الجوهر الحر الجزء 42

واقف إدريس حدا لباب ديال الدار وجنبو تانيرت وحنان وراجلها.. عينيهوم على الطوموبيلات لي كانو داخلين مع لحومة وأولهوم المرسيديس ديال نوح لي كانت فالكحل تتلمع.. الجيران كيطلو وكلشي كيشوف فداك الدفوع الهماوي لي جايبين لعروسة.. حبس نوح طوموبيل ونزل بجابادور جاتو فصااالة مبينة كتافو لعرااض مع بلغة بيضاا ولابس فوق منهاا سلهاام.. شعرو مرجعو لور مفيكسيه ولحيتو مخليها كيف هي..نزل جدو لحسن وجداتو ومو وعفاف وكل واحد متأنق بالبلدي على حقو وطريقو.. تقدمات جهتو رحمة كيف عادتها بقفطاان خضر بارد وشدات فدراعو..بداو البقية تينزلو من الطوموبيلات والدقايقية منوضين طرحهوم..

🎵الهدية يالالة الهدية ليك جاياا الهدية يالالة الهدية ليك جاااايا وااامولاي السلطااان والهواوي لالة لبنات لي كواتك هاهي جاااتك🎵

نزلو الدراري الطيافر مربعين هماوين فيهوم دفعوهاا وبداو تيدخلوه لدار ونوح تقدم جهة إدريس سلم عليه سلام رجولي وحرك راسو لتانيرت وحنان...وجاو لبقية تايسلمو على عائلة العروسة ويستقبلوهوم..

واقفة أسماء تاطل وعينيها خارجين من دوك الطيافر لي مبغاوش يحبسو وبصراخ نطقات:جااايبين ليك ضررووبة

رحيل ترفعات فديك الساعة وصوت الدقايقية تايجيها غارق مع صوت أسماء.. غمضات عينيها فاش حسات بالضبابة ونطقات بخفوت:أسماء

جات عندها أسماء تتجري وهزات لماا شرباتها ونزلات لكوزينة جابت ليها لما دالسكار والنگافات كينشو عليها بالفرفارة وهي راه صافي شوية وتغيب.. شربوها لما دالسكار عاد رجع فيها الرووح وأسماء نطقات بتبسيمة: هادي غير جاا وجاتك السخفة والاتجمعتي معاه فبيت واحد واقيلة تموتي ليه

ضحكات هي والنگافات ورحيل راه ديك الفكرة ركبات فيها الرعب.. نوضاتها أسماء وشدات يديها وقالت بصوت هادئ:اجي تشوفي دفووعك

كانو لايحين عليها لفوال لوجهها.. واقفة جنب تاطل وتشوف فدفوعها والدقايقية لي تيلعبو ويغنيو والعيالات كيسفقو والزغارت تيتسمعو على الجهد.. عينيها دمعو وهي تتشوف فديك التكبيرة لي كبر بيها وداك الدفووع لي جااب.. مابخلش عليها بتاحااجة وخلى خالتو ومو وبيسان هوما لي يتكلفو بدوك الأمور حيت هوما أدرى فداكشي هو حدو حط لفلوس ورجع لور.. مع الدخلة كانوا السربايا هازين طبق ديال التمر معمر بلوز ولگرگاع والحليب استقبلو بيه الضياف.. كلشي شرب من لحليب من غير زين العابدين لي مكيعجبوش.. دخلو لداخل فين مقادين الجلسة وكلشي كان على حقو وطريقو.. والدفوع ستفوه فالوسط والمصورة مكتفلت تالقطة..

حس نوح بيد تحطات على كتفو وضار لقاه اليازيد.. درعو نوح واليازيد نطق بتبسيمة:الله يكمل عليك بالخير اولد لحاج

نوح:(بخشونة)عقبالك

اليازيد:(طلع عينو فسناء لي غير تتسوط جات فنة بدكي التكشيطة لبلوغوا)أودي هاد الساعة بان ليا غانبقا ديال راسي

---

فلبيت عند رحيل قادوها النگافات حيت جات لوقت فين غاتهبط.. تحل لباب ودخلو تانيرت وإدريس لي تبسمو لشوفتها وقربو جهتها وإدريس باسها فراسها ونطق بخفوت:الله يحجبك ابنتي واجدة

رحيل:(حركات راسها وبصوت خافت)اه

حط إدريس يديه على راسها وبدا كيرقيها تاسالى عاد مد ليها دراعو وشدات فيه وتانيرت شادة فيديها من الجهة الثانية ومع تحل لباب تطلق صوت النگافات تيصليو على النبي..

صلى وسلاااام على رسول الله الاجاااااه الاجاا سيدنااا محمد الله مع الجااه العلي..

نازلين بيها دقة بدقة ومع التكشيطة تقيلة بزاف وفلتحت غير سمعو التعاشق كلشي ناض مع كانو جالسين فالصالة الكبيرة.. نزلوها لتحت ومع دخلات كلشي بدا يصلي على النبي وهي حسات بتبوريشة طالعة معاها.. وصلوها لصالة الثانية فين كان جالس نوح بجلستو الرجولية قدام العدول فطبيلة مربعة.. وصلوها لجنبو وجرو الكرسي حداه وجلسها إدريس وهي مرفوعة.. انظمو ليهوم العائلة لي دخلو لديك الصالة باش يحضرو لعقد..قلب نوح وجهو جهتها وهبط عينو ديريكت ليديها لي بانو ليه تيترعدو.. حك لحيتو ورجع شاف قدامو بشوفات جديين..

العدول:بسم الله الرحمن الرحيم الصلاة والسلام على اشرف المرسلين.. ليوم تجمعنا فهاد النهار المبارك باش نعقدو القران ديال ولد لحاج مع الأنسة المصونة..

كانت رحيل تاتسمع ليهوم بعقل مرفوع وكلشي كان ساكت كيسمعو لعدول لي تيهضر على النكاح ويشرح ليهوم وهي مكانتش تتسمع ليه.. فديك الساعة كانت تتسمع لدقات قلبها العالين والخلعة دايرة خدمتها...

العدول:بنتي واش توصلتي بالصداق ديالك لي قيمتو 100000 درهم وعقد الملك ديال الفيرمة لف****

كلشي حل عينو فاش سمعو كلام لعدول وصداقها لي مكانوش متوقعينو بلي غايكون كاتب ليها لفيرمة بسميتها.. خرجات شيماء عينيها وضارت شافت فسناء لي تاهي تدعقات أما أسماء ولبنات فتبسيمتهوم بانت وفرحو لرحيل بديك التكبيرة والصداق لي عاطيها..

إدريس:اه

العدول:واش موافقة ابنتي على هاد الزواج

رحيل:(حاسة بقلبها ففمها وبصوت خافت) موافقة

العدول: سي نوح السليماني موافق على هاد الزواج

نوح:(بصوت الرجولي الخشن)موااافق

عطاهوم لعدول يسنيو ونوح دغيا دار لاسينياتوغ ديالو الخاصة ومد لرحيل ستيلو لي شداتو بيدين كيرجفو وسنات فين وراها العدول وموراها تسمع صوت العدول لي نطق:بارك الله لكما وجمع بينكما في خير نقراو الفاتحة..

كلشي هز كفوفو وتقرات الفاتحة وموراها تسمعو تاني صوت الزغارت والتعاشق والكل ناض باش يبارك ليهوم.. كانت شيماء حاسة بالفقصة وباغا تموت عينيها دمعات وبزربة ناضت خارجة من تما مقداش تبارك ليه وتبعاتها سناء لي كانت رادة ليها لبال.. أما نوح فكان تيعنق فعمو وخوالو وهو راسم ضحكة رجولية على شفايفو.. باركو ليهوم وموراها خرجو لصالة فين غايجلسو مخلين العرسان بوحدهوم..

كانت واقفة رحيل ولفوال باقي على وجهها...حادرة راسها والحالة لي هي فيها ربي لي عالمها.. سمعات صوت الباب لي تسد وخطواتو التقيلة لي تيتسمعو بديك البلغة لي لابس.. تابان ليها خيالو واقف قدامها وريحتو الرجولية تخللات جيوبها الأنفية.. مد يديه بشوية مزول ليها داك لفوال.. حركاتو التقيلة جابت ليها التمام وخلاتها تسرط ريقها.. أما هو فكان تيشوف فيها بنظرات تاقبة وعينو مزاحهومش على وجهها لي كانت حادراه وحدو شاف رموشها لي تاضرب بيهوم.. مد يديو وحطها تحت دقنها وهز ليها راسها بشوية تاتقابلو نظراتهوم فواحد النظرة خلات الرعشة تسرى فداتها وزغب شعرها يوقف أما قلبها فكان شوية ويسكت.. مانزلش عينو وخلى راسو يشوف فيها بنظرات تاقبة ساهي فزينها لي فثنو ولي خلاه ياخد راحتو ويتمنظر فيها وعلاش لا وهي دابا راه حلالو.. عيونها الخضرين لي سلبوه النهار لول كانو مكحلين شي لي زاد فثنو أما وجهها كانت دايرة ليه مك اب مبينها مختالفة وشفايفها معكراهوم بعكر فالنيود مع چلوس تيلمع.. السر لي طاح عليها زادها زين فوق زينهاا..

نوح:(نطق بصوت خشن وبتملك) جاا نهار لي وليتي فيه ديالي الفثنة

كلامو لي نطق بيه خلاها ترجف بين يديه..داك الصوت الخشن وديك النبرة ديال التملك جابت ليها التمام..أصلا مجرد مكتواحد معاه فبلاصة وحدة تايوليو مشاعرها هوما لي متحكمين فيها.. هبط بيديه على دراعها بحركة تقيلة تاوصل ليديها لي تترعد وشبكها مع يديه الضخمة مزير عليها وليد لخرى لواهاا على خصرها وقربها ليه تاحطات يديها على صدرو بحركة لاإرادية.. أما هو زير على خصرهاا ونطق بصوت هامس خشن: مال لفثنة ديالي خايفة

بحركاتو وكلامو كيزيد يخليها توثر وترعد واللسان باش تجاوبو مكاينش.. هز ليها راسها تاشافت فيه وحطها على حنكهاا قاسها بحركات حنانين قبل مايتحنى جهة شفايفها ويستولي عليهوم بشفايفو الكباااار..

فبرا كانت واقفة شيماء بتكشيطتها فلغوز بارد وشعرها طلقاتو سامبل كيضرب فيه الريح وعينيها مدمعين وقلبها كيضرب باقي ممتيقة بلي هو تزوج.. هاد لمدة كلها كانت تتقول يمكن طرا شي حاجة وتخليه يفسخ ساعة كانت غالطة.. بغات تموت وهي تتفكر شوفات نوح لرحيل كيف كانو.. عمرها شافتو شاف فشي بنت لمرا بدوك الشوفاااات لي جابو ليها التمام.. أما التكبيرة لي كبر بيها وداك الدفوع لي جابو ليها والصداق لي عطاها خلاها تكره رحيل وتحقد عليها.. تتشوفها خدات بلاصتها ونسات بلي هي السباب وبلي طمعها هو لي خرج عليها..

سناء:(وقفات جنبها ونطقات بهدوء)صافا شوية

شيماء:(نطقات بانفعال) مصافااش اسناااء مصافاااش قلبي تايتحرق من لداااخل (كملات وهي تتغلي) كبر بيها وماخلى ماجااب ليهاا فالدفووع وزيدي الصداق لي عطاهاا عشرة دلمليووون وكاتب ليها لفيرمة بسميتهاا (خنزرات فيها) هي باااش حسن مني هاااا وحدة مطلقة فاايت فيها الزوااج وعندهااا بنت من لفووق

سناء:(قلبات عينيها) تاأنا مبغيتهااش ليه ومقابلاش بيهاا ولكن عارفين ولد لحاج عمر كلمتو هبطاات الأرض ونهار قال غايتزوج بيها فكانت بااينة أو واضحة بلي غاتولي مرتوو

شيماء:(زيرات على يديها) لازين لامجي بكري أناا زوينة عليهاا وحسن منهاا قارية وعندي بروجي ديالي لراسي وبنت الشرفة وزيدي عليها عزبة أمااا هي شنو فيها زوين تاااحاجة تاواليديهاا غير مقااتلين مع الزماان وماعندهوم تاشي حاجة تميزهوم طاامعين فينااا ووو

سناء:(خرجات فيها عينيها)سكتيناا واش عارفة لاسمعك شي حد فين غانوليو

شيماء:(مسحات دموعها) عطيني الكونطاكط ديالك

سناء:(حلات البوشيط وعطاتها ونطقات بهدوء) ماديريش شي حاجة تندمي عليها

شيماء:(تبسمات ليها)باقي مادرت والو

هزات جلايلها غادة جهة الطوموبيل وسناء عاد رجعات لداخل وفطريقها تلقات بليازيد لي كان خارج وباين كان تيقلب عليها.. قلبات عينيها فيه وبغات دوز وهو يشدها من يديها ونطق بهدوء:فين كنتي؟

سناء:(زفرات بغرور) واش ماعيتيش هاا فيما مامشيت نلقاااك وممخلينيش على راحتي ابنااادم

اليازيد:نتي واش مباغاش تنعلي الشيطاان واش معيتيش من هاد لقلا*وي لي طلع ليا فصحتي اسناااء ست سنين ونتي مقصحة رااسك ماخليت مادرت باااش نخليك تسمحيليا.. طلبت رغبت وزاوگت ونتي حلفتي ماترجعي ليااا واش لهاد درجة قلبك قااصح

سناء:(هزات فيه عينيها ونطقات ببرود) ماتنساش نتا اشنو درتي فياا وبلي خنتيني

اليازيد:(غوت بالجهد)واندمنا ابناادم غلطة داازت ندمنااا عليها حياتنا كلهااا ونتي باقا شادة فيهااا.. (قرب حهتها كاعي) نسيتي بلي تانتي السبب فلي طراا ها نسيتي بلي أنانيتك هي السباب

سناء:(خرجات فيه عينيها)مرجع لياا لومة دابااا؟؟

اليازيد:(خرج فيها عينيه تاهو معصب) لا نسيتي نفكرك الشريفة اااش درتي نفكرك بلي نهار تزوجت بيك نسيت گااع الضواسى ديالي دشحااال هادي شديت معاك الطريق ونتي اش درتي بقيتي كيف نتي مسبقة خدمتك عليا وعلى دارك وأنا بقيت ساااكت عمري دويت واخا مكنتش باغي هاد القلا*وي مي على قبلك سديت فمي.. عمري خرجت نزهى مع صحابي ولاشفت فشي وحدة من غيرك نتي.. ونهااار طلبت بحقي بكل أنانية لقيتك واخدة قرار بلامتشاوريني بحال الاأناا كلب عندك ماشي رااجل.. ختاريتي خدمتك عليااا وعلى أبسط حاااجة من حقي هي نولي أب ونشوف ولااادي.. ااه غلطت وغلطتي هاني كانخلصها ست سنين وأنا عايش وماعاياشش وماخليت مادرت معااااك ونتي حلفتي لالينتي قلبك تغربت فليونان غير باااش مانكونش قريب ليك حيت مقادرش نشوفك مع شي حد غيري.. ونتي اش درتي مشيتي تعرفتي على زا*مل دلخلااا وجايباااه يخطبك ضد فيا (قرب جهتها كثر تارجعات لور وهي كاضور عينيها مخلوعة من تسيفتوو لي تسيف) اه غلطت وديما غانبقا معتارف بيها وتانتي خصك تعتارفي بلي غلطتي وكنتي السباب فلي طرا اسناء ماتبقاايش تلعبي ضور الضحية

سناء:(مارضاااتش خنزرات فيه ونطقات بعصبية)اوا لاكنت السباب لاش باقي تابعني فيما مشيت هااا لاش ماديرش النفس فراسك وتبعد مني حيت طلعتي ليا فصحتي

اليازيد:(بقا كيشوف فيها بشوفات زعزعوهاا وبصوت بارد نطق) لابقيت تبعتك اسناء أو وريتك كماارتي راني ولد لقح*بة

تخطاهاا خارج لبراا وهي بقاات واقفة تاترمش بعينيها وكلامو لخر طلع معااه بلمهل خلاها تسرط ريقهاا... حركات راسها وزفرات النفس عاد دخلات لداخل بينما هو تمشى جهة طوموبيلتو وركب ساد لباب تاتسمعااات الزدحة.. حل بكية دلگارو وجبد منو واحد وشعلو كيكميه وكيتفكر كلامها لي نطقات بيه.. ديما كاتجرحو وعمرها اعترفااات هاد السنين كلها وهو كيدير لي فجهدو باش يخليها تسمح وتغفر حيت عرف راسو غلط فحقهااا ومعتااارف بيهاا وهي عمرها قالت أنا السباب عمرها عترفات بلي أنانيتها هي لي خلاتو يدير غلط.. اه هادا ماشي سبب مقنع باش يخليه يدير داك لغلط ولكن فديك الوقيتة هو لقاه لحل باش يبعد على داك لجو لي كان فالدار داكشي علاش رجع لياماتو يمكن غلطو لي دار هو خلى صاحبتهاا تاخد راحتها معاه وماحبسهاش فاش شافها تتمادى... سالى داك لگارو وبقا تما تاحس براسو برد عاااد حل لباب بخطوات بطيئة ودخل لداخل وبان ليه رؤوف واقف مع ريان ومحمد طه.. وقف جنبو متكي على لحيط ومربع يديه ومعاودش دار جهتها ولاشاف فيها..

