الجوهر الحر الجزء 48

شهقات شيماء وطاحت الأرض مع مكانتش عوالة على التصرفيقة لي حسات بيها صمكاتها.. ورحيل فديك الساعة مبقا تيبان ليها حد من غير بنتها.. تحدرات وشدات شعر شيمااء ونوضاتها منو هازاها من الأرض وشيماء حاطة يديها على يد رحيل باش تخفف الألم وعينيها محلولين على جهدهوم مصدومة من تصرف رحيل لي مكانش يطيح على البال.. مدات رحيل يديها وشداتها من دقنها وغرسات فيها صباعهاا وعينيها فقلب عينين شيماء وبصوت معصب غوتات فوجهها:ست سنين وعمري ماهزيت يدي وضربتهاا ولااقستهااا باااش تجي نتي وضربيهاا ليااا أنااا لي مهااا ولي تعدبت عليهاا عمرررري عمررررري ماهزيت يدي عليها باااش تجي نتي الكللبة وديريهاااا شكووون نتي هاااا شكون نتي باااش ضربي ليااا بنتي وتعايريهااا بالصمكة دووووي

فديك اللحظة رحيل كان فيها عشرة... جعرات والأم فاش تاتقيسي ولادها مكاتبقااش درويشة وتاتخرج نيابهاا كيف شي لبؤة.. حكماتها واخا رحيل قصيرة وشيماء طويلة ولكن هي من النوع لي فيه غير لفم..

شيماء:(غوتات بألم)طلقي نتي واش حماقيتي

رحيل:(ضحكات بسخرية)لحماااق هههه باااقي ماشفتي وااالو من حماااقي يالاه قلت بسم الله (جراتها بعنف وقاالت بعصبية)غاندمك على كل كلمة قلتيها وخرجتيهاا من فمك وجرحتي بيها بنتي وخليتيها تبكي.. غااانوريك وجهي التااني وكيف تانكون ملي شي وااحد يفكر ويقيس ليااا كبدتي (خرجااات فيها عينيها) نطيييح الرووووح على قبلهاا وماندمش (زيرات ليها على يديها لي فدقنها) قلتي ليها موسخة أجي نوريك لوسخ دبصح القح*بة

دفعاتها لنموسية تاطاحت شيماء على ضهرها مفجوعة ومعطاتهاش لوقت فين تستوعب كانت طالعة فوق منها بجلابتها وشدات ليها فشعرها بيد وليد لخرى تاتصرفق فيهاا وشيماء تاتغوت ربي لي خلقهاا.. كانت جاعرة عليها وكلما تفكرات بكاا سيدرا وداكشي لي عاودات ليها تاتزيد فجهدها.. بدات شيماء كطاكي بيديها وجهها وباقي تاتغوت.. جلسات عليها رحيل وخلاتها تكوانسى.. هبطات ليهاا عنقها بواحد لقمشة خلاتها كاتزوز.. وشيماء تاهي مدات يديها وشدات ليها فلفلولار تازولاتو ليها ورحيل جعرات وضرباتها بوكس فنيفهاا.. كانت بحال لاكضرب شي خنشة دلبطاطا.. قمشاتها وصرفقاتها ونتفاتها وماخلات مادارت ليه وشيماء غير تاتغوت بحال شي دجاجة كيريشوهاا.. كاتمنى فهاد اللحظة يجي شي حد ويفكهاا.. وبالفعل جات سناء ورحمة لي يالاه وصلو محملين بساشيات وغير سمعو لغوات دخلو وتفاجأو بداك لمنظر العن_يف.. شيماء طايحة فالنموسية ورحيل فوق منها تاضرب وتنتفهاا.. قربات سناء جهتها باش تفكها وهي مفاهماش علاش تاضرب فيها ونطقات بصراخ:واااش حمااقيتي نتي بعدي عليهاا أويلي

دفعاتها رحيل ورجعات تاتنتف شعر شيماء لي صافي جهدها تقاضى وجلدة دراسها ضراتها أما وجهها ماعرفاتش كيف ولى.. أصلا رحيل من طبعها مكتسكتش على حقها شحال هادي فيما تشاد هي وأسماء يقلبوها سباط ودقة فيا دقة فيك.. ودابا فاش لموضوع فيه بنتها فأكيد مغاتسكتش وغاترجع حق بنتهاا بيديهاا..حگراتها حيت صغيرة ولقاتها حيط قصير ولكن غاتوريها دابا لحگرة بشحال تتقام.. قربات رحمة تاهي وشداتها من جيه وسناء من جيه تانوضوها عليها ويديها كانت مزيرة عليهوم وشعر شيماء فيهوم.. ولخرى بدات تاتنوض وهي تاتبكي وحالتها حالة ودم نازل من نيفها..

رحمة:(غوتات على رحيل)ااااش هادشي درتي وااااش تسطيتي

رحيل:(ضارت شافت فيها وبزز باش كونطرولات راسها حيت هادي لي قدام مامات راجلها) هي لي تسطات نهار قربات ليا لبنتي وضرباتها وعايراتها بلي هي صمكة أنا غير وريتها بلي لي يقرب ليا لبنتي ويبغي يأديها غاندير معاه نفس التصرف (عينيها تغرغرو بالدموع وقالت بصوت مخنوق) سمحيليا حيت قليت أدبي عليك ولكن نتي أم وعارفة الأم فاش تتقاس فكبدتها كيف تاتولي

رجعات شافت فشيماء مخنزرة فيها عاد خرجات من بيتها ولقات نوح واقف جنب الباب داير يديه فجياب سروالو وباين من شوفتو راه سمع كلشي.. حدرات راسها وتخطاتو غادة لبيت بنتها.. وهو تحرك بخطواتو تاوقف قداام لباب وعينو مشافتش فشيماء لي مع شافتو بدات تاتبوحط وتزيد فلفيخرات ونطقات بصوت باكي:شفتي مرتك اش دارت فيا هء هء لاحت عليا لباطل هي وبنتها وأنا مادرت والو

نوح:(ملي سمع كدوبها خنزر فيها ونطق بصوت قاااصح)حمدي ربك حيت مرا وأنا ماشي طبيعتي نمد يدي على النسا (شاف فمو وسناء وكمل بعصبية)قلتها ليكووم ديك لمرة وغانعاااودهاا داباا باش كلشي يسمعني سيدرا بنتي (زير على ديك لكلمة) بنتي وكيفها كيف زين العابدين فهاد الرياااض وماعند تاواحد لحق يدوي معااها ولايهز يدوو عليهاا سوى كنت ولاماكنتش مرتي وبنتي خط حمر وهاد بنت خوووك تجااوزات داك لخط بداكشي لي دارت معاهاا وضسراات..

سناء:(مفاهماش لمشكيل وبغات دخل) نعل الشيطاان اولد لحاج والمسامحة را

نوح:(قاطعها وهو مخرج فيها عينيه وصوتو تبح مع غوت) الشيطااان هو بناااادم (هز صبعو ونطق بنبرة غير قابلة لنقااش وشاف فشيماء) عندك عشرة دقايق تجمعي فيهاا قشك وتخررجي عليا من هاد الرياض وهادي آخر مرة نلقاك كاااضوري عندي هنا مزال خووي عليا السيكتوور (رجع شاف فمو وقال بحدة) وبرب الكعبة ايمّا ماتعاود تحط رجليها عندي..

فم شيماء بياااض بالخلعة مور ماسمعاات كلاامو وعينيها تحلو بصدمة.. أما هو معاودش خرج حرف من فمو حدو خنزر فيهوم جملة وخرج من تم منير.. أصلا سبق قالها لمو وعلمها بلي داك لجلاس لي دايرة مصالحش خصوصا فاش دخلات عندو لبيت ومقالها لحد باش مايشوهاش ولكن رحمة رغبااتو وقالت ليه راه خويا موصيني عليها وغير تكمل خدمتها وتمشي وهو سكت ودار لمو لخاطر وفنفس الوقت حاط فبالو الا درت شي تصرف ماهواش غايجري عليها وهاهي جابتها لراسها وحد ماظلمهاا... سمها ولحسد لي فيها خلاها تعمى وتكب جنونها فطفلة مأداتها بوالو وكسرات خاطرها..

تنهدات رحمة وشافت فشيماء بلاماتنطق بتاشي حرف خرجات من بيتها غادة لجناحهاا وسناء كمشات فيها حجبانها ومشات سدات لباب ورجعات وقفات قدامها ولخرى تاتبكي

سناء:اشنو درتي تاااني؟

شيماء:(هزات وجهها لي حالتو وهي تاتبكي وتهرنن) مكنتش عارفة البرهووشة غاتوصل لهضرة كوون عرفت كوون گاعما درت هادشي

سناء:(خرجات فيها عينيها)يعني السيدة ماضلماتكش عاااودي ليا اش خووورتي

شيماء:(بدات تتعاود ليها) أنا غير تعصبت

سناء:أويلي على لقح*بة وااااااش نتي هبلتي لبنت صغيييرة ومديتي عليها يدك وقلتي ليها صمكة (قربات جهتها وطلعاتها معاها بقرصة) تستااااهلي الدوودة لي فيك دارتها ليك هاانتي داباا ولد لحاج مجري عليك للمرة الثانية وهاد لمرة حلللمي تعاودي تجي لهنا صافي باااح والله لاعاوتي شفتي هاد لحيووط تاني

شيماء:(غوتات)كلللشي بسباب ديك لقح*بة خلاني وتزوج بيها وهي مطلقة أو وعندها بنت علااش هي اش فيها أنا زوينة عليها

سناء:(ضحكات مفقوصة)تاتسولي اش فيها هي مافيهاش الدودة لي فيك نتي المدلولة عااطية لعز لرااسها كنت تانقول راه ظلماتك ساعة تستااهلي نتي جبدتيها ولگاااي دابااا وجمعي شطايطك راه لعشرة الدقايق لي عطاك ولد لحاج قربات تسالي

شيماء:(شدات فيديها تاترغبها) عفااكي خلي عميتو تهضر معاه وتقنعو يخليني والله مانعاود نقرب لديك الصمكة

سناء:(غوتات عليها) وباااقي زايدة فيه وتتعايريها نسيتي نهار دخلتي لبيتو وجرى عليك راه دزتي غير على وجه عمتك

وهي لي رغباتو تبقاي هناا ونتي مكترصاايش ولگاااي داباا أنا صاافي مابقيت غاندخل كنت تانحن فيك حيت فسخ كلشي بلامايعلمك ونسيت بلي هو أصلا مكانش باغيك وغير أنا لي دويت مع رحمة باش تخطبك ليه وحيت عرفاك تاتبغيه ساعة درت أكبر غلط فحياتي..

خلاتها وخرجات معصبة منها حيت هاد لمرة غلطات فحق بنت صغيرة.. تاتعقل نهار دفعاتها غير بالغلط ومعتدراتش ليها وسمعهوم ليها نوح بالفن وتاهي حسات بتأنيب الضمير وندمات على ديك لفعلة لمبرهشة.. اه ماعندهاش مع رحيل ولكن مغاتنكرش بلي بنت خوها غلطات وتستاهل مجاها..

---

فبيت سيدرا لي نعسات بقوة لبكاا لي بكاتو ورحيل جالسة جنب راسها تاتمشط ليها شعرها ودموعها كينزلو.. تعطي روحها غير على قبلها واخا سيدرا تادير لفعايل الاأنها عمرها ضرباتها وغادة معاها بسياسة الكلام تاكتعرف سيدرا غلطها.. تحل لباب ودخل نوح لي معاجبو حال وباقي معصب.. شد رحيل من يديها ونطق بهدوء:اجي معايا

رحيل:(بهدوء مشافتش فيه)بغيت نبقا مع بنتي

نوح:(برك على يديها وقال بجدية) دووويت

جرها وهي مباغاش تخلي بنتها وتاتلوم راسها حيت خلاتها وكون عرفات غايطرا هاكا كوون من لول ماخلاتهاش.. دخلها لبيتهوم وسد لباب ورحيل مشات جهة النموسية وجلسات حطات يديها على وجهها وبدون سابق إندار بدات تتبكي وتشهق.. كان كاعي ومع سمع بكاها زاد كعى تحدر جهتها وشد ليها يديها بين يديه وقال بصوت هادئ:رحييل شوفي فياا

شافت فيه وعينيها منفوخين بلبكا ونطقات بخفوت: من نهار عرفتها تولدات وعندها مشكيل دالسمع وحنا دايرين كلما فجهدنا بااش مانخليوهااش تحس بالفرق بينها وبين لوليدات لي فعمرها.. على قبلها تعلمت لغة الإشارة باش لاسالت ليها لباراي نعرف نتحاور معاها.. علمناها كيفااش تقرا الشفايف باش ماتلقاش مشكيل..باقي بين عيني شوفاتها لي دارت فيا نهار ركبنا ليها لباراي أول مرة وسمعات صوتي.. بكيتها باقي تاتسمع فودني ليومنا هذا.. كنت تانقرا ونبحت فحالتها باش نتقف راسي ونعرف كيفاش نتعامل معاها.. فيما تسالي ليها لحجرة دلباراي تاتغير ومكتبقااش حركية كيف مولفة.. تاتعزل راسها وتاتبقى غير ناعسة وتيبقا فيها لحاال.. (شفايفها تايترعدو بلبكا) علاش تعايرها ليا وضربها بااش أداتهاا وشكوون هي بااش ديرها الاكنت أنا مها عمري مديت يدي..

رجعات تاتبكي ونوح عنقهاا بالجهد وهو كيسووط ويعض على شفايفو.. بعدها عليه تايمسح ليها دموعها وقال بحنية:هلكتي تيوالين إينو بلبكاا (شد وجهها وشاف فيها بجدية) تيقيني هادي آخر مرة يطرا فيها هاد لبلان ارحييل

رحيل:(كمشات حجبانها وقالت بتساؤل) ماشي أول مرة تعامل معايا بلخايب وشوفاتها ليا ديما تيبانو محقدين وأنا عمري أديتها ولاقربت ليها بلخايب

نوح:(لعب بلسانو ففمو قال بهدوء) هي مكتحملكش حيت عند بالها خديتي بلاصتها

رحيل:مافهمتش؟

نوح:(ببرود)كنت خاطبها..

علامات الإستفهام ترسمو فوق راسها وهي تاتشوف فيه كيفاش جاوبها بلبرود بجواب صدمها..

رحيل:شنو قلتي؟ (بدات تاطلع معاها ديك لكلمة لي قال وبانفعال واضح من صوتها) دابا عاااد فهمت السيدة مالهاا مكتحملنيش وديما تخنزر فيااا هههه وأنا كيف لحمقة مكنتش فاهمة بلي راااه كرهاااني حيت خديتك منها

نوح:(هز فيها حاجبو) ماخديتينيش أنا لي فسخت كلشي قبل گاعما نشوفك ونعرفك

رحيل:(نثرات يديها من وسط يديه وناضت من بلاصتها تاترعد) علاش ماقلتيهااش ليا قبل

انفاعلات عليه بلاماتشعر ملي عرفات بلي هو كان خاطب شيماء تعصباات وتنرفزات وحسات بلغيييرة تاتحسك قلبها مخلياااها تخرج على طوعها.. فكرة أن شيماء كات خطيبتو جنناتهاا وبان جنونها فكلامها وتصرفاتها..

نوح:(تقابل معاها وقال بجدية) ماقلتهاش ليك حيت بالنسبة ليا الموضوع مكيستاهلش يتجبد

رحيل:(ضحكات مفقوصة) كيفااش مكيستاهلش وهي كانت غاتكون مرتك

قالتها وهي مجننة واحد الشعور حسات بيه أول مرة تعيشو.. عمرها عاشتو تافاش كانت على علاقة بياسين لي كانت تتقول عليه بلي تاتبغيه.. وفلخر لقات راسها بلي غير كانت مولفاها ونهار تزوج حسات بالشمتة على تيقتها لي خانها وعلى وقتها لي عطاتو ومقدروش.. ولكن دابا راه حاسة براسها معصبة لدرجة باغا ترجع وتكمل على شيماء داكشي لي بداتو..

