الجوهر الحر الجزء 43

مكانتش عارفة بلي راه طلق اللجام وتاهو ماحسسهاش بهادشي ورجع شد لجاام وكمل بيها الطريق وهي ضارت قدامها وبدات تاترجع شعرها ورى ودنيها وتاترد النفس لي قطع فيهاا.. الاكانو غير بوساتو وكيديرو ليها هاكا شنو غايطرا ملي يتعمق.. سرطات ريقهااا ورجعات رادة لبال لطريق وهو شادهاا وكل مرة يدوز لسانو على شفايفو مساخيش بداك لمدااق لي فشفاايفهاا.. باااغي يتعمق ويزيد يطبع أماااكن خرى بقبلاتو الرجولية ولكن حيت عارف حالتهاا وعارف هي مناااش دااازت داكشي علاش غادي معاهاا بالمهل ومباااغيش يزرب عليها باش هي ماتخلعش وتبعد.. باغيهاا تولفو واخا حاس بيها بدات تتولف من كلامهاا معااه وهضرتها لي مرة مرة تاتكون عفووية ولكن هادشي باااقي مكيعني بلي هي تطلقات كليااا.. باقي تايحس بخوفها وهي بين يديه ونيتو هو يحيد داااك لخوووف هو لول.. باغي يتملكها ليوم قبل غدااا ودابا نيت صابر بزز وكلما تحركات ريحتها تادخل لنيفو تتزيد تشعلوو بلاريحة شعرها لي مع الريح تايطير على وجهوو.. زير عليها وشد اللجاام وضرب الحصان برجلو بالخف تابدا كيجري بيهوم ورحيل تشبتات فيديه وهي تاتحس براسها تاتبومبا فوق ضهر الحصان وكون مايد نوح لي شداهاا كون طااحت.. شعرهاا ريح كيدي ويجيب فيه ونوح مكمش حجبانو حيت تايجي على وجهوو.. داك لخوف لي حسات بيه رحيل بدا تيتلاشى وشوية بشوية بدات تاضحك بالجهد وطلقات يديها مطلعة راسها لفوق حطاه على كتفو ومغمضة عينيها.. عجبها الجوو بزاااف وديك السماا الصافية لي كتبان فيها الگمرة كاضوي ونجومهاا لي مشتتين جنبهاا خلاوهاا تنتاااعش.. تبسم نوح على ضحكتهاا وحركتهاا لي دارت ونطقات بصوت خافت: حاسة براسي كانطير

زاد الخيل فالسرعة ديالو حافض الطريق ونوح شاف فوجهها لي كانت باقا حاطاه على كتفو وتبسيمة عليه.. وغير وصل فين باغي وهو يجر ليه اللجاام تاهز رجليه لقدامين ورحيل حسات براسها مااالت وحلات عينيها بذعر تابان ليها وقف عاد تنفسات بالراحة.. نزل نوح هو لول ومد يديه هزها منزلها تاهي... شعرها تنفخ بالريح ولگصيصة طاحت على عويناتهاا.. قرب تايقاد ليها شعرهاا ونطق بهدوء: عجباتك الركبة فالخيل؟

رحيل:زوينة بزاف صراحة مكرهتش نبقا ههه

نوح:نعاود نطلعك

رحيل: لا لا هه (شافت قدامها) هادشي كولو ديالك؟

نوح:(شد يديها تيتمشاو فداك الربيع ونطق) ديالك نتي (شاف فيها مبسم)هاد لفيرمة راه ولات ديالك

رحيل:(وقفات بصدمة وشافت فيه) هااء

وقيتة دلعقد وكلام لعدول لي قال على الصداق هي راه مارداتش ليه لبال وترفعااات فديك لحظة ودابا فاش قالها ليها راه صدمها..

رحيل:(كمشات حجبانها)كيفاش ديالي ؟

نوح:(شاف فيها) كتبتها بسميتك وهي ولات دياالك الفثنة (حط يديه على كتفها تاشافت فيه) حاااجتي هي حااجتك من ليوووم أناا وياااك وااحد مانبغيكش تحشمي مني ولي بغيتيها اجي عندي وگوليها لياا ارحييل

رحيل:(تبسمات ليه ونطقات بهدوء)شكرا

نوح:(جمع ليها شفايفها بين يديهاا وقرصهاا ونطق ببرود) نكووويك عليهاا واقيلة بااش يالاه تحرمي تگوليها تااااني

رحيل:(كمشات حجبانهاا)همممم

نوح:(حدر راسو وهز حجبانو)تعاوديهاا؟

رحيل:(حركات راسهاا)هممم

طلقها وهي بدات تاتبرد شفايفها أصلا كيضروها بسباب دوك البوساات وداباا قرصها حسات ييهوم تايوزوزو.. دلات شنيفاتها وقالت بهمس:قصحتيني؟

نوح:(هز ليها راسها مكمش حجبانو) اراي نشووف

بدا كيدوز الإبهاام ديالو عليهوم تيبردهوم ليها مع بصح تفلحو ليهاا وبلا ديك لحمورية لي فيهوم.. جرهاا مدرعهاا غادي بيها جهة الشاريج لي عاامر بلمااا وجلس جنبو وجرها مجلسهاا عليه فوق ركابيه وهو تزيراااات وبدات تاضور عينيها ونطقات باغا تلف الحشمة:واش هاد لمااا كايشربو منهووم؟

نوح:(دخل يديه تحت لبيجاامة وقرصها فكرشها تاقفزات) لا

رحيل:(عينيها على لماا الصافي) واش هاد الشاريج غاارق بزاف

نوح:شووية علاش باغا تعومي فيه؟؟

رحيل:(تبسمات)لا أصلا مكنزعمش نعووم فبلاصة غارقة

نوح:(هز حجبانو) راه قلت ليك نتي خوااافة

رحيل:(ضارت جهتو وربعات يديها ناسية راسها) مخوافاااش أناا غير مكنبغيش نعوم فالغاارق حيت لاقدر الله يقدر نغرق

نوح:(تكى بيديه بزوج على الربيع راجع لور ونطق بهدوء) لواحد خصو يغااامر الفثنة

رحيل:ونتا كاتعرف تعوم؟

نوح: وي كانعرف نعووم وكنعرف لبزاف دلحوااايج

رحيل:بحالاش

نوح:(تقاد لجهتها وقال بهمس) تانوريك بحالاش

رحيل:(رمشات بعويناتها بحال مونيكة)بغيت نشرب

نوح:(ضحك وقلب وجهو) أنا نجيب لك لما (نوضها ونااض شاف فيها بجدية) بعدي على الشاريج وبقاا واقفة غير هنااا هاني جاااي

خلاها ومشى كيجري وهي متبعة ليه الشوفة ورجعات ضارت تاتشوف قدامها.. الجو عجبها ديك الليلة والريح خفيف كيطير ليها شعرها.. شافت جهة الشاريج وقربات لجهتهو كثر تاتشوف فيه وفانعكااسها لي كيباان فالماا الصاافي.. رجعات تحدرات وقربات كثر ومع البانطوفة كاتزلق ماحسات براسها تاكانت طااايحة وسط داك الشاريج..

شهقاات وهي طايحة وسط لماا وبدات تاضرب بيديها والخلعة لاعبة عليها خصوصا فاش قال ليها راه الشاريج شوية غاارق.. بصح كتعوم ولكن فديك اللحظة بدات غير كاضرب بيديهاا وتغطس وطلع وهي تاتشهق وتنهج وتابااش تغوت ويجي ماعندهاش الصوت.. ولي زاد فشلها هو لكلاكاااج لي شدها فرجليها كوانساااها تامبقات قاردة تحرك..

كان راجع جايب قريعة دلمااا معاه هز عينو فلبلاصة فين كانت مبانتش ليه شي لي خلاه يكمش حجباانو ويقرب بخطوات سريعة وغير سمع صوت الماا وهو يلوح ديك القرعة وبدا كيجري تاوصل لشاريح وهي تباان ليه مخشية فلماا وشعرها كيطفوو.. مافكرش زوج دلمرااات وكاان تلاح لعندهاا تاوصل حداها وشدهاا من كرشها مطلعهاا وهي بدات تاتشهق وطلع النفس.. شدات فيه شدة دلعمى فالظلمة ومعاوداتش طلقااتو أما هو عام بيها تاوصلهاا لحيط وهو يكاليها معاه وهي تنطق تاتنهج: رجلي تاضرني

نوح:اينا وحدة؟

رحيل:ليمنية

مد يديه لرجليها ليمنية وبدا كيماصيها وسط لماا وهي باقا شادة فيه تاترتب تنفسها تاحسات براسهاا شوية وهي تنطق:كنت غاانموت

نوح:(شاف فيها وهو عاقد حجبانو) ياك قلت ليك ماتقربيش ليه

رحيل:كنت باغا غير نطل وزلقات ليا رجلي (كمشات فمها) بانطوفتي مشات

نوح:(خنزر فيها ونطق بخشونة) نتي لي كنتي غاااتمشي فيها كون مجيتش تت باقي كاضرك رجلك؟

رحيل:شوية

بقاا تايدير ليها مسااج تاحسات بيها تطلقات ومبقاتش مشنجة وهو يقرب جهتها كيشوف فشعرها لي كان طايح على عينيها أو دوك لقطيرات دلما لي على وجهها.. شكلهاا غراااه ومع جسمو كان ملاصق مع جسمها كيتحااكوو خلات الهوايش يشعلو فيه.. تحنى لعنقها وحط شفايفو عليه ومحسااات غير بواحد لعضة عضهاا خلاتها تشهق وتزير على كتااافوو وهو مطلقهاا تاااحس بجلدتها شوية وطير.. بعد وعينو كيشوفو فالعضة ورجع شاف فيهاا ببرود: تعاااودي تقصحي دااك الراااس نتفاااهم معااك

رحيل:(حطات يد على بلاصة لعضة تتحكها ونطقات مكمشة حجبانها) قصحتيني ااي

نوح:(قرب وجهو جهة وجهها تاقاس نيفو نيفها وقال بصوت خاتر) هاد لمرة جاتك فالعنق مرة خرا غاتجيك هنا

حط يديه على أنوتثها تاحسها قفزات بين يديه تاتلوى وحركاتها غير مكيزيدو يزندوه.. كيفشلها بجرئتو لي تاتهلك أنوثها وتتخليها تجمد.. أماا هو طلع يديه وخشاها تحت البيجامة تاقاس كرشهاا وبقا طالع بيديه تااوصل لفرقة دصدر.. وخشى يديه تم وعينو فعينيها تايشوف ديك لحمورية لي فحناكها وعينيها لي كترفرف بيهوم بحال شي مونيكة.. لعب بلسانو ففمو وهو تيحس بسخونية نهديها بين يديه.. نزل وجهو لشفايفها وعض شنوفتها لتحتانية تاتعوجاات بين يديه.. لمساتو ليها جابت ليها تمام وفشلاتهاا تامبقاوش رجليها هازينها بعد عليها وهزها من خصرهاا تاطلعها لفوق وجلسهاا وهي مدات يديها تاتحك عنقهاا لي كيوزوز وتسرط ريقها.. رجليها مدلين فالماا حيت الشاريج كان عامر تال لفوق.. غير تأكد أنها جلسات ومغاطيحش وهو يتخشى كولو تحت الماا ورحيل غير شافتو غبر وهي تگعد وعينيها بداو يضورو وبخووف نطقاات:نوووووح

طلعات معاها الخلعة فاش بان ليها غبرر وسط لماا ومع مظلم مكيبانش ليها القااع ولكن فاش طااحت حسااات بيه غاارق.. عقلها تيقول ليها طيحي وكانت غاديرها كون مبااانش ليهاا طلع من الجهة لخراا وبدا تيرد شعرو لور عاد قدرات تنفس بالراحة.. بان ليها تيعوم لجهتها تاوصل عندهاا وحط يديو على رجليها من لتحت تايدوزهوم بحركات خفافين تحت رجليهاا وشاف فوجهها..

نوح:(نطق بحنية) شوية دابا؟

رحيل:(حركات راسها) اه ولكن خفت ملي مبنتيش لياا سحاب ليا غرقتي

نوح:(زاد قرب ليها كثر ونطق بخفوت) خايفة عليا الفثنة ؟

رحيل:(عاقت براسها وبلحصلة لي حصلات وبدات تاضور عينيها تاني تاقالت بهدوء) فيا لعطش

لعب نوح بلسانو ففمو ومشى طلع من داك السلوم لي كاين فالقنت كولو تايقطر بالماا كايتمشى بلحفى وتيشورت لصقاات على صدرو ودراعو مبينة فورمتو لي خلات رحيل تبع ليه الشوفة بنص عييين.. بقات حاضياه تابان ليها راجع عندها وهاز قريعة دلماا عطاها ليها..

نوح:خلينا نرجعوو قبل مايفرعك لبرد

شد يديها تاناضت وهزها بين يديه مع مكانتش لابسة الصندالة تاهي.. تمشى بيها تالبلاصة فين كاين 'أيور' وقادهاا عاد طلع ركب تاهو وتحرك راجع لفيرمة.. كان تيتمشى لحصان بشوية ومبغااش يزرب حيت داك الريح غايفرعهاا ومع هي كلها ساردة بالمااا لي كان بااارد حس بيها بدات تقفق بين يديه.. مدة لابأس بيها وكانو واصلين لمور الفيرمة.. نزل وربط لخيل هو لول عاد نزلهاا بين يديه وبقا هازها ورجع بيها لدار وهي حاطة راسها على صدرو.. حسات بلعيااا وديك الطيحة فلماا فشلاتهاا وزيد لبرد لي حسات بيه..دخلو لبيت ومشى بيها ديريكت لحمام نزلهاا ونطق بهدوء: حيدي حوايجك

هزات رحيل عينيها فيه ولاإراديا حطات يديها على لفوقاني دلبيجامة ونطقات بصوت مرعود:علااش؟

نوح:(حركتها لي دارت وديك الترعيدة فصوتها مخفااتش عليه وبصوت هادئ قال) باش دوشي

رحيل:(تاتسرط ريقهاا)ااحم أناا غاندوش غير سير نتا دوش باش مايضربكش البرد..

بقا واقف هاز حجبااانو بزووج كيشوف فيها بشوفات فشكل قبل مايخرج من لحماام ويخليها بوحدهاا.. أما هي فبقات واقفة تاتفكر شوفاتو وعرفات بلي غايكون ماعجبووش لحال ومن حقوو وهي ماشي بلعاني دارتهاا.. مشات جهة الرشاشة تاتزول حوايجها لي كانو فازگين تابقاات عريانة وتخشات تحت الرشاشة وبدات تادوش بالما دافي.. خدات وقتهاا ولبسات بنوارها وجلسات تادير كريمات وعقلها ساهي فشنو طرا قبل شوية.. عضات على شفايفها وبدات تتلوم راسها.. ودخلات فدوامة تأنيب الضمير.. والأسئلة لي نزلات عليها بحال الشتاا.. ياك هو راجلك ؟ علاش خايفة منو؟ هو معارفش زواجك لول وشنو دوزتي فيه؟ معارفش بلي عندك خوف من الناحية الجنس*ية؟ نتي أصلا مكتعرفيش شي حاجة على هاد الموضوع؟ كان عليك تقفي راسك ارحيل وتقرااي لعلى وعسى تزعمي شوية؟ شوفي السيد كيفاش تيتعامل معااك وداير ليك كيف الماا القليل ونتي أبسط حق من حقوقو ماقدرتيش تعطيه ليه؟ لابقيتي هاكا يقدر يمل وينفرك؟ علاش ماتصارحيهش بلمااضي يقدر يتفهمك؟؟ أسئلة كثيرة خلاوهاا دووخ وتحط لي فيديها وتحدر رااسهاا تاتشوف فلعدم وعقلها ساهي بيهاا..

