محتوى القصة
شركة MCR ..
مكتب اسد ...
تدق الباب واسد علا راسو .. هو يحلها ودخل ....
جود : صبااح الخير ..
اسد غير شافو تبسم وسد البيسي ديالو وهز الملف ووقف
اسد : زيييد اجود زيد ... ( مشا لجهة صالون جلس تما ) اجي جلس هنا حدايا ...
جود : ( تحنا على راسو باسو وجلس حداه ) ياك لاباس ... ؟ ماموالفش تعيط ليا لهنا ...
اسد : ( تنهد وقاد الجلسة ) كان معايا المحامي كون جيتي شوية بكري كنت غتلقاه هنا ....
جود : وااراه لومبوطياج نقتل عباد الله باش ندوز ! ....
اسد : مهم ... ناقشت معاه امور الرخص ديالك باش يبدا الخدمة ولكن كنلقى انه مزال شي شوية ديال الخاوي خاصو يعمر .... كاين شوية دالثغرات من هنا ومنهنا فخدمتك ... غايصعبو علينا قضية الرخص ....
جود : ( قاد الجلسة ) اهاه ! بحالاش
اسد : دابا نت اولدي عندك موهبة .. ايه ... مصمم مزيان مهيكل واعر ... ولكن بالنسبة لشركات لي غادي يتبناو التصميم مغيتيقوش بيا انا لاقلت ليهم ولدي واعر ؟ غيخصهم شهاداتك .. ونتا اولدي مقاريش على هاد المجال ومامكونش فيه ! فهمتيني ؟
جود : ولكن هوما اش غينفعهم ديبلومي لاكان التصميم واجد ... المشروع كاين ... راه كاينين بديبلوماتهم وكيخدمو ناقصين
اسد : لا اولدي ديبلوم ضروري حيت شركات راه كيوصلوهم مية مشروع فالنهار .. اكيد غيبداو بصحاب الديبلومات والكفاءة ! ... وحتى لانقزنا هاد ليطاب ومبغيتيش تخدم بحال ايها الناس وندخل ليك مع شركة نجيبها ليك تالهنا لبيرو تاخد عليك تصميم .. راه الدولة مغتعطيكش الرخصة لي بغيتي ... حيت غتقوليك ارا ليا ديبلوم ... فهمتي كيفاش اولدي !
جود : ( شاف لفوق كيتنهد ورجع شاف فيه ) نفهم بلي القراية ضرورية !!!!
اسد : لقيت واحد المدرسة ( عطاه الملف ) فاليابان .. كتقرى غير عام .... وكتعطيك ديبلوم دمهندس ميكانيكي ... اما البقية كولشي ثلث سنين .... هادي بوحدها لي كتقري عام .... القراية عندهم غتبدا شهر واحد .... وغتسالي فشهر واحد الجاي .... عام مادا ماجاب اولدي ..... حاول تقرا هو لول .. عاد تفتتح الكاراج ديالك ....
جود : ( حل الملف كيشوف فلافيش ديال داك المدرسة ورجع تنهد وحطو قدامو وشاف فيه ) وبالنسبة لهاد القراية كتخصني غير انا ؟ الدراري لي غيخدمو معايا لا ؟
اسد : بالنسبة لمهندس ميكانيكي .. غاتخصك نتا بالنسبة ليهم هوما ضروري يكون ديبلوم دميكانيك .... حيت الرخص كيتعكسو شوية فهاد الاومور .... وحتى فاش تقاد وراق الخدامة ديالك راه خاص تكون حاط ديبلوماتهم ماشي مخدمهم عشوائي ... مجالك حساس حيث كتصنع طموبيل بحالا كتقدم قنبلة للعالم ... الا مكانتش الكفاءة راه غتقتل مولاها ...
جود : ( نزل راسو كيحك بابهامو فوق حاجبو ) فهمت .... ( شاف فيه ) ماعنديش مشكل .... لاكان مكاينش حل اخر ... نقرا ....
اسد : بالنسبة لقضية زواجك .. لامبغيتيش تزيد تأجلو تقدر تزوج وتديها معاك ....
جود : هادشي منبعد ونهضرو فيه .... دابا قلتي تالشهر واحد !!.. انا منها لشهر واحد راه منعرفش نبقى جالس .. خدمت واحد المشروع وراه عندي واجد .... بغيت نعرضو على شي شركة ... باش هاكا تزيد ليكسبيريونص .... انا كان فبالي نهضر معاك باش نقوليك راه بغيت نبيعو باش هو يكون راس المال ديالي ونعرف نخدم على الكاراج حيت محتاج مني مصاريف بزاف بالنسبة للماطيريال .... وبنسبة تالدوك الخدامة لي غنجيب ووراقهم لي غنقاد واومور قرايتهم كيف قلتي ليا دابا اكيد انا لي غانتكلف بتكوينهم .... ضروري خاصني نبيع مشروع وندير راس مال .. داكشي لي عندي فالكونط مكافيش. ... داكشي باش بغيتك تهضر ليا مع وحدة من الشركات لي كيتعاملو معاك ... نعرض عليهم التصميم .. باش يتبناوه ...
اسد : ( عوج شفتو كيفكر وشاف فيه ) انا حاليا عاقد غير مع Hyundai و VOLVO ..هوما لي كيدوزو طموبيلاتهم هاد العام فالباطوات ديالنا .... ختار اشمن وحدة بغيتي وانا نقاد ليك اجتماع معاهم ....
جود : هيونداي غتكون حسن .... البروجي لي عندي ... ماجانيش ديال ڤولڤو ....
اسد : صافي ... ماعنديش مشكل انا فوق مابغيتي تلوح الخطوة انا معاك .... ملي بغيتي دير راس مالك ديالك نتا .. مغنحيدش ليك ... خود راحتك
جود : اناا عارف الوالدي فلوسك هوما فلوسنا ومتشرف بهادشي ولكن بنسبة لمشروعي بغيت نبداه انا ...نحسو ديالي انا .... ( بتاسم وعينيه عيانين ) عاوني غير بمعرفتك وسميتك لاجات على خاطرك ههههه
اسد : ( تبسم ليه تاهو ) واشنو خليتي ؟ بقات فالفلوس .. راه بقات فالوساطة اولدي ...
جود : هااااديك لي خاصاني ههه ... مغانتعفرش عليها هههه
اسد : لا غااتعفر وشوف شكون يشري عليك مشروعك بلا ديبلوم بلا كفاءة ..... ألوغ .... انا غنحاول نقاد الاجتماع فاقرب وقت قبل ماتمشي تقرا .... والى كان مشروعك واجد ... زيد ليه لوغو دهيونداي .... وقدمو ليهم
جود : لوغو ساهل حالو ... وتا فالمشروع خليت بلاصتو حيت كنت مزال معارفش لمن نعطيه .... المشروع مخدوم هادي شي ثلث سنين ولكن كملتو مور الموت ديال جدي الله يحرمو .... وكنظن .. غيعجبهم حيت فيه حوايج جداد على لي نازلين عندهم للسوق ...
اسد : يكون خير اولدي .... انا ملي نقاد الامور غنعلمك .... ( ناض وقف كيشوف لساعتو ) خاصني نمشي .... نتلاقاو فالدار ..
جود : ( وقف تاهو ) الله يعاون .... ( غادي هو وياه للباب )
اسد : قالت ليا ماماك غتديها لكاراج ديالك ... ديتيها ؟ .... غيكون عجبها لحال !
جود : سي ( تبسم كيتفكرها ) عجبها الحال مسكينة .... والله الواليد تاحسيت براسي صاااافي وصلت ... ملي شفتها عاجبها داكشي ومشجعاني ...
اسد : وعلاش متشجعكش .. راه اولدي مكاينش لي كايتمناوه الوالدين كثر مايشوفو ولادهم ناجحين .. غا هو ماشي على ظهر صحتهم .... ( وقف وضربو لكتفو ) دابا دير ولادك وتفهمني ..
جود : ( تنهد ) ان شاء الله ( حل الباب يالاه خارج هو يسمعو عيط ليه وضار باقي شاد البوانيي )
اسد : الامور صافا ؟؟؟؟
جود : ( عوج شفتو لجنب ) صافااا ! .. بيخير ...
اسد : ( كيشوف مع عينيه العيانين ) دااااكوغ .....
ابتسم ليه جود وخدا تنهيدة قوية والعيا باين فعينيه رغم ابتسامتو ..... ومشا ، واسد باقي واقف فبلاصاتو ... هاداك ولدو وقطعة منو وحافظ كاع تفاصيلو ... حس بيه عندو شي حاجة ولكن مدام ماقالهاش ، اذن كتخصو بوحدو .... رجع خرج لاجتماعو اما جود هبط لطموبيلتو وركب وبقى شاد شحال على الفولون وكيتفكر باباه كيفاش كان كيهضر معاه محمس وراد البال لاصغر التفاصيل كانه المشروع ديالو هو .... تبسم بعيااااء المهم هو والديه فرحانين شي لاخور مكيهموش ... ورجع ديمارا ومشا
فاليخت ....
متكي لوؤي على واحد رولاكس تحت الشمس لي مضللاه باراسول فوق راسو لاابس غير شورط بيض بسور وكاسكيط ونضاضر ديال الشمس وصدرو عريان لي دغيا تبرونزا تحت شمس وبرزو عضلاتو كتر ... متكية عليه قدس لي كان شعرها باقي فازك ولابسة شورط كححل ديالو وتيشورت بيضة واااسعة لقاتهم فبلاكارو لي كاين تما وكسوتها دارتها تنشف لابسة نضاضر ديال الشمس وشادة تيليفونها عندها ولوؤي كيلعب ليها فشعرها وهي كادوز تصاور لي دارو وتزومي عليهم وتفرج فيهم ..... تاحسات بشي حاجة مدها ليها .... هبطات نضاضر على عينيها وشافت فيها وهي تحيدهم كاع وتقاداات فالجسلة قدامو وشداتها عليه كتشوف فيها .... كانت شارة ديال FBI تبمسات تاتوسعات ضحكتها وضارت عندو ...
قدس : باقي هازززها معاك ؟؟؟؟ ( شداتها كتشوف فيها بين يديها كانت شارة ومعلق فيها خيط لي كيعلق فعنقو كحل ) عاقلة شحال هادي كنتي كتقول عليها حلمك ...( كضورها فيديها وشافت فيه ) واش باقي كتحلم بالبوليس !!
لؤوي : ( كيشوف فيه والضحكة لي راسمة على وجهها ) لا ... مبقيتش كنحلم بيهم ...
قدس : ( علات حاجبها جاتها غريبة حيت عارفة شحال كان كاينوض دالخصامات مع باباه على قبل هاد المجال ، كيفاش تخللى عليه ) وعلاش؟؟؟؟؟؟ كان كيعجبك ..
لوؤي : ( كيمشط ليها خصلات شعرها بيديه وهي كتشوف فيه ) مابقيتش كنحلم بالبوليس .. حيت هاد الحلم ... حققتو ....
قدس : ( ضارت عندو هاد المرة كاملة ومزيرة على داك الشارة فيديها مرة تشوف فيها مرة تشوف فيه ) كيفاش حققتيه ؟؟؟؟؟؟ مفهمتش ؟؟؟؟
لؤوي : ( حيد ليها داك الشارة من يديها وبقا يشوف فيها بين يديه ورجع علا عينو فيها ) هادي ديالي ..
قدس : ( بزربة خطفاتها من يديه وناضت كتشوف معاها وضورها فيديهااا لي بصصصح مكتوبة تما FBI وهادي شارة حقيقية ماشي هاديك لي كانت عندو فاش كان صغير !!!! ) مااايمكنش ؟؟؟؟؟؟ وعمي عدنااااان ؟؟؟؟؟؟
لوؤي : ( دار يديه تحت راسو وزاد تكا ) مفخباروش ...
قدس : ( بقات كترمش بعينيها فيه فلخر مشات لعندو جلسات حداه مفاهمة والو ومزيرة عليها فيديها ) كيفاش مافخبارو والو ؟؟؟ امتى بديتي هادشي ؟؟؟؟؟؟ واش عارف عمي عدنان لاجاب خبارك .. غيقتلك الوؤي والله حتى غيقتلك ....
لوؤي : ( تنهد وشاف فيها ) ماشي لخاطري مخبي عليه .. كون كنت بقيت غير فالبوليس كون قلتها ليه .. ولكن نهار دخلت لهنا صعييب نهضر شوية .. راني اجون سوكري ....
قدس : ( كترمش فيه حسات براسها بحالا كتسمع الخيال والفنتازيا ) لا لا ص .. بر .. صبر .. انا مابقيت فاهمة والو .. كيفاش اجون ؟؟؟؟؟ .. امتى قريتي على هادشي امتى وليتي هاكا ( كتشوف فداك الشارة ) امتى وصلتي لهادي .. انا راه مابقيت فاهمة الو .. عاااااود ليا كولشي ... فهمني حااااجة حاجة
لوؤي : ( تبسم ) اجي .. اجي لعندي نفهمك .... ( جرها وردها قدامو كيف كانت غير هاد المرة كتشوف فيه معاطياهش بظهر وهو قاد جلستو تاجلسو فاص افاص ) كولشي بدا ... ملي كنت فامريكا ..
قدس : انا عاقلة نهار خديتي الباك ديالك واخا كنت باقا صغيرة بصح هادشي راه باقي فدماغي .... عاقلة بلي بغيتي دخل لمجال دالامن وعمي عدنان مابغااااش .. وقيدك فالجامعة دمانهاتن باش تقراا المناجمنت .... ( كاتعرض عليه بحالا كاتعاود تفكر راسها ) وعاقلة بلي مكنتيش كتبغي تجي حيت تخاصمتي مع باباك ... وعاقلة فداك العيد لي دوزنا معاكم كان ضربك حيت قلتي ليه غتخرج من القراية وغاتمشي للعسكرية ..... وكنا هزينا عمي عدنان لكلينيك حيت جاتو كريز .... واش نتا قدرتي دخل لعسكرية واخا كاع هادشي لي طرا ؟؟؟؟؟؟
لوؤي : حيت انا فاهم الواليد خوفو مناش هو ... الواليد كان كيشوفني بعينيه .... ماشي بعينين الناس لوخرين ... عينيه ديما كايشوفوني باقي صغير وخصو يحضيني ملي نكون باغي نقطع طريق ... كان كيشوفني ديما داك ولدو الطاااايش لي فيه المشاكيل وكان كيقول بلي مجال الامن ماخصوش واحد بحالي ... وبلي هاد المجال فيه الخطر بزاف ونتي عارفاه شحال كيخاف .... ولكن انا من ديما عندي داك الاقتناع ديال عارف اش كندير وواحد نهار غنبدل ليه هاد النظرة ... وهادشي لي درت حيث عارفها نظرة غالطة خاصها تبدل ....
قدس : وقتاش دخلتي لهادشي ؟
لوؤي : مور ماخديت الاجازة فالمناجمنت ... قلتليه راه غاندير الماستر .... وانا مدرتش داك ساعة الماستر ... انا دخلت ل United States Military Academy" USMA" , كنقولو ليها تما ويست بوينت .... دخلت ملي كانت عندي عشرين عام ...
قدس : ( حالة فمها ) يعني نتا مادرتيش الماستر كيف حسابتنا ؟؟؟؟؟؟
لوؤي : لا .... مادرتوش ... مور عامين فهاد الاكاديمية ... تهزيت لوحدة من الولايات ديال منهاتن .. حيت هزو الطلبة دالعام الثاني لي كانو متفوقين فالفنون القتالية والعسكية باش كايخدمو بحالا قلتي سطاج فنفس الوقت كيكملو القراية ... ولكن ثاني منساش خير عمي اسد .. حيت باش يجيو يهزوني لتما حتى انا كان خاص شي واحد يكون مورايا دافعني ..... كان جا بنفسو سول على قرايتي وخلص بزيادة باش نتهز مع هادوك لي غايمشيو لولاية ....
