محتوى القصة
شحال وهي تتبكي فصدر مها لي خلاتها على خاطر خاطرهاا ماسكتاتها ماطلبات منها تحكي ليها اش جرى لهاا... وتارحيل لقات لوجيبة فين تفش مهازة فخاطرهااا وفقلبهاا... متكية على مهاا ولعيون منفوخين وقراب يتسدو بسباب الدموع لي تتبكيهوم... ملي هدات شوية ومبقاتش تتبكي قررات تفتح معاها تانيرت لموضوع...
تانيرت:(بقلب أم ملهوف) مالكي ابنتي شنو لي خانقك؟
رحيل:(بحيرة وصوت مخنووق) ماعرفتش حاسة براسي باغا غير نغوووت ونبكي اماما
تانيرت:(تنهدات) غايكون غير لوحم هاداك ابنتي
رحيل:(زفرات النفس) هاد لحمل ماخصوش يكون فهاد لوقت ماعولتش عليه ومابغيتووش اماماا حاسة براسي غانحمااااق
تانيرت:(غادة معاها فلخط تتسول بحنية وهدوء) علاش تتگولي هاكا اماما واش كاين لي تايكره لولاد نعمة دسيدي ربي
رحيل:(حركات راسها وبعدات على حضن مهاا ونطقات بانفعال) تااااحد مغايفهمني نتي ونوووح كلكووم مباغينش تفهموني وتحسووو بيااا واش عارفة شنو معنياتهاا نحمل أو أنا يالاه واالدة زوووج وباقي ماقفلووو تاتلت شهوووور
تانيرت:اييه عارفة ولكن اش غاديري مكتاب عليك ابنتي
رحيل:(ببكاء) صعيبيب اماما صعيييب لهضرة ساهلة ولكن صعيب أنا لي عارفة تمااارة لي دوزت فلحمل ولوحم ولولادة وهاتربية ديالهوم تاااهومااا وتربية تاسيدرااا واش عندك سااااهل نزيد واحد خررر فهاااد لوقت (سرطات ريقها وحسات راسها تقجات) غانحرم ولادي من الرضااااعة الطبيعية وغانهملهوم
تانيرت:(تفهمااتها وبالخاطر قالت) مساهلش تكوني أم عارفة من نهار تايتخلق البيبي فكرشك ونتي تتحسي بلمسؤولية جهتووو خصك تردي لبااال لماكلتك ولخطواتك ولأي حاجة كاديريهاا على قبل لي فكرشك... تاتصبري على ردان وعلى الوجع على السخفة وعلى شحال من حاجة ولولادة تاهي ولكن غير تتهزيه بين يديك وتشوفي عويناتو كاتنسااي وجيعاتو ابنتي اااه مساهلش تربي وتكبري ولكن ابنتي راه راجلك معاااك ومعاونك علاش هاد لخوووف
رحيل:(بعيون مدمعة) حيت مواجدااااش اماما نعيش تاني هادشي مرة خرااا فهميني
تانيرت:وصافي ابنتي دابا يدير ربي تاويل دلخيييير
رجعات عنقاتها تانيرت تاطبطب عليها مخلياهاا تغفى وسط حظنهاا...
مبعد مدة نزلات تانيرت مخليااها ناعسة ولقات إدريس ونوح جالسين مجمعين جلسات جنبهوم وشاف فيها إدريس:أمدرا؟
تانيرت:خليتها ناعسة نفسيتها شوية مضررة وخصها الخاااطر تاوكان يدوزو هاد ليااام لولة دلوحم
إدريس:الصبر وصااف لمهم حناا غانتحركو داباا (شاف فتانيرت) ولد لحاج بغاك تبقاااي هاد ليامات مع رحيل تعاونيها شوية
تانيرت:ايييه مافيها باااس
نوح:(تبسم ليها) الله يكبر بيك الالة تاانيرت
إدريس:صافي غداا ونحطهاا فالصباح قبل ماتمشي لخدمة
نوح:إن شاء الله خليكوم مزال
إدريس:تانرجعو تاني مرة خرا وأصلا خصني ندووز على لگاراج ونشوف شي أمور تم
نوح:دار داركوم ماتحتاجووش عراضة
ودعهوم فلباب ورجع لداخل تيجمع داك الطبلة لي فيها الضيافة... شاف فالساعة كانت التمنية طلع لفوق يطل عليها لقاهاا ناعسة ولعياا باين عليهاا فوجهها...رجع أدراجوو وتسطح فالصالة بعياااء مغمض عينيه باسترخاء...
**
واقفة قدام المانكان لي ملبوسة فيها واحد العبااية فيها طريزة زوينة محلولة فالقهوي وتحتاني ديالهاا فلبااج... شدات توبهاا وبقات تتقيس فيه عاد ضارت تاتشوف فلكليانات لي داخلين خارجين شي يتقدى وشي غير تياخد فكرة... مشات جهة غزلان لي فلاكيس وتخشات بين الكليانات تادخلات وقالت ليها:غيزووو عيييت
غزلان:صبري اسيدرا قربناا نسدو ونرجعو لدار
سيدرا:(بملل) أووف بزاااف تت
حركات كتافها تتسوط ماعجبهاش لحاال صافي قنطات خصها تبدل لبلااصة... مشات تاضور تما وكل مرة تمشي عند غزلان وتجرها باش يمشيووو وهي تاتصدرهاا تابان ليها داخل من لباب وهي تمشي تاتجري عندو وقالت بالجهد:موووودي
حل ليها محمد طه يديه وهزهاا: روح مودي لباس
سيدرا:(بغبينة) عييت بغيت نمشي
محمد طه:جيت باش نديكووم (قرب جهة غزلان لي كانت عندها اخر كليانة وقال بهدوء) ساليتي؟
غزلان:(تبسمات برقة لكليانة) بالصحة والراحة (شافت فيه)ااه دابا غانسدوو
محمد طه:أنا نتسناك براا
غمزها وخرج هاز سيدرا أما هي مشات علمات لبنات يبداو فالسدان ومشات بدلات لفوقاني بشوميز بيضاا...وقادات شعرها وعاودات العكر عاد خرجات لقات أميمة تاهي تاتحسب لاكيس ماهضراتش معاها خرجات لبرا نيشان لقاتو فطوموبيل دريان...جات تحل لباب لوراني وهو يكلاكصوني عليها وأشار ليها لحداه وهي بدات تميق وتفرفر عينيها وجلسات حدااه عاجبها لحال ومباغااش تبين...
غزلان:غاتكون رحيل تاتسنى سيدرا خصنا نوصلوها ليها
محمد طه: تت مغانمشيوش عند رحيل دابا
غزلان:(باستغراب)وفين غانمشيو؟
محمد طه وسيدرا:(نطقو دقة وحدة بحماس) لافوااااار...
غزلان:لافوااار فهاد لوقت
محمد طه:مال لوقت أصلا الصيف هادي هي لوقيتة دلخروج
غزلان:اييه ورحيل
محمد طه:دويت مع ولد لحاج وعلمتوو(شاف فسيدرا من لمرايا وقال بضحك)واجدة اروح مودي
سيدرا:(بحماس) اااه
شد الطريق وغزلان غير ساكتة ومرة مرة تجاوبو لاهضر معاهاا واخا باقي منفخة عليه ومخليااه نيت يدير مافجهدو باش تشوف اخرتها... وصلو لافوار لي كان عاامر بالناس هالي جااي مع ولادو هالي جاي بوحدو هالي جااايب صاحبتو جايين يدوزو وقيتة ممتعة فمكان ممتع... دخلو فداك الزحاام ويد محمد طه شاد بيها سيدرا لاتفلت ليه وليد لخرا مدرع بيها غزلان لي بزز باش خلاتو سكتها غير "زحام غاضيعي علينا"
عيون سيدرا تيلمعو وهوما تيراقبو لبلاصة بحماااس وفرحة تاتشوف فدوك الألعاب وفلكرارس ديال البياعا هالگلاس هالگلية هالحمص هاغزل البنات... رجعات شافت فديك اللعبة لي كانت عبارة على قطاار فسكة كبيرة تاطلع لسمااا وتبقا ضوور بواحد الجهد وتايتسمع منها غير غوااات الناااس..
سيدرا:(بدات تتجر ليه فيديه وقالت بصوت عالي وهي تتشير لديك اللعبة)مووودي مووودي نلعبو هاديك
محمد:(شاف فيها وقال) تبغي تلعبيها
سيدرا:اه
غزلان:لا اويلي راه غادوخ
سيدرا:(نقزات بزربة) لامغاندوخش أناا
محمد طه:زيدوو نشدو بلاصة
وقفو تايتسناوها تحبس باش ينزلو لي راكبينها ويطلعو هوما وداكشي لي كاين خلصو وشدو بلاصة مع فيها تلاتة دلبلايض جنب بعض ودارو سيدرا هي لوسط وقادو ليهوم الحزام باش مايطيحوش... بقاو يتسناو تاعمر عاد بدات تحرك اللعبة بشوية فلول بالعرض البطيء ولكن شوية بشوية بدات تجهاااد وتسرع وهناا بدا كيتسمع صووت لغواات دالناس لي راكبين ومعاهوم تاااغزلان لي طلقاتها بغوتة وسدات عينيها فااش طلعااات لفوق وبدات ضور..
غزلان:(بصراخ) وااااامي اااااع
سيدرا:(بحماس طالقة يديهاا كاتكركر مخايفااش) وااااو
لعبة كانت تاضور بيهوم والشعورات طايرين فالسماا ولي دايرة زيف بقوة الريح تحل وشي ضااحك شي مخلووع... لعبات بيهوم تاادوخاتهوم عاد بدات تهدا كيف بدات تااوقفات وهناا غزلان حلات عينيها وصدرها تايطلع وينزل...عاونوهوم تانزلو وهي حاسة بالدوخة والردة ومحمد طه غادي وراهاا تايتكرشخ هو سيدرا
محمد طه:هادي هي غادووخ هههه قولي نتي لي غادوخي
غزلان:(ضارت شافت فيهوم) اش هاادشي باااز (وجهات كلامها لسيدرا) جالسة تفرنسش وضحكي ماتخلعتيش
سيدرا:(حركات راسها بطفولية) لا ماتخلعتش أنا عزيز علياا نطلع فالسماا
محمد طه:(غمزها)خايبة لمعاودة اتويشية ديالي
ميقاتو وزادت قدامو وهو تابعهاا وعين سيدرا فيما تحط على شي لعبة ضروري يلعبوها واخا بعض منهوم مبغاتهومش غزلان مي تحكم عليهاا وماعندها مادير...
خلاها واقفة جنب واحد لعبة تاتسناه يجيب غزل البناات لي بغات سيدرا ولي لصقات فيه بااش تمشي معاه وفديك الاثناء دازو واحد الزوج ولاحو لغزلان لهضرة "هاد الزين كولو واقف بوحدو حشومة" غمزها واحد وهي قلبات وجها بعصبية مجاوباتهومش وهوما بقاو يضور بيهاا باغين ملين يدوزو وماعيااوش من النگان كل مرة يلووح ليها شي واحد شي هضرة وهي تبدل لبلاصة وتمشات غادة عند محمد طه وسيدرا ولخرين تبعوهاا كان الزحاام وهي تتمشى وحسات بشي يد تحطات على ترمتهااا قاستهااا...خرجات عينيها وضارت على جهدهاا هازة صاكهاا وعطاتو لوجه لداك لي كان وراااه...
غزلان:(بلغوات) يالحمااار يالمكبوووت يالخااانز الله يعطيك لگطيعة لدوك ليدين الشمااتة
ناس ضارو بسباب غواتها وهجومها على هاداك لي مارضاااش ودفع يديها وقال:واش شوية لبااس راه گلنا ليك اختي مبغيناااش نمرتك واش بزز
قلبو عليها لگفة وهي خرجات عينيها وبدات تضرب فيه بالصااك وقالت:نتااا يالحمااار لي قستيني بلاكدوووب
تاضرب فيه وبقا فيها لحاال حيت تاحد ماتحرك يفك وكلشي تايشوف ويكمل طريقو وكاين لي واقف متفرج...راجع جايبين غزل لبنات وسيدرا تاتاكل فيه وهو هاز ديال غزلان تاسمع غواتها وبانت ليه تاضرب لاخر بالصاك وهو تايدفع فيها...لاح لي فيديها ومشى كيجري ليه دفعو تالاخر كان ايجي مزدوح غير صاحبو كالاه..
محمد طه:(بعيون غاضبة)ماالك اش دار ليك؟
غزلان:(حاسة بلحگرة) كنت تانتسنااك وجاو بداو يلوحو لكلام وأنا تحركت من تم جايا عندك وهاد لحمااار قااسني من لور
محمد طه:(ضار خنزر فيه وقال بعصبية) ليوم يدك تهرس لزااا*مل لي حطك
شنق عليه ولاخر تاهو شنق وصاحبو بدا يحامي ساعة مع من جاا غير سمع كلامها صعر وبدا يضرب فيهوم وتاهوما كيضربو محاميين والناس تتفرج... واخا كانو زوج ماهموهش وماخلعوهش بلعكس كانو سنانو خيزو عليهوم باغي يفرسهوم... تشادو والصداع ناض وغزلان شدات فسيدرا مخلوعة وندمات لاش هضرات وهي تتشوفو بوحدو وهوما زوج... ناضت الريگاطة تم ومحمد طه راد لبال واخا هاكا تايغفلوه وتاني بعد عليهوم ومشى غبر تاشوية تم راجع بواحد الحديدة هازهاا قاصد بيها محمد طه لي عاطيه بضهرو...
كانت مخلوعة عليه وهي عارفاه بوحدو وهوما محاميين تخلعات وخافت طرا ليه شي حاجة خصوصا معصب والسيد داير عملية على راسو والاعصاب مامزيانينش ليه... هزات راسها بالصدفة شافت داك خونا جااي بشوية هاز ديك لحديدة وهي تغوووت مخرجة عينيها:طه عندااااك
ضار بزربة فنفس لوقت لي لاخر هجم عليه بجهدو بديك لحديدة وفدقيقة التسعين تجنب ليها محمد طه تاتعكل وطاااح والدقة لي كانت اتجيه جاات فصاحب لاخر فلوجه خلاتو يطيح ومايعاودش يتحرك ودماياتو نازلين... الناس بداو يغوتو وكلشي مخرج عينوو ومحمد طه معاودش قرب بعد وجا جهة غزلان وقال بتخنزيرة:يالاه نمشيو
هز سيدرا وشد يديها وخلى داك لي طاايح وصاحبو كيشوف فيه مصدوم مكانش ناويهاا... خرجو لبراا وركب فالطوموبيل وغزلان باقا لخلعة شادة فيها كون مشافتوووش كون الدقة غاتجي فيه وشوف فين غايوصلوو...ركبو فالسكات تاحد معاود هضر وتاسيدرا تكونات بلاصتها مخلوعة... وصل لدار فين كان نوح كيتسناه...دق وغير حل ليه تبسم بزز وقال:ولد لحاج لباااس
نوح:الحمدلله دخل
محمد طه:الله يحفظك غير جيت نحط سيدرا
شدات فيد نوح لي تسالم مع محمد طه عاد رجع ركب وتغوبيشة معقودة بين حجبانو فيما يتفكر اش گالت ليه تايحس براسو معصب ومكرهش يمشي يكمل على دوك الشمااايت... وصلو لدار فالسكاات وحبس الطوموبيل جنب الدار ونزلو وهي غير تاتشوف فيه وتنهد... لقاوهوم كيتسناوهوم لعشاا وحاولو مايبينووش بلي كاينة شي حاجة...طلع يبدل عليه وطلعات تاهي تبدل...كانت واقفة قدام باب بيتو مترددة وفالاخير دقات وسمعات صوتو عاد دخلات لقاتو لابس سروال توني ويالاه ناوي يلبس تيشورت... شاف فيها بهدوء بينما هي ضورات عينيها فلبيت بخجل وقالت بهدوء:شكراا وسمحلياا
محمد طه:علياش تاتشكريني وتاطلبي السماحة
غزلان:شكرا حيت دافعتي عليا وسمحليا حيت بسبابي دابزتي مع دوك زوج
محمد طه:(بانزعاج) مكاين لاش طلبي السماحة وتشكريني حيت هادشي لي درت خصو يدار وونتي اغزلان تتهميني بزاف ومانرضى بتاواحد يحل فموو عليك ويقلل هضرتو عليك دوك زو*امل راه عندهوم زهر
تبسمات ليه غزلان وقربات جهتو تاوقفات قبالتو وبلاتردد عنقاااتو ونطقات بصوت بااكي:خفت عليك بزااااف
****
دخلو لداخل وسيدرا بدات تعاود ليه اش طرى وهو كيسمع ليها بتركيزز...
