محتوى القصة
} إن التمادي في العناق....أمان {
عقلها فديك الساعة مكانش كيفكر فقط تبعات أحاسيسها فهاد الساعة وشنو فتى عليها قلبهااا.. مضورة يديها على خصروو ودافنة راسها وسط صدروو وهي تتبكي.. مولفة أنهاا تتخبي مشاعرها ومتتنهارش بسهولة ولكن الأمر متعلق بخوها ولحنين دالعائلة محمد طه لي ديما كان تيحميها ملي كانو صغار واخا هو كان صغير عليها ولكن كان تيقوم بدورو كأخ ليهااا.. كان سندها وكاان توأمها لي كيحس بشنو كيضرهاا وشنو بيها.. علاقتها مع محمد طه واخا تعيى ماتشرحها عمرها غاتقدر توصفها وتعطيها حقها.. أما نوح فتصرفها خلاه يجمد بلاصتو ويدو هازها فلخوا ..تضهشر لوهلة لولة ولكن مانطق ومدار تاشي فعل وخلاهاا تبكي.. صوت بكاها خلاه يكمش حجبانو ويبقا غير كيشوف قداموو فلعدم.. تاحس بيها بعدات عليه بزربة وشافت فيه بشوفة مصدوومة قبل ماتخطااااه بخطوات سريعة تاولات تتجري.. ضور وجهو كيشوف فيها تاغبرات مع لكولوار عاد رجع شاف قداموو.. تنهد ورجع شعرو لور ونزل عينو جهة صدرو وبالضبط الجهة فين كانت حاطة راسهاا وبقا كيشوف فيه وهو ساااهي..
حلات لباب دلحمامات وغير دخلات سدااتو وتكات عليه وهي تتنهج.. صدرها غايخرج من بلاصتوو مدات يديها زولات نقابها او وجهها كان كولو حمررر وعينيها مدمعين وحمرين.. كلما تفكرات هي اش دارت تتبغي تحفر الأرض وتخشى فيها.. لوجه لي يشوف فيه مبقااااش عندهاا حشمات ومرگااات.. هي اش دارت؟؟ وهو اش غايكووون تيقول مع راااسو دااابااا؟؟ علاااش فكل مرة تتشوفو ضروري مادير شي حاجة لي تحاااشم معاااه بيها؟؟ نقولو ليلة لي عتقها مكااانتش دايرة ليهاا حسااااب ولكن نهار لخيل هي عارفة راسهاا متتعرفش تركب فيه ومع دلك حطات راسها فداك لموقف لباااايخ وزيد عليها نهار شافتو فالخدمة ولكلام لي قالت ليه ولكن هادشي كولو مكيسوى والو قدااام هاد لغلط لفضيع لي دارت.. قربات جهة لمرايا وبدات تتشوف فراسها وهزات يديها ضربات وجهها بحركة خفيفة: هاوويلي هااااااويلي هااااااااويلي نتي ااااش درتي ارحيل ااااش درتي هء هء هء
جاتها لبكية عاااود وهاد لمرة حيت حشمااات منوو ومن تصرفهاا.. السيد جا يواسيها ويسولها وهي تلاحت عليه معنقااااه.. نزلات راسها لتحت ونطقات بصوت هامس:هووو اش غايقول علياااا أنااا كيفاااش غانقدر نشووف فوجهوو بحال الامادرت والو
طلقات روبيني وبدات تتغسل وجهها لي حاسة بيه كيفوووور.. بقات مدة على ديك لحال قبل مادخل لطواليط باااش تقضي حاجتها وخرجات غسلات يديها ونشفاتها هي اوجهها عاااد خرجات من تم وهي تتمشى بشوية وفبالها غير لفلاش لي طرا قبل شوية... وصلات لعندهوم ومع هزات راسها بان ليها نوح واقف مع باها فالجهة لخرا كيهضرو.. عضات على شفايفهااا تاتمدقاااات دم ويديهاا كلاو داك السغڤيت وهي تتنتف فيه.. هز عينو بلخطفة وشاف فيها ولكن ماطولش رجع قلب وجهو وديك لحركة خلات رحيل تبغي تخشى فالأرض ومتبااانش ليه.. تمشات جهة ريان لي كان جالس فالدروج وجلسات حداه وهو غير حس بيها هز راسو ودرعهاا عندوو تاتخشااات فيه مغمضة عينيهاا..
فالجانب المقابل كااان واقف نوح هو وإدريس لي بدا كيعاود ليه حالة محمد طه ولكسيدة لي كان دار شحاال هادي ولهضرة لي قال ليه الطبيب.. ونوح كيسمع ليه بتركيييز تاسالا ونطق إدريس: قالو لعملية صعيبة بزااف وفيها خطوورة عليها غتاخد وقت طويل
نوح:لحمدلله ربي بين ليكووم هاد لمرض قبل مايفوت لفوت (كمش حجبانو) قلتي ليا عندو أعراااض زعمة مارديتوش ليه لبااال فحالتو ومبانش ليكووم بلي شي حاجة غريبة فيه؟؟
إدريس:(حك لحيتو ونطق بصوت عياااان) لا وأصلا محمد طه من طبعو كيخبي يعني واخا يحس بهادشي مغايقولش باش مايخلعنااش
نوح:(حط يديه على كتفو وقال بجدية) ريح راسك اسي إدريس بنتي لياا عيااان
إدريس:(حرك ليه راسو) أنا بخير بلاماتخمم اولد لحاج
نوح:متأكد؟
كاان بااين فيه عيااان وجهوو صفر وعينيه داااخلين وتحت منهوم زرق وفموو بياااض ومع ذلك كااان باقي واااقف وصامد.. تكى إدريس على الحيط وهو كيتنفس بالجهد ومد يديه جهة الشوميز بدا كيحلها ورجع حط يديه على صدروو وبدا كيمسد فيه ويسرط فريقوو بالتقالة.. عينين نوح كانو عليه وعلى حركاتو لي خلاوه يشك..قرب جهتو وقال:نتا بخير؟
حرك إدريس راسو باه رغم ان حالتو تتبين لعكس.. بقا على ديك لحاال ومرة مرة يمسد جهة صدروو تاتحرك من بلاصتو وهو يحس بالدوخة مد يديه حطها على كتف نوح لي بدورو شد فيه مزيااان وتمشى بيه جهة لكراسى وتانيرت غير شااافتو وهي تغوووت وقربات جهتو:إدررريس مااالك
كلهوم نااااضو بالخلعة ورحيل قربات جهتو:باااابااا
جلسو نوح وبدا كيحل ليه الصدايف لفوقانيين باش يتنفس وشاف فيهوم هوما لي تجمعو عليه وغووووت: خليووووه يتنفس
شد ليه فوجهو وإدريس بدا كيغيب.. جبد تلفونو سيفط لبيسان مساج ورجع مكالي ليه راااسو.. وتانيرت تاتبكي وهي معنقة أسماء ورحيل لي تاهوما بكاهوم كيتسمع فداك لكولوار وريان شاد راسو وبقا غااي جااي وإسلام تلف.. غمض إدريس عينيه غييب وراسو طااح على يدين نوح لي نطق بصووت عالي:سي إدرررريس..
جايا تتجري وهي شادة السمعات فيديها وموراها لفرملين جاريين بياااص.. بان ليها الزحااام فداك لكولوار لي دغيااا عماار بالناااس لي بقاو تايطلوو يشوفو اش كااااين.. بقات تتبعدهوم تبان ليها نوح شاد ليه راسو وهي تنطق بسرعة:ماااالو؟
نوح: كريز
حطات السمعات على صدرو ومدات يديها حطاتها تحت نيفو وشافت فلفرملين وغوتات بصوت عالي:
جيبووو لبياااص لهناا (شافت فنوح وفإسلام) عاونوني نهزززوه وبشوية
تعاونو عليه تاهزوه وبداو كيدفعو لبيااااص وهوما كيجريووو بيه وكلهوم تبعوهااا تادخلاتو لواحد الشومبر وسدات لباب عليهوووم وبقا نوح واقف تايدوز يديه على لحيتوو وتانيرت طااااحت الأرض تتبكي وتشهق: إدريييييس هء هء ويااااااربي تحفظوووو ليااا ياربي خوووووود من عمرررري وطول ليااا فعمرووووو
تتبكي وضرب وجهها ولبنات شادينها وتاهوما كااانو كثر منها مخلوعااات وغير تيصبروو راسهوم.. قرب ريان جهة لباب باغي يحلو وهو يشدوو نوووح ونطق:خليها دير خدمتهااا
ريان:(شاف فيه بملامح مخلوووعة) ماااالو علااااش سخف
نوح:(كمش حجبانو فيه ونطق بصوت هادئ كيحااول يهدنو) هو بخير ماتخافش
ريان:(حرك ليه راسو بلا) هو عمرو غيييب بابا مريييض يااااك؟
كان بحال شي ولد صغييير فديك الساعة ونوووح كااان حاس بيه وعاااارف شعورو هاااد لحظة.. جروو لعندو معنقوو وريان بدا يبكي ويزير عليه فالتعنيقة.. ريان هشيش بزااااف وقاااصح فنفس لوقت.. هو ديجا كيلوم راسو على مرض محمد طه وبلي هو السبب وداباا فاش طاح باه تاهو حس بلي هو الشخص الملام الوحييييد وسبب الكارثة كلهاااا.. بقا نوح معنقوو وعينوو مشات لعند رحيل لي كااانت معنقة تااانيرت وتتبكي تاهي.. بقاو فيه بزاااف وعارف بلي الأب عندو دوووور كبير فحياااة ولادو وهو السااارية لي تتكون هازة لحمل ونهار يطيح تاطيح السااارية وتتريب الداار.. بعد عليه ريان وهو مراضيش كيمسح دموعو ومشى لواحد لقنت وبقاا واقف تم.. مدة وهوما على حالهوم تاتحل لباب وخرجات بيسان وغير شافوها تجمعوو عندهاا وريان هو أول وااحد.. نطق: بابا بخير
بيسان:(تبسمات ليهوم باش ماتزيدش توترهوم) لمريض جاتو نوبة قلبية ومن حسن حظو كان قريب ليناا ودخلنا فلوقت لمناسب وعتقناااه وباش نزيدو نتأكدو من حالتو درنا ليه فحص دقات القلب وغانخليوه هاد الليلة هناا باش يرتاح لي نبغي منكوم هو السيد يبعد على الستريس
أسماء:هو أصلا سبق ليه وجاتو كريز شحال هادي
شافو فيها كاملين وهوما مستغربين حيت عمرهوم عرفو هادشي خصوصا انها كانت لفترة لي تانيرت دخلات كومة وريان كان تيتعالج ورحيل كااانت فالداخلة..
بيسان: لي غانقول ليكوم هو السيد خصووو يبعد على لمشاكيل ويبقاا مرتاااااح وغانعطيكوم نظام غدائي صحي يتبعوو مع الدواا تاهو لي غانعطيكوووم وخصو يبقا يدير لكونطرووول كل مرة باااش مانطيحوش فشي مشكيل من هنا لقدااام.. دابا هو غايبقا هاد ليلة هنااا يرتاااح مكاين لاش تخااافو داباا ويقدر يبقا معاه غير واحد فيكوووم
تانيرت:(قربات جهتها تتمسح دموعها) نبقا أنا ابنتي
بيسان:واخا دخلي عندو..
جر نوح بيسان مبعدها عليهوم وشاف فيها بجدية:ممخبية والو؟
بيسان:(حكات حاجبها ونطقات بهدوء) تت لي قلتو ليهوم غانقول ليك السيد خصو يبعد على لمشاكيل والستريس راه لقلب ممعاهش لعب اخويا (سرطات ريقها ونطقات بصوت حزين) راك عارف لي كاين
نوح:(ضور وجهو وشاف فبعيد ونطق بصوت هادئ) ولدو عندو ورم دموي فالدماغ وهو دابا فلبلوك وتاحد معاطهوم خبار عليه
حكات بيسان حاجبها ونطقات بهدوء:شنو سمية ولدو؟
نوح:محمد طه التجاني
بيسان: غانسول عليه وباشما كان نجاوبك
مشات بيسان لخدمتها ونوح قرب جهة ريان وحط يديه على كتفو:شوية دابا
ريان:(حرك راسو) اه وسمحليا على قبيلة
نوح: ماشي مشكيل
إسلام:(قرب جهتو) شكرا ليك
نوح:هادا واجب السي إدريس قيمتوو عالية عندي
إسلام:الله يكبر بيك (مد يديه) إسلام
نوح:(سلم عليه) نوح ولكن الأغلبية كيعيطو لياا بولد لحاج
إسلام:مشرفين اولد لحاج
ريان:(شاف فيه مدة) نتا هو لي عاود ليا عليه محمد طه وقال ليا بلي رحيل خدامة فل maison de voiture ديالك
نوح:هو أنا
ريان تبسم ليه بلخف ورجع كل واحد فيهوم واقف فالجنب ولبنات جالسات حدا بعضياتهوووم.. مع دازت ربع ساعة صونى تلفون نوح وكانت بيسان..بعد عليهوم وجاوبها بهدوء:امدرا؟
بيسان:لوبغاسيون باقي مسالات ولمريض حالتو مستاقرة باقي لوبغاسيون غاطول حيت حساسة بزاااف
نوح:واخا
رجع لعندهوم ونطق بهدوء:محمد طه حالتو مستاقرة ولوبغاسيون باقي مسالات
أسماء:(شافت فيه) واش باقي غاتعطل؟
نوح:على حساب
رحيل:(شافت فأسماء ونطقات بهمس خافث) قلبي كيضرني..
غابت لگمرة وجات بلاصتها الشميشة لي نورات سماهاا فجووو سخوون وزوين.. كانو باقيين على حالتهوم لبنات مسندين بعضياتهووم وريان جالس فالدروج وإسلام ونوح مشاو يجيبو ليهوم لفطوور.. فديك الساعات لقليلة تعرف إسلام على نوح وكل واحد فيهوم رتاح لتاااني.. رجعو من واحد المخبزة جايبين معاهوم لفطور ولكاافي ليهوم.. وقف نوح على لبنات وهزات رحيل عينيها فيه ولكن فلبلاصة رجعات نزلاتها وسمعات صوتو لي نطق: كولو شوية باش تقدرو تكملو هاد النهار لي يالاه بادي
رحيل:(خدات لكافي وديك لخنيشة لي عطاها ونطقات بخفوت)شكرا
مد لأسماء كاسها ورجع جهة ريان وإسلام لي جالسين فالدروج حاطين فطورهوم.. خدا قهوتو لكحلة أو وقف حداهوم بهدوء..