قدس : ( دارت يديها على فمها بصدمة ) بابا فخبااااااارو ؟؟؟؟؟
لوؤي : اول مافكرت غندخل الاكاديمية .. اول واحد كتكون فخبارو هو باباك ... انا عارف عمي يونس ولا عمي سفيان غيقولو ليا اتوكل على الله وتبع حلمك .. ولكن كنت محتاح لاراء منطقية حيت كنت تااالف .. محتاج لنصيحة بلا عاطفة .... وباباك شجعني .. راك عارفة كولهم كانو كيقولو لواليد خليه يدير اش بغا ....حتى باباك شجعني بشرط ملي نسالي قراية نقوليها ليه ...
قدس : وعلاش مزال مقلتيهاش ليه ؟
لوؤي : مزال مساليتش اقدس .... غير الامور مشات ماشي كيف مخطط ليها .. طلعات بواحد السرعة فشكل ... انا مكنتش معول غانبدا سطاج فالعام الثاني وموراها بست شهور غايعيني العميد معاهم رسمي ... وموراها غالقى راسي هزوني لاف بي اي ... راه الاومور مشات بواحد السرعة مكتصورش ...
قدس : كيفاش
لوؤي : مور ماتهزيت لشرطة الولاية ... بديت نخرج معاهم مرة مرة كندير خدمة بوليسي .. لا غير .. فنفس الوقت كنقرا حيت داير صف الضباط .... فهاد العام لخر .... جا عندي العميد دالولاية لي خدام فيها ... هو والعميد دالاكاديمية وقالو ليا .. هزاتك ال FBI ... واش قابل وعطاوني القوانين وشروط واهمهم تاحد مايعرف .... عائلتي مسموح ليها تعرفني خدام فالولاية ولكن فالمخبارات لا ....
قدس : وااات ! على ماشي نتا لي دخلتي ليها ؟؟؟ يعني هوما هزوك ؟؟؟؟
لؤوي : مكيدخلوش ليها ليزاجون غير هاكاك حيت ليكونكور ديالها ديال ضباط ومحققين .. العملاء كتختارهم غاالبا هيا .. اما من الولايات اما من الشرطة دالمحافظات اما من الاكاديمية ايما من شي مدرسة ديال فنون القتال ... راهم معايا ديزاجون عمرهم قراو كاع ! ... اما لي كيدفعو ليها ولي خاصهم يكونو قاريين هوما الرتب لوخرا .. بنسبة ليا انا ... بغاوني اجون .... واخا ماشي هي الرتبة لي انا بغيت ولكن ال FBI كيبقى الحلم ديالي وصلت ليه بلا منحس وحتى قبل منكمل القراية .....شي حاجة كانت محمساني كتر ما خالعاني ....
قدس : اهاه ؟؟؟؟؟
لوؤي : مشيت لعندهم ... وكان شرطهم لول والمهم هو السرية وتاحد ميعرفني اجون واخا عائلتي ... ولكن عمي اسد مكنقدر نخبي عليه والو ... حيت فاش كنتلف هو لي كيگيديني ....
قدس : دابا نتا اجون سوكري فالفيديرالية ؟؟؟؟؟؟
لوؤي : ( تبسم ) سي ...
قدس : ( شادة على فمها ) لا ميمكنش
لوؤي : ( حيد ليها يديها على فمها وهبط باسها بالخف فشفايفها وشاف فيها ) لا يمكن ... ملي بديت معاهم تالدابا شديت ربعة دالملفات وكلهم ربحتهم .... شي لي كيخلي العميد ديالنا داير ليا بلاصة واخا راني باقي جديد .. واخا بعد المرات كيجيني مكيحملنيش ولكن خدمتي مكتخليهش ينكر بلي راني حسن من هادوك لي معاه بالسنين ..... دابا كنتسنى نسالي قراية حيت هادا عامي لخر ف usma ... باش العام جاي غادي نبدا فالمخابرات الامريكية وغنقرا واحد العامين ثاني .... ماطلبوهاش مني ولكن انا بغيتها ....حيت ماباغيش نبقى غير اجون .... بغيت نكون investigator ...
قدس : ( علات حجبانها ) تكون ضابط فالولاية ... ومحقق فالفيديرالية ؟ هاكا !!!!
لوؤي : ( ضرب ليها على نيفها ) ايييكزاكتلي ...
قدس : ولكن كيفاش كتقرا ونتا ديما هنا ؟؟؟؟؟؟
لوؤي : كنمشي غير فالامتحانات ... العام اللخر مكاينش الحضور .... اما فاش كانت القراية مزيرة وخصها الحضور راه كنت داير راسي كنقرا تما الماستر .. واخا جيت قلت ليه مانجحتش ولكن معاقش ...
قدس : حمد لله باباك سمييتو عدنان .. اما كون كانت اسد وتشوف واش غتقرا شي بوليس بلا خبارو .....
لوؤي : عمك عدنان مكيقلبش مورانا حيت عارف باباك لي مكلف بهادشي .... ونا باباك لي غاجيب ليه خباري مشيت عطيتهاليه انا براسي ....
قدس : كنخاف مايعجبوش لحاال الى عرفك خيبيتي عليه وقلتيها لبابا ....
لوؤي : انا راه مدايرش شي حاجة لي خايبة .. انا متبع غير طريق كنحلم بيها ملي كنت صغير وراني خدام فيها مزيان
قدس : وقتاش غاتقولها ليه ؟
لؤوي : تا نتخرج .. خايف يقول ليا شي حاجة لي تخليني نحبس فالنص ونا باقي مدرت والو .... نسالي قراية ويكون خير ....
فدس : ولكن نتا راه فيديرالي دابا
لؤوي : هاد فيديرالي غاتنساي واش سمعتيها ومغيعرفها تاواحد ومتقدريش تقوليها حتى مع راسك ... هادي كتبقى سوكري .. خاصة بيا وبالناس لي عارفهم غيحفظو السر وبالناس لي مغايخدموش العاطفة ... وتانهار غانهضر مع الواليد غانقوليه ضابط فالولاية وصافي مستحيل نقدر نقوليه راني أجون ....حيت حنا كنهضرو على واحد مريض بالقلب اقدس .... ضابط على مستوى الولايات الامريكية سهل من اجون سوكري فالمخابرات ... هاد الشارة كتعرفيها نت وباباك وولاد عمامي .... جود وسلطان واياد .... ومغيعرفها تااااااشي واحد اخر ....
قدس : اومايكاااااد ؟؟؟؟؟ دابا تاجود فخبارو هادشي هو وسلطان واياد.....!!! ونا مقلوبة عليا القفة ؟
لوؤي : راه قلت ليك هادو هوما ناس لي كنثيق فيهم ... ولي عارفهم مغيجبدوش هادشي حتى مع راسهم ...ونتي هاهي جات وقيتك تعرفي .....
قدس : يعني صافي ملي غتخرج هاد العام وتولي ضابط ... غتقولها لباباك ؟
لؤوي : ضروري .... الى مقلتهاش ليه غيعرفها راسو حيت مغنبقاش نقد نخدم مخبي ...
قدس : غترجع ضابط تما .... وغتبقى خدام تما ؟ غاتعيش فامريكا ؟؟؟؟
لوؤي : هادشي مزال مافكرتش فيه ومزال ماخططت ليه والو حتى نكمل هاد العام اللخر ....
قدس : دابا نتا شحال ونتا كتقرا
لوؤي : ربع سنين مشات .. وهاد العام بحالا نقولو .. كنديرو فيه غير Military training, weapons and martial arts "التدريب العسكري والسلاح وفنون القتال" ...
قدس : ( معلية حاجبنها ) فخبارك مزال ماقاداش نثيق هادشي !!!!!
لوؤي : هادشي لي كاين ..... ( هز يدو حطها على حنكها تيداعبو بابهامو وهي كتشوف فيه و شاف فعينيها ) كنعاود ليك هادشي .... باش حتى نتي .. متخبيش عليا ... انا وياك مبغيتش يكون بيناتنا الاسرار اقدس .... حتى حيط مابغيتو يكون بيناتنا .. الهوا هو لخرا ... مبغيتوش يدوز بلا منعرفو دايز .... وبلا ماتعرفيه تا انت ... داكشي باش انا جيت قلت ليك كووولشي واخا خدمتي فارضة عليا السرية .... قلت الحوايج لي مقادر نقولهم لحتى حد ..
قدس : لوؤي .. نتا عارفني هادشي راه قلتيه وسط البحر وغيبقى وسط البحر ... ولكن ديال بصح ( شدات فيديه ) هادشي راه خطير ؟ واش عارف شنو هي اجون ؟؟؟؟؟
لوؤي : ( علا راسو لفوق ) ولااااا هاحنا غانجيبوو واحد عدنان اخر ... ( شاف فيها ) شنووو هي اجون ؟؟؟
قدي : راه غير التفكير فيها خلعني ... غاتكون وجه لوجه مع العصابات .. والا دار ليك شي واحد شي حاجة ؟؟؟؟ واش عارف شناهو السلاح
لوؤي : السلاح مكيخافش منو لي كيعرف يشدو .... والى جينا نخافو من الخدمة .. هي تا خضار غادي يجيب السلعة راه خطر عليه حيت يقدر يدخل فيه شي كاميو ديال الجملة ! ... هي تا باباك راه فالخطر تقدر طيح عليه الترية ديال بييرو..... ( شبك صبعان يديها مع صبعانو ) الى جينا نفكرو هاكا احبيبتي تاواحد مغيخدم .. انا خدمتي بحالها بحال اي خدمة وهادشي لي باغي نوصل للواليدين ولكن ماشي دابا .. تانجي وانا حاط شارة الضابط وغنقولها ليه ..... اما دابا ماعندي مانوريه وانا غير كانقرا وسطاجير فالولاية ....
قدس : ( بقات شحال كتشوف فيديهم المشابكين مطولة وساااهية وشافت فيه ) دابا .. نتا .. دابا نتا فالفيديرالية اجووون ؟؟؟ اجون آلوؤي ( جاتو الضحكة من تساؤلها لي كل نرة تأكد عليه)
لوؤي : هه ايه ... غا هو المكتب لي خدام فيه شوية خدامين على راحححتنا .. البروتوكول دالخدمة كنديروه غير قدام التفتيش ولا فاش كيجي العميد ... اما بيناتنا حنا نقدر نكون اجون نكون محقق نكون هاداك لي كيسربي القهوة ... ولكن ( وراها الشارة) هادي كتقول بلي انا اجون سوكري .... ( حط الشارة ديالو على جنب وقربها لعندو ضورها ردها كيف كانت ونعسها على صدرو معنقها وهي باقا مامستوعباش ) وهااااادشي هو فين كنسافر بزااااف .. وهو شنو لي كيديني لامريكا بزاف .. ونييكولاس لي شفتيه صونا عليا اجون معايا ... هاااذاا مكااان ... .
قدس : يعني دابا غادا مسافر لامريكا ؟
لؤوي : نو اسبانيا .. عندي خدمة صغيورة تما عاد نرجع لامريكا نحضر اجتماع ونجي ...
قدس: كنخاف نهار يعرف عمي عدنان توقع ليه شي حاجة والله تااااخايفة
لوؤي : تانا خايف .. داكشي باش راني كنختار الوقت المناسب بلا منزرب ...
قدس : ( شدات يدو لي محاوطاها فكرشها ) هي صراحة ... من واحد الناحية فرحانة ليك لي حققتي داكشي لي كنت كتمنى .... وفنفس الوقت بحالا خالعني هادشي .. حيت فشكل
لوؤي : ( باس راسها ) ماعندك مناش تخافي احبيبتي .. عارف اش كندير ....
قدس : ( ابتسمات بحنية هي منغمة داك قبلة لي عطاها فراسها وضارت عندو هو لي واخا كان كيعاود ليها كتحسو تالف وباقي هاز هم عدنان ودارت يديها فوجهو تاغبرو صبعانها فلحيتوو وهو عوج راسو معاها مبتسم ) الى كنتي فرحان فهاد المجال ومغاتعاودش لينا جود واحد اخر وعلى الاقل بعدا واحد فيكم حقق داكشي لي كايتمناااه .... ( بابتسامة ) واخا تحاربك دنيا كاملة ... ( بحنية ) انا معاك ....
لوؤي شد وجهها وهبط باسها قبلة طوييييييلة تاغمضات عينيها ورجع حل عينيه فيها
لوؤي : الى اضطريت نعيش تما .. تعيشي معايا تما ؟
قدس : لوؤي دابا حنا باقين بعاد .... قاد امورك مع باباك ونشوفو حنا
لوؤي : ( تنهد ) وااااخا وااااخاا اابنت عمي ... هاحنا صااااابرين .... ونشوفو هاد بعيد امتى غيقراب
قدس : هه ! وراه خاصك تصبر ..اصلا نهار فكرتي تكون بيناتنا شي حاجة ، اول حاجة كان خاصك تفكر فيها هي الصبرررر
لوؤي : هاااانا صابر ( شد وجهها مقربو عندو مجنن عليها ) على قبلك نتي ماااشي غانصبر وصااااافي ... غا هو نهااار نشششدك ... نهار طيحي بين يدي .... نسمع ديلمك كتقولي ( رقق صوتو كيعيبها ) بسششششوية عنداااالك .....غاتشوفي واش مغنلوحكش من الشرجججم
قدس : ( ضرباتو فدراعو ) علاش كتحسسني بحالا نتا جزار ...
لوؤي : اه .. كانعرف ندير حتى التشريح ( ناض ) نوضي تكعدي نرجعو فحالنا ( شاف لتيليفونو ) باباك مبقى ليه والو ويرجع لدار ....
قدس : ( شد ليها يديها ناضت تاهي ) اه خاصنا نمشيو ... نمشي نشوف الغوب ديالي واش نشفات ... واخا مساخياش بهاد البلاصة
لوؤي : ( ماشي جهة قامرة القيادة كيهضر ) وانا مساخيش بيك نتي we are not the same
بدات كضحك وهو مشا يحرك اليخت وهي مشات لكسوتها تهزها
وصلو للميناء كانت قدس لبسات كسوتها وطوات ليه حوايجو فبلاكار و مشات عندو ... بدا كيعلمها تصوك اليخخخت وهي تااضحك وهو موراها شاد معاها .. كيحس بالوقت معاها كيدوز كيجري واخا الساعة كتشير دابا ل 6 ديال العشية ....
بروغراماوه ومشاو يتغذاو .... كان كياكل وعينيه غير عليها وحركاتها ... كل مكيشوفها كيزيد يتمنى الصبر لي غيوصلو تالهنار لي غيتزوجو فنفس الوقت فرحان لي فنصيبو بنت كيبغيها رغم انها عنيدة فالطبع ديالها وديما دافعة كبير ولكن فالمواقف لي كيبغي يلقاها معاه كيلقاها معاه .....
وصلو للميناء ونزلو لطموبيل لي كانت باقا محطوطة تما وطلعها ديريكت لدار وباركا كيشوف فيها كتحيد السانيتر ...
قدس : داز نهار زوين ديجا كنت قنطانة ( شافت فيه ) معاش غتمشي غذا؟
لزؤي : بكري .... سيمانة هاكاك وانا معاك ...
قدس : ( عوجات شفتها ) داكوغ ...
لوؤي : مكاينش غنتوحشك ؟
قدس : وحتى نشوف واش نتوحشك ونقوليك .. نكذب عليك !
لوؤي : ههههه .. عطيني شي بوسة وسيري نزلي عليا ... وديري عقلك شوية ....
قدس : ياكما بنتلك كنضرب بالحجر ؟؟؟ ( قربات لحنكو باستو وجات نازلة هو يشدها من يديها)
لوؤي : شنو هادي دابا ؟؟؟؟
قدس : ياك قلتي بوسيني !
