الجوهر الحر الجزء الثاني

هاد المنظر خلاهاا ترجع بداكرتهاا لأيام زمان ملي كان تيجي يديها من لخدمة...ديك الساعة كانت تتحس بالفرحة ولكن داباا حاسة بشعور فشكل معرفاتش شنو هو... قرب جهتهاا بخطوات سراعين تاووقف قدامها وبقا كيشوف فيهاا بهيام:رحيل ممكن نهضرو

رحيل:(شافت فساعتها وببرود)هادي أخر مرة نشوفك قدامي كنظن سبق ليا وقلتها ليك اياسين ولكن بنتي لياا نسيتي وغانضطر نعاود هضرتي ليك...بعد مني ونسااااااني عليك أنا ماشي رويضة سوكور لي وقتماا تحفى ليك تجي لعندهااا نتااا راك مزوج وأنااا كرامتي مغاتسمحش لياا نشوف ولانهضر مع وااحد مزوج...

بغات تمشي ساعة شدها من يديها وفيساع نتراتها وغوتات فوجهو:مااااتقيسنيش الخراااا سمعتي وفرقني عليك ولابالرب تااانجمع عليك أمة سيدنا محمد ونشوهك (بركااات على الحروف) أخر مرة نشوووفك قدااامي سمعتي

خنزرات فيه ومشات وهي معصبة منو ومن راسها وبالأخص قلبها لي باقي كينبض ليه...هي حالياا بين صراع القلب لي كيحننها ليه وبين عقلهاا لي كيفكرهاا فتخليه ليهاا فوسط الطريق..

"وبين القلب والعقل حربٌ يصعب تحمُلهاا"

الطريق كلها وهي ساهية ولكيت فودنيها كتسمع القرآن لي كيخليها تحس بالراحة وهمها كيزول تاوصلات ونزلات فالمحطة لي مولفة تنزل فيها وكملات طريقها لعند القسارية دمالين الذهب...أول محال بان ليها دخلات ليه وعطاتو داك لونصومبل ولگرميط عبرو فالميزان ديال الذهب وشاف فالروسيات ونطق:ثمان ديالهوم هو 4000 درهم

رحيل:(بدون اهتمام) واخا

جبد لفلوس وبدا كيحسب عاد عطاهاا تأكدات منهوم ودارتهوم فجيب لاڤيست لي لابسة فلداخل شكراتو وخرجات غادة لدار ومرداتش لبال لداك الشخص لي كان تابعهاا...

غادي جاااي فالصالة ديال لاباخطومون ديالو وهو معصب فكل مرة كيصوني عليها كيرجع ليه لخط بمعنى أنها بلوكاتو..رجع مرة خرا كيقرا داك لمسااج لي صيفطات ليه ولي مكانش متوقعو منها أبدا ومادايرش بحسابو... اه بصح ضحك عليهاا ملي قال ليها بلي عطا لباه السيڤى وبلي خصها تمشي باش دوز لونطخوتيان وهو أبداا واش هضر مع باه ولاجبد ليه الموضوع... هو كان باغي يأدبها على بلاناتهاا معاه وعلى طمعها فديك الخدمة لي كل مرة كتفتح ليه موضوعهاا... رجع كيصوني لها واخا عارف راسو غايلقا نفس الإجابة حيت مبلوكياه... هاد لمرة خرجات ليه من جنب ماشي بحال كاع لمرات... عليها قرر يمشي لحومتهاا ويهضر معاهاا ولكن معارفش بالتحديد دارهوم حدو عارف لحومة... يالاه زاد خطوة وهو يحبس فاش تفكر بلي غايخص يسول عليهاا وممكن هادشي يجبد ليها الصداع خصوصا هو عارف باها صعيب على حسب كلامهاا ليه... والامشا غايصدق جابد ليها مشكيل وهو فغنى عنهم..لحد الساعة باغي غير تجاوبو باش يحلو هاد لمشكيل... هز سوارتو وهبط كيدردب فالدروج راكب فطوموبيلتو لي كانت مبلاصيا قدام ليموبل فين ساكن وعفط عفطة وحدة غادي لاجونس ديال اتصالات شرا سيم ورجع ركبها فتلفونو وأول حاجة دارها ملي ريگلا أمورو عيط ليها...صونى لمرة لولة والثانية تاتفتح لخط او وصلو صوتهاا لي كيميزو بين مليون بنت:ألو

آدم:أسمااء ماتقطعيش

قبل مايكمل كلامو قطعات عليه ورجع كيصوني عليها ولقاها مبلوكياه تاني من هاد النمرة هناا تعصب بالبيان وهو كيشوفها سدات عليه گاع لبيبان باش يدوي معاهاا... تعماو عينيه وحس بيها مشياه كيف باغا وهادشي زاد نيرڤاه..حرك راسو بوعيد ونطق:واخا اأسماء ماخليتي ليا تاحل من غير نجي لداركوم وديك الساع لي بغا يوقع يوقع...

العنااد...من طبع آدم عنيد بزاف والاقال لحاجة يديرهاا واخا يوقع ليبغا يوقع...ماشي من عادتو يجري مور شي بنت ويبقا تابعهاا إنما لعكس..مولف لبنات هوما لي يتبعوه ويديرو ليه لخاطر وهو يتفشش..ولي زادو گراد هو باه لباس عليه وهادشي مخليه يكون مغرور ولي حل عليها فمو يلقاهاا حيت هو لبرهوش الصغير دعائلة الصفريوي...مفشش ومعول ديما على باه وعلى فلوسو تاخرج على راسو..نهار يخطيه باه يبقا ربنا خلقتنا وهادشي هو مدايروش فبالو... وصل تال عند أسماء وسيستيمو تبدل كومپليطمو "كليا"...

وصل لحومتها ودخل كيقلب بعينيه ربما تبان ليه..بلاصة شعبية ممولفش بيها وبالجو ديالها جاتو فشكل واخا كيعرف دراري من طبقة شعبية ولكن مكيمشيش لعندهوم كيتلاقاو غير فالقهاوي..وقف قدام واحد مول لحانوت وبقا كيضور عينيه تانطق مول لحانوت:نعام اولدي شحب الخاطر

آدم:كنسول على دار واحد السيد سميتو ادريس عندو گاراج ديال الطوموبيلات؟

م.ح:ااااه سي ادريس عرفتو (وبتساؤل شاف فيه)فين تتعرفو نتا؟!

آدم:(حط ليه ميتين درهم فوق الطبلة وقال ببرود)فين ساكن

م.ح:(هزها وبدا كينعث ليه)دور على يديك ليسر تالت باب قهوي كيبان مصلوح هاديك هي دارهوم

خلاه ومشا غادي لفين كينعث ليه..فاش كيدخل لبراني لحومة كيكون باين خصوصا دراري دلحومة لي كيكونو عاسين تما والجارات لي كيجلسو قدام باب الدار يجمعو فهاد الصهودات...كلشي كيشوف فيه وفلباسو لي كييانو ماركة وسوارت ديال الطوموبيل لي مدلين بين يديه...وصل لنعث لي نعث ليه السيد وبقا كيشوف فباب الدار لي كان مسدود..قرب جهتو ودق جوج دقات وجمع يديه..كيتخايل وجهها كيف غايكون فاش غاتشوفو قدام عينيهاا وباش تعرف بلي قصوحية الراااس مكتفيدش معاه..يالاه قرب باش يعاود يدق وهو يسمع صوت الخطوات مقربين..بقا واقف تاتحل لباب وبان ليه محمد طه..كيعرفو حيت قالت ليه سميات خوتهاا..تنحنح وقال:هنا فين كاتسكن أسماء عاليات؟

محمد طه:(مكمش حجبانو)ايييه شكون نتاا؟

شاف فيه آدم ويالاه بغا ينطق وهو يلمحهاا جايا لجهتهوم وعينيها خارجين فيه حيت آخر حاجة توقعاتها هي هادي..والامشا تقال آدم داكشي لي بناتهوم غايكون هاداك آخر نهااار ليهاا خصوصا أنها عارفة كاراكطير باهاا كيف داير وممعاهش اللعب..

رشات ريحتها كأخر لمسة ليها وهزات راسها تتشوف فالمرايا لي مقابلة معاها عاجبها راسها فديك جلابة لمخزانية لي لابسة فالبلوماغين وفيها رشمة فالكتاف فالصفر والزرق فاتح والليموني جاتها زوينة مع طايتهاا..هزات صاكهاا وخرجات وصوت طالونها تيتسمع فالأرضية المزلجة..عينيها مشات لإسلام لي كان جالس على لكنابي لابس لكلاس لي واتاه مع تحسينة عادية ضارب فيها الجناب ولحية مبعثرة مخلياه أكثر جاذبية..هز عينيه فيها كيطلع ويهبطها بنظرات إعجاب وحب..ساهي ومافيقو من السهوة ديالو غار صوت ليليان لي مجلس فوق من ركابيه لابسة كسوة مفرفرة فالغوز مع ليبا وصبيبيط ودايرة باندة وشعرها مجموع گرينات جات تحمق غير ديال الماكلة..حالة يديها باغا تمشي عند مها تهزها وتتعيط ليها بصوتها لي ممفرزش:ماما اوو ننني

ميس:(قلبات عينيها وشافت فإسلام)يالاه نمشيو

سبقاتو كضرب بطالونها مخلياا ليليان مدلية شنايفها..تنهد وناض كيبوس فبنتو وتيهضر معاهاا تابدات تضحك بصوتها الطفولي..ركبو فالطوموبيل وليليان لور فكرسيها الخاص وميس جالسة حداه ساكتة..من نهار تسيف عليها وغوت عليهاا وهي تتفاداه ومتتهضروش الافالضرورة بحال الالقاتها سبة..واخا هو حاول شحال من مرة يصالحها حيت هو هاكا طبعو الاتعصب عليها وقلقها غير كيبرد كيصالحها وهي تتزيد تنفخ عليه وتفشش...الطريق بينو وبين دار ختو هدى مكانش بعيد حيت ساكنين قراب لبعضياتهوم... لقا الدنيا عامرة بالطوموبيلات..نزلات هي لولة تتقاد حالتها وتعاود تأكد من راسها فالمرايا وهو منزل بنتو شاد فيديها باش تمشى تاقربو جهتها وهي تشد فيها ليليان من جلابتها..نزلات ميس عينيها تتشوف فيها ومعاجبها حال ويالاه بغات تغوت عليها وهي تفكر هضرتو وتسيفتو..شي لي خلاها ضرب الطم محملاش مجيتها ومحاملة تاحاجة هاد الساعة عقدات حجبانها وعينيهاا كيضورو تبانت ليها طوموبيل يالاه جايا بلاصات حداهوم بقات متبعة ليهاا الشوفة تاتحل بابها ونزل منها آخر شخص كانت متوقعة تشوفو وبالتحديد فهاد البلاصة..الشخص لي كان أول واحد فحياتها ولي قلبها ضرب ليه وعشقاتو...

دقات قلبها كانو كيتسمعو بالجهد... عيونها كانو متعلقين فديك لكتلة الرجولية لي كانت تتمشى لجهتهوم... معرفاتش راسها واش هذا حلم ولاحقيقة... الاكانت تتحلم فمتأكدة مباغاش تفيف من حلمهاا...نفس الابتسامة لي طيحاتها فيه نهار اللول نفس النظرة ونفس التقة فالنفس لي عندو... كل خطوة كان كيخطيها لجهتوم كانت تتخلي أنفاسها تسارع مع دقات قلبها لي فأي لحظة ممكن يحبسو بقوة مكيضربو بالجهد..حاسة بداتها عراقت عليهاا او واحد الخط هبط ليها مع سنسولها تابورشها..ريقها نشف ففمها بقوة ماسرطاتو..ولي زاد فاجأها هو عناقو مع إسلام لي باين فيه كيعرفو..فهاد اللحظة الدوخة شداتها وتساؤلات كثيرة تدفقو فراسهاا مراحمينهااش..إسلام فين كيعرفو؟ وشنو كيدير هو هنا؟ واش عارفها غاتجي عليها جاا؟! مافيقها من هاد الاسئلة غير صوت إسلام لي نطق وهو حاط يدو على كتفهااا:هادي لمداام

هزات عينيها لخضرين فيه كتشوف ملامح وجهو لي شتاقتهاا فهاد السنين وكتشوف تأثير كلام إسلام عليه ولي صدمها هو لبرود لي بان فصوتو ملي قال:متشرفين الالة (نزل عينيه لليليان وقال)الله يصلح

إسلام:(ضحك ونزل هز بنتو)هه يصلح يامك اخاااي عقباالك ههه

ضحك وهو كيحك لحيتو وهز عينيه بخطفة جهة ميس لي كانت حاضياه ومنزلاتش عينيها عليه وقال:قريب انشاء الله

هنا ميس بحال الاكبيتي عليهاا سطل دلماا بارد من كلامو لي قال..مقادراش تخيلو مع شي وحدة من غيرهاا..مجرد التفكير فيها خلاتها تحس بشعور الغيرة والعضب والحقد والكره تجاه هاد الإنسانة..ناسية راسها أنها ماعندهااش لحق گاع تفكر فيه ولاتهتم بيه..نسات أنهاا مرا مزوجة وبلي راجلهاا واقف حداهاا..ومن الواجب ديالها تحتارمو وتعطيه قيمة سوى فحضورو ولافغيبتو..الغيرة عمات عينيهاا ناسية كلشي من غيرو هو حبيب القلب.."عدنان"

عيونو كانو كيشوف فيها ومنظرها وهي مخلوعة لايقول شي كلمة لخوهاا وتفضح..تتحرك راسهاا بلا وعينيها علاين يخرجو..ضحك فخاطرو من منضرها وشاف فمحمد طه مبتاسم ليه:كاتقرا معايا نتا عارف مبقا والو لمتحانات دلفاك وفالحقيقة كنت باغي ناخد عندها لِغيزُومي "تلاخيص" باش نحفض منهوم

محمد طه:(شاف فيه مدة وقال)واخا أنا نكلمها ليك

ضار وهي تبان ليه واقفة كتشوف فآدم او وجهها صفر..قرب جهتها وقال بشك:مالكي؟

أسماء:(شافت فيه وقالت بصوت خافث)هاا احم غير كنت فالحمام وسمعت صوت لباب وجيت نحل وانا نلقاك سبقتيني

محمد طه:(قاس وجهها ونطق بحنان)كاتباني صفرا واش كاضرك شي لعبة؟!

