محتوى القصة
روفيدا...الإسم لي ختارتو سيدرا بحماااس وعشق وهو الإسم لي تسمات عليه الشمعة لي ضوات حياة إسلام... عجباتو السمية بزااف وماخصرش لخااطر لالة ومالي لي اختارتو وقررو يخليوه وتاأسماء عارفينهاا غايعجبهاا الإسم حيت سبق وقالت ليه راه سيدرا لي غاتسميهاا عليها ماتعدبوش يقلبو على سمية حيت كاااينة النخشيشة... عجباتهوم السمية ورحيل بقات غير تتشوف فبنتها والأسماء لي ماعرفاتش فين تتجيبهوم فلول إسحاق ودابا روفيدا ويعلم الله اش غاتسمي اخر أما بخصوص سميات لقطوط هاداك حدت ولاحرج تاتختارع شي سميااات سبيسييال مكيتنسااوش... ماتعطلاتش رحيل بزااف فالسبيطار حيت خصها ترجع على قبل وليداتها... رجعها نوح لدار إدريس فصمت مانطقات بتاشي حرف غير ساهية وصاف وتاهو سكت وضرب الطم...
ربعة وعشرين ساعة دازت والطبيبة قررات تشوف حالة المريضة واستجابتهاا للعلاج... كانو جالسين تايتسناو على أحر من الجمر وكل شوية يصوني تلفون شي واحد منهوم كيعيطو ليهوم يسولو وتايلقاو نفس الجواااب...
إسلام غادي جااي فلكولوار كل شوية يهز تلفونو يشوف فالساعة ويرجع يشوف قبالتو تايتسنى طبيبة تجي حيت تعطلات بزاااف...قلبو تايدق بزربة والخلعة شداتو خايف يسمع شي حاجة تأزمو وتحطموو...كيدعي من قلبو أنه يكونو لخباار كيفرحوو... وأخيرا بانت الطبيبة جاياا وهو وقف بلاصتو جمد تاوصلات عندو وقالت بتبسيمة:الحمدلله المريضة استجباات لعلاج كنا خايفين من احتمال أنها دخل كومة مي الحمدلله... هي باقي فالانعااش كانتسنااوها تفيق لراسهاا وباش نزيد نطمنكوم درنا ليها جميع لفحوصاات وكلشي كان هو هدااك.. مغاتقدروش تشوفوهاا دابااا ولكن ملي غاتفيق كليااا ونقلوهاا لغرفة عادية غاتقدرو تشوفوها حمدلله على سلامتهااا...
الروح يالاه رجعات ليهوم والضحكة ترسمات على لوجوه بهاد الخباار لي كاطمن وديك الساعة كل واحد هز تلفونوو يطمن حبابو...تانيرت تاتعيط لبنات وإدريس كدلك وإسلام لمو وخوتو لي كانو باغيين يجيو ساعة هو گال ليهوم ماتجيوش دابا حيت غير غاتعدبووو ولي كان غانعلمكوم بيه... لبنات غير سمعو لخبار تعااانقوو وبداو ينقزو بلفرحة ويبكيوو وكلشي تخلط عليهوم وديك الليلة مرت بسلاام وهدوء على أمل جديد...
***
ليوم عندو لونطريماا فلاصاال على الصبااح فاق ضربها بتدويشة بلمااا بارد وخرج لابس عليه حوايجو السبور كيف لعادة وهز صاكو لي فيه مسائلو ونزل لتحت كان غير هو وباه لي فالدار... وعارف بلي باه غايكون باقي ناعس حيت مادخلش بكري ليوم... خرج من الدار داير يديه فجيابو غادي بخطوات تقيلة تاوصل لشاريع وخدا طاكسي نيشان لاصال... مع دخل مع مشى بدل عليه وجا يدير تسخيناات كيف لعادة...
العرق تايقطر منو وهو كيتريني بكل قوتو مع الكوتش لي كان شاد ليه كيس الملاكمة وهو تايضرب وعينو القهوية لي تاتشبه سطح قهوة مرة مركزة غير فداك لكيس تاسمع صوت لكوتش لي قال:حبس تال هنا وباركة ليوم ترنيتي بيما فيه لكفااية غدا ونكملو
خلاه تايستاارح وهو كيلهث بتعب وغير حس براسو مزياان مشى دوش ولبس عليه وخرج راجع لدار... كان غادي مزك مامسوق لحد تاعينو لمحاتهاا وهي قاطعة الشاانطي وهاد لمرة مالابسة لانقااب لاوالو...طالقة شعرهاا ومهبطااه شوية على حنكهاا لي فيه سكاتريس ولكن واخا هاكاك تتبان مع ريح لي تايطلع ليها شعرها... هي مشافتووش ومانتبهاتش ليه عكسو هو لي عقل عليها مجرد مطاحت عينيه عليهاا... تمشات وهو غادي وراهاا بلامايعيق حاضيهاا فيما دخلات يدخل متبعها بحال ظلهااا... خدات داكشي لي تسخرات وتمات راجعة فنفس الطريق على رجليها ممستعملاش طوموبيل حيت باعتهاا بتمان رخيص وتهنات منها باش ماتخلي وراها تاشي دليل... وصلات لواحد الزنقة كانت خاوية وبدات تتمشى وهو وراها بلامايقرب تاخرجو لشاريع كبير وكملات طريقهاا وهي معايقااش بلي شي حد تابعهااا... وصلات لحومة فين ساكنة ودخلات لعمارة وزين بقا واقف بعيد تايشوف فلبلاصة قبل مايضور ويبعد شوية من تم وبقاا جالس حاضيهااا لاتكون غير داخلة تم باش تلفو ساعة مابانتش ليه خرجات وتافاش سول واش كاين باب تاني لعمارة ساعة مكاينش... بقا تيشوف مدة فداك العمااارة قبل مايرجع أدراجوو بخطوااات بطيئة داير لقب على راسو ويديه فالجيب كيشوف قدامو وماتعرف اش تحت راسو...
داخلة لدار وهي محملة بالسخرة لي جابت معاهاا حطاتها غير حدا لباب ودخلات تتسوط بحال لفعة وتنش على راسهاا... ونيشان مشات لكوزينة جبدات ليها قرعة دلماا باردة ونزلات عليها دقة وحدة... عاد خرجات ومشات تسطحات فوق السداري وبدات تاتسوط... خرجات صاحبتها من لحمام تاتنشف شعرها ولقاتها مفطحة ونطقات بهدوء:رجعتي؟؟ (جلسات قدامها) اش درتي مزال بعتي طوموبيل؟
ميس:همم (بغضب)بعتهاا بتماان قليل بففف
ص:شري وحدة خراا بااش تحركي
ميس:باااش انشريهاا بالخراااا راه لفلوس باش بعت هادي گاعماا يجيبو لياا موطور عساك طوموييل
ص:اوا صافي صبري ماعندك ماديري وأصلا كون خليتيها كنتي غاتجبدي النحل على راسك
ميس:خصني فلوس (بسهو) ولابدما خصني نقلب على فين نجيبهوم
ص:(ناضت ولاحت ليها لهضرة)نوضي خدمي عليهوم راه داكشي لي تاندير تاأنا وزايدون راه مغانبقاااوش على هاد لحال
ميس:(خنزرات فيها) ياك تانعطيك لفلوس وتانتقدا تاأناا نسيتي ؟
ص:مانسيتش ولكن فلوسك قربو يساليو وخصك ضبري على فين دخلي الصرف وديك الساعة يحن مولانا
خلاتها تاتخنزر فيها وتسوط ولمشكيل أن هضرتها راه صحيحة دوك لفلوس لي عندها راه مابقااوش ليها وطباتهوم يالاه بقات ليها شي حاجة قليلة باش تصوڤي راسها هاد ليامااات ولكن تال امتى غاتبقاا هاكا ولمشكيل لكبير هي مباغاش ضرب تمارة وتخدم حيت ولفات تجيها باردة تال بين يديها...فلول فدار خوها كان عمها هو لي تيصرف وعاصم وكانو لفلوس محركة مكاين مشكيل لي بغاتها تاتلقاهاا وفاش تزوجات بإسلام خلاص تما عاشت فالخناث وزاد تفششات تاولات وحدة فنيانة ماباغا لاتخدم لادير شي حاجة لراسها باغا غير تنتاقم وصاااف...زفرات النفس وبقات تتشوف فالسقف تتحاول تفكر فشنو دير تاشوية تفكرات واحد لحاجة لي نساتهاا... ناضت جالسة بزربة وبدات تعيط لصاحبتها تاجات عندها تتجري وقالت:امااالك ياك لبااس
ميس:(شدات فيها) تشطنت مع الطوموبيل ونسيت نشوف بلان ديك خيتي فين وصل ؟؟
ص:اشمن خيتي؟؟
ميس:(بحقد)دييك خيتي لي ضربت بالطوموبيل خصني ضروري نعرف خبارها واش مااتت هي ولي فكرشهاا؟
ص:اييه وأنا باش غانفيدك؟
ميس:سيري لحومة فين ساكن باهوم وشوفي الأجواء تم (تبسمات بشر) واخا راني متأكدة لاعاشت هي داكشي لي فكرشها مغايبقااش وغايموت ليها
ص:وعلاش انمشي باش يشوفوني ويحصلوني
ميس:(خنزرات)على هوما فين تيعرفوك سيري ديري لي قلت ليك عليه وهنيناا
ص:مغادااااش سيري نتي نيت (تعصبات) هادشي طلع ليا فصحتي نبقااا هازة هبااالك
تعصبات منها ميس حيت رفضات دير لي قالت ليها ودفعاتها غادة لبيت تلبس عليها نقاب وتمشي بنفسهاا وتأكد... ونيت داكشي لي دارت لبسات عليهاا وخرجات شادة طاكسي لحومة فين ساكن إدريس مع وصلات لقات لأجواء عادية مكااين تاشي حاجة تتبين راه واقعة شي كارتة عندهوم... قربات جهة لباب وبدات تاتشوف يمين وشمال وبلاماتفرط راسها كملات طريقهاا تاوصلات لبعيد وكانت واحد المرا واقفة هي واحد راجل قربات جهتهوم ونطقات بصوت رقيق:سلام أوعليكوم سمحوليا نسولكووم عفاكوم دار لجنازة فين هي؟؟
م:اينا جنازة اختي؟؟
ميس:شي ناس تانعرفهوم ماتت عندهوم واحد لمرا وهوما ساكنين هنا فهاد لحومة غير ماعرفتش اشمن دار
م:حنا ساكنين هنا ومكاين تاشي جنازة هنا اختي راه واقيلا غلطتي فلعنوان
ميس:شكرا سمحوليا
مشات فحالهاا وهي تاتسوط تحت النقااب معاجبهااش لحاال وهاد لخباار لي سمعات بينو ليها بلي داكشي لي كانت مخططة ليه ولي كانت ناوية عليه ماصدقش وهادشي غير مزاد كفرهااا وخلاها تجعر بحال شي ثور شااف لحمر... غادة وهي مزيرة على يديها تاتغزز سنانهاا وحلفات ماتهنى تاتوصل لي بغاات واخا تمشي فيها لمهم عندها تخليهوم يتحرقوو ويتعدبو وماتشوفهومش وهوما فرحانين وعايشين حياتهوم...
***
كانت تاترمش بعينيها تاحلاتهوم بتعب وهي تتشوف فالضو لي جاها مجهد وخلاها ترجع تسد عينيها.. تابدات كتعتاد على ضو عاد حلاتهوم وبقات ساهية فالسقف تاتسترجع شنو وقع ودوك الأحدااث لي طراو معااه تاوصلات لحدث الكسيدة وهي تحل عينيها على الجهد وبحركة سريعة دارت يديها على كرشهاا لي كانت شوية منفووخة ولكن ماشي بحال الإنتفاخ دلحمالة... عينيها خرجو على جهدهوم وهوما عامرين بالدمووع تابدات تتبكي وتشهق بالجهد وتغوت وتتحرك بواحد الجهد وهي محساااش بالألم لي كاين فداتها هي فيك الساعة كان قلبها محروق على بنتهاا لي عند بالها مااتت ليهاا... دخلو عندهاا لفرمليات والطبيبة تتجري تايشدو فيها وهي تتحرك وتغووت بصوت مبجوح:بننننتي لاااااا لااااااااا
تايشدو فيها باغيين يهدنوهاا حيت حالتها وانهيارها ممزيانش لالصحتها لالفتحة لي فكرشهااا ولكن هي مكانتش تتسمع ليهوم كانت حاسة براسها تاتحرق باغااا تموووت... وهوما غير شافو حالتها اضطرو أنهم يديرو ليهاا مهدئ فالسيروم وغير بدا يشد فيها وحركاتها قلالو تاولات مكاتحررركش من غير صدرها لي تايطلع وينزل بقوة الجهد لي دارتو تاااعينيها بداو يتسدوو وبصوت مخنوووق وخافت همسات قبل ماتغييب بخطرة:بنتي...
جالس حداهاا وهو شاد ليها فيديها مور مانقلوها لشومبغ عادية...كانت باقي مفاقتش وباقي محساش بأش ضاير بيهاا... عينو كانو كيتفحصو وجهها الشاحب بحب وكيتسناهاا غير وقتااش تفيق ويفرحها ويخبرها بلي بنتهوم تزادت وبلي سيدرا سماتها روفيداا... كان علم إدريس والبقية بلي راها فاقت وتامو لي راها جايا فالطريق هي وختو وخوه... ماقداتش مسكينة تبقاا واخا راه تاهي ولات صحتها على قد لحال ولكن الفرحة دياال أنها ولات جدة مرة خراا ماخلاتهاش تبقا فكازا وجاات وزيد باغا طمن تاعلى عروستهاا.. سمع الدقان فالباب لي تحل ودخل إدريس مع تانيرت ومعاه لبنات بزوج رنيم وغزلان...
إدريس:(قرب جهة أسماء وباس راسهاا وقال بحنية) على سلامتهاا
إسلام:(تبسم)الله يسلمك اعمي
رنيم:دابا عاد انرتاحو ملي فااقت أسمااء ورجعات ليناا
غزلان:شنو قالت ليك الطبيبة واش كلشي عندها مزياان
إسلام:الحمدلله كلشي هو هدااك غير لفتحة دكرشها هي لي غاتاخدو شوية دلوقت بااش تبرا ليهاا
تانيرت:لمهم ماعندهاش شي حاجة خايبة هاداك هو الربح
إدريس:باقي مفافتش من قبيلة؟؟
إسلام:لا باقي
رنيم:مهم حنا غانمشيو لداار باش رحيل تجي حيت ماعندها كيف دير مع توينز وسيدراا تاتفيق أسماء ونجيو تاني (حطات يديها على كتف إسلام) يالاه تهلاا فراسك
إسلام:الله يحفظك ارنيم
خرجو لبنات بزوجات مشادات بحال لحلاقم تايهضرو ويتعاودوو تاجبدات رنيم موضوع محمد طه...
رنيم:شنو ناوية ديري مع محمد طه اغزلان؟؟
غزلان:والله ماعرفتش (نطقات بتلفة)بعض لمرات عقلي تايقول ليا نساايه وقلبي تايقول ليا سمحي ليه وتلفت بناتهوم بزوج
رنيم:خصك تشوفي شنو باغا نتي ولي مرتاحة فيه (وقفات وشافت فيها) سمعي اغزلان عارفة بلي نتي مقلقة ومجروحة منو ولكن لاكنتي باقي باغااه فماعليك غير تحاولي تنسااي مادار وهاهو راه كيبين ليك بلي راه نادم وغير شوفاتو ليك راه تبدلو على كيف كانو...دابا تايشوف فيك وهو ساهي وعينيه تايلمعوو ماشي بحال قبل... هضرتي تانگولها وأناا متأكدة منها عليها تانصحك وتانگول ليك حددي نتي اش باغاا وشنو الحاجة لي لاختاريتيها غاترتااحي فيها والأهم مغاتندميش عليهاا راه العمر تايفوت سدي عين وحلي عين تلقااي عمرك طاار ونتي باقا فبلاصتك..