لوؤي : وانا خوك جود ؟؟؟
قدس : ( حمارو حناكها ) لوووؤاي ..بعد مني ... خليني نزل
جرها لعندو تاااني كيحس بلي خاصو نهار على هاد الوضعية يلاه يدي معاه مخزووون سيمانة دوز يدو على خصصرها مقربها لعندو واخد راحتو حيت راه فبلاصة عارف مكيدخل ليها حد ومكيباركي تما حد ... كاين غير طموبيلات جود لقدام .... وخشا راسو فعنقها كيستنشق ريييحتها وهي غمضات عينيها عضات على شفتها تاخرج راسو ورجع تاني باسها ومد يدو لبوش حلو ... وهي كتشوف معاه هو جبد بواطة كحلة حلها وهي تعلي حاجبها كانت تما كورميط بلاتين ومعلقين فيها نجيمات كيووووت وعامرين بحجيرات دياموند صغار .... وهزو وهز ليها يديها ركبو ليها وهي موسعة عييينيها كاتشووةف .. وقرب يدها لفمو وباسها وشاف فيها
لوؤي : ودابا نزلي فحالك
قدس : ( شافت ليديها وشافت فيه ) ااوو !!!! زويييييييين !!! ( بقات كتشوف فيه وتحرك يديها وكيتحركو دوك النجيمات ) واااعرررر والله
لوري : بصحتك الحب ....
قدس : ( شافت فيه ورجعات عنقاتو ) شكراااا ....
رخات منو وهو تبسم ليها وحلات الباب ونزلات ... ديمارا الطموبيل وبقى متبعها وهي كدير ليه باي باي ... تادخلات لسانسور تحت ارضي .. عاد رجع مارشاريار مشا وطلق تنهيييدة كتعني .. مرحبااا بالعالم الوااااقعي .... حيت قدس ديما كتمشي بيه لداك العالم دالاحلااام لي مكيعيشهاش فالواقع ...
الساعة العاشرة والنصف ..
فيلا اريج ويونس
نازلة اريج فالدروج وهي تعلي راسها بانليها اياد داخل شاد الفيست ديالو فيديه واليد لوخرا كيماسي بيها على عنقو شافتو ومشات عندو بزربة
اريج : اياااد .. نتا اولدي لي قلتي لسمية ( الخادمة دبيلسان ) تجمع حوايج بيلي ؟
اياد : ياس انا. .. جيت قبيلة ولقيتها باقي مجامعة والو
اريج : وتالبعد غذا عاد غاتمشيو اولدي تالغدا وتجمع بشوية عليها
اياد : لا .... ملي جينا متحركناش بزاف تاهي راكي شفتيها مخرجاتش ... قلت نمشي غذا فصباح لطنجة ... عارف عزيز عليها هاد المدينة ومن تما ناخدو طيارتنا .... راني قطعت فطنجة ....
اريج : اااه .. اوا حسن .. تساراو شوية تانتوما ماخديتو والو من هنا لصحابكم
اياد : فين هي جات !
اريج : دخلت انا سولت عليها سمية قالك يلاه خرجات ....
اياد : ( هز معصمو شاف لساعتو ) علاش فين مشات ؟؟؟ فين غتمشي فهاد الوقت راه عشرة دليل هادي
اريج : معرفتش راه يالاه لقيتيني نازلة خليت تيليفوني هنا نصوني عليها .. مية فالمية غتكون مشات عند عمك اسد حسابلها راني باقا تما ...
تخطاتو ومشات بجهة تيلفونها وهو طلع فدروج ... وبدات كتصوني ولكن تاحد مكيجاوب كيبقى يصوني مدة وكيقطع ... وهي علات حاجبها .. ورجعات صونات للامار ..... تاجاوباتها لامار
اريج : لامااار صافا !
لامار : ( داخل بيهاا الشيفور لباركينغ ) وي اريج صاافااا راني يلاه داخلة لدار
اريج : قولي ليا .. بيلسان مراهاش تما ؟
لامار : ماعرفتش ... ولكن ( كتشوف من الزاج ) طموبيلتها مكايناش ... من غير الى باركاتها لتحت ...
اريج : تأكدي ليا عافاك .. معرفتهاش فين مشات ...
لامار : واخااا ...
قطعات اريج ورجعات ثاني كتصوني ليها وتعاووود مفاهمة والو .. تاوصلها ميساج من عند لامار بلي مكايناش .. وهي تعلي حاااحبها .. ورجعات تاني كتصوني عليها وتسيفط ليها فالميساجات وكتمشي وتجي فالصاالون .. وتصوني على صحاباتها لي كيعرفوها واش راها معاهم ... صونات لحياة ورتاج ومشافوهاش وبدا كيزيد معاها الزايد تاسمعات خطاوي نازلين فدروج هي تقلب عينيها كان دوش ونزل غير شاف اللون مخطوف من وجهها قرب عندها
اياد : ياك لاباس ؟؟؟؟
اريج : ( بدات كتمتم ) والو.. غ .. غير كنصوني .. عليها .. م منعرف يمكن ماسمعاتوش
اياد : ياك قلتي راها عند عمي اسد ؟
اريح : ل لا ... ص صونيت .. و و... وقالتلي لامار ( كتسرط ريقها خايفاه يتعصب ) قالت ليا بلي راه مكايناش .. غاهو يمكن تكون فطريق وراها جايا لدار
اياد تنهد وخرج برا لجردة كيصوني فتيليفونو حتى جاوبوو
جود : وي اياد ...
اياد : جود .... صونيتي عليا فصباح قلتي ليا راه ختي غتجي عندك توريها شي حاجة .. واش باقا معاك ؟
حود : ( جالس فالبيرو ديالو كايخدم اللوغو ) لا ... صباح شفتها غير شي ساعة هاكاك ومشات .. ياك لاباس ؟ فيناهي !
اياد : اا ... لا .. غير كنسول ...
جود : واش مكايناش فالداااار ؟؟؟؟ ( ناض وقف ) راه الحداش داليل هادي ؟؟؟؟؟
اياد : ( سمع الانفعال فصوتو ) لا لا صاااافي هاااهيا جاااات ...هاهي داخلة .... كانت فداركم يمكن ... صافي قطع انا غاندوي معاها
قطع عليه اياد وبقى كيمشي ويجي مبغا يقوليه والو ... ورجع داخل لدار لقا اريج كتمشي وتجي غير شافتو بغات تخبي توتر
اياد : الحداش دابا هادي .. فين مشات هاد البنت ؟؟؟ هم !
اريح : م .. مع .. معرفتش ( كتحك فجبهتها ) ت تكون خرجات غير تمشى ؟
اياد : تعععلمنااا .... تجاوب فتيليييييفون ملي تصوني عليها ماماها .... واش هادي كتقلب عليا ثااااني ؟؟؟؟؟؟
اريج : و وا يمكن مسمعاتش
اياد : ( بالغوات) اهنييينا من هاد الفشووووش ديااااالك .....
اريح : اياااااد .... مااابغيييتش مضااااربة ثاني ... بيلسان عندها باباها يربيها ...
اياد : وفيبيييييناهي ؟؟؟؟؟ وريني فيييييناهي ..صونيت لجووود ماراهاش معاه فين مشااات ؟؟؟؟ واش باغا تجيب لينا شي كااااارثة ثاني .. البنت راها مخطوووبة .. خطووبة رررسمية .... فين دايعة فيين فالحداش دليل ؟؟؟؟؟؟
يلاه كيتغاوتو هوما يسمعو صوتو موراهم ....
يونس: امالنا على هاد الصداع ( حط الفسيت ديالو فوق الفوطوي وقرب عندهم ) مالكم ثاني
اياد : ( كشير ليه لتيليفون ) شوف ليا بيلسان فين هي ... راه مكايناش فدار
يونس : كيفاش مكايناش فين خرجات فهاد الوقت ؟؟؟؟ ( جبد التيليفون طلع البوزيسيون ديالها من الجيبي ايس لي دايرو ليها فتيليفونها وعلا حاجبو ) شكاااادير هادي هنا !
اياد : فيييين ؟ ( خطفلو تيليفون شافها وعلا حاجبو وخرج بزززرربة )
يونس : اياااااااد .. جييييبها ليااا اناااا مااتقييييسهاش.... ايااااااد جيييبها ليااا اااااانا نتفاااهم معاااها
اريج : ( هزات تيليفون يونس بزربة ) ها ؟؟؟؟ هادي شكادير ف اوطوروت دمراكش ؟؟؟؟؟
عند بيلسان ....
صايكة الطموبيل فوسط صداع موسيقى صاخبة مجهدة ليها ... كتحس براسها باغا ترد بيلسان القديمة لجسدها باي طريقة ممكنة ... الصخب .. الحفلات .. اللا مبالاة .. الجراة ... هوما عناوين شخصيتها .. هوما لي كيخليوها تحس انها على قيد الحياة ... كتحاول تقلب عليها فالصخب ... جهدات الموسيقى ولكن ملامحها معاكسينش حتى شي استمتاع ... حجبانها مجموعين ، فمها مقادرش حتى يردد مع كلمات الاغنية لي حافظاها ... كتقلب عليها تاني فلا مبالاة .. وهي شادة طريق وكل متشوف تيليفونها كيشعل على الكوسان كايصوني قلبها كيتزير .. وترجع تشوف لطريق وتقول انا ممولفاش نتسوق !!! موالفة كندير لي فراسي منين جبت هاد الخوف دابا منهم ؟ انا علاش وليت نخاف !! ... واش حيث رجع اياد ؟ ... ولا حيت دابا كاين جود وخطوبة ودار عمي ! ..
خدات نفس وكتمنى لو تلقاها فالحفلة لي غتمشي ليها ....تلقى بيلسان الموضرة ليها ... محتاجة شخصيتها القديمة وكتقلب عليها فاي حاجة ..... باغا غير نهار .. نهار تعيشو كيف هي بغات ماشي كيف كيخططو ليها تعيشو .....
دارت سينيال ملي بانت ليها باحة الاستراحة .... ودخلات ليها سكتات طموليل ورجعات راسها لور مغمضة عينيها .... كتسول راسها واش هادي هي الحالة لي غتمشي بيها لهاد الحفلة ؟؟؟ هذا هو المورال !!! ....
نزلات من الطموبيل كانت بسروال ددجين شاغلي وسميطة ديور وطوب بيضة مشدودة عند البطن بخيوط ويديها قصار مع اكسيسوارتها وصندال عالية ... هزات صاكها الصغير ودخلات للباحة ... مشات ديريكت لواحد من الكراسي وجلسات .. كانت الباحة شبه خاوية وفيها ناس قلال فقط لي كاينين فالشوپ بحكم الساعة كتشير ل 23:40 ... جا السرباي طلبات منو كاس دالقهوة ... وجلسات شادة تيليفونها كتحاول تلهى وغير طلع ليها شي ابيل كتجاهلها ... جابو ليها قهوتها .. حسات براسها بحالا خاصها تصحصح .... وفكل مرة كتلقى راسها شادة قهوتها وساهية كتعاود هضرتو مع وذنيها وهو كيقولها انه غيصرف عليها من داك كاراج لي مفاهماتش مصيرو ؟ انه باغي يفرق فلوسو على فلوس باباه ويبدا من زيرو ؟ هادشي هي علاش مقالوش ليها قبل الخاتم ! كانت غاااترفضو .... ومن حقها تختار شنو بغات... وطريقة لي غاتكمل بها حياتها ماشي غير هو لي يختار ....
هزات يديها كتشوف فصباعها لي مافيهمش الخاتم ولي مكيديروهش على برا باش ميصوروش شي صحافي وبدات تفكر شحال كانت فرحانة نهار لبساتو ..... كتحس قراراتو لي كياخدهم غير بوحدو بلا مياخد رأيها غيريبو كولشي .. واش كاع لي فحياتها خاصهم يخططو بلا ميشاوروها ؟ واش هي تقدر تعيش مع واحد مزااال خدمتو غير مخطط فراسو ومزال حتى ماتنفذات !!! ... من فوق هادشي كامل لا يقبل النقاااااش وسريع الانفعااال لدرجة لاحها بديك الطريقة !!! ....
بقات غير تنهيدة ورا لاخرى وحسات داك القهوة مدارت فيها والو وناس لي تما صدعوها .... وحطات لخلاص وخرجات لطموبيل بعد مادازت ساعة ونص غير جالسة كتفكر كي الهبيلة .. هربات من صداع ديال الناس القلال لي تما وكتسنى من راسها انها تحضر لحفلة عااامرة صخب وضجة !!!؟؟؟ ....
مشات لطموبيل ركبات من جديد وزادت .... وهاد المرة قللات السرعة وغادا بشوية بحالا كتحس خاصها مساحة كبر فين تفكر على خاطرها مدام الحفلة مغتبدا تالجوج دليل ....
هاد مرة ماشعلاتش الموسيقى واكتفات فقط كتسمع ضفارها كيضربو فالفلووون ... وصلات لبياج وحبسات تخلص .. مدات ليه لاكارط وكتشوف فالمرايا لطموبيل لي وراها مصغرة عينيها ....
بيلسان : ( كتحقق فيها ) ماشي طموبيل اياد هادي !!!!!
سمعات السيد كيمد ليها الكارطة شداتها عليه وزادت وعينيها غير على المرايا .. فالظلام مقدراتش تركز واش نفس الطموبيل ولا كتشبه ليها .... تابان ليها خلص وزااادت طموبيل قدامها بسرعة غير ضربات بالفار فالماتريكيل عرفااتها ديااالو ... كانت زايدة يلاااه كاتستوعب .... تابان ليها قطع الطريق وهي توسع عينيها وفرانات بزززربة ... تسمع الفراااان دياااالها قققققوي ووقفااات مووسعة عينيها مخلاش ليها حتى فين تفكر كان نزل من طموبيل بسرعة وتايبان ليها شحاااال معصب ...
والطموبيلات كيدوزو ويشوفو فيهم وهو حل عليها الباب بعصبية وهي بدات تغوت وحيد ليها الساانتيييير وجررها من شعرررها بلااا تامااايفكر خرررجها من تما تاوقفات حداه وجمعها معاها بتصرفيقة تاضار حنننكها كانت غاطيح ورجع شدها موقفها حداه وزااادها لوخراااا تاني شادها فيديه كيغوت بالانجليزي
اياد : ررررجعنا لتقققحبين ؟؟؟؟؟ صافي !!!! ررررجعنا للللمرررررض ... ( زادها تصرفيقة اخرى تاسال دم من نيفها وشادها مكيحسش ) توووحشتييي تعصاااااي .....
بيلسان : ( كضضضرب وتتفككك وكضررربو بركااالي ) واااببببعععد مني الحيواااااان .. ببببعد مني
اياد : اناااا حيوااان .. انا غااانوريك الحيوااان اش كايدييير ( زادها تصرفييييقة اخرى تااداااخت ) فييين غادا ها ؟؟؟؟؟؟ ( جبدها من حوايجها ) فييين غادا ؟؟؟؟؟ خدمة ديال تقحبين مزااال مبغاااتش تحيد منك ( قجها من حوايجها ورفعها لعندو وهي كتغووت وتاحد مقادر يدخل من غير طموبيلات وقفو وهو مجنن عليها ) مزاااال ماباغا ديري ععقلك ( شاف فطموبيلات لي واقفين خاف يصور شي واحد اما مع الظلام تاحد مايقدر يعرفهم شكون وهزها كتجرجر فيديه وتغوووت وداها لطموبيلتو لاحها تما وسد عليها ورجع كينهج لطموبيلتها وهي وجهها ولا كولو دمايات كيسيييلو من نيفها وكتغووت وتجنن وتنتف فراسها ... دخل لطموبيلتها ديماراها وداها لجنب طريق وشاف لكوسان بانليه تيليفونها كيصوني .. وهزو لقاه ابيل داخلة من انسطا وحلو وهي تسمع ليه :
رباب : واافييين .. واش مزالا معطلة .. الحفلة بدااات ... وسربي اصاحبتي ( تسمع صوت ولد)
- توووحشنا نسسهرو معاك سربي راه دنيا هناااا محيحة ايييز اميزييينغ بااارتي ... ناقصنا غير نتي ...
قطع عليهم بعصبية وباركا طموبيل فجنب كاايسب
اياد : براااااهش دالز--- ب
هز ليها صاكها والفيست ديالها ومشا بزربة لطموبيلتو لاحهم لور وهي بدات تغووت وضرب وتقمش فيه هو تايحيد ليها يديها ضضضرب ليها راسها مع الكااابوو ديال الطموبيل تااااغوتاااات بججحهد بسبب حر الضررربة فراسها .... ورجعاتو لور شادة عليه حماتها غير للبكا وشهيق وهو زاد بسرعة راااجع لوطوروت من جهة لاخرى يرجع لكازا
اياد : ( كينهج ولا حمر بالاعصاب ) الحفلااااات لمك .. انا غنوريك البااارتي فين غاتكون .. .( جبد الكارطة تاحلو ليه الباريا وزاد ) رررجعنا لتبرهييش .... ماباغااااش تكبري ( بيلي مالية طموبيل بالبكا وشهيييق وحوايجها رجعو عامرين دم لي كيسيل من نيفها ) ملي مزال باغا تقققحبني قووووليها .. ماتحاشمينااااش حنا مع عمممي .... ماااتخطبببيش لوولدو .... قولييها انا باقي ماشبعت من الزهووو .... باغا تشووووهي مممملتنا نتي ....