أسماء:(بتسمات ليه وحطات يديها على يديه لي فوجهها)لا أنا بخير (ضحكات ضحكة صفرا)هههه هادو غير عينين إيطو ههه

ضحك ليها وقال:شب ظري ميقرا معاك جا شوفي شنو باغي

أسماء:واخا

غير مشاا وهي تقرب بخطوات سريعة عند آدم لي كان مراقب لفيلم وردات باب الدار وقالت بصوت خافث معصبة:اش كااادير هنا واش حمااقيتي

آدم:(هز كتافو ببرود)نتي مكتجاوبيش ومبلوكياني شنو بغيتي ندير ليك

أسماء:تجي تال هنا بغيتي با يقتلني (جمعات النفس وطلقاتها) واخا غانجاوبك غار سير دابا

آدم:(مكمش حجبانو فيها) بغيتي نتيقك

أسماء:أقسم بالله تغانجاوب غير سير

آدم:(بهدوء) واخا دابا نشوفو سيري جيبي ليا شي بوليكوب باش خوك ميشكش فيك (غمزها)

مشات تتجري لبيتها أول بوليكوب بان ليها هزاتو ونزلات تاني تادردك تاوصلات لعندو وعطاتو ليه:سير دابا

آدم:غانصوني عليك دابا وبرب متجاوبيش ياتانتفااهم مع ز*مل بوك

أسماء:واااخا غير سير

مشااا وهي عاد قدرات ترتاح حيت فكات راسهاا..سدات لباب وضارت غاتمشي وهي تلقاا رحيل واقفة كتشوف فيهاا وهازة واحد لحاااجب وغير من شوفاتها باين بلي سمعات كلامهوم...

كانت جالسة ميس فالصالة فين كانو العيالات مجموعات لابسين قفاطن جوهارة... وحدة تنسيك فلخراا وشعورات والمكياج والروايح ودهوبات وكل وحدة باغا تبان على لخرى... الاهي لب كانت على غير عادتها ساهية ولحد الأن باقي مقاداش تيق بلي الشخص لي غبر عليها كثر من تلت سنين...ولي معرفاتو واش حي ولاميت كل نهار كانت تدوزو بلاماتعرف خبارو كانت تتحس بروحها شوية بشوية وتزهق عليهاا... أول حب دق بابها وستقبلاتو بكل فرح وسعادة... من نهار عرفاتو حسات بلي حياتها تلونات وبلي وأخيرا السعادة دقات بابهاا...عام ديال الحب داز بحال نهار محساتش بيه تالقات راسها بوحدها بلابيه...بحال لحنش لي مقطوع ليه الراس غبر وغبرات خبارو وبقات ميس مع دكرياتو لي عمرهوم مغادرو بالهاا ليومنا هاداا... رغم زواجهاا بإسلام ولحب لي عاطيه ليهاا الاأنه مقدراتش تنساه... وأخر حاجة كانت تتوقعهاا هي شوفتو هنا... بغات تهبال وتسطى بغات تشوفو وتهضر معاه... بغات تفهم فين كان وعلاش غبر بلامايعلم شنو لي وقع ليه والأهم شنو كجيهوم... ناضت خارجة من الصالة تتقلب عليه... عقلها تبلونطا فهاد الساعة وفبالها غير عدنان بغات تشوفو... الدار كانت ديال دو زيطاج والرجال كانو مستقبلينهوم فالطاج لتحتاني باش لعيالات ياخدو راحتهوم..نزلات من الدروج غادة لطبقة التحتية تابان ليهاا إسلام واقف وهاز معاه بنتو كيسكت فيهاا... شاف فيهاا وطلع حاجبو وقرب جهتها:شنو لي مهبطك لهناا؟!

ميس:(كاضور عينيها وتتقلب على عدنان)جيت نشوف ليليان

الكدبة لي قال ليها راسها نطقاتهاا..هز حاجبو ممتيقش هضرتها لي جاتو فشكل

إسلام:هاهي تتبكي مبغاتش تسكت

ميس:(هزاتهاا وكملات هضرتها)مالها ؟

إسلام:ماعرفتش مالهاا واقيلا فيها الجوع

عيونها لمحاتو واخا عاطيها بالضهر كان واقف تايدوي مع راجل إلهام بلاماتحس قالت:شكيجيهوم عدنان؟

إسلام:(ضار شاف فيه وقال) ولد عم راجل إلهام..علاش تتسولي؟!

ميس:هاا احم عمري شفتو زعمة مكانش حاضر فتاشي مناسبة ديالهوم

إسلام:مساكنش أصلا هناا وقليل فين كيحضر لشي مناسبة ماعرفتش كيف دار ليهاا..مهم طلعي سكتي ليليان وماتعاوديش تنزلي هناا والاحتاجيتي شي حاجة عيطي لي

حركات راسها ورمات أخر شوفة فعدنان لي ضار بالصدفة شافهاا وبقا متبع ليها لعين تاغبرات... حرك راسو بهدوء ورجع مكمل كلامو مع راجل إلهام وشوية نضم ليهوم إسلام تاهو...

دخلات لبيت الضياف باش تسكت بنتها وتبدل ليهاا وهي محاملاش راسهاا... حطاتها فوق النموسية وهي باقا تتبكي وبقات غادة جاياا بغات تحمااق بالتفكير ولبكاا دليلياان زاد عصبهاا شافت فيها مخرجة عينيها وغوتات:سكتتتتتي

قربات جهتهاا وعطاتها قرصة بين فخادهاا وهي محساااش بشنو كادير وليليان غير مزادت علات صوتهاا ودموعها نزلو فمنظر كيضر فالخاطر...

قربات أسماء جهتها كتشوف فديك الشوفة لي دايرة فيها رحيل تاوقفات قدامها وقالت بهدوء:مالكي واقفة هنا؟

رحيل:(شافت فيها مدة ونطقات ببرود)نتي لي مالكي كتباني مخلوعة بحال الاشتي شي جن

أسماء:(حاولات تضبط نفسها وبدون مبالاة)ممالي والو علاش كتسولي

رحيل:شكون هاداك لي جاا؟

أسماء:تيقراا معايا

رحيل:تيقرا معااك ولا (قربات جهتهاا وبهمس)مصاحب معاك؟!

أسمااء:(خرجات عينيها )اش تتخوري نتي

رحيل:بلاماديري ليا فيهاا مصدومة اأسماء

أسمااء:(شافت فيها وبتحدي)اه مصاحبة معاه ومن بعد (ضحكات وبغات تفقصها )ياك مجاتك لغيرة اختي دا.اا..عيش

رحيل:(ضحكات على كلامها) نغير ههه منك ومن هاداك.. آدم الصفريوي لبريهيش دعلال الصفريوي والمدلل ديالهوم لي مهاز تاراسو بقا ليها غار يهز مسؤوليتك ههه ضحكتيني اأسماااء والله

أسماء:(خرجات فيها عينيها)ونتي فين كاتعرفيه بالسلااامة هااا

رحيل:بحال هادو معروفين احبيية فيقي قبل مايفوت لفوت هاد النوع ماعندوش مع المعقول كيبغي غير الزهو والنشاط ويضور عليه بناات الناس ويضحك عليهوم بزوج كلامات وملي ياخد لي بغا يسوسك بحال شي وسخة..عارفااك عينك كييرة ولكن نتي ختي ومباغاش ليك المضرة

أسمااء:(ضحكات مفقوسة)هه ختي على مي هي مك الزين ههه نتي لي كادوي عليا وعلى حياتي شتي بعدا راسك وحياتك.. مك لي لايحااك ومكملة حياتهاا وهي گاعما مسوقة ليك واش واكلة واش شاربة.. ولا ياسين لي خلاك وتزوج غيرك هههه ماشي هادا لي كنتي تتقولي عليه ولد الناس شنو طرا دابااا ؟! ولا بلاتي فاش شفتي آدم باقي مكمل معاياا قلتي اجي نوسوس ليهاا تاهي باش نخرب ليها حياتهاا بحال كما تخربات حياتي ياااك

رحيل:(ضحكات بهدوء عكس العافية لي شاعلة فالداخل ديالها مور كلام أسماء لي قصحهاا ) مبغيتكش تحسي بداكشي لي حاسة بيه دابا عليها كنصحك

أسماء:نصحي غير راااسك إيما أنا عارفة شنو كاندير

رحيل:(بتسمات ليها بهدوء) صافي واخا ديري لي بغيتي ولكن كوني على يقين اأسمااء بلي غايجي النهار لي توقفي فيه على هضرتي وتقولي ديك بنت لحرام دختي كان عندهاا لحق ونتمنى ميكونش فات لفوت ديك ساع..

ديك لعصبية لي حسات بيها ميس ودوك المشاعر الملخبطة خلاوها تنرفز وملقات فيمن تفشي غضبها غير فبنتها... بنت صغيرة ماعندها تادنب... حلقها خرج بالبكاا من ديك لقرصة لي دارت ليهاا وشوفاتها كيدوبو لحجر...شداتهاا ببكية وحدة تافيقات ميس من ديك النوبة لي جاتهاا وبدات تتشوف فيها بخوف... تعمات بصيرتها فلحظة غضب ومعرفاتش راسها شنو دارت... تحل لباب من قِبل عگوزتها لالة فاطمة لي من زهر ليليان كانت ظايزة من حدا لبيت... غير شافت حفيدتها قلبهاا تهز حيت لبكية لي دارت تتخلع.. حلفات لاحبسات تاميس براسهاا تخلعات...هزاتها لالة فاطمة كطبطب عليهاا وتبوس فيها وتقرا القرآن عليها باش تسكت ساعة والو... لدرجة گاع خوتات إسلام وعيالات خوتو تجمعو عليها وهوما خايفين... وكلشي كيسول فميس لي كانت تتجاوبهوم بخوف ويديها تترعد عليهاا: ماعرفتش مااالهاا اناا ماعرفتش

كتحك راسهاا تالغة تادخل إسلام مخلوع ملي قالو ليه راه تتبكي ومبغاتش تسكت... هزها من عند مو كيقلب فيها ويبوس ليهاا راسهاا وشاف فمو:مالهااا؟؟ علاااش تتبكي؟!

لالة فاطمة:ماعرفتش اولدي غير كنت دايزة وانا نسمع بكاها لي خلعني ودخلت لقيت ميس واقفة حداهاا

إسلام:(شاف فميس)مااالهااا؟؟

ميس:ماعرفتش هئ هئ

الخلعة ولات ليها دموع حيت خايفة لايسيق لخباار بلي هي السباب واخا مدارتهاش بلعاني..

إسلام:صافي امي غير سيرو انا نشوف مالهاا

خرجو كاملين بقا غير هو وياهاا وبنتهوم لي بدات تتسكت وتتشهق..ولات حمرة مسكينة ودموعهاا دايزين ودايرين خط فحناكهاا... نعسهاا فوق من النموسية مطلع ليهاا الكسوة باش يشوف ياك ماخصهااش تبدل..لقا ليكوشها مافيه والو يالاه جا يقاد ليهاا ليبا وهو يقشع بين فخادها شي حاجة حمرة...زاد نزل ليباا وهو يقشع ديك لطاش دلقرصة عينيه خرجو من بلاصتهوم.. وفيساع ضور راسو جهة ميس لي شوية وتخشى فالحيط بقوة الخلعة والشوفة لي دار فيها وقال بصوت خافث ولكن دب الرعب فأوصالهاا:نتي لي ضربتيهاا؟!

تمنات أنها تحفر الحيط وتزيد تخشى فيه بقوة مالصقات فيه وهي تتشوف شوفاتو لي أول مرة يديرهوم فيهاا..شوفات قاصحين خلعوهاا وفعفعوها من الداخل ديالهاا مكانتش دايرة فبالهاا هاد لبلان أبداا..بلاماينوض وبلامايغوت ويعرعر ويسب زوج كلمات قالهوم كانو كافيات باش يخلعوها لهاد الدرجة خصوصا من أخر بلان طراا وغوت عليها من تما وهي تتحاول تكونطرولي تصرفاتها جهة بنتهاا خصوصا قدامو..تتحرك عنقهاا وقالت بصوت ضعيف:أنا...ماشي أنا أناا

دخولها وخروجها فالهضرة غار مزاد خلا إسلام يتيق أنها هي مولات لفعلة واخا تبغي تكدب حيت هو لي بدل ليهاا ولبسها ومكانت فيها تاطاااش وملي جااو وهي معاه عاد دابا عطاها ليها..اذا هي لي ضرباتها ومكاين تاشي تفسير أخر..ناض جهتها مخلي ليليان لي بقوة بكاها بدا كيديها النعاس وقرب بخطوات تقال لجهتها وهي تتسرط ريقها..كل خطوة كانت تتخليها تحس براسها مخنوقة وبحال شي يد تمدات لعنقهاا تتخنقهاا..وشي حد كيزطم على قلبها بالخلعة لي شداتهاا...ومع وقف قدامها حسات بيديه نزلات على حنكها بتسرفيقة صدماتهاا وخلات حنكهاا يتنمل عليهاا..أول مرة يهز يديه عليها من نهار تزوجهاا.. عمرو دارهاا تال ليوم هزات راسها فيه وهو قرب محاصرها فالحيط ونطق وهو بارك على سنيه باغي يغددها بسنانو:وصلات بيك تهزي يدك وضربيها هااا (زير على فكها ونطق وهو مخرج فيها عينيه) علاااش ضرباااهااا شدااارت ليك بنت صغيرة فعمرهاا عماااااين اميس عمااين ونتي ضربااااهااا واش مضركش خاطرك عليهااا

شهقاتها كانو كيتعلاو ماشي من كلامو إنما من إهانتو لي حسات بيهاا فاش ضربهااا..وزيد شوفة عدنان لي دوخاتها وتلفاتها على القبلة... كلام إسلام لي نطق بيه مكانتش مسوقة ليه على قد مكان همها الوحيد تعرف فين كان عدنان ديك لمدة كلهااا وشنو طاري معاه...

