الجوهر الحر الجزء السادس

كلشي طرا قدامها بالزربة وهي كتشوف جسدو كيطيح الأرض بواحد الطيحة قاصحة خلاتها طلق غوتة وتقرب عندو وقلبها حسااات بيه كيضرب كيضرب تقول غايخرج من بلاصتو.. جلسات حداه وهزات راسو دايراه على حجرها كضرب فيه وتعيط بخوف:هيييي فيق ماااالك عتقوووني عفاكوم

مع لغوتة ديالها جا واحد لفرملي كيجري وجلس حداهوم ونطق:مالو؟

رحيل:(بتلفة وعينيها على ريان)ماعرفتش كان واقف تاطااح على طولتو

جاو لفرملين جايبين بياص وتعاونو عليه هزوه وداوه وهي موراهوم تالفة وعقلها كلو معاااه.. ماوقفات غار قدام لباب فين دخلوه وهي كتنهج تاصونى تلفونها وكانت مهاا جاوباتها رحيل بصوتها لي كينهج:ماما فينك

تانيرت:(واقفة حدا الشوفير ونبرة صوتها باين فيه لخوف) انا فلكلينيك ابنتي جيت انا وخوك ولكن ماعرفت فين هو

رحيل:كيفاش فين هو؟

تانيرت:طلعنا لشومبر خوك وقبل ماندخلو وصيتو باش ميقولش شي حاجة ماهياااش وهو تعصب وخلاني وملي خرجت عند الشوفير كنسولو قال ليا مشافوووش خفت تكون طارية ليه شي حاجة هء هء هء تامن السيكوريتي لي حدا لباب مشافوش هء هء هء

رحيل:(هزات عينيها فباب لبيت وقلبها دق وبصوت هامس) شنو لابس

تانيرت:سروال توني وتيشورت فنواغ وداير فاصمة على راسو

دمعة هبطات من عين رحيل دايرة طريق لحنكها وهي معلقة عويناتهاا فلباب لي قدامها وبصوت ضعيف نطقات:هاهو هنا

عطاتها النعث فين كاينين وجلسات حدا لكراسى مخبية وجهها بين يديها ولقطة ديال شوفتو كتعاود بين عينيها بحال شي فيلم.. من نهار عرفات بلي عندها خوها من مها وهي متلهفة لشوفتو.. وفدوك لمرات لي شافت فيهوم مها هو مكانش معاهاا حيت مكيجيش لمغرب وعايش فبرا... ودابا ملي مكانتش دايرة حساب بشوفتو هاهو جا تال عندهاا.. تنهدات وشافت فمها لي جايا تتجري وبصوت خايف مرعود نطقات:فينو خوك شنو طاري ليه؟!

رحيل:طاح سخفان ودخلوه لداخل يشوفو مالو

تانيرت:كلشي بسبابي (ضربات صدرها بألم) مكانش عليا نخرجو وهو باقي مصحش هء هء هء

رحيل:(شافت فيها وبصوت ضعيف) شفتوو بعد هاد السنين كلها شفتوو (وقفات قدام مها ونطقات بتساؤل) عاجبك لحااال داباا همم (رفعات صوتها ودموعها دايزين) عجبك لحااااال فاااش تلاقيت بخويااا وأنااا معارفاااااهش وقف قداااامي وأنااا ماعرفتتوووش واااش خوياا..عجبك لحااااال دابااا هااا نتي ماشي غار حرمتيني منك نتي راااه حرمتيني من خويااا تاهو... خوياا لي معرفتوش واخا كان واقف قدامي كيشوف فيااا ههه ولكن هادااا (ضرباتها على صدرها) حس بيه فخبااااارك ضرب بالجهد ملي شااااافو واخاااا أنا معرفتووووش

عطاتها بالضهر سامحة لدوك الدموع ينزلو وحاسة براسها مخنوقة.. قاصحة عليهاا ومساهلاش تكوني واقفة قدام خوك ونتي معرفاااهش كما تاهو مكيعرفكش

غرابين على بعضياتكوم واخا جيتو من كرش وحدة... تحل لباب وخرج لفرملي غادي لجهة رحيل لي كيعرف ونطق ببشاشة:مكاين لاش تخافي اختي راه غير الطونسيو هو لي طاح ليه وراه درنا ليه محلول وراه فاق وهو بخير

رحيل:(تتمسح دموعها) شكرا

مشى الدري وهي شافت فمهاا لي مكانتش حالتها حسن من رحيل.. تاهي ربي لعالم بيها وبشنو كتحس مساهلش تصبر لداكشي لي هازة فداخل ديالهاا وهاد الأعواام كلهاا كانت تتمنى تبوح بالحقيقة وتقول شنو كاين ولكن الرجاء فالله...

مسحو دموعهوم وقربات تانيرت جهة لباب وقبل مادخل نطقات:مغادخليش معايا

حركات ليها راسها ودخلو لبلاصة فين كان ريان ناعس وسيروم فيديه.. متكي ومغمض عينيه ساكت تاسمع لحس عاد حل عينيه وهو كيشوف ماماه تتقرب لجهتو وموراهاا ديك لبنت لغريبة لي شافهاا.. كمش حجبانو وعينو تعلقات عليهاا تاسمع صوت مو لي نطقات بحزن: كتاب ليكوم تلقااو فهاد الظروف (حطات يديها على كتفووو تاشاف فيها ونطقات ودموعها نزلو) هادي ختك رحيل أولدي

هز عينو فرحيل لي كانت تاهي كتشوف فيه ودموعهاا بداو كيعمرو عينيها.. أماا هو عينيه بقاو مفيكسين عليهاا بحال الاممتيقش واش هادي نفسها ختو لي من نهار عقل على راسو واسم رحيل ديماا مرافقو فحياتو تاكره الإسم ومولاتو.. زير على يديه وعينو باقي على رحيل لي كتحاول ترسم ابتسامة على شفايفهاا وهي حاسة بتلبك غير معقول وتوثر مخلي كرشها تلوى بالخلعة.. كمش ريان حجبانو فيها وقبل ماتقدم رحيل خطوة لجهتو باش تعنقو نطق بصوت بارد كالصقيع: هادي بنتك نتي مااااشي ختي..

رجليها حبسو فبلاصتهوم وعينيها تعلقو عليه وعلى ملامحو الباردة وجملتو لي دخلات لقلبها بحال لمواااس كتقطع فيهاا طراف طراف... كان عندها أمل ولو صغير أن خوها غايتقبلها كما هي متقبلاه ولكن دابا كتشوف العكس كتشوف الرفض من خلال نظرة عيونو الباردة وكلامو لي نطق بيه قبل قليل.. معرفاااتش علاااش هاد الدنياا ديمااا كتعطيها بالشحط ومكترحمهاااش سبق ليها ترفضات من عند مها لي خلاتهااا لحيمة.. مها لي مفكراتش فيها وعطاتها بالضهر بحال الا راها ماشي بنتهاا... داك الرفض لي كانت معايشة معاه هاد السنين كولهاا ومحاولة تبني بينو وبينها سد باااش مايسيطرش عليهااا ويخليها تحقد عليها وهاهي للمرة الثانية كتلقى داك الرفض من عند خوهاا لي غير من الشوفة باين فيه محملهاااش وحاقد عليهاا... حدرات عينيها ودموعها كيسقطرو فالأرض قبل ماتخرج من تم مخلية موراها تانيرت لي قلبها غايخرج من بلاصتو من منظر بنتهااا شااافت فولدهاا ودموعهاا نازلين ونطقات بعصبية: مرتاااااح داباااا يااااك رتاحيتي حيت بكيتي ختك رتاحيتي حيت خرجتي فيهااا سمّك همم قول ليااا هي شنو دااارت ليك هاااا باش أدااااتك

ريان:(غوت تاهو بعصبية) بعدااااتني عليك هاد السنين كولهااااا خلاتني عااايش غار مع لكسدة ديالك أما لعقل ولقلب كولوووو معاهااا عرفتي علاااااش

تانيرت:(خرجات فيه عينيه) هاااديك لي شفتي راااه سمحت فيهااا سمعتي خليتهااا مع بااااهااا حرمتهااا مني ماشي بحالك نتااا لي تربيتي وسط عائلة ولحاجة لي بغيتيهاا تلقاها

ريان:(نثر داك السيروووم وناض مغوت فوجهها)اشمن عااائلة هااا واش عند باااالك أناا معاارفش بلي نتي عمرك عتابرتي بااا راااجلك هااا واش عند بااالك ماعااارفش بلي واخااا مزوجة بيه قلبك مع هااادااااك لي تظلي تقااارني بّااا بيه الاااكنتي باقااا تتبغيه علااااش خليتيه وخليتيهاا هاااا علاش تزوجتي ببّاااا هاااا علااااااش

تانيرت:(غوتات مجننة عليه) حييييت جددك هوووو السباااب جددددك لي خلااااني نعيييش هاد تماااارة وعمري نسمح ليه عمررررررررري...

فاش خرجات من الشومبر مور كلام خوها وتصرفو معاها حسات بروحها بوحدها وباغاا غير تفش قلبهااا وتبكي.. ومع لخرجة دلباب تلقااات بإدريس لي كاان راجع مور ممشى لگاراج يطمن على لخدمة تم ومعاه كلثوم جايبين لمحمد طه لغداااا... غير شافوها هاكا قلبهوم تهز وظنو أن شي حاجة طراات لمحمد

إدريس:(شدها من كتافهاا ونطق بخوف) شواااقع خوك محمد طه شنو طراا ليه

رحيل:(هزات عينيها ونطقات بصوت يقطع القلب بديك النبرة لمغبونة) واااش أنا منحوسة لهااد الدرجة

كلثوم قلبات عينيها من هضرتها وتخطاتها غادة لعند ولدهاا بينما إدريس بقاا غار تيشوف فيهاا وفعينيها لي منفوخة بلبكاا وحمراا لدرجة ديك لخضورية ديالهوم صفاات وبانت تتلمع.. منظرها ضرو فخاطرو بزااف ومغايكدبش هادشي... وخلاص هضرتها جابت ليه التمااام ومعرفش شنو طراا ليها وشنو لي بكاها..

رحيل:(هزات فيه عينيها وكملات بصوت ضعيف باكي) تاواحد مكيبغيني هء هء لانتا ولاماما ولاهو

مع قالتها إدريس جرها لصدرو معنقها بالجهد وداك لكلام لي قال محملوش منهااا زير عليها فالتعنيقة وهو كيسمع صوت شهقاتها..

إدريس:(بصوت حنين هامس) شكون لي قااال ليك أناا مكنبغيكش همم نتي راااه بنتي

رحيل:(مبادلاه لعنااق وبين كل كلمة وكلمة تتشهق) مكتبغينيش هء هء حيت هء هء أنا كنشبه ليهاا هء هء

إدريس:(مغمض عينو ونطق) نتي لفرحة لولة ديالي ونتي هي لوريدة لي نورات حياتي

رحيل:(شافت فيه بعويناتها ) وعلاش خويا مكيبغينيش

إدريس:(كمش حجبانو لغلاض ونطق بتساؤل) شكون واش محمد طه

رحيل:(تتمسح دموعها بكمام يديها بحال شي بنوتة صغيرة تتشكي لباهاا) لا ريان

إدريس:(قلبو تهز وبصوت هادئ) واش ولدها؟

ليوم كان أول يوم ليها فلخدمة واخا مكانتش باغا تجي ولكن كانت مجبورة حيت عارفة آدم وعلياااش قاد عليها اضطرات أنها تجي.. جالسة فالبيرو ديالها هي والدراري لي لي خدامين معاها فنفس الضومين ديال لوغچانيزاسيون دالحفلات.. وليوم نيت راهوم خدامين على افتتاح دواحد لكلينيك وهي خاشية راسها معاهوم تتعطي رأيها وأفكارها تاسمعات صوت وحدة من لبنات لي خدامين معاها:موسيو آدم

هزات أسماء راسها فاش بان ليها آدم واقف بسروال باج وشوميز بيضاا ولفاصمة لي كانت مضورة على راسو محيدة وبقات غار بارتشي صغيرة على الجرحة... ضورات عينيها عليه ورجعات تتهضر مع داك الدري لي حداها تاسمعات صوتو نطق:مادموزيل أسماء واحد الدقيقة

شافت فيه بغيض وناضت وهي راسمة ديك الضحيكة الصفرا على شفتها تاخرجو من لبيرو غادين لبيروه هو..لكل كان مستغرب من تواجودو فشركة باه لي مكيجيش ليها إلا مرات معدودة على رؤوس الأصابع.. دخل لبيروه وغير سد لباب وهي تكشكش عليه

أسماء:(بعصبية) شبااااغي مني نتااا واش مغاتفرقش عليااا

آدم:(قرب جهتها ونطق)على انا نسخى بالحجلة ديالي

أسماء:(بعدات عليه وهي مخنزرة فيه ونطقات) قول لي عندك اآدم وخليني نمشي

آدم:(جرها من يديها تاتضربات مع صدرو وكمش عينيه فيها) الحجلة سخيتي بيااا هممم

أسماء:(شافت فيه)ماعرفتش شكون لي سخى بلاخر واش أنا ولانتاا

آدم:(دفن راسو فشعرهاا كيستنشق ريحتو) عرفاني مانسخاش بيك الحجلة

أسماء:(خرجات فيه عينيها وقالت ليه) عليها كنتي باغي تغتاااص.بني يااااك

آدم:كان عاجبك لحااال (غمزهاا)

أسماء:(بغات تنثر من بين يديه) اهااا وفااش قلت ليك حبس علاش ماحبستيش هااا وزايدها بهاز يديك عليااا

آدم:(عض على شفتو) ونتي راك فلقتي لياا راسي نسيتي

أسمااء:حوووو فيك ملي جاتك غار فراسك حمد الله ملي مقطعتش ليك ديك الزروااطة باش فرحااان

آدم:(باس حنكها) الاقطعتيها باش غاتمتعي الحجلة هممم

أسماء:(نطقات بهدوء)آدم أنا عمري مغانرجع معاك كيف كنت حيت داكشي لي درتي خلاني ندير أطونسيو منك نتااا باين شنووو باغي عليهاا حبس هاد الزمر وخليناا نتفارقوو وكل واحد يشد طريقو

آدم:(نطق بهدوء) زعمة نتي مكانتش باينة نيتك وشنو كنتي باغا هممم (قربها ليه كثر) نتي الحجلة ديالي كنتي باغاني على قبل فلوسي وأناا باغيك على قبل لح*ا

أسماء:(بدات تتضرب فيه كاعية)اوا هو لي عمرك غاتشمو من عندي غااار تنهى طللللق الخراااا

آدم:(ضحك بسخرية) ههه ماتقصحيش راااسك حيت نني لي غاطلعي خاسرة من هاد لحزاااق كولو

أسماء:(بادلتو الابتسامة الساخرة) وأناا باغاا نخسر

آدم:(قاس حنكها ونطق) الحجلة ديالي رخفي على راسك وختاري الطريق الساهلة حيت أناا مغانتفارقش عليك (زيرها لعندو كثر) عليهاا ياتكوني معايااا بخاطرك يابزز منك ولخيار ليك نتي الحجلة ديالي...

مور ديك النوبة العصبية لي جاتها وغواتها على ريان قررات تخرج وتقلب على بنتها وقلبها واكلها عليها... كانت عارفة ردة فعل ريان ملي يشوف ختو مغاتكونش كما هي باغاا.. حسات بواحد لغصة وبقات واقغة كتسائل روحها شنو غاتكون ردة فعلو ملي يعرف بلي عبدالله ماشي هو باااه وبلي إدريس هو باه لحقيقي؟ وكيفاش غايتقبل هاد الحقيقة لي بقات هزاها معاهاا هاد السنين كلها والأهم ردة فعل إدريس ملي يعرف بلي عندو ولد معاهاا... يديها رجفات وتنفسها ضيااق حيت عارفة بلي هاد لحقيقة نهار تعرف غادمر حياة ولدهاا وحياتهوم كاملين... والحقيقة قدماا بقات مخبية غايجي النهااار لي غاتفضح وداك النهار يمكن قريب ويمكن يكون باقي بعييد... وقفات حدا لباب وعينيها تعلقات على صورة الأسمراني وهو معنق بنتو لي كتبكي فحظنو.. توحشات دفن جسمها وسط داك الحظن وتزير عليه كما كانت تادير ديماا.. داك لحظن ديالو لي كان بحال شي أكسيجين كتستنشقو وكيقويهاا... تكات على لحيط وهي كتشوف فالراجل لي بغاتو وباقا كتبغيه مع بنتهوم.. شحال خايب انك تحرم من هاد المنظر حياتك كلها بسبب طغيان بااك لي مفكرش فيك وفكر بأنانية على قبل مكانتو... نسى بنتو وشنو باغاا وفكر غار فهضرة النااااس.. هي عمرها غاتسمح ليه وماتكدبش الاقالت راه حقدات عليه حيت بسبابو هي عانات بزااااف تحرمات من كبدتهااا وراجلها وحرمات ولدها من باه... عاشت مع راجل كبر منها بسنين وكل همو يكون عندو ولد لي يهز سميتو وعاشت مع ضرة لي فكل فرصة ليها تتعدبها ومدوزاتش عليها القليل تعدبات وهي فالغربة لاحنين ولارحيم من غير رب لعباااد لي كان واقف معاهاا... حد معرف شنو دوزات وكلهوم كيلوموهاا وهي بنفسهاا تتلوم راسهاا.. فنظرهوم هي أنانية ماعندهاااش قلب أم مهملة ولكن كون يشوفو داك لقلب شنو هاز فالداخل ديالو كون غايبكو الدم عليهااا... تغصبات فشبابهاا وفقدات راحتهاا فكل ليلة كاتنعس فيها صورة بنتها كتجي لبين عينيها بحال الاكتلومهااا على تخاليهاا... وفكل مرة كتشوف ولدها ريان كيكبر قدام عينيها كانت تتشوف صورة إدريس حيت خرج كيشبه ليه فتصرفاتو وفقصوحية راسو وبالجعرة لي فيه... كانت تتموت من لداخل ملي كايعيط لعبدالله بابا ومكتكرهش تشد يديه وتغوت عليه وتقول ليه هاداك راه ماشي باااك وراه باااك هو إدريس ولكن خافت عليه وخافت من شر الضرة عليه... مسحات دموعها وتنفسات بالجهد وهي تتقرب جهتهوم وكتوجد راسها لهضرة السم لي غاتسمع من عندو كما تعودات فهاد السنين تترجع لراسها وتتبين لناس راه هي بخير واخاا هي عكس داكشي لشايفينو... هز راسو فاش حس بشي حد مقرب ليه وغار شافهاا وهو يتعصب ورجع تاني داك لجرح لي تسببات ليه بيه كيزورو وكيعدب فيه بالفن... بعد رحيل عليه لي ضارت شافت فمها ورجعات شافت فباهاا لي شوفاتو لحنانين تحولو لشوفات مظلمين وبصوت بارد: جيتي باش تشوفي بعينيك داكشي لي درتي فبنتك نتي او ولدك...