بيلسان : ( كتشههق وتمسح دموعها بكمامها ) ومااااشي سوووووقك .. وبييني وبييينووو وبيني وبين بابا نتا شنو دخخخلك .. حفلة بيناتنا حنا الصحاااب مالي غادا لبار ؟؟؟؟ راه غاا حفلة هااادي ديال توديع العطططلة ... مااااالكم جاهلين لهاد درجة مال عقلييييتكم ديما موووسسخة واش مامنحقيش نخرج مع صحابي ؟؟؟؟؟؟؟ شكووون نتا دير فيا هاد الحاااالة اش هاااد تفكيير ذكوووري دالخراااااا
اياد : ( زادها تصرفيقة تاتلخ راسها مع زاج ) وااااخرجي ولاا موووتي .. وااااعلمينااا وشاااوري ... وجااوبي فتيليفون ملي تصوني عليك مك .... واااااعلللللميييي وسييييري تمووتي
بيلسان : وعلاش زعما كنتو غاااااتخليوني ؟؟؟؟؟
اياد : ( شد ليها وجهها مغزف عليها يد صايك بيها ويد مزير عليها بيها وهي كتنتر وقبضتو قوا منها ) واااش بنتليك انا كنلبس الصااايااا .. ضاربب العككر باش نخلي انا ختي فنصايص ليل كتششطح مع الزوااااامل .... لاكنتي سايبة فداك ميريكان ومالقيتيش لي يحكككمك ولاعبة العشرة على بااااك .. انا ماشي هو بااااك .. لامرباكش هو انا نربييييك ... حيييت كيفما كيقولوو بنت يووونس ( زادها تصرفيقة اخرى بظهر يديه ) تاايقولوووو خت ايااااد ....
بيلسان : ( بدات كتجر ليه الفولوون هو كيدفعها ) وااانزلللني الحيوان نزززلني ... نززلني بحااالا نتااا زعما ملاك الرحماااان .. نزلني عيييييت منكم ومن عقليتكم نزززللللني ... منااااافقييييين
اياد : ( كيضربها تبعد ) بععددي يييديك .. بعديييي غاااانقلب دييييلمهااا بعععععدي يديييك
بيلسان : ( كتجر معاه الفولون وسط لوطورووووت والطموبيلات كيكلاكصونيو ) قققلبها .. قللللللب ..... ينعل بوها حياااة لي جااامعاااني معاااااكم .... كللككم مراااض فعععقلكم قللللللللبببببها .... الموووت ححححسن من هاد البيييليشيت لي كاانعيش فييييه
اياد قلب طموبيل لجنننب وفرااانااا وطموبيلات كيكلاصونيو عليه ويسبو ... وهو تقلب عندها وشدها من شعرها ويد فعنقهااا مغزف عليها وهي كتشوف فيه وصدرها كولو كيتهز
اياد : غاااتقطعي حسسسك ولااا بررررربي ..... بررربي تانحل الباب ونلوووحك مااتغيبينييش ابيلساااان ... مااتخلينيش نغييييب ... خليني داير عععقلي .... ججججمعي يديييك وتررررركني ....
رخاها من يدوو وهي كتشششهق وزاد صاك طموبيل و كيتسمع غير شهيييقها وبكااااها وتنخصيصها وكتمسح دم بيديها لي سايل من نيفها على عنقها حتى رجعات الطوب ديالها البيضة كلها طبايع ددالدم ....
∆فالقصر ...
جالس اسد على وحدة من الارائك القصبية لي كاينين فالجردة لابس غير سروال سيرفيت بالسيور وتيشورت بيضة ولابس نظارات طبين منزلهم شوية للتحت .. شاد تيليفونو كيدوز عينو على ليجيمايل لي مسالاش ليهم اليوم .. وناعسة حداه قدس لي غير بكسيوة خفيفة وحاطة راسها على رجليه دايراه مخدة وهو يد فتيلي ويد كيمشط شعرها وتاهيا شادة تليفونها تاجات لامار بجيهتهم لي لابسة تاهيا غير كسيوة خفيفة فوق منها كيمونو مفتوح ... وشعرها دايز لواحد جنب وجلسات حداهم
لامار : مال وسيم نعس بكري ؟؟؟؟ مامولفاش ليه دخلت لقيتو ناعس ... فيقتو نشوف واش مريض رد عليه ليزار وضار وخلاني !!! ( القلق فعينيها ) منعرف مالو ؟؟؟
اسد : ( تنهد ) هاداك غا سمعني قيدتو فالاخوين ناض يدير علينا ثاني داك دراما ديالو باش نرجعو لامريكا ....
قدس : ( وسعات عينيها وناضت تكعدات جلسات حداه كتشوف فيه ) كيفاش الاخوين ؟؟؟ هاااء ؟؟؟؟؟
لامار : امتى نتا سجلتيه فالاخوين ؟؟ علاش مقلتيهاش ليا
اسد : مابقاش عاجبني يقرا تما ويبعد علينا ... معارفو اش كيدير .... عاد زيد غايجلس فدار بوحدو و ماماك راك شفتيها غتعيش مع خوك .. نزيد خوك انا مسؤولية دولدي ؟؟ والا ...
لامار : وهي مزيااان تانا مكرهتوش يبقى هنا .. هو كيمشي وانا قلبي كيتقبط ... ولكن ثاني كون قلتيها من لول
قدس : وايه ابابا غيمرض دابا
اسد : ( شير بيدو موراه للاتجاه فين كاينة المصحة دالمنطقة ) لي مرض راه لكلينيك الدوا فابور يمشي يداوا .. دوك الفشوش وتبقاو تستغلو عاطفة الواليدين ... لا خليني ندير اش بغيت ولا نديبريسااا .. ديبريساو لابغيتو .... حنا عارفين مصلاحتكم ....
قدس : ودابا مالك ابابا عاوتاني غادير لينا سيليكسيوني تو .... نطلع نشوفو ؟
اسد : جلسي للارض ... خليوه على خاطرو دابا يتگاد ...
لامار : الله على المشعكك ديالي الله ... ( حزنو ملامحها ) وهو مزيان يجلس هنا ولكن تاااني جاب مايفكها معاه ....
اسد : دابا يرجع لطريق ....
لامار : ( ضرباتو بمخدة تاطاح ليه تيليفون وقدس علات حجبانها ) حححط تيليفون ملي نكون كندوي معاك .. وملي سجلتيه فالاخوين جي قولها ليا شاورني راه تانا ماماه
اسد : ( ريع يديه وشاف فيها ) واخا احبيبتي .. لا عندك شي تدخل اخر ومابغيتيش يقرا تما قوليها وفين مابغيتي نحطو نحطو ...
لامار : هادشي ماشي تانقولو ليك .. فوقاش غاتحيد منك هاد القاعدة ولادنا راهم بجوج
اسد : ( شاف فقدس ) شكون سجلك فالتنس ؟
قدس : ( حابسة ضحكة ) مااامااا
اسد : قالتها ليا ؟
قدس : ( كتشوف فماماها وشافت فيه ) اممم .. و واقلة .. لا
اسد : فوقاش عرفتها ؟
قدس : ( كتشوف فيها وهي كتحلف عليها ) تاقلتها ليك انا
اسد : كنت موافق ؟
قدس : ل .. لا .. و ولكن ... ف فصباح نزلتي عندنا وموافق !!!!
اسد : ( شاف فيها ) دونك طريقة باش قنعتيني بالتنس ديالها ... هي نفسها لي غنقنعك بيها بقرايتو حتى نت....
قدس وسعات عينيها ورجعات نعسات على رجليه كتحاول تبين انها مكتفهمش فهادشي واسد رجع تحنى خدا تيليفون وهي كتميق فيه وهزات تيليفونها تاهيا عين عليه هو وبنتها لي ناعسة على رجليه كيمشط فشعرها ...وعين فتيليفون
لامار : ( كتهضر بنفخة ) عيط على ولدك شتو تعطل ... عنداك تكون باقا قسم مسالاتش
قدس : يلاه كتبات ليا مسج راهم فطريق .. هو لي تعطل مدازش عليها
لامار : وانا هضرت معاك نتي ؟؟؟؟؟؟
قدس : ( ضارت شافت فيها ) اويلي اماما اش جاك عليا تاني
لامار : انا كنشوف هاد خينا هذا لي شاد تيليفون ماااامعبرناش
اسد : ( شاف فيها من فوق نظاظرو ) كاتهضري معاياا انا ؟
لامار : ( ضارت لجنب كتلعب برجلها ) منننعرف
اسد : مرة فالشهر كنهز هاد التيليفون نشوف تانا بحال الناس اش واقع فالعالم باغا تنكديها ؟؟؟؟
لامار : مكنهضرش على تيليفون .... كنهضر على اننا جالسين مجموعين هادي شادة فيديها تيليفون ونتا شاد تيليفون وملهييين زعما انا شنو ؟ معامن نهضر ؟ علاش جالسة هنا !!!!
اسد : ( تنهد ) لا حول ولا قوة الا بالله ..... ( كيشوف فتيليفون وهي مميقة فيه ) نتي غا كتخوا عليك الدار كتولي تقلبي فيمن تلصصقي ... ها ولدك وبنتك جايين وهضري معاهم ....
لامار : اووووو زعما ختااريتي ليا شكون كيتعاود معايا ....( شافت فقدس ) قققدس !!! ادييك الحلوفة
قدس : ( كتشوف لتيليفون ) امممممممم
لامار : فين خرجتي ليوما
قدس : نزلت لبحر ...
لامار : نتي ومن
قدس : بوحدي وتلاقيت مع لوؤي و تغدينا
لامار : كيداير لوؤي ؟
قدس : صفر ومنقط بالخضر
لامار : ( ضرباتها تاهيا بمخدة ) الله يقلل حياااك .. انا كنسولك على الولد كيف داير وواش لباس ونتي كطنزي عليا
قدس : ( حطات تيليفونها وقادات الجلسة متكية على كتف باباها لي باقي كيشوف فتيليفون وكيتفرج ففيديو ) ماما .... واش باغا دابزي معانا صحة ؟ واش جاك الملل
لامار : ( قلبات راسها مقلقة وجبدات التيليفون وحلات واتساب درتاج وبدات دير فوكال واسد مرة يشوف معاها مرة يشوف لتيليفون ) اااهلا رتااااج .. كيييدارة لابااس عليك ... مشا فيصل ولا مزال؟ .... وتادوووزي نتهاودو شوية راااك عارفاااني ( كتلوح ليهم الهضرة ) غاااا بوووحدي ماعندي كاع معاااامن نهضضضضر ..... يلاه سلمي على عدنان ودراااري .... بسلااامة .... ( كتميق فيهم هوما لي كيضورو فراسهم دايينها على قد هبالها وهي تحل فوكال اخر ) اهلييين حيااااة كيدااايرة لاباس عليك ، كيدايرة ماما فاتخا شوية الراس ؟ .... ودوزي دوزي اصاحبتي غذا لبيييرو عندي ... توحشت نتجمعو شوية .... راك عارفة مكاين لي يعطيييييك الوقت .... يلاااه بسلااامة سلمي على سلطان و سفيان وبوسيلي اييييوووشة ....وقولي لماما دوز غدا راني قنطااااانة هنا بووحدي ......
اسد : ( شاف فقدس لي ناعسة عليه ) نوض ابنتي لهيه نوضي .... نوضي الله يرضي عليك نتي مولات العقل ...
قدس بقات غير كضور راسها ومشات لجهة لوخرا وهو شاف عند لامار وحط تيليفون
اسد : اااجي يلاااه ... اجي ...
لامار : وااااا من صباااااح دييييرها .. ماشي تااتكرهو الواااحد
ناضت بنفخة جلسات حداه وهو عنقها عندو وقدس كضور فراسها وتضحك
اسد : يلاه واسكتينا دابا ....
قدس : ههههه كتغيري مني ؟؟؟؟؟
لامار : علاش نغير منك ؟ زايدون شكون سبق انا ولا نتي ؟؟؟؟ نت راه خاصك يتعاودو ليك ترابي .. شفتي ماماك جاية يلاه وااانوضي تكعدي خليها هي تجلس حدا باباك هاكا كيكونو الولاد المرضييين .... ملي كتجي ماماهم كيخويو ليها البلاصة حدا باباهم .. باش عمر يخليو ماماهم وباباهم يبعدو على بعضياااتهم ..... انا راه كنشوفو غا من الليل لليل ....
قدس : ههههه على انا امتى كنشوفو ؟ وانا ماشي بابا ؟؟؟ منجلسش حداه ؟؟
لامار : ( نعسات على كتفوو ) تزوجي وسيري جلسي حدا راجلك ماشي باغا تجي على عشرين وتعيشي ....
اسد : ( شير لقدس تجي عندو من جهة لوخرا ) اجي احبيبتي اجي .... اجي ، هاد ماماك راه باقي خاصني نجيب ليها السقاطة و البيبغون ...
قدس ناضت عندو لجهة لوخرا عنقها تاهيا وباس على راسهم
اسد : بنااااتي العزاااااز ....
يلاه كيهضرو وهي دخل طموبيل جود ... وضورو ريوسهم كانو جايين هو وقسم كيتمشاو عيااانييين هي حيدات صباط طالون وكتمشى على الكازون بلحفى كتحس برجليها كيحرقوها بقوة الوقوف فالخدمة والتصوير ...لابسة كوسيم بينك وديباردور بيض دونتيل فالصدر .. وشعرها جمعاتو غير فطموبيل لفوق مخربق وملامحها وااضح فيهم نعاس وجود تاهو نفس حااالتها جاي كيماسي فعنقو تاوصلو لعندهم وطاحو على ليفوتوي جلسووو كل واحد منين كيتعوج ...
اسد : ( شاف لساعتو ) تعطلتي شوية اليوم ابنتي لا !
قسم : وراني عاد ممشيتش لجيم ... تعطل التصوير وواحد الانترفيو كان خاصني نحيدو عليا ... باش غذا نرتاح قبل الفواياج .. عرفتي راني عيييييت ديال بصح ....
لامار : ومزيان لي حيدتي عليك ... الجيم تالغدا وسيري فصباح ....
قسم : داكشي لي غندير ( كتفوه بالنعاس )
اسد : ( شاف فجود لي متكي راسو على المخدة ) ونتا فين كنتي
جود : قاديت لوغو .... ومشيت شفت ثاني فداك لافيراي مزال مالقيتش داكشي لي كنقلب عليه ... تالغدا ونرجع ...
لامار : متبقاش اولدي تمشي لافيراي بليل شي نهار يسكنك شي جن
جود : يهديك الله الامار اشمن جن هذا لي غيسكني انا .... انا لي غنسكنو ....
لامار : احقا .. غذا هو النهار لي بقا لبيلسان ... نعرضوها يتعشاو معانا هي واياد ؟
جود : ( وقف كيتفوه ) شغلكم هداك .... انا غنطلع ننعس راسي غايجي قدامي ...
لامار : والله لاااطلعتيها بالله حتى نتعشاااو ديما انا تخليوني على طبلة بوووحدي ولا ...
جود : ( رجع جلس ملي حلفات كيماسي جبهتو ) وسسسربيو والله تا فيا نعاس
قسم : انا اماما تعشيت فالخدمة والله مااااعندي فين نزيد وميتة بالنعاس وعندي الجيم مع ستة دصباح
اسد : طلعي نتي بعدا تنعسي طلعي ... غدا ورا الجيم رجعي لدار ونعسي قبل الفواياج ..... تمنية نحل بيتك خصني نلقاك تما ناعسة. ...
