محتوى القصة
رتاج : ( تنهدات ) انا نهضر مع الطبيب تسناو ....
مشات رتاج تاني كترغب يدخلو عندو وحشمو منها وخلاوهم ... ولبسو تاهوما اللباس الواقي ودخل معاهم حتى اياد ...
حلو لباب هو يبان ليهم ناعس فالوسط وكيتنفس وانفاسو مسموعين فالجهاز .. حزنو ملامحهم وقربو لعندو كيشوفو فيه وهو حس بيهم وبدا يرمش بعينيه كيحاول يحلهم ماقدرش ولوؤي شد ليه يدو
لوؤي : جدي !!!! .. جدي كتسمعني انا لوؤي ... يلاه وصلنا اجدي ( باس على يدو ) تووحشنااك .... نتا بيخييير
سلطان : جدي كتسمعنا .... جدي !!
احمد زير على يد لوؤي
لوؤي : هااااهو زير على يدي ... جدي ياك راك بيييخير مبغيناش نقويو عليك
احمد : ( كيهضر بصعوبة ) ب .... بيلي ... و
اياد : ( قرب عندو ) بيلي رجعات لامريكا ولكن غير غتشعل تيليفون غنعيطو ليها غتجي ....
احمد : ا اي اد
اياد : انا معااااك اجدي ....
احمد : خ خو .. ك ..
اياد : غنخرجو حنا غيدخل هو . ماخلاوناش ندخلو كاملين اجدي .... رتاح راحنا كلنا معاك
احمد :ج و ...د
سلطان : تاااهو غيجي ... غنخرجو ويدخل عندك زياد وقدس ووسيم ... وغادخل تاقسم واية وفيصل وانس .. ويجي جود وبيلي .... كووولنا غير تهنى ... كلنا معاك غير رتاااح .. واش حنا نخليوك اجدي ....
الجد داك الوقت مكانش كيفهم ولكن اصواتهم الغارقة لي كيسمع كيطمنوه كان فيه واحد الهم ديال يسمع صواتهم كاملين الى راهم بييييخير باش يرتاح و باقي فيه الهم د الاخرين ......واخا مبقاتش عندو قوة الكلام وقوة الحركة ولكن عقلو خدام
لوؤي : جدي عطي الراحة لراسك ... باش تبرا لينا وترجع ليينا تاني وندييرو ليك شي باربيكيو كيف كيعجبك .... سلطان راااه رببح الماااتش اجدي .... داو لگوپا .... وقوي راسك باش ترجع لييينا ... وعطي راحة لراسك ...
اياد : جدي مكيحرقك والو !
احمد : ( بانين خافت ) ت ...ه .. لا ...
سلطان : صافي اجدي فهمناااك غير متفورصيش .. والى ماتهليناش حنا شكون لي يتهلاااا
احمد : اي ..ياد ...
اياد : هانا اجدي
احمد : ج و ... د ...
اياد : صااافي اجدي .. واش انا غنفرط فجود راه خويا هاداك راحنا دم واحد .. واخا تشوفنا هاكا راه والله ماندوزو .... غااارتاااح ....
لوؤي : مااااتهز لهم لواااالو حنا معااك .....
سلطان : يلاه نخليوه يرتاح ياش يدخلو لوخرين فورصينا عليه فالهضرة ( باس على يدو ) جدي غنخرجو حنا ... غير حداك هنا ... شوية ويدخلو عندك لوخرين .... ونرجعو تاني حنا باش منصدعوكش بزاف .... متخااااف من وااالو ومتهز لهم لوالو اجدي غاصح ورجع لييينا ....
باسو يدو وخرجو بشوية بملاااامح حزيييينة و اياد مشا عند ماماه
اياد : واش مزال ماشعلات تيليفون !! راه كاااايعيط علييها ....
اريج : واش انا عندي عقل تيليفون ا اياد سير سول باباك ....
اياد مشا لعند يونس ...
اياد : الواليد شوف بيلي واش نزلات ...
يونس تنهد .. كان ناس بيلي كاع بسبب هادشي ومشا جلس على الكرسي جبد تيليفونو واياد شاف عند زياد لي واقف حداهم
اياد : شوية ودخلوا راه عيط عليك ...
زياد : سي غندخل دابا ...
زياد شاف عند قدس ووسيم بمعنى نوضو .. ومشاو تاني يلبسوهم تاهوما باش يدخلو عندو ...
لامار : ( شافت عند قسم لي مقابلة معاها جالسة حدا رقية و اشارت ليها بعينيها تقرب لعندها لان الجهد لي يرفعو صوتهم مبقاش عندهم ) اجي
قسم : وي ماما
لامار : خرجي لبرا عيطي لخوك ....
قسم : ماما ... واش لهاد درجة جدي عيان !!!!!
لامار : كاتشوفيه كايحتضر وعاد كتسولي .. مصاب عاد غير يلحق عليه .... عيطي عليه ...وعنداااااك تمشي تخلعيييه راك عارفة هداك نقشة وحدة لي عندو يمشي يصوك طموبيل ولا شي حاجة نوليو فمصيبة اخرى .. قولي ليه غير اجي راه محتااااجيييينك .... وماماك توحشاتك متجبديش حس جدك .. خرجي باش ميسمعش صوت لكلينيك يتخلع ... مافيااااا لي يهز شي هم اخور .... هضري معاه بالعقل
قسم : غيكوون ناااعس شوفي شحال ساعة
لامار : فييييقيه ... جدك ماعرفنا شحال بقى ليه الى توفي ومشافوش غيقلب علينا هاد لكلينيك .... سيري ...
قسم نفدات كلامها وخرجات لبرا كتجرب تصوني عليه ....
يونس شعل التيليفون وحل لابليكاسيون وجي بي ايس هو يعطيه مديزاكتيفي ... قال يمكن تيليفون باقي طافي من الطيارة مزال مشعلاتوش .. ودخل للابليكاسيون ديال تتبع د الطيارة لقاها بلي نزلات هادي نص ساعة فنيويورك ..... وبدا يصوني كيعطيه طافي
يونس : هادي باقا طافية التيليفون !!!!!
اياد : صوني للعساس ...
يونس : ( بدا كيصوني لعساس الفيلا فامريكا حتى جاوبو ) كريستوف ... صباح الخير ... بيلي جات ! ... لا ؟؟؟ .... داكوغ ...
قطع عليه وبدا كيشوف مستغرب ...
اياد : واش قطعات ديريكت ولا ليسكال !
يونس : طيارة ديالها وصلاااات اولدي قطعات ديريكت ... فين تعطلات هادي !!! ....
اياد : زيد شوية وصوني عليها ....
رجع يونس حط تيليفون وهوما كيتسناووو ...
وزياد وقدس ووسيم بعدما لبسوهم ودخلو بشوية تاني لعندو .. احمد كان كل ماشم ريحة حفايدو كيزيد يفرح ويتوسع خاطرو .... وضارو بيه تاني وقدس دغيا هبطو دموعها ولكن وسييم الحرقة فقلبو كانت كتر حييت مربي معاه بزاف وعاش معاه هاد الايام اللخرة وولفو بزاااف ... ومشا شد ليه يدو واحمد غير حس بلمسة وسيم فيديه وهو اعز حفاااادو زاد فررررح وزير عليه
وسيم : جججدي .... جدي بيخييير !!!! انا وسيييم ...
احمد : نمم . و ..سي م
وسيم : اااه اجدي .. صح اجدي عفاك .. توحشناااك .... توشحت نلعب معاك الشيييس "شطرنج" ... توحشت نجيب ليك شوكولا بتخبية من جدة ..... ( كييبكي ) صح لينا اجدي عفاك.. ماتخلييييييناش .....
قدس : ( بالحس ) وسييم شششش .. راه مريض سكت ... ( شافت عندو) جججدي !!! انا قققدس ( باست يدوو الخرا ) الله يشاااافييييك لينا
زياد : ( كان حدا راسو ) نتا بيبيخييير اجدي !!
احمد : ب .. ي ..ان
زياد : هاهي هنا راه مغيخليوهاش تدخل .. ناعسة .. وتاهي توووحشاااتك وكدعي معاك ....
احمد : ف ... فين ....ب ي لي
وسيم : غاااتجي غااااتجي .... نعيطو ليها تجي كتجري ....
قدس : ( كتدوز يديها على يدو ) جدي ياكما عطشااان !!! نعطيوك شي حاجة
احمد : ق . دس .. ب بن ي ..تي ...
قدس : اااه اااجدي انااااا ...
زياد : متعييوهش فالهضرة رتااااح حنا جينا غير نشوفك دابا ....حتى تصح وارا متهضضضر ....
عند قسم ...
عيات كتصوني وبدون مجيب كتشوف للتيليفون .. ميمكنش كاع هاد ليزابيل ومكيجاوبش !!!! مكيطفيش تيليفونو بليل ملي كيساافر !!!!! ..
تيليفون جود كان محطوط على طابل دو نوي ماعندوش الصوت كان فقط الفيبرور وكان جيهة فين ناعسة الروسية وجود ناعس فالجهة الاخرى على كرشو .... بدا كايفيبري بزاااف وهي تنوض حالة غير عين ومغطية صدرها بليييزار كتشوف وهي طلع ليها صورة قسم عرفاتها ختو ...وهي تطفي تيليفون فخطرة ورجعات تنعس ....
قسم رجعات كتصوني وهي يعطيها طفى !!!!! علات حاحبها مفاهمة والو !!! .. ماشي من عادة جود يطفي تيليفون فاش كايسافر ..... خصوصا ابيل دليل !!!! ...
وهي تدخل لاكلينيك لقاتهم باقيين كيف خلاتهم ومشات عند لامار
قسم : ماما كنصوني عليه ولكن مكيجاوبش .. غيكون داير ليه السيلونس ... نتسنى شوية ونعاود ليه ... مابغيتش نخلي ليه ميساج يتخلع ... اللهم نهضر معاه ديريكت .....
لامار جاوباتها غير براسها ماعندها خاطر ومشات جلسات تابانو ليها زياد و قدس خارجين ووسيم كيمسح دموعو وهي تمشي عندو عنقاتو عارفاااه متأثر بيه بزااف وموولفوو بزاااف ملي كان صغييير وحتى قدس ولكن هووو عاش معاه كتر .... قدس مشات جلسات حدا جداتها وهي طلق العنان لدموعها كيحسو بقلبهم كيتقطع مقادينش يفقدو واحد منهم ..... كولشي جالسين على اعصابهم وجنان واقفة وبنتها فكونة ناعسة كل مرة تفيق تسكتها و ترجعها تاهي حزنو ملامحها معاهم .. واخا معاشتش معاه بزاف ولكن مجرد انه جد راجلها وراجلها تيبغيه بزاف الامر حزنها خصوصي كتشوف زياد فداك الاكتئاب .... ومشات عندو عنقاتو كتواسيه .....
قسم تاني واية و فيصل وانس لبسوهم اللباس الواقي ودخلو عندو ...
انس كان باقي صغييير يستوعب اش واقع ولكن لي عارف هو جدهم كيحتضر ويقدر يموت فاي لحظة و يمشي .... قسم مشات جيهتو بلسمة حنينة حطات يديها على راسو هبطات باستو وهضرات بشوية فودنيه
قسم : جدي ....انا قسم ... قالولي كتعيط علينا وعلى لوخرين .... حنا كلنا حداك وكلنا بييخير . .. باغيينك غير نت مباغيين والو هاد الساعة ... رتاح ... الاسماعيلي ديما بيخير وديما يد وحدة متخاف من والو .. حنى مكنطلقوش من يدين بعضياتنا ... تربيتكم راه هي لي شادة فينا .. عرفتك هاز الهم غير ملي سمعت كتعيط على كولشي ... متخافش اجدي نتا غتصح ومزال بغيناك معانا ( تبسمات ودموع نازلين ) مزال بغيتك تشوفني عروس كيف كتمنى .. مزال بغيت نعرفك على راجلي ونقوليه هذا جدي .... نتا هووو جدي .. انا ماعنديش جدي ديال بابا وماعنديش دماما كلهم ماتو .. لكن عندنا نتااا . اجدي .. جدنا حنااااا كااااملين ... نتا عارفنا حنا الاسماعيلي مكنآمنوش برابطة الدم والبيولوجيا .. حنا كنآمنو برابطة الحب و رابطة العهد .... ورابطة الصدق والصفى .. يشهد الله تاكنبغيوك بالصفى اجدي كيفما كتبغييينا ....رتااااااح عافااااك ومتهضرش ومتفورصيش على راسك ....حنا كللللنا لباس من صغيرنا حتى لكبيرنا
هضرة قسم كانت بحال البلسم لي كينزل عل جروحو ويداويهم .. بكلامها اختاصرات ليه كولشي و نقصات من همو مكانش عندو شي هم اخر من غير يسمع انهم بيخير وشادين فيد بعضياتهم عرفاااات تطمنو ومسولاتوش اشنو كيحرقك ولا اش باغي .. هي عرفاتو فعلا اش كيحرقووو ...
قربات عندو اية جارها فيصل وشدات فيديه وحطات راسها عليه .. واخا ماشي جدها ولكن احمد هو جد الجميييييع ... كان جدهم كاااااملين .. كلمة الجد عندهم مكانتش كتقاس بالدم ... كانت كتقااااس بالحب .....
حس بيها وعرفها و زير على يديها .. كان كايتمنى يشوفها وقفات على رحليها ولكن امنيتو كاع ماتححقات وهاهو ماشي قبل مايفرح لخطوتها لاولى .....
قرب فيصل تاهو لعندو وعينيه حمرين باس على راسو وبدا يدوز بشوية على شعرو ....
رتاج عيط ليها الطبيب ومشات عندو لواحد الجيهة ...
دكتور : دكتورة .. نتي عارفة خطورة الوضع .. زيارة بزاف خطر عليه .. انا عارف نتوما كتار تبارك الله مشاء الله ....ولكن فعلا الزيارات بزاف غيأثرو عليه لان كيبدل مجهود مع كل واحد ... باباك فعلا كيحتضر ولكن بهاد المجهود كنسرعو وتيرة موتو ...
رتاج : ( بجرقة واستسلام للقضاء ) بابا ميت ميت ادكتور ... بابا محتاج لحفايدو يشم رييييحتهم .. حنا معارفينش شحال باقي لي ولكن قد ماشافهم كاملين قد مغيرتاح قلبو كتر ... بابا انا كنشوفو كيف شي ريشة كتسنى امتى طير .... خليه يفرح بحفايدو راه كيطلبهم .....
دكتور : ( باسف ) نتي تعرفي ادكتورة ... الله يصبرك
رتاج : خرجوه من الانعاش ... ديوه لشومبر عادية
دكتور : كنت بغيت نقترح ... و ولكن ... م ما ( قاطعو )
رتاج : اماتهزش همي انا ... انا راه عارفة بحالي بحالك الوضع وضرسناه ولي قاريه نتا راني قارياه تانا .... و ايه انا بنتو ولكن كنبقى انسان لي كينزل عليه ربي الصبر ويرضى بقضاء الله وسنة الحياة .... بابا نبغيه يرتاح فاخر ساعات حياتو ....خرجوه من داك الانعاش وخليه فشومبر مريحة ومشمسة هاد ليام لي بقات ليه وخليو القرآن مطلوق فالشومبر .... طلقو ريحة المسك كتعجبو بزاف....
