محتوى القصة
إدريس كاان باااغي يتحكم عليه بماكثر ولكن مع الأسف بدر الدين مكانوش ضدو شي تهم تقيلة بحااال عاصم.. زائد أن المحامي لي كااان عندو ذييب وحافض سواريه وحاول ماأمكن أنه يخفض ليه لحكم قدر الإمكااان تاولات خمسنين وثمن شهور.. إدريس طمن شووية بالخبر لي قال ليه يونس وخلاه يرتاااح وينسى حاليا هاد المشاكيل لي بداو كيتسالاو وقرر أنه يعطي اهتمام لعائلتو ويرجع يجمع شملهوووم.. بداات الحياة تترجع لروتينها العادي والايام ولات شبه بعضها.. وليووم كان استثنائي حيت ليوووم غاتخرج تانيرت من السبيطااار.. الترويض خلاهاا تقدر توقف على رجليها بمساعدة العگاز وأيضا الهضرة ولات مطلوووقة ليهاا.. ربع شهوور وهي تتعالج تاربي حن عليها وجاها الفرج أنها ترجع لدارها.. كانت جالسة جنب إدريس لي كاانت الفرحة باينة فعينيه العااشقة ليهااا هز يديها لي شاد بين يديه وباااسها بحب ونطق:مرتاحة ؟
تانيرت:(حركات راسها باه) بزااااف كنتسنى غير وقتاااش نوصل لڤيلا ونشوف ولادي اوووف اإدريس هاد لمدة بحال لاكنت فلحبس وليوووم حكمو عليا بالبرائة
إدريس:(بحب) وكتسناك لمفاجأة لي قلت ليك عليها؟
تانيرت:(ضحكات تاتكمشو عينيها ونطقات) ههه ناري حمستيني (نطقات بالسوسية) لقلب إينوو أريكات " قلبي كيضرب"
إدريس:(فهمها اش قالت ونطق بضحك) وباقي غايضرب فاش تشوفيهاا ههه
الطريق كلهاا مطلقش من يديهاا وكل مرة ينزل يبوسها بحال شي مراهق يالاه تصااحب.. ومعاااها نيت راه كيحس براسو صغااار وتيرجع بيه الزمان لور وهو ولد سبع وعشرين عااام.. ودااك الشباب لي كاان فيه رجع حيى بوجودهاا معااه كيفهاا هي لي حساات بلي الدنيا ضحكاات ليها من أول وجديد.. وقف الطوموبيل قدام باب الفيلا ونزل بهدوء غادي جهتها معاونها تانزلات وعطاها لعكاكز تسند بيهوم وتمشى معاها خطوة بخطوة تاوصلات لباب لڤيلا لي كان محلول ورقية هازة صينية فيها لحليب والتمرة تاضحك وتبكي فنفس لوقت.. وقفات قدامهاا تانيرت وعنقاتهاا بالجهد وتاهي معنقاهاا تتبكي.. شربها إدريس لحليب وكلها تمر وتمو داخلين فين كاانت أسماء واقفة هي ومحمد طه.. قربات جهتهاا وعنقاتهاا تاهي ونطقات بهدوء:على سلامتك ومرحبا بيك فدارك
تانيرت:(بتسمات ليها بحنية) الله يسلمك ابنتي
محمد طه:(باس جبهتها ونطق بابتسامة هادئة) دار نورات بماليهاا على سلامتك
تانيرت:الله يسلمك ااولدي هه (شافت هنا ولهيه ونطقات) فين ريان ورحيل؟
شافو فيها جميع وقرب جهتها إدريس ونطق بهدووء: قلت ليك وقعو مشاكيل فاش كنتي فالكومة و
تانيرت:(قطعاتو بخوف) واش طراات لولادي شي حاحة هااا؟
إدريس:(كيهدن فيهاا) شوو اجي تجلسي ونهضروو
جرها لجهة الصالة وهي قلبها بغا يسكت خصوصا سكاتهوم هادا وهضرة إدريس لي مافهمات فيها تاحاحة غير متتزيد تخلعهاا.. جلسها فالفوطوي وجلس قدامها شاد يديها وبدا كيعاود ليها لحكاية من نهار دارت لكسيدة وهي تتسمع ليه وعينيها كيفيضو بالدموووع تابدات تتشهق وقلبها ضرهاا على بنتها واش دازت منوو.. كانت حاسة بيها والحلمة لي كانت تتكدبها كااانت إشارة بلي بنتها ماشي بخير وزيد ريااان وتعاطيه للمخدرات لي صدمهاا.. حدرات راسهاا تتبكي وإدريس جرها معنقهاا وعارف بلي هادي ردة فعلهاا راه ولادها هادوك وقلبها مكوي عليهوم..
تانيرت:(شافت فيه بهدوء) فين حفيدتي هممم بغيت نشوفهاا؟
محمد طه:(جابها ليها وهي بين يديه كبرات شوية وبدات تتشد فراسهاا وزوينة وحروفهاا وضاااحوو وصدقات نسخة من إدريس من غير لبيوضية دتانيرت أما لحروووف عندها كحلين بحال جدهاا) هاهي لبخوووشة
بتسمات تانيرت وسط دموعهاا وهي تتشوف حفيدتهاا ولفرحة بانت فوجهها مدات يديها تاهزاتها وسيدرا مع مكتعرفهاااش بدات تتبكي وتانيرت تتسكت فيهاا ساعة والو بداااا إدريس كيطرطق صباعو قدامها وهي غير تتبكي وتتجبد عندو تاهزهاا وهي مزال تتبكي وتانيرت مكمشة حجبانها متبعهاا بعينيها وحسات بلي كاينة شي حاجة ماهيااااش..
إدريس:(ضحك ونطق بهدوء) حفيدتي تتعرفني غار أناا
تانيرت:(هزات فيه حاجبها ونطقات) ياااك اوا بلاتي تاتولفني وتشوف واش غاتفرق معاياا
إدريس:(بتاسم وباااس راس سيدراا ونطق) غايكون فيها الجوووع داكشي لاش تتبكي
أسماء:عطيني نمشي نرضعهاا ابابا
مدهاا ليهاا ومشات هي ومحمد طه يقابلوهاا وتانيرت شافت فإدريس ونطقات بهدوء:فين رحيل؟
إدريس:(تنهد) فبيتك
عاونها إدريس تاوقفات وبدا غادي معاها بشوية تاوصلات لدروج وبدات تتطلع درجة بدرجة.. تاوصلات لبيتها وحلات لباب ودخلاات بهدوء وإدريس بقا واقف غير فالباب هو مادخلش.. عينين تانيرت كانو كيقلبو عليها بلهفة تبانت ليها جالسة فالبالكون ببجامة خفيفة وشعرها لقصير كان كيدي فيه الريح ويجيبو طوال شوية على كيف كااان.. كانت تتبان ضعيفة بزااف وزادت طيحااات لپوا بزاف.. ساهية فالبحر كيف عادتهاا ومحساش بلي ضاير بيهاا.. قربات تانيرت جهتها وحطات يديها على راسها ونطقات بصوت حنين:بنتي
رحيل:(هزات فيها عينيها لي باين فيهوم لحزن ونطقات بصوت هامس) ماما
تقاد إدريس فوقفتوو فاش سمعهاا اش قالت وابتاسم بشووية وعينيه عليهاا.. هاد لمدة كلها وهي قاطعة لكلااام بصفة نهائية واخا حاولو معاها وتالطبيبة لي كاتجي عندها الاأنها مكانت تتجاوب تاحد.. ولكن هاد لمرة هي جوبااات مهاا.. تحنات تانيرت عنقاتهاا وسمحات فدوووك لعكااكز وتارحيل بدلاتها تعنيقة وهي مغمضة عينيهاا.. كاانو بزوج بيهوم محتاجين لهاد لعناااق وتاوحدة مابخلات على لخراا فيه.. بعد مدة بعدات تانيرت عليها وجلسات فالكرسي لي كان حداهاا شادة يديهاا ومزيرة عليهوم وعينيها كيشوفو فملامح وجهها لبائسة والحزينة.. قلب تانيرت كان كيضرها كلما شافت فوجه بنتهاا لي عرفااات بلي داكشي لي عاشت ودوزات ممكانش ساهل عليهاا وبلي هاااد الحياااة قصااات على بنتها كيف قصات عليهاا من قبل..
تانيرت:(بصوت هامس حنين) عارفة بلي داكشي لي دزتي منو صعيب تنسااايه وبلي مساهلش عليك وعانيتي من وراه.. عارفة نتي باش تتحسي ولكن ابنتي سكااتك وهاد لحالة لي دايرة فراااسك مغاتفيدك بوالو ونتي داباا كاضيعي حياااتك حيت نتي باقاا واقفة فنفس النقطة ومبغيتيش تحركي منهااا.. شوفيني أناا واخااا داكشي لي دوزت ولي عشت الاأنني قاااومت بزااف على قبلك نتي وعلى قبل خووك قااااومت وكملت حيااااتي حيت عارفة بلي نتوما فيهاا وتانتي خصك تكملي حياااتك حيت حنا فيهاا ومعااك باباك لي عمرووو غايسمح فيك ويخليك ولي يفديك بروووحوو وخوتك لي كلهوووم مهولين عليك وعلى حااالتك وكاااينة ماماك لي رجعااات على قبلك.. (كملات بهمس)وكاينة بنتك لي ماعندها تاشي ذنب ولي محتاجة ليك فهاد لوقت ومحتاااجة لحنانتك ليها ابنتي
مجوباتهااش رحيل ورجعات تاني لسكاتها لي خلى إدريس يتنهد أماا تانيرت فكملات هضرتها مور زفرات النفس بهدوء: هاد الحياة تتبغي لواحد يكون صبااار وميطيحش من الدقة لولة ويدير إيمانو فلي خالقووو وإن شاء الله كلشي غايفوووت وغاترجع لحياااة تنووور من أول وجديد فوجهك وفوجهنا كاملين..
كانت تانيرت تتهضر معاها واخا هي مكانتش تتجاوبها ولكن حسات بيها بلي هي تتسمع ليها ورادة لبااال معاااها.. بقات جنبهاا لساااعات قبل مادخل أسماء جايبة لغدا لرحيل وناضت تانيرت مخلياهاا تاكل وترتاح ونيت هي تمشي ترتااااح حيت حسات براسها عياات.. غادة بخطوااات بطيئة تاقربات لبيت فين كااين إدريس ومحمد طه كيسكتو فسيدرا لي كاانت تتبكي ليهوم ومبغاتش تسكت.. دخلات تانيرت وهي مكمشة حجبانها تتشوف فسيدرا لي ولات حمراا غاتموت بلبكاا واخا عياااو يراريو فيهاا ويسكتوو ويجيبو الألعاب حداهاا.. جلسات فوق النموسية ونطقات بهدوء:أراها ليا اإدريس
تانيرت:(هزاتها تاهي باااش تسكتها وتتغني ليها) الحبيبة ديااااالي تااافوكت إينوو "شميشتي" اااالزززين صاااافي صااافي
عياااو معاهاا وهي غير تتبكي صاوبو ليها لبيبرون وجابوها ليهااا وعاااد بدات تانيرت تاتعطيهاا ليهاا وسيدرا كتشوف فيهااا وكترمش ومرة تطلع ليها شهيقة خفيفة.. بقات معاهاا تانيرت تارضعاتهاا وهزاتهاا حاطة ليهاا راسهاا على كتفها وبدات تاطبطب فوووق ضهرهاا تاتگرعااات ودار ليهاا إدريس سكاتهاا وهي بدات تتراري بيها فاش شافتها تتحك فعينيهاا وتفووووه..
تانيرت:(بصوت هامس وعينيها على سيدرا لي تتسد عينيها وتحلهوم) شكون سماهاا؟
إدريس: أنا عجباتك ؟
تانيرت:(بتسمات ليه) اه زوينة بزاااف سجلتيهاا بكنيتك يااك؟
إدريس:(حرك راسو باه وبجدية) تريكة الجوهري من ليوووم مانبغيش بتجبد حسهااا قدام رحيييل
تانيرت:(حركات راسها وشافت فيه) باقي مقدراش نتيق بلي كاااااين نوع بحال هادوووك الناااس بغيت غير نعرف حناااا باش أديناهوووم عطيناه بنتنا باش يتهلى فيهاا ويرد ليها لبااااال ساااعة هوو اش دااار كرفسهاا ليااا بغيت ربي يعدبووو فحياااتو كيف عدبهاا
إدريس:(تنهد) غير تهناااي عمروو غايشووف مزااال ضووو الزنقة وغايبقااا فالحبس تاااايموت
تانيرت:مزياااان وبغيتوو يتعدب (تنهدات بحرقة) مكاااين ليبقاا فياا قد جيدااء باقي مقدراااش نتيق أنه قتلهااا غير حيت عرفاااات بوسخووو ياااربي رحيل الامخرجش ليها لعقل راه لبااااس
إدريس:(هز سيدرا لي نعسات بين يديها حاطها فبلاصتها ونطق بهدوء) صعيبة علينا كاملين جيداء تربااات معاناا ومدوزناااش معاها القليل ولارحيل ولامحمد طه مغايقدروش ينساوها بهاد الزربة (جلس جنبها ونطق) داباا خلينا من هااادشي كااامل موصلش نهاار لي نرجعوو نجمعو فيه شملناااا كيف لول (شد يديها بين يديه ونطق بصوت هامس) فرقاتنا الدنيا وناسها واخاا گاع هاد السنين لي عشناهوم بعاد على بعضياتنااا رجع الزمان جمعناا مرة خرا
تانيرت:(مدات يديهاا تتلمس حنكوو ونطقات بصوت باكي) عمري نسيتك وكنت كل ليلة كندعي الله يجمعني معااك مرة خراا وربي حقق ليا أمنيتي وجمعني بيك وبولادنا وبحفيدتنااا
إدريس:(بتاسم ليه بحنية) وباقي غايجمعناا فاااش غانعااود نتزوج أناا ويااك (ناض من بلاصتو وباس جبهتها) الصبرر لي كان عندي سالا اتانيرت إينوو..
بلفعل صبرو سالا وغير صبح الصباااح نااض إدريس كيجمع وراقو هو وتااانيرت باش يدفعهوم على قبل الزواااج.. محمد طه وأسمااء فرحوو بالخبر لي جااهوم كي ثلج على قلبهووم.. كانو ناويين يديرو حفلة ولكن تانيرت فضلات أنهاا تخليهاا تاتبرى رحيل ويرجع ريااان وتولي الفرحة فرحتين ويحتاافلو.. خارجين بزوج من عند لعدول مشاديين فاليدين والفرحة باين تتلمع فعيووون تانيرت لي كانت لايسة جلابة مخزانية فالبلوغواا مع ميني بووط وكاب خفيف فوق من كتافهاا وشعرها مطلووق براحة فوق كتيفاتهاا ومتكية على عكاز واحد.. شاف فيها إدريس لي كتحس بالفرحة نوراااات وجهوو وخلاتو يصغااار بسنين وعينو تتحس بيهوووم تيفيضو بالعشق لهاديك لي شاد ليهاا يديها بحال الاخايفهاا تهرب... رجعو لڤيلا فين كانت أسماء ومحمد طه دايرين غداا خفيف باغيين يشاركو معاهوم الفرحة.. تغداو بدون رحيل وريان هوما لي كانو خاااصين فطبلتهووم ويشاركو معاهوم الفرحة.. وأكيد باقي أيام الله طويلة وباقي غايعوضو گاع داكشي لي داز وفااات..