غزلان:(تنهدات) عارفة ومانكدبش لاقلت نسيتو بلعكس أنا عمري نسااه ولكن داكشي لي دار فيا فيما تانتفكرو قلبي تايضرني وخاطري تايتزير هو علاش تال دابا عاد بين لياا باش تيحس من جهتي؟ علاش فاش كنت مراتو ومعاه مكانش تيبين ليا هادشي؟
رنيم:حيت هو دابا خسرك وماعرفش قيمتك تاطلقتو وضعتي بين يديه داكشي علاش أما قبل كنتي مراتو وضامنك.. هو دابا تيشوف بلي نتي مابقيتيش ليه وبلي عشتي حياتك وخايفك تلقاي شي واحد يبغيك وتنسايه مهم أنا نصحك فكري مزيان وقرري..
سكتات غزلان تاتخمم فهضرتها وكملو طريق لدار فين كانت رحيل لابسة عليها وتتسنى غير يجيو باش تمشي عندهاا مور ماعلمات نوح... هزات طوموبيلتها ومع تحركات تبعاتها واحد طاكسي ورحيل مارداتش لباال... وصلات لسبيطار ودخلات نيشان لشومبر أسماء لقاتها فاقت وباها وإسلام وتانيرت مجموعين عليها تايهضرو معاها ويطمنوها بلي بنتها بخير وبلي هي فلحاضنة... قربات جهتها رحيل مبسمة وقالت:على سلامة ماما الجديدة طيراتها مناا خلعة (قربات جهتها باستهاا فحنكهاا وقالت بمزاح) روفيدا طلعات تاتشبه لخالتهاا
أسماء:(بإستغراب وتعب)شكون روفيدا؟
رحيل:(ضحكات) مافخباركش بلي سيدرا سمات بنتك روفيدا؟
أسماء:(شافت فإسلام وتبسمات بحنية)واش بصح؟؟
إسلام:(تبسم ليها بحب)ااه سماتها
أسماء:(تنهدات بشوق) سمية زوينة عجبااتني تت تشهيت نشوفها ونهزهااا بين يدي؟؟
إسلام:ملي تبراي تمشي عندها تشوفيهاا غير ارتاحي
أسماء:واش غاتبقا فالحاضنة بزاف
إدريس:تزادت قبل وقتها ولابد ماخصها تبقا تم يردو ليها لبال وغير غاتولي بخير غايجيبوها ليك
رحيل:نتي رتاحي وبراي بزربة باش تقدي تگابلي بنتك وتردي ليهاا لباال
أسماء:مادا بياا نخرج ليوم قبل غدا باغا غير نشوفهاا
رحيل:(جبدات ليها تلفون) هانتي صورتها مي مباينااش بزاف
هزاتها اسماء بلهفة تتشوف فيها بعيون لامعة ومشتاقة وباقي ممتيقاش بلي هاديك الصغيرة بنتهاا بقات تاتكبر تصويرة وتبوسهاا وماكرهاتش تمشي لعندهاا تشوفها وتبوسها فلواقع...
بقاو معاهاا شوية موراها مشى إدريس تانيرت ورحيل مخلينها ترتااح ونيت تبقا هي وراجلهاا.. كان شاد يديها تيبوسهاا ويتنهد:خلعتيني عليك اغزالي
أسماء:(تبسمات) باينة لدرجة گاعما بدلتي حوايجك
إسلام:اوا شتي لمحبة دار ممشيتش ليها وبقيت غير معاك
أسماء:سير دابا تبدل وترتاح أنا بخير ونيت باغا نعس (تفوهات)فيا النعااس
إسلام:مغانمشيش دابا تاتعيط ليا لواليدة حيت جايا نمشي لعندها
أسماء:مرحبا بيها (بمزاح) فين هو كادو ديال الزيادة
إسلام:الله اودي ماطلبتي غير لموجوود
تهز من بلاصتو وهي تتشوف فيه تاتحدر جهتها وجمع ليها فمهاا ببوسة دلغدايد مخليهاا تاضرب فكتفوو والضحكة شداهاا وهو بقوة لوحش لصق ومعاود طلق منهاا...
كانت قبلة كيبين فيها على داك المشاعر لي تيحس بيهوم جهتها ولي وصلهوم ليها فبوسة عميقة خلات قلبها يرقص على أنغام دقات قلبو... مابعد عليها تاحس بيها تجيفات ديال بصح وجهها حمار ونفس قطعها فيهاا...
إسلام:عجبك لكادو دزيادة اغزالي؟؟
أسماء:اممم زوين ولكن ضروري من هادو (دارت ليه حركة دلفلوس بصبعها الإبهام والسبابة)
إسلام:تستاهلي ماكتر على قبل لفرحة لي فرحتيني
بقا تايهضر معاها ويتغزل فيها وهي غير تاتبسم مافيها لي يهضر عيانة وباغا تنعس وحاسة بداتها مدگدگة عليهاا تاداز لوقت ونعساات وهو بقا حاضيهاا بلامايعيى تاصونى ليه تلفونو علماتو مو بلي راهوم تحت لعمارة تايتسناوه... ناض باسها فراسها وخرج غادي لعندهوم وهو كيطرطق فعنقو ويتفوه فيه النعاس ولعياا وهو أصلا كتر من يوماين منعسش... خرج لبرا وركب طوموبيلتو غادي لدارو...
كانت واقفة حدا شجرة مدرقة عليهوم وعينيها على السبيطار.. ملي جات رحيل تبعاتها ودخلات وراهاا تابانت ليها سولات على شومبر لي فيها أسماااء وطلقات ودنيها تاعرفاتها عاد تمات راجعة لبلاصتها بدون مادير لحس وراها ولاتلفت الانتبااه وبقات واقفة ديك لمدة كلها براا بلامادخل مزال حيت شافت طوموبيل دإسلام واقف تم ومابغات حد يشوفهاا... ولكن دابا كلشي مشى ومكاين حد عليها قررات دخل ومع حطات رجليهاا فباب السبيطار ضورات عينيها تاتشوف مزياان وبلاماتفرط راسها وتحركات نيشان جهة الشومبر تاوصلات قدامها وبقات تتشوف فيهاا.. وكحازت شوية من تم تابعدات على لكاميرا وهي توقف تتسنى شي فرملي ولافرملية بيانو ليها وغير شافت واحد لفرملي وهي توقف ناطقة بصوت رقيق:عفاااك ممكن نسولك
لفرملي:مرحبا؟
ميس:ممكن نعرف لوليدات صغار فين كاينين؟؟ ختي ولدات وبغيت نشوف ولدها؟
لفرملي: واش باقي ماطلعو ليها ولدهاا؟
ميس:لا حيت ولدات قبل لوقت؟
لفرملي:نزلي لطاج التحتاني على يديك ليسر فاخر لكولوار غاتلقااي الحاضنة تماا
شكراتو ومشات متبعة النعت باغا تأكد بنفسها واش لبيبي باقي عايش ولامااات...بيما أنها تأكدت بلي أسماء ماوقع ليها والو فجاا وقت تشوف واش تاداك لييبي عايش...وصلات ومع قربات لحاضنة وهي تكمش حجبانها تتشوف فدوك لبيبات الصغاار لي كانو بليكوش فقط... خنزرات فيهم وضورات عليهوم شوفتها وقالت ببرود هامسة لنفسها: اووف على صداع
تنهدات وبدات تاضور عينيها تالقات وحدة مسؤولة تما وهي تسولها:عفاك لبيبي ديال أسماء عاليات فين؟؟
...(شيرات ليها جهة روفيدا حيت عرفاها بقوة مكيجيو يسولوهاا) هاهي لهيه
حلات ميس عينيها وشافت جهة روفيدا الصغيرة بحقد وكره وهي مزيرة يديها وداكشي لي كانت باغاااه ماوقعش وگاع تمارتها مشات هاكاك...لاأسماء تأدات ولالبنت لي كانت حاسة جهتها بكومة من لمشااعر السلبية
ميس:(ضحكاات بهوس وبنبرة مريضة) مرحبااا بيك ابنتي ليلياااان هاماماك جااات لعندك باش تديك معاااهاا....
داخلة سيدرا لبيت كاتسلت على رجيلاتهاا بشوية وعويناتها المبطنين تايضور على لبيت..بان ليها ريان ناعس فوق النموسية وحال فمو وهي تحط يديها على فمها وبدات تكركر... قربات جهتو وبقات تتشوف فيه شوية هزات واحد كلينيكس وقربات جهتو وبدات تتهرو وكاتحدر باش مايشوفهاش... دخلات ليه داك الكلينيكس فنيفو وهو بدا تيحك ويقلب راسو وهي تاتكركر بلاصوت.. ومع جات تقرب تاني باش تهرو وهو يحل عينيه وجرهاا لعندو مخليها تاضحك بصوت عالي وتهرب وجهها...
ريان:(بصوت باح بالنعاس) واش لمك ماتريحيش من لبسالات
سيدرا:تانيرت إينو لي قالت ليا ارياني نفيقك
ريان:(هز حجبانو) گالت ليك فيقيني ماشي هريني اجي تتفاهم معاك
هزها ولاحها فوق النموسية وبدا تايهر فيها وهي تاضحك وتغووت بالجهد وتحرك تاولات حمراا وشعرها كولو ترون عاد طلقها نزلات لتحت... لقات تانيرت وجدها جالسين تايلعبو مع توينز ومعاهوم رحيل لي كانت تتسنى غير نوح يسالي خدمتو باش يجي يديها هي ولولاد لدار لي ممشاتش ليها من نهار وقعات لكسيدة لأسماء... وتاهو خلاهاا مع دارهوم وماحكرش عليهاا حيت كان عارف حالتهاا وتفهمها...دخلات عندهوم بداك الشعر تگولي كانت مرايشة مع شي حد غير شافتها رحيل وهي تحل عينيها وقالت:شكون نتفك
سيدرا:(جلسات حدا إدريس)كنت تانلعب مع رياني
رحيل: تاتلعبي معاه ولاتاتناتفي اجي لهنا نقاد ليك شعرك
سيدرا:مامي وقتاش غاتجي روفيدا عندنااا
رحيل:ملي تبراا غاتجي هي وأسماء
سيدرا:غانهزها امامي ياكي
رحيل:إن شاء الله
تانيرت:گلتي لريان ينزل؟
سيدرا:اه تانيرت إينو (مشات عندها وبقات تاتبحلس عليها)عطيني نهز إيسو عفاااك
تانيرت: واخا طلعي تجلسي حدايا باش نحطو ليك تهزيه
طلعات سيدرا جنبها وتانيرت حطاتو ليها فحظنها تهزو وسنداتها بلوسادة وبقات جالسة حداها رادة لبال لإسماعيل حيت باقي صغير...نزل لعندهوم ريان لي كان تيحك عينيه باقي فيه النعاس مع ليوم كان مشارجي بلخدمة...جلس معاهوم فالصالة مفطح على الوسادة وقال:واش غير نتوما لي كاينين فين لخرين؟
رحيل:لبنات خرجو يسرحو رجليهوم ونيت رنيم باغا تشري شي حاجة وطه باقي ماجااا
ريان: اه لواليدة كاين مايتكاال
تانيرت:كاين يالاه درنا كاسكروط قبيلة
رحيل:أنا نوض نجيبو ليك
إدريس:(نطق بهدوء وجدية) اشنو درتي مزال مع بيسان؟؟
ريان:(تقاد فالجلسة) كنا گلنا نديرو لخطبة وكنا باقي ماحددنا النهار ولكن مبعد داكشي لي طرا مع أسماء مابقينا دوينا فتااحاجة
إدريس:ختك داباا راه بخير والحمدلله كلشي داز مزيان وغير تخرج من السبيطار وتولي روفيدا تاهي بخير وديك الساعة نديرو لخطبة ومكاين لاش طولوهاا نتوما كاتعرفو بعضياتكوم وهادشي غير شكلي وصاف
ريان:وي داكشي لي غايكون وأنا كون جات عليا نجمع كلشي دقة وحدة
تانيرت:شوف هي شنو بغات بعدا ؟
ريان:هي قالت لخطبة وعاد لعرس
تانيرت:اوا صافي هادشي لي غانديرو خطبة بين العائلات والعرس يكون كبير
رحيل:(هازة صينية وداخلة) كاتهضرو على لخطبة و العرس؟؟
ريان:وي لقيتيناا كانشوف بلانهوم
رحيل: مزيان نيت بااش تعرفو اش غاديرو وبالنسبة لسكنة شنو قررتو بزوج
ريان:(بجدية)سولتهاا واش تبغي تسكن مع دارنا ولانكريو بزوج وهي گالت ليك ماعندهاش إشكاال لي درت قابلة بيه
إدريس:راه دويت مع ولد لحاج فهادشي وهو غايشوف معاهاا ولاكانت بغات دارها بوحدها نشوف شي دار لكراا تكريوهاا
تانيرت:ولابغات تسكن معانا مرحبا بيهاا نديرها بحال بناتي وربي شاهد علياا
رحيل:(بمزاح) مغاتكونيش لعگوزة لقاصحة ههه
تانيرت:الله ينجيني ابنتي منهوم وزايدون تاأنا عندي لبنات ومانبغيش عگوزاتهوم يكونوو قباحااات وصعيبات
رحيل:(تفكرات رحمة وكلامهاا معااه وتصرفاتها وضحكات بسخرية)اودي كاين هاد نوع والله ينجيك منو
تانيرت:(بنية)اوا زهرك ابنتي عطاك عگوزة بحال رحمة ضريفة والله يعمر ليها الدار مغاتلقايش معاهاا مشكيل
رحيل:واييه محترماها ومحترماني
سكتات رحيل والضحكة دالسخرية مرسومة على شفاها وهي تتسمع كلام مها على رحمة وتگول فنفسها كون تشوفي داك لكلام لي تتلوحو ليا وتصرفاتها معايا ماتلقااي فيهوم تاشي ضرافة غاتصدمك وماتگوليش واش هي نيت وبصح فعايلها مأخرا لاعلاقة ليهوم بيها كشخص...كادير فعايل هي براسها مستغربة منهوم ولكن ماعندها مادير وماتگول زهرها هاداك وأصلا مهزاش ليها لهم وممسوقاش ليها حيت هي دارت لي عليها جهتها ورحمة لي مابغاتش تسمع ليها ولاتفهم...وزيد هي لي مهم عندها هو نوح لي راجلها أما مو راه تتبقا مو وعاطيها التيساع ومبعدة من صداع
إدريس:هضر مع بيسان وتافقو على داكشي لي باغيين ديروه فالخطبة ولعرس وعلمني بيه باش نشوف حساباتي
ريان:راني جامع شي براكة الواليد
إدريس:ديك لبراكة يالاه تكفيك باش تشوف لي خاصك وتعطي صداق لبنت
رحيل:تابعك شلى حوايج ومسؤولية غاتزاد عندك باش تكون فراسك وخصك تكون قد ديك لمسؤولية
ريان:وايلي واش غاتوصيني على حاجة داير حسابها
مع جات تجاوب وصلها مساج من عند نوح فيه "الفتنة ديري حساب غانتعشاو فالرياض"
الضيم طاح عليها فاش شافت داك لمساج وهي عارفة بلي رحمة غاتبقى تلوح ليها تاني لهضرة فهاد الليلة ولكن ماعندها مادير... باركة غير مبقاتش عايشة معاهوم ومجاتش تالمشي عندهوم تحبسو... فالأول والأخير تتبقى هاديك مامات راجلهاا وتاهو راه من حقو يمشي عندهاا كيف تتجي عند واليديها... هزات تلفونها وجوبات "واخا انوحينوو ملي تقرب تجي صوني علياا"
رحيل:(ناضت) غانوض نلبس حوايجي حيت شوية غايجي نوح نمشيو لرياض نتعشاو تماا
ريان:(بمزاح)وقتاااش غاديري لينا زردة؟؟
رحيل:(بضحك) مرحباا وقتما بغيتو أصلا كنت باغا نديرهاا فهاد الأيام قبل لخطبة ولكن مكتابش
تانيرت:ماعليش ابنتي وزايدون بلاماتصدعي راسك
رحيل:اويلي اماما من نيتك اشمن صدااع بلاتي غير تخرج أسماء وروفيدا ونجمعكوم عندي
ريان:أنا لول غانجي
لاحت عليه رحيل لوسادة وخرجات من الصالة تاضحك غادة لبيتها تبدل حوايجها.. كانت لابسة غير عباية طويلة وبيما أنها غاتمشي لرياض مجاش تمشي بيهاا.. ومن زهرها كانو عندها شي حوايج لي مخلياهوم تم قبل گاعما تزوج وفيما تتجي تاتلبسهوم وتبدل بيهوم بلاصة ماكل مرة تجيب معاهاا...