دكتور : حاضر ادكتورة .. خليه دابا مرتاح تما .. مع داك التمنية دصباح ان شاء الله نوجدو ليه لاشومبغ وندخلوه ....
رتاج ومات ليه براسها ... باش انها تقرر تخرجو من الانعاش ويمشي لبيت عادي يموت فيه وصلات لاقصى درجات الصبر والرضى بالقضااااء .... واقصى درجة استيعاب الوضع ... تنهدات ورجعات دخلات واريج مشات بشوية عند يونس
اريج : مكاين خبار على پيلي !
يونس : من قبيلة وانا كنصوني على الكارديان راني صدعتو كاع كل دقيقة .. فلخر قتليه ملي تجي علمني
اريح : اويلي فيين مشات هادي .. شفتي جي بي اس !!!!!
يونس : طافية التيليفون
اريج : ياك كتقدر تعرف واخا طافي
يونس : ماعنديش البيسي هنا والبروغرام فالبيسي ومعنديش الخاطر لتبرهيشها تاني .. بلاتي تاتشعل التيليفون
اريج : جددها باغيها .... لي دخل عندو كايسولو عليها ....مالقات امتى طفي تيليفون لفعة حتى تجي لعندي .... ديمااااا كاديرها بينااا
رجعات تاني جلسات كتتنهد مغددة على بيلي لي طافبة تيليفونها وهي مشات كتوصيها باشماطفيهش وكي توصل تتصل .... وضربات تاني عضراها عرض الحيط ....
رجعات تكلس ولامار وحياة و جنان مشاو يستعدو باش يدخلو عندو ولامار دلزت عند اسد
لامار : دخل معايا !!
اسد : ( علا فيها راسو حيت كالس ) لا لااا الامار غير دخلي ....
لاممار فهماتو ....كاتعرفو قلبو كيداير من داخل مكيحملش بحال هاد المنظر ... رغم انه كايبان قاسح ... ولكن من داخل هش بزااااف ودغيا كايتأثر وكايهرب من بحال هاد المواقف .....
العاشرة صباحا بتوقيت اوكرانيا .....
وصلات سيارة كحلة قدام واحد ميني فيلا فراس الجبل .....
وقفات طوموبيل ويديها على الفولون وهي كطل براسها .. الزروقية تحت عينيها بسبب هاد اليلة لي مزال مارتاحتش من طيارة لطيارة ... كتشوف مع الفيلا مكاين لا عساس لا والو !! هادو هوما فيلات الفاكونص ....
نزلات من الطموبيل كانت لابسة غير شورط دجين قصير وتيشورت بيضة و صبادرين .... وصلات وحلات الباب لي كانت غير مردودة وهي تدخل للجردة كتشوف مع الانحااااء .... وهي تقشع جوج طموبيلات فجنب .. شافت لوحدة كحلة ستيل جود كتعرفو فطموبيلات !! .... ددددونك كاين ! ...
علات عينيها كتشوف مع البالكونات والشراجم مثغرة عينيها فالشمس .... ورجعات كتشوف للجردة و لابيسين لي كان كبييير وجردة كبيييرة فيها مختلف الاشجار واالوورود وجو جبلي بامتياز .... ورجعات زادت حدا الباب ووقفات .. خدااات نفس عمييييييق وتنهدااااتووو برااااحة .. وهي تهز يديها وصونات ....
الروسية كانت فكوزينة لي مفتوحة على الصالون وبابها دزاج محلولة على الجهة الخلفية دجردة لابسة شوميز كحلة دجود وجامعة شعرها لفوق وكدندن كتوجد ليهم الفطووور .....
تا سمعات الصونيط فلباب وهي تعلي حاجبها !!!!! شكون غيجي لعندهم ؟؟؟ ..
عوجات شفتها لجنب وخرجات لوسط الدار وهي تسمع صونيط مرة اخرى وعلات عينيها للفوق !! جود غيكون باقي فدوش ... دونك غير تحل ... وتقدمات للباب بشوية و حلات ... غير حلاتها هي تشوف قدامها بيلي .. وكمشات ملامحها كتتذكر فين شافتها من قبل ...
بيلي كانت متوقعة جود لي غيحل تاحلاتو هي !!! بدات تطلعها تهبطها وهي لابسة شوميز ديالو ورجلييها طوااااااال وبالحفا غير خلخال لي فرجليها دالخيط ... علات فيها حاجبها بغروووور و داك الروسية يلاه تذكرات فين شاافتها !!! هادي بنت الاسماعيلي وحتى هي واقلة بنت عمو ... عاقلة عليها فالمجلات .. وهي تفكر التيليفون لي طفاتو لبارح على ختو وهي كتصوني .. قلبها بغا يسكت بالخلعة خافت تكون شي حاجة طارئة فالعائلة داكشي علاش جات بنت عمو تالهنا وهي طفات ليه تيليفون !! الى ساق ليها الخباار يييينحرها !!!!! وهي تسرط ريقها وهضرات بالانجليزي ونبرة الخوف باينة فصوتها
الروسية : اا م . م مرحبا
بيلي دفعاتها بيديها لجنب .... ودخلات كتشوف مع الدار و طلات براسها على الكوزينة لي مفتوحة بانت ليها كانت كتوجد الفطور وهي ضحك ضحكة جانبية وقلبات راسها لعندها
بيلي : فيين جوود !!!!
الروسية : ( بخووووف كتحس بالبولة غتهبط معاها خايفة تكون واقعة شي حاجة بداك الاتصالات دلبارح وهي طفات ليه تليفون ) اا ...ل لفوق .... و واش واقعة ..
ماخلاتهاش تكمل هضرتها كانت طالعة فدروج وهي توقف فالدرجة الرابعة شادة فالحديدة وضارت عندها
بيلي :غااااتحيدي داك الشوميييز وتجمعي قشششك وتخرجي تق•ووودي عليا منهناااااا .....
خلاتها مشوكية كلها ... مطرطقة عينييييها وبيلي طلعات فالدروووج ....
∆كلينيك منطقة الاسماعيلي
التاسعة والربع صباحا بتوقيت المغرب ...
بداو التجهيزات فالغرفة لي غيخرجو ليها احمد لي باقي فالانعاش على نفس حالتو لي زايدة وكتذهور ... كانو باغين يخرجوه قبيلة ولكن بداو المشاورات دالاطباء لي كان عندهم امل فالتحسن ومايفقدوش الأمل .. ولكن من بعد الفحص اكتشفو انه لا أمل .. السيد كايصارع دقائقو الاخيرة ....
كان الكل مزال على نفس حالهم .. كل واحد واشمن كرسي شاد كيتنهد عليه .. قسم ولوؤي وسلطان فالكافيتيريا .... قدس ناعسة على كتف ماماها ووسيم جالس بوحدو معلي راسو لفوق .... حياة جالسة وكل مرة تدخل لحمام تستفرغ ...
فالكافيتيريا
لوؤي :والو مكيجاوبش !
قسم : ( شادة التيليفون محلول على محادثتها مع جود ) مزاااال ماحلش كاع وتيليفون مزال طافي ( كدوز يديها على جبهتها ) طاب راااسي معاه كنتسنااه يحل تيليفونو ماموالفاش ليه يطفيه ... خايفة غايسيق لخبار من شي قنت يتخلع
سلطان : مكاينش لي يقولها ليه .... بيلي باها ومها غيحماقو على برا ... ياكما راهم بجوج !!
قسم : ( شافت فيه ) هاء ! جود فاوكرانيا وهي راك شفتي لبارح راه مشات لامريكا
سلطان : ياك الكارديان قال مجاتش !! ..متكونش قلبات الڤول !
قسم : ( بقات شحال كتنهد فلخر ناضت ) انا هادشي خربقني ... نمشي نغسل وجهي ونقلب على شي كالمون و نجي .....
ناضت قسم خرجات للكولوار غادا بجهة الحمامات واسد متبعها بعينو كان جالس ومقرب ضهرو لقدام حاط يديه على رجليه محني وكايلعب برجليه فالارض بتوتر ... كان لابس صباط كحل بالسيور بقوة ماضرب رجلو متوتر كاع سيور تحلو .. شي حاجة صعييييبة عليه انه يواجه فراق واحد من الاسماعيلين . ولا كيكره هاد الحو د لاكلينيك ولااطباء ومكيقدر على فراق حد ... ولداخل فالانعاش كان عدنان وسفيان باللباس الواقعي دخلو باش يشوفوه ... تقريبا كولشي شااافو ماعدى اسد ورقية ... حتى من يونس رجع دخل هو واريج عاد خرجو لبرا مشطونين مع بنتهم .....
رقية كانت فمسجد الكيلينك جالسة فواحد القنيتة وشادة تسبيحها وكل مرة تمسح دموعها فطرف فولارها ... وحتى احمد لداخل عيط على الجميع الا هي .. حيت العشرة لي بيناتهم خلاتو يعرف انها مستحيل تدخل للانعاش عندو .. رغم قالبها القاسح لي كتبين على برا .. الى ان القلب مكيستحملش .. هارفها مكتحملش سبيطارات .... وحتى هو مابغاش اخر صورة تبقى ليها منو تكون فهاد الضعف !!!!! ... ومقادرش يشوفها ولا حتى يودعها بقوة حبو الكبير لي كنو ليها طيلة هاد السنين ..... راسو بدا يحسو كيتقااال عليه والاصوات كتزيد تغراق لسانو طايح ومبقاش كيقدر يحرك ذاتو بزاف .... فقط كايتسنى يتطلق السراح ..... وهاد الروح شادة فيه فقط غير حتى يشوفوهم كاملين ... باقي جود وبيلي ماتهناش عليهم .....
الكل جالسين بتوتر كيتسناو امتى يحولوه للشومبر العادية .... حتى كيتحلو البيبان بجوج كيخرجو عدنان و سفيان .. وكيقلبو بعينيهم على اسد تابان ليهم جالس ومشاو عندو و عدنان جلس حداه كيتنهد وسفيان واقف
سفيان : غا قسح قلبك .. ونوض دخل عندو ... راه كيعيط ليك ....
اسد بدا يشوف هنا ولهيه عاض على شفتو ...
اسد : مكاين لاش ... خليه يرتاح
تايحولوه للشومبغ ونشوفو ..... مكنحملش داك الانعاااش كررهتووو مع جود مابقيتش حاملو ...
عدنان : غااانوض سير ....( بجدية) السيد راه عيااااان بزاف ا اسد ... ماعرفتي يوصل لاداك لاشومبغ ولا لا .... راه كان كايعيط عليك ( حط يدو على ظهرو ) يلاه نوض ....
اسد تنهد وناض حل لبيبان دخل ولامار طلعات عينيها
لامار : غيدخل عندو !!
حياة :يمكن
لامار : ماعرفت فين مشات رتاج واريج
حياة : اريج مع راجلها برا باقين مبرزطين مع بنتهم .. ورتاج شفتها مشات للشومبغ لي كيوجدو ليه ...
لامار : حريرة هاديك بوحدها .. ماعرفت فيين مشاااات !!!!
فالخارج ...
جالسة اريج ويونس على واحد الكرسي فالجردة .. واياد ماشي جاي حداهم ...
ماخلاو تاحل لي دارو .. طلعو جيبي اس ديالها عطاهم فالمنطقة والكارد جاب ليهم تيليفونها ....
يونس ماخلا لمن عيط فصحابتها لي كتمشي لعندهم فامريكا حتى حد مشافها .. اريج كتحس براسها غاااتحماق ماحيلتها لباباها ماحيلتها لبنتها لي لاحت تيليفونها وماعرفوها فين مشات .... واياد مشا بعيد كيهضر مع وحدة من صحاباتها .. فلخر ملقاهاش عندها وتم راجع عندهم ..
اياد : والو تاهادي مكايناش معاها .... الواليد .. عرفتي شغادير .... صوني على لاجونص لي خدات منها طموبيل ... وسولهم واش سلماتها .. حيت انا لي بان ليا راها باقا هنا يمكن ....
يونس : أهاه .....نسيييييت لاااجونص انا كاع ...
بدا يقلب على رقم لاجونص لي كيتعاملو معاها وديال صاحبو نيت ... صونا عليه هو يدخل لسيستيم وبدا يقلب امتى تسلمات سيارة ويونس كيتنسى
اريح : ( بالحس ) اش قاااااليك
يونس : هاهو كيقلب ... سلمات الطموبيل .. كيقلب ليا معاش بالضبط ....
السيد : سي يوونس ..طموبيل سلماتها مع الحداش ونص ديال الليل بضبط .....
يونس : ( كمش ملامحو ) متأكد !!!
السيد : راه مكتوبة اسي يووونس بالضبط ....
يونس داكوووغ ..
قطع عليه وبدا يحك فجبهتو
يونس : عطات طموبيل مع الحداش ونص . . والڤول ديالها هي كان مع العشرة ..... دونك مامشاتش فالفول ديالها ... فيييين مشات مع الحداش ونص !!!!!
اياد : ( عروق جبهتو بانو بالاعصاب وكيحاول يتحكم فراسو على ود ماماه لي مخلوعة من جوج جوايه ) دخل شوف لي ڤول .. شوف اشمن طيارة خرجات مع الحداش ونص .....
يونس تنهد تاني وحل البيسي الصغير لي محطوط على ركابيه وحل السيت دالاسفار ... وبدا يقلب على لي فول لي كانو فداك المطار بالضبط مع داك الساعة بالضبط ....
يونس : ( مصغر عيني ) فول واحد لي كاين هنا مع الطناش ديال الليل قلعات طيارة .....
أريج : غاايكون هو هاااداك .... لفييين !!!!!
يونس تنهد معمق ملي قرا اسم الوجهة ... هو يلتخ داك البيسي سدو بجهد وناض كيمشي ويجي كايحك مور عنقو ....
يونس : مشاااات لاوكرانيااا
اياد بقى غير كيشوف .. وزير على قبضات يديه و اريج طرطقات عينيييها ...
اريج : شنوووووو !!!!!!!!!! عند جووووود ؟؟؟؟؟؟؟
فـ اوكرانيا ....
وقفات پيلي قدام البيت ... البيت الوحيد لي بان ليها مسدود فداك الطابق عرفاتو راه تما .. خدات نفس عميق وهي ضور لبواني ودخلات ....
اما الروسية بقات كتمشي و تجي لتحت كتغزز فضفارها ....
دخلات بيلي للبيت كتشوف بعينيها .... كانت الشرفة محلولة والريدو دالبالكون كيديه الريح ... السرير مخررربق .... وسمعات صوت الرشاش فالدوش .. وهي تتنفس ودخلات سدات وراها لباب وبدات كتمشى فداك البيت حاطة صبعان يديها فجيب الشورط ددجين ديالها ....كتشوف مع الارض هو يبان ليها سترينغ مليوح !!!!! كانيطات دالشراب !!!! طفاية دالكارو .. وعلى الفوطوي محطوط سروالو و تيشورت ديالو .... بدات كدوز عينيها على لاشومبغ كاملة دايرة نظرات الاستهزاء بهاد الحالة !!!! هي كانت بلا ماكلة وبلا شراب وهو زاهي !!!!