كانت تانيرت هي لي مقابلة تربية سيدرا وكااانت تتلاحظ بلي شي حاجة غريبة كااااينة فالبنت وفااش كيطلقوو ليها موسيقى فالتلفون مكتديهاش فيهاا تاكتجيبي لحاجة قدامهاا وتافااش كيشعللو التلفاازة الامكااانتش تتشوف فيها مكتهتمش ليها.. هادشي كولو لاحظاتو تانيرت ومبغاات تقولها لتاشي حد باااش ماتخلعوهومش وبغات تأكد هو لول.. بقات تانيرت رادة لبال تتلاحظ أي حاجة صغيرة وكبيرة مع سيدرا تاقررات تفتح إدريس فالموضوع.. كانو جالسين فبيتهوم وسيدرا نااااعسة فوق النموسية بهدوء
إدريس:(قرب جهتها ونطق بهدوء) قلتي باغا تهضري معايا فشي موضوع شواقع؟
تانيرت:(حكات جبهتها) ماعرفتش واش هادشي كاين ولاغير أناا لي غالطة مهم واقيلا سيدرا عندها شي مشكيل فالسمع فاش كنطلقو ليها شي موسيقى ديال الدراري الصغاار مكتنتابهش ليهاا گااااع وتافااش كتعيط ليهاا بسميتها مكديرش شي ردة فعل تاكتجي قدامهاا وتشوفك ماعرفتش واش هادشي بان ليا غير أناا ونتوما لا
إدريس:(بخوف ونطق) نديوها لطبيب ونتأكدو ممكن تكوني غلطتي وصاف
تانيرت:كنتمنى
على الصباح فاقت تانيرت وبدلات لحويجات لسيدرا ورضعاتها وخرجات هي وإدريس غادين لعند طبيب خااص بالسمعيات لي قلبات عليه تانيرت فالتلفون ولقاتو طبيب كيشكرو فيه الناااس.. شدو الطريق عندو وسيدرا مرة تبكي ليهوم مرة تسكت تتشوف فالطريق تاوصلو لعند الطبيب وبلاصا الطوموبيل عاد نزلو بزووج مدات ليه تانيرت لبنت ونزلات وهي معاونة بعكازها غاديين لداخل تاوصلوو لعند السكريتيرة وشدو نوبة وجلسوو كيشوفو فالدراري وناااس كبار جااايين تاهوما يدوزو.. قلب تانيرت بدا كيضرب بالجهد تتمنى أن داكشي لي حسات بيه يكوون غالط ومجرد تهيؤات وصااااف.. وصلات نوبتهوم ودخلو لداخل عند الطبيب لي كان راجل كبير فالعمر وبشوش..
الطبيب:(بتاسم ليهوم فوجهوم ونطق بهدوء)شنو المشكيل؟
تانيرت:(بهدوء)هادي مدة لاحظت بلي حفيدتي مكديرش رد فعل فااش كنطلقو ليها شي موسيقى ولاكنهضرو معاها تاكتشوف فينااا وتافااش كيكون الصداااع بزااااف مكتنزاعجش منو وفاش كنكون تانهضر معاهاا مكاتنتابهش لياا تاكنوقف قدامها وكتشوفني وخفت يكون عندها مشكيل فالسمع ديالهاا
الطبيب:ودابا شحال فعمرها؟
إدريس:ربع شهور
الطبيب:(ناض أشار ليهوم لغرفة لفحص) تفضلو معايا
مشاو معاه وهو بدا الفحوصات ديالو الخاااصة وإدريس قلبو كيضرب بالجهد وتانيرت مكانتش قل منوو.. بقااااو مدة وهوما من فحص لفحص وسيدرا عاطياهاا غير لبكى وبعض لمرات كيحبسووو تاكيسكتها إدريس عاااد كيكملو والطبيب عاطيها الخااااطر.. خداو ليهوم الفحوصات وقت بزااف عاااد رتااحو فااش سالا الطبيب وجلس فبيروه هاز الضوسي كيشوف فنتيجة الفحوصات بهدوء وهو ساكت وسيدرا نعسااات مسيكينة بقوة العياا بين يدين تانيرت لي مغطيااهاا بكاب ديالهاا ودايرة لهايتهاا..
الطبيب:(شاف فيهوم ونطق بهدوء) نتي كااان عندك لحق امدام
تانيرت:(بخوف) يعني؟
الطبيب:لبنت مع الأسف تزادت وهي فاقدة حاسة السمع..
لحظة صمت وكلام الطبيب كان عبارة عن صدمة لتانيرت وإدريس لي كانو موجهين شوفاتهوم فالطبيب لي تاهو كيشوف فيهوم بهدوء.. عينين تانيرت تغرغرو فالبلاصة ونزلاتهوم جهة سيدرا لي كانت ناااعسة بهدوء..
إدريس:(مسح وجهو ونطق بهدوء) بغيتي تقصد بلي سيدرا تزادت بيه؟؟
رجع الطبيب كيشوف فالضوسي وهو مكمش حجبانو ونطق: فكروني فالإسم دلبنيتة
تانيرت:سيدرا التجاني
الطبيب:(شاف فيهوم)كنعتادر وقع واااحد الخطأ فالحقيقة لغيزولتاا لي قلت ليكوم ديال واحد لبيبي اخرررر ماشي ديال حفيدتكوم كنعتادر منكوم مرة خراا
إدريس:(شاف فيه ونطق) ماشي مشكيل تيوقع لخطأ
تانيرت:وشنو عندها هي؟
الطبيب:(قاد نضاضرو وهو كيقرا ضوسيها عاد نطق بهدوء) التحاليل لي قدامي كيبينو بلي عندها فقدان السمع الناتج عن تلف فالأذن الداخلية.. وباش نشرح ليكوم كثر راه كاين فرق مابين فقدان السمع ومابين الصمم وغانبدا ليكوم بالصمم..الأشخاص لي كيعانيو منو كيكون عندهوم تدني فالقدرة على السمع أو انعدامو يعني مكيسمعش بمرة وهادو أغلبية كيستخدمو لغة الإشارة باش يتواصلو بيهااا..
أما فقدان السمع فهو كيكون يا كلي ياجزئي وكيتقال لناس لي مكيسمعوش الهضرة بنفس الجودة ديال الناس لعادية.. وكاين فيه دزيطاپ يافقدان السمع الخفيف أو المتوسط أو الشديد أو بالغ الشدة كيصيب ياوذن وحدة يازوج وكيكون عند لمريض صعوبة فسمع الكلام فاش كيكون شي حد كيتحاور معاه وأيضا الاصوات العالية..
الحمدلله نتوما قدرتو تكشفو المشكيل فوقت أبكر وكون تعطلتو كون لقيتو صعوبات كثر ولكن بيما أن البنت باقي فعمرها ربع شهور فهادا لصالحنا أنها غاتبدا لعلاج بكري
تانيرت: واش كاين شي حل؟
الطبيب:(بعملية) أكيد كاين حل حنا غاندرسو حالتهاا بالتدقيق باش نشوفو شنو المعينات السمعية المناسبة لحالتهاا
إدريس:واش تتقصد بلي ممكن دير شي عملية؟
الطبيب: لوبغاسيون وقتااش تتكون الحل الاكانو لزبغاي مقاضينش لغراض ديك الساع كيكون لابد من زراعة القوقعة حيت هي كتحفز العصب السمعي مباشرة..
إدريس: ونتا فنظرك شكون لي حسن سمعات الاذن ولا زراعة القوقعة..
الطبيب:(بهدوء) الامكانوش المعينات السمعية مناسبين فديك الساعة غانشوفو الزراعة ولكن حاليا وضعهاا ماشي بهاد الصعوبة باش نديرو ليها أوبغاسيون
تانيرت:(شافت فيها) هي باقا صغيرة مغايكونش هادشي صعيب عليها؟
الطبيب:بلعكس الالة حمدي الله وشكريه حيت كتشفتوه مبكر باش تبداو فالعلاج ديالهاا حيت واخا غادير السمعات غايخصها جلسااات طوويلة مع أخصائين لي غيأهلوها باش تعلم كيفاش تسمع بيها وكيفاش تجاوب مع الأصوات وتميزها وأيضا نقللو من لغة الإشارة وتعتامد على لغة الشفاااه باش تفهم لكلام.. وتعتامد على السمع ديالها باااش نمهدووها لتعليم نطق باش مانلقاااوش مشكيل تأخر النطق وباش تقدر تهضر وتندامج مع الوليدات لي فالسن ديالها وماتحسش بالغرااابة بيناتهوم
تانيرت:يعني المشكيل عندها غير فحاسة السمع أما لهضرة تقدر تهضرهااا؟
الطبيب: وي لحسن الحظ عندها غير مشكيل السمع حيت كايكون بعض لحالات لي كيكون فيهوم لبيبي فاقد لحاسة السمع والنطق وكاااين لي تايكون فاقد غير النطق وكاين لعكس بحال حالة سيدرا..
إدريس:(مسح على وجهوو ونطق) المهم عندنا هي حفيدتي تعالج مكيهمنااش شحاال دلوقت وكيفاااش المهم هو النتيجة ادكتور
الطبيب:كيف قلت ليكوم قبل نتوما كتاشفتو المشكيل وجبتوها بكري وطبعاا حنا غانديرو لي فجهدنااا باااش لبنيتة تعالج خصكوم غير الصبر حيت الطريق لي جايا قدامكوم صعيبة شوووية ولكن أكيد غايكون فيها نتيجة مرضية ليكوم ولينااا
بقا الطبيب كيشرح ليهوم كثر وإدريس وتانيرت متخشعين معاه تاسالا وعطاهوم موعد باش يرجعو عندو ويكون وجد سمعات الاذن لي غاتحتاجهوم باش يركبهوم ليهااا ويبداو معاها أول خطوة فالعلاج..رجعوو لڤيلا فين كانو محمد طه وأسماء مشطونين عليهوم تاهوما معارفينش فين غبرو النهار كااامل.. تجمعو كاملين فبيت إدريس فين كااانت سيدرا ناعسة وبداا إدريس كيعاود ليهوم اش واااقع وهوما كيسمعوو وممتيقينش ومصدومين والبكية شداهوم من لخبااار لي سمعو وبقااات فيهوم سيدرا بزااااف
محمد طه:(مسح على وجهو ونطق وهو تالف) كيفاش تت علاش وشنو غانديرو؟
معرفش اش يقول ولاشنو يدير حس براااسو تاالف دبصح وأسماء غير كتنخصص حداه مانطقااااتش
تانيرت:غانديروها فيد الله وغانتبعو معاها العلاج الطبيب قال لينا بلي فاش غايركب ليهاا سمعات الأذن غااادي تقدر تسمع الأصوات لي ضايرين بيهاا وغاتبدا تأقلم شوية بشوية وتعلم
إدريس: هي باقي صغيرة وهادشي غايعاونا باااش تعالج بكري
سكتو كاملين وبالهوم مشغووول غير مع سيدرااا والمشكيل لي وقع ليها معرفوش كيداز ليهوم داك النهار تاااوصل الليل وكل واحد دخل لبيتوو.. سيدرا كانت ناعسة فكونتهاا وقريبة لتانيرت باش الابكات تنوض تهزها.. ناعس إدريس على ضهرو وتانيرت حاطة راسها على كتفو تاهي ناعسة وباين فيهوم لعيااا.. تحل لباب دلبيت ودخلات رحيل لي كانو عينيها على لكونة وبخطواات بطيئة قربات جهتهاا وتحنات بلاحس هزات لبنت ورجعات خرجات مور مسدات الباب وراها
حلات تانيرت عينيها وضارت جهة لكونة وبانت ليها خاوية وهي تنقز من بلاصتها تافيقات إدريس لي بدا كيحك عينيه وشاف فيها ونطق بصوت مبحوح بالنعاس: مالكي؟
تانيرت:(صدرها تيتهز بالخلعة) سيدرا مكيناش فبلاصتها
وجهها صفار بالخلعة وهو مكانش قل منها وحاجة وحدة جااات فبالو هو النهار حطاتها رحيل حدا لبركاااسة.. حيد عليه لغطا ونزل كيلبس صندالتو وخرج من لبيت وهي موراه غادين لبيت رحيل حل لباب وغير دخل رجليه جمدو فبلاصتهوم وموراه كانت تانيرت لي وقفات وعينيها دمعو فالبلاصة.. كانت رحيل ناعسة فالنموسية ومنعسة سيدرا حداهاا وحاااطة يديها على كرشهااا أو وجه رحيل كاان مقارب لوجه سيدرا لي قالباه جهة مهاا.. ناعسات بزوج ومحسينش بشنو ضاير بيهوم.. قربات تانيرت جهة إدريس وحطات راسها على كتفو ونطقات بصوت هامس باكي:واش كتشوف داااكشي لي كنشوف اإدريس
إدريس:(درعها بيديه ونطق بصوت باين فيه متأثر) شفت الحمدلله والشكر لله
تانيرت:(هزات عينيها فيه) خلينا نخرجو قبل مانفيقوها
خرجو بشوية ورجعو لبيتهوم وباقي ممتيقينش اشنوو شافو.. رجعو لبيتهوم وتكاو فبلاصتهوم وتانيرت تخشات فيه ونطقات بصوت هادئ:كنت متأكدة أن رحيل واخا تعيا ترفض بنتها غايجي النهار لي غاتقبلها فيه وغاتحظنها ليها
إدريس:دابا غانقدر نعس مرتاااح
تانيرت:(هزات راسها فيه ونطقات)إدريس
إدريس:(شاف فيها وبصوت حنين قال) اتانيرت إينو
تانيرت: كنقول كون غير بدلنا لمدينة ومشينا سكنا فشي مدينة خرا؟
إدريس:(كمش حجبانو وتقاد فنعستو) علاش؟
تانيرت:(جلسات وشافت فيه بهدوء) ولادنا مادوزوش القليل فهاد لمدينة وفديك لحووومة لي كبروو فيهاا ولي فقدو فيهاا صاحبتهووم وختهوووم وزيد عليها لمشاكيل لي دازت علينااا كاملين (هزات كتافها بهدوء) يمكن نتا غاتجيك هضرتي عادية ولكن تيقني ولادنا خصهوم يبداو حياة جديدة فبلاصة خراا ماشي هنا
إدريس:(جلس تاهو وشد يديها) هاد لمدينة معشناش فيها لقليل وفيها كبرو لولاد وكبرنا معاهوم تاحنا يمكن غاتجيني صعيبة فلول ولكن مصلاحة ولادي أهم عندي من أي حاجة ونتي عندك لحق ماحدهوم باقي هنا هوما عمرهوم ينساو لي فات محمد طه ديما غادي لحومة واخا مكيقولهاش ولكن خبارو تتوصلني.. والابقاا فنفس البلاصة كيتحسر على لي داز هو عمرو مغايزيد لقدام..
تانيرت:داكشي علاش فكرت فهاد لفكرة وقلت نشوف شنو غايكون رأيك..
إدريس:ماشي مهم لمدينة فين غانستاقرو المهم عندي هو مرتي أو ولادي يكونو معاياا هادا هو الأهم عندي مهم نشوفو المدينة لي غايبغيو الدراري يستاقرو فيها وديك الساعة نفكرو فالسكنة
تانيرت:غاتبيع الدار ولاتخليها؟
إدريس: غانبيعهاا هي ولگاراج وفلوسهوم هوما باش غانشريو السكنة إن شاء الله
تانيرت:(حركات راسها) ونبيعو تاااهاد الڤيلا
إدريس:(كمش حجبانو) علاش غاتبيعها خليها ليك
تانيرت:لا غاتباااع وفلوسها غاتزيدهوم على فلوس الدار ولگاراج باش تشري السكنة فالمدينة لي غانستاقرو فيها وتشري تگاراج ليك (شافتو بغا يهضر وهي تقاطعو) حنا وااااااحد اإدريس وأناا عارفة بلي فهاد لمشاكيل خسرتي فلوووس بزااااف ومع مرض سيدرا غنحتاجووو لفلوووس عليها مغانبغيش تقوووول لا اإدريس كاينة لگوبغاتيف لي قلت ليك عليها راه تيدخلوني فلوس صحاح منها وزيد لكاااافي لي عندي فكنداا تاهي الأرباح ديالها على الجهد وبلا لخير لي خلى ليا با الله يرحمو هادشي كولو حقي وحق ولادي ومانبغيكش تقول ليااا لااا حيت غانتقلق منك حناا واااحد وكيفما نتا مكتبخلش عليااا فتأنا مغااانبخلش عليك
إدريس:(تنهد) هداك حقك نتي اتانيرت
تانيرت:اوا حيت هو حقي باغا نعاون بيه راجلي وااااش عييييب راه تابعينا مصاريف بلاماتقصح راااسك داباا الله يرضي عليك وتعصبني تااااني (كملاتها بالسوسية) يالاه گوووين غيلاد هااانا راداغ فلاك قلقغ "يالاه نعس دابا راه غانتقلق عليك تاني"
نعسات عاطياه بالضهر وهو كمش حجبانو فيهاا وتحنى لجهتهاا بايسها فحنكهااا ونطق:نتي فيما تعصبي لياا تقلبيها شلحة وعرفاااني مكنفهمهاش
تانيرت:(بالسوسية) نيت بااش اتسنت ايساغيتساقلويت ديگري "نيت باش تعرف بلي كطلع لياا لخز"
إدريس:(تكى حداهاا وقال لكلمة لي حافض) أوهو اتانيرت إينو أوهو
تانيرت:(جاتها الضحة) يااه گالاك أوراغتسكارت سواوال نيو "مكديرش بهضرتي"
إدريس:(قلبها لعندو وكمش حجبانو ونطق بصوت هامس) دابا شنوو غاتبقااي تعايريني بالشلحة هممم
تحنى جهة شفايفها بايسهاا بوسة خلاتهاا دووب معااه وتسيح بين يديه بحال شي قطعة الشكولاطة.. مشتاقة ليه كيف هو مشتااق ليهاا فهاد السنين دلبعاااد.. كيقول لي بعيد على لعين بعيد على لقلب وهاد لمقولة مكانتش تتنطابق عليهوم.. واخا كانو بعاد على بعض الأأن قلوبهوم كانت مشتبتة بخيط مثين وقوي واخا حاولو يهرسوه ويطفيوو داك لحب الاأنه غير مكان كيزيد يقوى وتشعل فتيلة لحب لي بيناتهوم.. أنفااسهوم السخونة كضرب فأجسادهوم لي توحدات بعد معاناة كثيرة.. لاهي سخات بيه ولاهو بعد عليهاا وليل شاهد على كلامهوم وفعالهوم ولگمرة حشمات وتخباات وسط الظلام مخليااهوم غارقين فبحر الغراام ولقلوب بناااار العشق مكوووية محاس بيها غير لي عاااشق بحالهوم..
