محتوى القصة
حلات ميس لباب دلباخطومون ودخلات لداخل فين كان إسلام جااالس وحداه موو وباين فيها مخلوعة أماا إسلاام فمكانش باين فيه واش معصب ولامكالمي حيت ملامح وجهوو كانو عاديين.. تقدمات جهتهوم وبصوت هامس نطقات:سلام او عليكوم
لالة فاطمة:فين كنتي ابنتي خلعتيناا عليك وماااخلينا فين قلبناا
ميس:(حيدات عليها الطربوش وتنهدات) تخنقت فالداار ومشيت نشم شوية دلهووواء
إسلام:(ناض غادي جهتهاا وقال بهدوء) والناس لاش دايرين التلفون همم كنتي تعيطي علياا وتعلميني بلي باغا تخرجي وتاشي حد مغايمنعك ماااشي تهزي راااسك وتخرجي بلاخبااار حد وتخليناا نحماااقو عليك
ميس:(خنزرات فيه) دابا حيت خرجت غادير ليا سكوندااااال يااااك
إسلام:(غوت بعصبية) لامتى غاتبقاااااااااي اميس مستهترة هااااا فاللول كنت تندوز هاد لفعاااايل بجغيمة المااااا وعاطينك مبررات على قبل نفسيتك وشنو طراا معاااك ولكن نتي غير مكتزيدي فييييه باغااااا تخرجي خرجي الالة حد مغاااايحبسك ولكن علميناااا (أشار لجهة مو) لواااااليدة تخلعااات فاش مشات لبيتك وملقاااتكش وخافت تكون واقعة ليك شي حاجة حيت مخليااا تاتلفوووونك هنا
ميس:(وقفات تاهي بعصبية وعينيها عليه وديك لعصبية لي حسااات بيها من جهة عدنان او وفاااء خلاتها تفرگع على إسلام) قول لياااااا موك لي مشاااارجيااااك عليااا ماشي حيت نتااااااا مخلووووع وكتخاااااف علياااا
إسلام هز يديه تال سماااا وكان غاينزل عليهاا بتصرفيقة كوووون مااا مو لي جرااااتو عليهاا وهو مخرج فيهاا عينيه تاخلعهاا وقلبهاا نقز وسط ضلوعهاا حيت من طبع إسلام مكيتعصبش بزاااف وهي مولفة منو داك لجانب المهتم والحنون ولي ديما كيخااااف عليها وقليل فاااش كيتعصب عليهاا بحال لمرات لي دازو.. رجعات تاهي باللور وعنقات راسها بيديها وهي كلها تترعد وعينيها كيضورو فبلاصتهووم وريقهااا نشف عليهاا.. هي مولفة كتدفع الجبهة وتغوت وتحيح ولكن فالحقيقة هي تتخاااااف منوووو بلاقياااس
لالة فاطمة:(ترغب فولدها) نعل الشيطاااان اولدي مرتك راه غير عيااانة ومعصبة ماتديش عليهاا
إسلام:(كيتحلف عليها) شتي اميس برب المعبووود وتعاوديهاا ياتنق (حبس من تخسار لهضرة على قبل مو ) هاد لمرة مي حبسااتني عليك لمرة الجايا راه مغايفكك مني حد ديريهاا فباااالك اميس..
خنزر فيهاا وقلب الضورة غادي لبيت بنتووو وهي بقاات واقفة كلها تتغزل تاقربات منها لالة فاطمة تتهضر معاها بصوت حنين وهي تتمشط ليها شعرها: ولدي راه غير خاايف عليك وصاااف والاتعصب غير حيت هو كيبغيك ماتخليش ابنيتي المشاااكيل يكبرو بناتكوووم وديري لمااا ملين يدوووز الله يرضي عليك ويبعد عليكوم ولاد الحرااام..
بعدات عليها ميس ومشات لبيتهاا سادة عليهاا لباب بالساروت... بقات تتزول فحوايجها كاملين تابقاات غير بدوبيااااس وتمشااات جهة لمراياا اوقفات تتشوف انعكاااس جسمهاا الخمري لي كان منااسب لون الدوبيااس لي كان فالاحمر الداكن... عينيها مشااو لكرشها لي باقي فيهوم الضرااابي ديال دق لي عطاهاا عدنااان.. حطاااات يديهاا على واحد الدقة شادة كرشهاا تال جنبها ليسر وبدات كتلمسهاا وهي سااااهية وبصوت هامس نطقات: أناا مغاديش نخليها تولد ولدك اعدنااان حيت هادا لولد هو لي غادي يربطك بيهااا ومغاديش تقدر طلقهااا مزاااال وطولما لولد فكرشها نتاا غاتبقاا مزوج بيهااا وهي مغاتفارقش معااااك (حركات راسها بهسترية) مغانخليش هادشي يوووقع لا لا نتااا غايخصك طلقهااا حيت نتااا ديالي اعدنااان وأنا مغانخلي حد يوقف فطريقي أنااا ويااااك أنا مغانخليهوووومش يفرقوناااا لا لا (زيرات على يديها وعينيها حمااارو) واخا نعرف نولي قتاااااالة مغانخليهومش يفرقونا...
تمشات جهة الطبلة فين محطوط تلفونها هزاتو وشافت فيه وبصوت بارد نطقات: واخا صيفط ليها مساج بلي هو كيخونها هي مدارت والو وباقا مكملة معاه...
تصرف إدريس مع ريان عواض مايقربو منوو خلاه يبعد عليه ويزيد ينفرو حيت من طبع ريااان أن راسو قاااصح وهو مكيجيش بلعنااد والعصبية إنما بالخاااطر.. هو والأسمراني فولة وتقسمت نصيين نفس الطباااع عندهوم ونفس العصبية ونفس قصوحية الراااس شي لي مخلي التفاهم بناتهم يكون شبه مستحيل.. كل واحد باغي يفرض رأيو على لاخر ويدير داكشي لي هو بااااغي.. وفااش إدريس عاقبو ديك لعقوووبة هو زاد تعصب منوو وزادت الفجوة لي بناتهوم كبراات.. إدريس عند بااالو بلي الى قصح معاه ريان غايعيق برااسو ويفيق من ديك الحياة لي هو عايشها وغايبدل ديك الطرريق لي هو ماشي فيهاا.. ولكن إدريس نسى بلي ريان حياااتو كلها عاشها بديك الطريقة وبديك لعقليية دونك ماشي غير اجي وبدلها.. القرار لي خدا رياان كااان متشبت بيه حيت هوو مباغيش يعيش معااه مزااال وماباغيش لي يبقا يقول ليه شنوو يدير وشنو لي مايديرش.. نازل فالدروج وتانيرت تتعيط ليه وهو حلف لاضار عندها وحتى باااش يشوف فيهاا مشافش.. نازل لتحت باش يمشي بحااالو وهو يبان ليه إدريس واقف فالسطوااان مربع يديه كيشوف فيه شوفة قاااصحة لي بادلو ريااان خت ديك شوفة بحال الاكيتحدااااه..
إدريس:(هز حاجبو) فين غادي؟!
ريان:(جاوبو ببرود) مسوقكش
تانيرت:(قربات جهتو) واش نتا باغي تحمقني فين غاااتمشي ارياااان وزايدون هادي راه دار باك وهادا لي وااقف قدااامو باك وخصك تحتارمو
ريان:(جاوبها بلامايشوف فيهاا) بابا ماااات هادي عاام
واقفة كلثوم حدا باب الكوزينة كتفرج فيهوم وهي عاجبهاا الحااال وداكشي لي هي باغاا هو لي تيوقع داباا ريان ممتقبلش بااااه وهادشي كيخلي إدريس يتعصب ويحقد على تانيرت حيت هي السباب فكُره ريان لباااه.. ومغايقدرش ينسى ليهاا أنه خبااات عليه ولدوو وحرمااتو منوو..
إدريس:(قرب جهة رياان كيشوف فعينيه شوفة فشكل خلات رياان يتلبك ويتوثر ولكن مبينش ليه هادشي.. ونطق بصوت هادئ) تقدر تنكر أني ماشي بّاك ولكن مغاتقدرش تكدب بلي دمي كيجري فدمك ودير قبالك لخروج من هاد الداار هو لي عمرك تحلم بيه ونهااار نموووت وتردم علياا الترااب ديك الساااعة تقدر تمشي فيماا بغيتي..
لهضرة لي قاال ليه خلاتوو بلامايشعر يزيد على يد الصااك لي هاااز ماااشي حيت معصب منوو حيت منعوو يمشي ولكن ديك لكلمة ديااال نموووت مقدرش ريااان يتقبلهاا ولاتاايتخيل بلي هاداا لي واقف قدااامو ولي هوو باه الحقيقي غايجي النهاار ومايبقاااش يشوفوو... قلب وجهوو عليه وبلامايتكلم ولايزيد الكلمة فوق من كلمة باااه مشى راجع لبيتو هو ومحمد طه.. تنهد إدريس واحد تنهيدة طووويلة حاااس بلي الطريق بينو وبين ولدو باقي طووويل وعاامر بلعگبااات ولحفاااري ولكن هو مغايحبسش ويستسلم وغايدير كلما فجهدوو باااش يخليه يبقاا ديما معاه تحت جناااحو..
----
كااانت رحيل باقا شادة التلفوون تتهضر مع عااصم لي كااان جالس فالمگازان ديااالو كيضور على لخدامة حاضي خدمتو.. شير جهة واحد من الدراري لي تم ونطق بصوت جدي:هااد السلعة بلاصتها مااااشي هنااا
(وبصوت هادئ كمل هضرتو مع رحيل) اه مّي شووية قااصحة ومكتعجبهااش لحاجة دغياا ولكن واخا هاكاك قلبها بيض وغير خصك تعرفي كيفاااش تعاملي معااها وصاف وزايدووون الاكتاااب وتزوجناا أنا وياك فكيف قلت ليك كل وحدة غاتكون عايشة فدار ليها
رحيل:(بهدوء) عاصم نسيت نسولك على ختك لي مزوجة علاااش مجاتش معاكوم
عاصم:(لعب بلسانو ففمو) ميس كيف قلت ليك مور الكورطاج لي وقع ليهاا نفسيتهاا مبقاتش كيف كاااانت وباقا عيااانة شوية
رحيل:(تنهدات) مسكينة الله يعوضهاا.. اجي قلتي ليا عندها بنت صغيرة فعمرها عمااين ياك
عاصم:اه ليليااان بنت باباهاا ههه
رحيل:(ضحكات) ههه علاش؟!
عاصم:حيت تتموت على باااهااا وميمكنش تفرق عليه تامن مهااا براسهاا ممربياااش عليها لكبدة بحال باهاا
رحيل: أصلا لبنات كيكونوو متعلقاات باهوم عكس الدراري
عاصم:(نطق بصوت هامس) هي ازيني الاجاتنا بنيتة غاتكون متعلقة بيا كثر منك
رحيل:(بخجل) على حساب تعاملك معاهاا
عاصم:أصلا عزيز عليا الدراري الصغاار والاكاانت بنتي فأكيد غاتكون مومو دعيني ولي بغات نحضرو ليهاا
(حيد التلفون من ودنيه وبانت ليه دوزيام أبيل ورجع كمل هضرتو) زيني نكملو من بعد واخااا (دوز لابيل وبصوت هادئ قال) على السلامة وصلاتك الأمانة؟ (الصمت كيسمع لطرف الثاني) عارف المهم لي كاين راه قلتو ليك رد لبال (الصمت) صافي غانشوف كيندير ونجي نشوفك ضروري..
مربعة يديها كتشوف فيه بينماا هو كان حادر رااسو بحال شي وليد صغير دار ليه باباه بينيسيون "عقوبة".. السكاات وصوت أنفاسهوم هو لي كان كيتسمع فالشومبر تاقرباات جهتو وجلسات حداه فالنموسية ونطقات بصوت هادئ حنين كيف عادتها: علاش مابقيتيش بغيتي تبقا معانا؟
ريان:(تنهد وشاف فيها) حيت هاد لبلاصة ماشي ديالي ارحيل
رحيل:(كمشات حجبانها) علاااش ماشي ديالك شنو وقع
ريان:(كيعبر بيديه وباين فيه معصب غير من ملامح وجهوو وتكميشة حجبااانو) حيت هااادشي لي كنحس بيه وأنااا فهاد الداااار مقااادرش نلقى راااحتي فيهاا ونعيش كيف أناا باغي حيت هناا خصني نعيش كيف هو بغااا ويمشيني كيف هووو بغااا وهادشي أناا ماباغيهش
رحيل:(زفرات نفس سخونة وشافت فيه بجدية) غانسولك وجاوبني بصراحة (حرك ليها راسو باه) واش ماحسيتيش براااسك غلطتي فاااش جيتي سكرااان والضياف كانو عندنااا؟
ريان:(بهدوء) ماشربتش بزااف
رحيل: مغانقولش ليك الشراااب حرام حيت غاتكون عااارف هادشي ولكن اريااان لي خصك تعرفو هو لعيشة فمونترياااال ماشي هي لعيشة فالمغرب راااه تمااا النااس هااربين عليناا هناا.. تما كلشي عندهوم مباااح
ريان:(كمش حجباانو) ماشي أول مرة نشرب هادشي رااه مولفوو وكبرت بيه
رحيل:وهادا هو الغلط حيت نتا كبرتي فبلاد ماشي بلادك تطبعتي بتقافتهوم ونسيتي تقافتك نتا ونسيتي شنوو حلل الله وشنو حرم.. ريان نتا يالاه عندك ثنين وعشرين عااام باااقي الحياااة قدااامك باقي يالاه قلتي بسم الله ماتخرجش على راسك ومستقباااالك بسباب داك الزبل لي مغاينفعكش بلعكس نتا غير كضر فراااسك محمد طه كان قااال لياا بلي نتاا عندك دبلوم فالهندسة المدنية والميكانيكاا التطبيقية ف * University McGill * علاش ماتمشيش تقلب على خدمة لي تلهى فيهاا ولي تخليك تبعد على داك الزمر ومنهاا تبداا تبني فمستقبااالك لي غااينفعك سمع اريان راه تاواحد مدااايم ليك من غير رااااسك ومستقبااالك لي نتااا بنيتيه بيدك طوبة بطوووبة يمكن غاتلقى صعوبااات حيت سيستيم دهنا ماشي هو دلهيه ولكن غاتقدر تأقلم معااااه كيفما غاتقدر تأقلم مع العيشة فهاد الدااار ودير فبااالك بلي أكثر واحد غايبغي مصلاااحتك هو بابا وهو أول واحد غايوقف معااك كيفما وقف معايا أنا ومحمد طه وأسماء ياك شتي هادشي لي وصلنا ليه بفضلو بعد الله سبحانه وتعالى وقف معانااا وقرانااا تااا كل واحد فينااا ختااار الطريق لي بغا يمشي فيهاا انا قريت فلفااك وخديت لla lisence économique وموراها درت la gestion des entreprises فليسطيا ومحمد طه غير شد لبااك مشى ديريكت ليسطياا تاهو ودااار commerce وشد دبلوم وهاهو دابا خدااام على راسو ومسجل تافواااحد الفرقة ديال الدراري لي كيلعبو لكووورة حيت من صغروو كان يموووت عليهاا وبابا قيدوو فواحد الجمعية.. أماا أسمااء كاانت عكسناا ملي شدااات لباااك ومشات لافااك دارت القانون وتكسلااات شوية ولكن فالاخير هاهي شادة la lisence ديالهاا وتاهي خدمااات علاش تانتاا ماديرش بحالنااا وتوري ليهوم بلي نتا راه capable (شدات وجهوو بين يديهاا وبتسمااات ليه) دير فبالك الابابا قال ليك شي هضرة ولاتعصب عليك راه غير على قبل مصلاااحتك وحيت خاااايف عليك وكيبغيك بزاااف كيف كيبفينااا كاملين أناا عارفة بلي هادشي لي كنقول صعيب تقبلو حيت راسك قاصح ولكن نتااا غاتقدر ديرووو
ريان:(الصمت)
رحيل: اه نسيييت محمد طه عزيزة عليه لكووورة من الصغر وأناا كنعشق الرسم وغاتكون عرفتي هااادشي وأسماااء كتموووت على شي حاجة سميتهااا المك اب ونتا اش كيعجبك
ريان:(حك حاجبو وبصوت هادئ) كتعجبني المطااالعة و..