يلاه كتشوف وهي تحل لباااااب ديال الدوش وضارت براسها ...كان خارج من الدوش بشورط كحل بسيور ومن لفوق عريان وكتافو باقين فازكين .... ومهبط راسو كينشف شعرو بفووووطة .....
بقات كطلعو وتهبطو .. هو يطلع راسو وبانتليه واقفة قداااامو !!!!!!!
بقا واقف على نفس وقفتو شاد الفوطة فيديه وشعرو فازك مربل على وجهو ....كيسول راسو واش كيحلم !!!!! منين جات هادي !!!
بيلي تنهدات وربعات يديها كتشوف فيه
بيلي : صباااح الخيير ....( شافت مع الارض وداك سترينغ مليوح ) واخا مابان ليا بو خيير .....
جود مدة هو غير واقف كيستوعب اش كيشوف قدامو ! ياك هو فاوكرانيا ولا ناسي !!!! ياك معاه الروسية ! ماشي بيلي !!!!! فواحد اللحظة حس براسو كيتخيل ولكن صورتها قدامو ثلاثية الابعااد كانت واااااضحة الى راها واقع !!
مدة خداها واقف كيستوعب وهي كتشوف فيه بنظرااات الغضب وعدم الرضى .... لاح الفوطة على الفوطوي كيقرب عندهااا وعلامات العصبية بداو يترسمو على ملامحوو ملي تأكد لابصح هي جات عندو لتما !!!! ماااارررضاااش دخل عليه لداك لبيت وهي بنت الاسماعيلي ...
جود : اش كديري هناااا !!!!! (غادي بجهة تيليفونو لي فوق طابل دونوي ) باش عرفتي الدارر !!!!!
بيلي : ( ضارت موراها تابعاه بعينيها ) ماشي شي حاجة جديدة عليا نبحث من موراك ...
جود : ( لقا تيليفونو طافي عند بالو الشارج وبقى شادو فيدو وضار لعندها ) اش كديري هنا ماااافهمتش !!!!! عارفك شي حد راك هنا !!!!
بيلي : ( طلقات التربيعة ديال يديها قادات الوقفة كتشوف فيه بجدية ) مزاااال مبغيتيش تعيا من البناااات !!!!!! هااا !! مزال ماطلعوش ليك فراسك .... ( ضحكات باستهزاء ) دابا من بعد داك الهضرة كاملة لي قلت ليك .... متسوقتيش كااااع !!!!! انا عند بالي باغي تعاود تقاد افكارك حيت كنعرفك ملي كيتجمعو عليك كتهرب لبلاصة بوحدك .... محسابتنيش ( كتشوف مع البيت بملامح بغاو يبكيو ) راااك هنا زااااهي مع راسك !!!!!!!!
جود : علااااش جايا بغيت غا نفهم !!! كنتي تعيييطي فالتيليييفون نجي عندك علاش جايا لهنا !!!! عارررفك شي حد هنااا ؟؟؟؟؟؟
پيلي : علاش هادشي فاش كيهمك !!!
جود : فاش كاااايهمني !!!!!! واااش واليديك عارفينك هنا !!!!
بيلي : ( علات راسها ) معااارف تاشي حد ... انا كنت غادا فحالي لامريكا ومغاااتشوفش وجهي مزال ... ولكن ملي شفتك زاااهي هنا .. قلت نجي نخلي ليك جوج كلمات ونمشي فحالي ...
جود عطاها بالظهر ومشا قلب على الشارجور وخيفان يكونو عارفين راها تما ويمشي يحسابتهم هو لي جايبها زاهي معاها هنا .... دارو فالكابل هو يعطيه راه مشارجي !!! ورجع لاح داك الكابل زززف به بعصبية وبدا يشعل التيليفوون
بيلي : حط داك التيليفون راه جيت نهضرو .... علامن باغي تعيط !!!!
جود : على لي يجي يديك منهنا ... ( شاف فيها ) ماشي هنا غاانهضرووو ... ااااخر مرة تبعيني لشي قنت بلا متعلمي .....
بيلي : لااااا زييييدهااا ليااا !!!!! ونتاا لي مععصب!!!! شكون لي خصو يتعصب ....
جود : ( طلع عينيه فيها ومزال كيحاول يهضر مهدن واخا من داخل كيغلي ) دابا جاوبيني .. واليديك عارفينك هنا !!! الواليد عارف !!!!! كيدرتي جيتي لهنا شكون قاليييك انا هنا !!!!!
پيلي : معارف تاشي حد انا ماشي درية صغييييرة اجود لي غيتبعوها واليدها لفين كتمشي ..... راك كنتي كتعرفني انا كيفاش دايرة لابغيت ندير شي حاجة مكيوقف فطريقي حد .. ولكن للاسف رااااك نااااااسي كووولشي ....
جود : ( طول معاها شوفة ونطق بهدوء ناقض داك الغليان لي عندو لداخل ) علاش جيتي لهنا !!!! ..
يلاه غتجاوب وهي تحل لباب
الروسية : ( طلات براسها متوترة خايفة يكون شي امر طارئ ) يااك مكاين شي
يلاه كتكمل هضرتها هي تسمع غوتة منو
جود : ( شاف عندها بعصبية وبعينين حووومررر داك العصبية لي من قبيلة وهو متحكم فيها خخرررجهاااا ) قااااااووووووووودي
تخلعات الروسية وهبطات كتجري فدروج وبيلي براسها تفزعات من هاااد الغووووتة لي داررر كان كايبان ليها مهدن معارفاش بلي ملي شافها واقفة قدامو جن جنووونووو ماحملش ومااارضاااااش دخل عليه هاكا ... ممكن هي عندها عادي ولكن هو لاااا ماعندوش عادي ... بنت عمو تشوفووو فبيت مع وحدة اخرى .... ماااااحملش رااااسسسسسو وووتحرج بالمعقوول !!!! ماعندوش عادي بنت عمو تدخل عليه فهاد الحالة فبيت مع عشيقتو !!!!! جن جنوووونووو على هاد الجرأة كاملة خصوصا الموقف لي كيجمعهم ...
كيحس براسو كيفووورر عليييه فنفس الوقت خايف يسيقو الخبار راها معاه مباغيش يتحط فشي موقف محرج مع بنت عمو وهوما باقي مكاينة تا حاجة بيناتهم رسمية دابا لي تكون معاه فاوكرانيا .... غايرجعو لداكشي دالماضي .....
بيلي : ج جود .. بلا متغوت ولا تعصب انا اصلا راني ( قاطعها )
جود : نت غاااتسكتي .... غااااتسكتي
بيلي سكتات وهو شاف لتيليفون كيركب الكود يشوف واش اتصل شي حد خصوصا حيت عارف باه الى ساق الخبار جات لعندو غيحيح عليه هو.... حيت غيحسابتهم هو لي قاليها اجي ولا هو لي جايبها وهو مداير والو ....
∆ كلينيك منطقة الاسماعيلي
كان اسد لبسوه اللباس الواقي .... كيقاد البافيت ديالو .... وقااليه طبيب انه اخر شخص غيزورو فالانعاش من بعد يخرجوه للشومبر لي وجدات ..... وقف اسد قدام باب الانعاش هو كيشوف غير من زاجة الصغيرة .... مقادرش يدفعها ويدخل كيكره ريحة هاد الانعاش وصوت داك الاجهزة .... مرض جود وشحال من مرة دخل معاه لهنا خلاوه يكره هاد البلاصة .... غير كايشوفها كاتفكر ولدو ناعس تما راسو كولو سلوكة ..... ودابا هاهوا تما احمد ناعس بجسمو الهزيل .. احمد لي فمقام نسييبو الحقيقي والشخص لي كان كيأمنو على ولاودو ملي كيكون مشغول مع مرض جود .. على يدو تربى وسيم .. وحتى قدس ملي كات صغيرة ... الشخص ليعمرهم شافو عيبو .... وعندهم معاه دكريات زوينين .... خدا نفس عميق ودفع دوك البيبان ودخل .. كان كيبان بحالا ناعس ولكن دماغو فايق كيسمع الخطاااوي جاييين لجيهتو .... وقف حداه اسد وهو كيشوف فيه وكيتنفس تحت البافيط بصعوبة كيحس بالاختناق فهاد البلاصة ... سرط ريقو وحاول ينطق بهدوء
اسد : الحاج .....كتسمعني !
الحاج سمع صوتو وترخاو ملامحو بشبه ابتساامة مكتبانش بسبب جهاز الاوكسيحين عينيه بدا كيحاول يرمشهم حتى كيتكمشو جفونو واسد شافو عرفو الى تجاوب معاه .... وشد يدو
اسد : رتاااح ... ماتهز دابا الهم لحتى حاجة .. هز الهم غير لصحتك ...حفايدك وولادك راه كلهم هنا وكلهم بيخير .....
احمد سمع كلامو ورتاح .. طالما كان اسد الشخص لي كيحتارمو فهاد العائلة واخا صغير عليه .. الشخص الوحيد لي كيحس براسو مطمئن يغادر هاد الحياة وهو كاين حيت عارف اسد مغيخليهمش يتشتتو .. ويفدي روحو ودمو ونسب الاسماعيلي يبقى مجموع ..... كان فقط باغي يتأكد انه اسد كاين وبيخير ... عاد يقدر يفارق حياتو مرتاح ... وهز يدو كيحاول يحرك يديه ليدين اسد ولعثم بضعف
احمد : و ... وسع .... خ خا ا طرك ...
اسد : ( كيحاول يفهمو ) متفورصيش على راسك الحاج
احمد : و .. الو لاد .. ر راه ... ص صعاااب ....
اسد غير ساكت وهو كيحاول يتكلم ويزير على راسو باش يخرج داك الحروف لي كيحسهم بحالا كيدبحوه باش يتنطقو وكيحس مع كل حرف كتبغي تخرج شهقة ...
احمد : .. ص صبر ... م معاهم ... حح تى ... ي ... ( سكت مدة يتلقط انافسو ) ي يديرو ... ع عقل ... هم ....
اسد : فهمتك الحاج غييير رتاح ماتقول والو راك كتعيي فراسك ( شاف اسد للجهاز لي قدامو ديال نبضات القلب لي بانو ليه كيضربو بجهد وحط يديه على قلبو لقاه فعلا كينبض بجهد بحالا كيجري ) الحااااج .. الحاااااج رتاح .. غيييير رتاح ... خلييك مرتاح انا غنعيط لطبييييييب ...
جا ماشي اسد وهو يشدو من يدو وهاد مرة زير عليه واسد وقف شاف فيه
احمد : ل لا .... لا و و لدي ....
اسد : خليني نعيط للطبيب ... واش كتحس براسك بييييخير ؟!!!!! ماااتهههضرش متعييش راسك
احمد : انا .... انا ...ب بخي ر .... ا اس ..د
اسد : انا معااك الحاج انا معااك
اسد شفايفو قربو يبياضو ليه بالخلعة وهو كيشوف فداك الجهاز واحمد شاد عليه
احمد : ر ق ية ... و .. ب ن اتي ..
اسد : تهنى تهنى ( كيشوف للجهاز ) تتهنى وماتهز الهم لواااالو
احمد : ص بر .. وم مع .. و ولاد .. كم ...
تسمعات شهقة صغيرة فصوتو واسد شاف لعندو مخلوووع
اسد : الحااااج !!!!
احمد : ا س د ...
اسد : هانا معاك ....
احمد : ش ..هّد ل ... ليا
اسد : هاااا!!!! ( مرفوع ) لاااا الحااااج صبر انعيط للطبييييب لا ماتقولش هاكا باقي معانا بااقي معانا .......
جا ماشي هو يشدو تاااااني
احمد : ش هد ..... ل يا ...
اسد قرب عندو .... وحس بالعروق فراااسووو تشنجووو !!!!! كيفاش يشششهد ليه .. قلبو بدا يضرب بجهد كيشوف الجهاز وفالباااااب واحمد شاد ليه فيديه .. عارف الى هاديك هي الموت !!!!! راسو تنفخ عليه اول مرة يحضر لشي حد كايموووت !!!!! مكيحملش هاد الاجواء كايحس بالخنقة ..... مكيعرفش يتعاااامل مع الموت بتاتا و اكثر حاجة كتخلعو هي يموت ليه شي حد ....
كيبان ليه كيطلع سبابتو باش يشهد ....اسد ماقدرش عاد يصبر وهو وخرج كيجري .... الاطباء كانو غير تما شافوه خارج كيجري وحتى رتاج شافتو ودخلووو كااااملين بزربة للانعاااش مخلوووووعين ....
الطبيب مشا كيجري هز الصدمات الكهربائية و الطبيب الثاني بدا كيخرج رتاااج وسد عليهم لباب من اللداخل ... ورتاج كتغووووووت بججججججهد
رتاج : باااااابااااااااااااااا
أسد شد عندو رتاج لي بدات تتتقفززز فيديييه وهو شادها متهرسش عليهم داك لباب .... كولشي لي السب فالكلوار سمعو غواتها وكولشي ناااااض كييييجريييي دخل عندددها وحياة بداك الغوتة شدات على كرشها حسات مصااارنها تقلبو ....
واسد كيبان ليه غير شوية من الزاجة كيديرو ليه الصدمات الكهربائية وهو كيتلتخ فوق السرييير عدنان جر رتااج عندو لي كتغووووت وتلتخ ولامار شادة على فمهااا كتتتبكي ....
حياة : ( بهلع ) فيييين اريييييج واش كيموووت !!!!!!!
وسيم بدا كيتسلت منهم باغي يقرب لباب الانعاش وكيشدوه وهو كيتننر معاهم وووجهوو حمممررررر .... تاقرب للباب دالانعاش باغي يحلها هو يشدو اسد وهو كيبكييي بجهد ويدفع فا
وسيم : ججججججججدي .... حلوووووو لبااااااب
لوؤي وسلطان كانو جالسين فالكافيتيريا هوما يشوفوهم كيجريو وناضووو بززززربة داخلييين لحدا الانعاش بانولهم كلهم تما ....وغوات رتاج قالب الدنيا هو يبداااا لوؤي كيددددفع باغي يمشي للانعااااش وكولشي كااااايبكي ويدعييييو .... كان سفيان و وزياد ومراتو و عدنان واسد ورتاج وحياة ولامار وفيصل ومروان لي شاد فقدس لي كتبكي تاهي شادة على فمها ...و اية كتشوف من بعيد فكرسيها مخلوعة حاطة يدها على قلبها وومعاها انس كايشوف بعينين حزينين ....
