااكل الجداد لي حداه ولي فسخهم كاملين ....
خرج من تحت الهيكل وجهو كامل موسخ بلاكريس و شعرو جامعو غير بنايڤية بيضة لور .... وقف كينفض فيديه ، هز سربيتة مسح يديه ولاحها ... وبقى شاد على جنابو معوج راسو كيشوف فيها ... فلخر هز رجليه وضربها بالكاط ديالو للجنب ... وهي طيح كلها پياسات صغااار .. وكل حاجة فين تلاحت وبقى غير الهيكل بوحدو ... الپياس ديالها كولو فسخو ... خدا تنهيدة كيعوج فعنقو حيت عيااااتو ، ساعة هو كايفسخ فيها ... وشاف لطموبيلات لوخرين لي باقين كيتسناو يفسخهم ويعزل القطع ديالهم على الهيكل ..
كانو سيارات كهربائية صغارين بزاف ، هو عارف انه خداهم من النوار وغيكونو مسروقين ... ولكن الحماس دالفكرة لي باغي ينفذ ماخلاهش يصبر تاياخد الرخص ديالو باش يشري من لافيراي بصفة رسمية ...
طلع فالدروج ... مشا ديريكت لبيت نعاس دخل لدوش كيغسل فوجهو وكتافو بصابون يحيد داك لاكريس ... لاح النايفية فالارض وغسل شعرو غير تحت لافابو و ردو لور، ... عاد خرج للكوزينة كيمسح بفوطة لاحها فوق لي فوتوي وداز للثلاجة حلهاا .. هز كانيط دلالكول .. ومشا باتجاه البيرو ديالو ... حل الكانيطة شربها كاملة بالعطش ... وحل البيسي ، ومشا ديريكت للضوسي لي كان خدام عليه ....
طلعو قدامو هو يتبسم وحلمو توهج فعينيه... هذا هو مشروع احلامو ....المشروع والفكرة لي باغي ينفذها من نهار بدا يرسم ....
وهي يصنع سيارات للدراري صغار ... لي يكونو بنفس التصميم والصوت ديال سيارات حقيقية ... باش الطفل الصغير يلقى داك الجنون ديالو فهاديك السيارة وميضطرش يحرك سيارة كبيرة عليه ويتسبب فشي حادثة تبعو العاهة ديالها حياتوو كاملة ....
بغا يصمم سيارات كهربائية بسرعة متوسطة ومحركات خاصة بالاطفال ... ولي تكون بحجم صغير يقدرو يقودوها فالجردة ديال دارهم او حدا البحر او فشي مكان واسع ....
التصاميم والقياسات كولشي رسمهم وحتى المعرض لي غيقدمهم فيه فكر فيه بانه غايكون المكان لي كان ذكرى دعمو عدنان ورتاج " حديقة الالعاب المهجورة " ... بقات حاجة وحدة مبرزطاه قبل مايبدا يهيكل اول سيارة ... وهي الحاجة لي خلاتو دابا كيحك فلحيتو وهو كيشوف فالتصميمات ....
من نهار فكر فهاد الفكرة ... لقا راسو موجد سيارة بتصميم " الصاروخ " للاطفال الولاد ... ولكن مؤخرا جاتو لحظة استيعاب انه حتى البنات خاص ياخدو نصيبهم من هاد السيارات ...جنون القيادة مكاينش غير عند الاولاد !!!
من داك الوقت وهو كيفكر فالتصميم لي ممكن يجذب طفلة ... رجع بالكرسي لور كيضور يمين وشمال وكيحك فلحيتو ... استخدم تصميم " الصاروخ " للتعبير على السرعة .. وباش يحس الطفل انه كيقود شي حاجة سرييعة ... ولكن الطفلة ... هي لي ماعرفش اشنو غاتفضل ! وشنو غايجبدها ؟...وشنو لي كايعبر ليها على السرعة !!!
تنهد بقلة حيلة وهز سوارت يحل المجر دالبيرو يجبد الوراق والقلم باش يبدا يرسم البلان بيديه على الورق ويعلقو قدامو لتحت باش ماينساش القياسات ملي يكون كايقطع فالهيكل .. يلاه كيضور ساروت فالمجر هو يشوف هاداك الفيليل لي معلق فسوارت ... كمش حجبااانوووو وشاف بزربة فالعدم .... مدة فالتفكير وعينيه شوية بشوية كايتحلو كتر !!!!!!
