الجوهر الحر الجزء 12

عينين تانيرت خرجو من بلاصتهوم فاش سمعات هضرة لبوليسي وضارت شافت فإدريس لي كان مكمش حجباانو ممتيقش اش كيسمع.. شوية بان ليهوم محمد طه جاي لعندهووم وغير شاف لبوليس بحال الافهم شكااين رغم ذلك نطق:شواقع؟!

إدريس:(شاف فيه بنظرة فشكل) قصي لعباسي رفع عليك شكاية

لبوليسي:(شاف فمحمد طه) نتا هو محمد طه التجاااني ؟!

محمد طه:اه

لبوليسي:تفضل معانا لولاية الأمن

إدريس:اينا ولاية؟!

لبوليسي:لي ف*****

حرك ليه محمد طه راسو وخرج غادي معاهوم بكل هدوء وبرووود تاوصل لطوموبيلتهوم وركب اللور وحداه واحد لبوليسي وعينين مالين لحومة تابعينهوم غير بتبرگيگ ولفضوول لي قاااتل الناااس.. أما إدريس دخل غادي لبيتو يجيب الساروت ديال الطومويبل باش يتبعوو وهي توقفو رحيل لي قالت بتساؤل:شكاين ابابا؟!

إدريس:(شاف فيها ونطق وهو حاس براسو مغدد) خوووك لاح راسو فحفرة مقادرش عليهااا (طلع فالدروج) غاتحمقوووووني معاكوم تت

غبر على شوفتها وهي ضارت جهة تانيرت وسولاتها:اش وااقع ؟!

تانيرت:شي واحد سميتو قصي لعباسي رفع شكاية على خوك محمد

رحيل:(مخرجة عينيهاا على جهدهووم) كيفااااااش؟!

مشات تاهي طالعة لفوووق وتانيرت تنهدااات تتفكر فالحريرة دمحمد طه شوية بان ليها ريان واقف حدا لباب دالصالة مكمش حجبااانو ساهي.. حركات راسهاا بهدوء وجبدات تلفونهاا ودوزات رقم المحامي لخاااص بيهاا وفالحين جاوبها:أستااذ الرحموني لباااس عليك

المحامي:مدام تانيرت كيف الاحوال نتمنى يكون كلشي بخير وعلى خير

تانيرت:(حكات جبهتهاا ونطقات) نتا فالرباااط؟! فالحقيقة واقع واحد لمشكيل ومحناجاااك ضروري؟!

المحامي:أناا فمراااكش ولكن نجي الالة تانيرت الله ياودي اشمن مشكيل بعدا ؟!

تانيرت:ولد راجلي الساابق احم ترفعات عليه شكاية لعنف وداوه لولاية الأمن

المحامي:ماتخافيش الالة عطيني غااار شي ربعة دالسوااايع ونكون تمااا

تانيرت:واخا شكرا بزاااف اأستاد

قطعات معاه وشافت فإدريس لي نازل وهو مكمش حجبانوو وباين فيه معصب وصوت كلثوووم لي تتغوت وهي موراه تقب ليها لودنين

كلثوم:(بصرااااخ) اشواااقع لولدي هوما علااااش داوووو ليااا ولدي إدريس وقاااااااف

إدريس:(ضاااار شاف فيها وعطااااهاا واحد تخنزيرة وغووت) ولدك واااقع ليه مشكيل وداوه لبوليس وانااا براسي معارفش ااااش كاااااين وبلاصة ماتغوووووتي وتفرعي لياااا مخي سكتيناااا وهنينااا مناااقصين صدااااااع اااالخراااا..

كشكش عليها ومشى وهي واقفة كلهااا تترعد وخايفة على ولدهااا لي معرفاتش اشمن مشكيل طيح فيه راااسو تاجاو لبوليس داوه من الداااار.. أماا إدريس مع بغا يخرج عيطااات ليه تانيرت وفديك الساااعة بصح مكااان باغي يهضر مع حد حيت خوفو على محمد طه ولمشكيل لي وقع شغل ليه تفكيرررو عليهاا ضار شاااف فيها مخرج عينيه:اش باغااا تانتي عاااود

تانيرت:(بقات تضور فعينيهاا) هضرت مع لمحامي ديالي هو مكاينش هنا حيت فمراكش ولكن راه غااايجي وهو نفسو لي تكلف بالمشكيل دريااان.. ومتأكدة غايلقى لحل لمحمد طه بلاماتعصب..

إدريس:(بقااا ساكت كيشوف فيهااا وهضرتها لي قالت ولي خلاتها تزيد تكبر فعينيه..كان شاغل بااالو لمحامي لي يكون تقة وفين غايقلب عليه وهاهي اختصرات عليه ديك الطريق قرب جهتهاا وباسها فجبهتهاا ونطق بصوت مبحوح من لغوااات) الله يرضي عليك..

تانيرت:(قاست لحيتوو بحنان) غانمشي معاااك واخا

حرك ليها راسو باه ويالاه بغا يمشي وهو يسمع صوت رحيل لي جااايا تتجري مور مالبسات عليهاا سورڤيط وفولااار بزرية والخلعة باينة على وجهها:نمشي معاااك اباباا

غمض إدريس وخرج بلامايجاوبها وتاهي فهمات أنه باغي.. ركب فبلاصتو وتانيرت حداااه ورحيل لور.. يالاه بغا يدماري وهو يتحل لباب لوراني حدا رحيل ودخل ريااان جلس حداااه بلامايهضر وتاإدريس ماعلقش حدو دماااري غادي لولاية وفنفس الوقيتة وقفات طوموبيل آدم قدام باب الدار وخرجات منهاا أسماء لي كانت مخنزرة وباينة فيها معصبة شافت فآدم لي واقف ومتكي على لباب لي حداه:اخر مرة توصلني تال دااار الاقلت ليك وقف فراس لحومة هي وقف

آدم:(ببرود) واخا الحجلة ديالي

خنزرات فيه ومشات لباب دفعاتو وهو رجع ركب بلاصتو ومشى.. لقات السكات ولحس مقطوع جاتها غريبة.. طلعات حاجبهاا ومع بغات طلع لفوق بانت ليها كلثوم نازلة تتلبس فجلابتهاا ودموعها نازلين وباين فيها معصبة.. وقفاتها أسمااء وبتساؤل قالت: مالكي فين غادة

كلثوم:(خرجات فيها عينيها معصبة) غادة لعند خووووك شدوه لبوللللليييس

أسمااء:(تصدمات ) هاويلي علااااش شدااار؟!

كلثوم:وأنا عارفة (تخطاتها وقالت) زيدي معايااا نمشيو نلحگو عليهووووم

تبعاتهاا أسماااء وخرجوو من الدار ساديين لباب موراهوم وبخطوااات سريعة خرجوو من لحووومة او وقفووو طاااكسي صغير عطاااوه لعنوااان وقلب كلثوووم واكلهااا على فلذة كبدهاا الحنين..محمد طه..

ملي وصل لولاية دخلوه لبيروو خاص وخلاوه تماا جاااالس بهدووء وعقلوو سارح فداكشي لي طرا..

🔙🔙

ملي طاحت جيداء ودخلوها لسبيطار هو ماقدرش يتقبلها وتعصب بزااف وحلف بحلوفو بلي غايرد ليه الدقة مضوبلة وغير بالفن جبد من رحيل عنوان دارو.. مشى عس عليه تماا تبان ليه جااااي السيد مخصو تاخيرر وبحال الاماشي هو لي غبن ديك بنت الناس وجاتها أزمة قلبية وكون ماربي لطف كون مشات فيهاا.. كان نازل من طوموبيلتو باغي يدخل لعمااارة وهو يسمع صوت من ورااااه: بسسس بسس

ضار قصي وهو يبان ليه محمد طه جاي جهتو كيطوي كمام لاشوميز لي لابس وعاقد واحد تخنزيرة تتخلع وجهو ظلااام وباااين فيه حاااقد.. شاف فيه قصي بشوفة ديال شكادير هنا ويالاه بغا يهضر ضربوو محمد طه بواحد لكرووشي رجعوو باللور تاتضرب مع لكاابو ديال الطوموبيل تاتسمعات الزدحة.. ناض قصي ومد يديه مسح نيفو لي دغياا دمى وشاف فمحمد طه مخنزر وناض باغي يرد ليه الدقة ساعة محمد طه سبقوو تاني وهاد لمرة ضربوو بالرااس ضربة لي خلاتو يدوخ وقبل مايطيح شنق عليه محمد طه دافعو على الطوموبيل ونطق مغدد حاقد عليه: هادي هي الرجلة عندك الشماااااتة هممم ضاااااحك على بنت النااااس لي دوزااات معاك سنين حياااتهاا شامتهاا وهرستي فرحتها وقلبهااا بسباااابك راه ملاوحة فالسبيطاااار

قصي:(كيدفع فيه معصب) شكون نتا از*ي لي تحاسب معايا

محمد طه:(غوت تالعرق لي فجبهتو تنفخ عينيه لخضررين لامعين ظلاااموو وبواحد الصووووت قااااصح نطق) أنااا هووو لي غانوري الز*مل بوووووك الضحك بشحاااال كيتقاااام وغاندمك على شدرتي فيهااا..

رجع عطااااه بوكس مرعفوو تاني كان مغدد ومعصب لدرجة مبقاااش عارف اش كيدير عينيه ظلامووو وحاجة وحدة كتجيه فبااالو هي حالة جيداااء وداكشي لي عاودااات ليه رحيل صعر صعرة وحدة.. لاحووو فالأرض وبقااا تيعطيه فالركااالي كيغووووت صااااعر تاجى الگارديااان لي سمع الصداااع باغي يفكو ساعة لصق فيه لصقة وحدة تجنن عليه.. جروو ثاني تااوقفووو ولاخر صااافي الضبااابة كتباااان ليه هلكوو عصى وغفلوو غفلة دلكلااااب.. قرب محمد طه وجر يديه لي كاااان فيهاا خاتموو دالزوااااج وشدهاا ليه زير عليهاا وعينيه فقلب عينين قصي لي حلهوووم على جهدو فااااش تسمعاااات ديك طرااااااق بالجهد وموراها غوت قصي تاتبح صوتووو بغااا يمووووت من لحريق عاد طلقووو محمد طه وطااح الأرض متكي على الرويضة دالطوموييل شاد يديه ومحمد طه تحنى عندو قاد ليه لكول ديال الشوميز ونطق بصوت بااارد: محمد طه التجااني هادي هي سميتي

غمزوو ونااض تقاد فوقفتو وركلو ركلة لخرة قبل مايتخطااااه غادي بحاااالو مخليه تيتلوى تماا بالحريق دلهرسة ولگارديااان معاه..

🔜🔜

زفر محمد طه بملل ومسح وجهوو بيدو وتقاد فالجلسة فاش تحل لباب ودخل منو الكوميسير لي غاياخد الأقوال ديالو ولي مكلف بالقضية.. جلس فالكرسي وحل لملف لي فيه شكاية دقصي ونطق: محمد طه التجاني عرفتي نتا علاش هنا؟!

محمد طه:(بهدوء) على حسب مقالو ليا لبوليس لي جابوني بلي أنا هنا حيت قصي لعباسي رفع عليا شكاية عنف

لكوميسير:(تقاد فجلستو) تماما ممكن تعاود ليا شنو وقع؟!

محمد طه:(هز حاجبو ونطق ببرود ممسوقش) هو ضحك على بنت الناااس وأنا ربيتو على ضحكو واخا صراحة الله كان يستاهل ماكثر

الكوميسير:(ربع يديه وكمش حجبانو) شنو دار واش تعدى على شي وحدة؟! الاكان هادشي راه بإمكانك تقلب عليه الگفة..

فنفس الأثناء وصل إدريس والبقية لولاية الأمن ومشى إدريس عند واحد البوليسي تماا سولو عليه ونعث ليه لبيرو فين كاين وبلي الكوميسير معاه كياخد الأقوال ديالو.. رجع عندهوم وشاف فتانيرت مكمش حجبانو: واش داك لمحامي غايتعطل؟!

تانيرت:لا هاهو راه جااي فالطريق علاش؟!

إدريس:حيت هوما كياخدو الأقوال ديااالو دابا

رحيل:هو وقتااش مشى عند قصي وضارب معاه

إدريس:(خنزر فيها)شكوووون عرف على نتومااا كاتعلمونااا بزبايلكووم هااا تاكتوحلو عاد كتسوخرو اللور

تانيرت:(كمشات عينيها) سولاتك ونتا دخلتي فيها طول وعرض نوض ضربهااا لا لا لاضربهااا حسن تت

قلب إدريس وجهو جهتها وشاف فيها ديك الشوفة دياااال ياااااك الالة أما هي شافت فرحيل وجراتها معنقاااه ونطقات بهدوء:ماتخااافيش على خوك ابنتي هو غايخرج منهاا وغير يجي المحامي غايوجد لوراق دلكفااالة.. (شافت فإدريس وتمتات ليه بصوت هامس) فك غوبااشتك شوية وتنفس غاتموت ليا غار بالأعصاب..

كانت باقي على حالهاا ودموعها كلما تتقول حبسوو كيرجعو ينزلو من جديد على حناكها.. قلبها كيضرب والخوف لي حاسة بيه هلك روحهاا.. حالتهاا كانت غير طبيعية بمرة بحال شي وحدة حمقة معرفاااش شنو كادير هاكاك كانت ميس فهاد اللحظة... سمعات الدقان فالباب دلبيت وصوت لالة فاطمة لي وصلهاا تال عندها: بنتي ميس وااااش نعستي؟!

فاااش ماسمعاااتش جوابها قالت مع راسها راه غاتكون نعسات عليهاا مسمعاتنيش ومجاوباتنيش.. رجعات فحالهاا وبقات ميس على جلستهاا لساعات طويلة.. تافجأة ناااضت طااافجة بحال الى قرصاتها شي حاااجة وخلاتهاا تنووووض وتمشى ديريكت جهة التلفووون وعقلهاا ومقال ليهاا تعيط لإسلام تسولو.. يديها تترعد عليهاا وهي تتقلب على نمرتو تاطاح التلفون من يديهاا وتحنااات تاني تهزوو باش تعيط ليه وهي طيح فبالها هضرة عدنان لي كان قال ليهاا وبلي خص ضروري ميبينوش علااقتهوم حيت الاإسلام عرف غايتاهمهوووم بالخيانة الزوجية وراه كيعاقب عليها القااانون.. بدات تتنتر شعرها بهسترية وتتحرك فالبيت غادة جااايااا بحال الافيهاا لوجع.. قلبها واكلها عليه ومعرفاااش كيف غااادير باش طمن عليه ولكن هي ضروري ماخاصهاا تلقى لحل.. جلسااات فوق النموسية ومشات لواتسااب ودخلات لاديسكوسيون ديالها هي وعدنان وجبدات تصويرتوو كتمعن فيها بقلب ملهوف ومحرووووق وكتلمسهاا بيديهاا وبصووووت باااكي هضرات: مغااايوقع ليك وااااالو أناا عارفة بلي نتااا مغاديش تخليني بوووحدي اعدناااان هء هء مغاديرهااااش..

