الجوهر الحر الجزء الثامن

~اخْتلفَتِ الظُّروفٍ وافترقتِ الطُّرقْ ... وكُتبتِ النّهااية بحِبرٍ على ورق ْ... لَمْ يكن هنااك أملٌ آخرْ فِي العودة ... فَالإنسحابُ أَندَاكْ كان الخِيارَ الأمثلْ والأصحْ ... تَعبتْ.. حقاً تعبتٍ واسْتُنزِفتْ كلّ طاقَتي... فَلمْ يكُنْ أمراً هَيِّناً بِالنّسبََةِ لِي أنْ أُلَمْلِمِ جِراحَ قلبٍ غَدرهُ القَدرْ ~

لطالما الحياة كانت تتقسى عليهاا وعمرها مارحماااتهاا... وباقي لحد الأن مارحماتهااش... لطالما كانت عايشة الحياة لي النااس باغينهاا تعيشهاا.. مرة وحدة لي حاولات تعيش وتبع قلبهاا وماخلاوهاااش حكمو عليها بالإعدام وهي باقااا حية... دفنوهاا وهي باقا تتنفس والروح باقي ماطلعات لعند مولاهاا.. حكمو عليهاا وقساااو عليها وحد مافكر فيها هي وباش غاتحس... الماااضي دااازو عليه السنين ولكن الجروح لي تسببهوم فالقلب باقي لداباا كينزفوو.. مكاانتش ساكتة على لحقيقة حيت هي باغا ولكن كااانت خاايفة الانطقاات تخسر ولدهاا كما خسرات بنتهاا.. عينيها لخضرين كاانو محلولين بالصدمة ويديها فشلااات عليهاا كماا داتها كلهاا فشلات فهاد اللحظة... جمدات وهي موجهة نظراتهاا لولادها لي كااانو وااقفين كيشوفو فيهاا بنظرة ماقدراتش تفسرهاا...تمشاات بخطوات تقيلة جهتهوم وعينيها بداو كيعمرو بالدمووع وبصوت مرتاجف نطقات:

ر ريان رحييل

الرجلين باااش تمشي عندهوم مكينينش والفشلة شداااتهاا وقلبها حسات بيه غايخرج من بلاااصتوو.. هاداكشي منااش خافت طاحت فيه..جات رحيل غير صدفة باش تزور خوها وتبارك ليه العيد لميلاد.. بغات تفاجأو لكن هي دابا لي تفجأت بالخبر لي سمعااات.. ريان ماشي غار خوها من مها إنماا هو خوها شقيقهاا تامن باهااا.. ريان خوها هي ومحمد طه.. عقلها حبس ومقدرش يتقبل هاد الخبر.. الاكاانت هي تصدمااات فكيفاااش غاتكون حالتو هوو الاعرف.. قرب بخطوات بطيئة جهتها وبصوت هادئ نطق:داكشي لي سمعت كدوب ياك

عينيه كانو مراقبين ملامحهاا لبااكية والحزينة.. باغيها تنفي الخبر.. باغيها تقول ليه بلي داكشي مامنو والو.. ولكن سكوتها ودوك الدمووع لي كانت تطيحهوووم كانو كافين باااش تخليه يعرف بلي هضرتهاا لي سمع صحيحة مية فالمية.. رجع زوج خطوااات اللور والهدووء كان باقي مكتاسي ملامح وجهو المصحوبين بالصدمة...

تانيرت:(مسحات دموعها وقربات جهتو وهي تتشهق) ريان ماما هء هء سمعنيي أناا..

رحيل:(قطعاتها بعصبية وهي مقربة جهتها) شفت فحيااااتي ناااس ولكن عمرري ماشفت وحدة بحاااالك ماعندهااااش لقلب وحااااشااا واش تكون أم (شيرات لريان بعصبية) خربتي حيااااتي وزدتيهااا بحيااااتو تاااهو الانتي ماتقدريش ديري دورك كأم علااااش ولدتينااا هاااا علااااش حملتي فينااا الانتي الالة ماتقدرييش تكملي دوورك .. فاللول سمحتي فياااا أناااا وخليتيني بلاماتهز فيك شعرة وحدة.. خليتيني وأناا باقي لحيمة ومشيتي بكل دم بارد ودااااباااا كدبتي كدبة قدهااا قدااااش على ولدك (حركات راسها بلا ممتيقاش) وااااش نتي مفكرتيش شنووو غايطراا فيه ملي يسيق لخباااار هاااا مفكرتيش فيه.. وباباااا وبااااااباااا ملي يعرف بلي عندووو ولد وااااش ماعرفتيش باش غايحس ثنين وعشررررين عاااااام ونتي مخبية هااااد لكدبة هااااادي واااااش عمرررر ضميييرك ماأنبك هااا كنتي تتنعسي فالليل ونتي مرتاااااحة ياااك (صفقااات بيديها)صراااحة براااڤوو عليك والله تابراااڤو امدااام تانيرت حيت عمرري فحياتي ماااشت وحدة بقصوحية وجهك وقلبك (كملات ودموعها كينزلوو بصوت حزين كيقطع فالقلب) وااخا گاع داكشي لي درتي فيااا واااخا سمحتي فياا عطيتك فرصة وحااولت مانحقدش عليك ولكن نتي شنووو درتي ههههه (شدات راسهاا) اويلي اااعباااد الله مقدراااش نتيق بلي فرقتي ولد على باه وخوتوووو وبقيتي عاايشة وساكتة ونتي مرتاااحة قدرتي تشوفي فوجه ولدك وتبقاااي ساكتة وخليتيه يقول كلمة بابااا لواااحد خررر وماقدرتيش تهضررري (شافت فيها كيفااش مهبطة راسها وحاطة يديها على فمهاا تتبكي وشافت جهة ريااان لي كان باقي على وقفتو ساااكت وقربات جهتها تاوقفات قدامها ونطقات بصوت بارد وهي كتشير لرياان ولراسها) شتي دنبي أناا وخويااا غاتبقااي هازاه فرقبتك تاااال يوم الدين..

"كَفاكَ أيّهَا القدَرْ فالقَلبُ لمْ يعُدْ يسْتطِيعُ أن يَحتمِلْ"

مشاات رحيل مور كلامهاا لي نطقاات وهي حااسة بالعافية شاعلة فيهاا.. مقدراتش تيق شنو سمعات وشنو عرفااات بااقي لحد السااعة مقادرة تستوعب.. الاكانت هي ومتيقااتش كيف غاتكون حااالة المعنيين بالأمر... عَمَّ السكووون فالمكااان من غير صوت شهقاات تانيرت لي كانو مسموعين وكل كلمة قالت رحيل شقااات قلبها وقسماتو على طراااف وخلاتو كينزف... هزات عينيها فجهة ريان لي الصدمة خلاتو يبقاا غار ساكت جاامد.. الدنياا حس بيها حبسااات على الهضرة لي سمع من فم مامااه.. حاس براسو بحال شي واحد غريب فشي بلاااد مكينتاميش ليهاا وهو مجرد دخيل.. قربات تانيرت جهتو وشدات فوجهو مخلياه يشوف فيهاا ونطقااات بصوت باااكي وعينيها حمرين بحااال الجمر ولخضورية ديالهوم بيناتهوم كايلمعو بحال الأحجار الكريمة: ولدي عفااااك سمع ليااا اااء أنااا خفت والله تاخفت نخسررك اولدي ماااشي لخاااطري خبيت عليك هء هء درت هاكااا على قبلك نتا هء هء عبدالله كااان غاياااخدك ليااا ويحرمني منك اماماا وأناا..

ريان:(شاف فيه وبصوت بارد كالصقيع قال) علاااش بقيتي ساكتة هاد السنين كلهاا علاااش ماهضرتيش

تانيرت:(حطات راسها على صدرو ونطقات بصوت كيدوب الحجر) ملي عرفت بلي أناا حاملة بيك وبلي باك هو إدريس على قد ماافرحت خفت هء هء ماسكتش حيت كنت باغااا أناا سكت غااار حيت مبغيتووش يأديك هء هء والاااجدك عرف غياااخدك مني كمااا خدااا لياا ختك وحرمني منهااا لوى ليااا يدي وشدني من البلاااصة لي كتوجعني هء هء (هزات فيه عينيها وصدرها تيتهز ويتحط بالبكااا) أناا ماحرمتكش من باااك حيت كنت باغااا وبخاااطري والله تيق فيااا أولدي عفااااك

ريان:(زول يديها لي كانت على وجهها والضحكة بداات تتزين شفايفو) هههه هههههههههه خفتي علياا ههههههههههه (حرك راااسو كيضحك من نيتووو ضحكة مجهدة وعااالية) ههههه ثنين وعشرين عاااام وأناا عايش فدار غفلوون.. ثنين وعشرين عااام وأنااا كنقول لراااجل غريب عليااا باباا ونتي كنتي كتشوفي بعينيك وساااكتة وعمرك ماقدرتي تجي عندي وتقوليهااا ليااا.. عمري حسيت براسي عااايش وسط عائلة مقااادة ديمااا كنت كنحس بداك البرووود من جهتك لباباا وكنت ديمااا كنسول راااسي علااااش هي مكتبغيهش علاااش مكنحسش بداك الدفئ العائلي لي كنسمع صحااابي كيهضرو عليه.. ونهااار عرفت بلي نتي أصلااا كاتبغي واحد خررر من غير باباا وهو السباب كرهتوووو وحقدت عليه (بعدها عليه ورجع نطق) كرهتووو ونتي كنتي تتشوفي داااك لكره لي فقلبي ليه وعمرك ماهضرتي ولاتحركااات فيك شعرررة عمرك حسيتي بالدنب... بقيتي عااايشة ساكتة ومكملة حيااااتك ولاعلى باااالك..

تانيرت:(قربات جهتو باغا تشد فيه) كنت تنتحرق من الداخل دياالي وكنت باغااا نقولهاا كنقسم ليك بلي عمري مارتاااحيت وعمري حسيت بالرااااحة هء هء هء

ريان:(حبسها بيديه) صاااافي باااركة (غوت تاترش دفااال من فمو) صاااااافي بااااااااااركة باااااااااااااااااااركة سكتتتتتتي مبقيتش باااااااااغي نسمع صوووووووتك صاااااااافي باااااركة..

كيضرب رااااسو وهو مجنن ومبقااااش كيقشع قداموو هزز وااحد الصينية كاانت فوق لبوطاااجي عامرة كيساااان شتتهاا كلهااا وغوووت تاصوتو تبح وهو مقرب جهتهاا عرووق جبهتو خااارجين وعينيه حمرين كيف الجمر..

ريان: اشنوووو مزاااال مخبية علياااا هااااا قولي دووووووي حيااااااتي كلهااا وأنااا عايش مع واحد غرررريب عليااا ربيت عليه لكبدة (ضرب صدرو تاتسمعات الدقة وكمل بحرقة) بغيييييتو وهووو مكيجيني وااااالو ونتي نتتتتي بقيتي سااااكتة ومااااهضرتيش علاااااش (قرب جهتهااا وعينيه عليهاا بواحد النظرة شقاتهاا وبصوووت حاااقد)كنكرررررهك.. كنكررررهك ومبقيتش حاااامل نشوووووفك ولااا نسمع صووووتك ومن ليووووم حسبيني مت حيت أنااا من هااااد النهااااار غانحسبك بلي متي ودفنتك بيدي..

"كنكرهك" لجملة لي كانت تتردد فمسامعهاا وهي واقفة جاامدة بحال شي تمثااال فوسط الڤيلااا.. غاار حالة عينيهاا وصوت أنفااسها لي كااان كيتسمع مجهد... تخطااهاا وطلع لبيتو وهو مكيقشعش وفداخل ديالو شاعلة عافية ربي لي عاااالم بيهااا.. كيجمع كل غرض عندو فديك البيت وهووو كولو كيترررعد.. والدم سخن فيه هززز گاع داكشي لي غايحتااااج ونزل هاااز معاه واحد الصويك فيديه.. هي مجرد مشااافتو وشافت داك الصاااك بحااال الاصرفقتيهاا.. مشاات لعندو تتجري شدااات فيديه ونطقات وهي كترجاااه وجهها كولو تجلخ بالدموع:عفااااك اولدي سمعني ومتحكمش علياااا أنااا راه مسكتش حيت باغااا أناا سكت باااش نحافظ على حياااتك ومانخربهااااش رياااااان ولدي..

عقلو رااافض يسمع ليهاا وتالشوفة فيها هي اللخرة مشفهاااش غادي وهي تتشد فيه وتبكي وتغووت تاخلاات دموع رقية ينزلو عليهاا وعلى حالتهااا.. طاااحت تانيرت الأرض شادة فرجليه ونطقات بصوت عااالي تتبكي ودموعهاا عمروو خدهاا أو وااحد لمنظر يخلي قلبك يبكي معاااها:ماتخلينيش اريااااان عفاااااك ماتخلينيش أناااا غانمووووت بلابيك اولدي راااه نتااا لي صبرتيني وعطيتيني القوووة باااش نعيش ماتخلينيش كيف خلاتني ختك وباااك (تتحرك راسهااا بلااا ودموعهاا نااازلين)ااااااااع ماتمشيش اولدي اااااااااهء هء هء

كيجر فرجليه لي لصقااات فيهاا ومع غادي وهي تتجر معااااه.. عينيه مظلمين وقلبووو قصااااح.. نزل جهتها وشدها من كتااافهاا ونثرهااا بالجهد تاطاااحت الارض ومشى خارج من الباااب وهي تتحبوو تابعاه والرجلين لي يتمشاااو مبقاااوش..صوتها تبح بقوة مابكااات وغوتاااات

تانيرت:(بصوت باااكي عااالي) رياااااااااان ماتخلينيش عفاااااااااك سمحليااااا أولدي اااااااااع هء هء ريااااااااااااااان ريااااااااااااااااااااااان ولدي ااااااهئ اااااهئ رياااااااااااان

نزلات راسهااا وهي تتغوت وتضرب فراااااسهااا بهسترية تاجاااات رقية معنقاااها من اللور وكملاااات بكاااهااا وصوتها كيقطع فالقلب:ياااااااربي ديني عندك راااااه مبقيت قااااادرة نصبرررر يااااااااااربي ماااااخوووود رووووحي وخليني نرتااااااح اااااااااااااع يااااااااربي لماااا ديني عندك

بداااات تضرب فرااااسهااا مشعراااش بروحهاا بقوة ماضربااات وندبااات تاهبطات حناكهاا تتقمش فيهوم تاخرج الدم..محسات بديك الجرحة حيت قلبهااا هو لي كااااان ديك الساااااعة مجرووووح وكيبكي الدم...