تاشوية بدات كتشقق ابتساامة و كانه لقى شي حاجة تالفة ليه !!!! .... وقال بدون شعور ...
جود : butterfly " فراشة " ....
بسرعة حل البيسي ديالو فرحان لي لقى التصميييم لي غيعجب للطفلات البناات .... وحل صفحة بيييضة .... وختار الادوات لي غيرسم بيها التصميم ... وهو كيضور فراسو ونطق بهمس كانه كيخاطبها ....
جود : نت مشيتي ولكن ... باقا كتعاونيني ملي كنحصل !!!!
لوؤي : علاش ! ( رجع بضهرو لور على الكرسي كيشرب من قهوتو ) انا مغريبي وصاحبي جا لمغرب و جيت نشوفو ! علاش ممسموحش نديرو صداقات خارج ايطار العمل !!!!
نيكولاس : ( رجع بضهرو لور كيتنهد ) شتي نتا... شيييييطان ...
لوؤي : ( دار ضحكة مستهزأة و تعلا جبد بزطامو من ورا جيبو لاح فلوس قهوتو على طبلة وناض ) خليك على بال .. غير غنعرف لادريس غنصيفطها ليك .... دير نمرة جديدة فتيليفون جديد باش نقدر نتواصل معاك ....
نيكولاس : وقيد على نمرتي ليڤرور ...باش تسيفط لادريس بلا مايشك تاحد ...
لوؤي : راه قتليك ماتبقاش تقوليا اش خاصني ندير ....
خلاه ومشا غير وصل لباب لوطيل علا سنسلة دكويرتو كانت الشتا كتصب بغزارة كتر و البرق كايضرب فوجهو ....والجو ظلام ... مشا باتجاه الحيپ ديالو وانطلق ....
طريق كاملة وهو كااايفكر غير فهاد شي .... وان هادشي مساهلش !!!!!
كايغزز فشنافتو من داخل وحيران واش خاصو يقولها لاسد !!!!حيت بدا كايحس بخطورة الامر ... والى وقعات شي حاجة !!! والقسم لي مأدي باش يخلي معلوماتو ديال الملفات فسرية !!!! حتى على عائلتو ووالديه !!!
ركن طموبيل جنب وعلا راسو فوق الكوسان كيصوط ... السويكلاصات فالباربريز كيحيدو الشتا .. وهو كيشوف فسقف الجيپ ودماااغو مشغوووول .. هو اه فيديرالي وكيموت على خدمتو ...ولكن هاديك بنت عمو ... دمو .... الفااااميلي ... وحب حيااااتو .. خايف يطرا شي خطأ بسبب داك الفرقة لي مابقاش هو لي مترأسها ... كيشوف نيك شحال مستهثر بهاد القضية .. عارفو مزيان ان طراز هاد القضايا ماشي ديالو وصعيب ينسجم فملف يالاه شدو ! ماشي بحال لوؤي لي الصيف كامل خدام عليه ....
واش يعلم اسد باش يدير احتياطاتو فمكتب الامن !! فنفس الوقت خصهم يتشد متلبس ، واش اسد غيبغي بنتو تتدخل فهاد القضية حتى يشدوه بلا مايضيع الخدمة ؟؟!!!! ...
الراس ديالو حس بيه غينفجر .... وهو يوصل لقرار واحد .. هو يقولها ليه ....ولي ليها ليها .... الخدمة تحي وحدة اخرى ، ولكن قدس مغاتعوضش ليه ....
عند لوؤي ...
الساعة 19:30 ..
جالس فاحدى المقاهي التابعة لاحد الفنادق داخل مدينة الدار البيضاء ... كان كيرتشف قهوتو وكيتفرج من الزاج فالسماء الملبدة بالغيام ولي واضح كاين تساقطات هاد الليلة ...
كانسان شتوي .. لقى راسو توحش اجواء الرعد والشتاء والسماء الرمادية و الكنزات الصوفية ....
كيشرب من قهوتو وكل مرة يشوف لساعة فتيليفون ، ويشوف للاطراف واش جاي ! ..
كان الفندق لي نزل فيه الفريق الفيديرالي لي جا هاد الصباح خصيصا لتتبع قضية سلفادور بعد مارجع للمغرب وخصيصا لالقاء القبض عليه وللمتابعة ديالو ..
رجع كيتفرج فالزاج ساهي فالشتا لي بدات كاطيح خفيفة و تزوق الارضيات بقطراتها المتباعدين ....