أيها الساكن قلبي...لاسبيل للخروج من هنا...هذا القلب متاهتك...تُه بي.. (مقتبس)

رجفة سرات مع جسمها وحاسة بسرب دالنمل طالع مع داتها كلها.. قلبها بقوة مكان تيضرب بالجهد تسمع ليها فودنيها دقاتو.. أما معدتها فحسات بالفراشات تيلعبو فيها.. كانت تتحس بيديه محاوطين خصرها بشدة متملكة جارها ليه تالصقات معااه وليد لي على حنكها كان تيحركها بلمهل.. مستوطن على شفايفها بشفايفو لكبار مخليها تغمض عينيها وتزير على الجابادور لي لابس جهة صدرو.. رجليها حسات بيهوم بحال شي قطعة من الجيلي تايلعبو وهو حس بيها الشي لي خلاه يزير عليها فالشدة ديالو هاز تقلهاا لي لاحت عليه... شفايفو كانو تايتحركو فوق شفايفها بلمهل.. تايقتلها بحركاتو التقيلة المرزنة وتايخلي البقية المتبقية من صمودها ينهار.. كلما حسات بيه تعمق فديك لبوسة لي مسخاش بيها تكمل ولكن فاش شاف رجفتها وحس بتقلها رحمها وقبل مايبعد عضها عضيضة خفيفة خلاتها تزيد تكمش على يديها لي شاداه.. بعد عليها بشوية كيشوف فشفايفها لي كانو مبلولين بريقو والعكر والچلوس لي كان مزينهوم مشى ورجع لونهوم الطبيعي حميمر بديك البوسة وديك العضة لي باينة خلاتو يتبسم بلخف وهو كيشوف فوجهها لحمر وصدرها لي كيطلع ويهبط.. تكات جبهتها على صدرو وتشبتات بيه حيت حسات براسها شوية وطيح.. كمش نوح حجبانو شادها لعندو وهي غمضات عينيها مخليا ريحتو الرجولية تزيد تختارق جيوبها الأنفية..

نوح:(كسر داك الهدوء بصوتو الخشن وهو كيسولها باهتمام) مزيان دابا؟

رحيل:(باقا على وضعيتها مقدراش تشوف فيه مور شنو طرا وبصوت خافت) همم

نوح:(هز ليها راسها ونطق بجدية)شوفي فياا

بزز باش هزات راسها وشافت فيه بعويناتها لخضرين لي كانو كيلمعو بالدموع..كمش نوح حجبانو ومد يدو كيقيس حنكهاا ونطق بخشونة وحنية: من ليوم ارحيل مانبغيش نشوف دموعك مزال نتي وليتي مرتي وشرافي لي تاحد مايقدر يحل عليه فمو وسيدرا ولات بتي ومقامها من مقام ولدي زين العابدين.. عاطيك عهد الله بلي عمرّ الحاجة الخايبة غاتوصلك ونتي معايااا.. وعمرّ شي حد غايقرب ليك بالخااايب وأناا كاااين..

قرب بالخف جهة جبهتها وباسها بوسة طويلة خلاتها طلق واحد التنهيدة ديال الراحة.. بعد عليها نوح ورجع شاف فوجهها وبالضبط عينيها المكحلين وكمش حجبانو ونبرتو بانت فيها الصارمة والجدية: وقبل مانسى هادي آخر مرة لي تكحلي فيهاا عينيك الفثنة مانبغي حد يشوفك بلحكول من غيري (هز فيها حاجبو) تفاهمنااا

حركات رحيل راسها باه ونطقات بصوت خافت:واخا

نوح:(تبسم بالخف ونطق)الله يرضي عليك

قاطع حديثهوم صوت تلفونو لي صونى.. مابعدش عليها بقا شادها من خصرها وهي تاضور عينيها وداك القرب لي بناتهوم خلاها تحس براسها تالفة.. جبد تلفونو وشاف فنمرة رؤوف وجاوبو فالبلاصة ناطق بجدية: اش تم

كانت ساكتة تاتسمع لصوت رؤوف لي ممفرزش فالتلفون وهي كاضور عينيها فلبلاصة تتحاول تلف ديك الخلعة لي باقا شاداها.. وتنظم دقات قلبها لي كيشطح السالسا فديك اللحظة.. قطع لابيل ورجع تلفونو لجيبو وشاف فيها هي لي كانت حادرة عينيها وتتحرك فرموشها..

نوح:رحييل

قليل فين كيعيط بسميتها وتافاش تيعيط فتتكون عندو نبرة خااصة وسميتها كينطقها فشكل.. هزات عينيها فيه ونطقات بهدوء:نعام

نوح:(نطق بهدوء)غانخرجو دابا

هبط ليها لفوال على وجهها تاغطاه ونزل يديه ليديها لي كانو عرقانين وشبكها مع يديه الضخمة عاد تحركو بشوية غاديين لبرا ومع تحل لباب وخرجو من الصالة تسمعو صوت التعاشق والزغاريت من عند النگافات ولعيالات لي ناضو تيصليو على النبي.. رجال لكبار كانو جالسين فالصالة لفوقانية معاهوم إدريس وإسلام.. كانت رحيل كلها تترعد فاش حسات بكل لعيون عليهوم وهزات عينيها بالخف وهي تشوف فديك العمارية لي كانو حاطين تماا.. قلبها رجف وسط ضلوعها.. قربها جهة العمارية لي كانت كلها مرصعة بالجوهر تتبري وديكورها ملكي.. وقف نوح وفرق يديه مع يديها وبعد شوية باش يخلي النگافات يقادوها وهي راه المفاجأة جابت ليها التمام.. مكانتش عارفة بلي كاينة عمارية عينيها دمعوو من الفرحة.. أما داك الثلاتي دأسماء وغزلان ورنيم فكانت فخبارهوم حيت علمهوم إدريس ولوقيتة لي كانت رحيل مع نوح لداخل جابوها وركبوها فلداخل وجاو لعيالات لي غايهزوها.. جلسوها فيها وقادوها وهوما باقي كيصليو على النبي تاقرب نوح جهتها بخطوات تقالين محني جهتها وهز ليها الفوال والمصورة تتفيلمي تازولو ليها وهي تهز فيه عينيها لي فثنوه.. تبسم ليها بحنية وقرب جهة جبهتها طبع بوسة عاد بعد عليها.. تهزات لعمارية ورحيل قلبها ضرب بالجهد وإحساس زوين حسات بيه وهي جالسة فالعمارية بحال شي ملكة متوجة على عرشها.. راسمة تبسيمة طالعة من لقلب وهي تتلوح بيديها وعينيها كيلمعو ببريق الراحة والسعادة.. أما نوح فكان واقف بديك الجابدور والسلهام لي لابس وعينو عليها هي فقط تاجات عينيها فعينيه وتبسمات ليه وهو يغمزها بالخف.. بصح هي رفضات العرس ولكن هو حاول ماأمكن أنه يدير ليها لحاجات لي يخليوها تكون فرحانة.. ودوز نهارها كيفها كيف جميع لبنااات..

كان ريان واقف جنب محمد طه كيفيلمي الضورة ديال العمارية.. تاقلب الكام جهة بيسان لي كانت واقفة جنب نوح تتعوج والفرفارة فيديها تتنش بيهاا.. بقا كيزومي عليها تاسمع صوت محمد طه لي همس ليه فودنيه: واش باغي از*بي تفرش راااسك

قطع ريان الفيديو وضار شاف فيه: أنا اش درت

محمد طه:(بسخرية)شوية لي بقا ليك تخشي التلفون فكمارتها

ريان:(رجع شاف فبيسات وعض على شفتو ضاحك) هبلاتني بنت لعبد

محمد طه:(حرك راسو) الله يعفو

ضور محمد طه راسو فاتجاه لبنات لي كانو واقفين جنب بعض وغزلان تاتحرك مع الموسيقي وشادة التلفون دايرة سيلفي هي وأسماء.. جاتو مبدلة بالبلدي والمك اب وتسريحة شعرها.. شي حاجة فيها خلاتو ينتابه ليها من دون لبنااات ويلقى راسو عاطي الحرية لعيونو يتفحصوهاا.. باقي ماناسيش داك الديكور لي شافها بيه وأصلا صعيب يتنسى ليه.. تكى راسو على الحيط كيشوف فيها بسهو تاسمع صوت ريان لي نطق بسخرية كيرجع ليه الصرف: واش باغي تفرش راااسك

محمد طه:(شاف فيها هاز حاجبو)مالك؟

ريان:(غمزو)عينيك اصاحبي مابعدتيهومش على غيزو اش تم؟

محمد طه:(خنزر فيه)اش غايكووون مثلا وزايدون كانشوف جهة لبنااات

ريان:ياااك الخوو اوا الله يعطينا وجهك قالك تيشوف جهة لبنااات

محمد طه:(حك لحيتو مباغيش يفرط راسو) راك غير تتخربق وصاف

ريان:(ربع يديه)واهي البنت زوينة تت قوقة ماشي غير زوينة ولي شافها تعجبوو و

محمد طه:(حمر فيه الشوفة ونطق بانفعال) وجمع كر*ك ابنادم ونتااا عينيك هنا ولهيه

ريان:(ببرود)ياك مكتهمكش شفت جاتك النفس عليها

محمد طه:برب تاغير تتخربق

بعد محمد طه من تم وريان حرك راسو بسخرية ونطق:راك طايح الخو ومعايقش

جايا تتجري وشعرها تيلعب بين كتيفاااتها وبصوت عالي نطقات:ماي بلو آيز

ضار نوح جهتها وتبسم ليهاا بحنية وتحنى هزها لعندو وهي عنقاااتو بالجهد ونطقات فرحانة:واش صافي غاتبقا ديما معاياا هنا

نوح:(حضنها بحنية)اه غانبقاا ديما معااك وفيما مشيت غانديك نتي وماماك

سيدرا:(حطات يديها الصغيورة على وجهو ونطقات فرحانة) اتبقا تنيني حدايا

نوح:(قاس شعرها)اه

سيدرا:(حطات حنكها على حنكو ونطقات وعينيها على رحيل لي باقي فالعمارية) تاأنا بغيت نطلع لهيه بحال مامي ماي بلو آيز

نوح:تنزل ماماك ونطلعوك نتي

🎵وتن وتن وتن زينها كيفثن لالة لعروسة ياوردة محرووسة حافضااك الله ناصراااك الله.. 🎵

ماسخااتش تنزل من العمارية عجباتها وأول مرة تجربهاا وصراحة كانت تجربة زوينة.. عاونوها النگافات تاخرجوها موقفينها تيقادو ليها التكشيطة ورحيل هزات عينيها فنوح وتبسمات بحنية من داك لمنظر ديالو هو وسيدرا لي كانت حاطة حنكها عليه ومعنقاااه.. قرب نوح جهة العمارية وجلس سيدرا وقادها وهي عينيها مرسومين فيهوم القلوبة والفرحة ترسمات على ملامحها البريئة.. ساطت سناء وقربات جهة رحمة ونطقات بهمس:لا صافي كمااالت لبرهوشة تركب فالعمارية

رحمة:(تاتنش بالفرفارة ونطقات بخفوت)هنينا ااسنااء

قادو سيدرا لي زاعما ومخافتش وهزو لعمارية وهي تاضحك بالجهد وتقلد مها كيف كانت تادير ونوح تبسم بحنية وقرب جهة رحيل شد فيديها وهي عينيها على سيدرا خايفة طييح مع مشاداش فدوك لعمود حيت موصلاااتش ليه.. شافت رحيل فنوح ونطقات بخفوت:شكرا

نوح:(تحنى جهتها وهمس ليها بخشونة) مانعاودش نسمع ديك لكلمة من شفايفك الفثنة

تمشاو بزوج جهة الجليسة مخلين سيدرا مساخياااش تنزل وأسماء قربات جهتها شادة يديها ونطقات بضحك:لبرهوشة ركبات فلعمااارية وگاعما ركبنا فيها حنا

غزلان:سيدرا شطباااات زهرنااا اختي هههه

جلسات رحيل فبلاصتها ونوح هز عينو فتلفونو لي كيصوني غمزها بالخف وخرج يجاوب مخلي النگافات تيقادوها تاجات سيدرا عندها وقفات قدامها تادوي بلفرحة:مامي شفتيني تاأناا ركبت فهااديك وطلعت لسمااا

رحيل:(مسحات على شعرها ونطقات بحب) فرحانة امامي ديالي

سيدرا:اااه مامي بزاااف حيت ماي بلو آيز غايبقا ديماا معاياا

قاطع هضرتهوم لعيالات لي ناضو تايتصورو معاهاا ماحدها بوحدها.. الرجال لفوق مجمعين واخدين راحتهوم وجد نوح الحاج الوزاني غير كيضور راسو تاناض من بناتهوم بديك لفوقية نص كوم وكرشو سابقاه ونزل من الدرووج باغي يبرگگ ويشوف لعروسة دولد بنتوو.. مع وصل لباب الطبقة لولة وهو يسمع صوت نوح لي نطق بجدية:لحاااج ياك شي باس مكاين

الحاج الوزاني:(شاف فيه ونطق بضحك)اوا امولاي السلطان جيت نتصور معاااك

نوح:(حرك راسو بلاحول عارف جدو) مرحباا

الحاج الوزاني:(دخل سابقو) اوا زيد زيد

نوح:(همس بخشونة)لاحول ولاقوة إلابالله

تبعو ولقاه واقف تيشوف فرحيل لي كانت جالسة مع العيالات دلفاميلة كيتصور وضار جهة نوح ناطق بضحك: دابا عاد فهمت اولد بنتي لاش مابغيتي حد يشوف مرتك

نوح:(هز فيه حاجبو ونطق بجدية) لحاااج

الحاج الوزاني:(شاف فيه تايضحك)اييه اييه فهمنااا

الضحكة باقا مرسومة على وجه رحيل وهي تاتصور مع لفاميلة دنوح.. كانت سيدرا واقفة فالجنب باغا تاهي تصور مع مهاا ومع قربات جهتها حسات براسها تدفعاات.. هزات عويناتها السود وشافت فسناء لي كملات طريقها مامسوقاتش لغادة جهة الجليسة باش تاهي تصور مخليا سيدرا جامعة شفايفها مقلقة..