----

مور لحوار لي ضار بينو وبين أسمااء قرر يرجع لدار باش يرتااح وهو كيفكر فأسماء.. عارفهاا دابا غاتكون مجننة عليه وهادشي لي باغي هو.. ضحك بسخرية غادي لبيتو كيزول لاشوميز والسروال تابقى غار بكالصون ديالو وهو يسمع صوت السرسار... كمش حجبانو ورجع باش يحل.. طل هو لول وغير بانت ليه وهو يحل لباب ونطق ببرود ساخر: جابك الله نيت باااغي نح*ي

دخلات تتقرقب بطالونها وهي كتشوف فلاباخطمون وبصوتها الغليض لمبحوح نطقات:مجيتش بااش نبردو ليك احبيبي جيت باااش نعطيك واحد لكادو

آدم:(شاف فيها ونطق بتساؤل) شكاين اابتهال

مدات ليه داك لونڤلوب لي مكتوب فيه اسم عيادة نسائية وسمية الطبيب بابتسامة باردة...كانت متشوقة لهاد النهار لي كانت تتسناه من شحال هادي وهاهو أخيراا وصل..حل لونڤلوب ومع قرا داكشي لي فيه هز عينو فيها وبتساؤل نطق: شهادشي؟؟!

ابتهال:(ضحكات ليه وهي متكية على لفوطوي) داكشي لي قريتي هو لكاين

آدم:(خنزر فيها حيت ستفزاتو ببرودها ونطق بعصبية)شهاااد لق**وي نطقي بلاتقح*ين (رجع شاف فدوك التحاليل) علاش جايبة لياا هادشي

ابتهال:(ربعات يديها وضحكات)باش نبشرك معاياا بلي قريب غاتولي بابا

آدم:(ملامحو لغاضبة تحولات لملامح صادمة ونطق بحال الاكيتأكد من هضرتها) كيفاش؟!

ابتهال:(تنهدات وحطات يديها على كرشها):كما سمعتي أناا حاملة وقريب أناا وياك غايجينا بيبي صغير..

عينو على داك لاونڤلوب وهضرتها لي قالت كتسمع فوذنيه حاس براسو كيحلم وممتيقش.. رجع قرا سميتها لي فلونڤلوپ وقراا ديك بوزيتيڤ ورجع شاف فيهاا كيف جالسة بأريحية فوق داك لفوطوي مبتاسمة ليه ديك الضحكة ديال التشفي وديك الشوفة لي دارت فيه... اندافع لجهتها وهو مكيقشعش ويديه لتفت حول عنقهاا وبصوت غاضب نطق:باغااااا تستحمريني ابنت لق*بة هاااا

كانت تتشوف فيه كيفاااش معصب ولعروق لي فنواضرو كيضربو وصدرو كيطلع وينزل بالأعصاااب ديال الدنياا والدين..كانت تتحس بيديه خانقينهاا نيت تاتقطع فيهاا النفس او وجهها زراااق... تتحل فمهاا ويديهاا تتمدها لجهة وجهو باغا تقمشو باش يفكهاا ساعة شدها شدة وحدة

ابتهاال:(حااالة فمهاا وكلامها تيخرج بزز) آ آدددد م ط ل طل ق م ننن ي ااااااااع

آدم:(زاد زير عليها ونطق مخيخ)كيفاااش حااااملة بياااا وأناا داير لاحتياط دياااالي معااااك الق*بة هااا

كانت تتحس بالدنياا كظلام فعينيها وحاجة وحدة فبالهاا هو غايقتلللهااا و هادي لخرة ليها معاااه باينة..وفجأة شهقاات بالجهد بحاال الاكتلقف فاش طلق منهاا وطاحت الأرض وهي تتنهج وشادة عنقهاا وحالة فمها بالجهد كدخل لأوكسيجين لممكن باش تنعش رييتها وهو واقف كيشوف فيها وفحالتهاا وكون مخافش على راسو كون قتلها فالبلاصة باااش يوريها لعب معاه بشحال تيتقام...أماا هي فكانت باااقي كتشهق وتنفسها سريع عينيها بلاماتحس دازو بالدموع.. تكات على لفوطوي وهي تتسترجع أنفاسها مدة تارجع نطق بارك على سنيه وعينو كي لقرطاس عليها:عند باااال ك*ك الاجيتي او وريتيني هاد لق**وي راه غانتيق هممم سحاب ليك راني بحال دوك لحواااالة لي مولفاهوم

ابتهال:(شافت فيه وهي باقي كتنهج) داكشي لي شفتي هو لكاين وهاد لولد ولدك نتاا

آدم:(قبس ديك الطابلة لي حداها تاتشتت داكشي لي فيهاا وهي غوتات من ديك لغفلة ونطق مخيخ) ااااشمن ولد از*ي وأناااا عاااارف ك*ي عمري خويتو فيك هاااا

ابتهال:(شافت وهي هازة حاجبهاا) نسيتي نهار سكرتي وبقيت تهترس بسمية الحجلة ديالك همممم (حطات يديها على كرشها وضحكة ديال الشمتة على فمها) اوا داك النهار انا هزيت والامتيقتينيش زيد لعند طبيب وشوف شحال فعمر لبيبي ودير حسابك احبيبي

بقا واقف كيشوف فيها وهو جامد مدة وكيستعقل ديك الليلة فاش سكر وجات عندو.. دم حس بيه كيغلي هو ممتأكدش شنو طرا ديك ليلة حيت كان طااافي لامع السكرة ولامع الشهوووة لدرجة محس براسو واش دار احتياطو كيف عادتو ولا لا... بقا غادي جاي مقدرش يتقبلها هو مولف كينعس مع لبنات ومع ابتهال ولكن كان قافز فهاد القضية وعمرو خلى شي وحدة ديرها بيه وديما كيدير الوااقي ولكن هاد لمرة هي دارتها بيه وستغلات السكرة دياااالو...مشى تاني جهتها مخيخ وهي تقفز ومشات تتحبو باش تهرب ساعة شدها من شعرهااا تاغوتات ونطق بصراخ:عند باااالك غاتلوي لياااا يدي هااا عند باااالك أنااا باغي هاد لخرااا لي فكرشك (نزل جهتهاا ونطق بجنون)هاد لولد هو لي مغايتزادش سمعتي

ابتهال:(جوباتو بعناد)خفتي الحجلة ديالك تسيق لخبار وتهرب من بين يديك هممم

آدم:(زاد زير على شعرها تارجع راسها لور ونطق بغل وحقد) هي مغاتهربش وغاتبقاا ديماا بين يدي وعمرهاا غاتفلت سمعتتتي ونتي غاااطيحي هاد لمرض لي فكرشك بخاااطرك والاقصحتي راسك معايااا اابتهااال برب لاشفعت ليك وموتك غايكون على يدي رااااني مريض فك*ي ونتي أكثر وحدة عرفااني اش كنسوى ولكلمة لقلتها نقد بيهاا

تتشوف فمها وباها كيفااش كيتبادلو النظرات گاعما حاسين بلي ضاير بيهوم ولابيها هي لي واقفة وسطهوم.. كانت عارفة باها مغايسكتش لشنو طرا وفلحظة ندمات علااش بكات قدامو حيت عارفة مها هي لغاتهز لهضرة لقاصحة ديالو.. واخا يطرا لي يطرا ماتبغيهااش تجرح حيت تتبقا ماماهاا...ضار إدريس عند رحيل ونطق ببرود:سيري عند خوك محمد شوية ونجي

رحيل:(كتشوف فيه وفمها) بابا

إدريس:(حمر فيها الشوفة) راني دويت واقيلا

حدرات راسهاا ومشات بينما هو قرب عند تانيرت شادها من يديها مخرجها من تما وهي غادة موراه وقلبها كيضرب فغمها بالخلعة ومن الوحش.. كتشوف فيديه السمرااء لي كانت على دراعهاا باشتياق لدوك لعروق لمنفوخين ودوك الزغيبات لكحلين.. ماوقف تالحداا واحد لبلاصة خاوية ودفعها على لحيط تاحسات بضهرها وعتها وكمشات حجبانهاا بألم أما هو قرب جهتها ودوك لحجبان عندو معقودين وبصوت حاقد نطق:مكفاااكش داكشي لي درتي فيااا أنا وبنتك وجبتي ولدك هو لي يكمل همم

تانيرت:(شافت فيه ونطقات بخفوت) ريان غير تعصب هو مقصدش داكشي لي خرج من فمو وأنا عارفاه الاتقرب من ختو غايبغيها وغايتفاهمو

إدريس:(ضحك مغدد وزاد قرب جهتها) هه وعند بالك أنا غانخلي ولدك يقرب من بنتي هممم عند باااالك أنااا غانساهاا ليه ونسى شنو دار فولدي محمد طه

تانيرت:(شافت فيه وعينيها كيبريو بالدموع) هو مكانش قاصد تيق بيا ريااان..

إدريس:(قاطعهاا بحدة) نتيق فيك باش تعاودي تهرسي ديلمي ياااك نتيق فيك باااش تزيدي تكدبي عليااا هادشي لي باغااا

تانيرت:(قريات جهتو وبصوت مضيوم) إدريس

إدريس:(حط صبعو على فمو ونطق) شووو سميتي ماتنطقيهاااش من فمك سمعتي ويااااك تنطقي سميتي (أشار ليها بصبعو) نتي مبقاااش عندك داك لحق بااااش تنطقيهاا بسباب كدوبك وبسباب أنانيتك وطمعك نتي هرستي كلشي عطيتي بضهرك ومشيتي ومفكرتي فحد من غير راااسك وداباا راجعة بعد اااش هاااا علااااااش رجعتي

تانيرت:(بهمس) على قبل بنتي

إدريس:(هز فيها حاجبو وضحك مغدد) ههه بنتك هههه بنتك لي سمحتي فيهااا بخاطرك.. بنتك لي معرفتيهاش واش واكلة شاااربة ناعسة مريضة همم بنتك لي مكتعرفي عليهاا تاخريااا من غير سميتهاا وصااف.. بنتك لي كبرااات وقربات تزوج هاا عاد دابااا تفكرتيهااا

تانيرت:(نطقات بتبرير) مكانش لخاطري أناا

إدريس:(قاطعها) شوووو باركة ماتزيدي تحقديني عليك بااااركة ماتزيدي تكرهيني فيك كثر وكثر فين كنتي هاد السنين كلها هاا عاد دابا طفات عليك الشمعة

تانيرت:عندك الحق تكرهني وتقول لي بغيتي ولكن نتا مغاتبعدنيش على بنتي

إدريس:(مسح على وجهو بقلة صبر وشاف فيها) حطي فبالك بلي بنتك هي لي مبغاتكش وهي لي هازة من جهتك حيت عرفاااتك شنو درتي وهاد المسرحية ديال جيت على قبل بنتي مغادوزش عليا أنا عارفك نتي جيتي على قبل داااك لولد بااش ماندخلوهش ليك لحبس

تانيرت:(قطعاتو بحدة) لا نتااا غااالط اإدريس أناا جيت باش نخلي ريان يعرف ختو

إدريس:(بحدة) يعرف ختو عليهاا جرحهاا بكلامو همم الاولدك نتي ممربيش وعاجبو راسو أناااا (ضرب على صدرو) أناا لي غادي نربيه سمعتي وديك لعياااقة دواالو أناا لي غادي نحدهااا ليه

خنزر فيها بلامايتسناها تزيد تنطق ولاتحاول تبرر ليه مزااال خلاها واقفة وفقلبها الم لايستطيع احد تحمله.. مبكاتش حيت قلبها هو لي كان تيبكي الدم ديك الساع بكلامو لي كان على صواب مغاتلوموش حيت هو قال داكشي لي شاف وعاش ومعرفش القصة من جهتهاا حكم على فعلتهاا لي جرحاتو بيهاا وعمرو ينساهاا وتاهي عمرها تنسى شنو دارت وديما كتلوم روحها على داك لغلط...رجليها قادوها لحدا لخصة وجلسات وعينيها ساهين تيسترجعو أحداث الماااضي..

🔙🔙

كانت بحال شي جثة هامدة حيت أحاسيسها وكل حاجة فيها ماتت من أخر مرة شافتو.. العرس وجميع تحضيراتو مبقاتش عاقلة عليهوم ولاتسوقات لشي حاجة.. زواجها لي كان بالنسبة ليها بحال شي كابوس ولي تأكدات من حقيقتو نهار لي تسد عليها باب لبيت مع عبد الله تما عرفات بلي هادا هو واقعها وبلي هي خص تعايش معاهاا ومع راجل كبير عليها بسنين...ولي زاد أزمها هو نهار عرفات راسها بلي حاملة فستة دالسيمانات وملي دارت حسابها عرفات بلي لجنين لي فكرشها ولد إدريس وهاا لقدر مرة أخر جمعهوم بربااط متين صعيب يتفك شي نهار واخا هوما مفارقين...رباط لي هزاتو فكرشها ودكري من محبوبها لي غايبقا فبالها حياتها كلهاا..سنين دازت عليها فالغربة وهي كتحاول تعايش مع حياتها الجديدة ومع مكايد الضرة لي مكترحمهاش وزيدي عليهوم شك عبدالله فيها... سنين وهي صابرة على قبل ولدها لي كان كيكبر.. وهو نسخة طبق الأصل على باه بكل صفاتو.. سنين صبراتهوم تادازت طناش لعام واضطرات ترجع لمغرب لاول مرة مور زواجها بسبب مرض باها لبشير.. لي طاح طيحة وحدة..فين هو داك لبشير دو الملامح الصارمة والقوية لي واقف ديما كيلعلام..هاهو ليوم طايح فالفراش مريض لاحول ولاقوة ليه.. دخلات لبيت باها وعينيها طاحو على جسمو الضعيف لي مبقاش كيبان وسط دوك لكواش باش مغطيي وريحة لبول عاطية فالبيت واخا كتنقيه مها ولكن هادي هي حالة لمريض... جلسات حداه وعينيها على وجهو لي باينين فيه التجاعيد وكولو مكمش وعينو طايحين وغارقين فبلاصتهوم ولعروق تيبانو بيضين ولا بحال شي هيكل عظمي والروح هي لي باقا كطلع وتنزل فيه..حل عينيه وشاف فيها ودار واحد الابتسامة خفيفة على شفتو وهز يديه لي لعضومة تتبان فيها باغي يشد ليها يديها وهي تقرب عندو ومدات يديها ونطق بصوت ضعيف يدوب كيتسمع: تُوشْكيدْ "جيتي"

تانيرت:(بصوت بضعيف) ياه

البشير:(غمض عينيه ونطق بألم) سامحي أيلّي "سمحيليا ابنتي"

تانيرت:(سكتات ونزلات راسها بلاماتنطق تاحرف)

البشير:(كمل كلامو مور ماتنهد واحد تنهيدة طوويلة) فكراغ غار غوگايونو دمارادينين ميدن توغ إيلّي "فكرت غير فراسي وشنو غايقولو الناس ونسيت بنتي" (كحب بالجهد تاتجيف وعاوناتو تاشرب عاد كمل) نسيت بنتي وباش كتحس وفكرت فراسي حرمتك من بنتك ومن الراجل لي كيبغيك غير حيت هو ماعندوش لفلوس كح كح كح نسيت بلي لفلوس ماشي هوما كلشي وبلي الاهتمام والاحترام هو لمهم وبلي نتي محتاجة لي يصونك كنت أناني وأنانيتي خرجات عليك

كانت غار ساكتة تتسمع ليه لكلامو لي مع الأسف جاا معطل بزاااف حدرات راسها ودموعها كينزلو فمنظر خلى البشير يتقطع قلبو عليهاا لأول مرة دموعها يأثرو فيه ولكن بعد اااش...