تاتجر الكرسي قدامو وهو يشوف فيه كان نيكولاس جلس بابتسامة .. صافحو يدويا ... وخدا نفس كايشوف مع الارجاء ....
نيكولاس : الجو غايكون زوين هاد الايام ... الشتا غاطيح
لوؤي : الجو زوين فالمغرب ... ( رشف من قهوتو وقاد جلستو ) رتاحيتو شوية !
نيكولاس : مزيان صراحة نعسنا مزيااان ...
لوؤي : معاش وصلتو البارح ؟
نيكولاس : ربعة دصباح هاكاك كنا هنا .. ولكن ماجيناش ديريكت لوطيل ... مشينا تلاقينا مع العقيد ...
لوؤي : والعميد !
نيكولاس : جا الصباح .. كنظن غايكون دابا عقد اجتماع مع البوليس باش ياخد الرخص ... حنا راك عارف منقدروش نفصحو على وجهنا وهوياتنا ...
لوؤي : امم ... وملي جيتي ونتا ناعس ! مادرتي تاشي تحرك !
نيكولاس : تحركت قبيلة ... شفتو من بعيد ... تبعتو ... عرفت لوطيل لي نازل فيه ..
لوؤي : ( كمش عينيه ) منازلش فاوطيل ... كاري دار ..
نيكولاس : ولكن قبيلة هو دخل لوطيل ...
لوؤي : صباح كامل وانا حدا الدار لي كاريها .. مجاش ليها .. سولت واش الدار ممكن نكريهااا باش نعرف واش حط سوارت ... قال ليا مولاها بلي مكرية .. يعني بااااقي كاريها ...
نيكولاس : و اش داه لداك لوطيل ! حيت مكنضنش كانت زيارة .. هو دخل لابس حوايج ... وخرج بحوايج اخرين وشعرو كان فازك .. يعني هو ناااازل تما ...
لوؤي : ( قرب عندو لطبلة ) نيك .. حل عينيك مزياااان ونسا النعاااس دابا .. الى كان غايدير شي حاجة .. هو غايديرها فهاد الايام ... الماتش ديال التنس بقات ليه قل من سيمانة .... وغايصيفطوه بحاالو .. يعني هو خاصو يتحرك فهاد الايام قبل مايخرج من تما ...
نيكولاس : واش نتا متأكد حاط غير بنت عمك قدام عينيه .. ماتكونش شي ضحية اخرى ! راه مايمكنش يضيع هاد الوقت كامل على بنت وحدة !
لوؤي : بعد مرات غير كتبغي تكلخ انيك .. بنت عمي فنظرو هو لي غيربح موراها راه مايربحوش تامن عشرة دالبنات ... انا متأكد باقية هي الهدف ... حيت كنت فمدرجات التداريب ديالها لبارح وليوم ، كنگلس بعيد ... شفتو كيفاش باقي مرااااقبها ... ( زير على يديه بعصبية وهضر بسكات ) كان كاايصورها ولد القحبة وكون مااااشي القسم لي أدييييت تااااكنت غاااانسالي كااااع هاد الخراااا
نيكولاس : ( شاف مع جنابو وشاف فيه ) ششش .. غير مغاتزيد ترون و غتبقى بنت عمك فالخطر ، راه مكاينش غا هو ... ( لوؤي رجع لور ) زيد صبر .. وخليه قدام عينينا حنا مباغينوش يهرب وماباغينيش نشدوه غير هو ... حنا باغيين نشدوه متلبس ونشدوهم كوووولهم ... ، سمعتي داك الضحية قالت بلي نهار التصوير كايكون الطاقم ديالهم كااااامل ....نتا دابا خليه حدا عيني وخلي بنت عمك حدا عينيك ...
لوؤي : ( خدا تنهيدة وقرب عندو ) اليوم اخر نهار عندها فلي شوفمون تما .... ودابا ماجيت لعندك هنا تا راني متأكد خرجات مع شيفور ودابا ( هز تيليفون شعلو ودخل لGPS ورجع شاف فيه ) ودابا راها فبيتها ... يعني اليوم مكاين والو ... انا كنت تما ... كان باغي يقرب يهضر معاها وهي معطاتوش مجال .... يعني هو باااااقي دايرها الهدف .. واحد بحال هاداك وناس بحال هادوك مغايضيعوش هاد الشهور كاااااملين ويمشيو خاويين .... ومعندهمش الوقت فين يلقاو ضحية اخرى ... هي عندها نهار واحد لي غتمشي فيه لداك الملعب هو نهار الماتش ..... وكنظن من قبل عندها شي غداء رياضي
... يمكن نهار واحد قبل الماتش ... ومكنظنش غايكون فالملعب داك الغداء ... وتما انا متأكد .... غاطرا شي حاجة داكشي علاش غااانديرو احتياطاتنا داك نهار .... حيت هديك هي الفرصة لي غاتكون عندو
نيكولاس : نتا غير جيب ليا فين غايكون هاد الغدا .... وغانطوقو داك بلاصة كاملة ... ( شاف ثاني فجنابو وشاف فيه ) واش نتا كظن غايكون اختطاف !