خدا دووش فالحماام دبراا ورجع لبيت مبدل حوايحوو بشورط كحل قصير فقط والفوق بقاا عريااان.. وقف قدام المرايا تايرجع شعرو لي كان باقي سارد لور بيديه وهز ديدوغووون رشهاا على صدرو وطلع عينو جهة باب الحمام لي كان مسدود.. تصرفهاا معاه مقلقووش منها بل عصبوو وخلى العافية تشعل فيه دااابا اجااا مطفاهاا.. فاااش كيتفكر هي اش دوزااات ولعداااب لي عاشت لي بسبابو كاتعالج عند طبيبة نفسية لسنين وداك لخوف لي كيشوف فعينيها تيزيد يخليه يحقد ويكعى.. ودابا نيت تايحااول يمحي من بااالو هادشي ولكن مقدرش.. بقا غادي جاااي كيمسح على لحيتوو وكارز على يديه كيستغفر مولاه عالله يتهدن شوية... داك لبروود تلاشى وحيت عاااارف راسو فااش كيمشي تاكيشعل تايكون صعيب يطفى قرر يلجأ لصلاة حيت هي لحاجة لوحيدة لي غاتخليه ينعل الشيطان ويبرد.. لبس فوقيتو وفرش صلايتوو فاتجااه القبلة وكبر قبل مايبدا يصلي بتركيز وخشووع.. صلى زوح ركعااات وجلس فوق الصلاية كيدعي واخد وقتو وغير سالى وهو يتنهد فاش حس براسو رتاااح ولو غير شوية.. ناض كيجمع صلايتو وعينو تعلقات فباب لحماام ورجع شاف فالساعة وكمش حجبانو وبخطوات سريعة قرب جهة الباب دلحمام دق زوح دقات ونطق بصوتو الخشن:رحييييل رحييييل

فاش مجاوباتتوش خلاتو يعقد حجبانو ويحط يديه على لبواني لقاه مسدود من لداخل.. يالاه بغاا يفرع لباب وهو يسمع صوتها وهي ناطقة بخفوت: بلاتي

زفر النفس وعاد ارتااح فاش سمع صوتهاا ورجع تايزول فوقيتوو تابقا بالشورط وخرج لبالكون وهو كيتنهد.. أما عندها فبعد ماجلسات مع مخها وشافت راسها غادخل فواحد الدوامة لي هي مباغااش دخل ليهاا قطعاات تفكيرهاا ورجعات تاتكمل شنو تادير وغير سالات من لبرودويات جمعاتهووم ورداتهوم بلاصتهوم وجلسات تاتشوف فدوك لشوميز دونوي.. هي خصهاا تحكم فخوفهاا وتنساااه وزيد هي مغاتقدرش تحرم راجلها من حقوو.. هادي أقل حاجة تقدر ديرهاا.. هزات واحد شوميز دونوي بيض فيه بونجات من جهة الصدر مكتحتاجيش تلبسي ليه سوتيان وجهة لكرش لتحت شبكة.. وقصير بزاف ولقصة ديالو من لتحت بحال لاعوجة لقدامي قصير على لوراني.. ومعاه سترينگ ديالو.. كان هو أستر شوميز من هادوك لي تم داكشي علاش اختارتو.. وكيجي معاه بنوار ديالو دستااان تاهو قصير.. ناضت من الأرض ومشات جهة المراياا وبدات تاتشوف فوجهها وتتحاول تبسم وتعطي لراسها لقوة واخا من لداخل كانت مخلوعة وخايفة.. حطات يديها على شفايفها لي كانو تيبانو فيهوم لعضااات لي دار ليها وتنفيخة ديالهووم.. ورجعات نزلات شوفتها لعنقها لبلاصة فين عضهاا ولي بدات تزراق.. حلات لاطخوز دلمك اب وجبداات منها لكحول وحيت قال ليها عينيها كيعجبوه كحلاتهوم مزيااان تاداااع لكحول تحت عينيها شوية وبانت لمعة ديالهوم مع ديك لحمورية لي كانت بسبب الكحول لبلدي لي دارت.. خدات عكر گرونة كيأثيري ورسمات شفايفها وعكراتهوم تابان لڤولوم دشفايفها طالع.. مدارتش الريسيل واكتفت غير بهادشي لي أصلا خلاها تبااان فشكل جريء وداك لعكر لي عمرها دارت داك لون لزنقة وديما تيعجبها ألوان نيوود خفيفة.. زولات داك لبنوار ولبسات شوميز دونوي وبانت الفصالة ديالو لي كان فيه..لبغوطي فوق لكتاف رقاق ولقصة دالصدر تتبان مربعة ويادوب داك التوب مغطي ليها نص صدرهاا.. وبانت السنسلة لي مزينة عنقها تاتلمع.. لبسات داك التسرينگ واخا متتحملهومش وشافت فراسها ودوك المفاتين لي كيبانو فداك الشوميز.. لبسات عليه بنوار وهزات صدرها طالقة النفس وخدات ريحة خرى هادي مخصصاها لنعااس فقط رشاتها عليها وعاد دازت لشعرها نشفاتو بسيشوار ودهناتو بسيرووم وقدات لگصيصة وبان طويل على قبل حيت دابا جا مسرح نيشان.. قداتو بيديها تاجاا طايح فوق كتااافهاا بعشوائية.. بقات تاتشوف فراسهاا ومغاتنكرش بلي عجبها لوك لي كان مبينها جريئة خصوصا داك لكحول ولغوج أليڤغ.. تبسمااات برجفة وكأنها كطمن راسها بلي كلشي غايدوز بخير

رحيل:(بخفوت) هووو راجلك ارحيل ورااحة روحي ماتنسايش هادشي..

جمعات مسائلها وضارت جهة الباب حلاتو وخرجات.. عينيها بداو كيقلبو عليها ويديها بدات تتعرق ليها.. تابان ليها واقف فالبالكون باين فيه محسش بيهاا.. كمشات عينيها فاش شافت ضهرو لي فيه دطاااش كيبانو قدامين ولكن مخلين ليه الأثر فضهرو كولو.. وحيت عاطيها بالضهر سمحات لراسها تاهي تشوف فيه وطلعو بشوفاتهاا من رجليه لي لابس فيهوم صندالة ودوك لمولي لي كيبانو مشدودين ومزغبين وكتافو لعااامرين وشعرو لي كيبان طويل ومرجعو لور.. دققات فيه مزياااان وغير رجعو عينيها تحطو على دوك الضرااابي وهي يجيهاا لفضوول من جهتهوم وباغا تعرف كيفاااش وقعو معااه دوك الضرابي لي باينين من الشوفة بلي قدام..

كان مكمش حجبانو وعينو على الربيع تيخمم تاشم ريحة برفان غير هاديك لي ديجا شمهاا فيهاا.. ملي وقفات وراه وهو حاس بيهاا ولكن ماضاراااش وبقا واقف مدة باغي يعرف اش غادير وملي شافها ماتحركاتش عاد ضور وجهو بلخف لعندهاا وهو باقي عاقد حجبااانو ولكن غير تحطاات عينو عليها وهو يفكهوم دغياا وتقاد فوقفتوو كيشوف فشكلها المغري..طلعها بعينيه من رجليها الحفيانين وضفار لي كانو ممصبوغينش حيت زولات الصباغة فاش توضات.. ولحناا لي مكانتش مكثراها فرجليها ولي كانت حمراا جاتها مع بيوضيتها.. كمل بشوفاتو لسيقانها لي كانو تيلمعوو وبيضين ومافيهوم تازغبة بحكم أنها مزولاه بليزر.. وفخادها لي كيبانو ليه عااامرين غير دلعضاان تاوصل لداك التوب لبيض لي لابسة وكمل شوفتو ليهاا تالمح عنقهاا لي كييان ليه عرياان وديك السنسلة لي مزيناااه وهو يطلع مع دقنهاا مرورا بشفايفهاا لي كانو تيبانو بحال شي حبااات دلفريز.. ولكن غير شاف فعينها لمكحلين وهوو ينسى كلشي.. عينيها تيجيبو ليه التمام وكيفثنوووه لدرجة الهلاااك.. هاعلاش مباغيش تكحل حيت عينيها تايجدبوو وكيشهيو وهو مباغي تاشي قمقوم يفكر مجرد تفكير فعينيها عساااك يتشهاهوم.. بدا تيقرب جهتها بخطوات بطيئة كانت تتخلي قلبها يتعلاو ضرباتو.. وحلقها ينشف.. سد لبالكون هو لول ودوز لخوامي عاد ضار جهتها وكمل مشيتو تال عندهاا.. وريحتها ضرباات نيفو مخليااه يسكر وهو ساحي.. حط يديه على حنكهاا تايلمسو بحنية ورحيل كانت تاتشجع راسهاا بواخا لداخل نايضة فيه الزوبعة وهاظشي ماشي لخاطرهاا.. من خلال تعاملو معااها راه شافت كيفاااش حنين وتيعطي لخاطر وهادشي مفرحهاا وفنفس معرفااش الاتعمقات معاه كيفاش غايتعاامل واش غايبقا على نفس الحنية.. هزات فيه عينيها لي كانو تيلمعو كاتشوف فعينيه لي مراقبينهاا بهدوء.. قدرات تلمح شوفات الإعجااب منهوم وشوفات خرين معارفااش تفسرهووم.. أما هو فريحتها ومتظرها هلكووه وبزز باش شد راسو واخا واحد لعقل عندو كيوسوس ليه بشي حوايج حون عرفاتهوم غاتموت ليه بين يديه.. قرب جهتهاا وحط شفايفو على جبهتهااا وحظنها لعندوو ويديه كادوز على شعرهاا ورجع سولها من جديد: مزيان دابا؟

حركات راسها باه ويديه بزز باش طلعاتها وحطاتها على ضهرو لعريااان.. تبسم بالخف فاش حس بيديها السخونة تحطاات على ضهروو.. نزل يديه تال ضهرهاا فوق شعرهاا تاوصل لأسفل ضهرها وخلاهاا تم.. راسها كان محطوط على صدرو فوق قلبو نيشااان.. حسات بدقات قلبو تايضربو بالجهد بحال شي مضخة تحت وذنيهاا.. هزات عينيها جنب تاتشوف انعكاسهوم فديك المرايااا.. أماا هوو فبقاا مكمش حجبانوو ونزل شوفتو لوجهها لي بعداتو على صدرو وشافتو فيه بخوف وخجل... تحدر هزهاا بين يديه وهي تعلقات فعنقوو.. تمشى بيها جهة النموسية وهي غير شافتو غادي بيها لتم وهي تسرط ريقهااا وبدا كيطلع معاها الزااايد.. وگاع ديك القوة بدات تتبخر ورجعات خووف..

تكى بركبتو فوق النموسية وحطهاا فيهاا وهي بدات تاتقاد وتنزل داك الشوميز لي طلع ومع أصلا قصير فخاظها كولهوم بداو يبااانو.. تمشى نوج جهة الخوامي لي ضايرين بالنموسية وطلقهوم مع كانو مهزوزين ورحيل غير تاتشوف فيه وهي ساكتة.. أصلا لخوف مخلى ليها ماتقول.. وصدرها بدا يطلع وينزل تبان ليها هز ديك لخامية من جهتو وتخشى فبلاصتوو جنبهاا وجرهاا لعندو وحط ليها راسها على صدرو ونطق بهدوء مكمش حجبااانو:غاتكوني عيتي ليوم نعسي باش ترتاحي

كانت حالة فمهاا وعينيها بزوج تاتحاول تستوعب لكلام لي سمعااات منو.. واش قال ليها تنعس ولاغير جاب ليها الله؟؟ صدمها من ردة فعلوو لي مكانتش متوقعاها وكمشات حجبانها وعقلهاا خدام تيطرح فالاسئلة.. مجاوباتوش وأصلا ماعرفات باش غاتجاوب ضورات عينيها باغا تأكد من ردة فعلو ولكن غير شافت الظلام حيت طفى الضوو وهي تعرف بلي هو بصح قال ليها تنعس.. ضربات الطم وبقات ساكتة وهي تتحس بنفسو السخونة كاضرب فوق راسهاا.. ويديه تاتحك على دراعهاا فوق التوب دلبنوار لي لابسة وليد لخرى حطها على كرشهاا وبدا كيمسدها ليها فحركة خلاتهاا ترخى ومابقاااتش مزيرة وعينيها بدات تاتقال عليها لي تاغمضات عينيها ونعسااات..

كان ليوم رجوعها لخدمة فايقة وهي خاسرة كيف العادة وماقادرة تحرك لارجل ولايد.. العياا رجع عليها ديال العرس.. لبسات أول حاجة بانت ليها قدام عينيها بلاماتخمم أصلا لونڤي ماعندهاش باش تقاد.. دارت عكر فقط وريحتها وهزات الصاك ونزلات لتحت لقات كلشي باقي ناعس مع العيا مافاقوش بكري.. حطات صاكها ومشات باش توجد فطورهاا.. كانت باغا تعيط لرحيل تسول فيها وطمن عليها كيف دوزات ليلتها مع هي عارفة حساسيتها ولكن قالت بلاش ندرونجيهاا.. حطات قهيوة وطرف دلكيكة لي بقات لبارح دلعرس وبدات تتاكل بشوية تاسمعات الحس وهزات عينيها بان ليها إسلام داخل بسروال دجين مع تيشورت نواغ.. قرب جهة الثلاجة وهي بقات هازة حاجبهاا فيه وتتشوف السيد واخد راحتو بحال الافدارو.. سخن تاهو القهوة وجلس قدامها وقال بهدوء:غزالي فايقة بكري؟

أسماء:واقيلة راني خدامة

إسلام:(كمش حجبانو)ماعرفتش شنو باقا تاديري تم علاش ماتجلسيش فالدار وتهني مخك

أسماء:نجلس فالدار (ضحكات بسخرية) ههه مالي قريت باش نولي ربة بيت

إسلام:ماشي بضروري تقرااي باش تخدمي الناس تتقرا باش تقف راسها

أسماء: بحالك نتا واخا قاااري وعندك بوسط مزياان الاأنك باقي ممتقفش

تبسمات ليه بلبرودة ورجعات تاتفطر وهو كيشوف فيها بهدوء.. مارشقاش ليه يدير فيها عقلو على الصباااح باركة عليه راسو لي غايتفرع عليه والنعاااس لي مانعساااتوش البارح.. أما هي فمكانتش مسوقة كيف عادتها وجوباتو على كلامو..

إسلام:(بدون مقدمات) داك خونا باقي كيضور بيك؟

أسماء:(هزات فيه راسها ببرود) وهادشي باش كيهمك؟

إسلام:سولت جاااوبي وبلاماتبقاااي تمرضي فياا

أسماء:ماشفتيش راسك تادخل فحوايج مكيهموووكش شكون نتا باش تسولني سؤال بحال هادا وشكووون نتاا باش تخشي راااسك فحياااتي (ماخلات ليه فين يدوي) نتااا عندك دارك وحدودك متجاوزهاااش اسي ماشي غير شفتيني نتجاوب معاك يسحاب ليك راه هادشي عاجبني تو تو تو راه غير راشقة ليا وقلت نسايرك وصااف

إسلام:(قرب وجهو جهتها ونطق ببرود) كلامك كولو مكيهمنيش وعندي زايد ناقص وماشي نتي لي غاتوريني اش غاندير.. نهاار جيتي ودخلتيني فداك السكوندااال لخاوي باش تخلي داك الزا*مل يخليك جنيتي على راسك وجبتي عليك النحل وداباا ماعليك غير ضربي الطم وتفرجي اغزااالي (هز حاجبو) وبقاي تسمعي لهضرة لي تانقول ليك وماتخلينيش نتعصب عليك حيت مغايعجبكش داكشي لي غاندير فيك لافكرتي تلعبي ورى ضهري

أسماء:كاتهددني دابا؟

إسلام:(رجع لور مربع يديه) أنا غير دويت دابا ونتي حرة تفهمي كلامي كيف بغيتي اغزالي

أسماء:(هبطات راسها تاتلعب بلمعلقة وبسخرية قالت) تيقتي راسك وبديتي تتحكم فياا بحال الاراك ضارب بياا لاكط (شافت فيه) وعند بااالك أنا غانتردع ونهبط الراااس ونقول ليك اه واخا وماتكون غير على خاطرك ياااك

إسلام:بزز منك تگوليها

أسماء:(ضحكات بسخرية ) وشحااال وجهك قااصح اخوياا زعمة الله بعطيناا فيگورتك نسرقو بيها غير شي بااانكة ونتبرعوو هههه (شافت فساعتها) عطيتك بزاف ديال لوقت وممسالياااش ليك دابا

إسلام:(مد يديه ونطق بعصبية)ملي نكون ندوي مع القح*بة دمك تركني بلاصتك وبلافريع لك*ر

أسماء:(قندشات)صلح فمك المرض وعرف اش تتخرج من داك لخراا وأناا ماشي مونيكة عندك لي تحركها كيف بغيتي ودابا بعد مني قبل مانغوت ونجمع عليك مالين الدار نوريهوم وجهك الموسخ

إسلام:(ناض تقابل معاها) جمعيهوم اش كاتسنااي واش عند بالك اتخلعيني بهاد لكلام نيت تاأنا عندي مانقول ليهوم يالاه غوووتي

أسماء: (عصبها ونثرات يديها) لاجمعتهوم بلاماتحلم تعتبها باقي هناا وداك لباب لي حل بابا فوجهك غايتسد بسباب فعايلك لموسخين مع بنتو

إسلام: باك أصلا لاعرف لعب لي تتلعبيه ورى ضهرو عمروو يشوف فكمااارتك مزاااال وغايندم على النهار لي دارك فيه بنتو..

