محتوى القصة
كانو عينيها على وسيم لي يالاه خرج من البحر بشورط بيض دالسيور وشعرو كيقطر عليه رادو لور وصدرو المطراسي لي يلاه كينبتو فيه بعض الشعيرات .... اما فيصل كان جالس غير حداها مدخلش يعوم بمرة مبغاش يخليها بوحدها كل مرة كيحاول يحيد ليها توترها ، وهي عينيها غير على وسيم حتى فوسط البحر مراقباه ...... خرج وتلاح فوق الرولاكس ووحدة من دوك البنات مدات ليه فوطة ..... اية غير كترمش بعينيها وتحاول تشغل راسها بشي حاجة اخرى باش متلفتش الانظار واخا كولشي كيهضر عليها واغلب البنات تما ملي عرفوها اخت سلطان بغاو يتقربو منها ولكن فيصل كان حداها بحال الحصن المنيع مامخلي حد يهضر معاها ....
بدات كتشغل بالكوكتيل ديالها ولكن لي فيها مامهنيها قلبات عينيها ليه كان جالس وسطهم ومقابل معاها و كيبان منسجم معاهم تماما بحالا الى لقا بلاصتو ، بحالا عائلتو كاع ! .... كيضحك و فرحان ... و غير ضحكتو كافية باش تفرحها حتى هي و تخليها تبتسم و تحاول تنسجم ....
أما فيصل ... كانت ماهاماه حتى حاجة فهاديك البلاصة من غير آية ... جالس بحال الحارس حجبانو مجموعين و كيشوف و كيحرك فرجلو فوقاش يمشيو بحالهم .....
طلعات واحد البنت من الما ... لابسة شورط جينز قصيير مع سوتيان وردي ... قربات من المجموعة و هزات الفوطة و جلسات على الرولاكس .... كتمسح فشعرها كتهضر و عينيها على آية ....
****: آية الإسماعيلي ؟ شرفتينا احبيييبة ...
ملي هضرات هاديك البنت معظم الشباب شافو فآية ... ولات محط الأنظار كتر من اللول ، خدودها حمارو و شابكات يديها فحجرها بتووتر كبييير .... حدرات راسها و هضرات بصوت منخفض ....
آية: شكرا ...
***** : شوفي عنداك تنساي تسلمي لينا على داك البوكوص دخوك ههههههه
بداو كيضحكو بصوت مرتفع وهي غير تبسمات ونزلاات راسها وفيصل كيتنهد محاملش الوضع كون لقى وسيم هاد الساعة بوحدو كون حرقو ..
وسيم شاف عندهم وداك الضحكة لي طلقو وهبط نظاظرو
وسيم : عنداك يتسالا ليكم الضحك ....
***** : اويلي على مكتعرفناش ... اش نعرفو نديرو حنا غير نضحكو
وسيم : واش عندكم تعرفو اخر ...
**** : اية .... حبيبة فاش كتقراي
اية : ( علات راسها فيها محملاش لقرب ديالها كامل لوسيم ) اولى باك ... سيونس ماط ...
داك البنت علات حجبانها بمعنى مزياااان وقلبات عينيها واية حاسة براسها محاملاش داك الوضع كتحس براسها مفروقة على الجميع لي كالسين مرتاحين الا هي ....
اما فالبعيد واحد الشاب كان حاضيها بإعجاب كبيير .. و فاش سمع صوتها توسعات ابتسامتو كتر ... ماشي غير هو شحال من واحد تماك بحالو تسحر بملامحها البريئة لي شحال ماشافو بحالها .... خجلها كان جديد عليهم ماعمرهم شافوه فالبنات لي ضايرين بيهم ... كانت كيوت فعينيهم .... حاجة جديدة مطولين فيها الشوفة باغيين يستكشفوها كثر ... رغم كرسيها المتحرك وجماد رجليها الى ان برائتها كانت وسطهم بحال شي وردة بيضة
هضرات بنت آخرى كانت جالسة حدا وسيم : واش وقعات ليك شي اكسيدون ؟؟؟؟ كيفاش وقع ليك حتى وليتي على الكرسي !!!!!!
فيصل خنزر فيها بملامح كلهم حدة ، حيت عرفها استهزئات وعارف اية مكتحملش هاد السؤال ..... ووسيم تاهو علا راسو
اية ولات حمرررة والريق هبطاتو بحال شي سكين فحلقها وداك البنت غير كتشوف معاهم
البنت : اوووووه سمحولي عنداك نكون خطيت الصواب .. انا غير فضووول وصافي .... اوووه سمحيلي احبيبة راه غير بغيت نتعرف عليك كتر ... ( شافت فوسيم ) مااالها مسكينة اش وقع لييها
وسيم : داكشي لي غيوقع ليك لامنضتيش تحركي منها ..... نوووضي تححركي
البنت : هااء !!! مالي اش قلت ؟
وسيم : وااااتحركي دابا قوودي جلسي لهيه
الكل تما سكت كيوميو ليها بعينيهم بمعنى واش حماقيتي تهضري عليها حداهم وهوما كياكلو بنيابهم على عائلتهم .... وناضت بنفخة هزات فوطتها مشات لكلسة الاخرى .... واية غير كترمش بعينيها لي ولاو حمممريييين وكتسرط فريقها بزز وفيصل دار يدو على يدها تاشافت فيه كان كيحاول يهدنها بعينيه .....
و معظم الشباب لي تماك فاش سمعو داك البنت و الجواب دوسيم وشافو نظرات اية ، أغلب هادوك نظرات الإعجاب تحولو لشفقة .... و هي شاافت هادشي و لكن مبغاتش تبين بلي تجرحات ... حافظات على ابتسماتها و هي كتتهرب من عينيهم ....
و لكن تسللات لودنيها همسة وحدة من لبنات لوحدة اخرى ....
"مسكينة ..!"
تزيراااات ... نظرااتهم و هضرتهم كانو بحال السم ... بحالا كيزفو عليها بالمواس و كيجرحو فيها ....
هادشي علاش كانت عازلة راسها و مبعدة على الناس ... باش تتفادى هاد الهضرة و هاد الكلام و هاد الشوفات دالشفقة....
بقات حابسة دموعها واخا حاسة براسها غادي تنفجر ... و فيصل غير حاضيها و حس بيها ... مال لجهتها شوية و هضر معاها ....
فيصل: آية ... نمشيو ؟؟
شافت فيه بهاديك الإبتسامة لي مخبية بيها حزنها كامل و انهيارها الداخلي .... يلاه غاتجاوب وهي تسمع
وسيم : اية .. مديش علييها ...
آية: لا .. م .. ماشي مشكل ( ضارت عند فيصل وتبسمات ليه بانكسار ) غير .. غير خلينا ...
فيصل قلب عينيه محاملاش وسيم رجع دغيا لضحك ديالو الا هي لي كتنفس بزز ... دايرة جهدها كامل تنسجم وماقداتش .....
كل مرة تقلب عينيها لعندو كيبان ليها كل مرة على اشمن فخد متكي تاشافتو جبد الكارو وهي توسع عينيها وشدات على فمها وفيصل شاف ليه وبدا كيومي ليها بعينيه انها كالسة وهو مامسوقش
فيصل : ( بالهمس فودنيها) ماااديهاش فهااادشي ... راك عارفة وسيم كيداير
اية : ( ضارت عندو مصدومة ) كااايكمي ؟؟؟؟؟
فيصل : صافي شفتيها خليها هنا ... يعرفها عمي راه يعلقو ..... ماتقولي والو
اية بقات غير كتشوف فيه و ففيصل وقلبها تايضرب بالجهد مكرهاتش كون كانو عندها الرجلين تنوض دابا تحيدو ليه من يديه وتلوحو .. حسات بالخنقة ملي شافتو كيكمي جاتها البكية مبغاتش تشوفو هاكاك ... وهي ضور عند فيصل
اية : يالاه نمشيييو من هنا
فيصل : نتِ صافا !!!
اسية : صافا غير ديني من هنا دغيا ......
فيصل ناض مستغرب وجر بها الكرسي وهي مصدومة اما وسيم مردش ليهم لبال كاع كيضحك مع الكليكة ديالو وتايبخ الدخان ....
ماطلع راسو تاكانو مشاااو .. معطاش للامر اهمية قال غاتكون عيات ومشاو ... ورجع تكا كيضحك هو و واحد البنت ....
الفيلا كانت قريبة داكشي علاش دغيا وصلو ... و طول الطريق مسكتاتش من البكا .... عينيها دغيا حمارو و تنفخو ....
وفيصل مخليها على راحتها ... عارف تجمعات عليها صدمة وسيم كيكمي و نظرات شفقتهم ....
فيصل : قلتها ليك .. قلت ليك خليييك فالدار نت مكتسمعييش ....انا عارف هادو كيدايرين واش كتبعي ليا وسيم ضارب الدنيا بركلة ؟
اية : ( كتمسح دموعها ) هوووو امتى ولااا هاكااا ؟؟؟؟ امتى !!!!!
فيصل : هو من ديما هااكااا .... غير يمكن مكتشوفيهش بزاف وصافي ... حاولي متبقايش تأثري بهضرتو .... خليك اية لي كنعرف .. نت ماشي دهاد العالم .... راه هادشي علاش مبغيتش من لول تجي لهنا .... كنعرف دوك البنات كيدايرين
اية : اشمن بنات اشمن بنات ؟ فااارقني عليهم حاجة وحدة انهم عندهم رجلين وانا لااااا
فيصل مشا حداها وطاح لمستواها شد فركابيها
فيصل : عندك رجليييين ! شكون قاليك معندكش ؟ شوية ديال الترويض وغادي يوقفو متعاوديش تقولي هاد الهضرة
اية : ( كتشهق ) عممممررررهم غيوقفو افيصل انا عييييت .. ملي كنت صغييرة وانا كنسمع منكم هاد الهضرة
فيصل : علاش دابا شرفتي ؟ تادابا راك باقا صغيرة آلهبيييلة ... ( كيمسح ليها دموعها ) متبقايش تبكي بحال هاكا ... وجهك مجاتش معاه البكية ....
اية : ( كتشهق ) صااافي يلاااه ندخلو عافااك بغيت نمشي لبيتي
فيصل : انا غادي نديك .. ولكن مسحي هاد الدموع هو لول راك غتخلعي ماماك .....
اية : ( كتمسح دموعها ) متقول ليها والو صافي ؟ قوليها عيات وصافي
فيصل : متخافيش واااخررر مرة تبعي وسيم فشي حاجة ... هاداك راه مامسوقش للعالم .....
اية : ناري كون مكنتيييش معاااياا كنت غنتخنق
فيصل : ( تبسم فالداخل ديالو وشد فيديها وقال و عينيها فعينيه ) ديييما غااااتلقايني معااااك
اية نزلات عينيها وهو كمل بيها لباب الدار غير وصل لدروج هزها فيديه وهي كتزيد متحملش راسها .....
طلعها لبيتها مباااشرة و دخلها .... حطها فوق السرير ديالها ... كان باغي يهضر قاطعاتو .....
آية: بغيت نبقى بوحدي افيصل .... عافاك .....
بلع هضرتو و تنهد .... و ضار خرج من تماك مخليها ... جالسة حادرة راسها كتشوف فرجليها .... غير دموعها لي مزال كينزلو بلا صوت منها ...
فحياتها كلها حسات بالعجز بزاف ديال المرات ... و لكن اليوم كان أقسى .... فاش تحطات وسط هادوك الشباب لي قراب ليها فالعمر و شافتهم كيفاش عايشين ... كيفاش مستمتعين بحياتهم كيسبحو و يرقصو و يتمشاو ... بينما هي جالسة جامدة بحال شي تمثال !!
حتى الرملة مقدراتش تحس بملمسها تحت رجليها و بين صباعها .... وزاد كمل عليها منظر وسيم لي ضيع كل امالها فيه ، كانت كتشوفو انقى واحد فالعائلة تصدمات بداك المشهد ......
صدرها بدا كيطلع و يهبط و أنفاسها كيتلخبطو تاني و هي كتتفكرو ... وسيم ... !
وسيم لي ماشافش فيها و ماداهاش فيها نهائيا مع أنها كانت قدامو .... وسيم لي كان عاطي وقتو كلو لبنات اخرين ماشي هي ... سامح ليهم يقيسوه و يهمسو فودنيه و يبوسوه !!
رجعات كتبكي بهستيرية .... كتهز يديها و تضرب فرجليها ... كتضربهم بكل قوتها و هي كتبكي بصوت مرتفع .... كرهات راسها و إعاقتها و عجزها و ضعفها .... كتبكي و تغوت على راسها ....
اية: علاااش ماانقددرش نوووقف حتى انااا و نمشي علاااااش .....
هدات بيديها و رجعات حطاتهم على وجهها و كتهضر بصوت ضعيف و عياان ....
آية: حتى أنا بغيت نكون بحالهم .... حتى أنا بغيت نعيش ........
بعد ستة ايام .....
الساعة السابعة مساءا ....
كالسة اريج شادة راسها بين يديها وحياة حداها كتحاول تطبطب عليها ولامار حداهم ويونس كايمشي ويجي بالفقصة وكايتحلف عليها ....
لامار : يونس .. صافي دوز تكلس .. راه مغاتجيش دابا ... خليوها على خاطرها
يونس : هاد خليوها على خاطرها هي لي مضسراها ....
لامار : وصاافي متعصبش ... يمكن مزال مامستاعداش ..... بلاتي غانجرب نصوني تقدر تجاوبي انا ... صافي رخف فيك النفس ...
يونس خلاهم ودخل وبقاو غير هوما تاني كايهدنو اريج تابدا تيليفونها كايصوني وقفزات معاه وهي تلقاها غير نمرة درتاج وتنهدات عاد جاوبات ..
رتاج : امضرا بيلي وصلات !! دوزيها ليا
اريج : ( باغا تنتف شعرها بالفقصة ) اااه ، ااه وصلاااات .... سيفطات ليينا باكاجها مع الشيفور وهي قاليك تاترررشق ليها ..... هادي دابا مااتقتليهاش
رتاج : هاااء !!!! دابا واش نزلات للمغرب
اريج : يااااودي نزللاات ... وانا كانقول علاش كتوصي منمشيوش عندها للمطار .. قالك بغات دير سوبرايز ... هاهي دارتها لينا من دااكشي ... انا ويوونس مكنتعلمووووش عاارفنيييها كاطير ومزال كنديرو ليها الخاطر .. ابلاتي تجيني لهنا ابلااااتي
رتاج : ودابا تهدني .. صونيتو عليها ؟ راه ماعندها فين تمشي غير لابغات تشوف بنات لكلوب
اريج : بنات لكلوووب قبل من العائلة ارتاااج باغا تحمقيني تانتي عينا نصونيو مكتجااااوبش ....
رتاج : وصاافي خليييها ملي سيفطات حوايجها راه غاتبعهم .. خليها ونتيي متعصبيش الحمد الله غير لي جات ...
اريج : ( كترد شعرها لور ) رعدااااتني بنت الحرااام ... الى منتفتهاااش انا ماااشي اريج ...
رتاج : هاهو عدنان حدايا ... قاليك خليها على خاطرها راه نهار خرجات من الدار مكانتش ساهلة عليها ... يمكن مزال مامستعداش .. ماتفورصيش عليها
اريج : ( تنهدات ) نفخوو لينا راسنا الشكوى الله .. سلمي على عدنان، امتى نتوما جايين
رتاج : غدا نجيو مزال نزيدو هاد النهار ..
