الجوهر الحر الجزء 44

رحيل:(حشمات)يخليك ليا الزين

بيسان:هاكي الالة لبستك راه حبيبي وصاني عليها

هزات من عندها البواطة وحطاتها فوق الطبيلة حلاتها وجبدات تاتشوف التكشيطة لي كانت فلبونكاسي ومخيطة بالنحاسي زوين... علقاتها وجبدات صندالة لي كانت طالون قصير شوية.. وفولارها فلون الخياطة..رجعات لكرسي جلسات وقالت بهدوء: بان ليك نوح لتحت؟

بيسان:اه خليتو تايرصي الأمور تبغي نعاونك؟

رحيل:(تبسمات) غير رتاحي ازين أصلا مغانديرش مك اب بزاف غير شي حاجة خفيفة

بيسان:خويا أصلا ماعندوش معااه وديما فاش تانكون حاضرة لشي عرس ولاشي عراضة كيسمعهوم ليا لادرت شي حاجة أوڤر هههه

تبسمات رحيل وهزات شيتة دلفغابوبيغ وبدات تاتكمل شنو كانت تادير تاسمعو لحس وبيسان انساحبات بهدوء.. وبعد ثواني قليلة دخل لعندها وعينو عليها هي لي بقات فبلاصتها تتكمل لمك اب حيت مشى لحاال.. قرب جهتها تاتحنى عليها من لكرسي معنقها من لور ومد يدو زول ليها ديك الشيتا ونطق بخشونة: هادشي بلاش منو الغثنة

رحيل:(نطقات بهدوء مسمتعة بالحظن ديالو) غير قلت ندير شي حاجة خفيفة باش مانبانش صفرا

نوح:(كمش حجبانو وتحنى باسها فحنكهاا) مكاين لاش حيت هادشي غير تخربيق ونتي زوينة بلابيه

تبسمات لغزل ديالو لي تيحمقها وهو بعد باش يمشي يدوش ويوجد راسو.. وبالفعل حطات داكشي لي بين يديها ومسحات داكشي لي كانت دايرة وخدات ريسيل دوزاتو على شفارها فقط وناضت تاتزول الإسدال ولبسات تكشيطتهاا لي كانت طويلة وجاتها زوينة وفخمة بلبساطة ديالها... لبسات فولارها وصندالتها وتحزمات بحزام التكشيطة عاد رشات برفان خفيف مامجهداش..ودارت شوية دلعكر بارد مباينش بزاف ولبسات خاتم زواجها وبراسلي خفيف خرجات من الدريسينغ ومشات هزات تلفونها دوزات لخط لباها تاتسول فيه وفين وصلو تاشافت نوح خرج من لحمام ملوي عليه فوطة ومشى ديريكت لدريسينغ يلبس.. سالات لابيل وتمشات بهدوء جهتو لقاتو كيلبس فديك الجلابة السوسدية لي كانت فالزرق ولتحت لابس جبادور وسروال قندريسي.. حمقها بلبلدي لي تايواتيه وقربات جهتو وهو كيشوف فيها من لمرايا وديك التكشيطة لي كانت واسعة من لتحت وجهة لخصر واخا محزماها... هز ريحتو رشها ودوز يديه على لحيتو عاد شاف فيها ونطق بهدوء: الفثنة ديالي اجي

رحيل:(قربات جهتو واخا لابسة الطالون جات قصيرة حطات راسها على صدرو ونطقات بخفوت)واش داركوم باقي مجاو

نوح:(باسها فوق راسها وقال بنفس الهدوء) فالطريق قراب يوصلو

رحيل:نزلو باش نيت نكونو حاضرين ونستقبلوهوم

نوح:(بجدية هاز حجبانو) ملي نزلو سيري لصالة لي غايجلسو فيها العيالات وملي يجيو استقبليهوم تم

رحيل:وبابا وخوتي؟

نوح:خلي تلفونك معاك باش نعيط ليك يجيو يشوفوك واخاا

كان تيوصي فيهاا وهي تاتسمع ليه بهدوء.. تيعجبها لحال ملي تاتشوف ديك الغيرة ديالو وداك التملك لي تاتحس بيه فكلامو وهو كيوصيهاا.. نزلو لتحت اليد فاليد تاوصلها لصالة لي كانت جالسة فيها جميعة وبيسان مجمعين.. قربات ليهوم وبداو تيصليو على النبي حشموهاا وجلسات جنبهوم تايدويو تاوصل لغوج لول من العائلة دنوح.. كانت راسمة تبسيمة مرتاحة وهي تاتسلم على لعيالات وترحب بيهوم وهوما يباركو ليها ويصليو على النبي.. سلمات عليها رحمة سلام ناقص حسات بيه رحيل ولكن ماهضراتش ومبغاتش تزيد تخمم كثر وتهز فخاطرها.. وغير شافت مها داخلة من لباب دالصالة هزات تكشيطتها وبحال شي بنت صغيرة مشات عندها وهي تاضحك تاقربات عنقاتها بالجهد وتانيرت تاهي معنقاهاا وتتسول فيهاا.. كلشي لاحظ الراحة فوجهها ولاحظ السر لي طايح عليها..

سيدرا:(نطقات بحماس واشتياق) مامي توحشتك أناا

تحنات رحيل هزاتها تتبوس فيها وتعنق تاهي موحشاها فهاد ليامات لي بقات فيهوم بلا بيهاا.. جلسو فبلايصهوم ورحيل تاترحب بيهوم وتعاود وعاطية لكل واحد صوابو ولي دوى معاها تجاوبو بتبسيمة.. وعند الرجال راه نفس الشي جالس نوح وتبسيمة على شفايفو مرتاااح ويرحب بالعائلة لي كلها جاااات بدون استثناء..

وقفات شيماء طوموبيلتها ونزلات منها بغوب بيضاا طويلة ومن ليدين شفافة.. شعر مطلوق ولمك اب مغطي ملامحها المتعبة.. دخلات وهي تاضور عينيها والسربايا كيبانو ليها واقفين تم.. قربات جهتها واحد لبنت بلباس السربايا وقالت بتبسيمة:مرحبا الالة تفضلي معايا

تبعاتها شيماء تاوصلاتها لصالة دلعيالات ودخلات وهي ضاحكة وتمشات ديريكت عند رحيل لي شافت فيها وتبسمات ليها وهي تحنى باستها فحناكها..

شيماء:زيونات صافا

رحيل:(عمرها هضرات معاهاا وبمجاملة جوباتها)حمدلله ازين ربي يخليك

جلسات شيماء حدا سناء لي جاتها عجب من داك التصرف لي دارت وماشي غير سناء إنما تاأسماء لي متترتاحش ليهاا..

فالقنت دالصالة عند الرجال كان ليازيد جالس جنب نوح لي شاف فيه بجدية ونطق بهدوء:كانسمعك؟

اليازيد:(حك لحيتو ونطق بهدوء داخل فصلب الموضوع) ولد لحاج أنا نويت نتزوج

نوح:(هز فيه حاجبو ونطق بجدية) وشكون هادي ؟

اليازيد: من عائلة المدام ديالك سميتها غزلان..

جالسة رحيل فطبيلة مع لبنات مبسمة وتاتسمع لكلامهوم ولعيون عليهاا شي كايشوف فيها بإعجاب لبساطتها وزينها لي تيدخل لخاطر وشي حاسدها على لخير لي عايشة فيه والراجل لي مزوجة بيه.. وشيماء منهوم ولي كانت تاتشوف فيها ومخفاوش عليها لعلامات لي باينة فشفايفها دلبوسان واخا دارت عكيكر خفيف.. كانت تاتبسم فوجهها وفلداخل تاتموت بالفقصة.. ورحيل حسات بشوفاتها ومرتاحتش ليهوم..

كانت بيسان جالسة معاهوم فنفس الطبلة عينيها فالتلفون أو ودنيها معاهوم.. كانت تاتشوف فمساجات ريان لي عيى معاها باغي يشوفها.. معرفانش وقتاااش علاقتهوم تطورات مع بعض من نهار خدا نمرتها من عند رحيل.. فلول كانت تتجاوبو مرة مرة ولكن شوية بشوية لقات راسها طلقات معاااه أو ولات تاتجاوبو.. ولكن عمرهوم تلاقاو برا بزوج حيت هي خدامة ومزيرة مع لخدمة واخا هو باغي يشوفها.. تاتمساجى معاااه وكل مرة تشوف فلبنات وتجاوبهوم..

ريان: �"مغاناكلكش خمسة دقايق ورجعي"

بيسان: �"والاشافنا خويا ولاشي حد راه كلشي هنا ومباغاش الصداع اريان"

ريان: � " شكون غايشوووفك المرض رااااه كلشي جالس مجمع ماتصعرينيش ابيساااان اوووو كل مرة دايرة سبة مباغاش نخرجو ودابا تاشوفة محرماها عليااا"

بيسان � " نتا عارفني خدامة وخدمتي حساسة ماشي بخاطري راااه الوقت فين نرتاح مكيكونش عندي"

ريان � "ودابا خرجي نشوفك"

بيسان � "لا"

رياان:(الكتابة بالهضرة مبرداتوش وطلق أوديو قايل بعصبية واضحة) " ماتمرضينيش از*بي عااااود وديري هاد لفعاااايل وتحسسيناا بلي حناااا برااااااهش راه مغاناكلوكش قلنا خمسة دقايق ورجعي ديك السااااعة "

سيفط ليها وهو واقف جنب الحمامات منيرڤي توحشها والمساجات فلواتس مكيقنعوهش وزيد مكتبغيش تهضر معاه أبيل لافيديو لاعادية وهادشي تايعصبو وفلخر تايقول ماعليش باقي ماولفات.. من طبعو وستيلو فلبنات لي كان مصاحب معاهوم تيكونو عامرات بحال نور كانت مطيبزة هادشي علاش جدباتو ولكن بيسان ماشي هادشي لي جدبو ليها إنما شي حاجة خرااا فلداخل ديالهااا... يمكن نقاء روحها لي تايحس بيه صاااافي فكلامها معاه.. مكطيحش من قيمتها وهادشي كيحمقو فيهااا واخا تايعصبو بعض لمرااات فاش تتمرضن عليه بحال دابا نيت ولكن دغيا كينساها ليها وكيعاود يدوي معاهاا عادي بلامايتقلق ولايتنفخ وتاهي هادشي عجبها فيه واخا هو صغر منها تقريبا بتلت سنين إلا أنه مكتحسش بهاد لفرق نهائيا فاش كادوي معاه.. ضحوكي ونشااايطي ولمزاح تيعطيه عشرة ولي بغيتي تلقااايه فيه وهادشي كولو استنتجاتو من كلامهوم لي دااام لمدة لابأس بيهااا.. واخا هاكاك باقا متشددة معاه فشي حوايح لي كيديرو ليهوم الصداااع بعض لمرات.. سمعات لأوديو وهي مكمشة حجبانهاا.. متتحملوش فاش كيخسر لهضرة.. ناضت من بلاصتها غادة تشوفوو.. من زهرها كلشي مجمع وتاحد منايض عليها استغلات فرصتها ومشات لكولوار فين كاينين لحمامات ولقاتو واقف مخنزر وغير شافها بدات ديك التغوبيشة تاتنقص وعينو تاتسكانيهاا بديك الجلابة لي مكتبينش فورمتها وقفات قدامو وقااالت بانفعال:ياك تانقول ليك متبقاااش تخسر الهضرة ؟

ريان: تاخسرناهاا عاد نضتي وجيتي ملي كنت تاندوي بلخاطر قصحتي داك الراس

بيسان:واش اريان من نيتك راه كلشي هنا وايلا شافتي خويا غاينوض مشكيل

ريان:(هز حاجبو ونطق بسخرية)مالي كانحو*ي فيك باش ينوض مشكيل

بيسان:(ضربتتو لكرشو ونطقات مجننة) وماتخسرش لهضررررة الزمر وااااش مكتعرفش تقاد لافاصون ديالك ونتا تادوي

ضحكاتو بداك الصوت دلمونيكات لي عندها وفاش تاترفعو خلاص تايدير ليه لإزعاح.. شدها من يديها ونطق بهدوء:زگااااي وقولي ليا اش هاد لفعايل تاديري ياك دوينا أنا وياااك وتفاهمناا على كلشي علاش داباا تاتبرهشي علينا

بيسان:(ميقاتو) بزاف عليك نتبرهش راه نتااا لي فيك لبسالات وطلباتك مكيتقاداااوش

ريان:(تكى على لحيط وربع يدو) حيت نتي مكديريش بهضرتي قلت ليك باغي نشوفك احي بلاكثرت لكلام

بيسان:واش دابا جايبني باااش تقول ليا هادشي؟

ريان: تت جايبك باااش نشوفك امون دكتوووغ (لمس حنكها ونطق بإعجاب) جيتي قرطاااسة

بيسان:(بسخرية) تخشى فيك حيد يديك باسل ياك تانقول ليك هاد الضسارة مكتعجبنيش

ريان:(تنرفز)نحيد معاك حوايجي بلعصاااب وابنااادمة باااركة من التنفااخ شوية وتفرگعي

بيسان:(ميقاتو)نتفرگع عليك باش نيت تصلح فمك

ريان:ياربي الصببببر أماا نتي بربي تاغاتجيبي أخرتي غير بفقايصك

بيسان:بصحتي وراحتي گول لي عندك وخليني نمشي ممسالياااش ليك

حطات يديها على خصررها وهو نزل عينو تايشوف فيها تاتعوج ومع فورمتها ضعيفة حيت طويلة هو قشعها وأصلا شايف فورمتها فلباسها لعادين.. ضحك بسخرية ونطق باستفزاز باغي يعصبها: لي شااافك مغايعرفك غادة ولاجاااياا..

كلامو لي نطق بيه كان بدافع الضحك وصاف كيف مولفة هي معاه وتاهو.. ولكن هاد لمرة هي تقلقات من كلامو لي حسات بيه هانها فأنوثها.. تبسيمتها تمحات ولمرارة حسات بيها فحلقهاا.. عطاتو بالضهر غادة معصبة ومقلقة وهو تقاد فوقفتو كيشوف فيها غادة وتقليقتها مكانتش دبلعاني إنما بصح تبعهاا كيجري باغي يشدها ساعة كانت مشات رجعات لعند لعيالات وهو جبد تلفونوو سيفط ليهااا مسااج طويل عريض ولكن مقراااتوش.. مكانش قاصد يجرحها ولكن كيف عادتو بلز لهضرة وماعرفش اش تيقول.. رحع لعند الرجال شد بلاصتو وكل مرة يشوف واش قرات لمساج ولا لا..

---

واقفين فبرا بزوج بيهوم باش ياخدو راحتهوم فلكلام بلامايسمعهوم حد.. هاد لموضوع ماشي غير جاا ونطق بيه اليازيد إنما فكر فيه من نهار شاف غزلان فلعرس وكلام سنااء لي خلاه يتوگض..

نوح:(بجدية فكلامو) نتا متأكد من هادشي لي تتخرج من فمك؟

اليازيد:وي متأكد عليها جيت عندك باش تشوف مع نسيبك وتدوي معاه يهضر مع لبنت ويعطيونا نهار لي نجيو نطلبوهاا على سنة الله ورسوله

نوح:(لعب بلسانو ففمو وعينو فقلب عين اليازيد ونطق بهدوء) قبل ماندويو معا البنت نسولوك نتا واش باااغي تزوووج حيت نتا مقتااانع ولاحيت باغي دير ضد مع سناااء (جا يهضر وهو يجبسو بيديه مكمش حجبانو بجدية وقااال) بنااات النااااس ماشي لعبة ولاكنتي باغي تزوح ديك لبنت باااش تنسى بيها سناء فراك غادير أكبر غلط فحياااتك وغاظلم معااك ديك لبنت لي مدخلها وسطكوووم ماتغلطش كيفمااا هي بغاات تغلط قبل ومشات جابت واحد معارفة أصل جد بوووه ملين وگالت باغا تزوج بيه.. ماشي تگول هضرة وملي نجيو لصح تگول كلام خررر وترجعناا دراري صغااار مع الناااس..

