محتوى القصة
هزات بيسان راسها بالدعقة وخرجات عينيها فيه ممتيقاش اش كيخرج من فمووو.. أما نوح ملامحو كانوو باردين وعينو الزرقين كانو كيشوفو فوجه خوه لي كان واقف مربع يديه.. حرك نوح راسو بهدوء ونطق ببرود:الله يسلمك اخويا
ماتحركات تاشعرة فرؤوف لي فهم هضرتو حيت ملي تضرب وفاق مجاش عندو يشوفوو ولايطمن عليه وتانوح مسولش عليه ودابا فاش جاا عواض يقول ليه على سلامتك جبد ليه لورث لي لا لمكان ولازمان مناسبين باش يهضرو على هاد لموضوع.. ناضت بيسان مخيخة ونطقات بعصبية:واش نتا مريض فمخك؟؟ خوك رجع من لموووت وبلاصة ماتجي طمن عليه جااااي كطلب بحقك من لورث صافاپا
رؤوف:(خرج فيها عينيه) الانتي عاجباك هاد لحالة أنا طلعات ليااا فصحتي وهااادوك فلووس بّاا يعني حقي
بيسان:(بسخرية) حقك ياااك اوا اسيدي الاكان حقك علاش نتااا مخدمتيش على هاد حقك وزدتي كبرتيه هاااء
رؤوف: مكندويش معاك هضرتي معااه هووو
بيسان:هاااادااا راه خونااا لكبير سمعتي ماااشي هووو والامجاوبكش هو أنا نجاوبك اسي رؤوف لمفشش شفتي حياتك كيف دايرة هاااا لاخدمة زينة لاقراية مسگدة كتاااافك قد السخط وفعمرك 30 عاااام وباااقي لداباا مداير تاشي حاجة مسگدة فحياااتك معووول على فلووووس بّااك لي تتخسرهوم فالقصااارات وعلى الووسخ
نوح:(بهدوء) بيسان
بيسان:(شافت فيه وهي تترعد) مغانسكتش اخويا واااش ماشفتيهش باااغي يشتت شملناا (شافت فرؤوف) واش عارف الامشى تاتفرق لووورث كلشي غايتشتت هااا داكشي لي كااان بّانا الله يرحمووو كيتقاااتل عليه نتا غاتجي بلبااارد وغاااتريبووو
رؤوف:(غوت عليها) علااااش غايريب هااا ياك نتي بدوك لفلووووس قريتي وخدمتي ياااك هو بدوك لفلوووس شرا لميزون دوڤواتيغ وشراا لفيرمة علاااش تاواحد مقاااال ديك الساعة الشمل يتشتت ولاحيت هووو نوووح لكبييير مول لعقل لي دااار هي لي كااااينة وهووو مول لحق يااااكي اااافيقي ابيسااان هااد راااه باغي ياخد لينا حقنااا وكيسكتك بدوك لفلوووس لي كيلوح ليك مرة مرة ونتي كيف لبهلة متيقااااه ولكن أنااا مغانسكتش وهاااداااك حقي وأنااا باغي حقيييي
بيسان:(جرات شعرها بلغدايد وغوتات مخيخة) راااك نتاااا مريض الخراااا وااااش عارف اش تتخرج من فمك وااااش نسيتي نهااار بّاااانااا مااات شكووون وقف معااانا وهز لحمل علينااا وااااش نسيتي هااادشي
رؤوف:(تيشير بيديه) هااااادشي دااااارو لرااااسو بااااش يبااان وااااعر وبااااش يااااكل حقناااا المكلخة
بيسان:(مكرهاتش طير عليه بنتفة) هاااااويلي واااش بغيتي تهبلني اااشمن حق كللللى الخرااا اشمن حق رااااه حقنا باااقي كااين وداااكشي لي عندوو راه ديااالو هووو بفلوووسوو هوو ماشي فلووووس بّاناا
رؤوف:(حط يديه على نصو ونطق بسخرية) كدب عليك زوووج كدبات ونتي تيقيته بسيييف تقولي داااير ليك السحووور باش تبقاااي تابعاااه وتجي فصفووو عند بااالك أنا متيق بلي ديك لميزون دوڤواتيغ لي طايحة بزبااالة دلفلوووس وديك لفيرمة لي قدها قد السخط من فلووووسو على ماااالو وزيررر هااادااك راه غير حقناا لي كلاااه لينااا ونتي ومك عطيتووووه السوااارت فيديه
بيسان:(حركات راسها بلاحول) شتي لهضرة معاك بحال لاكنكب لماا فالرملة
رؤوف: كلكووم فاهمين وكلكوم عارفين ورؤوف بوحدو لي جاهل ياااك
بيسان:كون غير كنتي جاهل نسرطوهاا نتاا راه أنااااني ومحساااااد ارؤوف ايييه كنت ديماا شحال هادي نعطيك فالاعدار ونقول باقي طااايش وباقي مواعيش ولكن داباا مبقاا ليك تاعدر اولد مّي وبّا حيت لي كاين هو هادشي لي قلتووو
رؤوف:(تبسم ببرود وشاف فنوح) عجبك لحال يااك هانتا خليتي ختي تقلب عليا مرتاح دابا
هز نوح عينوو كيشوف فيه بشوفااات فشكل وماهضرش.. وبيسان قربات جهة رؤوف وقلبات ليه وجهو تشاف فيها وقالت بجدية: أنا ماشي بنت صغيرة لي يضحك عليها لواحد بزوووج كلماات عندي عقلي كنفهم بيه وعيني كنشوف بيهووم وشفت نووح كيفاااش ضحى بحياااتو على قبلناااا شفت تماارة لي ضررررب علينا وشفت الدررررك لي هزووو بوحدوو وعمروو ماتشكى عليناا ولاقاااال عييت ومليييت ملي كنتي نتاا كاتعيش حياااتك خوك لكبييير كااان مكاااالي عليا وعليك الدق ولكن حيت نتا لأنانية لي فيك ممخليااكش تشوف هاااادشي اخويااا
رؤوف:(شاف فنوح وقرب جهتو تاوقف جنبو) دابا هضرة بلخااطر والامبغيتيش تعطيني حقي بلخاااطر كاااين لقانوون
بيسان:(خرجات عينيها من هضرتو) رؤوف
نوح:(هز فيه راسو وشاف فيه مدة عاد وقف تاتقابل معاه وقال بهدوء) واخا ماقلتي عيب بغيتي حقك غتااخدوو وديك الساع عوم بحرك وهز مسؤوليتك لراسك (هز صبعو فوجهو ونطق بجدية) ومشاكيلك فكهوم لوحدك..
رؤوف:(زير على يديه وتبسم بسخرية) متخافش نهار غناخد حقي أنا غانهنيك مني وعتابر خاوتنا سالات..
مع نطق بهضرتو قلب وجهو وخرج من الشومبر مخلي نوح واقف كيشوووف فالخواا وبيسان عينيها خارجين مصدوومة من هضرة رؤوف لي نطق بيهااا.. هي كانت تاتوقع كلشي ولكن باش يسالي لخاوة ديالو مع خووووه بهاد البساطة ولبرود كانت قاااصحة بزززاف.. كيفاش عندو لخاطر يقول ديك لهضرة لي عارفة غايجي النهار ويندم عليها ندامة لي مغاتنفعو فيها لاسماحة ولابكاا.. هزات عينيها لمغرغرين تاتشوف فضهر نوح وكتافو طايحين وراسو لي كان حادروو هي عارفة بلي واخا ماهضرش ولكن مقصصصح.. قربات جهتو وحطات يديها على كتفوو ونطقات بصوتها لباكي:خوياا
نوح:(تنهد تنهيدة طالعة من لقلب ونطق بهدوء) خلينا نمشيو
حركات راسها وهزات صاكها وتبعاتو لقاتو غادي فلكولوار كيتمشى بشوية ويديه فجياب سروال التوني.. خرجو لبرا وتمشى جهة طوموبيلة بيسان ركب فلقدام وهي جات ركبات بلاصتها وشدات طريق لرياض فين كانت العائلة تتسنى خروج نوووح لي كان غير ساكت وحاضي الطريق وعقلو كيف ديماا غايب.. بيسان كان قلبها واكلهاا على لحالة لي وصلو ليها لخوووت.. ديما رؤوف كان مبعد عليهوم وكان عايش فقوقعة لرااسو وفاش كبر خلاااص زاد بعد وباااان حقدوو وكرهوو لخوووه لكبير لي مكان عندو تاشي سبب بالنسبة ليها هي.. حيت شافت بعينيها كيفاش خوها شد بلاصة باهووم وهو باقي صغيرر تقاتل وكبر لعائلة وكنية السليماني زاد تعرفااات.. هي شافت حوايج لي رؤوف مشافهومش ولانقولو الغضب عمى ليه عينيه وخلاه يشوف غير لي بغى.. طريق كلها تاهي كتفكر تاوصلو لحومة وهو يقرب عندهوم لمحجوب لكونسيرج وطل جهة الشرجم دنوح: على سلامتك اولد لحاااج
نوح:(تبسم ليه بهدوء) الله يسلمك المحجوب
حركات ليه بيسان راسها وكملات طريقهاا تاوقفات قدام باب الريااض ونزل نوح هو لول عاد هي وراه.. ومع دخل لقى موو وگاع لعائلة واقفين كيتسناااوه.. تبسم ليهوم ورحمة قربات جهتوو وعنقاااتو بحب ونطقات بفرحة باينة فعينيها لعسلين: على سلامتك اولدي ومرحبا بيك فدااارك وسط حبابك وناسك
زاينة:(قربات عندو ومع قصيرة تحنى جهتها تاباستو فجبهتو وباسها فراسها ونطقات بحنية) تكاتن تيگمي تلاااس فلاغ ماش ايسدكاا توشكيت تيسفيو داغ "كانت الدار مظلمة علينا ولكن غير جيتي وهي تنور تاني"
نوح:ايكمياج ربي ازينة نو "الله يخليك ليا"
قربو رجال لعائلة يسلمو عليه ولعيالات غير من بعيد سلمو عليه.. دخلو لداخل وهو مدرع زين العابدين لي قدو فطولة تباركالله.. جلسو فالصالة وجلس معاهوم واخا رحمة قالت ليه يطلع لبيتو ولكن هو مبغاا يخلي لحباب لي جاو على قبلو يشوفوه.. شحال صعييب يكون لبعيييد واقف معااك وفجنبك ولي قريب ليك مخليك وحدك.. كان نوح ساكت لجلسة كلها غير كيسمع لهضرة ومرة مرة يجاوب بكلمة ولازوج تاقال ليه جدو يطلع يرتاح عاد ناض غادي لجناااحو.. دخل وجبد تلفونو وأول حاجة دارها دوز نمرة لمحامي لي جاوبو بعد رنات قليلة:ولد لحاج على سلامتك كيف بقيتي؟
نوح:ولله الحمد اسي رفيق عيط ليك غير على قبل لورث دلواليد الله يرحمو جا لوقت لي يتفرق فيه
رفيق:واش غير رؤوف ولاتابيسان
نوح:(تنهد) بزوج بيهوم بغيت كل واحد فيهوم يشد حقووو
رفيق:واخا اولد لحاج وبنسبة الأرباح دلمشاريع لي عند لمرحوم؟؟
نوح:كيف لعادة كل شهر يوصلهوم حقهووم وأنا نحيد اللومة علياا
رفيق:(بهدوء) خوتك خصهوم يحمدو الله حيت نتا خوهوم وضامن ليهوم حقهووم
نوح:(نطق وهو ساهي) هاديك غير أمانة تحطات فرقبتي وجا لوقت لي ترد الأمانة لماليهاا..
قطع لابيل وحط تلفونوو جنبو وبقا على جلستوو كيتفكر الهضرة لي قال رؤوف ليوووم.. لهضرة لي مايمحيها لازمان ولاندامة.. الهضرة لي هرسات ليه خاااطرو وخلاااتو يشووف نتيجة تمااارة لي ضرب على قبلو اش كااانت.. ملي كان هو يدمر ويكبر فالمشارع كان رؤوف يعطيها لدوران ولحياة السعيدة.. ملي كااان هوو سامح فحياتو على قبلوو وقبل مصلاحة خوه ومستقبالو كان رؤوف عايش لحياة.. لوقت لي كان هو يتگدم ويهز الدقة عليه باش خووه مايتجرحش وميتأداااش.. ضحى حياتو على قبل خوووتوو وهو منادمش وعمروو غايندم حيت بالنسبة ليه هو دار لحاجة لي خصها تدااار وكون كان باه عااايش كون دارهاا.. يمكن وصلات لوقيتة لي يرجع فيها لووور ويخليهوم يعيشووو حياتهووم كيف بغاااو هوو دار لي عليه وخوتوو مبقااوش صغاار وكلهوم كباار وبعقلهوووم عارفين الصح من الغلااط..
نوح:(تنهد وعينو فلخاتم لي فصبعوو وبصوت هامس نطق) عطييت لي عندي ومابقا ليا مانزيد..
سبحان لي يبيتها فشان وبصبحها فشاان.. قدام مرايتها تاتحط اخر لمساتهاا وهي حاسة بواحد الشعوور فشكل ماعرفاتش اش هوو.. ملي فاقت وقلبها حاسة بيه كيضررب ومعدتها مزيرة عليها.. تنهدات وحطات لعكر فوق الطبلة وشافت فمظهرها النهائي.. سروال توب كحل واسع مع سبرديلة بيضاا وشوميز بيضاا وفوقهاا ڤيست طويلة واسعة سداهاا وفولار كحل.. هزات صاكها وشافت فسيدرا لي ناعسة تبسمات ليها بحنية ونزلات لتحت لقات غزلان جااات.. هاد لبنت رتاحت ليها رحيل ومعرفاتش علاش أسماء معجباتهااش؟؟ قربات جهتها ونطقات بهدوء:صباح الخير
غزلان:(ضارت جهتها وتبسمات ليها) صباح لخير
رحيل:شكون حل ليك لباب؟
غزلان:سي إدريس حيت مشى يجيب لبتيپان ولخبر
رحيل:(حركات راسها) نعاونك؟
غزلان:لا ساليت عمرت لقهوة وأتااي وحطيت لفطور كانتسى غير تفيقو..
رحيل:مقارياش ليوم؟
غزلان:لا لمتحانات أصلا غايبداو السيمانة الجايا وأنا غانبقا نتعطل بعض لمرات
رحيل:ماعليش قرايتك هي لولة نتي غير علميني وصاف
غزلان:صافي راه جبت معايا فوطوكوبي دلكارط ناسيونال مگاليزيا نسيت نعطيها ليكوم لبارح
مشات لصاك هزاتو وجبداتها منو ومداتها لرحيل لي شافتها وحركات ليهاا راسهاا.. مدازش وقت وكان إدريس راجع جايب لبتيپان ولباگيط وريان تاهو نزل وجر لكرسي جلس ونطق ببحة:صباح لخير
بدا فطورو وباين فيه ماشي على برجوو وكل مرة يشوف فغزلان لي كانت جالسة تتفطر.. ناض وشاف فرحيل لي تاهي ناضت ودعاتهوم وخرجو بزوج وريان كيفكر فهضرة رنيم لي قالت ليه..
🔙🔙
رنيم:مارتاحيتش ليها وخايفة تكون من طرف بدر الدين نتا عارفو قادر على كلشي وخصوصا دابا فاش رجع لداخلة
ريان:(كمش فيها حجبانو)ونتي باش عرفتيه رجع لداخلة؟
رنيم:علي سيفط ليا مساج (جبدات تلفونها وراتو ليه) هانتا شوفو
"عنداك يسحاب ليك غاتهناي مني ازوينة ديالي دابا فاش رجعت لداخلة بصح مكاينش حداك ولكن فأي لحظة غاتلقايني عندك"
ريان:(شاف فيها ونطق بجدية ) شنو بينك وبينو وعلاش حاط عليك ؟؟
رنيم:(حدرات راسها) ملي كنا فالداخلة مكنتش تنشوفو بزاف ولكن فيما كنت تانشوفو كنت تنحس بشوفاتو غراب لياا وفشكل ولكن من نهار وقع لمشكيل وخرجت من الدار وهو تابعني بحال ظلي فيما مشيت تانلقاااه
ريان:(قاطعها) يعني كيبغيك؟
رنيم:(تنهدات) يمكن اه يمكن لا مابقيتش عارفة شنو باغي مني ريان أنا ماشي كارهة ديك لبنت ولكن خايفة.. خايفة يكون بدر وراهاا يمكن نتا غير سامع بفعالو ولكن انا عشت معاه وشفتهووم ورحيل عارفة هاداك المريض اشنو يقدر يدير عليها خصنا نتأكدو من ديك لبنت..