لوؤي : ( كيحك على لحيتو ) مية فالمية ..... ماعندوش كيغايدير ليها ... حيت بنت عمي ماشي بحال لوخرات .. مغيمكنش يغريها بالفلوس باش تبعو فتصوير دشي حاجة كيفما قالو البنات لوخرين .. لي قالو ليهم غتصورو اشهار ولقاو راسهم ففيلم اباحي بسبب داك الخرا لي كيعطيوهم يشربوه .... جرب معاها يكون بويفراند ويطلبها للزواج مابغااااتش ... مكتخرجش بوحدها وبلا كارد باش يشدها فشي بلاصة ... اذن الحاجة الوحيدة لي غتصلاح ليه معاها هي الاختطاف ...
نيكولاس : يعني هاداك النهار ... خاصك تكون معاها ...
لوؤي : نتا مغتورينيش اشنو غاندير ... جيت باش نعرف واش كاين عندك شي جديد .... ولكن بانليا خدام ثقيل وكون عولنا عليك كون بنت عمي عفى الله عما سلف ...
نيكولاس : مافهمتش اش كلتي فلخر ولكن باينة غتكون دعيتي فيا ... ( شاف مع جنابو وشاف فيه ثاني ) أولاي .. مكتشوف بلي المجية ديالك لهنا ريسكي ! كون يشوفونا دابا بجوج ! غايشكو اصاحبي فينا ....
∆فالقصر ..
الساعة 20:30 - جناح قدس ..
كتمشي وتجي وتيليفون فيديها ... قلبها تايضرب بجهد بالتوتر ومخلوعة .... تاسمعاتو صونا وهي تخطف معاه ... شافت لنمرة وهي تلقاها ماجدة وجاوباتها بزربة ...
قدس : مااانقدش اماجدة ... والله منقد ...
ماجدة : اوييييلي على الهبيلة ههه ياصاحبتي لي يسمعك يقول منعرفت شنو غاديري ههه مكنعرفكش خوافة بحال هاكا
قدس : حيت نتي معارفاش بابا كيفاش ولا معايا مؤخرا ...
ماجدة : شوفي .. الى خفتي يوصلها الكارد لباباك ... انا غانجي عندك ... وخليهم تاينعسو وغنرجعك فطموبيلتي وتااااحد مغيشوفك خرجتي معااياا ... راه غانخبيك لور ... وملي نرجعو كذلك .... يعني الكارد غيشوفوني غير انا داخلة وخارجة ( قدس ساكتة كتفكر ) واش باباك كايجي عندكم للبيوت بليل ؟ وماتزيديش فيه
قدس : اصلا بابا مكاينش .. مسافر وهو وقسم لرباط عندهم مؤتمر ... مغايجيو واقيلا تالداك طناش دالليل ولا الوحدة
ماجدة : اوا هادي مزيانة غايجيو عيانين غااايمشيو ينعسو .. شوفي راه غير غاضيعي على راسك هاد الليلة ... ايمان مسكينة كترغب وتعاود نجيبك ...
قدس : راه يالاه قطعات معايا اصلا .. عرفتي قتليها غير ان شاء الله بغيت نقوليها دارنا مغيخليونيش غانبان بحالا مينور ... عرفتي كرهت راااااسي ...
ماجدة : واش حسابتك زعما كلهم تما مخليينهم واليديهم ؟ راه النص سالت ، انا براسي قلت لماما غنمشي عند وئام عيانة شوية نبقى معاها ...