رحيل:(كمشات حجبانها) وشنو؟!
ريان:(بتاسم ليها) كيعجبني تالعزف على لگيتااار وفمونتريااال كاان عندي گيتاار خداااه لياا بابا عبدالله وكان قيدني فمدرسة لتعليم العزف على الآلات الموسيقية ولكن مكملتش فيهاا
رحيل:(صفقات بيديها بحمااس) واو حمستيني نسمع لعزف دياااالك
ريان:(حماسها حمسو تاهو)ههه غايخصني گيتااار ملي نشريه غااتكوني أول وحدة نعزف ليهاا
ابتسمات ليه رحيل وجراتو معنقاااه لعندهاا وتاهو عنقهاا وحس براااسو مرتاااح معااها وهضرتهاا ريحاااتو بحال شي كالمون.. هزات رحيل راسها جهة لباب لي كان مردود وبان ليهاا إدريس واقف وباااين عليه بلي سمع گاع هضرتهوووم غير من شوفاتو بتسمات بهدوء حيت داكشي لي كانت باغا وصلااات ليه..
مع الثامنة مساءا.. وفبيت أسمااء لي كانت كلها مرونة فوق من النموسية عاامر بالكساااوي لي عندهاا وفالارض محطوطين صبابط ديال الطااالون وكل واحد وستايل دياااالو ولونوو.. فوق من طااابل دونوي محطوطين لباااليط ولفونديشن وگااع أساسيات المك اب... واقفة ببجامة نص كوووم وشعرها لقهوي سااارد بالمااا وجمعااااه شفينجة.. حاطة يديها على جنبهااا وغير من شوفاتها باين فيهااا راه كااااعية ومحاااملاش راسهاا.. تسمع الدقااان فالباب وبصوت معصب نطقات:دخوووول
حلات رحيل لباب ودخلااات ببجامة سروال وتيشورت وشعرهااا مجموووع بضفيرة على جنب.. ربعات يديها وهي كتشوف ديك الحااالة لي فالبيت ونطقات بهدوء: غادة لشي بلاصة
أسمااء:(محنية كتشوف فالكساااوي وبصوت ساخر) اش باااان ليك مثلا
رحيل:(قلبات عينيها) سولناااك الخراا جاوبي
أسمااء:(شافت فيها) حفلة على قبل الشركة وخصني نوجد راااسي حيت مع التسعووووود غايجي الشيفور يديني
رحيل:(هزات حاجبها) غاتشوفي داك لبسااايكو دآم
أسماء:هنّاااك الله أناا غانحضر مع خووووه
رحيل:كيفاااش خووه على حد علمي خوو واحد عندو راه مزوووج
أسماء:(قلبات عينيها) أنا سكرتيرة لخاااصة ديال خوه عليها غانحضر معاه غير حيدي الافكااار لي فبااالك ببفففف هاد لق*ووي مالقيت مانلبس
جلسات رحيل فالكرسي تتشوف فيهاا وهي تتهز فالكسااوي وديرهوم عليها وتمشي تشوف فالمراياا وتاحاجة معجباهاا مع العلم عندهاا أشكال وأنواااع وغير دلفرييع.. ربع ساااعة وهي تتقلب وفيما كتشوف فالسااعة تتزيد تعصب حيت التسعود خصها تكون واجدة وحاااضرة.. رحيل شافتها هاكاك وخلاتهاا مع تقلابها ومشات وبعد معاناة طويلة قدرات أسمااء تختاار dress فالغووز عجبهاا وهادي أول مرة تلبسو من نهار شراه ليها آدم وهي حاطاااه فالبلاكااار... زولات حوايجهاا كاملين وبقات غاار بسليب فالنواغ ولبساااتو.. ستيلو زويين كيجي من لفوووق مجمووع ومعري من جهة لكتاااف او جايا واحد لبانضة من الصدر ضايرة على لكتف ليمن ولتحت منفووش.. ابتسمااات حيت جا معاها ومشات جهة الطبيلة باش تبداا توجد راسها.. وكيف عادتها تفننات لراسها بمك اب ديال السهراااات لي بيّن جمالهااا الشرقي بطريقة ساحرة..مك اب ركزات فيه على عويناتها بأيشادو فالغوز ترااابي فخااارج العين وفالجفن المتحرك دارت آيشادو فالغوز بغيوو وعينيها كحلاتهوم بالقلم كحل وجراات عينيهاا بآيلاينر وكختااام لمك اب دلعين دارت رموووش زادو بينوو عينيها كثر ولبستيك مااط وفوق منو چلوس.. زربااات على شعرهاا بلبلاك وخلاتووو على طبيعتو مسرسب مور ضهرهااا دايرة ليه لفرقة من لوسط ومرجعاه مور ودنيهااا.. رشات ريحتها وشافت فتلفونها لي كااان كيصوني عليها الشيفور وجوباااتو: وي أنا نازلة
لبسااات عليها صباااط فالنوااغ عالي وهزات بوشيط من نفس لمارك دالسباااط ومونطوو طويل حيت ماتقدرش تخرج قدام إدريس بهاد اللبسة وخرجات من بيتهااا غادة لتحت.. لقاااتهوم كاااملين تم وإدريس طلعهاا ونزلها وبصوت هادئ نطق:فين غادة فهاد الوقت بالسلامة؟
أسماء:(شافت فكلثوم ورجعات شافت فيه) الشركة لي خدامة فيها دايرة حفلة وأبليجي على لموضفيين ديالها يحضروو وراه علمت ماما وخديت منهاا الإذن
إدريس:(هززز حاجبووو بديك الشوفة لي هي عارفاها) علمتيني أنا؟!
أسماء:(سرطات ريقهاا) باباا أنا
إدريس:(هز صبعوو وبصوت جدي) هاد لمرة غاندوزهااا ليك ومرة جااايااا اجي عندي أناا ماااشي تمشي عند مك هضرتتتي مفهووومة
أسماء:واخا انا مشيت
خلاتهوم ومشات لبرا فين كاينة سيارة لمرسيديس فيها شيفور خااص باش يوصلهاا لفين دااايرين لحفل..ركبات معاااه ورجعات أكتيفات لمود دلغرور وبصوووت هامس:شحاااال زوينة لعيشة دمااالين لعززز..
الطريق كلها وهي كتراقب الزناقي بنظرة لامعة تاوقفات طوموبيل قدام "Sofitel" ونزل الشيفور حل ليها لباب تاهبطااات وهي هازة راسها لسمااا.. دخلات لداخل وزولات مونطوها وعطاتو لبنت لي استقبلاتهاا وكملات طريقهاا وقلبهااا كيضرب بالجهد وعينيها مراقبين دزاااين دلبلاصة وكمية الخدم لي كايستاقبلو الضيااف قدام لباب.. وصلوها لقاااعة لخاصة بالحفل وغير دخلات وهي تحل فمهاا وحسات براسها فعااالم تاني عااالم الناس لبرجوازين لي تموت أسماء باش تكون وحدة منهوم.. واقف وليد حدا لكونطواار ديال لميني بااار لي تم وفيديه كاااس دالشرااب كيجغم منوو وكل مرة كيشوف فساااعتو.. تعطلات ومن المفروووض تكون هناا هي اللولة حيت هي من الموضفين دالشركة ماااشي لمدعووين.. كمش حجبااانو معصب وشاف جهة الباب بنظرة خاطفة ولكن سرعان ما رجع تبت الشوفة فديك البونبونااايه لي كانت داااخلة..
للحظة جمد بلاصتوو وعينيه تفيكساااو عليهاا كانت بحال شي قطعة بونبونااايه حلووة وشهيه للأكل فداك لفستااان وديك الطلة لي بيناااتهاا مثيرة وفاتنة.. هادي أول مرة يشوفها بهااد الإطلالة الجريئة لي خلاتو يسهى فيهاا وفملامح وجهها متبع ليهاا لعين تاتلقااو عيونهووم بزووج مع بعض.. بخطواات بطيئة كاانت تتقرب جهتوو وهو باقي على جلستوو تاوصلات قدامو وبصوت هامس نطقات:دزولي على le retard
وليد:(تقاد فجلستو ونطق بصووت هادئ وهو كيشوف فيهاا)جيتي زوينة مااي لايدي
أسماء:(شافت فيه بنظرة هادئة) شكراا
وليد:(كمش حجبانو) تشربي شي حاجة؟!
أسماء: كوكتيل بدون كحول
طلب ليها شنو بغااات وهي بقات واقفة حداااه كتشوف فالأجوااء وعينيها كيقلبو على آدم لي شافت حسوو مقطوع مع العلم ماماه وباباه حاضرين وهو لا.. عينيها مشاات جهة مدام الصفريوي كتشوف فيهاا وفالفستاان لي لابسة ولوقفة ديالهاا وطريقتها فالهضرة بالتااويل وتالضحكة ديالها ماتسمعيهااش ومن الشوفة كيبان فيها بنت العز.. تنهدات أسماء وضارت جهة وليد لي مد ليهاا كاسهاا وهزاتو تتجغم منوو بهدوء.. تبان ليها آدم داخل بحطة كلاسيكية عينين أسماء تعلقوو على هاديك لي كانت داخلة معااه بكسوة فالبااج مبينة جسمهاا بطريقة ممثيرة وتسريحة شعر بسيطة.. استغرباات منهاا ومعرفاااتش شكون هاديك ومعجبهااش لحاال حيت هو گاعما علمهاا على لحفلة ومعبرهااش هادي كثر من سيمااانة وزايدها جاي مع وحدة خراا...سمعات صوت وليد لي همس حداا ودنيها : ابتهاال
أسماء:(ضارت جهة وليد لي كان كيشوف فيها وبنفس الهمس كمل) لق*يبة ديالو
رجعات أسمااء كتشوف فآدم لي مضوور يده على خصر ابتهاال وهو واقف كيهضر مع شي رجااال.. للحظة عينين أسماء تلقااو مع عيون ابتهاااال ولكن دغياا بعدات أسمااء الشوفة عليهوم ونطقات بهدوء:لحمااام فين؟
وليد:(أشار ليها لقدام) زيدي نوصلك
سبقاااتو لجهة لي أشار ليها وهو تابعهاا بكل هدوء تاغبروو عن أنضار آدم لي يالاه لمحهاا وشافهاا..
واقفة تتغسل يديها وعينيها على لمراياا لي قداامهاا.. حسات براسها معصبة منوو ومن شوفتو مع هاااديك لي جاا معاهاا.. استغربات هو علاش بعد عليهاا بدون مايعطيها سبب.. مسحات يديها ونطقات بصوت هامس: ولد لق*بة ملي مالقاااش شنو بغااا عندي قلب لفيستة نيت هااادوك هومل لي كايجيو مع ز*امل بحااالك
خرجاات من الحماام ولقات قدامها وليد لي كان متكي على لحيط وغير شافها قرب جهتها وبصوت هامس نطق:ماي لايدي نتي بخير
أسماء:(هزات حاجبها) سوبر علاش كتسول
وليد:(كيدوز يديه على دراعها) كنظن ماعجبكش لحاال حيت شتي آدم مع وحدة خرا غيرك
أسماء:(ضحكات بسخرية) هه علاش هو ضارب بيا لخط زناااتي بااش اناا نتعصب هه
وليد:(مد يديه شدها من خصرها مقربها ليه وبصوت هامس نطق) كتعجبيني ماي لايدي
عينيه على شفايفهاا وبلامايحس بداا كيقرب جهتهاا تاحط شفايفوو على ديالهاا وباااشر فتقبيلهاا قبلة هادئة حنينة مخلياا أسمااء تاهي تبادلوو نفس القبلة ويديها يضورو على عنقوو شي لي خلاه يزيرهاا لعندو ويتعمق فالبوووسة.. صوت بوستهوم وأنفااسهوم هي لي كانت تتسمع فداك لكولوااار الخاااوي... بوستها فيقااات شحال من حاجة فوليد لي كااان كيزير على خصرها تاكيخليهاا تأوه بصوت هامس أنثوي.. بعد عليهاا فاش حس بيها محتاحة تاخد الاوكسيجين وصدرو كيطلع وينزل وعينيه على شفايفها لي تزول منهوم لبستيك ورجعوو حمريين كيشهيوو.. رجع طبع بوسة خراا وهاد لمرة كانت خفيفة وبعد عليهاا وبصوت هادئ نطق:رجعي قادي عكرك غانتسناك برا
بعد عليهاا وهي رجعات لحماااام وقلبها كان تيضرب ولحرارة طلعات معاااه نطقات بصوت خافت وهي عاضة على شفايفها: ولد لحراااام بواااس
رجعات تتقاد عكرهاا تاتحل عليها لباب وهي تقفز فاش بان ليهاا آدم هو لي داخل وعينيه كااانو حمرين كيف الجمرر وداير واحد الابتساامة خلات قلب أسمااء يتهز حيت عااارفة مزياااان هاد الابتساامة شنو كاين وراها..