مكانتش متوقعاه غايقول ليها بحال هاد لكلام مولفة يعاير ويسب ولكن بااش يجبد ليها موضوع بحال هادا وبهاد الطريقة جرحااتها ومغاتنكرش.. خنزرات فيه قبل ماتهز صاكها وتخرج من لكوزينة خارجة لبرا وهو بقا واقف كولو تيترعد.. يوصل معاها لفيما بغا ويعايرهاا ولكن مامنحقووش أنه يعايرها بحاجة بهاد لموضوع لحساس عندها.. تبعها نازل من الدروج كيدردك تابانت ليه غادة وسط لحومة وغير من مشيتها باينة فيها معصبة.. سد لباب ومشى تبعها كيجري تاشدها من دراعها ونطق:أسمااء

أسماء:(نثرات يديها وغوتات مجننة ممسوقاش لحومة) ماتحطش يديك عليااا ابنااادم وماتقيسنيش الخرااا فرقني عليك وماتورينيش بااااقي كماااارتك

نهضات فيه وهي مخرجة عينيها وكملات طريقها وهي مكتقشعش قدامها مخلياه واقف كيشوف فيها تاغبرات من قدام عينيه وهو يضرب برجليه فالأرض مكره على داكشي لي خرج من فموو..

من مشيتها كتبان معصبة وبالفعل فهاد اللحظة دوي معاها غاطحنك بقوة الأعصاب لي تاتحس بيهوم... كرهاتو ومبقاتش حاملة تشوف كمارتو ولاتسمع بسميتو وهاااد لكلام لي قااال خلاها تنفر منو كثر.. شدات طاكسي وحطات راسها على الزاج تتسرط لمرارة ديال دبك الهضرة.. هزات تلفونها تاتشوف فسمية رحيل.. باغا تهضر معاهاا وتخوي قلبهاا عليها ولكن مباغااش تشطنهاا وهي مسافرة مع راجلها.. بقات تتحرك رجليها ماعارفة مع من تدوي.. رجعات تلفونها لصاكها ورجعات سهات فالطريق تاوصلات وهي دخل مادوات مع حد ومحاشاتهااش لتاشي قمقوم.. حدها جلسات بلاصتها وبدات تاتشوف فدوك الضواسى لي خصها تبدا فيهوم وليميلات لي خصها تسيفطهوم لشركات لي خدامين معاهوم.. وانغمسات فالخدمة تتحاول تنسى اش وقع..

---

وصل إسلام لاباخطمون ديالو ومع الدخلة زدح لباب تاتسمع صوتو ولاح سوارتو فوق داك الطبيلة لي حدا الباب وتمشى جهة بيتو.. دخل هز فوطة وزول صباطو عاد مشى جهة الحمام وهو كينصل حوايجو وكل مرة يعض شفايفوو مفدد على راسو.. دخل تحت الدوش كيبرد ديك العصبية بالماا بااارد لي طلق.. الما نازل على داتو وهو معمض راسو ومطلعو لفوق مخلي لماا ينزل على وجهوو.. مدة وهو بديك الوقفة تاحس براسو شوية عاد حل عينيه ومد يدو باااش ياخد شامبوان وعينو لمحااات سمية السكرة دياالو لي واشم فيديه.. قربها ليه تيقيسها بصباعو وملامحو المعصبة رجعات حزينة ولمعة ديل الدمووع بانت فعينيه.. يعيى مااايصبر تايجي تااال بنتو ودكرياتو معاااها وتايولي إسلام اخر.. تنهد وهز شامبوان دوز على شعرو بزربة وعلى داتو وخرج لابس بنوارو.. رجع لبيتو كيجر فرجليه تاوصل جهة النموسية وهو ينعس بالعرض وعينو على السقف.. هاد لمرة كيعتاارف بلي هو لي غلط فحقهاا وجبد موضوع مح'رم عندها.. هو حضر بنفسو لداك النهار لي تفضحات في مها وسمع بودنيه لكلام لي خرجات من فمهاا وكيفااش اعترفاات بحبها لولدهاا وبنتهاا بحال الامكيناااش وبحال الاماشي بنتهاا.. وزيد حالة أسماء ديك ليامات كيف كااانت طافية وهو لي شاف بعينو داك لحزن لي ترسم على ملامحها وحاول أنه يعاونها وها هو دابا صدق معايرها بيه عين باااين.. تقاد فجلستو كيمسح وجهو ويسوط غير بوحدو.. هز تلفونو وبقا مكمش حجبانو تايفكر فين يجيب نمرتها الجديدة مع ماعندوش حيت بدلات هاديك لي كانت عندها بسباب تبرزيط كريم ليهاا وهنات مخهاا زولات النمرة بخطرة باش تهنى منو..

دخل لنمرة ريان وسيفط ليه مساج "نتا هنا؟"

بقا تيضور تلفون فيديه كيتسناه يجاوبو مدة عاد وصلو مساج منو " وي محتاجني؟"

إسلام: "سيفط ليا نمرة أسماء"

ريان: " لاش باغيها 😐"

كان عارف إسلام بلي ريان غايسولو هاد السؤال ولكن قال مع راسو اللهم ريان حيت حالو سااهل ماشي بحال محمد طه لي غايبقا يسول وينبش وغاينويها فشكل وبزاف دلحوايج لي إسلام تفاداهوم ومشى ختار الطريقة الساهلة..

إسلام: "عندي شي تصاور باغي نسيفطهوم ليها"

ريان: "اشمن تصاور"

إسلام: "دلبارح ديال الديكور دالجلسة وداك التخربيق قالت ليا نباصيه ليها"

ريان: "أسماء قالتها ليك"

أسلام : "قلا*وي اصاحبي سيفط وهنينا"

ريان: " الله يجعلني نتيق"

زفر إسلام بعصبية وكان عند بالو ريان ساهل ساعة كان غالط وماسيفطها ليه تاندمو.. غير وصلاتو ومعاودش جاوبو دخلها عندو بسمية "غزالي" عاد دخل لواتس شافها من لبارح مادخلات وكانت دايرة تصويرتهاا.. برك عليها وشاف فيها كانت تصويرتها بتكشيطة دلبارح واقفة جنب الباب ومهبطة راسها شوية والريح تيطير ليها شعرها ويد شادة بيك تكشيطتها جاتها زوينة بقا كيشوف فيها قبل مايدخل عندها ويكتب ليها "غزالي" طلعات ليه شرطة وحدة وعرفها محلاش الكونكسيون.. خلى تلفونو وناض بدل حوايجو بحوايح الدار ومشى لكوزينة صاوب ليه فطوور خفيف مع قهوة وحط كلشي فالصالة ورجع لبيت باش يجيب تلفونو ويشوفها واش جاوباتو.. دخل لواتساب وطلع ليه بلي قرات المساج ولكن مجاوباتوش.. كمش حجبانو فاش بانت ليه لفوطو دلبوفيل مبقاتش تطلع ليه وهز حاحبو فاش عرف بلي هي بلوكاتو...

جالسة رنيم فالغسيبسيون وحاطة يد على حنكها واليد الثانية شادة بيها ستيلو كاضرب بيه والملل مرسوم على تعابير وجهها.. الصال دأطوند خاوية ومريض واحد لي كاين راه فلداخل مع الطبيب.. ساهية تتفكر فشنو وقع لبارح..

��

تتقلب على سيدرا لي بان ليها حسها مقطوع.. قلبات عند العيالات ومابانتش ليهاا وعاد خرجات لبرا تشوف ياك مكاينة تما كاتلعب كيف عادتها فالآونة الأخيرة.. خرجات تاتشوف فلحومة لي فيها لبراهش تيلعبو ومبانتش ليها وهي تكمش حجبانها باش ترجع ساعة قشعات رؤوف لي كان جاي جهتها وهاز معاه لاڤيست دنوح لي كانت فالعلاقة.. فدوك لمرات لقليلة لي شافتو متحكاتش معاه من غير نهار وصلها ومن ديك لمرة قدرات أنها تلمح بلي هو شخصية مستفزة وكيشد الضد.. ولي ديما كيجيها غريب هو حبو وعشقو للون لبيض لي ديما تيلبسو بحال دابا نيت لابس سروال توب زرق غامق مع شوميز بيضا فقط.. عاقت براسها وسهوتها فيه غير من شوفاتو ليها وحجبانو لي مهزوزين.. مرگات وبدات تاضور عينيها يمين وشمال قبل ماضور باش دخل وهي تسمع صوتو لي قال:بلاتي

ضارت جهتو تاتشوف فيه وهو يمد ليها داك لعلاقة لي هاز ونطق ببرود وبنبرة آمرة:عطيها لنوح

هزات فيه حاحبها وشافت فيه بشوفة دمنيتك.. كون جاها عادي وماتأمرش عليها كون سرطاتها وداتها ليه ولكن فاش آمرها قصحات راسها وقالت ببرود:وصلها ليه نتا نيت مالك مهرس

رؤوف: ماعارفش فين هو

رنيم:اوا سول باش تعرف وماتبقاااش تآمر عليا راه ماخدامش عندك

رؤوف:(ضحك جنب)أصلا هادي هي أقل حاجة تجي معااك خدامة

رنيم:(قندشات)بزاااف عليك اش هاد لفاصون كادوي بيها معايااا مالك ماعلموكش كيف تهضر مع البنااات

رؤوف:وتاتكوني بنت باش ندوي معاااك ونتي تشبهي لبوشعيب خصك غير لموسطااش وتجي هي هاديك

غددها وعصبهاا واش هو حول ولاباغي يتمرضن عليها.. واش مشافهااش مقادة ولابسة تكشيطة اخر مكاين والشعورات مقادين وضاربة مك اب تقيل جاهاا زوين.. طلعاتو ونزلاتو ويالاه بغات تجاوبو لقاتو تخطاهاا مامسوقش ليها مكمل الطريق لفوق وهي تابعاه هازة جلايلها ونطقات بعصبية: باينة فيك الجلالة فعينيك داكشي علاش مكتشوف مزيااان

رؤوف:(ضار شاف فيها) اش غانشوف دايرة بحال ديك الدودة لي كاتكون فالجلبانة فداك لخضر لي لابسة

وقفات بلاصتها حالة فمهاا وضرباتها الساكتة.. أما هو ضحك ومع ضار بان ليه إدريس وتبسم ليه بالخف: هادا كوستوم ديال نوح

إدريس:أناا نديه ليه

رؤوف:شكرا

��

لاحت الستيلو وربعات يديها مفقوصة حيت مجاوباتوش فديك الساعة وبخفوت نطقات:دودة هي لي فيك تفووو على بنادم ماعرفتش كيفاش هادااك خوو ولد لحاج وبيسان گاعما كيشبه ليهوم تقولي راااه متبنينوو

تبسمات ببرود فاش بانت ليها المريضة خارجة ومدات ليها لوراق باش تعمرهوم ليهاا وحدرات رنيم راسها تتعمرهوم وعطاتهوم ليها وهي مبسمة ليها بعملية.. رجعات حنات راسها فاش مشات المريضة تاتكمل لوراق وتقادهوم تاحسات بشي حد وقف عليها وضرب بصباعو فوق الغسيبسيون وتسمع صوتو لي نطق:سلام

رنيم:(هزات راسها وهي مكمشة حجبانها فاش سمعات صوتو لي فلول كاان تيسحاب ليها غير تاتخيل ساعة مجرد مبان ليها واقف قدامها تأكدت بلي بصح كاين )نتا؟

رؤوف:(مكانش متوقع يشوفها تاهو) نتي اش هاد الزهر لمقووود

رنيم:(ربعات يديها) اش باغي

رؤوف:(بسخرية)توحشتك وجيت نشوفك

رنيم:توحشك الموووت

رؤوف:(كمش حجبانو فاش حس بضرستو رجعات وجعاتو)باغي نشوف الطبيب ضرستي كاضرني

رنيم:(لقات فين تنتاقم) الطبيب عندو مريض دابا تقدر تجلس تاتوصل نوبتك ودخل

مشى جلس وهي بقات مبسمة ومخلياه منشور فديك الصال داطوند.. ضرستو ضراتو لبارح بليل وصبر تاطلع الصباح وجا يشوف اش المشكيل.. جالس تيخربق فتلفون وهي مراقباه بشماتة.. شي ساعة وهو منشور تم تاناض ورجع عندها مكمش حجبانو:واش الطبيب باقي مسالاش

رنيم:(ضربات جبهتها بيديها)اووووف نسيت الطبيب ماعندو تاشي مريض داباا

رؤوف:واش كاتمرضني علياا

حركات كتافها ببرود وناضت خارجة من تم غادة لعند الطبيب وهو كيتحلف عليها على ديك النشرة لي نشراتو.. دقائق ورجعات لعندو ونطقات:تفضل

سبقاتو وهو تبعها لبيرو طبيب لي سلم عليه ورؤوف قال ليه لمشكيل وطلب منو يمشي يجلس فداك البياص الخاص باش يجي يشوف ليه المشكيل فين هو.. نعس رؤوف تما ورنيم بقات واقفة تاتوجد المطريال لطبيب تاجا لابس كوانتي وبافيط وجلس فالكرسي الطويل مقرب جهة رؤوف ومهبط نضاضرو كيشوف الضرسة لي كاضرو.. طبيب:ضرسة عندك متقوبة وغايخصنا نقطعو ليها لعرق ونعمرها ليك رنيم عمري ليا ليبرة دلبنج

رنيم:واخا ادكتوغ

رؤوف:(ناطق بزربة)واش ضروري لبرا

الطبيب:اه ضروري حيت غانقطع ليك لعرق

رؤوف:(فمو بياض) تقدر دير لبنح فالقطن وتعطيه ليا

ضحكات رنيم بالخف فاش شافت السيد شوية ويسخف ملي سمع حس لبرا.. عندو فوبيا دليباري ملي كان صغير ولحد الآن باقي تيخاف منهوم شي لي خلى رنيم تبقا واقفة تتشوف فيه وضحك وتشفى وهادشي غير مزاد كعاااه وخلاه مايرضاش..

