محتوى القصة
جالسة فالصالة وعينيها على التلفازة وعقلها مع ولدها اليازيد لي من نهار خرج من الدار معاود عتبهاا..كانت فاللول تاتقول يبرد ويرجع كيف مولفة معاه ساعة هاد لمرة غبر ومعاود رجع ولاعيط ليهاا..حدها كاتسمع راجلها تايسول فيه ومنو كاتعرف خبارو.. مولفة فيه يسمع لهضرتها ويشاورها تاضسرت أو ولات باغا دخل ليه فحياتو بحكم هو لولد لوحيد لي عطاها داااك لحق.. خاطرها كأم مزير عليها وبالها مشطون عليه ولكن مباغاش تنزل راااسهاا وتعيط ليه حيت عند بالها لادارتها غايضسر نسات بلي السيد راه بشلاغموو وفالربعينات ماشي واحد صغير لي غايخصك تگيديه... تامن راجلها عمرو جبد ليها سيرتو وخلاهاا منها لضميرهاا وهي حلفات لاعيطات... معارفش راجلها علاش هاد قصوحية الرااس بلافايدة يااك السيد كبير علاش غاتخيرو بين لي بغا قلبو ورتاح ليها خاطرو وبين وحدة هي باغا تختارهاا باش تزوحو على هواها... وقف فالنص وماعرف مايدير وفضل يسكت حيت عارف مرتو وطبيعتهاا... أما هي راه من برا تتبان ممسوقاش ساعة هي غير مابغاتش تنازل وتبين حست مغاترضااش... تنهدات وبدات تتقلب فديك التلفازة وترجع تفكر هضرتو لي قال ليها كيف كل مرة...
عمرها نساتهاا خصوصاً فاش قال ليها خسرتيني وقلبها كايتزير على هاد لكلام خايفة بصح تخسرو واخا راه باينة لعمى بلي بسباب قصوحية راسها خسراتو والدليل هوو خروجو من الدار من داك النهاار وعمرو عييط ليها ولاسول فيها وهادي ماشي ديااالت اليازيد لي مولف يعيط ليها عشرين مرة فالنهار يسول فيهاا وفصحيحتهاا ومن بين ولادها كاملين هو لي مفششها واش حيت هو الصغير ولاحيت قريب ليها بزاااف...سمعات صوت الصونيط مع بغات تنوض سبقها راجلها ونطق:غير خليك أنا غانوض الحاجة
رجعات بلاصتها نيت جاتها من الجنة والناس لاحت تاني عينيها على التلفازة تاسمعات صوتوو تايقرب جهتها كيهضر مع باه ويسول فيه...فرحات من لداخل وعرفاتو واخا يغبر تايعيى غايرجع ليهاا حيت هاداك ولدها وتربيتهاا...عارفااه غير معصب ونطق بديك الهضرة...ماناضتش ومبيناتش فرحتها زعمة راني مقلقة منك حدها ضورات وجهها تبان ليها داخل كيباان بخييير ولحية مقادة والروايح كيتشمو من بعيد وضاحك مع باه شوية بانت ليها سنااء وراااه داخلة تاهي ولابسة جلابة مخزانية وشعورات مطلوقين وضاربة مك اب مناااسب وجهها وطالون تاتقرقب بيه...شافتها بحال لاشافت جن خرجات عينيها ونزلاتهوم جهة يديهوم لي كانو مشااادين وكتحااول تفهم داكشي لي كاتشوف قدامهاا... شافت فسناء لي تبسمات ليها بشوية وهازة حجبانها كاتقلي ليهااا السم شوية هزات يديها ورجعات لگصيصة وهاد لحركة دارتها بلعاااني باش توريها لخااتم دالزوااح لي مزين صباعهاا لي مصبوغين بالگروونة... قلبها بدااا يضرب وفمها نشف وبلاماتشعر وقفاات من فوق السداري لي حفرااتو بقوة مجلسات فيه ونطقات مخرجة عينيها:اش كادير هااادي هنااا وعلاش جاااي معاهاا؟؟
اليازيد:(شاف فيهاا ببرود ونطق بهدوء) هااادي سميتها سناء ومن حقها تكون هنا معايااا حيت هي مرااتي (زير على يد سناء لي مبسمة كاتشفى فطامو وكمل هضرتو بكل هدوء) أناا وياااهاا تزوجنا على سنة الله ورسوله..
مع نطق بيهاا اليازيد شدات طامو قلبهاا وشهقااات بالجهد بحال لاداخلاهاا لموووت وعينيها تقلبو تابان غير لبيااض ديالهوم وطاحت سخفااانة فوق السداااري لي وراهاا..
الخبر والمنظر لي شافت طامو كان بزاف عليها وماحسااتش براسها غير وهي مغيبة ومبقاات تاتسمع لاصوت لاوالو أما اليازيد غير شاف مو غيبات وطاحت ديك الطيحة وهو يمشي تايجري عندها هو وباه مخلين سناء واقفة هازة حاجبها وتاتبسم بتشفي فيها...كان باغي اليازيد يقادها فوق داك السداري ساعة اش غايهز وهي قد لبوطة ومع ترخات زادت تقالت...تحماو عليها هو وباه تقادوها وحطو راسها على صدر راجلها وليازيد كيضرب وجهها بشوية باش يفيقها ساعة وتگول واش فاقت...تخلع عليها وضار جهة سناء لي واقفة بلاصتها ونطق بسرعة:جيبي لماا داالسكاار اسناء
خرجات سناء بزربة من صالة وغير غبرات مبقاوش يبانو ليها وهي تمشى بشوية عليها تاتقلب على لكوزينة فين جات تالقاتها ودخلات تاتشوف وتحل لبلاكارات تاتقلب على السكار تاسمعات لحس وبان ليها ليازيد جاااي ونطق بسرعة:وااااش سيفطتك تجيبي السكار ونتي تسكني
سناء:معرفااااش فين كاااااين راه أول مرة ندخل لكوزينتك
جبد السكار ودارو فكاس مع لماا وهز معلقة تايخلط بيها وخرج وهي تابعاااه وبصوت خافت نطقاات:الشارفة ولابدما خصهاا تنكدهاا علياااا بغيتها تغيب وماتنوووضش
لقاتهوم كيشربوها السكاار ويرشو عليها لماا وهي بدات تاتفيق وتحرك فراسهاا تاحلات عينيها على وجه اليازيد وفلول سحاب ليها راه كاتحلم ساااعة فاش سمعات صوت سنااء تأكدت بلي هادي ماشي حلمة
سناء:(بحنية زائفة) خالتي واش نتي بخييير؟؟
ضارت شافت فيها طامو وغير قشعات نظراتها لي كانو حاملين لبرود والتشفي وهي تنوض نوضة وحدة مبقااتش سخفاانة وفاشلة...خرجات عينيها فيها ومشات قصداااهاا:كاتشفاااي اعدوة الله هااا صااافي درتي مابغيتي ضحكتي عليه تااخليتيه يتزوج بيك
اليازيد:(شدها ونطق بانزعاح) لواليدة يهديك الله اش هاد لكلام
طامو:(نهضات فيه) ايييه مالي كدبت لكلبة ضااارت بيك وكلاات ليك دماااغك تاتزوجتي بيهاا بلاخباااار عائلتك أو واليديك وبلارضاهوم
اليازيد:(خنزر فيها) نتي لي قصحتي راااسك ملي جيت دويت معاك بلخاطر مابغيتيش وزايدون لواليد راااه عارفني تزوجت بيها وحضر لعقد ديالنااا
طامو:(ضربات صدرها تاتسمعات صوت زدااااف وضارت جهة راجلها مخرجة عينيها) يااااااك اعبد الله هادشي فخبااارك ومخليني كيف لهبيلة هادي هي حق لعشرة لي جمعاانة
عبد الله:اوا الالة طامو نتي لي مابغيتيش تخلي الولد يدير محالو ويجمع شملو مع لي بغاا قلبو وأنا قلبي ماخلانيش نشوف ولدي محن ومكرفص
طامو:(ندبات حناكها ونطقات بحرقة) ايييييه ربي اطامو وكبري باااش يجي فلخر ويتزوج بلاخبااارك ورضاااك يااك اولد كرشي هادشي لي نستااهل عندك
اليازيد:(بجدية) شنو قلت ليك داك النهااار نتي بسباب قصوحية راااسك خسرتيني كنت ديما نسمع لكلامك ونحتاارمو حيت نتي مي ولكن نتي مادرتيش بحساابي وفكرتي غير فرااسك وتاأنا فكرت فرااسي ودرت لي قااال لياا قلبي وعقلي
طامو:(تاتغوت ربي لي خلقها) حيت بغيت مصلاحتك حيت عااارفة زوااجك منها مغايدوومش ومافيهاا خير حيت أنا مك عااارفة لي يصلاااح ليك ولي خايب ليك
اليازيد:(حرك راسو بلا حول) نفس لهضرة ونفس الموال غانبقااو نعاودو فيه وهاادشي طلع ليااا فصحتي الواليدة
طامو:(عينيها مخنزرين فسماء لي ضاربة الطم ونطقات تاتغوت عليها وتسبها) ونتي السفااااالية سااكتة حيت وصلتي لي بغيتي ياااك عليها جالسة تشمتي شتتي شمل لولد مع واليديه وموو سيري الله ياخد فيك الحق
سناء:(هزات حاجبها) علاش شنو درناا زواج واش حراام ياك جا عندك مامرة مازوج باش تقبلي ونتي تتخيريه وتلوي ليه درااعو علاش مافكرتيش فيه وفشنو باغي هو
طامو:هووو باغي لفعة وأناا عارفة طينتك السفااالية الله ياخد فيك الحق
اليازيد:(تعصب) لواليدة صااافي باركة لاجيت ليوم هنا بااش نگول ليك بلي أنا وسنااء عمرنا غانتفاارقو وداك الشمل لي تشتت سنين هادا عاود جمعتوو راه كبرت فعمري وباغي ندير ولادي قبل مايفوت لفوت سنااء أنا اختاربتها حيت باغيهاا
طامو:(كاتغوت وتجدب) ايييه ومك ضرب عليهاا حيت ختاريتي هاد السفااالية عوم بحرك معاهاا ونسى راااه هادي مك ونتااا وليتي مسخووط ومبقيتش حسباااك ولدي
مشات تاتنهج بحال لبگرة ومع دازت جهة سناء دفعاتها تاكانت غاطيح غير شدات توازن فأخر لحظة وراجلها وراها وهي تغوت وتبكي وتحط وتنزل...تتجمع فحوايجها وراجلها تايسايس معاهاا وتگول واش سمعات ليه تاهو جمعاتو مع ولدو ومبقاتش باغا تجلس هنااا وراجلها مالقى مايدير من غير يمشي معاها تاهو عارفها معكسة...جمعات بگاجها ولبسات جلابتهاا وخرجات لقاتهوم باقيين فبلاصتهوم ليازيد مع شافها جارة باليزتها نااض وباه من وراها تايدير ليه بيديه جلس وريح وهي مشات جهة سنااء وقفات قدامهاا ونطقات بغل:ايوااا سمعي السفااالية تشفااي وفرحي حيت وصلتي لاشنو بغيتي ولكن ماتنسااايش بلي لحاجة لي مكتكوونش فيها رضى دلواليدين مكدووومش (شافت فاليازيد ونطقات وعينيها معمين) وأنااا ساخطة عليك
نطقات بهضرتها وعطاتهوم بالضهر غادة منفخة تاتبخ الدم شوية سمعو الباب تسد على جهدو...تنهد اليازيد وجلس فوق السداري كيمسح على وجهو وباين فيه بلي هضرتها أترات فيه وهادشي لاحظاتو سناء لي قربات جهتو تجلسات جنبو ونطقات بهدوء:دابا تبرد وتنسى
اليازيد:(ضحك بسخرية) مغاتنسااش أنا عارفهاا
سناء:(تاتقيس لحيتو وحاطة دقنها على كتفو) وصافي احبيبي مايبقااش فيك لحااال وزايدون حنا مادرنااش شي حاجة عيب ويااك نتا قلتي ليا نتزوجو بلاخبارهوم
اليازيد:(جرها وباسها فشفتهاا) أنا راه منادمش عليها وزايدون لارجع بيا الزمان لور تاني غانعاود نفس لحاجة
قاطعو تلفونو لي كيصوني بنمرة الخدمة وناض يجاوب وهي جلسات وعقلها سرح بيها بعيد..
🔙🔙
جالسة مع بيسان تايشربو فالحليب بالشكلاط فبيت سناء تاسمعات بيسان قالت:عرفتي ماكرهتش خويا يرجع والله تاالرياض بلابيه ظلام
سناء:أودي كانحس بلي شي حد عيينا كل واحد فيناا وشنو طاري معاه
بيسان:نتي راه مباغاش ديري عقلك مافهمتش أنا شنو كاتسنااي
سناء:مافهمتش؟؟
بيسان:ملي جا عند ليازيد وقالك نتزوجو علاش مابغيتيش تزوجي بيه وكاتسنااي مو توافق
سناء:وشنو فنظارك خصني ندير
بيسان:تزوجي بيه وحطيها أمام الأمر الواقع وخليها تقبل بزز منهاا ياك نتي بغاه وهو باغيك إذا علاش تعقدوهاا
هناك فين حبسات لهضرة ولكن سناء منساتهااش وبقات كل مرة تفكر فيها وتخمم وتقول علاش مانديرهااش ياك هو باغيني وأنا باغاه علاش نبقا هاكا بوحدي والعمر كيفوت وأنا باغا ندير وليداتي..الحاصول كلام بيسان دار ليها لوسواس ومدة وهي تتفكر تاخدات قرارها لي علمات بيه ختها لي فلول ماتقبلاتهاش وبغات ليها دير عرس كيفها كيف الناس ولكن مع كلام سناء ومحاولة اقناعها قبلات ليها وهناك سناء ارتاحت وشدات تلفونها عيطات ليازيد وطلبات منو تلاقى بيه فلكافي ديالو...لبسات عليها كيف عادتها مفركسة وهزات صاكها غادة عندو... لقاتو كيتتسناها ومن شوفتو كيبان مهموم لحية كبرات ولسيغن تحت لعينين بقا فيهاا وعمرها شافت اليازيد فديك لحالة...