اليازيد:(حرك راسو) عندك لحق فكلامك كولو.. غلطت غلطة وندمت عليهاا ست سنين ولاگول سبع سنين من حياااتي وهي ضاايعة درت كلشي فهاد لمدة باااش نصفي الخاااطر وراك شاهد على كلشي بعينيك.. فديك لوقيتة لي طرا لمشكيل قلت نبعد وهادا أكبر غلط درتو بلاصة مانجي ونتناقش معاااها ونشوفو لحل فين كاين ونديروه.. لكن أنا بعدت وختاريت نرجع لعادتي وربي شاهد عليا بلي عمري شفت فشي بنت لمرا من غيرها وتاصاحبتهاا نهار دويت معااها تعاملي كاان عادي معاها هي لي صدقااات بنت لحرااام.. غلطت حيت عطيتها لمجااال فين ضسرر ونهار باستني بلاصة مانتعصب عليها كملت عااادي وهي وصلات التصاور وتسببات لينا فمشكيل كبير وفلخر هاا النتيجة.. خالتك غلطات تاااهي نهار قررات قرار كيخصنا بزوح غير بوحدها بلامادخلني معاها سنااء من ديما كانت أنانية ومكتفكرش فغيرها وعمرها فكرات فيا بحالي أنا لي من نهار بغيتها شديت معاها الطريق.. حيدات حوايج مولفهوم على قبلها وهي شنو دارت؟؟ وااالو ديما مسبقة حوايح خرينن علياا ومع دلك بقيت ساكت ومدوزها عادي حيت عارف هي عزيزة عليها خدمتهاا.. فداك الزواج أنا لي كنت هاز الدقة اولد لحاج.. (سكت اليازيد مهبط راسو ونطق بهدوء) ولكن دابا أنا حليت عيني وكلامها ليا داك النهار خلاني ندير سطووب ونرجع لور عطيت ومبقاا عندي مانعطي بغيتها اااه مغانكرش ولكن بردت من جهتها (شاف فيه) نهار عرسك بالصدفة شفت غزلان فالدروج ومادوويناش بزاف حدي عرفت سميتها وصاف.. عجباتني كشخص وبقيت هاد لمدة كلها تانفكر فيها تاقررت نجي ونعلمك بحكم العائلة دمرتك نتا تتعرفهوم كتر مني.. أنا كبرت اولد لحاج ومغانكرش بلي باغي ندير ولادي ونشوفهوم كيكبرو قدامي.. وباغي نلقى مرا لي تريحني وندوز معاها لي باقي من عمري بلاصدااااع نكووون مهني مع مخي.. وهي الله يسهل عليهاا بلي بغااات سوى هاداك لي جاا خطبها سوى غيروو مبقاااتش همااااني حياتها هاديك تختار لي بغااات ديرو طريقنا تقطعاات زمان وأنا كانت نيتي نرجع ونبني طريق جديدة ساااعة ربي مكتااابش.. المهم نتا علمهوم بلي كاااين وأنا غانتسناك ترد عليااا (قرب جهتو وحط يديه على كتفو وقال مبسم) والله يحفظك اولد لحااج تانبرزطك معاياا ولكن عارفني ماعندي لمن نعاود من غيرك نتا لي تانحس بيك قريب لياا يمكن حيت تاتفهمني المهم نخليك والله يجعل كلشي مبارك ومسعووود اولد لحاج فرحت ليك وكادوك راه اتلقاه فالرياااض نتمنى يعجبك تهلا..

نوح:(بجدية) فين غادي باقي لحال

اليازيد:راه جيت غير حيت عيطتي علياا ومبغيتش نردها فوجهك وصاف الله يهنيك..

تمشى اليازيد جهة طوموبيلتو وركب فيها ومشى ونوح بقا واقف مشبك حجبانو بزوج.. وكلام اليازيد تايحلل فيه حرف بحرف.. هو نصحو ودار لي عليه أو وضح ليه لي كاين وماعليه دابا غير يوصل لمساح لمعني بالأمر.. إدريس..

لعراضة دازت غزالة وكبر بيهوم ولد لحاج كيف معروف عليه بالكرم والجوود.. كانت سيدرا ناعسة بين يدين رحيل لي تاهي كانت ميتة بالنعااس.. بدات لعائلة تاتنوض وتاتودع رحيل لي باقي فيها شرطة وحدة ديال الجهد ومع دلك راه دايرة لواجب.. مشاو كاملين من غير عائلة نوح لمقربة مو وسناء بيسان وشيماء وعفاف وعائلة إدريس لي أصر عليهوم نوح يباتو معاهوم هنا حيت مشى لحااال.. أما لبقية راه نصهوم غايرجع لفااس ولخرين كل واحد فينا مدينة ساكن فيهاا.. خرجات رحيل عند باها وريان ومحمد طه أما تاإسلام مشى واخا نوح اقتارح عليه يبقى ولكن مشى حيت عندو مايقضي... قربات رحيل جهة إدريس وعنقاتو وهي سادة عينيها:بابا توحشتك

إدريس:(باس راسها) فرحتي اللولة كون تشوفي أناا

رحيل:(تخشات فيه كثر)فرحت حيت غاتبقاو معانا ليوم

إدريس:(ضحك)اوا نونسوكوم شوية ههه

كان جالس نوح قدامو كيشوف فيها كيفااش مخشية فباها بحال شي بنت صغيرة تاتفشش عليه... مغاينكرش بلي جاتو لغيرة واخا عارفو باااها وطبيعي تدلل وتفشش عليه ولكن هوو باغيهاا تفشش ودلل عليه بوحدووو.. جلسات رحيل جنب ريان ومحمد طه تاتفوه وريان نطق:عوينات الجلبانة شوية وتنعسي لينا هناا

رحيل:(بتعب)عييييت

محمد طه:(جرها عندو)سيري تنعسي اعوينات الجلبانة ورتاحي تال غدا وأرى مانتقاشعووو ونهضرو

رحيل:(حركات راسها باه ونطقات) تصبحو على خير

خرجات من الصالة بلاماتشوف جهة نوح لي كان ساكت وغير حاضيهاا.. ورحيل هزات سيدرا بدلات ليها حوايجها وخلاتها بشورط وديباردو.. جات بيسان عندها وداتها تنعسها معاهاا حيت غاتبقا هي وأسماء فشومبر وحدة.. دخلو عندها لبنات ومها تيشوفو بيتهاا ورحيل تاتوريهوم كلشي ممخبية والو عليهوم..

أسماء: حيدي الزيف ياك غير بوحدنا هناا؟

رحيل:(تفكرات لعجب لي مغطية وقالت بضحك)عادي مولفاااه هههه

أسماء:(قربات جهتها بخفوت) خايفة نشوفو تزواق ولد لحاج ههههه أصلا باين لعربون غير من الشنااايف بحال لاعضاااتك شي حاجة هههههه ويلي وبابا وريان ومحمد شافوك كلشي غايعرفوك تشلقمتي ههههههه

تاضحك وتكركر تاخلات غزلان ورنيم وتانيرت يشوفو فيها وهي مكملة تكركريها ورحيل صاف هادشي لي بقا تشوه مع كلشي وهي لي دارت زعمة عكر نيود باش تستر ماعطى الله ساعة اش غاتستر وهوو عاضهاا عضااات لغدايد وكون شافو عنقهاا خلااااص هاداك حكاية خرااا.. خرجو من عندها غادين لبيوت لي غاينعسو فيهوم.. ورحيل زولات تكشيطتها ودرتها وهزات أول بيجامة بانت ليها كانت قصيرة فوق الركبة أو كاتجي طايحة من لكتااف فالبااج.. مشات لنموسية يالاه بغات تخشى وهي تسمع لباب تحل وقفات تاتشوف فيه داخل تايشوفها فديك لبيجامة وداك لعنق لي كيبان ليه بحال شي قطعة مارشميلو صالح للأكل.. دخل لدريسينغ تيزول الجلابة لي لابس ورحيل تخشات بلاصتها كاتسناه وبزز باش كاتحل عينيها.. حاسة براسها بحال لاكانت تاتهز الحجر فوق ضهرها.. تاتسمع لتحركاتو جنبها ومرة تاتحل عينيها تشوف فيه مرة تغمض وتاخد غفوة تااانعسات ومحسات باقي بتاشي حاجة.. أما هو بدل حوايجو وخرج لجهتها وتفكيرو مع كلام اليازيد.. تخشى جنبها وضار شاف فيها وهي ناعسة على ضهرها حالة فمها.. جرها تاحطات راسها على صدرو وهي بدات تمخشش فيه... خشى وجهو فشعرها وغمض عينيه حتى هو ناعس..

صونى لغڤي فتلفون نوح لي كان ديجا فايق مدوش وموضي.. طفاه وقرب جهة رحيل لي تاتشخر ومبقاتش ناعسة فوق المخدة ودايراها على راسها.. حيدها ليها وحركها بالخاطر ونطق بصوت هامس:رحيييل رحيييل

نوح:(تحركات بإنزعاج ونطقات تاهمهم) همممم

نوح:نوضي توضااي باش نصليو لفجر يالاااه

تيحرك فيها ويفيق وهي تقولي عام مشافت النعاس.. واحد لخمول جاهاا مايمكنش.. بزز باش حلات عينيها ونزلات تاتخطي خطاويها مبوقة جهة لحمام.. وهو بقا جالس فوق الصلاية وهز لقرآن تايقراه بصوتو الخشن تاتحل باب لحمام وخرجات رحيل تاتزرب لبسات إسدالها وفولارها ورجعات عندو جلسات فصلايتها وربعات يديها وعينيها عليه وهو كيقرا القرآن بهدوء وخشونة.. مدة تاتسمع صوت الأدان فالتلفون وبقاو شوية عاد ناضو صلاو بزوج.. لطالما كان حلمها تزوج براجل يفيقها لصلاة ويصلي معاهاا وربي حقق حلمها.. جمعو صلايتهوم وزولات رحيل إسدالها راجعة لنموسية بنفس البيجامة لي لابسة بان ليها شاد بلاصتو تايخربق فتلفونو.. تخشات حداهاا وهو جرهاا لعندو تاجات جالسة بين رجليه ومتكية على ضهرو.. يد شادها بيها وليد الثانية شاد بيها التلفون خدام بيه وهي تاتقرا داك ليميل.. وغير سالاه وهو يخرج من الجيمايل ورحيل عينيها لمحات ديك التصويرة لي داير فالخلفية دالتلفون كانت نفس التصويرة لي دارت ديك النهار فلفوطو دبروفيل ديديها ولي قال ليها تمسحها.. تبسيمة بخفوت وهو سد التلفون وحطو حداه ومد يديه هز ليها دقنها تاشافت فيه ونطق بهدوء: شنو قضية عوينات الجلبانة ؟

رحيل:(تبسمات تاتهزو حنيكاتها) هههه حيت عينيا خضرين عليها تايعيطو ليا بعوينات الجلبانة

نوح:(هو حاجبو وقال بجدية)شكون خر كيعيط ليك بيها؟

شمات من سؤالو ريحة لغيرة لي مكيحاولش يخبيهاا نهائيا وتايبنها ليهاا.. كانت تاتشوف ديك تكميشة لي فحجبانو ولي ضحكاتها وقالت بهدوء:ريان ومحمد طه وسيدرا

نوح:(عينو فقلب عينيها وقال بصوت أجش كيلمس حنكها بصباعو بلخاطر) على هاد لحساب نرجعو لنقاب ونغطيو كلشي وتالعوينات

رحيل:(كمشات حجبانها بجدية) صراحة مكنفكرش فيه دابا حيت النقاب تيبغي شروطو وأنا عارفة مغانقدرش نوفيهوم كما يجب عليها بلاش منو وأصلا هادشي لي خلاني نحيدو..

نوح:(متكي راسو على لكادر دالنموسية وقال بصوت خاثر) ملي درتيه مابحتيش عليه باش تعرفي الشروط ديالو؟

رحيل:(قالت بصراحة) لا فاش درتو عجبني بزاف ورتاحيت فيه وكنت تنحاول نلبس لواسع

نوح:(حرك راسو وعض على شفتو بنابو) باقي عندنا حديث فهاد لموضوع الفثنة

رحيل:(ضحكات) ههه صاااافي واخاا

داك لهدوء لي ضاير بيهوم والقرب المهلك خلاه يقربها ليها كثر وياخد شفايفها بين شفايفو الكبااار وهي مستسلمة ليه ومبادلاه نفس المشاعر.. تادابت بين يديه مرة خرى وعاشو جولة من المشااااعر الخاصة بيهووم دايق من شهدها لي مخليه يغرق كثر وكثر.. طبع بووووسة قوية على شفتهاا عاد ناااض يدوش وهي بدات تاتنوض وتجمع شعرها بتعب.. سخسخهاا عاد طلق منها وماخلى تاعضم صحيح فيها.. ناضت هاكاك عريانة لبسات عليها بيجامتها فوق لحمها المطبع وغير شافتو خرج من لحمام مشات لدريسينغ هزات بنوار ستان قصير حيت هو لي عندها ودوبياس گرونة ودخلات دوشات وغير خرجات تلاحت جنبو كان باقي مانعسش كيتسناها والصباح بدا يطلع.. خشاهاا فيه مكبل رجليها كيف مولف عاد نعسوو...

----

حلات سيدرا عويناتها وهي تاتفوه وشافت فبيسان وأسماء لي ناعسين جنبها تيشخرو.. تحركات من بلاصتها نازلة من النموسية وتاضور راسها وهي خارجة تاتقلب على جدها ومها.. كانت الفيرمة كبيرة والبيوت ديالها كبار وسيدرا معارفة فين تمشي.. بقات تاضور تابان ليهاا زين العابدين لي كان فايق بكري لابس شورط قصير فقط غادي يجري.. بانت ليه واقفة حفيانة فوسط الكولوار بشعرها لمنتوف وشويريط ودباردور وعينيها باقي معمشين.. غير شافتو وهي تجري عندو ونطقات بصوت مبحوح بنعاس:فين مامي؟

زين العابدين:(شير لبيت باه بصبعو ونطق بهدوء)لهيه

مشات تاتجري لفين نعت ليها وهو تبعها تابانت ليه حلات لباب بلامادق وهو يجرها قبل مادخل من يديها تاضارت شافت فيه مكمشة حجبانهاا..

سيدرا:خليني ندخل عند مامي

زين العابدين:(هز حاحبو فيها) دق لباب هو لول

سيدرا:(خرجات شنيفاتها)هاااء وعلاش ؟

حركات كتافها بعناد وجات دخل ممسوقاش ليه حيت مولفة تادير هاكا مع جدها ومع كلشي.. وبخطوة وحدة كان هازاها بين يديه بحال شي خنشة دلبطاطا وليد لخر سد بيها فمها حيت بانت ليه يالاه بغات تغوت.. جر لباب بليد لي هازها بيها تاتسد بشوية وداهاا وهي تاتفركر ليه وتحرك راسها وتهمهم.. دخل لبيتو وسد لباب برجليه عااد وقفها فوق النموسية وغير حيد يدو وهي تخنزر فيه ونطقات بعصبية مخرجة فيه دوك لعوينات دلبابوشة دايرة يديها على خصرها

سيدرا:علاش هزيتيني أنا بغيت نمشي عند مااامي وماي بلو آيز

زين العابدين:(خنزر فيها) هوما ناعسين نتا تسنى يفيقو

سيدرا:(بدات تاتعوج فقزيبتها) هااء ونتي ماشي نتا مالك مكلخ زينبيدين

زين العابدين:(بقلة صبر قال) فهم كيف يبغي

سيدرا:(قالت ببرائة)واش لاميطغيز ديالك متتغوتش عليك حيت متتعرفش تهضر عربية؟؟

مجاوبهااش وبقا غير واقف قدامها واخا وقفها فوق نموسيتو الاأنها تتبان قد لقملة وتباركالله هو راه مربي الصحة نيت بلماكلة الطبيعية والسپور وفورمتو واقفة على صح.. أما سيدرا بدات تتعوح فرجليهاا وحطات يديها فوق عورتها وقااالت مكمشة حجبانهاا:بغيت نمشي لطواليط فيا پيپي

هزها بزربة قبل ماتصدق دايراها ليه تما وداها لحمامو لي فلبيت حيت كل واحد عندو حمام خاص بيه فالبيت ديالو.. خلاها تقضي حاجتها وخرج لبراا وهو مكمش حجبانو.. كون كانت فحالة خرا ماغاديش يتسوق ليها ولكن فاش شافها غادخل لبيت حبسها حيت عارف باه دابا مزووج هو ومها غايبغيو الخصوصية بناتهوم وماشي غير جي ودرم.. فيقو من تفكيرو صوتها وهي تتعيط ليه بداك السمية لملاوطة..