حلات رحيل عينيها وسط داك الفراش المريح وبدات تاتكسل وتطلق عضامها لي حسات بيهوم ترخفو وطلعات عينيها لسقف ويالاه فرزات هي فين وبداو أحداث الليلة الماضية كايتستفو فعقلها حدث بحدث.. ناضت من بلاصتها مضورة عينيها لجهتو فين كان ناعس ومدات يديها تاتحسس البلاصة لي كانت باردة دليل أنه ناااض شحال هادي.. كمشات حجبانها ويالاه غاتقدر أنها تحلل تصرفو لي دار معاها لبارح.. صدمها ومغاتنكرش أنها متوقعاتهااش منوو نهائيا.. ملي تكتب لعقد ديالهوم أو ولات مرتو حيد معاها قناعة الرزانة لي مولف أو وراها جانب آخر منو... ديك الجرئة وديك الحنية والاهتمام لي كيبين فتصرفاتو ليها وفكلامو تايخليوها تفرح وقلبها ينبض ليه.. لبارح عاشت ليلة زوينة مغاتنساهااش ولكن غير وصل تفكيرها تاني تصرفو وهي تكمش حجبانهاا.. ناضت من بلاصتها وخشات رجليها فصندالتو وهي تاتزير على داك لبنوار.. دخلات لحمام وشافت فانعكاسهاا.. لكحول داع ليها تحت عينيها لي معمشين بالنعاس ومنفوخين والعكر راه نصو مشى.. شعرها كان مشنتف شوية مع نعسات بيه مطلوق.. كمشات حجبانها وبلاماتشعر بدات تاتسول راسها وتقول.. واش معجبتوش ؟ علاش فااش لبست ليه أو وجدت راسي هو مدار والو؟ هي عارفة لهفتو عليها غير من عينيه ولكن علاش مقاصهااش؟ هي من جيه رتاحت حيت كانت هازة لهم لديك الليلة لي دازت بخير وماوقع فيها والو ومن جيه دخلها الشك والتناوي.. تنهدات ومشات دوش غير داتها على قبل العرق اما شعرها غسلاتو لبارح فالليل.. توضات وخرجات لابسة بينوار وعينيها تايقلبو عليه مباانش ليها حسو.. وكيف لعادة شبعات

جسمها كريمات ورشات السبراي عاد لبسات حوايح دلداخل وفوق منهوم لبسات كسيوة يديها دونتيل وقصيرة شوية ومن لتحت دونتيل بحال ليدين.. لبسات إسدالها وصلات الفجر لي فاتها عاد مشات تقاد النموسية وتهوي البيت.. سالات شغلها ولبسات صندالة بلا ورشات ريحتها مع چلوس وشعرها جمعاتو لفوق.. زهزات تلفونها مدوزة لخط لتانيرت لي جاوباتها فالبلاصة بصوت فرحان: بنتي لباس عليك

رحيل:ماما توحشتك

تانيرت:تاأنا اماما خليتي بلاصتك فالدار ههه

رحيل:كيبقيتو من لعيا دلبارح رتاحيتو شوية؟

تانيرت:شوية وصااف أصلا كلشي خدام ليوم وبقيت غير أنا وغزلان فالدار كيف لعادة

رحيل: وسيدرا باقا ناعسة؟

تانيرت:لا راه مشات مع باك لگاراج داها معاه

رحيل:اه فاقت بكري ليوووم

تانيرت:راكي عارفة ابنتي لبارح غير مشيتي وهي تنعس فالصالة عياات بتنقااز ههه

رحيل:(تبسمات بحب) حبيبة دمامي فرحات لبارح

تانيرت:ونتي ابنتي كيف داير راجلك

رحيل:( باقي تاتجيها ديك لكلمة دراجلك فشكل وبابتسامة خفيفة) لباس عليها اماما

تانيرت:اوا سلمي عليه ابنتي

رحيل:مرحبا بسلامك نخليك دابا تانعاود نعيط ليك

قطعات مع مها وهي مرتاحة من جهة سيدرا وأصلا فاش تتكون مع باها ومها ولاخوتها تاترتاح ومتتبقاش هازة ليها لهم حيت عارفاهوم هوما قاضين لغراض وبحال لاكاينة.. دوزات لخط لإدريس وهي غادة جهة البالكون لي مدخل الشميشة لبيت.. كمشات عينيها ونطقات بتبسيمة:بابا لباس

إدريس:فرحتي اللولة لباس عليك ابنتي

رحيل:حمدلله ابابا ونتا كيف بقيتي من تمارة دلبارح

إدريس:الحمدلله ابنتي (نطق بهدوء) تسناااي اسيدراا

تبسمات رحيل فاش سمعات صوت سيدرا لي كانت تاتنگر على جدهاا: عطيني بّاديدي ندوي مع مامي

إدريس:هاكي هاد النخشيشة راه مخلاتنيش ندوي بخاطري

رحيل:اراها (نطقات بحب)مامي توحشتيني

سيدرا:(نطقات بحماس)اااه امامي توحشتك بزاااف نتي وماي بلو آيز قد السماااا

رحيل:يامامي وتشوفي أنا قداش موحشاك اش كاديري دابا

سيدرا:تانصاوب مع بّاديدي طوموبيل (كملات بحماس) عرفتي امامي أنا لابسة لكومبين د بّاديدي وليت بحااالو

رحيل:تاتصوري وسيفطيها لياا

سيدرا:(شافت فإدريس لي مربع يديه) بّاديدي صورني وسيفطها لمامي

مدات ليه التلفون وهو كمل مع رحيل وقطع صورها وهي بدات تبوزا بديك الكومبين لي جاتها بحال الخنشة ورجليها مطويين على قدها باش مايعكلوهااش هي وليدين.. سيفطها لرحيل فالواتس لي استقبلات الصورة بعيون براقة وهي تتزوميها وتشوف فيها بحب.. سيفطات لباهاا قليب شوية وصلها أوديو من أسماء فيه خمسطاش لدقيقة.. طلقاتو وحطاتو فوق وذنيها " هيلو رحيل صافا غير بالصدفة دخلت لواتساب ونتي تباني ليا أونلاين وقلت نسيفط ليك.. كيف دوزتي ليلتك مع ولد لحاج كلشي مزيان بعدا مهم عارفة ماشي وقت هاد لهضرة ولكن مالقيت لمن نخوي هادشي لي فخاطري من غيرك راكي عارفة ماعنديش الصحبات ورنيم وغزلان معارفينش بهاد لموضوع بحالك نتي..

بدات أسماء تتعاود ليها على شنو وقع ولكلام لي قاال ليها إسلام ورحيل تاتسمع وتكمش فحجبانهاا وباين فيها تعصبات..

رحيل:(طلقات أوديو ونطقات بصوت جدي) شتي اش قلت هاهو دابا ضسر عليك تامبقااش تيحكم ففمو ويوزن كلامو.. اه بصح عزيز وبحالو بحال ريان ومحمد طه ولكن هو مامنحقووش يدخل فيك حيت مبينك وبينو والو باش يحكم فيك ويزيد يجبد شي حاجة مكتخصوش بففف بدا كيرون إسلام..

تسمع صوتو وراها لي كانت بنبرتو خشنة وجدية:مع من كدوي؟؟

بقوة مكانت منساجمة فكلامها مع أسماء مارداتش لباال ليه وقتاااش دخل وتاهو مكانش داير لحس تاسمعات صوتو وهو كيسولها بنبرة جدية خلاتها تقفز بلاصتها من الغفلة لي غفلها وضارت جهتو وهي تاترمش عينيها وتلفون فيديها ومحساتش بيديها وهي تتبرك على لأوديو لي مشى... كمشات حجبانها ونطقات بهدوء وتبات: مع أسماء

عينيها فقلب عينيه لي كانو باقي كيشوفو فيها بشوفاتو الجدين ومكمش فيها دوك الحجبان ضارب فيها واحد التخنزيرة قاصحة.. ملي دخل ودنيه لقطات سمية إسلام شي لي خلاه يطرح داك السؤال..حك لحيتو وحرك ليها راسو ورجع داخل لبيت بلامايهضر تاني ورحيل استغربت من تصرفو.. شافت فالأوديو لي متاكدة غايكون تسمع فيه صوتو ولي وصل لأسماء وبدات تتسمع ليه وتتسجل ليها واحد اخر.. وفالحين وصلها أوديو دأسماء لي نطقات بضحك " كنت كانتسنط ماعليا مابيا تاسمعت صوت ولد لحاج ياااختي هههه بلااحم بلادستور مع من كدوي هههه السيد جاتو الغيرة اهياتا ضحكني الله يعطيه الخير ورفع ليا لمورال.. مهم بخصوص لموضوع لاخر ماغاديش نحمق راسي معاه مزال صافي يمشي يقود أنا لي عطيتو لمجاال وأنا لي غانسدو عليه مهم سيري عند راجلك اختي لايصدق كارهني حيت مخليا مدامتو تلاهى عليه ههههه باي"

تبسمات رحيل مور ماسيفطات ليها بيزو وسدات لكونكسيون ودخلات لبيت وعينيها تاتقلب عليه مبانش ليها تاسمعات لحس فالحمام وهي تمشي جهة الفوطوي جلسات فيه وعينيها تعلقات على لباب ديال الحمام.. وعقلها كيدرس ردة فعلو وديك التخنزيرة لي فعفعاتها ولكن مجرد ماتفكرات كلام أسماء وهي تبسم ونطقات بخفوت: تيغير عليا ؟

واقف قدام المرايا ملوي عليه فوطة والما كيقطر من شعرو لصدرو.. هز مكينة لحسانة وبدا كينقص فلحيتو لي كان مخليها كبيرة.. وغير سالى رجع لمكينة بلاصتها وبانو ليه برودوياتها لي محطوطين تم.. تحنى غسل وجهو بلما باش يحيد الزغب عاد هز فوطة صغيرة وبدا كيمسح وجهو..زفر النفس وخرج من لحمام وهو بديك لفوطة ورحيل غير سمعات صوت الباب تقدات فجلستها وغير طاحت عينيها عليه بديك الحالة ولفوطة لي ملوي عليه وهي تبدا تسرط فريقهاا.. الما نازل على صدرو لي مرشوش بزغيبات خفافين وخيط دزغب نازل مع كرشو تاغبر تحت لفوطة وشعرو كان مرون حيت تايمسحو بالفوطة.. منظرو غير مزاد خلاها تخشى وسط الفوطوي وقلبات وجهها بزربة عليه وهي كلها حمراا وديك الحركة مخفاااتش عليه وتاهو كمل طريقو تال باب الدريسينغ وحلو ودخل سادو مخليها جالسة تتسوط على حناكهاا والخلعة شداها من صبعها الصغير.. تتحاول تزعم عليه وطلق معاه وماتبقاش مزيرة وتجرأ عليه بما أنه راجلها مكاين لاش تحشم منو..بقات جالسة تماا شوية تاضورها فراسها قبل ماتنوض وتمشى جهة لباب ودقاتو ونطقات بخفوت:نوووح

سمعات صوتو لي نطق بخشونة: اجي

حلات لباب ديال الدريسينغ وعينيها كيكتاشفو الدريسينغ لي مرداتش ليه لبال لبارح بقوة الخلعة لي كانت فيها عقلها ترفع عليها.. وزيد الباب ديال الدريسينغ كان بحال شي حيط تايتجر لقنت مكيتحلش بحال لباب لعادي.. كون مشافتوش دخل ليه كون گاعما عاقت بيه.. عينيها ضارو على دريسينغ لي كانو فيه حوايجو مستفين وكاين منهوم لي معلقين وبلاصة خاصة بسبابط وبلاصة تاني فيها مگانات ولگرافاااط.. الحاصول الدريسينغ كان كبير وكلشي موجود فيه.. ضورات وجهها جهتو بان ليها لابس سروال توني رمادي مع تيشورت كحلة.. ريحتو الرجولية تخللات جيوبها الأنفية وهو تيرشها..

رحيل:(حكات يديها مع بعض وقالت بخفوت)مكنتش عارفة بلي كاين دريسينغ فلبيت

نوح:(ضار جهتها ونطق بهدوء) ماعليش تاتجيبي حوايجك وتستفيهوم هنا راه خليت ليك بلاصة

رحيل:(شافت فدوك الرفوف الخاوية مخلي ليها النص تقريبا) ولكن غانحتاجهوم زعمة مكاين لاش نستفهوم هنا

حط لي فيديه وقرب جهتها تاوقف أونفاص معاهاا وجرها من خصرها تاتزدح صدرها مع صدرو وتحنى جهة دقنها طبع بوسة خلاتها تحس برجليها كيلعبو تحتهاا بقوا الرجفة لي حسات بيها وهو كيبوسها بتقااالة..

نوح:(بهمس خشن) كلشي غاتلقايه عندك لهيه الفثنة ديالي

رحيل:(سرطات ريقها ونطقات بخفوت) واخا نجيب لڤاليز ديالي ونستفهوم

نوح:(نزل وجهو لعنقها وهرها) مغاتفطريش؟

رحيل:(ضحكات وبعدات وجهها ونطقات بدلع) نوووح ههه ماكرهتش نفطر فالبالكون عجباتني فيه لجلسة

نوح:(شاف فيها مكمش حجبانو)أوكااان

رحيل:(حركات راسها تاترمش عويناتها) همم

نوح:(شاف فيه بهدوء) غدا غانرجعو لرياض

رحيل:(حلات عينيها بتفاجأ) اااء

نوح:(تايطلع يديه مع ضهرها وفنفس الوقت نطق بخشونة) العائلة خاصها ترجع حيت ماشي كلشي ساكن فمراكش داكشي علاش يمّا باغا دير لعراضة غدا باش هوما يحضرو ليها

رحيل:(حركات راسها بتبسيمة)واخا ماعليش

كانت داخليا باغا تزيد تبقا معاه بوحدهوم هنا ولكن بيما أن الأمور تقررات مالقاات ماتقول وتاهو قلعهاا وفهم

تفكيرهاا بحكم أنه دقيق الملاحظة تاحاجة مكتفلت ليه..تيشوف فعينيها لي كيشوفو فيه ويديه طلعات مع ضهرها بحركات بورشوهاا وخلى زغب شعرها يوقف.. وصل بيديه تال جهة شعرها ولمس ديك لقراصة لي جامعاه بيه وهو يحيدو ليها تاتحل شعرهاا وبدا تيقادو بيديه على ضهرها وكتيفاتهاا وقاد ليها لافخونش مطيحها على عينيها وهي غير ساكت ومستكينة بين يديه ولحرارة تاتحس بيها طالعة معاها.. دوز لسانو على شفايفو وقرب جهة وجهها ونطق بصوت أجش: ملي تكوني معاياا عمرك تجمعي شعرك الفثنة ديالي..

دائما المرا كاتميل لراجل لي كيحسسها بالأنوثة ديالها وهي معاه.. لامن كلامو ولامن تصرفااتو.. والمرا كيما بغات تكون تتبغي تسمع كلام الغزل لي يخليها تفرح وتشبع غرورها كأنثى..حياتها كلها عمر شي حد حسسها بهاد لمشاعر وخلاها تعيشهوم بحالو هو.. تصرف بسيط منو كيخلي عندها هي أثر قووي لي صعيب يتمحى حياتها كلها.. داخلها كان بحال شي أرض قاحلة وجافة ودابا حاسة بلي ديك الأرض تسقات بكلامو وتصرفاتو تاولات ترجع خضوريتها وتنبت شجاار وورود.. سقااها باهتمامو وخلاها تفرح داخلياً وعيونها لمعات بالراحة.. كل ليلة وكل دقيقة تاتحمد الله حيت حطو فطريقها وتعوضات على أي حاجة قاساتها شحال هادي واخا يالاه بدات حياتها معاه إلا أنه عاطيهاا قيمة قدام الكل ومكبر بيهاا بينو وبينها قبل مايكبر بيها قدام لغير.. مكاين ماحسن من الحلال حيت فيه كاتعيشي لحياة بما يرضي الله..

جوابها على همسو الخشن كان ابتسامة خلات حنيكاتها يتهزو وعينيها يتغمضو شوية.. تبسم ليها بالخف وقرب جهة عينيها لي سداتهوم وطبع عليهوم بوسة فكل وحدة ونطق: تيوالين

كانت عارفة شنو معنياتها حيت بعض المرات تانيرت تاتهضر بالشلحة مع سيدرا وتتعلمها وهي كاتلقط من عندها شي كليماات.. خرجو من الدريسينغ ونوح هز ديك الطبيلة لي كانت فالبيت داها لبالكون حطها وهي قربات جهتو وقالت: نعاونك؟

نوح:(غمزها) غير خليك مرتاحة لياا

تكات على السطارة دالبالكون وربعات يديها والريح كان تيهز شعرها ويرضو القدام وضحكات وهي تاترد شعرها ورى ودنيها: غاتفششني وغاتوحل فيا هههه

نوح:(قرب لعندها مكاليها مع السطارة بيديه بزوج ونطق بهدوء) هادشي لي باغي

رحيل:(درونجاها شعرها ترجع فيه وريح يخربقو ليها ثاني) باقي حنا بوحدنا هنا؟؟

اكتفى أنه يحرك ليها راسو وعينو على ملامح وجهها المرتاحة..