سناء:(بحنية) صافا؟
اليازيد:(بهدوء)هانتي كاتشوفي حالتي
سناء:(شدات يديه ونطقات بحب) نتا عارفني عمري نبغي ليك لمضرة اليازيد
اليازيد:وعلاش مقصحة راااسك ومباغاش ترحمييني ماحيلتي ليك نتي وماحيلتي لواليدة
سناء:أنا موافقة
اليازيد:(شاف فيها بعدم فهم) مافهمتش اش تاتقصدي
سناء:(تنهدات)أنا فكرت ولقيت بلي عندك لحق العمر كيفوت وحنا خصنا نستاغلو كل نهار فيه أنا عييت من لبعد عند بالك عجباني حالتنا هاكا لا راك غالط وهادشي لي خلاني نعيط ليك ونجي عندك باش نقول ليك خلينا نتزوجو
اليازيد:(تبسيمتو ترسمات فشفايفو وشد يديها ونطق بعدم تصديق) كادوي من نيتك سنااء مكطنزيش علياا يااك
سناء:(خنزرات فيه) بنت ليك مسالية قبي
اليازيد:(باس يديها بشغف وقال بصدق)والله تاكانبغيك
سناء:عارفة هه دويت مع رحمة راها موافقة تاهي واخا فلول ماعجبهاش لحال مي قبلات
اليازيد:دوماج كون كان ولد لحاج هنا كون حل لينا لمشكيل دغياا والله تاخلى بلاصتو
سناء:وخلانا نعرفو قيمتو وشنو كان هاز علينااا المهم نتا قاد أومورك
اليازيد:غاندوي مع لواليد هو غايقبل وأكيد غايوقف معايا المهم نتي خلي كلشي عليا أنا نتكلف
سناء:صافي نخليك دابا نتا تكلف وها هادشي مكيعنيش راه مغاديرش ليا لعرس تت تت راه يرجع ولد لحاج غانعرس وغاندير لعرس فأكبر قاااعة هنا فمراكش باش تكون فراااسك
اليازيد:اودي غيررر نتزووج بيك وديك الساعة يكوون خير
غير خلاتو هز تلفونو وعيط لباه وجا عندو وهضر معاه قال ليه اخر لأخباار وبااه تاهو قبل حيت عارف مرتو والله لاهبطات الرااس وغاتبقاا مقصحاه وحياة ولدو كاضيع وهو زوفري ولي قدو راه بولادوو وبداارو وبمرتو... دفع اليازيد لوراق ديالهوم وغير خرجات ليهوم لموافقة وهو يعلم سنااء لي كانت مخلوعة وبالسيف وهي غاتعاود تزوج واخا فرحانة ولكن الخلعة ولابد منهاا...لبسات قفطان سامبل وشعرها طالقاه ودايرة زيف خفيف فوق شعرها ولايحة سلهام على كتفهاا... هزاتها طوموبيل من باب الرياض تال لعند باب لعدول فين كان اليازيد مأنتك وتاهو لابس قميجة بيضاا وسروال توب رمادي ومحلق على لحالة وبزوج بيهوم طايح عليهوم السر...كان معاه غير بااه وبات سناء لي هضر معاه خوه وقالها ليه ونيت هو طالب عليها وضرب الطم مقالها لحد... دخلو عند لعدول وبيسان تاتفيلمي ورؤوف جالس مع جدو وخو جدو ورحمة جنب ختها...كتب لعدول كتابهوم وسناء ولات مرتو على سنة الله ورسوله...باس جبهتهاا وهي فرحانة وباركو ليهوم وغير وصلات سناء قدام باها وهي تسكت وجمعات الضحكة...جرها باهاا عندو وباسها فراسها وهي عنقاتو واخا تعيى ماتقصح كيبقى باها يمكن غلط وجرحها ولكن مغاتكونش مسخوطة دلواليدين وتجافي باهاا...
باها:(مد ليها بواطة فيها كولي دهب ونطق بحنية) اوا دير عقلك ابنتي والله يكمل عليك بلخير
سناء:(باست يديه ونطقات)الله يبارك فيك ابابا ويطول فصحيحتك
خرجو من عند لعدول واليازيد شد يد سناء وحلف معاود طلقها شاف فيهوم ونطق بتبسيمة:سيادناا الله يهنيكووم غاتسالوني لعراضة تايرجع ولد لحاج ودابا غاندي معايا مرتي الله يعاون...
ركبها فطوموبيل وتحرك مخلي باه وعمو كيحركو راسهوم بلاحول أما سناء خرجات عينيها وضرباتو فكتفو وقالت:واش هبلتي اش غايقولو علينا دابا
اليازيد:الالة باغي نتخلوى مع مرتي واش كاين لي غايحبسني
سناء:نااس يكبرو يديرو لعقل نتا راه كاتنقص من داك لعقل
اليازيد:اودي خلينا لعقل لماليه (غمزها) مابيل ليوم مغايفكك مني تااحد
قلبات سناء وجهها شادة الضحكة وهو بقا يضحك والتبسيمة على شفتو باقي ممتيقش راه تزوجها ورجعات مرتو...وصل بيها لاباخطمون لي كان كاري هاد ليامات ولي كيبات فيها ونزلو وهو شاد يديها وهي كاتبرگگ وماخلاش ليها وقت فين تاخد راحتها كان هازهاا بين يديه غادي بيها لبيت النعااس
سناء:(غوتاات)وااش جهلتي
اليازيد:عرفني شحااال بيني وبين الحو*ا
سناء:ماااسخ
تحدر على شفتها سارط كلامها بين شفايفو كيبوس فيها بلهفة بحال لعطشان لي لقى لماا ونزل عليه... كانو يديه تيقيسو هنا ولهيه وينزل لمؤخرتها ويبعز فيها وشفايفو كياكلو شفايفهاا وهي غادة مسايراه وممخبيااش وحشها ليه.. كيبوس فيها ومحسات غير بصوت تقطااع لي صدر من لقفطان لي شرگ ليها خلاها تخرج عينيها وقالت:لقفطاان
اليازيد:(بلهفة)نشري ليك عشرة منوو
سكتها تاني ببوسة وداها لجهة النموسية وهي غيبات معاه... كان كيفرغ داك لوحش لي سنين وهو كابتو وتاهي ماخلاتش من حقهاا وسيراتو...يديه تساراو على داتهاا وهي ناعسة قدامو كيف ولداتها مهاا مغمضة عينيها كاتلوى مع حركات يديه بحال لفعة وهو مكانش قل منها عرقاان وكينهج وعينيه حمرين بحال السكران... قمشاتو بحال لقطة فاش حسات بيه اقتاحم جدار أنوثها وبصمها تاني ببصمتو... كانت بحال إيلا أول مرة ليها ومع دلك مامنعاتش راسها أنها تستمتع بحلاوة ديك الليلة لي قضاوها بزوج فوق فرااشهوم كيفرغو اشتياقهوم بطريقة خاصة بيهوم بزوج...
حاطة راسها على كتفو كتستارح من ديك لجولة الأخيرة لي ضارت بناتهوم وسمعات صوتو لي نطق بهدوء:ديري بحساب غدا نمشيو عند لواليدة ونعلموها بزواجنا
سناء:(مغاتنكرش بلي كانت تاتسنى ديك اللحظة وبهدوء قالت)واخا لي بان ليك
اليازيد:(هز راسها وباسها فشفتو وقال) واخا تگول لي گالت راه عمري نسمح فيك
سناء:عارفة احبيبي
جراتو من عنقو وتعمقات فالقبلة لي جراتهوم مرة خراا لجولة حب هوما أبطالهاا..
🔜🔜
فاقت من دكرياتها على حركة يديه وهو كيقيس حنكهاا تبسمات وشافت فيه:شنو بان ليك نسافرو ؟
اليازيد:فين باغا تمشي؟
سناء:اممم نمشيو لفيما كان لمهم نبدلو الجو دمراكش لي فيه الكآبة
اليازيد:هي لولة ولكن قبل اجي نوريك بيت النعاس
ضحكات سنااء بالجهد فاش فهماات اش قصد وتاهو جرها معاه غادي يوريها ديكور دبيت النعااس ويجربو فراشو ولفاهم يفهم...
***
ملي ساقت رحيل خبار لمشكيل لي وقع لأسماء وهي هازة ليها لهم...كانت باغا تمشي دوي مع إسلام ساعة باها سبقها وخلاتو نيت يدوي معاه ونيت يعرف بلي هي ماشي بوحدها ومعاها عائلتها... ماقدراتش تلوم إسلام حيت عادراه ولكن بقات فيها ختها... كانت نازلة رحيل لكوزينة تعمر قرعتها ونيت تحرك شوية حيت هاد ليام عاطياها غير لچلاس... لقات تانيرت تاتصاوب فالتريد وطالقة أغنية سوسية فتلفونهاا...
تانيرت:(كاتغني معاها) احبيب إينو راديكنموون ريغ أنمون أنمون أوا إغيتريت أديكنمون أداكورتنيت أوهو نكين أكنيران
رحيل:(تبسمات) ههههه اتباركالله عليك
تانيرت:(قفزات حيت غفلاتها) احييه خلعتيني هههه اوا نتوانسو لاش نازلة؟
رحيل:عييت بالجلاس اماما وبغيت نتحرك شوية نعاونك
تانيرت:ابنتي غير جلسي بلاصتك وهنيني عليك أنا أصلا قربت نسالي
رحيل:مادرتيش فيها لمساخن؟
تانيرت:لا راه دايرة بحسااابك
رحيل: الله تشهيتهاا
جلسات معاها مجمعين وتانيرت تاطيب فالتريد تاسالاتو وقطعاتو وخلاتو تاتبغي تفورو ولاصوص راه كيطيب ريحتو تاتشهي واخا مافيهش المساخن...جات سيدرا عند مها وجلسات جنبها تتعاود شنو دوزات فلكول وشنو قالت ليها لامطغيز ورحيل مبسمة ليها تاتسول فيها وعطياها لوقت
سيدرا:عرفتي مامي تاواحيد ماعرف يجاوب وأنا بوحديتي لي قلت لاغيبونص ولامطخيز عطاتني شوكولا وقالت ليا بغاڤو سيدرا وخلات كلشي يدير ليا هاكا (بدات تتصفق)
رحيل:(باستها فحنوكها)أنا بنتي راه مجتهدة اااح امامي ديالي
تانيرت:اوا سيري كملي لحفاظة باش ترتاحي غدا
سيدرا:واخا تانيرت إينو
مشات وتانيرت شافت فرحيل:واش دزتي عند أسماء
رحيل:مكانتش فبيتها
تانيرت:فين غاتكون مشات؟؟
سمعو صوت لباب لي تحل وشوية بانت ليهوم اسماء داخلة بهدوء ومن حوايج لخروج عرفوها كانت على برا شافو فيها وناضت رحيل جهتها ونطقات:فين كنتي؟
حلات صاكها وجبدات أونڤلوب مداتو ليها ورحيل تاتشوف فيه بعدم فهم وترجع تشوف فيها وتانيرت قالت:شنو داكشي؟
أسماء:(بخفوت نطقات)تحليل لحمل (حطات يديها على كرشها) أنا حاملة
حلات رحيل عينيها هي وتانيرت شوية بداو يتبسمو بزوجااات وجرات رحيل أسماء معنقها بديك لكروشة ونطقات بصوت فرحاان:مبرووك عليك احبيبة فرحت ليك بزااااف
تانيرت:الله يتبت حملك ويرزقك بالدرية الصالحة ابنتي
رحيل:(تطقات بحمااس) هاي هاي على لحشايشية تاهي غاتولي ماما هههه غانخرج من السبيطار مع عسيلاتي وغادخلي تشدي بلاصتي وتولدي هههه
أسماء:(رغم المشكيل لي طاري معاها الإأنها ماحبساتش راسها تفرح بخبر الحمل وتبينو ليهوم تبسمات بحب)هه باقي ممتيقااش
تانيرت:(بحنان أمومي)تشهيتي شي حاجة ابنتي نصاوبها ليك
أسماء:لا اماما تانيرت مامشهية والو
رحيل:اجيو جلسو ونيت عاودي لينا كيفاش تاعرفتي راسك حاملة
جلسو مجموعين ونطقات أسماء:ماحسيت بوالو ودابا نيت عادي بحال لامكاين والو يعني ماعقتش براسي
رحيل:وايلي ولغيگل كاتجيك؟
أسماء:لا شي شهر وخمسطاش ليوم وهي حابسة ليا وتاأنا وتقول واش عقت وفلول قلت راه غير اتكون مخربقة ليا كيف تايطرا ليا بعض لمرات تاولبارح طليت على لاجوندا والشك دخلني وقلت ندير تحليل ولبارح مشيت درتو وليوم راه خرج قالت ليا عندي شهر نيشان
تانيرت:سبحان الله باينة حمالتك غاتكون ساهلة بحال فاش كنت حاملة برحيل ماتعدبتش فيها بزاااف
رحيل:(تبسمات رحيل) ايوا اجي تشوفي حمااالتي أناا كانت تاتجيني لغيگل وأنا راه هازة ومعايقااش براسي تانهار سخفت فالسبيطار ودوزو ليا تما عرفت راسي حاملة
أسماء:هاد لحمالة أصلا تكرفصتي فيها بزاف وراه التوام عوتاني راه صعااب بزااف راه دوبل ديال بيبي واحد
رحيل:شوفي هاني دخلت فلخامس وكرشي قداش ولات ماعرفتش منهنا لتسع شهور كيف غاانولي
أسماء:بعدا راه غلاظيتي تباركالله واخا هاكا جات معاك لحمالة ياك اماما تانيرت؟
تانيرت:اه اتباركالله واخا تكرفصات فاللول مي دابا حسن من قبل
رحيل:ههه اويلي اعبادالله ماعرفتش شحال فيا فلپواا
تانيرت:تاتمشي عند طبيبة تاني وعبري
أسماء:رحيل تاتعطيني نمرة الطبيبة لي متبعة عندها نتبع تاأنا عندهاا
رحيل:اه واخا
دخلات سيدرا هازة دفتارها وستيلو وتمشات جهة رحيل ونطقات بهدوء:مامي ساليت لدوڤواغ ديالي شوفي
حطات ليها الدفتار ورحيل بقات تاتشوف ليها داكشي لي كان صحيح وغير سالات باستها وجراتها تكاتها عليها ونطقات بهدوء:عرفتي اسيدرا سومة عندها واحد لكادو زوين غايعجبك
سيدرا:(شافت فأسماء ونطقات بحماس) واش جبتي ليا ديك لاغوب لي قلتي لياا؟؟
أسماء:(تبسمات وجراتها باستها بالجعرة ونطقات) هاديك غانشريها ليك ملي نخرجو ولكن كاينة حاجة خراا
سيدرا:شنو هي؟
رحيل:سومة تاهي عندها مومو فكريشة
سيدرا:(حلات عويناتها السود وقالت ببرائة) واش تانتي عندك مومويات فكريشة بحال مامي؟؟
أسماء:ههه هاد الساعة كاين غير مومو واحد (بمكر) مغانفوتوش ولد لحاج ههههه
رحيل:(تبسمات تبسيمة حزينة ونطقات)هه قولي تباركالله
سيدرا:(وقفات تاتشوف فرحيل ونطقات) دابا مامي نتي عندك زوج مومويات وسومة عندها مومو وعلاش تانيرت تاهي ماعندهاش تاني مومو ؟؟
تانيرت:(خرجات عينيها) الله يجعل البركة ولدنا وخرقنا ورضعنا دابا جات نوبة الحفااد
أسماء:ضربات ليك لفااال ههه
رحيل:(تبسمات) هانتوما شكون بحالكوم تلاتة دلحفاد جاايين فالطريق
سيدرا:(نغزاتها وكمشات فيها لحجبان مخرجة داك لعوينات دلببوشة) وأنا مامي نامبر وان
رحيل:غير تهناااي نتي لولة ونخشيشة جدك تاحد مغاياخد بلاصتك ابرانسيسة ديال العائلة
سيدرا:(ضربات بشعرها بغرور طفولي ونطقات بهضرة كبر منها) أنا ماشي برانسيس مامي أنا كووين
أسماء:(علات حجبانها ونطقات بضحك)شووف ليك لبرهووشة قالت ليك كووين
رحيل:(جمعات ليها حناكها وباستها ونطقات بحب) بنتي أحسن كوين فالعاالم
تانيرت:وهانتي الضرة مبقاتش تاترضى بالقليل هههه
رحيل:هههه خليو عليكوم بنتي
سيدرا:(تنخشات فمها وقالت بضحك تاتكركر)حيت أنا سيدرا التجااني هههه
ضحكو كاملين على هضورهاا لي نشطهوم وموراها ناضت أسماء لبيت مخلية تانيرت ورحيل جالسات بزوج..طلعات لبيتها وزولات حوايجها مبدلاهوم بحوايج الدار وجلسات تاتشوف فدوك التحاليل دلحمل بهدوء..فرحانة حيت غاتولي أم شعور جديد عليها غاتجربو ومتحمسة ليه..باقي لدابا مامتيقاش بلي هازة فالداخل ديالها طرف منها ومن إسلام.. بيبي صغير غايجي ينور حياتها وغايخليها تحس بشعور الأمومة وغاتجربو وغاتعطيه داكشي لي هي ماخداتوش فصغرهاا من عند مهاا غاتحاول ماأمكن أنه تخلي ولدها ولابنتها يعيشو فبيئة طبيعية بعيدة على لحسد ولحقد لي كبرات فيه هي..تخليهوم يكونو طبيعين وتزرع فيهوم خصايل إدريس باها لي عندو فضل كبير فحياتها ودوك لخصايل هوما لي خلاوها تراجع نفسها وترجع من الطريق لي كانت غادة فيه..داك الطريق لي كيخليها تفكر غير فنفسها وبس..طريق لي خلاتها دير حوايج لي مراضيااش عليهوم كأسماء دابا... حيت فديك لفترة حياتها كانت ملخبطة كاانت مها من جيه كاتوسوس ليها وتشجعها فداكشي الغالط لي كادير ومن جيه كان باها لي تايجرها لطريق الصح غير بهضرتو.. تاقدرات أنها تلقى راسها فلمكان لي كاتنتامي ليه..