----

ساعات وهوما كيتسناااو شي خبااار لي يطمنهوم وخصوصا كلثوم لي مسكتاتش من لبكااا.. أما إدريس مقدرش يجلس فبلاصتو كل مرة يمشي يسول ويرجع.. تاباان ليه المحامي خرج من البيرو وموراه محمد طه قرب جهتهوم ونطق بتساؤل:امدرا؟!

المحامي:(بتاسم ليه) مكاين لاش تخاف اسي التجاني القضية تحلااات

إدريس:(شاف فيه وشاف فمحمد) بهاد السهولة؟!

المحامي:وي حيت قصي لعباسي دار تنااازل على الشكاااية

إدريس:تنازل ؟!

المحامي:اه جا لمحامي ديالو ومعاااه التنازل لي دار قصي على الشكاااية وبهاكا القضية تحلات ومكاين لاااش محمد طه يبقااا هناا

سكت إدريس وهو مفاهم والو يالاه قبل ساعااات جااو هزوه من الدار على قبل الشكاية لي ترفعات ضدو ودابا مولاهاا تنااازل.. واش هاداا كيلعب معاااهوم ولاكيفاااش؟!

تانيرت:(جايا لجهتهوم وبلهفة) شنو وقع واش صافي تحل المشكيل؟!

المحامي:مدام تانيرت مكاين لاش تشوشي عاد دابا شرحت لسي التجاني بلي مول الدعوة تنااازل عليها

تانيرت:واش بصاااح ااااوف يعني صافي دابا مكاين لاش نبقااو هناا

المحامي:اه على سلامتو (شاف جهة محمد طه) دير عقلك هاد لمرة عندك الزهر المشكيل تحل بسهولة ولكن هادشي مكيعنيش اولدي بلي ديماا كتجي طريفة

تانيرت:محمد طه أصلا مهدن ماعرفتش كيفاااش تاطرا ليه هاد لمشكيل اووف المهم تفك (مدات يديهاا وسلمات عليه) أستاد الرحموووني شكرا ليك بزاف عدبتك معايااا وأتعااابك غايوصلك كيف العادة

المحامي:(سلم معاهاا وباحترام) ولو أمدام تانيرت هادا واااجب وأنا رهن الإشااارة الله يعاونكووووم..

مشى المحامي وتانيرت قربات جهة محمد طه وقاااست حنكو بحنية وبعتاااب قالت: سمعتي لمحاامي شقااال دير عقلك اولدي وماتكونش بحال خوك ريااان كديرو غير لقال ليكوم راااسكوم ومتتفكرووش فينا حنااا وبااش كنحسوو

إدريس:(قلب وجهوو ونطق بهمس) دارهاا ليه بضاض..

خرجو من لولاية ولقاو أسماء وكلثوم لي غير شافت ولدها مشات تتجري عندو عنقاااتو تتبوس فيها وتاهو معنقهاا كيطبطب على ضهرهاا.. بعدها عليه وضور عينيه كيقلب على رحيل ورياان حيت بما أنه أسمااء كاينة يعني تاهوماا غايكووون ولكن فين مشاااو..

محمد طه:(شاف فباه) فين رحيل وريان

إدريس:(ضور وجهو) ماعرفتش (جبد تلفونو)أنا نعيط ليهوووم (دوز لخط لرحيل وبعد مدة جوبات بهدوء) وي بابا امدرا خرج محمد طه؟!

إدريس:خرج وراه غانمشيو لدااار نتي وخوك فينكوم

رحيل: احم غار مشيناا نقضيو شي غراااض خاااص برياان مهم هاحنا جاااايين ابابا

قطعات رحيل لخط وشافت فريااان لي جالس حداااها فالكااار ونطقات: صافي الشغل تقضي

ريان:(ربع يديه) لبهلول غايلقى واحد السوربراايز كتسناااه عمرو ينساهاا

رحيل:(شافت فالطريق وتنهدات) هادوك غار دنوب بنات الناااس لي ضحك عليهوم (شافت فريان) مهم نتا ماتجبدش ليهووم بلي مشيناا لكااازاا حيت الاعرف بابا غايحيح عليناا براكة غار شنو طرا لمحمد طه واخا

ريان:(هز فيها حاجبو) أوكي ولكن بشرط؟!

رحيل: أما هو؟!

ريان:تصاوبي لياا ديك الماكلة لي كنتي قلتي لياا عليهاا داك لمرة كتعجبك

رحيل:شناهي؟!

ريان:(بدا كيشرح ليها بيديه ويعبر) كتصاوبها تاماما كايكون فيهاا لپولي "دجاج" مع جوبونص خبر مقطع وتالعدس وكاديرو ليها هادوك لزيپيس لي كيكونو سخونين

رحيل مع كمل هضرتو تفرگعااااات بالضحك فوسط لكااار تابداو يضورو الناااس وهي تتكرشخ بالضحك.. عرفاااتو اش قصد ولكن الطريقة باااش شرح وديك لزيپيس سخووونين جاابو ليها التماااام

رحيل:(تتمسح دموعها) بغيتي تقول المساااخن ياااك هوما لزيپيس سخونين ههههههه سميتها الرفيسة هههه وهاداك مااااشي خبر هاداك التررريد هههه وكاين لي تيقول ليها لفتات ههههههه نااااااري على لزيپيس سخونين هههههههههه كححكحكحكح

ريان:(قلب وجهو) نتومااا عندكوم سميااات معقددين

رحيل:(ضارت جهتو ونطقات) اش كيعجبك من غير الرفيسة نوجدوو ليك

ريان:(كمش عينيه) هاديك لي كتشبه الخبرة وتتكون معمرة بلڤغميسيل ولپولي تاهي وبعض لمرات تاتصاوب تابلفخوي دميغ تاهي تتعجبني

رحيل:(ضحكات) ههه بسطيلة يااااك؟!

ريان:ياااب هاديك

رحيل:(جراات حناكوو بطفولية ونطقات) نصاايبهاا لخوياا لعزيز وغير غانزلو فالقامرة نشدو طاكسي لمرشي نجيبوو اش خاااص نوجدها ليكوم لعشااا

ريان:(بتاسم ليها تابانت ليه لغمازة لي فحنكو) داكووغ

دارت رحيل ليزية فودنيها ومدات ليه الثانية وطلقات لموسيقى مونسين الطريق بيهاا.. تاوصلو لقامرة ونزلو خارجين بزوج مشاديين والصداع والزحاام تمااا وكتسمع لكورتيي كل واحد مليين كيعيط.. الأجوواء جدادين على ريااان لي حال عينيه كيستكشف شاف فرحيل ونطق بتساؤل:علاااش هادوك كيغووووتو واش مدااابزين؟!

رحيل:(ضحكات) نوو هادوك كورتيين صحااب تيكي وكيهضروو هاكاا بااش يجيبو لكليااان

ريان:(هز حاجبو) ماعندكومش لگيشي فين كتقطعو لي تيكي؟!

رحيل:كاين ولكن بعض لمرااات تتلقى لگيشي عااامر وكتظطر تقطع عندهوم وأصلا الاغلبية كيقطعو عندهووم ودابا زيد راه مشى لحااال..

خرجو من تما شدو طاااكسي غاديين لمرشي باش تقدى رحيل داكشي لي غايخصهاا باش توجد لبسطيلة لعشااا..

---

رجع إسلام من لكلينيك وكان باين فيه لعيى غير من وجهو.. دخل ديريكت لبيت ليليان لقاها ناعسة فلكوونة ديالها.. هبط ليها الشبيك تاباااسها وعاد هزو تاني باااش الاتقلبات ماطيحش مكاليهاا.. مشى جهة لكوزينة فين كانت مو تتوجد لعشاا باس راسها اوقف حدااها هاز كاس دلماا بارد.. تانطقات مو: كيبقاا عدنان؟!

إسلام:باقي على حالتو فلكومة

سمعات ميس لحس وصوت على برا وعرفان بلي إسلام غايكون رجع شي لي خلاها تخرج من بيتها تتسلت باغا تعرف خبار على عدنان تاوقفاات بلاصتها جامدة فااش سمعات هضرة إسلام لي قال: عائلتو بقااو فياا حالتهوم مسااكن وتامرتوو طااحت ليهوم تم بقلة الماكلة والنعاس وفاااش دوز ليها طبيب لقاهاا حاملة فشهرها الثاني..

غير نطق إسلام بهضرتو لي قال لمو وهوما يسمعو واحد لخبطة خلاتهوم يخرجو بزربة وهي تبان ليهوم ميس طايحة فالأرض حدا باب لكوزينة سخفاانة.. قرب إسلام جهتها هاز ليهاا راسهاا كيضرب على حناكها بشوية باش تفيق ساعة والو هزها بين يديه غادي بيها لبيتهوم حطها فوق النموسية ومو جايا مسكينة تتجري وجايبة معاها طريف البصلة شمشماتو ليهاا وإسلام تيحك ليها يديهاا وكيشوف فيهاا وباين على وجهو بلي خااايف عليها.. بدات تتحرك راسهاا وتحرك جفونهاا تاحلات عينيهاا وخسرات سيفتها من ريحة البصلة وبقات تتشوف فيهوم وهي دايخة..

إسلام:(قاس حنكها بحنان) ميس صافا باااش كتحسي؟!

ميس:(حطات يديها على راسهاا لي حسات بيه كيضرها) اممم

لالة فاطمة:بسيف ماتسخف وهي مكاتاكل مكاتشرب كي الناااس أولدي

إسلام:(شاف فمو) واخا تصااوبي ليها شي حاجة تاكلها الواليدة

لالة فاطمة:اييه اولدي هي اللولة

مشات مو مسكينة توجد ليها متاكل وإسلام رجع كيشوف فيهاا..كانت شاحبة وملامحها باين فيهوم المرض ولعياا ديال بصح ملي خرجات من لاكلينيك وهي غير فالدااار وشادة لفراااش وزيد تانفسيتها لي مدهورة بسباب غياب عدنان عليهااا وداباا كملات فاش عرفات شنو طراا ليه وزيد عليها لحمل دوفاااء لي مكانش على لبااال وصدمها صدمة قاااصحة.. عينيها بداو كيعمرو بالدموووع تابدات تتشهق بالجهد وقلبات وجهها خشياااه فالمخدة تتبكي..إسلام غار شافها هاكاك تخلع عليهاا وقرب جهتهااا كيجمع ليها شعرها من على وجهها وكيقيس حناكهاا بحنية وبصوت هامس مريح قااال:مالكي اميس همم

غير تتبكي مجاوباااتوش حيت هي براسها معرفااااتش مالها حاسة براسها مخنوووقة وفهاد اللحظة باغا غار تبكي وصااافي.. تتشهق وهو غير كيقيس شعرهاا ومعرفش بلي تتبكي على راااجل خر قال مع راااسو راه يمكن بسباب لكورطااج لي طراا ليها وزيد تاطبيبة قالت ليه بلي فهاد لفترة خصهوم يردو ليها لبال على قبل نفسيتها.. بقاا معاهاا مدة كيسكت فيهاا تابدات غير تتنخصص مسولهاااش مزااال وخلاها على راحتهاا وبالو كان مشطون معاهاا ومع حالتهااا لي مبقاتش عجبااااه..

----

وصلات رحيل وريان لدار ودخلات وهي محملة بالتقدية مشات لكوزينة حطات داكشي تم عاد مشات لصالة فين كانو جالسين كولهوم من غير محمد طه.. حيدات سبرديلتها ودخلات لعندهوم وهي كضور عينيها عليهوم عاد نطقات:فين محمد طه؟!

إدريس:(ربع يديه) فبيتو نتي وخوك فين كنتو؟!

رحيل:(قلبات عينيها جهة ريان لي تاهو شاف فيها سرطات ريقها وقالت بهدوء) قلت ليك ابابا مشينا باش نقضيو واحد لغراض خاص برياااان عليهاا

إدريس:(شاف فريان وهز حاجبو) وشنو هو هاد لغرااض؟!

ريان:(شاف فيه وناض خارج من تما بلامايهضر ولايجاوب)

رحيل:(سلتات تاهي) غانمشي نشوف محمد طه

خرجات من لبيت تتجري غادة لعند محمد طه لي فبيتو.. حلات لباب عليه ولقااتو كيمسح شعرو لي كان سارد بالماا وطاايح على جبهتو.. دخلات سادة لباب وقربات جهتو بلاماتهضر عنقااااتو بالجهد وتاهو عنقهااا خاشيهاا فيه تاتحل لباب عليهوم ودخل ريااان عاد بعدات عليه ونطقات بابتسامة: على سلامتك

محمد طه:الله يسلمك (غمزها وشاف فريان وفيها) فين كنتوو نتوما بزوج؟!

مشات رحيل جهة لباب سداتو ورجعات جلسات فوق النموسية وبقات تتشوف فمحمد طه بلاماتهضر شي لي خلاااه يتنوى من شوفاتهاا لي جااوه فشكل.. قلب عليها عينيه وشاف فريان لي تاهو كان كيشوف فيه سااكت.. ضور وجهو لعند رحيل ورجع شاف فريان شككوه:مالكوم تتشوفو فيا هاكا؟!