رحيل:وشكون لي جاب لينا لعشا لبارح؟

نوح:موصي لي يجيبو ليناا (حك نيفو مع نيفها تاضحكات ونطق بهدوء) أنا جاااي

خلاها واقفة فبلاصتها مبسمة وتتعض فشنايفها.. باقي تأثيرو عليها واخا مشى باقي تاتحس بأنفاسو السخونة كيضربو فوجهها وهمسو الخشن كيتسمع فوذنيهاا.. شافت فديك الطبيلة لي حط وتبسمات بهدوء وبقات ساهية تارجع جايب زوج كراسى دلخشب..حطهوم فبلاصتهم وخرج تاني ورحيل جرات كرسي جلسات فيه كان فالتحت ديالو طابي دلبونج فالكحل وفاش تتكاي تاتجي بحال الاناعسة.. عجباتها الجلسة فيه وفداك البالكون وعينيها على الربيع والخضورية.. واحد الراحة تاتحس بيها فهاد الفيرمة ميمكنش تقدر توصفهاا.. مكرهاتش تبقا عايشة فيها حياتها كلهاا بعيدة على الصداع والهراج دلبشار.. هزات عينيها فاش بان ليها راجع بصينية كبيرة نزلها فديك الطبلة وبدا يحط فدوك الطباسل لي فيها ديال أملو وأرگان ولعسل لحر والزيتون كحل وزبدة بلدية.. عوناتو تاتستفهوم وتقاد ليهوم لبلاصة وهو مشى تاني يجيب البقية... وبعد مدة كانت الطبلة عامرة بأي حاجة تشهى خاطرك.. هالبتيبان هالحلو هالمالح هالخبز ديال الدار هالعصير هاأتاي هاقهوة.. وفلوسط حاطين طاجين ديال الخليع بالبيض.. غير هز عليه وهي تغمض رحيل عينيها وريحتو خلات ريوگها يطيحو.. فيها واحد الجوع خطير بحال الاعمرها كلات.. عطاها الخبر لي كان باقي دافي وكب ليها أتاب منعنع..

نوح:(جغم من قهوتو)عزيز عليك لبيض بلخليع؟

رحيل:وي مي ماشي كلشي تيعرف يصاوب الخليع

نوح:هادا مصاوباه مي جميعة مرات بّاسالم

رحيل:(تتاكل وتبنن)الله يعطيها الصحة طايابها بنين

نوح:(شاف فيها بتبسيمة خفيفة) بحال طيابك الفثنة ديالي

رحيل:(حشمها وبدات تاضور عينيها)احم ماشي بزااف عاود

نوح:(هز قهوتو وتكى واخد راحتو) دايق طيابك ارحييل

رحيل:(هزات كاس دلعصير لي جنبها جغمات منو وتحركات بدلع)اوا نتا تتعرف اسي

حك نوح لحيتو ومهبطش عينو عليهاا شوية وياكلهاا بشوفاتو الرجولية لي حسات بيهوم رحيل عامرين بالإعجااب.. سالاو فطورهوم وهاد لمرة ناضت رحيل معاوناه..حطات لمواعن فالماكينة ديالهوم وضارت جهتو ناطقة بتبسيمة: ليوم نطيب ليك لغدا شنو مشهي؟

نوح:(باسها فلحيمة دونيها وقال بهمس كالفحيح)نتي..

وحلات ليها لهضرة فجوفهاا وتزنگات تابانت فحنيكاتها لي حمارو.. تاتقلب عينيها هنا ولهيه غير باش ماتحطهومش فيه حيت بصح حاسة براسها متوثرة فكل مرة تايلمح ليها بشي كلمة ويتغزل بيها.. رحمها فاش شافها شوية وتموت بين يديه بالحشمة وبعد شوية عليها ناطق بهدوء: لي بغيتي ديريه الفثنة كلشي كاين

حركات راسها ومشات جهة الثلاجة حلات الفريگو وبدات تاتتقلب تابان ليها الدجاج خلاتو يتطلق وبدات تتقشر فالخضرة.. ماخلاهاش بوحدها وقرب عندها ناطق بجدية: اراي نعاونك

رحيل:(ضحكات)غير خليك أنا نصاوب كلشي

نوح:(هز فيها حاجبو) مخليك طيبي على خاطرك الفثنة ودابا اراي نعاونك

عطاتو يقشر الخضرة وبدات توريه هوما تايهضرو بناتهوم.. تشوفهوم من بعيد تاتحس بالانسجام بناتهوم واحد لكيمياء خطيرة..كملو داك لغدا بالضحك والحديث وماحسوش بلوقت.. دارت دجاجة مشوية على لفاخر مع الخضيرة مشوية تاهي وتغداو فوق داك الربيع فجليسة زوينة ومريحة.. ونهارهوم داز عليهوم وهوما مسارين تاني فديك لفيرمة وهاد لمرة داها نوح لبلاصة ماعمرها وصلات ليها.. كانت بعيد شوية على الفيرمة..

نوح:(يديه على دراعها وكيهضر بتبسيمة) هادا غايكون كوري حيت إن شاء الله غانجيب شي بگر وشي دجاج وحوالى ولمعاز من لبلاد

رحيل:(حلات عينيها) بصااح

نوح: وي كنت باغي نجيبهوم شحال هادي مي يالاه سالاوه وبناوه ودوزو الضو ولما وكلشي ولى هو هداك؟

رحيل:وشكون غايقابلو؟

نوح:مي جميعة وبّاسالم وطبعا أنا غانبقا نجي ونجيبك معاياا تخدمي شوية

تبسمات رحيل وحركات راسها:اييه علاش لااا

نوح:(شاف فساعتو)مشى لحال يالاه نرجعو لدار ونرتاحو غدا تابعانا الطريقة

تبسمات بزز ماسخاتش بهنا مي ماعندها ماتقول.. شدو الطريق ورجعو بزوج كايهضرو ويوريها لبلايص لخرين لي مشافتش تاوصلو لدار وهي مشات ديريكت لحمام دوش.. كانت واقفة قدام لمرايا ببنوار وشعرها مقاصتوش.. ماعارفاش شنو دير واش غاتوجد راسها تاني كيف لبارح؟ والاجاب الله مقربش منها عاود؟ دخلها لوسواس تاني وباش ماتمرضش راسها قررات تلبس عادي.. ملي طلسات لكريمات ورشات السبراي لبسات دوبياس نواغ شبيكة ولبسات فوقهوم بيجامة فالغوز بار خفيفة دستان.. ضفرات شعرها ودارت غير چلوس وريحتها لي تترش غير فالنعاس وخرجات ببانطوفة غوزة مزغبة.. عينيها تحطو على جسمو لي بان ليها من لخوامي ناعس بشورط كحل وتيشورت سماطي.. حاط دراعو على عينيه وباين فيه ناعس.. كمشات حجبانهاا وتخشات جهتو كاتشوف فيه.. ماتحركش وهادشي خلاها تحس بخيبة أمل.. طفات الضو ونعسات على جنبها عاطياه بالضهر وعينيها محلولين فالظلام.. هي بصح مرتاحة حيت داكشي لي خايفة منو وعندها رهبة منو مكاينش ولكن فنفس الوقت عقلها مرحمهاش.. شهقات بخفوت فاش حسات بيديه تحطو على كرشها وتجرات لعندو تاتضرب ضهرها مع صدرو ورجليه تحطات فوق رجليها حابس عليها لحركة وأنفاسو كاتحس بيهوم فعنقهاا.. همس ليها بخشونة:تباتي فراحة الله

رحيل:(رمشات عدة مرات قبل ماتجاوبو بخفوت)تصبح على خير

بقات حالة عينيها فالظلام مدة تتخمم قبل ماتغمض عينيها وتنعس وتاهو نفس الشي دار خشى راسو فشعرها كيشم ريحتو لي فشعرها ولي هبلاتو وبقا مدة عاد داتو عينو...

----

واقفة فالدريسينغ بجلايتها الموڤ بارد لي شرات مع فولار موڤ غامق مناسب السفيفة.. كانت دايرة مك اب خفيف كيف عادتها.. لبسات صندالتها وخرجات تاضرب بطالونها.. غير سمع الحس وهو يهز عينيه وشاف فيها من رجليها ديك الصندالة لي كتبين گدامها لمحنين والصبيعات تاهوما.. عطاتو بالضهر أو وقفات قدام الطابل دونوي تاترش ريحتها وعاد تحنات تادير فعكرها النيود.. هز حاجبو وهو كيشوف فصالتها من لور وهي حاسة بعينيه عليها وحاولات متبينش كيف ديما واخا لداخل راه ربي لي عالم اش نايض فيه.. سمعات صوتو لي نطق بنبرة باردة بدون مقدمات: شنو لابسة تحت الجلابة؟

رحيل:(ضارت جهتو بتفاجأ) هااء (بخفوت) شورط ودباردور

نوح:(هز حاجبو ببرود) سيري بدليها راه الطراساج دالسليب باين ودوك الصنادلة تاهوما يتبدلو..

فدار سي إدريس كان كلشي كيوجد راسو على قبل لعراضة لي غاتكون فالعشية على قبل لعرسان باش يرحبو بيهوم.. فبيت رحيل لي كانت عامرة بلفاليز فيهوم حوايجها وجامعين ليها تادفوع لي جابو ليهاا ولد لحاج.. تكلفو لبنات ستفو كلشي وباقي البعض ديال الحوايج ملقاو فين يديروهوم.. غرقها حوايج وجاب ليها زوج من لحاااجة ولي حليتي عليه فمك تلقايه تم.. جابت اسماء ڤاليزتها باش يكملو بيها ودارو فيها لي شاط ليهوم عاد ارتاحوو حيت جمعو كلشي..وقفات أسماء تاتنهج وتسوط..

أسماء:ناااري اش هادشي اختي عيييت من الجميع

غزلان:تباركالله هادشي كثيرر

أسماء:وايييه راه السيد جايب زوج من لحاجة هههه مبرعهاا اختي الله يجيب لي يبرعنا تاحنا

رنيم:آمين آميين

غزلان: قلبك طايب ههه باغا تزوجي دغياا

رنيم:اوا لاجا لي يستاهلنا علاش لا ههه

أسماء:صافي البنات نمشيو نوجدو راسنا باش مانتعطلوش حيت غايخصنا نحضرو وهوما جااايين باش نستقبلوهووم صراحة مافهمتش علاش زربو العراضة ماخلاوهومش ياخدو راحتهوم؟

غزلان:اوا شكون عرف

رنيم: أنا غانمشي ندوش تهلاو

تفرقو لبنات كل وحدة فين مشات توجد راسها باش مايتعطلوش..

فبيت تانيرت وإدريس لي كان جالس فوق النموسية بجلابة سوسدية ولحية منقصها وكيف ديما داير تحسينة عادية وشعرو لي متخللينو شعيرات بيضا عاطينو لهيبة.. مجلس قدامو سيدرا تيمشط ليهاا مور مادوشات ليها تانيرت ونشفات ليها شعرها خلاتو يكمل ليها باش توجد راسها.. كان مولف أنه يرد ليها لبال ويلبسها ويمشط ليها ملي كانت صغيرة قد لكميشة.. هو وتانيرت عوضو فيها ولادهوم لي مكبروش معاهوم مجموعين داكشي علاش مفششين لالة ومالي..

سيدرا:(تاتشرح بيديها) ولابّاديدي رجع ليهاا شعري هاكا ودير فليلات

عاود ليها مع قصير ومشطو تاني وكيف وراتو دار ليها جمع ليها جناب مرجعهوم لور وداير ليها فليلات.. وغير سالى وهي ضور عندو بتبسيمة:جيت زوينة ياكا ابّاديدي؟

إدريس:(تبسم ليها) نخشيشتي زوينة ديمااا

سيدرا:(نطقات بحماس)دابا مامي وماي بلو آيز جايين يجيبو ليا كادويات ياكا

تنهد إدريس وهزها مجلسها على ركبتو ونطق بهدوء: نخشيشتي كبيرة وتتفهم شنو غانقول ليهاا ياك؟

سيدرا:(حركات راسها ونطقات بجدية مجاتش مع عمرها)اه بّاديدي

إدريس:نتي عارفة بلي دابا ماماك أو ماي بلو آيز غايبقاو ديما مع بعضياتهوم وتانتي غاتبقاي معاهوم (حركات سيدرا راسها باه وهو كمل بنفس الهدوء) وعارفة بلي غانمشيو ليوم لرياض لي كنا مشينا ليها فالعيد دار ماي بلو آيز لي فيها خصة دلماا لي عجبااتك دابا ديك الدار غاتولي ديالك وغاتسكني فيها نتي وماماك وماي بلو آيز

سيدرا:(شافت فيه مكمشة حجبانها) ياك ماي بلو آيز غايجي عندنا وغايبقا ينيني معاياا أنا ومامي فبيتنا هنا بّاديدي؟

إدريس:(عمرو حس براسو مزير أو واحل تال هاد لحظة وهو كيشرح ليها) لاانخشيشتي هو عندو دارو كبيرة ونتي وماماك لي غاتمشيو ليها وغايكون عندك بيتك تما بوحدك

سيدرا:ونتا بّاديدي غاتمشي معايا نتا وتانيرت إينو وسومة ورياني ومودي وغيزو ورانو ياكا؟

إدريس:(هالحصلة لي مباغيش) لا انخشيشتي أنا وتانيرت وريان ومحمد وولبنات غانبقاو هنا فدارنا ونتي غاتبقاي تجي عندنا وقتما بغيتي انحشيشتي

سيدرا:(حركات راسها بنفي وهي مكمشة حجبانها)لا مابغيتيش بّاديدي أنا غانبقا هنا وماي بلو آيز غايجي عندي هو قالها لي

إدريس:(باس جبهتها عاطيها لخاطر) وهو ميمكنش ليه يخلي ماماه وخوتو بوحدهوم انخشيشتي

سيدرا:(ببرائة) يجيبهوم عندنا بّاديدي ونبقاو كلنا هنا

إدريس:مايمكنش حيت هوما مايقدروش يخليو دارهوم وأصلا تما غايعجبك ياك عزيز عليك ماي بلو آيز؟

سيدرا:(بصدق)اه بزاااااف بّاديدي عزيز علياا وتانبغيه بحال كيف تانبغيك نتا

إدريس:اوا هانتي غاتمشي عندو وغاتبقاي ديما معاااه واش مباغاش تبقاي معاه؟

سيدرا:بغيت ابّاديدي وبغيت تانتا تكون معاياا

كمشات حجبانهاا وعينيها تغرغرو بالدموع لي كانو نقطة ضعف بالنسبة ليه.. أجل الموضوع غير حيت مباغيش يقلقها ويخليها تتبكي وحيت جا لوقت مكان عندو تاشي حل ومباغيش يحطها أمام الأمر الواقع خصوصا عارفهاا هي مكتقبلش شي حد يأمرها تايخص تحاور معاهاا كيف مولف ليها من الصغر مكبرها وعاطيها مجال فين تقول رأيهاا ليه وشنو عاجبها وشنو ماعجبهااش ودابا هي باغا نوح يعيش معاها وفرحانة وكتسنى يجيو حيت هادشي لاحظو ملي قالها ليها وفرحتها لي باينة فوجهها.. ولكن فنفس الوقت مغاتقدرش تفارقو حيت مربية عليه واحد لكبدة راه ميمكنش تاتسطى عليه.. وهو حس براسو حاير ومعارف مايدير..

فالرياض السليماني لي كان عامر بالعائلة سوى ديال رحمة لي كلها كاينة سوى عمام نوح.. هاد لمرة كانو تاولاد خوتها لي ماقدراتش تقول ليهوم ماتحضرووش حيت مباغاش تحاشم معاهوم باركة غير العرس لي ماحضروش ليه.. ولكن هادشي مكيعنيش راه غايتخالطو حيت الرجال فجيه ولعيالات فجيه وبزز منها حيت هادو أوامر ولدها وديما أي عراضة كيفما كانت كيفرق الرجال على النساا وماعندوش مع الاختلاط.. وفاش تايحضر لشي عراضة عند خوالو ففاس لي عندهوم عادي ديما كاتلقاه جالس مع الرجال لكبار ومهني مخووو وبعض المرات گاعما تايحضر.. كانت رحمة واقفة على شغلها هي وختها عفاف لي فكل عراضة دخوتها ولا ولادهوم ضروري مكاتوقف معاهوم والكل عاطيها احترام وقيمة.. ولكن أقرب واحد ليها هو نوح معزتو عندها فشكل وكتعتابرو ولدها.. وفرحات لزواجو واختيارو المرا لي مجرد مشافتها عرفاتها بنت الناس وراه باينة غير فوجهها المبشور..