سيدرا:زييينبيدين زيييينبيدين (دخل لقاها واقفة ومادة يديها وهي مخسرة سيفتها ونطقات) هزني باش نغسل يديا

صبرو بداا يتقااادى هزها وطلق الما تاتغسل بالصابون كيف مولفة نقااا من الدرجة الأولى.. غسلات وجهها تاهو ونطقات:بغيت نغسل سنيناتي ؟

هز دونتيفريست وقال ببرود:اراي صبعك؟

سيدرا:(قلزات ليه) هادااا

عوج ليها صبعهاا تاكمشات حجبانهاا وقاد ليها السبابة ودار ليها فيه دونتيفريست وهي قالت بتساؤل:فين شيتة؟

زين العابدين:(ببرود) غسل بصبعك

بدات تاتحكهوم واخا ماشي بحال الشيتاا ومضمضات فمها وضارت شافت فيه مع هازهاا وكانت قريبة ليه وحلات فمها تتوريه سنانها ونطقات ببرائة: سنيناتي زوينين بحال ديالك ياكا ازينبيدين..

واقفة رحيل فالدريسينغ تاتلبس كسوتها الموڤ لي كانت طويلة أو واسعة مكتبينش فصالتها واخا فيها حزام تحت الصدر الاأنها مرخفاه.. سمعات صوت سيدرا لي داخلة تاتجري لابسة حويجاتها.. تحنات رحيل تاتبوسها وتعنقهاا وسيدرا تاهي كلاتها بلبوسااان.. حطاتها رحيل فوق الطبيلة وهي تاتلعب برجيلاتها لي لابسة ليهوم ليبا مواتية ديك الصاية..

سيدرا:(شهقات ونطقات ببرائة)مامي واش عضوك نحيلات هنااا

تاتقيس فمها وعنقها لي رحيل نسات تغطيه.. تبسمات ليها بهدوء وقالت وهي تاتمشط شعرها: اه امامي ولكن ماتقوليهاااش لحد واخا بيني وبينك

سيدرا:(كمشات حجبانها)وعلاش امامي أنا ماعضونيش نحيلات؟

رحيل:(عارفاها مغاتهداش من أسئلتها داكشي علاش نطقات بجدية) اجي نجمع ليك شعرك متبقايش طلقاه ايصهدك

جمعاتو ليها رحيل وهزات فولارها لبساتو ودارت عكر شوية غامق وباين عاد رشات ريحتها وشدات يد بنتها ونزلات لتحت فين كانو جالسين كلهوم فصالة وحدة بحكم أن كاين لعائلة المقربة داكشي علاش تجمعوو.. فالقنت دالصالة جالس إدريس ونوح تايهضرو بشوية وملامح الجدية مرسومة على وجههوم..

إدريس:مرحبا بيه غير هو نسول بعدا لبنت راك عارف ولات من مسؤوليتي وبحالها بحال بناتي

نوح:بطبيعة الحال اسي إدريس عليها علمتك باش تشوف رأي البنت ولاوافقات نعلم اليازيد باش يجيب عائلتو ويخطبوها

إدريس:صافي دابا نفتح معاها لموضوع هاد النهار نيت اولد لحاج

دخلات رحيل لي نطقات بتبسيمة:صباح الخير

ردو عليها جميع وسيدرا طلقات من يديها ومشات تاتجري عند نوح وجدهاا.. نوح لي أول حاجة لمحهاا هي داك لعكر لي باين فشفايفها شي لي خلاه يخنزر فيها.. سبق وقال ليها لبارح مكيعجبوش لمكياج وعزيز عليه الطبيعي ودابا معكرة ليه.. هز تلفونو مسيفط ليها مساج وعاد شاف فسيدرا وتبسم ليهاا

نوح:(باسها فجبهتها) تاتبيرت إينو باقي مافطرتيش

سيدرا:اه أنا ومامي باقي ماميميناا ماي بلو آيز

نوح:سيري فطري عاد أجي يالاه

حركات راسها ومشات عند رحيل باش تفطر.. هاد الأخيرة لي شافت تلفونها ولمساج لي كاتب ليهاا "تهزي مسحي داك الزمر لي ففمك" كتبات ليه مسااااج وهو متبع حركاتها وعضاتها لشفايفها.. صونى تلفونو ولقاها مجاوباه " درتو حيت فمي مجرووح" شافت فيه وهي مكمشة حجبانهاا وهو جاوبهاا فالحين " حيديه الله يرضي عليك مكاين لاش منوو "

حطات التلفون وبدات تاتفطر ومعاوداتش هزات راسها فيه حيت ماتقدرش تنوض دابا.. أما هو هز حاجبو فيهاا وماهبطو تافطرات وبانت ليه ناضت مدة عاد رجعات مخففاه شوية واخا بقا الاأنه ماشي بحال قبل..

الحديث بناتهوم مسخاوش بيه وخصوصا زاينة وتانيرت لي قلبوها شلحة.. تفداو تم ودوزو نص نهار وغير جااات لوقيتة وناضو كاملين بدون استثنااء باش يرجعو لمراكش ويخليو العرسان بوحدهوم.. رحيل كانت باغا تخلي سيدرا معااها ساعة إدريس داهاا وهي مبغاتش ومسخاااتش بيها حيت مامولفاش تبعد عليها..

----

وصلو لدار وكل واحد مشى لبيتو يرتاح ويبدل عليه.. أول حاجة دارها إدريس ملي جاو علم تانيرت بلي كاين باش تهضر هي مع غزلان.. وبالفعل هضرات معاها وغزلان تصدماات ومكانتش متوقعاااهاا.. خلاتها تانيرت بوحدهاا حالة فمها وعينيها وقلبها تايضرب بهيجااان.. دموعها شقو طريقهوم ومحسات براسها تابدات تتبكي بصمت وقلبها ضرهاا.. هي تتبغي محمد طه ومشاعرها ليه هوو واخا كيجرحها وكيخلي قلبهاا ينزف دم الاأنه كيبغيه.. ودابا جاها عرض زواج من شخص شافتو غير بصدفة وجا قاصد لباب وباين نيتو شريفة ولكن هي مكتبغيهش.. حسات براسها داخت من الخبر لي نزل عليها وزعزعهااا..

قطع تفكيرها رنيم وأسماء لي جاو عندهاا مور مساقو لخبار تايسولو فيهاا ويهضروها وهي بحال شي وحدة مرفوووعة.. وتفكيرها فيه هوو لي غايكون عرف دابااا.. كيفاش غاتكون ردة فعلو ومتشوقة تعرف واااش تاهو كيبادلهااا مشاااعر بحالها ولا لا؟؟

وعند هو لخبر نزل عليه بحال لاكبيتي شي سطل دلما بارد عليه جمدو فبلاصتو وخلاه ساكت مكيدويش.. كيسمع لريان لي كيسول فباه ومو وإدريس كيجاوبو وهو ترفع ومبقاش كيسمع لداكشي لي ضاير بيناتهوم إنما عقلو فكرو فنهار عرف بخطبة جيداء وقصي وكأن الزمن كيعيد نفسوو.. ناض من بلاصتو خااارج بهدوء غادي جهة البيت ديالو وقبل مايوصل سمع صوت لبنات لي كيهضرو مع خلاو لباب مردود رجليه مشات بيه لتماا أو وقف كيسمع ليهوم

أسماء:واهو زوووووين صراحة مي كيبان كبير عليك

رنيم:ههههه فيه الشيب فشعروو بزاااف غالبا غايكون فالربعينااات

أسماء:غزلان غتوافقي؟؟

سؤال لي تطرح أكثر واحد كان باغي يعرف إجابتو هوو محمد طه لي كمش على حجبااانو وقلبو تايدق بسرعة كبيرة كأنه كان فشي سبااق.. وصلو صوتهاا لي قالت بخفوووت: ماعرفتش؟؟

جوابها كان كفيل يخلي العصبية تبان فملامحو وشوية بشوية بداااا كيشعل وعينيو حمااارت.. قلب الضورة ودخل ساد لباب تاكان ايخلعوو من بلاصتو وبقا غادي جاااي.. كيفاااش ماعرفتش؟؟ واش هي ناوية تواافق؟ تعصب منها وناضت فيه لحرااايگة من لداااخل ولي زاد منرڤزو هو عصبيتو من الأمر.. علاااش معصب وباااغي يغوت ويداابز ياك هو كيبغي جيداااء إذا علااش هي محتلة تفكيرو ومخلياااه يحس بالغيرة مجرد ماسمع بلي راجل خر طلبها لزوااااج.. وقف بلاصتو حادر راسو وعينو كيشوفو فالأرض.. اشمن غيرة هو مكيبغيهاااش باش يغيير عليهاا هو كيبغي جيداء وهاد السنين كلها وهو وفي ليهاا ولكن مجرد مباانت غزلان فحياتهوم وسكنات معاهوم شوية بشوية ولااات تاتخليه ينتابه ليهاا ويلقى راسو ساهي فيهاا.. غمض عينيه باااش يمحي صورتهاا لي ترسخاات فقعلو فداك لمنظر لي كل ماشافهاا ترسم قدامو.. حاول ينساااه ولكن الغالب الله.. جلس فوق النموسية كيرعد رجليه ويزير فقبضة يديه ويزفر النفس بحال شي ثور هاااايج وريتيه لحمرر... سمع صوت الصداع وصوت أسماء ورنيم حل لباب وشاف فيهوم لقاهوم نزلو رجع شاف فباب بيتها وبدون تفكير توجه لعندها وحل لباااب عليها بالجهد تاقفزات مع كانت ساااهية.. شافتو داخل عندها ومطرق لباب قلبها قفز من صدرهاا وعينيها بداو تيضورو فبلاصتهوم وبصوت حاولات ماأمكن تخليه عادي:شنو باغي؟

محمد طه:(وقف قدامها) غاتوافقي عليه؟

مكانتش تاظن غايجي يسولها هاد السؤال لي فاجأها وبتوثر قالت: خصني نفكر

قرب عندها كثر وجرها من دراعهاا مزير عليها ونطق بصرااامة وعصبية: مغااااتفكريش سمعتي ومغااااتوافقيش عليه

غزلان:(سرطات ريقها وقالت دافعة الجبهة) وعلاااش مغانوااافقش عليه وهوو باين فيه ولد الناااس و

محمد طه:(غوت فوجهها منيرڤي مخرج عينيه فيها لي متشربين الحمورية) مغاااااتواااافقيش اااااااز*بي هي مغاااتوافقييييش

شفايفها بياضو بالخلعة لي بانت على وجهها وعينيها لي مخرجاهوم فيه.. أماا هو صاف لعقل طااار والغيرة هضرررات ودوات فكرة أنه غاتوافق عليه عصباااتو وشعلاتو وخلاتو يتعامل بهمجية معاااه وعنف.. زاد قرب جهتها ونطق بصوووت قاصح: الابغيتي تشوفي وجهي لاخر وافقي

طلقهاا وخرج من عندها مخليها تاتقفقف بالخلعة.. اه كانت باغا يبين غيرتو باش تعرف واش تاهو كيبغيها ولكن ماشي هاكا يخلعهاا ويخلي قلبها يوصل عند فمهاا.. معاوداتش نزلات لتحت داك ليلة وحبسات راسها فالبيت مخلوعة منوو..

---

جالسة رحيل فالصالة هي ونوح تيتعشاوو بزوج بيهوم والكلام ضاير بناتهوم فجليسة هادية.. تاتنقب من الشلاظة وهزات عينيها فنوح ونطقات بهدوء:غزلان بنت الناس تستاااهل لخيرر شنو كايجيك هو؟

اليازيد:(رجع لور هاز كاس دلماا) هو ويمّا ولاد لخوووت وكاان مزوج بسنااء

شهقات رحيل لماكلة لي كانت ففمها وهو مد ليها لكاس دلماا شربات منو وشافت فيه وعينيها مدمعين وكلها حمرة وقالت بصوت مبحوح:واش هو كان مزوج بخالتك؟؟

نوح:(كمش حجبانو)صافا شوية؟ (حركات ليه راسها وهو كمل بهدوء) اه وقعو مشاكيل بناتهوم وطلقو

رحيل:اه اوا الله يسهل عليها بماحسن

نوح:(شد يديها وقال بهدوء) الفثنة بعد غدا غانرجعو لرياااض عندي واحد لمشكيل فالمحال الجديد ضروري نكون حااضر

رحيل:ماعليش نرجعو ماعنديش مشكيل

نوح:(قاس حنكها ونطق بحنية)ملي نسالي شغالي نسااافرو ديك الساعة ونديو معاناا سيدرا تاهي

رحيل:(تبسمات ليه بفرحة وقالت بحماس)بصح فين نمشيو

نوح:(قرصها فحنكها وغمزها) خليها مفاجأة الفثنة ديالي

كملو عشاهوم تايهضرو بناتهوم مدوزين ليلة زوينة وتبعوها ليوماين لي دغيا طارو وجا وقت الرجوع.. رحيل مكرهاتش تبقا مي خدمتو أولى.. ودعات مي جميعة لي تاهي مسخاتش بيهاا وشدو طريقهوم لرياض فين كانت رحمة كاتسناهوم هي وعفاف وسناء لي باقي لحد الآن ماوصلهااش لخبار داليازيد.. استقبلوهوم بالحليب والتمر ورحيل دخلات لأول مرة لرياض وهي مرات ولد لحاج.. طلعها ديريكت لجناح يوريه ليها ورحيل عينيها كانو منباهرين فداك الجناح لكبير ولي كان مفرش بفراش جديد كيشعل وديكور زوين وموديرن.. ولبيت النعاس كاان مبدل ليه كلشي وداير نموسية مضورة والكادر ديالها فيه دريجة عاد كطلع لنموسية.. ولكوفز ديالو والطابل دونوي تاهي وكلشي أونصومبل.. دخلات رحيل لبيت صغيرة كانت بين الصالة وبيت النعاس مخصصة لصلاة فيها زربية فالارض وجنب كاين واحد لبلاكار فيه القرآن مستف مع كتب دينية والإسدالات دالصلاة لي جابهوم ليها تاهوما وحطهوم فبلاصتهوم.. حمقها لبيت وبان فعينيها الفرحة.. داها لدريسينغ لي كان كبير على دلفيرمة ومستف بحوايحو وحوايجها لي شاري ليهاا ولي حليتي فمك عليها غاتلقايها تم لاحوايح دلخروج ولابيجامات لدوبياس شوميز دونوي ماخلى ماشرى ليهاا ولبرودويات والروايح ديال الجهد ولمارك دلفريع.. مهم مغرقهاا فكلشي.. ضارت رحيل لعندو وحطات راسها على كتفو ونطقات بهدوء: هادشي زوووين بزاااف

نوح:(حط يديه على راسها) غدا ديري فبالك غانجيبو سيدرا لهنا

يوماين دازت على محمد طه لي عصبيتو خلاتو يعزل راسو فبيتو بوحدو.. محاملش يجلس مع شي حد حيت أغلب حديثهوم هو خطوبة غزلان بحال إلا راه وافقات من دابا.. وهو معصب حيت مرفضاتش وباقا كاتفكر وهادشي خلاه يخاف تقبل وطير بين يديه.. وليوم إدريس وتانيرت سافرو لتارودانت لدار بابات تانيرت

حيت عيطوو ليها على شي مشكيل فالأرض ديالهوم وكان ضروري تحضر.. مداوش سيدرا وخلاوها مع لبنات واخا كانت باغا تمشي معاهوم غير سكتوها بمها لي عرفاتها غاتجي هي وماي بلو آيز..

