محتوى القصة
سعيد هناا مقدرش يتيق اش كيسمع لبوسط لي دمر عليه وعطى فيه جهدوو مشى من بين يديه كيف الررريح وخداه واحد لي يالاه ليوووم جااا وخداه بدم بااارد.. وهو غايرجع لبوووسط القديم لي كان فيه وغايعاود يضرب لكرفي.. هبط راسو وعض على شفتوو ونطق بصوت تقيل:واخا موسيو السليماني
نوح:هاد لمرة تاقيت فيك وجه الله ولكن أي خطأ غاديرو من هنا لقدااام كيفما بغا يكووون غاتحط فيه لاديميسيون "الإستقالة" ديالك (شاف فمحمد طه) سير معاه هو غايفهمك خدمتك..
حرك محمد طه راسو ومكرهش ياكل سعيد على فعلتوو وغير حشم من نووح وتاقى الله فيه أما سعيد خرج ومبقاش قادر يبقا تم حس براسو تخنق وكلشي ضاع ليه بسباب رحيل وزاد حقد عليهاا وعلى خوهاا..
بقاو بزوج بيهوم فلبيروو لي سد محمد طه بابو.. واقفين قدام بعضياتهوم وعينيهوم على بعض.. لطالما كانو عينيها هوما سلاحها ونقطة ضعفوو.. هبط نوح راسوو وضار باش يرجع لبلاصتو وهو يسمع صوتها لي همس ليه بنبرة تقيلة وباين فيها حشمانة:شكرا
تصرف نوح ليوم لي دار خلاه يكبر فعينيهاا بزااف كيفااش خدا حقهاا وكيفااش وفى بهضرتوو لي كان قال ليهاا.. فاش تعاود ليه لبلان حسن بإن فالموضوع وفاش شاف سعيد كيتسنط ليهوم فانعكااس الشرجم لي كان أونفااص لباب تما زاد شك ديااالو ولكن سكت ومانطقش وملي شاف لفيديو تماا فهم البلان ملين جاااي وبقا حاط عينو على بهيجة بلاماتعيق وتاسعيد تاسمعهوم نهار كانو تيهضرو فلكولوار والسيدة باغا يكمل ليها خلاصها تما صافي تأكد.. ورحيل مكانتش قادرة تيق داكشي لي عرفااات بصح فلول كانت تتشوف تصرفات سعيد لي كان تيبين ليهاا أنه محاملهاش وفيما يلقى لفرصة يبقاا يتهز عليها ولكن عمرها ضنات أنه غاتوصل بيه أنه يتصرف داك التصرف ويسد عليهاا.. قلبهاا ضرهاا ومعرفاااتش علاااش النااس كيبغيو يأديوهاا واخا هي مدارت ليهوووم وااالو.. علاااش هي ديما لي تتاكل الدق وتقصح ؟؟ ديك لكلمة لي همسات بيها لنوح كانت طااالعة من لقلب وداباا عاد قدرات تفهم اش قصد من هضرتوو لي قااال ليهاا.. هوو نبهها ولكن هي نيتهاا مخلاتهااش تشوف لي كاين وتغاضااات على تغيير سعيد معاهاا من نهار زولات النقاب.. وهنا كتعتارف بلي نيتهاا كيف لعادة تتخرج عليها..
نوح:(شاف فيهاا ونطق بهدوء) مكاين لاش تشكريني أناا كنت قلت ليك لي كان السبب فهاد لفعلة مغااديش ندوزها ليه..
رحيل:(تنهدات ونطقات بصوت حزين) ولكن هو علاش دارها أنا عمري مأديتوو
نوح:(نطق بحنية) يمكن حيت خاف على بلاصتو
رحيل:(كمشات حجبانها) مافهمتش؟
نوح:(حرك راسو بهدوء) ماتشغليش بااالك نتي فهادشي
رحيل:(شافت فيه وعضات على شفتها) واخا نطلب منك طلب؟
نوح:(ربع يديه وقال باهتمام)أما هو؟
رحيل:(نطقات بهدوء) أنا مباغاش نكون سباب فقطع رزق شي حد
نوح:(تنهد وشاف فيها مدة) لواحد الاغلط خصو يتعااقب.. الطمع خلاهوم مايفكروش فنتيجة داكشي لي دارو معاك والاسكت على هادشي هوما غايزيدو يضسرووو
رحيل:(تنهدات) ربي يخلص كل واحد لمهم أنا غانرجع لخدمتي ومرة خرا شكرا
تبسمات ليه وخرجات وهو تنهد وحك جبهتوو وتبسم بهدوء.. واخا بغاو يأديوهاا الاأنهاا فكرااات فيهووم ومبغاتش تقطع رزق تاواحد فيهوم.. كل مرة تيشوف فيها شي صفة لي تتجدبو ليهاا كثررر تنهد ونطق بهمس: قلب لحليب
أما رحيل عجبها لحال وكيفااش هوو وفى بهضرتو نزلات لتحت وبان ليها سعيد واقف مع محمد طه لي كان مخنزر فيه وغير شاد راسوو عليه.. قربات رحيل جهتهوم وأول واحد شافها هو سعيد لي حدر راسو وخلاهوم ورحيل ماتسوقاتش ليه ومن هادي تعلماااات واحد الدرس مهم هو ماتعطيش نيتهاا لبنااادم حيت ناس طوب وحجر كاين الخايب والزووين ونتا وزهرك فمن طيحك.. شاف فيها محمد طه ونطق كارز على سنيه: ولد لقح*بة كووون ماحشمتش من ولد لحاااج كووون مسحت بيه لرض
رحيل:صااافي امحمد طه خليه ربي يخلصهوووم
محمد طه:(هز حاجبو فيها) مافهمتش علاش ماهضرتيش وقلتيها لينااا
رحيل:حيت فلول قلت غير أكسيدون عادية داكشي علاااش (تبسمات بغرحة)مهم مبروك عليك لبوسط الجديد اسيدي شكون بحاااالك هه
محمد طه:(تبسم بسخرية) داك زا*مل مكرهش ينتاااحر ههه
رحيل:صراحة صعيب تكووون فبوووسط ويجي واحد ياخدو ليك بدم بااارد
محمد طه:(هز كتافو ببرود) هوو لي دارها لمخوو كيطير وفلخر جابها فالأكرور دياااالوو
رحيل:(ضربات كتفو) غانمشي ناخد گوبلي دلقهوة تبغي نجيب ليك حليب بشكلاط؟؟
محمد طه:(بسخرية) لا أماما مبغيتس حليبات
رحيل:(ضحكااات بالجهد تادمعو عينيها) ماتقلدش ليااا بنتي ههه
ضحكتهاا جدبت أنضاار بعض لموضفين ولكليييان ومنهوم تانوح لي كاان نازل من الدرووج وعينو كيشوفو فيهاا شوفااات فشكااال..
حطات غزلان العمارة دلبريوات لي وجدات وجلسات باش تصايبهوم وحدها حيت تانيرت مكانتش وخرجات مع إدريس تبدل لجوو.. جات سيدرا شافت فيها وقالت ببرائة:واش غانميميو هادشي كولو ليوم؟
غزلان:لاهادشي على قبل رمضان ولكن أنا غانقلي ليك شوية واخا
سيدرا:(شافت فيها ونطقات وعينيها كيلمعو ببرائة) نتي صافي وليتي عزيزة عليا بحال رياني ومودي وسومة
غزلان:(تحدرات وباستها فحنكها) وتانتي عزيزة عليا
سيدرا:(رجعات شعر غزلان ورى ودنيها وقالت بتبسيمة) غانولي نعيط ليك غيزوو
هزات ليها البريوات ومشات قلاتهوم ليهاا وحطاتهوم فطبسيل ورجعات تكمل خدمتها وسيدرا مونساها بالهضرة تامشات لطواليط وفديك لحظة دخل ريان وشاف فغزلان مبسم: صافا
غزلان:(تبسمات ليه بمجاملة) حمدلله
ريان:(جلس قدامها ونطق بنفس التبسيمة) مالكي واش قلقك شي واحد؟
غزلان:لا علاش؟
ريان:(هز كتافو) حيت كانشوفك حدودية بزاااف وقليل فين كادوووي وبحاال الامخبية شي حاجة؟
غزلان:(شافت فيه بتوثر وقالت بصوت حاولات تخليه طبيعي) لا ممخبية وااالو
ريان:(قرب وجهو ونطق بجدية) سمعي اغزلان أناا زوووين بزاااف وضررريف ويمكن نجيك هبيل وبيس إند لوڤ ولكن الاشفت شي حد بااااغي يأدي ليا عائلتي والناااس الضااايرين بياا كنتسيف وكنوولي خااايب ومقوود ففعايلي
رمشات غزلان بتوثر من تسيفتوو لي خوفاتها ونطقات بصوت متوثر:أنا باااغا غير نخدم وماعنديش شي نية خرا
ريان:تاحنا هادشي لي باغيين
رجعات سيدرا لي كانت مشات لحمام وجلسات فوق ركاب ريان وقلبات وجهوو باستو ففمو ونطقات بهدوء:علاش مامي باقي مجات؟
ريان:دابا تجي
ومع دكرها تحل لباب وسمعو صوت رحيل ومحمد طه وأسماء لي كانو جااين مع بعض.. ناضت سيدرا تتجري عند رحيل لي هزاتها وباستهاا فحنكهاا بالجهد ونطقات:توحشتك امامي
سيدرا:(حلات سيدرا يديها وقالت ببرائة) تاأناا توحشتتتك قد هاكاااااياا
محمد طه:(طل عليها) ومودي ماتوحشتيهش؟؟
سيدرا:توحشتك مودي
أسماء:فياا الجوووع (شافت فغزلان) كاين ميتكااال؟
غزلان:اه اختي نكمل غير هادو ونحط ليكوم لگوتي
أسماء:(خنزرات فيها) وحنا نموتو بالجوووع تت
رحيل:أنا غانحط كاسكروووط غير هنينااا
مشاو لبنات يبدلو حوايجهوم وغزلان حاولات تزرب على البريوات حيت مشى لحال عليها.. نزلات رحيل هي لولة توجد لكاسكروط وخدات شي بريوات قلاتهوم وغزلان غير سالات وهي تاخد لبواط وقسماتهوم فيهم وغلفاتهوم بسولوفان وستفاتهوم فلفريگوو.. شافت فساعتها كانت السبعة ولحال بدا يظلام.. قربات جهة رحيل ونطقات:ختي أنا غانمشي داباا
رحيل:(شافت فالساعة ونطقات بجدية) مشى لحال عليك باتي
غزلان:ولكن اختي يقدر مايبغيووش
رحيل:(قطعاتها) تاحد مغايقول والو غير تهناااي
تبسمات ليها غيزو وعوناتهاا حطو الطبيلة وجات رنيم لي تعطلات ليووم فالخدمة نظمات ليهوم..
أسماء:(شافت فغزلان وقالت بسمها لمعتاد) نتي واش مغاتمشيش فحالك
غزلان ولات حمراا كيف مطيشة والدغمة وحلات ليها ورحيل خنزرات فأسماء وقالت بجدية:لبنت بقات خدامة تامشى عليها لحاال وقلت ليها تبات
أسماء:(جغمات من كاسها دلقهوة) غير بغيتي تخليها أماا لوقت هو هاداك
ريان:صافي الحشايشية تمري
كملو لكاسكروط ديالهووم وغزلان بزز باش كلات بسباب هضرة أسماء وسمها لي كتبخو عليها فكل مرة تتجيها لفرصة.. طلبات من رحيل طلع لحمام لفوق باش دووش وخلاتهوم.. وأسماء جلسات فالصالة مع ريان ومحمد طه وعاودات ليهوم على الطوموبيل لي شافت وعجباتها وشحال ساوية..
ريان:شحال فراس مالك؟
أسماء: بريكة وراه خرجتهوم وعندي فلبيت لفوق
محمد طه:شحال ساوية هاديك لي شفتي؟
أسماء:قال ليا سبعة
ريان:بشاااخ يعني باقي ليك ستة
أسماء:غانشوف بابا الاعندو شي حاجة يسلفني ولا ناخد السلف فلبانكة
ريان:أناا غانشوف شحال عندي ونزيدك ولكن راه خصنا نشوفو طوموبيل واش تستاهل
رنيم:(جلسات جنبهوم)عاودتي ليهوم على طوموبيل؟
أسماء:اه عليها كاندويو ولي عندي فلكونط خرجتو وجبتو معايا
جات عندهوم رحيل وسيدرا وجلسات قدامهوم:اش تم؟
أسماء:الاسهل الله غناخد طوموبيل لي قلت ليكووم خصني غير نكمل لفليسااات
رحيل:شوفي بابا هو كيفهم فطوموبيلات لايزرفووك
أسماء:ضروري غايمشي معاياا
هضرة تجيب هضرة تاناضت أسماء لبيتها تجيب تلفون لي كان كيتشارجى ومع جات تخرج بان ليها لمجر فين كانت حاطة لفلوس مردود قربات جهتو وحلاتو وخرجات عينيها فاش لقات لفلووس مكينينش غوتااات بالجهد تاكلشي تجمع عندها وقالت وهي تترعد: فلوووسي فين مشااو
رحيل:كيفااش واش نتي متأكدة؟
أسماء:بيديا حطيتهوم هنا قبل مانزل ندير كاسكروط (هزات عينيها فغزلان وخنزرات فيها) نتي بوحدك لي غاتكوني خديتيهوم
غزلان:(شافت فيها بتوثر وخوف) ماخديت وااالو أناا
ريان:(بجدية)ياك ماحطيتهوم فشي بلاصة؟
أسماء:حطيتهوم هناااا ماتحمقووونيش (رجعات شافت فغزلان ونطقات بلغوات) جيبي صاااكك
غزلان:(حركات راسها بلا) ماهزيت والو ومغانخليكش تقلبي صااكي
كمش محمد طه حجبانو وخرج من لبيت وبعد شوية رجع هاز صاك غزلان وهي غير شافتو بغات تخطفو ليه ساعة بعدو عليها وحلو وساس داكشي لي فيه فالأرض وكلهوم خرجو عينيهوم فاش قشعو لفلوس لي بداو يطيحو ورقة ورى ختهاا فالأرض..
الكل كانو عينيهوم فالفلوس لي كطيح ورقة تابعة ختهاا وهوما ممتيقينش بلخصوص ريان ورحيل لي هزااات عينيها فغزلان لي تاهي كانت واقفة جااامدة بلاماااتحررك.. وفلحظة دااك السكااات والصدمة تحولو لغضب وعصبية بالنسبة لأسماااء لي غوتااات ونطقات وهي مخرجة عينيها فغزلااان: بنتي على حقيقتك الشفاااارة
اندافعااات أسماء جهتهاا وجراتهاا من شعرهاا فغفلة مهبطة ليهاا راسهااا لتحت وبدات ضرب فيهاا وهي صاااااعرة.. محمد طه كااانو عينيه كيشوفوو فغزلااان بحقد وكررره واشمئزاز أما ريان فجمد بلاصتووو حيت بصح كانت تتبان ليه درووويشة وتالهضرة لي قالت رنيم مكانش باغي يتقبلهاا حيت مبيناش فيهااا.. ورحيل تاهي مقدراتش تحرررك حيت كلشي بااااين ولفلووس كااانو فصاكهاا يعني اصااابع الإتهام توجهوو ليهاا حيت هي لغريبة هنااا.. كاضرب فيهاا أسمااء وتنتفهاا وغزلان تتغوت وباغا دافع على راسها ولكن ماقدراتش حيت حكماتها أسمااء فاش نزلات ليهااا راسهاا وشعرها حسات بيه تحيد من الجدر والجلدة ضراااتهاا.. لغوااات كيتسمع وسيدرا هي لوحيدة لي دخلات تاضرررب فأسماااء باش تبعد على غزللاان وفاش شافتها رحيل يالاه عاد وعااات ودخلات تاهي وتبعها ريان ورنيم ولوحيد لي مادخلش هو محمد طه لي ربع يديه وبدا يتفرررج فلمدابزة.. بزز باش بعدوها عليها وشعرهااا طاااير لسمااا وحنكهاا مقموووش وحممر وعينيها عامرين دموووع وبجامتها تشرگات من جهة لعنق وبان الضوني لي لابسة الحاااصول رجعات حالتهااا حاااالة
أسماء:(شادها ريان وهي تاطرى كيف الجن بين يديه وتغوووت) يااااك لقح*بة هاااداا هو خيرنا فيييك خدمنااااك وتقناا فيك ونتي تتشفررري فينااا هااا ربي فضحك ويعلم الله شحاااال ونتي تشفرررري
غزلان:(تتبكي وتشهق) ماخديت واااالو هء هء
أسماء:(تجننات عليها) شووووف ليك الكدااابة تتنكررر واخاا شفناا لفلوووس طااحو من صاااكك طلقني اااارياااااان (غوتات تاني) هاااادشي لي علموووووك واليديك الشفااارة ابنت لقح*بة
غزلان:(زيرات على يديها تترعد وخنزرااات فأسماء وغوتات تاهي) ماااتعيريش لياااا واليديا حيت هوووما بزااااف عليك مااااتجبديهووومش على لسااانك لموووسخ
أسماء:(ضحكات بفقصة) بديتي تبيني نيااابك الشفاااارة هااا واجي نوووريك لموووسخة اش غااادير فيك
كانت نااوية تكمل عليها غير رياان لي شادهاا ورحيل حطات يديها على راسها ونطقاات وهي تتشوف فغزلان بجدية:علاااش خديتيهوووم هااا حنااا دخلناااك لداااارناا ونتي غدرتينااا الا كنتي محتاااجة قولي حنا نعطيووك ماشي تشفري
غزلان:(شافت فيها ونطقات ببكاء) ماااخديت واااالو أناا ماقربتش لبيتهاا
محمد طه:(ضحك بسخرية) وشكووون خداهووم ودارهوم فصاكك جنون مثلااا
غزلان:(هبطات راسهاا ومشافتش فيه) ماعرفتش شكون دارها
محمد طه:(شدها من يديها تاهزات راسها وكمشات حجبانها مع ضرها وقال بصوت حااقد) نهار لوول جيتي تاحد مرتاااح ليك وحسينا بلي وراك شي مصيبة ومع ذلك درنااا فيك خيير وخليناااك خدااامة عندنااا ونتي نيتك كااانت تشفريناا
أسماء:(بفقصة) قلبووو لبيوتة اتلقاااوها كااانت تتشفر كل مرة شي حاااجة وحنا معايقينش بيهااا تاليوم لي تفضحااات فيه..