صبح الصباح وحلات رحيل عينيها على بكااء سيدرا لي بدات تتكمش يديهاا ومدلية شنيفاتهاا.. ضارت جهة الساعة لي معلقة بالحيط ولقاتها السبعة دالصباح.. حكات عينيها وهزاتها بين يديها وهي باقا تتبكي وبدات تتراري بيهاا وتسكتهاا.. خرجات من بيتهاا وهي جارة بانطوفتهاا وعينيها كيضورو فالبلاصة ونزلات لكوزينة كان كلشي باقي نااااعس.. دخلات لكوزينة وبدات تاتقلب على لحليب تبان ليها فوق لبوطاجي بواطة دلحليب دلفاغماسي وكاين فالشبكة لبيبغون ديالهااا.. هزاتها رحيل بيد وليد التانية هازة بيها سيدرا لي تتخشى وسط عنقهاا وشعرها وغاتموت بلبكااا..تتحرك كتافهاا باش تسكتها وهي فنفس الوقت تتصاوب ليها لبيبغون تاسالاتهاا وخرجات لصالة لي لتحت جالسة وبدات تتعطيها ليهاا وهي تتشوف فيهاا بشوفااات حزينين.. عينيها السود كااانو باقي عامرين دموع ورميشاتها ملسقين وحنيكاتها حمرين.. بقات رحيل متبعة ليها لعين وهي ساااكتة تاسمعات صوت تانيرت لي نطقات بهدوء: تتشبه لباباك ياكي
رحيل:(شافت فتانيرت لي قربات وجلسات قدامهاا مبتاسمة ليهاا وبصوت هامس نطقات) أنا أم ممزياناش
تانيرت:(دوزات يديها على شعر رحيل بحنية) علاش تتقولي هاكا الحنينة ديالي؟
رحيل:(نزلات عينيها تتشوف فسيدرا) حيت سمحت فبنتي ومحنيتش فيها وهي محتجاااااني وحرمتها من حليبي تامشى لياا وكنت باغا نتهنى منها
تانيرت:(هزات راسها بلا ونطقات بهدوء) مكنتيش بخاطرك ابنتي وهادشي لي وقع معاك هو لي خلاك تصرفي فوق طاااقتك
رحيل:(عينيها غرغرو بالدموع ونطقات) بنتي غاتكرهني ياااكي؟
تانيرت:(بتسمات ليهاا وعينيها باكين) لا حيت هي الاعرفااات نتي اش دوزتي غاتسمح ليك كيف نتي سمحتي لياا فاش عرفتي الحقيقة لي خبيت عليكوم (شدات وجهها) نتي غاتعوضيهااا على شنوو فااات ابنتي (شافت فسيدرا لي باقا تتشرب فلبيبغون وقالت)هي ممولفاااش يهزها أي واحد وأنا فاش يالاه جييت مكانتش تتبغي تجلس معاياا ومولفة غير باك ولكن دابا أنا كنشوف لعكس وهي حسااات بماماها ورتاحت ليهاا حيت عارفة بلي ماماها تتبغيهاا ومغاتسمحش فيهاا
رحيل:(حركات راسها بلا) عمري غانسمح فيهاا هي بنتي أنااا اااااه بنتي
تانيرت:(بتسمات ليها) هادشي لي بغيت نسمع منك الحنينة ديااالي (ناضت تانيرت وهي فرحااانة) غانمشي نوجد لفطوووور شنو تبغي نصاوب ليك ابنتي
رحيل:(بهدوء) توحشت لكخيپ ديالك
تانيرت:(بحماس ) غانمشي نصاوبهوووم
مشات تانيرت وقلبهاا كيرفرف بالراااحة بسبب الخطوة لي دارت رحيل فأنها تحظن بنتها عندهاا... رحيل لي بالصدفة سمعات هضرتهوم لبارح على مرض سيدرا ولي خلاهاا توگض وتشوف بلي لبنت ماعندها تاشي ذنب باش هي تكرهها.. بلعكس هي الضحية الأولى من جيه باها لي هو عاصم ومن جيه رحيل مبغاتهاااش ومن جيه مشكيل السمع لي عندهاا.. بكاات رحيل ليلة لبارح تاعيااات ندمات على دوك الربع شهور لي ضيعااات ولكن خدات عهد الله أنها غاتعوضهاا من ليوووم على كل نهار بعداتها عليهاا.. طلعات رحيل لبيتها وهي هازاهاا وبدات تتراري بيها فاش شافتها تتسد عويناتها باش تنعس.. مدة عاد غفات سيدرا وناضت رحيل غادة لحمام تاخد دوووش.. طولات فيه ومجرد ماخرجات شافت فالمرايا لي قدامها ومسحات الضبابة ديال الدوش عليها وبدات تتشوف فانعكاسها.. ضعاااافت بلاقياااس أو وجهها صفااار وعينيها باين تحت منهوم لسيغن وشعرها بدا يطوال شوية ولكن واكل الدق من لتحت وفيه لبوانت.. تنهدات رحيل وخرجات ملوية فبنوارها ومشات تتلبس حوايجهاا تاسالات ولبسات إسدال دالصلاة وبدات تتصلي ودعي الله يوقف معاها فطريقها وينورهاا... مور الحمام والصلاة حسات بروحها رجعات ليها شوية ورتاحت خصوصا أنها قطعات صلاتها فالآونة الأخيرة.. شافت فسيدرا وهزاتها بين يديها وهي ناعسة ونزلات لتحت عندهوم.. كانو مجموعين كاملين على طبلة دلفطور وتانيرت مقالت ليهوم والو وبغات تخليها مفاجأة ليهوم تابانت ليها جاياا ببجامة وبينوار ودايرة زيف حياتي حيت شعرها باقي سارد ومبغاتش يضربها لبرد.. عينين إدريس لمعو بالراحة وهو شايفها جايا جهتهوم وناض من بلاصتو معنقها هي ولبنت ورحيل حطات راسها على صدرو ونطقات بهمس:سمحليا ابابا
إدريس:(زيرها لعندو وتاهو همس ليها) مانبغيش نسمع هاد لكلمة مرة خرا واخاا
حركات راسها باه وبعدات عليه وشافت فمحمد طه لي تاهو مبتاسم ليها واخا ابتسامتو كانت مطفية الاانه فرح بشوفتها وناض معنقهاا تاهو.. فرحانين بهاد لخطوة لي دارت من نفسها.. مجمعين على طبلة لفطووور وريان كان هو الشخص لي خاصهووم فهاد اللمة.. تنهدات تانيرت بحززن وهي تتشوف فبلاصتو خااااوية تاقرب إدريس جهتها وشد فيديهاا تاشافت فيه وهمس ليها: مبقا قدما فااات ويرجع شمل عائلتنا يتجمع أو ولادناا كلهوم يكونو معانا
تانيرت:(بصوت باكي) توحشتو
إدريس:قريب يرجع قررريب..
🔜🔜
صوت الموسيقى الكلاسيكيه هو لي كان كيتسمع فداك لغيسطو بار.. وفكل طبلة كيبان ليك كوبل جالس كااين لي كيتعشى وكاين لي مكتفى بلمشروبات.. جهة البارماان كان جالس إسلام بقبية فالزرق غامق وكاسكيط كحلة منزلهاا تاااغطات عينيه... عاطي بضهروو لغيسطوو وعينو الحمرين كااانو موجهين لداك لكاااس دالشراب لي قدامو.. هززو وشربوو دقة وحدة تاحرقو فحلقو مع قااصح ومد يديه مرة خرا لبارمان لي فهموو ومولفو حيت ولى من لكليون فيديل.. كب ليه لكاااس وهز إسلام من داك الطبيسيل لي حداه ولي فيه التقاوت بدا كياكل فيهوم وينقب.. خمسنين دازت وكل واحد كمل حياتو وهوو منهوم قطع صفحة المااضي وحرقها ولكن واخا هادشي كولو باااقي طيف الماااضي كيزور مخيلتووو وخصوصا طيف السُكرة ديالو لي باقي موتها مخلي فرااااغ فحياااتو..
🔙🔙
كان جالس فلاباخطمون لي كان عايش فيها هو وميس ولي كانت خااوية من لفراش لي كان فيهاا من غير الكرسي فاش كان جالس.. باع كلشي وتالاباخطمون باااعهااا كيضور فالتلفون لي كان شاد بين يديه تااصونى بنمرة المحامي..
إسلام:(بدون مقدمات)بشحال حكمو عليها؟
المحامي:ثمن سنين
إسلام:خلاصك غايوصلك شكرا
قطع عليه إسلام وناض غادي جهة بيت بنتو حلو وخدا لڤاليز لي كاانت تم وشاف فيه بشووفة أخيرة قبل مايخرج جاار لڤاليز ديالو وخااارج من لاباخطمون غادي يبني حياة جديدة..
كانت جالسة فالسطافيط لي غاتنقلها لحبس وهي تتبكي وحالتها حالة بحاااال الامخرجينها من شي زريبة.. مبقاتش ميس لي تتهتم بنفسها ولي عايشة حياتها كيف بغااات ومفششة.. الزمااان حكها وهاد الايام لي دوزاتهوم فالحجز خلاوها تحك مزيان وتكرفص.. مكان حد كيجي عندها بحال الامقطوعة من شجرة.. لاخوها ولامها ولاعمها ولاإسلام لي تسيفتو خلاتها تندم على نهار ضيعاتو فيه.. كيفاش هو كان عاطيها لخاااطر وداير ليها بحال لما لقليل وهي عمرها ماحمدات الله.. ضيعات كلشي بسبب نزوة عابرة خلاتها تدفع الثمن غاااالي.. وصلات السطافيط لباب لحبس ونزلوهاا وهي غير تتبكي وتشهق وتتشوف فالبلاصة لي عمرها طااحت فبالها راه غاتجي ليهاا.. دازت من جميع الإجراءات عاد دخلوها لبلاصة فين غاتبقااا.. ومجرد ماتسد عليها داك الباب الحديدي ولي خلى لقشعريرة تسري فعروقها عرفات بلي هادي هي نهايتهاا.. تتشوف فالعيالات لي معاهاا فالبيت ولي كاين منهوم شارفات وكاين صغار قدها فالعمر.. تاهوما كيشوفو فيها حيت واخا حالتها مكرفسة الاأن زينها كان باااين.. وحدة من لعيالات نطقات: هافين تنعسي (أشارت ليها لطلوق لي كان فواحد لكوان) سيري لبلاصتك
شافت فيه ميس بهدوء ومشات بلا ماتهضر تاوصلات لتما وجلسات فوق منوو.. مربعة يديها وحنات راسها تتكمل بكيتهاا والعيالات مداوهاش فيها عارفين بلي طبيعي تبكي وباين فيها ممولفااش ليهاا.. قربات وحدة جهتها تاتمدغ فالمسكة وجامعة شعرهاا بقراصة ولابسة توووني دالنمر لاصق عليهاا ومبين المؤهلات لي عندها وداك الطرف ونطقات:شنو سميتك نتي؟
ميس:(هزات فيها عينيها ومجوباتهاش)
المرا:(فرگعات المسكة وغوتات تاقفزات ميس من بلاصتها) واسولتك از*ي شنوو سميتك تشي مالكي مباغاش تجاااوبي
ميس:(بخوف) ميس
المرا:(قلبات عينيها وأشارت ليها) سمعي نگول ليك اختشي هنااا راااه أنااا مولات الري والشواااار ولي گلت ليك عليه ديريه والاجاااااب الله سخن عليك ك*ك نبردو ليك سمعتي احنينتشي ويالاه نووووووضي جمعي لياا بلاصتي وقاديهاا
نطقات وحدة من لعيالات تضحك: واتي اسووومية نعلي الشيطان السيدة باقا جديدة خليها غار تولف
سومية:(جلسات فالكرسي لي حدا الطبلة تتمدغ فالمسكة كي الشيخة وجبدات باكية لگارو خدات منهاا واحد وشعلاتو ونطقات ) واتشي ديهاا فك*ك الق*وي ماتخلينيش نتعصب عليك اسعدية
ناضت ميس وهي كلها تترعد والخلعة شداها ممولفاااش ليهاا هادشي وتعامل مع بحال هاد النوع وتاسومية بقوة ماعشرات البشار من شوفة عرفاتها من النوع لخواف.. ومن داك النهار وهي حاطة عليها لعين ورجعاتها خدامتها تغسل ليها فحوايجها وتنقي ليها بلاصتها وأي حاجة طلبات منها كاديرو ميس وهي مجبرة حيت خايفة على راسهااا.. كانت جالسة فالطواليطات كتغسل حوايجها تاجات عندها سومية هازة واااحد الكومة دلحوايج ولاحتهوم ليها حداها ونطقااات بنبرتها لمشرملة:غسلي معاك دوووك لحوااايج سمعتشييني ونقيهوم راه ديك لمرة خليتهوم مزفرين وملي تسالي اجي تغسلي ليااا رجلي
ميس:(ضربات بدوك لحوايج وناضت جهتها ونطقات بتمرد لأول مرة) أنا ماشي خدامتك سمعتي غسليهوم راااسك أناا عييت منك ومن شغلااااتك لي مكيساليووووش
سومية:(هزات فيها حاجبها) عاودي اش قلتشي؟
ميس:مغاندير ليك والو أنا ماشي خدامتك
كانت تتقولها وهي مخلوووعة ولكن عيااات وملات من داك الطغيان لي تادير عليها سومية لي ضحكااات ضحكة مق*بنة ونطقات:هااااي هااااي على لق*ااب ولاو يحلوو فامهوم عليناا تشي بربي لادوزتهاا ليك ونوريك سومية اااش تتسوى
جيدات واحد الزيزوارة عندها فيديها مرداتش ليها ميس لبال وقربات جهة حنكها دوزاتها عليها من لودن لجهة لفم وهي تاضحك وبعدات وميس خرجات عينيها فاش بانو ليها نقاطي ديال الدم كينقطو فزليج وشدات حنكهاا وغوتات غوتة وحدة..