كان باغي يخوي داكشي لي فداخل ديالو وماحس برجليه غير غاديين بيه لعند إسلام لي حل ليه لباب وهو هاز حاحبو:محمد دخل

محمد طه:(قرب لصالة وبان ليه كاس عامر بالشراب والثلج ولقرعة حداها.. تبسم وجلس فوق السداري) كنتي تتزهى مع راسك

إسلام:نساو لهموم شوية شنو تبغي تشرب؟

محمد طه:شي عصير

ناض إسلام لكوزينة ومحمد طه عينو على لكاس دالشراب.. والشيطان خدام يوسوس ويغريه تاهز لكاس قربو لفنو وجغمو فدقة وهو مكمش حجبانو حيت مر.. كانت أول مرة يشرب وعمرو أصلا فكر يشرب الشراااب.. ولكن حس براسو باغي ينساهاا وميبقاش مفكر فيهاا وإلا كان الشراب غاينسيه فهادشي لي باغي.. عقلو طفااه وتبع الشيطان لي غرااه وغير رجع إسلام وهو يضهشر لقاه ضرب كويسات نيت وطلعات معاه السكرة لي خلاتو يترفع.. جر ليه لكاس ونطق إسلام بانفعال:واش ازب*ي مريض فدمااغك اش قربك لهاد لخرا لي ماشي ديالك

محمد طه:(كمش عينو ونطق بصوت تقيل) ونتا لاش تتشرب فيه همم

إسلام:محمد طه مالك بنتي ليا ماشي على برجك؟؟

محمد طه:(نطق بصوت تقيل تاتحس بيه مجرووح) مخنووق وباغي نسى.. أنا كانبغي جيداء وهي لبنت لي بغيت هاد لعوام كلها وعمري بغيت شي بنت لمرا وقلبي مات معاهاا (حط يديه على صدرو كيضرب فيه)علاش هادا تقصح فاش عرف بلي جاوها لخطااااب علاااش

جر القرعة وشرب منها وإسلام تايدابز معاااه تاحيدها لبه وشاف فمحمد طه لي كان الشراب شد فيه وبدا يدخل ويخرج فالهضرة ويدوي غير على جيداء وغزلان وإسلام فهم اش كاين وأصلا باين فيه غارق فالسيدة غير معايقش براسو.. ناض محمد طه كايمشي ويجي بلاصتو وريحة الشراب تضرب منو باغي يمشي.. شدو إسلام وبغا يخليه معاه تال غدا ساعة مبغاااش وكيتنثر ليه تاعصبو وداه بيدو لدار.. حيت تايحس براسو هو لمسؤول على حالتو وسكرتو بسبابو هو.. واخا مكانش متوقع منو يشرب وعارف لافاق غايندم عليهاا.. وصلو لدار وجبد الساروت من جيب محمد طه لي متكي عليه تايلوي فلسانو طاااافي.. وإسلام حمد الله حيت إدريس وتانيرت مسافرين يما كون ناضت الريگاطة.. طلعو وسط الظلام ومع مشى لحال وكلشي نعس.. وصلو بزز مع جاه تقيل دخلو لبيتو ونعسو فوق النموسية طايح على ضهرو تايحرك يديه ويهضر بخفوت وإسلام غير تأكد أنه بخير خرح من البيت مخليه تايفيق غدااا ويهضروو.. خرج من الدار بهدوء ورجع لاياخطمون ديالو وتفكيرو فحالة محمد طه لي ناض متكي على يديه وراسو دااايخ بيه.. نااااض جهة لباب وهو كيطيح وينوووض والدووخة هلكاتو.. باغي يمشي لطواليط وناسي فين جااات.. بقا وااقف تايشوف فلبيبان لي كلهوم بحال بحال ويكمش حجبانو معارفش اينا باب..

كانت غزلان فايقة وساهية تاتفكر فلقرار لي باغا تاخد.. من جيه باغا ترفض ومن جيه باغا توافق ماشي ضد فمحمد طه إنما حيت اخرتها غاتزوج بشي حد مغاتبقااش حياتها كلها معاهوم.. ولي مقلقها هو لاكان شي حد من غيرو قلبها قفز من بلاصتو ومع لحس لي سمعات كمشات حجبانها وخرجات ببيجامتها القصيرة تشوف شنو داكشي.. حلات لباب وبان ليها محمد طه واقف ومن حالتو عرفااتو ماشي نورمااال... قربات جهتو ونطقات بخفوت:محمد مالك

محمد طه:(هز فيها عينيه ونطق بلسان تقيل) غيزززو

غير قربات ليه شمات ريحة الشراب شي لي خلاها تكمش حجباانها وتنطق بصدمة:سكرااان؟؟

محمد طه:(ضحك ورجليه تايلعبو تحت منو) شتي شنو درتي فياا

كان غايطيح كون ماسنداتوش وريحة الشراب كوخاتهاا.. عاوناتو بصحتهاا لقليلة وهي جاراه لبيتو وهو يدوي ويحرك يديه بحال شي حمق.. دخلاتو لبيت وسدات لباب وداتو لنموسية نعساتو على ضهرو وتحدرات تاتحيد ليه سبرديلتو وهو ساكت طااير فوق السحااب.. زولاتهوم ليه وناضت شافت فيه قبل ماضور باش تخرج ساعة يديه سبقاتها وشداتهاا ونطق بصوت تقيل هامس:ماتمشيش

غزلان:(حالتو قطعات قلبهاا وبخفوت نطقات) انمشي نجيب ليك قهوة كحلة باش توگض

محمد طه:(حرك راسو وقال بصوت مدمر) نتي لي بغيت

معرفاتوش علاش كيهضر ولكن حالتو معجباتهااش يالاه بغات تمد يديها باش تفك يديه كان سبقها وناض جلس وجرها تاجات جالسة فوق رجليه وهي تضهشرااات وماتحركاااتش من بلاصتهاا.. حط يديه على نصهاا وعينو كاتشوف فيها دايخ وفجأة جات صورة جيداء بين عينيه شي لي خلاه يتبسم وعينيه لحمرين دمعو ونطق بخفوت:كانبغيك

كلمة خرجاات من فمو وهو كان قاصد بيها جيداء لي احتلت تفكيرو ولي خلاتو ينطق بكلمة عمرو مقالها ليها فحضورها.. كلمة لي كااان باغي يقولها ليها وهي حية.. كان مرفوع تايتلمس حنك غزلان لي جمدات وديك لكلمة خلات قلبها يرفرف بالفرحة.. تاهو كيبادلها نفس الشعور وماشي غير هي لي كاتبغيه..هكاك فكرات حيت معرفااش حقيقة الأمر.. يديه كان تايلمس بيها حنكها وهي مغمضة عينيها ولمساتو ليها خربقوهاا.. قرب وجهو جهة شفايفها وحط شفايفو عليهوم تايقبل فيها بلهفة وقوة قبلة فرنسية خلاتها تنسى راسها وتجاوب معاه.. مبقاتش مدرونجية من ريحة الشرااب لي عاطية منو حيت فرحة ديك لكلمة لي نطق بيهاا نساتها كلشي.. كانو يديه تايتلمسو فخاظها لعريانين ويطلع يدو بحرية لبين فخاضها وشفايفو تايلعبو مع شفايفهاا بوثيرة سريعة وعنيفة تاتخليها تقفز بين يديه.. يدو بدات تاطلع ليها لبيجاامة وشفايفو نازلين على عنقها تايبوسها فيه ويعض وهي معوجة راسها وعاضة على شفايفها حاسة بالإثارة من حركاااتو لي كانو بحال السحر دوبوهاا.. بدا يطلع لبيجامة على جسمها لي كااان مطيبز وعااامر.. لابسة لتحت غير دوبياااس لي شعلوو.. حيدها ليهاا وغزلان حلات عينيها فايقة من داك السحر وغير شافت وضعهوم والجلسة لي جالسة فوقو بدوبياس وهو محيد الشوميز خلاتها تسرط ريقهاا وجات تنوض ساعة شدهاا من خصرها متبتها ونطق حدا شفايفو هامس: بقاااي

نزل راسو كيبوووسها فوق صدرهاا محرك فيها مشاعرها الأنثوية لي عرف كيفااش يفيقهوم ويخليهاا تبادلو اللحظة بنفس المشاعر والاحاسيس.. هو السكرررة والشه'وة لعبااات عليه ونساتو شنو كيدير.. طافي عقلو ومعارفش بلي راااه كيدير أكبر غلللط فحياااتو وهي قلبها لي بغاااه واعترافو لي قااال ولي واخا مكانش ليهاا خلاااهاا تنصاااع ليه وتنسى تاهي بلي تاتغلط.. نعسها على النموسية وجا فوق منها كيقبلها قبلات حنينة ويديه تاتعريهاا من الدوبياااس لي ساتر مفاتينها تاعراااهاا كولهاا وسمح لعينو يتمنظرو فشكلهاا.. حلات عينيها فيه وقبل ماتهضر كان مسكتهاا بقبلة فرنسة قوية ويديه تاتحرك على مفاثنها مخلي صوتهاا يتشكل على شكل أعزوفة بحروف الالف والحاااء.. لي غير مكيزيدو يخليو شهوووتووو تحرك كثر.. زول سروالو واخر قطعة ساتراااه وتحنى جهتهاا تايبوس عنقها وهي غير حسات بشنو كاين توگضات وحلات عينيها وونطقااات بسرعة:محمد طه لااا صاااافي

كلامها ماسمعوووش وهو مرفوووع بيهاا واخا حاولات تبعدوو وبدات تاتحرك ليه بين يديه بانزعاااج لي خلاااه يكمش حجباانو فيهاا ويرجع يداعبهاا من أول وجديد تاااحس بيهاا هدات تاني بين يديه مخلياه يكمل شنو بدا وفهاد اللحظة مستحيل يتراااجع وهي شعلات رجولتوو وشهو'تو عليهاا طغاااات فديك الساعة ومع الشراب كملات الباهية.. سخونية جسمهاا ورطوبيتووو رفعووو وخلاه يغرق.. كان تيقبلها قبلة فرنسية مستاغل سكونها لي حس بيه ويديها لي على صدرو تاتحركهوم بحركات هادين خلاوه فديك اللحظة يختتاااارق أنوثهاا برجووولتووو بقوة تاطلقات صررخة مكتووومة وسط فموو..

بسباب كلمة "كانبغيك" هي دارت أكبر غلطة فحياتها.. الغلطة لي داروها بزاف دلبنااات لي مشاو ضحايا هاد الكلمة.. شحال من وحدة تاقت وسلمات راسها لشي واحد بسباب هاد لكلمة.. دلات نفسها ورخصات راسها وفقدات عذريتها فالحر'ام بسباب كلمة كانبغيك.. بنات لي تبعو قلبهوم ونساو لي خالقهوم.. بقاو متبعين الشيطان لي كيزين ليهوم الحاجة ومكيفيقو ويوعاو تاكيكون فات لفوت ومبقااا مايتصلح..

حالة عينيها فالسقف جامدة بحال شي تمثاال محساااش بلي ضاااير بيهاا.. فااش حسات برجولتو خترقااات أنوثها بحال لاضربتيها بشي تصرفيقة فيقاتها من داكشي لي كانت تادير ولحلاوة لي كااانت عايشة فيها.. عااقت براسهاا وبالغلط لي دااارت.. مبقاتش عارفة شنو طرا من بعد حيت ديك الساعة كانت بحال شي وحدة ميتة.. محسااتش بقبلاتو لي كان تيطبعهوم على عنقهاا وهمسو ليها.. بعد عليها وبيدين طايحين جرر لغطاا وستر أجسامهوم وحط راسو على المخدة ناااعس على كرشوو ولايح يديه على خصرها مغمض عينيه ناعس..

انقطعات على لعالم فديك الساعة..كانت تاتشوف بين عينيها غير صورة "باها" وشوية بشوية بداو عينيها كيعمرو بدموووع تاافاااضو فجناب عينيها تايطيحو كيف حبااات الرماااان.. مدات يديها لفمهاا وعضااات فيه حابسة دوك الشهقااات والندااامة طلعااات معاها فوقت معطل بزااااف.. عمرها كانت تاتوقع أنها غاطيح فبحال هاد لموقف وأنها غاتسلم راسها لشي واحد فعلاقة محر'مة.. كانت ديما دايرة حواجز بينها وبين الدراري لي كاتقرا معاهوم واخا حاول شحال من واحد يتصاحب معاهاا.. عمرها فتحتات لمجال لشي واحد يقلل عليها الكلمة تااال ليه هوو محمد طه.. من نهار شافتو وحسات بمشاعر غريبة من جهتو.. قلبها بلاماتشعر كان تايميل ليه واخا معاملتو ليها كانت خايبة وكان تيجرحها بكلامو.. لكن قلبها غفلها ومالقى غير هو يبغيه.. وهاهو قلبها خلاها دير أكبر غلط فحياتهاا.. تصدمااات من راسها ومن غباءها لي خلاهاا دير هاد لغلطة لي غاتبقااا بصمة كحلة فحياااتهاا.. قلبهاا تاتحس بيه تايتقطع طروووفة كلما غمضات عينيها وشافت صورة باااهاا لي مرمداااات بشرفوو الأرض.. باهاا لي تقاااتل على قبلهاا باش يقريهاا وماخلى مداار تادى مول الأمانة أمانتو.. بدات تاتجمع رجليها وهي حاااسة بالألم فقلبها كثر من تحتها لي مهمهااااش.. نعسات على وضعية الجنين وهي باقاا تتبكي ومبقاااوش عندها الرجلين لي تنووض بيهوم.. حسااات براسها فشللاات.. تاتسمع صوت أنفاااسو وهو نااااعس وتتزيد فوثيرة بكااااهااا.. واش لهاد الدرجة الحب كيدل؟؟ واش لهاد الدرجة الحب تيخلينا بلاكراامة وتيخلينا نديرو أغلاااط بحال هادو؟؟ علاش أصلا كانرجعو لومة لحب بلاصة مانلومو نفوسنااا كل واحد عندو عقل يفكر بيه عقل ربي نعم علينا بيه باااش نميزو بين الخطأ والصح.. بين الحر'ام والحلال.. بين البيض ولكحل.. وهي عندهاا عقلهاا علاش مامنعاتوووش؟؟ علاااش مابعداااتوش فاش شافتو فديك لحالة سكراان ومهازش تارااسو؟؟ علاااش جات عندو أصلااا ؟؟ هي عارفة راسها تاتبغيه وتموووت عليه ولكن ماشي لدرحة تعطيه شرفهاا على طبق من ذهب وهو سكرااان معاقل على تاحاجة.. هي السباب ومغاتنكرش اااه هي السباب وتاهي غلطااات كثر منووو هو أكيد كون كان فاايق مغايديرهااش ماشي بحال هي لي واعية تماااماا أو وفايقة وعارفة اش تادير.. شبعااات بكااا وشهيق تاعينيها رجعو منفوخين وحمرين.. كون صابت تبكي الدم بلاصة الدموووع.. ومفااقت تاطاح الفاس على الراس.. كلها تترجف وترعد حاسة بالتبوريشة وبقوة أنها بكات بزااف راسها ضرها.. ومحسات براسها وقتاش غمضات عينيها ونعسات..