رحيل:ضربتيه وبردتي على قلبك قولي باش تتحس داباا؟

محمد طه:(لاح لفوطة وكمش حجبانو) يستاهل ماكثر

رحيل:(ناضت جهتو مخنزرة فيه) ديماا كانقول بلي نتااا تتخدم عقلك ولكن جيتي تال هادي وخورتيهاا فاااش كنتي تتفكر فاش مشيتي عندوو وضربتيه هااا واش ماخفتيش على راسك ومستقبااالك امحمد طه

محمد طه:(شير بيديه معصب ونطق بجدية) هاداك الشمااااتة راه ضحك عليهاا شبغيتيني ندير همم

رحيل:(دوات بسخرية) تنوض ضربو وتهرس ليه يديه باااش سياتكوووم تبرد يااااك (وقفات قدامو عاقدة حجبانها) ضحك عليها عطااا الله الحلول ماشي بالضرورة ضربو باش ترد حقهااا

محمد طه:(تخطااهاا وبدا كيدوي معصب) مناااادمش ارحيل غااار بلاماتحفي معاياا لسانك داكشي لي درتووو فداااك الشمااااتة يستااااهلو سمعتي والا ضطريت نرجع نضربووو غنعاااودها

ريان:(نطق ببرود) وهادي لي كنتي غاتخسر مستقبالك عليها هي مسوقة ليك أصلا

محمد طه:(خنزر فيه) شتتقصد؟

ريان:(ناض غادي جهتو) تتبغيها لدرجة كنتي غاتخرج على مستقبااالك على قبلها وهي أصلا معمرهاا شافت فيك شي شوفة من غير خو صاحبتها وصديقهااا

محمد طه:(ضار شاف فرحيل وخنزر فيها) قلتيهااا ليه

ريان:(ربع يديه) ممحتاجااااش تقولها ليااا حيت باااين فوجهك الخوو بلي نتا طااايح فجيدااء (قرب جهتو) شتي كلشي غايسيق خبااار بلي نتااا تتبغيها من غيرهاا عرفتي علااااش؟! حيت هي أصلاا مديراااكش فباااالهااا وعمرهاا غاديرك

كان عارف محمد طه بلي هضرة ريااان صحيحة ولكن مقدرش يتقبلهاا شنق على ريااان من كول تيشورت ديااالو مكمش فيه حجبااانو ومخنزر أما رحيل شهقااات من داك رد لفعل لي داار وقربات جهتهووم شادة يد محمد طه باغاا تفك.. وعينيها على محمد طه لي مخنزر فريان وفالمقابل ريان كان كيشوف فيه ببرود وهدوووء..

رحيل:(غوتااااات) محمد طه طللللق منووو

محمد طه:(طلقوو وخنزر فيهوم بزووج وغوت معصب) نتومااا أصلاا معارفينش ديك العااافية لي شاااعلة لياا هناا (ضرب صدرو بالجهد تاتسمعات ديك زداااف) هناااا فين شااااعلة هنااا تااااوااحد مغااايحس بيااا ومغايعرفش أنااا شنو كنحس

رد شعروو لوور وعطاهوم بالضهر صدرو كيطلع وينزل وباينة فحركااات كتافو لي كيتهزوو.. عارف بلي هضرتهوم صحيحة وبلي التصرف لي دار غااالط وكان غايخرج على مستقبااالو ولكن قلبو ماعليه حكام.. مسح وجهوو ورجع شاف فيهوم وبالتحديد ريااان وقرب جهتو ناطق بهدوء: سمحليا

قرب جهتو رياان هاد لمرة جارو بالجهد ومعنقوو عناااق أخوووي خلى محمد طه يتنهد ويعنقوو تاااهو فوااحد لمنظر خلى رحيل تبتاسم وعينيها يدمعو حيت كتشوف بلي علاقتهوم برياان بدات كتصلح وهو بدا كيتقبلهوووم وهادشي تقدُم زوين .. قربات جهتهوم وبدات تتخشى وسطهوم ونطقات: حبُووووني تاأنااا

ضحك محمد طه وريان بتاااسم وقربوها جهتهوم معنقينهاا بالجهد تابعد محمد طه ورجع شاف فيهوم وبجدية نطق:ودابا قولو ليا فين كنتووو ؟!

رحيل:(بهدوء) مشينا نفكو المشكيل من الساس..

🔙🔙

الانتظار قتلهوم وخصوصا رحيل لي خافت على محمد طه لي باقي ماعرفو تاخبار عليه.. تنهداات رحيل وشافت جهة كلثوم لي تتبكي وأسماء معنقااها ورجعات شافت فريان لي جالس بعيد عليهوم.. مشات عندو ونطقاات بهدوء:ريان واش تقدر تعاوني؟!

ريان:(هز حاجبو) فاياش؟!

رحيل: فالطريق نعاود ليك

شافت رحيل جهة البلاصة فين كانو جالسين واستغلات عدم وجود إدريس وشدات يد ريان غادين جهة الشانطي شدو طاكسي لدار قصي تاوصلو عاد نزلات رحيل ومشات جهة لموبل وريان غادي معاها وباقي لحد الان معارفش هوما علاش جاااو لهناا؟؟ وقفات حدا لكونسيرج لي جالس فلموبل ونطقات بابتسامة:سلام اوعليكوم اسيدي عفااك قصي لعبااسي فإيناا بارطمة؟!

لكونسيرج:الطاج لخامس ابنتي البارطمة 10

بتسمات لبه وطلعو هي وريان لي بدا كيفهم شوية هي شنو باغا دير.. غير وصلات لقدام لبرطمة ديالو وهي دق وبقات واقفة تاسمعات لحس ولباب تحل وكانت ممات قصي هي لي حلات ليها وغير شافتها عرفاتها ونطقات:اشنو كاديري هنا؟؟

رحيل:جيت نهضر مع ولدك

كمشات مو حجبانها ودارت ليهوم الطريق تادخلات هي وريان لصالون فين كان ناااعس وداير لگبص ليديه او وجهوو حالتوو بالدق لدرجة ملامح وجهو مبقاوش تيبااانو.. شاف فيها وخنزر ونطق ببرود:علاش جيتو اش باغيين عندي

رحيل:(ربعات يديها) عندك زوج حلول ياإيما تنازل لمحمد طه على الشكاية لي درتي ياإيماا مراتك لغزااالة غاتعرف نتا اشنو طابخ من مور ضهرهاا

قصي:(تقاد فالجلسة وهو مكمش ملامح وجهو) تتهدديني؟!

رحيل:(حركات كتافها ببرود) لي عندي قلتو (شافت فريان) خلينا نمشيو (ورجعات شافت فقصي) الاخرجت من هنا وسقت لخبار بلي نتا متنازلتيش امم مهم لخبار فراااسك

شدات فريان غاددين وفطريقها تلقات بموو لي كانت واقفة حدا باب الصالة حركات ليها رحيل راسها وببرود: ياخساارة اخالتي تانتي صدقتي بحال ولدك وضحكتو على بنااات النااس ولكن ربي كبير وهو لي غاياخد حق دوك بنات الناس منكوم

خرجات رحيل من تمااا هي وريان لي نطق:زعمة هو غايتنازل؟!

رحيل:هو خوااف وغايتنازل بلامايعدبناا

ريان:(شاف فيها) هي داباا غانرجعو لولاية ؟

رحيل:نوو غانمشيو لكازاا

ريان:علاش؟!

رحيل:(تنهدات) غانمشيو لعند مرتوو..

شدو تاني طااكسي غادي بيهوم هاد لمرة لقااامرة فين شدو الكار غاديين لكازا وبعد مدة كانو وصلو قدام لڤيلا ديال ببات ساندرا لي بقات رحيل عاقلة على عنوانها من لمرة لي جاات ليهاا.. شافت فالعساس لي كان حدا لباب وبتسمات ليه:احم بغيت نشوف مدام ساندرا

لعساس:شكون نتي؟

رحيل:قول ليها صاحبتك وهي غاتعرفني

دخل لعساس او واحد شوية رجع وحل ليها لباب تادخلات لداخل وعينيها كيضورو على الجردة دالڤيلا لي كانت تتسلب لعقوول وتريح الخااطر من شكلهاا.. هزات عينيها جهة الڤيلا لي كان دزاينها فخم وراقي وباين بلي مولاها خانز فلووس شافت فريان لي كان عكسهاا كيشوف فالبلاصة بهدوء حيت أصلا الفيلا لي كانت عندهوم فمونتريال كانت كبر من هادي عليها جاه الأمر عادي.. دخلات لداخل فين كانت ساندراا كتسناهاا بتسمات ليها باستغراب ونطقات بلفرنسية:نتي..

كانت ساندرا عاقلة عليها خصوصا أن ستيل رحيل وحجابهاا وزينهاا السوسي لي واخدااه من مهاا خلاهاا تكون مميزة بعويناتها لخضرين لي كيسلبو من الشوفة.. بتسمات ليها رحيل وجوباتها تاهي بلفرونسي:اه أنا (مدات ليها يديها) رحيل

ساندرا:(سلمات عليها بابتسامة استغراب) ساندرا تفضلو شنو تشربو

رحيل:ماجيناش باش نشربوو شي حاجة فالحقيقة جيت على قبل موضوع كيخصك (حكات رحيل يديها بتوثر وحزن عليها) بغيت نهضر معاك على راجلك قصي

ساندرا:(كمشات حجبانها) ونتي فين كتعرفي راجلي؟!

رحيل:لقصة طويلة وغانختاصرها ليك راجلك كان كيعرف صاحبتي هادي سبع سنين وهوما مع بعض ومور ماكمل قرايتو سافر الإمارات وبقا تما هاد سنين كلها وهو على تواصل بيهاا يوميا ونهار جا لمغرب هضر مع واليديها وخطبها منهوم وتافقو بلي مور عاام غادي يتزوجو

ساندرا:(حبساتها بعدم تصديق) ولكن نتي اش تتخربقي أناا وقصي راه مزوجين هادي ثلت سنين وحنا مع بعضياتناا كيفااش هوو خطب ؟!

رحيل:(جبدات ليها تصاور لخطبة فتلفونها ومداتو ليها) هانتي الامتيقتينيش.. هو بصح خطبها وهي معرفاااش بلي مزوح ونهار لي ساقت لخباار هو مانكرش وقال بلي تزوج بيك غار على قبل فلوسك وصافي وهو مكيبغيكش وباغي غار مصلاحتو منك وطلب منها تصبر معاه على ماتمشي نتي ويااه لفرانسا وتقادي ليه لوراق وديك الساعة غايديها معاه..(تنهدات رحيل وهي تتشوف فساندرا لي كانت تتقلب التصاور ودموعها نازلين فكراتها فحالة جيداء وبصوت هادئ وحزين) أنا عارفة بلي ممكن مغاتيقينيش ولكن هادي هي لحقيقة وأنا غانصيفط ليك تصاور تأكدي منهوم وتالفيديو دلخطبة وراه واليدين قصي تاهوما عارفين فعايل ولدو ومعاونينو..

هزات ساندرا عينيها لي عمرو بالدموع فرحيل وبقات تتشوف فيها ورجعات تاني تتشوف فدوك التصااور.. مسحات دموعها ومدات ليها التلفون:ممكن تسيفطيهوم لياا

سيفطاتهوم ليها رحيل فالواتس وموراها شافت فيها ونطقات بهدوء: مهم أنا درت لي علياا والبقية عليك نتي

ساندرا:(حركات راسها وبهدوء) شكراا ليك

حركات ليها رحيل راسها وخرجاات هي وريان مخليين ساندرا كتشوف فالتصااور بعيون حزينة وبنظرة خيبة أمل..

🔜🔜

كانت رحيل عارفة بلي الأمر مغايكونش ساهل على ساندرا ولكن مكانتش باغاها تبقا مخدوعة من قصي وهي أنثى بحالهاا عليها قررات تخبرها بالحقيقة لي يمكن غاتجيها قاصحة ولكن أفضل بكثير من كدوب قصي لي مكيساليوش.. وأنانيتو لي خلاتو يضيع معاه زوج بنات بغاوه بدون مايفكر فيهوم.. وكما كيقول لكدوب حبلو قصيير وغايجي النهاار لي غايتعراو فيه جميع لوراااق وكل واحد غايتحاسب بداكشي لي دار.. دازت عشية زوينة فدار إدريس لي معاودوش دكرو المشكيل دمحمد طه ونسااوه وكملو ليلتهوم بضحك بناتهوم من غير كلثوم لي واخا جالسة معاهوم الاأنهاا مكتهضرش مع حد وغير ساكتة.. وجدات ليهوم رحيل لبسطيلة من تحت يديها لي كانت تتحمق وتفننات فيهاا ومع من ديما هي كتعشق الطياب وخصوصا لمملحاات وتتعطي فيهوم..

مع زوج دالليل كانت أسماء واقفة فالسطح مور متأكدات بلي كلشي نعس هازة بين يديها الشيشة الإلكترونية لي شحااال هادي مكماتها وحسات براسها موحشاااهاا.. تتجر منها باحترافية وتتبخ الدخاان لبعيد وعينيها ساهين فداكشي لي وقع بينها وبين وليد لي باقي لحد الآن مافهمااتش تغيرو الغريب معاها.. بقات واقفة مدة وهي تم كتكمي ومعلابالهااش تاسمعات الصوت لي نطق من وراها وخلاهاا تقفز وطيح ديك الشيشة وعينيها خرجو من بلاصتهوم بخووف..

لبلية مكاين ماصعب منها وهادي هي حال أسماء لي فاللول كانت غار باغا تجرب الشيشة وتحيد شهوتها منهاا ومع التجربة لولة عجباتهاا من تما وهي تتكميها تالقاات راسهاا مولفااهاا وتبلات بيهاا.. وهاد الأيام لي مكمتهااش حسات براسها ناقصها شي حاجة.. شي عمااين وهي تتشيش وحد مسايق ليها لخبار من مالين الدااار وليوم هاهي فضحااات راسها بيديهاا ولمن لشخص لي مكتحملش فيه شعرة "ريان" عينيها خاارجين بخووف وهي كتشوف فيه متكي على لحاشية دلباب كيشوف فيهاا بديك النظرة ديااال حصلتك..

ريان:(بخبث) اوهوو طلعتي مجهدة صراحة كنت حاگرك

أسماء:(عينيها كيضورو بلاصتهوم وبصوت حاولات تهدوء) داكشي لي شفتي مامنوووش هادو غير شي عشوووب على قبل الحسااسية

ريان:(هز حاجبوو وقرب جهتهاا) واااايلي عشوووب (تحنى جهة الشيشة لي كانت طايحة وهزهاا وهي تتشوف فيه وكلها تترعد..جر منهاا جررة وحدة ونفخ دخانهاا بعيد ونطق بسخرية) اييييه عشوووب الحساسية مزيان نيت إدريس تاهوو مأخراا شتوو كيكحب نعطيوها ليه ونديرو فيه خير باااش يبرى

أسمااء:(نثراتها ليه من يديه ونطقات معصبة) بعد مني وديها فراااسك أنا عارفة اش كانديرر

ريان:(هز يدو ببرود) أناا مبعد مالكي نتي مخلوعة عاادي مافيهاا تاعيب كاتشيشي بصحتك الالة

خنزرات فيه أسمااء ومشااات لتحت وهي مخلوعة لايفضحهاا واخا كانت دافعة الجبهة قدامو.. جبد لگارو من لباكية لي عندوو وبقاا تماا تاكمااه عاد هبط لبيتو هو ومحمد طه ومشى تخشى فبلاصتو ناااعس..