خارجة من لبيت وهي تتغطي وجهها بشعرها باش متبانش التصرفيقة لي عطاها ولي متأكدة أنها خلات علامة فحنكهاا..كانت باغا تمشي لدار حيت حسات بروحها مخنوقة ولكن فنفس لوقت كانت باغا تبقا باش تشوفو..عينيها كيقلبو عليه ومكرهاتش تنزل لتحت فين كاينين الرجاال..نسات راسها ونسات مبادئها وأخلاقهاا فهاد اللحظة ونسات راها مرا مزوجة...قلبات الدورة طالعة لسطح باغا تنفس تم مع حلات لباب مع ضرباتها ريحة لگارو لنيفهاا..قلبات عينيها وهو يبان ليهاا واقف عاطيها بالضهر كيكمي وكيهضر فالتلفون..دقات قلبها رجعو كيضربو تاني بالجهد... نفس الحالة تطرا ليها فيما كتشوفو خفقان قلبهاا والتوثر لي كينزل عليهاا مع خجل وكأنها أول مرة..مشاعر جديدة ومكتبانش غير فحضورو عكس شخصيتها مع راجلها إسلام..مدة وهي مرقباه وهو كيدوي ومحاسش بيها وهي دكرياتها بدااو كيتزاحمو فعقلهاا بدون رحمة..عينيها زادو دمعو وديك لخنقة تزادت فاش تفكرات أخر مرة شافتو..مكانتش عرفاهاا غاتكون المرة لخرة..ومكانتش حاسة بخطواتها لي كانو كايقربو جهتو..بحال الاداير ليهاا تنويم مغناطيسي ترفعات فوجود ككل مرة...خطوة موراها خطوة وماحد كتقرب منو ماحدها كتحس بديك لخنقة تتزول شوية بشوية...تاوقفات موراه وبدون سابق إنذار عنقاتو من ضهرو حاطة حنكها عليه تاحسات بعضلاتو تشنجو وموراها ترخااو وبصوت ضعيف غالبة عليه لبكية نطقات:علاش خليتيني ومشيتي اعدنان علاااش...

----

فالجانب الأخر كان إسلام جالس فالبيت حاضيها وهي ناعسة بهدوء..خاطرو ضرو على الملاك ديالو لي مستاعد يفديها بروحو ولاتقاس فيهاا شي شعرة..معصب من ميس بزاف ومعصب من راسو كثر حيت مد عليهاا يديه وهو لي عمرو هز يدو على شي بنت لمراا وخصوصا هي الإنسانة لي كييغي وكيحماق عليهاا..تالف وحاس براسو ماهواااش حيت بكّاهاا واخا غلطات مقدرش يخليها فديك لحالة لي خرجات منها من لبيت..عليها قرر يمشي يصالحها..خرج من لبيت ومشا ديريكت عند مو فالكوزينة سولهاا عليهاا ولكن مشافتهااش..كمش حجبانو وقلب طريقو لتحت لاتكون برا ولكن مالقا حد..رجع ثاني لفوق وهاد لمرة لوجهة ديالو كانت السطح..وصل لسطاح وغير دخل قلبو تهز من داك لمنظر لي شاف قدام عينيه ولي خلاه يجمد فبلاصتو..

جالسة أسماء فبيتها وهي تتنهد وكلام رحيل كيضور فبالهاا.. هي عارفة كلامها على حق ولكن مستحيل تبين ليهاا هادشي عليهاا سمماتها بهضرتها كما مولفة..هي بصح تتبغي آدم ولكن مغاتنكرش أنهاا أيضا باغا مصلاحتها منو...معاطياهش لمااان حيت عارفة نوعو كيف داير...شافت فتلفونها لي كان تيصوني وكان نيت هو ضحكات بسخرية وقالت:عمرو طويل كي الكلب (جوباتو بنبرة صوت باين فيه معصب) شباااغي مكفاكش ديك تجرجيرة لي داير لياا فالصباح جيتي تال دارناا واش باغي تشوهني

آدم:(بخ دخانو ونطق بصوت هادئ)كنت باغي نوريك اللعب معايا بشحال كيتقام اأسمااء

أسماء:ياك اسيدي اوا تانتا باقي معارف لعبي كيداير على ماأضن

آدم:(ضحك وحك حاجبو)ههه شنو غانبقاو كنلعبو هنااا ولاشنو نتي غلطتي وخلصتي نبداو تاني من جديد

أسماء:واااش مخور فك*ك كيفاااش غلطتي وخلصتي على شنو نكون دايرة فملك الله هااا راك نتااا لي مقوودها معايااا

آدم:(تقاد فبلاصتو ونطق بجدية)أسماء ماشي شفتيني ساكت تبغي طلعي فوق من كر* زيري شوية معاياا سمعتي قلت نبداو جديد هي نبداو بلاتقح*ين ديالك درت لافوط معاك مغانكرش ولكن متنسايش تاني شنو كاديري معاياا وشحال من مرة تتخوي بيااا دونك بلاماتبقاا تعصبي ز*مل بويا فهاد الليل

أسماء:(الصمت)

آدم:(بهدوء كمل) ديري فبالك ملي تسالي أخر امتحان عندك غانمشيو أونصومبل لشركة عند لواليد نيت الصيف هادا والخدمة كتكتار فهاد الشهورة والاعرفك لواليد جايا من طرفي غير نعسي على جنب الراحة

أسماء:(هازة حاجبهاا وببرود)باش تعاود تخوي بياا كيف ليوم ياك

آدم:صافي الحجلة ديالي عطيتك لكلمة

أسماء:هاحنا غانشوفو

آدم:شبان ليك نسهرو ليوم أنا ونتي

أسماء:واقيلة راه نسيتي بلي بابا وخويا مغايخليونيش نعتبها فالليل باركة غير ليامات لي كنت تنمنك لافاك باش نشوفك ودوك لخرجات لي كانخرجو مجموعين بلاخبارهوم كون عرفو كون نحرووووني نحيييير الجمل

مع الكلمة لخرة لي نطقات تحل لباب بالجهد وهي تقفز مم بلاصتها تاطاح ليها التلفون وعينيها على داك الشخص لي دخل عليهاا بديك الدخلة...

قلبهاا كيضرب وحلقها نشف عليها وهي تتشوف كلثوم واقفة وعينيها فعين بنتهاا لي ولات صفرا بالخلعة وغير شافتها هكاك زادت شكات...نطقات وهي هازة حاجبها فيها:مالكي غير شتيني ونتي تصفاري

أسماء:(كاضور فعينيها)خلعتيني اماما بديك لحلة لي دايرة واه قفزتيني

كلثوم:(نطقات كلامها تتمعني عليها)لي مدارش مايخافش

أسماء:صافي اماما تانتي شنو كاين

كلثوم:نزلي طيبي لعشاا شي حاجة خفيفة حيت غاندوش دابا

أسماء:بوحدي لي بنت ليك فين هي ديك خيتي

كلثوم:هاديك غير خليها حيت بغيتها فواحد لبلان يالاه نوضي ماتعطليش

أسماء:واخا

مشات كلثوم وأسماء رجعات هازة تلفونها لقات لابيل باقي دايزة نطقات بهدوء:وي آدم

آدم:هي ليوم نجي نتعشى عندكوم

أسماء:ايييه باش بابا يجري عليك وعلياا ياك..مهم نخليك دابا

آدم:تسناي الحجلة (كمل كلامو وهو عاض على شفتو وقال بهمس)هاد المرة ملي نخرجو غاتكون غير الحجيلة ديالي باش ناخد راحتي كثر ونيت نكونو غير أنا وياك طيط اطيط

أسماء:امم ان شاء الله ندوز الامتحان بعداا ويكون خير

آدم:هاحنا صابرين

أسماء:نخليك دابا تال غدا بونوي..

قطعات لابيل وهي تتنفس براحة حيت صدراتو ملي شافتو بدا كيخور تاني فالهضرة وكانت عارفة المعنى ولمقصود لي بغا...فحين هو كان متكي منغم بديك الشيشة الاكتخيك وحداه كانيط ديال الشراب كل مرة كيجغم منها وعينيه بدات تتعسل كيتخيل أسماء وهي بين يديه وهو متمتع بكل تفصيل فجسمها فلول كان غراضو غير يدوز بيها لوقت بحال عادتو ولكن وقع لي مكانش علبال وطاح فيها طيحة خايبة خصوصا قصوحية راسهاا وعدم استسلامها ليه زادو خلاوه يزيد يغرق فيهاا وباش يضمنها ليه خصو ينفد داكشي لي قالت ليه ابتهال فأسرع وقت ممكن...

كان واقف جامد فبلاصتو وهو كيشوفها بداك لمنظر لي خلا قلبو ينزف الدم... صوت بكاها وشهقاتها كانو بحال شي خناجر كيتخشاو فصدرو بدون رحمة...مقدر تايقرب منهاا حيت معندوش لوجه وهو عارف راسو السباب... ندم حيت هز يدو عليها وكون غير قطعها ولادارهاا..بصح هي غلطات ومغاينكرش هادشي ولكن هو قصح معاهاا...مزير على يديه ومهبط راسو وتأنيب الضمير هلكو من ناحيتهاا... أما هي كانت واقفة ومتكية على لحيط ديال السطارة كتبكي وتشهق ماشي بسباب التصرفيقة ولاهضرة إسلام إنما بسباب التصرف لي تصرف معاهاا عدنان ولي خلا لجرح دلمااضي يتفتح من جديد..

🔙🔙🔙

وقفات موراه وبدون سابق إنذار عنقاتو من ضهرو حاطة حنكها عليه تاحسات بعضلاتو تشنجو وموراها ترخااو وبصوت ضعيف غالبة عليه لبكية نطقات:علاش خليتيني ومشيتي اعدنان علاااش..

كان عدنان باقي واقف نفس الوقفة ماتحركش وعينيه كيشوفو لبعيد كيحس بيديها كيزيرو على شوميز لي لابس... مكانش متوقع منها هاد التصرف أبدا... كمش حجبانو ومد يديه حطها على يديها لي فوق من كرشو كيزولها بشوية تاحس بيها فصلات لعناق وهو يضور لعندهاا... عيونها الخضرااء كانو عامرين بالدموع لي كانت حبساهوم بقوة... عيونو كانت تتجوب على ملامح وجهها الناعمة.... زادت زيانت على قبل وبان فيها النضج كيتسائل واش نضجات فهاد تلت سنين ولاباقاا كما هي؟! ضحك بينو وبين نفسو ملي تفكر تصرفاتها فالسنين لي دازو... برائتها الممزوجة بالقوة والمعطرة بالخجل عطاو مزيج رائع وساحر كيخلي گاع لي كيعرفوهاا يتعجبو بيهاا... صفات لي كانو فيهاا ولكن يمكن مبقاوش داباا؟! كل واحد فيهوم كان كيشوف فالتاني وعيونهوم تتحكي ألف حكاية وحكاية عنوانها الإشتياق..تنحنح بصوت هادئ خلا قلب ميس يدق بعنف:مخفتيش راجلك يشوفك ونتي تتعنقي واحد غيرو؟!

كأنها كانت محتاجة تسمع هاد الكلام باش ترجع تفكر راسها بلي هي امرأة متزوجة وعلى ذمة شخص أخر غيرو...ورغم من هادشي كامل ممنعاتش راسها وتقول:نتا عارف شكون لي فقلبي اعدنان

عدنان:(حك حاجبو وقال وهو مبعد عليها ومخلي بناتهوم مساحة) مكيهمش لي فالقلب لي كيهم أنك مرت الراجل

ميس:(دموعها نازلين بهدوء)أنا كنبغيك نتا اعدنان وزواجي من إسلام كان بزز مني تيق بيا

عدنان:(ربع يديه)سوى بزز سوى بلخاطر راك مرتو اميس وعندك بنت منو

ميس:(قربات منو خطوة وهو يرجع لور)مكنبغيهش أنا مكنبغيهش ومعمري بغيتو حياتي كلها كانت معاااك وباغاهاا تبقا ديماا معاك..أنا عمري حسيت بيه راجلي حيت نتاا لي معمر لياا قلبي وعقلي وهاد السنين كولهاا وعمري نسيتك اعدنااان عمري..