واقفة قدام لعيالات لي تيوجدو الحلوى لبلدية فالطباسل ديال الطاوس والماكلة كلشي مكلفين بيه التريتور هوما غير تايعطيو الأوامر وكيتأكدو واش كلشي هو هداك.. دخلات سناء تاضور عينيها وبانت ليها عفاف تاتعاون وتمد يديها تاهي تستف وهي تنطق بهدوء:لاش معدبة راسك رتاحي اختي وخليهوم هوما يتكلفو

عفاف:مافيها باس لا بانت ليك شي حاجة مامقداش وقاديتيها بيديك..

سناء: بيسان مبانتش لياا گاع؟

عفاف:مشات لسبيطار عيطو ليها أوغجون

سناء:مغاتحضرش؟

عفاف: على حساب سيري شوفي رحمة فين؟

مشات سناء تاتقلب على ختها وصداع لبراهش لي تايلعبو تم درونجاها.. طلعات لفوق وطلات فجناح ختها وسمعات صوت لحمام عرفاتها تادوش.. خلاتها وقلبات الضورة عند شيماء لي مشاركة هي وياها لبيت بحكم لبيوت كولهوم عامرين ونص راه مريزيرڤي فالأوطيلات جالسين تم.. دخلات وهي تبان ليها مكسلة فوق النموسية عينيها منفوخين.. زفرات النفس ونطقات ببرود: غاتبقاي حياتك كاملة تاتبكي عليه؟

شيماء:واش شفتيه كيفاش كان تيشوف فيها بحال الاهي بوحدها لي كاينة حداه..

سناء: مرتو كيف بغيتي يشوف فيها

شيماء:(ناضت من بلاصتها معصبة) واش نتي معرفاش باش تانحس راه العافية شاعلة فياا اسناااء

سناء:نجيك من لخر حيديه من باااالك ابنت خويااا راه هو معمرو غايكون ليك وهاد لحالة غير تاتمرضي بيها راسك وغاتخرجي على صحتك هو اختااار لي باغي يكمل معاهاا حياتو وتانتي شوفي شي واحد لي تكملي معاه حياتك

شيماء:(ضحكات مغددة)هاكا بالساهل يااك زعمة معرفانيش تانبغيه

سناء:(ببرود) طلعتي ليا فمخي بداك الديسك ديالك لخاوي وتحركي وجدي راسك ماعندناش وقت

مشات سناء تاتشوف شنو تلبس وشيماء معجبة منها.. ياك هي لي كانت تتعاون فيها وتنصحها مالها تقلبات عليها ومبقاتش باغا تعاونها.. مالها دابا تادوي هاكا.. شدات راسها بيديها وهي تاتخمم.. مباغاش شي حد من غيرو حيت تاتبغيه وفنفس لوقت مغاتلقاش شي واحد أصلا بحالو.. غايعيشها فالخير وغايبرعهاا..

----

داخل اليازيد لرياض وعينو على دوك لولاد دالعائلة لي تايلعبو وبتاسم تبسيمة خفيفة.. جمعهوم عندو وفرق عليهوم دوك لحلويات لي جايب ليهوم مبرعهوم وتايلعب معاهوم ويبوس هادا ويعنكش هادي وعينو كيبريو عليهوم..

مبعد مسالات سناء ولبسات فراشة فالبلوسيال وقدات الحالة وطلقات شعورات نزلات لتحت وعينيها لمحو داك لمنظر لي خلى رجليها يحبسو بلاصتهوم وعينيها تعلق بيه.. ساهية فيه وهي تاتخيلو كيلعب مع ولادهوم.. ولادهوم؟ كمشات حجبانهاا عند ديك الكلمة واستغربات من راسها كيفاش تافكرات فيه وهي لي قطعات عليه كلشي وبعدات منو بخاطرها.. واش باقي كاين أمل درجووع.. حركات راسها يمين وشمال مباغاش تعمر تاني دماغها بيه وكملات طريقها وصوت الطالون يتسمع وهو بعفوية هز عينو فيها وغير شافها فالبلاصة قلب وجهو عليها فحركة خلاتها تكمش حجبانهاا.. أما هو ناض تيقاد حوايجو وعطاها بالضهر غادي لصالة لداخل منخلها بحال لامكيناااش قدامو مخليها واقفة تاتشوف فيه وتبلق فعينيها وهي مفاهمة والو..

كانت متفاجاة من كلامو لي نطق بيه وبديك النبرة لي كانت جدية ومافيهااش حس المزاااح ولالغزل... بل كانت نبرة آمرة خلاتها ماتفهم تاحاجة.. انتباهو لدوك التفاصيل خلاها تسرط لسانهاا وتبقا غير تتشوف فيه وهو بدورو ربع يديه وملامح وجهو مكان عليها تاشي تعبير وهادشي فكرها فيامات كانت خدامة فلاميزون عندو.. مكتعرفش اش تحت راسو فديك لوقيتة كيف دابا نيت..

رحيل:مافهمتش كيفاش غانبدلها راه هادي لي جبت معايا وزايدون راه مستورة وطويلة؟

نوح:(مكمش حجبانو) دويت معاك بدليها

رحيل:(حسات براسها تعصبات ونطقات بعناد) مغانبدلهااش حيت ماعندي مانلبس وزايدون جلابة هاكا دايرة

ناض لجهتها وهو مخنزر فيها ورحيل تاهي دافعة الجبهة ومنزلاتش عينيها.. حيت بالنسبة ليها الجلابة مستورة وهي مشيفااش فصالتها من لور لي كانت باينة مع الجلابة شراتها طالعة وزيد مزيرة شوية من جهة الطرف..

نوح:(حط يديه على الطابل دونوي وتحنى جهتها ناطق بصوت بارد) اش گلتي؟؟

هو سمعها ماشي ماسمعهااش ولكن بغاها تعاودهاا وتاهي معطلاتهاش عليه: مغانبدلهاش

نوح:(ببرود) هي مكاين خروج

خلاها وتمشى جهة الدريسينغ وهو تيزول فلاڤيست ورحيل حلات عينيها على جهدهوم متوقعاتش منو هاد ردة فعل وبالاخص فاش شافتو دارها بصح.. تبعاتو وقربات جهتو وهي مكمشة حجبانها وقالت بجدية:علاش؟

نوح:(ضار لعندها ونطق بخشونة) دويت وقلت الجلابة مبينة الزمر لي لابسة لداااخل غير تحناااي شوية ولاتمشااي كيبااان المرض مفصلك..

ضارت رحيل جهة ديك المرايا الطويلة عاطياه بالضهر وتحنات وبالفعل بان ليها الطرساج وأصلا مزيرة ماشي بحال المخزانية لي تتكون واسعة.. سبق وشافها بجلابة نهار لعيد جاتها واسعة ومببيناش فصالتها ولكن هادي راه كيف هي محطوطة بحال لاملبساهاش.. ضورات رحيل عينيها تاتشوف فيه كيعلق لاڤيست ونطقات بهدوء مربعة يديها: هي بوحدها لي عندي مجبتش معايا جلابة خراا

ضار جهتها وحط يديه على سمطة دالسروال توب لي لابس وحك لحيتو ناطق بهدوء:دوك لڤاليز بزوج مافيهوم والو؟

رحيل:جايبة معايا بيجامات بزااف وكساوي ولكن ممناسبينش لعراضة..

حرك راسو وخرج من تم مخليها جالسة فوق الكرسي تاتخمم فلي وقع.. هي من طبعها تاتلبس لي تيعجبهاا ولباسها طبعا محترم ومناسب حجابها أو ملي ولدات بدات فورمتها تاتبدل وهاد السنين لي دازو صحاحت وربات الطرف والصدر وعندها شوية دلكريشة طبعاا خارجة مي مامعيقاااش وفورمتها هي هاديك بالنسبة لاج ديالها.. وهي تاتختار ديما لباس لواسع لي مكيبينش فورمتها وتاجلابة فاش لبساتها قالت جاتها ولكن هو مباغيش تلبسهاا.. زفرات ونطقات بهمس:بزاااف على لغيرة

بقات جالسة تماا تاتسناه مدة تاابان ليها داخل وهاز واحد الساشي بين يديه.. كمشات حجبانها ومد ليهاا الساشي ونطق بجدية: يالاه نوضي تلبسي

شداتو من عندو وحلاتو قبل ماتعرف اش جاب ضربات على لون لبلو غوا.. مدات يديها وهزاتها كانت جلابة مخزانية مخيطة بنفس اللون.. مع فولار رمادي وصباط نفس اللون مسدود وطالون أنيق وشيك.. استغربات وشافت فيه بتساؤل:فين جبتيها؟

نوح:(بهدوء قرب جهتها لامس حنكها بإبهامو)عجباتك؟

رحيل:(مغاتنكرش بلي عجباتها ودوقو حمقها)اه زوينة بزاف

نوح:بصحة يالاه بدلي باش نتحركو

رحيل:(ناضت من بلاصتها ونطقات بتبسيمة) واخا

تمشات باش تخرج وهو يشدها من يديها ونطق محرك راسو غامزها:فين غادة؟

رحيل:نبدل ؟

نوح:(جلس فالكرسي ونطق بخشونة) بدلي هناا قدامي..

فهاد اليوماين لي دوزاتها معاه حسات براسها بدات تتأقلم على لعيشة معاه وتاهو عرف كيفاش يخليها تطلق شوية وتهضر معاه ومتبقاش غير ساكتة وحشمانة.. ولكن فاش تاتجي لتبدال لحوايج ولافاش تيقرب ليها بلاماتشعر تاترجع ديك الحشمة تاني وداك التوثر اللاإرادي كينبض وسطهوم.. ملي قال ليها كلامو جلس فالكرسي بارتياح متكي ضهرو وهاز يديه حاطها تحت دقنو كيشوف فيها بشوفات هاديين.. وهي مجاوباتوش حيت لسانها تربط ومقدراتش تخرج لكلام.. وأصلا شنو غاتقول ليه لامغانبدلش! مايمكنش حيت هي مرتو وشي عادي تبدل قدامو ويبدل قدامها راه مزوجين حلالا طيبا.. كانت متوثرة وحشمانة وهي غادة بخطوات تقالين لحدا طبيلة لي كاينة تم وحطات فيها ديك الساشية.. رجعات شافت فيه ولقاتو باقي على جلستو ماتحركش.. سرطات ريقهاا وبشوية زولات الصندالة لي كانت معلياها ورجعات قصيرة تاني.. عاد مدات يديها تاتحل فولارها بلمهل وهو جالس متكي ومراقبها.. زولاتو تاهو وحطاتو فوق الطبيلة ومعاوداتش شافت فيه ضارت عطاتو بالضهر حيت بصح ماتقدرش تحط عينيها فعينيه بقوة الحشمة والرهبة خصوصا شوفاتو الرجولية القاصحة لي تتحرك فيها المشاعر المميتة.. بدات تاطلعها من الجناب بشوية عليها وهو حركاتها كانو تيلعبو على رجو'لتوو بحال الابلعاني تاديرهاا.. عينو نزلها لگدامهاا لي ومع بدات تاطلع الجلابة وهو تايطلع بشوفاتو لسيقانهاا لعريانين بلمهل وصبرو بدا كيتبخر.. وصل بشوفاتو لشورط لي لابسة باج فيه دونتيل تايجي فوق لفخد قصير تابان ليه الطرف مع عاطيها باللور وزادت شعلات فيه عافية صعيب طفى.. تايلعب بلسانو ففمو وعينو تاتسكانيها بشوفاااتو الثاقبة وهي حسات بشوفاتو واخا عاطياه بالضهر.. زولات الجلابة بلاماضور.. كان الضوني سماطي من جهة صدر مربع وفيه دونتيل تاهو.. ضارت غير نص ضورة باغاا تجبد الجلابة وماحسات غير بيديه تمدات ليديهاا شادها وليد لخرا ضورها على كرشها.. وضهرها مخشي فصدرو وأنفاسو كيضربو فعنقهاا سخانين حرقو جلدتها.. قلبها مكانتش تاتحس بيه بقوة مكان تايضرب بالجهد ورجفة سرات مع جسمها فاش حسات بيديه مطلعها من يديها تال دراعها لعرياين عاطي لخاطر تايقيصهوم بلمساتو الخشنة.. وهي سادة عينيها مستمتعة بديك اللمسة..

نوح:(بهمس كالفحيح)الصبر تقادا الفثنة

طبع بوسة فعنقها تاتهزات كلها بين يديه عاد ضورها لعندو وهي منزلة راسهاا.. وأول حاجة دارها هي طلق ليها شعرها وحط يديه تحت دقنها مطلع ليها راسها وغير جات عينيها فعينيه وهي تشوف كمية الرغبة والإعجاب لي باينين فيهوم.. تحدر على شفايفها بدون سابق إندار بايسها بوسة قوية ويديه متخلل بيها شعرها تايجرها ليه.. وهي تمسكات بيه ورجليها حسات بيهوم تايخويو بيها بسباب المشاعر لي تتعيشهوم فهاد اللحظة.. فتحات فمها بالخف فاش زير على خصرها بقوة واستوطن ثغرها بلسانو فقبلة عميقة فرنسية تخلط فيها ريقو مع ريقهاا..كانت تاتحس بيه كيبوسها بقوة وفنفس الوقت يديه لي على خصرها تايبرك عليها تاكطلق ليه تنهيدات فقلب فمو تاتزيد تشعلو كثر وتخليه يتعمق.. متأكدة أنه الابعد غير خطوة ومبقاش شادها غاطيح ليه وتاهو حس بالتقل لي لاحت عليه داكشي علاش شد فيها مزيااان وطلعها ليه باش ياخد رااحتو ويدوق عسلها لي مساخيش بيه.. تشبتات بيه رحيل كثر وضورات يديها على عنقو وهو نزل يديه بزوج لخصرها وهزها بحال لكميشة مخلي رجليها يضورو على خصرو.. حط يديه على مؤخرتها تايتحسسها بيديه الكباار وفنفس الوقت شفايفو في حصار مع شفايفهااا مباغيش يطلقها.. شعرها كان مغطي وجههوم بزوج وغير صوت أنفاسهوم وديك لقبلة هو لي كان تيتسمع..خشى يديه تحت ضوني كيتحسس جسمها الرطب لي كان سخون ورجع نزل يديه تال مؤخرتها لي تاهي مسلماتش من لمساتو.. كانت كلها تترعد بين يديه وشوية وتغيب فاش حسات بيه تعمق فلمساتو فمناطقها لمحرمة لي ولاو ملكوو داباا..خرج من الدريسينغ وهي باقي بين يديه وتمشى بيها فاتجاه النموسية وهي مكانتش فهاد العالم إنما كانت دايبة بين يديه ولمساتو ليها لي خلاوها تحس بمشاعر جديدة عمرها حسات بيهوم فحياتها.. مشاعر أول مرة كتعيشهوم وهي بين يديه مستجيبة لقبلتو لعميقة لي مساخيش يفرقهاا.. وقف بيها فنص طريق وهو باقي هازها وفرق شفايفو على دياولها مخليها تنفس.. كانت كلها تاتنهج والحمورية طالعة مع حناكها.. هزات عينيها بصدفة وماتجي غير فالانعكاس ديالهوم فلمرايا.. هو عاطيها بالضهر هازها وهي متشبتة بيه بديك الطريقة.. مرگات ومقدراتش طول كثر ونزلات راسها حاطة جبهتها على جبهتو مغمضة عينيها.. وهو يديه طلعها مع ضهرهاا تاني كايدوزها بحركات تقالين ورجع محتاظن شفايفها مرة خرى تايروي عطشو منهوم مكمل طريقو بيهاا تاوصل لنموسية وحيد دوك لخوامي وتكى بركبتو فوق النموسية ونعسها فوقها وهي ترفعات تاني ومحسات غير بملمس الفراش تحت ضهرها شي لي خلاها تشبتت بيه فالتعنيقة مباغااش طلقوو...