🔜🔜
كلام رنيم منطقي من جهة ومن جهة فاش كيشوف غزلان تتبان ليه بنت النااس ودرويشة حس براسو تخربق ومبغااش يقولها لرحيل باش ماتخلعش وتاأسماء الاساقت لخبار غادير لحيحة تلف تلفة خاايبة.. وبقوة التفكير ماحسش بطاكسي لي وقف ورحيل لي عياات ماتعيييط ليه وهو مرفوووع تاشاف فيها ونطق بهدوء:بسلامة
كمشات رحيل حجبانهاا ودخلها الشك فاش شافتو هاكاك.. تنهدات ومع ضارت بانت ليها لBMW دنوح وقفات قدام لميزون دوڤواتيغ شافتها وحسات بقلبها رجع يضرب بحال شي مضخة فصدرهاا وصوت دقاتو تيتسمعو فودنيهاا.. عيونها تعلقو فلباب لي تحل وفيه هو بلخصوص لي كان نازل بسروال توب كحل مع شوميز كحلة وجاكيط نفس اللون.. بقات رحيل مطلعاه بشوفاتها تاوصلات لوجهو لي كان تيباان ليهاا مغير على كيف مولفاااه.. وفديك اللحظة هز عينو ولمحها واقفة تتشوف فيه.. نفس المشاعر لي مولفة تحس بيهوم فحضورو وبلا ماتحس رجليها قادوها لعندو تاوقفات قدامو ونطقات بتبسيمة خفيفة:موسيو السليماني على سلامتك
نوح:(عيونو تسارات على وجهها كامل وبصوت هامس قال) الله يسلمك
تبسمات ليه بخجل ونزلات راسها داخلة لداخل وهو وراهاا ومخلي مسافة بينو وبينها.. تمشات جهة الدروج وبقات طالعة بشوية تاسمعات صوت الخطوات عرفاتو وراهاا.. لمشية تخربقات ليها وحسات بتوثر رهيب واخا كان طالع ومهبط راسوو مكيشوفش فيها.. بقات غادة تاوصلات لربعة درجات لخرين وهي تكربع وجات على فمهااا وتسمعات ديك زدف لدرجة هادوك لي لتحت بقاو يطلووو أما نوح هز راسو بزربة وبانت ليه بديك الطيحة ومكالية بيديهاا قرب جهتهاا ونطق باهتمام: واش نتي بخيررر تقسحتي
مقدراتش تهز راسها وتشوف فيه هي بصح تقصحات ولكن حركات راسها بلا بلاماتنطق وجمعات لوقفة وهي تتنفض حوايجها وهزات صاكهاا ونوح بقا مركز معاها تاشاف يديها لي مجروحين بزوج مع فاش طاحت كالات بيهوم فلحافة ديال الدرجة... كمش حجبانو وقرب جهتها تاوقف قدامها وبجرائة جر يديها لحمرين الرقاق كيشوف فيهوم ونطق بهدوء:كضرك الجرحة؟
رحيل:(حركات راسها بلا ونطقات بخفوت) لا احم
نوح:ردي لبااال لراسك ارحييل
كل مرة كيعيط ليها بسميتها تاتحس بدغدغة فمعدتها.. وتبوريشة طالعة مع أطرافهاا عكس السخونية لي تتخرج من حناكهاا.. جرات يديها وحركات راسها باه وكملات خطواتها بسرعة باغا تهرب منو ومن أحاسيسها لي كيف لفتيلة كيضويو ظلام حياتها..
حاطة يديها على خدهاا وكضرب بالستيلو مع لبيروو وبالها كيفكر غير فلمشكيل لي وقع بين خوتها هي دابا بين نارين نار رؤوف ونار نووح.. وبزوج عزازين عليها ولكن بدون كدب هي عزيز عليها نوووح بزااف حيت هو كان خوها وباها داكشي علاش هي متعلقة بيه وزيد شنو دار على قبلهوووم هي مناسياش وماشي نكارت الخييير بحال رؤوف.. حاولات تعيط ليه وتحاول تهضر معاه بلهداوة ساعة مكيجاوبهاااش داكشي علاش رجعات لور حيت ماعندها مادير.. شافت فالساعة لقاتها وقيتة دخروجها داكشي علاش ناضت وبدات تتجمع فربيج ديالها وخرجااات غادة جهة الباب تاسمعات صوت رجولي كيعيط ليهاا ضارت وبان ليها واحد خونا طوويل وكتافو عامرين وعندو لحية خفيفة وكيبان فأواخر الثلاتينات.. قلبات عينيها ببرود وهو قرب جهتها مد يديه ونطق بابتسامة واسعة: بيسان صافا
بيسان:وي ونتا
شاف فيهاا شوفات هايمة:بشوفتك الزين
بيسان:(بجدية) معاد بلااش من دووك لهضووور نتا عارفني مكنحملهووومش؟
معاد:وقتااش غاتحني فياا وتخليني نجي لدراكوم
بيسان:مباغاش نتزوج غير تهنى وديها فمرتك هي لي غادوم ليك
معاد:(كمش حجبانو وقرب جهتها) كاين شي واحد خر؟؟
بيسان:اه
معاد:(بعصبية)شكون؟
بيسان:خدمتي
قالتها ببرود وعطاتو بضهرها غادة وهي محاملاهش تتحس بيه لصقة من نهار خدمات هنا وهو حاط عليها لعين تاهو طبيب عام عجباتو وفيما يشوفها يبين ليها إعجابو وصارحها بلي باغيهاا ولكن هو مزوووج يعني السيدة باغيها مراا الثانية وهي أبدا واش تقبل على راسها دخل ضررة على شي بنت لمرا...
---
نهار كولو وهي تتفاداه وفيما يبان ليها واقف فشي بلاصة تقلب الطريق.. باقي السخونية ديديه تتحس بيهاا فيديهاا وريحتوو تاهي لصقات فيها.. مع وقيتة دلغدا مشى ياسر يتغدا ورجاء مشات تجيب غداها هي ورحيل وكانت وحدها مكملة لخدمة تادق الباب وبان ليها سعيد داخل جهتها مبسم هزات حاجبهاا حيت عمروو ماتبسم ليهاا فحياتو
سعيد: رحيل صافا مامشيتيش تغداي
رحيل: مشات رجاء تجيب لغدا
سعيد:كون قلتيها ليا كون جبتو ليك هه
رمشات بعينيها كيف لمونيكة ممتيقاش اش سمعات وممتيقاش واش هادا نفسو هوو سعيد لي من نهار حطات رجليها هنا وهو يتهز ويتحط عليها كيف لگلية.. مالو تبدل ولى جوونتي لهاد الدجة
رحيل:ماعليش موسيو سعيد
سعيد:ياك مالقيتيش شي مشكيل فلخدمة كلشي هو هاداك
رحيل:وي شكرا
سعيد:يالاه نخليك دابا بسلامة
مشى ورحيل بقات غار تتشوف ومفهماتش من نهار زولات النقاب والسيد تبدل مية وتمانين درجة ياك اودي لباس عوجات شفايفها وربعات يديهاا ترجعات رجاء جايبة لغدا..
نزل سعيد وتمشى جهة لكولوار لي فيه لحمامات ضور راسو ومع ماكينااش كاميرا فديك الجيهة خدا راحتوو وقرب جهة بهيجة لي كانت واقفة تتسنى فيه وقالت:ماكملتيش لياا خلاصي
سعيد:(بعصبية) ياك قلت ليك مانهضروش هنااا
بهيجة:مكتجاوبش فتلفونك وأنا باغا كمالت لفلوووس درت لي عليا وسديت عليها لباب كيف قلتي وسمعت هضرة من عند سي السليماني ونقص ليا من لخلاص
سعيد:راه شديتي دوبل دخلاصك تت سيري تال من بعد ونعطيك
بهيجة:احنا غانشوفو
جرات المكينة باش كادير لميناج وخرجات وهو بقا واقف مدة عاد تبعها باش مايعيقش..
----
من نهار ساقت خبار الحمالة دتانيرت وهي ساكتة وغير جالسة تتخمم اش دير.. مبقات حاملة راسها وهملاتوو والفقصة تتاكل فيهاا.. بقاات حاطة تانيرت فعقلها تاولات مريضة بيها لحسد ولغيرة خلاوها ماتشوفش غلطها وتفهم راسهاا بلي هي لي سباب الشي لي وقع وبلي هي لي خدات ليها راجلها عند بالها هي صح والناس كلها غالطة.. دخلات عندها إيطو وهي متكية على عكازها ونواضرها الشايبين خارجين من داك الحايك لي لابسة فوق راسهاا كمشات فيها حجبانها ونطقات: واش تي مغاتنوضيش تغسلي دووك الحواااايج شوية ويوصلو عد الجيرااان باركة ليا هناا تي مالكي محنية
مجوباتهاش كلثوم وإيطو تفقصات هزات لعكاز نغزاتها وقالت كلثوم ببرود: اش باغاااا؟
إيطو:باغاا يجي عزراين يديك عندوو يهنيني منننك تي نوووضي تحركي
كلثوم:(مجننة) بعددددي مني امي رااااه غانتفرگع عليك
إيطو:(صبعات ليها) هاااااكي الكلبة لمدلووولة يالي تااابعة غااار رااجل بالسيف مايخليك ونتي لاصقة فقزيبتو تاكرهتيه فييييك ايييه الشلحة هي لي دات لقلب ولعقل ونتي هااااشنو ديتي
كانت هضرة إيطو غير مكتزيد تزندها وهي أصلا كارهة عيشتها وحياتها وزهرها لمكفس لي طيحها فعائلة ماعندهوووم عشى ليلة وزيد الراجل لولاني بات أسماء تاهو مقنعهااش ومعمرش ليها لعين ونهار بغات إدريس ولعبات وضارت عليه طار من يديها بحال الريح
كلثوم:(خرجات عينيها فمها) مغاتهنااش والله مانخليها تهنى وداك التيلاد ايلا تزاد راااني قح*بة
إيطو:(شافت فيها وكمشات دوك لحجبان) اش غاديري؟
كلثوم:(بعصبية)ماعرفتش ماااعرفتش
إيطو:(بمكر) سحرررري ليها
هزات كلثوم عينيها كتشوف فمها لي كانت تاهي كتشوف فيها بدوك الشوفات لخبيثين.. تيقولو قلب البرمة على فمها تخرج لبنت تشبه لمها هي ديالتهوم لخبث والحسد والتحراميات لي فإيطوو رضعاتهوم منها كلثوم.. بلاصة ماتتنصحها إيطو تجمع راسهاا وتنسى عليها إدريس وتأنبها على فعايلها كانت تتزيد تشعلها وتخليه تفكر فماكفس.. وعقل كلثوم بدا يفصل ويخيط فهضرة مها.. السحووور هو الطريق لي فاش تيمشي فيه لوااحد عول عليه عمرو مايرجع مزااااال حيت صافي الشيطان كيولي يزين ليك الأمور وبلي داكشي لي تادير هو لي خصو يدار ناسين بلي راه تيشركوو بالله عز وجل.. باش أنك تفكر تأدي شي واحد فصحتو وفعقلوو فنتا قطعتي يديك من رحمة الله.. رجعات إيطو شافت فبنتها وقالت بخبث: ياك ابنت كرشي فرقتيها معاه ودرتي لعجب وفلخر طلقك ورجع ليهاا ونتي لي ديتي لعيييب وهاهي دات ليك تاولادك مبقاااو حاملينك والامعيطتيش ليهوم عمرهوم يعيطو ليييك
كلثوم:(بحقد) بغيتها تشوف لمرار
إيطو:(كمشات عينيها) واحد لفقييه كاااين ف**** خدمتو دقبطلا من لول يبان لعربووون خصك غير تحركي جيبك ليه
كلثوم:وتي شكون وراه ليك؟
إيطو:(ببرود) نسيتي مرااات جلالي لي كااان باغي يتزوج عليهاا ويجري عليها من الدار شكون عاونهاا ياك هو لي خدم ليهاا المحبة تاولى يموووت على تراب رجليهاا وهاهو داير ليها كي لما لقليل..
كلثوم:(حكات يديها) بعيد شوووية علينا
إيطو:لي بغاا لعسل يصبر لقريص النحل تي بغيتي كلشي يجيك بلبااارد
كلثوم:واخا نمشيو ليه ولكن تمشي معايا
إيطو:(هزات يديها لمكمشة ولي موشومة تاهي فوق يديها وحركات صبعها بلا) لا لا لا اخويتي بغيتي شغلك سيري ليه وحدك أناا مدخلينشاااي فمصايبك راااني غي ولية دروويشة مقداشاااي على تمااارة والمشاكيل
كلثوم:(بغيض) وشنو نمشي تم وحدي راااه خويا مايخلينيش
إيطو:تي قولي ليه غادة نجيب شي سخرررة وسيري مالو غايبقا مرافگااو واتي نوووضي داباا جمعي ديك الروبيييج رااه الدار خنااازت بزفووورية النعاااس تت (تكات على لعكاز وناضت كتكتم) نمشي نصلي صلاتي
غير مشات إيطو وهي تنوض كلثوم غادة جهة لبلاكار وبين لحوايج كانت مخبية صنديقة فيها دهب لي تكساااب هزاتووو دارتو فزيف حياتي ودارتو فصدرها وخدااات لفواطة لبساتها وحزمات ييجامتها لكبيرة ومشات تزرب على دوك الحوايج حيت غايبقاو تابعينها هي وحدهاا.. طلعات لسطح وخدات جفنة دارت فيها لما ولحوايج والتيد وطلعات تاتشتف عليهوم وتغكر كيف دير تخرج غدا وتمشي لعند لفقيه لي قالت ليهاا مها عليها واخا بعيد ولكن خصها تشوف بعدا خدمتو.. بقات فالسطح تاصبنات ونشراتهوم عاد نزلات وبيجامتها كلها ساردة بلمااا مشات بدلاتها وخرجات لصالة الصغيرة لقاتهم تيتعشاااو مع مشى لحااال جلسات كلات معاهوم شي دغمات وناضت لبيت باش تنعس.. ومع الستة دالصباااح كااانت كلثوم لابسة جلابتها ودايرة زيفها ولبسات صابوهاا وخرجات تاتسلت من الدار قبل مايشوفها خوها وتولي فمشكيل كبيييرر.. ضربات واحد طوالة ديال الطريق مع دارهوم جات فالخرررجة دلمدينة.. بقات تمشى وحدها وسط لخلى بحال لحلوووف مخيفااش يخرج ليها شي حد فداك الظلااام مع بااقي ماطلع الصباااح.. ضربات جبووود ديال الطريق وخرجات جهة الطاكسيات وهي تنهج ركبات وبقات تسنى يعمار وغير عمر تحرك بيهوم وهي حاضية الطريق لايفوتهاا.. معرفااش بالضبط فين كاين داك لفقيه حدهااا عارفة سمية لبلاصة ولكن فين بالضبط ماعرفاااش.. هز مول الطاكسي راسو علمها بلي وصبو لبلاصة لي بغات ونزلات تاضور فعينيها معاارفة فين تسووول.. باقي الصباااح بكررري دارتها فيد الله وبقات غادة فوااحد الطريق وضور عينيها كيف موووكة.. ماسولاتش حيت مباغااش تجبد لعين عليهاا.. بقات تتمشى تاحسات بلخطوات وراهاا وهي تزرب فمشيتها ولخطوات تاهوما تايزربووو.. بقات تتجري كلثوم ومضارتش تاحسات بيد جراتهاا وموس تحط ليهاا على جنبها وصوت راجل همس ليهاا:حطي لخنشة لي هازة فحجرك
كلثوم:(تاترعد) مااااهازة واااالو
... اتحطيها بلخاطر ولاندمك
كان يبرك على لمووس وكلثوم باغا غير لي يعتقها ساعة تم غير لخواا وبلاصة معارفها حد فيها.. مدات يديها لفواطة لي لابسة لداخل هزات منهاا الخنشة ومداتها ليه وهو هزها وغير شاف اش فيهاا طلقهااا بالجهد تجات طايحة ومجات فين تضور تالقاتو غبررر قدامهاا..