على غواتها دخلوو لعيالات لي معاها فالشومبر كيشوفو فالمنظر دميس وهي شااادة حنكها ودمها نازل سخوووون كيشرشر فوق الزليج.. شي بقات فيه وشي ماتسوقش ليها وشي قال هي لي جبدات الصداع لراسها.. دخلو لگرديانات وحدة منهوم قربات جهة سومية ونطقات تحت سنانها: متتوبيش نتي
سومية:(ببرود) خلي مها تعلم لمرة الجاياا تشگول لا
جرو لگرديانات ميس وهي تتغوت باغا تموت ليهوم ودمها نازل وحالتها تتشفي العدو غادين بيها لسبيطار باااش يسعفوهااا.. وبعد ساعات طويلة كانت ناعسة فوق لبياص ولفاصمة شادة نص حنكهاا وحالتهاا بلبكااء لي بكاااتو تاتنفخو عينيها.. متتقدرش تهضر حيت لغرارز ممكن يتحلو.. كانت ناعسة على جنبها تتحسر على حالتها أو وجهها لي مشى ليهاا كانت ديما فرحانة بزينها وفاللخر هاهو الزين مشى وگاع لحوايج الزوينة فيها مشاااو.. كانت بشانهاا فدار راجلها ومحتارمها الصغير ولكبير ولي بغات تتلقاهاا وعايشة عيشة يحسدوها عليهاا لبنااات وهي بقات معفرة وهازة راسها لسمااا وفيما كانت تتشوف معاملة إسلام معاها وكيفااش كيرد ليها لبال وكيعاملها بحنية وهي تتزيد تنفخ ريشهاا وتزيد تكبرر وتحس بالغرور حيت عند بالهاا هو باغيها واخا دير لي دارت مغايسمحش فيهااا وفاش رجع حب حياتهاا زادت طغات وضسرات ودارت حوايج لي دابا كتخلص عليهوم بالغااااالي.. ولكن لبكا مور لميت خسارة وهي لي ضيعات حياتها ودابا ماعليها غير تستسلم للواقع لي مفروووض عليها تقبلووو سواا بلخاطر سواا بزز.. بقات تما ليل كاملة وفالصباح رجعوها لحبس وهي ساكتة وحاسة بلي كلشي ضاااع وحياتها ضاااعت وعمرها غاترجع كيف كانت..
---
إدريس رجعات فيه شوية دالرووح ملي شاف رحيل كيفاش تقبلات بنتها وفاااش شافها كيفاش قررات تأقلم معاهوم مرة خرا مور مكانت فعزلة فعالمها الخااص.. رتاااح وبالو بقا غير مع ريااان لي كان ديما على تواصل مع الطبيب ديالو ولي كان تيخبروو بكل خطوة كيديرها ريان وكيفاااش ولى مستسلم ومتقبل لعلاج ولي قالها ليه الطبيب كيديرهاا وهادشي زااد طمن قلب إدريس على ولدو وقرر ينفد القرار لي خدا هو وتانيرت باش يبيع الدار ولگاراج لي كان تصاوب مور لعافية لي شعلات فيه ورجع من زيناتو ولكن مكتااابش ليه أنه يكمل خدمتو فيه ومع الأسف غايبيعو واخاا مساخيش بيه ومساخيش بدوك الدكريات لي عاش فيه مع مولاه لي خلاه ليه نهار ماااات.. واقف كيشوف فالحيوط ديالو بهدوء تاسمع صوت من وراه:المعلم
ضار إدريس وبان ليه عمر الدري لي كان خدام معاه جاي جهتو لابس سروال الدجين وجاكيط ومأنق.. بتاسم ليه إدريس وهو قرب جهتو وباس ليه يديه ونطق بحزن:واش بصح غاتبيع المعلم الگاراج
إدريس:(تنهد) اه
عمر:(شاف تاهو فالگاراج) غانتوحش ليامات لي دوزت فيه وخدمتي معاك هنا المعلم وغانتوحشك تانتاا
إدريس:(جرو لعندو مدرعو بيديه ونطق) نتا غاتديها فقرايتك وتجمع هاد الراس شوية وتقراا مزيان وتشد لباك ديالك وتكمل ورا الباااك وهز راااااس ميمتك لي ربااتك وتقاتلات عليك وبعد من داك لبلا لي تتكميه
عمر:(حرك راسو وعينيه مغرغرين بالدموع) غانتوحشك المعلم
عنقو إدريس وهو كيننهد وحاس بالغمة وبقاا فيه حيت مولفو ملي كان صغير وهو كيبريكولي معاه فالصيف وقت لعطلة تاولى خدام معاه وإدريس كان يتهلى فيه واخا كيدير لبسالات الاأنه عزيز عليه بزااااف.. هز ليه إدريس راسو ونطق:نمرتي عندك الاحتاجيتي شي حاجة لانتا ولامك عيط لياا واخااا
عمر:الله يكثر خيرك المعلم والله ينور طريقك (باس ليه كتفو ونطق) عمري مغانسى خيرك معايا المعلم عمري
إدريس:تهلا فراسكك وفميمتك وشد فقرااايتك
حرك ليه عمر راسوو ورجع باااسو فكتفوو مرة خرا عاد مشى مخلي إدريس غير كيتنهد.. گاع مالين لحومة ساقو خبااار بلي غايبع الدار والگاراج والكل بقااا فيهوم الحال حيت بصح كان نعم الجااار وعمرهوم شافو فيه شي عيييب كان واخد تقااارو وفارض احتراموو.. وصى السمسار لي كيعرف باش الاكان شي واحد باغي يشري يعيط ليه وعلق ورقة فباب الگاراج فيها النمرة لي شراا وخلاهاا تكون خاصة بهاد لافير ونفس الشي دارو تافدرا وفيما داز يوقفوه الناس ويسلمو عليها.. كان غادي فالطريق تاااسمع صووووت كيعيط عليه شي لي خلاه يوقف ويضوور وبان ليه واحد جاي جهتو لابس سروال دجين مع شوميز وجاكيط وشعرو لكحل رادو لور وباين فيه ولد لهاااي غير من الساعة لي لابس فبديه.. وقف قدامو ومد ليه يديه ونطق:سي التجاني ياك؟
إدريس:اييه شكون سياتكوم ؟
تنحنح:وليد الصفريوي الاكان ممكن ناخد من وقت واحد شوية باغي ندوي معاك فموضوع مهم
إدريس:(هاز حاجبو)موضوع ديالاش وأنا مكنعرفكش
وليد:(بهدوء)على بنتك أسمااء..
حط السربااي لكونسوماسيون ديال كل واحد فيهوم ومشى وإدريس هز طوبة دالسكار دارها لقهوتو وحركها مزيان وجغم منها عاد شاف فوليد لي كان كيباان عليه التوثر.. كان هادا هو الحل لوحيد لي عندو ملي شاف أسماء سدات فوجهو گاع لبيبان..
إدريس:(نطق بهدوء) نتا فين تتعرف بنتي أسماء
وليد:(حك جبهتو) أسماء كانت خدامة عندنا فالشركة ديالنا
إدريس:اييه وشنو بينك وبينها تاجيتي لعندي بااش تهضر معايا عليهاا وفين تتعرفني أصلاا
هضرة إدريس كانت غير مكتخلي وليد يغرق فحوايجوو ولكن ماعندو مايدير من غير يقول ليه اشنو كاين: فالحقيقة أنا وبنتك كنبغيو بعضياتناا
إدريس:(حط يديه بزوج على الطبلة وكمش حجبانو) كيفاش تتبغيو بعضياتكوم؟ اااشبغيتي تقصد بيهاا؟
وليد:(حك يديه بتوثر)أناا ناوي لمعقول معاها وباغي نتزوج بيهاا وجيت قااصدك نيشان (قاد لكوول دلشوميز كيوجد راسو باش يكمل هضرتو) مغانكدبش عليك اسي التجاني ولكن حنا من عائلة معروفة ولواليد إنسان كيهموه المضاهر وبسبابهوم لاحني فزوااج مع بنت خالتي وأنا مكنبغيهااش تزوجت بيها وقدام النااس كنبانو راه راجل ومرتو ولكن الحقيقة غييير كنت عاايش مع هاد الوضع وقابل بيه تاادخلات بنتك لحياااتي وديك الساعة كلشي تبدل وفاش تأكدت بلي أنا كنبغيهاا قررت نصارحها ولكن المشكيل لي كاين هو أنا مانقدرش نطلق مرتي لولة حيتاش هي حاملة داباا وفنفس الوقت مانقدرش نبعد على أسماء حيت باغيهاا
إدريس:(كان ساكت كيسمع هضرتو بتركييز وعيينه مراقبين كل تفصيل فملامح وجهو وهو كيعاود ليه تقاد فجلستو) وشنو دنب مراتك أو ولدك من هادشي كولو؟ قلتي نتا متتبغيهاش علاش تزوجتي بيها ولحتي راسك فالعافية هااا علاش مقلتيش لا لباك ولنفترض أنا وافقت على زواجك ببنتي واليديك غايوافقو فنظااارك بيما أن باك كيهموه المظاهر فأكيد مغيرضاش على راسو ويقبل ببنتي يااك وتاأناا مغانرضااش على بنتي أنهاا دخل ضرة على شي وحدة وأنني نلوحها فالعافية بيدي..ولادي هوما لي عندي وفرحتهوم كتفرحني وغبينتهوم تتكعيني ومصلاحتهوم هي أهم حاجة عندي.. (ناض حط لفلوس دلكومسوماسيون ونطق) والاكانت بنتي باغاك وموافقة عليك ديك ساعة هضرة خرا
خرج من تماا مكمش حجبانو ومخلي وليد جالس وكيحس بلي الأمل لوحيد لي بقاا عندو تبخر بهضرة إدريس لي باين أنه ضد هاد العلاقة.. أما إدريس شد الطريق راجع لڤيلا وبالو مع هاد لمشكيل لي خرج ليه من الجنب.. بقا كيخمم الطريق كولو تاوصل لڤيلا وبلاصا طوموبيلتو ونزل غادي لداخل.. كانت تانيرت جالسة مع رحيل وأسماء فبيت رحيل كيهضرو على وضع سيدرا وأسماء تتقلب فالأنترنيت على حالات مشابهة وكتبدا توريهوم وهوما بالهوم مشغول غير معاهاا تاسمعو صوت إدريس لي كان تيعيط لتانيرت..
تانيرت:احنا هنااا
إدريس:(دخل لعندهم كيقلب على سيدرا ونطق بهدوء)فين سيدرا
تانيرت:ناعسة فالبيت مع محمد طه
إدريس:(شاف فأسماء) اجي ابنتي بغيت نهضر معاك
أسماء:واخا ابابا
نزلو لصالة لتحت وجلس إدريس فالفوطوي وضرب على لبلاصة حداه:اجي حلسي حدايا
أسماء:(جلسات حداه) وي بابا كنسمعك؟
إدريس:ليوم جاا عندي وليد الصفريوي
أسماء:(وجهها صفار مجرد ماسمعات سميتو ووبدات تفتف) كي فاش ؟
إدريس:هو قال ليا بلي نتي وياه تتبغيو بعضياتكوم
أسماء:(فالداخل ديالها تدعي على وليد وعلى الإحراج لي حطهاا فيه..حكات يديها بزوج ونطقات بهدوء) الشركة لي كنت خدامة فيها هوما ماليها أو وليد هو لولد لكبير وكنت السكرتيرة ديالو.. وفاش وقعات لكسيدة لخالتي تانيرت وكنا فكازا كان ديما كيجي يسول عليا وعليكوم ويعيط لياا أو واحد النهاار قال ليا بلي باغيني وباغي يتزوج بيا وبلي هو غايطلق مرتو وأنا قبلت بيه ومجاتش لفرصة نقولها ليك حيت كنتي مضغوط بالمشاكيل ولكن فاااش عرفت مرتو حاملة أنا رفضتو حيت بالنسبة ليا لولد ماعندو دنب وقلتها ليه
إدريس:(حرك راسو بهدوء) هو طلب يدك لزواج نتي شنو قرارك
أسماء:(بصوت مخنوق) مباغااااش ابابا مانبغيش نكون طرف ثاني ونخرب زواجو لول كيف دارت ماما معاك نتا وخالتي تانيرت أناا مبغيتش نكون بحالهااا
ماهضرش إدريس حدو جرها لعندو معنقها وهي تتبكي على صدروو.. مقدراتش تصارحو بالحقيقة كلها وتقول ليه خلفيات الموضوع وحاولات تقول ليه غير داكشي لي منطقي وباينة تاوليد ماجبدش ليه موضوع خوه وداك الرهان لي داروه عليهاا.. بعدات أسماء على باها ومشات لبيتهاا وهي معصبة من وليد لي مافهمش راسو.. سدات لباب ومشات جبدات تلفونها وحيدات ليه لبلوك ودوزات ليه لخط وبعد رنة لولة سمعات صوتو لي قاااال بلهفة:بونبونايتي توحشتك
أسماء:(ببرود) من هنا نص ساعة نتلاقو فكافي *** لي فأگدال
سيفطات مسااج بزربة وخرجات من تما مور ماعلمات باهاا وخدات طوموبيلتو وشدات الطريق لكااافي ولقات وليد كيتسناهاا وباين فيه فرحان.. جرات الكرسي وجلسات وجا يشد يديها وهي تنترها ليه ونطقات ببرود وهي كتشوف مور وليد: جيتي فالوقت
قرب جهتهاا بخطوات هادئة وجلس فالجهة الثاانية أو وليد كيشوف فيه وفيها وهو مفاهم والو تاسمع صوتو لي نطق بهدوء: الحجلة ديالي توحشتيني..
كان ضروري دير هاد لخطوة باش تقدر تبدا حياة جديدة بلامشاكيل وطوي ديك الصفحة لي متعلقة بولاد الصفريوي.. كانو جالسين قدامها بزوج بيهوم أو وليد باين فيه معصب وكاااعي عكس آدم لي عاادي مبرد.. ربعات يديها فوق الطبلة وشافت فيهوم بزوج قبل ماتنطق هضرتها بصوت بااارد وهي كتشوف فآدم: نهار لول شفتيني فيه وجيتي عندي باغي تصاحب معاياا كنت عارفة نيتك وكنظن تانتا غاتكون عاارف بلي وافقت عليك على قبل فلوسك وكنيتك لي كاانت عاطيااك بلاصة دوزنا وقت زوووين وبديت كنحس جهتك يشي حاجة ولكن حاولت مانتعلقش فين نتفلق حيت عارفة بلي نتا عمرك غاتبغيني عرفتي علاااش حيت أهم حاجة عندك هي راااسك ونتا أصلا أناااني وفعايلك كيبينو هضرتي (قلبات وجهها جهة وليد) ونتاا دخلتي بدخلة خراا عكس خوك وقلتي اجي نلعب ليها على لمشاعر وبرافو حيت بصح عرفتي لپوان فيبل دياااالي وعرفتي كيفاااش تستاغلهاا بزوج بيكووم رديتوني لعبة بين يديكوم وتراهنتو عليااا شكون فيكوووم غايقدر ي*ويني (كمشات حاجبها) علاااش تراهنتوو همم باغا نعرف اشنو هي لحاااجة لي تتساويني ههه ولكن عرفتوو شنوو شكرا ليكوووم بزاااف بصح شكرااا حيت هادشي لي درتو معايا خلاني نتعلم درس مهم أن قلبي مانعطيهش لمن والى وبلي قلبي غااااالي عليكوم بزووووج (شافت فآدم لي كان ساكت غير كيشوف فيها وقالت) هادي هي لحجلة ديالي دغياا بعتيني بالرخييص وقبلتي تراهن مع خووك ونتا (عينيها على وليد) خسارة فيك (هزات صاكهاا وقبل ماتنوض شافت فوليد وبنبرة باردة كيف الثلج) نتا خسرتيني من نهار كدبتي علياا ودخلتيني بلغش وداباا كلشي سالى..
خرجات أسماء من تماا وحاسة بشعور غرييب.. شعور الراحة والألم معرفااتش واش غاتنسى هاد الشمتة لي تشمتات ولكن عارفة بلي غاتقدر تجاوزهاا...