----

وقفات طوموبيل نوح قدام باب الدار.. كانت رحيل متحمسة أنهاا تشوف سيدرا لي توحشاتهاا.. ضارت جهتو مبسمة ليه وعينيها الخضرين كايلمعو بالفرحة ونطقات بصوت فرحان: غاتكون باقي ناااعسة غاتفرح ملي تشوفني

نوح:(تبسم لفرحتهاا ومد يديه قاس وجهها) أنا بان ليا نتي لي فرحانة كثر منها

رحيل:(تنهدات)توحشتها بزاف ممولفاش تبعد علياا هاد لمدة كلهاا

نوح:(حرك راسو بجدية)وهادي غاتكون اخر مرة الفثنة

رحيل:(هزات صاكها ومدات يديها لباب حلاتو)يالاه بسلامة تاترجع فالعشية

نوح:(شد يديها وهز حاجبو فيها) ردي لبال لراسك وقتما صونيت عليك جاوبي ولاحتاجيني شي حاجة علميني

حركات راسها باه ونزلات غادة تاتجرجر فديك الكسوة لي لابسة.. حلات لباب ديال الدار وشافت فيه وهي مبسمة عاد دخلات وهو ماحرك طوموبيل تاتأكد بلي دخلات عاد مشى لمحال..

كان السكات فالدار ورحيل عارفة بلي كلشي غايكون خدام وكاينة غير غزلان وسيدرا طلعات لفوق ديريكت لبيتها.. بانت ليها سيدرا كانت ناعسة هي وإيڤانا جنب بعضياتهوم.. مبغاتش تفيقها عليها خلاتها ومشات لبيت لبنات لقاتها خاوية مافيها حد..حلات لبيوت ديالهوم باش يتهواو وقربات جهة بيت محمد طه مدات يديها ومع حلات لباب عينيها تحلو بصدمة..

يديها جمدات على لبواني وعينيها خرجو بصدمة من المنظر لي تاتشوف قدامها.. المنظر لي هزها من لداخل وخلى قلبها يرجف.. أنفاسهاا كانو مسموعين أو وجهها نقطة دم مافيه.. آخر حاجة تقدر توقعها هي هادي.. مفيكسيا عينيها عليهوم بزوج.. كان محمد طه ناعس على ضهرو وليزار ساتر غير نصو لتحتاني وغزلان ناعسة فوق كتفو ومغطية تاهي بليزار وعنقها وكتافها لعريانين كيبانو.. بحال لاخديتي موس وغرستيه فقلب رحيل فاش شافت هاد المنظر لي شوكاهاا.. قلبات خطواتها جهة لحمام ودخلات هزات سطيلة عمراتها بلماا بارد ورجعات بكل برود وملامح وجهها كانو جامدين جهة البيت وبلاتردد كبات ديك السطيلة عليهوم تاحلو عينيهوم كيشهقو بزوج..

كان محمد طه تيحس براسو كيضرو بحال لبيضا خاسرة.. مخسر سيفتو وعينو فرحيل لي واقفة عليه كيف شي قباض الرواح ونطقات بصوت بارد كالصقيع:لبسو حوايجكوم واجيو

عطاتو بالضهر خارجة وسادة لباب وراهاا وهو كمش حجبانو فاش سمع صوت البكاا ضار وياريتو مضاارش... عينو تحلو بصدمة وهو كيشوف فيها مكمشة وسط داك ليزار وحادرة راسها تاتبكي وتشهق.. مباغيش يتقبل شنو طاح فبااالو عليهاا بدا يحرك فراسو بلا مصدووم.. شفايفو نشفو وبدا يدوز لسانو عليهوم وتيقلب على حوايجو لي بانو ليه طايحين الأرض ولي تيزيدو يأكدو ليه بلي هادشي بصح.. جر الكالصو لبسو عاد ناض تايتفتف وكيلبس حوايجوو وكل شوية يشوف فيهاا بديك الحالة ولبكاا لي قطعات نفسها بيه.. ناضت ملوية عليها ليزار وهو غير شاف دوك النقاط ديال دم عدريتها راه بحاال لاعطيتيه بوكس لوجهو.. خرج بزربة وهو مبقاش قادر يبقا فلبيت.. أما غزلان فكانت تاتجمع شتات نفسها وهي حشماانة من رحيل ولمنظر لي شافتهوم فيه.. خرجات من لبيت وهي تتشهق ومشات نيشان لحماام دخلات وسدات لباب وطلقات ليزار تاطاااح وتمشات نيشان جهة الرشاشة بلاماضور لمرايا حيت مقدراش تشوف راسها فديك الحالة لي كرهاتهاا.. تخشات تادوش وتبكي وتشهق وهي محاملاش رااسها ومحاملاش الغلط لي دارت.. هي السباب وهي الملامة الأولى.. بدات تاضرب راسها فلول بشوية تاااابدات تاتزيد فلوثيرة وتصرفق راسها وتفوووت.. دخلاات فحالة هستيرية وهي تتقمش وتنتف فراسها.. كانت هاديك ردة فعل طبيعية لوحدة لي حافظات طول عمرها على شرفهاا وفلخر فقداتو فلحر'ام..متعداش عليهاا ومجبرهاااش هي لي نعسااات معاااه بخاطرها مغاتلومووش وعمرها غاتلومو حيت هو مكانش واعي..وماشي حيت قال تانبغيك تعطيه نفسها بسهولة..

كانت كلها تترعد ولماا تايتكب عليها وهي تاطلع نفس وتهبطو بزربة.. عينيها ساهين فالعدم تااناضت بحال شي جثة هامدة ولوات عليها فوطة وخرجات بخطوات تقيلة جهة بيتها هي ورنيم.. دخلات وسدات لباب ومشات تاتلبس حوايجها وعينيها منفوووخين بقوة الدموووع لي نزلاتهوم.. أما حناكها فكااانو حمرين وأثار صباااعها مرسومين ولقماشي لي باينن فحناكها وعنقهاا.. لبسات بيجامة مستورة أو واسعة وبخطوات تقيلة نزلات لتحت وهي كلها جاااهزة لكلام لي غاتسمعووو ولي متأكدة غايجرح روحها وكرامتهاا ولكن هادي غير لبداااية ولي دار دنب يستاهل لعقوبة..

جالسة رحيل فالصالة ومن ملامح وجهها باين فيها بلي باقي مقدراتش تستوعب شنو شااافت.. ممتيقاش عينيها وباغا تكدبهوم واخا كلشي كان واضح وباين ليها.. ساكتة وجامدة وعينيها ساهين فنقطة وهمية.. مدة وهي على ديك لحال تاتسمعات تنهيدة طالعة من أعماقها ونزلات راسها لتحت وحطات يديها عليه.. وعلى ديك لحالة بقات تاسمعات لحس وهي طلع راسها ملي بان ليها داخل وبخطوات تقالين جلس فالسداري لي مقابل معاهاا وفرق رجليه بجلسة رجولية وجامع يديه ومنزل راسو لتحت.. بقات تتشوف فيه مدة وهي ساكتة وتاهو مانطق بتاشي كلمة والسكات هو سيد الموقف.. عينيها مزولاتهومش عليه وبعد مدة تسمع صوتها لي كان خافت: علاش؟

هاديك هي أول كلمة خرجات ليها والسؤال لي كانت باغا تعرف جوابو.. أما هو حدو زير على يديه وقلب وجهو لجنب مراضيش يشووف فيها.. تسمع صوتها مرة خرا بنبرة مرتافعة شوية:علاااش؟

داك السكات ديالو خلاه تعصب ومحسات براسها تاوقفات وغوتات بعصبية:علاااااااش درتيها هاااا علااااش؟ (ماحدو ساكت ماحدها هي تتزيد تعصب قربات جهتو تاوقفات قدامو ونطقات بنبرة صارمة)شووووف فيااااا هزززز عينيك وشوووف فياااا وشررررح لياااا دااااكشي لي شفت قبيلة اشنووو معنيتوووو علاااش دابا ساااكت مكتجاااوبنيش

مسح على وجهو ونطق وهو باقي قالب وجهو لجهة لخرا بصوت هامس:ماعرفتش كيفاش وقع هااادشي؟؟

رحيل:(فلتات ليها قهقة سخرية وبصوت ساخر قالت)ماعرفتيش وشكون عرف الجنوووون ولاأناا مثلااا هااا واش تتسطى علياا ولاكيفااااش (تحولات نبرتها الساخرة لنبرة باين فيها عدم التصديق وخيبة أمل) لحد الآن كانتسنى منك غير كلمة تخليني نعطي مبرر لشي لي درتيه وشفتو بعيني حيت عمرررري توقعتها منك امحمد طه..

كان بصح باقي ممتيقش شنو طرا والمنظر لي فاق عليه وشافووو.. باقي مامستوعبش بلي هو نعس مع غزلان.. مبقاش عاقل شنو طرا لبارح حيت السكرة دوخاتو بفعل أنه أول مرة يشرب..

رحيل:(مربعة يديها وبصوت بارد قالت) ملي يادلي عينيك فيهاا علااش ماتخطبهااش من بابا عللاااش درتو هاد الغلط بزووج بيكوووم

محمد طه:(هز عينو فيها وديك الشوفة لي دايرة فيه هرساتو وبصوت مبحوح قال) كنت سكرااان ارحييل وماعرفتش شنو وقع أنااا براااسي بااقي مامتيقش شنو درت

حلات رحيل عينيها وتحدرات جهتو شانقة عليه من لكول دلاشوميز وهو ماتحركش ومامنعهااش بلعكس يستاهل.. غوتات بالجهد معصبة:الشراااب الحمااار من امتى ونتاااا تاتشرب هااا من امتى ونتا تادخل داك لحر'اام لداااتك

محمد طه:(بخفوت) أول مرة تيقيني أول مرة شربتو فاش مشيت عند إسلام ومبقيتش عاقل اش طرى مزال عقلي مبلونطي ارحيل ماااعرفتش أناا ماعرفتش فاش شربت كنت باغي نسى همومي وأنااا

كان تالف حيت بصح مكانش عارف اش طرا عقلو مشوش ومعارفش شنو دار.. أما رحيل تنرفزاات ولات كلها تاتغزل.. مصدومة منو حيت شرب وهو لي عمرو حطو ففمو وفاش ريان كان تيشرب هو بنفسو تيقول داكشي غير بلية وغايخرج على صحتو و و.. فلخر صدمها فاش دارها وشرب..

رحيل:(بعدات عليه وقالت بخفوت)مافكرتيش فبابا؟ تايق فيك لانتا ولاريان وعاطيكوم لحرية حيت عارفكوم مربين ومغاتغلطوش شي غلط لي تندمو عليه.. (رفعات صوتها) مافكرتيش فيه نهار حطيتي داك الحر'ام ففمك هااانتا شفتي فين وصلك هانتيجة داباا تاتشوفها قدام عينيك عند باااالك راه لاشربتي داك لخراااا غاتنسى مشاااكيلك هااااانتيجة دابااا شفتي اخرة الشرااااب لي شربتيه هاهو طيحك فالحر'ام..

سكتات رحيل فاش بانت ليها غزلان واقفة قدام باب الصالة بملامح ميتة الوجه لي يشوف فرحيل مبقااش عندهاا.. سمعات لكلام رحيل كولو وهي تاتبكي الدم من لداخل.. مقدراتش أنها تقرب جهتهوم حيت حشمانة منهوم بزووج..حدرات راسهاا وبقات واقفة فبلاصتهاا ومحمد طه قلب وجهو تاهو كيشوف فيهاا.. فلداخل ديالو بزاف دالأسئلة باغي يعرف جوابهوم.. زير على يديه وقلب وجهوو ورحيل حسات براسها تخنقات.. زولات الفولار ولاحتو بإهمال وشافت فغزلان وبصوت بارد نطقات:اجي تانتي لهنا

قربات جهتها بخطوات بطيئة تاوصلات لنفس السداري فين جالس محمد طه ولكن بعيدة عليه.. جلسات وهي حادرة راسها ورحيل نطقات بعصبية:علاش دابا حادرين راسكوم هااا هزوو راسكوووم وشوفوو فيااا بزوج بيكوووم ملي كنتو تاتغلطوو مافكرتوو فحد ياااك ديك الساعة نسيتو كلشي ودابا عاااد جاتكوم الحشمة وسكتوو فاااااش كنتووو تات'زنيو ماااافكرتووووش فلي خلقكووووم هااااا هضروووو علااااش ساااكتين (كانت رحيل معصبة وكلها تترعد دموعهاا عمرو عينيهاا وقلبها ضرهاا على شنو طرااا.. وصدرها تايطلع وينزل) كون شافتكوووم سيدرا فين كنااا غانوليو هااااا

تاتحرك راسها بلا وتتحمدالله أن سيدرا كانت ناعسة ومشافتش هاد المنظر لي غيأثر عليهاا.. عينين غزلان عمرو بالدموع من جديد وكلام رحيل غير مكيزيد يخلي الندم ياكل روحها... باش غاتجاوبهاا وشنو غاتقول ليهاا أنا عطيتو راسي بخاطري؟ كل كلمة خرجاتها رحيل من فمها كتستاهلهاا.. أما محمد طه كان غير مزير على يديه وحادر راسو مقدرش يشوف فختو ويشوف فديك النظرة لي هرساتو.. قطع كلامهوم صوت تلفون رحيل لي الخاطر مكانش عندها ومجرد مشافت سميتو "راحة روحي" نزلات دموعها.. خرجات من الصالة وخلاتهوم بزوج جالسين وتاحد مقدر يهز عينو فلاخر.. داك السكات لي كان بيناتهوم كسرو صوت بكاهاا..

محمد طه:(بصوت خافت لسانو تقال عليه) واش أنا بززت عليك؟

زيرات غزلان على عينيها وداك السؤال غير مزاد خلاهاا تحقد على راسها وتكرهو.. هو معاقلش شي طبيعي.. أما هو كان باغي غير يسمع جوابها..

غزلان:(بصوت مبحوح)لا

محمد طه:(هز فيها عينو ملي سمع جوابهاا وكمش حجبانو)شنو وقع (سكاتها وبكاها تايزيد ينرفزو وبصوت باينة فيه العصبية قاال) هضررري شنو طرا؟

غزلان:(صدرها يطلع وينزل شفايفها بياااضو وبصوت يذوب كيتسمع) كلشي وقع بخاطري

غير قالت ديك لجملة وهو يحرك راسو يمين وشمااال والعصبية بدات تتبان فوجهو وتكميشة حجبانو..

محمد طه:(ناض من بلاصتو وقرب جهتها تاوقف قدامها وقال بصرامة)شوفي فياااا (غوت بانفعال)شوفي فيااا المررررض هزي عينك

شافت فيه وعينيها تنفخو مبقاش تيبان لبياض ديالهوم.. عينو بدات تاتشوف فوجهها لمقموش ولي باين فيه ضرابي ونزل لعنقها فين كاينين لطاش دبوساتو.. خنزر فيها وقال بصوت حاول ماأمكن يكون كالم: معارفش روحي كيفاش وصلت لدار ملي شربت داك المررض كلشي تمحى من عقلي نسيت كلشي (تحدر جهتها ونطق بهدوء)واااش أنا لي جيت عندك لبيت؟؟ هضررري اغزلااااان

غزلان:(شافت فيه وهي تاترجف خايفة من ردة فعلو) أنا سمعت الصداع وملي مشيت نشوف شواقع لقيتك واقف وحالتك معجباتنيش.. ملي قربت عندك شميت ريحة الشراب ونتا مكنتيش قادر توقف عاونتك لبيت وملي كنت باغا نخرج نتاا (سكتات وهي تاتبكي ومحمد طه كيتسناها تكمل.. سرطات ريقها وكملات بخفوت)ماخليتينش نمشي وقلتي ليا بلي تاتبغيني (حدرات راسها تاتبكي عاود)

محمد طه:(تقاد فوقفتو كيشوف فيها وكمل بصوت بارد) وشنو وقع من بعد؟؟

بكاهاا خلاه يكمل من عندو شنو طرا.. بقا تيشوف فيها مدة عاد رجع لبلاصتو وجلس بكل هدوء وسكون.. مدة وهوما على ديك الحااال.. هو ساكت مانطقش مزال وهي غير تاتبكي.. دخلات رحيل وهي مكمشة حجبانها وقبل ماتنطق بشي كلمة كان محمد طه واقف وبملامح جامدة وبدون مقدمات نطق:أنا غانتزوج بيها..