مجرد ماااخرج من البااااب لكبير ديااااال الڤيلا معاااودش دااار موراااه صوتها وبكاااهاا كيتسمع فوذنيه وبلامايشعر زرب فمشيتو تابداااا كيجري بكل جهدووو بحال الاهااارب من شي حد وبالفعل هو كااان هااارب من راااسو وهاارب من ديك الكدبة لي عاااش فيهااا حياااتو كلها.. كيجري تاااحس بالنفس تقطع فيه وهو يحبس ونزل يديه على ركابيه مطيح الصاااك حدااااه.. وجهوو كولو حماااار وعينيه ديك لبيوضية ديالهوم تكونااات فيها شعيرااات دموية.. كدوووب.. كلشي كااان كدوووب..حياااتو..هويتوو.. كلشي كدوب فكدوووب..

" وفَجأَة أصْبحتْ حَيااااتِي تَتلاَشى أمَاامَ نَاظِرِي كالسّرَابْ"

متكي على سرير ليليان وعينيه عليها وهي تتلعب بديك لپوپي لي جاااب ليها فرحااانة بيها وظل تعنقهاا وتشوف فيه بعويناتها لقهوووييين وهي ضااحكة.. بتاسم ليها بحب ولمس على شعرهاا بحنااان وتنهد واحد تنهيدة طالعة من أعماااق قلبو وقال بصوت هاامس: قريب غايجي خوك ولاختك لي غايونسوووك ابابا ماااعرفتش واااش تاهو غايعيش الإهمااال لي نتي كتعيشيه ولا حياتو غاتكون حسن (مسح على لحيتوو وكمل كلاموو وهو كيشوف فيها) على قد ماأنااا فرحااان حيت غاانولي أب مرة خراا على قد ماامخلوووع وخااايف من حياااة هاد لولد كيف غاااتكون (كمش حجبااانو) ماباغيهش يدوز دااكشي لي دوزتي فصغرك مبغيتوووش يتربي وهو بعيد على ماماه واخا هي كاااينة وعايشة.. وااااش عارفة نتي روووح باباهاا هممم يااك عارفة هادشي اليلوووش

ليليان:(تتحنقز بصوت طفولي) ااااعععععع هووو با باا هووو

إسلام:(ضحك وهزهاا بايسهاا فحنكها تاتسمعات لبوسة) هههه سُكرة دباباااهاا

خرجهاا من لبيت غادي لعند ميس لي كانت جالسة فبيتها تتخربق فتلفونهاا.. حط ليلوش فوق من النموسية وقرب جهتهاا وقاس شعرهاا بحنية:تشهيتي شي حاجة نجيبهاا ليك

ميس:(هزات عينيهاا ونطقات ببرود) همم مكرهتش نااكل الدلاح

إسلام:(لعب بلسانو ففمو) هي لولة انا غانمشي نجيب ليك لي بغيتي ونتي ردي لبااال لرااسك وليلياااان واخاا

حركات راسها بزز ليه وهو باسهاا فجبهتها وخرج كيتنهد.. أصلاا هي ديماا باردة معاه ومكتعااملوش بحنية بحالو.. فمابالك داباا وهي حاملة ونفسيتهاا فالحضيض.. غار خرج هي لاحت تلفونها ونطقات بعصبية:اوووف هادشي لي بقااا ليااا يييخ درتهاا لراااسي أو وحلت

شافت فليليااان لي كانت تاهي تتشوف فيهاا بنظراات طفولية ونطقات:ماماااا هوووو

ميس:(قلبات عليها وجهها) نتي لي بقيتي ليااا

حطات يديها على كرشها تتفكر فالحل لهاد المشكيل.. والحل لوحيد لي لقات هو طيحوو وتهنى ولكن فنفس الوقت هي مبغاااتش دير هادشي ماااشي حباا فالولد ولافإسلااام إنما هي باغااا تشبت بيه حيت عااارفة بلي هو الورقة الرااابحة لي تقدر تستعملهاا مع عدنااان وتلوي ليه يدووو بيهااا.. خصوصا فااش شافت ردة فعلو ملي عرفهاا حاااملة وكيفاااش تصرف والهضرة لي قال ليها تمااا زادت تشبتات بيه كثر...

----

ليوم كان الروااااج فالمحااال وملي جاا الصباااح وهو خداام وتالوقت باش يمشي لغداا مكااانش عندو.. حدو جاب سوندويشات هو والدراري لي معاااه هوما باش تغداااو.. هز تلفونو ودوز الخط لوفااء لي كانت جالسة فالدار مع ختوو صفية لي جات تزورهاا..

وفاء:(بصوت حنين) حبيبي

عدنان:(عض على شفتو) كبيدة صافا

وفاء:ااه ونتا كيغادي مع الخدمة

عدنان:مالقيت فين نحك راسي هاد الساعة.. نتي بوحدك؟!

وفاء: نو جات صفية لعندي وراه جالسين تانديرو لگوطي

عدنان:(حك جبهتو وحس براسو تزير ملي سمع سمية ختوو وديريكت تفكر هضرتهاا لي قالت ليه على ميس) امم لباااس عليهاا

وفاء:وي راه هي حداياا هاك هضر معاهاا

دوزات ليها لخط وسمع صوت ختو لي نطق بهدوء:افينك الهراااب

عدنان: مشغول مع الخدمة ونتي اش خبارك

صفية:حمدلله واخا عليك ماقلتي ليناا والو على داكشي لي وقع لوفااء وكون ماجيتش بالصدفة نزوركوم كون گاعما عرفت وليتي تتخبي اااااعدناااان همم

عدنان:نتي عرفاااني مكنبغيش نشغلكوم معايااا والحمد لله دازت طريفة وموقع ليها والو

صفية:(نطقات بنبرة عندها مغزى) اوا شتك وليتي تتخبي على حبابك وناسك وبديتي تنسى راسك اولد ميمتي

عدنان:(حك جبهتو ونطق مغدد) غانقطع لكليااان جااو وراني بوحدي فالمحال

قطع عليهاا ولاح التلفون فوق لكونطوار وهو معااجبو حال.. بقا مدة جالس عاد تفكر لبلان لي فباالو وناااض خرج من تما مور ماوصى الدري يحضي تم ومشى ديريكت لفرمسياان لي حداه دخل ومن زهرو لقى الدري لي كيعرف ومشى عندو ديريكت وتكى على لكونطوار وقال:بااا رشيد لبااس

رشيد:حامدين الشاكرين اسي عدنان ونتا

عدنان:(حك لحيتو وضور عينيه على الدوايااات وقال) باغيك فواحد لبلاااان

رشيد:(تكى تاهو وقال) يااك اودي شي باااس مكاااين

عدنان:(ضور راسو ورجع شاف فيه وقال بصوت بارد) باغي شي دوااا لي يدير الإجهاااض بلا أضرار...

مدات يديها تتسمح الضبابة لي فالمرايااا بفعل الدوش وعينيها كيتفحصو وجهها لي بدااو الضرااابي ديالو كيبراو وكيخفافو من غير عينيها لي لبيض ديالها حمر بحال الافيه توحيمة.. حيدات لبنوار لي كانت لابسة تابقااات عرياانة قدام لمراياا وهي تتفحص جسمهاا.. تاهو الضرابي لي فيه باااقي مابراو كلهوم وباااقي فيهوم ليطاااش واخا دوك الضرابي لخفاف مشاو الاأن ليطاش ديالهوم باقيين.. مبكاااتش ولاغوتااات ومدارت تاشي حاجة لي تبين بلي راه منهااارة من الداخل فقط ساااكتة.. كيف عادتهاا من نهار خرجات من لكلينيك وهي غير سااكتة.. واخا كتحاول معاهاا ديك لمرااا لي جاب ياسين تخرجها من هاد لعزلة ديالهااا ولكن تاحاجة مكانت تتفيدهاا.. باااقي لداباا لحرقة ديااال موت ولدهاا تتاكل فيها لداااخل بحال شي سوسة غادة وتتحفر... تنهدات وهزات لبينوار لبساتو وحلات لباب خارجة لبراا.. مشات ديريكت لبيتها وخدات حوايج لداخل و كسوة طويلة لبساتها فوق لدوبياااس.. ومشات لطابل دونوي دارت فونديشن مغطية بيه الضرابي وقادات مك اب خفيف وشعرها خلاتو مطلوق مور مانشفاااتو وهزات نضاضر دالشمش باااش تغطي عينيهاا وهزات صاكها وخرجات لبراا.. غادة ديريكت لباب ديال الزنقة تحلو تاسمعاات صوت عائشة لي نطقااات بتشفي:صاااافي خرجتي من حفرتك لي كنتي مخبية فيهااا

فاطمة الزهراء:(ضارت شافت فيها بهدوء بلاماتنطق)

عائشة:(ربعات يديها وخرجات عينيها تحت نضاضرها دالشوف) شني عندك مبقيتشي كنسمع صوتك تقاااداااو ليك

فاطمة الزهراء:(ببرود)اش باغا؟

عائشة:(طلعاتها ونزلاتها) باغااا ديري النفس فراسك يااالمدلولة وتخوووي عليااا داااااري ولاياااك ماا باقي طاامعة فولدي ههههه ولدي مكيبغيكشي هو كيبغي وحدة خراا وهي لي غااايجيب لدارو وبيدي غانمشي نخطبهاا ليه ونتي موتي فسمك

فاطمة الزهراء:(هزات كتافها ببرود) ساليتي صااافي تگرعتي علياا وخويتي داكشي لي فقلبك اوا سمعي اش غانقول ليك اعيشة الحفرة لي كتحفري لياا وسعيهاا ماربناا طحتي نتي فيهاا حيت الدنيا والزمان هادا ماتعرف من هناا لقدام اش غايوقع

عائشة:(قربات جهتها تتشالي بيديها) تحل ليك لفم واخاا السلخة دلكلاب لي كليتي ماحشمتيشاااي وباااقي تهضري اللفعة

فاطمة الزهراء:(قربات جهتها وحيدات النضاضر تشافت عائشة ديك لعين لي مضروية ليها ونطقااات كتحلف) شتي هادشي لي دار فيااا ولدك غانرجعووو ليكوم مضووووبل وبربي لي خلقني ماااغنرتاااح تانديرهاا واخاااا يبقااا فياا عرق واحد كيضرب..

وقفاتها الطاكسي حدا الحومة ونزلات بعقل مرفوووع وقلب كينزف ونفسية مأزمة.. ماشي غاار رياان لي تأثر تاهي تأثرااات وتصدمااات وحاجة وحدة فبالها هي تمشي تقول لباااها الحقيقة وتخليه يعرف بلي داك لولد لي حقد عليه راه ولدوو.. غادة وفعينيها كتباان لعزيمة والإصرار تااحسااات بيد جراتهاا وشافت شكون لقاتها جيدااء.. غار شافتها تلاحت عليهاا وعنقاتها وجيداء مفاهمة وااالو ورغم ذلك بدلاتها لعنااااق بشدة..

جيداء:(كتلمس ضهرهاا وبصوت حنين قالت) بسم الله عليك مااالكي شواااقع

رحيل:(شافت فيهاا وهي تتبكي وتشهق ماتسوقاتش لنااس لي كيشوفو فيهاا ولي باغين يعرفوو شطاري معاهاا) مخنوووقة اجيداااء حاااسة بقلبي غايطرطق

جيداء:(جراتها لدارهوم) زيدي معاياا

كتمشى معااها وعقلها مرفووع والغصة لي فصدرهاا خنقاااتهاا.. وصلو لدار ومشاو نيشان لبيت جيداء وغار دخلو نطقااات بتساؤل:شنو واقع؟

رحيل:(شافت فيهاا وبنبرة ساخرة قالت) كااان عندك لحق طلع ريااااان ولد الأسمرااااني..

تصدمااات جيداء وبقااات غار كتشوف فرحيل لي بدورهاا تاهي كاتشوف فيها تاوحدة ماهضرااات ولاقالت شي حرف.. الصدمة باينة على وجه جيداء وخيبة لأمل والحزن بانو على رحيل لي دموعهاا دارو طريق ونزلووو..قربات جهتهاا ونطقااات بعدم تصديق:كيفاااش ولدو ياك ماماك تزوجات براجل خر

رحيل:اااه (هزات كتافها) سمعناها بالصدفة أناا ورياان تتهضر مع الخداامة وقالت ليها ريان ولد إدريس وماشي عبدالله هههه واش عرفتي باش حسيت الأرض ضارت بيااا ريااان ماشي غير خوياا من مي صدق خويااا شقيقي وخوو محمد طه تاهووو أو ولد بابا

حطات رحيل يديها على وجهها تتبكي وجيدااء ساكت تتسمع ليها تاحيدات رحيل يديها على وجهها ونطقاات بصوت جدي:غانمشي نقولها لبابا مغانسكتش بحااالهاا وغانقول ليه كلشي

ناضت رحيل باش تمشي وهي تشدها جيداء ونطقات بجدية:نتي مغاتقولي والو ارحيل

رحيل:(خرجات فيها عينيها)جيدااااء

جيداء:(بجدية)كيف سمعتي ماشي نتي لي غاتقوليها ليه ماماك لي خصهاا تهضر هي لي من حقهاا تقولهاا

رحيل:(بسخرية) هه على هياا هضرااات هاد السنين كلهااا باااش تجي تهضر داباا هبلتي اجيدااء

جيداء:(حكات جبهتهاا وقالت) صراحة ماعرفتش شنو لي خلاهاا ماتهضرش وتخبي هاادشي عليكوووم وخصوصا على باااك ولكن لي متأكدة منوو هو باااك خصوو يعرف منهاا هي مااشي من شي واااحد خررر..

رحيل:(غادة جاياا فالبيت ونطقات بانفعال) مغاتقولهاااش هي غادي تخبي عليه كيف دارت هاد السنين كلهاا

جيداء:(ربعات يديها) اهااا ونتي اش غاتقولي ليه مثلاا (كملات بسخرية) بابا واش عرفتي بلي عندك ولد سميتو ريااان وهو نفسو لولد لي ضرب خويا محمد طه بطوموبيلتو وتحلفتي عليه هااا

رحيل:(نطقات بعصبية) وشنو بغيتي ندير نبقااااا ساكتة راه ميمكنش ااااجيداااء مانقدرش

جيداء:(قربات جهتها وحطات يديها على كتافهاا) مك هي لوحيدة لي عندهاا لحق تقولها ليه ارحيل حيت الامر كيخصهوم هومااا بزوووج ..