محمد طه:(نطق وهو مخنزر فغزلان) رنيم جمعي ليها زمرها لي طاااح
حركات رنيم راسهاا ومشات تتجمع ليها بگاجهاا ومدات ليه الصاااك وسيدرا نطقات وهي مكمشة حجبانهاا:مودي علاااش تتغوت على غيزووو
محمد طه:(نهض فسيدرا) مادخللليش اسيدرا
جر غزلان بيد وليد لخرا شاد بيهاا صاكها ونزل بيها لتحت وكلهوم تبعوه ومنهوم أسمااء لي كوون خلاوها كون دفناتها فأرضهااا.. حل باب الدااار ودفعهاا تكانت غاطيح غير شدات راسها وتبعها صاكها لي ضربها فصدرها وطااح الأرض ونطق بصوت قاااصح:حمدي الله ماعيطنااش لبولليس باااش يديوك فين ترباااي وااااخر مرة نشووفوو وجهك عندنااا هنااا سمعتي ودابااا سيري قوووودي..
سد لباب فوجهها وهي رجفاات وعينيها كانو بحاال شي ودياان فاااضوو هبطات راسها وشعرها طااح على وجهها وهي تتسمع توشويش بعض الجيران لي سمعو الصداع حدرات راسهاا وبدات تتمشى بخطووات تقيلة لاحول لها ولاقوة.. أما لداخل فكانو باقي ممتيقينش اش وقع وخصوصا رحيل لي حسات بلي غزلان بريئة وشوفتهاا لي دارت فيها فكراتهاا فراسهاا فاش كانت بوحدها تتقاوم عدابها مع عاصم.. هزات راسها وقالت ببرود: والامكانتش هي لي هزاتهوم؟؟
أسماء:(حلات فيها عينيها وغوتات) واااش باغاا تسطيني نتي وااش مشفتيش لفلووس لي طاحو من صاكها
رحيل:(كملات وكأنها ماسمعاتش ليها) شوفتها كانت دوحدة مظلوومة ميمكنش تكووون خداتهوم ودارتهوم فالصاك وهي عارفة بلي الاسقنا لخبار غانقلبو صاكها..
ريان:(ربع يدو وكمل) هي ماشي مكلخة باش تخبي لفلوووس فالصاك وتفضح راسهاا بنفسهاا
أسماء:(عصبوهاا وغوتات) وااش نتوماا مكتشوفووش هي بوحدها لي زايدة معاناا هنااا وهي لي خدات لفلووس غير لابغيتو تكلخوو نتا ويااها
رحيل:(تاهي غوتات) والااامكانتش هي لي خداتهوم ووالاحناا ظلمناها هاا أناا حاسة بلي هاد لبنت مدارتهااش
أسماء:(تعصباات تاهي) بحااااال كيف حسيت بلي داك زا*مل دعاصم ولد النااس ياك...
سكتات أسماء وهي حالة عينيها فاش عااقت براسها اش قالت وشنو خرجات من فمهاا.. وكلشي سكت مخرج عينوو من داكشي لي قالت ورحيل كانت جامدة غير تتشوف فأسماء.. حلات أسماء فمها باش تهضرر وتعتادر ساعة رحيل عطاتها بالضهر ومشاات بهدووء وبدون ماتنطق بتااشي كلمة.. لهضرة فاش تتخرج من لفم متتعاودش ترجع بحال الدفلة وهضرت أسماء كانت جارحة لرحيل وخلات مواجيعها يعاودو يتفتحو من جديد..
ريان:(شاف فأسماء وخنزر فيها) برافوو هانتي رتاحيتي دابا
أسماء:(شافت فيه وبصوت ندمان)مكنتش قاااصدة
ريان:(تعصب عليها) ااااشنو لي مقصدتيش هااا نتي ديما لسااانك كيف السم مرة إسلام وداباا رحيل ااش بقاا مزاااال هااا (مسح وجهو وضار كيشوف ياكما كاينة سيدرا وسمعات لهضرة ساعة حمدلله مكانتش ورجع شاف فيهاا بعصبية) عرفي اش تتخرجي من فمك اأسمااء ونقصي من عصبيتك لي غاتخرج عليك شي نهار..
خلاهاا ومشى وهي شافت فمحمد طه لي خنزر فيهاا وقاال بصوت بارد:رتاحيتي داباا تت
تاهو مشى وبقات غير هي ورنيم لي كانت مهبطة رااسهاا وأسماء نطقات: أنا ماقصدتش
رنيم:(شافت فيهاا ونطقات بصوت مألم) نتي معارفااش رحيل اش دوزاات والعداب لي شافت بسبابو بصح هو خوياا ولكن كل نهاار كنت نتمنى نكووون يتيمة على أنه تكون هااديك عائلتي نتي معرفاااش اأسماااء لباب لي حليتي بهضرررتك ليها..
بقات أسماء بوحدها فالصالة جالسة والبكية شداهاا لهضرة خرجات فلحظة غضب ولكن هي مقصداتش تجرحهاا يستحيل تبغي ضرهاا فقط تعصبات من دفاعها لغزلان لي شفراتهاا وعليها قالت ديك لهضرة لي ندمات عليهاا داباا.. هبطات راسها وبقات جالسة تم تاسمعات لباب تحل وصوت باها وتانيرت مسموع.. دخلوو وإدريس غير شاف أسماء حس بلي شي حاجة ماهياش حيت وجهها كان مغيير..
إدريس:(كمش حجبانو وبقلب خايف نطق) اش وااقع وااش رحيل وقعات ليها شي حاجة؟؟
لوحيدة لي طاحت فبالو هي رحيل حيت هي لي باقي النحس والمشاكيل تابعينهاا..
أسماء:لا هي بخير غيرر
تنهدات وبدات تتعاود ليه لمشكيل لي طراا من غير ماتخبرهوم هضرتها لرحيل لخرة.. جلسات تانيرت على السداري وقالت بصوت هادئ:مايمكنش ديرها غزلان جات من طرف رقية وأنا تايقة فرقية مغاتسيفطش لياا شي وحدة ماشي نية
إدريس:(كمش حجبانو) فين هي دابا؟
أسماء:جرى عليها محمد طه
إدريس:(وقف وخرج فيهاا عينو وقال بعصبية) علاااش تجريووو عليهااا كنتو تخليوهاا تانجي وااااش حماااقيتو مجرين على لبنت فنصاصات ليل
تانيرت:(بخوف) لبنت أمانة عندنا واخا دير لي دارت مخصكووومش ديرو تاشي حاجة تااانجيووو حنااا والاطرا لييها دابا شي حاااجة فين غانوليوو حناا
تعصب إدريس وتانيرت خافت حيت هوما عارفين بلي لبنت أمانة عندهووم واخا تكووون دارت لي دارت مخصهووومش يجريو عليهاا يخليوهاا تايجيو وهو يتكلف حيت هو لي خدمها وهو لي مسؤول عليهاا.. بقات تانيرت تاتوصني عليهاا فلمرات لولة كان يصوني ولكن موراها تقطع لخط وطفى تلفوووون..
فبيت رحيل كانت جالسة وجنبها سيدرا لي كانت ناااعسة مقلقة من محمد طه لي ملي غوت عليها جات لبببيت وتخشات فيه.. من حسن الحظ مشافتش لغوااات لي طرا لتحت ومسمعااانش سمية عاصم إيما كانت غادي تهبلهوم تاني بأسئلتها لي مكتساليش.. كانت رحيل ساكتة مهدنة ولكن داخلها إعصاار لي يهد الأخضر واليااابس.. حدرات راسهاا وهضرة أسمااء كانت بحال الشوكة لي تتوحل فحلقك مامخليااك تهبط ريقك براحتك مامخليااك تنفس.. هي سباب تادخل عااصم لحياتهوم وقلبها سفاها على علاهاا.. بسبابهاا هي دمرات حياتهوووم جميع.. نيتهاا هي السباب فجميع لمشاكيل لي كتوقع ليها فلول ياسين لي غدرها وخلاهاا فنص طريق وموراهاا عاصم لي دمر حياتها وحياة لي ضايرين بيهاا ودابا سعيد لي باغي يأديهاا بدون سبب وهي من هادشي كوول غلطهاا أنها تتيق ودير النية.. ناضت بخطوات تقيلة جهة لبالكون حلاتو وخرجات وسدات لباب وبقات واقفة تاتشوف فالسمااا.. ضماات نفسها بيديها وكأنها تتواسي راسها بديك الضمة.. فولارهاا كان تيطير بسباب الريح لي مدخل هوااا دافي لريتها.. غمضات عينيها واستنشقات قدر كاافي من الأوكسيجين وزفرااات النفس.. تمنات فهاد اللحظة أنها تغووت بأعلى صوووت ربما ديك لخنقة لي حاسة بيهاا تزوول.. عينيها كيشوفو فالشارع وطوموبيلات لي غادين وجايين وتخيلاات راسها واقفة وسط داك الشاانطي وطوموبيل جاايا بسرعة ضرباهاا يمكن بهاكااا تهنى من داك لعداااب ونيت غاااتريح الناااس لي ضايرين بيهاا.. ومغاتحسش براسها عبأ عليهوم.. لفكرة لمعات فبالهاا ولكن هدمها صوت سيدرا لي نطقات بخفوت:مامي عنقيني..
ضارت رحيل عندها وهزاتها بين يديها وسيدرا لفات يديها على عنق مهاا وخشات راسها فحضنهاا.. داك لعنااق كانت رحيل محتاجااه كثر من سيدرا.. وكأنو كتستامد منهاا الطااقة بااش تبقاا مكملة لبقية دحياتهاا.. يمكن رحيل ملات من لحيااة لي قساات عليها وباغا تستسلم وتخلي كلشي وراها ولكن كاين شخص باقي متشبت بيها ومحتاجهاا.. كاينة بنتهااا... سيدرا..
طلع الصباح والجوو كان متوثر فدار إدريس.. أسماء لي مقدراتش تهز عينيها فرحيل وهي حاسة بدنب كبير من جهتها ورحيل لي لهضرة دلبارح خلات لمواجع يعاود يتحلوو من جديد.. وتانيرت لي بالها مشطون على غزلان لي جراو عليها فنصاصات الليل.. ومكانش ريان وإدريس قل منهاا.. ملي خرجو الدراري لخدمة هزات تانيرت فوطوكوبي دلكارت ناسيونال وخرجات مع إدريس لعنوان ديال الدار لي فلكارت.. كان حي شعبي بامتيااز ومالين لكرارس ولفراشة حاطين سلعتهوم يترزقوو مولاهوم..تبعو نعت على حسب لعنوان توقفو قدام دار بلدية فيها تلاتة دلطاج ومن الشوفة تتبان واكلة لعصاا.. الحيوط مقشرين والباب لقهوي ديالها مكرفس.. دقات تانيرت وبقات تاتسنى تاسمعات صوت مرا كبيرة تتهضر بلهجة مراكشية: اصبببر (حلات لباب وهي تكمش فيهوم لمرا حجبانها ونطقات) نعام اش بيتوو؟
تانيرت:السلام أوعليكوم واش هنا فين ساكنة واحد لبنت سميتها غزلان الوعدي؟؟
لمرا:ايييه كارية عندي يااك أودي شباس مكاين؟
تانيرت:(تبسمات ليها بإطمئنان) كل خير حنا كنعرفوها وبغينا نشوفوها الاكان ممكن تكلميها ليناا
لمرا:(شافت فيهوم بتفحص وإدريس ماهضرش خلى لهضرة لتانيرت حيت هي مرا بحالهاا.. نطقات لمرا) لبنت ماعندهاش عائلة شكون نتوما؟
تانيرت:(بصبر) معرفة شخصية الله يجازيك بلخير كلميها لينا
لمرا:(حلات ليهوم الطريق ونطقات) طلعوو لطبقة الثانية تما فين كاين لبيت لي كارية هي ولبنات
شكراتها تانيرت وطلعات وهي تتشوف فالدروج ولحيوط مقشرين وموراها إدريس.. وصلو قدام لباب لكحل ودقات تانيرت وسمعات صوت بنت قالت ورا لباب:شكووون
تانيرت:كلمي ليا غزلان عفاك
حلات لبنت لباب وشافت فيهوم: شكون نتوما؟
تانيرت:(تنهدات) نتي غير كلمي ليا غزلان هي تتعرفنا
لبنت:غزلان مكينااش هنا أصلا مباتتش لبااارح هناا وبقات عند الناس لي خدامة عندهوم
قلبات تانيرت راسها جهة إدريس لي كمش حجبانو وعاد نطق:واش نتي متأكدة؟؟
لبنت:(حركات راسها) اه انا وياهاا واحد لبنت لي ساكنين هنا وكارين بتلاتة وهي مكيناااش هنااا
تانيرت:(حسات بالدنيا ضارت بيها ونطقات بهمس) إدريس
سندها إدريس ولبنت نطقات بخوف:دخلها ترتاح
عاونها ودخلو لديك لبيت لي كانت حالتها ويادوب فيها صالة كبيرة فيها تلاتة دسدادر وطبيلة دلميكة لوسط ولكوزينة فالقنت وحداها باب باين حمام.. مشات لبنت جابت ليها لماا وسكار وتانيرت شفايفها صفاارو.. شربهاا وغير شافهاا بدات توگض ونطق وعينو على لبنت: واش نتوما ماشي من هنا؟؟
لبنت:(بخوف) حنا كنقراو هناا عليها كارين نتا علاش تتسول شكووون نتوماا وفين تتعرفو غزلان هي ماعندها حد هنا؟؟
إدريس:(طمنها) مكاين لاش تخافي منا ابنتي (شاف فتانيرت وناض جبد بزطامو هز فيه شي وراق دلفلوس ماحسبهومش أو ورقة كتب فيها نمرتو ومدهوم لبنت) الاجاب الله جات صوني عليا فهاد النمرة واخا
لبنت:(شافت فلفلووس ونطقات) ولكن مغانقدرش ناخد لفلوس
إدريس:عتابريهوم من بااك ابنتي وماتحشميش
عاون تانيرت تاخرجوو وهو مشطوون بالو على لبنت ولبلاصة فين ساكنين فكراتو فياماتو نهار مات باه وجراو عليه عمامو من الدار كيفاش تحنسر تاهوو فواحد لوقت وتمنى لي يعطيه داكشي علاش عاون لبنات واخا غير بلقليل...جلسو فالطوموبيل وتانيرت تتحرك راسها يمين وشمال وعينيها دمعو: يعلم الله اشنو طرا لبنت اإدريس ممشاتش لدار وتلفونها طافي اإدريس
إدريس:عيطي لرقية يمكن تكون عارفة فين هي؟
تانيرت:(جبدات تلفونها ودوزات لخط لرقية وبعد مدة من لهضرة نطقات) تلفونها طافي ومشينا لفين كارية ملقيناهااش تم
رقية:(بخوف)اربي الحبيب لبنت مكتعرف حد تماا فمرااكش وهي يتيمة باهاا ومهاا ماااتو
تانيرت:(قلبها زاد ضرها) معارفاااش شي حد لي تقدر تمشي عندوو
رقية:(سكتات ونطقات بصوت متوثر) ماعرفتش
تانيرت:مهم ارقية الاعرفتي شي حاجة عيطي لياا عفاااك
قطعات معاهاا وترمات عند إدريس تتبكي وتشهق.. البنت أمانة عندهوم وخايفين لايكون طرا ليها شي حاجة لاقدر الله وهوما لي غايهزو لووومة.. ومغاتبغيش يوقع لبنت الناااس شي حاجة كيفماا مكتبغيش بناتها أو ولادها طرا ليهوم شي حااجة.. شدو الطريق لكوميسارية يديكلاريوو حيت هادشي مافيهش اللعب وبيما أن لبنت خرجات من عندهوم فالليل وتلفونها كان يصوني وطفى فجأة وزيد ماوصلاتش لدار فهادشي كيعطي احتماااال واحد بلي لبنت طرااات ليها شي حاااجة..