قدس : انا كنخاف نتفرش نتي كتعرفي بابا كيداير
ماجدة : غير ثيقي فيا اصاحبتي .. راه غانجيبك فطموبيلتي والله مغيشوفك شي واحد .. وزايدون كاع لاتفرشتي غدا ، مهم بعدا تكوني عشتي ليلة زوينة تبقى ليك فلبال ههههه شوفي غا بيلي فميريكان كانت مركبة فواليديها السكر .. اش دارو ليها ! قتلوها ؟ كيزعفو شوية ويرجعو يحنو هههه ... هاهيا غاتدي ليك خوك كاااع ... وبقاي نت تما تعقدي ...
قدس : ( تنهدات ) الى تفرشت راه غاندير ليك مشكل تا نتي اماجدة
ماجدة : ماتفكريش فيا انا ماشي سوقك فيا .... انا على ودك نت كندير ليك بحال هاكا مابغيتش تبقاي شارفة فداك البيت .. كلما جيت عندكم كنشوفك غير غادا وكتكتأبي اصاحبتي .... صافي حفلة مجموعين فيها كاملين يالاه معانا ... والله حتى غاتفوجي وتنسااااي العالم
قدس : ( بقات كتغزز فشفايفها فلخر تبسمات بحماس) عرفتي شنو ... صافي أجي .... اجي ونمشيو بجوج .... ولكن نرجعو بكري !
ماجدة :وصااااافي الالة .... هانا جايا نيت باش ندونو على وئام نديوها معانا ...
قطعات عليها وقدس بقات كتتغزز فشفايفها شادة تيليفون على صدرها وبدات تشقق ابتسامة حماااس وتوتر على شفايفها ... دخلات بزربة لدريسينغ .. حلات البلاكار وبدات دوز فالعلاقات ... يديها تايترعدو بالحماس فنفس الوقت باغا تجرب شي قصارة كيف غاتكون !!! عمرها جرباتهاااا ... عمرها خرجات بالليل مع صحاباتها من غير خرجة عائلية .... بغات ولو لمرة وحدة فحياتها تجرب حياة الليل لي كتشوفها عند صحاباتها فانستاغرام وتجرب نشوة هاديك الحرية ...
كتقلب بزربة فالعلاقات ولكن مالقات والو لي يليق بحفلة .. وهي تحبس تقلاب فاش تفكرات واحد البوكس خلاتو عندها ومارداتوش مع الازياء لوخرين ....
مشات بزربة طلعات فوق واحد سلوم ، وهزاتو ....كان محطوط فالرف الفوقاني .. هزاتو وحطاتو فالارض كتنفض فيديها ...
كان بوكس جاها شحال هادي طلباتو مع الازياء باش غير تصور بيه ويبقى فتيليفونها .. حيت ممنوع تلبسو فالبرتوكول لان الثوب ديالو لامع وعبارة على حجيرات وممنوع عليهم هاد اللبس .... خصوصا انه عاري جهة البطن .... كايتعتبر من الازياء الايباحية فالبرتولكول ديال الأسرة الشريفة ....
حلات هاداك البوكس هو يبان تما مطوي وعينيها تحلو بالحماس ....
هزاتو ومشات قدام مرايتها وقيساتو على جسدها كتشوف وتعض فشنايفها وترجف بالتوتر والفرحة غالبة فعينيها .... كان فستان حد الركبة ويديه سماطي ... من الخلف نازل بثوب عادي ومن الامام ثوب محجر بالفضي صدرو مشدود بخيوط .. عضات على شفتها فرحااانة لي على الاقل نهار واحد غاتلبسو فيه وتحضر لبارتي دتوديع عزوبية .. هي عارفة غيكونو البنات بيناتهم ومستحيل تكون صحافة .. حيت ايمان قالت ليها انها مانعة الصحافة ...
علات عينيها كتفكر ماماها انها مشات عندها لبيتها وقالت ليها انها خدات دوا وغتنعس بسبب انها بكات بزاف على فراق ماماها واريج ... كتفكر بعينيها واش ممكن شي حد يسول عليها ! جود كيدخل معطل ومستحيل يدق عليها .. كيمشي لبيتو .. قسم واسد غيجيو معطلين وغادي يمشيو ينعسو واصلا يالاه دوات معاهم ! ...
يلاه غتبدا تحيد حوايجها تلبس وهي تسمع تيلي .. وخرجات برزبة لجناحها لقاتو لوؤي ... بقات عاضة على شفتها مدة فلخر جاوباتو ..
قدس : وي لوؤي ..
لوؤي : كيفاش هاد وي لوؤي ! الاستاذ ديالك انا !