حل إدريس عينيه وهو حاس براسو فشلان ضور راسو جهة تانيرت لي كانت ناعسة فلكرسي وتنهد.. بشوية ناض باش مايفيقهتش وزول السيروم ونزل تيلبس صباطو ويسد فصدايف الشوميز لي لابس.. ومع لحركة حلات تانيرت عينيها وغير شافتو وهي توقف وقربات جهتو ونطقات بصوت خائف:علاش نضتي من بلاصتك هااا دوز جلس ترتاح
إدريس:راحتي هي راحة ولادي اتانيرت إينو
تانيرت:(عينيها دمعو) ومكتفكرش فحالتهوم كيف غاتكون الاوقعات ليك شي حاجة هااا.. لبارح كان غايخرج عقلنا فاش شفناااك غيبتي واااش باغي تقتلني بلخلعة هء هء
بدات تتبكي وهي دافنة راسها فيديها وهو قرب جهتها عنقها وقال بصوت حنين: أنااا بخير اتانيرت إينو ماتشطنيش راااسك
تانيرت:(بدات تتسمح دموعها) خصك تفطر باش تاخد دوااا لي خرجات ليك الطبيبة
إدريس:واخااا
خرجو من الشومبر ولبنات غير شافوه ناضو جهتو معنقينووو بزوجات دقة وحدة ورحيل دفنات راسها فكتفو وقاااالت ببكاء:خفناااا عليك بزاف ابابا
أسماء:نتا بخير يااااك
إدريس:(تبسم ليهوم وشد كل وحدة بيد وقال)ماتخافووش باااكوم بخير
قرب ريان تاهو جهتهوم مداحس معاهوم وباس ليه راسو وقال:على سلامتك ابابا
إدريس:الله يسلمك اولدي
جلس فلكرسي ولبنات فجنبو ومشى نوح جاب ليه فطور صحي كيف علماتو بيسااان وجاب ليه تادوااا.. ومد ليه لبلاطو وقال بابتسامة خفيفة: سي إدريس لحكومة قالت ليك كمل داك لبلاطووو كولو
إدريس:(شاف فلبلاطو ورجع شاف فنوح وقال بابتسامة تاهو) زعمة مافيهااش لملاغة هه
تبسم ليه نوح وإدريس بدا كيفطر تاهو وكل مرة تانيرت تمد ليه شي حاجة.. كانت مرقباه بخلسة وابتسامة خفيفة على شفتهاا.. تعاملو مع باااها وكيفاااش ليل كولو وهو واقف معاهوم مخلاهووومش وجاب ليهوم لفطووور.. هادشي كولو هي لحظاااتو شي لي خلى قلبها يضرب بدقااات سريعة وحناكهاا سخاااانين وحمرررين... حدرات راسها وبدات تتحرك فديك الطااس دلقهوة وهي ساهية...
كمل إدريس فطورو وشرب دواه وجلس كيتسنى خباار على محمد طه.. كانت الساعة تسعود دالصباااح خرج لبروفيسور لمكلف بحالة محمد طه وفجنبو بيساان لي كانت تتهضر معاه وتستفسر منو لحالة واخا ماشي ضومينهااا.. إدريس غير شافو وهو ينوض قرب جهتو وتبعوه تالخرين ولبروفيسور شاف فيهوم بهدوء: جيت نطمنكوم لعملية سالات ولحمدلله موقعو لينا تاشي مضاعفااات فوسط لبلووك ولمريض رااه نقلناااه دابا الإنعاااش غايبقااا تماا هاد لفترة على مايصح حيت واخا لعملية نجحات ولكن ماحدو مفاقش مغانقدرش نعطيكوم تقرير شامل لحالتو (شاف فبيسان وتبسم ليها) دكتوغ السليماني نتلاقاو ابخي
بيسان:داكوغ Professeur
مشى لبروفيسور وبيسان شافت فيهوم: دخلت بنفسي الإنعاش وطمنت على لمريض حاليا حالتو مستاقرة والورم استأصلوووه ولجراحة دازت دقيقة بزاف ولبروفيسور بوزگري بنفسو أشرف على لحالة ديالو مع دكتوغ زهروني.. دابا لي غايخصنا نتسنااو يفيق لمريض باش نشوفو استجابتو لعلاج وباش نزيد نوضح ليكوم كل عملية كيكون عندها مخاطر ديالهاا عليها نتوما خصكوم تحطو جميع الاحتمالات فبالكوم
إدريس:نقدر نشوفو ابنتي
بيسان:(تبسمات ليه بهدوء) أنطغدي ولكن باش طمن عليه اندخلك عندو خمس الدقايق تشوفو غير من الزاااج حيت ماتقدرش دخل عندو لداخل حيت حالتو حساسة شوية
إدريس:(حرك ليها راسو)واخا
شافت فنوح وغمزاتو وتمشات مع إدريس للإنعاش لي مكيدخل ليه حد.. تحل باب لسونسور وخرجو فداك لكولوار لي كان خاااوي مافيه حس لبشار من غير صوت الأجهزة الطبية وقفاتو قدام الزاج لي كيطل على محمد طه لي كان ناعس وصدرو عريان ودايرين ليه بزاف دالسلوكة فصدرو والأوكسيجين فنيفو وفراسو دايرين ليه واحد لكاسك كولو مشبك.. مغمض عينيه وصوت أنفاسو لي كيتسمعوو بهدوء.. شوفتو فديك لحالة خلات إدريس يتزير من لداخل.. بصح لعملية دازت بخير ولكن هادشي مكيعنيش راه صافي لخطر زااال عليه.. همس إدريس بصوت خافت يادوب كيتسمع: نتا دابا بين يدين الرحمان لي غايرد ليك لباال فغيبتي وحضوري..
شاف فيه شوفة اللخرة وضااار جهة بيسان لي تبسمات ليه وقرب جهتها وقال بامتنان:شكرا ابنتي
بيسان:هادا واجب
طلعو فلسونسور تاوصلو لطبقة لعادية وهي تفرقات معاه غادة تكمل خدمتها بينما هو رجع لعندهوم فين خلاهوم جالسين تبانت ليه واقفة بجلابة فلكحل وشعرها ليموني جمعاه بقراصة او وجهها صفر نقطة الدم مافيهش.. كمش حجبانو ونطق ببرود :كلثووم..
بخطوات تقيلة كان غادي جهتهوم وعينو مشات لتانيرت لي كانت واقفة وعاقدة حجبانها وباين من الشوفة بلي وقعات شي حاجة قبل مااايجي.. وكلثوم مازولاتش عينيها عليه تتشوف فيه بعيون مشتاااقة.. اخر مرة شافتو هو نهار المحكمة فاااش طلقهاا ومن تماا مشافتوو وماسمعت عليه خبااار.. شوفتو خلى قلبها يرجع يتزير عليهاا ولحد الان مبغاتش تستوعب بلي هي وياه مطلقين وبلي هو رجع مع لمرا لي سكنات قلبو وروحو هاد السنين كولهاا.. تخطاها إدريس ومزادش شاف فيها ولاتسوق بل مشى عند تانيرت وقاس وجهها ونطق بصوت هامس:مالكي؟
تانيرت:(تبسمات ليه) والو شفتي محمد واش هو بخير
إدريس:(تنهد) بين يدين الرحماان
تانيرت:اجي نخرجو لبراا يضربنا شوية دلبرد
شد فيديها وتمشاو بزوج تحت نظرات كلثوم لي كااانت غاتموت بلغيرة ولحسد.. حكات عنقهاا وغير غبرو قدام عينيها قلبات وجهها جهة أسماء ونطقات بسخرية: بلاصة ماتجي فصفي جيتي فصف ديك الشلحة هه دغيا قلباتك عليا وخلاتك تنساي مك لي هزاتك فكرشك تسع شهووور هااا
أسماء:(شدات راسها بين يديها وقالت بصوت بارد) عمرك غاتبدلي
تخطاتها أسماء غادة تاهي لبراا وبقات غير كلثوم لي عينيها تيشوفو فرحيل وريان وإسلام لي تاواحد معبرها بحال الافيها لجداااام.. جلسات فكرسي بعيد عليهوم وبالها مع محمد طه لحنين ديالها.. هاد لفترة كلها كان محمد طه على تواصل معاهاا حيت واخا دير لي دارت تتبقى موو مسمحش فيهاا وكان ديما كيسيفط ليها شي براكة باش تصوڤي راسهاا.. لهضرة بيناتهوم كانت غير على أحوالو وأحوالها عمروو جبد ليهاا باه فخطرة ولاشنو كيطرا معاهووم واخا كانت تتبغي تجبد ليه لسانو ولكن هو ممخليش ليها فين تجيب لخبااار.. ولبارح بقات تتصوني عليه ولكن تلفونو طافي داكشي باش صونات لأسماء لي علماتها اشنو وقع وخرجات فنصاصات الليل شادة لكااار لمراكش..
🔙🔙
وقفها الطاكسي قدام السبيطار ونزلات تتجري وتعكل فجلايلها وعينيها كيضورو هنا وهنا تبانو ليها واقفين فلكولوار وعينيها مشات ديريكت لتانيرت لي واقفة تتهضر مع أسمااء وترجع ليها شعرها لور وأسماء تتبسم ليها.. مجرد مشافت داك لمنظر دمها غلى وفاااار مكفاهاش خدات ليها إدريس زادتها تابولادهاا خلاتهوم يسمحو فيهاا ويبغيوها هي خصوصا أسماء لي مكانتش بزاف على تواصل معاها وقليل فين تتعيط ليها.. قربات جهتهوم بخطوات سريعة وجرات تانيرت من يديها على غفلة منها ومنهوم كاملين لي مكانوش دايرين حساب يشوفوهاا..
كلثوم:(غوتات فوجه تانيرت وهي مخرجة عينيها فيها) هااااادشي لي كنتي باغاه الشلحة هااااا خديتي ليااا راجلي وزدتيها تابولاااادي فرقتيني عليهوووم وحرضتيهووووم ضددي ودابااا باغا ترزيني فولدي
تانيرت:(كمشات حجبانها ولوهلة بقات ساكتة ومصدومة من شوفتها ولكن مجرد ماسمعات هضرتها وهي تشعل) اشمن رااااااجل واقيلة بنتي لياااا اكلثووووم نسيتي بلي هاداااك رااااجلي ونتي لي دخلتي بناااتنااا وفرقتينااا أو ولااادك مبعدتهووومش عليك والاكنت نتي مولفة ديري هااااد لخصااايل أنااا ماتربيتش عليهوم سمعتي
كلثوم:(مجننة عليها) ايييييه دايرة بحال تاتا تتبدلي لوووون دغيااا ولكن أنااا لي عرفااااك اش تتسواااي والاضحكتي عليهوم هوما أنا ماتقدريش ضحكي عليااااا بكلامك
تانيرت:(خنزرات فيها) لي مولف بالكدوب والتحراميات هنا هو نتي أما انا حمدلله لمعدن دياااالي عمرو تبدل وكيف النااااس عرفوووني النهااار لول كيف باقاا تاداباا
أسماء:(نطقات بصوت جدي) ماما
كلثوم:(شافت فيها وخرجات عينيها من بلاصتهوم) يعطيك لغمة ابتلحراااام عاااد تفكرتي مك فاش شفتيني واااقفة قداااامك هااا ملي كنت سايرة نعيط ليك كنتي تقطعي وماتجااااوبي ابتلحرااام هااا تقولي عدوتك هادي مااااشي مك بعتي مك بالرخيييص (شافت فتانيرت) على قبل البراااااني
أسماء:(حركات راسها بذهول) وااااش نسيتي راااسك نتي اش درتي هاااا وباقااا زايدة فيه
كلثوم:(غوتات تاحلاقمها باااانو) ايييييه اجي ضربيني امتعووووست لياااام زيدي اش تسنااااي ولكن بحاااالك بحااااال تريكة بااااك مافيكوووووم خيرررر غير هو تهنيت منو ومشى لقبر ونتي بقيتي ليااا فعووودي
سكتات أسماء وعينيها على كلثووووم وفنفس لوقت كانت مزيرة على يديها تابيااااضت.. أما كلثوم مع جااات تدوي شافت تانيرت عينيها مشاو لجهة لخراا وهي ضووور تتشوف فإدريس لي كان واقف قدامها..
🔜🔜
جالسة فوق الطروطوار وعينيها على لغادي ولجاااي.. كانت الحركة جهة السبيطار كثيرة هالي جااي يدوز هالي جااي يزور شي مريض هالممرضين لي خارجين لمهم كان الروااج تم.. عينيها كانو كيشوفو فواحد النقطة وهمية وهي ساهية فهضرة مها لي قااالت ليها.. هي عارفة بلي باه لبيولوجي مات وعمرها شافتو وطبعا ماحساتش بفراغو فحياتها حيت إدريس عووض ليها داك لفرااغ وعطاها لحب ولحنان كأنها بنتو وماشي ربيبتو.. ولكن هضرة مها ليوم خلات واحد لجرح مخبي يتفتح لطالما كانت تتشوف كلثوم مايلة بزاف لمحمد عكسهاا هي وطبعاا السبب كان واضح وأسماء كانت عارفاه..حيت هي ماشي بنت إدريس عليها كلثوم ممربياش عليها لكبدة بحال طه وهادشي كان تيقتلها من لداخل..
حيت هي ماشي بنت إدريس عليها كلثوم ممربياش عليها لكبدة بحال طه وهادشي كان تيقتلها من لداخل.. كلثوم من صغرها وهي مربية فيها لحقد ولحسد ولغيرة بين خوتها خصوصا رحيل.. ديما كانت تتعمر ليها راسها عليهاا وفهاد اللحظة زارتها واحد الذكرى دازو عليها سنواااات كثيرة...
🔙🔙
كانت أسماء فعمرها خمسنين بنت زوينة وحرفاتها قهويين.. جالسة فالصالة بكسيوة وشعرها جمعاه شفنجة وتتلعب بواحد لمونيكة كان جابها ليها إدريس.. هزات عينيها جهة رحيل لي كانت فعمرها عماين وكانت يالاه تتعلم توقف وتمشى.. واقفة مع السداري تتخطي بخطوات معكلين وتشوف فيها بعويناتها لخضرين لبريئن وشعرها الزعيعر لي طوال ليها تانزل ليها على جبهتها.. بدات تتحرك يديداتها جهة أسماء وتنطق بصوتها الطفولي: يايا يايا اوووووااا
ناضت جهتها أسماء مبسمة أو وقفات حداها شادة ليها يديها باش مطيحش وبدات تتمشيهاا.. تاجات كلثوم وغير شافت لمنظر ديال أسماء كيفاش عاطية لخاطر لرحيل وهي تعصب مبغااااتش تكون بناتهوم علاقة اخوة وبغات ديما رحيل تكون مهمشة.. قربات جهة أسماء جرات ليها يديها تاطاحت رحيل على ترمتها وهي دلي شنيفاتها ولكن مبكاااتش.. أما كلثوم شافت فأسماء وقالت بهدوء: نقول ليك واحد لحاجة ابنتي ولكن تبقا بناتنااا
أسماء:سنو هي ماما
كلثوم:(شافت فرحيل ورجعات شافت فبنتها) باباك شرا واحد لعبة زووووووينة لرحيل وخباهاا ليها تاتكبر ويعيطهاا ليهاا ونتي شرااا ليك غير ديك لعبة الصغيرة
أسماء:(كمشات حجبانها باغا تبكي) وأناا علاس مخداهاس ليااا اماما
كلثوم:(بتصنع) حيت رحيل عزيزة عليه بزااااااف ابنتي وهي صغيرررة ماشي بحالك كبيرة
أسماء:(بدات تتبكي) ولكن تاأنا صغيرة ماما هء هء هء
كلثوم:(بدات تتعنق فيها وقالت بصوت هامس) هي صغيرة عليك وهو كيدير ليها لخاطر شفتي داك النهار خرجها ونتي لا أصلا باباك كيبغيها كثر منك نتي
أسماء هزات عينيها جهة رحيل لي كانت تتشوف فيهاا ومدلية شنيفاتها وهزات يديها ضرباتها لوجهها تاقفزات رحيل وبدات تتبكي وأسماء دفنات راسها فصدر مها وقالت تاهي ببكاء: هء هء بابا دياااالي أناا بوحدي هء هء
بقات كلثوم تتعنق فيها وتسكتها وهي مبسمة وعينيها على رحيل لي كانت تتبكي وحالتها تقطع فلقلب ولكن هي هادشي لي كانت أصلا باغا..