اريج : نت لي جات معاك مرتاحة من صداع لولاد .... تافرحنا لي اياد سافر هو وولدك هاد نهار ل ازرو ومغايوقعش شي مشكل كايصوني جود قاليك راه فالطريق ... هازين واحد الهم لهلا يوريك
رتاج : بحالا زعما عمرهم غايتلاقااااو هااء !!
اريج : وغاليووم بعدا لي غاتوصل ماخصنا صداع .....
رتاج : بيلي ماشي بحال اياد والله لا بينات ليه ، انا كنعرفها.. غادير راسها مكتعرفوش كاااااع ، مهم حنا غانزلو دابا نتغداو ... الى جات علميني صافي
اريج : دااكووغ .....
قطعات عليها وضارت كاتشوف فيهم
اريج : دابا برهوشة قد صبعي لعبات بيااااا
لامار : ارييج هنييينا هضرنا معاك .. خلي لبنت على خاطرها اتلقاكم مزيرين عليها والله لارجعات ، مروان شديتو غير بزز قبيلة باش مايتبعهاش ، راه والله وتشدو معاها الزكير تاتشدو تاهي
اريج : انا بقات فيا غييير الشمتة تقت بها قالتي لاااا اماما متجيوش .. انا اندير ليكم سوبرااااايز فالدار ... تقت بها
حياة : مالها كذبات هاهي دارتها ليك هههه
اريج : باااااز اختي كضحكي
حياة : انا والله تاكتعجبني فيكم بالله هههههه ....مشطحاكم ، كنتو تقولو لطير طير ولا نطير جاو ولادكم قالو ليكم ماكاتعرفو فالطيران والو ههههههه
اريج : لامار نوضييها علييااا منهناااا ... راه غانولدك بعدي مني
حياة : ( جبدات ليها حناكها ) وييينو ويييينو الشارفة تقلقات ههههه
اريج : الشارفة هي مك .. شبهي بشرتي هاد هضري
حياة : انوضي تكعدي راك وليتي جدة انا يلاه غانولد ههههههه
لامار : ادوك اه ، ماشي انا هازة هم الدراري تنوضو ليا نتوما .. جود سيمانة هووو مغبر شقفو نهار بغيتو مايكونش قالك هو جاااي....
حياة : هداك غالحوب ازين ههه حس بها
اريج : الى كان غا الحب لي جمع هاد الجوج الله ينعل جد باباه
لامار : كاااان الحب بهيبتو جا تالعند ولدي وبنت اريج بقات فيه غا الحااء .... التريكة دالخلا .. مايدخلو بيهم تايدخلو فييهم
اريج : ماكناش هاكا حنا ، والله تااكنا بعقلنا بالله .....اختي هاااادو جنوون ....
حياة : نوضو نوضو تكعدو ندخلو شمس غربات لي عندها شي راجل تمشي تقنت حداه هو لي دايم ليها اما لولاد والله لاعقلو عليك .. هادا عندي نهار يلقى الفخد لي يوسدو والله تايبيعني عليه انا وباه ...
اريج : لا لا لا .. ملي كايتزوجو حمدي الله و شكريه كايديرو عقلهم هاهو زيااااد حيدت همو بمرة .. وملي يكونو د راسهم لي كايشيبو اما زواجهم راحة و تهنية كانجي المتعوسة لي تهزهم علينا ... نوضو ندخلو ... وهاديك غابلاتي عليها ....
دخلو لداخل كانو رجال كالسين فالصالون لي جاهم تصرف بيلي عادي مقارنة بشنو كانت كادير قبل وهاد الحركة كانو متوقعينها منها ...
مكملين عشيتهم تا انضمات ليهم سارة وماجدة وعمران ....
كانت سارة هازة بوكي دالفلوغ داخلة فرحانة ماجدة ضاربة احسن لبسة عندها فالدريسينغ مع مكياج صارخ و شعر مبلاكي بلا على عادتو و طالون عالي وصاك ... من ديما كتكن غيرة ناااار للبيلسان ودابا لي عارفة راها هنا عاد مغاتزيد اناااقة باش متخليش ليها الطريق فين تبان حسن منها حدا جود.....
وقفو الرجال سلمو على عمران وسارة حطات البوكيه كتقلب بعينيها بقى ضاحكة
سارة : وفييييين بيلي ؟؟؟؟ مابانتليش .. ناعسة ولا ؟ ااااه مسكينة غتكون وصلات مسخسخة ( اريج كضور فراسها وحياة شادة الضحكة )
اريج : كلسي اختي كلسي .... مزال ماجات
ماجدة وسعات عينيها كدعي فخاطرها تكون دارت بناقص
سارة : ويلي على مزال مجاااتش !!!! على ماشي طيراتها حطات مع الخمسة ؟
اريج : ايه حطات مع الخمسة .. غاهو جا غير باكاجها وهي مزال ماشرفات ....
سارة : هاااء خلعتوني حسابتني غير مجاتش ! اوا صافي عادي يمكن بغات مزال تتسارى راه تكون توحشات كازا
اريج : ممممم توحشات كازا ايييه .... اوا لهلا يبليك بشي بنت بحالها والله يخلي ليك بنتك بعقلها
ماجدة : ( قلبات شعرها لجنب بتفاخر ) ششكراااا اخالتو ...
سارة : اودي ماهادي عااااد ... ماديريش فبالك مالك مكتعرفيش بيلي ... خليها تكون بغات تشوف صحابتها دابا تجي ....
الفوق ...
وسيم كايلبس تيشورت ديالو ولابس الكيت بلوثوت فودنيه كايهضر
وسيم : انا قولي ليا غير فين مقصرة
بيلي : غاتجي !!! لحق عليا كلسة واعرة
وسيم : افين غانجي مكتعرفيش عمك الروكان .... بصحتكم .... ماتجيش هاد لليلة !
بيلي : غانجي .... غير هو مافيا لي يشوف شي حد دابا .. تاينعسو ونجي
وسيم : عرفتي الى شدوك .. عمي يونس كايتحلف علييييك
بيلي : متخافش عليا كنعرف ليهم ... ملي ينعسو قولها ليا ... نعول عليك !!
وسيم : صافي مشات .... اجي تقضيتي ! خوك مقطووووع
بيلي : يلاه غايجيب ليا السيد ....
وسيم : جيبي بزايد والله ماعندك فين تنفنفي هنا ....
بيلي : وسييييم .... ( كتحك فشعرها ) ق ... قوليا ...... رر ( قاطعها )
وسيم : مكاااينش مكاااينش غير هنينا .. اجي لاغاتجي
بيلي : فين هو !
وسيم : فإفران ولكن غايجي ليوم ولا غدا غالبا راه بعد غدا العيد ...
بيلي : مممم .... مزيان .. دارهم هاديك انا غانحيد ليه ؟ ... تلاح جاو صحاباتي ..
قطعات عليه وهي تعلي عينيها لقات راسها جالسة غي فكرسي عمومي فالجردة .... مكاين لا صحابات لا سهرة لا تاحد .....
منقبيلة وهي غير كتمشى وتنسي الوقت باش ماتمشيش للدار ... كتحس براسها كلها كاتررعد وماقاداش ومازاعماش تلوح حتى خطوة فداك الدار ... فالدار لي عامرة ذكريات .. وجناح لي عاامررر بريحتو .. وفكل ركن غاتشوفو فيه ... هربانة حتى من خوووها ونظراتو ليها ... هربانة من اسد ولامار ... هربانة من كوووولشي ...... ماقادااااش تاتشد الطريق لتما كلها كتحس براسها كترعد بالتوتر واخا مامولفاش هاد الضعف ....
وقفات قدامها ميني كووبر فالارجواني ونزل منها واحد السيد بلبسة رسمية وتقدم عندها بابتسامة مد ليها الكونطاكط
- بصحة امادموزيل .....
بيلسان : ( شدات عليه الكونطاكط كطل على الطموبيل ) ثانكيو ....
وما ليها براسو ومشا وهي كاضور بيها تماما كيف بغاتها ..
دخلات فيها لداخل الصالون كان ابيض بالريش ومخيدات للور .. عجباتها ودخلات ديمارت عاد رتاحت لي فيدها طموبيل دابا حيت على رجليها تعرضات للمضايقات بزاااااف ... خصوصا وانها بلباس جد قصيييير ......
عاد ديمارات الطموبيل للمجهول .. غير زايدة ومعارفاش فين واخا تبقى ليلة كلها كاضور غير ماتمشيش للدار وهوما باقين فايقين ....
هاربة واخا عارفة راسها راه الملاقية كاينة كاينة ولكن غادة فالمنطق ديال بعدا ماتكونش دابا ....
فالقصر ....
نزل وسيم لعندهم بعد مكان الكل مجموع على الطاولة حاطين قدامهم حلويات و عصير والكل كايتجمع ويتحدث اما اية كانت بعيدة شادة طابليطها ، حول ليها عينو وهي مطلعاتش فيه عينيها .. كايتسائل علاش منهار طلعات من البحر وهي كاتفاداه ! ...
عوج شفايفو بعدم اكتراث وخرج للجردة باتجاه لاسطبل ....
تحلو لابواب ودخلات طموبيل دقسم ....
نزلات كتجبد عنقها بعياء من هاد النهار لي دوزاتو كامل تصوير .....كانت بلباس مريح بعد ماتخلصات من داك البذلة الرسمية فالاستديو ...
يلااه غاتمشي بانت ليها الباب تحلات ودخلات منها طموبيل دجود بصوتها القوي قالبة الجردة
غير شافت الطموبيل تبسمات فرحانة وتسناتو تاوصل حداها ... حبس طموبيل وهبط زاج وهي تربع يديها على السرجم كاتشوف فيه
قسم : دابا هادشي كاديرو لينا ونتا باقي بلا زواج .. اوا ونهار تزوج ماانشوفك على عام !
جود : ( كايضحك ويمشط لحيتو للتحت ) على نتي ناوية تسبقيني قبل منك
قسم : انا بعدا حتى الى تزوجت غانجيبو و غانبقى ساكنة مع بابااا
جود : اااه بااباك باغي غير امتى يتهنى منا يكلس هو ومرتو الراس فالراس ، تجيبي ليه نت كارتة أخرى للدار
قسم : وشكوون قاليك راجلي غايكون كارثة
جود : بنت الإسماعيلي وطيحي فشي واحد هو هاداك !!! مايمكنش .... عطيني بوسة ننزل ....
قسم : منعطيييكش ... تزوج وشبع بوسان
جود : ودابا باغي دختي .... دزواج متعرفيش ليها نت .... الله يصبرو معاك وصافي ... كندعي معاه من قلبي ونهار يتقدم ليك غانطلب منو السماحة على هاد ليگلاصون لي غانقدمو ليه .....
قسم : ( كتضحك ) كولشي غايتعقل الا نتا ، ..... نزل نزل نتا راك مكتحشمش
جود : وبوسي دغيا ننزل راني توحشتك
قسم مدات يديها لسرجم لداخل عنقاتو وباستو فخدو
قسم : تانا توووحشتك اخويا والله ... كتخلي بلاصتك ...
بعدات على الباب حلها ونزل كايتكسل من طريق لي شدها جبدة وحدة مارتاحش كايتجبد كان بسروال كحل عسكري وكاط كحل و تيشورت كحل ومشات عنقاتوو هو معلي يديه كايتكسل عاد عنقها
جود : آرررخي بعدي مني .... شكون هنا ؟ ....
قسم : تاحد غير حنا... لوؤي واياد فأزرو ...وسلطان تالغدا عاد يجي ....
جود : غايجي ساااخط .....ماتش دالاعصااااب هاداك
قسم : وهادي هي كورة كل مرة وكيفاش ...احقا كانت غاتجي بنت عمي يونس ليوم .... وملي سولت ماما قبيلة قالت ليا سيفطات غير حوايجها وهي باقا ماجات
جود : كيفاش هاد سيفطات حوايجها
قسم : شيفور فاش مشا يجيبها من لمطار قاتليه دي غير الحوايج انا مزال منمشي
جود : سيفطو ليها الشيفور للمطار !!!
قسم : هي مابغاتهمش يمشيو ....
جود : دابا جات ولا مزال
قسم : لا منظنش حيت قلت لماما لاجات صوني عليا وماصوناتش
جود : شحال فعمرها !!! تسعطاش واقلة لا
قسم : لاا راه يلاه دارت عشرين ....
جود : باقا صغيرة ( شاف للساعة ) مامعاها لا كارد لا والو ! ......
قسم : اودي هاديك راه تهز قبيلة غابوحدها ... زيد يلاه نمشيو .....
خشات يديها فدراعو وزادو للدار .... غير دخلو عليهم ، ماجدة عينيها لسقو عليه ولامار وقفات ضاحكة مشات باتجاهو عنقاتو وتاهو عنقها باس على راسها ودارها تحت يدو زاد عندهم ، سلم على العائلة كلها وكالعادة عمامو غير بالبونيات ... وعمران سلم عليه رسمي .. وقدس كانت ناعسة على كتف جداتها ضربها بركلة تاغوتااات ديما نابشها وكلس حداها كايلعب فشعرها وينتف فيها ...
كالسين مجموعين هاديين من غير يونس لي كل مرة بطل على التيليفون مطلع الجي بي اس ديالها كاتتبان ليه غيير كاضوررر .. هو بوحدو لي عارف تماما اش كادير .... عارف الخلعة لي راها فيها دابا والتوتر لي حاسة بيه ..
تاهو طرات ليه .. نهار خرج من قصر روكان وهرب لكندا ونهار كان راجع شدو نفس التوتر .....
عارفها كاتسناهم تاينعسو عاد تجي ...
حوايجها كانو تكلفو بهم الخدم وطلعوهم لجناحها لي فتحوه ليوما وبدلو ليه الاغطية والزرابي والريدويات وبدلو الديزاين الوردي القديم بديزاين شبابي اكثر لانها كبرات شوية ...
محطوطين على السرير الهدايا لي وجدو ليها يستقبلهم بها كل واحد وشنو شرا ليها ....
اما هي باقى كاضور فالشوارع ... مرة مرة تتوقف فشي كافي وترجع تاني طالقة الموسيقى على جهدها وكتحاول تلهي راسها بالدندنة مع الموسيقى والشطيح باش تنسى شوية التوتر و كل مرة تجبد كارو تكمي .... بحالا باغا تشبعو حيت عارفة فالقصر غاتشدو بالقياس والميزان .....
صايكة كتمايل براسها وكتنفت الدخاااان نافتة معاه اصوات مكايتحدوش من ودنيها وذكريات مكيبغيوش يحيدو من قدامها واخا تعيا تطرد فيهم .......
جود : ( متكي عى الحيط معنقها عندو وهي مطلعة راسها فيييه لي طويل عليها ) اهاااه .... دابا هاد الخرجة كاملة على ود انيفيغسيغ
بيلسان : وي والله .. غير عيد ميلاد بغات ديرو فالبحر .....
جود : ( كايحيد الشعر على وجهها كايبوس جبهتها) انيفيغسيغ انا كنعرفو ساعة ساعتين ماشي نهار كامل ( شدها من حكنها ) اش كايضور فداك الراس
بيلي : والله ماتاضور شي حاجة ، ساعة سعتاين عندك نتا لي كتوجد فخمسة دقايق اما انا خصني نهار ... انخرج مع لبنات نصاوبو راسنا نختارو مانلبسو و لانيفيغسيغ مع الليل
جود : اهااه ... ومعاياش غايسالي
بيليسان : ماعرفتش .... مهم امتى ماسالا راه انجي
جود : لا ..