خارجين من لكوميسارية مبعد ماقال إدريس گاع داكشي لي كيعرف لبوليسي لي خبرو بلي خص دوز ربعة وعشرين ساعة باش يقلبو عليهاا وهادشي فكرو فنهار ساق خبار بلي فرحتو لولة ضااعت.. كيفاش كان إحساسو ديك اللحظة ودابا لي زااد أزمو أن لبنت ماعندهااش واليديها يتيمة وهو عااارف بحق ليتم حيت جربوو وعرف بحرر الدقة ملي ميكونش عندك لاحنين ولارحيم.. رجعو لدار ولكل سااق لخباار وأسماء لي مكانتش تتحملها حسات بلخوف عليها.. كلهووم حسو بالدنب حيت تاحد مادخل فاش جرى عليها محمد طه لي كان ساكت ومغاينكرش بلي كيلوم راسو.. كانو كلهوم ساكتين تاسمعو صوت رنيم لي نطقات بخفوت:أنا لي حطيت ليها لفلوس فالصاك..
الدنب كان تياكلها من لداخل ليل كولو مقدراتش ترتاح وكانت باغا تهضر ولكن الخوف كان طاغي عليها سكتات ولكن مور ماعرفات أن لبنت ماوصلاتش لدار وغبرات ويمكن تكون وقعات ليها شي حاجة هادشي خلاهاا تزير وتعتارف بلفلط لي دارت.. لعيون عليها شي مصدوم شي ممتيقش وشي معصب..
رحيل:سيدرا سيري لبيتك
سيدرا:(بتدمر)بغيت نبقا معاكووم مامي
رحيل:(شافت فيها بجدية) غانقولو لهضرة دلكباار يالاه سيري لبيتك
ناضت سيدرا ومعاوداتش لهضرة وغير تأكدات أنها مشات نطقات رحيل بهدوء:علاش؟
رنيم:(دموعها نزلو وبدات تشهق) نهار لول ملي جات وشفتها حسيت بلي وراها شي حاجة (قطعات هضرتها شهقة وكملات) صونى تلفونها وشفت لون تبل فوجهها شكيت وقلتها لريان (شافت فيه) ياك
(حرك ريان راسو بهدوء وهي كملات) خفت يكون بدر هو لي سيفطها عليها درت هادشي
تانيرت:(كمشات فيها حجبانها ومعجبهاش لحال) رقية سيفطاتها ليا وتتعرفهاا وقلتها ليكوم
رنيم:(بتبرير) واخا تكون سيفطاتها يمكن بدر هددها هو يقدر يدير كلشي أنا عارفة لبنت سيفطاتها رقية ولكن نتي معارفااش بدر الابغا يوصل لحاجة يدير كلشي (شافت فرحيل ونطقات بندم) نتي عارفاه وأنا قلت يمكن الادرت هاكا غاتجريو عليها وتمشي معرفتش غايوقع هادشي كولو تيقوني نيتي كانت باغا غير نحميكووم حيت نتوما عائلتي ومابغيتش تأدااو بسباب بدر هء هء
كانت ندمانة وباين فيهاا ورحيل من جيه فهماتها وعدرات خوفها ولكن طريقتها كانت غالطة وهانتيجة لبنت معارفين فين غبرات..
أسماء:(ضارت فيها) غلطتي ارنيم واش هادي فعلة يديروها الناااس خليتينا نظلموها ونضربها وسبيناهاا فواليديها وهي يتيمة وجرينا عليها اااه مارتاحيتش ليها ومحملتهااش ولكن ماشي لهاد الدرجة..
ريان:لي وقع وقع نتمناو غير لبنت ماطراا ليها تاشي حاجة خايبة ونكونو حنا سبابها
قلب محمد طه وجهو وهو محاملش راسو وحس بتأنيب الضمير حيت هو لي جرا عليها ولاحها لبرا.. ماهضرووش مزال حيت لهضرة مغاتفيدش وهوما عارفين رنيم خوفها خلاهاا تغلط وهاهوما لاموها اش غايزيدو والو لي وقع وقع على قولة ريان.. دازت ديك ليلة وتبعوها ليالي خررين.. تلتيام لاحس ولاخبر كانو دارو احتمال أنها ترجع لأگادير ساعة رقية علماتهوم بلي مكاينش حسهاا.. بصح لبوليس كيقلبو ولكن ماشي بحال الاكانت لمعرفة وهنا إدريس لجأ لشخص لي كيعتابرو كإبن ليه وصديق.. ولد لحاااج..
فالصالة ديال الدار كانو مجمعين كاملين وتزاد ليهوم إسلام أو ولد لحااج..
نوح:(نطق بجدية) هضرت مع صابر وهو بنفسو واقف على لخدمة ومحرك الدراري لي معاه
إدريس:(تنهد) مكاين تاشي خبار؟
نوح:لحد الساعة لااا
تانيرت:(تنهدات وقلبها ضارها) ياربي شي خبار طمن قلبنا
دخلات رحيل بصينية دأتااي وموراها سيدرا شادة ليها فالكسوى لي لابسة ومكمشة حجبانهاا.. تبعاتها أسماء جايبة ليهوم الحلوي والكيكة حيت وقيتة دلگوطي وسيدرا نطقات بصوت لحوح: واعطيني امامي هاااديك بغيتيها وامامي وااامامي
أعصاب رحيل كانو على شفى الانهياار وزادتها سيدرا لي تادلع دابا ضارت خنزرات فيها ونطقاات بصوت معصب:قلت ليك لااااا هي لااااااا
سيدرا:(دلات شنيفاتهاا ونطقات بصوت باكي) بغيتها
رحيل:(خرجات فيها عينيها) تررركني لهيه يالااااه
هبطات سيدرا راسها ومشات لقنت جلسات وبدات تبكي ونوح كانو مراقب الديكوور كيف لكل.. شاف فإسلام لي ناض جهة سيدرا تيهضر معاها بهمس وهي تادلل عليه وتبكي وهو داير ليها لخاطر تانطقات رحيل:غير خليها اإسلااام هاديك رااه بسااالت عاوتااني
تانيرت:ساااعفي ابنتي ومتبقايش تغوتي عليها
رحيل:(تتكب فأتاي وبهدوء قالت) قلت ليها لااا هي متتسمعش لهضرة وتتقصح راسهاا (شافت فسيدرا) دوزي تاكلي لگوطي
سيدرا:(تتبكي)بغيت ندومي
رحيل:(حطات ليهوم أتاي وجلسات) اوا خليك مرهونة تم..
هزات عينيها جهة نوح ولقاتو كيشوف فيهاا بهدووء.. نسات بلي كااين معاهوم هبطات راسهاا وهو محيدش عينوو عليهاا وإدريس ملاحظ هادشي.. شاف نوح جهة سيدرا لي مربعة يديها غضبانة وتبسم من قصوحية راسهاا.. بداو يديرو فلكاسكروط وغير سالاو ناضو لبنات يجمعو الطبلة وسيدرا مشات لبيت وهي معصبة حيت حد ماحزرهاا.. تكى نووح براااحة وشاد فيديه تلفون تاصونى وكان صابر جاوبو بسرعة ونطق بهدوء:امضرا؟
صابر:لخبار مكتفرحش اولد لحاج
نوح:شكاين؟
لجدية ديالو خلات كلشي ينتابه ليه وهو كيسمع لابيل تانزل التلفون وشاف فإدريس ونطق بصوت تقيل: لقااو لبنت مرمية فواااحد لخلى ولفحص لول بين أنها تعرضات لاغتصاااب وضرب مبرح أدى لوفاتها..
أسوء شعور لي يقدر يحس بيه لواحد هو تأنيب الضمير والندم لي كيجي بعد فوات الأوان كشعورهوم فهاد اللحظة.. فهاد الثلتيام كانو كاملين حاسين بالخوف عليها وبقا فيهوم لحااال وبلخصوص محمد طه لي كاان عندوو يد فلموضوع حيت هو لي خرجهاا بيديه ولاحها لزنقة تعاملو معاها مكاانش من الشيم ديالو هووو.. ورنيم لي كانت السبب الرئيسي فالمشكيل.. خوفها على أهل هاد الدار خلاهاا دير غلط فاادح.. مفكراتش فأبعاد الغلط ديالها فقط نفدات شنو طاح فبالهاا وفكرات فمصلاحة العائلة لي حلات ليهاا باب دارهوم واستقبلوهاا واخا عائلتها أداتهووم.. داكشي علاش دارت هادشي وهانتيجة فين وصلاتهووم.. أما أسماء فلطالما كانت متسرعة بقراراتها وكلامهاا وديما تسرعها كيرجعها بالندااامة.. ومانساوش ريان ورحيل لي كانو تاهوما مذنبين حيت مدافعوووش عليها وحيت خلاو محمد طه يخرجهااا.. هضرة نووح خلات لكل يجمد فبلاصتو وكل واحد وشنو شعورو فديك الساعة.. رحيل لي كانت راجعة وهازة فيديها كاس دلماا لتانيرت باش تشرب دواهاا غير سمعات هضرة نوح وديك لجملة دالاغتصااااب يديها رجفات ولكاس طاح ليها وتناثر لقطع صغيررة من الزاااج.. عينيها تحلوو وصابتها واحد الحالة دلجمووود عكس عينيها لي كانوو وديااان ديال الدموع كينزلووو.. قلبها تزير عليهاا فاش رجعات تفكرااات شعورها نهار فاقت ولقات راسهاا فقدات شرفهاا على يد حيواااان جااا فصفة راجلها... ومكفاااتهاااش هاد الدكرى زادتها دكرى خرى لنهار كااانت فايقة وحاسة بكلشي.. أسوووء حاجة تقدر تعرض ليه الأنثى هو الااااغتصااااب والخيااانة.. هاد زوج كايكوون بحال شي سم كيقتل فيك ببشووووية وبلهداااوة.. شهقات رحيل بالجهد ونزلات راسهاا وبدات تتبكي بصوت مجهد.. هز نووح عينوو فيهاا كيشوف فكتافهاا لي تيتهزوو وراسها لي حدراااهاا وهو مكمش حجبانو.. صوت بكاهاا درونجااااه وفكروو فبكااهاا نهار تسد عليها لباب.. قرب جهتهاا إدريس عنقها وهي تشبتات بيه وقااالت بصوووت باااكي كيقطع فالقلب: حناااا السباب حناااا ابابا هء هء ماااتت غزلااااان مااااتت هوماااا تعدااااو عليهااا ابابا هء هء
عنقها إدريس وحالتو مكانتش قل منهووم ولكل كان باين فيه تأثررر..
رحيل:(هزات عينيها فرنيم لي تاهي تتبكي فصمت ونطقات بعصبية) عجببببك لحاااال داباا هاهي مااااتت بسباب فعلللتك لبنت تغتاااصبااات وماااتت وحنااا كناا سبابهاااا علااااش ارنيم ماااجيتيش وهضرررتي معااانااا بسبااابك وبسبابناااا لبنت مشاااااات
رنيم:(هزات فيها عينيها تاهي تتبكي) مكنتش باغااا هادشي هء هء والله ماااكنت باغاا
رحيل:(حركات راسها بهسترية وقالت بصوووت مألم) واااخااا يكووون هو لي سيفطهااا مكااانش عليناا نعااملوهاا هاكاك كنااا نخليوهااا تال لغد لهيه ولكن نتااا (شافت فمحمد طه) جريتي عليهاا وحنا محبسنااااكش
محمد طه:(ناض من بلاصتو ونطق بصووت معصب ومجرووح) غللطت اااااه غلطت وعااارف راااسي ولكن مكنتش عااارف هااادشي غااايوقع مكنتش بااغيهااا تمووووت ونكووونووو سبابهاا
مسح إدريس وجهو بيديه ونطق بصوووت تقييل صارم وعينوو فولادو:الاكنت سكت ليكوم هاد ليام فهادشي مكيعنيش نسيت لغلط لي درتوه كاااملين وبااقي غاندويو على هادشي..
كلهوم سكتوو وهبطوو راسهووم ورحيل قربات جهة إدريس وخشات راسها فصدرو وهو درعهاا.. قرب نوح جهتوو تاوقف ورااه ورحيل مخشية فباهاا مكتبانش ليه..
نوح:(بهدوء)سي إدريس خصنا نمشيو
إدريس:(حر راسو ونطق بهدوء) واخاا
رحيل:(هزات راسها فإدريس ونطقات وهي تتشهق) نمشي معاااكوم ابابا
نوح:(عينو على وجهها لحمر وعينيها لي تنفخو بدموع وقال بصوت حنين) خليونا نمشيو
خرجوو بتلاتة بيهووم مخلين لخرين فالدااار وتانيرت لي دموعهاا ماحبسوش تاهي تتبكي وقلبها تيتقطع على لبنت لي تغصبات فشبابها ومشات ضحية..
طريق كولو وعيون نوح على رحيل من لمرايا.. ساكتة وقالبة وجهها لجهة الشرجم ولكن عينيها ماحبسوش من الدموووع.. وكل مرة تهز يديها وتشمر بنيفهاا ولاتمسح دموعهاا وحاسة بواحد لحرقة فداخلها فشكل.. وصلو لسبيطار لي نقلو ليه لجثثثة وكان صابر فانتظارهوم.. داهوم ديريكت لفين كاينة لجثثثة ورحيل قلبها رجع يرجف وسط ضلوعها.. مكانش إدريس باغي يخليها دخل ولكن إصرارها باش دخل وتعرف على لجثثة خلاه يسكت ونيت هي تتعرفها كثر منو.. دخلات لبلاصة لموتى لي كانت باااردة وخلات التبوريشة طلع معاهوم وحل ليهوم السيد الثلاجة فين دايرينها وجبدوها وعيون رحيل وإدريس مترقبين الغطاا لي تزول على وجهها وموراها تسمعات شهقة رحيل وهي تتشوف وجه لبنت لي كاان عامر بالجروح لدرجة ملامحها تمحاو وعنقها فيه لاطراس دلخنقة.. قربات جهتهاا وعرات على يديها ليسرية لي كااانو فيها أثااار الضررب تاهووو وغير شاافتهاا وهي تنزل دموعهاا وتلاحت على إدريس معنقهاا ونطقات بصوت باااكي:ماااااشي هي هااادي مااشي غزلااان ابابا هء هء هادي ماعندهاش توحيمة لي فيد غزلاااان...