مكانتش سناء قاصدة دفعها وغير جات فطريقها ولكن رغم ذلك هي مضارتش جهتها ولاطيبات خاطرها.. بل كملات طريقها بدون اهتمام جارة تكشيطتها وهازة راسها وشعرها لكحل مطلوق على راحتو.. قربات جهة رحيل وجلسات جنب عفاف حيت رحمة كانت جالسة فالجيهة لخرى.. دارت غير لواجب ومبغاتش تفرط راسها وخصوصا قدام نوح.. أما سيدرا فخنزرات فسناء وتمشات جهة أسماء لي واقفة مع لبنات وجراتها من تكشيطتها ونطقات تتشكي وهي باقا مخنزرة: سومة هاديك دفعاتني

ضارت جهتها أسماء وشافت البلاصة فين كانت تتشير سيدرا وهي معصبة.. تبسمات ليها أسماء بهدوء: اتكون غير مشافتكش وصاف

أسماء مشافتش الديكور باش تفهم عليها نطقات كلامها فاش شافت سيدرا معصبة.. هي عارفة سيدرا مفششة بزاااف وكلهوم تايديرو ليها بحال لماا لقليل وتاحد مكيبغي يخسر ليها لخااطر داكشي علاش سكتاتها بديك لهضرة وسيدرا ضارت جهة سناء وبقات تاتشوف فيها وهي مكمشة فيها حجبانهاا ورجعات ضورات عينيها السود على دوك لعيالات كلهوم وعقلها الصغير تايكتاشف دوك لوجوه..

فالجانب الآخر كان الحاج الوزاني باقي واقف كيتسنى نوبتو باش يتصوور مع لعروسة.. مخواتش لبلاصة حداهاا ولعيالات مستاغلين أن ولد لحاج مكاينش باش ياخدو معاها تصاور.. ضار الحاج الوزاني جهة نوح لقاه واقف شاد تلفونوو وقرب جهتو ونطق: وهااد لعيالات مبغاوشااي ينوضو ويخليونا تاحنا نتصورو

ضار شاف جهة رحيل وغير بانت ليه لبلاصة خاوية وهو يتمشى بزربة مخرج ديك لكرش عندو وداير يديه فجياب الفوقية غادي يستاغل لفرصة قبل مايسبقو شي حد.. وقف قدام رحيل لي هزات فيه الراس مبسمة بتساؤل وهو مد ليها يديه باش تسلم عليه ونطق: أنا الحاج الوزاني جد راجلك ابنتي

رحيل:(هزات عينيها فنوح لي كان تيشوف فيها وتبسمات لجدو وباحترام باست يديه)متشرفين

جلس جنبها جامع يديه عندو وشاف فالمصورة:اوا صوريني مزيااان ابنيتي

خرج كرشو ونفخ صدرو وعينو على لمصورة لي تاتصور.. ورحيل مبسمة تابانت ليها رحمة ناضت باش تصور مع باهاا حيت عيط ليها.. وتاسناء ناضت تاهي يتصورو صورة عائلية ومع قلبات عينيها وجات فنوح وهو يدير ليها بيديه اجي وخرج من تم مخليها مكمشة حجبانها.. هزات جلايلها وتبعاتو وبالها كيفصل ألف سيناريو زعمة يكون اليازيد قال ليه شي حاجة عليها بغاها.. خرجات لبرا وضورات راسها تتقلب عليه وهي تسمع لكلاكسون.. هزات تكشيطتها وبقات غادة بنخوة لجهتو تاوقفات قدام لباب وحلاتو وجلسات عاد ضارت جهتو ونطقات بهدوء: ياك لباس انوح؟

نوح:(شاف فيها ونطق بهدوء)اش داك التصرف درتي لداخل أسناء

سناء:(نطقات وهي مكمشة حجبانها)اينا تصرف؟

نوح:(دخل فلموضوع بدون مقدمات) الناس ملي كيدفعو شي حد أقل حاجة يقدرو يديروها هي يعتادرو ماشي يكملو طريقهوم بحال لامكاين تاشي حاجة

سناء:(سرطات ريقها فاش فهمات اش قصد)أنا مشفتهاش وزايدون مدرتهاش بلعاني

نوح:(حك لحيتو ونطق بصوت خاتر) نگولو ماشفتيهاش ولكن فاش حسيتي براسك دفعتي شي حد كان عليك

تعتادري

سناء:(سرطات ريقها) مقصدتش

نوح:(حرك راسو ونطق بهدوء) مرة خرا ردي لبااال فين كاترمي خطواتك (شاف فيها ونطق بنبرة دات معنى) والاطلبتي السماحة راه مغاتنقصيش من راسك واخا

سناء:(حركات راسها)واخا

نوح:(بهدوء)تقدري ترجعي لابغيتي

حلات لباب ونزلات وهي كلها حمرة.. ماغوتش وماتعصبش بلعكس دوى معاها بالهداوة وقدر يخليها تحشم على داك التصرف الناقص لي دارت فحق بنت صغيرة ماأداتها بوالو.. هي بصح مشافتهاش ومكدباتش فهادي ولكن فاش دفعاتها راه غاتكون حسات بيهاا وهي تجاهلاتها ببرود وهادشي هو شافو وبقاا متبعو بعينيه داكشي علاش فضل يدوي معاها بوحدها وبلامايحرجها قدام كلشي وينبهها بلي تصرفها غالط وبطريقتو خلاهاا بصح تندم على تصرفها.. غير دخلات لداخل وهي تركن بلاصتها وشيماء كانت متبعة ديكور فاش عيط ليها نوح وطلب منها تبعو.. جاها الفضول وناضت عندها وجلسات جنبهاا..

شيماء:(بصوت خافت)علاش نوح عيط ليك

سناء:(ساطت بعصبية) والو غير سولني وصاف

شيماء:فاياش

سناء:(خنزرات فيها) شيماء باركة ماتبقااي تسولي ونساااي عليك السيد راه تزوج

شيماء:(قلبات عينيها) ومن بعد الشرع حلل ربعة

سناء:(هزات فيها حاجبها) اش باغا تقصدي بهاد لكلام

شيماء:داكشي لي فهمتي منو

سناء:(هي معصبة من شي لي طرا ودابا كملات عليها شيماء خنزرات فيها ونطقات بهمس مباغا يسمعها حد) شوفي بصح معجبانيش لعروسة ومباغاهاش ولكن هادشي مكيعنيش بلي راني غانتبعك فهبااالك واش نسيتي الزبلة لي زبلتيها معااه ولي خلاتو يجري عليك واش مباغاش توبي؟

شيماء:(هزات حجبانها)مغانتوبش داك السيد ديالي من ديبار وهي لي جات خداتو ليا متنسايش بلي خطبني أنااا قبل منهااا وكيفما خطبني قبل غانخليه يعاود يخطبني

سناء:(تتحك جبهتها) اش خطب واش نسيتي بلي رحمة وأنا لي جينا عند خويا وخطبناك عندو وهو محضرش گاااع وعمرو حاشاها ليك فديك لوقيتة (حمرات فيها الشوفة)هو أصلا مكانش باغيك غير رحمة لي بغاااتك وهو تا ااه مقالها باش نعرفوه باغيك ولا لا ماتبقااايش تخربقي وتوگضي شوية ونساااي عليك السيد

شيماء:(تعصبات)مغانساااهش سمعتي أنا كنبغيه ومغانتهنى تااانخليه يكون لياا ويدخلني لدااارو الله يجعلني نكووون الثانية..

كانت الاجواء زوينة والنشااط حاضر بقوة عند لعيالات لي حس راجل مكيضورش عندهوم..أما عند الرجال فكانو مجمعين بناتهوم وتانوح كان حاضر معاهوم وجالس جنب إدريس كيهضرو هو وياه..كان جالس زين العابدين جنب باه هاز تلفونو وشاف فلابيل لي جاتو ديال أمين وناض خارج من عندهوم ودوز الخط ناطق بالإنجليزية:فينك؟

أمين: راني وصلت

زين العابدين:صافي أنا جاي عندك

قطع معاه أمين لي كان يالاه جا أو وقف قدام باب الدار لي لباب ديالها محلول.. دق ودخل كيضور راسو وتيقلب على زين العابدين تاقشع سيدرا تاضور تما وغير شافتو وهي تجي عندو تتجري ونطقات بتبسيمة: أمينو جيتي

أمين:(ضحك من نيتو فاش سمعها عيطات ليه بديك السمية ونزل قرصها فحتكها بلطف) واش راك ديري؟

سيدرا:(نطقات بحماس)كنت تنشطح أنا وسومة

أمين:وريني فين جالس عشيري

سيدرا:(نطقات تتعوج) واش راس لكبااالة

أمين:(ضحك وحرك راسو) اياياي ويسمعك

سيدرا:(هزات كتافها بغرور ونطقات تاترمش وتقلب دوك لعوينات دلببوشة) هو مكيمشطش شعروو

راس لكبااالة

وعلى دكرو كان نازل من الدروج بسروال نواغ توب ولكن ستيلو سپور وفيه سيور من جهة السمطة.. مع تيشورت نواغ فنفس لون السروال وسبرديلة بيضاا والجديد فيه هو شعرو القهوي الكتيف كان مرجعو لور داير ليه الجيل ومخلي ملامحوو الخشنة يبانو بشكل مهلك..ضارت سيدرا هازة راسها فيه وتاأمين تقاد فالوقفة.. تاتشوف فيهوم وهي هازة راسها وعنقها شوية ويعواج مع طوالين عليها.. شاف فيها زين العابدين بنظرة باردة وهي بقات تتشوف فيه وتبرگگ جاها فشكل مع ولفاتو ديما مخلي شعرو مخربق وطايح على جبهتو كورلي.. فرق شاسع تقولي ماشي هو نفسو...

سيدرا:(نطقات ببرائة) مشطتي شعرك

زين العابدين:(مجاوبهاش شاف فأمين ونطق بهدوء)اجي معايا

تخطاها غادي وأمين دار باي لسيدرا وتبعو.. كمشات سيدرا حجبانها ومشات تاهي تابعاهوم طالعة فالدروج تابانو ليها دخلو لصالة وهي تمشي توقف قدام بابها وبقات تتشوف فدوك الرجال لي كانو عم وخوال نوح وجدودو هوما لي جاو.. تبسمات سيدرا فاش بان ليها إدريس جالس جنب نوح تيهضرو.. ودخلات عندهوم غادة نيشان لجهتهوم تاحسات براسها تجرات من طرف ريان لي وقفها قدامو ونطق:شتاديري نتي هنا؟

سيدرا:(فرفرات رموشها)ماشي شغلك رياني

ريان:(كمش حجبانو)عارفة بلي ولاو فيك لبسالات؟

سيدرا:(كمشات تاهي حجبانها وتجبدات باش تمشي ساعة شدها)بعد مني مخاصمة معاك

ريان:رصاااي مااالك بسالبتي

محمد طه:طلقها اصاااحبي وبعد منهاا

ريان عزيز عليه شي حاجة سميتها جكارة وليوم طاح حبو على سيدرا باغي يجاكرها باش تعصب تاني.. وتاهي بدات تتجر منو باش تمشي عند جدها ومحمد طه تايحرك راسو وعارف اخرتها اش غايوقع

سيدرا:(ضارت جهة إدريس ونطقات بصوت مرتافع) بّاديدي ريان تيغوت عليااا

هز إدريس راسو وشاف فريان لي شاد سيدرا وغير بعينيه هضر معاه..وتاريان طلق منها وعرف بلي عصبها غير ملي قالت ليه ريان بلاصة رياني...خنزرات سيدرا فيه وضربات بشعرها غادة عند إدريس لي حل ليها يديه وتاهي مشات تتجري عندو.. تيموت عليها وهاد لفشوش لي فيها هو أكثر واحد ساهم فيه.. فششها وزاد كملو ليها لبقية فلفشوش.. حطات راسها على صدر إدريس وشدات يد نوح لي تبسم ليها وحطاتها فوق حجرها..

سيدرا:(نطقات بهمس)ماي بلو آيز نقول ليك واحد لحاجة؟

نوح:(تحنى جهتها ونطق بهدوء) گولي اتاتبيرت إينو

سيدرا:(شافت فزين العابدين لي كانو عينيه عليهوم ونطقات)راس لكبالة مشط شعرو هه جاه زوين هاكا

نوح:(تبسم ليها بالخف) ياك بعدا

حركات راسها وهو مبسم على كلامها وإدريس كيسمع لحديث لي ضاير بناتهوم..

داك التقارب لي شاف خلاه يكمش حجبانو وعينو تبقا متبتة عليهوم.. غير منتابه لأمين لي جالس جنبو كيدوي معاه ويوريه سطوريات لي دار فاش سافر وهو ملتافتش جهتو بمرة..

سيدرا:(تعلقات فعنق نوح ونطقات بتساؤل) شنو سميتو ماي بلو آيز؟

نوح:(جلسها فوق ركبتو ونطق مبسم)معرفااش سميتو؟

حركات سيدرا راسها بلا وهو تبسم وقال:سميتو زين العابدين

كمشات سيدرا فمها وضارت شافت فزين ورجعات شافت فنوح: سميتو طويلة بحالو هه

ضحك نوح تاتهزو كتافو وهي مبسمة وإدريس تاهو لي سمع اش قالت.. ضحكاتهوم لبرهوشة بكلامها لحلو لي مكاتمليش منوو وتاهي بقات جالسة معاهوم شوية تاعيااات تاني ونزلات لتحت عند مها.. مكتجلسش بلاصة وحدة وعزيز عليها سير واجي وقلبي هنا بقشي لهيه.. بقات تاضور تاعيات وعراقت وجاها الصهد ومشات جهة تانيرت لي جالسة مع لعيالات همسات ليها:تانيرت إينو بغيت نبدل حويجاتي؟

تانيرت:(مقادراش تخلي لعيالات) شوفي فين أسماء ولاغزلان يبدلو ليك

حركاا سيدرا كتافها ومشات لراسها تبدل.. دخلات لبيتها هي ورحيل وسدات لباب ومشات جهة لبلاكار فين كاينين حوايجها خدات لكرسي وقفات عليه تاجبدات داكشي لي بغات عاد نزلات وردات تاني لكرسي.. عندها لعقل ونقيقية من صغرها متيعجبهاش يتوسخو ليها حوايجها وكتقنط فيهوم.. حيدات ديك لكسوة تابقات غير بسليب ولبسات صاية نواغ قصيرة فوق لفخاد مع واحد لبودي فلغوز بارد كتافو طايحين ومنفوشين وتيجي قصير من جهة لبوط.. ولبسات برودكان طالع نواغ ومع مكتعرفش تسد السيور خلاتو تاتنزل لتحت باش تسدهوم ليها وحدة من لبنات... خرجات من لبيت نازلة لتحت وفطريقها بان ليها زين العابدين وغير شافتو وهي تعيط عليه: زينبيدين

كان نازل لتحت يجيب ليزياتو لي خلى فطوموبيل نوح.. ضار جهتها وهو مكمش عينيه فاش سمع ديك السمية باش عيطات ليه.. وقفات قدامو سيدرا وشداتو من رجل سروالو ونطقات تتفشش: ماتنعرفش نسدهوم سدهوم ليا عفااك

نزل عينيه لجهة داك لبرودكان لي لابسة وسيورو لي محلولين ورجع شاف فيها ببرود قبل مايعطيها بالضهر باش يكمل طريقو ساعة جراتو من سروالو تاني تاضار هاد لمرة وهو مخنزر فيهاا ونطق بعربيتو لي بدات تتقاد شوية: سير عند ماماك

سيدرا:مامي جالسة هيه مع عيالات سدهوم ليا زينبيدين

هز راسو تيسووط وعقل تيقول ليه طوعها من هاد الدروج..نطق مزير على سنيه:زين العابدين سميتي

سيدرا:(هزات كتيفاتها ونطقات تاتسبل عويناتها) هااء واسميتك طويلة (حركات راسها) سدهوم ليا

خنزر فيهاا وتحنى جالس قفازي وبدا كيسدهوم ليها غير بزز مباغيش يدير شي حاجة ويصدق باه معصب منو تاني وهي واقفة تتشوف فيه محني تايربطهوم ليها تاسالى وهز فيها راسو وهو باقي عاقد حجبانو.. تحنات سيدرا جهتو وباستو فحنكو ونطقات:شكرا زينبيدين

مع قالتها نزلات لتحت تاتجري مخلياه باقي جالس بلاصتو وهاز حجبانو بهدوء..