قسم : داكوغ ( قربات عندو باستو فراسو وباست ختها وماماها وطلعات )
لامار : ( كتهضر معاها وهي غادا ) قووولي لرجاااء تحط العشا هاحنا دااخلييين ....
قدس : ( ناضت جلسات حدا جود كتشوف فيه وهو عينيه منفوخين وبدات دوز يديها على شعرو ) مالك اخويا معجبتينيش ؟؟؟؟
جود : ( حط راسو على كتفها وهي عنقات راسو عندها ) غاا عيان وصااافي ....
لامار : ( شافت فاسد بمعنى اش كاين وهو وما ليها بمنعرف ) وعلاش كتعي راسك اولدي خدم بشوية عليك ....
جود غير ساكت وقدس حاطة راسو على كتفها وكتمشط فلحيتو بيديها تاهز صبعانو وضرب ليها على واحد من نجيمات لي معلقين فكورميطتها وهي تخبيها بزربة وتبسمات باش ميزيدوش يردو ليها البال واخا مكيدخلوش فاكسيسوارتها ....
جات رجاء علماتهم انه واجد وتجمعو تعشاااو بيناتهم وجود غير كيتفوه و قدس حطو ليها ماكلة الدايت ....
لامار : لاصالاد لي كتعجب قسم كووون غير كلات معانا شوية
اسد : خليها ترتاح راه تابعها فواياج غذا خاصها تكون اون فوغم .....
لامار يلاه كتاكل وهي تعلي حجبانها ملي تفكرات وهزات تيليفونها وبدات كتكتب ميساج لقسم واسد كيشوف معاها وكياكل ...." واش نقول لباباك على اصيل ؟ " ... يلاه غترجع تاكل وهي تسمع ميساج وصلها حلاتو لقات فيه فقط جوج حروف منها " NO " ..عوجات شفتها مفاهماش ورجعات كتاكل ماكلتها .. جود هو لول ناض طلع عاد تبعاتو قدس واسد ولامار ..... وتطفاو اضواء القصصصر ......
عند اياد وبيلسان ...
دار السينيال ودخل لوحدة من باحات الاستراحة ... خلاها فطموبيل سد عليها ...وخرج وهي نترات ليلانجيت وبدات تمسح الدم من نيفها كتبكي وتنخصص ... هادي نفسها الحياة لي هربات منها من كندا معاه ، ديما كان هوما اعنف واحد فدارهم ... كلها كتشهق وكون جات الموت دابا قدامها تموت بلا متفكر .... من ديما حاقدة على حياااتها لي هي باغا تعيشها بطريقة وهوما راغمين عليها طريقة اخرى .... مكاينش حوار .... تاسمعات الباب دجيهتها تحلات وجبدها من يديها وهي كتنترررر
بيلسان : راااه قتليييك بعد مني مااابغييتش نغوووت باااش منشووهك هنا ونتا عارفيني قادرة ندير ليك بحال داك المرة ونديييكلاري بيييك ....
اياد : ( جبدها بقوة تاخرجات ) خخرررررجي بااااراكا عليا من التنخصييييص ... دييكلاري على زين اش كااااديري .... جيت انا وضضررربتك .... من حقي نضررربك لاشفتك غادة تقححبنييي
بيلسان : ( ضربات ليه القرعة دالما لاحتها ) بزاااف عليك .. تانا عارفة حدوودي ماشي غير نتا .. الى عقلك موسخ المشكل فيك ماشي فيا ..
اياد : ( تحنا هز داك قرعة ) بنت فحفلة مع زوامل مع والحدة دليل ..... ( كيرش عليها المااا تاشهقات ) قققحبة ...
بيلسان : وعلاااااش نتا مكتتتمشيش ؟؟؟؟
اياد : احااافظي على انوووثتك والعز لي عاطيينك بااارااكا مااتقلدي فعيشة دراااري .... نت راااك بنت .... الى حيدتي هاد الانوثة ووليتي بحالك بحالنا اش بقى فيييك الخرا ؟؟؟؟ تفكير دالقحاااب ... ( كايجبدها ) قرررربي لهنا
بيلسان : ( كتنتر منو ) وااابعد نني ماااتغسلش لياااا
اياد : ( شدها بزز كيغسل ليها وجهها من دم ) كااتقللبي غا على العصاااا ... يهضر معاك الواحد بعقلو زعما ميمكنش .. منهار لي سرحتي الهضرة ونت فارعة لينا كرررنا ب جود جوود جوووود كنتي غاططيري ... نهار تخطبتي ليه جالسة تقححبني ؟؟؟؟؟ واش نتي مريضة ولا مالك ؟؟؟؟
بيلسان : وااابيني وبينوو اش دخلك ؟؟؟؟؟ ااااش دخلللك
اياد : ( جات تركب فطموبيل ورجع رجعها وقفها وجبد ليلانجيت كيمسح ليها وهي وجهها حححمر بتصرفيق وعينيها تنفخووو ونيفها باقي كيسيل بالدم ) بالرب كون ماتاقيت فيك الله تاانطيح سنانك هاااد الليلة ....
بيلسان : ووااقتلني نتاا كااااع وتهننننى
اياد : ( كيمسح ليها بلي لانجيت نيفها يحبس دم وشدها من شعرها تاغوتات رجع ليها راسها لقدااام وشد ليها على ظهرها تحنى ينزل دم ) كنا كنضربوووك الخرا ملي كانت عندك 12 عام 13 و 14 .... كنقولو بااقااا صغييرة .. باقا مراهقة ماعندهاش العقل ... راه دابا عندك عشريين عام الخرااا راه كنحششم نضضررربك .... عشرين عام وباقااا مبرررهشة ....
بيلسان : وماتقييسنيش عندي باباا ماااتقيسنيييش
اياد : هاداك باباك خاص لي يجمعك نت وياه فسلخة وحدة على الفشوووش ديالو .... ( علا ليها راسسسها وبدا يغسل ليها تاني )
بدات تنتر معاه وتغسل بيديها بزز وفاش كتتعصبو كيصرفقها تاااني تثثبت .... وحوايجها عمرو بدم ولي دايزين من تما كانو اغلبهم الكاميوات لي كيشدو طريق كييشوفو فيهم ...
اياد : عجباتك هاد الحالة دابا عجباااتك ؟؟؟؟
بيلسان : ( كتجمع شعرها لفوووق ووجهها كولوو حمررر ) والله ا ايااااد الى انا لي تاقيت فيك الله هاد نهار غييير حيت مبغيتش صحااافة دير لينا مشكل فاخر يومين بقاو لينا فالمغغغرب .... مااانا والله حتى نشووووهك ....
اياد : على نتي عاد غتشوهيني ؟؟؟؟ دييما مشوهة دييلمي مع الزواا # امل ... هاد المشية لي ماشية ليها بلاا خبااار والديك بلا خبار سيد لي خاطبك وغتزوجيه ماشي غتشوهييني بييها ؟؟؟ ناس كيفتاخرو بخواتاتهم انا باغا تنزلي ليا رااااسي ؟؟؟؟
بيلسان : واايمشييي يقووووود .. هو لي وصللللني لهاد الحالة اصلااااا .... شكوون يكون تا نبقى هازة ليه الهم
اياد: ( علا حاجبو ) صافي ؟؟؟ سيمانة دالباكور سالااات ؟؟ صافي جربتي ؟؟؟؟ وااكيييجاك الخاتم ؟؟؟؟ زييير على واالديييك ؟؟؟؟ يلااه واشدي لارض داابااا ..... جود جود جود .. وداباا يمشي يقود ؟ كتتتلعبي بييينا ؟؟؟
بيلسان : هووو لي كيلعب بيا
اياد : علاش اش دارلك ؟؟؟؟؟
بيلسان : بببعد مني ا اياااااد عطيييني تيييساااع .. .
خلاتو وزادت وهو بقى متبعها بعينيه وزززفر تنهيدة وتكا على طموبيل بجوج يديه مهبط راسو لتحت وهي زادت كتمشي وتحك فدرعانها كان البرررد محرك ودموع تيسيلو ليها ... وهو تكا على الطموبيل وجبد الباكية دالكارو يهدن راسو يعرف يهضر معاها.......
فيلا عدنان ....
وصلات الجيب ديال لوؤي للباركينغ ... غير حبسات طموبيل .... وهي غير مزادت فالبكا شادة منديييل وكتمسح فنيفها ودموعها وجهها حمر فااازك كااامل
لوؤي : واااييييلي ... والله تاطيبتي ليا راااسي من رباااط ونتي كتتشهقي مااعيييتيش !
رتاج : مشااا الحبيييب ديالي مشاااااا ( كتشهق وتنخصص )
لوؤي : وكتهضري بحالاا دفنااااه وجينا راك صيفطيييته غايقرااا .. وهنييينا ! ...
رتاج : ( ضرباتو لكتفو ) البرااا والبااااس عليه ... الحبييييب دياااالي فيصل ديااالي .. مشااا الحبيييب ديااالي كاايبكي ماااسااخييسش بماماه
لوؤي : ( كيحك فوق حاجبو ويماصي جبهتو ) ياااربي صبببر يااااربي ....
حل الباب ونزل ونزلات تاهيا كتشهق ودخلو لدار لقاو عدنان نازل فالدروج بجهتهم كان كيتسناهم .. ماقدرش يمشي يودعو مكيحملش هاد اللحظات ... ورتاج دخلات غير شافتو زادت فالبكا
رتاج : مشاااا فييييصل اعدنان مشااااااا ....خوااا علينا الدااار
مشا لوؤي تلاح على الفوتوي شاد راسو وهي تلاحت على عدنان عنقاتو وهو كيمشط على شعرها
عدنان : ومشااا دعي ليه طريق السلامة ودعي ليه بالنجاح والتوفيق .... وراه مشا غايدير مستقبلو .... كيف كان مشا خوه قبل منو ...
لوؤي : راااه قلبااات ليااا راااسي فطريييق بحالا صيفطاتو للعسكر د اوكرانيا ....
رتاج : ببيعدوو مني مغااتفهموونيييش بعدو مني ... ( تسلتات من عدنان ومشات جلسات على الفوطوي كتتشهق وتبكي ) مششااا لي نلقاااه عند رااااسي فاش نمرض .. مشاا لي حااافظ لياااا دواااياا ... مشااا الحنييين ديالي مشا ....
عدنان : وامديرييش لينا كنازة تاني .. هو مشا يقرا هانتي باقي معاك انس باااقي لوووؤي ها اناا ... انا مقادكش ؟
رتاج : واابعددد مني بغيييت ولددددي لي كيييفهممممني بغييت ولدي لي كااايحححن عليا
لوؤي : ( ماشي بجهة طبيلة صغيرة فوق منها الما ودوايات دعدنان ) انا كننضررربك بالحجر الواليدة ياااك ؟؟ كضرررب انا بالحجر
رتاج : ( كضربو بالمخاد ) سسسكت نتا سكككت فيين كاانشووووفك فييين ...
لوؤي : ( كيشد عليها المخاد ) واشنو نمشيو نجيبوه ؟؟؟ نزلوووه يجي يقااابلك ؟؟؟؟ وتخلصيه بشهر ؟
رتاج : الله ينجججحووو .. الله يووقفوو .... قالك تجيبو لهنا يقابلني .. يقاااابل قرايتو.
عدنان : ( جلس حداها ) اوا هاااكاك قولي من لوول ... ونتي لي كتسناي فوقاش يجيب باك بمونسيون مزيانة ... كنتي كتسناي فوقاش ينجح فالتووفل .. شحال سهههرتي معاه فقرايتو .... ودابا لي مشا يدير مستقبلو دايرة ليا هنا هاد الكنازة
رتاج : ( نعسات على صدروو كتمسح دموعها وتنخصص ) مااسخيييتش يييه اعدنان ماااسخيييتش بيييه .. دار خااوية بلاا بيييه ...
لوؤي : ( مد لعدنان دواه وكاسو دالما ) شد الواليد شد ... هادي راه هرب ليها تاني ..
عدنان : ( شد عليه ) ارا اولدي الله يرضي عليك .... ( شرب الحبة وشرب عليها الما وعطا الكاس للوؤي ) وصااافي هنيييينا الليل هدا طلعي تنعسي غايضرك رااسك ...
رتاج : ( ناضت على صدروو ولوؤي جلس على الفوطوي كيشوف فيهم ) نتا محااااسش بياااا ... حيت لي كيعطييك دواك هاهوا كاااااين حداك .. كييييتي انااااا شكون يتفكرو ليا
لؤوي : واااييييلي تااانتي !!! كتشربي حبة دالماغنيزيوم فالنهار ودايرة راسك فواحد مريض بالقلب !!! وايهدييك الله ادكتووورة !!!
عدنان : بقااا تفكر ماماك تاهي راه تااااتغييير ... راه هاد الكنس كيييغييرو ....
رتاج : ( بدات تشهق ثاني بجهد ) فييييييصل .... ( شارت لبلاصة فجردة كتبان من زااج ) راااه فيييين كااان يجللللس الحببيييب ديااااالي .. .
لوؤي : لاااا اله الا الله ( تنهد وناض وقف ) انا غنمشي نعس راسي قلبتيييه لياااا ....
عدنان : اااجي ... جلس مزال باغي نهضر معاك
لوؤي : والجوج ديال ليل هادي الوااليييد خليني نطلع نعس .. ومنبعد ونهضرو
عدنان : لااا جلس
رتاج : ( مسحات دموعها وشافت فعدنان ) ماااالك معاه تاااني ... بببعد ليا من وووولدي
عدنان : يااك !!!! غاانقتلوو انا !.. ولدك غا نتي .....
رتاج : اش باغي تقوليه ؟؟؟؟
عدنان : غانقوليكم بجوووج ...
لوؤي : يااربي سلااامة ياربي .... (رجع كلس ) اش كاين ؟؟؟؟
عدنان : ( تنهد تنهيدة مخلطة بضحكة حابسها وبدا يرد شعرو لور بيديه كيشوف فيهم ) ودااباا .... ودابا والله ماعرفت كيفاش غنقولها ولكن .... مهم .....
رتاج : ( بالخلعة ) وااهضاااارررر ؟؟؟؟؟؟؟
عدنان : ( كيفكر ماعرفش كيدير يقولها وحابس الضحكة ) خطبوك اولدي .....
لوؤي : ( علا حجبانو ) وااااات ؟؟؟؟؟؟
رتاج : كييييفاش هاد خطبوووه نتا تاني ؟؟؟؟؟؟ اش كتقول
عدنان : وااا هدااا مكااااان ...
رتاج : اويييييلي على خطبوووه شكون خطبووو ؟؟؟؟ ( لوؤي غير كيرمش مصدوم )
عدنان : ههه !! انا باااقي تنفكر فهادشي كييييداير.... اسيدي كنت جالس انا ويونس ...نسسييبو واقلة بات داك سيدة مرت زياد حنان ...
رتاج : جناان اعدنان جنان ماشي حنان
عدنان : ايه هاديك ... قاليك اسيدي عندو بنت خرااا صغر منها
رتاج : اييه عاليا
عدنان : اهاه ... قالك بلي باهم تايخاف عليهم وخااصوو يقلب مزيان فين يحطهم ولي تايخطبوها منو بزاف وباها باغي ليها ولد عااائلة نييشان ...مابغاش يعطيها لاي واحد ..
لوؤي : ايييييوا حنا مالنا ؟!!
عدنان : قالك اسيدي .... بغا ليها جود ولا لوؤي .... ( رتاج حلات فيه عينيها ) هو يقوليه يونس بلي جود عندو شي حاجة فالشك مع بنتو مابغاش يقوليه الاومور رسمية .... هو يقوليه دونك لؤوي ......
رتاج : ( بصدمة ) هاااويييييلي !!!!
لؤوي : هه نعام ؟؟؟ واش شوبة لاباس لا ! هدا جاي يتخير فالبگر ولا شنو ؟؟؟؟؟
عدنان : واييه .... بقيت غا كنشوف ...ايه كنخطبو لولادنا .. ولكن للبنات .... جات شوية فشكل .. يمكن هوما عندهم هادشي عادي حنا لي ممولفينوش ....
لوؤي : ( تنهد باغي ينوض ) لا صافي ... هادشي لي كان خاص هاهوا كمل .. تصبحو على خير ....