الشميشة طلعااات وجاا يوم جديد لي جايب معاه شحال من حواايج.. فاقت تانيرت كيف عادتهاا بكري وجدات لفطوور وبدات تتحطو فوق الطبلة لي فالسطوان وبخطواات بطيئة دخلات لصالة فين كان ناعس إدريس..قربات جهتو ومع كان عاطي وجهو لحيط تحنااات وبداات تتشوف فيه بهدوء وتبتاااسم.. قلبااات عينيهاا وهزاااات طرااف شعرهاا وتحناات جهتوو وبدات تتهرو فنيفو تاكيهز يديه ويحكو وترجع تهرو فودنيه.. كضحك بشوية وتسد فمها بيديهاا باش ماتفضحش وهو فيمااا يحس بلهرة فشي بلاصة كيحكهاا صبرات تاصبرات تانيرت وفاللخر مقدراتش وهي طلقها بضحكة قفزااااتو تاناااض بزربة وهي محنية بيديها على ركابيهاا تاضحك.. مافهم واااالو ومعرفش ماااالهاا كيشوف فيهاا وهو مكمش حجبااانو كيحاااول يستوعب هو فين بعدااا.. أما هي ماحبساتش من الضحك فيما كتفكر اللقطة ديااالو وهو تيحك نيفو ولاوذنيه بديك الطريقة تتزيد تضحك.. الحاصول جاتهاا لفوغيغ واجااا ماسكتهاا وهو كيشوف فيها شوية بشوية بدا كيفهم تنهد ومسح على وجهوو كيستغفر مولااااه.. وناااض تيجمع فرااشو وكيحرك راسو بلاحول تابدات تسكت شوية بشوية وتمسح عويناتها وقربات جهتو نغزااتو فكتفو تاضاار شاف فيهاا ونطقاات تتسبل عويناتها فيه :صباح الخير اتاسانو

إدريس:(مكمش حجبانو وبصوت بارد جاوبها) صباح الخير

تانيرت:لفطور واجد وتالقهوة معصرة كماا تتبغيهاا صاوبتهاا ليك سير غسل وجهك بينماا فيقت الدراري واخا

غفلاتو ببوسة فالحنك ومشات تتزرب فمشيتهاا وهو بقا تيحرك راسو بلاحول وبصوت مبحوح بالنعاااس نطق:الناس تتكبر ودير عقلها وتانيرت إينوو تتصغار وتزيااان..

خلى لفراش تماا وخرج غادي لحمام لفووق وفطريقو طلاقاا بكلثوم مهضرش معاهاا دخل ديريكت لحمام وهي بقات واقفة تتشوف فالباب لي سد فوجهها وزيرات على يديهاا كتغدد وبصوت خافت: ملي جاات لدااار ونتااا ممعبرنيش ومدايرش ليااا قيمة واخا غير قدااام ولادك ولكن اش غانتسنى من وااااحد عايش معاااياا بالكسدة والعقل والقلب مع الشلحة..

على فطور صباحي تجمعو كاملين كيفطروو من غير رياان لي يالاه نازل كيحك فعينيه لي مبوقين بالنعااس كيجر فالبانطوفة درحيل لي صغيرة عليه وگدامو خارجين منها جلس حدا محمد طه ومدات ليه تانيرت لقهوة وشدها من عندها وهو قالب وجهوو وفديك لحظة جااات عينوو على أسمااء لي كانت حادرة راسهاا ودغيا رشقااات ليه عليهااا وتوگض ونطق بصوت مبحوح بالنعاااس: لبااارح بالليل الجوو كان زوووين

هزات أسمااء راسها بالزربة تتشوف فيه وتغدد فاش بان ليهاا كيحرك ليها حجبااانو بمعني ااه داكشي فاش تتفكري هو لي باغي نقولو..

ريان:(كمل)حتى أسماء گاعما نعسااات بكري وعجبهاا لجووو

رحيل:(شافت فيه وفأسماء وبهدوء نطقات) على فين مشيتو

ريان:(حك عينيه) كنااا فالسطاااح ولقيت أسماااء كاتش.

أسماء:(قطعاتو قبل مايكمل) ماجينيش نعااااس عليهاا طلعت لسطااح وريااان تاهوو جاا لعندي وهضرنااا شوية يااااك اريااان

ريان:(حرك راسو) اه مخلاتهاش مسكينة لحساسية واخا جربات ليها دوك لعشوب

إدريس:(شاف فيهوم وهو هاز حاجبو) ايناا عشووووب؟!

أسمااء:(سرطات ريقهاا اوجها صفر) شريتهوم عند واحد لعطااار تخليطة قالو زوينين لصحاب لحساااسية

تانيرت:(شافت فإدريس) اوا عطي لباك منهووم راه لبارح مانعسش بالحساسية دالنيف هلكاااتو

شاف فيها إدريس وهي غمزاااتو تامرگ وقلب وجهوو وهي تقول واش تسوقاات أماا أسمااء شوية وديرها فسروالها وفالداخل ديالها كادعي على ريااان لي عجبوو لحااال حيت كيشوفهاا حاسة براااسها وغار هازة نيفها فالسمااا وداباا هو كيحدهوم ليهاا..

إدريس:(شاف فأسمااء) ماااشي غار لي قااال ليك شي حاجة تبقااي ديريهاا وتجربيهااا هلكاااتك الحساسية قوليها نديوك لعند طبيب سمعتي؟

أسمااء:(تزيرات وحركات راسها باه) احم خصني نمشي تعطلت بسلامة عليكوم

ناضت هااازة صاكها وخرجات من الدار وهي حااسة بواحد الشعووور فشكل خصوصا لهضرة لي قال ليها إدريس حركااات فيها شي حاجة فالداخل ديالهاا..

أما محمد طه ورحيل تاهوما ناااضو غاديين لخدمتهوم وبقا غار ريان لي حالياا ماعندو مايدار من غير الدار وتسركيل.. كمل فطورو ومشى لبس عليه سروال دجين كحل مع تيشورت كحلة وفوق منهاا شوميز كاروات فالباااج والطابة وسبردديلة بيضااا.. مشط شعروو وخلاه مخربق وطايح على جبهتتوو وضارب الجناب.. لبس عليه سنسلة طويلة وفيها تعليقة فالكحل رش ريحتو كأخر لمسة وتأكد من بزطااامو ولكارت بونكير لي عندوو ونزل لتحت باش يخرج وهو يلقا إدريس جالس فالسطوان لابس عليه تاهو وباين فيه خااارج.. هز عينو فريااان ونطق بهدوء:زيد قدامي

ريان:(حرك ليه راسو) فين؟!

إدريس: كنت قلت ليك بلي خصك تغير النسب ديالك

ريان: وكنت قلت ليك بلي أناا مباغيش

إدريس:(حط يديه على كتفو ونطق ببرود) شوف اداك لبرهوووش الكلمة مكنعاودهااش زوج مراااات والاقلت ليياا غاتبدل كنيتك هي غاتبدلهااا

ريان:(حيد يديه ونطق بعصبية) وأنااا قلت ليك مبااااغيش سمعتي مبااااااغيش نبدل كنيتي عجبااااني العوفير

خرجات تانيرت من لكوزينة ملي سمعات صداعهوم وهضرة ريان لي نطق وبهدوء قربات عندو وقالت:ولدي سمع لهضرة باااك

ريان:(شاف فيها مخنزر وغوت عليها) نتي مااااااشغلكش فيااا سمعتي ماتبقاااايش دخلي فياااا وديهاااا فرااااسك وفرقيني عليك

مع كمل هضرتو حس براسو تجر من قرفادتوو وشااااف فإدريس لي كاااان مورك عليه فالشدة ومخرج فيه عينيه بجدية وقرب ليه وجهو تاجبهتو قااااصت جبهة ريااان ونطق بصووت قووووي وهز صبعوو كتحدير: تعاااااود تهززز صوتك عليهااا مغايعجبكش داكشي لي غاندير فيك سمعتي الااااهي اريااااان الاااهي...

كان جالس ياسين فالصالة هوو وموو والسكاات مخيم عليهوم.. هادي ساعة وهوما جالسين وحد ماهضر ولانطق بكلمة فيما كتبغي عائشة تحل فمهاا تترجع تسدو وتسكت أماا ياسين كان ساااهي فاش كيخمم العلم لله.. هز راسو وشاف فمو مدة عاد نطق بهدوء:نهار رفضتي لياا لبنت لي بغيت وخيرتيني بين السخط والرضى ماقلت ليك والو ودرت لي بغيتي واخا قلبي كااان مع وحدة خرااا مشيت معاااك وتزوجتت ببنت الناااس لي جبتيهاا ليااا ومقلت ليك تاكلمة.. من نهار أصلا عقلت على راااسي ونتي لي قلتي لياا عليه كنديروو حيت نتي مي وعلى راااسي وعيني ولكن فعاااايلك ااامي مع ديك بنت الناااس مانقدرش نسكت عليهوم

عائشة:ولدي

ياسين:(قاطعهاا) أناا غاندووي ونتي غاتسمعي.. دخلتيها لدارنا وجبتيها عروسة ليا.. كنتي باغا تشكليها كيف بغيتي ساعة فاش ماصدقاااتش ليك تقلبتي عليهاا وتاهي مغانكرش مسكتاتش ليك كنت فكل مرة كاندخل لدار وكانلقى الصداااااع ديالكوم كنت تنبغي نطج حيت بصح عييت منوو.. كل نهااار ونتوما على نفس المواااال مكتعياااوش.. لدرجة تعمااو عيني وهزيت عليهاا يدي أناا لي عمري درتهاا مع شي وحدة من خوتاتي درتهاا مع مرررتي (حدر راسو ونطق بنبرة حزينة) وقتلت ولدي بيدي (شاف فموو) واااش عرفتي اشناهي تقتلي ولدك بيدك همم تمنيت كون نشللات لياا يدي قبل مانديرهاا ندمت ولكن ندااامتي واش غاترجعووو؟..واخا داكشي لي درت فيهاا هي مقااالتها لحد من عائلتهااا ومشكاتش ليهوم وتامن لبوليس مارفعاااتش علياا شكاية عندهوم واخا الطبيبة لي عالجاااتها حاولات معاهااا ولكن مدراتهاااش وهادشي لي زاد خلاااني نحس بالدنب.. تهدييت وقلت الله يجعل الباركة ايااسين صااافي رضاا بالواقع نتاا خسرتي رحيل من بين يديك ولكن حاول ماتخسرش مرتك حيت هي مكتستاااهلش منك هادشي لي كادير فيها كنحاول نصلح شنو درت ولكن نتي امي معيتيش ورجعتي تااااني لفعاايلك معاهاا وكلامك لي كيف السم .. لحتي عليهااا بااااطل قدو قدااااش قصتيهاا فشراافهاا غير باااش انا نطلّق منهاا باش نتي تمشي تجيبي ليااا تاني شي بنت النااااس لي غاتسمع ليك وديري فيها مابغيتي.. مافكرتيش فيهاا بلي تاهي عندهااا مهااا لي كتخااف عليها وكماا نني باغاا مصلاحتي راه تامها باغا مصلاحتها وراه بنتك عندهاا عروووسة واش عمرهااا عيطااات ليك وشكااات ليك على عگوزتهااا همم عمرهاا قالت ليك راه عگوزتها تتحگرهااا كيف كاديري نتي مع بنتهااا.. طغيتي امي ونسيتي بلي بنااااتك كولهوم مزوجاااات وتاهوما عريسااااات عند عيااالات لي ممكن يكونو بحاااالك.. مافكرتيش فيهاا وفكرتي غااار فلي يخليك تكرفسي ديك بنت الناس وترديهاا خدامتك.. (مسح على وجهوو وتنهد وهو حاس براااسو مكره ) ومكفاااكش هادشي كولو زدتي دفعتيها تاطاحت من الدروووج وغير ربي لطف ونجاهاا

عائشة:(قلبهاا كياكلهاا من الداخل وعينيها تغرغرو) ياسين ولدي

ياسين:(قاطعها مرة خرا) هاد لهضرة كلها مبقااات تتنفع حيت لي فااات مغانقدروووش نرجعوه ولكن لي جاااي غانقدرو نقاادوه بيديناا وأناا ليوم غانقول ليك بلي أناا باغي ديك بنت النااس ومعتااارف بيهاا على أنهاا مرتي وكيفماا نتي مي وعلى راسي وعيني تاهي مرتي ومغانتفارقش معاااهاا والانتي مباغاهااش قوليها ليا نهز مرتي ونخويو ليك الداااار..

بقفطاان الداار سامبل ودايرة ليه لحزام مع شربيل ديالو وشعرها كانت مبوكليااه من لتحت كاضور تانيرت فالدار وهي هازة مبيخرة بين يديها كتبخر الصااالون والداار لي باينة فيهاا كتشعل وريحة الدجاج لمحمر عاطية من لكوزينة.. كانت كضور فالدار وهي فرحااانة حيت ربي حقق ليها شنو باغا وهاهي غاتحضر لزيارة دلخطاااب لي جايين ليوم لبنتهاا.. وقفات على شغالها بيديها وجابت تارقية تعاونها وخملو الصااالون وبدلو ليه تالفراااش ودارو طلامط جداد كيحمقوو.. حطات لمبيخرة فوق الطبلة وخلاتهاا تطلق فالصالة ومشات لكوزينة عند رقية لي كااانت تتوجد فشلاظة حيت الضياف غايجيو لعشاا..