----

نوضوها من بلاصتها وبداو تيصليو على النبي شدات أسماء فيديها والنگافات وراها تيقادو ليهاا التكشيطة لي لابسة وهي غادة مبسمة ومعرفاش فين غاتديها أسماء.. خرجو من الصالة ورحيل ضارت جهة أسماء ونطقات بتساؤل:فين غادة بيا؟

أسماء:واطلعي وغاتعرفي

سكتات رحيل وكملات طريقها والنگافات طالقين حلوقهوم تاوصلات لفوق گاع ومع دخلات لفوق وهو يباان ليها نوح واقف بنفس الجابادور والسلهاام.. رجع قلبها كيدق بالجهد بشوفتو وبخطوات تقيلة تقدمات جهتو تاوقفات أونفاص معاه وهو شد يديها المحنية وزير عليهاا.. أما أسماء تبسمات وشافت فالمصورة لي جات ورحيل عاد فهمات بلي غاياخدو التصاور وحيت لتحت عامر بالعيالات داكشي علاش طلعوها لفوق باش ياخد نوح راحتو معاها.. أول صورة كان شادها من خصرها وهي حاطة يديها على كتفو واليد الثانية على صدرو.. كانت رحيل حاسة براسها متوثرة ثاني والقرب منو كل مرة تيخربقها وباقي ماتعوداتش عليه.. خدات ليهوم المصورة بزاف ديال التصاور فبزاف دلوضعيات ورحيل غير تاضور عينيها وتسرط ريقهاا أما نوح كان واخد راحتو حيت مكانوش لعينين بزاف عليهوم.. وغير سالاو طبع بوسة على جبهتهاا مطولها وهي سدات عينيها وطبعا المصورة وأسماء مافلتوهاش وحيت كانت عفوية جاتهوم زوينة.. دخلو رحيل لبيت وهو بقا واقف هاز لكاميرا تيشوف التصاور تاسالى ومدها لمصورة ونطق بهدوء:شكرا

المصورة:مرحبا اولد لحاج الله يكمل بالخير

حرك ليها راسو وهبطات هي لتحت وفطريقها تخالفات مع إدريس لي كان طالع وهاز معاه لعلاقة ديال الكوستوم وغير شافو نوح وهو يكمش حجبانو وتقدم جهتو ناطق بهدوء: علاش عدبتي راسك سيفطت رؤوف هو يجيبها

إدريس:ماعليش اولد لحاج زيد

داه لبيت رحيل لي كانت خاوية بحكم هي تتبدل فبيت أسماء وحط ليه ديك لعلاقة فوق النموسية ونطق بهدوء:هانتا خليها هنا تاتبغي تبدل

نوح:(حط يديه على كتف إدريس)الله يكبر بيك النسيب

ضحك ليه إدريس وخرج ساد لباب ونوح هز عينو فالبيت وبانو ليه لڤاليز لي كانو مستفين تما درحيل.. غير شافهوم وهو يتبسم تبسيمة خفيفة يادوب بانت على شفايفو... جلس فوق النموسية هاز تلفونو ودخل لواتساب لقى بيسان مسيفطة ليه طاشمة ديال التصاور.. كانو دلحنا دلبارح برك على التصويرة لي كانت دبيسان ورحيل وبقا تيزومي على رحيل لي جاتو مختالفة واخا سبق شاف شعرها بالصدفة ومغاينكرش بلي ماقدرش يغض البصر عليها فديك لوقيتة ولكن ماشبعش من شوفتها كيف دابا وهو كيزومي التصويرة وكيشوفها بديك الإطلالة لي جاتها زوينة وخيط الريح لي نازل على جبهتها وعينيها لي سلبوه النهار شافهوم.. دوز التصويرة وشاف فوحدة كانت فيها بوحدها ضاحكة وتحتها كاتبة بيسان "كيف جاك كادو دلانيڤ" ضحك نوح بالخف على فعايل ختو وهو تيحك لحيتو ورجع تاني تيدقق فالتصويرة وعاطي لخاطر وسامح لعينو تسقى بملامحهاا المبشورين وزينها السوسي..

فالبيت درحيل كانت مزولة تكشيطة ولابسة غير دباردور وضوني بيض وعينيها على دوك التكشيطات بزوج لي محطوطين فوق النموسية.. عضات على شفايفها وتبسمات لأسماء لي نطقات: اوا الالة كيف جاك لكادو ههه

رحيل:علاش مقلتيهاش ليا

أسماء:اوا فاش شفتك عازلة غير تكشيطة وحدة وقلتي باركة عليا قلت مع راسي اجي نعزل ليك على دوقي واحد زوح تكاشط خرين باش تبدلي كيف جاك دوقي؟

رحيل:(عنقاتها ونطقات بحب)زوين..الله يخليك ليا

أسماء:يالاه بدلي وماتخليش ولد لحاج كيتسنى ههه

خرجات أسماء ورحيل عاونوها باش تلبس تكشيطتها الثانية لي كانت فالأزرق ملكي تاهي هماوية وكلها منبتة لبسوها ليها هي وفولارها فنفس لون تكشيطة مع أكسيسوارت خاصة بيها وخيط الريح فيه جوهارة فزرق ملكي وتااج.. كلشي عزلاتو ليها أسماء على دوقها ورحيل حباتو حيت دوقها هي وأسماء مشابه.. قادو ليها لفوال ولبسوها صندالة وجات أسماء دارت ليها روتوش دلمك اب ودارت ليها عكر فالغوز عاد خرجوها تاني لبرا فين كان باها كيتسناها تاني مع نوح لي عينو تحطات عليها مطلعها بشوفاتو الهادين ولي فيهوم لمعة إعجاب واضحة.. تخشات فحظن إدريس لي حل ليها يديه وبدا كيطبطب عليها بحنية عاد بعدها عليه وقرب عندها نوح وشد يديها الباردين بين يديه الكباار السخانين ونزلو بزوح لتحت وموراهوم أسماء شادة فإدريس والنگافات تيصليو على النبي.. هاد لمرة نزل معاها حيت غايلبسو لخواتم.. مع دخلو لصالة كلشي ناض كيشوف فيهوم وفداك الإنسجام لي بناتهوم.. وشيماء فديك اللحظة فاش شافتو معاها وشاد فيديها بتملك تعصباات..

وصلو لجلسة ونوح تيشوف قدامو بشوفات هادين ومرة يضور يشوف فرحيل جلسوهوم وبداو كيصوروهوم تاجات أسماء هازة صينية ديال الخواتم مقادة على حقها وطريقهاا.. حطاتها فوق الطبيلة وغزلان ورنيم جايبين الطيفور فين حاطين الذهب لي جايب ليها ربعة دأونصومبلات كاملين زوج ذهب صفر وزوج پلاتين "ذهب لبيض"والمضمة تاهي دهب وزوج مگانات دوريجين ببواطة ديالهوم وداكشي همااوي وعاطي لعين.. هز نوح داك لخاتم لي كان ذهب و

جوهارتو كانت على شكل معين تتبري والحاجب مزوق بجواهر صغار وجاي مضور على العين دلخاتم.. الخاتم وداك لزاكسيسوار لي جاب ليها كلشي كان دوقو هو وبنفسو شرى داكشي والخاتم كان مصمم ليها...شد يديها لي مزينة بالحنا ولبس ليها لخاتم لي جا على قياسها وكيف تخيلو هو فصبيعاتها الرقاق.. هز يديها وباسها فوق الخاتم مخلي گاع لعيون عليهوم.. ورحيل فديك الساعة ترسمات تبسيمة على شفايفها من داك البوسة لي خلات جسدها يرتاعش وقلبها كان حكاية خراا من المشاعر لي نفاجرو فيه.. مد يدو وهي هزات الخاتم ديالو دالنقرة لي كان سامبل ومحفورة فيه سميتها من لداخل لبساتو ليه وهي باقا تترعد عاد هز كاس وشربها الحليب وعطاها تميرة يادوب قاستها بسنانها وهو لي كملها عاد جات نوبتها وغير هزات لكاس وصلاتو ليه لفمو وكانت غاتهرقو عليه كون ماشدش يديها وعاونها تاسالاو وخداو تصاور مع بعض ومع العائلة.. هز نوح عينو فزين العابدين لي جا عندو وجلس جنبو وسيدرا جلسات جنب رحيل وخداو صورة عائلية عاد ناض نوح خارج هو وإدريس وريان ومحمد طه وزين طالعين لفوق وأسماء غير شافتهوم مشاو وهي طلب من ديدجيا طلق الهيت ومشات جهة رحيل نوضاتها باش تشطح.. ضوروها فلداخل طالقين الهيت وهي تاتحرك بالتقالة ومع التكشيطة تقيلة وزيد الخلعة لي باقا شادة فيها مقدراتش تاخد راحتها.. تاجابت ليها أسماء لقعدة وطلعات رحيل هازة جلايلها وشوية بشوية بدات السيدة كتندامج ونسات راسها وشطحات تابردات غدايدها عاد رجعات لبلاصتها..

وصلات وقيتة دلعشا نوضو رحيل وجلسوها فالطبيلة مع رحمة وتانيرت والبقية.. هزات رحيل عينيها فغزلان وحركات شفايفها:سيدرا

فهماتها غزلان ومشات قلبات عليها تاجابتها وجلسانها جنبها باش تاكل.. تحطات صلاد رويال على حقها وطريقها ورحمة كانت مراقبة رحيل وهي تتوكل سيدرا بصمت أما سناء من كلام نوح معاها شدات الركنة تتاكل.. غير كلاو الصلاد تهزات وحطو الحولي مشوي مع مرافقاتو.. داكشي كان هماوي والخير غير شايط وغير سالاو تحط گاطو گلاصي مع الديسير وكلاو الناس تاشبعو.. ورحيل غير سالات ناضت تاني لبلاصتها جلسات بحال شي أميرة والضحكة مرسومة على شفايفها..

كانت غزلان نازلة من الدروج هازة تكشيطتها باش ماتعكلش مهبطة راسها ورادة لبال تاحسات براسها دخلات فشي حد وكانت غاطيح غير تشدات من يديها وشافت فاليازيد لي نطق بتبسيمة:سمحيليا ماشفتكش

غزلان:(تبسمات ليه بحرج)ماعليش تاأنا سمحليا

اليازيد:(حرك راسو بهدوء) عادي (مد ليها يديه) معاك اليازيد

غزلان:(سلمات عليه) غزلان

تبسمات ليه وكملات طريقها لتحت وتاهو تبعها ونزل وراها تابانت ليه دخلات لصالة عاد كمل طريقو لبرا.. أما غزلان خدات شنو بغات ورجعات تاني لفوق عند رحيل ومع وصلات لطبقة الثالتة تمدات يد محمد طه شاداها من دراعها مزير عليها وغادي بيها لبيتو ومع حل لباب دفعها تاكانت غاطيح وسدو بالجهد عاد شاف فيها وهو مخنزر: شداك التقح*بين لي درتي؟

خرجات غزلان عينيها وهي مصدومة من كلامو وديك العصبية لي باينة فهضرتو ونطقات بعدم فهم:نتا اش تتخربق

محمد طه:(قرب جهتها ونطق معصب) فين تتعرفيه تاتسلمي عليه

غزلان:(مكمشة حجبانها) نتا علامن كدوي (سكتات مدة تافهمات ونطقات بعصبية) هو مد يديه شنو بغيتي ندير ليه مثلا

محمد طه:(غوت عليها)مااااتسلميش عليه ازب*ي..

انفعالو وعصبيتو خلاوها تصدم منو.. لموقف مكيستاهلش أنه يدير هاكا وأهم حاجة هو علاش تيغوت عليها وهي وياه مبناتهوم والو

غزلان:(هزات حاجبها)ونتا علاش معصب وتتغوت عليا

لكلام هرب من فمو وسكت وعينو عليها بصدفة شافها فاش سلمات مع اليازيد وهضرو فاش ماعرفش حيت كان بعيد.. ملي شافها تعصب عليها ومعجبووش الديكور نهائيا..

محمد طه: دوك التصرفات ماديريهومش فالدار حتارمي راسك والدار لي نتي عايشة فيها

غزلان:(خنزرات فيه وكلامو معجبهاش قربات جهتو ونطقات بعصبية) وتانتا حتارم راسك ومتبقاش دخل فحوايج مكيعنيوكش..

بغات تخرج ساعة يديه حبساتها وجرها لعندو شادها من دراعها بزوج ومقربها ليه ونطق وهو مكمش حجبانو فيها ونبرة صوتو قصاحت: ماحدك عايشة فهاد الدار فغانبقا ندخل فأي حاجة كاتعنيك ومانخليكش توسخي عائلتنا بدوك لفعاايل ديالك

غزلان:(تحركات بعصبية بين يديه ونطقات بصوت مرتافع) بزااااف عليك نكون موسخة سمعتي والاعندك شي مشكيل معايا اجي واجهني ماشي دير السبة بحاجة تافهة

محمد طه:(خنزر فيها) تصرفك جاااك تافه حيت مولفة بيه واقيلا وماشي شي حاجة جديدة عليك؟

غزلان:(غوتات بجنون) طلق مني الخرااا مغاندويش مع واحد مريض فمخو بحاااالك طللللق

محمد طه:(زير على دراعها) باقي ماشفتيش تمرضين دبصح

غزلان:طلق منييي

محمد طه:(بنبرة تحديرية)نعاود نشوف شي تصرف منك ماشي تال لهيه نتفاهم معاك

طلقها وهي خنزرات فيه ونطقات بعصبية:مررررريض

خرجات من لبيت وهي مكتقشعش قدامها معصبة من لهضرة لي قال والنظرة باش كيشوفهاا..دخلات لبيتها وسدات لباب وبقات متكية عليه وهي تتنهج.. فاش شافت فلول انفعالو فرحات وحسات بلي بحال الاغار عليهاا ولكن اخر كلام حطمهاا... تنهدات بحزن وهي شادة بكيتهاا.. اش هادشي كيوقع ليهاا وعلاش بقا فيها لحال وعلااش أصلا باغاه يغير؟؟ واش لهاد الدرجة مشاعرهاا انجارفو ليه وبغاتو.. معرفاتش وقتاش بغاتو وهو عمرو عاملها مزياان وديما تاتحس بالجفاء جهتو.. وعلاش بغاتو هو من دون الرجااال؟ فلول كانت معجبة بيه واخا جمعوهوم مواقف خايبة وديما تتلقاه معصب منها وعمرهوم هضرو مع بعض كأيها الناس عكس علاقتها بريان...غزلان:(حطات راسها على لباب ونطقات بهمس) طاااح حبك على حجرة اغزلان

أما عندو هو فكان جالس فوق نموسيتو تيحرك فرجليه باقي معصب وماشي من شنو شاف إينما من تصرفو لي دار معاهاا ولكلام لي قال ليها.. وديك العصبية لي ماعندها تاشي عدر.. موقف بسيط خلاه يتصرف بدون عقلانية وينطق بداك لكلام لي مخليه يندم حيت خرجو من فموو.. مسح وجهو بيديه وناض وهو مباغيش يخلي مشاعرو تقُودو لشي طريق ماليها رجوووع.. طريق لي مباغيش يمشي ليه داكشي علاش فضل يخرج من بيتو ويرجع لعند الرجال ويحبس تفكيرو فيهاا..