قلبها كان يضرب والخلعة شاداهاا تاسمعات تلفونهاا كيصوني فصدرهاا مهزاتوووش ورجعااات ملين جاات تاوصلات لجهة عامرة عاد شافت شكون لقاتو محمد طه لي نطق بهدوء:السلام لباس
كلثوم:(حاولات تصطانع لبرود باش مايعيقش بيها) لحمدلله كيف طرا وجرا تاتفكرتيني
محمد طه:(تنهد) كنت باغي نسول فيك واش نتي بخير ؟
كلثوم:لحمدلله هاد الساعة
محمد طه:ياكما خاصينك فلووس؟
كلثوم:(ميقات) لي كان عندي تقاااضي
محمد طه:دابا نسيفط ليك شي باركة واخاا ياليوم ياغدا
كلثوم:واخاا
محمد طه:يالاه نخليك الواليدة تهلاي فراسك
قطعات معاه كلثوم لابيل وركبات فالطاكسي راجعة فحالها ولخلعة باقا شاداهاا والشمتة ديال الدهب مبغاتش تهبط ليهاا..
كانت سيدرا تتاكل غداها وغزلان مبسمة ليها مشات لكوزينة تتوجد لغدا تاسالات ومشات عيطات على تانيرت ودازت لبيت محمد طه دقات تاسمعات صوتو وهي تنطق بلاماتحل لباب:لغدا واجد اسيدي
محمد طه:(بصوت عالي) هانا جاااي
نزلات لتحت لقات تانيرت جالسة جنب سيدرا تتنقب معاهاا ليباط وسيدرا تتوكلهاا وتمسح ليها فمهاا.. غرفات ليهوم الغدا وجا إدريس تاهو وتجمعوو عليه وتانيرت تتحيد شهوتها فلوبيا مع هي لي بغاتهاا.. وحامها مرة يبغي ليها الحاجة مرة عادي.. غير سالات وهي تسمع تلفونها كيصوني وكانت رقية
تانيرت:(بالسوسية) رقية لباس دارم "لباس عليك"
رقية:هاياغ الالة تانيرت إيما كمين تاوجانم "هاحنا ونتي ودارك"
تانيرت:نتبعان ساعتاااد "هاحنا تانعديو هاد الساعة"
رقية:مانيك انتگا بعدا تافروخت لي امن سوفدغ ايسكمتعجب "اجي بعدا كيف جاتك ديك لبنت لي سيفطت ليك عجباتك"
تانيرت:تمزي باهراا ارقية ميش تسن ايلاشغااال تباركالله نس "صغيرة بزاف ارقية ولكن تتعرف لشغالات تباركالله عليها"
رقية:تگااا تادريوشت ملاد ايسگيس اورگيغ تيقة اوردامتن سيفداااغ "راه درويشة كون مكانتش تيقة مكنتش انسيفطها ليك"
تانيرت:ايكم ياج ربي ارقية "الله يخليك ليا ارقية"
رقية:كودناغ توشكيت سأگادير هااان ادورتتوت انداري تكت "ملي تجي لأگادير عنداك ماتجيش عندي"
تانيرت:نشاعلاه يالاه اكميهنا ربي سلم فأورگاز نم اولا تاروانم "إن شاء الله يالاه تعلاي وسلمي على راجلك أو وليداتك "
شافت فيهوم تانيرت ونطقات بتبسيمة:سلمات عليكوم رقية
هزات غزلان راسها بزربة ملي سمعات هضرة تانيرت لي شافت فيه وتبسمات... ردات ليها غزلان تبسيمة بزز ومشات لكوزينة بعقل غااايب وساهي
---
دقات بيسان لباب دبيت نووح ودخلات وعينيها كيضورو فالصالة لي كاينة فالدخلة وبصوت عالي قالت:نوووح نتا هنااا؟
سمعات صوتو لي نطق من لبيت: دخلي
دقات باب شومبر ودخلات لقاتوو جالس فوق النموسية وهاز تلفونو وغير شافها حطو فوق الطبيلة وقال بهدوء:محتاجة شي حاجة؟
بيسان:واش صافي قررتي تعطيه حقو
نوح:(بهدوء)كل واحد فيكوم غايشد حقو
بيسان:(حركات راسها بلا) أناا مابغيتووووش أنوووح نتا عارف بلي اخر همي هووو لورث
نوح:هاداك حقك والأماانة راه وصلتها لماليهاا
بيسان:(جلسات جنبو ونطقات بحزن) مابغيتش عائلتنا تشتت اخويا
نوح:(جرها لعندو ونطق بحنان) ماحدي باقي معاكووم عمرها غاتشتت
بقات بيسان تتبكي وهو معنقهاا وعاطيها لخاطر.. هي حنينة وهشيشة من صغر بحال شي بيسكوي غير تقولي ليها شي كلمة ولاتعامليها خايب تاتقلق وتهز فخاطرهااا واخا هي كبر من رؤوف بعام الإأنه هي دلوعة ديال لعائلة ولحنينة ديالهوم.. بقات معاه تافشات خاطرها عاااد مشات لبيتها ومبقات هضرة مع حد وخصوصا مها حيت عارفة الاساقت لخبار مغايعجبهااش لحاااال وغاتعصب على رؤوف ومبغاتش لمشاكيل ونيت مباغاااش رؤوف يزيد يحقد على خوه حيت عند باااالو راه هي لي غاتكون مشارجياه عليه..
---
جالسة سيدرا تتلعب بالنفاخااات لي جاب ليها إدريس وتترمي لريان لي غادي معاهاا فالحماق تيلعبو ومنوضين الرووينة وأسماء كل مرة تغوت وتنگر على شي واحد حيت متفرجة وهوما كيغطيو عليها التلفازة.. وسيدرا تاضحك بالجهد وكلها عرقااانة وممسوقاااش لأسماء.. أما فالبيت درحيل فكانت تتجمع صلايتهاا وجلسات باش تقرا القرآن وهي تسمع الباب دق ونطقات بهدوء:دخل
تحل لباب ودخل إدريس لي تبسم ليهاا وقال بهدوء: مسالية؟؟
رحيل:(تبسمات ليه) تا الامكنتش مسالية نسالي ليك هه
إدريس:(ربت على كتفها وقال بحنان) الله يرضي عليك ابنتي
رحيل: آمين
إدريس:(شاف فيهاا ونطق بهدوء ) نتي عارفة بلي فرحتك وراحتك أهم عندي فالدنيا من كلشي ومصلاحتك عندي هي لولة.. عارف بلي التجربة ديالك لولة فالزوااج كانت صعيبة عليك وعارف بلي باقي كتعاني بسبابها ليومنا هادا..(تنهد وشد يديها) عارف بلي تعدبتي وتهرستي ولكن لحياة راه تجارب ولابد ماتشوفي الصعيب فيها ولخااايب ولكن هادشي مكيعنيش بلي الدنيا مغاضحكش ليك حيت ربي سبحانه وتعالى مكينساش عبادو وكل واحد فينا برزقو ونتي رزقك جا تال عندك
رحيل:(ملي بدا باها لهضرة كانت حاسة بلي شي حاجة ماهياش وخصوصا فاش جبد ليها الزوااج لي خلاها أوطوماتيكمو تفكر ديك لحيااة لي عااشت والعداب لي دوزات.. قلبها ضرب ورجفة بانت فصوتهاا ملي قالت) مافهمتش
إدريس:ولد لحاج طلبك لزواج..
أخر حاجة كانت رحيل حطاها فبالها هي يطلبها ولد لحاج لزواج.. خصوصا أنه عمروو مابين ليها ومافتح معاها الموضوع.. الزواج بالنسبة ليها كيتعتابر واحد الفوبيا لي هي مغاتقدرش أنهاا تخطاهاا وخصوصا بعد تجربتها لولة مع عاصم.. ديك التجربة لي استنزفات منها طاقتها نفسيتها وتاشخصيتها.. ديك التجربة لي كانت نقطة كحلة فحياتها ولي مقدراتش تخطى داك السواد لي خلات ليهاا ولي باقي لحد الآن كتعاااني منوو.. باقي أثاارو كيبانو عليها فكل مرة طيح فمشكيل.. كانت حادرة راسهاا والخبر كان صادم بالنسبة ليهاا ماتوقعاااتووش.. أماا إدريس ملي قال هضرتو لخرا سكت باغي يشوف ردة فعلها كيفاش غاتكوون.. هو عارفها دابا فاش كاتفكر حيت تاهو قبل مايفتح معاهاا لموضوع فكر فيه مزيان.. بالنسبة ليه هوو معاهاا فأي قرار غتاخدو وغايساندها ولكن مباغيش بنتو تبقا حياتها كلها بوحدها مامعاهااش راجل لي يساندها ويكون فجنبها ومعاها فالحلوة والمرة راااجل لي هي غاتحتااجوو.. بصح هو معاهاا داباا ولكن هو مدايمش ليهاا
إدريس:(دوز يديه على راس رحيل ونطق بحنية) ولد لحاج راجل معقول أو ولد النااس وكون مكنتش عارفوو معقول مكنتش غانفتح معاك هاد لموضوع وكان غايدوز بناتنا بلاماتسمعي بخبارووو
رحيل:(الصمت)
إدريس:(كمل على هضرتو) نتي فكري وخودي رااااحتك وقبل ماتعطيني شي جواب تفكري بلي ولد لحاج ماشي هووو داك لحيواااان..
باسها فراسها وخرج مخليها جالسة بعقل مرفوووع عقل غايب ومسافر لماضي لي حد معارف لعداب لي دوزات فيه... نهار لي أي بنت كاتسناه فحياتهااا باش تعيشو مع الشخص لي ختارتووو تكمل معاه حياتهاا هي دوزاتو فصدماااات وعداااب وشافت لموووت بعينيها.. رجعااات تفكراات كلام باااهاا وغمضات عينيها مخلية الدمعة اليتيمة تنزل على حنكهاا تسقيه.. ولد لحاج لي عتقها بين يدين بدر الدين ولي الصدف جمعاتهوووم بزوووج وخلاتها تحس معاه بحوايج جدادين ومشاعر لي عمرها جرباتهوم فحياتها لامع ياسين ولامع عاااصم.. مشاعر كيخليوها تصرف بحال شي مراهقة.. مسحات وجهها بيديها وتنهداااات مدة وهي كاتشوف فيديها لي باقي مجرووحين وعقلهاا فكرهاا فيدوو الدافية لي كانت شادة يديها.. كلامو ليهاا وشوفااااتو لي كيخليوها تخربق.. باقي معرفاش روحها فاشمن خانة غادي تصنف مشاعرهاا واش إعجااب ولاحب؟؟ عند هاااد الكلمة ناااضت بحال لاقرصاتها شي حاجة وبقات غادة جايااا تتفكر فنهااار تضررب بالموووس وكان كيغيب كيفاش قلبها تزير عليهااا وضرهااا تتفكر كيفاااش مشعراتش براسها تاخرجات لزنقة بلانقاب وكيفاااش تصرفات بلاوعي.. كتفكررر وتفكرر جميييع المواقف لي جمعاتهوم بزوووج هضرتوو شوفاتو هدوءوو.. هي أكيد غير معجبة بيه وصاااف ومشاعرها ماوصلوووش لحب اااه هادشي باش هي قنعااات روحهاا وختمااات بيه سيل الأفكااار لي تكبو عليها فديك الساعة.. زفرات النفس مزيااان ويالاه جات تخرج من لبيت وهي تسمع تلفونها صونى بنغمة مساج وكان ريان علمها بلي إسلام لتحت باش تنزل بفولارهاا.. بقات رحيل تتشوف فالمساج وعقلها فكرها بهضرة نوح لي كان قال ليها "شنو بينك وبين إسلام" كمشات حجبانها ومعرفاتش هو علاااش سولها هاد السؤال بالضبط كان يمكن ليه يفتح موضوع النقاب بلابيه ولكن هو مدارهااش زعمة يكون شاف شي حاجة ماهياش عليها سولهاا؟؟
رحيل:(زيرات على تلفونهغ ونطقات بهمس) صافي ارحييييل نساااي داباا هاد لمووووضوووع نسااايه تت
خرجات من لبيت وهي باقي بإسدالها مع كانت باغا تقرا القرآن وفاش دخل عندها باهاا بقات بيه.. نزلات لتحت راسمة تبسيمة خفيفة على شفايفها باغا تغطي بيها داااك التوثر.. سلمات مع إسلام لي نطق بتبسيمة: الله يتقبااال صافا؟
رحيل:حمدلله ونتا غبرتي هاد ليامات؟
إسلام:مع لخدمة وصاااف راك عارفة
سيدرا:مامي إسلامي جاب لياا حويجااات جداديين
رحيل:(شافت فإسلام) عدبتي راسك لبلاكار عندها مطرطق
إسلام:بصحتها وراحتها
تانيرت:اش خبار واليديك لباس عليهوم؟؟
إسلام:لحمدلله هضرت معاهوم قبيلة وراه كيسلمو عليكوم
تانيرت: مرحبا بسلامهوم
أسماء كانت جالسة معاهوم كسدة أما العقل كان غايب ومندامج فلهضرة مع واحد لڤيكتيم جديد تعرفااات عليه بالصدفة فواحد لكااافي وخدا نمرتهاا وبداو كيهضرو ويتعارفو.. كان جالس جنبها ريان لي مرة مرة يلوح عينو ويقرا لاديسكوسيون.. تاقشع ديك نتشاوفو غدا مابيل وهي جوبات بوي.. تحنى عندها وقال بصوت هامس:اشمن وي الملااااوي شفتك سرحتي
أسماء:قوود عليا وديها فراسك السالوبار
ريان:واش لمك مكتعياايش وفين عرفتيه بعدا؟
أسماء:شفتووو صدفة فكافي عرفتي اريان على حديدة عندووو دلفريع نهار ركبت فيهاا وقالي وصلنا مسخيتش نزل منهاا
ريان:(كمش حجبانو) انشوفوو بعدا كيداير
دخلات لبروفيل ديالو فلواتس كان داير نيت لفوطو ديالو.. كليكات عليها وطلعات لفوطوو وضورات التلفون جهة ريان لي بقا تيزومي فالتصويرة وبان واحد خونا غايكون فبداية الربعينات ومن داك النوع لي مستيلي ومهلي فراسو.. ومكانش غير ريان لي كيشوف التصويرة إنما تاإسلام لي كان جالس جنبو من الجهة لخراا وعينو بصدفة طاحت على الشاشة وقشعها.. جرات أسماء تلغونها مكملة لهضور معاه وإسلام حرك راسو ببرود وتبسم بسخرية..
مشات سيدرا لبيتها هي ورحيل هزات إيڤانا لي كانت ناعسة فبلاصتها ونزلات لتحت عندهووم لقاتهوم جالسين مجمعين.. قربات جهة رحيل وحطات ليها لقطة فوق حجرها ونطقات:مامي فيا جويعااات
رحيل:(قاست حنكها) واخا امامي دابا يتحط لعشاا
سيدرا:وشنو دايرين لعشااا؟؟
أسماء:(بسخرية) دايرين لحم الراااس
سيدرا:(شافت فيها) ولكن حنا ماعندناش حاولي وماشي عيد ياك ابّا ديدي
إدريس:اه انخشيشيتي
تانيرت:(دوزات لسانها على شفايفها ونطقات) الله شهيتوني فيه
إدريس:(شاف فساعتوو ونطق بهدوء) غانمشي نشوف الالقيتوو
تانيرت:(تبسمات ليه بحنية) مشى لحال وغاتلقاهوم سدووو
إدريس:ماعليش نمشي نشوف ونرجع
سيدرا:ديني معاك بّا ديدي
إدريس:يالاه
شدات فيه ومشات معاه ورحيل بقات تادوز يديها على لقطة لي كانت مكسلة فوق حجرهاا تاتمخشش فيهاا.. بقاو جالسين على لهضوور والجمووع تارجع إدريس جايب معاااه لحم الراس مفووور عطاه لتانيرت لي مشات باش تسخنو وتحطو لعشاا وتبعاتها رحيل باش تعاونها.. كانو بزوجات فلكوزينة ورحيل كانت حادرة راسهاا تاسمعات تانيرت نطقات بهدوء: باباك قال ليك على ولد لحاج؟؟
رحيل:(هزات راسها وشافت فتانيرت ومنطقاتش)
تانيرت:(قربات عندها وشدات فدراعها) باك غايكون هضر معاك وقال ليك لي خصو يتقااال ولكن لي غانقول ليك أنا هو قبل ماااتعطي جووااابك فكرررري مزيااان وخودي راحتك ابنتي وحنا لقرار لي خديتيه راه معاك فيه
حركات ليها رحيل راسها باه ورجعات تاتقاد لكيسان فالصينية وهزاتها حطاتها فالطبلة ورجعات لكوزينة لقات تانيرت مخرجة صينية الدجاااج بلبطاطاا من لفرااان ومشات غرفات الرووووز لي طيبوه بلمرقة وحطات كلشي فوق الطبلة مع لحم الراس لي جاب إدريس.. جابت رحيل طباس وحطات لكل واحد طبسيل باش يحط قدامو لي بغااا.. جرات عندها سيدرا لي قالت:بغيت مامي رويزات ودجيجات ولحيمة
رحيل:غتاكلي هادشي كولو؟؟
سيدرا:اااه مامي كولوو
غرفات ليهاا حقهاا وحطاتو ليها قدامها وسيدرا تتاكل بلهداوة وبشوية ورادة لباااال لاتوسخ حويجاااتهاا.. ورحيل رادة معاهاا لبببااال فكلشي وفيما تبغي لحاجة تزيدهاا تاتعشاااو وشبعوو عاد ناضت رحيل هازة سيدرا تغسل ليها يديهاا ورجعات لصالة ونطقات بهدوء:تصبحو على خير
الكل:تصبحي على خير
دات سيدرا لي كانت تتغمض عينيها فيها النعاااس ولبنات ناضو جمعو الطبلة ونقاو لحالة عاد الكل ناض غادي لبيتو وإسلام مشى لدارو حيت مشى لحال وغدا كلشي خدام..