قدس : ثاااني آلوؤي ثاااني غاتبقى تعلق
لوؤي : اش كاديري ؟
قدس : ( كتحك فشعرها ) ااا .. كنت خديت دوش .. و لقيتيني غادي ننعس ..
لوؤي : دابا !
قدس : اه دابا .. دوزت نهار صعيييييب والله ... عرفتي عيييت فالملعب ... بغيت غير نعس ... اصلا مكاين حد فدار .. جود مكاينش ... بابا وقسم فالرباط وماما نعسات ..
لوؤي : داكوغ ... الى عيانة نعسي رتاحي ... باباك معاش غيجي ؟
قدس : والله ماعارفة .... غالبا تالديك طناش دليل عاد كيجيو من المؤتمرات وبعد مرات تالوحدة ..
لوؤي : ( كايحك فلحيتو ) امممم ...
قدس : بغيتيه فشي حاجة !
لوؤي : لا غير سولت ... منعطلكش احبيبتي سيري ترتاحي
قدس : شوف .. راه غاندير صيلونص لتيليفون عنداك تصوني عليا بااغاااا نرتاااااح والله .....
لؤوي : عنداك تصوني عليا ؟ راه شي نهار غانديرها ليك دبصح وبربي لادخلاتك شي ابيل من عندي اقدس ... ردي بالك لشنو كاتگولي ....
قدس : شوف ثااني كيف فهمتيها !! قصدت زعما غير باش نن( قطع عليها ) لوؤااي ... لووؤااااي !!!! ( كتشوف لتيلي قطع عليها ) والله تادارها بصح !!!!
ماجدة : اويلي حماقيتي واش بغيتي بابا ياكلني .. راه تانا خارجة بتخبية مالكي غا نت ! اصلا ايمان مانعة التصوير لداخل .. ريزيرفات واحد الكوان غانجلسو غا حنا البنات بيناتنا ....
قدس : راه داكشي لي قالت ليا ... وداكشي اصلا لي خلاني نتشجع نمشي ... أما كون عرفت كولشي غايكون مخلط منقدش .. نخاف شي حد يصورني ...
ماجدة : ماعندك مناش تخافي اصاحبتي انا نضمن ليك ... ( شافت لساعتها ) وازيدي زيدي قربات العشرة وحنا باقي هنا كانضورو ...
قدس : البرد برا ؟
ماجدة : لا الشتا طاحت سخوونة ... بالعكس الجو واعر ...
قدس : ( هزات البوشيط ديالها ومونطوها وتيليفونها ) دابا قوليلي كيغاندير نخرج ؟ راه فالباب كاينين الكاميرات
ماجدة : متخافيش انا فاش كنت داخلة حطيت طموبيل فالباركينغ دجود باش نزلو من السانسور ديالو .. ونمشيو ديريكت لباركينغ ديالو ... هو لي مافيهش كاميرات تما
قدس : جود مدايرش كاميرات متأكدة ! اويلي راه دايرهم
ماجدة : متأكدة اصاحبتي وواخا دايرهم راهم طاااافين ... حيت داك البلاصة خاصة بجود ... ماعليهاش الحماية ..... غا ثيقي بيا جود والله ماداير شي كاميرا .....
قدس : والى كانت خدامة ؟ نتي باش عرفتيها !
ماجدة : داك المرة فاش كان لوؤي باركا طموبيلتو عوجة فباركينغ دجود وقتليه يقادها وقاليا لا راه باركاها مزيان .. كنا كنضحكو وقلت لجود دخل لكاميرات ديالك الى لقيتها مباركية مزيان نخلصلو لي بغا .. وتما قاليا جود بلي مامخدمش الكاميرات ....
قدس : متأكدة !
ماجدة : واااصاحبتي غانكذب عليك !!! نمشي فيها انا وياك ؟ حماقيتي ...
قدس خدات تنهيدة وشافت فيها وهي تعض على شفتها بحمااااس .. وماجدة ضحكات وجرااتها ... خرجو من الجناح، القصر كان مظلم فقط بولات خفاااف فالزوايا على شكل ابارجورات ذهبين لي مشعولين ... جاراها وكيجريو فالكولوار تاوصلو لاخر الممر جنب جناح جود .. كان السانسور .... حلاتو ماجدة وطلعو وقدس كلها كترعد
ماجدة : هه اويلي ماااالكي ! ههههه زكااااي غاتبقاي كاترعدي ههه
قدس : انا مغنرتااح تانخرج من دار .. تخيلي نجيو نيشان مع جود لتحت!! نااااري يددددفني حية...