🔜🔜
هاديك كانت غير شوية من بحر داكشي لي دارت كلثوم ولي خلات أسماء ديرو تاهي.. كانت تتحرضها على رحيل تابدات أسماء تتكرهها وخصوصا فاش كانت تتشوف إدريس كيفاش راد ليها لبااال واخا تاهي كان عاطيها حقها وعمرو فرق بناتهوم الاأن داك لخوووف من أنه يقدر يخليها حيت ماشي باها لحقيقي كان تيزيد يخليها تشبت بكرهها لرحيل وفاش كانت تتشوف تاكلثوم كيفاش تتعامل محمد طه كملات لباهية وبدات تتبرد من جهتهوم.. أسماء اكثر وحدة عارفة مها اش تتسوى وبيما أنه قدرات تزرع داك لكره فقلب بنت صغيرة ولي هي بنتها من لحمها ودمها راه تقدر دير أي حاجة وخير دليل لفعااايل لي دارت شحال هادي.. تنهدات أسماء وهزات راسها فريان لي جلس حداهاا ونطق بهدوء:صافا؟
أسماء:تت (تنهدات) عرفتي بعض لمرات كنحسدك نتا ورحيل؟
ريان:علاش؟؟
أسماء:حيت خالتي تانيرت هي مكوووم (تبسمات ليه بحزن) ماشي بحالي أنا ومحمد طه لي (بسخرية) مناا هي كلثوم
ريان:(شاف فيهاا وبهدوء) حنا مانقدروش نختارو واليدينا شكون الحشايشية
أسماء:(بهمس) تيقني كون قدرت نديرها كون ختاريت تانيرت هي لي تكون ماما
فهاد لخمس سنين لي عاشت هي وتانيرت مع بعض قدرات تزيد تعرف عليها وتشوف ديك لحنانة لي عطاتها وكيفاش كانت تتنصحها وكأنها بنتها لحقيقية عمرها ماافرقات بينها وبين رحيل وتافاش عاودات ليها أسماء على شي لي وقع بينها وبين آدم أو وليد تصرف تانيرت كان عكس تماما تصرف كلثوم نهار اقتارحات عليها تحمل من آدم وهاديك كانت مجرد نقطة من نقط الاختلاف لي لحظاتهوووم أسماء بعينيها.. حسات بريان عنقهاا وهي تكى عليه ونطقات بصوت هادئ: واخا مكنحملكش راك عزيز علياا
ريان:(قلب عينو وقال ببرود) كي شتي أناا كنموت عليك
----
كان جالس إدريس هو وتانيرت فالطوموبيل لور وتانيرت حاطة راسها على كتفو وهي تسمع صوتو لي قااال بهدوء:قالت ليك شي حاجة؟
تانيرت:ماتخممش ليها وبلاماتصدع راسك بدوك لمشاكيل لخاوين
إدريس:(حرك راسو) هي قالت
تانيرت:(هزات راسها وتبسمات ليه) تقول ولاماتقولش هي مكتهمنيش لي كيهمني هو نتا أيولينو "اقلبي"
إدريس:(تبسم ليها وحط يدو على وجهها كيتلمس حنكها بحنية) نتي أو ولادي هوما أهم حاجة عندي فالدنياا
تانيرت:(شدات يديه وباستها وقالت بحب) ونتا هو كلشي عندنا الله يخليك ليناا ويطوول فعمرك تانشوفو حفااااد حفايدنا هه
إدريس:آمين
شد وجهها بين يديه وتحنى طابع بوسة على جبهتهاا وبقااا مطوول فيها تاسمع صوتها لي قالت بخبث طفولي:شنو تاديرو ابّا ديدي..
بعد إدريس على تانيرت وعوج راسو وعينو كيشوفو فسيدرا لي كانت واقفة جهة لباب لي مكانش مسدود وهي تتشوف فيهوم بعيونها لمبطنين وتتحرك حجبانهاا ليهوم شي لي خلاه يتبسم وقال بحب: نخشيشة جدها اجي عندي
طلعات سيدرا تتزاحم تانيرت لي عطاتها ضربة حفيفة فمؤخرتها وهي مبسمة تتشوف فإدريس لي جلسها فوق ركابيه معنقها وهي تتبوس فيه.. ربعات تانيرت يديها وقالت بغيرة:وأنا بت معااك اضرتي؟
سيدرا:(تحنات جهتها وباستها فشفايفها وقالت) تانيرت إينو أنا توحشت بّا ديدي بزاف
تانيرت:وأنا
سيدرا:تانتي ولكن هو بزااااف
رجعات عنقاتو تعنيقتها لمفضلة وهي حاطة حنكهاا على حنكوو وتتلمس بيديها لحنك لاخر ونطقات بصوت طفووولي: حبيبي الأسمرااااني تااع قلبي
ضحكات تانيرت وإدريس تاهو تبسم تبسيمة طالعة من لقلب.. هاد لبرهووشة هي لي تتقلب ليه لمود ديالو فدقيقة بهضورهاا لي تيخليوه فرحاان ومرتااح..
تانيرت:مع من جيتي؟
سيدرا: رانو هي دخلات ولكن أنا فاش شفت طوموبيل بّا ديدي جيت
تانيرت:ندخلو تاحنا اإدريس
إدريس:زيدي (بتدكر) ااااه ولد لحاج واش مشى
تانيرت:(ضربات جبهتها) يوك يوك نسيت نقول ليك بلي هو مشى عندو شي غراض أو وصاني نقول ليك الابغيتي شي حاجة عيط ليه
إدريس:الله يكثر من خيرو
تانيرت:قال لرحيل بلاماتمشي لخدمة
حرك ليها راسو ودخلو لسبيطار وسيدرا بين يديه.. لقاو رنيم جالسة مع رحيل وأسماء وريان تاهوما مجمعين وإسلام واقف حداهوم.. وفالكراسى لمقابلين ليهوم جالسة كلثوم بوحدها وعينيها غير عليهوم تاشافت فإدريس لي هاز سيدرا وهي تكمش حجبانها فيها..
سيدرا:(شافت فرحيل وقالت باشتياق) مااامي
نزلها إدريس وهي مشات تتجري عند مهاا عنقاتهاا ورحيل بدات تتبوس فيها تحت نقابهاا وكلثوم تتشوف فيها وهي هازة حاجبهاا.. مكانتش عارفة بلي رحيل عندها بنت وبلي أصلا كانت حاملة حيت محمد طه مقال ليها والو.. استغربااات بزاااف وركزات شوفتها فسيدرا لي كانت تتهضر معاهوم وتبوس فريان وأسماء وفاش سالات مشات عند إسلام لي هزها وهي بدات تادلع عليه وهو كيف لعادة لخاطر لي عندو عاطيه ليهاا وبالزيادة.. غير هاد الشوية لي شافت فيه سيدرا عرفاتها هي لمدللة ديال الدااار لي مربية على لخناث ولفشوش.. قلبات وجهها عليهوم ورجعات تتفكر فولدها لي تاحد ماطمنها عليه ولاقال ليها كيف بقاا..
تانيرت وإدريس مشاو لعند بيسان باااش يسولو على صحتو وتشرح ليه النظام لغدائي لي غايمشي عليه وتعطيه الدواا والشباب بقاو جالسين تم.. قربات سيدرا جهة رحيل وعينيها كيشوفو فكلثوم لي كانت حضياهاا من قبيلة ونطقات بهمس:مامي شوفي هاديك لمرا تتبقا تشوف فياا
رحيل:(هزات عينيها جهة كلثوم ورجعات شافت فيهاا بهدوء) ماتخافيش منها امامي
سيدرا:أنا مخيفااش أمامي وأصلا هي خايبة
رحيل:شووو حشومة نهضرو على الناس لكبار بحال هاكا اسيدرا
سيدرا:ولكن امامي نتي قلتي لياا بلي لكدوب حرام ياكي
رحيل:اه قلتها
سيدرا:(هزات كتيفاتها ببرائة) هااء وأنا مكدبتش امامي
حركات رحيل راسها وعينيها على هاد لبخووشة لي والدة ولي طالعة قااااقزة من صغرهاا.. تقولي ليها لهضرة تتبقا عاقلة عليها ونهار تنسايها تفكرك فيهاا.. مولفة رحيل تتحاور معاهاا وهي دغياا تتشد لهضرة والامافهماتش تتبغي تشرحي ليهاا وهي هاكا مربيااها وكولهوووم لي تتسولو كيجاوبها ويعطيها لخاااطر تايشرح ليها بطريقة تفهمها وديما أسماء كانت تتكونطرولي راسها فاش تتكون تاتهضر باش ماتخسرش لهضرة وتشدها من عندها لاهي ولارياااان لي فمهوووم عوووج.. رجعات شافت فيها سيدرا وكمشات حجبانها: مامي بغيت نمشي ندير پيپي
نوضاتها رحيل وشدات فيديها غادة بيها جهة لحمام وكلثوم متبعة ليها لعين تاغبرات..
رجع إدريس هو وتانيرت من عند بيسان وقرب جهة ريان وأسماء وقال بهدوء:نتوما غير سيرو لدار دابا أصلا مغاديش تقدرو تشوفوه وهو فالإنعاش
كلثوم:(غير سمعاتو جبد حس محمد طه وهي تنوض جهتو وقالت بلهفة) أنا بغيت نشوف ولدي
إدريس:(مشافش فيها وببرود نطق) ولدك فالإنعااش ماتقدريش تشوفيه (كمل هضرتو مع ولادو) سيرو نتوما وباشما كان انعيط ليكوم
أسماء:ونتا ابابا مغاتمشيش ترتاااح راه سمعتي الطبيبة اش قالت ليك
إدريس:ماتخافيش عليا ابنتي أنا بخير غير سيرو نتوماا دابا (شاف فإسلام) وصلهوم معاك اولدي
إسلام:هي لولة اعمي تبغيو نجيب ليكوم شي حاجة وأنا راجع
إدريس:لا اولدي
جات رحيل ومشاو لدار وبقاو غير كلثوم وتانيرت وإدريس بتلات بيهوووم.. جلسو فلكراسى مقابلين معاها وإدريس عينو كيشوفو فلبعيد ساهي كيخمم وتانيرت وكلثوم كانت بناتهوم شرارة من النظراات..
وقفات الجيپ دنوح قدام باب السبيطار ونزل منها بسروال توني وقبية وكاسكيط.. حل لباب لوراني ونزل حمد ببات أيوب ومرتو جميعة وأيوب لي كان تاهو جاي معاهوم.. ودخلو ديريكت عند د.أحمد لي كان تيتسناهوم باش يديرو ليه التحاليل لي خاصينوو.. خلاهوم نوح معاه وهو خرج قلب الطريق لجهة فين كاين إدريس هو وتانيرت وكلثوم.. باقين على نفس لجلسة قرب جهة إدريس لي غير شافو وهو ينوض عندو وتبسم ليه: عدبناك معانا أولد لحاج
نوح:(حط يديه على كتفو وقال بجدية) ماتقولش هاكا اسي إدريس وتخليني نتقلق منك
إدريس:الله يحفظك اولدي الله يحفظك
نوح:(كمش حجبانو) مكاين لاش تبقاو هنا من الأحسن تمشيو لدار حيت جلاسكوم هناا مكيفيد بوالو هو راه فالإنعاش ومغاتقدروش تشوفوه
إدريس:مغانرتاح تايفيق ولدي ونخرجو من هنا اولد لحاج
نوح:اوا الاكان على هاد لحساب أنا غناخد ليكوم شومبر ترتاحو فيها حسن من لجلاس هنا
إدريس:بلاااش اولدي
نوح:(قاطعو بجدية) خليك هنا وأناا غانتكلف واخاا
مشى نوح وإدريس رجع جلس فبلاصتو كيعاود لتانيرت اش قااال ليه وكلثوم غير كاضور عينيه.. وكتسول راسها هاداك شكوون وفين كيعرفو إدريس؟؟
دازت مدة قليلة ورجع نوح لعند إدريس وتانيرت وداهوم لشومبر لي شدها ليهوم باش يرتاحو فيها.. تسطح إدريس على النموسية وغمض عينيه باش يرتااح وتانيرت جلسات حداه وشادة ليه فيديه..
نوح:نتا بخير اسي إدريس؟
إدريس:(حرك راسو باه) شوية دلعياا وصاااف
نوح:(شاف فساعتو) خصكوم تغداو راه مشى لحال ونيت تاخد دواك
تانيرت:(شافت فيه) لمهم هو يتغدا إدريس لي عندو دوا ياخدو إيما يانا مافياش الجوع
نوح:(تبسم ليها) ضروري تاكلو بزوج الابغيتو تبقاو واقفين على رجليكووم
---
كانو لبنات كيوجدو لغدا لي طيبوووه وكل وحدة شنو كانت تادير حيت وصلات وقيتة دلغدا.. كانت رحيل تتسوطي لخضرة لي فوروها فالزويتة بلدية مع تومة ولملح ولبزار والربيع وشوية دالسودانية.. كباتها فبواطة وشافت فأسماء لي كاانت تتستف دجاج لي طاب وقالت بهدوء:قولي لريان يمشي يجيب لخبز راه مكاينش
أسماء:(بصوت عالي) رياااان وااااالسالوباااار سييير جيب لخبببببز
ريان:(جاوبها من الصااالة تاهو بصوت عالي) شحااااال غانجيب؟
أسماء:خمسسسسسة
ناض ريان تيلبس بانطوفتو وسيدرا لصقات فيه تاهي باغا تمشي معاه.. خرجو من الدار غاديين جهة لبقال لي تم يجيب لخبز ولقاه عاامر وبقا واقف تايتسنى نوبتو وسيدرا جالسة قفازي تتلعب مع واحد لقطيطة تما وتتقيس فيها وهو حاضيها تاوصلات نوبتو ومشى جهة لبقال ياخد لخبز وسيدرا ناااضت باش تمشي لعندو وهو يبان ليها واحد الشمكار جااي حفياان ولابس غير واحد السروال طايح عليه وشعرو مغوفل وموسخ.. سيدرا غير شافتو وهي تخلع حيت جاي جهتها..هزات عينيها فريان لي كان تيتسخر وشي رجال واقفين وراه ومع بغات تخشى بناتهوم باش دخل عندو حسات بيد تحطات فوق كتفها جراها لجهتو...