ميس:(نزلات راسهاا وشهقات وهي مكملة كلامها) ملي مشيتي كنت غانحمااق وأنا معارفة عليك والو..حسيت بحال الاشي حد كيسحب مني الأوكسيجين وكيقتلني شوية بشوية..تلت سنين وأناا كنتسنااك وعمري ماحسيت بالراحة حيت نتا كنتي راحتي وراحتي فبعادك غابت عليا

عدنان:(تنحنح بهدوء)هاد الهضرة معندهاش باش تفيد داباا اميس حيت لي عطا الله عطاه نتي كملتي حياتك وبنيتيها مع واحد أخر وتاأنا بنيت حياتي مع إنسانة خراا

هزات راسها كتشوف فيه مصعوقة من كلامو لي نطق...بنا حياتو مع غيرها...بنا حياتو مع غيرهاا...الجملة كتردد فدماغهاا مخلياهاا جامدة وهي تتخيل وحدة خراا بين يديه..كيبوسهاا كما بغا وكيعنقهاا ويضحك معاها ويتمازح معاهاا... إنسانة لي حاسة بالكره تجاهها حيت خدات بلاصتهاا عندو.. وكرهات تاإسلام لي تربطات بيه حياتها كلهاا...قربات عندو باغا تشد فيه وهو يحبسها ونطق ببرود:لي كان بينا سالا اميس

نطق كلامو وخلاها واقفة ودموعها غير مزادو نزلو على حناكهاا وشهقاتها بداو كيتسمعو مور كلامو لي خلاها تأكد أنه نساهاا وبدا حياتو كما هي بداتها فنظرو ومعارفش بلي هاد لحياة لي كتعيشها داباا هي مباغاهااش حيت عمرها حساتها حياتهاا.. بالنسبة ليها حياتها تخلات عليها قبل تلت سنين وتخلات حتى على نفسهاا...على ديك ميس لي كانت تتعرف ميس لحنينة ولبريئة ولي تعطيك بدون مقابل..ديك ميس لي فتقداتهاا ولي حساتها ماتت من داك النهار وبقا غير الكلكاس ديالهاا حيت داخلها كان خاوي وميت...

🔜🔜🔜

كانت متكية راسها وهي باقا تتبكي تاحسات بيد جراتهاا وعنقاتها بالجهد وصوتو الحنين كيهمس ليهاا حدا ودنيهاا:سمحيلياا اميس سمحيليااا

يمكن كون كان شخص أخر بلاصة إسلام مغايتسوقش ليهاا تبكي وتقلق تاتفش على خاطرها وتبرد وديك الساعة ترجع ولكن هو لا حيت من طبعو حنين وديك لحنية ديالو مكيبخلهااش عليها بالعكس كيغرقها فديك الحنية والحب لي كيحسو من جهتهاا..عكسها هي لي لي كتستقبل دوك لمشاعر بلبرود وعدم المبالاة..بعدات عليه وبدات تتمسح وجهها ونطقات بصوت هامس:بغيت نمشي لدار

إسلام:(حرك راسو بهدوء)واخاا غانمشي نجيب ليليان (مد ليها لكونطاكط)سبقيني لتحت

مزادتش معاه الهضرة شدات الكونطاكط ونزلات ديريكت لنحت أما هو مشا لعند مو لي كانت واقفة فالكوزينة وقرب جهتها ناطق بهدوء:لواليدة أنا وميس غانمشيو دابا

لالة فاطمة:فين ماشين باقي ماحطينا العشاا اوليدي

إسلام:ميس عيانة شوية وتاليليان قولي لهدى تانجي عندهاا أنا وميس من بعد

لالة فاطمة:(حسات بلي شي حاجة ماهياش عليها مبغاتش تحكر)واخاا اوليدي ولكن تسنى ندير ليك لعشا فبواطة ديه معاك

إسلام:بلاش غاناخد شي حاجة فالطريق بسلامة

باس راسها ومشا هز بنتو ونزل لتحت فين كانت ميس جالسة فالطوموبيل ومتكية راسها على الزاج..ركب بنتو لور فكرسيها وجلس فبلاصتو مديماري طوموبيل راجع لدار وخاطرو مغير على شنو طراا...

فلاباخطومون لخاصة بآدم وبالتحديد فبيت نعاس لي كان صادر منها صوت آهات وتنهيدات ابتهااال لي كانت عايشة فعلاقة مع آدم لي غالبة عليه الشهو.ة...كان كيتفنن فجسمها بطريقة تترفعهاا لسابع سموات وتخليهاا تعشق النعااس معاه...وتاهو تتجيه على گانتو وتتنغمو واخا كبر منو بلعمر....

مبعد ماسالاو جولتهوم نعس فوق من النموسية وهو كيلهث وصدرو كيطلع ويهبط بفعل ليفور لي دار...أما هي كانت باقا حاسة بتحتهاا كيضرهاا ولكن المتعة لي حسات بيها والنشو.ة لي وصلات ليها نساتها فكلشي..شافت فيه ونطقات بصوت مبحوح:علاش مكتخويش فياا خفتيني نحمل منك؟!!

آدم:(ناض كيلبس كالسوه وببرود) وباش كيهمك نخويه ولا لا (غمزها)ياك داكشي لي باغا كتوصلي ليه معاياا

ابتهال:(جرات عليها لغطاا وجبدات گارو من باكيتها لي فوق من لكوافوزة) فهادي مانكرتيش صدقتي بروفيسيونيل فال*وا

آدم:(يالاه بغا يجاوبها وهو يسمع تلفونو كيصوني كانت أسماء شاف فيها ونطق بجدية)صوتك مانسمعوش

تمشى جهة الشرجم باش يحاوبها وهي بقات جالسة تتكمي وتتشوف فيه بهدوء وكلامو واصل ليها...منضرو كان مغري بديك لحالة لي خلات فكرة شيطانية تزور دماغهاا...عضات شفتها وناضت عندو عريانة ملابسة تاحاجة كتمختر او قاعها كايتهز معاها تاوقفات موراه ولوات يديها ديريكت على نصو ونزلاتها لعضو كتلمسو بحركات محترفة خلاتو يطلق واحد تنهيدة بلاهواه...ضار تيشوف فيهاا وقال بزربة:أسمااء نعيط ليك من بعد

قطع معاهاا وشد ابتهال من شعرها مقربها ليه ونطق:مالك از*ي باغاا تفضحيناا هاا

ابتهال:زعمة لحجلة ديالك معرفاش روحها بلي نتاا كتنعس مع لبنات

آدم:ابتهال باركة من هاد تق*بين ديالك وآخر مرة ديريها تاني وانا كاندوي معاهاا

ابتهال:جات لي تدي ليك لقليب احبي خايف تعرفك شنو كادير مور ضهرها تت

آدم:(رد شعرو لور ونطق بهدوء)مغاتعرفش حيت نتي مغاتهضريش والاسخن عليك ك*ك وفكرتي تهضري ديك ساعة غاتشوفي وجه آخر

قال كلامو ومشا لحمام ياخد ليه دوش بينما هي بقات واقفة وهضرتو كضور فدماغهااا وفضول كبير جاهاا باش تعرف شكون هاد لحجلة لي قدرات طير ليها آدم...

الأيام كدوز طايرة على أبطالنا لي كل واحد فيهوم وفين ملاهي مع مشاغل الحياة ...كانت رحيل فبيتها كتصاوب فولارها وغير سالات خدات ريحتها رشاتها ودارت نضاضرها فوق راسهاا وهزات صاكها خارجة من لبيت وتلفونها بين يديها كتكونيكطا مع جيداء تاحسات بشي خيااال واقف قدامهاا...هزات راسهاا وهي تلقاا باها إدريس رجعات تلفونهاا بزربة ونطقات بصوت هادئ:بابا صباح الخير

إدريس:(بصوت بارد)صباح الخير...فين غادة؟!

رحيل:غادة لخدمة

حرك ليها راسو بالإيجاب وتخطاها غادي لبيت بدون مايهضر مزال معاهاا...

رحيل:(عيطات عليه)باااباااا

ضار كيشوف فيهاا هي لكانت متوثرة وكتحاول تضبط الجملة لي باغا تقول باش ميفهمش كلامهاا غالط

رحيل:(قربات عندو ونطقات بصوت حنين) احم هو فالحقيقة كنت باغاا نمشي نشوف ماما

نطقات ديك ماما بصوت خافت وعينيها كيجوبو على ملامح وجهو المتجهمة والقاسية...مدة طويلة وهي واقفة كتشوف فيه وكتسناه ينطق ويرضي فضولهاا ولكن الصمت طااال شي لي خلا رحيل تندم گاع لاش دكرات الموضوع..

رحيل:(بخفوت) أنا..

إدريس:(قاطعها بصوت بارد كالصقيع) على هي باقا عاقلة بلي عندها شي بنت سميتها رحيل ؟!

رحيل هزات راسها فيه وكلامو كي الخنجر ضربها فقلبها بدون رحمة تاعينيهاا بداو كيعمرو بالدموع ومقدرات تنطق بتاشي كلمة

إدريس:(كمل كلامو بقسوة وسودويتو متزحزحوش من على وجهها) سميتك كتنساها فمابالك نتي (كمش حجبانو)بغيتي تمشي هالباب قدامك غير ديري فبالك بلي غاتلقاي الجفاا من جهتها بحال ديماا..

نطق بكلامو وضار عاطيها بالضهر بلامايشوف فيهاا...مخليها واقفة بحال شي تمثال جامد فقط عينيها هوما لي كانو كيعبرو على مدى تأثير كلماتو ليها... عينيها لي عمرو بالدموع وفاضو على حنيكاتها..كلام باها على قد مكان قاصح على قد مكان صحيح وهي عارفة هادشي...مغاتنكرش هادشي حيت هادي هي الحقيقة...هي بصح عندها أم ولكن بحال الامعندهاا حيت هي مها فقط بالسمية..نزلات راسها تتبكي وتتحك فصدرها فين كاتحس بواحد الغصة تماا كتاكل فيهاا ومبغاتش تزول...غصة لي كانت نتيجة على تركمات وقساوة القدر...حسات بيد محمد طه مدرعاهاا وصوتو الحنين كيسولهاا على سبب بكاهااا...مقدراتش تقول مالها حيت الهضرة كثيرة والسكات خير بالنسبة ليهاا...ديك التعنيقة كانت بحال شي ساروت ديال شي باب مسدود زمان ماتحل وماتفوه...تفرگعات على خوها بالبكاا وهو مفاهم تازفتة وفنفس الوقت خاف لاتكون بيها شي حاجة

محمد طه:(بخوف مفاهم والو)مااالك ارحيل واش كضرك شي حاجة

رحيل:(بصوت خافتة كيتقطع مع كل شهقة)قلبي كيضرني هء هء هء (شافت فيه بعويناتها لخضرين لي كيبريو وهي حاطة يديها على صدرها)هنااا كيضرني امحمد هء هء هء

محمد طه:(شاد وجهها بين يديه وعينيه مزاگينش فبلاصتهوم)نديك لطبيب هااا رحيل ماتخلعينيش عليك

رحيل:(هزات كتافها وكملات كلامهاا لي تتحسو مليئ بالحزن والخيبة)علاش فيما كنفرح ضروري مكنهجروو اخويا هاا علااش انا ممكتابش عليا نعيش ونضحك (هبطات راسها) گاع النااس لي كنبغيهوم كيخليوني ويعطيوني بالضهر (شافت فيه وبتساؤل) واش لهاد الدرجة أنا منحوسة هااا قول لياا واااش أناا منستاهلش نعيش مرتاحة عفااااك اطه جاوبني

محمد طه:(شد وجهها وغوت معصب من كلامهاا) ينعل ز*مل بوه هاااد لي عصبك ليااا...نتي راه جوهااارة قليل لي عارف قيمتك ولي معرفك خسرك اعوينات الجلبااانة والاحد مبغاااك أنا كنبغيك سمعتي أنا خوك وباااك ومك وكلشي كماا نتي كلشي بالنسبة ليااا..

كلامو كان كافي او وافي محتاجتش مزااال تزيد الهضرة حيت كلامو كان بحال شي بلسم لجروحهاا...بصح هي تجرحات من كلام باهاا ولكن داوات من كلام خوهاا...عنقاتو بالجهد وتاهو بادلها تعنيقة او يديه كيلمسو راسها وضهرها بحركات حنانين...محمد طه ورحيل تؤام بالروح لي ضراتها ضراتو ولي قصحاتو قصحاتهاا...علاقة أخوية جامعاهوم فريدة من نوعهاا وقليل فين تتلقاهاا...بعدات عليه وبتسمات ابتسامة واخا كانت موصلاش لعينيها الاأنها بتسماات حيت عارفة محمد طه غايبقا مهول عليهاا ومغاديش يرتاح تايشوفهاا كضحك...

رحيل:(قاست وجهو بحنان)صافي أنا مزيان داباا غير تهنى

محمد طه:(باقي مكمش حجبانو)شكون قلقك واش كلثوم ولاإيطو؟!

رحيل:تاوحدة غير تخنقت وبكيت راك عارف مبقاا لبريود والو (بضحكة صفرة)هههه مهم نمشي نغسل وجهي ونزل راه تعطلت على لخدمة

محمد طه:(حرك راسو)واخا أنا غانسبقك بيناتنا التلفون

باسهاا فجبهتها ونزل غادي لخدمتو بينما رحيل تنهدات وابتسمات على حنان خوها ومشات لبيتهاا تقاد حالتهاا ومرداتش لبااال لإدريس لكاان واقف حدا باب بيتو مزير على يديه وباين من ملامح وجهو المتجهمة أنه سمع الحوار ديالهوم من لول...