سيدرا:تخلعت بزااف بابانو
نوح:(هزها وحطها فوق البوطاجي وباسها جبهتها) ماتخافيش اتاتبيرت إينو
سيدرا:فين مامي؟
نوح:ماماك مريضة شووية خليهاا ناعسة فبيتها (غمزها) مادرونجيهاش واخاا
حركات راسها باه ونزلها تمشي تبدل حوايجها وترجع باش تعشى... سبق رحيل وغرف ليها طبسيل ديال الروز بسماتي مع دجااج بحال لكبسة هو لي طيبهاا وقلل فيها لبهارات باش مايضروهااش... كان طبسيل متول تايشهي حطو تاني فلبلاطو مع عصير ولماا...دا ليها لماكلة ولقاها هاد لمرة فايقة تاتشوف جهة الشرجم وساكتة...حط ليها البلاطو وقال بهدوء:اجي تعشااي
تنهدات ومانطقاتش من غير أنها كحزات باش تاكل وهو لاحظ هادشي...جلس جنبهاا ورجع شعرها وقال بحنية:مشهية شي حاجة الفتنة ديالي
رحيل:لا
نوح:(باسها فحنكها وقال بهدوء) أنا معاك ديري هادشي فباالك
شافت فيه مدة قبل ماترجع تتاكل وهو تايقاد شعرها... غير تعشات وناض جاب مشطة وجاا وراهاا بدا تيمشط ليها بشوية وبحنيية وهي غير ساكتة...جمع ليها شعرها شفنجة باش يتهوى عنقها...
نوح:(باسها فعنقها وقال بحنية) نعسي باش ترتاحي غدا غانمشيو لطبيبة
حركات راسها باه وتخشات بلاصتها وهو غطاها وخرج لعند توينز وسيدرا أما زين ليوم غبر وعرف السبب... تعشاوو بزوج ومشى مع سيدرا تاتخشات بلاصتها وتأكد راه نعسات عاد رجع عطى لبيبغون لتوينز ونعسهوم قبل مايطلعوهوم لفوق...
حلات عينيها فوسط الظلام ويديه حاسة بيها على كرشها معنقها وضهرها ملاصق مع صدرو... تسللات بين يديه بلاحس ولبسات بانطوفتها وتمشات جهة الحمام حلات لباب ودخلات...توجهات نيشان جهة السلة لي فيها الشيتات وهزات الدونتيفريست وجلسات فوق لاشاس حلاتو وبدات تاتكب شوية فصبعها وتاكلو...
ضرباتو لفيقة ومع حس بيها مكايناش نااض من بلاصتو يقلب عليها... ضو دلحمام لي باين من تحت لباب خلاه يتوجه عندها ويشوف ياكما بيها شي حاجة... مع حل لباب مع قفزات السيدة ورجعات يديها ورى ضهرها خلاتو يشوف فيها بشك وعينيه عليها وبهدوء قال:اش كاديري؟؟
رحيل:(بتلبك) تانبول
نوح:(هز حاحبو) تاتبولي ونتي مامزولاش سروالك؟؟
سكتات رحيل تاضور عينيها ونوح قرب جهتها وقال بجدية:اش مخبية وري ضهرك؟؟
رحيل:(حركات راسها) والو
نوح:رحييل
رحيل:مامخبية والو
نضراتها وداك تلبك لي باين عليها خلاه يشك قرب جهتها بلامايهضر وهو يدير يديه وزول ليها داك دونتيفريست لي مخبية شاف فيه باستغراب ورجع شاف فيها هي لي بدات تاتلعق داك شوية لي بقا جنب فمها وتمسحو...
نوح:(كمش حجبانو وقال بعدم تصديق) واش كنتي تتاكلي السينيااال ؟؟
ملي دخل عليها وشاف داك الارتبااك لي على وجهها وحركتها الواضحة فااش خبات شي حاجة وراهاا جاه الشك ومغاينكرش بلي خاف لادير شي زبلة وتصدق مطيحة داكشي لي فكرشهاا وخصوصا أنها سبق وقالتهاا... ولكن فاش لقاها مخبية سينيال جااه لعجب وحركتها لي دارت فاش لعقات جنب فمهاا أوطوماتيكمو خلاتو يطرح عليها داك السؤال لي هي بدات تهرب منو... كاضور عينيها بتلبك على لحمام لمهم ماتحطش عليه لعين وهو حاضيهاا وهاز حاجبووو...وقالت بصوت باين فيه الانزعااج..
رحيل:غير دقت شوية وصاف
نوح:(هاز حواجبو بزوج وصوتو فيه نوع من السخرية) دقتيه ولاسرطتيه كااامل (مسح على لحيتو) وأنا تانگول فين مشى الدونتيفريست لي حطيت هادي ربعيام باقي جديد دغيا طاار
رحيل:(ناضت شافت فيه وعوجات فمها) لواااه لوااه راه تانغسل بيه سناني
نوح:وتتاكليه
رحيل:(خرجات من لحمام) دقتو وصاااف ندمتيني عليها
نوح:(تبعها لقاهاا هازة قرعة دلماا شرباتها وقال بمزاح) داباا تعمري ولدي بلكشكوشة دالسينياال الفتنة
خنزرات فيه رحيل ماعجبهااش لحال حيت حصلها...جلسات بلاصتها وهي تتسوط قبل گاع مادير تيست كانت فيما تتغسل سنانها تاتبقا تمدق داك لمداق ديال دونتيفريست وتتبقاا تاكلوو بلاماتحس ولاتعرف... جلس جنبها نوح وهي قلبات وجهها عليه...
نوح:(درعها وقاال بتبسيمة) تقلقتي الفتنة؟
رحيل:(كحزات كتافها باش يطلقها ساعة غير مزاد زير عليها وقالت بزعل) بعد مني ونتا تاضحك عليااا
نوح:حاشاا (جر نيفها وقال) لاش فاش سولتك تتنكري اش فيها لاگلتي ااه كليتو
رحيل:(ميقاتو)وصااافي انووح واااه
نوح:(تايقيس حنكها بحنية وقال) جااك لوحم عليه؟؟
رحيل:(حركات كتافها) ماعرفتش كايعجبني مداقو فاش كانغسل بيه سناني بنين بزاااف (شافت فيه هازة حاحبها ومخرجة عينيها) وغير تاندوقووو وصااف
نوح:(حرك ليها براسو بمعنى تيقتك ونطق بهدوء)يالاه نعسو مشى لحال
تخشى كل واحد فيهوم بلاصتو ورحيل مع غمضات لعين نعسات عكسو هو لي بقاا مدة تيخمم عاد نعس...
***
واقفة بجلابتها لمخزانية لمبردة قدام لبنات تتوصي فيهوم وتعاود حيت غاتغيب على دار هاد لمدة وغاتمشي تگابل بنتهاا...
تانيرت:(شافت فأسماء) بقااي توجدي لبااك شي شهيوات وطواجن وسيفطيهوم ليه لگاراج حيت مغايقدرش يجي يتغدا هاد ليامات على قبل لخدمة عندو مزيرة واخا
أسماء:واخا سلمي على رحيل كنت باغا نعيط ليها ونبارك ليها لحمالة مي على داكشي لي قلتي لياا من الأحسن تال من بعد
تانيرت:غير خليها على الله وصافي نفسيتهاا مهلووكة هاد ليامات ظل تبكي
أسماء:وراه قاسحة اماما تانيرت والله تاصعيب تحملي أو ولادك باقي تايرضعوو دابا غاتحبس ليهوم الرضاعة مسااكن بقاو فياا تت الحليب دالأم فيه فوائد بزاف
غزلان:ماعندها مادير مكتبو ليها الله
تانيرت:ربي لاعطاك شي حاجة حمدي الله وشكريه أنا عارفة رحيل غير دابا النفسية مدمرة وزيدي لوحم ولهرمونات لي تايتخربقو هوما لي مخلينهاا هاكا عقلتو لحمالة دتوينز اش دوزات فيها على ولد لحاج فيما تشوفو وتسمع سيرتو تبغي طج وگالت ليك گاع باغا نطلق منو
أسماء:وتلاقاات معاه راجل صبر أما كاين نوع لي والله لاصبر وغايطلق يجيب المرا الجديدة مالو هو مسالي
غزلان:دابا شحال اتبقاي اخالتي تم؟؟
تانيرت:والله ماعرفت مي غالبا غير يجيب ولد لحاج شي وحدة تعاونها غانجي ومرة مرة نبقا نطل عليها ونعاونها مهم تهلاو فراسكوم تاتجيو عندها بسلامة
ودعوها لبنات وهي ركبات مع ريان هو لي وصلها حيت إدريس مشى بكري لخدمة...وتاريان كان مزروب غير وصلها لباب ومشى وعلمها بلي ملي يسالي يجي يطل على رحيل ونيت يبارك ليها
دقات لباب وسمعات صوت سيدرا لي تاتهضر بالجهد وهي جااياا باش تحل...مع حلات لباب مع عينيها تحلو وقااالت بفرحة:تاااانيرت إينوو
عنقاتها من رجليها وتانيرت بدات تمسح على راسها وقالت بضحك:هاني اضرة جيت تبعتك هههه
دخلات معاها لصالة فين كان لفطور محطوط تيشهي طاجين دلبيض بلخليع وأملو لعسل لحر وزبدة بلدية ولبيض تاهو مصلوق بالنسبة لي مباغيش لبيض بلخليع وبتيبان ولشوصون معمرين بالمالح وطبسيل فيه لفرمااج مقطع مع لداند فومي وزيتون كحل...
تانيرت:فين ماماك؟
سيدرا:(ببرائة) لفوق مسكينة مامي مريضة
تانيرت:(بخوف) مالها؟
سيدرا:بابانو قال ليا لبارح مريضة وناعسة توحشتها گاعما شتهاا
زفرات تانيرت براحة فاش سمعات هضرتها يحساب ليها تزاد عليها لحال فلول...جلسات فالصالة وعاد قشعات زين العابدين لي كان جالس فلقنت ساكت...
تانيرت:ولدي زين لابااس عليك؟؟
حرك ليها راسو باه بلامايجاوب وتاهي معاودش سولاتو وجلسات تاتهضر مع سيدرا تابان ليها نوح داخل وهااز إسماعيل لابس حوايج دلخروج وموراه رحيل لي تاهي لابسة كسيوة وصندالة ولايحة الشال فوق كتافهاا وباين فوجهها لعياا هازة إسحاق لي تايخشي وجهو فصدرهاا باغي يرضع....
سيدرا غير شافت مها وناضت تاتجري عندها باغا تعنقها توحشاتها...جلسات رحيل هازة إسحاق لي باقي تايتجبد باغي يرضع مسكين وسيدرا تتعنقها من جيه...
سيدرا:مامي واش نتي مريضة بزاف
رحيل:(بتعب) شوية امامي ماتخافيش (تاتمد لهاية لإسحاق ويلوحها باغي يرضع وبدا يبكي) سيدرا سيري جيبي لحليب ولماا ولبيبغون نصاوب رضاعة لخوتك
مشات سيدرا تتجري وتانيرت هزات إسماعيل لي بدا تاهو كيهرنن باغي يتبع خوه ويبكي... جابت سيدرا لمسائل وبدات رحيل تصاوب ليهوم لحليب وعطاتهوم ياكلو وفنفس لوقت جلسو تايفطرو من غيرها وزين لي أصلا مكيفطرش تاوصل لوقت وناضو بزوج مخلين تونيز وسيدرا لتانيرت وخرجو وبعدها بشوية خرج تازين العابدين...
نعسات تانيرت التوينز وحطاتهوم فالرولاكس وناضت تجمع الروينة ونيت تصاوب لغدا وسيدرا تااضور بجنابها وتعاونها شوية...
***
وصلو قدام لاكابيني ديال الطبيبة لي ديجا متبعة معاهاا رحيل ولي كانو ديجا شاديين عندها رونديڤو...دخلو بزوج ومع شاف نوح لاصاال عامرة غير بلعيااالات وهو يخرج لبرا يتسنى تاتتوصل نوبتها ويدخل معاهاا... مدة طويلة تاجات نوبتهاا وهي تعيط ليه ودخلو بزوج عند طبيبة لي رحبات بيهوم بتبسيمة عملية وجلسو بزوج قدامهاا..
نوح:(مد ليها تيست ونطق بهدوء) مرتي دارت تيست هادي يوماين وعطاها هاد لغيزولتا
طبيبة:تيست خرج بوزيتيف يعني كااين حمل وفلبداية حيت لخط مواضحش بزاف مي هادشي مكيعنيش راه يمكن يكون تيست صحيح حيت بعض لمراات مكايصدقش عليها غاندوز ليها تلفازة ونتأكدو
مشاو لبلاصة لي فيها تلفازة وتسطحات رحيل على داك لبياص لي ياما تسطحات عليه فاش كانت تتجي تكونطرولي على توينز... عينيهوم بزوج على ديك تلفازة تايشوفو ديك الصورة المتموجة والطبيبة مركزة فيهاا وأشارت لواحد النقيطة ونطقات بتبسيمة:كاااين لحمل هاهوو باقي صغير حيت يالاه عندو شهر
نوح:(عينو على تلفازة وقال بهدوء) ماعندها تاشي مشكيل؟
طبيبة:لا كلشي هنا مزيااان (شافت فرحيل بتبسيمة) مي غايخصنا نديرو تاني شي تحاليل باش نطمنو على لامامون لي كاتباان لياا عيااانة شوية
رحيل:(بعيااء) كانرد بزااف تاكانحس بمعدتي كاضرني
طبيبة:شي طبيعي نتي فلبداية دلحمل وهاد لعوارض حاجة طبيعية على حسب كل حمالة وكيفاش تتكون..
رجعو لبيرو وجلسو وطبيبة كملات هضرتها بتبسيمة:لبيبي باقي ماتبتش وخصك الراحة ارحيل فهاد الأيام و الأعصاب ممنوع وخصك تاتغدية الصحية تتباني لياا صفرا جوبونص عندك فقر الدم غانعطيك ديري هاد تحاليل بااش نتأكدو ونعطيك ڤيتامينات تعاوني بيهوم والرضاعة دتوينز غاتحيديها ليهوم راكي غاتكوني عارفة هادشي
رحيل:(بانزعاج)سي
طبيبة: ملي ديري تحاليل ويخرجو ليك جيبيهوم لياا وبالنسبة لماكلة راه عارفة الخضر والفواكه لي خصك تاكلي والماكلة ديالك كيفاش تكون وعطي الراحة لرااسك ومبرووك عليكوم
شكروها وخرجو خلصو ومع ركبو شاف فيها نوح وقال بهدوء:سمعتي الطبيبة اش گالت خصك الراحة
رحيل:(نطقات ببرود بلاماتشوف فيه)اشمن راحة تتهضر عليهاا وتوينز من جيه وسيدرا من جيه والحمالة من جيه
نوح:(نطق وهو كيدماري طوموبيل) مك غاتعاونك وأنا غانجيب ليك لي يعاونك فيهوم نتي غير ديها فصحتك (شاف فيها وقال بصرامة) وبلامايزغبك راسك وديري شي بلان ماهوااش ارحييل
سكتات وهي تتنهد فاش فهماات اش گال وشنو قصد...ديك لهضرة مكانتش من لقلب ومستحيل ديرها وطيح لبيبي ولكن هادشي مكيعنيش بلي هي متقبلة هاد لحمل وباغاه... سبقو لفرماسيان خدا ليها داكشي لي خرجات ليها طبيبة عاد مشاو يديرو تحاليل ماحداها مواكلاش حيت مابغاتش تفطر ومعدتها مروعة وعلى صبااح ردات...ولكن غير دارت التحاليل داها تفطر وبزز عليها تاكل على قبل صحتها وصحة البيبي رجعها لدار وغير نزلات وشافها دخلات قلب الطريق ومشى لخدمتوو...