كلمة خرجات من فمو خلات غزلان طلع راسها وتحل عينيها مصدومة.. أما رحيل فكانت متوقعاها منو واخا هاد الشي لي دار صدمها فيه حيت عمرها كانت تظن غايطيح فلح'رام ولكن هي أكثر وحدة عارفة محمد طه وبلي هو إنسان مسؤول وماشي مستهتر لي مايهزش المسؤولية.. خرج من الصالة طالع لسطح وهو حاس براسو مخنوق.. عمرها طاحت فبالو أنه غايعيش هاد الحدث شي نهار.. البارح كان مخنوق وحس براسو تالف.. مشاعرو لي كاتنجارف جهة غزلان كانت تتخليه يتشوكا من راسو.. اهتمامو وداك لخوف من أنها تقبل باليازيد عصبوو وخلاه بحال شي قنبلة على وشك الإنفجار.. سكاتها غير مكان تايزيد يورك عليه ويخليه يسول راسو واش بصح غاتوافق؟؟ ويرجع تاني يقول علاش ماتوافقش والسيد راه جا من لباب وخصوصا هو معارفش مشاعرها جهتو.. ولكن هو عارف مشاعرو جهتها ولي كيحاول يتجاهلهوم مدة.. لبارح شرب باش ينسى كلشي ينسى حبو لجيداء لي مرضو وغزلان لي حس بيها باغا تسوطيه بتصرفاتهاا.. شرب وهانتيجة طااح فالحر'ام معاهاا.. نهار حط فغمو داك السم هاهو دار أكبر غلط لي كياكل فيه من لداخل ومخليه كاره روحو وباغي غير مع من يدابز... فلول ملي فاق وبانت ليه جنبو بديك الحالة تشوكا من راسو واخا كلشي واااضح وباين ولكن كان عندو أمل زائف يكون كلشي كدوب وغير تيتخايل.. وفاااش شاف حالتهاا كان خااايف يكون مبزز عليها ومعدي عليها وهي ماشي بخاطرهاا.. كان سكران يعني كلشي كااان ممكن يطرا.. ولكن فاش قالت ليه بلي كلشي بخاطرها تما راه برد ولهضرة مبقات قادرة تخرج من جوفو..وكان الحل الوحيد هو يتزوج بيهاا حيت هو خدا شرفها وهادي أقل حاجة يديرها وغايتحمل مسؤوليتو كلها..حط يديه على السطارة ونزل راسو عااض على شفتوو تيحاول يتفكر ااش وقع ولابد ماخصوو يتفكر لباارح شنوو دار خصوصا فاش قالت ليه بلي هو اعتارف بلي كيبغيهاا.. بااغي يعرف ااش قااال اخر وشنو خرج من فموو وهو غايب على الواقع ومرفوع.. خصوو يتفكر بزز منو خصو يتفكر..

فلتحت ملي لاح ليهوم محمد طه لكلام وخرج بقات رحيل هي وغزلان لي باقا على حالتها.. مهبطة راسها تتبكي وتشهق.. قربات رحيل جهتها وجلسات جنبها ونطقات بهدوء: علاش درتي هادشي اغزلان ؟

مقدراتش تجاوبها وتاتشوف فيها ماقدراااش.. حشمانة منها بزااف ومن لموقف لي تحطااات فيه قدام رحيل لي تاتعتابرها بحال ختها.. أما رحيل كانت تتحاول تكالمي راسها وماتعصبش ولكن مقدراتش حيت فهاد اللحظة خصها تسمعهوم ليهاا باش توريها حجم لغلط لي دارت هي وياااه..

رحيل:(خنزرات فيها) علاااش تتبكي داباا اغزلااان علاااش تال داباا عاد طلعااات معاكووم الندااامة وماحسيتوش بيها فاااش كنتو تاتتز'نيوو.. شوووفي فيااا (هزات ليها راسها بزز تاشافت فيها غزلان فحالة يرثى لها ونطقات رحيل مقصحة معاها لكلااام) وااااش سبق وطراا بناتكوم شي حاااجة قبل؟؟ (حركات غزلان راسهاا بلا ورحيل كملات حديثها) ملي شفتيه سكراااان علاش قربتي ليه هاااا علاش مافيقتيش رياااان وخليتيه يتفاااهم معاااه علاااااش اغزلااان طيحتي راااسك فهاد لمووقف دووي علاااش سااكتة وغير تتبكي

غزلان:(قلبها شوية ويسكت بقوة البكاا لي بكاتو هاد النهار بزز باش خرجات كلامها بصوت مجروح) أنا ندمت والله تاندمت سمحيليا

رحيل:(كمشات حجبانها) طلبي الله يسمح ليكوم نتي وياااااه والندااااامة ديااالك ماعندهاا فااايدة دابااا حيت لي عطااا الله عطااه والغلط داااار ومغاترجعوووش الزمااان لور..

سكتات رحيل ورحماتها فاش شافت حالتهاا كيف دايرة.. خرجات من الصالة غادة لكوزينة توجد الفطور لسيدرا وليهوم وااخا تاواحد مقاد ياكل ولكن ولابد ماتوجدو.. أما غزلان خرجات من الصالة بخطوات تقااال وعينيها بزز باش تاتشوف بيهوم الطريق بقوة مااتنفخو وتسدو بلبكاا.. طلعات لفوق غادة لبيتهاا هي ورنيم دخلات وسدات عليها لباب بكل هدوء وبرود غريبين..

---

نزل محمد طه من السطااح ومشى لبيتو وغير دخل عينيه جاو على النموسية وداك الفراش لي مزوق بدم عدريتها خلاووه يشعل تاني.. قرب جهتو منرڤي وجروو بالجهد مزولو وبدا كيجمع فيه وهو مخنزر ومخرج عينيه لي حمرين.. نزل لكوزينة فين كانت رحيل واقفة بسهو غير شافتو وهي تكمش حجبانهاا مراقباه بعينيها وهو تيقلب على شي بلاستيك تالقاها وهو يخرج تاني بلامايهضر ولاينطق بشي كلمة.. رجع جمع داك لفراش فيه وسدو مزياان وحل لبلاكار لايحو لداخل جهة لكواااش وسد عليه وهو كينهج وصدرو يطلع وينزل.. خدا حوايجوو ومشى لحمام خدا دوووش ورجع لبيتو لبس عليه وجلس فالأرض متكي على النموسية كيحاول تاني يستعقل شنو طرا لبااارح ضروري يعرف اااش قال ليها وهو سكرااان وكيفااش تاخرج ديك الكلمة من فموو ليهاا..

حلات سيدرا عويناتها وهي تاتكسل والقطة تاتلعب فالأرض بديك لكورة ديالها.. نزلات من فوق لفراش ومشات نيشان لحمام كيف ولفاات قضات حاجتها أو وقفات فوق ديك الكرسي الصغير لي دايرينو ليها خصيصا باش توصل لاڤابو وغسلات وجهها وسنانها عاد نزلات لتحت.. كانت مولفة فهاد لوقيتة كلشي تيكون فالخدمة وتتبقا غير هي وغزلان داكشي علاش مشات نيشان لكوزينة وغير دخلات حلات عينيها فرحانة فاااش بانت ليها رحيل واقفة وعاطياهاا بالضهر..

سيدرا:(نقزات فبلاصتها وغوتات بحماس)ماااااامي

ضارت رحيل مبسمة ليهاا ونزلات حالة يديها تاجات سيدرا وتخشات فيها معنقاهاا فرحااانة.. هزاتها رحيل وسيدرا لوات رجليها ويديها عليها مباغاش طلق منهاا..

رحيل:(كادوز يديها على شعرها ونطقات بحب) مامي توحشتك بزاااف اروحي

سيدرا:(شافت فيها وغير من عويناتها باينة فرحانة)فين ماي بلو آيز؟

رحيل:مشى لخدمة ولكن غايجي فالعشية وعندو مفاجأة زوينة ليك

سيدرا:(حلات عينيها تاتكركر بالضحك)شنو هي؟

رحيل:ملي يجي ويوريها ليك يالاه جلسي نحط ليك لفطور امامي

مشات سيدرا جلسات فالكرسي ورحيل حطات ليها لكريب بالشكلاط لي تيعجبها ولفطور وعطاتها كاس دلحليب وشافت فيها بتبسيمة خفيفة:يالاه فطري أنا جايا

حركات سيدرا راسها تاتاكل ورحيل طلعات لفوق لبيت محمد طه دقات عليه وفاش ماسمعاتش جوابو حلات لباب وبان ليها على جلستو محاسش گاع بيها بقوة مكان ساهي.. ضرها خاطرها عليه واخا قصحات معاه ولكن عارفة بلي ماشي لخاطرو وبلي هادو ماشي شيم خوها لحنين..قربات جهتو تاوقفات عليه وهو يهز عينو شاف فيها وبزربة قلبها مراضيش يشوف فعينيها جلسات جنبو وحطات يديها على شعرو وجراتو معنقاه وحاطة راسو على صدرها ونطقات بخفوت: عارفة بلي الندامة كتااكل فيك من لداخل وعارفة بلي كون كنتي واعي مكنتيش غادير هاد التصرف معاهاا ولكن هادشي مكيعنيش بلي نتا ماغلطتيش فحق راااسك امحمد ملي شربتي دااك الزمر كنتي وااعي وعارف اش كادير وتاحد مضربك على يديك ودابا غايخصك تحمل لمسؤولية وطلب من لي خلقك السماااحة على الشر'اب لي شربتيه وعلى الز'نا لي زن'يتي.. ربي راه مكيحرم الحاجة تاكتكون بصح مضرة لينااا (هزات راسو وشافت فعينيه لحمرين وقالت بهدوء)نزل تفطر

محمد طه:(سرط ريقو)مابغيتوش

رحيل:(هزات حاجبها فيه) باركة من لعنااد نزل تفطر وحاول ماتبين تاحاجة قدام سيدرا نتا عارفهاا كاتلقط دغيا لحاااجة (شافتو باغي يهضر وهي تقاطعو بصرامة)دووويت داباا ولي جراا هنا غايبقا بناتناا بتلاتة وتاحد مغايعرف بيه لابابا لاماما لاتاواااحد سمعتي ملي يجي بابا طلب يديها من عندو بحكم هو دابا ولي أمرهاا.. مكنتش باغاا زواجك يكون هاكا ولكن المكتاااب ماعندناا عليه حكااام يالاه نزل..

ناض بتتاقل خرج من لبيت ورحيل تنهدات واحد التنهيدة طالعة من لقلب وخاطرها مغيير.. ناضت غادة عند غزلان تاهي تنزلها تفطر.. دقات عليها لباب وبغات تحلوو ساااعة مسدود من لداخل.. رجعات دقااات بالجهد ونطقات:غزلاااان حلي (كادق وتعيط ليهاا بصوت عالي)غزلاااااااان غزلااااااان كاتسمعيني حللللي لبااااب

بقات مدابزة معاه وتالضوبل دساروت معرفاش فين هووو.. حطات راسها على لباب تاتحاول تلقط شي حاجة ساعة مكانت تتسمع والو من غير السكااات شي لي خلى قليها يضرب بخووف من الأفكااار لي طااحو فبالهاا.. رجعات تادق لباب وتتعيط ليها وفاش مسمعاتش جوابها نزلات بزربة تاتجري لكوزينة وغير دخلات لقاات سيدرا تاتفطر وتهضر مع محمد طه لي جالس تايضور لكاس دلقهوة بين يديه وباين فيه مكيسمعهاش مرفوووع.. سرطات ريقهاا ونطقات بصوت حاولات ماأمكن يكون كالم:محمد طه اجي معايا واحد الدقيقة

شاف فيها مكمش حجبانو وهي تبسمات لسيدرا وقالت:بقا هنا امامي واااخااا

سيدرا:واخا مامي

تبعها محمد طه وهي شدات يديه وقالت بصوت هامس مخلوعة:مكتحلش لبااب عيييت ندق ولكن محلاتش خايفة تكووون دايرة فراسها شي حاجة

مع قالتها تخطاهاا طالع فالدروج كينقز تلاتة درجااات ورحيل وراه هازة جلايل كسوتها الطويلة.. وصل لباب ودق: غزلااااااان

بقا تايضرب الباب بكتفو فاش مبغاااش يتحل رجع زوج خطوات لور وهز رجليه ضاربو بالجهد تاتفرع عاد دخلو بزوج بيهوم وهما مخلوعين..

وقف فالباب وديك العصبية ولخلعة رجعات عليه بلبرودة وعينو على غزلان لي كانت جالسة فوق نموسيتهاا جامعة رجليها عندها ودافنة راسها وسطهوم مبقاش وجهها كيبان.. تمشات رحيل بزربة جهتها وغير حطات يديها عليها السيدة ماااالت لجهة لخرررى وطاحت مغيبة.. غوتااات رحيل وهي مخلوعة وطلعات لعندها تاضرب فحناكهاا وتاتشوف فوجهها لي كان مخطوف منو الدم وتحت عينيها حمرر ومنفوخييين.. هزات عينيها فمحمد طه لي تاهو جمد كيشوف فيها ونطقات بصراخ: جيب ليااا شي ريحة

بقا تايضور راسو تاباانت ليه ريحة فوق الطابل دونوي وزرب جهة رحيل لي مقاتلة معاهاا باش تنعسها مقادة ومع تقيلة وفاش غيبات مقداتش عليهاا.. جرها عندو وحط ليها راسها على صدرو ورحيل هزات ريحة رشاتها فيديها وبدات تاتشمها ليها والسيدة تقول ميتة مدارت تاشي رد فعل بلي تاتفيق.. كضرب فوق حناكهاا والو تاناضت تاني نازلة لتحت وهو بقا معاها تايضرب فوق حناكها لمقموشين بشوية وتيشوف فحالتها لي كاتزيد تخليه يكره راسو.. جات رحيل جايبة بصلة شماتها ليهاا عاد بدات تاتحرك راسهاا وتكمش حجبانها وعاد رجع فيهوم النفس فاش شافوها بدات تفيق.. حلات عينيها ورحيل مدات ليها لكاس دلماا لي فيه السكار.. شربات منو غير شوية ومبقاتش بغاتو..

محمد طه:(شاف فرحيل) نديوها لسبيطار

رحيل: غزلان تاتسمعيني باااش تتحسي

غزلان:(بعدات عليه وخشات راسها فالمخدة تتبكي مجوباتهااش)

ناض محمد طه من بلاصتو خرج ورحيل بقات معاهاا تاتقيص فشعرها وبخفوت نطقات: صافي اغزلان باركة من البكاا نتي غي تاتهلكي راسك وصاااف

غزلان:(شافت فيها ونطقات بصوت مخنووق)بغيييييت نموووووت باش نتهنى أناااا السبااااب أنااا لي درتها لرااااسي

رحيل:(كمشات حجبانها) هاد لكلام دابا ماعندو باااش يفيد اغزلاان صافي دابا نتي وياه غاااتصلحو هاد لغلطة لي درتو بزووج

غزلااان:(نطقات بصوت خافت ساهية) كاااان علياا نواافق على اليازيد من لول (شافت فرحيل) كون وافقت عليه كوون گاعماا طرا هادشي (بدات تاتبكي بالجهد وتفوت وضرب راسها) أنااا السبااااب أناااا السبااااب الله ياخد فيااا الحق الله ياااخد فيااا الحق...