عدنان : ( كيشوف فيه ) جلللس .... جلس خلينا نهضرو .... انا راه مالقيت مانقول ليه
لوؤي : قوليه باغي يكمل قراااايتووو .....( عدنان كيضور راسو كيضحك ولوؤي كايعوج عنقو فيه النعاس ) وااضحك نتا لي جات معاك ....
عدنان : ودابا هو البلااان غريييب فشكككل .... ولكن مافيها باس تفكر تانتا .. هوما عائلة مزيانة
لوؤي : وااش منيتك الواليييييد ؟؟؟؟؟ واش بانتليييك عندي الفيگورة دزواج انا دابا ؟
عدنان : ودابا انا غا قلت ... ومالها ماعندكش ؟؟؟؟ يلااه تجمع راسك ... نتا اصلا خاصك تزوج ... زواج هو لي غيججمعك اما لابقيتي هاكا عمرك دير فحياتك شي حاااجة .. هاهوا جووود بدا يفكر فالاستقرار والخدمة حتى خطب ...
لوؤي : ( بدا يحك فجبهتو كيكبح راسو ) يااااربي تساالي هاد الليلة على خييير يااااربي ...
رتاج : داكشي لييي بقى غااااا يتزوج ليا بوحدة خااطباه
عدنان : وياك كتقيلللي تشكككري فيهم مالك دابا ..
رتاج : اييه ضريفة زويونة ولكن ديال العيشة دبرا ... ولدي انا عارفاه خاصو شي وحدة بلدية بحالو ... لوؤي راه ماشي بحال زياد .. انا عارفاه ماعزيزش عليه تبووووزيق .... ( لوؤي شد على حنكو كيشوف فيهم ) لا لا ... انا مااعجببتنننيش ... وتاهو مغتعجبوش كنعرف ذوقووو .....
عدنان : ( كيحك فوق حاجبو ) صراحة تانا جاني هادشي فشكل .... سيد لي اقترح وحشّم يونس بقى تايقوليه غايكون خير ....
رتاج : وشنو قلتي نتا ليونس
عدنان : انا قتليه مغاايبغيييش راني عارفو .... ولكن نقولها ليه يقدر يكون كيعرفها ....
لوؤي : ( بانفعال ) فيييين كنعرففففها انا فين ؟؟؟؟ شششفتها مرة وحدة فععرس زياااد .. كتتتنقز كثر من الزواااق فين كنعرفها انا ؟؟؟
عدنان : ومنعرف .. انا غااا قلت ...
رتاج : انا دابا نهضر مع اريج ... عطا الله الولاد بانليه غا ولدي .... لا هو لا جود كاااع لا سلطان انا عارفاها ماشي ذوقهم داكشي ....
عدنان : ودابا جبدنا جبدنا هاد الموضوع .. هادي ولا وحدة اخرى .. نتا راه خاصك تجمع راسك .... راه مكاينش لي غيجمعك كثر من المراة هاهوا جود توكل على الله وها طريق بدات تسرح قدامو .... وربي تايجيب التيييسير ... راه غذا غاتصبح عندك تلاثييين عااام ....
رتاج : ( ضورات عدنان لعندها من وجهو ) شووووف نتا غاانهضر معااك نيييشان وقداامو بغيتو ولا كررررهتو ... انا نهار ولدي يوقف على الزواج ويفكر غايدي بنت عمووو اسد .. وسااالييينا .. انا موو وانا لي غاانختاار مرررتووو ....
عدنان : قسااام ؟؟؟؟؟ كبيرة عليه
رتاج : مال اسد والد غا قسم ... كندوي على قدس
عدنان : صصغيرة عليييه
رتاج : بشحااال هاد صغيرة عليه ولاااواه ؟؟؟؟؟؟ يالاه يجيييو هوما هادوووك ...
عدنان : (جاتو ضحكة مخلطة بالفرحة ) قدس ؟؟( شاف فلوؤي ) وتبغي قدس اولدي ؟؟؟؟؟
لوؤي : ( رد راسو لور ) يااااا ربي يطلقوني نمشي نعس يااااربي
عدنان : ( كيضحك ) هاداااااك هو نهار الكببييير مصاااب غا تقبل عليه .... فييين غنلقى بحالها وبحال تربيييتها ....
لوؤي : ( ناض وقف ) الله يعااااون .....
عدنان : ( كيشووف فيه جييهة دروج ) واااجي كونفييرررمي ليااااا .. واش قدس ولا لوووخرااا
لوؤي : ( ضار عندو ) اش غنكونفيرمي الواليد واش انا غنصبح داي قوالب دالسكر !!!! .. منيين خرجتي لينا بهاد زواج ثاني !!!! واش زواج كيتناقش فجووج دلييييل .... ( خلاهم وطلع )
عدنان : ( شاف فرتاج ) واااقدس مزيااانة لييه صرااااحة .... هي لي غتسااليهم ليه مزياااان .... ولدي نجيب ليه بنتي هاداك هو النهار الكبيير
رتاج : ( ضحكات تا نسات فيصل ونسات البكا ) متدييش عليه انا عااارفاااه كااتعجبووو ... مرة اخرى لي خطب فولدك قولهم انا ولدي غير متاااح حااالياااا .. ولا قولهم دااويين فيييه
عدنان : حلفي بالله تاكتعجبو قدس ؟؟؟ ( جاتو الفرحة لبين عينيه )
رتاج : والله تاكتعجبو ملي كانت صغيرة داكشي باش قلت ليك ولدي مغيدي تاشي وحدة اخرى ... مكاينش ما حسن من بنتنا ... كنعرفوها وكنعرفو طينتها ومكاينش ماحسن من وحدة باغيها هو ....
عدنان : وهي باغاه ؟
رتاج : ومنعرف ولكن راها بااااينة تااااني .. كاينة شي وحدة تعيب ليا انا وولدي ؟ فين غاتلقى بحااالووو ...
عدنان : ولكن را البنت باقاا صغيرة ارتاج خاصها تقرا قرااايتنا .. واش نت حمقة اسد يزوج قدس فهاد لاج !
رتاج : ومالي انا قلت ليك غنوضوو نزوجوهم غدا تاهو باااقي صغير ومامزروووباش عليه ... بشوووية علييهم تاتسالي قرايتها
عدنان :واش انا كانقول ليك مكرهتش نزوجو ليوم قبل غدا ..ونتي كاتقولي ليا بشوية. .. هذا راه خاااصو لي يشدووو للارض وانا مالقيتش تاجججهد من غير مراة تبتو لرض ....
رتاج : المراة الوحيدة لي غادي يدي ومكاينش من غيرها هي قدس ... غير بني المستقبل على هاد الاساااااس .... قدس هي قدس ولا انا ماموافقة تا على شي مراة دخل لداااري ......
عدنان : ( شاف لجنب كيفكر فيها ضاحك ) الفنكوووشة دعمهااا .. الفننكوووووشة ديااالي ...
رتاج : ماديااالكش دولدك ... نوض تنعس نووض
عدنان : ( شاف فرتاج ) شششفتيه كيف حححشم ؟؟؟ هههههه .... البرهوووش ...
رتاح : بععد من الوووولللد قالاك برهوش .. راااجل وسيييد رجاال دابا يووريك
عدنان : ياودي بغييينا نشووفووو .. بغيييناااا ... نوضي نوووضي الهضرة مكتساليش ... شفتي غاملي قلتي ليا هاد الخبار ( دارها تحت دراعو غادي بيها لدروج ) تستاااهلي ااااحسن قصااااااارة ..
رتاح : ( سلتات من يديه ) غاااتبعد مني لااااا ؟؟؟ انا صييفطت ووولدي باقي قلبي محروووق عليه نوض نقصررر
عدنان : هو مشاا يقراا انا مااالي ؟؟؟؟ انا مافياااش نعاااس
رتاج : شششش غايسمعنا الوووولد والله تاتسطيييتي ..
عدنان : ( تحنا هزها فيديه ) انا غاانوريي للللمك التسسسسطية ......
رتاج : عدنان .. عدنااان ططلق .. طلق نمشي نطل على انس
عدنان : انس عشيتو نعسسستو وغطيييتوو غامديريش بيه السسسبة ....
رتاج : عدنااااااان ... طططلقني حرااام علييييك .....
عند بيلسان و اياد ....
جالسة على وحدة من طبالي لي كاينين فباحة الاستراحة بعاد على الكافي كانو فجردة على برا ... دم ديال نيفها حبس ولكن دموعها مابغاوش .. غير كتششهق .... تاشافتو جلس حداها من الجهة لوخرا وحط قدامها قرعة دالما صغيرة وهو كيشرب من طاس دالقهوة وهي منخلاه ، حلات الما شربات وبقات غير ساكتة كيتسمع غير تنخصيصها وكتشمر بنيفها ....
اياد : اهاه ( حط الطاس دالقهوة وقاد الجلسة ) شنو المشكل ؟ هم ! واخا هو مكاين حتى شي مشكل غيبرر ليك هادشي لي درتي ..
بيلسان : ( كتشوف لجنب وتمسح دموعها ) ماشي سوقك ...
اياد : انا راه هنا جاالس ... غا هضري لا غاااتهضري .... اش دار ليك جود ... ؟ شنو قاليك ؟؟
بيلسان : راه قلت ليك ماشي سوقك ...
يلاه كيهضر هو يصوني تيليفون وشاف لنمرة لقاها ديونس وجاوبو بعد ماتنهد كيشرب من قهوتو وكيشوف فيها
اياد : هاهيا معايا .... لا راها معايا .. شوية وغنجيو ....( قطع تيليفون وحطو قدامو وكيشوف فيها مدة تابانت ليه حبسات شوية على البكا والريح لي تايسوط نشف ليها دموعها ) عيط ليا الصباح قاليا بغا يديك لشي بلاصة .... وقلت ليه داكوغ .... شنو طرا من بعدها تاوصلتي لهاد الحالة ؟ شنو دار ليك نوووض دااابا نمشي نسلخ مو ....
بيلسان : ( شافت فيه ) وعلاش عيط ليك ؟ علاش كياخد منك الاذن باش يخرج معايا مفهمتش !
اياد : حيت هو كبر ونتي بقيتي برهوشة ..... ( بيلسان كتشوف فيه ) حيت هادشي لي خصو يدار .... داير قيمة لخوتك .. وباغي يخرج بالاذن ماشي بالتخبية .... عكسك نت .... لي مكتسوقي لتاشي واحد فهاد دنيا ....
بيلسان : مزال مفهمتش شنو درت ؟ واش عمري آديت شي حد فيكم باش نستحق منكم هادشي كامل ؟؟
اياد : وهادشي لي كديري شنو هو ؟ شنو هي هاد الاذاية فالقاموس ديالك مفهمتش ؟ خليتي ماماك مشوشة كتصوني مكتجاوبيش تامشا اللون من وجهها .... ماشي كتآديها ؟؟؟ تخليني نشد طريق فنصايص ليل جاي ب ميتين كلمتر فساعة هادي مكتآدينيش !!! شنو كتحاولي ديري ابيلسان ... كيفاش كتفكري ...
بيلسان : ( قربات لطبلة ودموع نزلو تاني ) راه الوحيد لي كيتآدا هنا ا اياد هو انا .... الوحيد لي كضيع حياتو هو انا .. واش حسابتك انا عاجبني هادشي ؟؟ تانا كنشوف راسي داك طريق غالطة ولكن اخويا راه ماعنديش البديل ... ماعنننديش شي حاجة اخرى كتفوج عليا وكتخليني نضحك من غير صحابييي .... الحاجة الوحيدة لي كنحس فيها اني بيلسااان فرحااانة وضاااحكة ومكاينش الهموووم
اياد : علاش حنا شنو كنديرو ليك ؟؟؟؟؟ واش نتي شوية لاباس ؟؟؟ واش هازين فوقك الحجر .... راه نتي لي مكتشوفيش سعادتك معانا وكتشوفيها مع صحابك اش غانديرووو ليك .. نتي لي معارفاش السعادة الحقيقية شنو هي ... سيري جلسي شوية مع واحد ماعندو عائلة ومعندو لا باه لا مو .. سوليه كيف كيحس ملي كيدخل لدار وكيلقى راسو بووحدو .... نتي عرفتي شنو ممخليكش تحسي بالسعادة ؟؟؟؟ ( علات عينيها فيه ) حيت شبعانة كولشي .. حيت الواليدين عطاوك كولشي تا خلاوك مامحتااجة تاشي حاجة اخرى ومايكون عندك لا طموح لا حتى حاجة باغا توصلي ليها حيت كولشي بنسبة ليك درتيه .....
بيلسان : هادشي راني عارفاه ا اياد .. وهادشي لي كنهرب باش منفكرش فييييه .... انا عارفة راسي عايشة غا هاكاك وماعندي تاهدف فحياتي ( كتمسح دموعها وهوما باااقين تاينزلو بغزارة ) ... حيت دبصح ماعنديش .. منين بغيت واحد نهار ندير هدف درت جود .... ووصلت ليه ... ولا نقول باقا كنحاول نوصل ليه .... الحاجة الوحيدة لي عندي
اياد : واش بعقلك ولا مسطية .. كاين شي واحد كيدير بنادم هدف ؟؟؟؟؟
بيلسان : حيييت حياتي خاوية ا اياد ... خاااااوية ... ماعندي فيها تاحاجة سبيسيال كولشي مليتو كولشي خديتو كولشي دقتو ..... الحاجة الوحيدة لي مخديتهاش كيف بغيتها هي جود .... داكشي باش حياتي كلها متعلقة بيه .....
اياد : ( ضور ليها راسها لعندو كيشوف فيها بجدية ) بيلسان ... الى دايرة جود هدف توصلي ليه .. عطي للسيد تييساع .... عطيه تييساع .....
بيلسان : ماشي بهاد طريقة لي فكرتي فيها ....
اياد : لي تنبغيوه مكنقولوش عليه هدف
بيلسان : بالعكس .. هدااك هو الهدف .. الا مكنتش غنقولها على هاداك لي كنبغيه باش نكون معاه اش من حب هدا
اياد : وصراحة نيييت .. اشمن حب هدا ....
بيلسان : ( شافت لجنب شحال وبدات تمسح دموعها ) ضاربنا قبيلة ....
اياد : راها باينة ...
بيلسان : قال بلي بغا يبدل حياتو .. وباغي يبدل معاه ديالي ...
اياد : اهاه !
بيلسان : داني لواحد الكاراج صغير .. ديالو ... قال بلي .. تما غتكون خدمتو .. ميكانيك وداكشي ديال تصميم ولا منعرف ... داكشي زوين انا مقلتش ... بصحتو الله يوفقو ... ولكن ميعلقش ليا حياتي انا باحلامو ..... تخيل قاليا بلي ملي نتزوجو باغي يعيشني غير من داك الكاراج .... واااذفاك !!
اياد : اهاه وشنو قلتي ليه نتي ؟
بيلسان : قلت ليه لا .... باراكا غاحياتي كحلة بحال هاكا فين نزيد ثاني واحد يخربقها ... الحاجة الوحيدة لي زوينة عندي بعدا هي انني ملي كنبغي شي حاجة كنلقاها قدامي .. تخيل نتا انا غنتزوج بجود .. ونعيشو بكاراج .. انا ... بيلسان الاسماعيلي ... تخيل !
اياد : اولا هاد انااا بيلسان الاسماعيلي ، ماعنديش مع هاد the way of taking " طريقة الكلام " .... ثانيا انا مزال مافهمت والو ...