داخلة تاتزول لفولار لي صهدها وتجر فرجليها بديك الصندالة وعينيها تايقلبو على مهاا...بانو ليها غير توينز فالصالة ناعسين...خرجات تشوف فين مها لقاتها فلكوزينة موجدة طاجين سوسي دلخضرة ريحتو تاتشهي ولكن رحيل ريحتو گلبات ليها لمصران وخلاتها تشد نيفهاا وقالت بخفوت:ماما
تانيرت:امدرا ابنتي اش گالت ليكوم طبيبة؟
رحيل:(جالسة وسادة نيفها وقالت بتعب)يالاه عندي شهر درت شي تحاليل وملي يخرجو نديهوم ليها وعطاتني تاني خنشة ديال دوااا
تانيرت:اوا الصبر وصاااف ابنتي كلشي غايفوت وملي تهزيه فيديك تنسااي كلشي (تبسمات) هانتي تتحققي لباك أمنيتو وتتعمري عليه الدار بلحفاايد
قالتها وهي تتلمس كرش رحيل ومع ديك لهضرة دخلات سيدرا لي قالت ببرائة:مامي واش كاضرك كريشة؟؟
تانيرت:(تبسمات وجراتها) لا ابنتي ولكن مك عندها تاني مومو فكريشة؟
سيدرا:(خرجات عينيها ببرائة وقالت) وعلاااش امامي بقا فكريشتك وماجاش مع إيسوو وسوسّة واش مخاصم معاهوم؟؟
ضحكات تانيرت بالجهد من سؤال سيدرا لي كاان قمة البرائة ورحيل حركات راسها وسكتات... ماعرفات باش تجااوب وهي أصلا تتهضم الخبر...
تانيرت:(شدات سيدرا وقالت بلخاطر) لا ابنتي ماماك عندها مومو اخر مكانش مع خوتك
سيدرا:(بدات ضور عينيها وقالت) ميمااااتو تاني ؟؟
تانيرت:(بضحك)ههه اه ميماتو تاني ههه سيدرا فرحانة
سيدرا:(حركات راسها بحماس) ااااه تانيرت إينو (شافت فرحيل وقالت وهي معنقاها) مامي أنا غانسميه ياكاا (بدات تتسبل عويناتها )
رحيل:إن شاء الله
مشات سيدرا فرحاانة وشكون بحالها غاتولد ليها تاني مها بيبي صغير بحال توينز لي تاتموت عليهوم... مبقاتش تاتغير حيت من نهار تزادو توينز ومكاين تافرق فلمعاملة كيفما كانت باقاا لداباا وتانوح غير مزايد مفششها وعاطيها لخاطر واخا وقت لجد راه جد ومكاينش لمزااح مي عاطيها واحد لخاااطر مكاينش بحالو وتاهي عاجبها لحاال وبزاف...
رحيل:ماما راه بيت ضياف واجد لابغيتي تحطي فيه حوايجك وحداه حمام
تانيرت:واخا ابنتي سيري ترتاحي شوية بيما يطيب الغدا ويجي ولد لحاج ونتغداو
رحيل:تت (باقا سادة نيفها) روعني مقاداااش ناكلو
تانيرت:شنو بغيتي نطيب ليك؟؟
رحيل:تاحاجة اماما
تانيرت:(بجدية) مكاينش تاحاجة ضروري ماخصك تاكلي وتشربي دواا راه نتي دابا مسؤولة على روح ارحيل گولي لياا اش بغيتي ونطيبو ليك
رحيل:(تنهدات) ديري لياا شي شلاظة دالروز وتكووون باردة وصاف
تانيرت:واخا هي لولة طلعي بدلي عليك ابنتي ورتاحي
حركات ليها راسها وطلعات لفوق نيشان لحمام زولات حوايجها كاملين وتخشات تحت الرشاشة تادوش وريحة شومبوان لي هزات تايجيها خانز من غير دنوح لي عجبها ودوشات بيه لاهو لالباندوش وداك طاشمة دلبرودويات لي عندها دارت بناقص منهوم...خرجات نشفات راسها ويادوب دهنات جسمها بكريم فيه ريحة لڤاني نيفها رتاح ليها ودارت ديدوغون وسيروم لشعر وشافت حالتها فلمراياا...صفراا وعينيها داخلين غير فهاد ليوماين بان لفرق... مكاتحملش تشوف راسها فهاد الحالة تاتزيد تأزم وتمرض نفسيتها وبلاوالو نفسيتها مريضة...دارت عكيكر غوز او دارت واحد لكريم إيدغاتون لوجهها وكحلات لعوينات وبان لفرق وااضح ماشي بحال لول...لبسات بيجامة قصيرة واسعة وخشات رجليها فبانطوفة وهبطات لتحت...لقات ولادها فايقين وسيدرا تاتحنقز وتلعب بشعرها وتلوي قزيبتهاا قدامهوم تاتغني ليهوم وهوما متبعين ليها لعين وتيتبسمووو...
رحيل:(هزات إسماعيل باستو وبدات تشوف فيه بحزن) لحبيب ديالي
تبسم ليها وبانت غمازتو وجلسات هازاه وإسحاق غير شافها وهو يطلق حلوقو تايبكي باغي تهزو... حطات إسماعيل وهزاتو وهو يبدا لاخر تيبكي تاهو... ساطت النفس ماعرفات مادير ليهوم وفلخر حطاتهوم فالأرض فين مفرشة ليهوم وجلسات حداهوم ماهزات تاواحد باش مايبكيش التاني...
تربية ككل مساهلاش ودراري الصغار كيبغيو وقتك كولو ليهوم فمابالك لاكانو زوج يعني كلشي كيكون دوبل... لابكاا واحد تاني راه تايبكي أوطوماتيكمو ولاهزيتي واحد لاخر تايبغي تاهو تهزيه تربية التوأم كاتبغي مجهود كبير ويد لمساعدة حيت الأم بوحدهاا كيكون قاصح عليهاا وهادشي لي خلى رحيل ترفض الحمل وماتقبلوووش حيت عارفة لمجهود لي غادير وزيد الرضاعة لي مباغاش تحيدها ليهوم وبلامانهضرو على الوحم والعداب لي غاتعيشو تاااني... جات تانيرت سولاتها واش غايجي نوح يتغدى هو وزين وعيطات ليه علمها بلي مغايجيشط يتغدا حيت عندو لخدمة كتيرة... تحط لغدا وطاحين ريحتو تشهي ولمنظر تاهو وكيفاش ديك لخضرة مستفة... كلاو وتانيرت بوجدها لي كلات داك طاجين سيدرا يادوب نقبات شوية وكلات شوية دشلاظة مع مها ورحيل تتاكل فديك الشلاظة غير بزز واخا فلول تشهاتها مي دابا تگلبات معدتهاا ومبقاتش بغاتهاا...
تانيرت:رحيل أنا غانمشي ندوش ابنتي ريحة الطياب لاصقة فياا ياكما محتاجة شي حاجة؟
رحيل:لا غير سيري وبالصحة مسبقا
تانيرت:مهم مغانتعطلش
مشات تانيرت لديك لبيت لي غاتجلس فيها وجبدات حوايجها وبرودوياتها ودخلات دوش ومع خرجات صونى ليها تلفونها لقات إدريس وجلسات شادة معاه الحديت...
كانت متفرجة وساهية فحالتها وفلوضع لي هي فيه تاسمعات إسماعيل تايبكي ومع مشات تهزو بدا يبكي تاااإسحاق واخا يالاه رضعو بدات تادير ليهوم لهاية وهوما والو غير تيبكيو ويلوحوها... دخلات سيدرا مكمشة حجبانها وشافت فيهوم وقالت:مالهوم مامي
رحيل:(بحيرة)ماعرفتش
سيدرا:(نطقات بخفوت)مامي فياا جويعاات بغيت ناكل ليباط
رحيل:من بعد اسيدرا
تاتحاول تسكت التوينز وسيدرا فوق راسها تاتجر ليها بيجامتهاا وطبخات ليها راسها ب"مامي فيا جويعات" وزيد لبكاا دالتوينز لي ماعرفاتش سبابو حسات براسها غاينفااجر ومااحسات براسها تاغوتاااات بحر جهدهاا وعينيها خارجين بلعصبية...
تيقولو بلي الضغط تيولد الانفجاار وهادشي بالضبط لي طراا لرحيل لي فديك اللحظة مالقات مادير من غير داك التصرف... بكاا توينز لي ماعرفات سبابو وسيدرا لي تتزن ليها فوق راسها خلاهاا تغووت بحر جهدها تااوصلات لغوتة عند تانيرت لي كانت مجمعة مع إدريس ومع سمعاتها طفات عليه لابيل وخرجات بديباردور وشورط تتجري والعقل باش يفكر بلي راه ممكن يجي نوح فأي لحظة ولاولدو مكاينش...عقلها غير فبنتها لي ديك لغوتة خلعاتهاا دبصح... مع دخلات لصالون بانت ليها رحيل شادة راسها بيديها تاتنهج وتوينز غير مزادو فوتيرة بكاهوم مور ديك لغوتة أما سيدرا فكانت جالسة مركنة فوق السداري وباين من وجهها راه خايفة... قربات تانيرت عند بنتها وقالت بخوف:مالكي ابنتي علاااش غوتي اش واقع؟
رحيل:(باقي صدرها يطلع وينزل ويديها تيترعدو) تيبكيو وهوما عاد رضعو وماعرفتش مالهوم
تانيرت:ماتخافيش وماتعصبيش غايكون غير فيهوم لوجيعات راه بعض لمرات تيكونو هاكاك
تحدرات تانيرت عند واحد من لتوينز هزاتو وبدات تاتماصي لي كريشتو وتاتحرك ليه رجيلاتو كيف مولفة دير ليهوم تابدا كيدير حزيقات لي كانو هالكينو وعاد سكت وهاكا دارت لتاني وغير سكتو ناضت رحيل بلاكلام خرجات من تم وهي حاسة براسها مخنوقة وهادي غير البداية..
دارت ليهوم تاانيرت لهاية ورداتهوم بلايصهوم وهوما ساكتين ولبوسيط تاتلعب بيهوم بحال لكونة... هزات عينيها وشافت فسيدرا لي مركنة بلاصتها وتنهدات عرفاتها غاتكون خافت...مشات عندها وتبسمات ليها بحنية وهي تتقيس شعرها..
تانيرت:صافي ماتخافيش ماماك غير عيانة شوية
سيدرا:(شافت فيه بعيون حزينة) أنا غير گلت ليها فيا جويعات وهي تغوت
تانيرت:(كمشات حجبانها) عاودي ليا اش وقع؟؟
بدات سيدرا تسرسب ليها كلشي بالحرف تاسالات وهي تنطق تانيرت:صافي شنو بغيتي نوجد ليك؟؟
سيدرا:(ناضت وقالت بحزن) صافي مابقيتش بغيت
خرجات من الصالة مخلية تانيرت تاتنهد وتادعي ربي يدوز هادشي على خير حيت بصح لابقا لحال هاكا مغاتخرجش طريفة... ناضت فاش شافت توينز نعسو ومشات لبسات عليها بيجامة سروال واسعة وطويلة وهضرات مع إدريس لي كان تايصوني عليها علماتو اش وقع ومشات تقلب على رحيل لقاتها فالبيت جالسة....
تانيرت:(جلسات جنبها)هاد لحال ابنتي راه مامسلككش الغوات والأعصاب راه غايخرجو على صحتك وصحة لي فكرشك ملي كنتي دراسك وكنتي تعدبي وتكرفصي فيما طيحي بالأعصاب عساااك داباا لي حاملة واش بغيتي تيلاد يطيح ليك لاقدر الله اااه بغيتي يوقع ليك بحالي (عينيها تغرغرو) شوفي غير أنا شنو دوزت ملي كنت حاملة ببنتي واخا أنا كنت ماتاندير والو ودايرين لياا بحال لما لقليل ومكانتعصبش وشنو طرا لقيتها ماتت فكرشي كنت نتسنى فيهاا بحر الشوووق وفاللخر ربي بغااها تكون طير من طيور الجنة بصح راضية بقضاء الله وقدره ولكن ابنتي راااه لحرقة ديالهاا باقي مانسيتهاش واخا نتوما معايا وفجنبي ولكن هي خلات بلاصتهااا (تاتمسح عينيها ونطقات بهدوء) هادشي قلتو ليك باش تردي لبااال لراسك ابنتي وحيت مباغاش طرا ليك شي حاجة خايبة فكري فهضرتي مزيااان
طبطبات على كتفها وناضت مخليااها جالسة وغير ساكتة... نزلات لتحت وجلسات مع توينز رادة ليهوم لبال تاوصلات وقيتة دلعشا وناضت غادة توجدو...
**
فالرياض كانت جالسة رحمة هي وسناااء كيف عادتهوم فالگليسة دلقصب وبريق لقهوى قدامهوم مع لحلوى...
سناء:جربت كلشي ارحمة (تنهدات بحزن) وكل شهر نفس النتيجة
رحمة:ياك طبيبة قالت ليك ماعندك تامشكيل اوا صبري اسناء شحال من وحدة بحالك تاايدوزو مدة عاد يحملو
سناء:أنا مابقيتش صغيرة ارحمة خايفة نبقا نتسنى تايفوت لفوت
رحمة:ماتبقايش تعمري راسك بهادشي راه ماحدك تاتفكري فهادشي كل مرة غاتخلي لوسواس يخرج عليك
سناء:اووف والله ماعرفت تايازيد حاس بهادشي ولكن مكيهضرش وساكت
رحمة:ماتخليش هادشي يأتر على زواجكوم اسنااء وتعاودي نفس المشكيل فزواجكوم لول غير السباب لولاني كان الخدمة ودابا غايولي الولاد
بغات تهضر سناء وهي تسمع صوت السعدية لي تاترحب بشي حد...كلهوم شافو فجهة الباب ولقاااو نوح داخل...غير شافتو رحمة وهي تحل عينيها فرحااانة وناضت جهتو باش تعنقوو...
رحمة:ولدي فرحة بزاااف بشوفتك دخل (شادة فيديه وقالت بصوت عالي) السعدية جيبي طااس خاااوي
جلس جنبها مبعد ماسلم على سناء...
رحمة:شخبااار رحيل ودراري لاباس عليهوم توحشتهوم
نوح:(بهدوء)حمدلله مزيان ونتي لبااس
رحمة:بشوفتك الحبيب ديالي (بتردد)علاش ماجبتيش مراتك معااك اولدي
نوح:(تكى على لكرسي وقال بصوت خشين وخاتر) ماتقدرش تجي حيت عيانة شوية بسباب لحمالة...
ماعطلهاش مع سولاتو عليهاا مع گال ليها اش كاين خلاها حالة فمها مصدومة من لخباار ولكن مجرد ماستوعبااات بدات ضحكتهااا تاترسم على شفايفها بالفرحة دلخبار لي عرفاات... أما سناء فتبسيمتها كاانت حزينة فااش سمعاتو اش قال... ماشي حسداتها ولكن هي عندها حساسية من موضوع لحمالة... فيما كاتسمع شي وحدة حاملة تايبقا فيها الحال وكاتمنى تاهي تجرب داك الشعور لي متلهفة ليه...بعض لمرات تاتگول مع راسها بلي يمكن هي تتخلص الماضي فاش مكانتش باغا تحمل ومجرد مكاتوعى تاتستغفر مولاهاا...
سناء:مبروك عليكوم اولد لحاج هي السبوع جاي فالطريق
نوح:إن شاء الله
رحمة:مبروك اولدي فرحت بزااف بهاد لخباار
نوح:(بهدوء) الله يبارك فيك ايمّا
رحمة:شحال عندها؟
نوح:شهر
رحمة:الله يتبتو ماخصش العائلة تعرف دابا راك عارف لعين خايبة وهي يالاه والدة توااام من الأحسن ماتگولوها لحد تادوز شي تلت شهور هاكا عااد ديك الساعة يعرفوو
سناء:سي متافقة معاك العائلة فيها غير لي حاسدينك أما تاحد مباغي ليك لخير فهاد لوقت
نوح:يكون خير (بجدية) يمّا محتاج شي سيدة لي تعاون رحيل فشغال دار تتعرفي شي وحدة تكون تقة؟
رحمة:علاش اولدي اجيو لهنا وأنا نرد ليها لبال وهالسعدية تاهي كاينة وكاينة تارقوش طيب ليها لي بغاات
نوح:(كمش حجبانو) مكاين لاش
رحمة:(تنهدات) مهم غانشوف شي وحدة ونعلمك كون هاني
نوح:صافي مزيااان نعول عليك ايمّاا
رحمة:(بفرحة)عووول اولدي
جلسو مجمعين تاجاا اليازيد بااش يدي سناء وجلس تاهو معاهوم وانظمو رؤوف وبيسان... كانت رحمة فرحانة حيت ولادها جنبهاا... جلسو شوية عاد كل واحد ناض غادي فحالو واخا حاولات معاهوم رحمة باااش يبقااو معاها يتعشاو مي خلاوها لمرة خراا...