نوح:(دوز لسانو على فمو وقرب جهتها مخرج فيها عينيه) مكيهمنيش حيت يمّا نهار علماتني ماقلت ليها لا لا لا ييه وهي مشات دارت لي فراسها ودوات مع خوها وفلخر فسخت كلشي

رحيل:علاش فسختي؟

نوح:(ببرود)حيت هي ممناسبانيش ومتصلاحش ليا

رحيل:(ضحكات بفقصة) يعني كون كانت صلاحت كون تزوجتي بيها

نوح:(ضور وجهو جنب تيسوط ونطق بجدية) لاحول ولاقوة واش باغا تحمقيني گاع هضرتي ماشديتي منها تاحرف

رحيل:(نطقات وهي عاضة على شغتها) وصلني داكشي لي بغيت

غير قالت هضرتها عطاتو بالضهر وقبل ماتخطي خطوة لولة حسات بيدو جراتهاا من دراعها وقلبها عندو وقبل ماتفقه على راسها حسات بشفايفو تحطو فوق شفايفها كيبوسها قبلة عنيفة خلاتها تأوه بألم وحطات يديها على صدرو باغا تحبسو ساعة كبل يديها مور ضهرها وليد الثانية دفنها وسط شعرها متبت راسها.. تمشى بيها جهة لحيط ودفعهاا تاحسات بضهرها تقسم وطلع ليها يديها فوق راسها شادهاا شدة قاصحة وليد لخرى بدا كيطلع ليها بيها جلابتها تاقاس بين فخادها بصباعو وحس بالرطوبية والسخونية دلحمها وهو يطلع يدو بلمسة بورشاتها تاوصل فوق أنوثها وقرصها وهي تلوات بين يديه.. مافرقش شفايفها لي كان تياكل فيهوم ويمصهوم ليها تاكايتسمح صوت لبوسة ويديه تسللات لأنوثها وقاسها بلمسة خلاتها ترعد بين يديه باغا تحماق من لمساتو ليهاا فنقطة ضعفها..

فبيتها جالسة وباقي ممتيقاش بلي جرى عليها وهاد لمرة فخطرة.. تاتنزل دموعها وهي مراضيااش على شنو طرى وكيفااش ضرباتها رحيل وشوه_ات ليها معالم وجهها.. كاتشوف فلبيت لآخر مرة حيت عمرها غاتحط فيه رجليها مزااال.. ولي زاد أزمها هو كلام نوح وكيفاش خرج فيها عينيه وماتسوقش ليها.. حدرات راسها تاتتفكر نهار مشات لعند سناء وقالت ليها بلي تاتبغي نوح وبلي مكرهاتش تزوح بيه.. لطالما كان نوح داك الشخص لي صعيب توصلي ليه حيت هو داير حواجز بينو وبين النااس.. ولاد عائلتها لي مزوج ولي ممزوجش كلهوم مضاسرين معاها الاهو بينو بينهاا واحد السد لي حاولات تهدمو وبدات بخطوة لولة فاش علمات سناء لي قالت مع راسها ولد ختي مايصلاح ليه غير بنت خالو لي كيعرفها وتعرفو من لعائلة وغاتكون حسن من وحدة برانية.. وحيت عرفاتها قريبة لرحمة استغلاتها وخلاتها تكلف.. كانت فرحانة وعند بالها راه وصلات ليه ساعة ربي فضحها وخلاه يعرف نيتها وفسخ كلشي بلامايجبد لحد حس لموضوع.. وهي براسها بقات تاتسول علاش وكيفااش.. تانهار شدات الصدمة من عندو ملي قال ليها كلشي.. وماحطهاش بوجهها غير حيت تاقى فيها وجه الله وزيد هو ماشي من نوع لي تايبرر بزاف ويعاود لكلشي طبعو هاكا داير.. ناضت بشوية عليها وحاسة بعضامها كيضروها حيت كلاتها نيت وغير شافت راسها فلمرايا شهقات.. وجهها رجع عامر بلكدمات ولقمشة لي نازلة ليها من عنقها وشعرها هاز لعلااام مشنتف.. بدات كلها تاترعد وعقلها غايخرج من بلاصتو.. زينها لي عاجبها خسراتو ليها رحيل وحلفاات تاتندمهاا.. ضارت وهي تاتشوف هنا ولهيه بحااال شي حمقة ومشات تاتجر فالكوفرلي وتهرس فلبرودويات مجننة.. رونات لبيت كولو عاد هزات الڤاليز ديالها وهي تاترعد بدات تاتجمع فيها حوايجها وهي تاتحلف على رحيل بلي غاترجع ليها هاد الحالة لي دارت ليها وبلي غاتندمها حيت بسبابها خرجات من الرياض ونوح جرى عليها بمرة.. جمعات كلشي وبدلات حوايجها وجمعات شعرها وبدات تاتمسح وجهها ودم لي يبس وبعصبية جرات ڤاليزتها وبدات تاتقاتل معاها حيت كبيرة.. غادة بلاماتشوف لارحمة لاسناء محشاتهومش ليهوم حيت ماوقفوش معاهاا وحيت بلعربية تعرابت مصلاحتها سالت منهوم.. دازت جنب باب جناح نوح ورحيل وبقات واقفة تاتشوف فيه بشوفات حاقدين ونطقات بصوت هامس تاتحلف:والله لبقات فيك القح*بة غير تسناي وشوفي اش غاندير فيك

كملات طريقها تاوصلات الدروج وهي توقف تاتنهج وتستارح حيت تابعها نزلة نيت وهي هازة التقل.. وقفات فالدرجة لولة وهزات لڤاليز باش تهبطها وهي تحس بشي حد وراها وقبل ماضور وتشوف شكون تدفعات من الدروج بالجهد هي وڤاليزتها تاغوتات بالجهد وبدات تاتكركب فالدروووج..

داير يديه فجياب القبية لي لابس ونضرات عينو القهوين تيشوفو ببرود فشيماء لي بدات تاتكركب فالدروج وتغوت ساعة الغوات ديالها حبس فاش غيبات.. مجرد مالمحها طاحت لتحت سخفانة قلب طريقو راجع لجناحو ومع داز جنب بيت سيدرا شاف فيه بهدوء عاد كمل طريقو بكل برود..

غوات شيماء سمعوه لبنات لي لتحت وجاو كيجريو وبانت ليهوم طايحة سخفانة ولڤاليز طايحة تاهي جنبها.. بان ليهوم دم نازل جهة جبهتها ومكتحركش تخلعو والسعدية مشات تاتجري لفوق عند سناء لي كانت باقا فيها الفقصة ديال شيماء وداكشي لي دارت ماعجبهااش.. قالت مع راسها غاتكون مشات وصراحة مابغاتش تشوفها حيت معصبة منها بزاف.. دقان فباب بيتها فيقها من سهوتها ونطقات بهدوء:دخل

السعدية:لالة لالة سناء عتقي شيماء طاحت فالدروج وراها مغيبة

سناء:(خرجات عينيها وناضت بزربة)كيفااش

خرجات تاهي تاتجري لتحت والسعدية مشات تعلم رحمة والروينة ناضت فالرياااض.. كان رؤوف يالاه راجع مع بيسان لي مع شافو اش واقع جرااات بيسان ونطقات بصراخ:ماتحركوووهاااش تقدر تكون مهرسة من شي بلاصة (مدات لرؤوف تلفونها) عيط لومبلونص دغيا

تحدرات جهتها تاتقيس النبض ديالها وقالت وعينيها على رحمة لي تاهي مخلوعة من شنو طاري: نبض ديالها عادي غاتكون غير غيبااات ماتخلعيش أماما

بقاو واقفين عليها وهي مغيبة ومادازتش وقت بزاف تاكانو لومبلونص جايين ودخلو لرياض هازين بياص وهزوها بشوية وبيسان فوق راسهوم ركبو ليها السماطي ومشاو بيها وبيسان طبعا تاهي مشات وموراها سناء ورحمة ورؤوف لي مابغاش يخلي مو.. بقوة التلفة ولخلعة تاحد ماعلم نوح حيت فديك لوقت عقلهوم ترفع معاهاا.. بقات السعدية واقفة تاجات عندها لبنت لي تاهي خدامة وقالت:مسكينة يعلم الله اش واقع ليها

السعدية:(ماعندهاش مع شيماء حيت تاتبقا تكبر عليها وتعامل معاها خايب) تستاااهل هادوك غير دنوب خرجو فيها

زينب: أويلي حشومة عليك

السعدية:حيدي علياا هي ديما هازة راسها لسما وفيما تجي لعندنا تجيب بگاجها تحطو ليا وتخليني نطلعو ليها وكل مرة تصوني فالفيكس وتبقا (تاتميق فيها)جيبي ليا عصير جيبي قهوة جيبي كدا جيبي لخرا بغيت ليها شي هرسة فدوك الرجلين(خرجات عينيها) ناري خصني نعلم ولد لحاج

---

فهاد الأثنااء وفبيت نعاسهوم لي كانت بحال شي معركة حررب.. الجلابة درحيل كتبان مليوحة جنب الطابل دونوي وشوميز نوح حدا النموسية مع سروال توب ديالو.. كان صوت آهاتها وهمساتو ليها لي كيتسمعو فالبيت وهي ناعسة فوق النموسية وهو فوق منها مغطيها بجسمو ودافن راسو فعنقهاا كيطبع عليه قبلاتو لي خلاوها ترفع معاهاا.. كانت عاضة على شفايفها وهي حاسة بعنقها كيوزوز عليها.. أنفاسها تحقنو وكلها عراقت تالصق شعرها فوجهها لي رجع حمرر.. طلع راسو وتقابل مع وجهها وتاهو مكانش قل منها كولو عرقان وعينو حمرين ومعسلين فيها وفشكلها وهي بداك لمنظر.. تسمع الدقان فباب الجناح ماتسوقش ليه نهائيا حيت دابا اخر حاجة يفكر فيهاا هي ينوض يشوف شكون كيدق.. انغامسو تاني فعلاقتهوم تااحبس الدقاان.. مدة من الزمان وهي بين يديه نسات فيهوم المشكيل دشيماء ونسات الغيرة لي حسات بيها ولخبار لي سمعاات..

كان خارج من لحمام ملوي عليه فوطة والثانية تيمسح بيها راسو وغادي نيشان لدريسينغ يلبس عليه وباين فيه ناااشط.. توضات رحيل وخرجات تاتسد بينوارها وعاقدة حجبانها.. عضات على شغتها ومشات تاتجمع دوك لحوايج لي مليوحين فكل قنت حطاتهوم فالشبكة ودوك لمناديل لورقية لاحتهوم فلشاس وكبات عليهوم لماا.. عاد مشات تلبس حوايجها وطل على بنتهاا.. مع دخلات لدريسينغ سمعاتو كيدوي مع مو حيت داير اوت باغلوغ

نوح:(لبس تيشورت ديالو ونطق ببرود) لمهم كلامي قلتو ديك السيدة مانعاودش نشوف كمارتها عندي هنااا

رحمة:(بتوثر)وخاالك اولدي

نوح:(قاطعها بجدية وهو جامع حجبانو) يمّا دوويت مغانبقاش نعاود كلامي خوك ومرتو مرحبا بيهوم عندي أما هي برب لاعتباتهاا مزاال

رحمة:واخا واخا واش غاتجي

نوح:(ببرود)ماعندي ماندير تم

رحمة:لمهم انخليك اولدي دابا

قطع معاهاا وضار جهة رحيل لي قربات عندو وقالت بهدوء:شنو واقع شكون لي فالسبيطار؟

نوح:(جرها لعندو من خصرها ونطق وعينو على عنقها لي باينين فيه طبايع لي دار ليها وقال بهدوء) ملي كانت باغا تمشي طاحت من الدروج ويمّا وسناء داوها لسبيطار

فهمات كلامو واخا انتابهات بلي هو ماقالش سميتها.. مغاتنكرش بلي فرحات وحقيقة مابقاتش فيها حيت تستاهل..

رحيل:(ببرود)دنوب بنتي خرجو فيها تستاهل

نوح:(ضحك بالخف) لبسي حوايجك باش نزلو نتعشاو

تخطاتو رحيل ومشات هزات حوايجها لي غاتلبس وكيف عادتها عطاتو بالضهر.. حلات لبينوار وزولاتو تاطاح ونوح واقف متكي كيشوف فيها بعينين النسر.. تيلعب بلسانو ففمو وعينو على فصالتها وهي عاطياه بالضهر بحال لاتادير ليه الإغراء.. أما هي فكانت تاتحاول تحيد لحواجز وماتبقاش بناتهوم لحشمة.. تحدرات تاتلبس السليب مكوزة لعندو وهو راه عينو تيشوف إيتش دي وتيحك فلحيتو.. هزات سوتيان ومع لبساتو حسات بيه وراها وحاط يديه على السماطي دالسوتيان وتحدر جنب فمها ونطق بهمس كالفحيح بورشها:بان ليا بلي مابقا عندنا مانديرو بلعشا الفتنة..

جالسة رحمة وسناء فالفوطوي وعينيهوم على شيماء لي باقي مافاقت.. من زهرها الطيحة مكانتش خايبة وخرجات منها بأضرار خفافين.. يادوب عندها جرح فجبهتها وتهرسات فرجلها.. دخلات بيسان وقربات بخطوات متعبة جهتهوم

بيسان:مكاين لاش تبقاو هنا غير سيرو لرياض

رحمة:مانقدرش نمشي ونخليها وخويا ظل يوصي فيا

بيسان:نتي تعرفي اماما (كمشات حجبانها)اه نسيت ماسولتكومش مالها فوجهها دوك الضرابي لي فيه مباينش بلي ديال الطيحة ؟

سناء:واهلي موضوع طويل وعريض فاتك

بيسان:(جرات لكرسي) عاودو ليا

بدات سناء تعاود وبيسان حالة عينيها ورحمة متكية ومربعة يديها راسها تيضرها باغا غير تنعس..

بيسان:ناااري الكلبة شفتو اش كانقول ليكوم ونتي اماما لي كادافعي عليها ديما وتتقولي بنت خالك ماتبقايش تعاملي معاها هاكا وكيفها كيف بنات لعائلة هااهي بنت صغيرة مقالتهااش ياربي السلامة

سناء:(تنهدات)غلطات ومغانكروش هادشي أنا براسي معصبة منها

بيسان:(تبسمات)ناري دوماج فلتات ليا المناتفة ههه كانتخيلها وناااري ولكن لي عجبني كثر هو خويا جرى عليهاا الله دابا الريااض غايتنقى

رحمة:(خنزرات فيها) بيسان ماتنسايش هادي بنت خالك وبنت خويا هاد لهضرة مانبفيش نسمعها

بيسان:سمحي ليا مامتي ولكن نتي عرفااني مكنافقش وبنت خوك ماعنديش معاهاا (شافت فساعتها) أنا غانتحرك دابا نتوما غاتبقاو؟

سناء:اه تايجي خويا

بيسان:يالاه تشاو

خرجات بيسان برا لقات رؤوف متكي على لحيط وباين فوجهو بلي جاه الملل..

رؤوف:شنو نتحركو

بيسان:أنا غادة حيت عييت مافيا لي بقا هنا وماما وسناء باقيين

رؤوف:زيدي نمشي معاك تاأنا عييت وماعندي ماندير هنا

---

فاقت سيدرا من نعاسها وبقات جالسة ففراشها وباين فيها مقلقة وغير ساكتة.. دخلات عندها رحيل مبسمة وتحدرات جهتها بايساها فشفايفها:ماامي ديالي فقتي (هزاتها)أجي امامي ديالي نغسلو سنيناتنا باش نهبطو وناكلو درت ليك لبااط لي تايعجبوك

سيدرا:(نطقات بخفوت) مافياش جويعات

رحيل:(حطاتها فوق الكرسي)وشكون غياكلهاا همم (عطاتها شيتة ديالها فيها دونتيفريست)يالاه غسلي سنانك امامي

خرجات رحيل وهي تاتنهد جبدات ليها حوايج لي غاتلبس ورجعات عندها لبساتها وهي غير ساكتة.. نزلاتها لتحت ولقات نوح مع زين العابدين لي جالس وخاشي يديه فجيب القبية ومتكي راسو لور تايجاوب نوح على كلامو..