آدم:(بصوت هادئ عكس ملامحوو المخيفة) لحجلة ديااالي غبرت عليك سيمانة وفاش رجعت لقيتك دايرة لبديل
أسماء:(كضور عينيها ونطقات بصوت مرتاعش واخا حاولات تقوييه) نسيتي ديك لق*بة لي جاااي معاااها نتاا لي بنتي لياا لقيتي البديل ااآدم
قرب منها فخطوة وحدة تاغوتات بلاماتشعر وهي كتشوف فملامح وجهوو المخيفة بهمس قاتل نطق: زهيتي ابنت لق*بة مع راسك وشبعتي تشلقيم مع خوياا
حط يديه على عنقهااا فغفلة منهاا وكمل كلامو:بنتي لياا توحشتي آدم لقديم الحجلة دياااالي
مخلاش ليها فرصة فين تجاوب حيت زير يديه لي على عنقهااا تاخرجااات عينيها فيه وأنفااسها بداو كيتقطعوو بينما هو مقابل نظراتو لوجهها بنظرة باردة مكتبشرش بالخير...
هادا لي كتشوف قدامها ماشي آدم لي كتعرف حالتو كانت تتخلع وهاد الحالة بالضبط فكراتها فنهار كان باغي يتعدى عليهاا.. عينيه كانو كيشوفو فيها بواحد الشوفة باردة ويديه كانو كيزيرو على عنقهاا بلارحمة.. الأوكسيجين بدا كينقس أو وجهها بدااا كيزرق وتامن يديهااا لي كاااانو كيضربوو فوجهوو وكيفكوو فيدو لي على عنقهااا بداو شوية بشوية كيترخااااو.. فمهاا محلول كتحاااول تستنشق منو الهواااء لي حاسة بيه كيتسحب منها وعينيها بداو كيتقلبووو والضبابة بدات تتباااان ليهاا وفلحظة طلق منهااا تاااشهقاااات شهقة طووويلة وهي محنية لقداااام تتسترجع أنفااااسهااا ويديهاا تتحك فعنقهااا.. هزات رااسها فيه هو لي كاان واقف داير يديه فجيااابو كيشوف فيها بهدوء عكسهاا هي لي عينيها كااانو مدمعييين قرب عندها بخطواات تقال ومد يديه وقفهاا وهي تتشوف فيه ولخلعة شاداها من صباع رجليها الصغييير.. مد يديه كيمسح دموعهاا لي نزلو بلاماتشعر ونطق بصوت بارد: عارفة بلي نتي ديالي الحجلة هممم ولحاجة فااااش تتكون ديااااالي مكانخلي حد يقرب منهااا ولكن نتي اشنووو درتي؟
أسماء:(خرجات فيه عينيهاا ونطقات ببرود) ماشتيش راااسك نتااا لي غاااابر سيمانة بلاحس ولاخبر وفاللخر جاااي لحفلة مع ديك لق*بة
آدم:(بااس حنكهااا ونزل جهة ودنيها ونطق بهمس) كتغيري عليااا الحجلة دياااالي
أسماء:(قلبات عينيها ونطقات بسخرية) أنااا ماشي لعبة دياااالك وقتمااا رشقات ليك عليهاا تاخدها وفاش تمل منهااا تلوحهااا (تقااابل معاهاا آدم وهي كملات بنبرة جاادة) ماااشي أسماااء لي تلعبهااا كيف بغيتي اآدم...
بعدات عليه ونزلات خداااات البوشيط لي طاحت ليهااا فالارض وخرجات من لحمااام معصبة ومخلوعة.. قبل دقائق قليلة كاااان غايقتلهاا وداباا كيتبوهل عليهااا وعند باااالو راه غادير اش بغااا نسى بلي هادي أسمااء وبلي هي كدير غير لي بغاااات.. خرجااات لوسط لقااااعة وعينيهاا كيضورو فالبلاصة تابان ليهااا وليد واقف مع بااااه وشي رجاااال قلبات الشوفة من عليه وكملات طريقها تااال عند لبارمااان لي كان تماا خدااات عصير باش تبرد وجلسات على لكرسي عاطية بضهرهاا لحفل.. على قد ماكااانت باغا تحضر لبحااال هاد لحفلات وتشوف الاجواء ديالها وتعيش فداااك المستووى على قد ماداباا ملات وبغات غار تمشي بحاالها.. كضور لكاااس بين يديها تاحسات بشي حد وقف حداااه وقبل ماضور سمعات صوت أنثوي: اذا نتي هي الحجلة؟
أسماء ضارت جهتها وبانت ليها ابتهال واقفة وقفة أنثوية ومع الكسوى لبااج لي لابسة معالمها الانثوية بانت عاطية لعيين..القرب لي كان بناتهوم خلى أسمااء تستاغلو باااش تركز فملامحهاا الجميلة ولجريئة فلاتهاا بعينيهاا لدرجة أنها لاحظااات دوك التجاااعيد لي بداو كيتكونو ليهااا فجنباب عينيهاا لي حاولات ابتهااال تغطيهوم طبقات لمك اب الاأن أسماااء قدرات تشوفهوم بوضوووح تام..
أسماء:(بصوت بارد) بان ليااا آدم عاااود ليك عليااا
ابتهال:(بتسمات ليهاا) معلوووم أصلا آدم مكيخبي علياا والو
أسماء:(جغمات من كاسهاا دلعصير ونطقات بنفس البرود) امم باينة غير من الحجلة لي خرجتي من شفايفك
ابتهال:(تحنات على لكونطوار بكل رقي وأنوثة) مكدبش فاااش قال عليك مختااالفة وراسك قاااصح ومكتشبهيش لبنات لي هو كيعرف
أسماء:(ضارت جهتها ونطقاات بمكر) ومنهوم تانتي
ابتهال:(ضحكات وقربااات عند أسماء مرجعة ليها شعرهاا مور ودنيها) بصح نتي مختاالفة ولكن هادشي مكيعنيش بلي نتي دكية
أسماء:(هزات فيها حاجبها) كتهضري ونتي واتقة من كلامك
ابتهال:(تحنات جهتها وهمسات ليه بكلام عندو معنى) الدياااب ضااايرين بيك الحجلة ردي لبااال منهوم..
عطاتها ابتهاال بالضهر ومشات بمشية أنثوية واتقة وهي هازة كاااسهاا بين يديهاا مخليا أسمااء هازة حاجبهاا ومتبعة ليها لعييين.. بااين أن آدم غايكون عاود ليهاا گاع داكشي لي بناتهوم وهادشي كيدل على أن هاد ابتهااال هي ماشي غير لق*ية ديالو كماا قال وليد إنماا هي حااجة كثرر.. أكيد أسماء ماشي غشيمة ولامكتفهمش وهي عاارفة بلي آدم من النوووع لي يموت عليك ويتسطى عليك ولكن ينعس مع لي كاااان وهادشي عندو عاادي حيت كيبقى رااجل وعندو احتياجاااتو وأصلا هي عارفاااه بلي هوو باغيها غار لديك لقضية عليهاا باقي لحد الآن تابعهاا وكون عطاااتو اش بغا زماان كون گاعما حشاها ليهاا داباا.. كيفما هي باغا فلوسو ومصاحبة معاه على قبل لكادوات ولبلايص لي كايديهاا ليهوووم هو تصاحب معاهاا على قبل لفرااش يعني علاقتهوم بزوج مبنية على لمصااالح من لول يمكن أسمااء كانت تتحس بشي حاجة من جهتووو شحال هادي ولكن من نهااار بغا يتعدى عليهاا ودار داك التصرف معااااها من تمااا هي قلباااات عليه لڤيستة واخا باقي عاطياااه وقت وتتهضر معاه غير حيتاااش مصلاحتهااا فيه لاغير.. هزاات عينيها جهة وليد لي كان تيشوف فيها وغمزهاا وتاهي بتسمااات ليه ابتساامة صفراااا ورجعات تتفكر فهاد خوناا لي تاااهو بلانو بوحدووو هي عارفة بلي وليد عينوو فيها وبلي هي كتعجبووو وهادشي قراتو من شوفااااتو وتصرفاااتو ليها ولكن لي مفهمااانش هو علاش تبدل معاااها بهاد البسااطة فاللول كانت تيتعامل معاها يرسمية ولكن دابا شافتو كيدير العكس وهادشي جاهاا غرييب.. تنهدات وشافت فساعتها لقاتها لحدااش ونص تعطلاات وخاصهاا تمشي.. ناضت من بلاصتهاا هازة بوشيطة ديالهاا وضورات وجهها تتقلب على وليد باش تعلمو ساعة مالقاتوش شافت جهة ابتهال لقاتها واقفة بوحدهاا وتاآدم مكاينش حداهااا جاتهاا فشكل هزات كتافهاا وخرجاات من ديك لقاعة فين كاينة لحفلة مكملة طريقها لبرا فين كانت نفس لبنت لي خدات منها لمونطووو عطاتو ليها لبساتو عاد خرجات لبرا وشافت فالسكوريتي لي تماا ونطقات بهدوء:عفاك ممكن طلب ليا طاااكسي؟!
مشى السكريتي جهة الشااانطي وقف ليهاا طاااكسي وهي شكراتو وطلعااات بكل هدووء وحااسة براااسها كيضرهاا وباغا غير تنعس... تكات على زاج تتشوف فالزنااقي لي كانو خااويين وقليل فين كايضور شي حد.. مسافة الطريق وكانت الطاكسي واقفة قداام الباب ديال الدار خلصاااتو ونزلات.. السكااات فالدار والضواو طااافين عرفات أسماء بلي غايكون كلشي ناااعس.. دازت من جهة الصالة باش طلع لفوق وهي تلمح الضوو شاعل قربات لجهة الصالة وبان ليها إدريس جالس وباين فيه ساااهي..
أسماء:بابا واش باقي فاايق؟
إدريس:(هز عينيه فيها ونطق بهدوء) مايمكنش نعس وأناا عارف واحد من ولادي براا الدار
أسماء:(قربات جهتو وجلسات حداه) سمحلياا
إدريس:(كمش حجبانو) علاش؟
أسماء:(عنقاتو وحطاات راسهاا على صدرو) حيت بقيتي سهرااان كتسنااني
إدريس:(عنقهاا وتنهد) سيري تنعسي راه مشى لحااال
أسماء:تصبح على خير
إدريس:تصبحي على خير ابنتي
ودعاتو أسماء ومشات لبيتها وهو تنهد تنهيدة طويلة وبااالو مشطوون مع رياان لي كيحس بيه بعيد عليه بزااف عكس خوتو... عارف بلي هادشي طبيعي حيت هو ماترباااش معاه ولكن داك الجااانب الأبوي ديالو باغيه يكووون قريب ليه بحال محمد طه وأسمااء ورحيل.. وعلى دكر رحيل ابتاااسم إدريس ابتسااامة أب فخووور ببنتو فاش تفكر هضرتها مع خوها وكيفااش بكلامها وتصرفاتها قدرااات تجبد ريااان لصفهاا ويولي مفاهم معاهاا.. مسح على وجهوو وناض غادي لبلاصتو باش ينعس ساعة سمع لحس فالكوزينة.. كمش حجبااانو ومشى يشوف شكون لي فاق فهاد لوقت.. بانت ليه تانيرت عاطياه بالجنب وشادة كاس دلما تتشرب منو
إدريس:(بهدوء) باقي مانعستيش؟
تانيرت:(ضارت شافت فيه وبنفس لهدوء جاوباتو) جاني لعطش وجيت نشرب نتا علاش مانعستيش؟
إدريس:(ربع يديه) كنت تنتسنى أسماء تجي
تانيرت:(قريات جهتو ومدات يديهاا جهة يديه لي مربع وحلاتهوم تاطلق يديه فجنابو وحطات راسها على صدرو ونطقات بهمس) عنقني اإدريس
إدريس:(كمش حجباانو لغلاض وبلامايشعر نفد هضرتهاا بحال لمسحوور وبصوت تقيل نطق) مالكي؟
تانيرت:(عنقاااتو ونطقااات بهدوء) والو
سكتات تانيرت مغمضة عينيها ومستمعة بداك لحظن الدافئ لي لطاالماا كان هو لموطن ديااالها لي كتنتامي ليه.. وغير كتبعد عليه كتحس براسها غريبة فبلادهااا..
عناقهوم مدااامش أكثر من زوج دقايق وفهاد زوج دقايق كمية كبيرة من المشاااعر والأحاسيس زارتهوم وخلاات قلوبهوم ترجع تنبض كيف زمااان ولفتيلة دلحب ديالهوم رجعات ضوااات وسط قلوبهوم..
فاقت ميس معطلة كيف عادتها الأخيرة وهي ماعندهااش لگانة وغير تهضري معاهاا ولاتسوليها تفرگع عليك.. أعصابها ولاو على شفى الانهيااار ونفسيتهاا مرضااات كثر وكثر.. دخلات لكوزينة فين كانت لخدامة واقفة تتصاوب لغداا حيت لالة فاطمة رجعاات لدارها مور ماتأكدت بلي وجودها مبقاااش عندوو أهمية فضلات ترجع لدارها ولراجلها لي هملاتو هاد الأياام.. قربات جهة التلاجة حلاتها وخدات منهاا العصير ومشات لبلاكار جبدات كاس كباتو فيه وخلات لقرعة تماا وخرجات لصالة.. أماا لخدامة فتنهداات ونطقات فخاطرها:بففف بلاوالو هي فشكل وديما شاعلة أماا دابا فاش مرضااات كملات لباااهية (تنهدات بحسرة) مكيبقااا فيااا غير ديك لبنيتة لي هاملة ومعطيهاااش حنانتهااا
أماا عند ميس فكانت شادة تلفونهاا وساهية تتفكر.. بغات تصيفط مسااج اخر لوفاء ولكن ماعرفاااش واش غاتيقو ولا تكدبو تاني كيف الاول والاهو ساق لخباار لداكشي لي كادير مور ضهرووو فأكيد غايتعصب عليهاا ولكن هي مكيهمهااش هادشي حيت دااباا أهم حاجة عندها هي تفكر فشي حل لي يفكهاا من لولد لي فكرش وفاء.. هادا دابا هو الهدف ديالهاا الاول عاد ديك الساعة تشوف لي بااااقي... صونى تلفون فيديها وغير شافت نمرة وهي تسرط ريقها وبصوت خافت جاوبات:الو خوياا
عاصم:(ببرود) كيف بقيتي؟
ميس:حمدلله ماما قالت لياا بلي هي فالربااط مع رنيم
عاصم:ااه وراه غانجيبها عندك ليوم فالليل بغات تشوفك هي ورنيم
ميس:مرحبا اصلا قلتها ليهاا
عاصم:(حك لحيتو) امدرا درتي عقلك ولاباااقي
ميس:(الصمت)
عاصم:مانبغيش اميس نعاااود هضرتي كلامي مفهوم
ميس:(بصوت خافت) مفهوووم
عاصم:مزياااااااان نخليك دابا تال لعشية ونتشاوفو راه كلشي كيسلم عليك
ميس:تانتا سلم عليهووم
قطع عليهاا وهي لاحت التلفووون وعينيها كيضورو بالخلعة.. واخر حاجة باغاهاا داباا فهاد الساع هو عاصم يحط عليهاا لعين ويخلي لخطة لي فدماغهاا تحبس وتأجل.. عضااات على شفتهااا بعصبية وعينيهاااا كيضورو فبلاصتهوووم كتفكر فشي حل لي يفكها من وفاااء ولي فكرشها فأسرع وقت..