داخل عادل بخطوات تقيلة ولبانضة باقي على عنقو أما وجهو فكانو الضرابي بداو يمشيو ليه..دخل لقى مو جالسة شادة التلفون وداخلة لواتساب وكاتسجل فالأودوياات.. وغير شافتو بدات تاتشير بيديها ليه باش يسكت وتاهو ضرب الطم وجلس فوق السداري كيسمع ليها..
زهرة:(كاتسجل وتهضر يشوية)اوا اختي هادشي لي كاين بحال لاشفتيها بعينيك مشيت عندها لدار وقلت نطلب السمااحة وحنا زعمة راه عائلة ساعة السيدة هي ودارهوم ماخلاو مقالو ليا لاأنا لاحكيمة بقاو يعايرو ويسبو وجراو علينا كي لكلاب حاشاك
سيفطات لأودويو وهزات عينيها فعادل لي تسرح فوق السداري ونطق ببرود:باقي ماهداك الله طلقي من لموضوع وتنسااايه
زهرة:(تاتحلف) والله لانسيتو أنا نوري لكلبة تجري عليا وتقلل حيااهاا لاماخليت خراااها مايجمعوه شراوط رااني ماشي زعرية
عادل:نتي من لول اش داك تقول ليها راه لاخر تزوج عليها؟
زهرة:(كمشات حجبانها ونطقات مغددة)حيت مانسيتيش الشوهة لي شوهك قدام لعائلة وكيفااش ماخلى لك وجه وسيفطك لسبيطاار لانتا نسيتي ديك الشمتة أنا مانسهااشااي واخا يدفنوني من نهار نهاري وأنا دايرة لرااسي لعز يجي ولد رحمة ويشوهني قدااام لعادي ولبااادي ويخلي ولدي يوصل لموووت
عادل:(بحقد) داك ولد لحاج شكوون سبابو تاحس بجنابو ماشي راجلك وبااه لي مكبرين ليه لبعرة تاالقاهاا سايبة وماخلى مادار عمر شي حد هضر عليه ولاگال ليه راك تادير فلعيب وأنا غير نغلط يغرسو نيابهوم فيااا
زهرة:(تاتحرك راسها وتحلف) بااك راه من نهارو وهو منونخ متبع لياا كلام دبااه داير لقيمة لولاد الناااس ومخلي ولادو لي من لحمو ودموو ولكن غير بلاتي والله لكانت ليهوم هاد العوام كلها وأنا ساكتة ولكن مبقاا سكاات من ليوم
عادل:شنو غاديري مثلا غاتهزي تلفونك وتسيفطي لعيالات أوديوات تاتشكي عليهوم؟
زهرة: سوق لعيالات مادخلش ليه وخليك فلي ينفعك وزايدون أنا لي عارفة دوك لوديوات ولفايدة ديالهوم
عادل:(ببرود) شغلك هاداك أنا مادخلينيش فتخربيقك وتاحكيمة قيليها عليك وماتبقاايش تعمري ليها راسها بلكلام لخاااوي
زهرة:(ميقات فيه) عند بالك مرتك ساهلة راه تاهي بخبيزتهاا ماخلات ماقالت لديك خيتي وكانت غاتجبد ليها تاخبار داك لبرهووش دزين العابدين
عادل:(شاف فيها مخرج عينيه) ياك ماخرجتو شي كلام عليه؟؟
زهرة:اوا على بونت كانت غاتگولها راني غير سكت فيهاا وأنا عارفة لاخرجات ديك لهضرة غانوليو تاني حنا لخايبين وهادي ماشي نيتي فديك لمشية
عادل:أنا مافهمتش علاااش ماشيين أصلاا واش هاد لمرض يالاه قلناا تهنيناا منوو ونتي غادة تزيدي لمشكيل وزايدون داكشي لي طرا بيني وبينو أنا عارف اش كاندير
زهرة:(مغددة عليه) عليها ماديكلاريتش بيه ومخليه يدير مابغاا أنا بغيت غااانعرف علاش مادرتيهاش اولد كرشي وخليتيه يدخل لحباسااات باش يتعلم يشد يديه عندوو
عادل:(تكى بأريحية) داكشي أنا عارفو نتي ماتفكريش فيه
زهرة:(حركات راسها يمين وشمال) اوا هاحنا غانتبعو الكداب تال باب الدار ونشوفو شنو غادير
عادل:(ضحك بسخرية) هادشي لي غايطراا حسن من لحبببس خلي غير يرجع لينا ولد لحاااج باش نستقبلووه بحاجة لي تكون فمقاامو
زهرة:(بفضول) ماتگولش لياا ياك مك أنا
عادل:تت هادشي دابا تعرفيه من بعد نتي خليك غير فالأوديوات ديالك داكشي لي تاتفهمي فيه أمي أما أنا كانشوووف بعيد
زهرة:اوا هاحنا غانشوفو هاد بعيييد ديالك فين غايوصلك
عادل:(ناض من بلاصتو ونطق بضحك) تايرجع لغاايب وديك الساعة غايوصلوك الخبااار امي يالاه تهلاااي
خرج مخلي لفضول راكبهاا ومعارفااش علاش ساكت ولدهاا وشنو ناوي وهي عارفااه مغايكوون سحب الشكاية لله فسبيل الله هاداك راه ولد كرشها وعجينة يديهاا محقاااد ومشرار بحالهاا ودقتو مكيسمحش فيهاا بحالها نيت يايعطيوها ليك فلوجه ياورى الضهر... الفضول هلكها ولكن قالت ماعليش نصبر...هزات تلفونها وشافت فلأوديو لي سيفطاات لنسا دلعائلة تاتشكي ليهوم على رحيل بلي جرات عليها فاش مشات طلب منها السمااحة وبلي قللات حياها عليهاا زادت شي فيخراات وردات راسها بريئة ومع عارفة النساا كيوصلو لهضرة دغيا..
زهرة:(طلقات لأوديو تاتسمع ليه) ماتگوليهااش زعمة مكتباانش عليها راه بخبيزتها وقبيحة (وبفضول كملات) اوا شنو درتي معاهاا مزال
زهرة:(كاتسجل ليها بصوت حنين ودرويشة تقول هادي مكتهزش دجاجة على بيضها) اوا اش غانقول ليك ماهزيتشااي فخااطري من جهتهاا وربي عالم لي فقلبي واخا گالت ديك لهضرة وعايرااات وجرات علينا گلت ماعليش السيدة واحلة فروحهاا وراجلهاا جايب عليهاا الضرة بالسيف تعصب وتخسر فلكلام وراه لساان مافيه عظم
سيفطانتو وفلبلاصة تقرا ورجعات جاوباتها:اوا اش غانگول ليك راه كاملين حملنا ولدناا ومكناشااي تانقللو حيانا على لي كبر مناا واخا نغلطو نهبطو الرااس ولكن هاد العريسات ازهرة مبقاوش يحتارمو وزعمة راه كاتبان درويشة ساعة دوز على لواد لهرهور ومادوزش على سكوتي
ضحكات زهرة بغل وهي عارفة بلي كلامها غايخلي صورة رحيل تشوه قدام عائلة نوح وتبينهاا خاايبة..
تحل لباب ودخل إدريس محمل معاه التقدية وطلع لكوزينة حطها وخرج غادي لصالة فين كانو مجمعين تايهضرو ومعاهوم تاأسماء لي مبسمة..مع شافها ارتاح وفرح حيت محبساتش راسها فالبيت..قربات جهتو سيدرا ونقزات قدامو تاتصفق ونطقات بحماس: بّاديدي بّاديدي عرفتي سومة عندها مومو فكريشة
هز حجبانو بزوج وشاف نيشان فأسماء لي تبسمات بخجل وسمع صوت تانيرت لي قالت بضحك:وجد راسك غاتولي جد عوتاني هه
فرح وبانت فتبسيمتو وقرب لعند أسماء كيعنق فيها وجلس فلوسط جار رحيل وأسماء موسد ليهوم صدرو كايطبطب على كتافهوم..
إدريس:خباار زينة هااادي
ريان:غاتعمر علينا الدار بلبراااهش (شاف فسيدرا ونطق باستفزاز) مكفاانااش برهووشة وحدة زادونا هاد التلاتة جاااين فالطريق
سيدرا:(مادة شنافتها وقالت بتدمر)أنا ماشي برهوووشة
ريان:برهووووشة واجي حيديها ليا من فمي
سيدرا:مخاصمة معاك ارياان
دازت ديك الليلة وتاحد ماجبد فيها سيرة إسلام...طلع الصبااح ورحيل غير فطرات طلعات لبيتهاا لبسات عليها حوايجهاا وهزات صاكها ومشات لعند أسماء دقات عليها لقاتها باقي ناعسة وخلاتها على خاطرها ونزلات لتحت لقات مها جابدة لبيسي خدامة وشي وراق قدامها تاتشوف فيهوم ونضاضر دالشوف فلعينين...
رحيل: ماما أنا غادة
تانيرت:كون غير خليتي هاد لمشية ابنتي سمعتي باك اش قال
رحيل:مغانبقاوش مربعين يدينا أنا غانمشي ندوي معاه عارفة إسلام وعاشرتو شحال هادي قبل مايتزوج بختي نتوما غير خليوني مني ليه
تانيرت:واكون غير قلتيها ليها
رحيل:دزت عندها ولقيتها ناعسة مهم لافاقت علميهاا واخا أنا مشيت
خرجات ركبات فطوموبيلتها ولوجهة كانت دار إسلام وهي ناوية تجلس معاه وتسمعو هضرة لي خص يسمعهاا خصوصا دابا فاش عرفات بحمل ختها... واخا باها قال ليها خليه مزال شي وقت تايبرد ولكن هي غادير لي فباالها وبوحدها لي غاتعرف دوي معاه وتعطيه لهضرة لي خصو يسمعهاا..وصلات ونزلات تاتشوف فالساعة كانت لحداش ونص قلبات وجهها جهة الطريق وفديك اللقطة تخدات ليها صورة من الطوموبيل لي كانت مسطاسيونا بعيد شوية..تمشات بهدوء والتلفون كان تياخد ليها صور تاغبرات وهي تنزل ميس بخطوات مزروبين غادة جهة ليموبل... وقفات تاتشوف فلاسونسور تاحبس فالطاج ربعة وهي طلع تاتجري فالدروج تاوصلات وهي توقف جنب الدروج مخبية تاتنهج وعينيها على رحيل لي واقفة تاتسنى الباب يتحل..جبدات تاني التلفون وبدات تتصور تاتحل لباب وبان إسلام لي شاف فرحيل باستغراب وتخدات صورة خرى ليهوم بزوج..
دخلات رحيل وتخدات صورة خرى قبل مايرد إسلام لباب ويخليه مردود كانت غادة جهة الصالة وجلسات وهو نطق بهدوء:شنو باغا تشربي
رحيل:جيت نهضرو جلس اإسلام (جلس وهي نطقات بعتاب) ماشي حشومة عليك داك لهضرة لي قلتي وتصرف لي درتي مع أسماء
إسلام:(ضحك بسخرية) هي لي سيفطاتك علاش مجاتش ولاماعندهاش لوجه
رحيل:(خرجات فيه عينيها)واش باقي زاايد فيه قلنا السيد معصب وداكشي لي داز منو مساهلش ولكن ماتزيدش فيه عاود
إسلام:(غوت معصب) نزيد فيه حيت لقيت ختك مدخلة علياا الزاامل ديالها لداري
رحيل:(كمشات حجبانها) بزاف عليك ماشي لكاانت ديك لموسخة دمرتك لولة خانتك راه ختي تاهي ديرهاا
إسلام:(بنرفزة) رحيل
رحيل:(بجدية) مالي كدبت قلت لي كاااين ماشي الشمتة بااقي طلع وتنزل فيك وماقدرتيش تنساهاا واخا دازو سنين باقي لدابا داك الشك فيك وحوايجك هوما لخرين تاتشك فيهوم ملي يادلي نتاا معقد من الزواج ومناسيش اش داك تزوج أسمااء هااا علاش جااي طالب يديهاا راه نهار لول عرفتيهاا اش تتسوى ماكدبات منافقاات ختي وانا نعرفها حطات كلشي فوق الطبلة ونتا بعينيك شاايف كلشي واش ضحكات عليك لا ختي عندها وجه وااحد وهو باش عرفتيها نهار لول وباش باقا دابا ماشي بحال ديك لكلبة لي نافقاتك وضرباتك فالضهر وخلاتك مريض فصحتك وفدماغك
إسلام:(كيرعد فرجليه وهضرتها مباغيش يسمعها) صافي باركة ارحيل
رحيل:(ناضت وجهاتو ونطقات بجدية) علاش برااكة حيت هادشي لي قلت هو لي كاين يااك وحيت عارف راسك ظالم أسماء وتسرعتي فتفكيرك من جهتهاا واش عارف هضرتك اش دارت فيها ولكن كلكوم كم وكيفاش جبتي سيرة مها كم اخر نتا عارفها محسسة من بلان كلثوم ونضتي عايرتيها بيه واش ترضى هي تعايرك بلحاجة لي ضرك
إسلام:(ناض تاهو منير نطق بانفعال) نتي معرفاااش باش كانحس وشوفتها مع داك لحيوان اش دارت فياا
رحيل:مغانلومكش تعصب وهرس وضرب ولكن تبرد غاتعرف بلي هي ماغلطاتش وغاتفكر بلعقل لي طافيه ماتخليش علاقتكوم تخرب فأول مشكيل لمافكرتيش فيها فكر غير فلبيبي لي فكرشها
إسلام:(حل عينيه بصدمة وقال) بيبي؟
رحيل:أسماء حاملة ونتا قريب غاتولي أب اإسلام
حس بالدنيا ضارت بيه والدوخة جاتو من لخبار لي سمع ومجا فبالو غير لمشهد دأسماء أو وليد شي لي خلاه يتعصب تاني وينفااعل وبصوت غاضب قال:وباش غانعرف لي فكرشها ولدي وماشي ولد داك لقواااد..