تانيرت:كلشي واجد ارقية يااك

رقية:اييه الالة الدجاج راه حيدتوو وخليت غار الدغيمرة توكح والبسطيلة راه دومونديناا عليهاا وغايجيبهاا سعيد وديسير راه غسلتو وكيتسقطر وهاني كنوجد فشلاظة داباا

تانيرت:(حركات راسها) واخا انا غانمشي نشوف رحيل

خرجات من لكوزينة وبان ليه إدريس راجع من لگاراج حيت مشى طل على لخدااامة وبقا معاهوم شوية.. طلعها ونزلهاا فداك لقفطاان لي محزماه ومبين فورمتهاا وشاف فشعرهاا لي كانت مقاداااه ودايرة شوية دلمك اب خفيف يادوب كيبان ولكن بالنسبة ليه هوو جااه معيييق بزااف.. قرب جهتهاا تاوقف قدامها وهي كتشوف فيه ويالاه بغاات تهضر وهي تحس بيديه ضاارو على خصرهاا مقربهاا ليه.. عينيها خرجو من بلاصتهوم وشهقة خفيفة خرجات من شفايفها وقلبها رجع كيدق بالزربة وهي كتشوف فنظراااتو الهادئة ليهاا ولي خلاوها تحس بالسخونية طالعة معاهاا من داك لقرب.. بعد عليهاا وهو هاااز الحزام دالقفطان لي محساتش بيه تانيرت وقتاااش زولو ليهاا وبصوت بارد نطق: لخطاب جايين فبنتك ماشي فيك (شاف فشعرها) ولوحي على راسك شي زيف

تانيرت:(بتسمات ليه ونطقات بخفوت) تاتغير عليا اتسانو؟

إدريس:(ضحك بسخرية) كنفكرك غير بلي راك شرفتي ومبقيتيش صغيرة باش ديري هاد الضحك فراسك

تانيرت:(ضحكات بالجهد وغمزاتو) هههه ياك ماخغتي يخطبوني بلاصة بنتي (ردات شعرها تتفقصو) الزين ولمن عطاااه الله

مشات تتمختر فالمشية مخلياااه واقف كيشوف فيها وملامحوو بااردة ولكن فالداخل دياااالو واحد لبركاااان لي على وشك الانفجااار وكون زادت كلمة خراا كون تفرگع عليها.. زير على لحزااام بين يديه ونطق مغدد: ماعرفتهااش فين غااادة بهاااد الزين..

مع الثمنية دلعشية كاااانت طوموبيلة عاصم واقفة قداام لباب ونزل منها بسروال توب فالكحل مع شوميز بيضاا وڤيست نواااغ وشعرو رادو لور جا أنيق.. وفالباب لي حداه نزلات مرا كبيرة فالعمر غاتكون فالستيناات بجلابة دوبياااس مع فولارها وهازة صااكها بين يديها لي فيها دباالج ديال الدهب وخواتم كيبانو من لبعيد كيبريو ولعنق دايرة سرتلة كبيرة فيها تعليقة واازنة بالدهب ودافعة صدرهاا لقداام وعينيها كيضورو فالحومة وباينة فيها من الشوفة قاصحة.. حل عاصم لباب لوراني ونزلات منوو بنت كيبانو حروفها بااقي صغارين ولكن شكلها ولبسها كيبين لعكس.. لابسة جيب فالنواغ مع طوب فالبيج ومعري من واحد لكتف وميني بوط بااج وشعرها فالقهووي مطلوق وحروفهاا كيشبهو لعااصم.. حل لكوفر ونزل منو لِبواط لي جاايب معاه ومد لختو هزات معاااه وعطى لموو بواطة تاهي هزاتها وهو تكلف بلبوكي دلورد مع شوكولا.. دق فالباب وبقا واقف شوية عاد تحل من طرف إدريس لي كان مبتاسم بهدوء مد يديه سلم مع عاصم مرحب بيهوم..

كانت مو داخلة وعينيها كيضورو فالدار وباين فيهاا معاجبهاا حااال شافت فدوك زوجات لي قدامها وعينيها تفيكسات على تانيرت تتنزلها وتهبط.. رحبو بيهوم كاملين ودخلوهوم لصالة ورنيم عينيها على محمد طه ملي دخلااات وشافتو حمقها وسطاااهاا وفيما تجي عينو فيها تبتاسم ليه وهو كيرد الابتسامة بزز..

إدريس:مرحباا بيكوم نهار كبير هاداا

عاصم:(حط يديه على صدرو) الله يكبر بيك اسي إدريس

تانيرت:(شافت فمو) كنتمني تكونو ماتكرفستوش فالطريق الالة

مليكة:(نطقات بهدوء)همم شوية وصاااف

ناضت تانيرت غادة لعند رحيل لي كانت واقفة فالكوزينة وكلها تترعد والخلعة جااتها ومكاين ماصعب من الشوفة لولة.. قربات منها تانيرت ونطقات بحب:زيدي ابنتي دخلي سلمي عليهوم

رحيل:اوووف واخا

نشات على راسهاا وزادت غادة وتانيرت معاهاا تاوقفات حدا باب الصالة وسرطات ريقها اول مجات عينيها فمليكة لي طلعاتها ونزلاتهاا من رجليها لي لابسة ليهوم بليغة مناسبة مع داك لقفطان دجوهارة لي لابسة فالبلونكاسي ومدايراش ليه لحزام ولابسة معاه فولار بلون السفيفة دلقفطاان والمك اب اكتفت غير بماسكااار وأيلاينر خفيف مع عكر نيود.. فلاتهاا مليكة غير من شوفة وحدة وبرگمات بصوت منخافض سمعو غير عاااصم: هممم عُلَيّا حسن منهاا..

مع كملات هضرتها لي وصلات لمسامع عاصم لي تنحنح وعينيه تعلقات فرحيل لي قربات جهتهوم وتحنات جهة مليكة بابتسامتها الزوينة وسلمات عليهاا بالوجه وتامليكة سلمات عليهاا وهي كتحنزز فيها عن قرب دازت جهة عاصم لي ابتاسم ليهاا ومدات يديها ليه وهو ماهزش لعين من عليها عكسها هي لي مقداتش تشوف فيه حيت بالفعل حسااات براسها متوثرة ومخلوعة وطبعا شي طبيعي تحس بهاد الشعور لي كتحس بيه أي بنت جاو فيها لخطاااب.. دازت لعند رنيم لي وقفاات مبتاسمة ليهاا ببشاشة وسلمات عليهاا سلام بحال الاكتعرفهااا ونطقات وهي تتشوف فيها:أناا رنيم خت عاصم

رحيل:(بتسمات ليها) رحيل تشرفت بمعرفتك

كملات رحيل السلام عليهوم كاملين ومشات جلسات حداا إدريس وهي تتفرك صباعها ومرة مرة تهز عينيها وتجي فعاصم وتبتاسم ليه.. عجباااتو بزاااف ومقدرش ينكر شوفااتو ليهاا لي لاحظهووم إدريس ولكن معلقش فقط ساكت وكينوطي فعقلو.. دخلات تانيرت هي ورقية جايبين العصير وحليوات صغار ديال لكريم دوزوهوم عليهوم وموراها جلسات تانيرت وبتسمات ليهوم..

إدريس:(كسر داك السكات وقال وهو موجه هضرتو لعاصم) كيغادي مع أمور الخدمة

عاصم:(شاد كاس دلعصير بين يديه وبهدوء) مزيان ولله الحمد راك عارف البيع والشراا فيه تمارة وكل نهار برزقو

إدريس:(حرك ليه راسو) بطبيعة الحال هادشي لي كاين (شاف فمليكة) لالة مليكة ياك معيااك السفر؟!

مليكة:(شافت فيه ونطقات وهي تتحرك فيديها لي فيهوم الذهب) ماحسيناااش بالطريق حيت جيناا فالطياارة

تانيرت:(هزات حاجبها) كنتي مسافرة؟!

مليكة:(قلبات عينيها وتتهضر بالنخوة) اه ختي لحبيبة دارت عملية ومشيت عندهاا لسويسرا حيت تما فين ساكنة وفاااش عيط لياا لحبيب ديالي وقال ليا راه باغي يخطب جيت معاه

تانيرت حسات بهضرتها بحال الاباغا تبان عليهوم لافالجلسة ديالها ولافيديها لي تتعبر بيها وتتهزها تاكيتسمع صوت دباااالج.. ابتسمات تانيرت ونطقات وهي تتهضر بهدوء: وي بصح السفر كيعي وخصوصا الاكنتي ضارب مسافة الطريق طويلة

مليكة:(حطات كاسهاا دلعصير ومدات يديها حطاها على فخد عاصم لي كان ساكت تيسمع هضرتهوم) اوا يالحبيبة ديالي راه كاين فرق مابين السفر من مدينة لمدينة وبين مدينة لدولة

تانيرت:(باقا محافظة على ابتسماتهاا) كاينة الالة مليكة

عاصم:(شاف فمو لي يالاه بغات تهضر وهو يقاطعها بابتسامة) أودي السفر كيعي واخا تكون غير غادي لكازا هههه (شاف فإدريس) ياك اسي إدريس

إدريس:وايييه مكدبتيش

مليكة:(شافت فتانيرت) نتي هي مماين لعروسة ياكي؟

تانيرت:اه (شافت فرحيل) أنا هي ممات رحيل

مليكة:(شافت فكلثوم لي غير ساكتة وماهضراتش ملي دخلو ونطقات بتساؤل) غاتكوني نتي خالة لعروسة ولاعمتها ياااك؟!

كلثوم:(حاطة رجل على رجل وعينيها على تانيرت لي تزيرات وبابتسامة تشفي) أنااا مرات إدريس وتانيرت راه طليقتووو

قالتها وعينيها على تانيرت لي حسات بيها تزيرات من هضرتهااا.. سكتوو كلهوم وكل واحد كيشوف فلاخر وحد ماهضر ولاتكلم مور كلام كلثوم.. شافت تانيرت فإدريس لي كان على جلستوو وباين فيه مكااالمي بحال الالهضرة ماهماااتوش...

مليكة:(شافت فكلثوم وهزات حاجبها) وعايشين مع بعضياتكوم فدار وحدة؟

كلثوم:(ضحكات وعاد حلات ليها لهضرة) ههه لا غير تانيرت جات على قبلكووم وبغات تحضر مع بنتهاا

مليكة:(بفضول) كتبانو مفاهميين؟!

كلثوم:(شافت فتانيرت لي تاهي كتشوف فيها) حنا راه عشرة دالسنين لابد مانكونو مفاهمااات ههه وراه تباركالله ولادناا خوووت

مليكة:(شافت جهة محمد طه وأسمااء لي كانو جالسين ساكتين) تباركالله هادو ولادكوم

كلثوم:ايييه محمد طه وأسماااء ولادي ورحيل تاهي بنتي واخاا ماولدتهاااش ولكن أنااا لي ربيتها بيدي (قربات جهة رحيل لي معجباتهاش لهضرة وبقات غار حادرة راسها وعنقاتها بيديها) رحيل تباركالله عليهاا بنت مربية وعزيزة علياا كثر من ولادي ومعزتهااا ربي وحدوو لي عااارفهاا

مليكة:(جمعات شفايفها ونطقات) الله يبارك ولكن نتي علاش ربيتيهاا مها فين كااانت!

كلثوم شافت فتانيرت لي النفس تحبسات فيهاا وعينيها بدااو كيتغرغروو وضحكات ومع بغات تهضر سبق إدريس لي نطق بصوت خاااتر: مها كانت معاهاا

(هزات تانيرت عينيها فيه وهو كمل هضرتو) تربات معاياا ومع مهاا تاهي..

كان عارف بلي هضرتو كدوب ولكن كان مضطر أنه يقول هاد لهضرة قدامهوم حيت واخا هوماا باغيين يخطبو بنتهوم هادشي مكيعنيش يقول ليهوم كلشي وفالجلسة لولة.. بالنسبة لإدريس هادشي خصوصي متعلق بيه هو وتانيرت ومغاديش يجي يهضر على هادشي قدااام العادي والبااادي.. ضور وجهو جهة كلثوم وشاف فيها بواحد الشوفة هي فهماتهااا وعرفااات قصدها مزيان..

الجوو بدا كيتوثر بناتهوم وخصوصا تانيرت لي هضرة كلثووم على قد ماعصباتها على قد ماقصحاتها حيت هضرتهاا بصح.. وهادشي هي عرفاااه ولكن مغاتنكرش ان تدخل إدريس كان فالوقت المناااسب وعجبهاا كيفاااش دواا ودافع عليها بديك الطريقة واخا مبينهااش ولكن هي فهمااتهاا.. ردات شعرهاا لور وشافت فكلثوم ونطقات بينها وبين نفسها "بغيتي الحرب مرحباا أناا واجدة ليك"

تانيرت:(شافت فمليكة) عندك غير زوج ولاد ؟!

مليكة:(كتهضر وهي هازة راسها فالسماا) عاصم هو لبكر ديااالي وموراه بنتي ميس راها فدار راجلهاا وعاد العنقود الصغير رنيم

كلثوم:تباركالله وراجلك فين هوو؟!

مليكة:(تنهدات) راجلي مااات شحال هادي

إدريس:الله يرحموو

عاصم:آمين

كلثوم:(شافت فعاصم) مساهلش تكبري لولاد بوحدك ولكن تباركالله ولدك باين فيه راااجل وقد لمسؤولية

مليكة:(حاطة يديها على فخدو) ولدي تباركالله عليه الله يحجبوو من لعييين راااجل وهو لي هاااز المسؤولية ديال الدااار وديال ختوو تاهي..

كلثوم:الله يخليه ليك

محمد طه وأسماء ماتسمعش حسهووم نهائيا فقط جالسين جنب بعض وساكتين متفرجين فدوك الاجوااء لي مرتاحووش ليهاا خصوصا أن مليكة تصرفاتها وهضرتها كاتحسي بيهاا قاااصحة وبلي فيهاا التفرعين بزاااف..

أسماء:(همسات لمحمد طه) هاد موو وتقول وااش تسرطاات لياا

محمد طه:(مربع يديه وتاهو همس ليها) كيبان ليا ولدها گاعما كيشبه ليهااا هي فشكل عليه

أسماء:داك السالوباار فين هو؟؟!

محمد طه:ماعرفتش فين غااابر

وعلى دكرو بان ليهوم ريااان داخل من الباب دالصالة بسروال دجين فالنواغ مع تيشورت أوفر سايز تاهي فكحل وسنسلة لي فعنقوو مكتخطاااهش.. شد انتبااههوم كاملين وهو ضور عينيه عليهوم ونطق بهدوء:السلام اوعليكوم

مشى ديريكت لعند محمد طه وأسماء وجلس فجنبهاا هي لي كمشاات حجباانهاا وتحناات جهتو ونطقات بهمس:واااش نتاا شارب؟!

ريان:(شاف فيها وعينو معسلين وغمزها) غير شي كويسات الحشايشية

محمد طه:(حط يديه على حنكوو وهمس) قواااادت

أماا رياان رجع كيشوف فيهووم مكمش عينيه لي كانو معسليين.. جات شوفتو فرنيم لي كانت تتشوف فمحمد طه وطلعهاا ونزلهاا ورجع شاف فمليكة لي نطقات:هاداا وااش خو رحيل؟!

إدريس:(شاف فريان لي حالتو مخفاتش عليه) اه ولدي ريااان شقيق رحيل

ضحك ريان بشوية تاشافو فيه ونطق بهمس:عيييو

عاصم:(شاف فيه) كنعرفو ديجا شفتو فلكلينيك هو ومحمد طه و(سكت وهو كيشوف فأسماء لي قالت بهدوء) أسمااء سميتي أسماااء

ناضت تانيرت تطل على لعشاا واش وجد وخلاتهوم مكملين هضرتهوم..