----

فمكتب الهندسة المتواجد فمدينة الدار البيضا وبالضبط فمكتب الإجتماعات لي كان جالس فيه إسلام بجلسة رجولية حاط يديه على تكاية دالكرسي وعيونو متوجهة لداتاشو لي كتعرض مقتطف دالبروجي الجديد لي خدامين عليه مجموعة من المهندسين ولي عن قريب غادي ينزل لأرض الواقع فقط خاصو بعض اللمسات باش يكون واجد...كان البروجي عبارة على إيموبل بعشر طبقات وكل طبقة فيها تلاتة دالشقق وكل شقة وكيفاش دايرة فالداخل ديالهاا...كان متفرج وفيما يبان ليه شي حاجة ماشي كماا بغاوهاا يقيد فلاجوندا لي حداه تايسالي العرض ويتناقشو النقط لي بغايين يبدلوهوم... مدة من الزمن وهوما فاجتماع مغلق تاسالا العرض وبداو فالمناقشة وكل واحد كيعطي رأيو والمهندسين الخاصين كيقيدو شنو غايتبدل وشنو غايتزااد تاسالا الاجتماع بنتيجة كترضي الجميع...وقف إسلام كيسد صدايف دالڤيستة لي لابس كيسلم على المهندسين لي تم تاخرجو وهز مسائلو خارج تاهو غادي يقضي مشاغلو....كان الجو مصهد فكازا مع لوقيتة دالغداا وشمش كطنطن الراس...ركب فطوموبيلتو وقلع شاد الطريق لرباااط على قبل شي غراض... جبد تلفونو كيصوني على ميس لي مكانتش تتجاوب شي لي خلاه يتنهد حيت ملي رجعو من السبوع وهي قاطعة عليه الهضرة وتاهو مخليها على خاطرهاا...صونى على لخدامة وبعد زوج رنات جوباتو:آلو سي إسلام

إسلام:فاطمة ميس تم

فاطمة:لاخرجاات اسيدي شي سعتااين هادي

إسلام:(مكمش حجبانو)فين مشات؟! واش داات معاهااا ليليااان؟!

فاطمة:لا خلاتها ليا يالاه وكلتها ونعستهاا

إسلام:(حك لحيتو وضحك ضحكة لغدايد)واخاا افاطمة ردي ليها لبال تانجي

قطع ورجع صونى تاني ليهااا ونفس الشي مكتجاوبش...حرك راسو بوعيد وبلاصا طوموبيلتو ملي وصل لبلاصة لي بغا...نزل هاز تلفونو وشي وراق وطلع فالعمارة غادي l'assurance لي مولف كيقاد فيها وراق طوموبيلتو...دخل لداخل وعينو كيقلبو على سكرتيرة ولكن مبان ليه حد تما مع وقيتة دلغدا... شاف فساعتو ومع بغا يضور تساطح مع شي حد وبحركة لاإرادية مد يديه شاد البنت لي هزات فيه عينيها الخضرين تترمشهوم بزربة مخلياه تايه فعينيها...

كانت لالة عائشة جالسة فالكوزينة كتنقي فالعدس باش تنصب الرفيسة لعشاا...منزلة دوك النضاضر فوق من نيفهاا ومكمشة عينيها وباين فيها مركزة فشنو كادير تاسمعات لحس وهي تهز راسها وبانت ليها فاطمة الزهراء داخلة ببجامة قصيرة وطالقة شعرها وريحة برفانهاا كتشمها من بعيد... مشات ديريكت لثلاجة حلاتهاا وجبدات قرعة دلمااا باردة ومشات لجهة الكيسان خدات واحد كبات فيه لماا وشربات وخلاتو تم فوق من البوطاجي وضارت باش تمشي وهي تنطق عائشة:دوك لمواعن معجبوكشي؟

شيرات ليها جهة لڤابو لي كانو فيه مواعن لغدا باقي ماتغسلو..

فاطمة الزهراء:(شافت فيها وهي هازة حاجبهاا) شنو بغيتي ندير ليهوم؟!

عائشة:(شافت فيها بواحد تخنزيرة)مغاتغسليهومشي راه سبعيام دلباكور سالات ولاعند بالك أناا غانبقاا خدامة ليك

فاطمة الزهراء:(ضحكات ببرود)حد مقال ليك طيبي كل واحد يطيب شنو بغاا وزايدون تاأنا مجيتش باش نكون ليك خدامة راني مرات ولدك (شافت فضفارها) وزايدون راني يالاه جيت من الصالون وقاديت ضفاري مغاديش نخسرهم على قبل مواعن وتكرفيص اخالتي..

قالت كلامها وخرجات تتعوج فمشيتها مخلياا عائشة غاطرطق بالأعصااب من قلة الأداب ديال عروستهاا لي مكانتش كيف تمناتهاا...وحدة لي تهبط الراس ولي تقال ليها تقول عليه آه...تكون خدامة ليها ومنيكة جنس.ية لولدها ساعة فاطمة الزهراء كانت لعكس...مخلاتهااش تحكم فيها حيت نهار لول مهبطاتش ليها الراس...وكما كيقولو نهار لول يموت المش...ربعات عائشة يديها كتسوط كيف اللفعة وكتسنى غير ياسين يجي من خدمتو باش تشكي ليه تاني وبالفعل غير سمعات السوارت وهي تنوض من الكوزينة غادة عندو...لقاتو جايب معاه شي تقدية حطها حدا باب الصالة وقرب جهتها بايس راسها

ياسين:الواليدة لباس؟!

عائشة:ملباس والو اولدي

ياسين:(مكمش حجبانو)مالكي ياك مكضرك شي حاجة

عائشة:مرتك اولدي شهمااتني مكتحطشي يديها فتاحاجة ديراني بحال لخدامة وملي كاندوي معاها تتنفخ عليا ومكتحترمنيشاااي

ياسين:(شاف فمو وببرود)ياك نتي لي بغيتيها نهار لول اوا فكيها معاها دابا..

كانت رحيل راجعة من لپوز دلغدا لي كانت عندهاا وهي زربانة حيت ديجا تعطلات فالصباح ومبغاتش ترجع تعطل باش مول l'assurance مايسمعهاش تاني لهضرة...مع الدخلة دلباب تسطحات مع شي حد وكانت غاطيح كون مايدين الشخص لي شدوهاا وتبتوهاا فبلاصتهاا...كلشي وقع بالزربة لدرجة مقدراتش تستوعب...بقات غير حالة عينيها تترمشهوم فداك الشخص لي كان قدامهاا كيشوف فيها وهو ساهي...مدة قصيرة عاد عاقت براسها واستوعبات أنها بين يديه شي لخلاها تنتااافض بسرعة وتبعد زوج خطوات اللور وحناكهاا حمارو بدون شعور من الفلاش لي وقع...ونفس الشي بالنسبة لإسلام لي عاق براسو وبشنو طرا...حك راسو بتوثر ونطق بصوت هادئ:احم سمحيليااا

رحيل:(حركات راسها بالزربة)نتا لي سمح ليااا احم

إسلام:(بتاسم ليهاا ابتسامة خفيفة باش يكسر الجو المكهرب لي حس بيه ونطق) الله ياودي هانيااا امادموزيل

رحيل:(بتسمات ليه ومشات حطات صاكها فبلاصتو وشافت فيه) فاش بغيتي نعاونك اسيدي

إسلام:نتي خدامة هنا فالصراحة أول مرة نشوفك هنا؟!

رحيل: وي يالاه بديت مكملاش ست شهور

إسلام:متشرفين (مد يديه) إسلام

رحيل:(شافت فيديه لممدودة وتاهي مداتها ويادوب قاصت صبعانو) رحيل

إسلام:(بتاسم) اونشوطي مادموزيل احم جيت على قبل لاسورونس نجددها

رحيل:اه واخا عطيني لاكارط grisse او وراق طوموبيل ولبيرمي ديالك

مدها ليهاا المسائل وبقا واقف متكي على لكونطوار كيشوف فيها... شدات من عندو الوراق وبدات تادير خدمتهاا وهي مركزة تاسمعاتو نطق:فايت ليك مشيتي لكازا؟!

رحيل:(هزات راسها فيه وبمجاملة)وي علاش؟!

إسلام:بحال الاشايفك فشي بلاصة؟!

رحيل:(وهي خدامة) بوطيطخ...(أشارت ليه لجليسة لي تم)ممكن لك تجلس ترتاح على ما توجد لاسورونس ديالك

إسلام:داكوغ

مشا لكراسى لي فلاكوي جلس فيهوم وجبد تلفونو كيخربق فيه...مدة وهو على ديك الحالة تاعيطات ليه رحيل وعطاتو لاسورونس الجديدة يسنيهاا وكملات معاه الإجراءات لي بقاو...

رحيل:(بتسمات ليه ابتسامة عملية)صافي هادشي لكاين اسيدي

إسلام:(بتاسم تاهو)شكرا لك امادموزيل ودزولي مرة خرا

رحيل:أڤيك بليزيغ موسيو

إسلام:(حرك ليها راسو بابتسامة)بسلامة عليك

بتاسم ليها وخرج من تما وتلفون فيديه كيصوني على ميس لي كيف عادتها مكتجاوبوش...

إسلام:(عض على سنيه)مباغاش نجاوبي واااخاا داباا نتفاهمو على هادشي اميس...

أصعب شعور هو تعلق حياتك على قبل شخص وتبقاا عايش فأوهاامو ورافض الواقع لي نتا كتعيشو...كحالة ميس لي كان عدنان هو الحب الأول ليهاا...الشخص لي عطاتو كل ماعندها باش يبقا ديما معاها... ولكن وقع العكس وخلاهاا بدون تامبرر بحال الحنش المقطوع ليه الرااس معرفات فين تصد... واخا تزوجات او ولدات الاأنها مقدراتش تنساه وباقي ليومنا هادا محتل تفكيرها وقلبهاا فمابالك دابا ملي رجعات شافتو من جديد... كانت واقفة قدام المحال ديالو لي متهنات تاجابت لعنوان من عند خت إسلام... عينيها عليه هو لي كان عاطيها بالضهر كيدوي مع الدري لي خدام عندو وكيوريه شي سلعة باش يستفهاا فبلاصتهاا... كل خطوة كتخطيهاا لجهتو كتخلي قلبها يزيد يضرب بزربة... مدات يديها كتقيس شعرها وتتقادو بتلبك وفنفس الوقت راسمة ابتسامة على شفايفهااا تاوقفات قريبة ليه وهو يضور داك لولد لي خدام معاه ونطق:نعام اختي اش حب لخاطر

مكانتش مسوقة لدري ولاكانت تتسمع ليه حيت تركيزها كولو كان منكب على عدنان لي مجرد مالمح طيف موراه ضار وحل عينيه بصدمة فااش لقاهاا هي...مكانش متوقعهاا تجي عندو حيت هي معرفاش فين خدام اذا شكون عطاها لادريس...طلعها بعينيه بنضرة كالصقر...جميلة كعادتها وأنيقة بكسوة فالكحل قصيرة حد الركبة وغير سميطات...وصندالة بااج ديال طالون مبين ضفيراتها مصبوغين بالبيض...مك اب خفيف مركزة غار على عويناتها لي كانو كيبريو بشوفتو وبصوت هامس: سلام

عدنان:(حك لحيتو)وعليكوم السلام دخلي

دخلات لداخل وهو ضار شاف الدري ونطق:سير جيب شي عصير فالقهوة لي قدامنا..

عطاه الصرف ودخل تابعها لقاها جالسة فالكرسي لي تما كتشوف فالحوايج وفالمحال...شافت فيه وبتسمات بحب:توحشتك

عدنان:(جلس حداها وشاف فيها مدة)ميس نتي عارفة راسك اش كاديري؟!

ميس:(كحزات حداه وشدات فيديه)اه عارفة...عارفة بلي أنا كنبغيك اعدنان وباغا نكون معاك كيف كنا قبل ومايفرقنا حد

عدنان:(مكمش حجبانو)ميس راه نتي مزوجة وأم نسيتي هادشي واقيلا؟!

ميس:أنا مكنبغيش راجلي ومستاعدة نخليه ونطلق منو المهم عندي هو نكون معاك نتاا

عدنان:(هز حاجبو)وبنتك؟

ميس:(بدون مبالاة)تبقى مع باها اصلا هي كتبغيه كثر مني أنا دونك بعادي عليها مغاديش يشكل مشكيل...

عدنان:(سكت مدة عاد رجع شاف فيها)مقلتيش مع راسك راه ممكن نكون تاأنااا بديت حياااتي مع وحدة غيرك؟!

كانت تتشوف فيه وعينيها بداو كيحمارو ويتزيرو بالدموع لي كانت حابسة...سبق ليه وقال هاد لكلام ليها ولكن رغم دلك مهتمااتش أو نقولو مبغاتش تعمر راسها بداكشي حيت عارفة روحها مغاتقدرش تحمل أنه يكون مع غيرهااا...ولكن مجرد مارجع دكر الموضوع ليهاا زادت تأكدت أنه بصح غايكون بنى حياتو مع غيرهاا...

ميس:(نزلات دمعة من عينيها وبصوت هامس)فين كنتي هاد لمدة كلهاا؟ علاش مشيتي وخليتيني معارفة عليك والو (شهقات) معرفتك ميت ولاحي

عدنان:(نزل راسو وبهدوء)الضروف اميس الضروف

ميس:(نطقات بصوت عالي وهي ممسوقاش لناااس لي على برا)كيفاااش الضروووف هااا بين ليل ونهار غبرتي ومبقا ليك أثااار وتتقول الضروووف خليتيني غنحماااق عليك وماخليت فين سولت عليك وتاحد معرفك فين زدتي...عاام وأنا عيشاااه فالعدااااب والخوف وكل ليلة كنعس والدموع فعينياا ونتااا كتقول لياا الضرووف (قربات ليه وشنقات عليه من تيشورت لي لابس)علااش كتعدبني اعدنان وكتعدب تاراااسك

عدنان:(شد يديها ونطق بهدوء) ميس حنااا راه فالزنقة طلقي وسكتينااا

ميس:(زادت قربات جهتو كثر)ماشغليييش سمعتتتتي ماشي سوووقي

قاطعهوم الدري لي دخل جايب لعصير وغير شاف الديكور وهو ينزل راسو وحط ليهوم الصينية تم وخرج لبرااا واقف...أما عدنان شاف فميس ومد يديه معنقهاا كيسكت فيهاا حيت حالتهاا كانت كتشفي العدو...