البشير:(هز راسو وشهق بالجهد ونطق) اااااااه سمحيلياا ابنتي اااااه سمحيلياا وخليني نمشي مرتاااح ابنتي

تانيرت:(بصوت بارد) مسمحاك

مع نطقاتها مع تسمعات شهقة البشير موراه واحد التخرخيرة وهز صبعو السبابة كيشهد وهي غار تتشوف فيه تالفة وتبلوكااات تاسمعااات واااحد الشهقة مجهدة وموراه تجبد تجبيدة وحدة وحبس وعينيه كانو محلولين نصف حلة وفمو تاهو محلول ولسانو خارج وعاض عليه بحر الموت فاش شداتو.. وها لبشير صفحتو تقطعات ومشات بحال الاعمرو مكان..مفادو لامال ولاجااه حيت نهار لي جاااه الأجااال دااا معااه غار الأعماال ديالو.. طغى ونسى راسو وظلم ناااس على قبل أنانيتو ومن بينهوم بنتو حرمهاا من بنتها بلامايحن فيها..

حالة عينيها كتشوف فيه وهي جامدة والتبوريشة طلعات معاها من منظر الكسدة ديال باها لي كانت مجبدة فوق ديك النموسية.. هاهو باها مات ومشى باها لي كان سبابها فعدابهاا وفمعاناتها مشى وغير مشى تحلات معاه داك السلسة لي كان رابطها بيهاا وتفكات... شهقااات بالجهد وشدااات على صدرهاا وبكل جهدها غوتااات واحد لغوتة لي تخلي زغب داتك يتشوك.. غوتة طالعة من أعماااقها..

تانيرت:(بصرخة عالية) ااااااااااااااااااااااااااع

حدرات راسها تتبكي بحرقة ومحساتش بالعائلة لي دخلات تتبكي وتنوح على موت لبشير ..يمكن نطقات ديك المسامحة من فمهاا ولكن مكانتش طااالعة من قلبهاا..

🔜🔜🔜

استنشقاات الكم الهائل من الأوكسيجين وعينيها على لخضورية ديال ديك الجردة والمنظر دغروب الشمس.. ساهية مدة من الزمن تاحسات بشي ظل قدامها وهي تهز عينيها فرحيل لي كانت واقفة تتشوف فيها جلسات حداها ونطقات بهمس: محمد طه باغي يشوفك

تانيرت:(تنهدات وبابتسامة حنونة) كلثوم كاينة تماا

رحيل:(شافت فيها ) غاتمشي واحد الشوية

تانيرت:وباباك؟

رحيل:تاهو غايمشي

تانيرت:واش غاتبقاي مع خوك وتباتي معاه

رحيل:اه (فركات صباعها) وريان واااش غايخرج دابااا

تانيرت:(حكات جبهتها) اه ولكن قبل خصو يمشي يعتادر لخوك طه على داكشي لي دار فيه

رحيل:محمد طه مهازش من جهتو بلعكس هو قلبو كبير

تانيرت:(شدات فيديهاا) تاخوك ريان راه حنين غير هو مكيبينش ديك لحنية ديالو ههه (مسحات ديك الدمعة لي طاحت ليها) تيبغي يباان قاااصح ولكن هو من لداخل هشيش بزاااف ماتهزيش فخاطرك من جهتو

رحيل:(سحبات يديها بشوية وبصوت هامس)أصلا ولفت

تانيرت:(ناضت)نمشي نطل عليه

رحيل:(وقفات تاهي) نمشي معااك

تانيرت شدات فيديها وبلاماتنطق مشات معاها لبيت ريان ومع حلات لباب وهي تحل عينيها فاش بان ليهاا البيت خاوي دارت جهة رحيل وبخوف:مكاينش غايكون خرج تاني

رحيل:فين غايكون مشى

تانيرت:ماعرفتش (جبدات تلفونها تتصوني على الشوفير وغير تحل لخط نطقات) واش شفتي ريان..

----

مقدرش يبقا تماا حس براسو تخنق وخصوصا مور مشاف ختو لي قبل كاعما يعرفها حس بشي حاجة جامعاه بيهاا.. غادي فديك طوالة ديال الكلينيك لي كانت خاوية وحس لبشار مافيهش... غادي سااهي كيخمم فهاد لبلان لي وقع معاه.. ضميرو كيقول ليه اعتادر لدري لي ضربتي وكنتي غاترزيه فحياتو وعقلو تيقول ليه ماتسوقش ليه نتا أصلا مادرتي تاحاجة غلاط... وبين ضميرو وعقلو تلف ريان أو حصل.. مشافة ديال الطريق ضربها على رجليه تاحس بجنبو كيضرو عاد وقف يرتاح وعينيه كيضورو فالبلاصة لي معارفهاااش.. بانو ليه الطاكسيات كيوقفو فالجهة الثانية ومع جااا يقطع الطريق باش يدوز لصف الثاني تسمع صوت لكلاكسون ديال الطوموبيل لي كانت جااااياا بزربة ويد شداااتو من دراااعو جاااراااه بالجهد وكرد فعل من ريان لف يديه على جسد الشخص معنقووو...

حس بيد شداتو من دراعو جاراه بالجهد وكرد فعل من ريان لف يديه على جسد الشخص معنقوو بالجهد دافن وجهو فصدر داك الشخص لي حس معاه بدفئ غريب... مكانش عناق عادي..كان عنااق مفعم بالمشاااعر الغريبة لي حسو بيها كلا الأطراف لي تاحد فيهوم مقدرش يسحب نفسو وينهي هاد العناااق .. صمت.. الصمت حااط المكاان مخلي دقات قلبهوم هي لي تسمع فديك اللحظة.. معااارفش راسووو شنو كيدير ومعاارفش علاااش قلبو تزير عليه فهاد اللحظة.. فاش شاف الطوموييل جاااياا لجهتو بلامايفكر جراا بجهدو باااش يعتقو ولله الحمد حيت وصل فالوقت قبل ماتصدق الطوموبيل ضارباه ... الخلعة والخوف لي شدوه فديك اللحظة كانو غرابين بحال الخوف لي كيحس بيه فاش شي حد من ولادو كطرا ليه شي مشكيل... يديه كانت تتحرك على ضهر ريان بحركات حنانين بدون شعور منووو... وبصوت هادئ كتلمس فيه نبرة الحنية:مااطراا والو نتاا بخير داباا

داك الصوت الحنين دخل لقلبو وخلاااه يضرب بالجهد وزاد زير على تعنيقتو ليه.. مكانش خايف من الطوموبيل لي كانت غاضربو على قد مكان حاس بواحد الدفئ غريب فحظن هاد الراااجل لي عتقووو..دفئ عمرو حس بيه فحياتو حتى مع باباه.. دفئ لي خلاها يتشبت بحظنو بحال شي ولد صغير خايف.. معارفش مناااش هو كان خايف ولكن بدون شعور حس بعيونو دمعات وديك الدمعة تشرباتهاا القميجة ديال إدريس..بحال الاديك الدمعة مراضياااش يشوفها شي حد.. بعد عليه بعد مدة طويلة وهو مساخيش من ديك التعنيقة.. وإدريس حط يديه على كتفو تاهز ريان عينيه فيه ورجع داك الإحساس زارهوم هاد المرة بزوووج بيهوم.. كانو عينيه سود كيشوفو فملامح وجهو السمراء لي باين فيهوم لعيااا وكيتفحصو بعيونو بخوف ضاهر عليهوم.. ورجع نطق بنفس النبرة:واش نتا بخير؟

ريان:(شاف فيه وبصوت هادئ) أناا ماشي بخييير .. أناا ممرتاااحش..

إدريس:(كمش حجبانو لغلاض ونطق بتساؤل) مالك؟

ريان:(سرط ريقو ورجع نطق) أناا واحد ممزيااانش خااايب مكنسووواش وگاع النااس لي كيدخلو لحياتي كنجرحهوم أناا..

سكت ريااان وهو كيشوف فوجه إدريس مستغرب من راسو كيفاااش تاهضر معاهاا وخبرو باش كيحس بدون أي مجهود منو... كيفااش عراا ليه داكشي لي فالداخل ديالو وهو مكيعرفووووش گاع.. استغرب من راسو وبلامايحس حيد يدين إدريس لي كانو على كتافو بعنف وخنزر فيه قبل مايعطيه بالضهر غااادي كيجري مخلي إدريس واقف موراه مفاهم والو ومعجب من ديك ردة الفعل لعنيفة لي دااار.. كان باغي يتبعو إحساسو قال ليه تبعووو وماتخليهش ولكن شي حاجة خراا خلاتو يبقااا غار واقف متبع ليه الشوفة تاركب فطاكسي ومشاااات

هبط إدريس عينيه لجهة يديه باش كااان معنقو كيشوف فيهوم ساااكت.. علااااش حس بداك الشعوووور علااااش بقاااات فيه هضرتوووو لي قاااال علااااش حس برااااسو كيعرفووو علااااش شي حاجة فالدااااخل ديالو تزعزعااات ملي عنقوووو... تنهد تنهيدة طويلة قبل مايشوف فالجهة لي كان فيها ريان أخر مرة عاد رجع غادي لطوموبيلتو لي خلى فيها كلثوم كتسنااااه... وصلاتو الطاكسي لحدا باب الڤيلا وجا ينزل لقاا راسو مهاز تادرهم معاه طلب من لعساس يخلصو ودخل هو لداخل بملامح غاضبة.. تسمع صدى باب بيتو لي سد بالجهد فالڤيلا كولهاا وهو بقااا غادي جااااي فوسط لبيت وحاااس براسو مخربق... كيفاااش هو لي عمرو مابين شنو فالداخل ديالو لشي حد بكل سهولة بيّنهوم لشخص غريب مكيعرف عليه تاحاااجة شخص لي عتقو وصدق كيسرسب ليه باااش كيحس.. علاااش فديك الساااعة كااان بااغي يزيد يخوي داكشي لي كيضرو فالداخل ديااالو ليه ويگول ليه گاع داكشي لي باااغي يقولو... كان باغي يفضفض ليه على شنو طاري معااااه.. وفنفس اللحظة رجع ليه إحساس تأنيب الضمير كيزورو فاش تفكر هضرتو مع رحيل وكيفااش جرحهاا.. جلس فوق النموسية وهو ساهي وساكت كيف عادتوو فاش كيكون بوحدو... ديك لوحدة لي ولفهاا واخا كان عايش وسط عائلتو أو واليديه.. واليديه لي كان تيحس بيهوم بعااادين عليه وخصوصا ماماه لي كانت عايشة فدكريات المااضي.. الماضي لي خرب عليهوم الحاضر ويمكن تالمستقبل...

دازت ديك الليلة لي كانت طويلة على كل واحد فيهوم.. كل قلب شنو كان هاز فديك الليلة وغير ربي وحدو لي عاارف بحااالو... صبحات رحيل على خدمتها لي ملي طرا لمحمد طه داكشي ممشاتش وحطات ليهوم شهادة طبيبة.. مكانتش باغا تمشي حيت ماعندهاش الخاطر حالياا لشي خدمة وبالها كان شاغلو رياان.. محملاتش داك لبعد لي بيناتهوم وباغاا تصلح علاقتها معاه وتولي كيف علاقتها مع محمد طه.. بغاتو يكون قريب ليهاا حيت هو خوهاا واخا مترباوش مع بعضياتهوم ولكن جاو من كرش وحدة ودم واحد كيجري فعروقهوم.. زفرات بتعب وخرجات من لبيت تتقاد لاشوميز لي لابسة تاشافت فأسماء لي تاهي صابحة خاسرة على بونبر.. تاوحدة ماهضرات مع التانية بحال الامكيعرفو بعضياتهوم.. تجمعو على طبلة دلفطور لي قداتها كلثوم مع فاقت بكري أو وجدات فطور لمحمد طه وداوه ليه ومشات معاهوم تاإيطو.. سالات أسماء هي لولة ومع ناضت تمشي صونى تلفونها بنمرة آدم تأفأفاات بغيض وخبطات تلفون مع الطبلة تاهزات فيها رحيل عينيها ونطقات ببرود:دوك الأعصاب خرجيهوم فيه هو

أسماء:فرقيني عللليك ارحيل

رحيل:(جلسات مربعة يديها) شتي طيرانك فين خرجك تعلقتي تاتفلقتي( تحنات جهتها) داك النهار ملي حصلتي بنت ليك أنااا نعتقك يااك كنت غانخرج على راسي ومستقبالي غاار على قبلك ونتي ولاااهاامك أنانيتك اأسماااء غاتخرج عليك نتي لولة سمعتي عند باااالك هو غايتفرق عليك داباا راه واحد بحااالو فااش مكيلقاااش لي باغي كيزيد يلصق نهار لول قلت ليك آدم باغي غااار ينعس معاااك ونتي رضيتيني غاايرة منك وداك تخربيق لخاااوي ودابا زايداها بخدامة عندهوم فالشركة باااش يزيد يضسر ويلصقك كثر (ناضت هازة صاكها وبصوت بارد نطقات) أناا غار نصحتك فوجه الله وصااف ونتي شغلك هاداك ولكن حطي فبالك ملي غاطيحي فشي مشكيل راه مكاين لي يعتقك منوو وماحدك باقي مادرتي فالطاجين مايتحرق سلي الشوكة بلادم..

مشات وخلاتها مع كلامهاا لي لمس أسماء من الداخل.. مغاتنكرش حيت عارفة بلي رحيل على حق ولي زاد أكد ليها هو كلام آدم الأخير معاهاا هو باغي غاار حاجتو فيهاا ولي مخليه يلصق فيهاا هو عنادها معاه وحيت مهبطاتش راسها بحال غيرهااا..حطات راسها بين يديها كتفكر فشي حل لي يفكها من آدم بلامشاكيل..

---

غادة لخدمتها وليزياتها فودنيهاا مونسة راسها تاحسات بشي طوموبيل حبسات حداها وكانت طوموبيل عاصم.. وقفات تتشوفو نازل منها بسروال دجين بارد مع تيشورت بيضاا وجاكيط.. قرب جهتهاا وهو مبتاسم بهدوء ونطق: لهراابة حصلتي

رحيل:(كمشات حجبانها) واش كنتي تابعني؟

عاصم:(ربع يديه ونطق بهدوء) كنت دايز من حدا حومتكوم ونتي تباني لياا عييت نكلاكصوني ومسمعتينيش وتلفوني كان طافي باش نعيط ليك

رحيل:(وراتو ليزيات) مسمعتكش

عاصم:ماشي مشكيل اجي نوصلك ومنها نهضرو شوية

رحيل: بلاش غار سير نتاا انا غانمشي فالطاكسي

عاصم:رحيل واش نتي خايفة مني؟! علاااش مباغاش تركبي معاياا ؟!

رحيل:مخايفاش غير مباغاش نتعطل وصاف

عاصم:مغاتعطليش غار زيدي معايااا

سلمات أمرهاا ومشات ركبات فطوموبيلتو وسد لباب عليها عاد رجع لبلاصتو وجلس.. ديمارا طوموبيل شاد الطريق لخدمتها مور ماعطاتو العنوان..

عاصم:(شاف فيها ورجع شاف فالطريق) كيبقاو خوتك

رحيل: حمدالله ريان خرج لبارح ومحمد طه غايخرج ليوم

عاصم:مزيااان هي دابااا غانقدر نهضر معاك فموضوعنا ألييز

رحيل:إينا موضوع؟

عاصم؛(ضحك) وايلي هه واخا الالة نمشيو معاك دقة دقة (بجدية) رحيل باين قصدي أنا باغيك لحلال وجيت لعند باك وعلمتو أناا مباغيش نبزز عليك ولكن باغيك تعطينا فرصة باش نزيدو نتعارفو أنا من عندي رتاحيت ليك ومغانكرش بلي دخلتي لياا لقلبي ودرتي فيه بلاصتك ارحيل...

مكانش مرتااح فالجلسة ديالو وكان باغي غير وقتاش ينفارد هو وباباه باش يعلمو بداكشي لي باغي.. كلثوم وإيطو ماسكتوش من لهضرة وحديتهوم لي كان تيضور على تانيرت أو ولدهااا..