----
رجع رياان من الخرجة لي خرج هو ورحيل لي خصصات ليه هاد النهاار باش يتعرف على لمدينة وداتو لاكووط وركبوو فلبااطو وقطعو لماريناا سلا وتقهواو تمااا ودوزو نهااار زوين كان خصهوم غاار محمد طه ولكن دوماج كان خدااام نهااار كااامل عليهاا قررو يعوضوهاا معاه مرة خراا.. دخل لبيتو كيزول فالجاااكيط وعينيه مبسمين وابتساامتو زادت توسعااات فااش لمح داك لچيتاار لي كان محطوط فوق من النموسية فالقهوووي كبير.. قرب جهتو وهزوو كيتلمس فيه بعيووون برااقة ولفرحة تضاعفااات فالداخل ديالو.. خرج من لبت هاز لگيتار غادي عند رحيل لي خلى فالصالة جالسة مع إدريس وتانيرت كيهضروو..
ريان:(وقف قدام رحيل وعنقهاا بالجهد) شكراااا بزاااف على لگيتااار
رحيل:(بتسمات وكمشات حجبانهاا) ههه ماخصكش تشكرني أناا شكر بابا حيت هو لي شراه ليك
ريان:(شاف جهة إدريس لي كان كيشوف فيه بهدوء وديك الضحكة لي كانت على وجهو تبخرات وبصوت هادئ نطق) احم شكرا
إدريس:(بحنان) بصحتك اولدي
حدر ريان راسوو وهو كييشوف فالچيتاار لي عجبوو وبهدوء انساحب لبيتوو مخلي عيون إدريس متبعينو بابتسامة يدوب كتبان على شفتوو.. ديك لفرحة لي كانت فعيون ريان خلات إدريس تاهو يفرح..
رحيل: شتي ابابا هو فرح بزاف بلكادو ديالك
تانيرت:(بتسمات ليها) من ديما كيعجبوو لعزف على لچيتااار (شافت فرحيل) شنو كنتي باغا تقولي ليناا أنا وباباك ابنتي؟
رحيل:(فركات صباعهاا وبهدوء) أناا فكرت بخصوص عاصم !!
إدريس:(نطق بصوت هادئ حنين وخاثر) قبل ماتقولي قرارك ديري فباااالك بلي باباك ديمااا غايكووون فجنبك
تانيرت:(شافت فإدريس بعيوون فخوور ونطقات تاهي) باباك عندو ابنتي حنا ديما معاك فأي حاجة ختاريتيهاا
إدريس:(بتركيز) شنو قررتي
رحيل:(جمعات نفس وطلقاتها) أنا موافقة
دازت سيمااانة على عدنان وهو فلكينيك وأخيرا جاه لفرج باش يخرج.. وفاء كانت معاه هاد الأيام كلها مخلاتوووش كانت تتبات معاه فالشومبر وأي حاجة خصاتو كانت تتجيبها ليه كانت مهتمة بيه ومفششاه.. هاد الاهتمام لي كانت تتعطيه وفااء كاان كيعجبو بزاااف وكيخليه يزيد يتعلق بيها ويبغيهاا.. كان ساهي فيها وهي تتقاد ليه المخدة فبيت النعاااس بااش يرتااح وتفكيروو فميس وهضرتها لخرة لي كاااانت قااالت ليه ولي خلاتو يتخلع على وفاء.. خصوصا أنه مبقاش تيقدر يكونطرولي ميس لي ولى حاااس بيهاا كدير لهضرة لي بغات عكس كيف كااانت فاش كيهضر معاهاا وتتسمع لهضرتوو.. زفر بتعب ومد يديه لي ممضروراش جهة تلفونو الجديد لي محطوط فوق الطبيلة وجبد نمرة ميس كيصوني عليها ساعة مكتجاااوبش.. مامرة مازوج وهو كيصوني تاتعصب وقطع لخط ونطق بعصبية:يعلم الله اااش كيضور ليك فداك الراااس اميس
سمع تلفونو صونى بنغمة مساج وحلو فلبلاصة لقاها هي لي مصيفطاه ليه " مغانقدرش نجااوبك حيت أنا مع إسلام"
عدنان:(كمش عينيه وجاوبهاا) أنا خرجت من لكلينيك ملي نصح ضروري نشوفك حيت باغي نهضر معاك
ميس:(جاوباتو فالحين) مكاين فاش نهضروو داباا لي عندي قلتو ليك داك النهار
عدنان:(تقاد فالجلسة وعض على سنيه بعصبية) لق*وي (كتب ليها) ميس ماتصعرينيش تاااني هضرة وحدة تقااالت ملي نعيط عليك جاوبيني وماااتقصحيش راااسك
ميس:(جوباتو بعد مدة بكلمة وحدة) واخاا
بدا كيشوف فالمسااج لخر منهاا والشك باان فعينيه ديك "واخا" على قد ماهي بسيطة على قد ماورااها شحاااال من حوااايج خلاوو عدنان يحس بالخوف منها... أما ميس مجرد ماصيفطات ليه لمساج حطات تلفونهاا فوق الطابل دونوي وشافت فرااسهاا وفداك لقفطاان لي جااها على طايتهاا ولون الخضر الملكي واتاااها.. شعرها مخلياااه مطلوق على راحتو ومك اب خفيف مزين وجهها...شافت فإسلام لي كان كيقاد لكول دشوميز لي لابس فالكحل مع سروال توب فنفس اللون وشعرو فيكسااه لور.. قرب جهتهاا وطلعهاا بنظرة هادئة ونطق:واجدة؟
ميس:اه خليناا نمشيو
هزات صاكها ومونطوهاا وخرجات من البيت وهو موراه غادي لبيت ليليان لي كانت الخدامة موجداهاا وملبسة ليهاا كسيوة فالزرق مع ليبة سخونة وجااكيط وخلات ليها شعرها مطلوق مع لگصيصة
إسلام:(هزهاا وباسهااا فحنكهاا) سُكرة دباباهاا لبستي حويجاااتك همم
ليليان:هووو (تحنات على حنكو باستو) ماااااح بابا
خرجهاا من لبيت وتمشى لصالة فين كانت مليكة جالسة تاهي بقفطان موبرة فالزرق وفيه الصقلي ودايرة فولار على لون داك الصقلي وبلغة محجرة تاهي وعالية شوية ودهوباتها مزينين يديها وعنقها كيف لعادة.. وحداها رنيم لي كاانت لابسة غووب فدم لغزااال معرية من كتف واحد ومجموعة جهة الصدر ولتحت تاتجي مطلوقة.. شعرها جمعاتو بمشطة خفيفة ودايرة مك اب تقيل خصوصا لغوج أليفغ لي كان فدم لغزاال..
إسلام:(ضور عينيه فالصالة) فين سي لعريس يااك ماسلت هههه
عاصم:(ضحك ) لعريس خصوو يوجد راسو فهاد النهااار نسيتي بلي ليوم خطبتي
إسلام:(ضار عندو) ابصحتك اسي لعريس هههه
قاد عاصم لكول دلشوميز لكحلة لي لابس وحال ليها زوج صدايف لفوقانين مبين زغيبات لي فصدرو مع ڤيست رمادية وسروال فصالة فنوااغ..
عاصم:خليونا نمشيو راه غايكونو كيتسناوناا
نزلو جميع من الدار غاديين طوموبيلاتهوم وكل واحد شد بلاصتو وتحركو من تما وموراهوم هونضة فيها طيافر دلهدية لي جااب عاصم ومعاهاا تالدقايقية.. مسافة ديال الطريق من كازاا لربااط خدات ليهوم ساعة ونص بالضبط كانو داخلين لحومة.. الطوموبيلات واقفين حدا باب الداار لي محلول او واقف فيه إدريس لاستقبالهوم مع باقي أفراد لعائلة ومعاهوم تاجيداء ومها.. نزلو الدراري دوك الطيافر دلهدية وبدااو كيغنيوو مخليين كاع الجيراان يطلوو ويخرجوو تاهوماا كيشطحو ويزغرتو.. نوضو الحيحة فالحومة وعاصم واقف هاز لورد وحداه مليكة لي هازة خنافرها لسماا ورنيم واقفة تتشطح مع الدقايقية وحداها إسلام لي كيشطح مع ليليان لي تطبل فرحاانة أماا ميس من الشوفة باين فيها محملاش هاد لمجية من الساس.. لعبو الدقايقية شوية وموراها هزو طيافر مدخلينهوم لداخل... كانت تانيرت فرحاانة ببنتهاا وبالتكبيرة لي كبرو بيها واخا لخطبة كانت غار عائلية وخفيفة.. بدات تتسلم معاهوم تاوصلات لإسلام وتلاقااو عينيهوم بزوج وبصوت تقيل نطق: تانيرت
تانيرت:(بصدمة) إسلام..
اخر حاجة توقعات تانيرت تشوفهاا هي إسلام ولد خوو مرات عبدالله لولة ديك الصدمة لي بانت فوجهها دغياا رجعات بلاصتها ضحيكة وااسعة وهي تتعنق فيه وبصوت ضاحك نطقات:نهار كبير هادا
إسلام:(بادلها تعنيقة) هههه اش هاد الصدفة زوينة
تانيرت:(بعدات عليه) عاصم اش كيجيك؟
إسلام:خووو مرتي ميس
قالهاا وهو جاار ميس لجهتو ولي كانت تتشوف فيهوم وهي ساكتة وباين فيهاا محملاش هاد لمجياا وغير بزز عليهاا باش جات.. سلمات عليها تانيرت ورجعات شافت فإسلام: مرحباا بيكوم
إسلام:(ضور عينيه فالبلاصة) ترحب بيك الجنة فين داك لبرهوووش
كانت عارفاه قااصد ريان بهضرتوو حيت هاكا كيعيط ليه أشارت ليه جهة ريان لي واقف حداا محمد طه ونطقات:هاهو مع خووه
شاف فيها إسلام باستغراب وكيتسأل كيفااش خوووه؟ ياك هو لوحيد لي كاين عند عبدالله اذا ملي جااه هاد الأخ والأهم من هادشي كولو هي شنوو كادير هناا؟! كانو كيضورو هاد الاسئلة فدمااغو ولكن مقال والو ليها حيت دابا البلاصة مكتسمحش ليهوم بلهضرة عليهاا أجلها لوقت اخر.. مشى لجهة رياان لي كان كيسلم مع لبقية وغير شافو وهو يضحك وعنقوو.. إسلام سبق ليه مشى لكنداا على قبل واحد لخدمة كانت عندو تماا وبلاصة مايبقى فالاوطيل عمتو قترحات عليه يبقى معاهوم فالڤيلا على مايسالي شغااالو وهو نفد هضرتهاا وتماا فين تعرف على تانيرت لي كانت تتجيه ضريفة واخا عمتو مكانتش تتحملها حيت هي قدرات تولد لعبدالله لولد عكسهاا هي لي مكانتش تتولد... وحيت إسلام اجتماااعي وقلبو بيض فدغيا رتاحت ليه تانيرت كيف تاهو رتاح ليهاا وتكونات صداقة زوينة بناتهوم رغم فارق السن... دخل عاصم لصالة فين كانت رحيل جالسة بكسوة دلمحجباات فالازرق ملكي مع نفس لفولار ومك اب كان تقيل شوية مبين عويناتها لخضرين كيف شي قطة.. ابتاسم ليها ومد ليها لورد وجلس حدااه تيقاد لاڤيست ديالو وباين فيه عاجبو لحااال ومرتااح عكسها هي لي حاسة بالتوثر... كل واحد شد بلاصتو فالصالة وبقات ميس هي لخرة لي كانت شادة ليليان لي تتجبد عند باهاا لي واقف مع ريان ومحمد طه
ريان:(نطق بابتسامة) هادا خويا محمد طه ولعروسة تاهي ختي
إسلام:(سلم على محمد) متشرف بلمعرفة ديالك
محمد طه:الله يحفظك الخوو
ليليان:(تاتنثر من يدين مهاا وبصوتها الطفووولي تتعيط) باباااا بابااا
ضار إسلام لجهتها ودار إشارة لميس وغير طلقاتها مشات تتجري عندو اما ميس دخلات لصالة وعينيها أول واحد لمحوو هوما لعرووسة لي على قد ماكان عندها فضوول تعرفها على قد ماتصدمات فااش عرفاتها بلي هي نفس لبنت لي عيراتهاا فالعرس.. جلسات جنب مها وتحنات عليها ونطقات بخفوت:واش هادي هي لعروسة ؟!
مليكة:(بنفس نبرة الصوت) هممم كيجاتك عُليّا حسن منها ياااك ابنتي
ميس:(رجعات لور ضاااربة الطم وعينيها غير على رحيل لي مبتاسمة وهي مركزة مع هضرة عاصم)
أما واحد رنيم ملي دخلات وعينيها على محمد طه لي حمقهااا بالبلدي وديك جابادور الكحلة لي جاااتو على فصالتو مع سروال دجين وسبرديلة بيضااا عينيها خرجوو عليه وهي كتشوف فيه كيهضر مع ريان وإسلام لي باقي لحد الان مادخلش لصااالة.. الضحيكة ديالو وكيفاش كيعبر بيديه وديك لغمااازة لمدفونة وسط لحيتوو خلاتو يبااان مثير لأقصى حد.. حطات صاكها فبلاصتها وناضت تتمختر بالطالون جهتهوم تاوقفات حد إسلام وهي تنطق وعينيها على محمد طه لي دغيا جمع الضحكة: سلام محمد طه صافا
محمد طه:(بهدوء)حمدلله اختي ونتي مزيااان
رنيم:(ديك كلمة ختي محملاتهااش) همم حمدلله
ريان:(نطق بمكر ساخر) رنيم صافا عليك
رنيم:همم بخير
قلبات وجهها لجهة لخراا وهي تباان ليها بنت جااياا لجهتهوم أول مرة تشوفهااا لابسة قفطاان فالبوردو محزماااه وشعرها مطلوق طويل ومبوكلي فلتحت ومك اب خفيف كيف ديما على وجهها.. قربات جهتهوم وبالتحديد حداا محمد طه ونطقات:مغادخلوش لداخل
محمد طه:(درعها بيدو) غير كنا كنتعرفوو على سي إسلام وداتنا الهضرة وصااف
رنيم:(بفضول) واش نتي خت رحيل
جيداء:(بتسمات ليها) صاحبتهااا الانتيم وختهااا
هزات رنيم حاجبها وهي كتشوف السيد مدرعهاا وباين فيه ضااسر معاها..محملاتش لبلان ويالاه بغات تهضر وهي تحس بشي حد ناتفهااا من شعرهاا تاغوتات وفاش ضارت لقاتها ليليان لي كان هاز إسلام هي مولات لفعلة.. فك ليها إسلام يديهاا وهو كيضحك وريااان خلاص طلق واحد الضحكة مجهدة فوجهها خلات عينيهاا يدمعوو وتحس بالفشلة قدام محمد طه ومرضااااتش.. بعدات عليهاا تتقاد شعرهاا وإسلام دخل لصاالة وهو هاز بنتو بانت ليه ميس ساكتة وغير تتشوف فالعرسان شي لي خلاه يضور جهتهوم وعينيه تفيكسات على رحيل لي فديك لوقت تاهي هزات عينيها فيه.. بزوج بيهوم كيشوفو فبعضياتهوم شوفات خلاو گاع لي تم ينتابه ليهووم وإسلام بتاسم وبصوت هامس نطق: دابا عاد عرفت أناا علاش شبهتك لشي حد قولي نتي بنتهاا...