بيليسان : كييييفاااش لا اجووود ( قالبة شفايفها )
جود : لا ... راه واضحة لام والف ... إين أو .... نو .. اتمشي تكمشي ....
بيلسان : حرااااام عليك هي جات حضرات معايا
جود : نت كنتي دايرة انيف فداركم مع عائلتك دنيا محترمة ... تاتقولي انيف فالبحر ولا ماعرفت اش .... سيري تكمشي ففراشك وحفضي حفاضتك وهنينا ...
بيلسان : نتا عارفني مكنعرفش لا .....( بعدات عليه) راه غانمشي هي غاااااانمشي
جود :شتي داك الطيران ديالك هو لي غايقود ليك السوايع معايا .... داك الطيران لي كاطيريه على داركم مواكلش معايا انا .. تزطمي تما نجي نعوووجك حداااهم وراك عارفاني نديرها ... سخاااو بيك عضاامك سيري ..... زكير معايا حيديه باش نكونو مزيان .....
رجعات بذاكرتها وهي تنفت الدخان وكتنهد ..... تاوقفات فواحد الشارع حبسات طموبيل ورجعات راسها لور متكية على زاج ومهببطة يديها لي فيها الكاارو لبرا ....
دارت عقلها معاه ، عمرها كدبات عليه ، وشنو ماقال ليها كاتقول ليه آه ، دارت جهدها باش عمرهم يتفارقو ......ولكن فين هو دابا ، نهار واحد تمحى فيه كولشي .... مشا بحالا عمرو ماكان ...وخاصها دابا تمشي لدار وتمد يدها وتسلم عليه ..... كأنه كاتعرف عليه لاول مرة .....
على طاولة الاكل وسط حديقة القصر
الكل حاني على طبسيلو والفوغشيت والموس كاياكلو بهدوء ... وماجدة عينيها على جود كتر من طبسيلها ، كتمضغ فرحانة لي نااسيها ومعارفش كاع شكون هي فرحانة لي غاتجي بيلي هاد المرة وتلقى جود كايعرفها كتر منها .....
الكل هادئ من غير يونس واريج لي كايتنفسو بصعوبة على هاد الحالة والساعة الحداش دلليل ، تأكدو هادي مغاتجيش هاد الليلة ....كل مرة يونس كايطل على تيليفون متوتر ، تارد ليه البال اسد وتنحنح ...
اسد : نسيفطو لي يجيبها !
يونس : لا لا لاااا الى مشيت حتى جبتها بزز .. عمرها لاجات للمغرب عاد ... راني عارفها خصها تاتخرجها مني عاد تجي
جود غير كايشوف هادو كيفاش خايفين من بنت عشرين عام ... تايقول اش هاد لفشوش كاملين ! يجروها من شعرها يجيبوها مالهم على هاد الخوف كامل !
اريج : غير خليوها غاتشد معانا الزكارة وصافي
زياد : واش مجاوبااتكش كاع ؟ ياك قلتي ليا جاوباتك !
اريج : ( كتغمز ليونس بمعنى ماتفضحنيش ) لا جاوباات جاوبات اولدي قالت ليا راه تشوف صحابتها وتجي ....
زياد : تعطلات .... تبات تما ولا ! صوني عليها ترجع ولا تعطيك لادريس نسيفطو موراها
اريج : نو ... ديجا غايكونو جابو ليها طموبيل .... راه دابا تجي مكتعرفهاش هي
زياد : الحال مشا ... صوني نت ولا نصوني انا
اريج : ( كترمش بعينيها عارفة زياد واخا هادئ ولكن عصبيتو ديال الاسماعييلين ) صافي .. انساليو العشا ونصوني عليها ....
ماجدة : مممم ولكن حنا ... راه معندناش البنت لي كتبقى تالهاد الوقيتة على برا صراااحة .. ( سارة خنزرات فيها مدخلش)
قسم : ( علات راسها ) بيلسان ماشي عاد غانعرفوها ... بغات تشوف صحاباتها خليوها
سارة منعات ماجدة تجاوب بتحذير بعينيها ... وكلهم دارو راسهم ماسمعوش ...
رقية : تعشاو تعشاو داك لبقة انا لي كنعرفها احيااااني ملي كاتلاقا هي وهاد خينا
وسيم : ( طلع عينو ) حرام عليك اجدة انا اش درت .... ياك جيت ديريكت للدار
رقية : لقيتهم عند الباب د طيارة واگفين ليك ... مانتا مانشوفوك تالشيع العااشور وشوف تشوووف
قدس : هههه هاهي اتوحلها ليه
وسيم : وااييييه .. بيلي راه كاتسارا ليا مع راسها انا هاز عليها الدقة
كملو عشاهم فجوهم المعتاد لي كل واحد منين كايطرح فكرة وكل واحد منين كايطنز .....
تاتتفرقو غير فالجردة كل مجمع فين تجمع ، كان الجو سخون ولكن ريح البحر كايهب بارد .... الرجال بوحدهم و العيالات بوحدهم ووالصغار بوحدهم .... كل واحد فين تلاح .... والخادمات كايجيبو القهوة ويونس حالف ماينعس حتى تجي .... من غير زياد ومراتو وبنتهم لي هبطو للبحر .....
وسيم بدا يشوف هنا ولهيه بان ليه كولشي باقي قصااار .... هو يضحك ضحكة شريرة وجبد تيليفون كتب ليها ميساج .....
بيلي كانت فالطموبيل شادة تيل تابان ليها مسج دوسيم
"come , they are all fall asleep"
" اجي راه كولشي نعس ..... "
شافت لفوق بمعنى فاااااينالي .....
وديمارات تمشي .....
تحلو الابواب الذهبية فوجه بيلسان لي حسات انهم بيبان الماضي لي تحلو .... مزيرة بيديها على لفولون وكتقول كيغاندير انا دابا ندخل ! كيغاندير نواجههم غدا ؟ كيغاندير نشوف فاياد .. فجود .. فلامار و فاسد وفقسم وقدس وفعمامي ... كيغاندير نتحكم فراسي وميغلبونيش مشاعري وضعفي .... كيغاندير نحط يدي فيديه وندعي اننا غرباء ! ....
غمضات عينيها وخدات نفس عميييق ... ثم انطلقات دخلات وهي مرتاحة نوعا ما لي ناعسين ..
كانت الساعة كتشير لمنتصف الليل .... طفات المكيف ونزلات الزاج استنشقات عبييررر المنطقة وعبير البحر والجردة لي دوزات فيها كل طفولتها ....
رغم اختلاف اعمارهم وشخصياتهم الا ان اشتياقهم لهاد المنطقة وانتمائهم ليها وااحد ... كل واحد فيهم عندو هنا ذكرياتو زوينين وخايبييين ... .
وصلات للباركينغ وحبسات الطموبيل وعينيها مشات للطموبيلات لي تما ... مصغرة عينيها كتشوف فيهم .. كتحس بالاشتياق ليهم غير من طموبيلاتهم ...
غمضات عينيها وعلات راسها لفوق مدة كتحاول تستعد .... فكل الاحوال غتشدها طلعة وحدة لبيتها تسد عليها عاد تستعد .......
نزلات من طموبيل وعطات سوارت للكارد اللي جا عندها وتبسمات ليه وهو رحب بها .... حتى من الخدم دالقصر و حراسو كايعرفو لي مغرّب وغائب ...
زادت كاتشوف مع جنابها وهي مصغرة عينيها فشنو كتسمع !!! صوت الهضرة ؟؟؟؟؟؟ ....
مشات بزربة للجيهة الاخرى وبدات كطل لبعيد وهي تبان ليها للعائلة كلها فايقة مجمعين ووسعات عينيها .... نزلات عليها الفقصصصة بحال سطل دالما بارد وراسها سخن وزيرات على قبضة يديها وقالت بين سنانها
بيلسان : وسييييييييييبيم .. فااااااك ، غيييير بلااااااتي ..... I will kill you ....
*الداخل
جود هاديك الليلة بلا سلطان ولوؤي كيف الراس المقطوع ....
مشا لكليسة قصبية بعيدة عليهم باش يقدر يكمي على خاطرو ....
كلس وجبد تيليفونو كيدوز فتصاور الهياكل لي لقا مؤخرا فلافيراي وكينفت الدخان وكاس دالقهوة حداه ...
كيشوف فالهيكل ويتخيلو سيارة واقفة ويتخيل التصميم فدماغو قبل ما يبدا يرسم ....
منسجم ومنغم مع الكارو ديالو و الهياكل لي قدامو حتى سمع شي تخرخيش ... بحال شي حد كيتمشى على الربيع .. علا عينيه بدا كيبانليه الظل دشي حد !!!!!!!! .... كايتسائل .. شكوون ؟؟؟؟
بقى مصغر عينيه وهي تبان ليه هازة سبرديلتها فيديها وكتمشى على صباعها عاضة على لسانها ماديرش شي صوت وكل مرة تشوف موراها واش شافها شي حد .... كيطلع معاها ويهبط ... كانت كيف شي اوروبية .... عشرينية بشعر ذهبي حريري معلي الفوق معري على رقبة طويلة بيضاء .... ملامح فااااتنة وطاي رياضية نحيلة كالعارضات .... شورط ددجين قصير وتيشورت معقودة جيهة السرة ... كل مرة تزطم على شي حاجة وتغمض على عينيها وتهبط راسها تشوف علاش زطمات ... وكتحلف على وسيم .... حط التيليفون و كمش الكارو فالطفاية و ربع يدو وعوج راسو معاها كايشوف اش غادير ! ... كيقول فدماغو اكيد غتكون هي !! ...شافها فتصاور قلال ولكن متخفاش عليه .... الشقراء ذات الملامح الاروبية الوحيدة فعائلتهم هي بنت عمو يونس .... كيطلع ويهبط فحركاتها الصبيانية لي غاية فالكيوتنس وهي هاربة مسلتة لجهة باب الدار وخايفة يشوفوها من الجردة لي فالجهة الاخرى ....
بقات غادية وكاتشوف وراها ، تاوسع جود عينيه ..كمش عليهم يلاااه غاايغمضهم كانت تزدحات فرجاء وبعدات شادة على راسها لي تساطح مع رجاء وهو حل عينيه كايشوف ... بيلي غير شافت رجاء مصدومة فيها فالضلام وهي تبسم ابتسامة عرييييييضة زعما راني مدايرة والو ...وهضرات بعربية مهرسة فاللكنة وتشرح بيديها ....
بيلسان : هلاااو .. ااء عفاك ... اسرع طريق يديني لبيتي بلا منشوف إيييني وان ، ميييييتة بالنعاس ومقادرة نسلم ناااو على تاشي واحد ..
يلاه رجاء غاتجاوبها تسمع موراها
يونس : پييييلي ..
عضات على لسانها وضااارت عندو ببطئ ....و جود متبع دوك الحركات ... عاد فهم هادي علاش مهبلة عمو ووولادو ومنوضة الحرب بين امريكا وكندا ....
بيلسان : ( شافتو وجاتها البكية بالخلعة ومع ذلك ضحكااات ) دااااااد .. ماااااي لوووڤلي ... ( تلاحت عليه عنقاتو ) فففف ... اي مييسيو سوو ماااااتش دااادي ...
يونس : مممم لا بااااينة عليها جيتي فالووقت .. طيارة جابت حوايجك ونتي لا ... و زعما هضرنااااا وقتليك هدا الممغررب .... وهنا كاينة عائلة كبييرة خصها احترااام ... وراااكي عارفة هادشي مزيان ..... هادا هو الوقت لي جاياني فيه ؟ باغاا تحمقيني ها ؟!!!!
بيلسان : اياااااي دااد صافي راه فهمنا ... صافي ... نعااااودش نعاودش ...
يونس : تبعيني ...
بيلسان : ناااااو ؟؟؟ نو نوووو بليييز داد بغيييت ننعس ( جمعات يديها عندها كترغب بملامح قطة بريئة ) بلييييييييز ...
يونس : داااباا ...تبعيني العائلة كلها هنا ...وكلهم كيتسناو .. يلاه تعتذري على هاد الروطار
بيلسان : فففف اوكاي ... صبر ... نلبس سبادرين ...و ونلحق عليك ...
يونس شاف فيها وزاد قدامها وهي تحنات تلبس مثقلة حركاتها حتى مشا وهي تعطي رجلها للريح دخلات للقصر هربانة .... ويونس ضار موراه كايجمع النفس و يتنهدها وجود غير كيضور فراسو ورجع لتيليفونو كيضحك .....
يونس سرط الشمتة وخدا نفس عميق ... ومشا عندهم وهو ساكت مبغاش يقول ليهم راه جات عارفها مغتنزلش ....
بيلي غير وصلات لبيتها دخلات وسدات الباب كتنهج عاد كترتاح ....
رتبات انفاسها عاد طلعات عينيها مع البيت ... بدات كضور عينيها ... عجبوها الاوان الجداد والفراش الجديد ! .... لي طابي كيف كيعجبوها وبدات كتبسم تاتجبدو عينيها ....
مزالين حافصين دوقها كيف داير .. ومزال مهتمين باصغر تفاصيلها ... واخا كاع اش طرا ... فرحات لي لامار واسد مزالين بنفس اهتمامهم ليها .....
مشات لنموسيتها وتلاحت فوقها طالقة يديها كتشوف للترية لفوق لي نازلة كلها بالنجوم متلألئة ..
كتقول هانا درتها وجيت .. هانا فالمغرب ووسط القصر ووسط بيتي ......حسات براسها تهدنات شوية ومشا منها شوية التوتر ..... مشات عينيها لباب البالكون وهي تفكرو ملي كان كيجي عندها من تما وملامحها كلهم تقلبو للحزن .... تنهدات على حالتها وشافت للفوق كتحاول تتعايش مع هاد الحقيقة ...
قلبات عنيها لجنب وهما يبانولها لي صاك من مختلف الماركات لي كيعحبوها وتبسمات وربعات على سريرها كتحل وتشوف فيهم وفكادوياتها لي خلاو ليها .....
منتصف الليل ، العائلة كلها بدات كتنسسسحب كل واحد طلع لجناحو ...
و جود لقى راسو والو مافيهش النعاس واخا عيان بالطريق الى انو ولف السهير ..... و نزل للبحر شد كرسي ديالو و كانيطة دالبيرا حداه و كالس كيتفرج فالمواج ....
اما لامار كلسات حدا مراياتها كذهن فيديها وقلبها باقي ممهنيهاش
لامار : اسد... كون غير تجرب تصوني ليها .. على الله تجاوبك نتا تحشم منك
اسد : ( كيحد شوميز ديالو ) علاش
لامار : نعرفوها فين كاينة و فين غتبات
اسد : راها فبيتها
لامار : ( ضارت عندو ) كييييفاش !!!!!!
اسد : جات قبيلة
لامار : ححلف بالله ؟؟؟؟؟؟ امتى !!!! علاش مجاتش عندنا واش حيت شافت جود ؟؟
اسد : مااعرفتش .....
لامار : ( وقفات ) ناااااري زعما نتا ....