من نهار رجعها حلالو وهو كيتسنى وقتاش يبصمهاا بملكيتو الخاصة.. ونهار شافها موجدة ليه راسها كان باغي يقرب ويتملكها ولكن داك لخوف لي شاف فعينيها وداكشي لي عاشت خلاه يصبر ويعطيها وقت فين توجد نفسيتهاا.. وديك الليلة النعاس مزارش جفونو وهو تيحس بيها ناعسة جنبو وحرارة جسمها لي ملاصق مع جسمو بلاروايح لي تيشمها من جسمها خلاوه يشعل.. ومالقى مايدير من غير يدوش ويصلي لفجر لي كان أدن ومن تما معاودش رجع نعس حداها.. فضل أنه ينساحب حسن ليه ولكن هاد لمرة مكاينش انساحب حيت هاد لمرة الصبر مشى وطاار..

نوح:(جلس وجلسها عليه ونطق بخفوت) لابغيتي نبقاو هاكا ماعنديش مشكيل الفثنة ديالي

كانت مزيرة يديها لي مضوراها على عنقو ودافنة راسها فتجويف عنقو مخلية أنفاسها السخونة يضربو فيه ويزيدو يخليوه متشوق ليها.. تحنى بيها بلمهل ويديها ترخفو من عنقو بسلاسة تابعد عليها وشاف فيها وهي مغمضة عينيها تحدر جهة عينيها وباسهوم ليها بزوج عاد باس أرنبة نيفها وحناكها بزوح ودفن راسو فعنقها تيطبع عليه قبلاتو وهي سادة عينيها ودايبة بين يديه.. مكمشة يديها على ليزار وهي تاتحس بشفايفو السخان تيطبعو قُبل على جلد عنقهاا ومع كل قبلة تايتبعهاا بمصة ويختمها بعضة تاكتهز من تحتو وماهز راسو منو تاخلاه كولو مزوق بطابعو..نزل بقبلاتو على نحرها تاوصل فرقة الصدر لي كتبان ليه ودفن وجهو تم كيزفر أنفاسو.. كايتعامل معاها بحنية وعاطيها لخاااطر ومعيشها لحظة دقة دقة.. مباغيش يزرب عليها حيت خص يوجد جسمهاا ونفسيتها عاد يدوز لمرحلة المهمة ونيت يشبع من جسمها لي مستحيل يسخى بيه من ليوم.. طلع راسو بعيون نايمة وبعد شوية تايحل صدايف لاشوميز ورحيل غير حسات بيه بعد وهي تحل عينيها تاتشوف فيه وهو كيزول لاشوميز ولاحها بعدم اهتمام فالأرض..سرطات ريقها ومقدراتش طول فيه الشوفة حدرات عينيها وداك لقرب كان كافي يخليها تحشم تاني.. رجع تحنى جهتها تايلعب بشعرها ويبوسها فحنوكهاا عاد رجع تاني واخد شفايفها بقبلة فرنسية شوية ويسرطهوم تمسح لعكر ومبقااش وشفايفها رجعو حمرين تايضروهاا بقوة مااستولى عليهوم بشفايفو لكبار.. حط يديه على جنابها وبدا تايطلع ليها ضوني وهي محساش بيه بقوة ماعيشها لحظة ماشعراتش بيه تابعد وزولو ليها بزربة من راسها متبعو لاشوميز.. كانت لابسة سوتيان مشبك لي كانت ختارت ليها أسماء ضام نهد'يها بحميمية خلاتو يعض شفايفو وعينو عليهوم تايشوف فممتلكاتها المحرمة حط يديه على لفرقة دصدرها وهي تهزات وطلقات صوتها لخافت.. نزل تيداعبها مرة خرا وكاايبوس فعنقهاا وفعظام الترويقة وهي غابت فعالم وأحاسيس أول مرة تدوقهوم.. جسمها العدري كان تايتحرك بانصياع تحت حركاتو الرجولية.. محساتش رحيل بلي راه بقات قدامو غير بدوبياس تاضرب فيها ريح خفيفة عاد عاقت وحلات عينيها لقاتو تيتمنظر بشوفات هاديين فجسمهاا.. ديك لكريشة لي عندها شوية خارجة وديك التوحيمة لي عندها جنب السرة حميمرة ثارتو.. مد يدو قاسها وعاد نزل طبع عليها بوسة قوية تادخلات رحيل كرشها فاش تكها بلحيتو وترعدات بين يديه.. رجع طالع بقبلاتو من كرشها تاوصل لصدرها وحل ليها لبغوطي عاد ضور يديه ورى ضهرها وبحركة وحدة حلهوم ليها تاترخفو وزولهوم ورحيل مقدراتش تحل عينيها غرقاات بالحشمة وكون صابت تخشى فديك النموسية ماتبقااش تبان.. تملك نهد'يها كيداعبهوم بيديه مخليها طلق أصوات خافتة وأهااات كيلعبو على رجولتو.. الهدوء لي فلغرفة كسرو صووتها وأهاتهاا مع صوت أنفاسو الخشنة.. طلقهوم واستولى عليهوم بشفايفو وماقنع منهوم وهز راسو تاشاف طابع ملكيتو عليهوم ولحالة باش رجعهوم ليهاا عاد تبسم برضى تااام ونزل مكمل مشوارو فطبع خاتم ملكيتو فسائر جسمها.. زول سروالو وبقا بكسور ورجع واخد راحتو فجسمهاا وماخلى تاشي بلاصة ماطبعها بملكيتوو وزوقها ليهاا.. كان تيعاملها بحال شي جوهرة نااادرة خايفها تهرس.. بقوة الحنية لي كيعاشرها بيهاا خلاها ماتعيق بتاشي حاجة ووترخى ليه.. خدى وقتوو وكلشي عندو كان بلمهل ولخاااطر.. هز ليها رجيلاتها وطبع قبلة تحتهوم خلاها تقفز وتحل عينيها لي كانو مدمعين بفعل هاد المشاعر لي عاشت فديك اللحظة..

حرارة لغرفة وحرارة أجسادهوم ولدات الشرار بناتهوم... ريح خفيف داخل من البالكون لي كان محلول محرك لخوامي لي نازلين جناب النموسية بشكل شاعري..تحنى جهتها تيلعب فشعرها وهي شدات دراعو ونطقات بصوت خافت:نوح

نوح:(دفن راسو فعنقها وهمس ليها بخشونة)الفثنة ديالو

غمضات عينيها تاتحس بقبلاتو تاني فعنقها تارجع مسيحها عاود تاغابت على الدنيا وترفعات وبكل حنية اقتااحم أسوارها برجولتو وتملكها ليه بختم صعيب يتمحى أولات ديالو ملكوو الخاااض والغالي..

تلفونو كيصوني فجيب سروال لي طايح يإهماال فالأرض ومع داير ليه سيلونس ماردش ليه لبال وأصلا فهاد الساعة آخر همو هو التلفون.. كانت باقا بين يديه مساخيش بيها وكيفاش غايسخى وهو وأخيرا بصمهاا ببصمتو.. من نهار نواها تكون حلالو وهو تيتسنى هاد النهار.. كان فيما كاينسى راسو وتيفورصي عليها غير تيسمع أنينها ويحس بيها قفزات بين يديه تايرجع يخفف معاها ويعطي لخااطر تاني.. ماطلقهااش ومناويش يخليها ترتاااح حيت بااقي ليل طووويل وباقي شلى مايتقال ومايدااار.. وگاع داك لوحش لي هاز من جهتها هاد لمدة كلها تايحاول يفرغ ولو جزء بسيط منو حيت عارف عمرو فحياتو غايقدر يسخى بيها.. وبعد ساعات طويلة وأخيراً جاااهاا لفرج فاااش ختم دوك المشاعر بقبلة فوق الجبهة ملي شافها تهدات رحمهاا فاش بانت ليه تتسد عين وتحل عين بزز.. جر ليزار مغطيهاا وتحنى جهتها تايلعب بشعرها ونطق باهتمام: لفثنة ديالي ياكما مقصحة؟

رحيل:(بصوت خافت ولسانها تقيل) بغي ت نش رب

ريقها نشف عليها وحاسة بعضامهاا كيضروها بحال لاضربها شي كاميو ورجليها مقدراااتش تجمعهووم كيف ناض بقات.. أما تحتها فهاداك خلاص مكانتش تتحس بيه.. حاسة بداتها كلها تاتوزو عليهاا مد يديه لفوق الكوافوز وهز قرعة دلما حلها ومد يديه تحت راسها عاونها تاشربات ورجع قادها فوق المخدة.. تهداات وعيااات وهو عارف هادشي.. مدة وهو صايم أكيد غاتكون هادي هي نتيجة وزعمة راه تكايس أما كون عطى الجهد راه غاتموت ليه بين يديه.. بانت ليه سادة عينيها..

نوح:(تحنى جهتها وهمس ليها تاني)رحيييل

رحيل:(حلات عينيها بزز وقالت)عضا مي كيضر وني

نوح:(تبسم ليها وباسها فشفايفها قبلة سطحية) بالسيف وشكون غايسخى بهاد الشهد (نطق بتساؤل) ندوش ليك؟

رحيل:(تتجاوبو غير بزز ولسانها تقال عليها)بغ يت نعس

خلاها على راحتها وناض بشوية من حداها لبس بوكسور ومشى لحمام باش يدوش ويتوضى.. خرج كيف عادتو ملوي عليه فوطة والثانية كيمسح بيها.. كمل طريقو لدريسينغ ولبس عليه شورط قصير فلكحل ورجع جهتها باش يتكى جنبها وغير طاحت عينو على الساعة وهو يتفكر لعراضة لي مشات من بالو هز سروالو خدا منو التلفون ولقى الكم الهائل من لزابيل دمو وخوه وإدريس.. دوز لخط لمو لي جاوباتو في ساع بصوت ملهوف وسريع:ولدي علااش مكاتجاوبش على تلفونك خلعتينا عليك

نوح:(خرج لبالكون ورد وراه لباب باش مايدرونجيهاش ونطق بهدوء) يمّا بلاماتشوشي بالك

رحمة:فينكوم ؟ كلشي هنا كيتسنااكوم تعطلتو اولدي

نوح:(بجدية) مبقينااش جايين ايمّا أجلي لعراضة واحد ليوماين خرى

رحمة:(بصدمة)ولكن كلشي واجد ولعائلة كلها كاتسنى

نوح:(بهدوء)ماعليش خليهوم يتسناو مزال ايمّا يالاه نخليك تال من بعد ونعيط ليك

قطع معاها ودوز لابيل لإدريس علمو بلي مغايرجعوش

أما هي حلات عينيها بتعب وجمعات رجليها بزز وهي كاتنهد وتنين.. ناضت بزز باش جلسات عاضة على شفايفها باش ماتغوتش وزولات ليزار بانو ليها شي نقيطات دم فوق لفراش خلاوها تخلع حيت هي ماشي ڤيغج..هزات عينيها فاش سمعات لباب دلبالكون تحل ودخل منو وبسرعة هزات ليزار سترات بيه صدرها.. سد لباب وضار جهتها غير شافها جالسة وهو يقرب بخطوات سريعة مزول لخوامي ونطق باهتمام:مالكي واش كاضرك شي حاجة؟

رحيل:(ماعرفات ماتقول ونطقات بخفوت) لا

نوح:(طلع جنبها حاط يديه على وجهها وقال بجدية واهتمام)رحييل ماااالك؟

رحيل:(حشمات وبدات ضور فعينيها) والو انوووح

حس بلي بيها شي حاجة ومرجعش سولها بل مد يديه وزول لغطا عليها بالخف تاحشمات مع ملابسة تاحاجة وبدات تغطي صدرها.. قشع دوك النقطيات خفاف ديال الدم ورجع شاف فيها بهدوء.. مدة ممرساتش عليها تجمعاات وفاش نعس معاها فورصى عليها حك لحيتو وقال وبهدوء:تكاي على ضهرك

رحيل:(ضورات عينيها) هاااء

سطحها بحنية وجا قدامها وهي صافي غرقات فبلاصتها ويديها لاإراديا حطاتهوم على عينيها سداهوم تبسم وهز حاجبو وقال بجدية: لاش سادة عينيك شوفي فيا الفثنة ديالي

رحيل:(شافت فيه وهي مزنگة)نووح أنا

نوح:(نزل يديها بلخف ونطق بجدية وهدوء) الحشمة مبغيتهاش تكون بيني وبينك مزااال من ليوم نحيدو باباهاا هناا..

حركات راسها باه وهو تحنى يشوف مالها وهي مقدرات دير والو جمدات بلاصتها وهي مزنگة.. كيف توقع الدم بسباب الجرحة لي دار ليها.. شافتو هز عينو فيها وعض على شفايفو مبسم بالخف ونطق بحنية: شفتي دابا هالي مابغينااش (هز لغطا مغطيها باش مايدخلهاش البرد وتكى جهتها حاظنهاا لعندو ونطق بتبسيمة خفيفة وعينو فعينيها غامزها) ماعليش دابا تولفي

سرطات رحيل ريقها وبدات تاطلع ليزار وتزير عليه حشمانة من كلامو.. مد يديه وزول ليها لغطاا تابان صدرها قدامو ودفن راسو وسطو ويديه على خصرها مزيرها ليه وهمس بخشونة: ملي تكوني معايا عمرك تستري الفثنة..

باقي جالسة فجناحها وتلفونها فيديها تاتشوف فيه بهدوء.. گاع ديك لخلعة لي حسات بيها فاش شافتو تعطل ومكيجاوبش على التلفون رجعات عليها بلبرودة فاش قال ليها مجاينش.. كيفاش مغايجيوش والعائلة كلها تاتسناهوم هناا؟ كيفااش غاتعلمهوم وتحشيمة لي غاتحاشم مع خوتها أو ولادهوم وعريساتهوم.. تحل لباب دالجناح ودخلات عندها عفاف لي كانت تاهي مشطونة عليهوم ومعرفات اش واقع.. قربات جهة ختها لي كانت جالسة فوق الفوطوي ساهية ونطقات باهتمام:أمدرا ارحمة واش هضرتي مع ولد لحاج

رحمة:(زفرات)دويت معاه دويت اعفاف قال ليا مغايجيوش ونأجل هاد لعراضة شي يوماين خرا

عفاف:(بالراحة)اوا حمدلله بعدا ملي هوما بخير وماطاري والو أنا خلعوني خفت لاتكون شي حاجة وقعات ليهوم لاقدر الله (كمشات حجبانها فاش شافتها ساهية) مالكي؟

رحمة:(حطات يديها على راسها وقالت بانفعال) دابا أنا كيغاندير نزل نعلمهوم بلي هوما مبقاوش جايين وهادشي لي وجدناااه والعائلة لي جااات من فااااس باش تحضر لعراااضة

عفاف:(بجدية ورزانة) نهار بغيتي ديري لعراضة قلت ليك تشاوري مع ولد لحاج هو لول ونتي اش قلتي ليا لا أناا عارفة اش كاندير ونيت العائلة كلها هنا ومشيتي عيطتي لولاد خوتك عاد صونيتي لولد لحاج علمتيه والسيد قالها ليك علاش ماتشاورتيش معايااا وبان بلي معجبوش لحال ونتي عارفاه مكيبغيش بحال هاد التصرفات ومع ذلك دوزها ليك وكان ناوي يجي مي يعلم الله الظروف لي خرجات ليه تاقال لا وتانتي ماتقلقيش من والو

رحمة:(تاترجع شعرها ورى ضهرها) قلت نديرها ماحد كلشي هنا هادي هي نيتي

عفاف:أنت عارفة نيتك مزيانة ولكن طريقتك غالطة علميه ديك الساعة عاد بداي تعيطي ودابا ماتبقايش تخممي بزاف أنا غانتكلف ونعلمهوم بلي كاين..

خرجات عفاف من عندها نازلة لتحت باش تعلم العائلات بلي كاين وبالنسبة ليها الأمر مكيستدعيش داك السكوندااال وديك التقليقة حيت عارفة بلي ختها غلطات فاش قررات قبل ماتاخد الإذن منو وهي عارفة ولدها مكيتساهلش فهاد القضية أو واخا هاكا قبل يجي ولكن راه بعض المرات تايخرجو ليك حوايج من الجنب مكتكونش داير ليهوم حساب.. تلاقات فطريقها سناء لي تاهي جايا تشوف اش واقع وعودات ليها عفاف المختصر دلكلام وخلاتها وسناء حمات فيها البيضة ومشات تتجري عند رحمة.. لقاتها على نفس جلستها تاتتخمم فكلام عفاف لي من جيهة عندها حق فيه.. وتاني كاتفكر فكلام نوح ملي عيطات ليه وعلماتو بلعراضة وكيفاش معجبوش لحال حيت مخداتش منو الأوكي وقالها ليها..