كانت باغا تغوت فاش حسات بشي يد جراتها ولكن غير شافت شكون وهي تكمش حجبانها ومدات يديها ليه ونطقات بصوت خافت: إسلامي
تحنى إسلام جهتها هزها وشاف فريان لي خلص وخرج من داك الزحام وهو كيشوف فيه مكمش حجبانو وقال:اش كادير هنا؟
إسلام:(نطق بانفعال)واااش بعقلك اصاحبي مخلي لبنت هنا بوحدها وداخل نتا لتم تسخر
ريان:راه كنت راد ليها لبال
إسلام:(خنزر فيه)اشمن راااد لباااال اصاحبي ونتا گاعما تتبان فالزحام تت سير خود لحليب راه عيطو ليك باش تجيبو معاك ساعة مديتيش مشقوفك عليها جيت
ريان:واخا تسنى
رجع ريان ياخد لحليب وإسلام بقا تيدوز يديه على ضهر سيدرا لي قالت بصوت خافت:خلعني هاداك
إسلام:ماتخافيش اخنفوستي أناا هنا
جا ريان جايب السخرة وعينو على سيدرا لي مخشية فإسلام وهو مستغرب.. هز عينو فإسلام وقال بجدية:مالها؟
إسلام:واحد الشمكار كان جاي وخلعهاا
حرك ريان راسو وجبد ساروتو حل لباب ودخل غادي لكوزينة حط ليهوم السخرة وطلع لبيتو بلامايهضر مع حد أما إسلام كان عارف بلي تقلق من هضرتو حيت هو مكانش قاصد يخليهاا وإسلام خاااف لايكون بدر ولا واحد من رجالو حاضينهوم ويستاغلو لفرصة حيت هو عارف ماحدوو ماتشدش مغايتهدش.. تنهد إسلام وهو جالس فالصالة ومقال ليهوم والو باش مايخلعش رحيل أما سيدرا مشات تتسلت لفوق تاوصلات بيت ريان حلات لباب لقاتو بسروال توني ولفوق عرياان.. جالس فوق النموسية وكتافو يطلعو وينزلو حيت معصب.. قربات جهتو سيدرا تاوقفات قدامو وبانت ليها يديه مجروحة من جهة لعضيمات ديال الصباااع.. طلعات حداه وعنقاااتو فعنقوو بيديداتها وقالت بخفوت:رياااااني حبيبي واش تقلقتي؟
ريان:(مسح وجهو ونطق بهدوء) لا
سيدرا:(بعدات عليه وجات قدامو جالسة فوق ركابيه وبدات تادوز يديها على حنكو) رياني أنا غير خلعني هاداك حيت كان جاي جهتي ماتقلقش حيت غوت عليك إسلامي واخا
شاف فيها وتبسم بهدوء.. بلامايهضر عرفاتو بصح تقلق ماشي حيت إسلام هضر معاه هاكاك نو.. هو تقلق حيت خاف كون طرات ليها شي حاجة خصوصا لوضع دابا مختالف على طبيعي بوجود بدر الدين.. جرها عندو وطاح على النموسية على ضهرو وجلسها فوق كرشوو وهي حطات يديها على عضلات كرشو لي قاصحين وقالت بضحك: رياني علاش هادو قاصحين بحال حجيرة
ريان:حيت كاندير السبور عليها
سيدرا:(هزات تيشورت على كريشتها لي كانت منفوخة شوية وقالت) أناا ماعنديش بحالك ولكن عندي هاد زيتونات (شيرات ليه جهة بزازلو)
بدا كيضحك ريان وتيتهز وهي تاضحك معااه او وراتو بزيزلاتها وهو صافي فشل بالضحك.. جرها عندو وبدا يهر فيهاا وهي تتموت بالضحك وتغوت تاتحل لباب ودخلات رحيل وهي مكمشة حجبانها ومبسمة:هاويلي مالكووووم
ريان:(شاف فرحيل) غناااكلهاا
رحيل:نزلو تغداو باش نديو لغدا لباب وماما يالاه
سيدرا:(نزلات وشعرها تشعكك وتيشورت لي لابسة تكمش) مامي نمشي معاكوم نشوف مودي
رحيل:مغاتقدريش تشوفيه امامي وتاأناا مغانقدرش
سيدرا:توحشت حبيبي مودي مامي
رحيل:دابا يبرا ويرجع ليناا امامي
نزلو لتحت وتجمعو على لغدا وإسلام قرب جهة ريان ونطق بصوت هامس: مكنتش قاصد نغوت عليك أنا غير خفت
ريان:(قاطعو) نتا ماقلتي تاعييب عندك لحق انا غلطت ولمرة الجايا خصني نرد لبال
إسلام:(حط يديه على كتفو وتبسم ليه) الله يرضي عليك هه
ريان:(تبسم ليه وشاف فأسماء لي جالسة تتاكل وجر ليها لخبر) ماتسناايش الحشايشية تايتجمعو كاملين تتاكلي بوحدك كي الطبل
أسماء:(جرات لخبز وخنزرات فيه) الانضت ليك نوريك ماكلة الطبل كيدايرة
ريان:(باستفزاز) نووضي وريني يالاه
كمشات حجبانهاا فيه وماعرف كي دارت تاجات لعندو جراااه من شعرو مع مولف كيديرو كورلي وتايخليه طايح على جبهتو وهاد النقطة كانت لصالح أسماء.. هجمات عليه تاتنتف فيه وتقرص وهو مباغيش يضربها شي دقة ولكن هي متفكاتش معاه وسيدرا تتنقز وتزيد تشعلها بناتهوم تجات رحيل لي شهقات وبدات تتغوت عليهوم باش يفكو ساعة شكون داها فيها... ريان جعراتو ومد يدو ضربها بوكس فجنبها تابعدات وهي حالة فمها وشاااهقات بالجهد..
هذا هو لعب لبناية كانو مازحين تاصدق ضاربها ضربة خلاتها تلوى فبلاصتها.. زواها تاشهقات وهي شادة جنبهاا ومخنزرة فيه وهو بدا تيرجع شعروو وقال ببرود: عاودي مدي يديك فشعري الاماهرست والديك من ترمتك
أسماء:(دفعاتو برجليها محيحة) زااا*مل والله لبقات فيك
ريان:تقوووودي لا
رحيل:اهيااااا نتا ويااااه سكتونااا
خرجات فيهوم عينيها وهوما بقوة الاعصاب نساو سيدرا بلي حاااضرة.. سكتو كاملين ورجعو تايتغداو وريان يضور يضور يهز حجبانو ليها وهي تصبع ليه.. دايرين بحال شي برااااهش تاحد مكيخلي دقتو لاخر.. تغداو وإسلام وريان ناضو كيجمعو لمواعن حيت لبنات مشاو يلبسو حوايجهووم.. طرفات رحيل حالتها وخرجات لبيت لبسات دوبياس وكولون سخووون ومع بغات تلبس بودي تحل لباب ودخلات سيدرا لي هازة مشطة جهتها وقالت بهدوء: مامي تمشطي ليا؟
رحيل:واخا نلبس ونمشط ليك
سيدرا:(قربات جهتها وحطات يديها على لفرقة دصدر مها وقالت بتساؤل) مامي علاش نتي عندك هادي هنا وأنا لا
رحيل:(تتلبس بوديها) فاش تكبري غاتكون عندك بحالي امامي
سيدرا:(كمشات حجبانها) نتي عندك امامي رميمينات ولكن أنا عندي غير زيتونات بحال رياني
رحيل:(باستها وقالت بهدوء) فاش غاتكبري غايولي عندك بحالي امامي وهاد لهضرة ماتقوليها قدام حد واخا
سيدرا:واخا مامي
جلسات سيدرا تتشوف فرحيل لي كانت تتلبس فعباية مستيلية فالگرونة ودارت نقابهااا وحطات غير چلوس حيت فمها تيتقشر.. هزات صاكها وقربات جهة سيدار مشطات ليها شعرها وجمعاتو ليها كوت شوڤال وهزات جاكيط ديالها طويلة حيت ليل تيتحرك لبرد ولبسات لسيدرا مزيان عاد نزلو لتحت كانو كولهوم واجدين ركبو فالطوموبيل دإسلام ورجعو لوبيطال لقاو تم غير كلثوم لي جالسة.. قربات جهتها أسماء وقالت بتساؤل:فين بابا وخالتي تانيرت
كلثوم:(ميقات فيها) بلاصة ماتسوليني على راسي تتسولي على ديك الشلحة حيت هي لي كتهمك ماشي مك
أسماء:(تنهدات وجبدات لبواطة لي دارت ليها غداها فيه وقالت بهدوء) واش مغاتوبيش هاا
رحيل:(عيطات ليها من بعيد)أسماء ااااجي
شافت فيها أسماء الشوفة لخرة قبل ماتخليها وتمشي عند رحيل أما كلثوم فشافت فديك لبواطة فين كاين فجيهة لخضرة وجيهة الدجاج وهي تبسم بسخرية وتمتمات بين شفايفها: باغا تسكتيني بلماكلة چنس ناقص بحال بااااك
---
تجمعو كولهوم فالشومبر فين كاين إدريس وتانيرت لي كانو تغداو قبل حيت نوح جاب ليهوم لغدا وتغدا معاهوم من بعد مشى يقضي شغالو.. جلسو مجمعين وتانيرت تاتنقب من لماكلة وريان متكي على كتفها ومرة مرة تعطيه شي عضة ياكل.. كان بحال شي ولد صغيرر كيتفشش على مو..
رحيل:واش الطبيب ماقالش شحال غايبقا فالإنعاش
إدريس:لا ماحددش
أسماء:بغينا نشوفوه ابابا
إدريس:مانقدروش أنا بزز شفتو صبرو اوليداتي تااايفيق ويديوه لبيت عادية ونشوفوه ديك الساعة
إسلام:وخدمتو اش درتو فيهاا بعدا
إدريس:راك شفتي مامشيت فين
أسماء: راه كمل الشهر ونوغمالمو غايخلصوه فيه كااامل (شافت فرحيل) شوفي تلفونو ياك ماصوناو عليه
رحيل:ماشعلتوووش تانمشيو لدار وفكريني فيه
ريان:أصلا هو تيقول ديما غايخرج من ديك لخدمة
تانيرت:خصو غير يفيق ويرجع صحتو على خير وديك الساعة يشوف خدمة حسن
سيدرا قربات جهة إدريس لي هزها وجلسها حداه وبقات ساكتة تتسمع ليهوم تاسكتوو كاملين وكل واحد فاش كان تيفكر كمشات سيدرا حجبانها وهي تقول بصوت هادئ:بّا ديدي شناهي الزا*مل ؟
شهقات رحيل لي كانت تتشرب لماا وكلشي خرج عينيه فيها وفهضرتها.. أما إدريس كمش حجبانو وقال بجدية:فين سمعتيهاا؟
سيدرا:(أشارت لأسماء) سومة قالتها لرياني حيت ضربها وهو قال ليها تقووودي
ريان بقا كيضور وجهو هنا ولهيه وأسمااء تبلوكااات.. أما إسلام جاتو الضحكة وهبط رااسو تيضحك.. شافت فيهاا أسماء وهي مخرجة عينيها مضناتهااش غاتبقا عاقلة عليهاا وتحطهوم بوجههوم قدام باها.. أما إدريس خنزر فيهوم تخنزيرة دلمووووت وقال بجدية وعينو فعين سيدرا:ديك لهضرة خايبة متبقايش تقوليها واخاا (حرك راسو تيأكد ليها) الاعاودتيها غاندير ليك عقوبة
سيدرا:(عوجات راسها فيه وقالت ببرائة) دير بينيسيون لرياني وسومة حيت هوما لي قالوها بّا ديدي (شافت فيهوم وقالت بجدية) ماتبقاوش تقولو لحشووومة ويلي
رحيل شافت فأسماء لي صافي ولات حمراا باغا طرطق خصوصا أنها تتحشم من باها واخا دير لي دارت باها عندها خط حمررر ولبرهوشة حطاتها بوجهها.. مدات يديها وطلعاتها بقرصة مع ريااان ففخدو وهي تعض على سنيها وهمسات ليه: صافي القواااااد عجبك لحال هاهي فضحاتنا
ريان:(همس ليها تاهو بنفس النبرة ويديه تتحك ديك لبلاصة دلقرصة) قوليها لرااااسك الحشايشية بغيت ليك الجهللل
قلبات أسماء وجهها وشافت فإسلام لي كان باقي مبسم وهي تميقوو تاطلع فيها حاجبوو وقالت بصوت هامس:تهجرررررو..
كان لوقت تايدوز بشوية عليهوم الدراري رجعو لدار حيت وجودهوم فالسبيطار ماعندو تامعنى.. بقا غير إدريس وتانيرت لي كانو مرتاحين فالشومبر وكلثوم لي باقا جالسة فبلاصتهاا تتسنى شي حد يطمنها على ولدها.. أما نوح فمور مدار حمد التحاليل لي خصو يديرهوم عطاوه نهار باش يفتح وكان نيت فهاد السيمانة.. قاد ليه الأمور وخلص قبل وخلى بيسان تكلف حيت هي بنت الضومين.. أما هو شد طريق لفيرمة حيت بّا سالم عيط ليه وعلمو بلي "أيور" لحصان ديالو مريض عليها كان ضروري يحضر.. وصل لفيرمة وبلاصا طوموبيلتو ونزل غادي ديريكت لإسطبل فين كان بّا سالم كيتسناه.. سبق جابو الطبيب لي ضرب ليه إبرا ولقااه ناعس فديك لبيت لخاصة بيه.. دخل عندو وقااس ليه راااسو بحركات حنينة وهو غير حس بيهوم حل عينيه وكحز راسو جهتوو ونوح تحنى باااسو فجبهتو.. هاد لحصان عندو عزيز حيت هادا كادو من عند الحاج إسماعيل السليماني باااه.. بقا معاه مدة تاناض خلاه يرتاح وخرج من تما غادي لعند بّا سالم باس ليه راسو ونطق بصوت مبحوح: بّا امدرا
بّا سالم: راه جا الطبيب شافو بلاماتخمم اولد لحاج نتا عارف "أيور" صبااار بحال مولاه
نوح:(شاف فبعيد ونطق بهدوء) بعض لمرات ابّا تتهد ملي تتكون هاز فوق طاقتك
بّا سالم:لواحد يرخف على راسو ومايشدهاااش ملين تقااالت راه الدنياا هي هادي اولدي
نوح:(تبسم ليه ورجع باس راسو) ليوم غانبات هناا مافيا لي يشد الطريق عاود
بّا سالم:زيد راه خالتك زهور دارت الرفيسة ليوم
نوح:(تبسم تاتكمشو عويناتو وقال) الله تاماخيرت نربي "الخير دسيدي ربي"
ركب الطوموبيل هو وبّا سالم وكمل طريقو لفيرمة لداخل تاوقف طوموبيل حدا باب الجردة ونزل وعينز كيشوفو فالجنان لي حدا الدار فين كانو زارعين الديسير.. عينو ضارو جهة لخضورية دالربيع ولما لي كان مطلوق فالأرض كيسقي الربيع داليجانكتور شاااعل مضوي تمااا وضارب فلبلاصة كلهاا.. خشى يديه فجياب القبية ودخل لدار لقا زهور مرات بّا سالم تتسناه لابسة بيجامة طويلة ودايرة زيف مبين نواضرها الشايبين وفواطة على نصها.. قربات جهتو وعنقاتو وقالت بابتسامة: مرحبا بولدي
نوح: الله ينورك اخالتي زهور
زهور: اش خبار يناك "ماماك" وخوتك ولحاج ولحاجة على سلامتهوم
نوح:الله يسلمك نتي كيف غادة مع صحيحتك مزياان
زهور:والحمدلله اولدي الحمدلله
خلاتهوم ومشات لكوزينة باش توجد لعشا وهو دخل مع بّا سالم لصالة لي كانت فلتحت مفرشة باخر مكاين فالطلامط.. جلس تما وجبد تلفونو سيفط لرحمة مساج ورجع تكى فوق السداري مغمض عينيه.. نهار كولو وهو غادي جاي حس بلعيااا خصوصا أنه لبارح مانعسش.. بقا متكي تادخلات زهور جايبة معاهاا گصعية دالرفيسة بالدجاج البلدي وريحتها ياسالام وهي لي خلاتو يحل عينيه وتقاد فجلستو وقال بتبسيمة خفيفة: الله شحال هادي ماكليتها
بّا سالم:(ضحك) وهانتا ماطلبتي غي لموجود اولد لحاج
ناض نوح غسل يديه فواحد الدخيلة حدا الصالة دايرين فيها لافاپو ومرايا.. رجع عندهوم وتجمع هو وياهوم على لعشاا... بّا سالم ماشي غير مقابل ليه لفيرمة إنما معاونو حيت هو ديجا فلااح وعارف بأمور الفلاحة وزيد عندو خبرة ديال السنين مزوج هو وزهور وربي مامكتبش ليهوم لولاد واخا جربات زهور أي حاجة قالوها ليها لعيالات ولعشووب ماخلات ماشربات ساعة ربي مكتبش أنها تولد ورغم دلك ماسمحش فيها وعمرو ماعايرهاا ولاشاف غيرها.. وهوما لي مقابلين الفيرمة وساكنين فيهاا نيت... ناس الله يعمر ليهوم الدار عيبهوم عمرك تشوفو وهادشي لي خلى نوح يرتاح معاهوم ويعتابرهوم عائلتووو الثانية.. تعشاو فجوو عائلي زوووين وموراها ناضت زهور تتجمع لمواعن ونوح ناض وشاف فبّا سالم: تمنسيوين ابّا "تصبح على خير"
طلع لبيتو ومع دخل نصل ديك لقبية وكمل خطواتو جهة لحمام.. خدا دوووش خفف فيه عضاااموو وخرج لابس سورال بيجامة كارويات مع تيشورت كحلة ومشى جهة نموسيتو تخشى فيهاا وهز تلفونوو لقى مساج وصلو من واحد النمرة وغير شاف شنو مكتوب فيه وهو يتبسم تاتغمضو عينيه وجاوب فلبلاصة بمساج خر عاد حط التلفون فوق لكومودينوو وغمض عينيه وبسباب لعياا نعس دغيا..