واقفين فالكوزينة هي وياااه والسربااياا كانو كيقادو لكيسان دلعصير ولحليوات الصغاار باش يقدموهوم لناااس.. مكمش حجبااانو ومخنزر فيهاا عكسها هي لي ساكتة ومفهماااتش شنو وقع ليه.. كانت واقفة تتسلم مع النااس تاحسات بيه جارهاا غادي بيها لكوزينة.. ماهضر ومقال والو حدو كيعطيهاا فشوفااات كيف لقرطاااس...تنهدات ونطقات بهدوء: واش نتا محتاج مني شي حاجة اإدريس ؟!
إدريس:(خرج فيهاا عينيه ونطق بصوت صاارم) واش يديك وحناااكك شاايطين عليك هممم
تانيرت:مافهمتش اش درت؟
إدريس:(مغدد ) شوفي نتي الالة لفهيمة اش درتي (خرج فيها عينيه) ااااش كيجيك بااااش تعنقيه هااااا
تانيرت:(عاد فهماااات بلي كيهضر على إسلام وبخفوت جوباتو) اويلي نعل الشيطااان راه بحال ولدي
إدريس:(قرب جهتها) واش ولدك هااا خرجتيه من تحتك تعصرتي عليه باااااش تقولي لياااا ولدي هممم ماتحمقيش جد بويااااا
قال كلامو وهو مخرج فيهاا عينيه وصوتو جهد وكون مالموسيقى لي مطلوقة كون سمعوه الضيااف أما تانيرت بلاماتحس قفزات فبلاصتهاا وعينيهاا كيضورو والخلعة شاداه مع وإحسااس ااخر زوين فاااش عرفاااتو غاااار عليه.. ابتسماات بشوية وهو غير شاف ديك الضحكة صعررر وبعصبية كمل هضرتو:قلت شي حاجة تضحك ها (خرج عينيه صااعر) وااااش قلت شي حاجة تاضحك
تانيرت:(حركات راسها بزربة ونطقات بالشلحة) اوهو اورتنيت ياااات غار فيسكاا لحورماااانك هان رداااغ سليدن ميدن اتاسانو.. "لا ماقلتي والو غير سكت عفاك راه غايسمعونا الناس"
زادت عصباااتو فاااش هضرات بالشلحة وهي عارفاااه مكيفهمهاااش حدو عرف ديك اوهو وتاسانو خنزر فيهااا تخنزيرة قاصحةة ونطق بجدية: بقاااي عليا بديك اوهو اوهو تانوريك اوهو دلمعقووول ضسرااات
خرج من تما ومناخرو كيفرفرو بالاعصاب عكسها هي لي تضحك بوحدهاا وتفرنس عاجبهاا لحال وعجباتها غيرتو لي واخا دازو عليه السنين باقا كيماا هي بل تزادت على كيف كانت بأشواااط..
لخطبة كااانت بسيطة وزوينة فيهاا غار لحباب والناس المقربين لعرسااان لي كانو كيهضرو بنااتهوم بهمس وعاصم كان كيعرفها على ميس ختو وراجلهاا.. رحيل فاش شافتها عرفاتها وملي زادت عرفات راه إسلام راجلهاا جاتها فشكل حيت كتبان ليها ميس متكبرة ومنفخة ومكتستاهلش واحد حنين بحال إسلام..
رحيل:(عينيها على ليليان لي تدلع على باه) بنت ختك گاعما تتشبه ليهاا حريفاااتهاا كولهوم بحال باهاا
عاصم:(ضحك بخفوت) ههه وراه قلت ليك ازيني بلي هي بنت باباهاا
رحيل:(شافت فيه) واااش غير نتاا وماماك وختك لي عاايشين فالدار يااك
عاصم:(تزير ولكن مابينش ليها) واه ازيني ملي مات لواليد وتزوجات ميس وحناا عايشين غار بتلاتة..
ابتسمات ليه رحيل وعاصم يالاه باغي يسولها وهو يصوني تلفونوو وغير جبدو من الجيب وشاف النمرة وهو يعض حنكو من لداخل وتحنى جهة رحيل همس ليها:زيني نجاوب على التلفون ونجي واخا
رحيل:واخا خود راحتك
ناض من حداهاا خااارج لبرا وقبل مايجاوب ضاار جهة لباب كيتأكد واش مكاين حد عاااد جاوب وبصوت باين فيه معصب: ياك علمتك مغانكونش مسالي ليووم حيت غانخطب (حك جبهتو مخشع كيسمع لهضرة) وااااز*ي لي قلتي لياااا درتوووو شبغيتيني ندير مزاااال هاااا (الصمت) عرفتي شنوووو تانجي ونشوفك فاص افاص اماا لهضرة فتلفون تتمرض (الصمت) وانسااااالي لبلان لي عندي هنااا وغانجي صااافي بلاتحكاااار الق*وي..
قطع لابيل وزفر نفس سخونة ورد تلفونو بلاصتو وقاد لكول دلاشوميز وضار باش يمشي وهو يوقف كيسرط ريقو من الشخص لي كان واااقف كيشوف فيه وباين بلي المكالمة دااازت كلها على مسااامعوو..
الاجوااء كانت هادئة وفالصالة كيبان ليك كل زوووج حاطين الراااس كيهضرووو مع بعض ومنهوم مليكة لي كانت تتهضر مع كلثوم وبابن فيهوم دغيا تفاهمو..
كلثوم:(ضحكات بهدوء) اوا مزيان بعدا تبدلي لجوو شوية قبل ماترجعي تاني
مليكة:(شافت جهة عاصم ورحيل) اييه ناوية نيت نرجع تاني لسويسرا عند ختي ساعة ولدي لحبيب قال لياا نبقااا تايدوز لعرس نتاااعو..
كلثوم:(ضحكات بهدوء) اوا فرحة لولاد هي لولة الالة مليكة بقاي تايتزوجوو وديك الساااعة الابغيتي رجعي عند ختك
مليكة:داكشي نيت لي غاندير الحبيبة (شافت فتانيرت لي كانت تتهضر مع رحيل وعاصم) اجي واااش مماين رحيل عايشة معاكوم؟
كلثوم:(تنهدات) اييه عايشة معاناا
مليكة:ويلي استغفرت الله لعظيم وماشي حشومة تعيش فدار راجلهاا لولاني
كلثوم:اصلا هو بابات ولادها
مليكة:(ميقات) مقلناشاااي ولكن عيييب اختي
بقات تتشوف فيها مليكة وتتميق فيهاا وكلثوم جالسة ومبتاااسمة على هضرة مليكة وشوفاتها لتانيرت.. فالطرف الاخر كانت ليليان تتمشي تال عند رحيل وغير كتشوف فيهاا تضحك وترجع تخبى عند باهاا وهو متبع ليهاا لعين كيضحك.. من طبع ليليان ممولفااش الزااايد وغير كتخرج لبراا ولاكيمشيو لشي بلاصة فيها لعائلة بكثرة تتبقا جالسة عند بااااه ومكتنوضش من عندوو ولكن داباا كيشوفهاا بدات كتطلق شوية بشوية مع رحيل لي تاهي غير تتقرب جهتها وتتبسم ليها حمقاتها بلگصيصة ومكرهاااتش تبعز ليهاا دوك لحنيكااات وتسرطهوم.. قربات ليليان عندهاا وحطات يديها على ركيبات رحيل لي ضحكات ليها بحب وهزاتها عندهاا بايساااهاا فحنكهاا.. تحنى عاصم تاهو باسها ونطق بضحك:هههه كيطرا وجراا تاجااات عندك ههه
رحيل:(عنقات ليليان بحنان) الدراري الصغااار كيرتااحو لنااس لي كيعطيوهوم الخاطر
ليليان:(هزات راسها فرحيل ومدات يديها تتقيس حنكهاا) لولو مااااح باااابااا هيه
كاتشير جهة إسلام لي كيشوف فيها ويبتاسم ليهوم وضار جهة ميس ناطق بهدوء: كيضرني خاطري فاش كنشوف لبراني عاطي لحنانة لبنتك ولي خصك نتي تعطيه ليهاا
ميس:(ببرود) غاتبدا تاااني؟!
إسلام:(نطق بهدوء) ماكتشوفيش راسك زدتي فيه كنتمنى شي نهااار يفيق ضميرك جهة بنتك اميس قبل مايفوت لفوت
ميس:(شافت فيه ونطقات بصوت هامس معصب) واش باغي ندابزو قدام لعباااد
إسلام:(بهدوء) باغيك ديري النفس اميس وتحركي ضميرك جهة بنتك لي ممربياش لكبدة عليك
تنهد وقلب وجهو جهة رحيل وليليان مخليهاا جالسة تتحرك رجليها بعصبية وعينيها على رحيل بشوفات حاقدة..
تحط لعشاا لي كااان على حقوو وطريقوو بدجااج محمر مع لحم بالبرقووق والمشماااش والسفة والديسير.. إدريس ماخلاش من جهدو باش يطلع هاد ليلة زوينة لبنتوو ويكبر بيهاا.. وصلات وقيتة ديال تركاااب لخواااتم لي جابتهوم جيداء فبلاطو مزينياه بالورد وحاطة فيه خاتم ديال رحيل لي خداه ليهاا عاصم على دوقهااا مع كولي ديال الدهب ومگانة وخاتم ديالو هو دالنقرى.. هز عاصم تمرة وكلها ليها وريان ومحمد طه مكلفيين بالتصاور والفيديو مباغين يفلتو تاحدث وجيداااء تاهي تتصلي على نبي وتزغرت فرحاااانة لصاحبتهاا من كل قلبها بحال الاهي لغاتزوج... لبسهاا لخاااتم لي جاا عبار على يدها لبيضاا وضفارها لي مصوبااهوم ومصبغاهوم بغوز بااارد.. هزات تاهي خاتمو ويديها كترعش عليهاا ولبساتو ليه وغير سالاو تسمعاات تزغريتة مجهدة من عند جيداااااء لي شاف فيها محمد طه ونطق بضحك:ابصحتك اجوجو ههههه
جيداء:(ضرباتو فكتفوو) يعطيك الصحة احوبي ههه
رنيم كاانت من الصباااح كتشوف فيهووم وتغدد.. علاااش مضاسر مع جيداء وهي فاش مشات تعرف عليه حط حاجز بناتهوم وزايدهاا بختي؟ اشنوو كاين فهاد جيداااء وهي ماعندهااااش؟ تعصبات وهادشي بان فعينيهاا لي تاحد مالاحظ لمود ديالها لي تقلب من غير ريان لي مكتفلت ليه تاااحاجة وخصوصااا هووو ديجاا عاود ليه محمد طه على فعلتهااا وتاطيرانهاا داز قدام عينيه ضحك بسخرية.. ورجع شاف فرحيل لي هزات فيه عينيها وهو يغمزها وحرك شفايفو بلاصوت: عيوووو
قربو عندهوم لعائلة كيباركو ليهوم واخر وحدين بقاو لخر هوما محمد طه وريااان لي عنقوهاا دقة وحدة تابعزوهااا عاد طلقو منهاا وقرب جهتها إسلام لي مد يديه وونطق بهدوء:الله يكمل عليكوم بالخير
رحيل:شكراا ليك
قربات كلثوم جهة رحيل عنقاتهاا وبهمس بارد نطقات حدا ودنيها: مبروك عليك ابنت الشلحة فرحت ليك من كل قلبي...
ناعسة فبيتهاا ببجامة ديال ساتان وشعرها البندقي لممزوج بخصلات ذهبية مطلووق على لمخدة وبااااقي سارد بالمااا.. عينيها على لخاتم لي كان مزين يديهاا ولحد الان باقي مامستوعبااش بلي تخطبااات وبعد شهراااين غادير لعرس هي وعاصم.. تنهدات بخفووت كتفكر فحياااتهاا لي غاتعيش مع عاصم كيف غاتكون.. يمكن هي مكتبغيش عااصم ولكن مغاتنكرش إعجابهاا بيه وبوقفاتو الرجولية معاااها وتعاملوو ليها واحترااامو ليها كأنثى.. هادشي كولو هو لي زاد خلى رحيل توافق عليه حيت مور شي لي وقع ليها مع ياسين خرجات بمبدأ أن ماشي الزوااج كيكون ديماا عن حب حيت لحب كيجي مع لعشرة ديالك مع شريك حياااتك وشحال من وحدة تزوجاات بشي واحد مكتبغيهش عبر زواج تقليدي وهاهوما مكملين حياتهوم بخير وباغيين بعضياتهوم.. تنهدات ويالاه بغات تغمض عينيها تنعس وهو يصوني تلفونهاا بنمرة بريڤي..
رحيل:(جوبات بصوت هادئ):الو شكون معاياا؟
سمعات صوت تنهيدة موراهاا صوتو لي عرفااتو:بنت قلبي
رحيل:(كمشات حجبانها) ياسين؟
ياسين: فرحان حيت باقاا عاقلة على صوتي..(تنهد) عرفت بلي ليوم خطبتك مبروووك عليك فرحت ليك بزاااف ارحيل واخاا كنت كنتمنى أنني نكون لعريس ولكن مكتااب الله كتصرف وماشي گاع داكشي لي كنبغيو هو لي كيكون عارف ابنت النااااس بلي آديتك معاياا فالتصرف لي درت ولكن ربي لي شاهد وعااالم بشنو كاااين.. بغيتك وكنت ناوي معاك لمعقول ساعة مكتااابش لينا نكونو مع بعضياتناا يمكن دابا غاتكوني تتسولي راسك انا علاش عيط ليك وشنو باغي (سرط ريقو وبصوت مألم نطق) دنوبك ابنت الناااس كنخلصهوم داااباا فحياااتي لي حاس بيها تخربقات وتروناات بغيتك ارحيل تسمحيليا من كل قلبك بااش انا نقدر نكمل حياتي وأناا مرتاااح من جهتك...