شد طريقو نيشان لدار وهو مدوز لخط لزين العابدين يسولو فين كاين...
نوح:أنا قريب ليك خليك تم نجي نديك
قلب طريق لفين كان زين العابدين كيلعب لبياار هو وأمين.. خرج لبرا كيتسناه تاجا وركب جنبو وشدو طريق نيشان لدار...وفديك الأثناء كانت تانيرت تتقلي فالدجاج لي قطعاتو وشرملاتو ودوزاتو فالطحين ولبيض ولاشابلووغ... وفنفس الوقت تاطل لفران فين دايرة لغرتاان دلبطاطا ولكفتة تايطيب...وجداتو على قبل سيدرا لي ملي طلعات لفوق مبانتش مزال وفاش طلعات عندها لقاتها جالسة بوحدها فلبيت...حاولات معاهاا باش تنزل هي وياها ساعة سيدرا مابغاااتش وفلخر خلاتها فخاطرها حيت عارفاهاا خافت وتقلقاات من داكشي لي طرا... سمعات لباب تحل وخرجات هازة طباسل وتلاقات فطريقهاا بنوح وزين العابدين داخلين...
نوح:(تبسم بهدوء) لالة تانيرت عدبناك معانا
تانيرت:ماتگولش هاكا اولد لحاج مادرت والو
نوح:الله يحفظك فين رحييل؟؟
تانيرت:راها فبيتهاا
تبسم ليها وخلاها غادي لعند رحيل...دخل لجناحهوم ومالقاهااش تم والضو أصلا كان طافي...قلب عليها فالحمام والدريسينغ ونفس الشي استغرب ومشى لبيت سيدرا يشوف ياكما تما ومع دخل بانت ليه سيدرا مسكينة ناعسة فوق الزربية فالأرض وحداها الألعاب ولمونيكات باش كانت تتلعب...قرب جهتها بشوية وهزها من بلاصتهاا وحطها فوق النموسية وغطاهاا وقبل مايخرج طبع بوسة على جبينها وخلى ليها لفيوز مشعول...
طلع نيشان لسطح ومع بان ليه بابو محلو عرف اتكون تم...دخل وبانت ليه فالجليسة لي دايرين تم والمحيبقات مزينين السطح مخلينو مبهج... تايضورو جنبها سيزين وإيڤانا لي غادة وتتنفخ تامبقاش تاتقدر تحرك بقوة تهلو دسيدرا... قرب جهة رحيل بلامايدير لحس كانت جالسة وعينيها على السما الصافية... جا وراها وحط نيفو على عنقهاا تاقفزات من لغفلة...
نوح:(بهدوء مريح) اش كادير الفتنة ديالي هنا بوحدها
رحيل:(بنفس الهدوء) غير جالسة وصاف تخنقت من جو لبيت
نوح:(حك على دراعها لعريان وقال ونيفو مخشي فثانايا عنقها) اش بان ليك نمشيو لفيرمة غدا تبدلي لجو شوية ولانمشيو لشي بلاصة خراا
رحيل:ماكرهتش نمشي ليهاا
نوح:(كمش حجبانو وهز راسو فيها)دايرة ريحتي؟؟
رحيل:(شافت فيه)دوشت بلباندوش ديالك هو وشومبوان ريحتهوم زوينة ماشي بحال لاخرين خانزين
نوح:(قهقه وقال بخفوت)اوا لبااس ملي جااوك زوينين الفتنة (قرصها فجنبها تاتعوجات) عقلتي فتوينز اش درتي على ديك الريحة
رحيل:اوا اش ندير ليك (فرفات بعويناتها)كانت خانزة مي دابا زوينة
نوح:زيدي نتعشاو ماماك مسكينة عيناها معاناا
رحيل:الله يسمح لياا منها
شد فيديها ونزلو لتحت لقاوها حطات لعشاا وشافت فيهوم:سيدرا ناعسة مشيت نفيقها ومابغاتش
رحيل:(تنهدات) غاتكون مقلقة مني اووف
نوج:علاش اش واقع
رحيل:(شافت فتانيرت)والو
سكت نوح وماحكرش وجلسو تايتعشاو بربعة تاسالاو وناض نوح تايجمع مع تانيرت لي حلفات لاخلاتو ينوص واخا هاكا عاونها...ورحيل جلسات تاتشرب دواها وعينيها مرة مرة تهرب لزين العابدين وتخنزر فيه وهو ولاعلى بالو تاشوية زفرات وقالت بانزعاج واضح:واش نتا ماعندكش مشطة باش تمشط داك الشعكاكة ديالك..
متكي وعينو فالتلفازة وغير سمعهاا اش قالت ضار عندها بلعرض لبطيء كيشوف فيهاا وحاجبو مهزوز لسمااا...مجاوبهاااش واخا راه سمع اش گالت... وهي كانت غير تتشوف فيه وتخنزر تگولي هادا لي قدامها واكلها فلورث... عصبها داك الشعر لي هو كيعجبو يخليه هاكاك مخربق بحال شي عش ديال الطيور ولكن عاطيه وااحد لجمال زوين وستيل خاص بيه...دخل نوح لي عينو لمحات رحيل لي وتخنزر ورجع شاف فزين العابدين لي قلب عليها وجهو ببرود ومشى جلس جنبها وقال بهدوء:مااالك؟؟
رحيل:(ساطت النغس من نيفها وقالت) هضر مع ولدك يمشط داك الشعرر شوووف (تاتشير ليه وتهضر معصبة) واش هادا شعرر يديروه ناااس تاعت لي يضرب ليه زيروو ويتهنى تت
زين العابدين:(شاف فيها وقال ببرود)ديها فسوق رااسك
نوح:(بجدية)زين العابدين اش هاد لافاصووون؟
زين العابدين:(ناض وشاف فباه)ماشغلهاش فيا تعطيني تيسااع كيف عاطيه ليها اوكي
خرج منيرڤي وهضرتها استفزاتو ومع دخل لبيتو مع سد لباب بالجهد...
فلتحت كان نوح تايمسح لحيتو ورحيل جنبو ضاربة الطم وعاقدة لحجبان...شاف فيها وقال بهدوء:مالكي مع شعروو ؟
رحيل:(حركات كتافها بعدم مبالاة) ماعجبنيش گول ليه يمشطوو
نوح:(زفر النفس) جااك لوحم عليه على مابان ليا هاكا كنتي تادير معايا فتوينز (جرها ودرعها) عنداااك يزغبك راسك وتقيسي ليه شعروو راه عدووه شي حد يمد يدو ليه ويقيسوو
رحيل:علاش بالسلامة شعروو فيه الديماند؟؟
نوح:مافيه لاديماند لازعتر هو هاكا داير من صغرو مكيحملش لي يقيسو فيه من غيري ولادارها شي حد مغايعقلش عليه (جر ليها نيفها)ديري عقلك الفتنة وخليه عليك ولابغيتي توحمي هانا حداك توحمي تاتشبعي
رحيل:(خشات وجهها فعنقو ونطقات بهمس) نوح واخا نطلب منك طلب؟
نوح:(بحنية)نتي تأمري الفتنة
رحيل:(شافت فيه وهي تاتفرفر عينيها) واخا تصبغ شعرك بحال لون ولدك غايجيك زوين بزاااف
نوح:(جر ليها نيفها وقال بسخرية) رحييل زيدي گدامي تنعسي راه بديتي تخرجي على السطر
رحيل:(تقلقات)ياااك انوح ياااك هادي هي الفتنة صدق كلشي غير هضرة بعد مني ماتهضرش معاياا
ناضت مقلقة منو غادة لعند تانيرت لي كانت فبيتهاا تاتهضر مع إدريس...
طلع لجناحو وخدا دووش وبدل عليه بشورط ديال الدار وطل على توينز لي ناعسين مخشين جنب بعض عاد تكى فبلاصتو يتسناهااا... دازت فترة وهي باقي ماجاات وتاتلفون باش يعيط ليها مخليااه فلبيت وهي مع مها مجاتش يهبط عندها... بقا تايتقلب فبلاصتو تابدا النعاس يجيه وهو يغمض عينو ونعس...
شحال وهي شادة لكلام مع باها تاقطع وبدات تاتهضر مع تانيرت وحاطة راسها على صدر مهاا...كانت باغا غير تسمع لكلام مها لي جاها على لگانة تاابانت ليها عياات وهي تشوف فيها بتبسيمة:نعسي اماما تال غدا ونكملو وبلاماتفيقي بكري غدا بحال والو نمشيو لفيرمة واخاا
تانيرت:واخا ابنتي
رحيل:(باستها فحنكها)تصبحي على خير اماما
ناضت رحيل مخليا مها تنعس ومشات بعدا لبيت سيدرا حلات عليها لباب وشافت فيها بهدوء وحزن...بقات فيه وجاها تأنيب الضمير على التصرف لي دارت معاهاا وكيفاش غوتات وخلعاتهاا تاتمبقاتش كاضور بيها گاع...قربات جهتها وباستها فحنكهاا وبقاات تلعب فشعرها وتشوف فيها... تاشبعات منها عاد ناضت تمشي تنعس...
دخلات لجناجها ولقات ضو خفيف مشعول ونوح ناعس على كرشو وقالب وجهو لجهة لخراا...مشات لحمام دارت روتينهاا وقبل ماتخرج هزات تاني السينياال وبدات تتاكل فيه وتبنن عاد حطاتو وماكرهاتش تزيد مزال...يالاه حطو نوح ليوم ودابا تقريبا مضروب فيه النص...خرجات لجهتو وتخشات بلاصتها وبدات تتشوف فنوح وتتلعب فشعرو وتعض على شفتها وعينيها على ضهرو لعرياان... باستو فيه ورجعات بلاصتها تاتشوف فيه تانعسات...
**
كاتمشى بلحفى فديك الخضورية دلفيرماا وهي لابسة كسوة قصيرة وشعرها مطلوق على راحتو...تتبان الراحة فوجهها لمحمر وحنيكاتها لي طبزوو... دايرة يديها على كرشها لي كانت منفوخة وعينيها تايشوف فداك لجوو براحة والابتسامة مفارقاتش وجهها... حلات يديها فاش وصلات جنب الشاريج وغمضات عينيها تاتسمع لخرير لمااا تااشوية حسات بواحد الرييح خلاهاا تحل عينيها وتشوف فداك الضبابة لي بانت فالسماا غمضات عينيها مزيرة عليهوم بسباب داك لعجاج لي جاا فجأة بدون سبب... تاتسمع صوت العجاج لي غادي وكيجهاااد تاشوية حبس ورجع الجو كيف كان قبل...حلات عينيه تاتشوف قدامها ومدات يديها باش تقيس كرشها لمنفوخة وإذا بها كتفاجأ بكرشها لي كانت عادية...بدات تاتقلب كرشها وضور راسها يمين وشمال تاحسات بالضل فالسماا وهزات راسها بان ليها صقر قدو قداش هااز إزار فيه بيبي صغير صوت بكااه وصل لعند رحيل لي بدات تتغوت بخوف:ولدددددي ولدددي
الصقر بدا كيحوم عليهاا مخليها تابعااه باغا تشد ولدهاا ساعة طااار وخلاهاا تتغوت بهسترية وطاحت الأرض وعينيها خارجين وغوتاات بكل قوتها بولدددي ومع ديك لغوتة حلات عينيها وهي كلها عرقانة وتتنهج....
كلها تتنهج وعينيها خارجين والعرق ناازل منهاا... لغوتة ديالها فيقاات نوح لي كان يالاه بدا نعااس كيديه مور ماصلى... شعل الفيوز بزربة وشاف فيها هي لي كانت تاترعد وباقي تنفسها مامنتاظمش...
نوح:(حط يديه على كتفها ونطق باهتمام)رحييل واش نتي بخيير؟ كاضرك شي حاجة؟
رحيل:(شافت فيه ونطقات بصوت مصدوم)دااا لياا ولدي هو كان فكرشي وهو داه لياا
نوح:شكون؟
رحيل:داك الصقر
تفرگعات بلبكاا وتلاحت على صدرو تتبكي وتشهق وهو معنقها عندو بالجهد بحال لاغادي يخشيها فوسطوو تايدوزو يديه على ضهرها ويبوس راسها وهي فيما تفكر الحلمة تتزيد فوتيرة بكااهاا تاهدات وبدات تعاود ليه والخلعة شداهاا...
رحيل:(شدات يديه وقالت بصوت باين فيه الندم) خايفة بزااااف انووح خايفة على ولدي
نوح:(شد وجهها بين يديه وبحنية قاال)شووو ماتخافيش مغايوقع والو نسااي وماتعاوديها لحد واخاا
رحيل:(حركات راسها وبدات تمسح دموعها وقالت بخفوت) واش أدن؟؟
نوح:اه مافيقتكش حيت كنتي تتباني لياا عيانة وخليتك
رحيل:(حيدات لغطاا ) غانوض نتوضى ونصلي عالله نرتاح شوية
جرات بانطوفتها ودخلات لحمام وهي حاسة بلعياا ماشي فجسدها إنما نفسيتها... ديك الحلمة خلعاتها وخلاتها تحل عينيها... بحال لاديك لحلمة كانت إشارة من عند الله على داك البيبي لي فكرشك ولي مكانتش متقبلاه وفاش شافتو ضاع من بين يديها تخلعات وخاافت وقلبها كان غايسكت...
هزات كفوفها لسماا وهي بإسدالها وبدات تادعي بصوت خافت وكاطلب من ربي يغفر ليها على كل كلمة قالتهاا بدون ماتشعر وعلى كل تصرف تصرفاتو جهة داك لبيبي لي مبغاتوش وهو ماليه دنب.... تادعي الله يحفظو ليها حيت بصح مغاتقدرش تحمل توقع ليه شي حاجة واخا قالت بفمها بلي خصها طيحو ولكن فقلبهاا مكانتش راضية على هادشي... غير تخربقات وخافت ونفسيتها مرضات هادشي علاش قالت ديك لهضرة... مدة وهي غير كادعي تاسالات وجلسات فوق الصلايا وهي حاسة بواحد الراحة واخا عقلها باقي مشطون مع لحلمة ولكن ارتاحت شوية فاش شكات لي خلقها وطلبات منو السماحة على لكلام لي گالت... حطات يديها على كرشهاا ونطقات بصوت خافت وعينيها مدمعين:اللهم احفظه بعينيك التي لاتناام اللهم إني استودعتك إياااه...
ناضت تاتجمع صلاية وردات كلشي بلاصتو ورجعات لعند نوح لي كان واقف جنب لكونة وشاد رضاعات بزوج تايرضعهوم...تنهدات وفهاد اللحظة حسات بتأنيب الضمير حيت هملات ولادهاا وراجلها وبنتهاا... ماحملاتش راسهاا ولكن مكانتش بخاطرها فديك الفترة...
رحيل:واش فاقو؟
نوح:(نطق بهدوء) اه مزيان دابا
رحيل:(وقفات جنبو وهزات عليه رضاعة وبدات تعطيها لإسحاق) حمدلله واخا فيما كانتفكر داكشي قلبي تايتقبط عليا
نوح:(درعها بيد وقال بحنية) نسااااي هادشي وماتعمريش بيه دماغك وفكري فصحتك وفصحة لي فكرشك
رحيل:(شافت فيه وقالت بحزن)سمحلياا انووح
نوح:(هز حاجبو فيها )علااش غانسمح ليك؟
رحيل:(تنهدات)حيت نهار عيد ميلادك لي كنت باغا نفرحك فيه ونحتافلو بيه خربتو بداكشي لي طرا وحيت قلت ليك شي كلام ماخصوش يتگال (حطات رضاعة مبعد مسالاها ونعس وشافت فيه فاص) واخا گلت بفمي باغا نطيحو ولكن عمري كنت نفكر فيها ولانديرها ونتا عارف هادشي
نوح:(ساط النفس) مكاين لاش نهضرو على داكشي داباا زيدي تنعسي باش ترتااحي
خلاها تاتشوف فيه وعرفات بلي بقا فيه لحال من ديك الهضرة واخا مابينش ولكن حسات بيه... تخشات بلاصتها ونعاس حسات بيه طار من عينيها... بقات غير تتشوف فالشرجم لي كيبان فيه ضوو دالصباح لي بدا يطلع تاتخشى جنبها ولاح يدو عليهاا بلامايهضر...