فبرا كان نوح واقف مع صابر لي كان مگدر وطوويل وفمنتصف الربعينااات وعندوو موسطاااش لي كل مرة يهضر ويقيس فيه.. تاخرج إدريس وجار معاه رحيل لي رغم أنهاا تأكدات بلي هاديك مااشي غزلان إلا أن المنظر لي شاافت كان صعيب عليهاا وهاديك لبنت تاهي عندها عائلة وأكيد غايتقصحوو ملي يشوفوهاا ويعرفوو اش طرى لبنتهووم.. شاف فيهوم نووح ونطق وعينو على رحيل: أمدرا؟
إدريس:ماشي هي.. لبنت عندها توحيمة فيديها ليسرية وهادي ماعندهااش
صابر:لقينا جنب الجثثة الصااك دغزلان لي فيه بزطامهاا ولكارت ناسيونال ديالها وكانتسنااو تقرير الطب الشرعي لي غايزيد يأكد ليناا سبب لوفاااة حيت كيف قلت فاش وصلاتنا خبااار أنهم لقاااو الجثةةة دلبنت فنفس المواصفااات لي عطيتوناا مشيناا لعين المكااان ودرنا لفحص الأولي ونتيجة رااه قلتها ليك..
نوح:بيما أنها ماشي هي غزلااان فهادشي كيعني بلي لبنت باقااا حية يمكن تكووون واقعة ليها شي حاجة واحتمال تكون تعرضااات لسرقةة؟؟
صابر: هادشي لي كااااين لمهم نتسناو التقرير وفنفس لوقت غانخلي رجااالي يكملو لبحث فلمستشفيااات ولكوميساريااات وإن شاء الله يكون خير..
خرجو من تماا وفقلب رحيل أمل جديد أن غزلان غاتكوون حية.. ركبات فطوموبيل نووح لي غبررر مدة وفاااش رجع كاان جاايب معاااه قرعة دلماا مدهاا ليهاا بلاماينطق وهي شداتها بهدوء ونطقات بهمس:شكرا
حرك راسو وديمااراا الطوموبيل وإدريس عقلوو مامعاهش... كلهوم كانو ساكتين والطريق كانت طووويلة عليهوم.. وصل نوح قدام باب الدار دإدريس وطفى الطوموبيل وشاف فإدريس لي كان سارح محسش بلي وصل ونطق بهدوء:سي إدريس وصلناا
إدريس:(تنهد وتبسم ليه بتعب) شكرا ليك اولد لحاج وسمحلينا عدبناك معانا هاد ليامات
نوح:(حرك ليه راسو وتبسم)الله ياودي هادا واجب
إدريس:نزل معاناا
نوح: ماعليش مرة خرة ليوم جااييين لعائلة عندنا
إدريس:اوا تهلا اولد لحاج والاعرفتي شي حاجة علمني
نوح:هي لولة الله يعاون
حل لباب وخرج إدريس وموراه رحيل لي نزلات وهي حاسة براسها عيااات وفشلااات وغير دخلوو مشات ديريكت لبيتهاا وإدريس دخل لصالة فين كانو كيتسنااوه وتاحد ماتحرك من بلاصتو كيف خلاهوم..
إدريس:(جلس جنب تانيرت وتنهد) ماشي هي
تانيرت:(بلهفة) باش عرفتوهاا؟
إدريس:رحيل قالت عندها توحيمة فيديها ليسرية وهاديك مكانتش فيه..
🔙🔙
نزلات تانيرت من بيتها ولقات غزلان مگفضة على يديها وتتغسل لمواعن تبسمات ليهاا تانيرت وقربات جهة الثلاجة حلاتها وجبدات لعصير ونطقات بهدوء:صافي ابنتي الاعييتي غير رتاحي وكمليهوم من بعد
غزلان:(تتستفهوم فشبكة باش يتسقطرو) صافي أصلا ساليت اخالتي بقا ليا غير ندوز تجفيفة لهناا حيت لأرض توسخات
تانيرت:واخاا ابنتي لي بان ليك
مشات غزلان جابت سطل وكبات فيه تيد وسانيكروا وهزاتو دارت فيه لماا وتانيرت ضارت تحط لكااس وهي تقشع يديها ليسرية لي كااانت بيضاااا ومطيبزة وفيها توحيمة قهوية بحال شي خالة..
🔜🔜
تانيرت:(حركات راسها ونطقات) اااه عقلت تاأناا شفت هاد التوحيمة فيديهاا والامكانتش هي فين لبنت؟؟
إدريس:باقي كيقلبو عليها ونتمنااااو يلقاوهاا
---
نزل من طوموبيلتو وحط الساروت فيد محجوب وطبطب على كتفو ونطق بهدوء: المحجوب لبااس
المحجوب:بخير اولد لحاج ونتاا كيف صحيحتك
نوح:نحمدو الله ونشكروه (جبد بزطامو وخدا منو شي فلوس ومدهوم) هادو باش تقهووى
المحجوب:الله يكثر من خيرك اولد لحاج
تبسم ليه نوح وكمل طريقو جهة الرياض لي كان لباب كيف لعادة مردود دفعو ودخل وصوت الهضرة كيتسمع ليه.. وزوج براهش صغار كيلعبو فالسطوان حدى لخصة.. كمش حجبانو كيستعقل ولاد من هادو؟؟ قربات جهتو لبنت لي كانت شهبة وعينيها عسلين بحال موو ونطقات وسنانها لقدامين كلاهوم لفااار: حااالي ثووووح
تبسم ليها وتحنى هزها ونطق: بنت من نتياا؟؟
لبنت: أناا لويدة ماما هي حولة
قرب الدري جهتو لي كان كبير عمرو سبع سنين تقريبا ونطق:خالي نوح لبااس
باس يديه باحترام ونوح قاس راسو ونطق: نتوما ولاد خوولة بنت خالي سعيد ياكو؟؟
دري:اه أنا صفوان وختي رويدة
نوح:مكوم لداخل؟
صفوان:اه
تمشى وهو هاز رويدة ودخل لصالة فين كاانو جالسين العائلة مجمعة ومعاهوم خالتوو "سناء" و"شيماء" بنت خالو سعيد وختهاا "خولة".. حط رويدة فالأرض وقرب جهة خالتو سناء لي ناضت جهتو وعنقاااتو.. حروفها بحال موو تاهي كحلين وعينيهاا عسلين مخلطين بالزرق.. زوينة ولكن ملامحها قاصحيين عكس رحمة لي ملامحها كيبانو حنانين..
نوح:على سلامتكوم كيف كانت تسافيرة وكيف خليتي نااس فاااس
سناء:(حطات يديها فوق كتافو ونطقات بصوت قوي) الله يسلمك الحبيب التسافيرة وناس فااس تيسلمو عليك وخصوصا بابا لي موحشك
نوح:(كمش حجبانو) وعلاش مجااش معاكووم؟
سناء:عارف جدك يموووت على الصيد داكشي علاش سبق الصيادة والا سالا غايجي
ضار نوح جهة خولة لي مبسمة ليه أو وقفات عنقاتو وتاهو بادلها تعنيقة ونطق بضحك: لبرهوشة كبرتي
خولة:يااك بعداا وغير شوف فولادي وتعرفني كبرت هههه
رحمة:وتباركالله عليك مكيبانش فيك عمرك گاااع شكون يقول نتي ونوح خوت بالرضاعة..
خولة:يخليك ليلي اعميتوو
شيماء:(بصوت رقيق محلون) نوح صافا
ضار جهتها نوح ويادوب شاف فوجهها ونطق بهدوء وهو جالس حدا خالتو بلامايسلم عليها:الحمدلله
جالسين فوق السداري واحد حدا لاخر وكلهوم مهبطين راسهوم ومقدرووش يهضروو ولاحتى يشوفوو فباهوم لي كان واقف قدامهوم ومربع يديه وعينو عليهوم.. كان باغي يهضرر معاهوم ولكن أجل لموضوع بسبب فكرو لي كان مشغول بلبنت لي ضااعت ولي ولادو كانو سبابها الرئيسي..
إدريس:(شاف فرنيم هي لولة ونطق بنبرة صارمة) شتي تبرهيشك فين وصلنا دابااا بسباب الشك ديالك ظلمتي بنت ماعندهاا دنب وعلااش حيت شكيتي بلي يقدر لمريض دعمك يكووون هو لي مسيفطهااا (كمش حجبانو لغلاض) ونقولوو گاع هو سيفطهاا كنتي تجي عندي وتقولي لياا اعمي رااه شنو كاين وديك الساعة أناا نتكلف ماشي تلوووحي لباااطل على لبنت باش نجريو عليهااا ونتي امولات اللسان الطويل (أسماء) كنتي على سبة وشعلتي فلبنت وأصلا من نهار خدمات كنت تانشوفك كيفاش تتهضري معاااهاا وكيفاااش تتعامليها وقلت يمكن تفهمي رااسك بلاماااندوي ساااعة نتي يفهم لحيط لي ورااك ولافهمتي تي علاااش تعايريها وضربيهااا هاااا حنااا فغااابة شتيها هزاااات فلللووسك خليها تانجي نتفاهم معاااهاا أناااا (خنزر فمحمد طه وقال بسخرية وصوتو باين فيه معصب) لفقيه لي نتسناو باراكتو دخل لجامع بلغتووو اوا الحنين امووول لقلب لكبييررر هادي هي عواايدك تجري على بنااات النااس وتخرجهوم فنصاصات ليل لزنقة لاحنين لارحيم وزعمة نتااا عارف دياب لي فالزنقة مكيرحموووش وماقلتيش عندي خوتاتي مانبغي حد يدير فيهوم كيف درت فبنااات النااس (ربع يديه وضار لريان) ونتاا الحقاااااني لي مكيبغيش الظلم علاش ماحبستيش هااادشي وهضرتي ولاكتعرف طلق لسانك غير فلي مخصووش يتقاااال هممم ونختمووووهاا بلفرحة لولة ومولات العقل والرزانة (عينو على رحيل) علاش تانتي سكتي وخليتيهوم علااااش مادويتيش هاااا وااااااش هادووو هوماا الترااابي ديااالي ليكوووم هاااكااا علمتكوووم...
هضرتو لخرة كانت غوااات تعصب عليهوم بلمعقوول.. هو عارف شنو هي تكون بوحدك وممعاكش واليديك لي يسخنو كتافك ولي تعنى بيهوم قدام لبراااني.. عارف بلي ملي واليديك يخطيوك لبيبان يضربوو فيك ومكاين لي يحن عليك واخا يكونو عندك خوتك بلاصة واليديك ماعمر حد يقدر يعمرها ليك ... ولبنت يتيمة حد معارف ضروفها وحد مقال علاش بنت عمرها واحد وعشرين عام تجي تخدم فدار ناس برانين مكتعرفهومش.. تاحد معارف ضروفها باش يحكموو عليهاا.. فصغرو تاهو قاسى وجرب لخدمة عند الناس وجرب الظلم ولحگرة ومكاين ماصعب من هاد الأحاسيس.. هو عارف ولادوو مكانوش قاصدين ويكفي الندم لي كيشوف فعين كل واحد فيهوم ولكن كان ولابد خاصو يهضر ويوريهوم غلطهووم يمكن هاديك لجثثثة مكانتش دغزلان ولكن شكووون عرف يقدر تجيهوم خبارهاا ميتة بصح.. سيدة غبرات تلتيام لاحس ولاخبار وهانهار التالت قرب يسالي وظلام طاااح.. تنهد وخرج من الصالة مخليهوم على جلستهووم.. تاحد مانطق ومكيتسمع غير صوت بكاا رنيم وتنهيدات رحيل.. أما أسماء هاديك حالة خااصة يقدر لسانها مبري منها وتتسرع ولكن مغاتمنااش الضرر لبنت ومغاتبغيش تأدى ناضت خارجة من الصالة وغادة لبيت ديالهاا سدات لباب بالساروت وجلسات فوق النموسية وهي تتفكر هضرتها لي قالت لغزلان وكيفاش عيرات ليها مهاا وهي ميتة وكيفاش جرحات رحيل لي لحد الآن مكتهضرهااش.. نزلات راسها ودموعها بداو ينزلو بهدوء وتلفونها كيصوني وكان كريم.. طفات عليه التلفون ولخليقة باش تهضر ماعندهااش.. أما فلتحت فكانو جالسين كيف خلاهوم إدريس.. تجات سيدرا جهة رحيل وهزات ليها راسها ونطقات بخفوت:مامي فييا جويعات
تنهدات رحيل وبقوة المشكيل لي طرا ليوم نسات طيب لبنتهاا متااكل..ناضت لكوزينة توجد لعشا واخا ماعندهوم ملين يدوز ولكن ضروري ماياكلو ويوگضو راسهوم شوية..
--
كانت تتحرك جفونهاا وتسرط ريقها لي ناشف عليها بزز وشوية حلات عينيها فالسقف لبيض شي لي خلاها تكمشهوم من الإضاءة لمجهدة.. عضات على شفتها وهي حاسة بداتها كاضرها كولوها.. عينيها بداو يشوفو فالشومبر دلوبيطال فين كاينة وضورات راسها بزربة فاش تفكرات اش طرا معاهاا وقلبها رجف ولبكية شداتها..تاتحل لباب دشومبر وعينيها تعلقو على الشخص لي كان داخل جهتها بخطوات تقيلة وبصوت هادئ نطق: على سلامتك
غزلان:(بصوت عيان وخايف)شكون نتا وفين أنا؟
قرب جهتها ونطق بصوت تقيل: معاك ولد لحاج..
جسمها كان كولو كيضرهاا زائد إحساس الخوف لي تسلل لقلبها وهي كاتشوف الشخص لي واقف قبالتها ولي عمرها مشافتو.. ملامحو كانت هادئة ومريحة فكرات مع راسها وبدات تاتستعقل واش سبق سمعات هاد السمية ساعة داكرتها خانتهاا..
أماا نوح فربع يديو ونطق بهدوء:غزلان الوعدي ياك؟
سرطات ريقها وحركات راسها بدون كلام وهو انساحب بهدوء كيف دخل مخليها تسائل شكووون هوو وفين كيعرفها؟؟
فبرا كان واقف جنب صابر وجبد تلفونو دوز لخط لإدريس لي جاوبو فلحين:ولد لحاج خبار الخير؟؟
نوح:(بهدوء) كل خير اسي إدريس غير باغي نطمنك راه لقاو لبنت
إدريس:(نطق بصوت متلهف) هي بخير ياك مواقع ليها والو؟؟
نوح: هي بخير اجي ل**** غاتلقاني تم
قطع معاه نوح وشاف فصابر ونطق بجدية:واش نتوما مقلبتوش عليها هنا؟
صابر:(باين فيه معصب) لكامبويات لي وصيت مقلبوش هنا وغير بالصدفة جيت بنفسي مع واحد من الرجال سولنا ولقيناها هنا ولمسؤولين ماديكلاراوش..لبنت دارت كسيدة وهاد الأيام كلها وهي مغيبة وأنا غير تأكدت عيط ليك ونتا عارف لباقي..
سكت نوح وبقا واقف قدام باب الشومبر ديال غزلان مدة طوويلة تابان ليه إدريس جااي ومعاه محمد طه ورحيل وتانيرت.. وقف قدامو إدريس ونطق بصوت متسائل:أمضراا؟؟
نوح:لبنت دارت كسيدة ويالاه فاقت هي فهاد الشومبر تقدرو دخلو عندها
مع قالها مشات رحيل جهة لباب حلاتووو ودخلات وتبعاتها تانيرت وإدريس ومحمد طه بقااو مع نوح لي نطق بصوت تقيل: كنت فالدار ملي عيط ليا صابر وعلمني بلي لقاو لبنت وجيت لهناا نتأكد بنفسي قبل مانعلمكووم.. فاش جيت لهناا كانت لبنت يالاه فاقت وعلمتك
إدريس: مقالتش ليكوم اش وقع ليها؟؟
نوح:ماسولها حد
كانت تانيرت جالسة جنب غزلان لي التعب والمرض باين على ملامح وجهها الصفراا والباهتة.. تبسمات ليها بحنان ونطقات: خلعتينا عليك ابنتي
رحيل:(تبسمات ليها) باش تتحسي دابا ؟
غزلان:(شافت فتانيرت ونطقات بصوت باين فيه مألم) ياك ولادك هوما لي جرااو علياا بيديهوم ولاحوني فالزنقة علاش اتخافو علياا؟؟
تانيرت:(تنهدات وقالت بحزن) عارفة بلي هوما غلطو فحقك ولكن تيقيني ابنتي بلي ندموا على شنو داروو
غزلان:(نطقات وهي تتبكي) ضربووووني وعايروووني فواليدياا وتاهموووني بلي أنا شفااارة هء هء كووون كنت باغاا نشفر كوون گاعماا جيت عندكووم باش نخدم (هزات يديها لي فيها السيروم وبدات تمسح دموعها لي كلما مسحاتهوم رجعو تجددو) أنا مبقاش فياا الضرب بقات فيا لهضرة لي تقااالت على واليديا وهوما معااارفينش وااش حيين ولاميتين علاااش يعايروهووم وتعاير ليااا مي بقح*بة (زادوو دموعها نزلو وصوتها تزير) أنااا مي ماشفتهاااش گاع ومكنعرفش وجهها كيف داااايرة وصوتهاا هو لخر مكنعرفووووش هي ماتت ملي ولدااااتني
سكتات غزلان وكملات بكاهاا وتانيرت ورحيل دموعهوم نزلوو من هضرتها وديك لحرقة باااش تادوي ولي خلاااتهوم يندمو على شنو طراا
غزلان:(كملات مبعد ماخدات نفس عميق) جرااو عليا فالليل ببجامتي لمقطعة بكيييت وكنت باغااا نمشي لداار ساعة وقفوو عليااا زوووج بموطووور وگريسااااوني وضربووووني هنااا (كانت باغا تعري على يديها ساعة دراعاها لي تهرسات فيها مخلاتهاش تحرك) ماعرفت فين نمشي كان الظلاااام والدنيا بداااات تخوووى وأناا بعيدة على لبلاصة فين ساكنة... بقيت تنمشي تاوقف عليا واحد الشمكار سكران كان باغي يتعدى علياا وهربت ليه.. كانجري بلاعقل تاخرجت لشانطي واخر حاجة عقلتها هي طوموبيل لي ضرباتني ومن تم مبقيت عاقلة على والو..