اريج كانت على برا باقيا مع يونس واياد .... كيحاولو يتاصلو بجود مكيجاوبش حتى هو تاطلع ليهم الدم .. هوما يدخلو بشوية واياد جار عندو اريج لي كتبكي معععصبة على بيييلي وكتحلف عليها ....وايد غير سااكت .... وداخلين لسانسور .... ويونس معاهم كاتنهد ... يلاه تحل بهم السانسور و وصلو لفين كانو جالسين مابان ليهم حد !!!! اريج شافت فاياد وهوما يسمعو الغوات لداخل وهي تفشل بين يديه واياد شدها
اياد : الواااااليداااا .. لااااااااا لااا وقفي وقففففي وقفي ... متتتتخلعييييش
اريج الدم مشا من وجهها وشفايفها بياضو واياد كيحاول ينوضها هو يجي يونس بزربة نوضها من الجهة الاخرى وماشين ورجليها فاشلين عليها غير حلو دووك جوج بيبان الغوات جهاااااد ديال رتااااج وصوت لامار كتبكككي هي وحيااااة وقدس .... ووسيم تاهو كان كيغوت ويضررررب فالباااااب .. سلطان غير متكي على الحيط كيشوف عينيه حمرين كيلمعو بالدمووووع مقادرش يهضر ولوؤي كيشوف و كيضرب فالبااب تحل لكن كانت مسدوووودة مممععصب معاها باغي يدخل وكايشوف من زاج جدو كاتخلتخ عل السرير بالصدمات الكهربائية وهو كيدفع فالباب بكتفوو باااغي يدددخل يشدووو بين يديه . كايييحس بيه غااايمشي والى دخل وشدو غايبقى داكشي لي قاليه عقلووو ....واريج كاتشوف فيهم وقالت بصدمة وبالغوات
اريج : بااابااااا .. مااااات !!!!؟؟؟؟ مااااااات يااااك مااااات ؟؟؟؟؟؟؟ صااافي!! مشاااااااا ؟؟؟؟
لامار غير سمعات اريج مشات عندها كتجري شداتها على اياد لي تاهو فشلو ليه يديه ودخل لداخل كايشظ فلوؤي لي جن جنونووو وكايشوف تاهو من الزاج وقلبو كااايضرب بججججهد مقادرش يستوعب الى غايغادرهم بهاد السهولة كاملة !!!!!! وبهاد ااسرعة،!!!_ مقادرش يستوعب الى جدو صافي مابقاش غايشوفو !!!
لامار : لااا اريج لا .... مزال لااااااا ... شدي فرااااسك ( هزات راسها شافت في يونس ) فيييييين ماماااا !!!!!
رقية كانت فالجامع جالسة كتبكي .... غير كمل داك القرآن لي كان مطلوق فالابواق لي تما وهي تنوض بشوية كتنهد وتشمر بنيفها وعينيها منفوخين شادة تسبيحها ... غير وصلات للكولوار فين كانو جالسين وهي يبانو ليها مكاينيش وسمعات غوات اريج ورتاج لداخل وهو يطيح ليها تسبيحها من يدها والدنيا ضارت بيها ماقداتش حتى تشوف لدوك البيبان بجوج خواو ليها رجليها وكلسات بشوية فالاررررض على ركابيييها .... عينيها تغشاو بدموع ووجهها ولااا حمرررر وطلعات يديها بجوووج لفوق كيترعدو وبدات كتتدعي بشفايف كيررررجفوووو .....
رقية : ياااااربي تخفف عليه ياااربي ... ياااربي تكوووون معاااه .... ياربي الحبييييب لاماشوف من خالنا ونزل على بنيتاتو ولادو الصبر ......
رتاج : ( كتنتر فيدين عدناااان وتبكي بحححححرقة تاكتبغي تسسسسسخف ) بااااااااااااابااااااااا ططططلق اعدنااااان .. باااباااااا بابا غااايمشي بابااا غااااايمشي
لوؤي كان باقي مضارب مع بواني الانعاش واياد كايشدو وهو فاشل كتر منو .... طاح ليه اليد مع الرجل .. تاشوية حس لوؤي بإياد بعد يديه .. موسع عينيه فشنو كايشوف ....وهز تاهو عينيه فالزاجة هوما يبانو ليه الاطباء بعدو عليه ....
وهزو داك ليزار وبداو كيغطيو راااسو ... هو واسد واياد لي كانو كيشوفو .... لوؤي تشوووكااااا !!!!! واسد ماعرف مايقوووول حدو عض على شفتووو ... ورتاج علات راسها ملي شافت كيف دارو ولوؤي لي مشووووكي مابقاش كايضرب لباب .....هزات عينيها وبدات تنتر من عدنان تطل ...... هوما يبانو ليها مغطينو كيحيدو ليه الخيووووط وهي تغوووووت بجججججهد وبححححرقة حتى هزات الكلينييك
رتاج : ماااااااااااااااات بابا مااااااااااااات
اريج غير سمعاتها بقات شحااال غير كاتشووووف وهي تتتتسسسخف كلها الارررررض ولامار شددها اسد خاشي ليها راسها فصدرو وهي كتنخصصص ببببجهد ...
اسد : شششششششش ...... ان الله وان اليه راجعون
سفيان : ( ضار كايقلب على حياة بانتليه محنية عند اريج ونتهد باسف ) لله أكبر .....
رقية غير سمعات رتاج اش قالت غمضاات عييينيهااا مزيرة علييييهم ودموع تايهبطوووو سخاااااان ....
رقية : سيييير الحاااج ترتااااح سييير ..... انا معاك على العهد والنية ..... ومنرتاح تالحقك .... الله يرررحمك الحاااااج ...... الله يرحمك آلحنين ........
عند جود ...
واقف كلو متووووتر كيتسنى تيليفونو يششششعل شد معاه العككس ... وبيلي من بعد الغوتة لي دار وهاد الملامح لي ترسمو على وجهو مابقاتش قادرة تركز فشنو كتقول ...كايبان ليها كايطاپي فتيليفون .. هما يبداو يدخلو لي ميساج وليزابيل وبانتليه قسسسم و باباه و سفيان لوؤي وسلطان وقدس ومروان ... العااائلة كلها مصووونياااا !!!!
هو يوريها تيليفون بعصبية
جود : شفففتي على كااارثة !!!!!! هاهوما عرررفوك راك هنايا .. فين تيليييفونك !!!
بيلي : ( شافت ليزابيل وتخلعات ) ل .. ل لحتو !!!
جود : وااااش مريييضة نت !!!!!! ماااعندك واليدين ؟؟؟؟؟؟ ( بدا يشوف شحال دليزابيل ) شهااااد المصيبة دابا .....
بيلي : شكون قاليهم انا هنا !!!!!
جود : علاااش طفى هااااد الخرااا غيكونو مخلوعين دابا .....
بدا كيدوز لابيل لقسسم مخلوع عارف راه ساقو لخبار لبيلي معاه داكشي باش غيكونو قالبين دنيا وبيلي عضات على شفايفها .....
قسم كانت فالطابق السفلي خدات كالمون وطالعة فالسناسور .. يلاه تحل بيها وهي تسمع تيليفونها كيصوني جبداتو من جيبها دالسروال لور وهي تلقاه جود طارت بببزربة جاوبات
قسم : جووووود .. على سلااااااامة خلعتيييييينا اخووياااا
جود : ( كيرد شعرو لور ) راه طفى ليا تيليفون اقسم ماشفتوش راني عاد فقت .... مالكم على هاد ليزابيل اش واقع !!!
قسم : اا .. ( كتحك فشعرها ) اا .. ف فينك نتا دابا
جود : فالدار ... علاش !!!! واقعة شي حاجة ( مبغاش يسبق ليها ان تما بيلي حتى يتأكد ان الاتصال على قبلها )
قسم : الا .. لا غير .. ( ماشية بجهة الكولوار ) ماما توحشااتك وصافي
جود : تطنزي عليا اقسم ! واش عاارفة شحال من ابيل !!!! اش وااااقع !!! هضري نيشان اش كاين
قسم : وماشي شي حااااجة غير ماما قاتليييك رجع ليووووم .. صافيي راك طولتي ...
يلاه كتهضر هو يخرج انس كيجري صيفطوه يعييط على قسم تحضر لجدها
انس : قسااااام قسااااام جدي مااااااات ج دي ماااااات مسسسسكيييين صااافي مااات .....
قسم : ( بغوتة ) ششنووووووو
جود طاح ليه تيليفوووون من يديه وبيلي كتشوف معاه مفاهمة والو وقسم نسات كاع واش جود فتيليفون ومشات كتتتتتجري لجيهة الانعاااش ........
پيلي بقات كتشوف فجود لي طاح تيليفون من يديه وعينيه تفيكساو فمنحى واحد !!! قلبها بدا كيضرب بجهد !!! كاع الافكار الخايبين طرقو دماغها ومشات كتجري عندوو ... يلاه غتقيسو وهو يبعد يديها حيت ملي كاضور به دنيا بحال هاكا مكيحملش لي يقيس ليه فراسو كايزيد يدوخ ..... وجلس على الفوتوي لي حداه ... عينيه كيشوفو غير الضبابة .... وكايحس بالذكريات كاضارب فدماغو بعنف ووقع ليه ضجييييييج وطشاش ... هز يديه بجوج شد على رااااسو ... وبيلي تحنات على ركبتها مخلوعة وتيليفون طايح فالارض وكيتسمع فيه الغوووات بعيييد ..... وبيلي كتشوف غير فجود لي خلعاتها حالتو ماراداش لبال لديالاش داك الغوات .....
بيلي : جوووود !!!!! جود مالك !!! راسك كيضرك ؟؟؟ جود مااااالك !!!!! متتتخلععنيييش هضر عافااك ...جوود شوف فيااااا عافااااك
مكانش كيجاوبها غير غمض عينيه مززيرررر عليهم وزير تاعلى سنااانوو وهي قلبات عينيها شافت لتيليفون ورجعات كتشوف فيه ...
بيلي : جووود واش كتسمعني ! جووود ....
قسم من بعد ماسمعات خبر موت جدها نسات كاع جود لي فلابيل ومشات كتجري لعندهم ... غير شافتهم كولهم كيبكيييو وارييج جابو ليها سرير هزوها غايديوها لاشومبغ ورتاج كتطلع وتنزل فيدين عدنااان وتلتخ وتغووووت .... ولوؤي حاط راسو على الباااااب نغمض عينيه وجامع قبضاتو على شكل بونيات حاطهم على لباب باستسلاااااام ...
حبسااات واقفة كتشوف وشادة بيدييها على فمها واليد الاخرى شادة تيليفون وكتشوف فيهم كتتبككككي .... قلبها كيضرب بجطهد ...... لاول مرة فحياتها غتحضر لبحال هاد الجو ... فراق شخص من الاسماعيلين غايودعوه .. وماشي اي شخص ... هدا جدهم الحنيييين .....
پيلي فاش شافت جود ممجاوبش معاها ومشات لتيليفون هزاتوو ودارتو فوذنيها
بيلي : الو .... الو قسم ..... الووو ....
قسم كانت كتشوف قدامها بعيدة عليهم بضع خطوات ويد على فمها والدموع شلااال من عينيها ..... بدات كتسمع صوت جاي من تيليفونها وهي تهزو بشوية دارتو على ودنيها
بيلي : قسسسم .. قسم كتسمعيني !!! ( بدا كيتسمع لبيلي الغوات مجهد ) قسم اش واااقع !!!!!
قسم : ( ببكاء والصدمة لي راها فيها ماخلاتهاش تفكر بيلي علاش جاوبات ... مكاينش نا كفس من جدهم لي مات ) ب .. بيلي !
بيلي : اااه انا ... اش واقع تما ! كنسمع الغوات اشنو كاين اقسم
قسم : ب .... بيلي .... ( بشهقة بكااااء وصوووت مخنوق ) جدي ..... مات ابيلي ....
ببلي : ( دارت يديها على فمها وحزنو ملامحها ) ااووووو !!!!! ..... اا .. معرفت مننقول ... البركة فراسكم اختي ....
قسم : ( غمضات عينيها مزيرااااهم على هاد الجواب دبيلي وهبطات راسها كتبكي وتشهق ) بيييلي .... راااه جدي ...
بيلي : ( سرطات ريقها وقلبها حرقها مكتحملش تسمع خبار الموت ) ااه عرفت .... صافي متخافيش على جود انا معاه .... الله يرحمو مسكين ...
قسم : ( نزلات راسها كتبكي ) ا ... آجيو ابيلي ... آجيو .....
بيلي : و واخا .... عفاك متبكيش بزاف .. راه هادي هي الحياة ... الله يرحمو مسكين والبركة فراسكم ....
قطعات قسم شادة على فمها وكتبكي بجهد وردة فعل بيلي كملات عليها وبيلي هبطات على ركابيها جيهة جود عاد فهمات علاش دار هاكا ... اذن جدو مات !!! ولكن شكون جدو !
بيلي : جووود .... البركة فراسك ... و .. والله ماعرفت مااانقول ... م مكنعرفش نهضر فهادشي .. و وخبار الموت مكنعرفش نتعامل معاه .....( كتحاول تعلي ليه راسو ) واش نت بييييخير ؟؟؟؟؟ واش جدك كان مريض مسكين!!!!!
جود غير حاط راسو بين يديه لي كيزدح وهو كيسمع فبيلي كتواسيه !!!!!!! وماقادش يهزو .....
بيلي : واش كان عندك عزيز ! .. ز زعما .... الله يحرمو .... مكنعرفش نهضر فبحال هاد المواقف والله ... ما كنتش عااارفة والله انا جيت على غفلة ..... واش كتسمعني ! .. نعطيك تشرب ...
جود حيد يديه بشوية على راسو كيشوف وعينيه مكمش عليهم بحريق راسو وشاف فيها وهي دايرة فيه نظرات الحزن والاسف لحالتو ...حالتو لي بانت ليه كيوالو مع حالتها فهاد الصدمة لي خلعاتو !! ....
جود : ( حاول يهضر بعد ماسرط ريقو وتبت راسو حيت القضية صعيبة عندها واخا تاهو حاس بالدنيا كلهاا كاااضور به ولكن خلعاااتووو كتر ) بيلساان ! .... ( شد يديها لي كانت شادة فوجهو ) نت بيخير !
بيلي : اء ! ( مافهماتش الو ) ب ييخير .. نتا لي واش بيخير ؟ واش تبغي نمشيو لطبيب ! قسم قالت ليا اجيو .... واش نمشي معاك !
جود تنهد كيشوف فيها وناض وهي ناضت معاه ورجع شاف فيها مخلوع !!!
بيلي : واش جدك ! م .. م ماعرفتوش . زعما دباباك ... ولا .... ( عينيها بداو كيتوسعو) د م ماماك .... ج جدك !!!!!! .... ( مدة كاتشوف فيه وقالت بصوت هااااامس ) شكوووون جدك ؟؟؟؟؟؟؟؟
جود سرط ريقو بزز وكيحاول يحل عينيه مزيان يشوف قدامو والدوخة كتلعب بييه وكينفض فراسو .. بيلي ولاو كيبانو ليه منها جوج وكيحاول يشدها
جود : بيلساان ...
بيلسان غير كتشوف فيه وعينيها كيزيدو يتوسعو وقلبها بدا كااايضرب بببعنف .... فاش تفكرات ان جدهم وااااحد !!!!!! كترمش بسسسسسرررعة وعينيها حمااارو دغياااا وكتشوف فيه بصدمة وشفايفها بداو يرجفووو ...
بيلسان : جج دي !!!!! ( بدات كترعد ) ججججدي !!!!!!!!!!!!!!
جود : ( كيحاول يشدها وهي راجعة لور ) بيلسااان عافااااك ....
بيلسان : ( راجعة بلور كضور راسها بالنفي ودمعة سااالت بلا هواها ) ك كيفاش !!!!! كيفاش جدي ؟؟؟؟؟؟، م ماشي جدي انا !!!! ياااااك ماشي جدي .. شكوووووون جدك !!!!!!! ( بالغوات ) شكوووون جدك لي ماااااات !!!!!! شكووووووووون
جود يالاه غيتحرك لعندها حس بالدوخة وزير على عينيه بدا يبانليه غير الظلام وطاح على الفوطوووي معصوور مع حريق راااسوووو ومزير عينيه ماااقدش يصصصبر ... فلحظة بانت قدانو غير البيووضة مابقاش عارف لا اش واقع وشوية نسى حتى شكون هوو .....