مانعساتش مزال وعينيها حلفو لاكحلو بالنعااس لي طار من ورى الحلمة لي شافت ولي تحلف عليها كانت حقيقية...حسات بملمس الربيع لي كانت تتمشى عليه بلحفى وحسات تابكرشهاا لي كان تيتحرك فيها البيبي بحال لابصح... ملي وصل لوقت ناضت خدات دوش وخرجات شافت توينز ناعسين وخلاتهوم وخرجات لكوزينة توجد لفطور....واخا طبيبة قالت ليها ماتجهدش راسها مي ماقدراتش تبقا غير جالسة... وجدات لكريب لسيدرا باغا تصالح معاها أو وجدات كيكة تشهاتها دالشكلاط تفطر بيها وداكشي لي كان... نزلات تانيرت ومع لقاتها تم استغربات وقربات جهتها وقالت:بنتي رحيل علاش معدبة راسك كون غير خليتي تانفيق ونوجد لفطور
رحيل:(شافت فمها وتبسمات) صباح لخير (تاتستف لكريب لي عمرات بلبنان) ماشي مشكيل راه وجدتو
تانيرت:(لاحظات التغيير لي بان فيها وقالت)واش نتي بخير ياكما كاضرك شي حاجة ؟
رحيل:(تنهدات)لا بلعكس أنا مرتاحة وفرحانة كتر گاع من أي وقت اماما...
طاح لعجب لتانيرت ومع دلك بقات ساكتة وبدات تعاونهاا تاحطو لفطور فوق الطبلة تيشهي وكلشي متول...طلعات رحيل لفوق تفيق سيدرا ومع دخلات لبيتها لقات النموسية خاوية وسمعات صوت لحمام... تمشات بشوية تاحلات عليها لباب وبانت ليها واقفة فوق داك لكرسي لي دايرين ليها باش تلحگ لابغات تغسل يديها ولاسنانها... لقاتها شادة شيتة وتتغسل سنيناتها...
رحيل:(تبسمات) لحبيبة دمامي صباح الخير
(باستها فراسها وعوناتها تاسالات وقالت بتبسيمة)نشوف سنينات بنتي؟؟
سيدرا:(نزلات من تم وقالت وهي باقا مقلقة) مغسولين
رحيل:(عضات شفتها وتبعاتها) اجي نهضرو أنا وياك امامي
جراتها رجيل وجلسات فوق ركابيها وقالت سيدرا:ومومو؟؟
رحيل:(تبسمات)مومو هنا فكريشة مغايوقع ليه والو (تاتسرح شعرها وقالت بحنية)مقلقة مني امامي ؟؟
سيدرا:(حركات راسها باه)
رحيل:سمحيليا امامي كنت معصبة عليها غوت وماشي عليك
سيدرا:أنا كان فيا غير جويعات
رحيل:عارفة امامي فاش بداو يبكيو خوتك تخلعت وتعصبت داكشي علاش غوت
سيدرا:ولكن سوسّة وإيسو مامريضينش غير مبغاوش يديرو حزيقات
رحيل:اه داكشي علاش تخلعت (تبسمات)نتصالحو أنا وبنتي؟
سيدرا(عنقاتها) ااه امامي نتصالحوو
عنقاتها رحيل وبدات تبوس فيها تاكلاتها وخلاتها غير تاتكركر وناضت شادة يديها:يالاه سيري بدلي حوايجك (خربقات ليها شعرها) راه غانمشيو لفيرمة ليوووم
نقزات سيدرا فرحانة حيت غاتمشي تشوووف الخيوول وسيديل والخيل ديالها لي هداه ليها نوح ولي سماتو إنورسين اسم لي جمعات فيه گاع حروف سمياتهوم...سميات توينز وسميات باها ومها وهي وزين العابدين... المهم عندها كلشي يدخل فسمياتها المفشكليين...
خرجات من عندها ومع بغات تمشي لجناحهاا باش دخل عينيها هربو لبيت زين العابدين وبدات واقفة تاضور عينيها تافلخر مشات بشوية كاتسلت ودقات بلخف عاد حلات لباب وطلات براسها أو ودنيها مطلوقين ياكما تسمع شي حس...فاش ماسمعات والو حلات لباب ودخلات تاتمشى بلخف...بان ليها زين العابدين ناعس وسط ناموسيتو ولابس غير شورط مغطي بلإزار وشعرو مخربق عليه كيف لعادة... كمشات حجبانها وعينيها غير على شعروو قربات جهتو وشيطانها كيوسوس ليها وداكشي لي دارت... قربات جهتو كتر تاوقفات فوق راسو وتحدرات مادة يديها لشعرو مغلغلة يديها وسطو...شعرو كتيف ورطب فاللمسة واخا كيبان مخربق ومبوكلي هاكا ولكن زغبتو رطبة... تحدرات تاتشمشم ريحتو لي عجباتهااا... بقات هاكاك تاحسات بيه بدا يتململ وهي تحيد يديها بزربة وتقادات فوقفتها تاتسرط ريقها حيت حصلهااا...هز عينو فيها مكمشهوم ونطق بصوت مبحوح باين فيه مقطوع على الصبااح:لاش داخلة لبيتي
رحيل:(ميقاتو)جيت نفيقك باش نفطرو جميع
زين العابدين:(ببرود قلب وجهو) مكانفطرش
رحيل:اوا نوض راه غانطلعو لفيرمة وماخصكش تعطل
زين العابدين:(حط مخدتو على راسو وقال بنفس البرود) خرجي
بقات غير تتشوف تاعيات وهي تنهد وخرجات من البيت ويديها باش قاست شعرو حطاتها على نيفها تاتشمشم الريحة وماكرهاتش كون بقات تاتقيس فيه ومافاقش... طلعات لفوق ولقات نوح تاهو باقي ناعس مشات جهتو وتحدرات باستو فحنكو ونطقات بدلع:نوحينووو فيييق انوحينووو
تخشات فعنقو تاتشمشم ريحة ديالو وتبوس فيه وهو مخليهاا وشادها من نصهاا...
نوح:(ببحة) اش جااك على الصبااح الفتنة؟
رحيل:(تاتشوف فشفايفو وقالت بصوت خافت)شفايفك زوينين غييير دلبوسااان
نوح:(هز حاجبو)وايلي ؟؟
رحيل:(شافت فيه وركزات شوفتها فعينيه وقالت) هممم توحشتك
نوح:(قهقه بخفوت وقال عاض على شفتو بنابو) عرفتي ديك توحشتك اش جامع فيها
رحيل:(ضحكات بالجهد) شي تهريسة دالنموسية عاااااود
نوح:(زير على جنابها وقال بمكر) هاد لمرة تهريسة غاتكوون فعضامك الفتنة
رحيل:(بدلع) وتسخى بياا انوحينووو؟ (حطات يديها على صدرو وقالت)تقدر تسخى بالفتنة ديالك
نوح:(نطق بصوت خاااتر كيدوب الحجر وديك البحة لي فيه جابت ليها التمام) تت على كاين لي يسخى بروحوو ارووحي...
هادشي لي كيعجبها تسمع من عندو وضحكتها بانت فوجهها تحدرات عندو بايساه فشفتو وتاهو شدها وماطلقهاش تاحمر ليها دوك شنايف وخلاهوم كيوزوزو عاد ناض يدوش وهي عطات لبيبغون لتوينز ورجعات نعساتهوم و نزلات لتحت مبسمة ولحنيكات يطرطقو بلحمورية طايح عليها واحد السر بحال شي وحدة يالاه تزوجات .. لقات سيدرا جالسة هي وتانيرت...انظم ليهوم نوح وفطرو مجموعين وموراها طلعو يجمعو حوايجهوم حيت غايدوزو شي يامات فالفيرمة ونيت رحيل تبدل لجوو شوية...
كانت تانيرت فلكوزينة تتوجد شلاظة دفروتا لرحيل قبل مايمشيو وهي تسمع السرسااار...كمشات لحجبان ومشات طلات بانت ليها رحمة وبيسان وسناء... حلات ليهوم لباب وهي مبسمة...
تانيرت:سلام او عليكوم
رحمة:(زولات نضاضر دالشمس وحطاتهوم فوق راسها وسلمات عليها بتبسيمة) اش خبااارك اتانيرت لبااس
تانيرت:حمدلله ونتي
سلمو عليها لخرين وداتهوم لصالة فين حطو داكشي لي جابو وقالت بتبسيمة:أنا نعيط لرحيل أو ولد لحاج
خرجات تانيرت وسناء تحدرات وشوشات لختها:ماقلتيش ليا مها كاينة
رحمة:تاأنا بحالك ماكنتش عارفة
بيسان:(سمعاتهوم وقالت بخفوت) شووو غايسمعوكوم
دخل نوح ورحيل لي راسمة ضحكة صفرا تتجامل بيها رحمة لي سلمات عليها وقالت:مبرووك عليك الله يتبت حملك ويفك وحايلك على خير
رحيل:آمين شكرا
نوح:(شاف فبيسان) ماخداماش ليوم
بيسان:عندي لگارد فالليل
رحمة:كيف غادة مع لحمل ياكما كيعدبك لوحم
رحيل:شوية وصاااف
سناء:(بمزاح)ياكما تتوحمي تاني على ولد لحاج هههه
نوح:(حرك راسو بلاحول)واحد ليازيد غبر
سناء:غبراتو لخدمة عارف الصيف كيف تتكون لحركة
جابت تانيرت الضيافة وجلسو مجمعين مع بعض تادخل زين العابدين كيحك عينو يالاه فااايق مع كان ساهر على واحد السيري... سلم عليهوم وجراتو رحمة جلساتو جنبها وقالت بحنية:لحبيب ديالي گاعما تتجي عندي
زين العابدين:مكانساليش
رحمة:يالاه معايا ليوم بات عندي ونطيب لحبيب ديالي لبسطيلة بفخوي دميغ لي تتعجبو
زين العابدين:(ببرود) غادي لفيرمة
رحمة:(شافت فولدها) واش غاتمشيو لفيرمة؟
نوح:اه غانگلسو فيها شي يامات (بهدوء)لابغيتي تمشي تانتي معانا يالاه
سكتات رحمة وشافت فرحيل لي كانت ساكتة ورجعات شافت فنوح وتبسمات:لاغير سيرو تال مرة خراا أكيد غاتبغيو تبقاو بوحدكوم
تانيرت:أنا نيت غاتمشي معاهوم لابغيتي تمشي يالاه
سناء:سيري وبدلي لجو دالريااض مالكي كون مكانش ليازيد والله تانمشي تاأناا
رحمة:صافي واخاا لي بغيتو
رحيل:(شافت فتانيرت)وجدتي ديك الصالاد
تانيرت:اه درتها تبرد شوية ونجيبها
رحيل:(ريوگها سالاو)ودرتي فيهاا بوعويد؟؟
تانيرت:درتو أنا نجيبها ليك دابا نيت قبل ماتحكيها فيك
ناضت جابتها ليها وجابت طبسيل خر لي بغا ياكل ورحيل هزات ديالها ونزلات عليه كامل...
بيسان:ماما تمشي لدار تجمعي حوايجك
نوح:بلاش راه حوايجها أصلا كاينين تم
سناء:اوا بلامانعطلوكوم نمشيو أنا وبيسان تاااترجعو يالاه طريق السلامة
ودعوهوم وبقات رحمة جالسة وحشمانة كلما جات عينيها فعين رحيل لي تتعاملها عادي وتهضر عادي... نزلو بگاجهوم وقادوه فالطوموبيل دنوح لي شاف فزين العابدين وقال بهدوء:غاتدي طوموبيلتك حيت البلاصة مكافياش
زين العابدين:اووكي
خرجو لعندو تانيرت ورحمة لي هزو توينز قادوهوم فبلايصهوم وركبو لور ورحمة قالت:فين غايركب زين وسيدرا؟
نوح:غايدي طوموبيلتو
خرجات رحيل لي لبسات كومبين مريح مبرد مع صندالة وجلسات لقدام وسيدرا مع جات تطلع مالقاتش بلاصة وقالت بتدمر:وفين غانركب أنا
نوح:(هزها وباسها)غاتركبي مع زين العابدين
سيدرا:(حلات عينيها فرحانة)واوووو
شكون بحالها فرحات وعينيها لمعو قادها نوح فطوموبيل زين العابدين لي واقف ساخط ديال بصح...كان مهني حيت غايركب بوحدو ولكن فاش جابها ليه باه كفر
نوح:(بجدية)بقا موراياا وممنوع ضوبلي سمعتي وديك الزربة نقص منها راه نتا ماشي بوحدك تفاهمناا
حرك ليه زين العابدين راسو ورحيل نزلات قربات جهتهوم وقالت:واش سيدرا غاتمشي معاه؟
نوح:اه
رحيل:(شافت فزين وقالت)واش تتعرف بعدا تصوگ؟؟
نوح:كايعرف ارحييل غير تهنااي ماجيتش وركبت معاه سيدرا غير هاكاك
رحيل:رد لباااال فالطرييق وعنداك
غادة تتوصي فيه ومشات تتوصي فسيدرا ماديرش لبسالات عاد ركبات بلاصتها وتبعها نوح لي عارف سوگان ولدو ومهني من جهتو...
تحرك وموراه تحركات طوموبيل زين العابدين لي كانت من نوع Volvo XC40 بيضا تتبري ونصها لفوقاني فلكحل...داير نضاضر دالشمس وسيدرا وراه تاتهضر وتكركر فرحانة غير بوحدهاا
سيدرا:زينبيدين نجي حداااك؟
مجاوبهاش ورجعات كررات سؤالها مرة خرا وتگول واش حاشاها ليها بحال لامكاينااش...حيدات السمطة أو وقفات بين لكراسى ونغزاتو تاهز راسو فلمرايا وقالت بزعل:بغيت نجي حداك
زين العابدين:ريحي ابنادمة وديري السمطة
سيدرا:(بعناد)مابيتش؟
زين العابدين:(عض على شفتو وقال بعصبية) ريحي از*ي بلاصتك(مد يديه ودفعها تارجعات لور جلسات وقال بعصبية) بروصي كحل
رجعات تركنات فبلاصتها وهي جامعة قنانفها غضبانة عليه... كايبقا فيها لحال فاش مكيسمعش ليها ويجاوبها بحال لخرين ومكيعطيهاش لخاااطر... أما هو رجع كيسوگ گاعما مسوق ليها وحاسبها مكايناااش حداه... هز ليزياتو دارهوم وطلق لموسيقى مونس بيها راسو فالطريق... وتاهي شداات الطابليط ديالهاا خدامة بيها...
فالطوموبيل دنوح كان الجو عكس طوموبيل زين الهضرة بين رحمة وتانيرت لي مگابليين التوينز حيت مجلسينهوم حداهوم... أما رحيل كانت متكية على الزاج ديال الطوموبيل مغمضة عينيها وحاسة بالترويعة ومعدتها مگلوبة عليهاا...
ضار نوح جهتها وشد يديها تاشافت فيه وقال بهدوء:صافا؟؟
رحيل:شوية وصاف حاسة بالردة
نوح:نوقفو شوية باش ترتاحي
رحيل:لاغير حل ليا الشرجم كاامل باش يضربني البرد
برك على لبوطون تانزل الزااج ورجعات راسها لور مغمضة عينيها ومخلياا الرريح كيضرب فزيفها لمرخوووف...