إدريس:قلتي ليا عندك مگازان فأكدااال ياك

عاصم:اه هي فين كانكوون أغلب الأوقات وكاينين محالات خريين ولكن الدراري مكلفين بيهوم

إدريس: اللهم زد وبارك التجاارة تتبغي لعقل ولواحد يكوون عندو المعاارف والاهم يكون مدوز فيها تجااارب

عاصم:بطبيعة الحااال التجااارة ماشي غير اجي وزعم فيها والامكنتيش قاري السوق وعارف اش فيه عمرك مغاتقدر تعطي فيها

مليكة:(نقزات تاني تتبعكك) ولدي تباركالله عليه راه ديب وحافض سوارية (شافت فرحيل) ونتي ارحيل خدامة؟!

رحيل:(شافت فيه ونطقات بهدوء) اه خدامة فلاسورونس

مليكة:وفين وصلتي فقرايتك

رحيل:عندي دبلوم فلاجيستيون او وإجازة فلكونومي

رنيم:(نطقات بحماس) واش عندك باك إكونومي؟!

رحيل:(حرات راسها بهدوء) وي ونتي جوبونص غاتكوني فالباك؟

رنيم: وي أناا باك إكونومي بحالك ههه

ردات شعرهاا مور ودنيهاا وهي تهز عينيها فمحمد طه لي شاف فيها غار بالصدفة وعضات على شفتهااا وتقدات فجلستها مبينة كثر داك لكتف لي معريااه ودارت رجل على رجل تاطلعات ليه لجيپ لي لابسة ومبينة فخاضهاا كثر.. قلب محمد طه عينيه عليهاا وهي ضحكاات من تصرفو ونطقات بهمس:ليوم بيا ولابيك الزين..

الطبلة مدورة وعليهاا لناب فالباااج والكراسى ضايرين بيهاا وقدام كل كرسي محطوط طبسيل وفوق منو طبسيل اخر متوسط الحجم ومنديل مجموع بطريقة راقية وفالجنب ليمن حاطين فورشيط ومعلقة وفاليسر موس وقدام كل طبسيل محطوط كاااس خاص بالمشروبات.. كان دزايين الطبلة شيييك ورُّقي هو عنواانو لدرجة مليكة بقات غير جالسة فبلاصتها تتهز فحاجب وتنزل فلاخر وهي تتشوف زوج سرباية داخلين لول هاز طبق كبير فيه البسطيلة بلفخوي دميغ مزوقة من لفوق بكروفيط رويااال وطوماط سوغيز ولفغوماااج غوج... حط الطبسيل فالوسط والثاني جاا كيكب ليهوم لموناااضة لي بغااو.. بقا السرباااي كيقطع فالبسطيلة ويمدها لكل واحد فطبسيلو وتانيرت حاضية وجه مليكة لي باين فيه الاستغراااب.. مغاتكرش تانيرت أن فاللول مكانتش نيتها تجيب تاااشي سربااي وكانت عوالة هي ورقية لي يسربيو ويتكلفوو بلعشاا ولكن مور مشافت مليكة وتصرفاااتها وداك تبعصيص لي فيها فالهضرة وكيفاااش كاتبغي تبااان تماا قالت ليهاا بلاتي الاكان هاكا تاأناا نوريك التبعصيص كيف عااامل.. كلفات سعيد هو لي يجيب ليها السرباااي لي جاابو معاهوم المواعن وطبعاا بما أن الفلووس كاينة تاحاجة ماصعيبة..

عاصم:(شاف فتانيرت) تباركالله عليك اخالتي البسطيلة كتشهي

تانيرت:(بتسمات ليه) بصحتك وراحتك

ريان محني كياكل ومرة مرة كتفلت ليه الضحكة على شفتوو تكيشوفو فيه باستغراب خصوصا مليكة.. أما إدريس كان تيشوف فيه بواحد الشوفااات كيف القرطاااس وبزز باش مكالمي رااااسو عليه.. تحنى محمد طه جهتو وهمس ليه: واااالزمر جمع راااسك ونتاا بحال الاكيهرووك حوااايجك

ريان:(شاف فمحمد طه وضحك) تت شام ريحة الشياااط الخوو

محمد طه:(كمش حجبانو) ديالاش؟!

مجوبوش ريااان أنما رجع كياكل ومحمد طه كيحرك راسو بلاحول اش كيتسنى اصلا من واحد سكرااان.. هز عينوو فرحيل لي بانت ليه ممرتاحاااش تاهي ومع شافت فيه غمزهاا وطمنهاا وهي بتسمااات ليه.. قلب عينيه على ختو ومجات غار فرنيم لي كانت تتشوف فيه بشوفات برزطوووه بالبيااان.. فيما يتهز شي طبسيل كيتحط بلاصتو واحد اخر الحااصول تانيرت كبراااات بيهووم نيييت وهادشي عجب رحييل وإدريس تاااهو.. ختمو عشاهوم بالدسير لي كانو مشكيلينو فطبسيل بطريقة زوينة كتشهي.. وحطو ليهوم ليلانجيت باش مسحوو يديهووم عاد ناااض كل واحد شد بلاصة فالصالة والسربااايا كيجمعو الطبلة..

مليكة:(شافت فتانيرت) تباركالله عليك هادشي زوين وبنين

تانيرت:(ضحكات ليها) بصحتكوم وراحتكوووم

رنيم:(ناضت) عفاك ممكن توريني لحماام فين

تانيرت:واخا زيدي معاياا

مشات معاهاا لطبقة لفوقانية لي كاين فيهاا الطواليط رومية وخلاتها تما ورجعااات لعندهووم.. غسلات رنيم يديهاا وجبدااات من صاكهاا عكر عودااتو ونفخاات شعرهاا وزادت هبطااات البودي على كتفهاا تبااان كثر.. خرجات من تماا ومن زهرهاا بان ليها محمد طه لي طالع غادي يحط تلفونو يتشارجا.. هز فيها عينيه وغير شافها وهو يقلب الضورة راجع وهي تنطق: محمد طه

محمد طه:(واقف عاطيها بالضهر وغمض عينوو كيسب فالداخل ديالو عاد ضار شاف فيها وهو مبتاسم بهدوء) نعام محتاجة شي حاجة اختي

تعمد يعيط ليها بهااد اللقب بلعاني باش يدير حدود بناتهوم ساعة هي گاعماا تسوقاات لديك لكلمة.. قربات جهتو تاوقفات حداه ومع كان طويل عليهاا بقات هازة راسهاا فيه وهو كيشوف فيهاا بهدوء.. تجرأت وحطاات يديها على حنكوو ونطقات بهمس وهي عاضة على شفتها: واش عارف بلي نتاا زوين بزاااااف امحمد..

كانو جالسين وشاديين بين يديهوم كيسان دأتااي والطبلة محطوط فيهاا طباسل دلحلوى البلدية.. شاف عاصم فإدريس ونطق بهدوء:سي إدريس نتا عارف مقصودي ونيتي أناا جيت ليوم عندكووم طالب يد بنتك رحيل على سنة الله ورسوله

مليكة:(كملات على هضرتو) ولدي سيد رجاال وأي بنت تمنااه ليهاا ولكن هوو شاف بنتكووم وعجبااتو وعليها ليوم جيناا بقدام الربح باااش نطلبوهاا منكوووم

إدريس:(شبك يديه ونطق بجدية) الري والشواار دلبنت الالة مليكة والاهي بغااات او وافقات ماتسالني غير الله يكمل بالخير أناا لحاجة لوحيدة لي باااغي هي بنتي تكون مرتاااحة وفرحااانة (شاف فرحيل لي حادرة عينيها ونطق بهدوء) ولادي هوماا لي عندي وفرحتهوم وراحتهوم هي الدنياا ومافيها

عاصم: عندك الحق اسي إدريس كلامك معقوول وتاأناا مكنشكرش فراسي ولكن كنواعدك بنتك على راسي وعيني ومغايخصهاا تاخير معاياا

إدريس:(شاف فرحيل لي سكتات) اوا نعطيوهاا لوقت فين تفكر وتاخد قرارهاا على خاطرها وديك الساعة جوابها أنا لي غانوصلو ليك

عاصم:(حط يديه على صدرو) وهادشي لي باغي (شاف فرحيل ونطق بهدوء) نهار شت بنتك عجبااتني ونويت معاها المعقول وكيف جيت نهار لول عندك وطلبتها منك غانتسنى لجوااب منك ولهلا يحشمناا

تانيرت: يكون خير إن شاء الله

مليكة:(شافت فعاصم) هادا لوقت اولدي نمشيوو

عاصم:فين رنيم

تانيرت:مشات لحمام دابا تجي..

هضرتهاا صدماتو خصوصا الجرأة ديالهاا معاه وكيفاااش تتلمس فحنكوو.. للحظة تبلوكاا وعينيه فقلب عينيها لي كيشوفو فيه بإعجااب واضح مقدراااتش تخفيه عكسو هو لي تصدم.. نثر يديها ورجع خطوة باللور عاقد حجبانو ونطق بعصبية: اش هاد التبرهيش

رنيم:(هزات كتافهاا بلامبالاة) اشمن تبرهيش عجبتيني وكنقولهاا ليك شنو فيهاا

محمد طه:(صدماتو) واش مخورة فدمااااغك الأخت (ضحك بعدم تصديق) هه لا هادشي لي بقااا لياا

خلاهاا ومشى دخل لبيتو وسد لباب ورنيم كمشااات حجباانها ومعجباتهاش ردة الفعل ديالو وبلاماتفكر مشات تبعاتو وحلات عليه لباب تاضااار شاف فيها وهناا كان واصل لطوب دياااالو حيت بصح عيقااات خرج عينوو فيها بواحد التخنزيرة كتخلع: واش مريضة ف*رك داااخلة عندي تاااال لبيت

رنيم:(عجباتها تسيفتوو ونطقات بضحك) فخبارك ونتا معصب جيتي سكسي بزااااف وزدتي حمقتيني

محمد طه:(مسح على وجهو وهمس) أستغفر الله العلي العظيم (شاف فيها) سيري بحاااالك اختي قبل مانفوت فيك شي دقة

رنيم:(قربات عندو وشدات دراعو) شنووو بان ليك نكونو أناا وياك كااابل فغيموو غانجيوو مع بعض

محمد طه:(نثر يديه وشدها من درعها كاااعي) والق*وي باااااركة من تق*بين لخااااوي وتقووودي علياا

حل لباب باش يخرجها وهو يبان ليه ريااان واقف مربع يديه ضاحك وعينيه على رنيم لي شافت فيه.. عسل فيها الشوفة ونطق ريااان بهمس: الز*لة صعيبة

دفعها محمد طه وهي شافت فيه ورجعات شافت فريان مخنزرة ومشات لتحت معاجبها حال أماا محمد طه مسح على وجهو وشاف فريان: مقووودة فدماااغهاا لبرهووشة

ريان:(غمزو) وصلتو لبيت النعاااس گاع

محمد طه:(دفعو معصب) مايمشيش عقلك بعيييد راه هي لي دخلااات لعندي تفوووو على ق*وي

نزل محمد طه وريان حك نيفو ونطق بهمس: زااااهية ق*وب

هبط تاهو لتحت ولقاا عاصم ومو ورنيم نايضين كيسلموو على تانيرت وإدريس وكلثوم.. شاف عاصم فرحيل ومد يدو ليهاا تاسلمات عليه ونطق بهمس:غانصوني عليك ملي نوصل لدار داكوغ

رحيل:(بهدوء) واخا رد باالك فالطريق

عاصم:واخا ازيني

تسالمو البقية مع بعض ومحمد طه فاش بانت ليه رنيم جايا جهتو باش تسلم عليه قلب الطريق ومشى وقف عند رحيل مدرعهااا وهي كمشات حجبانهاا وجمعات شفايفها مقلقة ضورات وجهها وجاا قدامها ريان لي غمزهاا وهو مبتاسم بسخرية بينما هي خنزرات فيه ومشات تابعة خوهاا ومهااا لي وصلوهوم تال لباااب.. وغير تحركات طوموبيل سد إدريس لباب ورجع لصالة فين كانو جالسين ورحيل زولات فولارهااا وبلامايهضر قرب جهة ريان لي كان واقف ونزل عليه بتصرفيقة طيحاتو على السداااري ونيفوو نزل منو الدم فالبلاصة..

الكل تفاجأ بديك ردة الفعل العنيفة ديال إدريس لي كااانو عينيه على رياااان مخنزر تخنزيرة قاااصحة حيت بالغعل تصرفو استفززو وهو لي علمهوم كاملين بلي غادي يجيو لخطاب لرحيل وخصهوم يكونو حاضرين وتاواحد مايتصرف شي تصرف ماهواااش وتامن كلثوووم نبهها بوحدهاا وغسل ليها ودنيهاا ساعة ريااان خرج ليه من الجنب ومشى دارها على قد راااسو وجاا ليه سكراااان قدام ناااس أول مرة يجيو لعندهووم.. ملي شافو دخل عرفو سكران غير من عينيه لمعسليين ودوك التصرفات لي دار قدامهوووم كان تيحااول يكالمي راااسو الجلسة كلها وماينوضش يفوت فيه شي دقة.. أسمااء جلسات الأرض وعينيها خااارجين وهي تتشوف فباها معصب وحاجة وحدة طاحت فبالها كيفااش غايتصرف معاها نهار يعرفها كتشيش؟! ترعدو يديهاا عليهاا والخلعة شداااتهاا.. كلشي مخلوع من تصرفو من غيرها هي كلثوم لي جلسااات حاطة رجل على رجل بحال الا كتتفرج فشي سيري.. قربات جهتو تانيرت ونطقات بخوف على ريان:إدريس..