نوح:(حل ليها يديه)اجي اتاتبريت إينو

مشات عندو وجلسات وهو تحدر تايهضر معاها بشوية ماتسمعش اش تيقول ليها.. رجعات بيسان ورؤوف تاهوما باين فيهوم لعيا وتاحد ماسول على شيماء وهوما مقالو والو.. جلسو باش يتعشاو ورحيل تتعاون فلبنات وتحط لعشا معاهوم وعينيها مرة مرة تهرب جهة بنتها لي ساكتة تاتسمع لنوح تاشوية بدات تاتكركر وضحك.. تبسمات رحيل براحة فاش شافت ضحكتها وعاد غايدوز ليها لعشا.. تعشاو مجموعين وغير سالاو كل واحد ناض لبيتو وسيدرا قربات جهة رحيل وشدات ليها فيديها:مامي أنا ليوم نيني حداك قالها ليا ماي بلو آيز

رحيل:(شافت فنوح وتبسمات)واخا امامي

سيدرا:(مشات جهة نوح وشدات فيديه)ماي بلو آيز واخا زينبيدين ينيني معانا تاهو

نوح:(تبسم ليها ونطق) هو كبيرر كاينعس فبيتو بوحدو

سيدرا:(شافت فزين العابدين) ومايخافش بوحديتو؟

نوح:(شاف فزين ونطق بضحك)غاتخااف بوحدك هه

زين العابدين:(ببرود)لا

نوح:(شاف فسيدرا)شفتي هو مكيخافش

سيدرا:(عنقات نوح وعينيها على زين) صافي أصلا النموسية صغيرة مغاتهزوش هو طوويل غاتهزني غير أنا وياك ومامي..

جالسة فالكافي وقدامها كاس دلعصير وكل مرة تحدر راسها وتشوف فساعتها شي نص ساعة وهي هنا كاتسناه وهو باقي مجاش.. شوية بان ليها داخل مع لباب تايقلب عليها بعينيه تاقشعها وقرب جهتها

إسلام:دزولي تعطلت عليك

أسماء:ماعليش

إسلام:(شير لگرصون وخدا شنو بغا عاد رجع شاف فيها) قلتي عندك شي كلام ليا كانسمعك؟

أسماء: فالحقيقة كاين كلام بزاف مي غادي نختاصر (تقادات فجلستها وقالت بجدية) باغا نعرف شي حوايج مهمين لي غادي يخليوني نعطي جوابي

إسلام:(بهدوء مربع يديه)ڤازي

أسماء: كلنا عارفين زواجك لول وشنو دوزتي منو وباش نجيك لصراحة مانبغيش سيرة زواجك لقديم تجبد قدامي حيت مغايعجبكش حال معايا

إسلام:(بان الإنزعاح فصوتو)وعلاش هاد لمرض كاتجبديه دابا

أسماء:باش نسدوه هنا ومايعاودش يتدكر.. نتا عارفني بخدمتي وطبعا مغانسمحش فيها وغانكمل فيها

إسلام: لمهم عندي تكوني كابابل وماتهمليش دارك بسباب لخدمة

أسماء: من هاد الناحية كون هاني

إسلام:مزيان لاكانو شروطك هوما هادو أنا موافق عليهوم وتانتي خصك تسمعي شروطي (تقاد فجلستو وقال بهدوء وجدية)ديك الضسارة دشحال هادي ودوك لفعايل مانعاودش نشوفك تاديريهوم حيت مغايعجبك حال معايا ونتي عارفة طبيعتي.. شدي معايا الطريق اغزالي ومايخصك معايا تاااخير

أسماء: (هزات حاجبها) وتانتا راه باقي معارفني وداكشي دشحاال هادي سديتو من الأحسن ماتجبدوش باش نكونو بخير ومهنين..

إسلام:تافقنا اه نسيت غانعيشو فلاباخطمون ديالي وغاتعيش معانا تالواليدة

أسماء:ماعنديش مشكيل المهم عندي هو كل واحد يحتارم راسو وصاف أنا ماماك ماعندي معاها تاشي مشكيل وأصلا داك لبلان ديال لعگوزة والعروسة ماعنديش معاه

إسلام:هي مغاتجبدكش درويشة غير تهنااي (كمل بهدوء) ودابا نفهم من كلامك بلي وافقتي على هاد الزواح؟

أسماء:هاد لجلسة كان ضروري نديرها حيت منها غانعطي جوابي النهائي (شافت فساعتها)لمهم دابا أنا غانمشي تعطلت

إسلام:أنا غانوصلك

خلص وخرجو بزوح شاديين الطريق لدار سي إدريس.. لأول مرة يتلاقاو فيها ودوز الجلسة بلاشد ليا نقطع ليك.. كانو تايدوي بكل هدوء وكل واحد تيقول اش عندو.. يمكن حيت هاد لمرة تيهضرو على مستقبالهوم بزوج عليها كل واحد فيهوم مهبط كواريه أو يمكن حيت مشاعرهوم هي لي تحكمات فيهوم هاد لمرة.. وصلها قدام باب دار وقبل ماتنزل نطق بهدوء:ملي نعيط ليك جاوبي واخا اغزالي

أسماء:همم باي

----

فشومبر شيماء لي ملي حلات عينيها وهي تتبكي وتبوحط عليهوم..

شيماء:شي حد دفعني ملي بغيت نزل حسيت بيدين دفعوووني وماتكون غير هي لي دارتهاا

سناء: يقدر غير تخايل ليك وصاف

شيماء:لا متأكدة ديك لفعة ماشي بحال كيف تاتخيلوهاا هي راه وحدة عندها زوج وجوه والله تانربيهاا على مدارت ليا

مكانتش رحمة حيت مشات تلاقى مع بات شيماء ومها.. بقات معاها غير سناء لي معاجبها حالها..

سناء:باركة من التبرهيش تانتي وتجبدي تاني صداع وحنا مقادين عليه

شيماء:صدااع هي لي جبداااتو نهار مدات يديها علياا وتاوحدة فيكوم ماتحركاات (خرجات عينيها) جيتو كاملين فصفها وتاوحدة فيكوم مدافعات عليا ودابا تاتقولي مانجبدش الصداااع

سناء:تانتي مساهلاش ماتنسايش اش درتي فديك لبنت الصغيرة ماديريش راسك مظلومة ونتي ظالمة

شيماء:دابا وليتي تداافعي عليها وعلى بنتها الصمكة يااك مكتحمليهااش شنو جرى ليك نسيتي بلي وحدة من خوتاتهاا غاتززوج ليك بحبيب لقلب

سناء:(خرجات فيها عينيها وقالت بعصبية) أقسم بالله وتعاودي تجبدي هاد لموضوع يتانوض نكمل عليك دااكشي لي بداتو هي سمعتي ماااضسريش بزاااف وتنساااي راني عمتك وخصك تحتااارميني هاااي هاااي حليت ليك طريق تاوليتي باغا تركبي فوق ضهري البرهوووشة مي سري أناا لي ديما كندافع عليك واخا تاتزبليهاا ولكن من ليوم هزيت يدي عليك وقلتها وغانعاود نقولها من ليوم نساااي بلي غانجي من صفك...

حبسو لكلام ملي تحل لباب ودخل ببات شيماء ومها لي غير شافت بنتها وهي ترعد بالخلعة وخصوصا فاش شافت حالة وجهها وبداو يسولو فيهاا كيفاش طاحت وشنو طرى ليها وسناء ورحمة غير تايشوفو فبعضياتهوم وكايتسناو شنو غاتقول ليهوم.. أما شيماء ديك الساعة حقدها جهة رحيل كبر وحلفات أصلا تاغتندمها ودابا راه لقات لفرصة لي مستحيل تفلتهاا وخصوصا عارفة باها ومها مغايتهناو تايجيبو حقها..

كانت تاتقول هادي هي الفرصة ديالي فين نتاقم على مدارت فيا ونسات هي اشنو دارت.. باغا تقلب عليها القفة باش تخرج راسها ومع جات تحل فمها نطقات سناء بهدوء:شفار

ضارو جميع كيشوفو فسناء وشيماء تاهي لي كمشات حجبانها بينما سناء كملات كلامها بجدية:ملي كانت خارجة من خدمتها تعرض ليها واحد الشفار باغي يگريسيها وهي خافت وبغات تهرب ساعة ضربها ولحمدلله جا واحد السيد عتقها منو ومقدر يسرق ليها والو وملي رجعات لرياض علماتنا أو وصاتنا بلاما نعلموكوم ونخلعوكوم حيت هي أصلا سالات خدمتها هنا وخصها ترجع لفاس وداكشي لي كانت غادير.. جمعات حوايجها ومع كانت غاتجي كتب ليها الله طيح فالدروج

كانت رحمة غير تاتشوف فسناء ولكدبة لي عطات تقولي بصح خصوصا كادوي بكل جدية.. أما شيماء فكانت معصبة من كلام سناء وكيفاش سبقات الهضرة باش ماتقول هي والو.. تعصبات منها وزادت حقدات كثر حيت الفرصة لي جاتها باش تنتاقم من رحيل راه طارت ولاجات تدوي دابا مغايتيقها حد حيت سناء قالت ليهوم القصة بطريقة خرى.. هي عارفة شيماء ومن شوفتها عرفاتها غادير شي زبلة لي غاتزيد تقيح فيها الضوسي ديالها مع ولد لحاج.. وزيد غاتنوض مشكيل بين لخوت وهي مبغاتش هادشي كامل يوقع بسبب غلط دارتو شيماء بيديها..

فخيتة:كيفاااش شفار واش شفتيه كيف داير ديكلاريتي

سناء:(قربات جهتها)كان الظلام وهي مشافتش وجهو مزيان وزايدون ماشفر ليها والو واخا ديكلاري مغاينفعوها بوالو

فخيتة:نتي بعدا بخير ابنتي ياكما دار ليك شي حاجة خرا؟

كاتسول فيها مخلوعة وهي غير تاتحرك راسها بلا وتتسوط كيف الحنش..

حميد:صافي دابا الحمدلله جات طريفة وماوقع ليك والو ابنتي

رحمة: غاتكونو عيتو من الطريق خليونا نمشيو لرياض ترتاحو فيه وسناء غاتبقا هنا مع شيماء

سناء:وي غير سيرو ماتخمموش

فخيتة:لا ارحمة أنا غانبقا عند بنتي راحتي هي لاشفتها صحاات أو ولات بخير

رحمة:ماتقصحيش راسك وزايدون هاهي جالسة قدامك صحة سلام

سناء:(ضحكات) غير تاتفشش وصاف ههه ياكي

شيماء:(بزز باش نطقات)صافي غير سيرو أنا بخير

بعد إلحاح طويل خرجو من عندها وشيماء جاتها لفرصة فين تغوت وتقول گاع لي فقلبها..

شيماء:علااااش هااا علاش كدبتي وماخليتينيش نقول اش كاين

سناء: حدري صوتك وحتارميني ونتي تادوي معاايا وزايدون حمدي الله باك معرفش اش درتي إيما كوون عاود ليك تربية من جديد (بسخرية)ولهيلا السيدة باغا تعاود اش كاين بااش تجبد مشكيل تاني وتزيد تكحلي ضواساك يااك

شيماء:غاندوي وغانقول كلشي مغاتخلعينيش

سناء:صافي دوي وتاأنا غانقول ليهوم الزبلة لي درتي قبل زواح ولد لحاج وكيفاش دخلتي لبيتو ونتي بداك الشوميز دونوي لي مساتر تاراسو وشوفي ديك الساعة اش غايطرا

سكتات شيماء وهي معصبة وخايفة لاديرها سناء وتصدق قالبة لگفة عليها.. ماعرفاتش علاش تسيفات عليها وهي لي مولفة أنها تجي من صفها.. بدات تاتشوف فيها وهي راجعة لفوطوي وجلسات شادة التلفون وتتقول مع راسها أنا خصني نرجع علاقتي معااها كيف كاانت لمصلاحتي حيت هي لي غاتفيدني وتنفعني.. كلامها قالتو فراسها وهي حاضية سناء لي متسوقاتش ليها باقي مور اخر هضرة قالت..

----

وصلو لرياض فين كانت رحيل على معرفة بلي غايجيو واليدين شيماء.. وبحكم لارحمة ولاسناء كاينين هي تكلفات بكلشي وعلمات لبنات شنو يوجدو الضيافة.. وصلات رحمة ولقات زاينة ورحيل كيتسناوهوم أما نوح راه فخدمتو لاهو لارؤوف.. رحبو بيهوم وكانت رحيل ديجا علمات السعدية يوجدو بيت الضياف ليهوم.. بعد ماكلاو شي حاجة خفيفة ناضو لبيت يرتاحو وتارحمة مشات تنعس حيت بصح عيات وهي ليل كولو بايتة فسبيطار..

كانت جالسة سيدرا قفازي جنب لخصة وعينيها على لقط لي جاب زين العابدين وغير فهاد الأيام لقليل بان فيه التهلو والنقا.. تايشرب فلحليب وسيدرا تاتعطيه لكغوكيت تاهوما وإيڤانا كيف لعادة جايا مزاحمة معاه على لماكلة.. واخا تاتحط ليها ماكلتها بوحدها مكتبغيهاش.. حطات سيدرا يديها تاتمشط بيها ضهرو تاوقفات عليها رحيل وقالت بهدوء:عطيتيه ياكل

سيدرا:اه مامي راه تياكل وغانجيب ليه تالفرماج

مشات تاتجري لكوزينة ورحيل جالسة تاتسناها تارجعات جايبة زوج فرماجات.. حلاتهوم ليه وحطاتهوم حداه وهي تبعد إيڤانا من داك الطاس دلحليب وجات تتاكلهوم وتاهو جا تياكل معاها مع هو قط زنقة مولف تيدافع على حقو.. وإيڤانا غير شافت لمعقول تخشات فسيدرا وتاتسمع منها غير ديك ميااو ميااو

سيدرا:(شافت فرحيل)مامي نمشيو عند بّاديدي

رحيل:تايجي نوح ونسولو

سيدرا:ماي بلو آيز مغايقول والو مامي

حركات ليها رحيل راسها وطلعات لبيتها وسيدرا بقات مقابلة دوك لقطوط..نزل زين العابدين وكيف عادتو لابس السبور وشعرو مخربق ولايحو على جبهتو.. كان باين فيه خارج وسيدرا غير شافتو ناضت ونطقات:زينبيدين شوف تياكل حليبات وفرماج

تحدر زين العابدين جهة القط وهزو تايشوف فيه ويقلب رجليه لي مهرسة..