رحيل:(قربات جهتها وشدات يديها تاشافت فيها غزلان ونطقات بندم واضح فصوتها) عندك لحق فگاع هضرتك لي قلتي ليناا حنا غلطناا فحقك كلناا ولكن تيقي بلي فاش عرفناااك ماوصلتيش لدار وبلي يمكن تكون واقعة ليك شي حاجة مقدرناش نرتاحوو غزلان نهار شفتك عتابرتك بحال ختي عارفة بلي أسماء غلطات فحقك وهضرتها لي مكانش عليها تقولهاا وعارفة بلي محمد طه تسرع فاش جرى عليك ولكن تيقيني حنااا ندمنااا بزااااف
سكتات غزلان تاتسمع لهضرة رحيل بهدوء.. لطالما كانت تتشوف رحيل كيفاش تتعاملها مزيان وتضحك فوجهها وبعض لمرات تنهض فأسماء ملي تتقلل أدبها عليها وتسممها بهضرتها.. هزات فيها غزلان عينيها ونطقات بهدوء: مهازااش من جهتك اختي غير رتاحي
تانيرت:(تبسمات ليها وقالت بحنان) نتي درتي بلاصتك وسطناا ومعتابرينك بحال بنتناا وتانتي نتمنى تعتابرينا عائلتك وتسمحي لولادي على الظلم لي ظلموك وترجعي معانا لدااار..
غزلان:(شافت فتانيرت ونطقات بجمود) سمحيليا اخالتي ولكن أنا مغاندخلش لديك الدار مزال..
كانت ردة فعلها متوقعة من طرف تانيرت ورحيل حيت الشي لي طرا معاهاا تاحد مغايقدر ينساه ويتغاضى عليه.. هي بصح تحرجات من تانيرت لي ماعمرها خرجات لعيب من فمها ولكن مغاتقدرش تنسى كيفاش خرجوها من الدار بحال شي وسخة ومغاتنساش داك لخوف لي دوزات فاش وقفو عليها وگريساوها وضربوهاا ومغاتنساش الشمكار لي كان طامع فيهااا.. وهادشي كولو بسباب الظلم لي طيحو عليها..
رحيل:(ربعات يديها ونطقات بهدوء) من حقك ترفضي ولكن نتمنى منك تفكري اغزلان حناا مستاعدين نعووضوك بأي حاجة طلبتيها
غزلان:(شافت فيها) شكرا على معاملتك معايا من نهار شفتك ونتي تتعامليني بحال ختك وعمرك قللتي مني (وشافت فتانيرت تاهي) وتانتي اخالتي شكرا ليك بزاف ولكن أنا مغانرجعش
حركات رحيل راسها وتبسمات ليها: حمدلله على سلامتك
خرجات من لبيت مخلية معاها تانيرت ولقات برا باها ومحمد طه ونوح كيف خلاتهوم.. وجهات شوفاتها لمحمد طه ونطقات بهدوء:مغاتعتادرش منهاا؟؟
محمد طه:(مسح على وجهو ونطق بهدوء)واخا
دخل محمد طه وعينو لمحاتها ناعسة ودراعها مگبصينها وشي ضرابي على وجهها.. كمش حجبانو ومعجبوش لحال حيت كان سبب فهادشي لي وقع لها.. أما غزلان لي كانت تتسمع لتانيرت غير شافتو دخل وهي تكمش حجبانها وزولات عينيها عليه فحركة لاحظها محمد طه لي قال بصوت تقيل وبزز باش كيتسمع: لحمدلله على سلامتك وسمحيليا على شنو طرا
قال هضرتو وخرج بلامايتسنى جوابها.. هو اعتادر حيت عرفو راسو غالط وشاف حجم لغلط ديالو عليها اعتادر ولكن كون جاتو فوقت خرا ديك سمحيليا عمرها غاتسمعها منو..
إدريس:(جر رحيل ودرعهاا وهي حطات راسها على صدرو ونطقات بصوت هامس) مباغاش ترجع معانا قالت بلي ديك الدار هي لي عمرها غادخل ليهاا (تنهدات) شنو غانديرو دابا؟
إدريس:(تيقيس ضهرها بحركات حنان ونطق تاهو بهدوء) من حقها ابنتي ومغانبززوش عليهاا لي رتاحت فيه ديروو
رحيل:(كمشات حجبانها)سيدرا سولاتني عليها وباينة بلي تعلقات بيها
إدريس:ماعليش هي باقا صغيرة وغاتنسى دغيااا
رحيل:(بهمس) ولكن حنا مغانقدروش نساو
واقف جنبهوم تيسمع لحوارهوم وهضرتها هي بلخصوص.. صوتها لمهمووم ولي فيه نبرة حزينة وداك التأنيب الضمير لي لمسوو فهضرتها خلاوه يغمض عينوو ويتنهد.. ورجع تقاد فوقفتو ولاح الشوفة عليها لقاهاا ساهية.. كان تيبان العياا فوجهاا الصفر وعينيها لغارقين..
نوح:(شاف فساعتو) كيبان ليا مكاين لاش نبقاو هنااا
إدريس:(تنهد) خصنا نهضرو مع الطبيب ونشوفوو حالتهاا أو وقتاش غايخرجووهاا..
صابر:(قرب جهتهوم ونطق بهدوء) غاندخلو دابا نشوفو الأقوااال ديالهاا
دق صابر لباب ودخل كانت معاها تانيرت لي كانت غاتنوض ولكن خلاهاا وشاف فغزلان:على سلامتك معاك الشاف صابر الحسيني (وراها لاكارط دلخدمة) غانسولوك ونتي غاتجاوبيني واخا
غزلان:واخا
صابر:ممكن تعاودي ليا شنو طرا معاك ملي خرجتي من دار سي إدريس التجاني
تنهدات غزلان وبدات نعاود ليه نفس لهضرة لي قالت لتانيرت ورحيل وصابر كيشوف فيها بجدية وبعد ماسالات نطق: واش مشفتيش شكون ضربك ؟
غزلان:(حركات راسها بلا) كنت تانجري بلاعقل ومانتبهتش لشانطي تاحسيت بطوموبيل ضرباني ومن تم مبقيت عاقلة على والو..
صابر:وهادوك لي گريساوك عاقلة على نمرة الموطور؟؟
غزلان:لا كانو زوج رجااال واحد فيهوم مشرط وجهو كولو والثاني كان داير كاسك ماشفتش وجهوو
صابر: واخاا على سلامتك مرة خرا وملي تخرجي من السبيطار ضروري تجي لكوميسارية عندنا
غزلان:واخاا
خرج صابر وشاف فنوح بمعنى تبعني.. تقاد نوح فوقفتو ومشى تابعو وعيون إدريس متبعاهوم تاغبرو فلكولوار أو وقف صابر لي شاف فنوح وعاود ليه هضرة غزلان: غانشوفو لكاميرات ديال داك النهار عالله نلقاو شي حاجة توضح لينا شكون جابها لهنا
نوح:سير عالله
مشى صابر ونوح حس بلعياا وتوجه لبلاصة فين كاينة لاماشين دلقهوة خدا ليه كااافي نوااغ باش يتوگض.. بقا واقف تيتسنى لگوبلي يعمر تاحس بشي حد وقف جنبو وكانت رحيل لي نطقات بهدوء:السلام
نوح:(تبسم) واعليكوم السلام (تحنى هز كاسو وجغم منو عاد شاف فيها وقال) باغا تاخدي شي حاجة؟
رحيل:(تتشوف فدوك لِشوا وحكات راسها) ماعرفتش اش غاناخد؟
نوح: خودي كابوتشينو واخا شي كابوتشينو مكاين
رحيل:(تبسمات) قهوة ديال عدي وسلك
جبد نوح من جيبو الصرف لاحو وبرك ليها على كابوتشينو ونطق:شحال دسكار
رحيل:مايكونش كثير بزاف
قاد ليها الأمور وبقا تيتسنى تاكبات ليها لاماشين القهوة وهز لگوبلي مدو ليها ونطق بتبسيمة خفيفة وبهمس مبحوح:بصحة والراحة
رحيل:(جغمات منها ونطقات تاهي بهمس) الله يعطيك الصحة
نوح:(تنهد) باقي كانتسنى جوابك
هزات رحيل عينيها فاش سمعات هضرتو وسرطات ريقهاا وماعرفت باش تجاوبو وهو تاه فعيونهاا الصافين لي كيبريو ونطق بهمس أجش: تيوالين إينو
دقات قلبها كانو كيتسمعوو مجهدين جيت فهمات اش قال وبقات غير تترمش بحال شي مونيكة.. واقفين قبالت بعضياتهوم وعينو مزولهاش عليها تاسمع صوت صابر لي نطق:ولد لحاج اجي
ضار شاف فيه وكمش حجبانو حيت ملامح صابر تغيرو تبعوو وخلى رحيل تاهي مستغربة من نظرات صابر لنوح..
واقف قدام الشاشة وملامحو جمدو وعينو تعلقات فالصورة لي كانت واضحة ليه واخا مضببة.. صورة خوه رؤوف..
مسح نوح على وجهوو ممتيقش اش كايشوف وصابر ساكت كيشوف فملامح وجهو تادفع نوح لكرسي لي كان قدامو برجليه ونطق بعصبية: هااداا علااش تيقلب دابااا هااا
صابر:(قرب جهتو وحط يديه على كتفو) تهدن اولد لحاج ماتعصبش راسك
نوح:(خنزر فيه) واش ماشفتيهش حط لبنت فلبيااااص وخرج هرباااااان وااااش هادو فعايل كيديروهوم لي بعقلهوووم
صابر:عااارف نتا غير تهدن
نوح:(حرك راسو ونكق بصوت مقصح) بغا حوريتو عطيناها ليه بغا لورث عطيناه ليه ولكن هوو عمروو غايدير عقلوو غايبقاا برهووووش أنااني كيفكر غير فمصلاااحتووو
صابر:(تنهد ونطق)اش غانديرو دابا ؟
نوح:(قاد لكول دلاشوميز ونطق ببرود) دير خدمتك
خلاه وخرج من تماا وحاس براسو معصب ومقلق وبزاف دلحوايج حس بيهوم فهاد اللحظة وأهم حاجة هي صورة خوه وهو هربان ومخلي وراه لبنت.. وقف وسط لكولوار غمض عينيه وتنهد عاد كمل طريقوو لبراا وهو مغييير وباين غير من وجهوو.. أما صابر مشى سول فلغسيبسيون ونفس لهضرة لي تقالت هي لي شاف فالفيديو.. جابها واحد وحطها ومشى ومع ديك لوقيتة كان عندهوووم الإغجونس عامر مردوووش لباااال ودخلوها لبلوك وفاش خرجات نساو يديكلاريو.. حرك صابر راسو وأصلا اش غايتسنى من سبيطاااااار الدووووولة لي ديما تتكون فيه الروااااين وبالو تشغل على ولد لحاج وشي لي شاف وعرف وفضل مايديرش شي حاجة تايشوف غزلان واااش غاترفع شكاية على لي ضربهاا واخا نوح عطااه الأوكي يدير خدمتو الاأن صابر مباغيش يدير شي حاجة دابا وخلى كلشي لوقت ولبنت .. أما عند إدريس ولبقية مبعد ماطمنو عليها خرجوو من السبيطار راجعين لدار فالسكااات ورحيل بالها تشغل مع صابر وشوفات لي دار فنوووح ولي حسات وراهوم شي حاجة.. تنهدات وبقات مراقبة الطريق لي كااان خاوي وقليل فين كاين شي حد خااارج.. وفجنبها كان جالس محمد طه لي عقلو ساهي فالشخص لي ديما شاغل بالو فهاد السنين كلهاا "جيداء" حس براسو توحشهاا وشحال هادي مانزل لرباط وزار قبرها عليها قرر فلويكاااند يمشي.. تنهد وحل تلفونو وكانت تصويرتها فالشاشة بقا تيشوف فيهاا بنظرات مشتاقة.. ضارت رحيل جهتو وشافت راسو لي حادرو جهة التلفون ونزلات عينيها وهي تقشع صورتهاا.. بحال الاضربها الضوو وبزربة قلبات وجهها وحسات بلي الأوكسيجين تسحب منهاا.. مدات يديها ونزلات الزااج ديال الطوموبيل وسحبااات أكبر قدر ممكن من الهوااا وزفاااتو.. يديها بدات تترعد عليهاا وقلبها كان يضرب بالجهد.. عضات على شفايفها حابسة ترعيدة ديالهوم وعينيها عمروو دمووع.. من نهار عرفات بموتها وجاها داك الانهيار معاوداتش جبدات حسهاا وتهربات من الأمر وباقي لحد الآن تتهرب... ولكن لامتى؟؟
وصلو ونزلو فسكات وكل واحد مشى لبيتو وسد على راسو وتانيرت عاودات لرنيم وريان وأسماء اش طرا ولي زاد حسسهوم بالدنب...
---
مربع يديه كيشوف فسعيد لي واقف وكيشرح ليه لخدمة لي من ليوم هو لي غايديرهاا بصفتو سكريتير لخاااص دنووح ولي هاااز درك يعني خدمتو سونسيبل ومكيشدها غير لي تقة ولي كاپابل.. تيلعب بالستيلو فيديه تاهز سعيد راسو ونطق بسخرية: كنظن مجايش باش تلعب دونك شد معاياا لخط
محمد طه:(لعب بلسانو ففمو ونطق ببرود) والاماشديتوش اش غادير
كان محمد طه باقي حاقد على سعيد ومبغاتش تسرط ليه لفعلة لي دار فختو وغير شاد راسو عليه حيت هوما فلخدمة ومباغيش يسبب فمشاكيل ويخلي صورتو تخياب فعيون نوح..
سعيد:(دوى بحقد) نتا أصلا مكتستاهلش هاد لبلاصة وكون مالمعرفة ديالك بموسيو السليماني كنتي عمرررك تحلم تشد هاد لبوسط واخرتك تكون ڤوندوووغ
محمد طه:(زير على يديه ونطق بسخرية) داكشي علاش زول ليك لبوووسط لي عييتي فيه وحطني بلاصتك شفتي الزززملة اش كادير طرتي وعييتي وفلخر رجعتي لبوسطك لقديم وأنا بلاصتك
سعيد:(ناض لاح لوراق ونطق بعصبية) ماتفرحش بزاف حيت غانرجع بلاصتي سمعتي
محمد طه:(ضحك بشماتة) هههه دابا نشوفو
خرج سعيد معصب ومحمد طه دغيا قلب ملامحو ونطق بصوت هامس محقد:بلاتي الشماااتة تاطيح بين يدي نوريك اش تانسوى..