خلاتو وخرجات كتجري فالكلوار لبيتها ببيجامتها دنعاس الحريرية .... حلات عليها لباب ضااااحكة موحشاها وهي تبان ليها ناعسة فالسرير بحوايجها وسط من كادويااااتها .. تبسمات لمنظرها ، بيلي الفوضوية هي بيلي .. الى مكانتش الروينة متنعسش ..
زادت خطوات قلال لعندها كاتشوف فيها وفملامحها الانثوية لي كبرو وبرزو ونزلات راسها لعندها باستها مطوووولة موحشاها ... وبدات كتحيد ليها فسبرديلتها بقات غير بالتقاشر قصار وحيدات عليها الروينة من حداها حطاتهم فالارض و غطاتها بالايزاااار عاد طفات الضو ومشات مطمنة لي راها فالدار ...
بيلي بقوة العيا معقلاتش على راسها تاكانت غفااات ......
الساعة الخامسة صباحا .....
بدات كتكمش ملامحها على معدتها كتغرغر بالجوع ... ناضت مبوقة كتحيد شعرها على وجهها ومصغرة عينيها فباب دالبالكون لي محلولة وكيبان ليها الحال قرب يصبح ، بدات كتجبد كتقول فوقاش نعست انا ....
كتشوف مع جنابها بانت ليها محيدة سبرديلتها ومغطية وروينة لي نعسات وسطها محطوطة فالارض .. قالت غتكون دخلات عندها ماماها ....
ناضت كتقلب على تيلفونها تشوف شحال الساعة بانليها طافي وحلات ليفاليز ديالها تجبد شارجوراتها وخيوطها .. دارت تيلي تشارجا والباطري د كاميرتها تاهو ... شعل ليها تيليفون لقاتها الخمسة دصباح ....
معدتها كتغرغر بالجوع مولفة تفيق فنصايص الليل تاكل زيد عليها مواكلاش من غير القهاوي لي شربات والعصير مكلاتش نهار كامل ....
بدات كتكسل ولبسات سبرديلتها وحلات لباب بشوية كطل بعينيها واش مكاين حد .... مطمنة تهبط مرتاحة حيت عارفة الخدم دصباح كيجيو فالسبعة دصبح فالصيف ..... يعني الساحة خاوية قدامها .....
نزلات فالدروج بالحس كتشوف مع جنابها ... نزلات لاكاب كتقلب على الكوزينة بقوة مكيدخلوش ليها بزاف نساتها فين جات ..... وصلات للطابق الارضي وكتقلب تابانت ليها ودخلات شعلات الضو ....
ضورات عينيها بانو ليها غير البلاكارات تاحاجة اخرى مكاينة .. كتصغر عينيها فين تلقى تلاجة .... تابانو ليها جوح بيبان دالحديد كبار عاد تفكرات تما كان بيت التبريد ....
كتحس براسها غتسخف بالجوع .... تمشات لداك البيبان وبدات تحلهم ولكن والو مسدووودين !!! كدوز يديها واش يكون شي بصمات شي حاجة باش كتحل ووالو ...
ومشات لبلاكارات كاتلقى غير المواعن .....
بيلسان : اش غناكل انا دابا ؟ نعيط لرجاء ؟ لا غاتفيقهم ..... ( تكات غلى الكنطوار وهبطات شفايفها ) فففف .... ام سوووو هااانگري ( فيا جوووع ) ... .
حولات عينيها لواحد الجنب للتحت كانو تما صنادق كبااااار ومشات باتجاهم بدات كتحلهم كانو صنادق البطاطا والبصلة و ماطيشة والفلفلة ....
تاكل باطاطا خضرة ! تغزز بصلة .. اش غدير ...
رجعات كضور فالكوزينة وهي شادة على معدتها بجوع كتحل كاع بلاكارات مكتلقى والو .. كل بلاكار واشمن طاقم فيه .. عارفة داك جوج دالبيبان هوما بيت التبريد تما فييين كاينين كاع الثلاجات ....
بيلسان : دابا هادو مالهم سادين هادشي ومشاو .. هاااء !!! ..الا جعنا حنا بالليل منااااكلووووووش حناااا ...
فالخارج ....
يلاه طالع من البحر ..... هاز تيشورتو فيديه وشعرو فااازك حيت كان كيجري حدا البحر ، صدرو بالجرا زاد تطراسا وتبرونزا كايبانو فيه بعض حبيبات العرق مع ضو الفجر ..... و سروال ددجين نازل ليه كايبان بوكسر زرق .... وساعة جلدية فيديه كل مرة يرد شعرو لور ويرجع يطيح عليه ، طالع كيعوج فعنقو من هاد النوي بلونش لي دوز .... دخل من جيهة الباركينغ نازل ديريكت للكوزينة باش يشرب عاد يطلع لبيتو حاس براسو شحفاااان ....
نازل فالدروج لي كايديو للكوزينة ديريكت ... حل الباب الزجاجية يلاه جا داخل هو يرجع جوج خطوات لور مخلوع .....ونزل عينيه بزززربة ....
كانت كالسة فالارض مربعة حداها صندوق دماطيشة و كتاكل فماطيشة وحالتها كلها حححمررررة ووجها مجخطن ويديهها وتيشورتها بيض ولا حمممرر .... معلية فيه عينيها الزرقيييين المصدوووميييين لي مكيرمشوووش بحالا جمدو .... وماطيشة باقا ففمها كتعض منها .... جاااامدة على الحررركة كاتشوف فيه .....
بدا كيضور عينيه تابانو ليه جلوف مطيشة طايحين فالارض وهي بحال شي قطة صغييرة كتسرق مطيشة على الخمسة دصبح .....
بيلسان بدات كترمش بعينيها وكتحيد ماطيشة من فمها وهي باقا كتشوف فيه ....
مصعوقة من لداخل ، ممتيقاش الى بصح واقف قدامها !!!!
عيات تستعد للحظة لي غتعاود تلاقاه ... ولكن عمرها تخيلاتها اتكون هاكا ؟ .... مقدرتش تهبط عينيها عليه لي ولاو حوووومررر كتر من داك ماطيشة .... قلبها بدا يضرب بجهد تاقرب يخرج من صدرها وكتسرط فريقها والاصوات كيجيو لراسها بطريقة عنيفة على مسامعها تاكمشات عينيها " غا نصبرو وغنبقاو ... انا وياك للدوام غير ديريها فبالك ..... " " ننسا العالم ومانساكش نت " " جود ... الا شي نهار مت اش غادي دير ؟ " " قراي قرايتك مبغيتش مامات ولادي تكون كسولة " ....
هبطات عينيها دغيا كتنهج وكتقول فدماغها كانها كتخاطب قلبها .. كيغاندير ننساه ؟ كييغانديير .....
بدات كترمش فكل الجوايه غير متشوفش فيه وهو مصغر عينيه ! مفاهمش اش كدير هنا مع الخمسة دصباح حدا صندوق دمطيشة ! ....
بييلسان يلاه غتنوض تجمع راسها توقف وهي تحسو هبط عندها كايشوف معاها ... بدات كترمش بعينيها بسرعة ملي حساتو قريب منها وكيشوف فيها ، وبدات كطلع عينيها بشووية فيه تحت من قصيصتها كيف شي قطة تاشافت ملامحو المستغربة وكانه حابس الضحكة !!!! ...
هو امتى تبدل كاع قد هاكا ؟ لحيتو كبرات بزاف ووجهو زاد سمار و ملامحو برزات كتر ... زاد طوال وزاد عراض .... هبطات عينيها كتشوف مع صدرو للي من زمان كانت كتحماااق عليه ... دقات قلبها المتسارعة كتبان على صدرها لي كايطلع ويهبط ..... وجود كيقول مال هادي ! خايفة حيت حصلتها !! ..... ورجعات هزات عينيها فعينيه حتى تلاقاو !!! كولشي تبدل فيه ! الا نظراتو ..... الا شقاااوة حركات ملامحو .....
اما جود غير حلات فيه عينيها بداك الطريقة .. بدا كيكمش على ملامحووو .... جاه شعور فشكل فالداخل ديالو ؟ بحال شي ديجا فو !!! .... بيلي لاحظات ملامحو لي تكمشو فيها كانه كيتفكر وهي توسع عينيها وناضت بزربة كتنفض حوايجها وتحاول تمسح يديها فتيشورتها
بيلسان : ا .. انا ... . انا غير .... غير جاني جوع و ما ... مالقيتش ( كتحك فشعرها )
جود باقي بنفس جلستو على ركبتو كيشوف فالبلاصة اللي ناضت منها .. وغمض على عينو زير عليهم ملي قاطعاتو! .... ورجع نفض راسو وناض طلع معاها وهبط وجاوب
جود : شنو ملقيتيش !
بيلسان : ( قلبها مان غايسكت ملي سمعات هضرتو وتحكمات فراسها مكتقدرش تشوف فيه ) م .. مالقيتش .... م .. ما ماناكل
جود بدا يضور فراسو شداتو الضحكة عليها ومشا باتجاه بيت التبيرد .. دفع لباب لداخل ودخل وهي بقات موسعة عنيها كتشوف !! الباب كاتحل للداخل ماشي لبرا !!!! ...... هي علاش مدفعاتهاش .....
دخل لبيت التبريد مشا لجيهة دالما .. وجبد قرعة دالما شرب منها وخرج خلاه ليها محلول وداز من حداها و طلع .... وهي بقات متبعاه بعينيها ورجعات شافت لبيت التبريد لي محلول قدامها وهي تقلب شفايفها للتحت .....وبدات تبكي وضرب برحليها فالارض كيف شي طفلة صغيرة ...
الثانية عشر زوالا ....
كانت العائلة كلها مجموعة على طاولة الفطور .... كلهم مجموعين فالقصر لانه غدا العيد ....
من غير اياد ولوؤي لي باتو فازرو وعاد جايين .. ورتاج وعدنان لي شادين طيارة .. وسلطان تاهو قربات طيارتو تحط ....
لامار مقاداها فرحة ، احسن جو عندها واحسن وقت هو فاش العائلة كلها كتجمع .. اربع سنوات متجمعو بحال هاكا ...... كتسنى غير مجيئ لخرين باش تكمل الجلسة
اما اريج غير فاقت من نعاس وقاليها يونس راه جات لبارح بليل دازت لبيتها بزربة لقات غير بلاصتها وحوايجها كيستفوهم الخادمات فالدريسينغ ... عرفاتها خرجات تاني ... ونزلات فالدروج كتصوني عليها ساخطة ووتيليفون كايعطيها طافي ... تاوصلات لعندهم لطبلة جلسات وانسجمات معاهم فالحديث ....
كلهم كيتسناو اسد باش يبداو فطورهم .... عاد كان نازل غير بلباس سبورتيف حيت النهار غيدوز غير فالدار .. على عادتو نازل كيعلي فكمامو وحياهم براسو وجلس فمقدمة الطاولة .... والخادمات كيصبو ليهم القهوة .. والفوج الاخر لتحت واقف على العشا لانه غتكون العائلة كلها ملمومة وتاحد ماناقص ..
نزل مور اسد جود تاهو جلس وتبعو وسيم .....
الطابلة مابقى ناقصها تاحد ولامار عينها غير على الدروج كتسائل علاش مزال منزلاتش !!! .... تابانت ليها رجاء وهي تغمزها بعينها قربات عندها وهضرات غير فوذنيها
لامار : فين بيلي !!! باقا ناعسة ؟
رجاء يلاه غتجاوب تاسمعو واحد صوت انثوووي رقيييق كله حمااس ونشاط وحيوية ....
بيلسان : كوووووود مووررنيييغ مااااي شوووكرررر فاميييلي ......
كلهم ضارو جيهتها و ماجدة بحالا صعقها الضو ..... كانت غير بشوورررط قصير وردي رياضي وديباردور ديالو مغطي غير صدرها اما سرتها عريانة فيها بيرسينغ وكرشها مخدومة مزياااان بالرياضة ... لابسة كاسك وسبادرين وهازة قرعة دالما فيديها وجامعة شعرها لفوق واضح كانت كدير السبور ...
اريج وسعاات عيييينيها على داك اللبسة لي داخلة بها لوسط القصر و يونس نزل راسو بين يديه شاد عليه وزياد كيشوف فيها ساخط و جود كيطلعها ويهبطها ... ماجدة دغيا قلبات عينيها لعندو تشوفو كيفاش كيشوف فيها وواش تفكررها !!!! ..
اما وسيم وسسسع ضحكتووو لي جات توأمتو فالجرائم .... وقسم وسعات عينيها بفرحة وقدس تاهي ..... كلهم فرحو بمجيئها من غير عائلتها لي ساخطة على داك المنظررر وهي تشوف عند اسد لي حط الفورشيط ديالو وربع يدو على الطبلة كيشوف فيها .. وسعات ضحكتها ومشات كتجري لعندو من لوررر عنقاتو باستو فححنكووو وماجدة لاحت السيرفييت من يديها .. كلهم مولفين علاقتها باسد كيف دايرة من غير جود لي جاتو عجب ! ....مكيعرفش انه كاين لي زاعم عليه هاكا من غير بناتو ....
بيلي : اي ميسييووو مااااي كيييينغ ..... توحشتك انكل والله ......
اسد جبدها من يديها وضار للجنب بالكرسي وقفها قدامو يلاه طولتها جاية معاه وهو جالس ..
اسد : باكاجك توحشني كتر منك كنضن ، لا !
بيلي : ( عضات على لسانها ) والله ماااقصدت .. غ غير توحشت صحاباتي و ( اسد قاطعها حيت عارف شنو مجابهاش بكري )
اسد : مزيان .... ( بابتسامة حنينة ) على سلاامة ابنتي .....
رجعات عنقانو شافت عند سفيان لي قلب عليها وجهو بطريقة طفولية وهي تضحك مشات عنقاتتو من لور
بيلي : والله منعااااود ... صااافي صاافي راه تحزارك صعيب علياااا كتعرف ليك غير خالتو حياة
سفيان : رخي .... رخي مني
بيلي : ( معنقاه من مور الكرسي ) ماااتووحشتينييش مم ؟؟؟؟؟
حياة : ههههه ضور عند البنت مالك ههه تووحشك ابنتي توحششك ... راه غير تايتفشش عليك
بدات كضحك تاضحك ليها وضار عنقها عندو فرحان بيها لي جات .... وبدات كتسلم عليهم كاامليين بالاحضان تاوصلات عند ماجدة وهي دير عليها تسلام بارد حيت منهار عرفاتها والحرررب بيناتهم على جود ....
ضحكات لسارة وعمران عنقاتهم لي رغم كرهها لبنتهم هوما عندها عزاز .. من دييما محبوبة العائلة و المشاااغبة ديال الطبلة ولي كتجيب الحيوية والنشاط معاها وقفات قدس وسلمات عليها بعنااااق حاارر .... وقسم تاهي عنقاتها عندها بحنييية طالما كانت بحال اختها الصغيرة ...... وضارت بعينها شافت بيان فيد جنان وهي طيرها ليييها كتلعب معاها وجود متبع ليها عينو ولامار غير كتشوف فاريج علاش مسلماتش عليه ؟ وعلاش تاهو ماعطاش شي رد فعل !!!!! واش تلاقاو هادو من قبل !!
بيلسان : ( كتبوس فبيان ) متوحشتييينييش مااااي برنيييسس ... ايييييي شحال توحشت هاد الرويحة ديالك ... هاا عميييييتووو جاااات ( كتبوس فيها )
جنان : توحشااتك شوفي كيف فرحات
عطاتها ليها وشافت عند الشخص لي كان غير حاط يدو على الطبلة ومبتسم ليها وتاهي ابتسمات ليه ومدات ليه يديها على شكل بونية سلمات عليه سلامهم الشبابي كيف العادة وضرباتو براسها لراسو ....وهو طلع معاها عينو
مروان : عزييييز علييك سوسبااانس ...