رحيل:(بصوت هادئ) أناا مسمحاااك اياااسين
قطعات رحيل لابيل وعينيها تغرغرو اخر واحد فكرااات تهضر معاه ولاترجع تسمع صوتوو هو ياسين.. من نهار دار معاها ديك لفعلة هي ضربات عليه بخطرة ونحاااتو من بالهاا وليوم فاجأهاا اتصااالو ومكانتش متوقعة منوو هاد الاتصااال نهائيا هي بصح مسامحة ليه من كل قلبهاا ومهزاااتش من خاطرها عليه حيت عارفة بلي كاين رب لعباااد لي كياخد الحق من كل ظالم فالله يمهل ولايهمل وقدماا ظلمتي وطغيتي غايجي النهاار لي غاتخلص فيهووم كل حاجة درتيهاا..
يااامات الله كدوز بحاال شي قطار سريع واخد معاه جزء من حياتناا وعمرناا لي مغايرجعش.. شهراااين دازو بسرعة البرق تزادو فيهوم شحال من حواايج وفالمقابل نقصو شحال من حواايج.. فهاد الشهراين كل واحد كان مقابل حياتو ومستقبالو ومنهوم عدنان لي استرجع صحتو كيف اللول وقبل حيد الكبص لي فيديه وتالي فرجليه ومع الترويض رجع كيحركهوم واخاا مكيقدرش يفورصي بيهوم مي على الاقل حسن من قبل... اتصالاتو هو وميس مانقاطعوووش فهااد المدة كلهاا حيت مكانش كيقدر يخرج من الدار باش يشوفهاا ولكن كان قاضي لغراااض بالتلفون..وكيحاول ماأمكن أنه يعطيهاا وقت وميهملهاااش ويحااول يبعد ليها فكرة الاجهااض بأي وسيلة كااانت خصوصا أنه شااافهاا تشبتات بالفكرة وديما تتجبدهاا ليه فالكلااام لي كايضور بناتهوم عليها حاول يقنعهاا بلي غايطلق وفااء واخا حاملة منوو ولكن هي كااانت باغاا تخلص من داك الراااابط لي غايجمعهوم مدى لحيااااة باااش مايكون عندو تاشي مبرر لي يخليه يخلي وفاء فحياتو... هاد الأخيرة لي كااان لماا دايز من تحتها وهي مجايبة لدنياا خباار حيت ببساطة عاطية نيتها وتقتها لرااجلهاا لي كيلعب مور ضهرهاا..عند بالهاا راه رااااجل مأمنة ليه حياتهاا وهي معرفاااش بلي هو أول واحد غايغدرها ويعطيها دقة لي عمرها تنساهاا.. عاطيااه لمااان وهي معرفاااهش راه هو الديب لي خصهاا ترد منو لبااالو.. جالسة فلكابيني بكسوى فالباج دلخيط مبينة كريشتها لي بدات تتكبر حيت دخلات فالربع شهور داباا كتفقد اخر ضوسي ديال واحد لمريض عندها قبل ماتخرج.. عاطية تركيزهاا لداك الضوسي تاسمعات زوج رنات من تلفونهاا وهي تهزو تشوف ياكما عدنان مسيفط ليهاا شي حاجة ساعة لقاتها نمرة مداخلاش عندها مسيفطة ليها فلوااتس.. دخلات لاديسكوسيون وهي تبان ليها تصويرة مضببة تلشارجاتها وغير وضاحت ليهاا عينيها خرجو بصدمة وهي تتشوف التصويرة لي فيها عدنان معنق شي وحدة.. كان وجه عدنان وااضح وباااين حيت هو لي عاطي وجهو جهة لكاميراا عكس لبنت لي مكانتش تتبان حيت لابسة جااكيط ديالو لي جاتها كبيرة ودايرة بيرية مغطية بيه شعرها.. بدات تتزومي الطوف وكتشوف فوجه عدنان وديك لفاصمة لي فوق جبهتو وتريكو لي كان لابس هو نفسو لي لبس ليوووم.. يديها رعشاات وهي كدوز لتصويرة التانية ولي كانت بمتابت رصاصة أصابتها فمقتل وهي كتشوفو محني جهة وجه لبنت وباااينة لعمى بلي كيبوسهااا...
لوكان جاا عندها شي حد وقال ليها راه عدنان كيخوونك مكانتش غاتيقو والدليل هو المساج لول لي وصلها.. ماتيقاااتوش حيت بكل بساااطة تقتها فعدنان كااانت كبر من أن مسااج يهزهاا ويهرسهاا.. عدنان لي كااان زوج وصديق وأخ وأب كااان هو داك الشخص لي وفااء كتعري ليه مشاعرها بدون خجل ولاقيووود وشنو غاتبغي لمراا من غير راجل لي يكووون مجموع فيه جميع الموااصفااات لي هي باااغاا كتلقى معاه الحناان والرااحة والاحترام والحب كيعاملها كملكة تربعت على عرش قلبه وحيت كيبغيهاا وهادشي بينوو ليها سواا بالفعااال وتاكلامو هي عطاتو لمااان وتاقت فيه وبغاااتو وحيدااات فكرة الخيااانة من قاموسهااا حيت فنظرهاا اشنو يخلي واحد كيبغي مرتوو يخونهاا؟! واش على قبل الفراااش؟؟ هي عمرهاا قصرات جهة هاد الموضووع إذا هو علاش خانهاا؟
عينيها رجعو كيشوفوو فالصورة لخرة ودموعهاا نزلو على وجهها تاتسقطروو على الشاشة ديال التلفون وصوت شهقة طاالعة من أعماقهاا تسمعااات فالبيرو كاسرة داك لهدووء لي كان محيط بيهاا.. هزات تلفونها بعيون مضببة بلبكا كتقلب على نمرتوو تالقاتها وهي تحط التلفون على ودنيهاا تتسناه يجاوبهاا مرة وزوج وتلاتة ومكااين تاشي رد من طرفوو.. هو ديما كايجاااوب على تلفونوو وعمروو خلاهاا بلاكة كيف ليوووم.. ناضت من فوق الكرسي تتزول لابلووز بأيادي مرتاااعشة وعينيها باقي تيدمعوو دموع مقدراتش تحبسهوم.. قلبها تتحس بيه غايخرج من بلاصتووو وريقها نشف من حلقهاا.. هزات صاكها وتلفون وخرجات من لكابيني بدون ماتعير اهتمام لبنت لي خدامة معاها.. غادة جهة الطوموبيل ركبات وشدات لوجهة لمحااال ديالو حيت عرفاتو تما فين غايكون فهاد لوقيتة وماعندو فين يمشي.. وصلااات قدام لمحال ونزلات وداتها كلها تترعد عليها ماشي من لبرد لي كااين وإنما من داك الشعووور لي حسااات بيه فداخلها.. دخلات لمحال وعينيها كيضورو ويقلبو عليه تاقشعها واحد من الدراري لي خدامين معاه وجا جهتها كيشوف فعينيها لمدمعين وهو مخلوع: ختي وفاااء ياك لبااس؟
وفاء:(بصوت غااارق) فين عدنان؟
دري:جا فالصبااح هز شي فلوووس ومشى
وفاء:(نطقات بنبرة فيها أمل) مشى لوزين ياااك؟
دري:لا لوزين مشى ليه لباارح
مبقااتش سمعات شي حااجة من هضرة الدري لي كااان تيهضر حيت عطاااتو بالضهر ومشااات وهي حاادرة راااسهاا وعيونهاا كيشوفو فالفرااغ وقلبهاا كيبكي الدم فاااش تأكدت من حقيقة دوك التصاور وبلي عدنان بصح كيخونهاا.. عند هاااد لكلمة تفرگعااات وفاء ببكااء مرير وهي وسط طوموبيلتهاا تتبكي وتشهق فواحد لمنظر يضر فالخاااطر ليوووم ماشي غير تقتها فيه لي تهرسااات إنماا تاادااك لحب لي هازااه من جهتو وقلبهاا تهرس فهاد اللحظة.. ماعرفااااتش كيفااش ساگت او وصلات لداار بلامادير شي كسيدة غير ربي حفضهاا هي ولي فكرشهاا.. دخلات لداار وهي تتشهق شهقات كيقطعو فالقلب تدمرااات وداك العالم لي كانت عايشة فيه ليوم تدمر قدام عينيها وراااب.. دخلات ديريكت لبيت النعاااس كتشوووف فيها وتتفكر لياليهاا الحميمية معاه ياما نعسااات وسط صدروو فهاد النموسية وكل ليلة كيغرقها بكلامو لمعسوول ليهاا وحبو لكبير لي كيحس بيه من جهتها.. بين عينيها كيدوزو جميع اللحظات ديالهووم وكل دكرياتها معاه كانو بحال شي فيلم قدام عينيهاا لقطة بلقطة.. جلسات فالأرض حدا النموسية ولحد الأن مقدرااش تيق أن عدناان قدر يخونها.. حدرات راسها تتبكي ويديها كتمررها على كرشهاا لي حسات بوجع خفيف كيضرب تحتهاا بحال الاتالجنين حاااس بمووو...مدة وهي على حالتهاا تاسمعات لحس براا هزات عينيها لي كاانو حمرين بحال الاحكيتي فيهوم السودانية جهة لباااب تابان ليهاا داخل عينيها تعلقو على وجهو والفااصمة لي كانت فوق حاجبو مرورا التريكو لي كان لابس والجاكيط لي هاز بين يديه وقبل مايهضر نطقات بصوت هامس: أنا عرفت كلشي..
الشهراااين لي دازو كانو بالنسبة لرحيل سبااق مع الزمن باش تشري گاع داكشي لي غايخصهاا قبل مايوصل نهار لعرس.. تانيرت كانت معاها خطوة بخطوة فكل حااجة كانت تاديرها بغااات تشبع منهاا قدر الإمكاان حيت عارفة الامشات تاتزوجاات بنتها غاتبعد عليهاا وهادشي ضرهاا فخاطرها ولكن هادي هي سنة الحيااة.. واقفة هي وجيدااء كيتسفو فالڤاليز دوك لحواايج لي شرات والسكات مخيم عليهووم.. جيداء على قد مافرحات لصاحبتها على قد ماحزنااات حيت غاتفارق معاهاا ومغايبقااوش ساكنين حدا بعضياتهوم وكل مرة يتشاوفوو..
جيداء:(هزات عينيها فرحيل ونطقات بهدوء) علاش مابغيتيش ديري ليلة لحناا ديااالك وتفرحي براسك
رحيل:(شاف فيه) قلت نجمع كلشي غداا فالعرس وندير غير لعادة وصااف
جيداء:(شافت فساعتها) دابا غايخصناا نعيطو لمحمد طه وريان ينزلو هاد لِڤاليز باااش نديوهوم لڤيلا دماماك.. (ضحكات بخفوت) ماعرفتش باباك كيف دار تاقبل ديرو لعرس تما هه
رحيل:ههه ماتفكرينيش سيمانة وهي تتحاول معاه تارطب راسو هههه
🔙🔙
جالسين جميع فالصالة كيهضرو على لعرس لي غايديرو لرحيل لي طبعاا كيف عادتهاا فضلات يكوون خفيف حيت من طبعها كتبغي لحااجة تكوون ساامبل..
تانيرت:(شافت فرحيل) غانهضر مع تريتور هو لي غايتكلف بكلشي نتي غير قولي لياا ديكور لي بغيتي فالطبااالي ولِپلا لي غايتحطو فالعرس وهو غايتكلف بكلشي بلاماتحمقي راسك معاه اماماا
رحيل:(بتفكير) ماكرهتش يكون le thème ديال ديكور فالأغجونطي ويكون ستيل سامبل وفنفس لوقت رااقي اماما راه ديجا وريتك فالتلفوون ستيل لي بغيت
تانيرت:(حركات ليها راسها باه) صافي غادي ندوي معاه ونوريه شنو بغيتي وهو غايتكلف وقبل خصني نهضر مع رقية باش تجيب معاها شي عيالات يديرو لميناج لڤيلا باش تكون واجدة لداك النهار
إدريس:(كان ساكت لوقت كولو مخليهوم يهضرو ويختارو لي بغااو حيت هادشي هوما لي كيفهمو فيه هو حدو يميزي وصافي ولكن فاش سمع لهضرة لخرة لي قااالت نطق بهدوء ) شكون قال ليك لعرس غايتقام فالڤيلا؟
تانيرت:وفين بغيتي نديروه هنا مثلا؟ راه كاتشوف كلشي على عينيك الناس غايكونو كثار شوية فالعرس وهاد الدار مغاتهزش لينا لبشار كولو
إدريس:(ببرود)عطاا الله لوكاااال ماشي ضروري نديروه هنا
تانيرت:(حاولات تهضر بهدوء) اهاا ونتاا عندك لفلوس لي تخسرهوم فلوكااال ياك بلاصة مانستاغلو ديك لڤيلا وفلوسها نوضفوهوم فحاجة خراا عطاا الله لمصاريف
إدريس:(تقاد فجلستو ونطق بجدية صاارمة) فلوسي امداام راه خاسرهوم على قبل ولااادي ماشي على لبرااني وهضرة وحدة تقااال لعرس مغايدااارش فديك لڤيلااا..
ناض مخليهوم جالسين كيبلقو فعينيهوم وتاواحد مابغا يدخل بناتهوم حيت هاد لموضوع متعلق بيهوم وتامن رحيل مولات لعرس فضلات ترجع باللور وتخلي باااها ومهاا هوما لي يقررو.. بقات تانيرت تتحرك فرجليهاا بعصبية من قصوحية رااسو لي عمرها غاتبدل...
🔜🔜
جيداء:(ضحكات) اييه وكيفااش دارت تاقنعاااتو هههه
رحيل:(بضحك) ههههه وشكون عرف بحالي بحالك ماعرفناا تاجاا وقال لياا راه العرس غايتقاام تم كيفاش قنعاااتو سوليها هي..
جيداء:(شافت فرحيل بمكر) باااااينة اصاااحيبة كيفاااش قنعااااتو راه هاديك تانيرت دالأسمراااااني ههههه..
رحيل:(لاحت عليها مخدة) الله يمسخك ههههههه مكتحشميش
جيداء:(ردات شعرها مور ودنيها) اوا شنوو التفسير لي عندك الحمااااارة رااه باين أناا لي كنعرف الأسمراني الاقال لا هي لا واخا تنطااابق السماا مع لرض والله لابدل هضرتووو وبيما أنه داباا بدلها فهادشي حيت تانيرت دياااااالو هي مولات لفعلة (هزات يديهاا تدعي) الله يعطيني شوية من زهر مامااااك ونلقاا تاأناااا لي يموت عليااا بحال الأسمراني
رحيل:(رجعات تتستف لڤاليز وبصوت هادئ) شكون عرف يمكن دعوتك تقبلات نتي غار ضوري عينيك مزياااان اعضم الطيو...