حاطة راسها على صدرو كتفش قلبهاا عليه وهو كيسكت فيها وكيواسيها...مدة عاد بعدات عليه وهزات عويناتهاا فيه لي كانو حمرين ومنفوخين ونطقات بهدوء: نهار تزوجت بإسلام كنت بحال شي وحدة ميتة وحكمو عليها بالإعدام..كنت باغا نغوت ونقول ليهوم مبغيتش ولكن حد مسمعني...كلشي كان فرحان وناشط من غيري..كنت كنتمنى نشوفك جاااي لعندي وتفكني منهوم ساعة مجيتيش..تسنيتك.. وبقيت كنتسنااك فكل نهار وكل ليلة دوزتها معاه كنت كنتخايلك نتاا...لحمي كرهتو حيت قاسو هو تامن بنتي كرهتهاا حيت كتشبه ليه وحيت بنتو (ضحكات بألم) سميتها ليليان حيت نتاا كتعجبك هاد السمية وكنتي قلتي لياا غانسميوها لبنتناا فاش تزاد عندناا...كل كلمة قلتيها لياا باقي عاقلة عليهاا ليومناا هاداا وعمري نسيتها وعمري نساهاا حيت مغانقدرش...

قاطع كلامهوم صوت تلفون عدنان لي كان تيصوني فجيبو...جبدو يشوف شكون وبانت فالشاشة سمية "وفاء" وحداها قلب...حبس الصوت ورد التلفون بزربة بدون ماتنتابه ليه ميس لي قربات جهتو وشدات وجهو بين يديهاا ونطقات بصوت هااامس حنين:عدنان لميس وميس لعدناان

القرب لي كان بناتهوم مهلك...أنفاسهوم كانت تضرب فوجه بعضياتهوم...قربات ميس بخطوة خراا جهتو تاقاست نيفو بنيفهاا وغمضات عينيها سامحة لقلبها يتحكم فيهااا وطفات عقلهاا لي كينبهها على أنها كتغلط...فقط تبعات قلبها...وفلحظة سمحات لشفايفهاا يتحطو على شفايف عدنان لي مجرد مالمس شفاهاا الرطبين زيرها لعندو وتعمق فالقبلة المحرمة....

الطريق كولو وهو كيصوني عليهاا وتقول واش جوباتو وتامن الخدامة علماتو بلي باقي مرجعات ملي خرجات فالصباح...من جيه كان معصب حيت معلماتوش وحيت مكتجاوبش ومن جيه كان خايف عليهاا لاتكون طرات ليها شي حاجة...وصل لدار ونزل طالع فدروج ليموبل تاوصل لباخطومون ديالو ومع الحلة دلباب وصل لمسامعو صوت بنتو ليليان لي كانت تتبكي...سد لباب ودخل بالزربة لبيتها فين كانت الخدامة هزاها تتسكت فيهاا وغير شافتو مداتها ليه هو لي هزها بين يديه بحنية كيبوس راسهاا

إسلام:مالهاا

فاطمة:ماعرفتش اسي إسلام من قبيلة وهي تتبكي ومبغاتش تسكت

إسلام:(موجه كلامو لبنتو)بابا مااالك هممم اروووح باباا (باسهاا فجبهتها وحط ليها راسها على كتفو تابدات تتهدا وتسكت)جيبي لياا رضاعتهاا

مشات فاطمة وهو بقا هاز بنتو تيراري بيهاا وفنفس الوقت تيصوني على مرتو فاش مجوباتوش قرر يصوني على مو لاتكون مشات عندهوم واخا عارفها مغاتمشيش مي مافيها باس...

إسلام:ألو لواليدة

إلهام:(ختو) إسلام هادي أنا إلهام

إسلام:إلهام ميس عندكوم تم

إلهام:لا مجاتش غير هضرة معاها فالتلفون وصاف

إسلام:مقالتش ليك فين غادة

إلهام:نو علاش أخويا كتسول شواقع

إسلام:لا والو مهم تال من بعد ونهضرو تهلاي

إلهام:إسلام بلاتي ماتقطعش مرتك كانت سولاتني على عدنان وعلى فين خدام وأنا عطيتها لادريس ديالو ياك ممشات تقدى عندو؟!

إسلام: عدنان (سكت مدة ونطق ببرود) واخا اإلهام نكملو من بعد

قطع عليهاا ودماغو خدام مور هضرة ختو وفنفس الوقت تفكر نهار السبوع ملي سولات عليه وسؤال واحد كيضور فبالو شنو علاقتهاا بعدنان؟!

-----

كملات نهارها وتفكيرها كولو كان حول "إسلام" داك الشخص الغريب لي تلقاتو هاد النهار ولي جمعهوم داك لفلاش لي فيما يطيح فبالها حنيكاتهاا كيحمارو غير بوحدهوم... دايرة لزياتها وخارجة غادة بحالهاا لعند جيداء باش يخرجو يتساراو ونيت جيداء تشري شي حوايج غتحتاجهوم على قبل نهار التعارف بين عائلتها وعائلة قصي لي تحدد ومبقاا ليه والو... من زهرها لقات طاكسي خصاها غار بلاصة...مسافة الطريق تاوصلات لبلاصة فين كاتنزل وهبطات غادة بين الزنااقي باش توصل بزربة وفواحد اللحظة حسات بلي بحال الاتابعها شي حد...وقفات وضارت تتشوف موراها لقات غير الريح...كمشات حجبانها ورجعات مكملة طريقهاا وهاد المرة كانت تتزرب فمشيتها حيت الزنقة لي دازت منها خاوية ومافيهاش البشار بزاف...كل خطوة كانت كتخطيها كانت تتحس بشي حد كيخطيها معاهااا...ولكن فاش كضور مكتلقاا حد شي لخلاهاا تستغرب....ضارت كتكمل طريقها ومع شافت فجنبها بان ليها خيال شي راجل موراهاا بخطوات قليلة شي لخلا دقات قلبهاا يتسارعو وبؤبؤ عينيها يوسااع بسبب الخلعة لي شداتها فهاد اللحظة....

صوت دقات قلبها كان تيتسمع بالجهد وهي كتشوف داك الخيال لي موراها كيقرب ليهاا وصوت أنفاسو مسموع لعندها...زيرات على صاكها ومع رمات لخطوة باش تمشي حسات بشي يد جراتهاا بالجهد تالصقاتها مع الحيط ... حلات عينيها على وسعهوم وهي كتشوف فداك الشخص لي كان مقنتهاا فديك الزنقة لي كانت خاوية وحاط ليها موس على جنبهاا...من الشوفة فيه ماتقولش راه شفار كيگريسي حيت السيد نقي ماشي من صحاب خطوطو ولاشي شمكار...سرطات ريقها فاش سمعات صوتو وهو كينطق بصوت قاصح:حطي داكشي لعندك بلاصداع وبلاغوات

رحيل:(بصوت مرتاعش)و واااخا عفاك غير متأدينيش

...(عوج راسو فيها ونطق)طلقينا از*ي

رحيل:(جبدات ليه تلفون من صاك ونطقات بصوت باكي) عفاك واخا ناخد كارط ميموار من تلفون

جر ليها التلفون من يديها تاحسات بصباعها طارو ونطق بسخرية:زيدي طلعي لي عندك الغزااالة

سكتات رحيل فاش حسات بالموس لي كان فجنبها كيطلعو معاهاا تاوصلو لجهة عنقهاا وهو يحيد ليها لفولار من جهة العنق فين كانت دايرة سنيسلة صغيرة ديال الذهب...دار عليها لموس ونثرها ليها من عنقهاا مخليهاا مكمشة حجبانها حيت وعتها وفنفس الوقت خلعها...كانت تتمنى شي حد يدوز من تم ويعتقهاا حيت بان ليها هاد خونا مناويش على لخير...وكأنو أمنيتهاا استجبات فساعتها ملي حسات بداك خونا تدفع من عليها وجااا طايح فالأرض...فساعتها قدرات رحيل تنفس الصعدااء وترجع بزوج خطوات لور وعينيهاا تعلقو على داك الشخص لي تحنى جهة داك خونا شانق عليه وكيعطيه بالركالي والبونيات...كانت باغا تهرب وفنفس الوقت كانت باغا تاخد تلفونها لي خدا ليها لاخر...شهقات بخوف فاش بان ليها داك خونا جابد موس غادي بيه جهة الشخص لي فكهاا...

رحيل:(بصراخ)عندااااااااك

تفادى الشخص الدقة فدقيقة التسعين ولواا ليه يديه مطيحو الأرض ونطق بصوت قوي:سخن عليك ك*ك داباا نبردو ليك

جاوبو داك خونا وهو مغمض عينيه بسباب داك الحريق لي عطاه كتفو:هادي والتوبة اخوياا الله يسهل عليك ماسمح لياا

هز فيه حاجبو وبسخرية:سمح ليا ههه دابا حصلتي وليتي باغي غار السلاكة

حرك ليها لاخر راسو ونطق بندم شديد:عمري نعاود أقسم بالله عمري باقي نعاود

تحنى جهتو ونطق بصوت هادئ:لا غير عاود باش نوري لقح.بة مك اش كنسوى (طلقو)نعاود نشوفك قبالتي مانرحمكش

حط داك خونا التلفون درحيل فالأرض وهز الموس ومشى كيجري بدون مايلتافت موراه مخلي رحيل غير واقفة والخلعة باقا شادة فيهاا...قرب جهتها الشخص بخطوات تقيلة تاوقف قدامهاا ونطق بهدوء:نتي بخير؟

هزات فيه عينيها الخضرين لي كانو كيلمعو بالدموع لي تكونو فمقلتيهاا...تتشوف فملامحو الرجولية الخشنة وعينيها تفيكساو على عويناتو لقهوين

رحيل:(نطقات بهمس)اه شكرا ليك اسيدي

ضحك ضحيكة بجنب فمو ونطق:بلا سيدي عيطي لياا غير عاااصم ...

واقفة قدام بلاكارهاا وحاطة يديها على نصهاا كتشوف شنو تلبس...واخا البلاكار مطرطق بالحوايج الاأنها ملقات تاحاجة لي تناسبهاا...زفرات بعصبية وردخات الباب دلماريو وبقات غادة جاياا تتفكر شنو تلبس تارجعات تاني بزربة لبلاكار وبدات تتنبش تم تالقات واحد لكسوة فالكحل نص كوم كانت مخشية لداخل...جبداتهاا وفرشاتهاا فوق النموسية ومشات تتجبد ليها لزاكسيسوار ديالهاا... قادات گاع داكشي لي تحتاج فوق النموسية ومشات هزات فوطة وحويجات لداخل ومشات لحمام تاخد دوش...محتاجتش وقت بزاف فالحمام حيت مقاستش شعرهاا...رجعات تاني لبيتهاا وبدات تدهن فالكريمات لداتها تارجعاتهاا تتشقشق بالرطوبية بحال ديال الدراري الصغار... لبسات كسوة فوق من دوبياس فالكحل جاتها عباار وزادت بينات فورمتهاا لمنحوثة....طلقات شعرهاا وخلاتو على راحتو ومشات تتقاد وجهها...حريفاتها دوغيجين زوينين ومتحتاجش بزاف دلمك اب باش تزيان... رشات برفانهاا وشافت فراسها بنظرة مغرورة ونطقات بصوت محلون:هانا على الزين الله يحجبني موااااح

صيفطات لراسها بوسة فالمرايا ومشات تتلبس صباط طالون وهزات بوشيط وخرجات من تما نازلة لتحت فين كانت جالسة كلثوم وإيطو مجمعين على براد دأتاااي...شافتها إيطو مقادة ومسكسفة على لحالة وهي تنطق:أفين غادة بديك الحالة امسمار الكيف؟

أسماء:(قلبات عينيها بملل) ماما أنا خارجة مع لبنات وممكن نتعطل داكوغ

كلثوم:فين غاديين؟!

أسماء:ياك قلت ليك صاحبتي عندها عيد ميلاد وغانحتافلو بيه واش غانبقا نعاود الهضرة؟!

كلثوم:اممم لمهم ردي لبال لراسك

أسماء:بااااي

خلاتهوم وزادت غادة فحالهاا...مع خرجات من الدار گاع ولاد لحومة تبعو ليها لعين وهي تتمخثر فمشيتها وقاعها لي باين فالكسوة تيتهز... وهادشي هو لي زاد مكبر ليها لبعرة ومخليهاا تحس براسها كثر...وقفات طاكسي صغير وعطاتو العنوان لي غادة ليه...جبدات تلفونهاا تتلعب بيه وتدوز الوقت تاوصلات وهي تنزل مور ماخلصاتو...ودخلات لعمارة وهي تتقرقب فطالونها...كان السكات حيت ليموبل ساكنين فيها غار ناس لكلاس...غير وصلات قدام الباب دلاباخطمون وهي تهز ريحتها رجعات رشاتهاا عاد دقات لباب وبدات تتسنى تاتحل لباب من طرف آدم لي كان لابس شورط ديال الدار وتيشورت سماطي...جرهاا من يديهاا تادخلهاا وسد لباب ونطق بصوت تقيل منيم فيها عينيه:على سلامة الحجلة ديالي..

كانت تتشوف فعينيه لكانو غياكلوهاا وابتسامة مغرورة ترسمات على شفايفهاا...أما هو فكان تايه فجمالهاا وريحتهاا لي خلاتو يدوخ ويهبل عليها كثر تحنى جهتهاا وطبع بوسة فوق شفايفها وبعد وهو مساخيش

آدم:ندخلو لداخل

جرها من يديها مدخلها لصالة فين كانت طبيلة مقادة بتقوتات وبالكانيطات ديال الشراب والموناضة والشيشة لي مقادهاا كيف كيبغيهاا...جلسات فلفوطوي ومشا لجهة الكوزينة مخليها كضور فعينيها وكتشوف فالفراش ديال الدار لي كان سامبل وكلاس...شقة ذكورية بامتياز .... ضورات وجهها فاش بان ليها جاي جايب معاه لگلاسمون فالطاس وزوج كيسان...حطهوم فالطبيلة وجلس حداهاا جارهاا بيديه ومدرعهاا ونطق بهمس:الحجلة ديالي توحشتك

أسماء:(بصوت أنثوي)هممم عليها سولتي فيا هاد الأيام

آدم:(تحنى جهة كتفها وباسها تم تاكمشات عنقها ونطق)كضلميني الحجلة..كون تعرفي حبيبك فين كان غاتعدريه

أسماء:(هزات حاجبهاا)فين كنتي؟!