---

فبيت رحيل كان نوح تيبدل حوايجو بكستلر فلكحل مع شوميز بيضاا.. مدارش لگراڤاط واكتفى غير بمنديل فجيب لاڤيست..جلس فوق النموسية وهز تقاشرو لبسهوم عاد لبس صباطو الكحل لي كان تيلمع.. خدا من الصاك دجلد ريحتو الرجولية رشها..تاسمع الدقان فالباب ونطق بهدوء:دخل

دخلات سيدرا ونطقات:ماي بلو آيز

حل ليها يديه تاجات عندو وجلسها فوق ركبتو وهي حطات راسها على صدرو ونطق بحنية:تعشيتي؟

سيدرا:همم كليت مع مامي عطاتني شلاظة ولحيمات

نوح:(باسها فراسها بحنية)بصحة وراحة تاتبيرت إينو

سيدرا:(شافت فيه ونطقات ببرائة)ماي بلو آيز واش نتا دابا غاتولي تنيني مع مامي بحال بّاديدي وتانيرت إينو؟

فاش هضر إدريس مع سيدرا وشرح ليها شنو كاااين وبلي ولد لحاج غايبقا ديما معاها ومع رحيل ..بسط ليها بطريقة تخليها تفهم اش كيوقع.. واخا باقي ماقال ليها بلي غاتعيش معاه غير هي ومها فقط خلى داك الموضوع تاوكان يسالي لعرس وديك الساعة يجلس تاني معاهاا ويعطيها لخااطر.. وهي كلام جدها عقلها فسرو بديك الطريقة.. وبيما أنه غايبقا مع مها يعني غايكونو بحال جدها وجداتها..

كلامها لي قالت خلاه يتبسم وعينو عليها وهو كيدوي بحنية وتيمشط على شعرها: اه ماماك ولات ديالي

سيدرا:(رمشات عينيها ونطقات بدلع)وأنايا ماي بلو آيز؟

نوح:(تحنى باسها فجبهتها)تانتي وليتي ديالي

سيدرا:(نطقات بحماس وهي مضورة يديها على عنقو) غادي تولي تنيني معانا هنا ياكا؟ (نزلات من فوق رجليه ومشات جهة لبلاكار حلاتو ونطقات ببرائة) غادي نعطيك بلاصتي دير فيها حويجاتك حيت مامي عندها بزاف دلحويجات هنايا وأنا غانحطهوم عند بّاديدي وتانيرت إينو حيت عندهوم بلاصة

فرحتها بتواجدو معاهاا فبلاصة وحدة وبلي غايبقا معاهاا ترجماتها بحماسها وكلامها لي خلى نوح يتبسم تبسيمة حنينة طالعة من القلب.. ديك الفرحة لي كايشوفها فعينيها ولي باينة فصوتها خلاتو يفرح تاهو.. تمشى جهتها تاوقف قدامها وجلس قفازي شاد يديداتها الصغار لي مزينين بالحنة وهزهوم باسهوم بزوج بحنية ونطق: تاتبيرت إينو فرحانة؟

سيدرا:(حركات راسها) اه بزااااف (حطات يديها فوق حناكو) ياك غاتبقا ديما معايا ماي بلو آيز؟

نوح:(حرك ليها راسو وهو مبسم) غانبقا ديما معااك نتي وماماك

عنقاتو وهي حاطة راسها على كتفو وتاهو بادلها تعنيقة وخاشيها عندو.. مدة وهوما على ديك الحال تابعدات سيدرا تترجع شعرها: غانمشي عند تانيرت إينو واخا

نوح:(تيقاد ليها حوايجها وبهدوء نطق) واخا سيري وعنداك طيحي فالدروج

سيدرا:(مشات تتجري) واخا ماي بلو آيز

رجع نوح وجلس فوق النموسية وهو باقي مبسم كيتفكر الكلام لي قالت ليه وكيفاااش عطاتو بلاصتها باش يحط فيها حوايجو.. تنهد ورجع هز ريحتو رشها فيديه ومسح وجهو ومشط لحيتو غير بيديه عاد ناض هز تلفونو وسوراتو وبزطامو دارهوم عندو.. عاد خرج من لبيت غادي جهة لبيت فين كاينة رحيل دق فلباب وبقا واقف داير يديه فجياب السروال التوب لي لابس تابان ليه لباب تحل وخرجات غزلان لي شافت فيه ونطقات بتبسيمة: رحيل شوية وتسالي

نوح:(شاف فساعتو وحرك ليها راسو بلامايهز فيها عينو) واخا شكرا

تبسمات غزلات ورجعات لداخل عند رحيل لي سالات لبلسهاا وسولاتها:شكون؟

غزلان:(ونطقات بخفوت)ولد لحاج

النگافة:صافي الابغيتي نهبطو دابا

حركات رحيل راسها وهي تاتسوط النفس وتتحاول تنقص من توثرها لي مباغيش يرحمها.. شافت مرة خرى فمرايتهاا تتأكد واش كلشي هو هاداك عاد تمشات جهة لباب هازة تكشيطتها لي كانت فالموڤ منبتة كلها وجهة ليدين تيبان التحتاني ديالها لي كان مشبك وبلون السفيفة مع إكسيسوراتها وتاجهاا ولفوال لي مطلوق على طولتها مشبك.. مجرد ماحلات لباب عينيها لمحوه واقف بعيد داير يديه فجياب السروال وغير سمع لباب تحل هز عينو وشاف فيها بشوفة كاملة.. جات أنيقة بديك الإطلالة ولون التكشيطة واتاااهاا وتامن المك اب لي خففاتو وداك لغوج أليڤغ لي كان خفيف ونيود مبين شفاهاا منفوخين بشكل مغري خلاه يلعب بلسانو ففمو وعينو تسلطات على عينيها بنظرة تاقبة وهو مقرب جهتها تاوقف قدامها ونزل يدو جهة يديها لممدودة وشبك صبعاانو مع صباعها مزير عليهوم تاطلقات أه خافتة خلاتو يتبسم بلخف.. تحنى جهة ودنيها ونطق بهمس خشن: الفثنة ديالي مرتاحة؟

رحيل:(عينيها على وجهو لي كان قريب ليها ونطقات بعفوية) بزاف

تبسم ليها وخشى يديها وسط دراعو ونزلو مرة اخرى والنگافات وراهوم هازين ليها جلايلها وتيصليو على النبي.. تاوصلو لتحت وهي تفاجأ رحيل مرة خرى بديك العمارية لي كانت على شكل ميدة وكلها منبتة بلحجر تيلمعهاا.. قربو جهتها وعاونها نوح تاوقفات فيها وجاو النگافات قادو ليها التكشيطة وخداو ليها تصاور ونوح واقف جنبها وشاد فيديها تاسالاو وبعد نوح غادي جهة إدريس لي نزل باش يحضر لبنتو لي كانت تتبان ليه فرحانة بدوك المفاجأت لي داار ليها نوح ولي مكانتش متوقعاهوم.. هز يديه كيشير ليها وهو مبسم بحنية وفرح لفرحتها وحيت أخيراً الدنيا ضحكات فوجهها وگاع داك لعداب لي دوزاتو بدا ربي كيعوضها بعوض جميل.. كانت رحيل فرحااانة من قلبها ومكانتش متوقعة بلي غايدوز نهارها هاكا حيت كان عند بالها غايديرو لعقد وغير غايحتافلو مع العائلة وصاف.. ولكن دابا كاتشوف بلي ليلتها طلعات زوينة ودارو ليها عرس بقوامو واخا مدايرينوش فقاعة مي راه الدار تباركالله كبيرة وغير ديك الصالة فين جالسين فيها راه قدها قداااش وشحال دبنادم هازة.. عينيها على سيدرا لي كانت تاتشطح وتلوز فقزيبتها تتقلد لبنات وتبقا تلعب بشعرها وتبوزا وهي مبسمة وفرحانة.. تبسمات رحيل لديك الضحكة لي مرسومة على وجه بنتها وفرحات حيت اختيارهاا مكانش غااالط وقلبهاا هاد لمرة نجح اختااار نصووو.. وكتحمد الله حيت ربي حطو فطريقها باش يكون هو العوض لي غايعوضها على مافااات..

قدام مرايتها واقفة رحيل بكسوتها البيضا لي خلاتها تبان أنيقة وخصوصا الكسوة كانت شيك وتوبها طايح ورطيطب وكلها مسدودة ومكتبين تاحاجة فجسمهاا ومن لتحت تاتبان مطلوقة أو واسعة لبسات معاها سلهامها لبيض وفولار ستان بيض تاهو.. كانت مبدلة لمك اب دلوجه ولغوج أليڤغ كان غوز غامق.. رشات ليها أسماء ريحتها ونطقات بإعجاب:تباركالله ماشاء الله جيتي زوينة بزاااف ولكسوة جاااتك تتحمق

عيون رحيل لمعو بدموع لي كانت حابساهوم هاد لمدة كلهاا ولكن مجرد مالبسات هاد لكسوة مقدراتش تزيد تحبسهوم وهي عارفة بلي جااا لوقت لي غاتخرج فيه من دار واليديها.. نزلو دموعها مجرد ماتحل لباب ودخل إدريس لي جاا باش يوصلها لراجلها.. عنقها وهو حابس دموعو.. دموع لفرحة وطبطب على كتفها عاد بعدها عليه وجات أسماء تتقاد ليها عاود تاسالات وهي تشد فدراع باهاا نازلين لتحت..كانت كل خطوة تاتخطيها تاتحس بقلبها كيضياق عليها.. ومع وصلات لتحت بان ليهاا نوح لي واقف كيتسناهاا.. هز فيها عينيه الزرقين وهو مبسم بحنية وعينو سكاناتها بديك الكسوة لي واتاتهاا.. فيكسى شوفاتو فعينيها الخضرين لي كانو حمرين وباينة بلي كانت تتبكي.. عقد حجبانو وشاف فإدريس لي وقف جنبو ونطق بهدوء: مغانوصيكش عليها حيت عارف راسي عاطي بنتي لسيد الرجاال لي غايحطها فعينيه وغايصونها..

غمض نوح عينو وحط يديه على صدرو ونطق بخشونة: الله يكبر بيك اسي إدريس

شد يد رحيل لي عينيها رجعو لمعو بالدموع ودخلو لصالة فين كانو حاطين البياس مونطي لي كانت ربعة دطبقات وقربو جهتها وكلشي تجمع عليهوم وسيدرا هازها إسلام وهي تاتصفق بفرحة..هز نوح عينو جهتها وأشار لإسلام بيديه لي جاا عندو ومد ليه سيدرا لي تعلقات فنوح وهو تبسم ليها ورجع وقف جنب رحيل لي تبسمات من داك التصرف لي خلاه يزيد يكبر فعينها.. وشدو بزوج السيف لي غايقطعو بيه وسيدرا تاهي معاهوم وقطعو ديك لكيكة وجات السرباية عطاتو طبسيل وفورشيط باش يوكلها نزل سيدرا وهز دغيمة صغيرة عطاها ليها وتاهي دارت نفس الشي وكلشي بدا يصفق ليهوم وريان تيصفر هو ومحمد طه.. تفرقات لحلوى مع العصير وكلشي كلى وجا لوقت دلوداع..

رحيل مجرد ماعنقات باها رجعو دموعها نزلو من جديد تاتبكي وهو مزير عليها تايسكت فيها.. كلشي كان متأثر ونوح واقف عاقد حجبانو تيحك فلحيتو وعينو عليها هي لي كانت تاتبكي وتنخصص..

سيدرا:(شافت فإسلام لي هازها ونطقات مقلقة)علاش مامي تتبكي؟

إسلام:هي غير فرحانة اخنفوستي عليها تتبكي

بقات سيدرا متبعاها بعينيها وهي تتشوفها كاتسلم على عائلتها ودعاتهوم كاملين عاد قربات جهتها أسماء وهمسات ليها:راه لڤاليز ديالك لي غاتحتاجي عطيتهوم لولد لحاج ولخرين لي بقاو تانجيبوهوم ليك واخا ردي لبال لراسك

حركات رحيل راسها باه وعينيها حمرين بحال لاكبيتي السودانية عليهوم عاد قربات سيدرا جهتها ونطقات:مامي

تحنات رحيل عندها وسيدرا بدات تتمسح ليها دموعها ونطقات بخفوت: ملي ترجعي نتي وماي بلو آيز جيبو ليا كادويات بزاف واخا

جراتها رحيل معنقاهاا وسيدرا تاهي حطات راسها على كتفها.. بصح مكتقدرش تفارق على مها ولكن إدريس قنعهاا بكلامو وبلي خص مها تسافر مع ولد لحاج بوحدهوم وهي غاتبقا معاه فالدار وهي وافقااات حيت كاين جدها لي فحضورو تاتنسى كلشي.. باستها رحيل بالجهد وهزات يديها وباستهوم عاد ناضت وهي مساخياش بيها باغا تديها معاها ولكن عارفة باها مغاديش يخليهاا.. وبيما أن سيدرا قالت ليها هاد لكلام يعني هو ديجا هضر معاهاا وقنعهاا.. قرب نوح جهتها فاش شافها ودعات كلشي وتحنى تاهو باس سيدرا لي عنقاتو عاد شد يد رحيل مدفيهوم بيديه وشاف فيهوم ناطق بصوتو الخشن:يالاه الله يعاونكوم

رددو البقية: طريق السلامة

خرجو هو وياها من الدار وكلشي تبعهوم أو وقفو قدام باب الدار.. باش يودعوهوم حل ليها لباب لقدامي وقبل ماتركب شافت مرة خرا فواليديها وخوتها وسيدرا لي تادير ليها باي باي عاد ركبات وسد نوح لباب غادي لبلاصتو.. شاف فإدريس وحرك ليه راسو وإدريس تبسم ليه.. عاد ركب تاهو وحرك الطوموبيل ورحيل مازولاتش عينيها عليهوم وبدات تادير ليهوم باي باي ودموعها رجعو تاينزلو من جديد..

بدات الطوموبيل تاتحرك بشوية ونوح راجع ماغشاغيغ وعينو على المرايات ورحيل باقي تادير ليهوم باي باي تابعدو ومبقاوش يبانو ليها وهي تسرط ريقها فاش تفكرات اش تابعهاا .. حلقها نشف عليها ويديها بدات تترعد عليها وهي حاطاها فوق حجرها سدات عينيها تاتحاول تكونطرولي راسها وتبعد داك لخوف لي نزل عليها فديك الساعة.. تاحسات بيدو الدافية تحطات فوق يديها بزوج ومزير عليهووم ونطق بنبرة هادئة: تهدني ورخفي على راسك الفثنة

مقدراتش تجاوبو حدها حركات راسها باه وهو زير على يديه..وهي رجعات راسها لور تتحاول تسيطر على خوفها وتنسى گاع ماضيها لي مبغاتوش يعكر ليها ليلتها مع راحة روحها...