---
حلات عينيها وأول حاجة طاحت فبالها هو ولد لحاج لي طلب يديها لزواج.. جلسات تتجمع شعرها وتنهدات ليل كولو وهي تتقلب بلاصتها ويالاه غمضات عينيها مور ماصلااات.. صبحات عگزانة وفيها لعياا وبزز باش ناضت ومشات دارت روتينها الصباحي ولبسات حوايجهااا وهزات صاكها وخرجات من لبيت بهدوء.. لقات أسماء هي لي تتوجد لفطور وتنگر على الصباح جرات رحيل كرسي وكبات لقهوة لراسها ومانطقات بتاشي كلمة يادوب خرجات ديك صباح الخير من شفايفهاا.. جات غزلان وأسماء غير شافتها وهي تنطق:تعطلتي ليوم
غزلان:(حطات صاكها) سمحليا اختي لغڤي مصوناتش ليااا و
أسماء:(قطعاتها) ماتقوليش ليا قصة حياااتك ولمرة الجايا ردي لبااااال لوقت راه مكنخلصوكش باش نتي تجي وقت لي رشقات ليك
خنزرات رحيل فأسماااء لي قلبات عينيها وبدات تفطر ورجعات شافت فغزلان لي واقفة جنبها:جلسي اغزلان فطري هو لول
غزلان:واخا اختي
جلسات تفطر وأسماء تتهضر مع رحيل غير بلعينين.. غير سالا ريان كيف لعادة مشاو بزوج لخداميهوووم.. كانت الجوو مبرد ليوم عكس ليامات لخراا.. مخشية فالجاكيط لي لابسة وطالعة فالدروج بخطوات بطيئة.. كانت هي لولة لي جاات فالبيرو شدات بلاصتها شعلات لبيسي وبقات تتشوف فيه بملل.. كون مكانتش حشومة كون گاعما جااات حيت بصح لخاطر ماعندهاش وبلاعقلها لي كيحضر ليها لموضوع لي تتحاول تنساه.. لوقت كيدوز ورحيل دخلات فمود لخدمة وترفعات تاني.. وهاكا دوزات نهاااارهاا فلخدمة ومشافت لا نوح ولاسعيد حيت مخرجاتش من لبيرو ملي جات تامن لغدا مكلااااتوووش.. وصلات الربعة ونص وناضت تتجمع بگاجهاا وشافت فرجاء وياسر لي بقاو تم ونطقات بهدوء:بسلامة تال غدا
خرجات مور ماكملات خدمتها ومع وصلات حدا بيروه وهو يتحل لباب وخرج منو نوح لي هز راسو وشاف فيها بهدوء أماا هي تلبكاات وبقات غير تتشوف فيه..
نوح:السلام أوعليكوم
رحيل:(بتوثر)احم وعليكوم السلام
عطاها بالضهر كيسد لبيرو حيت تاهو غادي ورحيل واقفة تتشوف فضهرو وكتافوو.. كانت متجنبة تشوفوو حيت حاسة براسها حشمانة منوو وخصوصا حيت عارفااه دابا باغيها لزواااج.. بقات تاتزير على يديها تانطقات بخفوت الشي لي كان تيضور فبالها: نقدر نعرف نتا علاش ماهضرتيش ليا على موضوع الزواج؟؟
واقف تيقاد لكول دالشوميز لي لابس وهز الجاكيط لبسها ورش ريحتو وتمشى جهة الطبلة لي تم هز بزطامو وشاف فلكارط گيشي هزها وخرج من لبيت نازل لتحت.. بانت ليه سيدرا واقفة فوسط الصالة طالقة موسيقى تاتشطح معاها وتعوج وإيڤانا جنبها تتنقز.. تبسم ليها وهي حبسات ومشات تتجري جهتو:موووودي حبيبي
هزها وباستو ففمو ونطق:روووح مودي تمشي معايا
سيدرا:فين؟
محمد طه:نتسخر شي حاجة ونرجع
سيدرا:واخاا مودي
هزها غادي بيها لبرا وقبل مايخرج تفكر تانيرت وبلي يقدر تقلب عليها وتخلع داكشي علاش رجع لداخل باش يعملها وي تبان ليه غزلان واقفة تتشوف فالتلفووون ساهية.. كمش حجبانو ونطق بهدوء:الاسولات خالتي تانيرت على سيدرا علميها بلي معايا
غزلان:(هزات راسها وشافت فيه مدة عاد حركاتو باه بلاماتنطق)
خرج محمد طه ومشى لگيشي هو لول شاف شحال عندو فلكونط عاد مشى لواحد أجونس دلبنك الشعبي قريبة ليهوم لقاها خاوية مع سالاو طلب الدري لي تم حيت كيعرفو ودخل لداخل وسيدرا معاه تاضور فعويناتها عطاهوم لاسوم لي غايسيفط ولكووونط دمن وغير هز روسي وهوما يخرجوو وسيدرا بدات تاني فأسئلتهاا لي مكيساليوش..
سيدرا:شنو سمية ديك لبلاصة لي كنا فيها مودي؟
محمد طه:لبانكة
سيدرا:هاااء وشنو هي هاديك؟
محمد طه: هاديك واحد لبلاصة تيمشيو ليها الناس وتيفتحو فيها كووونط وتيحطو فيه لفليسات لي عندهوم وهوما كيعطيوهوم كارت بحال هاديك لي درت فداك لگيشي وتيديرو كلمة السر ويخرجو لفلووس
سيدار:(كمشات حجبانها)وشنوو هو كووونط؟
محمد طه:امم هو حساب خاص بيك ديالك نتي بسيمتك وكنيتك ونمرة تلفونك ومعلوماتك الشخصية تاتحليه لراسك وتتخبي فيه لفلوووس
سيدرا:(وقفات وبدات تتشرح ليه بيديها) بحاااال هاديك الصنديقة فين تنخبي لفليسات ياااكاا
محمد طه:ڤوالااا بحالها
سيدرا:وعلاااش نتا درتي كوونط وماخبيتيش فليساتك فالصنديقة
محمد طه:(ضحك) ههه حيتاااش فاش غاتكبري مغاتبقايش تخبيهوم فالصنديقة وغايولي عندك كونط وتافاش غاتخدمي فلوسك غايحطوهوم ليك تماا
سيدرا:(حركات راسها) نقول لبّا ديدي يجي يخبي ليا فليساتي هنا
محمد طه:ههههه واخا
دازو لعند لبقال كيل ليها تاني السقاااطة ورجعوو لدارر وسيدرا مشات تتجري لبيتها هزات صنديقة لي تتخبي فيها لفلوس داتها لمحمد طه فبيتوو ونطقات:تاأنا بغيت نحط فليسات فهاديك لبلاصة
محمد طه:(جرها وباس راسها ونطق بهدوء) نتي باقا صغيرة خبي فليساتك هناا وملي تكبري وتخدمي ديري كوونط بحالي واخاا
سيدرا:(بحماس)فاش غانكبر مودي حبيبي غاادي يولي عندي بزاااااف دفليساااات وغادي تكووون عندي طوموبيل بحاااال ديال مااااي بلووو آييز
محمد طه:(لمس شعرها بحنان ونطق بحب) إن شاء الله ارووح مووودي
سيدرا:(كمشات حجبانها) بغيت نشرب عصيير
محمد طه:نزلي لتحت قولي ليهوم يصاوبوه ليك
مشات سيدرا تتجري لتحت لقات غزلان جالسة وشادة التلفون بيد وليد لخرى تاتكتب بيها فواحد الدفتار.. كمشات حجبانها وقربات جهتها ونطقات:شنوو تاديري؟
غزلان:(هزات راسها وتبسمات ليها) كانحفظ
سيدرا:(واقفة جنبها تتشوف فيها وفشنو كاتكتب) اشمن بيت تاتقراااي ؟
غزلان:كانقرا فلفاك
سيدرا:شنو هي هادي؟
غزلان:همم هي واحد لبلاصة كايقراو فيها سميتها الجامعة كانشدو منها واحد الدبلوم وبيه كانخدمو
سيدرا:مامتي خدامة وتارياني وسومة وإسلامي ورانو ومودي يعني تاهو قراز فهاد لي قلتي؟؟
غزلان:اه تاهوما
سيدرا:(بقات تتفكر) تاأنا غانقرا فيهاا؟
غزلان:اه غاتقراي فيها إن شاء الله اينا قسم تتقراي دابا
سيدرا:(بقات تتعبر ليها)يالاه غاندخل لبيت لول (قربات جهتها وقالت) بغيت عصيير
غزلان:(تبسمات ليها بحنان)غانمشي نصاوبو ليك
---
ضار جهتها بلعرض لبطيء وعينو كيشوفو فوجهها بكل هدوء.. وتاهي بقات تتشوف فيه بلاماترمش.. حرك ليها راسو ونطق بهدوء:نهضرو لداخل
رجع حل لباب ودخل وهي تبعاتو وخلات لباب مردود ضار جهتها ونطق بهدوء: كنسمعك؟
رحيل:(حركات راسها بهدوء واخا حاسة براسها متوثرة وفكرة أنها تهضر معاه فداك لموضوع جاتها فشكل) أنا (زفرات النفس) نتا علاش باغي تزوج بيا وعلاش انا بالضبط؟؟
هادا هو السؤال لي كان كايضور فبالها ملي ساقت لخبار.. أما هو هز حاجبو فيها ونطق بهدوء: يعني سي إدريس فاتحك بالموضوع.. (جلس فالكرسي وأشار ليها تجلس) كنظن أي واحد ناوي لمعقول كيجي من لباب ماشي من الشرجم (هزات فيه رحيل عينيه وبقات تتشوف فيه بهدوء) نهار دووويت مع سي إدريس شرحت ليه كلشي (تقاد فجلستو ونطق بهدوء)أنا فاش شفتك بغيتك لمعقول حيت عارفك بنت الأصل وعارف زواجك لول كان تجربة فاشلة وسالات وحاليا بالنسبة ليا لي كيهمني هو الحاضر لي كنعيشووه
رحيل:(قطعاتو) واش نتا عارف كلشي؟ بابا عاود ليك
نوح:(حرك راسو) هادشي نتي لي غاتقرريه الابغيتي تعاوديه ليا والامابغيتيش مغايبزز عليك حد سي إدريس قال ليا زواجك لول كان فاشل ودوزتي تجربة خايبة
رحيل:(حكات جبهتها) نهار سولتيني على إسلام واش على قبل هاد لموضوع؟؟
نوح:(تكى براحة ونطق) داك لموضوع سديناه داك النهار
رحيل:(ربعات يديها) نقدر نعرف وقتاااش طلبتي يدي لزواااج ؟
نوح:(شاف فيها مدة وقال بصوت تقيل) نهار الصدقة..
يعني هو طلب يديها لزواج نهار الصدقة لي دار باها لخوها وهي مجايبة خباررر.. كان سكات هو لي كيتسمع كاسرو صوت أنفاسها لي كانو مسموعين.. هبطات راسها تتفكر وتفصل وتخيط فهضررتو لي قال ولي مكان فيه تاااعيب.. هو قصد لباب وماشي الشرجم كيف قااال وبحكم أنه كيعرف باها معرفة شخصية فأول واحد خصو يفتح معاه لموضوع هو باهاا.. ولكن تاعاصم دار نفس الشي وطلب يديها من باها واخا كانت تتعرفو وكان عاونها قبل أونقولو خطط باش يبان اللقاء ديالو معاااهاا بحال شي صدفة.. كانت غارقة فتفكيرها وغيبات تااااني كيف ديما فهاد لخمس سنين تتكون تتهضر معاك عادي تكتلقاهاا سهااات فياش تاحد معارف.. وبعض لمرات فاش تتسهى وكيجي شي واحد يهضر معاهاا تيقفزها من بلاصتهاا وتتخلع.. بقا ساكت مخليها على راحتها وعينو كتشوف فتفاااصيل وجهها لي حدراه ولي كيبانو غير رموشها وهي تاترمش بحال لمونيكة ولايديها لي تتحكها مع بعضهاا وتتعوج صباعها تاعلاين يتهرسووو.. كمش حجبانو كيستعقل نهار هضر مع إدريس يوم الصدقة.. كان تلاقى مع إدريس قبل وجلس معاااه وفتح معاه لمووضوع وقال ليه نيتو وبلي باغي بنتو على سنة الله ورسوله وإدريس شرح ليه أن رحيل زواجها لول كان ماشي غير فاشل إلاأنه سبب ليها عدة مشاكيل لي مدكرهومش إدريس وفقط بين ليه بلي زواج بنتو لول تجربة لي فاشلة ومؤلمة حيت إدريس كيشوف بلي رحيل هي لوحيدة لي عندها لحق أنها تعاود ليه شنو دوزات ماشي هووو.. هي لي تقدر تقول كلشي حيت هي لي عاشت التجربة والأمر خاص بيها وتانووووح مكانش عندو مشكيل وعجبوو كيفاش إدريس خلى لبنتو لمجال وكيفاااش مبغاش يدخل وعاقل على هضرتوو كلمة بكلمة داك النهار.. " نتا قلتي نيتك اولد لحاج وأنا غانطلب منك تعطيني وقت باش نعلمهاا بلموضوع ونوصلو ليها بطريقتي وتيق بيا كون مكنتش عارف لمعدن ديالك مكنتش غانوافق عليك من زهري ربي لقاني بيك وعرفني على واحد بحالك عقلو كبير ورزين راجل لي لواحد يعول عليه وأي واحد بلاصتي غايفرح حيت واحد بحالك الاكتاب غايكون نسيبووو.. (كمل بتبسيمة) كيف قلت ليك عطيني وقت وإن شاء الله يكون خير..."
وديك الساعة نوح عطاه لوقت لكافي حيت بالنسبة ليه هاد الأمور مكتبغيش الزربة حيت هادا زواج يعني مدى لحياااة وهاديك الإنسانة لي ختاار غاتربط سميتها بيه تاااربي يدي الأمانة ونيت هي من حقها تفكر باش تعطي قرارهاا..
نوح:(نطق بصوتو الهادئ لحنين) خودي وقتك وفكري وبالنسبة لخدمة تهناي تاحد معارف هنا بلموضوع
رحيل:(حركات راسها باه وقالت) طلبتيني لزواج ونتا مشايفش وجهي واااش ماشي غريب هادشي؟؟
الشك قتل رحيل وخافت لاتعاود ديك التجربة تكرر عليها هاد لمرة قررات تاخد الاحتيطااات كلها وكيف كيقولو لي عضو لجنش يخاف من لحبل..
نوح:(تبسم ليها وشاف فيها بنظرات فشكااال) الزين دلوجه مكيدومش ولكن ضروري مايكون القبول
رحيل:(قطعاتو) وإذا علاش طلبتيني؟؟
نوح:(تنهد) عينيك
رحيل:(بصوت خافت) مالهوم؟
نوح:(نطق بنبرة صريحة) عينيك فتنة
ضربات رحيل الطم ومعاوداتش جوباتو وعينيها تفيكساو عليه أو وجهها حسات بيه سخوون خصوصا حنيكاتهاا... هي سولاتوو وهو جاوبهاا بصراحة نهار شاف عينيها فتنوووه ومغاينكرش هادشي وكل مرة كان يشوفها بلامايحس عينوو تاتبقا مركزة فعينيهاا... ونهار السبيطار ملي شاف وجهها زاااد تفتن بيهاا..