فشركة الصفريوي كانت أسمااء واقفة حداا لماشين ديال لفوطوكوبي كدير فوطوكوبي على دوك لوراق لي عندهاا وهي ساهية.. كانت لابسة چيب فالنواااغ قصيرة مع شوميز ساتان فالبلونكاسي شفافة لدرجة تيبان لون سوتيان لي لابسة فالكحل.. وصباااط الطااالون فالباااج.. واخا تكون فأسوء حالتهااا النفسية ولابد مااتهتم براسهااا وبمضهرهاا حيت هادي هي أسماااء.. مكتبينش لناااس داكشي لي فداخل ديالهااا واخاا يوقع لي يوقع.. هزات دوك لورااق بين يديها ومشات بخطوااات تقيلة كتمختر فمشيتهاا بحال شي عارضة أزياااء غادياا فوق البساااط الأحمر.. وعيون كاع الموظفين عليهاا وخصوصا البنااات لي كلهوم شكو بلي كاينة شي حاحة بينها وبين آدم غير بسباب زياراتهاا المتكررة ليه فبيروه كل نهااار وزيد عليهاا هو السباب تادخلات لشركة بلا أونطخوتيااان بلا والو.. وصلات لبيرو وفرقات لوراق لأورجينااال على لفوطوكوبي ورجعااات تدير خدمتها وهي مكتحاشيها لحد يااادوب فااش كتكون مفاهمااش شي حااجة تتمشي عند شي واحد من ليكيپ لي معاها تسولو وترجع .. مدة وهي خدامة تاجات السكرتيرة تتعلمهوم بلي كاااين واحد الاجتماااع وخصهوم يحضرو ليه.. ناضت هازة لپيسي ديالها ولبلوك نوط غادة تتقرب بطالونهاا خارجة هي وليكيپ غادين لقاعة الاجتماعات.. دخلو لقاعة لي كانت كبيرة وفيها طبلة كبيرة بيضوية الشكل وقدام كل بلاصة كاينة قرعة دلماا سيدي علي صغيرة.. والحيوط ديال ديك لقااعة كلهااا زااج تامن لباب ديالهاا.. شدات بلاصتهاا فالقنت وحداها جلس حمزة الدري لي معاهاا فليكيپ وهو لي كيعاونها ويشرح ليهاا وفنفس لوقت معجب بيها.. شعلات لبيسي وجلسااات تتسنى البقية يجيو تابان ليهاا آدم حل لباب ودخل بكوستوم فالرماادي مع شوميز بيضااا جا زوين وبان بعقلو..شاف فيها وغمزها قبل مايشد بلاصتووو فالكراسى القدامين.. موراه دخل موسيو الصغريوي لي كان راجل كبير فالعمر ولكن باين فيه قاااصح وشاد فراااسو جلس فالكرسي لي مترأس الطاولة عاد دخل ولد الكبير وليد لي كاان طويل وعااامر وشعرووو فالقهوي فااتح ولحية مقااادة كيبااان فيه قاصح بحااال باه عكس آدم لي كيباان مكالمي ومبرد وياما تحت السواهي دواهي... شد بلاصة حداا باااه وضور عينيه على ليكيپ تاجات عينو فعين أسمااء وهو يصغر عينيه ونطق بصوت قوي تسمع فالقاعة:نتي جديدة هنا؟

أسماء:(هزات راسها فيه ونطقات بتساؤل) واش اناا؟

وليد:(هز حاجبو) كاين شي حد خر جديد هناا من غيرك امادموزيل؟

أسماء:(سرطااات القمعة ونطقات ببرود) وي أنا جديدة

وليد (شاف فيهاا ورجع شاف فآدم لي من صباح وهو حااضي لبلان وضحك ليه بسخرية) نتا لي خدمتيهاا

آدم:(تقاد فالجلسة ونطق ببرود) ااه عندك شي مشكيل

سكت وليد وتاآدم ملي بان ليهوم السيد لي غادي يصاوبو ليه حفل الافتتاح دلبروجي الجديد ديالو .. تسالمو معاه وجلسو كيناقشو ويهضرو وليكيپ كل واحد كينوطي عندوو على حساب تخصص كل واحد فيهوم..مدة من الزمن وهوما جالسين كيناقشووو تااسالا الاجتماااع عاد ناااضو ودعوه وبداااو كينسااحبو شوية بشوية تابقاات أسمااء وآدم أو وليد.. ومع جات تخرج نطق آدم:الحجلة ديالي تسناااي

ضااارت أسماااء وشافت فيه بواحد التخنزيرة ومهضراااتوش حدهاا خرجاات سادة لباب بالجهد وهي كاااعية ولي زااد عصبها هوما الهضرة والشوفااات دوليد لي مخفاااوش عليهاا ولي حسااات بلي موراهوم شي حاجة ماهياااش..

كانت ناعسة فبيتها بحااال شي جثة عينيها فقط لي كااانو كيتحركو وسط الظلااام لي كاااان محيط بيهاا.. دموعهااا غار نازلين وصوت تنهيداااتها كانو تيقطعو فالقلب.. خسرات ولدها لي كان هو لي باقي ليها مور ماخسراات كلشي.. هي ماهضراتش هاد السنين كلها حيت ماشي أنانية إنما كااانت خايفة .. خايفة من أنهاا توصل هاد النهااار وتلقى راسهااا بوحدهاا.. لاحنين ولارحيم معاهااا بوحدها بحال شي وحدة يتيمة مقطوعة من شجرة.. فاللول خسرااات الراااجل لي كتبغي ولي عمرهاا مابغااات حد من غيروو.. خسراتو وخلات وحدة خراا هي لي تكون بلاصتهاا وتااخد حقهاا.. خسراات بنتهاااا الصغيرة وخسرات حياتهاا..خسرات سعادتهااا وكل ماعندهااا وداباا هاهي خسرااات داك البصيص دالأمل لي بقااا ليهاا ولي كان متعلق بريااان.. مشى وخلاهااا وهي عارفااه مغايرجعش حيت صاااافي مشى.. بااااقي ديك الهضرة لي قاااال كتسمع ليهاا فودنيهااا وتخلي قلبهاا يتزير عليهااا.. "كنكرررررهك.. كنكررررهك ومبقيتش حاااامل نشوووووفك ولااا نسمع صووووتك ومن ليووووم حسبيني مت حيت أنااا من هااااد النهااااار غانحسبك بلي متي ودفنتك بيدي" وهضرة رحيل الاخيرة ليها تاهي "شتي دنبي أناا وخويااا غاتبقااي هازاه فرقبتك تاااال يوم الدين.."

زيرات على لكوڤرلي وغمضاااات عينيهاا كاااتمة ديك الشهقة لي حاسة بيهاا واااقفة ليهاا فحلقهاا.. داتهاا كتحس بيهاا فاشلة عليها مور داااك الكالمون لي عطاهاا الطبيب ملي جاهاا انهيااار عصبي.. تمناااات كون غااار حبس قلبها ومشااات عند لي خلقهااا حسن ليها من هاد لعداب لي مبغاااش يسالي.. حياتها كلهاا وهي عااايشة فعداب ربي بوحدو لي عارفو.. كتبان لناااس من برا عايشة ومرتاااحة لابسة أخر مكاااين وساكنة فالڤيلا والطوموبيل بالشيفور والفلوس لي داخلة خااارجة عندهاا.. ومعرفوووش بلي هادشي كولو هي مكيسوى عندهااا والو حيت راااحة البااال مكيناااش واخا هاد الفلوس كاينة.. مكاينش شي ليلة مادوزاتهااش مبكاااتش فيهاا ومافزگاتش فيهاا مخدتهااا.. هادشي كولو هما مشافوهش حيت معاشوهش معاهاا

هوما غير حكمو عليهاا من الشي لي شافوه قدام عينيهوم.. ولادهااا بزووج كرهوهاا وخسراتهوم فمرة وعمرهوم غادي يرجعو ثاني لعندهااا حيت صافي هي خسراتهوم.. طلعااات تنهيدة فاااش جاا فبالها إدريس وتفكرات گاع اللقاءات ديالهوم وهضرتوو ليهاا وتعاملو معاهاا.. رغم هادشي كولو كانت تتقدر تشوف ديك اللمعة لي فعينيه كلماا شافهاا.. واخا كيحااااول ماأمكن أنه يسيطر على راسو الإ أن قلبو مكيقدرش يتحكم فيه فوجودهاا.. وملي غايعرف الحقيقة هاديك غاتكون هي النهاااية ديالهوم...

وقفاات طوموبيل ريان قدام الباب الكبير ديال الڤيلا وخرج منها إدريس لي كااان النهار كولو وهو كيتسنااه يجي باش ياخد طوموبيلو ساعة حسو تقطع عليها قرر يجي هو ويشوفو.. معارفش راسو علاش جاااي أصلاا تال عندو وعلاش هاد الاهتمام الزايد من جهتو.. دق الباب لكبير وهو يخرج لعندو لعساس لي قال:نعااام الشريف اش حب الخاطر؟!

إدريس:جيت بااااش نشوف رياان

حل ليه لعساس الباب ودخل إدريس لداخل وعينيه كيضورو على لبلاصة وقلبو حس بيه غادي وكيتزير عليه كلماا قرب لباب الداخلي دالڤيلا...

داخل لدااار وهو حااس براسو غايتشق وعيان..لقى وفاء فانتظارو كعادتها بكسيوة قصيرة فالبااج وطالقة شعرهاا الكحل الطويل مور ضهرهاا.. دايرة مك اب خفيف عكر نيود خلى شنيفاتها يبانو منفوخين.. الضربة لي فجبهتها دايرة ليها فاصمة صغيرة مغطية بيها لغرارز فقط.. كانت تتبان مثيرة.. وحلوة.. كحلوة الكراميل.. قرب جهتها وهو مبتاسم وعينيه كيفليوها من صبيعات رجليهاا تااال زغيبات شعرهاا.. وقف قدامها ونطق بصوت ثقيل:اش هاد الزين كولو

وفاء:(تعلقاات فيه ونطقات بصوت مثير هامس) غاتكون عيااان ندير ليك مسااج

عدنان:(ضحك وجرها لعندو تاضربات فصدرو وعض على شفتو) اااح غاناكل

وفاء:(قربات لوذنيه هامسة ليه بإثارة)كُلِّي ليك

هزها بين يديه بقوة غادي بيها لشومبر دونوي وعينيه على ملامح وجهها لهادئة.. لاحها فوق النموسية تاتبومبات ومشى سد لباب ورجع كيزول فالتيشورت لي لابس وهو عاض على شفتو.. كتحمقو.. كتسطيه.. كل إنش فجسمهاا كيخليه بلاعقل.. غرق فشفايفها وغرقهاا معاه بقبلاتو الحنينة ليها كيعاملها بحال شي جوهاارة خايفهاا تهرس ليه بين يديه وهي تتموت عليه وعلى كل تصرف وكل فعل كيصدر منو جهتهاا.. غارقين فبحر حبهوم مع بعض مكيتسمع غااار صوت الاااه والكلام المعسووول لي كل مرة كيغرقهاا بيه ويخليهاا تزيد دوب كثر ماهي دايبة.. مكيقدرش يبعد عليهاا وكيحس براسو بلي باااغي يخبيهاا فضلوعوو باااش تبقى ديماا معاااه.. عنقهاا لصدرو وهي مغمضة عينيها ناعسة براحة مور ديك الليلة الجاامحة بناتهوم.. وهو فااايق وعقلوو خدام فهضرة رشيد لي قااال ليه..تنهد وناض من حداا وفاااء ومشى لجهة جاكيطو وجبد من جيب لبكية ديال الدوااا وبقاا كيشوف فيها مدة قبل ماينطق بهمس:غانشوفو واش غاتبقاي هازة فكرشك ولدو ولا لا

هز تلفونو وشااف فوفاء لي ناعسة وخرج من لبيت بشوية عليه مدايرش لحس تاوصل لصالة وسد لباب.. دوز نمرتها فالمرة لولة بقا غار تيصوني تارجعات ليه لابيل عاد رجع ثاني كيصوني عليهااا تاقرب يقطع عاد جوباتو بصوت خافث: عدنان؟

عدنان:(بصوت هامس) باربي علاش مكتجاوبيش؟!

ميس:(ضورات عينيها ورجعات قالت بصوت هامس) إسلام فالدار معندي كيندير نجاوبك

عدنان:(تقاد فجلستو ونطق بصوت جدي) غداا نلقااك فلكافي لي ف*** فلعشية ماتعطليش

ميس:(نطقات وهي تدلع عليه باغا تفقصو) مانقدرش نخرج الحمل كيعيني

عدنان:(برك على سنيه ونطق بصوت غاضب) الامجيتيش أناا غانجي تااال عندك وديك ساعة ضبري كر*

"وَكَأنَّ جَميعَ الطُّرُقْ تُأدِي إلَيكِي"

صونى فالسرسار لي حدى لباب وبقا واقف كيتسنى شي حد يحل ليه.. نفس المشاعر لي كيحس بيهوم فاااش تيشوفها.. قلبو كيحس بيه تزير عليه قبل گاعما يتحل الباب.. عقلو كينهيه على هادشي لي كيدير ولكن قلبوو كيوافقو وكيدفعوو باش يبقى.. تحل لباب شي لي خلاه يقطع داك الصراع الداخلي لي كان عايشو فالداخل ديالو.. هز راسو فجهة المرا لي حلات ليه لباب ونطق بهدوء:ممكن نشوف رياان؟

رقية:شكون نتااا اسيدي

إدريس:طوموبيلتو كانت خاسرة وجابها ليا باش نصاوبهاا ليه وعلى أساس ليوم غايجي ياخدها ولكن مجاااش

رقية:رياان مكاينش هنااا ولكن مااماه كااينة

إدريس:واخا تعيطي ليهاا

زولات عليها لغطاا ونااضت وهي حاسة بالفشلة وداتها مرخية عليهااا ولكن هادشي كولو مامنعهاااش من أنهاا تنوض فاااش سمعاات صوت السرسااار وعند بالهاا راه ريااان لي رجع.. غادة وهي شادة فالحيوط دالبيت تاحلات لباب وبصوت ضعيف نطقات:ريااان

كتمشى فالكولوار ويديهاا متكية على لحيووط تتعاون راسهاا.. الدوخة شداتهاا واخا هادشي كولو قاومات باااغا تمشي تشوف ولدهاا وتهضر معاه.. تشرح ليه وتقول ليه داكشي لي باغاا تقولو.. وصلات جهة الدروج فنفس اللحظة لي كانت رقية جاياا لعندهاا باش تشوفهاا وتعلمهاا بداك الشخص لي جاااي يشوف ريااان تبانت ليهاا نازلة فديك الحااالة ورجليهاا كي لعجينة تحتهااا وگاعماا شادة راسهاا ومع دلك كبرات وعافرااات باااش تنزل

رقية:(بصوت مرتااافع) لالة تااانيرت

جالس فالصالون بجلسة هادئة وعينو على لڤيلا وديكورهاا وفنفس لوقت عقلو خدااام تااسمع صوت رقية المجهد وخصوصا داك الإسم لي دخل لودنيه وقلبوو فالبلاصة وبلامااايشعر ناااض من بلاصتو مكمش حجبانو الغلاض وعينيه السووود كيشوفو قدااامو بنظرة ممفهوماااش.. خرج من الصااالون ورجليه دااوه لعندهاا ومجرد مشافهااا قلبو تهز من بلاصتووو وحس بيه وجعوو فاش شافها فديك الحااالة المنهااارة لي قطعااات قلبوو.. أماا هي غير شاافتو وعينيها رجعوو عمروو بالدموووع كانت محتاجاه وباغاه يكون معاااه ومايخليهاااش كيماا خلاوهاا ولادهااا بزووج نطقات بين شفايفهاا سميتوو بصوت مضيوووم: إدريس

صوتهاا ودموعهاا وحالتهاا هزوو قلبو وخلاوه يضرب يضرب بواحد العنف خطيير.. وبلامايشعر تخطى رقية طااالع فالدروج فاش بانت ليه قربات طيح وغير قرب لعندهاا جرهاا لصدروو معنقهااا بالجهد وبصوووووت هااامس حنين نطق:تانيرت إينوو..