وبيلي واقفة فبلاصتها مصدووممة موسعة عينييييهاااا وكتستوعب ..... حتى فهمات انه جدها هدا لي مات !!! وهي تغووووووت بججججججهد .... غوتات متتالين كانها كتفرغ حنجرتها من الصراخ !! كأن كرة تشكلات ليها لداخل باغا تخررررجهاااا .... كتفكر انه جدها هذا !! جدها احمد لي خلاتو مريييض !!!!!!! .... غوتات وطاح على ركااابييها حالة عينيها بصصصصدمة ......
جود ماحدو كيسمع الغوات ماحد راسو كيزيييد يحرقو .. مزير على راسو معععصوووور .... ديما مع هاد توتر كاترجع ليه ذاكرتو صفحة بيضاء عاد كتبدى ترجع ليه شوية بشوية هادشي علاش كايخافو عليه من سياقة لانو غير داك ثواني لي كاينسى فيهم كايدير فيهم حادثة .....شوية بشوية بدا يتتتفكررر .... شاف لعند بيلي لي غااتمووووت قدااامو .. هو يوقف عندها خايفها تسسسخف !!!! .. نسى هو راسو ونسى حريقو و نسى قلبو لي تقطع بداك الخبار وجدو ميت وهو محاضرش ليه بالو دابا غير معاهااا خافها تحماااق
الروسية سمعات الغوااات وهي تطلع تاني كتجري حلات البااااب وبانتليها فالارض كتغووت بجهد وضرب راسها مع الحييييط وتعيط " ججججججدي " وهو جالس شاد على راسو ومزيرر سنانو ... مشات عندو بزربة كتقيس فيه مافاهمة والو .. ومشات كتجري لسروالو دالدجين باش تجبد الكينة ديالو ... كانت فبواطة معدنية حلاتها وهزات كينة وكاس دالما ومشات عندو كتشربها ليه
الروسية : جوود !!!! نتااا بيييييخير ؟ جوود كتسمعني !!!!!!
جود هز غير يدو كيشير ليها تبعد حيت حاس بكولشي كيسمع كولشي وتفكر كولشي ..... غير الحريق لي مسيطر عليه .. بلع الكينة .... وهو كيييينهج وهي ضارت شافت فبيلي ماعرفات كيف دير تتصرف الحاجة الوحيدة لي متأكة منها انه شي حاجة واقعة ليهم ....
جود حل عينيو بزز وناض شاد فالتكاية ديال الفوطوي وبدا ينفض فراسو يتوكض ويستف فراسو هاد الخبر لي جاه على غفلة خلا راسو يتتتقال ليه فخطرة حس العرووووق تكمشو ليه ...... وبدا كيحاول يمشي لعندها والروسية شدات فيه ... تا وصل لعندها وحنا على ركبتو كيشدها
جود: بيلسااان .. باراكا من الغوات ( كايحاول يحل عينيه مزيان ويهضر ) الغوات ماعندو باش يفيدنها دااابااااا ..... داباااا غاتوقفي نعايا على رجليك نوووضي نمشييييو .... سسسربي يلااااااه ......
الروسية : واش كاين شي مشكل !!!! تبغيو نعاونكم فشي حاجة
جود : هبطي ديماري طموبيييل ...
الروسية يالاه غتسولو وتراجعات وناضت مشات بزربة نزلات وهو شاف عند بيلي لي مابغاش تسسكت من الغوات جاتها نوبة جنوووون كتغوووت بجججهد وتضرب فالارض وراسها مع الحييط بمجرد مكتفككر ان جدها توفى وهي بعييدة عليه بالاااف الكيلوميترااااات ..... ومااتشوفو تايكون تحت التراب .. قلبها كتحسو كاااييييتمزق فصدرها وصوتها بح بالغوااااات .... مقادراش تخيل جدها الحنين تووفى .... ماقادرش حتى تقولها فدماغها ولا تعتارف بيها مزال كتقول انه كاين شي غلط فالموضوع .... مزال كايجيب ليها الله هادشي كدوب .... وجود الكينة لي شرب وكضاااتوووو شوية وشد ليها يديهااا كيحاول يفييكسيهاا متبقاش ضرب فراااسهااا وهي مرفوعة ماحاسة بوالو وشاف فيها مباشرة بجدية ....
جود : بيلساان شووفي فيا ... بيلسااااااان ( مع غوت مع شافت فييه كان تاهو كولو كينهج ولكن تبت راسو بزز ) صبرري راااااسك ونوضي بشوووية خاصنا نمشيو .....
بيلسان : ( كتبكي وكتشوف فيه ) جووود .. جود واش جدي؟؟ جدي اجوود جدي !!!!! ( النفس كاتقطع فيييها ) ججججججدي !!!!!!!!!! جدي ماااااااات
نزلات راسها كتبكي وتنخصص وهو بقى يشوف فلخر جبدها عندو عنقها وهي مزيرة عليه كتنخص وهو عينيه حماااااارو كيفكر فجدو لي جا لاوكرانيا بلا مايودعو ! جدو لي كان كيهزو بين يديه ويهبطو فالدروج .... لي كان يضحك معاه ويشد فيه !!! لي كان ففمو غير الرضى وكلام الخير !!! .... تفكر وهو كيلبس ليه عبايتو فالعيد ... وهو كايعطيه ياكل الشوا بالتخبية ويغمز ليه يسكت .... تفكروو هو مايقوليهم انا بيخير اولادي متخلعوش ..... غمض عييينيه مزيييير عليهم وبيلي كتبكيي فحضنو وتنخصص ... وهو مزير على عينيه تانزلات دمعة سخوووووونة .... دمعة معارفش شحال هادي مشافها فعينيه !!!!! سرط ريقو حتى تهزات تفاحة ادم بعنف ... بدا يحاول يتبت راسو وفبالو حاجة وحدة ينوض يمشي دغيا حيت من صوت انس لي سمع فالتيليفون يعني يلاه مات ... خاصو يلحقو قبل مايدفنوه .... ناض بزربة وبدا ينوض معاه بيلي لي منهارة مقاداش تدددوي كتبانليه بدات كتفقد قوتها وبحالا غتسخف بالبكاا هو يهزها فيديه وهبط بيها كيجري للطموبيل .... الروسية شافتهم جايين هو هازها فيديها و هي شفايفها ثقاااالو كتهضر بثقالة وتبكي .... نزلات الروسية حلات ليهم الباب لور مخلوعة كتسول مالها !! وهو حطها لور و الروسية ديمارات الطموبيل ... وكتسناه يركب حداها .. صدق ركب لور مع بيلي وسد لباب ...
جود : المطاااار ... هييري آااااب " سربي "
الروسية نفذات اش قال و كسيرااات .... خيفانة تعلي راسها .... ويسيق ليها الخبار طفات تيليفونو بليل .... وهو كيضرب فوجه بيلي لي بانتليه غتغيب
حود : بيييلسان .. بيلسان كتسمعيني
بيلي: ( راسها محطوط عل رجليه ) ججدي ... ج جدي .... ك .. كذوب ....
جود : ( شاف قدامو وغوت بببهستيييرية ) سسسسسربي ....
روسية : ( كتزيد تكسيري ) هاناا هانا ........
كلينيك منقطة الروكان
اريج كانو داوها لشومبر سخفانة طاح ليها السكر .... معلقين ليها سيروم ومعاها ولادها ويونس ...
وعلى برا بااااقييين كلهم كيبكيووو ورقية معنقة رتاج كتصبر فيها ويصبرو فبعضياتهم ومرة مرة كاضور فيهم علاش كايبكيو واخا هي قها كايبخ الدم .... و لامار جالسة ومعنقاها حياة .. وقسم وقدس تاهوما كيبيكو ... لوؤي متكي على الحيط ومعلي راسو لفوق كيشوف وعينيه حوووومر .. اما سلطان خرج كاع مكيييحملش هاد الاجواء ...خرج لطموبيل وسد عليه وشعل كارو وكلس على خاااطرو وعينيه حمريييين .......
وقسم رغم حرقة قلبها كل مرة تمشي تصبر رتاج ومرة تمشي طل على اريج ومرة تصبر ماماها ... مروان جالس فواحد الكرسي تاهو مطلع راسو لفوق ...خوتو كيصونيو يطمنو على حالة احمد لي مزال ماعرفوه واش مات ...وهو مقادر يجاوب تاحد ... وقدس شافت فوسيم جالس بوحدو فواحد القنيتة شاد وجهو عندو كيبكي ومشات عندو كتواسيييه وهي براسها خاصها لي يواسيها وعنقها كيبكيو بجوج .... واية جالسة فكرسيها كتشوف بملامح حزاااان ودموع كيقطرو من عينيها وفيصل جالس حداها هو وانس تاهوما الهضرة مبقاتش كتخرج ليهم ....
اما اسد وعدنان وسفيان كانو لداخل مع الدكتارة .. والحاج هبطوه ل لامور " ثلاجة الموتى " ... واسد كيهضر مع الدكاترة لي تما و ملامحو حزان وكلهم نازلة عليهم الكآبة
اسد : الخبااار ميخرجش بالمرة .... خليو هاد النهار العائلة تحزن فخاطرها و تواسي راسها .... راه جد الاولاد هدا لي توفى والاب ديالنا حنا.... وغدا عاد يتدفن ونعلمو كولشي ... اما دابا يبقى هنا و يبات هنا ومتخرجوش الخبار ببببمرة .... نخليو اعائلة تحزن فخاطرها ....
عدنان : غدا فصباح ... يجي للدار ... باش مع صلاة الظهر يتذفن ...
دكتور : داكوغ مايكون غير خاطركم ... واخا المصلى مانعلموهمش !
سفيان : حتا حد ادكتور هي تاحد ...المصلى غانعلموهم غدا فصبح وراه كافي الوقت للظهر ....
دكتور : عندكم الحق يلاه العائلة تتجاوز الصدمة بلا مينهالو عليكم الناس والصحافة دابا ..... انا غنعلم الطاقم كولو انه يلزم الصمت حتى لغذا
اشار ليهم براسو ومشا وهوما تنهدو ومشاو فاتجاه الكولوار ... قسم غير شافت باباها جاي ناضت من حدا ماماها كتمسح دموعها ووقفات حداه بعينين حمممرين ووجه فاااازك ...
قسم : بابا .... اجي بغيت نهضر معاك ...
جراتو لواحد القنت باش متشوفهومش لامار
قسم : ( كتشمر بنيفها وتمسح بالمنديل لي فيديها ) عيطت قبيلة لجود ابابا .... ( اسد شاف معاها بجدية ) ماااكنتش باغا نقوليه راه توفى مااااكنتش عارفة اصلا ( بدات تبكي واسد ركز معاها والخلعة بانت فعينيه ) قالت ليا ماما عيطي ليه وقولي ليه غير اجي راها توحشاتك ... باش زعما ( شهقات بالبكا ) يتوادع مع جدي وميبقاش فيه الحال حيت مشافوش .... وو ..
اسد : ( بعصبية ) اهاااه !!!!
قسم : ي يلاه كنهضر معاه .. و وانس جا وقاليا بجهد جدي مات وهو سمع ( اسد وسع عينيه ) صاافي مابقيتش سمعت صوتو تاجاوباتني بيلسان .... يمكن راها معاه .... و ( كتهضر متوترة ومخلوعة ) و وقالت ليا انا معاه وتاهي كتهضر مصدومة بحالا ماعرفاتش شكون لي مات .. و .. ودابا راه كنصوني ابابا مكيجاوبنييييش
أسد : ( كيجبد تيليفون بزززربة وعروق راسو تنفخوووو بالعصااااب كيغوت عليها ) وااااش نت مرييييضة ولا مالك .. شكوووون قاللليييك عيطي ليه ( شدها من فكها لتحححت معصب ) عللااااش تعيطي عليييييه .. هداااااك مريييض خليوووه فالتيييقااار ......
قسم : ( كتبكي بجهد وكتهضر بزز حيت شادها من فكها ) واللله ابابااااا ماكنت غنقول شي حاااجة
اسد : ( طلللقها وبدا كيدوز لابيل كيصوني عليه و كااايغوت بالخخلعة ) غااااتحمقووووني انا غتحقووووني .. هاهو غااايمشي دابا يصووووك طمووبيل فيين غااانوليييو ..( كيرد شعرو ).. موووووووصيبة كحلة مكتتعرفيييش تسسسكتي .. عيطي قبل مايمووووت ماشي حتى يموت .. ملي ماااات غاااااسكتي ( كيعاود يصوني )
قسم : ( كتبكي ) ابابا والله مااااااكنت عارفة جدي مسكييين ماااات والله ماكنت عارفة واش انا غاانضر خويااا !!!
اسد : ( كيمشي ويجي مخلوع ) جااااوب جاااااوب ..... اشنو دابا اااشنوو !!!! نووض نشد الطريق لاوكرانيا انا فهاد الصباااح !!!! اشنووو !!!!!! ....
قسم حطات يديها بجوج حدا فمها كتدعي يكون خوها بيخير وميوقع ليه والو .. واسد بدا يصوني للبيلوط ديالهم ....
اسد : آلوو ..... باقي فكييف !
البيلوط : الو مستر اسماعيلي ... اه باقي ويلاه تلقيت اتصال طارئ من مستر جود باش نقلع الطائرة للمغرب ... واش واقع شي مشكل مستر اسماعيلي !!!
اسد : واش جود هضر معاك !!!!
البيلوط : ااه آمستر ... يالاه عشرة دقايق هادي باش علمني وانا فطريقي دابا للمطار ....
اسد : هضر معاك مزيان !! يااااك راه بيخيييبر؟؟
البيلوط : لا ا مستر كان كيبان مخلوع ... و بحالا متوتر .. حسيت انه كاين مشكل وقالي خاصنا نسافرو دابا ....
اسد : ( متوتر وكايهضر مخلوووع ) فراانك ... ولدي اماااااانة افراااانك ... امااااانة
البيلوط : متخاااافش امستر ... راحنا كنعرفو مستر جود ...وكنعرفو حالتو
اسد : اي توتر ولا تزاد عليه الحاااال علمني ضرووووووري ..... ررردووو معاه البال وغير يوصل لعندك عيط علمني .....
البيلوط : متخافش امستر .. كون هاني حنا راه من زمان خدامين ومولفين بمرضو .....
اسد : ماااتقلعش داك الطيارة قبل ميضرب الابرة
البيلوط : حاضر .. راه غتضربها ليه الممرضة تهنى ... راحنا مولفين دواه ومرضو غير تهنى وبلا متهز الهم وحسب راسك بحالا معاه.....
اسد قطع عليه عاد حس براسو تهدن شوية وقسم حداه باقا كتبكي هو يجبدها عندو عنقها وشد راسها فصدرووو وباس على راسها
اسد : اشششش .. قسحتك !!
قسم : ( كتمخشش فصدرو ) لا ابابا لا ....