رحيل مقدراتش تبقا مزال فنفس لبلاصة معاه حيت رجعوو دوك لمشاعر اكتاسحوو روحها من جديد وبكلمة منوو خلاهاا بحال شي سبااح غارق فبحرر كلاموو معارفش طريق لخرووج وناسي كيف يعوووم.. ناضت وهزات صاكها وقالت بصوت باين فيه متوثر وعينيها كاضورهوم فالبيرو كولو من غيرررو هوو لي بقا على جلستو تيشوف فيها وقالت: خصني نمشي تعطلت
نوح:واخا ردي لبال لراسك وكيف قلت ليك خودي وقتك وفكري وأنا غانتسنى جواابك من عند سي إدريس..
حركات راسها وخرجات بخطوات مزروبة هربانة منوو... الجلسة رضات فضولها شوية وخلات بعض التساؤلات كانو فبالها تلقى ليهوم جواب.. نزلات لتحت ومع جات تمشي لباب لكبير وهي تسمع شي حد كيعيط بسميتهاا.. ضارت لقاتو زكرياء الدري لي خدام هناا.. جاي مبسم ليها ومن عينيه باين فيه بلي معجب بيهاا.. مد يديه ونطق بتبسيمة:اش خبارك صافا غبرتي
رحيل:(باقا دايرة يديها فجيب الجاكيط ونطقات بهدوء) مع لخدمة وصاف
فهم راسو وجمع يديه وشاف فساعتو:تاأنا خارج اش بان ليك نوصلك معاياا بلموطور؟
رحيل:(تبسمات ليه ابتسامة صفرا) ماعليش غير سير أنا كانمشي مع خويا
زكرياء:تانتي مايكونش راسك قاصح وزيدي نووصلك وبلاماتعدبي خووك
رحيل:غير سير شكرا
زكرياء:(فهم راسو) واخا لي بان ليك احم عطيني نمرتك باش نهضرو مرة مرة
قبل ماتهضر رحيل سمعااات نوح لي عييط بسميتهاا وضارت لقاتوو جاي جهتهوم وكيشوف فيهوم شوفات باردة وغير وقف قدامهوم ونطق وعينو فعين رحيل:ريان كيتسنااك براا
حركات رحيل راسها وحمدات الله ملي جاا فلوقت وفكها من زكرياء لي لصقهاا أما نوح شاف فزكرياء لي كان واقف وعينو على رحيل لي غبرات قدامهوم ونطق ببرود: هادي خدمة ماشي ركن التعارف..
بنظرة غرور شافت فمنظرها الأخير فلمرايا.. كانت لابسة كسوة حد الركبة توبها سخون فلكحل مع بوط طالون فالبيض مع صاك تاهو فنفس اللون.. شعرها كان بوكلي وجامعة الجناب ديالو ومك اب خفيف ركزات فيه غير على لكحول لي دارت لعويناتها لقهويين.. هزات تلفونها لي كان فوق الطبلة ولي كان شاعل بنمرة "كريم" جوباتو بصوت دلووع: ألو
كريم: الزين صافا
أسماء: وي ونتا
كريم:بسماع صوتك فينك نتي ؟
أسماء:(تتشوف راسها فلمرايا وتهضر بدلع)يالاه غانخرج من الدار
كريم: عطيني لادغس باش نديك معايا الزين ديالي
أسماء:(قلبات عينيها) امم نو بلاش أنا أصلا غانخرج دابا نتلاقاو فلكافي
كريم:كنتسناك بب
قطعات عليه وقلبات عينيها ونطقات بهمس:يييع شحال تقيل على القلب تت (تقادات فوقفتها) ماعليش اسومة نتي قضي بنعالة تيجيب ليك ربي السباط ههه
خرجات من لبيت كاتمختر وعاجبها زينها وعلاش لا وهي كيف لوردة لمفتحة وعندها واحد لوشاغم فشكل.. نزلات لتحت ومن زهرها مكاينش إدريس لي غايسولها فين غادة مع ليوم جات بكري من لخدمة باش تبدل حوايجها وتأنتك نغزة على لمعتاااد.. كانت غزلان فلكوزينة تتوجد لگوطي حيت هادي وقيتو شافت فيها ونطقات بهدوء: أنا خارجة الاجاب الله سول عليا بابا مانقوليش ليه راني جيت وعاوت رجعت سمعتي؟؟
غزلان:صافي اختي أصلا هو وخالتي تانيرت خرجوو قبيلة باش تحرك رجليها شوووية وسيدرا راه فالبيت متكية
أسماء:(كمشات حجبانها) صافي صافي مكتقادااايش لمهم هااودني منك ونعرفك قلتي جيت وعاوت رجعت غانتفاهم معاااك
مشات أسماء وغزلان كمشات حجبانها ونطقات بهمس: هادي مالها تقولي واكلة ليها لورث تت وأنا مالي تخرج ولاترجع
رجعات تتكمل شغالها وأسماء سدات لباب وتمشات لفوق شوية باش تشد طاكسي ومع جااات تشير ليها بانو ليهاا ريان ورحيل جايين مع بعض مشادين تشوفيهوم تقولي كوبل ماشي خوت.. هازين شي بلاستيكااات وقفات تاتسناهوم تاجاو عندها ونطق ريان:غاتمشي تشوفي داك خونا؟
أسماء:يب كيف جيتي
ضارت تتوريهوم اللبسة ورحيل كمشات حجبانها:واش مكتعيايش ومتعلمتيش من آدم وخووه
أسماء:(غمضات عينيها) تفووو علاش كتفكريني فدوك زوا*مل وزايدووون أنا مغانبقااش حاطة يدي على حنكي ونضيع شبابي مشى زا*مل يجي زا*مل ولحياة تستمر علاش انعصب راسي على كحل الراااس كااانت تجربة كحلة ونسيتهااا صافي باااح
ريان:(ضحك) باش تتعجبيني الحشايشية مكضيعيش لووقت هههه
أسماء:اوا شنو نبقا نبكي على لي فات عطيت النية مرة وندمت ولكن ماعليش هادي دارت ليا لعقل وخلاتني ناخد الاحتياااط ديالي مهم خصني نمشي بااي
شيرات لطاكسي ركبات فيها ورحيل حركات راسها وشافت فريان: واخا هاد لهضرة لي قالت وهاد لبرود لي كيبان عليها الاانهاا مقصحة غير مكتبغيش تبين
ريان:هاد وليد فين هوو دابا؟
رحيل:ماعرفتش صراحة
ريان:هي كبيرة وماشي بنت صغيرة لي يضحكو عليها بزوج كليمات مهم خلينا ندخلوو لدار دابا راه عييت بالضوران.
رحيل: زيد
---
وقفات الطاكسي قدام الكافي فين متافقة هي وكريم يتلاقاو ونزلات أسماء وعينيها كيشوفو فالكافي لي كانت كلاس.. تمشات بخطوات واتقة وهازة راسها لسماا وعينيها كيشوفو هنا ولهيه.. الدخلة ديال لكافي كانت كالم وستيلها زويين.. كاضور عينيها تبان ليها كريم فالقنت جالس فطبيلة قدامو طاس دلكافي.. تمشات جهتو بشوية تاوقفات قدامو وهو هز راسو وشاف فيهاا.. فالصورة كان تيبان غير على لواقع زوين وعاطي لعييين وكلاااس بزااااف.. وقف وسلم عليها بلابيز وبدا كيتأملها بإعجاب: الزين ديالي توحشتك
أسماء:(تبسمات تبسيمة صفراا) مغسي
كريم:شنو تشربي؟
أسماء: كابوتشينوو
شير كريم لگارسون لي جا جهتهوم تبسيمة وهضر معاه ومشى وأسماء جبدات تلفونهاا حطاتو فوق الطبيلة باش الاصونى تسمعوو.. تكات على لكرسي ودارت رجل فوق رجل ونطقات: غاتبقا مستاقر هنا ديما؟
كريم:حاليا أنا هنا مي ضروري ماغايخصني مرة مرة نطلع لإيطاليا على قبل العائلة لي مستاقرة تم
أسماء:وعلاش نتا مبقيتيش تماا؟
كريم:(تبسم ليها بتوثر)واقعين دبخوبليم عليها جيت لهنا
أسماء:(هزات حاجبها) وزعمة واحد بحالك عمرو فكر يتزووج حيت بيزاغ تكون فهاد لاااج وباقي سليباطير؟
كريم:(غمزها) علاش زعمة حيت شارف
أسماء:نو مي ضروري مغاتكون دخلتي فشي غولاصيووون
وصلات لكونسوماسيون دأسماء وغير حطها السرباي ومشى وهو يجاوبها كريم مغير سياق لموضوع:وبنت زوينة بحاالك ماشي ظلم تبقا بلازواج لدابا
أسماء:(ببرود) يمكن حيت باقي مالقيت لي يعمر ليا عيني
ضورات عينيها فالبلاصة بشوفة عادية تاتفيكساو على طبلة فين كان جالس إسلام مع شي ربعة دالرجال وقدامهوم پيسيات.. كان تيهضر ويناقش مع هاداك لي جالس جنبو تاعيط ليه هاداك لي قدامو ومع شاف فيه لمحهاا وهي جالسة مع كريم لي عرفو وعقل عليه من تصويرة.. طلعها ونزلها بشوفات ناقصين ورجع كيهضر مع الراجل ومعاودش ضار جهتها..
تبسمات بسخرية من البلان لي دار وتاهي ضارت تتكمل هضرتها مع كريم ممسوقااش ليه.. لهضرة فالواتس كانت عكس لواقع.. كان تقيل على لقلب وكل مرة ضروري يمد يدو يقيسهاا ويلوح ليها نويطة دلغزل وهي غير مسايراه وصاف حيت فالحقيقة ممعمراش بيه بالها وغير كتهضر معاه باش تونس راسها وتبروفيطي فيه وصاف.. جاتو آبيل وكان ضروري خصو يمشي خلص لكونسوماسيون وخرج سابقها وهي بقات جالسة تاتصور تاسالات وهزات صاكها ولاحت شعرها ورا ضهرها وشافت فالطبلة لي كان فيها إسلام كانت خاوية.. وقتاش مشى الله وأعلم.. خرجات على برا كان لحال بدا يظلااام بقات واقفة تتسنى طاكسي تاسمعات صوتو لي كان وراها ناطق ببرود: شنو لڤيكتيم ديالك مشى وخلاك بوحدك
ضارت تتشوف فيه وهي مخنزرة عكسو هو لي مبرد عليها وشوفاتو لي كيدير فيها خلاوها تعصب ولكن مبيناتهااش بل تبسمات ونطقات بسخرية:ياكما ضرك قلبك عليااا وبقيت فيك
إسلام:(ضحك بسخرية) هههه اخر واحد غايضرني عليه خاطري هو نتي بلاماتحلمي بزاااف
أسماء:(كمشات شفايفها وردات طانزة عليه) اااوه نوو بقااا فيااا الحااال بزاااف (خنزرات فيه) ديها فراسك يكون حسن ليك ماشي حيت عطيناك وجه ضسررر أوكي
قلبات وجهها باغا تمشي وهو يجرها من يديها تاكمشات حجبانها مقصحة خنزر فيهاا ونطق بصوت قاصح: نتي لي عندك تحسبي سكووووتي خوف أناا راه غير متاااقي فيك الله وحيت نتي بنت سي إدريس لي عندو معزة كبيييرة فقلبي ايما نوووعك بالنسبة لياا يصلاااح غير لتدوااااز لوووقت كيف كيدوزو بيك صحيبك وملي ياخد حاجتو منك يسوووسك (هز شفايفو بسخرية) بحال شي قح*بة
هضرتوو جعراتهاا من ديما مكتحملوووش من نهار عرفااتو مدخلش لخاطرهاا وفأخر مرة وقع داك لبلان وصرفقها زادت حقدات عليه كثرر وكثرر.. زيرات على يديها ونثراتها من بين يديه وقبل مايستوعب هزااات يديها مصرفقاه قدام الناااس لي كانو فالشارررع.. شي كان كيشوف بصدمة شي ممسوقش وشي كيقول اش بناتهوم.. كانت حالفة ترد ليه تصرفيقتوو وهاهي دارتهاا وزادتها تاهضرتوو ندماااتو عليهاا وشوهاااتوو.. خلاتوو ومشات تتزرب فخطواتهاا ركبات فالطاكسي وإسلام بقا مفيكسي كيف خلاتووو او وجهو حمار بلعصبية شوية ويطرطق.. هز عينو مخنزر فهادوك لي كانو تيشوفو فيه ومشى جهة طوموبيلتووو ركب وديماراا بزربة تاتحكو الروااايض وخلاااو صوووت مجهد.. مكيقشعش قدااامو ضرب لڤولووون ونطق بارك على سنيه: مغاتبقاااش فلقح*بة لي حطاتك..
كانت أسماء جالسة فالطاكسي ناشطة وعجبها لحال لدقة لي رضاات والشوهة لي دارت ليه.. داباا قلبها برررد وتهنااات.. وصلات لدار خلصات الطاكسي ونزلات غادة لباب حلاتو ودخلات لقات باها فالصالة جالس بوحدو..هز عينوو وشاف فيهاا:فين كنتي؟؟
أسماء:(سرطات ريقها) كنت مع لبنات خرجنا تسارينا شوية
إدريس:(بجدية باينة فصوتو)ماتبقايش تعطلي تال هاد لوقت
أسماء:واخا غانمشي نبدل حوايجي
سلتات باش مايزيدش يسولها ومشات لبيتها لقات رنيم مكسلة تتشخر بدلات عليها ببيجامة الدار ومسحات لمك اب ديالها وجمعات شعرها شفينجة ومشات لبيت رحيل دقات لباب ودخلات لقاتها تتلبس لسيدرا حوايجها مع يالاه دوشات ليها..
أسماء: بصحة الخوينزة ديالي
باست سيدرا فحنكها بالجهد لي قالت بتبسيمة:عرفتي غدا خارجة مع مامي وتانيرت إينو وبّا ديدي
أسماء:فين غاديين؟
رحيل: غانخرجوو شوووية وصاف تمشي معاناا
أسماء:ريان ومحمد طه غاديين
رحيل:مقلتهاش ليهوم يالاه دابا نمشي نعلمهوم
أسماء:اوا صاف على هاد لحساب نخرجو كاملين ونمشيو نتعشاو فشي بلاصة ولعشاا على حسابي
رحيل:(ضحكات وناضت تتكسل) هههه ترفحتي تاني
أسماء: اوا علاش كنخدم من غير نبرع راسي وناسي لعزاز عليا
سيدرا:نديو معانا ماي بلو آيز وإسلامي
رحيل:(جمعات الضحكة ونطقات بهدوء) سيري تلعبي
مشات سيدرا وأسماء شافت فرحيل ونطقات:مال وجهك تبدل ملي سمعتي سمية ولد لحاج
رحيل:(تنهدات) نوح طلبني لزواج
أسماء:(حلات عينيها بصدمة) اواااااه وقتاااااش
رحيل:لبارح بابا قالها ليا وليوووم احم هضرت مع نوح وقال ليا بلي هو طلب يدي نهار الصدقة
أسماء:(رمشات بعينيها) بلااتي كيفااش من نهار الصدقة وعلااش بابا سكت تال دابا عاد قالها
رحيل:ماعرفتش يمكن مجابتهاش الصدفة وصاف
أسماء:اها ونتي اش جوابك؟
رحيل:ماعرفتش ااسماء ماااعرفتش (بقات كاتمشى فلبيت وتجي) حاسة براااسي مخربقة وخااايفة ماعرفتش اشنوو باغاا كنحس معاه بالراحة ومغانكرش ولكن خاااايفة مااااعرفتش
كانت متوثرة وباين فيها وأسماء تبسمات ليها وقالت بهدوء:نتي تهدني وماتزربيش فكرري وخودي راحتك
رحيل:(شافت فيها وتنهدات) واخاا
أسماء:غانزل لتحت
خرجات أسماء ومشات هزات تلفونها هو لول من بيتها عاد نزلات لتحت ومشات لكوزينة توجد لعشا راشقة ليها ليوم... حطات تلفونها فوق الطبلة طالقة منو الموسيقى وبدات تتوجد لعشا.. تاتقطعات لموسيقى حيت جاتها آبيل مسحات يديها وهزات تلفون تتشوف النمرة ممقيداش عندهاا دوزات لخط وقالت ببرود:ألو
نطق بصوت هامس: بونبونايتي
"عند إغلاقك لأبواب الماضي تأكد جيداً أنها لن تنفتح في الحاضر "
مكانتش أسماء متوقعة أنها تسمع صوتوو أو أنه يتجرأ ويعيط ليها بعد هاد السنين كلها.. وليد الصفريوي الشخص لي بغاتو ولي على قبلو بدلات شحال من حاجة فيهاا.. هاداك الإنسان لي حسات بلي تاهو باغيهاا ولي قالت وأخيراً لقيت لي يبغيني بلامايطمع فياا ولي تاأنا نبغيه ونعيش معاه حياتي باااش فلخر تعرف بلي هو واخدها غير رهااان مع خوووه باش لي طيحهاا فيهوم ينعس معاهااا.. داروها لعبة بناتهوووم بحال الاهي ماشي إنسانة وماعندهااش قلب ومشاعر.. بحال إلا هي فقط جسد لي گاع الرجال كيطمعوو فيه.. حطات يديها على الطبلة متكية عليها وحادرة راسها تتسمع لصوت أنفاااسو.. داكشي لي حاولات تنساه هاد السنين كولو رجع ليها فلحظة سماع صوتووو وهمسوو ليها ببونبونايتي لي مولف يقولها ليهاا.. مانطقاتش ومخرجات من فمها تاحرف حيت حاسة بلسانها تقال عليها..