كلثوم:(شافت فمحمد طه) نقطع يدي الامكانتش هي لي شارجاااتو باش يضرب ليا ولدي

إيطو:(عوجات فمها) اممم ديرها ديك الشلحة وتفوتها لهيه

كلثوم:والله مغاتبقى فيهااا الامندمتهاااش راني ماشي كلثوم نوريهااا اش كنسوى

طبخو ليه رااااسو بلهضرة ونفس لموضوع هو لي كيتعااااود تانيرت حرشات ريان عليه... جاتو الضحكة من هضرتهوم الخاااوية وتيقول مع راسو هاد ريااان فين تيعرفني بعدا بااااش يضربني ..الاكانت رحيل لي ختو ومعمرو شافهاا بقاا ليه غار هوو لي مكيجيه تاشي حاجة... رجع راسو لور وغمض عينيه ونطق بهدوء: هي علاااش غاتصيفط ولدها ليااا شنوو غاتستااافد

كلثوم:(خرجات فيه عينيها) باااش ترزيني فيك وتخلي قلبي يتشوى عليك مراضياااااش حيت باك تزوج بيا ومحشاهاااش ليهااا مزااال..

محمد طه:(كمل بسخرية) وقاالت اجي نرزيها فمحمد طه باش ندمها ياااك (حرك راسو بلاحول ونطق) مسالية ليك هي

إيطو:(كمشات فيه دوك العينين ونطقات بمكر) حيت نتاا لي جامع مك بباك والامشيتي نتااا مشى كلشي

كلثوم:(نهضات فمها) مي سكتينااا

إيطو:اوا مالي كدبت (مصمصات شفايفها) كون مامحمد طه كون راك رجعتي لداركوم مطلقة من زمان ابنت كرشي والانسيتي نفكرك

محمد طه:(شاف فجداه) كيفاااش مافهمتش؟!

إيطو:(تتضور راسهاا وعينيها على كلثوم ونطقات) والو أوليدي ديرني هترست وبديت نخرف

سكتات إيطو وكلثوم تاهي ضريات طم مخليين محمد طه كيشوف فيهوم بشك هو مغاينكرش بلي ملاحظ علاقة مو وباه كيف دايرة ولكن حاااس بلي شي حاجة ماشي تااال لهيه بيناتهوم ومخبينها شناااهي معرفهاااش ولكن مغايرتاح تايسيق خبارها... تحل لباب ودخل إدريس لي كان عند الطبيب وقرب جهة محمد طه حاط يدو على كتفو:واجد ترجع لدار

محمد طه:وي نعسة هنا خنقااانني

إدريس:مبقا قد مافاااات

محمد طه:(شاف جهة مو ورجع شاف فباه) قبل مانسى باغي نقول شي حاجة

إدريس:(مكمش حجبانو) شناهي؟

محمد طه:أناا مغاادي نرفع تاشي شكاااية

كلثوم:(نقزات جهتو ونطقات بعصبية) كيفاش مغاترفعش شكاااية واااااش هبلتي فمخك

محمد طه:(تجاهل كلام مو وكمل) انا حمد لله مطرات لياا تاحاجة وباقي عايش بخير وعلى خير ومكاين لاش نرفع شكاية ونخرج على مستقبالو باركة غار تهمة السُكر لي شادين عليه..

كلثوم:(ضربات جنابها بفقصة) اويلي هاد لولد غايمرضني مافيهااا شك وااااش عارف راسك اش ساااير تگول هاااا اشمن مستقباااال ولاخرااا نتااا غاترفع شكوى والامدرتيهاااش أنااا لي غانديرهااا سمعتي نوريهااا اش كتسوى

إدريس:(شاف فكلثوم وبنبرة باردة جمدات ليها لما فالركابي) ملي ترفعي الشكاية دوزي رفعي تادعوة الطلاااق معاك..

سكتات..تلبكااات وعينيهاا خرجو من بلاصتهوم عرفاااات شنو قصد من هضرتو.. شعلات فيها لعافية فااااش شافتو كيفااااش قبل الأمر بحال الاماشي هو لي هدد تانيرت... دغيااا وافق هضرة ولدو وعلاااش مايوافقش عليهاا والأمر متعلق بالسالبااااه.. رجعات جلسات وهي كلها تتغلي وعينيها كيبخو السم..

إدريس:(شاف فمحمد وكمل ببرود) لي بغيتي ديرو دابااا وجد راسك باش نخرجو

انساحب إدريس خارج لبرا وتفكيرو فهضرة محمد.. هو حقد على تانيرت ولانقولو كيوهم رااااسو بلي هو حاقد عليهاا حيت فالداخل ديالو هو باااقي باغيهاا كيف قبل وكثر... عمرو نساهاا وكانت ديماا فبااالو واخا لي دارت فيه... ومغاينساااش النهار لي جرحاتو فرجولتو بداك لكلام لي باقي كيحفر فيها ليومنا هادا... جلس فالكراسى كيخمم وهو ساكت كيف عادتو.. تاخرج محمد طه كيتمشى بشوية وفجنبو كلثوم وإيطو.. ناض غادي سابقهوم وركب فالطوموبيل تاتحل لباب حداه وجلس محمد وفلور إيطو وكلثوم وحد مكايهضر مع الثااااني.. مسافة الطريق تاوصلهوم حدا باب الدار وعاونو تاداه لبيتو باش يرتاااح عاد خرج غادي لگاراج لي هملو هاد ليامات كلها وبالو غير خدام كيخمم فاش الله أعلم...

وقفات طوموبيل آدم أمام لعيادة النسائية ديال واحد صاحبو كيعرفو ..حيد السمطة وشاف فابتهال لي كانت جالسة حداه بوجهها الصفر وخدها مطبع بسباب ديك التصرفيقة لي عطاهاا.. كانت ساكتة وعينيها داخلين.. حرك راسو ونطق ببرود:نزلي

ابتهال:(شافت فيه)راه هاداك ولدك اآدم وااااش يرضيك تقتل ولدك بيديك

آدم:(كمل ببرود ممسوقش) هادشي لي فكرشك غايموت ليوم قبل غدااا أناا ماناااقص جد مي شي ولااااد سمعتي (قرب جهتهاا وخرج فيهاا عينيه) عند باااالك غاتلوي ليااا يدي بيه ههههه راك غالطة ابنت لق*بة حيت ماشي آدم لي غايطيح ففخ ق*بة مولفة تهز رجليهاا لي يسوى ومايسواااااش

ابتهال:(غوتات فوجهو) فااااش كنتي تتح*ي فياااا كااان عاجبك لحاااال هااا مقلتيش رااااه هادي ق*بة ومخلاااات مع من نعسااااات يااااك

آدم:(شد شعرها تاغمضات عينيها موعتة ونطق) هادي رااااه خدمتك از*ي سمعتي خدمتتتتك وراك تتخلصي عليااا لفلوووس وااااش عمري ح*يتك ومخلصتكش همممم عمري قصت الز*مل بوووووك ومعطيتكش خلااااصك

ابتهال:(شدات يدو بترجي) صافي اآدم طلق مني

آدم:(دفعها وهز نضاضرو دالشمس لبسهوم ونطق) قووودي نحيدو هاااد لخرااا ونتهناااو صباحتو الله

نزل ونزلها بزز منها غادي بيها لداخل..مكاين عندها تاشي حل حيت حاكمهاا مزيااان.. مكانتش متخيلة بلي لخطة لي ظلات تتفكر فيهااا وتخطط باش تنفدهاا غاتفشل... هاد لولد هو نقطة قوتهاا وهاد لولد هو لي غاادي يجمعهااا مع آدم والامشى هاد لولد كلشي غايمشي لفلوووس والتبريعات لي عاااايشة فيهوم وتاآدم... وقفو حدا لغيسيبسيون ونطق آدم:باغي دكتور العلاوي ديجاا هضرة معااااه وراه كيتسناني

لبنت:موسيو الصفريوي ؟

آدم:وي

لبنت:تفضل معايااا

داتو لبيرو ديال الطبيب وهو لوقت كولو ماطلقش من يديها باش ماتهربش... دخلو لعند الطبيب لي كان كيتسنااااه وجلس آدم ناطق ببرود:فكني من داكشي لي فكرشهااا

ط:(شاف فابتهال ونطق) أودي مكتوبش اصاااحبي واااش كل مرة تحصل وتجي بااااش نفكك

آدم:بلافريع ل*ر وفكنااا اصاااحبي وخلاااصك بين يديك

ط:زيدي معاياا

أشار لابتهااال لغرفة الفحص وموراهوم آدم نعسات فوق لبياااص ومابيديهااا تاشي حل حيت هو محاصرها من جميع الجهاات... عرات على كرشهاا وخدا لسيغڤيت عطاهوم ليها دارتهوم تحت كرشها دار واحد سائل فوق كرشها وخدا لباراري كيدوزها على أسفل بطنها وكيبرك عليها وهي مقصحة... عينين آدم على تلفاازة تبانت ليهوم واحد النقيطة صغيرة فشاشة الإيكوو وهو يشير ليه بصباعو ناطق:هاهو لبيبي عندو تقريبااا شهر وزوج سيمااانات

آدم:(ببرود) مزيان فكنااا دااباا

ط:غانعيط لبنت باش توجدها ونهبطو لبلوك على قبل لوبغاسيون مافطراااش؟(شاف فابتهال)

آدم:لا

مشى الطبيب عيط لبنت لي دخلات باش توجدهاا لوبغاسيون وهي غار ساكتة وشداهاا اللقوة..صافي مبقاا عندهاا تاشي حل حكمها آدم وعرف كيفااااش يشدهاا مزياااان.. وجدوهاا وخرجات مع لبنت وآدم شاف فيها وقرب جهتها تاوقف قدامها ورد ليها شعرها مور ودنيها وباااسها ففمهاا ونطق بهمس:شتي لعب معايا بشحال كيتقاااام اقح*بتي

هزات عينيها فيه لي كانو حمرين ودموعها تجمعو فعينيهاا يمكن مستعملة هاد لولد لي فكرشها باش تربطو ولكن كتبقى أم ومباغاهش يموت..داوها لبلوك ومعاهوم آدم لي مخلاهاا تا دقيقة..نعسات فوق لبياص لي كانو فيه زوج تكيات حطات فيهوم رجليها باش يجيو مفرقين .. قادو ليها الأوكسيجين ولبنج وتأكدو من مؤشراتها الطبيعية عاد جا لبناج لي ضرب ليها لبنج وشوية بشوية بدااات كتغمض عينيها ويديها محطوطة فوق كرشهاا تحت أنظار آدم لي خرج مور متأكد أنها تبنجات...

جالس عدنان هو او وفاء كيفطرو والسكات طاغي عليهوم على غير لعادة.. تاهزات وفاء عينيها تتشوف فيه تياكل وساهي.. مدات يديها حاطاها على يديه تاهز عينو فيها ونطقات بصوتها الهادئ الأنثوي:مالك احبيبي بنتي لياا ماشي على بورجك ليوم

عدنان:(بقا غار ساكت كيشوف فيهاا مدة عاد نطق) غار مع مشاكيل الخدمة وصاف

وفاء: شيغي واش محتاج شي مساعدة مني؟

عدنان:لا ماتشطنيش بالك معاياا احبيبي

وفاء:نتا عارفني بلي فأي حاجة بغيتيني أناا غانوقف معاااك فيهاا

عدنان:(بتاسم ليهاا) عارف

وفاء: شنو باان ليك نسافرو هاد لويكاااند

عدنان:(تكى على لكرسي ونطق) ماعرفتش نشوف لبلان دلخدمة

وفاء:ماكرهتش نمشيو لشماااال

حرك ليهااا راسو وعينيه متبعة ملامح وجهها وهي تتهضر وتعبر فرحااانة وتفكر لبااارح وداكشي لي طرااا بينو وبين ميس..

🔙🔙

رجع عندها وجر لكرسي جالس ونطق مكمش حجبانو:شنو بلانك نتي هممم اش هاد تق*بين لخاااوي

ميس:يااك إسلام راااجلي مادرت تاحاجة غالطة

عدنان:ههه راجلك (حك لحيتو ونطق) راجلك لي نعستي معاااه بااااش تخليني نغااار ياك؟

ميس:(قربات جهتو ونطقات بهمس) توء توء راك غااالط أناا فكرت فهضرتك ولقيت بلي عندك لحق فيهااا إسلاام راااجلي ومن واجبي نعطيه حقوقو اولا لا

عدنان:(نطق وهو بارك على سنيه) هاد لمدة كلهاا ونتي هاجرة فراااشو ودابا عاد بانو ليك لحقوق

ميس:(هزات كتافهااا) عااادي لقيت راسي غالطة وبغيت نصحح غلطي

عدنان:(ببرود) ماقلتي عييييب الالة (جبد گاروه ونطق) اوا على هاد لحساب نحبسو هاد لق*وي من ديپار اش بان ليك

ميس:مافهمتش

عدنان:(نفخ عليها لگارو ونطق) الابغيتي نكملو أناا وياااك اباربي فغادي يخصك تنساي شي حاجة سميتها لحقوق وهاد لعب لخاااوي

ميس:ونتا حلال عليك ياااك

عدنان:أنااا راجل ماتقارنيش راسك بياااا اباربي (لعب بشعرهااا) ياك نتي كتبغيني أنااا

ميس:(شافت فيه ونطقات بهدوء) ونتا واش كتبغيني؟

عدنان:(جرهاا لعندو تاجلسات فوق ركابيه ونطق بهمس) شنو بان ليك نتي هممم

دفن راسو فعنقهاا كيبوسها وهي تبنجات تحت يديه ودغيا نسات راسها ونسات هضرتووو لي قااال ترفعات بقبلاتو ولمساتو على جسمها واستسلماات.. هز راسو مخلي شفايفو هوما لي يجاوبوها مدة وهوما على حالهوم ناسين راسهوم ولبلاصة فين هوماا فقط مسمتعين بديك لحظات المحرمة لي زينها ليهوم الشيطان فنظرهوم...

عدنان:(بعد عليها وعضها فشحيمة ودنيها) كوني تسمعي لهضرة اوياااك تفكري ديري شي بلان ماهواااش سمعتي...

ميس:وقتاش غاطلقهاا

عدنان:خوي راااسك من هادشي ونتي ديري عقلك اباربي

هزات راسهاا بإيجاااب وهو يبتاسم ليها ورجع باااس شفتهااا عاد نااااض ونطق:خلينا نمشيو دابااا

بتسمااات وشدات فيديه خارجين من تمااا تحت نظرااات الشخص لي كيشوف فيهوم وهو مصدوم من شنو داك لمنظر لي شاف...

فالگاراج كان إدريس مقابل خدمتو لي ضوبلات عليه فهاد ليامات وشلا طوموبيلات ومواطر خصو يصلحهوم.. ملي رجع وهو غارق فلخدمة محاسش على راسو تكان العصر كيأدن عااد مسح يديه فالموشوار وشاف فعمر..

إدريس:غانمشي نصلي الاجاب الله مول طوموبيل جاا قبل مانرجع قول ليه راه كلشي هو هاداك وشد من عندو لخلاااص وقيدو فالكنااااش ورد لبااااال لفلوووس وحسبهوم لايقولبوك تاني بحال ديك لمرة

عمر: كون هاني المعلم..

مشى حيد عليه لكومبين وغسل يديه وخرج من لگاراج قاصد الجااامع باش يصلي.. دخل توضى ومشى وقف فالصف صلى صلاة دخول المسجد وغير ختمهاا بداا فصلاة العصر... سالا صلاتو وجلس فوسط الجامع كيتسنط لعضامو وهو حاس بالراحة.. عينيه بداو كيتسدو وهو كيسمع لفقيه كيقرا لقرآن ويجود فالآيات بصوت كيبورش..تنهد وبقاا جالس تما مدة تاحس براسو رتااح مزيااان عاد ناض سلم على لفقيه وخرج غادي لگاراج قاد أمورو تماا ولحسابات وشاف فعمر ونطق: غانمشي لدار واحد سعتاين ونرجع رد لبال

شد طريقو لدار وغير وصل لقا كلثوم جالسة هي ومها وحداها الصيكان..

كلثوم:(هزات راسها فيه ونطقات) جابك الله

إدريس:(بهدوء) شكاين؟

كلثوم:(شافت فمها) مّي غاتمشي عيط ليها خويااا وقال ليها تلگاه حدا لقامرة باش يديها

إدريس: ومن بعد؟

كلثوم:دينا نتا لقامرة منها نوصلوها منها نشوف خويا

إدريس:(حك مدمع لعين وهو حاس بلعياا) تسناوني..

خلاهوم وطلع لفوق أما هي رجعات جلسات حدا مها لي نطقات:غانمشي لبيت لمااا

ناضت تتعكز بداك لعكاز طالعة فالدروج وضهرها مقوص عليهاا..ماوقفات بخطواتها تاوصلات قدام بيت رحيل ضورات عينيها هاكا وهاكا وغير مبان ليها حد وهي دخل ليه وسدات لباب موراها وبدات تضور راسها وعينيها فلبيت ونطقات:عطاتك ليام ابنت الشلحة..