لهضرة دجيدااء قنعاااتهاا وخلاتهاا تبرد وتجلس وتفكر بعقلهااا.. يمكن هي مجروحة من تصرف مهاا ومن لكلام لي سمعات منهاا ولكن فنفس لوقت هي خصها تسمع منها وتعرف يمكن بصح عندهاا مبرر لهادشي لي دارت.. للمرة لي معرفاتش شحااال تتعيط لرياان لي تلفونو طااافي..قلبها واكلها عليه معرفات شنو غايوقع ليه وندمات حيت خلاتووو بوحدوو ومبقاااتش معااه.. هي غاار تعصباات وخرجات من تم ونسات خوووه لي كان محتااجهاا معاه..زفرات بعصبية ورجعااات تتفكر فعااصم وهضرتو لي قااال ليها

🔙🔙

عاصم:(نطق بهدوء) شحال وانا نعيط ليك ونتي مكتجاوبينيش يااك لباااس واقعة شي حاجة؟!

رحيل:(ماعندها خاطر تهضر معاه وغير تتبزز على راسها) تت غير عيااانة شوية وصااف هادا مكان اعاصم

عاصم:(تسمعات تنهيدتو عندهاا ونطق بجدية) رحيل اناا وياااك غانبداو حياة جديدة مع بعض وكنظن خصها تبناا على الثقة والصراااحة

رحيل:(كمشات حجبانها) مافهمتش اش باغي تقصد

عاصم: نتي كتخبي علياا شي حاجة لي معرفتش شناهي ولي شاطناااك ومخليااك ماشي على مودك

رحيل:(زفرات بعصبية) هووووف واش ضروري اعاااصم نقول ليك كلشي كاينين شي حواااايج لي هوما بخسونيل ومتعلقين غاااار بيااا وبعائلتي وتانتااا جوبونص عندك حوااايج لي أناا معارفاااهومش وأصلاااا اناا معارفة تاحاجة عليك وعمري مااابززت عليك تقول لياا شي حاجة

عاصم:(زير على سنيه ونطق بجدية) واش عارفة راسك اش تتخرجي من فمك ارحيل

رحيل:اه عارفة ومقلتش شي حاحة لي عيييب وحشومة

عاصم:(بهدوء) واخا سمحيليا حيت دخلت فشي حوااايج مكتخصنيش

قطع لخط مور اخر كلمة قاااال مخليهاا تتزفر بعصبية..

🔜🔜

فاااش راجعات نفسها لقااات راسها غلطاات فحقوو وهو مقااال تاكلمة لعيب وهي دغياا تفرگعااات عليه وسمعاتهوم ليه.. هزات تلفونها كتشوف فنمرتوو وتتفكر وبعد أخد ورد بينها وبين قلبها وعقلهاا خرجات بقرار وهو تصيفط ليه مسااج وتعتادر منو

"عاصم سمحلياا فالحقيقة مكانش علياا نهضر معاك بديك الطريقة نتاا مغلطتيش وأنااا لي كنت معصبة وجيتي فطريقي كنعتادر منك مرة خراا ونتمنى تفهمني"

صيفطاااتو ليه وبقات تتسنى يجاوبها ساعة مجاااوبش واخا لمساح طلع ليها بلي وصلووو.. حطات التلفون فوق النموسية غادة لعند محمد طه تهضر معاه وتوااانس معاه حيت الجلاااس بوحدها غايخليهااا تحماااق بقوة التفكير وهي باغااا تنسى عليها الأمر حاليااا تاتبرد وديك ساعة هضرة خرااا..وأكيد خصهاا تشوف مهااا ولكن ماشي دااااباااا.. دابا خصها تقاد حسباتهاا وتجلس تفكر مزيااان عاد تخطي هاد لخطوة المهمة..

لطالماا كان الحظن ديالو موطن ليهاا وكانت هي من السكااان الأصليين فبه.. عمرهاا مكاانت تتحس بالإنتمااء لتااشي بلاصة من غير داك الحظن.. ولهمس لي نطق بيه سميتها وديك لحنية لي حسااات بيها خلاااو قلبهااا يرتاااح.. وتزير عليه فالتعنيقة وهي ممتيقااش راسها بلي جاا لعندها.. فاللول كان تيسحاب ليهاا بلي غار كتخاايلو ولكن ملي عنقهاا وشمااات ريحتو وحسات بدفئ حظنوو تماا عرفات بلي روحهاا رجعااات ليهاا.. كاان بكااهاا بالنسبة ليه بحااال شي إيسونس كتزيدو على لعااافية تاكتزيد تشعل.. معرفش مالها ولاشنو طاااري ليها ولكن لي عارف هو أن حالتهاا هادي قصحاتو وأزمااااتو.. نسى شنوو دارت.. نسى الجرح لي جرحاااتو ولهضرة لي قااالت زمااان نسى كلشي وخلى غار قلبووو هو لي يتحكم ويسيطر عليه.. هزهاا بين يديه وهي باقااا مخشية فيه وزاااد بيهاا لفوق ورقية وااقفة تتشوف فيهوم وهي مصدووومة.. كااان هازها بين يديه وغادي بيهاا لأول بيت بان ليه بابو محلول ولي كان بيتها.. حطهاا فوق النموسية وهي زيرات عليه فلكول دلقميجة وخشااات راسهاا فعنقو تتبكي وبصوت ضعيف: ماتخلينيش بحااااالو هء هء عفااك ماتمشيش

إدريس:(زير على عينيه ونطق بصوت هادئ) مغانخليكش شوو

بعداات وجهها من عنقووو وكحزاات شوية دايرة ليه بلاصة تاجلس حداااها وخلي يديها تسرح فوجهو وعينيها تمشط ملامحو.. وااه شحال توحشاااتو وتوحشااات ديك الريحة لي ماااالية لبيت.. توحشااات لحنانة ديااالو وداك العشق لي مكيبخلش ولو ثانية باااش يغرقهاا بيه.. توحشاات دوك لعيووون السووود وديك الشوفة ديالهوم الحنينة.. نفس الشوفة دابااا كتلمحها فيهوم.. قلبهاا كيوجعهاا والغصة فحلقهاا كلماا تغكراات الجروح لي تسببات لدااك لقلب لي عمرها شافتو منو غير الحب والتقدير.. وباقي لحد الان كتجرحووو ولكن ماشي لخاطرهاا تاهي مجبووورة وكون كان عندهاا شي حل خرر كون دارتو ولكن الرجااافالله العين البصيرة واليد قصيرة..

اش كدير اإدريس؟! سؤال طرحو عقلوو فهاد الساااعة ومعارفش يجاوب عليه.. ولكن لي عرف هو أنه مقدرش يسمح فيها ويخليهاا بوحدهاا وهي هاكاا معاارفش گاااع شنو سباب بكاااهاا وحالتها لي معجباااتوش نهائيااا.. مد يديه كيرجع ليهاا شعرها لي ترون وفنفس لوقت كيشوف ملامحها لي توحشهوووم.. باقاا فنظرو ديك لبنت لي شاف فالواد ولي سلبااتو بضحكتهاا وعيونهاا لخوضر.. كانت بحال شي نجمة ضوااات فسماااه لمظلمة وعطاااتو البريق دالأمل لي كااان محتاااجو فالأزمة ديالو.. هي لي صبراااتو وسط مشاكيلو وعيشاااتو أياام لي عمرهووم غايتمحااو فدماغو.. قرب وجهو جهة وجهها وحط جبهتو على جبهتهاا ومخلي أنفاااسهاا الضعيفة يضربو فوجهوو.. مغمض عينيه ومخلي قلبووو يرتااح ويتفاجى معاهااا هي بوحدهاا من دون غيرهاا..

تانيرت:(بصوت هامس) واااش قلبك باااقي هاااز من جهتي اإدريس

إدريس:(نطق بهمس محمووم وهو بااقي على نفس الحالة) كون تعرفي هاد لقلب شنووو هااز من جهتك اتانيرت إينووو..

سَألوُنِي هَلْ تُحبينَهُ قُلتُ نعم أعْشَقهْ..

سَألوُنِي هَلْ تَشْتاقِينَ إليْهِ قُلتُ هُو لمْ يُغَادِر تَفْكِيرِي لِكَي أشْتاااق إليهِ..

سَألوُنِي هَلْ تَشعُرِينَ بالرّاحََةِ معهْ قُلتُ هُو رَاحَتِي..

سَألُونِي هَلْ تُحِسِينَ بالدِّفءِ فِي حُضورهِ قُلتُ نَعم فَحظْنهُ هُو الدِفء بالنِّسبةِ لِي..

ديك تانيرت إينو لي نطق بيها خلات قلبها يحس بالرااحة ويشتاق لماااضي ولأياام لي كاان تيعيط ليهاا بهاد السمية.. أنفاااسو الملتهبة كانت تاضرب فوجهها مخلياااها دوب معاه وتحس بالدفئ ولحنااان لي كان ناقصها هاد السنين كلهااا.. يديها كاانت متخللة لحيتوو وعينيهاا على وجهووو.. كانو قرابين من بعضيااتهوم لدرجة دقات قلبها كيتسمعو ليه.. باغاا تهضر وباغاا تقول داكشي لي تتحس بيه ولكن هي خايفة.. خايفة يمشي وهاد لمرة مايرجعش.. عارفااه مغاديش يسمح ليهاا وغادي تكون هادي هي اللخرة وعلاقتهوم غاتقطع من الجدر.. مجرد مكتخيلهاا تتحس بقلبها كيتزير عليهااا..

تانيرت:(نطقات بنفس الهمس) واش قلبك كرهني

إدريس:(سرط ريقوو ونطق بهدوء) نتي جرحتيه بزااف

تانيرت:(شهقات ودموعهاا نازلين لجناب عينيها) واااش مغايقدرش ينسى ويسمح ليا هء هء هء

مجاوبهاااش سكت وغمض عنيوو وهي زادت فبكاااهاا ورجعات نطقااات بهدوء:إدريس أنااا..

إدريس:(حط صباعو على شفايفها قاااطع فيهاا لهضرة ونطق وهو كيشوف فعينيها لحمرين) لهضرة كثيرة والسكاااات خير (لمس حنكها بحنية)

مبغاهااش تجبد معاه حس داكشي لي دااارت حيت عارف أنها مجرد مغاتنطق وتجبد الضواسى لقدااام غاتخليه يحقد تاني عليهاا وهو مباغيش يبعد فهااد اللحظة باااغي يبقا ويستمتع بدفئ أنفاااسها لي كيضربو وجهوو.. يستمتع بيهاا وهي بين يديه واخا عقلو كيعطيه إنذارااات ولكن هوو مداهاااش فيه.. عارف راسو كيغلط وماعندو مايدير حيت قلبوو هو لي محكم فيها هاد السااااع.. أماا تانيرت فكانت باغااا تقول ليه الحقيقة ولكن تصرفوو خلاهاا تسكت.. يمكن غاتكون أنانية فهاد اللحظة ولكن هي مبغاااتش تخسر داك لجوووو لي جامعهوم بزوووج وبغاااتو ييقا معاااها.. هي محتاجاااه دابااا حيت فهاد اللحظة هي ضغيفة بزاااف.. هزات راسها من لوساااادة تاقربات ليه وحطات شفايفهاا على ديااااولوو بدون ماتحركهوم.. مدة وهوما هاكا تابداا كيحرك فموو بشوية مخليها تنسااجم معااه وتبادلو لقبلة الحنينة لي جامعاهوم.. ديك لبوسة فتحاااات ليهوم أبواب المشااااعر المغلقة ولي كانو حابسينهاا هاد السنين كلهاا واخا كل واحد كمل حياتو مع حد خر.. كيحرك شفايفو على شفايفها ويديه كانت على حناكهاا تتقيس رطوبيتهوووم وسخونية ديالهوووم.. كااان حااس بلهيب من جسمهاا بالسخاانة لي طلعااات ليها بقوة لبكااا لي بكااتو ولحالة لي كانت فيهااا.. فصل لقبلة وصدرو كيتهز ويتحط.. هاد لقبلة رجعاتو لسنوااات لوور لأياام الشباب.. حل عينو وشاااف فيهاا كانت باقاا سادة عينيها وهي باقي تحت تأثير دييك البوسة لي جمعاتهوم.. بلامايشعر تبسم وهو كيشوفها دايرة ديك لحركة بحال الاهادي أول مرة يبوسها فيها.. بلل شفايفو وحط يديه على جبهتها لقاها تتحرق.. بعد عليهاا وهي حلات عينيها ونطقات بهمس وهي تتبكي:هء هء هء ماتمشيش إدريس عفاااك هء هء

إدريس:(رجع حط يدو على حنكهاا) اناا معاااك

نااض غادي يعيط لخدااامة بااااش تجيب شي مااء بارد وشي فوطة باش يدير ليها لكماادة ومع حل لباب نطقات وهي تتحرك راسها يمين وشمال بصوت هامس كتهلوووس:هء هء هو ولدك اااممم

رجع بخطوات لورااء وهو عاقد حجبااانو وعينوو عليها هي لي تتحرك راسها وتتبكي وتنطق وتهلوس وحاجة وحدة تتسمع "هو ولدك" تاشوية حبسااات عن الحركة.. قرب جهتهاا وتحنى لعندها ونطق:تانيرت

قاسهااا فحنكهاا ساااعة والو محلاتش عينيهاا.. رجع كيضرب حناكهااا بشوية وهي مغيبة هزهاا من يديها بزوج تاجرهاا وعنقهاا وهو كيقيس فوجهها وكيحس بلعااافية خااارجة منهااا ومرخية بين يديه..