أصبحنا وأصبح الملك لله.. فاقت رحيل بكري وجدات لفطور ولبسات حوايجها وشدات هي وإسلام الطريق لسبيطار مخلية لبقية باقيين ناعسين.. كانت ساهية تتخمم تاسمعات صوت إسلام لي نطق بهدوء: ماخداماش؟
رحيل: لبارح مامشيتش ولكن ليوم ضروري نمشي
إسلام:(شاف فيها ورجع شاف قدامو) ولد لحاج هو مول الشي ياك؟
رحيل:(عضات على شفايفها ونطقات بخفوت) وي هوو
إسلام:باين فيه ولد لخير ماخلاناااش داك النهار أو وقف معاناا صراحة ناااس بحالو قلالو فهاد الدنيا
رحيل:هممم
مجرد ماتدكر قدامها رجعات تتفكر فيه بصح بحالو مبقاش.. داك شخص تيجيها فشكل ديك لهداوة ديالو والرزانة وزيد تعاااملو معاااهاا خلاهاا فحيرة من أمرها.. قبل ماتعرفو كان عندها فضول باش تشوفو ودابا ملي عرفاتو وشافتو ولات باغاا غير تبعد عليه حيت كلما قربات منو كتنسى راسها وتتصرف بعفوية معاااه كأنه شي حد كتعرفو عن ضهر قلب.. كمشات حجبانها وطاح فبالها سؤال باغا تعرف جوابو.. واش هو عرفها هي نفسها لي عتق فديك الليلة ولا لا؟؟ حكات يديها مع بعض وشافت فباب السبيطار فين حبس إسلام طوموبلتو ونزلو هازين لفطور ودخلو ديريكت عند باهاا لي فالشومبر لقاوه باقي ناعس ولكن تانيرت كانت فايقة..
رحيل:(عنقات مها) رتاحيتو شوية
تانيرت:اه وباك الدواا لي شرب رخااه ودار ليه النعاس
رحيل:نيت مزيااان باش يرتاح (عطاتها الصاك لي فيه لفطور) هاأنا جبت ليكوم لفطووور قبل مانمشي لخدمة
تانيرت: خوتك فاقو
رحيل:باقي ولكن راه تاهوما غايمشيو لخدمة راك عارفة لي كاين أنا غير غانخرج غانجي واخاا وراه سيدرا غاتجيبها ليكوم رنيم حيت تاهي خصها تمشي لخدمتها
تانيرت:واخا اماما مهم نتي ردي لبال لراسك صافي
رحيل:هانا مشيت
إسلام:لاحتاجيتو شي حاجة عيطوو لياا واخاا
تانيرت:غير سير اولدي تانتا راه خليتي خدمتك
إسلام:غير هاد الصباح عندي واحد لغيونيون ضروري نحضر ليه إيما لخدمة مكملة بلابيا
تانيرت:حنا ممحتاجين دابا والو غير سيروو خدمو والاكانت شي حاجة غانعيط ليكوم
توادعو معاها وخرجو بزوج من السبيطار وإسلام طبعا وصل رحيل تال باب لميزوون دڤواتوغ وغير شافها دخلات تحرك هوو لخدمتوو... كانت تتمشى بالزربة وتتشوف فالساعة لي كانت لعشرة وربع.. ومع جات طلع فالدرجة لولة سمعات صوت سعيد لي قاال:بلاااتي امادموزيل
ضارت رحيل جهتو وبقات تتشوف فيه وهو جاي جهتها وربع يديه وقال بسخرية:على سلامتك فاااش تفكرتي بلي سياتكوم خدامة هناااا
رحيل:(بهدوء) كان عندي ظرف خااص عليها مقدرتش نجي لبارح
سعيد:(ربع يديه وببرود) باقي گاعما كملتي شهر معانا فلخدمة وفلبوسط ديالك ونتي ديما مغيبة ومكاتعطيش تبريراااات
رحيل:(شافت فيه من تحت النقاب ونطقات بتباث) لمرة لي فاتت أنا حطيت سغتيفيكا ميديكال كنبرر بيها غيابي ولبااارح وقع ظرف عائلي ومقدرتش نجي
سعيد:(خرج فيها عينيه ونطق بانفعال) هادي امادموزيل ماااااشي خدمة باااااك باش وقتما رشقااات ليك تجي هناا راه نتي خداااامة وراكي ساااانية كونطروا معانااا وجوبونص نتي نسيتي دوووك لقوانين لي فيهااااا
صوتو كان عااالي خلى لخدامين يبقاو غير كيشوفو فيهاا هي لي كانت تتحس براسها مرگات.. لبارح نوح بنفسو قال ليها بلاماتمشي لخدمة ولكن هي مقالتش ليه هاد لهضرة حيت مبغاتش بنادم يقول مع راسو وهي فين تتعرفو وشنو بناتهوم؟ وراه حيت معريفة خدمات ويصدقو گاع ملصقين ليها شي مونتيف هي مدايرة لا بيديها ولابرجليهاا.. فضلات أنها تسكت واخا من الداخل ديالها كانت باغا تغوت عليه
سعيد:(كيشير بيديه) شووووووفي قدااامك گاااع لي خدامين هناااا نهار شي حد فيهوم مكيجيش كيحط عدر الالة مااااشي كيمنّك تااااااترشق ليه عااااد يجي بحال الاداخل لزريبة مااااشي بلاصة لخدمة..
دخل عثمان مع صوت الصدااااع وعينيه على سعيد لي واقف تيشالي بيديه ويغووت فوجه رحيل لي بقااات ساكتة وماهضراتش.. قرب جهتو وقال بهدوء:شواقع هنا؟
سعيد:(أشار ليه جهة رحيل) لمادموزيل لبارح مجااتش لخدمة ومعيطااات ومعطات تاشي مبرر ودابا جاياا معطلة على لخدمة بساعة وربع
عثمان:(شاف فرحيل لي حادرة راسها مرضاتش ونطق بهدوء) ممكن نعرفو علاش مجيتيش لبارح وماعلمتيناش؟
رحيل:(هزات عينيها وشافت فيه وبصوت خافت قالت) كان عندي ظرف عائلي
عثمان:واخا هاد لمرة غاندوزوها مي لبخوشين فوا خصك تعلمي ودابا تقدري تمشي لخدمتك
سعيد:(نطق فاش شافها غاتمشي) لبارح لي ماجيتيش غايتنقص من الصالير ديالك
ماهضراتوش حدها طلعات لفوق غادة لبوسط ديالها وهي حاسة بلغصة واقفة ليها فحلقهااا.. جلسات بلاصتها وبلاماتحس واحد الدمعة طاحت ليها من عينيها.. شعلات لبيسي وبقات تتخدم ومرة مرة طلع ليها تنخصيصة.. أما لتحت فكان سعيد واقف مع عثمان لي قال بجدية:لمرة الجايا الاكنتي باغي تهضر مع شي موظف ديه لبيروك وهضرو تم بينك وبينو ماشي أون پلان پوبليك سمعتي
سعيد:هي متتفهمش فاش سولتها بشوية بدات تتهز علياا وتوريني فخدمتي
عثمان:لي عندي قلتووو اسعيد راه لكليان الاشاف هاد الصداااع غاينفر منا وهادشي هو لي مبغينااش مهم راه مول الرونو عيط ليا وقال ليك نوصلوها لبلاصة لي خلى ليكوم فلادغيس على قبل لمفاجأة خلي الدراري يتكلفو واخا
سعيد:داكوغ
عطاه سعيد بالضهر وتمتم بصوت هامس:نتي لي بقيتي ليا فلحساب..
تحل لباب دالشومبر ودخلات سيدرا بسروال توني كحل مع بودي أوڤر سايز فالرمادي وفيه كتابة بالإنجليزية فلكحل.. شعرها طالقاه عادي وعويناتها لمبطنين منفوخين بالنعااس.. دخلات هي لولة وموراها رنيم لي سلمات على تانيرت وإدريس بالزربة وقالت:غانمشي تعطلت ملي نخرج ونجي عندكوم باااي
مشات تتجري وسيدرا طلعات فوق النموسية غادة عند إدريس لي كان متكي وعنقاتو وقالت بصوت نعسان:بّا ديدي بيت نعس
إدريس:(عنقها عندو) فطرتي بعدا
سيدرا:لا مبغيتوش
حطات راسها على كتفو ورجعات نعسات وتانيرت تبسمات ليه وقالت بهدوء: قادها باش تنعس مرتاحة وحيد ليها السبرديلة
داكشي لي دار إدريس وغطاها وناض جهة لفوطوي جلس وتانيرت حداه وقال بهدوء: لعام الجاي نقيدوها فلمدرسة
تانيرت:واه مابقا والو وتكمل ست سنين
إدريس:لوقت كيطير يالاه داك النهار كنت هازها بين يدي كيف لكميشة
تانيرت:(تبسمات ليه تاتغمضو عينيها) شرفنا اإدريس
إدريس:(شاف فيها وقرب جهتها باسها فوق شفايفها بوسة سطحية) تت ناس تتكبر ونتي تتصغاري لياا
تانيرت:(حنيكاتها حمارو)ههه ياك زعمة باقا صغيرة
إدريس:معلوووم سنان لحليب ههه
تانيرت:(تبسمات ليه وشافت فيه بهدوء) عرفتي اإدريس عمري مانسيت أول نهار شفتك فيه هههه عقلتي نهار طحتي فلواد ههههههه
إدريس:(حرك راسو) ههه تلفتيني على لقبلة بقيت تابعك تاجبتها فصحتي هههه
تانيرت:(ضرباتو فكتفو) اربي گول ليا اش قال ليك عقلك ديك الساع
إدريس:(تحنى جهتها وشير ليها جهة قلبو) هادا غير شافك مبقا عاارف فين يمشي ولاشنو يدير هه
تانيرت:(شدات وجهو وباستو فشفتو) أركتيريغ "كنبغيك"
---
دوز نوح نص نهار فلفيرمة مكمل شغاالو لي تم وطمن على 'أيور' عاد شد الطريق لمراكش.. صوت أحمد علي العجمي كان تيتسمع فالطوموبيل والسما لونها ليموني ولجو مخلى نوح يحس بالراحة.. سمع تلفونو كيصوني وكان عثمان حبس القرآن عاد جاوب بالسوسية: دا عثمان مانيغ نتضرت لاحك "فين غبرتي"
عثمان:(ضحك) ههه حقان تتوت إيسوريلا تايان غلمگازان مايطران لعاقل ابلانيك "واقيلا نسيتي بلي تاحد مكاين فلمگازان لي يرد ليها لبال من غيري"
نوح:مايلان "اش كاين"
عثمان:(قلبها عربية)لمگازان راه كلشي هو هاداك خليت فيها فالصباح مصطفى ومشيت نطل على لميزون دڤواتيغ حيت عارفك مكاينش اوا لقيت واحد لمشكيل تم وفكيتو
نوح:(كمش حجبانو) اشمن مشكيل؟
عثمان:سعيد لقيتو مشاد مع واحد لبنت خدامة تم لبارح مجاتش لخدمة ومعطاتش تبرير
نوح:(نطق بصوت هادئ) لي كادير النقاب؟
عثمان:ايييه هي
مسح نوح على لحيتوو وهو كيسمع لعثمان لي سرسب ليه كولشي وغير سالا قطع عليه بلامايزيد معاه لهضرة وزاد فالسرعة.. مسافة الطريق وكان دخل لمراكش وقلب الطريق ديريكت لميزون دڤواتيغ.. ومع وصل لقا لخدامة بداو يخرجو حيت وصلات لوقيتة ديالهوم وقف الطوموبيل ونزل بخطوات تقيلة غادي لداخل وعينو تيقلبو على سعيد.. وغير قشعو وهو يشير ليه بيديه باش يتبعوو وطلع لفوووق ومن الشوفة باااين فيه معصب وهادشي لاحظو سعيد... تمشى جهة لبيرو فين كاينة رحيل جالسة وخدامة كطابي فلبيسي والضواسى حداها كتابين حيت لخدمة ديال لبارح تزادت على دليوم داكشي علاش.. وقف حدا لباب ونطق بصوت جدي قفزها:مادموزيل تبعيني
بقات غير تتشوف فيه وهو غادي وناضت بزربة تبعاه معرفااش اش واقع لقاتو دخل وخلى لباب دبيروه محلول وسعيد تاهو كان تم.. دخلات وخلات لباب محلول وهو شاااف فسعيد ورجع شاف فيها ونطق بهدوء: لبارح اش قلت ليك اسعيد فالتلفون؟
سعيد:(بقا كيشوف فيه ونطق بعدم فهم) مافهمتش اسي السليماني
نوح:(تمشى جهتو وهو عاقد يديه ورا ضهرو او وقف قدامو ونطق بصوتو الجوْهري) واخا نديرو لك إنعاش الذاكرة ملي نتا عيطتي ليا وعلمتيني بلي الآنسة مجاتش أنا باش جاوبتك
سعيد:(بدا كيسرط ريقو) قلتي ليا هي مغاتجيش وراها علماتك
نوح:(عاود لجملة وراه ببرود) قلت ليك مغاتجيش وبلي هي علماتني (كمش فيه حجبانو) ونتا ليوم اش درتي؟
سكت سعيد وهو حاس براااسو مزير من نهار خدمات رحيل هادي لمرة الثانية لي كيسمع فيها لهضرة من عند نوووح وكلشي بسبابها هي..
زير على يديه وحدر راسو ونوح بقا كيشوف فيه عاد ضار جهة رحيل لي كانت تتشوف فيه وممتيقاش اش تتسمع.. هو كان عارفها مغاتجيش ورغم دلك سمعها هضرة قدامهوم كاملين.. من نهار لول وهي حاسة بيه مكيحملهااش وشاد معاها الضد وحقيقةً مافهماتش السبب..