بيلسان : الله ياودي ، وشكون يخطططف منكم الاضواء .... ( شافت عند ماجدة لي عينها نار عليها ) مييييجوووو حبيبة ( هزات طوسط كتعض منو متكية على طبلة حدا مروان ) غير مكتزيدي تزياني ؟ درتي زراعة الشعر !!!!! كانت عندك واحد الجبهة مشاء الله ؟؟؟؟؟ واش باقا عندك ولا صافي غطيتيها بالشعر !!! ...
ماجدة وسعات عينيها وقدس عضات على شفتها وسارة شافت لجنب واخا بيلي عندها عزيزة ولكن من زمان مكيعجبهاش تصرفاتها مع بنتها لانها معارفاش سبابهم اش ، وعمران تاهو ماعحبوش الحال ومابغاش يبين ... وماجدة لاحت المنديل من يديها ومشات واريج تبسمات ابتسامة صفرة ليهم وناضت عندها جراااتها بعيد وهي تابعاها وضايرة براسها كاتشوف فوسيم وكتومي ليه بعينيها بمعنى بلاتي عليييك تاوقفات بيها اريج حدا الدروج كتهضر تحت سنانها
اريج : خليييني سااااكتة ندوز ليك غير هاد رروطار ببببعدي من البببنت متجينيش بعافيتك ، باقا عندك الووجه تدوي ابنت لحرااااام
بيلسان : ( هبطات شفايفها ) هادي هي توحشتك وكيف دوزتي ليكزام ..... وكيف كان الفواياج ، ولا صافي المغرب هدا مكاينش الحقوق ددالطفل
اريج : ( تنهدات ) واش نت باغا تهبليني ؟ باغا تهبلني ماماك على كبرها ياك !!!!! مغاديريش عقلك
بيلسان : ( جبدات ليها حناكها ) يهبلك عدوك ولي مااا ماي ، ماااعرفت كيكيقولو ليها .. اينيوااااي .. زعما العدو لي يهبل ماشي نت ...
اريج : عطي التيقار لماجدة .. وعيطه حتى لامثااال المغربية .... طلعي بدلي عليا هاد الحالة وغطي داك الكرش راه عمامك جالسين كوني تحشمي ماراكيش فنيويورك دابا ... راه غينوض خوك يخلطك كاتقلبي عليه ، شفتي كيف كايشوف فيك
بيلسان : ( ضارت شافت لزياد ورجعات شافت فيها ) فييين اياد ؟؟؟ .... ياك قلتيلي كاين
اريج : راهم فازرو هو ولدك عمك عدنان راه جاي فالطريق
بيلسان : وجدة وجدي !
اريج : هما فطرو بكري ، طلعي بدلي حالتك ودوزي عندهم لبيتهم جدك عيان شوية سيري شوفيه راه معاه جداك
بيلسان : ماااااالووو !!!!! ناضو عليه الركابي تاني !
اريج : اه ... طلعي بدلي عليا حالتك واخخخخر مرة نشوفك هاكا وعاد غنتفاهمو على داك الروطار ابلااااتي عليك ابنتي ابلاااتي جيتني وسط العائلة منا غااانزرق ليك داك افخاض
بيلسان : ( باستها ) لافيييو مااااامي ..
خلاتها وطلعات وزادت عندهم اريج لطبلة
اريج : سارة حبيبة ... متديش عليها راه كتعرفيهم هي وماجدة كي المش والفااار .... راه هضرت معاها مغتعاودش ، سمحيلنا اعمراااان
عمران : لا ماشي مشكل هادو هوما الدراري ...
سارة : الله يهديهم وخلاص ....
حياة : علاش طلعات عيطي ليها تفطر !
سارة : دوش بعدا حالتها وتشمي تشوف جدها وجداتها وتجي .... غانمشي نعيط لماجدة تجي تكمل فطوررها داك اللفعة عندي وقفاتو ليها .....
ناضت اريج خرجات لجردة بانت ليها ماجدة على واحد الكرسي كتحححلف عليييها مزيرة سنانها غير شافت اريج جاية بجيهتها حاولات متبينش غضبها وكبتاتو لداخل
اريج : مااجدة .... متديش عليها ابنتي الله يرضي عليك ، راه هضرررت معاها والله لابقاااات فيها .... راك كتعرفي ضحكها هي كيداير
.ماجدة : اييه كاع كنعرفو نضحكو ولكن ماشي داك الهضرة وسط لافامي كلها ؟؟؟؟ ....
اريج : عندك الحق .... والله متعاااود مسحييها فيا ابنتي ... يلاااه اجي تكملي فطووررك هاديك راه كتسنى مني شي سلخة عاد تثبت ... اجي
نوضاتها من يدييها كتبخ الدخان بالفقصة رداتها للطبلة وسارة غير كتنهد كيغايديرو يدوزو هاد العيد تاني هاد العطلة وسط حربهم .. كان يسحابلها بيلسان غتكون تعقلات ولكن باقا كيف هي .....
الكل كان مركز مع جود وخصوصا مروان ولكن مكان عاطي تاشي رد فعل كيفطرر عادي جدا عرفوه راه متفكر والو وماحاس بوالو .....
وعمران حس براسو ضاع ليه الخاطر ووقف تايمسح ففمو
عمران : غاتسمحو لينا ... خاصني نمشي نشوف الكادوات للعائلة راكم عارفين غانسافرو غدا ... نهاركم مبروك
سارة : ( كتمسح فمها تاهي ) وي يلاه نللحقو .....
لامار : صافي غتعيدو معاهم ! هربتو منا ياااك واخا اعمرااان
عمران : لاات حاشا ولكن الوالدة بوحدها راك عارفة لي كاين .... عيدكم مباااارك باش مكتمناو بالصلاح للوليدات ان شاء الله
الكل : امين
اسد : بلغ سلامنا للعايلة كلها
عمران : يوصل ان شاء الله .... ماجدة يلاه ابنتي
ماجدة شافت جيهة جود وعلات عينيها للفوق جيهة الدروج لي طلعات منهم .... و هي تشوف فباباها
ماجدة : لا غير خليني ابابا مافيا لي يمشي .... تانكونو ساليتو تقضيتكم وغانسافرو نلحق عليكم .....
عمران : لا والو ... يلاااه
سفيان : خلي الدرية اصاحبي بغات تكلس
لامار : سيرو قضيييو شغاالكم وملي غاتكونو غاتسافرو علموها خليوها هنا مع لبنات ....
عمران ناقظش يرجعها فوجههم واخا ماخاملش تبقى هي وبيلي فبلاصة وحدة وودعهم ومشا ....
سارة : ( كتهز صاكها ) وديري عقلك وبعدي من بنت خالك ( شافت عند اريج ) الى دابزو عيطي ليا
ماجدة : ماما منيتك ؟ واش انا قدها ندير فيها عقلي ؟ .... راها مزال مسكينة عقلها صصغييير ومبرهش مسالية ليها انا !!!!!
اسد علا حجبانو لفوق ولامار عضات على شفتها وحياة بقات غير كتشوف هنا ولهيه ... وجنان كمشات ملامحها معجبهاش الحال
جنان : اكسكيوزمي ! ....
اريج زطمات على جنان تحت الطابلة وهي تقرب عندها بالهمس
اريج : ششششش
جنان : نووو !!! ماأندهاش الهك (الحق) تهضر هاكا أليها ...
اريج : ماااعليش مااعليش بيناتهم حشومة راه اللفعة ديالنا هي لي معدية
جنان : ( بلانجليزي )هي هضرات فوجهها . هادي ماعندهاش الحق تهضر فضهرها ... قلة ادب !!!!
اريج :صافي هنينا تانت .... راه دغيا كايبقى فيها الحال ....
جنان : ياك هي ضيفة صافي ! اذن تحترم صحاب العائلة .....
اريج : نوووو حتى هي وحدة من العائلة حماقيتي راه سارة ختهم ....
جنان : نووو .. منين جات ختهم ! ياك هي بنت عمو د بابا يونيس ... شوفي شحال دالبعد !
اريج : جنااان سسسكتي ... حنا هنا عائلة وحدة وسارة ختنا وبنتها تربات حدا عينينا راها وحدة من ولادنا ردي لبال لهضرتك ابنتي ....
جنان : انا مادخلنيش فهادشي ... بيناتكم غير مكيعحبنيش لي يهضر فالضهر .... ملي تكون حداها تهضر ، ماتهضرش فضهرها وحنا كالسين على الاقل تحترمنا !!
اريج : اودي لاهادي لا هاديك غا سكتي
سارة هزات صاكها خرجات واخا ماحملاهش تبقى ولكن مابغاوش يكبرو القضية خصاماتهم هي بيلي ولفوهم من صغرهم ، وماجدة مشات لصالون دارت رجل على رجل وهما كل واحد فين بدا يتفرق .. وسيم طلع لفوق وجود خرج ديمارا طموبيلتو وزاد للكراج ديالو يشوفو فين وصل سيمانة وهو غابر عليه .....
اما بيلي دخلات لبيتها مشات ديريكت لدوش لقات الخادمات سالاو و لبسات شورط دجين وسبادرين بيضة و تيشورت كحلة نازلة على كرشها هاد المرة مطلعة ليها كمامها القصار فوق كتافها ... و نشفات شعرها يلاه كتروليه من تحت تحلات الباب ودخل تلاح على السرير هز واحد البواطة د صبابط نايك و شاف لسبرديلتها لي فرجليها
وسيم : نااااضية ...
بيلي : ( كترولي شعرها من لتحت ) وجااااي عندي برجليك
وسيم : كيف درتي ليها سلتي ! منخاااافش عليك
بيلي : انا لي خصني العقل كنتيق بيك ، ترطع ليك فساعة الخير غاتسنى ( رجعات للمراية كتصاوب شعرها ) جدي مريض مسكين
وسيم : شفتو ... كان معاه طبيب لبارح .... قال الروماتيزم ....
بيلي : الله يشافيه ( ضارت عندو ) ولفتي !
وسيم : شوية ... كنحس براسي مربوووط
بيلي : اجي حقا ... داك مايا خليفة غدوز هنا العيد !؟
وسيم : الا ... غيمشيو عند عائلة باها
بيلي : اخيرا بانت شي عائلة تجمعها علينا ....
وسيم : اسكتي يسمعوك ينحروك راها عندهم عزيزة
ليبي : مها اللي عزيزة وباها .... دنيا كلها تبدلات الا هي .. السم هو السم ... صراحة بغيتها تعيد كنت غااانزهاااا ... ( ضارت عندو ) باقا كاااضورر بيه !!!
وسيم : تايكون هو كايضور هنا .... انا خوه وكانشوفو مرة فالسيمانة ... مابقاش جود بحال شحال هادي ، راه مكيدخلش بزاف لدار ... خلينا دابا من هاد الخرا وجبدي اش تما .... راني مقطوع
بيلي : صبر نكمل شششعري .... كاع مقطوعين ....
لتحت كل واحد فين مشا يشوف شغالو .. فيصل وانس مشاو للخيول و الرجال فالمكتب والعيالات فالصالون وقدس وقسم واية معاهم المصممة ديالهم جابت ليهم حوايج لي غيدوزو بيهم العيد ....عاد يدوزو لبيلي وماجدة و العيالات ..... اما مصممين الولاد حتى الليل حيت مافيهمش الخدمة بزاف ....
ماجدة خرجات من جناحها لي كانت فيه مع المصممة ماشية فالكولوار ووتوعد ليها بالجحيم خصوصا انه دابا الساحة خاوية وجود لي موالف يدافع عليها مكاينش فصفها ...
وصلات لجناحها باغا غير تنفرد بيها وتعطيها علاش كتقلب هضرتها باقي متسرطاتش ليها .....
بيلي حلات لافاليز وجبدات الشكيليطات " الحشيش " ... وقادو جوانهم هي و وسيم وخرجو لبالكون يتكيفوه على خاطرهم ....
ماجدة حلات الباب بالزربة ناوية تخلطها هاد النهار ، وبدات كتشوف مع الجناح خاوي .... وهي تقشع خيالهم فالبالكون !!
يلاه غاتمشي ، استوقفاتها واحد الريحة !!! بدات كتشمشم بنيفها كتقول فراسها اش هاد الريحة !!! ...
بان ليها ظلهم فالبالكون وهي تدخل عليهم كي النهار الكحل و وسيم وسع عينيه تابدا يكحب و بيلي شادة جوانها مامسوقاش ليها
ماجدة : ( حلات فمها ) مااايمكنش !!! وسيييييم !!!!!
وسيم كمش الجوان فالطفاية وبيلي غير كتشوف سخطاااااات لي دخلات عليهم
وسيم : مااااجدةة برررربي وتحلي فمك ....
ماجدة قلبات عينيها لبيلي لي تاهي كمشات جوانها فالطفاية وتنهدات ...
بيلي : مكتعرفيييش دقي !!!! .... داخلة لبيت مك !!!
ماجدة كضور فراسها : كتكمييييو !!!!!!
بيلي : اه كنكميو و منبعد !!!!!
ماجدة : وعلى الدار كتمثلي البرااااءة والكيوووتنس والبنت المأذبة
بيلي : مكنمثل على حد انا .. متحطينيش بلاصتك .... كل واحد وعيوبو ... الى جيت نذكر دياولك مغنساليش
ماجدة : ( كتضور راسها بلاا ) عرفتي لاعرف خالي اسد هادشي اش غيوقع
بيلي ناضت من بلاصتها وقفات حداها
بيلي : غااااتنحري ... من الوريييييد للوريد
وسيم : ماااجدة ... صافي ديري راسك ماشفتي وكملي النهار نااااايس .. واخا !!
ماجدة : ههه !!!! منيتك ؟؟؟؟؟ نتا اه .. ولكن هاااااد اللفعة هادي .. غااانديرررليها استقباااال زويييين . ( شافت فيها ) والله حتى نكرهك على النهار اللي رجعتي فيه ..
خرجات من البيت وسيم ضرب الطبلة وبيلي تبعاتها بالزربة شداتها من شعررررها
ماجدة : ااااااي .. ططططلقي شششعري طللللقي .. خاااااااالتي لاااااااامارررر
بيلي : ( جبدات شعرها عندها هضرات فوذنها ) ققققطعي حسك .. توووحشتي شي ترييشة يااااك .... توحشتي نتفك تاني !!! راه نتي لي معارفاش هادشي الى وصل لعمي اسد اش غيوقع ...... انا غنقوليك آ باااايبي اش غادي يوقع ..... خاااالك اسد داك ساعة غيعرفك كضوري ليه بولدو ...الفلورطاج ديالك معاه فالطموبيل راه وصلني تصاورو ، حسابلك راسك غير راني براااا محااضياااش رررزقي ....