إدريس:(غوووت بصووتو لقووي كيعيط على لخداامة) عاااااااونيني

تحل لبااب ودخلات رقية وهي كتولول وغااار شافت تانيرت بين يديه مغيبة وهي تقرب جهتو ودم تسقطر من وجهها ونطقات وهي مخلوعة:مال لالة شوقع ليهاا

إدريس:(خنزر فيها بدوك لحجباان لغلاض) جيبي لياا شي ريحة ولا بصلة بزربة

مشات رقية جهة طابل دونوي تتجري جابت ليه ريحتهااا وعطاتها ليه رش منهاا فيديه وبدااا كيشمها ليهاا ساعة والو.. شوية مشات جابت بصلة وبدات كتشمشمها ليهاا وعاد بدات تتحرك فراسهاا ونطقات بصوت هااامس: رياااان هء هء ولدي

هزهاا بين يديه وهي مرخية تتهلووس ومشى بيهاا ديريكت لحمام لي فالبيت وموراه رقية خايفة عليهاا.. وقفهاا قدااامو تحت رشاشة وطللق لمااء بااارد تاترش عليهوم بزوج وهي شهقاااات وبداات تتحاول تفك راسها حيت جاها لماا بارد ساااعة حكمهاا ونطق بصوت جدي:زگااااي

هزات راسهاا فيه وشااافت فوجهو لي كااان كيشوف فيهاا بعيووونو السود ورجعات نزلات راسهاا سامحة لدموعها ينزلو ويتخلطو مع لمااا ديال الدووش.. حاسة براسهاا مخنووقة وباااغاا غار تبكي وزيد لخلعة على ريااان لي خوى الدااار بغات تاكل ليهاا روحهاا.. بقات تتنخصص وكتافها كيتهزو وهادشي لاحظو إدريس لي كااان مراقبهاا وعااد داباا تفكر بلي رياان راه ولدها من راجل خر.. داك لولد لي حس من جهتو بدوك لمشاعر لغراابين طلع ولدهاا... واش هادشي علاااش حس بيه بحال الاكيعرفوو؟! حس بصدرو تزير عليه أو واحد الشعووور اخر ماعرفش شنو هوو.. يمكن خيبة أمل حيت داك لولد من واحد اخر.. غمض عينيه مدة تاحس بيهاا بردااات عاد طفى رشاشة وعاونهاا تخرج وهي ساردة بالمااا قربات رقية وغطاتها بالفوطة ومدات ليه فوطة يمسح بيها تاهو..شدها من عندها ومسح شعروو وحوايجو واخا كلشي سرد بالماا وحط لفوطة.. ورجع شاااف فتااانيرت لي هزااات عينيهاا فيه وقبل ماتنطق ولاتقول شي هضرة خرج من لبيت وهي نااضت تبعاااتوو.. لقاتو نزل من الدروج وحل لباب خااارج.. وقفااات فأخر درجة وجلسااات تماا وعينيها على لبااب تاجات رقية بااش تنوضها وهي تنطق ببكاء: مقدرتش نقولها ليه ارقية ماقدرتش نقول ليه بلي رياااان ولدو هء هء هء أناا ماقدرت

خرج من لباب لكبير دلڤيلا مور ماعطى لعساس ساروت طوموبيل دريااان يدخلهاا وكمل طريقو فداااك لخلا بوحدوو وهو سارد بالماا وحواايجو لاصقين عليه.. ماتسوقش لحالتو ولا لبلاصة لي حس لبشار مقطوووع فيهاا.. حيت تفكيروو فقط كااان فالحقيقة لي عرف وبلي ريان ولد تانيرت وراجلهاا.. وقف فالطريق وضاار شاف فالباب ديال لڤيلا لي كيبان بعيد ونطق بهمس: واخا گاع داكشي لي درتي ولي باااقي كديريه هاااد ولد لحرااام لي هناا باقي كيضرب ليك..

على أشعة الشمس الجميلة وصوت البراهش لي كيلعبوو فالزنقة مخلط مع صووت البياااعة لي كيترزقو الله حلات أسمااء عينيهاا وهي مخسرة سيفتهاا.. زفرااات بتعب والخاطر ماعندهاااش.. شافت فالساعة لي معلقة فالحيط و لقاتهاا العشرة دالصباااح.. حلات عينيها على جهدهوم فاش عرفت بلي مشى عليهاا لحااال وناضت تتنقز من فراشهاا ولغطاا غادي معااه وهي خارجة جهة لحمام.. غسلات وجهها وسنانها وقضاات حاجتها بالزربة ورجعات لبيت.. من زهرها الجميل كانت موجدة حوايج لي غاتلبس ولي عبارة على كومبلي فالزرق مع طوب بيض دخلااني.. مشطات شعرهاا وكحلات عينيها وطبعاا دارت عكر وريحتها ونزلات لتحت وهي تدير فليكخوون وتشوف فالمراياا دياالها.. ماتسنات لافطور ولاهم يحزنون ديريكت شدات پتي طاكسي غادة لخدمة وهي تتنهد وتسوط.. بعد نص ساعة ديال الطريق وصلات ودخلات لداخل وغير شافتها ديك السكريتيرة لي فلاغيسيپسيون وهي تهز حاجبها ونطقاات:موسيو آدم كيتسنااك فالبيرو ديالو

مجوباتهاش أسماء ومشات ديريكت لعندو دقات ودخلات وبدون مقدمات قالت:شبغيتي عوتاني

آدم:(شاف فساعتو) فين كنتي تال هاد لوقت الحجلة

أسماء:(سبلات عويناتهاا) مشى علياا لحال

آدم:ماعندكش تلفون لي تعمري فيه لغيڤاااي واجي بعداا علاش تلفونك طافي

أسماء:خسر لياا

آدم:(ناض جهتها وباسها فحنكهاا) داباا نشري لحجلة ديالي تلفون

بتسمات ليه أسمااء ابتسامة خفيفة وخرجات من عندو وهي تضحك وعاجبهاا لحااال وشكون بحالها غايجيها تلفون فابور مع بغات دخل جات واحد خيتي لعندها ونطقات:موسيو وليد كيتسنااك فبيروه

أسماء:(هزات حاجبهاا) مقالش ليك علااش؟!

لبنت:نو

تعجبات ومشات طلعات فلاسونسور لطبقة الثانية حيت تما فين كاين بيروه وتوجهات ليه..دقات لباب وسمعات صوتو لي نطق:دخل

أسماء:(دخلات ونطقات بهدوء) قالت ليا سكرتيرة بلي طلبتيني؟

وليد:(رجع ضهرو لور وعينو سكانااتهاا من رجلها لراسها ونطق بصوت قوي) جلسي امادموزيل

نفدات طلبو بهدوء وهو شد ستيلو كيطقطق بيه فوق لبيرو ونطق بصوتو لقوي: إذا نتي هي أسمااء لمشهورة

أسمااء:(قطعاتو بسخرية) مشهورة هه علاااش ياكما شفتي تصاوري فشي پانو كندير إشهار وأنا مفخباريش

وليد:(هز حاجبو فيها ونطق بجدية) أناا ماشي هو آدم بااش تهضري معاياا بهاد لافاااسون ديالك سي لادغنيغ فواا مادموزيل توو كومبخي؟!

مجوباتوش حدها عطاتو واحد الشوفة وهو رجع كمل كلامو بنفس الجدية:مادموزيل فهاد الشركة حناا كنبداو مع 8:30 دالصبااح ماشي ل10:45 أولا وثانياا حناا فشركة محتااارمة ودوك التصرفااات لي مولفة كديريهوم فزنقة هناا يتحبسو وتحتارمي رااسك و

أسماء:(حنات جهتو وهي عاقدة حواجبها وبصوت قاصح هضرات) أناا محتارمة راسي وماشي واحد بحالك لي يوريني شنو ندير وشنو مانديرش وثانيا اناا ديماا كنجي فالوقت ونهار واحد لي تعطلت وبررت لموسيو آدم وكنظن هو عندو لحق كثر منك حيت هو لي مخدمني دوونك هاد لهضرة مكاين لاش منهاا (ناضت وهزات صاكهاا ونطقات بسخرية) نخليك داباا اموسيو وليد حيت تبعاني خدمة بونجوغني

عطاتو بالضهر تتمختر فمشيتها وخرجاات من عندو مخليااه عاقد حجباانو تاشوية بداا كيرخيهووم ويرسم ابتساامة مااكرة على شفايفو ونطق بصوت لعووب وعينيه على لبلاصة فين كااانت جالسة: صدقتي مساهلااش ازوينة ولكن واخااا هكاك عجبتيني هه..

غير خرج إسلام من الدار ناضت ميس بلاعگز عليهاا داخلة لدوش وخدااات واحد تحمحيمة دايزها لكلاااام ومخرجااتش تاخلات لحمهاا كولو حمر.. نشفااات راسها وبدات تطلس فالكريمااات ودلع راسهاا تاسالات عاد لبسات عليهاا حوايج لداخل ولبسات واحد لكسيوة بيضاا طويلة كتجي منفوشة من ليدين وأنيقة.. لبسات معاها سباط بيض طالون وجمعات شعرهاا ودارت ليه پاپيون بيضاا.. جات زوينة وبريئة فمضهرها عكس تصرفاتها لخبيثة.. مك اب كيف عادتهاا خفيف ضريف وعطرهاا الآخاد لي مكتستغناش عليه.. خرجات من بيتها وغير شافتها فاطمة وهي طرطق عينيها يالاه كانت تتموت وتبوحط دغياا صحااات عجيييب أمرهاا.. خرجات ميس من الدار مخليا موراها فاطمة كتعجب فهاد المخلوقة وتستغرب فيها.. قبل ماتركب ميس الطاااكسي جااها مساج من عدنان فيه " اجي لهاد لعنوان ***" كمشات حجباانها كتسائل هاداا علاش بدل لعنوان بهاد السهوولة ولكن مهتماتش للأمر وعطااات لمول الطاكسي لادريس ونطق قبل مايديماري:واش اختي متأكدة من لعنوان حيت هاد البلاصة بعيدة شوية وكتكون خاااوية

ميس:(بعدم اهتمام) وي غير سير

دمارا مول الطااكسي ومشى فالطريق وهي تتخربق فتلفونهاا وتونس الوقت شي ساعة ديال الطريق عاد وقفهاا فالبلاصة لي دار معاهاا عدنان يشوفها.. خلصااو ونزلات وهي تتمنظر فداك لخلى دسيدي ربي تاسمعات حس طوموبيل وهي تبان ليها طوموبيلتو.. وقفات حداااهاا وهي قربات لعندو وطلعاات لقدام وهو عينيه عليهاا جااات تتهبل بديك الإطلالة البيضاااء.. بقاا كيشوف فيهاا مدة وهي كمشات حجبانهاا ونطقاات بتساؤل:علاش بدلتي لبلاصة

مجوبهااش إنماا جرهاا من يديها وتلاح على شفايفهاا كيبوس فيهاا بعنف وهي مدهشرة على ديك الزربة لي دار ليهاا تاشوية بدات تتسايرو.. بعد عليهاا ونطق وهو كيمسح لعكر من فمو: باقي ماهداك الله طيحي داكشي لي فكرشك

ميس:(هزات حاجبها فيه) علاش باغي نطيحو همم؟!

عدنان:حيت مخصوش يتزززاد (ضرب على لڤولون ونطق بعصبية) نتي مكااانش عليك تحملي منووووو

ميس:(فرحات ملي شافتو معصب وفنفس لوقت بغات تزيد تستاافزو) علااش كون كانت مرتك غاتقول ليهاا طيحوو هممم

عدنان: (برك على سنيه) ميس ماتصعريش زاااا*ل بوياا فهاااد النهااار

ميس:(نزلات من طوموبيل وقبل ماتسد لباب) مغانطيحوووش

سدات لباب بالجهد ومشاااات وهو زير على يديه وجبد قرعة دلمااا ولكينة لي جاااب ليهاا ونزل تابعها.. زوج خطوااات كان وصل عندهاا وشدها من يديها تاقفزاات ونطق بعصبية:غاطيحيه ودااااابااا

ميس:(مد ليهاا داك الدواا وهي خرجات عينيها فيه وضريات فيدو تاطيح لكينة ولقرعة وغوتات ) الااانتااا يغيتي نطيحووووو طلق مرتك اسيدي وديك الساااااعة أنااا نطيحووو بيدي سمعتي

عدنان:(غوت فوجهها تاهو) ماتبقاااايش تجااابهي معاااايااا هضرت وغااادير شنووو قلت سمعتي ولدووو مغايبقااااش فكرشك هاد النهاااار (جرهاا من شعرهاا ونطق بعصبية مجنن) علااااش أصلا خليتيه يقيسك همممم كنتي باغاااا ابنت لق*بة تخليني نغير ياااك وفلخر صدقتي حااااملة منوووو

ميس:(غوتات وبدات تتبعد يديها عليه) كلشي بسبااابك نتاااا كووون طلقتي ديك لكلبة دمرااااتك كون گاعمااا طرااا هادشي

عدنااان:(خرج فيها عينيه) ياااك قلت ليك غاااانطلقهااا علاااش نتي تاطيري از*ي علاااش

ميس:(دموعهاا نزلو وكلهاا تتغزل) نتاااا السباب كلشي بسباااابك اعدناااان هء هء هء كوووون ماقربتيش منهاا كون گاعما خليتو تاااهو يقرب مني ويحمّلني هء هء هء

عدنان:(نطق وهو كيشوف فيها بنظرة غريبة وبصوت هامس كالفحيح) تااادابااا أنااا لي غادي نهنيك منووو بيدي ابااااربي

مع كمل هضرتووو هز يدوو بكروووشي وعطاااهاا دقة فكرشهاا خلاتهااا تشهق وعينيها يخرجو من بلاصتهووم...

ملي جات ليوم فالصباح وهي فالأرشيف تتقاد الضواسي ديال الكلياان لي كيديرو عندهوم لاسورونس.. البلاصة كانت فيها لغبرة بزاااف حسات بنيفها تياكلها وحلقها خلااااص.. كل مرة تحك فنيفهاا تاكيبغي عقلهاا يخرج.. كان تماا واحد الشرجم حلاتو وبدات تتنفس منووو والدم طلع ليهاا من هاد لبلانااات لي ولاو كيديرو معاهاا فالخدمة.. مرة الأرشيف مرة تكلف تحل لباب لناااس وتستقبلهوم مع العلم هي خدمتهاا ولبوسط لي شدات نهار لول عكس هادشي لي كادير فيه داباا.. سمعات تلفونها كيصوني وجبداتو من جيب لقاتو عااصم.. فتحات لخط ونطقات بصوت هادئ:ألو

عاصك:ألو زيني صافا

رحيل:حمدالله ونتاا؟

عاصم:(بصوت هادئ) بسماع صوتك فينك نتي؟!

رحيل:أناا داباا فالخدمة علاش؟!