عدنان كان دخل هو وسفيان للكولوار عدنان غير شاف رتاج باقا فداك الهيستيرية مشا عندها جرها مخرجها من تما معنقها عندو وهي كتبكي وتشهق قلبها غيسكت وهو خارج بيها لبرا
عدنان : ششششش .. رتااااج صااافي احبيبتي راك نفختي داك العينين .. راك غير تتعذبيه دابا .. بلاصة هاد البكا كامل دعي معاااه ...
رتاج : ( كتبكي بجهد شادة فعدنان ) كككنتحرررررق اعدنان كنننتححححرق ( كتبكي وتشهق ) باباااااا مشاااااا بابا مشااا اعدنان . مشاااا لي كيعيط عليا ويسول فيا... مشاا حبيبي مشاااااااا
عدنان : رتاااج والله تاعييييقتي بالله ....بلاصة متجلسي دعي معاه كتحرقيييبه دابا هاكا!! ... وكنعرفك صبااارة و متبتة زعما !!!! واش هو فنظرك غيكون باغي يشوفكم هاكا !!!! لااااا .. ونت زعما لي كنتسانك تتبتي ختك وتصبريها . وزعما نت راك كنت عارفة مرضو وشحال وحنا مستعديين وكنت عارفة هاد النهار غيجي .. واالااااا ارتاج ....
رتاج وقفات كتبكي والهضرة كتقطع فيها كيفما كيييتقطع قلبها
رتاج : مااااقاااادراش اعدناااان ماقادرااااش نتخييييلو مااااات مقادارش
عدنان : ( عنقها وخشاها فيه ) وصاااافي عاافااااااك ...
رتاج : ( فصدرو كتبكي ) باباااا مشاااا ... مزال ممتييقاااش صافي مات .... كنحلم ياك اعدنان ؟ قوووليااا غير كنحلم ... عاد دخلت عندو عاااد شد فييييدي اعدنان ...شد فيييييدي وشاف فيااااا .... وضضحك ليا اعدناااااان ... وصااااني اعدنان هضر معاااياااا ..... دغياااا مشااااا .. عاش معاياااا تاكبرت ولادي ومع دالك كنحس براسي مااااشبعتوووش اعدنان مااشبببعتوووووش
عدنان بانتليه هضرتها كثقال هو يوقفها لعندو كييضرب فوجهها
عدنان : ررتااااج .. رتاااج لااااا ... رتاج متحححمقينيش ( بالغوات للداخل ) لوؤاااااااااي .... لوووؤااااااااي ... ( كيضرب فيها ) رتااااج
رتاج بداو عينيها كيتقلبو هو يهزها فيديه داخل بيها تاتزدح فلوؤي جاي عندهم كييجري مخلوع .... وعدنان داخل بيها كيجري ولوؤي تابعووو ..
بعد 6 ساعات ....
الرابعة مساءا ......
وصلات طموبيل عدنان حدا القصر وباركا مور طموبيل اسد ....
كان صايك لوؤي وعدنان حداه ورتاج لور شادة على راسها ....
وقف طموبيل ونزل عدنان حل عليها لباب نزلها بشوية شاد فيديها وهي باقا الفاصمة دالسيروم فيديها .... ملامحها ذااااابليييين وعينيها تنننفخوو وجفونها طاااحو ... كتحل عينيها غير بزز ... وفمها ولا ناااااشف .... جرها عدنان داخل بها ولوؤي سد طموبيل ومشى شدها من اليد لوخرى وهي بحال شي جثة بلا رووووح ....
دخلو لقصر لي كان خاوي .... اسد ولامار كانو فجناحهم تاهوما يلاه وصلو .. و وسيم غير طلع لبيتوو سد عليه ماباغي يشوف حد وماباغي يهضر مع حد ... قسم بقات فلاكلينيك و قدس تاهي دخلات ديريكت لبيتها تكمشات فوق سريرها وحاطة راسها على ركابيها كتبكي .. سفيان تاهو طلع حياة لجناحهم ... الحمالة مكملة عليها وكتحس بالرحم ديالها كيرحقها بقوة مابكات .. واخا ماشي راجل ماماها وماشي باباها ولكن احمد كيببقى الاب والجد .... وعندو مكانة كبيييييرة فقلوبهم وسفيان دخل يدوش تاهو زييييرو خاطر ....
اما يونس وزياد واياد وجنان وقسم بقاو فالكلينيك حيت اريج دخلوها للانعاش لان السكررر نزل بزااااف ... الانعاش ليي كانت كتوادع فيه مع باباها دخلات لبلاصتو ونعسااات ! .... الاوكسيجين فنيفها ودموع مبغااوووش يحبسو كدوز يديها على السرير وتبكي .. واياد وزياد جالسين فالكولوار حدا الانعاش ويونس تاهو كيمشي ويجي باقي مضارب مع التيليفوون تجاوبوو بيلي واخا راه عارف جايا هي وجود قالها ليه لاسد ولكن مزال كيتسناها تجاوبو مخلوووووع عليها واخا معععصب ... ولكن غير معرفتو انها عرفات الخبار بداك الطريقة .. حس بالخلعة على بنتووو واش راها صافا هو كيعرفها بسرعة كتنهاااار وتمرض .....
وجنان وقسم وبيان جالسين بعيد تاهوما بوجوووهم كئيبة .. ورقية قداهم لي مابغاتش تمشي كاع للدار واريج فالانعاش جالسة تاهي فواحد القنيتة وشادة تسبييسحها ومصبرة رااااسها برااسها مكتبينش ضعفها ولا بكاها .... واخا قلبها كينزف وتحرررق .... مراة كابابل وكتعرف شنو هو الصبر والايماااان القوي ....
زياد شاف عند بنتو لي بدات تفوه فالكونة ديالها وشاف فجنان
زياد : جنان .. هزي بيان وسيرو للدار ترتاحو ....راها ناعسة معدبة ......
جنان : لااا نبقى معااااك ... حشومة خالتي اريج فالانعاش مسكينة ..
زياد : راه حالتها مستقرة غاسيري الا كانت شي حاجة انا غنعيط ليك .. هزي بيان عيااات ديها بدلي ليها و تمشي لبلاصتها تنعس .... قسم سيري معاهم اختي تانتي رتاحي شوية .... حنا هنا
قسم : لا غييير خليني محاملاش ندخل لداك الدار .... اون پليس جود دابا هو جا غنبقى نتسناه .... مية فالمية غيجي لهنا ديريكت
اياد علا راسو لفوق محااااملش يسمعها جاية معاه و يونس كيتنهد
يونس : معاودش هضر
قسم : لا .. بابا كيتواصل غير مع مكتب الطيران ... مابقى ليه والو ويوصل ....
∆فالقصر
اسد بدل حوايجو .. وخرج من الدريسينك كيقلب عليها ... مبانتش ليه عيا يحل فالبيبان
اسد : لاااامااار !!!! ....
حل لباب دالدوش وهي تبان ليها باقي كيف خلاها شادة فجناب لافابو ومهبطة راسها وكتبكي ... وتنهد على حالها وعلى هاد دموع لي مبغاوش يحبسو ودخل عندها جبدها عندو معنقها كيمشط على شعرها
اسد : وصاااافي الامااار .... ماشي هاكا كنتتحرموو على لي مااتو ...
لامار : ( مخشية فصدرو ) غييير خليني اسد .. خليني نبرد قلبي .... ممتيقااش ولله ... مزال ممتيقااش صافي لي قلت عليه اب ثاني حتى هو مشا ... مسسسخييييناش بيه اسد .. كان معمر على ماما الدار ... ربى خوووتي وربى ولاااادي ... ييييشهد الله انه منهار تزوج بماما وانا حاسة عندي أب .... داك الاب لي يصوني يسول فيك بحال كيف كيسول فبناتو ... عمرو حسسني راه غير بنت مرتو .... توادعت معاه مسكييييين ... وصاني على وسييييم بزااااف ... كان عندو عزييييز ( كتمسح دموعها واسد مخليها تخوي ) عرفتي من صغرو و هو عندو عزيز ... مسخييتش بيه مسكين تاهو حسييتووو مساخيييش بيييينا .... قلبي كيتقطع ااسد والله ....
اسد : ششششش .. بشوية عليك ...
لامار : ( كتسرط فريييقها وتنخصص ) فخبارك ... شحال كنت كنفرح ملي كنت كنسمع ولادي كيقولو جدي ! نهار ولدت قسسم كنت كنقول بنتي مسكينة عمر يكون عندها جد .... ونهار عيد ميلادها ديال عام ..... كايولي عندها جد ... ولادي ولا عندهم جد ا اسد بعد ما جدهم البيولوجي توفى .... عمر شي واحد حس بيه انه ماشي جدهم وحتى هو عمرو ححسسهم بهادشي .... عمرني شفت شي واحد فطيبة قلبو وفحنانتو .. والمعقول ديالو ... ( كتنخصص بالكا ) مزال ا اسد صورتو وهو كيخطب مامااا بييين عيييييني مابااغاااش تحيد ... مزال داك الفررررحة لي فرحها كنشوفها هاكا قدام عيني .. مزال كنتفكر نهار كنت كنقوليه ماما متصلاحش ليك .... ( تخشات كتر فصدرو كتبكي وتشهق ) كااااان هو المثااالي .. هو المثااالي ليها .... ولينا حتى حنا ... رجع فماما الروووح .. عطاها قييييمة كبييييرة ا اسد .. كنت كنشوف ماما فرحااااانة .. كبر خوووتي .. عمرهم حسو بحرمان الاب ... كان ليهم الاب .... قراهم .. وحن عليهم .. كان كيقوليهم ربي معطانيش الذكورة ونتوما ولادي ...... ( كتبكي ببببجهد وبحرقة ) ياااااربي ترحمك فهاد النهاااررر يااااااربي ....
اسد : (عنقها عندو ) وصافي دابا والله مافايدة هاد الهضرة غير كتعذبي بيها راسك .... هانتي دخلي دوشي وتوضاي وصلي ودعي معاه مسكين بالرحمة ونعسي شوية ترتاحي ..... صافي اروحي !
لامار بعدات عليه كتشمر وتمسح عينيهااا
لامار : عيطتي لجود .. فين وصل
أسد : راه غيكونو مزال ولكن غيكون قربو .... انا غنمشي لمطار ... نت ديري اش قلت ليك
لامار : لااااا اسد .. غنمشي نشوف اريج ... وجود شوبة غاايجي ومريييييض خليني نكون معاه انا عااارفاه غايقولك نمشي لكلينيك
اسد : مامريييييضش راه لاباااااس ... مغاااتمشي فين غير ديري هادشي لي قلت ليك ورتاحي ملي يوصل انا غنجيبو لدار .... وراه لابد يشوف جدو .. يعني لابد نديه لكيلينك .. رجلي على رجليييه تانخرجو من تما ونجيبو غاسيري ترتاحي
لامار : لااااا اسد بلا متخليييه يدوز للكلينيك انا راه كنعرفو كيداير . .قوليييه لا ... راه الولد غتوقع ليه شي حاجة لا هوووو لا بيلساااان ... شفناه غير فالانعاش حي ومع دالك تشوينا عاسااااك هوما لي غايشوفوه يابس مسكين فلامور .... متخليييهمش ااسد عافاااك ...
اسد : وصافي دابا نسايهم عليك فكري فصحتك نت .... نت دابا لي خايف توقع ليك شي حاجة .... دخلي متزيدينيش همك تانتي خودي دوش ودوزي ترتاحي ....
لامار حركات ليه راسها باه بثقااااالة .. وهو باس على راسها وخرج هز جاكيطتو وتيليفونو وخرج .... نزل نيشان للطموبيل شاف الطيارة لقاها مزال شوية على الاقل ساعة لي باقا ....وشد الطريق ديريكت للمطااار يتسناه تما .....خايفو يوصل قبل منو .... هدا هو قلب الواليدين ملي الامر كيتعلق بولادهم كينساو راسهم وكولشي .....
قسم مزال جالسة فبلاصتها وكتلعب برجليها اما جنان هزات بنتها ورجعات لقصر كيف قاليها زياد عياو فرقية تمشي معاها ومبغاتش تفااارق داك الكلينيك واحمد باقي تما .... بغات تخرج حتى يخرجو بجوج .. غير مالقاتش كيفاش دير للموت .. كون كانت كتختار كون ختارت يموتو فنهار واحد ولا تموت معاه وهي حية !
لامار دارت اش قال ليها اسد خدات دوش وكل مكتسكت شوية من البكا كتفكرو كترجع تبكي .. خرجات لبسات بينوارها وتخشات ففراشها راسها كيقطعها بالحريق شربات كالمون وحاولات تنعس .... تامن اسبرو كايصوني عند راسها تيليفون كان صيلونس ماسمعاتوش باغي غير يسول كيف بقى احمد مزال ماوصلهم خبارو ...
رتاج تاهي عاونها عدنان غسلات وجهها .. مبقاتش كتقدر تهضر بالمرة كتجاوب غير بالايماءاات والانين ... ومشات تاهي للفراش عطاها الكالمون وغطاها تنعس .... بقا معاها حتى حسها غفات عاد خرج نزل ولوؤي تبعو يرجعو لكلينيك .. حيدو هم عيالتهم هازين دابا هم جود و بيلي لي جايين ولي عارفين غيلقبو عليهم داك لكيلينك حيت محضروش ليه .... سفيان ملي نعسات حياة دخل لبيت اية بدل ليها وعاونها تاهي ترتاح ففراشها حيت دوزو نوي بلونش فايقين منعسووووش .... نعسها وداز لعند ولاد عدنان طل عليهم عارف ماماهم دابا ماعندها عقل وعدنان كتر منها ... لقا فييصل جالس فالبالكون داير الكيت فوذنيه ومعلي راسو لفوق ... وانس شاد طابليطو مزال مفاهمش اشنو هي الموت ... ضحك وخربق ليه فشعرو ونزل تاهو راجع لكلينيك .... اما مروان وسلطان نزلو للبحر وجلسو واحد مكيهضر مع واحد غير ساكتيييييين وكيكميو كارو مور كارو ....
سفيان غير وصل للكلينيك مشا ديريكت لجيهة الانعاش مباغيش يخلي خوه بوحدو واخا ماعندهم باش يفيدو اريج ولا يخففو عليها ... لقا معاها اياد لداخل جالس فكرسي حداها وشاد يديها ... وجلس حدا زياد و قسم جالسة فالكافيتيريا كتنهد حتى دخل عندها لوؤي و عدنان هزو قهوة وجلسو حداها تاهوما واحد كيتننهد وواحد يرد عليه .....
الاجواء كانت صااااقلة فالجناح الملكي بالرغم انها يلاه فالصباااح كان الغواااات والحيوط كايتزعزعو بالصراخ والحرقة دالفراق .. دابا ررجع الهدووووووودء .....
من بعد ساعة ونصف ....
الهدوء كيتكسر بدخول جود وبيلسان لي تحل بيهم السانسور فالجناح الملكي .... دااااخلييين طااافجيين جود خرج هو لول من السانسور واسد شاد عندو بيلساااان لي كتبكييي وتنخصصص القوة باش تغوت تسالات ليها ومبغاش يقول ليها ماماك فالانعاش .... وجود لي دخل للطابق الملكي كانت قسم وعدنان ولوؤي خارجين من الكافيتيريا يلاه شاافوه جايين عندو هو مكيشوف لا هنا لا لهيه .... مشا للسانسور لاخرو لي كينزل للاكاف كيضرب فالبوطووون وقسم مشات بزربة شداتو
قسم : لاا اجوووود عااافااااك لاااااااا .... جووود بلاااا متشوفوووو لتحت نصييييحة مني لاااا ...