ماحدة : انخرج انا لولا متخافيش ... انا نقاد ليك طريق
بقات كلها كترعد فالسانسور تاوصلو لباركينغ الارضي ... عاد تحل بيهم وخرجات ماجدة وقدس بقات واقفة حدا البيان ديالو ... غادة وكتشوف بعينيها وكتومي بيديها لقدس تزيد ....
ماجدة : زييييدي مكاين حد اصاحبتي .. زيدي ...
خرجات قدس كتجري باتجاه طموبيل ماجدة لي حلاتها ليها بالكونطاكت ... طلعات قدس لور وماجدة بقات واقفة شحال فلخر علات عينيها باتجاه الكاميرا ديال جود ... ولي متأكدة منها انها خدامة وكيراقبها ديما حيت كينسى طموبيلاتو فين لي محرك وفين لي مخلي وفين لي مكايناش ... وكل دقيقة كايطل عليها ....
شافت شوفة كلها شررر .. ورجعات دخلات لطموبيل وديمارات وشافت من المرايا .....
ماجدة : مستعدة ؟
قدس : ( كانت راكبة لور ومخبعة كاملة ناعسة ) غييير زيدي ...
ماجدة خدات تنهيدة ورجعات مارشاريار وخرجات من باركينغ طالعة للفوق ..... ضاااحكة ضحكة كلها شر ومكر .. ضحكة انتقام ، تبين ليه ان حتى بنات الاسماعيلي يمكن يكونو بحالها ماشي غير هي ! ... يمكن تكون حتى ختو ! .... ممكن تا الاسماعيلي يجيبو العار لبعضياتهم ... بغات توريه انه كاين ماكفس منها .. وللاسف غاتكون ختو ! ... حيت عارفة مزيان بنات الاسماعيلي كيفاش كايطيرو ويفكرو .. مارضاتش يقول فيها دلك الكلام بحاالا هوما ملائكة .. ومغتقدر ترتاح حتى ترد ليه الصاع صاعين ...
لاحت تيلي فوق السرير كتنهد فلخر تفكرات اش كانت كادير ومشات بزربة لديريسينغ .... وكاتقول فدماغها غير تجي تراضيه بشي ميساج باش مايبانش مقلق ... اما دابا تركز على ليلتها لي متحمسة ليها .....
اما لوؤي كمل طريقو جامع حجبانو ... معارفش امتى غتحيد منها هاد القاعدة ...هو عارفها ومتأكد كتبغيه ولكن حبها بعد المرات كيحسو متعجرف ، حب اناني خصو غير ياخد بلا مايعطي ...
وصل قريب للمنطقة ووقف فالجرف لي كايتنفسو فيهم كلهم... وحبس طموبيل وعلا راسو للفوق ... الشتا كانت كاتصب من كل قنت وهو غير ساكت .....
مد يدو بثقالة للتيل ....وهزو ، دوز نمرة ودارو فودنيه تاجاوبو
جود : آفين
لوؤي : فين عندي نكون ... راسي باقي ليه شوية غيتقسم على جوج .. لحق عليا لشي قنت نگادو شي كاس ...
جود : ياك لاباس !
لوؤي : والو ... غنمشي لكوان ديال ديما ... لحق عليا لتما
جود : سلطان مكاينش !
لوؤي : مكنظنش غيقصر .. باه مسافر هو واية لفرانسا ... غايبغي يبقى مع مو ...
جزد : علاش مشاو لفرانسا !
لوؤي : شي طبيب يمكن ولا منعرف ...ماعنديش تفاصيل مي غالبا على ود الكيني د آية
جود : آه ... واصافي سير انا نسالي شي حاجات فوق راسي ونلحق عليك ....
قطع عليه ... وديمارا يكمل لوؤي طريقو ....
اما قدس لبسات كسوتها كاضور قدام المرايا وتضحك عاضة على شفايفها .. كتعطي بظهرها وطل كيفاش جاتها من لور .... كانت لاصقة على طايتها واول مرة غتخرج بكسوة بحال هادي على برا ! ... الأمر كان حمااااسي بنسبة ليها ... متعة الممنوع متعة لا حدود لها ...
جبدات صوندال فضية عاالية لبساتها تاهيا ... وجلساات كتقاد مكايجها .. مكايج ليلي يناسب سهرة بناتية .. برزات فيه عينيها مع عكر احمر ... رشات بارفانها ... ومشات كتقلب فلي فيرور لي تلبس ملفوق ..... تاتدقات باب الجناح وهي توسع عينيها جامدة .. مارخفات النفس تاسمعات صوتها ....