دوزات رحيل نهار غير فلخدمة ومشافتش نوح حيت مجاش ليوم.. بقات تتفكر نهار كولو فهضرتو لي قال ليها لباارح وجوابها لي كيتسناه.. وقبل ماتاخد قرارها صلات صلاة الإستخارة هو لول باش تأكد.. وملي دخلات لدار هي ومحمد طه مبعد مارجعو من لخدمة سولات على باها لي كان فلبيت ومشات لعندو ديريكت.. فكراات وخدات قرار لي خصها تقولو ليه باش يوصلو لولد لحاج.. كان جالس مبسم ليها فاش شافها جايا جهتو وهي تنهدات ونطقات داخلة فصلب لموضوع: جيت باش نقول ليك قراري بخصوص طلب ولد لحاج
إدريس:(بحنان ) كانسمعك ابنتي؟
رحيل:(زيرات على يديها وزفرات النفس وبصوت واتق نطقات) مموافقاش..
كلمة نطقات بيها وهي فالدواخل ديالها ممقتانعاااش بيها وكاتحاول تطفي داك الصوت لي فالداخل ديالها ولي كينبهها بلي قرارها غالط.. ورغم هادشي مسمعاتش لداك الصوت وقالت شي لي هي تتحاول تقنع بيه راسهاا.. باقي ماتخطاتش المااضي وباقي تتحس بيه واقف فطريق حاضرها ومستقبلها.. فكرة أنها تزوج مرة خراا كانت مستبعدة كليا فذهنها حيت الشي لي دوزات فزواجها مع عاصم خلاهاا تهز يديها وتقول باركة.. الصدمة لي تلقاتها منوو كانت قوية ومكانتش ساهلة عليها تنساهااا.. يمكن نوح مختالف على عاصم ويمكن حسات معاه بمشاعر لي عمرها ماحساتهوم لامع ياسين ولامع عاصم مشاعر جداد كيخربقوووها ويخليوها معرفااش اش باغاا.. مغاتكدبش راسها بلي هي تتحس معاه بالأمان والراحة ولكن خاايفة خااايفة تعلق بيه كثر وتصدم منوو.. خايفة تخووض تجربة لي معارفاش نتيجتهاا.. هي استنزفات طاقتها فزواجها لول وباقي ليومنا هادا كاتحاول تجدد ديك الطااقة لي مباغااش تخسرها مرة خراا.. وفالمقابل كان إدريس كيشوف فيها بلهداوة وقرارها معجبوووش بصريح لعبااارة وكان يتمنى توااافق وتكمل حياتها مباغيهااش تبقا واقفة فبلاصة وحدة والسنين كيدوزو وهي مكتقدمش.. قداش غاتبقا وحدها بلاراجل لي يوقف جنبها ويسندهاا اييه هو معاهاا وباهاا مغايخليهاش ولكن لإمتى؟؟ غايجي النهار ومول الأمانة يدي أمانتو شكون غايبقا معاهاا خوتهاا؟؟ أكيد كل واحد غادي يكمل حياتو ويدير عائلتوو واش غايبقاااو معاهاا حياتهوم كلهاا؟؟
إدريس:(تنهد) متأكدة ابنتي؟
رحيل:(هزات راسها ونطقات بهدوء) اه متأكدة أنا مموافقااش ابابا
إدريس:وشنو المشكيل واش هو دار معاك شي حاجة معجباتكش؟؟
كان باغي يجر ليها لسانها حيت عارفها متكتمة ومتتقولش اش فالداخل ديالهاا واخا تكووون تتموت..
رحيل:(حركات راسها بزربة وقالت) لا لا بلعكس الله يعمر ليه الدار هو راجل معقول وعمرو ماقلل عليا لحياا ولكن
إدريس:(باغيها تكمل هضرتها) ولكن شنو؟؟
رحيل:(تنهدات وهزات راسها فيه بشوفة خلات قلبو يتزير عليه) يمكن لعيب فيااا
ناضت رحيل مور مقالت كلمتها وخرجات وإدريس فهم علاش ماوافقاتش واخا كان عندو احتمال ولو بسيط أنها تكون تخطات زواجها ولكن هادشي كولو غير هضرة وصاااف بنتو منساتش ويمكن عمرهاا تنسى..
---
حلات باب بيتها ودخلات وهي تتحاول تشد دموعهاا باش ماتنزلهومش.. علاش حاسة بلخنقة ياك هي تأكدت من قرارها قبل ماتقولو لباهااا.. دابا علاش تتحس براسها تسرعااات.. طرقات لباب وتمشات جهة النموسية وجلسات بهدوء تتشوف فأرجاء لبيت وهي سارحة.. فاش صلات صلاة الإستخارة حسات بالراحة وشافت حلمة لي باقاا عاقلة عليهاا.. كانت فواحد لبلاصة مظلمة بحال لمتاهة معارفة كيف دير تخرج بكات وغوتات وحد مجى عندها تاحسات بيد شداتها وكملات معاها الطريق تاوصلات لواحد لباب لي غير تحل بان ضووو مجهد خلاهاا تغمض عينيها وتكمشهوووم ولكن سرعان ماحلات عينيها تشوف شكوون عاونهاا ولكن مبانش ليهاا بسباب الشعى وقبل ماليد تحرر يديها لمحات لخاتم دنووووح وموراها فاقت من لحلمة... مسحات وجهها ونطقات بصوت هامس بحال الاكتقنع راسها أن قرارها صح: هو يستاهل ماحسن مني وحدة لي تكوون بلامااضي وماتكووونش نحس على الناس لي كاتعرف ولي كيتأداو بسبابهاا
تلاحت على نموسيتها ونصها لفوقاني هو لي مدد بينما رجليها فوق الأرض وعينيها فالسقف وعلى ديك لجلسة داتها عينيها وغفات...
---
قربات تانيرت لعند إدريس لقاتو سارح وبالو ممعاهش استغربات وخافت لاتكون شي حاجة واقعة.. جلسات جنبو ونطقات بصوت حنين: تاسانو مالك مهموم؟
إدريس:(تبسم ليها) رحيل مموافقاش تزوج بولد لحاج
تانيرت:(هبطات راسها وتنهدات) بنتناا باقا مقدراتش تنسى اإدريس باقا تتعدب واخا مكتبينش لينا
إدريس:(جرها عندو ودرعها بيديه وقال بصوت حنين) كون غير نقدر ناخد عليه لي معدبهاا
تانيرت:شنو غادير دابا غاتعيط لولد لحاج وتقولها ليه؟؟
إدريس:السيد ولابد ماخصو يعرف قرارها
تانيرت:(كمشات حجبانها) ماتقول ليه والو دابا خليه تانهضر معاها ونحاول نقنعهاا ونشوفوو اش غانقول ماربما تبدل ريهاا وتوافق عليه
إدريس:صافي واخاا
تانيرت:(تبسمات ليه حيت عارفاه هاز فوق جهدوو ونطقات) دابا ربي يفاجيهاا من عندوو ماتنسااش حنا اش دوزناا فحياتنا وهاربي مخيبنااش وتجمعناا أنا وياك أو ولادناا وحفيدتنا وإن شاء الله نحضرو لزواجهووم ونشوفو كل واحد فدويرتو مع لي ختااارو قلبوو ورتاح ليه
إدريس:(باس جبهتها) إن شاء الله ياربي
وقفات عليهوم سيدرا وهي جامعة يديها على صدرها تتشوف فيهوم مكمشة حجبانهاا ونطقات: علاش مفيقتينيش تانيرت إينو؟
تانيرت:كنتي ناعسة وقلت نخليك تاتفيقي على خاطرك
سيدرا:(قربات لعند إدريس تعلقات فيه تاجلسها فحظنو وقالت) مامي علاش سادة لباب دلبيت مشيت عندها ومحلاتش ليا
شاف إدريس فتانيرت لي تبسمات لسيدرا باش ماتشغلش بالها:غاتكون تتصلي أنا غانمشي نشوفهاا
ضارت سيدرا عند إدريس وشدات وجهو بين يديها ونطقات ببرائة:شتي بّا ديدي تانيرت إينوو ولاو عندها حنيكاات
إدريس:(باسها وضحك) زيانت ياك
سيدرا:(رجعات شعرها بغرور ممناسبش سنها)اه ولكن أنا زوينة عليهاا..
كدق لباب دلبيت وهي حاسة بلخووف لاتكوون رحيل دارت شي حاجة فراسها وجميع الأفكار الخايبة طاحو عليها ولخلعة خلاتها تحس بلوجع.. شدات كرشها ويالاه بغات ترجع باش تقولها لشي واحد من الدراري يجيو يفرعو لباب وهي تسمع صوت الساروت ضار ولباب تحل ورحيل واقفة مكمشة عينيها بنفس حوايجها دلخروج وفولارها زهق ليها تبان شعرهاا
رحيل:(بصوت نعسان) ماما
تانيرت:(حطات يديها على قلبها وقالت) خلعتيني عليك ابنتي خفت تكون واقعة ليك شي حاجة
دخلات رحيل وهي تتحل فلفولار ونطقات بهدوء:كنت ناعسة لبارح بليل مانعستش مزيااان
تانيرت:(جالسة فوق النموسية ) اييه ابنتي رتااحي
رحيل:(تتشوف انعكاس مها وتوثرها وعرفات بلي باغا تهضر معاها فداك لموضوع عليها قالت) بابا قال ليك قراري ياك
تانيرت:(كلام رحيل بحال الضو لخضر خلاها تقول) اييه قالها لياا وجيت ندوي معاك عليه
رحيل:لي عندي قلتو اماما مكاين لاش ندويو فحاجة بحال هادي
تانيرت:علاش ابنتي (كمشات حجبانها) واش غاتبقاي حياتك كلها بلارااجل راه غايجي النهار لي تحتاجي لي يوقق جنبك واخا حنا معاك ولكن غاتحتاجي لرااااجل لي يكون ليك الضهر على من تكااااي ملي تكبررري شوفي غير حالتي مع باااك قبل مانرجعو كنت بحال لحنش لمقطع ليه الراااس معارفة ساسي من راسي واخا كلشي عندي ولكن كان ناقصني باااك راجل لي نعول عليه هانتي شوفي غير ريان كيف كان قبل مايبان باااك كنت مقدراش نتحكم فيه ولكن باك غير يدوي معاه هو يسكت ويسمع ليه (ناضت جهتها وقالت ليها بهدوء) عارفة ابنتي تجربة لي دوزتي صعيبة وعارفة بلي شفتي لويييل فيها وتيقيني أنا فاهمة بااش تتحسي وعارفة بلي نتي خااايفة ولكن ماتخليش لخوف ديالك يطغى ويخرج عليك جررربي تعطي فرصة لراسك ونفسك باقاا وردة متفتحة لي ريحتهاا عاطية مادبليش راسك وتطفاااي بسباب شنو طرا معاااك
رحيل:(عينيها عامرين دموع وبصوت مخنوق) مقدراااش
تانيرت:(كادوز يديها على شعرها وحاولات ماتبكيش) ربي كيمتاحناا باش يشوف واش نقدرو نصبرررو ماشي معناااه عااااصم كدب ومصدقش وعدبك فهااادشي كيعني ولد لحاج تاهو بحالو راه الناس طوب وحجر كاين لخايب وكاين الزوين
رحيل:(شافت فمها وقالت بصوت مألم) تاحد معااارف اش دوزت اماماا تاااحد محاااس بيااا
تانيرت:(كمشات حجبانها) واااش عند باللك حنا محاسينش بيك هااا واش معارفاااش باااك قلبوو مهوول على كل واااحد فيكوووم وبلي مكيغمض ليه عين تاكيتأكد بلي كلكوم تحت جناااحوو واش عارفة بلي كل ليلة تيفيق ويجي عندكوووم يغطيكوووم بحال دراري الصغاااار وغير يشوف شي واحد فيكووم مهموم ولامقلق تايبقاا تاهوو مشطووون واش معااارفااش بلي فااش كانشوفكووم هاكاا قلبي كيضرررني معرفاااش بلي متمنية نشوووف الضحكة فوجهكوووم وتكووون طالعة من لقلب.. ماااشي حيت مكنبينوووش ليكوووم هادشي كيعني راه محاسينش باشنو ضاااركوووم ابنتي عارفاااك تعدبتي وعارفة قلبك باقي مقصح وعااارفااك باااقا مقدرااااش تنساااي اش دوزتي ومغانلومكش ولكن لي غانلوومك عليه هووو أنك مباغاااش تنسااااي وتخطي خطوووة لقدااام اماما تفكككررري فراااسك وفحياااتك وتعطي لراااسك فرصة.. الله إذا أحب عبداً ابتلاه وهاد الابتلاااء لي تادوزي منووو غايجي نهار لي ميبقاااش وغاترجع حياتك كيف كاااانت.. وديك الساااعة غاتقولي ماما كان عندها لحق..
رحيل:(مسحات دمعة لي نزلات ليها وقالت بصوت هامس) قراري مغانرجعش فيه مموافقااش غير قولي لبابا يوصل جوابي
تنهدات تانيرت وقالت بصوت حنين: ديري لي يريحك مغايبزز عليك تاواااحد ابنتي المهم عندنا راحتك اماما
رحيل:(عنقاتهاا ونطقات بحب) شكراا
تانيرت:(ضرباتها بشوية على راسها ونطقات بمرح) ماتشكرينيش راني مك ههه مهم نمشي نشوف شنو ندير لعشااا
رحيل:غير خلي نبدل حوايجي ونجي نطيب شي حاجة خفيفة اجي شنوو درتو مزال مع غزلان
تانيرت: غدا غاتخرج من السبيطار غانمشيو أنا وباااك عندهاا وتالبنات بغاو يمشيو باش يعتادرو ليهاا على لغلط لي دارو
رحيل: مكنتش باغا نوصلو لهاد لموااصل صرااحة ولكن اش غانديرو ماتمشي غير فين مامشااك االله
تانيرت:ونعم بالله مهم أنا نزل تاتلحقي عليا
مشات تانيرت ورحيل تنهدات ومشات لبلاكاار جبدات بيجامة كولون مع تيشورت تاتجي فوق لمؤخرة.. بدات تتبدل تاتحل لباب ودخلات سيدرا لي قالت بحب:مامي فقتي
رحيل:(جراتها وباستها بالجهد) فين كنتي؟
سيدرا:كنت ناعسة فبيت مودي وفاش جيت عندك لقيت لباب مسدودة مامي
بدات رحيل تتبدل قدام سيدرا لي تتشوف فيها تاسالات وجاتها لبيجامة مزيرة مع ربات الطرف ولهونش خارجين جمعات شعرها شفنجة مخربقة وشافت فسيدرا لي كانت تتشوف فيها وقالت: نموت أنا على الطرووفة..
حلات رحيل عينيهاا فسيدرا وجاتها اللقوة من كلامهاا وكانت غاضحك ولكن كمشات حجبانها وقربات جهتهاا ونطقااات بصوت جدي:فين سمعتي هاد لهضرة وشكون قالها ليك؟؟
سيدرا:رياني مامي كيقولها لهاديك فالتلفووون
رحيل:(هزات صبعهاا تتنبهها) مانعاودش نسمعك تتقولي بحال هاد لهضرة سمعتي
سيدرا:(ربعات يديها ونطقات بتمرد) وعلاش رياني تيقولهاا؟؟
رحيل:رياان كبير ونتي باقا صغيرة وزايدون هاد لهضرة حشومة تقال
سيدرا:(حركات كتيفاتها وقالت) هاااء واقوليها ليه مااامي ميبقاش يقول لحشووومة
خرجات سيدرا مخليا وراها رحيل لي تبسمااات بلاماتحس وقالت بهمس:وهانتي على لبرهوشة والطروووفة لهضرة ماشي معاهاا مع داك لبرواااال والزلال دريااان
خرجات من بيتهااا تتقلب على ريان تابان ليهاا خارج من بيتو شافها وهو يغمز ونطق:زين دلعااالم (باسها فحنكها) ااااش هاد لجمااال كولو
رحيل:(ريعات يديها وقالت) مع من كنتي تتهضر وتقول ليها نموت أنا فالطروفة وسيدرا حداك
ريان:(خرج عينوو) واش هي قالتها ليك؟
رحيل:اييه كون سمعها بابا فين غانوليوو ونتا واش مكتعرفش تسد فمك قدامهاا نتا عارفهاا مكتفلت تاكلمة صلى عن النبي عليهاا
ريان:(حرك كتافو بحال كيكادير سيدرا وقال) عادي دابا تكبر وتعرف ماكثر وزيدي خلاص نزلوو لتحت نشوفو ماما اش طيبااات ليناا
رحيل:أنا لي خاااصني لعقل تاندوي معاااك
ضحك ريان وجرها نزلو لتحت كانو مجمعين وأسماء غير شافت رحيل لي كانت مبسمة وغير شافت فيها قلبات وجهها ومشات وهي تنهد.. باقا ماتصلحاتش معااه وباينة رحيل هازة من جهتها.. ناضت تابعاهاا لكوزينة ومن زهرها كانت غير بوحدها.. سدات أسماء لباب ورحيل شافت فيها ببرود ورجعات تتنقي لخضرة باش دير الروز بلخضرة لعشاا
أسماء:(قربات عندها وهي متوثرة وبصوت هادئ قالت) رحيل واخا نهضرو أنا وياك
رحيل:(ببرود) مكاين فاش نهضرووو
أسماء:(زولات ليها لبطاطا لي كانت تتنقي وشدات يديها قلباتها عندها وقالت بصوت باين فيه الندم) والله مكنت قاااصدة هضرتي ارحيل تعصبت ديك النهار وخرجات من فمي ولكن والله لي خالقني الامكانتش طالعة من قلبي سمحيليا عفااااك
رحيل:(كمشات حجبانها وصوت باين فيه الخنقة) ماشي دنبي الاتيقت وجهوو الثاني وماشي دنبي الاتغرريت فيه أصلاا أناا لي هزيت الدق وأنا لي خلصت نيتي وتقتي فيه.. نتي معرفااش بلي هضرتك جرحااتني اأسمااء وهرساتني من الداخل عاايرتيني بحااجة لي عمري نسيتها ولي لدابااا واقفة لياا فطريقي بحال الشوووك ممخلياني نتقدم ونزيد..