وليد:(تنهد ونطق بصوت مألم) واخا دازت خمس سنين عمري قدرت نساااك صورتك بقات فبااالي هاد لعواام كولهاا دخلتي لقلبي وبقيتي فيه وتاحد مقدر يخرجك منووو.. تووووحشتك بزااااف اأسماااء
أسماء:(زيرات على يديها ونطقات بصوت بارد) هاد لهضرة ماعندها باش تفيدني دابااا فات لحال عليهاا
وليد:(فاش سمع صوتها حس بقلبووو ضرب ونطق بصوت متلهف) لا عندها أنااا طلقت اأسماااء على قبلك طلقت وسمحت فكلشي غيرررر باااش نكووون معاك نتي
أسماء:(بسخرية) وسمحتي حتى فولدك؟؟
وليد:(تنهد)بنت عندي بنت وسميتهاا أسماء على سميتك نتي وهي معاياا (وكمل بسخرية) حيت مهاا مبغاتهااش وعايشة حياتهااا ماعندها مادير بشي مسؤولية
أسماء:(سكتات وقلبها ضرهاا)
وليد:(كمل بصوت هامس) مشيت لداركووم ولقيتكوم بعتوهاا عييت مانقلب عليكوم ونسوول وحد ماعطاااني خبااار كنت بحال شي حمق باااغي غير نشوفك وتامن التلفون كنتي مبلوكية نمرتي وفيما نعيط ليك بنمرة جديدة كنتي تبلوكيهاا تاطفيتي التلفون فخطرة وقطعتي عليا حبل سماااع صوتك.. حاولت نساك ونكمل حياتي ولكن ماقدرتش ملي تزادت عندي بنتي كنت تمنيتها تكون بنتنااا بزووج فخبارك كتشبه ليك تاهي راسها قاااصح وزوووينة بحااالك عارف بلي نتي غاتلوميني حيييت كدبت عليك ولكن تيقيني كنت مجبووور ومربوووط حيت أناا لبكر ديال عائلة الصفريوي لي خصو يهز الدقة فخباااارك كنت كنكره خويااا غير على قبل هااادشي.. حيت هو الصغير عاايش لاڤي ديااالو ومكاين لي يقول ليه يدير شي حاجة بلعكس هووو يدير لي بغاا وأناا لا أناا لي تحكم عليا نتزوج بنت خالتي على قبل سمية لعائلة وتكبييير لعلاقاااات.. فلول كنت مواافق حيت مكانتش عندي شي وحدة فحياتي ولكن نهااار شفتك وعرفتك حبيبة خوياا حسدتووو.. اااه مغانكرش بلي درتك رهاااان وكنت بااااغي ناخدك ليه غير ضد فيييه ولكن قلبي بغااااك بلامااايحس لقيت راسي طاااايح فيك وباااغيك.. فاش وقع ليكوم لمشكيل كنت واقف معاااك حيت عارفك محتاااجة لي يكووون معاااك وكنت بغيت نبين ليك بلي أنااا عمري نخليك.. على قبلك وقفت فوجه لعائلة باااش نطلق ولكن هي كانت حاملة ولواليد مبغاااش حفيدووو يتولد بعيد على واليديه.. وتاأنا مكنتش باااغي ولكن عارف بلي واخااا يكووون كبر معاااناا غايحس بلفارغ حيت أنا ومو مكنبغيوش بعضياتنا وهي أصلا مكيهمها غير راسها وصاااف.. وفااش نتي مشيتي حسييت بلي كلشي ضدي وعلى قبل بنتي صبرررت وحيت عارفك مغاااترجعيش لياا ولكن مبقيتش قدرت نصبر حاولت ولكن مقديييتش مقدييييتش اأسماااء..
سكت وليد وأسماء كانت تتسمع ليه ودموعها تينزلووو بلاماتشعر.. من جيه بقااا فيهاا ومن جيه مقدرااش تسمحوو حيت جرحهاا بزاااف كون جاااها نيشااان وقال ليهاا شنوو كاين حسن من أنه يدخلهاا بالاهتمام ولحب لي هي أصلا كانت مفتقداهوم فحياتهااا..
أسماء:(بعدات تيلفون تاتنفسات ورجعات نطقات بنفس لبرود) هاد لهضرة فااات وقتهااا
وليد:(نطق بترجي) لا مفااااتش عفاااك اأسماااء عطيني فرررصة وحدة وكنحلف ليك مغاتندميييش
أسماء:(كمشات حجبانها) اشمن فرصة ونتاا عند باااالك أناا هاد السنين كلهاا ماتخطبت ماتزوجت غير كانتسنى فيك يااااك
وليد:(صوتو تبدل) كاين شي واحد فحياتك؟؟
أسماء:(ببرود) اااه كاااين
وليد:شكووون؟؟
أسماء:ماشغلكش حيت نتا مبقيتيش تتهمني سمعتي سير قااابل بنتك حسن ليك وماتبقاااش غير تابعني أناا صافي نسيتك وسديت الصفحة دياااالك قبل خمسنين الانتا عند باااالك غانكون باقا كنبغيك فراااك غااااالط لانتا ولاخوووك كتهمووووني باااقي سيرووو قلبو ليكوووم علي شي وحدة من غيررري وترااهنو عليهاا ونساووو عليكوووم أسماااء سمعتي
وليد:(نطق بألم) آدم مااات
بلعات لحروووف لي كاانت غاتنطق بيهوم وحلات عينيها بصدمة ممتيقاااش اش سمعاااات... كيفااش آدم مااات رجليها مهزوهاااش وجرات كرسي جلسااات عليه وهي تتنفس بالجهد وسمعااات صوت وليد لي قال: كان مريض بالإيدز ومكااانش باغي يتعااالج ومقالها لتاواحد تااانهااار طااح وعرفناا بلمرض لي صدمنا كاملين وموراهاا بشي ياماااات مااات وقبل مايموووت طلب منك السمااااحة..
مقدراتش أسماااء تكمل لابيل قطعات عليه ودموعهاا رجعو ينزلووو وموت آدم كان بالنسبة ليه آخر حاجة طيح فلبااال.. آدم لي مدوزاتش لقليل معاااه ولي واخاا فعايلو الاأنه كيجيهاا فااص بصح تاهو غلط فحقهاا ولكن بقاا فيهااا بزاااف.. خرجات من لكوزينة طالعة لفوق ولخاطر ديال طياب مبقاش عندهاا تلاقات رحيل لي شافت وجهها مغييير ونطقات بصوووت خائف:مالك
أسماء:(بصوت هامس) آدم مااات
رحيل:(حلات عينيها على جهدهوم وقالت) اويلي شكون قالها ليك
أسماء: وليد عيييط لياا كان فيه الإيدز
رحيل:(كمشات حجبانها ونطقات بصوت هامس) الله يرحمووو نتي بخير
أسماء:اااه غانطلع لبيتي نعس عفاك كملي لعشاا معاك
خلاتها أسماء ومشات لبيت ورحيل بقات تتشوف فيها وتنهدات ماعندهاش شي علاقة مع آدم تتعرفو غير من بعيد ولكن تاهي بقا فيهااا دعات معاه بالرحمة ومشات تكمل لعشا وبالها مشطووون مع أسماء لي حالتها معجباتهاااش..
---
صوت زقزقة العصافير مع لمااا لي نااازل من الخصة مخلي وااحد لجووو زوين فالرياااض.. وفالجلسة دلقصب لي كاين تم محطوط لفطووور بلدي كيف لعادة ومجموعين عليه لعائلة كاملين مااااعدى رؤوف لي من نهااار دفنوووه مزاروه.. متكي نووح وطاس لقهوة فيديه كيشرب منوو تاسمع موو لي قالت:عيطات لياا خالتكووم غاتجي لمراكش
نوح:(بهدوء) مرحبا بيهاا
بيسان:(كمشات حجبانها) وحدها؟؟
رحمة: ماعرفتش يمكن تجي هي وشيماء بنت خويا
بيسان:(قلبات عينيها ونطقات ببرود) صباحتو الله
رحمة:(نهضات فيهاا) اش هاد لهضرة تاني هاديك راه خالتك وبنت خويااا
بيسان:خالتي مرحبا بيها ولكن ديك بنت خوووك تقيلة على لقلب
لحسن:(بوقار) سايسي مع لواحد ابنتي واخا ميكونش عندك معاه
بيسان:اجدي كانحاول ولكن والله مكنقدر وهاااماما تكدبني مفششة وزيد فيها فعايل لفعااات
زاينة:(بالسوسية) سكاار إيوامان ماغزراين "ديري لماا ملين يدوووز"
رحمة:(شافت فنوح) سمعتيها اش تتقول على بنت خالهاا
نوح:(ببرود) ماشي درية صغيرة باش نعلمها اش تقول
بيسان:(تبسمات حيت دافع عليها)
نوح:(شاف فساعتو) يالاه أنا غادي لمكازان غاتمشي اجدي ؟
لحسن:زيد نمشيو نتحركو شوية راه الدار عياتني
بيسان:خووود دوااك بعدا اجدي وماتنساااش انوح تجيبو لسبيطار على ود التحااااليل
نوح:إن شاء الله (شاف فزين العابدين لي محني على تلفون مكاينش هناا ونطق بالإنجليزية) غاتمشي لصااال ؟
زين العابدين:(بهدوء)لا ولكن غانخرج نشوف الدراري
نوح:سوارت الطوموبيل عندك رد لباااال فاالطريق رااه هنا ماشي بحااال لهيه واخاا
زين العابدين:واخا
نوح:(هز تلفونو وسوارت ونطق) الله يعاون
خرج هو وجدوو وبيسان تكسلات فوق لكرسي حيت ماخداماش ليوم وغاتمشي غير على قبل جدهاا حيت غايدير شي تحاليل وصاااف.. أما زين العابدين غير مشى باه ناض تاهو غادي لبيتوو وبقاو غير لعيالات لي جالسات تيكملو فطورهوم
زاينة:(بالسوسية) بوگااايو لي مانيغ تلاااح أورجوو يخطرر "فين هو داك بوراص عمرو مجااا"
رحمة:(تنهدات ونطقات بقلب مهموم) أورسناااغ مارادسكراااغ اخالتي رميغ ديس "ماعرفتش اش غاندير معاه اخالتي عييت معاه"
زاينة:اتيهدو ربي ايلي اجت راااسول ايندم غشغلاااد لي يسكار "الله يهديه ابنتي خليه باقي غايندم على هادشي لي كيدير"
بيسان كاتسمع ليهوم وهي مكمشة حجبانهاا ومعرفاتش مها وجداهاا اش غايديرو الاساقو خبار لزبلة لي دار رؤوف مع نووح ولهضرة لي قااال ليه.. تنهدات وبقات ساكتة تتسمع ليهوم
---
مبعد ماطل فلمگازان هو وجدو وشاف الأوضاع تم شد الطريق لميزون دوڤواتيغ.. شاف فجدو ونطق بهدوء: هضرت مع لمحامي على قبل لورث دلواليد باش كل واحد ياخد حقو
لحس:(تنهد) نيت اولدي مزيان تعطي لخوتك حقهوم واخا هادشي غايشتتكوم
نوح:(تبسم ليه بهدوء) الا كان على رؤوف غير تهنى هو أصلا تشتت شحال هادي إيما بيسان راه بعقلهاا وعارفة بقيمة لعائلة
لحسن:(شاف فيه) ونتا غاتبقاا حياتك اولدي كلهاا تتفكر فخوتك ومصلاحتهوم وتنسى راااسك وراحتك
نوح: هادوك ولادي ماشي غير خووتي وراحتي هي ملي نشوف كل واحد فيهوم داير علاش يرجع..
لحسن:هابيسان تبارك الله عليها خدامة على راسها ورؤوف الله يهديه خصو يجمع راسو ويدير شي حاجة تنفعو
نوح:نعطيوه حقوو ويدير بيه لي بغاا أناا درت لي علياا ولباقي عليه هوو ماشي ولد صغير نبقا تابعوو راه لي قدو تزوج ودار وليداتووو
لحسن: اوا الله يدير تاويل دلخير اولدي بااك الله يرحموو خلى وراه راجل لي يعول عليه لوااحد
نوح:الله يرحمو
وصلوو وبلاصا نوح طوموبيل ونزل مع جدو لي شحال هادي مجاا لهناا عينوو كيشوفو فالكليان ولخدامة لي كل واحد شاد بوسط ديالو والديكورات لي تبدلو على اخر مرة جااا.. طلع معاه لفوووق فين كاين لبيروو ودخل جدو هو لول ونوح هز عينو بانت ليه رحيل واقفة مع سعيد قدام لبيرو ديالهاا.. هز حاجبوو فيهوم وتبسم تبسيمة باااردة..
فالجانب الآخر كانت رحيل واقفة مع سعيد وكانت تتسولو واش محتاجين شي واحد عندو دبلوم دلكوميرس على قبل محمد طه لي مل فالدار حيت من طبعوو تيتحرك ولجلاااس مجااش معاااه واخاا خصو على الأقل تلت شهوور دالراحة الاأنه صافي عياا وقرب يطج..
سعيد:(تبسم ليها) حاليا لي بوووسط عامرين مي غانشوف ليك وبما أنه عندو دبلوم دلكوميرس غاينفعناا نيت نتي غير جيبي السڤي ديالو
رحيل:داكوووغ موسيو سعيد شكرا
سعيد:لعفو ارحيل وكيف قلت فيما تحتاجي شي حاجة أنا هنا
نوح:(واقف عليهوم ويديه فجيابو وقال بهدوء) كاين شي مشكيل ؟
سعيد: موسيو السليماني صباح لخير
حرك ليه نوح راسو وعينو فرحيل لي شافت فيه ولقاتو مخنزر فيها علاش ماعرفاتش.. ضور سعيد عليه وعلى رحيل وقال بهدوء: رحيل غير كانت تتسول واش كاين شي بوسط خاوي
نوح:علاش؟؟
رحيل:(ربعات يديها) على قبل محمد طه
نوح:تقدر تمشي اسعيد لخدمتك
سعيد:داكوغ
ضار نوح شاف فسعيد مشى وهو يرجع شاف فرحيل ونطق وهو هاز فيها حاجبو:علاش ماجيتيش عندي وسولتيني؟؟
رحيل:(ببرود)كنظن موسيو سعيد هو لي مكلف بهاد لطااش
نوح:(ببرود) وكنظن أنا هو مول الشي هناا
رحيل:(قلبات عينيها وقالت) غايخصني نرجع لخدمتي
نوح:(تبسم بسخرية) ملي كنتي واقفة مع سعيد مكانتش عندك خدمة ؟
رحيل:(خنزرات فيه) نتاا لياش باغي تووصل؟
نوح:(قرب خطوة جهتها ونطق بهدوء) ماتكونيش نية بزااف
عطاها بالضهر ومشى وهي بقات تتشوف فيه تاغبر قدامهاا ودخل لبيروه بقات تتفكر فهضرتو وتصرفو.. هو اش قصد بكلامو لخر زفرات النفس ودخلات لداخل تاهي تكمل خدمتهاا..