ماجدة تنترات منها وقفات قدامها ووسيم فالبالكون
ماجدة : اوا ملي عارفة هادشي وعارفة بلي راه ولا ديالي علاش راجعة
بيلي : ولا ديالك ؟؟؟ ههههههه بلاتي نضحك بلاتي .. هادي بضبط خاصني نشعل عليها جوان اخر .... كان سكراااان ابنتي ولا انا لا نتي عارفينو منين كيسكر يقدر يبووووس تا جرااانة دايزة فالطرييييق .... قاسك وهو ساحي !!!! ( كتقرب عندها وماجدة مخنزرة فيها ) قرب ليك هو ساحي كيف كان كيقرب ليا .. عمر قاليك كنببغييييك !!!!! ..... هممم !!!! سوو كاااالم دااااون بايبي ... دايرة ليه سبة ديال الخراااا باش يجي عندك للدار فلخر قمعك وخلاااااك ...
ماة : ( موسعة عينيها ) منييين جبتي هادشي
بيلي : بلاصة متبقاي حاضياني .. حضي مع صحاباتك لي تاتبرولي حداهم كولشي ... ماتنسااايش راه كنا مشااااركيييينهم واحد النهار ... ومااازلين كيلحسو ليا الكااااپة .....
ماجدة : شكووووون قوليلي سميييتها
بيلي : غاااتسدي علياااا فمك وغاتخرجي من هاد البيت عمية وعاد رجع ليك شوف .. وبروالة وعاد نزلات عليك القوة .. غااااتشدي فمك .. ماشفتي ماشميتي ماسمعتي ... باش انا نبقى سادة فمي منفضحش ، باباك لاجبتلو وحدة من صحاباتك عاودات ليه شنو تتسواي و تصاورك مع جود فطموبيل ...... ماعمرك تحلمي تاتعتبي لهاد القصر ابنتي .... يلااااه لباب (دفعاتها ) دخلي مزال لهاد البيت بلا ماااادقي غااااان* يييييك بلاصة هاداك اللي طالباه عليهااا .... حبييييبتو ونديرها بلاصتو ماعنظيش مشششكل ......
ماجدة : حبيييبتو لي نساها !!
بيلي : لي غاااايتفكرها .... كيتك نت لي مكاينة لا فالماضي لا فالحاضر لا فالمستقبل .... راه قتليم لاعاودتي دخلتي لعندي هنا بلا دقان اش غاندير ليك ...ولا عرفتي شنو ؟ متعاوديش نت كاااااع تعتبي هاد الباااب ..... مزيانة هادي !
ماجدة : شفتي ابيلي وطيحي فيدي .. بالله تعاااالى تااانشوهك
بيلي : الحلووووف !!!! تاتصلي تا صلاة بقا غا الحلوف ، ضووووري تقااااودي عليا غبري عليا كمارتك طيرات ليا التبوييييقة وجهك غاديال يتحط فباب البيران يسحاو بيك سكايرية باش يرجعو لديورهم ....
ماجدة : غير بلااااااااتي
بيلي : آم وااايتين .... انوريك بنت الاسماعيلي شكون هي .. راه مكاينش لي كايعرف فيگروتك الحقيقية قدي انا ... من الاحسن بلا ماتفرعي ليا ككككري قبل مااانحل ككرررك نعمرو ليك بالكفتة .... آووت .... قووووودي
ماجدة طلعاتها و هبطاتها مزيرة على سنانها وزادت للباب وهي تسمعها
بيلي : اااه حقا ... داك لي كضوري بيه ملي كانت مولاتو غايبة ... راه جات دابا .. آي سووير ..، آي سوييير اماجدة حتى ننندمك الى لقيتك مزال فساحتو ....
خلاتها وخرجات لتخات البااب بالجهد ومشات كاتفور .. وبيلي عاد زفرات النفس ومشات للبالكون عند وسيم لي كان شاد فالحدايد
وسيم : غتفضحنا داك بنت القحبة
بيلي : تامانكونش انا هي بيلي ..... قحبة كتااااار منها ......
مدة وهي ووسيم فالبالكون تاسمعات لباب كيدق ودخلات اريج ....
اريج : ( شافت وسيم ) حبيبي راك هنا تانتا ... بيلي المصممة جات هاهي غادخل عندك ابنتي جابت ليك موديلات زوينين للعيد .... تما جليليلة واقلة طويلة عليك شوية تاخد قياسها نيشان
بيلي : ففففف .. ماما ياك عندهم قياساتي علاش تاني هاد قوة التبدال
اريج : لا ضروووري باش تجي هي هاديك .... هاد المرة الكوليكشن على ذوقي اتعجبك ...
وسيم خلاهم وخرج ودخلات المصممة عندها ....
واريج مشات لبيت رقية حلاتو لقاتها كالسة عند راسو وهو ناعس
اريج : ( بالهمس ) بابا نعس
رقية : ( بالهمس ) بالكشايف .. كضرو المعدة
اريج : زااادتو هاد المعدة تاني ... يمكن غير بالدوا دابا يصح ان شاء الله ( دخلات وكلسات باست يدو ) الله يشافيك ليا ابابا لعزيز .... ( شافت فرقية ) ماما رقية .... لامار تاتسناك لتحت جات المصممة غاتاخد قياساتك تانتي اما بابا بلا منعدبوه خديت قياسو نيشان رحال عندهم داكشي مضبوط
رقية : مااانعرف واش غاينزل غدا ...
اريج : نحاااولو ينزل يشم ريحة العيد ويبرا ، كيعجبوه بابا هاد الاجواء ... ديجا اتكون الصحافة بليل على ود التصاور ضروري ينزل ... الى بقى غير ناعس غير مغايزيد يمرض .. يالاه تبعيني نزلو لتحت تشوفي اش جابت ليك .. داكشي كيف كيعجبك ...
شافت رقية لعندو وهي تتنهد وناضت تبعات اريج وتسبيحها ملوي على يديها نزلو لتحت كانت المصممة وحداها علاقات فيهم لي موديل لي جايبة ليهم ... جلالب و قفاطن وعاباءات وجابادورات .....الصالون مرون بالشراوط
وديال رتاج قيساتهم اريج لانهم نفس الفورررمة غير اريج ضعيييفة شووية على رتاج .... ولكن فالبلدي كيلبسو نفس الطاي .... الحاجة تاهي خداو قياساتها .... اما ماجدة وجدو ليها الموديل ديالها تديهم معاها لانها مغتعيدش تما .. تاشافوها نازلة كانت كتقيس حياة
لامار : ماااجدة ... كيف جاك داكشي قدك نيشان
ماجدة : وي كولشي زوييين ... خصوصا الجلابة عجباتني ...
لامار : بالصصصحة ابنتي ... هاداك لهيه متنسايهش فيه ديال ماماك .... هاد العيد غتخليو بلاصتكم ..
حياة : كون غير خلاوك نت بعدا معانا ، غاتبقى بلاصتك ...
ماجدة : ماكرهتش ولكن مغاايبغيييش بابا كيقولي ضروري نمشي عند عمامي باغي يقربني ليهم صحة انا مكنحملهمش معقديين
لامار: لا حشووومة ماتقوليش هاكا راهم عمامك
ماجدة : غير كندخل كيبقاو عليا الحجاب الحجاب السترة التبرررج .... ماااااشي سوووقهم بابا حدايا ومقال والو يدخلو هوما !
حياة : ومااشي مشكل هوما ملتزميين شوية .. شكون يكره السترة الله يهدينا وصافي ... تانتي غير نهار واحد وتجيو مافيها باس
ماجدة : نوووو قاليك بابا غاانبقااااو سيمانة
اريج : اوماياكد ! ههههه .... سارة غاطرطق ههه
ماجدة : ففففف انا براسي محاملاش ماعرفت كيفاش غاندوزوها .. ماشية غير على وجه بابا وجدة
لامار : مااااشي مشكل ابنتي الى قنطتي رجعي وخليهم تما ....
يلاه كيهضرو معاها هو يصوني تيليفونها
ماجدة :الو بابا!!!! .... واخا ..... صافي واخا ....( قطعات لابيل ) يلاه جبدناه ... ( قلبات شفايفها ) مهم خاصني نمشي صافي كيتسناوني.....
لامار : رجاااااء ..... ( جات عندها ) قولي لشيفور يوجد طموبيل وعيطي على واحد فيهم يجي يهز هاد الحوايج لطوموبيل ...
حياة : ماتبينوش ليه تاني راكم ماشييين بزز .... ضحكي شوية ههه
ماجدة : انحاااااول .. ماعندنا مانديرو .. ( سلمات على لامار ) بسلاااامة ... عيدكم مبارك
لامار : بسلاااامة احبيبتي تالغدا ونهضرووو ان شاء الله عيدك تانتي مبروك باش ماتمنيتي وبشي عرررريس ههههه
ضكات ليها وسلمات عليهم كاملين ومشات وهما رجعو للمصممة لي معاهم واحلين غير مع القياسات .... قيس هدا وحيد هدا ....اما قسم وقدس كانو سالاو مع المصممة وجاو صحاب السوان والتجميل لعندهم ونزلو معاهم للصونا لتحت .......
جود دوز العشية كولها فالكاراج ديالو كيتفقد مع المهندسين لي تما لابس سالوبيط وكيصبغ بيديه الحيوط دليطاج الفوقاني تاسمع تيلي كيصوني وجابو ليه واحد دارو فودنيه
جود : افين
سلطان : واااش الميكااانيسيان
جود: وليت صباغ حاليا .... نزلتي
سلطان : قبييييلة ..... فينكم
جود : لوؤي مسافر يمكن ، انا فالكاراج اجي عندي ..
سلطان : سيفطت لوكاليزاسيون ..... نسيت فين جا
سيفطها ليه ورجع كيكمل معاهم .. باغيه يكون كولو على ذوقو ويخدم فيه بيدو واخا ملي جا من افران لقى تقريبا نصف الاصلاحات قربات تكمل ... وسلطان مشا داز على ختو داها لليكيني و عاد مشا لعند جود لانها غاتتعطل عندهم تا انشطة ترفيهية .....
لوؤي واياد جاو من ازرو مهلووكين بعد ماوقعو تما كاع الاوراق الخاصة بالمتحف و التحف لي غيجيو ..... ورجعو للكازا ... بقوة العيا مقدوش يمشيو حتا الدار لان عارفين العائلة كولشي مجموع مغيخليوهمش يرتاحو بالهضرة ودازو ديريكت لوطيل ودخلو كل واحد شد جناحو لي مخصص ليهم فالاوطيلات ديالهم .... وضربوها بنعسة ... لوؤي حس بالحمل نقص عليه فهاد السفر ملي كان معاه اياد ... وتا اياد حس انه بدل الجو ولاح شوية الستريس .....
جنان بعد ماخداو تاهي قياساتها هي وبنتها ... خلات بيان لاريج ناعسة وخرجات مع راجلها والعيالات ملي سالاو مع المصممين هبطو تاهوما للصونا ... الرجال كانو عارفين هاد النهار لي ليلة لعيد مغيلقاوووش العيالات كااااع معاهم ... وبصح الدار كانت كتتتصفررر ....
كلهم لتحت فالصونا لابسين بينوارتهم ... وسيم هبط للبحر و فيصل فالكلوب و انس مع العاب الفيديو .....واسد ويونس و سفيان خرجو يلعبو كورة .....
طيارة عدنان و رتاج وصلات ولكن دازو ديريكت لدارهم .... تايرتاحو ويدوشو عاد يستعدو يمشيو للعشا ..... حيت ايام العيد كايكسلو العطلة كلها فالقصر .. خصوصا انه دابا مكاين لا خدمة لا قراية .....
فالصونا ......
كانو أسِرّة طوال وكل سرير ناعسة عليه وحدة فيهم معاها الماسوز ديالها مسترخييين وموسيقى هادئة مشعولة والشموع واحجار المساج ... وهزما مغطين غير المؤخرة بفوطة بيضة .....
اريج : ( كتشوف لتيلي شحال ساعة ) رتاج غاتكون نزلاات
حياة : كون غير عيطتي ليها تجي !
اريج : غاتكون نزلات مسخسخة .... ااااي شحال كنت محتاجة لهاد الماساج ( طلات على بيلي ) بيلي داها النعاس عههه
حياة : انا وجاني نعااااس ....
قدس : ماماااا
لامار : ابنتي
قدس : زوووجييييني
لامار : اهيا !! انقصو لهادي من السخوونية .... ( ضربات فقسم ) ضربي نت الفگد فختك ....
قدس : يهدييييك الله اماما واش منيتك .. انا كنهضر على البلدي .. عجبني راسي بالبلدي جيت غير ديال الزواااج ....
اريج : على ابنتي قالو ليك الزواج فيه غير اللبس !
بيلي : ( كانت مغمضة عينيها ملي سمعات الحديث ضورات راسها لجنب ) وشنوووو فيه امامااا آخر ، زيدينا معلومات راحنا مكنعرفوش
حياة : يلاه هاهوما ناضو ليك
لامار : راه قتليكم نقصو لهادو من سخونية ... شوفو ختكم كيف دايرة عقللها ومتبتة ونتوما آلفرفارات غاطيرو
قسم : انا !
لامار: نتي الله يرضي عليك
قسم : لا اماما تانا باغا نتزوج
لامار : وزغرتي زغغرتي احيااااااة زغرتي .... اسعدي وفرحي ببنتي باغا تزووج .. يابنتي غير آمري يحضر حتال عندك ......
قسم : ننننن .... بغيت نجيبو راسي
حياة : هووووبا !!!!! .. ( شافت عند الماسوز )ختي غير زيدي شوية فالحرارة بان ليا مزال خاصهم باش يگرو بكولشي ... زيد ابنتي .... منين غتجيبيه !!!!
قسم : من شونزليزيه ! .. غايجي راااسو
اريج : دابا واش جا ولا مزال
قسم : شنو هو
بيلي : قااالت ليكم خالتو لامار نقصو من الحرارة مكتسمعووووش
اريج : الرااااجل اقسم ااراااجل
قسم: ومتبقاوش طنزو ... مزاااال ..
لامار : ياسيدي ياربي بغيت غانعرف واش هدا لي اتزوج بيه بنتي كاين بعدا على وجه الكرة الارضية ولا مزال ماولداتو مو
قسم تبسمات وخبعات وجهها تحت من دراعها
قسم : اولله تاندمك .. اتسناي يبان نوريك قسم ....
لامار : غااندميني انا باغا نندم .... بغييييت نندم
قدس : وانا ماايسوولني حد .... ها !!! مابغيتيش تزوجيني !!
لامار : نتي لازوجتك فهاد لاج .. ليوم عرسك غدا نصبح عند القاضي ...
قدس : هاء علاش !
لامار : غيسولك لقاضي علاش غاتقولي ليه ، مبغاش يخليني نصبغ شعري بالاخضر ...... مابغاش يخليني ندير ليه الماسكرا ......ولكن منضحكش عليك ابنتي غيرر نت رااااه تا بنتي لوخرا الشارفة غانجيبها لاغدا من دار القاضي ... بناتي وعارفاكم اش كاتسواو
قسم : وانا لاش ؟؟؟؟؟؟
لامار : نت ابنتي نهار عرسك غتعيطي لباااك .. بابااا قاليا نبوسو ؟؟؟؟ ماشي مشششكل !!!!
حياة : هههههه غتقوليه غاااانطلق سياااادة القااضي تخيل قاليا حيدي حواايجك ؟؟؟؟ تخيل قلة الحياااا وقلت العفة والادب
قسم : ياااودي راكم كتحكرونا يااااهاد العيالات .ً
لامار : نتي نبصم عليها بعدا غتعاودي لباااك حتى شحال فيه من سنتييييم .....