العائلة ديما مكيكون ليها دور مهم فحياة لواحد سواا بالخايب سوا بالزوين.. وهنا دور كاان على إدريس لي كاان مهتم بالصغيرة ولكبيرة على ولادو.. مكانش كيجلس فالدار وكل صباح تتلقاه خاارج يقضي أغراضو بنفسوو وكانت ديما تانيرت واقفة معاااه بكلامها لي كيموتيڤيه وكيخليه يرتاح.. هزات معاه الحمل باش يخفاف عليه وبالفعل الحمل مكانش تقيل كيف قبل حيت دابا عائلتو معاه.. وليوم كان يوم مهم بزااف للعائلة حيت ليوم سيدرا غاتركب لباغاي وغايديرو أول خطوة فعلاجهاا.. كانت رحيل تتبدل ليكوش لسيدار لي كاانت تتحرك وتتبكي ليهاا وأسمااء تتسكتها بواحد اللعبة تتجيبها ليهاا لحدا عينيها وهي تتشوف فيها بدلات ليها حويجاتها ولبساتهاا كسوة مع ليبى حيت لجو بدا كيسخاااان وهزات واحد جاكيط خفيف لبساتها ليهاا ولبساتهاا صبيبط ومداتها لأسماء تشدها باش هي تلبس حوايجهاا.. كانت إطلالتها خفيفة وكيف لعادة محتاااشمة وشدة دلفولار مستيلية.. دارت غير إيكخون دالشمش مع گلوس وصاف حيت لخااطر ماعندهااش.. هزات سيدرا بين يديها وخرجو من لبيت نازلين لصالة فين كانو مجموعين محمد طه وإدريس وتانيرت كيتسناوهوم.. ناضو جميع خاارجين من لڤيلا وغادين لعند الطبيب باااغيين يحضروو مع سيدرا ورحيل وميخليوهااش بوحدهاا.. شد إدريس الطريق تاوصلو ودخلو ديريكت عندو حيت كان تيتسناهوم.. رحيل كانت شاداها لخلعة وهي تتشوف فدوك لزابغااي لي كاينين تما وأشكالهوم لمختالفة وقلبها كيدق.. جاا إدريس جهتها وهز سيدرا بين يديها حيت شاف وجهها صفر وعرفها مخلوعة.. قرب الطبيب عندهوم جايب معاه لپاغاااي لي مناسبة سيدرا وبقا تيشوف فيها ويضحك معاها باش ماتخلعش وهي جالس فحظن إدريس.. شدات رحيل يد بنتها وعينيها تتشوف فيها والطبيب كيهضر ويشرح ليهوووم وهوما متبعين معاه بتركيز.. كان تركيب لپاغاي صعيب عليها حيت صغيرة وتتحرك وشبعات بكااا ليهوم ورحيل تتبكي معاااهاا تاسالا الطبيب وشاف فرحيل:هزيها وهضري معاهاا نشوفو استجابتهاا
نفدات رحيل هضرتو وهزات سيدرا لي كاانت تتبكي وتشهق.. حطاتها قدامهاا ونطقات بصوت حنين:ماااامي شووو صافي ااماااامي هانااا ماااامي
سيدرا بدات تتسكت من لبكاا وحالة عينيها فرحيل لي نطقات بصوتها لحنين:اماااامي لغزاااالة ماااامي سيدراا دياااالي
كانت سيدرا مركزة فرحيل والطبيب كيشوف فيهاا.. رحيل تتهضر وسيدرا متبعاهاا بعويناتهاا ومستجيبة لصوت لي وصل ليهاا.. وباش الطبيب يزيد يتأكد أن لباغاي كيوصلو ليها صوت بدا كيدير اختبارات ليهاا وهي كانت تتجاوب معاهوم وهادشي خلى لفرحة دخل لقلب تانيرت لي كانت هازة لهم من نهار عرفااات حفيدتها والمشكيل لي عندها.. أسماء كانت تتفيلمي وبغات هادشي يكون دكرى لسيدرا.. وعلى قدما بكااو على قدما فرحوو فااش خرجو من عند الطبيب لي عطاهوم النصائح وأيضا عطاهوم أسماء ديال المختصين لي غايعاونوهاا وإدريس كاان مركز على كلشي تاسالاو ورجعو بحالهوم لداار مع أمل جديد..
كانت رحيل مهتمة بكل تفصيل متعلق ببنتهاا ورادة لبااال لتربيتها وطبعا بمساعدة تانيرت لي كانت معاها فكل خطوووة.. مكانتش مكتافية غير بهضرة الطبيب إنما كااانت تتقلب فالأنترنيت على حالات مشابهة لحالة سيدرا وكانت تتشوف تعامل لوالدين كيغاش خصو يكووون وأيضا تتبحت وتقراا وكل يوم كانت تتزيد معلومة لمعلومات لي عندها.. أما سيدار كانت هي لعسيلة ديال الدااار كل مرة تلقايها بين يدين شي حد هازها كيلعب معاهااا لدرجة.. مغرقينها حوايج ولبس وديما يجيب ليها إدريس معاه شي حاجة فاش كيرجع لدار وهي تتموت عليه غير تتشوفو تتبقا ضحك وتهز باااش يهزهااا.. كانت الأمور غادية بهدوء وإدريس كاان أغلب أوقاتو كيدوزهوم فالحومة حيت كل مرة كيعيط ليه شي حد على لگاراح ولادار باش يشري ولكن الثمن كيكون طايح.. تال نهار لي جاا واحد الشااااري عايش فبرا شاف الداار ولگاراج وعجباااوه وخصوصا الحومة كانت شعبية وهو هادشي لي كان باغي.. تافقو على الثماااان وتكاتبوو ولاخر شد سوارتو وإدريس شد فلوسو وعطاااه وقت باااش يخوي الدار وياخد راحتو.. كان صعيب عليهوم أنهم يخويو لحومة لي كبرو فيهاا وخصوصا محمد طه لي هاد لحومة تتفكرو فجيداااء.. متقبلهااش فاللول ولكن فالاخير ماعندو مايدير.. عطاهوم إدريس الحرية يختارو لمدينة لي يبغيوو يستاقرو فيهاا ولكن هوما خلاو باهوم هو بنفسو يختااار وبعد بحث طووويل تافق هو وتانيرت يستاقرو فمدينة مراكش وكااان خاااصو يقلب تاني على شي دااار تما وبدات رحلات التقلااااب وإدريس عطااا نمرتو لشي سماسرية فمراكش باش الاكااانت شي هوتة يعلموووه.. ومدازش على الأمر أزيد من عشرياام تاصونى عليه واحد السمسار علمو بلي كاينة دااار r+2 زوينة وجات فموقع زووين وشارع نقي.. مشى هو ومحمد طه باااش يشوفوهاا ولقاوهاا بالفعل كيف وصفها ليهووم زوينة ونقية ومشمشة والأهم متيسعة وفيها لبيوت بزاف وزوج صالات قد لخلى ولكن الثمن كان شوية طااالع.. صورها محمد طه وسيفطهاا لأسماء لي وراتها لتانيرت ورحيل لي عجباتهوم.. تافق مع مولاهاا ودارو الإجراءات القانونية أو ولات الدار من نصيبهوم.. وجا وقت ينتاقلو ليهااا ويخويو الربااط بمرة..
كان واقف إدريس فالحومة ومالين لهوندة كيخرجو الرحيل لي بقاا حيت ديجا سبق ليهوم وداو الدفعة لولة حيت عندهوم الباگاج بزاف.. سمع إدريس تنحنيحة وضار لقا بات جيداء لي واقف كيشوف فيه ومسكين باين فحالتو باقي مدمر على فراق بنتو قال بهدوء: صافي نويتو تمشيو..
إدريس:(هز يديه بزوج ونطق) هاد لمكتاب
بات جيداء: بغيتكوم تسمحو لحنان على هضرتها لي قالت لرحيل نتا عارف ب..
إدريس:(قاطعوو بصوت هادئ) مكاين لاش طلب السماحة حيت حنا عارفين اش كاين نتوما لي سمحوليناا الادرنا معاكوم شي حاجة ماهياااش حنا راه ماشي غير جيران راه فاميلة ومدوزنااش القليل
بات جيداء:لمسامحمة اسي إدريس المسامحة
عنقو إدريس بالجهد وبعد عليه وقال بهدوء: نمرتي عندك الابغيتو شي حاجة مرحباا
بات جيداء:(تيمسح دمعتو) الله يكثر خيرك الله يعاونكوم والله ينور طريقكووم
مشى بات جيداء مخلي إدريس كيشوف فيه وهو حاس بقلبو تزير عليه.. حالتو كانت تتبين قداش هو مدمر وبلي موت بنتو هرسوو ولكن هادي هي لحيااة.. خرجوو الدراري گاع الباگاج تابقات الدار تتصفر ودخل إدريس كيشوف فيها بهدوء.. هاد الدار مدوزش فيها لقليل وكان ناوي يدخل ليها مع تانيرت ويسكنو فيها ساعة لقدر كان ليه رأي آخر.. تنهد وشاف فيهاا بشوف لخرة قبل مايخرج ويسد لباب وگاع الجيران بداو يسلمو عليه ويودعو فيه وهو بكل قلب كبير كااان كيجاوبهوم.. حل باب الهونضة حدا الشيفور وضار شاف فالحومة وناسها لي واقفين كيشوفو فيه وحط يديه على صدروو عاد طلع وتحركات لهونضة خارجة من تماا تاوصلات لشارع لكبير فين كان محمد طه فطوموبيل باااه وجنبو تانيرت ولور جالسة أسماء ورحيل لي هازة بين يديها سيدرا لي ناعسة.. سبقاتهوم لهونضة ومحمد طه تبعهاا وضارت رحيل تتشوف موراهاا بعيووون باااكية.. هي ماشي غير ودعات لحوومة إنما ودعااات تدكرياتهاا مع صااحبتهاا لي عاشوووهاا فديك لحووومة وگاع داااكشي لي دوزات فيهاا.. بدات الطوموبيل تتبعد وعينين رحيل كيشوفو فالطريق لأخر مرة ضارت تتشوف قدامها وهي معنقة سيدرا بكل قوتهاا.. السكات كان طاغي عليهوم وكل واحد وشنو هاز فالداخل ديالو..جرحاتهوم هاد الدنياا وظلامت فعينيهوم ودابا جااا لوقت فين غايبداو حياة جديدة فمدينة خرا.. يبداو حياة لي معارفينش اش مخبية ليهووووم تاني ولكن واخا هادشي كولو هوما باقي متشبتين بالأمل رغم قساوة القدر..
الطريق كااانت طويلة عليهوم وخصوصا مع التفكير لي شاغل باااال كل واحد فيهم وبعد ساعات كانو داخلين لمدينة مراكش.. كانت أول مرة يجيو ليها شي لي خلى رحيل تقاد فجلستها وتنتابه بتركيز وهي تتشوف فالشوارع وفالناس دهنا ولهجتهوم لي كاانت حلوووة وزوينة.. كل شارع دازو منو وكل بلاصة دازو منها كانت رحيل تتركز فيهاا بانتباه تاااوقفات الهونضة فواحد الشارع زووين ونقي والناس لي ساكنين فيه ماشعبين مااناااس لباس عليهوم.. نزل إدريس من لهونضة ومشى جهة باب الدار حلو بااش الدراري يدخلو الباگاج.. نزلات رحيل مور ماحطات سيدرا فالبوسيت ديالها وعينيها كيشوفو فالدار لي كااانو الحيوط ديالها مصبوغيين بالباج والرماادي وفيها شراجم فالطبقات بزوج.. طلعات عينيها فلبلاصة تتشوف بهدوء تاقرب جهتها إدريس درعهاا بيديه ونطق بصوت حنين:عجباتك لبلاصة؟
رحيل:(حركات راسها باه ونطقات بصوت مبحوح) اه
إدريس:غير رجعي جلسي فالطوموبيل تايدخلو الرحيل وديك الساعة ندخلو لداخل..
نفدات هضرتو لي قال ورجعات لطوموبيل ولقات سيدرا بدات تتكمش عينيها وتتحكهوم باش تفيق.. ومع حلاتهوم بدات تتبكي ورحيل مدات ليها سكاتة دارتها ليها ونطقات:شووو صاااافي امامي صاااافي
تحنات شمات ليها ليكوش ولقاتها وسخاتو وجبدات من صاكها ليكوش نقي ولانجيت وحيداتها من لبوسيط وبدات تتبدل ليهاا وسيدرا غير تتبكي وتتحك عينيها خاااسر ليها النعاااس.. بدلات ليهاا وهزاتها حاطة ليها راسهاا على كتفها وشافت فأسماء:جبدي ليا لبيبغون ديالها تم
بدات تتقلب عليها أسماء تالقاتها وهي تعطيها ليها وتانيرت شافت فرحيل: ماترجعيش تنعسيها خليهاا شوية باااش فالليل ماتعدبكش
رحيل:(حطاها فحجرها تتعطيها رضاعة) أصلا خسر ليها النعاس
بقاو جالسات تما والدراي ومحمد طه كيدخلو فالرحيل تاااسالاو وخلصهوووم إدريس خلاص توصيلة وخلاص الدراري بوحدهوم ومشااو راجعين لربااط وتانيرت عاد حلات لباب ونطقات بابتسامة: وداباا عاااد غاندخلو نشوفو الدااار
إدريس:(بتاسم ليها بحنية) دخلي اتانيرت إينوو
دخلات وتبعوها لبنات وإدريس بدا كينزل فالشوانط.. كانت الدخلة ديال الدار طويلة وحدا لباب كانت مرايا مخلينها فيها الناس لي كانو ساكنين فيهاا طويلة وفالجنب فيهاا كاادر فالكحل.. والزليج كاان فالبلونكاااسي كيلمع وفيه زواقات كوحل..كاينة واحد الضورة على يدك ليمن وتتلقاااي صاالة محلولة على زوج بلايص وفيها ساريات والشراجم كبار ومزلجة.. عاد تتخرجي لسطوان وعلى يديك ليسر كاين لكولوار فيه كوزينة كبيرة وفيها بلاصة الثلاجة لي ديجاا جابوهاا وركبوها هي ومكينة الصابون وتابلاصة مكينة دلمواعن كاينة ولكن خاوية.. لبوطاجي برخااام ولبلاكارات دلمواعن فلفوق خشب فلون قهوي بارد.. فيها شريجم تاهي ومهوية.. وفنفس لكولوار فالجهة الثانية كاين حمام وطواليط رومية تاهوما مزلجين زليج عصرري وأنيق.. وفأخر لكولوار كاين دروج كيطلعو لطبقة الثانية لي فيها سيجور كبير وجنبو صالة فصالتها طويلة وحداها كاينة بيت النعاس فيها بلاكااار ملصق فالحيط دلحشب وفيها بالكون والحمام ملاصق معاهااا.. عاد الجهة لخراا كاينين بيوت دالنعاس واحد فيه البالكون بحال لبيت لولة والثلاتة خرين كاانو غير بالشراااجم وجنبهوم لحمام وطواليط فنفس لوقت..الخلاصة الدار كااانت نقية وفصالتها وديكورها رومي.. دخلات أسماء لوحدة من دوك لبيوت لي فيها الشرجم ونطقات:هادي بيتي
محمد طه:(قلب وجهو) بديناا تاني
أسماء:(هزات كتافها) من حقي نختار بيتي
إدريس: كل واحد يشوف لبيت لي باغي باش تحطو فيها حوايجكوم..
رحيل:(ضورات عينيها لداك لبيت لي فيه لبالكون وتنهدات) أنا وسيدرا ناخدو هاد لبيت
ودوك زوج بيوتة لي بقاااو وحدة خداها محمد طه ولخرا خلاوها لريان.. بدلو عليهوم حوايجهوم ومحمد طه مشى يجيب مياكلو وإدريس عطاوه سيدرا لي ساكتة بين يديه وتتشوف فيه ومرة مرة تجبد ليه شي زغبة فلحيتووو وهو كيلعب معاها تاكتسمع ضحكتهاااا.. ضربوها بتسيقة ديال لغدايد تاولات ريحة سانيكرو عاطية فالدار ونقااو البيوت هوما لولين وحلو الشراجم تاااتهوات الدنيا ونشفات عاد بدا محمد طه هو وإدريس كيهزو فالتقل ويدخلوووه.. حطو غير النموسية فين ينعسو تال غداا ويكملو التستيف.. محمد طه بات مع رحيل فبيتها منعس سيدرا فلوسط لي بدات تتقلب وتتبغي تحرك.. وهو كيضحك معاها ويبووس حناكها تاكيبعزهوم ليها مع مطيبزززة.. تاكتكمش حجبانها فيه وهو تيزيد يعصبهاا تاتفرگعات ليه بلبكاا وهو يوحل.. دخلات رحيل تتحرك فلبيبغون وكمشات حجبانها:تهنيتي دابا
محمد طه:(هازها ونطق بهدوء) بنتك بوحاطية
رحيل:(عطات ليه لبيبغون وقالت هازة حاجبها) اوا سكتها نشوفو حنة يديك..
أما فبيت تانيرت وإدريس كانو متكين والعيا باين على وجه إدريس وكان كيوجد راسو باش ينعس وهو يصونى تلفونو ومع شاف النمرة قلبو قفز بين ضلوعو ملي بانت ليه نمرة الطبيب لمكلف بريان..