نطق بديك الهضرة فلحظة غضب وعصبية بدون مايعرف تأثيرها على الطرف التاني... عقلو دابا مباغيش يدخل ليه شي حاجة من غير داكشي لي شافو عينيه ولي سمع بودنيه...تأثير لماضي عليه خلاه يرفض يتقبل أي هضرة من شي حد واخا راه صحيحة... أسوء حاجة هي تكون دايز من تجربة فاشلة وتخلي أثر فحياتك وخصوصا لامحاولتيش تنسى وبقيتي كل مرة تفكر ديك التجربة وبقيتي واقف فبلاصتك مازدتيش لقدام فعمرك غاتهنى فحيااتك وفيما غاتحط فنفس الموقف مشابه لديك التجربة فمغاتعرفش تصرف كما يجب وضروري مكاتاخد أحكاام مسبقة وتصرف بطيش بحال إسلام لي مانسااش اش فات والشمتة دميس لي عمرو توقعها منهاا خلات كية فقلبو صعيب تنسى ماشي حيت باقي كيبغيها ولكن حيت متوقعهاش منهاا والأسوء هو فاش كانت سبب موت بنتو ليليان هاديك كانت النقطة لي خلات شخصية إسلام السابقة تغير كلياا...
أما رحيل فكانت واقفة جامدة وعينيها خارجين فيه ممتيقاش اش سمعات ولهضرة لي خرجات من فمو راه زعزعاتها لدرجة أنها بقات تواني ساكتة مبهوضة تانطقات بصوت متقطع: نتا اش گاتوگل (قربات جهتو ونطقات بصوت عالي) واش عارفة اش كاتخرج من فمك
مجاوبهاش وسكااتو استفزها ومحساات براسها تاهزات يديها وعطاتها ليه لوجه خلاتو يضور كمارتو لجهة لخرا مغمضة عينو وبارك على سنيه أما هي فكانت كلها تترعد وبلاماتشعر غوتات فوجهو: بزاااااف عليك الحيواااان هاديك لي تااادوي عليها راها ختي سمعتي ختي لي كاتتاهم فشراااافهاا وشراااف باااا لي مربيهاا وااش عارف لهضرة لي قلتي اش كاااتعني (ضحكات مغددة وقالت) لعيب ماشي عليك لعيب عليهاا لي تزوجااات بواحد مريض وكولو عقد زعمة قلت راااه نتا مول لعقل سااعة كنت غااالطة نتااا وااحد مريض أنااااني كاتستاااهل تبقاا بوحدك وتعيش بوحدك وتموووت بوحدك حيت الشك لي فيك غايخلي لي كيبغيك يبعد عليك ومنهوم أسماااء ختي لي كانشوفها ولات وحدة خراا من نهار دخلتي لحياتها مبقاااتش هاديك البنت لي كانعرف شداات معااك الطريق وعمرهاا فكراات تغدرك بحال لكلبة لي خوراااتك (شداتو من لكول تيشورت منرفزة) ختي لي هااازة دنب ماشي ليهاا غير حيت هي مرررتك ملي يادلي نتا عارف روحك كيف دااير ماتزوجش اسيدي وبقااا عااايش فمرضك وسد عليك لباب ماتخلي حد يقرب ليك ونيت ماتجرح حد بهضرتك (طلقات منو ونطقات بخيبة أمل وعينيها تغرغو) واااش عارف كون أسماء سمعات هاد لهضرة باااش غاتحس وااااش عارف بلي هضرتك غاتكون اخر خيط راابطك بيهاا واخا تكوون تاتبغيك عمرهاا تشوف فوجهك (ضربات على صدرها) أنا لي ماتقاالتش ليا ديك لهضرة وغير سمعتها حسيت بقلبي ضررني فماابالك هي لي شكييتي فيها عين باااين واش عارف باا تاهو لاعرف والله لابقااا شااف فكمااارتك ياخسااارة فيك اإسلام ياااخسارة والله
كانت ميس واقفة جنب لباب لي كان مردود وخلاه إسلام احتراما لرحيل... فهاد الأيام لي دازو كانت كاتراقب رحيل وعائلتها ومخلية صاحبتها تاهي تعاونهاا.. حضرات لنهار وقع لمشكيل وشافت محمد طه كيفاش تعامل مع وليد ولمشادة لي تشادو فالزنقة فاش كان تيعاود ليه ومكانتش عارفة شنو بيناتهوم تابانت ليها أسماء نازلة تاتبكي ومحمد طه يعنق فيها ومشى معاها وهي تبعاتهوم وتما قدرات تفهم بلي واقع مشكيل ولكن دابا عرفات ورضات فضولهاا فاش سمعات حوارهوم بلكامل حيت كانو تايهضرو بالجهد... داخليا كانت فرحانة حيت تخاصم مع مرتو ولكن هضرة رحيل عصباتها ونرفزاتها وزادت خلاتها تحقد عليها...مع العلم أن هضرة رحيل كلها على حق ولكن ميس معرفاش هادشي ولانقولو مامتقبلاهش... ملي هي مباغاهش كان ممكن طلب طلاق وتخلي ليه لبنت وتعوم بحرها ولكن هي مافكراتش بهاد الطريقة وعقدات المشكيل تاولات النتيجة هي هادي لي كانشوفو... كانت كل كلمة تاتخرجها رحيل من فمها تاتخليها تزير على يديها وتاتفكر غير لحياة لي كانت عايشة وداك لعز لي كانت فيه ولكن هي دارتها لراسها وخلات حياتها تقلب سفاها على علاهاا وفلخر ماربحات والو لاعلاقتها مع الناس ولامع لي خلقهاا دارت دنب عظيم وبلاصة ماتندم وتوب باقا زايدة فيه ومناويش تراجع وتشوف أغلاطها وهمات راسها بلي هي ضحية وبلي رحيل سبابها وتاتشوف بلي من نهار دخلات لحياتهوم خسرات كلشي عائلتها راجلها ولعز لي كانت فيه...
سمعات صوت رحيل واخر هضرة لي نطقات بيها وفديك الساعة رجعات لباب كيف كان بلاحس ومشات تاتجري جهة الدروج لي كيطلعو لطبقة لفوقانية وبقات واقفة تاطل تم كيف لفعة...
عطاتو رحيل اااخر نظرة قبل ماتهز صاكها وتمشات وهي كلها كاتغزل وهضرتو باقي لدابا مقدراش تنساها.. وصلات لجهة لباب وحلاتو ومع خرجات تنفسات بالجهد وسدات لباب غادة جهة السونسور وغير تحل ركبات فيه ونزلات وعينين ميس لي مخبية فدروج الطبقة لفوق كانو متبعينها بغل وحقد وحركات راسها كاتحلف فيها...
حلات رحيل باب الطوموبيل وطلعات وهي باقي تاتغزل بالأعصاب مدة وهي جالسة ومادماراتش تاتفكر فهضرة إسلام لي كون كانت أسماء سمعاتها كون تدمرات... فلول عدراتو وعطاتو سبب ولكن زاد فيه ولى كيخربق وهضرتو كاتجرح لي ضايرين بيه وهو محاسش... هزات تلفونها لي كان تيصوني بنمرة أسماء وفديك اللحظة اخر شخص باغا دوي معاه هي ختهاا...
كانت عارفة بلي غاتكون مها قالت ليها راها غاتمشي عند إسلام... مقدراتش تجاوبها حيت صوتها غايبين لأسماء بلي طرات شي حاجة ماشي تال لهيه عليها خلاتها تصوني واخا عرفاها غاتشطن مي بغات تاتبرد وتحاول تقول ليها اش كاين من غير مادكر هضرتو على لبيب حيت عارفة بلي لاساقت لخبار والله لاعاود حلم يشوفهاا وهي مباغاش تشتت عش ختهااا وتكون سباب...حطات تلفونها جنب وزفرات النفس ودمارات غادة لمحال تلف فيه لوقت وتحاول تنسى ماسمعات من عند إسلام لي كان فديك الأثناء جالس فالصالة شاد راسو بين يديه ولخبر لي قالت ليه رحيل خلى شعور الفرحة يتغلغل فداخلو وعينو دمعات بلامايشعر... بصح قاال ليها ديك لهضرة ولكن مغاينكرش بلي إحساس الأبوة تحرك فداخلو...طلق النفس وبقا جالس كيفكر فماطرا معاه مأخرا من نهار شاف أسماء مع وليد تال ليوم ولخبر لي سمع... كيحاول يفكر بعقلو وتايلقى بلي مكاين تاشي سبب يخليه يتيقهاا وهو لاقي الراجل فقلب دارو...تفكر كلام إدريس لي عاود ليه على وليد وبلي تاهو كيعرفو وأكيد مغايشكش فهضرة إدريس وهو عارفو ميمكنش يكدب عليه... حاس براسو تالف بزااف معارفش واحد الصوت فالأعماق ديالو تيقول ليه ماتسرعش اإسلام راك غاتندم وفنفس الوقت تيقول أنا شفتو معاهاا وسمعتها...عايش فواحد الدواامة خلاتو يتلف ويحيير...
****
غادة جايا فالبيت تاتعيط لرحيل لي مكتجاوبهاش وتتعض فشفايفهاا بتوثر...عرفاتها مشات عند إسلام ومعرفااش شنو قالت ليه واش علماتو بحمالتها ولا لا...كاتعيط ليها ومكتجاوبش وهادشي غير ماخلاهاا تزيد تلف وتوثر بزاف... مدة طويلة وهي عايشة واحد الإحساس ربي لي عالم بيه تاجاها لفرج فاش سمعات تلفونها صونى بنمرة رحيل وهي تجاوبها فلبلاصة:رحيل علاش مكتجاوبينيش؟
رحيل:(بهدوء) حيت ماشفتووش
أسماء: ماما تانيرت قالت ليا راه مشيتي عند إسلام (بصوت خافت قالت) شنو طرا؟
رحيل:(بهدوء) ماوقع والو دويناا وشرحت ليه شنو كاين وصاف
أسماء:واش ماقلتيش ليه انا حاملة ياك؟؟؟
رحيل:(برجفة)) لا هاد لموضوع متعلق بيك نتي هضري معاه وقوليها ليه اأسماء ولاسيفطي ليه مسااج هو من حقو يعرف بلي غايولي أب
أسماء:(بصراحة) خايفة مايتيقنيش
رحيل:(نطقات بحنية) نتي ديري لي عليك وصاف لمهم ماتسمايش خايبة وخبيتي عليه
أسماء:صافي واخا شكرا بزاااف
رحيل:مادرت والو لمهم نخليك تانعاود نعيط ليك اااه وقولي لماما راني فلمحااال
أسماء:داكوغ
قطعات معاها ومعرفاش اش دير واش تعيط ليه وتقولها ليه ولا تسكت...من جيه هو من حقو حيت بابات لولد ولكن لخصام لي طرا بناتهوم خلاهاا تلف وماعرفاتش هو كيفاش غايتقبلهاا واش غايوافق ولا لا ولكن فالأخير قررات تسيفط ليه مساج تتعلمو ودير لي عليهاا المهم ماتسماش خبات عليه...
دخلات لمساجات وبقات مترددة كاتكتب وتمسح وفالأخير سيفطات ليه: "درت تحليل لحمل وطلع بوزيتيف قريب غايشرفنا وليد ولابنيتة لي غاينور حياتنا بزوج أنا حاملة" سيفطاتو وقلبها تيرجف معرفااش ردة فعلو ولكن من قلبها متمنية منو مايحطمهااش ويخيب أملهاا...
خلات تلفونهاا وناضت غادة لحمام تاخد دوش وموراها تفطر... أما رحيل فبقات متلفة لوقت فالمحال ونيت مراقبة خدمتها فترة طويلة تاحسات براسها عياات وقررات ترجع لدار..وصات غزلان على لمحال ورجعات فحالها ومع كانت لعشية لقاتهوم كاملين مجموعييين...جلسات معاهوم وحاولات ماتبين تاحاجة كاضحك معاهوم مدوزين لوقت مع بعض وسيدرا من دابا كتشرط أنها هي لي تسمي مومويات بتلاتة وعطاوها لأوكي وهي فرحات وقررات تفكر فسميات زوينين وحلوين كيفهااا...
وقف طوموبيل قدام دار إدريس ونزل بهدوء عكس الهيجان لي كان فيه قبل...دق لباب وغير تحل لباب وعين ريان بان فيه الاستغراب وببرود سلم عليه ودخل وعينو تايضورو فالدار تاوقف قدام إدريس لي رحب بيه...
إدريس:دخل ماتحتاجش عراضة راك من مالين الدار
إسلام:ربي يكبر بيك اعمي إدريس (جلس كيحك يديه بزوج وهز عينو تايقلب عليهاا وبهدوء قال) أسماء مكيناش هنا؟
إدريس:راها فبيتهاا تقدر طلع عندها لابغيتي
إسلام:واخا
خلاهوم وطلع لفوق وفديك الدقائق دار حوار طويل مع نفسو قبل مايوقف قدام باب بيتها ومع جا يدق تحل باب بيت رحيل لي شافت فيه وهي هازة حاجبها وبدون ماتعيرو اهتمام نزلات وهو تنهد ودق لباب تاسمع صوتها عاد حل كانت تاتمشط شعرها مع شافت انعكاسو فلمرايا وهي تحبس من حركتها ولمشطة طاحت من يديها ونطقات بصوت خافت:إسلام...
تاحد فينا معارف اش غايعيش فحياتو من غير لي خالقناا...شحاال من واحد داز من اختبارات فحيااتو لي كون عرفهوم قبل مغايتقبلهومش نهائيا... ولكن حيت مكيكونش على دراية بيهوم فكيضطر يصبر ويتجاوزهوم حيت ماعندو مايدير... كلنا دوزنا فترات صعيبة فحياتنا ولكن تجاوزناهوم واخا راه صعيب علينا نساوهوم ولكن كنتعايشو معاهوم... والحياة كدوز والعمر كيطير وخصك تستاغل كل نهار فيه...شهر ونص داز كلمح البصر وفيها تبدلو شحال من حوايج... شهر ونص لي دازو فيه بزاف دالتغيرات...