إدريس:(ضااار فيهااا معصب) قطعي حسسسسك وصوتك مااانسمعوووش كلشي بسباااابك نتي وبسباب فشوشك ليه ولى سكااايري دورجين.. أناا لي شااارف ودوزت فالحياااة تاشعري شاااب عمري حطيت هاد لخراااا ففمي وهوو باقي يالاه قال بسم الله فهاد الحيااااة وبداااها بالطاااااسة ويعلم الله اش غايجي مور الطاااااسة (جرووو من تيشورت موقفوو ورياان حادر راااسو مكيشوفش فيه... نطق إدريس وهو كارز على سنيه) يسحاااب ليك الاتقاااادو لكتاااف راه تغلبني ودير مابغيتي عند بااااالك أناا ساااااهل ليك البرهووووش (هز ليه راااسو ونيفو دايز بالدم ورجع مكمل هضرتووو) مربيتكش فصغرك ولكن غاااانربيك فكبرك وديك الضساااارة دولاد لخاااريج وداك التفرعين الخاااااوي لي كاديرو عليا وعلى مك نحدووو ليك البرهووووش سمعتي

جرو من قرفاااتو غادي بيه لفوق وتانيرت بوحدها لي مشات تبعاااتو أماا لخرين تاحد ماقدر يدخل ورحيل خلاااص قلبها ضرهااا على خوهاا ولكن ماتقدرش توقف فوجه باهااا

كلثوم:(بسخرية) هادو غير ترااابي الشلحة وكيف خرجو

رحيل:(خنزرات فيهاا) بحال ترابيك

مور مالاحت ليها ديك لهضرة ناضت وهي معصبة مخليا وراهاا كلثوم كتغدد أماا محمد طه وأسمااء تاحد ماهضر وكل واحد مشى لبيتوو مخليين كلثوم باغا تاكل راسهاا:غابلاتي ابنت الشلحة نشوفو اااخرة هاد التفرعين لي فيك تانتي

حل لباب دالسطح ودخل وهو جار معاه رياان لي مانطقش بمرة وتانيرت موراااه قلبها واكلهاا على ولدها ولكن مابيديها مادير حيت عارفة إدريس على حق وبلي هاد التعامل هو لي خص ريان لي طفى ومبقاا عارف اش كيدير ومحتارم لاكبير ولاصغير.. واصلا هو من لي كان صغير كانت تربيتو صعيبة وزيد عبدالله كان مفششو بلاقياااس حيت هو لولد لوحيد لي عندووو عليهاا ريان لقى حوريتو وضسرر وزادها بالتصحايب مع ولاد لگور وعقليتو داباا نيت مگورة واخاا كيهضر بالعربية وعندو معلوماات على التقافة ديال بلادو ولكن كما يقال الطبع يغلب التطبع وهوو ولف تمااا او ولف عيشتهوم وتعاملهووم وتصرفاتهوووم شي لي جااه صعيب يولف العيشة هنا حيت لحواايج لي كيجيوه تما عااديين هناا لا وهاادشي خلق عندو مشكيل... قرب إدريس حدا واحد الدفة تماا فيها واحد لحصيرة قديمة حاطينهاا وبعض لمرااات كينعسو فيها لقطوط لي كيضورو فالسطوحة دالجيران... دفعو تاجاا طايح فيها نيشااان ونزل لجهتتو ممسوقش لحرقة لي باقا مابرات كلياا ونطق بصوووت صااارم وملامح وجهو جدية بشكل كتخلع: تبرد لياا مع رااااسك هاد الليلة وحط فداااك الدماااغ بلي من ليووووووم فشوشك وتبرهيشك أناا غانحدووو ليك ونعاااود ليك الترااابي تاتولي طاااالب السلة بلاعنااااب أولد تااانيرت...

لاح ليه هضرتووو وتقاد فوقفتوو وهو باقي مخنزر فيه وضار جهة تانيرت لي كانت تتبكي جرهاا من يديها غادي بيها لداااخل مخليين رياان جالس فديك لحصيرة وصوووت لقفل دباااب السطح لي سد عليه إدريس خلى لعااافية تشعل فيه فالداااخل دياااالو.. عينيه كااانو مظلمييين ويديه مزير عليهوووم تاتسقط منهوووم الدم هادي ماشي أول مرة يهز يدو عليه حيت سبق ليه داااارهاا قبل وبالتحديد نهار عرفوو بلي هو باااه وزيد عليها هاد التعااامل القاااسي لي خلى قلب ريااان يزيد يحقد عليه كثر ماهو حاااقد.. كان بداا كيتقبل وجودو فحيااتو وبلي هو باه لحقيقي ولكن تصرف إدريس هاد لمرة خلى ديك لفجوة لي كانت بينو وبين ولدو كتسد تعاااود تحل وهاد لمرة كااانت أكبر من لي قبل منهااا.. جمع رجليه عندوو وحط يديه عليهووم وعينوو كيشوفوو قداامو والبررد لي تحرك فالسطح حس بيه داخل مع عظاااامو...

نزلها لطبقة الثانية وهو يوقفها قدامو كيشوف فيهاا بنظررررة حاااقدة ومعصبة.. واخا كيحاااول ينسى ويعطيها فرصة باش تصلح لغلط لي داارت الاانه فيما كيشوف ريان وتعاملو معااه وهضرتوو ليه كتخليه يتعصب منها حيت هي حرماااتو من ولدوو وبسباب سكوتها هو وصل لهاد المواااصل يعني الملام الاول والاخير بالنسبة ليه هو تانيرت..

إدريس:(زير على يديه ونطق بصوت بارد) من ليوم ماتبقااااايش دخلي بيني وبين ولدي اتانيرت سمعتي نتي فششتيه وضسرتيه وهااا نتيجة تربيتك فين وصلااااتو فرحتي دااابااا رتااااحيتي اوا تكمشي بلااااصتك وقطعي حسسسك وخليني مني ليييه أناااا بااااه وأنااا لي غاااانربيه وغااانرجعووو من ديك الطرررريق لي هوو غادي فيهاا (أشاار ليهاا لبيت رحيل) ودابا سيري لبيت تنعسي راه مشى لحاااال

تانيرت:(هزات عينيها فيه وبصوت هادئ) تصبح على خير

عطاتو بالضهر غادة لبيت رحيل وهو تنهد واحد تنهيدة طووويلة قبل مايدخل لبيت النعاس ديالو هو وكلثوم لي كانت ناعسة هز المخدة والكاااشة ديالو وحوااايج النعاااس ونزل لصاااالة فين غاينعس كيف عادتو مأخرااا..

طلع الصبااح والجوو كان على غير العااادة مغيم والشتااا بدات تتنقط.. حل إدريس عينوو على تقرقيب لي سمع فالكوووزينة ونااااض كيحك وجهو ويتنهد ليل كولو وهو كيتقلب فبلاصتووو مجاااهش النعااااس وهو عارف ولدو مگلاااصي فالسطاااح.. ضرو خاطرو عليه ولكن ضروري مااايقصح راااسو وقلبو على قبل مصلاااحة ولدوو.. خرج من كاااشتو مخلي فراشو هاكاك وطلع ديريكت لسطح حل لباب ودخل وهو مكمش حجبااانو من داك لبرد لي بورشوو وخلى زغب داتو يوقف..عينيه جااات على ريااان لي كااان ناعس على ديك الحصيرة وجاامع رجليه تااال صدروو ويديه معنق بيها داااتو.. بقااا فيه ومغاينكرش هادشي غير من شوفاااتو لي كيفيضوو بالحنية ليه..قرب جهتوو وجلس قفااازي حداه وحط يديه على وجهوو لي مجرد مااااحس رياااان بلمستوو حل عينيه لي جات فوجه إدريس وهو يخنزر فيه واحد التخنزيرة قاااااصحة.. تقاااد فالجلسة مبعد عليه وقلب وجهوو لجهة لخرااا

إدريس:(بصوت بارد كالصقيع) أناا ماشي بحاااال مك لي كتغلط فحقها وهي ساكتة ليك فكل مرة ونتاا كتزيد تطغى عليهاا وضسر حيت لقيتيهاا حيط قصيير (ضور ليه وجهو تاتقابل مع وجه إدريس وكمل هضرتو) لعيشة لي كنتي عايشهاا زماان نساهااا ودفن عليها الترااب وهضرتي وزنهاا مزياان ودخلهاا لدماغك اولدي وعرف بلي باااك باغي غار مصلاحتك

رياان:(دفع ليه يدو لي كاانت على وجهوو وجاوبو بكل برود) وتانتا دخل لدماااغك بلي أنااا عمري مغانعتاااابرك بّاا

أسماء كانت على غير عادتها ليوم كلما تفكرات ردة فعل إدريس لي دار لبااارح وتصرفوو مع ريااان ملي جاه سكرااان تتبغي تخنق والخلعة شدااهاا وكتخيل اش غايدير فيها نعار يعرفها كتشيش؟! تنهدات وهي تتشوف فالبيسي لي قدامها بعقل تااالف تاسمعات صوت الفيكس لي حداهاا صونى وهي تجاوب بصوت هادئ:وي

تسمع ليها صوت وليد لي نطق بنبرة مكالمية:اجي عندي؟!

قطع عليهاا وهي زفرات بتعب ليوم ماعندها لالخاااطر لوليد ولا آدم عليهاا لبسات قناااع الجدية وناضت هازة لاجوندااا فين كاتنوطي ومشات لعندو وهي تتقرقب طالونهااا.. دقائق وكانت قدام البيرو دقاااات الباب ودخلات ملي سمعات الإدن دياااالو لقاتو جالس فالكرسي جلسة رجووولية وكيبااان كريزمااا غير من الشوووفة فيه وعلاش لا وهو البكر ديال عائلة الصفريوي.. حك لحيتووو وعينيه عليهاا وهي جايااا لجهتو تاوقفات قدامو ونطقات:وي موسيو وليد؟!

وليد:جلسي

جلسات فالكرسي دايرة رجل فوق ختهاا وهزات عاجبها:وي محتاجني

وليد:(كيلعب بالستيلو بين صباعو) السبت الجااااي خوووي گاع لغونديڤو بخسونيل لي عندك حيت غاتحضري معاياا واحد لحفلة..

أسماء:حفلة ديالااااش؟!

وليد:عندها علاقة بالخدمة ديالنااا نشرحها ليك أبخي لمهم باش تكون فباااالك وديري حساابك لداك النهار

أسماء:(ماعندها گانة تجاحد معاه) داااكوغ ممكن نمشي داباا؟!

وليد:(طلع فيهاا الشوفة ونطق بتساؤل) نتي بخير؟

أسماء:(ناضت بهدوء) وي غير راسي كيضرني شوية الامبقيتيش محتااجني نرجع لبيرو دياااالي

وليد:واخا

مشات أسمااء لبيروها تكمل خدمتهاا شوية تحل لباب ودخلات وحدة من لبنات هازة قرعة صغيرة دسيدي علي جديدة ودوليبرااان كينات حطاتها ليهاا وهي تكمش أسماء حجبانها:أناا مطلبتش هادشي

لبنت:موسيو وليد وهو لي طلب مني نجيبهوم ليك

مشات لبنت وأسماء عينيها تعلقوو فلكينة ديال دوليبران ولماا لي جاابت ليها لبنت بنظرة هادئة ومتسائلة..

----

فجلسة خاااصة بالام وبنتهاا..جالسة رحيل فبيتها مع تانيرت لي بدات علاقتهوم كتحسن شوية بشوووية وكتحااول تعووض دوك السنين لي معاشتهوومش فكل فرصة جات لبين يديهاا..

تانيرت:هو باين فيه ولد الناااس ولكن مووو باينة فيهااا قااصحة ومبعككة وعزيز عليها تبااان على غيرهااا

رحيل:(ضحكاات) هه وي بصح تاأناا لاحظتهاا هضرتها كلهاا وهي كتبغي تباااان بشنو عندهااا وكل شوية تهز فيديها وتحرك دوك الدباااالج ههه ضحكاتني ولكن عرفتي فوقت لعشاا فاش دوك السربايا برزونطاااو داكشي بقات غير حالة عينيها وتهبط وطلع

تانيرت:ههه اوا هي لي قلبات عليهاا أنا نيتي كاااانت نسربيكوم فالعشاا انا ورقية ولكن فاش شفتهاا كيف دايرة قلت ليها اجي نوريك راه تاحنااا بحالك غار كنتواااضعو

رحيل:(حكات جبهتها) أصلا عاصم سبق ليه قال ليا مو قاصحة شوووية ولكن حنينة واخا هاكاك وزايدون الاجاب الله تزوجنا أناا غانسكن فداري وهي فدارهاا يعني ديك لحساسية مغاتكوووونش حيت كل وحدة بدارها

تانيرت:(شدات يديها) سمعي ابنتي الانتي كنتي حاسة براسك مرتاحة ليه وباغاااه راه مو مغاتشكلش ليك مشكيل وهانتي قلتيها هي بدارها ونتي بدارك نتي داباا جلسي وفكررري على خاطرك وشوفي رااحتك وااش كتلقااايها معاه ولا لا

رحيل: هو لكدوب عالله حرام عااصم من نهار عرفتو وبديت تنهضر معاه وأنا عمري ماشفت فيه شي حاجة خايبة بلعكس محتارني وفاااش كيغلط كيطلب السماااحة وكيعتااارف بشنو دار يعني كنحس بيه شارب عقلوو وماشي مبرهش بتصرفاااتو

تانيرت: أصلا العشرة هي لي كتبين لمعدن دلواااحد ابنتي يعني الاكتاااب وتزوجتو نتي غاتزيدي تعرفي عليه كثر وهو نفس الشي وتاحد مخاطييه عيووب كل واحد وعيبو أهم حااااجة فالزواااج هو يكون الاحترام بناتكوووم ويكون هو مكبر بيك قدااام ناااسو وناااسك أما لحب راه كيجي مع لعشرة

رحيل:(شافت فيها مدة ونطقات) كيفاااش تلاقيتي نتي وبااباا وفين عرفتيه؟!

تانيرت:(ابتسمات لدوك الدكريات الجميلة لي تدكراتهووم مجرد ماسمعات سؤاال بنتها ) أنا وباك قصتنااا قصة هو كااان جااا لدوارنااا بااش يخدم عند يبّا فالفيرمة وبصدفة تشاوفناا تمااا ومن الشوفة لول بغااااني (ضحكات تانيرت فاش تفكرات اللقاء الاول فاش كانت تتشطح فالواد وهو بقوة السهو فيها طااح فالمااا) ههههه كانت يااام زوينة بزااااف عمري نسااااهاا ولانسى هضرتوو لياا وكل كلمة خرجها من فموو باقي كنستعقلها بحال الاغار لبارح قالها ليااا

سكتات تانيرت وديك لمعة لي كااانت فعويناتها طفااات مجرد مانطقات رحيل بسؤالها التاني: ونتي علاش سمحتي فيه؟!

تانيرت:(شافت فيها وبصوت مضيوووم) جدك هو السباااب..