دخلات فهستيرية وفشفايفها غير الله ياخد فيا الحق ورحيل تتحاول تكونطروليهااا وتهدنهاا

وبرا كااان واقف محمد طه لي كلامهاا كولو تسمع ليه.. وديك لجملة بضبط ديال كان عليا نوافق على اليازيد من لول شعلااات فيه العوااافي من لداااخل.. وكيزيد يتأكد بلي هي كاانت ناوية توافق عليه وبسباب شنو طرا مبقاتش غاتوافق.. وعند هاد النقطة بالضبط حس براسو تنيرڤى وكره مشاعرو لي انجارفو ليها.. مشاعرو لي كانو ميتين ولي بسبابها رجعو حياااو من جديد.. واخا عمرو عاملها مزيان واخا كان تيجرحها من نهار دخلات لدار عندهوم ولكن فالآونة الأخيرة مشاعرو تبدلو ليها وهو مكانش باغي يعتارف بينو وبين نفسو حتى فمابالك يعتارف ليهاا.. وباش مايزيدش يغرق فيهاا كان تيخلي ديما جيداء حاضرة فباااالو بحال لاكيدير تأنيب لنفسوو باش يحبس دوك لمشاعر قبل ماايتعمق فيهوم.. ساعة لقلب ماعليه حكااام وكيف غفلو فالمرة لولة وخلاه يبغي جيداء هاد لمرة تاني غفلو.. مبقاااش قادر يسمع غواتهاا وكلامهاا حيت تعصب بزاااف عليها فضل يخرج من الدااار ويتكالمى بعيد عليهاا وعلى البلاصة فين غلطوو بزوووج ولي كلماا عينو تاتجي عليها تايتفكر المشهد لي فاااق عليه ولي باغي يتمحى من عقلو وينساااه بمرة..

العشية كلها ورحيل مخلاتش غزلان بوحدها حيت خافت لادير شي حاجة فراسها.. ردات ليها البال وبززات عليهاا تاكل شي حاجة وفنفس الوقت حاولات ماتبينش لسيدرا لي كاين.. أما محمد طه ملي خرج معاودش رجع عيطات ليه ومجاوبهااش.. دخل ريان هو لول والتلفون فيديه كيشوف فدوك لمساجات لي مسيفط لبيسان هاد المدة كلهاا من نهار العراضة مقرات تاواحد منهوم واخا تتكون أونلاين.. عيط ليا ومكتجاوبش وسيفط مساجات عاديين كدلك نفس الشي.. تصرفها خلاه يوعى بلي هي بصح تقلقات منو مور داك لكلام لي مكانش قاصدوو.. هز عينو فاش وصل لصالة وبانت ليه رحيل جالسة تاتشرب من طاس دلقهوة وسيدرا متكية عليها تاتفرج فالرسوم.. تبسم ودغيا نسى المشكيل ديالو بينو وبين بيسان..

ريان:عويناااات الجلبااانة

رحيل:(ضحكات بهدوء)أهلين

ريان:(قرب عندها عنقها بالجهد وجلس جنبها) نورات دار بوجودك

رحيل:ياك بعداا

ريان:والله تادار كانت خاوية بلابيك ودابا كمالت بالواليد وماما تاهي

رحيل:عيط ليهوم غير قبيلة لقيت بابا خارج ماما بوحدها لي كاينة تم عرفتي الجو اريان تماا غزااااال والله

سيدرا:اه رياني عندهوم شجيرات وريدات بزاااف تانيرت إينو وراتهوم لينا

ريان:اوا شي نهار ونمشيو ليها نيت نشدو كونجي

رحيل:إن شاء الله

ريان:فين غزلان مبانتش ليااا هنا

سيدرا:غيزو مريضة مسكينة رياني

ريان:مالها؟

رحيل:راك عارف اش كااين

سكت ريان عند بالو راه فيها لوجع أما رحيل حمدات الله حيت محكرش عليها وتاهي مناوياش تقول لي كاين وملي قالتها لمحمد طه راه كانت قصداهاا نيت.. بالنسبة ليها الموضوع غايبقا بناتهوم بتلاتة.. وهي مغاتخرجش الهضرة واخا يحطو سيف على رقبتهاا.. ناض ريان يمشي يبدل حوايجو وهي مشات تحط الكاسكروط حيت البنات غايجيو.. وجدات كلشي مع الدخلة دأسماء ورنيم لي جاو بزوجات كيدويو ويكركو غير شافوها تلاحو عليها يبوسو ويعنقو.. ورحيل تاضحك معاهوم غير بزز الخاطر مكاينش ولكن مباغاش تخليهوم يعيقو بيها..

أسماء:(عينيها ضربو على عنقها لي فيه الطبايع ونطقات بضحك) ياختي ماحسدناااكش ولكن تاحنا بغينا نتبرقعو هههه

رحيل:(مافهماتش)ااش تاتخوري؟؟

أسماء: عنقك اختي لي معرياه علينااا زعمة نشوفو فعايل ولد لحاج ههههه ياختي بقا ليه شوية ويسرطك

رحيل:(عاد عاقت بلبلان ومدات الشال لايحاه على عنقها ونطقات وهي تاضور عينيها) ياربي السلامة رادار شادة جميع الاتجهااات

أسماء:يااااختي لمسخ ولكوى تااايعيطو ليااا ههههههه

رحيل:الله يعطيناا وجهك الماااسخة

سيدرا:(جايا عندهوم وهازة إيڤانا) سومة شتي مامي عضوووها نحيلات بزاااف هنا (تاتوريها عنقهاا)

أسماء:ههههههههههه ياااربي هاد لبرهوشة شبهاني ههههه

رحيل:(حمرات الشوفة فسيدرا) شقلت ليك داك النهااار ياك قلت لكلام مايبقاااش يتعاااود؟

سيدرا:(حركات كتيفاتها بعناد) وقلتها لسومة مامي

رنيم:عنداااك قالتها داك النهار فاش رجعنا من لفيرمة قدام عمي إدريس وريان ومحمد طه ههههه قالت مامي عضوها نحيلات

خرجات رحيل عينيها وسيدرا مشات تاتجري تخبات ورى أسماء وخنرزات فرنيم: نتي خااايبة رانو أنا مخاصمة معاك

رنيم: هههه حيت حطيتك بوجهك الفارة

رحيل:(ناضت ليها) اجي لهنااا نتفاهمو على داك التبرويل لي فيك البرهوووشة هادي غير وصيييتك مشيتي قلتيهاا ويلي ويلي قدااام بابا اعباااد الله

أسماء:(مطاكية على سيدرا وتاتموت بالضحك) هههه فاش قالتها شاف فيها بابا وقال ليها كولي اسيدرا والسالوبار راااه ولى كولو حمر وحابس الضحكة بزز المسخوووط

ريان:(دخل وهو تيرد شعرو الفازك لور)سمعت سميتي

رحيل:(حسات براسها مرگات حيت واخا مضاسرة مع خوتها ولكن ضروري ماتكون حواجز بناتهوم واحترااام) والو (شافت فسيدرا ونطقات تتحلف فيها) بلاتي على والديك تاانكونو بوحدنااا

أسماء:(شافت فسيدرا) اوا فكيتك دابا ملي تكوني بوحدك معاهاا ديك الساعة فكيها لراسك

سيدرا:(تخشات فيها ونطقات) غانمشي عند ماي بلو آيز

رنيم:غانطلع نبدل علياا

مشات لبيتها هي وغزلان وبانت ليها ناعسة ومغطية كلهاا.. قربات جهتها باغا تشوف كيف بقات حيت تاهوما علماتهوم رحيل بلي جاتها لغيگل.. بانت ليها مكنززة على لفراش مباغاش تشوف حد وتاهي خلاتها على راحتها.. بدلات حوايجها وحطات تلفونها يتشارجى وخرجات مخلياها على نعستهاا.. تجمعو على لكاسكروط ورحيل عينيها على سيدرا لي كلما تشوف فيها تبقا تبحلس عليها بعوينات البابوشة .. هازة لهم لبنتها لي غاتبدل الدار لي مولفاها والعيشة لي مولفة بوحدة خرى.. متعودة على لعيشة مع جدها من لي كانت صغيرة وبحكم أنه رباها من صغر فربات عليه الكبدة حيت عاطيها الخاطر ومفششها وتاهي تاتجيب فشوشها عليه.. تبسمات بخفوت فاش تفكرات المفاجأة لي وجد ليها نوح فالرياض وعجبها بزااف داك التصرف لي زاد مخليه يكبر فعينيها..

تسمع الصونيط فالباب وسيدرا مشات تاتجري باش تحل وناضت رحيل تابعاها طلات من الشرجم وغير بان ليها إسلام وهي تقاد فولارهاا وكمشات حجبانها نيت جابو الله عندها ماتقول ليه.. طلع وهو هاز سيدرا لي تاتجيب فشوشها عليه تاهو وغير شاف رحيل وهو يتبسم وقرب جهتها مد يديه ونطق بتبسيمة:رحيل صافا

رحيل:حمدلله ونتا

إسلام:ولله الحمد (حط سيدرا وحك حاجبو) محمد طه هناا ؟

رحيل:(ربعات يديها)لا إسلام اجي معايا واحد الدقيقة (شافت فسيدرا وقالت بجدية)سيري جلسي فالصالة

مشات سيدرا بانصياع وهي طلعات لفوق موراها إسلام غاديين لسطااح.. دخلو وردو لباب ورحيل وقفات تاتشوف فيه وهي مخنزرة.. أما هو غير شافها هاكا عرف علياااش غادوي

رحيل:(بجدية) كنظن عارف اش باغا نقول؟

إسلام:(حك لحيتو)سمعي ارحيل تيقي بيا مكنتش عارف بلي هو غايشرب أنا مشيت نجيب ليه لعصير جيت لقيتو شاارب و

رحيل:(رفعات صوتها)والشراب اش كايدير عندك أصلا فدارك اسي إسلااام امول لعقل.. نتااا تاترون فحياااتك وتابع الزمرر عند بااالك راه غاينسيك اش طرا معاااك (بغا يهضر وهي تخنزر فيه) سكتت غاتسمع لياا تانكمل وديك الساعة قول اش عندك.. أناا عارفة اش دوزتي وعارفة بلي خيااانة ميس ليك دمرااااتك ومووووت ليليان هرررسك وعااارفة لحرقة لي فقلبك وتيق بيااا حاسة بيك اإسلام.. ولكن هادشي مكيعنيش تمشي وتبقااا تشرب داااك لمررررض لي عند بالك غايعاونك وهو راه تيخرج عليك.. (سولاتو بجدية) وااااش نتااا نسيتي داباا هااا قادر تنسى؟ لااا عمرك مغاتنسى حيت مكتواجهش شوووف غير أناا قبل مانواجه شنو كان تيطرا فياا وكيفاش كنت تانطيح كل مرة وأنا تانرد فقلبي ولكن نهار خرجت اااش كنت حاسة بيه وخويت على طبيبة ديالي حسييت براسي خفافيت نهااار تاضيااق بياا كانفرش صلايتي وتاندعي الله يخفف علياا حيت هو بوحدو لي قادر يهز همومي... ونتا اش كادير تاتمشي تشرب زعمة عند بالك غاتنسى ونتا ماحدك مواجهتيش ساس المشكيل راه غاتبقا ديما هاكا..(كملات بهدوء) أنا ماجيتش بااش نلومك على حالة محمد طه حيت هو واعي وعارف اش كيدير وماشي دري صغير.. أنا بغيت نهضر معااك باش نحل ليك عينيك لي باقي معمين باااش نوعيك بلي الطريق لي غادي فيها غادة بيك لتهلكة.. وخايفة عليك تعيق وتفيق ملي يفوت لفوت يقدر كلامي مايعجبكش ولكن هادشي لي تانقول ليك عن تجربة واجه اإسلام لهروب عمرو مكان حل...

مكانتش ناوية تهضر على محمد طه حيت بالنسبة ليها هو دارها لراسو.. ماضربو حد على يديه وقال ليه شرب ومغاتلومش إسلام على شنو طرا لمحمد طه... ولكن حالة إسلام مبقاتش عجباهاا حيت تاهي كانت واحد لفترة بحالو.. تاتهرب من لمواجهة وتاتمرض فصحتها على والو.. سنين ضاعو من حياتها بسباب الماضي وهاهي دابا فاش واجهات بدات الدنيا تاتزيان ليها وحياتها بدات تقااد.. عايشة فراحة ماليها مثيل مع الراجل لي عوضها وخلاها تبدل فكرتها نهائيا.. باغا تاإسلام يعيق براسو حيت بهاكا غير مكيمرض فروحو على والو وبنتو مغاترجعش ليه.. مشات وخلاتو واقف تايفكر فكل كلمة خرجاتها من فمها ولي كانت صحيحة.. هو عارف راسو غادي فطريق ماشي ديالو.. هو كيعاقب راسو على تقتو الزايدة فميس لي كانت سباب خرااب حياتو وموت بنتوو.. مقادرش يواجه داكشي علاش كيهرب بالسكرة ولكن لامتى؟؟ واش غايبقا حياتو كلها هاكا؟؟ كيمرض روحوو وتيهلك صحتتوو؟؟ تقتو فالنساا مشاات واخا يبغي يبدا من جديد مغايقدرش يعطي تقتو لشي بنت لمرا.. حيت كيف كيقولو لي عضو لحنش كيخاف من لحبل وهادي هي حالة إسلام.. تنهد ونزل لتحت فين كانت أسماء بوحدها جالسة مكونكطيا هزات فيه الشوفة وقلباتها فالبلاصة عليه.. أما هو قرب جهتها تاجلس جنبها لاصق عليها وقاال بهدوء:مناوياااش تحيدي داك لبلوووك؟

أسماء:وعمرو غايتيحد غير تهنى

إسلام:(مكمش حجبانو) عارف راسي خورتها بهضرتي ولكن مكنتش قاااصد

أسماء:(تاتكونكطى وتجاوبو فنفس لوقت ببرود) شغلك هاداك جمونفو فيك

إسلام:(معاجبوش كيفاش تتجاوبو وتنخالها ليه) شوفي فياا راه مكانهضرش مع الحيط

أسماء:(تأفافات)اوووف ابنادم قلت ليك بعد مني وااااه ندوي معاك بزز

إسلام:(خنزر فيها) دابا لاش تتهزي عليا

أسماء:سمع أنا مبقيتش باغا نهضر معاك أصلا أنا مكنحملكش وعمرك تسرطتي ليا من نهار بنتي فعائلتناا شتي واخا يغمسوك ليا فالشكلاط ويدردرو عليك لبيسطاااش مغاتسرطش ليا

إسلام:(مراضيش) وعلاش؟؟

أسماء:هاكاك مكنحملكش واااش نحملك بزز

إسلام:(كيجاوب منفخ) بلاماتربي الريش راه تانتي تتجيني تقيلة على القلب ومع دلك تاندوي معااك

أسماء:ودابا بيني وبينك كانجيك تقيلة على لقلب وأنا مكانحملكش إذا علاااش باااقي باغي دوي معايااا ؟

إسلام:(شد يديها وجرها عندو تاطاحت على صدرو وقال بهدوء) ماعرفتش علاش واخا كنتي تاتعياي ماتعايري فيا وتصعريني تكاتخليني نمد يدي عليك واخا كلامك لي كيف السم ولسانك لي خاصو يتقطع واخا هادشي كولو تتعجبيني اغزالي..

معرفاتش علاش كلامو حرك فيها شي حاجة من لداخل.. يديه لي معنقها بيهوم وعينيه لي كيشوفو فيها بهدوء وكلامو خلاها تستكين بين يديه وتبقا غير تاتشوف فيه... هي بصح مكتحملوش ولكن فنفس الوقت مكتكرهوش... فلول كانت بناتهوم حساسية وسبابها مقنع نوعاً ماا.. كيفاش واحد مزوج بوحدة ومعارفش حقيقة عائلتها؟؟ هي هاكا كانت تتفكر واخا راه تاهو ضرر بسباب ديك العائلة ولكن هي مكانتش مهتمة ليه حيت لي كيهمها هي ختهاا رحيل.. ومع مدة علاقتها معاه خدات منحى اخر وهي السبب طبعا.. وهو من داك النهار شوفتو ليها تبدلات ماشي بحال لول.. ولاكيلقى راسو حاضيها وباغي يعرف مع من تادوي وفااش كاتقلق تايحس براسو معصب وهادشي عرفو نهار وقع مشكيل كلثوم ملي شافها هاكا تعصب وبقات فيه ماشي شفقة وإنما حيت ولات مهمة ليه واخا مباغيش يقولها عين باااين.. ااه كتعجبو وبزاف وتاتجيه على لگانة وداك شدان الضد معاها كينغموو.. عاقت أسماء براسها والبوزيسيون لي دايرة هي وياااه ومن زهرهاا تاحد مشافهوم... دفعاتو تتقاد شعرها وقالت ببرود:شنو زعمة لاقلتي هاد لكلمة عند بالك غانفرح ويعجبني الحاال؟

إسلام:(حرك راسو) لا ولكن باغيك تعرفي بلي واخا تبلوكيني راه ممفارقش معاااك دابا حيدي داك لبلوك بلاعنااد لانصدق محيدو لراسي

أسماء:(هزات تلفونها دارتو فجيبها) ممحيداهش ولي فجهدك ديرو

خرجات من الصالة مخلياه جالس تايخمم فيهاا وغير هاد الشوية لي هضر معاها فيه نساتو مشاكيلو وهمومو..