ماجدة : قدس !!!
قدس رخفات النفس وتنفسات وخرجات من دريسينغ
قدس : هانا هنا دخلي .. طيرتيها مني خلعة .....
ماجدة : ( كطلعها وتهبطها ) اوومااايكااااااااد .....
قدس : ( كتقاد شعرها على كتافها بتوتر ) كييييجيت ( كاضور )
ماجدة : نااااااااري واااااااعرة .. مااايمككنش هههه
قربات لعندها كتقاد ليها شعرها كانت تاهيا بغوب فالازرق الملكي .. قصيرة وسامپل كيف ما ذوقها لي ديما كيميل لسامبل فاللبس ، لاصقة على فورمتها ومؤخرتها البارزة وهازة مونطو فيديها ... .. صباط اسود كلاسيكي وشعرها مبوكلي مطلوق مع مكياج ليلي وصاك ديور ...
قدس : ياك الماكياج هو هاداك ؟
ماجدة : كوولشي واااعر ... جيتي واعرة عرفتي انا بنت و تزعطت هههههه
قدس : ( عنقاتها بحماس ) راه غير نت لي كترررجعي ليا شوية هاد الهبال ديالي .. ( رجعات كتشوف فيها وماجدة كضحك ) اما هادو هنا لابقيت معاهم غااانكبر بلا وقت ههههه والله حتى حسيت براسي ولا فعمري ثلاتين عاام .. كنسمع غير المواضيع دالكبااااار والمشاااكييييل والمسؤولياااات ... عرفتي بحالا كنت فشي بيير غارق وطلعت ...
ماجدة : غاندوزووووها وااااعرة ... ( ضرباتها لجنبها ) غاترجعي لهباااالك وتسطي لينا العالم عووتااني ههه
قدس : لا ( رجعات داخلة لدريسينغ وماجدة تابعاها ) انا باغا غاندوز ليلة مع البنات ونشط ونضحك ونششطح ... مابااغا نعجب لحد اختي هاد الساعة .... ومابااغااا نتعرف على حد ...
ماجدة : وعلاش !!
قدس : ( كتجمع بارفانها فالبوشيت ) هاكاك .... ( شافت فيها ) ملي نقوليك بغيت نجرب حياة الليل .. يعني بغيت نجرب هاداك المذاق دالحرية ديال سهرة بين الصحاااب ... ديال نلبس على خاطري ونضحك على خاطري ونهضر على خاطري .. ماشي ضايرين بيا صحافة وبروتوووكول خاااانقني ... اما نتعرف على فلان و فلان ... نو .... مابغيتش .... صافي مليييت داك الهيييت .. مابقى كاينغمني تاحد .....
ماجدة : وتاحنا اصا كلنا غاديين غانفوجو ونودعو مع ايمان عزوبيتها ونودعو معاها العطلة هههه انا راه صافي حوايحي مجموعين هههه هادي اخر حاجة غانحضر ليها ونمشي ...اصلا (بغيض) غدا غانصبح عند جدة ... بابا قاليا نمشي نقوليهم بسلامة .... وباش منطرطقش فالدارررر لبست وتقاديت نمشي نفووج مع ايمان ... ندوزو معاها ليلة زوينة تعقل عليها ونجيو فحالنا .... قولي ليا بعدا .. رجاء ولوخرات صافي مشاو ينعسو !
قدس : ( كاديير اخر اللمسات ) اه راه ماما صيفطاتهم بكري حيت نعسات وحيت بابا وقسم مكاينينش .. عيطات لجود وقاليها مغيتعشاش و انا اصلا ريجيم ... قبيييلة راني كنت معاها بستها وقتليها تصبحي على خير .. خدات دوا ديالها مغتفيق تالصبح ...
ماجدة : يعني طلع ليك الزهر فهاد الليلة ههههه كاع الظروف مناااسبة باش تخرجي تفوجي وتجربي واخا نهار واحد فحياااااتك السهرات شحال زوينين ... كون راك دابا اصاحبتي مجبدة على داك ناموسية كتفقصي بسطوريات البنات
قدس : ( ضارت عندها بزربة ) عنداااك يديرو شي سطوريات نبانو فيهم انا وياك ؟؟؟؟
يتبع..
التعليقات
لا توجد تعليقات بعد، كن أول من يعلق.