لبسات كسوة فالكحل من جهة الكتاف تاتجي واقفة وفيها سانتوغ تحت الصدر تاتجمع بحال لپاپيوون وتافاليدين نفس الشي... دارت غير أيلاينر مع شوية دالريسيل وعكر بارد وريحتهاا وهزات صاكهاا وخرجات تاتقلب على سيدرا لقاتها مخشية فالبيت دجدها تاتلعب مع لمشيشااات...
رحيل:سيدرا يالاه نزلي لتحت راه باباك قرب يجي باش نمشيو
سيدرا:(شافت فيها)مامي ندي معايا نوسيد؟؟
رحيل:خليها هنا تانرجعو تاني ونديوها معاانا وزايدون راه مع ماماها
سيدرا:(كمشات فمها) بغيت نديها معاياا هي وإيڤانا
رحيل:ماشي ليوم خلي تال من بعد اسيدرا يالاه نزلي
بقات غادة وهي جامعة شنافتها معاجبهاش لحال بغات تديهوم لدار تيونسوهاا وتتلعب معاهوم... تبعاتها رحيل لتحت وفنفس اللحظة صونى تلفونها وكان نوح لي علمها بلي عشرة دقايق ويكون هناا... وجدات توينز وتانيرت ماسخاتش بيهوم..كل دقيقة تبوس فيها خرج معاها إدريس لبرا هاز ليها واحد من توينز...
إدريس:(سلم عليه) ولد لحاج الصحيحة لباس
نوح:لحمدلله اسي إدريس ونتاا العائلة مزياان
إدريس:كلشي هو هدااك ولله الحمد دخل عندنا
نوح:مرة خرا إن شاء الله اسي إدريس دابا غاديين لريااض
إدريس:اوا لي بان ليك دار دارك ماتحتاجش لعراضة
نوح:الله يكبر بيك يالاه مع السلامة وسلم على مالين دار
رحيل:(باست باها) يالاه بسلامة ابابا...سيدرااا يالاااه
إدريس:الله يعاون ابنتي
سيدرا:(خرجات من الدار ومشات عند إدريس تعلقات فيه وباستو بالجهد)بسلامة بّاديدي
إدريس:بسلامة انخشيشة دجدها
ركبات لور ومع كان نوح جالس عنقاااتو من لكراسى لور بايساااه عاد رجعات لبلاصتها حدا توينز لي مقادينهون فلبوسيط ديالهوم لي تيكونو فطوموبيل.. بقات تادير باي باي لجدها تاغبرات الطوموبيل ومبقاش تيبان ليها جدهاا...
رحيل:(بتبسيمة شافت فنوح) كي دوزتي نهارك
نوح:(بهدوء) كان شوية مشارجي
رحيل:(لمسات حنكو بحنية) تتبان لياا عيااان
نوح:(شاف فيها ونطق بخفوت غامزها)خاصني شي مساج
رحيل:ههه تاال دار (ضارت شافت فسيدرا لقاتها مخشية فالطابليط تاتفرج فيها ورجعات شافت فنوح) غانباتو فالرياض؟
نوح:لا مور لعشا غانتحركو لدار
زفرات رحيل براحة وسكتات وعينيها على طريق... ماكتراتش معاه لهضرة حيت تيبان ليها عياان وزيد فاش طلعات بان ليها تم لغشا ديال الشكلاط عرفاتو غايكون طاح ليه السكااار عوتاني داكشي علاش ماكتراتش عليه وخلاتو على راحتو...
***
ملي عيط ليها نوح وعلمها بلي غايجي لعندها يشوفها ويهضر معاها ولفرحة مسايعاهاااش وطلبات يتعشى معاهاا وتاهو ماخسرش ليها لخاطر... ديك الساع ناضت بااش توجد لعشاا بيديهاا ودير داكشي لي تيعحبووو... سيفطات السعدية تجيب ليها السخرة لي ناقصة وشمرات على يديها تاتوجد فلعشاا ولخرين معاونينهاا...دخلات بيسان لعندها وهي تهز حاجبهاا فاش شافتها داخلة لكوزينة..
بيسان:ماما نتي لي درتي لينا لعشاا ليوم؟
رحمة:(شافت فيه)وشنو بان ليك
بيسان:تباركالله عليك حادگة ودايرة لينا بسطيلة دلحووت وشلاظة لي تتعجبني
رحمة:ولدي لحبيب جااي عندي معلوم ندير الشهيوات
بيسان:اهاااا قولي هادشي كامل لخويا نوح وأنا عند بالي بغيتي تهلاي فيناا هه
رحمة:هادشي ليكوم كاملين بلاغيرة
بيسان:مغايرااش أصلا خويا يستاهل كلشي
كملات رحمة شغالاها ومشات بدلات عليها بگندورة ديال الدار وتعطرات ونزلات تاتسنى فيه تابان ليها لباب تحل وتم داخل وفيدو إسحاق وجنبو رحيل لي مع شافتها رحمة وهي دير تبسيمة صفراا عند بالها غايجي يتعشى بوحدو.. ولكن فاش شافت حفايدها فرحااات... قربات جهتو عنقااتو وهزات عليه إسحاق وسلمات على رحيل بلابيز
رحمة:مرحبا بيكوم (شافت فنوح)الريااض نور بمجيتك اولدي دخلوو ماتبقاوش واقفين فلباب
نوح:( بهدوء) رؤوف وبيسان كاينين؟؟
رحمة:اه راه لفووق السعدييية السعدييية عيطي لرؤوف وبيسان ينزلو راه شوية ونتعشاو..
مجموعين فالصالة كأي عائلة مغربية وكويس دأتاي فيديهوم مع حليوات بلديين بيما يوجد لعشا ويتحط... بيسان ورحيل جالسات فجنب الصالة شوية تايهضرو بناتهوم على لخطبة ولعرس..
رحيل:بديتي تتوجدي راسك ؟
بيسان:ههه باقي
رحيل:وشنو تتسنااي اصاحبتي على الاقل حطي الجلالب ولقفاطن يتخيطوو باش ماتدركيش من بعد..
بيسان:مكانلبسش البلدي بزاف
رحيل:تاأنا ولكن ضروري شي زوج بياسات باش تلقاي ماتبدلي وزيدي اتحتاجيهوم لامشيتي لشي بلاصة مور زواج
بيسان:ماعرفتش نخيط غير شي جلابة
رحيل:خيطي وحدة وقفطان وديريهوم عصريين وجلابة بعدي على لبلون كااسي خودي شي لون مبرد
بيسان:اندير لغوز بارد فبالي واحد الخياطة نديرهاا
رحيل:لابغيتي شي مساعدة مرحبا نمشي معاك تاخدي اي حاجة بغيتي
بيسان:ربي يخليك ازين أصلا دايراك فبالي تمشي معايا نتقداا اش غانحتااج ونشوف تالبنات لابغاو يمشيو معانا مرحبا..
فالجهة لخرى كانت رحمة جالسة جنب نوح ومعاهوم رؤوف لي غير ساكت من نهار هضر ليها على رنيم ورفضاتها وهو واخد منها موقف وهادشي لاحظاتو رحمة لي ماحاولاتش تهضر معاه مزال وخلاتو عند بالها يتراجع من ديك لفكرة حيت هي عرفااه باقي باغي يزهى ومافنيتووش يتزوج وغير كيف تانگولو زايغ وصاف وأكيد غايجي نهار وينسى هادشي لي گالت هي مع راسها...
رحمة:(شافت فنوح)فين زين العابدين شحال هادي ماشفتو من نهار خويتو الرياض
نوح:(جاوبها بصوت تقيل وهو مغمض عينو ومتكي راسو على لحيط)هاهو غايجي دابا
رحمة:نيت توحشتو لحفيد ديالي غانمشي نشوف لعشا واش وجد
ناضت خارجة من الصالة وفطريقها لقات سيدرا تاتلعب جنب لخصة بداك لماا وترش..قربات جهتها وهي مكمشة حجبانها وقالت:ماترشيش لماا راه تتوسخي الارض (اشارت جهة الارضية لي فيها بعض النقط دلماا) شوفي هناا عمر بلماا ايجي شي حد يدوز بسباطو يوسخوو ولايزلق
سيدرا:ولكن مافيهش ماا بزااف وأنا مكنرشوش فالارض
رحمة: سيري دخلي لداخل حسن ماتبقااي هناا تت هادشي لي بقا
مع ضارت مع بان ليها زين العابدين داخل تيشوف فيهاا بنظرات هاديين وممزوجين بلبرود كلمعتاد...تبسمات ليه وقربات لعندو عنقاتو وهو يادوب قاس ضهرها بيدو وصاف...بدات تتسول فيه وهو غير تايحرك راسو ليها عاد مشات لكوزينة وهو كمل طريقو وسيدرا غير شافتو تبسمات ومشات لعندو وقفات قدامو وعنقاتو من رجليه:زينبيدين توحشتك أناا
زين العابدين:حيدي
سيدرا:(شافت فيه) فين سيزين واش فالدار؟؟
تخطاها مخليها تابعااه تادخلو لصالة وبزز باش نطق ديك السلام بنفخة تگولي تايتخلص عليهاا ومشى نيشان جلس حدا بااه بايس ليه راسو وسيدرا مشات تخشات وسطهوم تادفع فزين العابدين وتتقلي ليه السم وتخشى فنوح وتبوسو...
جات وقيتة دلعشاا وتجمعو جميع ورحمة تتهز وتحط قدام نوح وتگول ليه "كول اولدي راه على قبلك طيبت هادشي" ورحيل غير تتشوف فيها وضحك بسخرية فنفسها... أما رؤوف وبيسان مولفين مهوم وداكشي جاهوم عااادي عكس رحيل لي عارفة بلي هاد لهضرة موجهة ليها وهي ميساج غير مباشر ولكن مع من هي..والله ماتسوقات وضربات الشلاظة ولبسطيلة على قلبهاا تاااخرجات ليها من ودنيها ولحق يتگال طياب رحمة ناااضي... اما سيدرا فبقات غير مربعة يديها ونوح تاينقي ليها الگروفيط وهي تتفشش عليه...تعشااو وسالاو وموراهاا ناض نوح وشاف فمو وفبيسان:يمّا بيساان اجيو معايا
غمز رحيل لي فهمات علاش باغي يدوي معاهوم وتحرك غادي لبيرو وهوما وراه...دخلو وشدو بلايصهوم وشاف فيهوم نوح بهدوء:دويت مع سي إدريس بيما أن بنتو أسماء بخير وتابنتها فحنا خصنا نشوفو بلان لخطبة ديالكوم؟
بيسان:كنت دويت مع ريان قبل واتافقنا نديرو غير لعائلات بزووج فالخطبة وصاف
رحمة:(شافت فيها بعدم إعجاب) كيفاش غير لعائلات بزوج الخطبة خص يكونو فيها خوالك كاملين
بيسان:من نيتك اماما واش هي خطبة ولاعرس أونبلوس راني غاندير عرس كبير وغايحضرو فيه
رحمة:هي خوالك وخوالاتك ولاو من الضياااف؟
بيسان:ماما أناا مغاديش ندير خطبة كبيرة بزاف وندير تاعرس كبير بيما أن لعرس كاين إذا نديرو فيه الناس لي بغينا ولخطبة غير بناتناا
نوح:يمّا لاكانت هي وياه متافقين على هادشي فبراحتهوم هوما لي يشوفو اش مسلكهوم
رحمة:واخا حسبوني ماگلت والو
نوح:(مسح نوح على وجهو ماعندوش خاطر هاد النهار باغي غير يريح فدراو.. شاف فبيسان وقال بصوت جدي خشن) وبالنسبة لسكنة اش تافقتوو ؟
بيسان:(بجدية) قال ليا لابغيت نعزلو السكنة على دارهوم غايكري ولكن أنا مابغيتش صراحة وگلت نسكنو مع دارهوم مجموعيين
رحمة:(خرجات عينيها وشاف فبيسان وبصوت غاضب نطقات) كيفاااش تسكني مع دارهوم واش تاتهضري بنيتك هادشي لي بقااا ليااا تسكني معاهووم (هزات راسها بالسلب) لا لا لامكااانش قاد يكري ولايشري ليك داااار بلاش منوو زوينة هادي والله ايلا هادشي لي بقا بنتي تسكن مع واليدين راجلهاا على أخرة يامي يولي كلشي يدوي علينااا ويگول نسيب رحمة ماعندو بااش يكري وزوجاتو بنتها..
نوح:(هز حجبانو وشاف فيها بجدية)اش فيها لاسكنات معاهوم ولاكانت هي باغاا ياك تانتي سكنات معاك عروستك ولاهي هانياا وبنتك لا وزايدون بنتك باغا تسكن معاهوم وماشي درية صغيرة نوريها اش دير (زفر النفس وقال بخشونة) وديري فبالك ايمّا مور عرس بيسان غاتمشيو نخطبو لرؤوف رنيم ومانبغي تاعتراااض
فالصالة كانت رحيل جالسة بوحدها عاطية بالجنب لزين العابدين وتترضع توينز باش ينعسو حيت هاديك هي وقتية ديالهوم...كانت غير هي وزين العابدين وسيدرا أما رؤوف غير تعشاو وناض خوه ناض تاهو غادي لبيتو يهضر مع رنيم كيف مولف كل نهار تايشد معاها الحديت تال أيتها وقت...
سيدرا:(قربات حدا رحيل وقالت بعياء)مامي واش غانمشيو ولانينيو هنا؟
رحيل:غايجي باباك ونمشيو ابنتي
سيدرا:(تاتحك عينيها)فيا النعااس امامي
رحيل:صافي دابا نمشيو وأصلا غدا مكاينااش قراياا وشديتي عطلة مغاتفيقيش بكري
مشات سيدرا تاتجر فرجليها وقربات لعند زين العابدين لي كان شاد تلفونو متفرج فواحد لفيلم أمريكي كولو ع.نف فع.نف غير لمدابزات وهو مركز فيه وهي طلعات فوق السداري وجلسات حنبو تاطل عليه بلامايشوفها... ضربات الطم وصقلات وعينيها لمبطنين مركزين فداكشي لي تتشوف تبانت ليها لقطة ديال واحد دب*ح وحدة وهي تشهق ونطقات بصوت عالي:اااع دار ليا بحال لحولي
ضار زين العابدين مزول ليزية تايشوف فيها وهي كلها تاترعد من داكشي لي شافت ولي كان جديد عليها... خنزر فيها وماكرهش يهز يدو ويعطيها لوجه يسكتهاا ولكن نخلها وناض من حداها خارج گاع هو من الصالة مخليها غادة عند رحيل تتعاود ليها شنو شافت..