بيلسان : ( تقادات فالجلسة ) قلت ليك داني لكارااج .. قالك هاداك غيبدا منو مستقبلو ... خدمتو وداكشي .. ياك هو كيصنع طموبيلات .... وكيهيكلهم ويصممهم ويصنعهم ولا منعرف ... فهاداك الكاراج فين غيبداو يتصاوبو ويبيعهم .... وقالك بلي مابغاش يصرف من فلوس باه وداكشي لاخر هو باغي حياة اخرى يبداها من زيرو بداكشي ... اياد فهمني تاني انا مولفة واحد العيشة فشكل .. متكونوش كتبغيو بنادم لي ينافقكم انا راه مكنعرفش نزوق ... كيفاش غتكون هاد الحياة الجديدة لي غنعيشو كنتسناوه يصنع طموبيل يبيعها باش نلقاو فلوس ؟؟؟؟ ( اياد كيحك فراسو محني كيضورو ) الصحافة ملي غتبغي تهضر عليه وعلى خدمتو تصور داك الكارااج ؟ اويلي بحالا ماعندوش ؟.. وهو ولد اكبر ملياردير فلافريييك ؟ باغي الفقر بزز ؟؟؟؟؟ كووووومان ! انا مقلتش هادشي .. لابغا هو هاكا انا مايحرمنيش من شنو باغا انا ... الى بغانا نتزوجو ونديرو حياتنا بجوج خاص يكون شوية دالتنازل يشاورني فهادشي حيت هادي حياتنا بجوج وكنقررو فيها بجوج
اياد : ( شاف فيها ) هادشي قلتيه ليه آلبغلة !
بيلسان : ماشي بهاد طريقة ولكن حاولت نوصل ليه فكرتي .... هو بدا تايعاير فيا احقا مباغااش نقرا مباغاااش ندير مااستر .. اسيييدي انا مابغاااش نقراااا وحيااتي حرة فيها وانا مباااغاش نفرق فلوسي على فلوس بابا علاش غيحيد ليا فلوس بابا .. واش انا غنعيش بكاراج ا اياد ؟ كاارااااج !!!! .... واش نلوح فلوس ونمشي نعيش معاه باش زعما نتسمى زوجة مطيعة .. حيد عليا النفاق ماعنديش معااااه .. اه كنبغييك وكنموت عليك ولكن مااتدلنيييش ...
اياد : واش نت مررررريييضة فرااااسك ... ولا مالك ؟؟؟؟؟ واش كيوكلووك شي حاجة من غير الخبز ؟
بيلسان : اياد .. انا عارفاكم كلكم أفكارهم ماشي بحال ديالي والكلام لي مامزووقش مايعجبكمش حيت عزيييز عليكم لي يلعب عليكم داك دور دالعفة و التضحية و مانعرف شنو ... وافقني ولا متوافقنيش هدا هو الرأي ديالي ....
اياد : دابا نفهم .... انه البلاصة لي داك ليها ... هي الكاراج ديالو .. مشروعو يعني .... !
بيلسان : اه
اياد : ونتي قلتي لييه انا مغنعيشش بهادشي
بيلسان : ماشي هاكا .... ولكن وصلتها ليه بطريقتي
اياد : لا راه كنعرف هاد طريقتك .... واخا .... دابا نتي شنو باغا هم ؟؟؟؟ شنو معاجبكش ؟
بيلسان : معجبنيش علاش نعيشو هاكا وهو باباه لاباس عليه
اياد : دابا نتي باغا تزوجي واحد كيصرف عليه باباه ؟
بيلسان : راه مدايراش بحال هاكا هو كيتخلص على الاوسمة ديالو والاسهم ديالو فشركة باباه .... يعني عندو فلووسوو
اياد : فلوس باباه ابيلسان .. باباه
بيلسان : وعلاش نتا مكتصرفش من فلوس بابا ؟؟؟؟؟
اياد : خدام فيهم انا ... انا كنفيق قبل من باباك كنكون فالشركة .. انا باباك ملي كيعيا ويجي لدار يرتاح كنبقى شاد الخدمة تالجوج دليل انا وزياد .. حنا خدامين فيها ... هو ماخدامش .. واش غير نتي بلا طموح بغيتيه يبقى تاهو بلا طموح .. يبقى يصرف عليه باه ونتي وياه تعطيوها للخروج والسهرات ... هدا هو رجل احلامك !
بيلسان : وعلاش نهزوها منين تقالت الحياة ساهلة ونتوما كتبغيو تصعبوها فلوس كاااينة علاش كيهز همها ! .. علاش واليدينا دارو هادشي كامل باش حنا نرتاحو ونعيشو حياتنا ....
اياد : ( كيرمش فيها ) شنو هو زواج بنسة ليك ابيلسان ؟ همم ! واش الخروج والسهرات غيبقاو ديما ومغيجيش واحد نهار ... تولدو فيه ولاد .. دوك الولاد مخاصهمش لي يضمن مستقبلهم ؟
بيلسان : ففففف لمن كنشكي ونتا وياااه نفس الهضرة ..... ( شافت فيه ) اسيدي لاجاو هاد الولاد فلوس جدهم قادرة ضمن مستقبلهم ومستقبل ولادهم
اياد : اياااااه !!! ... الفلوس كايلوحها ليه البحر .... راه لاوقفات الخدمة غاشهر ولا وقعات ليه شي حاجة جاب مااايفكو .. نخويو كونطاتنا كاملين ومنخلصوش الخدااامة وشيكات .... ولكن كون بغيتي تديها فقراااايتك غتعرفي شنو هو عالم البزنس والخطورة لي فيه ورجال البزنس ماخصش يديهم النعاس .... دقيقة لانعستيها طالعة عليك .. وغتعرفي شنو هو الثروة لي كاتطلللع .... تقدر تنزززل .. وكيف ماطلع فليش كيهبط لاخور ..... والدنيا كلها ازمات ، عمك اسد الله يحفظو لاوقعات ليه شي حاااجة وحبساات الخدمة عندك شهر واحد ومغتلقاي متاكلي حيث هادشي كامل لي كتشوفي غاتبيعيه كوولو باش تقدري تخلصي الشيكات وحقوق دالخدامة لي تعياي تحسبي فيهم مكيساليوش .. فلوس كيما كاتدخل لي كونط كتخرج فالثااانية ديالها .... كايتخلص 2600 خدام فالسااااعة الووحدة طووول العام ... كل دقيقة كدوز كايدوز سالير ل 2600 خدام تاكايضور الشهر ... كايكون كولشي تخلص .... تحبسي سااااعة .... النقااابة تنوض ليك قربالة حيت ماتخلصوش .... ... وفكل دقيقة كاايدخل 200 شيك غير لشركة وحدة خصو يتخلص ..... كون ديتيها فقراااايتك غتعرفي الخطر لي عاايشين فيه وعتعرفي عمك علاش دار بروتوووكول .....
بيلسان : هانتا قلتيها كاين بروتوكول .... غيحمينا من الازمات
اياد : غايحمينا حنا ماشي ولادنا .. وبنادم ملي كيفكر يتزوج اول حاجة كيفكر فيها هي يديرو مستقبل لولادو ...حيت غيجيبوهم لهاد دنيا خاصو يقد بيهم ..... لا كان تفكيرك سطحي راه المشكل فيك اختي .... بالعكس انا معاااااه .. مكنشوفوش دار شي حاجة غالطة
بيلسان : حييد عليا هاد الهضرة الحسابات لي كلكم كاتهضرو غا بيها انا مكنفهمش فيها ..... ولكن واش منيتك ا اياد واش تقبل على ختك تعيش فالفقر ؟؟؟؟؟؟
اياد : ( بانفاعل ) تتتي ااششمن فقر داوية عليه دابا نووض نلصقك مع شي حيط تاني .. اششمن فقر واش عندك شي عقل كتفكري بيه ولا مثقل عليك ؟؟؟؟؟
بيلسان : كون شفتي الكاراج قداش كون فهمتي .. هاداك راه ستوووديو .. واش عارف ان باش يوجد طموبيل غيخصو على الاقل عاااامين ولا تلت سنين ... بشحال غاايبببيعها كاع هو قالك مغيديرش شركة تصميم السياااراات .. باغي يخرج غير بالوحدة ... وكتقوليا ماشي الفقر ؟؟؟؟؟
اياد : ( هبط راسو كيضورو ورجع شاف فيها ) والله اختي وتكوني قلتي ليه بحال هاكا تايكون واقلة باقي لدابا كيضحك عليك ..... ( بيلسان كتشوف فيه ) تي كيفاش غيبيع طموبيل ... على هو كيبيع طموبيلات ؟؟؟؟؟ تي شمن بيع داوية عليه ؟ واش قارية فالزحام ؟؟؟ الصبورة لي كانو كايقريوك فيها كان ضارب فيها الشعا ؟؟؟؟؟
بياسان : اياد .. متسطينيش .. ملي غيصنع طموبيل اش غيدير بيها يتفرج فيها ؟؟؟؟ را غاببيعها
ايا د: ( شاف لجنب شحال وضحك ورجع شاف فيها ) شتي علاش كنقولو ليك ديها فقراايتك راه مجال عائلتك كولوو بيزنس خاصك تولي تفهميييه باش نعرفو ندويو معاك .... ( قاد جلستو معاها وتنهد ) حلي معايا وذنيك شوية حلييييهم .... ماضحكيش فينا عباد الله .....
بيلسان : اش كتخربق دابا
اياد : جود .... مكيصنعش طموبيلات .. جود .. كااايصمم طموبيلات
بيلسان : وشنو الفرق ؟
اياد : ماماك شنو خدمتها ؟ هم !!
بيلسان : مصممة
اياد : خياطة يعني !
بيلسان : لا .. مصممة ...
اياد : هاااكداك .... يعني دابا بحالا مشات شي وحدة عند ماماك قاتليها نتي خياطة ... وهي مصممة ....
بيلسان : ( كتشوف فيه بجدية ) مافهمتش !
اياد : مصممة هي تصمم موديل .. والخياطة .. هي تهز داك الموديل وتخيط عليه وتبيعو ..... جود مصمم ديال الطموبيلات ... كيصمم وحدة ... كيبيع المشروع ... لماركات ديال تصنيييع دالطموبيلات .... لفين غيتصنعو .... المشروع ملي كيتباع .. كيتباع على الاقل ... وندير بحساب انه باقي هااااوي .. غيتباع بجوج دالملاير ديال الدرهم عملة مغربية .... ( بيلسان كترمش ليه ) وعندو 20٪ دالرباح فكل طمووبيل تباااااعت .... يعني الشركة لا صنعات من داك التصميم الف طموبيل ... وهو فداك الالف كل وحدة كياخد عليها عشرين فالمية ... والا نجح التصميم الشركة كتعاود تصنع منو ..... ومكيجي فين يديمودا تايكون هو صمم واحد اخر .... ومتيخدمش غير مع ماركة وحدة .... قادر يخدم مع ربعة دالماركات كحد اقصى .... كل ماركة كتخرج على الاقل فالنهار كتر من الف وخمسمية طموببيييل دوليا فكاع فروعها .... كل طموبيل الحد الادنى ديالها غتكون داايرة تسعين مليون .... عندو فيها 18 مليون فالطموبيل الوحدة ... والحد الادنى هو 50 طموبيل كتباع فالنهار فالدولة لي بايع ليها المشروع او الفرع لي خدام معاه .... يعني 270 مليون غااادخلو يوميا غير من شركة وحدة ..وبلاا منحسبو شحال من وحدة عاقد معاها .. ( بيلسان وسعااات عينيها ) وهادشي ماايدخلوووش حتى باباك فدوك 15 اوطيل كلهم ... هدا لي كتهضري عليه غاايعيشك فالفقرر .... قادر يدخل 8 دالملاير فالشهر غير من شركة وحدة ... وهادشي قااادر يضمن حياتك وحياة ولادك وولاد ولادك ..... الى كان ختار كاراج صغير ... حيت بلاصة يقدر يهيكل فيها على خاااطرو ....
بيلسان : و . ولكن ...ولكن انا راه معارفاش هادشي .. انا حسابتني كيقاد طموبيل وكيبيعها !!!!!
اياد : واش هو تيقاد زربية ؟ ايه نمشيو على عقليتك هاهو قاد طموبيل وبغا يبيعها ... اشمن سمية غيعطيها لمن تابعة ؟
بيلسان: سميتو .. ظنيتو غيدير لوغو ديالو واسم ماركة ديالو .....
اياد : واش اجي ودير لوغووو واش نتي مسطية .. واش لهاد درجة مكنتيش كتردي البال لدروسك ؟ لوغو خاصو شركة تصنيييييع .... جود مصمم ماشي مُصنّع ... شركات لي كتشوفي ديال طموبيلات راهم ماشي هوما لي مصممين داكشي راه عندهم المصممين ديالهم ..... وهو واحد منهم ..... مزال مفهمتش اشمن فقر كتدوي عليه وعلاش استهنتي بخدمتو واش عارفة شنو هي الهيكلة والتصميم ديال طموبيل ؟ راه خاصك تكوني مفتخرة بهاد الموهبة لي عندو ..... راه اصعب حاااااجة نقدري ديريها وتفهمي فيها هي هادي .... خاص يكون عقلت روبوووت .... وهو هادي هوايتو وتايموووت عليها وتايفهم فيها مزيان وكايتقنها ..... ملي شاف الرالي غيجيب ليه غير الخطر دار عقلو وبغا يستقر .. كيشوف الحياة بجدية ماشي كيف كتشوفيها نتي .... غلطك نتي ابيلسان هو كتشوفي الامور غير من الزاوية ديالك ... سسسسطحية ابنتي سطحية .... الفقر قاااليك ( شير بيديه ) برررربي تانوض نعووووجك على هاد الكلاااخ ..... انا منك غانغبر كمارتي والله مانشوف فيه ..... كون غامكنقريوكش المناجمنت نقولو سيدة ماعارفاش. .
بيلسان : ( كترمش بعينيها كتستوعب هادشي لي سمعاتو ) اياد انا معارفاش هادشي .. وماافهمنيييش مزيااان بااااش غنعرف ياااااه ؟؟؟؟؟ مكنتش عاااارفة ....
اياد : الوقت لي شديتي فيه هاد طريق ماشية ليا لحفلة ديال زوامل كنتي تعيطي ليه يفهمك ..... تقادي حياتك لي هي اهم من كولشي ..... بيلسان ( شد يديها ) راك كضيعي حياتك .. الحياة عطاتك جود الراجل لي كنتي باغاه وشدددي فيه ... قادي حياااتك معاه .. هو باغي الاستقرار فكري فيه تا نت ..... انا ضد علاقتكم بجوج غير على ود هادشي .. ماشي ضدو هو ... وماشي ضدك نت ... ولكن حيت عارفكم نتوما بجوج صعيب تفااهمو وهادشي علاش بحيّت معاكم .... اما دابا لي درتوه درتوه ..... غا ديري ععععقلك وقادي راسك مع الطريق ... راه هادشي لي درتي كيديروه المراهقات د 15 عام .....
بيلسان : ( ناضت كتمشي وتجي كتسوط ) معاارفاااش ا ايااااد ....ولللكن واخا هاكا هو جالس كااايتهزئ بيا وعصبنننني جالس عليا قراي ماتقراااااي ماشي سوقو فيا ....
اياد : حيت شااااف مك مكككخلة ... .راسك خاوي .. مية فالمية هضر ليك على القراية حيت رديتيه غيبيع طموبيل وحدة فالعام عرفك مطنگة ... لاح ليك الهضرة الحمارة ... يالاه ديري فيك النفس ... تقابلي قرايتك ...
بيلسان بدات كتحاول تفكر هضرتهم قبييلة وكتغزز فشفايفها فلخر مشات جلسات حداه كتشوف فيه
بيلسان : والله ا اياااد مكنت فاهمة الاومور هاكا ....
اياد : واخا .... نقولو بصصصح الالة غااايعيشك فالفقر .... واهو داك كيوريك مشروووعو ... واقلة خوتو مزال ماداهمش ... كبر بيك ونتي قلتي ليه غتعيشني فالفقر وغياجيتي بحال هاكا !!!!! ماشي حشووومة ..... تبغي نتي لي يطيح ليك بخدمتك ولا احلامك .. نتي بقى فيك حال لي استهزئ بقرايتك وهو مايبقاش فيه لحال لي ططحنتي ليه الخاااطر .... كتفكري غا فراسك ؟
بيلسان : ( دارت راسها بين يديها مدة غير كتسوط وهو رجع لور كيشرب قهوتو ورجعات هزات راسها فيه ) ياكما نكون جرحتو ولا شي حاجة ؟؟؟؟ ( كاتفكر ) فااااااك ( ناضت وقفات كترد شعرها لور ) اياااااد نتا عارفيني منقدرش نجرح شي واحد خرجت الهضرة بلا منحس تفووووووو .. علم الله اش غيقول فدماغو عليا داباااا
اياد : ( تنهد وقف ) نوضي نرجعو .... نتي راه عمرك غاديري عقلك ....