لابسة سورڤيت فالنواااغ سخووونة ودايرة طريبيش دالصوف على شعرهااا لي ضافراااه ضفيرة فالجنب.. عينيهاا كانو على باب لكبينيك لي قداامهاا وقلبها كان تيضرب بالجهد.. ملي عرفااات بلي عدنااان حل عينيه وفاااق مافكرااااتش زوج دلمرااات فأنها تجي وتشوفوو.. نسااات بلي عائلتو غاتكون معاه هنا وحتى مرتوو كاينة وعند هاد الفكرة بالدااات عينيها لخضرررين حمااارو والشوفة لحنينة لي كانت فيهوم تبدلاااات مجرد ماتفكرااات حمل وفاااء لي كان بحال ديك لوقيدة لي لحتيهاا على ليسونس باش تشعل لعاااافية لي داباا كتكدي فيهاا غار بلمهل.. مزيرة على يديها لي فوسط الجااكيط دالسورڤيط وبخطووااات بطيئة تقدمااات جهة الباب داخلة لداخل.. كان ولابد تسول على لاشومبغ ديالو عليها دازت جهة الغيسيبسيون وعطاتهوم سميتوو ونعتو ليهاا فين جااات وبنفس الخطوااات كملات طريقها لبيتوو.. وصلات لكولواار فين كاينة بيتو وهي تبان ليها وفاء خارجة من واحد لبيت وغادة فالعكس ديال لككولوار تاغبرات على أعين ميس لي كانت مكالمية راسها غار بزز.. تمشات بزربة تاوصلات لباب بيتو وهي تحط ودنيها على الباب بغات تأكد واش كاين معاه شي حد وفاااش ماسمعااتش لحس حلات لبااب فغفلة منو هو لي كان مغمض عينيه وغير شم ريحتهاا حلهوم فالبلاصة وبصوت بزز باش كيتسمع نطق:باربي

ميس دخلات وسدات لباب وقربات جهتو وهي تتشوف فحالتو راااسو مضورين ليه فاااصمة ويدو ليسرية كلها مگبصة ورجلووو تاهي ليسرية مگبصة ناهيك على لجروووح لي كانو فوجهووو ووداتو كولها الحاصول ربي لطف ونجاااه منهااا هاد لمرة.. حطااات يديها على لحيتوو لي تغوفلااات وعينيها فقلب عينيه وبصوت هامس:خفت عليك بزاااف

عدناان:(بتاسم بشوية عليه ومد يدو لي مضروراااش حطهاا على يديها) توحشتيني اباربي

ميس:(حركات راسها ودموعهاا كينزلووو)خفت عليك بزاااااف اعدنااان هء هء خفت تمشي وتخليني بحااااال ديك لمرة

عدنان:(مقادرش يهضر ولايتحرك حيت داتو كلهاا كاضرو ولكن كااابر ونطق بصوت متقطع) شوو ماتبكيش اباربي ديااالي هاني ماطراا ليا والو (كحب تاتهز من فوق النموسية) كح كح مدي لياا لمااا

ضارت جهة القرعة لي تم وحداها لپاي جديد حلاتو وعوناتو تاااشرب بشوية عليهاا عاد رجعات القرعة بلاصتهاا وشافت فيه: واااش مقصح بزاااف؟

عدنان:(شد يديه) شوية

ميس:(بتسمات ليه ونطقات بغيرة واضحة فصوتها) مبروك عليك غاتولي بابا

عدنان:(عينيه تحلوو فيهاا) شكون قالها ليك؟

ميس:(هزات حاجبها فيه) كنتي ناوية تخبيها علياا يااااك (ضحكات بهسترية) هههههه ميمكنش تكون هي حاااااملة منك يااااااك نتااااااا قلتي لياااا غاطلّقهااا هممم كيفااااش حملاااات منك؟!

قالت هضرتهااااا بصراااخ وهي مجننة عليه ومعصبة.. عافر على رااااسو تاتقاد فجلستووو ومد يديه باش يشدها ويهدنها قبل ماترجع وفااااء وتصدق سامعة كلشي

عدنان:(بصوت هادئ) ميس اجي نهضرو؟!

ميس:(شافت فيه او وجهها ولاحمر وعينيها خاااارجين) فااااياااش هااا فاااايااااش سمع اعدناااان كيفماااا نتااا طيحتي ليا ولدي انا غاطيح ولد هااااديك سمعتي هي مخصهاااااش تولد مخصهااااااااااااااش

سالات هضرتها وصدرها كيطلع وينزل ولاول مرة يشوفهااا عدنان فديك الحالة الهستيرية لي خلااااتو يتصدم منهاا وتاباااش ينوض عندهااا يسكتها مقدرش.. تسمع صوت لهضرة برااا شي لي خلى ميس تحل عينيهاا فاااش سمعااات صوت إسلام لي كاااان واااضح كيهضر هو او وفاااء.. قلبهااا دق بعنف وعينيهاا ديريكت مشاااو لعدنااان لي مكاااانش قل منها وشي لي خاااف منو وكااان تيحاااول يخبيه هااد الفترة كلهاا غايتفضح بسبابها هي..

تحل لباب دالشومبر وأول واحد دخل كانت وفاء لي مجرد مالمحااات عدنان جااالس فبلاصتوو بديك الطريقة لمعدبة بالنسبة ليه وهي تخلع عليه وقربااات جنبوو مكمشة حجبااانهاا وبصوووتها الرقيوق لي كيدخل كيف النسمة لودنيك نطقات: حبيبي نتا علاش تحركتي من بلاصتك راك باااقي مقصح ووالطبيب قااال ليك خصك تعطي الراحة لراااسك

عدنان:(سرط ريقو بهدوء وعينوو جاات فإسلام) غير بغيت نشرب وصاف

مشات وفاء جهة لقرعة دلمااء ومع بغات تهزها كمشات حجبااانها فاش بان ليها داك لپاي لي حداا لقرعة معري وديجا مستعمل وهي لي خلاااتو ليه باقي جديد وممحلولش.. جاااهااا عجب ولكن ماعطااانش لاهمية لموضوع وهزات لماا شرباتو عاد رجع تكى وقرب عندو إسلام لي نطق بهدوء:على سلااامتك اعدنان خلعتينا عليك

عدنان:الله ينورك (كمش حجبانو بألم)

إسلام:حمدلله دازت طريفة وربي نجااك منها

عدنان:(شاف فيه بهدوء) ولله الحمد

إسلام:(شاف فوفاااء ورجع شاف فعدنان) نخليكوم دابااا خصني نمشي

وفاء:(بتسمات ليه) خليك شوية مزال

إسلام:(حط يدو على صدروو) ميس عيااانة شوية وضروري ماخصني نمشي نشوفهاا

عدنان:(نطق بصوت متلهف بلامايشعر) علاااش مالها؟!

إسلام:(شاف فيه بهدوء) من نهاار لكورطااج ونفسيتها عياااانة شوية

وفاء:(حطات يديها على كرشهاا وبصوت حنين) مساهلش على أي أم تفقد ولدهااا ولابنتهاا بديك الطريقة غاتكوون قااصحة ليهاا

إسلام:(تنهد فاااش تفكر ولدو لي مات) وي مساهلش عليهاا مهم خليت ليكوم الرااحة (طبطب على كتف عدنان) تهلاا فرااسك ومرة خر رد لبااال لراسك

عدنان:شكراا

مشى إسلام وعدنان رجع كمش حجبااانو كيفكر فهضرتوو لي قااال عليهاا ورجع تفكر حالتها قبل شوية وسرط ريقوو وعينيه على وفااء لي كانت جالسة حداه نطق بصوت مكالمي: حبيبة تانتي مكاين لاااش تبقااي هنااا وتعيي ليا راسك سيري لدار رتااحي

وفاء:نو شيغي مايمكنش نخليك بوحدك هناا

عدنان:اصلا انا غانعس غير سيري نتي لداااار وماتخليش بااالي يتشطن عليك

وفاء:(تنهدات) والاحتاجيتي شي حاجة؟!

عدنان:مغانحتاااح والو دااباا كلشي عندي

وفاء:(تنهدات وناهضت هازة صاكها قربات جهتوو وبحب تحنات باااستو فشفتو) اناا غانمشي داباا ولكن غانرجع من بعد داااكوغ رد لبااال راسك شيغي (رجعات باستو فشفتو تاتسمعات لبوسة) باي

عدنان:بسلامة

مجرد ماتسد الباب تقاد عدناان فجلستو وعينيه على بابا لحمام لي تحل وخرجات منو ميس بحجبان معقووودين وباين فيهاا كاعية على شنوو سمعااات بودنيهاا.. وقفااات قداامو تتقاد فالسورڤيط لي لابسة وهو حاااضيهاا بعينيه تانطقات بهدوء: ماتفرحش بزااااف بداااك الولد حيت أناا مغاديش نخليه يتزاد اعدنااان

عدنان:(كمش حجبااانو ونطق بنبرة حاول يكالميها ومايتعصبش) ميس ديري عقلك

ميس:(قربات جهتو وكملات هضرتها بنفس الهدوء) كيفما نتا مكنتيش قاابل على ولد إسلام لي كان فكرشي تاأنا مقابلاش بدااك لولد

تحنااات لجهة شفايفوو وباااستوو بوسة قوية بحال الابغااات تمحي بيهاا ديك لبوسة لي عطاااتو وفااء.. عاد بعدات عليه وابتسمات فوجهو بهدووء وحلات لباب غادة ومخلياااه سااهي فهضرتها لي خلاتو يحس بالخوف من جهة وفاء اولدو لي فكرشهاا.. خرجات ميس من لكلينيك بهدوء كيف جااات او تمشات جهة الشاانطي وقفات طاااكسي وركبات فيها ومشات وفديك اللحظة كاااانت راجعة وفاء لعند عدنان فاش تفكرات بلي نسات تلفونها تماا وهي تلمحهاا.. كمشات حجبانهاا ونطقات بينها وبين نفسها:ماشي هاديك ميس مرات إسلام؟!

وشحااال حساااات بواحد الراااحة فاااش خوات قلبهاا على بنتهاا لي كانت تتسمع ليها وقلبهاا كيبكي الدم على مامااها فكل كلمة قالت وكل حدث عودات ليهاا كانت رحيل تتشوف فمهاا بعيووون حزينة.. جيدااء كان عندها الحق نهار قالت ليها تعطي مها فرصة باش تعاااود ليهاا وبالفعل هي ماندمااااش على ديك الفرصة لي عطاااتهاا غار سالات تانيرت اخر كلمة نطقات بيهاا وهي تحس بيدين رحيل ضايرين عليهاا ومعنقينهاا بالجهد تاااخلااات شهقة طلع من شفايف تانيرت وتبادلهاا ديك التعنيقةة.. حاسة بالرااحة وبالحمل لي كانت هازة فوق كتافها بدا يخفااااف عليها عكس اللول فاش كانت هازاه بوحدهاا..

رحيل:(بعدات عليها ونطقات ببكاء) علاش ماقلتيهاااش لينااا ومعاودتيش هادشي لبابا

تانيرت:(حدرات راسها) حيت كنت خااايفة ابنتي عليهاا سكت وراك عارفة كلشي

رحيل:(كمشات حجبانها) مقدراش نتيق واش كاين شي واحد بلاقلب بحالهااا (كملات بسخرية) أصلا اش كنتسنى من وحدة محناااتش فبنت صغييرة وتكرفسات عليهاا

تانيرت:(شافت فرحيل بخوف) شنو دارت ليك ؟

رحيل:قولي شنو مدااارتش (تنهدات بألم ) كلثوم فكل مرة كانت تتجيها لفرصة كاتجي تكب فيااا جنونهاا

تانيرت:وباباك عااارف هادشي؟!

رحيل:(حركات راسها بلا) تت هي كانت تتستاغل لوقيتة لي مكيكونش فيهاا ولكن محمد طه كان ديما كيدافع عليااا (بتسمااات ودموع فعينيها) كان يوقف فوجهها واخا باقي صغير

تانيرت:(حاسة بلعافية شاعلة فيهااا) محمد طه مكيستاااهلش تكون كلثوووم موو هااازة لهم لنهار يعرف هو وأسمااء مهوووم اش دااارت وكيفاش غاتكون حالتهوم

رحيل:محمد طه حنين بزاف وأناا عارفااه غايتقصح من جهتهاا وتاأسماء واخا كتبان ليك هاكا ولكن داخل ديالها بيض غير مها الله يسمح ليهاا غاتخرج عليهاا بداك الحسد والسم لي كتربي فيهااا

تانيرت:(حكات جبهتهاا) كلثوم وحدة مريضة فدمااااغهااا وداك لحسد لي فيهاا ماعندو حد والاجاتها الفرصة راه غادير ماكثر ولكن أنا غانحدهوم ليهااا وحلفت بحلوفي بلي يابيا ولابيهاا فهاد الدااار واخااا نموت فيهااا

رحيل:(شدات يديها) قوليها لبابا وتهناااي وهو غايعرف كيفاااش غادي يتفاااهم معاهاا حيت أناا متأكدة بلي بابا نهاار يعرف كلثوم اش دارت غايجري عليهااا وغايطلقهااا

تانيرت:(شافت فيها) عارفة كنتسنى غير نتأكد من داكشي لي قلت ليك وديك الساااعة مغانتعطل تاادقيقة بااااش نقولها ليه

رحيل:(ابتسمات ليهاا) أناا معاااك اماما سمعتي نتي مابقيتيش بوحدك كيف قبل نتي داباا معاااك بنتك

تانيرت:(عينيها تغرغرو بالدموع من هضرة رحيل وبصوت هامس نطقات) نتي سمحتيلياا من قلبك ابنتي؟

رحيل:(عنقاتهاا) وااخاا نحاول نحقد عليك اماما مغانقدررش عليهاا وملي زدت عرفتك اااش دوزتي زدتي كبرتي فعيني وعرفت بلي نتي ضحية بحالك بحالنااا

تانيرت:(زيرات عليها ونطقات بحب) نتي وخوك وباك هومااا أغلى مكنملك فالحياااة وعلى قبلكوم مستاعدة نضحي داكشي لي باقي لياا فحياتي

صونى تلفون رحيل شي لي قطع كلامهوم وعناقهوم مع بعض.. بقات تتمسح تانيرت عينيها ورحيل قربات جهة تلفونها لي كان تيصوني بنمرة عاصم..

تانيرت:هضري معاه براحتك أنا غانمشي نشوف خووك ريان

حركات ليها رحيل راسها باه وتانيرت ناضت خارجة من لبيت دبنتهاا غادة تشوف ريان لي كان فبيت محمد طه كيجمع حواايجو وباين فيه معصب غير من تكميشة حجبااانو مور الشي لي دار معاه إدريس قرر أنه يخوي ليه الدار ويتهنى.. هز صاكو ولبس عليه جاكيط ومع حل لباب لقاا مو واقفة كتشوف فيه وفالصااك وقبل ماتجاوبو تخطاااهاا نازل لتحت بلامايعطيها فرصة تهضر فيهاا..

يتبع...