شادة الطابليط تاتفرج فالرسوم تاشوية شافت فيه وهي مكمشة حجبانهاا...كان داير ليزيااات ومركز فالطريق...بقات تاضور دوك عوينات لببوشة تانطقات بخفوت:زينبيدين
فاش ماسمعهااش ناضت تاني من بلاصتها وقفاات بين لكراسى وهي تنغزو تاهز راسو شاف فيها بسخط فالمرايا وقال ببرود:ماباغاش تريحي لأرض
سيدرا:(جامعة رجيلاتها وقالت بانزعاج)فيااا بيبي
زين العابدين:(ببرود)تانوصلو
سيدرا:(بقات تاتشطح برجليها حابسة لبولة)لا بغيت نمشي طواليط داباا (ولات حمرا) بغيت ندير تاكاكا
سخط زين العابدين بالمعقوول على هاد لبروصي لي عطاه بااه... بقا يكلاكصوني وطلق السينياال ونوح شافو من المرااياا ونطق بهدوء:علاش زين العابدين حبس الطوموبيل
رحيل:ياكما سيدرا تاتقيااا ليه
حبس تاهو ونزلو بزوج غادين بخطوات سريعة لعند زين لي بقا بلاصتو ماتحركش نهائيا وسيدرا واقفة ومكروازية رجليها كلهااا حمرا وغير حابسها بزز...حلات رحيل لباب عليها وسيدرا قالت بسرعة:مامي بغيت نمشي لطواااليط
نزلاتها رحيل وتمشاو جهة الغابة ونوح معاهوم لي ضرب ضورة على لبلاصة عاااد بعد مخلي رحيل معاها...مع جلسات سيدرا مع طلقات بووولة تسمعات ديك الشرررررررر ديالها وتبعاتها تاكاكا ورحيل غير تاتشوف...جاب ليها نوح كلينيكس ولماا ورجع وقف بعيد عاطيهوم بالضهر تاسالات وعطاتها تمسح وناضت تاتهز سروالهاا وغسلات يديهاا مزيااان وماكرهاتش يكون الصااابون حيت مكاتحملش تكون فيهاا نقيطة دلوووسخ...
رحيل:صافي مزيااان دابا
سيدرا:ااه مامي مبقيتش مزيرة
رحيل:زيدي تانوصلو لفيرمة وتبدلي عليك وتغسلي واخا امامي
حركات سيدرا راسها ورجعات عند نوح تاتجري هزهاا بين يديه وشاف فرحيل:ياكما تانتي مزيرة؟
رحيل:لا لا مزيان
رجعو لطوموبيلات وكل واحد تأنسطالى بلاصتو عاد كملو طريق ...
كان بّا سالم كيتسناهوم هو أو مرااتو لي وجدات الفيرمة وبخراتها وطيبات لماكلة... الجو كان زوين ومع وصلو فالغروب كان واحد البرد خفيف وديك الخضورية خلات رحيل تفاجى وتحس بالراااحة...دخلو لداار لقاو الطبلة عامرة بالكاسكرووط هالحرشة هالملاوي هالبغرير هالكيكة هاأملو والعسل لحر والزيتوون مشرملاها بيديها... جلسو مجموعين معاهوم تابّاسالم ومرتو تاهي لي جالسة حشمانة... كلاو وموراها كل واحد مشى لبيت يرتاح ورحيل تگولي واش عياات.... مشات مع سيدرا عاونانها تادوشات وغسلات ليها شعرهاا وسيدرا لصقاتها بغات تقطعو..
سيدرا:(ببنوار غوز بارد منقوش فلور ديالو سميتها Sidra) عفاااك امامي عفاااك قطعيه لياا
رحيل:ديك لمرة داتك أسماء وقطعتيه
سيدرا:وابغيت نقطعووو (دلات شنيفاتها وهزات يد مها باستها) عفاااك مامي
ساطت رحيل النفس وجراتهاا قدام لمرايا هازة مقصة ومع شعرها أصلا باقي سارد غير مشطاتو ليها وفرقات ليها لگصة وبدات تقطعو ليها بحال صالونات حيت مولفة...قاداتو ليها وصاوباتو ليها جااها فن وعجبها لحاال ضور وضور وتبوزا قدام لمرايا وتبقاا تلعب بشعرها بدلع وتمد شنايفها مخليا رحيل مبسمة على فعايلهاا...
خلاتها فبيتها ومشات طلات على نوح لقاتو ناااعس لاهو لاتوينز... خلاتو وسدات لباب ونزلات لتحت تمشى شوية وتبدل لجووو...
غادة بلحفى فالربيع وعقلها مايفكرها غير فالحلمة لي خلات صدرها يضيااق تاني... جلسات فوق الربيع متكية على شجرة غير جنب الدار وعينيها على داك لمنظر لي قدامهاا...مدة وهي فخلوة بينها وبين نفسها تاسمعات صوت لحس وهزات راسها لقات رحمة لي كانت تتبسم ليها وجلسات جنبها بخجل واضح...
رجعات رحيل تتشوف قبالتها تاسمعات صوت رحمة لي نطقات بهدوء وبنبرة باين عليها الندم:أنا عارفة راسي غلطت فحقك داكشي علاش بغيت نطلب منك السماحة..
اعتدار رحمة مكانتش أبدا متوقعااه رحيل منها وهي عارفااها كيفااش دايرة... ولكن رغم هادشي مبيناتش صدمتها وبقات جامدة بلاصتهاا بلاماتلفت جهتهاا... أما رحمة فكانت حاسة بالندامة على داك الاتهام لي تهماتها وخصوصا فاش سمعات لقصة دزواجهاا من فمها وداكشي لي دازت منو مكانش ساهل على أي مراا.. هي سمعات من طرف واحد وحكمات وهادشي خلاها تحس بالدنب جهة الغلط لي دارت ولكلام لي قاالت ليها...
رحمة:أنا ماكنتش عارفة زواجك لولاني كيفاش داز حيت عمر ولدي هضر على هادشي نهار جاا علمني بلي غايتزوج حدوو قال لياا راه مطلقة وعندك بنت هادشي لي عارفة عليك... ملي سمعت ديك السيدة اش گالت وكيفاش كانت واتقة من راسها وجبدات سمياتكوم تماا شكيت وأكيد أي واحد بلاصتي كاان غايشك ماتلومينيش لاجيت عندك حيت أنا كأم بغيت نتأكد واش ديك لمرا لي مزوج بيها ولدي تستاهلو ولا لا
رحيل:(بهدوء) كنتي تقدري تجي تسولي عادي وكنت غانجاوبك ومغانكدبش ولكن نتي جيتي قصدتيني وتاهمتيني داك الاتهام بلاماتسمعي مني
رحمة:(تنهدات) عندك لحق تگولي لي گلتيه داكشي علاش بغيتك تسمحيلياا
رحيل:(مسحات وجهها وشافت فيها) لاكانت غير السماحة راني مسامحاك اخالتي ولكن مغانافقكش ونگول ليك راني نقدر نسى حيت صعيب الموقف ديالي مجاش غير من ديك لهضرة ولكن من شحال من تصرف درتيه فحقي وكنت نسكت عليه نهار جريتي علياا وأنا حاملة وسممتيني بكلامك عمري نساهاا وغانبقا ديما نتفكرها فيما نحط رجلي فداك الريااض لي خاطري هرب منوو..(ناضت رحيل ساست يديها وكملات هضرتها) غانمشي تضرب ضورة هناا
خلاتها جالسة ومغاتنكرش رحمة بلي حسات بلهم لي كانت هازة خفاف فاش طلبات منها السماحة على اخر سوء تفاهم وقع... أما بالنسبة ليها داكشي لاخر لي وقع فمهزاتش ليه لهم ونساتو أصلا...ناضت راجعة لفيرمة بينما رحيل كملات طريقهاا تالقات راسها وصلات لحدا الساريج لي كان عامر بلمااا...
رحيل:(ساطت النفس)اوووف هاديك غير حلمة ارحييل حلمة نساااي (حطات يديها على كرشها وقالت بتبسيمة) ماعرفتش واش غاتكون بنت ولا ولد لمهم تكون بصحة مزياانة احبيب ماماه
جلسات جنب الشاريج وبدات تقيس لماا بيديهاا وتمنظر فداك المكان لكالم تاسمعاات صوت صهيل لحصااان لي خلاهاا تهز راسها تاتقلب على مصدر الصوت شوية بان ليهاا زين العابدين راكب فوق لعود ديالو سيديل وغادي منير وشعرو كيطيرو الريييح هو وتيشورت لي لابس.... دغيا داز قدام رحيل لي جمعات شفايفها وقالت بتدمر: كووون غير جمع شعروو تت
رجعات تاتلعب بداك الما وتسطحات فالربيع مغمضة عينيها وماشعراتش تاغفات فداك لجوو لي تيريح لخااطر...
***
حل عينيه على بكاا التوينز ونااض بشورط قصير تايتعكل فداك لغطاا والنعااس بااقي فيه...هز إسحاق لي كان يبكي وبيد التانية بدا يصاوب ليه لحليب حيت عارف بلي الجوع لي فيقو...عطاه رضاعتو تاشبع وحطوو ومشى لحماام غسل وجهو وسنانو وتوضى حيت قرب العشاء... لابس عليه فوقية ونزل لتحت تايقلب على رحيل مالقاهاش بانو ليه تانيرت ورحمة ولكن هي مبانتش...
نوح:(بصوت خشن)فين رحييل؟
تانيرت:خرجات
رحمة:كانت غير حدا الداار شفتها قبيلة
حرك راسو وخرج لبرا لي دغيا الظلام طاااح... بدا تايقلب عليها بعينيه ساعة مبانتش ليه تم... جبد تلفونو تيصوني عليها ساعة تلفونها نساتو وحطاتو فلبيت وهو مشافوش.... تشطن عليها وفاش رجع سول وقتاش شافوهاا لقى بلي هادي شي سعتاين باش شافوهاا فين غاتكون مشات؟؟ مشى جهة لكوري لاتكون تم مالقاهااش ومشى تايقلب جهة الإسطبل تاهو مبانتش ليه...هز لعود ديالو وركب فوقو وشد ليه لجااام غادي يقلب عليهاا... صوت الخطوات دلخيل كيتسمع وهو تايقلب عليها بعينيه تاوصل جهة الشاريج وقشعها تم مجبدة على جنبها...غير شافها قلبو قفز عند بالو راه غاتكون سخفات...نقز من فوق الخيل قبل گاعما يحبسو وخلاه بلامايربطو غادي تايجري جهتها جلس جنبها وحط يدو على راسها وبدا كيضرب حنكها بشوية ويعيط ليهاا وباين فيه مخلوع عليها
نوح:رحييل رحييل
بدات السيدة تاتكسل وتحل عينيها بحال لقطة تاشافت فيه مكمشة حجبانها وقالت بصوت خافت:نوووح (تفوهات وبدات تشوف فجنابها) شحال فالساعة (جلسات وهو معاونها) نعست وماحسيتش براسي
نوح:(نطق بصوت تقييل وحاجبو مهزوز فالسماا)دابا نتي كنتي غير ناعسة هنا (حركات راسها باه وعض على شفتو تايزفر) على قلة لبيوووت طلعتي لينا السكار على والو...
معاوداتش معاه لهضرة ناضت وتاهو سبقها غادي كايمسح على لحيتو ويستغفر... خرجاتها منو خلعة والسيد شافها گال راه سخفات عليها غبرات ساعة غير النعااس هو لي دارها بيها... كان عارف بلي حد مغايزعم يدخل لهنا حيت لبلاصة مأمنة ولكن لخوف عليها ولابدا منو... شد لجام العود وبقا غادي وهي جنبو تاتحك عينيها وتاتفيق من النعاس لي شدهاا... قربات جهتوو وشدات فدراعو متكية وكملو الطريق على رجليهوم تاوصلو لفيرمة وقاال بهدوء:دخلي أنا جااي
حركات راسها ودخلات لفين كانت تانيرت جالسة تاتسناهاا وتاهي باين فيها لخلعة... ولكن فاش شافتها صحة سلام ارتاحت...
دوزو ديك الليلة ودازو وراها يوماين خرااا ورحيل غير الراحة والسياحة مع تتفيق تتبدل لولادها وتعطيهوم الرضاعة وتنزلهوم لجداواتهوم يگابلوهوم وتخرج هي ونووح مخلية تاسيدرا معاهوم....ليوم كااانت سيدرا باغا تركب لخيل داكشي علاش خرجو جميع غادين لبلاصة فين تايتدربوو لي أصلا معزولة على لفيرمة ويعيدة عليها كل لبعد...
سيدرا:(بحماس) توحشت سيديل وإنورسين امامي
رحيل:تاهوما توحشوووك امامي ديااالي
مع وصلو الإسطبل وهي دخل سيدرا تاتجري غادة لفين كاين لخيل سيديل ومع وصلات لبيت ديالو لقاتها خاااوية وهو مكاينش... ديك الفرحة مشات وشافت فنوح وهي مكمشة حجبانها:فين سيديل بابانو؟
نوح:داه زين العابدين اجي ناخدو حصاان اخر
سيدرا:(بعناد) لا بغيت سيديل
نوح:(شد فيديها ونطق بهدوء) نخرجو حصانك مابغيتيش تلعبي معاه
قنعهاا وبلفعل خرجو ليها إنورسين صغير تايحمق تشبعي فيه غير بوسااان... شداتو تاتبوسو وتهضر معاه ودوز يديها على ضهرو...خرج معاها المروض ديالو لي مگابلو حاضي معاااه... مشات لبلاصة معزولة وركبات فوقو وهي تاتكركر بالضحك هو باقي صغير وتاهي صغيرة... شبعات ضحك ولعب معااه وتاهو غير تقيسو يحني الرااس ويلعب...
كان كيف عادتو واخد العود ديالو كيتسارا بيه برا دلفيرمة تاااعيى ورجع بيه... بانت ليه تانيرت ورحمة جالسات فلكراسى تحت داك ضليلة ومعاهوم توينز ورمى عينو جهة لخرا وهو يشوف باه واقف مع بّاسالم تايهضر هو وياااه...قرب جهة بااه مبطىء حركات لعوود.تاوقف جنبو ونزل منو وبقا يمسح على ضهرو..
نوح:(قرب جهتو وقال بهدوء) گالو لياا بلي هاد لعود مابغيتيش يبقاو يخرجووه لتدريبات؟
زين العابدين:سي (ببرود)لعوود ديالي وأنا مانخلي حد يركب عليه
نوح:ماتخلي حد ولاماتخليش سيدرا؟
زين العابدين:جمونفو فيهاا ياك عندها ديالها دونك تبعد من حاااجتي
نوح:(ضرب على كتفو وهز حاجبو فيه بجدية) هاد قصوحية الرااس فين غادي بيها احفيد الحااج
زين العابدي:(الصمت)
نوح:نتوماا عايشين فدار وحدة وغاتكبرو مع بعضياتكوم وهاد لحساسية مانبغيش تبقااا ازين العابدين سوى مع سيدرا سوى مع خوتك وراه نتاا مول لعقل زعمة
زين العابدين:(شاف فيه ببرود) أنا ماباغي حد ومرتااح هاكا بوحدي
نوح:مغاتبقااش حياتك كلها بوحدك من هنا لقداام غايكونو خوتك وغايعمرو عليك ديك لوحدانية لي عايش فيها شحال هادي (تنهد) كناا غير زووج أنا ويااك ولكن داباا لا كاين خوتك وسيدرا ورحييل تاهي عارف بلي باقي مباغيش تقبلهوم ولكن لامتى ازين واش غانبقاو هاكا حياتنا كلهاا فيما يجيك شي خوك ولاختك تفگع ومايعجبكش لحاال ياك اودي لباااس (بجدية)رااه نتاا خوهوم لكببير ونتااا مول لعقل فيهوم ونتا لي غاتعاوني فتربيتهووم عليك معول من بعد الله سبحانه وتعالى وبلاداك لعكسية ديااالك راه عمري بززت عليك شي حاجة ملي كنتي صغيير وأنا مخليك على راحتك ومغانبززش عليك داباا فكبرك ولكن طلقها شوية ماتبقاااش غير معزووول وهاا خوتك هزهوم شي مرة ونعسهوم وشوف وااش غاتولي ساخي بيهوم
زين العابدين:(ببرود) مبااغيش
جر سيديل مدخلو مخلي نوح تايزفر على هااااد القصوحية دالراس دولدو...ماشي شي حاجة جديدة وملي كان صغير وراسو قاصح لاقااال لحاجة هي لي كاينة واخا تعيااي معاه والله لابدلتي ريووو... وخلاص مور ماعرف حقيقة أن مو ماشي ميتة إنما خلاتو تما زاد لعكس وزادت العُقد كتبااان...