آدم:كنت الالة كنقاد ليك لبوسط لي غاتخدمي فيه

أسماء:(نقزات من جنبو ونطقات بحمااس)حللللف

آدم:(ضحك وعض على شفتو)مالنا كنكدبو غير تسالي متحانك لي عندك نهار الإثنين ونمشيو لشركة

شافت فيه بعيون كيلمعو من كلامو ممتيقاش بلي الحلم ديالها غايتحقق وغاتولي خدامة فديك الشركة... قربات جهة آدم وحطات شفايفها على ديالو كتبوس فيه وتاهو نغامس فالبوسة لي جاتو من الجنة والناس...مدة ليست بقليلة وهوما كيتبادلو القبل تابعدات عليه تتقاد شعرها

أسماء:(شافت فيه)نشربو شي حاجة

أدم:(خدا كاس دار فيه لگلاصمون وكب ليها كوكا وعطاه ليها)باغا تشيشي؟

أسماء:(عضات على شفتها)مكرهتش

شعل ليها شيشة وبدات كتشيش وهو حداها كيجغم من كاسو ويديه كتلمس كتفهاا لعاري ومرة مرة يطبع بوسة فوق كتفها ولا فحنكهااا...قلب التلفازة ودار فيلم رومانسي وبقاو متفرجين فالفيلم لي أغلب اللقطات ديالو غير قبل وسك.س ... وسي آدم بدا كيسخن بسباب السكرة وزادوه دوك اللقطة تاولا كيقرب من أسماء تالصق معاهاا وحيد ليها ثيو دالشيشة وضور وجهها كيبوس شفايفهاا بجوع...لطالماا كان كيتمناها تكون بين يديه وهاهي أمنيتو تحققات...كان كيلمس جسدها بحركات محتارفة ومحساتش براسهاا تكان هازهاا غادي بيها لجهة شومبر دونوي وشفايفو محتاضنين شفايفها...

كانت بحال شي بنت مراهقة مشات شافت صاحبها بالتخبية على دارهوم...حناكها حمرين والسر طايح عليها مور القبلة لي جمعاتهاا بحييب القلب "عدنان" تاحد فيهوم ماتهزات فيه شعرة وقال راه شي لكنديروه خيانة...كانو فقط عايشين اللحظة وينعل بو العالم...

عدنان:(قاد ليها شعرها ونطق بهدوء) تعطلتي اميس

ميس:(تخشات فيه معنقااه) مابغيتش نمشي ونخليك اعدنان

عدنان:غايخصك تمشي (بعدها عليه وشاف فيها) سيري ونهضرو من بعد

ميس:(زفرات بغيض)اووف واااخاا مي عطيني نمرتك

عدنان:قيدي صفر ستة....

قيدات نمرتو وهي ممسوقاش لداك الكم الهائل من مكالمات إسلام لي طلعو ليهاا لاهوما لامسجاتو...حك حاجبو وشاف فساعتو كانت سبعة دلعشية...لوقت داز طاااير وهوما مع بعض وتادري لي خدام معاه بقا غير واقف على براا وفيما يجي شي كليان يرجعو...

عدنان:انا نوصلك

ميس:واخا

هزان صاكها وخرجات سبقاه لفين نعت ليها راه كاينة طوموبيلتو وهو وصى الدري على لمحال ومشى معاهاا...مكانش عارف فين ساكنة وغير بدات تتنعت ليه تاوصل لحي لي قبل حيهوم وهو يوقف تم... شافت فيه وعينيه بظاو يعمرو بالدموع مسخاتش بيه ومكرهاتش تمشي معاه وتبقا حياتها كلها فجنبو...ساعة القدر كان عندو رأي اخر

عدنان:تعطلتي

ميس:(بصوت باكي)محاملاش ندخل لهاد الدار

عدنان:(كمش حجبانو بظون ميجاوبها)

ميس:(قربات جهتو وباستو فحنكو) دابا نعيط ليك

ودعاتو وخرجات مخلياه متبع ليها الشزفة تامبقاتش تتبان ليه عاد مشى فحالو....حلات باب الدار بساروت ومع الدخلة بان ليها إسلام جالس فالكراسة لي أونفاص لباب كيشوف فيها بنظرة باردة وبصوت هادئ نطق:فين كنتي؟!

----

رجع عدنان لمحال وبقا تم تايحسب شي سلعة وكيقد شنو خاصو باش يمشي لشمال يجيب السلعة...مدة ليست بقليلة وهو غير فالحسابات تاسالا عاد بدا كيسد هو والدري المحااال...توادعو وكل واحد مشى فحال سبيلو... ركب فطوموبيلتو وشد الطريق غادي لدار وفنفس الوقت كيفكر فداكشي لوقع بينو وبين ميس... لحد الأن باقي منساتو واخا داز على فراقهوم وبعادهوم ثلت سنين باقاا كتبغيه كيف لول وكثر... باقااا زوينة وزادت زيانت بسباب لخناث لي معيشها فيه إسلام... لي شافها يحلف عليها بلي مولداش بجسمها لممشوق وفورمتهاا لي كتسلب... بقاا كيخمم تاوصل لواحد لحي جديد كانو الديور باقي كيتبناو فيه...بلاصا طوموبيلتو ونزل غادي لباب وحدة من دوك الديور لي كتبان على براا همة وشان...مع الدخلة وصلاتو ريحة العود ممزوجة بخشب الصندل...ريحة منعشة خلات قلبو يتفاجى...داخل وعينيه كيضورو فالدار لي كاتبان متيسعة ونقية...بفراش همااوي وكل صالة تنسيك فلخرا... حط سوارتو وتلفونو فوق طبلة دالصالة مونجي وضار فاش شم ريحة برفان نسائي مثير... عينو كانت تتسكانى ديك الجميلة السمراء لي جايا لجهتو بكسوة ديال دار قصيرة ومعرية...شعرها الكحل طلقاه ودايرة ليه بابيليز ومك اب مبين ملامحها السمراء...مبتاسمة فوجهو وبخطوات مغرية قربات جهتو تاوقفات قدامو وطبعات قبلة على شفايفو وبهمس مغري نطقات:على سلامتك ازماني...

كانت تتشوف فيديه الممدودة ليها وفنفس الوقت تتشوف فيه وفملامح وجهو الرجولية...بتسمات بخجل ومدات يديها تاهي سلمات عليه وحسات بيديه زيرو على يديها

عاصم:(شاف فيها) معرفتينيش عليك؟!

رحيل:(بتسمات ليه وحكات راسها بارتباك) رحيل..سميتي رحيل

عاصم:سميتك زوينة بزاف بحالك

رحيل:(هزات فيه راسها وشافت فعويناتو القهويين لي كانو كيسكانيو ملامحها وشعور الخجل والارتباك مرافقها)ش شكرا

عاصم:(ضحك بتقالة)ههه واش أي حاجة قلتها غاتشكريني عليها

رحيل:(هزات راسها)نتا راه عتقتيني ومن الواجب عليا نشكرك

بعد عليها عاصم ومشى جهة تلفونها لي كان محطوط فالارض هزو ورجع قرب عندها عاطيها تلفون وبهدوء: ردي لبال لراسك ارحيل راه لوقت خيابت وماتعرفي شنو مخبية ليك

رحيل:(سكتات مدة عاد جوباتو بابتسامة) قل لن يصيبنا إلا ماكتب الله لنا

عاصم:ونعم بالله

رحيل:(رجعات تلفونها فالصاك ورجعات شافت فيه)مرة خرا غانقول ليك شكرا اعاصم على وقفتك معاياا

عاصم:(حط يدو على صدرو وبابتسامة)الله ياودي مرحباا (أشار ليها باش تمشي ونطق بجدية) غانتبعك تانتأكد بلي وصلتي بخير وديك ساعة عاد غانقدر نرتاح

مكان عندها تاشي حل من غير توافق حيت بالفعل باقي الخلعة شادة فيهاا وخايفة لايصدق داك خونا كيتسناها فشي بلاصة خراا...غادة كتمشى مخليا عاصم موراها تابعها بحال ضلهاا...الطريق كلها تاوصلات قدام باب دارهوم وقبل ماتجبد الساروت باش تحل لباب ضارت ولقاتو واقف بعيد عليهاا...بتسمات ليه وبادلها الإبتسامة وحرك راسو بمعنى مرحبا...حلات لباب ودخلات وهو بقا واقف مدة من الزمن وعيونو على طيفها لي كان واقف حدا باب الدار...حك لحيتو الخفيفة وبصوت هامس نطق: رحيل

بقات واقفة كتشوف فملامح وجهو الباردة وصوتو الهادئ لي خلاها تخاف...اه خافت حيت هي أكثر وحدة عارفة إسلام كيف داير... سرطات ريقها وهي كتشوف فيه نايض وغادي لجهتها بخطوات تقال... زيرات على صاكها ونطقات بصوت حاولات تخليه عادي وميبانش عليه التوثر:كنت خارجة مع صحباتي

إسلام:(وقف قدامها ونطق)وعلاش مكتجاوبيش فتلفونك

ميس:(هزات حاجبهاا وبكدب) ماشفتوش يمكن حيت كنت دايراه سيلونس

إسلام:(حك لحيتو وشاف فيها بنظرة غريبة)من الصباح ونتي مع صحباتك؟!

ميس:(هزات حاجبهاا)وي خرجنا تسارينا وتغدينا فواحد لغيسطو أبخي مشينا لمول ناخدو شي حاجة

إسلام:(شاف فيديها لخاويين) شتك مجيبة معاك والو

ميس:(هزات كتافهاا)حيت معجباتني تاحاجة اووووف ساليتي من لونكيط لي داير ليااا نقدر نمشي ؟

مجوبهااش كتفى فقط أنه يهز راسو بمعني سيري أما هي جاتها من الجنة والناس...مشات لبيتها وغير دخلات زفرات براحة حيت معاقش بيهاا... خدات تلفونهاا ومشات صيفطات مساج لعدنان..

" كون تعرف شحال توحشتك"

حطات تلفون فوق الطابل دونوي ومشات تتجبد بجامتهاا وحوايج لداخل باش دوش وفهاد الأثناء كان جالس عدنان هو او وفاء كيتعشااو فجو كالم وزوين...تلفون كان حداه فاش صونى بنغمة مساج...حلو وشاف مسج ميس وجاوبهاا

"غدا ونشوفك"

رجع تلفونو وكمل مكلتو عادي تاسمع مرتو لي نطقات بهدوء وبصوتها الأنثوي المثير:غدا غانرجع لخدمة لكونجي ديالي سالا

عدنان:(شاف فيها وهو عاقد حجبانو)ماعرفتش علاش باغا تكرفصي روحك وكلشي واجد ليك

وفاء:(حطات لفورشيط ونطقات بهدوء)نتا عارفني أمبوسيبل نبقا فالدار أون بلوس دوساا لكابيني ديالي كتسناني والمرضى تاهو كيتسناوني

عدنان:(جغم من كاس دلعصير ورجع شاف فيهاا وهو شاد يديها وبحنان) أنا مباغيكش تعيااي لياا احبيبة

وفاء:(بتسمات بحب) ماتخافش مغانعياااش ليك...مقلتيش لياا كيف جااك الديكور ديال الصالة مونجي

عدنان:زوين بحال مولاتو

ضحكات وفاء ضحكة رقيقة خلات قلبو يفرفر فبلاصتو وقبل ماتستوعب كان هازهااا بين يديه غادي بيه لصالة وهي متعلقة فيه بحال شي بيبي صغير...عضهاا فالشحيمة ديال وذنيها ونطق بهمس ساخن:كاتقلبي علياا نعمر ليك ديك لكرش

وفاء:(ضحكات تاتسدو عينيها)هههه باش نيت تلقاا ليا السبة باش مانبقاش نمشي لكابيني هههه

حطها فوق السداري وبعد عليها كيقلع تيشورت وقال وهو منيم فيها عينيه:عمرك جربتي لح*ا فالصالة

وفاء:(عضات على شفتها وبدلال هزات كتافها) تت مكرهتش نجريو معاك

عدنان:(تحنى جهتهاا)هي لمتعاودش

بدون مايتسنى جوابها كان مستولي على شفايفهاا بقبلة خلاتها ترفع وتنساجم معاه غرق معاهاا وفيهاا ومبقا تسوق لتاشي حاجة...حتى من تلفونو لكيصوني بنمرة "ميس"....

غير رجعات لدار مشات ديريكت لبيتها بلاماتهضر مع تاشي واحد حيت ماعندها خاطر ليهوم...بدلات عليها ببجامة دار قصيرة وهزات تلفونها صيفطات لجيداء مساج وحطاتو فوق النموسية...مشات لجهة طابل دونوي وخدات مشطة كتمشط بيهاا شعرها وساهية فشي لي طرا معاهاا قبيلة...وبلاماتحس على راسهاا بدات تتفكر فعاصم وكلامو وتصرفو النبيل معاها..كون ماشي هو كون يعلم الله شنو طرا ليهاا داباا...قاطع أفكارها وسرحانها صوت التلفون لي كيصوني بأبيل فيديو وكانت جيداء...