سيدرا:علاش ماسميتهش زينبيدين (فاش مجاوبهاش تحدرات عندو ونطقات بحماس)نسيمه أنا

شاف فيها بنظرة باردة بلامايجاوبها وهي بدات تاضور عينيها وتاتفكر فشي سمية لقط.. مدة وهي تاتفكر تانطقات بحماس وهي تاتنقز:لقيتها لقيتها غانسميه سيزين

هز واحد لحااجب وعينو عليها وهي تاتنقز فرحاانة تقولي شداات كنز وهي غير سمات قط وصااف.. حطات يديها على كتفو وتحدرات عندو تاتسول فيه وعينيها المبطنين السود فقلب عينيه القهوين:زوينة يااك سيزين فيها سميتي أنا سيدرا وسميتك نتا زين

زين العابدين:(حرك راسو بلاحول وقال ببرود) خايب

سيدرا:(جلسات قفازي ونطقات معبسة وجهها) علاش خايب هو زوين زينبيدين

زين العابدين:(تلفونو كيصوني فجيبو جبدو وجاوب بالإنجليزية)واحد لخمسة الدقايق ونخرج من الدار

قطع وحدر عينيه لقاها باقا جالسة ديك لجلسة بحال الاراها فطواليط وهازة راسها تاتشوف فيه بشوفات بريئين.. قلب الضورة باش يخرج وهي تشدو من سروالو وقالت وهي معاجبها:انسميه سيزين وغانقولها تال مااي بلو آيز

زفر النفس وأعدى حاجة عندو هي فاش كاتستعمل معاه داك التهديد ديال لامادرتيش أنقولها لنوح.. تحنى جرها من خصلات شعرها الأمامية وقال بصوت بهدوء:دخل سووق راسك البرهوشة

خلاها ومشى وهي نفخات شفايفها معاجبها حال..

----

لغيگل ليوم مرضاتها نهار كولو وهي ناعسة فالفراش.. هي من نوع لي كل شهر وكيف تاتجيها لبريود.. مرة تاتهلكها مرة تاتجي بوجع خفيف مرة عادي.. هزات من لبلاكار أولويز وبقات ليها غير ديك لوحدة وحوايج ومشات لحمام طرفات حالتها وخرجات وهي تاتجمع شعرها ونزلات لتحت..

دخلات لصالة لقاتهوم جالسين مجمعين بيناتوم أو واليدين جيداء مشاو حيت باها عيطو ليه على قبل لخدمة.. كان محمد طه جالس فطرف السداري وعينو مراقباها وهي داخلة وتتبان مسهوتة.. عارفها مريضة حيت الصباح مبانتش ليه وفاش رجع من خدمتو ومبانتش ليه جاتو عجب.. سيفط ليها مساج مجاوباتوش وقال عند بالو ياكما خرجات بلاخبارو وكان موجد راسو باش يبدا تاني فشي محاضرة ليها ساعة عرف بالصدفة من عند أسماء بلي هي مريضة.. وأكيد عرف مالها.. كان تايشوف فيها بنص عين وفيما تشوف فيه يقلب وجهو وهي مامسوقاش باركة غير حالتها ولهرمونات ديالها لي مرونينها ومخلينها بلاخاطر.. صونى تلفون تانيرت وكانت رحيل لي علمات مها بلي غاتجي عندهوم..

تانيرت:رحيل غاتجي لعندنا

إدريس:مرحبا بيها دارها هادي

تانيرت:غانوض نوجد شلاظة أسماء اجي ابنتي عاونيني

أسماء: غير خليك اماما تانيرت أنا غانوجدها مع لبنات

ناضو بتلاتة وغزلان غير غادة معاهوم وجلسات فالكوزينة تاتقشر وتقطع ليهوم لخضرة..

رنيم:أنا نشرمل ليكوم الدجاج

أسماء:زيدي شرملي وأنا نوجد لعمارة

غزلان:مهم أنا عطيوني نقطع ليكوم لخضرة مافيا لي ينوض ههه

دخل محمد طه لعندهوم وشاف فيها بنظرة خاطفة قبل مايقول:محتاجين شي حاجة نمشي نتسخر؟

رنيم:جابك الله جيب لينا لڤغميسيل وجيب معاك موناضة وجييب معاك لملح راه قربات تسالي

محمد طه:(طلع حاجبو وقال بسخرية) تانتي على سبة صافي هادشي لي خاص

بدات غزلان تاتغمز لأسماء لي مكمشة فيها حجبانها وتاتسولها براسها شنو باغا.. غير بلعينين كايهضرو ومحمد طه كيشوف فغزلان بنص عين وهي تادوي بالإشارات ومع تلفونها مجابتوش وخلاتو فلبيت وحلات وتاأسماء نزل عليها فديك الساعة واحد لكلاخ عجيب.. مشى محمد طه يتسخر وغزلان حمرات الشوفة فيها وقالت:واش اصاحبتي مكتفهميش من الصباح وأنا نشير ليك والو

أسماء:مافهمتش الخرا اش تاتقولي ونتي تاتغمزي فياا

رنيم:هههه بعدا محمد عاق بيكوم من الصباح وهو كيشوف فيكوم

أسماء: شنو غاندير أنا مافهمتش اش قلتي

غزلان:خاصني أولويز وقلت تقولي ليه يجيبو معاه

أسماء:وانتي لي خطيبتو خصك تقوليها ليه مالي أنا

غزلان:(حركات كتافها)قوليها ليه نتي ياك مولف تايتسخر ليك

أسماء:الله يعفو

كملو شغلاتهوم تارجع محمد طه جايب معاه التقدية لي قالو ليه ونطق وهو كينهج بلعيا:صافي راه كلشي تم نمشي ندوش

أسماء:بلاتي باقي غاتسخر ليا

محمد طه:(تعصب)واش أنا غانبقا غادي جاي علاش ماجمعتيش الزمر كولو دقة وحدة ولاعيطتي ليا وقلتي نجيب لي خاص باقي الناس لاش دايرين التلفونات

أسماء:ماتنرفزش عليا وزايدون هادي ماشي سخرتي خطيبتك هي لي باغا تجيب ليها أولويز..

طلقاتها رنيم بواحد الضحكة وعينيها على غزلان لي جمدات فبلاصتها وحالة عينيها.. رجعات كلها حمرة وحشمااات بزااف من هضرة أسماء وهي زعمة لي مكانتش باغاه يعرف وعيات ماتغمزها وتشير ليها ساعة جات أسماء وحطاتها بوجهها.. أما محمد طه شاف فغزلان وحرك راسو بهدوء وخرج غادي يجيب ليها سخرتها.. غير خرج وهي تنوض ليها السيدة مابقاش فيها لوجع صحاات.. طارت على أسماء تاتقرص فيها.

غزلان:شوهتيني الخريا وأنا زعمة من الصباح نوصي فيك

أسماء:(ضحكات)هههه زعمة هو معارفش جاتك لغيگل ههه راه أصلا فخبارو وعادي ماشي شي حاجة لي تخليك تحمشي منها

غزلان:علاش ماقلتيش ليه ديالك نتي

أسماء:لاقلتها مغاديش يعاود يخرج يجيبو اللهم نجيه من لخر

غزلان: تفوو هادشي لي بقا

أسماء:والمرض راه نتي وياه مابقا ليكوم والو وتجمعو فبيت وحدة وديك الساعة كاين ماكفس من أولويز هههههه

رجعات غزلان بلاصتها كاتسرط ريقها وعقلها تايتفكر الليلة لي غلطات معاه وداكشي لي طرا بناتهوم.. سهات وهي تاتكمل شغالها ومعاودش شافت محمد طه لي ملي جاب سخرتها داها حطها ليها فبيتها هي ورنيم.. خلاو لعشا يطيب وكل وحدة مشات تبدل عليها حوايجها..

جات رحيل هي وسيدرا لي غير شافت إدريس مشات عندو تاتجري وتعنق فيه.. دخلات رحيل وهي محملة بالساشيات وكلها تاتنهج..

رحيل:سخفت (جلسات تاتحل ففولارها بحكم مكاين حد من غير باها وخوتها) شي كاس دلما يكون بارد

تانيرت:اش هادشي ابنتي جاايبة واش بغيتي نتقلق منك

رحيل:أنا لي غانتقلق منكون بصح أنا دابا مزوجة وبداري ولكن هادشي مكيعنيش راني غريبة عليكوم اماما وآخر مرة تقولي هاد لهضرة ولامغانبقاش نجي أنا گاع

تانيرت:صافي صافي أنا غير مباغاش تعدبي راسك ابنتي وصاف

رحيل:(عنقاتها)عدابكوم راحة

إدريس:ولد لحاج لباس عليه

رحيل:اه عيطو ليه فلفيرمة ومشى وغايتعطل عليها قال ليا نجي عندكوم ومانبقاش بوحدي فالرياض

تانيرت:علاش فين مشات عگوزتك ولخرين

رحيل: مكينينش فالدار

إدريس:كملو الإصلاحات فلفيرمة؟؟

رحيل: راه داكشي علاش عيطو ليه حيت كاين فوج تايخدم فالليل وفوج كيكمل الصباح باش يساليو بزربة حيت مدة وهوما حابسين الخدمة وناس تتعيط ليهوم

إدريس: إوا الله يعانهوم

رحيل:آمين

سيدرا:(تحدرات عند إدريس) بّا ديدي عرفتي شنو ديك لمرا غوتات عليا وضرباتني

بدات سيدرا تتعاود لإدريس شنو دارت فيها شيماء ورحيل خرجات ليها من بالها أو موصاتهااش باش ماتقول والو.. حطات سيدرا الضوسي كلو لإدريس وكلشي كان تيسمع معاها وإدريس باين معاجبو حال

تانيرت:(شافت فرحيل)شكون هادي؟

رحيل:(بانزعاج)شيماء بنت خالو وراه تفاهمت معاها مكاين لاش تخممي اماما

أسماء:(بعصبية)شكون هي بااش ضربها وباشمن حق تعايرها ناااري رعداتني عليهاا فهاد الليل ياكما دوزتيها ليها تاااني

رحيل:(بسخرية)ندوزها ليها هه من نيتك

أسماء:ومانعرف تقولي لامانبغيش نجبد الصداع وكدا

رحيل:كون كانت قاصتني أنا يقدر نميك ولكن فااش قربات بنتي راه وريتها اش كانسوى وأصلا نوح جرى عليها من الرياض وفاش كانت باغا تمشي طاحت فالدروج وتهرسات فرجليها

رنيم:تستاهل هادوك دنوب سيدرا ههههه

سيدرا:(حركات راسها)ااه دنوبي

ريان:(جرها عندو)اش فهمك فالدنوب البريهيشة

سيدرا:(تاتعوج عليه)رانو قالتها ياكي

رنيم:اه هي هاديك

تحبس الموضوع تم وجلسو تايهضرو بناتهوم وتعشاو مجموعين.. وسيدرا مشات تنعس حيت عيااات أما رحيل ولبنات شدوها كلام تاوصلات الثلاتة دليل عاد صونى نوح لرحيل علمها بلي غايجي يديها حيت يالاه صلاح ليه يسالي.. واخا عيات معاه تبات وهو يبقا فلفيرمة تال غدا مي مابغااش..

----

فوقيتة دلغدا خرجات أسماء من الخدمة وعينيها كيقلبو على طوموبيلة رحيل تاسمعات لكلاكصون وهي تقرب جهتها وركبات وبهدوء قالت: ياك لباس فين باغا نمشيو

رحيل:السلام بعدا

أسماء:من بعد تانتي فاش سيفطتي ليا مساج قلتي محتجاني وغادوزي عندي وأنا تانفكر هادي اش باغا

رحيل:(صايكة وعينيها على الطريق) غانديرو زيارة لمريض

أسماء:اشمن مريض عوتاني اش كاتخوري

رحيل:(شافت فيها ببرود)سكتي وتبعيني وغاتعرفي كلشي

أسماء:واخا هاني ساكتة نشوف اخرتها معاك

حركات رحيل راسها بهدوء وشدات الطربق تاوصلات لقدام السبيطار وهي تهز تلفونها ودوزوات لخط وقالت بهدوء:وي بيسان واش باقيين تم؟.. داكوغ أنا أصلا وصلت وغاندخل باااي (شافت فأسماء) نزلي

نزلو لبنات وأسماء غير تاضور عينيها معرفاش اش طاري..لقات بيسان كاتسناها قدام الشومبر دشيماء سلمو عليها ورحيل شافت فيهوم:خليكوم هنا أنا مغانتعطلش

حلات لباب وشيماء غير سمعات لحس وهي تهز راسها مع كانت ناعسة..ومع شافت رحيل وهي تكمش حجبانها بحال لاشافت جن خنزرات وغوتات بالجهد:جيتي القح*بة بااش تشوفي بعينيك اشنو طاري معايا وتشوفي فعلتك فين وصلات دايرة فيها راسك دوريشة ونتي لفعة عارفة بلي نتي لي دفعتيني وتيقيني غاندمك عليها وغانحطك بوجهك قدام كلشي

رحيل:(ضحكات ضحكة سااااخرة ونزلاتها وهبطاتها بشوفات باردين وقاااالت بنبرة باردة)لقح*بة هي لي كتحط عينيها على راجل مزووج (وبسخرية) القحي*بة

شافت فيها شيماء وهي متفاجأة ومصدومة من لهضرة لي قالت ليها.. أما رحيل فملامح وجهها كان مرسوم عليها لبرود واخا فلداخل ديالها كانت معصبة لغيرة كانت تتاكل فيها وتغددها.. ولكن مبيناتش ليها هادشي بل جاات أو وقفات قدامها وجهاتها

رحيل:(كملات هضرتها) عند بالك معرفااش اش كايدور ليك فداك الراس وبلي عينك على راااجلي (بركات على ديك لكلمة دراجلي) قلتي أنا طيحتك ههه دومااج مكنتش أصلا مسالية ليك باش نطيحك ولكن تستاهلي ماجرى ليك ومجيتي عندك ماشي حباً فيك تو تو جيت بااش نقول ليك زوج كلمااات طريقي بعدي منهاا والاعاود شفتك كاضوري جهتي تيقني مغايعجبك حااال..

خرجات رحيل بلاماتسناها تنطق بتاشي كلمة.. مخلياها حالة فمها والعصبية بانت فوجهها ولكلام لي قالت ليها رحيل نرفزها.. كرهاتها من نهار شافتها فالريااض وشافت كيفاش نوح كان مقرب ليهاا وحقدات عليها فاش عرفاتو غايتزوج بيهاا.. وزاد قلبها كحاال من جهتها ملي شافتو كبر بيها قدام لعائلة.. وعقلها لمريض مكانش تايوعيها بلي الغلط منها وطمعها لي خرج عليها.. مكانتش أصلا باغا تعتارف لحد وتقول لحقيقة وعلاش لخطوبة تفسخات وبقات تاتمتل بلي تاهي معرفاش اش واقع باش تبان درويشة ولكن طال الزمان ولاقصار كلشي غايتعرف..

قربات رحيل جهة البنات لي جالسين فدوك لكراسى تايهضرو ونطقات بتبسيمة:صافي الزين شكرا حيت صدعتك معايا

بيسان:ماتقوليش هاكاك لمهم نمشي أنا نكمل خدمتي تانتشاوفو فدار

شدات أسماء دراع رحيل ونطقات بفضول:علاش جيتي تشوفي ديك الكلبة شنوو واقع؟

رحيل:جيت بااش نفضي معاها حساابي ونوريها اش كانسوى

أسماء:قولي ليا كلشي من لول تااال لخر

رحيل:مغاتعطليش؟

أسماء:علمت لبنت بلي مغانرجعش حيت مول الشي مكاينش ليوم ولخدمة أصلا قليلة

رحيل:اوا لكان هاكا اجي نمشيو نتغداو ومنها نهضرو على خاطرنا

شدو طريقهوم جهة واحد لغيسطو تاوصلو وشدو بلاصة بعيدة شوية ورحيل هزات تلفونها وسيفطات مساج لنوح فيه 📩 "أنا مشيت مع أسماء نتغداو برا"

أسماء:اوا كانسمعك مال ديك خيتي معااك حيت تصرفاتها معاك وداكشي لي دارت لسيدرا مجايش من فراغ وباينة السيدة محملاكش من لول حيت شوفاتها ليك كيبانو اختي مسمومين تعقلي نهار العيد الصغير فاش عرض علينا ولد لحاج لرياض فاش شفناها أول مرة كيفاش كانت تاتشوف فيك..