رحيل:(خنزرات فيها)اش داك تفرجي معاه
سيدرا:بغيت غير نشوف مامي
رحيل:سيري شعلي التلفازة يالاه تايجي باباك ونمشيو..
***
فالبيرو وقع واحد الصمت وغير لعيون لي كانو تايهضرو فديك الساع... بيسان ربعات يديها ورجعات لور ساكتة وااخا ماعجباتهاش هضرة مها ولكن ماهضراتش مور اخر هضرة نطق بيها نوح.. عرفاتو هو كافي وغايعطيها جواب يهدهاا كيف ديماا وأصلا عارفة مها مباغاهاش تزوج بريان وغير قابلة بزز ولكن ماعندها مادير حيت ماعندها تاشي سبب لي يخليها ترفض...
نوح:(تكى على لكرسي وكسر داك الصمت بكلامو لبارد) ولدك باغي يتزوج تاهو وفاش جاا عندك وعلمك نتي رفضتي ليه لبنت علاش؟؟
رحمة:(خرجات عينيها معصبة) حيت خوك باغي غير يتفلى باقي عقلو صغير وباقي معارفش راسو اش باغي
نوح:(كمش حجبانو) لي گدو راه دارو لولاد ايمّاا اشمن صغير يهديك الله
رحمة:أنا عارفة خوك عينيه زايغة وهادشي غير زيغة وصاااف عند بالو زواج ساهل
نوح:(بجدية وصرامة)يضبر لراااسو ياك هو لي جا وگال بغيت نتزوج وتاحد مابزز عليه؟ يعوم بحروو
رحمة:هادي غير هضرة ساهلة تگال واش نسيتي شنو دوزتي معاه وكيف كااان
نوح:هانتي گلتيها ايمّا كيف كااان يعني السيد مابقااش دابا راه خدام على راسو وعندو دخل ملين يصرف على روحو وعلى لبنت لي باغي لزوااج اش غايمنعو باش مايتزوجش
رحمة:غايمنعو لعقل لي باقي باغي يعيش حياتو خوك أنا ربيتو وأنا عارفااه غادوز مدة وغايگول ليك مابقيتش بغيتها ماشي غير جييت ورفضت ليه الزواااج
نوح:(بخشونة)رفضتي الزواح ولارفضتي لبنت؟؟
رحمة:(كاضور عينيها يمين وشمال وبجبهة جوبات) رفضت الزواج ولبنت حيت مكانعرفهااش وماشي غير حيت عايشة مع دار نسابك نقبل بيهاا عروسة لولدي نتا عارف الزواج هو دواام وماشي نهار ولايوماااين
نوح:من نهار عرفتيهوم وهي معاهوم ايمّاا ماشي يالاه جات لعندهوم
رحمة:ايييه وفين عائلتهاا هي مها باهاا خوتها زعمة ماعندهاا حد فالعائلة؟؟
نوح:(ببرود)واليديها ميتين وماعندها حد من العائلة من غير سي إدريس وراه ساكنة معاهوم
رحمة:لا لا هادشي مكايدخلش لراااس وأنا راه مقابلاش بيه (نطقات بانزعاج) نتا ملي تزوجتي ماهضرتش وختك تاهي سكت واخا ماجيتو لاشاورتو لاتاحاجة ولكن خوك راه مغااديش نقبل ليه بديك خيتي
بيسان:مالها رنيم اش خاصها بنت زوينة خدامة على راسها وداخلة سوق راسها عمري شفت فيها شي حاجة خايبة
رحمة:نتي سكتي ابيسان معارفة والو بلاماتهضري
زفرات بيسان بانزعاج وخدات تلفون سيفطات لرؤوف مساج باش ينزل وماحد هادشي متعلق بيه خصو يكوون.. وبالفعل ماكملش خمسة دقايق تسمع الدقان فلباب ودخل رؤوف لي نطق بهدوء:اش كاين؟
نوح:رييح هناا
جلس رؤوف وشاف فرحمة لي قلبات وجهها عليه وقال بسخرية:راه واخا تگولي لي بغيتي رنيم هي لي غانتزوج بيهاا
رحمة:(ضارت خنزرات فيه)وزواج سهلتيه صحاب ليك هو تصاحيب؟
رؤوف:لا عارفو اشنو هو غير ارتاحي وماتهزيش لياا الهم وماگلت لهضرة تاعرفت اش قاصد بيها
رحمة:أنا عارفة مصلاحتك وعارفة اش غايليق بيك اولد كرشي غير تهنى بغيتي تزوج من غدا نمشي نخطب ليك المخيرة فيهوم
رؤوف:(ناض وهو مخنزر ونطق بصوت عالي) دابا مبقاش سهلت الزواج وهو ماشي تصاحيب گولي نتي الواليدة مشكيلتك مع رنيم من لخر
نوح:(بصوت خشن) رؤوف صوتك مايعلاش على مك
رؤوف:(مسح على وجهو) ماقصدتش ولكن هي خرجاتني على طوعي واش اخويا ماسمعتيهاش قبيلة تتگول هضرة ودابا گالت ليك نزوج ليك لمخيرة
رحمة:(بدات تتغبن ونطقات بصوت خافت)شفتيه ولى كايتراد معايا ومابقاا لااحترام لاوالو هادشي لي ربيت فيكوم (عينيها تغرغرو بالدموع)معارفش بلي مك قلبها عليك نتا وخوتك وباغا غير مصلاحتكوم هاد لعوام كلهاا وأنا صابرة على قبلكووم وفلخر تقلل عليا الاحترام
رحمة:تتقلل عليا الاحترام وترفع صوتك غير حيت بغيت مصلاحتك نتا معارفش بلي قلب الأم كيحس وخوفي عليكوم هو لي خلاني ندير هادشي معاكوم..
بيسان:مانكرناش اماما هادشي ولكن خصك تفهمي بلي تاحنا عارفين مصلاحتنا
رحمة:(خرجات فيها عينيها)معارفينش كتر مني حيت أنا لي عشت كتر منكووم وشفت شلى نواع دالنااس لي مايسواو مايصلاحو
نوح:(بهدوء)مكانحكموش على الناس وحنا مامعاشرينهومش ايمّا (تكى على لبيرو) هو بغاا لبنت نتي خرجي من داك السوق خليه يضبر راسو ويدير لي بغاا هو ماشي دري صغير (بصرامة) ماتبقايش تفششي فيه لاجينا نهضرو بالعقل راه نتي لي خرجتي عليه بقوة الفشوش وفيما نگول ليك يمّا راه اتخرجي عليه اش كنتي تتگولي غير خليه يكبر ويدير لعقل وفاش كبر ودار لعقل وبغا يتزوج ويدير تاهو دارو وعائلتو جالسة عليه عقلو صغيير وتخربيق لخاوي صافي خليه يدير مابغاا أنا مغانبقااش تابع كل واحد راكوم بعقلكوم زعمة وأنا مدايمش ليكوم (حمر فيهوم الشوفة كاملين) راه مشاكيلكووم طلعو لي فصحتي تت (جمع لوقفة وكمل بصوت جوهري خشن) أنا غادي وكيف گلت ليك ايمّاا شوفي مع بيسان اش خصهاا تشري والفلوس غانسيفطهوم ليكوم باش تقداو أي حاجة خاصة ونتا(شير جهة رؤوف)مانعاودش نلقى داك لبلان دليوم فلمحاال سمعتي يالاه ايمّا أنا مشيت الله يعاون
رحمة:(ناضت بسرعة شدات فيه) بقا معانا اولدي هاد الليلة راني توحشتك وتوحشت الرياااض يعمر عليا بيكووم ونعس فجناحي وأنا عارفة ولادي معاياا وقراب ليااا
نوح:(تنهد وقال بتعب) تال مرة خرا ونجيو نباتو أصلا ملي غاتقرب وقيتة دلخطبة غانجيو لهناا
رحمة:(عنقاتو مساخيااش)واخا تهلا فرااسك اولدي وبقا تجي عندي تعشاو معايا وتغداوو
نوح:(باس راسها) إن شاء الله
ناضت بيسان سلمات عليه وخرجو كاملين لصالة فين كانت رحيل جالسة بملل شادة تلفون تتسناهوم يساليو والتوينز ناعسين وتاسيدرااا لي بقات متفرجة تاداتها عينيها... دخل عندها نوح وقرب جهتها تحدر باسها فجبهتها قدام رحمة لي ميقات وقلبات وجهها معاحبها حال..
نوح:(تايدوز يديه على حنكها وبحنية) عيتي
رحيل:شوية دراري نعسو
نوح:غانمشيو داباا رؤوف سير عيط لزين العابدين ورجع هز معااياا إسحاق..
ناضت رحيل قربات جهة رحمة سلمات عليها عادي وعنقات بيساان وفديك الأثناء بان ليها زين العابدين دخل لصالة..
نوح:هز معاك سيدرا ويالاه نمشيو
زفر زين العابدين ببرود ومشى جهتها هزهاا بحال شي وحدة ميت ة ومع هي فاش تاتنعس راه نيت تاتموت لايحها بحال شي خنشة دلبطاطا وشعرها مدلي وخرج..
شدو بلايصهوم راجعين لدار بعد يوم طويل وكان متعب ديال بصح...رحيل كانت تتبان ليها غير لوسادة وبلاصتها تنعس فيها ومن زهرها سيدرا شدات العطلة ومابقات قرايا ومغاتبقاش تفيق معاها غاترتاح وتهنى واحد 3 شهور... وصلو لدار وحطو سيدرا بلاصتهاا وكل واحد دخل لبيتو... كان محتاح ياخد دوش باش يخفف عليه داك لعياا... خلى رحيل تترضع توينز لي فاقو تاني ودخل دوش وخرج بخطوات تقيلة وعينو حمرين حيت الشومبوان دخل ليهوم..لبس عليه غير شورط ونعس على كرشو تايتسناها تجي دير ليه مسااج بااش يرتاااح شوية..
وهي فاش دخلات لحمام جات دوش لقات د م جاتهاا تاني ويالاه مشاات ليها فهاد الأيام...كمشات حجبانها مستغربة ومشات هزات أولويز وطرفات حالتها ونقاتها عاد لبسات ومع خرجات باش تگولها ليه لقاتو نعس بقوة لعيااا.. هزات لغطاا وغطاتو وخرجات من لبيت هازة تلفونها..
دوزات لخط لأسماء لقاتها تاهي فايقة وعيات بقوة النعااس لي تاتنعسو...
رحيل:شافتك ليوم الطبيبة؟
أسماء:اه قبيلة وگالت ليا بلي نقدر نخرج مور يوماين ولكن روفيدا غاتبقاا هناا مزال
رحيل:اه وشنو غاديري ؟
أسماء:خاطري مغايهنااش تانخرجها معاياا واخا نعرف نشد لعسة هناا
رحيل:(تفكرات ميس وقالت بجدية)وي ضروري تبقااي معاهاا وماتخليهااش اأسمااء وتردي لباال ليهاا وماتيقي فحد وخلي إسلام كل شوية يمشي لحاضنة ويشوف واش بخير واخا تعرفي تعطي فلوس لشي فرملية تبقا ترد ليها لبااال
أسماء:وي ضروري (بخفوت)رحيل بغيت نسولك
رحيل:وي تانسمعك
أسماء: نهار لكسيدة أنا عاقلة بلي فاش جيت نقطع الشانطي الطومويبلات كانو بعادين علياا ولكن ديك طوموبيل لي ضرباتني كانت جايا بسرعة كبيرة قصدااني وأنا متأكدة ؟؟ واش نتي شتي شكون سايگها
رحيل:(تنهدات فاش تفكرات داك لنهار) لا ماشفتهااش ملي ضرباتك طوموبيل عقلي مبقااش مستوعب كون ماواحد السيدة هي لي وصلاتني مسكينة لسبيطار وبقات معايا
أسماء:تت يعني ماشفتيش اه ولماطريكول؟
رحيل:تت مافيهاش
أسماء:كيفااش زعمة دابا لي ضربني محيد لماطريكول باش مايباانش وهادشي كيعني بلي شي حد كان باغي يقتللني أنا وبنتي عليها قصداتني ديك طوموبيل (زفرات بغضب)وهادشي تيبين حاجة وحدة بلي ديك لقح*بة دميس هي لي ضرباتني بالطوموبيل
مشى طل على بنتو وموراها مشى يجيب لقهوة.. رجع وهو هاز معاه گوبلي دلقهوة ومع وصل لحدا لباب وجا يدخل سمع صوت أسماء كاتهضر وماتجي فودنيه غير سمية ميس وهضرتها لخرانية لي خلاتو يحل لباب بالجهد..
حل لباب بالجهد تاقفزات أسماء من بلاصتها وتلفون طاح من يديها وصوت رحيل مسموع منو... عيات ماتعيط بسمية أسماااء وتشوف فلابيل دايزة ولكن مامن مجيب...استغربااات وقطعات لابيل فاش سمعات صوت إسلام...
كانت أسماء جامدة فبلاصتها تتشوف فإسلام لي كان واقف بملامح لاتبشر بالخير... مجرد ماسمع سيرة ميس السيد بحال لاركبو شي جن... ولكن أكتر حاجة خلاتو يجن هو فاش عرف بلي هي السباب فلكسيدة لي كانت غاتمشي فيها أسمااء هي وبنتو لي كان يتسنى فيها بفارغ الصبر باش تعوضو على ماداز عليه...ميس نفسها لي كانت سباب عدابو وموت بنتو ليليان...
إسلام:(قرب جهتها وهو عاقد حجبانو ونطق بصوت عالي) اش داكشي سمعت؟
أسماء:(سرطات ريقها وقالت بهدوء) إسلام تهدن وخلينا ندويو بلعقل
إسلام:(لاح داك لگوبلي دلقهوة تاتكبات ونطق بصراخ)ورااني سولتك بلاهبال واش ديك القح*بة هي لي ضرباتك بطوموبيل؟؟
أسماء:(باغا تشد يديه باش تهدنو ساعة هو كان صاعر)ممتأكداش ولكن غالبا هي
إسلام:(غادي جااي فالبيت باغي يحمااق ونطق وهو تايتحلف)هادي مباغااش تقيلني عليها واخا دارت لي دارت ودخلت مها لحببس هي متابتش ورجعااات تاني باااغاا تمرضني وبربي لاكانت ليهااا يابيا يابيها
أسماء:إسلام تهدن عفااك واش باغي دير شي حاجة لي تخرج بيها على راسك
إسلام:(خرج عينو فيها صاعر) هاديك اخرتها على يدي باقي مانسيتش لقح*بة مهااا مدارت فيااا باقي محلفها عليهاا وداباا باغاا ترزيني فيك وفبنتي ولكن بربي لاتافكيت معاها لامااشديتهاا وندمتها على الجديد ولقديم رااني ماشي إسلام غير بلاتي
أسماء:شنو غادير (شادة كررشها بغات تنوض ولكن ماقداتش حيت تعگرات) واش من نيتك اإسلام اتخرج على راسك واش مافكرتيش فيا وفبنتك لاوقعات ليك شي حاجة اش غايطرااا لياا
إسلام:وأناا لي نهار گالو لياا ضربااتك طوموبيل ونتي وبنتي فخطااار ماعرفتيش باااش حسيت ديك لوقت هااا (كمل بحقد)أناا عارف هاديك اش باغاا عارف ديك لمريضة علياااش تاتقلب وأنا لي غانحدهوم ليها غلطت نهااار ماقلتهاااااش بيدي وخليت لبوووليس ياخدو حقي منهااا وهاهي خرجااات وعايشة حياتها مبعد ماحرماااتني من بنتي وخلاتني نتشوى فكبدتي (ضرب على صدرو بالجهد تاتسمع صوت الضربة) مغانخليهاش توصل لي بغااات هاد لمرة غانوقف فوجهها ونخليها تخلص لقديم والجديد...