رحيل:(جوباتها)آفين اعضم الطيو

جيداء:(كانت تتستف بلاكارهاا) عوينات الجلبانة ياك لباااس شداك امساج مسيفطة ليا

رحيل:(تنهدات)كون تعرفي شنو طرا معاياا ليوم

جيداء:(حطات داكشي لي فيديها وبتركيز)شنو وقع

رحيل:تعرض ليا شفار كان غايگريسيني ولاقولي گريساني كون ماربي لطف وصيفط ليا داك ولد الناس لي عتقني منوو

جيداء:بلااااااااتي عاودي لياا أونديطاي

بدات رحيل على وعدها وسعدها تتعاود ليهاا كلشي تاسالات ونطقات بهدوء:هاداا مكااان

جيداء:(بقااات ساكتة بحال الادايرين ليها بوز تاخلات رحيل تشك ياكما لكونكسيون تقطعات ومع جات تهضر غوتات جيدااء بالجهد تاقفزات رحيل من بلاصتهاا)اااااااااااع ابنت لحرااااااام شكووووون بحاااااالك جاااا شاروخااان يعتقك

رحيل:(كمشات حجبانهاا)اشمن شاروخان ولا إيخان تاني واااش أنا محفياا فمي من الصباح تنعاود ليك ونتي شديتي غار هادشي

جيداء:(بحماس)كيداير وصفيه ليااا طويل قصير غليض رقيق سمر بيض كحل

رحيل:(بطنز)فاااختي ومرشوش بالخنوني واااااني سيري تگعدي الخراا

جيداء:(بجدية)رحيييل اتعاااودي ولانخرج لمك من التلفون

رحيل:(قلبات عينيهاا بملل)ماركزتش معاه بزاااف صراحة

جيداء:أودي غار نطقي دابا نتعرا عليك هناياا

رحيل:(كمشات حجبانها بونطقات بسهو) طويل علياا ومفورمي يعني باين عليه كيلعب لحديد ضحوكي وملامحو قهوية بشرتو حنطية يعني مابيض ماسمر وعندو لحية وشعرو فالقهوي زوين وباين فيه ولد النااااس وو

جيداء:(قطعاتها وهي كطنز عليهاا)هادي غار مركزتيش معاه كون ركزتي كون عرفتي تامطريالو شحال فيه من سونتيم ههههههههه

رحيل:(خرجات فيهاا عينيهاا)الله يمسخك المااااسخة تفووووو

جيداء:(تتموت بالضحك)هههه واصراحة مكرهتش نشوفو قولي ليا متيتز على نيف البگرة ديال ياسين

رحيل:(ضحكات على لقب ياسين) صبحنا على الله جابدة لياا داك لخرا

جيداء:اجي مبقاش تيتعرض ليك مزال

رحيل:من آخر مرة شتو فلسورونس ااااه نسيت معاوتش ليك على بلان تاني طرااا ليا فلاسورونس مع واحد خوناا تاني

جيداء:سيري تگرعي

بدات تاني رحيل تتعاودي ليها على إسلام والفلاش لي طرا بناتهوم وهي تتسمع ليهاا تاسالات ونطقات جيداء:وازهر عندك ليوم هاإسلام هااعاصم هه قولي ليا شكون لي متيتز

رحيل:كل واحد وزينو مالي غانبقا نعبر فيهوم

جيداء:اوا جاب ليك الله لهوتات ههههههه كنتخيلك بين يديه كي الفلوسة درهم ههه خلاتهاا خازينو الناااار

يالاه بغات تجاوبهاا رحيل وهو يطلع ليها مساج من Bp "البنك الشعبي" كيعلمها بلي دخلات ليهاا 5000 درهم لكونطهاا...مجرد مشافت المساج حسات بالضيم طايح عليها لدرجة جيداء كاتهضر وتعيط ليهاا ولكن هي كانت مرفوعة نطقات بصوت مضيوم متألم ودمعة نازلة ليا:مبغيتش فلوسها بغيتها هي...

-----

هازها بين يديه غادي بيها لشومبر دونوي...ذايبين فشفايف بعضياتهوم...بحنية حطها فوق من النموسية وتكى عليها كيقبل فكل منحى فوجهها...وهي شادة فتيشورت ديالو مغمضة عينيها ومستمتعة بلمساتو على جسدهاا وقبلاتو لمتلهفين...نزل بقبلاتو لعنقها ودفن راسو تم وبدا كيتفنن فيه... غارقة بين يديها تاحسات بيه كيحل سنيسلة ديال الكسوة لي لابسة تم بحال الاشعلتي البولة لحمرا فدماغها وإنذار الخطر بدا كيتسمع فوذنيهاا...مدات يديهاا وحبساتو تاهز راسو فيها وهو مغوبش ونطق بعصبية:ماالك

أسماء:من الأحسن نحبسو هنا اآدم

آدم:(نطق بنرفزة) كيفاااش نحبسو واااش باغاا تصعري ز*مل بوووويا فهاد الليل ابنت لق*بة

أسماء:(ضرباتو تاطاح مع مكانش معول عليها وبصراخ) حاشاااااك ومي بزااااف عليك الشماااااتة

ماحسات براسهااا غير وهي طايحة فوق من النموسية من حر ديك الدقة لي عطاهاا فحنكهاا خلاتهاا تزعز من بلاصتهااا...وقبل ماتستوعب تحنى عليها شاد شعرهااا وهو هاز راسها فاتجاهوو...عينو كانو كي الجمر حمرين وبصوت عالي غوت:شمااااتة ابنت لق*بة حيت مشياااني كيف باغاااا هاااا...شماااتة حيت كاديري فيااا مباغاااا وأناا مستوني ليك ومخليك تااابغيتي تركبي فوق من ضهري همم...

خرج فيها عينيه تاتخلعت منو حيت فهاد اللحظة هادا لقدامها ماشي نفسو آدم لي تتعرف...مولفة عليه يتعصب ويسب ويخسر الهضرة ولكن باااش يمد يدو عليهاا هادي كانت جديدة عليه... عينيهاا كانو كيشوفو فيه بخوف..بغات تعتق راسهاا من بين يديه ومالقااات غير ضفاارها كسلااح ليهاا..وبالفعل هبطات ليه قمشة من حنكو لعنقو تاكمش عينيه ونطق باااه خافتة وفلحظة هزات رجلهاا وجبتها ليه بين فخااااضو تاتلوى حداها وهو شاد فحجرو وهي تهز من بلاصتها خارجة تتجري وتعكل بطالونهاا تاوصلات لصالة وهي تهز صاكهاا ومع بغات تخرج من لباااب حسااات بالجلدة دشعرهاا تقلعاات من الجرة لي دار ليها على غفلة منهااا...

يقال ان الحب الأول عمرو مايتنسى وكيبقى مرافقنا حياتنا كلهااا...كيخليناا نديرو حاجز على قلبناا... وكنبقاو عايشين فأوهام داك لحب... ومكتبقا تحلى لينا تاشي حاجة فعينينا فغيابو... وحتى الادق حب جديد بابك كترفضو وكتسد عليه بقفولة... مكتبقاش تفكر بالعقل ديك ساع حيت قلبك هو لي كيتحكم فيك... وفحالة ميس هادشي لي طرا ليها... بحالها بحال گاع لبنات بغات من قلبها وبنيتهاا... بغات عدنان من أعماق قلبها وتعلقااات بيه لدرجة كبيرة...كان هو داك المتنفس لوحيد فأيامها المملة...كان هو داك الشخص لي كيسمع ليهاا فاش كتكون محتاجة لي يسمعهاا...داك الكتف لي كتحط عليه راسها فاش كاضياق بيها الدنياا... كان عدنان هو كلشي وهو محور الكون ديالهاا... فاش كادير أي حاجة كانت تاديرها على قبلو... عام لي داز وتعرفات عليه فيه وبغاتو... عاشو أيام زوينة مع بعضياتهوم ولكنها مكملاتش... من نهار غاب عليها وخلاهاا بوحدهاا بدون ما يعطي تاشي مبرر ولاشي تفسير...خلاها غاتحماق او نقولو حمااقت لدرجة كانت باغا تنتاااحر...اه وصلات بيها الإنتحار ملي غبر عليها وعاشت أسوء أيام حياتهاا بلابيه... وهاهو دابا رجع ولكن هي ماشي حرة كيف كانت... هي دابا مرا مزوجة وأم لطفلة صغيرة... يعني الامشات معاه وتخلات على حياتها غاضطر تخلى تاعلى بنتها الصغيرة... وفهاد النقطة بدّات ميس مكانش عندها مشكيل حيت عارفة بلي ليليان متعلقة باباها كثر منها هي يعني الاخلاتها ليه مغاديش يشكل فرق كبير بين دابا وديك لوقت...حيت أصلا هي ممهتمااش بيهاا أساساا ومخلية مسؤوليتها على عاتق إسلام والخدامة... نسات بلي بنتها محتاجة ليها كثر من باهاا وبلي حنانتها هي مغايعوضها حد لا إسلام لا لخدامة... تنهداات تنهيدة عميقة وهي تتشوف فتلفونها والابيل لي كانت دايزة ليه وهو مكيجاوبش...لاحت تلفون بزعاف فوق الطبيلة وهزات راسها فاش بان ليها إسلام داخل لبيت بسروال توني وتيشورت... بقات متبعة ليه لعين تاهز مخدتو من حداهاا ورجع خرج فهدوء تام...كمشات عينيهاا باستغراب من تصرفو وفنفس الوقت حسات براحة حيت بدا كيفهم راسو وبدا كيبعد عليهاا من تلقاء نفسو..هزات كتافها بعدم مبالاة وتكات على المخدة وعينيها على تلفون كتسنى عدنان يعيط ليهاا...أما فالخارج وبالتحديد بيت ليليان لي كانت جالسة فحضن باهاا متكية عليه ودايرة سكاتة فغمهاا تتلاغي غار بوحدها ويديها على وجه إسلام لي كان جالس ساهي كيفكر فتصرف ميس الأخير وكلام ختو... وفنفس الوقت كيتفكر ردة فعلها ملي شافت عدنان أول مرة... ماعرفش علاش حس بشعور غريب اجتاحو فهاد اللحظة مخليه ممرتاحش...

رجع إدريس من لگاراج ومشى ديريكت لبيتو خدا ليه دوش كيف عادتو وخرج لابس فوقية ديال الدار مبردة...نزل لتحت فين كانت إيطو جالسة مكمشة دوك لعينين فالتلفازة... قلب الطريق غادي لكوزينة فين كانت كلثوم واقفة كتوجد فالعشاا...نحنح بصوتو الخشن وقال بهدوءو المعتاد:فين الدراري؟

كلثوم:(ضارت جهتو ) محمد طه باقي مجا ولبنات فبيتهوم

سكتات كلثوم وعينيها كانو كيضورو فبلاصتهوم خايفة لايعيق إدريس بلي أسماء مكيناااش فالدار وبلي باقي مجاتش...حيت هو من طبعو ماعزيزش عليه دوك لفعاايل ديال السهير براا وتسركيل...بصح عاطيهوم حريتهوم ومخليهوم يخدمو ولكن الخروج بالليل والسهير أوهو ممنوع... هز من الثلاجة قرعة دلماا ومشا كب ليه كاس وشرب وبلامايشوف فيها نطق: مك وقتاش غاتمشي؟

كلثوم:(كمشات حجبانها)يالاه جات عندي باقي گاعما دوزات سيمانة

إدريس:(ببرود)زيارة النبي تلتيام ومك راه فوتات نهار

كلثوم:ويلي اإدريس وااش من نيتك تتجري على مي

إدريس:ماجريتش عليها ولكن خصها تفهم راسها بلي طولات

كلثوم:(معجبهاش لحال) هاديك مي تجي وقتما بغات مرحبا بيهاا

إدريس:(أشار ليها لنفسو)مرحبا بيها عندك نتي أما أنا (أشار لنفسو) ممرحبش بيهاا

كلثوم:هي على هاد الحساب كتجري عليا تاأناا

إدريس:(قرب جهتها عاقد دوك لحجبان الغلاااض وبصوت قاصح نطق) كون كنت غانجري عليك كون راكي من زماااان برااا هاد الدار اكلثوم

عطاها بالضهر وخرج مخليها واقفة والغصة فحلقها من هضرتو لي فهمات شنو قصد بيهاا...ضارت جهة البوطاجي حاطة يديها عليه ومزيرة عليهوم وعينيها كيبخوو العافية...سمعات لحس وضارت بانت ليها رحيل وغير شافتها كحلات بالعماا والكلام لي سممها بيه إدريس كيتعاود فودنيهاا

كلثوم:(بصوت حاقد) على سلامتك الالة ياكما كتسنايناا نجيبو ليك لماكلة تال عندك بحال الامحنية

رحيل:(شافت فيها وبهدوء)جاتك تاني الحالة علياا اكلثوم

كلثوم:(قربات جهتهاا وفاتتها باش تسد لباب ورجعات شافت فيهاا)من نهار شفتك ماشفت الربح اوجه النحس

رحيل:(زيرات على يديهاا)فوتيني عليك اكلثوم والابغيتي تبخي سمك عطاا الله فيمن

بغات تمشي وهي تشدهاا كلثوم من يديهاا مزيرة عليهااا ونطقات بعصبية: تحل ليك الفم اعوراجة وبديتي تهضري هاا نسيتي يااامك ابنت لحرااام.. نسيتي بلي أنا لي كبرتك ملي خلاتك مك ومشات هاا نسيتي خيري وعضيتي فاليد لي عوناتك

رحيل:(بدات كدفع ليها فيديها وبانفعال)اشمن كبرتيني هااا نسيتي شنو دوزتي عليااا فصغري وشنو كنتي تادري لياا فاش با مكيكونش...نسيتي شحال من مرة زرقتي لياا لحمي وخليتيني بالجوع بحال شي كلبة...نسيتي كيفااش كنتي كتنعسيني فالأرض بلافراش بلاغطاا فيامات البرد وكيفااش كنتي تتحضني ولادك لعندك هااا راااه نتي لي بنت الحراااام اكلثوم ماشي أناا

يتبع...