أسماء:(بدات تتبكي) عارفة تيقيني بلي عارفة اش دوزتي وحاسة بيك والله مكنت باغاا نجبدو فلهضرة أصلااا مايستااااهلش وماشي غلطك حيت هو ضحك علينا جميع وتابابا ضحك عليه ومبينش ليه وجهووو ماشي غلطك حيت واحد مريض بحالو بين ليك لوجه لي باغي ولي مخبي وراااه خبث الدنيا
رحيل: هادي ماشي أول مرة اأسماء من ديما نتي تتجرحي غيرك وعاد تتجيك الندامة فاش كيفوت لفوووت نسيتي إسلام وهضرتك ليه وكملتيها بياا أنا
أسماء: عارفة لساني مبري مني وعارفة بلي هادا هو عيبي ولكن والله مقدت سمحيليااا ارحيل
تنهدات رحيل وبدات تتشوف فيها بصح جرحااتها فهضرتها ولكن تتبقى ختهاا واخرتها تسمح ليهاا شحال غاتبقا هازة فقلبها من جهتها..
رحيل:الله يسامح
أسماء:مطالعااش من قلبك ارحيل
رحيل:طالعة من ريتي راه كون مسمحتش ليك والله لاقلتهااا تت
أسماء:(عنقاتها) أصلا قلبك كبير ومكتحقديش على لواحد شكرااا
رحيل:(تنهدات) لعفوو
أسماء:سيري رتاحي أنا ندير لعشااا
رحيل:بلاش أنا نطيبووو
أسماء:لا والله ماتحطي فيه يدك أنا نطيب سيري جلسي معاااهوم..
خرجات رحيل مخلية أسماء طيب بقوة لفرحة ولمهم عندها أنا رحيل سمحات ليها.. أما عوينات الجلبانة مشات لصالة لقاتهوم مجمعين على كويس دأتاي وتقيوتات وهضرتهوم على رمضان لي مبقا ليه غير سيمانة.. جالسة وشادة أتاااي تتشرب منو وتتسمع لسيدرا لي منشطة ليهوم تاني الطرح وتبسم.. وهاكا دازت لجلسة تاوصل وقيتة دلعشاا وتعشاو مجموعين وناض كل واحد غادي لبيتو ينعس..
---
لجوو ليوم كان سخووون ومشمش..تاضور راسها يمين وشمال وتتقلب على بلاصة فين تبلاصي تاجا عندها السكوريتي وصلها لبلاصة خاوية وقفات فيها الطوموييل وسمعات صوت محمد طه لي نطق:ماعرفتش علاش مخليتينيش نسوگ أنا
رحيل:(سدات طوموبيل باها ونطقات وهي تدير لكونطاكط فالصاك) باركة غير خدام ونتا مكملتيش لمدة لي عاطيك الطبيب
محمد طه:أنا بخير
دخلو لداخل وأشارت رحيل لمحمد طه:نخليك دابا تالوقيتة دلغدا ونتشاوفو
طلعات فالدروج بخطوات سريعة ومع جات دوز جنب بيرو نوح تحل لباب وخرج منو نوح لي كان واضح عليه كيتسناها ونطق بصوت هادئ: باغي ندوي معاك؟
حل ليها لباب وهي بقات تتشوف فيه وتتسرط ريقها دارتها فيد الله ودخلات لبيرو ولكن مجرد ماسمعاتو سد لباب قفزات وشافت فيه وهو كيقرب جهتها بخطواتو التقيلة تاوقف قدامها قريب منهاا وهي بدات تادور عينيها فلبيرو كولو إلا عليه متوثرة ومرعودة تاسمعات صوتو لي نطق بخشونة: ممكن نعرف سبب رفضك ليا؟
ليوم موعد خروج غزلان من السبيطار وبحكم ماعندها حد هنا فتكلف إدريس بيها هو وتانيرت لي مشاو لسبيطار ومعاهوم سيدرا لي كانت متلهفة تشوفها.. أصلا هاد ليامات كلها وهي تتسول عليها بغات تشوفهاا.. نزلو من الطاكسي حيت الطوموبيل ديالو داتها رحيل ومحمد طه.. مشاو ديريكت لشومبر غزلان لي كانت متكية وعقلها سارح.. ولكن غير سمعات صوت سيدرا وهي ضور جهتها وشافت فيها مبسمة..
سيدرا:(قربات جهتها ونطقات بحماس) غيزوو توحشتك أنا
غزلان:حتى أنا توحشتك
سيدرا:(شافت فوجهها لي فيه شي ضرابي ودراعها لمگبصة ونطقات ببرائة) مالكي فيديداتك أو وجهك فيه اي
غزلان:(تنهدات وقالت بخفوت) طحت فالزنقة عليها فيا اي فوجهي ودراعي..
تانيرت:(تبسمات ليها) كيف بقيتي ابنتي شوية
غزلان:لحمدلله اخالتي
تانيرت:ليوم غاتخرجي من هنا وقبل غايخصك تمشي لكوميساريا على قبل الإفادة ديالك
غزلان:اه عرفت احم
سكتات غزلان ورجعات سهات وتانيرت تنهدات من حالة هاد لبنت لي بقات فيها.. مدات ليها حوايج جابتهوم ليهاا ديال رحيل ونطقات:هاكي باش تبدلي ابنتي
غزلان:(بحرج) عدبتي راسك اخالتي
تانيرت:ماتقوليش هاكاك تبغي نعاونك حيت دراعك كضرك
غزلان:لا لا نقدر
جرات تانيرت سيدرا من يديها وخلاوها تبدل على راحتها وخرجو لبراا لقاو إدريس كيتسناهووم ونطق بهدوء:أمدرا؟
تانيرت:خليتها تبدل واش غانديوها لكوميسارية؟
إدريس: شوفي هي اش باغا (حك جبهتو ونطق) الطوموبيل باش نتحركو داتها رحيل
تانيرت:اش بان ليك نشريو ليها شي طوموبيل باش ماتبقاش تعدب هي ومحمد طه فالطريق
إدريس:أصلا أسماء تاهي قالت ليك باغا تشري طوموبيل
تانيرت:اييه عرفت أصلا بسباب هادشي ناض لمشكيل
إدريس:غانشوف الطوموييل لي باغاا أسماء واش تستاهل ونشوف واش كاملين عندي لفلوس باش تشريها الامكاملينش نتسلف من لبانكة
تانيرت:(قربات لعندو ونطقات بهدوء) مكاين لاش تسلف أنا غانزيدك الاخصاتك شي حاجة
إدريس:(كمش حجبانو ونطق وباين فيه معاجبو حال) مكاين لاش اتانيرت إينو
تانيرت:(تنهدات) غانبداو تاني اإدريس ياك تانقول ليك حاجتي هي حاجتك وحاجتك هي حاجتي ولكن نتا ديما داير لفرق بيني وبينك
إدريس:(شاف فيها ونطق بجدية) اييه حاجتي هي حاجتك ولكن فلوسك راه فلوسك نتي اتانيرت وزايدون أنا قاد بيك وبولادي
تانيرت:(كمشات حجبانها وباين فيها تعصبات) وأنا قلت ليك مقادش داباا عااارف بلي قااد وبلي لي حلينا عليهاا فمناا جايبها لينا وماقلنشااي لا ولكن اإدريس ملين غاتجيب هاد لمصاريف ونتا باغي تشري طوموبيل لرحيل وأسماء هااا وتبغي تسلف وتكلف وأناا عندي باش نعاااون راه دوك لفلوووس لي غانعطيك ديالي حقي ولي مخلي لي بابا وحق ولادي ماااشي فلوووس هاداك لي فبااالك ولي محسس منووو وتالاكااانو فلووسووو هاداك حقي حيت أنااا لي متبعة ليه لخدمة وأناا لي مشياهاا ليه ومكنديرش شي حاجة عييييب باش تحسس اإدريس ولكن نتا راسك قاااصح وديما فاش كاندويو على قضية لفلوووس كاتحسس وكاتبقاا غير تخرررربق..
قلبات عليه تانيرت وجهها وهاد لمرة بصح خدات منوو موقف حيت هي عندها عاادي وهادوك فلووسها لي مخلي ليهاا باهاا وحق ولادهاا وتاراجلهاا مافيها عييب الا بغى شي حاجة تعطيه حيت هي كتعتابر حاجتها حاجتوو ولكن إدريس من نوع لي نفسووو حااارة وأصلا السبب دفراقهوم كان هو فارق الطبقات وحيت هوو ماعندوووش عليهاا باهاا رفضو حيت خاف لايطمع فيهاا وففلوووسهاا وزيد قضية عبدالله راجلها لي باقاا
لحد الآن تاتصرف من فلوسوو وتاريان كيوصلوو حقوو وهادشي إدريس مباغيهش حيت غيرتوو وكبرياءو كرجل شرقي كان قوي.. قاطعات غزلان بخروجها داك الجوو لمشحوون وقربات تانيرت عندها معاوناهاا وسبقو وموراهوم إدريس لي هاز سيدرا لي كانت ساكتة فاش شافت جدها معصب.. عنقاتو بيدياتها وباستو فحنكو وهو تبسم على ديك لحركة لبسيطة.. ركبو فطاكسي ومشاو لكوميسارية لي خدام فيها صابر وكان نيت فبيروه.. دخلات عندو غير غزلان باش تعطي أقوالهاا ولخرين بقاو براا كيتسناو.. وسيدرا جالسة وسطهوم مرة تشوف فتانيرت لي قالبة وجهها مرة تشوف فإدريس لي مكمش حجبانو وساكت..
فلبيرو مبعد ماقالت الإفادة ديالها وعطاها ليها صابر باش تقراها قبل ماتسيني وهو حاضيهاا ونطق مكرر سؤالو لي ديجا سولو ليها قبل:متأكدة مباغاش ترفعي دعوة على لي ضربك بالطوموبيل؟
غزلان:(شافت فيه) اه متأكدة
صابر:علاش؟
غزلان:حيت لغلط ديالي أنا لي تلاحيت على طوموبيلتو فاش كنت تانجري بلاعقل وزايدوون مباغااش مشاكيل وطلع ونزل فلمحاكيم داكشي علاش مباغاش نرفع الدعوة
صابر:المهم شوفي صاك واش فيه گاع داكشي لي كنتي هازة ولاناقصة شي حاجة..
غزلان:(بدات تتقلب بيد وحدة تاهزات راسها وقالت) بزطامي فيه لفلوس مكاينش؟؟
صابر:طيرروه ليك على قبل لفلووس يعني مغاديش يخليوهوم.. اشنو كان فالبزطام من غير لفلوس واش عندك فيه كارت بونكييير ؟؟
غزلان:(حركات راسها يمين وشمال وعينيها مدمعين) لا كانو فيه غير لفلووس (كملات بصوت خافت) وتصويرة لوحيدة لي عندي لبابا الله يرحموو..
خرجات غزلان من البيرو دصابر هازة صاكها وبخطوات تقيلة تمشات جهة الباب فين كانو كيتسناوها إدريس وتانيرت لي غير شافتها قربات جهتها وتبسمات ليها:شنو طرا ابنتي واش صافي ساليتو؟
غزلان:ااه عطيت إفادتي
تانيرت:واخا زيدي نوصلوك معانا
غزلان:مكاين لاش اخالتي أنا غانقدر نمشي وحدي لدار
تانيرت:لا غانوصلوك ابنتي وبلاماتعارضي وماكرهتش تفكري فهضرتي لي قلت ليك وترجعي عندنا
غزلان:فهميني اخالتي أنا مغانقدرش نرجع لبلاصة تهنت فيها وتعايرت بحاجة مادرتهااش
تانيرت:عرفت ابنتي ولكن فكري وتالابغيتي تقدري تسكني عندنا وبهاكا غاتوفري مصاريف الكراا لمهم نتي فكررري مزيااان فعرضي وتفكري بلي باب داري مفتوووح ليك وربي عالم بلي دخلتي قلبي نهار لول شفتك فيه
إدريس:(كان واقف تيسمع لهضرتهوم ونطق) حنا مغانبززوش عليك ابنتي فكري مزيان وكيف قالت ليك تانيرت باب دارنا مفتووح ليك
غزلان:(عينيها دمعوو من هضرتهوم وكيفااش عاملوها ونطقات باش ماتحشمهومش) واخا نفكر
تانيرت:(تبسمات) واخا وماتعطليش راه توحشت طيابك وخصوصا لباط لي كنتي طيبتي لسيدراا
غزلان:(تبسمات ليها وعارفااه تتوحم وقالت بطيبة) الابغيتي نصاوبها ليك فالدار
تانيرت:مكرهتش والله
سيدرا:(تخشات وسطهوم وقالت تاهي) وطيبي ليا تاأنا حيت ديك نهاريات كلاتها ليا تانيرت إينو كولهااا
تانيرت:(كمشات حجبانها) نتي لي قلت بغيتو تبغيه
سيدرا:(نطقات وهي معنقاها من رجليها) حيت نتي عزيزة علياا تانيرت إينوو..
---
مكانتش دايرة بحسااب أنها غاتحط فهاد لموقف معاه وأنه غايسولهاا على سبب رفضها ليه.. قالت مع بالها بلي فاش غايوصلوو جوابها غاينساحب ومغايسولش ولكن كان توقعها غالط هاد لمرة.. أصلا فين عمرها توقعات شي حاجة متعلقة بيه وصدقااات.. أما نوح فمتحركش من بلاصتو واقف قدامها وقريب ليها وعينو عليها وهي كاضور عينيهاا فالبيروو كولو باش ماتشوفش فيه.. وفاش شافهاا سكتات ومجاوباتوش رجع كرر هضرتو بصيغة خراا وبصوووت تقيل:علاش رفضتي شنوو لمشكيل؟؟
رحيل:(تشجعات وهزات راسها وشافت فيه) واش ضروري يكووون سبب باش نرفض؟؟
نوح:(كمش حجبانو) معلوووم ونتمنى يكووون سبب مقنع
رحيل:(كحزات شوية راجعة لور ونطقات بهدوء مصطنع) حيت مبغيتش
نوح:(بهدوء) لمعنى؟؟
سكتات رحيل كاتحاول ترتب هضرتها فبالها قبل ماتنطق بشي حاجة لي تخليها تحاشم معاه وفنفس لوقت باغاا تقنع راااسها بلهضرة قبل ماتقنعوو هووو..