صوت الما لي كيتسمع من الرشاشات لي كيرشو الربيع فالفيرمة عاطيها إحساس الراحة كيف كل نهار جالسة فالبلاصة لمعتادة ديالهاا قدام ديك الطبيعة وكاس عصير الليمون محطوط فوق الطبيلة لي حداهاا... خدودها حمرين ومنفوخين وعينيها كتبان فيهوم الراحة لي ولفاتها فهاد الشهر...شهر وهي فالفيرمة مبعدة على صداع لمدينة وعلى الروتين لممل...شهر وهي وسط الطبيعة ولخضورية ديال الربيع والشجر... لابسة كسوة بيتية دلمحجبات فيها لاستيك تحت الصدر مبينة كرشها البارزة بحكم راها فلخر دشهرها السادس... ومع راها حاملة بتوام فكرشهاا برزات كتر...رجيلاتها كيبانو منفوخين فديك البانطوفة لي لابسة وصبيعات مبرودين ونقيين... سمعات صوت الحس وضارت لقات باها جاي مبسم ضحكات لشوفتو ونطقات براحة:على السلامة
إدريس: الله يسلمك (جر كرسي وجلس جنبها) مرتاحة افرحتي اللولة
رحيل:فوق مكاتخيل (شمات لهوا ونطقات براحة) فهاد لبلاصة كانحس بواحد الراحة فشكل
إدريس:كانت غاتجي سيدرا ساعة تاتقرا مي لويكاند غانجيبها عندك ونيت غاتشد عطلة تبقا معاك عوتاني
رحيل: صافي وماما لابااس عليها علاش مجاتش معاك
إدريس:مشغولة مع تعاونية ديالها مدخلين شي منتوح وهاد الأيام مدرونجيا بزاف معااها وراه سيفطات ليك شي حوايج من التعاونية قالت ليا راه وصيتيها عليهوم
رحيل:اااه بصح
إدريس:(شاف فساعتو ونطق) مغايخصنيش نتعطل بزاف
رحيل: تغدا هو لول غاتكون خالتي مطيبة شي شهيوة كيف عادتها
ناضت معاه بالتقالة وشدات فيه كاتمشى كيف شي بطريق... تقلات بزاف وكلها غلاظت فلمناطق الأنثوية وزادت تبرزات فورمتهاا على كيف كانت... دخلو لفيرمة ولقاو مرات بّا سالم موجدة لغدا طاجين لحم بلبرقوق كيشهي...تغدات غير رحيل وباها لي جلس معاها مدة قليلة قبل مايودعها ويمشي مواعدها يجيو فالويكاند ويدوزو معاها شي يامات كيف مولفين فهاد لمدة... ناضت تاتحرك فالفيرمة مور ماتغدات غادة لبلاصة فين بانين كوري ولي فيه نعيجات وحوالى ودجاج البلدي والرومي والبگر والعجولة... كان الكوري كبير وكل بلاصة فيه نوع مقسمينهوم...دخلات جهة النعيجات فين كاينة واحد نعجة يالاه تزادت صغيرة طلبات من مرات بّاسالم تمدها ليها وهزاتها تتبوس فيها وتعطيها حليب فالرضاعة... دوزات مدة تم متلفة لوقت هي ومرات بّا سالم لي مونساهاا فهاد لمدة كلها ومع بدا يطيح الظلام رجعو لفيرمة..
خرجات من الدوش تاتمسح شعرها لي كانت قطعاتو أو وصلاتو تحت صدرها حيت كيكرفصها فالدوش... خلاتو مطلوق على راحتو مور مادارت ليه سيرومات وجلسات تادير روتينها الليلي وماناضت من تم تاخلات روايح وراها كيتشمو من بعيد...لبسات عليها كسوة قصيرة كولها مربع ومزيرة مبينة الكرش كثر ومبينة لهونش ولخير لي مربية مطراسي...حلات البالكو وبقات واقفة كاتشوف فالمنظر لي قدامها بسهو وعقلها كيسترجع ليها شريط دكرياتها مع راحة روحها هناا نهار لول دلعرس ملي ركبو فوق لحصان وطيحتها فالشاريج لي ختمات بيها ديك الليلة لي بقات متورخة فعقلهاا..مغاتنساش دكرياتها هنا فهاد البيت والمشاعر لي عاشتهوم معاها هناا... كل ليلة قبل ماتنعس كاتخيل راسها بين يديه حاطة راسها على صدرو وهو كيلعب فشعرهاا ويعنقها لصدرو بتملك لي تايرضي غرورها كأنتى... تنهدات وسدات البالكو ورجعات لبيت جابدة لاجوندا لي قربو وراقهاا يساليو...بقاو بضع صفحات بيضاء فقط...حلات وحدة وكيف ديما كتبات تاريح اليوم عاد سمحات ليديها تغرق فوسط الكتبة... يومها بلكامل تاتكتبو بحال لاكتعاودو ليه هو واخا عارفة مغاتلقاش جواب ولكن هادشي مكيمنعهاش تكتب وتعاود ليه وتفرغ أحاسيسها ومشاعرهاا تم... سالات وسدات لاجوندا وشافت فساعتها الزوج ونص...تسطحات مكانها وخلات ضو اباجور لي جنبها مشعول وغمضات عينيها وهي حاسة بضربات توينز فأحشاءهاا... وعلى دوك الضربات غمضات عينيها ونعسات...
حلات عينيها وهي حاسة بلعطش ناضت بزز منها جلسات وشافت فالساعة كانت الخمسة شربات لما ومع بغات ترجع سمعات صوت لحس قريب ليها..كمشات حجبانها وناضت من بلاصتها بتعب...تاحد مكيدخل لهنا من غير مرات بّاسالم وهو بنفسو عمرو عتبها وهي كاينة هنا...قربات بخطوات تقيلة ومع سمعات لبواني ضار وقفات بلاصتها وقلبها دق بعنف ملي استنشقات ريحة برفانو الرجولي لي ملى المكان...عيونها الخضراء تعلقات قدامها وصوت خطاوي هادية كيتسمعو فودنيها متسابقين مع دقات قلبها.. تابانت صورتو قدام عينيها...شهقات بعدم تصديق وعينيها تحلو وهي كاتشوف فيه واقف قدامها بكل شمووخ... معرفاتش واش هادا واقع ولاحلم كيف عادتها فهاد المدة لي غاب عليها... قطعات داك لهدوء بصوتها لي كان خافت وبنبرة عدم تصديق قالت: نووووح
عودة الروح
على صوت القارىء أحمد علي العجمي كان شاد طريقو فداك الليل... السماا كانت صافية ومزينة بالگمرة ونجومهاا...الجو كان دافئ كيف الأيام السابقة...يد فوق لڤولون والثانية شاد بيها لگاارو وطالقها برا الشرجم ديال الطوموبيل مخلي داك الدخان يخرج على برا... نثر اخر نثرة ولاح ديك البوينتة فالأرض سايط الدخان لي عمر الطوموبيل مخلي ريحتو تمزج مع عطرو الرجولي المميز والخاص بيه... شاف فساعتو ورجع مركز فسوگانو تاخفف السرعة ملي وصل لباب لفيرمة الكبير وحبس الطومويبل ونزل بهدوء مخلي باب طوموبيلتو مرسيدس جي كلاس فالأسود محلول..جبد سوارتو وحل لباب على مصرعيه ورجع ركب وحرك طوموبيلتو تافات لباب ونزل تاني سدو عاد كمل طريقو لداخل وعينو مراقبين ديك المساحات الخضرااء تاوصل قدام باب الفيرمة لدخلاني وسكت طوموبيل ونزل وهو كيستنشق داك لهوا بأريحية... حل لكوفر ونزل منو لاڤاليز ديالو ورجع سدو وكمل طريقو لداخل بكل هدوء... كان ضو مطفي وبدون مايشعلو كمل طريقو لجناحو وهو حافظ الطريق وعارفهاا عن ضهر قلب...وصل قدام باب الجنااح ومع حلو تكمشو حجبانو فاش بان ليه ضوو خافت مشعول فيه خلاه يستغرب.. ومع قرب لداخل كاتباان ليه واقفة وعينيها كيشوفو فيه بجموود وصدمة... صدمة لي خلاتهاا تجمد بلاصتها بدون حراااك وعينيها عليه وهي ممتيقااش واش كاتشوفو قدامها ولاغير كتخااايل...للحظة ضنات بلي هادا مجرد حلم وكيف عادتها غاتفيق لواقعها لمر... عينيها كيتفحصو ملامح وجهو لي كان الهدوء عنوانهوم...واقف قدامها بسروال توب نواغ مع شوميز فنفس لون وفوق منهوم جاكيط گرونة..شعرو القهوي كاان مرجعو لور ولحيتوو كبرهاا على غير لعاادة وداير نضاضر ديال الشووف... كيباان مابيه والو وزاد صحاح على كيف... وكيفما عيونها تفحصووه بدقة تاهو سمح لبحر عينيه يسرحو فيهاا... كرشهاا كباااارت على كيف خلاهاا اخر مرة ولكسووة كاانت جامعااها ومبينة تفاااصيلهاا الأنثوية لي كيعشقهوم بتدقيق خلاه يعض حنكو من لداخل... عويناتها لخضرين لي كان فيهوم بريق ديال الدمووع وشفايفها لي كاانو كيترعدوو وهي تاتعض عليهوم بسنيها بالنسبة ليه كانو بحال الإغراء... خدودهاا حمرين كيف الرمااان وزادت غلاظت منهوم وهادشي بان ليه غير من الشوفة اللولة قدر يعرف شنوو لي تزاااد فيهاا... طلع بنظرااتو الهادية من رجيلاتها لي تيبانو فلبانطوفة لديك لبيسة لوجهها لشعرهاا لي كاانت طالقااه على راحتوو مخليااه يكمش حجباانو... دقائق قليلة كانت بالنسبة ليهوم بحال سااعاات تاكسراات رحيل داك الصمت وحبل نظراتهوم فااش رجعاات كررات بصوتها لخااافت سميتو لي خرجاات من شفايفها لي كيرجفو:نووووح
خطات خطوة جهتو وهي كاطلع شوفاتها وتنزلهوم فيه وكملات بصوت خافت بحال لاكاادوي مع راسها:أناا مكنحلمش يااك نتااا جيتي نتااا واقف قدااامي أنااا مكنحلمش
قربات جهتو تاوقفات قداموو مقابلة معااه وهزات يديها لي كيرجفوو وغلغلاتها فلحيتو وسمحات لدموعها ينزلو مرفوقين بشهقاتهاا: نتااا رجعتي أنااا مكنحلمش
مدات يديها بزوج تاتقيص فيه فلحيتو وفشعروو وفصدرو بحال لاممتيقاااش وهو واقف قدامهاا ساكت وداك السكاات ديالو خلاهاا تخااف يكوون هادشي حلمة واخا راه حااسة بيه ونيفوهاا كيستنشقوو ريحتوو ولكن داكشي لي دازت منو هاد لفترة خلاهاا تشك...مدة وهي تتقلب فيه بقلب ملهووف وهو مخليهاا على راحتهاا بدون مايقاطعهاا تاسمع صوتها لي قاالت بضحك وفنفس لوقت تاتبكي..
رحيل:نتاااا رجعتي هه أنا مكنحلمش نتااا واقف قدامي ومابيك والوو هه
ترماات فحظنو مضورة يديهاا على ضهرو مزيرة عليه بحال لاخاايفاااه يهرب تااااني...حاطة راسها على صدرو تاتبكي وتشهق وتزيد تخشي وجهها فصدرو كاتعمر ريتها بريحتو لي توحشاااتها ولي بالنسبة ليها ولات إدماان عندهاا... ودفئ صدرو كاان موطنها لي رجعات ليه بعد غيبة طويلة... وفديك اللحظة حسات بيديه ضارت على خصرهاا مبادلها لعناااق وهناا روحهااا رجعااات لبلاصة لي كاتنتااامي ليهاا... وهي غير حسات بيه زادت فبكااها تاولى صوتهاا كايتسمع عااالي شي لي خلاه يدفن راااسو فعنقهااا وبصوتو الخشن همس ليهاا:شوووو البكااا لاش ؟
ديك لجملة كانت بالنسبة ليها بحال لقال ليها زيدي بكي..توحشاات صوتو الخشن الرجوولي وتوحشاات اهتمامو من كلامو لي نطق بيه... تعلقاات فيه كثر ونطقااات بصوت بااكي: ممتيقااااش بلي نتاا رجعتي لاكاانت هادي حلمة مابغيتش نفيق منهاا..
نوح:(زيرها ليه كثر مكايس على كرشها لي كانت حاجز ممخليااهش يعنقهاا براحتو ونطق بصوتو الرجولي الخشن) نتي مكتحلميش أناا هنااا الفتنة ديااالي...
روحها عاد رجعات ليها وهي بين يديه مستمتعة بدفىء حظنو... وديك الكلمة شحاال هادي ماسمعاتهااش من شفايفو خارجة بداك الصوت الخشن... ماسخااتش تكون سبب أنها تفرق داك لحظن ولكن ديك الركيلة لي حسات بيها فكرشها خلاتها تبعد عليه ورغم دلك بقات شادة فيه من الجاكيط لي لابس تاتشوف فوجهو بحال لاممتيقااش...