لبيت كان مجموع وكل حاجة فبلاصتهاا..حلات لباب دلبلاكار كتشوف فلباسيها وحوايجها وتقيس فيهوم بيديها تاوصلات لواحد لقفطان ونطقات:توبو خفيف ومبرد

جراتو وبدات تتشوف فيه عجبها وهزاتو ومشات جهة طابل دونوي فين كانت رحيل حاطة لمكياج ديالها وبواطة دليزاكسيسوار.. عينيها مشاو ديريكت لديك سنسلة ذهبية لي تتلمع وسط البواطة وجبداتها وغير من الشوفة عرفاتها راه ذهب وزناتها بيديها ورجعات حطاتها فلفواطة "طابلية" ديالهاا ورجعات لبواطة كيف كانت وخرجات من لبيت بلاحس غادة لبيت أسماء لي كان حدا بيت رحيل حلاتو ودخلات...مقالتش مع راسها راه حشومة ندخل لبيوت عباد الله بلاالإذن ديالهوم.. بدات تتشوف فالروينة لي مخلية أسماء فلبيت ونطقات وهي تتعوج فمها: امم الروينة تتمشي ليها فالدم بحال مها

مشات تتقلب بدوك لعينين وتسكااني شنو عندهاا تابان ليها خاتم كانت حاطاه أسماء فوق الطابلة يمكن كانت باغا تلبسو ومبقاااتش لبساتو...هزاتو إيطو ولقاتو بلاكيور ولكن مكيتبدلش خشاتو مع السنسلة درحيل ومشات جهة الصيكان هزااات واحد الصاك كيجي صغير فاللبسة ديال لويس ڤويتون كان جابو ليها آدم كادو دالجلد..ضورات عينيها مزال تم عاد حلات لباب هابطة لتحت وفيدييه لقفطان والصاك لي خدات ومشات جهة الصيكان خشاتهوم فيه بلاماتشوفهاا كلثوم..لبسات جلابتهااا وجلسات تتسنى فإدريس يجي باش يديهاا...

كان جاي من خدمتو وهو ساكت ولعيا كيبان فوجهو.. لحيتو كبرااات وتغوفلات وشعرو تاهو وشكون تسوق ليه..مكانش عندو لخاطر حيت خاطرو مشى من نهار شاف بنت قلبو مع واحد غيرو.. كانت قاصحة عليه بزاف ومكانش كيظنها غاتنساها بهاد السهولة .. عارف راسو مدار فيها مايصلاح من جهتها وبلي هو لي سبق وخلاهاا وعند بالو هي غاتبقاا وفية ليه نسى بلي تاهي عندها لحق تكمل حياتهاا وكما هو ختااار غيرها تاهي من حقها تختار غيرووو.. وصل لدار ومع الدخلة كيسمع الصداااع وصوت موو لي كيتسمع عاااالي.. غمض عينيها وزفر بتعب نفس الديسك كل نهااااار تاولا حافضو وطالع ليه فمخووو..كره يدخل لهاد الدار غار بسباب مشاكيل مو مع مرتو لي مكيساااليوش.. كيحاول ماأمكن يتعطل فالزنقة غير باش يريح راااسو شوية ساعة لغالب الله.. وقف قدام باب الكوزينة مربع يديه كيشوف فعائشة لي كان وجهها حمر بالأعصاااب تتغوت ونواضرها خارجين من تحت درت حياتي لي لابسة..

عائشة:(بصرااخ) نتيناااا مكتحشمشاااااي ومبغااااشي دير عقلللك رااااااه ريحة وسخك عطااات يالمعفووونة حااادگة غااار فتصاااوبي شعر والضفاااار أمااا بااش تقااادي دارك وتجمعي كوووزينتك معرفااااشي ليهاا

فاطمة الزهراء:(نطقات مبردة) نتي باغااا خداامة ماشي عروووسة لولدك تصبن ليك وتجفف ليك وتغسل وسخك نتي ولدك باش تبقااااي على رااحتك ولكن نتي غاااالطة اااعگوزتي حيتاااش أنااا مباغااااش نخسررر شبابي على قبلك نتي أو ولدك لي گاعماا مسوق ليااا

عائشة:(ضربات على صدرهاا تتشفى فيها) ايييه تستاااهلي ابنت لكلبة بغيتو مايشوفشي مزاااال فوجهك وميتسوقشي ليك ولاااايديهااا فيك حيت نتينااا هادشي لي تستاااااهل

فاطمة الزهراء:(ضحكات بفقصة)ههه دابااا هادشي لي نستاااهل نهار جيتي لدارناااا تتمسكني عليناا بااااش نتزوج ولدك ديك السااااع كنت زوينة فعينيك وبنت النااااس دابااا وليت بنت لكلبة اواااا بزاااااف عليك سمعتي مّي بزاااااف عليك توصليهاااا فضفرهااا الصغيرررر اعيشة

عائشة:(خرجات عينيها تحت من نضاضرها دالشوف ونطقات)دابا وليت عيشة حااافية ااااقليلة التراااابي هااا ولكن سررري أنااا لي دخلت لفعة لدااااار وبدات تتلوى عليا وعلى ولدي تحكمااااتني وهي تبخ فياااا سمهااا

فاطمة الزهراء:هاااد السم فيك نتي أمااا أنااا غاااار كنعطيك خوووو جوواابك نني مولفة لواااحد يهبط ليك الراااس ومايخرج من فمو غير نعااام أو واااخ وفاااش مالقيتيش فيااا لي بغيتي بديتي تتبيني حقيقتك ساااااعة ربي كبييير وخلاااني نعرف وجهك لي مغطياااه بنفاااقك

عائشة:(عصباتها ومرضاتها فصحتها) نتينااا مكتحشمشاااي وملي يجي ولدي يااااسين وتشوفي اش غاندير معاااك الامخليتوووشاااي يطلقك ويرميك كيف الكلبة فالزنقة مانتسماشااااي عائشة

فاطمة الزهراء:هههه اوا صافي ديريهاا نيت باااش خويااا تاهو يرجع ليك بنتك وحفااايدك غاتكوني توحشتيهووووم نيت

سكتات عائشة مخرجة عينيها فهضرتهاا لي جنناتها ومع جات ضور بان ليهااا ياسين واقف ومتكي كيشوف فيهوم مبرررد وتقول واااش حركو فيه شي شعرة وهي غاار شافتو بغااات تقلب لگفة على فاطمة الزهراااء ونطقااات تتغبن:شتيهااا أولدي شتي مرتتتك شني تتقول لي أناا لي عگوزتهاا وفمقااام مهااا

فاطمة الزهراء:(شافت فياسين ونطقات ببرود) تايكون مكيعرفكش ومكيعرفش تحرميااات ديالك

خرجات من لكوزينة مخلياهوم بزوج وياسين باقي على وقفتو تارجع سمع مو نطقااات مغددة:مغاتربيشاااي ديك لفعة همم تخليهاا تبقااا تسمعني لهضور وتسكت عاجبك لحااال

ياسين:هاااد لمررض ديااالكوم طلع لي فصحتي وهاد الصداع لي مكيتقادااااش كل نهار نفس الدييسك ياااك هادي هي لي عجبااااااتك وقلتي لياا هاسخطي هااارضااااي الامتزوجتيش بيها هاااا وأنااا بااش ندير ليك خاااطرك قبلت وخليت لبنت لي باغي ولي كانت معاياااا بنت النااااس ودرت بهضرتتك ساااعة لغالاط ماشي ديالك الغلط غلاااطي أناا (شاف فيها مخنزر) اللهم سخطك ولاهاااد لمرض لي طلع ليااااااا فصحتي...

خلاهاا واقفة فالكوزينة وهي جامدة من كلامو لي قااال أما هو مشى لبيت النعاااس وحل لباب بالجهد على فاطمة الزهراء لي كانت جااالسة وشادة تلفونها بين يديهاا مكونكطية غير شافتو متسوقاتش ليه أما هوو قرب جهتهااا وخطف تلفون بين يديهاا تاقفزااات وضرب بيه الارض تاتهرسات ليه لفيشور ونطق معصب: ديررري النفس فيك وفرقيني عليك حيت أنااا مغانصلاااحش ليك سمعتيهاااا

فاطمة الزهراء:(نطقات بهدوء) هادشي كولو على قبل ديك خيتي

ياسين:(مخرج عينيها فيها) ديك خيتي بزااااف عليك توصليهااا سمعتي هااااديك حسن منك وفيها النفس عليك كيتك نتي لي باقااا مع راجل واخاا هو مكيحمل فيك الشعرة

فاطمة الزهراء:(تعصبات ونطقات مغددة) مكتحملش فياااا الشعرة ونهار تبغي فيااا حاجتك تتجي لعندي

ياسين:ماتيقيش فراااسك راه بحالك بحال لقح*ب وبلاصة مانخسر فلوسي عليهوم ديري نتي خدمتهوم

فاطمة الزهراء:(غوتااات تاتبح صوتها ونزلات عليه بواحد التصرفيقة مووور هضرتو لي قال ولمقارنة لي دار بينها وبين لق*اب)بزاااااف عليك الشمااااتة سمعتي أنااا حسن منك ومنهااا ودوك لق*اب راااه كيصلاحو غااار لز*مل بحااااالك

تجنن وتعصب ومحس براسو غير وهو ضاربها بكروشي تطاحت فوق النموسية وبدا يضرب فيهاا ويغوت.. مبقاااش كيقشع وبداا غير بهاك بلاااك هادي تنفع هادي ضر وهي تتغوت وتتحاول تفك راسها ساعة مع من هي غضبو وقوتو طغاو فديك اللحظة ونسى راسو وهو كيضرب فيهااا وعائشة واقفة قدااام لباب كتشوف وضحك برد ليهاا قلبهاا وتشفات فيها مزياااان عاد رجعات لبيتها ومقدرات تتفكها من بين يدين ياسين لي كان تيبااان معصب.. وغوات فاطمة الزهراء غادي وكيقل تاسخفاااات ليه بين يديه عاد نااااض من عليهاا ودفل عليهااا ونطق مخيخ: هااااماتسوااااي عندي ابنت لق*بة تفووووو ينعل نهااااار لي شفتك فيه

خرج من لبيت وهو كولو كيترعد مخليهااا سخفانة فحالة كتشفي العدووو..أماا هو خرج من الدار غادي فين معااارفش المهم يبعد من تم حيت حس براااسو مخنووووق بلاقياااس...

----

كانت هازة كوطون ديسك فيه ديماكيون تتمسح وجهها من لمك اب تاشوية حسات بيديه عنقاتها من كرشهاا او وجهو دافنو فعنقها كيطبع فيه بوسااات متفرقة وهي تتحاول تبعد راسها غار بلفن مباغهاااش يقيسهاا..

إسلام:(دافن راسو فعنقها وبصوت هامس نطق) لبارح جيت معطل لقيتك ناعسة وليوم تاني فقت وخليتك ناعسة

ميس:(كتبعد وجهها من عليه)همم كنت عيانة

إسلام:(هز رااسو فيها ونطق بتساؤل) مالكي ؟ واش كضرك شي حاجة؟

ميس:همم (حيدات يديه بلفن ونطقات وهي تتهرب منو) ليغيگل غاتجيني وحاسة براسي ماهوااش

إسلام:(لمس خدها بحنان ونطق)هاد ليغيگل مالقات وقتااش تجي تال داباا

ميس:وقتهاا

إسلام:(قرب باسها ففمها وهي ساكتة تتبلق فعينيها ونطق) عندك لميديكامون ديالك ولانمشي نجيبو ليك

ميس:نو عندي وراه خديتو قبيلة

إسلام:سيري رتاحي ليك أنا غانمشي ندوش ونجي نوجد لماكلة بلاماتعدبي راسك

حركات راسها باه وهو مشى هز لفوطة من بلاكار جديدة ودخل لحمام..زفرات بتعب ومشات لنموسيتها تخشات فيها وخدات تلفونها وصيفطات مساج لعدنان فيه "توحشتك بزاف"

رجعات التلفون بلاصتو وبقات متكية تابان ليها إسلام خرج من لحمام وملوي على نصو فوطة بيضة وفوطة صغيرة كيمسح بيها شعرو غمزها ومشى لبلاكار جبد كالصو جديد مع الشورط ديال الدار وتيشورت لبسهوم قدامها وخرج غادي يوجد لماكلة مخليهاا ساهية وتلفونها فيديها كتسنى عدنان يجاوبهااا...

كدق فالباب ديال الدااار وتسرسر ساعة تاحد مجاوبها ولاحل..كمشات حجبانهاا ورجعات تتصوني لرحيل لي مكانتش تتجاوب عليها قررات تصوني هاد لمرة على محمد طه وبعد زوج رنات جاوبها بصوت باين بلي كان ناعس:هممم

جيداء:(جوبات كطنز) اصبااح الخير امولااي التهاااامي جيت نزورك وباب خيمتكوم مسدل بالخوااامي قصدتك والمقصود الله مناوية على شر ولاعلى بلاوووي

محمد طه:(حك عينيه ونطق بسخرية) قلبتيها لعيشة الدويبة اعظم الطيو

جيداء:نزل حل لياااا راني متقلة

قطعات عليه وهو ناض كيجر كلاكيطتو ومشى لحمام غسل وجهو عاد نزل لتحت بشوية عليه ومشى حل لباب وهي تبان ليه جيداء هازة كوكوط ..دفعاتو بيد ودخلات تتنگر:اويلي هادشي كولو بااااش تحل لباب

محمد طه:(خلى لباب ديال الدار محلول ودخل تابعها) راه واقيلا أناا مريض ويالاه خرجت من سبيطااار

جيداء:(ناضت لعندو وعنقاااااتو بالجهد وتاهو بادلهاا لعنااق ودفن راسو فشعرهاا) كون تعرف شحاااال خفت عليك

محمد طه:(بعد عليها ونطق بحنان) بزاااف ولاشوية

جيداء:(لمسات خدو) ربي لي عااالم قدااااش ملي سقت لخبااار قلبي تهز من بلااصتو وخفت على خويااا الصغير لاتوقع ليه شي حاجة

محمد طه:(سرط طعم الصداا لي تكون فحلقو فور ماسمع شنو قالت وبغصة نطق) أناا عزيز عليك اجيدااء

جيداء:معلوم رااااك خويااا لي ماعنديش وربي شاهد علياا

محمد طه:(لمود ديالو خسر بعد عليها وجلس فالسداري لي فالسطوان ونطق) عارف

جيداء:(حلات ديك كوكوط ونطقات) حنونتي صاوبات لحريرة لحمرااا وجبت ليكوم حقكوم

محمد طه: يعطيها الصحة علاش عدبات راسها

جيداء:لي سمعك يقول جبنا ليكوم المحمر والمشوي

مشات لكوزينة جابت زوج زلافات وغرفات ليه لحريرة لي ريحتها عطااات تتشهي وحمراا فيها لحمص وطريفات لحم.. شرب معلقة فيها ونطق كيتبنن: مكاينش شي حد كيصرع الحريرة بحال موك

جيداء:بصحتك وراحتك

بدا كيشرب لحريرة تاقشع لخاتم لي دايرة فصبعها ولي كان خاتم خطوبتها لي لبسها قصي...هز راسو وعينو فعينيها ونطق بصوت هادئ :كتبغيه؟!

جيداء:(بتسمات وعيونها لمعو ببريق مخفاش عليه):كنموت عليه

محمد طه:(بتاسم ابتسامة هادئة وقلبو حس بيه كيضرو من لداخل قبل ماينطق):وهو؟!

جيداء:(ضحكات ليه بحماس):يكفي أنه وفى بالوعد ديالو وجا لدارنا

محمد طه بغصة:الله يخليكوم لبعضياتكوووم

كمل ديك لحريرة بزز منو وقلبو حس بيه كيضرو من كلامهاا وديك لمعة لي بانت فيعينها وهي تتهضر عليه ولي بينات ليه قداش هي تتبغي قصي وبلي هي بصح ضاعت من بين يديه...

----

كان باقي آدم جالس فالكراسى لي قدام لبلوك كيتسنى صاحبو يخرج ويطمنو بلي المشكيل تحل.. جبد تلفونو ودوز نمرة أسماء لي بعد رنات عديدة جوبات بصوت بارد:شباغي؟

آدم:لحجلة متوحشتينش ليوم؟

أسماء:بلعكس تهنيت منك ومن صداااعك

آدم:(حك لحيتو وتقاد فالجلسة) عمرك غاتهناااي مني الحجلة غار ديريها فبااالك

أسماء:(قلبات عينيها ونطقات ببرود) طلقني خلااص شباغي راني ممساليااااش

آدم:(نطق بجدية) بلاتي غار نسالي شغالي ونوريك هاد تق*بين لخاااوي لي فيك وداك التفرعين

أسماء:(الصمت)

آدم:(رجع نطق بهمس) غدا كاينة واحد لحفلة ديال صاحبي وغايديرها فلبااار ديري حسابك بلي غانديك معاياا

أسماء:(قلبات عينيها) ميمكنش لياا نمشي

آدم: أنا مكناخدش لإذن ديااالك الحجلة ديالي

قطع عليها وهز راسو فاش بان ليه لباب دلبلوك تحل وخرجات من لفرملية لي كانت تتبان صفراا ومرعودة غار بوحدها قرب جهتهااا آدم ونطق بتساؤل:شواقع؟

لممرضة: لمريضة جاتهااا إيموغاجي "نزيف" فوسط لوبغاسيون...