تقاد فجلستوو وتانيرت تتشوف فيه مفاهماااش مااالو وزاد كملهاا فاش خرج من لبيت مخليها جااالسة وعقلها ساااهي.. أماا إدريس فنزل لتحت وجاوب فالتلفون بصوت تتحس بيه مخلوع وملهوف: ألو دكتور ياك لباس واش واقعة شي حاجة لرياان؟؟
الطبيب:سمحليا حيت عيط ليك فهاد لوقيتة وخلعتك
إدريس: شنو كاين؟
الطبيب:ريان طلب مني نعيط ليك هو باغي يشوفك ضروري
إدريس:علاش ياك لباس؟
الطبيب: ماعرفتش صراحة ولكن هادا طلبو وعليها عيط ليك باااش نقولها ليك
إدريس:هو بخير بعدا
الطبيب:كلشي مزيان بلاماتشغل باااالك
قطع معاه الخط مخلي تاني دماغو خدااام ومعارفش شنوو بااغي واخا الطبيب طمنو الاأن قلب الأب كان مخلووع ولابداا.. رجع لبيت عند تانيرت لي مع الدخلة نطقات:شكون عيط ليك
إدريس:(بتاسم بهدوء) تتغيري علياا اتانيرت إينو
تانيرت:(قلبات عينيها وقالت) عارفاااك ماديرهااش ولكن لبرهوشااات كثرووو والواحد هو لي يخاف على رزقووو
إدريس هضرتها خلاتوو يضحك واخا مهموم وبالو مشغول ولكن هضرتهاا لخرة سالات معاااه وكيف كيقولو كثرة لهم كضحك هي ديالتهوم.. رجع لبلاصتوو وجرها من يديها تاحطات راسها على صدرو وتنهد تنهيدة طووويلة خلات تانيرت طلع راسها وتحط يديها على لحيتو وقااالت بحنية: هاد التنهيييدة لاش؟
إدريس:عيط ليا الطبيب دريان
تانيرت:(قطعاتو فاش بعدات عليه وقالت بخوف أمومي) علاااش ولدي واقعة لو شي حاجة؟
إدريس:(جرها تاني وقال بهدوء) خليني نكمل الله يرضي عليك..هو باغي نشوفوو عليها الطبيب عيط عليا وغايخصني نهبط تاني لكازا غدا
تانيرت:واش هو بخير؟
إدريس:اه بلاماتخممي غدا ونشوف اش كااين وماتقوليهاش لدراري باش مايتخلعوش على خوهوم تال غدا ملي نتأكدو
تانيرت:ياااربي تسمعنا خبار لخير بالي غايبقا مشطوون معاك
إدريس:(باس راسها) آمين خلينا نعسوو داباا غدا تابعاني الطريق
حركات راسها وتقادو فالنعسة وتانيرت قلبها كان واكلها على ريان وعرفاه واكل الدق مع المشاكيل لي طراو وهو دوغيجين ملي مات عبدالله بدا كيتمرد عليها تامقدراااتش أنهاا تشدو وتحبسوو تامشى فطريق لبلية.. الليل داز طويل عليهوم وغير صبح الصباح فاق إدريس وبدل حوايجوو ومشى جاب ليهوم لفطور عاد شد الطريق لگازا مخلي تانيرت بوحدها لي فايقة وبالها مشطووون.. طالق القرآن من راديو الطوموبيل مونسو فطريقو وكل مرة تصوني عليه تانيرت طمن عليه ومحسساه بالاهتمام وبلي كاين شي واحد مشطون بالو عليه وهادشي لي كان ناقص إدريس فحياتو.. لطالما كان هو الشخص لي كيتشطن على غيروو ولي فااش كيحتاجوه النااس كيلقاوه معااهوم واقف فجنبهوم ولكن فااش كان هو محتاجهوم كلهوم عطاوه بالضهر.. بعد ساعات طويلة وصل إدريس وبلاصا طوموبيلتو فبرا ونزل داخل لمركز فين كان الطبيب كيساين فيه حيت ديجا علموو.. جلس هو والطبيب فالبيرو لي شرح ليه حالة ريان وبلي لعلاج نفعوو ودوك السموم لي كانو فدموو مبقاااوش وأيضا هو ولى كيتموتيڤى معاهوم ومبين أنه بصح باغي يتعالج عكس بداياتو لي كااان مقصح رااااسو ويساليها بلكالمون لي كيهدنوه.. خرج إدريس مع الطبيب غاديين عندو تاوصلو لواحد الصاااال كان دايرينها ليهوم كيجلسو فيهاا ويهضرو مع بعضياتهوم ويتحاورو.. كان جالس هو أو واحد الدري تقريبا فنفس لعمر ديالو لابس قبية كحلة مع سروال توني تاهو كحل.. مركز فهضرتو ومردش لبال لإدريس لي كان حاضيه وكيبان ليه تيهضر ويبتاااسم وديك الضحيكة لي داير ريان بلاشعور نتقلات لشفاه إدريس لي ابتاسم.. هز ريان راسو غير بصدفة وهو يبااان ليه باااه واقف فالباب ومعاه الطبيب.. فلول قال مع راسو غير كنتخيل وفاش فاااق من الدهشة لولة نااض بالجهد وجاا كيجري عندوو بحال لوليد الصغير لي جا باه يديه من لمدرسة.. تلاح عليه بقوة تاگاع لي فالصال بداو يشوفو فيهوم ويصفقووو.. أما ريان تخشى فصدر بااااه ونطق بصوت متأثر: توحشتك ابابا
إدريس:(زير عليه تاهو وضرب على ضهرو بالجهد وقال بحنان) كون تشوف أنااا
بعد عليه ريان لي عينيه بداو يدمعو وإدريس كيمسح ليه دموعوو وخرجو من تماا والطبيب مخليهوم بوحدهووم.. خرجو لجريدة لي كان من الجهة لورانية وجلسو تماا.. تاواحد ماهضر فيهوم كل واحد كان كيتسنى الثاني يبدااا..
ريان:(شاف فأدريس ونطق بهدوء) نتا مقلق مني ياك؟
إدريس:(جاوبو تاهو بنفس الهدوء) شكون قالها ليك؟
ريان:(حرك كتافو) حيت أنا درت حواايج خايبين بزااف مخصنيش نديرهوم
إدريس:عارف راسك بعدا؟
ريان:(حرك راسو وهز عينيها كيشوف فالبعيد) عارف راسي غلطت وعارف بلي جرحتك نتا وماما (شاف فيه ونطق بصوت هامس) هي بخير ؟
إدريس:بخير وراها كتسناك وقتاااش تمشي عندها وخوتك كلهوم كيتسناوك
ريان:أنا باغي نخرج من هناا صااافي أنا بخير وبغيت نخرج ونكون وسطكوم
إدريس:(تنهد) نتا عارف بلي خصنا نشوفو الطبيب هو لول
ريان:(شد يديه ونطق بإصرار) غانواعدك ابابا بلي عمري غانقرب لداكشي مزال أناا بخير وبااااغي نخرج عفااااك ابابا..
كاان طلب ريان صعيب على إدريس ومبغاش يهرس ليه خاطروو عليها خلاه يرجع لصال ديالو ورجع عند الطبيب مرة خرا يهضر معاه ويزيد يوضح ليه حالتو بالتفصيل ويشوف واش يقدر يخرجو داباا ولاباقي غايحصو لوقت..
الطبيب:سي إدريس كيف قلت ليك السموم لي كانت فدمو تخلص منهوم وأيضا فالآونة الأخيرة هوو بدا كيتقبل يختالط ويهضر وجميع حصص العلاج كيوزهوم
إدريس:(حرك راسو) عارف عليها جيت قتارحت عليك خروجوو
الطبيب:هو ممكن يخرج ولكن واش غاتقدر تكونطروليه باااش هوو مايرجعش لديك الطريق مرة خرااا.. الافلت منها مرة فهادشي مكيعنيش الزهر غايبقااا ديمااا معاه..
إدريس:(ربع يديه) بيما أنه باغي يخرج وعطاني وعد فأكيد هوو مغايعاودش هااد لخطأ مرة خراا كيف قلت ليك قبل كانو مشاكيل بزاف ولكن داباا لحمدلله كلشي بدا كيتقااد
الطبيب:الاكان هاكا نتا غاتكفلووو
إدريس:واخا موافق
تافق مع الطبيب وخرج مخليه يوجد لوراق دخروجو وهو عيط لتانيرت طمنها ولكن مقالش ليها بلي غايخرج بغا يدير ليهوم مفاجأة.. رجع ثاني عندو لبيت فين كااان كيجمع حوااايجو حيت قالوها ليه وباين فيه فرحااان.. شاف فإدريس وبتاسم ليه وقال: توحشت لحومة وخوتي بزاااف
إدريس:تاهوما توحشوك
عاونوو فجميع لحوايج ورجعو عند الطبيب وقعوو على وراق لخرووج عاد ريان قدر يتنفس.. وغير خرج من باب المركز وهو يجمع النفس وزفرهاا.. توجهو لطوموبيل وشدو طريق وإدريس مجمع معاااه وأول حاجة داروها هي مشاو يتغداو ونيت إدريس قرر يعاود ليه اش طرا فغيااابو وبلي هوما مبقاوش ساكنين فالرباط وبلي تحولو لمراكش.. شدو لغدا وإدريس فاتحوو فالأمر وقرر يعطيه الصدمات وحدة بوحدة.. وريان حال فموو مصدووم من هضرة باه لدرجة مكلاش مزال ومقاسش طبسيلو.. حس بباه بحال الاكيعطيه بالمدافع ضرية مور ضربة ولكن أكثر حااجة صدموو هو موووت جيداء ورحيل شنو داز عليهااا..
ريان:(هبط عينيه ورجع شاف فباه)و محمد طه؟
إدريس:(تنهد حيت كيشوف محمد طه واكل الدق نيت ولموشكيل مكيبينش) حالو صعيب واخا مكيبينش لينا ولكن عارفو مقصح ومدمر
ريان:(كمش حجبانو وطاح عليه الضيم) جيدااء علاش دار فيها هاكا ورحيل هو شنوو باغي منا
إدريس:لي عطا الله عطااه وماعلينا غار بالصبر..
كملو ماكلتهوم بزز وغير نقبو عاد خرجو شادين الطريق وراجعين.. ومرة مرة ريان يسول باه على شي حاجة ومحسوش بالطريق تاوصلو لمراكش وريان متبع كيشوف بعينيه لبلايص تاوقفو حدا الدار ونزلو.. حل إدريس لباب وضربو فضهرو ونطق:يالاه سير تفرحهوم..
ريان دخل كيقلب على مو وخوتو تاسمع صوت فالطبقة لفوقانية عاد طلع وبان ليه محمد طه هاز سيدرا لي كانت عاطية وجهها جهة الدروج.. غير شافتو وبداات تتهز حيت كان موراه إدريس.. قرب جهتها ريان تاوقف مور ضهر محمد طه ونطق بهدوء: عيووو
ضار محمد طه مصدوم وغير شافو وهو يضحك وهز يديه معنقو وريان مخشي فخووه.. على صوتهوم خرجات تانيرت لي غير شافتو بدات تتبكي وتشهق وكلهووم تصدمو والفرحة ترجموها بلبكاا.. دابا عاد إدريس غايقدر يرتاح حيت ولادو ومرتو معاااه وهادشي لي كان باغي.. كان ريان كينتاقل من حظن لحظن وختمهاا بسيدرا هازهاا وهي مغوبشة فيه معرفاااهش شكووون ولكن غير ولفاتو طلقات معااه.. وإدريس مربع يديه وعينو على ولادو لي معانقين تاقربات جهتو تانيرت وقالت بحب:الله يخليك ليناا
🔜🔜
ربعات الطبيبة يديها مور محبسات آلة التسجيل وهزات عينيها فرحيل لي تنهدات وكأنها كانت هازة حمل ثقيل وداباا عااد قدرات تنفس..
الطبيبة:باش كتحسي دابا؟
رحيل:(حركات كتافها) باقي كنحس بلداخل ديالي خاوي
الطبيبة:طبيعي تحسي بهاكا خصوصا لي داز عليك مساهلش ولكن متنسايش بلي فرق كبير فحالتك بين النهار لول وبين دابا
رحيل:(حظنات راسها) يمكن حيت دازو سنين عليها
الطبيية: وحيت نتي درتي خطوة مهمة وأهم حاجة عائلتك لي وقفات فجنبك
رحيل:(بابتسامة باهثة) كانت ديما معايا وباقي لدابا معايا
الطبيية:(بهدوء)نحبسو هنا ليوم
رحيل:وي عييت
ناضت رحيل تتلبس جاكيط ديالها وهزات صاكها وتودعات مع الطبيبة لي نطقات: نتشاوفو لحصة الجايا
خرجات براا لكابيني فين كان إدريس وتانيرت يتسناوهاا.. ضحكات بخفوت وقالت:مامشيتوش؟
تانيرت:مبغيناش نخليوك
رحيل:(عنقاتها) عييت بغيت نمشي نعس
إدريس:خلينا نمشيوو
ركبو فالطوموبيل وشد إدريس الطريق لدار ورحيل حاطة راسها على زاج الطوموبيل كتشوف فالطريق لي ولات حفظاهاا ولجوو لي كان مشتي ومغيم.. وصلو لدار دخلات رحيل هي لولة غاادة لداخل وإدريس وتانيرت تيوشوشو ضارت وهزات حاجبها:مالكوم
تانيرت:(بسرعة) والو غير سولني واش خاص شي حاجة ياك
إدريس:اه
هزات رحيل كتافهاا وكملات طريقهاا تاوصلات لطبقة الثانية ومع دفعات لباب وهي توقف وعينيها على لبنيتة لي كانت جايا جهتها بكسيوة بيضاا مافيهاش ليدين وشعرها القهوي لغامق مطلوق براحة وهازة بين يديها طاغط فيه تصويرة رحيل وبصوت طفوولي هتفات بسعاااادة وعينيها لكحلين لمبطنين كيلمعو بحب: هابي بووووردااااي مااااامي
ابتسمات رحيل وعينيها على سيدرا لي كانت جايا جهتها تاوقفات قدامها ورجعات هزات عينيها فريان وأسماء ومحمد طه لي واقفين مبتاسمين ليهاا.. كانو مزوقين السيجور بالنفاخات ودايرين سمية رحيل معلقة فالحيط.. ضارت شافت فإريس وتانيرت ورجعات شافت فيهوم فرحانة..بقوة المشاكيل نسات عيد ميلادها وهوما لي فكروها كيف كل عام
سيدرا:(كمشات حجبانها ونطقات بهدوء) مامي نفخي على شميعة راه غادوب
تحنات رحيل جهة الطاخط لي هازة سيدرا وكمشات حجبانها ونفخات على شميعة عاد هز محمد طه الكيك على سيدرا ونطق بمزاح:الكيكة كبر منك
سيدرا:(بتدمر طفولي) أنا كبيرة امودي
ريان:(قرب جهة خوه وهزها بيد وحدة) نشوفو واش كبرتي
سيدرا:(ضحكات بالجهد) ههه رياااني هزني فالسماا
أسماء:رحيل دوزي تقطعي لكيك
سيدرا:ماامي غادوقيني أنا لولة يااكي
رحيل:اه اجي حدايا
تجمعو جميع محتافلين مع رحيل لي مبتاسمة معاهوم ومنوضين الجوو بناتهوم وغير سالاو احتفالاهم ناضت رحيل منعازلا فبيتها كيف عادتهاا.. أما فبرا كانت سيدرا جالسة على ركاب إدريس وشادة ليه حناكو ونطقات بصوتهاا الطفولي: بّا ديدي غاتديني غدا معااك يااك
إدريس:(كيقاد ليها شعرها وبحنان نطق) صافي ولكن خاصك تفيقي بكري
سيدرا:غانيني معاك ليوم باش تفيقني (ضارت لعند تانيرت لي كانت شادة تلفونها وقالت) تانيرت إينو طيبي ليا باط ليوم لعشا
تانيرت:(هزات راسها وضحكات بحب) اجي بوسيني
ناضت عندها سيدرا وباستها فشفايفها ورجعات عند إدريس لي كمش حجبانو وقال لسيدرا: فين بوستي أنا؟
سيدرا:(باستو فأرنبة نيفو ولصقات حنكها مع حنكو ونطقات بحب) بّا ديدي حبيب ديالي
زيرها إدريس لعندو تيضحك وتانيرت بتسمات ليهوم وناضت توجد لعشا لي طلباتو لالة ومالي وأسماء ناضت تعاونها مخليا سيدرا تتهضر وتجمع مع إدريس لي كيجاوبها على قد عقلهاا.. غير تعشاو كل واحد مشى لبيتو واعتازل فقوقعتو مع دكرياتو..