قسم : ( علات راسها لفوق كتفكر طول د اصيل ) انا لي بغيييتو .. بغيتو يكون قد عمي سفيااااان
حياة : ( علات راسها ) احاااااااا !!!!!!!!!
لامار : سسسكتي راه ماعرفاتناش علاش داويين سكتي راني والدة غااا الهياااااضر آحيااااة اختي
بيلي : هههههه الجنة ديريكت ابنت عمي ... قد عمها سفيان قالك ....
اريج : ( ضرباتها ) سسسسسكتي نت اجحشة ... ونت عارفة سنتمتر عااارفاااه !!!!! فين كتعرفيه
بيلي : وحدة قياس اماما قريناه فالبريمار .....
اريج : تاماتكونيش بنتي .....
كملو الماساج فجوهم المرح كيف ديما كولو نبيش فبعضياتهم وقولها وضحك عليها ....
كملو حمامهم وطلعو لبيتهم باش يوجدو راسهم يستعدو للعشاء العائلي لي غيجمع العائلة كلها هاد الليلة .... ليلة العيد ...
لتحت كان البوفيه كيتوجد فالجردة غني بجميع الاصناف .... من كل المطابخ .....
والمساعدات بلباسهم الرسمي وفوق منو فيست تقليدية كتوحي انها ليلة العيد والعواشر ...
لوؤي واياد يلاه قدرو يفيقو ويتوكضو .....
دوشو وبدلو عليهم ونزلو لطموبيل يمشيو للدار .....
غير وصلو للمنطقة لوؤي حس باياد تغير ! ....
بحالا تقلب ليه المود وغير كيتنهد ، عاد كان ناشط !! ....
صايك و كيدور مرة مرة كيلوح فعينيه
لوؤي : ياك لباس !
اياد : ( شاف فيه ) نو .... نوثينغ
لوؤي حرك راسو بالايجاب جامع شفايفو بحالا فهم شنو تما ......
لوؤي : اياد ... راه برررب الى عيقتو .. لي يشوفكم يقول ولاد الخمس سنين ! . حشومة اصاحبي لي فات غانساووووه حنا عائلة وحدة ( اياد مكيجاوبوش ) هاديك راه ختك الصغيرة اصاااااحبي ... راه يوقع لي يوقع ، خايبة ولا مزيانة راه ختك .... بلاصة ماتبعد عليها هاد السنين كاملة وقف معاها تاهي راه كلاتها قاسحة .. نسى نتا كاع جود ... تاهو راه نسا كاع اش ضاير بيه .. ولكن ختك راه مفكرة كولشي .. بلا متكمل عليها .. غنلقاوها دابا فالدار بان ليها عاااادي وخليو داك الواليدين يرتاحو ... حشومة كاع ....
اياد : سالي عليا دابا هاد المحاضرات ... بنت ليك هاز الجويجة غنمشي قاصدها ! جات راه دار عمها نحيد ليها انا
لوؤي : وااااااشتي دابا ... هانتا كبيتي هضرتي فالرملة ... محفي الحجرة على والو ... خليييييونا اصاحبي ندوزو هاد العيد عاقلين عليه .. بررررربي وتمشي تقمعها ولا تبكيها تانخسسر معاك .....
اياد : علاش غنبكيها ؟ ( رجع قاد جلستو شاف لزاج ) داكشي فات كنحاول نساه بلا ماتفرع ليا كري دابا
لزؤي : تنسا ال*لاوي نتا .. عليها مخلي ليه يدو منشورة ! مكتعرفوش هو كيداير .... قلنا ليك ابنادم راه ناسي كلشي صافي بداو صفحة جديدة
اياد : فررررعتووو ليا راسي بهاد خليتي ليه يدو .. كون سلمت عليه اش كان غيوقع مثلا!!!
لوؤي : واااا سلم السلام دالاسلااااام اصاحبي ويكون خييير ... غير على قبل داك الواليييدين مساكن لي هازين الهم
اياد : ( تنهد ) راه على وجه داك الواليدين حنا جينا وعلا وجههم صابرين شوف قدامك ماتهرسش ليا راسي ...
لوؤي : وكمل على صبرك ودير عقلك .....
طريق كلها وهو كيحاول يرد ليه عقلو تاوصلو لباب القصر لي تحل ليهم ، مسافة الطريق وصلو للباركينغ يلاه داخلين ليه مع ضلام كيبان ضو حمر آخر دشي طموبيل عاد وصلات وصغّر لوؤي عينيه ...
لوؤي : يلاااااه وسلم عليه ..... وظير عقلك ابعني ....صافي نتا الطبير نتا مول العقل ....
كانت طموبيل جود نزل منها كينفض تيشورت ديالو لبسو كان عريان من الفوق ونزل سلطان تاهو كيشوف براسو اشمن طموبيل باركات ...
سلطان : لوؤي هذا ..
جود لبس تيشورت وبدا ينفض عليها وكلس على الكوسان كيلبس سبرديلتو حيت كان بحوايج الصباغة .... سلطان علا حجبانو بجوج فاش شاف تا اياد مع لوؤي ... وتبسم ليه واياد شاف سلطان تاهو ابتسم وقرب عندو عنقو بفرحة لرجوعو للقصر ....
سلطان : وااااافييييين ابّاا ايااااد ... زااارتنا البركة ...
جود كان كيربط سيورو سمع سميتو هو يسوط ويرجع كيربطهم بززعفة ...
اياد : واافين ( ضرب على كتفو ) كل عام دير علينا الميزاجور ....
سلطان : ( هبط شعرو بيديه على جبهتو ) عمرك شتي شي حد كايطلع ليه راسو فراسو .. راه هو انا .... ( سلم على لوؤي ) فين وصلو الجمااااجم
لوؤي : كنتسناو ديالك نكملو السيري ... ( طلع عينو جود ) الميكاااانيسيان !! ....
جود قاد سبرديلتو ووقف سد باب الطموبيل جا لعندهم سلم على لوؤي بالكتاف كيف العادة وشاف عند اياد ... واياد تنهد ومد ليه يديه فوق النيف ....
شاف فيها جود وخلاها ليه ممدودة زاد دخل ... ولوؤي بدا يحنحن وسلطان كيحك مور عنقو ..... واياد جمعها بونية قسحها تاقسحها ونزل بيها على لوووؤي تااااهبط ليه الكتف
اياد : تتعللللم تفرررع ليا كككري .....
خلاه وزاد وسلطان باقي مامستوعبش ولوؤي كيضحك
لوؤي : اش داااااني انا لهاد الفيلم الميريكاني كاع ههههه ( عنق عندو سلطان ) زيد ابن عمي زيد ماااابقى مااااايعجب..... الله يتاااااوينا
الفوق ....
جناح بيلسان
جالسة قدام المرآة و سيدة من موراها كدير ليها البابيليز لشعرها ...
وهي شادة تيلي كتسنى على احر من الجمر تشوف النتائج واش دوك الموديلات لي عاودات فاليداتهم كلهم ولا لا .... على الاقل النص لكبير ومتعاودش العام
كانت بسروال ابيض قصير ... و شوميز بيبي غوز طايحة على الكتاف كتبان تحتها سمطة د ديباردور بيض .. وسابدرين ....
حتى تحلات عليها لباب وضارت براسها ...
لقاتها ماماها طلات غير براسها تاهي بغوب زرقاء حد الركابي مع ليباموس و بروش فيمين صدرها ...
اريج : مزااال ماساليتو !!
السيدة : ( طفات البابيليز وبدات تنفخو ليها بيديها وترش المثبت ) لا صاافي امادام ... ( شافت لبيلسان فالمرايا ) بصحة امادموزيل .....
ومات ليهم براسها ومشات واريج دخلات وسدات لباب
اريج : اشنوو ، ردو علييك !!!
بيلسان : هانا مزال كنتسنى اماما .... ماحطو والو ...
اريج : ( وقفات موراها وشدات فكتافها وبيلي كتشوف فيها من المرايا ) بيلي ..... راه جا خوك
بيلسان بقات غير كترمش ! النبرة باش قالتها واضح على اشمن اخ كتهضر ....
تنهدات وتبسمات واخا واضح عينيها بغاو يبكيو
بيلسان : مزيااان .... تانا توحشتو ....
اريج : متقلقيش الى دار شي رد فعل ماشي هو هداك ... راه تاجود خلا ليه يدو ممدودة
بيلسان : كيفااش !
اريج : جود سلم عليه .... خلاها ليه ممدودة ....وجود مارضاش و مشا لافران خوا الدار كاع .. را يالاه جا لبارح ....
بيلسان : ( ضارت عندها ) ولكن علااااش ؟؟؟؟ ياك هو ناسي كلشي .. علاش دار معاه هاكاك
اريج : مكتعرفيش اياد .. واخا هو ناسي خوك مناسيش .. داكشي علاش جيت نقوليك مديريش فبالك ... خوك مقلق بزاف .. وتجرح بزاف .. وضغطنا عليه بزاف .. يعني طبيعي يدير داك ردود الافعال خليوه يبرد قبلو .. وغايرجع بخاطرو
بيلسان بقات كتشوف فالعدم وعينيها كيحمارو وهزات فيها عينيها
بيلسان : ماما .... فخبارك والله عيت من هادشي .. آم تااايرد !!! .... عيييت
اريج : مابقى قد ما فات .. مادامو لاح الخطوة وجا للمغرب .. ولحتيها نتي .... يعني راه بديتو كتنساو اللي وقع ... وغتنساو .. وغيفوت هادشي كااااامل ..... ( تبسمات ليها بحنية و شدات حنيكاتها ) وغاااايجي لبنتي شي واحد اخر اللي ينسييييها فكلشي ..... واللي يهز هبالها . . ويسعدها .. ويضحكها ... و يخليها اسعد وحدة فالكون ....
شافت فيها بيلسان بنظرة يأس !!! كأن كلامها ماهز فيها والو .. حيت هي الوحيدة اللي عارفة انه مكاااينش لي يدير هادشي فيها من غير جووود .... وتبسمات ليها بآه محاولة تبتسم ..
اريج : وهااااكاك خليني نشوف هاد الضحيكة ... تيقي بيا ابنتي ... ربي كيجيب العووض .. نعياو نبكيو ونشقاااو و نتقلقو و نحزنو .. فللخر كيبقى كلشي تعااااويد ... حتى نتي دابا يجيب ليك ربي العوض ... لي ينسيك فكلللشي .. .
باقي ما كملات كلامها كان تطرقات الباب جوج مرات بهدوء .. وتحلات ... ضارو بجوج بيهم ...
كان مروان ... شاف اريج وحل عينيه مكانش متوقعها لداخل .. وحاول يتبسم ودخل ... كان بلباس كاجوااال وساعة جلدية وشعر مرتب ..
مروان : راكم هنا بجوج .... جيت غير .... باش .... ( كيشوفو فيهم و هبط راسو بحزن ) نخبركم ... ردو عليا ... على النتائج ........
بيلي وسعات عينيها على هاد النبرة اللي دوا بيها واريج جمعات ابتسامتها و بيلي وقفات ماشية عندو
بيلي : اااهااااه كمل !!!!
مروان : م موهيم .. ماديريش فبالك ... .
بيلي : ك كييييفاش !!!!!!! غااانعاااود امرواااان
مروان شاف لوجهها اللي قرب يبكي هو يطلق ضحكتو وطلق يديه
مروان : مبرووووووك .....بيااااااان فاليدي مادموووزيييل الاسماعيلي .....
بيلسان غوتاااات بججهد بفرحة ونقزات عليه عنقاااتوو واريج عاد دارت يدها فوق قلبهاااا من الخلعة .... علات فيها عينيها فرحانة ليها
بيلسان : اوماااايكاااااااااااااد .....
مرزان : ( ضامها بيديه عندو ضاحك ) عااادي عاادي .. اللي اجتهد راه يستاااهل.. ونتي اجتهدتي ... congratulations ......
بيلسان تسلتات منو ضاحكة ومشات عن. ماماها طارت عليها عنقاااتها
اريج : مبرووك احبيبتي .... الله يجعل اعوامك كلها نجاااح وفرحة
بيلسان : ( تسلتات من ماماها كتنققز ) ياااااااي .. يو نوو آمروان ! من قبيلة وانا هازة تيلي ، نسيت راه نتا كيردو عليك هو اللول ... فررررحت والله .. كنت خاااايفة بابا غااا يعلقني هههه ... اووووف ( دارت يدها على قبلها ) فاينالي نقدر ندوز هاد العييد فخاطري
اريج : وايلااااه نزلو عمك عدنان وخالتك رتاج دابا هوما جاو .... انا غاانمشي نفرح باباك ...
بيلسان : اكسكيوووووزمي !!!! انا نفرحوووو ..
خلاتها وهزات تيليفونها ومشات كتجري لجناحو ...
و اريح ضارت شافت فمروان وضربات على كتفو بمعنى شكرا فرحتيها ونزلو هي وياه ..
و بيلسان دقات فالباب تاسمعاتو ... كان يلاه خرج من دوش كينشف شعرو لابس دجين وتيشورت نايك بيضة ...
بيلساان : دااااااااد ....( وقفات حداه كتنقز وهو كيشوف فيها ) يلااااااه ... بدا تفكر فالكاااادوو ...
يونس : علاش !!!! ( حط الفوطة كيقاد شعرو بيديه ) ديالاش الكاااادوو
بيلسان : ( بفرحة ) فااالييييييديييييت كووولشي ، بياااااان فاليدي .....
يونس : ( بفرحة جبدها عنقها ) مبرووووك ماااي برينسيييس .. كنت عااااارفك غديريها .. كيعجبك غير تتهاوني ، شتي ملي درتي عقلك فالقارية ... خاصك غير تزيري اشنيولة
بيلسان : هههه موهيم دابا راه نجحت ... ( رجعات بلور تمشي ) فكر مزيااان فالكااااادو راه مكنتهاونش فهاد الاموور
خلاتو وخرجات من الجناح وقفات فالكولوار كتنشرها فسطوريات حساباتها تاسمعات الباب تحلات وضارت براسها كانت قسم لي خرجات ...
تاهي فكامل اناقتها بسروال اسود وااسع من تحت و شوميز سوداء لماعة و فيست شيك حمراء مطلعة ليها كمامها للمرفق وسويعة رقيقة وصندال عالية وشعرها راداه لواحد الجنب .. خارجة كتشوف فتيليفونها تاشافت بيلي والفرحة واضحة فوجهها
قسم : بيلي !!!! ( وقفات حداها ومشطات على شعرها بيديها) اش هاد الضحيييكة
بيلي : هههه فاااالييديت كلشي ...
قسم : اوووه congratulations گووود جوب ماي ليتل برينسيس
بيلي : ثااااانكيييو كااابيطيييين ...
نزلو هي وياها وقدس تاهي كملات معاها السيدة لي صاوبات ليها الضفار ... و علات شعرها لفوق كوپ شوفال و خلات زغيبات خارجين .... لبسات غووب حد الركابي فالاخضر بسميطة مذهبة ... وصندال طالعة بالخيوط و اقراط .... وهزات تيليفونها وخرجات للبالكون كتاخد لي سيلفي ....
وسيم تاهو كان واجد بالكجوال كالعادة و خربق فشعرو وداز بييت جداه وجدو يطل عليه كيف بقى .. كانت رقية حداه مكتفارقش راسو ....
وسيم : جدوووو .. ( كلس حداه وباس يديه ) كيييف بقيتي
احمد : ( بصوت بحوح ) نحمدو الله ونشكروه ..