مجرد مسالات الممرضة هضرتها مشات تتجري مخليا موراها آدم واقف مشوكي وعينو توجهاات لباب لبلوك وبلاا مايتردد مشى جهتو ودخل ناسي راسو بلي خصو يعقم نفسو قبل مايدخل وبلي ماشي أي واحد كيدخل لبلوك.. مافكرش حيت تفكيرو كولو فهضرة الفرملية لي نطقااات ولي خلات لخوف يتسلل لقلب... وقف جامد وعينيه على لمنظر لي قدامو..ابتهال لي كانت مغيبة ومكيناش هنا وداك ليزار لي مغطينها بيه فيه الدم بواحد المنظر كيبورش والطبيب واااقف كيغوت على لفرمليين لي معاااه وباين عليه لخوووف.. قلب وجهو وغوت عليه بالجهد: خرررررج تقوووووود الخراااا

جااا لبناج جرو تاخرج ورجع لداخل وآدم بقا واقف فبلاصتو.. شنو طرا تاجاتها إيموغاجي يااك سبق ليه وجاااب واحد خيتي تاهي كانت حاملة منو ودار ليهاا طبيب كوخطاج وماطرااا ليهاا والو.. إذا دابا شنو طرااا ؟ بقا غادي جااااي فداك لكولوار كيتسنى شي حد يخرج ويطمنو..هو مخايفش عليها قد ماخايف على مستقباااالو عارف الامشى تاطرا ليها شي حاجة هو لي غايمشي فيهااا.. عض على شفتو مغدد وبقاا بلاصتو تادازت مدة عاد تحل باب لبلوك وخرج صاحبو طبيب وباين فيه كااااعي وقبل مايسولو آدم نطق بعصبية:ااااخر مرة نعااااود نفكك سمعتي لمرة جايااا والله لاعقلت عليك

آدم:شنو واقع؟

ط:جاتها إيموغاجي فوسط لوبغاسيون حاولناا نحبسو النزيف مي مقدرنااش عليهاا اضطرينا نستأصلو الرحم

آدم:(حك لحيتو) يعني داباا كلشي هو هاداك

ط:وي غانطلعوها لشومبر لفوق تاترتاح وترجع صحتها أبخي تخرج

آدم:(جبد من جيبو شيك ومدو ليه) مغانساااش وقفتك معايااا العشير وهاااخلاصك بالدوبل

ط:(شدو وشاف فيه)آخر مرة غانوقف معاااك مزااال حيت هادشي فيه خطورة وأناا ممستاعدش نخسر لكاغيغ ديالي على قبلك

آدم:(طبطب على كتفووو) وصاااافي اعشيري تانتاااا هاهي دازت وماطرااا وااالو رخف على رااااسك اسي طبيب هههه

مشى آدم كيضحك مخلي صاحبو غار كيشوف فيه وهو مصدوم من برودة دمووو تمتم بين سنيه:هادي والتوبة الاعاوت فكيتك راني ولد لق*بة

حل آدم باب طوموبيلتو وقلع غادي لشركة باه لعند أسمااء.. دابا فك لمشكيل لي جامعو مع ابتهال وتهنى منو وداباا عاد غادي يقدر يتكونسونطرااا مع لحجلة ديالوو..

واقف قدام لابيبليوتيك لي عندو فبيتو بسروال دلبيجامة كاروياات مع تيشورت بليدين فالرمادي.. داير نضاضر دالشوف وهااز دفتار بين يديه تيقراا فيه.. من ديما كتعجبو لمطاالعة وكيعشقهاا وفأوقات الفرااع ضروري مايقرا شي كتاب ولاشي رواية سواء بالعربية أو الإنجليزية وتالفرنسية.. وحيت عمرو كولو وهو كابر فبرا فمكانش عندو أي مشكيل بخصوص اللغة... وقع اختيارو على واحد لكتاب بلغة لعربية ومشى جهة الفوطويات جلس وبدا كيقرا فيه بهدوووء..تاتحل لباب عليه ودخلات تانيرت لي مجرد مشافتو بتسمات بحب وحنان وقربات جهتو تاجلسات حداه ونطقات بهدوء:واخا نهضرو شوية أماما؟

مهزش راسو من لكتاب ومعارهااش أي اهتمام بلعكس كمل قرايتو كأنها غير موجودة وهي تنهداات بتعب وقربات جهتو ومدات يديها واخدة ليه لكتاب لي كان بين يديه شي لي خلاه يهز راسو وحواجبو مقرونين وببرود قال:شكاااين؟

تانيرت:هضرة مع لمحامي بخصوص مشكلتك احم محمد طه مدارش عليك شكااايية

ريان:(بهدوء)ومن بعد

تانيرت:غدا غايخصك تمشي لولاية على قبل التحقيق والمحامي غايتكلف وغايحاول يشوف واش المشكيل غايتحل بالغرامة المالية ولا لا..

ريان:(الصمت)

تانيرت:(شدات يديه ونطقات بحنية)متخافش أناا غاندير لي فجهدي باااش المشكيل يتحل واخا نعرف نعطي كلمااا عندي باااش مايوقع ليك واالو أولدي

ريان:(بهدوء) مخايفش

تانيرت:عارفااك (كملات بسهو) زعايمي ومكتخافش بحال بااك (سهات تانيرت فتفكيرها وهو بقا مراقب وجهها وملامحها بهدوء.. وعات على راسها وبتسمات ليه) مهم كمل قرايتك وأنا غانمشي ندير ليك طاجين دلحم بالقوق والزيتون لي كيعجبك

باستو فجبهتو وخرجات مخلياااه باقي على جلستو ساهي فهضرتهاا وفتشبيهها لباه لي استغريو... حرك راسو بهدوء ورجع شد الكتاب بين يديه مركز تاني معاه ومستمتع بداك لهدوء لي كيريحو..

---

نهار كولو وهي تتفكر فهضرة عاصم لي قال ولي مغاتنكرش أنها ريحاتها وعجباتهاا خصوصا أنه جاها نيشاان وقال ليها اش باااغي.. دخلات لبيتها وهي تتزول فولارها تالاحتو فوق النموسية وطلقات شعرها الطويل يتفوه وبدات تتماصي فورة الرااس حيت النهار كولو وهي لابسة لفولار وحسات براسها تخنق.. بدات تتزول فليزاكسيسوار ديالها تاهزات راسها وهي تكمش عينيها فاااش قشعات السنسلة لي مولفة كديرها فعنقهاا مكيناش..مدات يديها تتلمس عنقها وبصوت هامس قالت:اويلي فين مشات ؟

هزات لبواط دليزاكسيسوار وحلاتها وكباتهاا فوق الطابل دونوي وبدات تتقلب فيها أو والو مبانتش ليها.. حلات لمجورة وبدات تتقلب فيهوم ونفس الشي مالقات والو.. دخلها الشك هي مولفة فاش تتحيد شي حاجة من مجوهراتها تتحطهوم فلبواطة وسنسلة مولفة ديريها ديما حيت هاديك كادو من محمد طه نهار عيد ميلادهاا عليها عزيزة عليها ودابا هاهي تالفة.. وقفات حاطة يديها على راسها تتستعقل فين حطااااتها...

أخر مرة حيداتها كانت ملي دوشات والابقا عقلها ينفعها هي حطاتها فهاد لبواطة اذا فين مشات؟ توجهات جهة بلاكارها باش تجبد بيجامة وهي تكمش عينيها فاش بانت ليها لجهة فين حاطة قفاطنها مخربقة.. وهي لي مولفة بلاكارها ديما مقاد وفاش تتاخد شي بياسة منو تتاخدها بشوية باش ماتخسرش التستيفة.. خدات بجامتها وبدلات حوايجها شوية تحل عليها لباب بالجهد ودخلات أسمااء وهي عاقدة حجبانها ونطقات بعصبية:علااااش خديتي لياااا صاكي؟

رحيل:أشمن صاااك؟

أسماء:صاك دالجلد ديال لويس ڤويتون

رحيل:(هزات حاجبها) وانا علاش اناخد ليك صاك ديالك اش غاندير بيه مثلا

أسماء:(ميقات فيها)الامخديتيهش نتي شكون غياخدو الجنون مثلا

رحيل:(دفعاتها ونطقات بعصبية) واااش هبلتي ااانااا اش غانستااافد هاا على اخر يااامي نااخد حاجتك

أسماء:(قربات جهتها مخرجة عينيها فيها) اييه تاخديها حيت دوريجين هاداك

رحيل:لواه النبگ الحاجة لي ماشي ديالي مكنمدش عليها يدي

أسمااء:(دفعاتها من كتفهاا)زعمة شنو باغاا تقصدي بهضرتك هاا

رحيل:دووي ومادفعيش الخرا

أسماء:(رجعات دفعاتهاا وهاد المرة بالجهد ونطقات) يدي هادو ندير بيهوم لي بغيت

رحيل:(دفعاتها تاهي معصبة) وجمعي يديك ازمر

بقااو تيترادو وكل وحدة معصبة كثر من لخراا تاجرات أسمااء شعر رحيل نتفاهاا وكرد فعل من رحيل تاهي شداتها من شعرها وبداو كيتناتفو ويتغاوتو ويتسااابو نيت.. تاوحدة مبغات طلق هي لولة من لخرى كل وحدة حلفاتها فالثانية تلاحو فوق النموسية وكانت رحيل لتحت وفوق منها أسماء كيضاربو بيديهوم بحال شي قطوط ورحيل وجهها حمااار وتعصبااات ومحسات أسماء براسها غير وهي مقلوبة لتحت وفوق منها رحيل هاد لمرة حكماتهاا تضرب فيهااا وتعض وتسب..وأسمااء تحت منهاا تتغوت:طللللقي الخرااا

رحيل:(بصراخ) ومتبقاااااايش تمدي يديك الحماااارة عليااا

أسمااء:نتي لي شفرتيني الكلبة

رحيل:(عضاتهاا فيديهااا) لكلبة هي لي ولداااتك الكنيشة

مع غواتهوم تحل لباب ودخل محمد طه وهو مضهشر..كان ناعس حيت الدواا كيرخيه تاسمع لغوات وهو ينوض طااافج وجاا لقا هاد لمجعوراات كيضااربو..قرب جهتهوم ومد يديه لواها على كرش رحيل وهوب هزهاا فالسماا وهي كترطى بحال فرطوطو وتتغوت وشعرهاا مطلوق ومع طويل عنكشووو وأسمااء تتمسدد بلاصة الضرااابي وتاهي تتسب تاااغوت محمد طه بالجهد:واااااااااااالق*وي هنيوناااااا

صقلو وكل وحدة تتشوف فالثانية بنظرات شرااانية ومكرهوووش يكملو مااابداو غير محمد لي واقف فطريقهوم ومخليهوم يحبسووو..

نزلها الأرض وهي بدات تتجمع فشعرها وصدرها كيطلع وينزل بالأعصاااب وعينيها مخنزرين فأسماء لي تاهي كتشوف فيها شوفات كيف لقرطاس ونطقات:شفااارة

رحيل:(بغات تمشي ليهاا وهو يشدهاا محمد) أنوريك شناااهي شفااارة

محمد طه:زگاااااو اشكاااين تاني

أسماء:(أشارت لرحيل)هاد خيتي شفرات ليا صاكي

محمد طه:(هز حاجبو) وشكون قال ليك هي لي هزاتو

أسماء:(بسخرية)وشكون يهزو مثلا نتاا

محمد طه:(حمر فيهاا الشوفة)دابااا نجي نشتف على موك نوريك أناا

رحيل:(شافت فمحمد)انا براسي لقيت سنسلتي لي عطيتيني فعيد لميلاد مكينااش فلبوااطة ديالي (شافت فأسماء)هي نتي لي هزيتيهااا يااك

أسمااء:مهزيت تاخريااا واصلا اش قربني ليك

محمد طه:(حبسهوم بيديه ونطق) بلاتي بلاتي نتي قلتي صااكك مكاينش ونتي سنسلتك ديال ذهب

أسماء ورحيل:(جاوبو بدقة وحدة)اه

محمد طه:مغايكونش مثلا شي حد لي دخل لدار وخداهوم ليكوم؟

أسماء:شكون غايدخل مثلا ياك كاينين غير حنا وجدة و..

سكتات أسمااء وشافت فرحيل موراها محمد طه ورجعات تاني شافت فرحيل ونطقو بتلاتة دقة وحدة:خازينو النااااار..

----

كان عدنان فالمحال ديالو جالس فالكرسي وعينيه على لكلياان لي داخلين وخارجين ودراري لي معاه مكلفين بيهوم.. تاهز عينو فلباب وبانت ليه داخلة مرا فبدايات الثلاتينات بجلابة مخزانية وفولار مبين زغيبات شعرها لقدام ودايرة نضاضر دالشمش..جايا لجهتو وصوت طالونها كيتسمع على الأرضية دالزليج لي فلمحااال... بتاااسم ليهاا وناض غادي جهتهاا تاوصل قدامهاا وتحنى معنقهاا بالجهد وتاهي بدلاتو لعناااق..

عدنان:(بعد عليهاا ونطق بحب) نهار كبير هادااا ملي جيتي لعندناا

(ضورات عينيها لي مكيبانوش تحت نضاضر فالمحال وقالت ببرود) اوا ملي نتاا مجيتيش قلت نجي عندك وندير معاك صلة الرحم اخوياا لعزيز..

عدنان:(درعها بيديه غادي بيها لداخل ونطق بضحك) اوا الالة صفية الامجيتش اناا جي نتياا

صفية:(جلسات فوق الكرسي وزولات نضاضرها) لمحال ماشاء الله فيه الروااج

عدنان:حمدلله شنو تشربي اصفصوفتي

صفية:مجيتش نشرب جيت باااش ندوي معااك

عدنان:(كمش حجبانو مستغرب من لجدية لي فصوتها)ياك لباااس؟

صفية:(تحنات جهتو ونطقات بعصبية) باقي مباغي دير عقلك وتعرف راسك راك مزووووج وبمرتك

عدنان:(هز حاجبو نطق ببرود) اشباغا تقصدي بهاد الهضرة اصفية

صفية:(ضحكات مغددة) لبارح شفتك فالشاليه *** نتاا وميس وتباااركالله شبعتو تشقليم ونسيتو راااسكوم فين

عدنان:(وجهو صفااار وبتلعثم نطق) ياك مشافنا شي حد من غيرك؟

صفية:هادشي لي هامك يااااك اعدناان

عدنان:صفية جاوبيني

صفية:كنت اناا وجلال وحمدلله هو مشافكش حيت كان عاطيك بضهرو ماشي بحالي لي شفت داك لمنظر لعيفني

عدنان:(مسح وجهو ومانطقش)

صفية:(قربات جهتو نطقات بصوت هامس باش مايسمعهوم حد ) ياااك نتاااا لي سمحتي فديك خيتي وخليتيهااا حيت طلعات ليك فراااسك وماشي غير هكاك رحلتي نتااا ودارنااا من تمااا باااش هي ماتلقااااكش ونتااا تفك منهااا..

الشمتة لي حسات بيها رحيل وأسماء مقدروش يتغاضاو عليهااا ويميكو وكأن شيء لم يكن.. رحيل مبقاااش فيها لقفطان قد مبقات فيها السنسلة لي كانت كادو دمحمد خصوصا أنها كانت من فلوس أول صالير شدو ولي جا تزامناا مع عيد ميلادهاا.. أماا أسمااء فكانت باغا تجن فاش عرفات بلي جداهااا هي لي شفراتهوم من قلب دارهوم عاين باااين.. ومجات تاخد غاار داك الصاك لي دوريجين وساوي التماااان... من زهر إيطو مشات حيت كون بقات كون حيحات عليها أسماااء.. كانو جالسين فالصالة وحد مكيدوي مع الثاني هوما عارفين جداهوم اش كتسوى ولكن بااااش تشفر هادي جاتهوم شوية فشكل حيت عمرهااا دارتهااا... تحل لباب ودخلات كلثوم هي لولة بجلابة فالبوردو فصااالة مبيناهاا صغر من سنها وشعر مطلوووق وضاربة تكحيلة تابانو عينيها بحاال لببوشة وريحتها كتشم من بعيد وموراها إدريس لي كان بايين فيه ساخط على لوضعية.. ناضت أسمااااء ديريكت عند مهااا معصبة ونطقات بعصبية:فين هي ديك مك؟

كلثوم:(خنزرات فيها) ماااالكي شاااعلة وكيفاش هاد مك تاني مالهااا ماشي جداااك

أسماء:(ضحكات بسخرية) هههه جدة هه ديك لمرااا گاعماا تستاهل نعيط ليهاا بجدة مور داكشي لي دارت

كلثوم:(جنونهاا شي حد يعاير ليها مها) غاتصلحي فمك اهاد لبرهوشة قبل مانصلحووو ليك

رحيل:(قربات جهتهاا ونطقات تاهي معصبة) ديك مك لي نتي مدخلاها لداااار شفرااات ليناا حوايجنا اناا وأسماااء

كلثوم:(خرجات عينيها فرحيل) حدددك تم المووووسخة وعرفي راااسك اش تتخرجي من فمك ومّي بزااااف عليك

أسمااء:(غوتات على مها) ماتغوووتيش عليهاا حيت مقااالت غاار صح مك شفرات ليااا صاااكي الدوريجين وشفراات لرحيل قفطاانهااا وسنسلة ذهب لي جاااب ليها محمد طه ويعلم الله شنو خدااات مزااااال

محمد طه:(دخل ونطق بهدوء) لبنااات مكيكدبوووش مك شفراتناا ومشااات..