فدار عند إدريس والبقية لي كانو تاهوما على استعداد باش يمشيو بيما أن العرس سالى أو ولد لحاج دى عروستو.. كان إدريس واقف تيودع فالرجال لي نزلو وتانيرت تاهي دايرة الواجب مع لعيالات.. كلشي ركب فطوموبيلتو الازين العابدين لي بقا كيتسنى أمين يرجع من لحمام.. عيى معاه إدريس يتسناه فالدار ساعة مبغاش وفضل يبقا واقف حدا باب الدار.. متكي على لحيط وخاشي يديه فجياب السروال لي لابس.. داير ليزياتو وعينو على الحومة لي كانت خاوية.. لباب ديال الدار كان باقي محلول نزل عينو فاش بانت ليه واحد لقطة فالرمادي نازلة من الدريجات تاتمختر ولابسة سنيسلة وباين فيها مربية وديال الدار.. قربات جهتو كاتمخشش مع رجيله كيف مولفة دير وبدات تاضور وتطلق صوتها الصغير.. كمش زين العابدين حجبانو ونزل جلس قفازي وهزهاا بيد وحدة وهي تتشوف فيه بعيونها الرمادية.. بدا كيمسح على ضهرها وحطها فوق ركبتو وهي تكسلات ليه تماا وتاهو خلاها على راحتها..

فالدار كانت سيدرا نازلة من دريجات تاتجري تاشدها محمد طه ونطق مكمش حجبانو: بشوية اروح مودي دابا طيحي

سيدرا:(كمشات حجبانها ونطقات بخوف)إيڤانا مكاينااش فبيتي

محمد طه:غاتكون فالسطاح شفتي تما

سيدرا:هم بابو مسدود مودي أنا غانشوف لتحت

محمد طه: سيري وبشوية عليك

غير طلقها وهي تنزل تتجري ومحمد طه تيحرك راسو على قصوحية راسها.. نزلات لتحت ومع بان ليها لباب محلول خافت تكون خرجات بحال ديك لمرة.. مشات تتجري جهة لباب وغير خرجات وهي تبان ليها مكسلة فوق ركاب زين العابدين لي جالس قفازي.. غير سمع لحس وهو يهز راسو وشاف فيها وهو هاز داك لحاجب عندو وهي قربات جهتو ونطقات مكمشة حجبانها: فين لقيتيها؟

مجاوبهاش وتجاهلها كيف عادتو وهي تحنات جلسات قفازي والصاية طلعات مع أصلا قصيرة تابان ليها السليب لي لابسة وشعرها كيديه الريح ونطقات مكمشة فمها:علاش نتا متتهضرش معايا؟

للمرة الثانية تجاهلهاا وهي أعدى حاجة عندها هو يتجاهلها شي حد ومايتسوقش ليهاا.. أما هو فحدر عينو لقطيطة وتاايحرك يديه على ضهرها متجاهلها بحال لامكاينااش معاه.. تعصبات سيدرا وناضت ضاربة برجليها مع الأرض ونطقات بعصبية وغرور ممناسبينش سنها: بعد من إيڤانا ديالي اراس الكبالة

تحنات هزاتها ليه من حجرو تاهز فيها عينو مكمش حجبانو من صوتها لعالي.. ومع كانت قريبة ليه وشعرها لقصير مطلوق جرهاا من الخصلة الأمامية كيف دار ليها أول نهار شافهاا تاحدر ليها راسها وهي مكمشة حجبانها ولقطة بين يديها ونطق بصوت بارد ولسانو بدا يتسرح فالعربية:لامكنتيش مربية نربيك

سيدرا خنزرات فيه وشعرها ضرهاا ومع يديه جنب فمها ضارت بحركة سريعة وشدات ليه يديه بسنانها عاضاه بكل قوتها وهو تقول واش تحرك ولاطلقهاا.. وبالنسبة ليه ديك العضة بحال الاهراتو بيها.. وكون ماأمين لي جاا وجر ليه يديه تاطلقها كون بقاو هاكاك تال صباح..

أمين:(بالإنجليزية)وااش هبلتي از*بي

ناض زين العابدين تايسوس سروالو وملامحو باردة ممسوقش لكلام أمين.. أما سيدرا كمشات حجبانها ودلات شنايفها ونطقات تاتشكي على أمين:هو ضربني أمينو

أمين:(تحدر جهتها ونطق مبسم) واش تحبي ندير فيه

سيدرا:(خنزرات فزين العابدين) ضربو

أمين:(ناض وشاف فزين العابدين ضاحك) نضربو گاع

زين العابدين:(داير يديه فجياب السروال ونطق ببرود بالإنجليزية وعينو على أمين) تحط يديك نحو*يك

أمين:(نطق تايفمرو) واغير دير ليها لخاطر وصاااف

زين العابدين: مسالي ك*ري ندير لخاطر لبراهش

تخطاه زين العابدين غادي بحالو وسيدرا ضارت تاتشوف فيه وهي مخنزرة.. نزلات إيڤانا جنب الباب ومشات تتجري تابعاه مخلية أمين تيضحك عليها.. سمع زين العابدين حس لخطوات ومع ضار لقاها وراه تاتشوف فيه بعوينات لببوشة ولي مخنزرين فيه هزات رجلها وضرباتو بكل جهدها فرجلو بلگاط ورجعات تتجري ونطقات بصوت عالي: يالاااااه حووو فيك اراس الكبالة

هزات إيڤانا ودخلات لدار سادة لباب بالجهد خايفة يلحق عليها أما أمين فتشتت بالضحك وجلس فالأرض تايموت بالضحك بينما زين العابدين هز حاحبو ببرود فشنو وقع.. نزل عينو جهة رجليه لي ضرباتو ولي كان سروالو مطبع وتحدر كيمسح فيه وتيقشر شفتو بنااابو تاجاا عندو أمين مبعد ماجمع الوقفة ونطق وهو باقي فيه الضحكة: ونااااري على بخوووشة مكتسمحش فحقهاا ورجعات ليك الدقة هههه واهيا الرب العالي

زين العابدين:(تقاد فالوقفة وعينو على أمين ونطق ببرود بالإنجليزية وهو مزير على يديه) معرفاش راسها طاحت مع واحد قووود منهااا ومكينساش...

سخونية يديه لي شاد بيها يديها خلاتها ترتاح نسبياً وتبعد تفكيرها على أي حاجة تقدر تعكر مزاجها فهاد اللحظة.. عيونها الخضرين كانو مراقبين بهدوء الطريق لي كانت خاوية والسماا مزينة بنور الگمرة.. ضورات وجهها جهتو وبان ليها مكمش حجبانو ومنتابه لطريق.. مكتقدرش طول فيها الشوفة ودغيا تتقلب وجهها كيف دارت دابا وهي تتعض على شفايفها تاسمعات صوتو الخشن وهو تيقول بهدوء: مرتاحة؟

رحيل:(ضارت شافت فيه ونطقات بنفس الهدوء)احمم اه (نطقات بتشجيع) فين غاديين؟

نوح:(ضار جهتها وغمزها بلخف) دابا تعرفي الفثنة ديالي

تكات راسها على الكرسي وسكتات أما نوح باش يكسر داك السكات لي محيط بيهوم مد يديه جهة الراديو وشعلو.. ورجع شد يديها بين يديه وحاطها على لڤيتيس.. ورحيل تكات راسها لور وعينيها مراقبين الطريق.. تبسمات بهدوء وهي تتسمع لكلمات الأغنية لي تطلقات..

**

يديرها الحب يخلي العقول طايشة

وشوق فالقلوب بيه العشق عايشة

ركبني الموج وطيرني فوق السحاب

شربني الفرحة ايما فكاس لعداااب

يالالة عليه ياسيدي عليه وعيون ضحكاات اماما وخلاني نتيه

**

لمسات خشنة كاتقيس حناكهاا.. وملمس ساخن تحط فوق شفايفها مخسر عليها نومتها لحلوة.. حلات عيونها الخضرين وبدات تترمش بعويناتها تاحلاتهوم على وجهو لي كان قريب ليهاا لدرجة الهلاك.. يديه محاوطة خصرها مزيرها لعندو وراسها محطوط على كتفو.. سرطات ريقها ورجفة سرات معااها وكتسائل هي وقتاش نعساات؟ ضورات عينيها على داك الظلام لي كيبان ليهاا ونطقات بخفوت: واش وصلنا!

نزل نوح وجهو لجهة وجهها ويديه على حنكها تايقيسو بالإبهام ديالو.. حط شفايفو على شفايفها ونطق بهمس خشن: وصلنا الفثنة

جمدات بلاصتها وأنفاسها تعلاو وقلبها علاين يخرج وسط صدرها بقوة ضرباتو المتعالين.. غمضات عينيها فاش حسات بيه طبع بوسة جنب شفايفهاا وبعد محررها من قيد حظنو قائل بهدوء:نزلي

تقادات رحيل فجلستها وهي تاضور عينيها يمين وشمااال ومدات يديها حلات لباب ومجرد ماحطات رجليها فالارض وضاحت ليها الرؤيا وعرفاتو جابها لفيرمة.. نزلات وهي هازة كسوتها لي كانت تاتجرجر وضارت جهة نوح لي قرب جهتهاا بخطوات بطيئة شدها من خصرهاا مزيرها لعندو وتمشى معاها بشوية راد لبال لكسوتها وداك الطالون لي لابسة.. تاوصلو جهة الباب وجبد نوح سوارتو من جيبو حل لباب وشاف فيها هي لي تقدمات بخطوة الأمام ودخلات برجلها ليمنية وعينيها على داك الظلام لي كان لداخل.. قفزات من بلاصتها فاش سمعات الباب تسد وضارت وراها ناطقة بخوف:نووح

حسات بطيفو قريب ليها وأنفاسو الساخنة كيضربو فوجهها وماعرفاتش كي طرا تاكانت مهزوزة بين يديه شي لي خلاها طلق واحد لغوتة حيت غفلهاا وتشبتات فعنقو بيديهاا خايفة الطيح

نوح:(همس ليها بخشونة) باقي لحال على لغوات الفثنة

هضرتو تاتفشلها وتايزيد يخليها تخلع وكرشها ضراتها وشدها وجع خطير تقول غادوز امتحاان..تقدم بيها وسط داك الظلام وهي تاضور عينيها وتاحاجة مباينة قدامها.. تاحسات بيه طالع فالدروج وهي تسرط ريقها.. أما هو كان طالع بيها لفوق بخطوات تقيلة مساخيش بدفء جسمها لي بين يديه وريحتها المسكرة لي تتهلك رجولتو.. وصل بيها لفوق وكل خطوة خطاها كانت رحيل تاتحس برجفتها تاتزيد تاوقف بيها قدام واحد الباب ومد يديه باش يحلو وهي زادت تعلقات فيه لاشعورياً شي لي خلاه يتبسم بالخف..دفع لباب برجليه عاد دخل ومع حافظ الطريق محتاجش يشعل الضو..

ريحة البخور والعود تغلغلو وسط جيوبها الأنفية مجرد مادخلو لديك لبيت.. كسر صوت خطواتو فوق الأرضية ديال البيت داك السكات لي ضاير بيهوم.. وقف بخطواتو وهي باقي بين يديه.. وبكل هدوء نزلها تاوقفات على رجليها وبعد عليها وهي بدات تتقاد فكسوتها تاتشعل عليها الضو وهزات راسها وعينيها كيشوفو فداك لبيت لي كان غالب عليه الطابع التقليدي الأصيل.. بسريرو لي كان فلوسط عندو أعمدة تقليدية فيها ستاير فالبيض خفافين مغطين النموسية بشكل شاعري.. والخشب كيبان من النوعية الجيدة... تمشات جهة داك الطابل دونوي لي كانت جديدة بنفس الديكور.. شافت فانعاكسها فديك المرايا وفكسوتها البيضاا بسهو.. عاد ضارت جهة البالكون لي كان مسدود ومدوزين الخوامي ديالو.. تمشات بهدوء جهتو ومجرد ماحلاتو حسات بريح خفيف لمس بشرتها الناعمة.. ضورات عينيها على داك المنظر لي كاتشوف قبالتها وديك الخضورية لي تتخلي لقلب يرتااح.. سهاات فداك المنظر وعقلها غاب ومافيقها من سهوها غير يديه لي ضارت على كرشها جارها لعندو وصدرو لي حسات بيه لصق مع ضهرها.. حبس فيها النفس وهي تاضور عينيها وتتحس بأنفاسو سخونة كاضرب فحنكهاا..

نوح:(نبرة هادية)موضية؟

رحيل:(سرطات ريقها)خصني نجدد لوضو ديالي

نوح:(يديه تتحرك على كرشها وهمس ليها) توضااي وأجي نصليو

حرر جسمها وهي ضارت تاتشوف فيه واقف مزول لاڤيست وبقا غير بشوميز وسروال توب.. حدرات راسها ودخلات لبيت وهي تلمح زوج دلڤاليز ديالها محطوطين تم..جرات المتوسطة وتمشات جهة لباب لي كان مسدود حلاتو ودخلات وعينيها كايضورو فداك الحمام لي كان كولو مزلج وكبير وفيه البانيو فلوسط تاهو كبير وفجنب كاينة بلاصة الرشاشة.. تمشات جهة لمرايا لي تم أو وقفات قدامها وبدات تاتفك ففولارها باش تزولو..

زولات كسوتها وفولارها وحطاتهاا فوق لڤاليز باش ماتوسخش وبقات غير بضوني مع شورط بيضين زولاتهوم تاهوماا وزولات خاتمها حاطاه تم عاد تمشات بلحفى باش طرف حالتها وتحيد ريحة لعرق وتجدد وضوءهاا.. محتاجتش وقت بزاف وغير سالات وهي تلوي عليها فوطة كانت معلقة تم وهزات لڤاليز ديالها حطاتها فالأرض وحلاتها وعينيها كيشوفو فدوك لشوميز دونوي لي حاطة ليها أسماء فقنت وبيجامات لي كانت شرات مع لدوبياس وفجيب كانت حاطة ليها لبرودويات ديالها لي غاتحتاج.. خدات السبراي ديال الجسم فيه العود الخفيف ريحتو زوينة رشاتو على داتها وجلسان تاطلس جسمها بلكريمات تاخلات جسمها رطب تتفوح منو روايح عاد خدات دوبياس بيضين لبساتهوم مع سليب ولبسات بيجامة دستان بيضا بسروالها وشعرها كانت جامعاه مقاصتوش.. لبسات داك الفولار لي كانت ديجا لابساه وجمعات مسائلها وشافت فراسها فلمرايا مبعد مامسحات المك اب كان ممسوح أو وجهها رجع لطبيعتو.. زفرات النفس وحطات يديها على لبواني وهي تاتشجع راسها تاحلات لباب وخرجات وقلبها تايزدح بالجهد.. هزات عينيها فيه ولمحاتو واقف عاطيه بالضهر ولابس فوقية فالكحل فصالة باينة غير من كتاافو.. مفرش زوج صلايات وحدة لقدام والثانية وراه وحاط فوق ديك الصلاية الإسدال.. قربات بخطوات بطيئة وقلبها كان تيخفق من داك المنظر لي عمرها كانت تظن غاتعيشو.. ضار جهتها فاش سمع لحس وكيف عادتو طلعها بعيونو الزرقااء بنظرة كاملة متفحصها تاوصلات عندو وتحنات هزات داك الإسدال ولبساتو..

نوح(نطق بخشونة وعينو على وجهها الصافي) صليتي صلاتك؟

رحيل:(فركات يديها مع بعض ونطقات بخفوت) بقا ليا لعصر ولمغرب والعشااء مقدرتش نصليهوم

نوح:(حرك راسو ونطق بهدوء) ماعليش اجي صلي صلاتك

خلاها تصلي الصلاة لي تبعاهاا ومع ليوم كان استثناء داكشي علاش تجمعات عليها الصلاة.. أما هو جلس فوق الفوطوي لي تم وعينو عليها وهي تتصلي بخشووع.. ماملش من شوفتها قدامو وهي تتصلي بداك الإسدال لي شرى ليها ولي كان فاللون الخضر بحال لون عينيها.. كملات صلاتهاا ودعاات وهو غير شافها سالات ناض عندها أو وقف قدامها وشد يديها بين يديه الكبار ونطق بخشونة:نصليو زوج ركعات باش ربي يسر لينا ويوفقنا فحياتنا الجديدة لي غاتبدا من ليوم..