نوح:(رجع شاف فسعيد وقال بجدية) عارفك تادير خدمتك وهادشي لي كيعجبني فيك ولكن بحااال دوك لفعااايل مانبغيش يتعاااودوو عندي هنااا سمعتي وقع مشكيل فكووووه بناتكوووم ماااشي قدام لعباااد بحااال الاحنااا فلحماام ولهضرة الاقلتها لك نوطيهااا فدمااااغك واخر مرة نسمع بلي وقع شي موشكيل هنااا سمعتي ودابا سير كمل شغالك
سعيد:دزولي
خرج سعيد وسد لباب وراه ونوح شاف فرحيل وقرب جهتها تاوقف قدامها ونطق بغيض وهو كارز على سنيه: ونتي سبحان الله لسانك تيتسرح غير فبعض لمرات أو وقت لمعقول تتسرطيه
هزات رحيل راسها تتشوف فيه وهو واقف قدامها وماتزعزعش.. وقالت بخفوت وتلبك:أنا هو
نوح:(هز حاجبو بسخرية) ماعنديش حصة دلعربية هنا سولتك جاوبي
رحيل:(حدرات راسها تتسرط فلقمعة لي عطاها ولي عمرها تنساها وضربات الطم)
نوح:(طل عليها ورجع قال بسخرية)مالكي سرطتي لسااانك هممم هضري
رحيل:(الصمت)
نوح:(مسح وجهو بيديه وقلبو لجهة لخرة تيزفر النفس عاد رجع شاف فيها وقال بجدية) علاش خليتيه يهز صوتو عليك ونتي عارفة روحك مدرتي تاحاجة غالطة هممم
من طبع نوح مكيحملش الظلم ولهضرة لي قال ليه عثمان صعراتو.. يمكن نقولو سعيد نسى مثالا ولكن هي علاش مابرراتش ليه ودافعات على راسهاا وقالت ليه بلي خدات الإذن من مول الشي علاش سكتات.. عض على شفتو بنابو مغدد وعطاها بالضهر تايكالمي راسو باش مايصدقش گايل ليها شي حاجة ماكفس... رجع شاف فيهاا وهي باقا حادرة راسها ونطق بهدوء:شوفي فيا
هزات راسها فيه وعينيها كانو كيلمعو بالدموع دوك الدموع لي محملش يشوفهوم فعينيها وماعرفش علااش حس بشي حاجة فالداخل ديالو تحركات غير ملي شااافها هاكاك.. قرب جهتها بخطوات تقيلة تاوقف قدامها وتقابلو عينيهوم فنظرااات ليها ألف معنى كانو شوفاتها بحال شي سطورة وسط كتااب هو مركز فقرايتهوم باغي يغهم معناهوم وعلى قد مكانو لحروف واضحين على قد مكانو صعاب فتحليلهوم..
نوح:(حرك راسو ورجع قال بصوت هادئ) عمرك تهبطي راسك لشي حد.. عارفة راسك ماغلطتيش قوليهاا وماتخلي تاواحد يحل فموو عليك
رحيل:(نطقات بصوت هادئ) كنت خايفة الاقلت ليه بلي علمتك يفهم لموضوع غالط ومابغيتش نتسبب ليك فشي مشكيل سمحليا
نوح:(شاف فساعتو) مشى لحال تقدري تمشي دابا
رحيل:باقي عندي خدمة دلبارح
نوح:غدا وكمليها
رحيل:واخا
خرجات من عندو وهي تتنفس بالجهد ومشات تتجمع مسائلها ونزلات لتحت لقات كلشي مشى.. مع خرجات لبرا بان ليها نوح واقف حدا لجيپ ديالو.. أشار ليها بيديه تامشات عندو وقال بهدوء:طلعي نوصلك
رحيل:هااء بلاش زعمة بغيت نقول اناخد طاكسي
نوح:(حل لباب ديال الطوموبيل ونطق ببرود) طلعي
مزادش معاها لهضرة وهي تمشات جهة الباب لوراني حلاتو وركبااات بهدوء..شاف فيها من لمرايا قبل مايحرك طوموبيل ويشد طريق السبيطار..
كان سعيد جالس فطوموبيلتو بعيد شوية عليهوم والديكور كولو داز قدام عينيه هز حاجبو ونطق ببرود: طلعتي مساهلاش..
مد يديه شعل الراديو وكان ديجا كيسمع لقرآن وبالتحديد سورة البقرة للقارء أحمد علي العجمي.. تطلق صوت القرآن لي خلى رحيل تنهد براحة وعيونها الخضراء كتراقب المارة من الزاج.. كان بدا كيظلام لحال ولجو كان زوين ومبرد.. وهو كان مرة مرة يهز عيونو الزرقاء لي مغطيهوم بنضاضر دالشمش ويشوف فيها من لمرايا.. هدوءها وسوهتها خلاتو يزيد ياخد راحتو ويتمعن فشوفتها.. رجع ركز فطريقو تاوصل قدام السبيطار وهو يحبس الجيپ ديالو وهز عينو فيها لقاها باقا على جلستها كمش حجبانو ونطق بهدوء:وصلنا
سبقهاا لداخل وهي دخلات وراها تابعاااه تاوقفو حدا لاسونسور لي تحل وهو يخوي ليها الطريق باش دخل عاد تبعها..
ركب وبرك على الرقم زوج وغير تسد لسونسور فلبلاصة دار واحد الصوت تايصمك لودنين وحبس بالجهد تامشات وجات فبلاصتها.. أما نوح كمش حجبانو وبرك على لبطون مرة خرا ساعة ماتحركش تبلوكا والضوو بدا كيشعل ويطفا ورحيل شافت فيه وبصوت كيرجف قالت: شواقع؟
نوح:(كمش حجبانو كيبرك على لبوطون) ماعرفتش واقيلا خسر
رحيل:(حركات راسهاا ونطقات بصوت باكي) لا لا حلو عفااك
نوح:(شاف فيها وقال بصوت هادئ)شش غير تهدني وماتخافيش..
مبقاتش تتسمع لصوتو إنما كانت تتسمع صوت الزكروون دلگاراج وهو كيتسد عليهاا تكمشات فلكوان وبدات تتنزل بشوية تاجلسات قفازي وكلها تترعد وتتحرك راسها بهسترية وتمتمت بين شفايفها بصوت خافت: حل عليا لباب عفاك ماتحبسنيش هنا هء هء حل
نوح تبلوكاا من تصرفهاا وحالتها قرب خطوة جهتها وجلس قفازي قدامها ومد يدو باغي يكالميها ساعة قفزات ليه وغوتات بالجهد وبدات تتبكي: لااااااا حل ليااااا هء هء مااابغيتش نبقااا هناااا هء هء غااانتخنق
نوح:(بصوت هامس حنين) شووو تنفسي مزيااان واخاا
رحيل:(بدات تتشهق) حل ليااا هء هء
مع جاا ينطق تسمع تاني نفس الصوت دقبيلة والضو مبقاش تايمشي ويجي شي لي خلاه يهز عينو ولقاه خدام ومكملاتش دقيقة تحل لباب حيت وصلو لطبقة الثانية..رحيل غير شافتو تحل خرجات تتمشى بلاعقل وهو تابعها باغي يطمن عليها تاوقف فبلاصتو ملي سمع صووت مؤلف عليه عييط ليه من بعيد: بابا
ضار نوح جهة مصدر الصوت وهو يبان ليه جاي جهتو بسروال توني وقبية كحلة وسبرديلة بيضا تتشعل.. وشعرو لقهوي كاان مخربق كيف عادتو ونضاضر دالشوف على عينيه وليزيات فودنيه وهاز شكارة.. ملامحو كانو قهويين وبشرتو سمرااء فجنبو بيسان لي كانت مضورة يديها على دراعو ومبتاسمة.. ضحك نووح ابتسامة طالعة من لقلب وبخطوات ملهوفة قرب جهتو وقال باشتياق وعدم تصديق: ولدي زين العابِدين..
كانت حاسة براسها مخنوووقة وعقلها باغي يخرج من بلاصتووو.. الخلعة شداتهاا وخلاتها تترعد بحال الافيها تبوريشة دلبرد.. غير خرجات من لسونسور مشات بخطوات سريعة جهة لحمامات لي تم ودخلات.. كان لحمام خااوي مجرد مادخلات ليه طلعات النقاب على وجهها وبدات تتنفس بالجهد.. طلقات لما من الروبيني وبدات تتغسل وجهها وعنقهاا ومور عنقهاا باااغاا تبرد ديك لحرارة بااش تتحس.. مدة وهي تتغسل وجهها تاحسات براسها هداات وطلعات راسها جهة المرايا تتشوف فالإنعكاس ديالهاا.. عمرها جاتها هاد لحالة من بداية علاجهاا وهاهي ليوم نهارت قدامو هوو.. ديما كتحط نفسها فمواقف بايخة معااه هو شنو غايقول عليها.. زفرات بهدوء وجبدات كلينيكس من صاكها مسحات بيه وجهها وقادات نقابها وخرجات غادة لشومبر لقاتهوم كلهوم مجموعين تم من غير رنيم وسيدرا.. قربات جهة إدريس وباست يديه ونطقات بهدوء:بابا كيف بقيتي شوية
إدريس: حمدالله ابنتي تعطلتي ليووم
رحيل:(تبسمات ليه بهدوء) كانت عندنا لخدمة
ريان:ليوم مادزتش عندك حيت ساليت بكري
رحيل:ماشي مشكيل أصلا جيت مع موسيو السليماني هو لي وصلني
إدريس:(كمش حجبانو) ولد لحاج هنا؟
رحيل: اه ابابا (شافت فتانيرت) سيدرا مشات؟
تانيرت:داها ريان قبيلة
رحيل:مزيااان نيت ماخصهاش تبقا فالسبيطار بزاف
تانيرت:ملي جات أصلا نعسات تاال ديك لحداش ونص وفاقت كلات وتمشات هي وباباك براا
قربات رحيل جهة أسماء لي كانت جالسة فالفوطوي وجلسات حداهاا وهمسات ليها: كلثوم مشات؟
أسماء:(ربعات يديها بهدوء) تت باقا هناا فاش كنت جييت مشيت طليت عليهاا
---
كيشوووف فيه بنظراات ملهووفة.. والضحكة مرسوومة على شفتو ضحكة طالعة من لقلب.. تمشى بخطوات سريعة جهتو في حين زين العابدين تاهو قرب بخطواتو لجهة باه تاتلاقااو فلوسط دلكولوار وهو يجروو نوووح جهتووو خاااشي ليه راسو فصدروو ومعنقو بالجهد وكيبووس ليه راااسو وزين بدورو ضور يديه على خصر باه معنقوو عناااق حاار.. كانت بيسان واقفة تتشوف فيهوم وعينيهاا كيدمعوو والضحكة على شفايفهاا.. هي بنفسها تصرفات نفس تصرف نووح فاااش شافتوو حيت كانت موحشااه.. قربات جهتهوم وقالت بابتسامة:هههه كيجاتك السوربرايز؟
نوح:(شاف فختو وتبسم ليها) أحسن سوربرااايز
بعد عليه زين لعابدين لي تقاد فوقفتو وبيسان ضحكات بحماس:عيط لياا ليوم فاش كان فلمطار وسولني عليك قلت ليه راك فلفيرمة مي فاش هضرنا أنا وياك وقلتي ليا غاتجي لهناا عيط ليه وعلمتوو ههه
نوح:(مد يديه وضرب زين العابدين على حنكو ضربات خفيفة وقاال بالإنجليزية) علاش فاش هضرت معاك ماقلتي ليا والو
زين العابدين:(هز حاجبو وجاوبو تاهو بصوت تقيل بالإنجليزية) الاقلتها ليك مغاتبقاش مفاجأة
بيسان:(شافت فنوح) علاش تتهضر معاه بلونغلي عرب معاه اخوياا (شافت فزين العابدين وضرباتو فكتفو) ونتا لعربية عندك واكلة الدق
زين العابدين:(قلب عينيه وقال بعربية معلكة) أناا يغهم اش تقول نتا
نوح:(جر لعندو زين العابدين ودرعو بيديه وقال بابتسامة خفيفة) داباا يتسرح ليه النطق ويولي يهضر حسن مناا گااع ياك اولدي
زين العابدين:(حرك راسو وقال بالإنجليزية) رايت داد
نوح:(سولو بصوت جدي) ساليتي أمورك كلها تما
زين العابدين:(حرك راسو) يس
بيسان:(شافت فساعتها وقالت بهدوء) غانمشي نكمل خدمتي ملي تسالي عيط ليا باش نرجعو لرياض أونصومبل واخااا
حرك ليها راسو باه وهي مشاات لخدمتها أما نوح درع زين العابدين وتمشاو فداك لكولوار والحوار بناتهوم كان بالإنجليزية..
نوح: جيتي بوحدك؟
زين العابدين:اه
نوح:ماعندكش شي كومبا فهاد الفترة؟
زين العابدين:نو ولكن عندي لونطريما مع لكوتش
نوح:ولكن غاترجع على قبل امتحاناتك؟
زين العابدين:(قال بهدوء) وي غير جيت باش نشوفك حيت توحشتك
نوح:(وقف حدا باب الشومبر دإدريس ونطق بجدية) تاأنا توحشتك بزااف وكلهوم توحشوك اولدي مهم هضرتنا نكملوها فالرياااض
زين العابدين:(كمشش حجبانو) شكون كاين هنا؟
نوح:واحد السيد كانعرفوو
دق نوح لباب ودخل وعينيه مشات ديريكت لرحيل لي عطاتو بالضهر تتقاد نقابها.. تمشى جهة إدريس وسلم عليه وقال بهدوء:سي إدريس كيف بقيتي شوية؟
إدريس:حمدلله اولد لحاج ونتا (شاف إدريس جهة زين العابدين لي كان واقف فجهة لباب مادخلش وقال بهدوء) دخل أولدي
نوح:(أشار لزين تاوقف حداه وحط يديه على كتفو وشاف فإدريس مبسم)هادا زين العابدين ولدي..
حلات عينيهاا لخضرييين على جهدهوووم فااش سمعات لهضرة لي قااال وعينيها تعلقاات فزين العابدين لي كاان تيباان عليه بلي غايكوون عمروو فديك 16/17 لعاام يعني شاب مراهق.. كدقق فتفااصيل وجهو مع كانو واقف أونفاص معاهاا شعرو كان قهوي غاامق وبشرتوو سمراا شوية وملامحوو قهووين.. رجعات هزات عينيها فنوح لي كان كيشوف فيه بشوفات فخوورين ومبسم شي لي خلى غصة تكووون فحلقهاا فاش استنتجات أنه مزووج..
إدريس:(شاف فنوح وقال بابتسامة خفيفة) رجع من السفر
نوح:(ضحك بالتقالة) دارها ليا مفاجأة
إدريس:الله يصلح
شاف نوح فزين العابدين بشوفة خلات زين يفهم معنااهاا وبخطوات بطيئة قرب جهة إدريس وباس ليه راسو.. وإدريس تبسم ليه بهدوء:الله يرضي عليك اولدي جلسوو ماتبقاوش واقفين
نوح:(جر الكرسي لي كان تم وجلس ونطق بتساؤل) محمد طه كيف بقا؟
إدريس:باقي على نفس لحال وهاحنا كنتسنااوه يفيق
نوح:يكون خير إن شاء الله
فالطرف المقابل كانت جالسة أسماء لوسط وفجنبها ريان وفالجانب الآخر رحيل..تحنى ريان جهة أسماء ونطق بهمس:رحيل
شافت فيه رحيل وحركات راسها بمعنى شنو وهو غمزها باش تحنى جهتو.. تحنات وهو ينطق بهمس: دخلت لبيتك وخديت تلفون محمد طه شعلتو ولقيت لجيغون معيط ليه وفاش رجعت صونيت ليه قال ليا راه بوسطو عمر يعني بمفهوم اخر جرا عليه
أسماء:(كمشات حجبانها) كيفااش زعمة جراو عليه واش السيد بخاطرو جلس معارفينش حااالتو كيدايرة وبلي السيد فالإنعاش
ريان:هادشي لي قال ليا وموراها قطع
رحيل:(كمشات حجبانها) ياك هو طااح عندهوم وغيييب تم إذا رااه لي واقع ليه داباا بسبابهوم
أسماء:دابا مغانقدروش نحددو ماحد مفاق محمد وعاود لينا اش وقع ليه وكيفاش تاغييب تم..