أسد كان هدووو فطمووووبيل تاوافق ليه يشوفو ميت عارف مغيبردش قلبو .... واخا عارف انه اصعب شوفة هي يشوفو فلامووور ولكن احسن من انو ميشووفوش كاااع..... وبيلسان غير شادة فاسد مكتقدرش تتمشى بقوة مافشلاات وكون ما الصبر دالله كون حماقت ... قسم عيات تشد فجووود حتى تحل السانسور ودخل ولوؤي شافو دخل مشا كيجيري دخل معاه وبيلسان تنترات من يد اسد و مشااات كتجري قبل ميتسد السانسور ودخلات معاهم كتسرط فريقها باغا تاهي تشوف جدها ... وقسم شادة على قلبها مقادراش تهبط لتما .. تسد بيهم سانسور و طلع واحد اخور نزل فيه اسد وعدنان واسد وصى قسم ماتقول والو ليووونس وماتقوليهش راه جاو باراكا غير الهم لي هازو لمرتو بلا ميزيد بنتو لتحت فلامور ......
تحل السانسور بجود فلاكاف وتمشى تابع الطريق ل لامور ... يلاه غايحل جوج هوما يشدوه جوج اكباء كلهم مغلفين بالابيض كانو اطباء تشرحيين و لوؤي شاد فبيلسان لي غاطيييخ بالبما والتنخصيص ....
الطبيب : لاااا اسي جووود للاا ... كنعتدرووو منك ميمكنش نحلو ليك لامور
جود تنتر منو : ببببعد يدييييك لهييييه .... فيييين جدي !!!!!
طبيب شاف سانسور تحل ونزل اسد وعدنان ورجع شاف فجود
طبيب : راااه ميمكنش اسي جود
بيلسان تفكات من لوؤي ومشات كاتجري عند هاد. طبيب وجها فااااااازك بدموع وصوتها تبحبح
بيلسان : عاااافاااااك ادكتووررر باغااا نشوووف جدي ... الى مشششفتوووووش نتسطى عاااافااااااك ... ماااااشتووووش ملي مات ( قربات طيح وطبيب شادها ) عااااافاااااااك باااغااا نشوووف جدي ونبوووسووو عافاااااك
الدكتور شاف عند اسد واسد وما ليه بعينيه بمعنى خليهم لانهم كانو موصيييين ممنوع شي حد يدخل عندو لامور ولكن ملي كاينين هوما وافق وتمشي بيجهة البيبان حلهم والطبيب لاخور مشا كايجبد اللباس الواقي باش غايدخلو لتما ... واسد كايشوف منبعيد .... اقبح لقاء واقبح وداع هو لي غايديرو ليه جود وبيلسان ..... الوداع فثلاجة الموتى .. اما لوؤي رجع فحالو مستحيل بقدر يشوفووو غير ريحة داك البلاصة زيرات قلبووو ... وعدنان تاهو ماقدرش يدخل من غير اسد لي قسح قلبو حيت خايف عليهم وتبعهم دخلو لداخل
بيلي كان الطبيب مزال هو و أسد كيلبسوها اللباس الواقي و هي فاشلة عينيها غير على جود لي مشا قدامها و الطبيب وراه معافر معاه باش يلبس اللباس الواقي و يحيد السبادرين من رجليه و هو مكيسمعش ليه گاع .. وقف قدام حيط عامر بالمجورة المربعين و الكبار كيشوف فيهم واطرافو كلها متوترة ... عارف راسو صعيييبة شوفتو وهو ميت ... مغيقدرش يهضر معاه .. مغيقدرش يشوف فيه .. ولكن على الاقل يهدى قلللبووو ويشوفو للمرة لاخيرة .....
جود: فيين ؟؟ فيين هو جدددي ؟؟
بيلي نترات منهم قبلما يلبسوها الكمامة و تبعات جود وقفات حداه و حتى هي كتشوف معاه فهادوك المربعات ديال المعدن المرقمين بقلب كيرجف ويديها كتحكهم فالثوب لي لااابسة وكتسرط فريقها ..
تنهد الطبيب باستسلام واسد واقف كايشوف فيهم مخلوع عليهم .. و مشا وقف حدا واحد فيهم رقمو 11 ... شد فالمقبض ديالو و جرو كيحلو بشوية و أسد كيقرب وقف حدا ولدو خايف عليه تجيه شي نوبة و يطيح ...
جود و بيلي عينيهم معلقين على هاداك المجر و هو كيتحل و كيبان ليهم باياص طويل و جسم ممدد فوقو مغطي بإيزار بيض .. بجوج بيهم حتى واحد ما قدر يتحرك ولا يقرب منو بحالا رجليهم لسقو على الأرض ... الطبيب مد يديه كيعري جهة الوجه ... بيلي غمضات على عينيها بالججهد و كتتمنى فخاطرها فاش تحلهم تلقى وجه شي رجل اخر من غير جدها .. شي رجل مكتعرفوش ...
تعرا الوجه .. و بؤبؤ عيون جود رعش بالجهد .. حس بقلبو حتى هو كيتزيير عليه .. و فهاديك اللحظة بالضبط عاد حس بشحال هاديك لبلاصة باااردة حيت جسمو كلو شوك و رعشة قوية سرات معاه .. عينيه الحمرين عمرو بالدموع ... و صدرو حرقو .. حرقو بلا قياس لدرجة ماعمرو جربها فسنين حياتو كلهم ...
حلات عينيها بشووووية ... و حيت عامرين دموع الرؤية كانت مضببة قدامها .. كتشوف غير ليزار لي بيض و هاداك الوجه و لكن ملامحو ماواضحينش .. رمشات عينها و كلها كتترعد .. مع الترميشة نزلو هادوك الدموع لي كانو بينها و بينو .. و ملامح هاداك لوجه ولاو واضحين ...
ماكانش جدها أحمد لي كتعرفو .. كان النسخة الميتة منو ... جسم أزرق .. باارد .. سااكن و بلا روح ...
بدات كتقرب لجهتو بخطوات متوترين وكلها كترجف ... عقلها كان مزال ما استوعبش تماما فكرة أنه صافي مات !! بحالا باغية تتأكد واش مزال حي .. واش هو هاداك بصح ولا شي واحد من غيرو ... أي احتمال إلا أنها تكون فقدات جدها للأبد .. كلشي إلا يكون مشا بلاما حتى تتوادع معاه و تشوفو لآخر مرة و هو حال عينيه ...
بيلي: ( وقفات عند راسو و نطقات بصوتها الباح و بشوية ) ج ....جدي ... جدي ...
حطات يديها على الباياص و بلعات ريقها ...
بيلسان: جدي كتسمعني ؟؟ (زيرات شفايفها و رجعو دموعها كينزلو) متلعبش معايا هاكا عافاك ... نوض (كتمسح على خدودها) ماما لفوق غتكون غتحماق بلبكا .. و وخالتي ... و وجدة ... و وسيم ..... كلشي غيكون كيبكي عند بالهم راك متي .. و لكن نتا مايمكنش تدير لينا هاكا .. جدي (تحنات كتقرب ليه) نتا .. مايمكنش تمشي بلاما تودعني ... ( كتنخصص ودموع كيسيلو ) علاااش ماااقدرتيش تسناني اجدي ها !!!! علاش اجدي .. واش مابغيتيييش تودعني ها !
كتعاود تمسح دموعها بعنف و خدودها كيزيدو يحمارو .. أسد ملي سمعها كتهضر هاكاك خلا ولدو و مشا عندها هي كيحاول يبعدها عليه و هي كتتنتر منو ...
أسد: بيلساان .. باراكة عليك ...
بيلسان: طللقني .. طللقني أعمي ... جدي كنعرفووو ... جديييي مايخلينيييش هاااكاااا أعمييي .. مايخلينيييش ... غااايتسناااني .. جدي مكانش حتى كايسافر بلا ميقول لينا بسلاامة .. عاسااك يمووت !!! طلللق اعمي هو راه قاليا غنعيدو وغنرجعو كاملين لامريكا و غنمشي انا وياه لكندا ..هو مواعدني اعمي قادينا انا وياه بروغرام مغيخلينيييش نرجع للدار بووووحدي ....
أسد كيدير إشارة للطبيب باش يدفعو لداخل و يسد الباب غير قاسو غوتات بيلي شادا الباياص بيديها ..
بيلي: لااا .. بععد منوووو .. بععععددد ...لاااااا
دفعات أسد و أسد طلقها ... دموعها كيطيحو و قلبها كيحرق فيها .. تحنات تاني عندو حاطة يديها على الباياص و كتبكي بالصوت ..
بيلي: جدددييي ... جددييي نوووض عاافااااك ... حللل عيينيييك ... ججججدي رااااني مساخيااااش بيك اجدي .. عافاااك جدي بغيتك معايااااا مزاااال .. عاااافاااااك ..... جججدي
مداات يدها لوجهو بغات تحل ليه عينيه .. غير قيسات جلدتو جسمها كللو انتفض برعشة قوووية .. كانت بحالا كتقيس قطعة جليد ! بشرتو قااسحة و باااردة ... وسعات عينيها كتشوف فالطبيب و فأسد لي حداها مصدومة ...
بيلي: جدي .. بارد .. هو علاش بارد ؟؟ علاااش مخلينوو هااكاا بااردد ؟؟؟ (شافت فالطبيب كتخنزر فيه وسط الدمووع) علاااش حااطييين جددي هنااا فالببرررد ؟؟
أسد لي نزل حاضي ولدو لقا راسو حاضي بيلسان لي حالتها مكانتش نهائيا كتبشر بالخير .. اما جود غير واقف بحال الجماد كيشوف .. الطبيب لي ولف على هاد المناظر حس بقلبو كيضرو من الشوفة فيها و هي هاكاك ...
خرجات ليه يدو من تحت ليزار و شدات فيها ... جلسات على ركابيها كتبوسها و دموعها السخان كيطيحو على هاديك القطعة الباردة و كيتوهو فيها .. حطاتها على خدها و علات راسها كتشوف فأسد لي واقف حداها ...
بيلي: عمي .. عمي عافاك قول ليهم يخرجو ليا جدي من هنا ... عافاااك .... متخليووهش هناا بووحدووو ...
رجعات كتبوس ليه فيدو و عينيها على وجهو كتدوز عليه يدها لاخرة ...
بيلي: واش مقلق مني ؟ هادشي علاش مابغيتيش تنوض ؟؟ و الله ما نبقا نخسر ليك خاطرك أجدي .. لي بغيتيها نديرها غير فيق .. غادي نديها فقرايتي كثر و نجيب نقط مزيانين و ندير عقلي ... و ومنبقاش نخرج بليييل ... غير متخلينيش ... هضر معاايا (كتحركو من كتفو بشوية) قول ليا شي حاجة أجدي ... ماتبقاااش سااكت ... ووواش مقلق مني !!!!!! داااكشي علاش مااتسنيييتينيش ها !!!
حدرات راسها و غمضات عينيها كتحاول تتنفس ... الدموع مبغاوش يحبسو و هضرتها مقطعة بالبكا ...
بيلسان: عاف..عافااك ... ماتد..يرش فيا ها..كا ...
طلقات من يدو و يديها طاحو للأرض جنبها باستسلام للحقيقة المرة و الباردة بزاف ... جدها بصح مات و مابقاش .. مشا و دا معاه دفئ حضنو و ابتسامتو ... صوتو و كلامو و الحب الكبير لي كان كيحسسها هي و هوما بيه ... مشا بلاما تهضر معاه لآخر مرة و تشوفو ...
استسلمت لواقع أن صوتها صافي مبقاش كيوصلو باش يحل عينيه و يفيق ... وهي طيح راسها على صدرو البااارد والياااابس كتبكي
بيليز: سسسسمحلي ااجدي عافااك .. مكانش كيحسااابتني غتموت .. وكون كان كيحسابتني بلي اخر مرة غنودعك هي فاش بستك ونتا ناعس مكنتش غاااانمشي اجدي تيييق بيا .. قلبي اجدي كااايتتتقطع .... سسسمح لياااا عاافااااك ... سمح ليا لاكنت كنقلقك ولا كنعصبك .. سمح ليا لاكنت كنخرج بلا خبارك ونخليك تقلب عليا .. سمح ليا ملي كنت كنننعصصصبك اجدي ...نتاا عااارف شحاال عندي عزيز .. نتا كتحن عليا كثر من اي واحد ....نتا لي كتقوليهم خلييوها دابا تكبر خليوها دابا تعقل .. علاش اجدي مشيتي قبل منكبر ..... علاش متسنيتينيش تانتعقل ... ( كتنخصص فوق صدرو ) ياك نتا .... ياك نتا اجدي لي كنتي فوقما لقيتيني كنبكي كتقول ليا الا كنتي باقا كتفكري فيه رجعي لعندوو ( جود كيسمع واسد تنهد ) نتا لي قلتي لياااا الا كنتو مكتايين لبعضياتكم مكاينش لي يفقركم ... خليتيني تامشيت لعندو ونتا تمشي ... حرااااام عليك اجدي .. حراااام عليييييك ...
اسد نزل عندها كيحاول يشدها
اسد : بيلي .... متعدبيش جدك كتر من هاكا .. نوضي يلاه
بيلي : ( كتنتر يدها منو ) خلييوني معااه عافاك
.. خليوني هنا وسيرو ... غيييير سيروووو سيرو وخليوني هنا معاه خشيييوني معاه خليييييوني نشووفووو ماسخيييييتش بييييه .. كان ديمااا كيشوف القباحة ديالي ويقول ليا الى نت هاكا ولادك كيغيكونو ... علااااش ماجلسش حتى يشووووفهم .. علاش مشى وانا باقا صغيييرة .. لمن غنقول انا جدي لمن ...... كيغااندير نشوف فداك الدار اجدي ونتا مافيهاش كيغاندير ندوز حدا بيييييتك .... نوض اجدي نرجعوو عافاااااااك ( شدات يدو وشاف فيه كتبوسها ) عافاااك عافاك اجدي عاااافااك
جود ضار عاطيهم بالظهر .. شد على راسو بيديه بجوج كيتنهد بالجججهد و الدموع بداو كيطيحو من عينيه ... كان هابط هنا كيحري باش يودعو ويقبلو للمرة الاخيرة .. ولكن ملي تحل المجر لقى راسو مقادرش حتى يقرب .... غمض عينيه بالجهد ملي سمع صوت بيلي و هي كتغوت بالجججهد وراه ...
بيلي: جددددددديييييييي ....
أسد عاود شدها عندو ... كتبكي بالجهد و كتغوووت ...
بيلي: جدددددددييييي ... جدددددديييييييي ... جدديي ماااات أعمي ماااااااات ... جدييي مشااااااا و خلاااااانييييي .... صااافيي مشاااااااا ....
صوت بيلي كان عالي بزاف ... خارج من لامورغ و واصل حتال الدروج لي كيطلعو من لاكاف .. فين كان جالس لؤي بوحدو مخبي من كلشي و شاد راسو بين يديه ... الدموع كينزلو من عينيه حاارين و كيغرقو فلحيتو ...... كالس وشاد على رااااسووو ومزير على عينيييه .... هادو هوما الاسماعيليين كيربيو الكبدة والا مشاو حتى رباوها صعييييب يتفرقو .. وهذا راه جدهم ماشي شي حد غرييييب .....