رحيل:(حطات يديها على حنكوو ونطقات مرة خرا تاتكرر سؤالها) واش نتاا بصح رجعتي ياااك
نوح:(كمش حجبانو ونطق بهدوء) هاأنا قدامك
رحيل:(لبكية واقفة ليها فلحلق وبصوت منغنغن قالت) خاايفة نتيق ونلقى بلي هادي حلمة كيف ديماا
نوح:(شد وجهها بيديه بزوج ونطق بصوت مبحوح خافت) أنا غانخليك تيقي بزز منك
قال كلمتو وتحدر على شفايفها محتاظنهوم بشفايفو الكباار السخاان ولي مداق لگارو كان باقي فيهوم وهي ماتسوقااتش ليه كيفما هو مشى من بالو ولكن الشوق خلاهوم ينسااو كلشي فديك اللحظة... كان تايتمدق شفايفها ويزيد ينغامس فيهوم مخلي لساانو يقتااحم سوار شفايفهاا ويجوب فثغرهاا دايق عسل ريقهاا... يديه نزلات لضهرها تايجرها لجهتو كثر واليد التانية غلغلها فشعرهاا متبت راسهاا... ورحيل فديك اللحظة تأكدت بلي هو رجع هادي ماشي حلمة كيف لي قبل هي دابا كاتحس بيه...سخونية داتو وشفايفوو لي حلفوو لاطلقو شفايفهاا كانو دليل كافي بلي هادا واقع... صوت البوسة هو لي كاسر داك لهدوء لي كاين فالجنااح ومع الإضاءة الخافتة خلى الجو أكتر شاعرية... حسات بنفسها بدا يتقطع ورغم دلك مبغاتش تفصل ديك لبوسة ولكن هو حس بيها وطلق سراحها مخلي خيط الريق دايز بيناتهوم وصوت أنفاسهوم بزوج كيتسمع وخصوصا هي لي رجعات حمراا... هاد اللحظات الخاصة بيهوم قاطعها صوت رحيل لي نطقاات بخفوت:بغيت نمشي لطواليط
نوح:(كمش حجبانو باستغراب ونطق بهدوء)سيري
شافت فيه بتردد بحال لامباغاش تخليه ولكن ضروري ماتمشي خصوصا مزيرة ومع الحمالة ولات تاتستعمل الطواليط بزااف...خلاتو بزز غادة لحمام وغير دخلات وهي تبسم بوحدهاا ومشات قضات حاجتهاا وجات تغسل يديها وعينيها كيشوفو فانعكاسها فالمرايا... خرجات لسانها وبللات شفايفهاا لي كانو حمرين ومنفوووخين وبزربة غسلات يديها ونشفاتهوم وخرجات عندو...كانت تاضور راسها يمين وشمال تتقلب عليه فلبيت ولكن مباانش ليها وتامن الڤاليز ديالو مكانتش تم...قلبها ضرب بلخلعة وعينيها دغيا عمرو بالدموع ونطقات بصوت خافت تاتحرك راسها بهسترية: لا لاااا نوووح
دخلات لدريسينغ وملقاتوش تما وبلاعقل خرجاات تاتقلب عليه وتحرك راسها ودموعها نازلين... نزلات لتحت مور ماشعلات الضواو تاتقلب عليه بحال الهبيلة وفكرة أنه يكون مشى عااود سيطرات على تفكيرها خلاتهاا تبغي تجن... قلبها غايخرج من بلاصتو ورجليها فشلو عليهااا وكرشها حسات بيها ضراتهاا ومع دلك مااستلماتش مشات لكوزينة هي لولة ومع وقفات فلباب وهي تحط يديها على قلبهاا وخدااات نفس عمييق وعينيها عليه هو لي كان واقف حدا الثلاجة تيشرب منهاا لمااا...فاش حس بيها ضار وغير شاف حالتها وهو يستغرب وقال وهو تيقرب جهتها:مالكي؟
رحيل:(شدات فيه) خفتك تمشي تاااني فاش مالقيتكش لفوق
نوح:(جرهاا عندو وباسها فراسها وقاال بخشونة) ماعندي فين نمشي غير ارتااحي لياا
رحيل:(عنقاتو بجنب ونطقات بصدق) علاش مشيتي وخليتيني قبل؟
نوح:(درعها وبهدوء قال) خصك ترتااحي اجي معايا
طفى الضو ودرعهاا وهوما غاديين لجناح ورحيل مكرهاتش ماتفاارقش عليه وتبقا هاكا مدرعهاا وخاشية فيه... مع طلعو لفوق بعد عليها وقااس حنكهاا:سيري تنعسي
رحيل:(شدات فيديه وقالت برفض)مابغيتش نعس أنا مافيااش النعااس
نوح:(كمش حجبانو وقال بجدية)رحييل أنا مغادي فيين مكااين لاش تخاافي واخا (باسها فجبهتها) سيري تنعسي أنا غاندوش ونجي
طلقات منو بزز وهو زول نضاضرو وحطهوم فوق الطابل وكمل طريقو لحمام مخليها واقفة قدام لباب بحال شي بنت صغيرة كاتسنى باباها يرجع من لخدمة ويجيب ليهاا لحلوى لي واعدها بيها...مبغاتش تنعس حيت بصح النعاس طار من عينيها بقوة الفرحة درجوعوو...مدة طويلة وهي واقفة تاتسمع صوت الباب لي تحل وخرج منو نوح لي كان ملوي على خصرو فوطة والثانية كايمسح بيها شعرو...شاف فيها معجب من وقفتها قدام لباب ونطق:علاش واقفة هنا واش باغا دخلي لحمام؟
رحيل:لا كانتسنااك
نوح:(حرك راسو بهدوء ونطق) غانلبس حوايجي ونجي
تحرك لدريسينغ وتبعاتو تاوقفات قدام لباب حاضيااه بعيونها لخضرااء لمشتااقة...ضار شاف فيها وقبل مايحل لفوطة غمزهاا بخفة...
غمزها بمكر وهي تبسمات بخجل وبلاماتحس هبطات عينيها فاش بان ليها حل لفوطة وبدا كيبدل براحة تالبس عليه سروال بيجامة مع تيشورت ودار دودوغون عاد رجع جهتهاا وبلامايهضر تحدر هزهاا بين يديه تاشهقاات بالزربة على لغفلة لي غفلهاا ونطق بمزااح وهو غامزها:الفتنة ديااالي تقااليتي
رحيل:(تعلقات فعنقو ونطقات بضحك) لعسيلات ديااالك هوما سباب
تحدر بركبتو على النموسية وحطها بحنية وعينو الزرقين على ملامح وجهها وغير وصل لشعرها وهو يعقد حجبانو ونطق بصوت صارم:وداك الشعر اش داك تقطعيه؟
تقادات فجلستها وعينيها عليه هو لي كان جالس جنبها مربع يديه وهاز حجبانو كيتسناهاا تجاوب...ملي دخل وقشع شعرهاا مقطع وهو منيرڤي غير مبغااش يبينهاا ليها ولكن مبقااش باغي يسكت ولاحها ليها فوجهها... فين سالفهاا لي كاان تيضرب ترمتها ويفوتهاا وهو جنونو تقطعو وتقيس فيه زغبة وهي راه ماشي غير قطعاتو گرجااتو گاع..
رحيل: ولى كيعدبني بزااف فالتدوااش ومع التقل قطعتو ولكن دابا يخلف ويرجع كيف كاان
نوح:(تحدر جهتهاا بايسها فأرنبة نيفها ونطق بهمس محموم)شنو ندير فيك دابا على هاد لفعلة؟؟
رحيل:(تعلقاات فعنقو ونطقات بصوت خافت) لي بغيتي
نوح:(جرها لعندو كتر حاط يديها على جنابهاا كيتحسسهوم ونطق وهو عاض على شفتو) وهادوو لي ربيتي
رحيل:(تبسماات بخجل) غلاظيت بزااف حسيت بيها وتارجلي تنفخوو لياا
تاتوريه رجليهاا وهي متكية وهو شدها ليها وتحدر فلبلاصة بااسها فقااعهاا خلاهاا تبورش وداتها تنمل عليا...طلع شوفاتو ليهاا وهي متكية على لمخدة وحاطة يديها على كرشهاا ومبسمة بخفووت...طلع صبعو مع رجليها تالسيقانها لي كانو كيلمعو وغليوضين تاوصل لتوب دلكسوة وهو يخشي يديه تحتها مكمل لمستو لي خلاتها فديك اللحظة ترجف وطلق اه خافتة فاش وصل لمنطقتها الأنثوية وهو تحدر جهتهاا ونطق بهمس خافت: هالي كيمحني
قرصها فيه تاتلوات بين يديه وهو تبسم بخفة وزاد تحدر عليها كثر واخد شفايفها مرة خرى فقبلة رفعاتهوم بزوج وخداتهوم لعالم خاص بيهوم...يديه كانت باقي كاتسارى على جسمهاا وهوما كيتبادلو قبلات الاشتيااق تافصل لقبلة ودفن وجهو فعنقهاا ويد مكالي بيها فالنموسية باش مايلوحش تقلو عليهاا وعلى كرشهاا أما هي يديها تغلغلات لشعرو القهوي تاتقيص فيه وتاتحس بلحيتو تاتكها فعنقهاا وأنفتسو السخونة تاتلفح جلدها...
رحيل:(نطقات بصوت خافت) عارفااك مقلق مني حيت أديتك بزااف معااياا من نهار دخلتي لحيااتي ونتاا كاتفكر لياا فراحتي وكوون مكنتيش نتا كنت باقي لدابا غانعيش عداابي لي كنت عايشااه سنين هادوو (دموعها نزلو من جنااب عينيها وماتفكرات غير كلام رحمة ليهاا شي لي خلاهاا تكمل بحرقة) أناا عمري مكاانت نيتي نأديك ونكرفصك معااياا تاأناا هازة ليك لهم كيفما نتا هازو لياا وعمري مانبغي ليك الضرر انوح نهاار مرضتي (شهقات ببكاء) مكنتش معااك ولكن أنا مكنتش عارفة بلي طحتي كومة دالسكاار حيت كلشي خبى علياا أناا..
صوتهاا لخافت لممزوج بشهقاتهاا وكلامهاا لي نطقات بيه خلاه يطلع راسو من عنقهاا ويكمش حجبانو وهو كيشوفهاا تاتبكي بحرقة... حط يديه على حناكهاا ونطق بصوت حنين وهو مكمش حجبانو) علاش تتقولي هاد لكلاام داباا (تايمسح ليها دموعهاا) أناا لي مخاليتهومش يعلمووك حيت ماباغيش نخلعك ماتلوميش راسك على حاجة مكنتيش عرفاهاا
رحيل:ولكن أنا أديتك؟
نوح:(كمش حجبانو ونطق بجدية) شكيت عليك؟
رحيل:نتا ممقلقش مني يااك ديك لهضرة كلها لي قلت ليك والله مكانت خارجة من قلبي أناا ماعرفتش مالي فديك لوقت كنت معصبة منك ومحاملاكش بسباب لوحم وغير مشى أنا قلبت عليك ولكن مالقيتكش كنتي مشيتي
نوح:(باسها فشفتها بوسة سطحية ودفن راسو فعنقهاا ونطق بهمس خشن) عارف الفتنة ديالي بلي داكشي لي طرا ماشي لخااطرك وأنا خليتك باش ترتااحي ليا وتاخدي وقتك (باسها فعنقها ورجع شاف فيها بحنية) وبلابكاا هلكتي ليا تيوالين إينوو
رحيل:ماشي لخاطري هنااا كاينة واحد لحااجة كضرني بزاف (حطات يديها على صدرهاا) فااش مشيتي حسيت براسي بوحدي واخا بابا وماما وخوتي معايا ولكن كنت بوحدي بلابيك
هضرتها مكانتش عن فراغ وداكشي لي حسات بيه قالتو ليه واخا ماكرهاتش تزيد تعمق فلكلام..ماعمرها غاتنسى هضرة رحمة لي كل ليلة كاتفكرها وتجلس تبكي بوحدهاا...أما هو حالتها خلعااتو وماحملش يشوفهاا تتبكي جرها لعندو معنقها ويديها كايدوزها على ضهرهاا وكيبووس فراسها ويشم ريحتها لي توحشهاا... البعاد مكانش قاصح عليها غير هي إنما عليه تاهو واخا مانطقش بيها ولكن هاد المدة كاانت صعيبة عليه بزاااف...
نوح:(بصوت خشن جدي نطق) أنااا معاااك وعمررط مغاتكوني بوحدك ماحدي عااايش الفتنة ديالي
رحيل:(زيرات عليه)توحشتتك بزااف انووح
نوح:(دفن راسو فوسط خصلات شعرها ونطق بصوت رجولي هايم) تاأنا توحشت السالف ومولاتو...
ظلام السما بدا كيتسللو ليه خيووط بيضاا كيعلنو على بداية الصباح.. لهوا داخل من لباب دلبالكو لي كان محلول والخوامي كيتحركو مع الريح لخفيف...الضو ديال الأباجور كان هو لي مشعول ومنور البيت...متكي على الكادر دالنموسية وهي مخشية بين رجليه ومتكية على صدرو ومغطية بكوڤرلي... يديه كانت تاتلمس كريشتهاا وهي مغمضة عينيها ومستحلية ديك اللمسة وديك الراحة لي كاتحس بيها وهي بين يديه... واخا فجوفها كلام كثير تقولو والأهم باغا تعرف فين كان ولكن مابغااتش حاليا تسمع شي حاجة ماتعجبهااش..فهاد اللحظة باغا غير تستمتع بهاد الأحاسيس لي عايشاهوم معاه..تاسمعات صوتو لخشن لي نطق بهدوء: من امتى ونتي هنا فلفيرمة؟
رحيل:(تنهدات ونطقات بهدوء مماثل) شهر وأنا هناا
نوح:(بتساؤل) بوحدك؟
رحيل:(هزات راسها وهي باقا حاطاه على صدرو ونطقات بخفوت)بعض لمرات كيجيو عندي بابا وماما وسيدرا ونيت قربات لعطلة وغايعاودو يجيو ويجيبو سيدرا عندي باش دوز معاياا لعطلة هناا
نوح:(كيدوز يديه على شعرها ويردو ليها ورى ودنيها)علاش مامشيتيش لريااض وبقيتي تم؟
رحيل:(سرطات ريقها ونطقات بصوت حاولات ماأمكن يكون هادئ)كنت محتاجة نجي هناا هاد لبلاصة عندي فيها بزاف ديال الدكرياات من نهار حطيت فيها رجلي هنا فين شفتك عقلتي (تبسمات بخفوت) نهار ركبت فوق لخيل ديالك وطيحني وهنا فين دوزناا ياماتنا لولة فاش تزوجناا مالقيت ماحسن من هاد لبلاصة ونيت الطبيعة لي هنا خلاتني نلقى راحتي
نوح:(تبسم ليها بحنية) كيعدبوك ليا لعسيلات ؟
رحيل:(حركات راسها) همم بزااف وخصوصا فاش كيتحركوو بزووج
نوح:(لمعو عينيه بحنية وهمس خشن نطق) مشاغبين هاد لعسيلات خصني نتفاهم معاهوم ( تحدر عندها وكمل بهمس محموم) ولكن قبل خصني نتفاهم مع النحيلة دماماهوم
رحيل:(عقدات حجبانها ومدات يديها تتقيس فلحيتو ونطقات بعتاب) وأنا مقلقة من باباهوم بزاااف
(ناضت من فوق صدرو ولكن بقات فبلاصتها وكملات هضرتها بحرقة) عارفة بلي من حقك ترتااح ولكن كنتي على الأقل تخلي لينا بلاصتك ولاتبقا شاعل تلفونك ولكن نتا مشيتي وغبرتي خليتيناا بحال لحنش لمقطوع ليه الرااس (حطات يديها على صدرها وكملات عتابهاا) واش عرفتي أنا شنو دووزت بلابيك واااش عرفتي بلي كل ليلة كنت تانتسنااك ترجع كنت تانعيى بزااف ومع دلك كنت تاانصبر وتانكمل على قبل التوينز وسيدرا (كمشات فيه حجبانها) سيدرا لي تاهي خليتيها تولفك وتعيط ليك ببابانو ومشيتي عليهاا وزين العابدين لي عمرو ارتااح لشي حد من غير بااه خليتيناا كاملين محتااجين ليك نتاا لي كنتي كلشي فحيااتنا وكنتي الساس ديالنا لي نهار خطانا ضربونا لحيووط وتعدبنااا بزاااف (شمرات بنيفها وكملات) مغانقدرش نلومك حيت عارفة بلي كون ماعييتيش مكنتيش غاتمشي ولي حاارقني هو أنا لي كنت سبابك
نوح:(تنهد وجرها عندو تارجعات تسطحات على صدرو وعنقها بالجهد) مكنتيش سبابي هاد لهضرة عمري نسمعها منك (رجع تنهد مرة خرا وكأنو هاز جبل فوق كتافو) أنا نهار مشيت خليت عقلي وروحي عندك مامشيت تاعرفت بلي نتي بين يدين الرحماان وبلي سي إدريس معااك خليتك أمانة عندو وهادشي لي خلااني نرتااح شوية من جهتك.. هاد الدنيا واخا يكون عندك الجهد ليها ولابدما يجي النهار وجهدك يتهد حناا من لحم ودم ولعبد كيعيى.. راه ملي مشيت وعقلي كيفكر فيكوم واحد بواحد لانتي لازين العابدين لاسيدرا لايمٌا لابيسان لارؤوف لالحاج ولحاجة گاع الناس لي كيعنيو ليا بقاا بالي معاهوم..(هز ليها راسها تاشافت فيه ونطق مكمش حجبانو) مكنتش باغي ندوي فهادشي دابا وكنت مأجل هاد لكلام تايجي وقتو.. ولكن نتي سولتي وأنا واجب عليا نجاوبك أنا ماكنتش عارف نهار غانرجع غانشوفك هناا حيت فبالي راه باقي لوحم مكرفصك ومخليك معصبة كيف قبل.. نتي عرفاني مكانفهمش فهادشي دلوحم وكون ماباك لي جاا عندي شحال هادي وفهمني كنت غانشك فحالتك لي تبدلات بين ليلة ونهاار وزدتيها بالطلاق (كمش حجبانو) عند بالك راه غانوافق عليه ومعرفااش بلي عمرك غاتشوفيه من عندي حيت عمري نطلق سراحك وغانبقاا رابطك معايا تال اخر نهار فعمري..