رحيل:(شافت فيه وقالت بأول حاجة طاحت فبالها) حيت ممستعدااش لزواح ومباغااش نتزووج
نوح:(قرب جهتها بخطوة خرا ونطق وهو مركز الشوفة فيها) والسباب هو زواجك لول؟؟
رحيل:(هزات عينيها فيه بزربة وسرطات ريقها وقالت بانفعال باين فضوتها) ونتااا اش عرفك بزواجي لول؟؟
نوح:(حك حاجبو ونطق بخشونة) حيت ميمكنش ترفضي الزواااج بلا سبب وزيد باك قال زواجك لول فاااشل ونتي خفتي تعاودي نفس التجربة هادشي علاش رفضتي؟
تماما كما فكرااات هي.. هضرتوو كلها على حق وهاد هو سبب رفضهاا والشي لي خلاهاا تسكت لمدة وهي تتشوف فيه.. كان السكات بناتهوم بزوج وعينها قلب عينيه لي كانو كيشوفو فيها بلهداوة ودوك الشوفات لي تتحس بيهوم رحيل كيفشلوهاا.. حطات صاكها فوق الطبلة لي كانت تم ورجعات شافت فيه ونطقات معصبة: ونتا علاش باغي تعرف وعلاش باغي دخل ليا فحياااتي؟
نوح:(خشى يديه فجياب السروال ونطق بصوت بارد) حيت الاكتاب غاتكوووني حرم السليماني (هز حاجبو ونطق بنبرة هادئة) ولابد ماخص راجلك يكووون عارف السبب ؟؟
حلات رحيل شفايفهاا وهي مصدومة من جوابووو لي قااال.. واش هي تتقول ليه رفضتك وهو كيقول ليها الاكتاب غاتكوني حرم السليماني؟؟ واش هو بكامل قواه العقلية ولااا شارب شي حاجة.. أما هو فكان تيشوف التردد فعينيهاا وكان حاس بلي جوابها لي قالتوو ماشي هو لي باغااه..
رحيل:(هزات صاكها ونطقات بهدوء) تعطلت على خدمتي خصني نمشي
بغات تمشي وهو يقطع عليها الطريق بدون مايقيسها وهي خنزرات فيه
نوح:(تنهد) باقي مسالينا لهضرة ولخدمة مغاتهربش ارحيييل وخليناا دابا ندويو بلعقل
رحيل:(حلات فيه عينيها) على مالي بنت ليك حمممقة ومكاندووويش بعقلي
نوح:(قلب وجهو) استغفر الله يا صبر أيوووب
رحيل:(ضحكات بسخرية) مااالي كدبت ياك هادي هضرررتك نتااا
نوح:(كمش فيها حجبانو ونطق بجدية) واش ابنت الناااااس ديماا نتي هااكا تتفهمي غير لي بغيتي ولي بغيتي لا
رحيل:(زادت خنزرات فيه) شنوو زعمة بغيتي تقووول مكلخة
نوح:(هز حجبااانو ومسح على وجهوو وبقا ساكت مدة عاد رجع نطق بهدوء ورزانة) غانسولك لآخر مرة ارحييييل نتي علاش رفضتي؟؟
سكتات رحيل وگاع عصبيتهاا تبخرات مجرد مانتبهااات لسميتها لي نطق بيها بديك النبررة الهادئة والرزينة وكيفااش كيشدد على ديك الياااء ولي زاد خلاهاا تسكت هو كلاموو لي قااال ولي باين أنه ماقتانعش بالسبب..تخطاتو تاوقفات جهة لباب ونطقات بصوت هامس:حيت مانصلاحش ليك..
خرجات من عندو ومشات لحمامات وهي حابسة لبكية لي جاتهاا ولكن مجرد ماسدات لباب تفرگعات بلبكااا وهي سادة فمها باش مايتسمعش صوتها لبرااا.. تتبكي وتتفكر هضرتوو لي قال وكيفاش كان مُصر باش يعرفها علاش رفضاااتو وتصرفو بين ليها أنه مهتم بيها حيت كون مهتمش فاش غايوصلو الرد غايسد لموضووع.. هي بصح ماتصلاحش ليه حيت هي إنسانة مريضة ونفسيتها مريضة وممرتاحااش واخا تاضحك واخا عايشة ومكملة حياتهاا ولكن ممرتاحاااش خايفة تفيق شي نهار وتلقى واحد من حبابها تأدى بسباب بدر الدين لي باقي مرضهاا فحياتهاا... جلسات فوق لاشاااس وبقات تماا تتحاول تبرد عينيها لي دغياا حمااارو ونيفها تاهوو.. تيلفونها كيصوني وفاش شافت شكون لقاااتهاا لبنت لي خدامة فلكابيني مع الطبيبة ديالهاا.. تافقات معاها بلي غاتجي مع ديك الزوج فوقيتة دلغداا وغير قطعات لابيل ناضت شافت راسها فلمرايا كانت باينة فيها باكية ولكن ماعندها مادير تعطلات على لخدمة.. خرجات ومشات لبيرو لقات السلام عليهوم وبدات خدمتها ومحشاتها لحد تتحاول تركز وتنسى هضرة نوح وتصرفوو معاها وتركز غير فخدمتهاا ومع الزوح هزات صاكها وخرجات نزلات لتحت تتقلب على محمد طه لقاتو غارق فالخدمة هو وسعيد.. دقات لباب دلبيرو وهزو فيها عينيهوم بزوج وسعيد كلاهاا بشوفاتو لي لاحظاتهوم رحيل ولكن ماهتمااااتش.. قرب جهتها محمد طه ونطق بصوت خافت:فين غادة؟
رحيل:غانمشي لعند الطبيبة
محمد طه:واخا تسناي نمشي معاك
رحيل:مكاينش لاش غانمشي بوحدي
محمد طه: ولكن
رحيل:(تبسمات ليه بسخرية) خصني نولف امحمد
خلاتو وهو بقا غير تيشوف فيها بانت ليه مغييرة وشي حاجة طرات.. أما رحيل ركبات فالطوموبيل وزادت غادة فالطريق ومرداتش لبال لطوموبيل لي كانت تابعاهاا.. مسافة طويلة وقفات قدام لكابيني وبلاصتها ودخلات لعمارة فين كاينة لكابيني ومن زهرها لقاتها خاوية حيت وقيتة دلغداا.. تبسمات لبنت لي رحبات بيها وداتها جهة الطبيبة لي كانت فانتظارهاا
الطبيبة:رحيل صااافا عليك
رحيل:(سلمات عليها وتوجهات لفوطوي لي مولفة تجلس فيه ونطقات بهدوء)لا ماشي صافا
الطبيية:(قربات عندها هازة المسجل الصغير حطاتو فوق الطبلة وخدماتو وقالت) كانسمعك
رحيل:(تنهدات) عيييت كل يوم كيفووت تانقول دابا نسى ونرجع كيف كنت ولكن هادشي غير هضرة حيت لواقع غير
الطبيبة:اشنو وقع معاك عاودي لياا
رحيل:(سرحات لبعيد) تعقلي نهار عاودت ليك على هاداك لي فكني من بدر نهااار الغابة (حركات ليها الطبيبة راسها ورحيل كملات) طلب يدي لزواااج
الطبيبة:ونتي ااش قررتي
رحيل:(هزات كتافهاا ونطقات ببرود زائف) رفضتوو هه قلت ليه لا
الطبيبة:(تقادات فجلستها وقالت ليها بهدوء) رفضتيه حيت خفتي يتكرر معاك داكشي لي طرا فزواجك لول ؟
رحيل:(حركات راسها) اااه حيت باقي مقدرت نتخطى شي لي وقع معاياا باقي لحد الآن مقدراش نسى دوك الثمن شهووور حاولت ولكن مقدرتش مقدراش نعطي فرصةة حيت خاايفة نعاود نخووض تجربة وتفشل
الطبيبة:شنو سميتوو
رحيل:(تبسمات بخفوت) نوح
الطبيبة:رحيل نتي عارفة نووح ماشي هو عاصم وماشي حيت جربتي مرة وحدة وفشلتي وتصدمتي فهادشي كيعني غاتعاودي نفس التجربة رحيل نتي بهاد التفكير لي وليتي ماشية بيه غايخليك تزيدي تأزمي ومعمرك غاتخرجي من ديك لقوقعة لي نتي بنياهاا عليك.. مبقيتيش تتعرفي على ناس جداد ومبقيتيش باغا تخوضي تجربة حب مرة خراا غير حيت عاصم كدب عليك وعدبك شحال غاتبقااي ونتي هاكا همم لإمتى ارحيل غاتبقاااي واقفة فواحد النقطة ومباغااش تزيدي لقدام (كملات بهدوء وبجدية) ماشي نتي أول وحدة تزوجات وتخدعات فراجلهاا ارحيل كاين منك عداد كبير وبزاف دالنسا كملو حياتهوم ورجعو تزوجوو وهاهوما عايشين بخير.. أنا فاهمة إحساسك وعارفة خووفك لي تتحسي بيه ومن حقك تعدبتي بزاف وعشتي حوايج صدموك وخلاو نفسيتك تهزز وتأثر عشتي وسط نااس لي عمرك ضنيتي غاتشوفيهوم كنتي عايشة فعالمك لبيض تافلحظة لقيتي السوااد ضاير بيك تصدمتي ومقدرتيش تخطااي صدمتك.. كدوب عاصم واغتصاابو ليك تهديدو بعائلتك وكيفااش أدى الناس لي تتبغي ونتي سممتيه باش يموت ومكفاهش باعك لعموو لي مريض بيك ولي كان تاهو باغي يتعدى عليك ونتي ضربتيه بمووس وكنتي غاتقتليه تاهو.. وفلخر تصدمتي بحمالتك ببنتك لي مكنتيش حاطاهاا فلبال تعدبتي ولكن ربي فرجها عليك وحررك من دااك لعداب وتعطاتك فرصة جديدة لي نتي خصك تستاغليها خمسنين عمرك خرجتي بوحدك من غير ميكون معاك شي حد ديما ساهية والحزن كيبان فعينيك بصح تاضحكي وتتحاولي تعيشي حياتك ولكن هادشي كولو واحد لماسك لي نتي تتلبسيه باش تخفي بيه دااك الحزن لي باقي مسيطر عليك تاتبغي توهمي غيرك راكي بخير واخا نتي ماشي بخير تاضحكي على راسك قبل ماضحكي على غيرك وعاجبك حالتك هااا شحال ونتي تتجي عندي باش تعالجي واش شايفة راسك تعالجتي أنا غانجاوبك(كمشات حجبانها) لا متعالجتيش حيت نتي ممقتانعااش ومباغاش تنساي وتخطاي نتي مكتحااوليش ارحيل وطولما نتي مكتحاوليش عمرك غاتقدري تكملي حياتك كيف الناس
رحيل:(دموعها نزلو من هضرة الطبيية لي كانت صحيحة ونطقات بقلة حيلة) وشنو الحل
الطبيبة:(بجدية) واجهي مخاااوفك وصدماتك ارحيل وأولهوم تقبلي موت جيداء...
~ وماذنبي إذا كان طيفُ الماضي لايزال عالقاً في حاضري ~
جالسة فالطوموبيل بعقل سارح والنفس حاسة بيها تقيلة فجوفها.. لعيون كايشوفوو فالطريق قدامها ولكن التركيز غايب.. القلب مهموم ومجروح وربي وحدو لي عالم اش هاز.. نزلات شوفاتها ليديها لي كانو مجموعين فحجرها حمرييين وفراحة يديها لاطرااس ديال الضفرااان لي كانت تتغرزهوم فيه وهي ساهية.. كانت هاد لخطوة ولابد منهاا تالإمتى غاتبقى تهرب من الحقيقة لي واضحة وضوح الشمس.. خمسنين وهي تتحاول تكابر وتبين أنها بخير ولكن لحقيقة كانت غيرر.. قلبات وجهها جهة الباب دمقبرة الشهداء لمتواجدة فالرباااط.. لبلاصة فين كاينة أعز إنسانة على قلبها ولي حرماتها الدنيا منها.. يوماين وهي تتفكر فهضرة الطبيبة لي قالت ليها ولقات بلي عندها لحق... لهروب ماشي هو لحل وخصها تواجه على قبل صحتها ونفسيتها.. غمضات عينيها فاش سمعات صووت ريان لي نطق بهدوء: نزلو؟
حركات راسها وحلات لباب ونزلات بجلابتها لكحلة وفولار كحل على راسها.. وجهها كان خالي من أي نقطة دلمك آب والحزن رسم خطوطو عليه.. حسات بيد ريان لي حاط على كتفها وهوما غاديين بخطوات تقيلة.. ومع تخطات لعتبة دلقبر لحمها شوووك والتبوريشة طلعات معاهاا وعينيها على لقبووور.. أما ريان فكان عينو معاها خايف عليها.. كيتفكر نهار جات عندو وقالت ليه يمشي معاها لربااط باش يوريها قبر جيداء كيفاش تصدم ومتيقش اش سمع.. وملي قالها لباه تاهو بانت عليه تدهش وجاتو فشكل ولكن مقالو ليها والو ومسولوهااش حدوو إدريس قال ليه "سير معاها ورد ليها لبال" وهاهو دابا كينفد هضرة باااه..
أما هي نفسها بدا يضياااق وعينيها كيضورو هناا ولهيه أول مرة دخل لمقبرررة فحياتهاا ولزهرهاا لعوج داخلة باااش تزور ضاحبتهاا.. وقف ريااان عند واحد لقبر ورحيل انتبهااات ليه وضورات راسهاا جهة لقبر وعينيها لمحوو داك الشاااهد لي مكتوووبة فيه سميتهاا "جيداء التوونسي" وكانت هاديك السمية هي القشة لي قسمت ضهر البعييير.. غير شافتها طاحت على طولهاا تاتسمعات الزدحة وريان قرب مدعوووق محني عندها ونطق بخووف:رحيل نتي بخيييير
رحيل:(قالت بصوت بارد) بغيت نبقاا بوحدي
كيشوف فيها وهو خايف ماعرفش واااش يخليها ولايبقاا تلف ولكن فالأخير قرر أنه يخليه ويبقا واقف مراقبها من بعيييد.. أما رحيل عينيها تعلقااات على لقببر لي كاان نايض فيه الربييع مدات يديها لي كانت تترجف ووقاست بيها التراب ونطقات بخفوت: سمحيليا حيت عمري جيت نشووووفك عارفك غاتكوووني مقلقة مني ولكن تيقيني ماقدرتش (صوتهاا تخنق بالدموع وشفايفها بداو يترعدو) موووووتك هرسني وخلى فقلبي كية عمرهاا تبرى (نزلو دموعها كيف الشلال وصوتها كان معزوفة من الألم والحسرة) كان عليا أنااا لي نكووون بلاصتك كلشي بسباااابي هووو قتلك بسبااابي أنااااا ليي كاااان عليااا نكوون هنا هء هء
حبسات هضرتها فاش حسات براسها تخنقات وحدرات راسها وريان واقف بعيد كيشوف فيها وحالتهاا قطعات قلبوو.. عارف ختو كتلووم راسها حيت جيداء ماتت بسبابها وعارف بلي هاد الذنب غايبقا عاايش معاهاا حياتها كلهاا.. أما رحيل دموعها سقااو لقبرر دصاحبتهاا ورفيقة دربها لي جمعاتهوم أيام وسنين ومواقف ولحظات عمرها تنسى ولاتكرر.. كانت الأخت الكبيرة ليها لي ديما كاتنصحهاا بشنو دير وديما واقفة جنبها
رحيل:(تتلمس لقبر وحاسة بحال الاتتلمس صاحبتها ونطقات بصوت ساهي حزين) فيما كنت تانبغي نطيح كنت تانلقاك مسنداااني وشادة فيدي ومقوياني وتتنصحيني وتتوريني شنو خصني نديرر عمرك هزيتي فخااطرك من جيهتي واخاا يوقع لي يوقع (هزات عينيها لمتورمين فالشاهد لي فيه سميتها ونطقات بصوت يقطع فالقلب ) ياريت كون كنت نقدر نرجع الزمان لور ومانصونيش عليك ونكون سباب فموتك تيقيني عمررري مانسمح لراااسي حيت نتي تدفنتي وأنا بقيت عايشة ..
الذنب لي عايشة فيه رحيل كل نهار كان ياكل فيها بلمهل ممخليهاش ترتاح.. تكااات على قبرها وحطات خدها على التراااب المخضررر وبقات ساهية وعينيها وديان من الدموع.. ريان كان باغي يدخل حيت حالتها معجباتوش ولكن خلاها تخرج داكشي لي حابساه هاد السنين وتفرغوو دابا عالله وعسى ترتاح ولو شوية..
رحيل:(سرطات طعم الصدا لي فحلقها ونطقات بصوت غارق) عمري حطيت فبالي يجي نهار لي نشكي ليك همي وأناا معنقة تراااب قبررك..
يتبع...
التعليقات
لا توجد تعليقات بعد، كن أول من يعلق.