ريان:مهم لي قال ليا قلتو ليكوووم وبخصوص الصالير قال ليك غاينقصو ليه منوو على ليامات لي جلس
أسماء:ولاد لق*حاب على هو شحاااال جلس فهاد الشهر گاااع وعطى تبرير وهوما داروها سبة
رحيل:صافي خليوناا نسدو لموضوع هناا وبلامانشطنو بابا معاناا
أسماء:(شافت فزين العابدين ورجعات شافت فنوح وقالت بهمس) زعمة بصح هادا ولدو؟
ريان:(شاف فيهوم ونطق بسخرية) سيري سوليه
أسماء:(شافت فرحيل) ياك نتي خدامة عندو زعمة عمرك ماشفتي هاد ولدو؟
رحيل:(بدات تتحك يديها بتوثر وقالت بخفوت) ماعرفتش عمري شفتوو وزايدون راني خدامة عندو ماشي كانمشي نجمع معاه اأسماء
أسماء:ياختي مكيشبهش ليه زعمة يكووون تيشبه لمو؟
رحيل:(بانفعال) مااااعرفتش
صوتها كان عالي خلاتهوم كاملين يشوفو جهتها هي لي ماعرفاااتش علاش انفاعلات ملي سمعات هضرة أسمااء.. شافت جهة نوح لقاتو كيشوف فيها تاهوو.. مرگاات وناضت فلبلاصة خارجة من لبيت وإدريس متبع ليها لعين عاد شاف فأسماء وقال بهدوء:مالها؟
أسماء:(ناضت تاهي) والو ابابا مهم غانمشي نشوفها
تبعاتها أسماء لقاتها غادة فلكولوار ومن خطواتها باين فيها معصبة.. لحقات عليها أسماء وشداتها من دراعها وقالت بجدية:اماااالكي معصبة اش وااقع؟
رحيل:(بقات تتشوف هنا ولهيه) ماعرفتش مااالي
أسماء:كيفاش ماعرفتيش ملي جيتي بنتي ليا ماشي على برجك؟
رحيل:(بدات تتعاود ليها اشنو طرا معاها فلسونسور وختمات هضرتها) هادشي لي وقع
أسماء: ودابا نتي بخير ياك؟
رحيل:اه
تمشات جهة الدروج وجلسات وأسماء تبعاتها تاهي جلسات حداهاا وشافت فيها بهدوء: واش نتي مخبية شي حاجة
رحيل:(بدات تتلعب فلبراسلي لي فيديها) نووح هو هاداك الشخص لي عتقني نهار كان هاداك لحيواان لقاني
أسماء:(حلات عينيها) كيفااش واش ولد لحاج نيت هو لي عتقك (حركات رحيل راسها واسماء كملات تساؤلها) ولكن هو شنو كان تايدير تم ونتي أصلا كيفاش عرفتيه؟
رحيل:بقيت عاقلة عليه
أسماء:وهو عرفك؟
رحيل:لا (بسخرية) نسيتي وجهي كيف كان ديك الساعة وزيدي عليها أنا كاندير دابا النقاب
أسماء:اربي اش هاد الصدف كلهاا عتقك وفنفس لوقت خدمتي عندو وطلع بابا كيعرفو من لفوق وصدق هو مول لفيرمة
رحيل:(تنهدات) نهار خدمت عندو ماشغتوش وماعرفتوش واش هو نيت
أسماء هزات راسهاا وبان ليها الطبيب لمكلف بحالة محمد طه هو والبروفيسور جاايين جهة الشومبر دإدريس.. كمشات حجبانها وقالت بجدية: رحيل البروفيسور لي مكلف بحالة محمد طه دخل لعندهوم
مع قالتها ناضو بزوجات غادين لشومبر فين كانو مجموعين دخلو ورحيل شافت فيهوم وقالت بصوت خائف:شكاين؟
إدريس:(شاف فيها بابتسااامة خفيفة وعيونو كيلمعو) محمد طه فااق...
كان هادا هو الخبر لي كانوو كايتسناوه هاد الاياام كولهااا باااش يرتاح قلبهوووم.. كانت تانيرت معنقة رحيل لي ابتسامتها رجعااات دموووع وأسمااء معنقة هي ورياان وكل واحد وفرحتوو كيفاااش وصفهاا فديك السااعة ملي سمعوو داك لخبر..
إدريس:(بلهفة) نقدرو نشوفوه؟
البروفيسور: غايبقا هاد الليلة فالإنعاش تقدرو تشوفوه ولكن مااشي كولكووم حيت لمريض باقي لوضع ديالو حساس وباقي غايخصنا نديرو ليه فحوصات باش نزيدو نتأكدو من حالتو مور العملية لي دار
إدريس:واخاا لمهم ولدي يكون بخير وصحتو تاهي تكون بخير
البروفيسور:حاليا مغايقدرش لمريض يرجع يمارس حياتو كيف كان قبل حيت لعملية لي دار حساسة وغايخصو وقت طويل باش يتعالج وفهاد لوقت كيتمنع عليه أي حاجة لي فيها مجهود بحال السوگان ويلعب لكورة ولاشي ريااضة كيفما كانت ومايخرجش بوحدو وتامن الخدمة ماخصوووش يمشي ليهاا
نوح:(كمش حجبانو وقال بجدية) شحال تقريبا دلوقت غايخصو؟
البروفيسور: أقل حاجة تلت شهور
كمل البروفيسور الشرح وهوما مركزين معاااه تاسالا وخرج هو الطبيب وإدريس ناض تاهو باغي ينزل لإنعاش باش يشوفوو.. خرجو كاملين تابعينوو تاوصلو لبلاصة فين كانت جالسة كلثوم لي غير شافتهوم كاملين قلبها قفز من بلاصتو وخافت لايكووون واقعة شي حاجة لمحمد طه.. ناضت عندوو بخطوات سريعة شدات فدراعو وقالت وعيونها خارجين من بلاصتهوم وشفايفها بياضو بلخلعة:مال ولددددي ااااش وقع ليه
إدريس:(نثر يديه من بين يديها وقال بهدوء بلامايشوف فيها) فاق
كلثوم:(بدات تتبكي وتشهق وبصوت ملهوف) بغيت نشووووفووو
أسماء:(قربات جهتها) هو باقي فالإنعاااش وماخصش ندخلوو كاملين عندوو عليها غايمشي غير بابا
كلثوم:(خرجات فيها عينيها) وتاأناااا رااااني مووو وباغااا نشوف كبدتي
أسماء:ماما
كلثوم:(قطعاتها بصوت حاد)ماااشي نتي لي غاتقولي لياا اش ندير رااااني موووو (شافت فإدريس) بغيت نشوووف ولدي اإدريس
إدريس:(مسح وجهو بيديه وقال ببرود) بنتك هضرات وقالت ليك اش كاين مكاين لاش نعاودو لهضرررة ملي يخرجووه من الإنعااااش ديك الساعة شوفيه
تخطاها وكمل طريقو وموراه تانيرت وكلثوم واقف كتغدد فبلاصتهاااا باغاا طج.. أما نوح ملي خرجو من الشومبر هو وزين العابدين مشاو عند بيسان لي كانت تتسناهوم وشدو الطريق لرياااض..
عيطات رحيل لرنيم علماتها بآخر المستجدات وكدلك إسلام.. كانت فرحاانة حيت محمد طه فاق وماشي غير هي تاأسماء وريان لي فهاد ليامات حس بفرااغ كبير بلابيه..
فالإنعاش لتحت تحل لباب دزاج ودخل إدريس بلباسو لمعقم وعيونو متعلقة على محمد طه لي كان ساد عينيه.. قرب جهتو وحط يديه على كتفوو ومحمد طه حل عينو وشاف فإدريس لي تبسم تبسيمة طالعة من لقلب ونطق بهمس:على سلامتك اولدي (تحنى باس جبهتو بشوية خايف يوعتو ورجع نطق) توحشنااك اولدي
محمد طه:(مد يديه لي كاين فيها السيروم وزول لأوكسيجين ونطق بصوت ضعيف يادوب كيتسمع) با با
رجع ليه إدريس الأوكسيجين: شش ماتعييش راسك اولدي واخاا
محمد طه:(غمض عينيه ورجع حلها)
إدريس:أناا غانخرج دابا باش ترتاح الحنين ديالي
رجع باااسو فجبهتو عاد خرج من تماا مخليه يرتااح حيت بصح حالتو مكانتش تتسمح ليه يهضر بزاااف.. طلع إدريس فلسونسور وغير تحل لقى تانيرت تاتسناه قربات جهتو وقالت بلهفة: امدرا واااش شفتيه هو بخير ياك؟
إدريس:(عنقهاا بالجهد) الحمدلله ولدي رجع ليااا
تانيرت:(بدلاتو لعناااق) على سلامتوو ايولينو "اقلبي" (بعدات عليه وقالت بهدوء) خلينا نطمنو الدراري عليه
إدريس:زيدي
درعها لعندو تاتخشات فيه وكملو خطواتهوم لعندهوم لقى إسلام ورنيم وسيدرا جاااو تاهوماا.. مشات سيدرا لعندو تتجري وقالت بجماس:بّا ديدي واااش مودي فاااق أنا بغيت نشوووفوو بّا ديدي
إدريس:(هزها وقال بهدوء) باقي ابابا مانقدرووش نشوفوه حيت محمد طه باقي عيااان
سيدرا:(كمشات حجبانها) توحشتو أناا بزاف بّا ديدي
تانيرت: ملي يديوه لبيت نقدرو نشوفوه احبيبة ديالي واخا
سيدرا:واخا بّا ديدي
إدريس:(قرب جهتهوم وقال بهدوء) محمد طه بخير مكاين لاش تخافو عليه وتبقاااو هنا كاملين نتوما سيروو لدار وغدا رجعو نيت يكونو طلعوه لشومبر وتقدرو تشوفوه تم
رحيل:واخا ابابا مهم باشما كان عيط لينا
إدريس:واخا
----
كان واقف حدا واحد الحيط خاشي يديه فجياب الجاكيط لي لابس ومنزل لكاسيط على وجهو وعينو على لحوومة.. ساعات وهو واقف كيتسنى تاجاه لفرج ملي بانت ليه الجيپ ديال نوح داخلة مع لحووومة مكمل طريقها تااال قدام باب الرياااض عاد وقفها تما ونزلات بيسان وهي تتقاد فشعرها وهزات صاكهاا وشافت فلباب اللوراني لي نزل منو زين العابدين تيلبس شكارتوو.. عينو كانت مفيكسية عليهوم وبلخصوص نووح لي حل لباب ونزل وهو مبسم وتايهضر مع زين العابدين.. زير على يديه فجياب الجاكيط لي لابس ونطق بصوت هامس كيتحلف فيه: ضحك ونشط ليا مع رساااتك اولد لحاااج حيت نهار طيح بين يدي غايكون اخر نهار ليك..
سد لباب ديال الطوموبيل وبدا تيقاد فالجاكيط وهو كيسمع لنگير ديال بيسان على زين العابدين بخصوص هضرتو بلعربية وهو قالب وجهو عليها ومبرررد.. تبسم فاش شاف فوجه ولدو ونطق بهدوء: خليونا ندخلوو
بيسان:اتخلي طوموبيلتك هناا ولا اتديها لگاراج
نوح:غير خليها هناا
قبل ما يتحرك من بلاصتو ضور وجهو فالحومة وبان ليه شي حد واقف حدا لحيط ولكن مدرق عليه ومشافش وجهوو.. كمش حجبانو وكمل طريقو لجهة لباب حلو بالساروت ودخل.. صوت لهضرة كان واصلهوم من الصالة وعرفوهوم مجموعين تم.. قربات بيسان أول وحدة ودخلات لقات غير جدها وجداتها ومها ورؤوف كيف لعادة مكاينش... سلمات عليهوم وشافت فنوح لي جلس حدا جداه مدرعها وقالت: عندنا ليكوم مفاجأة
زاينة:(نطقات بالسوسية) مادااغ تگاا "شناهي"
بيسان:دخل
كلهوم شافو جهة لباب فين كاان واقف زين العابدين مبسم تبسيمة خفيفة.. رحمة غير شافتو شهقاات ونااضت من بلاصتهاا بخطوات مزروبة جهتهوو وعنقاتو بالجهد وهي تتبكي: حفيددددي
عنقها زين العابدين وهو كيمسح على ضهرها بهدوء.. كان عارفها غادير هاد ردة الفعل حيت شحال هادي مشافتو.. بعدات عليه وبدات تتقيس وجهو وهو حادر راسو جهتهاا تتبوس فيه وتعنقوو موحشااه وهو مومو عينيهاا وحفيدهاا لول.. بعدات عليه بزز وهو دخل جهة لجد لكبير وعنقوو تاهو وزين العابدين كيبوس ليه راسو ويديه وكتفوو..
لحسن:اتباركالله عليك اولدي تباركالله
زاينة:(بدات تتمسح دموعها بداك الشال لي لايحة على راسهاا ونطقات بالسوسية) أشكيد ابيجوطااان سغيد "اجي المشعكك لهنا"
تبسم ليها زين العابدين واخا مافهمش اش قالت ومشى عنقهاا تاهي.. نوح كان غير جالس كيشوف فولدوو بهدوء.. من طبع زين العابدين أنه ماشي اجتماااعي بحال باااه..
بيسان:هههه كيجاتكوم لمفاجأة
رحمة:(تتمسح دموعها وتبسيمة خفيفة على فمها) كنتِ عارفة؟
بيسان:اه راه أنا أول وحدة شفتووو
رحمة:(بدات تتعيط ) السعديية والسعديية
جات تتجري وقالت بهدوء:نعام الالة
رحمة:سيري نقي بيت زين العابدين وهويهاا وبدلي لفرااش وديري واحد نقي وجديد
السعدية:(شافت فيه وقالت بضحك) واخا الالة هي لولة على سلامتو
رحمة:(شافت فيه وقالت بحب) شنو تبغي نطيب ليك الحبيب ديالي
زين العابدين:(جاوبها بعربية معلكة) أنا يبغي لي كان
زاينة:(شافت فنوح وكمشات حجبانها فيه) أفروغاااد نك أوريسن لاتعرابت لاتاشلحيت " هاد لولد عندك معارف لاعربية لاشلحة"
نوح:أتي اريتفهاام إيسكاا أوريسن أسرس إيساول "راه كيفهم غير مكيعرفش يهضر بيها"
زاينة:والو تجمااعت إيخواان " هضرة خاوية" (شافت فزين العابدين لي جالس حداها وقالت بالسوسية) والله اباباك ابيجوطاناد ابليغ كوجيغ أتساوالت ستشلحيت "والله لوالديك اهاد لمشعكك تانخليك تهضر بالشلحة"
بيسان:(تكات على لمخدة تتموت بالضحك وقالت بالسوسية) هان أجدة ستيل أيگااا أوشاكاايااد هههه "راه اجدة هاد الشعر ستيل"
زاينة:(خنزرات فيها وضارت جهتو جراتو من شعرو وقالت) هاااامت لاكمين ولانتااان "هاكي لانتي ولاهو"
كمش زين العابدين حجبانو وبدا كيرجع شعرو ويقادو ونوح غير مبسم من هضرة جداااه.. شاف فزين العابدين وقال ليه بالإنجليزية:واش فهمتيها هي اش قالت ليك؟
زين العابدين: تتهضر على شعري؟
نوح: بيجوطان راه هي لمشعكك هه
زين العابدين:(قلب عينيه وقال بهدوء) كانلقى راحتي فيه تت
أعدى حاجة عند زين العابدين هي شي حد يقيسو فشعروو كيفما بغى يكووون.. مكيحملش لي يقيسو فيه والادارها شي حد كيضور فيه ضورة شيطانية ولكن بحكم أنها زاينة جداه لي قاستو مقدرش يهضر معاهاا احتراما ليها وحيت عارف باااه كيحماق على جداه.. عليها سكت ومقال والو..