اسد بدا كيجر فبيلي وهي تخبات فصدرو كتبببكي ... والطبيب قرب باشويسد المجر حتى حس بجود قرب ليه .. كان كيتمشى بشششوية وعينيه حمرييين وكيشوف للجنب ... وداك الطبيب بعد شوية ... وجود سرط ريقو بصعوبة وهبط عينيه هو يبان ليه .. ززززفرررر النفس بعنف وهبط بشششوية لجبهتو بااااسوووو مطوووول عليه .. قبلة حااارة على جبين جدو لي كيحاول من خلالها يعتذر على غيابو فالوقت لي روحو كانت كتخرج ...كيعتذر لي مكانش معاه ... فنفس الوقت كان من خلالها كيشكرو على حبو الصادق لي قدم ليه واخا ماشي حفيدو البيولوجي ... على نعمة الجد لي خلاه يعيشها حتى وصل لهاد العمر .... رجع هز يديه لي كانت طايحة بشوية وقادها حداه .... وشاف فيه شوووفة اخيرة لي ترسمات معاها ابتساااامة منكسسسسرة وهبط تاني لعندو
جود : بسلااامة اجدي ...... عمرنا نساوك ...
تنهد وطلع راسو وهز داك ليزار بشششوية وبكا بيلي قالب لامور .. وعلاه على راسو وهو كيحس بالصبرررر كيتخوا عليه بحال سي سطل دالما وكيغمرو كاااامل ... غير غطاه حاول يدفع داك المجر بششوية والطبيب مخليييه ... فاش كان كيجمع ليه يديه ويغطيه ودابا دافعو للمجر كان كيحس براسو وهو كيلبسو داك العباية ويقادو ويهزو ينزلو لتحت باش يعيد معاهم .... ودابا هاهو قادو فبلااااصتو .. وقريبا غيهزو فوق كتافو لفين غيغيش ماتبقى ......
اسد شاد بيلي ومرة مرة كيلوح عينيه لجود وحمد الله لي متبت وصااابر ... غير رد بيه المجر خرج كيحيد فداكشي لي لبسو ليه ومشا بززربة لسانسوووررر وطلع ... و اسد جر بيلي بشششوية ماشي بيها باتجاه سانسور اخر وطلع هو وياها .....
اما لوؤي باقي فدروج غير جالس وحاط راسو على الحيييط ....
جود تحل بيه السانسور فالجناح الملكي .. يلاه غاادي لجيهة السانسور لاخور ينزل وهي تلاقاه قسم لي كانت واقفة تما كتمشي وتجي
قسم : جوووود ( مشات لعندو شدات فوجهو وهو ملااامحو ذاااابلين ) صاافاا اخويا !!!
جود اكتفى فقط يحرك راسو بالايجااب بثقالة مع تنهيدة
قسم : فين بيلي ! ( مجاوبهاش ) راك غتكون عيان دابا بطريق .. نوصلك لدار !
جود شد ليها يديها وشاف فيها شوفة ديال راني بيخييير ومشا باتجاه السانسور وحلو .. يلاه دخل هو يتحل ديال اسد وبيلي ... وشافت فيهم وهي تشوف بيلي كلها كتنخصص فصدر اسد ولاشوميز ديالو زرقة كتبااااان فازكة بدموع .... وقسم حزنو ملامحها .. وتاني هبطووو دمووعها لي يلااه مسحاتهم ...
قسم : بيلي ماديريييش بحال هكاااا ... راه كلنا حححرقنا ولكن راه بغاه الله وداه الله ...كان مرييض مسكين .. خاصنا نفرحو لي مشى بلا ميتعدددب بزاف ...
بيلي : ( كتنخصص ومشات عنقاتها ) مشاااا جدي .... مشاا اقسسسسم ..... ممشااا لي كيقوليكم تهلاااووو فالززعرررة ديالي
قسم : ( كتنخصص تاهي كدوز يدييها على شعرها ) كلللنا مساخينيش وكلنا مخلي حرقة فقلبنا .. عافاااك شدي فرااااسك ....
اسد سول قسم غير بعينيه فين جود وهي كانت معنقة بيلي .. اشارت ليها مور ظهرها للسانسور وهو مشا تبعو .... خايفو يمشي يصوك ... وقسم جرات بيلي بشوية للكافيتيريا جلساتها كتعطيها تشرب ....
قسم : ( كتشوف فيها يديها كيتردعو والما كيتدفق عليها ) بششششوية عليييك
بيلي : ( حطات الكاس وشافت فيها وكلها منهارة ) سسسسول فيااا ياك
قسم : ( حركات راسها أه وهي عاضة على شفتها حابسة الدموع ينزلو تاني ) سول فينا كاملين مسكين .... وووصى عليييك ....
بيلي : ( كطيح راسها على الطبلة ) مغنسسسمحش لرااسي .. عمرررني غاانسمح لراااسي ا قسم
قسم : واااش نت كنت عاالمة عليييييه !
بيلي : ( كضرب راسها مع الطبلة ) انا لي لححححت التيليفووووون انا لي لحتووو
قسم : ( شداتها) وصااااافي عافاااك والله تاقلبنا طااااايب ... ودابا علاش كتقولي فشي حوايج ماعندهم باش يفيدو .. لي مكتاب راه مكتااااب وهانتي بعدا شفتيييه فلاموغگ حسن ما كون لقيتيه تدفن .... بابا وعمامي بلعاني مبغاوهش يتغسل دابا حيت عاارفينكم غتجييو تودعوه مزال .... صافي بلاصة هادشي خلينا ندعييييو معاه
بيلي غير ساكتة وكتنخصص ...
قسم : نوضي اجي شوية تشوفي باباك وخوتك
نوضاتها بشوية وبيلي متكية عليها كتمشى ورجليها فاشلين وكتمسح دموعها
بيلي : ( كتمسج وتنخصص ) فييين ماما
قسم : عيانة شوية .. هبط ليها السكار اجي تشوفيها ...
داتها لفين كاين الانعاش يونس غير شافها وشاف حالتها المنهارة وتاهي غير شافتو انهاااارررت كلها وهو جا لعندها عنقها وزياد واياد وقفو وسفيان كان داير يديه بين راسو شافها وعلا راسو .... ويونس رغم تقليقتو منا عنقها عندو لان عارف انها لي كتحس بيه دابا كبر من كوولشي وعارف شحال متعلللقة بييييه .... عنقاااات باباها كتبببكي وقسم مابقاتش قادرة كاع تشوف كتعيا تصبر وتبين راسها قوية ولكن من داخل كتآكل وخرجات من تما ديرسكت لطموبيلتها مشات لقصر ..... و خوتها تاهوما ناضو عنقوها كيصبروها كيعرفوها شحال عندها عزيز واخا كلهم عندهم عزيز ولكن هي حاااالة خاااصة مربية عليه الكبدة بزاف وعاشت معاه هاد الاعوام الاخيرة ... وطلقات منهم شافت للزاج ماماها ناعسة على السرير غير مازادت كتنخصص وزياد قرب عندها اما اياد محاااملش يبقى يشوفها هاكاك كتبكي وفنفس الوقت كيتفكر فين كانت ورجع خرج مشا للكافيتيريا شد قهوة وجلس متكي على الكرسي كيضورها فيديو...
زياد : راها صافا دابا .. غير تستقر يخرجوها لاشومبر ....
بيلي : ( حاطة يديها على الزاج ) ماما مسسسسكينة غااااتكون بكات بزاف
زياد : بيلي حنا هنا ... سيري ترتاحي فالدار .... ملي تخرج للاشومبر اجي تشوفيها
بيلي : لااااا غير خليييني ....
مابعرف عنادها وماعندوش خاطر يتجادل ... وخلاها واقفة تما حاطة يديها على الزاج ... ويونس رجع جلس حدا سفيان واحد كيتنهد ولاخر كيرد عليه ....
جود خرج للجردة كان حاس بالخخنقة ومشا كلس على وااحد الكرسي وعلا راسو لفوق طالق رجليه والحال كان ضلااااام .... واسد خرج تاهو كيقلب عليه بعينو تابان ليه جالس ... ومشا للطموبيل حلها جبد قرعة دالما .. ومشا باتجاهو جلس حداه ومدها ليه ...
جود: ( شدها عليه وتقاد فجلستنو ) لامار صافا !
اسد : راها فالدار .. ديتها بزز تنعس شوية ...
جود : ( شرب الما ورجع هضر ) معاش مات بالضبط
اسد : مع داك العشرة تقريبااا .....
جود : واش كان تزاد عليه الحال وجبتوه ولا كيفاش !!! مات فلاكلينيك !!!
اسد : سي مات فالانعاش .. كانو كيوجدو ليه لاشومبغ يخرج ليها ... ولكن مالحقش ....
جود : فوقاش جبتوه
اسد : مور الماتش دسلطان مبااااشرررة ..... ( وقف ) نوض يلاه نمشسو للدار ....
جود : ( وقف غادي معاه لطموبيل) امتى غيتذفن
اسد : قررنا غدا مع الظهر .. ماعلمنا حتى شي واحد ماتگول حتى شي حاجة لتاحد ... على مايوصلو امين واسماعيل ... غيبغيو يشوفوه عاد يتغسل ويتكفن .. ومع الظهر يتذفن
جود : كولشي كااان حاضر !!!
اسد : كولشي ( حل طموبيل ركب وجود تاني ركب وسدها ) منغيرك نتا و بيلسان
جود : (تنهد ) ماعرفتش كيفاش طفى التيليفون الواليد والله ..... كنتو تعلموني ملي جبتوه لالكيلينك كوون لحقت عليه
اسد : هدا ماشي وقت نقولو كووون ... ليووقع دابا وقع ... غتمشي لبيتك ترتااح .... غدا كيتسنانا نهار طويل ... جدك دوز معانا لي مكتاب ليه ومشى لفين غنمشيو كاملين واحد نهار ... وغدا خاصوو جنازة تليق بييه ....
جود : ( تكا راسو لفوق على التكاية دالكرسي ) جدة لاباس عليها .. راها فالدار !
اسد : لا راه تما .. ( شاف لساعتو ) ودنات العشا غتكون مشات تصلي ....
جود غمض على عينيه واسد كمل طريق ...
اما بيلي بقات واقفة تما حدا الزاجة شادة فيها كتشوف فماماها تاسمعات تعياط جداتها لي جات من المسجد دلاكلينيك وهي ضور غير شافتها وهي تنخصص تاني بالبكا ومشات عندها كتتجري عنقااااتها
ببيلي : ججججدة ... مشاااا وخلاااناا اجدة مشاااا
رقية : ( كطبطب عليها وعينيها هبطو الدموع ) ششششش صافي ابنتي ... رربي بغااه ربي داه .... كاين شي ماحسن من داك البلاصة .... داك البلاصة ابنتي لي كتسنانا كااملين سبقنا ليها وهاحنا لاااااحقيييين .... بلا متعدبوه دابا بهاد النحيييط وبهاد البكا صافي .. دييرو بالكم مع الله ... ( جابتها قدامها كتسمح ليها دموعها ) الحمد الله ... الحمد الله على كوولشي على فرحنا وعلى مصااايبنا .. عاش لي قسم ليه الله وشاف لي قسم ليه ولد ولادوو وكبرهم وشاف حفايدو الله يجعل شي بااااركة .... مشى بالو مهني على كوووولشي .... الله يييرحموو ويوسسسع عليه
پيلي رجعات ثاني عنقاتها بحالا كتشم فيها ريييحتوو ومستغربة كيفاش جداتها صابرة هاكاك ومنين جابت هاد الثبات كامل معارفاش ان الانسان المؤمن بقضاء الله وقدرووو ديمااااا كيكون متبت .. واخا قلببو كييتحرق ...الرضى بالقدر والقضاء كيبرد عليه .....
شداتها بشوية جلساتها ورجعات وقفاات حدا الباب كتسنى فاريج وتسبيحها فيديها كتشمر فنيفها ورجعات ثاني جلسات
سفيان : الحاجة كون غاسمعتي لينا وتمشي ترتاحي ( وقف ) انت غنمشي دابا يلاااه نديك فطريييقي ....
رقية : لاااا غاخليني اوليدي عاااايشك .. منخرج من هنا تايخرج المرحوم
سفيان : وااانتي تعرفي الحاجة .... بيلي ... يلاه معايا
بيلسان : لا اعمي خليني مع ماما
يونس : ( كان كيشوف فاريج وضار عندها ) بيلي سيري مع عمك للدار ... ماماك راه ناعسة دابا غدا اجي عندها ملي تخرج للشومبغ .. آلي فازي يلااااه ...
زياد : سيري كوني تسمععي ....
ناضت بشوية وسفيان شادها ومشاو بجوج للطموبيل باتجاه القصر .... كان وصلو اسد وجود ... جود لقى راسو مابغاش يشوف حتى شي حد مابغاش يشوف حتى ماماه ولا رتاج حيت عارف الحالة لي غيكونو فيها وهو مكيييحملش بحال داك المنظر كيحس براسو كيحرقو مشا ديريكت لبيتو سد عليه ... واسد رجع للجناح كانت لامار ناعسة ودخل توضى يصلي العشا .... و بيلي تاهي وصلات هي و سفيان وصلها لبيتها ودخلات .. غير شدات الباب وهي تنهار تاني بالبكااا كتفكر ملي كانت كتوووعدو وهو مرييييض وتبكي بحرررقة وبببجهد .... تاتتببح صوتها وقوتها تلاشااااات ....
لوؤي مدة وهو لاقي راحتو فهدوء داك الدروج لي مكيطلع منهم حد حيت كلشي كيستخدمو السانسور .. تاحس براسو النعاس غيديه وناض بشوية طلع ومشا طل على خالتو لقاها باقا على نفس الحالة وزياد واياد ويونس جالسين تما حداها فالكولوار شادين غير قهاوي .... ورقية فرشات فالارض كاع وكلسات كتسبح ... مشا باس على راسها ورجع تاهو للقصر مشى ديريكت لجناح واليديه ... دق ودخل .. لقا عدنان جالس قدام البيسي ... ورتاج ناعسة ... طمن عليها ومشى تاهو لبيتو ....
رغم انه ماشي وقتهم هذا يدخلو لبيوتهم ولكن الحرقة والظلااام لي مخيم على قصر الاسماعيلي خلا كووولشي يبغي يجلس بوووحدوو ويتنهد على خاااااطرررو ....حتى الليلة لي منعسوهاش حاااسين بالتععب من جيهتها ودغيا كيغفاو واخا القلب فاااايق وكاااايتحرق ... وسفيان تاهو دخل لجناحو كانت حياة ناعسة وتلاح على الفوطوي ومعلي راسو لفووووق بعياء ....
سلطان ومروان طلعو معطلين من البحررر تاخواووو سلبياتهم كاملة ..سلطان وصل مروان للكلينيك ورجع القصر تاهووو يشد عليه فبيتو ... ومروان دخل طل على اريج وجلس تما كيتسنى خوتو يجيو ....
يتبع..
التعليقات
لا توجد تعليقات بعد، كن أول من يعلق.