فاقت رحيل فالصباح ومع الجو مشتي مكان فيها لي يفيق ولكن الخدمة تنادي.. لبسات سروال سبور كحل مع قبية طويلة بيضا وجاكيط سخونة.. لبسات گاط وفولار كحل وهزات صاكهاا وخرجات من بيتها.. تلقات مع محمد طه لي كان تيسد فالجاكيط ونطق بابتسامة: هاد لبرد متسخايش تخرجي من الكاشة
رحيل:(مشات لكوزينة توجد لفطور) اوا الخدمة ماعندك احبيبي مادير ليها
محمد طه:(حل الثلاجة كيجبد داكشي لي فيها) واييه الصبر وصاف
رحيل: كون تشوف أنا لي ضوسي لي خليت لبااارح وغانصبح عليهوم وزيد داك خونا لي معايا تاهو مغايجيش اودي لحاصول هاد النهار باين متعب
محمد طه:حنا لوقوف لي تيهلكنا خصوصا لمگازان فاش تتكون عامرة وزيدي دايرين دبروموسيو العباااد غاتلقايهوم مگجگجين عليناا
عمرات رحيل أتاي وسخنات لخبر والرغايف لي فلفريگو أما محمد طه حط الفرماج والشكلاط كوفيتير والزيت وأملو بأرگان لي مبقاش كيخطيهوم.. جلسو يفطرو ورحيل كل مرة تتشوف فالساعة تاوصلات لوقت وخرجات هي ومحمد طه.. الشتاا مجهدة خيط من السما شدو طاكسي وأول واحد وصل هو محمد طه لي كان خدام فمگازان كبيرة بحال مول فيه زوج طبقااات لتحتانية خاصة بالعيالات ولفوق خاصة برجال.. ودعها وهي كملات طريقها لسوسيتي فين خدامة فبوسط سكرتارية.. نزلات حدا لباب ودخلات بهدوء ديريكت لبوسطها.. مبقاتش اجتماعية بحال لول دابا زادت انغالقات على راسها وحدها تادير خدمتها وتسالي وتخرج ديريكت لدار واخا لبنات لي معاها حاولو يتصاحبو معاها الاأنها دايرة حدود.. كيف كل صباح بدات تاني الخدمة وكاس دلقهوة حداهاا.. متفانية فعملهاا وكلشي كيعول عليها حيت كادير خدمتها بضمير.. نهار كولو يالاه رتاحت فيه وقيتة دلغداا وحيت عندهوم لخدمة والدرك تعطلات ومخرجات تاوصلات الثمنية هي وشي بنات معاهاا.. ودعاتهوم وشدات الطريق تتقلب على بتي طاااكسي.. مع هاد لوقيتة الدنيا تتكون خاوية..بان ليها طاااكسي ولكن فيه واحد لمرا.. وقف ليها وسولاتو على لبلاصة ومن زهرها كانت فطريقو مي خصوو يسبق السيدة.. قالت اللهم تمشي فيه ولاتعطل وتسنى تاني واحد خر.. راكبة لور تتمساجى هي وريان تتعلمو فين وصلات.. حط مول الطاكسي السيدة وضرب الضورة من واحد البلاصة شوية خاااوية.. رحيل كانت مركزة فالتلفون تاضرب مول الطاكسي فران صيييك قفزهاا.. هزات راسهاا ولقات واحد الزوج واقفين وهازين هراوات ضربات الكرسي ونطقات بصراخ:رجع ماخش اغيغ سررررربي
ماجا فين يرجع مول الطاكسي تالقا زوج خرين واقفين اللور.. قلب رحيل قفز خصوصا فاش شافت واحد فيهوم وعرفااتو شكون هوو.. تحل عليها لباب وجرها بالجهد وشاف فمول الطاكسي وبصوت مدعدع قال:سير وماتلفتش ولگريمة راه عاقلين عليهاا
مول الطاكسي علق ومبقاش عقل عليها وهي تتغوت وتنتثر وهوما غادين بيها جهة الطريق لي كانت خاوية حدا لغاابة تااجمدو رجليها فاش بان ليها مول دعوتها جالس فوق لكابو ديال الطوموبيل معوج راسو كيشوف فيها وبصوت باارد كي ثلج نطق:عموو
نفسها ضياااق عليها وعينيها خرجو من بلاصتهوم وهي تتشوف فيه جالس فوق الكابو ديال طوموبيل بكل عنفوان.. لابس جاكيط كوير فالكحل وتيشورت خضرا وشعرو مقادو وضارب تحسينة فجناب وزاد صحاح على كيف كاااان.. هي عارفة بلي هو تحكم عليه بخمس سنين وثمن شهرو ويالاه دازت خمسنين وشهر كيفاااش تاخرج دابااا.. غادين بيها جهتو هو لي بقا متبعهاا بعينيه كيشوف فيها بنظرات هووس ومرض.. زيانت على كيف كانت وغلاظت واخا لابسة لمستور الاانه هو لاحظ كل تفصيل فيهاا.. وجهها لي كان مخطوف خلاه يبتاسم وينطق بنبرة باردة: توحشتك اعمو ماتوحشتينيش
رحيل:(بدات كتنثر وغوتات بالجهد) مررريض طلق مني الخرااا الله ينعل الساعة لي شفتك فيهااا الحيواااان
بدر الدين:(حط صبعو على فمو) شووو صوتك مايتهزش علياا
رحيل:(بقوة مصطنعة) غانهزووووو وغانغووووت نتاااا مريض
نزل من لكابو بالجهد ومعرفاااتش كيف دار تاوصل عندها وعطاها تصرفيقة خلاتها تشهق ونطق وهو شادها من فولارهاا بنبرة قاصحة: عند بالك غاتهناااي مني كيف تهنيتي من داك ولد لق*بة دعاصم همم غالطة اعموو أنا مكنتفاكش مع لحاجة لي باغي
رحيل:(بدات تدافع معاه وغوتات بجنون) عمرررك تحلم بيهااا سمعتي عمررررك الحيوااان تفكر تقرب مني حيت أناا مغانخليكش طللللللق مني
غوتات وهي تاضرب فصدرو وهو كيف لحجر شادهاا.. الرجال ديالو مضورين البلاصة وشوفتهوم تتخلع.. أما هو دفعهاا ونطق بعصبية:ضسرتي اعمو ولكن أنا غانقاادك
هز تاني يديه ضربهاا وهو مغزف من الشمتة لي دارت ليه وكيفاش خلاتو يدخل لحبس ويضرب خمسنين على قلبوو.. كاان جاعر عليهاا خصوصا أنه خسر بزاف ديال صفقات لي كانو غايزيدو يغنيوه بسبابها.. كان تيعطها فالتصرفيق وهي دااايخة.. تاحد من الرجال ماوقفوش كيتفرجوو بحال الا راهوم كيشوفو فيلم.. عياااات تغووووت وضرب فيه تاهي ولكن الصحة ديالو غلباتهااا.. نيفها كيسيل بالدم وعينيها تبوقات ليهااا طايحة فالارض ولفولار تحيد وشعرها تحل تاااتفرش فالأرض حيت طواااال ليهاا على كيف كاااان وهي عمرها قطعاتو.. كااانت تترعد كلها ومع ذلك كانت باقاا تتقاوم.. تلفونها كيصوني فجيبها مي كانت دايراه سيلونس ومشافتوووش وتابدر مشااافو..
بدر الدين:(غادي جاااي وهو مخيخ وقااال بصراخ) علااااااش هربتي همممم علااااااش درتيهااا كنت غااااانعيشك فوووووق السلك ومااايخصك وااالو ككنت باااااغي نديك معايااا ساعة نتي غلطتي بزااااااف (رجع تحدر عندها هاااز ليها راسها كيشوف فوجهها لي تنفخ وعينيها لي تاهي مبقاتش تتشوف فيها وقال بهمس مريض) علااااش اعموووو هممم شفتي داباا أناا شنو درت فيك..
دفعاتو رحيل من عليها تاطاح ودفلات عليه وقاااالت بعصبية: تفووووووو عليك عند باااالك أناا غانرضى بواااحد بحالك موووسخ وقتاااال ومعاااارفش بينو وبين لي خاااالقوو.. عند باالك غانرضى بيك وأناا شوفتك تتعيفني وكون رجع بيااا الزماااان لور كون غرست لمووووس فقلبك مااااشي فكرشك الحيواااان..
كلامها ونفورها منو غير مكيزيد يجعروو.. قرب جهتها ناااوي يضربها وهي فغفلة منوو ومن رجااالو هزات التراااب فكمشة وعماااتو فعينيه تااغوت ورجع لور وهي عطاااات رجليهااا لريح غادة تتجري وداخلة جهة لغااابة.. رجالو تجمعووو عليه تيسولو فيه وهو مقادرش يحل عينيه وغوت بعصيية:تبعوها اولاد لق*ااااب وجيبوها ليااا
دارو بهضرتو وتبعوها وهي غادة تتجري بكل قوتهاااا.. الظلام والشجر عااالين مغطين عليهااا الشوفة فالطريق تيتسمع غير صوت أنفاسها العالية والخااايفة ومرة ضووور وراهااا وشعرها تيطاااير موراهاا.. البرد والشتااا بدات تنقط وهي محساااتش بهادشي كولو حيت لهرووب هو لي كان شاغل باالهاا.. نسات أنه عندها تلفون وأصلا لوقت مكانش باش تعيط على شي حد غادة تتجري تاتعكلات وطاحت بالجهد مفورصية على يديها لي دخل فيهوم الشوووك وغوتات غوتة مكتووومة.. ماتسنااتش توجع حيت لوقت مكاينش وهي تتسمع لحس قريب.. جمعات لوقفة وناضت تتعرج وتجري وضووور..بان ليها لخياااال وهي تقلب الطريق غااادة فين معرفااااتش المهم مايشدوهاااش.. مسافة طويلة تتجريهاا تاتفكرااات تلفونها وهي تمد يديها لجيب تجبدو ساعة مكاااينش.. عينيها خرجووو فبلاصتهوووم وتفكرات الطيحة لي طااحت وأكيد غايكون تاهو طاح تمااا والمشكيل ماتقدرش ترجع حيت نسات الطريق.. حبسات وهي تتنهج متكية على واحد الشجرة وقلبها غايخرج وريقها نشف.. طلات بشوووية وعينيهاا تااايبرقوو بالخوووف تاحساااات بنفس مورااهاا وهي تجمد ومع جات ضووور تغوت حسات بيد ضارت على خصرهاا جراهاا لجسدو بقبضة قوية وليد الثانية تحطااات فوق شفايفها كاتمة ليها لغوتة.. عينيها محلولين على الجهد وريحة برفاان رجوولي مجهدة خترقات جيوبها الأنفية وقلبها كان تيدق بسرعة.. نزلات عينيها ليد لي شاداها فخصرها وبانت ليها يد قوية وفيها لعروق منفوخين ومزينة بساعة رجالية غالية تتبري مع الظلام حسات بأنفااس ساخنة ضربو فعنقها جهة ودنها أو وصلها صوت تقيل ذو بحة رجولية ناطق بهمس: ششش ماتخافيش أنا معاك..
كان بدر الدين واقف بلاصتو وعينيه حمررررين بالتراب لي عماتو بيه وبسبب الأعصاب لي شدوووه فاش هربات من بين يديه للمرة الثانية.. شاد بين يديه فولارها وقربو جهة نيفو كيشم ريحتهااا بجنون وهو غادي جااااي فبلاصتو أو إليااس كان واقف حداه كيشوف فيه بلاماينطق.. رجع بدر الدين وجلس فوق لكابو ديال الطوموبيل وعينوو على فولارهاا ونطق بصوت هادئ عكس العصبية لي كيحس بيها: واخا تعياااي تبعدي وتهربي مني اخرتك اعمو غاتكوووني لياا
إلياس:(قرب جهتو وقال) من الأفضل نتحركو من هنااا ابدر ونخليو الدراري يتكلفو
بدر الدين:(شاف فيه وكرز على سنيه) زو*مل مقدروووش يشدوهاااا
إلياس: الاماشديناهاش هاد لمرة نشدوها لمرة الجايا
بدر الدين:(نطق مغزف) مغانخليهاااش برب لاخليتها
إلياس:(حرك راسو) اه دابا خلينا نمشيو قبل مانصدقو جابدين مشكيل مع لبوليس تاني
نزل بدر الدين من فوق الكابو وركب فبلاصتو وإلياس هو لي سايگ غمض بدر عينيه ناااطق بهدوء:قول لدوك لكلاب مايخرجوش من هنا تايلقااوهاا لياا سمعتي..
" شش ماتخافيش أنا معاك "
شعووور غريب سرى فداخلها مجرد مسمعات كلامو لي همس ليها ولي خلاها تحس بالرااحة والأمااان.. قلبها كان تيدق بشكل سريع وصدرها كان تيتهز ويتحط وبحركة لا إرادية حطات يديها فوق من يديه لي حاط على خصرهاا وغرسات ضفارهاا مستنجدة بيه..كانت تتحس بدفىء غريب وهي بين أحظانو وصوت أنفاسو لي كيضربو فعنقها خلاو رعشة تسرى فداخلهاا.. بداو كيسمعو صوت الخطوات لي كانو تيقربو لجهتهوم ورحيل قلبها غايسكت.. رجعات زيرات على يدو تاسمعات صوتو لي همس ليها تاني: قطعي لحس..
زول يديه لي كان حاط على شفايفهاا وبعد يدو لي كان شاد بيها خصرها وتقدم خطوة عليها تاجا قدامهاا وقدرات رحيل تهز عينيهاا فيه وتلمح طولتو وكتافو لعرااض.. غطى عليها تامبقاتش تتبااان وهي غير سمعات لحس قريب بلاماتشعر شدات فشوميز لي لابس.. عيونو كااانو على داك الشخص لي جااي لجهتهوم تاوقف حداهوم ومع جاا يضور جروو بالجهد وحط ليه دراعو على عنقو خانقو ولاخر تيحاول يتقاتل معاه ساعة حكمو فالشدة لي دار ليه تلاخر ولاحمر باغي يموت حيت تخنق وهو يطلق منوو وبحركة سريعة ضوورو جهة الشجرة وخشى ليه راسو فالشجرة تارجع لاخر خطوة لور وطااح الأرض سخفان.. كانو عيون رحيل متعلقين فقط على داك الغريب لي كان تيتقاتل على قبلهاا.. رجع كيشووف فالأرجااء وفنفس لوقت مد ليهاا يديه وهي بدااات تتشوف فيهاا عن قرب.. لعروق ديديه منفووخين وفيها شوية ديال زغيباات وداير خاتم دالنقرة فيه جوهااارة فالكحل.. مدات يديهاا تالمسات يديه وهو غير حس بيهاا زيرها فالشدة دياالو تاحسات بعضاام يديها غايتهرسوو وجرهاا معاه غادين كيجريوو.. مكانتش عارفة رحيل شنو كيوقع وشكون هذا لي أمناات راسها ليه باش يخرجها من هاد الحفرة فقط كانت متبعة إحساسها لي قال ليها تيقي فيه.. غاديين كيجريو تاسمعو تاني لحس وهو يحبس وحدر راااسو كيحاول يفرز الصوت من إينا جيهة جااااي.. طلق من يديها وبدا كيتمشى لقدام بشوية وهي متبعة خيااالو لي بدا كيبعد عليها شوية بشوية مخليهاا واقفة فبلاصتهااا بدون حراك.. أما هو فكاان متبع الصوت لي كان جاااي قدامو وبان ليه واحد من الرجال لي تابعين رحيل تاهووو جااي جهتو.. هز لاخر يديه باغي يضريو ساعة تجنب ليه بزربة وعطاااه كروشي فكرشو تازواه وزادو التاني.. ناضت بيناتهوم مقاتلة ورحيل شادة على فمهااا مرعووودة ورجليها مبقاوش هازينهاااا تاطااحت الأرض فشلااانة ودموعهاا بداو يطيحوو من أول وجديد.. هز واحد لخشبة كانت طايحة حداه وعطااه ضربة لراااس تاطااح لاخر وزادو ضربة خراا فشلووو بيها ونزل عندو كيعطيه فالكروشيااات تادوخووو مزيااان عاد بعد عليه راجع عند رحيل لي كانت حادرة راسهاا تتبكي ونطق بصوت رجولي هامس ليها: عطيني يديك
مدات رحيل يديها تاشدها ونوضهاا ورجعو تاني كيجريوو ورحيل صافي بدات تتحس بالفشل والعياا والخوف كلشي رجع عليهاا دابااا وهي تتجري.. تابداو خطواااتها تيتقاااالو والدوووخة شداتهاا وهادشي هو حس بيها.. وقف وضار لعندها وهي تنطق بصوت تقيل حادرة راسها لقدام: مابقي تش قادرة
مد يديه بزربة فاااش شافهاا غاطيح وشدها وهي قبل ماتغمض عينيها وتغيب شافت فبحر عينيه هو كيشوف فيها بنظرة رجولية قبل ماتغيّب فخطرة.. طيحتها كانت معدبة شي لي خلاه يهزهااا بين يديه وهي مغيبة وشعرها كيلعب موراها مع كل حركة تحركهااا.. مكمل طريقو لي عاقل عليهاا وهي بين يديه محساش باشنو ضااااير بيها.. مدة من الزمن تاخرج من لغاااابة فاتجااااه طوموبيلتو لي كان موقفها جنب الطريق.. وصل حداها وضور وجهو جهتهااا كيشوف ملامح وجهها لي مبقاوش كيبانو بسباب الضرب لي كلاااتو وعينيها لي تبوقاات.. وقفها مع الطوموبيل مخلي راسها يتكى على صدرو ويدو شاداها من خصرها باش مطيحش ليه وجبد لكونطاكط من جيبو حل بيها الطوموبيل.. مد يديه حل لباب لوراني ورجع هزها بين يديه تاحطهاا لور وقادها عاد سد لباب ومشى لبلاصتو ركب وطلق لكليمااا باش تسخن الطوموبيل وتحرك غادي من تم ومرة مرة يلوح عينيه فالمراياا ويشوفها ياكما فاقت..