رحيل:تاأنا كنت بحالك معرفاش السيدة مالها وعلاش كانحس بيها محملانيش وشوفاتها مكيريحوش وتانسول راسي واش درت شي بلان معاهاا بلامانحس ساعة كنت غالطة والسيدة محملانيش حيت كانت خطيبة نوح

أسماء:(حلات فمها بصدمة) ماتقوليهاااش واش نوح كان خاطب ديك خيتي

رحيل:(عضات على شفايفها) ماشي خاطبها كيف تيسحاب ليك مو هي لي مشات خطباتها يعني هو أصلا مكانش باغي ومقالش موافق وهي مشات دوات مع خوها ساعة مكملوش وفسخ كلشي

أسماء:دابا عاد فهمت تاهاد ماماه واش من نيتها تمشي تخطب لبنت وهي باقي گاعما عرفات جواب ولدها اجي هو مقالش ليك علاش فسخ ديك لخطبة؟

رحيل:قال ليا ممناسبانيش وصاااف ملي عرفت تعصبت بزاف اأسماء حيت مقالهااش ليا ومعلمنيش وديك لحماارة فاش ضربات سيدرا خويت فيها سمي وكون عرفت هادشي كون كملت عليها

أسماء: بيما أنه معلمكش فباين هو مكانش مسوق لموضوع وبالنسبة ليه داكشي فات بلاماتعصبي راسك وتجبدي مشكيل مع راجلك على حاجة فاتت ومكنتيش نتي فيها

رحيل: عارفة هادشي ولكن مغانكرش فاش عرفت تعصبت وحسيت بشي حاجة كضرني فالداخل ديالي

أسماء: عادي هاديك غير الغيرة هههه

رحيل:(سكتات فاش حطو ليهوم لپلا لي ختارو ونطقات بهدوء)شنو درتي مع إسلام؟

أسماء:اوا اش غانقول ليك دويت معاه وتفاهمنا على شي حوايج ودابا راني باقا تانفكر وباغا ناخد وقتي كولو قبل مانعطي جوابي واخا صراحة شاكة فواحد الحاجة؟

رحيل:شنو هي؟

أسماء:ماعرفتش علاش تيقول ليا عقلي مو هي لي بززات عليه يخطبني (حطات لفورشيط وبدات تتعبر بيديها) حيت عمرو بين ليا هادشي ااه هو عتارف ليا بلي كانعجبو ولكن عمرو مالمح ليا لزوااج وكان شاد معايا غير الضد على فعايلي لي كنت ندير وصااف

رحيل:علاش ماتسوليهش باش تعرفي

أسماء:صراحة مبغيتش(حدرات راسها) وتافاش سولتو مقالهاش ليا فهمتي..

رحيل:(حطات يديها على يد أسماء)واش نتي كتبغيه؟

أسماء:(تنهدات) نكدب عليك ماعرفتش مرات كيعجبني لحال فاش تانهضر معاه ومرات تيعصبني وكانبغي غير نتهنى منو ونهار بابا علمني بلي خطباتني مو تصدمت ومتوقعتهاش وخصوصا هو مالمحش ليا عرفتي حسيت بحال لاغير تانتخيل

رحيل:(تبسمات)تاأنا فاش قلتيها ليا تصدمت وفرحة حيت إسلام دار خطوة بحال هادي وقرر يبدا حياة جديدة صراحة تاهو تعدب وقاسى بزاف وخصوصا موت بنتو هرساتو بزاف شفتي إسلام لي كنت تانعرف شحال هادي مختالف كليا على هذا لي تاتشوفي قدامك..

أسماء:اوا الله يرحمها

كملو غداهوم بتقشاب وكل وحدة تعاود لخرى.. تاسالاو وجبدات رحيل بزطامها باش تخلص..

أسماء:خليك أنا نخلص

رحيل:لمرة الجايا أنا لي عرضت عليك ليوم

أسماء:الله يخلف امرات ولد لحاج هههه

رحيل:(خلصات بلكارط)آمين غاتكون سيدرا نوضات الروبالة لماما

أسماء:تانتي ماما تانيرت جاتها من الجنة والناس ديما تجلس وتقول توحشت الضرة ههه

رحيل:(هزات تلفونها ولقات نوح جاوبها) 📩 "بصحة ردي لبال لراسك وماتعطليش بزاف" (جوباتو) 📩 "واخا تغديتي؟"

خارجة من الغيسطو وحانية راسها وأسماء سبقهاا..

نوح: 📩 "بااقي واحد شوية ونتغدا"

رحيل: 📩 "واخا غانخليك دابا تالعشية ونشوفك" (هزات راسها)أسماء

أسماء:وي؟

رحيل:تسناي غاندي معايا لغدا لنوح باقي مكلاش وعرفاه لاكان خدام تينسى راسو أنا ندخل ندوموندي ليه شي حاجة وهو محمد طه

أسماء:صافي سيري أنا هنا

دخلات رحيل وأسماء شافت فتلفونها لي صونى بنمرة إسلام مع حطات سطوري فلواتس ديال لپلا لي كلات والسيد شافو وصونى عليها فلبلاصة

أسماء:ألو

إسلام: بصحة لغدا

أسماء:الله يعطيك الصحة

إسلام:بوحدك لي تغديتي ؟

أسماء:أنا ورحيل

إسلام:ماخداماش ليوم ؟

أسماء:خدامة مي فلعشية لا مغانرجعش مزال

إسلام:(بتساؤل)علاش؟

أسماء: هاكاك رشقات ليا واش ضروري يكون سبب باش مانخدمش؟

إسلام:وهاد لخدمة غادة بمزااجك سبحان الله الشاف ديالك طالق ليك لعب

أسماء:(كمشات حجبانها) اش باغي تقصد؟

إسلام:مقاصد والو غير دويت على بلانك نتي وصاف كانشوفك وقتما بغيتي تاتمشي تخدمي هادشي لي قصدت

أسماء:عند بالك مكنسمعش الهضرة من عندو غير ديك لمرة فاش وصلتيني عطاني واحد المحاضرة غير أنا الله يهديني كاندير لي قال ليا راسي

إسلام: جلسي وهني راسك

أسماء:(ضحكات بسخرية)هههه داكشي لي باغي والله لكاان ليك غير تهنى

إسلام:أنا غير جاوبتك على كلامك (شاف فساعتو)نخليك دابا تال من بعد ونعيط ليك سلمي على رحيل

أسماء:مرحبا بسلامك يالاه باي

حطات تلفونها فجيبها ورجعات لداخل لقات رحيل واقفة تاتخلص مور ماوجدو ليها لكوموند ديالها..

أسماء:ناس يالالة غاتدي لغدا لحبيب لقلب

رحيل:(بسخرية) وتاخويا ماتنسايهش

ركبو وشدو طريق لميزون دڤواتيغ حيت تما فين كاين نوح.. وصلو بعد مدة وبلاصات طوموبيل قدام لميزون ونزلات هازة لغدا..

رحيل:(مدات ليها ساشي)هاكي ديه لمحمد طه

أسماء: واخا فين غايكون

دخلات رحيل مع لباب دلميزون وعينيها كيشوفو فالحركة والجو لي كان تما.. مدة هادي مجات وتوحشات الخدمة وبيروها وبوسطها.. بانو ليها كمامر جداد خدامين..

أسماء:طوموبيلات غير دلفريع هنا

رحيل:مليون ينطح مليون فكل طوموبيل

أسماء:غانمشي عند محمد طه ياك كاين لهيه

رحيل:اه تما فين كاين بيروه

مشات أسماء ورحيل وكملات طريقها لفوق.. هزات راسها وبان ليها سعيد نازل وغير شافها وهو يهز حواجبو بزوح مستغرب من شوفتها وزيد شحال هادي مجاات ومحطات تاشي مبرر.. وقف كيشوف فيها ونطق بهدوء:مادموزيل رحيل على السلامة

رحيل:الله يسلمك

تخطاتو وكملات طريقها وهو حرك راسو بهدوء ونزل لتحت.. من نهار وقع لمشيكل بسبابها وهو مبعد عليها وأهم حاجة عندو هو بوسط ديالو رجع وماتبقى مبقاش تيهمو واخا عندو فضول..

وصلات قدام لباب ودقات وغير سمعات صوتو وهي تحل لباب ودخلات مبسمة وهو هز راسو وكمش حجبانو:رحييل

رحيل:جبت ليك لغدا (قربات لعندو وحطات ساشي فوق لبيرو)ملي قلتي ليا باقي ماتغديتي قلت نجيب ليك لغدا معايا

نوح:(حك لحيتو وشد يديها باسها من لداخل ونطق بصوت خشن هاز فيها حاجبو) علاش ماقلتيش ليا غاتجي ؟

رحيل: كنت باغا نديرها ليك مفاجأة واش معجبكش لحال؟

نوح:(جرها تاجلسها فوق حجرو وقاال بخشونة) ماعليش مرة خرى مانبغيش هاد التصرف يتعاود واخا

رحيل:(حركات راسها وهي معاحبها حال)واخا (تسللات من بين يديه أو وقفات وقالت بهدوء) غانمشي دابا أسماء كاتسناني لتحت بسلامة

ضارت باش تمشي بلاماتسنى جاوبو.. تاسمعات صوتو لي نطق بجدية:قلت ليك سيري (خنزر فيها) فين غادة؟

رحيل:(شافت فيه ولقاتو نايض جاي جهتها عاقد حجبانو) قلت ليك أسماء لتحت كاتسناني ومايصلاحش ليا نتعطل

نوح:(وقف قدامها وكلاها مع الحيط)مالك؟

رحيل:(حاولات ماتبينش ليه راه تقرصات وقالت بتبسيمة كالم)والو علاش تتسول؟

نوح:(تنهد وقال بهدوء وصباعو كيقيسو حناكها) مبغيتكش تجي هنا حيت بكل بساطة مباغيش مرتي يشوفوها لكمامر لي خدامين معايا هناا

رحيل:(كمشات حجبانها) قبل مانتزوح بيك كنت خدامة هناا

نوح:هانتي قلتيها قبل ماتزوجي بياا يعني ديك الساعة مكانت بيني وبينك والو أما دابا رااه وليتي مرتي

رحيل:(بانزعاج)ياك أنا غادي نرجع لخدمتي كيف تافقنا شنو لفرق لاجيت دابا ولامن بعد؟

نوح:(عوج راسو جهتها وبدا كيخشي ليها زغيبات لي خرجو ليها وقال ببرود) خدمتك غاتخدميها ولكن ماشي هنا..

شافت فيه وهي مفاهماش شنو تيقصد.. نهار جا وطلب يديها هي قالت ليه غاتكمل خدمتها وهو وافق وقال ليها خدمتك مغانحبسكش عليها ودابا تيقول ليها خدمتك ماشي هناا..

رحيل:كيفاش خدمتي ماشي هنا؟ (كمشات حجبانها) تاتقصد غانخدم من دار؟

نوح:(ببرود) لا

رحيل:(ربعات يديها) وشنو ؟ شرح ليا شنو قصدتي بهضرتك باش أنا نفهم

نوح:(تقاد فوقفتو وحط يديه فجياب السروال) واخا

(مشى هز جاكيط ديالو وتلفونو والسوارت وهز تالغدا ورجع جهتها وقال) اجي معايا

رحيل:فين؟

نوح:(هز فيها حاجبو)زيدي قدامي وغاتعرفي

خرجو بزوج من لبيرو ونزلو لتحت رحيل مشات لعند أسماء عطاتها لكونطاكط دطوموبيل باش ترجع بيها عاد خرجات لعندو وسعيد غير حاضي من بعيد.. هو عارف بلي نوح تزوج ولكن طبعا معارفش شكون هي ودابا فاش شافو مع رحيل وشاد يديها صافي عرف شكاين وعرف علاش هي مبقاتش تاتجي..

ركبو وتحرك نوح فالطريق وهو ساكت مكيهضرش أما رحيل فبقات غير تاتشوف فيه وتشوف فالطريق.. معرفاش فين غاديين وشنو قصد بهضرتو.. ربعات يديها وتكات تاتشوف الطريق مدة تاوصلو لسونطر وقف طوموبيلتو ونزل وتاهي نزلات وباقي لدابا معرفاش فين غادي بيهاا.. ضار لعندها تايتسناها تجي عندو ومع قربات درعها وزيرها عندو وكمل بيها طريق تاوقفو قدام واحد لمحاال جايا فالشوكة.. جبد نوح من جيبو سوارت ومشى جهة الحيط حل واحد لبواطة مسدودة بلقفل وبرك على واحد لبوطون تاطلع لگرياااج دلمحاال ورحيل لحد الآن مفاهمة وااالو..رجع سد ديك لبواطة ورجع عندها ونطق:اجي

تبعاتو وهو حل لباب لي كاان دزااج ودخل وهي تبعاه وعينيها كيشوفو فداك لمحال لي كان كبير وكان باقي ماكملوش لفينيسيو ديالو.. باقي لكراطن فالأرض وباقي السطولة دالصباغة تم حيت باقي لخدامة خدامين فيه..كان دو زيطاج والدروج جايين فجنب كيطلعو لطبقة الثانية..

رحيل:(ضارت جهتو ونطقات بتساؤل) ديالمن هاد لمحال؟

نوح:ديالك

حلات فمها وخرجات فيه عينيها من كلامو لي قاال ورجعات تاتشوف فلمحال وتشوف فيه..

رحيل:(ممتيقاش)كيفااش ديالي؟؟

نوح:(قرب جهتها وربع يديها) كيف تاتسمعي هاد لمحال شريتو وخليت الخدامة يقادوه ليك بااش يكون ديالك نتي وديري فيه بروجي خاص بيك

رحيل:(مصدومة) واش هاد لمحاااال بصح ديااالي

نوح:(درعها عندو ونطق بحنية) اييه ديالك نتي غايخص غير تسني على وراق الملكية ويولي بسميتك

رحيل:(عنقاتو فرحاانة ودموعها نزلو) ممتيقاااش

نوح:(تحنى كيطل على وجهها) دموع لاش؟

رحيل:فرحاانة عرفتي كنت ديما باغا يكون عندي بروجي خاص بيا

نوح:(كمش حجبانو)علاش ماجيتيش قلتيها ليا نيشان

رحيل:كنت باغا غير نقاد أموري قبل مانقولهاا بعدا (شدات فيديه وقالت بدلع)داكشي علاش قلتي ليا مغاتخدميش لهيه؟

نوح:(هز حاجبو وعض على شفتو بنابو) كنت أصلا كانفكر ندير ليك شي بروجي خااص بيك ولخدمة فلميزون مصالاحش ليك هنا حسن وتخدمي معااك لبناات

فرحات رحيل وفرحتها بانت فعينيها هي باغا دير حاجة ليها وكانت تاتفكر فراس لماال وهالحلم ديالها بدا كيتحقق.. غادة تاتشوف فلحيوط وتاتخطط وتهندس وهو وراها تابعها كيشوف فرحتها ويتبسم بلخف.. نهار طلبها لزواج دار فبالو بلي مغاتبقاش خدامة فلميزون حيت مباغيش تبقا تحااك مع رجال واخا بوسطها بعيد ولكن هو مباغيش تخدم تم مزااال عليها فكر يدير ليها شي حاجة خاصة بيها ونيت تكوون ديال راسها.. مدة وهو تيقلب على شي محال لي يجي فبلاصة زوينة فالسونطر وبعد عناء طويل لقى هادا واخا طالع فالتمان حيت السونطر ولكن كلشي يهون على قبلهاا.. طلعو لفوق فين كاانو قاسمينو نص غايكون فيه بيروها هي.. باقي لمحال مكملش وباقي خاصاه لخدمة ولكن هي عجبهاا.. ضارت عندو وبدات تاتوريه شنو غادير تم وشنو باغا وهو تيحرك راسو وينوطي معاها باش يعلم لمعلم ويقادو على حساب هي اش بغات..