زاينة:(شافت فنوح وكمشات حجبانهاا فيه) مافديدس أورتساوالت ستشلحية " علاش متتهضرش معاه بالشلحة"
نوح:أورتيسن أزاينة نو "مكيعرفهاش"
زاينة: كولو كيين أفلاس إيفوووغن أوريومز تاشلحيت أوريومز تاعرابت يومز غااار أوال نوداااين " نتا لي خرجتي عليه ماشادش الشلحة ماشادش العربية عارف غير هضرة ليهوووود "
نوح:(ضحك وجرها جهتو بايس راسها وقال) فكااس لخاطر راستسول إيسن "عطيه لخاطر غايعرفها مزال"
زاينة:(ردات عليه وهي منفخة)رانزر "غانشوفو"
رحمة:(شافت فزين العابدين) جيتي بوحدك؟
زين العابدين:(جاوبها بالإنجليزية) اه وغادي نرجع على قبل الامتحانات لي بقاو
بيسان:لعام الجاي لباك ياك (حرك راسو باه وكملات هضرتها)كون ماضيعتيش عاام كون راك دوزتيه نيت هاد لعام مي فيها خير
نوح:(شاف فيه وقال بهدوء) لمهم هو بخير وهادشي لي مهم عندي
سكتو كاملين وزين العابدين شاف فباه وقال بهدوء:غانمشي لبيتي
هز شكارتو وخرج من الصالة ورحمة ضارت جهة بيسان ونطقات بتأنيت:ضروري تفكريييه
بيسان:ماقصدتش والله (شافت فنوح) خويا
نوح:(حرك راسو بهدوء) عاااارف ماديريش فبالك..
كانت متكية فبلاصتها تاحسات بشي نغزات فكرشها خلاوهاا تحل عينيها ومدات يديها جهة لاباجور لي جنبها شعلاتها وناضت وهي مكمشة حجبانها وحاطة يديها على كرشهاا.. شعلات تلفونها وغير شافت التاريخ عرفات بلي غاتكون جاتها لغيگل حيت سيمانة كلها وهي تتعطيها فلسيني.. ناضت بخطوات تقيلة جهة البلاكار حلاتو وجبدات منو أولويز وحوايج لداخل نقيين وبيجامة سخونة وكلوون دلداخل تاهو سخون.. مع تمشات خطوة لولة حسات بشي حاجة هبطات ليها.. كملات طريقها جهة الحمام ولوجع بدا يتزاد بزز باش بدلات حوايجها وخرجات تتجر فرجليهاا تاوصلات بيتها وتخشات ففراشها وهي عاضة على شفايفهاا.. هزات تلفونها وصونات لأسماء لي جات تتجري عندها وهي مبوقلة بالنعاس وشعرها مخربق..
أسماء:مالكي؟
رحيل:(بزز باش تتهضر) مدي لياا دوااا دلوجع راهو فلمجر لفوقاني
أسماء:واش جاتك؟
رحيل:همممم
جالسة فالنموسية ومحنية لقدام تتوجع وأسماء مشات جابت ليهاا دوا ولما وعطاتو ليها شرباتو وشافت فيها بهدوء:نصاوب ليك الزعتر
رحيل:(حركات راسها يمين وشمال) همم شربت الدواا دابا
أسماء:(مشات جابت ليها كاشة خرا وغطاتها فضهرها ونطقات بهدوء)نبقا معاك؟
رحيل:(يادوب صوتها كيتسمع) نو غير جيبي ليا سطيلة وسيري تنعسي
مشات أسماء لحمام هزات سطيلة جابتها ليها وحطات ليها باكية دكلينيكس حداها وقرعة دلماا ونطقات بهدوء: بغيتي شي حاجة خرا
رحيل:(بصوت هامس) هنن
خلاتها أسماء ومشات لبيتها ورحيل جالسة فالنموسية ومحنية لقدام تاحطات وجهها على النموسية وغمضات عينيها.. لوجع ولى كيهلكها من نهار ولداات كانت قبل كايجيهاا بوجع خفيف ولكن دابا راه ولى كيطيحهاا تاكتشووف لموت بعينيها.. ليل كولو مانعساااتش فيه ومرة مرة أسماء كانت تتجي طل عليها ياكما محتاجة شي حاجة.. طلع الصباح ورحيل كانت يالاه غفااات تحل لباب ودخلات أسماء لابسة حوايجها تتمشى بشوية عليهاا وبلاحس باش ماتفيقهاش وغير وقفات حداها حلات رحيل عينيها ونطقات بهمس:شحال فالساعة؟
أسماء:سبعة ونص
رحيل:(زولات عليها لغطا ونطقات بتعب) تت يالاه نوجد راسي
أسماء:(كمشات حجبانها)واش غاتمشي لخدمة ونتي هاكا؟
رحيل:وشنو ندير
أسماء:ليل كولو ونتي فايقة تتوجعي ومناعسة تاساعة صحيحة وغاتمشي تخدمي نهار كولو واش باغا طيحي تم
رحيل:(شافت فيها وهي تتجمع شعرها) راه عييقت كل مرة نجلس بحال الاهاديك خدمت بّا اللهم نمشي والامقدرتش نكمل ناخد نص نهار حسن من أنني مانمشيش گاع
ناضت بزز وحاسة بعضامها ضارينها هزات حوايجها وأولويز جدية ومشات طرفات راسها وبدلات عليها ورجعات لبيت وخدات سروال توووب فالكحل كيجي وااسع لبساتو ولبسات معاااه تريكوو كحلة تاااهي وااسعة وفوق منها مونطوو طويل خفيف كحل تاهوو.. فاش تتكون فيها لغيگل تتفضل تلبس لكحل حيت هو مكيبينش..جمعات شعرها شفنجة ورطبات وجهها لي شاحب ومدارت والو فوجهها واكتفت بمرطب لشفاه ولبسات نقابهاا فالكاشيري.. وهزات صاكها فنفس لون النقاب حطات فيه الدواا وأولويز وباكية دكلينيكس وريحة صغيرة ودوليبران وبزطامها.. لبسات تقاشرها ونزلات لتحت لقات غير ريان وأسماء ورنيم أما إسلام باقي نااعس حيت هو لي غايقابل سيدرا..
رحيل:(جرات كرسي مبعدة عليهوم ومخسرة سيفتها بحال لموحمة وقالت بتعب) صباح الخير
ريان:صباحو مالكي جالسة لهيه مغاتفطريش
رحيل:(حركات راسها بلا وحسات بمعدتها تقلبات) تت
ريان:مالكي صفراا واش مريضة
رحيل:(تكات على لحيط وجبدات تلفونها ودارت ليزيات وطلقات لقرآن)همم
سكت ريان حيت فهم مالهاا وكملو فطورهوم وفاش سالاو غطاو الطبلة بزيف باش ملي يفيق إسلام يفطر.. وخرجو من الدار ورحيل مشات مع ريان فطاكسي وبقات حاطة راسها على كتفوو وحاسة بلوجع رجع ليها تاااني جبدات الدواا من صاكها وحلات قريعة دلماا لي شرات شربات منها وريان قرب جهتها وهمس ليهاا: كون بقيتي فدار حسن
رحيل:تت عييقت اريان كل مرة نجلس
ريان:راكي مريضة ماشي لخاطرك؟
رحيل:ولو اريان
سكت ريان وبقا شاد فيديها لي كانت باردة كيسخنها ليهاا.. تاوصلو لميزون دڤواتيغ وهي تهز صاكها وباستو فحنكو عاد نزلات مور ماسمعات توصياتو ليها.. طلعات نيشان لبيروها ولقاتو خاوي وهادوك لي خدامين معاها باقي مجاوش.. شعلات لبيسي وبقات جالسة وعينيها كيتغمضو.. حلات صاكها وخدات منو لبزطام ديالها وخرجات من تم نازلة لجهة لماشين دلقهوة تاخد ليهاا شي كااس باش يوگضها.. وقفات قدام لماشين تتشوف لِشوَا لي كاينين تاختارت لي بغات ولاحت لفلوس وبقات تتسنى.. غير خداتها وضارت باش تمشي وهو يبان ليها نوح واقف مع سعيد وهاز بين يديه لكاطالوغ ديال الطوموبيلات.. بقات تتشوف فيه مدة طويلة تاعاقت براسها عاد قلبات عينيها غادة طلع لفوق وهي تسمع صوتو لي نطق:مادموووزيل بلاتي
ضارت جهتو لقاتو كيشوف فيها.. أشار ليها بيدو بمعني أجي وهي تمشات جهتو تاوقفات قدامو ونطقات بهدوء:وي موسيو
جبد من جيبو سوارت البيرو ديالو ومدهوم ليها وقال بهدوء: جيبي معاك لبيلون ديال هاد الشهر وسبقيني لبيرو ديالي
شدات رحيل السوارت وحركات راسها باه ومشات وسعيد هز حاجبو كيشوف فيها بشوفة باردة..
عمر شي حد مادخل لبيروووه وهو براسو عمرو عطى سوارت بيروه لواحد من لخدامة هناا تال ليها هي.. داك النهار ركبات معاه وليوم عطاها السوارت بيروه.. بقا سعيد ساكت ماهضرش ولكن من لداخل ديالو كان تيتغدد.. أما نوح فحط صبعوو على واحد BMW فلكحل ونطق بهدوء: هادي
سعيد:(حرك راسو) واخا أنا انتكلف
نوح:(شاف فيه) شنو درتي مع هادوك لي دوزو لونطخوتيان
سعيد: قبيلة كنت كانشوف سڤياتهوم ورشحت تلاتة من دوك الخمسة لي جاوو
نوح:(دار يديه فجياب السروااال وشاف فيه بشوفة فهمها سعيد) أهم حاجة يكووونوو يستاهلو داك لبوووسط
----
ملي طلعات لبيروها لقات هادوك لي خدامين معاها جاو سلمات عليهوم وهزات لبيلون ديال الشهر لي كانت خدامة فيه ولبيسي ديالها وخرجات من تما غادة جهة بيرو دنوح.. بقات واقفة قدام لباب تتشوف فيه وهي تتعض شفايفهاا.. خدات الساروت من جيبها وحلاتو ومع دخلات ضرباتها ريحتوو لنيفهاا خلاتها تغمض عينيهاا.. نفس الريحة ديال ديك الليلة ريحة قوية مخلطة مع لعووود.. واحد لكوكتيل زوين وفنفس لوقت غريب.. ومع كانت بوحدها قدرات أنها تاخد راحتهاا وتفرج فلبيروو حيت فلمرات لقليلة لي دخلات ليه مكانتش تتقدر تاخد راحتهاا.. حطات لبيسي ولملف فوق الطبيلة لي وسط الفوطويات وخدات راحتها وهي تتشوف ديكوور لبيروو لي كان غالب عليه لكحل.. جلسات فالفوطوي وربعات يديها وبقات تتسنااه ويديها على كرشها حيت بدا لوجع تينغزها تاني.. بقات جالسة تاسمعات الدقان فلباب وموراها دخل نوح.. وقفات بزربة بحال الاشافت شي جن وهو هز حاااجبو وكمل طريقو جهة لماشين دلقهوة خدمهاا وعاد رجع جهة لبيرو جلس ونطق بلامايشوف فيها:جلسي
جلسات رحيل بلاصتها وبدات تتحك يديها مع بعض بتوثر.. كضور عينيها هنا ولهيه مقدراتش تشوف فيه وتاهو مانطقش.. حادر راسو على شي وراق تيشوف فيهوم تاسمع تلفونو كيصوني..
نوح:(بهدوء) ألو
بيسان:حبيبي غير عيط ليك باش نعلمك بلي حمد طلعووه من لبلوك وراه حطوه فشومبر عادية دابا
نوح:كيدازت لوبغاسيون ديالو؟
بيسان:مزيان سيفطو التحليلة لابو وملي تخرج نشوفو شنو كاين
نوح:واخاا شوفي ياكما خصاهوم شي حاجة
بيسان:يالاه جيت من عندهوم هوما بخير بلاماتشطن بالك احبيبي..
نوح:نهضرو من بعد دابا خدام
بيسان:واخا بسلامة..
قطع معاها ونطق بلامايشوف فرحيل: طفي معاك ديك لماشين
رحيل:(شافت فيه بعدم فهم) اينا ماشين
نوح:(هز فيها عينو ونطق ببرود) لماشين دلقهوة لي وراك؟
ضارت رحيل شافت فيهاا ورجعات شافت فيه وحركات راسها باه وناضت غادة جهتهاا طفاتها وهزات فنجان لي كان حداها مقلوب كباتها فيه وجابتها ليه هي والسكر وحطاتها ليه فوق البيرو وهو ينطق بهدوء:شكرا
رحيل:(بنفس الهدوء) العفو
جلسات بلاصتها وحاسة بكرشهاا تاضرها بسباب لوجع لي رجع ليها تاني.. غمضات عينيها وزيرات على لفوطوي بيديها تتبرد فيه لوجع وتعض على شفايفهااا ولمشكيل صاكها فين كااين الدوااا خلاتو فبيروهاا ومكان عليها غير تسكت وتصبرر لوجع حيت مبغاااتش تحااشم معاه تاااني باركة غير لجيست لي دااازو.. حطات يديها على كرشها تتمسدهاا باش يهداا عليهاا لوجع ساعة والو.. ديما النهار لول والثاني تتهلكهاا وتتخرجها منهاا لدرجة فاش تتجيهاا گاع مالين الدار كيكونوو عارفييين.. دخلات يديها تحت النقاب وبدات تتمسح عنقهاا وحاسة بالتبوووريشة طالعة معاهاا واخا لابسة مزياان ولبيرو فيه لاكليم الاأنها هي تتحس براسها بحال الا جالسة فلفريگو ويديهاا كااانو مچلاصيين.. هزات عينيها فيه وشافتو كيحرك فموو وكيهضر ولكن هي عقلها مرفوووع مع لوجع ولحالة لي فيها داباا..
نوح:(هز عينو فيها وبانت ليه بحال الاممرتاحااش فلجلسة) عطيني لبيلون ديال هاد الشهر
رحيل:(عضات على شفايفها ومع ناضت حسات بلفيضااان نازل منها تمشات جهتو بخطوات تقيلة وعطاتو لملف فين مجموعين لوراق ورجعات جلسات بلاصتهاا بلاماتهضر)
دار نضاضر دلبروطيكسيون وبدا تايقرا فيهوم وهي صافي جاتها دووخة ومبقاااتش قادرة تصبببر وطلقات تنهيدة خلاتو يهز راسو وغير بانت ليه حادرة راسهااا وتتحرك بزاف عرف بلي بيها شي حاجة.. نطق بصوت هادئ:واش نتي بخير
رحيل:(حركات راسها بلا وعضات على شفايفها) همممم
ناض نوح جهتها وقرب عندها مخلي مسافة بينو وبينها وقال بجدية:مالكي؟
اش غاتقول ليه وكيفااش غاتشرح ليه عقلها ممعاهااش داباا حيت بصح فهاد الساعة عقلها غايخرج من بلاصتووو.. طلعات رجليهاا وجلسااات فوق الفوطوي وهبطات راسهاا تتوجع.. صافي صبرات ولكن للصبر حدود وهو غير شافها هاكاك تبلوكاا وماعرفش شنو يدير.. قرب جهتها تاجلس فوق الطبيلة ومد يديه حط صبااعو على كتفها وقال بصوت تقيل: رحييل
كانت هاديك أول مرة يعيط ليها بسميتهاا بديك النبرة التقيلة ونُّطق ديالو لسميتها مورك على حرف الياء ولكن هي مدات مجابت.. بدات تاضرب يديها على لفوطوي وصوت تنهيداتها كيتسمعو بحال الافيهاا لمووووت.. خلعاااتو دبصح ومعرفش واش كلات شي حاجة ولاشنو بيهاا حدها شادة كرشهاا ومزيرة عليها.. قرب جهتهاا كثر وهي فديك للحظة طلعااات ليها تبويعة حبساتها بزز طلعات راسها وناضت بزز باغا تمشي ترد ساعة مجات فين تحبسها تاطلعات ليها الردة وطلقاتها ليه على ركااابيه..
يتبع...
التعليقات
لا توجد تعليقات بعد، كن أول من يعلق.