بيلسان : والله ا اياااااااد تاتعصبت حيت حسابتني الامور بحال كيف فكرت وانا راه مغنقولش بحال هاكاك .... تفوووو .. دابا خررربقتي ليا كووولشي .. واهو ماافهمنيش مالو على هاد الغرور كاااامل ... بنت ليه ماعرفتش يييفههمني يااااه !!!
اياد : نتي لي غاالطة ونتي لي منفخة رييشك من لفوق .... تفكير ديال القحااااب انووض نمشي لحفلة ننسى .. اش غتنساي ؟؟ غتنساي التبرهيش لي درتي ....ولا الكلاااااخ ولا شنو ( شد ليها كتافها كيشوف فيها ) سمعي ليا .... جود ... باغي يستقر ... جووود ماابقاش عندو مع التحننقييز .. جود باغي يدير عائلة وولاد ومستقبل وحياة جديدة .... باغي حياااة حقيقية ماشي الوهم لي باغاه نتي .. نتي باغا راجل يشبع معاك دوران بحال الكانيش ديالك هو ماشي هاكاك ... هو راجل تقليدي .. تفكيرو تقليدي ..... الى بغاك غييعطيك كووولشي .. وغايدير على قبلك كوولشي .... الى كنتي كتشوفي راسك مغتقدريش على واحد بحالو .... حححبسي هادشي قبل مايتعلم البروتوووكول ومريضنا ماعندو باس .... الا كتشوفي راسك باغاه كيفما هو وغتشدي معاه الطريق وهذاا هو لي حسن ليك حيت طريق لي باغا نتي غتوصلك غير لهاد دمايات لي فنيفك وانا عمرني غا نخلييك تعيشيييها من غير لا مت ... حيت ماحدي حي ..... مستحييل نخليك تخرجي طريق .... تشدي طرييييق اختي هوووو هااداك ... مغتشديهااش .... طلققي هاد الولد بعدا يقلب على راسو وعلى لي تستاهلو .... وسيري قلبي نتي علي شي كانيش يضووور بيك فالحفلاااات ويصصصفق ليييك على تبرهييشك ...... ( قاد وقفتو ) يلاااه ....
خلاها وناض مشا لطموبيل وهي بقات شحال واقفة غير فبلاصتها على نفس وضعيتها تاسمعات كلاكصونو ومشات ركبات ..... غير ركبات حطات راسها على الزاج ساااهية وهو زاااااد ....
مدة غير فالسكات تاسمعها .......
بيلسان : بغيتو ...... بغيت نبقى معاه .. ( اياد غير كيتنهد صايك تاتعلات وشافت فيه ) كنقلب على فين نلقى بيلسان ا اياد .... نلقاها معاه ؟
اياد غير تنهد وكمل الصوكان وهي رجعات شافت للجنب .....
طريق كلها وهي تفكير ، مرة تبكي مرة تعض على شفايفها مرة تجنن وهو غير كايشوف معاها .... ماحساتش تالقات راسها فكازا وصلو للدار ....كانت الربعة ديال صباح غير باركا اياد وهو يشوف يونس واريج خارجين ويونس جاي معصب هو يشوف عندها كيفاش تخطفات
اياد : ودابا غانزلي نززلي .... كتخااافي زعما ...
نزل اياد ويونس كيشوف غير لعندها وهي نزلات بشوية واياد شدو من صدرو مبعدو عليها هي لي عاد نازلة ......
اياد : دابا غاا خليها .. ماشي تادارت عشرين عام عاد غتررربي ...دابا غااادخل تنعس ( ضار براسو عندها باشاارة تمشي دغيا )
يونس : ( دفع اياد ماشي باتجاهها وهي دخلات هربانة كتجري وماماها متبعاها معصبة ومخلوعة ) اااااااجي لهناااااااا ..( شاف فاياد ) فييييييين كانت ؟؟؟؟؟ ....( ضار تاني للباب منين دخلات ) وااااش باغااا نقققتللك عاااد تهنااااااي
اياد : تالصباح وهضر ....دوزو تنعسو دااباا ...
اريج : مالها هاكداك عامرة دمايات شنو واقع عليها ؟؟؟؟؟؟؟؟ ضربتيها ؟؟؟؟؟ ياك كانقوليك مااتقيسهاش راها بوااليديها جججمع يديك عليها ....
مجاوبهاش ودخل ويونس متبعهم بعينو مغغغزززف عليييهم واريج كتشوف ......
الصباح الموالي ...
فيلا أريج ويونس ..
غرفة بيلسان ...
كانت جالسة على الكرسي قدام مرايتها لابسة غير ديباردور دونتيل و شورط ديالو ديال نعاس كحلين .... شعرها جامعاه لفوق واضح وجهها يلاه داز من سكين كير ... ولكن صبح منفوخ وحناكها حمريييين واثار الصبعين تايبانو ... كتشوف فيهم وكتنهد ..
علات عينيها لساعة كانت ثمنية ونص .... ورجعات شافت لمرايا عينيها زرقييين حتى من تحت بسبب انها باقا مناعساش ... الليلة كاملة وهي تحت دوش كتبكي ....وحتى فاش صبح الحال تكمشات على الكرسي فالبالكون غير كتفكر فهضرتو لبارح ..... كتعاود الفلاش مع راسها وملامحها كيحزنو خايفة تكون بصح جرحاتو بلا متحس !! وشي لي كيزيد يخلي قلبها يضرها هو فاش قاليها انه موضوع القرايا معنى عليها حيت مكتعرفش .. حسات بالاحراااج وحسات براسها صغييرة قدامو ! ....
قربات راسها لمرايا وكدوز يديها على طبايع لي فوجهها وكتنهد تاسمعات الباب كدق ... شافت لجنب وهي تتحل وطلات اريج لي كانت بلباس السبوغ .. شافتها وحزنو ملامحها ودخلات وسدات موراها لباب وبيلسان وقفات كتشوف فالارض ..
اريج : بيلي .. فقتي؟ ... ( كتقرب عندها وهزات ليها وجهها لعندها ) شوفي فيا ..... فففففففف على حاااالة لگررررض ياولي الگرررررض ان شاء الله
بيلسان : ( بانو عينيها لي لامعين بدموع ليحابساهم وقالت بصوت مبحوح ) مكنتش باغا نخلعكم البارح .. غ ... غير .. كنت معصبة شوية وبغيت نفوج .... واخا مكانت تاشي حاجة غتقدر تفوج عليا ( نزلات دمعتها وهي مسحاتها ليها ) سمحي ليا ....
اريج غير كتشوف فيها وتنهدات وقرباتها عندها عنقااااتها وبيلسان بدات كتبكي فصدرها ..
اريج : ششش .. صافي .. هادي دازت ... واخا حنا دوزنا ليك بزاف ... وهاحنا صابرين كنتسناوك امتى ديري عقلك ...
بيلسان : ( مخشية فصدرها ) ماباغاش ندير عقلي اماما ... مابااغااااش ... غير بلا ماتسناوني .. بغيت نبقى هاكا .. بيلسان الطايشة لي كدير غير المشاكيل وتاكل عليهم العصا ..على الاقل كاينة شي حاجة فحياتي .... حيت الى درت عقلي ... مية فالمية غنتلاح من داك البالكون ونتوما تهناو ...
اريج : ( جابتها قدامها ) اش هاد الهضرة دابا ؟ بنتي .. راك نتي لي باغا تبعدي علينا حنا كنقربو ونتي كتبعدي .... ملي كنتي صغيرة كنتي كتقيلي ترغبي فينا تجي تعيشي فالمغرب ... شحال غوتنا وسلخنا وضربنا قلتي بغيتي تعيشي مع عمك اسد حيت ماعندكش خواتات وكتملي بوحدك وبغيتي تجي عند قدس وقسم ... درنا ليك خاااطرك وصيفطناك لعند اسد ... وليت كنخلي الخدمة وسكنت فالطياير باش نجي نشوفك ..وحتى فالعطلة فاش كنقوليك رجعي مكتبغيش .... وياك حنا لي كنا كنجيو عندك .... كبرتي شوية هربتي لينا تاني لامريكا ... لا انا نعيييش مع جدي ..... راك نتي لي كتبعدي علينا ونتي عارفة شحال كنديرو ليك الخاطر ومكنبغيوش نبكيوك ... راه عندي غير بنت وحدة ( كدوز يديها على وجهها ) بيلساااان وحدة .. وردة وحدة لي كنكساب فداك الدار .. خوتك ملي كانو كيضربوك وكيغوتو عليك ... هوما مكانوش كيكرهوك .. هوما كيخافو عليك كثر من رااااسك ابنتي ... ( تبسمات والحزن فعينيها ) ملي كنتي صغيرة كانو كيجيو حدا الكونة ديالك يوقفو حاضيييينك واش كتنفسي مزيان .... ( بيلسان منزلة راسها ودموع كينزلو) كنت نتي هي الحاجة لي دخلات الفرحة لدار حيت هوما غير جوج ولاد وجاتهم ختهم فنيكيشة عينيها زرررقين .... ( بيلسان كتشهق وتبكي ) ملي كنت كتمرضي مكانوش كينعسو ... واخا كانو صغار كانو كيسهرو عند راسك ولاغدا كا يديرو راسهم تاهوما مراض باش ميمشيوش لمدرسة ويبقاو معاك ..... تعقلي ملي كنتي تجي عندهم ديما كتشكاي من البنات لي كيقراو معاك والولاد ويمشيو ديما يضااربو على قبلك وياكلو سلخة منعند يونس .... راه مكاينش لي غيبغيك فهاد دنيا كثر من خوتك ونت مبعدة عليهم ... ومبعدة علينا حنا .... شفتي بعينيك يونس كيفاش كيعامل خوتك ومكيحنش فيهم ... شفتيهم الى واحد فيهم عيا ومامشاش لخدمة وصبح ناعس كاااايبهدلو .. وكيجي تالعندك وكيولي كايدير الخاااطر بزز عليه .. كيخاف عليك يبكيك ... كيخاف يقلقك .... كيشوف منك شحال من حاجة وكيدوز ليك .... علاش ابنتي هربانة منا .. علاش مكتجلسيش معانا نهضرو .. تقولي شنو فقلبك .... راه نتي لي باغا تخوي حيااااتك ..... نتي لي مكتشوفيش شنو فيديك .. كتشوفي غا شنو على برا ....
بيلسان : ( كتمسح دموعها ) انا مابعيداش .. انا كنحس براسي فمحيط مكيفهمننيييش ... قرايتي حتى هي بابا وخوتي مموافقينش عليها وقراوني هوما اش بغاو .... حياتي متحكم فيها البرتوكول لدرجة مكنلبس تاعلى خاااطري ....انا اماما كنعيش وسط صحاب مدايرينش بحال هااكا وديما كنحس براسي ديفرنت ... ملي جيت للمغرب انا كنت كنقلب على شوية دالحرية من اياد وزياد ... اه كيخافو عليا ولكن كيخخنقوووني .. انا كنت كنقلب على شي واحد يكون بحاااالي .. يفهمني ....
اريج : ابنتي ... ابنتي الله يرضي عليك راه افكارك كون كانو كيخرجو كون فهمناهم ومشينا معاك فيهم ... واش نتي كاتشكاي من الحرية لي ماعندكش وباغا تكوني مودل ؟؟؟؟ .... انا هدا مجالي موافقتش عليه حيت عارفة شنو هي المعنى ديال تكوني مودل .... كتكوني مبيوووعة ابنتي جسدك ماشي ديااالك ... نت غير البروتوكول خانقك فما بالك تبيعي راسك لشي شركة ... دير فيك مابغات .. ملي تقولك ضحكي كضحكي وملي تقولك بكي كتبكي .. ضعافي وغلاضي غير كيف هوما بغاو .. تمشي فين هوما بغاااااو ... نتي كتشوفي الامور من فوق حنا كنشوفوها من كاع الزوااايا ... عرفتي شنو هي مووودل ... هي تحرمك حتى من انك تكوووني ام .... تولدي .... تحملي .... ضيع فوورمتك .. وحتى لاطحتي فشي شركة تسمح ليك تولدي .. را ممنوع ترررضعي .... حنا مبغيناش ليك هاد الحياة .... قراوك المناجمت حيت هو مجال عائلتك ... باش نهار ديري مشروعك تعرفي كيفاش تسيرريييه ... وحتى لامبغيتيش تخدمي مابزز عليك تاحد .. غير هاد مووودل حيديها من راسك .... راه ماشي مكنفهموش افكارك ولكن كنشوفوهم مامخرجينش .. وحيت كنت كتقلبي على واحد بحالك جيتي للمغرب ولقيتي جود كان طايش كتر منك .... وراك شفتي هاديك العلاقة فين خرجاتك وهذا درس كان خااصك عمرك تنسايه ويدير ليك العقل .. .( شدات ليها وجهها ) هاد العائلة لي نتي هربانة منها مكاااينش فهاد دنيااااا كلها ( نزلات دمعتها ) لي غااايبغيك ويخاف عليك بحاااالنا .. بحال ماماك وبحال باباك وبحال خوووتك .... اما نتي كتقلبي ليا على النزوات تلقاي فيهم السعادة .. مدايماش هاديك السعادة ابنتي كتساااالي .... اما السعادة لي كاينة فداركم وفصدر واليديك وخوتك عمرهااا غااااتسالي ..... شكون هدا فهاد دنيا لي غيجي يفكر فيك و فاشمن مدينة كتعجبك ويقطع فيها طيارة ويطلب يجمعو ليك حوايجك باش يديك دوزي على الاقل نهار زوين قبل متسافري ..... من غير خوك !!!!!
بيلسان : راك عارفاني حتى انا شحال كنمووت عليكم وعلى خوتي ولكن اماما راه بعد المرات كنحس براسي كنتتتخنننق .... كنبغي شي حاجة سبييسيال فحياتي مكنلقاهاش
اريج : حيت نتي ماباغاش تشوفيها .. الحوايج لي سبيسيال نت مكتسوقيش ليهم .. على خوتك ووبنات ولاد عمامك شنو عندهم هوما ماعندكش نتي ؟ مالهم مادارو هاد الحالة بحالك ... ياك كنتي ميتة على جود ؟ .. هانتي تخطبتي ليه بززوعلى والدينا كاااملين واخا ككنشوفوكم بعاد فالعقليات واافقنا غير باش تكوني فرحانة وتسالي شوية من قلة عقلك وطيشك ... مبغيتيش تقراي الماستر تاحد مابزز عليييك قلنا ليك خودي اجااازة واجي تنعسي الالة مااااعليش .. عمك باغي يحطك فوق راسو ولامار كتشوفيها شحال فرحانة بيك .. شنو باغا ابنتي مزال ؟ شنو ؟ نحيدوو القمر من السما ونجييوه ليك .... شنو نديرو ليك ابيلساااان
بيلسان غير منزلة راسها كتبكي وهي ترجع تعنقها وتادموعها نزلووو وكتمسح على راسها
اريج : صافي .. صافي احبيبتي وصافي ... الالة سمحنا ليك وغانساو اش طرا البارح وخوك غنتفاهم معاه لي ضربك .... صاااافي سكتي شوية .. وزيدي نعسي ترتاحي مزال الحال .....
بيلسان حركات ليها راسها بواخا وعلات راسها واريج بدات كدوز يديها على وجهها
اريج : غير بلااتي علييييه .. غير بلااتي ( باستها فحنكها ) نعسي احبيبتي ورتاحي .... تاتفيقي والله تااانبرد ليك فيه جنووونك ... المسعور لاخور ... غابلاتي عليه ..
بيلسان تسلتات منها ومشات لناموسيتها تكمشات واريج غطاتها وباست على راسها ومشات لباب وهي تسمعها
بيلسان : مااااما ( ضارت عندها وبيلسان كتشوف فيها ) اي لافيو موم .. اي لافيو سوو ماتش ..
يتبع...
التعليقات
لا توجد تعليقات بعد، كن أول من يعلق.