خرج من الشومبر مخلي أسمااء تاتعيط ليه باش يرجع ساعة شكون يسمع ليها وهو فواحد لحالة من الأعصاب والجنون لي خلاو عينو يتعماااو وقلبو يظلام على ديك بنادمة لي مبغاتش تخليه فراحتو...مكفاهااش داكشي فاش عيشاااتو هاد السنين كلها والجرح لي جرحاااتو ودابا بغات تعاود نفس الفيلم دالماضي... ولكن لا هو مغاديش يخليها هاد لمرة دير مابغاات حيت هاد لمرة غايوقف فطريقهاا وهاد لمرة هو عارف نيتها اوجهها لحقيقي تعرااا قدامو ماشي بحال شحال هادي كان منخادع بوجهها البريء لي وراه مخبية روح خبيثة لاعلاقة ليهاا بالإنسانية ديك الرووح لي بيدو غااينهيهاا وغايحط ليها حد واخا يعرف يموووت فيهاا...
هزات تلفونها وبدات تتصوني عليه ولكن مكيجاوبش عرفااتو مغاديش يجاوبها وبلي دابا معصب ومن الأحسن تخليه تايبرد...تاهي معصبة من ميس وماكرهااتش تشدها بيديها وتخنقهاا على مدارت فيها ولكن قبل مادير هادشي هي فكرات فبنتهاا... دابا مابقاتش بوحدها عندها مسؤولية كبيرة لي خص تكون قدهاا... خص تسبق مصلاحة بنتها على مصلاحتهاا وهادشي لي بغات توضح لإسلام بلي هو داابا خصو يفكر فبنتو ومايتصرفش تصرف لي يندم عليه من بعد... ميس وحدة مريضة ماعندها ماتخسر وهي بلعكس هادشي لي باغاا تشتت شملهم كاملين وتخليهوم عايشين فعداب... عارفة إسلام دابا معصب وغاتخليه تايبرد وتحاول تهضر معاه بالخاطر وتفهموو باش مايديرش شي حاجة لي تخليه يخسر كلشي...
***
جات عندها لممرضة جايبة ليها لفطور والشهية باش تاكل ماعندهاش... ملي خرج إسلام لبارح فالليل ومارجعش لحد الآن وتاتلفون مكيجاوبش فيه ومبغاتش تعيط لمو وتسولها واش كاين فالدار باش ماتشطنهاش وتبين ليها بلي واقعة شي حاجة...كلات شي حاجة خفيفة على قبل لحليب لي خصها تعطيهوم لبنتهاا..
أسماء:عفاك واخا تعاونيني نمشي نشوف بنتي من نهار تزادت وماشفتهااش من غير التصاور
لممرضة:واخا (مدات ليها يديها) عطيني يديك
شدات فيها أسماء وحطات رجليها على الأرض ومع وقفات حسات بالضو ضربها حيت أول مرة توقف مور مافاقت.. ومع دلك صبرات وعضات فالصبر وهي تتمشى بخطوات بطيئة مع لممرضة لي شادة فيها وتاهي غادة معاها بالمهل... خطوة مور خطوة تاوصلات لحاضنة وهنا قلبها حسات بيه غايوقف بقوة ضرباتو العالييين... وراتها لممرضة بنتها فين وفديك اللحظة أسماء تبسمات وعينيها عامرين دموع...دموع الفرحة بشوفة بنتها الصغيرة لي واخا داكشي لي طرا باقي متشبتة بالحياة.. ماكرهاتش تهزها وتعطيها ترضع وتشم ريحتها وتبوسها ولكن حاليا ماتقدرش وماعليها غير بالصبر... ولمصلاحة بنتها تبقا هنا تاتكمل نموها وديك الساعة غاتعوضها على هاد الايام لي بعداتهوم عليها..
ماملاتش وهي واقفة تتشوف فيها وتالجرح دالولادة ماضرهااش وماتسوقاتش ليه..وكل همها هي ديك لكتلة الصغيرة لي تتحرك بشوية ومع دخلات لفرملية تتعطيها الرضاعة لي فيها لحليب دمها بقات تترضع بشوية وأسمااء تتشوف فيها باغا تهبااال عليهاا...عضات على شفايفهاا وتنهدات ناطقة بخفوت: وقتاش نهزك بين يدي ونبوسك ونشم ريحتك تانشبع
حسات بيد تحطات على كتفهاا وصوت باهاا لي نطق ليها بحنية وهدوء: قريب إن شاء الله ابنتي
أسماء:(تخشات فيه وقالت بخفوت) إن شاء الله ابابا
إدريس: زيدي نرجعو لشومبر ديالك باش ترتاحي
ماسخاتش بيها أسماء ولكن بصح خصها ترجع ترتاح باش ترجع صحتهاا وتقدر تنتابه لبنتها وترد ليها لبااال... لقات تانيرت تما كاتسنااهاا جايبة ليها الرفيسة باش تاكلهاا..
إدريس: فين إسلام؟
أسماء:(تنهدات وقالت بصدق) ماعرفتش
تانيرت:كيفاش ماعرفتيش وااش مباتش هنا لبارح؟؟
أسماء:تت لا
إدريس:(بجدية)اش وقع بناتكوم؟
عاودات ليهوم أسماء داكشي لي وقع بكل صراحة وماخبات والو حيت أصلا لموضوع مافيه مايتخبى...
أسماء:تعصب ومشى ومن ديك لوقيتة وهو غابر وماعرفتش فين كاين؟؟
تانيرت:(بعصبية وانفعال) واش هادي مبغاتش توب فلول جات لسبوع وكانت باغاا تأدي ولاد رحيل وفاش شافتها سيدرا ضرباتها وداباا بان ليها لبلان فأسماء وبنتهاا لا لا هادشي زاد على الحد ديالو وخص نعلمو لبوليس يشدوها ويرجعوها ملين جااات
إدريس: شنو لي خلاكوم تأكدو بلي هي مولات لفعلة؟
أسماء: راه باينة ابابا الطوموبيل باش جات ديك لمرة لقاعة مافيهاش لماطريكول وتاهادي لي ضرباتني وأصلا شكون غايكون عندو شي حساب معايا باش يضربني من غيرها هي أنا متأكد ديك لمريضة هي مولاتها
تانيرت:(شافت فيه) عندها لحق مكاين حد يبغي يأديها من غيرها تت الله ياخد فيها الحق
إدريس:اوا على هاد لحساب خصنا نرفعو شكاية عليها باش لبوليس يدير خدمتو
أسماء:دابا إسلام لي ماعرفتش علياش ناوي بابا عفاك دوي معاه وقنعو مايديرش شي حاجة لي ندمو عليهاا هو كيتعصب وخايفة يدير شي كارتة
إدريس:كوني هانياا أنا نتكلف
حبسو لكلام فاش سمعو الدقان وتحل لباب ودخلات مت إسلام وختو وخوه ومرتو... كانت تاتسناه يدخل معاهوم ساعة فاش مشافتوش عرفاتو ممشاش لدار...وزاد تأكدات فااش سمعات مو تتسول عليه وتلفات ليها لكلام باش مايشك حد ونيت مباغاهومش يعرفو اش كااين...خرج إدريس من عندهوم مخلي تانيرت معاهوم وجبد تلفونو مدوز لخط لولد لحاج..
إدريس:(راكب طوموبيلتو)ألو ولد لحاج ياكما صدعتك
نوح:(بصوت باح)حاشا اسي إدريس اش خبارك
إدريس:بخير كنت باغي نهضر معاك على واحد لموضوع نتا فين نجي عندك
نوح:أنا فالدار اجي لعندي
إدريس:واخا شوية ونكون عندك
قطع معاه ودمارا شاد طريق لعندو...وفدوك الأثناء كانت رحيل جالسة فالبيت شادة تلفونها تاتهضر مع السكرتيرة ديال الطبيبة لي كانت تادوز عندها فاش كانت حاملة...
رحيل:بغيت ناخد رونديڤو ليوم لكان ممكن وحبدا يكون داباا ضروري
س:دابا كلشي عامر الالة مي تقدري تجي مع 3 لاكان هاد توقيت مناسبك
رحيل:اه واخا شكرا
لاحت تلفونها فوق النموسية وناضت خارجة من لبيت نازلة لتحت...بان ليها نوح جالس فالصالة بشورط وتشورت وتايشرب فالقهوة وسيدرا جالسة حداه وعينيها على التلفازة لي مخدمة فيها قصص عربية تاتفرج فيهوم وباين فيها مركزة...
رحيل:(جلسات جنبو من الجهة لخرى وقالت بهدوء)خديت رونديفو مع لوحدة
نوح:(حط يديه على عنقها ونطق بهدوء)صافي مزيان نمشيو نشوفو بلان داكشي
رحيل:(تكات على صدرو)مافهمتش صراحة علاش عاود جاتني ؟
نوح:ملين نشوفو الطبيبة وديك الساع نعرفو اش كاين (تايلعب بشعرها وهي لايحة عينيها فالتلفازة) باك جاي لهنا
رحيل:(هزات راسها بزربة وشافت فيه) بصاح
نوح:اه عيط ليا وراه فالطريق لهنا
رحيل:(تبسمات ونطقات بحماس)غانوض نوجد شي حاجة بيما جااا أول مرة يجي عندي لداري ضروري مانكبر بيه..
ناضت بزربة غادة تشوف شنو دير ومع يالاه لحداش دالصباح باقي لحال على لغدا قررات توجد واحد لبسبوسة تاتعجب باهاا وديما كانت تتصاوبها ليه...جبدات لي خصها وبدات تتوجد بحماس وغير سالاتها ومشات خشاتها فلفران وطلعات لبسات عليها بيجامة طويلة مستورة ورجعات نزلات تكمل شغالهاا... وصل إدريس ومبغاش يدخل بيديه خاويين خصوصا أول مرة جااي عليها مشى لواحد لباتيسري وجاب معاه الحلوى عاد كمل طريقو...مع صونى فالباب سمع صوت خطوات دالجراا وصوت خطوات خريين وماهي إلا ثانية وتحل لباب من طرف سيدرا لي غير شافتو نقزات عليه معلقة فيه كانت غاطيح ليه داكشي لي هاز..
سيدرا:(بصوت عالي)بّاديدي
إدريس:(معنقها بيد وحدة ونطق ضاحك)نخشيشة جدهاا
رحيل:سيدرا رااه عدبتي جدك ماتعلقيش فيه امامي وخليه يدخل
دخل إدريس وسد لباب ورحيل قربات جهتو بايسااه: مرحباا بيك عندي اباباا (مد ليها داكشي لي فيديه) علاش عدبتي راسك ؟
إدريس:ماشي شي حاجة (وصل لصالة لقى نوح كيتسناه ناض سلم عليه ورحيل مشات هي وسيدرا يجيبو الضيافة..
إدريس:غير سمحليا درونجيتك فنهار الراحة ولكن ماقدرتش نتسنى كتر
نوح: الله ياودي اش كاين؟
إدريس:(بجدية)جيت باش ندوي معاك على بلان ميس..
كانت تتوجد فأتاي وفنفس الوقت مشات تجبد الدجاج باش دير لغدا حيت يستحيل تخلي باها يمشي بلاغدا وتاسيدرا معاونااهاا تاتجيب ليها لي محتاجة...
سيدرا:مامي نمشي نفيق زينبيدين
رحيل:(عاطياها بالضهر تاتقلب فالتلاجة)اممم سيري
مشات تتجري لفوق ونيشان لبيتو..حلات لباب وبدات تاطل براسهاا بان ليها الظلام...دخلات بشوية تاتقلب عليه ولقاتو باقي ناعس حيت مولف تيسهر مع مكاين مايدار فالعطلة...وقفات حداه وتحدرات تتحرك فيه وقالت بهدوء:زينبيدين فيق واازينبيدين فيييق يالاه راه بّاديدي جاا عندناا
تململ من بلاصتو بلامايضور جهتها وهي غير شافتو تحرك وهي طلع فوق النموسية وبدات تتحرك فيه وتعيط ليه بلاماتحبس ومگالتش عيييت...طبخات ليه راسو وصعراتو على الصبااح...ضار جهتهاا ودفعهاا تاطاحت من فوق النموسية لأرض وتسمعات الزدحة دالطيحة...هو ماعندوش مع لخااطر وغير ديك الدفعة وجابتها مزدوحة أما كون نيت دفعها بالجهد كون لصقها مع لحيط..
زين العابدين:(نطق بصوت مبحوح)فرييع لكررر تقووودي من قدامي لانصدق نايض ليك
سيدرا:(شادة جنبها باش طاحت ومدلية شفايفها مقصحة)نتااا حمااار ضريتيني
زين العابدين:(خنزر فيها)برهوووشة تت صبحنا عالله (ناض غير بشورط قصير وشعرو مخربق وباينة ضربة فجنبو زرقة وتمتم بعصبية)قلااا*وي
دخل لحمام ضارب بلباب تاتسمع الصدى ديالو وسيدرا ناضت تتجري وتبكي نزلات لتحت ونيشان عند نوح لي كان جالس بملامج جدية هو وإدريس..
سيدرا:(وقفات حداه وزادت من وتيرة البكاا)بابانو بابانو زينبيدين ضربني
نوح:( هزها وجلسها على رجلو وقال بجدية)فين ضربك؟
سيدرا:(كانت بصح مقصحة وتتبكي ولكن زادت من لبكاا دالتبوحيط) مشيت نفيقو بابانو وهو يدفعني فوق النموسية تاطحت الأرض وضرني هنا بابانو
إدريس:شنو درتي ليه تادفعك اسيدرا واش غير جا ودارها
سيدرا:والله مادرت ليه والو بّاديدي واحق الله
نوح:(باسها على راسها وقال بحنية) صافي سيري عند ماماك تانتفاهم معااه يالاه ابابا
حركات راسها باه وخرجات من تم وفطريقها تلاقات بيه نازل وشعرو فازك ولابس عليه شورط وتيشورت بيل سماطي... قربات جهتو وخرجات لسانهاا وقالت ببرائة:انا قلتها لبابانو يالاااه (رجعات خرجات لسانهاا) بابانو غايغوت عليك الحمااار
سلتات تاتجري مخلياا الريح وراهاا وشعرها لي تايضرب بيه الريح وهو لي واقف مخنزر تايشوف فيها وحرك راسو مامسوقش لهادشي لي تايجيه تبرهيش فتبرهيش... دخل لصالة ومع قشع إدريس رجع لور ومشى لكوزينة...