كلثوم:(بدات تتشالي بيديها) هااادي هي التراااابي ديااالكوم هااا تتعايرو فجداكووم وتاهموهاا بالشفرة شكون لي قااال ليكوم هي هااا (حمرات الشوفة فرحيل) ياااك ديك خيتي دصاحبتك ديمااا داخلة وخااارجة عندنااا علااااش ماتكونش هي

رحيل:(كمشات حجبانها) جيداااء حياتها كلها وهي داخلة وخارجة واااش عمركك لقيتي شي حاجة طااارت

أسماء:عندهااا لحق هي مولفة تجي عندناا وعمرها هزااات لينا شي حاجة بلاماتلوحي اللومة على شي حد خر

محمد طه:(معجباتوش هضرة مو على جيداء ونطق) جيدااء عمرهاا قربات لبيوت لبنااات الاهوما مكااانوش فالدار

كااان مربع يديه ومتكي على لحيط وعينو عليهوم.. ساكت وكيبان فيه مبرد كيف عادتوو غاار كيسمع لهضرتهوم ويشوف بعينيه..تاتقاد فوقتو وقرب جهتهوووم ونطق بصوت بااارد كالصقيع وهو موجه هضرتو لكلثوم: من ليوم عمرررر مك تعتب باااقي هااد الدااار والاااجااب الله سقت لخباار بلي دخلتيها بلاااشوااري غاتخرجي نتي ويااااه

كلثوم:(خرجااات عينيهاا فيه ونطقات بتلعثم) و لكن إدريس راه مّي

إدريس:(قاطعها بصرامة) مك حلينا ليهاا باب الدار وضايفناااهاا وهي بلاااحشمة بلاحياااا ناااضت تتهز فحواايج غيرهاا.. هضرتي دابااا قلتها بغيتي مك عيطي ليهاا تاتشبعي ولكن بااااش تحط رجليهاا تاني هنااا هااديك هي لي عمرها تكوون..

حمر فيها الشوفة وخرج غادي لگاراج مخلي كلثوم تتغزل فبلاصتهاا وعينيها مخنزرين فولادهاا ورحيل قبل ماتمشي لبيت وهي معصبة من هضرة إدريس لي عرفاااتو مغاديش يتنازل عليهاا واخاا يوقع لي يوقع..

السكاات.. فهاد اللحظة فضل عدنان انه يسكت وهو كيسمع لهضرة ختوو لي كانت على صح مية فالمية.. ملي كانت ميس مصاحبة معاه هو عمرو مكااان دايرهاا فبااالو لزوااج عكسها هي لي كانت بانية أحلاام وردية وتتخاايل راسها معاه تحت سقف واحد.. كان أي حاجة يقولها ليهاا تيقوو ودامت علاقتهوم عاام وملي مالقاااش هو شنو باااغي منهاا بغاا يسوسهاا ويلوحهاا سااعة هي مبغاتش تفاااك بداهاا فاللول بالإهماال لي فااش كيدخل لشي علاقة تتراجع وتتفقد حلاوتها على قبل ورغم دلك هي مهتماااتش أو نقولو بغااتو لدرجة مكانتش تتشوف العيوب لي كانو واضحين.. وغادة على مبدأ الامسولش هو نسول أناا أصلا مكاين فرق بناتناا.. يوم ورا يوم تاتقطع الوصل بناتهوم ومبقااات عرفات عليه تاخبااار وماخلااات تاواحد من صحابو لي كتعرف ومن ظمنهوم يونس لي كلهوم نكروو وقالو لهاا معارفينش فين هوو.. سد عليها لبيباان وقال راه مع مدة غاتنساااني هز عائلتو واستقرو فكازا وخلاها بلامايتسوق ليهاا ولكن القدر لعب لعبتو ولقاهوم نهار السبوع.. مغاينكرش أنه ماتصدمش فاش شافهاا بلعكس مكانش متوقعهاا أبداا ومن لفوق تكون مزوجة وعندهاا بنت... قال راه نساتني ساعة كان غالط حيت تصرفها ديك الليلة بين ليه أن ميس عمرهاا نسااتو وباقاا تتبغي..

استغرب كيفااش رغم داكشي كولو باقا تتبغيه وقرر يستاغل داك لحب لراسو ولكن معرفش علااش حس بلي توحش ياماتو معاها مجرد مشافها.. توحش هضرتها وتصرفاتها وغيرتهاا حتى من دموعهاا توحشهووم.. زير على يديه وهز عينو فختو ونطق: عارف راسي اش كاندير ماتخمميش

صفية:اش عاارف هاا واش هبلتي تتخون مرتك مع صحيبتك لولة وهاااد خيتي واش عارفاااك بعدا تزوجتي ولاطاالق تاني عليهاا شي ديسك من ديااسكك الحااافين

عدنان:(مباااغيش يهضر فالموضوع) صفية

صفية:(قطعاتو بصرامة) اش باغي اعدنان هاا واش هاد لفعلة لي داير كيديروها ولاد الأصل اش غاتقول لمرتك الاساقت لخبااار هااا وزايدون ياك نتاا لي خليتيهاا بخاطرك علاش رجعتي تاني معاهااا

عدنان:(ربع يدو ونطق ببرود) وفاء مغاتعرفش

صفية:يااااك اسيدي ههه اوا اش غادير الامشيت انا وقلتها ليهااا همم عند بالك انسكت حيت نتاا خويااا هه راك غالط أنا مراا ومغانرضاااش على راسي نشوف خوياا كيغدر فمرتو ونسكت

عدنان:(زير على يديه) ميس غلطة اصفية ونتي عرفاااني كنبغي وفاااء

صفية:الاكانت غلطة علاااش اسيدي معاهااا

عدنان:هي مبغاااتش تفك مني لاصقة فياااا ومبغاتش تفهم كر (عض لسانو قبل مايكمل)

صفية:نتيقك هاد لمرة ولكن نحلف ليك بلي خلقني وخلقك الاجاب الله سقت لخباار بلي باقي معاهاا والله مانتردد حتى دقيقة نمشي نخوي لمزيودة لوفاااء وضبر راسك ديك ساع معاهااا (هزات صاكهاا ولبسااات نضاضرها وكملات) وبااركة ماتلعب بلبنت وتستاااغل حبها ليك اخويااا حيت فاللخر نتاا لي غاتندم

مشات وخلاتو كيفكر فهضرتهاا لي قالت ليه.. اخر حاجة يبغيهاا هي وفاء تسيق لخبار وفنفس لوقت مباغيش يخلي ميس..

كتحط أخر لمسة فلوك ديالها وباين غاار من الشوفة بلي محاملاااش تمشي ولكن هي مُجبرة حيت الاممشاتش هو غايجي لهنا وغايصدق منوض ليهاا مشكيل هي فغنى عنه.. هزات أسمااء صاكها وشافت فلوك ديالها لي كان عبارة على كسيوة فالبيض باليدين وتتجي قصيرة مع صباط طالون بااج وشعرهاا مخلياه مطلوق على راحتو ومك اب عادي.. خرجات من بيتها تتشوف فساعتهاا كانت تمنية ونص دالليل.. كتخمم وتغكر اشمن كدبة غاتعطيهوم باش تخرج بلامايشكو فيهاا خصوصا إدريس.. وصلات لتحت وبانت ليهاا كلثوم جالسة معاجبهاا حاال وغار مخنزرة تاشافت فيها وفلباسها وهي تنطق وحاجبها مهزوز لسماا:افين غادة بالسلامة؟

أسماء:(رجعات شعرها لور ونطقات بهدوء) عندنا اجتماع على قبل واااحد لبروجي غانديرو ليه لوغچانيزاسيون ديالو..

كلثوم:(ضحكات بسخرية) ومع من تشاورتي ابنت كرشي

أسماء:هادي راه خدمة امامااا اشمن نتشاور معاااك

كلثوم:اوا نتي شفتك ولفتي لخروج ودخول بلامتاخدي شووور حد

أسماء:الاكنتي باغا تكبي جنونك فياا على داكشي لي طرا فالصبااح فغانقول ليك ممسالياااش امي صااافي هاني مشييت..

ماتسناتش تجاوبهاا مزااال هزات راسها ومشات حيت عارفة مها غاتبقا تنقب تاتحصل كدوبهاا.. خرجات لزنقة شادة طاكسي وعاطيااه عنوان البار لي غايتلقاو فيه هي وآدم.. ولأول مرة فحياتها مبغاتش تمشي تشوفو كانت ديماا تيعجبها يخرجها ويساريها ويجيب ليها كادويات ولكن داباا ولات باغاا غار لفكاك منو.. عارفة راسها تتلعب بالعافية لي بداا صهدهاا كيوصلهاا تنهداات وخلصات مول الطاكسي ونزلات وهي تتشوف فالدراري ولبنات لي تم.. شي كايكمي وشي معنق شي وشي كيبوس شي بالعلالي.. دخلات لداخل وعينيها كيقلبو عليه تبان ليهاا جااالس فالفوطويات فبلاصة ڤي أي پي وحداه قراعي دالشراب ولمكسرات والشيشة كيكميها.. هز عينو فيها وعض على شفتو منغم بشوفتها.. وصلات حداه وضورات وجهها على لبلاصة ونطقات:فين دراري ؟

آدم:(شير ليها لفوق ركابيه ونطق منيم عينيه) اجي الحجلة عندي؟

أسماء:(بقات واقفة فبلاصتهاا وهي معصبة) نتا كدبتي عليااا باش أنا نجي عندك

آدم:(تقاد فجلستو ونطق ببرود) غاتجي ولانجي ليك وحدة من زووووج

أسماء:(جلسات فالفوطوي لي قدامو) اشنو باقي باغي مني واااش مغاتخلينيش فحالاااتي عليك

آدم:(ناض عندها تاجلس حداها وقال وهو عاض على شفتو مبسم) نتي عارفة الحجلة أناا شنو باااغي

أسماء:داااكشي لي نتااا باغيه هو لي عمرو غااايكون سمعتي وداااابا عطيني بالتيساااع

آدم:(جرها من كتفهاا بالجهد) غاتركني بلاااصتك وغاتسمعي لهضرتي ولامغايعجبك حااااال

أسماء:(نثرات يديها بالجهد) أناا ماشي ق*بة من قح*ااااتك لي نتا مولفهوووم اسي آدم الصفريوي سمعتي أنا أسمااااء وعمري هبطت الراااس لشي ولد لق*بة باااش نهبطو ليك الانتااا باغي تكووووي وتشبع دااك الزنطيط لي لاصق فيك سير لشي جااايحة خرااا وفرقني عليك..

هزات صاكها ودفعاااتو مغددة ومشااات وهو متبع ليهاا لعين ونطق بين سنيه كيتوعد ليها:الامخليتكش تجي عندي بخاااطرك راني ماااشي آدم الحجلة ديالي..

كانت مع جيدااء فبيتهاا تيستفو لبلاكار دجيدااء وفنفس لوقت كتعاود ليها على لفعلة لي دااارت إيطوو معاهوم وجيدااء معرفات واش ضحك ولاتصدم ولاشنو دير..

رحيل:(مدات ليها لحوايج) هادشي لي طرا

جيداء:بنت لق*بة بينها وبين لموت خطوة وحدة وكملاتها بالشفرة

رحيل:(حلات فيها عويناتها لخضرين) صدمااتني واحق الله تاالحد الأن بااقي مامتيقاااش بصح هي كادير شي فعايل وهضرتها كيف السم ولكن تشفر شوية قاصحة

جيداء:علااااش جااتك عجب وااش وحدة گاعمة دارت لخير فولادها وحفااايدهاا تجيها الشفرة صعيبة.. شوفي غاار ديك كلثوم تعيااا ماتبقاا تسمعهوم ليهاا وهي كيف لبهلة دايرة ليهاا لخااطر.. ولكن الأسمراني تاااع قلبي برد ليااا غدااايدي فيهاا اااح وكون كان قداامي كون تلاحيت عليه بشي بوووسة

رحيل:(ضرباتها بتيشورت) اويلي على السفاالية جاتها لي ماتعلم تاااني

جيداء:هههه ااه قبل مانسى عرفني شكون هضر معاياا ليوم وسلم عليك

رحيل:شكون؟

جيداء:وئاام الالة لي كانت تتقرا معايا فالباك نتي كنتي ديك الساااع باقاا فالسانكياام

رحيل:اييه عرفتهاا غبرااات مبقيت سمعت خبارهاا

جيداء:مهم ماعليناا ندخلو فالمفيد سيدة غاتزوج وراااه عرضات علينا أناا ويااك لعرسها غاديرو نهار السبت فقااعة هبة..

رحيل:ههه حلفي ياختي توحشت لعراسات

جيداء:(ضرباتها فكتفها) ههه اااح نمشيو تاني نفوجو مع مخنااا ههه

رحيل:ايخليك بعداا قصي تمشي

جيداء: وي هضرة معاه ومعندو تاشي مشكيل ونتي ياك بعدا غايخليك الأسمراني تمشي؟

رحيل:غانشوف ونتمناااو يخليني واخا كنقول مغايقولش لياا لا

جيداء:(غمزاتها ونطقات بمزاح) اصلا الأسمراني قلبو كبير ههههه

----

باقاا كما خلاهاا مغيبة فوق ديك النموسية وحالتها حالة.. وجهها كلى الدق تمبقاااش كيباانو حروفهااا ودغياا تنفخ فالبلاصة أماا تحت منهاا كانت واحد الضااية دالدم مغرقة لكوڤرلي كولو.. تاحد مطلش يشوفها حيت ياسين ملي خرج مارجعش أما عائشة فهي أصلاا ممسوقاش ليها بلعكس قلبها برد وتشفاات بالمعقول فيهااا.. ضربات الطنااش دالليل وياسين يالاه رجع وبزز منو..دخل لدار ولقاا سكااات لي أصلا كان مفتااقد ليه.. غادي فاتجاه بيتو باش ياخد ليه مايلبس ومع حل لباب خرجو عينه بالجهد فمنظر فاطمة الزهرااء وبالخصوص داك الدم لي كان تحت منهاا.. تخلع وتفعفع ومعرف مايدير للحظة بقا واقف كيشوف فيها وغاار ضرباتو لفيق تحرك لجهتهاا كيفيق فيهاا وكيشوف نتيجة ضربو ليهاا على وجهها..

ياسين: فاطمة الزهراااء فيقي تت

هزهاا هاكااك وخرج من لييت ومع الصداااع فااقت عائشة لي غار شافتو وهي تخرج عينيها ونطقات:راه لكلبة غاار تتمتل عليك ونتيناا متيقهااا

مداهاااش فموو نزل لتحت وركبها فالطوموبيل لور وشد الطريق غادي لكلينيك العاصمة.. ومرة مرة يشوف فالمراياا دالطوموبيل ياك مافاقت.. تخلع دبصح حيت مكااانش متوقع غاتوصل لهاد لمرحلة.. وقف الطوموبيل قدام لكلينيك ونزل هازها وطلع فالدروج وهو كينهج ومع دخل جابو ليه لبياص حطهاا ودخلوهاا وهو تابعهاا تاحبسوه عاد وقف كيتسنى شي خبااار عليهاا.. تعطلو بزاف وكل دقيقة كانت كادوز كان تيحس بيها ياسين بحال عاام تجاه لفرج وخرجات الطبيية لي من ملامح وجهها كتبان كاعية ونطقات وهي تتخنزر فيه: بسباب داك لعنف الجسدي لي تعرضااات ليه هي خسرااات الجنين ديالهاا...

الندم..الإحساس لي كان طاغي عليه فهاد للحظة هو الندم.. مبقااش گاع سمع الطبيبة اشنو قالت فقط الجملة لولة هي لي بقات تتعاود بحاااا الناااقوس فودنيه "بسباب داك العنف الجسدي لي تعرضات ليه هي خسرات الجنين ديالهاا" جنين...يعني هي كانت حاملة بولدو.. وهو بكل دم بااارد قتل ولدو بيديه.. بسبب الضرب لي عطااااه هي جهضااات.. هز يديه بزوج لفوق كيشوف فيهوم بنظرااات ساهييين ولداخل ديالو كان تيتقطع طراف طراااف على ديك لهضرة لي قالت الطبيبة.. يمكن هو مكانش عارفها حاملة ولكن هادشي مكيعنيش أنه ماشي السباب... هي شنو دارت ليه باش يعاملها بديك الطريقة العنيييفة ياااك هو لي مشى بنفسو خطبهاا من دارهم.. هو لي دخلهااا براسو لحياتو وماشي هي لي فرضاااات راسها عليه.. هو لي منوو لغلاااط وهو لملام الوحيد على داكشي لي طراا ليه.. تخلى على رحيل بلامايفكر فيهاا وتبع كلام مو وجاب بنت ماعندها تاشي ذنب من غير أنه تزوجات بواحد قلبو مع مراا خراا.. جلس على لكراسى لي تم وهو حاس بواحد لبرودة طالعة معاااه مخلياا جسمو يبورش عليه كلما تفكر داك الدم لي كان تحت منها دم ولدوو لي غايبقا هاز دنبو فرقبتو حياتو كلهاا.. مدة وهو جالس كيلوم فروحو تانااض غادي لعندهاا فالشومبر فين كاينة.. دخل لداخل وغير شافها فداك لمنظر إحساس تأنيب الضمير رجع يزورو.. وجهها كاان بحال شي خريطة بقوة الضرب لي عطاااهاا لدرجة ملامح وجهها مبقاااتش باينة وعينيهاا وحدة مسدودة وتحت منهااا زرق ودم مدمغ فيه وشعرها مشنتف وطاالع لسمااا حالتها كانت تتقطع فالقلب وأثرات فيه بزاااف حيت هو من طبعو ماشي عنيف.. فديك اللحظة كان معصب وبكلامهاا زاد شعل وجاتو فالطريق يفرغ فيها الغضب ديالو...قرب جهتها وهو حشمااان منهاا وماعندوش الوجه لي يشوف فيها..