نوح:(حك لحيتو)غايخصك دابا تقادي بلان شنو غاديري فيه

رحيل:(تبسمات ليه) فكرت ندير حوايج دلمحجباات صراحة شنو بان ليك نتا؟

نوح:(بجدية) حوايح دلمحجبات بحالاش خص تكون عندك واحد توش ديالك بااش الناس يعرفوك

رحيل:غانصمم أنا الشكيلات عندي بزاف دالأفكاار فبالي دلحواايج

نوح:لاكنتي غاتصممي غايخصنا تاني نشوفو لوزين لي غاتخدمي معاه داكشي علاش تانقول ليك كل حاجة تنوطيها ودرسيها مزيااان بااش تعرفي اش نتيجتها

رحيل:غاتعااوني ياك نتا عندك دراية فالتجارة

نوح:(قرب جهتها وعينو تايشوف فيها بمكر) نعااونك الفثنة ولكن غايكون مقابل

رحيل:(على نيتها) اه واخا ماعنديش مشكيل

نوح:(جرها من خصرها وقال بتلاعب)متأكدة شوفي وكاان لايتنادم معاك الحاال

رحيل:(شوفاتو ونبرة صوتو خلاها تفهم المقصود ديالو وضحكات بالجهد)ههههههه نوووح

تبسم بالخف ويالاه بغا يدوي وهو يصوني تلفونو بنمرة اليازيد.. جاوبو بهدوء:السلام أوعليكم

اليازيد:ولد لحاج لباس مسالي غدا فالعشية؟

نوح:اه علاش؟

اليازيد:غير باغيك تمشي معايا باش نخطب..

انساحبات رحيل من بين يديه مخلياه تايدوي وغير ديك الجدية لي فصوتو عرفات بلي لموضوع مهم.. بدات تاتصور المحال وتاخد سلفيات مع الحيوط لي باقي ممقادينش.. باغا تخلي عندها دكريات لي تبقا تفرج فيهوم ونيت توريه لمها وخوتها وباها.. نزلات لتحت وبقات واقفة تاتخيل البلاصة مور ماتصاوب ويعمر المحاال ويولي معروف.. بقوة الحماس لي فيها ولفرحة مكرهاتش يوجد لمحال بزربة باش تبدا خدمتها.. بان ليها نوح نازل وعاقد حجبانو دغيا مزاجو تبدل..

نوح:خلينا نمشيو دابا تال مرة خرى ونرجعو

رحيل:صافي واخا مي غايخصني ندوز عند ماما باش نجيبو سيدرا

حرك راسو وخرج وهي وراه سد الباب دلمحاال وهبط لگرياج عاد شدو طريق ورحيل تتفرج فالتصاور وتبسم..

رحيل:(شافت فيه وتبسمات)نووح

نوح:(ضار شاف فيها وتبسم لتبسيمتها) الفثنة ديالو

رحيل:(مدات يديها وحطاتها على يديه) شكرا

نوح:(شبك يديه مع يديها وقال بجدية) ديك شكراا خصني نكوويك عليها باش ماتعاوديش دكريها ياك قلت ليك حاجتي هي حاجتك والمهم عندي هي راحتك

رحيل:(مدات يديها لخرى وحطاتها على لحيتو)الله يخليك لياا

نوح:(هز يديها وباسها من لداخل) آمين

وصلو قدام باب الدار ديال إدريس لي كان تاهو يالاه راجع من لخدمة..تبسم ليه نوح ونزل سلم عليه سلام رجولي ونطق:سي إدريس اش خبار الصحيحة

إدريس:نحمدو الله ونشكروه اولد لحاج ونتا كلشي مزيان

نوح:ولله الحمد

إدريس: يالاه دخلو مرحبا

نوح:خصني نمشي عندي واحد لغراض ضروري نقضيه لعشية ونرجع عندكوم

إدريس:واخا إن شاء الله

نوح:(قرب جهة رحيل ونطق بهدوء) أنا غادي تال لعشية ونجي ردي لبال لراسك ولتلفونك واخاا

رحيل:تانتا رد لبال لراسك

باسها فجبهتها ومشى ركب طوموبيلتو وتحرك وهي دخلات مع باها لداخل..

رحيل:(عنقات مها)عندي ليكوم واحد لخبر زوين

ريان:(تبسم وغمزها)ياكما شي مومو جاي فالطريق

تانيرت:(شهقات) بصح ابنتي

رحيل:(خدودها حمارو وحشمات من باها وقالت بضحك)اويلي لا هههه

أسماء:اوا اشمن خباار سربي راه فيا لفضووول

رحيل:هههه واحد زوووج تلاتة واااجدين

ريان:راه غانووض ليك طلقيناا

رحيل:هههه (جبدات تلفونها وراتهوم ديك تصويرة دلمحال لي صورات على برا وقااالت بفرحة)شوفووو لمحاال ديالي

خطف ليها ريان التلفون وتحدر تايشوف ويزومي وأسماء بقات تزاحم معاه هي وغيزو.. قرب إدريس جهتها وتبسم ليها وباسها فجبهتها وقال:مبروك عليك ابنتي الله يدخلو عليك بالربح ابابا

رحيل:آمين ابابا

تانيرت:اوا هانتي ديك النهار قلتي ليا باغا ديري بروجي وها ربي حقق ليك لي بغيتي ابنتي

أسماء:باقي مامكلين الإصلاحات لي فيه؟

رحيل:لا باقي مي قريب يكمل دابا خصني نفكر فالسمية وفلوغو ديالو وفالسلعة

أسماء: خصك شي سمة زوينة وتكون تاتجدب

سيدرا:(جات عندها تاتسبل عينيها)مامي نسميها أناا؟

رحيل:ههه اجي امامي توحشتيني (تادوي وتبوس فيها وسيدرا تاهي مخشية فيها) يالاه فكري مزيان باش تعطيني شي سمية زوينة واخا

سيدرا:واخا

جلستهوم كلها وهوما كيدوي غير على لمحال وتايعطيوها اقتراحات وهي بدورها تاتقول ليهوم شنو لفكرة لي فبالهاا

---

كانت سناء محنية قدام الڤاليز ديالها تاتجمع حوايجها تاتحل لباب ودخلات عندها رحمة لي نطقات:صافي قررتي تمشي

سناء:راك عارفة شيماء ليوم غاتخرج من السبيطار وحميد معارفش اش كاين عليها غانمشي معاهوم ونيت ندير السبة باش مايجيوش لهنا وهي معاهوم

رحمة:(تنهدات) ماتهنات شيماء تاخلاتو يحلف بلي عمرها تعتبها عندو

سناء:هي لي كطير فلول كنت تانميك عليها وتانقول ماعليش لغيرة ومادير ساعة زادت فيه بزااف

رحمة:(بصوت ندمان)أنا لي غلطت حيت مشيت خطبتها وماتسنيتش نسمع لموافقة دولدي وفلخر هاشنو طرا الحمدلله حميد ماشي من نوع لي يتعصب ونهار فسخ نوح الخطبة ماتقلقش منو ومني

سناء:(جلسات جنبها)فخبارك شحال هادي كنت معصبة من ولد لحاج وكنت باغا نعرف علاش فسخ لخطبة شنو شاف فيها ولكن هو مقال والو وشيماء قالت ليا تاهي مدارت والو وبقيت تانسول راسي ونقول شنو السبب وتافااش بغا يخطب رحيل معجبنيش لحال وكنت صراحة متشبتة بشيماء حيت هي منا وفينا ولكن بهاد التصرف لي دارت طاحت من عيني

رحمة:(بحرقة)تاأنا معجبنيش لحاال فاش عرفت اشنو دارت البنت صغيرة ماعندها تاشي دنب وأنا أم مانبغي تاوحدة تقيس ولادي ولاتقرب منهوم

سناء:(تنهدات وقالت) اوا دابا غانوض باش نمشي وملي تكون عفاف جايا نجي معاها

رحمة:توانسي نتي وياها ونيت غاتكون سالات الشغل لي خلاها تأجل المجية لعندنا

سناء:يالاه بيزوو تانرجع

رحمة:طريق السلامة وسلمي على بابا ومالين الدار

نزلات سناء ڤاليزتها الصغيرة ونزلات معاها رحمة تاوصلاتها لبرا ودعاتها ورجعات لجناحها تريح راسهاا

فالعشية كانو مجموعين على براد دأتاي فالرياض مور ماتعشاو.. كلشي كان حاضر من غير بيسان لي كانت خدامة..

نوح:(حط لكاس فوق الطبلة ونطق بهدوء) يمّا ديري حسابك غدا فالعشية غانمشيو مع اليازيد يخطب

رحمة:(حلات عينيها ونطقات بصدمة)يخطب؟؟

نوح:(حرك راسو) عيط ليا ليوم وعلمني بلي غايخطب خت صاحبو

رحمة:(بالها غير مع ختها)وفين كيعرفها زعمة واش شافها؟

نوح:(هو حاجبو)هادشي ماعندي بيه غراض السيد عيط ليا باغي نمشيو معاه وأنا عطيتو الأوكي

رحمة:وسناء؟

نوح:(تحنى لقدام وشبك يديه وقال بهدوء وجدية) السيد باغي يبدا حياة جديدة عيى من تزوفريت واش ماشي من حقو؟ هي مبغاتش ترجع ليه وتنسى مافات ومن حقها بزوج بيهوم كباار واعيين وعارفين اش كيديرو ماشي وليدات صغاار لي نوحلو معاهوم السيد جاا قصدني وأنا مغانردووش

رحمة:(تنهدات)عارفة اولدي غير هو غايكون صعيب على سناء نهار تعرف وخصوصا هي مشات لفاس لاساقت لخبار غايبقا فيها لحاال هي راه غير تتكابر أما لقلب ربي عالم بيه كنت باغا يرجعو مع بعضياتهوم ولكن لمكتوب مامنو هروب (شافت فنوح) وقتاش غانمشيو غدا؟

نوح:مور صلاة لعشاا (شاف فساعتو وناض)يالاه تمنسيوين "تصبحو على خير"

رحيل:(ناضت تاهي ونطقات بهدوء) تصبحو على خير

(شدات يد سيدرا لي شيرات ليهوم) تمنسيوين

هزاتها وطلعات بيها لبيتها هو لول عطاتها بيجامة دالنعاس وغسلات ليها سنانها عاد تخشات فراشها ونطقات رحيل:يالاه نعسي

سيدرا: مامي واخا نتفرج فالتلفازة؟

رحيل:(شافت فالساعة كانت لعشرة ونص)واخا عندك نص ساعة وطفيها وتنعسي راه ماخصكش تولفي السهير والمدرسة مبقا ليها والو باااش تبداا

سيدرا:صافي مامي

عطاتها تلكوموند وباستها وخرجات غادة لجناحها وهي تاتفوه.. مع دخلات زولات الفولار وداك الإسدال لي كانت لابسة وبقات بيجامة دالنعاس سروال وتيشورت.. دخلات لدريسينغ ورجعات إسدالها تم وخرجات لعند نوح لي شاد بلاصتو وقالت بهدوء: مالك؟

نوح:والو.. ديري حسابك راه تانتي غاتمشي معانا غدا

رحيل:إن شاء الله (تنهدات) سناء غايبقا فيها لحال

نوح:(حاط يديه ورى راسو)السيد عيى معاها باش ترجع ليه هي مابغاتش سبع سنين وهو يجري وراهاا الله يجعل البراكة السيد راه باغي يدير دارو وليداتو واش غايبقا حياتو كلهاا كايتسنى فيها؟؟

رحيل:بطبيعة لحال من حقو غير هي غاتجيها قاصحة خصوصا هي باقا باغاه أنا شفت نهار عرفات بلي خطب كيفااش تعصبات

نوح:هادشي ديالهوم مغاندخلش فيه بزوج عارفين اش كيديرو

رحيل:الله يدير شي تاويل دلخير

نوح:آمين(تقاد فبلاصتو)طفي معاك الضو واجي تنعسي ارحييل..

----

غادة فالكولوار بلبلوزة البيضا ويديها فجياب لبلوز.. دايرة ليزيات وجامعة شعرها شفنجة.. كانت مبسمة وهي تاتسمع لصوت ريان لي فالخط ونطقات بضحك:هههه هادشي كولو درتيه

ريان:هادشي غير لبداية واهلي كوون شفتي البقية ايضرك خاطرك ههه

بيسان:ههه لاباركة عليا هادشي لي عرفت (حلات بيروها)اجي كنت ديما باغا نسولك نتا تربيتي فبرا واش كنتي تاتعرف تدوي بالدارجة

ريان:وي حيت عمي عبدالله الله يرحمو والواليدة كانو تايدويو بالدارجة معايا واخا كنت تانلاشي فيها شوية وتانخرمزها

بيسان:ههه ولكن مغاتكونش بحال زين العابدين ههه

ريان:هاداك قاال ليا مكتعرف والو ههه (تفوه)

بيسان:غايكوون فيك النعاس سير تنعس راه لابقيتي تابعني غادير نوي بلونش وغدا تابعاك خدمة

ريان:موولف ماعليش اجي واش تعشيتي؟

بيسان:باقي تانفكر اش غاناكل ماعرفت لپلا ليوم شنو فيه

ريان:مشهية شي حاجة نجيبها ليك؟

بيسان:(تبسمات على كلامو واهتمامو ليها وقالت بهدوء)لا بلاماتصدع راسك أنا غانوض دابا نزل لتحت نشول اش مطيبين

ريان:صافي خليك معايا فالخط

نزلات بيسان لتحت لكافي ديال السبيطار ومشات تشوف اش كاين فالپلا دليوم..

بيسان:(عوجات شفايفها ونطقات بهدوء)دايرين دجاج بزيتون

ريان: صافي هادشي لي كاين؟

بيسان:اه هادشي لي دارو ليوم حيت كل مرة شنو كيطيبو فهمتي مرة لحم مرة دجاج وفالجمعة كيديرو كسكسو وبعض لمرات الرفيسة..مهم كينوعو فالأطباق

ريان:(ناض من بلاصتو)صافي خليك تم أنا غانجيب ليك عشااك اش باغا

بيسان:لا اريان أنا غانقضي بهادشي بلاماتعدبك راسك

ريان:(بجدية) هنيناا اش باغااا نجيب ليك؟

بيسان: خود ليا على دوقك

ريان:خليك معايا زوج دقايق نلبس عليا..

بيسان:واخا

جلسات فالطبيلة وخدات ليها حليب بالشكلاط مع لجو بدا كيبرد فالليل وجلسات تاتسمع لحس وهو تايتحرك وصوت الساروت شوية سمعات صوت مو وهي تاتسول فيه:فين غادي اريان فهاد لوقت؟

ريان: غانجيب شي سخرة ونجي الواليدة غير سيري تنعسي

تانيرت:رد لبال لراسك ودي طوموبيل باك ماتديش لمطور

ريان:(وجه كلامو لبيسان)ياك مانعستي امون دكتوغ

بيسان:ههه واخا نبغي نعس مانقدرش

ريان:(تايسخن الطوموبيل)اوا ماعرفت سمعت حسك تقطع

بيسان:(حطات يديها على حنكها)كانسمع ليك نتا وماماك

ريان:سمعتي صوت عگوزتك المستقبلية ههه

عضات على شغتها حشمانة وهو بدا كيكركر بالضحك عليها.. شد الطريق وتيقلب على شي سناك ولاشي ريسطو تالقى واحد السناك باقي حاال وفيه الناس قلالين.. نزل ودخل تايشوف فالماكلة لي عندهوم وخدا ليها بيتزا بفخوي دميغ وخدا ليها طاكوس تاهو بالكفتة مع لفريت ديالو ولصوص وموناضة.. خلص ورجع شد الطريق ديريكت عندها باش مايبردش ليها لعشا.. مع وصل نزل ودخل وهي باقا معاه فالخط تاتنعت ليه فين هي تابانت ليه..غير شافتو وهي تبسم وقفات وهو وقرب جهتها ومدات يديها باش تسلم ساعة هو جرها عندو وسلم عليها بلابيز ونطق:مون دكتووغ باقا عايشة

بيسان:ههه تعطلتي

ريان:اوا بزز باش لقينا ليك سناك حاال وجبت ليك على دوقي

حلات لبواطة ديال البيتزا ونطقات وهي مغمضة عينيها:الله ريحتها كاتشهي

ريان:يالاه كولي لايبرد هادشي

طاحت فداكشي عمية الجوع هلكها ومع النهار كلها وهي خدامة فيادوب كلات شي حاحة خفيفة.. بقا جالس تايشوف فيها مبسم ومرة يسرق ليها فريتة.. كيدويو ويضحكو تاكلات ونطقات وهي حاطة يديها على كرشها:فخبارك عمري كليت هاد لكمية كلهاا

ريان:(تايجمع الزبل ويضحك)ههه اوا صافي غانبقا نتهلا فيك ونعلفك باش تصحاحي ليا

بيسان:(ضرباتو وقالت بضحك)تعلفني مالي بگرة ههه راه تانقول ليك فمك مبري منك

ريان:غيرر ضاحك الزين ديالي أنا هاكا باغيك

بيسان:(شافت فساعتها)مشى لحاال (تبسمات ليه)شكرا ليك ارياان وسمحليا حيت عدبتك

ريان:(ناض وعض على لسانو) هاهي تاني باغا تعصبني

بيسان:ههه نو صاف غير ضاحكة

ريان:يالاه باي (سلم عليها بلابيز)ملي تخرجي غدا سيفطي ليا مساج واخا

بيسان:واخا باي

بقات واقفة تاتشوف فيها وهو غادي وعلى وجهها تبسيمة واسعة.. فرحانة وعجبها بزاف لوجيست لي داار وكيفاش جا فنص ليل وجاب ليها لعشا.. تنهدات ودارت يديها فجياب لابلوز ومشات تشوف خدمتها..