إدريس:كيف گلت ليك اولد لحاج هاديك خيتي مناويااش على خير وباينة مغاترتااح تادير شي كارتة ولبوليس هوما لي غايحدوها ويهنيونا منها
نوح:(حرك راسو بهدوء) ماخلات وراها تاشي دليل اسي إدريس باش تشد كيف گلت ليك ولكلام لي قالو لياا راه باين لمعنى دياالو هاديك دابا خص نحطو عينينا عليها باش نعرفو علياااش ناوية
إدريس:وشنو غانبقاو مربعين يديناا ياك لفيديو عطيتيه لصابر
نوح:(بخشونة)ماشي دليل كافي بالنسبة ليه (بجدية) غير ارتااح نتاا وگول ليهوم يردو لبااال لبنت ومن الأحسن ماتخليوهاش بوحدها فالسبيطار وباتو معاهاا واخا تعرفو تناوبو وهاديك خليها خليااا كيف قلعناا الضرسة دعمهاا وخوها غانقلعوها تاهي مابقا قد مافات
إدريس:إن شاء الله غير هو إسلام دابا ماعرفت علياش ناوي راك عارف موضوعها تايعصبو ويخليه يجن من ليل وهو غابر خايفو غير يدير شي كارتة فيها ونصدقو واحلين
نوح:ردو معاه لبال وخليوه تحت عينيكوم هي هادشي لي بغاات دير وأصلا واخا تعيى طير غاتشد وغاتفضح وتاهاديك لمعاوناها غاتشد معاهاا
إدريس:نتمناااو هادشي بغينا نرتااحو من هاد لمشاكيل لي طلعو ليا فصحتي يالاه قلنا حمدلله تهنينا من سيرة دوك لمرااض جات ديك خيتي تاخد بلاصتهوم
نوح:(شاد كويس دأتاي ونطق بنبرة رزينة وتقيلة) هاديك حلها ساهل طير تاطير وغاطيح فالشبكة
سكت فاش بانت ليه رحيل داخلة مبسمة وجلسات جنبهوم... عن عمد خلاتهوم بزوج يهضرو حيت عارفة باها بغا يقول ليه شي حاجة بيناتهوم وضرورية عليها جا تال عندو...
رحيل:ياكما حبستكوم على هضرتكوم؟؟
إدريس:لا ابنتي أصلا أنا غانمشي دابا
رحيل:والله ماتمشي تانتغداو راه الغدا كيطيب ابابا
إدريس:لاش عدبتي راسك أصلا جيت غير ندوي مع ولد لحاج وصاف
نوح:(بمزاح)بنتك حلفات اسي إدريس ومجاتش تحنتهاا
رحيل:(ضحكات) ههه اوا شنو يجي تال عندي ونخليه يمشي بلامايتغد
إدريس:نيت توحشت ماكلة بنتي رحيل كانت تتبرعناا قبل ماتزوج
رحيل:(شافت فنوح وبدات تتهز حجبانها)شتي أنا حادگة وماكلتي فيها واحد البنة
نوح:(غمزها بلخف بلامايشوف إدريس ونطق بصوت تقيل مجبدهاا) بننننة فشكااال
قلبات عينيها فاش فهمات لمغزى وناضت دايرة السبة طل على لعشا مخلياهوم راجعين بحديتهوم العادي على لخدمة مخلين موضوع ميس لوقت وكيف قال نوح طير تاتعيى وغاطيح فالشبكة..
لبس نوح حوايجوو وخرج من الشومبر مخلي رحيل فلحماام تتوجد تاهي راسها باش يمشيو لعند الطبيبة...نزل لتحت لقى زين العابدين كاين فالصالة متفرج...قرب جهتو وعطااه دقة على ركبتو تاتسمع صوتهاا وزين العابدين ماتحركش ولابين من ملامحو أنه تقصح...جلس حداه نوح ونطق بهدوء: لاش مديتي يدك عليها
زين العابدين:(بنفس الهدوء)حيت تستاهل
نوح:(خنزر فيه وقال بجدية)زين العابدين دويت معاك قبل وگلت ليك فرقها عليك راه مرة خرا تجي عندي وتگول ليا ضربتيها غانتفاهم مع حسك (شاف فساعتو وكمل بجدية)انا ورحييل خارجين وغانخليو ليك خوتك وسيدرا ترد ليهوم لباال
زين العابدين:(هز حاجبو ونطق بالإنجليزية) what?
نوح:(هز حاجبو ببرود) كيف سمعتي لحليب راه غاتلقاه فالتلاجة فلبيبغون دفيهوم وقبل ماتعطيهوم يرضعو جربها فيديك ماخصش تكون سخونة خص تكون دافية (ضربو على كتفوو وتبسم ليه ببرود)ولمرة الجااياا جرب تهز تاني يديك عليها
ناض نوح تيقاد فلاشوميز لي لابس مخلي زين العابدين جالس وهو شوية ويتفرگع على هاد لبلان.... كيفضل بااه يعطيه شي عقوبة قاصحة ولايگول ليه گابل لبراهش...
طلع نوح عند رحيل لي كانت لبسات وسالات وشافت فيه بهدوء:فين غانخليو توينز وسيدرا
بهدوء قرب جهتها وشدها من خصرها وجمع ليها شفتها بقبلة خلاتها تشهق وتغمض عينيها... تاحسات بيه تايبوس فشفتهاا العلييا قبل مايعضها ويدخل لسانو مكمل خدمتو على أكمل وجه...سكتها وخلاهاا تاترعش بين يديه وقلبها يضرب تاحسات بيه غايوقف...بعد عليها وخيط الريق دايز بناتهوم وقال بخفوت :زين العابدين غايتكلف بخوتو نتي تهناااي ليااا
سكتات رحيل ومشات هزات صاكها ونزلو بزوج وقبل مايخرجوو هضرات رحيل مع سيدرا باش ماديرش لبسالات أو وصاتها مزيااان عاد شدو طريق مخليين زين العابدين عاقد حجبااانو وحاقد على لوضعية
***
كايتسناو نوبتهوم مع جاو شوية بكري ورحيل شداها لخلعة ماعرفاتش علاش ولكن خافت لايكون عندها شي حاجة خصوصا فاش حبسات ليها الدم نهار الربعين ورجعات تاني مافهمات والو...نص ساعة وجات نوبتهوم دخلو لعند طبيبة لي بدات تتسول فيها وهي تتجاوب عادي قبل ماتنوض تشوفها وتقلبها ونوح جالس يتسناهاا...
طبيبة:مكاين لاش تخلعي هاديك غير لغيگل هي لي جاتك غاتكمل لبغيود لي تتجيك وغاتمشي
رحيل:(باستغراب) لغيكل واخا يالاه مشات مني الدم؟
طبيبة:وي تتوقع بعض النسا فاش كاتسالي ليهوم الربعين يوم تتجيهوم لغيگل عادي باش تقااد ليك الدور الشهرية غانعطيك لبيلول لي تبقاي تشربيه بانتظام ولاكاينة شي حاجة خراا اجي عندي
شكراتها رحيل وخرجات هي ونوح ومور ماخلصو نزلو من الدروج ونطق نوح بصوت ساخر:هاد لكافرة بالله باغااا دير عندك شهادة السكنة
رحيل:(ضحكات)ههه شتي زهرك يالاه قلت ساليت وهي تجي تاني تت
نوح:(درعها وقال بحنية وخشونة) لمهم يكون عندك كلشي هو هداك ومايكون بيك والو هاداك هوو الأهم عندي الفتنة ديالي...
***
جالس فالصالة وتوينز فبيت باه لفوق وسيدرا غابرة...ماتسوقش بقاا متفرج تااجات سيدرا تتجري وقالت بصوت عالي: زينبيدين زينبيدين سوسّة وإيسو تايبكيووو بزاااف
زفر النفس وناااض غادي لتلاجة حلاها وهز دوك الرضاعات ودار لماا يسخن وحطهوم فيه تادفااو وهزهوم طالع لفوق...صوتهوم خرج بلبكاا ومع دخل لجناح باه ورحيل لقى سيدرا جالسة تادير ليهوم لهاية كيف تاتشوف مها وتاتبغي تسكتهوم ساعة الجوع خلاوهوم غير يبكيو.... عطاها رضاعة تعطيها لواحد وجلس هو جنب التاني تايعطيه الرضاعة وعاد سكتو تايرضعوو... كملو ليهوم تااشبعوو وسيدرا شافت فيه وقالت:مامي تاتهزهوم ودير ليهوم هاكا(قاستو فضهرو ) باش يتگرعوو
هز إسحاق ودار ليه ديك لحركة تاتگرع وحطو ودارها تال لإسماعيل عاد حطهوم وناض باش يخرج وسيدرا قالت:زينبيدين نعسهووم راه فيهوم نعوساات
زين العابدين:(خنزر فيها) نعسيهوم نتي وهنيناااا
خرج كااعي محاملش هادشي وماكرهش يهز صاكو يمشي لصال يتريني ساعة بااه عطااه عقوبة عمرو ينسااهاا...مع جااا ينزل من الدروج سمع صووت سيدراا لي غوتاات بسميتووو بالجهد....
بلاصا قدام لمحال الطوموبيل دريان لي كانت باقي جديدة وكراسها بميكتهوم...يالاه خرجهاا وكان غادي بيها لدار مي قبل كان خصو يدوز لمحال درحيل باش يتفقد الأمور فيه بلاصة عتمان لي كاان مسافر لشهر لعسل....نزل منها وحرك راسو لعساس لي تم وكمل طريقو غادي لداخل وعينو كيقلبو عليها بلامايبين... بانو ليه البنات خدامات والحركة ماشية مزيان فالمحال...
كانت واقفة تاتبيع لواحد السيدة وغير قشعاتو وهي تبسم وبدات تقاد شعرها بلاماتبين وطلع شوية فديك التيشورت الخاصة بلمحاال... صدرات ديك الكليانة وقربات عندو تتعوج...تاوقفات عليه وقالت بتبسيمة وبصوت محلون:سلام
محمد طه:واعليوم السلام (ضور عينو) غزلان كااينة هنا؟؟
سوسن:لا مشات تسخر محتاج شي حاجة؟
محمد طه:لا غير سيري كملي شغالك
سوسن:(تبسمات تبسيمة صفرا) لاحتاجيني شي حاجة أنا هنا
حرك راسو ببرود وعدم اهتمام وهي مشات منفخة...من نهار شافتو عجبهاا ولحق يتقال لوقفة والطولة ولعوينات ملونين وشكون لي مايعجبهاااش وهي من نوع لي تتعشق الزين... تاتشوفو تايجي لهناا واكترية عند غزلان وعمرو عبرهاا وليوم قررات دير خطوة وهاهو گاعما حاشاها ليها...رجعات عند صاحبتهاا وقفات حداها وقالت بنفخة معاجبها حال:گااعما تسوق لياا
لبنت:وبالسيف مايتسوق والسيد كيضرب على الشعى مالو يحاشيها ليك
سوسن:(خنزرات فيها)ومالي كيف جيتك تاأنا زوينة وگاع لي شافني تانعجبو غير زهر ماعنديش على آخر يامي خدامة فمحاال دلحوايج
لبنت:هههه ومالو لمحال دلحوايج كيف جاك بعدا رااه جايباهاا حلال
سوسن:(تاتشوف فضفارها)شتي كون ماكنتش محنسرة وخصني باش نصرف برب لاوقفت هناا
لبنت:اوا كلنا هاكا اسوسن راه الدنيا هي هادي لامادرتي علاش ترجعي غاتندمي حياتك كلها (بحسرة)ندمت حيت خرجت من لقرااياا وماكملتش عقل الصغر خرج علياا والزيغة تاهي تاجبتها فكررري
سوسن:حيدي عليا من لكأبة وگولي ليا كيفاش ندير نطيحوو فالشبكة حمقني
لبنت:راه خو مولات الشي فخبارك بعدا
سوسن:وااايلي بصح؟؟
لبنت:اااه ونزيدك (حركات حجبانها) هو وغزلان كانو مزوجييين
سوسن:(خرجات عينيها بصدمة)ماتگوليهااش؟
لبنت:اقسم بالله ديك لمرة فوقيتة دلغدا مشيت لبيت باش نرتاح وسمعتها تادوي هي وأميمة عليه
سوسن:وعلاش طلقو؟
لبنت:ماعرفتش حيت دغيا مشيت باش مايشوفونيش وينوض مشكيل داكشي علاش
سوسن: عليها سول عليها همم (بسهو)اوا هوما طلقو يعني نجرب زهري
لبنت:شغلك هاداك
خلاتها ومشات تكمل لخدمة وهي بقات حاضية محمد لي واقف حدا لاكيس فين كانت واحد لبنت رومبلاصات غزلان... مدازش وقت بزاف وكانت غزلان راجعة وهازة معاهاا خنيشة دلفرماسي وجهها صفر وباين فيها مريضة... قربات جهتو مكمشة حجبانها وهو غير شافها قال بتساؤل:فين كنتي (شاف فشنو هازة وقال باهتمام واضح) مالكي واش مريضة؟
غزلان:(شافت فلبنت)شكرا ليك اندى غير رجعي لبلاصتك (مشات لبنت) غير عيانة وصاف
محمد طه:اش ضارك؟
غزلان:(قلبات عينيها) غير كرشي
مابغاتش تبين ليه ولكن هو فهم اش كاين وعرف بلي جاتها لغيگل ولوجع هو لي دار ليها هاكا... ماحكرش وقال بهدوء:جيت نشوف السلعة قالت ليا رحيل راه خاصاكووم
غزلان:اه ستوك قرب يسالي وعتمان لي مولف يڤيريفي راه مكاينش
محمد طه:(هز حجبانو)أناا كااين اجي معايا نشوف اش خص
تبعاتو وهي مهلوكة بغات غير تنعس خصوصا دابا شربات لكالمون وترخات...دخلو لبلاصة غين كاينة السلعة وبدات توريه وهو تيقيد اش خااص... جاات سوسن لي كانت حاضياهوم ودخلات زعمة غير بالصدفة وقالت:اه نتوما هناا جيت بااش نشوف واش كاين شااال فلبلوغواا بغاتو واحد لكليانة
غزلان:هاالشيلان لي بقاااو خوديهوم وديهوم لبرا باش يتباعو
هزاتهوم سوسن وهي تتعطل ومحمد طه واقف حداها تيقيد... بدات تاضور عينيها تاكحزات عندو وهي دير راسها تعكلات وكانت غاطيح عليه وهو برد فعل طبيعي شدها...
سوسن:سمحليااا عفااك
محمد طه:ماعليش دري لباال
سوسن:الصندالة لي عكلاتني (تبسمات)مهم غانمشي ندي لكليانة لي بغات
خرجات وهي تاتعوج وغزلان بقات غير مربعة يديها تاتهز فرجليهاا ومطلعة حاجبهااا... الحاسة السادسة لي عندها مغالطاش والديكور ماحملاتوش واكتر حاجة ماحملاتش هو كيفاش عاونها... سالى شغلو وجا جهتهاا شافها تاتشوف فيه بديك الشوفة وقال:غانمشي لديبو نجيبو السلعة ليوم نيت باش غدا تستفوهاا واخا
غزلان:(ميقاات) امم
محمد طه:مالك؟
غزلان:(غوتات بلاشعور)مماليش سير جيب السلعة (عطاتو بالضهر وقالت بخفوت تتميق) ردي لبال
جرها قبل ماتخرج وسد لباب محاصرها وقال وهو هاز حجبانو:مالكي شاعلة بوحدك؟
غزلان:شااااعلة (خنزرات)بنت ليك عاافية باش نشعل حيد عليا
محمد طه:(مكانش فاهم اش طاري معاها) تاتگولي لياا مالك؟
غزلان:(تبسمات ببرود والعافية دلغيرة شعلات فيها) مماليش وزايدون ماشغلكش فيا (تمتات بلاماتحس وبسخرية) ماعليش ردي لبال
محمد طه:(كمش حجبانو بحال لايالاه عاق بلبلان ونطق بمكر) تاتغيري عليا التويشية ديالي..