دخل زين العابدين لخيل ديالو وقادو تم وخرج باش يمشي لدار ساعة رحمة عيطات ليه وطلباتو يجي ومع باه كاين مبغاش يگول لا... جلس حداهوم فسكات وتوينز مرة مرة يطلقو شي صويت مخلي كلشي مركز معاهوم... لاح زين العابدين يديه وضور راسو لجهة لخرا داير ليزيات ممسوقش... عينيها من الصبااح على شعروو شوية نزلات شوفتهاا ليديه لي لايح على لكرسي ومع لابس تيشورت باااين دراعوو ودااك لعرووق لي منفوخين مع السبووور ولاصاال... عينيها مركزين على يديو تاتسرط ريقها وبقات تتشوف فيها مدة قبل ماتنزل على ديك ليد بوااحد لعضة دلغدايد....
كان تايضور فلاباخطمون ديالو غير بشورط ولكليم مطلوقة... دخل لكوزينة وتلفون فيديه مدوز لابيل لأسماء فلواتساب... حطها فوق لبوطاجي مكاليها مع واحد البواطة وتمشى جهة التلاجة حلها يجبد مايطيب تاتفتح لخط وتسمع صوت أسماء لي قالت بخفوت:هااااي
إسلام:(ضار تايشوف فيها وقال) على السلامة شتك نسيتي بلي راك مزوجة
ناضت من بلاصتها تاتسد البيجامة لي لابسة وشافت فروفيدا لي كانت ناعسة وقربات جهة الشرجم وتبسمات:توحشتيني اراجلي لعزيز
إسلام:(بانزعاج) ومااانعرف شوفي نتي؟؟
أسماء:ههه نتا عارف لي كاين وزايدون نتا لي حطيتيني هنااا بيديك
إسلام:حطيناك وندمناا تت
أسماء:شنو كادير ؟
إسلام:نطيب مانحنجر نسيتي بلي بوحدي ومكاين لي يطيب ليا
أسماء:باش تعرف بقيمتي شتي شتي
إسلام:(حك لحيتو وحط الصوصيط ولفلفلة فوق لبوطاجي وقال بجدية)غدا ماخدامش ديري حسابك نجيبك لهناا
أسماء:واش غانرجع؟
إسلام:غدا بعدا لي ماخدامش تجي ندوزو نهاار توحشت بنتي
أسماء:توحشتي غير بنتك زعمة؟؟
إسلام:توحشت بنتي ومهاا (ربع يديه وقال مكمش حجبانو)قطعتي شعرك؟؟
أسماء:(تاتلعب بشعرها وقالت بغنج) هممم عجبك
إسلام:نشووفو مزيااان
أسماء:(بدات تتوريه الشعر وتقطيعة لي ضربات منقصة شعرهاا ومقادة تالگصة)هانتا شفتي جاني زوووين كلشي قالها ليااا
إسلام:(هز حاجبو)كلشي ؟؟ شكون هاد كلشي؟؟
أسماء:السيد لي قطعو لياا ومالين الصالون وتادار
إسلام:على نتي الحاجة مشيتي لصاالون بلاماتعلميني؟؟
ربع يدو تايشوف فيها هي لي ساطت النفس وقالت:سي مشيت ليه غير لبارح بغيت نضور بحالتي شويية فيها شي مانع
إسلام:(ضرب بلموس ونطق بعصبية) حاااطك فدار باااك وصاابر على هاد لبعد بااااش نخليك فلحمااية ونتي غادة لياا لصااالون باش تقطعي شعرك وماعلمتينيش گاااع اش هاد لفعاايل اأسماء
أسماء:ماتغوتش علياا اش فيها لامشيت وزايدون مغانحبسش راسي فدااار على قبل ديك لمريضة
إسلام:لاغاتحبسيه وبزز منك لابغيتي نكونو هانين اأسمااء واش أنا مشطون معاااك وتانقلب على حل لهاد لخراا ونتي هامك الصالون ودوري بحالتك
أسماء:(خرجات من لبيت حيت كان تايهضر بالجهد ومبغاتش تفيق لبنت وهي يالاه نعساتهاا...طلعات نيشان لسطح وسداتو وراهاا عاد جاوباتو وهي هازة حاجبهاا) واش حنا حياتنا كلها غانبقاو محبوووسين فلول رحيل لي بقاات مدة مكاتخرجش ولاخرجات خص يكون معاها شي حد وداباا أناا شوف اإسلام هاديك خيتي مهامهااش غير أنا هاديك راه كاضور بلعائلة كلهااا لي صدق ليها مزياااان
إسلام:(خنزر فيها) أنا مكانعرفش هادشي هي جات قصداتك نتي نيشاااان وضرباتك بالطوموبيل وكانت غاتقتلك نتي وبنتي نسيتيها
أسماء:مانسيتهاااش وعمري نسااها ولاشفتها روحها نجبدها من صدرهاا على داكشي لي درات وكيفاااش عرضاات حياة بنتي لخطااار (كملات كلامها بعصبية وحقد) هاديك راه حياااة الناااس عندها لعبة وسبق دارتهااا واش لي قتلات بنتهااا بدم بارد على قبل زلالها وماتحركات فيها شعرة دندااامة عند باااالك غاتجيها صعيبة ديرها مع غيرهااا
سكتات أسماء وهي تاتنهج ويالاه سرات معاها هضرتها لي خرجات من فمها فاش قشعات شوفاتو ليهاا لي كانو كافين يبينو ليها بلي غلطااات فاش خرجات ديك لهضرة... حلات فمها بااش تهضر وتعتادر ليه على ماقااالت ساعة سبقها فاش قطع لابيل فوجهها وخلاها غير تتشوف...
أسماء:(بعصبية)تفووو تفووو اش داني نجبدهااا يييخ
دوزات ليه أبيل عادية حيت شافتو خرج من لواتساااب ومجاوبهااش تاتصوني تاكيرجع لخط بوحدو...بقات تتجرب تاعيااات عاد سيفطات ليه أوديوو..
أسماء:إسلام سمحلياا مكنتش قاصدة نجبد داكشي ونجرحك فموضوع ليليااان أنا كنت معصبة وماعرفتش اش كانخرج من فمي عفاااك ماتقلقش مني اإسلام وجااوبني عفاااك
سيفطاتو ليه ومكانش داخل وهادشي حسسها بالإحباااط... بقات تاتسنااه يجاوبهاا مدة تابان ليها مداخلش ونزلات لتحت طلات على بنتها وتكات جنبهاا كاتجرب تصوني ليه وتعاود وتسيفط فلمساجااات عاديين عالله يجااوب... فاش يأساات وشافتو مبغاش يجاوب قررات تمشي عندو برجليهااا وتهضر معاه وتشرح ليه بلي ماقصداتش داكشي لي فهم هووو... خصوصا أنها عارفة موضوع ليليان بالضبط حسااااس بالنسبة ليه وعمرو نساااه...
حطات المشية فراسها وناضت تتوجد حالتها وتتفكر كيفاااش غاتقنعو وتخليه يسمح ليهاا وينسى اش خرجات من فمها...ناضت تاتشوف اش تلبس وطبعا واخا توصل فيها فيما بغات مستحيل ماتفكرش فحالتها وماتقادهاااش... جبدات كسوى واسعة فالبيج وعريانة من لكتاف تايجيوها طايحين...لبساتها ومشات قدام مرايتها تتقاد وجهها بمك اب خفيف كيف عادتها... رشات ريحتها وخلات شعرها مطلوووق وشافت فبنتهاا لي باقي ناعسة مكورة على بعضها غير ديال لعضاان... باستها بشوية وخرجات تتقلب على رنيم لي كانت فالصالة تتفرج...
أسماء:رانو أنا خارجة ردي لبال لروفيداا عفااك ولابكات عطيها حليب لافاغماسي واخا
رنيم:(غمزاتها)فين غادة ونتي بديك الحالة؟؟
أسماء:غادة عند راجلي مهم راه بنتي امانة عندك
رنيم:سيري وردي لباااال لاتهزي تانتي بحال رحيل هههههه
نزلات أسماء خارجة وقبل هزات سوارت طوموبيل ريان لي مداهاش معاه ليوم... ركبات وشدات طريق لعند إسلام...طريق كلها وهي رادة لبال ياكما تابعاها شي طوموبيل ساعة والو الأوضاع عادية....وصلات وسطاسيونات ونزلات تتقاد شعرها ودخلات نيشان لاسونسور... كانت تتوجد راسها والحوار لي غاتبدا بيه وماحسات تالقات راسها قدام لباب... حلات بالساروت ودخلات تتقلب عليه بعينيها...مكانش فالصالة ومكانش فالكوزينة مشات نيشان لبيت نعااس حلات لباب وقشعات كانيط ديال الشراب محطوطة فوق الكوافوووز وصوت الماا جاي من الدووش... قربات شافت ديك لكانيط لي كانت خاوية وشمات ريحتها وهي مخسرة سيفتها... جلسات تاتسنى فيه وهي حاطة رجل فوق رجل وتسوط... تواني وتحل باب الحمام وخرج منو إسلام لي مضور على نصو فوطة... هز عينو ومع لمحهاا كمش حجبانو:اااش كاديري نتي هنااا؟؟
أسماء:(ببرود) ملي مابغيتيش تجاوبني جيت برجلي عندك
إسلام:(جااي جهتها معصب وقال بحدة) وااااش طااار لجد مك لفريييخ تاجاااايااا عندي بوحدك؟؟
أسماء:(ناضت وقالت بانفعال) ومالي مانجيش كون جاااوبتي كون گاعماا جيييت
إسلام:مابغيتش نجاوبك فهميهااا
أسماء:وعلاش بالسلامة ؟؟
إسلام:شوفي نتي علاش
عطاها بالضهر ومشى لبلاكار حلو وجبد كالصو وشورط لبسو قدامها وخرج من لبيت بلامايتلفت وراه...تبعاتو أسماء وقالت بانفعال:هضرتي جات عفوية ماقصدت فيها تاحاجة اإسلام
إسلام:(هز صبعو فوجهها) داااك الموضوع مايتجبدش
أسماء:علاش مايتجبدش؟؟ واش أنا جبتو بلعاااني أونبلووس هادشي راه طراا وهادي هي الحقيقة لي مانقدرووش نخبيوهاا (شدات فكتفو وقالت بهدوء)أما راه ماااقصدتش نجبد موضوع ليلياان نتا عارف عمري نبغي نضرك بموضوع بنتك لي عارفاااه حساس بالنسبة ليك
إسلام:درتيهاا قبل نفكرك فيها؟
أسماء:(كمشات حجبانها) نتا عارف فديك لفترة كنت محاملة فيك الشعرة وكنتي تتعصبني بسباب مشكيل رحييل وهادشي لي خلاني نخرج ديك لهضرة فديك لوقت مي دابا لااا دابا نتا وليتي مهم عندي ومانقدرش نقلقك
إسلام:ولكن راه درتيها ملي خرجتي بلاا خباااري وملي جبتي دييك لهضرة
أسماء:تت واش فيما ندويو على هادشي تقلق وتفهم عوووج
إسلام:شوفي نتي اش گلتي
أسماء:ماكدبتش قلت لي كاااين نتا منوي فشكل
إسلام:(هز حاجبو) ودابا نگولو هادشي مكنتيش قاصداه ومجيتك هنااا بوحدك؟
أسماء:واااش انبقا مخشية فالدار؟؟ راه ضروري نخرج ولاكانت ديك خيتي باغا تأديني نوريها اش تانسوى صحابك انا ساهلة ليهاا (قربات جهتو كتر وقالت بخفوت)باقي مقلق مني؟؟
إسلام:(بنفخة) لي مشافتش راجلها مدة هاكا تاتهضر معاه تاسلام ماسلمتيه
أسماء:(ضحكات ضحكة الشيخات) ههههه ونتا فگعان جيناا نفشوووك شوية
جرها إسلام من خصرهاا وهز ليها دقنهاا وتلاح على دوك الشفايف تيبوس فيهوم بحال لعطشااان وتاهي كتاار منوو... ضورهاا جهة لحيط وتكاهاا عليه مكمل بوسااانو معاهاا وهو نازل على دقنها وعنقهاا بلبوسات قبل مايهزها غادي بيها جهة بيت نعاس ولاحها فوق النموسية تاغوتااات:وابشووووية ابنادم هرسني
إسلام:(نزل جهتهاا تايهز ليها لكسوى وقال) قاطعة علينا النعمة وبغيتي نشور مزااال
لاح ديك الكسوى وبقات غير بدوبياااس وعض على شفتو كيشوف فديك لاطااي ولكريشة لي كاينة وبلاصة سيزاغياان باقي باينة نزل باسها فيهاا ورجع تايبوووس عنقها وكرشها وتابلاصة ماسلمات من بوساااتو وهي تتلوى تحتو بحال شي لفعة عايشة معااه اللحظة ومستمتعة بكل كلمة همس ليها بيهاا وكل قبلة طبعها على جسمها وتاهي مابخلاتش عليه بصوتها لي كان تيطربو ويخليه يزيد يزند عليها... فوسط علاقتهوم همسات ليه فودنيه بخفوت وبصوت بااح:ماتخويهش فياا راه ماجايباش معايا الدواا
كان مرفوع تافيقاتو بهضرتها وشاف فيها وهو تينهج كولو حمر:علاش؟؟
أسماء:(عضاا على شفتها)مافياا لي يتصيد بحال عوينات الجلبانة ونهز وروفيدا باقي صغيرة...
لوحم راه خو لهبااال ولمرا لموحمة تادير شي تصرفاات لي هي براسها مكاتقدرش تكونطروليهوم ولبعض كيشوفهوم حماااق... ملي شافت فدراعو وهي ساهية فيهوم عجبوها بزاف وعيااات ماتصبر راسها ولكن فالاخير ماشعرات تاالقات راسها محنية وعاضااه منهاا محيدة جنونها وشهوتها فيهوم...
أما هو كاان مزك وعينو على لعودان لي تايروضوهوم تااحس بديك لعضة وضااار منير ومخنزر عند بااالو راه سيدرا هي مولات لفعلة وكااان هااز يدو يصمكهاا ساعة بانت ليه مهاا مولات لعقل... ونوح لي كاان جالس جنبها مع قشع اش دارت جرهااا قبل ماتجيها شي دقة من ولدو حيت عااارف يديه سابقااها...كلشي حل عينو فيهاا مصدووم وهي بقات تاضور عينيها وقالت بسرعة:مادرت والو
مخلية ليه لاطرااس فدراعو دسنااان شي لي صعروو وخلاه يضرب واحد التخنزيرة فيها ويدو التانية مزيرها تترعد... وماحسو تاهز يدو ضرب دوك لكيسان دلعصير تاتشتتو قدامو وناااض غادي مكيقشعش قبالتو... وناض نوح تابعوو تكمشات رحيل بلاصتها وتانيرت قربات جهتها وقالت:مالكي ابنتي لاش عضيتيه؟
رحيل:(بصوت مغنغن بلبكا) غير عجباااتني يدوو اماما
رحمة:(بهدوء)غايكون غير لوحم السباب ولكن زين العابدين مغايفهمش هادشي
تانيرت:تت تانتي ابنتي هاد لوحم عندك فشكاااال (ضحكات تانيرت)هههه غير الله يحضر السلامة وصاااف
سيدرا كانت غير تاضور عينيها مفهمات والو وعلاش هادشي وقع ومها عضات زينبيدين...
دخل لبيتو زادح لباب وقرب جهة الطبلة دفعهاا برجلو معصب ديال بصح... تايعوج فعنقوو وماهماتوش لعضة بقد ماعصبو تصرفهاا لي مافهمش سبابو...