----

فواحد الحي كيبان راقي وقفات طوموبيلة اليازيد ونزل منها بڤيست فالكحل مع شوميز بيضا ونزلو معاه الحاج لحسن وزاينة.. واليديه مقدروش يجيو حيت ناس كبار فالعمر وصعيب عليهوم يشدو الطريق..حل لكوفر وهز منو بوكي دلورد والشكلاط وضار تيشوف طوموبيلة نوح لي وقفات وراى طوموبيلتو ونزل بسروال توب وشوميز وجاكيط ورحيل كانت لابسة جلابة مخزانية فالموڤ مع صباط طالون وفولار لايحة الأطراف ديالو فوق كتافها.. نزلات رحمة لي كانت مكمشة حجبانها وعقلها سارح مع سناء لي عياات ماتعيط ليها نهار كولو باش تعلمها ولكن مكانتش تتجاوب وعرفات بلي غايكونو الخبار وصلوها حيت عائلتو عرفو وتاباها عرف.. هز رؤوف كرطون ديال السكار لي جايبين ولبقية هزو لكادوات.. كانو واليدين لعروسة واقفين فالباب مستقبيلنهوم.. باها راجل كبير تيبان فيه متدين ومرتو جنبو.. سلمو النسا على مرتو ورحبو بيهوم والدار تباركالله كبيرة ومزلجة.. رجبو بيهوم فالصالة لكبيرة والنسا جلسو جنب بعض والرجال نفس الشي..

أب لبنت:مرحبا بيكوم مرحباا نهار كبير هادا

نوح:(حط يديه على صدرو وقال بصوت الخشن) الله يكبر الشريف

جواد:(أخ لبنت)مرحبا بيك ابا اليازيد

اليازيد:الله يحفظك العزيز

دخلو واحد زوج عيالات جايبين صينية دأتاي وطبسيل دالطاوس فيه الحلوى.. وحدة مشات لعند لعيالات سلمات عليهوم والتانية خرجات ومشات جابت معاها طبسيل دبال الفاكية عاد رجعات سلمات عليهوم..

رحيل:(كانت غير تاضور عينيها وتشوف فالعيالات وترجع تشوف فنوح لي منغامس مع الرجال.. هزات عينيها فالسيدة لي مدات ليها طبسيل دلحلوة)شكرا

يامنة:(مت لبنت تاترحب بيهوم باين فيها فرحانة)مرحبا بيكوم مرحباا بيكوم خودي ابنتي ماتحشميش

رحيل:خديت اخالتي شكرا

يامنة:نهار كبير هادا ملي ولدي جواد قال ليا راه صاحبو باغي يخطب عندنا فرحت بزاااف

رحمة:اليازيد راه ولد عمي ومايحتاجش نشكرو ليك الله يعمر ليه الدار ولد الناس ومعقول

يامنة:تابنتي هي الصغيرة فخوتاتها هاهوما الزوجات كباار وكل وحدة بدارها وهي كانت مخطوبة لواحد السيد ساعة مكملوش وتفارقو

رحمة:تاليازيد كان مزوج وطلق

يامنة:اييه قالها ليا ولدي اوا ماتمشي غير فيما مامشاك الله

رحيل:(شافت فوحدة من دوك لعيالات وقالت بخفوت)عافاك الطواليط فين؟

المرا:أجي معايا اختي

مع ناضت رحيل من بلاصتها السيد هز فيها عينيه وشاف فيها بمعنى "فين غادة؟"

رحيل(جبدات تلفونها وسيفطات مساح لنوح) �"غادة لطواليط"

كمش حجبانو وهو تايقرا لمساج ورجع تلفونو لجيبو مكمل كلامو مع الرجال.. أما رحيل فوصلاتها السيدة لطواليط ودخلات قضات حاجتها وغسلات يديها وشافت فلمرايا وخدات عكر دارت شوية خفيف مع ماخلاهااش ديرو.. رجعات لصالة وجلسات معاهوم وهوما مجمعين تايتعارفو..تاسولو على لبنت ومشات ختها تجيبها.. دخلات لبنت ورحيل هزات عينيها تاتشوف فيها والكل شاف جهة لباب من غير نوح لي ماهزش عينو فلبنت لي كانت لابسة قفطان جوهارة وشعرها قهوي طالقاه على راحتو كانت حادرة راسها وغير وصلات لعند لعيالات هزات راسها وبانو حريفاتها القهوين وملامح وجهها المبشورة..

يامنة:(مبسمة) هادي هي بنتي مريم..

فجنب الطريق موقفة طوموبيلتها وحاطة راسها فوق لڤولون.. تاتحس بلعياا واحد لوجع فقلبها صعييب توصفو.. باقي لدابا كلام مو كيضور فراسها وتايزيد يخلي الوجع لي فقلبها يزيد كثر..

🔙🔙

كانت يالاه نازلة من بيتها وعينيها باقي منفوخين بالنعاس.. لابسة سروال توب واسع مع بودي فلبيض ولفوقاني كان بنفس توب السروال.. شعرها طالقاه على راحتو وجهها مافيه تانقطة دلمكياج.. طبيعية وملامحها السود كيبانو مرتاحين.. دخلات لصالة ولقات عيالات خوتها جالسين كيهضرو وغير شافوها سكتو.. كمشات حجبانها وقربات جلسات جنبهوم وقالت بهدوء: مالكوم سكتو؟

جليلة: والو غير كنا تاندويو على حالة شيماء وصاف بقات فينا الزغبية

سناء:(قالت بعدم تصديق)همم اوا الحمدلله خرجات طريفة

سعيدة:واييه داكشي لي قلناا

حدرات سناء راسها تاتخربق فتلفونها وهوما بداو يتغامزو وهي فيما تهز راسها تشوف فيهوم يضحكو فوجهها.. حسات بلي كاينة شي حاجة ولكن معرفاتش اشنو هي.. جابت ليها لخدامة لقهوة وبدات تاتشرب منها وتاتخربق فتلفونها تاسمعو صوت على برا وبانت ليها ممات اليازيد داخلة.. كانت العلاقة بينها وبين سناء ماشي تال لهيه واخا سناء مكتعبرهاش وتصرف معاها عادي بحكم راه مرات عمها ولكن مو متتقدرش تصرف بحالها وفيما تكون جالسة فشي مجمع معاها ضروري مكتلوح ليها شي هضرة على ولدها وحالتو وبطريقة غير مباشرة تاتوصل ليها بلي بسبابك ولدي تغرب وبسبابك ولدي بعد عليا.. كانت سناء فاهمة هادشي ولكن مكاانتش تاتبغي تجاوبها..

طامو:(جلسات قدام سناء ونطقات وهي تتلوح ليها لهضرة)اوا مكرهتشااي نمشي لمراكش ونحضر مع وليدي فهاد النهار ساعة صحة دارتها بيناا

سعيدة:(تبسمات ليها)اوا ماعليش اخالتي تحضري فعرسو إن شاء الله

طامو:(بدات تتشالي بيديها) ايوا ضروري ديك الساعة نحضر مع وليدي وندير ليها زوج عراسية هنا ففاس ولهيه فمراكش مالو لحبيب ديالي ميستاهلشااي غاار ملي دار عقلو وقرر يتزوج مرة خرى هاديك هي الدنيا ومافيهاا (تنهدات وبدات تتمعنى عليها) ست سنين ولحبيب ديالي ملاوح فبلادات النااس ولعيود كيدوزهوم بوحدو كي ليتيم ضيع شبابو على قبل حاجة ماتستاهلش ولكن ربي لطف وهاهو ولدي لحبيب غايتزوج تاااني (هزات يديها تال سما كادعي معاه) ياربي تسهل ليه وتفرحو من عندك وتكمل عليه كلشي بخير وعلى خير

كانت جالسة وحادرة راسها وعينيها تايشوفو فالتلفون ولكن عقلها مرفوع وغاايب.. كلامو مو دخل لقلبها بحال لموس وتغرس فيه وهي كاتسمعها تادوي على زواج ولدهاا وتتلوح ليها لكلام.. رجفو يديها وغصة وحلات ليها فحلقهاا ومقدراتش تهز راسها حيت عارفة غاتشوف فعينين طامو بلي كاتشفى فيها..

طامو:(جبدات تلفونها وقالت) نعيط لولدي لحبيب نسولو اش غايدي معاه لدار لبنت لاينسى شي حاجة اييه لبراكة فولد لحاج ورحمة لي وقفو معااه عمري نسى خيرهوم..

سعيدة:(بفضول) فين اخالتي شافها زعمة واش اليازيد كان تيعرفها؟

طامو:لا ابنيتي هي غير خت صاحبو

جليلة:اهاا وديك لولانية لي كان باغي يخطب اش صرى فيها؟

طامو:اييه مكتاابش والدرية تخطبات ولكن ربي جاب ليه هاد بنت النااس الله يكتبهاا ليه فرزقو ويتزوج بيها ويدير معاها وليدااات

هنا مبقات قادرة تصبر تسمع لكلامهوم لي غير مكان تيزيد يخلي لجرح يتفتح ويطرى من جديد.. ناضت من بلاصتها بزربة تاضربات فالطبلة وكفحات لقهوة وتهرس لكاس وخرجات من تم مخلية طامو فرحاانة لغبينتهاا.. هادشي لي باغا توريها بلي ولدها نساها وغايبدا حياتو ومغايبقاش غير تابعها.. قلبها تحرق عليه فدوك السنين وداكشي لي عاش وبغات تشوف ولدها فرحااان ومكمل حياتو.. دخلات سناء لبيتها وسدات لباب عليها وهي كاتسترجع شنو سمعات وبلاماتحس دموعها بداو كينزلو على حنكها بدون توقف.. حاطة يديها على قلبها لي حسات بجرحو عاود تفتح وتحل وهاد لمرة الجرح تقييح.. ممتيقاش بلي صافي هو نساها وغايبدا حياتو مع وحدة خرى.. بصح تصرفاتو فالآونة الأخيرة خلاوها تقلق ويبقا فيها لحال ولكن قالت مع راسها ماعليش دابا يرجع كيف كاان ونهار سمعاتو خطب المرة لولة حسات بالنار شاعلة فيها ودابا محسااش غير بالناار إنما حاسة ببركاان هاايج فداخل ديالها على وشك الإنفجار.. هزات مخدة وخشات راسها فيها وطلقاتها بغوتة مكتوومة باش مايتسمعش صوتها ليهوم.. بقا فيها لحال حيت كلشي كان عاارف وتامن رحمة ونوح عارفين وغايمشيو معاه وحد مقالها ليها.. ولي بقا فيها كثر أنها نهار جابت بدر تاحد مبغا يوقف معاها وباها قلب وجهو عليها وخوتها كاملين من غير رحمة أو ولد لحاج.. بصح هي جابت بدر غير جكارة فيه باش تشعلو وتخليه يغير ومن زهرها لعوج طاحت فواحد لي مكيسواش.. ونوح كان عارف عليها مخلاهاش تزوج بيه ولكن عائلتها مكانوش عارفين إذا علاش مبغاوش تبدا حياة جديدة.. علاش هي فاش بغات تخطب كلشي ضور وجهو وهو نهار قرر كلشي وقف جنبو؟ علاش هاد لفرزيات واش هي صافي لامرجعات ليه مغاتكملش حياتها توقفها وتحبسها وهو عندو عادي يكمل؟؟

جلسات الأرض وجمعات رجليها عندها وهي ساهية تاتفكر فحياتها معاه كيف كانت يامات كانو مخطوبين وكانو معتارفين لبعضياتهوم على مشاعرهوم ويامات زواجها مغاتنكرش بلي هادوك كانو أسعد أيام حياتهاا لي مكملوش ولي سالاو بسباب المشكيل لي طرا بناتهوم.. تفكرات هضرتو لي قال ليها اخر مرة نهار عرس نوح فاش انفاجر عليها وكلامو ليها لي بدات تاترجعو حرف بحرف..

"نسيتي نفكرك الشريفة اااش درتي نفكرك بلي نهار تزوجت بيك نسيت گااع الضواسى ديالي دشحااال هادي شديت معاك الطريق ونتي اش درتي بقيتي كيف نتي مسبقة خدمتك عليا وعلى دارك وأنا بقيت ساااكت عمري دويت واخا مكنتش باغي هاد القلا*وي مي على قبلك سديت فمي..عمري خرجت نزهى مع صحابي ولاشفت فشي وحدة من غيرك نتي.. ونهااار طلبت بحقي بكل أنانية لقيتك واخدة قرار بلامتشاوريني بحال الاأناا كلب عندك ماشي رااجل.. ختاريتي خدمتك عليااا وعلى أبسط حاااجة من حقي هي نولي أب ونشوف ولااادي.. اااااه غلطت وغلطتي هاني كانخلصها ست سنين وأنا عايش وماعاياشش وماخليت مادرت معااااك ونتي حلفتي لالينتي قلبك تغربت فليونان غير باااش مانكونش قريب ليك حيت مقادرش نشوفك مع شي حد غيري.. ونتي اش درتي مشيتي تعرفتي على زا*مل دلخلااا وجايباااه يخطبك ضد فيا (قرب جهتها كثر تارجعات لور وهي كاضور عينيها مخلوعة من تسيفتوو لي تسيف) اه غلطت وديما غانبقا معتارف بيها وتانتي خصك تعتارفي بلي غلطتي وكنتي السباب فلي طرااا اسنااء ماتبقااايش تلعبي ضور الضحية"

كلامو لي قال ليها ديك لمرة يالاه وصل وقت تحلل فيه وتسول راسها واش تاأنا غلطت فحقو؟ واش بصح كنت أنانية نهار قررت قرار بلامنشاورو؟

لقات راسها بلي كلامو لي قال كولو على حق من نهار تزوح بيها وهو شاد طريق عمرو سهر مع صحابو وكان ديما يجي فلوقت عكسها هي لي كانت تتعطل وعمرو حبسها على خدمتها وكان صابر معاهاا.. وبعد مدازو سبع سنين عااد عاقت واعترفات بلي تاهي غلطات فحقو وبلي تاهي كان عندها يد فالمشكيل لي طرا بناتهوم.. اه اعترفات بينها وبين نفسها بلي مكانش عليها تقرر بلامتشاورو حيت تاهو عندو حق فالموضوع دلحمالة ماشي غير هي.. وبسباب هاد لمشيكل هو خانها وفلخر طلقو وهو ماخلى مدار باش يرجعها ساعة هي قصحات عقلها وقلبها وفلخر هو مل وعيى ومن حقو سبع سنين وهو تابعها باش تلين وهي كيف الصخرة..وشحال صعيب تعرف غلاطك مبعد مكيفوت لفوت مكيبقا عندك مادير هي بصح تاتبغيه وتتموت عليه ولكن ديك ساعة مبغاتش تهبط الراس وتنسى خيانتو ليها..