رحيل:ديك لفترة ماكنتش عارفة اشنو كاندير واش عند بالك طلبت الطلاق وعقلي فبلاصتو لوحم حمقني ديك الساع..
نوح:(حرك راسو وتبسم بخفة)حمقك وحمقتيني معاك تامبقيت عاارف شنو ندير ليك... كنت هاز لهم لهادشي ملي نرجع ولكن ربي حن عليناا والفتنة تاهي حناات فهاد لعبد الضعيف لي مشتاق ليها..
رحيل:(باستو فشفتو وبقات حاطة شفايفها على شفايفو وقالت بخفوت) من نهار مشى لوحم وعرفتك مشيتي وكل ليلة كنت نتمنى ترجع لياا غيااابك طول علياا بزااف ومحني ولكن ربي استاجب دعائي وهانتاا داباا معاياا
نوح:(باسها قبلة سطحية قبل ماينطق بصوت هامس) كلشي غايرجع كيف كاان ماتبقاايش تخممي لياا بزااف (بعد عليها وشد وجهو وقال وهو مكمش فيها حجبانو) وحاجة خرا ديريها فباالك ومانبغيش نعاودهاا تاني نتي راه ماشي حمل تقيل عندي سمعني (قرصها فنيفها ونطق بصوت خشن مبحوح) نتي رااه روحي الفتنة...
وسط فراشهاا السخون كانت ناعسة وصوت شخيرها مسموع...تلفونها كيصوني وهي غارقة فالنعااس تابدات تاتحرك جفونها بانزعاج... بزز باش حلات عينيها ومدات يديها لتلفونها لي كان فوق الكوافوز وشافت فنمرة باها لي منورة الشاشة كيعيط ليها... ضارت لجهة لخرا فين كان نوح ناعس ساعة لقاتها خاوية...كمشاات حجبانها وعضات على سنانها وبدات تاتعدل فجلستها تاتكات على لكادر وهي كاتنهج..
رحيل:(بصوت مبحوح) ألو بابا
إدريس:ياكما فيقتك ابنتي ؟
رحيل:اه كنت ناعسة ولكن ماعليش أصلا خصني نوض
إدريس:غير بفيت نطمن عليك ابنتي حيت ليوم مغايصلاحش ليا نجي عندك
رحيل:(عقلها مشطون) ماعليش ابابا أنا بخير نخليك دابا تالشوية ونعاود نعيط ليك
إدريس:واخا سيري ابنتي وردي لبال لراسك
قطعات معاه وضورات راسها يمين وشماال تاتقلب عليه...حيدات لغطا وناضت بزز وهي شادة كرشهاا ومشات لحمام هو لول قضات حاجتها وغسلات يديها بزربة وخرجات تقلب عليه...مانعسوش لبارح بكري تاطلع الصباح عاد هي نعساات ودابا فاق بكري فين غايكون مشى...رجع وسوس ليها عقلها بلي غايكون مشى ولاتقدر تكون غير تاتخيل ولكن لڤاليز ديالو لي محطوطة فالدريسينغ كانت دليل كافي أنه هناا.. زفرات النفس براحة وحكات شعرهاا وهي كاتمتم بين شفايفها:هو رجع ارحيل رجع مكاين لاش تخافي
هزات شنو غاتحتاج ومشات تاخد دوش خفيف...خدات وقتهاا واخا مقاستش شعرها ولكن حركتها تقاالت بزاف... تعطرات ولبسات كسيوة خفيفة وطلقات شعرها مور مصاوباتو مموج فوق كتافهاا ومع حلات لباب بان ليها نوح واقف عاطيها بالضهر...عينيها بداو كيلمعو وقربات جهتو عنقاتو من الضهر وحطات راسها عليه وقالت بهدوء:فين كنتي؟؟
نوح:(شد يديها لي مضوراهوم على كرشو) فقتي النعاسة )ضار جهتها كيشوفو فيها بعيونو الزرقا وتحدر باسها فعنقها تاهرها بلحيتو ونطق بحنية) كنت لتحت مع بّاسالم ضربت ضورة فالفيرمة وشفت الأمور كيف غادة هنا
رحيل:كلشي هو هداك أنا كنت رادة لباال
نوح:(قرصها فنيفها وضحك بتقالة) خليتك ترومبلاصيني
رحيل:(تعلقات فعنقو بجرئة ونطقات) تت تاحد مايقدر يرومبلاصيك بلاصتك بوحدهاا هنا( أشارت لقلبها)
نزل راسو بلمهل جهتها واخد شفايفهاا كيبوس فيهوم بلمهل مطيبها على نااار مهيلة وهي ماشي هناا غرقات معاه ويديها تاتغلغلهوم وسط شعروو.. نزل يديه وشفايفهوم فحرب عنيفة مدمرة لقلوبهوم بزوج..تيقيس جنابها فوق ديك الكسوة تاوصل لترمتهاا وزير عليهاا بالجهد تاتأوهات فوسط فموو وبدا كيطلعها ليهاا بشوية تااحسات بالريح كيضرب فيها مع كانت لابساها غير مع شورط خشى يديه وسط داك الشورط كيتحسس لحيمة ديال ترمتهاا وقرصها تاتلوات ليه بين يديه وفرق ديك لبوسة وعينو نايمين فيهاا.. كانت تاتحس بلحرارة طالعة معاها بسباب دوك اللمسات الجريئة وتاهو ماعطلهااش زول ليها ديك لكسوة ولاحهاا وعينو كيغليو على كرشهاا وعلى فورمتها لي تزادت جلس فوق النموسية وجرها من يديها مجلسها فوق من ركابيه ومفرق ليها رجليها... تايرجع ليها شعرها لضهرها باغي يشوف فتفاصيلها لي كيعشق هاد لبعاد خلاه يشتاق ليها بزااف وليلة لبارح كان شاد راسو غير بزز ولكن صبرو تبخر وهادا الجهد.. تارحيل مكانتش قل منو اشتاقت للمساتو ليها ولهمساتو وقبلاتو لي كيطبعهوم بحنية توحشات كلشي فيه ومامنعاتش راسها أنها تستاجب معاه بكل راحة وهوما غارقين فقبلة خراا قبلة فرنسية مخلين الألسنة هي لي تبدا حوارها الخااص... يديه تمردات وماخلى تاقنت مقاصوش ومادوزش عليه بلمساتو الخشنة...مغمضة عينيها ومطلعة راسها مخليااه يتفنن فعنقهاا بلوحة فنية تاخلاه ليها مطبع بطبايع دلبوسات والمصاات تاكيتسمع صوت جلدها بين شفايفو... سطحها فوق النموسية مكايس على ديك الكرش لمقنبلة وطلع عينو على جسمها لي كان مستكين تحت منو... صدرها كيبان منفوخ بين داك السوتياان وجنابها كيبانوو خارجين ولفخااد مطيبزين لحمالة وتاتهاا وخلاتو يتجن عليهاا... جلس جنبها وبدا كيحل فديك لشوميز ونطق بصوت مبحوح وعينو مازولهاش عليها:ملين غانبداووك الفتنة
رحيل:(قلبها كيضرب بالجهد عضات على شفايفها ومجاوباتوش)
فسخ عليه ديك لاشوميز ولاحهاا وراه وبدا يحل السمطة دالسروال ورحيل تاضور عينيها وباقي ديك لحشمة فيها واخا ماشي بحال قبل.. رجع جهتها وبدون ماينطق بتاشي حرف بدا معااهاا فحرب خاصة بيهوم والاشتياق كان عنوانها... عراها من القطع المتبقة وخلاها قدامو كيف ولداتها مهاا...نزل بوابل من لقبلات من شفايفها لعنقهاا لصدرها لي زوقو ليها ومع تنفخ ليها تقصحات منو وبقات صابرة حيت ديك لحلاوة غلباات وخلاتها تغيب فغيبوبة غراامية رفعاتها لسابع سماا كانت فيها غير هي وياااه..شد رجيلانهاا كيبوس فيهوم وهي مغمضة عينيها تاحسات بشي حاجة باردة تحطات على رجليها وحلات عينيها وهي تلقاه كيركب ليها خلخال فيه خويتم كيتركب مع الصبع لوسطاني وكيدلى فواحد السنسلة تاتجي فوق الرجل... حمقهاا وخصوصا دوك لحجيرات لي فيه كانو بحال النجيمات بان فرجليها لبيضين لمطبزين كايبري..
تبسمات بإعجاب لداك لخلخال لي لبسهاا وهو رجع باس رجيلاتها وتحدر جهتها كيقيس فشعرهاا ويدو مكالي بيها على قبل التقل وبصوت تقيل نطق:ملي نكونو بوحدنا نبغي نشوفك لابسااه
حركات راسها باه بلاماتنطق بشي حرف ورجعو غرقو مع بعضياتهوم فعلاقة لي فداو فيها شوقهوم بزوج... فديك البيت كان تيتسمع غير صوت تنهيداتها وهمسو الرجولي وسط ديك الحرب لي ناضت بيناتهوم كانو هو بزووح لفايزين فيهاا... ماعرفاتش شحال وهوما غارقين فبعض وشحال وهي بين يديه وتقول واش سخى بيهااا...حطات راسها على كتفو كتستارح وتنفس بصوت مجهد ومغطية صدرها بكوفرلي على قبل لبرد...
رحيل:بغيت نشرب؟
ضور وجهو جهة الطابل ومالقاش لماا وهو ينطق بهدوء:أنا غانجيب ليك تشربي
لبس عليه شورط ومشى لدريسينغ لاح عليه فوقية ونزل لتحت وهي بدات تاتبسم بوحدها فاش تفكرات داكشي لي عاشت معااه فديك الحرب الطاحنة... هزات تلفونها وسيفطات لباباها مساج علماتو بلي نوح رجع وهو فلفيرمة وحطاتو فبلاصتو فاش شافتو رجع جايب معاه قرعة دلماا...
رحيل:(تقدات فجلستها وحسات بحركات التوينز ونطقات بسرعة) كايتحركو هه اجي تشوف
قرب جهتها وحط يديه على كرشها فوق لكوفرلي تاحس بركلة خرا خلاتو يتبسم بحنية ونطق:مشيتي عند طبيبة هاد الأيام ؟
رحيل:لا شي شهر هادا مامشيتش عندها
نوح:تانمشيو ونطمنو على صحتك وصحتهوم
عطاها تشرب ونزل تاني لتحت جايب ليها فطور وهي فبلاصتهاا شادة تلفون كاتقرا مساج باها مبسمة تاشافتو هاز بلاطو وجاي جهتها ونطق:نوضي تاكلي ماشي مزيان ليك تبقااي بالجوع
رحيل:ونتا مغاتفطرش؟؟
نوح:فطرت فالصبااح حيت خصني نشرب الدوا
وحلات ليها الدغمة لي كانت تتاكل وعينيها تعلقات عليه... بحال لانسات بلي هو دابا ولى كيعاني من la diaète وبلي غايكون مضطر يبقا ياخد الدوا حياتو كلها ويتبع رجيم وكل مرة يدير كونطرول عند طبيب يراقب حالتو... بزز سرطات ديك الدغمة وحسات بلي نفسها تسدات مبقاش فيها الجوع والضيم طاح عليها...كان واقف تيشوف فيها ولاحظ ملامحها لي دغيا تبدلات وقدر يفهم اش كاين...حك حاجبو وقرب جهتها مطلع ديك لفوقية تاقدر يجلس ونطق بصوت خشن: مالك؟
رحيل:(بخفوت) ماعمري غانسى بلي نهار مرضتي وحتاجيتيني أنا مكنتش معاك
نوح:(لمس حنكها بحنية)هانتي دابا معاياا
رحيل:ولكن ديك لوقيتة كان كلشي واقف معاك من غيري انووح (حركات راسها)ماشي لخاطري ولكن مانقدرش نسى هادشي
نوح:(حك سنانو بلسانو وقال بهدوء) داكشي فااات نساايه ارحييل وماتبقايش تهزي فخااطرك وتعصبي لياا راسك على حوايج نتي ماعندك دخل فيهوم واش نتي لي مرضتيني لا إذا علاااش هاد لهضرة دابا (كمش فيها حجبانو) ماتخلينيش نتعصب منك
رحيل:صافي واخا
نوح:يالاه فطري بااش ندوش ليك ونزلو لتحت شوية
حركات راسها باه مكملة فطورهاا وهو جالس جنبها كل مرة يمد ليها شي حاجة لفمها يوكلهاا تاسالات ونزل لبلاطو لتحت ورجع لقاهاا لايحة بينوار عليهاا...وموجدة لحمام كاتسنااه غير يجي زول الفوقية وبقا غير بشورط وعين رحيل على دراعو الصحاح وكتافو لي كيتحركو بنخوة...جلسها فلبينوار وجاب ليهاا لبرودويات ديالها وتخشى معاها كيدوش ليهاا ويغسل ليها شعرهاا وهو مكمش حجبانو وباقي لفقصة ديال أنها قطعاتو واحلة ليه فلحلق... دوش ليها وطبعا استاغل الفرصة وكل مرة بايسها من شي قنت وعاونها تاتوضات ولبسها لبينوار وخرجها لبرا وهو كيقطر حط ليها حوايجها ونطق:تقدي تلبسي بوحدك ولانلبسك؟؟
رحيل:لا غير سير دوش غايضربك لبرد
حرك ليها راسو ومشى لحمام بينما هي لبسات عليها وتعطرات وتسناتو تاسالى ولبس ونزلو لتحت ليد فليد...خرجها لبرا ورحيل استنشقات لهوا وشافت فطوموبيل ديالو مكمشة حجبانها:واش هاديك طوموبيلتك؟؟
نوح:اه عجباتك
درعها وتمشاو جهة الطوموبيل ورحيل عجباتها بزاف خصوصا لونها لي كان كحل تيبري حلات لباب وطلعات بزز ركبات فيها كاتبان بحال شي نملة وسطها وهو واقف حدا لباب تيشوف فيهاا مبسم بلخف..