عاصم:كنت باغي نشوفك معايااش غاتساالي؟

رحيل:مع لخمسة غانكون ساليت

عاصم:واخا زيني تسنايني أناا غاندوز عندك واخاا

رحيل:واخاا بسلامة

قطعات معاه ورجعااات تتكمل خدمتها تاضربات لوقيتة ديالها وخرجات من تم مكتهضر مع حد.. مشات لحمام قادات حالتهاا ودارت ليبستيك نيود عاد خرجاات من تماا هازة صاااكهاا غادة لبرااا.. لقات عاصم واقف حدا طروطوار فين مبلاصي طوموبيلتو ومتكي عليها جاي عندها مفركس كيف عادتووو بسروال توب فالكحل مع شوميز فالبااج وفوق منهاا جاكيط خفيفة.. شافهاا وبتاااسم وطلعهاا بعيون معجبة فديك لبيسة لي لابسة ولي جاتها فنة.. كانت لابسة كومبين فالبلوغواا مع فولار فالباج ولبلوغواا مع صويك كلاس وصباط طالون.. الأنااقة والجمااال عندو عنوان وهو رحيل.. غير وصلات حداه وهو يعض على شغتوو وقرب جهتهاا تاباسهاا فحناكهاا.. ضهشرهاا حيت مولفة كتسلم معاه غار باليد...

عاصم:(شد فيديها) ماقدرتش نشد راااسي قدام هاد الكتلة دالجمااال..

بتسمات ليه رحيل بهدوء وهو مشى حل ليها لباب تاركبات عاد شد بلاصتو ونطق:فين نمشيو؟

رحيل:نمشيو لشي كافي فأگداال

عاصم:هي لولة ااازيني

شد الطريق لأگدااال تحت نظراتو لي كل مرة يخطفهاا جهتها هي لي جالسة مراقبة الطريق بعيون هادئة.. تاحبسو قدام الكافي ونطق بهدوء:نزلو

حركات راسها ونزلات معاه ودخلو لداخل تاوصلوو لواحد لكوان جاااي حداا الزااج لي كيطل على براا.. جلسو وجا السربااي ياخد لاكونسوماسيون ديالهوم

عاصم:واحد نواغ (شاف فرحيل) شنو باغا ازيني؟!

رحيل:(شافت فالسرباي) واحد ألونجي ثلاتة طوبات

مشى السرباي ونطق عاصم كيضحك:ألونجي گاع هههه

رحيل:(شدات راسهاا تتمسدو)هه راسي كيضرني ومبغيتش نااخد شي حاجة قاصحة باااش ماانطيرش النعاااس هه

عاصم:(شد فيديهاا ونطق بصوت حنين) لخدمة كتعييك بزاف علاش ماتشوفيش شي بوسط خر؟

رحيل:لقيتيني غانقلب وغاندفع سڤي ديالي حيت ڤغيمو مبقيتش حملت ديك لاسورونس

عاصم:(جبد گارو ونطق) واخا نكمي (حركات راسها باه وكمل كلامو) الخدمة عند الناس هاكا دايرة عليها كنفضل لواحد يكون ديال راسو

رحيل:(ربعات يديها) المحال واش ديالك

عاصم:واه ديالي وكاينين محالات خريين مي ماشي هناا

رحيل:(ابتسمات ليه ونطقات بمزاح) هي غاتعطيني واحد نسيرو هه

عاصم:(غمزها) كلشي ليك ازيني

ابتسمات ليه فاللحظة لي جاب ليهوم السرباي داكشي لي طلبو ومشى.. هز عاصم قهوتو جغم منهاا وضور وجهو جهة الزاااج وهو مبتاسم شوية بدات كتمحى ديك الضحكة لي على شفتوو ولون تبدل فوجهوو من داكشي لي شاف...

دوزاات نهار دلخدمة ديالهاا وقبل ماتخرج بان ليها آدم جااي جهتهاا وفيديه وااحد الساشية مدها ليها قدامهوم وماتسوق لا لسكرتيرة ولا لدوك لي خدامين تم ولي حاضينهوم..

آدم:(قرب جهتها وبصوت هامس قال) هالتلفون الحجلة ديالي وهاد لمرة نصوني جاوبي

أسماء:(هزات الساشية ونطقاات بغنج) امم اوا نخدموو بعداا وديك الساعة يكون خير..

آدم:(عض على شفتو وزاد قرب عندهاا تاقرب يبوسها ونطق) اااح الحجلة غاتخليني مقيم وشكووون غايبردو لياا

أسماء:(رجعات شعرهاا لور بغرور ونطقات) عطاا الله ل*اب لي يبردووه

هزات عينيهاا وهو يبان ليهاا وليد خارج من لاسونسور

ضحكات بخفوت فااش تفكرات لهضرة لي سمعهاا فالصبااح ورجعات شافت فآدم لي ضار موراه فاش شافهاا كتحنزز وغار بان ليه خوه وهو يرجع شاف فيها ونطق: قال ليك شي حاجة؟!

أسماء:(حركات راسها) نو علااش؟!

آدم:(لعب بلسانو ففمو) الاقال ليك شي حاجة ماهياااش غار اجي عندي الحجلة ديالي واخاا..

قرب جهتهوم وليد لي كان حاضيهوم ملي تحل لباب... وخصوصا فاش شاف داك التقارب لي بناتهوم ضحك بهدوء ونطق وهو موجه هضرتو لآدم: مغاتمشيش دابا

آدم:(شاف فساعتو ونطق) غانوصل لحجلة ديالي عاد نمشي لدار

أسماء:(شافت فآدم) نو مكاين لاش أناا عندي شي غرااض نتااا غار سير

قالت كلامها وخرجات وعينيهوم عليهاا تاضار آدم جهة وليد لقاه باقي متبعهاا بعينيه وهو ينطق وحجبااانو مجموعين: هاد الشوفااات لاش؟!

وليد:(شاف فيه وضحك بسخرية) واش حتى الشوفااات ممنوعين (قرب جهتو ونطق بجدية) جايب لينا لق*بة ديالك بااش تبقاا قريبة ليك

آدم:(هز فيه حاجبو) وهانتاا قلتيها لق*بة ديااالي نجيبها فيما بغيت نتا اش مشى ليك

وليد:(حك لحيتو ونطق ببرود) امم عجباتني وصراحة تقال قويصحة مع راسها

آدم:(ضحك مغدد وبرك على يديه) واقيلا ناسي كر* راك مزوج

وليد:(هز حاجبو ببرود) عارفني مكنبغيش مرتي وغار داير لخاطر لمك وصافي

آدم:(حرك راسو وضحك بسخرية) بلاماتحاااول حيت هاديك ديالي سمعتي (نطق بهمس) ق*بتي ومغانخلي حد يح*يها من غيري؟

وليد:(عض على شفتو) شبان ليك نتراهنو أناا ويااك ولي ربح هوو لي يااخدهاا

آدم:(ضحك بجنون)هههه واش مريض فك*ك ولاكيفاااش

وليد:(باستفزاز) الاكنتي نتااا تايق فراسك راه ماعندك منااااش تخاااف ولكن كيبااان ليااا لعكس

آدم:(ببرود) شنو هو هاد الرهاان

وليد: نشوفو شكون فينااا لي غايخلي هاد لحجلة ديالك تهبط كواريهاا الأرض.. يعني نتااا دير لي بغيتي وأناا ندير لي بغيت ولي ربح هو لي غايح*يها ولاخر غايرضى بالنتيجة كيفمااا كااانت

آدم:(شاف فيه بثقة) واخاااا موافق

وليد:(سلم عليه) مشااات گود لاااك برووو

آدم:(بسخرية)گود لاااك

انساحب وليد وهو غادي بكل ثقة فالنفس مخلي موراه آدم لي هو واثق ومأكد بلي الرابح فهاد التحدي لي داروه غايكووون هو حيت عارف الحجلة ديالو كيدايرة وعارف تفكيرهااا وكيفاش يكسبهاا ليه.. وغايلعب على هاد النقط باااش هو لي يربح.. ومعارفش بلي تاخوه فاش كيدير شي حاحة فبالو راه كيوصل ليها واخاا يوقع لي يوقع.. وهو من النهار شاف أسماء فقاعة الاجتماعات وهو حاطها فبالو ولي زاد خلاه يهتم بيهاا ويزيد يبغي يتعرف عليهاا هو التصرف لي دارت معاه ليوم فالصباااح ولي مغاينكرش أنه عجبوو.. ركب فطوموبيلتوو وقبل مايدماااري نطق بهدوء:مولف تاخد كل حاجة بدم باااارد غير حيتاااش نتااا هو لبرهوووش دعائلة الصفريوووي ولكن هاااد لمرة غيررر اخوياا لعزيز..

حسااات بالضوو ضربهاا تحت كرشهاا من داك لكروووشي لي عطااااه ليهااا تاخرجو عينيها فبلاصتهوم وشهقااات بكل جهدهاا وهي كتشوف فوجهو لي كااان لغضب مرسوم على تقاااسيمو.. وحالتو مكااانتش طبيعية أبداا ومكااانش هادااك لي قدامها هو نفسووو عدنااان لي تتعرف.. شدهاا من شعرهاا بالجهد وقرب وجهها لوجهووو ونطق بجنون وبنبرة متملكة:هااااد لولد هووو لي راااابطك معااااه يااااك مغااانخليهش سمعتي غااانقتلو بيدي أنااا مغانخليييش حااااجتو تبقاااا فيك حيت نتي دياااااالي

رجع عطاااها كروشي خر قوى من لول.. بحال الاتلبسو شيطااان فهاد اللحظة ومبقاااش عارف راسو اش كايدير.. طلق منهاا تابعدااات وهي محنية شااادة كرشهااا.. تعوكفاااات فديك لحنية ونطقااات بصوت صااارخ متألم: عدناااااان وااااش حماقيتي اااااي

عدنان:(غادي جاااي مجنن وغووت تاتبح صوتو) خلييتك ومشيت بخاطري وفاااااش رجعت لقيتك مزوووجة وعندك بنت ههههه كنت دااااايرك غاااار لعب أو ونااااسة ساااااعة طحت فيك ابنت لق*بة ااااااااااع

رجع شدهااا من شعرهاا وهي عينيها خارجين وحمررين بالدمووع لي نزلو بقوة لوجع لي حسااات بيه ونطق وهو حاط شفايفو على دياولها كيحركهوم:هو خصوو يمووووت ونتي مخصكش تبقاااي هاازاااا ولدوو سمعتي (زير على كرشهااا ونطق بجنون) كاااان خصك تهزي ولدي أنااا مااااشي ولدووو هووو

مكااانتش تتسمع لهضرتو ولاكانت مركزة معاه حيت داااك لوجع بااااش حسااات تحت كرشهاا نساهااا كلشي.. رجع ضربهااا مرة خرااا تاطااحت على ركااابيهاا وشهقااات تتبكي.. وهو وتقول واااش هناا عقلوو غااب عليه واخا شافهااا طايحة قداامو وملوية على رااسهاا وحاضنة كرشهااا تتوجع.. الاانه مستسلمش بقااا كيعطيهاا فالركااااالي ويضرب فيهااا تابدااات تتقي الدم.. كيشوف كلشي كحل قدااامو ومبقااا كيقشع واااالو ديك الساااااعة وهي غوااااتهاا لي كااان تيتسمع رجع أنين خاااافت

ميس:(كتنين بوحع) اااااامممم عدناااان ااااااامممم

بااااقي كيضرب فكرشهااا وضهرهااا غير بركاااااالي تاشااافها جمداااات ومبقاتش تتحرك عااااد حبس.. وبحال الاتزولات ديك الضبابة لي كانت على عينيه ورجع لواااقع.. حبس على لحركة وعينو عليها هي لطاايحة فالأرض بحال شي جثة هامدة وشعرهاا لي كان مجموووع تحل وكولو تفرش فالأرض لي عامرة ترااااب أماا لكسوة لبيضة رجعااات قهوية بالترااااب.. دمايااات نازلين ليهاا من فمهااا بحال الخيط وعينووو مشاااات لكسوة وديك لبقعة لحمراااا لي بداااات تتكون فيهااا من لتحت.. رجع زوج خطوااات لور شاد على راااااسو وعينيه خااارجين حمرين.. عاد رجع ثاني قرب جهتهاا وتحنى على ركابيه وبصوووت مرتاااجف نطق:ميس (مد يديه كيحيد شعرها لي على وجهها ونطق بصوت هاامس ) بااااربي دياااالي..

مكانتش منهااا استجاابة وهادشي خلعوو ولي زاااد كمل عليه هو دوووك الدماياااات لي بداااو كيتزادوو فديك لكسوة لي لابسة تاولا نصها التحتاااني فيه بقعة كبيرة.. هنا قلبوو رجف رجفة غير طبيعية وعينو تعلقووو غار فيهاا هي لي مغبية ومكتحركش...

ملي رجع من عندهاا مامشاش لدار شد الطريق لگاراج تمااا فين بات ومن زهرو كاانو تما شي حوااايج كيخليهوم باش في حالة توسخو ليه بلاگريس يلقى باش يبدل.. نعس فواحد لبلاصة تم ولانقولو غار تسطح وصافي اماا نعااس مجااهش وحلف لا زار جفونو.. عقلوو كاان غااار متعلق بيهاا هي وتفكيرو فيهاا هي والحالة لي كانت فيهاا بليل وكيفاااش كاانت تتبكي وهي بين يديه..هاد ليدين لي كانو محتاضنينهاا لبااارح ولي تلمسو وجهها.. تنهد واحد تنهيدة عميقة أخر حاجة توقعهاا هي لولد لي شاااف بالصدفة ولي عتقوو طلع ولدهاا هي.. داك لولد لي حرك فيه أحاااسيس الأبوة لي مكيتحركو غار لولادو صدق ولدهاا.. لولد لي حس بيه قريب منوو صدق ولدهاا مع رااجل خر.. الفكرة ككل كاتحرق فيه لداااخل وتتخليه بحاااال شي قنبووولة قريب تفرگع.. ناااض جاااالس وعينيه السوود ساااهيين باااقي كيبغيهاا وباااقي داااك لحب فقلبوو ليها كيف النهااار لول شاااافهااا بلعكس داك العشق تزاااد تاولى حمق بيهاا.. فهاد لعمرر لي هو فيه فاااش كيشوفهاا كيحس براسو رجع شاب صغير.. حبهاا كيعدب فيه فالداخل ديااالو كلماا تفكر نهاااية قصتهوم لي هي كتباتها بيديهاا وحطااات خطوط كثيرة تحت ديك النهااااية.. تنهد وناااض غادي لدااك لبيرو لي عندو تم حل المجر ديالو وجبد منوو ديك التصويرة لي بقااات ليه من ذكراهاا.. لمس التصويرة بالإبهااام دياااالو وعينيه بااانت فيهوم غماامة من الحزن وبصووت ضعيف نطق:نتي لي ختاريتي اتانيرت إينوو البعااد..