إسلام: واخا عليك اغزااالي

----

رجع محمد طه ومن وجهو كيبان بلي ماشي على طبيعتو وبيه شي حاجة.. طلع ديريكت لبيتو وتخشى فيه ومانزلش عندهوم نهائيا.. ريان جاه عجب داكشي علاش طلع عندو يشوف مالو.. دق لباب ودخل عندو بان ليه جالس فالأرض ومتكي على النموسية تيحك جبهتو ومغمض عينيه.. جلس ريان قفازي ونطق باهتمام: مالك؟

محمد طه:(بصوت باين فيه لعيى)راااسي كيضرني وصاف

ريان: زيد لسبيطار نشوفو اش واقع

محمد طه:مكاين لاااش ارياان

ريان:كيفااش مكاين لاش از*بي واش تتمرضن عليا نسيتي حالتك وبلي خصك تبقا نكونطرولي عند طبيب نوض يالاه نشوفو اش كااااين

محمد طه:ريان راه مكاين والو خديت دواا وراه بدا يخفاف بلاماتشطن بااالك (ناض غادي لنموسيتو) غانعس شوية وغانولي بخير

خلاه ريان وعارفو راسو قاصح ولاقال لكلمة يديرها.. مخليه متكي ومع قلب وجهو على لمخدة شم ريحة برفانهاا.. كمش حجبانو وتقلب لجهة لخرى واخا عيى يعصر راسو يتفكر شنو وقع والو ماقدر يتفكر تاحاجة.. غمض عينيه باغي غير ينعس ويهرب من الواقع المر... شي ساعة وهو كيتقلب بلاصتو تاناض جالس شاد راسو بين يديه كيسوووط غايحماااق.. تيحس براسو مرووون من لداخل نادم على مادار والغلط لي غلط وفنفس الوقت معصب منها على كلامها لي قالت لرحيل.. باغي غير وقتاااش يرجع باه من السفر ويطلبها لزواااج والصبر مبقااش عندوو... خايف لاتصدق موافقة على اليازيد معارفش هو عقلها اش كيقول ليها ومشاعرها جهتو واخا نعسات معاه بخاطرها ولكن هو معارفش بلي هي تتبغي حيت عمرها بيناتها ماشي بحالو هو لي بين غيرتو نهار عرف بالخطاااب داكشي علااش متوقع منها كلشي..

تاتلبس سيدرا حويجاتها وهي متحمسة لسوربرايز لي موجد ليها نوح ولي معرفاش شنو هي... دخلات رحيل عندها ومشطات ليها شعرها وسيدرا غير تتسربي فيها..

رحيل:(رشات ليها ريحتها وباستها فشفتها) صافي هاحنا سالينا

سيدرا:(تتجرها من يديها) ويالاه مامي نمشيو عند ماي بلو آيز

رحيل:هو لي غايجي يدينا امامي

صونى تلفون رحيل ديك اللحظة ولقاتو هو نيت لي معيط.. ناضت غادة لبالكون مخليا سيدرا تاتلعب مع إيفانا وتاتلاهي وقتها بيها.. ردات لباب وتكات على السطارة ناطقة بنبرة هادية: نووح

وصلها صوتو لوذنيها ببحتو الخشنة وهو ناطق بهدوء: لفثناه

رحيل:(تبسمات وهي تاتلوي فشعرها فصباعها)فينك؟

نوح:(جاوبها بصوت خاثر)توحشتيني؟

تبسمات ومجوباتوش باقي مكتزعمش عليه بهاد لكلام واخا هو راه من نهار لول محيد معاها لحدود ولحشمة.. تنهد وجاوبها بهدوء:واحد لعشرة دقايق ونكون تم وجدي راسك وسيدرا

رحيل:واخا

قطعات معاه ودخلات علمات سيدرا لي نزلات تاتنقز فالدروج ورحيل هزات فولارها قداتو ومع كانت مخليا لمك اب ديالها تما وشي حوايج قلالين.. دارت عكيكر نيود وريحتها صافي.. طلات على غزلان هي لولة عاد نزلات لتحت سلمات عليهوم وغير صونى عليها وهي تخرج لعندو وسيدرا غير شافتو مشات تاتجري عندو تاتحدر وهزها بين يديه كيف لكمشة وباستو فحنكو:ماي بلو آيز حبيبي توحشتك

نوح:(باسها فجبهتها ونطق مبسم) تاأنا توحشتك اتاتبيرت إينو

هز عينو فرحيل وقشع لعكر لي واخا لونو مباينش بزاف ولكن هو راه بان ليه كيأثيري.. خرج ريان سلم على نوح وعرض عليه لدار بصواب ساعة نوح عتادر بلباقة.. مشى جلس سيدرا لور فبلاصتها مقاد ليها السمطة ومع بغا يركب سمع صوت إسلام لي كان خارج وهاز القطة دسيدرا لي بقوة لفرحة نساتهاا..

إسلام:خنفوسة نسيتي إيڤانا

عطاها ليهاا وعاد ضار سلم مع نووح وشاف فرحيل وقرب لعندها سلم عليها تاهي مودعها عاد رجع وقف جنب ريان.. ركبات رحيل فلقدام وقدات لسانتوغ وهزات يديها دارت ليهوم باي باي بعفوية ونوح حرك الطوموبيل بالسكات.. مكمش حجبانو ويد كيحك بيها لحيتو ساكت.. رحيل مدات مجابت حيت عقلها عامر وسيدرا بوحدها لي تادوي وتسول فنوح لي كيجاوبها وعاطيها لخاطر.. وصلو لرياض ونزلو بتلاتة داخلين لداخل فين كانت رحمة وسناء وبيسان جالسات مع رؤوف لي مبقاش تيسهر حيت لخدمة كتعييه نهار كولو وهو فلمحال سير هنا جي هنا مكيوصل ليل تكيكون عيى وباغي غير ينعس.. كانو جالسين فالجليسة دلقصب مع الصهد تما فين كايجلسو يتبردو..

كانت سيدرا شادة يد نوح وعينيها كيضورو على لوجوه لي قدامها تارجعات شافت فيه ونطقات بتساؤل:فين السوربرايز ديالي ماي بلو آيز

نوح:(شاف فبيسان لي غمزاتو ورجع شاف فسيدرا وجلس قفازي شاد يديها) هنا كاين بزاف دلكادو والالقيتيهوم كلهوم غايوليو دياولك

سيدرا:(نقزات بحماس)واش بصح فين؟

نوح:(جر ليها نيفها بلطافة وتبسم) خصك تقلبي عليهوم

فرحااات وتحمسات ورحيل واقفة مبتاسمة ومربعة يديها.. هي عارفة غير على لمفاجأة لكبيرة أما هادي مكانتش عارفة عليها.. بدات سيدرا رحلة البحث على لكادو ونوح طبعا كيقربها لبلايص فين محطوطين.. وهي كلما لقات شي واحد تاتبغي تموت بالفرحة ولحماس تيزيد يشعل فيها ويخليها بحال شي فراشة كاضور تما وضحكاتها تاتيعلاو مخلين عينين رحيل عليها وتاهي فرحانة لفرحة بنتها.. طلعات فدروج باش تكمل تقلاب ونوح وراها داير يديه فجياب السروال توب لي لابس وعينو عليها.. جات هازة لكادو لي لقات تما ونطقات بتبسيمة:ماي بلو آيز واش صافي سالاو

نوح:(خربق ليها شعرها ونطق) كاين لكادو لكبير واجدة ليه

سيدرا:(تاتنقز)اااه اااه بزاف

وقفها قدام واحد لباب وحلو وسيدرا غير دخلات وهي تحل فمها وعينيها مخرجين لقلوبة حاسة براسها بحال لداخلة لديزني لاند بسباب دكور دلبيت لي كان بنوتي لكوفرلي مطبوع عليه "ربونزل" الأميرة لي تاتعجب سيدرا ولي ديما تاتشبه رحيل بيهاا.. كانت نموسية كبير مضورة وفيها أعمدة مضورين بستائر غوزة رهيفة محطوطين عليها بزاف دنونوسات ولقنت كاين فيه عرارم دلكادو مغلفين.. تلفازة بلازما فالبيت ولفوطوي قدامها... دخلها لدريسينغ لي عندها فالبيت ولي كانو مستفين فيه حويجات جداد ديالها بسيتلات بنوتيين وفلايل أشكال وأنواع وسبابط تاهوما مهم مناسي تاحاجة.. وكاين فالبيت حمام خاص تاهو موجدو ليها وداير فيه شيتات دالأميرات وداير ليها داكشي لي كيعجبهاا.. وطبعا منساش فراش القطة لي تاهو حاطو ليها جنب لبالكون لي كان مسدود.. نقزات سيدرا عليه تاتحدر هزهاا وتكمشات فيه ونطقات بصوت متحمس:هادا بيتي

نوح:(بحنية) اه بيتك عجبك؟

سيدرا:اه زوييين بزااااف (باستو فحنكو)نتااا أحسن ماي بلو آيز فالعالم..

خلاها نوح فبيتها تاتحل لكادو لي جايب ليها ونسات فديك اللحظة مها ومسولاتش عليها.. دخل لجناحو لي كان جنب البيت أو ودنيه كيلقطو الحس لي ماسمعش ليه.. حل باب بيت النعاس وضور عينيه مبانتش ليه عرفها غاتكون جالسة لتحت معاهوم.. جبد تلفونو وسيفط ليها مساج وحطو يتشارجى..دخل لدريسينغ وبدا تيحل فالقميجة تازولها ولاحها فالسلة لي فيها لحوايج موسخين.. بقا تيضور بصدرو لعريان مكمش حجبانو تاسمع حسها على برا.. مع دخلات لبيت زولات الفولار باش تفوه.. لاكليم لي فلبيت مخلية لجو عادي ولكن لتحت صهد.. قربات جهة دريسينغ وبان ليها واقف هاكا وسمطة محلولة.. سرطات ريقها وبدات تاضور عينيها عليه ومع بغات تسلت سمعات صوتو لي نطق بهدوء:قربي

دخلات وهي تاترد گصيصتها لعندو وهو هز فيها عينيه تاقربات جهتو وجرها من يديها تاتضرب صدرها مع صدرو.. ديما كيغفلها وتيخليها غير كاضور عينيها بحال شي مونيكة وترمش فيه.. أما هو مد يديه تيتلمس حناكهاا وقاس بإبهامو شفايفها رطبين ونطق بهمس:شگلنا على هدا؟

رحيل:(دوبها بلمساتو وبصوت خافت نطقات) مكيبانش گاع

نوح:(ضربها بجبهتو فجبهتها بلطف وقال بتقالة) وكيف بااان ليا أنا ؟؟

رحيل:(بدات ضور عينيها وقالت بهدوء)ماعرفتش

مجاوبهاااش قرب جهتها واخد شفايفها فقبلة خلاتها تنسى كلشي... مغمضة عينيها ومستحلية ديك لبوسة لي تحولات لقبلة فرنسية قوية.. تهزات من الأرض بيديه لي مطلعها لعندو بااش ياخد راحتو وهي حطات يديها على كتفو مسندة بيه ولفرشات تيلعبو فكرشها.. تابدات تاتخنق والسيد محاسش بيهاا غارق فشفايها تابدات تاتحرك بين يديه عاااد حل عينوو وقبل مايبعد عضهاا واحد لعضة خلاتها تلوى بين يديه وتكمش حجبانها مقصحة.. طلق من شفايفها ويديه باقا شاداها ورحيل حطات يديها على فمها تاتبرد حر العضة لي عضها ونطقات بصوت خافت: حشووومة عليك

تيلعب فشعرها وعينو عليها مبرد ونطق بلهداوة: لي مكيسمعش لهضرة هادشي لي يصلاح ليه (تحنى لعندها وحك نيفو مع نيفها) بقاااي تسمعي لهضرة لامبغيتيش نعضك

رحيل:(تاترجع لكصيصة وتاتشوف فوجهو لقريب ليها) تاتقصحني

نوح:نتي هشيشة الفثنة

دفن راسو فعنقها تايهرها ونزل يديه لمؤخرتها وقرصها تم وهي بدات تاتحرك بين يديه وضحك.. خرجها من الدريسينغ وتمشى بيها تال لفوطوي وجلس مجلسها عليها وكل رجل فجيه.. بدا كيطلع ليها ديك الكسوة لي لابسة تازولها ليها وبقات بضوني وشورط.. حط يديه على فخادهاا ونطق بنبرة جدية: واحد لحاجة خصنا نتافقو عليهاا الفثنة

رحيل:(حركات راسها) لي هي؟

نوح:(تايدوي ويديه طالعة هابطة مع فخاضها بشوية كيبورشها) بخصوص إسلام ودوك التصرفات لي كيدير معاااك مانبغيهومش مزااال

رحيل:(حلات عينيها بتفاجأ) ولكن إسلام راه بحالو بحال محمد طه وريان وهو صراحة محتارمني وعمرو قلل عليا الأدب ولاتصرف شي تصرف مزوينش

نوح:(شاف فيها بجدية)ماشي خوك وماشي من لمحارم ديالك ارحييل نتي تقدري تعتابري دوك التصرفات عاديين ولكن أنا لا مرتي مانبغيهااش تشد الجماااعة مع شي ولد لمرا كيفما بغاا يكووون

جيديتو فالأمر خلاها تستغرب وتفكر نهار لمشكيل دالنقاب فاش سولها شنو بينها وبين إسلام وتخمم فكلامو أما هو باقي داك لمنظر لي شاف نهار الصدقة.. ديالها هي وإسلام لي كان حاط عليها يديه محفور فدمااغو مخليه منرڤز وتانهار لجنازة مخفاش عليه كيفاش كان تيتعامل معاهاا.. تصرف إسلام عفوي ومقاصد فيه والو ولكن بالنسبة لنوح تصرفاتو مكتعجبوش معاها وديك الضسارة لي مولفها مباغيهااش تبقى من هنا لقدام .. فديك الساعة كان ساكت حيت مكان بينو وبينها والو ولكن هي دابا حلالو عليها خص يشرح ليها هاد النقطة باش من هنا لقدام مايكونش مشكيل بسباب هاد الموضوع..

رحيل:(تاترجع شعرها لمور ودنيها وتهضر بهدوء) أنا أصلا عمري ضسرت عليا شي واحد وإسلام سنين وهو معانا بصح ماشي من عائلتنا ولكن جمعاتنا مواقف خلاتو يولي من العائلة ونعتابرو فمقام خويا انووح

نوح:(ملامح الجدية مرسومة على وجهو وبخشونة) عااارف مرتي اش كتسوى ولكن الحدود ضرورين ارحييل (شد يديها لي بدا لحنا كيمشي منها وشاف فضفارها لي مقطعاهوم وبارداهوم مع الصلاة وباس راحة يديها بوسة قوية حسات بعضام يديها غايتهرسو منها ونطق بهدوء وصوت أجش) هاد ليدين مانبغي تاااولد لمراا يحط يدو عليهوم حيت غانهرسها ليه..

يتبع...