ديك الضحكة لي راسم على وجهو ماحملاتش تشوفهاا واستفزاتها... سبات راسها على هاد الخفة لي فيها وكيفاش فرشات راسها قدامو وهي لي دافعة كبير وزعمة باغاا تندمو وتخليه تابعهاا وتخرج منو گاع داكشي لي دار فيهاا... ودابا هاهي بينات ليها أنها كاتغير عليه وهو غايحس براسو وغاتزاد تاني فيه ضلعة وغاترجع ريما لعادتها لقديمة على قولتهاا.... زيرات على يديها مباغاش تبين ليه بلي داكشي فاش تيفكر هو لي كاين وبغات توريه أنه مكيهمهاااش...
غزلان:(ربعات يديها ببرود) تانغير عليك من نيتك؟؟ شنو بيني وبينك أصلا باش نغير عليك
محمد طه:(مد يديه لشعرها تايرجعو ليها لورا ودنيها وقال بهدوء تقيل ) بيناتناا شلى حوايج التويشية ديالي (قرب جهتها وقال بخفوت) نفكرك لانسيتي؟
غزلان:(حطات يديها على صدرو مبعداه عليها وقالت ببرود مصطنع) حدك تم وماتفكرني مانفكرك وأصلا داكشي مابقااش تيهمني غلطة ودازت
محمد طه:كيفااش غلطة ودازت؟؟
غزلان:كيف سمعتي (هزات حاجبها) وفهمتي
محمد طه:(غزز شفتو بسنانو ) باغا تصعريني تاااني يااك
غزلان:مالي اخوياا علاش انصعرك حيد عليا وخليني نديها فخدمتي لي دايمة ليااا (وبمعنى)أما كحل الراااس ماعندي بيه غرااض
دفعاتو وخرجات وهي حاسة بالراحة حيت فقصاتو وخلاتو يحس بداكشي باش حسات قبل شوية... وتايقولوها ليك الله ينجيك من كيد النسااا وهي حلفاات تاتخرجو من عين لبراا وعااد تسمح ليه ماشي غير أجي وسمح بغات تعطيه درس باش فيمااا يفكر يقول ولايدير شي تصرف معاهاا يتفكر اش دوزات عليه ويعرف بلي نفسها عزيزة وبلي مكاتنسااش دغيااا... رجعات لاكيس مكملة خدمتها ومرة مرة تشوف فسوسن وتخنزر ماحملاتهااش وماكرهاتش تغززها بسنانهاا ولكن مابيناااتش...بان ليها خارج عاقد حجبانو وداز شاف فيهاا وقال: غانمشي نجيب السلعة لي خصاتكوم ونرجع
خرج وهي هزات كتافهااا وحدرات راسهاا داياها فشغلهاا...
***
ديك لغوتة لي طلقاات خلاتو بلاهواه يرجع بزربة داخل لبيت وجات عينو على إسحاق لي كان ناعس بلاصتو فوق النموسية وكولو عامر بلحليب لي رد من فمو ونيفو تاتقج ولى حمرر وحال عينيه....زرب عليه زين العابدين وقلبو على جنبو وبدا يمسد ليه بين حجبانو تارجع فيه لون وهو يطلقها ببكية وسيدرا تاتشوف فيه مخلوعة ماعرفات مالو...كانت جالسة تابدا يتقيى بداك الشكل خلعهااا....مسح ليه زين وهزو تايسكت فيه وهو هاز حجبانو كاعي دبصح....
سيدرا:(ببرائة) مسكين سوسّة ديالي وسخ حويجاتو
مداهاش فيها وهي بقات تاطبطب على إسماعيل لي كان كالم على خوه....سكتو وحطو تايشوف فداك اللبسة لي عمرات بالردان وهو براسو تقااس فاش هزو...غمض عينو تايزفر بحال شي ثور...هو معيااااف ومع تقاس ماحملش راسو...
مشى جهة الدريسينغ لقى بلاصة خاصة بتوينز فيها لباسي زوج من لحاجة وكيختالفو غير فلوينات...هز زوج لبسات بلامايتسوق وقرب جهتهوم كيشوف فيهوم وهو حاط يديه على نصو...عمرو كان عندو شي احتكاك جهة وليدات صغاار وتاجهة الناس لكباار...كون جات عليه يخليهوم ولكن ماجاتش وباه موصيه عليهوم وزيد وسخ راسو ومبغاش يخليه بوسخو...جلس تايزول ليه بشوية وسيدرا طبخات ليه راسو بمامي هاشنو تادير وكيفااش.... مع حيدهوم ليه لقاه وسخ تا ليكووش... وهنا كملات وبلامايشعر نطق بغضب:خرااا تت (شاف فسيدرا)جيبي ليكوش
مشات سمعا وطاعة جابتو مع لبرودوي لي تاتشوف مها كاديرهوم ليهوم...
سيدرا:(تاتوريه)مامي تادير ماا سخون وتاتمسح ليهوم عاد تادير ليهوم دواا وليكووش
قلب وجهو وهو حال ليكوش لي لقاه عامر...خسر سيفتو وعقد حجبانو تايشوف ملين يبدا...
زين العابدين:(هز حاجبو)مسحي ليه
سيدرا:(حركات راسها ببرائة)متانعرفش زينبيدين
بزوج صباع خدا كلينيكس حيد ليه داكشي لول وسيدرا مشات لحمام جابت طويسة خاصة ديالهوم فيها لما دافي وحطاتها ليه... بدا كيدير ليه لماا وعاقد حجبانو تاسالى ونشفو ودار ليه بوماضة دطيااب لي وراتو سيدرا عاد لبسو ليكووش وحوايجوو بشوية وراد لباال واخا راه جاعر على هادشي لي تايدير مي عاطي لخاطر وإسحاق تايضحك ويتبسم ليه...تهنى منو وداز لإسماعيل تاهو نفس الشي بدل ليه وشاف فيهوم كيف ساكتين ومبلقين دوك لعوينات الزورق فيه. تيبانو هاديين وكيوت غير دلماكلة.. دار ليهوم لهاية وسيدرا تاطبطب على إسحاق تابدا يسد عينيه وتاخوه... نعسو بزوج دقة وحدة وإسحاق شاد صبع سيدرا وإسماعيل شاد صبع زين العابدين لي كانو بزوج تيشوفو فيهوم بالسكااات...
داز داك النهار بسلاام تاام وكمل فاش رجع إسلام لعند أسمااء لي كانت مخلوعة عليه لايدير شي حاجة وغير شافتو رتاحت انه بخير وخصوصا فاش بان ليها مكالمي...ماجبداتش ليه السيرة دميس حيت باهاا گال ليها بلي غايهضر معاه هو وغايتكلف بالأمر...
سيمانة دازت دغيا بحال الريح ماحسوش بيهاا وخصوصا مع توجاد الخطبة دريان وبيسان لي قررو يديروها مجرد ماتخرج روفيدا ومها من سبيطاار...
كانت خارجة هي وسناء ورحيل ومعاهوم رحمة لي بزز منها خرجات حيت نوح گالها ليها... داخلين لمحالات تايتقدااو لي خاص من حوايج دلداخل ولبرودويات...نهار كامل مدوزينو فلخرووج وضوران...
كانو فمحال لملابس النسائية ورحمة تاضور وتشوف اش خاصها هي وسناء ورحيل وبيسان تاياخدو تاهوما..
رحيل:(شيراات جهة واحد شوميز دونوي فلغوز بارد زوين وستيلو جريء) اش بان ليك فهاداك زوووين بزاف وعجبني (غمزاتها) وغايعجب تارياان
بيسان:(ضحكات بخجل) رحيييل تت كاتحشميني
رحيل:كنت هاكا فلول تاأنا مي من بعد ولفت وأصلا عادي حلالك خصو يشوفك فلمسخ وتلبسي ليه هادشي وتبرعيه مرة مرة
بيسان:اوا اش بان ليك تاخدي وااحد تانتي وتبرعي خووياااا ههههه
رحيل:ومالي مانديرهاااش (خلاتها)نمشي نشوف شي حاجة ليا
كل وحدة وفين تفرقات تاتشوف اش بغات... رحيل عينيها على لبيجامات لي معرين داكشي زوين تايجدب لعين حمقوهاا...خدات شي بيجامات بشورط تلبسهوم فنعاااس وخدات دوبيااس اما لشوميز دونوي عطاهوم الله عندها شي وحدين باقي بميكتهوم...وخدات غير داكشي لاخر لي باغاا... لقات واحد لونصومبل عبارة على شورط ودباردور ديالو وبنوار قصير مع بانطوفة مزغبة حمقها وخداتو فاللون لمفضل لنوح...الازرق ملكي جااا خطيررر وتابيسان خدات نفس الشكل مي لون بارد يليق بلعريسات...ماخرجو من داك لمحال تاشراو تقريبا نصو كل وحدة كيلات وخلصوو بلاكاارط درحمة لي سيفط ليها نوح لفلوووس فيهاا باش تقدى وگال ليها لي بغات شي حاجة تخلصهااا...
سناء:خليني نخلص هادشي ديالي بوحدي راه هادشي بزاف عليك
رحمة:ولدي لحبيب هو لي سيفط ليا لفلوس وقال لياا نخلص داكشي لي خدينا كاملين
سناء:الله يخلف على ولد لحاج
رحمة:(بمعنى) اوا حبيبي الله يقوي عليه لخير گال ليا نتكلف بلخلاااص عليها سيفطهوم ليااا
قلبات رحيل وجهها تاضحك بسخرية من داك لمعاني لخاويين درحمة... تفكرات ليوم فالصباح فاش نوح علمها بلي غايسيفط ليها لفلوس باش تقدى لي خاصهاا وإلا خصاتها شي حاجة تعلمو باش يزيد يسيفط ليهااا... وهو أصلا كان باغي گاع يعطيها لاكارت گيشي ديالو غير هي مابغاااتش... كان فيها مايدير تاهي بحال فعايل رحمة مي مبغاتش تصغر عقلها وخلاتها دير مابغااات يكفي هي عارفة اش كاين... شدو الطريق ورحيل مشات لدار باها حيت تما توينز وسيدرا بينما لبقية كملو لرياااض...دخلات محملة بلحوايج وجلسات تاتستارح وتعاود ليهوم اش دارو...
رحيل:عرفتي هاكا دلحوايج خديناا تالكوفر مابقات فيه بلاصة
تانيرت:ضروري راه لعروسة ابنتي تاتحتاج بزاف دلحاجات
رحيل:واييه وفخبارك هادشي وباقي ماكملنا ؟؟ مي غدا غانمشيو تاني نشوفو اش خاص واااه غاديين عند الخياط تمشيو معايا باش تانتوما تحطو لبياسات لي بغيتو راه أسماء لبارح سيطفات ليا لون توب والشكل لي بغات نخيطو ليها على عبار شي قفطان ديالهاا
تانيرت:صافي واخاا ونشوف لبنات تاهومات يمشيو اييه مافخباركش أيلي الاخباار الزوينة؟
رحيل:لا شنو
تانيرت:أسماء وروفيدا ايخرجو غدا من السبيطار ليوم دازت عندها الطبيبة وقالت ليها لبنت بخير وصحتها هي هاديك وماعندها تاشي حاجة تخاف منهاا وبلي يقدرو يخرجوها
رحيل:وااايلي (بفرحة) واخا على اسماء ماگالتهاش ليا ويالاه دوينا قبيلة
تانيرت:وراه بغات ديرها ليك مفاجأة ساعة ماصبرتش نخبي عليك ولكن هااا ماتگوليش ليهاا گلت ليك شي حاجة حيت غاتخرج وغاتجي لهناا نيشان
رحيل:علاش مغاتمشيش لدارها؟؟
تانيرت:تت غاتجي لهنا باش نرد ليها لبال ونيت تبقا حداناا وعينينا عليها نتي عارفة مت إسلام رجعات لكازا على قبل رونديفو دطبيب لي كان عندها ومغاتجي تايديرو السبوع أما كون كانت باقا كون تهنيت من جهة أسماء
رحيل:اه صافي هاكا مزيان ونيت ديك لمريضة ماتلقى ملين دوز ليها
تانيرت:واييه باك راه هضر مع ولد لحاج عليهاا وراه هادشي لي مبرد ليا گلبي
رحيل:نووح مغايتهنى تايلقى ليها حل اماما راك شفتي كيفااش هنانا من داك لمريييض كون ماهو كون راه حنا باقي معدبين معااه (تنهدات)
تانيرت:ماتمرضيش راسك ابنتي بداكشي لي فاات صافي نساااي وخلي كلشي لله سبحانه وتعالى راه المظلوم ربي كياخد ليه حقو من الظالم وهانتي تاتشوفي بعينيك طوال زمان ولاقصااار غاتشد وغاتفضح وديك الساعة نتهناو منهااا
رحيل:وأنا كانتسنى داك نهار بفارع الصبر نهار نتهناااو من تريكة داك لمريض...اه ماما فخبارك واحد لحاجة رؤوف ناوي يخطب رنيم...
بقات هي ومها فالدار تتعاود ليها على بلان رؤوف ورنيم ولخطبة لي قال ليها نوح وتوصي فمها بااش ماتخرجش شي كلمة من فمها وتسيق ليها رنيم لخبااار... ماخلاو ماقالو وتعاودو تاوصلات لوقيتة وبداو يرجعو من لخدمة وديك الساع ناضت رحيل توجد ليهوم لكاسكروط حيت مها عيات مع توينز وسيدرا... وبحكم لعطلة ولات تاتجي فالصباح بعض لمرات ودوز نهار معاهوم بلاصة داك لقنط لي عندها فالدار حيت نوح تايخدم ولاجلس راه نهار كبير عندهاا تتخرج وتفشش عليه وهو داير ليها لخاطر... أما فاش تايخدم فكايجيبها لهنا ويخليها تال لعشية ملي تيسالي خدمتو ويجي يديها... عارفها كاتقنط حيت مولفة الناس وتاهو مكيحكرش عليها...
وكيف لعادة مع وصلات لوقيتة ودعاتهوم وهزات ولادها خارجة لعندو لبرا هي وباهاا وتامها طلات عليه حيت مغايدخلش...
وصلات لدار ومشات نيشان بدلات حوايجها ونزلات باش توجد لعشا مخليا توينز لباهوم فالصالة يلعب معاهوم...
مفرش ليهوم فالأرض وناعس حداهوم مخليهوم غير بليكوش وسوفيطمات تاتيسدو بالطرطاقة جهة ليكوش...ناعسة حداهوم سيدرا لي مجمعة معاهوم وهو شاد تلفونو مركز فيه...شاف فالساعة عاد صونى على زين العابدين لي باقي مادخل...
نوح:(بخشونة)فينك؟
زين العابدين:يالاه خرجت من لاصال
نوح:ماتعطلش شوية ونتعشااو
زين العابدين:واخاا
قطع عليه وحط دراعو على عينيه مغمضهوم كيرتاح من لعياا دنهار... دخل زين وبدل عليه وتجمعو على لعشاا مجموعين وسيدرا تتعاود ليهوم على توينز لي ردات ليهوم لبال مع جداها وهوما كيسمعو ليها بانصاات ويجاوبوهاا...