ناضت من بلاصتها وهي مبقاتش حاملة تبقا هنا تخنقاات من هاد لبلاصة وبدات تاتجمع لڤاليز ديالها ومقررة مغاترجعش باقي لهنا.. جمعات كلشي وخدات دوش وبدلات حوايجها وقبل ماتنزل دارت نضاضر دالشمس باش ميشوفوش عينيها لمنفوخين بلبكا.. عيطات لخدامة تعاونها باش ينزلو لڤاليز ونزلات وغير شافوها عيالات خوتها وخوتها وباها وبدا ينگر عليها وطامو تاتميق فيها.. محشاتها لحد خرجات ركبات طوموبيلتها وشدات الطريق باغا تبعد على هنا..

🔜🔜

هزات راسها تاتشوف فالطريق والظلام لي طاح.. نهار كولو وهي سايگة وتاضور فالطرقاان مباغاش تبقا ففاس ومبغاش ترجع لمراكش.. باغا تمشي لشي بلاصة تكونسونطرا فيها بوحدها تبكي على راحتها وتخوي داكشي لي هازاها فقلبها.. رجعات شافت فتلفونها لي شعل بنمرة عفاف.. نهار كولو وهوما كيعيطو ليها وهي مكتجاوبش.. حركات طوموبيلتها وشدات طريق لشي أوطيل تبات فيه وترتاح حيت مغاتقدرش تكمل طريق وهي فهاد الحالة منهاارة.. حيت يقدر دير شي كسيدة مع نهار كولو وهي مواكلاش وزيد عليها لعياا ولبكا لي بكات كمل عليها وخلى وجهها صفر نقطة الدم مافيه وعينيها حمرين تقول الدم لي فوجهها تجمع فيهوم.. هزات تلفونها تاتقلب على شي أوطيل تالقات واحد وشدات طريق ليه وعينيها بداو يتسدو.. تال واحد لحظة غمضات عينيها وتسمع صوت لكلاكسون خلاها تقفز فاش شافت داك لكاميو لي كان جااي من الطريق لخرى تيكلاكصوني عليها..

ملي دخلات لبنت وعينين اليازيد عليها تايطلعها وينزلها.. مكانش تيبان ليه وجهها مزيان حيت منزلاه وفاش جلسات جنب لعيالات عطاتو بجنب داكشي علاش مصلاحش ليه يشوفهاا.. أما لبنت فاش دخلات جلسات جنب مها وهي حادرة راسها.. ورحمة ورحيل تايشوفو فيها ومغاينكروش بلي هي زوينة..

رحمة:الله يخليها ليك

يامنة:آمين ويخلي ليك ماعز عليك

رحيل كانت غير متكية وتاتشوف فمريم بهدوء وتفكرات تاهي نهار جا نوح يخطبها.. وصراحة مغاتنكرش بلي فديك الساعة لبنت كاتكون حشمانة ومخلوعة.. هي دازت من هاد لمرحلة وعارفة مريم باش تاتحس دابا..

لكلام طول بيناتهوم والرجال هضرتهوم على لخدمة عكس لعيالات لي تايهضرو على الزواج وكل وحدة تاتهضر على التجارب ديالها وينصحو لبنات بالصبر.. والضيافة غير خدامة مكبرين بيهوم..

اليازيد:(تحنى جهة نوح ونطق بهدوء) باغي ندوي معاها بوحدنا

نوح:(حك لحيتو ببرود)ولاش جااي عندي ها باها قولها ليه

اليازيد:(ضحك بفقصة)ياك اولد لحاج واعقل عليها

نوح:(وجه كلامو لبات لبنت بصوتو لخشن)نخليو اسي لمختار اليازيد يجلس مع لبنت بوحدهوم باش يتعرفو على بعضياتهوم ويتفاهمو بيناتهوم

المختار:اييه مرحبا جواد دي ختك واليازيد لصالة الثانية

ناض اليازيد وشاف فنوح مبسم وغمزو وخرج مع جواد وموراهوم مريم لي لحد الساعة مهزاتش راسها ولاشافت جهة الرجاال تامن وجه لعريس مشافتوش..

وصلهوم جواد لصالة وخلاهوم بوحدهوم واليازيد جلس فالسداري ومريم فسداري لي قدامو بعيدة عليه..

اليازيد:(تبسم ونطق باش يفتح معاها لكلام)مريم صافا

مشافتش فيه ومجوباتوش وهو فسر سكوتها بلي هي حشماانة منوو..

اليازيد:هاد لجلسة باغي ندوي فيها معاك وتقولي ليا شنو باغا وتاأنا نقول ليك شباغي (شاف فيها ونطق وهو مكمش حجبانو) أنا كنت ديجا مزوج ولكن مكملناش وطلقنا وخويت المغرب وعشت فليونان شي ست سنين تقريبا ودخلت شريك مع واحد السيد عندو ريسطو تما وقبل مانرجع فسخت الشراكة معاه وبعت حقي وجيت لهنا باش نستاقر فبلادي وسط حبابي عائلتي راه كلها ففاس تما فين عايشين خوتي كلهوم مزوجين وكبار لاوافقتي وتزوجنا غانعيشو هنا فمراكش عندي داري وتافاس عندي فيها داار ولمهم هو نتي فين باغا تستاقري(بجدية)شوفي امريم أنا من عندي مغايخصك تاخير معايا لابغيتي تكملي قرايتك ولاخدمتك مغانحبسكش عليها لمهم عندي هو تكوني قد المسؤولية ديال الدار وماتسبقيش خدمتك على دارك

وزيد مباغيش تخبي عليا شي حاجة عندها علاقة بينا أنا ويااك وأي مشكيل بناتنا يتحل فلبلاصة وكل واحد فينا يعلم الثاني شنو ضارو (كمل كلامو وشاف فيها) لاعندك شي شروط ولاأي سؤال باغا تسوليني عليه أنا كانسمعك...

كانت باقا حادرة راسها وتاتحك يديها مع بعضهوم وشعرها مغطي وجهها.. سمعات كلامو وماقالت تاشي حرف وتاباش تهز راسها تشوف فيه وتخليه يشوفها مدارتهااش جالسة قدامو كيف لمانة.. أما هو فبقا جالس تيحرك رجليه ويشوف فيها كيتسنى تهز راسها وتسول تسمعو صوتهاا وتقول لي كاين... مدة طويلة والسكات هو سيد الموقف بناتهوم بزوج.. لاهي نطقات بحرف ولاهزات راسها ولاهو رجع هضر... للحظة شك اليازيد ياكما تكون السيدة مكتهضرش حيت بزاف على لحشمة عوتاني..

اليازيد:(تنهد وناض)لمهم خلينا نرجعو لعندهوم

خرج اليازيد ورجع لعندهوم وهو مكمش حجبانو.. جلس جنب نوح ولحسن وهو كيتنهد تاشوية بانت ليه رجعات جلسات وهي باقا مهبطة راسها..

كانت رحيل تادوي مع خوتاتها ودغيا تعارفو بناتهوم وكل وحدة تاتهضر على لمسؤولية دالزواج ودراري.. وكانت باغا تجبد لهضرة تامع مريم ولكن لاحياة لمن تناادي..

وصلات وقيتة دلعشا وقادو زوج طباالي ورحيل من زهرها جات أونفاص لنوح لي شاف فيها وغمزها بلخف وهي تبسمات ليه.. دخل واحد لوليد صغير وهو جار معاه واحد البطانية ودموعو نازلين تايبكي وخنونتو تاهي نازلة.. ضور عينيه على الوجوه الجديدة وناضت مو باش تهزو وهو بدا كيفركل ليهاا ويغووت وشافت فجواد زعمة يتكلف وتقول داك الدري وااش باغي شي واحد يهزوو

خت مريم:(تبسمات بإجراج)خسر ليه النعااس داكشي علاش

رحيل:الله يخليه ليك عادي هادو هوما لوليدات الصغار تابنتي فاش كانت صغيرة ملي كيخسر ليها النعاس مكيبقاش عندها لخاطر

مشى داك لوليد جهة الرجال وحط يديه على ركبة نوح حيت هو لي كان جالس فالجنب.. تحنى عندو نوح وهزو جلسو فحجرو والدري خلاه بدا كيشوف ويستكشف هاد الكائن لي هازو.. جبد نوح من جيبو كلينيكس وبدا يمسح ليه وجهو ونيفو ورحيل تاتشوف فيه وتبسم.. تحط لعشا ولمختار باغي يهز حفيدو باش يخلي نوح يتعشى على خاطرو ساعة مخلاهش وبدا يوكلو ورحيل تاتهز عينيها بتخبية وتشوف فيه وتبسم..

دري:(حط يديه على وجه نوح ونطق ببرائة) بابا

تبسم ليه نوح وضحكو الرجال وتامت لولد بدات تاضحك وشافت فرحيل: لي هزو تايقول ليه بابا وباه كيعيط ليه بسميتو هههه

رحيل:(ضحكات)حيت كيسمعكوم تاتعيطو ليه بسميتو داكشي علاش

شافت رحيل فنوح كيفاش تيوكلو ويمسح ليه.. عندو واحد لخااطر رهيب جهة لوليدات الصغار.. وبقوة حنيتو معاهوم هوما كيبغيوه والدليل هو هاد لولد لي مكيعرفوش وجا جلس عندو وتيعيط ليه بابا وسيدرا لي تاهي تعلقات فيه وبغاتو فمدة قصيرة.. ضحكات رحيل بينها وبين نفسها وتخيلات كون كانت سيدرا هنا وشافت هاد الديكور كون ناضت لقياااامة مع هي عارفة عندها لبنت مغيااارة بزاااف.. تخيلات نهار يكتب ربي وتحمل كيفاش غاتقدر توصلها لبنتها وهي شافت كيفاش كانت حالتها نهار عرفات تانيرت حاملة وديك لحيحة لي تادير ليهوم.. رجعات تتاكل وتبسم غير بوحدهاا.. تهز لعشا وعمرو تاني أتاي ونوح شاف فجدو باش يطلب لبنت ونيت داكشي لي كاان تفتح لموضوع وكلشي سكت كيسمع لحاج لحسن تايهضر بطريقة وقورة ويتبسم وغير كلامو تيخليك تحس بالراحة..

لمختار:نهار ولدي جواد هضر عليكوم وقال بلي اليازيد صاحبو وبلي راجل الله يعمر ليه الدار ومعقول رتاحيت ليه وفاش شفت وجوهكوم زدت رتاحيت ليكوم والزواج قسمة ونصيب وربي يدير تاويل دلخير

الحاج لحسن:هادشي لي كاين والله يسهل على لجميع الزواج راه رزق وربي كيعطي لكل واحد رزقو سوى قريب سوى بعيد الواحد ميأسش ويقول علاش فلان تزوج وأنا لا حيت كل توخيرة وفيها خيرة

الكل:ونعم بالله

نوح:(شاف فيهوم بجدية)نقراو الفاتحة

قراو لفاتحة واليازيد حس براسو تزير وممرتاحش وغير تيتحرك فبلاصتو وغير سالاو ناضو رجال كيتسالمو مع بعضياتهوم ونفس الشي لعيالات لي مساخينش ببعض.. توادعو وخرجو لبرا ورحيل غير حطات رجليها فزنقة طلعات معاها تبوريشة وخلات زغب راسها يوقف مع لابسة غير شورط تحت الجلابة لي كان توبها خفيف.. وهاد ليلة تحرك لبرد على ليالي لي فاتو.. ضمات جسمها مع يديها وبقات واقفة تايهضرو مساخينش وهي كاتقفقف بلبرد.. توداعو وكل واحد شد بلاصتو وهاد لمرة رحيل جلسات لور جنب رحمة ورؤوف حدا نوح لي خدم لاكليم حرك طوموبيلتو وسبق ليازيد لي بقا واقف مع خالد شوية عاد تبعو.. كانو غاديين فالسكات ورحمة غير تاتنهد كلما شافت تلفونها وعقلها مع سناء

رحمة:لبنت باقي صغيرة يالاه عندها واحد اوعشرين عام

رؤوف:(ضحك بسخرية) فايتها بالضوبل هههه

سكتو وكملو طريقهوم فهدوء تاوصلو ونزلو ورحيل حلقها بدات تاتحس بيه كينشف عليها.. دخلات لدار ونيشان لبيتها خدمات لاكليم باش تسخن لبيت ومشات بدلات عليها ديك الجلابة ببيجامة دافية شوية وخرجات تاتجمع فشعرها ونوح باقي ماجا.. تخشات فبلاصتها وهزات قرعة حلاتها وشربات منهاا وهي باقا تاتقفقف بلبرد واخا راه لابسة ومغطية ولبيت مدفية.. دخل نوح لي قرب جهتها وهو تيزول الجاكيط ديالو:مالكي؟

رحيل:حلقي ناشف عليا (كمشات حجبانها) واقيلة ضربني لبرد

نوح:(حط يدو على جبهتها وعلى عنقها ونطق مخنزر فيها) ياك قلت ليك لبسي مزيان

رحيل:مكنتش عارفة لبرد بزاف قلت راه لجو عادي كيف ديما

نوح:مكتسمعيش لهضرة ارحيل رااسك قااصح

دخل لحمام دوش وهي تمددات وعارفة راسها أنها غاتمرض.. قرب جهتها مور مابدل حوايجو وتخشى حداها وحط يدو على جبهتها لقاها عادي نعس وطفى الضو..

قبل الفجر بربع ساعة صونى تلفون نوح كيف لعادة وناض تايتكسل طفى لغڤي وضار جهة رحيل وهو مكمش حجبانو فاش بانت ليه مغطية كلها تاراسهاا وزايدة بطانية خرى على هاديك لي مغطين بيها.. تحنى بدا يزول ليها لغطا تابان ليه وجهها قاس حنكها وجبهتها لقاها طايبة..

رحيل:(حلات عينيها ونطقات بصوت خافت) لبرد

بدات تتهز لغطا وهو شادو ونطق بجدية:راه فيك السخانة اشمن برد

ناض مشى لحمام توضى وخرج صلى هو لول عاد رجع عندها زول عليها لكواش تاحلات عينيها وخشى يديه تحت لبيجامة قاس كرشها لقى لحمها طايبة تايفور بالسخانة..

نوح:خصك دوشي باش تنزل ليك لحرارة اجي

رحيل:(مافيها ماينوض)همم لا

نوح:(تيسايس معاها) زيدي الله يرضي عليك (باسها فشفتها وتيدوي بلحاطر) يالاه الفثنة ديالي

هزها وداها لحمام دوش ليها بلما دافي وهي سخفانة ليه مقدراش تهز راسها بالشقيقة وعضامها كيضروها.. خرجها حطها فالكرسي ومشى جاب ليها لحوايج وجلس تيلبس ليها السليب هو لول وكل مرة يبوس شي قنت وعاطيها لخاطر.. لبسها بيجامة خفيفة وحطها فوق النموسية مغطيها غير بإيزار حيت لبيت سخون وزيد لاطلعات ليها لحرارة راه مشكيل.. بقا جالس جنبها راد ليها لبال تاطلعات ليها تاني لحرارة وجاب لما بارد دارو فواحد لبانيو وحط ليها رجليها فيه باش تبرد ويمسح ليها على عنقها وجهها تاولات شوية ورجع نعسها وتكى جنبها حاط يديه على راسها تايقرا عليها لقرآن بصوتو الخشن..

يتبع...