كلامو خلاها تحس بدموع فعينيها.. دموع الفرحة لي حسات بيها رحيل فاش سمعات كلامو لي كان بحال الثلج طفى ديك النار لي كانت شاعلة فيها.. حركات راسها بالإيجاب وهو وقف قدامها وكبر بصوتو الجوهري الخشن ورحيل غير سمعات داك لخشووع وهي تحس بالتبوريشة طلعات معاهاا وهي كاتسمعو تايجود القرآن وتايتلو الآيات بخشوع وبلاماتحس دموعها نزلو كيسقيو حناكهاا.. صلى بيها زوج ركعات ورحيل مكرهااتش يطول كثر وكثر والراحة لي نزلات عليهاا فديك لوقيتة متقدرش توصفها..

نوح:(بصوتو الخشن) اللهم إني أسألك خيرها وخير ماجبلتها عليه وأعود بك من شرها وشر ما جبلتها عليه.. اللهم اجعلها خيراً لي في دنياي وفي آخرتي واجعلني خيراً لها في دنياها وفي آخرتها.. واجمع بيتنا في الآخرة كما جمعت بيننا في الدنيا..اللهم ارزقنا الحياة الراضية ونعيم المعيشة والدرية الصالحة التي تقر بيها عيني وعين زوجتي..اللهم بارك لي في زوجتي واحفظها لي بعينك التي لاتناام يادا الجلال والإكراام..

مهبطة راسها وعينيها كيف شي وديان من الدموع وداك الدعاء لي لمس روحها وقلبها.. كل كلمة قالها تحفرات وسط قلبها ومستحيل تمحى.. كانو كتافها تايتهزو تاحسات بنووح شد يديها وهي هزات راسها وشافت فيه.. قرب جهتها وطبع بوسة على جبهتها عاد نزل شوفاتو ليهاا ولعينيها لمدمعين.. كمش حجبانو ونطق بهدوء وهو كيمسح دموعها:لبكاا لاش؟

مسح دموعها وجرها عنقها عندو وهي ضورات يديها على ضهرو وتخشات فيه.. بقا كيطبطب على ضهرها وهي غير كتنخصص وشحال تأثرات بديك اللحظة لي كانت واقفة وراه كاتصلي وكاتسمع صوتو الجوهري وهو كيجود القرآن بخشوع والدعاء لي زعزع مشاعرها وخلاها تبكي فديك اللحظة بكل ضعف.. زاد زير عليها فالعناق ويديه كاتطلع وتنزل على ضهرها وفنفس الوقت كان تيهمس ليها فودنيها بآيات قرآنية تاحس بيها هدات وتنفسها بدا كيتقاد وهو يحدر راسو لوجهها ونطق بهمس: شوية دابا ؟

رحيل:(حركات راسها وهي تاتبعد من حظنو) اه

نوح:(عينو على وجهها ورموشها لفازگين ونطق بجدية)سيري لحمام غسلي وجهك واجي (ناضت رحيل من بلاصتها وتحنات باش تجمع صلايتها وهو يشدها من يديها وقال) أنا غانجمعهوم

حركات راسها بالإيجاب وتمشات جهة باب الحمام وهو متبعها بعينو مكمش حجبانو تادخلات وسدات لباب وراهاا.. واقفة قدام المرايا.. يديها بدات تترعد عليها ومبقاتش قادرة توقف على رجليها وبزز باش تمشات جهة لشاس وسداتها عاد جلسات عليها وهي تاطلع النفس وتهبطهاا.. غمضات عينيها ومباغااش خوفها يسيطر عليها فهاد اللحظة ومبغاتش تخلي لوساويس يمرضوها تاني..

رحيل:(مغمضة عينيها وبصوت خافت تتهمس لراسها) مغايوقع والو ارحيل داااكشي فااات ونتي خصك تنسااايه اااه نسااايه..

كاتشجع راسها بداك الكلام وتتحاول تسيطر على داك الخوف الطبيعي بحكم تجربتها الفاشلة.. إنسانة تعرضاات الإغتص*اب من طرف راجلها زوج مرات ومحاولة إعتداء من عمو فأكيد غاتكون عندها عقدة من ديك الناحية.. واخا دازو السنين وتعالجات فيهوم ولكن مجرد ماتحطات أمام الأمر الواقع كلشي تبخر وديك القوة رجعات ضعف وخووف.. نزلات راسها لقدام شاداااه بيديها وهي باقا تتهمس وتشجع راسها تاحسات براسها بردات شوية.. عاد ناضت وشافت راسها فلمرايا كان وجهها صفر وشفايفها بياااضو.. زولات إسدالها وفولارها ومدات يديها حلات شعرها وخلاتو ينزل على كتيفاتها.. هزات لاطخوز ودارت شوية دلفغاجو فحناكها وعكر غوز فقط باش ماتبااانش پااال عاد هزات ريحتها ورشااات زوج رشااات فعنقها أو ورشة فمعصم يديها وحكاتهوم مع بعض.. وهزات مشطة سرحات بيها شعرها لي باقي شاد لبوكلاج.. فرقات ديك الگصيصة ونفخاتها شوية وهزات خاتمها لي كانت نساتو تماا لبساتو ويالاه بدات تادقق فشكلو لي كان راقي وداك الحاجب لي كيبان بحال تاج فوق ديك الجوهارة لي تتلمع.. عجبهاا شكلوو وبان زوين فصبعهاا وحمقهاا.. رجعات شافت فراسها قبل ماتخطي خطوة جهة الباب وخرجات.. عينيها كانو كيضورو على لبيت لي كانت خاوية والإضاءة ديالها خفيفة والبالكون محلول والخوامي كيتحركو بالريح.. بان ليها تلفونها محطوط فوق الطابل دونوي هزاتو ولقات فيه بزاف دلنوتيفيكاسيون دلواتس ومع دارتو سيلونس مشافتوش.. تكات على لكوافوزة عاطية بضهرها لباب ودخلات تاتشوف لمساج لي جاوها من لبنات تيطمنو عليها وتاريان ومحمد طه وبيسان مسيفطة ليها مساج.. جوباتهوم كاملين عاد دخلات لمساج دبيسان ولقاتها مسيفطة ليها "مرات خوياا الغزالة هههه غير بغيت نعلمك بلي ليوم عيد ميلاد راجلك باش تعطيه شي كااادو مبرع هه😛😜 "

داخل بخطوات تقالين مدايرش الحس ومع لباب كان مردود مارداتش ليه لبال.. كان مبدل حوايجو بشورط دلقطن حد الركبة فالرمادي مع تيشورت كحلة مزيرة على دراعو وصندالة كحلة ديال الجلد..هز عينو وهي تبان ليه بداك المنظر لي خلاه يحبس خطواتو سامح لعيونو الزورق يتفحصو تضاريسها لي كانو باينين من ديك البيجامة لي جاياهاا مزيرة ومع كانت متكية زادت فورمتها بانت ليه كثر.. طلعها من رجيلاتها لي كانو مزوقين بالحناا ومخشين وسط ديك البانطوفة البيضاا المزغبة.. وبقا مطلع شوفاتو ليها تاوصل لشعرها لي بان ليه قصاار وهو يطلع واحد لحاجب لسماا ونطق بجدية:قطعتي شعرك؟

كانت رحيل منغامسة مع لمساج لي قرات وتتفكر فكلام بيسان تاسمعات كلامو لي خرجها من تفكيرها وضارت لجهتو مقادة فوقفتها وعاد بانت ليه تقطيعة ديال الشعر ولفخونش لي كانت طايحة على رموشها.. حط عينو فعينيها وهو غادي جهتها تاوقف قدامها وهي تنطق بصوت هادئ: أنا غير نقصتو وصاف

نوح:(حك لحيتو ونطق بسخرية)نقصتيه ولاگرجتيه؟؟ ماشي هاكا كانت طولتو نهار شفتو

رحيل:(بدات تاضور فعينيها فاش تفكرات نهار شافها بلاحجاب ونطقات بهدوء تتشرح ليه) تيعدبني فالغسيل حيت طويل بزاف داكشي علاش نقصتو وديك لمرة كنت دايراه مسرح ودابا بوكليتو عليها بان ليك قصير..

مربع يديه كيسمع ليها وهي تاتبرر ليه وعينو على وجهها.. عينيها لي تاتقلبهوم وهي تادوي وشفايفها لي تتعوجهوم مرة مرة بشكل عفوي.. خلاوه يركز معااها ومع كلامها لي نطقات بيه.. نهار شافها بشعرها بقات صورتها محفورة فدماغو ومبغاتش تزول وكل مرة كانت تتوسوس ليه وغير كان كيستغفر مولاه على دوك الأفكار لي كاتجيه.. مد يديه وقاس شعرها لي كان مسرح فوق كتافها.. ملمسو كان رطب قرب نوح بخطوات لقدام تالصق معاهاا وهي بغات ترجع لور ساعة لكوافوز حابساهاا.. هز خصلة من شعرها وقربها لنيفو كيشم ريحتو لي خلاتو يسد عينيه ويتنهد ورحيل تاضور عينيها وداك لقرب خلى ديك العاصفة دلمشاعر ترجع تعصف كيانهاا وروحها من جديد.. حط يديه على لكوافوز مكاليهاا وهز عينو شاف فوجهها لقريب ليه وهي تاتشوف فيه بشوفات متوثرة.. وشفايفها بقوة التوثر غززاتهوم بسنانهاا وديك الحركة بالضبط كانت هي النقطة لي فيضات الكاس.. ضور يديه على خصرها وخدا شفايفها وسط شفايفو الكبار تيبوسهوم ويتلدد بمداقهوم وهي غمضات عينيها فاش حسات بشفايفو تيغتاصبو شفايفها بطريقة خلات الرجفة تسرى معاها.. زاد زير على يديه لي شادها من خصرها تاحسات بصبعانو غايتقبو جلدتها وهي تأوه بخفوت وسط فمو.. غلغل يديه وسط شعرها جارها ليه واقتاحم جدار شفايفها بلسانو تايتلدد بريقها وهي فقط مغمضة عينيها ومستمتعة بديك القبلة لي على قد مكانت حنينة كاااانت متملكة وعنيفة..

كغوص القمر في الليل هكذا اجتاحتني شفتاك.. كانفلاق الصبح من الفجر ذبت بين فيهن ووجدت نفسي في انفراجة شفتاك أغرق وأذوب.. بين يديك نسيت كل العوالم من حولي.. شربت حتى غرقت وبين أنفاسك أضيع وأتلاشى لكنني أحاول أن أتمااسك.. "مقتبس"

كانت تتحس بيه مزير عليها وخاشيها فيه بحال الاباغي يدخلها وسط صدرو.. ويديه لي دافنها فشعرها كانت تتزيد تجرها ليه ومتبت ليها راسها وشفايفو غارقين فشفايفها بحال شي عطشاان لقى فين يروي عطشو هكاك كان.. لسانو كان مخشي وسط شفايفها تايدوق ريقها.. وهي حاسة بالفراشات تيلعبو فكرشهاا بسباب ديك البوسة لي رفعاتهوم بزوج.. كان عاطي لخاطر لكل شفة تيبووسهاا ويمصهاا تاكيخليها تعوج بين يديه.. تغدد عليها وداك الصبر لي صبرو حس بيه تبخر وهي بين يديه.. جمع ليها شفايفهاا فمصة خلاتها تكمش يديها على تيشورت ديالو وقبل مايبعد عضهااا بسنانو تاكمشات حجبانها مقصحة عاد بعد وخيط الريق دايز بناتهوم.. كان صدرو كيطلع وينزل وعينو على شفايفها لي تنفخو ليها وديك التفليحة لي دار ليها بسباب العضة تانزل ليها الدم.. أما رحيل فحسات بشفايفها مبنجين عليهاا وكلها تتنهج وتترعد.. هزات عينيها فيه لقاتو حاضيها بواحد الشوفات فشلوها وطيحو فيها النص.. نزل يديه على طول جسمها تايتحسسو تاوصل لخصرها وهو يزير عليه بزوح يدين تاتأوهااات وهزها بخفة مجلسها فوق الطابل دونوي.. ضورات رحيل عينيها متوثرة وهو حط يديه على فخادهاا وفرق ليها رجيلاتها اوقف وسطهوم ويديه على فخادها تاتيحسسهوم ويزير عليهوم معوج راسو معااها ونطق بهمس خشن: سمعيني صوتك الفثنة ديالي؟

رحيل:(لعقات شفايفها لي حسات بيهوم تنفخو ونطقات بهمس) شنو نقول؟

نوح:(يديه على شعرها تايلمسو بحركات حنانين ونطق بنفس النبرة) لي بغيتي (غمزها) المهم ماتبقايش ساكتة ليا

مغاتنكرش بلي حسات معاه بالرااحة واخا داك التوثر وداك الخوف لي هو طبيعي ولكن لكلام معاه وحركاتو تايخليوهاا ترخى ليه بلاماتحس.. عقلها حضر ليها كلام بيسان وبلي ليوم عيد ميلادو..

رحيل:(رمشات بعويناتها) عيد ميلاد سعيد

نوح:(زاد قرب منها ونطق بهدوء) شكون گالها ليك؟

رحيل:بيسان (كملات بتبرير) يالاه قريت مساجها مكنتش عارفة قبل عليها ماجبتش معايا كادو

قالت ديك لكلمة لخرة وهي حشمانة وهو تبسم ليها وقرب وجهو لوجهها ونطق بخفوت: نتي بالنسبة ليا أحسن كادو الفثنة ديالي

تايحشمها بكلامو لي تيجيب ليها التمام.. سكتها ومخلى ليها شنو تزيد فكلامها.. تبسمات ليه بخجل وهو بعد عليها مخليها جالسة فوق الطابل دونوي متبعة ليه لعين فاش بان ليها حل واحد لكوافوز وجبد منها شي حاجة ورجع جهتهاا تاوقف تاني بين رجليها وهز ديك البواطة لي بين يديه وهي تقرا سمية دلمارك دأحد المحالات دالمجوهراات المعروفة وحلهاا ورحيل عينيها غير على ديك لبواطة لي تحلات وبانت فيها واحد السنسلة ديال لعنق فيها نجيمة زوينة وفوسط النجيمة فيها جوهرة بيضاا صغيرة.. هزها من لبواطة وحلها وقرب يديه زول ليها شعرها لواحد الكتف وتحدر جهة عنقهاا ولبسها ليها وهي كانت تاتحس بأنفاسو كيضربو فعنقهاا.. قادها ليها وعاد بان ديكور ديك السنسلة كانو فيها زوج جوهارات صغار من كل جهة والتعليقة تاتجي فوق ديك الحفيرة لي فالعنق ونازل منها سنيسلة خرا فيها جوهرة على شكل معين.. السنسلة جاتها زوينة على عنقهاا.. تحدر نووح جهة ديك التعلقية وباااسها فيها ورحيل غمضات عينيها فاش حساااات بلحيتو تكاتهاا وبملمس شفايفو السخان على جلدها.. زيرات على يديها وهي تتحس بواحد الشعوور فشكل.. شي مشاعر كيحركهوم فيهاا عمرها حسات بيهوم.. داتها تاترجف وقلبها كينبض بجنون.. هزات راسها لفوق فاش حسات بيه كيطبع قبلات على نحرهاا وطالع لكتفهاا لي كان معري.. حك لحيتو مع عنقها تاهربات وجهها وطلقاتها بضحكة حيت هرهاا.. تبسم لضحكتها وشاف فيها قايل بتبسيمة:تاتهري الفثنة

تيقولها وتيزيد يحك لحيتو ورحيل تاتعوج ليه فوق الطابل دونوي تاشدهاا من خصرها باش ماطيحش ليه..