ملي دخل لبيروه وهو ساكت وهاز حاجبو لسماا وجدو جالس معاه وشاد تلفوونو كيهضر أبيل فيديو مع بنتو انتصار.. هضرة تجبد هضرة تاعرفهاا غاتجي عندهوم فالقريب تبقا معاهوم شي يامات حيت لعطلة هادي ودراري قريب يشدو النتائج... سالا معاهاا لابيل وشاف فحفيدو وقال:عمتك سلمات عليك
نوح:مرحبا بسلامها
لحسن:(شاف فساعتو) هادي هي لوقيتة باش نمشي لسبيطار
نوح:(شاف فيه) بلاتي يجي زين العابدين ويمشي معاك
جبد تلفونو دوز لخط لزين وعلمو يجي عندووو.. مدازتش مدة كثيرة تاكان وصل زين العابدين ومشى مع جدوو لسبيطار وبقا نوح مكمل خدمتو..
---
غادة هي وإدريس لي كان شاد يديهاا ومباغااش تمشي لسبيطار باش دوز حيت مكتحملش شي حاجة سميتها دوااا وسبيطارات.. مخنزرة وشعرها لقهووي طايح على وجهها مسرسب ولابسة كابيتشو كبيرر عليه.. وقف إدريس وشاف فيها مكمش حجبانو: مال نخشيشتي مقلقة؟
سيدرا:(حركات كتيفاتها) مابغيتش نمشي سبيطار بّا ديدي
إدريس:(تحنى هزها وباسها فحنكها) غانديو غير التحاليل لي درتي ونشوفو اش فيهوم ونرجعو دغيا ابابا واخا
سيدرا:(هزات حجبانها) وتشري ليا لاگلاص
إدريس:غايضروك لحلاقم
سيدرا:همم غير شريه لياا بّا ديدي
إدريس:واخا الالة
كمل طريقو لابو خدا التحاليل ديال فقر الدم ديالها وداهوم لعند الطبيب لي كان فالسبيطااار سولو عليه ولقاو عندو مرضى وخصهوم يشدو النوبة.. جلس وجلسها فوق ركابيه وهي ساكتة تتشوف فالناااس تانطقات:بّا ديدي بغيت نمشي لطواليط
إدريس:زيدي
داها لجهة لحمامات وتحنى حل ليها السيور دالسروال التوني وخلااها دخل بوحدها حيت جاتو آبيل من عند تانيرت.. دخلات لداخل كاانو زوج بيبان حمام الرجال والنساء دفعات لباب لول ودخلات وبدات تتشوف فالطواليطات لي كانو فشكل حيت دخلات لحمام الرجااال.. بقات تاضور عينيها تاتحل لباب ودخل واحد الراجل وبدا كيشوف فيهاا شوفات فشكل ونطق:اش كاديري هنااا ازوينة
سيدرا:(خنزرات فيه ونطقات) حشومة دخل لطواليط عيالات
راجل:(تبسم) وانتي لي داخلة لطواليط الرجال
سيدرا:هااء
شوفاتو خلعوهاا عليها بعدات وبغات تمشي وهو يشدها من لقب دلكابيتشو ونطق بمكر:اجي نعاونك واش بغيتي تمشي لطواليط
سيدرا:(ضرباتو فركبتو) لامابغيتش بعد مني بّااا ديدي
شافها غاتبدا تغوووت وهو يسد ليها فمهااا وهي تاتضرب فيه كيف شي قطة وصوتهاا كايطلع آنين أما هاداااك عينوو عليهاا وعقلووو لمووووسخ كيرسم ليه سيناريوهاااات موسخين بحاااالوو.. هي فمكانتش عارفة نيتووو ولكن إحساسها الطفووولي نبهها تهرررب... عضات يدووو بالجهد تاطلقهاا ومشات تتجري ومع حلات لباب وهي تهز راااسها فلخيااال لي واقف قدامهاا كيشوف فيها بشوووفات بااارديين..
قطع لابيل مع تانيرت لي عيطات عليه باش تسول على سيدرا والتحاليل لي دارت اش نتيجتهوم.. شاف فساعتو وملي شافها تعطلااات قرر يدخل يشوفهاا ومع ضار سمع صوت كيعيط بسميتو.. قلب وجهو وبان ليه لحسن جد نووح جاي بجلابة سخونة شوية ولابس طربوش بحال دلفرانسيس وجنبو زين العابدين لي كااان كيف لعادة لابس السپور وخاشي يديه فجياب لقبية.. تبسم ليهوم إدريس وسلم على لحسن ونطق بهدوء:سي لحسن اشخبارك كلشي مزيان
لحسن:الحمدلله ونتا العائلة كلشي بخير؟
تخطاهوم زين العابدين داخل لحمام وقبل مايمد يديه باش يحل لباب تحل وخرجات منو بنت صغيرة لي مجرد مشافت فيه عرفها.. شوفاتو كانو باردين كيف عادتو وهي غير عرفاتو تلاحت على رجليه وخشات راسهاا بيناتهوم وعنقااتو ونطقات بصوت باكي تتشكي ليه: هاداك الراجل كان باغي يضربني
هز عينوو فالراجل لي كان واقف شاد يديه وجهوو صفارر وتيسرط ريقووو بزز.. هضرتهاا هو فهم معناااها غير من شوفاات داك الشخص نطق بهدوء بعربية معلكة: سير برا
خرجات سيدرا وجهها وشافت فيه وهو يحرك ليها راسو بمعني سيري وتاهي معطلاتووش مشات تتجري مخلية شعرها لقهوي تيلعب ورى ضهرهاا.. قلب زين العابدين الشوفة فداك خوناا وتقدم بخطوات لقدام تادخل وسد لباب بهدوء وبرود.. غادي جيهة الراجل لي كان تيبعد وبصوت مرتاعش قال:أنااا كنت بااغي نعاونها حيت كااانت باغاا تمشي لطواليط أنااا
قاطع هضرتوو كروشي جاااه وسط لوجه خلاه يرجع لور بحر الدقة ونيفووو كان بحال شي شلال طلقيتيه.. ومع رجع تقاد جاااه كروشي تاني قصح من لول.. وداك الكروووشي حل طريق لضربااات خرين مخلين لاخر يفشل ويطيح الأرض وزين العابدين كان فوق منووو محني كيعطيه فلكروشيات بملامح باردة وجااامدة... يدو كانت تقيلة بحكم تيتريني وتالاخر كان كبير شوية فلعمرر داكشي علاااش فشل دغيااا... كان وجهو بحال شي خريطة ودم خربق ليه ملامحو وغييب ومع دلك زين العابدين ماحبسش وبقاا مكمل تااناض ببرود عاطيه بضهر ومشى جهة لاڤاپو طلق لما وغسل يديه وجبد كلينيكس مسح بيه يديه لي كانو لعضيمات دصباعو مجروحين.. لاح كلينيكس فلابوبيل وخرج ببرود كيف دخل مخلي لاخر مليوووح فديك لحالة.
أما على برا فاش خرجات سيدرا مشات ديريكت عند إدريس وغير شافتووو وهي تنطق بصوت بااكي وعينيها المبطنين عمروو دمووع:بّا ديدي
شافها إدريس وتخلع تحنى عندها وشد وجهها ونطق بتساؤل وقلب مخلوع:مالكي؟؟
بدات تتعاود ليه سيدرا شنو طرا ليهااا وهي تتبكي ومخلوووعة.. هي مكانتش عارفة نواياا ديال الشخص وعند بالها كان غير باغي يضربها عكس إدريس ولحسن لي فهمو أن لبنت تعرضات لتحرش وكون مالطف الله كووون تعرضات لاغتصاب فهاد السن الصغييرة
عنقها إدريس أو وجهوو ظلاام وعينوو قساحووو رد اللومة لراسو حيت خلاهاا بوحدهاا وحلف بحلوفو ياتايندم داك لحيوان.. ولكن دابا مقادرش يخلي سيدرا حيت متعلقة فيه.. هز عينوو فزين العابدين لي كااان جااي جهتهوم ونطق بصوت تقيل:فين هووو؟
زين العابدين:(أشار ليه لداخل بلاماينطق)
إدريس:(شاف فسيدرا ونطق بحنان) بقاي هناا أناا جااي واخاا
حركات راسها وبدات تترجع شعرها وتحيدو على وجهها وهو دخل لحمام كان ناوي على خزيت ولكن فاش شاف حالتووو عرف بلي كاين لي سبقوو وخداا حق حفيدتووو دفل عليه إدريس وركلووو برجليه وخررج.. وفطريقو لقى السكوريتي داخلين يهزوووه.. لقى سيدرا واقفة جنب لحسن لي شاد فيديها وزين العابدين مكاينش..
إدريس:(هز سيدرا ونطق)سي لحسن الله يجازيك بلخيررر
لحسن: الله ياودي لحمدلله ربي لطف
إدريس:لحمدلله
كانت سيدرا مخشية فإدريس وحاطة راسها على كتفوو وهو غادي بيها لبراا ساامح فالتحاليل وكلشي.. المهم دابا عندو هو سيدرا ونفسيتهاا لي حس بيهاا تأثرااات بلي طرااا.. ممشاش لدار ديريكت إنماا داهاا هو لول خدا ليها لاگلااص وجلس فوواحد لكاافي كيشوف فيه وهي هازة لاگلاص وتتشوف فيه بعينين دابلين نطق إدريس بهدوء: واش معجبكش لاگلاااص ابابا
سيدرا:(هزات عينيها فإدريس وقالت) علااش هادااك كان باغي يضربني بّا ديدي ؟
إدريس:(زير على يديه ونطق بهدوء باش ميخلعهاااش) حيت هوو واحد ممربيش وعزيز عليه يخلع دراري الصغاار
سيدرا:(كمشات حجبانها) هو خلعني بزااف بّا ديدي ولكن أنا عضيتوو فيديداتو
إدريس:(لمس شعرها بحنية) براافو ابابا يالاه كولي لاگلااص دابا راه غايدوب
رجعات سيدرا تتتاكل لاگلااص وإدريس ساهي كيفكر تاسالات سيدرا وقالت:بّا ديدي ساليت أناا
إدريس:(خدا كلينيكس مسح ليها يديها وفمها وقال بهدوء) الامشينا لدار بلاماتقولي لتاواحد اشنوو طراا واخاا
سيدرا:وعلاش؟
إدريس:حيت ماماك غاتخلع عليك وتاتانيرت وكلهوم واش نتي تبغي تخلعيهوم وتقلقيهوم؟
سيدرا:لا بّا ديدي صافي أنا مغاديش نقولها لحد
تبسم ليهاا إدريس وناض شاد يديها.. هاكا حسن حيت الاساقت رحيل لخبار غاتصدق تاني مأزمة وغاتعصب وهو مباغيش تجيها تاني شي حالة انهياار حيت هادشي كايهرسو من لداخل.. حاس براسو مربوط وكون غير يقدر ياخد عليها مرضهاا.. يمرض هوو ومايشوفهااش هي مرييضة.. تنهد وتفكر شي لي طرا لسيدرا وشنو كان غيطرا كون ماربي لطف.. هي دابا صغيرة وغاتنسى دغيا ولكن هو عمروو مغايقدر ينساه وغايبقا يلوم راسوو حيت كان السباب وخلاها بوحدها وهو عارف هاد الدنيا عامرة ديااب
جمعااات لوراااق فالملف وخرجات من لبيرو غادة عند نوح باش تعطيهوم ليه يڤريفيهوم قبل مايسني عليهوووم.. دقات لباب ومع سمعات صوتو دخلات كان باقي على جلستوو والبيسي قدامو مركز فشنو كايدير فيه.. هز عينوو شاف فيها ورجع حدرهوم وهي نطقات بهدوء: الضوسي لي طلبتي مني هاهو ؟
نوح:حطيه فوق لبيرو
رحيل:(حطاتو وشافت فيه) الاكان ممكن غدا مغانقدرش نجي
نوح:(هز فيها عينو) علاش؟
رحيل:عندي واحد لغراااض شخصي
حرك راسو ورجع مكمل شغالو تانطقات تاني بتساؤل:نتا شنو قصدتي بهضرتك لي قلتي لياا قبيلة ؟
نوح:(بهدوء) اشمن هضرة؟
رحيل:(ربعات يديها) ماتكونيش نية بزااااف؟؟ اش قصدتي بيهاا
نوح:معناااها باين غير الامبغيتيش تفهميه
رحيل:(كمشات حجبانها) واش نتا عزيز عليك تهضر هاكا بلمعاااني مع الناااس
نوح:(ربع يدو وهز عينو فيها وقال بجدية) هضرتي واضحة نقصي شوية من النية وماشي لي ضحك فوجهك راه باغي ليك لخير نتي كبيرة وبعقلك وكنظن عااارفة تميزي بين لخايب والزوووين وهادشي لي كنقول لمصلاحتك
رحيل:(نطقات بصوت واتق وهي تتشوف فيه) أنا عارفة مصلاحتي كثر منك مكاين لاش تهز ليا لهم
نوح:(حرك راسو وقال ببرود بدون مايهز فيها لعين) واخا نتي تعرفي عتابريني ماقلت ليك وااالو امادموزيل
ربعات يديها وهو هز لملف لي جابت ليه مركز معاه وهي تادقق فيه مع حاني راسوو.. شاد بيديه ليمنية ستيلوو فالكحل والذهبي زوووين فيه حروف هي قشعاتهوم N.S تيلعب بيه ومرة يحك حاجبوو ويحط صبعوو الصغيير جنب فمووو.. مدة وهي مملاتش من مراقبتوو والجووو كان هادئ بناتهوووم.. سنى على الوراق ورجع ستفهوم ومد ليها لملف بلامايشوف فيهاا.. مدات يديهاا وهو يقشع صبعانهاا الرقاق الطوااال وضفرانها لي كانت صبغاهوم بلغوووز باارد.. ومزينة يديها بخوواتم رقاقيين وگرميييط رقيقة فيهاا واحد لجوهرة بيضاا ومضورين عليهاا جوهارات صغاار فالزرق بااارد.. جرات لملف ومشات بهدوء وهو عاد هز عينوو كيشوف فيهاا تامشااات وشدات لباب وهو يتنهد..