واقف إدريس فالجردة دلڤيلا وعينيه على دوك لخدااامة لي كايدخلو لماترياااال ديال العرس ولگارو بين يديه كيكمي فيه وهو سااااهي.. كااان رافض الفكرة لي قالت تااانيرت بأنه يدوزو لعرس درحيل هنا وكيف عادتوو كان متشبت بهضرتو ولكن كيف ديماا قدرات السالباااه تقنعوو وتهبط ليه الراااس.. كيشوف فداك الگارو لي كايتحرق بين يديه وعقلو سهى فالنهار لي هضرات معاه وقنعاتو..
🔙🔙
مكانتش باغا تجبد معاه الهضرة فالدار عليهاا اقترحات عليه يمشيو لشي كافي باش يهضرو بوحدهوم ومايقاطعهوم حد... جالسين فواحد لكووان وكل واحد كيشوف فكااسو تاسمع صوتها الهادئ: أنا عارفة علاش نتا مباغيش نديرو لعرس درحيل فديك لڤيلا (هز عينو بهدوء كيسمع ليها) ديك لڤيلا ماشي ديال عبدالله كيف كيحساب ليك (هبطات عينيها جهة يديه لي كانت ممدودة فوق الطبلة ولي كان مزير عليها تاعروقو باانو مجرد مادكراات سمية راجلها لولاني) هاديك لڤيلا راه شارياها بفلوسي اإدريس يمكن نسيتي لفيرمة د يبّا الله يرحمو ونسيتي بلي هو عندو ملااك وفلووس وحيت أنا بنتوو لوحيدة إذا دوك لفلوس وداكشي لي كيملك كولو ليااا وزيد عليها أناا فهاد لمدة كلهاا درت بروجي ديااالي (شافت فملامح وجهو وديك الشوفة لي دار فيها وكملات) عندي coopérative "تعاونية" ديالي سميتها "Rahil coopérative" على سمية بنتناا (جمعات يديها قدامها وكملات هضرتها) يعني هادوك لفلوس لي كانخسر على بنتي فلووسي أنا من عرق كتاافي أما فلوسو هو راهوم فالكونط عمري قستهوم وعمري صرفتهوم على شي حاجة تتخصناا دونك بلاماتقصح راسك وماتنساااش راه رحيل بنتي وهاد حقي اإدريس
نطقات ديك لكلمة لخرة بصوت هااامس حزين خلاتو يتنهد ويقلب وجهو عليهاا وكيحااول يكونطرولي رااسو باش ماينوضش يعنقهاا وسط لكافي.. مكانش عارف اش دوزات هاد السنين كلها ولكن هضرتها دابا خلاتو يفتاخر بيها حيت هي وصلات لهاادشي بعرق كتافهاا.. تنهد تنهيدة عميقة قبل مايشوف فيها وينطق بكلمة وحدة : واخا..
🔜🔜
فاق من السهوة ديالو على صوتها لي كاانت تتهضر مع الشيفور يمشي يجيب ليهاا شي سخرة.. كيشوف فيهاا بشوفاات حنينة وعينيه كيفيضوو بالحب.. لاح لگارو وعفس عليه وتمشى جهتها وبصوت هادئ نطق: خاصة شي حاجة؟!
تانيرت:لا كلشي هو هاداك راهوما كيوجدوو لجلسة والطبالي ورحيل راه مبقا ليها والو وترجع من لحمام باش تبداا توجد راسها على قبل لحناا ومن هنا ليل كلشي غايكون واجد اه هضرتي مع لعدول؟!
إدريس:واه غايجيو فالعشية
تانيرت:صافي هانا مشييت نكمل شغلي
---
راجعة من لحماام وحنيكااتهاا حمرين بالسخونية دلحمام كانت معاها جيداء وأسمااء لي مشاو معااه لحمام لعرووس.. وصلات لدار حطو تما السطولة وهزات رحيل الشانطة الصغيرة لي كانت فبيتهاا وقبل ماتخرج من لبيت ضورات عينيها لي عمروو بالدمووع فالبيت كاتشوف فيها بنظرة ودااع.. لبيت لي كبرات فيهاا ولي عاشت فيها طفولتها ومراهقتها ونضجهاا هاد لبيت لي دوزات فيها أياام فرحها وحزنهاا.. فداك لبيرو لي فلكواان هي كاانت تتجلس ساعات وساعات تتحفض وتادير البحوت ديالهاا وفوق هاد النموسية دوزات لياليهاا.. وفداك لبلاكاار هي ستفات حوايجهاا وقدام ديك لمراياا هي كانت تتوقف كل صباح قبل ماتخرج من بيتهاا.. دكريااات جمعاتهوم فهاد البيت لي مكتاب ليهاا تخليهاا باش تمشي لدار خرا وبيت خراا.. مسحات دموعها وحلات لباب دلبيت وقبل ماتخرج شافت فيهاا بنظرة أخيرة تتودعها قبل ماتسد لباب وتكمل طريقهاا لبراا فين كانو لبنات كيتسناوها فطوموبيل إدريس لي كان سايگها محمد طه لي غايوصلهوم لڤيلا باش يوجدو راسهوم لعرس...
فبيت تانيرت لي كانت جالسة فيها رحيل مور مالبسوها التكشيطة لولة فالاخضر دلحناا.. كاانت تقطيعتهاا ديال لبرانسيس وكلها منبتة بالجوهر تتبري لبسات معاها فولار فالخضر ساتان تاهو وفوق من راسها تااج كبير فيه عقيقة خضرة فالوسط وفالجنااب مضور بالعقيق فالبيض ولفوال داروه ليها هابط مع ضهرهاا ومتبتينو هو والتاج مزياان.. عينيها كيشوف فانعكااسها فالمراايا ومغاتنكرش بلي معجبهااش راسها وخصوصا البلدي لي جاااه كيحمق أما لمك اب فأسماء بنفسها لي صاوباتو ليها وتفننات ليها فوجهها بمك دلعريسااات برز بؤبؤ عينيها لخضريين لي كانو كيبريو كاانت كلها تترعد والخلعة شادااه خصوصا مع صوت لموسيقى لي وصلهاا من لتحت وصوت الناس لي بداو كيجيو.. تنهدات وهزات عينيها فجهة الباب لي تحل ودخلات منو تانيرت بقفطان ديالهاا البلدي لي واتاهاا وبينها صغر من عمرها.. شعرها خلاتوو مطلوق ولاحت فولار فوق من راسهاا غادة جهة بنتها لي واقفة تتشوف فيها وبصوت هامس نطقات:حياني الله تاشفتك عرووسة اماما
رحيل:(عينيها تغرغرو بالدموع) غانتوحشكووم
هبطات راسها كتنخصص وتانيرت بلاماتشعر دموعها نزلو ولكن مسحاتهوم بزربة باااش ماتبكيهااش ونطقات بابتسامة:زيدي نهبطو لتحت النااس كيتسناوك ونيت تحني قبل مايجي مولاي السلطان..
شدات فيهاا ونزلاتها لتحت وصوت التعااشق دالنگافة كاسر الدنيا.. كانت عروسة زوينة خلات گاع لمعروضين يتعجبوو بيهاا زينها السوسي لي وارتااه على مهاا كاان عندو ميزة خااصة.. وصلوها جهة الجلسة فين كانت النقاشة تتسناها باش تبدا تنقش ليها... أغااني دلحنة مطلوقيين والحااضرين كانو كيشطحوو وكلهوم فرحانين والفرحة بانت فوجههوم من غير كلثوم لي كانت جالسة تتشوف فيها بهدووء.. أما محمد طه وريان فكانو حاطين الراس على الرااس وباين فيهوم مااشي على بورجهوم خصوصا محمد طه لي كيتسمعو غير تنهيدات ديااالو.. جيداء محزمة تتشطح وتتحرك منوضة الحيحة ومعاها تاأسمااء لي عايشين اللحظة.. سالات ليها النقاشة غير يديها لي حناات ومشات تتنقش لمزوارات والسرباية قاايمين بالضياااف.. الوقت كاان كيدوز والعريس مبقا ليه والو يجي هو وعائلتو عليهاا النگافات نوضو رحيل باش يوجدوها لبسة قبل مايجي لعريس لي كاان شاد الطريق هو وماماه ورنيم ومعاه ميس وإسلام ومماين إسلام وباه.. متبع النعث لي عطااوه تاوقفو الطوموبيلات قداام الباب دلڤيلا لي كان محلول على مصرعيه فاستقباال العريس وعائلتو.. كان إدريس واقف بجلابة سوسدية مبينة كتااافو لعرااض وماشط شعرو لكحل لي متخللينو شعيرات بيضاا بتسريحة مناسبة عمروو ولحيتو لي مخففهاا جاا أنيق ولبلدي جاا مع سموريتوو.. وحداه تانيرت لي تاهي بتكشيطة فالبلونكاسي منبتة كلهاا بالعقيق جاتهاا زوينة وشعرها جمعاتو مشيطة خفيفة.. نزل عاصم بجبادور طروا بياس فالبيض مخيطة بلگرونة وشعرو فيكساه اللور والضحكة مترعة على شفايفوو فرحاان.. تسالم مع إدريس وتانيرت لي جات جهتها مليكة تاهي لابسة لبلدي لي كاان عنوان العرس وبدهوبااتها سلمو عليهوم ورحبو بيهوم وعينين مليكة كيضورو على لڤيلا.. لعريس مشى مع تانيرت لبيت فين كاينة رحيل باش ينزلو مع بعضياتهوم.. حل لباب وغير دخل وهو يفيكسي الشوفة فرحيل لي كانت لابسة تكشيطة كرونة مع لزاكسيسوارت ديالهاا ولفواال مغطي وجهها.. قرب جهتهاا وهو مبتاسم وشد يديها ونطق بصوت هااامس: زيني جيتي تتهبلي؟
رحيل:(بصوت مرتاعش) تانتاا
شد يديها ونزلو لتحت وجميع لعيون تعلقات على منظرهوم وداك الانسجام لي كتحس بيه من جهتهووم.. توجهو جهة الطبلة لي فيها لعدول وجلسو هوما وإدريس..
العدول:بسم الله الرحماان الرحيم والصلاة والسلام على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم فالعالمين إنك حميد مجيد.. اليوم تجمعناا فهاد النهار المبارك باش نعقدو قران ولدنا عاصم ببنتنا رحيل على سنة الله ورسوله
كان الصمت وكلشي ساكت كيسمع لعدول لي بدا كيردد آيات قرآنية وكيهضر على النكااح وكيعطيهوم أمثلة وهوما كيسمعو ليه بكل هدووء تاكمل ونطق وهو كيشوف فرحيل:بنتي واش تسلمتي الصداق ديالك
رحيل:(بصوت هامس) اه توصلت بيه
رجع لعدول شاف فعاصم وكمل: عاصم الجوهري واش نتا قابل بالزواج من رحيل التجاني على سنة الله رسوله؟
عاصم:(بابتسامة) اه قابل
لعدول:(شاف فرحيل) ونتي ارحيل التجاني واش قابلة بالزواج من عاصم الجوهري على سنة الله ورسوله؟
رحيل:(بصوت هامس متوثر نطقات) اه قابلة..