رحيل:(ضحكات من قلبها) عفاااك لاا هههه كاتهرني

نوح:(لعب بلسانو فمو ونطق بخشونة) تاتهري غير من عنقك ولاكاينة شي بلاصة خرا تتهري منها؟

غموها بالخف وهي حشمات ونطقات بهدوء:غير من عنقي

رجع حك لحيتو من عنقهاا وهي تاتعوج ليه راسهاا وشاداه من تيشورت ونطقات بدلع:نووووح حرااام عليك

جرها من قرفادتها تاهبط ليها راسها جهتوو وحط شفايفو على ديالهاا وعضهووم منهاا تاااضرباتو فصدرو عاد بعد ونطق بصوت أجش: لعسل الحرر

رحيل:(تبسمات ليه رحيل وحطات يديها على سنسلتها وضارت بجنبها تاتشوف فالسنسلة من المرايا ناطقة بإعجاب) حمقاااااتني بزاااف

نوح:(تيشوف فانعكاسها ونطق بهدوء) هاد الساعة نتي لي محمقاااني..

ركز شوفاتو فشوفاتها لي باينين ليه من المراياا.. حسات بحناكها سخاااانين عكس البرودية لي تتحسها فأطرافهاا.. جرئتو معاهاا خلاتها تغرق فحوايجهاا وتسرط لسانهاا واخا تتحاول أنها تجاوب معاه وتبدا تولف ولكن متتقدرش حيت باقي تاتحشم منو وباقي مامولفاااهش.. اكتشفات فيه جانب آخر مكانش تيبينو لحد وهو أنه جريء معااها بلاقياااس..

نوح:فيك الجوع؟

كلامو خلاها تفيق من سهوتها وضور تشوف فيه بتبسيمة خفيفة: اه

نوح:(قال باهتمام) شنو تبغي تاكلي؟

رحيل:لي كان

نوح:(عض على شفتو بنابو وقال بمكر) كاين أناا هاد الساعة

هاهو تاني حشمهاا وسكتهاا.. ضحك نوح بالخف ومد يديه هزها من خصرها ونزلهاا لتحت ونطق وهو مكمش حجبانو: شحال كتوزني؟

رحيل:(تاضور عينيها) 60 كيلو

رجع هزهاا من خصرها وهي لاإراديا حطات يديها على كتافو ونطق بهدوء: خفيفة بزاف؟

رحيل:جيتك خفيفة غير حيت نتا كبير

نوح:(حطها فالأرض وتحدر جهتها هامس ليها) كاااين ماكبر الفثنة هه

شبك صباعو مع صبعانها وجرها وراه وهي تاتستوعب اش قصد بكلاموو تااافهمات وحلات عينيها ورجعات كلهاا حمرة.. خرجو من البيت ورحيل عااد قدرات تشوف الفوق حيت الضواو كانو شاعلين عكس فاش جات.. كانت ديكور الفيرمة قريب لديكور الريااض فالزليج.. نزلو من الدروج وهي حدرات راسها تاتشوف فيديهوم المتشابكين وتبسمااات بهدوء.. نزلو لتحت ونوح ضار جهتها ونطق بهدوء:تبغي تشوفي لفيرمة دابا ولاناكلو هو لول؟

رحيل: لي بان ليك

نوح:(ضار جهتها وشاف فيها هاد المرة بجدية) رحييل ملي نكوون تانسولك على شي حاجة وشنو باغا نبغي نسمع رأيك ماشي تگولي ليا لي بان ليك تفاهمناا

رحيل:(حركات راسها) تفاهمنا

نوح:الله يرضي عليك ودابا شنو باغا الفثنة ديالي؟

رحيل:ناكلو حيت فيا الجوع

نوح:(درعها لعندو تاتخشات تحت باطو) خلاو ليا الفثنة ديالي بالجوع

رحيل:(تتحك يديها مع بعض)لا غير ماقدرتش ناكل براحتي وصاف

كملو طريقهوم تالكوزينة وشعل نوح الضو ورحيل عينيها تاتشوف فديك الكوزينة لي كانت قدها قداااش كبيرة ومجهزة بكلشي وفيها طبلة كبيرة محطوطين فوقها طباسل مغلفين بپابي أليمينوم.. داها لطبلة وجر كرسي تاجلسات ومشى لثلاجة جبد عصير وزوج كيسان ورجع جلس جنبهاا.. تايعري على دوك الطباسل لي كانت فيهوم اللحم مشوية والكفتة والكبدة والدجاج مشوي وطبسيل فيه شلاظة وزيتون وأي حاجة تشهات خاطرك تلقايها تم.. حيت باقي متيعرفش هي شنو كيعجبها داكشي علاش جاب كلشي.. هز طبسيل نقي وبدا كيحط ليهاا وفنفس الوقت نطق بهدوء:معارفش اش كيعجبك داكشي علاش جبت كلشي

رحيل:كناكل تقريبا كلشي مكيعجبنيش غير لحوت بزاف

نوح:(ضار جهتها وهز حجبانو) وعلاش داك النهار ماقلتيهاااش لياا ملي طلبتو ليك الغداا؟

رحيل:(رجعات شعرها ورى ودنيها) هو أنا كنااكلو ماشي مكناكلوش غير ماشي بزااف يعني بعض المرات تترشق ليا عليه وصااف

نوح:قوليها ديك الساعة باااش ناخد ليك حاجة خراا ماشي ديري ليا لخاطر وفلخر تبقاي بلاغداا

رحيل:(تتاكل اللحم لي حط ليها) لا راه كليت لي قديت عليه وداك لپلا كان تيشهي صرااحة

نوح:عندهوم لحوت زوين فريش وداكشي بنين (حط ليها كاس دلعصير وتكى على الكرسي هاز كاسو) كتاكلي بعدا هادشي لي جايب ولاغير دايرة ليا لخاااطر

رحيل:(ضورات وجهها جهتو وضحكات)ههه لا والله تكناكلو هانتا شوف..

هزات الدغمة وكلاتها وهو تبسم على تصرفهاا وحط يديه ورى ضهرها ونطق بحنية:يالاه تعشاااي ولابغيتي حاجة خرى نجيبها ليك

رحيل:(سرطات ديك الدغمة بزز فاش حسات بيديه طالعة نازلة على ضهرها وقالت بهدوء) الله يجعل البرااكة (شافت فيه)مغاتاكلش؟

نوح:(غمض عينو بالخف)تعشييت مزيااان

رحيل:(رجعات تتاكل ويديه على ضهرها مزولهااش مدة تارجعات نطقات بهدوء) واش مكاينش شي حد هنا؟

نوح:(حك لحيتو)كاينين غير أنا والفثنة ديالي هاد الساعة

رحيل:(ضورات عينيها)وديك المرا لي كانت ديك المرة هنا

نوح:هاديك مراات بّاسالم عندهوم داار جنب الفيرمة مي بعيدة شوية ولكن مكينينش فدارهوم

رحيل:واش هوما ديما هنا ؟

نوح:(تحنى جهة الطبلة وحط لكاس وضار شاف فيها بهدوء) اه بّا سالم هو لي مكلف بالفيرمة ولخدامة لي فيها ومرتو راه رادة البااال لدار والجنان تاهو

حركات راسها وسكتات تاتكمل ماكلتهاا تاحسات براسها كلات واخا ماشي بزاف مهم سدات جوعها.. هزات كلينيكس تتمسح بيه يديها ونطقات بخفوت:الحمدلله شبعت

شاف فطبسيلها لي غرف ليها فيه ولقى نص مقاصتووش وهو يهز حاجبو وقال بجدية:اش كليتي؟

رحيل:(شربات الما) كليت لي قديت عليه

نوح:ماكلتك قليلة واش ديما هاكا ولاغير حيت أنا كاين؟

رحيل:(تبسمات بحرج)لا راه غير شبعت وصاااف

نوح:(ضار جهتها حاط يديه على لكرسي وتحدر لوجهها)زعمة؟

رحيل:اه والله

ضحك بهدوء على عفويتها وحس بيها أنها بدات تولفو شوية وتتهضر معااه وتحاور معاااه وهادشي تقدم زوين لعلاقتهوم لي يالاه بدات..تحنى باسها فشفايفها بوسة سطحية وناض تايجمع دوك الطباسل وتاهي ناضت باش تعاونو وهو ينطق بجدية:نتي غير رتاااحي لياا أنا نتكلف..

جمع كلشي ورد الماكلة لثلاجة باش ماتخسرش والطباسل لموسخين جمعهوم فمكينة دالمواعن عاد قرب جهتها وشد يديها مرة خرا وخرجها من الكوزينة غادي يوريها الداار.. كانو عينيها تيكتاشفو الدار لي حمقاتها بفراشها وديكورهاا وماخلى تاقنت وماوراها ليهاا تاوصلات لحمام وهي تنطق بهدوء:أنا جايا

حرك راسو ودخلات قضات حاجتها وغسلات يديها وشلالات فمهاا ومع لقات تما دونتيفريست هزاتو غير بصبعها وحكات سنانها باش تزول ريحة لماكلة وشلالت فمها عاد خرجات عندو لقاتو متكي على لحيط ومربع يديه.. عجبها بداك الستيل السپور لي لابس وجاها مختالف على كيف مولفة تشوفو.. هز عينو فيها فاش تحل لباب وغير جات لجهتونطق بهدوء:أجي معايا

شد يديها وتمشى بيها لجهة الباب حلو وخرجو لبرا ورحيل شافت فنوح: مادايرااش فولاري؟

نوح:(ضار لعندها ونطق بجدية) مكاين لاش حيت تاواحد مكاين هناا والطريق مسدودة مكدخلش (زاد جهتها مكمش حجبانو وقال بخشونة) وكون كاان هنا شي حد مكنتش غانخرجك بهاد الحااالة ونخلي الرعوااانين يتمنظرو لياا فمرتي..

تسيفتو خلاتها تسرط هضرتها وتسكت وتاهو معاودش هضر وكمل طريقو وهو شاد يديها تاوصلو لمور الدار وهي تحل رحيل عينيها فاش باان ليهاا حصان مربوط مع واحد الشجرة وماحدهوم تايقربو جهتو ماحد رحيل تادقق فيه وعرفاااتو.. وكيفااش غاتنساه وهي نهار جات لفيرمة وشافتو حمقهااا داك لحصااان بلونو القهووي وضخامتوو لي تتسلب لعين وبلاشعرو لمسبسب وديك العلامة البيضاا لي فوجهوو بين عينيه.. وصلو حداه ونوح طلق يديها وحطها فوق الحصان لي كاان تيحرك راسو ويصهل.. ضار نوح جهتهاا ونطق بتبسيمة: اجي تركبي

رجعات رحيل بزوج خطوات لور ونطقات بسرعة:لا لا مبغيتش شكراا

عمرها غاتنسى الشوهة لي تشوهاات نهار زغبها الله وركبات عليه.. باقي لدابا تاتفكر داك الفلاش وكيفاش كانت تاتنقز فوق ضهرو بحال لگلية حسات بالإجراج وحناكها حمااارو.. بصح عجبها وبغات تجرب تركب عليه ولكن مع شي لي طرا حرمااات.. كمش نوح حجبانو وقرب جهتها ناطق بهدوء: علاش مبغيتيش؟

رحيل:(تاتشير لحصان)مانقدرش نركب عليه تايخلعني

نوح:(هز فيها حاجبو) ديك لمرة فاش ركبتي ماخلعكش ارااي يديك الفثنة وبلاخوووف

رحيل:(سرطات ريقها) غايطيحني

نوح:(شد يديها وباسها ونطق بحنية)أناا كاين معاااك يالاه زيدي

داها جهة لحصان وهي مخلوعة.. باغا تركبو ولكن خافت يديرها بيها تاني..

نوح:(تيوريها بهدوء)حطي رجليك هناا

شد يديها وهي حطات رجليها فين قال ليها تاحسات بيه هزها وجلسها فوق الحصان لي تحرك وهي تشد فيه ونطقات بخوف:غانطيح

فك ليه الربطة لي شادو بيه مع الشجرة وماعرفات كيف دار تاكااان ركب وراهاا وضور يديه على كرشهاا شادها ونطق بهدوء: هو مولفني غير أنا داكشي علاش ديك المرة هاااج وكان غايطيحك

كان الحصان كيتحرك بيهوم بشوية ورحيل طمنات حيت هو معاها وشادهاا من كرشهاا وزيد متحكم فالحصان حيت ديالو ومولفو..

رحيل:(بهدوء) وعلاش سيدرا فاش تتركب على لحصان مكيديرش ليها هاكاك؟

نوح:(تبسم وحط دقنو على كتفها) حيت كيف قلت ليك 'أيور' عندو مولاه لي هو أنا ومولفني بوحدي ماشي بحال الأحصنة لي كدرب عليهوم سيدرا هوما مولفين (تبسم بالخف) تاتبيرت إينو أصلا زعايمية ماشي بحال مها خوافة

رحيل:(كمشات حجبانها وضارت بوجهها جنب تاقاس نيفها نيفو) بغيتي تقول أناا خوااافة

شد نوح اللجام دأيور تاوقف بيهوم وسط الربيع وزاد زير على يديه لي شداهاا ومامنعش راسو بتاتا من أنه يبوسهاا ففمها وهي قريبة ليه ونفسها كيضرب فوجهوو.. غفلهاا تاااني كيف عادتو وشفايفو تايتحركو بلمهل على شفايفها وهي جامدة بلاصتها خايفة تحرك وطيح.. بوساتو تايفشلو ليها لما فالركابي وتايخليها معارفة مادير من غير تجمد ومع أصلا ماعندهاش تجربة فكتبقا غير مكمشة.. طلق من اللجام حيت عارف بلي الحصان مغايتحركش وشد راسها متبتو وهو باقي كيتعمق فديك البوسة.. مرة يبوسها فشفتها لفوقانية مرة التحتانية مرة يجمعهوم بزوح ويسرطهوم بين شفايفو لكباار تابعد ونطق بخشونة:حلي فمك

مغمضة عينيها وصوتو خلاها بلاماتشعر تنفد كلامو حالة شفايفهاا وهو خشى لسانو ففمها تايمص ريقها ويلعب بلسانو فداخل ملذذ.. كان صوت البوسة كاتسمع ومع الليل والسكاات من غير صوت الكلاب لي كينبحو وصوت الما لي كيترش فالربيع والگمرة لي كانت مضوية سماهاا شاهدة على بوستهووم.. بلاشعور منها كانت تتحرك شفايفها بطريقة خلاتو يشعل ويديها حطاتها ورى عنقو شاداه وهادشي غير مكان تيزيد يخليه يغرق فشفايفهاا ويقصح معااها تاكتأوه ليه وطلق صوت تيزيد يخليه ينسى راسو.. بعد عليها وخلاها غير طلعات النفس ورجع تاااني جارها من قرفادتهاا تايبوس فيها مغدد عليها.. خشى يديه تحت بيجامتها وغير قاس لحمها وهي تشووك وحسات بسرب النمل طالع معااها وهو تيحرك يديه بالخف على كرشهاا ويوضورها على ضهرها مطلعهاا بحركات تاتقتل.. بعد على شفايفها مخليهوم حمررين ومنفوخين ودوز لساانو عليهووم بالمهل وهي غمضات عينيها وقلبها شوية ويسكت.. تاهبط بلسانو مع عنقهاا وباسهاا فعضم الترويقة لي باااين وعضهااا بسنانو..

رحيل:(بخفووت)همم نووح (كمشات عنقها) اااي

نوح:(شاف فيها وعينو منيمين عليها ونطق بهمس) تلفتينا على القبلة الفثنة..

يتبع...