تفرق لمجمع وكل واحد دخل لبيتو يرتااح من تعب النهااار... كانت فلحماام لي موجدااه بلبرودوياات ودخان طالع منو بحال صونى.... تادوش ودير فتبريمة وخدات وقتهاا بشوية عليهاا تاخرجات ملوية عليها فوطة وشعر فازگ... بدات تنشفو بلفوطة ودارت ليه سيروم مخلياه هاكاك وجلسات تدهن فلكريمااات وهاد لمرة دارت نكهة الشوكولا...يالاه شرات ديك لگام وبغات تجربهاا... رشات سبراي على داتهاا ولبسات دوبياس جداد كانو ديجا عندهاا وكسيوة قصيرة وخشات رجليها فبانطوفتها لمزغبة وخرجات مور مانقات لحمام وروايح عاطين منهاا... لقاتو كيف لعادة ناعسة فوق النموسية غير بشورط قصير مع ضرب عليهاا خرجات عينو سكناتهاا بشوفة كاملة غادة قدامو وهي كتلة من الفتنة... عض على شفتو بنابو وناض واقف غادي ليها وهي غير حسات بيه تبسمات وزادت تبسيمتها توسعات فاش حسات بيه عنقهاا من لور وتحدر جهة ودنيها وقاال بصوت تقيل خافت:تكايسي علينا الفتنة
رحيل:(بدلع) تت علاش شنو درت
نوح:(دوز نيفو مع تجويف عنقها وهمس ليها حدا ودنيها تاتبورشات) باغا طلعي ليا السكاار فهاد الليلة
رحيل:(ضحكات) هههه حاشا انوحينو
نوح:(عضهاا من عنقهاا تاعوجاتو وغوتات عاد طلقها وقال بهدوء) جات وقيتو
شافت فيه بعدم فهم وهو تخطاها غادي لدريسينغ ثواني ورجع هاز معاه واحد لبواطة بحال لكتاب متوسطة لحجم من لمليفة فكحل...مدها ليها وهي تتشوف فيه مفاهمة والو بدات تقلبو وبان ليها فيه خيوط لي تايتحلو بيهوم ومع حلاتو جرات ديك لبواطة وتحلات بحال كتااب وباان ليها داك التوب لمشبك لي كاان وسطو... هزات عينيها فيه ولقاتو تايشوف فيها تبسمات ورجعات هزات داك التوب حلاتوو واكتملات صورتو ليهاا...عينيها خرجوو وهي تتشوف فداك شوميز دونوي ولانگولو ربع شوميز دونوي... كان مشبك فلكحل وفيه غير توب فلقدام تايجي ملبوس على لجسم ولور غير سماطي كيبين ضهر عريااان وفيه سترين وملاصقين معاه سماطي اخرين وشكلو كيبان سك.سي..
نوح:(بصوت خشن) عجبك الفتنة؟
رحيل:(تاتشوف فيه وفداك شوميز وقالت بخفوت) همم
نوح:(قرب جهتها وجرها من خصرهاا وقال بخفوت بصوت اجش) هاداك جا من السعودية نهار شفتو تخيلتو عليك (غمزها بمكر) ودابا غانشوفك لابساه لياا
رحيل:(مرگات وقالت بضحكة) ضروري؟؟
نوح:ومأكد (زير على خصرها) ليلة نشوفو عليك الفتنة (حدر راسو وقال ببحة) خليناا ندوقو الحلاااوة باش نگااادو هاد الليلة السكاار لي طاح لينا الشكيليطة...
انساحبات بين يديه بخفة غادة تلبس داك شوميز دونوي لي جاب ليها كادو ولي خداه بالشهوة فاش كان مسافر للسعودية على قبل العمرة ديك الساعة فاش رجع هي كانت حاملة وماعطاهش ليها تاوصلات دابا وقيتووو...رجع جلس فوق النموسية تايتسناهاا تخرج...هي لي كانت فديك الأثنااء واقفة فلحماام تاتشوف داك لعجب كيف غايتلبس...مع معري بزااف وغير خيووطة خدا ليهاا وقت تالبساااتو وشافت راسها فلمراياا... جاها زوين فاللبسة ولكن جريء بزااف والحقيقة حشمات تخرج بيه هاكا هو مامغطي والو من غير الشبكة القدامية لي يادوب غطات ليها صدرها وكرشهاا وأنوثهاا وهي أصلا شبكة أما لور هو غير سماااطي يعني ضهرها عريان كولو من غير شبيكة ديال السترينغ لي مغطية ليها شوية من لور وصاف... قادات شعرها ودارت شوية دلعكر وبدات واقفة تما كاتشوف واش تلبس معاه بينوار ولا تخرج هاكا... بقات تاتفكر شنو دير تاافلخر خرجات بلابينوار أصلا غاتحيدو غاتحيدو وهو جابو ليهاا باش يشوفو ملبوس عليها ماشي تخبيه...خرجات وهي حشماانة شوية منو ولكن تشجعات وهو غير قشعها جايا عندو وجلس مع كان متكي تايشوف فيها من رجليهاا وطالع بشوفاتو بتقالة عليهاا تايسكانيها تاوصل لوجهها لي كانو حنيكاتو حمرين عرفها حشمانة ولكن ماتسوقش... كانت كتلة من الإغرااء بلباسها وبتبسيمتهاا وبعيونها لي كيلمعو ليه.... جرها من يديها وجلسها فوق ركابيه ويديه خداو حرية تعبير على جسمهاا... تايحس بملمسو رطب بين يديه الخشنة... كان مشتااق ليهاا واحد لوحش لي باين غير من عينيه لي تاتفليهاا قنت بقنت.... طلع يديه بالخف مع يديها تال دراعها بشوية تابورشهاا وحس بيهاا وتبسم تبسيمة خفيفة بانت على ملامحو الرجولية....وصل لوجهها وبدا تايحرك يديه على حنكها وعنقها قبل مايجرها من قرفادتها على غفلة ماتوقعاتهااش تايبووس شفايفهاا بالجهد وبحنية ممزوجة بعنف....واحد لمزيج مكيتلاقااش ولكن معاه هو تلاقى... داك لهدوء والسكات لي فالبيت كاسرو غير صوت بوستهم لي كانت جامعة شلى حاجات...
كانت حاسة براسها مخنوقة ولكن مبغاتوش يبعد عليها باقي باغاه يكمل وماسخاااتش بقوة ماتوحشات لياليهوم مع بعض لي كايدوزو بحلاوة ماليها متيل....بعد شفايفو على شفايفها مخليهاا حالاهوم تتنفس بالجهد ومغمضة عينيها وهي تتحس بيه نازل ببوستو لفكهاا مرورا لعنقهاا وتجويف لي خلاه يدفن راسو فيه واخد حرية التخطيط فيه... قبلات خفيفة تايخليوها تخشع وتسافر معاه لعالمهوم لخااص تاكيرجعها لواقع فاش تايهبط عليها بشي عضة بلاماتوقعهاا تاتخليها تنقز بين يديه ويرجع تااني يبوسها بحنية بحال لاكيطبطب على ديك لعضة بديك الطريقة ... عنقها حسات بيه كايوزوز وهو حلف لا حن فيه...
نوح:(همس فودنيها بصوت مبحوح) اش هاد لحلاااوة الفتنة ديالي؟
رحيل:(نطقات بدلع ويديها تاتلعب فزغب لي فصدرو) من ديما وأنا حلوة
نوح:(جرهاا من نيفهاا ونطق بهمس خشن)كل نهار تتزيدي فالحلاووة تكايسي على هاد لعبد الضعيف...
ضحكات بين يديه بخفة ودلع وبدات تتسبل عينيها فيه... معرفاش راه بهاد الحركات تاتزيد تزند العافية لي شاعلة فيه ولي غاطفيهاا هي... جرها بلخف لايحها فوق النموسية تاغوتااات وهو يتحدر سد ليها فمها وقال وحاجبو مهزوز: خلينا بعداا نبداو وديك الساعة لاغوتي راه جات معاااك
رحيل:(معنقاه وقالت تاتفشش عليه) اوا تكاايس علياا
نوح:(حرك نيفو مع نيفها وقال بغمزة وبصوت أجش)مانظمنش ليك
ضحكات وضحكتها اختفت وسط ديك البوسة لي جمعاتهوم مرة خرااا ولي كانت بداية ليلة من لياليهوم الحمرااء... ماخلى تابلاصة من جسمهاا مباسها ومرة مرة يحبس ويشوف فيها بشوفاتو تاكيحشمها ويخليها تسد عينيها بيديها عاد تايرجع يكمل معاااهاا... عرراها من ديك القطعة لي كانت مانعة عليه يتمنظر فجسمهاا بالكامل وخلاها كيفما ولداتها مهااا كيشوف بكرشها لي كانت خارجة بشوية وعاطية لجسمها منظر زوين... والجناااب فاضو والصدر عااامر واقف...دوك المناطق الأنتوية لي تزادو ليها مور لولادة ومكانوش معيقين بزاااف بلعكس زادو جمال لجسمهاا... حسات بالحرارة وهي تتشوف فيه كيفاش عاطي حرية النظر وهي تجرو من عنقو وهاد لمرة هي لي متحكمة فديك لبوسة وهو مخليهاا ..قبلة ورى ختهاا تالقاو راسهوم فعلاقة كاااملة رفعاتهوم بزووج لعاااالم خاص بيهوم فلغة خاصة فقط بهاد اللحظات الحميمية لي كسرها صوت بكااا ديال التوينز....
ليوم كان نهار لي غاتخرج فيه أسماء من السبيطار هي وروفيدا... جالسة فبلاصتها مبعد مالبسات عليها توني وجامعة شعرهاا تاتسنى فبنتها باش يجيبوها ليها وتهزها أول مرة...تحل لباب وعينين أسماء تعلقو على إسلام لي داخل وهازها بين يديه...ماصبراتش يجي عندها وفديك الساع ناضت لعندو بسرعة ومدات يديها وقالت بلهفة:عطيها ليااا
هزاتها من بين يديه وعينيها تايشوفو فالطفلة الصغيرة لي كانت مغمضة عويناتها ولابسة لبيسة من لي شرات ليها...تحدرات تاتشم ريحتها وتاتعمر ريتهاا بيها قبل ماتنزل عليها بقبلات ملهوفة ماكرهاتش تخشيها وسطهااا...
وإسلام حاضيهوم بزوج بتأتر ومايجي فبالو غير نهار تزادت ليليان وكيفااش كانت ردة فعل ميس باردة معاهاا عكس أسماء لي تايشوفها كيفااش فرحاانة ومغرقة بنتها بلحناان...مساخيش بداك لمنظر ديالهوم بزوجات وكان باغي يخليه ويحتافض بيه فداكرتو وأيضا فتلفونو عليها التاقط ليها صور عديدة قبل ماينطق بهدوء:نمشيو؟
أسماء:اااه يالاه
خرجات هي لولة هازة لبنت وهو وراها هاز أغرااضهاا...وأخيرا غاتنهنى من السبيطار لي طلع ليها فصحتهاا وعاد عرفات لاش رحيل متتحملووش....ركبات فالطوموبيل لور وهو شد بلاصتو وانطالقو فاتجاه دار إدريس لي كانو تايوجدو ليهاا فاستقباال خااص من طرف رحيل لي خلاتو ليها تاهي مفاجأة... باغيين يحتافلو بلبنيتة وبرجوع أسماء بخير ليهوم.... كان تانوح حااضر وزين العابدين وبيسان أما رحمة مبغاتش تجي دارت سبة بسنااء وخلاها نوح على راحتهاا...واخا راه هو عارف السبب...
واقفين فلكوزينة وصوت لهضرة كتيرة وكل وحدة وشنو تادير وتابيسان مخشية معاهوم عاجباها هاد اللمة ديالهوم لي خالية من التصنع بلعكس طبيعية وهادشي لي عاجبها هي...تاتحسي براسك مرتاحة معاهوم كيفها هي واقفة تاتقاد مع رحيل التمر وتتعمروو واخا عياو معاها تجلس مي مبغاتش وخلاوها على راحتها...غطسو التمر فالشكلاط وخلاوه ينشف وشي تيصاوب لغداا وشي تيقاد الطباسل مهم معاونين جميع....صونى ليهوم إسلام بلامايبين حيت تاهو مشارك معاهوم وديك الساعة هزو طبسيل تمر مع الصينية دلحليب أو وقفو ليها فلبااب تاسمعو صوت طوموبيل وقطعو لحس... أسماء دايرة مفاجأة ليهوم وفالمقابل هوما دايرين ليها مفاجأة شي مفاجأ شي...مع تحل لباب مع طرطقو ليها ديك الطرطاقة لخاصة بالحفلات خلعوهاا وخلاوها تاتبلق فعينيها وهوما تيصليو على نبي والجيران لي جنبهوم خارجين يشوفو اش واقع.... ضحكات أسماء من قلبهاا وهي تتشوف فيهوم كيفاش مكبرين بيهاا ومحتافلين والدموع فعينيها... العائلة نعمة دسيدي ربي خصوصا لاكانت متفهمة وحنينة أما لاكان لعكس تتولي نقمة...
هزات عليها رحيل روفيداا وهي تتسمي الله وتاتبسم ليها وأسماء تاتعنق وتبووس فيهوم...كلشي واقف فالدخلة دلباب من غير نوح لي بقا فالصالة تايسمع ليهوم ولصداعهوم ومعاه توينز لي نعسو وتازين العابدين لي جالس على الشوك باغي يمشي ولكن الأوامر جاتو من بلاصة لي مايقدر يناقش معاهاا ويرفض ليها طلب...
دخلات رحيل هي لولة لعندو جايبة ليه روفيدا وهي مبسمة وجلسات جنبو وقالت بضحك:شوف لخنفوشة شحال فنة ماشاء الله
تبسم ليها نوح وتحدر باااسهاا وهي عطاتها ليه تاهزهاا بين يديه...
نوح:(غمزها بلخف) اش بان ليك تزيدي شي وحدة بحالها تونس سيدرا
رحيل:(ضحكات) هههه دابا غير حلم يالاه نتكافى مع هاد الزوج (بشقاوة)نسيتي لباارح
كمش حجباانو فاش تفكر ليلة دلبارح لي ماخلاوهومش التوينز على خاطرهووم واخا هاكا ماتفاكش معاااهاا..
نوح:(بالتقالة)لي بديناه لبارح نكملوه ليوم الفتنة ديالي
سيدرا:(جات تتجري ونطقات بحماس) بابانو شتي روفيدا زوينة ياكااا
نوح:زوينة بحالك
سيدرا:أنا لي سميتهاا (بدات تاتكركر بحماس) وسومة خلاتني هي وإسلامي
رحيل:نتي باغا تسمي كلشي
سيدرا:(حركات راسها باه) غانسمي مومو درياني وبيسو ومومو دغيزو ومودي ومومو درانو تاهي
رحيل:إن شاء الله
نوح:(مد لرحيل روفيدا وقال بهدوء) ديها لمها لاتبكي (جبد من جيبو بزطام وهز غير الزرقة على ختها ماحسبش حطهوم ليها مع كانو هازينها فمانطة وهي ناضت غادة بيها لعند أسماء ومداتها ليها مع بانت ليها غاتبكي...
رحيل:رضعيها وعنداك يطيحو فلوس الزرورة
أسماء:(حطات روفيدا فوق السداري وحلات لمانطة وقالت بتفاجأ)شكون زررها؟
رحيل:ولد لحاج (بمزاح) هاداك غير الصداق الأولي لعروستناا ههههه
بدات تاتحسبهوم اسماء لقاتو مزررها بربعين ألف رياال...هزاتهوم ودارتهوم فجيب السورڤيت وقالت بمزااح:الله يخلف على ولد لحاج ولبنت راه عروستكووم اجي بعدا شكون عريسهاا
سيدرا:(نقزات كي الحزقة) إيسوووووو ياك امامي
رحيل:وعلاش مايكونش إسحاق
سيدرا:(هزات كتافها) أصلا هوما بحال بحال مامي تايتشابهو
أسماء:(غمزات رحيل)نخطبوها لزين العابدين هو كبير
سيدرا:(خنزرات)لا هو ديالي...
يتبع...
التعليقات
لا توجد تعليقات بعد، كن أول من يعلق.