قدام لباب دالڤيلا كاان إدريس والعائلة كاملة واقفة بااش يودعو رحيل لي كانت لابسة جلابة دوبيااس دلعريساات مع صندالة طالون وصااك.. مخشية فحظن إدريس ودموعهااا كينزلو شلال تتبكي بحال شي بنت صغيرة خداو ليهاا لعبتها وجات تتشكي لباهاا.. إدريس لي كان مزير عليها فتعنيقتو وعينيه برقوو بدمووع لي حااول ماأمكن ماينزلهوومش باش مايزيدش يبكيهاا.. حاسة بقلبوو كيضرو حيت هادي أول مرة يتفارق عليهاا ملي تزادت وهي معااه ودابا جاتو قاصحة يتفرق عليها.. بعدها عليه وشد وجهها كيمسح دموعها ونطق بصوت هامس بينو وبينها: ديري فباالك بلي واخا تزوجتي دار بااك ديما مفتوحة فوجهك افرحتي اللولة
رحيل:(تتشهق وتبكي) سمحلياا الاشي نهار قللت الاداب عليك هء هء هء
إدريس:(رجع عنقها وبصوت فهي نبرة حزينة) مسامحك افرحتي اللولة مسامحك
بعدات عليه بزز ومشات جهة تانيرت لي مكانتش قل منها تاهي تتبكي وتشهق ماعاشتش مع بنتها وماشبعاااتش منهاا وهاهي دابا غاتمشي لدار راجلهاا.. غصة تكونات فقلبهاا ولكن ماعندها مادير عنقاتها رحيل بالجهد كيتباكااو بزوج وقبل ماتفصل تانيرت التعنيقة سمعات رحيل نطقات بهمس:قولي ليه كلشي اماما
تانيرت:(حركات ليهاا راسها) أكيد تهلاي فرااسك واخاا الله يكمل عليك بالخير اماما والله يبعد عليك ولاد لحرام
بزز باش تفرقات معاها وعينيها جات فأسماء لي حياتها كلها وعلاقتهوم كانت متوترة وعمرهوم ماعطاو فرصة لبعضياتهوم ولانقولو أسماء لي كانت تادير حاجز بينها وبين رحيل ليوم واقفة قدامها وتاهي عينيها كيدمعوو ومقدراتش تحبس راسهاا وعنقاتها بالجهد وتارحيل زيرات عليهاا تيبكيو بزوجااات.. الوداع دلعروسة ضروري مايكون مرفوق بدموع حيت غاتفرق على دارها وغاتمشي لحياة خرا غير هادي لي كانت عايشة.. بعدات عليها رحيل ونطقات بصوت باكي:ديري عقلك واخا
هزات أسماء راسها وبعدات عليهاا وهي تتمسح دموعهاا.. وقفات رحيل قدام محمد طه لي عينيه كانو حمرين وباين فيه لعمى بلي كان تيبكي تلاحت على صدرو تتبكي وتنوح وعقلها غايخرج من بلاصتوو.. كل واحد فهاد العائلة عندها معاه دكريات لي صعيب تنساهوم.. وفيما تقول رحيل هاد الدموع هوما لخرين وغاتسكت غير تقرب لعند شي حد توادع معاه تتزيد تبكي.. كلهوم ودعوها بنفس البكاا ماعدى ريان لي غبر ليه الأثر عيااو مايقلبو عليه ويصونيو ليه ساعة والو السيد غبر.. قربات تانيرت حدا رحيل ونطقات بهدوء:خوك مكيحملش يتوادع مع شي حد ابنتي
رحيل:(ببكاء) ولكن انا بغيت نسلم عليه (مسحات دموعها ونطقات) قولي ليه بلي غانتوحشوو واخا
حركات تانيرت راسها وجا عاصم جهتها شد فيديها غادي بيها جهة طوموبيل ركبات اللور حدا رنيم وقبل ماتحرك الطوموبيل ضارت رحيل جهة الزاج لوراني تتشوف عائلتها لي كانت كلها واقفة تتودعهاا حسات بقلبها تزير عليها وشافت فيهوم شوفة بحال الاكتودعهوم وحاسة بلي هاديك غاتكون اخر مرة كتشوفهوم فيهاا.. ضارت طوموبيل وغبراات على أنضارهوم وأنضار ريان لي واقف بعيد كيشوف فطوموبيل ودموعو نازلين من عينيه.. بقوة البكا لي بكاتو نعسات رحيل ومحساتش بالوقت خدات نومة طويلة تاحلات عينيها على يد كتفيقها
عاصم:(شاف فيها بهدوء ونطق)نعستي وماحسيتيش گاع بالطريق
رحيل:(شافت فالزنقة وديك البلاصة لي اول مرة تشوفها) شحال فالساعة ؟
عاصم:نعستي 24 ساعة ومحسيتيش بالطريق وصلنا حنا دابا فالداخلة
رحيل:(خرجات من طوموبيل ونطقات بعدم فهم) الداخلة؟ ياك قلتي لياا غانسكنو غير فالربااط
عاصم:(قرب جهتها ونطق ببرود) كنت قلت ولكن بدلت رأي ازيني
رحيل تتشوف فيه بصدمة تاحسات بيه شد يديها غادي بيها جهة لباب ديال الدار لي جات فالشوكة قدها قد لخلا دخل بيها لداخل ورحيل مكانش عندها لوقت فين تشوف حيت باقي مصدومة من هضرتو..كمل بيها الطريق تال طبقة الثالتة فين كاينة بيتو.. حل لباب ودخلها ونطق بهدوء:أنا راجع
خلاها لداخل وهي باقي كتستوعب بلي هي فمدينة خرا لي بعيدة كل لبعد على ربااط.. حطات يديها على راسها وبقات تماا ساعات تتسنى تاتحل لباب ودخل عاصم بخطاوي مايلين وهاز بين يديه قرعة دالشراب.. هز فيها عينو وضحك بسخرية:زيني كتسنايني
رحيل:(خرجات عينيها فيه ونطقات بصوت متلبك) اش هادشي واش نتاا كتشرب
مشى عاصم جهة الطبيلة لي فالبيت حط فيها القرعة وخدا من جيبو خنيشة صغيرة فيها لغبرة بيضا كب شوية فوق الطبلة وسطرو مزياان وتحنى جر جرة لولة وموراها الثاانية قبل مايطلع عينو منشووي وهي تتشوف فيه مشوكيااا بالمعقول وبصوت مرتاعش نطقات: كيفاااش هادشي واااش
حل عاصم عينيه لحمرين وناااض جهتهاا كيتمشى بخطوات مترنحة جرها من خصرها تاشهقات وغوتات وبدات تضرب فيه باش يطلقها ساعة هو حكمها وبصوت هامس كالفحيح: اه راجلك كيسكر ويتدروگا وكيفسد وكيدير گاع لحواايج لخايبة (همس حدا شفايفها وهي مزيرة عينيها وعايفة ريحتو وبصوت بارد كمل) حيت راجلك ازيني بزناااز
"أنا عرفت كلشي"
ديك لهمسة لي خرجات بين شفايفهاا وعينيهاا لحمررين كانو كيشوفو فيه بشوفة لي زعزعاتو من لداااخل..ريقو نشف فحلقوو ورجليه غاديين جهتهاا والجاكيط لي بين يديه لاحوو فالأرض بلا مايتسوق ليه حيت فهاد السااااعة حالتها كانت أهم بالنسبة ليه من حوايج خرين.. جلس على ركابيه قدامهاا كيشوف فوجهها وعينيهاا وبصوت مرعود نطق:كبيدة ديااالي مالك علاش تتبكي
قرب يديه باش يلمس حنكها وهي تغوت فوجهوو بعصبية لأول مرة يشوفها: ماتقسننننييييش بيدك لموسخيييييين الغداااااااار
عمرو ماشافها معصبة لهاد الدرجة مولفهاا دييمااا كااالم وإنسانة لي كتاااخد لقرارات بعقلهاا وكيعجبوو طريقة تفكيرهاا وهدوءهاا لي كيخليه يعشقهااا.. ماردش لباااال لهضرتهاا حيت حالتها كااانت أهم عندووو.. دفعااتو بيديها بزووج وناضت وهي تترعد وتشهق تصاورو كانو بين عينيها وفيما كاتشوفو فوجهو تاتفكر ديك لخيااانة لي كاااانت بحال السم على قلبهاا عطاااه ليها فكاااس شرباااتو وهي كانت متلذذة بمداقو ومعرفاااش بلي ديك لحلاوة لي كانت فيه غاتبدل وتولي مرورية... حطات يديها على كرشها ونطقات بصوت بارد وشفايفها كيترعدو عليه: كنتي تتقول لياا بلي كتبغني وبلي عمر شي بنت لمراا مغاتاااخد بلاصتي فحياتك وفقلبك وأناا تيقتك ونتاا اش درتي (شهقات وبصوت مألم نطقات) خنتيني اعدناااان بدم باااارد بلامااااتفكر فيااا ولافولدنااا لي فكرشي
ميمكنش تكووون عرفااات... هادشي لي فكر فيه عدنان وهو كيسمع هضرة وفاااء لي مخبية واحد لجرح ربي لي عاالم بيه.. منظرها ودموعها وصوتهاا هرسو قلبوو من لدااخل وعينيه خرجوو من بلاصتهوم وهو غادي جهتها بااش يهدنهاا: أنااا كنبغيك نتي اوفاااء تيقيني كنبغييييك نتي وكلشي كدوووب
وفاء:(غوتاات فوجهوو) بااااااااركة من لكدوووووب اعدنااااااان بااااااركة أناااا راه شفت كلشي بعيني شفتك نتاااااا وهااااااديك هء هء (كرزات على عينيها مخلية الدموع يطيحوو بلامايلمسو حناكهاا) قول لياااا غير كيفااااش قدرتي ديرهااااا اعدناااان كيفاااااش عطيني غااااار سبب واااحد يخليك تخوووووووني
حرك رااااسو بلا وقرب جهتهاا شدها من كتافهاا موقفها قدامو واخا كانت تضرب فيه مبغاتوووش يقيسها.. وقفها ونطق بصوت عاااالي وعروق جبهتو تبرزو: نتي غاتيقيني أنااا يااااك هومااا باغييين يفرقوناااا أناااا كنبغيك نتي
ماعرفش شكون قالها ليهاا وكيفااش عرفااات ومكيهمووش حاليا الأمر..قدماا كيهموو يقنعهاا بلي هو كيبغيهاا.. كلامو كولو مكااانش منطقي ولكن فديك الساعة هو حاجة وحدة لي كااان باغي يديرها هو يقنعهاا بلي حبوو ليهاا حقيقي ومافيه تااشي شك... تنثرات منوو بكل قوتها ومشات جهة التلفووون جبداتو وبدات تتقلب على التصاااور وهي تتشهق.. هزات التلفون فوجهو شي لي خلى عينيه يمشيو لديك التصويرة لي كان باين بلي هو واخا يبغي ينكر ويكدب.. نفس لحوايج دليوم ونفس الفاصمة لي فوق حاجبوو يعني الصور ديال داباا قلبات لصورة الثانية ولي كاااانت هي لي شقاتو حيت ديكور الصورة كان واضح لعمى.. ولكن لي رد ليه لبال هو التصاور لي وصلوها مكانش وجه ميس كيباااان فيهووم حيت الجاكيط ديالو كانت كبيرة عليهاا وديك البيرية غطااات شعرهاا وتالي صووور بااين بلي إكسبخي ركز عليه هووو..
وفاء:(هزات فيه حاجبها) سكتي يااااك حيت ماعندك مااااتقول كلشي واااضح وباين والتصااااور وضحوو لياا بلي أناا كنت مزوجة بواااحد غدااار واااااحد لي عطيتو تقني وبغيتوو وهو غدرني بدم باااااارد مع هااااد الق*بة (قربااات جهتو وغوتات عليه) شكوووون هاد لق*بة هاااا شكووووون هاااادي لي خلاااتك تخووووني معاااهااا هضررررررر
سكتات وفاء وهي كطلع النفس وتهبطوو بهسترية تجننااات وتقصحاات من خيااانتو ليها.. مساهلش أنكي تكوني عاايشة مع راجلك لي كاتبغيه وكتيقي فيه باااش فاللخر تلقاايه كيخووونك مع وحدة لي معرفاااش كاع شكون هاادي وتاالسباب علاش خانهاا معرفااتوش شي لي مخليهاا باغاا تحمااااق هي عارفة راسها عمرها قصراااات من جهتو وكانت تتعطي فهاد العلاااقة وفاللخر هاشنو خداااات منهاا.. گاع داكشي لي كان فداك لبيت هرساااتو وكاع روايحها ومكياجها لي كان فوق طابل دونوي شتتاتو وماخلات تاحاجة مسگدة وهو كيحاول يهدنها ساعة اش غايهدن وقلبها محروق كايتشوى من لداخل...
وفاء:(هزات الڤاز لي حداهاا وشيرات بيه عليه وكون متجنبش ليه كون شقات ليه راسو وقاااالت بصرااااخ) طلّقننننني...
الضيم طاح عليهووم فدار إدريس ملي مشااات رحيل الفرحة اللولة ديال العائلة ولبنت لكبيرة لأسمراني.. لبنت لي أول ماهزها بين يديه وهي لحيمة خطفات ليه قلبوو وروحوو.. عارفين بلي هادي هي سنة الحياة والبنت قدما بقات فدار باها غايجي النهار لي يدق الرزق بابها.. كيتفرج إدريس فألبوم التصاور وكيشوف فتصاورها فااش كانت صغيرة.. كانت بحالي شي باربي بديك لكسيوة لغوزة لي كانت على شكل برانسيس وشعرهاا كان مطلوق وضحيكة كبيرة على شفتهاا وعينيها لخضرين كااانو كيلمعو بواحد لبريق يخلي لي شاف فيهوم يعشقهوووم.. هازة مونيكة بين يديهاا وديك الضحكة لي على شفتهاا باينة بلي ترسمااات على قبل الشخص لي كان مور الكاااميراا ليه هوو... كيعقل كاان داهاا باش يصورهاا هي ومحمد طه.. هز ديك التصويرة بين يديه وعقلو سهى فديك الدكرى..
🔙🔙
بنفس الكسيوة كانت رحيل جاياا تتجري وشعرهاا كيلعب مور ضهرهاا.. جاياا عندو وجارة معاها ديك لمونيكة لي مكتفارقش معااها..وقفاات قدامو وبدات كضور على راسها بطفولية ونطقاات بداك الصويت لحلو:رحيل وينة بابا رحيل وييينة
بقات تاضور كتوريه كسوتهاا وهو كيشوف فيها بهدوء وابتساامة.. جرها لعندو وباس حنكهاا وهي عنقاااتو وقالت بطفولية: ليس وين "إدريس زوين"
إدريس:(بحب) ورحيل تاهي زوينة..
🔜🔜
ديك لمعة لي كاانت عاطية بريق خاص لعينيها مبقاااتش مور ماسمعااات هضرت عاصم لي كانت بالنسبة ليها صدمة سكتاتها وخلاتها جامدة بحال شي تمثال بين يديه... يالاه كانت تتستوعب أنه جابها لداخلة بلا مايسولها وزادها بصدمة الشراب ولادروگ لي شمو قدام عينيها ودابا كملهاا وجملها بخدمتو كبزناز لي يالاه غاتعرفهاا... حركات راسها بلا ونطقات بصوت يدوب كيتسمع:شكون نتا؟ (كملات هضرتها ولسانها حسات بيها تقال عليها) نتا ماشي عاصم لي كنعرف
عاصم:(زاد قرب بوجهو جهتهاا تاخلاها ضور وجهها مخسرة سيفتهاا ونطق بصوت سكرااان) هاداك عاصم مكاينش وعمروو يكوون ازيني ههههه
كدوبو ولبروود دياااالو والحقيقة لي تكبااات عليهاا فهاد اللحظة بحال شتااا خلاوووها تصدم وتحس براسهاا بحال الاجايا من شي كوكب آخر وبلي هادا لي واقف قدامها ولي كيتسمى راجلها أول مرة تشوفو وتعرفو.. طلق منها عاصم وتمشى جهة الطبيلة وجلس فالأرض هاز لقرعة دالشراب بين يديه جغم منها ونطق وهو ضاحك مخاصو تاخير: جلسي ازيني جلسي الليل باقي طووووويل
"اشمن جلاس واشمن ليل واش هاداا حمااااق" هادشي لي كان كيضور فدمااااغ رحيل شدات على راسهاا لي حساااتو غايتفرگع حيت نعسااات بزاااف وزيد عليها هاد الصدمات لي عرفااتهوم خلاوها تحس بالشقيقة فراسها.. هزات عينيهاا فاش تفكرات هضرتو ملي فاااقت ونطقات: نتا شنو درتي لياا تانعست ديك لمدة كلهاا حيت أنا نعاسي خفيف وميمكنش ليا مانحسش بالطريق
عاصم:(ضحك بالجهد مرجع راسو لور) ههههه ايااااي ازيني صدقتي دكية هممم (جغم من القرعة ورجع شاف فيهاا) نسيتي لقرعة دلماا لي عطيتك ازيني
رحيل:(هزات فيه عينيهاا وتفكرات فاش كانت تتوجد راسها باش يتوادعو مع العائلة هو عطاها قرعة دلماا ومع الأسف شرباات منهاا.. جلسات فوق النموسية وحطات راسها بين يديها ونطقات بصوت ضعيف) علااش اعاصم أنا شنو درت ليك؟ (هزات عينيها فيه كانو محجرين بالدموع ونطقات بصوت باكي) نتا علاش تزوجتيني؟
عاصم:(كمش حجبانو ونطق بصوت تقيل) حيت عجبتيني وبغيتك تكوني لياا وحيت عارفك مغاتقبليش بيا الاعرفتيني بزنااز (كمل بسخرية مرجع راسو لور ومغمض عينيه) وخصوصا نتي كنتي يااالااه خرجتي من علاقة حب مع داااك ميخي لي تلاقينا فالقهوة (هز حاجبو وبنبرة بارد قال) سميتو ياسين ياااك ازيني..
يتبع..
التعليقات
لا توجد تعليقات بعد، كن أول من يعلق.