----

موسيقى عااالية غربية وأضووواء ملونة خاافتة.. لبنااات بكسااوي معريااات والدراري شي لابس تيشورت ديالو شي محيدهاا.. فالقناااتي دلبااار كيباانو زوج معاانقين وشي كيتباااوس بالعلااالي ممسوقينش...شي سكران گاعماا هااز راسو وشي جااي غاار يدوز الوقت ويفوج على روحو.. داخل ويديه فجياااب الجااكيط لي لابس وعينيه مظلمين كيشوفو غااار قدااامو.. شد الطريق لجهة الفوطويااات لي جاااو فبلاصة عااالية وجلس فواحد لبلاصة مظلمة وغير دالنااااس لڤي أي پي.. رجع راسو لور وعينو على السقف لي كيضربو فيه اللوان مرة زرق مرة خصر مرة حمر.. كااان سااكت وجااالس بهدوووء رغم لبركاان لمشتعل دااخلو ولي كيحاااول إخماادو قدر الإمكاااان.. مور ماااغوت وفش خلقوو رجع الأمر عليه بالبرووودة.. الموسيقى مجهدة ودايرة لومبيونص ولكن هو وذنيه كيتسمع فيهووم غير جملتهااا لي سمع بالصدفة " ريان ولد إدريس ماشي عبدالله" ضحك بسخرية وتقاد فالجلسة فاااش سمع صوت السرباي لي نطق:شحب لخااطر العشير

ريان:(بصوت بارد)قرعة دجاك دانيااال

مشى السرباااي يجيب ليه طلبووو وهو عينوو كيضورو فالبلاصة تاجاا السرباي وحط ليه طلبو ومشي.. حل لقرعة وكب منهاا كاااس وجغمو دقة وحدة بحااال الاشرب لمااا.. كمش حجبااانو من مرورية الشراااب لي حرقو فحلقو ورجع شاااف قداامو.. هز يديه كايشوف فمگانتوو شوية بان ليه واحد خوناا دااخل وجهو كولو مشرط وفيه لسيكاتريس وداير لبيرسينگات فنيفوو وشفتو وفوق جبهتو لابس كيطما فالكحل مع سبرديلة كحلة ومن لباب وهو كيسلم ويشير وباين فيه معروف هناا.. جاا عندو ديريكت قااصدو ونطق: عشيري نتا هو رياان يااك؟!

حرك ليه راسو بااه ولاخر شاف هاكا وهاكا عاد جبد من جيبو واحد الساشية مدها ليه فالمقابل عطااه رياان كمشة دلفلووس ونطق الدري وهو كيضرب على صدرو:نحن فالخدمة العشيررر

مشى الدري وريان حل ديك لخنيشة لي عطاه وكب شوية من ديك لغبرة لبيضااا فوق طبيلة لي قدامو وسطرهاا بكارت گيشي عاد خداا خمسين درهم لواهااا وعينوو على دوك زوج سطورة بنظراااات باااردة ورجعات ديك لكلمة رنات فدماااغو بحال شي جرس " ريان ولد إدريس ماشي عبدالله" ضحك بسخرية وتحنى جهة السطر لول وهو سااد جهة من نيفو بصبعو ودار لخمسين درهم فوق السطر وجررر جرة وحدة وهو مغمض عينوو بانتشاء..

كل واحد فينا ملي كيتلقى شي صدمة فحياتو كايكون عندو ردة فعل على كيفاااش غادي يستقبل ديك الصدمة.. كاين مناا لي غايبقاا يغوت باااش يخرج ديك لحرقة وكااين لي غايبكي وكاااين لي غايبقاا ساكت وكاين لي غادي يمشي لنفس الطريق لي مشى ليهااا رياان.. طريق البلية باااش ينسى.. مكانش الخبر ساهل عليه باش يتقبلو حيت بالنسبة ليه الامر كااان قاااصح عليه.. باااش أنك تعيش واحد لكدبة لي صعيب عقلك يتقبلهاا ولايقدر تايفكر فيهاا غار بالضحك فمابالك تكون حقيقة.. باك ماشي هو بااك وباااك الحقيقي هو الراجل لي نتا حقدتي عليه حياتك حيت على حسب فهمك هو السبب فخصومااات واليديك.. مكانش ريان عارف طبيعة العلااقة الحقيقية لي كتجمع تانيرت مع عبدالله هو فقط كان كيشوف فموو تتبات فبيت وباه فبيت خر ومكااين بناتهوم تاشي حاجة لي تخليك تحس بلي راه مزوجين.. وزيد عليها الصداعات لي كينوضو بناتهوم ولي ديماا كيحضر ليهوم.. وفااش عرف سبب هاد الصدااع هو ببات ختوو لي من موو كرهو وحقد عليه حيت فنظروو كون ماكاينش هاد الراجل فحياتهوم كون واليديه بغاو بعضياتهوم.. معااارفش ماوراء الكواليس هو فقط حكم على داكشي لي عاش وشااف.. وهاهو دابا كيكتاشف بلي داك الراجل لي كرهو وحقد عليه هو نفسوو باااه.. كاان باقي مغمض عينيه وعلى نفس وضعيتوو.. الموسيقى كانت تتجيه غارقة أو واحد الاحساس كيحس بيه داباا فشكل.. حاس براسو طاير فوق السحااب والنشوة ديال ديك لغبرة بداات تتشد فيه ومخليااه پيس.. حل عينيه الحمررين وبقا تيحك على نيفوو وعينيه كيضورو فالبلااصة... جاه الملل عليها قرر ينوض باش يمشي بحالو.. هز لفلووس فيديه وجمع مسائلوو ونااض غادي تاجاا جهتو السرباي لي سرباه عطاه الخلاص وتدويرة تاهي وخرج بحااالو من تم.. غادي فالزنقة ويديه فجيااب الجااكيط معارفش فين غايمشي رجليه كانت غادة ولكن الوجهة فين ماعرفش.. غادي فالطريق تاالقى راسو قدام الگارااج ديال إدريس.. وااش حيت رجليه كانو حافضين الطريق ولاحيت قلبو هو لي وراه فين يمشي؟! دخل لداخل وعينيه كيقلبو عليه معارفش راسو علاش جاا عندو وعلاش باغي يهضر معاه ولكن حس بلي راحتو حالياا متعلقة بداك الراجل لي طلاقاه بالصدفة.. هز فيه الدري لي كان تما عينيه ونطق:نعام اخويا اشحب لخاطر؟!

ريان:(بصوت تقيل) مول لگاراج مكاينش؟

عمر:المعلم مشى يقضي شي غراض ولكن دابا يجي

حرك ليه ريان راسو ومشى جهة الكرسي باغي يجلس وكون ماعمر لي شدو كون جاا طايح الارض.. بقاا كيشوف فيه عمر مافاهم والو ولكن ديك الريحة دالشراب لي كانت عاطية منو خلاتو يفهم بلي السيد جاايب لكااو وسكران.. رجع ريان شمر بنيفو وضور عينيه على لگاراج وهو ساكت اما عمر رجع كيكمل خدمتو ومرة مرة كيلوح عينو عليه.. بقاا مدة جااالس وحاني راسو تاسمع صوت إدريس لي نطق بصوت هادئ: سير سيق براا قبل ماتمشي

كان تيزول الجاكيط لي لابس تاهز عينو جهة ريان لي كان جالس مركن كيشوف فيه.. حبس إدريس لحركة فاش شافو وتفكر بلي هادا لي جالس قدامو ولدهاا.. ولد السالباه مع راجل خر حس بالعاافية لداخل ديالو فااش رجع تفكرهاا وتفكر حالتهاا الغير طبيعية ديك الليلة.. وتفكر حظنهاا ليه ودوك اللحظات البسيطة لي عااش معاها ولي رجعوه لزمن الماااضي.. وتفكر بالخصوص دوك الجرووح لي تسببات ليه فيهوم.. نطق ببرود عكس الأحاسيس لي رجعو تدفقو فيه بشوفتو: طوموبيلتك راه وصلتها لداركوم

ريان:(قال بصوت تقيل) مجيتش على قبلها

إدريس:(ببرود) وعلااش جيتي؟

ريان:(هز كتافو ونطق بصوت هادئ حزين) ماعندي فين نمشي

لمس داك لحزن لي فصوتو وحالتو لي مكانتش طبيعية مخفااتش عليه.. معرفش شنو لمشكيل لي عندوو ولكن حالتو داباا وحالة تانيرت داك النهار خلاتو يستنتج بلي وقعات شي مشكيل بناتهوم..

إدريس:(قرب جهتو ونطق بصوت بارد على عكس داكشي لي حاس بيه ونطق) وبانت ليك عندي الخيرية هنااا واقيلا..

بقاا كيشوف قداامو ولون تبدل فوجهوو.. سرط ريقو ورجع شاف فرحيل لي كانت حادرة راسها تتخلط فالكافي ديالهاا معلابالهاااش.. ورجع شاف قداامو ونطق بصوت هادئ:زيني أناا راجع

رحيل:(شافت فيه)واخاا

ناض عاصم هاز تلفونو ومسائلو وخرج لبرا ورحيل رجعات تتشوف قدامهاا تاشوية ضورات وجهها وبان ليها عاصم ركب فطوموبيلتو ومشى.. حلات عينيها على جهدهووووم وبقااات غير تتبلق فعينيهاا.. ممتيقااش بلي راه خلاها ومشى المنظر ستافزهاا زيرات على يديها وقالت مع راسهاا ماظلميهش ممكن يكوون عندو شي حاجة ضرورية عليها خدات تلفونها ودوزات ليه الخط..كيصوني ولكن مكيجاوبش رجعات تتصوني عليه ونفس الشي تاتقطع لخط وهناا رحيل تعصباااات ديال بصح..شيرات لسرباي لي جا وخدا خلاصوو وهي ناضت غادة مخلياا داك الكونسوماسيون كيما حطهااا ماشربات منها والو.. ركبات طااكسي غادة لداار وحر الشمتة شادة فيهاا وخلاتهااا معصبة .. كون غير قال ليها عندي شي غراض نمشي واخا ولكن ماشي انا راجع ويمشي فطوموبيلتو وملي صونات عليه مجوبهااااش.. نزلات من الطاكسي وهي داخلة لحومة تاشوية سمعااات صوت محمد طه كيعيط ليهاا

محمد طه:(بصوت مرتافع) عوينااااات الجلباااانة

بان ليها جاي كيجري ببانطوفة وسروال توني وقبية وشعرو مخربق بواحد الطريق محببة وزوينة.. وقف قدامها وشاف فيهاا عاقدة حجبانها ونطق:امالكي احوبي

رحيل:واااالو فين كنتي نتااا؟!

محمد طه:(هز ديك الساشية لي فيديه) تسخرت لكلثوم قالت ليك غاتصاوب الرفيسة

رحيل:نيت تشهيتهاا وشحال هادي ماكليناهاا

محمد طه:دواا لبرد ولكن تصلاااح لمزوجين ماشي لعزبين بحالي أناا وياااك نااكلوهاا ونسخنووو

رحيل:(جاب ليها الضحكة وشافت فيه) هههه الماااسخ مكتحشمش

محمد طه:(حط يديه على نصو وقال بجدية) هاد لحالة مبقاااتش عجباااني

رحيل:(كمشات حجبانها) اينا حالة تاني

محمد طه:ماشي على بونت كنت غانمووووت وأناا ممزوج مامطلق ماواااالد تاأناا باغي ندير داااري راه لبرد هاداا كيبغي لي يدفيك

رحيل:(ضربات كتفو تاتقصح وقالت بضحك) ماعليك غار بالمازااڤي وكااس دلويزة قااابطلا

محمد طه:(خسر سيفتو) مالي فيااا لوجع تت الناااس كيقلبو على ليسخنهوووم اختي يسخنهووووم

رحيل:(جراتو وهوما غاديين لدار)زيد زيد بانت ليا الضربة ديال الراس لي كليتي خلاتك تدخل وتخرج فالهضرة بقا ليك غار الزواااج اش خصك العريان الخاتم امولاااي

محمد طه:(خنزر فيه) ومااالي كيجيتك من زيناااتي وگااع لبنااات يموتو عليااا الله يحجبني من لعين وصااااف وأصلا ديك لعين هي لي خرجات علياا ولكن هانياا برب تاهااانيااا

رحيل:(بملل) ساليتي

محمد طه:(عنقهاا بجنب يديه ونطق) كنتواضعو معاكوم فهاد البلاد السعيدة وصاااف إيماا راه حناا نستاهلو ماحسن

رحيل:(شافت فيه ورجعات شافت قدامهاا ونطقات) ياك المرررضي

محمد طه: اييييه.. زيدي زيدي راني تعطلت على كلثوم غير الله يستر مع الله يحفظ..

وصلو لدار ومع دخلة خرجات كلثوم من لكوزينة ببجامة مقطنة بكولون وجامعة شعرهاا بقراصة.. شافت فمحمد طه وخنزرات فيه: واااش نتاا مشيتي تجيب لمساااخن ولامشيتي تولدهوم

محمد طه:(بهمس) مشيت نخراهوم (مد ليها الساشية وقال) راه لقيت عمي حمد عندو لكلياااان وبقيت تنتسنى نوبتي

كلثوم:(شدات الخنشة ونطقات تتبرگم) لواحد يصيفطكوم تسخرو كتسكنووو ليه يييخ على گنس قصيييف

مشات كلثووم ومحمد طه شاف فرحيل لي كانت تاهي تتشوف فيه.. بقاااو ساكتين تاتكرشخو بالضحك وبالجهد تاسمعو كلثوم نطقااات بالجهد وهي فالكوزينة:تهجرووووووه المساخيط

محمد طه:(تحنى جهة رحيل ونطق بهمس) جاتها الحالة ثاني علينااا..

سكتات رحيل تضحك تاسمعات صووت تلفونها كيصونى وشافت فيه لقاتو عاصم.. ردات تلفون لصاكهاا بدون متجاوبو ولاتسوق ليه كيف دار معاها..