داز النهار بهدوء ودازووو معاااه أياام خرى نفس الروووتين عند كل واحد فيهوم من غير اقتراااب شهر رمضااان وطبعاا بداية توجاااد فكل دار مغربية.. كان ليوووم الأحد وقررو يمشيو لمرجاان يتقدااو لي خص.. كانت رحيل تتلبس فولارها وهو يتحل لباب ودخلات سيدرا لي قالت بسرعة:مامي بّا ديدي تايعوووت قال سربيوو
رحيل:واخا امامي
سيدرا:نديو إيڤانااا؟؟
رحيل:لا (هزات صاكها) زيدي نمشيووو
شدات يد بنتهاا ونزلوو بشوية بدا لحال يسخااان وكانت رحيل لابسة جيپ كحلة مع شوميز بيضاا وكاااب كحل ڤيست طوويل مع بووط بيض.. لقاتهوم كاملين تم واجدين ونيت دايرينها حجة وزيارة يتسخروو ويتقهواو فشي كاااافي مجموعين.. ركبوو فالطوموبيل ديال إدريس من غير ريان لي ركب فمطورو لي شراه مأخراا وتبعهوم.. شدو طريق لمرجان وسيدرا منشطاهوم بهضورهاا تاني وهاكاك وصلوو لمرجان وبلاصاو طوموبيل ونزلو جميع مع بعض.. جرات رحيل الشاريو وجلسو فيه سيدراا لي نطقات بصوت حماسي:مامي تشري ليا لباط وحوليااات بزاااف
رحيل:همم مامي نشري ليك
تانيرت وإدريس جرو شاريو ومشاو بزوج يتقداااو لي خاص ورحيل والبقية تاهوما مشاو ياخدو لي بغااو.. كل واحد فين تفرق.. أسماء ورنيم مشاو لجهة لبخودويات وريان ومحمد طه غير كيتسركلو وفيما تبان ليهوم شي حاجة عجباهوم يهزوهااا.. أما رحيل وسيدرا فمشات لغيوون ديال الحلويااات.. عيون سيدرا لمعووو ببريق طفووولي وبدات تشيررر بصباعها ورحيل تهز لي قالت ليهاا.. خدات ليهاا أي حاجة بغات ولشيبس والمرشميلو لبيموااات والتقاااوت تاهوما.. أي حاجة حطات عليها سيدرا صبعها هزاتها ليها رحيل.. عاد مشات لغيون دلباط لي تموت عليهوم سيدرا وتارحيل وبداو تاني يهزوو تاعمروو الشاريوو.. وقفات رحيل تاضور عينيها تبانت ليها أسماء ورنيم باقيين فلغيون دلبخودوي كيقراو شي حاجة ومشات عندهوم وقالت بهدوء: شنو خديتو
ضارت أسماء ومع ضربات على الشاريو وهي تنطق بصدمة:هاويلي غاتدي هادشي كامل
رحيل:اه مالكي؟
أسماء:لحناااش غايلقاو فين يسكنو هههه
رنيم:لحلوووى بزااف راه تاضرر ارحيل وخصوصا السنينات
رحيل:مالها غاتاكل هادشي كولو فنهار راه غانخبيه ليها
سيدرا:فين بّا ديدي؟؟
أسماء:قبيلة كانو لهيه تيتقداااو
رحيل:ودوووك الزووج فين غبرووو تاني
رنيم:(بضحك) اتلقااي ريان تابع ليه تاني شي طررف ههه
أسماء: السالوبار يموت على طروووفة ههه
رحيل: سكتوناا نتومااا تت باغاا ناخد شي جيل دوووش ريحتو تكووون زوينة
أسماء:خديت وااحد شوفي لاعجبك خودي بحالو
رحيل:(هزاتو وشمات ريحتو وكمشات حجبانها)خانز اصاحبتي
أسماء:لا بلعكس زووووين
رحيل:(خلات الشاريو وفيه سيدرا تتاكل شيبس وضارت تتختاار لي بغات) نشوف اش عندهوم هنا
بقاو لبنات كل وحدة تشوف لي بغات ومايهزو لحاجة تايقراو ويعرفوو مناااش مصنووعة.. مدة وهي مركزة مع شنو تادير تاخدات لي بغات عاد ضارت رحيل موراها جهة الشاريووو لي فيه سيدرا وملقااتش لا الشاااريو ولاسيدرااا.
قلبها قفز من بلاصتو ويديها لاحو داكشي لي كانت هازة ونطقات بصوووت مرعووود:سيدرا
سيدرا:هاااني مامي
ضارت رحيل لجهة لخراا وهي تلقاا الشاريوو فين جالسة سيدرا وحداه محمد طه وريان لي كانو واقفين فلغيون ديال لبخودي درجااال تيختارو تاهووما لدودوغوون ولحوايج لي خصاهوم.. زفرات رحيل النفس وهي تكمش حجبااانها ومشات عندهوم:علاااش ماعلمتونيش وديتوهااا
ريان:(نطق بهدوء) كنتي مركزة وتتقراي داكشي لي هازة ومسمعتيناش
رحيل:(عنقات سيدرا وقالت) ماوقع باااس
أسماء:(قربو جهتهوم)صافي خدينا لي بغيناا
رحيل:(مشات هزات داكشي لي لاحت ومن زهرها مكانوش قراعي دزاج لي غايتهرسو حطاتهوم فالشاريو وقالت)خليونا نشوفو فين ماما وبابا
بقاو غاديين يتساراو تم تاتلاقاو بتانيرت وإدريس جارين شاريو تاهووما مقدين گاع لي غايحتاجوو تمشاو لاكيس وسبق إدريس تيحط السلعة وجا جهة رحيل وهي تنطق: أنا غانخلص
إدريس:(كمش حجبانو وقال بهدوء) خلي فلوووسك ابنتي عندك
رحيل:لا ابابا فلووسي راه فلوسنا كاملين (دراعتو ونطقات بصوت حنين تتمازح معاه) راني ترفحت تاني هههه
إدريس:(باس راسهاا وقال بحب) بصحتك ابابا
خلص إدريس كلشي وماخلاهومش يحطو درهم هي لقليلة كيف عادتوو وهزو السلعة ستفوها فلكوفر وشدو طريق لشي كافي زوووين تقهواو فيهاا وهاد لمرة سبقات رحيل وخلصااات عاد رجعوو لدااار يستفوو تقدية لي جابو.. وهاكا دوزو داك النهاار غير فتمااارة..
لغد ليه ناض محمد طه يوجد راسو على قبل لونطخوتيان لي عندوو ليووم فلميزون دوڤواتيغ لي خدامة فيها رحيل.. كانت دفعات سيڤي ديالو ولكن يالاه عيطوو ليه باش يجي يدوز.. نزل لابس سروال توب فصالة مع شوميز بلوسيل فقط وصباط.. كان تيبان كلاااص واخاا مضهرو بسيط ولكن بحكم مولف تيلبس السپور جا مختالف.. كانت جايا هازة صينية بين يديهاا وغير شافتو وهي تجمد فبلاصتها وحلااات فمهاا فيه بلاماتحس.. قرب جهتها محمد طه ونطق ببرود:لفطوور واجد؟
غزلان:هااء اااه واجد
رحيل:صبااحوو (قربات جهة محمد طه وباستو فحنكو) واجد؟؟
محمد طه:(مبسم) من لباارح ههه
رحيل:غايسولوك أسئلة روتينة على خدمتك قبل وصاف أوكي
محمد طه: أوكي اعوينات الجلبانة
نظم ليهوم ريان ولبقية لي فطروو وخرجو الثلاتي دقة وحدة حيت طريقهوم وحدة.. نزلات رحيل ومحمد طه لي ودعوو ريان ودخلو لداخل.. سبق لمحمد طه جا لهناا وفالحقيقة لمرة لولة مكانش عندو وقت فين يشووف البلااصة ويكتاشفهاا حيت كانت زيارتو الأولى عكس داباا لي خداا وقتوو وهو كيشوف فالطبقة لولة لي كانت واااسعة وفيهاا طوموبيلااات جدادين ولحيوطة ديالهاا زاااج كتبيين على براا ولعكس صحيح.. كانت الأرضية رخامية والخدامة عندهوم ستيل موووحد ديال لبسة وفيها لوغو دلميزون دوڤواتيغ.. هز عينو لجهة الدروج وبانت ليه الطبقة لي فيها لبيروااات وتاهي بالزااج والخشب وغالب عليهااا لون لكحل.. لخلاصة البلاصة زوووينة ولخدمة فيهاا باين غاتتكون تجربة ممتعة بالنسبة ليه هوو لي ولف فحياتو العملية يخدم غير فلمگازااان ولسوبر مارشي وهاد التجربة غاااتنفعوو فمستقبلوو..
رحيل:عجباااتك لبلاصة؟
محمد طه:زوينة سبق لياا جيت لهنا ولكن مادققتش فلبلاصة بحال دابا
رحيل:غاترتاح هنا لخدمة زوينة بزاااف غير هو مضسرش عليك لبشار
محمد طه:(تحنى عندها مع هي قصيرة وهمس ليها)فين ولد لحاااج نسيبناا
رحيل:(خرجات عينيها فيه ونطقات بهمس معصبة) دغيا رديتيه نسيبك وباقي گاعما عطيت الأوكي
محمد طه:(تكى على يديها وقال بهدوء) إحساسي كيقول ليا غايكووون
رحيل:(خنزرات فيه وعوجات كتفها تازول يدو وقالت) بيرو موسيو سعيد لهيه سير دوز لونطخوتيان وخليني نمشي نخدم على راسي
محمد طه:(نطق بهمس باغي يفقصها) عارفك غاتوافقي أصلا فيما كاتجبد سيرتوو حنيكاتك تيتزنگووو
رحيل:بااااسل
خلاتو كيضحك وطلعات لفوق وهو مشى لبيرو سعيد لقاه كيتسنااه.. وبعملية بدا معاه لونطخوتيان وسعيد كان باين عليه الجدية والصراامة.. ملي سالا هز السڤي ونطق:تبعني
خرجو من لبيرو غادين عند ولد لحاج لي كان فانتظارهووم.. سلم على محمد طه بابتسامة وطلب منو يجلس وهز السڤي ديالو تيقرااه شوية هز لفيكس ونطق:اجي عندي؟؟
مدازتش مدة كثيرة تاسمعو الدقان وكانت رحيل لي داخلة وهي مستغربة وعيونهاا كيشوفو فمحمد طه وتسولو اش واقع وهو حرك راسو بمعنى ماعرفتش.. بقاو واقفين بتلاتة وسعيد كيضور راسو تاهو مافهمش شكاين.. تاهز راسو وقال بتبسيمة لمحمد طه:مرحبا بيك معانا محمد
محمد طه:شكرا اولد لحاج
نوح:(بدا كيضور الستيلو فيديه تاهز عينو فسعيد ونطق ببرود ومكر) سعيد غايكوون معاك فهاد الشهر لول وغايدربك ويوريك أساسية خدمتو ولاطااش لي شاد حيت من ليوم نتا لي غاتشد بلاصتووو..
هزو بتلاتة بيهوم عينيهوم فنووح لي كان على جلستو وملامحوو باردين وعينو على سعيد لي كاان ممتيقش اش كيسمع.. أماا رحيل فمكانتش قل منوو ومفهمااتتش كيفاش محمد طه غايشد بلاصة سعيد ومحمد طه كان بحال شي أطرش فالزفة مفاهم والو وغير كيضور عينوو عليهوم وساكت..
سعيد:(كمش حجبانو وقال باندفاع) مافهمتش موسيو السليماني نتا اش كتقصد
نوح:(كمش فيه حجبانو) شنو لي فهضرتي مواضحاش
سعيد:نتا قلتي هو غايشد بلاصتي واش أناا درت شي غلط ومفخباريش؟؟
قاطع هضرتهوم دق فلباب وصوت نوح لي قال:دخل
تحل لباب ودخلات بهيجة لي كانت تاضور عينيها ومع شافها سعيد وجهوو صفااار وتمنى ميكونش داكشي لي فبالو هو لي وقع.. دخلات بهيجة وسدات لباب وقالت وتاهي مفاهمة والو:سي السليماني واش بغيتيني نقي ليك لبيرو؟؟
نوح:(ناض من بلاصتوو داير يديه فجياب السروال وتقدم جهة بهيجة ونطق بهدوء خطير) شحااال ونتي خدامة هناا ابهيجة؟
بهيجة:(عينيها تيزلقو جهة سعيد وقالت بتوثر) ربع سنين اسي السليماني
نوح:(حرك راسو) ربع سنين (تبسم ببرود) هادشي علاش ضربتي لعشرة دربع سنين بسباب زوج درياااال طمعك بيهوووم سعيد
العرق بدااا يتكون فجبهة سعيد وقلبو حس بيه طلع لفمو فاش سمع هضرتوو هو صااافي عرف اشنو طراا.. زير على يديه وبهيجة تاهي مكانتش قل منوو.. أماا رحيل ومحمد طه باقي لحد الآن مفاهمينش هضرتوو وسبب تواجدهوووم هنااا..
بهيجة:(مبغاتش تبين ودفعات الجبهة) مافهمتش اسي السليماني اش قصدتي؟
نوح:(تمشى جنب لبيرو وتكى عليه وربع يدو ونطق باستفزاز واضح فكلامو) مافهمتيش نفهموووك الالة من نهار بديتي خدمتك هناا ليومنا هادا عمرررك مااكنتي تاديري ليزيااات ونتي خدامة تااال نهاار لي وقع لمشكيل مع لمادموزيل (أشار لرحيل) وتسد عليها باب لبيت فين كانخزنووو لمستلزمات دلبيرووو
ضارت رحيل بالجهد جهة بهيجة فاش سمعات هضرتوو وبدات تتشوف فيهاا وهي مخرجة عينيها أما نوح كمل هضرتو ببرود:وسبحاااان الله لقيتي لباب محلوووول وسديتيه بلاماتشووفي واش كاين شي حد لداااخل وتأكدي لاوزوينة هووو سعيد لي عمرووو فحياتو عطى لشي واااحد سوارت داك لبيت وكان هو بنفسو لي كيعطيهوم لحاااجة وغير جاات رحيييل وعطاهوم ليهااا (كمش شفايفوو ونطق بسخرية) عجييييب
بهجية:(بتبرير) مكنتش عارفاااها تما اسي السليماني تيق بيااا
سعيد:(نطق تاهو كيبرر) داك النهار كانت عندي خدمة كثيرة ومقدرتش نخليهاا داكشي عللااش عطيتها الساااروت موسيو السليماني
محمد طه:(ناض من بلاصتو ونطق مخنزر) بلاتي كيفاااش تسد عليهاا لباب وهوما السباب؟
مكانش محمد طه على دراية بالأمر حيت رحيل مقالتها لحد وخلات الأمر فلخدمة..
محمد طه:(قرب جهة رحيل وشدها فيديها وقال بجدية)شوقع؟؟
بدات رحيل تتعاود ليه وهو تيسمع ويديه كيزير عليهوووم معصب ومع كملات هز كروشي وضرب سعيد لي مكانش عوااال عليه وطاحو نضاضروو ورحيل جراتوو وغوتات:محمد طه عفااااك لاااا
محمد طه:(شاداه رحيل وهو باغي ياكل سعيد)شتيها حيط قصييير القوااااد ومعرفتيش بلي عندها لي يدااافع عليهااا
رحيل:(كانت خايفة عليه حيت الأعصاب ممزيانينش ليه على قبل صحتو ونطقات بترجي) عفاااك امحمد تهدن على قبل صحتك
نوح:(قرب جهة محمد طه وجرووو ونطق بهدوء) جلس
محمد طه:(نفد هضرتو وعينوو على سعيد مغدد عليه)
نوح:(شاف فسعيد ونطق بجدية) كنتي تفكر مزيان اسعيد بلي تاحاجة مكتخفاش عليا فلول كنتي تادير لفعايل معاااها بدون مبررات وعطيتك إندارات بزااف وقلت ليك مانبغيش لغلاااط ونتا اش درتي سديتي عليهاا
سعيد:(زير على يديه ونطق بهدوء) موسيو السليماني
نوح:(غوت تاتهزات رحيل وبهيجة.. دغياا تسيف وخرج فيه عينيه) قلللت ليك جمع رااااسك هادي بلاااصة لخدمة ونتاااا اش دررررتي هاااا مافكرتتتيش بلي هااااديك الإنساااانة لي سديتي عليها تم كاااان ممكن يوقع ليهاا شي حاااجة كووون ماشي صاحبتها لي جاااات علماتنا وكون مشينااا كلنا وبقاات تماا وماعتقها حد فين كناا غانووصلوو (حمر فيه الشوفة وقرب جهتهوم وأشاار ليه بيدو) هناا بلااصة لخدمة مااشي بلاااصة حفرر لياا نحفرر ليك ونتياا (شاف فبهيجة) بسبااب زوج درياال نسيتي مبادئك وتبعتيه فلخبث دياالو وأديتو إنسانة مدارت ليكووم تااشي حااجة وكوون قلناا دارت كنتوو تجيوو عندي وتقولو لياا وأناا نتصررف (كمل بهدوء عكس انفعالو دقبيلة) نهار شفت لفيديو عرفت بلي نتي درتيها بلعاني ودوك لزيات كانو تمويه بااش مانعيقوش بيك ملي نسولوك علاش ماسمعتيهااش ونيت يكون عندك عدر حيت دايرة داك الزمر ومسمعتيهااش (خنزر فسعيد) ونتاا امول لعقل ولي كنعوول عليه فلخدمة وتاايق فيه شفتك داك النهار كنتي تتسنط علينا وراا لبيبان.. (تبسم بسخرية) وسمعتكووم نهار كنتو تتهضرو فلكولوار دلحمامات وكنتي نتي (شاف فبهيجة) تطلبيه يكمل ليك فلوسك (تقاد فلوقفة ودار يدو فجيبوو او وجه هضرتو لبهيجة) عندك شهر غاتخدمي فيه بلاصالير باش تعلمي تخشي راسك فشي حاجة مكتخصكش ودابا تقدري ترجعي لخدمتك..
هبطات بهيجة راسها وخرجات أما نوح شاف فسعيد لي مقدرش ينطق مزال وكمل هضرتو:غادرب محمد طه هاد الشهر حيت هو لي غايشد بلاصتك ونتااا غاترجع لبووسط لي كنتي فيه..
يتبع...
التعليقات
لا توجد تعليقات بعد، كن أول من يعلق.