دخل نوح وشافو وعرف اش كايضور ليه فداك الراااس قرب جهتو وجرو من قرفادتو وقاال بهدوء:شوووف فيااا
زين العابدين:(عض على سنيه وقال بحقد) خليهاااا تبعد مني ماتقربش ليااااا
نوح:(بجدية) زين هاديك راه مرتي ومغاتبقاااش حياتها كلها مبعدة عليك داك لحاجز لي بانيه راه خص تريبو حيت مصالحش
زين العابدين:وماباغيش نريبووو أنا مرتاااح هاكا واااش بزز شكون هي لي تبقااا تجي وتهضر معايااا ياك هي مرتك الواليد
نوح:(كمش حجبانو)حيت هي مرتي بغااات تقرب منك كيفما درت مع سيدرا وخليتها تولي قريبة ليااا
زين العابدين:(بعد عليه وقال بانزعاج)ماباااااغيش أنااا باغي نبقااا بوحدي لاهي ولابنتها مباغيهومش أنا فحيااتي
نوح:(كمش حجبانو) هوما راه فحيااتك وبزز منك تقبل هااادشي 18 لعاااام ونتااا بوحدك لاعائلة قربتي ليها ولاصحاب درتيهوم من غير أمين لي ماعرفتش كيفااش تاولى صاحبك عند بالك لابقيتي بوحدك غاترتااااح
زين العابدين:أنا مرتاااح ماباغي حد يقرب ليااا وماشكيت على حد
تسمع دقان فلباب وتحل وبانت رحيل لي كانت جايا وهي حشمانة... شافت لجو مكهرب بناتهوم وزين العابدين قلب وجهو عليهاا...
رحيل:(تتحك يديها مع بعض) زين سمحلياا أنا ماقصدتش نعضك أناا غير لوحم هو لي تايدير لياا هاكاا عارفة راسي غلطت داكشي علاش بغيتك تسمحلياا اولدي
زين العابدين:(شاف فيها ببرود) أنا ماشي ولدك
رحيل:ولكن نتا راه بحال ولدي ومابغيتش نبقاو هاكا (شافت فنوح لي ساكت تايشوف قبالتو وعاقد حجبانو ورجعات شافت فزين) ماكرهتش نوليو على لأقل بحال صحاااب
زين العابدين:(سااط بالجهد ومسح على وجهو وقال بحدة وبنبرة مافيهاتش النقااش) ماباغي منك تاااحاجة عطيني بالتساااع نتي وبنتك
خرج سامح ليهوم فديك البيت وخلى رحيل غير تاتشوف قبالتها... مبغاتش الأمر يوصل لهاد الحدة ومكانتش نيتهاا تخلق مشكيل بينها وبين زين العابدين لي أصلا علاقتها هي ويااه مفشكلة... ضارت لعند نوح وقربات جهتو وقالت بخفوت:سمحلياا انوووح حيت خلقت مشكيل بينك وبين زين
نوح:(بهدوء)ماوقع والو ارحييل
رحيل:لاوقع عارفة بلي زين العابدين مكيحملنيش لاأنا ولاسيدرا ومباغينااش وأنا كل مرة تانحاول نخليه يهضر معايا ولكن هو داير حدود ومكانلقى ليه جهد
نوح:هو ساد على كلشي ماشي غير عليك (جرها عنقها وكمل هضرتو) إلى لاحظتي تاامن يمّا وبيسان ورؤوف مكايجمعش معاهوم بزاااف تت عقليتو فشكااال داك لولد عزيز عليه غير يبقا بوحدوو
رحيل:(نطقات بتردد)يمكن بسباب ماماه
نوح:(خنزر وقال ببرود) هاديك ماتستاهلش تقال ليها ديك لكلمة واخر مرة دكريها
رحيل:واخاا سمحلي
تنهد نوح وباسها فراسهاا عاد حدر راسو تايشوف فيها وقال بصوت خاااتر: اش بلاان هاد لعضاان الفتنة
رحيل:والله ماعرفت اش وقع لي تت شفت دراعو وعجباتني
نوح:(هز حاحبو وبنبرة تاتلمس فيها لغيرة)عجباااتك؟؟
رحيل:(بتبرير) ماشي كيف فهمتي تت لوحم هو السباب ماعرفتش مالي (هزات فيه عويناتها) عقلتي فتوينز مكنتش تانحمل فيك الشعرة وتاسيرتك تاتصعرني وكلشي بسباب لوحم (عنقاتو وقالت بتبسيمة خفيفة)ولكن دابا وقع لعكس ريحتك تتحمقني نبقا غير نشمها ونبقا نشوف فعينيك ونكون غير حداك
نوح:وشنو اخر؟
رحيل:(بجرئة) وتبوسني وتبقا ديما جنبي
نوح:(بنبرة تقيلة)هي لي ماتعاودش الهالكااني...
مابقا ليها والو بااش تخرج
كونجي داكشي علاش تدركااات فخدمتها ماحيلتها لسبيطار ماحيلتها لكابيني ديالهاا... كانت باغا نهار تخرج تكون مطرقة كلشي باااش تمشي دوز عرسها بخاطرها وشهر لعسل تاهو... ولي زاد ريحهاا هو فاش ساقت لخبار بلي عمر رجع لبرا لبلاد وتهنات منووو... الراحة حسات بيهاا هم وانزاح عليها... حيدات لابلوز وهزات صاكها خارجة بداك الطالون تاتقرقب بيه تاوصلات لبرا لقات ريان كايتسناهاا جنب طوموبيلتو... تبسمات ليه بحب وهي غادة جهتو وتسالمو بلابيز...
بيسان:عاد خرجتي؟؟
ريان:اه كانتسنى غير لكونجي عيييت
بيسان:مابقا والو وتجلس واخا عندك غير 20 يوم
ريان:اللهم العمش ولالعمى ونتي مابقاش ليك بزاااف
بيسان:سي نيت غانجيو أما وياك قد قد
ريان:(غمزها بمكر) هالعرس قرب يدوز وأراك لداكشي لي موراااه
بيسان:(ضرباتو بلخف)باااااسل
سبقاتوو وحلات طوموبيل جالسة وهو تبعها وقال تايضحك:مالكي راه حلالا طيبااا الشريفة
بيسان:(ولات كلها حمرا) وارياااان تت وصااافي راه والله تانزل
ريان:(حرك راسو)صافي مابقا قد مافااات ونشدك
عض على شفتووو بمكر خلاهاا تاتخنزر فيه وهي حمرااا حشمانة ومع هو جبهة لي فخاطرو فطرف لسانو...شد الطريق وهي جنبو مجمعين على لعرس وتحضيراتو...
ريان:خصنا نشوفو لقاعة ونشوفو التريتووور وداك تخربيق
بيسان:خويا قال ليا غايتكلف بهادشي
ريان:(بجدية)ولو خصني ندوي معاه لعرس عرسنا بزوووج وخصني تاأنا ندير يدي معاكووم فيه
بيسان:راه ماشي هاكاك مي خويا من ديما تايقول ليا عرسك على حسااابي (بحزن) حيت بابا الله يرحمو كاانت هادي أمنيتو ديما كان يقولها لياا فاش كنت صغيرة هه فاش كان خويا ناصر الله يرحمو غايتزوج قال ليه نتا راجل قاد براسك وبمرتك ولكن بنتي أنا لي غانتكلف بيهاا
ريان:(بتفاجأ)بلاتي كيفااااش خوك ناااصر؟؟؟ واش عندك شي خوووك اخر من غير ولد لحااج ورؤوف؟؟؟
بيسان:اه هو لكبيررر ولكن ماات
ريان:(مصدوم)عمرك قلتيها ليااا ؟
بيسان:(تنهدات)حيت مجابتهاش لوقت وصاف مات شحال هادي تقريبااا شي 19 لعااام
ريان: الله يرحموو وشنو سباب تامات واش كان مريض؟
بيسان:لا ولكن تغدر نهاار لعقد ديالو مع مرتو ضربو واحد الشمكااار بموووس وماقدروش يعتقوه ومااات وموراهاا بمدة قصيرة مات باابا
عينيها تغرغرو من سيرتهوم وحسات بالوحش ليهوم واخا دازو سنين ولكن بلاصتهوم باقا لدابا خاويا
ريان:الله يرحمهوم صراحة تفاجأت بهاد لخباار
بيسان:اوا هانتا عرفتي دابا
ريان:شنو مزال معارفش عليك؟
بيسان:هاد الساعة كلشي عارفو أصلا حياتي مافيهااش شي حاجة واااو حيت حياتي كلها وأنا عاطية جهدي لقرايا تاوصلت لهاد لبلاصة فين أنا وصاف ونتا (هزات حاجبها بمكر) أكيد حيااتك غاتكون فيها لومبيوونص حاسة بيها
ريان:(ضحك)واماكدبتيش هههه حياتي معقدة صراحة ماكبرتش هناا كبرت فكندا راك عارفة حياتي كلها تقريبا تم مع لواليدة وبابا عبد الله الله يرحمو
بيسان:بلاتي واش نتااا ماشي خووو رحيل شقيقهاا؟
ريان:وابلاتي نكمل ليك باش تفهمي
بدا كيعاود ليها وهي تاتحل عينيها من داكشي لي تايگول ليها ولي هو براسو لحد الان مامتيقش بلي داز من هادشي كااامل...عاود فقط على قصتو وكيفاش مكانش عارف باااه هو إدريس...
بيسان:صراحة هادشي لي عاودتي لياا صعيب يتقبلو لعقل ماماك مسكينة دازت عليها صراحة وتانتا ماساهلش عليك تكون كبرتي مع راجل على أساس باك وفلخر تعرفو ماشي باك لحقيقي
ريان:بزاف گااع ولكن اش غانديرو لمكاتيب حتى أنا كنت فلول محاملش هادشي ومكنتش گاع باغي نبقاا فالربااط وباغي نرجع لمونترياال ولفت تم ولعيشة ديال تم (شاف فيها) ملي تتسكن فبلاصة تتولفها ومكاتقدرش تخرج منهاا وهادشي لي طرا ليا ولكن لواليدة حلفات لارجعت
بيسان:حيت كبرتي تم بحال زين العابدين تاهو مكايحملش هناا ودابا نيت مداا بيه يرجع ماعندوش مع لمغرب
ريان:تاداك ولد خوووك فشكاااال كتار مني
بيسان:بزاااف عرفتي انا لي عمتوو ومكيعطينيش وقت هاداك راه تيحمااق غير على باه
ريان:عااادي مولفوو تاأنا كنت مولف باعبدالله الله يرحمو وفاش ماات حسيت بلاصتو خوااات ومع لمشااكيل مابقيت حملت تاحاجة
بيسان:(بميوعة)غاتكوني رونتيهاا فمونتريااال وشبعتي زهوو حيت مكاين لي يحدهوم ليك اجي عمرك جربتي شراااب
ريان:(بصراحة)واهو شبعتت زهو ونشاط ولكن ماشي داكشي لي فبااالك امون دكتوغ (نطق بعفووية سيد نسى راسو) شراب راه كيف والو راه ضربنا گاع لادروگ تاتبليناا...
تايعاود بعفوية ناسي راسو وناسي هاديك لي جالسة حداه شكون هي... مع قال هضرتو وهي تحل عينيها على جهدهوم تاتشوف فيه وتاتسناه يضحك ويقول ليها راه غير تانضحك معاك ساعة السيد صقل وضرب الطم...
بيسان:واش داوي بنيتك؟؟ كنتي تاتدروگاا
ريان:(شاف فيها وعاد بدا تايستوعب) تت داكشي داز عليه سنين ابيسان نسااي
بيسان:كيفاااش نساااي واش تاتگول ليا كنتي تاتدروگاا وبغيتيني نسى
ريان:(قال وهو معاجبو لحال) لي سمعتي هو لي كاين كنت مبلي والله يعفو (شاف فيها ببرود) ياكما غايتنادم معاك لحاال فاش عرفتي
بيسان:واش من نيتك راني مصدومة فاش عرفتك كنتي تاتدروگا مباينااش عليك گاع هادشي لي قصدت ماشي داكشي لي فبالك
ريان:اوا هادشي لي كاين كنت مبلي ودخلت باش نحيد لبلية شهور وأنا نتعالج وفلخر قدرت نقزهاا
بيسان:مارجعتيش جربتي مور ماتعالجتي زغمة مازغبكش الله ودرتيها
ريان:من نتيك نجرب باركة غير داكشي لي عشت فلفترة ديال العلاج وكيفاش كانت حياااتي ديك الساعة وزيد تقة لواليد فيا ماقدرتش نهرسها وأصلا كانت غلطة وشفت نتيجتها كيف كانت
بيسان:(تنهدات)مزيااان لمهم هو تعالجتي (حطات يديها على يديه)مغانلومكش اريان داكشي دوزتيه فحياتك وأنا ماكنتش فعلاش غانلووومك
ريان:ومانعرف تكوني مارضيتش بيا زعمة نتي طبيبة
بيسان:يااااه على بنادم والطبيبة تاتخرا لويز مااالك هاكا ماااالك تت (قلبات وجهها منفخة) لواحد مايصلاحش ليه يدوي معاااك نزلني هنا نمشي بحالي
ريان:(جرها من قرفادتها حاط راسها تحت باطو وسايگ بيد)هانااا على مون دكتوووغ تاتخسر لهضرة هههه اراي شي بيسة
بيسان:واحييييد راه غانديرو كسيدة ونتا عاد جااك ترومانسى
ريان:بوسيني ونطلقك
بيسان:وراااه غانصليها معاااك بعد اويلي جعرتي
ريان:ااااح ونشدك
طلقها بستة وستين تكشيفة وهي غير تاتخنزر فيه وفيما تشوفو باغي يضسر تاضور فيه وهو يضحك... وصلو لعند نگافة ونزلو بزوج وليد فليد من الشوفة كيبانو مواتيين مع بعض.. كلها أنوثة وغنج وهو كلو رجولة وكاريزماا... جالسين مع النگافة لي ديجا عيطات ليها بيسان وعلماتها بلي غادوز عندهاا...
بيسان:عندي لعرس وبغيت نشوف لكوليكشن جديدة دلعرايس لي عندك
ن:وقتاااش عندك ؟
بيسان:صراحة باقي ماحددت تاريخ بالضبط ولكن فالشهر الجاي
ن:كااين بزاف دشكيلات وتكاشط جداد يالاه دخلو لينا
ناضت جابت واحد البواطة بحال لمجر حلاتها وبانت واحد تكشيطة فنة فالخضر ملكي دلحنة كلها جووهر وهماوية تاتسلب لعين..
ن:هادي ديال الحنة جديدة ويالاه دخلات وباقي ماتلبسااات وكاين معاه لزاكسيسوار لي نتي تاتختارريهوم على دوقك
بيسان:(شافت فريان) كيف جااتك حبيتهاا
ريان:زوينة تجي معاك
ن:شحال من لبسة غاديري؟
بيسان:خمسة دلباااسي
ريان:(جرها ونطق بخفة) خمسة بزاااف ابيسان واش أنا لعرس كولو غانبقا سير بدل اجي بدل
بيسان:شووو (شافت فنگافة)بغيت ندير ديال الدخلة تكون فلبااج وعاد دلحنة حيت غانديرو فلقاااعة وديال لعشاا وغاندير لبسة سوسية ولاغوب
ن:لبسة سوسية عندك كاملة
بيسان:اااه عندي هي بلزاكسيسواغ ديالها دابا غنتافقو على ربعة لخرين وعلى الجلسة دلحنة وتاااطيفور والعمارية واش غير هادو لي هنا هوما لي عندك
ن:لا عندي فلگاراج نوريهوم ليك فتلفون ونتي ختاري
بيسان:واخا نشوف
بقات تاتوريها فشكال وبيسان كل وحدة تعجبها على التانية داكشي باين غالي وفنفس لوقت ماشي عروبي... عزلات عمارية لي بغات والطيافر تاهوماا وطبعا ريان تايعطي رأيو... وموراها دازت لتكاشط وريان هو لي ختار ليها لواان... طرقات بلان النگافة كاامل وعلماتها بلي غير غاتعرف لاداط دلعرس غاتعلمهاا وعطاتها لعربون لي تكلف بيه ريان عاد خرجات بيسان مرتاحة حيت حيدات واحد لهم كبيررر عليهاا وداكشي لاخر دلقاعة عارفة ولد لحاج هو لي غااادي يتكلف كيف گال ليهاا وتايقة فدوقووو داكشي علاش ماهزاتش ليها لحمل...درعها رياان وهو مبتاسم وكيتسنى غير نهار يعقد عليها وتولي حلالو...
يتبع...
التعليقات
لا توجد تعليقات بعد، كن أول من يعلق.