الهضرة لي قااال ليه خلاتو يهبط عينو ويبقااا ساكت كيحاول يسرط ديك القمعة لي خداا من عندو.. أول مرة يهضر معاه بهاد الطريقة من نهاار عرفو وتلقاااه.. مولف منوو الحنية وهي السبب لي خلااتو يتعلق بيه.. حيت تعاملو الحنين وهضرتوو واهتمامو بيه هو لي كااان ناقصو فحياتو وهو لي خلااه يتقرب منو حيت لقى عندوو شي حاجة لي كانت ناقصاااه.. ناض رياان فوق من الكرسي كيتمشي بخطوات مزاگينش وغير شافو إدريس عرفوو سكرااان قرب جهتو وحجباااانو لغلااااض مكمشين وعينيه خارجين فيه بجدية وصراامة.. تاوقف حدااااه وضرباتو ريحة الشراااب مخليااه يصعر عليه.. شدو فكتفو تاهز ريااان عينيه لحمرين فيه ونطق إدريس وهو مقصح فيه الشوفة: جاااااي عندي سكرااان

ريااان:(حرك راسو ونطق ببرود) ماشي سوقك فيااا

دفعو ريااان باااش يمشي ساعة إدريس ماتفنفنش بقاا بنفس الوقفة وحس بدمو كيغلي.. هز ليه رااااسو تاتقااابل معاه رياااان وقال إدريس ببرود:برهوش بحاااالك خص لي يعاود ليه الترااابي

ريان:(ضحك بسخرية ونطق) وشكون غايربيني نتاااا

إدريس:(هز ليه راااسو وشدو وضحك تاهو بسخرية) الامك مرباتكش أناا نربيك بيدي ماااعندي مايدار هاد الساااعة من غيرك نتااا

رياان:(بدا كيترطى من بين يديه وديك القمعة لي قمعو مبغاااش تسرط ليه ونطق بصراخ) وطلللللق مني نمشي بحاااااالي طلللق

ضار إدريس جهة عمر لي بقاا واقف كيتفرج ونطق ببرود:هز راسك وسير بحاااالك تانتااا

عمر مزادش معاه الهضرة حط الكراطة وسطل وخرج من المحال أما إدريس ضار جهة ريان لي كان باقي كيترطى بين يديه وهو مهازش راسو ويدوووب قاادر يحل عينيه.. حالتو عصبااات إدريس ونرفزااتو وهو كيشوف فيه غاادي فواحد الطريق لي مكتفرحش.. سبق ليه وسكر نهار ضرب محمد طه ودارو لكسيدة وداااباا الاخلاه شنو غايوقع ثاني ليه يضرب شي حد ولا ضربو شي طوموبيل وتقتلوو باش يتهنى.. معصب من تانيرت لي استهونااات فتربيتو تاخرج ليها من جنب.. برهوش باقي گاعماا شاف وتشوف فالدنياا وكيسكر ويعلم الله شكايدير تاني وهو معارفش عليه.. جرو معااه من لكول ورياان تابعو كيتعثر فخطاويه تادخلو لديك لبيت فين كايبدل وفيها روبيني فلتحت.. هبط ليه راسو تااال ديك الروبيني وطلقهاا عليه وريااان كيترطى ويغوووت بصوت تقيل

ريااان:وااااطلق ااااااااااع وعطيني بالتساااااع اااااااااع

ماتسوقش ليه إدريس حيت هوو شاد راسو عليه باااش مايمدش يديه ويسلخووو شي سلخة تفكرو فحليب لي رضع من مووو.. بقاا مخليه تحت الروبيني شي عشرة الدقااايق عاااد هز ليه راسو ولاخر كيشهق وشعروو سرد بالماا وتاجااكيط لي لابس..

إدريس:(لعب بلسانو ففمو ونطق) الشراااب البرهوووش

ريان:(حمر فيه عينيه) ماشغلكش.. شكوووون نتااا هااااا شكووووون ههههههه (حرك راسو ونطق بسخرية) أصلاااا أنا معاااارفش راااسي شكوووون هههههههه وااااش عااارف انا شكووون (هز كتافو) كدبااااات علياااا حياااااتي كلهااا وهي تتكدب عليااا وكلشي بسبااابو هووو

إدريس:أنااا هو لي غااانقاااادك البرهوووش ونرجعك لطريق حيت بنتي ليااا عواجيتي

رياان:(دفعووو وغوت) واااابعد علياااا وفرقني عليك

خرج ريان ورجليه كيلعبوو فالطريق وموراه إدريس لي كااان تابعوو بشوية عليه تبااان ليه خرج عاد هز سوارتو وسد لگااارااج بالزربة وعينو على ريااان لي غاادي فالطريق بشوية حيت سكرة بدااات تتشد فيه وكل مرة يشمر بنيفووو.. تبعووو إدريس تاااوصل لعندو وشدو من كتاااافو جاااارو معاه وريااان كيبغي يفك راسو ساااعة مع من.. جرو غادي بيه تاوصل لباب الدااار ودق وريااان بين يديه شااادو.. تحل لباب من طرف رحيل لي كانت مبتاسمة وغير شافت باهاا وريااان والشدة لي داير ليه وهي تغبر الضحكة من شفايفهاا وعينيها تحلو بصدمة...

كانت فبيتهاا تتحل لبواطة ديال التلفون لي جاب ليها آدم وعينيها غايخرجو منهوم القلوبة.. وغير شافت فالتلفون لي كان أخر موديل وعينيها بغاو يخرجو من بلاصتهوم.. أسمااء من طبعها تتموت على لكادويات والابغيتي ترضيها جيب ليهاا غار لحوااايج والصيكااان وداكشي لي غاااالي.. دارت ليه لكارط سيم ومشاات تتقلب على نمرتو تالقاتها وصونات عليه وبعد مدة سمعات صوتو لي نطق بهدوء:الحجلة ديالي

أسماء:(تتعوج فشعرهاا وبصوت مدلع نطقات) دووومي شكراا على لكااادو

آدم:(عض على شفتووو) هاد شكراا مدايزاااش الحجلة نتي عرفاااني كنبغي التطبيقي أما الشفااوي طالع ليا فك*ي

أسماء:(بتسمااات بخبث) غداا ونشكرك على طريقتي

آدم:شتي الحجلة ديالي شحااال كتكوني زوينة ملي كتسمعي لهضرة

أسمااء:(بخبث)وشتي نتاا شحال كتكون كيوووت فااش كتجيب لياا لي بغيت

آدم:(ضحك تاتهز صدرو ونطق بمكر) لي حليتي عليها فمك غاتكون بين يديك الحجلة نتي غااار شدي معاايا الطريق وكون كتسمعي الهضرة..

أسمااء:اممم

آدم:غداا غاندوز عليك نفطروو مع بعض واخا

أسماء:(تفكرات هضرة دوليد لي قال ونطقات بهدوء) ديجا ليوم تعطلت والاعاود تعطلت غداا غايوقع ليا مشكيل

آدم:راكي معايااا الحجلة خوي دماااغك وغداا نلقاك واجدة لياااا

أسماء:اممم اوا يكون خير (شافت فضفارهاا وببرود نطقات) نخليك داباا تالغداا بونوي

قطعات عليه ورجعات شافت فتلفونها وهي تضحك وعاجبهاا لحااال...

----

مكانتش تتحرك بحال شي وحدة ميتة وروحها طلعااات لي خالقهاا.. حالتها كانت تتخلع ودمايات لي كااانو فكسوتهاا فشلوووه وخلاوه غار جااالس مصدوم ومعاارف روحو شنو يدير.. تبلونطا عقلوو ويدييه بداو تيترعدو عليه.. صوت التلفووون تيسمع ليه من بعيد ولكن ماااشي تلفونوو هوو.. هز راااسو وتبع مصدر الصوت تالقاا بلي تلفونها لي كيصوني مشى جهة صاااكهاا وخدا تلفون ولقاه "إسلام" جمد الدم فعروقو ورجع شوفتو ليهاا وبقاا ساكت تاتقطع صوت التلفون وشوية رجع كيصوني مرة خرا.. صوتو درونجاااه وتلفووو مبقاا عارف مايدير.. رجع عندها ثاني وقاس حناكهاا ونطق بصوت هادئ: ميس باربي ديالي فيقي..

مكتحركش معااارفش واااش ماااتت ولاغير مغيبة عقلو حبس والخوووف طغى عليه فهاد اللحظة.. ناض من حداهاا وبقاا غادي جاااي شاد على راااسو وعينيه خاااارجين.. ريقووو نشف وگاع ديك العصيية لي كان تيحس بيها رجعات عليه بالبرودة فااااش عرف راسوو شنووو دار.. رجع شاف فيهاا وفدااك الدم لي كان عارف ملين جاااي.. ياك هادشي لي كان باغي؟! كان حاط فبااالو يخليها طيح لولد وفاااش شااافها مبغاااتش وقصحات راسهاا دار حنة يديه وطيحوو ليها براااسو وها لولد تهنى منوو ولكن حالتهااا خلعاااتو.. حيت هوو كان باغي غار يطيح لولد ماشي باغي يأديهاا.. رجع ثاني كيحاول يفيقهاا وفاش شافهاا متجاوبتش معاه حط يديه على عنقهااا ولكن بزربة رجع يديه وهو حال عينيه على جهدهوووم..ناض بحااال الاعضاااتو شي لفعة ومشى كيجري جهة طوموبيلتووو وركب فيهاا ورجع ماغش أغيغ غااادي ومخليهاا طااايحة فديك الحاااالة بدون حراااك والتلفون حداااها كيصوني بسمية "إسلام" ....

الإنسان فاش كيغلط كيحاول ماأمكن يصحح الغلط ديالو.. ولكن كاين نوع من النااس لي بالرغم من أنه عارف راسو غالط الاأنه كيستمر فداك الغلط بكل دم بارد... عدنان نهار لي قرر يخلي ميس ويمشي حط فبالو بلي هاديك هي النهاية وهي واخا تعياا تقلب عليه غايجي نهار غاتمل وتحبس.. نسى موضوعها وكمل على حياتو عادي تال نهار شاف فيه وفاء بالصدفة وتماا تزعط فيها وعجبااتو بزينها وهدوءها ورزانتهاا.. وفاش زاد تقرب منهاا كثر زاااد بغاهاا خصوصا أنها إنسانة هادئة وعايشة حياتها بهدوووء تام وماشي من نوع لي فيه المشاكيل.. الاوقع شي مشكيل بناتهوم بزوج كيجلسو ويحلوه بهدوء.. علاقتو معاهاا كانت عكس علاقتو مع ميس فاش كان مصاحب معاهاا.. ولكن كلشي تبدل نهاار شااف ميس مرة خراا فسبوع ولد عموو.. كان داير احتمال أنها غاتكمل حياتها وأكيد غاتزوج ولكن لي مدارش فبالو هي أن السيدة باقا كتبغيه.. اعترافها داك النهار وهضرتها بينات ليه بلي هي عمرهاا نساااتو.. رفضهاا ولكن إصرارها خلااه يجرب ويقول مع راااسو علاااش مانزهااش مع مخي.. نسى بلي راه هو راجل مزوج وبلي تاهي مراا مزوج.. الشيطان زين ليهوم العلاقة المحرمة لي جمعاتهووم وخلات كل واحد يطفي عقلو وضميروو... ولكن لي مكانش عدنان داير ليه لحساب هو أن الامور غاتقلب ضدو وغايحس بشي حاجة من جهة ميس لي گاعماا حس بيهاا فاش كانو مصاحبين... حاجة خلاتوو بلامايشعر يهتم بيها ويغير عليها من راجلهاا.. ولي زاااد فضح مشاعروو هو نهار عرفها حاملة تمااا مقدرش مزااال يستحمل وفكرة وحدة فبالو يطيح ليها لبيبي ولي بغا يوقع يوقع.. مباغيهاااش تحمل من راجلهاا ولاتربطهاا بيه شي حاجة.. يمكن الامشى دابا عند شي حد وعاود ليه هادشي كولو غايستغرب حيت هادشي مكيتقبلوووش لعقل.. ولكن عند عدنااان تقبلو عقلوو وتاقلبوو وعتارف بلي كيبغي وفااء وباغي تاميس... كيفااش؟ وقتاش؟ وعلاش؟ معرفش حيت لي عارف داباا هو باغيهوم بزوووج وماباغي تاوحدة تخليه... تسمع واحد لفران الصيك فااش حبس الطوموبيل على غفلة فوسط الشاارع... كيحرك راسو بهسترية ودغياا قلب الطريق راجع لعندهاا.. يمكن خاااف ولكن مايمكنش يخليها فديك الحالة ويمشي.. ميمكنش يسمح فيهاا ويخليها فداك لخلاا وهي بحال لميتة... وصل لبلاصة فين كااانت والدنيا بدات كظلااام نزل وعينيه عليها باقا فبلاصتهااا أو زوج كلاب ضايرين بيهااا كينبحووو فاش شمو ريحة الدم.. هز عدنان حجرة وجرى عليهوم عاد قرب جهتهاا وهزهاا بين يديه غادي بيهااا لطوموبيل.. حطهاا تما ورجع هز ليها مسائلهااا وركب غادي طااااير بيها لأقرب كلينيك... مابقاااش تسوق لتااشي حاجة حيت الحاجة لوحيدة لي كانت تضور فبالو هي يعتقهاا.. كان مرة مرة يشوف فالمرايا ديال الطوموبيل ويتفقد حالها ساعة لااستجابة.. رجع سايگ ونطق بصوت هامس: مغايوقع ليك وااالو غاار صبري اباربي ديااالي

رجع تلفونها كيصوني وهاد المرة قرر يجاوبو.. هز تلفون ومع دوز لخط سمع صوت إسلااام لي كان باين فيه معصب وفنفس لوقت خاايف:فينك ااااميس فينك

عدنان:إسلام هادا أنا عدنان

إسلاام:(كمش عينيه وبصوت صاارم نطق) اش كايدير تلفون مرتي عندك همم

عدنان:(حاول ماأمكن يكونطرولي راسو) مرتك لقيتيهاا فطريق **** مغيبة وكتنزف وأناا دابا غادي بيهاا لكلينيك ***

إسلام:(قفز من بلاصتوو ونطق بخوف) شواااقع ليهاا

عدنان: ماعرفتش مهم نتلاقاااو تما ونعاود ليك كلشي

قطع عليه ورجع شاف فيهااا ويديه كااانت تترعد عليه.. مسافة ديال الطريق وكانت الطوموبيل واقفة قدام لكلينيك تزامناا مع القدوم داإسلام لي نزل كيجري وجهوو صفر والخلعة باينة فيه.. متسناااش عدنان يهضر حل عليها لباب وغير شاف منظرها جمد فبلاصتوو وعينوو تعلقااات على جسدهاا ودمياتهاا لي نزلو من تحتهاا وبحال الاصرفقتيه.. غوت بكل جهدوو وهو هازهاا بين يديه داخل بيها:عتقوووووووني مررتي غااااتموت

حطها فالبياااص لي جابو ليه وداوها كيجريو باش يسعفووها وهو حط يديه على شعرووو كيمسح بيه وفغفلة دااار جهة عدناااان شنق عليه ونطق بصرااخ ونواضرو لعروق تيضربو فيهوم: شوقع لمرتي اولد لق*بة..

يتبع...