وسيم : بيلي راه فاليدات ، شفتها دابا فالسطووري ....
احمد : ( تبسسسم ) الله على خباار ... فيليسيطاسيون .....الله يوفقكم وينجحكم ويوصلكم لاعلى المرااااتب ... قولها قالك جدك خصصصنا الززردة دابا
وسيم : الله اوودي على حنا نفلتو الزردة علاش حنا اش كنعرفو نديرو من غير نتزردو ههه .... ( باس يدو ) ... اشنو مغتنزلش !
احمد : ركابيا مزالين ضاريني اولدي .. غير نزلو ها الحاجة معايا
رقية: ( شادة يديه ) انا حدااااك الحاج ، كون كان هاد الحريق يتقاااسم كون عطيتني نهز عليك شوية
احمد : لهلا يوريك بااااس
وسيم : هانا هانا ثااااااني على روماااانسية ... يااااك اشيييبانية ياااااك
رقية: شيباااني هو نتا نوووض جمع النوضة قلب متقضي خلي جدك عيان ...
وسيم : ههههه .... هاوا غاادي ارقية هههه . ..
دغدغها بيدو وخرج يلاه ماشي فالكولوار وهو يشوف حياة خارجة من جناحها بعباءة كرونة حريرية و شال اسود وجارة الكرسي ديال آية اللي كانت بكسيوة ملائكية غوز و سبادرين بيضة و طالقة شعرها ... وضحك مشا باتجاههم ...
وسيم : خالتو حيااة ( نزل على ركابيه لمستوى آية،) آية صافا !!!
آية : ( نزلات عينيها كتحكم فاعجابها ) صافااا
وسيم : واش مقلقة مني !!!
حياة : هاااء ؟؟؟! علاش غتقلق منك .. ، آية !!
آية : ( طلعات راسها كترمش توترات ) لااااا !! علاش نتقلق !!
وسيم : حيت داك النهار فالبحر طلعتي نتي وفيصل من داك ساع كنشوفك مغيرة !! واش طرات شي حاجة ماشي هي هاديك ؟
آية : ( متوترة ) لااا .. انا غير ضراتني الشمس وطلعناااا .... صافي ! ما طرا والو
حياة غير كتشوف مفاهماش ...
حياة : آية ؟ كاينة شي حاجة ابنتي
آية : لا اماما مكاين والو
حياة : وليدي الله يرضي عليك نزل باباها راه لتحت قولو يطلع يجي يهزها ليا
وسيم : هه ! احكرة هادي امرات عمي !!!
آية وسعات عينيها وشدات بيديها فجناب الكرسي وقلبها غيخرج
حياة : علاش احبيبي هه !!
وسيم : ( عوج ليها يدو ) دابا كااااااع هاد العضلات زعما وتحكرينا خهههه ...
اية بدات غير كدير لا براسها وحياة ضحكات ليها
حياة : الى مجاتكش تقييلة هاهيا ...
وسيم ؛ الله اوووودي ... .
تحنا لعندها وهي النفس مبقاتش كطلع ولات حمممممرة .. وشادة فالطرسي بضفااارها وهو هزها فيديه تاطلقات من الكرسي .. وهي مكمشة يديها مقاداش تا ضورهم على عنقووو
وسيم : واااايلي تااانتي ... بحال الريشة هههه ... مكتاكليش ههه
نزل بيها فالدروج ضاحك واية مزيرة عينيها مقاداش تشوف فيه وهو كتجيب ليه الاستغراب بهاد الخجل كاااامل !! وزعما ولاد عمام وولاد دار وحدة !!! ....
حياة يلاه كتقلب لي يهز الكرسي بانت ليها قدس خااارجة هزاتو ليها ونزلو هي وياها ....
الكل كان اتجاهو الجردة حيت تما فين غيقصرو ..
وسيم بقى هاز اية فيديه تاحطات قدس الكرسي حطها عليه وهي قلبها صافي كان غيسكت وريحتو باقا عالقة فنيييفها ... وقاد ليها كسوتها على الكرسي بهاد الحركات لي دار ريب ليها كولشي ؟ شحال وعي كتطردو من قلبها وعقلها ... زدابا بحالا ضرب ليها كولشي فزيرو ورجع لقلبها وسد موراه بيبانو ....
وفيصل كان فواحد القنيتة جالس شاد تيليفون ، غير شافو نازل بيها هاكاك وسع عينيه !!!!! ..... تامن تيليفون طاح من يدو و زير على قبضة يدو محاااااااملش الوضع
بيلي و قسم كانو فواحد القنت مجمعين شادين كيسان دالصودا بالثلج .... وقدس وحياة جلسو فالجليسة القصببية حدا آية وقدس كتسولها على شحال من شهر فالحمل كتحسب واش يجي سبوع فالعطلة ولا فالقرايا متحمسة للبيبي صغيور يتزاد عندهم .....
سفيان كان بعيد كايلعب هو وانس مضرب الطاولة ومروان واريج حدا البيفيه كيهضرو
مروان : ماعرفتش انا غير اقتراح مني .. يدوز لعيد يدير سكاانيبر ...
اريح : ورااه معندو واالو .. غير دوك الركابي قتلوه فاش كياخد دوا تاني كتضرو المعدة كتهلكو
مروان : فهمتك ... عااارفين ماعندو والو
.. ولكن على الاقل بنادم يطمن ... صحتو كتراجع هو و الوالدة بجوج بيهم خاصهم سكانير سنوي ، بنادم كبر فالعمر توقعي اي حاجة .... حنا اللي صغار والى مشينا درنا الكونسيلطاسيون الشاملة انتخلعو ... بعدا حنا عندنا مناعة .. هما مساااكن لا ....
اريج : مغايبغييييش نتا عارفو كيداير .. غير داك الفحص السنوي دالعائلة مكيبغيش يديرو .. عارفو مكيحملش سبيطارات جبنا ليه طبيب غا بزز راه ملي كنا صغار وهو هاكاك كنمرضو انا ورتاج يصيفطنا مع الشيفور و عمتي وميمشيش معانا هو
مروان : الصحة مامعاهاش اللعب ، غنقولها لعمي اسد هو لي يحشم منو وغيبغي ، نشوفو غير هاد المعدة لي مكتقبل والو مالها .. الوالدة كانت متبعة ليه الرجيم مع ذلك والو ... الفحص ضرووووري يدوز ورا العيد واخا نعرفو نتجمعو عليه كاملين ..... حتى الوالدة مخلوعة مسكينة عليه .... راك عارفة واخا تشوفي هاد الجيش كامل هنايا ههه راه هي كتشوف غير بيه .... ااعشرة دسنين ماشي تخربيق حتى حنا راك عارفة راه فمقام الواليد ديالنا ...
اريج : عارفة اللي كاين ... ان شاء الله اولدي يكون خييير ..... يكون خير ...
لوؤي وسلطان دازو ديريكت للاسطبل تكيفو عاد طلعو يبدلو عليهم ....
اما جود واياد قصدو اجنحتهم مباشرة .....
وصلات طموبيل جنان وزياد لي كانو خارجين وطلعو حتى هما يقادو راسهم ، غير دخلو لجناحهم نزلات المربية لي كانت كتقابل بنتهم .....
اما لامار يالاه دارت اخر لماساتها لي هي براسلي رقيق لي كان هدية من وسيم ....
ووقفات كتشوف فاسد لي كيفتح صدايف الكمام دالشوميز وطواهم للفوق معري على معاصمو ... و دازت ركبات ليه ساعتو الفضية اختارتها هي .. و تعلات على صبعانها قادات ليه شعرو و تبسمات . ..
لامار : اوووودي راني دييييت الزين .. الشارف ديالي ....
اسد : ياااك !!!! هه
جبدها لعندو باسها وبدا يتحسس بشفاهو .....
اسد : قلنااا ليييك هاد الخرااااا لااا
لامار : غيييير مررطب ابنادم ....( مدات شفايفها حداه ) شوووف مافيه لا لون لا والو
اسد : فيه المذااق .. مسحي عليا ...
لامار عوجات شفايفها مامكترثاش ليه ومشات زادت منو عاد حيت مسحو ليها ... مشطات شعرها مسرح للور .. ولاحت فوقو شال اسود وهي كانت بعباية تصميم خليجي ولكن الزواق والتطراز مغريبي ... و صندال عالية ... خرجو هي واسد لجناح رقية واحمد .. كلسات لامار على جنب سرير حداه واسد واقف ..
اسد : لا ميمكنش ، اتبقى ناعس هاكا غيان آفيغ .. غير مغتزيد تمرض ..
احمد : والله اولدي ماقاد .. انا غنوض نكابر نخرج لبالكون نجلس نشوف فيهم .. ماقاد على دروج
اسد : نهزوك غير نزل جلس معانا ...
احمد : تهزز الخير و الربح اولدي ...
يالاه هاضرين تحل لباب دخل جود لي كان حتى هو خدا الدوش ديالو ولابس سروال دجين وتشورت زرقاء
جود :راكم هنا ... وافين الحاج !!! واااشبعتي علينا هنا فشوش نوووض تكعد شكون غيذبح لينا غذا
احمد: ههههه الله واكبااار
جود : واكنهضر معاك انا .... ( قاس جبهتو ) وهانتا دابا حسن من قبيلة ....
رقية : لا خدا داك الخنيشات حبسو عليه حتى الحريق د المعدة هي لي طلعات ليه السخانة ... سهطاتو ليهوووودية
اسد : يلاه الحاج ( بدا كيجاول ينوضو ) بشوية عليك ... غتنزل على الكرسي ديالك وتكلس مرتاااااح ....
جود هز الفوقية ديالو ومشا عاون اسد ولبسوها ليه ... وهو غير كايغوت بحريق ركابيه لي كيضروه .... وعضمامو مدكدكين بالنعاس .. اسد مكاليه عندو وجود كيلبس ليه ....
تاتحل عليهم لباب داخل اياد وزياد .... اياد غير شاف جود كحل بالعمى .....
زياد : جدي .... ( بالانجليزي ) غادي تنزل ؟؟؟
لامار : ياس .. هنا غير غيزيد يمرض ..... حسن ينزل ...
اياد : ( بالانجليزي ) جدي .. كتحس براسك بيخير شوية ؟ وجهك تنور حسن من قبيلة
الجد : لا لا حسن شوووية ... غير هدات هاد لمعدة وليت لاباس ..
اياد : شوية ديال تغذية وتعوض .....
رقية : فييين الدرية نعسات شوية ؟ قبيلة كانت كضرها كريشتها الحبيبة
اياد : عههههه .. ( اشار بيدو لزياد ) هاهو باباها ههههه
لامار : ههههه باقي كيتغالطو ليك اماما ههههه
رقية : اوا الرجا الله كنت نفرقهم فاش يهز واحد فيهم البنيتة كنعرف فين البو ... وفين لاخور .... عار الله كيكادير داك المراة مسكينة تفرق بيناتكم
زياد : ههه راه هير ياجيب ليك الله .... مكانشبهوش بزاف !! .....( دار وجهو حدا وجه اياد ) شووووف
رقية : ( كتميز ) اييييييه .... هذا لهاد جيه الوجيه ديالو مبشور وهاد اليهودي هدا تقول كلاو ليه الورث
اياد : هشومة آلهاجة !
رقية : يااااااا تا لاباقيشاي تقوليا الهاااجة لانهجج طوااسلك .... قول الحااااااا
اياد : الهاااا
لامار : ( كتسمع احمد كيضحك بسيف ) هههه سكتو كضحكو الراجل مريض ...
رقية : يالعيادو بالله غايبطل ليا حجي ...... ( ضارت هزات شال رقيق دارتو فوق كتافها وهي تشوف فيهم تخالطو ليها تاني ) دابا فيييين فيكم البوووو
لامار : ههه واماما ... زيااااد هاهو ( شدات فيه) شعرو خفيف و لابس لزرق .... واياااااد هو لي واقف حداك شعرو قوي و لابس الكحل ...راهم مبدلين كااع
رقية : تي راني نفرقهم ... غاهو ملي كايوگفو هوك بجوج كايخربقو عليا الميزان كي شغل القسبر ومعدنوس....
لامار : هانتي عقليهم نت غا بالشعر .... لي خفيف زياد ولي مقويه اياد
رقية : آخياااار !!! اوا غااا ماديروش الطرابش وكاااان ....
هزو جود و زياد قرب الكرسي المتحرك لي جابو ليه مؤخرا باش يولي يتنقل فجناحو مابقاش قاد يتمشى مزيان ....
حطوه على الكرسي وجرو زياد حتى لدروج هو يهزو عندو تاني جود والجد كيرضي عليه وهبطو كاملين للجردة .....
يونس تاهو نزل وصل عليهم وتجمعات العائلة ....
بيلي كانت واقفة هي وقسم قلبات عينيها ملي شمات ريحتو فالجردة .....
بان ليها هاز جدو عندو وهي تتبسم ... باقي بنفس القلب الحنين ! .....
حطو على الكرسي ومشا بيه لفين غيكلسو ....
يلاه غتقلب عينيها لعند قسم وهي تطلعهم بالزربة ملي شافت اياد .....
قلبها بقى يضررررب بالجهد وعينيها حمارو والكاس بدا يترعد فيديها حتى سمعات قسم صوت الثلج كيتقرقب فالكاس ... وهي تطلع عينيها فيها ... وشافتها فين كاتشوف وشداتها من دراعها وبيلي سرطات ريقها وشافت فيها والتوتر فعينيها
قسن : ششششش كالم داون .... ششش تهدني
بيلي : ( بصوت مضطرب ونظرات حنان متبعاه ) ت . ت . تبدل
قسم : كولشي تبدلتو ... ربع سنين هادي ابيلي ....
شافت فيها ورجعات تاني كتشوف فيه ! تسريحة شعرو تغيرات و لحيتو كثافت ... زاد طوال وكتافو زادو عراضو .. لبسو تاهو تبدل ....كبر ! قلبها بدا يضرررب بالجججهد .... وهي كتشوفو كيهضر مع زياد ....
علا عينيه ... وهي تبان ليه ! .....
غير لمحها نزلات عينيها بزربة متوترة وقسم كتشوف فيها وفيه بملامح متأسفة ...
ورجع ضورهم عادي كيتكلم مع زياد كأنه مشافهاش كاع ....
زياد بانت ليه مراتو جايا و بيان فيديها مبدلة ليها ونزلاتها ... هزها عندو و اياد مابقاش حامل يوقف تما وهو مقابل معاها و عينيه كيديوه لعندها ....
وانسحب مشا باتجاه العائلة فين مجموعة ....
قسم حيدات الكاس لبيلي من يديها حيت كيتقرقب بقوة ماا يدها كاترعد ...
قسم : بيلي .... سيري سلمي عليه ... راه خوك لكبير هاداك
بيلي : ( كتفرك يديها ) م .. مغايبغيش يسلم عليا
قسم : حمااقيتي ؟؟؟؟ اويلي على مغايبغيش .. سيري سلمي على خووك..... ( جراتها ) ااجي معاياا ....
جراتها من يديها وقفاتها قدام العائلة لي كلهم شافو عندها وكلهم شافو لاياد لي كيشوف فجنب آخر ماطلعش فيها عينو ...
قسم : شتكم مبااركتووووش ليپي ؟ جدة .. فين التزغرييييييتة !!!!!
يتبع...
التعليقات
لا توجد تعليقات بعد، كن أول من يعلق.