ياسين:(بصوت هادئ) كيبقيتي ؟

مجاوباتوش بقات غار ساكتة وعينيهاا كيشوفو فالحيط لي قبالتهاا .. حك شعرو وسكت ولانقولو ماقدرش يزيد يهضر مزال معاهاا حيت مالقاا مايقول وهو عارف راسو السباب.. تنهد ومشى لجهة لفوطوي لي تم جلس فيه وعينو عليها وعلى لهدوء ديالها لي جاه غريب...

مع طلع الصبااح صونات ليه عائشة فاش عرفاتهوم مرجعوش وغير قال ليها شنو طرا وهي تلبس جلابتهاا وشدات طاكسي لكلينيك العاصمة... داخلة من الباب بنخوة وهازة زنافرها لفوق بجلابة مخزانية فالزرق غااامق مع فولار فالغوز بااارد وصاك هازاه فيديهاا.. غادة كتقلب على لبيت فين هي وغار لقاتها وهي دخل ومن حسن حظها مالقاااتش ياسين فالبيت وكانت غار فاطمة الزهراء بوحدهاا جالسة وساكتة.. غار شافتها عائشة وهي تحس بالفرحة وعينيها باين فيهوم بلي كتشفى فيهاا وبصوت ساخر نطقات:يعطيه الصحة وليدي لحبيب بررررد ليااا قااالبي

مجوباتهااش فاطمة الزهراء ومضارتش حتى تشوف فيها أماا عائشة كملاات حديتهاا:شتي شني عملتي فراااسك هانتيناا كليتي ماكلة الطبل نهااار لعيد وكنتي السباب تاماات ليك ولدك بردتي دابااا ياكي (تحنات جهتهاا وكملات) نيت مناااقصناا عواول "ولاد" منك اوكماا زوجتك لولدي غانطلقك منو ونجيب لو لالاك..

تقادااات فوقفتها وهزااات صاكهاا وخرجات من لبيت مخلياا فاطمة الزهراااء متبعة ليها لعين تاتسد لباب ويديهاا تحطااات على كرشهاا وبصوت منغنغ بلبكااا نطقات: والله لبقااات فيك لانتي ولا ولدك والامخليتووووش يندم على شنو دااار فيااا مانتسمااااش فاطمة الزهراء..

مكانتش عارفة واش هاد لخطوة لي غادير غاتنفعها ولا لا ولكن قالت تجرب ربماا تصدق ليهاا واخاا من اللقاء اللول قدرات تستنتج شخصية خوهاا وتعرف بلي هو شخص عنيييد وراسو بحال لحجر.. خرجات من لاسورونس وهي فكامل أناقتها كيف العادة بواحد لكومبين فالرزق والباااج وسبرديلة بيضاا مع فولار زرق وصويك تيتهز جنب... هازة التلفون فيديها تتهضر مع عااصم ومن هضرتهوم باين بلي علاقتهم اتطورات

عاصم:ليوم لخدمة مزيرة فالمحااال

رحيل:(بصوت هادئ)ربي عوين

عاصم: آمين ازيني المهم نتي ردي لبااال لرااسك راه ديك لبلاصة مكيكونش فيها حس بناادم تت كون غاار تسنيتي نوصلك أناا

رحيل:(ركبات فطااكسي صغير) نووو بلاش خليك غااار مع خدمتك أناا ركبت داباا فطااكسي

عاصم:مهم غار توصلي صيفطي ليا مساج باش نطمن عليك

رحيل:(بتسمات بهدوء) واخاا تهلاا فراسك

عاصم:(بهمس) تانتي تهلاااي لياا فراسك ازيني

قطعات معاه لابيل وجبدات ليزياتهاا باش تونس راسها فالطريق حيت لڤيلا فين ساكنة مهاا بعيدة على لبلاصة فااين هي خدامة.. عيونها كانو على الطرقاان وهي تتفكر فهاد اللقاء الثاني كيف غايكون بينها وبين خوهاا.. مبغاتش تخلي الأفكار السلبية تسيطر عليهاا لهذا فضلات تخلي كل حاجة لوقتهاا.. وصلها الطاكسي قدام الڤيلا وخلصااتو ونزلات تتشوف فالبلاصة بنظرات هادئة.. وقفات حدا لباب وانطقات وهي كتشوف فالعساس لي واقف تم:سلام وعليكوم أناا باغاا نشوف ماما احم تانيرت

بقا لعساس كيشوف فيهاا مدة عاد حل ليها لباب ونطق:هاهي لداخل..

شكراتو ودخلاات وعينيها كيتفحصو المكاان وديك الجْرِيدَة الزوينة لي سلبات عقلها غار من الشوفة.. وصلات لباب ديال لڤيلا وسرسات وبقات واقفة تتساين تاتحل لباب من طرف رقية لي شافت فيها وبتساؤل:نعام ابنتي

رحيل:جيت نشوف مدام تانيرت أناا..

قبل گاعماا تكمل هضرتهاا نطقااات تانيرت بصوت متلهف ومتفاجأ:بنتي رحيل

قربات جهتها وعينيهاا باينة فيهوم الفرحة عنقاتهاا ممتيقااش بلي جات تال عندهاا وبحب قالت:بنتي دخلي

شداتها من يديها مدخلاهاا لداخل وهي فرحااانة بيهاا وفرحتها هاد اللحظة مغاتقدرش توصفهاا.. وصلو لصالة وشافت تانيرت فرحيل:غايكون فيك الجووع ياك (شافت فرقية) سيري وجدي لغداا بزربة ارقية بنتي غايكون فيها الجوع..

ديك اللهفة لي فصوت تانيرت مخفااتش على رحيل ولاعليه هو لي كان واقف ومتكي على الحديدة لي فجنب الدروووج.. ملي سمع قوة الهضرة نزل باش يشوف شكون وهو يتفاجأ بشوفتهاا..شوفة ختو.. رجع لبيتو وسد لباب بعنف واضح..

رحيل:(قربات جهتها ونطقات) بلااش انا تغديت جيت غار باش نشوفك ونشوف ريان

تانيرت:لا نتي خصك تاكلي اماما وأنا لي غانمشي نوجد ليك لغدا بيدي

رحيل:(شدات يديها ونطقات بجدية) مباغااااش نااكل تت خليناا غار نهضرو

تانيرت:(شافت فرقية) جيبي لعصير دلكيوي لي صاوبت قبيلة لريان

رحيل:(جلسات ونطقات بهدوء) مكاناكلش لكيوي كيدير لياا حساسية

فهاد اللحظة حسات تانيرت بحال الا شي حد عطاها تصرفيقة جمداتهاا.. هي مكتعرفش بنتهاا شنوو كتاكل وشنو مكتاكلش أبسط حق هي معرفاااهش.. جلسات فبلاصتها ونطقات بصوت ضعيق:شنو تبغي تشربي

رحيل:كاس دلماا

مشات رقية ورحيل كملات كلامها بهدوء:شنو دار ريان مزال؟

تانيرت:مشى لولاية عطى الأقوال ديالو من زهرو محمد طه مرفعش عليه شكاية والمحاامي تكلف بالقضية ومن حسن الحظ ضوسيه نقي ومع المعاارف الامر تفك بغرامة مااالية وطبعاا سنى لتزاام..

رحيل:(شافت جهة الدروج) هو فالدار؟

تانيرت:اه فبيتو الابغيتي سيري عندو راه بيتو غاتلقايها على يديك ليسر..

ابتسمات ليهاا رحيل وناضت غادة لبيتو وكل خطوة كدير لجهة بيت خوهاا كاتخلي دقات قلبها يتسمعو بالجهد..

وقفات قداام باب لبيت والتردد كيباان فحركات يديها لي كاتديها تال جهة لباب باش دق وتعاود ترجعهاا لعندهاا.. ولكن فالاخير دقات فالباب دقات خفيفة ومسمعات تاشي صوت ورجعات دقااات ونفس الشي.. حلات لباب وعينيها كيضور ويقلبو عليه وفنفس الوقت تتشوف فالبيت لي كان الفراش ديالهاا هادئ بحال شخصيتو واكثر حاجة جدباتها هي ديك لابيبليوتيك لي فواحد لكووان دلبيت.. توجهات جهتها وهي كتشوف فكمية الكتب لي كاينين فيهاا.. مدات يديها باش تهز واحد لكتاب وهي تسمع صوتو لي قفزهاا من بلاصتها ملي نطق:نتي اااااش كديري هناا؟

ضارت رحيل تتشوف فيه كيف واقف مربع يديه بسروال باج وتيشورت نووااغ أوفر ساايز وداير واحد سنسلة دالنقرة طويلة فيها تعليقة فالكحل.. بتسمات رحيل بهدوء ونطقات:جيت نشوفك (شافت فالفاصمة لي كانت صغيرة فجنب راسو ونطقات) حيدتي لفاصمة لي كانت على راسك؟

ريان:(مشى جهة لباب وحلو ونطق) خرررجي

رحيل:(قربات بخطوات بطيئة تالجهتو وسدات لباب ونطقات بعناد) تت مخرجاااش

رجعات تاضور فالبيت وهو واقف وباين فيه معصب..

ريان:(قرب جهتهاا تاوقف قدامهاا)وااااش مكتفهميش راسك خرجي من بيتي

رحيل:بيتك زوينة بزااف وأكثر حاحة عجباتني فيها هي لابيبليوتيك نتاا عزيزة عليك المطالعة يااك وانا عزيز علياا الرسم ومحمد طه يموت فالكورة ههه

كتزيد تستافزو بعدم المبالاة ديالها أماا هو زفر بغيض ومشى خداا لكتااب لي كان تيقرا فيه وجلس داير نضاضرو ممسوقش ليها هي لي ضور ضور وتجي طل عليه وتمشي تاني تقلب فالبيت.. درونجااتو ولكن مانطقش الاكانت هي مقصحة راسها هو غايوريها لقصوحية دلمعقول..عيااات ومشات جلسات حداه وتنهدات: واش نتا باقي تتقرا ولا ساليتي؟

ريان:(الصمت)

رحيل:(تجنبات جهتو ونطقات) اناا قريت لاكونطابيليطي فليسطيا وشديت ديبلوم ودابا خدامة فواحد لاسورونس هي فالحقيقة مملة الخدمة فيها ومكرهتش نشوف شي سوسيطي ولاشي مگازاانة كبيرة مي عگزت نقلب

ريان:(الصمت)

رحيل:(قاستو بصبعو) هيهو راه معاك تاندوي

ريان:(هز راسو فيها ونطق ببرود) مكتهمنيش السيرة الذاتية ديااالك

رحيل:(ضرباتو فكتفو بضحك) ههه فكرتيني فالدخول المدرسي فاش كتنوض تبخزونطي رااسك بالفرونسي ههه

ريان:(زفر بغيض وهز الكتاب قدام وجهو كيقراا فيه ورجع لسكاتو)

قربات رحيل لجهتو وبدات تتحنى شوية بشوية تابدات كطل عليه تحت من لكتاب وهو غير شافهاا وهي تفرفر بعويناتهاا وبصوت ضااحك نطقاااات:عيوووو

الايام كدوز فنفس الروتين تا دازت السيمانة طاايرة تتجري وكل واحد مقابل خدمتو ومشاغلو.. رحيل لي فهاد السيمانة لي دازت كانت كل نهار تتمشي تشوف خوهاا وتمشي تجلس معاااه وتبقاا تهضر وتعااود على راسها وعلى محمد طه وهو غاار كيسمع ليهاا وسااكت كيف العااادة مكيعبرهاااش... أما محمد طه فباقي لكونجي ميديكال ديالو مسالاش وتيبقاا غار فالدار وأحيانا كيمشي لتيرانات لي فباب مريسة يتفرج فالماتشات ديال الدراري.. أما أسماء فدازت عليها أكفس سيمااانة بسبب مضايقات آدم لي مبغاااش يتفك عليها وفكل فرصة تيكون فيها معاهاا ضروري مايستاغلهاا ويبغي يتقرب منهاا.. جاا نهار السبت لي كانت جيداء كتسناااه بفارغ الصبر وعلاش لا وهي هاد السيمانة كلها تتوجد ليه تقول راه هي لعروسة.. كانت واقفة رحيل قدام لمراياا بتكشيطة فدم لغزااال جاتها فصااالة مبينة فورمتهاا فالبلدي كتحمق.. لابسة فولار فالبااج بارد ودايرة مك اب مركزة فيه على عينيها لخوضر لي بانو كيلمعوو وكيسلبو فالشوفة... رشات ريحتهاا سو فيڤر من أوريفلام وهزات بوشيط نواااغ دلونصومبل ديال صباط طالون لي لابسة.. بعدات شوية على المراياا باش تشوف راسها كلهاا والضحكة على شفايفهاا.. عجبهاا راسها فالبلدي أو واتاها اللون بزااف.. خدات عباية بطرطاقات لبساتها فوق تكشيطتها وهزات جلايلها خارجة من لبيت غادة لعند محمد طه لي غايديهوم بطوموبيل دإدريس..دقات لباب وحل عليها لباب بسروال دجين وشوميز فالكحل وغاار شافها وهو يصفر وغمزهاا:اش هاااد الزين اعوينات الجلبانة

رحيل:(سبلات عويناتهاا ونطقات بدلال) عارفة راسي بوگوصة ههه

محمد طه:(درعهاا) زيدي ليوم غاتجيبي لينا لخطااب ولا نسيت كاااين عاصم ههههه

رحيل:(ضرباتو فجنبو) غار لي يعاود ليك شي حاجة

محمد طه:هههه باغي نشوفوو ونعرف هاد مسخوط لواليدين لي غايديك كيداير هههه

رحيل:هاهاهاها

محمد طه:(عنقهااا جنب وباس راسها ونطق بحب) يخلي لياا عوينات الجلبااانة وهي مقلقة

وصلو لتحت ولقاو الكل جالس ومن ظمنهوم إدريس لي هز عينو فرحيل مدة قبل ماينطق بهدوء:ردي لبال راسك

رحيل:(قربات جهتو وباستو فحنكو) واخا ابابا هاأنا مشيت

طبطب على كتفهاا وتبع ليهوم لعين تاخرجو وهو ينطق بهمس:ماحدك تتكبري ماحدك تتزيدي تشبهي ليهاا..

مكانتش جيداء قل من رحيل فالانااقة البلدية تاهي بقفطاان فالكحل جااها فن وشعرهاا دارتو بوكلي ونفخات لگصيصة ودارت مك اب سموكي جاهاا خطير مع ملامحها السمرااء الفاتنة.. وغير شافهاا محمد طه زااد غرق فيها كثر ماهو غاارق وكون مارحيل لي نغزاتو كون بقاا واقف حاضيهاا تايطلع الصبااح..ركبو فالطوموبيل وشدو الطريق لقاعة هبة ورحيل وجيدااء مسكتوش من لهضرة وكل وحدة تسول ثانية كيف طلعات ومحمد طه غار تيحرك راسو بلاحول فيهوم بزوج.. وصل حدا لقاعة لي كانت عامرة بالطوموبيلات فبرا لدرجة ملقاا فين يبلاصي وغار حبس فالجنب تانزلو مور ماحيدو لعبايات وقادو حالتهوم..

رحيل:(شافت فمحمد طه) تانعيط ليك واخا

محمد طه:واخاا ردو لبال لراسكوم

تحركو من تما هي وجيداء شادين فبعضياتهوم تادخلو لداخل عاد محمد طه قلع ورجع بحاالو.. كان ديكور لقااعة زوين وكيبان رااقي وحس لبراهش مكيانش..

جيداء:عتقي كون كانو عرساتناا كون لقيتي لبزز كثر من لبشاار

رحيل:ههه والله مكدبتي

جيداء: خلينا نجلسو فديك الطبيلة فيها غاار لبنات نونسو معاهوم

تحركو جهة الطبلة وعينيهوم تيضور فالقاعة كلها ورحيل كانت مدابزة غار مع جلايلها حيت التكشيطة جاتها كبيرة تحنات باش تجمعها ومع هزات راسها باش تكمل طريقهاا جات عينيها فعينيه ومن الشوفة عرفاااتو وعقلات عليه وبصوت هامس نطقات: إسلام

يتبع...