كانو مجموعين كلهوم فالصالة والخوف باااين عليهوم وخصوصا تانيرت لي وجهها صفار بالخلعة.. كيصوني ريان ولكن التلفون طافي وهادشي غير مزاد خلعهوم خصوصا أنها وصلات لعشرة دليل وهي باقي مادخلات.. سعتاين باش قالت لريان راه ركبااات وملي كيعيطو ليها مكتجاوبش تاشوية لخط طفى.. مبقاو عارفين مايديرو وإدريس جمع لوقفة مبقاش قادر يصبر غادي يقلب عليهاا براسو.. مشى هو ومحمد طه وريان بقا معاهوم فالدار.. خرجات سيدرا من البيت تتحك عينيها وتتفوه وقربات جهة تانيرت وكمشات حجبانهاا: تانيرت إينوو واش مامي باقي مجات؟
تانيرت:(بتسمات فوجهها باش ماتخلعهاش وقالت بهدوء) ماماك عندها خدمة احبيبة ديالي عليها غاتعطل
سيدرا:(بتدمر معوجة شفايفها) ولكن هي متتعطلش بزاف علاش تعطلات ليوم
ريان:(قرب جهتها هازهاا) شبان ليك نلعبو أناا ويااك لبلااااي همم
سيدرا:(تنهدات) بغيتي مامي
ريان:(باسها فحنكها) هاهي غاتجي دابا زيدي نلعبوو
داها معاه لبيتو وبقات تانيرت جالسة على أعصاابها وكل مرة تعيط لإدريس ساعة مكاين خبار..
تانيرت:(بقلب ملهوف) عمرها وقعات ليناا هادي ديما كانت تتجي فلوقت
أسماء:(قربات جهتها وجلسات جنبهاا شادة فكتفها) غير تهدني غاتكون غير معطلة فالطريق
تانيرت:سعتاااين كلها اأسمااء كون قلنا نص ساعة ولاساعة واااه سعتتتاين لا لا قلبي ممطمنيش غااتكون واااقعة شي حاااجة لكبدتي أناا حااااسة هااااداا (ضربات على صدرهاا) عااااالمني بلي بنتي مااارهيش بخير
أسماء:إن شاء الله يكون كلشي بخير ياااربي
الخووف كاان طاغي عليهوم كاملين لاتانيرت ولاأسمااء ولاريان لي واخا جالس مع سيدرا وتيلعب معاها الاأن بالو مشطون مع ختووو.. ماخلى إدريس ومحمد طه فين قلبوو لدرجة مشاو تال بلاصة خدمتهاا وقلبو فالنواااحي ساعة والو غبر ليها الأثر..
---
بدات تتحل عينيها على صوت التوشويش لي كان جاي جهتها وحاسة بعضامها كيضروهاا وعينيها لي تنفخات بدات تتعطيها لحريق.. طلقات واحد الآه من فمهاا خلات الفرملية لي كااانت تتقاد ليها فالسيروم ولخرا لي معاها يقربو جهتهاا ويوقفو حداهاا وهوما تيشوف فيها وكيتسناوها تفيق..حلات عين وحدة والضبابة تابان ليها وشوية بشوية بدات كتفكر اش طراا ولقاءهاا مع بدر الدين لي مكانش على لبال وداكشي لي وقع ليها وداك الغريب لي عتقها وعند هاد النقطة بالدّات ناضت بالجهد وهي تحس بضو ضاربها فيديها حيت تكات بيهوم بالجهد فوق النموسية والفرملية لي كانت تتقاد ليها سيروم نطقات بسرعة: بشووية عليك
ضارت رحيل شافت فيهاا ورجعات شافت فلخرا لي معاها بدون ماتنطق بتاشي كلمة..
الفرملية 2:واش نتي بخير قولي لينا باش تتحسي
مجوباتهاش رحيل حيت بالها مكانش معاها إنما كان مع الشي لي وقع.. بقاو تيسولو فيها وكيتسناوهاا تجاوبهوم ساعة والو بحال الاكيهضرو مع الحيط..
رحيل:(شافت فيهوم وأخيرا نطقات) شنو وقع
الفرملية1:طاح ليك طونسيون هو سباب الإغماء وعينيك لي منفوخة مع طريطمو ديال دوااا غاتفش وترجع كيف كانت لاهي ولاضرابي لي فوجهك (حطات لفرملية يديها على كتفها وقالت) كنا غير تنتسناوك تفيقي باااش تعطيني نمرة شي حد من عائلتك يجي عندك
رحيل:(شافت فيها بخفوت) شكون جابني؟
الفرملية2: على حساب ماقالو ليناا فلغيسيبسيون جابك واحد الراجل ولكن دغيا مشى ومقدرناش نسولوه
رحيل:(حركات راسها) واخا تعطيني تلفونك عفاك
جبدات لفرملية تلفونها وعطاتو ليها ورحيل دوزات لخط لباها لي جاوبها فالبلاصة بصوت ملهوف:شكون معايا؟
رحيل:بابا هادي أناا رحيل
إدريس:رحيل بنتي نتي فينك واش نتي بخير؟
رحيل:أنا غاندوز ليك لبنت تعطيك لعنوان ابابا
عطات التلفون لفرملية لي عطات لعنوان لإدريس ورجعات شافت فرحيل مور ماقطعات لخط وقالت بهدوء: رتاحي أنا بانرجع واحد الشوية
خرجات الفرملية ورحيل رجعات تكاات فبلاصتها وعقلها سارح بعيد تتفكر فداك الشخص لي عتقهاا من بين يدين بدر الدين.. كانت باغا تشكروو ساعة هو مشى والمشكيل ماخلى وراه تاشي حاجة تعرفوو بيهاا.. حظنات راسها وبداو دموعها كينزلو من جديد وحاسة براسها مخنوووقة هو خرج من لحبس وباااين مغايتفرقش عليهاا حيت حاطها فراااسو من زماااان.. بقااات جالسة بوحدها فالشومبر ودموعها هوما لي كانو مرافقينهاا تاتحل لباب عليهاا وهي تهز راسها جهة إدريس لي كان واقف بجمود وعينو عليهاا.. وجهها تنفخ وعينيها تاهي تبوقااات وحناكهاا زراقو بالضرب لحااصول حالتها كانت حاااالة.. قرب جهتها إدريس معنقهاا بالجهد وهي بدات تتبكي بصوت مرتااافع خلاها إدريس تبكي وتخوي قلبهاا تاحسات براسها رتاحت عاد بعدات عليه وهي تتنفس بالجهد.. شد وجهها وشاف فيها بصوت هادئ: شنو وقع شكون دار فيك هاد لحالة
رحيل:(هزات فيه عينيها وشافت فيه بشوفة هرسات قلبو)هو خرج من لحبس هء هء هء
إدريس:(كمش حجبانو) شكووون؟
رحيل:بدر الدين هء هء هووو لقاني ابابا لقااااني أنا خاايفة
عنقهاا إدريس وعينوو السوود كاانو حمريين والعصبية بانت فيه وبصوت هامس نطق: هادا اخرتو غاتكون على يدي..
مكانتش باغا رحيل تبقا فالسبيطار عليها قررات تخرج من تم وأصلا حالتها ماشي خطيررة وبالنسبة لدوك الضرابي لي فوجها عطاها الطبيب طخيطمون لي تبع ودار ليها شادة طبية.. خرجو من تماا ورحيل مغطية راسها بمونطو دباها حيت فولارها طاح ليها وشدو الطريق لدار فين كانت تانيرت غادة جاياا ملهوفة على بنتهاا.. ماخلاهومش إدريس يمشيو معاه وهادشي غير مزاد خلاهوم يتوثرو.. غير سمعات تانيرت طوموبيل برا وهي تنزل من الدروج تادردگ وموراها أسماء ومحمد طه وريان أما سيدرا فكانت ناعسة.. شهقات تانيرت بالجهد فاش شافت حالتها وقربات جهتها معنقاهاا تيبكيو بزوجااات وإدريس غير مكمش حجبانو باين فيه كاعي.. شاف فمحمد طه وأشار ليه براسو بمعني أجي معايا وخرج مخليهوم تيتبكااو تم..ركب فطوموبيلتو وجا محمد طه عندو جااالس حداه وقال:شنو طاري؟ وشكون دار ديك لحالة لرحيل؟
كان تيهضر وهو معصب وإدريس ساكت وسايگ مقال ليه والو وتامحمد طه ضرب الطم تابان ليه وقف قدام الكوميسارية ونزل تابعوو.. مشى ديريكت عند البوليسي لي كان حدا لباب وقال:باغي ندير شكاية
البوليسي:سير لداك البيرو لهيه
مشى إدريس لفين نعث ليه ومحمد طه غادي معاه.. دخل لعند البوليسي لي تماا وهو ناوي يرفع شكاية على بدر الدين..
---
متكية رحيل فبيتها مور معاوناتها تانيرت وأسماء تبدل حوايجهاا.. جلسات تانيرت حداها ودوزات يديها على شعرها وقالت بصوت حنين: نطيب ليك شي حاجة تاكليها
رحيل:(حضنات راسها بيديها ونطقات بصوت خافت) فين سيدرا؟
تانيرت:ناعسة فبيت ريان نتي بلاماتشغلي بالك ابنتي
رحيل:(حركات راسها وبصوت مخنوق قالت) عيييت اماما عيييت كلما قلت راه تهنيت وغانبدا من جديد تانرجع تاني بلوور (شافت فيهاا وبصوت باكي)واش انا ممكتابش عليا نرتاح ونفرح فحياتي هاا
تانيرت:(شدات فيديها وقالت بهدوء) خلي إيمانك فلي خلقك قووي ابنتي أنا متأكدة بلي مور هاد لعداب لي عشتيه غايجيو ياام زوينة لي غاتنسيك فكلشي..
حطات رحيل راسها على كتف تانيرت لي كانت مدرعاهاا وتدوز يديها على شعرها بحنية.. مدة تاحسات بأنفاسها انتظمات وعرفاتها نعسات.. بعداتها عليها بشوية وقداتها فبلاصتهاا وخرجات من لبيت وعقلها مشغول تاني معاها.. يالاه قالو راه بدات تتولف وتنسى اشنو داز ومكملة حياتها ساعة ماتمشي غير فين مامشاك الله.. ديك الليلة دازت تقيلة عليهوم كاملين..طلع الصباح وكانت واقفة تانيرت تتوجد لفطور تاسمعات لحس وهي ضور ولقات إدريس لي كان جاي عندها وابتاسم ليها بحنية وقال:صباح الخير تانيرت إينو
باسها فجبهتها وهي ابتسمات ليه وقالت بهدوء:شنو غانديرو؟
إدريس:لبارح بليل هضرت مع يونس وهو علمني بلي داك لحيوان خرج كيف دار ليها ماعرفتش المهم راه رفعت عليه شكاية وتايونس غايدخل فالخط
تانيرت:مافهمتش اشنو باغي منهاا واش مكفاهش اش دوزو عليها لاهو ولاولد خوه لمريض
إدريس:(زير على يديه) هاد لمرة غير حيت غايلقاني فوجهو والاقرب جهتهاا ولافكر يمس شعرة منها بربي تااناخد روحوو بيدي
تانيرت:(قلبها ضرها وقالت بخوف) خلي لبوليس هوما لي غايتكلفو عفااك نتا بلامادير شي حاجة ندمو عليها
إدريس:(حرك راسو ببرود) واخا
حطات ليه تانيرت لفطور وغير سالى مشى لسوسيتي فين خدامة رحيل يدفع ليها شهادة طبية وموراها يمشي لگاراج ديالو.. أما دراري فغير فاقو كل واحد مشى لخدمتوو وبقات غير تانيرت مقابلة شغالات الدار ورحيل لي باقي مفاقت لاهي ولاسيدرا.. سالات شغالهاا وشدات لبيسي تتخدم منوو هو وتلفون تاسمعات لحس وبانت ليها سيدرا خارجة طالقة شعرها ولابسة بيجامة خفيفة ديال الدار واخا كاين لموت دلبرد مكتحملش تكثر لحوايج.. قربات عند تانيرت وعنقاتها: تانيرت إينو صباح الخير
تانيرت:صباح الخير اشميشتي تفطري دابا
سيدرا:واش مامي مشات لخدمة؟
تانيرت:ماماك مريضة شوية وراه ناعسة فالبيت
خلاتها سيدرا ومشات تتجري لبيت مها وحلات لباب بشوية وهي تلقى رحيل يالاه تتجنع الصلاية.. ضارت جهتها وهي تشهق سيدرا بطفولية وقربات عندها:مامي ديالي علاش عندك ديدي فوجهك
رحيل:(محملاتش تشوفها بنتها فهاد لحالة وبصوت ضعيف قالت)حبيبة دمامي أنا طحت فالحمام
سيدرا:(حطات يديها على وجه رحيل وبدات تتلمسو بحركات حنانين ونطقات بطفولية)واش كيضرك امامي بزاف
رحيل:(ابتسمات ليها بهدوء) الابستيها مغاتبقاش تاضرني
سيدرا:(شدات وجهها وبقات تتبوسها فبلاصة الضرابي بشوية وبعدات) مغاتبقاش ضرك امامي داباا حيت أنا داويتها ليك
رحيل:(هزاتهاا وباستهاا فحنكها) يخلي لياا لحنينة ديالي
خرجات رحيل من بيتها غادة لعند تانيرت لي جالسة فالصالة وابتسمات ليها فاش شافتها خرجات.. فطرو مع بعضياتهوم وسيدرا كل مرة تهز شي حاجة وتوكل رحيل وتمسح ليهاا بسغڤيت تاسالاو وناضت تانيرت باش توجد لغدا حيت ليوم السبت وكلشي خدام غير نص نهاار..
رحيل:(قربات جهة مها)نعاونك ؟
تانيرت:غير خليك ابنتي أنا غادي نوجد لغدا
رحيل:(شافت فيديها لي مجروحة ونطقات بهمس) واخا
جلسات فالكرسي حدا مها ساهية تاسمعو صوت سرسار وهي تنوض رحيل باش تحل لباب ساعة لقات سيدرا سبقاتهاا تتجري.. سمعات لحس وصوت سيدرا لي نطقات بصوت عااالي: إسلاااااامي..
يتبع...
التعليقات
لا توجد تعليقات بعد، كن أول من يعلق.