سناء:(داخلة جهتها)قالت ليا عفاف مبقاوش غايجيو واش بصح؟؟

رحمة:همم

سناء:(جلسات جنبها)وعلاش؟ ياك قال ليك غايجي شنو طرا

رحمة:ماعرفتش اسناء بحالي بحالك

سناء:(هزات حاجبها)هااا كيفاش ماعرفتيش واش من نيتك ياك عيط ليك اش قال ليك؟

رحمة:(خنزرات فيه) واش عند بالك غايعلمني بالسبب الله يهديك اسناء قال ليا مجايش وصاف

سناء:(تكات جنبها) يقدر تكون لعروسة هي لي قالت ليه مايمشيوش؟؟

رحمة:(الصمت)

سناء:(ربعات يديها وكملات هضرتها بسخرية) هه من دابا بدينا فالفعايل ديال العريساااات الله معاك اختي هادي بانت ليا داخلة سخوووونة وباقي گاعما سخنات بلاصتها بدات تادير فالمشاكيل (شافت فرحمة وكملات ببرود) دابا اش غايقولو الناس لتحت جايبانا رحمة ونشراتنا وفلخر مكاين والو مغايقولوش راه هوما لي غالطين حيت مجاوش بلعكس غايقولو نتي غلطتي حيت عرضتي علينا ونشرتينا وفلخر مجاوش حشومة گاااع والله

رحمة:(ضارت جهتها وهي معصبة) واش شيفاني درتها بلعاني تانتي

سناء:(تتزيد تزند العافية بكلامها) اوا هوما مغايقولوش هاكا احبيبة حيت نتي لي جيتي فوجه لمدفع أما هي راه غايقولو من حقها عروسة وباقي جديدة خصها دوز وقت مع راجلهااا لي داير ليها كي لما لقليل (تاتحرك فرمشوها وتميق) السيد كتب ليها الفيرمة بالسمية وعطاها عشرة دلمليون فالصداق بلاداك الدفووع لي يغني ياليل ياعيين ماخلى مجاب ليها وگاع لي تشهات خاطرها حضرو ليها بالسيف السيدة ماتربي الريش من دابااا وهي عمرها شافت هاد لخيرر هااانتي غير جنااحو لي هناا بدل ليه لفراااش وجااب واحد اخر كولو جديد وصلح تاجنااحو زاد فيه شي حوايج مكانوووش (ضارت جهة ختها وهي هازة حاجبها)شوفي ارحمة من دابا نوصيك ماترخفيش ليها لحبل وضسريها راه بحال هاد النوع غير تاايدير بلاصتو وتايبين وجهو الحقيقي وديك خيتي باااقي غاتصدمك فيها وعقلي على كلامي ابنت مي وبّاا..

يديه الدافية لي تاتحرك على خصرها مخلياهاا تحل عينيها بكسل.. كانت يديه تاتمشى بلهداوة على خصرها مرورا لفخادها وأنوثتها لي كيلمسها بلمساتو المشاغبة.. وشفايفو لكبار كان كيدوزها على شفايفها لي تنفخو ليها بفعل قبلاتو وعضاتو لي خلاو لطراس واااضح عليهوم.. حلات عينيها لخضرين وهي تتحك فيهوم وتاتحيد الضبابة دالنعاس لي غرقات فيه مبعد ليلة طويلة مليئة بالمشاعر الجيااااشة لي عاشتها معاااه.. جات عينيها على وجهو لي كان قريب ليها وكيشوف فيها بشوفات مبتاسمين وباينة فيهوم الراحة..

نوح:(طبع قبلة على شفايفها ونطق بخشونة هامس ليها) الفثنة شبعتي نعاااس؟

رحيل:(يديها تاتحاول تجبد ليزار وتغطى بيه داتها وجوباتو بخفوت) همم

تحنى جهة عنقها تايطبع قبلاتو عليه وهي دايبة تاني بين يديه غير تايقيسها كاتنسى راسها حيت تايحرك فيها دوك لمشاعر لي ولات تاتعيشهوم وهي معاه بين يديه.. طلع راسو وشاف فيها وهي بديك الحالة لي شهاتو فيها..

نوح:(باهتمام نطق) باقي مقصحة؟

رحيل:(بخفوت)لا

نوح:(تايقيس شعرها لي كيف لحرير بين يديه وبهمس خشن نطق) وهادشي لي بغيت (طبع قبلة قوية على شفايفها وأخيرا رحمها وحرر جسمها من قبضة يديه ونطق بهدوء) أجي ندوش ليك

ماخلاش ليها لمجااال فين تهضر ولاتقول رأيها كان هازها بين يديه ولغطاا طااح الأرض مخلي جسمها العااري لي مزين بطوابع ملكيتو يبان بين يديه كيف لكمشة.. مقدراتش تشوف فوجهو ومقدراش تخيل بلي هي بين يديه بداك لمنظر وغايدوش ليهاا.. قمة الإحراج لي حسات بيه رحيل فديك اللحظة خلاها دفن راسها فعنقو كاتنفس بالجهد.. دخل لحمام وحطها فالأرض حفيااانة وهي بدات تاتحط يديها على صدرهاا بلاماتشعر وعينيها تاضورهوم فالحمام المهم ماتشوفش فيه وهو ملابس والو من غير كالصو لي مبين كلشي.. تحنى كيعمر البانيو بلمااا دافي ورحيل رجعات تاني تاتشوف فضهرو لي فيه دوك لطاااش.. عندها فضول تعرف سبابهوم ولكن مقدراتش تقولها ليه.. عمر لبانيو بلما دافي وحط فيه كبسولات الخزامة ولورد تاكشكش بالرغوة عاد ضار جهتها ومد يديه ليها ناطق بهدوء: اجي

شدات يديه وعاونها تاتخشات فيه وجلسات فالمااا بعدا تسترها ديك لكشكوشة لي طلقو دوك لكبسولات لخاصين بلحمام لي دار فيهوم.. تمشى قدامها غادي يجيب ليها لبرودويات لي كادوش بيهوم.. رجع جهتها وقف وراها ورجع ليها شعرها ورى ضهرها وبدا تيكب عليه لماا عاد خدا شومبوان تيغسلو ليها وكيدير ليها مساج لراس خلاها ترخى.. مايمكنش كيفاش يديه حنينة ماحساتش بيه والنعاس لي جاها غير طبيعي.. جمع ليها شعرها مور ماغسلو ليها وتحنى باسها على كتفها لي كااان فازگ عاد بدا كيكمل ليها ويديه راه واخدة حريتها فجسمهاا كايقيسها بالراحة وهي شوية وتغرق فداك لمااا.. خلاها تكمل لي بقا وتمشى جهة رشاش دخل ودوز الزاج لي كان مضبب وطلق الرشاش يدوش..

كانو عينيها معلقين على خيال جسمو لي مباينش بوضوح وهي ساهية.. باقي لحد الآن ماقدراتش أنها تيق بلي الحاجة لي كانت خايفة منها ومشكل ليها عقدة فهاد السنين كلها لبارح قدرات تجاوزو بكل بساطة.. لبارح محساتش بالنفور والخووف بل حسات بشي حوايج فحياتها كلها عمرها حسات بيهوم.. مشاعر خلاوها ترفع لسابع سماا وتعيش دوك الساعات فوق السحاب وهي تادوق واحد لحلاوة لي مسخاتش بيها.. معاه لبارح حسات بقمة أنوثها وهي بين يديه كيهمس ليها بكلام لغزل ومعا'شرتو ليها ككل مكانش فقط من أجل الشه'وة.. هي أصلا غرقاات فيه وبهاد التصرفات والحنية ديالو كاتزيد تغرق كثر.. فاقت من تفكيرها على صوت الباب لي تحل وخرج منو ملوي فوطة وكولو تيقطر.. شاف فيها وغمزهاا بلخف عاد كمل طريقو لبرا مخليها تكمل تدواشها على راحتها.. وتاهي غير سالات ناضت غادة تاتقطر بالماا غادة تشلل باش توضى.. مع خرجات تحت الرشاشة لقات بنوارها معلق تم.. تبسمات حيت جابو ليها ولبساتو كان قصير بزااف الاتحنات غايبان كلشي.. نقات لحمام كولو عاد خرجات وهي دايرة فوطة لشعرها ومشات لدريسينغ.. هزات لگام دلبرودويات جداد وجلسات تاني تاطلس تاسالات عاد لبسات دوبياس ديالها وفوقهوم إسدال دالصلاة باش تصلي الفجر.. غير سالات صلاتها وهي تنوض تاتجمع فالصلاية وهزات تلفونها لي كان محطوط تم.. ومجرد ماشافت لزابيل وهي تفكر لعراضة دلبارح لي طارت من بالها.. شهقااات بالجهد وعلى شهقتها دخل نوح لي لابس فوقية زرقة ومع صندالة دالجلد مكمش حجبانو ونطق بصوت مبحوح:مالكي؟

رحيل:(شافت فيه وهي حالة فمها)لعراضة

نوح:(تبسم ليها تبسيمة جنب وقرب جهتها تايلمس فحنكها ناطق بنبرة خاترة)دقنا الشهد ديال الفثنة ونسانا العراضة

رحيل:(مرگات ورجعات كلها حمراا ونطقات بتوثر) احم شنو غايقولو؟

نوح:(بجدية) ماعليش دابا نعوضوها ليهوم

رحيل:(نطقات بزربة) نديروها هنااا ونعيطو ليهوم دابا؟

نوح:(كمش حجبانو) لي بان ليك الدار دارك الفثنة

رحيل:صافي عيط ليهوم

طلع فوقيتو وجبد من جيب الشورط تلفونو دوز لخط لتريتور لي تايتعامل معاه وغمز رحيل وهو غادي جهة لبالكون باش يتافق معاه هو لول عاد يعيط لمو.. أما رحيل هزات تلفونها تاتقرا مسااج أسماء لي سيفطات ليها " غرقتو فالحلووووة تانسيتو جد بووونااا ههههه بصحتك اختشي" مرگات بالجهد وقالت مع راسها كلشي غايعرف بلي كاين.. دوزات لخط لأسماء لي مع قالت ألو بدات تكركر ليها وتعطيها فداك لكلام لمااسخ ديالها ورحيل تاتسب فيها بشوية باش مايسمعهاش نوح.. علماتها بلي غايديرو لعراضة فالفيرمة باش يجيو وغير قطعات عيطات لباها تاهو علماتو ولقاتو ديجا فخبارو حيت نوح عيط ليه دابا شوية.. قطعات معاه وتمشات جهة البالكون لقاتو باقي كايهضر.. ضار شاف فيها ومد يديه تاشداتهاا وهو جرها عندو وتايقيس بإبهامو يديها وفنفس لوقت كيهضر مع رحمة..

نوح:(نطق بهدوء) ياك باقيين ماتحركو لفااس صافي يجيو لهناا وفاش تسالي لعراضة لابغاو يمشيو الله يعاون

رحمة:(تاتهضر وهي مقلقة وباين من صوتها) ماعرفتش دابا نشوف أصلا لبارح معجبهومش لحال حيت ماجيتوش وكلشي كان حاضر

نوح:(لعب بلسانو ففمو ونطق بخشونة) علميهوم دابا ايمّا ولي باغي يجي مرحبا بيه

رحمة:صافي واخا اولدي

نوح:نخليك دابا تال من بعد ونعاود نعيط ليك

قطع مع مو ورحيل ساكتة كاتسمع ليه ومن كلامو استنتجات بلي مو معجبهاش لحاال وهي صراحة مباغاش شي مشكيل من لبداية.. ضار جهتها نوح بانت ليه ساهية وقرب عندها مكاليها مع السطارة دلبالكون ونطق بهدوء:مالك؟

رحيل:(تبسمات ليه)والو عيط لبابا قال ليا راه علمتيه

نوح:(تبسم ليها)النسيب ضروري مانسبقوه (تبسمات ليه وهو كمل كلامو بهدوء) مي جميعة شوية وطلع لينا لفطور لهنا نفطرو

رحيل:صافي واخا اه قبل مانسى (تبسمات بخجل) ماعنديش شي قفطان لي نلبس حيت مكنتش عارفة بلي غانحتاجو

نوح:ماشي مشكيل نجيبو ليك قفطان لي تشهات خاطرك الفثنة (وكمل بجدية ونبرة تاتحس بيها متملكة) المهم يكووون واااسع وميبينكش

حركات راسها باه وتختم لكلام تماا حيت جات مي جميعة جايبة لفطور ليهوم.. تبسمات ليها رحيل وباركات ليها حيت مكانتش حاضرة لعرس مع سافرات عند عائلتهاا.. عوناتها رحيل تاطلعو لفطور عاد جلسات هي وياه تيفطرو وتلفون نوح مسكتش من لزابيل.. ومكملش گاع فطورو حيت عيط ليه التريتور لي جااا وجايب معاااه المواعن والطبالي باش يستفوهوم وبخصوص الماكلة تاتوصل لوقيتة ويجيبوها باش تبقا سخونة وماتبردش.. سالات رحيل وناضت تاتجمع لفطور وهي لابسة إسدالها مع عارفة الدنيا لتحت مخلطة.. وبالفعل كانت الدنيا تاتنغل وهالي داخل هالي خارج دخلات لكوزينة وحطات البلاطو ولقات جميعة واقفة تاتوجد ليهوم لغداا والكوزينة فيها السربايا بنات ورجال كل واحد مقابل شغالو وتاحد ماهز فيها لعين.. سولات جميعة واش تعاونها ساعة حلفات ماتخليها تحط يديها فلماا وبلي هي باقا عروسة جديدة.. خرجات رحيل وعينيها كيقلبو عليه تاقشعاتو داخل تايدوي فتلفون.. قرب جهتها ودرعها غادي بيها لصالة وكيدوي مع اليازيد تاسالى معاه وشاف فيها ناطق بهدوء: اجي تشوفي الديكور لامعجبكش نبدلوه

رحيل:(تبسمات لكلامو) واخا

دخلها لصالة فين مستفين الطبالي والكراسى ومقادين الديكور لي كان زوين وشيك وفكل طبلة كاين ڤاز فيه لورد لبيض..

رحيل:(عجبها الديزاين) زوين بزااااف عجبني

نوح:(خشى راسو فعنقها فوق الزيف ونطق بخشونة) هادشي لي بغيت

خلاتو وطلعات لفوق وهو بقا تم واقف على شغلو بيديه.. زولات داك الإسدال وبقات غير بدوبياس وتمشات جهة الدريسينغ وعينيها جاو على لمرايا الطويلة تاتشوف داك التزواق لي داير ليها فداتها كلهاا وبين فخادها تاهوما وعنقها خلاااص حكاية خرااا..هزات بنوار لاحتو عليها وخرجات لبيت جالسة مرتاحة تاتكونكطا مع لبنات..

ظلام لحال وكلشي كان واجد فالفيرمة على حقو وطريقو.. وأول الحضور لي جاا كانت بيسان لي جابت معاها داكشي لي غاتلبس رحيل لي كانت لايحة عليها إسدالها ولفولار باش ميبانش عنقها ودوك لعلامات لي دار ليها نوح.. كانت جالسة فداك الكرسي لي فالدريسينغ ولمك اب محطوط جنبهاا.. مدارتش فوندوتان ولاتاشي حاجة لوجهها لي كانت الراحة باين فيه ولحنيكات حمرين والسر طايح عليها.. سمعات الدقان ونطقات بصوت عالي:دخل

عارفة شكون داكشي علاش بقات فبلاصتها تاوصلات لعندها بيسان ودخلات وفيديها بواطة كبيرة ولابسة جلابة مخزانية فالرمادي وشعرها بوكلاتو... وأيلاينر فرنسي جا مع عويناتها النايمة.. تبسمات ليها رحيل وناضت معنقاااها وبيسان هازة لبواطة ونطقات بتبسيمة:عروستنااا وتاااك الزوااااج ههه

يتبع...