رحيل:(ضحكات) خصني لمخااد باش يالاه نباان
نوح:نتي لي صحتك قليلة الفتنة ديالي
رحيل:عجبااتني بزااف (نزلات منها)
نوح:دابا نبدل ليك طوموبيلتك تانتي نوريك لكاطلوغ وختاري لي عجباتك
رحيل:لامكاين لاش هاديك زوينة وعجباني
نوح:(تحدر خطف من شفايفها بوس ونطق بهمس)وتانتي عجبااني
رحيل:(عضات على شفايفها ونطقات) بزاف ولاشوية؟
نوح:(جرها مكملين طريقهوم جهة الجنانات)لهلا يوريك قداااش
رحيل:(بتردد) نوح كنت باغا نسولك لبارح ولكن
نوح:(قاطعها) شنو؟
رحيل:(ضارت تقبلات معاها وبهدوء قالت) ملي غبرتي فين كنتي؟
نوح:(بهدوء) مشيت لعمرة...
كل واحد فينا كيفاش كيتعامل مع مشاكيل الحياة وضغوطاتها...كاين لي كيبقا يگلس يبكي ويشكي وكاين لي كيمشي يزهى ويضرب الدنيا بركلة ويقول ليك اودي عيش حيااتك لمشاكيل تمشي وتجي وكاين لي كايختار يقرب لمولاه ويشكي عليه همومو... فهو أقرب إليك من حبل الوريد وهو لي يقدر يخفف عليك ويزرع فقلبك الطمئنينة ويريحك...شوف غير ملي كاتكون مهموم وكاتصلي فديك اللحظة كاتحس بديك الغمة لي فيك مشات فمابالك لازرتي داك لمقاام... الراحة لي كاتنزل عليك مجرد ماكاتحط رجليك تم مايمكنش ليها توصف... هو من طبعو فاش كيعيى كيبغي يبعد ويبقا بوحدو ودوك لمشاكيل لي جاوه فديك اللحظة خلاوه يعيى ونفسيتو تغيير وبلاصة مايبقا كيمرض فراسو فضل ينساحب ويمشي يجدد طاقتو فداك لمقاام...
أما رحيل فكان عندها فضول تعرف فين مشى ومكانش عندها الصبر باش تسنى تاتجي وقتو وتسولو...جاو فبالها جميع لبلايص ولكن هاديك بدات مافكراتش فيها نهائيا...
رحيل:من نهار عرفتك غبرتي وجميع لبلايص لي طاحو فبالي مشيت ليهوم جيت مع بابا لهناا ولكن مالقيتكش
نوح:(تبسم ليها بهدوء) كنت فالدار الجديدة تما فين بقيت قبل مانمشي
رحيل: عرفت مشيت ليهاا ولقيت تما لاجوندا ديالك كان مكتوب فيها واحد التاريخ فايت عليه سيمانة ملي مشيت
نوح:(درعها بيدو ونطق بخشونة) هاداك التاريخ دلڤول لي كان عندي قيدتو تما باش مايغيبش على بالي
رحيل:كون ماتعطلتش كنت غانلقااك تماا
نوح:لمكاتيب
حبسو كلامهم فاش وصلو لبلاصة فين كانت الجلسة لي تاتفطر فيها رحيل فأيامها لي كانت هنا...جلسو فيها ونيت رحيل ترتاح حيت مكاتصلاحش ليها لمشي بزاف وكاتعيى دغياا..بانت ليهوم مرات بّاسالم جاية وجايبة معاها بلاطو فيه قهوة كحلة بلاسكار لنوح وكاس دلعصير لرحيل..
رحيل:(تبسمات ليها)شكرا اخالتي عدبتك معايا هاد ليامات
تبسمات ليها بحنية ونطقات:عدابك راحة ابنتي على شحاال من مرات ولد لحاج عندناا
رحيل:الله يكبر بيك (خلاتهوم جالسين الراس فالراس ورحيل شافت فيه وتبسمات) من نهار جيت لهنا وهي مسكينة مگابلاني فلماكلة وتاتخرجني نتمشى ونتحرك شوية فخبارك غير هاد الشهر لي دوزتو هنا غانكون زدت فيه شي خمسة كيلو هه
نوح:(قاس حنكهاا بضهر يدو ونطق بحنية) راه واجب عليهوم يتهلاو فيك
رحيل:(تكات على كتفو وهو درعها كيحك دراعها ونطقات بخفوت مبتاسمة) دابا شنو خصني نبقا نعيط ليك نوغمالمو لي كيمشي لحج كايعيطو ليه لحاج ولي كيمشي لعمرة شنو كيقولو ليه (هزات راسها وعضات على شفتها بشقاوة)لعمر
نوح:(عض على شفتو بناابو مبسم ومنيم فيها عينيه) واخصك تگوليهوم بزووج على هاد لحساب
رحيل:(شافت فيه بتفاجأ) هااء واش سبق وحجيتي؟؟
نوح:اه
رحيل:عمري عرفت وقتاش مشيتي ؟
نوح:(بقا تيدوز يديه على لحيتو وغمزها) لمرة لولة ولاتانية ولاتالتة؟
رحيل:(حلات فمها)لاماتقولهاش ههه واش مشيني تلاتة دلمرات ماشاء الله
نوح:لمرة لولة مشيت درت لحج ليا والتانية على روح المرحوم ناصر والتالتة ديت معايا جدي وجدة
رحيل:الله يرحمو
نوح:آمين
رحيل:ولعمرة هادي أول مرة؟
نوح:لا سبق ودرت عمرة مامرة مازوج ومشيت مع يمّا تاهي (جر نيفها ونطق بخفوت)ولابقينا فالحيااة إن شاء الله غانديك معايا
رحيل:(بعيون لامعة)ماكرهتش حلمي نمشي تاأنا لداك لمقاام
نوح:(جرها عنقها وباسها فجبهتها)نديك معايا (شاف فيها بجدية) لابغيتي نمشيو دابا نمشيو
رحيل:(ضورات يديها عليه ونطقات بحب) نمشيو ولكن ماشي دابا خلي تانولد إن شاء الله ونمشيو
نوح:لي بغيتي
كملو جلستهوم فواحد لجو زوين وموراها مشاو لجهة الكوري ورحيل غير شافت ديك لمعيزة وهي تمشي عندها وجلسات فوق الكرسي وعطاها ليها نوح تاتبوس فيها
رحيل:(تبسمات ليه)فخبارك حضرت لولادة ديالها؟؟
نوح:هادشي علاش عزيزة عليك
رحيل:اه وكل مرة تانجي نعطيها حليبها فلبيبغوون (بتدكير)ااه نوح راه قلت لبابا بلي نتا رجعتي حيت كان باغي يجي مي ماعندو كيف يدير
نوح:(تقاد فوقفتو ومسح يديه ونطق بهدوء) ماعليش أصلا غايخصني نعيط ليه وليمّا تاهي
جبد تلفونو وشعلو قدام عينيها وتبلوكا ليه بقوة لبواط ڤوكال والمساجات شي ساعة وهو مبلوكي حيت من نهار مشى وهو طافيه...لقى نمرتها معيطة ليه مامرة مازوج وإدريس ومو وختو وگاع الناس لي قرابين ليه... دوز لخط ورحيل مراقبها بهدوء ومكمشة حجبانها تاسمعاتو نطق بخشونة:يمّا
كانت جالسة فالجليسة دلقصب بوحدها كاتشرب لقهوة وهازة مجلة كاتلف فيها لوقت...الرياض خوى عليها وخصوصا من نهار تزوجات سناء ومشات مع اليازيد فمبقاش عندها مع من تجلس وتهضر وتامن بيسان راه كاين شي يامات لي كاتشوفها فدقيقة مع لاكانت عندها لگارد فاللليل فمكاتجي تال لغد ليه وتاتمشي تنعس وترتاح تاكاتوصل وقت الخدمة عاود... أما زين العابدين فهو عايش فعالمو لخااص وشي سيمانة هادي مشافتوش ومباتش فالرياض وملي عيطات ليه بزز بااش جاوبها وعلمها بلي مع أمين حيت من طبعو مكيعطي لحد فين غادي من غير باه تفوتي باه مكيتسوق لحد... زفرات النفس وسمعات صوت تلفونها وهزاتو عند بالها سناء لي غاتسول فيها ولاباها ولاواحد من خوتها ولكن غير شافت سمية ولدي نوح❤️ وهو تخرج عينيها وبزربة جاوبات وهي نايضة من بلاصتهاا:لمرضي دياااالي
نوح:(بخشونة) يمّا
غير سمعات رحيل ديك لكلمة وهي تقلب وجهها ودارت راسها ملهية مع ديك لمعيزة لي كانت فحظنهاا...رجعات ديك لهضرة كاتزنزن ليها فراسها مخلية قلبها يتزمت عليها...
رحمة:(دموعها نزلو ونطقات بلهفة واشتياق) ولدي فينك نتا فين مشيتي وخليتيناا مهولين عليك
نوح:(نطق بهدوء) ماتخافيش ايمّا راني بخير بلابكاا
رحمة:(تاتشهق ورجليها ماهزوهاش مزال وهي تجلس) الله اولدي وتعرف هاد المدة لي غبتي فيها باش حسيت وكيفااش دوزتهاا وعقلي كل دقيقة كيصور ليا سيناريو خاايب مخلي قلبي يتزير عليا من جهتك
نوح:(تنهد) أنا بخير مابيا والو كنت باغي غير نرتاح هادا ماكان
رحمة:فينك اولدي وفين كنتي هاد لمدة كلها
نوح: لكلام كتير ايمّا ملي نجي ونهضرو نتي بلاماتشطني باالك مزال وهاتلفوني راه شعلتو دابا لابغيتي شي حاجة صوني عليا
رحمة:غاترجع ياك اولدي؟
نوح:معلوم أنا راجع ايمّا وقريييب إن شاء الله ردي لبال لراسك ولصحتك واخا
رحمة:واخا اولدي
قطعات معاها وحطات تلفون على صدرها كاتزفر براحة وشحال ارتاحت ملي سمعات صوتو وعرفاتو بخير...لهم لي كانت هازاه تمحى مبقااش ودابا عاد غاتقدر تنفس بأريحية...
أما رحيل فماهضراتش وكلامو كولو داز على مسامعها مخليها منرفزة خصوصا فاش سمعاتو قال ليها غانرجع... كانت قالبة وجهها لجهة لخرى تاتحرك يديها على لمعزة وساهية تاحسات بأنفاسو السخونة كيلفحو حناكها وضاارت لجهتو وهو يشد ليها شفايفهاا فبوسة عميقة كيمص ليها شفتهاا بلغدايد تاكايبغي يسرطهاا ويرجع تاني يبوس كل شفة بوحدها ويمصهاا ويدخل لسانو وسط ثغرها تيجر فلسانها ويغرق فريقهاا وغير بعد تقاد فوقفتو وفنفس لوقت كيقاد سمطة دالسروال ونطق ببحة:مالك؟
رحيل:والو علاش؟
نوح:(جلس قفازي وشاف فيها بجدية) شوفي نتي مالك؟
فديك اللحظة ماسخاتش أنها تهضر وتعاود ليه شنو طرا بينها وبين مو تشكي وتخرج لي فقلبها ولي عمرها تنسااه ولكن مباغااش تكون سباب لمشكيل بينو وبين موو وهي أصلا باقي مانسات ماجرى وباقي لدابا كاتلوم راسها بينها وبين نفسها واخا راه قال ليها نتي مادرتي والو ولكن هي مستحيل ماتلومش راسها.. تبسمات ليه بحنية ونطقات بخفوت:غانكون غير عييت وصاف هادا مكاان احمم لمهم نمشيو لدار
نوح:(ناض) تمشاي ولانهزك
رحيل:لانقدر نتمشى
خرجو من تم راجعين لدار ولقاو مرات بّاسالم موجدة لغداا وطبعا متبعة الريجيم لنوح لي سبق وهضر معاها فهاد لموضوع... تغداو بناتهوم بزوج وطلعات رحيل لبيتهاا باش تهضر مع سيدرا أما نوح خلاتو شاد تلفونو غايعيط لإدريس..
وصلات لجناحها وهزات تلفونها دايرة أبيل فيديو مع مها لي جاوباتها مبتاسمة:وأنا نقول مااال بنتي طايح عليها السر قولي ولد لحاج رجع على سلامتو
رحيل:الله يسلمك اماما عرفتي فرحانة وباقي لدابا ممتيقااش بلي نوح رجع لياا
تانيرت:قلت ليك ابنتي بلي دابا يرجع اجي فين كان؟
رحيل:لعمرة (بدات تاتهضر معاها وتعاود ليها وهي فرحانة وتانيرت كاتسمع ليها وتبسم لفرحتها... تاسالات ونطقات) فين ديك لبخوشة
تانيرت:هاهي جااات (ضورات ليها لكام) دوي مع ماماك
سيدرا:(مخنزرة) وامامي واش مغاتجيش توحشتك أنا
رحيل:قريب نرجع وغانجيب معايا واحد لكادو زوين غايعجبك
سيدرا:شنو هو؟
رحيل:تانجي وتشوفيه ماتقولي ليها اماما والو وصي تابابا مايقول والو
تانيرت:كوني هانيا ابنتي
بقات مجمعة مع سيدرا لي دغيا طلقات لبشارة ودعاتهوم ومشات بدلات عليها بحوايج مريحة وحطات راسها ونعسات...
داخل بخطوات تقيلة لجناح ولقى رحيل ناعسة حط تلفونو يتشارجى جنبها وتحدر باسها فحنكهاا مامرة مازوج وخشى وجهو فعنقها تيشم ريحتهاا لي مخلياه يسكر.. مدة وهو جالس جنبهاا تايقيس فجنوكها ويخطف بوسة فشفتها وفحنكهاا قبل ماينزل لتحت عند بّاسالم...
شبعات نعاس وناضت تتكسل وضور راسها هنا ولهيه قبل ماتنوض بتتاقل غادة لحمام تقضي حاجتها وغسلات وجهها وسنانها وخرجات بزربة فاش سمعات صوت تلفون نوح كيصوني ..كانت نمرة مامقيدهاش عندو صونات عليه تلاتة دلمرات ولمرة الرابعة هزاتها وشدقبل ماتهضر سمعات صوت أنثوي غريب عليها وفيه بحة حنينة:ألو
يتبع...
التعليقات
لا توجد تعليقات بعد، كن أول من يعلق.